Për herë të parë në histori, një oficer afrikano-amerikan tani do të drejtojë një degë të shërbimeve ushtarake të SHBA.
Gjenerali Charles Brown Jr. u konfirmua të martën nga Senati si Shef i Shtabit të Forcave Ajrore të vendit me një votim të njëzëshëm prej 98 votash pro dhe asnjë kundër.
Para konfirmimit, Gjenerali Brown ka qenë komandant i Forcave Ajrore amerikane të Paqësorit, që përgjigjej për aktivitetet e Forcave Ajrore në teatrin e Indo-Paqësorit, me përhapje në gjysmën e globit.
Ai ka qenë gjithashtu zv / komandant i Komandës Qendrore të SHBA, që përgjigjet për veprimtarinë ushtarake amerikane në Lindjen e Mesme, ndërsa para kësaj, ka qenë komandant në Komandës Qendrore të Forcave Ajrore të SHBA.
Konfirmimi historik i Gjeneralit Brown vjen ndërsa vendi është përfshirë nga protesta kundër padrejtësive racore dhe sociale, pas vdekjes së afrikano-amerikanit George Floyd në duart e policisë muajin e kaluar.
“Mendoj se emërimi im mund të sjellë një farë shprese, por ai shoqërohet gjithashtu me një barrë të rëndë. Unë nuk mund të ndreq atë që është shkaktuar pas shekujsh racizmi në vendin tonë, dhe as nuk mund të ndreq diskriminimin prej dekadash që mund të ketë ndikuar tek anëtarët e Forcës sonë Ajrore,” tha Gjenerali Brown në një video për Forcën Ajrore.
Në video, ai tha se shpreson që njerëzit të udhëhiqen nga mençuria në këto “periudha të vështira” dhe që të bëhen përmirësime “në mënyrë që të gjithë njerëzit e forcës ajrore, si sot ashtu edhe nesër, të kuptojnë vlerën e diversitetit dhe të shërbejnë në një mjedis ku ata të mund të arrijnë potencialin e tyre të plotë.”
“As the Commander of Pacific Air Forces, a senior leader in our Air Force, and an African-American, many of you may be wondering what I’m thinking about the current events surrounding the tragic death of George Floyd. Here’s what I’m thinking about…” – Gen. CQ Brown, Jr. pic.twitter.com/I2sf1067L6
Ai foli me sinqeritet për përvojën e vet të racizmit, për të cilën tha se “jo gjithmonë të kujtonte lirinë dhe barazinë”. Për shembull, kishte njerëz që e pyesnin “Jeni pilot?” edhe pse mbante të njëjtin konstum dhe emblema si pilotët e tjerë të bardhë në skuadronin e tij. Nga ana tjetër, kishte disa afrikano-amerikanë që i thoshin se nuk ishte sa duhej afrikano-amerikan pasi kalonte më shumë kohë me skuadronin e tij sesa me ta.
Senator James Inhofe
Senatori Jim Inhofe, kryetar i Komisionit të Senatit për Shërbimet e Armatosura, e quajti Gjeneralin Brown një “udhëheqës frymëzues – i guximshëm, autentik dhe unifikues” – ekspertiza e të cilit në teatrin Indo-Paqësor do të jetë një pasuri, tani që ushtria po përqendrohet më shumë në atë pjesë të globit.
Ish Kreu i Shtatmadhorisë, Admirali në pension Mike Mullen, e quajti konfirmimin e Gjeneralit Brown “një hap të madh në drejtimin e duhur”, por ai shqetësohet për faktin se numri i afrikano-amerikanëve që mbajnë pozita drejtuese në ushtrinë amerikane ka ardhur duke u tkurrur.
“Jam larguar tetë vjet e gjysmë më parë dhe shqetësohem shumë për faktin që kemi ecur prapa që nga ajo kohë pasi numrat nuk janë aty ku duhet të ishin”, tha ai.
Brown, pilot i avionit luftarak F-16, ka bërë gati 3,000 orë fluturime dhe 130 orë luftim gjatë shërbimit të tij më shumë se 35 vjeçar. Ai përfundoi studimet me diplomë nderi në Universitetin Texas Tech.
Gjenerali Brown u emërua më 2 mars për të zëvendësuar Gjeneralin David Goldfein, i cili pritet të dalë në pension në javët e ardhshme.
Miq e të afërm shprehën nderimet e fundit për George Floyd në një ceremoni private mortore në Hjuston, dy javë pasi ai vdiq nën arrest. Vdekja e tij ka shkaktuar protesta mbarë kombëtare, si dhe në shkallë globale.
Të afërmit dhe shokët e George Floyd filluan të mblidhen në kishë para ceremonisë dhe shoqëruan arkivolin e artë kur po futej në kishë, ndërkohë që gazetarët ndiqnin procesin dhe pranë ishte rreshtuar një kontigjent me policë.
Pas ceremonisë, policia e Hjustonit shoqëroi kortezhin deri në qytezën Pearland, ku trupi i tij do të prehet pranë nënës së tij.
Bashkia e Hjustonit u ndriçua me drita të kuqe e të verdha, ngjyrat e ekipit sportiv të shkollës së tij të mesme ku ai ishte një atlet i njohur. Qytete të tjera si Los Anxhelosi, Bostoni, Las Vegasi e Nju Jorku po ashtu u ndriçuan në ngjyra në kujtim të 46-vjeçarit që ka rizgjuar thirrjet për ndryshime rrënjësore.
MINNEAPOLIS-POLICE/MEMORIAL
Publiku pati rastin të shprehë nderime të hënën kur mijëra vetë parakaluan pranë arkivolit të hapur në homazhe. Ceremoni nderimi u zhvilluan edhe në Mineapolis ku ai gjeti vdekjen, si dhe në Karolinën e Veriut ku ai kishte lindur. zëri i amerikës
Presidenti amerikan, Donald Trump, tha se rreth 640 ushtarë amerikanë do të mbesin në kuadër të KFOR-it në Kosovë.
Në një letër drejtuar kryetares së Dhomës së Përfaqësuesve Nancy Pelosi dhe kryesuesit të përkohshëm të Senatit, Chuck Grassley, presidenti i njoftoi ata vendosjen e trupave amerikane gjithandej nëpër botë, përfshirë edhe Kosovën.
“Shtetet e Bashkuara vazhdojnë t’u kontribuojnë forcave të KFOR-it, të udhëhequra nga NATO-ja në bashkëpunim me autoritetet vendase, partnerët dypalësh dhe institucionet ndërkombëtare për të penguar ripërtëritjen e armiqësive në Kosovë. Afërisht 640 pjesëtarë të Ushtrisë amerikane shërbejnë në kuadër të 4 mijë trupave të KFOR-it”, thuhet në letrën e presidentit Trump.
Në muajin mars, senatori amerikan, David Perdue, nxiti debate në Kosovë me nje deklaratë në të cilën thuhet se Shtetet e Bashkuara duhet të rishqyrtojnë praninë në Kosovë, nëse ajo nuk heq tarifat ndaj Serbisë, një qëndrim që u mbështet nga i dërguari amerikan për bisedimet Kosovë – Serbi, Richard Grenell, Këshilli Kombëtar i Sigurisë dhe i biri i presidentit Trump.
Një debat i tillë ishte pjesë e trysnisë amerikane ndaj qeverisë së Kosoëvs për të hequr pengesat për rifillimin e bisedimeve me Serbinë, të pezulluara që nga vjeshta e vitit 2018.
Postimi i senatorit Perdue, ngjalli reagime e shqetësime në Kosovë ku prania amerikane dhe përfshirja në proceset politike vlerësohen të pazëvendësueshme.David Perdue
Kandidati demokrat për president të Shteteve të Bashkuara, Joe Biden, ka thënë se i ndjeri George Floyd “do ta ndryshojë botën”.
Pas një takimi privat me familjen e Floydit në Hjuston, Teksas, për të ofruar ngushëllimet e tij, Biden ka thënë për CBS News se vdekja e tij është “një prej pikave më të mëdha të ndryshimit në historinë amerikane”.
Vdekja e afrikano-amerikanit Floyd, në duart e një zyrtari policor të bardhë, ka nxitur protesta në gjithë botën.
Një ceremoni private e varrimit do të mbahet në Hjuston në vonë gjatë së martës.
“Ata janë familje e mrekullueshme, vajza e tij e vogël ka qenë aty, ajo që ka thënë se ‘babai i saj do ta ndryshojë botën’ dhe unë besoj se babai i saj do ta ndryshojë botën”, ka thënë Biden për CBS.
Mijëra persona janë parë të martën në Hjuston, ku Floyd ka jetuar para se të shpërnguljes në Mineapolis, duke krijuar radhë të gjatë për ta parë trupin e tij para një kishe.
Ceremoni të ngjashme në nderim të tij janë mbajtur në Mineapolis dhe Karolinën Veriore, ku Floyd ka lindur. rel
Ekonomia e amerikane ndodhet në recesion, bëri të ditur të hënën një grup studimor i politikave ekonomike, gjë që shënon fundin e rritjes më afatgjatë që ka pësuar ekonomia e vendit. Një komision i Byrosë Kombëtare për Kërkimeve Ekonomike, një organizatë private jofitimprurëse që bën studime në fushën e ekonomisë, thotë se recesioni nisi në muajin shkurt.
Sipas përkufizimit të përgjithshëm të organizatës kemi të bëjmë me recesion kur “aktiviteti ekonomik shënon një rënie që zgjat më shumë se disa muaj”.
“Për të vendosur nëse do ta identifikojmë si recesion, komiteti peshon thellësinë e tkurrjes ekonomike, kohëzgjatjen e tij dhe nëse aktiviteti ekonomik ka rënë gjerësisht në të gjithë vendin. Komiteti pranon se pandemia dhe reagimi i shëndetit publik kanë rezultuar në një rënie me karakteristika të ndryshme“, thuhej në një deklaratë të kësaj organizate (NBER).
Organizata thotë se Prodhimi i Brendshëm Bruto ra në një normë vjetore prej 4.8 për qind në tre muajt e parë të vitit ndërsa papunësia u rrit me shpejtësi të madhe nga 3.5 për qind në shkurt në 14.7 për qind në muajin prill, duke pësuar një rënie në 13.3 për qind muajin e kaluar, por që gjithësesi përbën një nivel të lartë të papapunësisë në vend.
Disa ekonomistë parashikojnë se recesioni aktual do të jetë i shkurtër dhe se situata do të ndryshojë me rritjen e prodhimit ekonomik dhe hapjen e vendeve të punës falë rifillimit të veprimtarive ekonomike.
Por optimizmi i tyre zbehet nga parashikimet për një rikthim të mundshshëm të koronavirusit. Nëse kjo ndodh, thonë ata, mund të duhen më shumë se dy vjet që ekonomia amerikane të kthehet në nivelet e para pandemisë.
Të hënën lajmet nga Banka Botërore ishin gjithashtu të zymta. Sipas parashikimeve të saj ekonomia globale do të tkurret me 5.2 për qind këtë vit, që do të ishte recesioni më i thellë që nga fundi i Luftës së Dytë Botërore. Banka Botërore tha se kriza e lidhur me pandeminë dhe ajo ekonomike mund të detyrojë miliona njerëz në të gjithë botën që të jetojnë në kushte varfërie ekstreme. zëri i amerikës
Sondazhet politike në Sh.B.A-së po tregojnë gjithnjë e më shumë se amerikanët nuk e miratojnë punën e Presidentit Donald Trump dhe se mbështetja në ofertën e tij për një mandat tjetër katër vjeçar në Shtëpinë e Bardhë po bie kundrejt ish-nënpresidentit Joe Biden.
Në sondazhin më të fundit të hënën, CNN tha se votuesit që u anketuan javën e kaluar nuk e miratojnë punën e presidentit Trump me një diferencë prej 57% -38%, dhe besojnë se ai do të humbasë ndaj Bidenit (55% -41%) pesë muaj përpara ditës së zgjedhjeve më 3 nëntor.
Trump e hodhi poshtë sondazhin e CNN-it në një postim në Twitter, duke pretenduar se sondazhi ishte “aq i rremë sa edhe raportimi i tyre”. Trump tha se ai kishte “të njëjtat shifra, apo edhe më keq, kundër Crooket Hillary”, nofka e tij tallëse për Hillary Clinton, ish Sekretarja amerikane e Shtetit që ai mposhti në zgjedhjet për presidencën në vitin 2016.
Trump shpesh përpiqet të trumpetojë pozitën e tij të lartë në mesin e votuesve republikanë, por sipas sontazhit demokratët janë në mënyrë të barabartë kundër presidencës së tij. Ndërkohë, sondazhi i CNN tregoi se 52% e votuesve të pavarur thonë se favorizojnë Biden-in për presidencën kundrejt 41% që mbështesin Trump-in.
Vlerësimi i ulët i miratimit për punën e preisidentit Trump vjen ndërsa votuesit peshojnë trajtimin e tij të pandemisë së koronavirusit gjatë tre muajve të fundit dhe më pranë, protestat mbarëkombëtare në dy javët e kaluara kundër vdekjes së afrikano-amerikanit George Floyd, të mbajtur në arrest policie në Mineapolis të Minesotës .
CNN tha se vlerësimi për miratimin e punës së presidentit Trump kishte rënë shtatë pikë gjatë muajit të kaluar dhe tani ishte më i keqi që është regjistruar që nga janari 2019. Rrjeti i lajmeve tha se vlerësimi i miratimit prej 38% për Trump ishte i ngjashëm me atë të dy ish presidentëve – Jimmy Carter në vitin 1980 dhe George H.W. Bush në 1992 – kur të dy humbën në zgjedhejt për mandatet e dyta.
Sondazhi i CNN-it thotë se efekti i protestave kundër vdekjes së Floydit tek elektorati amerikan është i rëndësishëm, me votuesit që thonë se marrëdhëniet racore në Sh.B.A janë tani aq të rëndësishme sa ekonomia dhe kujdesi shëndetësor si çështje të fushatës.
Të anketuarit thanë se mendojnë se zoti Biden do të trajtojë marrëdhëniet racore në Sh.B.A më mirë sesa presidenti Trump me një diferencë 63% -31%. Votuesit me ngjyrë favorizuan trajtimin e marrëdhënieve racore nga zoti Biden me një avantazh të jashtëzakonshëm 91% -4%.
Biden gjithashtu kryesoi sondazhin për çështjen e trajtimit të pandemisë së koronavirusit, 55% me 41%, ndërsa votuesit e favorizuan presidentin Trump në mbarëvajtjen e ekonomisë 51% me 46%.
Sondazhet kombëtare në Sh.B.A kanë treguar vazhdimisht zotin Biden përpara zotit Trump – 40 të kryera në maj dhe nëntë të tjera deri tani në qershor.
Faqja elektronike e organizatës Real Clear Politics e vendos Biden përpara Trumpit 49.9% në 42.1%. Mesatarja e sondazheve të fundit tregon se votuesit nuk miratojnë presidencën e Trumpit 54.2% me 42.8%.
Demokratët e Dhomës së Përfaqësuesve dhe ata të Senatit, kanë prezantuar një projektligj për të rishqyrtuar kontrollin e policisë në Shtetet e Bashkuara, vetëm disa orë para një shërbese përkujtimore për afrikano-amerikanin, George Floyd, i cili ka vdekur teksa ka qenë në mbajtje policore në Mineapolis.
Vdekja e tij ka nxitur një valë të protestave kundër racizmit në gjithë botën.
Duke qëndruar në njërin gju, për tetë minuta dhe 46 sekonda – koha e njëjtë, sipas prokurorëve, sa Floydit i është bërë presion me gju në qafë nga një zyrtar policor para se të vdiste – në njërën prej sallave të Kongresit, ligjvënësit kanë lexuar emrin e Floydit dhe të tjerëve që kanë vdekur gjatë përballjes me zyrtarë policorë.
“Ne nuk mund të pajtohemi për asgjë më pak sesa një ndryshim strukturor transformues”, ka thënë udhëheqësja e Dhomës së Përfaqësuesve, Nancy Pelosi.
Projektligji, që përbën ndryshimin më ambicioz në fushën e zbatimit të ligjit, që është kërkuar në Kongres për vite të tëra, synon t’iu kufizojë zyrtarëve policorë mbrojtjen ligjore, si dhe të krijojë një databazë kombëtare të incidenteve me përdorim të shtuar të dhunës, në mesin e ndryshimeve tjera.
Ky hap është një prej përgjigjjeve të shumta në gjithë SHBA-në ndaj vdekjes së Floydit, të cilin familja përgatitet ta varrosë më vonë gjatë ditës së hënë.
Këshilli i qytetit Mineapolis është zotuar për të shpërbërë dhe rikrijuar departamentin e policisë lokale – propozim që është kundërshtuar nga kryetari i qytetit.
Trupit i Floydit është dërguar në Hjuston, vendin e tij të lindjes. rel
Pas vdekjes së George Floyd-it ndërsa ishte ndaluar nga policia në qytetin Minneapolis, të shtetit amerikan Minesota, disa oficerë në të gjithë vendin u gjunjëzuan në solidaritet me protestuesit që dënonin racizmin. Zëri i Amerikës u takua me sherifin dhe organizatorët e protestave në Qarkun Prince William, Virxhinia, ku veprimi simbolik i “uljes në gjunjë” mund të sjellë ndryshime të përhershme.
“Ne nuk patëm shumë kohë për ta biseduar ose për tu menduar“, thotë Glen Hill, sherif në qarkun Prince William. “Ata donin që ne të gjunjëzoheshim dhe luteshim me ta. Pse jo? Pse të mos tregojmë se jemi të interesuar për atë që i shqetëson?”
Trajtimi i George Floyd-it,… në duart e policisë së Minneapolisit është i vështirë për tu parë.
Kur shpërtheu protesta pas vdekjes së tij, pamjet e oficerëve duke u ulur në gjunjë, ndihmuan në qetësimin e një kombi të tronditur.
Në Manassas, Virginia, oficerët e policisë u gjunjëzuan vetëm një ditë pasi demonstrata në 30 maj u bë e dhunshme.
Sherifi Glen Hill dhe zëvendësat e tij vepruan kështu kur protestuesit paqësorë u tubuan në sallën e gjykatës së Qarkut Prince William.
“Ajo që ndodhi në Minesota, sigurisht për mua ishte një tragjedi. Nuk dua që dikush në profesionin tim të bëjë diçka të tillë sepse kjo reflekton te të gjithë ne. Një nga gjërat që duhet të bëjmë është të kujdesemi për njëri-tjetrin. Nëse shihni një tjetër nga oficerët tuaj, një nga miqtë tuaj që po bën diçka – ndalojeni!“, thotë sherifi Hill.
“Puna jonë si oficerë të zbatimit të ligjit nuk është të përshkallëzojmë një situatë. Ne u betuam për të shërbyer dhe mbrojtur. Dhe për t’i shërbyer dhe mbrojtur të gjithë“, thotë zëvendës sherifi Terry Fearnley.
Disa thonë se rasti Floyd tregon dështimin në trajnimin e oficerëve për të ndalur praktikat raciste.
Por Rreshtere Angel Tyson, e cila gjithashtu u ul në gjunjë, thotë se ka më shumë për të mësuar.
“Unë mund të identifikoj fushat ku mund të rrisim ndërgjegjësimin kulturor, ku mund të orientojmë disa nga trajnimet tona. Mund të mos kem prejardhjen tuaj, por jam e gatshme t’ju dëgjoj. Jam e gatshme të mbaj një mendje të hapur. Jam e gatshme t’ju mbështes, ndërsa ushtroni të drejtat tuaja“, thotë ajo.
Por, përpjekjet për të krijuar besim mes policisë dhe njerëzve me ngjyrë nuk kanë dhënë fryt, thonë protestuesit. Gjunjëzimi është një gjest i bukur, por ata duan drejtësi.
“Sasia e përvojave në komunitetin tonë sa i përket diskriminimit racor në radhët e zyrtarëve të zbatimit të ligjit është e shumtë. Kemi njerëz që ndalohen vazhdimisht vetëm sepse duken të dyshimtë. Nuk ka asnjë arsye ligjore për t’i ndaluar. Dhe atëherë kur ndalohen, u gjejnë një arsye për t’iu vënë një gjobë, ose për t’i futur në burg“, thotë Franklin Parker, organizator i protestave lokale.
Protestat dhe pandemia nuk shkojnë mirë së bashku. Sidoqoftë, këta aktivistë thonë se ata janë të gatshëm të rrezikojnë shëndetin e tyre në mënyrë që vdekja e Floyd-it të mos jetë e kotë.
“Diçka duhet të ndryshojë. Dikush duhet ta bëjë atë ndryshim. Dhe nëse kjo do të thotë se duhet të sëmurem, do të sëmurem. Do të shkoj në spital. Do të kurohem dhe do të jem sërish këtu. Nuk ka asgjë më shumë që mund të bëj për këtë. Sepse në fund të ditës, unë thjesht po përpiqem të sjell paqen, njerëzit duan paqe“, thotë Savana Davis, organizatore e protestave.
Këtu në qarkun Prince William, po dëgjohen lutjet e tyre. Bordi i qarkut po krijon një komision të ri për diversitetin kulturor për të ekzaminuar marrëdhëniet racore.
Dhe sherifi Hill synon kontaktet me komunitetin dhe ndërmarrjen e veprimeve për të pasuar gjestet e mira.
“Një nga gjërat që duhet të bëjmë, jo vetëm me të rinjtë, por me të gjithë ata me të cilët merremi – ne duhet t’u tregojmë atyre dinjitet dhe respekt. Ndoshta duhet të kontaktojmë me komunitetin tonë dhe t’i njoftojmë ata se po, ne mbrojmë, shërbejmë dhe kujdesemi edhe për ju“, thotë sherifi Hill.
Ish-sekretari i Shtetit Colin Powell deklaroi të dielën mbështetjen e tij për kandidatin demokrat për president Joe Biden. Gjatë një interviste për rrjetin televiziv CNN, zoti Powell, i cili ka shërbyer gjatë administrave të presidentëve republikanë George H.W. Bush dhe George W. Bush, tha se do të votonte për zotin Biden.
“Nuk mund ta mbështes në asnjë mënyrë Presidentin Trump këtë vit“, tha zoti Powell, i cili ka qënë zyrtari me i lartë ushtarak i Forcat e Armatosura amerikane si dhe këshllitari kryesor ushtarak i Presidentit, Këshillit të Sigurisë Kombëtare dhe sekretarit të Mbrojtjes gjatë Luftës së Gjirit në vitin 1991.
Zoti Powell tha se ai ndan pothuajse të njëjtat qëndrime me zotin Joe Biden mbi çështje sociale e politike.
“Kam punuar me të për rreth 40 vjet, tani ai është kandidat (president) dhe unë do të votoj për të“, tha zoti Powell, duke përmendur se atij nuk i ishte kërkuar të bënte fushatë për ish-Nënpresidentin Biden dhe as që e priste një gjë të tillë.
Pas kësaj deklarate zoti Trump reagoi menjëherë me një postim në Twitter, duke e quajtur zotin Powell “një njeri të ngurtë” e “tejet të mbivlerësuar”. Pak republikanë me pozita të forta në parti e kanë kritikuar publikisht zotin Trump. Javën e kaluar ish-sekretari i Mbrojtjes Jim Mattis e kritikoi Presidentin Trump mbi mënyrën se si i ka trajtuar protestat e gjera që kanë përfshirë vendit. zëri i amerikës
voal.ch – Ish Sekretari i Shtetit Colin Powell i thotë Jake Tapper të CNN se Presidenti Trump është larguar nga Kushtetuta.
Powell gjithashtu vlerësoi gjeneralët ushtarakë dhe admiralët që po flasin kundër veprimeve të Trump.
Colin Powell është Sekretari i 65-të i Shtetit i SHBA gjatë mandatit të Presidentit George W. Bush, dhe është i pari afrikano-amerikan me këtë detyrë të lartë shtetërore.
Ai është gjeneral dhe politikan. Është edhe ideatori i Powell Doctrine.
Doktrina e Powell është një term gazetaresk, që mban emrin e gjeneralit Colin Luther Powell, Sekretarit të ardhshëm të Shtetit me Bush, krijuar midis viteve 1990 dhe 1991 gjatë Luftës së parë të Gjirit.
Kjo doktrinë bazohet kryesisht tek ajo me emrin Weinberger, krijuar nga Caspar Weinberger, ish Sekretari i Mbrojtjes dhe ish-eprori i Powell.
Doktrina thekson interesat e sigurisë kombëtare të SHBA me përdorimin e forcave tokësore dhe mbështetjen e gjerë të publikut.
Ish Sekretari i Republikës së Shtetit, Colin Powell tha të Dielën për CNN se Presidenti Donald Trump është “larguar” nga Kushtetuta,
duke përmendur një listë në rritje të ish zyrtarëve të lartë ushtarakë që kanë kritikuar me forcë reagimin e Presidentit për protestat mbarëkombëtare pas vrasjes nga policia të George Floyd.
“Ne kemi një Kushtetutë. Dhe ne duhet ta respektojmë atë Kushtetutë. Dhe Presidenti i është larguar prej saj”.
Këto tha Powell, gjenerali në pension që shërbeu nën Presidentin George W. Bush, për Jake Tapper të CNN.
Komentet nga Powell, sekretari i parë i shtetit afrikano-amerikan dhe kryetari i shtohen një listë në rritje të qortimeve të bëra ditëve të fundit nga ish-zyrtarët e lartë, të cilët kanë shprehur pakënaqësi ndaj qasjes së fortë të Trumpit ndaj protestave të ndezura ngavdekja e Floyd, afrikano-amerikan që u vra në fund të majit nga një oficer policie i bardhë në Minneapolis./EB
Gjatë protestave për vdekjen e George Floyd në Houston të Teksasit, një vajzë 5-vjeçare afrikano-amerikane i drejtohet e frikësuar një polici.
“A do të na qëllosh me armë? Agjenti u gjunjëzua dhe e ngushëlloi vajzën e vogël duke i thënë: “Ne jemi këtu për t’ju mbrojtur, mirë? Ne nuk jemi këtu për t’ju lënduar. Ju mund të protestoni, mund të festoni, mund të bëni atë që dëshironi, thjesht mos prishni asgjë”.
Videoja emocionuese u filmua nga babai i vogëlushes, Simeon Bartee, cili më pas e postoi në Twitter.
Sipas babait të saj vajza 5-vjeçare kishte nisur të qante sapo pa policët të armatosur. Ai më pas e falenderoi policinpër mënyrën se si u soll me vajzën e tij.
‘I jam mirënjohës që më tregoi se si sillen policët e mirë”- tha Simeon Bartee.
Milenium Challenge Corporation (MCC) ka aktivizuar përsëri programin e saj në Kosovë. Në një komunikatë për media lëshuar nga MCC, bëhet e ditur se vendimi është marrë pas heqjes së masave të reciprocitetit nga qeveria Hoti.
Në komunikatë thuhet se MCC mirëpret vendimin e qeverisë për taksën dhe masën e reciprocitetit ndaj mallrave serbe.
“Shtetet e Bashkuara të Amerikës mirëpresin reflektimin e Kosovës në çështjen e taksës dhe heqjen e masave të reciprocitetit ndaj mallrave serbe. MCC është e kënaqur që të rifillojë zbatimin e programit kompakt të propozuar në Kosovë. MCC pret një partneritet të vazhdueshëm, të fortë me popullin e Kosovës dhe qeverinë e tyre ndërsa ne punojmë së bashku për të zvogëluar varfërinë përmes rritjes ekonomike”, thuhet në komunikatë.
Kujtojmë, se MCC kishte bllokuar investimet e saja në Kosovë pas refuzimit të qeverisë së Kosovës për të hequr taksën ndaj mallrave serbe.
Një vendim i tillë i MCC-së ishte marrë gjatë kohës së qeverisjes Kurti.Express
Ish-Sekretari amerikan i Sigurisë Kombëtare, MichaelChertoff, komenton në një intervistë për situatën në Shtetet e Bashkuara. Duke folur përIa Meurmeshviline shërbimit gjeorgjian të Zërit të Amerikës, zoti Chertoff flet për çfarë duhet bërë që të ulen tensionet, si dhe për shfrytëzimin e situatës aktuale ngafuqi kundërshtare, si Kina dhe Rusia.
Ish-Sekretari i Sigurisë Kombëtare MichaelChertoff thotë se shkëndija e tensioneve të tanishme ishte arrestimi dhe prangosja e një personi që dyshohej se kishte kryer një krim jo të dhunshëm.
“I vendosën prangat dhe për ndonjë arsye që nuk ka fare kuptim, donin ta shtrinin në tokë. Njëri prej policëve vendosi gjurin mbi qafën e individit për 8 minuta, duke shkaktuar vdekjen e tij. Dhe sigurisht ndaj tij tashmë janë ngritur akuza për vrasjen e afrikano-amerikanit që kishte prangosur, duke shkaktuar edhe zemërim tek njerëzit. Në fakt, kemi patur një numër incidentesh gjatë vitit të fundit ku duket se në veçanti afrikano-amerikanët kanë qenë viktima ose të urrejtjes, ose të zemërimit, ose të ndonjë emocioni tjetër të padrejtë që ka përfunduar me vdekjen”, tha zoti Chertoff.
Pasi përmend raste të tjera të ditëve të fundit, zoti Chertoff thotë se shumica e komuniteteve të pakicave, dhe të tjerë, janë thellësisht të ofenduar dhe të trazuar nga manifestime të tilla të racizmit, dhe në disa raste, të dhunës nga policia.
“Kjo ndezi realisht demonstratat. Do të thoja se shumica e njerëzve që po marrin pjesë në demonstrata, nuk janë të dhunshëm. Ata po ushtrojnë vërtet të drejtën e tyre për fjalën e lirë dhe po protestojnë. Fatkeqësisht, ekziston një numër i vogël që janë të dhunshëm, që janë provokatorë. Janë ose ekstremistë të djathtë, ose ekstremistë të majtë, dhe dëshirojnë vërtet të nxisnin një konflikt të dhunshëm. Kjo ndodh herëpashere. Ekziston një numër njerëzish që dëshirojnë ta shfrytëzojnë situatën për të plaçkitur. Pra janë këto dy grupime, ekstremistët dhe plaçkitësit, që po krijojnë imazhin e trazirave të dhunshme. Por në fakt, shumica po protestojnë paqësisht”, thotë ai.
Ish-Sekretari i Sigurisë Kombëtare nuk është dakord me përdorimin e ushtrisë për protestat, pasi ushtria mund të aktivizohet vetëm për raste tepër të veçanta dhe se është vepruar kështu vetëm një ose dy herë gjatë 50 viteve të fundit.
“Kur ka patur rrethana të tilla në të kaluarën, udhëheqësit e vendit kanë dalë dhe kanë folur siç foli tani ish-Presidenti Bush, se ‘E kuptoj dhimbjen. Jam i pikëlluar dhe i zemëruar nga ajo që i ndodhi zotit Floyd. Duhet të përmirësohemi.’ Dhe shpresoj që Kongresi të punojë për projekt-ligje që do të trajtojnë sjelljen e gabuar të policisë. Kjo do t’u jepte demonstruesve ndjesinë se po i dëgjojnë”, thotë zoti Chertoff.
Sidoqoftë zoti Chertoff thotë se përgjegjësia më e madhe do të jetë mbi shpatullat e udhëheqësve të komuniteteve, të cilët duhet tu bëjnë thirrje njerëzve ta ngrenë zërin dhe të votojnë njerëzit e duhur për tu përballur me çështje, si pabarazia, urrejtja, paragjykimi dhe reagimi i tepruar policor.
Gjithashtu, në këtë periudhë delikate për Shtetet e Bashkuara, fuqi të huaja, si Rusia dhe Kina, duket se po përfitojnë nga situata. Vetëm pak ditë më parë për shembull, ministri i jashtëm kinez përsëriti fjalët e GeorgeFloyd-it “nuk marr dot frymë”.
“Nuk befasohem kur mësoj se Rusia dhe Kina po përdorin mediat sociale për rritur tensionet. Nëse kthehemi pas në kohë me nja dy vite, është e qartë se rusët u përpoqën të shkaktonin zemëratë mes lëvizjes ‘BlackLivesMatter’ dhe policisë, me qëllim shkaktimin e dhunës”, thotë ai.
Ish-Sekretari i Sigurisë Kombëtare thotë se tashmë Kina po përballet me situatën e Hong Kongut dhe se këto zhvillime në Amerikë janë si një dhuratë për të. Autoriteteve kineze, tha ai, u pëlqen së tepërmi të kapen pas ndonjë krize dhe ta përdorin si justifikim për të goditur më tej demokracinë dhe fjalën e lirë.Megjithëse bën thirrje për vigjilencë ndaj aktorëve të huaj në internet që mundohen të hiqen si amerikanë, zoti Chertoff paralajmëron se rreziku më i madh po vjen nga vetë shtetas amerikanë që aderojnë në grupime ekstremiste.
Uashingtoni po përgatitet për një protestë të madhe të shtunën, një vazhdim i demonstratave prej disa ditësh në këtë qytet dhe në mbarë Shtetet e Bashkuara, pas vdekjes së një afrikano-amerikani ndërsa mbahej nga policia.
Shefi i Departamentit të Policisë Metropolitane të Distriktit të Kolumbias, Peter Newsham, u tha gazetarëve të enjten se autoritetet presin që mijëra protestues të shkojnë në Uashington për protestën që “mund të jetë një nga më të mëdhatë që kemi pasur në qytet“.
Kryetarja e bashkisë së Uashingtonit, Muriel Bowser, i dërgoi një letër Presidentit Donald Trump të enjten duke i kërkuar që të “tërhiqte të gjithë prezencën e jashtëzakonshme të oficerëve federalë të organeve ligjzbatuese dhe praninë ushtarake nga Uashingtoni“.
Ushtarakë të Gardës Kombëtare duke ruajtur Memorialin e Linkolnit, në Uashington
Administrata Trump ka dislokuar personel ushtarak federal dhe Gardën Kombëtare për t’iu përgjigjur protestave në qytet, duke shkaktuar kritika të mëdha nga zyrtarë të qytetit dhe aktivistë, se veprimet e tyre po përshkallëzojnë tensionet.
Kryebashkiakja Bowser dënoi patrullimin e rrugëve nga zyrtarët federalë të zbatimit të ligjit, të cilët ndërmarrin veprime pa marrë parasysh “zinxhirët e komandimit që janë krijuar”.
Administrata Trump u kritikua gjerësisht pasi autoritetet federale qëlluan me plumba gome dhe gaz lotsjellës për të shpërndarë protestuesit paqësorë jashtë Shtëpisë së Bardhë, në mënyrë që Presidenti Trump të mund të ecte drejt një kishe aty pranë dhe të pozonte për kamerat me një Bibël në dorë.
Protestat në Uashington kanë ndodhur çdo ditë që nga e premtja e kaluar. Demonstratat paqësore gjatë orëve të paradites të shtunën dhe të dielën u kthyen në të dhunshme pas rënies së natës, me plaçkitje dhe akte të tjera dhune.
Kryebashkiakja Bowser tha të enjten se u hoq për herë të parë këtë javë shtetrrethimi që fillonte në orën 7 pasdite, pasi protestat u bënë më paqësore me çdo ditë që kaloi.
Në lidhje me protestën e planifikuar, shefi i policisë Newsham tha se “Ne presim që demonstrata e së shtunës të mbedhë më shumë nga të njëjtët demonstrues paqësorë që vijnë për të ushtruar të drejtën e Amendamentit të Parë, në Uashington, D.C.“.
Megjithëse priten turma të mëdha të shtunën, rreth 700 anëtarë të Divizionit të 82-të Parashutist u kthyen në Fort Bragg, të Karolinës së Veriut. Ata ishin pozicionuar në shtetin Virxhinia, në afërsi të Uashingtonit, dhe nuk hynë në qytet gjatë protestave.
Prania e forcave ushtarake ngriti shqetësimin se Presidenti Trump do të përdorte Ligjin për Rebelimin, për t’u lejuar forcave ushtarake që të përballen me mijëra njerëz që kanë protestuar çdo natë në qendër të Uashingtonit.
Protestat në Uashington dhe në dhjetëra qytete në të gjithë Amerikën u nxitën nga vdekja e George Floyd-it, një afrikano-amerikan që vdiq pasi një polic i bardhë i vendosi gjurin në qafë për më shumë se tetë minuta ndërsa Floyd përgjërohej se nuk mund të merrte frymë. Kjo ishte vdekja më e fundit nga shumë vdekje të amerikanëve me ngjyrë gjatë ose pas shkëmbimeve me oficerë të bardhë.
Vdekja e Floyd-it ndezi protesta mbarëkombëtare që kërkojnë drejtësi dhe reformim të sistemit.
Që nga fillimi i protestave, perimetri i sigurisë rreth Shtëpisë së Bardhë ka vazhduar të zgjerohet. Shtëpia e Bardhë nuk ka komentuar për protestën e planifikuar.
Të premten, kryebashkiakja Bowser ndryshoi zyrtarisht emrin e një rruge që çon në Shtëpinë e Bardhë duke e emërtuar “Black Lives Matter Plaza” pasi autorizoi punonjësit e qytetit të shkruanin parullën me shkronja të mëdha të verdha mbi rrugën.
Mbetet e paqartë se cilat grupe po planifikojnë demonstrimin e së shtunës.
Kryebashkiakja Bowser duke ecur në rrugën që sapo iu ndryshua emri
Qyteti i Mineapolisit, në shtetin e Minesotës ra dakord të premten që të ndalojë përdorimin nga policia të kapjes nga fyti, pasi afrikano-amerikani George Floyd vdiq ndërsa ishte i ndaluar nga policia, duke shkaktuar protesta që vazhdojnë prej dy javësh në gjithë Amerikën.
Negociatorët e bashkisë ranë dakord me shtetit e Minesotës që ta ndalojnë një taktikë të tillë dhe që t’i kërkojnë policisë të ndërhyjë dhe të raportojë çdo përdorim të paautorizuar force nga oficerë të tjerë.
Këshilli Bashkiak i qytetit e miratoi njëzëri marrëveshjen, pasi Departamenti i të Drejtave të Njeriut i Minesotës filloi një hetim për të drejtat civile këtë javë në përgjigje të vdekjes së George Floyd-it.
Floyd vdiq më 25 maj, pasi një polic i bardhë i vuri gjurin në qafë për mbi tetë minuta, ndërsa Floyd thoshte se nuk merrte dot frymë, e fundit në një sërë vdekjesh afrikano-amerikanësh në konfrontime ose pas konfrontimit me policinë. zëri i amerikës
Ish-shefi i personelit të Presidentit Donald Trump, John Kelly tha se ishte dakord me ish-Sekretarin e Mbrojtjes, James Mattis i cili sulmoi këtë javë me një deklaratë zoti Trump se po përpiqej “të përçante” Amerikën dhe tha se ai përbënte kërcënim për Kushtetutën.
“Mendoj se duhet të shikojmë më me kujdes se kë zgjedhim”, tha zoti Kelly të premten në një intervistë me ish-Drejtorin e Komunikimeve të Shtëpisës së Bardhë, Anthony Scaramucci.
“Mendoj se pavarësisht se cilat janë pikëpamjet tona për politikën, duhet të analizojmë karakterin e njerëzve që kandidojnë për poste. Cila është etika e tyre? A kanë ata vullnetin nëse zgjidhen, që të përfaqësojnë të gjithë zgjedhësit, jo vetëm bazën e tyre? Dhe pastaj të shohim politikën e tyre”, tha zoti Kelly.
Disa nga komentet e tij ishin të ngjashme me deklaratën e Mattisit, që u botua të mërkurën në revistën The Atlantic të mërkurën.
“Në jetën time, Donald Trumpi është presidenti i parë që nuk përpiqet t’i bashkojë amerikanët, dhe as pretendon ta bëjë një gjë të tillë”, u shpreh zoti Mattis.
Që nga vdekja më 25 maj në Mineapolis e George Floyd, një afrikano-amerikan i asfiksuar nga një polic i bardhë, një valë historike zemërimi është përhapur në qytetet amerikane, duke denoncuar racizmin, dhunën e policisë dhe pabarazinë sociale. Qindra mijëra njerëz protestuan paqësisht në të gjithë vendin, por plaçkitjet dhe trazirat gjithashtu dëmtuan lëvizjen.
Donald Trump, shumë i heshtur për përgjigjen e tij ndaj praktikave të denoncuara nga demonstruesit, nga ana tjetër përdori një ton ushtarak dhe kërcënoi të drejtohej tek ushtria për të shuar protestat, duke e prezantuar veten si “president të ligjit dhe rendit”.”Ne nuk duhet të shpërqendrohemi nga një pjesë e vogël veprimesh të jashtëligjshme. “Demonstruesit janë dhjetëra mijëra njerëz me parime që këmbëngulin që të mbrojmë vlerat tona,” tha Jim Mattis.
Presidenti Trump reagoi në Twitter, duke e quajtur zotin Mattis gjeneralin më të mbivlerësuar të botës.
“Nuk më pëlqente stili i tij i ‘udhëheqjes’ apo ndonjë gjë tjetër prej tij dhe shumë të tjerë mendojnë njëlloj. Jam i kënaqur që ka ikur!” zëri i amerikës
Pamjet e një oficeri të bardhë të policisë që i vë gjurin në qafë afro-amerikanit George Floyd, i cili më pas vdiq, kanë ngjallur protesta nga Amsterdami deri në Nairobi, por ato gjithashtu ekspozojnë shqetësime më të thella mes demonstruesve për marrëdhëniet e tensionuara racore në vendet e tyre.
Me përleshje të dhunshme mes protestuesve dhe autoriteteve në Shtetet e Bashkuara, aktivistë kundër brutalitetit policorë u mblodhën me mijëra në mbështetje të lëvizjes Black Lives Matter në qytete të ndryshme evropiane dhe afrikane.
Protestat paqësore nxorën në pah akuzat për abuzim me të burgosurit afrikano-amerikanë, pabarazinë sociale dhe ekonomike dhe racizmin institucional që vazhdon nga e kaluara koloniale e Holandës, Britanisë dhe Francës.
“Nëse doni të besoni se ne në Hollandë nuk kemi ndonjë problem me racën, ju duhet të shkoni në shtëpi,” i tha Jennifer Tosch, themeluese e kompanisë Black Heritage Amsterdam Tours, para një turme në Amsterdam, nga ku kompania holandeze West India operoi anije që vlerësohet se tregtuan 500,000 skllevër në vitet 1600 dhe 1700.
Në Londër, një protestues mbajti një pllakatë ku shkruhej “Mbretëria e Bashkuar nuk është e pafajshme”, ndërsa në Berlin rreth 2,000 njerëz protestuan përpara ambasadës amerikane dhe dy futbollistë të Bundesligës veshën të hënën bluzat me mbishkrimin “Drejtësi për George Floyd”.
Një mesazh i ngjashëm erdhi nga Dominique Sopo, presidenti i OJQ-së franceze SOS Racisme, e cila organizoi një protestë të vogël përpara ambasadës amerikane në Paris të hënën.
“Çështja e racizmit policor është gjithashtu, megjithëse me një nivel të ulët dhune, një problem që shqetëson Francën,” tha ai.
Policia në veriun e Parisit gjuajti me gaz lotsjellës të martën për të shpërndarë demonstruesit që protestuan për vdekjen në vitin 2016 të një francezi të ri afrikano-amerikanë në arrest policor – një incident që ka tërhequr paralele me vrasjen e Floyd.
Familja e Adama Traore ka fajësuar forcën e tepërt të përdorur gjatë arrestimit të tij, kur 24-vjeçari u hodh në tokë nga tre oficerë policie. Raportet e njëpasnjëshme të patologjisë kanë arritur në përfundime kontradiktore nëse vdekja e tij dy orë më vonë ka rezultuar nga asfiksimi apo faktorë të tjerë, përfshirë kushte para-ekzistuese.
Mes një bllokimi të koronavirusit, aktivistët francezë gjithashtu thonë se ka pasur një numër rastesh të brutalitetit policor në lagje me të ardhura të ulëta, ku shumë janë me origjinë nga Afrika.
Përleshje në Turqi
Në Stamboll, më shumë se 50 njerëz u përleshën me forcat e policisë disa minuta pasi filluan një protestë për George Floyd dhe atë që ata e quajnë brutalitet të policisë në Turqi.
Të paktën pesë persona u arrestuan pas përleshjeve me oficerët që mbanin mburoja, pas së cilës protestuesit e tjerë mbajtën fjalime duke denoncuar forcën vdekjeprurëse të policisë dhe ndalimin e demonstratave në Turqi gjatë pandemisë.
Në Nairobi, protestuesit në ambasadën amerikane mbajtën pankarta ku shkruhej “Black Lives Matter” dhe “Ndal Vrasjeve të Paligjshme”.
“Sistemi që lejon brutalitetin policor të ndodhë në Kenia bazohet në klasë. Në Amerikë, është në bazë racore dhe klasë”.
Protesta janë planifikuar në ditët e ardhshme në Gambia, Britani, Spanjë dhe Portugali.
Në Spanjë, protestuesit do të shënojnë vdekjen e Floyd dhe “të gjitha motrave dhe vëllezërve që kanë vdekur në duart e racizmit institucional në rrugët tona”, tha Komuniteti Afrikan dhe i pasardhësve afrikanë CNAAE.
Protesta e Portugalisë do të trajtojë “mitin se Portugalia nuk është një vend racist”.
Por jo të gjithë në Evropë janë në krah të protestuesve.
Partia e ekstremit të djathtë Vox të Spanjës dhe Partia Liria anti-Islamike e Holandës i quajti ata që protestojnë për vdekjen e Floidit “terroristë” dhe mbështesin Presidentin amerikan Donald Trump.
“Mbështetja jonë është për Trumpin dhe amerikanët që po shohin kombin e tyre të sulmuar nga terroristët në rrugë të mbështetur nga milionerët përparimtarë,” shkroi Vox në Twitter.
Në Holandë, Geert Wilders i Partisë Liria shkroi në Twitter: “Shtëpia e Bardhë nën sulm. Kjo nuk është protestë por anarki nga #AntifaTerrorists”. zëri i amerikës
Protestat e këtyre ditëve në të gjithë Shtetet e Bashkuara kanë qenë kryesisht paqësore, me pjesëmarrjen e njerëzve me prejardhje të ndryshme racore nga të gjitha sferat e jetës, të rinj e të moshuar. Ato kanë përfshirë nëna të cilat frikësohen se ajo që ndodhi me George Floydin, një afrikano-amerikan që vdiq ndërsa ishte ndaluar nga policia, mund t’i ndodhë fare mirë djemve të tyre. Por shumë prej netëve që nga vdekja e George Floydit, kanë qenë të ndryshme, mbushur me dhunë të shfrenuar, zjarrvënie, vandalizëm e përleshje me policinë. Gjithashtu ka pasur incidente të izoluara kur është qëlluar ndaj policisë. Nga ana e tyre, protestuesit fajësojnë policinë për taktikat e ashpra dhe thonë se ata thjesht po mbrojnë veten e tyre.
Por kush qëndron pas dhunës?
Presidenti Donald Trump dhe disa prej zyrtarëve të lartë të administratës së tij akuzojnë për aktet e dhunës, provokatorë “të së majtës radikale”. Prokurori i Përgjithshëm William Barr e ka drejtuar gishtin tek “grupet ekstremiste të majta”, përfshirë Antifa-n, një rrjet grupesh autonome të majta që zbatojne praktika përplasjeje për të arritur qëllimet e tyre politike.
Disa guvernatorë demokratë nga ana e tyre kanë fajësuar grupet e ekstremit të djathtë, duke vënë theksin edhe tek një njoftim i kësa jave nga gjigandi i medias sociale “Twitter” se kishte pezulluar për nxitje të dhune, një llogari të lidhur me një grup nacinalistësh të bardhë të quajtur, “Identity Evropa”. Llogaria ishte krijuar me një profil të rremë të Antifa-s dhe ishte e lidhur me llogari të tjera false që furnizonin vazhdimisht me informacione false e provokuese, duke akuzuar autoritetet dhe kompanitë që ofrojnë shërbimin e internetit për censurimin e lajmeve që lidheshin me protestës.
“Facebook-u” njoftoi gjithashtu këtë javë se kishte pezulluar disa llogari të lidhura me grupe të bardha nacionaliste, pasi ato nxisnin njerëzit që të sillnin armë në protesta. Ndërkohë, anëtarët e të ashtuquajturës lëvizja “Boogaloo”, një grup amorf i ekstremit të djathtë e të majtë, janë parë të marrin pjesë në protesta në disa shtete, përfshirë Minesotën, Teksasin dhe Pensilvaninë, veshur këmisha me motive të Havait, shenjë identifikuese e tyre. Disa përkrahës të “Boogaloo” janë pjesë e një lëvizjeje më të gjerë të supremacistëve të bardhë të quajtur “accelerationists” të cilët janë pro trazirave civile dhe dëshirojnë të nxisin polarizimin e dhunshëm politik, duke shpresuar se do të përfundojë me rrëzimin e rendit aktual politik të SHBA.
Studiuesit e Projektit Kundër ekstremizmit (CEP), një organizatë ndërkombëtare që merret me hartim politikash, themeluar për të monitoruar dhe luftuar grupet ekstremiste, thonë se supremacistët e bardhë dhe neo-nazistët kanë festuar javën e kaluar mbi traziratt në rrugë. Në kanalin e tyre në “Telegram” një grup i dhunshëm neo-nazist, njoftohet se u kishte rekomanduar 5,500 ndjekësve se një protestë e madhe do të siguronte mundësinë e përsosur për të kryer një vrasje. CEP tha se në një tjetër kanal në “Telegram” u tha se ishte koha e duhur për të sulmuar sinagogat ndërsa punonjësit e zbatimin e ligjit janë të shpërqëndruar nga trazirat civile.
Por vazhdon të jetë e paqartë se deri në çfarë mase grupet radikale të së majtës apo të djathtës ekstreme kanë qenë në gjendje të orkestrojnë akte dhune.
Zëvendës shefi i policisë së Nju Jorkut për Zbulimin dhe Kundër Terrorizmit John Miller, beson se anarkistët dhe grupet radikale të majta kanë ushqyer aktet e dhunës në qytet.
“Para se të fillonin protestat, organizatorët e grupeve të caktuara anarkiste u organizuan për mbledhjen e parave për të garantuar lirimin me kusht si dhe njerëzve që do të merreshin me këtë gjë. Ata kishin si qëllim të rekrutonin mjekë dhe ekipe mjekësore me pajisje, në pritje të një përplasjeje të dhunshme me policinë“, tha ai.
Zoti Miller shtoi se “ata u përgatitën për të kryer dëmtime pronash dhe u kërkonin njerëzve që i ndiqnin që kjo gjë të bëhej në mënyrë selektive dhe vetëm në zona të pasura ose në dyqane që tregtojnë mallra të shtrenjta në pronësi të korporatave“. Një në shtatë nga ata që u arrestuan në Nju Jork për vepra të paligjshme kundër rendit publik ishin nga jashtë qytetit, gjë që sic thonë zyrtarët është një fakt që krijon dyshime.
Zyrtarët e zbatimit të ligjit në disa shtete të kontaktuar nga “Zëri i Amerikës” thonë se ata besojnë se aktorët nga jashtë një shteti u futën në mesin e protestuesve të komunitetit lokal që demostronin paqësisht. Por ata e pranojnë se ende po përpiqen të vlerësojnë se sa kanë qenë në gjendje provokatorët që të orientojnë rrjedhën e ngjarjeve në rrugë. Disa zyrtarë thonë se nuk duhet shumë për t’i vënë zjarrin situatës dhe për të nxitur turma në një gjendje të shqetësuar, apo pasionantë, duke krijuar një cikël të dyanshëm dhune.
Analistët dhe studiuesit që merren me grupet radikale thonë se kanë pak dyshime nëse ekstremistët ishin të përfshirë në aktet e dhunës gjatë protestave.
“Do të duhet kohë për të zbuluar nëse rrjetet ekstremiste janë përfshirë ose jo” i tha “Zërit të Amerikës”, Brian Levin, profesor i drejtësisë penale në universitetin shtetëror të Kalifornisë, San Bernardino dhe drejtor i Qendrës për Studimin e Urrejtjes dhe Ekstremizmit.
“Disa prej të arrestuarve duket se janë të lidhur me të majtën ekstreme, por të tjerë duket se janë nga e djathta. Disa nga prej tyre thjesht mund të jenë manipulatorë që nxisin situata për emocione momenti ose janë kriminelë oportunistë dhe jo vetëm ideologë, të tjerët individë të paparashikueshëm“, shtoi ai. Dallimi mes tyre mund të jetë i vështirë. “Ne kemi një peizazh socio-politik shumë të fragmentuar aktualisht në Amerikë dhe me në kushtet kur institucionet janë nën stres, përfshirë pandeminë dhe zgjedhjet mendoj vërtet se duhet të rivlerësojmë përmasën e kërcënimit. Ekziston një rezervuar i thellë për rekrutë të mundshëm ekstremistë“, shton ai.
Lëvizja Black Lives Matter, është vënë përsëri në qendër të vëmendjes, pas vdekjes së afrikano-amerikanit, George Floyd, kur polici i bardhë Derek Chauvin, e mbajti gjurin mbi qafën e tij për 8 minuta dhe 46 sekonda.
Black Lives Matter filloi në korrik të vitit 2013, kur George Zimmerman u shpall i pafajshëm pasi hapi zjarr duke shkaktuar vdekjen e 17 vjeçarit, Trayvon Martin, një adoleshent i paarmatosur afrikano-amerikan.
Martin u vra nga Zimmerman ndërsa po kthehej nga një dyqan në shtëpinë e të atit, në Sanford të Floridës. Zimmerman, një rojë vullnetar i vetëshpallur, telefonoi departamentin e policisë, përmendi se kishte pasur vjedhje në lagje dhe tha se po shihte një “djalë shumë të dyshimtë”, që dukej se kishte synime të shkaktonte probleme.
Megjithëse dispeçeri i policisë i tha Zimmermanit se nuk ishte nevoja për shërbimin e tij, Zimmerman doli nga makina, gjë që u pasua nga një konfrontim i dhunshëm mes tij dhe Martinin. Zimmerman hapi zjarr, duke e lënë të vdekur Martinin dhe më pas i tha policisë se Martin e kishte sulmuar dhe ai kishte vepruar për t’u vetëmbrojtur. Kjo ishte baza për shpalljen e tij të pafajshëm.
Pasi u rrëzuan akuzat ndaj Zimmermanit, Alicia Garza, që atëherë ishte veprimtare dhe bashkëthemeluese e fondacionit Black Lives Matter Foundation, e përfundoi një postim të saj në Facebook, duke shkruar: “Njerëz me ngjyrë. Ju dua. Jeta jonë ka vlerë”.
Patrisse Cullors, një veprimtare tjetër dhe bashkëthemeluese e Fondacionit Black Lives Matter, pas postimit të Garzas krijoi sloganin #BlackLivesMatter në mediat sociale, i cili fitoi popullaritet.
Lëvizja u përhap në shkallë vendi, një vit më pas, në kurrik 2014, kur vdiq Eric Garner.
Garner, një afrikano-amerikan, u ndalua nga policia e Nju Jorkut nën dyshimin se shiste cigare në broduaret e Staten Island. Oficeri i policisë, Daniel Pantaleo e rrëzoi në tokë Garnerin duke i zënë frymën, ndërsa dëshmitarët e regjistruan Garnerin, i cili thoshte “Nuk marr dot frymë”.
43 vjeçari, baba i gjashtë fëmijëve, u shpall i vdekur më pas në spital. Raporti i mjekësisë ligjore arriti në përfundimin se shtrëngimi i fytit nga polici, shkaktoi vdekjen e tij.
Pothuajse dy muaj pas vdekjes së Garnerit, adoleshenti 18 vjeçar afrikano-amerikan, Michael Brown u vra me armë zjarri nga oficeri i polcisë, Darren Wilson në Ferguson të shtetit Missouri.
Slogani #BlackLivesMatter ka vazhduar të përdoret për të protesuar ndaj asaj që lëvizja e sheh si zbatim i pabarabartë i padrejtësisë, veçanërisht në lidhje me vrasjen e afrikano-amerikanëve nga policët e bardhë apo të tjerë që pretendojnë se veprojnë në emër të mbrojtjes së ligjit.
Ndërsa lëvizja gëzon mbështetje të gjerë nga afrikano-amerikanët, është kritikuar nga konservatorët. Disa politikanë republikanë e akuzojnë se përforcon paragjykime kundër policisë. Një sondazh në vitin 2015, arriti në përfundimin se 41 për qind e amerikanëve të bardhë mendojnë se ky grup nxit dhunën, diçka që udhëheqësit e saj e mohojnë.
Organizata përpiqet gjithashtu të also seeks to amplify anti-Black racism across the country, and
Organizata përpiqet gjithashtu të ekspozojë raczimin në gjithë vendin dhe bashkëthemeluesit e Fondacionit Black Lives Matter Foundation — Garza, Cullor dhe Opal Tometi — kanë këmbëngulur se misioni i organzatës së tyre është “çrrënjosja e supremacisë së bardhë dhe konsolidimi i strukturave lokale për të ndërhyrë në dhunën e shkaktuar në komunitetet afrikano-amerikane nga shteti dhe të tjerë që marrin rolin e vendosjes së rendit mbi vete”.
Uashington – Më shumë se 200 gazetarë kanë raportuar se janë sulmuar, plagosur apo ndaluar ose u janë shkatërruar pajisjet gjatë mbulimit të protestave mbarëkombëtare për vdekjen e George Floyd, ndërsa ishte ndaluar nga policia në Mineapolis.
Mes turmave, zjarreve dhe plaçkitjeve, gazetarët janë bërë vetë lajm kur janë përballur me policinë apo protestuesit, ndërsa kanë bërë punën e tyre për të informuar publikun.
Jason Patinkin, një gazetar i Zërit të Amerikës, ishte një nga që u gjend mes “zjarrit”.
Patinkin tha se ndërsa ai po largohej nga protesta rreth Sheshit Lafayette dhe Shtëpisë së Bardhë rreth orës 11 të mbrëmjes, ditën e dielë, policia qëlloi ndaj tij dhe një ekipi tjetër lajmesh që ishin aty.
Patinkin tha se ndërsa po largohej nga zona, u dëgjua një zhurmë e fortë dhe ajo që dukej të ishte një “granatë zhurmuese”, u lëshua dhe përfundoi pranë këmbëve të ekipit të lajmeve.
Ai tha se e ktheu kamerën përsëri dhe më pas pa se si një oficer ngriti një armë dhe qëlloi në drejtim të tij. Patinkin tha se ai “nuk mendoj fare se do të më gjuante mua”. Në pamjet e incidentit, një gezhojë duket se bie në tokë.
Gazetari tha se ai atëherë ndjeu diçka që goditi jelekun mbrojtës që kishte veshur, pranë shpatullës së majtë.
Patinkin tha se mjeti i identifikimit të gazetarit dukej, megjithëse ishte natë. Të paktën një person në videon e tij dëgjohet duke bërtitur, “Media”.
“Unë jam media, është e qartë që unë jam media”, tha Patinkin, një gazetar me përvojë që ka mbuluar konflikte dhe trazira jashtë shtetit, përfshirë në Kartoum të Sudanit. “Nuk e prisja këtë me të vërtetë.”
Videoja e tij tregon një rresht prej më shumë se njëzetë oficerësh në një kryqëzim, në kryeqytetin amerikan. Protestuesit ishin gjithashtu në zonë, tha ai.
“Unë isha me fat në dy anë,” tha Patinkin, duke përmendur se objekti që e goditi atë ishte hedhur larg tij nga e majta.
“Nëse do të ishte hedhur në të djathtë, mund të më kishte goditur në sy, të më godiste në fytyrë,” tha ai, duke përmendur se disa njerëz janë verbuar nga këto lloj armësh. Nuk ishte e mundur për të identifikuar se cilës polici i përkisnin oficerët.
Gazetarët në të gjithë Shtetet e Bashkuara kanë shpërndarë ngjarjedhe imazhe të ngjashme, duke përfshirë dëmtimet nga plumbat e gomës.
Në Long Beach të Kalifornisë, reporteri i radios KPCC, Adolfo Guzman-Lopez u godit në fyt me një plumb gome. Në një konferencë shtypi të hënën, kryetari i Bashkisë së qytetit kërkoi falje dhe shefi i policisë tha që ai do të hetojë.
Gazetarja e pavarur Linda Tirado i tha Udhëheqësit të Lirisë së Shtypit të Shteteve të Bashkuara, një grup që dokumenton shkelje të lirisë së shtypit në Shtetet e Bashkuara, se ajo kërkonte trajtim spitalor pasi u godit nga një gëzhojë në anë të kokës, ndërsa mbulonte protestat në Mineapolis. Tirado më vonë ka postuar në Twtter se humbi shikimin në njërin sy, përkohësisht.
Zyra e informacionit në Mineapolis i tha Zërit të Amerikës më herët këtë javë se disa agjenci të zbatimit të ligjit po ndihmonin në protesta dhe se kontaktet me policinë e qytetit ishin nën rishikim.
Ndjekësi i Lirisë së Shtypit po heton më shumë se 200 incidente që përfshijnë gazetarë, duke përfshirë 40 të cilët u arrestuan ose u ndaluan dhe më shumë se 150 sulme. Shumica e këtyre të fundit përfshinin policinë që sulmonte me gaz lotsjellës dhe plumba gome ose duke përdorur spraj piperi.
“Jemi të tmerruar nga përdorimi i vazhdueshëm i veprimeve të ashpra dhe nganjëherë të dhunshme të policisë kundër gazetarëve që bëjnë punët e tyre. Këto janë shkelje të drejtpërdrejta të lirisë së shtypit, një vlerë themelore kushtetuese e Shteteve të Bashkuara,” tha drejtori i Programit të CPJ, Carlos Martinez de la Serna në një deklaratë të hënën.
Patinkin tha se ai kishte qenë në situata të tensionuara ose kërcënuese më parë. Ai u arrestua për pak kohë ndërsa mbulonte protestat paqësore në Tanzani, ose kur grupe të armatosura rrethuan një hotel ku ai dhe media të tjera po qëndornin në Kartoum.
“Por unë kurrë nuk jam qëlluar”, tha ai.
Sulmet ndaj mediave, tha ai, janë “jashtëzakonisht të dëmshme” sepse ato ndërhyjnë në punën e ofrimit të informacionit kur publikut i duhet më shumë. “Unë nuk e di se çfarë ndodhi me ata protestues atje, sepse unë u qëllova, kështu që unë u largova,” tha ai./ZiA
Ndërkohë që vazhdojnë protestat në qytetet kryesore amerikane, Sekretari i Mbrojtjes Mark Esper tha mbrëmë se nuk mbështet përdorimin e forcave aktive ushtarake për të penguar protestuesit. Kjo deklaratë e vë Shefin e Pentagonit në kundërthënie me Presidentin Trump, i cili ka kërcënuar se do të dërgojë trupa për të shtypur protestat që vazhdojnë prej një jave, të nxitura nga vdekja e një afrikano-amerikani gjatë arrestimit nga një polic i bardhë. Korrespondentja e Zërit të Amerikës në Shtëpinë e Bardhë Patsy Widakuswara njofton:
Protestat, në pjesën më të madhe paqësore, vazhduan mbrëmë në qytetet kryesore amerikane ku dhjetëra mijëra vetë nuk përfillën urdhrat për ndalim-qarkullim dhe rrezikun nga koronavirusi, për të shprehur revoltim për racizmin dhe dhunën policore.
Në fillim të javës, Presidenti Trumë kërcënoi se do të përdorte një ligj që i jep atij mundësinë të autorizojë dërgimin e forcave aktive ushtarake për të shtypur protestat, pa parapëlqimin e guvernatorëve.
Në sfidë ndaj kërcënimit të presidentit, Sekretari i Mbrojtjes Mark Esper tha se forcat aktive ushtarake duhet të përdoren vetëm në rastet më urgjente dhe ekstreme:
“Nuk jemi aktualisht në një nga këto situata. Nuk mbështes aktivizimin e Ligjit të Kryengritjes,” tha zoti Eper.
Të mërkurën në mëngjes, Sekretari Esper u dha urdhër 200 ushtarëve në shërbim aktiv të ktheheshin në bazë pas dy ditë demonstratash paqësore në Uashington, por e anuloi vendimin brenda pak orësh pas një takimi në Shtëpinë e Bardhë.
Sekretari Esper po ashtu u distancua nga vizita e Presidentit Trump në një kishë pranë Shtëpisë së Bardhë, ku ai pozoi për gazetarët me biblën në dorë. Fotografia nxiti revoltim dhe kritika të forta, pasi policia përdori gazën lotsjellës dhe granata zhurmuese për shpërndarjen e turmës. Ky akt dhe reagimi ndaj protestave kanë dëmtuar popullaritetin e presidentit.
“Jemi në mes të protestave më të ndezura që kemi parë që në vitet 1960. Kjo nuk është atmosferë e mirë për një president që po konkurron për rizgjedhje. Do t’i duhet të bëjë shumë gjëra që të rikthejë normalitetin, pasi për momentin nuk është në avantazh,” thotë Larry Sabato i Universitetit të Virxhinias.
Trazirat filluan pas vdekjes së George Floyd, një afrikano-amerikan i cili vdiq pasi një polic i bardhë e mbajti me gjurin në qafë për më shumë se 8 minuta.
Ish-presidentët amerikanë që janë gjallë sot, përfshirë Jimmy Carter, George W Bush dhe Bill Clinton kanë dënuar aktet që çuan në këtë vdekje.
Në një diskutim të hapur të zhvilluar online, ish-presidenti Barak Obama u bëri thirrje kryebashkiakëve të rishikojnë përdorimin e forcës në qytetet që drejtojnë:
“Kur shikon protestat sot, ato përfaqësojnë një përzgjedhje demografike shumë më të gjerë të Amerikës që e ndjeu të nevojshme të bënte diçka si rezultat i padrejtësive që janë vërejtur,” tha ish-presidenti Obama.
Protestat kanë hedhur dritë mbi një sistem padrejtësish racore në këtë vend.
“Revoltimi lidhet me kushtet e strehimit, me mundësinë për punësim, me gjendjen në shkollat publike, me ritmet e burgosjes. Nuk ka të bëjë vetëm me reagimin e policisë. Gjithë këta njerëz kanë dalë sot sepse ka diçka rrënjësisht problematike, jofunksionale në këtë sistem për sa u përket miliona amerikanëve,” thotë Peniel Joseph me Universitetin e Teksasit.
Polici që mbajti të mbërthyer me gjurin tek qafa afrikano-amerikanin George Floyd është akuzuar tani me vrasje me dashje të gradës së dytë, që përkufizohet si vrasje e qëllimtë por pa paramendim. Tre oficerët e tjerë që qëndruan pasivë në skenën e ngjarjes janë akuzuar për ndihmë dhe mbështetje të një vrasjeje të qëllimtë.
Prokurorët akuzuan me vrasje të shkallës së dytë ofierin Derek Chauvin, dhe për herë të parë ngritën akuza kundër tre oficerëve të tjerë në vendngjarje, sipas ankesës penale.
Në aktakuzën e rënduar nga shkalla e tretë në të dytën ndaj Derek Chauvin thuhet se veprimet e oficerit ishin një “faktor i konsiderueshëm” shkaktar për vdekjen e George Floyd.
“Frenimi i zotit Floyd nga oficeri Chauvin në atë mënyrë për një periudhë të zgjatur ishte një faktor thelbësor, shkaktar në humbjen e ndjenjave të Z. Floyd, duke sjellë një dëmtim të konsiderueshëm trupor, dhe gjithashtu vdekjen e Z. Floyd”, thuhet në ankesën penale.
Videoja e regjistruar nga një kalimtar, që tregon vdekjen në 25 maj të Floidit, ka ngjallur protesta në mbarë Shtetet e Bashkuara dhe në mbarë botën kundër brutalitetit dhe diskriminimit policor. Oficeri, Derek Chauvin, u pushua nga puna më 26 maj dhe fillimisht u akuzua për vrasje të shkallës së tretë dhe vrasje pa paramendim të shkallës së dytë. Tre oficerët e tjerë të përfshirë gjithashtu u pushuan nga puna, por nuk u akuzuan menjëherë.
Prokurori i Përgjithshëm i Minesotës, Keith Ellison e ngriti një shkallë më lartë akuzën kundër Chauvin në vrasje të paqëllimshme të shkallës së dytë. Ai gjithashtu akuzoi Thomas Lane, J. Kueng dhe Tou Thao për ndihmën dhe bashkëfajësi në vrasje së shkallës së dytë dhe vrasje të shkallës së dytë.
Avokat Earl Grei, i cili përfaqëson oficerin Lane, i tha Associated Press se raporti fillestar i Star Tribune për akuzat ishte i saktë, përpara se të mbaronte thirrja. Para lajmeve për akuzat e azhurnuara, një avokat për Chauvin tha që ai nuk po bënte deklarata në këtë kohë. Avokatët për Thao dhe Kueng nuk u kthyen mesazhet që kërkojnë koment për akuzat.
Para njoftimit për akuzat e shtuata, një avokat për oficerin Chauvin tha se ai nuk kishte për të bërë deklarata në këtë kohë. Avokatët për oficerët Thao dhe Kueng nuk iu përgjigjën thirrjeve për koment ndaj akuzave.
Avokat Ben Crump tha në Twitter se familja Floyd ishte “thellësisht e kënaqur” nga veprimi i prokurorit Ellison dhe e quajti atë “një burim paqeje për familjen Floyd në këtë kohë të vështirë”. Ai tha se Prokurori i Përgjithshëm Ellison i kishte thënë familjes se zyra e tij do të vazhdojë të hetojë dhe përmirësojë akuzat kundër Chauvin në vrasje të shkallës së parë nëse është e nevojshme.
Avokati Crump nuk pranoi të flasë përtej deklaratës ose të sqarojë se kur prokurori Ellison kishte folur me familjen dhe nëse ai ishte informuar direkt se ishin ngritur akuza shtesë.
Familja e George Floyd dhe protestuesit kanë thirrur vazhdimisht për kallëzime penale kundër të katër oficerëve, si dhe akuza më serioze për Derek Chauvin, i cili i mbajti gjurin në qafë Floydit, megjithë protestën e tij se nuk mund të merrte frymë, dhe vazhdoi të qëndrojë edhe pasi Floyd ndaloi së lëvizuri. Floyd ishte në pranga kur vdiq me fytyrën e shtypur në rrugë.
“Ai vdiq sepse nuk mund të merrte frymë,” tha avokati Crump në një konferencë shtypi të mërkurën. “Ai kishte nevojë për ajët. Kështu që ne po kërkojmë drejtësi. Ne presim që të gjithë oficerët e policisë të arrestohen para se të kemi ceremoninë përkujtimore këtu në Mineapolis nesër.”
Crump tha që oficerët e tjerë nuk arritën të mbronin një njeri që ishte duke u lutur për ndihmë dhe tha se ai nuk mund të merrte frymë.
“Ne presim që këta oficerë të akuzohen si bashkëpunëtorë,” tha ai. zëri i amerikës
Jim Mattis, ish-Sekretar i Mbrojtjes në administratën Trump, i cili dha dorëheqjen për të protestuar ndaj tërheqjes së trupave amerikane nga Siria, akuzoi Presidentin e Shteteve të Bashkuara se po përpiqet të “përçajë” Amerikën.
“Në jetën time, Donald Trumpi është presidenti i parë që nuk përpiqet t’i bashkojë amerikanët, dhe as pretendon ta bëjë një gjë të tillë,” shkroi ai në një deklaratë të botuar në internet nga revista The Atlantic të mërkurën.
“Përkundrazi, ai po përpiqet të na ndajë”, tha ish gjenerali i respektuar i marinsave, i cili deri më tani kishte shfaqur rezervat e tij pa komentuar kurrë drejtpërdrejt për mandatin e miliarderit republikan.
“Vëzhgova ngjarjet e kësaj jave, i zemëruar dhe i shqetësuar”, vazhdon ai në këtë aktakuzë të paepur, duke mbështetur demonstruesit që pretendojnë, sipas tij “me të drejtë”, të drejta të barabarta.
Që nga vdekja më 25 maj në Mineapolis e George Floyd, një afrikano-amerikan i asfiksuar nga një polic i bardhë, një valë historike zemërimi është përhapur në qytetet amerikane, duke denoncuar racizmin, dhunën e policisë dhe pabarazinë sociale. Qindra mijëra njerëz protestuan paqësisht në të gjithë vendin, por plaçkitjet dhe trazirat gjithashtu dëmtuan lëvizjen.
Donald Trump, shumë i heshtur për përgjigjen e tij ndaj praktikave të denoncuara nga demonstruesit, nga ana tjetër përdori një ton ushtarak dhe kërcënoi të drejtohej tek ushtria për të shuar protestat, duke e prezantuar veten si “president të ligjit dhe rendit”.
“Ne nuk duhet të shpërqendrohemi nga një pjesë e vogël veprimesh të jashtëligjshme. Demonstruesit janë dhjetëra mijëra njerëz me parime që këmbëngulin që të mbrojmë vlerat tona,” tha Jim Mattis.
“Ne duhet t’i kundërshtojmë dhe t’i mbajmë përgjegjës ata që janë në pushtet që tallen me Kushtetutën tonë,” shtoi ai. zëri i amerikës
Presidenti Donald Trump “ka autoritetin e vetëm për të vënë në veprim Ligjin e Rebelimit” dhe “nëse është e nevojshme, ai do ta përdorë atë”, tha Sekretarja të Shtypit të Shtëpisë së Bardhë, Kayleigh McEnany, para gazetarëve të mërkurën pasdite.
Më herët gjatë ditës, Sekretari i Mbrojtjes Mark Esper tha se, “mundësia për të përdorur trupat në detyrë aktive në rolin e forcave të zbatimit të ligjit duhet të përdoret vetëm si shansi i fundit dhe vetëm në situatat urgjente dhe të ndera.”
Esper shtoi, “Ne nuk jemi në një nga këto situata tani. Unë nuk e mbështes vënien në veprim të Ligjit të Rebelimit”.
Ligji federal i vitit 1807 lejon presidentin, në rrethana të ndera, të vendosë trupa ushtarake dhe të Gardës Kombëtare brenda vendit për të shtypur mosbindje civile, kryengritje apo rebelim.
Mes njoftimeve se deklaratat e sekretarit të Mbrojtjes kanë zemëruar presidentin dhe zyrtarët e lartë të Shtëpisë së Bardhë, sekretarja e Shtypit u pyet nëse presidenti Trump vazhdon të ketë besimin e anëtarit kryesor të Kabinetit të tij që drejton Pentagonin.
“Tani për tani, Sekretari Esper është ende Sekretar Esper,” u përgjigj zonja McEnany. Kjo përgjigje e shpejtë do të shtojë më tej spekulimet se sekretarit të Mbrojtjes së shpejti mund t’i kërkohet nga presidenti të japë dorëheqjen.
Ndërkohë Pentagoni thotë se Sekretari Esper ka kthyer mbrapsh një vendim të mëparshëm për të dërguar dy qindra trupa me detyrë aktive në shtëpi nga rajoni i Uashingtonit. Vendimi i sotëm vjen mes tensioneve në rritje mes Shtëpisë së Bardhë dhe Pentagonit për përgjigjen ushtarake ndaj protestave.
Sekretari i ushtrisë Ryan McCarthy i tha agjencisë Associated Press se vendimi erdhi pasi sekretari Esper mori pjesë në një takim në Shtëpinë e Bardhë, dhe pas diskutimeve të tjera të brendshme të Pentagonit. Ai tha se beson se ndryshimi i vendimit ishte i bazuar në sigurimin e një mbështetje të mjaftueshme ushtarake në rajon për t’iu përgjigjur problemeve të protestës nëse do të ishte e nevojshme.
Në mbrojtje të shëtitjes në Parkun Lafayette Park
Trump po mbron shëtitjen e tij në Parkun Lafayette për të shkuar në një kishë historike, ku ai mbajti lart një Bibël vetëm disa minuta pasi forcat e rendit pastruan me dhunë rrugën.
Veprimet e presidentit Trump të hënën në mbrëmje janë kritikuar ashpër nga drejtuesit e Kishës Episkopale, përfshirë peshkopen e saj kryesuese, si dhe klerikë të shquar të emërtimeve të tjera të krishtera.
“Shumica e udhëheqësve fetarë e pëlqyen atë veprim,” pohoi Trump të mërkurën. “Pse të mos ta pëlqenin? Unë qëndrova para një kishe që kaloi përmes traumave.”
Trump, në një bisedë telefonike në mëngjesin e së mërkurës me radion Fox News, deklaroi se kisha, e cila daton në fillim të shekullit të 19-të dhe ka një lidhje të gjatë me presidentët amerikanë, “pati një djegie shumë të keqe” gjatë vandalizmeve të së dielës në Uashington.
Një zjarr i vogël në bodrumin e kishës u shua shpejt, sipas departamentit të zjarrfikësave të Uashingtonit.
“Ishte jashtëzakonisht e rëndësishme” që presidenti të shëtiste drejt kishës për të “dërguar një mesazh shumë të fuqishëm se ne nuk do të mposhtemi nga plaçkitja”, tha zonja McEnany.
Presidenti Trump tha se askush nuk i kishte thënë atij për turmën e protestuesve përgjatë rrugës H, një bllok në veri të Shtëpisë së Bardhë, përpara se të shkonte në kishë.
“Kur shkova, nuk thashë,‘ Largojini ata. “Unë nuk e dija kush ishte atje,” tha presidenti Trump në programin e radios.
Prokurori i Përgjithshëm William Barr “vendosi atë mëngjes të zgjerohej perimetri,” u tha sekretarja McEnany gazetarëve.
Kur ai dëshmoi më vonë gjatë ditës se kjo nuk ishte zbatuar ai urdhëroi veprime të menjëhershme, tha McEnany.
Është procedurë normale që Shërbimi Sekret dhe forcat e zbatimit të ligjit të krijojnë një kordon në zonat para lëvizjeve nga çdo president.
Sekretari amerikan i Mbrojtjes, Mark Esper, tha sot se nuk mbështet propozimin e presidentit amerikan Donald Trump që të aktivizojë Aktin e Kryengritjes për të shuar protestat që po mbahen në gjithë vendin pas vrasjes së George Floyd, transmeton Anadolu Agency (AA).
“Mundësia për të përdorur forcat aktive ushtarake në një rol të zbatimit të ligjit duhet të përdoret vetëm si mjet i fundit dhe vetëm në situatat më urgjente dhe më të skajshme. Ne tani nuk jemi në një nga këto situata. Unë nuk e mbështes aktivizimin e Aktit të Kryengritjes”, tha Esper gjatë një takimi me gazetarët në Pentagon.
Trump të hënën tha se është gati të dërgojë trupa ushtarake për t’u dhënë fund protestave të dhunshme pas vrasjes së Floyd, një afro-amerikan i paarmatosur që u vra nga policia në Minneapolis, Minesota.
Presidenti po i referohej Aktit të Kryengritjes të vitit 1807, një ligj federal që fuqizon presidentin të vendosë trupa ushtarake në rrethana të veçanta, siç janë kryengritjet dhe rebelimet, apo për t’i dhënë fund trazirave civile.
SHBA që prej javës së kaluar është përballur me protesta pasi në internet u publikua një video që u bë e famshme, ku shihej Floyd teksa rrëzohej përtokë nga Derek Chauvin, një oficer i bardhë policor. Chauvin i vuri gjurin në qafë për gati nëntë minuta.
Pas kësaj, Floyd dukej se humbi vetëdijen, por Chauvin mbajti pozicionin e tij ndaj viktimës. Ai vdiq menjëherë pasi u dërgua në një spital.
Fjalët e tij të fundit ishin “Nuk mund të marr frymë”, që u bënë slogani i protestave mbarëkombëtare. Rezultatet e një autopsie të pavarur të publikuar të hënën treguan se Floyd u vra shkaku i “asfiksimit nga presioni i gjatë”.
Kongresmeni Joe DioGuardi një nga emrat që kanë ndryshuar historinë dhe fatin e Kosovës dhe çështjes shqiptare! Voal.ch po ju sjell raportet që ai ka ndërtuar me Presidentët e SHBA George W.H Bush & George W. Bush! Botuesit e voal.ch janë krenarë që kanë mbi çerek shekulli që bashkëpunojnë me Presidentin e LQSHA dhe eksperten e Ballkanit Shirley Cloyes DioDuardi!
——-
Voal.ch – Ish kongresmeni shqiptaro – amerikan, Joe DioGuardi, i cili është kryetar i Lidhjes Qytetare Shqiptaro-amerikane, thotë se ka mjaft kujtime nga presidenti i 41-të amerikan. Ai e ka takuar atë shumë herë, por kujton sidomos një takim në vitin 1984, kur ish-Presidenti George Herbert Walker Bush, në atë kohë nënpresident, erdhi të bëjë fushatë për të në Nju Jork.
“Ishte George H. W. Bush, i cili bëri paralajmërimin e Krishtlindjeve, në dhjetor 1992, duke i shkruar një letër presidentit Sllobodan Millosheviç, ku thoshte: nëse e shkallëzoni më tej situatën, do të shihni se ne do të ndërhyjmë. Por edhe përpara kësaj, në vitin 1988, në tetor ose nëntor të atij viti, unë i kërkova nëse mund të bënte diçka, pas gjithë atyre gjërave që po ndodhnin me shqiptarët në ish-Jugosllavi, sidomos në Kosovë. I kërkova nëse mund të shkruante një letër të shkurtër për t’u dhënë zemër shqiptarëve. I dhashë disa sugjerime, për t’i treguar se cili ishte problemi. Ai si duket u këshillua me sekretarin e tij të shtetit dhe më dërgoi një letër të shkruar bukur. Aty ai thoshte se shqiptarët janë një popull trim dhe fisnik, pikërisht këto fjalë përdori. Ishte diçka e mrekullueshme. Më kujtohet kur ia shpërndava këtë letër komuniteteve shqiptare. Pikërisht një vit më vonë Serbia ndërhyri në Kosovë, prandaj ajo letër pati shumë rëndësi për t’u dhënë shqiptarëve shpresë.
“Unë e mbështeta qysh në fillim kandidaturën e të birit të tij George W. Bush. Ne organizuam një pritje për Bushin e ri në Hotel Sheraton të Nju Jorkut dhe unë sigurisht i përmenda atë që kishte bërë i ati për shqiptarët, sidomos në Kosovë.
“Ka rëndësi të kujtojmë se ai ishte njeriu të cilit ne i dorëzuam një peticion me 1 milion nënshkrime nga Kosova. Miku im, kongresmeni Henry Hide, i dorëzoi nënshkrimet në Shtëpinë e Bardhë. Unë besoj se ishin ato nënshkrime që sollën një kthesë, duke e bërë presidentin George W. Bush të kuptonte se ai duhet të ishte i pari që do të njihte pavarësinë e Kosovës më 17 shkurt 2008. Pra, ne kemi një trashëgimi të pasur me familjen Bush, jo vetëm me Presidentin George H. W. Bush por edhe me të birin, George W. Bush. Dhe unë jam krenar që shërbeva si një lloj ure mes të dyve.”
Ish-presidenti George W. Bush i kërkoi sot Amerikës të shqyrtonte pa kompromis dështimet e saj tragjike duke përmendur padrejtësinë radikale që po dëmton shoqërinë amerikane.
“Ky mbetet një dështim tronditës që shumë afro-amerikanë, veçanërisht të rinj, ngacmohen dhe kërcënohen në vendin e tyre”, shkruan ish-presidenti (2001-2009) në një komunikatë për vdekjen e George Floyd, i asfiksuar nën gjurin e një polici të bardhë.
“Kjo tragjedi, që është pjesë e një serie të gjatë tragjedish të ngjashme, ngre një pyetje të pashmangshme: Si do t’i jepet fund racizmit të vazhdueshëm në shoqërinë tonë?”, pyet ai.
“Ka ardhur koha për Amerikën të shqyrtojë dështimet tona tragjike”, shtoi ai.
Vdekja e George Floyd, një javë më parë në Minneapolis ka indinjuar Amerikën dhe ka shkaktuar manifestime të shumta në mbarë vendin, që kanë degjeneruar dhe në përleshje.
Edhe pse nuk e përmend kurrë presidentin amerikan, Donald Trump, ish-presidenti republikan këmbëngul mbi nevojën për të dëgjuar zërat e atyre që vuajnë.
“Ata që përpiqen të kufizojnë këto zëra në heshtje nuk e kuptojnë domethënien e Amerikës”, shkruan ai.
“Heronjtë e Amerikës nga Frederick Douglass te Harriet Tubman, Abraham Lincoln apo Martin Luther King Jr – janë heronjtë e unitetit”, nënvizoi ai.(Atsh)
Në adresimin e parë të madh pas disa javësh, ish-nënpresidenti i Shteteve të Bashkuara, Joe Biden, u zotua se “nuk do t’iu fryejë flakëve të urrejtjes” nëse zgjidhet president, porse do të përpiqet “të shërojë plagët racore që kanë pllakosur” Shtetet e Bashkuara.
Biden, rivali i pritur i presidentit Donald Trump në zgjedhjet presidenciale të nëntorit në SHBA, i bëri komentet në Sallën e Qytetit në Filadelfia.
Ai iu referua trazirave aktuale në Shtetet e Bashkuara, që pasojnë vdekjen e afrikano-amerikanit George Floyd, gjatë arrestimit nga policia.
Incidenti ndodhi në Mineapolis të Minesotës, më 25 maj.
Demonstratat kanë qenë kryesisht paqësore, por policia në disa qytete ka përdorur forcë kundër gazetarëve dhe protestuesve, ndërsa demonstruesit janë përleshur me forcat e rendit.
Shumë qytete amerikane kanë vendosur orë policore.
Më 1 qershor, policia është detyruar të zmbrapsë protestuesit pranë Shtëpisë së Bardhë, në mënyrë që Trump të mund të shkonte në një kishë pranë.
Kisha ka pësuar dëme gjatë protestave të një dite më parë.
“Ky president sot është pjesë e problemit dhe e përshpejton atë”, tha Biden dhe shtoi se Trump është “i konsumuar me egon e tij verbuese”.
Trump ka paralajmëruar se do ta urdhërojë ushtrinë të veprojë në shtetet që refuzojnë të marrin masa më të ashpra kundër protestuesve rebelë, që kanë dalë në rrugë. rel
Ish-Nënpresidenti amerikan Joe Biden ka shprehur shqetësimin “për vetë shpirtin e vendit tonë” pasi Presidenti Donald Trump u zotua të hënën të përdorë ushtrinë për t’i dhënë fund “trazirave dhe paligjshmërisë” që kanë shpërthyer në të gjithë Shtetet e Bashkuara pas vdekjes së një afrikano-amerikani që mbahej nga policia një javë më parë në Minneapolis.
Në një fjalim televiziv kombëtar në Kopshtin e Trëndafilave të Shtëpisë së Bardhë, presidenti paralajmëroi se “nëse një qytet ose shtet nuk pranon të ndërmarrë veprimet e nevojshme për të mbrojtur jetën dhe pronën e banorëve të tyre, atëherë unë do të dislokoj ushtrinë e Shteteve të Bashkuara dhe do ta zgjidh problemin me shpejtësi”.
Komenti i referohej me sa duket Ligjit për Rebelimin të vitit 1807, i cili lejon presidentët të veprojnë ndaj paligjshmërisë gjatë emergjencave. Ligji u përdor së fundmi më 1992 në mes të trazirave në Los Angeles pasi një tjetër afrikano-amerikan, Rodney King, u rrah nga policia.
Presidenti Trump tha se ai “po mobilizonte të gjitha burimet e mundshme federale, civile dhe ushtarake, për të ndaluar trazirat dhe plaçkitjet, për t’i dhënë fund shkatërrimit dhe zjarrvënies dhe për të mbrojtur të drejtat e amerikanëve që respektojnë ligjin, përfshirë këtu edhe të drejtën tuaj të bazuar tek Amendamenti i Dytë”. Amendamenti i Dytë i Kushtetutës së Shteteve të Bashkuara mbron të drejtat e të gjithë qytetarëve amerikanë për të mbajtur armë zjarri.
Pak para se presidenti të fliste, gazetarët që prisnin për komentet e tij në Kopshtin e Trëndafilave dëgjonin shpërthime të larta nga gazi lotësjellës që hidhej përreth Parkut Lafayette, ku forcat e policisë të veshura me paisje mbrojtëse shtynin me mburoja demonstruesit paqësorë. Gjithashtu u qëllua me plumba gome dhe u fut policia me kuaj për të pastruar zonën.
Lëvizja nga organet e zbatimit të ligjit erdhi më pak se gjysmë ore para orës 7 pasdite, kur shtetrrethimi hyri në fuqi për Uashingtonin.
Aksioni pastroi rrugën – por jo erën e gazit lotsjellës – rreth Kishës së Shën Gjonit, një bllok më në veri të Shtëpisë së Bardhë, ku Presidenti Trump eci vetëm disa minuta pasi hyri në fuqi shtetrrethimi. Kisha historike Episkopale, e njohur në Uashington si “kisha e presidentëve”, pësoi dëme të vogla mbrëmjen e së dielës kur një zjarr i vogël u ndez në bodrumin e saj.
Përpara kishës së mbyllur, Presidenti Trump mbajti një Bibël, duke iu referuar Shteteve të Bashkuara si “vendi më i madh në botë” dhe tha: “ne do ta ruajmë të sigurt”.
Presidenti Trump mban në dorë Biblën ndërsa qëndron përpara kishës së mbyllur
Në vazhdim, Presidenti Trump u kthye përsëri në Shtëpinë e Bardhë i rrethuar nga masa të mëdha sigurie.
Disa orë pas fjalimit të presidentit dhe paraqitjes së tij para kishës së Shën Gjonit, Joe Biden, kundërshtari i prezumuar demokrat i presidentit në zgjedhjet presidenciale të nëntorit të këtij viti, denoncoi veprimet e Presidentit Trump në llogarinë e tij në Twitter. “Ai po përdor ushtrinë amerikane kundër popullit amerikan”, shkruajti Biden. “Ai përdori gaz lotsjellës ndaj protestuesve paqësorë dhe gjuajti me plumba gome. Për një foto”.
“Për fëmijët tanë, për vetë shpirtin e vendit tonë, ne duhet ta mposhtim atë.”
Peshkopja Mariann Budde, udhëheqëse e Dioqezës Episkopale të Uashingtonit, gjithashtu shprehu në Twitter pakënaqësinë e saj me veprimet e Presidentit Trump. “Sonte Presidenti sapo përdori një Bibël dhe një kishë të dioqezës time si sfond për një mesazh që ishte e kundërta e mësimeve të Jezusit dhe gjithçkaje që përfaqëson kisha jonë. Për ta bërë këtë, ai sanksionoi përdorimin e gazit lotsjellës nga oficerët e policisë të veshur me paisje mbrojtëse për të pastruar oborrin e kishës”, shkruajti Peshkopja Budde.
“Vendimi i Presidentit Trump për të mobilizuar Ligjin për Rebelimin dhe retorika e tij provokuese, dëshmojnë se ai nuk mund të na udhëheqë në këto kohë të trazuara dhe të bashkojë vendin. Në vend të kësaj, ai ka vendosur të mbështetet në përdorimin e forcës ndaj atyre që ai i konsideron si kërcënim”, tha në një deklaratë Ligjvënësi Adam Smith, kryetar i Komisionit të Forcave të Armatosura të Dhomës së Përfaqësuesve.
Presidenti, sipas zyrtarëve të Departamentit të Mbrojtjes, ka urdhëruar ushtrinë që të dislokojë një batalion të policisë ushtarake në Uashington, juridiksioni i vetëm ku ushtria mund ta bëjë këtë pa u këshilluar më parë me guvernatorin e shtetit.
Njësitë e Gardës Kombëtare
Të gjitha forcat prej 1200 anëtarësh të Gardës Kombëtare në kryeqytetin amerikan janë mobilizuar. Sipas zyrtarëve, pesë shtete po dërgonin me shpejtësi nga 600 deri në 800 ushtarakë të tjerë, disa të armatosur me armë vdekjeprurëse.
Forca të tjera ushtarake në shërbim aktiv, ndër to polici ushtarake dhe njësi xheniere, janë vendosur në gatishmëri përreth Distriktit të Kolumbias dhe mund të sillen nëse do të lindë nevoja, njoftuan zyrtarët.
Në orët e vona të së hënës, një helikopter Black Hawk i ushtrisë amerikane fluturoi mbi çatitë e lagjes historike Chinatown të Uashingtonit në një manovër “demonstrimi force”, duke i detyruar protestuesit të shpërndahen për të shmangur pluhurin dhe sendet që ngrinin helikat e helikopterit, që thyen edhe degët e pemëve.
Një automjet ushtarak qëndron në mes të K Street në kryeqytetin amerikan
Veprimet e Presidentit Trump po shihen si demonstrimi më i hapur i forcës autoritare që kur ai mori detyrën 3 vjet e gjysëm më parë.
“Jemi duke u përsiatur drejt një diktature”, tha Don Lemon në rrjetin e kabllove të lajmeve, CNN, menjëherë pas fjalës së presidentit. “Unë mendoj se presidenti po luan një lojë shumë, shumë të rrezikshme këtu”.
Presidenti i është referuar vazhdimisht CNN-it si “lajme të rreme” dhe shpesh i karakterizon mediat kryesore amerikane si “armiq të popullit”.
Presidenti Trump i quan guvernatorët “të dobët”
Më herët të hënën, guvernatorët morën një leksion nga Presidenti Trump, sekretari i mbrojtjes dhe prokurori i përgjithshëm, duke i nxitur ata të bëhen të ashpër me protestuesit e pabindur në rrugët e qyteteve të Amerikës.
Në një konferencë nëpërmjet telefonit me guvernatorët për demonstratat e dhunshme në të gjithë vendin, udhëheqësit e shteteve u kritikuan ashpër nga presidenti.
“Shumica prej jush janë të dobët”, u tha presidenti, sipas një regjistrimi audiofonik të telefonatës. “Ju duhet të dominoni. Nëse nuk mbizotëroni, po humbni kohën tuaj. Ata do t’ju shkelin me këmbë; do të dukeni si një tufë budallenjsh”.
Presidenti Trump është duke u përballur me kritika për mosmarrjen e rolit tradicional presidencial të “krye-ngushëlluesit”, që kur vdekja e afrikano-amerikanit George Floyd ndërsa mbahej nga policia në Minneapolis, shkaktoi një rrjedhë agonie dhe zemërimi kombëtar.
Në vend të kësaj, presidenti ka kaluar kohën në Twitter duke sulmuar Biden-in dhe politikanë të tjerë demokratë, dhe duke i njehsuar me radikalët e majtë që ai fajëson për dhunën e ditëve të fundit.
Telefonata me Presidentin Trump të hënën ishte “thellësisht shqetësuese”, tha guvernatorja demokrate e Miçiganit Gretchen Whitmer.
“Në vend që të ofrojë mbështetje ose udhëheqje për të ulur temperaturën në protesta, Presidenti Trump u tha qeveritarëve që ta ‘shtypni’ ose do na ‘mposhtin’,” tha ajo në një deklaratë.
Rreth gjysma e guvernatorëve kanë aktivizuar tashmë njësitë e Gardës Kombëtare për të ndihmuar organet e zbatimit të ligjit në shuarjen e trazirave. Por më shumë ushtarakë janë të nevojshëm në rrugë, sipas presidentit.
“Ata janë të gatshëm, kanë dëshirën dhe aftësitë. Ata duan të luftojnë për vendin”, u tha Presidenti Trump guvernatorëve. “Do të doja të kishim një forcë okupuese prezente”.
Qyteti Los Angeles, konkretisht, “nuk është duke përdorur burimin më të mrekullueshëm që mund të përdorni”, tha Presidenti Trump për forcat ushtarake nën kontrollin e shtetit.
Presidenti Trump dhe Shtëpia e Bardhë po fajësojnë për dhunën një koalicion mes aktivistëve të së majtës së largët, të njohur si “antifa” (shkurtim i fjalës antifashist), anëtarët e të cilës bëjnë fushatë kundër asaj që i shikojnë si akte të autoritarizmit, homofobisë, racizmit ose ksenofobisë.
Presidenti republikan paralajmëroi më herët në Twitter se “kur plaçkitjet fillojnë, të shtënat fillojnë”. Presidenti Trump mohoi më vonë që fraza ishte një paralajmërim se vandalët do të qëlloheshin me armë dhe tha se nuk e dinte që shprehja ishte përdorur në mënyrë të dukshme nga shefi i policisë së Majamit në 1967 në përgjigje të kriminalitetit të dhunshëm në lagjet e afrikano-amerikanëve.
“Është një lëvizje që nëse nuk e shtypni, do të përkeqësohet dhe përkeqësohet”, u tha guvernatorët Presidenti Trump të hënën. “Këta janë radikalë dhe janë anarkistë.”
Sekretarja e Shtypit e Shtëpisë së Bardhë, Kayleigh McEnany, e pyetur gjatë një konference për shtyp në Shtëpinë e Bardhë në lidhje me reagimin e guvernatores së Miçiganit, tha se ajo nuk e kupton pse Guvernatorja Whitmer do të shqetësohej që presidenti u thotë guvernatorëve të bëjnë punën e tyre.
Një tjetër demokrat, Guvernatori J.B. Pritzker i shtetit Illinois, i tha presidentit, “Unë jam jashtëzakonisht i shqetësuar për retorikën që është përdorur nga ju. Është provokuese”.
Presidenti u përgjigj: “Edhe mua nuk më pëlqen shumë retorika juaj,” duke kritikuar përgjigjen e Guvernatorit Pritzker ndaj pandemisë së koronavirusit. “Sinqerisht mendoj se mund të kishit bërë një punë shumë më të mirë”.
Prokurori i Përgjithshëm William Barr u tha guvernatorëve, “ne duhet të kontrollojmë rrugët … dhe kjo kërkon një prani të fortë”.
Provokatorë profesionistë po kërkojnë të lëvizin nga shtetet e fortë drejt shteteve të dobët për të shkaktuar rrëmujë, tha zoti Barr, duke shtuar se kjo bazohej në raportet e shërbimeve të zbulimit.
“Të gjithë po kërkojnë pika të dobëta,” tha Presidenti Trump.”Duhet të arrestohen këta njerëz” dhe të burgosen për disa vite. “Këta janë terroristë. Ata janë antifa dhe e majta radikale”.
Presidenti Trump posaçërisht u bëri thirrje qytetit të Nju Jorkut dhe Filadelfias që “të ashpërsohen .”
Presidenti Trump tha se përgjigjja fillestare në Minesota ishte “e dobët dhe patetike”, por se Guvernatori i Minnesotas Tim Walz, një demokrat, meritonte lavdërime për dislokimin e Gardës Kombëtare, e cila rrëzoi demonstruesit “si kunjat e lojës bowling – një gjë e bukur për tu parë”.
Gjatë konferencës me telefon, Sekretari i Mbrojtjes Mark Esper u tha guvernatorëve se “sa më shpejt që të mbushni dhe mbizotëroni hapësirën e betejës, aq më shpejt do të shpërndahet kjo gjë”.
Një javë pasi Floydi, 46 vjeç, vdiq ndërsa mbahej nga policia dhe u filmua një oficer i bardhë i policisë që e shtypte në qafë me gjurin e tij për më shumë se 8 minuta, demonstratat paqësore janë lënë në hije nga dhuna urbane në mbarë Amerikën. Bizneset janë vandalizuar dhe plaçkitur, monumentet publike janë dëmtuar dhe oficerët e organeve të zbatimit të ligjit kanë qëlluar me plumba gome dhe gaz lotsjellës ndaj protestuesve, disa prej të cilëve kanë goditur policinë me tulla, fishekzjarre dhe qese me lëngje trupore.
Mijëra njerëz u arrestuan në demonstratat në mbarë Shtetet e Bashkuara të shtunën dhe të dielën.
Të hënën Kalifornia urdhëroi mbylljen e ndërtesave të qeverisë së këtij shteti në qendrat e qyteteve.
Në Çikago, dy njerëz u vranë gjatë demonstratave të hënën në zonën periferike Cicero dhe u arrestuan 60 persona, raportoi agjensia e lajmeve Associated Press.
Në Uashington, D.C., Kryebashkiakja Muriel Bowser u shtriu orarin e shtetrrethimit me katër orë, duke filluar nga ora 7 pasdite.
Zëdhënësja e Shtëpisë së Bardhë McEnany tha për Presidentin Trump se, “ai e kupton dhimbjen” e demonstruesve të ligjshëm. Ajo shtoi se, “është vërtet një turp” që radikalët në rrugë po dëmtojnë mesazhin e protestuesve paqësorë.
Joe Biden u takua me drejtuesit e komunitetit në një kishë kryesisht Afrikano-Amerikane në Delauer të hënën në mëngjes, duke dalë nga shtëpia për dy ditë radhazi për të trajtuar tensionet racore që kanë filluar të riformulojnë zgjedhjet e ardhshme presidenciale.
Biden, ish-nënpresidenti i cili do të përfaqësojë demokratët kundër Presidentit Donald Trump në zgjedhjet presidenciale këtë vjeshtë, është gjendur në vështirësi në përpjekjet për të gjetur hapësirë në debatet kombëtare rreth dy krizave që kanë përfshirë vendin në javët e fundit nga studioja e tij televizive në bodrum. Por pas një nate tjetër të protestave të dhunshme, demokrati 77-vjeçar u takua me një numër udhëheqësish afrikano-amerikanë në qytetin e tij përpara një takimi virtual me kryetarët e bashkive në të gjithë vendin.
Kjo qasje e takimeve më udhëheqës të nivelit më të ulët është në kontrast të madh me atë të Presidentit Trump në ditët e fundit, i cili ka bërë pak përpjekje për të unifikuar vendin. Presidenti republikan foli me guvernatorët dhe zyrtarët e forcave të zbatimit të ligjit të hënën, por ai e kaloi pjesën më të madhe të fundjavës duke përdorur Twitter-in si një platform për të nxitur respektimin e “ligjit dhe rendit” dhe veprime më të ashpra nga policia kundër protestuesve në të gjithë vendin. Ai paralajmëroi të premten se, “kur plaçkitjet fillojnë, të shtënat fillojnë.”
Presidenti Trump gjithashtu kritikoi zotin Biden të hënën, duke thënë ne një postim në Twitter se “Njerëzit e Joe Bidenit të përgjumur janë aq të dhënë pas të Majtës Radikale sa që po punojnë për t’i nxjerrë anarkistët nga burgu, dhe ndoshta më shumë”.
Në momentet e para të mbledhjes së të hënës në kishën Bethel AME në qytetin ku jeton zoti Biden, Uilmington, ish-nënpresidenti dëgjonte me qetësi dhe mbante shënime në një fletore. Të gjithë të pranishmit, përfshirë edhe vetë zotin Biden, përdorën maska.
“Nënpresidenti erdhi të dëgjojë nga ne. Ky është një djalë lagjeje,” tha Pastori Sylvester Beaman, përpara se zoti Biden dhe të pranishmit të ulnin kokat për fillimin e lutjeve.
Qasja më e butë e zotit Biden mund të kumtoj se si kandidati që pritet të marrë emërimin e partisë demokrate do paraqitet pesë muaj para zgjedhjeve presidenciale, duke theksuar qetësinë dhe kompetencën si një kontrast me një president që flet shpejtë. Është një qasje që mbart me vete rrezikun për t’u mbytur nga angazhimi shumë më i zëshëm, më këmbëngulës i Presidentit Trump.
“Ai nuk është në detyrë, dhe ai sigurisht që nuk ka megafonin e personit që aktualisht ndodhet në Shtëpinë e Bardhë, por unë mendoj se njerëzit tanë janë duke kërkuar dikë që mund t’i bëjë ata të ndjehen më mirë gjatë këtyre kohërave jashtëzakonisht të vështira,” tha ligjvënësja Val Demings nga Florida, të cilën Biden po e konsideron si kandidate të tij për nënpresidente. “Amerika thjesht duhet të sigurohet që ka një njeri që është mirëkuptues, dhe i gatshëm të thotë,”Po, ne kemi disa çështje, ” dhe dikush që është i gatshëm t’i trajtojë ato.”
Megjithatë, sigurimi kërkon praninë, dhe kjo ka qenë një pengesë për ish-nënpresidentin, i cili u detyrua të vetëizolohej nga pandemia e koronavirusit, ende po punon për t’u përshtatur me fuqinë e mediave sociale si një zëvendësuese të pranisë fizike dhe pa platformën e zakonshme të një posti publik.
Zoti Biden mbajti një fjalim të mirëpritur të premten, duke u bërë thirrje të bardhëve që të mbanin përgjegjësinë në përpjekjet për t’i dhënë fund racizmit sistemik të Amerikës. Por, ai ishte kryesisht jashtë vëmendjes gjatë fundjavës, e cila shënoi përvjetorin e pestë të vdekjes së djalit të tij Beau Biden.
Të hënën ai pati paraqitjen e tij të tretë publike që nga shpërthimi i pandemisë në mes të marsit.
Zoti Biden dhe bashkëshortja e tij, Jill, shënuan Ditën e të Rënëve duke vendosur një kurorë me lule të bardha në një memorial të veteranëve në afërsi të shtëpisë së tij në Uilmington javën e kaluar, dhe fushata e ish-nënpresdentit postoi fotografi të tij gjatë vizitës në një pjesë tjetër të qytetit ku po mbahej një protestë, të dielën pasdite. Më parë, ai bëri një postim në platformën Medium duke shprehur empati për ata që janë të dëshpëruar nga vdekja e afrikano-amerikanit George Floyd gjatë kohës që ai ishte nën arrest.
“E vetmja mënyrë për të përballuar këtë dhimbje është kthimi i këtij ankthi në një qëllim”, thuhej në postimin e zotit Biden të publikuar të dielën. “Dhe si President, unë do të ndihmoj në udhëheqjen e kësaj bisede – dhe më e rëndësishmja, unë do t’i dëgjoj shqetësimet tuaja”.
Në mbledhjen e mëngjesit të së hënës morën pjesë 15 udhëheqës fetarë, politikë dhe të arsimit, përfshirë ligjvënësin demokrat të Delauerit, Blunt Rochester. Ata të gjithë mbanin maska dhe mbanin një distancë fizike në ulëset e kishës. Njoftimet e ngjitura në hyrjen kryesore i paralajmëruan njerëzit të mos hynin nëse kishin kollë ose simptoma të tjera të koronavirusit.
Pjesa më e madhe e strategjisë së fushatës së zotit Biden përqendrohet në përpjekjen për të nxjerrë në pah një kontrast me Presidentin Trump nga pikëpamja e temperamentit dhe vlerave. Ai e ka quajtur garën për Shtëpinë së Bardhë një betejë për shpirtin e vendit dhe ka qenë veçanërisht i fuqishëm në dënimin e trajtimit nga Presidenti Trump të momenteve të tensioneve racore.
Demokratët besojnë se ish-nënpresidenti ofron një kontrast ndaj Presidentit Trump në momente të tilla, që i jemi atij (zotit Biden) një avantazh. Ata theksojnë se ndërsa zoti Biden nuk u shfaq në televizion tërë fundjavën, ai foli për vdekjen e afrikano-amerikanit George Floyd para Presdientit Trump dhe tregoi dhembshuri për protestuesit.
Trump ka alternuar midis shprehjes së alarmit për vdekjen e zotit Floyd dhe simpatisë për familjen e tij dhe postimin e mesazeve në Twitter duke antagonizuar protestuesit dhe përçmuar armiqtë e tij politikë.
Dhe në zgjedhjet që ka të ngjarë të jenë një referendum për presidentin e tanishëm, disa ndihmës të zotit Biden thonë privatisht se plani më i mirë mund të jetë që të lejojnë Presidentin Trump që të dëmtojë veten.
Megjithatë ekziston edhe mendimi se Biden duhet të bëjë më shumë sesa thjesht të presë votuesit që mund të mos jenë të kënaqur me zotin Trump. Disa demokratë që e kanë kritikuar zotin Biden në të kaluarën për mungesë të pranisë në publik gjatë fillimit të pandemisë së koronavirusit thanë se ai po bën lëvizjet e duhura tani.
“Jam i sigurt se ata kanë hezitime, të kutpueshme, tani për ta politizuar këtë. Kjo nuk është pjesë e natyrës së tij”, tha strategu demokrat James Carville. “Mund të ketë një kohë për elokuencë, por unë mendoj se thjeshtësia është elokuencë tani”.
Në mes të trazirave racore në të gjithë vendin, Presidenti Donald Trump të hënën tha se ai është “president i ligjit dhe rendit” dhe kërcënoi se do të dislokonte ushtrinë në qytetet amerikane për të shuar protestat e dhunshme.
Ndërkohë që Presidenti Trump po mbante fjalimin në kopshtin e Shtëpisë së Bardhë, një numër automjetesh ushtarake po lëviznin aty pranë në rrugën Pensylvania Avenue dhe policia ushtarake dhe forcat e zbatimit të ligjit po përplaseshin me protestuesit në Parkun Lafayette.
“Ne kemi vendin më të madh në botë”, deklaroi Trump. “Ne do ta mbajmë atë të sigurt.”
Trump tha se ai do të mobilizojë “mijëra e mijëra” ushtarë për të mbajtur paqen nëse guvernatorët nuk e përdorin Gardën Kombëtare për t’i dhënë fund protestave të dhunshmne.
“Të gjithë amerikanët me të drejtë u trishtuan dhe u revoltuan nga vdekja brutale e George Floydit”, tha Presidenti Trump. Ai theksoi se administrata e tij është plotësisht e përkushtuar që drejtësia për zotin Floyd dhe familjen e tij të vihet në vend. “Por ne nuk mund të lejojmë që thirrjet e drejta dhe protestuesit paqësorë të mbyten nga një turmë e zemëruar. Viktimat më të mëdha të trazirave janë qytetarët paqedashës në komunitetet tona më të varfra dhe si President i tyre, unë do të luftoj për t’i mbajtur ata të sigurt. Unë do të luftoj për t’ju mbrojtur”, tha Presidenti Trump.
Sipas një zyrtari të lartë të Departamentit të Mbrojtjes, mes 600 dhe 800 anëtarë të Gardës Kombëtare nga pesë shtete po dërgohen në Uashington për të ofruar ndihmë në ruajtjen e sigurisë. Ky kontigjent trupash ose tashmë ndodhet në terren ose do të arrinte në mesnatë.
Më parë, forcat e rendit shpërndanë me forcë një grup protestuesish në Kishën St. Johns Episcopal Church, e cila njihet si “Kisha e Presidentëve” dhe ndodhet afër Shtëpisë së Bardhë. Kisha pësoi dëme nga djegiet gjatë protestave të kësaj jave në Uashington.
Sipas Aktit të Epokës së Luftës Civile- Posse Comitatus Act, trupave federale nuk u lejohet të kryejnë operacione të brendshme të zbatimit të ligjit si arrestime, konfiskim të pronave ose kontrollime të njerëzve. Në raste ekstreme, megjithatë, presidenti mund të përdor Aktin e Kryengritjes (Insurrection Act), gjithashtu nga epoka e Luftës Civile, i cili lejon përdorimin e trupave ose Gardën Kombëtare për zbatimin e ligjit.
Zyrtarët thanë që një pjesë e Gardës Kombëtare në Uashington do të jenë të armatosur dhe të tjerët jo. Ata thanë se anëtarët e Gardës Kombëtare në Uashington nuk kanë armë jo vdekjeprurëse. Policia ushtarake që tashmë është e pranishme në qytet është pjesë e Gardës Kombëtare.
Vdekja e afrikano-amerikanit George Floyd ka shkaktuar një numër protestash të dhunshme në shumë qytete amerikane. Kjo ishte një nga vdekjet e fundit në një seri incidentesh të ngjashme që nxitën zemërim dhe protesta kundër racizmit në mesin e forcave të zbatimit të ligjit. Incidenti rindezi zemërimin në vendin e ndarë nga pikëpamja politike dhe racore, të goditur rëndë nga pandemia e koronavirusit, që ka goditur më rëndë afrikano-amerikanët.
Shumë qytete të prekura nga trazirat sapo kanë rifilluar disa aktivitete normale ekonomike pas masave kufizuese mbi dy mujore për frenimin e përhapjes së Covid-19, që ka vrarë mbi 104,000 njerëz dhe ka lënë pa punë mbi 40 milion vetë. zëri i amerikës
Kompanitë amerikane zakonisht qëndrojnë të heshtura gjatë protestave. Jo këtë herë.
Kompani të teknologjisë, bankave, veshjeve dhe argëtimit publikuan mesazhe në mbështetje të atyre që demonstrojnë kundër trajtimit policor ndaj personave me ngjyrë.
“Jam e tronditur nga numri i drejtuesve që kanë folur për herë të parë,” tha Kellie McElhaney, një profesore në Shkollën e Biznesit në Universitetin Berkeley dhe themeluese e Qendrës për Barazi, Gjini dhe Udhëheqje në këtë shkollë.
Ajo që po i bën firmat të flasin apo të mbajnë një qëndrim, thotë ajo, është brutaliteti i videos që tregon një oficer policie në Mineapolis duke vendosur gjurin në pjesën e pasme të qafës së George Floyd, i cili vdiq.
Kompanitë “drejtohen nga njerëzit”, tha ajo. “Ata kanë punonjës, drejtues dhe klientë afrikano-amerikanë dhe me ngjyrë. Ekzistojnë rreziqe sigurisht, por përfitimi i tejkalon shumë herë rreziqet”.
Netflix, Google dhe Citibank
Netflix ka thënë në Twitter se “të heshtësh është njësoj si të jesh bashkëfajtorë”, duke shtuar “ne e kemi për detyrë që të flasin për anëtarët tanë, punonjësit, krijuesit dhe talentet tonë”
Google shtoi në faqen kryesore të kërkimit: “Ne mbështesim barazinë racore dhe të gjithë ata që e kërkojnë atë.”
Twitter ndryshoi paraqitjen e llogarisë duke shkruar hashtegun #BlackLivesMatter.
Drejtori ekzekutiv i Mikrosoftit Satya Nadella u tha punonjësve “bashkohuni me mua dhe të gjithë ekipin e drejtuesve të lartë, në mbështetje për ndryshime në kompaninë tonë, në komunitetet tona dhe në shoqërinë në përgjithësi.”
“Racizmi vazhdon të jetë në rrënjët e kaq shumë dhimbjeje dhe poshtërimi në shoqërinë tonë,” shkroi shefi i financave të kompanisë Citibank, Mark Mason, i cili është afrikano-amerikan, në një postim në blog. “Për sa kohë që kjo është e vërtetë, idealet e Amerikës për liri dhe barazi do të mbeten jashtë mundësive.”
Kompanitë e shitjeve me pakicë si Target, që është plaçkitur dhe vandalizuar në të gjithë vendin, gjithashtu kanë folur në mbështetje të protestave. Vdekja e Xhorxh Floidit nga një oficer i bardhë i policisë ka nxjerrë në dritë “dhimbjen e shtypur të shumë viteve”, tha drejtori ekzekutiv i Target, me seli në Mineapolis.
Rreziqet e të shprehurit përkundër heshtjes
Duke marrë një qëndrim, kompanitë rrezikojnë të humbasin klientët, partnerët, furnitorët dhe punonjësit që nuk pajtohen me pozicionin e korporatës, thotë zonja McElhaney. Ata gjithashtu rrezikojnë të akuzohen se po përdorin rastin për të promovuar markat e tyre pasi disa nuk i shohin deklaratat e mbështetjes së korporatave si autentike.
Por bizneset gjithashtu përballet me rreziqe nëse nuk thonë asgjë, shpjegon ajo. Punonjësit e rinj kërkojnë që drejtuesit e kompanive të shprehin qëndrimin e tyre.
“Kam tendencën të besoj se njerëzit janë duke folur sepse nuk ka asnjë mundësi tjetër,” thotë ajo. “Çdo punonjës po kërkon që drejtuesit e tyre të flasin, veçanërisht punonjësit me ngjyrë.”
Në vitin 2018, Nike realizoi një reklamë në mbështetje të Colin Kaepernick, ish-futbollisti profesionist që protestoi kundër trajtimit policor të afrikano-amerikanëve. Disa njerëz e pëlqyen atë. Të tjerë dogjën produktet e Nike-it. Sipas raportimeve, reklamimi i debatueshëm nuk e dëmtoi në fund të fundit kompaninë.
Ndërsa protestat u përhapën në SH.B.A. pas vdekjes së Floidit, Nike publikoi një video në mbështetje të mesazhit të protestuesve: “Mos i ktheni shpinën racizmit. Mos pranoni të merren jetë të pafajshme. Mos bëni më justifikime”,
Adidas, rivalja e Nike, e pubkoi këtë përsëri në Twitter. zëri i amerikës
Presidenti i SHBA Donald Trump vlerësoi Gardën Kombëtare, duke thënë se ajo po bën një punë të shkëlqyer, në përgjigje të protestave që u shndërruan në dhunë në dhjetëra qytete amerikane, pas vdekjes së një afrikano-amerikani që ishte nën prangat e policisë.
Në komentet që bëri të dielën në Twitter, Presidenti Trump fajësoi “anarkistët e udhëhequr nga ANTIFA” për nxitjen e kaosit. Ai tha se Shtetet e Bashkuara do ta shpallin Antifën një organizatë terroriste.
Lidhja Amerikane Kundër Shpifjes e përshkruan Antifën si “një grumbullim të lirë grupesh, rrjetesh dhe individësh që besojnë në kundërshtimin aktiv dhe agresiv ndaj lëvizjeve të së djathtës ekstreme.”
Trazirat në të gjithë Amerikën kanë pasuar protestat përgjithësisht paqësore pas vdekjes në Mineapolis të 46-vjeçarit George Floyd, afrikano-amerikanit që humbi jetën pasi një oficer i bardhë e kishte vënë poshtë, duke i mbajtur gjurin mbi qafë për më shumë se tetë minuta.
Në programin e Presidenti Trump për ditën e sotme përfshihej një videokonferencë me guvernatorët e shteteve, zyrtarët ligjzbatues dhe ata të sigurisë kombëtare për një diskutim që Shtëpia e Bardhë tha se synon “të mbajë të sigurta komunitetet amerikane”.
Prej disa netësh me radhë dhuna i është afruar edhe Shtëpisë së Bardhë. Mbrëmë, forcat e rendit u përballën përsëri me protestuesit në Sheshin Lafayette të Uashingtonit, ndërsa zjarrfikësit shuan një zjarr në pjesën e poshtme të kishës historike të Shën Gjonit në anën tjetër të rrugës që e ndan nga Shtëpia e Bardhë. zëri i amerikës
Protesta paqësore u shndërruan në plaçkitje, vënie zjarri dhe dhunë në të gjithë Shtetet e Bashkuara pas vdekjes së George Floyd-it ndërsa ishte në paraburgim policor në Minneapolis të Minesotës. Siç njofton Kane Farabaugh i Zërit të Amerikës, megjithë vendosjen e ndalim-qarkullimeve dhe një rritje të pranisë së forcave të rendit në rrugët e shumicës së qyteteve më të mëdha amerikane, tensionet racore kanë arritur një pikë të nxehtë.
Në trazira të përhapura që nuk janë parë në dekada … qytetet amerikane nga Siatëlli në Uashington D.C u dogjën ndërsa më shumë protesta paqësore gjatë ditës u kthyen në trazira dhe shkatërrime gjatë natën.
Guvernatorët në 12 shtete amerikane kanë aktivizuar trupat e Gardës Kombëtare për të shuar dhunën dhe për të rivendosur rendin.
Ishte masa më e fundit pas një javë tensionesh të përshkallëzuara pasi George Floyd vdiq në arrest policor. Derek Chauvin, oficeri i Mineapolisit i cili e mbërtheu Floydin në tokë duke përdorur gjurin e tij, tani përballet me akuzën e vrasjes së shkallës së tretë në lidhje me vdekjen e Floydit. Por protestuesit kërkojnë më shumë, përfshirë akuzat kundër oficerëve të tjerë të përfshirë.
“Dua të sjell ndryshim për njerëzit e mi sepse kjo ka ndodhur për shumë gjatë dhe gjërat duhet të ndryshojnë kudo sepse asgjë nuk do të ndryshojë nëse vazhdojmë të flasim, ose të vazhdojmë të postojmë diçka në mediat sociale. Kjo është e gjitha”, thotë një protestues në Mineapolis.
Që nga e enjtja, Associated Press raporton se policia ka arrestuar rreth 1.700 njerëz në 22 qytete në të gjithë vendin në lidhje me dhunën që ka lënë të djegura dhjetra biznese, oficerë të plagosur dhe disa demonstrues të vrarë.
Ajo që filloi si përgjigje ndaj vdekjes së Floydit në Mineapolis ka kapërcyer kufijtë e SHBA, duke tërhequr qindra njerëz në rrugët e Londrës në shenjë solidariteti me ata që kërkojnë barazi racore.
“Kemi parë për qindra vjet afrikano-amerikanët dhe njerëzit me ngjyra të abuzohen dhe të vriten në rrugë dhe kjo thjesht po përkeqësohet. Mjaft më, nëse ata nuk do të dëgjojnë ne” thjesht do të thërrasim me zë edhe më të lartë. Nuk do të ndalemi derisa të bëhet diçka. Mjaft Më!. Këta janë njerëz që nuk mbajnë më. Është koha për të bërë disa ndryshime”, thotë një protestues në Londër.
Ligjvënësja e Minesotës në Kongres, Ilhan Omar përfaqëson pjesë të qytetit të Mineapolis në qendrën e demonstratave dhe thotë se duhet të ketë “reforma mbarëkombëtare”.
“Trazirat që po shohim në vendin tone nuk janë vetëm për shkak të jetës që u mor, por gjithashtu sepse shumë njerëz e kanë provuar këtë përvojë. Shumë njerëz kanë përjetuar padrejtësi brenda sistemit tonë”.
Në fjalimin e përgatitur pas nisjes së suksesshme të astronautëve të parë amerikanë në një anije hapësinore komerciale, Presidenti Donald Trump tha se ndërsa ai mbështet protestat paqësore, nuk do të tolerojë shkeljet ligjore dhe shkatërrimin.
“Kujtimi i Xhorxh Floidit po përdhoset nga rebelët, plaçkitësit dhe anarkistët. Dhuna dhe vandalizmi po drejtohet nga Antifa dhe grupe të tjera radikale të krahut të majtë, të cilët po terrorizojnë të pafajshmit, po shkatërrojnë vendet e punës, po dëmtojnë bizneset dhe po djegin ndërtesat “.
Ishte një mesazh që Këshilltari i tij për Sigurinë Kombëtare Robert O’Brien mbrojti pas një nate tjetër trazirash.
“Presidenti është i indinjuar nga kjo dhe të gjithë jemi. Kjo duhet të ndalet, dhe ne po i bëjmë thirrje FBI-së të hetojë Antifan dhe të arrijë në konkluzion për këta rebelues të dhunshëm. Nuk dua që ata të ngatërrohen me protestuesit paqësorë që kanë çdo të drejtë për të dalë në rrugë dhe kjo është ajo që e bën Amerikën ndryshe nga shumë vende të tjera të botës”.
Me turmat e mëdha që mblidhen për të demonstruar vjen rreziku i përhapjes së mëtejshme të COVID-19. Ndërsa vazhdojnë trazirat në Amerikë, numri i infeksioneve në Sh.B.A nga koronavirusi po rritet gjithashtu së bashku me numrin e vdekjeve, i cili tani e kalon 100,000./VOA
Qindra njerëz u tubuan në një park pranë Shtëpisë së Bardhë në Uashington, për të protestuar për vdekjen e afrikano-amerikanit në Mineapolis të Minesotës.
Policia u rreshtua përgjatë hyrjes së parkut ndërsa protestuesit brohorisnin “jeta e afrikano-amerikanëve ka vlerë”, “duart lart, mos qëllo” dhe “pa drejtësi nuk ka paqe”.
Policët përdorën gaz lotsjellës pasi disa protesues hodhën shishe të plastikës në drejtim të tyre.
Vdekja e afrikano-amerikanit George Floyd në duart e autoriteteve javën e kaluar, ka shkaktuar tensione në Shtetet e Bashkuara.
Protestat filluan në Mineapolis, por shumë shpejt ato u zgjeruan në shumë qytete të SHBA-së, përfshirë Nju Jorkun dhe Los Angelosin , ku protestuesit u kanë vënë flakën veturave të policisë dhe kanë thyer xhamat e dyqaneve.
Video: Protesta të dhunshme në SHBA
Në qytetin e Nju Jorkut të paktën një makinë u dogj ndërsa mijëra njerëz marshuan nëpër lagje të shumta, duke brohoritur. Më pas ata mbajtën një minut heshtje para stacionit të policisë në Times Square për nder të njerëzve të vrarë nga policia.
Tensione u shënuan në qytetin Shën Pali, qyteti binjak i Mineapolis kur një kamion u drejtua drejt një turme njerëzish. Njerëzit vrapuan për t’i shpëtuar goditjes dhe pasi kamioni u ndal, ata nxorën jashtë shoferin dhe e rrahën. Policia më pas e arrestoi dhe e çoi në spital për trajtim.
Presidenti amerikan, Donald Trump, i cili besohej se ishte në Shtëpinë e Bardhë gjatë demonstratave, përgëzoi Gardën Kombëtare për përpjekjet e tyre për të parandaluar dhunën. Ai sulmoi mediat për siç tha “bërjen e gjithçkaje në fuqinë e tyre për të nxitur urrejtjen dhe anarkinë”.
Autoritetet kanë zbatuar masa të izolimit dhe urdhëruan vendosjen në rrugë të Gardës Kombëtare pasi demonstratat u zhvilluan në më shumë se 75 qytete amerikane më 25 maj.
Trump gjithashtu tha në rrjetin social Twitter se Shtetet e Bashkuara planifikojnë të shpallin Antifa-n, një rrjet i grupeve që shpesh promovojnë militantizmin e majtë – si një organizatë terroriste pasi zyrtarët federal kanë sugjeruar se mund të jenë përfshirë në valën e protestave këtë javë.
Prokurori i Përgjithshëm, Bill Barr, tha se “dhuna e nxitur dhe e kryer nga Antifa dhe grupe të tjera të ngjashme në lidhje me trazirat është terrorizëm dhe do të trajtohet në përputhje me rrethanat”.
Trump më 30 maj e quajti vdekjen e George Floyd një “tragjedi të rëndë” që e ka mbushur vendin me zemërim dhe pikëllim, por ai tha se administrata e tij nuk do të tolerojë që demonstratat të shëndrrohen në dhunë.
Si filluan trazirat?
Disa video të publikuara treguan sesi një polic i bardhë, gjatë arrestimit të George Floyd, bëri presion me gju në qafën e tij, teksa ka tentuar ta arrestojë, ndërsa Floyd dëgjohej duke bërtitur “të lutem, nuk mund të marr frymë” dhe “mos më vrit”.
George Floyd më vonë ka vdekur në spital. Videoja e incidentit nuk tregon se si nisi konfrontimi..
Uashington, 31 maj
Katër oficerët e përfshirë në çështjen Floyd janë pushuar nga puna. Ndaj policit që shihej tek bënte presion me gju në qafën e viktimës, është ngritur kallëzim penal.
Vdekja e Floyd-it është ngjarja e fundit në një seri rastesh të ngjashme të brutalitetit të policisë ndaj njerëzve me ngjyrë, përfshirë shumë raste të kapura tjera të cilët kalimtarët i kanë incizuar me telefonat e tyre dhe më pas janë publikuar nga mediat.
Rasti i afrikano-amerikanit, George Floyd, ka nxitur reagime të shumta edhe në mesin e personaliteteve të njohura të artit dhe sportit.
Legjenda e basketbollit Michael Jordan më 31 maj foli për vdekjen e Floydit, duke thënë në një deklaratë të lëshuar në Twitter se njerëzit me ngjyrë dhe pakicat “kanë pasur mjaft” racizëm në Shtetet e Bashkuara.
Ish-ylli i Chicago Bulls tha se e kupton zemërimin dhe ai ndjehet “thellësisht i trishtuar dhe i zemëruar”.
Ai tha se qëndron me ata që “thërrasin kundër racizmit dhe dhunës së rrënjosur ndaj njerëzve me ngjyrë”.
Jordan gjithashtu u bëri thirrje njerëzve që “të dëgjojnë njëri-tjetrin, të tregojnë dhembshuri dhe kurrë mos t’i kthejnë shpinën brutalitetit të pakuptimtë”.
Gjatë fundjavës, demonstrues në Kanada, Mbretëri të Bashkuar dhe Gjermani u mblodhën po ashtu për të shfaqur mbështetje për protestat.
Presidenti amerikan Donald Trump njoftoi shtyrjen e takimit të Grupit të Shtatëshes që pritej të mbahej muajin tjetër, për në shtator ose më vonë gjatë vitit. Ai tha gjithashtu se do të zgjeronte listën e vendeve pjesëmarrëse duke përfshirë Australinë, Rusinë, Korenë e Jugut dhe Indinë.
Duke folur para gazetarëve të shtunën pas kthimit të tij në Uashington nga Florida, zoti Trump tha se G7, që bën bashkë vendet me ekonomitë më të përparuara në botë, ishte një “grup shumë i vjetëruar vendesh” në formatin e tij aktual.
“Po e shtyj sepse nuk mendoj se G7 përfaqëson siç duhet atë që po ndodh në botë“, tha Presidenti Trump. Shumica e vendeve evropiane nuk bën komente të menjëhershme rreth propozimit. Një zëdhënës i qeverisë gjermane tha se Berlini ishte në pritje të informacioneve të mëtejshme. Nuk ishte e qartë nëse dëshira e zotit Trump për të ftuar vende të tjera ishte një përpjekje për ta zgjeruar përgjithmonë formatin e G7-s.
Në disa raste të mëparshme zoti Trump ka sugjeruar se duhet të shtohej edhe Rusia, duke e quajtur Moskën me rëndësi strategjike globale.
Rusia u përjashtua nga ajo që asokohe ishte G8 në 2014, pasi Moska aneksoi rajonin e Krimesë nga Ukraina. Rusia ka ende kontrollin mbi këtë territor dhe qeveri të ndryshme të G7-s i kanë kundërshtuar thirrjet e mëparshme të Presidentit Trump për të rifutur Moskës brenda këtij grupimi.
voal.ch – Një ekuipazh i lajmeve CNN të tremten transmetoi drejtpërdrejt nga shteti amerikan të Minesota arrestimin e tyre nga policia, pasi ata po mbulonin protestat për vdekjen e afrikano-amerikanit George Floyd.
Policia ka prangosur dhe arrestuar reporterin e CNN, Omar Jimenez, producentin Bill Kirkos dhe fotoreporterin Leonel Mendez rreth orës 5 të mëngjesit në CT në Minneapolis. Të tre u liruan më vonë pa pagesë.
Arrestimet erdhën mes protestave të gjera për vdekjen e George Floyd, një afrikano-amerikani që nuk mundi të marrë frymë, kur një polic i bardhë kur e prangosi i vuri gjurin në qafë.
Guvernatori i Minesota Tim Walz kërkoi një “falje publike” për arrestimin e ekuipazhit të CNN, duke thënë, “” Nuk ka asnjë arsye pse diçka e tillë duhet të ndodhë. ”
CNN reagoi në Twitter se arrestimet ishin një “shkelje e qartë e të drejtave të tyre që garantohen nga Amendamenti i Parë”.
Josh Campbell, një reporter për CNN i cili po mbulonte protestat, tha se atij i ishte afruar policia, por nuk ishte arrestuar.
“Unë u trajtova shumë ndryshe,” i tha Campbell për CNN. Transmetuesi raportoi se Jimenez është afrikan dhe latino, Mendez është spanjoll, dhe Kirkos dhe Campbell janë të dy të bardhë.
Presidenti i Shoqatës Kombëtare të Gazetarëve Afrikano-Amerikanë (NABJ), Dorothy Tucker, i dënoi arrestimet si “të panevojshme, dhe si një shkelje të Amandamentit të Parë”./VOA
