Shqipëria, në bregdetin e Adriatikut të gadishullit strategjikisht të rëndësishëm të Ballkanit, është një vend i rëndësishëm në Europën Juglindore. Pavarësisht përmasave të saj, ajo është një pasuri e paluajtshme strategjike, e cila është integrale në rendin e paqëndrueshëm botëror. Megjithatë, keqmenaxhimi ekonomik, po rrezikon të ardhmen e vendin, përfshirë pranimin në BE, duke mbajtur larg investitorët e huaj.

Si një vend anëtar në NATO dhe aspirant për të hyrë në BE, Shqipëria ka një rëndësi të jashtëzakonshme për SHBA-në, Europën dhe Perëndimin. Së pari, për shkak se është një vend laik mysliman në Europë dhe së dyti, se është mburojë e zgjerimit rus në Ballkan. Prandaj, suksesi i Shqipërisë është në interes të Perëndimit.

Megjithatë, duke nisur nga 3 vite më parë, me zgjedhjen e socialistit Edi Rama si kryeministër, Shqipëria po vuan një periudhë të paprecedent keqmenaxhimi ekonomik. Ekspertet dhe investimet e huaja kanë pësuar rënie, dhe papunësia është në nivele të larta. Një lider socialist, thjesht nuk mund të “ndihmojë” rritjen ekonomike. Historia, mund ta njohë këtë “epokë Rama”, si një epokë të periudhë të errët të rritjes së ulët ekonomike dhe keqmenaxhimit të reformave jetësore të zotit Rama.

Dikur i konsideruar një yll politik, Rama shërbeu si kryebashkiaku i kryeqytetit të Shqipërisë, Tiranës, dhe u bë i njohur më shumë për projektet e tij të rilindjes urbane dhe përdorimin e larmishëm të ngjyrave të forta për të mbuluar fasadat e të shkuarës dëshpëruese të qytetit, që shpërfillnin infrastrukturën e rrënuar. Dhe këtu qëndron metafora.

Rama, është bërë i njohur për rrethimin e vetes “…nga baronët e pastrimit të parave dhe trafikantëve të drogës, për të cilët shpëtimi i vetëm është Partia Socialiste në mënyrë që t’i shmangen drejtësisë. Guximi i Zotit Rama për t’u shfaqur në publik me kriminelët më të njohur të Europës, nuk ka një paralele me liderët e tjerë të demokracive Perëndimore dhe përtej saj”, shkruan Adam Fairmont në “Foreign Policy News”.

Në një kthesë politike, Lulzim Basha, lideri i opozitës së rinuar të Shqipërisë, e ka vënë në mënyrë të vazhdueshme në dyshim lidershipin e Ramës dhe e ka akuzuar atë për shpërndarje dhe zgjerim të krimit financiar për të përfituar personalisht ai dhe rrethi i miqve të tij, që thuhet se përfshin shumë figura të botës së krimit.

Falë një demokracie funksionale, Basha e monitoron rregullisht dhe publikisht pikëpamjen e menaxhimin vulnerabël ekonomik të Ramës.

“… unë jam këtu për të hetuar shifrat shokuese të korrupsionit dhe mekanizmit, me të cilin 2.2 miliardë euro janë marrë nga shqiptarët në taksa dhe prokurime publike… Vendi është një krizë ekonomike totale. Banka Botërore konfirmon se 46% e njerëzve jetojnë nën minimumin e pragut të varfërisë”, tha Basha.

Bujqësia e vendit luan një rol kyç në PBB (Prodhimin e Brendshëm Bruto) dhe është një burim kryesor punësimi. Megjithatë, nën qeverisjen e Ramës, e drejta e pronës, mbështetja financiare dhe rindërtimi i sektorit bujqësor është keqmenaxhuar”, shkruan profesoresha e Universitetit Europian të Tiranës, Magdalena Bregasi.

Rama ka keqmenaxhuar gjithashtu edhe reformën në energji, duke dështuar ta zgjerojë atë nga sektori hidro-energjitik që mbizotëron në vend.

Fatmirësisht, Shqipëria është një vend pjesëmarrës në Korridorin Jugor të Gazit, një projekt strategjik që nis nga fushat e mëdha të Shah Denizit në Azerbajxhan. Shqipëria do të përfitojë nga një burim shtesë i energjisë së prodhuar nga gazi. “TAP” do t’i sjellë Shqipërisë të ardhura nga taksat dhe vendet e punës.

Për më shumë, Shqipëria ka tentuar të privatizojë një pjesë të mirë të sektorit energjetik vendës për të tërhequr investimet e huaja në eksplorimin dhe zhvillimin e rezervave të naftës dhe gazit në vend. Por, thuhet se qeveria e Ramës e ka keqmenaxhuar privatizimin e aseteve të energjisë.

Gjithsesi, epoka Rama, edhe pse 3-vjeçare, nuk ka mbaruar dhe opinioni publik shqiptar dhe liderët, së bashku me ata të Europës dhe SHBA-së, po përpiqen të zbulojnë se cili do të jetë çmimi që do ta paguajë Shqipëria për keqmenaxhimin e saj. Rama, për shembull, ka rritur masivisht borxhin e huaj të vendit, 14% vetëm në vitin 2015.

Gjatë vizitës së tij në Uashington gjatë muajit prill, politikanët dhe zyrtarët qeveritarë shprehën privatisht shqetësimin për takimin e një Rame “të kalbur”. Këtë pranverë, BE-ja tha se Shqipëria nuk është ende gati për nisjen e negociatave të anëtarësimit. Parlamenti Europian deklaroi se Shqipëria “ka nevojë për të përshpejtuar reformat e saj në sundimin e ligjit, luftën kundër korrupsionit, krimit të organizuar dhe administrimit publik”.

Investitorët po qëndrojnë larg, sepse ata nuk i besojnë politikave ekonomike joefikase të kryeministrit dhe rekordeve të tij të së shkuarës. Nuk duhet të ishte në këtë mënyrë, por Rama duket se i ka shkaktuar probleme ekonomike një vendi që po shfaqte shpresa të mëdha.

Duke parë rëndësinë gjeopolitike të vendit, anëtarësimin në NATO dhe aspiratat e saj për pranimin në BE, është në interesin e BE-së dhe SHBA-së që t’i kushtojnë më tepër rëndësi Shqipërisë.

Është gjithashtu koha për të parë me kujdes më të madh keqmenaxhimin ekonomik të “epokës Rama”.
/The Hill është revista e Kongresit të SHBA”

Ish-nendrejtori i CIA-s, Steven Meyer, ka deklaruar se në Ballkan do të ketë ndryshim të kufijve.

Në një intervistë për “Veçernje Novosti”, ka thënë se do të ketë ndryshim të kufijve të Bosnjës dhe Hercegovinës, Kosovës dhe Maqedonisë. Kjo e fundit është më kritike për shkak se ka përplasje shqiptaro-maqedonase, por edhe përplasje ndërmjet maqedonasëve, raporton KosovaPress.

Meyer thekson se do të mbijetojë Republika Serbe, por në ndonjë formë tjetër, ndërkaq, shton se nuk ka ndërruar aspak politika amerikane ndaj Kosovës.

Miliarderi amerikan Donald Trump ka deklaruar sot se ka “fituar shumë para” nga një punë me liderin libian Moamer Gadafin para shumë vitesh edhe pse më herët ka konfirmuar se nuk ka pasur lidhje që Gadafi ta kishte marrë me qira një pronë të tij luksoze në një paralagje të New Yorkut.

“Nëse ju kujtohet, unë kam fituar shumë para nga Gadafi. Ai ka ardhur në këtë vend dhe është dashur që me mua të bëjë marrëveshje pasi që nuk ka mundur askund të stacionohet”, ka thënë Trumpi në intervistën dhënë rrjetit televiziv amerikan CBS.

Kandidati më serioz për president të SHBA-së nga kampi i republikanëve, ka shtuar: “Ai më ka dhënë një pasuri të tërë”.

Gadafi në vitin 2009 gjatë vizitës në New – York me rastin e konferencës së Asamblesë së Përgjithshme të Kombeve të Bashkuara, me zhgënjim kërkonte vend ku do të ngrinte shatorin e beduinit për vete.

Pasi që pa sukses u përpoq të siguronte lokacionin në Central Park në New – York, Uper East Side dhe në New Jersey, Qeveria libiane iu drejtua agjentëve të patundshmërive me dëshirën që të merrnin me qira pronën e Trumpit “Seven Springs” në paralagjen njujorkeze Bedford.

Gadafi aty nuk u stacionua kurrë, por megjithatë ngjarja u shndërrua në një spektakël, pasi një numër i madh gazetarësh e fotoreporterësh shkuan në Bedford për të parë ndërtimtarët tek ngritin shatorin e madh të zbukuruar me tapiceri, me pikura devesh e palmash dhe të pajisur me divane lëkure dhe me tryeza të vogla për kafe.

Në atë kohë Trump u distancua nga të gjitha këto duke theksuar se me mashtrimin që i ishte bërë, ia kishte dhënën pronën me qira.

Dy vjet më pas, miliarderi amerikan e “ndërroi pllakën” duke u lavdëruar se në atë punë e “kishte mashtruar” udhëheqësin libian.

“Kam afaruar me Gadafin. Më falni për këtë. Ia kam dhënë me qira një pjesë tokë e ai për një ose dy ditë më ka paguar më shumë se sa që do të fitoja me të për një vit. E pastaj nuk ia dhashë ta shfrytëzojë pronën. Kështu është dashur të bëhet”, ka thënë Trump në vitin 2011 në intervistën për Fox news.

Presidenti amerikan, Barack Obama, i bëri sot një homazh prekës boksierit legjendë, Muhamet Aliu, që vdiq të premten, duke përshëndetur një njeri që tronditi botën dhe ka luftuar për atë që ishte e drejtë.

“Është lufta e tij jashtë ringut që i kushtoi titullin dhe i solli shumë armiq. Por Ali qëndroi fortë”, theksoi presidenti i parë me ngjyrë në historinë e SHBA-së, duke folur për implikimin e “The Greatest” në luftën për të drejtat civile.

“Ai ishte në krahë të (Martin Luther) King dhe (Nelson) Mandela, ai u ngrit kur ishte e vështirë, ai foli kur të tjerët nuk e bënin”, vazhdoi Obama, raporton AFP, transmeton KP.

Duke theksuar se ende ruante një palë doreza boksi dhe një foto të tijën në studion e vet personale, në krahë të Zyrës Ovale, presidenti amerikan përshëndeti trajektoren jashtë norme të të riut Cassius Clay dhe rrugëtimin e tij shpirtëror që e dërgoi drejt islamit.

“Muhammad Ali tronditi botën. Dhe kjo ishte një gjë e mirë për gjithë botën. Dhe për të gjithë ne”, përfundoi presidenti amerikan, duke theksuar ngushëllimet e tij për familjen e këtij boksieri legjendë.

Voal – Voal.ch shkruan se Presidenti Obama duke bërë histori vendosi një kurorë lulesh në memorialin e Hiroshimës.  Është historike e vizita e Presidentit Amerikan në turneun e Japonisë pikërisht në vendin ku u rrafshua nga bomba atomike e lëshuar më  6 gusht 1945. «Vizita ime është një dëshmi që tregon sesi edhe ngjarjet më të dhimbshme që na ndajnë, mund të kthehen në ura lidhëse”. “Lufta është pjesë e historisë njerëzore por kemi mësuar se nuk duhet të përdorim mjete që i kemi fabrikuar për të bërë keq” tha Obama.

«Jemi këtu për të qarë qindra mijë burra, gra e fëmijë japonezë – tha Obama duke folur në Hiroshima – këtu bota ka ndryshuar një herë e përgjithmonë» Por megjithatë ndjesa nuk u shqiptua.

Takimi me historinë sipas orës japoneze u bë sot më 27 maj 2016 në orën 17,45, kur Obama hyri në Parkun e Paqes dhe vendosi kurorën e luleve. Është i pari President Amerikan që vjen në Hiroshima,. Televizionet Amerikane janë duke e ndjekur hap pas hapi veprimtarinë. Presidenti Obama shoqërohet nga Ambasadorja Amerikane në Japoni, Caroline J.Kennedy, e bija e Presidentit John F. Keneddy.

Donald Trumpi ka siguruar këtë të enjte numrin e mjaftueshëm të delegatëve të nevojshëm për të siguruar nominimin republikan për President të Shteteve të Bashkuara të Amerikës.

Në këtë mënyrë përfundoi ajo që konsiderohej si një rritje e pamundur, që ka ngritur në këmbë të gjithë peizazhin politik dhe përgatit gjasat për një fushatë edhe më të ashpër në vjeshtë të këtij viti.

Sipas numërimit që ka bërë “Associated Press”, Trumpi e ka kaluar me vetëm 1 numrin e nevojshëm të delegatëve, pasi ka siguruar edhe një numër delegatësh të pazotuar me partinë, të cilët i kanë thënë agjencisë së lajmeve se do ta mbështesin atë në konventën e korrikut. Mes tyre është edhe kryetarja e republikanëve të Oklahomës, Pam Pollard.

“Mendoj se ai ka prekur atë pjesë të elektoratit që nuk pëlqen situatën aktuale ku ndodhet vendi ynë”, tha Pollard. “Ndaj dhe nuk e kam problem ta mbështes Trumpin”.

Për të siguruar nominimin republikan për president nevojiteshin 1237 delegatë. Trumpi ka arritur aktualisht, sipas numërimit të “AP”, 1238 delegatë gjithsej. E ndërsa janë ende 303 delegatë në lojë, që priten të deklarojnë mbështetjen e tyre në primaret e 5 shteteve, që do të shprehen më 7 qershor, Trumpi do ta ketë tepër të lehtë të shmangë ndërhyrjet në Konventën partiake në Cleveland, në korrik.

Trumpi, një politikan rishtar i cili prej vitesh ka dhënë vetëm komente “helmuese” mbi deklaratat para kombit nga prapavija, transmeton tch por që kurrë nuk kishte garuar deri tani për ndonjë post, luftoi përballë 16 pretendentëve të tjerë republikanë në një garë tepër të ashpër dhe të papëlqyeshme ndonjëherë.
Steve House, kreu i Partisë Republikane në Kolorado, si dhe një delegat i paangazhuar që konfirmoi mbështetjen e tij për Trumpin i pyetur nga “AP”, tha se i pëlqen karakteri i miliarderit nga pikëpamja e një biznesmeni. “Lidershipi është lidership. Nëse ai do të mund të rrethohet me politikanë të talentuar, besoj se do të jetë shumë mirë për të”.

Rrugëtimi i Trumpit për nominimin presidencial mes republikanëve nisi me një të përpjetë e thepisur. Manjati i pasurive të paluajtshme dhe bashkëshortja e tij, Melania, e zbritën këtë “shkallë lëvizëse” në qarqet e lobimit të “Kullës Trump” më 16 qershor të vitit 2015, në atë shpallje që shumëkush prej vëzhguesve tha se nuk duhej të ishte bërë kurrë. Miliarderi, i cili kishte flirtuar shpesh në të kaluarën me mundësinë për të garuar për ndonjë post, deklaroi se po niste fushatën për të siguruar nominimin presidencial të republikanëve.

Fjalimi i tij i parë u përqëndrua në aftësinë e kandidatit për të dominuar titujt kryesorë mediatikë, me deklarata provokuese, ofendime dhe hiperbolizime. Ai i quajti meksikanët “përdhunues”, duke premtuar se do të ndërtonte një mur përgjatë kufirit amerikan me Meksikën, ndërkohë që shtoi më tej se do të ndalonte myslimanët të hynin në SHBA për një kohë të pacaktuar.

Politika e tij ishte ajo e vendosjes së pseudonimeve për rivalët: “Marco i vogël” Rubio, “I dobëti” Jeb Bush dhe “Gënjeshtari Ted” Cruz, ishin ndër më kryesoret që shkaktuan edhe reagimet më të ashpra ndaj Trumpit. Megjithatë ata ranë njëri pas tjetrit, duke lënë Trumpin të vetmin të mbijetuar në primaret republikane.
Mitingjet e tij u bënë ngjarje që “duheshin” parë me patjetër dhe “magnet” për publikun e lirë e të paangazhuar deri më tani me asnjë krah politik, siç quhen edhe ata të pavendosurit. Në skenë ai iu dha disi më shumë populizmit, duke thithur me mijëra mbështetës, shumë prej të cilëve iu bashkuan thirrjeve të tij “Ta bëjmë Amerikën të madhe sërish”, apo duke thirrur edhe në kor “Ndërtojeni murin”.

Të gjitha këto shfaqje shkaktuan protesta anembanë Amerikës, teksa demonstrues të paktë shpeshherë u larguan me forcë nga mitingjet e tij. Një miting në Çikago u anulua pasi mijëra demonstrues rrethuan vendin e organizimit, ndërsa Shërbimet Sekrete nuk mundeshin ta siguronin të paprekur kandidatin. Kur votimet filluan, ai nuk kishte një hap të shpejtë…

Ai humbi në Ioëa në shkurt, duke mbetur pas Cruzit por la pas vetes Rubion. E mori veten në New Hampshire, ndërkohë që prej aty u angazhua fuqimisht për të fituar disa prej shteteve më të rëndësishme e duke humbur disa të tjera, por gjithsesi duke dominuar në të gjithë pjesën e mbetur të garës, ashtu sikurse edhe në numrin e delegatëve së fundi.

Gjatë kësaj kohe, të gjithë udhëheqësit e vjetër të republikanëve u shtangën dhe u shprehën të habitur nga rritja e pabesueshme e Trumpit. Shpesh e quajtën “mashtrues”, atë që dikur ishte një demokrat, por sërish dështuan ta ndalonin të siguronte numrin e “magjishëm” të 1237 delegatëve. Avash-avash, edhe udhëheqësit e vjetër nisën të takoheshin me Trumpin dhe stafin e tij, ndërsa prej shumë prej tyre manjati siguroi mbështetjen.

Trump, 69 vjeç, djali i një manjati të pasurive të paluajtshme të Nju Jork Sitit, e shtoi famën e tij gjatë viteve ’80-’90, duke mbikëqyrur shumicën e marrëveshjeve të pasurive të paluajtshme dhe duke shtuar me norma tepër të shpejta pasurinë e tij. Ai ishte “host” i një show televiziv si “The Apprentice”, e më pas u bë edhe autor i dhjetëra librave.

NJU JORK – Agjencia amerikane e antiterrorit në bashkëpunim me FBI-në arrestuan sot në banesën e tij një të ri shqiptar, i akuzuar si terrorist. Sipas mediave amerikane, Sajmir Alimehmeti 22-vjeç dyshohet se ka ndihmuar terroristë të ndryshëm brenda territorit amerikan. Autoritetet amerikane e kishin venë nën hetim prej 18 muajsh, ndërsa pas kontrolleve në banesë gjetën edhe flamurin e zi të ISIS.

Voal – Hillary Clinton ka premtuar gjatë së shtunës se “nuk do të kënaqë kurrë lobin pro armëve”, teksa sulmoi kandidatin republikan për Presidencialet e nëntorit duke e quajtur të rrezikshëm dhe të pashpresë, e kurrë në të njëjtën linjë me opinionin publik amerikan mbi kontrollin e armëve.

“Mjaft më”, tha Clinton një ditë pasi i nominuari “de facto” i republikanëve për president e akuzoi atë se synonte të shfuqizonte amendamentin e dytë të Kushtetutës amerikane.

Përpara se Trumpi t’i adresohej Shoqatës Kombëtare të Armëve ditën e premte, kreu i kësaj shoqate tha para anëtarëve se “do t’i jepnin puthjen e lamtumirës armëve që zotërojnë”, nëse do të zgjidhej Hillary Clinton presidente e Shteteve të Bashkuara.

“Ndryshe nga Donald Trump, unë nuk do të kënaq kurrë lobin pro armëve, si dhe nuk do të jem kurrë e heshtur e pa fjalë, sepse ne nuk mund të intimidohemi prej tyre”, tha Clinton në një shfaqje kushtuar masave antidhunë dhe kontrollit të armëve të titulluar “Trayvon Martin”, siç e kishte emrin edhe adoleshenti i paarmatosur nga Florida që u qëllua për vdekje nga një oficer në vitin 2012.

“E dimë që lobi i armëve është i fuqishëm. Besoj gjithashtu se është lobi më i fuqishëm në Uashington”, tha Clinton. “Dimë edhe që disa kandidatë do të thonë e do të bëjnë çdo gjë të mundshme që t’i lumturojë ata”.

E ndërsa Trumpi ka bërë kthesën nga një mbështetës i një kontrolli disi më të shtuar të armëve, drejt atij që këmbënguli të premten se nuk do të lejonte kurrsesi “heqjen” e amendamentit të dytë, Clintoni ka bërë një tjetër kthesë në kah të kundërt, që prej fushatës së saj të pasuksesshme të vitit 2008 kundër ish-senatorit të atëhershëm Barack Obama. Në atë kohë, Hillary fliste shpesh për rëndësinë e ekzistencës së armëve në disa zona të vendit, si dhe tërhoqi mbështetjen që i kishte dhënë më herët licencimit kombëtar dhe regjistrimit të tyre.

Ndërsa këtë vit, Clintoni duket se po e kthen “kontrollin ndaj armëve” në qendër të fushatës së saj presidenciale, duke u angazhuar se do të vepronte së bashku me Kongresin, por edhe e vetme nëse do të nevojitej, për të instaluar ato që ajo quan “kufizime të mirëkuptuara dhe të mbështetura nga të gjithë” mbi blerjen e armëve, që gëzojnë edhe mbështetjen e shumicës së amerikanëve. Ajo premtoi gjithashtu se do të rishikonte legjislacionin për t’i dhënë fund imunitetit ndaj padive për prodhuesit e armëve.

Ajo këmbëngul se nuk ka asnjë draft për amendamentin e dytë, dhe hulumtuesit e fakteve kanë diskredituar vlerësimin e Trumpit, kur tha se ajo synon ta shfuqizojë atë. Kontrollet e limituara të armëve shihen nga shumica e demokratëve si çështja fitimtare në zgjedhjet e vjeshtës, duke tërhequr kryesisht mbështetjen e grave. Kjo çështje mund të shfrytëzohet gjithashtu për t’i pasqyruar Trumpin dhe kandidatët republikanë për Kongresin si ekstremistë.

“Jemi mjaftueshëm të zgjuar dhe të fortë si komb, për të përcaktuar sesi të mbrojmë të drejtat e armëmbajtësve të përgjegjshëm, ndërkohë që përpiqemi t’i mbajëm armët larg duarve të abuzuesve brenda kufijve tanë, kriminelëve të ndryshëm të dhunshëm, gangsterëve, apo të sëmurëve mendorë në gjendje të rënduar”, tha Clinton gjatë së shtunës. “E di që mund ta bëjmë këtë, pavarësisht të gjithë zhurmës politike, pasi aktualisht ne jemi të bashkuar mbi këtë çështje”.

Për të fituar duartrokitjet e të pranishmëve, ajo nënqeshi angazhimin e Trumpit në konventën e Shoqatës Kombëtare të Armëve për t’i dhënë fund zonave të lira për armë nëpër shkolla, si dhe që do të zhbënte veprimet ekzekutive që zgjeruan kërkesat për kontrollet e formimit kulturor të individëve përpara blerjes së një arme. Ajo u angazhua se, si presidente do të zgjeronte këto kontrolle të formimit kulturor, tashmë edhe ndaj shitjeve në masë apo të pakufizuara të armëve “online”, apo nëpër shfaqjet e ndryshme kushtuar armëve, raporton TCH.

“Donald Trump tha se, që në orën e parë si President i Amerikës do të përmbyste veprimin ekzekutiv të Presidentit Obama që përforcon kontrollet mbi formimin kulturor”, tha Clinton. “Ky nuk është njeri i zakonshëm, por dikush që garon për t’u bërë President i SHBA-ve, një vendi që përballet me një epidemi të dhunës prej armëve, teksa flet sërish për më shumë armë në shkollat tona”, u shpreh kandidatja demokrate.