Donald Trump-i u përfshi në “konspiracion dhe fshehje” i tha të martën jurisë një prokuror gjatë argumenteve mbyllëse në gjyqin penal kundër ish presidentit lidhur me manipulimin e të dhënave të biznesit. Pala mbrojtëse e cilësoi dëshmitarin kryesor të çështjes si “gënjeshtarin më të madh të të gjitha kohërave” ndërsa i kërkoi jurisë që ta hedhin poshtë akuzën ndaj klientit të tyre.

Deklaratat kundërthënëse, të akuzës dhe palës mbrojtëse, jashtëzakonisht të ndryshme lidhur me vlerësimet e tyre për besueshmërinë e dëshmitarëve dhe fuqinë e provave, u ofruan të dyja palëve një shans të fundit për ta bindur jurinë. Pas mbylljes së argumenteve, juria do të tërhiqet për të marrë një vendim lidhur me çështjen e parë penale kundër një ish presidenti amerikan.

Gjyqi shqyrtoi akuzat se zoti Trump dhe aleatët e tij komplotuan për të bllokuar një histori të turpshme gjatë fushatës presidenciale të vitit 2016, duke bërë pagesa për të blerë heshtjen, përfshirë një aktore të filmave pornografik e cila pretendoi se kishte patur marrëdhënie seksuale një dekadë më parë me zotin Trump.

“Ky rast, në thelbin e tij, ka të bëjë me një komplot dhe fshehje”, tha përpara jurisë prokurori Joshua Steinglass. Juria mund të fillojnë të mërkurën që të shqyrtojë marrjen e një vendimi. Ai shtoi më pas se: “Ne kurrë nuk do ta dimë nëse kjo përpjekje për të manipuluar votuesit ndikoi në zgjedhjet e vitit 2016, por kjo nuk është diçka që duhet ta provojmë”.

Todd Blanche, avokat i zotit Trump, i tha jurisë se nuk mund t’i besohet as aktores Stormy Daniels dhe as avokatit të Trump-it që e pagoi atë, Michael Cohen.

“Presidenti Trump është i pafajshëm. Ai nuk ka kryer asnjë krim dhe prokuroria nuk e ka përmbushur barrën e provës”, tha avokati Blanche.

Kur kanë kaluar më shumë se katër javë deponime në gjyqin penal ndaj zotit Trump, arritja e një vendimi përbën një detyrë të rëndësishme për jurinë, historikisht të paparë ndonjëherë, ndërsa vendos nëse do ta dënojë kandidatin republikan për president përpara zgjedhjeve presidenciale të nëntorit.

Tonet politike u shfaqën hapur ndërsa fushata e Presidentit Joe Biden organizoi një konferencë shtypi jashtë ndërtesës së gjykatës me aktorin Robert De Niro. Avokati mbrojtës i kujtoi jurisë se çështja nuk ishte një referendum lidhur me pikëpamjet e tyre për zotin Trump.

Prokurori Steinglass u përpoq që në fillim që të zbuste shqetësimet e mundshme të jurisë në lidhje me besueshmërinë e dëshmitarit kryesor të çështjes. Zoti Trump dhe ekipi i tij ligjor e kanë denoncuar vazhdimisht dëshmitarin Cohen si gënjeshtar.

Prokurori e pranoi se dëshmia e zonjës Daniels në lidhje me takimin e supozuar të vitit 2006 në një hotel në “Lake Tahoe”, të cilin zoti Trump e ka mohuar, në disa raste ishte për të dëshiruar. Por ai tha se detajet që ajo ofroi, përfshirë dekorimin dhe atë që ajo tha se pa kur hapi çantën e tualetit të Trump-it, kishin plot detaje që tingëllonin të vërteta. Ai tha se kjo ka rëndësi sepse “përforcon stimulin (e Trump-it) për të blerë heshtjen e saj”.

“Historia e saj është e pazakontë. Kjo i bën njerëzit të mos ndihen rehat kur e dëgjojnë. Ndoshta për disa prej jush është e pakëndshme për ta dëgjuar. Por ky është qëllimi. E thënë thjeshtë, Stormy Daniels është motivi”, i tha jurisë prokurori Steinglass. .

Rasti i pagesës doli në pah ndërsa në një regjistrim të ekipit televiziv të emisionit “Access Hollywood” në vitin 2005, zoti Trump dëgjohet tek flet me mburrje për prekje seksuale të grave pa pëlqimin e tyre.

Nëse historia e zonjës Daniel do të dilte pas regjistrimit në fjalë, kjo do të kishte minuar strategjinë e Trump-it për të hedhur poshtë ato që dëgjohet duke thënë në regjistrim, tha prokurori Steinglass.

“Është kritike të vlerësohet sepse në të njëjtën kohë që ai hodhi poshtë citimet e tij në regjistrime si biseda në dhomën e zhveshjes, Trump po negocionte për t’i mbyllur gojë një aktoreje të filmave pornografikë”, tha prokurori.

Avokati mbrojtës, Blanche, i cili foli i pari, u përpoq të minimizonte pasojat duke thënë se kaseta e programit “Access Hollywood” nuk ishte një “ngjarje e fundit të botës”.

Zoti Steinglass gjithashtu pohoi se çështja e prokurorisë nuk varej vetëm tek Michael Cohen, ish-avokat personal i zotit Trump, i cili e pagoi zonjën Daniels 130,000 dollarë për të heshtur.

Zoti Cohen është deklaruar fajtor nën akuzat federale për rolin e tij në pagesat e parave për të blerë heshtjen, si dhe për gënjeshtrat përpara Kongresit. Ai u dënua me burg dhe i është hequr licenca e avokatit, por përfshirja e drejtpërdrejt në çështje e bëri atë një dëshmitar kryesor në gjyq.

“Nuk ka të bëjë nëse ju pëlqen Michael Cohen. Nuk ka të bëjë nëse doni të hyni në biznes me Michael Cohen”, tha zoti Steinglass. “Ka të bëjë nëse ai ka informacion të dobishëm dhe të besueshëm për të treguar për atë që ndodhi në këtë rast, dhe e vërteta është se ai ishte në pozicionin më të mirë për ta ditur”.

Zoti Trump përballet me 34 akuza për falsifikim e të dhënave të biznesit, që zakonisht konsiderohet si një kundërvajtje sipas ligjeve të Nju Jorkut. Por prokurorët thonë zoti Trump i falsifikoi të dhënat e biznesit për fshehur një krim të tjetër, atë të shkeljes së mundshme të ligjit për financimin e fushatës zgjedhore.

Në qendër të gjyqit është shuma prej 130,000 dollarësh, me të cilën ish-avokati i zotit Trump, Michael Cohen e pagoi ish aktoren e filmave pornografikë Stormy Daniels, për të siguruar heshtjen e saj mbi një marrëdhënie të dyshuar seksuale me zotin Trump.

Më pas, sipas aktakuzës, zoti Trump e rimbursoi zotin Cohen dhe pagesën e regjistroi si shpenzim ligjor të kompanisë. Pagesa u bë ndërsa zoti Trump po kandidonte për zgjedhjet presidenciale të vitit 2016.

Avokatët mbrojtës janë përpjekur të ngrenë dyshime mbi besueshmërinë e dëshmitarëve të prokurorisë, kryesisht të dëshmitarit kryesor të saj, Michael Cohen. Ky i fundit tha në dëshminë e tij se ishte ai që e pagoi zonjën Daniels dhe se zoti Trump e kishte miratuar një gjë të tillë dhe se ishte në dijeni të regjistrimit të parave në mënyrë të paligjshme, si shpenzime ligjore.

Gjatë marrjes në pyetje, avokatët e zotit Trump ndoqën strategjinë e vënies në pikëpyetje të besueshmërisë së zotit Cohen. Ata e pyetën atë lidhur me dënimet e mëparshme. Gjatë njërës prej dëshmive, zoti Cohen e pranoi se kishte vjedhur disa mijëra dollarë nga kompania e zotit Trump.

Nëse shpallet fajtor, zoti Trump përballet me deri katër vjet heqje lirie.

Ish avokati i Donald Trumpit, Michael Cohen, dëshmitari kryesor në gjyqin kundër ish-presidentit në Nju Jork, tha të martën se ai dëshiron që zoti Trump të dënohet.

Ndërsa merrte në pyetje zotin Cohen, avokati mbrojtës i ish presidentit, Todd Blanche e portretizoi atë si një besnik të zotit Trump, i cili për vite të tëra bëri gjithçka që zoti Trump donte, përpara se t’i kthehej kundër në vitin 2018.

Ish avokati Cohen, tha zoti Blanche, është ende i fiksuar pas zotit Trump, fiton para duke shitur mallra anti-Trump dhe libra që ai ka shkruar për ish presidentin dhe duket se synon të hakmerret ndaj tij.

“A dëshironi që Presidenti Trump të dënohet në këtë rast? e pyeti avokati zotin Cohen.

“Sigurisht”, u përgjigj ai.

Gjatë rreth nëntë orëve të marrjes në pyetje gjatë dy ditëve nga prokurorja Susan Hoffinger, zoti Cohen i tha një jurie prej 12 anëtarësh se ndërsa votuesit shkonin drejt qendrave të votimit në zgjedhjet e vitit 2016, zoti Trump u përpoq të ndikonte rezultatin duke e urdhëruar atë të bënte një pagesë prej 130,000 dollarësh për aktoren e filmave pornografik, Stormy Daniels.

Qëllimi, tha zoti Cohen, ishte që pretendimi i saj për një lidhje seksuale me zotin Trump, para rreth një dekade, të mbahej i fshehtë. Ish Presidenti Trump ka mohuar lidhjen me të, si dhe të 34 akuzat me të cilat përballet në Nju Jork në gjyqin e parë penal të një presidenti amerikan.

Nëse shpallet fajtor, ai mund të lihet i lirë me kusht, ose të dënohet deri në katër vjet burg.

Zoti Trump, kandidati i pritshëm republikan për President në zgjedhjet e këtij viti, akuzohet për falsifikim të të dhënave të biznesit për të fshehur rimbursimin prej 130,000 dollarësh për zotin Cohen në vitin 2017, i cili e kishte paguar me fondet e tij zonjën Daniels. Rimbursim u regjistrua si shpenzim ligjor i kompanisë së presidentit Trump.

Zoti Cohen tha se ish presidenti e miratoi dy herë rimbursimin e pagesës. Në një prej rasteve, sipas tij, takimi u bë në Shtëpinë e Bardhë, tri javë pasi zoti Trump kishte marrë detyrën në janar të vitit 2017.

Në vitin 2018, ish avokati personal i zorit Trump, u kthye në armik të tij. Ai u kërkoi falje publike amerikanëve “që i kishte gënjyer, që kishte fshehur informacionin që qytetarët duhet ta kishin në mënyrë që të vendosnin se kush duhet të ishte president i vendit.

Zoti Cohen megjithatë është një dëshmitar problematik për prokurorinë, pasi ai vetë është shpallur fajtor nën disa akuza. Një nga akuzat ishte shkelja e rregullave të financimit të fushatës zgjedhore dhe dhënia e dëshmisë së rremë para një Komisioni të Kongresit rreth një marrëveshje të mundshme për një ndërtesë që kompania e ish Presidentit Trump do të ndërtonte në Moskë, por që nuk u krye asnjëherë.

Ai qëndroi 13 muaj e gjysmë në një burg federal dhe një vit e gjysmë në burg shtëpiak.

Zoti Trump dukej se mbante sytë mbyllur gjatë dëshmisë së zotit Cohen dhe më pas u tha gazetarëve se “mendoj se ishte një ditë e mirë”.

Gjatë marrjes në pyetje nga avokati mbrojtës i zotit Trump, zoti Cohen tha se kur zoti Trump filloi angazhimin në politikë në vitin 2015 “unë e adhuroja atë pa masë”.

Ai tha se zoti Trump e paguante 375 mijë dollarë në vit dhe një bonus vjetor prej 150 mijë dollarësh, me përjashtim në vitin 2016.

“Në atë kohë unë isha thellësisht i përfshirë në kultin e Donald Trumpit”, tha zoti Cohen dhe shtoi, “unë nuk gënjeja, por ashtu ndjehesha”. Ai tha se kishte shkuar deri aty sa ishte i gatshëm të vritej për njeriun që e thërriste “Bosi” dhe se e shihte zotin Trump dhe të afërmit e tij të ngushtë si familjen e tij.

Por kjo ndryshoi pasi agjentët e FBI-së bastisën shtëpinë e tij të atëhershme, një dhomë hoteli në Nju Jork, në prill të vitit 2018, disa muaj, pasi u bë publike pagesa që zoti Cohen kishte bërë për zonjën Daniels.

Agjentët sekuestruan telefonat e tij celularë dhe shumë nga dokumentet e tij, tha zoti Cohen.

Ai tha se ishte i frikësuar nga bastisja, por ish Presidenti Trump i tha: “Mos u shqetëso. Unë jam Presidenti i Shteteve të Bashkuara. Nuk ka asgjë këtu. Gjithçka do të jetë në rregull. Qëndro i fortë. Do të jesh NË RREGULL”.

Zoti Cohen tha se kjo ishte hera e fundit që ka folur me ish presidentin dhe së shpejti zoti Trump dhe aleatët e tij filluan të mos paguanin faturat ligjore të zotit Cohen për ta mbrojtur atë. Ai tha se ai u kthye kundër zotit Trump, pasi gruaja dhe fëmijët e tij e pyetën pse po i qëndronte besnik atij.

“Familja ime, bashkëshortja, vajza ime, djali im, të gjithë më thanë: “Pse po vazhdon me këtë besnikëri? Çfarë po bën? Ti duhet të jesh besnik fillimisht ndaj nesh”.

“Kam marrë një vendim bazuar në bisedën që kam pasur me familjen, se nuk do të gënjej më për Presidentin Trump”, dëshmoi ai.

Ndërsa zoti Cohen e pranoi fajësinë për disa prej akuzave në vitin 2018, ish Presidenti Trump shkroi në rrjetin social “Twitter”, se “nëse dikush ka nevojë për një avokat të mirë, do të sugjeroja që të mos kërkoni shërbimet e Michael Cohen-it!”.

Avokati i zotit Trump, Blanche e pyeti zotin Cohen nëse në shkurt të vitit 2019 ai kishte hequr dorë nga besnikëria ndaj zotit Trump kur i tha një komisioni të Kongresit se, ish Presidenti ishte “një mashtrues dhe ju duhet të keni turp” për mbështetjen që i keni dhënë.

“Po, e kam thënë”, e pranoi zoti Cohen.

Kohët e fundit, tha zoti Cohen, ai ka shkruar dy libra në lidhje me zotin Trump, nga të cilat ka fituar 3.4 milionë dollarë. Ai gjithashtu ka shitur mallra që përmbajnë mesazhe anti-Trump në faqen e tij të internetit si një bluzë që kishte të vizatuar ish Presidentin me veshje burgu dhe me pranga. Ai po ashtu ka shitur edhe filxhanë kafeje me mbishkrimin: “Dërgojeni atë në burg, jo në Shtëpinë e Bardhë”.

Zoti Blanche pyeti zoti Cohen, nëse duke folur në emisionin e tij në formatin ‘podkast’, e ka quajtur zotin Trump një “mizogjinist karikaturash”.

“Kjo tingëllon si diçka që unë do të thoja”, tha zoti Cohen.

Zoti Blanche e pyeti nëse zoti Cohen a e ka quajtur ish Presidentin Trump një “personazh djallëzor të filmave vizatimorë”.

“Kjo gjithashtu tingëllon si diçka që unë e kam thënë”, u përgjigj zoti Cohen.

Zoti Blanche tha se zoti Cohen bën sikur nuk i kujtohen bisedat e shumta të kohëve të fundit me prokurorët, që i kanë kërkuar t’u japë fund sulmeve ndaj zotit Trump gjatë gjyqit, por është në gjendje të kujtojë bisedat e vitit 2016 me ish presidentin për pagesën që i ka bërë zonjës Daniels për të blerë heshtjen e saj.

“Më kujtohen të gjitha bisedat telefonike me zotin Trump në atë kohë, po”, dëshmoi zoti Cohen.

Të mërkurën nuk ka seancë gjyqësore. Avokati mbrojtës i zotit Trump do të vazhdojë ta marrë në pyetje zotin Cohen të enjten.

Çështja është drejt përfundimit. Prokurorët thanë se zoti Cohen ishte i fundit nga 19 dëshmitarët e tyre, ndërsa ekipi i zotit Trump tha se kishte një dëshmitar ekspert për të dëshmuar në mbrojtje të tij, megjithëse tema se për çfarë do të ofrohet dëshmia nuk është bërë e ditur.

Pyetja më e rëndësishme është nëse zoti Trump do të dëshmojë për të ofruar versionin e tij të ngjarjeve. Ai ka thënë se dëshiron të dalë si dëshmitarë, por nuk dihet nëse do ta bëjë vërtet këtë.

Nëse zoti Trump vendos të dëshmojë, gjyqtari i çështjes, Juan Merchan ka bërë të ditur tashmë se do t’i lejojë prokurorët ta pyesin atë edhe për dy çështjet civile që ai humbi në muajt e fundit, për të cilat është dënuar me gjoba qindra milionë dollarëshe.

Vetëm një i afërm i zotit Trump, djali i tij i dytë Eric, është paraqitur herë pas here në gjyq.

Por procesi është bërë gjithnjë e më i politizuar. Zoti Trump inkurajon mbështetësit kryesorë republikanë të shkojnë në Nju Jork dhe të ulen në sallën e gjyqit për të shfaqur mbështetjen për të.

Senatorët Tommy Tuberville dhe J.D. Vance ishin në gjyq të hënën dhe Kryetari i Dhomës së Përfaqësuesve Mike Johnson u paraqit të martën.

Zoti Johnson e quajti gjyqin një proces mashtrues dhe e karakterizoi zotin Cohen si “një njeri që ka mision të qartë për hakmarrje personale dhe që njihet gjerësisht si një dëshmitar që ka probleme me të vërtetën”.

Dy vëllezër që kanë studiuar në një nga universitetet më prestigjioze në SHBA janë akuzuar për vjedhjen e 25 milionë dollarëve në kriptovaluta në 12 sekonda.

Anton Peraire-Bueno, 24 vjeç dhe James Peraire-Bueno, 28 vjeç, akuzohen për mashtrim dhe pastrim parash.

Departamenti Amerikan i Drejtësisë tha se grabitja është e para e këtij lloji.

Prokurorët thonë gjithashtu se të dy janë arsimuar në Institutin e Teknologjisë në Massachusetts (MIT) dhe e kanë përfunduar në prill 2023.

“Vëllezërit Peraire-Bueno vodhën 25 milionë dollarë në kriptomonedhën Ethereum përmes një skeme teknologjikisht të sofistikuar, që ata e thurën për muaj të tërë dhe e ekzekutuan në sekonda”, tha zëvendësprokurorja e Përgjithshme Lisa Monaco.

Ajo shtoi se agjentët nga Shërbimi i të Ardhurave të Brendshme (IRS) luajtën një rol kyç në zbulimin e “skemës së parë të këtij lloji të mashtrimit dhe pastrimit të parave”.

Prokurorët pretendojnë se të dy përdorën aftësi shumë të specializuara që i mësuan në “një nga universitetet më prestigjioze në botë” për të shfrytëzuar procesin e Ethereum për vërtetimin e transaksioneve.

Vëllezërit studiuan matematikë dhe shkenca kompjuterike, sipas aktakuzave, dhe të dy ndoqën MIT, sipas raporteve të lajmeve.

“Skema e të pandehurve vë në pikëpyetje vetë integritetin e blockchain,” tha në një deklaratë të mërkurën avokati amerikan Damian Ëilliams, duke iu referuar librit publik që regjistron pagesat me kripto.

Vëllezërit dyshohet se vodhën nga tregtarët e Ethereum duke fituar me mashtrim akses në transaksionet private në pritje dhe më pas duke ndryshuar transaksionet për t’u marrë kriptomonedhën e viktimave të tyre.

Procesi, të cilin hetuesit thonë që ata i referoheshin si “akt heroik”, deshii vetëm disa sekonda për t’u ekzekutuar.

Kur u përballën me një përfaqësues të Ethereum, zyrtarët thonë se vëllezërit nuk pranuan të kthenin fondet dhe morën masa për t’i pastruar dhe fshehur fitimet e tyre të vjedhura.

Prokurorët vënë në dukje se kjo është hera e parë që një formë e tillë “risi” e mashtrimit është objekt i akuzave penale.

Secili prej tyre përballet me mbi 20 vjet burg nëse shpallen fajtorë. sn

Sekretari amerikan i Shtetit Antony Blinken dha një mesazh të fuqishëm të përkrahjes gjatë vizitës së tij të paparalajmëruar në Ukrainë, që sipas korrespondentes të Zërit të Amerikës, Cindy Saine, po bëhet në përpjekje për të treguar solidaritet ndërkohë që forcat ukrainase po përballen me sulme të fuqishme të ushtrisë ruse në lindje të vendit. Sekretari Blinken sot njoftoi për një ndihmë të re prej 2 miliardë dollarësh për Ukrainën.

Sekretari amerikan i Shtetit Antony Blinken njoftoi të mërkurën se Shtetet e Bashkuara do t’i japin Ukrainës një ndihmë ushtarake prej 2 miliardë dollarësh.

“Kjo është hera e parë që kemi një fond zhvillimi për mbrojtjen. Ai përmban tre pjesë. Njëra do t’i ndihmojë Ukrainës të sigurojë armët menjëherë. E dyta ka të bëjë me investimet në industrinë e mbrojtjes të Ukrainës, për të forcuar edhe më shumë kapacitetin e saj për të prodhuar armët që i duhen, por edhe për të prodhuar për nevojat e të tjerëve. Dhe së fundi, që ky fond t’i mundësojë Ukrainës të blejë pajisje ushtarake nga shtetet e tjera, jo vetëm nga Shtetet e Bashkuara,” thotë ai.

Sekretari Blinken gjatë ditës së martë iu bashkua një grupi muzikor ukrainas në një klub nën tokë, duke i rënë kitarës dhe kënduar këngën “Rockin’ in the Free World”.

Para se të këndonte, Sekretari Blinken iu drejtua të pranishmëve.

“Shtetet e Bashkuara janë me ju, pjesa dërmuese e botës është me ju. Po luftojnë, jo vetëm për Ukrainën, por për botën e lirë. Dhe bota e lirë është gjithashtu me ju,” tha Sekretari Blinken.

Kjo është vizita e parë e Sekretarit Blinken që kur Kongresi amerikan miratoi ndihmat prej 61 miliardë dollarësh për Ukrainën pas një vonese të gjatë. Ai i siguroi ukrainasit se ndihma do të arrijë së shpejti.

“Do t’iu ndihmojmë që të përballoni sulmet e Rusisë, që t’ia bëni më të vështirë që t’ju sulmojë dhe që ta mbajmë Detin e Zi të hapur në mënyrë që të vazhdoni ta rrisni ekonominë dhe të vazhdoni ta ushqeni botën. E dimë që koha është e rëndësisë kritike. Prandaj Presidenti Biden vendosi që municionet, makinat e blinduara, raketat dhe sistemet e mbrojtjes ajrore të niseshin për në Ukrainë menjëherë pasi Kongresi miratoi ndihmën tonë të madhe,” deklaroi ai.

Një eksperte i tha Zërit të Amerikës se aktualisht Rusia po përparon në frontin e luftës.

“Aktualisht Rusia është në një moment epërsie politike, pas fillimit të mandatit të ri të Vladimir Putinit, për shkak të Ditës së Fitores dhe faktit se ekziston një dritare mundësie për Rusinë gjatë majit dhe qershorit për të përparuar në vijën e frontit dhe për të ndryshuar realitetin në terren,” tha zonja Kristine Berzina pranë Fondit Gjerman Marshall.

Edhe një ekspert tjetër pajtohet, por thotë se është gjithashtu e rëndësishme të theksohet se as Rusia nuk është afër fitores në luftën kundër Ukrainës.

“Rusia është po aq larg fitores, cilido qoftë përcaktimi i saj për fitoren, siç ishte edhe para gjashtë muajsh, apo para një a dy vitesh,” theksoi zoti Michael Kimmage nga Universiteti Katolik i Amerikës.

Sekretari Blinken gjithashtu vizitoi Murin e Përkujtimit për të Rënët e luftës në Kiev.

Kryeministri i Suedisë, Ulf Kristersson, tha se është i hapur që të lejojë dislokimin e armëve bërthamore në tokën suedeze në kohë lufte, teksa kritikët i kanë bërë thirrje anëtares së re të NATO-s që të ndalojë një dislokim të tillë.

Parlamenti i Suedisë pritet që në qershor të votojë për Marrëveshjen për bashkëpunim të mbrojtjes me Shtetet e Bashkuara, që do t’i mundësojë Uashingtonit qasje në bazat ushtarake në Suedi dhe do të lejojë ruajtjen e pajisjeve ushtarake dhe armëve në shtetin skandinav.

Suedia iu bashkua aleancës ushtarake perëndimore të NATO-s në mars të këtij viti.

Në javët e fundit janë rritur thirrjet nga Shoqata suedeze për Paqe dhe Arbitrazhit dhe të tjerë, që Qeveria të përfshijë në Marrëveshjen për bashkëpunim të mbrojtjes me SHBA-në se Suedia nuk do të lejojë armë bërthamore në tokën e saj.

Qeveria suedeze vazhdimisht ka insistuar se nuk ka nevojë që ta ketë në këtë shkruar këtë ndalesë, duke u thirrur “në konsensusin e gjerë” në Suedi sa i përket armëve bërthamore, por edhe në vendimet e Parlamentit që ndalon armët bërthamore në Suedi edhe në kohë paqeje.

Por, Kristersson tha të hënën se kur bëhet fjalë për kohë lufte, është diçka tjetër.

“Lufta është një çështje krejt tjetër, do të varej krejtësisht nga çfarë do të ndodhte”, tha ai për radion publike suedeze.

“Në skenarin më të keq, shtetet demokratike në pjesën tonë të botës duhet të jenë në gjendje të mbrojnë veten kundër shteteve që na kërcënojnë ne me armë bërthamore”.

Ai insistoi se çdo vendim për dislokimin e armëve bërthamore në Suedi do të merret nga Suedia, e jo SHBA-ja.

“Suedia vendos për territorin suedez”, tha ai.

Por, ai theksoi se “i gjithë qëllimi i anëtarësimit tonë në NATO dhe i mbrojtjes sonë është që të sigurohemi që të mos kemi një situatë të tillë”.

Nëse Ukraina do të ishte anëtare e NATO-s, “nuk do të sulmohej nga Rusia”, tha ai.

Partia Social Demokrate e Suedisë, që ishte në pushtet kur Suedia aplikoi për anëtarësim në NATO në maj të vitit 2022, atëbotë deklaroi se do të punonte për të shprehur “rezervat tona kundër dislokimit të armëve bërthamore dhe bazave të përhershme në territorin suedez”.

Shtetet fqinje nordike, Danimarka dhe Norvegjia që janë anëtare të NATO-s, kanë refuzuar që të lejojnë shtetet e huaja të kenë baza të përhershme ushtarake në territoret e tyre apo të dislokojnë armë bërthamore në kohë paqeje. REL

Presidenca e Kosovës njoftoi se Presidentes Vjosa Osmani, e cila ndodhet në SHBA për takime zyrtare, i është dhuruar vendimi i qytetit Forth Worth me të cilin nderohet dhe kremtohet pavarësia e Kosovës

Osmani gjatë vizitës zyrtare në Teksas, ka takuar nënkryetaren e qytetit Fort Worth, Gyna M. Bivens. Në një ceremoni të organizuar, Presidentja Osmani ka pranuar vendimin e qytetit Fort Worth, me të cilin nderohet dhe shënohet 17 shkurti- dita e pavarësisë së Kosovës.

Në këtë vendim thuhet se qyteti i Fort Worth do t’u bashkohet shqiptaro-amerikanëve që jetojnë aty për ta kremtuar ditën e pavarësisë së Kosovës. sn

Disa nga idetë që janë pjesë e librit tregojnë se ndihmat e ardhshme për Ukrainën do të kushtëzohen nga pjesëmarrja e Kievit në bisedimet për paqe me Rusinë. Një tjetër pikë thotë se shtetasve kinezë do t’u ndalohet e drejta të blejnë prona brenda një hapësire prej 80 kilometrash nga ndërtesat e qeverisë amerikane. Libri gjithashtu thotë se në sektorin e sigurisë kombëtare duhet të emërohen vetëm bashkëpunëtorët e Donald Trump-it.

Një nga disa grupet që kanë lidhje me ish-presidentin amerikan dhe që përpiqen të hedhin bazat për një administratë të dytë të zotit Trump, nëse kandidati i pritshëm republikan fiton në nëntor, ka publikuar një libër të ri përmes së cilit synon të artikulojë axhendën e ardhshme të sigurisë kombëtare që në qendër ka politikat e institutit të së djathtës së skajshme ‘America First’.

Agjencia e lajmeve ‘Associated Press’ njofton se disponon një kopje të librit, ndërsa publikimi i tij do të bëhet të enjten. Ashtu si “Projekti 2025″ i Fondacionit ‘Heritage’, Instituti ‘America First’ po bën përpjekje të ndihmojë zotin Trump të shmangë gabimet e vitit 2016, kur ai hyri në Shtëpinë e Bardhë kryesisht i papërgatitur.

Projekti i institutit në fjalë ka punuar për të hartuar dhjetëra urdhra ekzekutivë dhe për të hartuar një program përgatitor për të emëruarit e ardhshëm politikë. ‘Heritage’ ka ndërtuar një bazë të dhënash të personelit dhe ka ofruar programet e veta të politikave.

Të dy grupet theksojnë se janë të pavarur nga fushata e zotit Trump, e cila është përpjekur vazhdimisht të distancohet nga publikime të tilla. Zyrtarët e ekipit elektoral të zotit Trump këmbëngulin se të vetmet politika të mbështetura nga ish-presidenti janë ato që kandidati republikan i artikulon vetë.

Megjithatë Fred Fleitz, redaktori i librit, vuri në dukje se ai dhe gjenerali në pension Keith Kellogg, i cili shërbeu për një kohë si ushtrues i detyrës së këshilltarit të zotit Trump për sigurinë kombëtare dhe shkroi disa nga kapitujt e librit, kanë qenë në kontakt të shpeshtë me ish-presidentin.

“Shpresojmë se këto qëndrime janë të ngjashme me ato të tij. Ne nuk po flasim në emër të tij, por unë mendoj se ai do të pajtohet me librin”, tha zoti Fleitz, i cili më parë shërbeu si drejtues në Këshillin e Sigurisë Kombëtare.

Ai tha se shpreson se libri do të shërbejë si një udhëzues për qasjen e të djathtës së skajshme “America First” për sigurinë kombëtare.

“Është një strategji e madhe”, shtoi zoti Kellogg. “Nuk fillohet puna nga politikat, por me strategjitë. Kjo është ajo që ne kemi bërë.”

Grupi vlerëson se politikat aktuale të sigurisë kombëtare të Shteteve të Bashkuara janë një dështim si rezultat i qasjes “globaliste” dhe mbështetjes për ndërhyrje në konfliktet e jashtme, në kurriz të interesave kombëtare të Amerikës.

Libri ofron disa udhëzime se si një administratë e ardhshme e zotit Trump mund t’i qaset çështjeve të politikës së jashtme, siç është lufta e Rusisë kundër Ukrainës. Ish-presidenti Trump ka thënë se nëse do të fitonte zgjedhjet, ai do ta zgjidhte konfliktin përpara ditës së inaugurimit në janar, por nuk ka pranuar të thotë se si do ta bëjë këtë.

Kapitulli i librit mbi luftën shpenzon më shumë kohë duke diskutuar se si filloi konflikti, se sa si t’i jepet fund atij. Megjithatë, libri thotë se SHBA-ja duhet të kushtëzojë ndihmën e ardhshme ushtarake me pjesëmarrjen e Ukrainës në bisedimet e paqes me Rusinë.

Ai parashikon që ushtria ukrainase do të humbasë terren me kalimin e kohës dhe këshillon që SHBA nuk duhet të vazhdojë “të dërgojë armë në një ngërç që Ukraina përfundimisht do ta ketë të vështirë ta fitojë”. Por sapo të arrihet një marrëveshje paqeje, libri thotë se SHBA-të do të vazhdojnë të armatosin Ukrainën si një pengesë për përpjekjet e tjera të Rusisë.

Autorët duket se mbështesin një kornizë në të cilën Ukrainës “nuk do t’i kërkohet të heqë dorë nga qëllimi për të rimarrë të gjithë territorin e saj”. Por Ukraina do të duhet të pajtohej me idenë “se kjo do të kërkonte një sukses të ardhshëm diplomatik që ndoshta nuk do të ndodhë para se Presidenti rus Vladimir Putin të largohet nga detyra”.

Libri e pranon se ukrainasit “do ta kenë të vështirë të pranojnë një paqe të negociuar që nuk ua kthen të gjithë territorin, të paktën tani për tani, ose pa mbajtur Rusinë përgjegjëse për gjakderdhjen që ajo shkaktoi në Ukrainë. Mbështetësit e tyre gjithashtu do ta kenë problem këtë. Por siç tha Donald Trump-i gjatë një interviste në televizionin amerikan CNN në vitin 2023, “‘Unë dua që njerëzit të mos vdesin’. Kjo është gjithashtu pikëpamja jonë. Është një hap i parë i mirë.”

Libri fajëson presidentin demokrat Joe Biden për luftën dhe përsërit pretendimin e zotit Trump se presidenti Putin nuk do të kishte nisur kurrë sulmin kundër Ukrainës nëse zoti Trump do të kishte qenë në detyrë. Argumenti i tij kryesor në mbrojtje të këtij pretendimi është se zoti Putin e shihte ish-presidentin Trump si të fortë dhe vendimtar. Në fakt, zoti Trump u afrua me udhëheqësin rus dhe hezitoi ta sfidonte atë.

Në vijim, libri sugjeron se zoti Putin mund të bindet të pranojë bisedimet për paqe nëse presidenti Biden dhe udhëheqës të tjerë të NATO-s pranojnë të shtyjnë anëtarësimin në NATO të Ukrainës për një periudhë të gjatë. Libri sugjeron që Shtetet e Bashkuara në vend të kësaj duhet të krijojnë një “arkitekturë sigurie afatgjatë për mbrojtjen e Ukrainës”. Libri nuk jep asnjë shpjegim se çfarë do të nënkuptonte kjo.

Libri është kritik ndaj periudhës së tranzicionit gjatë të cilës zoti Trump merrte detyrën në vitin 2016, duke thënë se kishte mungesë të përgatitjes për këtë.

“Tranzicioni i trazuar i viteve 2016/2017 nuk i shërbeu mirë Presidentit Trump dhe kombit dhe ngadalësoi avancimin dhe zbatimin e agjendës së tij”, shkruajnë autorët. Për shembull, ata vërejnë se para zgjedhjeve, ekipi i tranzicionit të demokrates Hillary Clinton kishte paraqitur më shumë se 1000 emra për verifikimin e ardhshëm të sigurisë para se të emëroheshin, ndërsa ekipi i zotit Trump paraqiti vetëm 25 emra.

Grupi thotë se ka identifikuar afërsisht 1200 pozicione të lidhura me sigurinë kombëtare që do t’i duhet të plotësojë administrata e ardhshme dhe e nxit atë të jetë gati qysh në ditën e parë, përfshirë bashkëpunëtorët e zotit Trump që janë besnik ndaj qasjes “America First”.

“Nuk bëhet fjalë për hakmarrje ndaj njerëzve apo përpjekje për të politizuar pozitat qeveritare. Ka të bëjë me sigurimin që punonjësit e qeverisë të bëjnë punën e tyre dhe ta mbajnë politikën jashtë punës së tyre”, tha zoti Fleitz.

Libri përshkruan Kinën si kërcënimin më urgjent të sigurisë kombëtare të Shteteve të Bashkuara. Pekini, sipas librit është i etur për t’i zënë vendin Shteteve të Bashkuara si fuqia kryesore e botës. Libri propozon një politikë të ashpër që mbështetet në qasjet si gjatë viteve të presidencës Trump ashtu edhe nga administrata e presidentit Biden, me qëllim që t’i bëjë politikat e Pekinit “përgjithësisht pa ndonjë vlerë për amerikanët”.

Libri rekomandon gjithashtu një kontroll më rigoroz të kompanive kibernetike dhe teknologjike në pronësi të kundërshtarëve të SHBA-së, veçanërisht Kinës, për t’u siguruar që nuk po mbledhin informacione konfidenciale. Ai gjithashtu rekomandon që shtetasve kinezë t’u ndalohet blerja e pronave brenda një hapësire prej 80 kilometrash nga çdo pronë e qeverisë amerikane.

Libri bën thirrje për kufizime vizash për studentët kinezë që dëshirojnë të studiojnë në Shtetet e Bashkuara dhe për ndalimin e platformës për shpërndarjen e videove ‘TikTok’ dhe aplikacioneve të tjera kineze për shkak të shqetësimeve për privatësinë e të dhënave personale. Ish-presidenti Trump, megjithatë, është shprehur kundër një ligji që do të detyronte shitjen e platformës ‘TikTok’, ose do të bllokonte qasjen në të të amerikanëve.

Pikëpamjet e analistëve për atë se si duket një politikë e bazuar tek parimet e përqasjes “America First” shpesh pasqyrojnë qëndrimet personale të shkrimtarëve.

Për Ellie Cohanim, ish-zyrtare e Departamentit të Shtetit të zotit Trump, e ngarkuar me monitorimin dhe luftimin e antisemitizmit, “America First” duket më shumë si një listë me objektiva të dëshiruara nga ushtria izraelite.

SHBA duhet t’i dërgojnë Izraelit një skuadrilje me aeroplanë F-35 të firmës “25 Lockheed Martin”, një skuadrilje të avionëve F-15 EX të firmës Boeing dhe një skuadrilje helikopterësh sulmues “Apache E”, shkroi zonja Cohanim.

SHBA duhet t’i japë Izraelit disa nga miliarda dollarët e saj nga fondet ushtarake në monedhën izraelite, në mënyrë që Izraeli t’i shpenzojë ato brenda vendit. Uashingtoni gjithashtu duhet t’i shtyjë shtetet arabe të mbulojnë shpenzimet për rindërtimin e Gazës dhe të pranojnë që Izraeli të lërë mënjanë dialogun politik me palestinezët në pritje të një periudhe të pacaktuar deradikalizimi të detyrueshëm për popullin palestinez, shkroi ajo.

Presidentja e Kosovës, Vjosa Osmani është takuar sot me ish presidentin amerikan George W. Bush, duke e cilësuar këtë të fundit si ” lajmëtar dhe avokues për pavarësinë e Kosovës”.

Osmani, përmes një postimi në rrjetet sociale, ka njoftuar për takimin me ish-presidentin Bush, duke përkujtuar thënien e tij gjatë vizitës së tij në Tiranë në vitin 2007.

“’Mjaft është mjaft. Kosova është e pavarur’, është fraza paralajmëruese për pavarësinë e Kosovës, e Presidentit George W. Bush në Tiranë më 2007, e cila do të mbetet e gdhendur në analet e historisë si një afirmim i vendosur i të drejtës së Kosovës për të qenë e pavarur dhe sovrane”, shkroi Osmani.

“Kënaqësi që takova lajmëtarin e pavarësisë së Kosovës, Presidentin Bush, i cili ishte një avokues i vendosur për pavarësinë e Kosovës dhe vazhdon të mbetet një mik dhe mbështetës i popullit të Kosovës”, ka shkruar presidentja Osmani. sn

I dërguari i Shteteve të Bashkuara të Amerikës për Ballkanin Perëndimor, Gabriel Escobar, tha se disa shtete anëtare të Këshillit të Evropës kanë kërkuar që Kosova të themelojë Asociacionin e komunave me shumicë serbe.

Gjatë një bisede me gazetarë, Escobar tha se çështja e Asociacionit dhe e disa çështjeve që kanë të bëjnë me minoritetin serb, që nuk janë përmbushur, kanë qenë kërkesa të vazhdueshme.

“Kjo është ajo që po nxit shqetësimin se Kosova mund të mos ketë votat për Këshillin e Evropës”, tha Escobar më 8 maj.

Ai tha se SHBA-ja nuk ka votë në këtë organizatë evropiane për të drejtat e njeriut, por qëndrimi i Uashingtonit është që Kosova duhet të jetë anëtare me të drejta të plota e Bashkimit Evropian, NATO-s dhe Kombeve të Bashkuara “dhe do të vazhdojmë të punojmë për këtë”.

“Sa i përket integrimit evropian, mendoj se është e rëndësishme për Kosovën që të dëgjojë aleatët e saj evropianë dhe të punojë me aleatët evropianë, teksa ne forcojmë kandidaturën e Kosovën në të gjitha strukturat euroatlantike”, shtoi ai.

Kryeministri i Kosovës, Albin Kurti, deklaroi më herët gjatë 8 majit se Qeveria e tij nuk do ta pranojë themelimin e Asociacionit si kusht për anëtarësim në KiE.

Kosova veçse ka kaluar dy faza në rrugën drejt pranimit në KiE. Megjithatë, vendimi final për pranimin ose jo të Kosovës në këtë organizatë mund të merret më 16 maj, kur të takohen ministrat e Jashtëm të kësaj organizate.

Që Kosova të bëhet anëtare e Këshillit të Evropës, pranimi i saj duhet të mbështetet nga së paku dy të tretat e 46 vendeve anëtare.

I pyetur nëse çështja e Asociacionit dhe Këshillit të Evropës janë çështje të lidhura, Escobar tha se “janë shumë të lidhura”.

“Mendoj se janë shumë të lidhura. Së pari, Këshilli i Evropës ka të bëjë me trajtimin e minoriteteve dhe Kosova ka bërë zotim të qartë për trajtimin e minoriteteve dhe kjo përfshin edhe Asociacionin. Ky është një zotim i kamotshëm që është i shkruar edhe në Planin e Ahtisaarit, është i shkruar në Marrëveshjen e Brukselit dhe të Ohrit”, tha Escobar.

“Ne e kemi të vështirë ta kuptojmë pse Kosova nuk e përmbushë obligimin e saj ligjor dhe nuk ka sinjalizuar se është e përkushtuar që ta bëjë këtë. Shqetësimi ynë është se pas pranimit [të Kosovës në KiE] vetëm do të kishte më shumë vonesa [për zbatimin e marrëveshjes për Asociacionin] dhe këtë gjë e besojnë disa”, shtoi zyrtari i lartë amerikan.

Në kuadër të dialogut për normalizimin e raporteve, që ndërmjetësohet nga Bashkimi Evropian, Kosova dhe Serbia kanë arritur marrëveshje më 2013 dhe më pas më 2015 për themelimin e Asociacionit.

Më 2015, Gjykata Kushtetuese e Kosovës kishte thënë se Marrëveshja mbi parimet për themelimin e Asociacionit nuk kishte në përputhje të plotë me Kushtetutën.

BE-ja dhe SHBA-ja vazhdimisht i kanë bërë thirrje Kosovës që themelojë Asociacionin. Vitin e kaluar, bashkësia ndërkombëtare i paraqiti Kosovës dhe Serbisë një draft-statut për Asociacionin.

Palët fillimisht e pranuan draft-statutin, por ende nuk është ndërmarrë ndonjë hap drejt themelimit të tij.

Gjatë kësaj bisede virtuale me gazetarë, Escobar, që në fund të këtij muaji përfundon mandatin e tij. Ai tha se posti ishte 2-vjeçar, por kishte kërkuar edhe një vit shtesë me shpresën që do të bëhej përparim drejt normalizimit të raporteve mes Kosovës dhe Serbisë.

“Sepse vërtetë kam besuar që deri në fund të këtij viti ne do të kishim më shumë përparim në Marrëveshjen e Ohrit, se do të kishim zbatim të plotë të disa kërkesave për Serbinë dhe Asociacionin e komunave me shumicë serbe dhe që do të ishim në gjendje ta sillnim Kosovën më afër integrimit evropian përmes Partneritetit për Paqe dhe kandidaturës për BE.

Ai fajësoi Kosovën dhe Serbinë për dështim të përmbushjes së zotimeve të tyre që dalin nga Marrëveshja në rrugën drejt normalizimit të raporteve dhe Aneksit të zbatimit të saj, që palët arritën vitin e kaluar.

Escobar tha se ende shpreson që kjo mund të arrihet përmes zbatimit të plotë të marrëveshjes për normalizim, që ai e cilësoi “historike”.

Marrëveshja prej 11 nenesh ndër tjerash parasheh edhe një nivel të vetëmenaxhimit për komunitetin serb në Kosovë dhe njohje të ndërsjellë të simboleve shtetërore, ndërsa kërkon nga Prishtina dhe Beogradi që t’i zbatojnë, po ashtu, të gjitha marrëveshjet e mëhershme të arritura gjatë dialogut.

Diplomati amerikan tha se i dërguari i BE-së për dialogun Kosovë-Serbi, Mirosllav Lajçak, ndodhet në Uashington. Temat kyçe, sipas tij, do të jenë strategjitë se si të lëvizet përpara me zbatimin e Marrëveshjes në rrugën drejt normalizimit dhe çështja e ndalimit të përdorimit të dinarit serb në Kosovë për kryerjen e pagesave.

Kosova dhe Serbia, nën ndërmjetësimin e BE-së, zhvillojnë negociata për normalizim që nga viti 2011. Procesi mbështetet nga Uashingtoni dhe ndërmjetësit kanë thënë se qëllimi i dialogut është që palët të arrijnë normalizimin e plotë të raporteve.

Escobar tha se ka menduar që një marrëveshja për normalizim mes Kosovës dhe Serbisë nuk do të ishte dashur të ishte aq e vështirë që të zbatohej.

Kosova, sipas tij, do të përfitonte njohje të reja, Partneritetin për Paqe, kandidaturën për BE, dialog për partneritet dypalësh strategjik me SHBA-në dhe një konferencë donatorësh. Për Serbinë, po ashtu si përfitim do të ishte organizimi i një konference donatorësh, zgjidhje më e shpejt për Kapitullin 35 të bisedimeve për anëtarësim në BE, që do t’i mundësonte Serbisë ta mbyllte këtë kapitull dhe investime shtesë për të dyja palët.

Në këmbim të këtyre përfitimeve, Escobar tha se shtetet do të duhej të pranonin që të punonin së bashku për t’ia përmirësuar jetën shtetasve serbë në Kosovë shumë më të mirë.

Gjatë bisedës me gazetarë, Escobar u pyet edhe për vizitën që po zhvillon presidenti kinez, Xi Jinping, në Serbi. Ai tha se koha e kësaj vizite u zgjodh për “të rritur tensionet mes Serbisë dhe pjesës tjetër të komunitetit perëndimor”.

Vizita përkon me përvjetorin e bombardimit të Ambasadës kineze në Beograd nga NATO-ja. Aleanca ushtarake perëndimore ka thënë se gabimisht kishte bombarduar ambasadën më 1999.

Ndërkaq, diplomati evropian u shpreh optimist për rrugën evropiane të shteteve të tjera të rajonit, përfshirë Shqipërisë dhe Maqedonisë së Veriut. Escobar tha se beson që anëtari më i ri i BE-së do të jetë Mali i Zi. REL

Zëvendës Ndihmësi i Sekretarit të Shtetit dhe i dërguari i Qeverisë Amerikane për Ballkanin Perëndimor, Gabriel Escobar, do ta mbajë sot konferencën e fundit të tij për shtyp.

Në këtë konferencë, Escobar do të flasë për zhvillimet në rajonin e Ballkanit Perëndimor përgjatë tre viteve kur mbajti këtë post.

“Në konferencën e tij të fundit përpara se të largohet nga pozicioni për detyrën e tij të ardhshme në Shërbimin e Jashtëm, Zëvendës Ndihmës Sekretari Escobar do të diskutojë zhvillimet në Ballkanin Perëndimor gjatë tre viteve të tij në këtë rol, si dhe sfidat dhe mundësitë në të ardhmen, dhe do të marrë pyetje nga gazetarët”, thuhet në njoftimin për media.

Escobar u shkarkua nga kjo detyrë, por DASH tentoi ta zbuste largimin e tij duke thënë se do të shkojë në një detyrë tjetër.sn

NJU JORK – Ish-presidenti Donald Trump u rikthye të martën në gjyqin penal ndaj tij në Nju Jork, ndërsa përballet edhe me mundësinë e ndëshkimit me burg pasi vazhdoi të shkelë urdhrin për të mos bërë komente për dëshmitarët. Prokurorët thirrën sot si dëshmitare ish aktoren e filmave pornografikë Stormy Daniels.

Zonja Daniels hyri me hapa të vendosur në sallën e gjyqit dhe bëri betimin. Ajo nuk u ndal për të parë drejt zotit Trump, i cili mbante vështrimin drejt ndërsa ajo hyri në sallë.

Më herët, ish-presidenti Trump u shpreh se ishte njoftuar “vetëm në minutën e fundit” se kush do të ishte dëshmitarja e sotme dhe u ankua me një mesazh në rrjetin social Truth Social se duhej të ishte njoftuar më herët. Më pas ai e fshiu postimin.

Në fillimet e dëshmisë së saj, zonja Daniels u tha anëtarëve të jurisë se e kishte takuar zotin Trump pasi studioja e filmave me të cilën punonte në atë kohë, ishte një ndër sponsorizuesit e turit të golfit. Ata biseduan rreth industrisë së filmave për të rritur dhe aftësitë e saj si producente tyre. Ajo tha se zoti Trump pati vlerësuar zgjuarsinë e saj për të patur sukses në këtë fushë.

Më pas në një mjedis të njohur si “salla e dhuratave”, ku lojtarët e golfit merrnin dhuratat e tyre, zoti Trump e pati pyetur nëse donte të dilnin së bashku për darkë, tha zonja Daniels. Ajo tha se e pranoi ftesën për t’iu shmangur një angazhimi të mëparshëm me kolegët e saj. Zonja Daniels shtoi se botuesi i filmave të saj gjithashtu e pati inkurajuar me telefon që të dilte për darkë, pasi ndoshta mund ta ndihmonte për karrierën e saj. Zonja Daniels tha se marrëdhënia seksuale ndodhi pas darkës, në suitën e zotit Trump në hotel.

Prokurorët dhe avokatët patën shkëmbime në fillim të dëshmisë së saj. Një avokate e zotit Trump, Susan Necheles, madje kërkoi që zonjës Daniels t’i ndalohej të dëshmonte rreth detajeve të marrëdhënies seksuale. Prokurori u kundërpërgjigj se detajet kishin të bënin me besueshmërinë e saj, por ofroi garanci se do të ishin të nivelit bazë. Gjykatësi Merchan lejoi vazhdimin e dëshmisë.

Në javët e fundit të fushatës së tij për zgjedhjet presidenciale të vitit 2016, ish-avokati dhe ish-ndërmjetësi i tij politik Michael Cohen, i pagoi zonjës Daniels 130 mijë dollarë që ajo të mos fliste për atë që ajo e ka përshkruar si një marrëdhënie seksuale të papritur dhe të çuditshme me zotin Trump gjatë turit të golfit në zonën e Liqenit Tahoe, në Kaliforni në korrik të vitit 2006. Zoti Trump mohon të ketë patur marrëdhënie me zonjën Daniels.

Dëshmia e zonjës Daniels, ishjte një moment i shumëpritur në këtë proces gjyqësor, gjatë të cilit është folur, që nga aspekte të përshtatshme për t’u botuar vetëm në revista tabloide, e deri tek detajet e procesit të kontabilitetit. Ulja e saj në bankën e dëshmitarëve është një moment i rëndësishëm ligjor dhe politik. Dëshmia në një sallë gjyqi nga një aktore e filmave për të rritur për një lidhje intime që ajo ka patur me një ish-president amerikan, i shtohet gjërave të shumta që janë bërë për herë të parë në historinë amerikane në këtë proces gjyqësor.

Zoti Trump dhe ekipi i tij elektoral po përpiqeshin të minimizonin pasojat nga bërja publike më 7 tetor 2016, i një audio-regjistrimi të tij, të vitit 2005, ku ai dëgjohet të mburret për prekje të grave pa leje. Të nesërmen ai bisedoi me telefon me zotin Cohen dhe me sekretaren e shtypit të fushatës elektorale Hope Hicks, ndërsa ata përpiqeshin të minimizonin dëmin nga regjistrimi dhe t’i mbanin jashtë vëmendjes së shtypit marrëdhëniet e tij të aluduara.

Zoti Cohen bëri pagesën për zonjën Daniels, pasi avokati i saj në atë kohë, Keith Davidson sinjalizoi se ajo do të fliste për revistën tabloide National Enquirer, ose me një kanal televiziv, për të konfirmuar se ka patur marrëdhënie seksuale me zotin Trump. Kryeredaktori i revistës, Dylan Howard, informoi për këtë botuesin David Pecker. Botuesi Pecker i tha atij të informonte zotin Cohen, se zonja Daniels po kërkonte të dilte publikisht me pretendimin e saj, sipas prokurorëve. Zonja Daniels ishte përpjekur më herët në vitin 2011 që t’ia shiste të drejtat për historinë e saj një tjetër reviste, Life & Style.

Zoti Pecker tha gjatë dëshmisë së tij më herët në procesin gjyqësor se pati refuzuar që pagesat për zonjën Daniels t’i bënte revista e tij. Pagesat u bënë më pas nga zoti Cohen.

Të hënën, juria dëgjoi dy dëshmitarë të tjerë, ndër ta edhe ish-kryellogaritarin e Organizatës Trump, të cilët ofruan një përshkrim të mënyrës se si kompania bënte rimbursimin për pagesat që synonin të ndalnin bërjen publike të historive të dëmshme për zotin Trump. Në vazhdim, kompania i regjistronte ato si shpenzime ligjore, në një mënyrë që prokurorët e Manhatanit thonë se shkelte ligjin.

Dëshmia e ish-kryellogaritarit Jeffrey McConney shërbeu si një element i rëndësishëm për prokurorët që përpiqen të paraqesin atë që e quajnë një kamuflim nga kompania i pagesave për të mbrojtur kandidaturën për president të zotit Trump në një moment jetik të garës elektorale. Dëshmia e tij u përqëndrua tek pagesa 130 mijë dollarëshe nga zoti Cohen për zonjën Daniels dhe rimbursimi që zoti Cohen mori më pas.

Zoti McConney dhe dëshmitarë të tjerë deklaruan se çeqet e rimbursimit u paguan me fonde të tërhequra nga llogaria personale e zotit Trump. Sidoqoftë, në provat dhe dokumentet që iu paraqitën anëtarëve të jurisë të hënën, nuk tregohet se ishte zoti Trump ai që pati udhëzuar që pagesat të regjistroheshin si shpenzime ligjore, veprim për të cilin prokurorët thonë se ishte një mashtrim i qëllimshëm.

Zoti McConney pranoi gjatë marrjes në pyetje nga pala mbrojtëse se zoti Trump nuk i kërkoi ndonjëherë që t’i regjistronte pagesat si shpenzime ligjore dhe se nuk e diskutoi ndonjëherë këtë çështje me të. Një tjetër dëshmitare, Deborah Tarasoff, e cila mbikëqyrte pagesat e bëra nga Organizata Trump, tha se nuk kishte marrë leje nga vetë zoti Trump për të lëshuar çeqet në fjalë.

“Nuk pate ndonjëherë ndonjë arsye për të besuar se presidenti Trump po fshihte ndonjë gjë, apo diçka të ngjashme me këtë?”, e pyeti atë avokati i zotit Trump, Todd Blanche.

“E saktë”, u përgjigj zonja Tarasoff.

Në një zhvillim tjetër gjatë seancës së djeshme, gjykatësi Juan M. Merchan e paralajmëroi prerazi zotin Trump se shkeljet e mëtejshme të urdhrave të gjykatës mund të sillnin ndëshkim me burg. Zoti Trump është urdhëruar të mos bëjë komente kundër dëshmitarëve, anëtarëve të jurisë dhe personave të tjerë të përfshirë me këtë çështje gjyqësore.

Gjykatësi Merchan i vendosi të hënën zotit Trump një tjetër gjobë prej 1 mijë dollarësh për shkeljen e urdhrit të gjykatës. Javën e kaluar, ai i dha 9 mijë dollarë gjoba për shkeljen nëntë herë të urdhrit dhe pranoi se ndëshkimi është tepër i vogël për një miliarder si zoti Trump.

Zoti Trump i ka mohuar akuzat për marrëdhënie me zonjën Daniels, por nëse gjendet fajtor mund të dënohet me kusht, apo deri edhe në katër vite burgim. Ai është kandidati i pritshëm për president i Partisë Republikane për zgjedhjet që mbahen në 5 nëntor.

Një shumë prej 400 milionë dollarësh u shtua në fondet federale të Shteteve të Bashkuara, me qëllim rritjen e sigurisë në lokacionet fetare, bëri të ditur udhëheqësi i shumicës demokrate në Senat, Chuck Schumer.

Shqetësimet për kërcënimet kundër komuniteteve hebraike dhe myslimane janë në rritje në SHBA, pjesërisht për shkak të luftës mes Izraelit dhe Hamasit – grup i shpallur terrorist nga SHBA-ja dhe disa fuqi të tjera.

Vendet si sinagogat dhe xhamitë mund të aplikojnë për t’i përdorur paratë për të punësuar personel sigurie ose për të instaluar kamera, tha Schumer.

“Ne do të vazhdojmë të ndajmë fonde, në mënyrë që asnjë sinagogë apo institucion tjetër fetar të mos ketë nevojë të jetojë me frikën me të cilën jeton tani”, tha Schumer.

Vitin e kaluar u ndanë 305 milionë dollarë për organizatat jofitimprurëse, për t’i ndihmuar ato në mbrojtjen e objekteve të tyre nga sulmet e mundshme.

Tri sinagoga të qytetit të Nju Jorkut dhe Muzeu i Bruklinit morën kërcënime për bomba të shtunën, tha një zëdhënës i Departamentit të Policisë në Nju Jork.

Kërcënimet bënë që dy sinagoga të evakuoheshin, edhe pse nuk u gjet ndonjë eksploziv.

Organizatat fetare do të duhet të aplikojnë deri më 21 maj për të shfrytëzuar rundin e parë të fondeve. REL

Frontliner

Në një zhvillim të rëndësishëm, Gabriel Escobar-i, zv/ndihmëssekretari i SHBA-së, është liruar nga detyrat si i dërguar në Ballkanin Perëndimor. Ky veprim vjen pas një pune të hollësishme hetimore të revistës THE FRONTLINER, e cila zbuloi konflikte të mundshme interesi dhe hodhi dyshime mbi integritetin e tij diplomatik. Konfirmimi i shkarkimit të Escobar erdhi nga një burim brenda Kongresit të SHBA-së menjëherë pasi Vudi Xhymshiti, kryeredaktor i THE FRONTLINER, u shfaq në një emision televiziv duke diskutuar mbi rolin jetik të shtypit në demokraci dhe pengesat me të cilat përballen gazetarët kur sfidojnë figurat e rëndësishme.

Polemika rreth Escobar-it filloi me një raport të 22 marsit të vitit 2024 nga THE FRONTLINER, me autor Vudi Xhymshiti. Raporti detajonte pretendimet për lidhje financiare midis familjes së Escobar dhe organeve qeveritare serbe, duke sugjeruar një komprometim të neutralitetit të tij në dialogun e ndjeshëm Kosovë-Serbi. Ky dialog është vendimtar për paqen në Ballkan, një rajon i dëmtuar nga konfliktet etnike dhe paqëndrueshmëria politike.

Në qendër të mediave dhe debati publik

Implikimet e këtyre akuzave u diskutuan më tej në emisionin televiziv Euro NewsAlbania, të drejtuar nga Jonida Shehu, ku Xhymshiti ishte panelist. Tema kryesore e diskutimit ishte cilësia e raportimit të lajmeve dhe pasojat që përballojnë gazetarët, si fushatat e shpifjeve për punën e tyre investigative. Gjatë emisionit, Xhymshiti theksoi rëndësinë e forcimit të menaxhimit të medias dhe kapaciteteve të brendshme për të përmirësuar integritetin dhe qëndrueshmërinë e gazetarëve.

Reagimet e Kongresit dhe ato diplomatike

Menjëherë pas kësaj daljeje televizive, një burim brenda Kongresit të SHBA-së e informoi Xhymshitin për shkarkimin e Escobar-it. Ky veprim i qeverisë amerikane tregon seriozitetin e akuzave dhe ndikimin e kontrollit të medias në praktikat diplomatike. Zyra kërkimore e THE FRONTLINER në Londër kërkoi menjëherë komente nga entitete të ndryshme amerikane, duke përfshirë Ambasadën e SHBA-së në Prishtinë, zyrën e Komunikimit Strategjik në Bruksel dhe Departamentin e Shtetit të SHBA-së, për të fituar qartësi mbi situatën dhe të ardhmen e diplomacisë amerikane në Ballkan.

Mungesa e përgjigjeve

Pavarësisht pyetjeve të shumta, nuk ka pasur asnjë përgjigje nga këto organe deri në momentin e shkrimit të këtij shkrimi. Heshtja ngre pyetje në lidhje me transparencën dhe gatishmërinë e qeverisë së SHBA-së për të trajtuar publikisht çështjet e ngritura nga raportimi i THE FRONTLINER.

Kundërpretendime dhe polemika

Duke e bërë situatën akoma më komplekse, S Bunker, një OJQ e financuar pjesërisht nga Ambasada e SHBA-së në Prishtinë, i etiketoi zbulimet e THE FRONTLINER si pjesë të një fushate dezinformimi, duke çuar në një fushatë shpifjeje kundër Xhymshitit. Kjo fushatë përfshinte sulme personale dhe vuri në dyshim besueshmërinë e tij profesionale, të cilat u diskutuan gjerësisht në platformat e rrjeteve sociale.

Roli i gazetarisë në diplomaci

Ky zhvillim nënvizon rolin kritik të gazetarisë investigative në ruajtjen e kontrolleve dhe balancave thelbësore në marrëdhëniet ndërkombëtare. Aftësia e gazetarëve për të bërë përgjegjës zyrtarët publikë, për të ekspozuar konfliktet e mundshme të interesit dhe për të këmbëngulur për transparencë është jetike, veçanërisht në rajone me dinamikë delikate gjeopolitike si Ballkani.

Ecja përpara

Me vijimin e situatës, THE FRONTLINER vazhdon të kërkojë përgjigje dhe ruan angazhimin e tij ndaj gazetarisë rigoroze. Implikimet e shkarkimit të Escobar-it janë të gjera, duke ndikuar potencialisht në strategjitë e SHBA-së në Ballkan dhe në peizazhin më të gjerë diplomatik ndërkombëtar. Ky rast gjithashtu thekson rreziqet dhe sfidat e vazhdueshme me të cilat përballen gazetarët në mbarë botën, duke riafirmuar domosdoshmërinë për mbrojtje dhe mbështetje të fuqishme për shtypin në rolin e tyre vendimtar si roje të demokracisë.

Shkarkimi i Gabriel Escobar-it shërben si një provë për fuqinë e shtypit dhe rolin e tij të domosdoshëm në një demokraci funksionale. Ndërsa historia zhvillohet, fokusi mbetet në kërkimin e së vërtetës dhe imperativi për të gjitha palët e përfshira për të mbështetur standardet më të larta të transparencës dhe sjelljes etike në shërbimin publik.

Në kulisat e pushtetit, ku linjat midis së drejtës e së gabuarës shpesh mjegullohen, zhvillimet e fundit rreth shkarkimit të Gabriel Escobar-it zbulojnë një narrativë shqetësuese të evazionit dhe të paqartësisë në praktikat diplomatike të SHBA. Ky skenar, i nxjerrë në dritë nga gazetaria e zellshme e THE FRONTLINER, është një kujtesë e ashpër e efekteve shkatërruese të konflikteve të pazbuluara të interesit në integritetin e diplomacisë ndërkombëtare. Mungesa e përgjigjeve të drejtpërdrejta nga Departamenti i Shtetit i SHBA-së, së bashku me një fushatë shpifjesh të bërë të mundur nga entitete të financuara nga shteti, nuk është thjesht zhgënjyese; është një shpërfillje flagrante për parimet e transparencës dhe llogaridhënies që supozohet të mbështesin qeverisjen demokratike. Heshtja e kalkuluar nga kanalet zyrtare pas hetimeve serioze gazetareske sugjeron një përpjekje të qëllimshme për të errësuar të vërtetën, duke helmuar efektivisht pusin e besimit të publikut dhe duke minuar vetë themelet e diplomacisë etike.

Për më tepër, përgjigja – ose më mirë, mungesa e saj – ekspozon një gatishmëri rrëqethëse për të sakrifikuar integritetin gazetaresk dhe shenjtërinë e diskursit faktik në altarin e komoditetit politik. Duke hedhur poshtë shqetësimet legjitime të ngritura nga THE FRONTLINER pa ekzaminimin apo kundërshtimin e duhur, dhe në vend të kësaj duke iu drejtuar vrasjes së personazheve përmes organizatave të prokurës, aparati diplomatik i SHBA-së ka treguar një përafrim shqetësues me ato taktika të përdorura më së shpeshti nga regjimet autoritare. Kjo jo vetëm që zvogëlon rolin e shtypit si Pushteti i Katërt – një roje kritik në një demokraci të shëndetshme – por gjithashtu vendos një precedent të rrezikshëm për mënyrën se si trajtohen zërat kundërshtues kur ata guxojnë të sfidojnë statukuonë. Me shpalosjen e kësaj drame, zbulohet një mozaik kompromisesh morale dhe etike që kërcënojnë të gërryejnë besimin në marrëdhëniet ndërkombëtare dhe parimet e llogaridhënies demokratike. sn

Cilat janë argumentet kryesore të Bidenit?

Cilat janë argumentet kryesore të Trumpit?

Cilat janë telashet ligjore të Trumpit?

Çfarë mendojnë Biden dhe Trump për abortin?

Çfarë mendojnë Biden dhe Trump për sigurinë në kufi?

Çfarë mendojnë Biden dhe Trump për konfliktin Izrael-Hamas?

Çfarë mendojnë Biden dhe Trump për Kinën?

Çfarë mendojnë Biden dhe Trump për Ukrainën?

Përgatiti: Valona Tela

Ish botuesi i tabloidit “National Inquirer” dëshmoi të martën në procesin penal kundër ish Presidentit Donald Trump se ai u zotua të ishte “sytë dhe veshët” e zotit Trump gjatë fushatës së tij presidenciale të vitit 2016. Ai tha se si i premtoi kandidatit të atëhershëm republikan se do të ndihmonte që të mos bëheshin publike historitë që mund ta dëmtonin atë dhe madje orkestroi blerjen e historisë së një personi pa pasur synimin ta botuar, në mënyrë që ajo të mos bëhej publike.

Me dëshminë e David Peckerit, prokurorët syonin të përforconin argumentet e tyre për miqësinë e ngushtë prej disa dekadash mes zotit Trump dhe ish-botuesit të “National Enquirer”. Kjo miqësi kulmoi me një marrëveshje për t’i dhënë avokatit të zotit Trump informacion mbi mbulimet e mundshme negative në media, në mënyrë që ato të mos publikohen.

Kjo përpjekje, sipas prokurorëve, ishte një mënyrë për të ndikuar në mëmyrë të paligjshme në zgjedhje. Ky është rasti i parë penal me të cilën përballet ish Presidenti amerikan nga katër çështjet me të cilat ai përballet.

Kandidati i pritshëm republikan për President në garën e këtij viti përballet me 34 akuza për falsifikim të të dhënave të biznesit në lidhje me pagesat që dyshohet se janë bërë në këmbim të heshtjes për histori që po të bëheshin publike mund ta dëmtonin gjatë fushatës së vitit 2016.

Ndërsa ish Presidenti Trump ishte i ulur vetëm disa metra larg në sallën e gjyqit, zoti Pecker, dëshmitari i parë në këtë rast, foli me detaje për rolin e tij në prapaskenë në ngritjen e zotit Trump nga një i sapoardhur në politikë në kandidatin që arriti të marrë emërimin e partisë në garën për Shtëpinë e Bardhë. Ai shpjegoi se si ai dhe “National Enquirer” botoi shkrime tabloidësh që njollosnin kundërshtarët e zotit Trump, me të dhëna të dyshimta. Ata gjithashtu përdorën lidhjet e tij për të bllokuar historitë dëmtuese kundër zotit Trump, përfshirë pretendimin e një aktoreje të filmave për të rritur për një marrëdhënie të dyshuar jashtëmartesore me kandidatin republikan për President, vite më herët.

Zoti Pecker tha se origjina e miqësisë me ish Presidentin fillon nga një takim në vitet 1980 në pronën zotit Trump Mar-a-Lago në Florida dhe shtoi se miqësia e tyre lulëzoi krahas suksesit të programit televiziv të zotit Trump, “The Apprentice”.

Lidhjet e tyre u forcuan gjatë një takimi në muajin gusht të vitit 2015 në Kullën Trump gjatë të cilit ish Presidenti, ish-avokati i tij personal Michael Cohen dhe këshilltarja, Hope Hicks, e pyetën zotin Pecker se çfarë mund të bënin ai dhe botimet që ai drejtonte, për fushatën.

Zoti Pecker tha se ai doli vullnetar për të publikuar histori pozitive për zotin Trump dhe histori negative për kundërshtarët e tij. Kjo nuk ishte e tëra, tha ai, duke iu treguar anëtarëve të jurisë së i kishte thënë zotit Trump: “Unë do të jem sytë dhe veshët e tu”.

“Unë thashë se nëse dëgjoj ndonjë gjë negative për ju, ose nëse marr vesh ndonjë gjë për gratë që janë të gatshme të shesin historitë e tyre në lidhje me ish Presidentin, do të njoftoja ish avokatin e zotit Trump, Michael Cohen”, në mënyrë që të drejtat mbi ato histori të bliheshin dhe ato të mos dilnin kurrë publikisht.

“Kjo u bë që ato të mos publikohen?”, pyeti prokurori Joshua Steinglass.

“Po, që ato të mos publikoheshin”, u përgjigj zoti Pecker.

Për të sqaruar më tej këtë çështje, prokurorët shfaqën imazhe të titujve të ndryshëm që “National Enquirer” publikoi për zotin Trump, përfshirë “Donaldi Mbizotëron!” dhe “Ekskluzive: Donald Trumpi siç nuk e njeh askush”. Jurisë iu shfaqën gjithashtu histori nënçmuese dhe të pazakonta për kundërshtarët e zotit Trump, përfshirë ish kandidatët e tjerë republikanë për President si Ben Carson dhe Senatorin Marco Rubio.

Zoti Pecker e karakterizoi ish avokatin Cohen si një redaktor në hije të artikujve pro-Trump në “National Enquirer”, duke e drejtuar tabloidin që gjithashtu të sulmonte kandidatët republikan që tregonin sukses të vrullshëm në garën e brendshme partiake në vitin 2016.

“Michael Cohen me telefononte duke më treguar mua dhe Dylan Howardit me cilin kandidat të merreshim dhe në çfarë mënyre ta trajtonim”, tha Pecker, duke iu referuar redaktorit të atëhershëm të tabloidit.

Ai tha se ia kishte bërë të qartë zotit Howard se marrëveshja me zotin Trump ishte “shumë, shumë sekrete”. Ai tha se donte që përgjegjësit e redaksive të tabloidit të ishin në vëzhgim për çdo histori që përfshinte zotin Trump dhe tha se donte që ata të verifikonin historitë përpara se të njoftonin avokatin Michael Cohen.

“Nuk doja që dikush tjetër të dinte për këtë marrëveshje që kisha dhe çfarë doja të bëja”, shtoi ish-botuesi Pecker.

Michael Cohen e pranoi se ishte fajtor në vitin 2018 në lidhje me akuzat federale për rolin e tij në pagesat e bëra në këmbim të heshtjes së dy grave mbi lidhje të dyshuara jashtëmartesore me zotin Trump. Ai dikur ishte një person besnik i zotit Trump, por marrëdhënia e tyre u përkeqësua. Zoti Cohen pritet të jetë dëshmitari kryesor i prokurorisë, ndërsa publikon rregullisht komente përbuzëse në mediat sociale kundër zotit Trump.

Avokatët e ish Presidentit Trump pritet të sulmojnë besueshmërinë e zotit Cohen. Kjo vlerësohet të jetë themeli i strategjisë së mbrojtjes së avokatëve të ish Presidentit. Por që në hapje të procesit, duke ftuar zotin Pecker si dëshmitarin e parë, prokurorët shpresojnë të përqendrojnë vëmendjen te një dëshmitar që nuk vlerësohet të ketë një histori personale të debatueshme. Përveç pohimit se zoti Trump është i pafajshëm, avokati i ish Presidentit, Todd Blanche u tha anëtarëve të jurisë se zotit Cohen nuk mund t’i besohet dhe se ai “po bën të gjitha përpjekjet për ta dëmtuar Trumpin”.

Dëshmia e zotit Pecker të martën pasoi një seancë tjetër të njejtën ditë, gjatë të cilës prokurorët i kërkuan gjyqtarit Juan M. Merchan që ta dënonte ish Presidentin për mospërfillje të urdhërave të gjykatës. Ata duan që gjyqtari ta gjobisë zotin Trump me 1000 dollarë për secilin prej 10 publikimeve në media sociale që ata thonë se shkelin urdhërin e gjyqtarit për të mos sulmuar dëshmitarët, anëtarët e jurisë dhe të tjerët të përfshirë në këtë rast.

Gjyqtari Merchan nuk vendosi për këtë menjëherë, por nuk dukej i bindur nga argumentet e mbrojtjes të zotit Trump që thonin se përmes publikimeve në media sociale ai po i përgjigjej sulmeve të të tjerëve dhe ishte përpjekur të zbatonte urdhrin.

Prokurorët thonë se zoti Trump u përpoq të ndikojë në mënyrë të paligjshme në garën zgjedhore të vitit 2016 përmes një praktike të deabtueshme të industrisë së tabloidëve sipas së cilës, blihen histori që mund të dëmtojnë dikë jo për t’i botuar por për t’i zhdukur përgjithmonë, përmes marrëveshjeve që ndalonin publikimin e tyre diku tjetër.

Në këtë rast, kjo përfshin një pagesë prej 130,000 dollarësh për aktoren e filmave pornografik Stormy Daniels në këmbim të heshtjes së saj lidhur me për një marrëdhënie jashtëmartesore që zoti Trump e mohon.

Prokurorët përshkruan gjithashtu marrëveshje të tjera, përfshirë dyshimin se i pagoi një ish-modeleje të revistës për të rritur “Playboy”, 150,000 dollarë për të heshtur pretendimet për një lidhje gati njëvjeçare me zotin Trump, i cili ishte i martuar gjatë asaj kohe. Këtë lidhje zoti Trump gjithashtu e mohon.

Zoti Pecker gjithashtu përmendi pagesën prej 30 mijë dollarësh që tabloidi “National Inquirer” për një roje në hyrjen e Kullës Trump për të blerë të drejtën mbi një pretendim të tij se ai kishte dijeni se zoti Trump ishte babai i një fëmije me një punonjëse të Kullës Trump.

Tabloidi arriti në përfundimin se historia nuk ishte e vërtetë dhe gruaja dhe zoti Trump i kanë mohuar akuzat.

Ndërsa zoti Pecker fliste për këtë gjë në gjykatë, zoti Trump tundi kokën.

Ish botuesi Pecker tha kur dëgjoi për pretendimin, menjëherë telefonoi avokatin Cohen, i cili tha se ishte “absolutisht e pavërtetë”, por se ai do të shikonte nëse njerëzit e përfshirë kishin punuar me të vërtetë për kompaninë e zotit Trump.

“Unë mora vendimin që megjithatë të blija historinë për shkak të dëmit që ky thashethem mund t’ia shkaktonte fushatës dhe zotit Trump”, tha zoti Pecker.

Kur ia tha këtë avokatit të zotit Trump, zoti Pecker tha se ai mori falenderim duke i thënë “se shefi do të ishte shumë i kënaqur”.

I pyetur nga prokurori se për kë mendonte kur thoshte shefi, zoti Pecker u përgjigj: “Donald Trumpi”.

Duke shpjeguar pse ai vendosi që “National Enquirer” të paguajë, zoti Pecker kujtoi se i kishte thënë avokatit Cohen: “Kjo mund të jetë një histori shumë e madhe. Besoj se është e rëndësishme që të hiqet nga tregu.”

Nëse ai do ta publikonte këtë, zoti Pecker tha se kjo ndoshta do të kishte ndikim të siguronin “shitjen më të madhe të kopjeve të ‘National Enquirer’ që nga vdekja e Elvis Presleyt”.

Anëtarët e jurisë panë një email të “National Enquirerit” dhe faturën që përshkruante pagesat ndaj rojes në këmbim të heshtjes për pretendimin e tij. Një dokument përshkruan fondet që vijnë nga llogaria e tabloidit. Një faturë i referohet një pagese “të menjëhershme” prej 30,000 dollarësh për “historinë e pabotuar të Trumpit”.

34 akuzat penale kundër ish Presidentit Trump kanë lidhje me rimbursimet që prokurorët thonë se kompania e zotit Trump i ka bërë avokatit Cohen për pagesat në këmbim të heshtjes për këto histori dhe që janë regjistruar në mënyrë të rreme si shpenzime ligjore.

Çdo akuzë ka dënim maksimal prej katër vitesh burg, megjithëse është e paqartë nëse gjyqtari Merchan do të kërkonte ta dënonte ish Presidentin me burgim. Një dënim nuk do ta pengonte zotin Trump që të bëhej përsëri president, por për shkak se është një çështje që po zhvillohet në nivel shtetëror e jo federal, ai nuk do të mund të falte veten nëse shpallet fajtor. Ai vazhdimisht ka mohuar çdo keqbërje.

Gjyqi vazhdon të enjten.

Përzgjedhja e jurisë pasoi heqjen e dy nga 7 anëtarët e jurisë, që u zgjodhën të martën. Një anëtare e përzgjedhur për jurinë gjyqësore u tërhoq pasi ngriti dyshime nëse do të ishte në gjendje të vepronte me paanshmëri dhe drejtësi. I dyti u hoq pasi nuk u paraqit në gjykatë për të qartësuar disa nga përgjigjet e dhëna gjatë pyetjeve të drejtuara më herët.

Të martën kishin bërë betimin shtatë anëtarë të jurisë.

Prokurorët i kërkuan të enjten gjykatësit Juan M. Merchan të marrë masa ndaj zotit Trump për shkak të shtatë postimeve të reja në mediat sociale, që prokurorët thonë se shkelin urdhrat e mëparshëm që i ndalonin atij të sulmonte dëshmitarët. Prokurorët kishin kërkuar të hënën që zoti Trump të gjendej fajtor për shpërfillje të urdhrit të gjykatës dhe të gjobitej për tre postime të tjera.

Ish-presidenti Trump ka thënë se është i pafajshëm për 34 akuzat e ngritura për falsifikim të të dhënave të biznesit në përpjekje për të fshehur historitë që mund të dëmtonin fushatën e tij elektorale në vitin 2016.

Akuzat kanë të bëjnë me pagesat për dy gra, aktoren e filmave pornografikë Stormy Daniels dhe modelen e revistës “Playboy”, Karen McDougal, të cilat kanë thënë se kanë patur marrëdhënie seksuale me zotin Trump vite më parë. Akuzat kanë të bëjnë edhe me rastin e një roje tek hyrja e kullës Trump, i cili ka pretenduar se ka patur njohuri për një fëmijë që zoti Trump ka patur nga një lidhje jashtëmartesore. Ish-presidenti ka mohuar të ketë ndodhur ndonjë nga këto lidhje seksuale.

Kjo është çështja e parë penale ndaj zotit Trump që shkon në gjyq.

SI U TËRHOQ ANËTARJA E PARË E JURISË

Një anëtare e përzgjedhur e jurisë u tërhoq pasi i tha gjykatës se ndjehej e shqetësuar për aftësinë e saj që të tregohej e paanshme.

Megjithëse emrat e anëtarëve të jurisë nuk janë bërë publikë, gruaja me profesion infermiere tha se “pasi e kishte menduar gjatë natës, kishte patur shqetësime për aftësinë për t’u treguar e drejtë dhe e paanshme në këtë çështje gjyqësore”, tha gjykatësi Merchan përpara se ta thërriste në sallë për t’i drejtuar pyetje.

Ajo tha se anëtarët e familjes dhe miqtë kishin ngritur pikëpyetje rreth rolit të saj të ardhshëm si anëtare e jurisë.

Duke kritikuar mediat që publikuan detaje për anëtarët e jurisë, gjykatësi Merchan tha se: “Ka një arsye përse kjo është një juri anonime. I kundërvihet këtij qëllimi kur kaq shumë informacion bëhet publik, që mund ta bëjë shumë të lehtë për çdokënd që të identifikojë se kush janë anëtarët e jurisë”.

“Shtypi ka qartësisht të drejtën të shkruajë për çdo gjë që përfshihet në të dhënat zyrtare”, shtoi gjykatësi.

ÇFARË NDODHI ME ANËTARIN E DYTË TË LARGUAR NGA JURIA

Statusi i anëtarit të dytë të larguar nga juria të enjten u vu në dyshim pasi personi nuk ishte paraqitur në gjykatë për t’iu përgjigjur disa pyetjeve të mëtejshme. Prokurorët patën zbuluar një artikull të viteve 1990, për një person me të njëjtin emër që ishte arrestuar për grisje të reklamave politike në qarkun Westchester. Reklamat kishin qenë të krahut të djathtë të politikës, tha ndihmës prokurori Joshua Steinglass. Ai gjithashtu informoi se një i afërm i po këtij personi mund të ketë qenë pjesë e një marrëveshjeje për pushimin e një hetimi të prokurorisë së Manhatanit në vitin 1990, e cila është e njëjta zyrë hetimore për çështjen ndaj zotit Trump.

Gjykatësi Juan M. Merchan e pati udhëzuar personin të paraqitej në gjykatë në 9:15 të mëngjesit të së enjtes, për t’iu përgjigjur pyetjeve të mëtejshme rreth tij apo të afërmve të tij. Ai nuk u paraqit në gjykatë.

Gjykatësi përmendi “ngurrimin me sa duket për t’u paraqitur” dhe i pyeti palët nëse do të ishin dakord për heqjen e këtij personi nga juria, pa patur nevojë për pyetje të mëtejshme. Avokati i ish-presidentit Trump, Todd Blanche tha fillimisht se do të dëshironte të dëgjonte se çfarë përgjigjesh do të jepte anëtari i jurisë. Kur ishte pyetur më herët këtë javë, personi kishte thënë se nuk ishte dënuar ndonjëherë.

PROKURORËT KËRKOJNË MARRJEN E MASAVE NDAJ ISH-PRESIDENTIT TRUMP PËR POSTIMET E REJA NË MEDIAT SOCIALE

Prokurorët i thanë gjykatësit Merchan të enjten se dëshirojnë që ish-presidenti të gjendet fajtor dhe të ndëshkohet për shtatë postime të reja që ata thonë se shkelin urdhrat e dhënë më herët nga gjykata.

Postimet e reja të zotit Trump u bënë pasi prokurorët kishin kërkuar më herët të hënën vendosjen e një gjobe prej 3 mijë dollarësh për tre postime të tjera në rrjetin Truth Social.

Prokurori Christopher Conroy tha se disa nga postimet e reja kishin të bënin me një artikull ku përshkruhej ish-avokati i zotit Trump, Michael Cohen, si “një mashtrues serial”. Në një tjetër postim të bërë të mërkurën përsëritet një pretendim i bërë fillimisht nga një drejtues emisioni në kanalin televiziv Fox News se aktivistët liberalë po gënjenin me qëllimin që të arrinin të bëheshin anëtarë të jurisë.

Avokati i zotit Trump, Emil Bove tha se zoti Cohen “e ka sulmuar presidentin Trump në deklarata publike” dhe se zoti Trump vetëm po i përgjigjej.

Gjykatësi Merchan ka caktuar një seancë për javën e ardhshme me kërkesë të prokurorisë për të shqyrtuar mundësinë e ndëshkimit për postimet e zotit Trump.

GJYKATËSI URDHËRON GAZETARËT TË MOS RAPORTOJNË SE CILËT JANË PUNËDHËNËSIT E ANËTARËVE TË JURISË

Gjykatësi Juan M. Merchan kritikoi mediat që patën raportuar detaje për anëtarët e jurisë, të cilat mund të përdoren për t’i identifikuar ata. Gjykatësi urdhëroi të mos raportohen përgjigjet e dhëna nga kandidatët për anëtarë të jurisë, në lidhje me punëdhënësit e tyre në të kaluarën, apo të tanishëm.

“Siç është provuar nga çfarë ka ndodhur deri më tani, ky është një problem”, tha gjykatësi të enjten.

Ai gjithashtu i udhëzoi gazetarët “t’i përmbahen logjikës” dhe të shmangin raportimin për karakteristikat fizike të anëtarëve të jurisë.

“Sapo humbëm dikë që mund të kishte qenë një anëtare shumë e mirë e jurisë”, vazhdoi gjykatësi. “Ajo tha se ndjehej e frikësuar nga shtypi, nga i gjithë shtypi”.

Ambasadori amerikan në Beograd, Christopher Hill dhe profesori i Universitetit të Novi Sadit, Dinko Gruhonjiq janë kërcënuar për vdekje pas vizitës së djeshme të zyrtarit amerikan në Fakultetin Filozofik.

‘Plumb për të dy’, ‘Varje në dru’, janë disa prej mesazheve të drejtuar ndaj zyrtarit amerikan dhe profesorit serb, raportojnë mediat.

Fakulteti Filozofik njoftoi se ambasadori amerikan vizitoi Fakultetin dhe Departamentin e Studimeve të Medias.

Shtohet se ambasadori amerikan ka folur me mësues dhe studentë për gjendjen e lirisë së mediave në Serbi dhe kërcënimet e gazetarëve, profesorëve dhe studentëve në Novi Sad.

Për të njëjtën temë, ambasadori pati një bisedë të veçantë në fakultet me Dink Gruhonjiq nga Departamenti i Studimeve Mediatike të Fakultetit Filozofik, thuhet në komunikatë.

Parlamenti Studentor i Fakultetit Filozofik ka paraqitur një ankesë kundër profesorit Dink Gruhonjiq për gjoja gjuhë urrejtjeje në Komisionin e Etikës të fakultetit të tij.

Ai u akuzua për gjuhë urrejtjeje në bazë të një video të edituar nga forumi në Dubrovnik të një viti më parë, ku ai gjoja glorifikonte një kriminel lufte nga Lufta e Dytë Botërore, të cilën profesori e mohoi me forcë dhe kujtoi se ai kishte shpenzuar gjithë gazetarinë dhe karrierën e profesorit si një luftëtar konsekuent kundër nacionalizmit dhe kundër glorifikimit të politikës së krimeve të luftës në rajon.

Gruhonjiq mori kërcënime të shumta me vdekje dhe në hyrje të ndërtesës ku ai jeton me familjen ishin shkruar mbishkrime, duke bërë thirrje drejtpërdrejt për vrasjen e tij.