VOAL

VOAL

Copyright © 2022

VOAL

SHBA

Obama – sfidë kritikëve të marrëveshjes bërthamore

Presidenti Barack Obama thotë se i duhet të dëgjojë një argument të fortë të bazuar në fakte, të peshuar me kujdes, si kundërvënie ndaj marrëveshjes bërthamore me Iranin.

Duke folur në një konferencë shtypi në Addis Ababa, të Etiopisë, zoti Obama kritikoi retorikën e disa republikanëve me influencë lidhur me marrëveshjen.

Ai tha se “arsyeja përse 99 për qind e botës mendon se është marrëveshje e mirë, ndodh ngaqë kemi një marrëveshje me të vërtetë të mirë.”

Marrëveshja me Iranin është miratuar nga Këshilli i Sigurimit i OKB-së, por megjithë lobimin dhe dëshmitë në Kongres të zyrtarëve të lartë të administratës Obama, marrëveshja ka arritur të ketë mbështetje vetëm nga disa kongresmenë të tjerë.

Në se marrëveshja hidhet poshtë nga Kongresi, Presidenti Obama ka premtuar se do të vetë veton ndaj saj.

Presidenti Obama vazhdon turneun në Afrikë

Gjatë fjalimit në kryeqytetin kenian, Nairobi, Presidenti amerikan Barack Obama thoa se Kenia ndodhet në udhëkryq, mes rrezikut dhe premtimit të madh.

Zoti Obama ndau parashikimet e tij mbi të ardhmen e vendit të Afrikës Lindore gjatë qëndrimit në atdheun e të atit të tij ku ai u nderua si të ishte nga ai vend.

Presidenti vlerësoi përparimet e Kenias që nga fitorja e pavarësisë nga sundimi kolonial britanik në vitin 1963, e deri tek dhënia fund e sundimit njëpartiak e më pas kapërcimit të dhunës vdekjeprurëse fisnore dhe etnike që shpërtheu në vitin 2007 dhe sundoi atë vend për disa muaj.

Populli i Kenias, tha presidenti, zgjodhi që të mos karakterizohet nga urrejtja e së shkuarës, por zgjodhi një histori më të mirë.

Presidenti Obama tha se e ardhmja e suksesshme e Kenias varet nga tri shtylla kryesore: qeverisje demokratike e fuqishme dhe transparente, zhvillimi ekonomik universal, dhe ndjenja e fortë e identitetit kombëtar që hedh poshtë konfliktet për një ardhme paqësore dhe pajtim.

Presidenti u tha njerëzve të mbledhur se kenianët i presin shumë mundësi përpara, duke theksuar një vizion shprese, në veçanti për të rinjtë.

“Një i ri kenian me ambicie, sot nuk ka nevojë të bëjë atë që bëri gjyshi im duke u larguar. Juve nuk ju duhet të bëni atë që bëri im atë dhe të braktisni shtëpinë për të marrë një arsimim të mirë dhe për më shumë mundësi. Për shkak të progresit të Kenias, dhe të potencialit tuaj, mundeni ta ndërtoni të ardhmen këtu.”

Zoti Obama i bëri thirrje atij vendi që të shtojë përpjekjet për zhdukur korrupsionin, duke thënë se çdo para e dhënë si ryshfet mund të shkojë tek punëtorët  e ndershëm.

Zoti Obama i kushtoi vëmendje të veçantë barazisë gjinore, duke thënë se Kenia nuk do të përparojë nëse i trajton vajzat dhe gratë si qytetarë të klasit të dytë. Ai bëri thirrje për dhënien fund të praktikave të martesave të detyruara, gjymtymet gjenitale dhe ndalimi i vajzave që të shkollohen. Këto tradita, tha presidenti, mund të kenë origjinën shekuj më parë por nuk kanë vend në shekullin 21.

Presidenti Obama paralajmëroi se politikat e bazuara vetëm tek fiset dhe përkatësia etnike janë politika që do ta shkatërrojnë vendin. Ndjenja e përbashkët e unitetit kombëtar po ashtu do ta parandalonte Kenian që të përdoret nga grupet terroriste. Zoti Obama shkoi nga Nairobi në Addis Ababa duke u bërë kështu presidenti i parë amerikan që viziton Etiopinë.

Dje, zoti Obama tha se SHBA-ja dhe Kenia qëndrojnë të bashkuara përballë kërcënimit të terrorizmit, por Presidenti Uhuru Kenyatta nuk u shpreh dakord me Presidentin Obama për të drejtat e homoseksualëve.

“Për kenianët sot, çështja e të drejtave të homoseksualëve nuk qëndron. Duam të përqëndrohemi në aspekte të tjera të jetës së përditshme të popullit tonë. Çështjet e shëndetësisë që kemi diskutuar me Presidentin Obama janë vërtet të rëndësishme.”

Shqetësimet për të drejtat e njeriut zënë vend të dukshëm në sfondin e udhëtimit të zotit Obama në Afrikë.

Përpara se të nisej nga SHBA, grupe të të drejtave të njeriut i bënë thirrje që të kërkojë reforma thelbësore të të drejtave të njeriut në Kenia dhe Etiopi.

Presidenti Obama shkon dhe në Etiopi, duke u bërë kështu presidenti i parë amerikan që viziton këtë vend.

SHBA mbështet fushatën turke kundër ISIS, PKK

Shtetet e Bashkuara kanë shprehur mbështetje për fushatën e goditjeve që ka ndërmarrë Turqia kundër Shtetit Islamik në Siri dhe bazave të Partisë së Punëtorëve të Kurdistanit, PKK në Irak.

Deklarata amerikane pason një javë të shoqëruar me akte dhune në Turqi, për të cilat u fajësuan ISIS dhe PKK. Këto dy organizata janë armike të betuara të njëra-tjetrës.

Një zëdhënësi i Shtëpisë së Bardhë tha sot se Ankaraja po vepron në përputhje me të drejtën e saj “për të vepruar kundër objekteve terroriste” përfshirë edhe goditjet ndaj objekteve të PKK-së në Irakun verior, të cilat përfaqësojnë të parën here që sulmohet PKK nga forcat turke që pas arritjes së marrëveshjes mes kësaj organizate dhe autoriteteve të Ankarasë në 2013.

Zyrtarët turq thonë se sulmet në Siri synojnë të krijojnë një zonë të sigurtë në një pjesë të madhe në veri të vendit.

Kryeministri Ahmet Davutoglu tha dje se operacionet turke të sigurisë do të vazhdojnë të jenë të domosdoshme për sa kohë që Turqisë i kanosen kërcënime.

Burime të PKK-së thanë dje se armëpushimi i arritur mes organizatës së tyre dhe autoriteteve turke në 2013 praktikisht ka marrë fund, pas sulmeve ndaj bazave të partisë në Irakun verior.

Një diplomat i lartë amerkan tha sot përmes llogarisë së tij në Twitter se goditjet turke kundër PKK nuk ndikojnë tek pakti për të forcuar përpjekjet e bashkëpunimit SHBA-Turqi në luftë kundër Shtetit Islamik.

SHBA e përgëzon Turqinë

Shtëpia e Bardhë tha sot se e mirëpriti vendimin e Turqisë për të “ngritur fokusin dhe ka përshpejtuar përpjekjet” kundër grupit militant Shteti Islamik.

Këto deklarata u bënë gjatë kohës kur Shtëpia e Bardhë po njoftonte për vizitën e presidentit Barack Obama në Nairobi të Kenias.

Këto komente vijnë një ditë pasi Turqia filloi fushatën e sulmeve ajrore dhe tokësore kundër pozicioneve të Shtetit Islamik në Siri dhe militantëve kurdë në veri të Irakut.

Ankara nuk ka dhënë detaje mbi sulmet në Sirim por tha se ka thënë se forcat ajrore kanë goditur baza të Partisë të Punëtorëve të Kurdistanit (PPK).

Ata gjithashtu bombarduan baza të IS-it dhe PPK-së përgjatë kufirit me Turqinë.

Hillary Clinton – Nuk kam dërguar ose marrë emaile të klasifikuara në llogarinë time private

VOAL – UINTERSET, AJOVA – Kandidatja presidenciale e SHBA Hillary Clinton tha mbrëmë se nuk e ka përdorur llogarinë private për të dërguar ose për të marrë emaile të klasifikuara, kur ishte Sekretare e Shtetit. Kjo deklaratë u dha në përgjigje të letrës së një inspektori të qeverisë këtë javë.

“Unë nuk dërgova ose mora asgjë që ishte e klasifikuar në atë kohë,” tha Clinton në një tubim të fushatës në Iowa.

Kundërthënia e emaileve e ka shoqëruar garën e Clintonit për presidencë, duke ngritur shqetësimin se mos kandidatja kryesore e Partisë Demokrate për presidencë është përpjekur të shmangë transparencën dhe ligjet.

Inspektori i përgjithshëm Charles McCullough, i cili mbikqyr agjencitë inteligjente të SHBA, iu tha kongresmenëve të enjten se të paktën katër emaile nga llogaria private e Sekretares së Shtetit përmbanin informacion të klasifikuar.

Clinton tha mbrëmë se ‘nuk ka ide’ për çfarë emailesh flitet në letër.

Letra e McCullough-it thotë se në një kqyrje të 40 nga rreth 30 000 emaile që ka dërguar ose marrë Clinton gjeti se të paktën katër përmbanin informacion të cilin qeveria e kishte klasifikuar si sekret. Informacioni ishte klasifikuar në kohën kur u dërguan emailet, tha McCullough.

Përdorimi llogarisë private të emaileve, nga një server në shtëpinë e saj në New York, ka nxitur sulmet e kundërshtarëve të saj që nga marsi.

Republikanët kanë akuzuar se Clinton u përpoq të shmangë ligjet duke përdorur sistemet e saj private.

Kryesuesja e Partisë Demokrate në garën e nëntorit 2016, Clinton ka përsëritur vazhdimisht se nuk ka shkelur asnjë ligj apo rregullore duke shmangur një llogari standarde të emaileve të qeverisë.

Ndërsa Clinton nuk ka ndonjë konkurrencë në Partinë Demokrate, në disa sondazhe të fundit shumë votues e konsiderojnë të mosbesueshme, për çka duket se ka ndikuar kundërthënia e emialeve të saj. reuters

OBAMA NË NAIROBI – PËRQAFOHET ME MOTRËN AUMA (lajmi i plotë)

VOAL – NAIROBI – U prit nga motra prej babait, Auma, e cila e ka përqafuar ngrohtësisht, sapo Barack Obama mbërriti mbrëmë në bordin e Air Force One në aeroportin ndërkombëtar të Nairobit, ku e filloi udhëtimin e tij të parë në Kenia si president i Shteteve të Bashkuara të Amerikës.

Pas një ceremonie të shkurtër presidenti u drejtua për në kryeqytet mes turmës së jashtëzakonshme që ishte rreshtuar në të dy anët e rrugës, e kontrolluar nga një siguri e lartë.

Darkën Presidenti Obama e kaloi me familjen e tij.

Nja tridhjetë vetë të ulur në tavolina të gjatë, në mes presidenti Barack Obama, në njërin krah të djathtë gjyshja e njohur si  “Mama Sarah” e në krah të majtë motra Auma Obama.

“Ndihem krenar që jam presidenti i parë amerikan që viziton Kenian,” shkroi Obama në faqen e tij në Twitter. “Jam i lumtur që pashë familjen – vazhdon ai – dhe të flas për të ardhmen me të rinjtë kenianë.”

sda-ats

US President Barack Obama in KenyaU.S. President Barack Obama attends a private dinner with family members at his hotel restaurant after arriving in Nairobi

Presidenti Obama fillon vizitën në Afrikë

Presidenti Barak Obama mbërriti mbrëmë në Nairobi të Kenias, nën masa të forta sigurie për një vizitë dyditëshe.

Forcat e rendit patrullojnë qytetin që është nën gjendje thuajse izolimi të plotë për vizitën e parë që zhvillon në këtë vend zoti Obama si president i Shteteve të Bashkuara.

Rrugët e qytetit janë pastruar, ndërtesat janë lyer dhe nuk është kursyer asnjë shpenzim për të pritur zotin Obama në një vizitë që kenianët po e cilësojnë si “rikthimin e tij në atdhe”.

Vizita po zhvillohet vonë në mandantin e presidentit Obama, siç mendohet për faktin se Presidentit Uhuru Kenyatta ballafaqohej me akuza për krime kundër njerëzimit. Gjykata Ndërkombëtare e Krimeve e pushoi çështjen për shkak të mungesës së provave. Dy presidentët kanë në plan të takohen gjatë qëndrimit të zotit Obama në Kenia.

Të dielën zoti Obama shkon në Etiopi, duke shënuar të parën herë që një president amerikan viziton këtë vend gjatë mandatit presidencial. Gjatë qëndrimit në Etiopi, zoti Obama pritet të takohet me kryeministrin dhe të flasë para Bashkimit Afrikan që e ka selinë në Adis Abeba.

Grupet për të drejtat e njeriut i kanë bërë thirrje presidentit amerikan ta shfrytëzojë turneun për t’u bërë presion këtyre dy vendeve të përmirësojnë praktikat e tyre ndaj të drejtave të njeriut.

Presidenti ndodhet në Afrikë për të marrë pjesë në Takimin Global të Sipërmarrjes. Gjatë qëndrimit në Afrikë ai pritet të nënvizojë shtimin e shkëmbimeve ekonomike mes Shteteve të Bashkuara dhe Afrikës Nënsahariane.

New York Times – Kërkohet hetim për Hillary Clintonin

Gazeta New York Times njofton se dy inspektorë federalë i kanë kërkuar Departamentit të Drejtësisë të hapë një hetim penal për të sqaruar nëse zonja Hillary Clinton ka vepruar në kundërshtim me ligjin përsa i përket informacioneve sensitive qeveritare në llogarinë private të emailit që ajo përdorte kur ishte sekretare e shtetit. Zonja Clinton ka thënë se në llogarinë e saj të emailit nuk ka patur asnjë informacion të klasifikuar.

Sipas gazetës New York Times, kërkesa erdhi pas një dokumenti të datës 29 qershor, ku inspektorët e përgjithshëm të Departamentit të Shtetit dhe agjencive të zbulimit thoshin se në llogarinë private të zonjës Clinton ka pasur “qindra emaile që mund të ishin të klasifikuara”.

Sipas gazetës New York Times, nuk është e qartë nëse ndonjë nga informacionet që përmbanin emailet ishte përcaktuar si i klasifikuar nga Departamenti i Shtetit, kur zonja Clinton i kishte marrë ose dërguar ato.

Njoftimet se ish-sekretarja e shtetit kishte përdorur një llogari private emaili për punë zyrtare bënë bujë në muajin mars dhe kjo u kthye menjëherë në një çështje të debatuar për fushatën presidenciale të zonjës Clinton.

Ish sekretarja e shtetit ka thënë se në llogarinë e saj të emailit nuk ka patur asnjë informacion të klasifikuar.

Sipas New York Times-it, zyrtarët e lartë i thanë gazetës se Departamenti i Drejtësisë nuk ka vendosur nëse do të hapë ose jo hetime.

Pas daljes së lajmeve lidhur me llogarinë e saj private, zonja  Clinton i kërkoi Departamentit të Shtetit të publikonte emailet e saj. Departamenti po shqyrton aktualisht 55 mijë faqe emaili të zonjës Clinton dhe në fund të qershorit bëri publike paketën e parë me 3000-emaile.

Earnest: Demonstrata kundër marrëveshjes atomike – “tubim pro-luftës”

Shtëpia e Bardhë ka vlerësuar se demonstrata kundër marrëveshjes atomike me Iranin, mbrëmë në Uashington, ishte “tubim pro-luftës”.

Folësi kryesor në këtë demonstratë ishte  Ted Cruz, njëri nga kandidatët presidencialë republikanë që ka thënë se sikur të ishte president, do të ishte i gatshëm të ndërmarrë menjëherë sulme ushtarake kundër Iranit.

I pyetur për këtë demonstratë, zëdhënësi i Shtëpisë së Bardhë, Josh Earnest, tha se Cruz po mbante “tubim për luftë”, megjithqë ka refuzuar të thotë se të gjithë pjesëmarrësit në demonstratën në Uashington, ishin për luftë.

Zoti Cruz tha se Shtetet e Bashkuara do të bëheshin “sponzori udhëheqës shtetëror dhe financues i terroristëve islamikë radikalë”, sipas marrëveshjes, pasi do t’i tërheqin sanksionet kundër Iranit, në këmbim për kufizimin e aktiviteteve bërthamore iraniane.

Kundërshtarët thonë se tërheqja e sanksioneve do t’i mundësoj Iranit përfitime të më tepër parave, që do të shfrytëzohen për t’i mbështetur ndërmarrjet e veta ushtarake në Lindjen e Mesme.

SHBA: Ushtria gabimisht ka dërguar antraks në gjithë botën

Zyrtarët amerikanë thonë se problemet sistemore kanë shkaktuar që një kapacitet ushtarak amerikan, në mënyrë aksidentale ka dërguar antraks të gjallë në 86 laboratore në gjithë botën, për më tepër se një dekadë.

Në një konferencë për gazetarë, mbrëmë në Pentagon, zyrtarët thanë se pjesa më e madhe e antraksit të prodhuar në një kapacitet ushtarak në Utah, përmbante antraks të gjallë, pas përpjekjeve të dështuara për vrasjen e fushës bakteriale.

Pentagoni ka urdhëruar hetime të reja për të përcaktuar se kush ishte përgjegjës për këtë çështje.

Problemi, së pari, është identifikuar në muajin maj, por hetimet kanë dhënë detaje të reja, që tregojnë se problemi shkon larg për më tepër se një dekadë në të kaluarën.

Supozohej se antraksi ishte vrarë me rrezatim para se të dërgohej për përdorim në laboratoret komerciale dhe kapacitetet qeveritare të vendosura në Australi, Britani, Kanada, Gjermani, Itali, Japoni dhe në Korenë Jugore, pastaj në 20 shtete amerikane dhe në Uashington.

Nuk është raportuar për ndonjë sëmundje, por 31 vetëve u janë dhënë ilaçe si masë preventive.

Shtëpia e Bardhë: Në prag të mbylljes së Guantanamo Bay

Zëdhënësi i Shtëpisë së Bardhë, Josh Earnest ka thënë se administrata e presidentit amerikan Barack Obama është në “fazat e fundit” të përpilimit të planit për mbylljen e“sigurtë dhe përgjegjshme” të qendrës së ndalimit në Guantanamo Bay, të Kubës.

Pas përpilimit, plani do t’i dërgohet Kongresit për miratim.

Earnest u tha gazetarëve se puna është e “komplikuar” por është shënuar “përparim i rëndësishëm”.

Ai shtoi se Shtëpia e Bardhë është duke zgjidhur disa detaje, të tilla si do të munden të tranferohen shumë të ndaluar që kanë mbetur në Guantanamo Bay, të cilët janë të ndjekur penalisht dhe ndaj tyre janë duke u zhvilluar procedura gjyqësor.

Earnëest tha se mbyllja e qendrës në Guantanamo Bay “është prioritet për presidentin”. AI tha se Obama “beson në kjo është në interesin e sigurisë kombëtare që qendra e mbajtjes të mbyllet”.

Anëtarë të Kongresit vazhdimisht kanë ngritur pengesa, në mënyrë që plani i presidentit Barack Obama për mbylljen e kësaj qendre të mbajtjes të mbyllet, ku aty janë të mbajtur anëtarë të Al-Kaidas, luftëtarë talebanë dhe të dyshuar të tjerë për terrorizëm, që prej janarit të vitit 2002.

New York: Protestë kundër marrëveshjes me Iranin

Mijëra protestues pro-izraelitë kanë protestuar në Times Square të New York-ut më 22 korrik, duke kërkuar që Kongresi amerikan të mos e miratojë marrëveshjen për programin bërthamor të Iranit.

Protestuesit, duke përfshirë edhe politikanë republikanë, grupet hebreje dhe krishterë evangjelistë, kanë brohoritur “Vriteni marrëveshjen”, për të cilën ata thonë se është një kërcënim për Izraelin dhe për sigurinë botërore.

Një prej organizatorëve të protestës, Jeffrey Wiesnfeld, ka thënë se në këtë protestë kanë marrë pjesë më shumë se 10,000 njerëz.

Në këtë protestë ka marrë pjesë edhe ish-guvernatori i New Yorkut, republikani George Pataki.

“Ne jemi këtu si amerikanë për të folur me një zë, duke thënë që të ndalohet marrëveshja me Iranin menjëherë”, ka thënë ai.

Sipas marrëveshjes, Shtetet e Bashkuara do të heqin sanksionet ekonomike kundër Iranit, me qëllim që Republika Islamike të mos ndërtojë armë bërthamore.

Obama dhe Erdogan pajtohen të punojnë së bashku kundër IS-it

Presidenti amerikan Barack Obama dhe homologu i tij turk, Tayyip Erdogan janë pajtuar që të punojnë së bashku në parandalimin e luftëtarëve të huaj, të cilët përmes kufirit të Turqisë, i bashkohen grupit militant Shteti Islamik, thotë Shtëpia e Bardhë.

Të dy liderët, kanë zhvilluar një bisedë telefonike më 22 korrik, ku janë pajtuar gjithashtu që të thellojnë bashkëpunimin në luftën kundër Shtetit Islamik.

Shumica mijëra luftëtarëve të huaj,  nga Evropa apo Shtetet e Bashkuara, që i bashkohen  Shtetit Islamik në luftë në Siri dhe Irak, kanë hyrë nëpërmjet qyteteve turke në kufi me Sirinë.

Më herët Turqia kishte hezituar që të përfshihej në luftën që po zhvillohej në shtetet e saj fqinje. Por një bombardim i madh i kryer nga Shteti Islamik në qytetin turk që është në kufi me Sirinë, ku u vranë 32 njerëz, duket se ka nxitur Erdoganin në marrjen e masave më të forta.

Shtëpia e Bardhë njofton se presidenti Obama ka dënuar dënimet në qytetin Suruc, si dhe sulmin e dytë, ku u vranë dy policë turqë dhe i ka ofruar ngushëllimet e tij për këto ngjarje.

Gjenerali amerikan e mbështet dërgimin e armatimit në Ukrainë

Shtetet e Bashkuara duhet “seriozisht ta shqyrtojnë” çështjen e dërgimit të armatimit vdekjeprurës në Ukrainë dhe për të vendosur kontrollues të sulmeve ajrore amerikane afër hapësirave të luftës në Irak, ka thënë mbrëmë gjenerali amerikan, Mark Milley.

Zoti Milley, që ishte nominuar për të qenë shef i ardhshëm i shtamadhorisë së ushtrisë amerikane, tha se ai pajtohet me komanadtanin e brigadave të marinës, Joe Dunford, se Rusia paraqet kërcënimin më të madh për Shtetet e Bashkuara, për shkak të arsenalit të saj të madh atomik dhe për shkak të sjelljes “shumë agresive, prej vitit 2008″.

“Ata e kanë sulmuar dhe invaduar Gjeorgjinë, ata e kanë marrë Krimenë, ata kanë sulmuar brenda në Ukrainë”, tha gjenderali Mark Milley, në Komitetin e Shërbimeve të Armatosura të Senatit, duke konkluduar se “kjo është shqetësuese”.

Duke e shprehur pikëpamjen e tij për sulmet në Ukrainë me zjarr artilerik dhe raketor nga kryengritësit e mbështetur nga Rusia, prej vitit të kaluar, Milley tha se “unë do të isha në favor të furnizimit të Kievit me pajisje vdekjeprurëse mbrojtëse”.

Më herët, Shtetet e Bashkuara u kanë rezistuar thirrjeve për furnizim të Ukrainës me armatim vdekjeprurës për shkak të shqetësimeve për përshkallzimin e konfliktit.

Por deklarata e gjeneralit Milley është shenja e më e re se Pentagoni ndoshta do ta shqyrtojë këtë çështje.

Obama: Irani duhet t’i lirojë katër amerikanët

Presidenti amerikan Barak Obama i kërkoi të martën Iranit lirimin e tre amerikanëve që mbahen atje si dhe të ndihmojë për të gjetur një amerikan të katërt, i cili besohet se ndodhet në Iran.

“Ne nuk do të ndalemi derisa amerikanët tanë të cilët mbahen të arrestuar padrejtësisht në Iran, të kthehen në shtëpitë e tyre,” tha zoti Obama në një konferencë veteranësh në Pitsburg. “Gazetari Jason Rezaian duhet të lirohet. Pastori Saeed Abedini duhet të lirohet. Amir Hekmati, ish-rreshter i marinsave, duhet të lirohet. Irani duhet të na ndihmojë për të gjetur amerikanin Robert Levinson. Këta amerikanë duhet të kthehen në shtëpi pranë familjeve të tyre,” tha zoti Obama.

Pjestarë të familjeve, miq dhe bashkëpunëtorë të katër amerikanëve që mbahen në Iran e kanë kritikuar zotin Obama se nuk është përpjekur për të siguruar lirimin e tyre, si pjesë e marrëveshjes ndërkombëtare të javës së kaluar me Teheranin që bllokon të paktën përkohësisht prodhimin e armëve bërthamore në këmbim të heqjes së sanksioneve ekonomike paralizuese të vendosura nga Kombet e Bashkuara dhe vendet perëndimore.

Zoti Obama e mori në mbrojtje marrëveshjen e negociuar nga Britania, Franca, Gjermania, Rusia, Kina dhe SHBA me Iranin, duke e quajtur atë “një mënyrë më inteligjente dhe më të përgjegjshme për të mbrojtur sigurinë kombëtare amerikane.”

Sekretari Kerry: Pakti me Iranin e bën botën më të sigurt

Sekretari amerikan i Shtetit John Kerry i tha Zërit të Amerikës se zbatimi i marrëveshjes bërthamore ndërkombëtare me Iranin do ta bëjë botën më të sigurtë, do të përmirësojë standardin e jetesës për iranianët dhe do të hapë mundësi të tjera ndërmjet Shteteve të Bashkuara dhe Iranit. Sekretari Kerry ka luajtur rol parësor në përpjekjet e administratës për të siguruar mbështetjen e ligjvënësve skeptikë në Kongresin amerikan.

Në një intervistë me Shërbimin Iranian të Zërit të Amerikës, zoti Kerry shprehu besim se ligjvënësit do të arrijnë të kuptojnë se dështimi për të miratuar marrëveshjen e arritur mes Iranit dhe gjashtë vendeve perëndimore mund të çojë në konflikt dhe luftë të mëtejshme në Lindjen e Mesme.

“Sepse në qoftë se ne nuk kemi një marrëveshje të tillë, atëherë, besoj, Ajatollahu do të thotë: “Pse duhet të negocioj me këta njerëz? Ata nuk e mbajtën fjalën dhe nuk kanë ndërmend ta bëjnë.” Përse kolegët tanë në botë duhet të mbështesin sanksionet, kur ata mund të mendojnë se megjithëse marrëveshja u arrit ne po i largohemi asaj? Pra e gjithë puna dështon dhe sjell rreziqe të mëdha për rajonin.”

Zoti Kerry mori në mbrojtje administratën ndaj kritikave se ajo duhet të kishte kërkuar një axhendë të gjerë me Iranin, që të përfshinte çështjet e të drejtave të njeriut dhe të kishte siguruar lirimin e disa amerikanëve që mbahen të arrestuar në Iran.

“Siç e kemi thënë më parë, në qoftë se do të kishim  zgjedhur një numër çështjesh mes Iranit dhe komunitetit botëror ose ndërmjet Shteteve të Bashkuara dhe Iranit, ne do të negocionim për 10 vjet me radhë dhe asnjëherë nuk do të kishim arritur dot marrëveshje. Ne nuk kishim aq shumë kohë, për shkak të çështjes bërthamore.”

Zoti Kerry tha se nëse zbatohet në tërësi, marrëveshja mund të sjellë shumë gjëra pozitive lidhur me Iranin.

“Kjo përfshin mundësinë për të udhëtuar, por ajo që mund të bëhet menjëherë është heqja e sanksioneve të veçanta në sektorin e financës, në sektorin bankar, në lëvizjen e mallrave. Irani do të lejohet të shesë mallra të tillë si fistikë, qilima apo ushqime të ndryshme. Pra, disa gjëra do të lejohen por ende jo të gjitha. Embargoja kryesore mbetet në fuqi.”

Këshilli i Sigurimit i OKB-së miratoi dje njëzëri një rezolutë me të cilën i thotë “Po” marrëveshjes bërthamore. Administrata e Presidentit Obama i paraqiti Kongresit të dielën një plan, i cili përfshin një periudhë 60-ditore që ligjvënësit të shqyrtojnë marrëveshjen. Pakti duhet të miratohet gjithashtu nga ligjvënësit iranianë.

Manovra të përbashkëta amerikano-ukrainase

Në Ukrainën perëndimore filloi të hënën një stërvitje ushtarake që përfshin forca ukrainase dhe amerikane, së bashku me trupa nga forcat e NATO-s. Stërvitja zhvillohet ndërkohë që luftimet mes trupave qeveritare dhe kryengritësve të mbështetur nga Rusia janë shkallëzuar në Ukrainën lindore, megjithë armëpushimin.

Manovrat e trajnimit në terren “Rapid Trident” po zhvillohen në Qendrën Ndërkombëtare për Paqen dhe Sigurinë (IPSC) në Yavoriv, pranë kufirit të Ukrainës me Poloninë. Ja si i përshkroi manovrat koloneli amerikan Alfred Renzi.

“Shumë prej veprimeve taktike përkojnë me operacionet e stabilitetit dhe veprimet luftarake si reagimi i ushtarëve ndaj një sulmi apo ndonjë prite pastaj reagimi i tyre për të eleminuar kërcënimin ndaj një objektivi të caktuar.”

Trupat ushtarake të Ukraninës, Shteteve të Bashkuara dhe vendeve anëtare të NATO-s do të kryejnë manovra me mjete shpërthyese, operacione për shoqërimit të karvaneve dhe patrullime.  Oleksander Suvak është Nënkryetar i Akademisë Ushtarake të Ukrainës.

“Manovrat përdorin shtete imagjinare si Skolkam në Evropën Veriore, që përpiqet të sulmojë vende përqark Detit të Zi. Trupat po trajnohen për t’u vënë në linjën e frontit këtu në këtë poligon ushtarak.”

Ministria e Jashtme e Rusisë lëshoi një deklaratë të hënën ku e dënon stërvitjen, duke e quajtur atë një “demonstrim të qartë” nga NATO-ja “të mbështetjes pa kushte ndaj politikave të autoriteteve të Kievit” në juglindje të Ukrainës, “si rezultat i të cilave çdo ditë në rajon vazhdojnë të vdesin civilë.”

Ushtria amerikane e përshkroi stërvitjen si “një manovër rajonale për trajnimin në terren dhe që fokusohet në operacionet paqeruajtëse dhe stabilitetin.”

Manovrat do të vazhdojnë deri në fund të muajit.

SHBA 2016: Trump fluturon në sondazhe, tek demokratët dominon Hillary

VOAL – NEW YORK, 21 KORRIK – Donald Trump më i forti i të gjithëve, edhe pse bën gafa të panumërta: fluturon në sondazhe. Kështu del nga të dhënat e fundit të Washington Post e ABC – i pari sondazh pas sulmit ndaj John McCain – ku miliarderi kandidat për në Shtëpinë e Bardhë është fare qartazi në krye të republikanëve me 24%: më shumë se dhjetë pikë para guvernatorit të Wisconsinit, Scott Walker (13%) e ndaj atij që pritej të ishte favorit, Jeb Bush (12%).

Ndër demokratët dominon Hillary Clinton me 63%. ansa

Kongresi amerikan fillon shqyrtimin e marrëveshjes bërthamore

Administrata e presidentit të Shteteve të Bashkuara, Barack Obama, e ka dërguar marrëveshjen bërthamore me Iranin, në Kongresin e Shteteve të Bashkuara për shqyrtim.

Kjo marrëveshje ndërmjet Iranit dhe gjashtë fuqive botërore, Shtetet e Bashkuara, Kina, Rusia, Franca, Britania dhe Gjermania, është nënshkruar në Vjenë më 14 korrik, pas negociatave intensive aktuale.

Tash Kongresi amerikan i ka 60 ditë për shqyrtimin e tekstit, ndërsa dita e parë fillon më 20 korrik.

Njëri nga kundërshtarët këmbëngulës të kësaj marrëveshjeje, kryeministri i Izraelit, Benjamin Netanyahu, ka kërkuar nga Kongresi amerikan që ta refuzojë marrëveshjen.

Duke folur në televizionin amerikan CBS, Netanyahu tha se “ka shumë gjëra që të bëhen për ta ndalur agresionin iranian, por kjo marrëveshje nuk është njëra nga ato”.

Sekretari amerikan i shtetit, John Kerry, duke folur në rrjetin televiziv, CNN, tha se “nëse Kongresi e vranë këtë marrëveshje”, atëherë procesi i negociatave me Iranin do të përfundojë.

Sipas tij, “shqetësim real” në shtetet e Gjirit dhe në Lindjen e Mesme, do të duhej të kishte, sikur të mos ekzistonte marrëveshja.

“Shqetësim real i rajonit do të ishte nëse nuk keni marrëveshje. Nëse Kongresi nuk e kalon atë, nëse Kongresi do ta vrante këtë, ne nuk kemi inspeksione, ne nuk kemi sanksione, ne nuk kemi aftësi të bëjmë negociata, pasi, ju siguroj, lideri suprem iranian, Ajatollah Khamenei, kurrë nuk do të ulet në tavolinën e negociatave. Nëse Shtetet e Bashkuara njëanshëm dhe arbitrartisht e vret këtë, atëherë ju nuk do të keni negociata të tjera, dhe ata do të jenë të lirë për t’i bërë gjërat, të cilat kjo marrëveshje i parandalon”, tha John Kerry.

Lideri suprem iranian, Ali Khamenei, javën e kaluar në një ceremoni në kryeqytetin Teheran, me rastin e festës së Bajramit, tha se “edhe pas kësaj marrëveshjeje, politika jonë kundër Shteteve të Bashkuara arrogante, nuk do të ndryshojë”.

“Amerikanët thonë se ata e kanë ndalur Iranin nga krjimi i armatimit bërthamor. Ata e dinë se kjo nuk është e vërtetë. Ne e kemi fatvën, me të cilën armatimet bërthamore shpallen se janë të ndaluara nga aspekti religjioz në ligjin islamik. Kjo nuk ka të bëjë asgjë me bisedimet bërthamore”, tha Ali Khamenei.

Ai është shprehur se nëse do të ketë luftë atëherë ajo që do të pësojë është Amerika.

“Natyrisht, ne nuk e mirëpresim asnjë luftë, nuk e fillojmë asnjë luftë, por nëse do të ketë luftë këtu, ai që do të largohet nga beteja kokëulur, është pushtuesi dhe Amerika kriminale”, tha Ajatollah Khamenei.

Senatori amerikan, Tom Cotton, nga Partia Republikane, duke e kundërshtuar marrëveshjen, ka theksuar se “Irani është sponzorizues i terrorit”.

“Irani është sponzorizues i terrorit, regjim i paligjshëm anti-amerikan. Ata kanë gjak të qindra ushtarëve dhe marinsave amerikanë në duart e tyre. Ne nuk duhet ta forcojmë një regjim të këtillë që të jetë lojtar i suksesshëm rajonal. Ne duhet t’i kundërshtojmë ata në secilën mënyrë”, tha senatori Tom Cotton, në rrjetin televiziv, NBC.

Presidenti amerikan, Barack Obama, tha se marrëveshja e largon Iranin nga prodhimi i bombës atomike.

“Kjo marrëveshje aktualisht e shtyn Iranin më larg nga bomba. Atje ekziston ndalesa e vazhdueshme që Irani ndonjëherë të ketë armatim bërthamor”, tha Barack Obama, në një video deklaratë të publikuar nga Shtëpia e Bardhë, më 18 korrik.

“Nëse Irani e shkel këtë marrëveshje, sanksionet, që ne i kemi imponuar e të cilat kanë ndihmuar në dëmtimin e ekonomisë iraniane, pra sanksionet që kanë ndihmuar që kjo marrëveshje të jetë e mundshme, do të ktheheshin me të shpejtë”, tha Barack Obama.

Zoti Obama është shprehur edhe për rrezikun që kanoset nga Irani.

“A i zgjidh kjo marrëveshje të gjitha kërcënimet që paraqit Irani te fqinjët e vet dhe për botën? Jo. A bënë marrëveshja më tepër se çdokush më parë për të pasur siguri se Irani nuk prodhon armatim atomik? Po”, tha Barack Obama.

Ai ka theksuar edhe sigurinë për Shtetet e Bashkuara dhe veprimet që mund t’i ndërmerr.

“I mirëpres të gjitha shqyrtimet. Nuk u frikësohem pyetjeve. Si komandant suprem nuk bëjë apologji për ta mbajtur vendin e sigurt, nëpërmjet punës së madhe diplomatike e deri në hyrjen me lehtësi në luftë”, tha Barack Obama.

Ai ka vlerësuar se marrëveshja paraqet “mundësi historike”.

“Para nesh e kemi një mundësi historike për të pasur një botë më të sigurt për fëmijët tanë. Ndoshta nuk do të mund të ketë rast të tillë përsëri gjatë jetës sonë. Për këtë arsye, ne do ta shfrytëzojmë atë sot, dhe ta mbajmë Amerikën një fener të shpresës, lirisë dhe udhëheqjes së gjeneratave që vijnë”, tha Barack Obama.

Përgatiti: Fatmir Bujupi

Amerika dhe Kuba hapin ambasadat në dy vendet

Shtetet e Bashkuara dhe  Kuba rivendosën sot marrëdhëniet të plota diplomatike pas më tepër se pesë dekadash.

Flamuri kuban u valëvit sot në mëngjes në Departamentin amerikan të Shtetit, krahas me flamujt e vendeve të tjera që kanë marrëdhënie diplomatike me Shtetet e Bashkuara.

Shtetet e Bashkuara dhe Kuba kanë tani ambasada në vendet përkatëse.

Ky ndryshim historik në marrëdhëniet diplomatike mes të dy vendeve ndodh 54 vjet pas ndërprerjes së marrëdhënieve gjatë administratës së Presidentit John Kennedy.

Zyrtarët kubanë, përfshirë Ministrin e Jashtëm Bruno Rodríguez Parrilla, do të marrin pjesë në ceremoninë e hapjes së ambasadës kubane në Shtetet e Bashkuara sot në Uashington. Në ceremoni do të jetë e pranishme dhe Ndihmës sekretarja amerikane Shtetit për Çështje të Hemisferës Perëndimore, Roberta Jacobson, e cila luajti një rol të rëndësishëm në negociatat mes të dy vendeve.

Sekretari i Shtetit John Kerry do ta presë sot zyrtarisht homologun e tij kuban Rodríguez Parrilla dhe pas takimit ata do të japin një konferencë të përbashkët për shtyp.

Ceremonia e hapjes së ambasadës amerikane në Kubë do të zhvillohet kur  sekretari Kerry të shkojë në Havanë, por ndërkohë ambasada do të ketë filluar nga puna me funksione të plota.

Rivendosja e lidhjeve mes të dy vendeve është shoqëruar edhe me kritika.

Senatori republikan Marco Rubio ka thënë se në negociata nuk është theksuar sa duhet qëndrimi i Kubës ndaj të drejtave të njeriut.

Dasma e bukur e Rudinës, vajzës së Azem Hajdarit në New York (shumë foto)

VOAL -TIRANE – Rudina Hajdari, vajza e ish-liderit të dhjetorit Azem Hajdari gjatë kësaj jave ka jetuar ndoshta ditët më të bukura të jetës. Ajo është martuar me Muçjon Demiraj. Në një ceremoni të thjeshtë, por të bukur dhe elegante, ku kanë qenë të ftuar pak njerëz, Rudina ka kurorëzuar martesën e saj në një nga hotelet luksoze të New York-ut ku prej disa vitesh jeton dhe punon.

Rudina është shtatzënë dhe shumë shpejt pret të bëhet nënë. Nuk kishte se si të mungonin në këtë ceremoni, e ëma, Fatmira, vëllai i madh, Kiri dhe i vogli, Azemi, i cili ka lindur vetëm pak muaj pasi i ati i tij ndërroi jetë gjatë një atentati që iu bë në hyrje të selisë së Partisë Demokratike në vitin 1998. Në dasmë nuk kanë munguar vallet tona popullore, pasi edhe dhëndri është shqiptar.

Por cila ka qenë rruga e Rudinës pas humbjes së të atit? Ajo ishte vetëm 11 vjeç kur babai i saj u nda nga jeta.

Pas përfundimit të shkollës 8-vjeçare në një kolegj në Tiranë, tre vite pasi kishte humbur babanë, Rudina niset për në Amerikë, atje përfundon shkollën e mesme dhe më pas studimet e larta për “Shkenca Politike” .

Pas përfundimit të këtij cikli studimesh, u kthye në Tiranë ku për dy vite punoi në Ministrinë e Jashtme.

Më pas u shkëput sërish, për të vazhduar një cikël tjetër studimesh për Marrëdhënie Ndërkombëtare në Amerikë.

Sot ajo është e punësuar në Kongresin Amerikan, në marrëdhënie me jashtë me kongresmenin Eliot Engel. Dhe tashmë edhe e martuar.

Ne urojmë Rudinës fat dhe lumturi në jetë!

Dhe kushedi pse jo, kthim në Atdhe dhe përfshirje në politikë!

PD sot ka nevojë më shumë se kurrë për një fytyrë të re dhe të pastër!

rudina azemi2

18-07-2015 14-13-45

18-07-2015 14-15-05

rudina azemi3

rudina azemi4

rudina azemi518-07-2015 14-14-10

rudina azemi6rudina azemi

NË FIER U PËRURUA BUSTI I AMBASADORIT RICHARD HOLBROOKE (VIDEO)

VOAL -Përvjetori i Shpalljes së Deklaratës së Pavarësisë së Shteteve të Bashkuara të Amerikës është festuar në mënyrë të veçantë në qytetin e Fierit. Bashkia e këtij qyteti, në bashkëpunim me Misionin Diplomatik Paqe dhe Prosperitet, organizuan ceremoninë e vendosjes së bustit të personalitetit politik dhe diplomatit amerikan Richard Holbrooke. Busti i përgatitur nga skulptori Idriz Balani sjell në bronx një mik të Ballkanit. Ishambasadori amerikan Richard Holbrooke njihet për diplomacinë e tij dhe kontributin e madh që ka dhënë për paqen në Ballkan, për çështjen shqiptare dhe në mënyrë të veçantë për popullin e Kosovës.

Në këtë ceremoni festive merrte pjesë kryetari i bashkisë së Fierit, i cili tashmë do të lërë detyrën, Baftjar Zeqaj, Armando Subashi që sapo është zgjedhur si kryebashkiak, por edhe zëvendësministri i Mbrojtjes Petro Koçi, deputetët Koço Kokëdhima, Ervin Koçi, Kozma Dashi, kryetari i Misionit Diplomatik Paqe dhe Prosperitet, Shefki Hysa, skulptori Idriz Balani si dhe pushtetarë të tjerë vendorë. Në ceremoni merrte pjesë edhe ambasadori i Kosovës në Tiranë, Ramiz Lladrovci.

Ambasadori Richard Holbrooke kishte filluar karjeren e tij diplomatike me 1962 dhe ka punuar per çdo president demokrat duke filluar nga Presidenti John Kennedy.  Si nje diplomat me kariere
te gjate, ai admirohej   por edhe kritikohej per menyren e veprimit, pasi ai ishte me shume se çdo gje tjeter i interesuar ne rezultate konkrete diplomatike. Sukseset e tija ne politiken e jashtme amerikane jane te shumeta per tu numeruar, por sipas verejtesve diplomatike, ambasadori Holbrooke do te mbahet mend vecanerisht per rolin e tij gjate lufterave ne Ballkan, pikerisht per suksesin e tij ne bisedimet per paqe ne Bosnje qe me ne fund cuan ne marreveshjen e Dejtonit  dhe ne pushimin e luftes ne Bosnje.

Si kryedipomati i Presidentit Clinton per Ballkanin, Ambasadori Holbrooke kryesoi negociatat me 1988 per nje marreveshje me Slobodan Miloseviqin per terheqjen e forcave  terroriste serbe nga Kosova ku kishin ndermarre fushaten e spastrimit etnik me qellim per te shperngulur shqiptaret nga trojet e tyre shekullore dhe per te lejuar vendosjen e pranise se verejtesve nderkombetare ne Kosove. Pasi qe Miloseviqi nuk zbatoi kete marreveshje, ishte Richard Holbrooke ai i cili ne emer te Shteteve te Bashkuara dhe NATO-s i dorezoi ultimatumin  Miloseviqit me te cilin i kerkohej Serbise qe te terheqe menjehere forcat e  saj nga Kosova ose te ballafaqohej me sulmet ajrore te Organizates se Atlantikut Verior, NATO.

Ai, sic duket kishte studjuar mire udheheqsin serb dhe taktikat e tija.  Ambasadori Holbrooke deklaroi per rrjetin televiziv amerikan ABC ne vere te 1998 se “Diplomacia me  Miloseviqin eshte e sukseshme vetem neqoftse perkrahet nga forca ushtarake. Milosheviqi duhet ta kuptoje se — dhe ky eshte  thelbi i ceshtjes — se Kosova nuk eshte nje perseritje e asaj qe ndodhi ne Bosnje. Tani NATO eshte gati te veproje dhe eshte i  interesuar per ato qe  po ndodhin ne Kosove, ne nje menyre qe nuk ishte (e interesuar) kater vjete me pare ne Bosnje.  Neqoftse ai (Milosheviqi) mendon se  kejo qe po ndodhe eshte vetem teater i parendesishem, ai eshte duke bere nje gabim te madh.”

Takimet e Ambasadorit Holbrook me Presidentin e Kosoves Ibrahim Rugova ishin te shpeshta, is ne Prishtine ashtu edhe ne SHBA  ne perpjekje per te ndaluar masakrat e forcave serbe kunder popullesise shqiptare si edhe per nje prani te perhershme nderkombetare ne Kosove.  Ai kishte takime edhe me perfaqsues te tjere shqiptare nga Kosova, por  ne veren e vitit 1998, Ambasadori Holbrooke beri ate qe uk e kishte bere asnje perfaqsues amerikan deri atehere, duke u takuar per here te pare me luftetaret e UCK-es — gje qe ne ate kohe u interpretua si nje njohje e rolit dhe forces se saj ne rritje e siper ne Kosove. Pas takimit privat me perfaqsuese te UCK-es ne Junik, ambasadori Holbrooke deklaroi se gjendja ne Kosove ishte eksplozive dhe se duhej bere c’mos qe te parandalohej masakra dhe gjenocidi kunder shqiptareve.

Ambasadori Richard Holbrooke i prine listes se diplomateve amerikane, qe ne nje menyre a ne nje tjeter gjate dekadave,  kane kontribuar aq shume per mireqenjen dhe mbijtetesen  e kombit shiqptar. Ai ishte gjithashtu edhe mik i diaspores shqiptare ne Amerike dhe shpesh takohej  me perfaqsues te komunitetit shqiptaro-amerikan per te degjuar dhe marre pararsyshe edhe pikepamjet e tyre ne lidhje me ato qe po ndodhenin ne Ballkan, vecanerisht gjate luftes ne Kosove. Sidomos shqiptaret e Kosoves, por i gjithe kombi shqiptar ka humbur nje mik te madh, prandaj nuk duhet te harrojme kurre veprimtarine dhe kontributin diplomatik e politik te Ambasadorit Holbrooke — veprimatri kejo pa te cilen zor se Kosova do te kishte lirine dhe pavaresine qe gezon sot.  Prandaj, te gjithe Shqiptaret kudo qe jane, duhet t’i jene atij mirenjohes  per rolin e gjithanshem  qe ai ka luajtur per paqen e sigurine ne Ballkan. Kontributi i tij per  mbijetesen e shqiptareve te Kosoves dhe per lirine e tyre si edhe per nje te ardhme me te mire ne nje shtet te lire e te pavarur per ta dhe per nje te ardhme me te mire per kombin shqiptar ne pergjithesi, Ambasadori Richard Holbrooke do te mbahet mend dhe do te nderohet brez pas brezi nga kombi shqiptar.

Efekti Trump për zgjedhjet 2016

Manjati i pronave të patundshme Donald Trump është ngjitur në krye të sondazheve për kandidatët republikanë gjatë ditëve të fundit, kryesisht për shkak të retorikës së tij kundër emigracionit të paligjshëm. Por pse është shndërruar zoti Trump në një faktor në garën presidenciale në SHBA dhe a do të mundet ai të fitojë emërimin e republikanëve?

Donald Trump po triumfon në sondazhe dhe po tërheq turma të mëdha, si kjo këtu në Arizona.

“E respektoj shumë Meksikën si vend, por problemi është se udhëheqësit e tyre janë shumë më të zgjuar dhe më dinakë se udhëheqësit tanë, dhe po na shkatërrojnë në kufij, dhe në tregëti. Po na vrasin!”

Këto dalje të hapura të zotit Trump kundër emigrantëve të paligjshëm kanë ngjallur protesta dhe zemërim ndër aktivistët për të drejtat e emigrantëve.

“Ai na quan kriminelë. Na quan përdhunues. Ne nuk jemi asnjë nga këto.”

Zemërimi ndaj tij vihet re ndër qytetarët dhe ndër kandidatët presidencialë demokratë, përfshirë ish-guvernatorin e shtetit Maryland, Martin O’Malley.

“Nëse Donald Trump kërkon të kandidojë me një platformë që demonizon emigrantët, atëherë ai duhet të rikthehet në vitet 1840, tek partia Know Nothing, që ishte kundër emigrantëve.”

Por, stili i tij ashpër po triumfon ndaj kandidatëve të tjerë konservatorë, thotë analisti Scot Faulkner.

“Është aq i papërgjegjshëm saqë duket si diçka e re. Mendoj se kjo është arsyeja që ua ka kaluar.”

Por disa udhëheqës republikanë shqetësohen se retorika e tij e ashpër do të dëmtojë partinë në zgjedhje.

“Për ca kohë do të jetë në qendër të vëmendjes, gjë që ai e dëshiron shumë, dhe do të jetë në gjendje ta ruajë këtë pozicion për ca kohë, pasi do të ketë shumë gjëra të tjera për të thënë.”

A do të mundet zoti Trump realisht të fitojë? John Fortier thotë se gjasat janë të vogla.

“Ai është sigurisht një kandidat i mirënjohur që ka thënë ca gjëra të diskutueshme. Ka tërhequr goxha vëmendje, në veçanti për disa çështje të emigracionit. Në fund nuk mendoj se do të jetë ai kandidati fitues republikan.”

Sidoqoftë, zoti Trump ka lënë në hije kandidatët e tjerë republikanë, përfshirë edhe kandidatin më të fundit, guvernatorin e shtetit Wisconsin, Scott Walker. za

Komuniteti mysliman dhe anti-terrorizmi

Forcat e zbatimit të ligjit në Shtetet e Bashkuara thonë se arma kyçe në luftën kundër terrorizmit është ndihma e publikut. Por ndërtimi i besimit mes autoriteteve dhe grupeve të ndryshme, veçanërisht me komunitetet amerikane myslimane, mund të jetë problematik. Korrespondenti i Zërit të Amerikës Kokab Farshori sjell hollësitë.

Në luftën kundër terrorizmit, autoritetet amerikane thonë se ato kanë nevojë për ndihmën e të gjithëve. Me tensionet midis policisë dhe publikut shpesh të tensionuara, ata vazhdojnë të kërkojnë besimin e publikut.

“Duhet të keni besim tek autoritetet. Unë do ta nxisja publikun të mos e humbasë besimin ndaj autoriteteve të zbatimit të ligjit. Detyra jonë është mbrojmë dhe t’i shërbejmë publikut dhe ne mund ta bëjmë këtë vetëm me ndihmën e tyre”.

Përpjekjet e qeverisë në luftën kundër ekstremizmit të dhunshëm kanë në shënjestër ideologët ekstremë të gjitha llojeve. Por ka një ndjenjë mes disa amerikanëve myslimanë se ata janë duke u veçuar në mënyrë të padrejtë.

 “Unë mendoj se problemi është se autoritetet e zbatimit të ligjit duket se janë përqëndruar tek myslimanët, kur në fakt të dhënat e tyre tregojnë se problemi është shumë më i gjerë”.

Duke marrë parasysh sulmet që dyshohet se janë me motive racore, si vrasja e nëntë afrikano-amerikanëve në një kishë në Çarleston muajin e kaluar, policia thotë se i kupton kritikat dhe thotë se ajo është e shqetësuar në lidhje me elementet ekstremiste kudo që ato mund të jenë.

“Ne inkurajojmë çdo prind pavarësisht nga mosha, që të monitorojë aktivitetin e fëmijëve të tyre në mediat sociale në internet, telefonat celular, mesazhet, të gjitha platformat që mund të tregojnë se ata janë përfshirë me grupe të gabuara. Dhe jo vetëm me grupet muslimane, por edhe me grupet lokale që janë duke u bërë një shqetësim i vërtetë”.

Përpjekja e policisë duket se po sjell rezultate.

“Puna e policisë me komunitetin ka bërë që policia të marrë një numër informacionesh nga bashkësia muslimane në lidhje me radikalët në mesin e tyre, duke ndihmuar në minimin e komploteve për sulme këtu në Shtetet e Bashkuara,” shprehet Dean Alexander i Universitetit Western të Illinois.

Pas më shumë se një dekade të dyshimit të ndërsjellë, bashkëpunimi i tillë është duke u mirëpritur si një shenjë se besimi mes autoriteteve dhe segmenteve dyshuese të publikut mund të jetë në rritje.

SAMI REPISHTI – SYRI I KOMBIT ALBERT P.NIKOLLA

albert nikolla

Më datë 5 korrik 2015 Sami Repishti mbushi plot 90 vjeç. Ka shumë intelektualë shqiptarë që na bëjnë krenarë me personin e tyre dhe që përbëjnë palcën shpirtërore të kombit shqiptar. Sami Repishti është ndër ta. Profesor Repishti ka një cilësi që pak i karakterizon shqiptarët e mendimit: përvujtëria. Mendoj se një thënie e E. Koliqit mundet t’i shkojë fort për shtat përmasës intelektuale e shpirtërore të S. Repishtit: “Intelektualët e vërtetë, qi me vetëdije të detyrës s’vet, ushtrojnë profesìn e letrave janë syni i kombit; nji sy qi merr dritë nga vuejtjet e gzimet e kalesës, qi e forcon at dritë në përvojë të së tashmes dh’e flakron si rreze terr-shporuese kah ardhmenija e palindun. Pà vepren dritë-përhapse t’intelektualvet të njimendët, nji komb asht si i verbti mbi një udhë plot gropa e çarravina të rrezikshme” (Shejzat nr. 3 – 4/1958).

Në shumë periudha dramatike që ka kaluar Shqipëria, fjala e Repishit ka kthjelluar shumë mendje e zemra. Fati bëri që ai të përjetojë luftën, diktaturën, emigrimin, demokracinë e të shikojë prej së largu tranzicionin e atdheut të tij.  Dashuria e për kombin e tij është si një porosi shpirtërore që e ka shoqëruar gjithë jetën dhe kjo dashuri rrok edhe përmasa të tjera si ajo për personin njerëzior me emër e mbiemër, persona që Repishti i ka takuar kudo: në familjen ku lindi, në lagjen e fëmijërisë, në shkollë, në burg, në kampet e punës së detyruar skllavëruese, në bankat e universitetit ku jepte mësim. Ja si shkruante në librin e tij “Nën Hijen e Rozafës”: “«Njeriu», nuk duhej sakrifikue në altarin e «kauzës» për arsye të «fitores». Këtu ishte edhe dallimi thelbësor i qëndrimit tonë, me atë të komunistëve, gjatë luftës edhe ma vonë”. Ai ka qënë e mbetet një idealist antikomunist pa mllef, për shkak të ideve të tij dhe mendjes së hapur.

Ëndrra e tij për një komb mund të thuhet se është edhe emblema e shpirtit të tij: “Andrrat e mia për nji komb shqiptar, të bashkuem e me nji ideal të përbashkët, të ndërtojmë atdheun tonë, të shpëtojmë atdheun tonë nga vuejtja, uria, paditunia e vorfnia që e mundojshin, po mbyteshin në pellgun e gjakut të burgjeve komuniste”.

Një mendje dhe një shpirt i tillë vjen si rrjedhojë e një  marrdhënie të kristaltë me të vërtetën. Ka një kalim të shkëlqyeshëm në shkrimet e tij për mënyrën se si ai e shikon çështjen e së vërtetës. Kjo dallohet në një dialog i tij në burg me një frat françeskan: «Ajo që më shqetëson më shumë», më thoshte frati përpara se të vdiste, «është mashtrimi i popullit, dhe kam frikë se janë edhe ata që do t’i besojnë këtij mashtrimi …». Pas këtij «rrëfimi», frati u drejtua drejt meje dhe më drejtoi një lutje të përgjëruar që më goditi në zemër: «Ti je i ri», më tha «dhe një ditë do të jesh i lirë. Të lutem, kur do të jesh i lirë, tregoje të vërtetën. Ky është testamenti im.” (Repishti, S., 2004,  Nën hijen e Rozafës. Narrativë e jetueme, Tiranë, f. 120). Këtë testament Repishti e ka ruajtur me përkushtimin më të madh. Ka sakrifikuar shumë për këtë testament por ka mbetur vetvetja dhe kjo është fitorja më e madhe e njeriut autentik. E ka bërë këtë betim përpara varrit të të atit duke i thënë: “të lutem babë lutu për mue”! E lutjet e të atit i kanë dhën forcën e jashtëzakonshme që vetem lutja mund ta ketë për të mbajtur shpirtin të lidhur me trashendentalen që është burimi i sublimes.

Në turbullirën morale që ka zënën rrënjë në realitetin shqiptar, Repishti mbetet një busull e jashtëzakonshme morale e shpirtërore. Zoti i dhashtë jetë të gjatë e të lumtur së bashku me familjen.

Obama falënderon Putinin për rolin në bisedimet me Iranin

Presidenti amerikan Barack Obama e ka telefonuar presidentin rus Vladimir Putin për ta falënderuar për “rolin e rëndësishëm” të shtetit të tij në finalizimin e marrëveshjes bërthamore.

Në një intervistë me New York Times, Obama tha se mund të mos kishte pasur marrëveshje pa Rusinë, e cila si duket ka influencuar Teheranin të pranojë një marrëveshje më të vështirë se sa që donte.

“Nuk do ta arrinim këtë marrëveshje nësë Rusia nuk do e kishte pasur vullnetin të qëndronte me ne dhe fuqitë tjera botërore, duke insistuar për një marrëveshje të fortë”, tha Obama.

“Rusia na ndihmoi me këtë. Do të jem i sinqetë me ju. Nuk isha i sigurt, duke marrë parasysh diferencat që i kemi tani me Rusinë rreth Ukrainës”, tha ai.

Liderët, gjatë telefonatës së tyre u morën vesh që të kooridnojnë nga afër implementimin e marrëveshjes, dhe shprehën dëshirë të punojnë së bashku në çështje tjera, përfshirë luftën civile në Siri.

Kremlini tha se liderët ranë dakord se marrëveshja “mundëson forcimin e regjimit të mos-përhapjes bërthamore dhe uljen e tensioneve në rajonin e Lindjes së Mesme”.

Presidenti Obama promovon marrëveshjen me Iranin

Presidenti Barack Obama mbrojti fuqimisht marrëveshjen bërthamore me Iranin, duke e paraqitur atë si të vetmen mundësi për të shmangur një luftë me Iranin dhe një garë bërthamore në Lindjen e Mesme.

Një ditë pasi Shtetet e Bashkuara, Irani dhe fuqitë botërore shpallën marrëveshjen historike, Presidenti Obama u tha gazetarëve se SHBA përballen me një zgjedhje themelore nëse duhet apo jo të përqafojnë mundësinë për ta zgjidhur çështjen bërthamore të Iranit në mënyrë paqësore. Komentet që ai bëri të mërkurën në Shtëpinë e Bardhë dukej qartë se i drejtoheshin Kongresit, ku ligjvënësit janë duke diskutuar rreth legjislacionit në fjalë në përpjekje për të penguar zbatimin e marrëveshjes.

“Unë pres që debati të jetë i fuqishëm, dhe ashtu duhet të jetë,” tha Presidenti Obama, duke iu drejtuar ligjvënësve skeptikë që ata të reflektojnë se cila do të ishte alternativa.

Megjithatë, kritikët e marrëveshjes, duke përfshirë edhe kryeministrin izraelit Benjamin Netanyahu, po bëhen gjithnjë e më të zëshëm.

Presidenti Obama tha se në mungesë të një marrëveshjeje, sanksionet ekonomike që e sollën Iranin në tryezën e bisedimeve do ta humbisnin fuqinë dhe bashkësia ndërkombëtare nuk do të ishte më në gjendje ta rivendoste regjimin e sanksioneve.

Pa një marrëveshje, ne rrezikojmë edhe më shumë luftë në Lindjen e Mesme, dhe vende të tjera të rajonit do të ndjeheshin të detyruar të zhvillonin armët e tyre bërthamore,” tha Presidenti Obama. za

SIMPOZIUM ‘JETA DHE VEPRA E HUMANISTIT SHQIPTARO-AMERIKAN’ – KUSHTUAR PROF. SAMI REPISHTIT

Grupi shqiptaro-amerikan-The Albanian American group “Friends of Sami Repishti” ;

Keshilli Kombetar Shqiptaro-Amerikan-The National Albanian-American Council

Instituti Mbarshqiptar “Alb-shkenca”- The Pan-Albanian Institute “Alb.shkenca”

Shoqata “Rrenjet shqiptare” – “The Albanian Roots” Association

Forumi Shqiptar-Amerikan per Demokraci-Albanian-American Forum for Demokraci

Organizojne  – Organize a

 

 

                                                 S Y M P O S I U M

“Jeta dhe Vepra e Humanistit Shqiptaro-Amerikan”

“The Life and Work of the Albanian-American Humanist”

 

                                             SAMI   REPISHTI, Ph.D.

University of Paris   and  The City University of New York

 

Edukator, autor, demokrat parimor, intelektual jo-konformist, veprimtar per te drejtat e njeriut

Educator, author, principled democrat, non-conformist intellectual, activist for human rights

 

me rastin e 90 vjetorit te lindjes– On the occasion of his 90th birthday

                                              ( 5/VII/1925)

Vendi/Location:   The International House New York City.-N.Y.

500 Riverside Drive ,   N.Y.C. New York, 10027

( Hall of History, 2nd floor)

 

Date: e Shtunde 18 korrik   2015    Ora:    01:30 – 05:00 mb.dr.

Saturday 18 July   2015                          

Time  13:30 _ 17:00

                                             ===================

“…Per mendimin tim, prof.dr .Sami Repishti qendron ne krye te intelektualeve

te diaspores shqiptaro-amerikane. Ai eshte pasardhes i denje i Rilindasve,

sepse ka zbatuar me besnikeri idealet e tyre te larta”(Peter R.Prifti, autor dhe historian)

***

“…In my opinion, prof.dr. Sami Repishti stands at the top of the list of the

Albanian American intellectuals. He is a worthy disciple of the Albanian Renaissance,

as he has faithfully pursued their lofty ideal” (Peter R. Prifti, author and historian)

***

 

                                      Miresevini!     All Welcome!

 

 

======================================================================

 

 

 

 

 

                                         P R O G R A M I

 

13:30 – Ramadan Gashi, Hapja e sesionit.-Opening remarks.

 

               Niko Qafoku, Ph.D.- Pershendetje

 

1)-Anton Cefa.- “Prof..Dr.Sami Repishti ne 90 vjetorin e lindjes”-

(Prof.Dr.Sami Repishti on his 90-th birthday) .

 

2) Elez Biberaj, Ph.D.“Perpjekje per liri e pavaresi te Kosoves” –

(The Struggle for Kosova’ s Freedom and Independence)

 

3) Agron Alibali, J.D.-“Nji trajtimi i problemit çam”

   (Treating “The Chameria problem”)

 

4) Fotaq Andrea.“Hyrje: Dialektika e Rendit dhe Rebelimit

tek Andre Malraux”(Introduction:The Dialectics of Order and

     Rebellion in the Novels of Andre Malraux). Lexon:Bekim Xhaferi

     (English excerpts read by: Aida Gashi)

15:30 – 15:45 – Intermission

 

5) Dr.Lumira Rroji.-“Pika loti:Tregime burgu- Analize “ (Tear drops- prison

     stories: An analysis (English excerpts: read by Ava D. Safir, J.D.)

 

6) Dr.Eleni Karamitri- “Nen hijen e Rozafes-Narrative e jetueme”-

   (In the shadow of Rozafa Castle-My life narrated)Lexon:Bekim Xhaferi

   (English excerpts read by Daren D.Repishti M.D.)

 

7) Frank Shkreli.- Veprimtari per te drejtat e njeriut –

     Serving the cause of human rights.

 

8) Grid Rroji,“The political thought of Dr.Sami Repishti”-

Mendimi politik i Dr. .Sami  Repishtit)

 

9) Pershendetje e urime te marruna – Greetings received .

Falenderime: Sami Repishti

 

17:00 – Ramadan Gashi Mbyllja e sesionit. Closing remarks.

                                                    

 

                                                                   ***

 

 

 

 

============================================================================

*** Arsimimi – Eductional background.-

1934-42- Lyceum “A.Gj.Fishts” Shkoder,Mature- Baccalaureat

1942-43- Univ. Firenze-s (Itali) Histori moderne)

1962-64- Queens College, CUNY B.A. cum laude, French,Economics

1965-69- Queens .College CUNY. M.A. French (Thesis frengjisht)

1970-71- Universite de Paris (France) Scholarship winner..Aggregation

1971-77- Graduate Center, CUNY (Ph.D.,’77 French)Dissertation in English

1977-79- Hofstra U. School for Administration/Supervision. Certificate

***Veprimtaria akademike : Autor/Author:   Bashkeautor/co-author:

1)La dialectique de l’ordre et du moi profound de l’homme, chez A. Malraux

   (frengj,1969). Dialektika e Rendit dhe e Rebelimit tek A.Malraux (Tirane ,2014)

2)The theme of the Revolution in the novels of Andre Malraux –

(Tema e revolucionit ne romanet e Andre Malraux)Teze doktorate. C.U.N.Y.(1977)

3)Ten memorandums: The plight of the Albanians in Yugoslavia (1NY-1985).

4) Albania in brief – Shqiperia me pak fjale ( N.Y.1992)

5) Pika loti-tregime burgu (Tear drops- Prison Notes)(Shkoder 1997,2008)

6) Breaking the silence- A voice for Kosova (NYC,2000))N)ji za per Kosoven-2000

7) Nen hijen e Rozafes-narrative e jetueme. (Tirane, Onufri, 2004)

(In the Shadows of the Rozafa Castle- Narrating my life)

*** Bashkautor/Co-author

1) Lidhja e Prizrenit.100 Vjetori(The Centenn. of the League of Prizren.)(Rome,’78)

2) Studies on Kosova (Studime mbi Kosoven)(C.U.P. 1984) w/Arshi Pipa

3) Human Rights in Yugoslavia (C.U.P. 1986) Te drejtat e njeriut ne Jugosllavi

4) Yugoslavia:Failure of Democratic Socialism (Freedom House,N.Y.)1987

(Yugoslavia; Deshtimi i Komunizmit Demokrat)

5) Selbstbestimmung fuer Mittel -und OstEurope(Geneva,CH. 1989)

(Vetevendosje ne Europen Qendrore dhe Lindore)

6) Gaerung in Mittel-und OstEurope (Shperbamje ne Europen Q. dhe L.(Geneva,. 1989)

7) Neue Epoche (Epoka e re)(Geneva,CH.) 1990

8)Albanian language &competencies (Gjuhe dhe kompetence shqipe) 1992.w.I.Haznedari

9) Kosova 2000.Pershtypje…(Kosova.Travel Impressions)(w.H. Bajraktari)(NY,2000)

10) Çameria, seminar(Fordham U.2002)(Seminar on Chameria)w.Z.Shtylla, A.Alibali

11) Holocaust:-Essays and Documents, R.Braham ed. (Rosenthal I.nst.for Holoc. Studies

C.U.P.2011)( Jahudijte ne Shqiperi:Historia e nji Mbijetese)

12) Shqiperia e Jugut- Çameria. (Southern Albania:Çameria) (UET,Tirane,2014)

     Essais, artikuj, memorandums, peticione, letra gazetave etj.

***   Eksperience ne arsim/Teaching experience:

1966-90- Mesues i frengjishtes dhe italishtes.Teaching: French and Italian ,Malverne HS

1976-90- Kryetar i Departmentit per Gjuhet e hueja/Chair Foreign Langs. Depart.,MHS

1977-80- Pedagog i jashtem/Adj.Assist.Professor of French.Adelphi University, N.Y.

1977-85- Koordinator i studimeve te avancueme gjimnaz/universitet

1975-90: Faculty adviser: U.N. Club; Human Rights Club, Black Studies Club. MHS

*** Honors and Awards –Nderime dhe Vleresime.)

1)Departmental Honors (frengjisht) Queens College (1964),C.U.N.Y.

2) W.Wilson Fellowship;finalist (1965) W.W.Foundatiom,Columbia University

3)Bourse d’etudes du Gouvernement français(1970).Bursist Qeveria franceze

4) Pllake mirenjohje aktivitet per te drejtat e njeriut; A-A National.Org (1988);

5) Distinktive e KOASH ne Amerike,”veprimtari per te drejtat e njeriut”(1988);

6) Kandidat çmimin YAVNER, N.Y.S.”arsimtar i dalluem: te drejtat e njeriut”

7) “Fighter for Democracy”Dhurate–Picture Frame(Bill, e Hillary Clinton (1992)

8)“Medalje e Arte: Pishtar i Demokracise” Presidenti,Republika,Shqiperise(1992);

9)”Urdheri Naim Frasheri, Klase I” Presidenti i Republikes. se Shqiperise(1995);

10)“Certifikate Mirenjohje: Hapja e Zyres Informative Amerikane ne Prishtine” (1996)

11) Mirenjohje ne Kongresin Amerikan me rastin e 75 vjetorit te lindjes (2000)

12) “Medalje e Arte”Lidhja Shqiptare e Prizrenit” Presidenti I.Rugova (2003)

13) Pllake Mirenjohje per themelimin dhe presidencen e N.A.A.Council(2004)

14) NAAC Nomination for “2006 White House Presidential Service Award“(2006)

15) Certifikate- Anetar Nderi Instituti Mbarkombetar “Alb-shkenca” (2007);

16)Flete Mirenjohje : Kontribut te Veçante Bashkesise Shqiptaro-Amerikane,

(President, Borough of Manhattan, NYC) 2008)

17) “Rruga Sami Repishti” Mirenjohje,Bashkia Shkoder(2010).(Sami Repishti St.)

18) “Nderi i Diaspores” kontribut ne çeshtjen kombetare, Forumi Sh-A. per Demokraci (2012)

19) “Dekorate Mirenjohje”- Shoqata Çameria” Tirane (2014

 

 

 

*** Ligjeruesit – Speakers

 

Agron Alibali. , J.D. Univ. i Tiranes dhe Bryant U., Ka punue ne legjislacionin elektoral,

te drejtat e njeriut dhe minoritetet, reformat bankare dhe institucionet financiare ne

Europen Jug-lindore. Adj.professor prane Bryant U. ku jep mesime ne studime

bankare dhe ligjin tregtar. Autor. Kerkues prane Harvard U. ne lidhje me Kosoven dhe

nderhymjen e NATO-s ne Kosove. Kandidat per anetaresim ne Aarhus Convention

Compliance Institute , Geneva,CH (2008).

 

Fotaq Andrea-(Fr.) perkthyes, anthologjist, eseist shqiptar, me banim ne Strasbourg,

France,ka botue me shume se njizete vepra ne shqip. Anthologjite:”Libri i Arte i Prozes

Franceze”, “Libri i Arte i Autoreve Francez mbi Shqiptaret(1332-2007), dhe “Shqiptaret

e Italise”(1403-2007) permbajne secila ma shume se 100 autore francez. Ka perkthye

botimin:“Dialektika…” te S. Repishtit.. Gjate viteve 1997-2000 ka perfaqesue Shqiperine

prane Keshillit te Europes. Gjurmues i pasionuem, intelektual i mirefillte, ai vazhdon pa

nderpremje punen e tij ne Strasbourg, me vizita te shpeshta ne Shqiperi.

 

Elez Biberaj,Ph.D. Columbia U.- autor dhe analist politik. Ish drejtor i Sherbimit shqip

te VoA, ai transformoi me sukses kete sherbim ne njisine ma te suksesshme te transmetimit.

Tani. ashte drejtor i Divizionit Eurasia te VoA. Profesionist, novator, organizator i dalluem, u

vleresue “Excellent” nga drejtuesit e tij. Ashte ftue dhe ftohet si ligjerues nga kanalet tele-

vizive amerikane, Dep.i Shtetit, Keshilli Kombetar i Sigurise, dhe agjensi tjera, per komentim

mbi ngjarjet ne Ballkan Nji za me influence ne çeshtjet shqiptare (i njohun si “Biberaj factor”)

 

Anton Çefa– Univ.”Luigj Gurakuqi”(Gjuhe,Letersi histori e Shqiperise). Linde ne Shkoder(1934),

ne nji familje atdhetare, e kulturueme dhe antikomuniste. (”Mesues i Merituar”).Mbas vitit

1990-1991, ka bashkethemelue e drejtue gazeten Shkodra, bashkedrejtue revistat “Rrezja

e jone”, ”Kumbona e se dielles” Radio Shkodren. Editor i Dielli te VATRES.(1994-2006) Poet

“ne heshtje” si anti-konformizem me “realizmin socialist”. “Award Merit” nga VATRA.(2013)

Studjues i etno-psikologjise se kultures shqiptare; dhekritik letrar.

 

Ramadan Gashi,- Lindi ne Peje, Kosove ish student,Hofstra Univ. Bashkepunetor i ngushte

i te ndjerit President i Kosoves Dr.Ibrahim Rugova; kryetar i Deges LDK per NY. NJ. CT

 

Prof.as.Dr.Eleni Karamitri– U. I Tiranes- pedagoge e letersise, autore e shume studimeve, perfshi

edhe “Zera nga Diaspora” Nji nga intelektualet qe perqafoi demokracine me bindje qe ne fillim

 

Niko Qafoku,Ph.D.- U. of Tirana and Georgia, U.,USA) Senior Fulbright Scholarship winner

Studjoi Environment and soil chemistry and physics. Tani, senior research scientist prane

The Pacific North-East National Laboratory (PNNL) Office of Science,Dept. of Energy,USA .

Bashkethemelues dhe president i pare i Institutit Mbarkombetar Alb-shkenca

 

Dr. Lumira Rroji. Univ. i Tiranes, Shqiperi, doktorate ne Filologji(1989). Autore e shume

studimeve te botueme ne revisten akademike “Studime filologjike”. Profesor i jashtem,

Departmenti i Letersise, U.i Tiranes. Paneliste ne shume simpoziume, kombetare dhe

nderkombetare. Lektore per At Gj.Fishten, U. e Napolit (Itali)Lexon:

 

Grid Rroji, Ph.D.Candidate Graduate Center of CUNY. BA Queens C., MA .NYUniversity Drejtor

Zyra Informative, Qeveria e Shqiperise. Ko-ordinator per Mediat prane OKB-se; lektor

per marredhanjet nderkombetare (NYU), dhe Komunikime (St.John’s U.)Panelist, seminare

per çeshtje shqiptare. Themelues e president i Forumit Shqiptaro-Amerikan per Demokraci.

Frank Shkreli- G.Washington U.- Emigroi ne SHBA (1970)ku perfundoi .studimet universitare

(1974) Redaktor i programit shqip te VoA, ku punoi pa nderpremje(1974-2004. Drejtor i Eurasisa

Division,VoA.(1994) Anetar i delegacionit te pare amerikan ne Shqiperi (prill,1991). Drejtor

ekzekutiv i NAAC lobi shqiptaro– amerikan(2004) Komentator aktiv i ngjarjeve ne Shqiperi .

12-07-2015 09-32-3412-07-2015 09-32-48

NGA CHRISTIANE AMANPOUR: GENOCIDI I SREBRENICËS NJË MOMENT KYÇ – Shqipëroi dhe përgatiti për botim Elida Buçpapaj

VOAL – Në pranverën e vitit 1995, Gjenerali Rupert Smith, komandanti i Forcës Mbrojtëse të OKB-së në Bosnjë, paralajmëroi se serbët e Bosnjës së shpejti do të përpiqen të marrin përsëri zonat që ishin shpallur “të sigurta” nga Kombet e Bashkuara.

Jo shumë e morën atë seriozisht.

Por ngadalë sulmet filluan. Dhe më 11 korrik 1995, një masakër në Srebrenicë do të jetojë në turp. Pas viteve të indiferencës, bota nuk mund ta kthejë kokën pas.

Kjo ishte mizoria më e keqe në Evropë që nga Lufta e Dytë Botërore, dhe numrat janë tronditëse për këtë ditë.

Më shumë se 7,000 burra dhe djem të masakruar thjesht sepse ishin muslimanë – pjesë e rreth 100,000 muslimanëve të vrarë si pjesë e një fushate të spastrimit etnik gjatë rrjedhës së luftës.

Vetëm pak para vrasjes së tyre, Ratko Mlladiç, udhëheqësi ushtarak serb boshnjak, u pa duke qeshur me ushtarët e tij dhe duke shpërndarë karamele e duke u thënë civilët të mos shqetësohen. Kjo është një nga pjesët më trishtuese të regjistruara që e kam parë ndonjëherë në jetën time.

U morën me mijëra e mijëra jetë njerëzish – një genocid në zemër të Evropës – që më në fund tërhoqi vemendjen e qeverive amerikane dhe evropiane të jenë serioze dhe t’i japin një ultimatum Sllobodan Millosheviqit, liderit serb i cili ka përdorur serbët boshnjakë si instrumenta vrastare.

Ndodhi edhe një sulm i madh me mortaja në një treg të Sarajevës një muaj më vonë që shërbeu si shkaku i fundit. NATO bombardoi pozicionet serbe për dy javë. Forcat serbe u demaskuan si brutale. Në fund u bënë si tigra prej letre dhe – ata u dorëzuan shpejt. Administrata Klinton ngarkoi më vonë diplomatin Richard Holbrooke me sjelljen e palëve ndërluftuese në Deyton, Ohio të negociojë një paqe që është mbajtur deri sot e kësaj dite.

Tek unë, lufta dhe dhe ajo që pashë si dëshmitare, më ndryshoi gjithçka. Unë pashë më të mirën dhe më të keqen e njerëzimit.

Më e keqja ishte se serbët e Bosnjës, të armatosur dhe të mbështetur nga Millosheviqi, therën civilët, gra, fëmijë e pleq.

Le të mos harrojmë se kjo ishte një masakër e qëllimshme kundër civilëve – ajo nuk është një luftë midis dy ushtrive. Qëllimi i serbëve të Bosnjës ishte për të terrorizuar dhe vrarë dhe spastruar etnikisht civilët nga territori që ata donin të ndërtonin si entitetit etnikisht të pastër për veten e tyre. Ata madje kishin ëndrrat e Serbisë së Madhe.

Por lufta gjithashtu nxjerr në pah më të mirën tek njerëzit. Të atyre që rezistuan dhe mbijetuan, dhe që besuan se ai ferr do të merrte fund dhe ata mund të ktheheshin e të jetonin në qytetin e tyre të dashur multietnik, dhe ata pavarësisht pasojave të luftës dhe braktisjes nga bota, ditën të ruanin dinjitetin, humanizmin dhe shpresën.

Ishte një privilegj dhe një mësim për historinë për të dëshmuar këtë luftë heroike dhe këtë histori botës.

Si një gazetare e re, Bosnja është vendi ku unë gjeta zërin tim. Si një person që kishte qenë mësuar me vlerat e lirisë, demokracisë, të drejtave të njeriut, tolerancën fetare dhe etnike – unë i pashë të gjitha që ishin nën kërcënim vdekjeprurës në Bosnje – Sarajevë, Srebrenicë dhe të gjitha fshatrat e tjera, qytetet apo qytezat. Bosnja më mësoi. Dhe unë e gjeta se çfarë duhej të bëja, se duhej të luftoja, me fjalët e mija, me figurë dhe platformën tonë të fuqishme.

Dhe të luftonja, do të thoshte të shihja në mënyrë të qartë se çfarë ishte duke ndodhur se çfarë unë isha duke parë që pastaj të raportoja të vërtetën. Dhe unë u fokusova tek regulli i artë i gazetarisë që është objektiviteti. Objektivitet do të thotë dëgjoi të gjitha palët në mënyrë fair, por ama mos i trajto të gjitha palët në mënyrë të njëjtë.

Objektivitet nuk do të thotë të trajtosh viktimën dhe agresorin njëlloj. Objektiviteti nuk do të thotë të gjesh midis tyre një ekuivalencë të rreme morale. Sikur ishin duke u përpjekur duke bërë qeveritë.

Zyrtarë nga Shtetet e Bashkuara dhe nga mbarë Europa që nuk kishin dëshirë për të ndërhyrë thoshin se të gjitha palët ishin fajtore, kur nuk ishte kështu. Dhe masakra në Srebrenicë në fund provoi atë, që i detyroi qeveritë tona që të mos qendronin më larg.

11-07-2015 16-09-20
Një vit përpara se të ndodhte Srebrenica, presidenti Bill Klinton erdhi në Atlanta për të marrë pjesë në një forum ku CNN e kishte ftuar për çështjet globale. Unë isha korrespondente nëpër botë dhe mora pjesë në një lloj konference shtypi globale që CNN organizoi midis nesh dhe presidentit Clinton. Unë iu drejtova presidentit Clinton nga Sarajeva. U preka se presidenti ishte duke folur për punën e madhe që po bënte Amerika me ndihma humanitare dhe kjo më ngacmoi stomakun e më shtyu që të bëja pyetjen, e kujtoj si tani, ishte një pyetje e gjatë, ku i thashë se përse administrata e tij po bënte flip-flope dhe nuk po e ndalte makinerinë ushtarake serbe dhe nuk kishte frikë ai se kjo që po ndodhte do të shërbente si precedent.

Unë e zemërova presidentin. Ky ishte një moment i vështirë edhe për mua, por mendoj se kam bërë gjënë e duhur. Ishte një pyetje serioze dhe dramatike sepse bota nuk po bënte asgjë për të ndalur genocidin.

Dhe unë po ashtu uroj që bota ta marrë seriozisht për të mposhtur ISIS – ashtu si bënë edhe me mposhtjen e strategjisë genocidiale serbe në Bosnje nga më të përgjakëshmet në shekuj.

Shqipëroi dhe përgatiti për botim Elida Buçpapaj

SHBA: ‘Asnjëherë s’kemi qenë më afër’ arritjes së marrëveshjes

Shtëpia e Bardhë ka thënë sot se negociatorët nga Shtetet e Bashkuara dhe fuqive të tjera botërore, që po marrin pjesë në bisedimet bërthamore në Vjenë, “asnjëherë nuk kanë qenë më afër” arritjes së një marrëveshje me Iranin.

Irani dhe gjashtë fuqitë botërore, e kanë vendosur ditën e hënë, si afat për të arritur marrëveshje.

Kjo është hera e tretë që negociatorët po e shtyejnë afatin përfundimtar, shkruan Reuters.

Fuqitë botërore duan të arrijnë një marrëveshje me Iranin, me qëllim që të frenojnë programin bërthamor të Republikës Islamike, në këmbim të lehtësimit të sanksioneve ndërkombëtare.

Sekretari Kerry përkujton Srebrenicën

Të shtunën në Bosnje do të përkujtohet 20 vjetori i masakrës së Srebrenicës, ku 8 000 djem dhe burra u vranë në këtë rajon të Bosnjes lindore nga forcat serbe të Bosnjes.

Në një deklaratë të lëshuar me këtë rast Sekretari amerikan i Shtetit John Kerry thotë se “zbulimi i këtij krimi kundër njerëzimit tronditi ndërgjegjen botërore”.Kujtimi i viktimave të këtij genocidi, shprehet më tej zoti Kerry, shërben për të shtuar vendosmërinë tonë që tragjedi të tilla të mos ndodhin më.

Delegacioni amerikan që do të përfaqësojë Shtetet e Bashkuara në ceremonitë e 20 vjetorit të genocidit do të kryesohet nga nga ish Presidenti Bill Klinton. Srebrenica ka hyrë në histori si masakra më e rëndë e kryer në Evropë që pas Luftës së Dytë Botërore. za

FBI ka parandaluar sulme terroriste

Autoritetet amerikane kanë parandaluar sulme të planifikuara për 4 korrik, duke arrestuar mbi 10 persona para festës, të cilët dyshohet se ishin të inspiruar nga grupi militant Shteti Islamik, bëri të ditur drejtori i FBI-së, James Comey.

“Besoj se puna jona ka parandaluar vrasje të njerëzve për 4 korrik”, tha Comey, pa dhënë detaje tjera.

Në anën tjetër, një burim nga siguria kombëtare, tha se edhe nëpër vende tjera të botës simpatizues të Shtetit Islamik në Irak Siri, gjithashtu janë ndaluar ditëve të fundit.

FBI kishte paralajmëruar forcat e sigurisë që të jenë në gadishmëri për sulme afër datës së festës së pavarësisë së SHBA-së, e cila përkoi me muajin e shenjtë mysliman të Ramazanit.

Liderët e Shtetit Islamik, përmes rrjeteve sociale u kanë bërë thirrje pasuesve të tyre që të kryejnë akte të dhunshme gjatë Ramazanit.

Disa nga të arrestuarit në SHBA ishin duke komunikuar me Shtetin Islamik përmes të dhënave të koduara kompjuterike, tha një burim i sigurisë në SHBA. rel

SHBA, nismë për të luftuar ISIS me mediat sociale

Shtetet e Bashkuara dhe Emiratet e Bashkuara Arabe nisën një përpjekje të re të mërkurën për t’iu kundërvënë grupit “shteti islamik”, me anë të rrjeteve sociale. Ideja është për të paraqitur zëra të moderuar dhe tolerantë nga i gjithë rajoni, për t’iu kundërvënë ideogjisë së militantëve të grupit ISIS.

Projekti në fjalë quhet Qendra Sawab dhe vepron nga Abu Dabi. Qendra publikoi mesazhe në Twitter dhe postoi një video në YouTube, ku thuhet se militantët shtrembërojnë fenë islame për të përhapur urrejtje, frikë dhe intolerancë.

Nënsekretari amerikan i Shtetit për Diplomacinë Publike dhe Marrëdhëniet me Publikun, Richard Stengel, i tha televizionit Alhurra se qëllimi është që të përdoret informacioni për të bindur njerëzit që të mos i bashkohen grupit “shteti islamik” dhe për t’i nxjerrë jashtë loje ata që shfrytëzojnë mediat sociale në rekrutimet për ISIS-in.

Zoti Stengel tha se një nga idetë e Qendrës Sawab është të përpiqet të frenojë rrjedhën e luftëtarëve të huaj:

“Pra, nëse dikush argumenton se përse duhet të bashkohet me ISIS, atij t’i shpjegohet se miti i asaj që grupi ISIS përpiqet të krijojë është i rremë, se Kalifati nuk është parajsë, se atje nuk ka ujë, nuk ka drita dhe as internet.”

Frenimi i rrjedhës së luftëtarëve të huaj drejt Irakut dhe Sirisë është një nga synimet kryesore të vëna nga presidentit amerikan Barak Obama për t’iu kundërvënë shtetit islamik. Përpjekjet e koalicionit përfshijnë edhe një fushatë gati njëvjeçare bombardimesh prej më shumë se 5 mijë sulmesh ajrore si dhe punën për të ndërprerë financimin e militantëve.

Si rrjedhojë është arritur përparim në rimarrjen e kontrollit të disa zonave, por fushata deri tani nuk e ka çrrënjosur grupin shteti islamik nga baza e tij kryesore, Raqqa në Siri, apo nga një numër qytetesh të mëdha të Irakut.

Zoti Stengel tha se koalicioni, i cili përfshin më shumë se 60 vende, po arrin sukses. Fakti që ata kanë një armik të përbashkët, ka çuar në marrëdhënie më të ngushta ndërmjet Shteteve të Bashkuara dhe anëtarëve të Këshillit të Bashkëpunimit të Gjirit. Por ai përsëriti pikëpamjen e zotit Obama se lufta kundër terrorizmit është “luftë e një brezi të tërë” dhe nuk matet me muaj apo ditë.

“Mendoj se nuk është realiste të thuhet se çdo formë terrorizmi do të zhduket apo çdo manifestim i ISIS do të zhduket. Por, si kërcënim i mprehtë, si kërcënim ekzistencial, si kërcënim që zgjerohet, kjo do të frenohet dhe është duke u frenuar,” tha zoti Stengel.

Nënsekretari amerikan i Shtetit e pranon se “askush nuk është imun” ndaj kërcënimit që vjen nga shteti islamik, por se situata është e ndryshme për Shtetet e Bashkuara dhe për vendet e Lindjes së Mesme.

SHBA do që të forcojë bashkëpunimin me Vietnamin

Presidenti i Shteteve të Bashkuara, Barack Obama, ka thënë se me gjithë dallimet midis SHBA-së dhe Vietnamit për “filozofinë politike”, dy vendet janë duke thelluar bashkëpunimin në shëndetësi, në çështjet klimatike dhe të tjera.

Obama i ka bërë këto komente në Zyrën Ovale, pas takimit me kreun e Partisë Komuniste të Vietnamit.

Nguyen Phu Trong është de facto udhëheqës i Vietnamit, edhe pse nuk mban post zyrtar qeveritar.

Obama ka thënë se është i bindur se dy vendet do të vazhdojnë të përmirësojnë marrëdhëniet dhe ka vënë në dukje ftesën që Tron i ka bërë për të vizituar Vietnamin.

Karolina e Jugut voton për heqjen e flamurit të konfederatës

Senati i Karolinës së Jugut votoi për të hequr flamurin e periudhës së konfederatës, që ka valëvitur në asamblenë e këtij shteti për më tepër se 50 vjet.

Propozimi i të dyja partive, që u bë pas masakrës së muajit të kaluar në një kishë të besimtarëve afrikano-amerikanë në Çarlston, u miratua me 37 vota për dhe 3 kundër, në Senatin e shtetit me shumicë republikane.

Që të hyjë në fuqi, ligji duhet të votohet edhe në Dhomën e Përfaqësuesve të Karolinës së Jugut.

Flamuri i Konfederatës është konsideruar si simbol i jugut të Shteteve të Bashkuara gjatë luftës civile atje.

Ata që e mbrojnë flamurin thonë se është pjesë e rëndësishme e trashëgimisë jugore të Shteteve të Bashkuara.

Kritikët thonë se simbolizon supremacinë e bardhë, të promovuar nga shtetet e jugut, të cilat donin të shkëputeshin nga pjesa tjetër e vendit, në përpjekje për të parandaluar shfuqizimin e skllavërisë.

Presidenti amerikan, Barack Obama, ka thënë se flamuri e ka vendin në muze. rel

Obama: lufta kundër ISIS, një “fushatë afatgjatë”

Presidenti Barak Obama tha se lufta kundër grupit Shteti Islamik nuk do të jetë e shpejtë, por një “fushatë afatgjatë.”

Zoti Obama u tha gazetarëve të hënën se ISIS është një grup i shkathët që di të shfrytëzojë terrenin dhe që i ka pozicionet brenda në popullsinë civile. Ai tha se mposhtja e militantëve të Shtetit Islamik duhet të jetë punë e forcave lokale në terren, të cilat, shtoi ai, do të vazhdojnë të marrin trajnim dhe mbështetje ajrore nga koalicioni i udhëhequr nga Shtetet e Bashkuara.

Presidenti i bëri komentet pas një vizite të pazakontë në Pentagon për të biseduar me këshilltarët e sigurisë kombëtare, duke përfshirë Sekretarin e Mbrojtjes Ash Carter, lidhur me detajimin e strategjisë amerikane për të mposhtur militantët e Shtetit Islamik, të cilët po veprojnë në shkallë të gjerë në Irak dhe Siri.

Takimi vjen pas një fundjave sulmesh ajrore intensive të ndërmarra nga koalicioni i udhëhequr nga SHBA kundër militantëve, të cilët kanë nën kontroll hapësira të mëdha të Irakut verior e perëndimor dhe të Sirisë lindore. Koalicioni ndërmori 38 sulme, gati gjysma e tyre kundër rrethinave të kryeqytetit të vetëshpallur të ISIS, Raqqa.

Në një konferencë shtypi në Pentagon me ministrin francez të Mbrojtjes, Jean-Yves Le Drian, Sekretari Carter tha se sulmet e koalicionit rreth Raqqas synojnë të kufizojnë lirinë e lëvizjes së grupit Shteti Islamik dhe janë bërë të mundura falë veprimeve efektive të forcave kurde atje.

Në kushtet kur SHBA nuk kanë forca në terren në Siri, zoti Carter tha se forcat vendore duhet të caktojnë objektivat e sulmeve ajrore. Vetëm pasi këto objektiva të jenë vlerësuar për të shmangur viktimat e mundshme civile, tha ai, forcat amerikane do të ndërmarrin sulme kundër këtyre objektivave. za

Hilary Clinton: Marrëveshja duhet të frenojë ambicjet e Iranit

 Kandidatja demokrate në garën presidenciale në SHBA, Hillary Clinton shkeli ekspertizën e saj në politikën e jashtme, duke thënë se shpreson që vendi i saj të arrijë një marrëveshje “të fortë dhe të verifikueshme” për të frenuar programin bërthamor të Iranit.

Ish-sekretarja e Shtetit, e cila ka ndihmuar që bisedimet në Vjenë të fillojnë, ka bërë deklarata të kundërta me kandidatët republikanë, të cilët kryesisht kritikojnë marrëveshjen paraprake të arritur me Iranin këtë pranverë, e cila nuk shihet si akt i mjaftueshëm për të ndalur Teheranin nga zhvillimi i bombave bërthamore.

Clinton ka thënë se ajo shpreson që marrëveshja “të vë kapak mbi ambicjet bërthamore të Iranit”. Ajo më herët e kishte thënë se një marrëveshje e mirë “do t’i ndërprente të gjitha rrugët e Iranit për krijimin e armëve bërthamore”

Por, Clinton shtoi se ajo pret që Iranit të vazhdojë të sponzorizojë trazira në Lindjen e Mesme.

“Agresiviteti i Iranit nuk do të përfundojë”, tha ajo. rel

4 KORRIK 1826 NË DITËN QË I KUSHTUAN JETËN E DHANË FRYMËN E FUNDIT DY NGA ETËRIT E KOMBIT AMERIKAN

Në tablo janë Franklin, Adams dhe Jefferson duke punuar për Deklaratën

Më 4 korrik të vitit 1826, mori fund një nga miqësitë më të gjata dhe më të rëndësishme në historinë amerikane, ajo midis Thomas Jeffersonit, autorit kryesor të Deklaratës së Pavarëssë, dhe John Adamsit, mbështetësit të zjarrtë të pavarësisë. Ata vdiqën vetëm disa orë njeri pas tjetrit, pikërisht në 50 vjetorin e nënshkrimit të Deklaratës së Pavarësisë.

Jeffersoni vdiq në shtëpinë e tij në Montiçello të shtetit Virxhinia, kurse John Adams në Quincy të shtetit Massachusetts. 82 vjeçari Jefferson ishte i sëmurë rëndë dhe luftoi me vdekjen deri pas mesnatës së 4 korrikut. Ndërsa 90 vjeçari Adams, i cili nuk ishte në dijeni të vdekjes së mikut të tij, thuhet se shqiptoi këto fjalë të fundit “Jeffersoni është ende gjallë”.

Ata ishin njohur gjatë konventës së vitit 1776, e cila çoi në vendimin e kolonive britanike të Amerikës për të shpallur pavarësinë nga Anglia. Në vitet e para pas krijimit të Shteteve të Bashkuara, Jeffersoni dhe Adamsi nuk ishin gjithmonë dakord për çështjet e ndryshme politike, por mbajtën një korrespondencë të vazhdueshme për problemet e kohës. Historianët edhe sot i studjojnë dhe i admirojnë letrat e shumta që shkëmbyen ata me njeri tjetrin

04-07-2015 12-29-23

 

4 KORRIK 1776 – PËRVJETORI I DEKLARATËS TË PAVARËSISË SË SHTETEVE TË BASHKUARA

Deklarata e Pavarësisë së Shteteve të Bashkuara

VOAL – Më 4 korrik të vitit 1776, delegatët e 13 kolonive britanike të Amerikës nënshkruan Deklaratën e Pavarësisë, e cila thuhet se ishte shkak i Revolucionit Amerikan. Ky dokument u hartua kryesisht nga 32 vjeçari Tomas Xheferson.

Njera pjesë e Deklaratës përmbante një listë ankesash kundër mbretit Xhorxhi i Tretë dhe Parlamentit të Anglisë. Pjesa tjetër e Deklaratës, përmbante thelbin e idesë mbi lirinë amerikane, mbi të drejtat e natyrshme që kanë njerëzit.

“Ne besojmë se këto të drejta janë të natyrshme, se të gjithë njerëzit janë krijuar të barabartë, se krijuesi u ka dhënë atyre disa të drejta të patjetërsueshme, si jeta, liria dhe kërkimi i lumturisë. Ne besojmë se për të siguruar këto të drejta njerëzit krijojnë qeveri, të cilat i marrin fuqitë e tyre me pëlqimin e të qeverisurve, se sa herë që një formë qeverisjeje i minon këto qëllime, është e drejta e popullit ta ndryshojë, apo ta heqë atë”.

Deklarata e Pavarësisë shihet si një nga dokumentet më të rëndësishme në historinë e Shteteve të Bashkuara. Dokumenti tjetër është Kushtetuta. Në Shtetet e Bashkuara 4 korriku festohet çdo vit si ditë kombëtare, Dita e Pavarësisë.

4th of July Infographic

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend