VOAL

VOAL

Copyright © 2022

VOAL

SHBA

Trump: aleancë e fortë SHBA-Rusi për një botë më të mirë e më të sigurt

Presidenti Donald Trump tha të shtunën se një aleancë e fortë SHBA-Rusi mund të rezultojë në një bashkësi më të mirë botërore.

“Ka potenciale shumë të mëdha për marrëdhënie të mira me Rusinë,” shkroi presidenti Trump në Twitter një ditë pasi kishte zhvilluar një bisedë telefonike të cilën e cilësoi shumë pozitive, me presidentin rus Vladimir Putin. “Bota mund të jetë më e mirë dhe më e sigurt”, tha ai.

Në bisedën që zgjati më shumë se një orë, presidenti Trump tha se Venezuela ishte një nga temat që diskutoi me presidentin rus Putin.

“Ai nuk mendon të përfshihet në krizën që ka përfshirë Venezuelën, përveçse dëshiron të shohë diçka pozitive atje. Ndjehem po ashtu“, u tha presidenti Trump gazetarëve të premten pasdite në Shtëpinë e Bardhë.

Duke folur së bashku me kryeministrin sllovak Peter Pellegrini, zoti Trump e cilësoi diskutimin e tij me Presidentin Putin mbi Venezuelën si “shumë pozitiv”.

Tensioni është rritur ditët e fundit mes Uashingtonit dhe Moskës për shkak të ngjarjeve gjithnjë e më destabilizuese në Karakas. Administrata Trump ka akuzuar rusët për moslejimin e presidentit venezuelian Nicolas Maduro të heqë dorë nga pushteti e të largohet nga vendi.

“Kjo është hemisfera jonë. Nuk është vendi ku rusët duhet të ndërhyjnë“, tha të mërkurën këshilltari për Sigurinë Kombëtare John Bolton.

Ministri i Jashtëm rus Sergej Lavrov, gjatë një telefonate zhvilluar më parë këtë javë, njoftoi Sekretarin e Shtetit Mike Pompeo për ato që i cilësoi, “pasoja të rënda” nëse do të kishte hapa të mëtejshëm agresivë në Venezuelë, çka u interpretua si një paralajmërim për Uashingtonin që të mos ndërhyjë ushtarakisht në Venezuelë.

Dy diplomatët e lartë pritet të takohen gjatë sesionit ministror të Këshillit të Arktikut që mbahet në Finlandë javën e ardhshme dhe Venezuela është një nga çështjet që pritet të diskutohet mes tyre.

“Ata do të kenë mundësi, sigurisht, që të takohen dhe të shqyrtojnë çdo temë që ata zgjedhin“, u tha një zyrtar i lartë i Departamentit të Shtetit gazetarëve në një tele-konferencë përpara udhëtimit të sekretarit Pompeu.

Ekipi i Sigurisë Kombëtare të presidentit përfshirë këshilltarin John Bolton, Sekretarin e Mbrojtjes Patrick Shanahan, nënsekretarin e Mbrojtjes John Rood dhe komandandin e Forcave Jugore Craig Faller u takua të premten në Pentagon për diskutime të nivelit të lartë mbi çështjet e ndjeshme dhe operacionet ushtarake.

Zyrtarët e mbrojtjes thonë se ata diskutuan mbi alternativat për Venezuelën.

“Presidenti do të bëjë atë që është e nevojshme,” tha zonja Sanders si përgjigje ndaj një pyetje të Zërit të Amerikës, nëse ky takim kishte si temë një ndërhyrje ushtarake në Venezuelë.

Ajo përsëriti se “të gjitha opsionet vazhdojnë të jenë në tavolinë“, siç kanë thënë vazhdimisht disa zyrtarë të administratës gjatë javëve të kaluara.

Shtetet e Bashkuara dhe shumica e vendeve perëndimore nuk e njohin më Nikolas Maduron si udhëheqësin legjitim të Venezuelës, duke njohur Juan Guaidos, si president president të përkohshëm të vendit.

Përveç kësaj, u diskutua mundësia e një “marrëveshjeje bërthamore” që do të përfshinte Shtetet e Bashkuara, Rusinë ndoshta dhe Kinën.

Presidenti Trump tha se gjithashtu se diskutoi me presidentin Putin rreth raportit të Prokurorit të Posaçëm Mueller mbi ndërhyrjen ruse në zgjedhjet presidenciale të 2016.

“Ai (Putini) buzëqeshi kur tha se nisi si një mal e dhe përfundoi të ishte një mi”, tha zoti Trump.

I pyetur nga Zëri i Amerikës rreth asaj se çfarë mund të bënte për të përmirësuar marrëdhëniet dhe komunikimin e tij me mediat, kur më 3 maj u shënua Dita Botërore e Lirisë së Shtypit, presidenti Trump u përgjigj se kishte një marrëdhënie të shkëlqyer me disa gazetarë. za

Bennett: Zëri i Amerikës i mbrojtur me ligj nga influenca politike

Anush Avetisyan

Në Ditën Ndërkombëtare të Shtypit është me vend të kujtohen sakrificat e shumta që bëjnë gazetarët në çdo skaj të botës, qoftë në rajone konfliktesh, apo në vende me qeveri autokrate, për të ndjekur lajmin dhe për të zbardhur të vërtetën për audiencën e tyre. Zëri i Amerikës ka ndërmarrë kohët e fundit një nismë në mbështetje të lirisë së shtypit. Në një intervistë me kolegen e shërbimit rus të Zërit të Amerikës, Anush Avetisyan, drejtoresha e Zërit të Amerikës Amanda Bennett flet për situatën aktuale të shtypit në Shtetet e Bashkuara dhe në botë dhe për punën që bën agjencia që ajo drejton në shërbim të gazetarisë etike dhe të përgjegjshme.

Anush Avetisyan: Misioni i Zërit të Amerikës është të shërbejë për botën si model i një medias të pavarur, të pacensuruar, megjithëse financohet me fonde publike. Si mund të sigurohet audienca jonë globale që administrata amerikane nuk ndikon tek vendimet që merr Zëri i Amerikës për përmbajtjen e materialeve që transmeton?

Amanda Bennett: Një nga gjërat e mrekullueshme të Zërit të Amerikës është se misioni ynë është gazetaria e pacensuruar, e saktë, e bazuar tek faktet. Në Shtetet e Bashkuara kemi ligje shumë të forta që na e bëjnë ne të mundur të operojmë veçmas nga qeveria. Një nga ligjet specifikisht nuk lejon zyrtarët qeveritarë të vijnë e të na thonë çfarë të bëjmë. Siç e dini, të gjithë në Zërin e Amerikës e kuptojnë më së miri dhe e respektojnë këtë ligj. Ne kemi krijuar edhe kulturën e punës ku ndiqet dhe respektohet ky ligj.

Anush Avetisyan: Duke ditur se audienca jonë, veçanërisht në Ballkan dhe në Rusi ekspozohet ndaj programeve të sponsorizuara nga qeveria dhe shumë prej tyre nuk janë të familiarizuar me misionin e Zërit të Amerikës, si do t’i bindim se lajmet tona janë të drejta dhe të balancuara? Në epokën kur presidenti i Shteteve të Bashkuara ushqen idenë e lajmeve të rreme, si mund të arrijë Zëri i Amerikës të bindë shikuesit e tij se ne nuk përhapim lajme të rreme?

Amanda Bennett: Nuk më pëlqen fraza “lajme të rreme” sepse nëse është “e rreme” nuk është “lajm”. Pra termi “lajme të rreme” nënkupton dy koncepte: nënkupton diçka të sajuar dhe të qarkulluar me synimin për të mashtruar njerëzit. Po ashtu ka marrë edhe një kuptim tjetër që nuk më pëlqen. Qeveritë në mbarë botën përdorin termin “lajme të rreme” kur hasin në lajme që i kritikojnë. Këto nuk janë lajme të rreme, në fakt janë lajme të sakta. Pra, duke u treguar njerëzve në mbarë botën se çfarë po bëjnë qeveritë e tyre unë mendoj se po bëjmë gjënë më të mirë për t’u treguar njerëzve se jemi të paanshëm. Ne zhvillojmë vazhdimisht anketa; anketojmë njerëzit në të gjithë botën dhe vërejmë se gëzojmë besim në masën 65%. Pra në botë rreth 65% e njerëzve që na ndjekin besojnë se ne jemi një grup mediatik i besueshëm. Unë e shikoj si diçka të mrekullueshme. Nuk di të ketë ndonjë organizatë tjetër mediatike në botë, përveç BBC-së që ka shifra të tilla.

Anush Avetisyan: Duke pasur parasysh si u zhvilluan ngjarjet gjatë zgjedhjeve presidenciale të 2016-ës, çfarë do të rekomandonit që duhet të bëjnë njerëzit për të dalluar lajmet e rreme nga ato të besueshme?

Amanda Bennett: Ky problem shfaqet në mbarë botë. Në të gjithë globin njerëzit po përpiqen të gjejnë mënyra për ta bërë këtë dallim. Ne kemi filluar operacione për konfirmim faktesh. I filluam në të njëjtën kohë që filluam rrjetin tonë të transmetimeve 24-orëshe në rusisht. Analizojmë informacione që dalin përmes deklaratave ruse; kërkojmë të gjejmë nëse ka fakte që mbështesin këto deklarata. Kjo është një nga mënyrat për të analizuar diçka: duke analizuar nëse bazohen në fakte ose nëse janë thjesht deklarata në ajër. Ne besojmë me forcë tek fakti. Ne besojmë se në realitet ekziston ajo që quhet fakt.

Anush Avetisyan: Në lidhje me Ditën e Lirisë së Shtypit doja të dija çfarë përgjigje do të jepnit, nëse një zyrtar i administratës do të përpiqej të ndikonte tek raportimet e Zërit të Amerikës?

Amanda Bennett: Në fakt do të ishte mjaft e lehtë, pasi kemi ligje që na mbrojnë. Kujdo që përpiqet të ndikojë tek mbulimi ynë do t’i thoja: Faleminderit për sugjerimin, por nuk më kërkohet ta marr në kosideratë. Nuk kam përse udhëhiqem nga sugjerimi juaj pasi kam këtë ligj që më mbron. Do t’u tregoja ligjin dhe do t’u thosha: nëse përpiqeni të më detyroni të bëj këtë, do të shkelnit ligjin dhe në këtë vend ne respektojmë ligjet. Ne veprojmë brenda ligjit, njerëzit respektojnë ligjin. Njerëzit në Kongres, në Shtëpinë e Bardhë, në Departamentin e Shtetit e repsketojnë ligjin.

Anush Evetisyan: Në një postim në Twitter në nëntor 2018, Presidenti Trump sugjeroi… po e citoj: “Duhet të krijojmë një rrjet amerikan për transmetime ndërkombëtare për t’i treguar botës se sa vend i mrekullueshëm jemi”. Ju i jeni përgjigjur këtij postimi. Do të doja të dija, nëse krijohet një rrjet i tillë siç e sugjeron presidenti amerikan, çfarë roli do të luante për Amerikën si një vend që mbështet lirinë e shtypit?

Amanda Bennett: Reagimi im është se ne e kemi këtë rrjet global që pasqyron se sa vend i mrekullueshëm është Amerika. Që pasyron aspekte të mrekullueshme si Amendamentin e Parë (që mbron lirinë e fjalës dhe të shtypit). Kjo është një nga gjërat që e bën këtë vend të mrekullueshëm. Nuk kemi nevojë të bëjmë propagandë për ta treguar se sa të mrekullueshëm jemi. Mjafton të transmetojmë materiale që kritikojnë qeverinë, materiale që kundërshtojnë deklaratat e zyrtarëve qeveritarë. Mendoj se presidenti po sugjeronte diçka që në fakt është në ekzistencë. Ne kemi një rrjet global që transmeton në 45 gjuhë në më shumë se 60-70 vende të botës, ku pasqyrohet sa e mrekullueshme është Amerika. Duke treguar sa e mrekullueshme është Amerika, ne gjithashtu tregojmë edhe gjërat që nuk shkojnë krejt mirë. Kjo është në fakt një ndër gjërat e mrekullueshme të Amerikës, se mund të tregojmë të dyja anët e argumentit.

Anush Avetisyan: A mund të flisni për serinë: Rrëfejmë Përvojën e Amerikës? Si gazetarë të Zërit të Amerikës ne tani kemi mundësi të udhëtojmë për të mbuluar ngjarje jo vetëm nga zonat përreth Uashingtonit, por edhe nga pjesë të tjera të Amerikës. Përse mendoni se kjo është e rëndësishme?

Amanda Bennett: Kur flasim për pasqyrimin e Amerikës, nuk bëhet fjalë vetëm për materiale që pasqyrojnë politikën e jashme apo qeverinë. Nëse je në kryeqytetin e një vendi dhe mbulon ngjarjet në atë kryeqytet, nuk je duke pasqyruar realitetin në atë vend. Shtetet e Bashkuara janë një vend shumë i larmishëm, i pasur në eksperienca. Fakti që ishim të përqëndruar kryesisht tek kryeqyteti, Uashington, tek zhvillimet këtu, nënkupton se nuk po pasqyronim Amerikën. Unë fillova të pyes njerëzit nga vende të ndryshme se çfarë u intereson të dinë. Ata thanë se duan të dinë për arritjet teknologjike amerikane, duan të dinë për rajonin Silicon Valley. Duan të dinë për biznesin dhe sipërmarrjen amerikane. Duan të dinë për sistemin arsimor në Shtetet e Bashkuara. Për muzikën amerikane. Këto gjëra ndodhin në mbarë Shtetet e Bashkuara. Prandaj i nxis të gjithë të dalin, të gjejnë histori të reja për tema që janë vërtetë pasqyruese të Amerikës.

Anush Avetisyan: Si do ta përshkruanit klimën aktuale të punës për gazetarët në Shtetet e Bashkuara? Si mund të ndikojë kjo klimë tek puna e gazetarëve të Zërit të Amerikës?

Amanda Bennett: Mendoj se në Shtetet e Bashkuara është një situatë mediatike shumë më e tensionuar. Por gjithashtu nuk jam aspak dakord se ne jemi në vend të 48-të për nga liria e shtpit (renditja bazohet në raportin e fundit të organizatës Gazetarët Pa Kufi). Nuk mendoj se është një renditje aspak realiste. Një ndër gjërat që kam arritur të bëj si drejtoreshë e Zërit të Amerikës janë udhëtimet nëpër disa nga vendet ku transmetojmë. Kur kthehem nga këto vende ndjehem gjithmonë mirënjohëse për ligjet e mrekullueshme dhe për praktikat e kulturën që kemi në këtë vend dhe që na japin mundësinë ne gazetarëve të bëjmë punën tonë. Kam vizituar vende ku gazetarët i kanë nxjerrë zvarrë, i kanë arrestuar, u kanë konfiskuar ose shkatërruar pajisjet. Raste kur gazetarëve u kërcënojnë të afërmit. Pra plot gjëra të tmerrshme. Ka gjëra që ndodhin këtu, por asgjë në përmasat dhe nivelin që vërehet në disa vendeve ku transmetojmë. Prandaj nuk mendoj se renditja për lirinë e shtypit në Shtetet e Bashkuara është e saktë. Ne gëzojmë mundësinë për të raportuar lirisht. Prandaj përgjegjësia për të raportuar mbetet mbi ne gazetarët.

Anush Avetisyan: Lidhur me përgjigjen e mësipërme se në disa vende të botës puna e gazetarit është e rrezikshme. Ne kemi gazetarë në vende të tilla, si për shembull në Kinë, Vjetnam, Iran, Somali, Azerbajxhan, të cilat renditen në fund të listës. Çfarë vështirësish hasin gazetarët e Zërit të Amerikës në këto vende?

Amanda Bennett: Është e tmerrshme që është vërtetë e rrezikshme të jesh gazetar në shumë pjesë të botës. Ajo që më mrekullon dhe më bën të kuptoj më mirë fuqinë e gazetarisë është fakti që njerëzit e vazhdojnë këtë mision. U themi bashkëpunëtorëve tanë në vende të ndryshme të rrezikshme se është e rëndësishme të mbulojmë ngjarjet, por asgjë nuk është më e rëndësishme se jeta e tyre. U themi të tregohen të kujdesshëm në çdo hap dhe të mbrojnë veten. Pavarësisht nga të gjitha këto, për një arsye ose një tjetër, arsye që ne i kuptojmë, ata duan me shpirt të bëjnë punën. Duan të ndjekin lajmin. Gazetarët vënë veten në rrezik të jashtëzakonshëm për t’u përcjellë njerëzve të vërtetën. Besoj se kjo tregon se çfarë fuqie ka lajmi.

Anush Avetisyan: Desha të ndalesha te Rusia. Në Ditën e Lirisë së Shtypit vjet, John Lansing (Shefi Ekzekutiv i Agjencisë Për Media Globale, ku përfshihet edhe Zëri i Amerikës) tha “një nga vendet më të këqija, më të rrezikshme (për gazetarët) është Republika Ruse dhe vendet e ish-Bashkimi Sovjetik”. A mund të na shpjegoni përse u krijua rrjeti Current Time në rusisht që transmeton 24 orë në ditë, shtatë ditë në javë? Cili ishte synimi në spektrin e gjerë?

Amanda Bennett: Ne donim t’u jepnim njerëzve, jo vetëm në Rusi, po kudo ku flitet rusishtja qasje tek lajmet objektive, të bazuara tek faktet lidhur me Shtetet e Bashkuara dhe me rajonin. Ne e shohim se ka kërkesë për këto lajme. Prandaj akorduam burime të shumta për të krijuar këtë rrjet 24/7 që u ofrohet shikuesve dhe lexuesve jo vetëm në Rusi, por kudo ku flitet rusishtja në botë.

Anush Avetisyan: Sa qasje të lirë ka Zëri i Amerikës për të mbuluar zhvillimet në Rusi?

Amanda Bennett: Kemi qasje përmes redaksive tona dhe përmes kolegëve në Radion Evropa e Lirë, po ashtu kemi gazetarë edhe këtu në Uashington. Dallohet edhe në krahasim me periudhën kur sapo fillova punë si drejtoreshë e Zërit të Amerikës, se gjërat po vështirësohen. Janë miratuar ligje të ndryshme që përpiqen për të kufizuar qasjen tonë, vizat për t’u futur në Rusi dhe aftësinë për të lëvizur lirisht. Pa dyshim është më e vështirë, por nuk është e pamundur.

Anush Avetisyan: Ministri rus i Drejtësisë e përfshiu Zërin e Amerikës, emisionin Current Time dhe Radion Evropa e Lirë në listën e “mediave të huaja që kryejnë funksione ai agjentë të huaj”. Për korrespondentët tanë në Rusi, çfarë nënkupton ky status? Çfarë nënkuton për punën e tyre? Sa të lirë janë ata të raportojnë?

Amanda Bennett: Ata përpiqen të jenë sa më të lirë që munden për të raportuar gjërat bazuar tek faktet. Ne nuk duam të kufizohemi në ato që mbulojmë thjesht për të garantuar se do të vazhdojmë të lejohemi të operojmë në atë vend. Ne duam të qëndrojmë në një vend për sa kohë që mund të raportojmë lirisht dhe në mënyrë të drejtë. Besojmë se ende jemi në gjendje ta bëjmë një gjë të tillë. Pa dyshim jemi të shqetësyar për sigurinë e gazetarëve tanë në vende të tilla. Por aktualisht besojmë se ende mund të vazhdojmë të raportojmë lirisht.

Anush Avetisyan: Rusia po përpiqet të kufizojë disa pjesë të internetit. Çfarë ndikimi do të kishte një gjë e tillë tek Zëri i Amerikës dhe transmetimet Current Time? A ka të ngjarë që të humbasin aftësinë për të transmetuar? Apo për postime në median sociale? Nëse ndodh kjo, a ka një strategji që mund të zbatonte Zëri i Amerikës në këto rrethana?

Amanda Bennett: Këto janë veprime që janë praktikuar nga qeveri që ndjekin praktika kufizuese. Por kam vënë re se edhe në vende ku dënohesh me vdekje nëse dëgjon Zërin e Amerikës, si për shembull në Korenë e Veriut, do të gjesh njerëz që na dëgjojnë. Për shembull në Iran. Kemi 16-17% të tregut televiziv në vende ku ndjekja e emisioneve tona është shumë e kontrolluar. Njerëzit gjejnë mënyra. Fakti që ata na gjejnë dëshmon se megjithëse vendosen kufizime, njerëzit e kërkojnë, e duan të vërtetën dhe do ta gjejnë në një mënyrë apo një tjetër. Në Kinë, ku autoritetet kanë në zbatim një “mur” bllokues dhe ku klima po bëhet edhe më kufizuese, kinezët janë gjithnjë e më kureshtarë për botën. Ata gjejnë mënyra për të kapërcyer bllokadat dhe mendoj se edhe populli rus do të bëjë të njëjtën gjë.

Anush Avetisyan: Rusia ka ligj kundër reklamimit të ekzistencës së personave homoseksualë; Rusia nuk e konsideron si krim dhunën në familje; Rusia i trajton Dëshmitarët e Jehovait si ekstremistë dhe i përndjek. Si mund të ndihmojë rrëfimi i përvojës amerikane në këtë drejtim? A mund të hedhim në dritë mbi këto probleme të shoqërisë ruse duke raportuar mbi përvojën amerikane?

Amanda Bennett: Ne nuk jemi aktivistë; ne nuk synojmë të krijojmë ndryshime sociale, por duam të tregojmë realitetin këtu në Shtetet e Bashkuara. Ta zëmë ne realizojmë një material televiziv mbi mjekësinë dhe aty sheh një mjek homoseksual, apo sheh një grua që punon si mjeke. Kjo tregon se njerëzit në Shtetet e Bashkuara janë të lirë të ndjekin karrierën, pavarësisht nga prirjet personale, apo gjinia. Ne nuk jemi aktivistë, por për ne mjafton të tregojmë të vërtetën.

Anush Avetisyan: Ju ishit e para grua redaktore në të përditshmen Philadelphia Inquirer dhe në agjencinë e lajmeve Bloomberg News. Ju krijuat këtu në Zërin e Amerikës Grupin e Punës për Gruan. Përse ishte e nevojshme kjo nismë? Çfarë mendoni se do të sjellë?

Amanda Bennett: Mendoj se do të sjellë ndryshime. Këto janë nisma të nevojshme sepse shkollat e gazetarisë sot kanë mbi 50% diplomante femra, megjithatë profesioni ynë nuk e trajton gruan barabar. Shpesh mundësitë për gratë gazetare, ashtu si në fusha të tjera nuk janë të barabarta me ato për burrat. Nuk di si mund të drejtosh një organizatë mediatike të suksesshme dhe të flasësh për të drejtat e njeriut pa u dhënë grave të drejtat më bazë. Është e nevojshme t’u tregojmë njerëzve, burrave e grave në këtë agjenci se të drejtat e grave duhen respektuar dhe nxitur; po ashtu duam t’u tregojmë grave që mund të mos kenë pasur rastin të ushtrojnë këto të drejta, por tani është koha të ngrenë zërin. Unë e shoh këtë si shumë të rëndësishme për një organizatë mediatike. Mendoj se në këtë organizatë kemi qenë mjaft të suksesshëm në fuqizimin e gruas për të ndryshuar mendësinë për punën dhe karrierën e tyre.

Anush Avetisyan: Krahasuar me vitin 1975 kur ju filluat karrierën në gazetari, çfarë sfidash të asaj kohe ende nuk kanë gjetur zgjidhje?

Amanda Bennett: Së pari duhet të ndalemi e të kujtojmë që të kuptojmë sa shumë kanë ndryshuar gjërat. Kur mendon vetëm për problemet e sotme, harron sa kemi përparuar në një periudhë relativisht të shkurtër. Kur fillova punë në gazetën Wall Street Journal për 10 vjet isha e vetmja grua në redaksi. Bëheshin plot shaka të pista, gjeste… E tillë ishte atmosfera në mbarë Shtetet e Bashkuara. Tani është mjaft ndryshe. Ka më shumë gra, ka edhe në poste të larta, në udhëheqje. Ndër sfidat që mbeten janë ato që janë ngritur nga Lëvizja #MeToo — #EdheUnë. Po ashtu ende kemi problemin e pagave të barabarta, megjithëse është bërë përparim i madh në gazetari. Megjithëse rreth 50% e personelit në nivele të ulëta janë gra, në nivelet e larta shumica janë burra. Këtu tek Zëri i Amerikës kemi në udhëheqje tre gra. Pra e gjithë udhëheqja e lartë është e përbërë nga gra. Nuk di që të ketë një organizatë tjetër mediatike në botë ku ka një përqëndrim të tillë të grave në nivelet më të larta. Mendoj se ne po dëshmojmë se gratë mund të udhëheqin organizata shumë të mëdha, apo të vogla. Ne po dëshmojmë se udhëheqja e gruas është e fuqishme.

Anush Avetisyan: Në karrierën tuaj, ju keni investuar shumë në gazetarinë investigative. Këtu tek Zëri i Amerikës kemi një ekip të gazetarisë investigative që punon me shërbimet e gjuhëve të ndryshme për projekte investigative. Përse kishte rëndësi për ju që të ndërmerrnit këtë inciativë? Si arrijnë gazetarët këtu në Shtetet e Bashkuara dhe në vende të tjera të kenë qasje tek dokumentet shtetërore, vendimet e gjykatave?

Amanda Bennett: Ligjet që mundësojnë qasjen tek dokumentat shtetërore ndryshojnë nga një vend në tjetrin. Disa vende për çudi lejojnë qasje më të madhe se ç’mund të mendohet. Por në shumë vende njerëzit nuk e shfrytëzojnë këtë mundësi. Prandaj po përpiqemi të ndihmojmë me ekspertizën që kemi krijuar gjatë viteve për t’u treguar njerëzve si të kërkojnë dokumente, informacion. Në shumë raste nuk ka nevojë të gjesh dokumente sekrete pasi informacioni është haptazi. Një nga gjërat që përpiqemi të tregojmë është si të gjesh një temë që duhet rrahur, por që nuk është e lehtë të mbulohet. Po ashtu, si ta raportosh në një mënyrë që të mbahet mend, si të gjesh faktet për të vërtetuar një argument. Nuk mund të bësh një artikull investigativ thjesht duke thënë se po ndodh diçka e tmerrshme. Kërkohet një raportim serioz, kërkohen fakte. Pra ekipi ynë investigativ ka dy qëllime.

Anush Avetisyan: Si e gjykoni, a kanë gazetarët qasjen e duhur në dokumentacione qeveritare këtu në Shtetet e Bashkuara?

Amanda Bennett: Pa dyshim. Një nga gjërat që disktojmë është si të përdorim Ligjin për Transparencën në Qeverisje si mjet investigative, pasi ka plot informacione që kemi të drejtën t’i marrim por nuk i gjejmë. Pra është e rëndësishme të mësojmë si t’i gjejmë. Gazetarët e Zërit të Amerikës kanë të njëjtën të drejtë si kushdo tjetër për ta shfrytëzuar këtë ligj.

Anush Avetisyan: A ka ndonjë kufizim mbi gazetarët e Zërit të Amerikës që nuk ushtrohet mbi gazetarë të tjerë? Për shembull, a ka individë që trajtohen si të paprekshëm nga gazetarët e Zërit të Amerikës, për të cilët nuk mund të flasësh, nuk mund të bësh artikuj investigativë?

Amanda Bennett: Nëse ti më vjen me një ide të mirë, më tregon se mund të dalë një artikull i mirë dhe se ti ke talentin dhe njohuritë për ta bërë, e ke rrugën e hapur për të bërë gjithçka.

Anush Avetisyan: T’i kthehemi serialit për të realizuar materiale mbi përvojën amerikane. Përse e menduat me rëndësi që ta realizonte Zëri i Amerikës dhe të transmetohej në gjuhë të ndryshme?

Amanda Bennett: Historitë mbi përvojën amerikane janë shumë, shumë interesante. Mendova se gazetarët e Zërit të Amerikës nuk po e shfrytëzonin sa duhet këtë linjë që unë e konsideroj si më interesanten në botë. Ajo përfshin histori dinamike, të mëdha, interesante. Kemi zhvillime fantastike shkencore; kemi probleme krimi; kemi tensione racore. Kemi njerëz shumë bujarë, ndër filantropët më të mëdhenj në botë. Ke plot për të mbuluar. Më vinte keq që gazetarët e Zërit të Amerikës ishin të ngurtë në ide dhe shkruanin vetëm për Uashingtonin ku vërtetë ka zhvillime interesante. Por Uashingtoni nuk përfaqëson gjithë Amerikën. Kemi komunitete interesante. Kemi zona ruse në shumë qytete në të gjithë Shtetet e Bashkuara. Ka myslimanë që po konkurrojnë për vende në Kongres. Këto janë tema fantastike dhe duhet t’ua ofrojmë shikuesve tanë sepse do t’i pëlqejnë. Po ashtu, është shumë kënaqësi të bësh mbulime të tilla.

Anush Avetisyan: Një tjetër nismë që keni marrë ka qenë për lirinë e shtypit. Ju keni emëruar edhe Redaktorin e Lirisë së Shtypit tek Zëri i Amerikës. Përse e patë të nevojshme?

Amanda Bennett: Përse është krijuar Zëri i Amerikës? Sepse nevojitet liria e shtypit. Vetëm 13% e njerëzve në botë jetojnë në vende ku shtypi është vërtetë i lirë. Rëndësia e shtypit të lirë ka qenë pjesë e ekzistencës sonë, e identitetit tonë. Prandaj thashë se nuk i takon askujt më shumë se ne të shkruajmë ide, opinione, të realizojmë video, programe radiofonike për lirinë e shtypit. Në këtë agjenci kemi njerëz nga e gjithë bota, nga vende ku njerëzit burgosen për punën si gazetarë, ku torturohen, vriten për raportime. Njerëzit në këtë agjenci e dinë mirë vlerën e shtypit të lirë. Mendoj se kjo është një ndër temat që duhet ta diskutojmë vazhdimisht në transmetimet tona, që njerëzit që na ndjekin ta kuptojnë vlerën e shtypit të lirë dhe po ashtu të kuptojnë rreziqet me të cilat përballen gazetarët. Mendoj se jemi një ndër organizatat e pozicionuara më mirë për ta diskutuar këtë temë.

Anush Avetisyan: T’i kthehemi edhe një herë diskutimit mbi lajmet e rreme. Çfarë do të donit t’u thonit dëgjuesve tanë për gazetarinë dhe vlerën e lajmit?

Amanda Bennett: Gazetaria dhe gazetarët duhet të ndjekin faktet. Nuk duhet të rendin pas opinioneve; nuk duhet të bëjnë aktivizëm. Nuk duhet të përpiqen të ndikojnë tek njerëzit në një mënyrë apo një tjetër. Detyra jonë është të zbulojmë se si është realiteti në botë, jo se si e do dikush të jetë ky realitet. Opinionet nuk kanë rëndësi. Me rëndësi është fakti, realiteti. Duhet të zbulojmë faktet dhe t’i paraqesim sa më drejtë që është e mundur për shikuesit tanë.

Dita e Shtypit, SHBA rithekson angazhimin për mbrojtjen e lirisë së gazetarëve

Sekretari amerikan i Shtetit, Mike Pompeo tha se në Ditën Botërore të Lirisë së Shtypit, Shtetet e Bashkuara ritheksojnë angazhimin për mbrojtjen e sigurisë dhe lirisë së gazetarëve.

Në një deklaratë, zoti Pompeo tha se pavarësisht përparimit të bërë, gazetarët në mbarë botën vazhdojnë të përndiqen, të jenë në shënjestër të dhunës, madje edhe të vriten, ndërkohë që autorët e krimit mbeten pa u ndëshkuar.

Një medie e lirë dhe e pavarur, thuhet në deklaratë, është e domosdoshme për një demokraci të gjallë dhe funksionale dhe SHBA nderojnë ata që i janë përkushtuar, madje kanë sakrifikuar jetën për të mbështetur demokracinë përmes gazetarisë.

Këtë vit, marrëdhënia midis shtypit dhe demokracisë është tema kryesore e përkujtimit të Ditës Botërore të Lirisë së Shtypit.

Me këtë rast, në të gjithë botën do të zhvillohen më shumë se 100 aktivitete.

Trump emëron zonjën Kelly Craft ambasadore të SHBA-së në OKB

Presidenti i SHBA-së, Donald Trump paraqiti zyrtarisht emërimin e zonjës Kelly Craft si ambasadore e SHBA-së në Kombet e Bashkuara.

Kjo pozitë e rëndësishme në SHBA ka qenë e hapur për muaj të tërë, pasi Nikki Haley dha dorëheqje nga ky post në fund të vitit 2018.

Trump në muajin shkurt njoftoi se kishte për qëllim të emërojë në këtë pozitë Kelly Craftin, e cila aktualisht është ambasadore e SHBA-së në Kanada.

Diplomatja amerikane ka qenë anëtare e delegacionit të SHBA-së në Asamblenë e Përgjithshme të OKB-së gjatë administratës së presidentit, Xhorxh W. Bush.

Ajo është gruaja e miliarderit Joe Craft. Të dy mbështetën fushatën presidenciale të Trumpit në vitin 2016 dhe janë donatorë të rëndësishëm të Partisë Republikane.

Pas emërimit nga ana e presidentit Trump, diplomates Craft tash i duhet konfirmimi edhe nga ana e Senatit amerikan.

Facebook fshin llogaritë e disa personaliteteve amerikane

Kompania Facebook ka bllokuar disa llogari të personaliteteve të së djathtës politike amerikane për shkeljen e ndalesës së rrjetit për “individë të rrezikshëm”, ka njoftuar kompania më 2 maj.

Llogaritë e fshira nga Facebook përfshijnë edhe faqen Infowars të Alex Jones i cili shumë shpesh ka postuar teori konspirative.

Facebook njoftoi gjithashtu se e ka bllokuar Paul Nehlen, një supremacist i bardhë i cili ka kandiduar për Kongres në vitin 2018. Në këtë masë të rrjetit social është përfshirë edhe Louis Farrakhan i cili udhëheq një grup religjioz të quajtur “Kombi Islam”. Ai është bllokuar në Facebook pasi ka përdorur gjuhë ofenduese ndaj hebrenjëve.

Kompania ka bërë të ditur se do të bllokojë çdo llogari, faqe, grupe dhe ngjarje që lidhen me këta individë, si në rrjetin e saj kryesor social Facebook, ashtu dhe në aplikacionin e tij të shpërndarjes së fotografive Instagram.

Raporti i Muellerit: Thellohen përçarjet midis demokratëve dhe Departamentit të Drejtësisë

Udhëheqësja e Dhomës së Përfaqësuesve në Shtetet e Bashkuara, demokratja Nancy Pelosi, tha se Prokurori i Përgjithshëm amerikan, William Barr, e ka gënjyer Kongresin.

Akuzat vijnë pas dëshmisë së prokurorit Barr përpara një paneli të Senatit në lidhje me raportin e këshilltarit të posaçëm, Robert Mueller, për ndërhyrjen e dyshuar të Rusisë në zgjedhjet presidenciale në SHBA, më 2016.

Barr u përball me pyetje të vështira për vendimin e tij për të shfajësuar presidentin Donald Trump nga pengimi i drejtësisë.

Por ai refuzoi të dëshmojë të enjten para Komitetit të Drejtësisë, të udhëhequr nga demokratët.

Situata tani ngre mundësinë që Barr, zyrtari më i lartë ligjor i Amerikës, të mbahet përgjegjës për mospërfillje të Kongresit.

“Ai e ka gënjyer Kongresin. Dhe, nëse dikush tjetër do ta bënte këtë, do të konsiderohej krim”, tha Pelosi.

“Askush nuk është mbi ligjin”, shtoi ajo.

Akuzat e Pelosit vijnë pasi Barr tha se ai nuk ka ditur se Mueller ka pasur ndonjë ankesë rreth përmbledhjes që i ka bërë ai raportit të tij.

Mueller tha se i ka shkruar letër prokurorit Barr, duke i thënë se përmbledhja e tij nuk ka “kontekst”.

Mueller tha se i ka kërkuar dy herë Barrit për të publikuar më shumë informacione rreth hetimeve të tij.

“Prokurori i Përgjithshëm i Shteteve të Bashkuara nuk ia tregoi të vërtetën Kongresit të Shteteve të Bashkuara. Ky është krim”, tha Pelosi.

Zëdhënësja e Departamentit të Drejtësisë, Kerri Kupec, tha se “sulmi i pabazuar kundër prokurorit të përgjithshëm është i papërgjegjshëm”.

Barr e publikoi raportin e Muellerit më 18 prill, me disa pjesë të redaktuara, për të mbrojtur, siç u tha, informacionet e ndjeshme.

Disa demokratë bënë thirrje që Barr, i cili është emëruar nga Trump, të japë dorëheqje.

Pelosi po ashtu tha se administrata Trump vazhdon t’i shpërfillë thirrjet e detyrueshme të Kongresit për gjyq dhe kujtoi se Kongresi ka nisur procedurë të votëbesimt kundër ish-presidentit Richard Nixon, pasi ky i fundit u ka rezistuar thirrjeve të ngjashme.

Trump tha në një intervistë për Fox News se nuk do ta lejojë ish-këshilltarin e Shtëpisë së Bardhë, Don McGahn, të dëshmojë para komiteteve të Kongresit.

Kryetari i Komitetit për Drejtësi, Jerrod Nadler, lëshoi thirrje të detyrueshme për gjyq për McGahnin, për të dëshmuar për pengimin e mundshëm të drejtësisë nga ana e presidentit Trump.

Trump tha se McGahn ka folur tashmë me ekipin e Muellerit për 30 orë.

Në raportin e tij, Mueller, ish-drejtor i FBI-së, ka konstatuar se nuk ka prova të mjaftueshme që tregojnë se Trump ka bashkëpunuar me Rusinë, por ka zgjedhur të mos konkludojë nëse Trump e ka penguar drejtësinë.

Barr ka thënë se ai dhe Rod Rosenstein, zyrtari numër dy në Departamentin e Drejtësisë, kanë konstatuar pastaj se nuk ka pasur prova të mjaftueshme për ta akuzuar Trumpin për pengim të drejtësisë.

Përgatiti: Valona Tela

Ish-agjenti i CIA-s pranon se ka bashkëpunuar me agjentët kinezë

Ish-agjenti i Agjencisë Qendrore të Inteligjencës (CIA), Jerry Chun Shing Lee pranoi akuzat me të cilat ngarkohet se ka patur marrëveshje me agjencinë kineze të inteligjencës për shitjen e informacioneve sekrete të mbrojtjes kombëtare të SHBA-së, raporton Anadolu Agency (AA).

Lee, i cili në vitin 2007 u largua nga CIA dhe vitin e kaluar u arrestua në SHBA, para gjykatës amerikane pranoi se kishte marrëveshje me agjentët kinezë për shitjen e informacioneve të mbrojtjes kombëtare të SHBA-së që ishin nën kategorinë “sekret”.

Ai akuzohet se ka kryer spiunazh për Kinën ndërsa para Gjykatës Rajonale në Alexandria, të Virxhinias, pranoi fajësinë dhe tha se kishte një marrëveshje sekrete me Kinën për grumbullimin dhe dërgimin e informacioneve.

Ende nuk dihet nëse Lee ka arritur t’i shesë Kinës informacionet në fjalë ndërsa gazeta amerikane “Washington Post” publikoi se avokati G. Zachary Terwilliger, i cili në këtë rast përfaqëson Qeverinë e SHBA-së, tha se Lee ka shitur vendin e tij dhe se ka bërë marrëveshje që të bëhet spiun i një qeverie të huaj.

Lee (54) për CIA-n punoi në periudhën nga 1994 deri 2017 ndërsa supozohet se kontaktin me shërbimin inteligjent kinez e realizoi në vitin 2010.

Prokurori i Përgjithshëm amerikan refuzon dëshminë për raportin e Muellerit

Prokurori i Përgjithshëm amerikan, William Barr.

Udhëheqësi i Departamentit amerikan të Drejtësisë, William Barr, ka informuar Komitetin Gjyqësor të Dhomës së Përfaqësuesve se nuk do të marrë pjesë në një seancë dëgjimore, lidhur me raportin e këshilltarit special, Robert Mueller, duke rritur mundësitë për betejë të ashpër në mes të demokratëve dhe administratës amerikane.

Prokurori Barr, ka thënë para Komitetit Gjyqësor të Senatit, të kontrolluar nga republikanët se ai nuk do të jetë pjesë e Komitetit të drejtuar nga demokratët për shkak të mosmarrëveshjeve të lidhura me formatin.

Pavarësisht njoftimit të tij, drejtuesi i Komitetit të Gjyqësorit në Dhomën e Përfaqësuesve, Jerold Nadler ka thënë se ai ende do të organizojë seancën.

“Unë shpresoj dhe pres që prokurori i përgjithshëm do ta shqyrtojë mundësinë që të jetë aty”, ka thënë Nadler.

Barr ka thënë se ka kundërshtuar formatin e seancës pasi demokratët kanë vendosur që një staf i avokatëve të kryejë një raund të pyetjeve pasi të përfundojnë kërkesat ligjvënësit.

Zëdhënësja e Departamentit të Drejtësisë, Kerri Kupec ka thënë se pyetjet shtesë janë “të pashembullta dhe të panevojshme”.

Ende nuk është bërë e qartë nëse Nadler do të nisë një thirrje të detyrueshme për prokurorin Barr, apo nëse ai do të paraqitet në seancë pasi të diskutohen kushtet e takimit.

Barr është paraqitur para senatorëve në Komitetin Gjyqësor të Senatit derisa demokratët i kanë kërkuar që të theksojë dallimet që ata kanë vlerësuar se ekzistojnë në mes të raportit të Muellerit dhe versionit të redaktuar që ka publikuar ai.

Para paraqitjes së prokurorit Barr, një tjetër Komitet i Kongresit ka publikuar një letër që Mueller i ka shkruar prokurorit amerikan duke u ankuar se përmbledhja që ai i ka bërë raportit “nuk ka përfshirë kontekstin, natyrën dhe substancën” e përfundimeve të tij.

Demokratët kanë akuzuar prokurorin Barr se ka mbrojtur presidentin amerikan, Donald Trump dhe ka analizuar vetë raportin e Muellerit, duke deklaruar se presidenti amerikan nuk kryer krim.

Raporti i Muellerit bëhet libri më i shitur në SHBA

Versioni i publikuar i raportit të këshilltarit special, Robert Mueller dhe hetimet e tij për Rusinë është kthyer në librin më të shitur në Shtetet e Bashkuara.

Lista e librave më të shitur, që është prezantuar nga BookScan ka treguar se Raporti i Muellerit është shitur më shumë se 40,000 herë vetëm në javën e parë, më shumë se secili libër tjetër.

Libri, i edituar nga Scribner dhe The Washington Post, pritet të jetë edhe në krye të listës së The New York Times, përfshirë kopjet fizike ashtu edhe versionin në internet.

Përveç kësaj, Audible.com ka bërë të ditur se edhe versioni audio i këtyre dokumenteve është renditur i dyti, në listën e librave më të dëgjuar, pas librit në versionin audio për jetën e Mbretëreshës, Elizabeta II.

Mueller është angazhuar në fillim të vitit 2017 për të udhëhequr hetimet rreth ndërhyrjes ruse në zgjedhjet presidenciale të vitit 2016 në SHBA, si dhe për të kuptuar nëse ndihmësit e Trumpit kanë bashkëpunuar me rusët.

Mueller ka përfunduar zyrtarisht hetimet dhe i ka dërguar raportin Departamentit amerikan të Drejtësisë më 22 mars.

Raporti i publikuar është version i redaktuar i versionit original, pasi disa elemente janë hequr nga Departamenti i Drejtësisë.

Në këtë raport, Prokurori i Përgjithshëm, William Barr ka thënë se Mueller ka vërtetuar se Rusia ka ndërhyrë në zgjedhjet në SHBA dhe presidenti Trump ka synuar të pengojë hetimet, mirëpo nuk ka gjetur të dhëna të mjaftueshme se presidenti amerikan ka kryer krim.

Pas përfundimit të hetimit të prokurorit Mueller, beteja e zotit Trump vazhdon

Hetimi 22 mujor i prokurorit Mueller për bashkëpunim të mundshëm midis Moskës dhe fushatës së kandidatit Trump në zgjedhjet e vitit 2016 ka përfunduar. Por beteja vazhdon ndërsa administrata Trump përpiqet të bllokojë hetimet e demokratëve të Dhomës së Përfaqësuesve, duke injoruar thirrjet dhe kërkesat e ligjvënësve për informacione të tjera.

Pagesat e fshehta që thuhet se i janë bërë yllit të filmave pornografikë Stormy Daniels; dhënia e statusit për informacione sekrete për dhëndërin e Presidentit Trump; dhe hetimi i prokurorit të posaçëm Robert Mueller për ndërhyrjen ruse në zgjedhjet e vitit 2016.

Janë këto disa nga çështjet polemizuese që po hetohen nga demokratët e Kongresit.

Të dielën, kryetari i Komisionit për Drejtësinë në Dhomën e Përfaqësuesve Jerry Nadler kërcënoi se do të detyronte marrjen në pyetje të Prokurorit të Përgjithshëm William Barr, nëse ai refuzon të dëshmojë këtë të enjte për raportin Mueller.

Administrata thotë se nuk pajtohet me formatin e marrjes në pyetje.

“Dhoma e Përfaqësuesve kërkon që stafi dhe të tjerë të intervistojnë Prokurorin e Përgjithshëm Barr. Me të vërtetë është fyese mënyra se si po sillen”, tha sekretarja e Shtypit, Sarah Sanders.

Demokratët kanë përdorur forcën e tyre ligjore për të kërkuar dëshmi nga disa zyrtarë, përfshirë ish-këshilltarin e Shtëpisë së Bardhë, Don McGahn, i cili kërcënoi të japë dorëheqjen sesa të zbatonte urdhërin e zotit Trump për të shkarkuar prokurorin Mueller.

Presidenti Trump thotë se do të kundërshtojë të gjitha thirrjet për të dëshmuar me detyrim.

“Kam qenë presidenti më transparent në historinë e vendit tonë”

Megjithëse ka debat nëse disa dëshmi duhet të bëhen publike, shumica e ekspertëve konstitucionalistë thonë se presidenti nuk ka asnjë bazë ligjore për të refuzuar t’i përgjigjet Kongresit.

“Në fakt, ky refuzim në vetvete është arsye e mundshme për të filluar procedurat për shkarkimin e presidentit pasi atëherë ai do të shkelte klauzolën e Kushtetutës për të zbatuar ligjin, sipas të cilit ekzekutivi duhet të kujdeset që ligjet të ekzekutohen me besnikëri”, thotë Paul Schiff Berman, në Universitetin “George Washington”.

Sondazhet tregojnë se shumica e amerikanëve janë kundër nisjes së një procedure për shkarkimin e presidentit. Pas publikimit të raportit Mueller, presidenti Trump ka kërcënuar se do t’i çojë demokratët në Gjykatën e Lartë nëse ata kërkojnë shkarkimin e tij.

Ky hap i mundshëm është vënë ligjërisht në pikëpyetje, por retorika mund të ketë efekte të caktuara politike.

“Shumë prej nesh nuk i lexojmë ato lloj dokumentesh çdo ditë dhe nuk kuptojmë llojet e argumenteve pra, standardet e dëshmive që janë në to. Pra, të përsëritësh një përfundim, duke e thjeshtuar se nuk ka patur bashkëpunim, ka qenë efektiv”, thotë Vanessa Beasley, e Universitetit Vanderbilt.

Ndërkohë, avokatët personalë të presidentit Trump kanë paditur Kryetarin e Komisionit të Mbikëqyrjes në Dhomën e Përfaqësuesve demokratin Elijah Cummings, për lëshimin e një thirrjeje ligjore që kërkon të dhënat personale për financat e presidentit Trump.

Administrata po mohon gjithashtu kërkesat nga demokratët për të dorëzuar deklaratat tatimore të presidentit.

Viktimat e luftës së Kosovës, Në kërkim të drejtësisë Nga RAFAELA PRIFTI

 – Në Kongresin Amerikan-Viktimat e luftës së Kosovës, Në kërkim të drejtësisë/

Pranimi i Përgjegjësisë i hap rrugën Paqes e Pajtimit /

 Seanca e Posaçme e Komisionit të Kongresit Amerikan për Marrëdhëniet e Jashtme/

NGA WASHINGTONI Për Gazetën “Dielli”  Nga  RAFAELA PRIFTI

Uashington DC – Përfaqësues të Komisionit për Marrëdhëniet e Jashtme të Kongresit amerikan, drejtuar nga kongresisti Elliot Engel mbajtën seancë të posaçme ” Viktimat e luftës së Kosovës – Në kërkim të drejtësisë “. Folësit e ftuar në seancë ishin Shkëlqesia e saj, dhe zëdhënësja e viktimave të dhunës seksuale ushtruar gjatë luftës, z. Atifete Jahjaga, Profesori i të Drejtës Ligjore dhe Marrëdhënieve Ndërkombetare nga American University Professor Dr. Paul Williams, Ilir Bytyqi nga familja Bytyqi dhe znj. Vasfije Krasniqi- Goodman. Në sallën e punimeve të Komisionit Parlamentar gjendeshin përfaqësues të trupit diplomatik të Republikës së Kosovës, Ambasadoresha Vlora Çitaku, dhe Konsullja e Përgjithshme Teuta Sahatqija, anëtar i Këshillit Bashkiak të Nju Jorkut z  Mark Gjonaj, promotorë e figura me ndikim të komunitetit z. Harry Bajkrari, drejtues të shoqatave të cilat ishin në ballë të kësaj nisme si Shoqata e Grave Motrat Qiriazi, Marigona, dhe dhjetra Organizata të bashkëngjitura si Albanian Roots, Federata Vatra. Ish-kryetari i Vatres Dr. Gjon Buçaj, anëtari i Kryesisë Marjan Cubi, anëtari i Bordit Ismer Mjeku, Mal Berisha, ishin të pranishëm. Transmetimi i seancës u përcoll nga rrjete eletronike, televizione të komunitetit si edhe platforma të tjera. (Lista më e plotë e shoqatave dhe mediave do të jetë në kronikën e ardhshme).

Pas dy dhjetëvjeçarëve, “viktimat e luftës së Kosovës kërkojnë drejtësi”, tha krytari i Komisionit Parlamentar Eliot Engel. Me statistikat e dokumentuara nga Humanitarian Law Center dhe Human Rights Watch, ai tha se instancat e instaluara nga Shtetet e Bashkuara dhe aleatët për zbatimin e drejtësisë kanë qenë inefektive. Dhe ç’është më keq e kanë dëmtuar mbarëvajtjen e drejtësisë duke krijuar një ekuivalence fallco. Këtu qëndron rëndësia e seancës së sotme, përfundoi z. Engel, që këtej e tutje drejtësia e mohuar të kryhet pa kompromis.

Permbledhtazi Profesori Paul Williams analizoi arsyet pse tribunalet e ngritura  si edhe gjykatat speciale nuk kanë efektive sepse qenë ndërtuar mbi baza etnike dhe si të tilla të paafta për të ndëshkuar autorët e krimeve të regjimit serb të Milosheviçit. Ai e vuri theksin te bashkëpunimi midis administratës amerikane dhe kosovare për të adresuar çështjen e përgjegjësisë ndaj të gjitha krimeve të luftës në Kosovë përfshirë dhunimin seksual si pjesë e saj.

Bildergebnis für Vasfije Krasniqi- Goodman

Vasfije Krasniqi – Goodman

Ilir Bytyqi, i cili flet në emër të familjes dhe vëllezërve të tij, shtetas amerikanë të vrarë, tha se dëshmia e tij ka vetëm një mesazh: viktimat nuk mund të lihen në harresë!

Ai kërkoi nga Komisioni të miratojë rezolutën HR 32, si edhe ju bëri thirrje politikanëve serb të kthejnë kursin e deritanishëm.

Dëshmia e znj. Vasfije Krasniqi- Goodman e cila ka përjetuar dhunën seksuale gjatë kohës së luftës, ishte shprehje e ngadhënjillimit personal. Ajo tha se Kongresi Amerikan duhet të veprojë pa hezitim në emër të viktimave që kërkojnë drejtësi.

Kronika e plotë si edhe pyetjet e anëtarëve të kryesisë së Komisionit Parlamentar për panelin do të botohet në vijim.

 

Ish-nënpresidenti Biden me epërsi në anketa

Ish-nënpresidenti Joe Biden renditet në krye të listës së konkurrentëve demokratë për zgjedhjet presidenciale, siç rezulton nga një anketë e re e zhvilluar pas përfshirjes së tij në garë. Zoti Biden është hedhur menjëherë në kritika ndaj Presidentit Trump, siç njofton korrespondenti i Zërit të Amerikës, Jim Malone:

Ish-nënpresidenti Joe Biden gjeti një pritje të ngrohtë në tubimin e tij të parë për fushatë të hënën në Pitsburg. Ai e bëri krejt të qartë se do të përqëndrohet tek ato që i quan politika përçarëse të Presidentit Trump:

“Duhet t’ua bëjmë të qartë se kush jemi. Ne demokratët dhe të pavarurit që kemi të njëjtat pikëpamje, duhet të zgjedhim shpresën në vend të frikës, bashkimin në vend të përçarjes dhe ndoshta, ajo që është edhe më e rëndësishme, të zgjedhim të vërtetën mbi gënjeshtrën”.

Përkrahësit e zotit Biden kishin dalë që herët për të marrë pjesë në tubim:

“Mendoj se Joe Biden është një politikan me eksperiencë dhe se është njeri i mirë dhe i ndershëm. Këto kanë më shumë rëndësi për mua,” thotë një përkrahëse e zotit Biden.

Edhe Presidenti Trump ka dalë në fushatë këto ditë. Në një tubim në Uashington, ai u hodh në sulm ndaj Partisë Demokrate:

“Tani demokratët janë bërë partia e taksave të larta, krimit në nivele të larta, kufijve të hapur, abortit në muaj të avancuar, trillimeve dhe fantazive. Partia Republikane është partia e të gjithë amerikanëve. Vërtetë ashtu. Dhe partia e mendimit logjik”.

Presidenti Trump e ka sulmuar zotin Biden përmes Twitterit, duke vënë në dukje moshën e avancuar, megjithëse të dy ata janë në të 70-tat.

“Unë jam i ri, energjik. Shoh Joe-n. Nuk di ç’të them për të,” thotë presidenti.

Zoti Biden aktualisht kryeson në grupin e njëzet pretendentëve demokratë, pasuar nga Senatori nga Vermonti, Bernie Sanders.

Zoti Sanders është një ndër pretendentët demokratë që flasin për nevojën për ndryshime rrënjësore:

“Nuk kemi për detyrë vetëm të fitojmë garën për Shtëpinë e Bardhë, por të transformojmë ekonominë dhe qeverinë e këtij vendi,” tha zoti Sanders.

Deri tani, rivalët demokratë nuk duket se ia kanë frikën zotit Biden, megjithëse ai kryeson në garë, thotë analisti Matt Dallek

“Është një grup shumë i madh konkurrentësh. Është ende herët që të presim nga anketat të parashikojnë çfarë nënkupton epërsia e zotit Biden, përveç faktit se atë e njohin njerëzit dhe ka prej tyre që kanë kujtime të mira”.

Demokratët kanë alternativa të ndryshme në këtë grup konkurrentësh, përfshirë gra dhe pakica. Por ata duan një kandidat të fortë që do të jetë në gjendje të mundë Presidentin Trump në zgjedhje, thotë eksperti Bill Sweeney:

“Kemi grupin më të larmishëm të pretendentëve që ka pasur ndonjëherë ky vend. Pra zgjedhësit demokratë kanë plot alternativa. Një tjetër pyetje që do t’i bëjnë vetes zgjedhësit demokratë kur të bëhen votimet brenda partisë do të jetë: Kush është ai që është në gjendje të mundë Donald Trumpin?”

Deri tani, shumë votues demokratë që e bëjnë këtë pyetje duket se preferojnë zotin Biden. Sipas analistëve, kjo është arsyeja që i ka dhënë atij epërsi në anketa.

Pompeo: SHBA, të gatshme të ndërhyjnë ushtarakisht për të frenuar trazirat në Venezuelë

ekretari amerikan i Shtetit Mike Pompeo tha të mërkurën se Shtetet e Bashkuara janë të gatshme të ndërhyjnë ushtarakisht për të frenuar trazirat e tanishme në Venezuelë.

“Një veprim ushtarak është i mundur”, tha diplomati më i lartë i SHBA për rrjetin televiziv Fox Business. “Nëse kjo do të kërkohet, Shtetet e Bashkuara do ta bëjnë,” tha ai.

Megjithatë, ai përsëriti se SHBA do të preferonin një kalim paqësor të pushtetit në Karakas, nga presidenti socialist Nikolas Maduro tek presidenti i përkohshëm i vetëshpallur, Juan Guaido, kryetar i Asamblesë Kombëtare i njohur nga Shtetet e Bashkuara dhe rreth 50 vende të tjera si udhëheqës legjitim i vendit.

Këshilltari amerikan i Sigurisë Kombëtare, John Bolton, tha ndërkaq për rrjetet CNN dhe Fox News se zoti Pompeo do të fliste të mërkurën me ministrin e jashtëm rus Sergei Lavrov rreth mbështetjes së Moskës për Maduron në vështirësi.

Zoti Pompeo u tha intervistuesve se Maduro, përballë protestave të rrugës kundër regjimit të tij, ishte gati të largohej nga Venezuela për në Kubë të martën, por Rusia e bindi të qëndronte për të kundërshtuar thirrjen e zotit Guaido drejtuar ushtrisë për të përmbysur Maduron.

Vetë Maduro dhe ministria e jashtme ruse mohuan zërat për largimin e Maduros. Moska tha se kërkesa e SHBA ishte pjesë e “luftës së saj informative” për të demoralizuar ushtrinë venezueliane dhe për të nxitur një grusht shteti.

Zoti Guaido bëri thirrje për protesta masive në rrugë më 1 maj kundër qeverisë së Maduro, që sipas tij do të ishin “më të mëdhatë në historinë e Venezuelës”. Të martën, protestuesit që hidhnin shishe me benzinë, u përleshën me trupat qeveritare, ndërkohë që autoritetet përdorën municion të vërtetë, makinat e ujit dhe plumba gome kundër demonstruesve, duke vrarë një person dhe plagosur dhjetëra.

Pamjet televizive tregonin një automjet të Gardës Kombëtare të Venezuelës që shkelte mbi demonstruesit të cilët gjuanin me gurë kundër ushtarëve. Qeveria tha se një nga ushtarët e saj u godit nga një plumb.

Të mërkurën në mëngjes, në rrugë mund të shihje tymin e gazit lotsjellës, ndërsa policia e armatosur mirë mbante në duar mburoja për t’u përballur me protestuesit që hidhnin gurë në drejtim të saj.

Maduro tha se do të fliste në një tubim për 1 majin, duke pretenduar se përpjekja për grusht shteti e Guaido-së ishte mposhtur.

Ai përgëzoi forcat e armatosura që “mposhtën këtë grup të vogël i cili kishte për qëllim përhapjen e dhunës përmes betejave puçiste nëpër rrugë”.

“Kjo nuk do të mbetet pa u ndëshkuar,” tha Maduro në një transmetim televiziv.

Ai tha se demonstruesit do të ndiqen penalisht “për krimet e rënda që janë kryer kundër kushtetutës, sundimit të ligjit dhe të drejtës për paqe”.

Mijëra demonstrues janë bashkuar me protestat në rrugë pasi Guaido i mbështetur nga SHBA bëri thirrje që ushtria të refuzonte sundimin e Maduro-s dhe të kalonte në anën e tij në një fushatë që ai e quajti “Operacioni Liria”. Guaido u shfaq të martën së bashku me politikanin e opozitës Leopoldo Lopez, i cili ishte vënë nën arrest shtëpiak nga Maduro, por tha se ishte “i liruar” nga ushtarët që mbështesin zotin Guaido.

Në një zhvillim tjetër, Administrata Federale e Aviacionit e SHBA lëshoi një urdhër të martën vonë, ku ndalonte të gjitha linjat ajrore amerikane të fluturonin në hapësirën ajrore të Venezuelës nën 7,000 metra deri në një njoftim të mëtejshëm, duke cituar si arsye “rritjen e paqëndrueshmërisë politike dhe të tensioneve”.

Ajo urdhëroi gjithashtu të gjithë operatorët ajrorë në Venezuelë, duke përfshirë avionët privatë, të largoheshin nga vendi brenda 48 orëve.

Mueller i shkruan prokurorit Barr: Nuk e publikove thelbin e hetimit tim

Këshilltari i Posaçëm në SHBA, Robert Mueller, i cili ka hetuar ndërhyrjen e ruse në zgjedhjet amerikane, i ka dërguar një letër Prokurorit të Përgjithshëm, William Barr në të cilën thotë se përmbledhja e raportit të tij që është bërë publike “nuk e përfshinë në mënyrë të plotë kontekstin, natyrën dhe thelbin” e konkluzioneve të hetimit.

Gazeta “Washington Post” thotë se e ka parë letrën të cilën Mueller i ka dërguar Prokurorit të Përgjithshëm, William Barr.

Ndërkaq agjencia Asoshiated Press citon zëdhënësen e Departamentit të Drejtësisë, Kerri Kupec të ketë thënë se Mueller ka shprehur “frustrimin” ndaj prokurorit Barr për “mungesën e kontekstit” në përmbledhjen e raportit.

“Tani ekziston konfuzion në publik rreth aspekteve kritike të rezultateve të hetimit tonë”, citon letrën e Muellerit gazeta “Washington Post”.

Njoftimet vijnë para se Prokurori Barr të paraqitet para Komitetit për Drejtësi të Senatit më 1 maj.

Këshilltari i Posaçëm, Robert Mueller, pas hetimeve 2 vjeçare, më 22 mars i dorëzoi raportin Prokurorit të Përgjithshëm, William Barr.

Barr më pas e bëri publike një përmbledhje të raportit në të cilën tha se gjatë hetimeve nuk është gjetur ndonjë e dhënë se presidenti Trump apo fushata e tij kanë bashkëpunuar me përpjekjet ruse.

Disa ditë më vonë, Barr publikoi raportin e redaktuar për të cilin tha se hetimet e Muellerit kanë gjetur të dhëna se Rusia ka tentuar të ndërhyjë në zgjedhjet e vitit 2016 në SHBA.

“Pas gati dy vjetëve të hetimit, mijëra thirrjeve të detyrueshme për intervistim, dhe intervistimeve të dëshmitarëve, këshilltari special ka konfirmuar se Qeveria ruse ka sponsoruar përpjekjet për të ndëryrë ilegalisht në zgjedhjet presidenciale të vitit 2016, mirëpo nuk ka gjetur se fushata e Trumpit apo amerikanë tjerë kanë qenë pjesë e tyre”, ka thënë ai.

Përfaqësuesit demokratë u ankuan se Barr qëllimisht minimizoi çdo zbulim që do të konsiderohej i dëmshëm për presidentin Trump.

Komiteti për Drejtësi i Dhomës së Përfaqësuesve që kontrollohet nga demokratët ka lëshuar një thirrje për të marrë raportin e plotë të Muellerit, duke thënë se një version i redaktuar “lë shumicën e Kongresit në errësirë”.

SHBA, dëshmi në Kongres për viktimat e luftës në Kosovë

Në Uashington, Komisioni për Punët e Jashtme i Dhomës së Përfaqësuesve të Kongresit amerikan po zhvillon një seancë dëgjimore me temë: “Viktimat e luftës në Kosovë – Në kërkim të drejtësisë.”

Seanca kryesohet nga kryetari i Komisionit, Eliot Engel dhe folës kryesorë janë:

-Ilir Bytyqi, i cili dëshmon për tre vëllezërit e vrarë nga forcat serbe

-Atifete Jahjaga, ish Presidente e Kosovës

-Vasfije Krasniqi-Goodman, viktimë e përdhunimit gjatë luftës

-Dr. Paul Williams, Universiteti Amerikan, Uashington

Ligjvënësi Eliot Engel që hapi seancën tha se sot, pas 20 vjetësh, për viktimat e luftës në Kosovë ka patur shumë pak në mos aspak drejtësi. Ai tha se Shtetet e Bashkuara dhe aleatët evropianë duhet të kishin ushtruar më shumë trysni, por përgjithësisht dështuan.

Është hera e parë që në Kongresin amerikan zhvillohet një dëshmi me pjesmarrje të gjerë për të kërkuar drejtësi për viktimat e krimeve të luftës në Kosovë, me theks të veçantë te viktimat e përdhunimeve.

Zoti Engel, i cili prej vitesh ka këmbëngulur në ndjekjen ligjore të krimeve të kryera nga forcat serbe gjatë luftës në Kosovë kritikoi gjithashtu përpjekjet për të krijuar një ekuivalencë të rreme mes autorëve të krimeve dhe viktimave. Askush nuk thotë se nuk ka patur shkelje nga Ushtria Çlirimtare e Kosovës, tha ai, por pjesa dërrmuese e krimeve janë kryer nga forcat serbe.

Ai tha se ligji për gjykatën speciale i lejon prokurorët të ngrejnë akuza ndaj cilitdo që ka kryer krime lufte në Kosovë, por deri tani, duket se kjo gjykatë po ndjek vetëm shqiptarët. Zoti Engel kërkoi që kësaj çështjeje t’i kushtohet vemendje. Komisioni për Punët e Jashtme, tha ai, do ta vëzhgojë nga afër gjykatën speciale, për të garantuar se ajo do të hetojë autorët e të gjitha krimeve.

Ish-presidentja e Kosovës, Atifete Jahjaga tha se duke folur në seancë ajo mban barrën e qindra mijëra jetëve që janë shkatërruar nga lufta në Kosovë. “Ata duan që historitë e tyre të dëgjohen dhe të kërkojnë drejtësi për krimet e kryera kundër tyre,” tha ajo.

Atifete Jahjaga

“Nuk është një barrë e lehtë. Ne dëshirojmë ta shfrytëzojmë këtë rast për të ndarë pjesë të historisë sonë të dhimbshme dhe për të kërkuar mbështetje në kërkimin tonë të vazhdueshëm për drejtësi. Më konkretisht, kjo seancë dëgjimore sot na ofron një mundësi për të ndarë me ligjvënësit e SHBA dhe audiencën globale se si drejtësia dështoi të mbronte viktimat e luftës së Kosovës dhe çfarë masash duhen ndërmarrë për të ardhmen,” tha zonja Jahjaga.

Dr. Paul Williams, i Universitetit Amerikan në Uashington, tha se Gjykata e Hagës për Krimet e Luftës në ish-Jugosllavi ngriti akuza vetëm ndaj shtatë pjesëtarëve të regjimit serb për krime të kryera në Kosovë.

Dr. Paul Williams

“Çuditërisht, – tha ai, – asnjë nga këto shtatë aktakuza nuk përfshinte një akt të qartë të përdhunimit si krim kundër njerëzimit.”

Ilir Bytyqi, vëlla i Ylli, Agron, and Mehmet Bytyqit, të vrarë nga forcat serbe në mbarim të luftës në Kosovë, tha në dëshminë e tij: “Jam këtu për t’ju ofruar juve dhe botës një mesazh të thjeshtë. Viktimat nuk mund të injorohen. Nëse doni të keni një paqe të qëndrueshme në Ballkan, ne nuk mund të shpërfillemi. Nëse dëshironi që Serbia dhe Kosova të arrijnë një marrëveshje që të ketë mbështetje të gjerë dhe të thellë, ne nuk mund të shpërfillemi. Nëse doni që udhëheqësit të mos kundërvënë njërin grup kundër tjetrit, ne nuk mund të shpërfillemi.”

Vasfije Krasniqi-Goodman, viktimë e përdhunimit gjatë luftës, tregoi me tone emocionale hollësitë e dhimbshme të dhunimit të saj në duart e forcave serbe kur ishte 16 vjeç. Ajo tha se edhe pse sot jeton në Teksas me dy fëmijët e saj, ajo nuk do të gjejë kurrë paqe në jetën e saj pa u vendosur drejtësia. Kongresmeni Engel tha se nuk ka qenë e lehtë për zonjën Vasfije Krasniqi-Goodman të dilte në publik me historinë e saj të dhimbshme.

Zoti Engel ftoi pastaj zonjën Jahjaga që të jepte hollësi mbi përpjekjet për të zbuluar përpara botës krimet seksuale të kryera ndaj grave dhe vajzave në Kosovë dhe për të ndihmuar ligjvënësit të kuptojnë më mirë përmasat e asaj që ndodhi në Kosovë.

“Gjatë Luftës në Kosovë, – tha zonja Jahjaga, – përdhunimi u përdor si armë lufte. Ashtu si në shumë konflikte të tjera ku përdhunimi përdoret si mjet lufte, të mbijetuarit përballen me stigmën për një krim të padrejtë të kryer kundër tyre. Përdhunimi u përdor për të shkatërruar strukturën sociale të komuniteteve tona.”

“Duke dhunuar brutalisht trupat e grave, – tha zonja Jahjaga, – ushtria serbe, policia dhe forcat paramilitare sulmonin burrat që nuk mund t’i vrisnin dhe torturonin dot drejtpërsëdrejti. Përmes përdhunimit, ata synonin të përulnin burra shqiptarë të Kosovës për t’i paraqitur si të dobët dhe të paaftë për të “mbrojtur” gratë e tyre.

“Në të shumtën e rasteve, tha zonja Jahjaga, gratë e mbijetuara nga dhuna seksuale arritën të mbijetojnë, megjithëse ishin plagosur shumë fizikisht dhe psikologjikisht. Atyre iu tha se po lejoheshin të jetonin në mënyrë që të mbanin mend se kush ua bëri këtë. Shumica e grave dhe vajzave të mbijetuara iu lutën përdhunuesve të tyre që t’i vrisnin ato, pas asaj që u ndodhi.”

Zonja Jahjaga bëri thirrje që SHBA të ndihmojnë në mënyrë që të gjithë ata që kanë kryer krime të tilla lufte të nxirren përpara drejtësisë dhe të mbahen përgjegjës.

Dorëhiqet zëvëndësprokurori i përgjithshëm i SHBA-së

Zëvendësprokurori i Përgjithshëm në SHBA, Rod Rosenstein ka dhënë dorëheqje, e cila do të hyjë në fuqi më 11 maj. Rosenstein e ka paraqitur dorëheqjen e tij tek Presidenti i SHBA-së, Donald Trump më 28 prill.

Rosenstein emëroi Këshilltarin Special, Robert Mueller për të hetuar ndërhyrjen e Rusisë në zgjedhjet presidenciale të SHBA-së në 2016 dhe lidhjet midis agjentëve rusë dhe fushatës së Trumpit, pasi prokurori i atëhershëm, Jeff Sessions, u tërhoq nga detyra.

Ishte pritur që Rosenstein të japë dorëheqjen në mars, por ai qëndroi në detyrë deri në përfundimin e hetimit të Muellerit dhe dorëzimin e raportit të tij përfundimtar i cili u bë publik në formë të redaktuar.
Në letrën e tij të dorëheqjes, Rosenstein shkroi se ai “gjithmonë e ka vendosur Amerikën në rradhë të parë” si dhe ka ndihmuar stafin e Departamentit të Drejtësisë me njerëz “të përkushtuar ndaj vlerave që e bëjnë Amerikën të madhe”.

Trumpi dhe Erdogani zhvillojnë bisedë telefonike

Presidenti i SHBA-së, Donald Trump dhe presidenti i Turqisë, Reccep Tayyip Erdogan, gjatë një bisede telefonike diskutuan propozimin turk që përmes një grupi punues të përbashkët të adresojnë mosmarrëveshjet rreth planeve të Ankarasë për blerjen e një sistemi mbrojtës raketor rus S-400, njoftoi presidenca turke.

“Presidenti ngriti propozimin për krijimin e një grupi pune lidhur me sistemin e mbrojtjes S-400”, thuhet në njoftim.

Të dyja vendet kanë kundërshtuar njëra tjetrën për muaj me rradhë lidhur me mundësite e pajisjes së ushtrisë turke me sistemin rus.

Shtetet e Bashkuara thonë se ky sistem nuk është në përputhje me rrjetin e mbrojtjes të NATO-s dhe mund të komprometojnë avionët e saj F-35.

Ankaraja ka thënë se një grup pune mund të vlerësojë ndikimin e sistemit rus S-400 në avionët luftarakë. Sekretari i Shtetit i SHBA.-së, Mike Pompeo dhe disa senatorë të SHBA kanë paralajmëruar Turqinë se do të ndëshkohet për blerjen e S-400-s, sipas një ligji që kërkon sanksione kundër vendeve që marrin pajisje ushtarake nga Rusia.

Turqia ka thënë se si një anëtare e NATO-s, ajo nuk përbën kërcënim për Shtetet e Bashkuara dhe sanksionet nuk duhet të zbatohen ndaj saj.

Shtëpia e Bardhë konfirmoi të hënën se Trump dhe Erdogan kishin diskutuar blerjen e planifikuar të sistemit rus të mbrojtjes raketore S-400 nga ana e Turqisë.

Trump dhe Erdogan gjithashtu diskutuan për tregtinë mes dy vendeve dhe krizën në Siri, tha Shtëpia e Bardhë.

Polemikat rreth komenteve të ligjvënëses Ilhan Omar

Sulmi me armë ndaj sinagogës në Kaliforni rindezi debatin rreth komenteve të Ligjvënëses Ilhan Omar për sulmet terroriste të 11 shtatorit 2001 dhe marrëdhënies së ligjvënësve amerikanë me lobistët e Izraelit.

Senatori Ted Cruz dhe komentatorja konservatore Meghan McCain sugjeruan të dielën se komentet më të fundit të zonjës Omar janë pjesë e një anti-semitizmi në rritje në politikën e majtë dhe se të gjitha palët e spektrit politik amerikan kanë kontribuar për një dialog ekstremist që ka si objektiv hebrenjtë.

Zonja Omar, ligjvënësja e parë somalezo-amerikane në Kongresin amerikan, i kundërshtoi këto pretendime, duke shkruajtur të dielën në Twitter se “islamofobia dhe anti-semitizmi janë dy anë të së njëjtës monedhë. Le të qëndrojmë të bashkuar si amerikanë për të refuzuar urrejtjen”.

Në një intervistë të dhënë ditën e premte shërbimit në gjuhën somaleze të Zërit të Amerikës, Ligjvënësja Omar tha se kritikat për komentet e saj të sinqerta ishin “produkt i urrejtjes dhe injorancës, përgjithësisht të nxitur nga Presidenti Donald Trump dhe mbështetësit e tij të së djathtës së largët”.

“Polemika ekziston vetëm sepse presidenti i SHBA-së dhe mbështetësit e tij nuk janë të kënaqur me faktin që një grua myslimane dhe refugjate që i përket minoriteteve ka të drejtën të thotë mendimin e saj për veprimet e gabuara dhe shkeljet e udhëheqjes”, u shpreh ligjvënësja demokrate nga shteti Minnesotta.

“Kemi një president që beson se ne nuk jemi këtu, që na ka sulmuar neve – amerikanët e minoriteteve dhe njerëzit me ngjyrë. Tashmë që kemi një mundësi dhe një platformë nga ku të flasim, ai dëshiron të heshtë zërat tanë legjitimë”, shtoi zonja Omar, e cila është një nga dy gratë myslimane të zgjedhura nga Kongresin amerikan. “Mendoj se gjendem në një betejë legjitime dhe shpresoj se do të triumfoj”, shtoi ajo.

Rabini Yisroel Goldstein përshkruan skenën e sulmit në San Diego

Rabini Yisroel Goldstein, i cili është plagosur pas të shtënave me armë zjarri në një sinagogë në San Diego të shtunën, ka përshkruar momentin kur është përballur me sulmuesin.

Goldstein ka thënë se ka ngritur dorën lart kur ka parë “terroristin vrasës”. Ai ka thënë se ka humbur njërin nga gishtërinjtë si pasojë e sulmit.

“Unë vetëm kam vrapuar, ndonëse kam vërejtur se gishti im nuk është më dhe kam mbledhur fëmijët për t’i larguar jashtë”, ka shtuar ai.

Lori Kaye, e cila ka ndihmuar në themelimin e sinagogës bashkë me rabinin, Goldstein, ka vdekur gjatë incidentit.

“Të gjithë në komunitet e kanë njohur atë. Jam shumë zemërthyer dhe i mërzitur nga kjo vrasje e pakuptimtë”, është shprehur Goldstein.

Përveç tyre, është raportuar se edhe dy persona tjerë janë plagosur në këtë sulm.

Një 19-vjeçar, i identifikuar si John Earnest është arrestuar pak pasi ka ndodhur incidenti në Pouej, në veri të San Diegos.

Ky sulm ka ndodhur gjashtë muaj pas sulmit në Pitsburg, në të cilin 11 persona ishin vrarë, në atë që është cilësuar si sulmi më i keq anti-semitik në historinë amerikane.

Pas sulmit në Pitsburg, anëtarët e komunitetit hebre kishin ngritur pikëpyetje nëse ka përfunduar epoka kur Shtetet e Bashkuara kanë qenë parajsë për hebrenjtë.

SHBA rrit shpenzimet për ushtrinë

Ushtarë amerikanë.

Shpenzimet për ushtrinë amerikane janë rritur për herë të parë në shtatë vjet, duke reflektuar kështu politikën e administratës së presidentit të Shteteve të Bashkuara, Donald Trump, është thënë në një raport të publikuar të hënën nga Instituti Ndërkombëtar i Paqes në Stokholm (SIPRI).

Sipas raportit, shpenzimet për ushtri janë rritur në gjithë botën një vit më parë, në rreth 2.6 përqind apo 1.8 trilion dollarë.

Ky njëherësh ka qenë viti i dytë që ka shënuar rritje në shtimin e fondeve për këtë sektor, duke rezultuar me shpenzimet më të larta ushtarake nga viti 1988.

“Rritja e shpenzimeve në Shtetet e Bashkuara është nxitur nga zbatimi i programit të ri për armët nën administratën e Trumpit, që daton nga viti 2017, ka thënë drejtori i programit për armët në këtë Institut, Aude Fleurant.

Shtetet e Bashkuara me një shifër të rritjes prej 649 miliardë dollarë, kanë tejkaluar edhe buxhetet ushtarake të tetë shteteve tjera në listë.

Kina po ashtu ka rritur shpenzimet për 83 për qind nga viti 2009, duke u renditur e dyta në listë, e përcjellur nga Arabia Saudite, India, e cila është duke modernizuar forcat e saj të armatosura dhe Franca.

Bazuar në gjetjet e raportit, Rusia nuk gjendet më në pesë vendet e para të listës, pasi buxheti i saj ushtarak është zvogëluar nga viti 2016.

Sanksionet e vendeve perëndimore kundër Rusisë, të vendosura prej vitit 2014, për shkak të konfliktit të saj me Ukrainën, është thënë të kenë ndikuar edhe në këtë buxhet.

Ndahet nga jeta Richard Lugar, senatori republikan mik i Kosovës dhe i shqiptarëve

Ish-senatori shumëvjeçar amerikan nga shteti i Indianës, Richard Lugar, i cili u kishte ndihmuar kosovarëve për t’u çliruar, ka ndërruar jetë të dielën. Ai ka vdekur në një qendër mjekësore në Virxhinia, në moshën 87-vjeçare.

Lugar ishte një prej zërave më të fuqishëm rreth politikës së jashtme amerikane.

Bashkë me John McCainin, Lugar ishte në pakicën republikane që përkrahu presidentin amerikan, Bill Clinton, në fushatën e NATO-s, të udhëhequr prej tij, për intervenim kundër Serbisë, për të shpëtuar popullin e Kosovës në pranverë të vitit 1999.

Kishte mbështetur, veç Kosovës, edhe përpjekjet për t’i dhënë fund aparteidit në Afrikën e Jugut, përpjekjet për të rrëzuar diktatorin filipinas, Ferdinand Marcos, dhe përpjekjet për të siguruar armët e shkatërrimit në masë të ish-Bashkimit Sovjetik.

Lugar ka vdekur pas komplikimeve nga polineuropatia demielinizuese inflamatore kronike, një çrregullim neurologjik, ka bërë të ditur Qendra Lugar, një organizatë jofitimprurëse nga Uashingtoni, e përqendruar në çarmatimin bërthamor, sigurinë e ushqimit dhe çështje të tjera rreth të cilave kishte punuar senatori në Kongresin e Shteteve të Bashkuara të Amerikës. /Express/

Christopher Wray: Rusia vazhdon të paraqesë një rrezik të madh për zgjedhjet presidenciale të SHBA të vitit 2020

VOAL – Rusia vazhdon të paraqesë një rrezik të madh për zgjedhjet presidenciale të SHBA të vitit 2020. Këtë e konfirmoi drejtori i FBI-së, Christopher Wray.

Wray duke folur në Uashington para Këshillit të Bashkëpunimit të Jashtëm (CFR), ka pohuar që Rusia, ashtu si në rastin e presidencialeve të vitit 2016, ka kërkuar të influencojë edhe në zgjedhjet “afatmesme”, por pa arritur të ndërhyjë në infrastrukturën e zgjedhjeve.

Kryetari i hetimit federal theksoi prirjen intensive të Rusisë për të përdorur “në rrjetet sociale profilet e rreme, lajmet e rreme dhe propagandën”.

Për të forcuar operacionet e kundërspiunazhit dhe penguar ndërhyrjet e reja në votim, është shtuar numri i agjentëve dhe i analistëve informatikë. ATS

Maria Butina dënohet me 18 muaj burg

Një gjykatë në Uashington dënoi me 18 muaj Maria Butinën, aktivisten ruse për të drejtat e armëmbajtjes, e cila ishte përpjekur të depërtonte në qarqet politike konservatore amerikane dhe nuk ishte regjistruar si përfaqësuese e huaj.

30-vjeçarja Butina kishte kërkuar një dënim të barabartë me kohën e burgimit që kishte vuajtur deri tani si dhe deportim, meqenëse kishte rënë dakord të bashkëpunonte me prokurorët amerikanë.

Në dhjetor, ajo pranoi fajin se në bashkëpunim me një zyrtar të lartë rus ishte përpjekur të depërtonte në Shoqatën Kombëtare të Armëve dhe në qarqet politike konservatore amerikane për llogari të Kremlinit nga viti 2015 deri sa u arrestua në korrik 2018.

Ajo është shtetasja e parë ruse e shpallur fajtore se u përpoq të ndikonte politikën amerikane në prag të zgjedhjeve të 2016-s.

Butina pranoi se punonte si agjente e padeklaruar e një qeverie të huaj, por nuk u akuzua për spiunazh.

Gjykatesja federale Tanya Chutkan që dha dënimin të premten tha se Butinës do t’i njihet periudha që ka qëndruar në paraburgim dhe se do të deportohet në Rusi me të kryer dënimin me burg.

Butina, e veshur me uniformën e burgut, reagoi duke shprehur emocione ndaj vendimit. Ajo u lut që ndaj saj “të tregohej mëshirë dhe që t’i jepej shansi të kthehej në shtëpi për të rindërtuar jetën e saj’. Por gjykatësja Chutkan tha se vendimi për dënimin e Maria Butinës ishte marrë për shkak të seriozitetit të veprës penale që ajo kishte kryer.

Gjykatësja tha se megjithëse Butina nuk ishte spiune dhe kishte bashkëpunuar me hetuesit, veprimet e saj kishin vënë në rrezik sigurinë kombëtare të Amerikës.

Çfarë sjell kandidatura e ish-nënpresidentit Biden?

Ish-nënpresidenti Joe Biden shpalli dje zyrtarisht kandidaturën për zgjedhjet presidenciale të 2020. Ai renditet në anketa në krye të 20 pretendentëve për të marrë emërimin e Partisë Demokrate. Por zoti Biden futet në garë pas dy konkurrimeve të dështuara për Shtëpinë e Bardhë dhe tani përballet me pikëpyetje serioze për moshën e avancuar, qëndrimet e tij politike dhe aftësinë për të tërhequr një brez të ri amerikanësh që përfaqësojnë një elektorat më të larmishëm. Korrespondenti i Zërit të Amerikës, Jim Malone ka përgatitur materialin:

Joe Biden u fut në garë pasi shpalli kandidaturën përmes një videoklipi ku sulmonte Presidentin Donald Trump:

“Nëse e zgjedhim Donald Trumpin për tetë vjet në Shtëpinë e Bardhë ai do të ndryshojë përgjithmonë dhe në mënyrë rrënjësore karakterin e vendit. Unë nuk mund të rri pasiv dhe ta lejoj një gjë të tillë”.

Zoti Biden u ndal në veçanti tek komentet e presidentit që janë kritikuar gjerësisht, pas përleshjeve të dhunshme mes supremacistëve të bardhë dhe kundër-protestuesve në Sharlotsvill të Virxhinias në 2017.

Presidenti tha se nga të dyja palët kishte “njerëz shumë të mirë”.

Muajin e kaluar, ndërkohë që zoti Biden po mbante fjalim në Uashington, disa anëtarë të një sindikate zjarrfikësish i bënë thirrje të futet në garë.

“Nuk dorëzohet njeri në Amerikë. Nuk ka ndodhur dhe nuk ka për të ndodhur kurrë, falë jush,” tha zoti Biden.

Politikani veteran po fillon fushatën e tij të tretë presidenciale me një epërsi të vogël, thotë analisti Jim Kessler:

“Ai është në krye të pretendentëve. Nuk ka ndonjë epërsi të madhe siç kishte Hillary Clinton kur u duk që në fillim se ajo e kishte të siguruar. Njerëzit e duan vërtetë zotin Biden dhe besojnë se ai mund ta mundë presidentin”.

Zoti Biden duhet fillimisht të fitojë në garë me pretendentët e tjerë demokratë, ku ka një numër grash dhe përfaqësues të pakicave që po përpiqen të tërheqin votuesit e rinj, thotë eksperti Matt Dallek:

“Është një grup konkurrentësh shumë interesantë; ka shumë kandidatë të fortë. Ka plot prej këtyre pretendentëve me shanse reale për të dalë në krye”.

Zoti Biden është vënë në qendër të vëmendjes kohët e fundit pasi një numër grash thanë se në reagime të drejtpërdrejta ai është sjellë në një mënyrë që i kanë vënë në siklet. Ai është zotuar të tregohet më i kujdesshëm në të ardhmen.

Shumë demokratë e shohin zotin Biden si të moderuar. Ai shpreson se roli si nënpresident në administratën Obama do ta ndihmojë të tërheqë elementin progresiv në parti.

“Të gjithë më pyesin se çfarë soj demokrati jam. Jam demokrat i tipit Obama-Biden dhe e them me krenari,” tha zoti Biden.

Analisti Jim Kessler thotë se epërsia që gëzon do ta bëjë zotin Biden edhe objekt sulmesh:

“Përnjëherësh do të fillojnë sulmet, pasi kandidatët e tjerë do të mendojnë se duke e goditur atë, duke e ulur në anketa, do të dalin vetë në krye”.

Presidenti Trump e përshëndeti zotin Biden për përfshirje në garë, duke postuar një koment në Twitter ku e quante “Bideni gjumash”.

Zoti Biden është 76-vjeç. Mosha e avancuar dhe karriera e gjatë si senator mund t’i sjellin probleme, thotë analisti Bill Sweeney.

“Fushatat shohin drejt së ardhmes, jo nga e shkuara. Demokratët do të fitojnë, nëse mbeten të përqëndruar tek e ardhmja”.

Është vetëm fillimi, por për momentin duket se strategjia e zotit Biden po i bind demokratët se ai është kandidati më i mirë për ta mundur Presidentin Trump vitin e ardhshëm.

Joe Biden – hapi fushatën për zgjedhjet presidenciale 2020

Ish nënpresidenti amerikan, Joe Biden, u bashkua zyrtarisht të enjten në garën e ngushtë të demokratëve për të fituar kandidaturën për zgjedhjet presidenciale të vitit të ardhshëm në Shtetet e Bashkuara.

Ai e shpalli vendimin në një video të postuar në rrjetin twitter, duke deklaruar se “jemi në betejë për shpirtin e këtij kombi”.

“Nëse iu japim Donald Trumpit tetë vjet në Shtëpinë e Bardhë, ai do të ndryshojë përgjithmonë dhe rrënjësisht karakterin e këtij kombi. Nuk mund të rri e të shoh se çfarë po ndodh”, tha ai.

Tashmë janë bërë 20 kandidatë demokratë që luftojnë për të fituar kandidaturën për zgjedhjet presidenciale, ndërsa emra të tjerë më pak të njohur mund t’i bashkohen garës.

Joe Biden, 76 vjeçar, bëhet ndër kandidatët kryesorë bashkë me senatorin nga Vermonti, Bernie Sanders, i cili udhëheq në shumë anketa dhe është dëshmuar si mbledhës i mirë fondesh.

Në mesin e demokratëve, zoti Biden ka përvojë ndërkombëtare dhe legjislative të pashoqe dhe është ndër fytyrat më të njohura në politikën e Shteteve të Bashkuara.

Presidenti Trump kërcënon t’i drejtohet Gjykatës së Lartë për procesin e shkarkimit

WHITE HOUSE — 

Presidenti amerikan, Donald Trump, në rastin e fundit të shmangies së normave kushtetuese, po kërëcnon se do ta paraqesë çështjen e tij në mënyrë paravepruese në Gjykatën Kushtetuese nëse Dhoma e Përfaqësuesve shqyrton mundësinë e hapjes së procesit të shkarkimit të mundshëm.

“Nëse demokratët përpiqen ndonjëherë të hapin procesin e shkarkimit, unë do t’i drejtohesha në fillim Gjykatës së Lartë”, shkruante presidenti Trump në Twitter.

“Jo vetëm që nuk bëhet fjalë për ‘krime dhe shkelje të rënda’, por nuk ka asnjë krim nga ana ime”, thotë presidenti në dy mesazhe në Twitter, në komentet e tij të fundit lidhur me raportin e Prokurorit të Posaçëm pas hetimit dyvjeçar për të përcaktuar nëse kishte pasur konspiracion mes fushatës të presidentit Trump në vitin 2016 dhe Rusisë.

Që nga publikimi i raportit të redaktuar, demokratët që kanë kontrollin e Shtëpisë së Bardhë, kanë debatuar nëse të fillojnë procesin e shkarkimit kundër presidentit.

Kryetarja e Dhomës së Përfaqësuesve, Nancy Pelosi po bën thirrje për përmbajtje, megjithëse disa anëtarë të partisë së saj shqetësohen se demokratët do të paguajnë një çmim politik me votuesit liberalë nëse nuk hapin procedure e shkarkimit të mundshëm.

Rolet e Dhomës së Përfaqësuesve, Senatit, Gjyjkatës së Lartë

Kërcënimi i Presidentit Trump për t’iu drejtuar Gjykatës së Lartë, i habit tre ekspertë konstitucionalë, të kontaktuar nga Zëri i Amerikës të mërkurën. Ata nuk mendojnë se Gjykata e Lartë do të ndërhyjë.

“Themeluesit (e Kushtetutës) në vitin 1787, e konsideruan mundësinë t’i jepnin një rol Gjykatës në procesin e shkarkimit, por e hodhën poshtë me vetëdije të plotë”, i tha Zërit të Amerikës profesori i Fakultetit të Drejtësisë në Universitetin e Harvardit, Laurence Tribe.

FILE – President Donald Trump speaks to members of the media on the South Lawn of the White House in Washington, before boarding Marine One helicopter, April 10, 2019.

“Gjykata e Lartë ka mbajtur qëndrimin – dhe me të drejtë sipas mendimit tim – se procesi i shkarkimit është një çëshje politike, që Kushtetuta ia ka lënë Kongresit, jo një çështje ligjore që mund të vendoset në gjykata. Kështu, çdo kërkesë e tillë nga Presidenti Trump, është pothuajse e sigurt që do të hidhej poshtë”, bie dakord Robert Pushaw, një profesor i së drejtës në Universitetin Pepperdine.

“Në Kushtetutë thuhet se Dhoma e Përfaqësuesve ‘do të jetë e vetmja që do të ketë të drejtën e procesit të shkarkimit dhe autoritetin të përcaktojë rregullat e veta të procesit’. Kështuqë kjo duket se i përjashton gjykatat”, i tha Zërit të Amerikës studiuesi ligjor i Fondacionit Heritage, Thomas Jipping, ish-kryekëshilltar ligjor i Komisionit Juridik të Senatit.

“Megjithatë, anëtarët e Dhomës së Përfaqësuesve të gjithë kanë një detyrim të sigurohen që përgjegjësi të tilla kushtetuese të mos merren peng për symime politike”, shton ai.

Në vitin 1993, edhe vetë Gjykata e Lartë vendosi që gjykatat nuk do të kishin rok në procesin e shkarkimit.

Pas çdo procesi të tillë në Dhomën e Përfaqësuesve, sipas ligjit , Senati që aktualisht kontrollohet nga republikanët, do të kishte përgjegjësinë për të përcaktuar nëse presidenti duhet të shpallet fajtor.

Në historinë amerikane, senati ka votuar vetëm dy herë për të përcaktuar nëse një president do të shkarkohej. Si për Andrew Johnson në vitin1868 edhe Bill Clinton në vitin 1999, të gjitha akuzat u rrëzuan.

Presidenti Trump, që kur filloi fushatën presidenciale në vitin 2015, pa përvojë politike, është shkëputur nga rregullat konvencioanle si në retorikë, ashtu edhe në veprime, duke entusiazmuar përkrahësit dhe indinjuar kundërshtarët.

New York Times: Çështja e ndërhyrjes ruse, delikate për t’u ngritur para Presidentit Trump

Prokurori i Posaçëm, Robert Mueller arriti në përfundimin se Rusia ishte angazhuar në ndërhyrje “të gjera dhe sistematike” në zgjedhjet e vitit 2016 për të ndihmuar Donald Trumpin të bëhej president, por gazeta The New York Times, shkruante të mërkurën se kjo çështje vazhdon të jetë shumë delikate për t’u diskutuar para zotit Trump, përsa i takon asaj që mund të bëjë Moska kur ai të kërkojë një mandat të dytë në vitin 2020.

Ish-Sekretarja e Sigurisë Kombëtare, Kirstjen Nielsen u përpoq t’ua kthente vëmendjen zyrtarëve të lartë amerikanë tek përpjekjet për të frenuar ndikimin rus në zgjedhjet e vitit të ardhshëm në muajt para se zoti Trump ta detyronte të jepte dorëheqjen në fillim të prillit, pas përplasjeve për politikat e imigracionit, sipas gazetës.

Por The New York Times citon një zyrtar të lartë të administratës së Presidentit Trump të thotë se shefi i personelit në detyrë, Mick Mulvaney paralajmëroi zonjën Nielsen që të mos ta ngrinte këtë çështje para zotit Trump, që e ka barazuar diskutimin e ndërhyrjes ruse në zgjedhjet e vitit 2016 me pikëpyetjet nëse fitorja e tij ishte legjitime.

Gazeta citon zyrtarin të thtë se zoti Mulvaney i tha zonjës Nielsen se ndërhyrja ruse në zgjedhjet e ardhshme “nuk ishte ndonjë temë për të qenë dhe duhej mbajtur nën nivelin e presidentit”.

Zoti Mulvaney e kundërshtoi këtë variant duke thënë: “Nuk mbaj mend të ketë ndodhur asgjë të ngjashme në ndonjë mbledhje”.

Ai fajësoi paraardhësin e zotit Trump, ish-presidentin Barack Obama, se nuk ishte ballafaquar me forcë me Moskën lidhur me ndërhyrjen e vazhdueshme në zgjedhje, megjithëse zoti Obama dhe të tjerë e kishin ngritur çështjen para zgjedhjeve të vitit 2016.

Prokurori i Posaçëm, Mueller arriti në përfundimin se ndërhyrja ruse në zgjedhjet e vitit 2016 election ishte shumë e përhapur, përfshirë postime të rreme në faqe të rrjeteve sociale me synimin për të ndihmuar zotin Trump të fitonte ndaj rivales demokrate Hillary Clinton, dhe depërtimin dhe publikimin e emaileve të shkruara nga zyrtarët demokratë, që e shfaqnin zonjën Clinton nën dritë të keqe.

Por prokurori arriti gjithashtu në përfundimin se megjithëse kishte kontakte të shumta mes këshilltarëve të fushatës të zotit Trump dhe rusëve, as Presidenti Trump as fushata e tij nuk kishin konspiruar me Rusinë.

Jared Kushner, një këshilltar i Shtëpisë së Bardhë dhe dhëndër i zotit Trump tha të martën se hetimi 22 mujor i zotit Mueller i kishte sjellë më shumë dëm Shteteve të Bashkuara sesa ndëryrja ruse në zgjedhje.

“Po të shohësh atë që bëri Rusia, blerjen e disa reklamave në Facebook dhe përpjekje për të shkaktuar përçarje. Është e tmerrshme. Por mendoj se hetimet dhe gjithë spekullimet që janë bërë këto dy vjet, kanë pasoja më të rënda për demokracinë tonë sesa disa reklama në Facebook”, tha zoti Kushner.

Shtëpia e Bardhë nuk publikon të dhënat për taksat e Trumpit

Shtëpia e Bardhë ka refuzuar që të përmbushë afatin e fundit, ashtu që t’i dorëzojë Kongresit amerikan, të dhënat për kthimin e taksave të presidentit amerikan, Donald Trump.

Kryesuesi i Komitetit për Mjete i Dhomës së Përfaqësuesve, Richard Neal ka thënë së dështimi për të përmbushur afatin e fundit, në këtë rast 23 prillin, mund të konsiderohet si refuzim i kërkesës.

Presidenti amerikan, Donald Trump ka thënë se nuk dëshiron që të publikohen të dhënat e tij dhe ka kërkuar që të mos publikohen shifrat për kthim taksash, derisa ai është nën proces të auditimit.

Demokratët në anën tjetër kanë kërkuar që kjo përgjigjje të shoqërohet me masë ligjore.

“Presidenti ka qenë shumë i qartë: Sapo të përfundojë procesi i auditimit, ai do të konsiderojë këtë çështje”, ka thënë zëvendës-sekretari i Shtëpisë së Bardhë për Media, Hogan Gidley për Fox News.

“Ai nuk ka gatishmëri për ta bërë këtë gjë tani”.

Neal i kishte dhënë fillimisht Shërbimit të Brendshëm të të Ardhurave afat deri më 10 prill për të raportuar për kthimin e taksave të presidentit nga viti 2013 deri më 2018.

Afati më pas është shtyrë deri më 23 prill, pasi administrata e Trumpit ka dështuar që të zbatojë këtë kërkesë.

Shumica e presidentëve amerikanë kanë kryer shërbimet e taksave nga viti 1970, pavarësisht pse një gjë e tillë nuk kërkohet me ligj.

Një nga ndihmësit kryesorë të presidentit Trump ka thënë gjatë këtij muaji se demokratët “nuk do të shohin kurrë” kthimin e taksave të presidentit.

Sekretari amerikan i Thesarit, Steven Mnuchin i ka thënë kryesuesit Neal se departamenti do të marrë një vendim final më 6 maj lidhur me këtë çështje.

Demokratët kanë paralajmëruar se mund të marrin ndonjë masë ligjore, përfshirë thirrje të detyrueshme për intervisitim dhe sigurim të të dhënave financiare, nëse presidenti ende mban qëndrim të njëjtë, hap i cili do të niste betejë mes dy palëve në gjykata.

Presidenti Trump takon shefin e Twitterit

Presidenti i Shteteve të Bashkuara, Donald Trump, priti në Shtëpinë e Bardhë, shefin e rrjetit social Twitter, Jack Dorsey.

Përmes një komunikate, Twitter tha se Trump dhe Dorsey diskutuan për “mbrojtjen e gjuhës së shëndoshë në komunikimin publik” para mbajtjes së zgjedhjeve presidenciale të vitit 2020 në SHBA.

Më herët presidenti Trump kishte akuzuar Twitterin se është “shumë diskriminues” ndaj tij.

Por presidenti e quajti bisedën me shefin e Twitterit si një “takim të mrekullueshëm”.

“Shumë tema u diskutuan lidhur me rrjetin e tyre, dhe mediat sociale në përgjithësi”, shkroi Trump.

Great meeting this afternoon at the @WhiteHouse with @Jack from @Twitter. Lots of subjects discussed regarding their platform, and the world of social media in general. Look forward to keeping an open dialogue! pic.twitter.com/QnZi579eFb
— Donald J. Trump (@realDonaldTrump) April 23, 2019

Kushner: Hetimet për përfshirjen ruse në zgjedhje dëmtuan demokracinë në SHBA

Këshilltari i Shtëpisë së Bardhë, Jared Kushner
Këshilltari i Shtëpisë së Bardhë, Jared Kushner tha se hetimet për ndërhyrjen ruse në zgjedhjet e vitit 2016 në SHBA më shumë “kanë ndikuar në demokracinë amerikane” sesa vetë veprimet e Rusisë.

Njëri ndër zërat më me ndikim në Shtëpinë e Bardhë minimizoi përfshirjen ruse në zgjedhje duke e përshkruar atë si “blerje të disa reklamave në Facebook” si dhe përpjekje për të “mbjellur mospajtime”.

Deklaratat e Kushnerit bëhen disa ditë pas publikimit të versionit të redaktuar të raportit të këshilltarit special Robert Mueller mbi përpjekjet e Rusisë për të ndërhyrë në zgjedhjet presidenciale amerikanë në vitin 2016.

Këshilltari i Shtëpisë së Bardhë, Jared Kushner tha se ekipi i fushatës së presidentit Trump “nuk ishte në dijeni për veprimet e Rusisë”.

Trumpi ngre padi për të bllokuar informacione mbi të dhënat e tij financiare

Presidenti amerikan Donald Trump, ngriti të hënën një padi me qëllimin për të bllokuar përpjekjet e një komisioni ligjvënësish të cilët kanë kërkuar zyrtarisht informacion mbi të dhënat personale dhe të biznesit të tij, prej firmës së kontabilitetit që ka trajtuar prej vitesh çështjet financiare të zotit Trump.

Kryetari i Komisionit të Mbikëqyrjes në Dhomën e Përfaqësuesve, demokrati Elijah Cummings, po kërkon informacion financiar për tetë vjet nga kompania “Mazars USA”. Por në padinë e presidentit dhe korporatës së tij, “Organizata Trump”, thuhet se autorizimi zyrtar i komisionit “është i pavlefshëm dhe i pazbatueshëm për shkak se nuk ka qëllime ligjore legjislative”.

Në padi thuhet gjithashtu se, “në vend që të punonin me presidentin për të miratuar ligje të mbështetura nga të dyja palët, prej të cilave do të përfitonin amerikanët, demokratët në Dhomën e Përfaqësuesvepo përpiqen me ngulm të gjejnë diçka që ta përdorin për të dëmtuar politikisht presidentin”.

SHBA rrit presionin mbi Iranin, ia godet eksportet e naftës

Presidenti i Shteteve të Bashkuara, Donald Trump, vendosi të mos i zgjasë masat lehtësuese që iu mundësojnë importuesve të blejnë naftë nga Irani, pa u përballur me sanksionet e SHBA-së.

Në një njoftim të Shtëpisë së Bardhë thuhet se “Shtetet e Bashkuara, Arabia Saudite dhe Emiratet e Bashkuara Arabe do të ndërmarrin veprime në kohë, për të siguruar plotësimin e nevojave globale kur nafta iraniane të hiqet nga tregu”.

“Ky vendim synon t’i çojë eksportet e Iranit në zero, duke e privuar regjimin nga burimi kryesor i të ardhurave”, thuhet në deklaratën e Shtëpisë së Bardhë.

Vendimi nënkupton që masat lehtësuese për pesë vende, përfshirë Kinën, Indinë, Japoninë, Korenë e Jugut dhe Turqinë, nuk do të vazhdojnë pasi të skadojnë më 2 maj.

Shtetet e Bashkuara e konsiderojnë Iranin si sponsorizues të terrorizmit global.

“Do të vazhdojmë të aplikojmë presion maksimal ndaj regjimit iranian, derisa udhëheqësit e tij të ndryshojnë sjelljen shkatërruese, të respektojnë të drejtat e popullit iranian dhe të kthehen në tryezën e negociatave”, tha përmes një deklarate sekretari amerikan i Shtetit, Mike Pompeo.

Eksportet e naftës janë burimi kryesor i të ardhurave për Teheranin, i cili është goditur rëndë nga rivendosja e sanksioneve të SHBA-së, prejse kjo e fundit është tërhequr nga një marrëveshje bërthamore, vitin e kaluar.

SHBA, meteorologët konfirmuan katër tornado në Virxhinia

Shërbimi nacional meteorologjik i Shteteve të Bashkuara të Amerikës (SHBA) bëri të ditur se Reston, Fredericks Hall, Barham dhe Forksville janë goditur nga tornado.

Autoritetet theksojnë se janë dëmtuar pemë, shtëpi dhe disa objekte të vogla.

Sistemi i fuqishëm i stuhive të premten depërtoi në jug dhe kërcënoi të sjellë tornadon në pjesë të mëdha të Karolinës dhe të Virxhinias jugore. Në Florida u regjistrua një rast vdekje i një vajze tetë vjeçare. aa

Pyetje të reja për rolin e Presidentit pas publikimit të raportit Mueller

Jim Malone

Pas një hetimi prej 22 muajsh, publiku dhe kongresi amerikan arritën të shohin të enjten raportin e Prokurorit të Posaçëm, Robert Mueller për ndërhyrjen ruse në zgjedhjet e vitit 2016.

Raporti nuk gjeti prova për konspiracion mes fushatës së Presidentit Donald Trump dhe Rusisë, por zoti Mueller dhe ekipi i tij nuk mundi të përcaktonte nëse presidenti ishte përpjekur të pengonte drejtësinë.

Demokratët e opozitës po marrin shkas nga çështja e pengimit të drejtësisë në raport, për të këmbëngulur për hetime të mëtejshme në Kongres.

Në Shtëpinë e Bardhë, Presidenti Donald Trump ishte entuziast pas publikimit të raportit:

“Është një ditë e mirë. U arrit përfundimi: jo bashkëpunim i qëllimshëm, jo pengim drejtësie. Asnjëherë nuk kishte dhe nuk do të ketë”.

Por raporti paraqet një tablo të ndryshme për çështjen e pengimit të drejtësisë, duke përmendur disa raste kur presidenti u përpoq të ndikonte tek hetimi.

Në një rast, zoti Trump urdhëroi juristin e Shtëpisë së Bardhë Don McGahn që të realizonte shkarkimin e Prokurorit të Posaçëm, Robert Mueller, thotë Chad Day i agjencisë Associated Press:

“McGahn e kundërshtoi këtë përpjekje, por tregon se si presidenti, dhe raporti e citon atë, e konsideronte hetimin si një fund të mundshëm të presidencës së tij dhe diçka që do të kërcënonte pushtetin e tij”.

Raporti përshkruan kontakte të shumta mes bashkëpunëtorëve të fushatës së zotit Trump dhe rusëve në vitin 2016, por arrin në përfundimin se kishte mungesë provash për konspiracion criminal mes fushatës dhe Rusisë.

Por zoti Mueller nuk bën vetë një gjykim nëse presidenti u përpoq të pengonte drejtësinë. Raporti nuk arriti në përfundimin se zoti Trump kreu ndonjë krim, por as nuk e shfajëson atë.

Përfundimisht ishte Prokurori i Përgjithshëm, William Barr që vendosi që të dhënat për pengim të drejtësisë nuk justifikonte masa të mëtejshme ligjore.

“Përveç çështjes nëse këto veprime ishin penguese, prova e motiveve jokorruptive është shumë më e fortë sesa çdo akuzë se presidenti kishte synime korruptive për të penguar hetimin”, thotë zoti Barr.

Demokratët ishin të shqetësuar nga detajet e pengimit të mundshëm të drejtësisë dhe menjëherë u zotuan se do të hetonin më tej, siç tha kryetari i Komisionit Juridik të Dhomës së Përfaqësuesve, Jerold Nadler.

“Prokurori i Posaëçm e bën të qartë se ai nuk e ka shfajësuar presidentin dhe përgjegjësia bie tani mbi Kongresin që ta vërë presidentin para përgjegjësisë për veprimet e tij. Kongresi duhet të marrë një raport të plotë, të paredaktuar së bashku me të dhënat e zbuluara nga prokurori i posaçëm, Mueller”.

Pyetjet e mbetura për pengimin e drejtësisë mund të vazhdojnë të hedhin një hije dyshimi mbi Shtëpinë e Bardhë, thotë analisti ligjor David Abraham:

“Nuk jam i sigurt që përfundimet përbëjnë një fitore për presidentin. Por ato pretendime bien ndesh si në faktet që kanë të bëjnë me efektivitetin e ndërhyrjeve ruse, ashtu edhe me përmasat e përpjekjeve të pengimit nga Shtëpia e Bardhë, që nga presidenti edhe më poshtë”.

Përplasjet e vazhdueshme për raportin Mueller, lënë të kuptohet se debati ligjor dhe politik mbi veprimet zotit Trump, mund të zvarritet për një kohë të pacaktuar, thotë analisti politik, Bill Sweeney.

“Nëse kjo vazhdon për javë dhe muaj me radhë, do të jetë një çështje tjetër përçarëse në një vend që është i përçarë”.

Prokurori i Përgjithshëm Barr ka marrë thirrje për të dëshmuar në Kongres muajin e ardhshëm dhe demokratët duan gjithashtu që edhe vetë Prokurori i Posaçëm Mueller të dalë në seancë në të ardhmen e afërt.

SHBA, demokratët kërkojnë raportin Mueller të paredaktuar

Në SHBA, demokratët e Kongresit kërkuan të njihen me të gjitha provat e hetimit të Prokurorit të Posaçëm Robert Mueller lidhur me ndërhyrjen e Rusisë në zgjedhjet e vitit 2016.

Kryetari i komisionit Juridik të Dhomës së Përfaqësuesve, demokrati Jerrold Nadler i kërkoi Departamentit të Drejtësisë të dorëzojë raportin e plotë të zotit Mueller, duke thënë se ai nuk mund të pranojë një variant të redaktuar që u publikua të enjten i cili lë “shumicën e Kongresit pa informacionin e duhur lidhur me çështjen”.

“Komisioni ka nevojë dhe gëzon të drejtën e variantit të plotë të raportit si dhe të dëshmive bazë në përputhje me praktikat e kaluara. Redaktimet duket të jenë të mëdha. Deri tani nuk kemi parë asnjë nga dëshmitë që Prokurori i Posaçëm ka pasur për të ngritur këtë çështje“, tha zoti Nadler në një deklaratë.

Presidenti Trump në mënyrë të përsëritur e ka karakterizuar hetimin e zotit Mueller si një “gjueti shtrigash”. Në një postim në Twitter të premten ai e kritikoi sërish raportin, duke shkruar se “raporti i çmendur i Mueller-it” është përgatitur nga “18 demokratë të inatosur dhe që urrejnë atë dhe se sipas tij, në raport thuhen “budallallëqe” rreth tij.

Në raport jepen hollësi mbi përpjekjet e zotit Trump për të penguar hetimin e zotit Mueller mbi Rusinë, duke u dhënë mjaft demokratëve “municion politik” kundër presidentit republikan.

Raporti prej 448 faqesh bën një pasqyrë të qartë se si Presidenti Trump ishte përpjekur të pengonte hetimin, por nuk dilte në përfundimin se zoti Trump ka kryer krimin e pengimit të drejtësisë, megjithëse nuk e shfajsonte atë nga kjo gjë.

Raporti për Rusinë: Demokratët vazhdojnë presionin me Trumpin

Demokratët në Shtetet e Bashkuara vazhdojnë presionin mbi presidentin Donald Trump, edhe pas publikimit të raportit për ndërhyrjen e Rusisë në zgjedhjet e vitit 2016.

Ata duan që Robert Mueller, këshilltari i posaçëm që ka hartuar raportin, të dëshmojë publikisht përpara Kongresit për punën që ka bërë.

Mueller konfirmoi gjetjet e inteligjencës amerikane se Rusia ka ndërhyrë në zgjedhjet e vitit 2016 që i ka fituar Trump dhe dokumentoi përpjekjet e presidentit për të minuar hetimin e tij. Por Mueller nuk tha se Trump ka bashkëpunuar me zyrtarët rusë.

Gjetjet e tij u detajuan në një raport 448 faqesh, pjesërisht të redaktuar, që u publikua të enjten.

Ky raport po ashtu nxori në pah fushat ku Trump dhe bashkëpunëtorët e tij mund të përballen ende me probleme ligjore.

Raporti u mirëprit nga Trumpi, i cili rikujtoi deklaratat e tij se ai dhe bashkëpunëtorët e tij as nuk kanë bashkëpunuar me zyrtarët rusë, as nuk kanë bërë përpjekje të pengonin hetimet.

Duke folur në një ngjarje për veteranët, Trump tha se po kalon një “ditë të mirë”, duke shtuar se nuk ka pasur “asnjë bashkëpunim” me Rusinë dhe as pengim të drejtësisë.

Publikimi i raportit mbyll një kapitull të hetimeve që hodhi hije mbi presidencën e Trumpit, madje edhe përpara se të merrte detyrën.

Megjithatë, udhëheqësit demokratë të Kongresit, Nancy Pelosi dhe Chuck Schumer, përmes një deklarate të përbashkët, thanë se raporti paraqet “një imazh shqetësues të një presidenti me një varg mashtrimesh, gënjeshtrash dhe sjelljesh të pahijshme”.

Ata po ashtu thanë se “Kongresi duhet të vlerësojë sjelljen e padrejtë, korruptive dhe imorale të presidentit, në përpjekje për të penguar hetimet”.

Demokrati numër dy i Dhomës së Përfaqësuesve, Steny Hoyer, tha se nxjerrja e presidentit në votëbesim nuk ia vlen, pasi zgjedhjet e reja presidenciale do të mbahen në nëntor të vitit të ardhshëm.

“Bazuar në atë që kemi parë deri më tash, votëbesimi nuk ia vlen. Zgjedhjet do të mbahen pas 18 muajsh dhe populli amerikan do të gjykojë”, tha Hoyer për CNN-in.

Përfaqësuesi demokrat, Jerrold Nadler, kryetar i Komitetit për Drejtësi në Dhomën e Përfaqësuesve, kërkoi që Kongresi të ketë raportin e plotë, të paredaktuar të Muellerit.

“Këshilltari i posaçëm e bën të qartë se nuk e ka shfajësuar presidentin dhe tani përgjegjësia është te Kongresi, për ta bërë presidentin përgjegjës për veprimet e tij. Kongresi duhet ta ketë raportin e plotë, të paredaktuar, së bashku me provat e mbledhura nga këshilltari i posaçëm, Mueller”, tha Nadler.

Prokurori i Përgjithshëm amerikan, William Barr.

Prokurori i Përgjithshëm amerikan, William Barr.

Përpara publikimit të raportit, prokurori i përgjithshëm i SHBA-së, William Barr, mbajti një konferencë për media në Uashington, ku dha detaje mbi raportin.

Barr tha se hetimet nuk kanë gjetur prova se Trump ose anëtarët e fushatës së tij kanë bashkëpunuar me përpjekjet e Rusisë për të ndërhyrë në zgjedhje.

Barr, i cili ka publikuar një përmbledhje prej katër faqesh të raportit në fund të muajit të kaluar, po ashtu tha se raporti i Muellerit nuk paraqet asnjë dëshmi se Trump ka bërë përpjekje të pengojë drejtësinë.

Përgatiti: Valona Tela

Raporti: Trumpi u përpoq të largonte Prokurorin e Posaçëm

Raporti i Prokurorit të Posaçëm Robert Mueller mbi hetimin e tij ndaj ndërhyrjes së Rusisë në zgjedhjet e vitit 2016 që u publikua të enjten tregon se Presidenti Donald Trump kërkoi të detyronte largimin e zotit Mueller.

Në versionin e redaktuar të raportit prej më shumë se 400 faqesh të publikuar nga Prokurori i Përgjithshëm William Barr thuhet se në qershor të vitit 2017, presidenti Trump i komunikoi Këshilltarit Ligjor të Shtëpisë së Bardhë Don McGahn, të kërkonte shkarkimin e Prokurorit të Posaçëm Mueller për shkak të konfliktit të interesit.

Në raport thuhet se “McGahn nuk e zbatoi udhëzimin, duke vendosur që të jepte dorëheqjen sesa të shkaktonte atë që ai e konsideronte si një masakër e natës së shtunë”. ‘Masakra e natës së shtunë’ i referohet shkarkimit të zyrtarëve kryesorë të zbatimit të ligjit nga presidenti Richard Nixon në tetor të vitit 1973 gjatë periudhës së Watergate-it.

Pak para se raporti të bëhej publik, kryeprokurori Barr u tha gazetarëve se Presidenti Trump nuk ka bashkëpunuar fshehurazi me Moskën dhe tha se më vonë, pas ardhjes në Shtëpinë e Bardhë, zoti Trump nuk kishte “asnjë qëllim të korruptuar” për të penguar hetimin.

Presidenti Trump, i cili prej kohësh i është referuar hetimit Mueller si një “Gjueti Shtrigash”, tha të enjten: “Kjo nuk duhet të ndodhë kurrë me një president tjetër, ky mashtrim nuk duhet të ndodhë. Kjo kurrë nuk duhet të ndodhë me një president tjetër.”

Në fund të muajit të kaluar, në një përmbledhje të gjetjeve të zotit Mueller, kryeprokurori Barr tha se prokurori i posaçëm kishte arritur në përfundimin se zoti Trump nuk kishte bashkëpunuar me Rusinë, por nuk kishte marrë asnjë vendim nëse ai kishte penguar drejtësinë.

Komisioni i Dhomës së Përfaqësuesve për Drejtësinë i kontrolluar nga demokratët publikoi një letër të enjten duke kërkuar që prokurori Mueller të dëshmojë para komisionit “sa më shpejt të jetë e mundur”.

Reagojnë demokratët

Udhëheqësi demokrat i Senatit amerikan, Chuck Schumer dhe kryetarja e Dhomës së Përfaqësuesve Nancy Pelosi thanë se përfundimet e nxjerra nga prokurori i përgjithshëm Uilliam Barr për raportin e prokurorit të posaçëm Robert Mueller bien në kundërshtim me gjetjet e vetë raportit.

Ligjvënësit Schumer dhe Pelosi bënë një deklaratë të enjten duke thënë se “Ka një kontrast të thellë midis asaj që tha prokurori i përgjithshëm Barr për çështjen e pengimit të drejtësisë dhe asaj që thotë prokurori i posaçëm Mueller për të njëjtën çështje.”

“Ndërsa ne vazhdojmë ta shqyrtojmë raportin,” thanë ata, “një gjë është e qartë: prokurori i përgjithshëm Barr dha përfundimin se presidenti nuk e pengoi drejtësinë, ndërsa raporti Mueller duket se e kundërshton një verdikt të tillë.”

Ndërkohë, kryetari i Komisionit të Drejtësisë në Dhomën e Përfaqësuesve Jerry Nadler njoftoi se po kërkon që zoti Mueller të dëshmojë përpara komisionit sa më shpejt të jetë e mundur, dhe jo më vonë se data 23 maj.

“Është e qartë se Kongresi dhe populli amerikan duhet të dëgjojnë nga prokurori i posaçëm Robert Mueller personalisht për të kuptuar më mirë rezultatet e tij,” tha ai në Twitter.

Kërkesa e ligjvënësit Nadler vjen pas disa javë thirrjesh nga demokratët që raporti Mueller të publikohej i plotë, i paredaktuar.

Konferenca e Shtypit e Kryeprokurorit Barr

Prokurori i Përgjithshëm ofroi hollësi të raportit të Prokurorit të Posaçëm Robert Mueller mbi rolin e Rusisë në zgjedhjet e vitit 2016 në Shtetet e Bashkuara, para se ta bënte publik raportin, duke theksuar se nuk ka gjetur ndonjë bashkëpunim të fshehtë midis fushatës së Presidentit Donald Trump dhe Moskës.

Zoti Barr, i emëruar si kreu i Departamentit të Drejtësisë nga presidenti Trump, dha një konferencë për shtyp përpara publikimit të raportit të shumëpritur, një ngjarje me rëndësi kjo për presidencën Trump.

“Prokurori i Posaçëm ka hetuar një numër lidhjesh apo kontaktesh mes zyrtarëve të fushatës Trump dhe individëve të lidhur me qeverinë ruse gjatë fushatës presidenciale të vitit 2016. Pas shqyrtimit të këtyre kontakteve, Prokurori i Posaçëm nuk gjeti asnjë komplot që shkel ligjin amerikan që përfshin personat e lidhur me Rusinë dhe ndonjë personi të lidhur me fushatën presidenciale. Ky është përfundimi kryesor. Pas rreth dy vjet hetimesh, me mijëra thirrjesh për dëshmi, me qindra fletë-arrestesh dhe intervista dëshmitarësh, Prokurori i Posaçëm konfirmoi se qeveria ruse sponsorizoi përpjekjet për të ndërhyrë në mënyrë të paligjshme në zgjedhjet presidenciale të vitit 2016, por nuk gjeti se fushata Trump apo amerikanë të tjerë bashkëpunuan me këto përpjekje. Pasi nuk gjeti asnjë bashkëpunim të fshehtë me Rusinë, raporti i Prokurorit të Posaçëm vazhdon të shqyrtojë nëse veprimet e caktuara të presidentit mund të përbëjnë pengim të hetimit. Siç e kam thënë në letrën time të 24 marsit, Prokurori i Posaçëm nuk dha një gjykim prokurorial tradicional lidhur me këtë pikë. Në vend të kësaj, raporti paraqet 10 episode që përfshijnë presidentin dhe diskuton teoritë e mundshme ligjore për lidhjen e këtyre aktiviteteve me elementet e një vepre të pengesës. Pas shqyrtimit të kujdesshëm të fakteve dhe teorive ligjore të parashtruara në raport dhe në konsultim me Zyrën e Këshilltarit Ligjor dhe avokatët e tjerë të departamentit, zëvendës Prokurori i Përgjithshëm dhe unë arritëm në përfundimin se provat e paraqitura nga Prokurori i Posaçëm nuk janë të mjaftueshme për të vërtetuar se presidenti ka kryer një pengim të drejtësisë. Megjithëse zëvendës Prokurori i Përgjithshëm dhe unë nuk pajtohemi me disa prej teorive ligjore të Prokurorit të Përgjithshëm dhe se disa nga episodet e shqyrtuara nuk përbën pengesë ligjore, ne nuk u mbështetëm vetëm aty për të marrë vendimin tonë.”

Ai tha se avokatëve personalë të Presidentit Trump “iu dha mundësia të lexonin një version përfundimtar të raportit të redaktuar përpara se ai të bëhej publik”, një deklaratë që me siguri do të zemërojë demokratët e Kongresit.

Publikimi i raportit, me pjesë që pritet të paraqiten të mbuluara me bojë të zezë për të mbrojtur disa informacione të ndjeshme, pritet të shkaktojë një betejë të re politike në Kongres si dhe në fushatën presidenciale për zgjedhjet e 2020-s, ndërkohë që zoti Trump kërkon të rizgjidhet në një atmosferë ndarjesh të thella politike në vend.

Në një sërë postimesh në Twitter përpara publikimit të raportit, Presidenti Trump e kritikoi ashpër hetimin e Prokurorit të Posaçëm Mueller, duke e quajtur “Mashtrimi më i madh politik i të gjitha kohërave!”

Prokurori i posaçëm Mueller ia paraqiti raportin zotit Barr më 22 mars. Dy ditë më vonë, zoti Barr u tha ligjvënësve se hetimi nuk vërteton se ekipi i fushatës Trump në vitin 2016 u angazhua në një konspiracion kriminal me Rusinë dhe se raporti e nxjerr të larë Presidentin Trump përsa i përket akuzave për pengim të drejtësisë.

FILE - William Barr testifies before a Senate Judiciary Committee hearing on his nomination to be attorney general of the United States on Capitol Hill in Washington, Jan. 15, 2019.

FILE – William Barr testifies before a Senate Judiciary Committee hearing on his nomination to be attorney general of the United States on Capitol Hill in Washington, Jan. 15, 2019.

Raporti i redaktuar

Kongresi dhe populli amerikan do të shohin për herë të parë në hollësi faktet që zoti Mueller shqyrtoi pasi ai dhe ekipi i tij i hetuesve federalë punuan për të përcaktuar nëse fushata e zotit Trump ose bashkëpunëtorët e tij bashkëpunuan fshehurazi me Rusinë në përpjekjet e saj për të ndërhyrë në zgjedhjet e vitit 2016 që e sollën presidentin Trump në pushtet.

Agjencitë amerikane të zbulimit në fillim të vitit 2017 vlerësuan se Rusia, nën drejtimin e Presidentit Vladimir Putin, zhvilloi një fushatë për të minuar zgjedhjet dhe kishte një preferencë të qartë që zoti Trump të fitonte.

Njerëz që e kanë parë raportin prej 400-faqësh të zotit Mueller, të cilët folën me gazetat The Washington Post dhe The New York Times, thanë se dokumenti hyn në hollësi për akuzat e ndryshme nëse zoti Trump pengoi hetimin federal në lidhje me aktivitetet e Rusisë gjatë zgjedhjeve.

Kryeprokurori Barr publikoi para disa javësh një letër të shkurtër me përmbledhjen e tij të gjetjeve të zotit Mueller, ku theksohet se fushata Trump nuk bashkëpunoi me Rusinë dhe se sipas mendimit të zotit Barr informacionet nga zoti Mueller nuk treguan mjaftueshëm mbështetje për akuzat se presidenti pengoi drejtësinë.

FILE - The letter from Attorney General William Barr to Congress on the conclusions reached by special counsel Robert Mueller in the Russia probe, March 24, 2019.

FILE – The letter from Attorney General William Barr to Congress on the conclusions reached by special counsel Robert Mueller in the Russia probe, March 24, 2019.

Shumë njerëz do ta analizojnë raportin për të parë se si qëndrojnë konkluzionet e tij kur krahasohen me informacionin më të plotë që do të jetë në dispozicion të publikut.

FILE - Deputy Attorney General Rod Rosenstein speaks during a news conference at the Department of Justice.

FILE – Deputy Attorney General Rod Rosenstein speaks during a news conference at the Department of Justice.

Kryeprokurori Barr shoqërohej në konferencën e tij të shtypit nga Zëvendës Prokurori i Përgjithshëm Rod Rosenstein, i cili për pjesën më të madhe të hetimit të zotit Mueller ishte personi që mbikqyrte hetimin në Departamentin e Drejtësisë. Askush nga ekipi i zotit Mueller nuk mori pjesë në konferencë.

Presidenti Trump tha të mërkurën se po shikonte mundësinë për të mbajtur një konferencë shtypi të enjten. Duke folur në për stacionin radiofonik WMAL, zoti Trump tha: “Do të shihni se shumë gjëra shumë të forta do të dalin nesër. Prokurori i Përgjithshëm Barr do të japë një konferencë për shtyp. Ndoshta unë do të bëj të njëjtën gjë pas kësaj; do ta shohim.”

Jepen çmimet “Pulitzer”, shpërblehen autorët e dy hetimeve ndaj presidentit, po edhe reporterët e burgosur dhe të vrarë

Janë shpallur fituesit e çmimeve “Pulitzer”, një nga çmimet më të rëndësishme të gazetarisë në botë.

Bëhet e ditur se çmimet e dhëna në kategoritë për lajme në gazeta, revista dhe në internet, letërsi dhe kompozime muzikore, këtë vit kanë kryesuar në fushën e gazetarisë gazetat lokale që publikuan në lidhje me tre sulmet e armatosura vitin e kaluar në SHBA.

Gazeta “Sun Sentinel” që botohet në shtetin e Floridas, është fituese e çmimit në kategorinë “shërbim publik” me publikimet për investigimin e gabimeve të bëra para dhe pas sulmit nga drejtuesit e shkollës dhe policia në lidhje me sulmin e armatosur në shkollën “Stoneman Douglas” në Parkland.

Ndërsa gazeta “Pittsburgh Post-Gazette” ka fituar çmimin në kategorinë për “lajmin flash” për gazetarinë në lidhje me sulmin e armatosur më 27 tetor ndaj një sigagoge në Pittsburgh të Pensilvanisë në SHBA ku si pasojë humën jetën 11 persona dhe u plagosën 6 të tjerë.

Po ashtu edhe punonjësit e “Capital Gazette” në qytetin Annapolis në Maryland janë fitues të çmimit “Çmim Special” për shkak se kanë vazhduar me guxim të kryejnë detyrën e tyre të gazetarisë pas sulmit të armatosur më 28 qershor ku një agresor hyri me armë në ambientet e gazetës duke masakruar 5 kolegët e tyre.

Ndërkohë janë nderuar me çmimin “Gazetari investigative” gazeta “Los Angeles Times” për lajmet në lidhje me gjinekologun që ngacmonte nxënëset femra në klinikën e universitetit të Karolinës së Jugut, agjencia e lajmeve Associated Press me çmimin “gazetari ndërkombëtare” për lajmet e saj që kanë trajtuar krimet njerëzore të përjetuara në luftën në Jemen, gazeta “New York Times” me çmimin “gazetari shpjeguese” për lajmet e saj për rregullimet e trashëgimisë të presidentit të SHBA Donald Trump për të shmangur taksën e trashëgimisë dhe “Wall Street Journal” në kategorinë “gazetari kombëtare” për lajmet e saj që kanë zbuluar se Trump ka paguar dy femra “për të heshtur” gjatë periudhës zgjedhore.

Çmimet “Pulitzer” jepen që nga viti 1917 si trashëgimi e gazetarit amerikan me prejardhje hungareze Joseph Pulitzer për të nxitur punimet në fushën e gazetarisë dhe medias. Fituesit e çmimit përcaktohen nga juria e formuar nga Departamenti i Gazetarisë në Universitetin Columbia.

Trumpi do të sfidohet edhe nga republikanët më 2020

Presidenti i Shteteve të Bashkuara, Donald Trump, do të përballet me sfida brenda Partisë së tij Republikane, përpara zgjedhjeve presidenciale të vitit të ardhshëm.

Ish-guvernatori i Masaçusets, Bill Weld, shpalli kandidaturën e tij për president të SHBA-së, duke u bërë republikani i parë që do ta sfidojë Trumpin në vitin 2020.

“Unë vërtet mendoj se nëse edhe gjashtë vjet kemi gjëra të njëjta nga Shtëpia e Bardhë, të tilla si në dy vjetët e fundit, do të ishte tragjedi politike”, tha Weld për CNN-in.

Por udhëheqësit e Partisë Republikane e hodhën menjëherë poshtë fushatën e tij.

“Çdo përpjekje për të sfiduar nominimin e presidentit është e prirë të mos çojë askund”, tha përmes një deklarate Komiteti Kombëtar Republikan.

Sipas sondazhit më të fundit të kompanisë amerikane Gallup, 89% e votuesve republikanë e mbështesin presidentin Trump.

Nga Partia Demokratike, disa zyrtarë kanë shpallur tashmë kandidaturën për president.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend