VOAL

SHBA

Drejtori i FBI-së: Rusia nuk heq dorë nga ndërhyrja në zgjedhje

Drejtori i FBI-së, Christopher Wray paralajmëroi ligjvënësit se Rusia nuk po heq dorë nga përpjekjet për të ndikuar tek rezultati i zgjedhjeve të nëntorit, duke u munduar të dëmtojë shanset e fushatës së kandidatit demokrat, ish-nënpresidentit Joe Biden, një përfundim që duket se nuk po i shkon për shtat Presidentit Donald Trump.

Zoti Wray, duke dëshmuar para Komisionit të Dhomës së Përfaqësuesve për Sigurinë Kombëtare i përshkroi operacionet e Kremlinit për ndikim si “shumë, shumë aktive” në mediat sociale, në mediat shtetërore dhe organe të tjera të lidhura me të.

Ai tha se synimi i këtyre operacioneve është “kryesisht të denigrojnë ish-nënpresidentin Biden dhe atë që rusët e shohin si strukturë anti-ruse”.

Ishte hera e parë që zoti Wray paralajmëronte publikisht për intensifikimin e operacioneve ruse, që kur fushata presidenciale hyri në fazën e saj të fundit. Paralajmërimi i tij përputhej gjithashtu me vlerësimin e zyrtarit më të lartë amerikan të kundërzbulimit, William Evanina në gusht.

Zoti Evanina, kishte paralajmëruar gjithashtu se aktorë të lidhur me Rusinë, po “përpiqeshin të rrisnin shanset” për kandidaturën e zotit Trump, diçka që zoti Wray nuk e pohoi, kur u pyet për ndërhyrjen ruse.

Presidenti Trump reagoi të enjten duke iu drejtuar drejtorit të FBI-së me emër.

“Por Chris nuk po sheh aktivitet nga Kina, megjithëse është rrezik SHUMË më i madh sesa Rusia, Rusia, Rusia. Të dyja ato, plus të tjerë do të jenë në gjendje të ndërhyjnë në zgjedhjet e 2020-ës, me votimin tonë të ekspozuar me manipulimin e fletëve të votimit”, shkruante ai në Twitter.

Megjithë akuzat e presidentit për problemet e votimit me postë, që ai i ka përsëritur shpesh, drejtori i FBI-së u tha ligjvënësve se shqetësime të tilla ishin pa bazë.

“Nuk kemi parë ndonjëherë deri tani në zgjedhje kombëtare një përpjekje të koordinuar për mashtrim me votimin”, tha zoti Wray, duke u bërë jehonë garancive të dhëna nga zyrtarë të lartë amerikanë të rendit dhe zbulimit, të cilët folën me gazetarët muajin e kaluar.

Drejtori i FBI-së tha se është më i shqetësuar për valën e keqinformimeve nga Rusia dhe të tjerë, që kanë në shënjestër votuesit amerikanë.

“Shqetësimi im më i madh është breshëria e keqinformimit dhe amplifikimi i ndërhyrjeve më të vogla kibernetike. Druhem se me kalimin e kohës këto do të kontribuojnë tek gërryerja e besimit e votuesve amerikanë”, tha zoti Wray.

“Një përshtypje e tillë do të ishte perceptim, jo realitet. Mendoj se amerikanët mundet dhe duhet të kenë besim tek sistemi ynë i zgjedhjeve dhe tek demokracia jonë”, shtoi ai. zëri i amerikës

SHBA: E pakuptueshme zvarritja e gjykimit për rastin e djegies së ambasadës në Beograd

Djegia e ambasadës amerikane në Beograd më 2018.

Ambasada e Shteteve të Bashkuara në Beograd i tha Radios Evropa e Lirë (RFE) se është “vështirë për Shtetet e Bashkuara të kuptojnë pse nuk është vendosur ende drejtësia” për rastin e djegies së ambasadës gjatë trazirave të muajit shkurt të vitit 2008 në Beograd.

“Është e rëndësishme të theksojmë faktin se disa individë nuk kanë përmbushur detyrat e tyre ligjore. Kjo vlen edhe për policinë serbe që u tërhoqën nga pozicionet e tyre pranë ndërtesës së ambasadës pak para sulmit. Është gjithashtu jetike të zbulohet se cilat autoritete mund të jenë përfshirë në këtë akt të paligjshëm me pasoja kaq tragjike”, tha ambasada amerikane në një deklaratë për Radion Evropa e Lirë.

Gjyqi ndaj pesë drejtuesve të policisë, para Gjykatës së Lartë në Beograd, të akuzuar për dështim në ofrimin e sigurisë për Ambasadën e SHBA-së, u anulua më 17 shtator, për shkak të detyrimeve zyrtare të gjyqtarit të përkohshëm.

Gjyqi do të vazhdojë të premten më 18 shtator.

Radio Evropa e Lirë e ka parë aktakuzën, ndaj pesë oficerëve të lartë të policisë.

Ata akuzohen për veprim serioz kundër sigurisë publike. Sidoqoftë, aktakuza nuk shqyrton përgjegjësinë e mundshme politike për trazirat që ndodhën pas shpalljes së pavarësisë së Kosovës.

Gjyqi i oficerëve të policisë është shoqëruar me disa shtyrje të seancave dhe ndryshime në aktakuzë. Gjyqi filloi pas seancave përgatitore në qershor të këtij viti.

“Tani që gjyqi për zjarrvënien në Ambasadën e SHBA-së është riaktivizuar, pas kaq shumë vitesh vonesash të pakuptueshme, Shtetet e Bashkuara theksojnë rëndësinë e sjelljes para drejtësisë të atyre, veprimet ose mosveprimet e të cilëve, kishin pasoja kaq të tmerrshme, përfshirë vdekjen tragjike të një shtetasi serb, si dhe dëmin e madh që zjarri i shkaktoi ambasadës sonë”, thuhet në deklaratë.

Rasti i djegies së ambasadës, së bashku me çështjen ende të pazgjidhur të vrasjes së vëllezërve Bytyqi, shtetasve amerikanë me origjinë shqiptare, konsiderohet si një pengesë serioze për përmirësimin dhe normalizimin e plotë të marrëdhënieve midis Serbisë dhe Shteteve të Bashkuara.

Agron, Mehmet dhe Yll Bytyqi, shtetas amerikanë, me prejardhje nga Kosova, janë arrestuar në vitin 1999 në Serbi, për shkak të, siç kanë thënë zyrtarët serbë, kalimit të paligjshëm të kufirit.

Ata janë liruar nga burgu pasi janë dënuar dhe më pas janë vrarë. Trupat e tyre janë gjetur në një varr masiv, pranë Petrovo Sellos në lindje të Serbisë, në vitin 2001.

Akuzë ndaj një shqiptaro amerikani për mbështetje të ISIS-it

Departamenti amerikan i Drejtësisë tha se të mërkurën në gjykatën federale të Qarkut të Kolumbisë është hapur akuza ndaj Lirim Sylejmanit, shtetas i natyralizuar amerikan i lindur në Kosovë, për komplot për t’i ofruar mbështetje Shtetit Islamik të Irakut dhe Sirisë (ISIS), një organizatë e huaj terroriste dhe trajnim nga kjo organizatë.

Sylejmani ishte arrestuar nga Forcat Demokratike të Sirisë (SFD) dhe së voni i është dorëzuar Byrosë Federale të Hetimeve (FBI). Sylejmani bëri paraqitjen e tij fillestare në Gjykatën e Qarkut të në Uashington.

“Shtetet e Bashkuara janë të përkushtuara për të mbajtur përgjegjës ata që janë larguar nga ky vend për t’u bashkuar me ISIS-in”, tha ndihmës Prokurori i Përgjithshëm John C. Demers. “Dua të falënderoj agjentët, analistët dhe prokurorët e përfshirë për përpjekjen e tyre për ta vënë të pandehurin para përgjegjësisë për veprimet e tij”, tha ai

“I pandehuri është një qytetar amerikan i cili braktisi vendin që e mirëpriti për t’u bashkuar me ISIS-in në Siri” deklaroi Ushtruesi i Detyrës së Prokurorit të Shteteve të Bashkuara, Michael Sherëin. “Ai tani do të jap llogari për veprimet e tij në një gjykatë amerikane. Prokurorët dhe partnerët tanë të zbatimit të ligjit, do të vazhdojnë të na sigurojnë që ata që kërcënojnë vendin tonë të ndiqen penalisht me forcën e plotë të ligjit”, tha ai.

“Luftimi i terrorizmit mbetet përparësia kryesore e FBI-së dhe ne do të vazhdojmë të punojmë me partnerët tanë amerikanë dhe të huaj në të gjithë botën në këtë mision”, tha Jill Sanborn, Ndihmës Drejtor i Divizionit Kundër Terrorizmit të FBI-së. “Njoftimi i sotëm duhet të shërbejë si një paralajmërim për ata që kanë udhëtuar ose kanë provuar të udhëtojnë, për t’u bashkuar me ISIS-in që FBI-ja mbetet e palëkundur në synimin që ata të përballen me drejtësinë”, tha ai.

“Njoftimi i sotëm nënvizon angazhimin e FBI-së për të luftuar terrorizmin në gjithë botën. Sylejmani dyshohet se ka udhëtuar në Siri me synimin për t’u bashkuar, stërvitur dhe luftuar në emër të ISIS-it”, tha Matthew R. Alcoke, Agjent Special i Përgjegjshëm i Divizionit Kundër Terrorizmit të FBI-së në Washington.

Sipas pretendimeve të aktakuzës, nga nëntori i vitit 2015 deri në shkurt të vitit 2019, Sylejmani komplotoi për të siguruar dhe siguroi mbështetje materiale dhe burime, përfshirë personel dhe shërbime për ISIS-in në Siri dhe u trajnua ushtarakisht nga organizata terroriste. I pandehuri u kap nga SDF-ja në vitin 2019 dhe ka folur me një numër mediesh për kohën e tij të kaluar në ISIS, thuhet në njoftim në të cilin theksohet se pretendimet janë thjeshtë akuza dhe i pandehuri është i pafajshëm derisa nuk vërtetohet fajësia e tij. zëri i amerikës

Meliza Haradinaj: Vuçiç shkeli marrëveshjen e ndërmjetësuar nga Presidenti Trump

Ministrja e Jashtme e Kosovës Meliza Haradinaj ka lajmëruar me një tweet shqetësimin e qendrimit destruktiv të presidentit të Serbisë Aleksandër Vuçiç.

Zonja Haradinaj shkruan në Tweet: “Kosova ndjek me shqetësime të mëdha veprime destruktive të presidentit serb Aleksandër Vuçiç për shkeljen e pikës të 15-të të marrëveshjes të nënshkruar me ndërmjetësimin e Presidentit Donald Trump.

Vuçiç falenderoi falënderoi Ambasadorin e Palestinës Mohamed Nabhan për qëndrimin “parimor për mosnjohjen e Kosovës.”

Fatkeqësisht, Serbia mbetet një partner jo i besueshëm!”

Pas takimit me Presidentin Serb Aleksandar Vuçiq me Ambasadorin e Palestinës në Beograd, Mohamed Nabhan më 15 shtator, presidenca serbe lëshoi një komunikatë ku midis të tjerave thuhet: “Presidenti Vuçiq e falënderoi udhëheqjen palestineze për mbështetjen e saj politike për sovranitetin dhe integritetin territorial të Serbisë dhe për qëndrimin e saj parimor ndaj mosnjohjes së pavarësisë së shpallur në mënyrë të njëanshme të Kosovës”.

SHBA, nënshkruhen marrëveshjet e normalizimit të marrëdhënieve Izrael-Emirate-Bahrein

Presidenti Donald Trump udhëhoqi ceremonitë e nënshkrimit të marrëveshjeve historike diplomatike mes Izraelit dhe dy vendeve arabe të Gjirit që mund të paralajmërojnë një ndryshim dramatik në dinamikat e Lindjes së Mesme dhe t’i japin atij një shtysë përpara për zgjedhjet e nëntorit. Në një ceremoni të martën në Shtëpinë e Bardhë, Presidenti Trump priti më shumë se 700 mysafirë të pranishëm në nënshkrimin e marrëveshjeve mes Izraelit, Emirateve të Bashkuara Arabe dhe Bahreinit. Presidenti Trump dhe aleatët e tij shpresojnë se ky rast do të theksojë aftësitë e zotit Trump si paqebërës në kulmin e fushatës së tij për rizgjedhje.

Marrëveshjet janë quajtur “Marrëveshjet e Abrahamit” për nder të patriarkut të tre feve kryesore monoteiste të botës. Presidenti Trump pritet të nënshkruajë si dëshmitar. Marrëveshjet nuk u japin fund luftërave aktive, por zyrtarizojnë normalizimin e marrëdhënieve tashmë të ngrohta të shtetit hebre me të dy vendet. Ndërsa nuk trajtojnë konfliktin e gjatë izraelo-palestinez, ato mund t’i hapin rrugën një afrimi më të gjerë arabo-izraelit pas dekadash armiqësie.

Skeptikët, përfshirë shumë vëzhgues të Lindjes së Mesme, mes tyre analistë, ekspertë dhe ish-zyrtarë, kanë shprehur dyshime në lidhje me ndikimin e marrëveshjeve. Ata thonë se marrëveshjet injorojnë palestinezët, të cilët i kanë refuzuar ato, duke i cilësuar si një thikë pas shpinë nga vendet e tyre partnere arabe.

Ish-Nënpresidenti Joe Biden, rivali demokrat i Presidentit Trump, tha se ai mbështet qëndrimet që më shumë vende të normalizojnë marrëdhëniet me Izraelin si përgjigje ndaj një pyetje të bërë se fundmi nga Zëri i Amerikës, por ai shtoi se beson se “Izraeli duhet të jetë i përgatitur të punojë drejt një zgjidhje të sinqertë, me dy shtete” me palestinezët.

SHBA, gjykata rrëzon udhëzimin e ri të Presidentit mbi censusin

Një trupë gjykuese shpalli të enjten si të paligjshëm një udhëzim të Presidentit Donald Trump për të përjashtuar ata persona që ndodhen në mënyrë të paligjshme në Shtetet e Bashkuara nga përfaqësimi në Kongres me nisjen e procesit të ndarjes së vendeve për organin legjislativ. Vendimi i tre gjyqtarëve, i cili mund të apelohet në Gjykatën e Lartë, është një fitore për 38 shtete, qytete e ndarje më të vogla administrative, përfshirë disa organizata jofitimprurëse për të drejtat e emigrantëve, të cilat ankimuan udhëzimin më 21 korrik.

Paditësit kryesisht me prirje demokrate, të udhëhequr nga shteti i Nju Jorkut, akuzuan Presidentin republikan se kishte një qëllim “ksenofobik” sic e quajtën ata me nxjerrjen e një direktive antikushtetuese që sipas tyre reflektonte “frymë diskriminuese” ndaj komunitetit hispanik dhe komuniteteve të tjera emigrante. Ata thanë se direktiva mund të linte me miliona njerëz të panumëruar e të zhvendoste disa vende të Dhomës së Përfaqësuesve duke dëmtuar potencialisht shtete si Kalifornia, Teksasi dhe Nju Xhersi.

Shtëpia e Bardhë dhe Departamenti i Tregtisë, i cili mbikëqyr regjistrimin, nuk iu përgjigjën menjëherë kërkesave për komente.

Në vendimin e tij prej 86 faqesh, grupi i gjykatësve tha se zoti Trump e tejkaloi autoritetin e tij ligjor me urdhëzimin e dhënë. Aty thuhej se ligji federal kërkon përdorimin e një grupi të dhënash për të numëruar popullsinë për qëllime regjistrimi dhe ndarjeje të numrit të vendeve në Kongres dhe se për sa kohë që ata (migrantët) banonin në Shtetet e Bashkuara “të huajt e paligjshëm kualifikohen si persona brenda shtetit”, të cilët duhet të numërohen.

“Presidenti duhet të veprojë në përputhje dhe brenda kufijve të autoritetit që i ka dhënë Kongresi“, thuhej në vendimin e gjykatësve. “Ne kemi dalë në përfundimin se presidenti nuk e ka bërë një gjë të tillë“.

Vendimi i së enjtes është një pengesë e re ligjore lidhur me regjistrimin popullsisë për zotin Trump, i cili e ka kthyer çështjen e frenimit të imigracionit në qendër të presidencës së tij dhe fushatës për t’u rizgjedhur.

Udhëzimi vjen një vit pasi Gjykata e Lartë bllokoi përpjekjen e tij për të shtuar një pyetje mbi shtetësinë në formularin e regjistrimit të popullsisë.

“Përpjekjet e përsëritura të Presidentit Trump për të penguar, dëmtuar dhe paragjykuar një regjistrim të saktë dhe ndarjen që pason (për vendet në Kongres) dështuan edhe një herë“, tha në një deklaratë Prokurorja e Përgjithshme e Nju York-ut Letitia James.

Në mbrojtje të udhëzimit, avokatët qeveritarë thanë se presidenti Trump gëzonte mundësi të gjera për të vendosur se kush do të numërohej dhe se ishte spekulativ çdo pohim se ai po përpiqej të krijonte ndonjë dëm.

Por paditësit thanë se direktiva do të shkaktonte një dëm të pariparueshëm duke shkurajuar familjet e migrantëve të merrnin pjesë në procesin e regjistrimit dhe do të zvogëlonte fuqinë politike. Të dhënat e regjistrimit përdoren gjithashtu për shpërndarjen e miliarda dollarëve në fonde federale.

“Ligji është i qartë, çdo person duhet të numërohet“, tha avokati i Bashkimit Amerikan për Liritë Civile Dale Ho, i cili përfaqësoi organizatat jofitimprurëse. Trupa gjykuese përbëhej nga gjyqtarët e qarkut Richard Wesley dhe Peter Hall, të dy të emëruar nga Presidenti republikan George W. Bush dhe gjykatësi i rrethit Jesse Furman, emëruar nga Presidenti demokrat Barack Obama. zëri i amerikës

Mbi gjysmë milioni njerëz ikin nga zjarret “e papara” në Oregon të SHBA-së

Më shumë se gjysmë milioni njerëz në Oregon të Shteteve të Bashkuara janë duke u larguar nga zjarret vdekjeprurëse që kanë përfshirë Paqësorin Veriperëndimor, thanë autoritetet.

Zjarret po ndiqen edhe nga erëra të forta dhe thatësira.

Guvernatorja e shtetit, Kate Brown, tha se numri i saktë i viktimave nuk dihet ende, ndonëse janë konfirmuar katër.

Ato përfshijnë një djalë 12 vjeç dhe gjyshen e tij.

“Ne nuk kemi parë kurrë këtë sasi zjarresh në shtet. Kjo nuk do të jetë një ngjarje e njëhershme. Për fat të keq, është zile e së ardhmes. Ne jemi duke ndjerë ndikimet akute të ndryshmeve të klimës”, tha Brown.

Një nga zjarret më shkatërruese, Almeda, i cili filloi në Ashland, afër kufirit me Kaliforninë, është duke u trajtuar nga policia si i dyshimtë.

Më shumë se 100 zjarre aktualisht janë duke djegur 12 shtete perëndimore të SHBA-së.

Më të goditurat janë Oregoni, Kalifornia dhe Uashingtoni. rel

SHBA shënon 19-vjetorin e sulmeve të 11 shtatorit

Nju Jork, 11 shtator, 2001.

Shtetet e Bashkuara shënojnë sot përvjetorin e 19-të të sulmeve të 11 shtatorit me disa homazhe.

Presidenti Donald Trump dhe sfiduesi i tij demokrat, Joe Biden, planifikojnë të vizitojnë Memorialin Kombëtar të Fluturimit 93 në Pensilvani, edhe pse jo në të njëjtën kohë.

Për shkak të koronavirusit, Memoriali dhe Muzeu Kombëtar i 11 Shtatorit në Nju Jork e anuluan traditën e tubimit të të afërmve të viktimave, që lexojnë me zë emrat e të vdekurve.

Në vend të kësaj, familjarët do të ofrojnë zërat e tyre të incizuar.

Sulmet e 11 shtatorit, 2001, kanë lënë të vrarë afro 3,000 njerëz.

Rrëmbyesit e aeroplanëve kanë goditur Qendrën Tregtare Botërore në Nju Jork, Pentagonin dhe një hapësirë në Pensilvani.

Këto kanë qenë sulmet më vdekjeprurëse në tokën amerikane.

SHBA-ja më pas ka pushtuar Afganistanin dhe më vonë Irakun. rel

Përkujtimi i sulmeve të 11 shtatorit në kohë pandemie

Memoriali i ndërtuar në Nju Jork për nder të viktimave të 11 shtatorit të vitit 2001.

Qyteti i Nju Jorkut do të zhvillojë ceremoninë vjetore të përkujtimit të gati 3 000 personave, që kanë vdekur si pasojë e sulmit më të madh terrorist në historinë amerikane, përmes një minuti heshtjeje në kohën e saktë kur xhihadistët e Al-Kaidës kanë sulmuar me dy aeroplanë, kullat e Qendrës Botërore të Tregtisë.

Nju Jork, Shtetet e Bashkuara:

Ndërkohë që krimi po rritet, dyqanet dhe apartamentet po zbrazen dhe njerëzit e pastrehë shihen rrugëve, Nju Jorku të premten do të shënojë 19-vjetorin e sulmeve terroriste të 11 shtatorit, ndërkohë që përballet me pandeminë me koronavirus dhe me mospajtime me Shtëpinë e Bardhë.

Në vend të mbajtjes së fjalimeve për të vdekurit, familjet e viktimave kanë incizuar veten paraprakisht. Thirrjet e tyre do të prezantohen në “nivelin zero” të memorialit.

Muzeu që nderon viktimat do të hapet për herë të parë prej kur koronavirusi ka bllokuar qytetin në muajin mars.

Pothuajse dy dekada pas sulmeve, 11 shtatori vazhdon të mbetet sinonim i heroizmit dhe qëndrueshmërisë së Nju Jorkut.

Liderët e qytetit kanë vënë në pah këtë të fundit edhe në muajt e kaluar, pasi shkalla e infektimit me koronavirus – që ka lënë të vdekur 23,000 persona në këtë qytet, njëherësh epiqendrën e hershme të këtij virusi në Shtetet e Bashkuara – është ulur në gati nën 1 për qind.

Guvernatori i shtetit të Nju Jorkut, Andrew Cuomo ka thënë të martën se qëndrueshmëria e banorëve të Nju Jorkut pritet të testohet sërish nga efektet sociale dhe ekonomike të pandemisë me koronavirus.

Zyra bosh deri më 2021?

Gale Brewer, presidente e rrethit të Mentahtën, ka thënë se ishulli i njohur për energjinë e tij, tani përballet me një varg problemesh.

Disa prej tyre janë drejtpërdrejt të lidhura me pandeminë: pothuajse të gjithë punëtorët me këmisha të bardha, sikurse punëtorët e bankave, tregtarët dhe punëtorët e sigurimeve shëndetësore, kanë punuar nga shtëpitë prej muajit mars. Kjo gjë ka ndikuar në zbrazje të Menhatënit, duke lënë mijëra dyqane dhe restorante të vogla pa konsumatorë.

Boris Tulchinskiy, inxhiner, 26-vjeçar, ka thënë se i mungon Menhatën, mirëpo beson se “do të vazhdojë të punojë nga shtëpia”, në Nju Xhersi, deri në korrik të vitit 2021.

Nëse më shumë se 60 milionë turistë, që kanë vizituar Nju Jorkun çdo vit, kanë ikur, njëjtë ka ndodhur edhe me vetë banorët e Nju Jorkut, mijëra prej të cilëve kanë lënë qytetin.

Të paktën 35,000 persona janë larguar nga Mentahtën, bazuar në kërkesat për votim përmes postës në zgjedhjet presidenciale të muajit nëntor, ka thënë Brewer.

Shumë biznese tani janë mbyllur: në mes të vitit 2017 deri më 2020, numri i hapësirave të lira komerciale pothuajse është dyfishuar, mbi 78 për qind, ka thënë ajo.

Personat e pastrehë tani janë më të dukshëm për shkak të mbylljes së shumë strehimoreve për shkaqe shëndetësore, dhe transferimit të gati 31,000 personave në hotele të zbrazëta të Menhatënit.

Rritja e dhunës në familje dhe e të shtënave me armë zjarri – mbi 47 për qind dhe 166 për qind në muajin gusht, në krahasim me vitin paraprak – është një prej aspekte kyçe të krizës me të cilën po përballet ky qytet.

E përditshmja amerikane, New York Times ka raportuar që edhe pse shifrat e dhunës janë shumë më të vogla sesa ato të viteve 1970/80, Nju Jorku, që dikur është krenuar se është një prej qyteteve më të sigurta, tani është kthyer në nivelet e vitit 2012 sa i përket krimit.

Trump synon “të vrasë Nju Jorkun”

“Nuk mund t’ju tregoj se sa telefonata pranoj nga njerëzit, sidomos për qytetin e Nju Jorkut, të cilët janë tejet të shqetësuar për degradimin e këtij qyteti”, ka thënë guvernatori Cuomo, transmeton agjencia e lajmeve AFP.

Edhe pse ky qytet tregon shenja të ringjalljes – që përfshijnë hapjen e muzeve në fund të muajit gusht, dhe hapjen e restoranteve në ambiente të jashtme –normalizimi i plotë mund të marrë tre vjet, ka thënë Brewer, duke cituar shifrat e agjentëve të shitjes.

Në të njëjtën kohë, dhe më pak se dy muaj nga gara zyrtare për president të SHBA-së, kriza është kthyer në fokus të mospajtimeve me presidentin republikan, Donald Trump.

Presidenti amerikan, që ka lindur në Nju Jork, dhe ka bërë emër me kompanitë e tij atje, insiston se rritja e krimit në bastionin e demokratëve ka të bëjë me mungesën e kompetencës së liderëve në këtë vend.

Të martën ai ka akuzuar sërish kryetarin dhe guvernatorin e këtij shteti për “shkatërrim” të qytetit.

Zyrtarët e Nju Jorkut në anën tjetër janë kritikuar Trumpin që ka refuzuar të miratojë dhënien e fondeve federale për t’i ndihmuar qytetit në ditët më të rënda.

“Trump është duke tentuar ta vrasë qytetin e Nju Jorkut. Është personale. Mendoj se është psikologjike”, ka thënë Cuomo.

“Ai po tenton të vrasë qytetin e Nju Jorkut”.

Përgatiti: Krenare Cubolli

SHBA: Kongresi, thirrje Presidentit Trump të hetojë helmimin e Navalnit

Në SHBA, drejtuesit kryesorë demokratë dhe republikanë në Komisionin e Punëve të Jashtme të Dhomës së Përfaqësuesve i bënë thirrje Presidentit Donald Trump të hetojë helmimin e udhëheqësit rus të opozitës Aleksej Navalni.

Në një letër dërguar Presidentiit Trump, demokrati Eliot Engel, kryetar i komisionit dhe republikani Michael McCaul, numri dy i komisionit, i kërkojnë administratës të nisë një hetim mbi sulmin ndaj zotit Navalni, duke thënë se mund të jetë e nevojshme që ndaj Moskës të ndërmerren sanksione.

Aleksej Navalni, një kritik i njohur i Presidentit Vladimir Putin, u sëmur më 20 gusht gjatë një fluturimi me avion brenda Rusisë dhe më pas u transferua në Gjermani për mjekim.

Qeveria gjermane tha më 2 shtator se rezultatet e toksikologjisë tregojnë se 44-vjeçari ishte helmuar me agjentin nervor Novichok të stilit sovjetik.

Kremlini ka mohuar çdo përfshirje në helmim dhe ka hedhur poshtë çdo akuzë për krim.

Të martën, përfaqësuesit e G-7s dënuan “helmimin e konfirmuar” të Navalnit, sipas një deklarate të lëshuar nga Departamenti amerikan i Shtetit. zëri i amerikës

SHBA paralajmëron hapjen e zyrës në Beograd për nisje të “projekteve kyçe të normalizimit ekonomik”

Adam Boehler, udhëheqës i Korporatës Ndërkombëtare të Shteteve të Bashkuara për Zhvillim Financiar ka thënë se më 22 shtator të këtij viti do të dërgojë në Beograd një delegacion të nivelit të lartë për të hapur zyrën e këtij trupi atje.

Ai ka thënë se ka marrë këtë vendim pas marrëveshjes së arritur më 4 shtator në mes të Kosovës dhe Serbisë në Shtëpinë e Bardhë.

Boehler ka thënë se menjëherë do të fillojë puna për projektet kyçe të normalizimit ekonomik.

Në mesin e pikave të marrëveshjes është arritur pajtueshmëri që Kosova (Prishtina) dhe Serbia (Beogradi) do të punojnë me Korporatën Ndërkombëtare të SHBA-së për Zhvillim Financiar dhe EXIM, në memorandumet e mirëkuptimit, për të operacionalizuar këto:

-Autostradën e paqes

-Lidhjen hekurudhore Prishtinë-Merdare

-Lidhjen hekurdhore Nish-Prishtinë

-Sigurimin e financave për mbështetjen e kredive që kërkohen për ndërmarrjet e vogla dhe të mesme

-Projekte shtesë dypalëshe

-Prani e plotë ndërkombëtare në Beograd, Serbi, e Korporatës Ndërkombëtare të SHBA-së për Zhvillim Financiar.

Kryeministri i Kosovës, Avdullah Hoti dhe presidenti i Serbisë, Aleksandar Vuçiq, në prani të presidentit të Shteteve të Bashkuara, Donald Trump, kanë nënshkruar marrëveshje për normalizim ekonomik.

Me këtë marreveshje, Kosova është pajtuar që brenda një viti të mos kërkojë anëtarësim në organizata ndërkombëtare, kurse Serbia në anën tjetër, është pajtuar që brenda një viti të ndalë fushatën për çnjohjen e pavarësisë së Kosovës.

Në bazë të marrëveshjes, Kosova do t’i bashkohet “zonës së mini-Schengenit”, që është krijuar më 2019 dhe ku tashmë marrin pjesë, Serbia, Shqipëria dhe Maqedonia e Veriut.

Në marrëveshje gjithashtu përmendet edhe Liqeni i Ujmanit, ku thuhet se palët do të punojnë me Departamentin amerikan të Energjisë për një studim fizibiliteti, me qëllim të përdorimit të përbashkët të këtij liqeni, si furnizues i sigurt i ujit dhe energjisë.

Po ashtu, aty parashihet që Kosova dhe Serbia të përshpejtojnë përpjekjet për të lokalizuar dhe identifikuar mbetet e personave të humbur. rel

Kaliforni, 8 000 kilometra katrore të përfshira nga zjarret, një rekord që prej 1987

Zjarret kanë shkatërruar më shumë se 8 000 kilometra katrore në Kaliforni, rreth 80 herë sa sipërfaqja e Parisit, duke detyruar shumë banorë të largohen si pasojë e këtyre zjarreve që kanë arritur përmasa të pazakonta që prej vitit 1987, theksuan zjarrfikësit.

“Është hera e parë në 33 vjet që janë tejkaluar dy milionë hektarë, rreth 8 000 kilometra katrore”, deklaroi Lynne Tolmachoff, zëdhënëse e zjarrfikësve.

“Është thjesht një rekord dhe ne jemi ende larg fundit të sezonit të zjarreve”, shtoi ajo.

Në të gjithë pjesën jugore të Kalifornisë është dhënë urdhri për evakuimin e popullsisë nga vendbanimet e tyre.

Në veri të Kalifornisë, më shumë se 200 persona janë evakuar me helikopter nga ushtria për t’i shpëtuar një zjarri që po përhapej me shpejtësi.

Biden e quan pozitiv normalizimin e raporteve të Kosovës me Izraelin

Kandidati demokrat për President të Shteteve të Bashkuara të Amerikës, Joe Biden, e ka quajtur hap pozitiv normalizimin e raporteve të Kosovës me Izraelin, raporton Express.

I pyetur rreth marrëveshjes së ndërmjetësuar nga Trumpi gjatë një konference për gazetarë të premten, i nominuari i Partisë Demokratike për president të ardhshëm, Joe Biden, refuzoi ta gjykojë marrëveshjen pa i ditur të gjitha hollësitë, por tha se normalizimi me Izraelin i duket pozitiv.

“Unë mendoj se normalizimi i raporteve mes vendeve është në përgjithësi një gjë e mirë. Të kesh një vend me shumicë myslimane që i normalizon marrëdhëniet me Izraelin, në kuptim të përgjithshëm, mua më duket pozitive.

Ndryshe, Presidenti i Shteteve të Bashkuara, Donald Trump njoftoi të premten se Kosova dhe Izraeli janë pajtuar që të normalizojnë raportet dhe të vendosin marrëdhënie diplomatike.

Këtë deklaratë ai e bëri në Shtëpinë e Bardhë, ku u nënshkrua marrëveshja për normalizimin ekonomik ndërmjet Kosovës dhe Serbisë.

Kjo marrëveshje, u nënshkrua kryeministri i Kosovës Avdullah Hoti dhe presidenti serb, Aleksandar Vuçiq në Zyrën Ovale në prani të presidentit amerikan, Donald Trump.

SHBA: COVID-19, parashikimi agresiv: 410 mijë të vdekur deri më një janar

Më shumë se 410 mijë amerikanë mund të vdesin nga COVID-19 deri më 1 janar të vitit 2021, sipas modelit të fundit të zhvilluar nga Instituti i universitetit të Uashingtonit mbi Metrikën dhe Vlerësimin e Shëndetit (IHME), një institut kërkimor që punon në fushën e statistikave globale të shëndetit dhe vlerëson ndikimin e tyre.

Shtetet e Bashkuara raportuan më shumë se 188,500 vdekje të dielën dhe më shumë se 6,2 milionë raste të konfirmuara me koronavirus, sipas të dhënave të universitetit Johns Hopkins. Nëse modeli IHME-së, i publikuar të premten, është i saktë, kjo do të nënkuptojë se përgjatë më shumë se tre muajve të ardhshëm do të shënoheshin rreth 222 mijë vdekje.

“Ne presim që niveli ditor i vdekjeve në Shtetet e Bashkuara, për shkak të sezonit dhe vigjilencës në rënie të publikut, të arrijë gati 3,000 në ditë në muajin dhjetor“, thanë përfaqësues të këtij insituti, që e konsideron veten si një qendër e pavarur kërkimore.

Më parë u parashikuan 317,697 vdekje deri më 1 dhjetor.

Sidoqoftë, studiuesit në IHME-së thanë se nëse përdorimi i maskave do të bëhej gati i përgjithshëm, 222 mijë vdekjet e parashikuara mund të përgjysmoheshin. Anasjelltas nëse lehtësohen kufizimet, shifra do të ishte shumë më e lartë deri në vitin e ri.

“Rritja e përdorimit të maskave në nivelet që shihen në Singapor do të ulte numrin e vdekjeve në 288 mijë ose do të shpëtoheshin 122 mijë jetë njerëzish. Nëse nuk do të ketë asnjë ndërhyrje të mëtejshme të qeverisë duke filluar nga tani deri në 1 janar, numri i të vdekurve mund të rritet në 620 mijë“, bëri të ditur IHME-ja.

Modeli IHME-së është një nga më agresivët krahasuar me 35 modele të përdorura për të parashikuar vdekjet nga COVID-19. Sipas parashikimit të Qendrave për Kontrollin dhe Parandalimin e Sëmundjeve, i cili u publikua të enjten, deri më 26 Shtator numri i vdekjeve në SHBA do të arrinte në 211 mijë. Parashikimi i këtij modeli në rang botëror ishte edhe më i rëndë, sipas të cilit vdekjet do të trefishoheshin në 2.8 milionë deri në 1 janar 2021.

India raportoi 86,432 raste të reja COVID-19 të shtunën, duke çuar numrin total të infeksioneve në mbi 4,1 të dielën sipas universitetit Johns Hopkins. SHBA udhëheq botën për nga numri i infeksioneve me COVID me mbi 6.2 milionë raste ndërsa Brazili renditet i dyti me mbi 4.1 milionë raste. Koronavirusi ka krijuar probleme të mëdha në disa zona në Meksikë aq sa qeverive lokale u kanë mbaruar çertifikatat e vdekjes.

Zyrtarët meksikanë njoftuan se janë shtypur një milion formularë të rinj.

Meksika ka regjistruar mbi 67 mijë vdekje si pasojë e COVID-19, duke e radhitur atë pas SHBA-së, Brazilit dhe Indisë për nga numri i vdekjeve si pasojë e pandemisë. SHBA ka regjistruar 188,554 vdekje, Brazili 126,203 dhe India ka 70,626, tha Johns Hopkins.

Organizata “Amnesty International” njoftoi këtë javë se 1,320 punonjës të shëndetësisë në Meksikë kanë vdekur si pasojë e koronavirusit, shifrat më të larta se çdo vend tjetër i botës. Në përgjithësi, të paktën 7 mijë punonjës të shëndetësisë kanë vdekur nga virusi.

Sipas një analize që agjencia “Reuters” u ka bërë të dhënave të qeverisë meksikane, punonjësit e kujdesit shëndetësor në atë vend kanë katër herë më shumë gjasa të vdesin sesa punëtorët e këtij sektori në SHBA.

Rastet e reja me koronavirus vazhdojnë të shfaqen në Korenë e Jugut, vend që për një farë kohe u duk se e kishte bllokuar virusin. Autoritetet njoftuan të shtunën se 115 nga 168 rastet e reja u shfaqën në Seul.

Zelanda e Re njoftoi të shtunën se kishte regjistruar vdekjen e saj të 24-të nga COVID-19. Joseph Williams, me profesion mjek dhe ish-kryeministër i ishujve Cook, u bë viktima e 24-të. zëri i amerikës

Joe Biden denoncon Presidentin Trump për komentet që duket se nxisin votimin dy herë

Presidenti Donald Trump shkaktoi debat këtë javë, kur u duk se nxiti përkrahësit e tij të votojnë dy herë: me postë dhe në qendrat e votimit, për të vënë në provë sistemin zgjedhor dhe për të garantuar që vota e tyre llogaritet. Votimi më shumë se një herë është i paligjshëm dhe komentet e presidentit u denoncuan nga kritikët, përfshirë nga rivali i tij demokrat, Joe Biden. Korrespondentja e Shtëpisë së Bardhë, Patsy Widakuswara njofton nga shteti i zotit Biden, Delauer.

Përkrahësit e zotit Trump ishin të entusiazmuar gjatë një tubimi në Uilmington të Karolinës së Veriut, ku presidenti amerikan u duk se bëri një sugjerim të debatueshëm, për të votuar me postë dhe për të shkuar më pas në një qendër votimi dhe ndoshta për të votuar përsëri.

“Dhe nëse ditën e zgjedhjeve apo votimet para datës së zgjedhjeve, vota nuk është llogaritur, shkoni votoni. Dhe nëse për ndonjë arsye, vota e dërguar arrin, nuk do të mund ta llogarisin sepse do të keni votuar njëherë. Por duhet të siguroheni që vota juaj llogaritet”, tha ai.

Zoti Trump, që ka thënë më parë se votimi me postë shkakton manipulim, e përsëriti mesazhin e tij, në disa postime në Twitter, për të cilat rrjeti social tha se shkelin politikën e tij për Integritetin Qytetar, pasi “nxit njerëzit që ndoshta të votojnë dy herë”.

Votimi më shumë se një herë është i paligjshëm në Shtetet e Bashkuara. Shumë shtete po nxisin votimin me postë, si një metodë e sigurt dhe e parrezikshme gjatë pandemisë.

Komentet e zotit Trump u dënuan nga kritikët, përfshirë kandidatin demokrat për president, Joe Biden, që e akuzoi Presidentin se po sabotonte sistemin zgjedhor amerikan.

“Mendoj se qëllimi është të krijohet aq shumë kaos saqë cilido qoftë rezultati i zgjedhjeve, ai të vihet në dyshim. Mendoj se kjo duhet të jetë arsyeja e tij, sepse ai thotë dhe bën gjëra që asnjë president amerikan në histori nuk i ka bërë. Dhe të gjithë ne mendojmë ‘ja edhe një gjë tjetër qesharake, e paligjshme që ai thotë”, tha zoti Biden.

Sekretarja e Shtypit e Shtëpisë së Bardhë, Kayleigh McEnany e mbrojti deklaratën e zotit Trump.

“Presidenti do që qytetarët ta ushtrojnë të drejtën e votës, jo t’u mohohet ajo. Këtë kishte parasysh me komentet që bëri”, tha ajo.

Por zyrtarët e zgjedhjeve dhe analistët janë të shqetësuar për efektin e mundshëm tek qendrat e votimit.

“Mendoj se presidenti dhe sekretarja e shtypit nuk e kuptojnë se ç’kaos do të shkaktonte paraqitja në qendrat e votimit e atyre që kanë votuar njëherë. Sepse qendrat a votimit nuk e kanë mundësinë që të merren me një fluks votash që duhet verifikuar. Do të thotë një proces më i gjatë dhe radhë më të gjata. Dhe ata individë nuk do ta marrin dot atë informacion që duan gjithsesi”, thotë Matthew Weil, drejtor i projektit për zgjedhje në Qendrën Dypartiake për Politika.

Facebook tha se do t’i heqë nga postimet videot e komenteve të zotit Trump për votimin dy herë, nëse postimet nuk shoqërohen me sqarime për rrezikun e manipulimit.

Trump: Marrëveshja Kosovë-Serbi, një hap i madh përpara

Presidenti amerikan, Donald Trump, tha se Serbia dhe Kosova ranë dakord të normalizojnë marrëdhëniet ekonomike, duke e cilësuar këtë si “një tjetër angazhim historik”.

Presidenti Trump i bëri komentet në një deklaratë për shtyp të premten, pas nënshkrimit të marrëveshjes mes dy vendeve në Shtëpinë e Bardhë.

Në dokumentin e nënshkruar në praninë e Presidentit Trump parashikohet vënia në jetë e lidhjeve rrugore dhe hekurudhore mes Prishtinës dhe Beogradit si dhe projekte të tjera me një vlerë të përgjithshme që, sipas kryeministrit të Kosovës, Avdullah Hoti e kalon shifrën 1 miliard euro.

“Pas një historie të dhunshme dhe tragjike dhe vitesh negociatash të dështuara, administrata ime propozoi një mënyrë të re për të kapërcyer ndarjen”, thuhet në deklaratën e presidentit Trump. “Duke u përqëndruar në krijimin e vendeve të punës dhe rritjen ekonomike, të dy vendet ishin në gjendje të arrijnë një përparim të vërtetë në bashkëpunimin ekonomik për një gamë të gjerë çështjesh”.

Presidenti Trump tha se me këtë marrëveshje është bërë gjithashtu përparim në arritjen e paqes në Lindjen e Mesme. Kosova dhe Izraeli kanë rënë dakord për normalizimin e marrëdhënieve dhe krijimin e lidhjeve diplomatike. Serbia është zotuar të hapë një zyrë tregtare në Jeruzalem këtë muaj dhe të zhvendosë ambasadën e saj në Jeruzalem deri në korrik.

“Është dashur një trimëri e jashtëzakonshme nga Presidenti Vuçiq i Serbisë dhe Kryeministri Hoti i Kosovës për të filluar këto bisedime dhe për të ardhur në Uashington për të finalizuar këto angazhime”, thuhet në deklaratën e presidentit Trump. “Në këtë mënyrë, ata i kanë bërë vendet e tyre, Ballkanin dhe botën më të sigurtë. Unë pres që të shoh Serbinë dhe Kosovën të përparojnë ndërsa ne punojmë së bashku për bashkëpunimin ekonomik në rajon në të ardhmen”, përfundon deklarata.

“Serbia dhe Kosova janë përkushtuar për normalizimin ekonomik”, tha presidenti Trump duke theksuar se “është një hap i madh përpara për të vendosur përparimin dhe paqen në Ballkan dhe në botë”.

Ai tha gjatë ceremonisë së nënshkrimit në Zyrën Ovale se Kosova dhe Izraeli janë pajtuar të vendosin marrëdhënieve diplomatike, ndërsa Serbia është zotuar ta lëvizë ambasadën e saj në Jerusalem.

Në një deklaratë pas njoftimit, Kryeministri izraelit Benjamin Netanyahu tha: “Kosova do të jetë vendi i parë me shumicë myslimane që hap ambasadë në Jeruzalem. Siç e kam përmendur ditët e fundit, rrethi i paqes dhe i njohjeve për Izraelin po zgjerohet dhe pritet t’i shtohen vende të tjera.”

Kryeministri i Kosovës, Avdullah Hoti, tha se marrëveshja me Serbinë është një hap i madh që duhet të çojë në njohjen e ndërsjellë ndërmjet të dyja vendeve.

Ndërsa presidenti serb, Aleksandër Vuçiç, tha se ka ende shumë dallime ndërmjet Serbisë dhe Kosovës, por ky është një hap i madh përpara.

Befasi në takim

Pas ditës së parë të bisedimeve mes Kosovës dhe Serbisë në Uashington, Presidenti i Serbisë, Aleksandër Vuçiç, tha se gjatë takimit, ishin paraqitur projekt-propozime që përfshinin njohjen e ndërsjellë dhe se ai e kishte refuzuar një gjë të tillë, ndërkohë që kryeministri Avdullah Hoti nuk u përgjigj nëse një gjë e tillë ishte propozuar por tha se “marrëveshje të dëmshme për Kosovën, të papranueshme për Kosovën, asnjëherë nuk ka ardhë dhe nuk do të vijë nga Shtëpia e Bardhë”.

Ambasadori Richard Grenell, i dërguar i posaçëm i presidentit Donald Trump për bisedimet Kosovë – Serbi, mohoi të jetë shtruar në tryezën e bisedimeve çështja e njohjes së ndërsjellë, pasi një gjë të tillë e tha fillimisht për mediat, Ministri serb i Financave, Sinisa Mali.

Ambasadori Grenell i tha portalit “Newsmax” se “nuk ka bisedime, që nuk kanë ndonjë befasi, të cilat janë gjithmonë të mira. Ato ushtrojnë trysni mbi të dyja palët që të bëjnë më shumë. Pra, po, kemi paraqitur disa befasi, por mendoj që asnjëra palë nuk ishte aq e befasuar. Ndonjëherë bëhen para medieve se kjo është befasi më e madhe se sa që është. Të dyja palët janë njoftuar dhe mendoj që kemi shënuar përparim dhe shpresoj për një zgjidhje”, tha ai.

Pala serbe tha se kërkesa për njohjen e ndërsjellë ishte shtruar si një nga pikat e diskutimeve të ndërmjetësuara nga Këshilltari për Sigurinë Kombëtare, Robert O’Brien dhe ambasadori Richard Grenell, i dërguar i posaçëm i presidentit Donald Trump për bisedimet ndërmjet të dyja vendeve.

“Ai dokument ishte shumë i rëndë, kishte 15 apo 16 pika dhe një prej tyre ishte për njohjen e ndërsjellë. Unë e refuzova. Nuk është asgjë e re sepse kjo është politika amerikane, vetëm se ne thamë që ajo pikë nuk duhet të jetë në dokumentin për stabilizimin ekonomik. Nga kabineti i Trumpit u treguan “fer” dhe na dëgjuan. Në dokumentet tjera kjo pikë nuk është më”, tha presidenti serb.

Zoti Vuçiç tha pas takimit për shërbimin serb të Zërit të Amerikës se “kishte disa vështirësi politike për ne por mendoj dhe shpresoj që i kemi kapërcyer ato dhe vazhdoj të shpresoj që ta arrijmë një marrëveshje nesër.”

“Nëse më pyesni mua nëse Serbia do të pranojë njohje të ndërsjellë që ishte përmendur në disa projekt-propozime, kjo nuk do të funksionojë për Serbinë”, tha ai.

I pyetur nga gazetarët nëse kishte kërkuar njohjen nga Serbia, Kryeministri i Kosovës, Hoti u përgjigj:

“Për çdo gjë që flasim me Serbinë, qëllimi ynë është njohja reciproke. Sot kemi bërë një hap të madh në drejtim të përafrimit”, tha ai.

Zëri i Amerikës ndoqi më herët të enjten më herët një paraqitje të ministrit serb Sinisha Mali, i cili tha se palëve u është dorëzuar një dokument ku përfshihet një pikë që parashikon njohjen e ndërsjellë.

“Temat ekonomike nuk janë kryesoret, siç kemi pritur. Pika e dhjetë e listës që na është paraqitur flet për njohjen e ndërsjellë, ndërsa të gjitha 16 pikat janë politike dhe jo ekonomike”, tha ai.

“Ky është propozimi më i keq që kemi parë në historinë e bisedimeve tona me shqiptarët e Kosovës. Por ne nuk do të heqim dorë dhe do të luftojmë”, tha ministri serb.

Ai tha se po ushtrohet trysni mbi presidentin e Serbisë, Aleksandër Vuçiç, i cili kishte paralajmëruar se mund të ketë “befasi gjatë takimit”.

Bashkëpunimi ekonomik

Ndërkohë, Këshilli për Siguri Kombëtare shkroi se pati “bisedime shumë të mira këtë pasdite me udhëheqësit e Kosovës dhe Serbisë. Ata bënë përparim të vërtetë. Normalizimi ekonomik nënkupton vende pune për të rinjtë. Bisedimet do të vazhdojnë nesër”, thuhet në postimin në Twitter të Këshillit për Siguri Kombëtare.

Zoti Vuçiç shfaqi shpresën se mund të arrihet marrëveshje për çështje ekonomike, projekte të infrastrukturës, lidhjet ndërmjet Beogradit e Prishtinës që siç tha, do të ishin në të mirë të serbëve në Kosovë, të shqiptarëve dhe të gjithëve.

Kryeministri i Kosovës, Avdullah Hoti, tha se të premten pritet të prezantohet marrëveshja për temat ekonomike, për të cilat i diskutua të enjten në Shtëpinë e Bardhë.

“Nesër presim që ta finalizojmë të gjithë këtë angazhim që kemi pasur tash e sa kohë dhe diskutimet që patëm sot”, tha kryeministri Hoti.

Edhe presidenti Vuçiç tha se shpreson në një marrëveshje për tema të interesit të përbashkët.

Kosova dhe Serbia biseduan sot në Shtëpinë e Bardhë, për herë të parë në një nivel të lartë të udhëhequr nga Shtetet e Bashkuara të Amerikës.

Para takimit ishte thënë se bisedimet do të përqendrohen tek çështjet ekonomike dhe se Shtetet e Bashkuara nuk kanë asnjë plan sekret për zgjidhjen politike.

Më herët gjatë ditës ambasadori Grenell, shkroi se populli i Kosovës dhe i Serbisë meritojnë normalizimin ekonomik dhe shansin për të krijuar një ekonomi të zhvilluar. Në një postim në rrjetin twitter ai tha se “sot është i përqendruar te të rinjtë që duan një karrierë, një punë të mirë dhe një lidhje me perëndimin. Le ta lëmë mënjanë politikën”, shkroi ai.

Kryeministri i Kosovës, Avdullah Hoti tha para se të fillonte takimi se me Serbinë do të bisedohet vetëm për njohjen e ndërsjellë, ndërsa presidenti serb, tha se pret takim të vështirë, por “dorëzimi nuk është një opsion”.

Reagimi i kandidatit Biden

I pyetur nga Zëri i Amerikës lidhur me marrëveshjen për normalizimin e marrëdhënieve ekonomike mes Kosovës dhe Serbisë, kandidati demokrat për president, Joe Biden tha se nuk ishte në dijeni të hollësive të marrëveshjes, megjithatë, “Ajo që kam argumentuar në lidhje me Serbinë dhe Kosovën është se Kosova duhet të jetë një vend i pavarur. Nuk është pjesë e Serbisë. Kam kaluar shumë kohë atje. Nuk i di hollësitë e marrëveshjes por supozoj se do ta përforconte pavarësinë e Kosovës.

Zoti Biden tha se e sheh me pozitivitet faktin që një vend me shumicë myslimane si Kosova e njeh Izraelin si shtet. “Mendoj se është e rëndësishme. Por gjithashtu besoj se Izraeli duhet të jetë i përgatitur të punonjë drejt një zgjidhje me dy shtete me palestinezët, tha zoti Biden.

Grenell thotë se pika 10 – njohja reciproke – diskutohet të hënën në Bruksel mes Kosovës dhe Serbisë

Emisari Special për dialogun Kosovë-Serbi, Richard Grenell, ka shpjeguar se nuk është diskutuar njohja reciproke në Shtëpinë e Bardhë mes Avdullah Hotit dhe Aleksander Vuçiq për arsye se kjo temë do të hapet të hënën në Bruksel.

“Palët do të takohen të hënën në Bruksel dhe është një aspekt tjetër që do të diskutohet dhe më lër që të lidhem me pyetjen tëndë për këtë “pikën 10” një nga arsyet që ne nuk kemi dashur të flasim për këtë temë këtu është sepse është në agjendën që do të diskutohet të hënën në Bruksel”, ka thënë Grenell, shkruan Gazeta Express.

Këtë deklaratë Grenell e ka bërë të ditur, në një konferencë për media, pas ceremonisë së nënshkrimit të marrëveshjes për normalizim ekonomik mes Kosovës dhe Serbisë në Shtëpinë e Bardhë. Në këtë konferencë kanë qenë edhe këshilltari për Siguri Kombëtare i presidentit Trump, Robert O’Brien dhe këshilltari i lartë i presidentit Jared Kushner.

Grenell ka thënë se temën e njohjes reciproke ua ka lënë europianëve.

“Ne po provojmë që të bashkërenditemi me evropianët se çfarë mund të bëjmë ne dhe çfarë mund të bëjnë ata për të shtyrë këtë përpara. Të hënën ajo temë do të diskutohet në detaje në Bruksel, kështu që unë jam i sigurt që ne në njëfarë mënyrë duhet të lëmë dhe të punojmë me evropianët në këtë çështje”, u shpreh ai

Krejt këto shpjegime Grenell i ka dhënë pasi është pyetur nga gazetarët se a është hequr pika e famshme 10 ku flitej për njohje të ndërsjellë mes Kosovës dhe Serbisë. Grenell duke shpjeguar dy dokumentet e nënshkruara nga pala kosovare dhe ajo serbe, të cilat janë identike përveç pikës së fundit ku Kosova dhe Izraeli njohin njëra tjetrën, tha se pikat në marrëveshje nuk kanë qenë të renditura.

Ai tutje tha se është diskutuar për tema të ndryshme të cilat u janë prezantuar palëve në fillim, duke shtuar se fjalia që ka rrjedhur se e tërë marrëveshja është përmbledhur në njohjen reciproke mes Kosovës dhe Serbisë ka qenë e pjesshme dhe ka dhënë përshtypje të rreme.

“Së pari është gabim të thuhet ka qenë një pikë me numër 10. Asnjë nga pikat nuk kanë qenë të renditura. Kur ne kemi negociuar ka pasur diskutime për tema të ndryshme në tavolinë, shumë gjëra janë shtuar dhe janë hequr gjatë bisedimeve. Për dikë që të lëshojë në publik një fjali të caktuar dhe për të pretenduar se e gjitha ka qenë e gjithë marrëveshje është tipike politike por asgjë nuk ka qenë e renditur me numra. Asgjë nuk ka qenë e dakorduar derisa është dakorduar për të gjitha kështu që diçka ka rrjedhur nga bisedimet dhe ka qenë e pjesshme dhe mendoj se ka qenë pastaj e theksuar shumë që ka dhënë përshtypje të rreme”, tha Grenell.

Trumpi falënderon Kosovën dhe Izraelin për “normalizimin e marrëdhënieve”

Washington DC

Presidenti i SHBA, Donald Trump ka falënderuar kryeministrin e Izraelit, Benjamin Netanyahu dhe kryeministrin e Kosovës, Avdullah Hoti për “hapin e normalizimit të marrëdhënieve”, transmeton Anadolu Agency (AA).

Zv.zëdhënësi i Shtëpisë së Bardhë, Judd Deere tha se Trump zhvilloi biseda të ndara telefonike me Netanyahun dhe Hotin. “Presidenti Trump përgëzoi të dy kryeministrat për marrëdhëniet diplomatike që do të vendosen mes Izraelit dhe Kosovës dhe për premtimin e Kosovës për të hapur ambasadën në Jeruzalem”, deklaroi Deere.

Gjithashtu në deklaratë u vlerësua se liderët ranë dakord që arritja e dakordësimit mes Izraelit dhe Kosovës “është një hap i rëndësishëm për një paqe më gjithëpërfshirëse në Lindjen e Mesme”.

Dje pasdite në një ceremoni të mbajtur në Shtëpinë e Bardhë nën praninë e presidentit Trump, Kosova dhe Serbia nënshkruan marrëveshjen për “normalizimin ekonomik”. Në kuadër të të njëjtës marrëveshje Kosova premtoi për normalizimin e marrëdhënieve me Izraelin dhe vendosjen e marrëdhënieve diplomatike me këtë vend.

Biden pas nënshkrimeve në Shtëpinë e Bardhë: Kosova duhet të jetë një shtet i pavarur, e jo pjesë e Serbisë

Kandidati demokrat për president të Shteteve të Bashkuara të Amerikës, Joe Biden, tha se Kosova duhet të jetë një shtet i pavarur, e jo pjesë e Serbisë.

Këtë koment e dha në Wilmington, të premten, derisa po mban një fjalim para zgjedhjeve presidenciale.

Në një pyetje të një gazetari për Marrëveshjen në Uashington, ai ka thënë se nuk di cila është marrëveshja, porse Kosova duhet të jetë e pavarur.

“Nuk e di cila është marrëveshja. Ajo çka argumentoj në lidhje me Kosovën dhe Serbinë është se – Kosova duhet të jetë shtet i pavarur, jo pjesë e Serbisë”, tha Biden.

Trumpi: Ditë e madhe për paqe me Lindjen e Mesme – Kosova myslimane dhe Izraeli janë pajtuar për normalizim marrëdhëniesh

Kosova dhe Izraeli sot kanë arritur marrëveshje për njohje reciproke.

Njohja reciproke Kosovë-Izrael vjen pas ndërmjetësimit të Shteteve të Bashkuara të Amerikës.
Presidenti amerikan, Donald Trump, ka bërë një koment në rrjetin social Facebook, pas marrëveshjes së arritur.

“Një ditë tjetër e madhe për paqe me Lindjen e Mesme – Kosova me shumicë myslimane dhe Izraeli janë pajtuar për normalizim marrëdhëniesh dhe për vënie të marrëdhënieve diplomatike. Ju lumtë!”, ka shkruar Trump në Facebook.

Për njohjen reciproke Kosovë-Izrael ka folur edhe kryeministri izraelit.

Benjamin Netanyahu ka thënë se pas marrëveshjes, Kosova do të jetë “shteti i parë me shumicë myslimane që hapë ambasadë në Jerusalem”. express

Presidenti Trump ia sjell Kosovës njohjen nga Izraeli, sot Netanjahu do t’ia konfirmojë Hotit

Pas nënshkrimit të marrëveshjes mes Kosovës dhe Serbinë në Shtëpinë e Bardhë, Kosovën pritet ta njohë Izraeli.

Gazeta Express mëson se marrëveshja e sotme në Uashington i sjell Kosovës një nga njohjet më të rëndësishme, prej pavarësimit të saj.

Izraeli, që është aleat i Shteteve të Bashkuara të Amerikës, do t’i bindet presidentit Donald Trump që ta njohë Kosovën.

Kjo llogaritet të jetë “dhuratë” e Shtëpisë së Bardhë për Kosovën, pas dakordimit për një marrëveshje me Serbinë, e cila formalisht njihet si marrëveshje ekonomike.

Gazeta Express raporton nga Uashingtoni se kryeministri Hoti, pasi ta përfundojë takimin me presidentin Trump, pas nënshkrimit të marrëveshjes me Vuciqin, do të kontaktojë përmes telefonit me kryeministrin izraelit, Benjamin Netanjahu.

Ai pritet t’ia konfirmojë njohjen Hotit.

Në këto çaste delegacioni i Kosovës dhe ai i Serbisë kanë hyrë në Shtëpinë e Bardhë ku pritet të nënshkruhent marrëveshje, në ceremoninë e së cilës merr pjesë edhe Trumpi.

Trumpi nënshkruan marrëveshjen bashke me Hotin e Vuçiçin

Me ndërmjetësimin e presidentit amerikan, Donald Trump, Kosova dhe Serbia kanë nënshkruar sot marrëveshje me Shtëpinë e Bardhë, raporton Gazeta Express.

Tashmë janë publikuar fotografi nga momenti i nënshkrimit të marrëveshjeve, ku shihet presidenti amerikan Donald Trump, kryeministri i Kosovës, Avdullah Hoti dhe presidenti serb, Aleksandër Vuciq.

Gazeta Express dhe T7 ka raportuar se marrëveshjet janë nënshkruar në mes të SHBA’së dhe të dyja shteteve si marrëveshje të veçanta.

Kosova dhe Serbia nënshkruan marrëveshje në Shtëpinë e Bardhë

Kosova dhe Serbia kanë nënshkruar marrëveshje për normalizim ekonomik në Shtëpinë e Bardhë.

Në ceremoninë e nënshkrimit të kësaj marrëveshjeje mori pjesë kryeministri i Kosovës, Avdullah Hoti dhe presidenti i Serbisë, Aleksandar Vuçiq.

Marrëveshja u nënshkrua në prani të presidentit të Shteteve të Bashkuara, Donlad Trump.

Lajmi e bëri të ditur asistenti i presidentit Trump, Judd Deere.

“Presidenti Trump njofton se Kosova dhe Serbia kanë arritur marrëveshje për normalizim ekonomik. Edhe një marrëveshje historike e arritur nga ky president, që e bën botën më paqësore dhe më presporues”, ka shkruar ai në Twitter.

Delegacionet e Kosovës dhe Serbisë, që prej 3 shtatorit kanë zhvilluar takime me ndërmjetësimin e këshillit për Siguri Kombëtare të Shtëpisë së Bardhë, Robert O’Brien dhe të dërguarin e presidentit amerikan për dialogun, Richard Grenell.

Këto takime u tha se kishin në fokus bashkëpunimin ekonomik.

Dialogu ndërmjet Kosovës dhe Serbisë nisi më 2011 me ndërmjetësimin e Bashkimit Evropian. Shtetet e Bashkuara u përfshin në këtë dialog më shumë, pasi më 4 tetor, 2019, presidenti Trump, emëroi Richard Grenell si të dërguarin e tij të posaçëm në këto bisedime. rel

Trumpi do të nënshkruajë marrëveshje të ndara me Kosovën e Serbinë

Në një lidhje direkte nga Uashingtoni, Gazetari Leonard Kërquki që është duke raportuar direkt për zhvillimet para takimit në Shtëpinë e Bardhë, ka dhënë detaje lidhur me atë se çka do të nënshkruajnë dy shtetet, raporton Gazeta Express.

Gazeta Express dhe T7 raporton nga Shtetet e Bashkuara se Kosova dhe Serbia do të nënshkruajnë marrëveshje të ndara me Shtëpinë e Bardhë.

“Marrëveshja do të nënshkruhet në mes të Kosovës dhe SHBA’së, kryeministri Hoti dhe presidenti Trump do ta nënshkruajnë marrëveshjen për Kosovën”, ka thënë Kërquki.

Ai ka deklaruar se sa i përket çështjes së Liqenit të Ujmanit, edhe për këtë temë do të ketë marrëveshje të ndarë të Kosovës me Uashingtonin.

“Aleanca ka proklamu që marrëveshja do të jetë trepalëshe për Ujmanin, kjo nuk është e vërtetë, marrëveshja do të jetë mes Kosovës dhe SHBA’së që i bie që për këtë temë do të ketë një fizibilitet. Nëse lexohet me kujdes deklarata e Haradinajt shihet se ka një zmbrapsje prej qëndrimit. Haradinaj ka kohë që po e sulmon Qeverinë me ambiciet për postin e presidentit”, ka thënë ai, duke bërë të ditur se bëhet fjalë për 13 miliardë dollarë investime.

”Kosovën do ta njeh një shtet i fuqishëm i globit, kjo do të jetë pjesë e një dhurate që SHBA do të ja bëjnë Kosovës. Është një njohje që do ta i vjen Kosovës dhuratë”, ka thënë Kërquki.

“Marrëveshja që do të bëhet sot do ta pasoj edhe një vizitë që do ta marrë Kosova pas 45 ditësh”.

Në një lidhje direkte nga Uashingtoni për Gazetën Express dhe T7 ka folur edhe analisti Imer Mushkolaj.

Ai thotë se kjo marrëveshje lë jashtë dy ekstremet, njohjen e Kosovës dhe shkëmbimin me territore.

“Marrëveshja nuk është zyrtare ende po priten të nënshkruhet brenda një kornize që i përjashton dy ekstremet, që të mos ketë njohje eksplicite dhe ekstremin e Kosovës që është ndarja e Kosovës. Janë marrëveshje të mira për të dyja vendet. Është çështje e kredibiliteti të përfaqësuesve që janë në Uashington. Marrëveshjet do të nënshkruhen me presidentin Trump”

“Kjo nuk është një marrëveshje që është planifiku tash, por, po ndodh tash në shtator, është e logjikshme që të përdoret edhe për fushatë zgjedhore. Kosova dhe Serbia duhet të shohin cilat janë interesat e veta e jo nëse presidenti Trump po e përdor për fushatë”, ka thënë Mushkolaj.

Trumpi ka vetëm 5 minuta për Hotin e Vuçiçin në Zyrën Ovale – nënshkrimi në “Roosevelt Room”

Presidenti amerikan Donald Trump sot do të marrë pjesë në nënshkrimin e marrëveshjes mes Kosovës dhe Serbisë në Shtëpinë e Bardhë.

Sipas agjendës publike të presidentit amerikan në ora 11:00 të paradites me kohën lokale të Washington DC, e që i bie ora 17:00 me kohën lokale të Prishtinës, Trump do të përshëndesë formalisht kryeministrin Avdullah Hoti dhe Presidentin Aleksander Vuçiq në zyrën ovale e cila është edhe dhoma kryesore e punës së presidentit amerikan, shkruan Gazeta Express.

Pas përshëndetjes formale, në ora 11:05 sipas agjendës, Presidenti Donald Trump do të mbikqyrë ceremoninë e nënshkrimit të marrëveshjes mes kryeministrit Hoti dhe presidentit Vuçiq në ‘Dhomën Roosevelt’.

Më pastaj në ora 11:15, presidenti Trump do të marrëpjesë në takim trepalësh me Hotin dhe Vuçiqin në Zyrën Ovale aty ku presidenti amerikan ka hapsirën e tij të punës.

Ceremonia e nënshkrimit të marrëveshjes do të bëhet në ‘Dhomën Roosevelt’ e cila ndodhet në pjesën perëndimore të Shtëpisë së Bardhë.

Kjo dhomë ndodhet përballë Zyrës Ovale e cila është dhoma kryesore e punës së presidentit amerikan. ‘Dhoma Roosevelt’ është emëruar sipas presidentëve amerikanë Theodore Roosevelt dhe Franklin Roosevelt të cilët edhe e kanë dizajnuar pjesën perëndimore të Shtëpisë së Bardhë.

Vitin e kaluar Fillimisht The Washington Post kishte paralajmëruar nënshkrimin e ujdisë në mes të Kosovës dhe Serbisë në Kopshtin e Trëndafilave (Rose Garden), në oborrin e Shtëpisë së Bardhë, ku janë firmosur ujdi historike, si ishte marrëveshja e vitit 1994, ndërmjet ish-kryeministrit izraelit, Jitzak Rabin dhe ish-mbretit jordanez Husein, nën ndërmjetësimin e ish-presidentit Bill Clinton.

Trumpi do të marrë pjesë në takimin Kosovë-Serbi në Washington

Prishtinë

Presidenti i SHBA-ve, Donald Trump do të jetë sot i pranishëm në takimin midis delegacionit të Kosovës me atë të Serbisë në Shtëpinë e Bardhë në Washington, transmeton Anadolu Agency (AA).

Sipas njoftimit zyrtar nga Shtëpia e Bardhë, vendi ku do të takohen dy liderët nga Ballkani dhe presidenti amerikan, Trump do të jetë i pranishëm në momentin e nënshkrimit të marrëveshjes mes Kosovës e Serbisë. Ai do të mbajë më pas një takim trilateral me kryeministrin e Kosovës, Avdullah Hoti dhe presidentin e Serbisë, Aleksandër Vuçiç.

Njoftimi nuk e përcakton se çfarë marrëveshje do të nënshkruhet, por palët kanë bërë të ditur të enjten se bëhet fjalë për marrëveshje ekonomike.

Kryeministri i Kosovës kishte thënë se “ky është hap i madh drejt marrëveshjes finale” ndërsa presidenti serb kishte shtuar se nuk kanë pranuar pikën e marrëveshjes në të cilën, sipas tij, parashihej njohja e Kosovës.

Ndërkaq nga ndërmjetësuesit amerikanë zhvillimet e së enjtes janë parë si hap pozitiv në normalizimin ekonomik.

Delegacionet nga Kosova dhe Serbia sot takohen për herë të dytë në kuadër të procesit të dialogut me ndërmjetësimin e SHBA-ve, proces që synon një marrëveshje finale që sipas palës kosovare do të çojë deri tek njohja reciproke e shtetësisë nga të dyja palët.

Grenelli e quan të pavërtetë lajmin se nga Vuçiçi po kërkohet nënshkrimi për njohjen e Kosovës

I dërguari i Posaçëm i presidentit amerikan për bisedimet Kosovë-Serbi, Richard Grenell, e ka përgënjeshtruar një medium, i cili ka raportuar se ai i ka paraqitur presidentit serb, Aleksandër Vuçiq një dokument për nënshkrimin e njohjes së pavarësisë së Kosovës.

“E pavërtetë”, ka shkruar Grenell në profilin e tij në Twitter.

Në Shtëpinë e Bardhë po mbahen bisedimet ndërmjet Kosovës dhe Serbisë.

Nikoqirë të takimit janë këshilltari amerikan për Siguri Kombëtare i Shtëpisë së Bardhë, Robert O’Brien, si dhe i dërguari i Posaçëm i presidentit amerikan për bisedimet Kosovë-Serbi, Richard Grenell.

Para fillimit të bisedimeve të enjten, Grenell ka thënë se populli i Kosovës dhe ai i Serbisë meritojnë normalizimin ekonomik dhe mundësinë për të krijuar një ekonomi gjallëruese.

Kryeministri i Kosovës, Avdullah Hoti, para takimit në Shtëpinë e Bardhë të enjten, ka deklaruar se asnjë diskutim tjetër nuk bëhet me Serbinë, përveç se për njohje reciproke.

Ndërsa presidenti i Serbisë, Aleksandar Vuçiq, ka thënë se pala serbe do të bëjë çmos për të arritur një kompromis për çështje të rëndësishme ekonomike.

Ministri i Financave i Qeverisë së Serbisë, Sinisha Malli, i cili është pjesë e delegacionit të Serbisë në Uashington, u ka thënë gazetarëve që Serbia, gjatë bisedimeve, “po lufton për çdo fjali dhe për çdo fjalë”.

“Temat ekonomike, është e dukshme që nuk janë përparësi, ashtu siç kemi pritur. Pika e dhjetë e listës që na është prezantuar, flet për njohjen e ndërsjellë, ndërkaq të 16 pikat janë politike dhe jo ekonomike, të cilat i kemi pritur”, tha Malli.

Ai vlerësoi që presioni ndaj delegacionit serb është “i madh”. rel

Grenelli për takimin e sotëm Kosovë – Serbi: Ta lëmë politikën mënjanë

Kosova dhe Serbia bisedojnë sot në Shtëpinë e Bardhë, për herë të parë në një nivel të lartë të udhëhequr nga Shtetet e Bashkuara të Amerikës.

Këshilltari për Sigurinë Kombëtare, Robert O’Brien dhe dërguari i presidentit Trump për bisedimet Kosovë-Serbi, ambasadori Richard Grenell, që ndërmjetësojnë bisedimet thanë se takimi që pritet të vazhdojë edhe të premten do të përqendrohet tek çështjet ekonomike dhe se Shtetet e Bashkuara nuk kanë asnjë plan sekret për zgjidhjen politike.

Sot në prag të takimit, ambasadori Grenell, shkroi se populli i Kosovës dhe i Serbisë meritojnë normalizimin ekonomik dhe shansin për të krijuar një ekonomi të zhvilluar. Në një postim në rrjetin tëitter ai tha se “sot është i përqendruar te të rinjtë që duan një karrierë, një punë të mirë dhe një lidhje me perëndimin. Le ta lëmë mënjanë politikën”, shkroi ai.

Edhe këshilltari O’Brien nënvizoi rëndësinë e bisedimeve për të çuar përpara paqen përmes bashkëpunimit ekonomik.

Më herët gjatë javës një këshilltar i presidentit Trump tha se bisedimet do të përpiqen të çojnë përpara marrëveshjet për transportin ajror, hekurudhor dhe rrugor, të nënshkruara në fillim të këtij viti, të cilat ai i quajti “historike”.

Kryetari i Komisionit të Dhomës së Përfaqësuesve për Marrëdhënie me Jashtë, Eliot Engel tha të mërkurën se rifillimi i bisedimeve mes Kosovës dhe Serbisë këtë javë në Uashington, është një zhvillim pozitiv, por nënvizoi se ky është një konflikt politik që kërkon një zgjidhje politike.

Këshilltari i Posaçëm i Presidentit tha të martën se komuniteti politik i të dyja vendeve nuk ka arritur të sigurojë përparim dhe komunitetet e bizneseve të të dyja vendeve janë të zhgënjyer.

Ai tha se Shtetet e Bashkuara nuk kanë asnjë paragjykim për çfarëdo zgjidhje për të cilën do të bien dakord palët. I pyetur nëse Presidenti Donald Trump do të marrë pjesë në një farë mënyre në takim, këshilltari i posaçëm, nuk u përgjigj në mënyrë përfundimtare, por tha se ai është i përfshirë në proces dhe në diskutimet lidhur me çfarë mund të bëjë pala amerikane për t’u dhënë përparësi projekteve ekonomike.

“Por në fund të fundit, mendoj se palët duhet të jenë në gjendje të shënojnë përparim, në mënyrë që Shtetet e Bashkuara të vazhdojnë t’i përdorin këto mekanizma në mënyrë të fuqishme”, tha ai.

“Ne do ta përmbysim skenarin, të shkojmë fillimisht tek njerëzit, të ngjallim entuziazëm për rritjen e ekonomisë dhe të lëmë këto çështje politike të dalin dytësore”, tha këshilltari.

I pyetur nëse njohja e ndërsjellë do të jetë një nga temat, këshilltari përsëriti se nuk ka ndonjë temë të paracaktuar, por se bisedimet do të jenë një provë nëse palët janë të hapura për bashkëpunim dhe për ta përmbysur mënyrën e të menduarit por tha se “duhet shënuar përparim në zhvillimin ekonomik që Shtetet e Bashkuara të vazhdojnë ta përqendrojnë vëmendjen” në këtë çështje.

“Është në dorë të palëve nëse duan apo jo të ecin përpara dhe çfarëdo që të ketë thënë media, Shtetet e Bashkuara nuk kanë një plan sekret, nuk do të kërkojnë diçka”, duke shtuar se se e vetmja kërkesë është se nëse duan paratë e Shteteve të Bashkuara duhet të shënojnë përparim në frontin ekonomik.

Këshilltari i Posaçëm tha se ai nuk ka marrë asnjëherë pjesë në ndonjë bisedë për shkëmbim territoresh.

Takimi në Shtëpinë e Bardhë ishte planifikuar fillimisht për datën 27 qeërshor por u anulua pasi që më 24 qershor Prokuroria e Posaçme për Kosovën me seli në Hagë, publikoi njoftimin për ngritjen e akuzave ende të pakonfirmuara ndaj presidentit të Kosovës, Hashim Thaçi dhe kryetarit të Partisë Demokratike, Kadri Veseli, si të dyshuar për krime kundër njerëzimit dhe krime lufte.

Kryeministri i Kosovës, Avdullah Hoti dhe presidenti i Serbisë, Aleksandër Vuçiç pas takimit në Shtëpinë e Bardhë, pritet të vazhdojnë më 7 shtator në Bruksel bisedimet e ndërmjetësuara nga Bashkimi Evropian.

zëri i amerikës

CDC u kërkon shteteve të përgatiten për shpërndarjen e një vaksine ndoshta në fund të tetorit

Koha e zhvillimit të një vaksine ka marrë një rëndësi politike ndërsa Presidenti Donald Trump kërkon rizgjedhjen në nëntor, pasi premtoi miliarda dollarë fonde federale për një vaksinë që do të parandalonte COVID-19, që ka vrarë më shumë se 180’000 amerikanë.

“Për arsye të planifikimit paraprak, CDC-ja u dha shteteve modele të caktuara të planifikimit ndërsa punojnë me plane specifike shtetërore për shpërndarjen e vaksinave, duke përfshirë ndoshta sasitë e kufizuara të vaksinave në tetor dhe nëntor”, tha një zëdhënëse e CDC-së për agjencinë Reuters.

Gazeta New York Times kishte raportuar më herët se CDC-ja kishte kontaktuar zyrtarë në të 50 shtetet dhe pesë qytete të mëdha për informacionin e planifikimit.

Eksperti më i lartë i sëmundjeve infektive Anthony Fauci më herët të mërkurën tha në kanalin MSNBC se bazuar në nivelin e pjesëmarrjes së pacientëve në provat e vaksinave të COVID-19 në proces, mund të ketë të dhëna të mjaftueshme klinike për të ditur deri në nëntor ose dhjetor nëse një nga vaksinat është e sigurt dhe efektive.

Dokumentet e postuara në internet nga New York Times tregojnë se CDC-ja po përgatitet që një ose dy vaksina të COVID-19 të jenë në dispozicion në sasi të kufizuara qysh nga fundi i tetorit.

Vaksinat do të viheshin në dispozicion pa pagesë së pari për grupet me rrezik të lartë duke përfshirë punonjësit e kujdesit shëndetësor, personelin e sigurimit kombëtar dhe banorët dhe stafin e azileve për të moshuarit, tha agjencia në dokumentet e publikuara në internet.

Rregullatorët në mbarë botën në mënyrë të përsëritur kanë thënë se shpejtësia e zhvillimit nuk do të rrezikojë sigurinë e vaksinës, pasi rezultatet do të burojnë nga kryerja e provave paralele të bëra në sekuencë. Por siguria nuk i kanë bindur të gjithë.

Rezultatet paraprake të një sondazhi të kryer gjatë tre muajve të fundit në 19 vende treguan se vetëm rreth 70% e të anketuarve britanikë dhe amerikanë do të merrnin një vaksinë COVID-19 nëse do të jetë e disponueshme.

Kompanitë farmaceutike përfshirë Moderna Inc, AstraZeneca Plc dhe Pfizer Inc janë duke udhëhequr garën për të prodhuar një vaksinë të sigurt dhe efektive për sëmundjen.

Dokumentet e CDC-së përshkruajnë dy kandidatë për vaksina që duhet të ruhen në temperatura minus 70 dhe minus 20 gradë Celsius. Këto kërkesa për ruajtjen e vaksinës përputhen me profilet e vaksinave që po zhvillohen nga kompanitë Pfizer dhe Moderna. zëri i amerikës

Eliot Engel: Rifillimi i dialogut Kosovë-Serbi në Uashington, pozitiv por duhet një zgjidhje politike

Kryetari demokrat i Komisionit të Dhomës së Përfaqësuesve për Marrëdhënie me Jashtë tha se një zgjidhje përfundimtare e konfliktit, duhet të përfshijë njohjen reciprove

Kryetari i Komisionit të Dhomës së Përfaqësuesve për Marrëdhënie me Jashtë, Eliot L. Engel tha të martën se rifillimi i dialogut mes Kosovës dhe Serbisë këtë javë në Uashington, është një zhvillim pozitiv.

Por në një deklaratë, anëtari demokrat i Kongresit tha se ndërsa nuk ka asgjë të keqe që të rritet zhvillimi i tregëtisë dhe ekonomisë, “ky është një konflikt politik që kërkon një zgjidhje politike”.

Shtëpia e Bardhë, që po organizon takimin ka thënë se bisedimet do të përqendrohen tek çështjet ekonomike.

Në një postim në Twitter të enjten, Këshilltari i Presidentit republikan, Donald Trump për Sigurinë Kombëtare, Robert O’Brien nënvizoi rëndësinë e bisedimeve:

“Mirëpres mbërritjen e Presidentit Vuçiç dhe të Kryeministrit Avdullah Hoti nesër në Shtëpinë e Bardhë. Këto diskutime të rëndësishme do të çojnë përpara paqen përmes bashkëpunimit ekonomik. Angazhimi i dy udhëheqësve për dialog do të sjellë përfitime si për Serbinë, ashtu edhe për Kosovën,” tha zoti O’Brien.

Ligjvënësi Engel, thotë në deklaratën e tij se një zgjidhje përfundimtare e konfliktit duhet të përfshijë disa parime:

“Duhet të sjellë si rezultat njohjen reciproke mes Kosovës dhe Serbisë. Duhet t’i hapë rrugën anëtarësimit të Kosovës dhe Serbisë në të gjitha strukturat e Atlantikut të Veriut, përfshirë Bashkimin Evropian dhe NATO-n. Dhe duhet t’i sigurojë Kosovës anëtarësim të plotë në Kombet e Bashkuara dhe organizata të tjera të rëndësishme ndërkombëtare, që të ecë përpara si çdo vend tjetër”.

Por ai shton se një marrëveshje që do t’i jepte fund konflliktit nuk duket të ketë gjasa, duke shtuar se Presidenti serb, Aleksandar Vuçiç ka kundërshtuar vënien e njohjes reciproke në tryezën e bisedimeve.

Shtëpia e Bardhë ka thënë vazhdimisht se takimi do të jetë për çështje ekonomike dhe një këshilltar i posaçëm i Presidentit Donald Trump, tha të martën se bisedimet e kësaj jave do të përqendrohen tek çështjet ekonomike dhe se Shtetet e Bashkuara nuk kanë asnjë plan sekret apo paragjykim për zgjidhjen politike.

“Është në dorë të palëve nëse duan apo jo të ecin përpara dhe çfarëdo që të ketë thënë media, Shtetet e Bashkuara nuk kanë një plan sekret, nuk do të kërkojnë diçka”, duke shtuar se “palët duhet të jenë në gjendje të shënojnë përparim, në mënyrë që Shtetet e Bashkuara të vazhdojnë t’i përdorin këto mekanizma në mënyrë të fuqishme”, tha këshilltari i Presidentit Trump.

Ligjvënësi Engel, bashkëkryetar i grupit të çështjeve shqiptare në Kongres, thotë gjithashtu se nuk është vënë pothuajse aspak në vend drejtësia për “viktimat e spastrimit etnik, përdhunimeve dhe krimeve të tjera të luftës” nga Serbia ndaj Kosovës.

“Duhet të vihen para përgjegjësisë shkaktarët, në mënyrë që të popujt e dy vendeve të përqafojnë të ardhmen”, thuhet në deklaratën e zotit Engel.

Ai vlerësoi objektivin që ka vendosur kryeministri i Kosovës, Abdullah Hoti për negociatat, për “arritjen e një marrëveshjeje për njohje reciproke, pa rrezikuar tërësinë territoriale të Kosovës”.

“Pas më shumë se dy dekadash armiqësie, shpresoj që të dyja palët të angazhohen në mënyrë konstruktive me njëra-tjetrën dhe se Shtetet e Bashkuara do të veprojnë si një ndërmjetës i drejtë dhe i ndershëm për të ndihmuar vendet që të përqafojnë dialogun dhe të arrijnë paqen”, përfundon deklarata e zotit Engel.

Ish-këshilltarja e Zonjës së Parë me libër të ri dhe regjistrime sekrete

Një ish-mike dhe këshilltare e Zonjës së Parë, Melania Trump tha të martën se pat regjistruar biseda me zonjën Trump, sepse i duheshin si prova për vetëmbrojtje, pasi kishte ngritur pyetje për koston e ceremonisë së inaugurimit të Presidentit Trump.

Stephanie Winston Wolkoff, e cila sapo ka nxjerrë në treg librin e ri “Unë dhe Melania: Ngritja dhe Rënia e Miqësisë Sime me Zonjën e Parë”, ndihmoi në realizimin e ceremonisë së inaugurimit të Presidentit Trump dhe më pas punoi për Zonjën e Parë si një këshilltare pa pagesë në Shtëpinë e Bardhë.

Zonja Wolkoff u largua nga Shtëpia e Bardhë në shkurt 2018 kur iu ndërpre kontrata. Shtëpia e Bardhë e sulmoi librin si “plot me të pavërteta dhe paranojë”.

Në një intervistë për gazetën Washington Post, zonja Wolkoff tha se Zonja e Parë përdorte llogari private emaili në Shtëpinë e Bardhë. Të tjerë në Shtëpinë e Bardhë, përfshirë vajzën e presidentit, Ivanka dhe bashkëshortin e saj, Jared Kushner, janë kritikuar për aktivitet zyrtar përmes llogarive private. Në dallim prej tyre, Zonja e Parë nuk është punonjëse qeveritare.

Në një intervistë për emisionin “The Rachel Maddow Show” të rrjetit MSNBC, zonja Wolkoff tha “Më kanë akuzuar se kam regjistruar biseda me shoqen, siç ka thënë Shtëpia e Bardhë dhe se jam një njeri shumë i keq që bëra një gjë të tillë”.

“Kanë të drejtë. Po ta kisha shoqe, do të ishte e tmerrshme. Por Melania dhe Shtëpia e Bardhë më kishin akuzuar për veprimtari kriminale, më poshtëruan publikisht, më pushuan nga puna dhe më sakrifikuan për të mbuluar gjurmët,” thotë zonja Wolkoff. “Në atë moment, fillova të regjistroj bisedat. Nuk ishim më shoqe; ajo u tregua e gatshme të lejonte që të bëhesha objekt sulmesh”.

Zonja Wolkoff tha se Melania Trump ishte shprehur se avokatët e Shtëpisë së Bardhë i kishin thënë se për të nuk kishte zgjidhje tjetër përveçse t’i kthente shpinën shoqes, sepse mund të hapeshin hetime mbi komitetin e ceremonive të inaugurimit të presidentit.

Zonja Wolkoff tha se e regjistroi Zonjën e Parë sepse “do të bëja gjithçka që kisha në dorë për t’u siguruar që isha i mbrojtur”.

Stephanie Grisham, shefe e stafit dhe zëdhënëse e zonjës Trump, tha se zonja Wolkoff donte të hakmerrej.

“Kushdo që fshehurazi regjistron dikë që e quan shoqen më të ngushtë, është detyrimisht njeri i pandershëm,” tha zëdhënësja Grisham.

“Libri jo vetëm që është plot me të pavërteta dhe paranojë, por bazohet në një nevojë të imagjinuar për hakmarrje. Wolkoff e prezanton veten me të madhe, ndërsa nënçmon dhe fajëson të gjithë me të cilët ka punuar. Në fund të fundit ajo përfundon viktimë. Për fat të keq, kemi të bëjmë me një grua shumë të pasigurtë, me një dëshirë të palogjikshme për t’u ndjerë e rëndësishme”.

Në libër, Stephanie Winston Wolkoff thotë se do të donte të mos ishte takuar kurrë me Zonjën e Parë. Zonja Wolkoff, e cila është planifikuese aktivitetesh argëtuese në Nju Jork, thotë se u prezantua me Zonjën e Parë në vitin 2003 në redaksinë e revistës Vogue, ku punonte zonja Wolkoff.

Ajo ia kushton dy nga 11 kapitujt e librit procesit për planifikimin e ceremonisë së inaugurimit të presidentit në janar 2017, duke përshkruar komitetin përgjegjës për grumbullim fondesh për të paguar për festimet disa ditëshe si të përfshirë nga probleme organizative dhe komunikimi që komplikuan punën e saj.

Ajo thotë se në mënyrë të përsëritur ngriti pyetje në lidhje me shpenzimet, gjë që rezultoi që ajo të shihej si problematike. Komiteti Presidencial i Inaugurimit të Presidentit Trump grumbulloi gati 107 milionë dollarë për aktivitetet ekstravagante. Ky ishte një çmim i paparë për ceremonitë e inaugurimit dhe ishte gati dyfish më i lartë se kostoja e inaugurimit të Presidentit Barack Obama në 2009.

Disa nga ata që ishin të përfshirë ose ishin në dijeni të punës së komitetit, i thanë agjencisë së lajmeve Associated Press në shtator 2017 se planifikimet për inaugurimin u ndërlikuan nga vendimet e minutës së fundit, ndryshimet në personel dhe mbikëqyrja e dobët financiare.

Zonja Wolkoff tha rrjetin ABC News në një intervistë të transmetuar të hënën se ajo vazhdon të bashkëpunojë me hetime të shumta penale mbi punën e komitetit. zëri i amerikës

Plot 81 laureatë të Çmimit Nobel e përkrahin Bidenin për president të SHBA

Tetëdhjetë e një fitues të Çmimit Nobel i kanë ofruar zyrtarisht përkrahje politikanit Joe Biden për t’u bërë president i ardhshëm i Shteteve të Bashkuara. Ata kanë thënë se Joe Biden ka vullnet t’i dëgjojë ekspertët dhe e vlerëson lart përdorimin e shkencës për gjetjen e zgjidhjeve.

Laureatët e Nobelit, fitues të Çmimit Nobel në Kimi, Mjekësi dhe Fizikë, e theksuan rëndësinë që udhëheqësit e zgjedhur të marrin vendime duke u mbështetur në shkencë, sidomos gjatë një pandemie botërore, shkruan CNN, transmeton Gazeta Express.

“Asnjëherë në historinë e kombit tonë nuk ka pasur nevojë më të madhe që liderët tanë ta çmojnë vlerën e shkencës në hartimin e politikave publike”, thuhet në letrën e laureatëve të Nobelit.

“Gjatë karrierës së tij të gjatë në shërbim publik, Joe Biden vazhdimisht e ka dëshmuar vullnetin e tij që t’i dëgjojë ekspertët, njohjen e vlerës së bashkëpunimit ndërkombëtar në punë kërkimore shkencore dhe respektin e tij për kontributin që imigrantët e japin në jetën intelektuale të vendit tonë”, thuhet më tej në letrën e shkencëtarëve.

Sipas një burimi, personi që e organizoi këtë përkrahje grupore për kandidatin demokrat është Bill Foster në Illinois.

Ndryshe, Shtetet e Bashkuara janë vendi më i prekur në botë nga koronavirusi, ndërsa presidenti Trump është akuzuar ashpër për menaxhimin e situatës gjatë pandemisë.

Kosovë- Serbi, Grenell: Nëse palët kanë dëshirë, do të trajtohet çdo temë

Ish i dërguari i SHBA për dialogun Kosovë- Serbi, Richard Grenell ka thyer ‘heshtjen’ amerikane në Uashington në prag të takimit të 4 shtatorit në Shtëpinë e Bardhë.

Grenell konfirmon se në plan të takimit janë për t’u diskutuar çështjet ekonomike të Kosovës dhe Serbisë. Por ai nuk përjashton që me dëshirën e dy vendeve, të diskutohet çdo temë e mundshme.

“Çdo çështje do të diskutohet dhe kjo varet nga palët nëse ata kanë dëshirë të diskutojnë të gjitha çështjet,” tha ai.

Grenell, sa i përket temave ekonomike ka paralajmëruar se nëse Serbia me Kosovën duan dollarë nga SHBA, atëhere duhet të bëjnë përparime ekonomike pasi nuk do të shpenzohen kot para.

“E vetmja gjë që ata do të kërkojnë është që nëse palët duan ndihmë nga SHBA, nëse duan dollarë amerikanë, atëherë duhet përparim ekonomik. Ne nuk duam t’i shpenzojmë paratë tona dhe të qëndrojmë të vendosur,” tha Grenell. bw

Shtëpia e Bardhë: Takimi Kosovë-Serbi në Shtëpinë e Bardhë, për çështje ekonomike. SHBA nuk ka plan sekret

Një këshilltar i posaçëm i Presidentit Donald Trump tha të martën se bisedimet mes Kosovës dhe Serbisë këtë javë do të përqendrohen tek zhvillimi i bashkëpunimit ekonomik mes dy vendeve, si një stimul për t’i shtyrë politikanët e dy vendeve të zgjidhin problemet mes Prishtinës dhe Beogradit.

Këshilltari që foli me gazetarët me kusht që të mos identifikohej tha se gjithkush mund ta shohë se “kemi ngecur tek aspekti politik, duke folur gjithmonë për të njëjtat çështje, pa ndonjë përparim”.

“Presidenti Trump donte të shihte nëse duke u përqendruar tek zhvillimi ekononik dhe krijimi i vendeve të punës për të rinjtë, kjo do të ndryshonte disi dinamikën e gjendjes, kështuqë për më shumë se një vit, ne jemi përqendruar krejtësisht tek normalizimi ekonomik, për të gjetur një mënyrë që t’i nxisim palët që t’i lënë mënjanë çështjet politike”.

Ai përmendi marrëveshjet për transportin ajror, hekurudhor dhe rrugor si shembuj, duke i quajtur ato “historike”.

Këshilltari i posaçëm i Presidentit tha se në bisedimet me Kosovën dhe Serbinë të enjten dhe të premten Shtetet e Bashkuara do të përpiqen “t’i çojnë më përpara këto marrëveshje.

“Dhe pastaj do të shtojmë edhe tema të tjera në diskutim për të krijuar tregti, zhvillim ekonomik dhe vende pune”, tha ai.

Në përgjigje të një pyetjeje të Zërit të Amerikës, nëse parashikon se kur ky proces ekonomik do të gërshetohet me atë politik, ai tha se nuk donte të bënte parashikime.

“Nëse palët nënshkruajnë diçka që mendojnë se është e drejtë, ndoshta mund të përdorja fjalën balancë. Nëse palët besojnë në fjalën balancë, se po marrin diçka më shumë se sa po japin, dhe mendojnë se është një marrëveshje e mirë, atëherë do të nënshkruajnë. Ne nuk kemi plan sekret, nuk kemi parakushte. I takon palëve”.

Këshilltari i Posaçëm i Presidentit tha se ai mendon se komuniteti politik i të dyja vendeve nuk ka arritur të sigurojë përparim dhe komunitetet e bizneseve të të dyja vendeve janë të zhgënjyer.

I pyetur nëse njohja reciproke do të jetë një nga temat, këshilltari përsëriti tha se nuk ka ndonjë temë të paracaktuar por se bisedimet do të jenë një provë nëse palët janë të hapura për bashkëpunim dhe për ta përmbysur mënyrën e të menduarit por tha se “duhet shënuar përparim në zhvillimin ekonomik që Shtetet e Bashkuara të vazhdojnë ta përqendrojnë vëmendjen” në këtë çështje.

“Është në dorë të palëve nëse duan apo jo të ecin përpara dhe çfarëdo që të ketë thënë media, Shtetet e Bashkuara nuk kanë një plan sekret, nuk do të kërkojnë diçka”, duke shtuar se se e vetja kërkesë është se nëse duan paratë e Shteteve të Bashkuara duhet të shënojnë përparim në frontin ekonomik.
Këshilltari i Posaçëm tha se ai nuk ka marrë asnjëherë pjesë në ndonjë bisedë për shkëmbim territoresh.

Replika mes presidentit Trump dhe kryetarit të bashkisë së Portlandit pas vrasjes në protestë

PresidentiDonald Trump shkëmbeu replika të dielën me kryetarin e bashkisë së qytetit të Portlandit në shtetin e Oregonit, më pak se 24 orë pasi një person mbeti i vrarë ndërsa protestuesit e lëvizjes Black Lives Matter (Jetët e Afrikano-Amerikanëve Kanë Vlerë) dhe mbështetësit e Trump-it u përleshën në rrugët e qytetit.

Në një konferencë për shtyp të dielën pasdite, kryetari i bashkisë së Portlandit, Ted Wheeler u kërkoi protestuesve që të mos kalojnë në akte të dhunshme apo të kërkojnë hakmarrje pas incidentit vdekjeprurës të së shtunës në mbrëmje.

Presidenti, mesa duket duke e ndjekur transmetimin e konferencës, shprehu kritikën e tij në Twitter.

Pasi presidenti Trump e quajti zotin Wheeler, një demokrat “budalla” dhe e fajësoi atë për “vdekjen dhe shkatërrimin e madh” në qytetin liberal. Wheeler, i cili dukej qartë i revoltuar, iu drejtua kamerave me një mesazh për presidentin, duke i quajtur komentet e tij “klasike të stilit Trump”.

“Je përpjekur të na ndash më shumë se çdo figurë tjetër në historinë moderne dhe tani kërkon që unë të ndal dhunën që ti e nxite”, tha zoti Wheeler. “Amerikës i duhet që ju të ndaleni që të mund të bashkohemi përsëri në këtë vend”.

Kryetari i bashkisë vazhdoi më tej, duke përmendur ato që ai tha se ishin komente seksiste të Trump-it për gratë e deri tek “sulmet raciste mbi afrikano-amerikanët”.

Javën e kaluar, ndërsa pranoi emërimin e partisë republikane për president, Presidenti Trump përmendi qytetin Portland si një shembull të së ardhmes së frikshme që amerikanët mund të presin nëse kundërshtari i tij, ish-nënpresidenti Joe Biden, fiton zgjedhjet e 3 nëntorit.

Votuesit “nuk do të jenë të sigurtë në Amerikën e Joe Biden-it”, tha presidenti.

Biden ka në plan të përgjigjet me një fjalim të hënën në Pensilvani që fushata e tij tha se do të përqëndrohet në pyetjen: “A jeni të sigurtë në Amerikën e Donald Trump-it?”

Zoti Biden i tha kanalit MSNBC javën e kaluar se presidenti Trump e shikon dhunën në rrugë “si një përfitim politik për të. Ai po bën thirrje për më shumë dhunë, jo më pak”. Pati më shumë protesta të dielën, përfshirë një demonstrim gjatë natës në një ndërtesë të përdorur nga policia.

Në tubimin e së shtunës u grumbulluan qindra automjete me mbështetësit e presidentit Trump në Portland. Disa prej tyre qëlluan me shënjestrues me ngjyra nga kamionët e tyre tek njerëzit në rrugë, ndërsa protestuesit i qëlluan me mjete rrethanore.

Në një deklaratë të policisë thuhet se oficerët kishin dëgjuar të shtëna me armë të shtunën në mbrëmje dhe gjetën një protestues të bardhë të vdekur nga një plagë me armë në gjoks. Dëshmitarët thanë se viktima kishte një kapele me mbishkrimin “Lutje e Patriotëve”, një grup i ekstremit të djathtë me qendër në shtetin e Uashingtonit që është përleshur edhe më parë me protestuesit.

Policia po kërkon informacion nga dëshmitarët e mundshëm.

Duke cituar burime në dijeni të rastit, gazeta The Oregonian, tha se policia po heton një 48-vjeçar i cili është vet-identifikuar si anti-fashist dhe ka postuar në mediat sociale për pjesëmarrje në protestat e Portlandit gjatë muajve të fundit.

Një zyrtar i lartë i administratës Trump, ushtrues i detyrës së Sekretarit të Sigurisë Kombëtare Chad Wolf, fajësoi në një emision televiziv zyrtarët shtetërorë dhe lokalë për dhunën e zgjeruar në Portland që “nuk lejuan forcat e zbatimit të ligjit të bënin punët e tyre”. “Dhuna duhet të marrë fund” tha zoti Wolf. Ai tha se qeveria federale vazhdon të ofrojë ndihmë për forcat e rendit në Portland përtej dërgimit të mëparshëm të trupave që më pas u tërhoqën.

“Ata vazhdojnë të refuzojnë ndihmën federale për t’i dhënë fund kësaj dhune”, tha zoti Wolf për zyrtarët e shtetit të Oregonit dhe qytetit të Portlandit. Në Portland, tha ai “shihni saktësisht se çfarë ndodh po të mos mbrosh qytetin tënd”. “Mesazhi im për këdo që proteston është: Ju lutem protestoni paqësisht”, tha zoti Wolf.

Presidenti Trump rishpërndau në Twitter një video që tregon karvanin e makinave të përkrahësve të tij që kalon përmes Portlandit duke i quajtur “Patriotë të Mëdhenj”. Në një emission televiziv, zoti Wolf kundërshtoi interpretimin se duke vlerësuar karvanin e makinave, presidenti Trump po shton tensionet.

“Absolutisht jo”, tha zoti Wolf.

Vrasja me armë në Portland është incidenti i fundit gjatë trazirave racore në të gjithë Shtetet e Bashkuara. Amerikanët janë hedhur në protesta ndaj padrejtësive racore dhe abuzimit policor të pakicave që pas vdekjes më 25 maj të afrikano-amerikanit George Floyd, ndërsa ishte në arrest policor në qytetin Mineapolis të shtetit të Minesotës.

Presidenti Trump të martën do të vizitojë një nga këto qytete, Kenosha, në shtetit e Uiskonsinit, edhe pse guvernatori i këtij shteti, Toni Evers i ka kërkuar që të mos shkojë.

Më 23 gusht, një oficer policie i bardhë qëlloi afrikano-amerikanin Jacob Blake, shtatë herë në shpinë, ndërsa përpiqej ta arrestonte në lidhje me një zënkë në familje, duke shkaktuar disa netë protestash, në njërën prej të cilave dy persona u qëlluan për vdekje dhe një tjetër u plagos.

Një ditë më vonë, Kyle Rittenhouse, një 17-vjeçar i bardhë, banor në shtetin fqinj të Illinoit, i cili tha se ishte në Kenosha për të mbrojtur bizneset gjatë protestave në rrugë, u akuzua për vrasjet.

“Rrethanat e kësaj ngjarje janë ende duke u hetuar”, tha zoti Wolf.

Sekretari në detyrë i Departamentit të Sigurisë Kombëtare u bëri thirrje zyrtarëve vendorë që “të ndërmarrin veprime” për të shuar dhunën në rrugë.

“Ju mund ta ndaloni këtë”, tha ai. “Qeveria federale do t’u sigurojë ndihmë”.

Guvernatorja e Oregonit: T’i jepet fund ciklit të dhunës në Portland

Në qytetin veriperëndimor të Portlandit, në shtetin e Oregonit, vazhdojnë protestat. Guvernatorja e shtetit Kate Brown, tha se do të forcojë praninë policore dhe se se do të adresojë çështjet themelore që kanë nxitur muaj të tërë protestash kundër padrejtësisë racore. Një grup protestuesish u mblodhën të dielën para një ndërtesë ku qëndrojnë forcat e zbatimit të ligjit. Grumbullimi i tyre u konsiderua i paligjshëm dhe policia e Portlandit kreu arrestime si shumë netë të tjera. Guvernatorja Brown tha në një deklaratë të dielën vonë në mbrëmje se të gjithë, përfshirë zyrtarë të zgjedhur, forcat e rendit dhe drejtuesit e komunitetit, duhet të bashkohen për të ndaluar ciklin e dhunës në qytet dhe se “ndryshimi i vërtetë do të vijë nga puna e madhe për të garantuar drejtësi racore”.

Zonja Brown njoftoi se në Portland do të dërgohen forca shtesë policore për t’i ardhur në ndihmë policisë së qytetit. Ata që kryejnë vepra të dhunshme, do të arrestohen, tha guvernatorja, duke shtuar se do të zhvillojë një forum publik me kryetarin e bashkisë së Portlandit Ted Wheeler, organizatorët e protestave dhe drejtuesit e komunitetit. Ajo kritikoi gjithashtu veprimet e “vigjilentëve të armatosur të krahut të djathtë”, një ditë pasi një person u qëllua për vdekje ç’ka solli përleshje mes protestuesve dhe kundër protestuesve.

“Grupi i krahut të djathtë “Lutjet e Patriotit” dhe anëtarët e vetëshpallur të milicisë u futën në qytetin e Portlandit mbrëmjen e kaluar (të shtunën), të armatosur, duke kërkuar luftë”, tha zonja Brown në një deklaratë. “Çdo banor i Oregonit ka të drejtë të shprehë lirshëm pikëpamjet e tij pa frikë nga dhuna vdekjeprurëse. Nuk do t’i lejoj “Lutjet e Patriotit” dhe supremacistëve të armatosur të bardhë të sjellin më shumë gjakderdhje në rrugët tona”.

Një deklaratë policia njoftoi se një person ishte qëlluar për vdekje me armë zjarri të shtunën në mbrëmmje dhe e identifikoi atë si një burrë i bardhë, i cili vdiq nga një plagë me armë në gjoks. Dëshmitarët thanë se personi i vrarë mbante në kokë një kapele me shenjën “Lutjet e patriotit”, një grup i ekstremit të djathtë me qendër në e shtetin Uashingtonit, anëtarët e të cilit edhe më parë janë përleshur me protestuesit. Gazeta “Oregonian”, duke cituar burime të njohura me rastin, tha se policia po heton një 48-vjeçar, i vetëidentifikuar si antifashist dhe që në postime në median sociale ka treguar se ka marrë pjesë në protestat e zhvilluara në Portland gjatë disa muajve të fundit. Në një konferencë shtypi të dielën pasdite, zoti Wheeler u bëri thirrje protestuesve të mos rikthehen tek aktet e dhunës apo të hakmerren pas vdekjes së të shtunës në mbëmje. Në një reagim në twitter Presidenti Trump kritikoi zotin Wheeler dhe e fajësoi atë për “vdekjen dhe shkatërrimin” në qytet. Zoti Wheeler reagoi duke e cilësuar postimin e presidentit një koment klasik të tij.

“Jeni përpjekur të na ndani më shumë se çdo figurë tjetër në historinë moderne dhe tani doni që unë të ndaloj dhunën që ju ndihmuat për ta krijuar“, iu përgjigj zoti Wheeler Presidentit Trump. “Ajo që Amerika ka nevojë, është që ju të ndaleni, që ne të mund të bashkohemi si një Amerikë e vetme“.

Javën e kaluar, ndërsa pranoi emërimin nga republikanët për të kandiduar për një mandat të dytë, PresidentiTrump përdori Portlandin si shembull të asaj që mund të pritet të ndodhë në mbarë Amerikën në të ardhmen, nëse kundërshtari i tij, ish-Nënpresidenti Joe Biden, fiton zgjedhjet e 3 nëntorit. Votuesit “nuk do të jenë të sigurt në Amerikën e Joe Biden-it”, tha presidenti. Zoti Biden pritet t’i përgjigjet me një fjalim të hënën në Pensilvani, që siç thanë zyrtare të fushatës se tij, do të përqëndrohet tek tema: “A ndiheni të sigurt në Amerikën e Donald Trump-it?”

Zoti Biden tha gjate nje interviste javën e kaluar se zoti Trump e shikon dhunën në rrugë “si një përfitim politik për të. Ai po brohoret për më shumë dhunë, jo më pak”, tha zoti Biden. zëri i amerikës

SHBA: Komisioni i Kongresit reagon pasi sekretari Pompeo refuzon të dorëzojë dokumentat

Komisioni i Dhomës së Përfaqësuesve për Marrëdhëniet me Jashtë njoftoi se ka filluar një proces për ta mbajtur Sekretarin e Shtetit, Mike Pompeo përgjegjës për fyerje të komisionit, duke përmendur si argument refuzimin e tij për të përmbushur një kërkesë për informacione lidhur me “keqpërdorimin e hapur politik” të burimeve të departamentit.

Kreu demokrat i komisionit, Eliot Engel, përmendi gjithashtu edhe fjalimin e zotit Pompeo nga Jeruzalemi në Kuvendin Kombëtar Republikan dhe tha se “ai ka shfaqur shpërfillje alarmuese për ligjet dhe rregullat për sjelljen e tij dhe për instrumentat që ofron kushtetuta për të parandaluar korrupsionin qeveritar”.

Muajin e kaluar komisioni i dërgoi një kërkesë zotit Pompeo për dokumentat që ai u kishte dhënë republikanëve që po hetonin mbi kandidatin demokrat për president, Joe Biden.

Një komision i Senatit i drejtuar nga republikanët, ka mbledhur informacione lidhur me të birin e ish-nënpresidentit, Hunter Biden.

Hunter Biden është ish-anëtar i bordit të kompanisë ukrainase të energjisë, “Burisma“. Kompania u vu në qendër të vëmendjes vitin e kaluar, gjatë hetimit për procesin e shkarkimit që kishte si qëllim të gjente nëse zoti Trump ushtroi presion të papërshtatshëm ndaj qeverisë së Kievit që të hapte një çështje që do të implikonte rivalin e tij në zgjedhje.

“I dhashë zotit Pompeo mundësi të mjaftueshme që të plotësonte kërkesën time për dokumenta, që fillimisht e bëra para tre muajsh. Këto dokumenta i ishin dorëzuar ndërkohë senatit dhe refuzimi i tij për t’ia dhënë Komisionit të Punëve të Jashtme të Dhomës së Përfaqësuesve, më bëri të lëshoja një kërkesë të detyrueshme”, tha zoti Engel në një deklaratë.

Marshim në Uashington me fokus te dhuna policore

57 vjet pas Marshimit për Punë e Liri në Uashington, ku Martin Luther Kingu mbajti fjalimin e famshëm “Kam një Ëndërr”, kryeqyteti amerikan do të bëhet skenë e një marshimi të ri të premten.

Marshimi i kësaj radhe pason demonstrata që vazhdojnë prej muajsh me thirrjet kundër dhunës policore ndaj personave me ngjyrë. Protestat filluan pas vdekjes së afrikano-amerikanit George Floyd gjatë arrestit në Mineapolis. Vdekja e tij është bërë simbol i historisë së gjatë të vdekjeve të personave me ngjyrë në duart e policisë.

Marshimi i së premtes është pagëzuar “Hiqni Gjurin që na Keni Vënë në Qafë,” një frazë që i referohet momentit kur vdiq George Floyd, i mbërthyer përdhe me gjurin e policit në qafë.

Këtë javë, një polic qëlloi shtatë herë në shpinë 29-vjeçarin afrikano-amerikan Jacob Blake në Kenosha të shtetit Uiskonsin. Aktualisht Blake është paralizuar nga mesi e poshtë.

Marshimi i së premtes është organizuar nga Rrjeti për Veprim Kombëtar i të Përndershmit Al Sharpton, organizata Martin Luther King III dhe grupime të tjera përfshirë edhe Shoqatën Kombëtare për Avancimin e Personave me Ngjyrë si dhe Federatën Hispanike, Ligën Kombëtare Urbane dhe shoqata e sindikata të tjera.

Aktiviteti do të fillojë në shkallët e Përmendores së Linkolnit dhe pas disa orësh demonstruesit do të marshojnë drejt Përmendores së Martin Luther Kingut.

Ndër ata që do ta marrin fjalën do të jenë ligjvënës e të afërm të personave që kanë vdekur në duart e policisë.

Fillimisht pritej një pjesëmarrje prej 100 mijë vetësh në marshim, por tani parashikimet flasin për afro 50 mijë vetë në përputhje me lejen që ka nxjerrë Shërbimi i Parqeve që menaxhon aktivitetet në hapësira publike në Uashington.

Pandemia, e cila ka prekur çdo aspekt të jetës, ka ndikuar edhe tek planet për marshimin e së premtes. Organizatorët thonë se çdo pjesëmarrës do të kontrollohet nëse ka temperaturë. Po ashtu, janë krijuar 200 stacione për sterilizimin e duarve dhe të gjithë duhet të mbajnë maskë.

Organizata e zotit Sharpton ka anuluar autobusë nga disa shtete ku ritmet e pandemisë janë të larta, pasi Uashingtoni ka vendosur karantinë dy javëshe mbi këdo që futet në qytet nga këto shtete, përfshirë Floridën, Teksasin dhe Xhorxhian.

Ata që do të marrin pjesë në marshim do të drejtohen në seksione të paracaktuara para përmendores, në distancë fizike nga njëri-tjetri dhe do të ndjekin fjalimet përmes ekraneve gjigande.

Biden, kundër sugjerimit për të mos dalë në debat me Presidentin Trump

Kandidati demokrat për president, Joe Biden, po refuzon thirrjet për të mos marrë pjesë në një debat zyrtar me Presidentin Donald Trump.

“Do të debatoj me të. Do të bëj verifikuesin e fakteve në skenë ndërsa do të jem duke debatuar me të“, tha zoti Biden të enjten gjatë një interviste për kanalin MSNBC.

Ish-nënpresidenti shtoi se “mendoj se të gjithë e dinë se ky njeri ka tendencën pothuajse patologjike për të mos thënë të vërtetën“.

Presidenti Trump dhe ish-Nënpresidenti Biden pritet të debatojnë në datat 29 shtator, 15 tetor dhe 22 tetor.

Zoti Biden i bëri deklaratat pak pasi Kryetarja e Dhomës së Përfaqësuesve, Nancy Pelosi, tha se ajo nuk mendonte se duhet të kishte debate presidenciale këtë vit.

“Nuk do ta legjitimoja një bisedë me të, dhe as një debat për sa i përket presidencës së Shteteve të Bashkuara“, tha zonja Pelosi.

Ajo parashikoi se gjatë debateve, Presidenti Trump “ndoshta do të vepronte në një mënyrë që është nën dinjitetin e presidencës”, duke kujtuar veprimet e tij gjatë debateve për vitin 2016 me ish-sekretaren e shtetit Hillary Clinton kur ai i qëndronte nga pas kandidates demokrate gjatë një takimi me publikun.

Me 67 ditë të mbetura deri në zgjedhjet e vitit 2020, demokratët po vazhdojnë të sulmojnë Presidentin Trump për përgjigjen e administratës së tij ndaj pandemisë së koronavirusit, e cila ka vrarë 180’000 njerëz në Shtetet e Bashkuara – shifra më e lartë e raportuar nga çdo vend tjetër, sipas të dhënave të Universitetit Johns Hopkins.

Me ndoshta gjuhën më therëse deri më tani nga dyshja e rivalëve të partisë opozitare, kandidatja demokrate për nënpresidente, Senatorja nga Kalifornia, Kamala Harris, tha se ndërsa kërcënimi nga virusi u rrit, “Donald Trump qëndronte pa vepruar, dhe njerëz, ky ishte një vendim vdekjeprurës”.

“Donald Trump ngriu. Ai u frikësua. Dhe ishte i vogël dhe hakmarrës“, tha ajo në një fjalim të drejtpërdrejtë nga Universiteti “George Washington” në Uashington.

Kandidatja demokrate për nënpresidente Kamala Harris

Në daljen e saj të parë e vetme gjatë fushatës, zonja Harris tha se ndërsa zoti Biden ka propozuar një plan për të luftuar COVID-19, presidenti aktual ende nuk ka një plan.

“Nuk ndalet me një mesazh në Twitter“, tha ajo.

Zonja Harris tha se Presidenti Trump ka dështuar në detyrën më themelore të një presidenti, që është mbrojtja e popullit amerikan.

Presidenti Trump ka theksuar në mënyrë të përsëritur vendimin e tij në fund të janarit për të ndaluar hyrjen e kujtdo që kishte qenë në Kinë gjatë 14 ditëve të mëparshme, vendim që erdhi menjëherë pasi Organizata Botërore e Shëndetësisë shpalli një emergjencë ndërkombëtare të shëndetit publik.

Presidenti ia atribuon veprimit të tij shpëtimin e mundshëm të miliona jetëve amerikane, dhe thotë se zoti Biden e kritikoi në atë kohë.

Një ditë pas masës së ndalimit për Kinën, zoti Biden e quajti Presidentin Trump ksenofob dhe tha se presidenti duhet të marrë vendime bazuar në shkencë. Por, demokratët pretendojnë se ish-nënpresidenti po e kritikonte Presidentin Trump në përgjithësi, dhe jo për këtë politikë specifike.

Faqja 40 prej 134« Fillimi ‹ Prapa 36 37 38 394041 42 43 44 Para ›Fundi »

Nju Jork, Shtetet e Bashkuara:

Zyra bosh deri më 2021?

Trump synon “të vrasë Nju Jorkun”

Përgatiti: Krenare Cubolli

Washington DC

Prishtinë

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL