VOAL

VOAL

Copyright © 2022

VOAL

SHBA

Raporti i Prokurorit të Posaçëm Mueller, mbi 300 faqe

Raporti ende sekret i Prokurorit të Posaçëm, Robert Mueller për ndërhyrjen ruse në zgjedhjet presidenciale të vitit 2016, është mbi 300 faqe, thanë të enjten zyrtarët, ndërsa demokratët kërkuan përsëri që Prokurori i Përgjithshëm, William Barr të publikonte dokumentin e plotë, pasi ai nxorri vetëm një përmbledhje prej katër faqesh fundjavën e kaluar.

“Na trego raportin. Nuk kemi nevojë që ta interpretosh për ne. Duhet të shohim se cilat janë faktet. Nuk kemi nevojë që prokurori i përgjithshëm të interpretojë diçka që duhet të na e japë (të plotë)”, tha Kryetarja demokrate e Dhomës së Përfaqësuesve, Nancy Pelosi.

Zoti Barr citoi vetëm 65 fjalë nga raporti i zotit Mueller në përmbledhje, megjithëse ai përshkroi një pjesë të materialit që prokurori i posaçëm kishte mbledhur.

Në një letër të dielën drejtuar udhëheqësve të Kongresit, që gjithashtu e bëri publike, Prokurori i Përgjithshëm Barr tha se zoti Mueller kishte arritur në përfundimin se Presidenti Donald Trump dhe fushata e tij nuk kishin bashkëpunuar me Rusinë për ta ndihmuar atë të fitonte, por nuk kishte ndonjë përfundim nëse zoti Trump, si president kishte penguar drejtësinë, duke u përpjekur të frenonte hetimin.

“Megjithëse raporti nuk arrij në përfundimin se Presidenti ka kryer krim, ai nga ana tjetër nuk e nxjerr atë të pafajshëm”, citoi zoti Barr raportin e zotit Mueller.

Nisur nga interpretimi i tyre i raportit, zoti Barr dhe zëvendës Prokurori i Përgjithshëm, Rod Rosenstein vendosën që nuk akuzat kundër Presidentit Trump, nuk do të ishin të përligjura.

Por besohet se asnjë ligjvënës nuk e ka parë raportin.

Pavarërisht nga fakti që zoti Mueller nuk kishte arritur ndonjë përfundim për pengimin e drejtësisë, zoti Trump këtë javë ka pretenduar shfajësim të plotë, duke thënë se zoti Mueller nuk kishte gjetur “as bashkëpunim të qëllimshëm, as pengim, asgjë!”

Zoti Barr tha në përmbledhjen e tij se do të bënte publike të gjithë atë pjesë të raportit, sa ç’lejojnë rregullat e Departamentit të Drejtësisë, pasi të redaktohet materiali i klasifikuar sekret dhe dëshmitë konfidenciale që ka dëgjuar një juri e madhe dhe hetuesit e grupit të punës të drejtuar nga zoti Mueller.

Demokratët kanë kërkuar që ai t’ia dorëzojë raportin Kongresit deri të martën, por zoti Barr i tha kryetarit demokrat të Komisionit Juridik të Dhomës së Përfaqësuesve, Jerrold Nadler, se raporti do të dorëzohet brenda “javësh, jo muajsh”. Megjithatë, zoti Barr ra dakord të dëshmonte para komisionit të drejtuar nga zoti Nadler për raportin.

Pas përfundimit të Prokurorit të Posaçëm, Mueller se zoti Trump dhe fushata e tij, nuk kishin bërë konspiracion me Rusinë, presidenti dhe aleatët e tij republikanë, sulmuan të enjten një nga kritikët më të ashpër të presidentit, kreun demokrat të Komisionit të Dhomës së Përfaqësuesve, Adam Schiff, që ka vazhduar të këmbëngulë se veprimet e zotit Trump para dhe pas zgjedhjeve, përbënin bashkëpunim të qëllimshëm me Rusinë.

“Kongresmeni Adam Schiff, që prej dy vjetësh vazhdon me vetëdije dhe në mënyrë të paligjshme të gënjejë dhe të nxjerrë informacion, duhet të detyrohet të japë dorëheqjen nga Kongresi”, tha Presidenti Trump në Twitter.

Në një shfaqje të rrallë mllefi, nëntë republikanët e pakicës në komisionin që ai drejton, i thanë zotit Schiff, një kongresmen nga Kalifornia, se nuk kishin “besim” tek drejtimi i tij i Komisionit të Zbulimit dhe kërkuan dorëheqjen e tij.

Zoti Schiff refuzoi i indinjuar dhe tha se disa nga veprimet e zotit Trump dhe ndihmësve të tij, përbënin “bashkëpunim të qëllimshëm” dhe “komprometim”.

Ai përmendi një sërë kontaktesh të fushatës së zotit Trump me Rusinë, përfshirë takimin e të birit të tij, Donald Trump Jr. me një kontakt rus që kishte premtuar informacion inkriminues ndaj rivales së tij demokrate, Hillary Clinton dhe diskutimet e ish-këshilltarit të tij të sigurisë kombëtare, Michael Flynn me ambasadorin e atëhershëm rus në Uashington, para se zoti Trump të fillonte detyrën në fillim të vitit 2017.

“Ju mund të thoni që kjo nuk përbën problem. Mund të thoni se pikërisht kjo ju duhet që të fitoni, Por unë nuk mendoj kështu. Mendoj se është e pamoralshme, Mendoj se është joetike. Mendoj që është jopatriotike dhe po, mendoj se është korruptive dhe provë e një bashkëpunimi të qëllimshëm”, u tha ai anëtarëve republikanë të Komisionit.

“E kam thënë gjithmonë se pyetja nëse kjo përbën konspiracion, është tjetër çështje. Por unë nuk mendoj se një sjellje e tillë – qoftë kriminale ose jo – është e pranueshme. Dhe dita kur kjo do të na duket e pranueshme, do të jetë dita kur Amerika të ketë dalë nga udha e saj”, shtoi ai.

DASH: Shqipëria gjithnjë e më shumë vend tranzit për drogat e forta

Departamenti amerikan i Shtetit i dorëzoi të enjten Kongresit raportin vjetor për strategjinë e luftës ndërkombëtare kundër narkotikëve.

Në pjesën për Shqipërinë, DASH thotë se ky vend është njëkohësisht burim i kanabisit dhe, gjithnjë e më shumë, një vend tranzit për kokainën dhe heroinën.

Në këtë raport që mbulon vitin 2018, Departamenti i Shtetit thotë se tranziti i kanabisit si dhe i drogave të forta komandohet kryesisht nga elementë të krimit të organizuar që transferojnë droga të paligjshme nga vendet burim për në tregjet evropiane.

Vëllimi i konfiskimeve të drogës dhe arrestimet e lidhura me drogën në vitin 2018, thuhet në raport, ishin me rëndësi, të nxitura kryesisht nga bashkëpunimi i organeve ligjzbatuese me partnerët ndërkombëtarë, presioni ndërkombëtar në rritje dhe përpjekjet e Shqipërisë për të hyrë në Bashkimin Europian.

Sipas raportit, roli i Shqipërisë si burim apo treg për droga të paligjshme përtej kanabisit është i vogël, por ka pasur një rritje në konfiskimet e kokainës që kalon nëpër Shqipëri për në Europë, përveç zbulimit të laboratorëve të përpunimit të heroinës dhe kokainës në Shqipërinë veriore dhe qendrore. “Grupet kriminale shqiptare e trafikojnë kokainën dhe heroinën drejt tregjeve evropiane nga vendet burimore në Amerikën e Jugut dhe Azi.”

Në raport thuhet se korrupsioni në të gjitha nivelet e qeverisjes e kufizon efektivitetin e përgjithshëm të luftës kundër narkotikëve.

Korrupsioni zyrtar, thuhet aty, është i përhapur dhe nxit një mjedis në të cilin trafikantët e drogës janë mjaft të aftë të veprojnë pa u ndëshkuar.

Sipas raportit, përpjekjet për të çrrënjosur kanabisin dhe ndjekur penalisht kultivuesit e tij kanë qenë të gjera, por jo kudo njëlloj, dhe ndërhyrja në infrastrukturën e trafikimit të drogës që është krijuar gjatë dy dekadave përbën një sfidë.

Raporti thotë se shkalla e lartë e papunësisë dhe sundimi i dobët i ligjit kanë krijuar një ambient ideal për grupet e krimit të organizuar që shkaktojnë problemin e kontrollit të drogës në Shqipëri.

PASTRIMI I PARAVE

Në pjesën e raportit për pastrimin e parave, Departamenti i Shtetit thotë se gjatë vititt 2018 qeveria e Shqipërisë nuk bëri përparim të rëndësishëm për parandalimin e pastrimit të parave dhe krimeve financiare. Si shkak për këtë, raporti e ve gishtin te korrupsioni, rritja e rrjeteve të krimit të organizuar dhe institucionet e dobëta ligjore dhe qeveritare.

Në raport thuhet se ekonomia e vendit operon në masë të madhe me cash dhe në mënyrë informale, me hyrje të konsiderueshme të parasë nga jashtë në formë të dërgesave të emigrantëve. Krimet që gjenerojnë më shumë para në Shqipëri janë trafikimi i drogës, evazioni fiskal dhe kontrabanda, sipas DASH.

Elementë të tjerë me rëndësi në këtë aspekt, sipas raportit, janë falsifikimi, kontrabanda e armëve dhe trafikimi i qenieve njerëzore.

Shqipëria, thuhet në raport, shërben si bazë operacionesh për grupet e krimit të organizuar që veprojnë në Shtetet e Bashkuara, Evropë, Lindjen e Mesme dhe Amerikën e Jugut.

Reformat e fundit në drejtësi, verifikimi i gjyqtarëve dhe prokurorëve për korrupsion dhe për lidhjet me krimin e organizuar si dhe krijimi i një task-force policore që synon aktivitetet e krimit të organizuar, thuhet në raport, kanë krijuar një trajektore pozitive që Shqipëria të trajtojë çështjen e pastrimit të parave dhe të krimeve financiare.

Megjithatë, përfundon raporti i DASH, korrupsioni i përhapur përbën një sfidë për zgjidhjen e tyre.

Raporti vjetor për strategjinë e luftës ndërkombëtare kundër narkotikëve, i kërkuar nga Kongresi dhe i ndarë në dy vëllime, vlerëson përpjekjet e qeverive të huaja për të reduktuar prodhimin, trafikimin dhe përdorimin ilegal të drogës, si dhe punën e tyre për të luftuar pastrimin e parave që lidhen me trafikimin e drogës.

Raporti nisi të botohej në vitin 1986 dhe publikimi i tanishëm mbulon vitin kalendarik 2018.

Trump: Trupat ruse duhet të largohen nga Venezuela

Presidenti Trump thotë se trupat ruse duhet të largohen nga Venezuela, duke shtuar se “të gjitha opsionet mbeten të hapura” për ta realizuar këtë.

Presidenti i Shteteve të Bashkuara po i referohej dy avionëve të forcave ajrore ruse, të cilët zbritën të shtunën pranë Karakasit me afro 100 trupa ruse në bord. Shtetet e Bashkuara besojnë se në radhët e këtyre trupave ka forca speciale dhe ekspertë të sigurisë kibernetike.

“Rusia duhet të largohet,” u shpreh presidenti gjatë një takimi me zonjën Fabiana Rosales, gruaja e udhëheqësit të opozitës venezueliane, Juan Guaido.

Nënpresidenti i Shteteve të Bashkuara, Mike Pence e quajti dërgimin e trupave ruse në Venezuelë “një provokim të panevojshëm”.

Zoti Pence i bëri thirrje Rusisë të mbështesë opozitën dhe të bashkohet me vendet e tjera që e kanë deklaruar se regjimi i Presidentit Maduro nuk gëzon më legjitimitet.

Udhëheqësi i opozitës, Juan Guiado, duke iu referuar kushtetutës së vendit, e shpalli jo-legjitime qeverisjen e zotit Maduro dhe mori vetë përgjegjësitë e presidentit në detyrë në fund të janarit.

Wesley Clark: Njëzet vjet më parë ndalëm spastrimin etnik në Kosovë

Ish komandanti i lartë i NATO-s, Wesley Clark, i cili drejtoi fushatën e bombardimeve të NATO-s kundër forcave serbe në vitin 1999, tha në një intervistë për shërbimin rus të Zërit të Amerikës se bombardimet ndaluan spastrimin etnik në Kosovë dhe NATO-ja nuk kishte zgjidhje tjetër.

Ai tha se përpjekje për të shmangur luftën në Kosovë ishin bërë që në fillim të viteve të 90-ta kur perëndimi u bë i ndërgjegjshëm për gjendjen e rëndë në Kosovë. Atëherë presidenti George H. Bush paralajmëroi presidentin serb, Sllobodan Millosheviç, se do të përballet me pasoja të rënda nga Shtetet e Bashkuara nëse fillon spastrimin etnik të shqiptarëve të Kosovës, në atë që quhej paralajmërimi i krishtlindjeve në dhjetor të vitit 1992.

Ai kujtoi përfshirjen e Shteteve të Bashkuara në Bosnje dhe rolin e tyre për arritjen e marrëveshjes së Daytonit që i dha fund luftës atje dhe në atë kohë tha ai, janë bërë përpjeke për të biseduar me Sllobodan Millosheviçin, për cështjen e Kosovë, por ai kishte refuzuar duke e cilësuar atë si “çështje të brendshme”.

Gjenerali Clark përshkroi situatën e rëndë në Kosovë dhe shkeljet e shumta të të drejtave të njeriut nga autoritetet serbe. Ai kujtoi sulmin mbi familjen Jashari në fshatin Prekaz të komunës së Skenderajt në Kosovën qendrore në fillim të vitit 1998 ku u vranë 54 anëtarë të familjes që shënoi edhe fillimin e luftës së armatosur.

“NATO-ja lëshoi një paralajmërim në takimin e ministrave në muajin maj dhe pastaj unë mora detyrën të përgatis planet në maj të vitit 1998. Ambasadori Richard Holbrooke, shkoi në qershor dhe u takua me Slobodan Millosheviçin dhe më lidhi në telefon me të dhe i thashë; të lutem mos ua bëj këtë shqiptarëve. Ai më tha, gjenerali Clark, ata janë njerëzit e mi dhe nuk do t’i lëndojë. Por, sigurisht kjo ishte një gënjeshtër sepse spastrimi etnik tashmë po ndodhte”.

Ai tha se kishin vazhduar paralajmërimet dhe në vjeshtën e vitit 1998 Kombet e Bashkuara miratuan rezolutën 1199 të forcuar më planin e veprimit të NATO-s. Përpjekjet e të dërguarit amerikan Christophet Hill, nuk dhanë rezultate ndërsa pas masakrës së Reçakut, një fshat në jug të Prishtinës ku u vranë 45 civilë shqiptarë, filloi procesi i negociatave në Rambouillet, Atje Serbia refuzoi të nënshkruajë marrëveshjen që i jepte Kosovës vetëqeverisje thelbësore dhe parashihte vendosjen e trupave të NATO-s në terren për të siguruar zbatimin e marrëveshjes. NATO-ja pas spastrimit të ri etnik të shkallë të gjerë në mars të vitit 1999, nuk pati zgjidhje tjetër përveç ndërhyrjes, tha ai.

“Ne përdorëm forcën vetëm si zgjidhjen fare, fare të fundit. Por, NATO-ja nuk mund të lejonte një raund të ri të spastrimit etnik nga serbët. Sapo kishim ndaluar një gjë të tillë në Bosnjë dhe nuk mund të lejonim një gjë të tillë të ndodhte sërish në Kosovë dhe prandaj u përgjigjëm me forcë, pasi provuam të gjitha mundësitë tjera. Dhe pasi që rusët refuzuan të ndihmojnë…. Pikëpamja ruse ishte se kjo është çështje e brendshme serbe dhe nëse ata duan të vrasin një milion njerëz, kjo është e drejta e tyre. Por kjo nuk është pikëpamja jonë. Ne besonim në të drejtën e çdo individi që të ketë liri dhe dinjitet në pajtim me deklaratën e Kombeve të Bashkuara për të drejtat e njeriut dhe nuk mund të lejonim tragjedinë njerëzore të godiste sërish Kosovën”.

Kur bombardimet filluan më 24 mars, tha ai, askush nuk e dinte se si do të përfundonte e tëra.

“Mund të përfundonte me pushtim të plotë të Jugosllavisë dhe ishte në duart e Millosheviçit. Dhe ai më në fund e kuptoi se të jesh kundër NATO-s është e pafrytshme dhe u dorëzua”.

Gjenerali Clark hodhi poshtë pohimet ruse sipas të cilëve ka pasur shumë të vrarë nga bombat e NATO-s dhe ndërhyrja e saj ishte e paligjshme dhe e padrejtë. Ai përmendi faktin se para se të goditej ndërtesa e Radiotelevizionit të Serbisë, Sllobodan Millosheviçi ishte paralajmëruar në mënyrë që të shmangeshin viktimat.

“Ideja nuk ishte të vriten njerëzit por të ndërpritej spastrimi etnik në Kosovë, që po e kryenin trupat e tij dhe ai nuk mund t’i shmangej përgjegjësisë”.

Ai përmendi fshehjen e trupave të shqiptarëve të vrarë, përfshirë edhe zbulimin e kamionit frigorifer me trupat e shqiptarëve në Serbi. NATO-ja tha ai, bëri gjënë e duhur, ndaloi spastrimin etnik.

“1.4 milionë shqiptarë u dëbuan nga shtëpitë e tyre. 900 mijë ikën në Shqipëri. 500 mijë fshiheshin pyjeve. Serbët po i ndiqnin dhe po përpiqeshin t’i vrisnin. Ne i dhamë fund tërë kësaj dhe jam krenar për atë çfarë bëri NATO-ja”.

Rusia, tha ai, ishte në anën e gabuar të historisë në rastin e Kosovës. Duke kujtuar periudhën e 12 qershorit të vitit 1999, kur trupat e tij ishin gati të hynin në Kosovë, ai tha se një kontingjent trupash ruse ishte futur fshehurazi në Kosovë nga Bosnja dhe ishte vendosur në aeroportin e Prishtinës, duke e ndërlikuar hyrjen e NATO-s. Por, ai mohoi të ketë kërkuar përplasje me rusët nga komandanti i trupave paqeruajtëse të NATO-s atëbotë, gjenerali britanik Mike Jackson. Ai tha se gjenerali Jackson nuk kishte pranuar të dërgojë helikopterët në aeroportin e Prishtinës, por nuk i është kërkuar kurrë të sulmojë trupat ruse.

Fruthi nxit gjendje të jashtëzakonshme në një qark të Nju Jorkut

Një qark në Nju Jork ka shpallur gjendje të jashtëzakonshme pas raportimeve se është duke u rritur numri i personave të prekur me sëmundjen e fruthit.

Qarku Roklland, në veri të qytetit të Nju Jorkut, u ka ndaluar fëmijëve të pavaksinuar që të qarkullojnë në hapësira publike.

Shkelësit e këtij urdhri do të ndëshkohen me 500 dollarë gjobë dhe rreth gjashtë muaj burgim.

Ky njoftim ka ardhur pas raportimeve për përhapje të kësaj sëmundjeje në Uashington, Kaliforni, Teksa dhe Illinois.

Shkalla e vaksimimit ka rënë shumë në Shtetet e Bashkuara, pasi prindërit përmendin një varg arsyesh filozofike apo fetare, si dhe dilemat se këto lloje të vaksinave mund të shkaktojnë autizëm te fëmijët.

“Ne nuk do të qëndrojmë ulur derisa fëmijet e komunitetit tonë janë në rrezik”, ka thënë shefi ekzekutiv i qarkut Roklland, Ed Day.

“Kjo është krizë e shëndetit publik dhe është koha të veprojmë”, ka shtuar ai.

Italia u kushtëzon fëmijëve shkollimin me vaksinim

Sa i përket Evropës, vetëm në vitin 2018 janë raportuar 82,500 raste të prekur me këtë sëmundje, duke shënuar kështu shifrën më të lartë në dekadën e fundit.

Organizata Botërore e Shëndetësisë ka thënë se lëvizja kundër-vaksinimit do të jetë një nga rreziqet kryesore për shëndetin e njeriut më 2019.

Me 10 milionë kopje të shitura, libri i Mishelle Obamas drejt rekordit

VOAL – Libri i Michelle Obama ‘Becoming’ është në rrugë për t’u bërë autobiografia më e suksesshme në historinë e botimeve, duke shitur më shumë se 10 milionë kopje deri tani. Kështu deklaroi Bertelsmann, kompania e kryesuar nga shtëpia botuese Penguin Random House. “Ne besojmë se autobiografia mund të bëhet më e suksesshmja në histori”, thekson Thomas Rabe, drejtori menaxhues i Bertelsmann. Parashikimi vjen me botimin e rezultateve vjetore të Bertelsmann, i cili mbylli vitin 2018 me të ardhura prej 17.7 miliard euro, niveli më i lartë që nga viti 2007 në sajë të ‘Becoming’. ansa

SHBA-ja planifikon dërgimin e astronautëve në Hënë brenda pesë vjetësh

Nënpresidenti i SHBA-së, Mike Pence, tha se vendi synon të dërgojë astronautët në Hënë deri në vitin 2024.

Pence e bëri premtimin në një fjalim në Alabama, duke thënë se ndër astronautët do të ishte edhe një grua.

“Plani i kësaj administrate të SHBA-së është që të rikthejë austronautët në hënë brenda pesë viteve të ardhshme”, tha ai.

“Më lejoni të jem i qartë, gruaja e parë dhe një astronaut tjetër do të nisen nga raketa amerikane dhe nga toka amerikane”, deklaroi Pence.

Muaji korrik i këtij viti shënon 50 vjetorin e zbarkimit të parë të njeriut në Hënë.

Astronautët e Apollo-s të NASA-s ishin të fundit që ecën në hënë më 1972, dhe asnjë vend deri tani nuk ka bërë një përpjekje serioze për të dërguar njerëzit në Hënë.

Për dekada me radhë, administratat amerikane kanë shkuar shqyrtuar mes Hënës dhe Marsit si një prioritet për eksplorimin e hapësirës.

Ish presidenti, Barak Obama, favorizoi Marsin si destinacionin e ardhshëm të madh të astronautëve, ndërsa Presidenti Donald Trump shtyu përpara planet për Hënën.

Pence nuk dha asnjë çmim se sa mund të kushtojë ky udhëtim. Por NASA ka rritur përpjekjet e saj për t’u bashkuar me kompanitë private, si SpaceX dhe Boeing, për të zgjeruar aftësinë për të dërguar njerëzit në hapësirë.

Brenda disa javësh bëhet publik një version i raportit të Muellerit

Prokurori i Përgjithshëm në SHBA, William Barr, tha se planifikon që brenda pak javësh, të bëj publik një version të raportit të këshilltarit të posaçëm, Robert Mueller, i cili thotë se fushata e Presidentit Donald Trump në vitin 2016 nuk bëri komplot me Rusinë.

Kreu i Departamentit të Drejtësisë, William Barr, më 24 mars i dorëzoi Kongresit vetëm një përmbledhje prej katër faqësh të raportit.

Por, ai tha se kishte nevojë për më shumë kohë për të përcaktuar se sa mund të bëhej publike nga përmbajtja e raportit.

Një zyrtar i paidentifikuar nga Departamentit të Drejtësisë u tha gazetarëve më 26 mars se plani i Barrit ishte që “brenda disa javësh dhe jo muajsh” të bënte publik një version të raportit.

Ndërkohë, Demokratët e Kongresit kanë kërkuar që prokurori Barr, deri më 2 prill, të iu dorëzojë të gjithë raportin. Sipas kësaj, Departamenti i Drejtësisë do të kishte vetëm një javë kohë për të përfunduar shqyrtimin e tij.

Disa pjesë të raportit të fshehtë të Muellerit përmbajnë materiale sekrete. Rregullat federale në përgjithësi e ndalojnë qeverinë tëbëj publik këtë informacion për publikun.

Raporti gjithashtu përmban informacion rreth hetimeve penale në vazhdim që Muelleri iu referua zyrtarëve tjerë ligjorë në SHBA.

Prokurori i përgjithshëm i Shteteve të Bashkuara, William Barr, tha në një letër drejtuar ligjvënësve amerikanë se hetimet e këshilltarit të posaçëm, Robert Mueller, në lidhje me fushatën e zgjedhjeve presidenciale më 2016, nuk kanë gjetur se presidenti Donald Trump ka kryer krim, por, në të njëjtën kohë, nuk e shfajësojnë atë.

Në letër po ashtu thuhet se dëshmitë e mbledhura nga Mueller “nuk janë të mjaftueshme” për të konstatuar se Trump e ka penguar drejtësinë.

Presidenti Trump sulmon mediat për mbulimin e hetimit të ndërhyrjes ruse

Presidenti Donald Trump sulmoi mediat kryesore amerikane të martën, duke thënë se ato janë duke u dënuar në të gjithë botën.

“Media kryesore janë duke u kritikuar dhe duke u përbuzur në të gjithë botën si të korruptuara dhe të rreme,” shkroi zoti Trump në Twitter. “Për dy vjet ato nxitën gënjeshtrën për një marrëveshje të fshehtë me Rusinë, ndërsa e dinin se ajo nuk ekzistonte. Ato vërtet janë armiku i popullit dhe partia e vërtetë e opozitës!” Presidenti Trump përsëriti në Tweeter thënien e një përkrahësi të tij se hetimi prej 22 muajsh i Prokurorit Special nuk duhet të kishte filluar fare. Në një përmbledhje të konkluzioneve të zotit Mueller, Prokurori i Përgjithshëm William Barr, tha të dielën se Prokurori Special kishte arritur në përfundimin se zoti Trump dhe fushata e tij e vitit 2016 nuk patën komplotuar me Rusinë për ta ndihmuar atë të fitonte; por raporti i zotit Mueller nuk arrin në ndonjë përfundim nëse udhëheqësi amerikan ka penguar drejtësinë, duke u përpjekur të pengonte hetimin.

Sulmi i zotit Trump ndaj mediave, për të cilat ai është ankuar prej një kohe të gjatë, vjen pasi ai dhe aleatët republikanë në Kongres u zotuan se do të kryejnë hetimet e tyre për kritikët kryesorë të Presidentit dhe për ata që qëndrojnë pas hetimit mbi lidhjet mes fushatës së vitit 2016 dhe përpjekjeve të Rusisë për t’i prishur zgjedhjet amerikane.

Trump: Asnjë president nuk duhet të hetohet për “tregime të rreme”

Presidenti i Shteteve të Bashkuara, Donald Trump, la të kuptohet se armiqtë e tij politikë mund t’i shpaguajnë “gjërat e këqija” që i kanë bërë.

Komentet u bënë pas publikimit të përmbledhjes së raportit të këshilltarit të posaçëm, Robert Mueller, i cili konstatoi se ai nuk ka bërë komplot me Rusinë, që kjo e fundit të ndërhyjë në zgjedhjet e vitit 2016, për të ndihmuar zgjedhjen e Trumpit president.

Raporti, megjithatë, nuk nxori përfundim nëse Trump ka bërë përpjekje ose jo për të penguar drejtësinë.

“Ka shumë njerëz që kanë bërë gjëra shumë, shumë të këqija. Do të thosha gjëra të pandershme kundër vendit tonë”, tha Trump për gazetarët në Shtëpinë e Bardhë, por pa përmendur askënd me emër dhe pa përmendur ndonjë veprim specifik.

“Këta njerëz do të vëzhgohen”, tha Trump.

Duke folur në Zyrën Ovale, ai tha se asnjë president tjetër nuk duhet të hetohet për “tregime të rreme”.

“Ka qenë një tregim i rremë, një gjë e tmerrshme, nuk mund të lejojmë që kjo t’i ndodhë ndonjë presidenti tjetër”, tha Trump.

Senatori Lindsey Graham gjatë konferencës për media, lidhur me publikimin e përmbledhjes së raportit të Muellerit.

Senatori Lindsey Graham gjatë konferencës për media, lidhur me publikimin e përmbledhjes së raportit të Muellerit.

Senatori Lindsey Graham, kryetar i Komitetit të Senatit për Drejtësi dhe aleat i Trumpit, u tha gazetarëve se do të kërkojë nga prokurori i përgjithshëm, William Barr, të caktojë një këshilltar të posaçëm për të hetuar nëse zyrtarët e zbatimit të ligjit kanë bërë gabime në hetimet e tyre.

Mueller ka hetuar ndërhyrjen e Rusisë në fushatën zgjedhore të vitit 2016, së bashku me akuzat se anëtarë të fushatës presidenciale të Trumpit dhe të tjerë të lidhur me të kanë bërë konspiracion me Qeverinë e Rusisë në përpjekjet e saj për të ndërhyrë.

Ofensiva e Trumpit erdhi pasi demokratët i përsëritën thirrjet për prokurorin Barr, që të nxjerrë raportin e plotë të Muellerit në Kongres, deri më 2 prill.

Askush jashtë Departamentit të Drejtësisë nuk e ka parë ende raportin, përfshirë Shtëpinë e Bardhë.

Departamenti i Drejtësisë nuk tha nëse do ta publikojë raportin e plotë të Muellerit ose jo, por Barr tha se ai do të jetë sa më transparent.

Trump dhe aleatët e tij u dukën të gëzuar pasi Barr tha, në një letër drejtuar Kongresit më 24 mars, se raporti i Muellerit nxjerr në pah se hetimet “nuk kanë konstatuar se anëtarët e fushatës së Trumpit kanë komplotuar ose janë koordinuar me Qeverinë ruse për ndërhyrjen e saj në zgjedhje”.

“Derisa ky raport nuk konstaton se presidenti ka bërë krim, ai po ashtu nuk e shfajëson atë”, tha po ashtu Barr, teksa publikoi përmbledhjen e raportit.

Zyrtarët dhe ligjvënësit rusë e shfrytëzuan përmbledhjen e prokurorit Barr për të përsëritur pretendimet e Moskës se ajo nuk ka ndërhyrë në fushatën presidenciale në SHBA.

Trump tha se i takon prokurorit Barr të vendosë nëse gjetjet e hollësishme nga raporti i Muellerit do të bëhen publike.

Përgatiti: Valona Tela

Trumpi nënshkruan shpalljen me të cilën njeh sovranitetin izraelit mbi Golanin e pushtuar

Trumpi nënshkruan shpalljen me të cilën zyrtarisht njeh sovranitetin izraelit mbi lartësitë e pushtuara të Golanit.

Washington
Trumpi nënshkruan shpalljen me të cilën zyrtarisht njeh sovranitetin izraelit mbi lartësitë e pushtuara të Golanit.

Përmbledhja e hetimeve të Robert Muellerit lë shumë pyetje pa përgjigje

Alan Crosby

Kur Prokurori i Përgjithshëm amerikan, William Barr, ka bërë publike disa thekse të raportit të Këshilltarit Special, Robert Mueller më 24 mars, një gjë është bërë e qartë brenda pak minutave: hetimi nëse fushata e presidentit amerikan, Donald Trump ka kryer komplot apo është koordinuar me Rusinë gjatë zgjedhjeve presidenciale të vitit 2016, ende nuk e ka zgjidhur këtë çështje.

Ekipi i Trumpit veçse ka nisur festimet, duke pretenduar se presidenti ka vepruar drejtë.

Sipas Prokurorit Barr, raporti i Muellerit tregon se hetimi i tij nuk ka gjetur se anëtarët e fushatës së Trumpit janë koordinuar me Qeverinë ruse.

“Sa u përket aktiviteteve të ndërhyrjes në zgjedhje, Këshilltari Special nuk ka gjetur ndonjë bashkëpunim dhe nuk ka hasur në ndonjë ndërhyrje. Prokurori i Përgjithshëm, Barr dhe zëvendësi i tij, (Rod) Rosenstein kanë treguar se nuk ka pengim të drejtësisë”, ka thënë Sekretarja për shtyp e Shtëpisë së Bardhë, Sarah Sanders përmes një postimi në Twitter.

The Special Counsel did not find any collusion and did not find any obstruction. AG Barr and DAG Rosenstein further determined there was no obstruction. The findings of the Department of Justice are a total and complete exoneration of the President of the United States.”

— Sarah Sanders (@PressSec) March 24, 2019

Vetë presidenti Trump, pas publikimit të përmbledhjes së prokurorit Barr ka konsideruar se është turp që SHBA-ja është dashur të përballet me këtë hetim.

“Pas një hetimi të gjatë, pasi shumë persona janë lënduar shumë, pasi nuk është parë ana tjetër ku janë shkaktuar dëme dhe pas shumë gjërave të këqija që i kanë ndodhur shtetit tonë, tani është bërë e ditur se nuk ka pasur bashkëpunim me Rusinë, gjëja më qesharake që mund ta kisha dëgjuar ndonjëherë. Nuk ka pasur bashkëpunim me Rusinë dhe nuk ka pasur pengim të drejtësisë”, ka thënë ai.

Por kundërshtarët e Trumpit kanë thënë se as Mueller e as Barr nuk kanë deklaruar një gjë të tillë. Në pyetjen nëse Trump ka penguar drejtësinë gjatë hetimeve, raporti nuk është aq i prerë.

“Këshilltari Special ka deklaruar se ‘ndonëse raporti nuk gjen se presidenti ka kryer krim, ai po ashtu nuk e shfajëson atë’”, ka thënë Barr, i përzgjedhuri i Trumpit në këtë pozitë, në përmbledhjen e tij katërfaqëshe, që përfshin të gjeturat kryesore të hetimit të Muellerit, i cili ka zgjatur 22 muaj.

Sipas Barr, Mueller ka paraqitur faktet mirëpo “nuk ka dhënë qëndrime përfundimtare” nëse është penguar drejtësia, por sipas tij dhe zëvendësprokurorit, Rosenstein, të dhënat e ofruara nga hetimi i Muellerit nuk janë të mjaftueshme për të vërtetuar se presidenti ka kryer krim apo se ka penguar drejtësinë”.

Barr, po ashtu ka thënë se ekipi i Muellerit nuk ka plane për të bërë padi të reja.

Demokratët kanë qenë të shpejtë për të kundërshtuar frazën e përdorur nga Shtëpia e Bardhë, të marrë nga përmbledhja e prokurorit Barr, dhe kanë përmendur mundësinë e thirrjes për intervistim për Muellerin, që të dëshmojë për të gjeturat e plota të raportit të tij.

Gjatë hetimit të tij, Mueller ka nisur rreth 2,800 thirrje për intervistim dhe ka paditur dhjetëra persona dhe subjekte për akuza të ndryshme.

Këshilltari i Posaçëm, Robert Mueller.

Megjithatë, asnjë nga akuzat nuk ka pasur lidhje direkte me pyetjen nëse ka pasur koordinim në mes të ndihmësve të Trumpit dhe zyrtarëve rusë.

Për më tepër, Mueller, që ka kaluar gati dy vjet duke hetuar pretendimet se Rusia ka ndërhyrë në zgjedhjet e vitit 2016, për t’i ndihmuar Trumpit që të mposhtë kundërshtaren e tij, Hillary Clinton, nuk ka thënë nëse është kryer ndonjë krim, duke i lënë prokurorit Barr të marrë këtë qëndrim.

“Vendimi i Prokurorit të Përgjithshëm për të ofruar vetëm një përmbledhje të raportit, nuk është i mjaftueshëm. Kongresi kërkon raport të plotë ashtu që komitetet të mund të kryejnë një punë të pavarura, duke përfshirë ndonjë çështje shtesë që mund të ngrisë raporti i Muellerit”, ka thënë kryesuesja e Dhomës së Përfaqësuesve, Nancy Pelosi.

Ndërkohë që Barr dhe Departamenti i Drejtësisë shqyrtojnë mundësinë nëse raporti i Muellerit mund të publikohet në tërësi, analistët ligjorë kanë thënë se beteja rreth asaj se çfarë mund të publikohet, apo çfarë mund të jetë konsideruar shkelje e kryer nga Trump mund të lidhen me mundësinë e organizimit të votëbesimit për presidentin amerikan.

Në të gjetura përmendet se Mueller nuk ka vërtetuar se fushata e Trumpit apo kushdo që ka qenë i lidhur me të, ka kryer komplot apo është koordinuar me Qeverinë ruse në përpjekjet për të ndikuar zgjedhjet “pavarësisht ofertave të shumta nga individë të lidhur me Rusinë për të ndihmuar” në fushatë.

Kopja e letrës së Prokurori Barr që ua ka dërguar anëtarëve të Komitetit të Senatit për Drejtësi, ku i ka njoftuar për raportin e Këshilltarit Mueller.

Në përmbledhje nuk janë përmendur emrat e këtyre individëve dhe, demokratët, përveç tjerash, kanë kërkuar më shumë informacione se si është arritur deri te përfundimi se nuk ka pasur komplot.

Robert Reich, profesor në Berkeley dhe ish-Sekretar amerikan i Shtetit gjatë administratës së presidentit Bill Clinton, ka thënë se rasti për pengim të drejtësisë kundër Trumpit është “i fuqishëm”.

“Përmbledhja e Barr jo vetëm që flet mbi gjetjet dhe lë hapësira në raportin e Muellerit, mirëpo ai po ashtu përmban një detaj kritik. Barr ka vendosur që të mos ngre padi kundër Trumpit për pengim të drejtësisë gjatë hetimeve. Ai ka bërë këtë pavarësisht faktit se vetë Trump ka pranuar se ka shkarkuar James Comeyn ka pozita e drejtorit të FBI-së, për të ndaluar hetimet rreth Rusisë”, ka thënë ai.

Përgatiti: Krenare Cubolli

Barr: Nuk ka patur komplot me Rusinë për ndërhyrje në zgjedhje, sipas raportit të z. Mueller

Prokurori i Pergjithshem Bill Barr

Prokurori i posaçëm Robert Mueller thotë se as Presidenti Donald Trump, as fushata e tij dhe as ndonjë tjetër i lidhur me këtë fushatë, nuk kanë komplotuar me Rusinë për të ndërhyrë në zgjedhjet presidenciale të vitit 2016, sipas një përmbledhjejr të paraqitur të dielën nga kreu i Departamentit të Drejtësisë (Prokurori i Përgjithshëm) William Barr.

Por përsa i përket pyetjes nëse Presidenti Trump u përpoq të pengonte drejtësinë duke ndërhyrë ose duke u orvatur të prishë hetimin e prokurorit Mueller, zoti Barr tha, “Raporti nuk arrin në përfundimin se presidenti ka kryer ndonjë krim, por as nuk e përjashton këtë”.

Zoti Barr publikoi një përmbledhje të raportit të shumëpritur për hetimin që zgjati 22 muaj rreth akuzave se fushata e zotit Trump kishte bashkëpunuar fshehurazi me Rusinë për të ndikuar në zgjedhjet e 2016-s në favor të zotit Trump.

Prokurori i Përgjithshëm Barr ia dërgoi përmbledhjen e tij Kongresit dhe e bëri atë publik të dielën. Zoti Mueller e dorëzoi raportin e tij në Departamentin e Drejtësisë të premten.

“Hetimi i Prokurorit të Posaçëm nuk arrin në përfundimin se fushata Trump apo dikush i lidhur me të ka bashkëpunuar … me qeverinë ruse në aktivitetet për ndërhyrjen në zgjedhje,” thuhet në përmbledhjen e zotit Barr.

Zoti Barr thotë se raporti arrin pikërisht në këtë përfundim, megjithë “ofertat e shumta nga individë të lidhur me Rusinë për të ndihmuar fushatën Trump”.

Sipas zotit Barr, Prokurori i Posaçëm Mueller nuk nxjerr përfundime nëse Presidenti Trump ka penguar drejtësinë, duke ia lënë këtë çështje zotit Barr dhe Zëvendës Prokurorit të Përgjithshëm Rod Rosenstein. Kreu i Departamentit të Drejtësisë shkruan se nuk ka prova të mjaftueshme për të konkluduar nëse zoti Trump ka kryer krimin e pengimit të drejtësisë. Ai thotë se kjo nuk bazohet në ndonjë nocion se ndaj një presidenti në detyrë nuk mund të ngrihet aktpadi.

“Për të arritur në ngritjen e akuzave për pengim të drejtësisë dhe për t’i mbështetur këto akuza, – shkruan ai, – qeveria do të duhej të provonte përtej dyshimit të arsyeshëm se një person që vepron me synime të korruptuara, angazhohet në sjellje penguese”.

Megjithë pohimet e zotit Barr se raporti i Prokurorit të Posaçëm Mueller nuk e nxjerr presidentin plotësisht të pastër, zoti Trump shkruante kështu të dielën në Twitter: “Asnjë bashkëpunim i fshehtë, asnjë pengim i drejtësisë, pafajësi e plotë. Le ta mbajmë Amerikën të Madhe”.

Më vonë, ai u tha gazetarëve se hetimi ishte “gjëja më qesharake që kam dëgjuar ndonjëherë … është turp që vendit tonë iu desh të kalojë nëpër këtë sprovë… është një turp që presidenti duhej të kalonte nëpër këtë sprovë, madje qysh përpara para se unë të zgjidhesha – ky ishte një akt ipaligjshëm poshtërimi që dështoi dhe shpresojmë se dikush do të hetojë edhe palën tjetër.”

Deri tani ka patur vendime të shumta gjykatash që e mbështesin ligjshmërinë e hetimit të zotit Mueller.

Në përmbledhjen e zotit Barr vihet në dukje se gjatë hetimit gati dy vjeçar, Prokurori i Posaçëm Mueller pati në dispozicion të tij 19 avokatë dhe 40 agjentë të FBI-së që punonin me të, lëshoi më shumë se 2.800 thirrje për paraqitje, bisedoi me rreth 500 dëshmitarë dhe kreu gati 500 urdhra për bastitje.

Dhoma e Përfaqësuesve votoi njëzëri këtë muaj për një rezolutë e cila kërkonte që raporti i plotë i zotit Mueller të bëhej publik. Shumë ligjvënës duan gjithashtu të shohin ndonjërën nga dëshmitë që e bënë zotin Mueller të arrinte në përfundimet e tij, sidomos tani që zoti Barr shkruan se raporti i Prokurorit të Posa]ëm Mueller “nuk e nxjerr të pafajshëm” zotin Trump, edhe nëse presidenti thotë të kundërtën.

“Letra e Prokurorit të Përgjithshëm Barr ngre po aq pyetje sa edhe jep përgjigje,” thanë në një deklaratë të përbashkët kryetarja demokrate e Dhomës Nancy Pelosi dhe udhëheqësi i demokratëve të Senatit, Chuck Schumer. “Duke pasur parasysh rekordin publik të zotit Barr për njëanshmëri ndaj hetimit të Prokurorit të Posaçëm, ai nuk është një vëzhgues neutral dhe nuk është në gjendje të bëjë përcaktime objektive rreth raportit”.

Kryetari i Komisionit Juridik të Dhomës, Jerry Nadler, tha se komisioni i tij do të thërrasë zotin Barr të dëshmojë në një të ardhme të afërt “në dritën e mospërputhjeve shumë shqetësuese dhe vendimit përfundimtar në Departamentin e Drejtësisë pas raportit të Prokurorit të Posaçëm, ku zoti Mueller nuk e nxjerr të pafajshëm presidentin.”

Disa kandidatë demokratë për president, Kirsten Gillibrand, Cory Booker, Kamala Harris dhe Elizabeth Warren thanë gjithashtu të dielën se një përmbledhje e raportit të zotit Mueller, e filtruar përmes “prokurorit të përgjithshëm” të presidentit, është i pakënaqshëm.

Por udhëheqësi i pakicës në Dhomën e Përfaqësuesve, republikani Kevin McCarthy, tha se letra e zotit Barr e bën “mjaft të qartë dhe pa asnjë hije dyshimi, se nuk ka patur bashkëpunim të fshehtë”. Ai tha se vendi i mirëpret përfundimet e raportit.

Një nga aleatët më të afërt të Presidentit Trump, senatori republikan Lindsey Graham, tha se zoti Mueller bëri një “punë të madhe” dhe e quajti të dielën një “ditë të mirë për sundimin e ligjit” dhe një “ditë të keqe për ata që shpresonin se hetimi i zotit Mueller do ta rrëzonte Presidentin Trump”.

“Tani është koha të ecim përpara, të qeverisim vendin dhe për të përgatitemi për të luftuar Rusinë dhe aktorët e tjerë të huaj në prag të zgjedhjeve të 2020-s,” shkruante ai të dielën.

Çfarë përmban raporti i Prokurorit Mueller?

Prokurori i Posaçëm Robert Mueller dhe Presidenti Donald Trump

Amerikanët janë në pritje të detajeve të hetimit të Prokurorit të Posaçëm Robert Mueller rreth ndërhyrjes së Rusisë në zgjedhjet presidenciale të vitit 2016.

Zoti Mueller e dorëzoi raportin e tij konfidencial të premten tek Prokurori i Përgjithshëm William Barr, i cili informoi në vazhdim udhëheqësit e Kongresit nëpërmjet një letre ku shprehej se “mund t’ju njoftoj për gjetjet kryesore të Prokurorit të Posaçëm, ndoshta që këtë fundjavë”.

Por ndërsa zoti Barr po njihet me raportin, sipas zëdhënësit të Departamentit të Drejtësisë, përmbledhja që ai do t’i dërgojë Kongresit do të vonohet me të paktën edhe një ditë.

Një zëdhënës i Shtëpisë së Bardhë, Hogan Gidley, tha se Shtëpia e Bardhë nuk e ka marrë raportin dhe se as nuk është informuar rreth tij. Duke përsëritur qëndrimin e Sekretares së Shtypit të Shtëpisë së Bardhë, Sarah Sanders, të shprehur të shtunën, ai tha se hapat e mëtejshëm në këtë proces janë në dorën e zotit Barr.

Pikëpyetjet kryesore

Disa nga pikat kryesore që zoti Mueller, ish-drejtor i FBI-së, do të trajtonte janë:

A bashkëpunoi me rusët fshehurazi Donald Trump, apo ndihmësat e tij, për të dëmtuar fushatën e demokrates Hillary Clinton në vitin 2016, nëpërmjet email-eve të vjedhura nga Komiteti Kombëtar Demokrat dhe nga drejtuesi i fushatës elektorale Clinton? Apo pati presidenti i ardhshëm thjesht fatin të përfitojë prej taktikave dashakeqe të Rusisë? A u mundua ai të sabotonte hetimin që pasoi, për të mbrojtur veten dhe këshilltarët e tij politikë dhe ndihmësat?

Njoftimi që Departamenti i Drejtësisë i dërgoi Kongresit për konkluzionet e hetimit të Prokurorit Mueller

Hetimet kanë sjellë ngritje akuzash për 37 individë dhe entitete, shumica e tyre operativë rusë që nuk janë kapur. Shtatë persona, ndër ta pesë ish-bashkëpunëtorë të Presidentit Trump, janë vetëdeklaruar fajtorë, si dhe pesë janë dënuar me burg.

Ndër rastet e nivelit të lartë janë ish-këshilltari i sigurisë kombëtare Michael Flynn, që u vetëdeklarua fajtor për mashtrim të FBI-së rreth bisedave të tij me ambasadorin e Rusisë, si dhe Paul Manafort, ish-kreu i fushatës elektorale Trump, i cili u dënua rishtazi për një sërë veprash penale.

Pak përpara dorëzimit të raportit hetimor, pati spekullime të shumta se prokurori i posaçëm do të sugjeronte ngritje akuzash të mëtejshme, por nuk u ndërmorën hapa të tjera ligjore përpara dorëzimit të raportit tek Departamenti i Drejtësisë.

Me dorëzimin e raportit, procesi hetimor i Prokurorit Mueller është efektivisht i përmbyllur, por nuk u jep fund telasheve ligjore për Presidentin. Gjatë muajve të fundit, Prokurori Mueller ka deleguar pjesë të hetimit të tij tek degët e prokurorëve të Shteteve të Bashkuara, ndër to edhe Distrikti Jugor i Nju Jorkut, ku prokurorët kanë filluar tashmë hetime të veçanta për Organizatën Trump dhe entitete të tjera të grupit Trump.

Në çfarë stadi gjendet çështja?

Është ende e panjohur nëse raporti Mueller do të sjellë shpagimin për Presidentin, apo ngritjen e akuzave për shkarkimin e tij nga Kongresi, apo ndonjë alternativë të rrëmujshme të ndërmjetme.

Në bazë të ligjit, është Prokurori i Përgjithshëm Barr që vendos nëse dokumenti do t’i bëhet i ditur Kongresit dhe publikut, dhe nëse po, cilat pjesë të tij.

Presidenti Trump e ka quajtur në mënyrë të përsëritur hetimin e prokurorit të posaçëm një “gjueti shtrigash” dhe ka këmbëngulur vazhdimisht se nuk ka prova të bashkëpunimit të tij me rusët. Ndërsa Presidenti ka thënë se “nuk e ka problem” nëse raporti bëhet publik, ka gjasa të ketë shkëmbime të konsiderueshme ligjore mes Shtëpisë së Bardhë, Departamentit të Drejtësisë, avokatit personal të zotit Trump, si dhe Kongresit, përpara se pjesë të raportit, apo i gjithi, të bëhen publike.

Rregullorja i kërkon Prokurorit Mueller të paraqesë një “raport konfidencial” të gjetjeve të tij tek Prokurori i Përgjithshëm, i cili duhet të “njoftojë” Kongresin për këtë zhvillim. Por, nuk ka asnjë parashikim ligjor që e detyron atë të informojë publikun.

Ligjvënësit kërkojnë publikimin e raportit të Prokurorit Mueller

Prokurori i Posaçëm Robert Mueller ka përfunduar tashmë raportin e shumëpritur të hetimit të ndërhyrjes së Rusisë në zgjedhjet amerikane të vitit 2016 dhe përfshirjen e mundshme të Presidentit Trump dhe ekipit të tij elektoral. Përmbajtja e raportit është ende konfidenciale dhe vendimin për publikimin e tij do ta marrë Prokurori i Përgjithshëm William Barr. Ndërkohë që Departamenti i Drejtësisë konfirmoi se raporti nuk sugjeron ngritje akuzash të mëtejshme, ligjvënësit po bëjnë thirrje për publikimin e këtij raporti.

Prokurori i posaçëm Robert Mueller u pikas nga gazetarët duke hyrë në godinën, vendndodhja e së cilës ishte mbajtur deri më tani sekret, ku mendohet se u përpilua raporti hetimor. Rezultatet e raportit hetimor vazhdojnë të mbahen konfidenciale, por Departamenti i Drejtësisë konfirmoi se në raport nuk sugjerohen ngritje akuzash të mëtejshme. Por, megjithëse nuk është bërë pra ende e ditur përmbajtja e raportit, Uashingtoni zyrtar ka filluar tashmë të reagojë.

“Nuk ka patur bashkëpunim të fshehtë (me Rusinë). Nuk ka patur pengim të drejtësisë. Është i gjithi një rreng i madh. Do shohim ç’do ndodhë”, deklaroi Presidenti Donald Trump.

Raporti gjendet tashmë në duart e drejtuesit të Departamentit të Drejtësisë, Prokurorit të Përgjithshëm William Barr, i cili do të vendosë se çfarë pjesësh të raportit do t’i bëhen të ditura Kongresit apo publikut.

Demokratët mendojnë se është “thelbësore” që raporti të botohet i plotë për publikun.

“Tashmë që Prokurori i Posaçëm Mueller i ka paraqitur raportin e tij Prokurorit të Përgjithshëm, është thelbësore që zoti Barr ta publikojë të plotë raportin, si dhe t’i japë Kongresit dokumentacionin mbështetës dhe konkluzionet. Prokurori i Përgjithshëm Barr nuk duhet t’u ofrojë Presidentit Trump, avokatëve të tij dhe stafit të tij mundësinë e njohjes paraprakisht me gjetjet e Prokurorit të Posaçëm Mueller dhe me provat. Gjithashtu, Shtëpia e Bardhë nuk duhet të lejohet të ndërhyjë në vendimmarrjen se cilat pjesë të konkluzioneve apo provave duhet të bëhen publike”, deklaroi Senatori demokrat Chuck Schumer.

Sekretarja e Shtypit e Shtëpisë së Bardhë, Sarah Sanders, tha se Shtëpisë së Bardhë nuk i është dërguar raporti dhe as është informuar rreth tij. Ajo tha se “presim me padurim që ky proces të shtjellohet” dhe se hapat e mëtejshme “janë në dorën e Prokurorit të Përgjithshëm Barr”.

Senatori Mitch McConnell, kreu i maxhorancës repulbikane në Senat, tha se shpreson që Prokurori i Përgjithshëm Barr do “të ofrojë informacionin më të madh të mundshëm” për gjetjet e hetimit, dhe me “transparencën më të madhe të mundshme”.

Kreu i Departamentit të Drejtësisë, Prokurori i Përgjithshëm Barr, u shpreh se mund të informojë Kongresin ndoshta brenda kësaj fundjave për gjetjet e raportit që përmbledh hetimin gati dy-vjeçar të Prokurorit të Posaçëm Mueller.

Prokurori i Posaçëm Mueller përfundon hetimin për Rusinë

Prokurori i Posaçëm Robert Mueller ka përfunduar hetimin e tij thuajse dyvjeçar rreth ndërhyrjes ruse në zgjedhjet e vitit 2016 dhe rreth një bashkëpunim të mundshëm të fshehtë të fushatës Trump me Rusinë.

Departamenti i Drejtësisë njoftoi se zoti Mueller i dorëzoi të premten raportin e tij përfundimtar kreut të këtij departamenti, Prokurorit të Përgjithshëm William Barr, i cili po e shqyrton.

Raporti i zotit Mueller, ende konfidencial, pritet të shndërrohet në një arenë për beteja të ashpra publike që do të vijojnë.

Hapat e ardhshëm që mund të ndërmerren pas dorëzimit të raportit të shumëpritur do të varen tani nga Prokurori i Përgjithshëm Barr, nga Kongresi dhe, me shumë gjasë, gjykatat federale.

Nuk është e qartë se sa pjesë të raportit do t’i vihen në dispozicion publikut ose do t’i jepen Kongresit. Zoti Barr ka thënë se do të hartojë raportin e tij ku do të përmbledhë faktet e gjetura nga zoti Mueller.

Hetimi i zotit Mueller ka hedhur hije mbi presidencën Trump dhe ka rezultuar në akuza kriminale kundër 34 personave, duke përfshirë gjashtë vetë që shërbenin në ekipin e fushatës së zotit Trump.

TRUMP: RAPORTI LE TË BËHET PUBLIK

Presidenti Donald Trump tha të mërkurën se raporti përfundimtar i Prokurorit të Posaçëm Robert Mueller duhet të bëhet publik.

Por presidenti ai përsëri vuri në pikëpyeti bazat për hetimin, gjatë të cilit është shqyrtuar gjithashtu nëse vetë presidenti e ka penguar atë.

“Nëse doni që publiku ta shoh raportin, le ta shohin,” u tha presidenti Trump gazetarëve.

Presidenti Trump vuri në pikëpyetje se si prokurori Mueller – një njeri ” i cili kurrë nuk ka marr asnjë votë” – mund ta hetojë atë, duke pasur parasysh fitoren e tij në zgjedhjet e vitit 2016.

Presidenti Trump e ka quajtur në mënyrë të përsëritur hetimin e prokurorit Mueller një “gjueti të paligjshme shtrigash” gjatë dy viteve të fundit dhe e ka etiketuar ekipin e tij të hetuesve politikisht të njëanshëm.

Ndërsa prokurori Mueller ka lënë pak të kuptohet për mënyrën se si ai e sheh presidentin Trump dhe familjen e tij, si objektiva të mundshëm të hetimit, presidenti dhe Shtëpia e Bardhë kanë shtuar fushatën e tyre politike për të minuar legjitimitetin e hetimit.

“Asnjë bashkëpunim, nuk ka patur asnjë bashkëpunim”, deklaroi presidenti Trump të mërkurën.

“Ishte fitorja më të madhe elektorale në historinë e vendit tonë, një nga më të mëdhatë,” tha ai. “Ishte një sukses i madh, dhjetëra miliona votues .Tani dikush do të shkruajë një raport, dhe ai kurrë nuk mori asnjë votë.

“Do të shohim se çfarë thotë raporti. Le të shohim nëse është e drejtë.”

SHBA: JIMMY CARTER ËSHTË ISH PRESIDENTI MË JETËGJATË

VOAL – NEW YORK, 22 MARS – Jimmy Carter  (Xhimi Karter) zyrtarisht është presidenti më jetëgjatë në historinë amerikane. Tashmë 94 vjeç dhe 172 ditësh, ish-komandant i përgjithshëm amerikan nga viti 1977 deri më 1981, kaloi jetëgjatësinë e George H.W. Bush, president nga viti 1989 deri 1993, i cili vdiq nëntorin e kaluar kur ishte 94 vjeç dhe 171 ditësh.

Bush Sr. u bë presidenti më i gjatë më 2017, duke kaluar Gerald Fordin, i cili jetoi 93 vjet dhe 165 ditë dhe vdiq në vitin 2006.
Pas presidencës, Carter ishte ndër ish-presidentët më aktivë, veçanërisht në një nivel filantropik. ansa

Presidenti Trump përpiqet të diskreditojë raportin e prokurorit Mueller

Presidenti Donald Trump po shton përpjekjet për të diskredituar një raport të shumëpritur të prokurorit të posaçëm për hetimin mbi ndërhyrjen e Rusisë në zgjedhje.

Në një intervistë me televizionin Fox Business Network Presidenti Trump tha: “Fakti që një zyrtar i administratës sime emëron dikë për të hartuar një raport rreth meje, për të vendosur mbi presidencën time, njerëzit nuk mund të jenë dakord me këtë.”

Komentet e Presidentit bëhen ndërkohë që prokurori i posaçëm Robert Mueller pritet që së shpejti të dorëzojë në Departamentin e Drejtësisë një raport për hetimin e tij mbi ndërhyrjen e Rusisë në zgjedhjet e vitit 2016.

Në intervistë, Presidenti Trump u ankua për emërimin e zotit Mueller, duke e quajtur atë “mikun më të ngushtë” të ish shefit të FBI-së James Comey, i cili më pas u shkarkua nga Presidenti.

Zoti Comey u shkarkua ndërkohë që po drejtonte hetimin rreth një bashkëpunimi të fshehtë të mundshëm midis fushatës Trump dhe Rusisë. Nuk ekziston ndonjë provë nëse zoti Comey dhe prokurori Mueller janë miq të ngushtë.

Rregulloret e Departamentit të Drejtësisë përcaktojnë thjesht që zoti Mueller t’i dorëzojë kreut të Departamentit të Drejtësisë një raport konfidencial që shpjegon se çfarë vendimesh mund të merren dhe nëse duhen ndërmarrë ndjekje penale ndaj dikujt.

Zoti Mueller nuk ka lënë të kuptohet se kur mund ta dorëzojë raportin dhe çfarë përmban ai, por muajt e fundit ka patur shenja se raporti mund të jetë gati së shpejti.

Kreu i Departamentit të Drejtësië, William Barr thotë se ai parashikon dy raporte, një për ligjvënësit dhe për konsum publik dhe një të dytë për krerët e Kongresit.

Shtëpia e Bardhë nuk jep informacion për bisedat Trump-Putin

Helsinki, korrik 2018.

Shtëpia e Bardhë refuzoi kërkesën e tre komiteteve të Kongresit amerikan për informacione rreth bisedave private midis presidentit Donald Trump dhe homologut të tij rus, Vladimir Putin, gjatë takimit në Helsinki, verën e kaluar.

“Presidenti duhet të jetë i lirë të angazhohet në diskutime me udhëheqësit e huaj, pa frikë se këto komunikime do të zbulohen”, tha në përgjigje këshilltari i Shtëpisë së Bardhë, Pat Cipollone.

Tre komitetet e Dhomës së Përfaqësuesve kërkuan detaje nga bisedat e Trumpit dhe Putinit ballë për ballë dhe përmes telefonit.

Ata po ashtu kërkuan të verifikojnë nëse Trump ka bërë përpjekje të fshehë ndonjë dëshmi rreth këtyre bisedave.

Prejse demokratët kanë marrë kontrollin e Dhomës së Përfaqësuesve, në zgjedhjet e nëntorit të kaluar, ata janë bërë më këmbëngulës në hetimin e Shtëpisë së Bardhë.

Në takimin në Helsinki, Trump ka habitur shumë ligjvënës republikanë dhe demokratë të Kongresit amerikan, kur ai i ka kundërshtuar të gjeturat e agjencive amerikane të inteligjencës rreth ndërhyrjes së Rusisë në çështjet politike të SHBA-së.

Në një postim të mëvonshëm në Twitter, ai po ashtu i ka cilësuar hetimet e këshilltarit të posaçëm, Robert Mueller, rreth ndërhyrjes ruse, si “gjueti të manipuluar shtrigash”.

Trump: Është koha të njohim sovranitetin e Izraelit në Rrafshnaltën e Golanit

Presidenti i Shteteve të Bashkuara, Donald Trump tha se është koha që SHBA-ja të njohë sovranitetin e Izraelit në Rrafshnaltën e Golanit.

Izraeli e mori nën kontroll këtë territor nga Siria pas luftës së vitit 1967. Siria vazhdimisht ka kërkuar të rikthejë sovranitetin mbi rajonin.

Përmes një postimi në Twitter, presidenti Trump deklaroi se Rrafshnalta e Golanit ka rëndësi strategjike dhe të sigurisë për Izraelin dhe rajonin.

“Pas 52 vitesh është koha që Shtetet e Bashkuara të njohin plotësisht sovranitetin e Izraelit mbi Rrafshnaltën e Golanit, që është e një rëndësie strategjike dhe të sigurisë për Izraelin dhe stabilitetin rajonal”, shkroi presidenti amerikan, Donald Trump.

After 52 years it is time for the United States to fully recognize Israel’s Sovereignty over the Golan Heights, which is of critical strategic and security importance to the State of Israel and Regional Stability!

— Donald J. Trump (@realDonaldTrump) March 21, 2019

Kryeministri izraelit, Benjamin Netanyahu, menjëherë reagoi duke falenderuar presidentin Donald Trump.

“Në një kohë kur Irani kërkon të përdorë Sirinë si një platformë për të shkatërruar Izraelin, Presidenti Trump pranon me guxim sovranitetin izraelit mbi Rrafshnaltën e Golanit” tha Netanyahu.

At a time when Iran seeks to use Syria as a platform to destroy Israel, President Trump boldly recognizes Israeli sovereignty over the Golan Heights. Thank you President Trump! @realDonaldTrump

— Benjamin Netanyahu (@netanyahu) March 21, 2019

Izraeli ushtron administrimin në Rrafshnaltën e Golanit që nga viti 1981 por qeveritë tjera nuk e njohin këtë akt.

Hetohen lidhjet e supozuara të shefit të Pentagonit me kompaninë Boeing

Ushtruesi i detyrës së Sekretarit amerikan të Mbrojtjes, Patrick Shanahan.

Pentagoni ka nisur hetime për ushtruesin e detyrës së Sekretarit amerikan të Mbrojtjes, Patrick Shanahan për supozimet se ka favorizuar kompaninë ku ka punuar më parë, Boeing.

Inspektori i Përgjithshëm i Departamentit të Mbrojtjes do të hetojë këtë çështje pas një ankese të bërë nga një grup vëzhgues.

Shanahan është akuzuar se ka lavdëruar shpesh kompaninë Boeing në takime kur është diskutuar për kontrata qeveritare.

Shanahan, që ka mohuar ndonjë keqbërje, ka kaluar 30 vjet duke punuar në kompaninë në fjalë.

Ai ka thënë javën e kaluar gjatë një seance në Komitetin e Senatit për Shërbime të Armatosura se do të mbështeste çdo hetim.

Senatorja demokrate, Elizabeth Warren, anëtare e këtij paneli, ka thënë se ajo ka nxitur thirrjet për hetime.

Ky hetim mund të vendosë një hije në emrin e Shanahan, teksa Shtëpia e Bardhë shqyrton mundësinë e nominimit të tij në pozitën e Sekretarit ë Mbrojtjes, pas dorëheqjes së Jim Mattis nga kjo pozitë në muajin dhjetor.

Ndërkohë kompania Boeing aktualisht është nën preson për shkak të rrëzimin të aeroplanit të kësaj kompanie në Etiopi javë më parë.

Si pasojë edhe këtij incidenti dhe një tjetri në Indonezi me aeroplanin e llojit të njëjtë, kompanitë më të mëdha ajrore kanë pezulluar fluturimet me avionin Boeing 737 Max 8.

Presidenti Trump thellon grindjen me bashkëshortin e ndihmëses

Presidenti i SHBA Donald Trump shkallëzoi të mërkurën grindjen e tij me bashkëshortin e një prej ndihmëseve të tij kryesore, Kellyanne Conway, duke e quajtur të shoqin e saj George Conway “një dështak i madh dhe bashkëshort prej ferri!”

Presidenti e sulmoi zotin George Conway për të dytën ditë me radhë, pas komenteve të avokatit republikan që është edhe kritik i presidentit, i cili thotë se Presidenti Trump po shfaqet gjithnjë e më i dobët mendërisht.

Brenda 20 minutash, zoti Conway u përgjigj me një koment therës në Twitter, duke iu drejtuar presidentit me fjalët: “Ju dukeni i vendosur për të provuar argumentin tim. Aq më mirë për ju!” duke shtuar “#NarcissisticPersonalityDisorder. (Çrregullimi narcisistik i personalitetit).”

Në një tjetër koment në Twitter, zoti Conway shkruante: “Ju. Jeni. I çmendur”.

Zoti Conway, i cili dikur ka përfaqësuar zotin Trump në transaksione ligjore, tha të martën se një vit më parë ai vendosi të mos e pranonte pozitën që i kishte ofruar presidenti, si kreu i sektorit civil në Departamentin e Drejtësisë, pasi Presidenti Trump sulmoi zyrtarët e lartë të agjencisë dhe shkarkoi zotin James Comey, në atë kohë drejtor i Byrosë Federale të Hetimeve.

Zoti Conway është bërë një kritik i shpeshtë i presidentit.

Të dielën, kur Presidenti Trump shfreu zemërimin me një breshëri komentesh në Twitter, zoti Conway citoi Manualin diagnostik të Shoqatës Amerikane të Psikiatrisë duke pretenduar se presidenti mishëron “një sens madhështie dhe rëndësie për vetveten”, është “i preokupuar me fantazitë e suksesit, pushtetit dhe shkëlqimit të pakufizuar” dhe shfaq shenja të “nervozizmit dhe agresivitetit”.

“Gjendja e tij po keqësohet”, shkruante zoti Conway.

Bashkëshortja e tij, e cila shfaqet shpesh në programet televizive të lajmeve duke mbrojtur Presidentin Trump, tashmë është mësuar me kritikat dhe provokimet e të shoqit ndaj presidentit.

Ajo hodhi poshtë vlerësimin e të shoqit për stabilititetin mendor të Presidentit Trump.

“Jo, nuk ndaj shqetësime të tilla,” tha ajo të hënën.

George Conway, 55 vjeç dhe Kellyanne Conway, 52, janë të martuar që nga vitin 2001 dhe kanë katër fëmijë.

Zoti Conway i tha një intervistuesi vitin e kaluar se ai e di që gruaja e tij nuk i pëlqen komentet e tij therëse ndaj shefit të saj, presidentit.

“Por unë e kam thënë: nuk më pëlqen kjo administratë, kështu që jemi barabar”, saktësoi ai.

Sulmet e presidentit Trump kundër të ndjerit McCain shkaktojnë reagime

Senatori republikan Johnny Isakson i shtetit Georgia, kritikoi ashpër Presidentin Donald Trump të mërkurën për sulmet e tij të përsëritura ndaj senatorit të ndierë John McCain, dikur kandidat republikan për president dhe i burgosur i Vietnamit, i cili vdiq nga kanceri i trurit rreth shtatë muaj më parë.

Ditët e fundit, zoti Trump ka përsëritur sulmet ndaj të ndierit McCain, duke e fajësuar atë si nxitës i hetimit për Rusinë dhe si senatori që hodhi votën vendimtare, e cila bëri të dështojë përpjekja e Presidentit Trump për reformimine politikave të kujdesit shëndetësor, që ishin arritja kryesore legjislative e paraardhësit të tij Barak Obama.

“Kurrë nuk kam qenë tifoz i John McCain-it, dhe nuk do të jem kurrë,” u tha zoti Trump gazetarëve të martën.

Disa ligjvënës e kanë kritikuar Presidentin Trump për aludimet e tij kundër zotit McCain, por askush më tepër se senatori Isakson, i cili tha se fakti që presidenti Trump vë në shënjestër të ndjerin McCain “më bën të çmendem”.

“Vendi meriton më shumë, familja McCain meriton më shumë. Nuk më intereson nëse ai është president i Shteteve të Bashkuara, zotëron të gjitha pasuritë e paluajtshme në Nju Jork ose po ndërton sistemin më të madh të imigracionit në botë”, tha senatori Isakson në një fjalim. “Asgjë nuk është më e rëndësishme se integriteti i vendit dhe ata që luftuan dhe rrezikuan jetën për të gjithë ne,” tha ai.

Senatori ngriti shqetësime për mesazhin që Presidenti Trump u dërgon trupave amerikane duke vënë në shënjestër të ndjerin McCain, një pilot i marinës i cili u rrëzua gjatë një bombardimi në Luftën e Vietnamit, pastaj u kap dhe u mbajt si rob lufte në Hanoi për 5 vjet e gjysmë.

Udhëheqësi demokrat i senatit Chuck Schumer, ish-kundërshtar politik i zotit McCainit, ka kërkuar që njërit prej komplekseve të zyrave të Senatit t’i vihet emri i “heroit amerikan, Senatorit Xhon Mekein”. Ndërtesa ndodhet në një rrugë të Uashingtonit pranë Kapitoli, ku John McCain ishte ligjvënës për 35 vjet me radhë.

Pas sulmeve të Presidentit Trump në Twitter të shtunën, vajza e të ndjerit McCain, Meghan McCain, shkruante: “Askush nuk do t’ju dojë ndonjëherë ashtu si e donin babanë tim … Do të desha të kisha kaluar më shumë të shtuna me të. Ndoshta duhet ta kaloni të shtunën me familjen tuaj se sa të komentoni në Twitter, duke u fiksuar tek e shtuna ime.”

Prej kohësh Presidenti Trump ka shprehur mospëlqimin e tij për senatorin e ndjerë McCain.

Gjatë fushatës së tij presidenciale në vitin 2015, zoti Trump kritikoi statusin e zotit McCain si ish-rob lufte, duke thënë: “Ai nuk është hero lufte, ai është hero lufte thjesht sepse u kap rob, mua më pëlqejnë njerëzit që nuk kapen”.

Trump: Brazili mund të jetë aleat i NATO-s

Presidenti Trump priti në Shtëpinë e Bardhë presidentin e Brazilit, Jair Bolsonaro.

Duke folur për raportet ndërmjet SHBA-së dhe Brazilit, presidenti Trump tha se planifikon të përcaktojë Brazilin si një aleat kryesor nga vendet joanëtare të NATO-s.

“Siç i thashë presidentit Bolsonaro, unë gjithashtu kam për qëllim të përcaktojë Bazilin si aleat të madh nga vendet joanëtare të NATO-a, apo ndoshta edhe aleat të NATO-s. Më duhet të flasë me shumë njerëz. Ndoshta si aleat i NATO-s do të ishte një përparim në sigurinë dhe bashkëpunimin midis dy vendeve” tha presidenti Trump.

Në konferencën për media pas këtij takimi, Presidenti Trump u pyet edhe për bisedimet tregtare me Kinën, për të cilat tha se janë duke shkuar mirë, por nuk dha më shumë detaje.

“Bisedimet me Kinën po shkojnë shumë mirë” tha presidenti Trump.

Lufta tregtare ndërmjet dy superfuqive ka tronditur tregjet globale dhe ka rritur frikën se mund të ngadalësojë ekonominë në mbarë botën.

New York, hapet struktura gjigante “The Vessel”

New York

Në metropolin amerikan New York është hapur struktura gjigante e pazakonte e emërtuar si “The Vessel”, raporton Anadolu Agency (AA).

E projektuar nga dizajnuesi Thomas Heatherwick, struktura në formën e një hualli gjendet në rajonin Hudson Yards pjesën perëndimore të Manhattanit.

Struktura, ndërtimi i së cilës filloi në vitin 2017, përfshin 157 shkallë, 2.500 shkallare dhe 80 pika lidhëse.

Struktura është ndërtuar në qendër të rajonit, ndërsa vizitorët do të kenë mundësi të ngjiten dhe të vështrojnë qytetin.

Bush: Emigrimi është bekim dhe forcë

Ish-presidenti i Shteteve të Bashkuara, George W. Bush, u tha shtetasve të rinj amerikanë në një ceremoni të natyralizimit se “emigrimi është bekim dhe forcë”, pavarësisht politikave të ndërlikuara.

Bush dhe ish-Zonja e Parë, Laura Bush, folën para 51 njerëzve nga më shumë se 20 shtete në një ceremoni në Dallas të Teksasit.

Ai i tha grupit se shpreson që “ata që janë përgjegjës në Uashington, do të qetësojnë retorikën, do të lënë politikën mënjanë dhe do t’i modernizojnë ligjet e emigrimit”.

Komentet vijnë në kohën e një debati të thellë në SHBA mbi politikat e emigrimit.

Presidenti Donald Trump është zotuar se do të ndërmarrë masa ndaj emigrimit edhe të ligjshëm, edhe të paligjshëm, duke thënë se ai do që njerëzit të migrojnë në bazë të një sistemi meritash.

Bush, republikan sikurse edhe Trumpi, ka qëndruar kryesisht jashtë debatit politik që nga përfundimi i mandatit më 2009.

Ai bëri thirrje për, siç tha, reformën e ligjeve “të vjetëruara dhe joefektive” të emigrimit dhe tha se “kufijtë nuk janë arbitrarë dhe duhet të respektohen”.

Bush u tha amerikanëve të rinj se ata po i bashkohen një “demokracie të trazuar” dhe u bëri thirrje atyre që të marrin pjesë në të dhe të votojnë.

Trump, mes tjerash, është zotuar se do të ndërtojë një mur të gjatë në kufi me Meksikën, për të ndaluar hyrjen e emigrantëve të paligjshëm në SHBA.

Sulmi në Zelandën e Re shton kritikat ndaj presidentit Trump

Shtëpia e Bardhë të dielën hodhi poshtë çdo përpjekje për ta lidhur Presidentin Donald Trump me supremacistin e bardhë të akuzuar për vrasjen e 50 personave në dy xhami të Zelandës së Re.

“Presidenti nuk është një supremacist i bardhë”, tha shefi i stafit të Shtëpisë së Bardhë, Mick Mulvaney, për programin “Fox News Sunday”. “Nuk jam i sigurt se sa herë duhet ta themi. Le ta quajmë atë që ndodhi në Zelandën e Re ashtu siç është: një akt tragjik i tmerrshëm”.

Sulmuesi i dyshuar Brenton Harris Tarrant, një 28-vjeçar australian, thotë në një manifest prej 74-faqesh që e publikoi pak para se të ndodhte masakra në dy xhami në Christchurch se e shihte Trumpin si “një simbol të identitetit të bardhë të rinovuar dhe synimit të përbashkët”, por se nuk i mbështeste politikat e tij.

Kjo deklaratë rigjallëroi kritikat se presidenti Trump nuk ka dënuar me forcën e duhur nacionalizmin e bardhë.

I pyetur të premten pas incidentit në xhami nëse shihte një rritje të nacionalizmit të bardhë, presidenti Trump tha: “Nuk e besoj. Mendoj se është një grup i vogël njerëzish që kanë shumë, shumë probleme serioze”. Presidenti tha se nuk e kishte lexuar manifestin.

Shefi i personelit të Shtëpisë së Bardhë tha: “Nuk mendoj se është e drejtë ta portretizojmë këtë person si mbështetës të Donald Trumpit ashtu si nuk do të ishte e drejtë t’i shihnim më shumë pasazhet e tij eko-terroriste në manifest të përafërta me ato të kryetares së Dhomës së Përfaqësuesve Nancy Pelosi apo ligjvënëses Alexandria Ocasio-Cortez”.

Presidenti Trump u sulmua gjerësisht pas një tubimi vdekjeprurës supremacist në Sharlotsvillë të Virxhinia, në vitin 2017 kur ai barazoi supremacistët e bardhë me protestuesit, duke thënë se “të dyja palët” duhet të fajësoheshin dhe se kishte “njerëz të shkëlqyer” në të dy anët e protestës.

Senatorja Kirsten Gillibrand, një nga demokratët e shumtë që kërkojnë nominimin e partisë për të kundërshtuar zotin Trump në zgjedhjet e vitit 2020, tha në Twitter pas sulmit në Zelandën e Re: “Kohë pas kohe, ky president ka mbështetur dhe inkurajuar supremacistët e bardhë dhe në vend që të dënojë terroristët racistë, ai i mbron ata. Kjo nuk është aspak normale apo e pranueshme. ”

Këshilli për Marrëdhëniet Amerikano-Islame: Myslimanë, mos i lini xhamitë

Washington

Këshilli për Marrëdhëniet Amerikano-Islame (CAIR) u ka bërë thirrje myslimanëve që të bashkohen në unitet dhe solidaritet pas vrasjes së 49 besimtarëve në sulmet terroriste në dy xhamitë në Zelandën e Re gjatë namazit të xhumasë, raporton Anadolu Agency (AA).

“Mos u frikësoni dhe mos i lini xhamitë, as sot, as kurrë”, ka thënë kryetari i CAIR, Nihad Awad para gazetarëve.

Ai rikujtoi se në SHBA ka 3000 xhami në të cilat miliona myslimanë marrin pjesë rregullisht në lutjet e së premtes.

“Ata ndjejnë frikë shumë të arsyeshme, dhe atyre disa u thonë që t’u friksësohen atyre që përhapin dhe mbështesin supremacinë e të bardhëve dhe liderëve politikë të cilët besojnë në mbizotërimin e të bardhëve”, ka thënë Awad.

Më pas i dërgoi një mesazh presidentit të SHBA-së, Donald Trump, duke kritikuar retorikën e tij në dy vitet e fundit ku në mënyrë eksplicite ka thënë: “Islami neve na urren”.

“Zotëri Trump, fjalët tuaja janë të rëndësishme. Vedimet tuaja janë të rëndësishme. Ato ndikojnë në jetët e njerëzve të pafajshëm këtu në shtëpi, por edhe në nivel global. Edhe ju duhet ta dënoni këtë jo vetëm si krim të urrejtjes, por edhe si sulm terrorist të supremacisë së bardhë”, ka thënë Awad.

Presidenti Trump dënon sulmet në xhami, mohon rrezikun e nacionalizmit të bardhë

Pas sulmeve vdekjeprurëse ndaj dy xhamive në Zelandën e Re, Presidenti amerikan Donald Trump ofroi ngushëllime, por mohoi se nacionalizmi i bardhë është një kërcënim në rritje. Sulmet rindezën debatin në Shtetet e Bashkuara rreth faktit nëse retorika politike kundër emigrantëve po kontribuon në rritjen e krimeve të urrejtjes.

Ishte një e premte e zymtë për amerikanët myslimanë. Besimtarët në Qendrën Islamike të Uashingtonit mbajtën zi për viktimat e sulmit me armë në xhamitë e Zelandës së Re.

“Të gjithë rrotull meje qanin. Mendoj se të gjithë ndjenë zinë kolektive për viktimat në Zelandën e Re”, thotë Suha Malik, amerikane myslimane.

Sulmi me armë në dy xhamitë e qytetit Christchurch, ndërsa mbaheshin faljet e së premtes, shkaktoi vdekje e 49 vetëve plagosje e dhjetëra të tjerëve.

Sulmuesi mendohet se është shtetas australian. Kryeministri i vendit e përshkroi të dyshuarin si një “terrorist i dhunshëm, ekstremist i krahut të djathtë”.

Shtëpia e Bardhë dënoi me forcë sulmin, duke e quajtur një “akt mizor urrejtjeje”.

“Është një gjë e tmerrshme, e turpshme dhe një akt i tmerrshëm”, tha Presidenti Trump.

Presidenti Donald Trump ofroi ndihmën e Shteteve të Bashkuara, por nuk e quajti veprimin një akt terrorist. Gjithashtu, ai nuk e shikon nacionalizmin e bardhë si një kërcënim në rritje nëpër botë.

“Vërtet nuk mendoj kështu. Mendoj se është një grup i vogël njerëzish që kanë një problem shumë, shumë serioz”, tha Presidenti Trump.

Të dhënat më të fundit të FBI-së tregojnë një rritje prej 17% të krimeve të urrejtjes në Shtetet e Bashkuara.

Kryetari i një organizate të amerikanëve myslimanë i ngarkon përgjegjësi Presidentin Trump.

“Zoti Trump, fjalët tuaja kanë rëndësi, politikat tuaja kanë rëndësi. Ato ndikojnë jetën e të pafajshmëve në vend dhe në botë”, tha Nihad Awad, drejtor ekzekutiv i organizatës “CAIR”.

Në llogarinë në mediat sociale që mendohet se i përket autorit të sulmit u shfaq edhe një manifest me ndjenja supremacie të bardhë, kundër emigrantëve dhe kundër myslimanëve.

“Ky sulm me armë është një reflektim ekstrem i rritjes së retorikës së nacionalizmit të bardhë”, thotë Jonathan Metzl, i Universitetit Vanderbilt.

Zoti Metzl mendon se retorika politike kundër emigrantëve dhe minoriteteve i ka bërë më të pranishme idetë e nacionalizmit të bardhë.

“Nuk më shqetësojnë vetëm këto komunitete në internet që kanë qenë aty prej kohësh. Është më tepër mënyra se si kjo dhunë ndaj komuniteteve cënueshme të minoriteteve dhe retorika që e nxit, janë normalizuar shumë më tepër në sferën tonë politike”, thotë zoti Metzl.

Ndërsa mbajnë zi, komunitetet myslimane në Shtetet e Bashkuara po rrisin vigjilencën e tyre. Në qytete si Nju Jorku, besimtarët mblidhen nën masa mbrojtëse të forta të policisë.

Presidenti Trump nënshkroi veton e parë të presidencës së tij

Presidenti Trump nënshkroi të premten veton e parë të presidencës së tij, duke hedhur poshtë legjislacionin që i kundërvihej deklaratës tij për një emergjencë kombëtare për të financuar një mur përgjatë kufirit jugor.

Projektligji që bllokonte deklaratën për emergjencën kombëtare në kufi siguroi mbështetje të rëndësishme të republikanëve në Kongres.

“Sot unë po i vë veton kësaj rezolute”, u tha Presidenti Trump gazetarëve në Zyrën Ovale. “Kongresi është i lirë të miratojë rezolutën e tij por edhe unë kam për detyrë t’i vë veton.”

Presidenti e quajti rezolutën e Kongresit “të rrezikshme” dhe “jo të matur”.

Me presidentin Trump ishin Zëvendëspresidenti Mike Pence, Prokurori i Përgjithshëm William P. Barr dhe Kirstjen Nielsen, sekretare e sigurimit të vendit. Zoti Barr tha se urdhri i emergjenës kombëtare i presidentit ishte “i autorizuar në mënyrë të qartë sipas ligjit” dhe “i bazuar fort në ligj”.

Vetoja e presidentit, e cila pritej, e kthen legjislacionin përsëri në Kongres, i cili ka shumë të ngjarë të mos i ketë votat e mjaftueshme për ta anuluar dhe kjo do të thotë se deklarata e zotit Trump për emergjencën kombëtare do të mbetej në fuqi.

Presidenti ka insistuar prej kohësh se në kufirin me Meksikën ka një krizë sigurie dhe humanitare.

Demokratët thonë se të dhënat e qeverisë tregojnë se nuk ka një vërshim të emigrantëve me të kaluar kriminale që hyjnë në vend. Këtë pikëpamje e ndajnë edhe disa republikanë në Kongres.

Boeing nxjerr nga përdorimi avionët 737 Max

Kompania amerikane Boeing tha se do t’i pezullojë fluturimet e të 371 avionëve.

Administrata Federale e Aviacionit në SHBA tha se provat e reja dhe të dhënat satelitore nxitën vendimin për ndalimin e përkohshëm të avionëve.

Të dielën, nga rrëzimi i avionit 737 Max, i kompanisë ajrore të Etiopisë, humbën jetën të 157 njerëzit në bord.

Tetorin e kaluar, një avion i Boeing-ut, po ashtu i llojit 737 Max, është rrëzuar në Indonezi, duke shkaktuar vdekjen e të 189 njerëzve në bord.

Gjatë kësaj jave, disa vende, përfshirë SHBA-në, Brazilin, Australinë, Kinën, kanë njoftuar se kanë ndaluar së operuari me Boeing 737 Max.

“Po bëjmë gjithçka që mundemi, në partneritet me hetuesit, për të kuptuar shkakun e aksidenteve dhe për të përmirësuar sigurinë”, tha presidenti i Boeing-ut, Dennis Muilenburg.

DASH: Korrupsioni, mungesa e fondeve kufizuan mediat e pavarura në Shqipëri

Të mërkurën, Departamenti amerikan i Shtetit publikoi raportin mbi të drejtat e njeriut në botë. Në pjesën për Shqipërinë trajtohen një numër çështjesh. Ja disa prej tyre:

Mosndëshkimi mbeti problem. Ndjekja penale dhe sidomos dënimi i zyrtarëve që kryenin abuzime ishte sporadik dhe jokonsistent. Zyrtarët, politikanët, gjyqtarët dhe personat me interesa të fuqishme biznesi shpesh ishin në gjendje të shmangnin ndjekjen penale. Në përgjigje të kësaj, autoritetet kanë ndërmarrë një veting të monitoruar ndërkombëtarisht të gjyqtarëve dhe prokurorëve dhe kanë skualifikuar një numër të konsiderueshëm zyrtarësh për pasuri të pashpjegueshme ose lidhje me krimin e organizuar.

Korrupsioni vazhdoi të ishte një problem serioz në qendrat e paraburgimit.

Edhe pse qeveria ka mekanizma për të hetuar dhe dënuar abuzimin dhe korrupsionin, korrupsioni në radhët e policisë mbeti problem.

Liria e shtypit dhe e medias

Media e pavarur ishte aktive dhe shprehu një larmi pikëpamjesh, megjithëse pati përpjekje për të ushtruar presion politik dhe ekonomik të drejtpërdrejtë dhe të tërthortë mbi median, duke përfshirë kërcënimet dhe dhunë ndaj gazetarëve që u përpoqën të hetonin krimin dhe korrupsionin. Pronarët e bizneseve kanë përdorur lirshëm mediat për të përfituar favore dhe për të promovuar interesat e tyre pranë partive politike. Shumica e pronarëve të televizioneve private përdorën transmetimet e tyre për të ndikuar në veprimet e qeverisë ndaj bizneseve të tjera të tyre.

Presioni politik, korrupsioni dhe mungesa e fondeve kufizuan mediat e pavarura të shtypit. Gazetarët besohet se praktikuan vetëcensurimin. Pasiguria ekonomike për shkak të mungesës së kontratave të detyrueshme të punës uli pavarësinë e gazetarëve dhe kontribuoi në anshmërinë e raportimeve. Unioni i Gazetarëve Shqiptarë vazhdoi të raportojë vonesa të mëdha në pagesat e pagave për gazetarët në shumicën e mediave, në disa raste deri në 10 muaj. Problemet financiare i kanë bërë disa gazetarë që të mbështeten më shumë në burimet e jashtme të të ardhurave, duke ngritur pyetje të integritetit.

OJQ-të pohuan se etika profesionale ishte një prioritet i ulët për disa nga portalet, që vlerësohet se arrijnë në rreth 700, duke ngritur shqetësime rreth përhapjes së lajmeve të rreme në përfitim të interesave të veçanta financiare ose politike. Rritja dramatike e mediave në internet solli një larmi pikëpamjesh.

Kriza ekonomike dhe praktikat e menaxhimit në mediat shqiptare kanë pakësuar financat dhe cilësinë e raportimit në media.

Ka pasur raporte të shumta për dhunë dhe kërcënime ndaj anëtarëve të mediave, ndërkohë që interesat politike dhe të biznesit i vunë gazetarët në presion.

Më 30 gusht, një person i panjohur qëlloi 10 herë në shtëpinë e prindërve të reporteres së krimit Klodiana Lala. Zonja Lala raporton shpesh për krimin e organizuar dhe çështjet e zbatimit të ligjit, duke përfshirë reformën gjyqësore.

Në shtator, kryetari i Unionit të Gazetarëve Shqiptarë deklaroi se 12 gazetarë kishin paraqitur kërkesa për azil në vendet anëtare të BE, duke përmendur kërcënime për shkak të vendeve të tyre të punës.

Censura:

Gazetarët shpesh praktikojnë vetëcensurim për të shmangur dhunën dhe ngacmimin dhe si reagim ndaj presionit nga botuesit dhe redaktorët që kërkojnë të avancojnë interesat e tyre politike dhe ekonomike.

Autoriteti për komunikimet elektronike dhe postare dekretoi më 15 tetor se 44 portale të mediave kishin 72 orë për të marrë një numër identifikimi tatimor dhe ta publikonin në faqet e tyre të internetit ose qeveria do t’i mbyllte ato. Lista përfshiu disa faqet e lajmeve hulumtuese, duke përfshirë BIRN. Deri në fund të vitit, qeveria nuk i kishte mbyllur portalet që nuk kishin marrë numrin e identifikimit tatimor.

Trumpi propozon buxhet rekord prej 4.7 trilionë dollarë

Washington

Presidenti amerikan, Donald Trump, ka propozuar buxhetin më të lartë në historinë e Shteteve të Bashkuara të Amerikës (SHBA), me një kërkesë drejtuar Kongresit prej 4.7 trilionë dollarë, raporton Anadolu Agency (AA).

Buxheti i propozuar shkurton shpenzimet diskrecionale jo-mbrojtje me pesë për qind, ndërkohë që synon të balancojë brenda 15 viteve buxhetin federal.

Ndërsa kërkon të zvogëlojë buxhetet e tjera me pesë për qind, propozimi i Shtëpisë së Bardhë rrit buxhetin e Pentagonit në rreth 750 miliardë dollarë për vitin fiskal 2020, që është një rritje me 34 miliardë dollarë nga viti paraprak fiskal.

Deficiti amerikan pritet që gjatë vitit fiskal 2020 që fillon në tetor të jetë mbi 1.1 trilion dollarë, për çka Shtëpia e Bardhë përpiqet të theksojë se përfitimet e tij janë se do të krijojë një buxhet të balancuar deri në vitin 2034.

“Si vend, kemi shumë borxhe” u tha gazetarëve në Shtëpinë e Bardhë drejtori i Drejtorisë për Buxhet, Russell Vought, për të shtuar se 22 trilionë dollarët e borxhit publik të SHBA-ve, janë diçka e papranueshme për ata.

Buxheti i propozuar nga Trump është thjesht një kërkesë për Kongresin, i cili nga ana e tij gëzon autoritetin për të hartuar dhe miratuar buxhetet federale.

Propozimi i buxhetit me gjasë nuk do të miratohet nga legjislativi federal.

Një nga pikat të cilat sipas të gjitha gjasave do të pengohet në procesin e legjislativit, është kërkesa e Trumpit për rreth 8.6 miliardë dollarë, me të cilat do të ngrejë murin në kufirin SHBA-Meksikë.

Pelosi kundër nxjerrjes së Trumpit në votëbesim

Udhëheqësja demokrate e Dhomës së Përfaqësuesve në Shtetet e Bashkuara tha se është kundër përpjekjeve për ta nxjerrë në votëbesim presidentin Donald Trump, duke thënë se “nuk ia vlen”.

Nancy Pelosi i bëri komentet në një intervistë për gazetën The Washington Post.

“Nuk jam për votëbesimin”, tha ajo.

“Dersia nuk ka diçka bindëse, të madhe dhe që mbështetet nga të dyja partitë, nuk mendoj se duhet të shkojmë në atë rrugë, sepse ajo e ndan vendin”, tha Pelosi.

Komentet e saj vijnë në kohën e presionit në rritje nga ligjvënësit demokratë për ta nxjerrë në votëbesim Trumpin, i cili është republikan.

Presioni është rritur qysh në muajin nëntor, kur demokratët kanë marrë kontrollin e Dhomës së Përfaqësuesve.

Me Kushtetutën e SHBA-së, çdo përpjekje për ta nxjerrë në votëbesim presidentin amerikan bëhet fillimisht në Dhomën e Përfaqësuesve.

Nëse presidenti del në votëbesim, Senati pastaj vendos nëse do ta largojë nga zyra – gjë që nuk ka ndodhur kurrë në historinë e SHBA-së.

Disa komitete të Dhomës së Përfaqësuesve kanë nisur hetime agresive ndaj Shtëpisë së Bardhë që kanë të bëjnë sidomos me lidhjet e dyshuara të Trumpit me Rusinë.

Hetime për këtë çështje po bën edhe këshilltari i posaçëm amerikan, Robert Mueller.

Hetimet ndaj presidentit Trump mbi lidhjet me Rusinë

Ish-avokati personal i presidentit Donald Trump, Michael Cohen, kthehet të dëshmojë të mërkurën përpara Komisionit të Dhomës së Përfaqësuesve për çështje të Zbulimit, të drejtuar nga demokratët, që këtë javë filloi hetime të reja ndaj të administratës së presidentit Trump.

Michael Cohen dëshmoi tri herë në Kongres javën e kaluar, duke folur në seanca të veçanta në komisionet e zbulimit të Dhomës së Përfaqësuesve dhe të Senatit, në seanca me dyer të mbyllura, si dhe para Komisionit të Mbikëqyrjes së Dhomës së Përfaqësuesve, në seancë të hapur. Gjatë dëshmisë ai e cilësoi presidentin Trump si një “njeri mashtrues” , që e kishte udhëzuar atë të mbulonte marrëdhëniet që kishte patur me dy gra dhe se presidenti kishte gënjyer në lidhje me përpjekjet e tij të biznesit në Rusi.

Kryetarët e Komisioneve të Zbulimit, të Punëve të Jashtme dhe të Mbikqyrjes bënë një kërkesë të përbashkët në Shtëpinë e Bardhë të martën duke kërkuar gjithë komunikimet që presidenti Trump kishte patur me presidentin rus Vladimir Putin, duke shprehur shqetësime se presidenti Trump ka fshehur detaje të këtyre shkëmbimeve.

Nga ana e tij, Komisioni Juridik i Dhomës së Përfaqësuesve ka kërkuar dokumente nga 81 individë, si pjesë e asaj që kryetari i komisionit Jerrold Nadler e quajti “hetim mbi korrupsionin, pengimin e drejtësisë dhe abuzimet e tjera të pushtetit nga presidenti Trump, bashkëpunëtorët e tij dhe anëtarët e administratës së tij”.

Presidenti Trump i sulmoi hetimet duke i quajtur “një ekspeditë e madhe peshkimi në kërkim të një krimi”.

Ai tha se demokratët e Kongresit “janë çmendur” dhe shtoi se letrat në kërkim të informacionit iu dërguan “njerëzve të pafajshëm për t’i sulmuar ata”.

Now that they realize the only Collusion with Russia was done by Crooked Hillary Clinton & the Democrats, Nadler, Schiff and the Dem heads of the Committees have gone stone cold CRAZY. 81 letter sent to innocent people to harass them. They won’t get ANYTHING done for our Country!

— Donald J. Trump (@realDonaldTrump) March 5, 2019

Në Twitter, ai e quajti hetimin e Komisionit Juridik si “ekzagjerimin më të madh në historinë e vendit. Demokratët po pengojnë drejtësinë dhe nuk do të arrijnë asgjë”.

The greatest overreach in the history of our Country. The Dems are obstructing justice and will not get anything done. A big, fat, fishing expedition desperately in search of a crime, when in fact the real crime is what the Dems are doing, and have done!

— Donald J. Trump (@realDonaldTrump) March 5, 2019

“Ngacmime presidenciale!” deklaroi ai në Twitter.

PRESIDENTIAL HARASSMENT!

— Donald J. Trump (@realDonaldTrump) March 5, 2019

Më vonë, presidenti Trump u tha gazetarëve, “Është një turp për vendin tonë”, duke thënë se demokratët ende nuk e kanë pranuar fitoren e tij në zgjedhjet e vitit 2016. “Ata duan të përqëndrohen në gjera të pakuptimta.”

Duke shpallur hetimin nga Komisionit Juridik, ligjvënësi demokrat Nadler tha: “Gjatë disa viteve të fundit, presidenti Trump ka shmangur llogaridhënien për sulmet e tij thuajse të përditshme ndaj rregullave dhe normave tona themelore ligjore, etike dhe kushtetuese. Hetimi i këtyre kërcënimeve ndaj sundimit të ligjit është një detyrimi i Kongresit “.

Presidenti Trump ka mohuar prej kohësh keqbërjen që përfshin lidhjet e fushatës së tij me Rusinë dhe gjatë presidencës së tij. I pyetur për akuzat e zotit Nadler të hënën, Trump u përgjigj: “Unë bashkëpunoj me të gjithë kohën me të gjithë … … dhe a e dini më të bukurën? Nuk ka konsoiracion. E gjitha është një mashtrim”.

Në një deklaratë, sekretarja e shtypit e Shtëpisë së Bardhë Sarah Sanders tha se demokratët nisën hetimin “sepse janë të tmerruar që puna e tyre e rreme dyvjeçare rreth bashkëpunimit me Rusinë po shkatërrohet. Frikësimet dhe abuzimet e tyre ndaj shtetasve amerikanë janë të turpshme. Demokratët po e ngacmojnë presidentin për të larguar vëmendjen nga plani i tyre radikal për ta bërë Amerikën një vend socialist, duke vrarë foshnjat pas lindjes dhe duke nxitur një marrëveshje për mjedisin që do të shkatërronte vendet e punës dhe do të falimentonte Amerikën”.

Ajo tha se avokatët e Shtëpisë së Bardhë dhe “zyrtarët përkatës të Shtëpisë së Bardhë” do të shqyrtojnë kërkesën e Komisionit Juridik për dokumente dhe “do të përgjigjen në kohën e duhur”.

Përveç Shtëpisë së Bardhë, Komisioni i dërgoi kërkesat e tij për dokumente në Departamentin e Drejtësisë; zyrtarëve të lartë të fushatës; Organizatës Trump, sipërmarrje globale e biznesit të presidentit; dhe dy djemve të tij, Donald Trump i Riu dhe Eric Trump.

FILE – Donald Trump Jr. attends the annual White House Easter Egg Roll on the South Lawn of the White House in Washington, April 2, 2018.

​Ligjvënësi demokrat Nadler tha të dielën se ai beson se presidenti ka penguar drejtësinë. Ai tha se Michael Cohen, në dëshminë e tij të gjatë publike në Kongres javën e kaluar, “e implikoi drejtpërdrejt presidentin në krime të ndryshme, si gjatë fushatës së zgjedhjeve presidenciale dhe në Shtëpinë e Bardhë”.

“Ne nuk kemi ende fakte, por do të fillojmë hetimet e duhura”, tha demokrati Nadler.

Informacioni i mbledhur nga Komisioni Juridik, së bashku me atë në raportin që ende nuk është publikuar nga prokurori i posaçëm Robert Mueller, lidhur me lidhjet e fushatës së zotit Trump me Rusinë dhe akuzat për pengim të drejtësisë, mund të formojnë bazën e procedurave të shkarkimit të presidentit Trump. Por demokrati Nadler tha se të flitet për përpjekjen për të shkarkuar presidentin Trump është e parakohshme.

“Ne do të veprojmë shpejt për të mbledhur këtë informacion, për të vlerësuar provat dhe për të ndjekur faktet ku ato na çojnë me transparencë të plotë me popullin amerikan”, tha ai.

Raporti i Prokurorit të Posaçëm, Mueller mund të dërgohet së shpejti tek prokurori i Përgjithshëm William Barr, por sa pjesë të raportit do të bëhen publike është e pasigurtë. Ligjvënësit demokratë kanë bërë thirrje për shpalljen e plotë të raportit, por Willima Barr ka thënë se do ta bëjë këtë vetëm në masën që lejojnë rregulloret e Departamentit të Drejtësisë.

Kylie Jenner shpallet miliarderja më e re në botë

New York

Kylie Jenner, pronarja e firmës së njohur kozmetike, ka fituar epitetin “miliarderja më e re në botë”.

Revista amerikane Forbes ka njoftuar se pasuria e 21-vjeçares Jenner, pronare e firmës Kylie Cosmetics, ka arritur në një miliardë dollarë dhe se ajo ka marrë epitetin “miliarderja më e re në botë”.

Jenner ka marrë këtë titull nga Mark Zuckerberg, themeluesi i rrjetit social Facebook, ndërsa në të njëjtën kohë është shpallur edhe si “miliarderja më e re që ka krijuar pasurinë e vet”.

“Nuk kisha asnjë pritje. Nuk e kam paraparë të ardhmen. Megjithatë, ky epitet më bëri të ndihem shumë mirë. Është vlerësim i madh”, është shprehur Jenner për Forbes.

Jenner, gjysmë motër e motrave Khole dhe Kim Kardashian, themeloi Kylie Cosmetics në vitin 2015. aa

Trumpi do të bashkëpunojë me hetimin e demokratëve në Kongres

Presidenti i SHBA, Donald Trump, tha se do të bashkëpunojë me hetimin ndaj fushatës së tij presidenciale dhe biznesit të tij, hetim i filluar të hënën nga demokratët e opozitës në Dhomën e Përfaqësuesve. Zoti Trump vazhdon të mohojë se ka patur ndonjë shkelje që përfshin lidhje të fushatës së tij me Rusinë apo gjatë presidencës së tij.

Dy vitet që kur Presidenti Donald Trump erdhi në Shtëpinë e Bardhë kanë qenë të trazuara dhe pritet që situata të trazohet më tej.

“Ne do të bëjmë gjithçka mundemi për të marrë në dorë çdo provë. Hetimi po fillon.”

Të hënën, Komisionit Juridik i Dhomës së Përfaqësuesve kërkoi dokumente nga më shumë se 80 vetë brenda administratës Trump, familjes dhe biznesit të tij, duke përfshirë ish-avokatin personal Michael Cohen, djemtë Eric dhe Don Junior si dhe dhëndrrin Jared Kushner – si pjesë e hetimit mbi akuzat për pengim të drejtësisë, korrupsion dhe shpërdorim pushteti.

Shtëpia e Bardhë tha se do të përgjigjet “në kohën e duhur”.

“Unë bashkëpunoj gjithë kohën me të gjithë, dhe e di ç’është më e bukura? Nuk ka patur asnjë bashkëpunim të fshehtë. Është e gjitha mashtrim,” thotë presidenti Trump.

Zoti Trump mohon se ka patur shkelje që përfshijnë ndërhyrjen ruse në zgjedhjet e vitit 2016.

Komisioni Juridik i Dhomës është mjaft i fuqishëm dhe në të kaluarën ka hetuar presidentët Richard Nixon dhe Bill Clinton për akuzat për pengim të drejtësisë dhe keqpërdorim të pushtetit. Deri tani, ky hetim nuk ka lidhje me ndonjë proces për shkarkimin e presidentit.

“Nëse kjo do të shdërrohet ose jo në një skandal në përmasat e Uotergejtit, skandali i vetëm që ka detyruar një president të largohet nga posti, mbetet për t’u parë se ç’do të rezultojë nga këto dëgjesa publike”, Jeremy Venook, i Qendrës Amerikane të Progresit

Hetimi i tanishëm nuk ka lidhje me hetimin rreth Rusisë, i drejtuar nga Robert Mueller, rezultatet e të cilit priten shumë shpejt,

“Ne thjesht nuk e dimë se çfarë mund të dalë në këtë raport për ndonjë komplot me rusët. Sigurisht që ka shumë tym. Mbetet për t’u parë nëse ka zjarr”, thotë Alan Lichtman, historian në Universitetin Amerikan.

Hetimi i Dhomës së Përfaqësuesve është një tjetër goditje pas dëshmisë së bujshme që dha javën e kaluar ish-avokati personal i presidentit, Michael Cohen.

“Puna e të gjithëve në organizatën Trump është ta mbrojë zotin Trump çdo ditë. Shumica prej nesh e dinin se po vinte dita që do të gënjenim për diçka në emër të tij, dhe kjo u bë normë. Dhe pikërisht kjo po ndodh tani,” tha zoti Cohen.

Ka edhe hetime të tjera ndaj rrethit të brendshëm të presidentit, duke përfshirë ato në gjykatat e qarkut Jugor të Nju Jorkut si dhe në Nju Xhersi dhe në Uashington, D.C.

Trumpi që tani filloi fushatën elektorale

Zgjedhjet e ardhshme presidenciale në SHBA do të mbahen në vjeshtën e vitit 2020, por presidenti Donald Trump e ka hapur fushatën e tij. Trump sulmoi ashpër kundërshtarët e tij, në veçanti demokratët.

Presidenti amerikan Donald Trump betohet se do ta luftojë me vendosmëri fantazmën e socializmit në Shtetet e Bashkuara të Armerikës. “Amerika nuk do të shndërrohet kurrë në një vend socialist”, theksoi Trumpi në një fjalim dyorësh në takimin vjetor të aktivistëve dhe parlamentarëve konservatorë (CPAC) në Uashington. “E ardhmja nuk i takon atyre që besojnë tek socializmi”, tha Trump, i cili në këtë mënyrë iu drejtua politikës së demokratëve opozitarë. “E ardhmja i takon atyre që besojnë tek liria.”

Trump tha se demokratët me “synimet e tyre radikale të majta” duan ta shkatërrojnë tërësisht ekonominë amerikane. “Por unë do t’ju mbroj”, tha Trump para simpatizantëve të tij. Rruga më e sigurt për të evituar këto “synime radikale”, sipas Trumpit, është e “rizgjedhja e tij për president, në zgjedhjet e vitit 2020”. Trump u ankua sërish për “gjuetinë e shtrigave” kundër tij. Ai pohon se nuk ka pasur kurrfarë marrëveshjesh sekrete me Rusinë, në prag të zgjedhjeve të vitit 2016. Por demokratët nuk duan ta kuptojnë këtë. “Këta njerëz janë të sëmurë”, tha Trump.

Donald Trump spricht auf der CPAC (picture-alliance/AP/C. Kaster)

Trumpi kërkon “lirinë e shprehjes” në universitete

Trump pohon se nga shkollat e larta amerikane do të kërkojë që të garantojnë “lirinë e shprehjes”. Ai tha se së shpejti do të nënshkruajë një urdhër, me të cilin shkollat e larta detyrohen që të garantojnë këtë liri, nëse duan të kenë mbështetjen financiare të shtetit. “Nëse nuk e bëjnë këtë, kjo do t’u kushtojë shumë”, tha Trump, pa paraqitur ndonjë plan konkret se për çfarë qëllimesh dhe çfarë kostosh e ka fjalën.

Banka kombëtare amerikane Fed e ka kritikuar presidentin amerikan Donald Trump për politikën e tij financiare. Kjo politikë ka dobësuar dollarin amerikan dhe ka dëmtuar aftësinë konkurruese të SHBA. “Ne në Fed kemi një zotëri, i cili dëshiron të ketë një dollar shumë të fuqishëm”, tha Trump. “Edhe mua më pëlqen të kemi një dollar të fuqishëm, por unë dua të kemi një dollar të mrekullueshëm dhe jo një dollar i cili është aq i fuqishëm sa që të na pengojë në tregti me vendet e tjera”, theksoi presidenti Trump në këtë fjalim, i cili konsiderohet edhe si një lloj hapje e fushatës për zgjedhjet e ardhshme, të cilat do të mbahen në vitin 2020.

bc/wa/nob (afp, dpa, rtr)

Tornado vdekjeprurëse në Alabama

Një tornado goditi në juglindje të Alabamës, duke lënë pas vetes të paktën 23 të vdekur dhe disa të plagosur. Stuhia shkaktoi dëme katastrofale në zonë.

Sherifi i kontest Lee, Jay Jones tha se “tash për tash janë 23 të vdekur. Për fat të keq, druaj se ky numër mund të rritet”.

Alabama

Moti i lig pengoi operacionet e kërkimit me dronë të dielën vonë dhe sherifi Jones tha se kërkimet më të ngjeshura priten të hënën.

Presidenti Donald Trump, u bëri thirrje të dielën vonë qytetarëve të Alabamës që të “jenë të kujdesshëm. Familjeve dhe miqve të viktimave, Zoti ju bekoftë të gjithëve”, shkroi ai.

Në disa pamje televizive shihen shtëpi të shkatërruara, rrugë të dëmtuara e pemë të çara në dysh nga stuhitë.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend