VOAL

VOAL

Copyright © 2022

VOAL

Rajon

Kocijançiq: Presim nga Serbia zbatim të konventave për pakicat

Maja Kocijançiq, zëdhënëse e Përfaqësueses së Lartë të Bashkimit Evropian, Federica Mogherini, ka thënë sot në Bruksel se “asociacioni i komunave të banuara me shumicë serbe në Kosovë është rezultat i negociatave shumë specifike në kuadër të dialogut Kosovë – Serbi për normalizimin e marrëdhënieve midis dy vendeve”, të ndërmjetësuar nga BE-ja.

Këto komente zonja Kocijançiq i ka bërë duke komentuar krijimin e një asociacioni të ngjashëm në komunat e banuara me shqiptarë në jug të Serbisë.

Përfaqësuesit politikë të Preshevës, Medvegjës dhe Bujanocit kanë votuar më 12 shtator themelimin e Asociacionit të Komunave me Shumicë Shqiptare.

“Kur bëhet fjalë për pakicën shqiptare në Serbi, Serbia ka zotuar vetveten për të zbatuar një politikë mbi pakicat kombëtare, në një linjë me të gjitha detyrimet ndërkombëtare që dalin nga korniza e Konventës së Këshillit të Evropës për mbrojtjen e pakicave kombëtare dhe nga Karta Evropiane për pakicat. Presim përmbushjen e këtyre detyrimeve”, u ka thënë gazetarëve, zonja Kocijançiq.

Marrëveshja për Asociacionin e Komunave me Shumicë serbe, ndërkaq është arritur më 25 gusht në Bruksel.

Halimi: Modeli i Tirolit Jugor për zgjidhjen e problemeve të pakicave në Ballkan

Vendimi për themelimin e Asociacionit të Komunave me Shumicë Shqiptare në Luginë të Preshevës nuk ishte përgatitur mirë, thotë kryetari i Partisë për Veprim Demokratik, Riza Halimi, njëherësh deputet në Kuvendin e Serbisë.

Në një bisedë për Radion Evropa e Lirë, Halimi tregon arsyet pse partia e tij nuk mori pjesë në aktin e shpalljes së Asociacionit. Sipas tij, themelimi i Asociacionit ishte vetëm një përsëritje e disa vendimeve të mëhershme të shqiptarëve të Luginës së Preshevës.

Halimi i cilëson si të pasakta edhe deklaratat e kryeministrit dhe zëvendëskryeministrit të Serbisë, në lidhje me të drejtën e komunave që të themelojnë Asociacione. Kjo e drejtë, potencon ai, komunave u lejohet me ligj.

“Ligji për Pushtet Lokal në Serbi parasheh në mënyrë të qartë se pushtetet lokale për të realizuar interesa të përbashkëta, mund të ndërtojnë asociacione dhe të krijojnë organizata, institucione e organe të përbashkëta. Ligji këtë e parasheh, por normalisht që duhet ta kemi parasysh që niveli i të drejtave, i kompetencave të pushteteve lokale në Serbi nuk është i njëjtë me ato që i kanë komunat me shumicë serbe në Kosovë. Jo që nuk është i njëjtë, por është dukshëm më i ulët”, thotë Halimi.

Votimi për themelimin e Asociacionit të Shqiptarëve në Luginë të Preshevës, konsiderohet se duhet të marrë për bazë vetëm votat e këshilltarëve komunalw nga Presheva e Bujanoci, pasi ata të Medvegjës nuk kishin mandate legjitime, për shkak se kjo komunë ishte në procesin zgjedhor.

Parimi kryesor i shpalljes së këtij Asociacioni, bazohej në reciprocitetin mes të drejtave të serbëve në Kosovë dhe të drejtave të shqiptarëve në Serbi.

Riza Halimi thotë se ka dallime të mëdha, pasi që pozita e serbëve në Kosovë është më e avancuar. Por ai pret që edhe faktori ndërkombëtar të reagojw dhe në bazë të disa modeleve ndërkombëtare, t’i zgjidhw edhe çështjet e ngjashme që kanë mbetur tani në Ballkan.

“E kemi Tirolin Jugor, e kemi ujdhesën Aland në Finlandë, do të thotë kemi shembuj shumë pozitiv që në të kaluarën shtetet evropiane i kanë zgjidhur”.

“Tash është aktual Ballkani dhe nëse nuk përdoren kritere të njëjta, posaçërisht për pakicat, sidomos ato që paraqesin shumicë në një territor të caktuar të një shteti, atëherë nuk do të kemi stabilitet dhe në një mënyrë, këto shtete që synojnë integrime evropiane do ta destabilizonin vetë Evropën nëse nuk përdoren kritere evropiane”, ka deklaruar Halimi.

Krijimin e Asociacionit të Komunave Shqiptare në Luginë të Preshevës si masë reciprociteti me Asociacionin e Komunave me Shumicë Serbe në Kosovë e ka kundërshtuar Qeveria në Beograd, përkatësisht kryeministri i Serbisë, Aleksandar Vuçiq.

Përderisa Qeveria në Prishtinë, nuk ka bërë ndonjë deklaratë zyrtare për apo kundër këtij vendimi të përfaqësuesve shqiptarë të Luginës së Preshevës.

Në provë diplomacia e Prishtinës dhe e Tiranës – Nga Prof. dr. MEHDI HYSENI

*** Të mos lihen Presheva, Bujanoci dhe Medvegja në “mëshirën” dhe në varësinë e politikës dhe diplomacisë kolonialiste të Serbisë (1912-2015).
Siç bën të ditur gazeta  “Kosova Sot” e Prishtinës, shqiptarët e  Kosovës Lindore: Preshevë, Bujanoc dhe Medvegjë, më 12 shtator 2015, miratuan Deklaratën  për formimin e Bashkësisë së Komunave Shqiptare nën Serbi. Ja teksti integral i kësaj Deklarate: 
 
“ Këshilltarët shqiptarë të tri komunave të Luginës – Preshevës, Medvegjës dhe Bujanocit, më 12 shtator 2015 miratuan Deklaratën për themelimin e Asociacionit të Komunave me shumicë shqiptare në Serbi. Deklarata u miratua në mënyrë unanime, respektivisht asnjë nga 43 këshilltarët komunalë nga të tri komunat nuk votoi kundër. Kryetari i Preshevës Ragmi Mustafa gjatë mbledhjes tha se sot është një ditë historike. Ai tha se shqiptarët e Luginës çdo ditë janë nën trysninë e deklaratave kërcënuese të qeverisë së Serbisë.  Ndërkaq kryetari i Këshillit Nacional Shqiptar Jonuz Musliu tha se rrugë tjetër nuk ka pos realizimit të të drejtave të shqiptarëve të Luginës. Sipas tij Serbia gjithmonë ka qenë e interesuar për spastrim etnik dhe për marrjen e tokave shqiptare. Musliu theksoi se shqiptarët janë të vendosur që të realizojnë vullnetin e tyre dhe asgjë më shumë.”( //http://www.kosova-sot.info/lajme/34112/miratohet-deklarata-per-themelimin-e-asociacionit-te-komunave-shqiptare-ne-serbi/12 shtator/2015//).
 
Një kërkesë e këtillë e shqiptarëve të Preshevës, Bujanocit dhe Medvegjës, është plotësisht e drejtë, e pranueshme dhe në frymën e standardeve ligjore dhe demokratike të Bashkimit Evropian (BE), pavarësisht reagimit negative dhe kërcënuese të kryeministrit  Aleksandar Vuçiq  dhe ministrit të Jashtëm të Serbisë, Ivica Daçiq  se, nëse  “shqiptarët  e PBM-së formojnë  Associacionin  e Komunave  Shqiptare, do të përdorin forcën”.
 
E pranuat “Zajednicën serbe”, pranoni edhe Bashkësinë shqiptare !
 
Duke qenë se politika dhe diplomacia zyrtare e Kosovës dhe e  Shqipërisë kanë pranuar dhe  mbështetur nënshkrimin e Marrëveshjes  së krijimit të “Zajednica srpskih opstina”  brenda  territorit të shtetit të pavarur të Kosovës, të miratuar më 25 gusht 2015 në Bruksel nën monitorimin e  Federica Mogherinit  (përfaqësuese e lartë për politikë të jashtme dhe të sigurisë  të BE-së) ,  të cilën së fundi, pa asnjë rezervë e përqafoi, edhe presidenti i Republikës së Shqipërisë, Bujar Nishani në takimin që pati me presidenten e Kosovës, Atifete Jahjga në Tiranë, më 10 shtator, atëherë, as Nishani e as Jahjaga nuk kanë asnjë arsye, që të mos e mbështesin edhe Deklaratën e shpallur të shqiptarëve të Preshevës dhe të Bujanocit për themelimin e Asociacionit të Komunave Shqiptare (AKSH) nën Serbi, ashtu siç e mbështetën me gëzim dhe me dashuri, edhe Marrëveshjen  për formimin e Associacionit të Komunave Serbe në Kosovë.
 
Pra, që tani, në potez  janë poltika, drejtësia  dhe diplomacia e hollë dhe racionale e  Tiranës dhe e Prishtinës, përfaqësuesit e të cilave urgjentisht, duhet të vihen në veprim për thirrjen e mbledhjeve të dy qeverive dhe të dy parlamnenteve, që  njëzërit, të miratojnë Deklaratën e 43 këshillëtarëve  të komunave të Preshevës, Bujanocit dhe Medvegjës  për themelimin e Associacionit të Komunave Shqiptare nën Serbi.
 
Për mbështetjen zyrtare të Deklaratës së përfaqësuesve legjitimë të popullit shqiptar të PBM-së  për themelimin e  Associacionit të Komunave Shqiptare, ndër të parët, FAJLËN e kanë  Presidentja e Kosovës, Atifete Jahjaga dhe Presidenti i Shqipërisë, Bujar Nishani, që ta ngrenë zërin sikurse në rastin e miratimit të “Zajednica srpskih opstina” në Kosovë.
 
Gjithashtu Jahjaga dhe Nishani urgjentisht, duhet t’i thërrasin kryeministrat e qeverive  të tyre , Isa Mustafën dhe Edi Ramën”, që  me procedurë të shkurtër ligjore , ta miratojnë Deklaratën e theksuar  dhe, të njëjtën t’ua procedojnë për miratim të dy kuvendeve të Ilir Metës dhe të Kadri Veselit.
 
Pas  kësaj procedure ligjore të miratimit të Deklaratës për themelimin e Associacionit të Komunave Shqiptare (PBM), qeveria e Kosovës dhe e Shqipërisë, këtë kërkesë  t’ia dërgojnë për shqyrtim zonjës së lartnderuar Erica Mogherinit  (përfaqësuese e lartë  për  politikë të jashtme dhe për siguri të BE-së).
 
Në këtë rast, do të pajtohej, edhe  Zëdhënësja e lartë e BE-së, Maja Kociançiq, e cila lidhur me  formimin e Associacionit të Komunave Shqiptare në Serbi, ka reaguar negativisht, duke theksuar se : “Për Luginën e Preshevës mund të flitet në Bruksel, nëse pala serbe dhe kosovare janë dakord dhe se kjo pyetje para Brukselit, duhet shtruar, se pari autorititeve në Beograd dhe atyre në Prishtinë…” // http://botasot.info/lajme/452182/brukseli-reagon-per-asociacionin-ne-luginen-e-presheves-ja-cfare-thote/11/09/2015/
 
Së fundi, nëse  drejtësia, politika dhe diplomacia e Kosovës dhe e Shqipërisë (sipas  procedures ligjore  dhe demokratike)  nuk e përligjin Deklaratën e 43 këshillëtarëve legjitimë të Preshevës, Bujanocit dhe Medevgjës për themelimin e Associacionit të Komnave Shqiptare, atëherë,  kuptohet, këtë nuk do ta mbështesin as Beogradi as faktorët relevantë të bashkësisë ndërkombëtare.
 
Nëse ndodh ky absurd i faktorit brendashqiptar, atëherë, nuk kemi të drejtë morale, as ligjore, që t’i  kritikojmë dhe t’I fajësojmë as Beogradin, as Brukselin (BE-në)  e as Nju-Jorkun(OKB-në),  por vetëm  politikën dhe diplomacinë zyrtare të Tiranës dhe të Prishtinës.
 

Radio Evropa e Lirë: Lugina e Preshevës insiston në Asociacion

Voal – Këshilltarët shqiptarë të tre komunave: Preshevë, Medvegjë dhe Bujanoc, tërësi kjo e njohur nga shqiptarët e këtyre komunave si Lugina e Preshevës, në jug të Serbisë, do ta sjellin vendimin për themelimin e Asociacionit të komunave me shumicë shqiptare në Serbi, konfirmojnë zyrtarët shqiptarë të këtyre komunave.

Jonuz Musliu, kryetar i këshillit Nacional të Shqiptarëve (KNSH), i ka thënë Radios Evropa e Lirë se tashmë janë kryer të gjitha përgatitjet për takimin e këshilltarëve shqiptarë të tri komunave me shumicë shqiptare në Serbi, takim ky i cili pritet të mbahet të shtunën, në Preshevë.

“Teknikisht gjithçka është përgatitur për takimin e nesërm të këshilltarëve shqiptarë, në orën 11, në Preshevë. Do të bihet një vendim për Asociacionin e komunave me shumicë shqiptare, në Luginë të Preshevës”, theksoi Musliu.

Ndryshe, idenë për formimin e një Asociacioni të komunave me shumicë shqiptare e kishte aktualizuar Musliu në fund të muajit gusht të sivjetmë.

Por, çfarë synohet me formimin e këtij asociacioni?

Kryetari i komunës së Preshevës, Ragmi Mustafa, duke folur për Radion Evropa e Lirë, tha se çështja e formimit të Asociacionit të komunave me shumicë shqiptare në Serbi “është iniciativë e këshilltarëve shqiptarë të Luginës së Preshevës” dhe ky organ synohet të jetë analog me Asociacionin e komunave me shumicë serbe në Kosovë.

“Ajo që po ndodhë në Kosovë për Asociacionin e komunave serbe në Republikën e Kosovës, të ndodhë edhe për shqiptarët në Luginë të Preshevës. Pra, që të themelohet Asociacioni i komunave shqiptare në Luginë të Preshevës, që ta arrijë po atë shkallë të të drejtave sa edhe për serbët në Republikën e Kosovës, gjë për të cilën gjykojmë se është plotësisht e drejtë, plotësisht analoge dhe proporcionale”, tha Mustafa.

Mendim të ngjashëm ka edhe kryetari i komunës së Bujanocit, Nagip Arifi, i cili thotë për Radion Evropa e Lirë se vendimi për formimi i këtij asociacioni do të jetë në përputhje me konventat ndërkombëtare për të drejtat e njeriut dhe po ashtu, duke u bazuar, siç thotë ai, “në referendumin e 1 dhe 2 marsit të vitit 1992, në platformën politike të shqiptarëve të Luginë së Preshevës, të aprovuar me 14 janar të vitit 2006, si dhe në përputhje parimit të reciprocitetit, duke u bazuar në marrëveshjen fundit ndërmjet Kosovës dhe Serbisë për formimin e asociacionit të komunave serbe në Kosovë.

Arifi thekson se formimi i Asociacionit të komunave me shumicë shqiptare në Serbi, nuk e shkel Kushtetutën serbe.

“Në Kushtetutën e Republikës së Serbisë dhe në Ligjin për administrimin lokal thuhet se: tri apo më shumë komuna mund të aprovojnë edhe akte të përbashkëta kur kemi të bëjmë me planifikimin hapësinor apo në bashkëpunim për çështje të kulturës, arsimit dhe kështu me radhë”.

“Ky është një vendim i yni ku mendoj se edhe faktori ndërkombëtar, po para së gjithash Qeveria e Republikës së Kosovës dhe ajo e Shqipërisë duhet të na ndihmojnë në këtë drejtim, sepse ky është vetëm një përparim në të drejtat e pakicave në rajonin e Ballkanit perëndimor”, u shpreh Arifi.

Në anën tjetër, autoritetet e larta Serbe kanë kundërshtuar idenë e këshilltarëve shqiptarë të tri komunave: Preshevë, Medvegjë dhe Bujanoc, për formimin e asociacionit.

Kryeministri i Serbisë Aleksandar Vuçiq, në një intervistë për transmetuesin publik të Serbisë, e ka quajtur veprim të papërgjegjshëm politik dhe të papranueshëm.

“Serbia di si të reagojë – me urtësi dhe mençuri. Nëse është e nevojshme ta tregojë fuqinë, mos keni dert, sepse gjithsesi do ta tregojë”, ka theksuar Vuçiq.

Ndërkaq, zëvendëskryeministri serb Ivica Daçiq, me tone të ashpra i ka porositur këshilltarët komunalë shqiptarë “të mos luajnë me zjarr”.

“I paralajmërojmë që të shtunën në Preshevë të mos bëjnë ndonjë paralele me Bashkësinë e komunave serbe në Kosovë. I paralajmërojmë që të mos luajnë me zjarr dhe ta respektojnë kushtetutën dhe rendin e Serbisë”, ka thënë Daçiq.

Por, përfaqësuesit e shqiptarëve të Luginës së Preshevës, në jug të Serbisë, thonë se porositë nga autoritetet e larta serbe, të cilat ata i vlerësojnë si kërcënime, sipas tyre nuk janë për herë të parë.

Musliu thotë se veprimet e shqiptarëve të Luginës së Preshevës nuk çojnë në drejtim të nxitjes së konflikteve.

“Ne nuk jemi për të hapur zjarre, as fronte e luftëra, por jemi për atë që ta zgjidhim problemin e shqiptarëve. Nuk jemi as kundër t drejtave të serbëve në Kosovë, por jemi që të bëhet një reciprocitet në mes serbëve të Kosovës dhe shqiptarëve të Luginës së Preshevës. Edhe Evropa nuk duhet të luaj me dy standarde, ndryshe për serbët e Kosovës e ndryshe për shqiptarët e luginës së Preshevës”, ka theksuar Musliu.

Kryetari i komunës së Preshevës, Mustafa, thekson se mesazhet kërcënuese nga autoritetet serbe për shqiptarët e Luginës së Preshevës janë rutinë.

“Ne jemi mësuar me deklarata të tilla të Daçiqit. Ne, në këtë drejtim, jemi nën presione të vazhdueshme edhe më parë. Nuk është ky presioni i parë dhe fundit i tij. Por, ne do të vazhdojmë me iniciativën tonë, sepse është një iniciativë e këshilltarëve shqiptarë të Luginës së Preshevës”.

“Në këtë drejtim, fjalën e lirë dhe mendimin e lirë të këshilltarit, të zgjedhur nga vota e popullit, nuk mund ta pengojë askush. Deklaratat kërcënuese të Daçiqit nuk më bëjnë përshtypje”, tha Mustafa.

Ndërkaq, kryetari i komunës së Bujanocit, Arifi, nuk dëshiron t’i komentojë deklaratat e autoriteteve serbe.

“Unë nuk dua t’i komentojë deklaratat e Daçiqit dhe Vuçiqit, sepse nuk janë deklaratat e para. Ne nuk po aprovojmë ndonjë dokument për shkelje të drejtave të serbëve të Kosovës apo të serbëve lokal, këtu në Bujanoc, por ne po i kërkojmë të drejtat tona”, theksoi Arifi.

Përfaqësuesit e shqiptarëve të tri komunave, Preshevë, Medvegjë dhe Bujanoc, kanë paralajmëruar se në takimin e së shtunës, pas vendimit për formimin e Asociacionit të komunave me shumicë shqiptare në Serbi, do ta formojnë edhe një grup punues ekspertësh për përgatitjen e statutit të këtij Asociacioni.

BIRN: Ministri i Brëndshëm i Malit të Zi akuzohet për prostitucion

Ministri i brendshëm malazez është akuzuar për prostitucion pas një hetimi disa mujor të policisë në radhët elitë të prostitucionit. 

Nga Dushica TOMOVIQ

Ministri i brendshëm i Malit të Zi, Rasko Konjeviq, të mërkurën mohoi akuzat se ai përdorte prostituta, duke e quajtur këtë një «gënjeshtër të shëmtuar».

Në një konferencë për shtyp të mërkurën, Konjeviq tha se kishte ngritur padi kundër Prokurorit Special Milivoje Katniq, pasi zbuloi se policia në departamentin anti-krim i organizuar në bashkëpunim me kriminelët dhe median po përgatitnin diskreditimin e reputacionit të tij.

«Është e qartë se krimi i organizuar dhe tentakulat e tij në polici dhe media po përgatiteshin të më diskreditonin,» tha Konjeviç.

Sipas raportimeve të medias ministri u akuzua nga një oficer policie, Gjoko Goluboviq,  i cili pretendoi se Konjeviq kishte vizituar prostituta për një kohë të gjatë.

Goluboviq u arrestua të mërkurën i dyshuar për keqpërdorim të pozitës zyrtare dhe një gjykatë urdhëroi mbajtjen e tij për tre ditë në qeli.

Oficeri i policisë e mbrojti veten duke thënë se ai vetëm kishte përsëritur atë që i kishin thënë kur po merrej në pyetje për të thyer një rrjet prostitucioni.

Në dy muajt e fundit, policia ka kryer disa operacione kundër prostitucionit, që është i paligjshëm në Malin e Zi dhe përfshin dënime të rënda me burg.

Në një aksion policor të quajtur «Kukulla» në fund të gushtit, Zeljka Roloviq nga qyteti i Kotorrit u arrestua e dyshuar për përfshirje në një rrjet të organizuar prostitucion me disa gra.

Ajo dyshohet se ka organizuar shërbime seksuale në hotele, vila, varka dhe vende të tjera të qytetit bregdetar për fitim financiar.

Fotografitë e saj në udhëtime luksoze nëpër botë janë përhapur kudo në media. Hetimi i policisë ka zbuluar në listën e klientëve të saj të famshëm dhe politikanë.

Rrjetet sociale kanë spekuluar rreth politikanëve dhe atletëve që përdorën shërbimet e «Madamës Malazeze», siç e ka pagëzuar media Roloviqin.

Kjo ka mohuar të ketë pasur lidhje me prostitucionin dhe është shprehur se media i ka shkatërruar jetën me përrallat që ka treguar.

Në një tjetër mësymje policore në korrik, në një resort në Budvë, tre persona nga Serbia, Mali i Zi dhe Bosnja u arrestuan të dyshuar për organizimin e një rrjeti prostitucioni.

E njëjta gjë ka ndodhur edhe në Podgoricë sipas raporteve të policisë.

Sipas organizatave që monitorojnë gjendjen, prostitucioni është shumë i përhapur në Malin e Zi, sidomos në qytetet bregdetare ku ka komplekse turistësh.

Çmimet për shërbimet variojnë nga 200 deri në 250 euro, por në resorte si Budvë, çmimet mund të arrijnë në 1000 euro, ndërsa gratë e prostitucionit të jahteve fitojnë nga 3000 deri në 5000 euro.

(BIRN Albania, Reporter.al)

Foto: Fisun Ivan / Shutterstock.com

Heroi i rezistencës Glezos i bashkohet kundërshtarit të Ciprasit

ATHINË– Veterani i së majtës greke, Manolis Glezos, heroi i rezistencës kundër nazizmit, iu bashkua, në kuadër të zgjedhjeve legjislative të 20 shtatorit, Unitetit Popullor të euroskeptikut Panajotis Lafazanis, kundërshtar i kryeministrit të të majtës radikale, Aleksis Cipras, njoftoi sot partia e tij.

”Manolis Glezos, 92 vjeç, i cili e vuri popullaritetin e tij në shërbim të ardhjes në pushtet të Ciprasit, në muajin janar, do të jetë në krye të listës së partisë Uniteti Popullor (LE)”, theksoi zyra e shtypit e kësaj partie.

Kjo lëvizje është një goditje për Ciprasin, i cili afroi zgjedhjet me dhënien e dorëheqjes më 20 gusht, pas ndarjes brenda grupit të partisë së tij SYRIZA shkaktuar nga Lafazanis.

Ky i fundit refuzoi të mbështesë marrëveshjen e dhënë nga Ciprasi për planin e ri të shpëtimit financiar BE-FMN me një vlerë prej 86 miliardë eurosh, ofruar Greqisë në këmbim të zgjatjes së masave shtrënguese në fuqi që prej pesë vitesh.

Ikonë e rezistencës për heqjen në moshën 18-vjeçare të flamurit nazist që valëvitej në Akropol të Athinës, Glezos ishte distancuar këto muajt e fundit me qeverinë e Ciprasit, duke u shprehur kundër çdo kompromisi me kreditorët e Greqisë.

Duke grupuar 25 deputetë disidentë të SYRIZA-s, Uniteti Popullor numëron gjithashtu në radhët e tij kryetaren e parlamentit, Zoe Konstantopulu.

Biserko: Serbia nëpërmjet Asociacionit do ta bllokojë shtetin e Kosovës

Aktivistja për të drejtat e njeriut në Serbi, Sonja Biserko, shpreh shqetësimin e saj se Asociacioni i Komunave me shumicë serbe në Kosovë do të mund të përdorej si levë e Beogradit për ta penguar shtetin e Kosovës.

Në një intervistë drejtoresha e Komitetit të Helsinkit në Beograd, Biserko thotë se nëse qeveria serbe do të kishte për qëllim mosfunksionimin e institucioneve shtetërore të Kosovës, posaçërisht Kuvendit, sipas saj, këtë mund ta arrijë përmes këtij asociacioni.

Për këtë, Biserko e kritikon edhe vet planin e Ahtisaarit që, sipas saj, ka lënë shumë hapësirë për keqinterpretim të gjërave.

Kjo aktiviste serbe ka folur në një intervistë për lajmi.net edhe për pajtimin historik mes serbëve dhe shqiptarëve si dhe për procesin e shtetformimit për vendet e rajonit.

Lajmi.net: Në fund të muajit janë nënshkruar disa marrëveshje mes Kosovës e Serbisë, njëra ndër to është Asociacioni i Komunave me shumicë serbe. A mendoni se ky asociacion është trup demokratik, apo do të jetë një pengesë për institucionet e Kosovës?

Sonja Biserko: Marrëveshja Brukseli II do të duhej të nënkuptonte që zgjidhja e çështjes së Kosovës të përparojë, të paktën kur është fjala për dokumentet e nënshkruara. Megjithatë, siç ndodhë rëndom, zbatimi në jetën reale përballet me pengesa dhe vështirësi të shumta.

Statuti i Asociacionit ka mbetur të përpilohet. Serbia po mundohet që ky status të jetë i ngjashëm me atë të Republika Srpska-s në Bosnje, që do të thotë vështirësim të jetës së serbëve në Kosovë dhe integrimin e tyre në shoqëri e shtet. Njëra nga versionet e paraqitura është Plani i Ahtisaarit të cilin Serbia e ka refuzuar në vitin 2007.

Ahtisaari kishte krijuar hapësirë për zgjidhje e cila mund të jetë jofunksionale për shtetin e Kosovës, përderisa nuk ka dëshirë politike për një integrim të serbëve në Kosovë.

Pala kosovare insiston në atë që komuniteti serb dhe komunat të jenë në përputhje me kushtetutën dhe ligjet e Kosovës dhe ta konsultojë edhe Gjykatën Kushtetuese. Dhe duket se në këtë ka pasur sukses. Ajo që nuk duket mirë është se asociacioni i komunave është e bazuar në parime etnike, dhe jo, themi në ato gjeografike apo ekonomike.

Megjithatë, përderisa ajo bashkësi përcjellë interesat qeveritare, partneritetin me komunat tjera, mund të ketë integritet e konstruktivitet.

Lajmi.net: Çfarë qëllimi mund ta ketë Serbia që të arrijë përmes këtij asociacioni?

Sonja Biserko: Rrezikun më të madh e shoh në atë që kjo bashkësi të shndërrohet në instrument të Beogradit, i cili, përmes saj do të kontrollonte Kuvendin e Kosovës.

Shpresoj që Beogradi do ta kuptojë që një Kosovë stabile është në interes jo vetëm të Kosovës por edhe Serbisë dhe të gjithë rajonit.

Raportet mes serbëve edhe shqiptarëve, përkundër obstruksioneve politike, megjithatë po ecin rrjedhës së vet. Ilustrimi po ndodhë, Serbia më shumë eksporton në Kosovës se sa në Rusi. Gjithashtu ekziston komunikim në nivel të shoqërisë civile që po i mbanë lidhjet me Kosovën gjatë këtyre viteve. Megjithatë, kjo normalisht nuk është e mjaftueshme pa angazhim të shtetit. Beogradi gjithmonë ka kërkuar mundësitë që me Tiranën të merren vesh për ndarjen e Kosovës.

Akademikët serbë, posaçërisht Dobrica Çosiq, gjithmonë ka folur për të drejtën e shqiptarëve për vetëvendosje. Megjithatë, prapa saj fshihet përpjekja për bashkimin e serbëve, veçanërisht atyre të Republika Srpska-s.

Emancipimi i popujve të Ballkanit ishte i pashmangshëm, por, fatkeqësisht, ky proces është shoqëruar me disa pasoja negative – krijimin e shteteve etnike jotoleruese, jopluraliste dhe të mbyllura.

Takimit të liderëve të Ballkanit në Vjenë i mungon presioni për përmirësimin e sistemit të drejtësisë

Lajmi.net: Në takimin e liderëve të Ballkanit në Vjenë, ku përveç tjerash, është biseduar për pajtimin mes dy kombeve, shqiptar e serb. A mendoni se ky pajtim duhet të bëhet mes Serbisë e Shqipërisë, duke injoruar Kosovën dhe pa kërkimfaljen e Serbisë për krimet e luftës?

Sonja Biserko: Takimi i liderëve të Ballkanit në Vjenë si vazhdë e procesit të nisur në Berlin një vit më parë, i shtyrë nga kancelarja gjermane Angela Merkel, kishte për qëllim intensifikimin e bashkëpunimit mes shteteve të rajonit. Përkeqësimi i dukshëm i situatës ndërkombëtare (drama me migracion, ndikimi rus në rajon, trendet regresive në rajon) i ka përshpejtuar dukshëm disa iniciativa të BE-së, por parë nuk është e qartë se sa do të jetë kjo efektive. Në të njëjtën kohë, vonesat e Europës kontribuuan në humbjen e atraktivitetit për anëtarësim e vendeve të rajonit në BE dhe janë kthyer në alternativa të tjera që nuk janë aq tërheqëse.

Për këtë arsye, deklarata e Vjenës mund të cilësohet si dokument i rëndësishëm. Bashkëpunimi rajonal, megjithatë, nuk do të ketë sukses përderisa akterët rajonal të mos bëhet më aktiv në inicimin e këtyre projekteve relevante, si dhe shtimin e presionit ndaj BE-së që t’i përmbushë premtimet e saja. Nga gatishmëria e tyre do të varen zgjidhjet e çështjeve me rëndësi si ato ekonomike, sociale, politike.

Deklaratës i mungon përfundimi i cili merret në mënyrë adekuate lidhur me bashkëpunimin e gjykatat ndërkombëtare dhe përmirësimin e sistemit të drejtësisë. Ky është njëra nga kushtet kryesore për një shtet të së drejtës. Nëse do të veprohej kështu, Nikola Shainoviq nuk do të pritej këtyre ditëve në Serbi në atë mënyrë sikur të hapte një perspektivë politike në Serbi, duke harruar se për çka është gjykuar.

Pajtimi duhet në rajon duhet të ndodhë pasi të kuptohet e kaluara

Lajmi.net: Si mendoni se ky pajtim duhet të bëhet?

Sonja Biserko: Pajtimi mes serbëve dhe shqiptarëve (dhe të gjithë të tjerëve) do të thotë para së gjithash kuptimi i së kaluarës. Problemet e pazgjidhura të lidhura me krimet, bllokon përparimin shpirtëror.

Për një raport të tillë ndaj të kaluarës janë të nevojshme elita të reja dhe të përgjegjshme politike që janë të gatshme që të jenë të gatshme të angazhohen në këtë çështje të ndjeshme. Duke e ditur se bëhet fjalë për shtete të reja të cilat janë në proces e sipër të krijimit të identitetit shtetëror dhe kombëtar është e rëndësishme se në çfarë drejtimi do të vazhdojë ky proces.

Nacionalistët, në përgjithësi kërkojnë fajtorin për të gjitha problemet me të cilat ballafaqohet një shoqëri, dhe shumë rrallë gjejnë zgjidhje. Një qasje të tillë, gjithmonë e vuajnë pakicat.

Është e domosdoshme sinteza e identitetin etnik (i cili është dominant në Ballkan) dhe në përgjithësi. Vetëm kështu mund të gjendet balanci që nuk do t’i prishte raportet me të tjerët.

Gjykatat ndërkombëtare kanë bërë një punë të rëndësishme. Megjithatë, që ajo të jetë relevantë edhe për shoqëritë tona, është e nevojshme krijimi i disa raporteve morale dhe etike ndaj gjyqësorit.

Në luftërat e viteve të nëntëdhjeta janë shkruar një numër i librave dhe janë xhiruar shumë filma dokumentarë, ekzistojnë dëshmitar dhe dëshmi të shumta për të gjitha ato që janë bërë. Është bërë evidenca dhe çdo gjë që dëshmon të vërtetën që ka ndodhur, pasi pa zbardhjen e së vërtetës, nuk do të ketë paqe.

Serbia, fatkeqësisht, ende nuk është e gatshme që ta pranojë të kaluarën jo të largët. Siç duke që kjo do t’i trashëgohet gjeneratave të ardhshme.

Stuhi e fuqishme pritet të godasë Ballkanin sonte (harta)

Reshje të shumta pritet të bien mbi rajonin e Ballkanit dhe jugun e Italisë, siç duket edhe nga një hartë e postuar nga weather.com. Sipas të njëjtit burim pritet që ky rajon të goditet nga stuhi të forta ere dhe shiu ndërsa është konsideruar si një rajon me rrezikshmëri të lartë përmbytjesh. Shirat pritet të nisin në orët e vona të së mërkurës dhe pritet të variojnë nga 50 në 100 mm ndërsa në zona të caktuara do të shkojnë në 150 mm. Përmbytjet pritet të jenë të shumta ndërsa nuk përjashtohen rrëshqitjet e baltës. Përveç Sicilisë në Itali, rajonet më të prekura pritet të jenë Greqia dhe Shqipëria e jugut. Stuhia do të përfshijë gjatë së enjtes edhe veriun e Greqisë, Maqedoninë, Bullgarinë perëndimore dhe Serbinë. Zonat e caktuara me jeshile të errët shihen si me rrezik të lartë përmbytjesh. Stuhitë do të vazhdojnë deri të premten.

stfq2

Shpallen të pafajshëm pjesëtarët e Sigurimit Shtetëror të akuzuar për atentatin ndaj Vuk Drashkoviçit

BEOGRAD  – Gjykata e Lartë e Beogradit liroi Milan Radonjiç, Ratko Romiç dhe Stevan Basta, pjesëtarë të Sigurimit të Shtetit (DB) me akuzën e ndihmës në tentim të vrasjes ndaj Vuk Draskoviçit, liderit të Lëvizjes për Ripërtëritjen Serbe në vitin 2000 në Budva.

Vendimi u dha në një gjykatë të veçantë në Burgun e Qarkut në Beograd pasi që Radonjiç, ish-shefi i sigurimit të qendrës së Beogradit, si dhe pjesëtarët e po kësaj qendre, Romiç dhe Basta ndodhen në paraburgim. Ndaj këtij gjykimi ka të drejtë ankese në Gjykatën e Apelit.

Tre të lart-përmendurit me gjykimin e parë u dënuan konkretisht shtatë vjet burg, por këtë vendim e rrëzoi Gjykata e Apelit dhe urdhëroi një gjyq të ri. Më parë, me dënime me burgim disa dekadash u dënuan pjesëtarët e Njësisë së për Operacione Speciale. Radonjiç, Romiç dhe Basta, pasi ishin të akuzuar se kanë dhënë mbështetje logjistike për pjesëtarët e NjOS, domethënë se ata kishin ofruar fotografi të shtëpisë ku jetonte Drashkoviç. Po ashtu, akuzoheshin se ata me urdhër të Sllobodan Millosheviçit, ish-Presidentit të Republikës Federale të Jugosllavisë, organizuan vrasjen e liderit të LPS-së.

Ndaj Radonjiç dhe Romiç, sot do të vazhdojë gjykimi para Gjykatës Speciale në Beograd me akuzën e vrasjes së gazetarit Slavko Çuruvija në vitin 1999.

The Gardian: Pa lidership, pa para – BE-ja e ka lënë Ballkanin me krizën e refugjatëve Nga Marcus Tanner

Krerët e rajonit u mblodhën javën e kaluar në Vjenë për një të ashtuquajtur samit të madh të organizuar prej Austrisë dhe Gjermanisë, në të cilin shpresohej se do të kishte kishte hartim të një doracaku solid dhe ndarje shumash të majme parash. Rezultati nuk solli asgjë të madhe: veç premtimit për pak miliona euro dhe fjalë të ngrohta solidariteti

 

Numri i personave që po kalojnë përgjatë rajonit të Ballkanit në rrugën drejt Perëndimit është rritur në mënyrë të hatashme. Vjet vetëm tetë mijë persona kishin kaluar Maqedoninë dhe Serbinë rrugës për në Hungari dhe gjetiu. Sivjet deri në korrik, shifra ka arritur në 70 mijë me rreth dy mijë persona që kalojnë në ditë prej Serbisë në Hungari në javët e fundit.

Tani kur dielli përcëllues i verës së Ballkanit nis t’ia lëshojë anën vjeshtës, po shtohet ankthi në rajon për atë se çfarë do të ndodhë me këta njerëz teksa dimri po afrohet.

Krerët e rajonit u mblodhën javën e kaluar në Vjenë për një të ashtuquajtur samit të madh të organizuar prej Austrisë dhe Gjermanisë, në të cilin shpresohej se do të kishte kishte hartim të një doracak solid dhe ndarje shuma të majme parash. Rezultati nuk solli asgjë të madhe: veç premtimit për pak miliona euro dhe fjalë të ngrohta solidariteti. Nuk është habi që kryeministri i Serbisë, Aleksandar Vuçiq, ua ktheu me frustrim. «Tre milionë euro janë vetëm një e dhjeta e asaj që do të shpenzojmë për angazhimin e ushtrisë, policisë dhe kapaciteteve të tjera tona», është ankuar ai këtë javë.

Deri tani, serbët e rëndomtë janë treguar miqësorë me numrin e madh të njerëzve që po ecin këmbë, me autobusë e trena prej kufirit jugor me Maqedoninë deri në atë verior me Hungarinë. Ndalesa për marshimet kundër emigrantëve, marshime që ishin planifikuar prej grupeve djathtiste, duket se ka marrë përkrahje popullore. Beogradasit më shumë duket se shprehin keqardhje se armiqësi ndaj personave të shumtë që qëndrojnë nëpër parqe. Vendi është në krizë ekonomike dhe FMN-ja kundërshton përpjekjet për rritjen e pagave. Por askush nuk është kundër shpenzimit të parave për të menaxhuar e kontrolluar kalimin e refugjatëve.

Por ky humor i serbëve mund të mos zgjasë pafundësisht. Autoritetet serbe nuk dëshirojnë të ndërtojnë shumë qendre pranimi nëse emigrantët vendosin të qëndrojnë. Por me afrimin e acarit – planifikohen edhe tri qendra të reja – nuk do të mund të strehohen mijëra refugjatë që nuk do të mund të bëjnë gjumë në qiell të hapur.

Rreziku tjetër është frika e ngeljes së refugjatëve në kufirin verior për shkak të rrethojës gjembore të Hungarisë. Me numrin e refugjatëve që vazhdojnë të qëndrojnë në qytetin Horgos, që po shndërrohet në një «Calais të ri», atëherë cila do të jetë rruga që ata do të ndjekin, mbase nëpërmjet Kroacisë a Sllovenisë? Askush nuk e di dhe në mungesë të një strategjie koherente evropiane, secili shtet po mundohet ta menaxhojë situatën sipas kuteve të veta.

Bullgaria po ndërton një rrethojë me gjemba në kufi me Turqinë, qysh po bën edhe Hungaria në kufi me Serbinë. Maqedonia, një vend tjetër në rrugën e gjatë të refugjatëve, në fillim është munduar të bartë refugjatët që të kalojnë nëpër vend. Me shpresë se do të kënaqte Brukselin, vendi vendosi të hiqte kufizimet për emigrantët, duke ua lejuar atyre 72 orë për të kaluar në Serbi. Pastaj i ra pishman, duke mbyllur kufirin me Greqinë, me policinë speciale që rrahu valët e refugjatëve. Pastaj hoqi dorë prej kësj ideje dhe ua hapi përsëri kufirin refugjatëve.

Është acaruese se si ka ardhur puna te ky konfuzion që duket i pashmangshëm. Të gjitha vendet që shtrihen përgjatë rrugës së emigrantëve nëpër Ballkan – Maqedonia, Kosova, Serbia dhe Bosnja – janë shtete kandidate të BE-së ose po luftojnë fort për të marrë këtë status. Të gjitha janë pjesë e kërkesave që u kërkohen t’i plotësojnë për fushën e migracionit, por askush në Bruksel, Vjenë a Berlin nuk duket i interesuar të çojë përpara një plan koherent, e lëre më të ndajë para.

Në Beograd dhe Shkup ka njëfarë shprese të zbehtë se deri në dimër nuk do të ketë valë kaq të madhe të njerëzve që ia mësyjnë rrugës së Ballkanit. Nëse jo, atëherë do të ketë alamet krizë. Atëherë nuk do të bëjnë punë as fjalët e përgëzimit „shpirtin evropian“ kur flitet për këtë temë./ks/dp

«Guardian»
04-09-2015 14-09-25

18 shtetas turq rrëmbehen në Bagdad

Persona të armatosur me uniforma ushtarake rrëmbyen sot 18 shtetas turq në Bagdad.

Shtetasit turq ishin të punësuar nga komapnia Nuroil Insaat e cila po ndërton një stadium futbolli në një rajon kryesisht shi’it në verilindje të Bagdadit.

Personat e armatosur hynë me forcë në orën 3 të mëngjesit në mjediset ku flinin punëtorët pasi kishin çarmatosur më parë rojet e ndërtesës.

Ende nuk dihet identiteti ose motivet e rrëmbyesve.

Zëvendës kryeministri i Turqisë Numan Kurtumlus tha se autoritetet turke janë në kontakt me ato irakiane për fatin e pengjeve.

Vitin e kaluar militantët e Shtetit Islamik rrëmbyen 49 turq nga konsulata në Mosul dhe i mbajtën pengjet për rreth 3 muaj.  Mes tyre kishte diplomatë, gra dhe fëmijë.

Rreziku nga një IS ballkanik

Lëvizjet ekstremiste dhe terroriste, të cilat bazohen në interpretimet dhe keqinterpretimet fetare, kryesisht islame, mund të nxjerrin dhe shfrytëzojnë motivet ballkanike, përfshirë këtu edhe Kosovën, për të krijuar grupe terroriste, vlerësojnë njohësit e aspekteve dhe zhvillimeve të sigurisë në Kosovë.

Burim Ramadani, ish deputet i Kuvendit të Kosovës, duke folur mbi rrezikun nga ekstremizmi i dhunshëm, radikalizmi dhe terrorizmi, thotë për Radion Evropa e Lirë se motivet ndëretnike, me ideologji ekstremiste islamiste dhe me metoda kriminaliteti, të cilat janë të pranishme në Ballkan, përfshirë këtu Kosovën, ka rrezik se mund të shfrytëzohen nga grupi militant Shteti Islamik.

“ISIS-i ose organizatat tjera që funksionojnë nën ombrellën e ISIS-it, mund të nxjerrin dhe respektivisht edhe t’i shfrytëzojnë motivet ballkanike, që do të krijonte një, kushtimisht ta quajmë, ISIS Ballanik. Ballkani është i ndarë përbrenda, tensionet ndëretnike, tensionet politike dhe konfliktet ndërshtetërore janë të hapura. Ky është rreziku kryesor për Ballkanin”, theksoi Ramadani.

Lidhur me këtë, ai shtoi se elementi i dytë që mund të shfrytëzohet nga ideologët, strategët dhe misionarët e organizatat terroriste islamiste, është fakti se shtetet në Ballkanin Perëndimor janë të brishta, me qeverisjet që kanë elemente autokratike, me mos konsolidim të demokracisë, me mungesë të zhvillimit ekonomik dhe me nivel të ulët arsimor.

Mendim të ngjashëm, ka edhe Nuredin Ibishi, anëtar i Komisionit Parlamentar për Punë të Brendshme dhe Siguri në Kuvendin e Kosovës.

Ai thotë për Radion Evropa e Lirë se ekziston rreziku nga grupi militant Shteti Islamik, se mund të shfrytëzojë gjendjen e tashme të shteteve ballkanike, e sidomos të Kosovë, e cila është në konsolidim e sipër.

“Mendoj që mund ta shfrytëzojë këtë edhe rreth disa aspekteve statusore që janë në zhvillim e sipër në krijimin e institucioneve rreth shtet-formimit. Mendoj që ata mund të infiltrohen dhe të krijojnë një sistem”, theksoi Ibishi.

Në raportin e fundit të Departamentit Amerikan të Shtetit, mbi luftën kundër terrorizmit në botë gjatë vitit 2014, Kosova është vlerësuar si një vend me kërcënim në rritje nga ekstremizmi islamik.

Kuvendi i Kosovës tashmë ka miratuar një ligj, me të cilin sanksionohet pjesëmarrja e qytetarëve të Kosovës në luftërat e huaja.

Ndërkaq, zyrtarët e Qeverisë së Kosovës kanë theksuar se janë duke punuar për krjimin e “Strategjisë Nacionale për Parandalimin e Ekstremizmit të Dhunshëm dhe Radikalizmit që shpie në Terrorizëm”.

Edon Myftari, i cili po e drejton Grupin Punues që merret me këtë strategji, ka thënë për Radion Evropa e Lirë se tash e disa muaj është duke u punuar në këtë strategji, për të cilën janë duke u marrë edhe mendimet e të gjithë faktorëve relevant, ashtu sikurse edhe për planin e veprimit që ka aktivitete konkrete në segmente të ndryshme të strategjisë.

“Qëllimi i kësaj strategjie është që të ketë një gjithë-përfshirje të spektrit, qoftë të institucioneve shtetërore, komunitetit fetar në Kosovë, organizatave të ndryshme joqeveritare, medieve dhe shumë aktorëve tjerë që mund të kenë një rol kontribuues në zbatim, në momentin kur të miratohet strategjia”.

“Tash jemi në fazën e finalizimit të kësaj strategjie. Do të thosha që brenda dy javësh, që nga sot, do të miratohet në qeveri, pasi që të shqyrtohet në Këshillin për Siguri të Kosovës”.

Myftari ka shtuar se terrorizmi, tashmë është bërë problem me përmasa globale dhe ai ka prekur edhe Ballkanin Perëndimor, përfshirë edhe Kosovën.

Pjesëmarrja e një numri të shtetasve të Kosovës në luftërat në Siri dhe Irak, sipas tij, ka reflektuar rrezikun potencial nga ky fenomen.

“Masat që po merren përmes kësaj strategjie dhe përmes iniciativave të ndryshme që po bëhen, qoftë nga institucionet e zbatimit të ligjit, por edhe institucionet tjera, organizatat joqeveritare, komuniteti fetar – që ka një rol jashtëzakonisht të rëndësishëm në vetëdijesimin e masës apo popullatës, për sa i përket asaj se çfarë lejohet apo nuk lejohet me fe-, vetëdijesimi i gjeneratave të reja përmes shkollave dhe ligjëratave të ndryshme”.

“Të gjitha këto janë aktivitete që ndërlidhen në mënyrë të drejtpërdrejtë me objektivat e vetë strategjisë. Në mënyrë të drejtpërdrejtë, por edhe tërthorazi, ndikojnë që ekstremizmi të luftohet dhe adresohet që në zanafillën e saj”, theksoi Myftari.

Por, Ramadani vlerëson se finalizimi i kësaj strategjie po vonon dhe sipas tij, për hartimin e tij nuk ka pasur përfshirje të gjithë faktorëve relevant. Sipas tij, mungesa e strategjisë tashmë ka kaluar në nivel të shqetësimit të madh.

“Institucionet e Kosovës nuk duhet të humbin kohë dhe nuk duhet ta marrin me shaka nevojën dhe domosdoshmërinë për ndërtimin dhe miratimin e kësaj strategjie. Është kërkesë e koalicionit global kundër terrorizmit dhe është kërkesë e domosdoshme brenda Kosovës dhe në rajon”.

Deri më tash, rreth 150 – 200 pjesmarrës nga Kosova në luftëra të huaja, dyshohet të kenë shkuar në Siri dhe Irak për të luftuar përkrah grupit militant Shteti Islamik dhe Frontit al-Nusrah. Nga këta, rreth 20 raportohet të jenë vrarë, sipas të dhënave nga Departamenti Amerikan i Shtetit.

Kurtz – Marrëveshjet e Brukseli ia hapin rrugën Serbisë për anëtarësim në BE

Me marrëveshjet e nënshkruara mes Prishtinës dhe Beogradit, Bashkimi Evropian mund të hapë kapitujt e parë për anëtarësimin e Serbisë në bllok. Këtë e ka thënë ministri i Jashtëm i Austrisë, Sebastian Kurtz.

Duke folur për mediat serbe, Kurtz ka thënë se marrëveshjet janë të një rëndësie të madhe.

“Ato kanë qenë të domosdoshme për afrim me BE-në dhe i sjellin stabilitet gjithë rajonit të Ballkanit Perëndimor”, ka thënë Kurtz, shkruan “Koha”.

Të martën në Bruksel, kryeminitsrat e Kosovës dhe të Serbisë, Isa Mustafa dhe Aleksandar Vuçiç, kanë nënshkruar marrëveshje për Asociacionin e komunave me shumicë serbe, për telekomunikimin, energjinë dhe lirinë e lëvizjes.

Të gjitha këto në kuadër të dialogut për normalizimin e marrëdhënieve midis dy vendeve, i cili ndërmjetësohet nga Bashkimi Evropian.

PKK dy vitet e fundit ka rrëmbyer në mal 316 fëmijë

ANKARA – Dy vitet e fundit në polici për 316 fëmijë ku 88 janë vajza nën moshën 18 vjeç, prindërit e tyre kanë denoncuar se fëmijët e tyre janë rrëmbyer nga PKK.

Sipas të dhënave që gazetari i AA-së ka marrë nga burimet e policisë mësohet se mes 22 gushtit 2013 – 31 dhjetor 2013 për 37 fëmijë të cilët 26 janë meshkujt më të vegjël se 18 vjeç dhe 11 femra prindërit e tyre kanë denoncuar në polici se “fëmija më është rrëmbyer në mal nga PKK”.

Ndërsa për vitin e kaluar janë regjistruar në total 205 raste, ku 151 janë meshkuj dhe 54 femra, si dhe për këtë vit deri në muajin gusht janë regjistruar 74 fëmijë, ku 51 janë meshkuj dhe 23 femra, këto raste janë denoncuar nga të afërmit se këto fëmijë janë rrëmbyer nga anëtarë të organizatës terroriste PKK.

Kështu nga 22 gushti 2013 – 22 gusht 2015 janë kryer denoncime se “PKK ka rrëmbyer” 316 fëmijë ku 228 janë meshkuj dhe 88 janë femra.

Gjithashtu është regjistruar se numri i personave të rrëmbyer vitin e kaluar pa dallim gjinie është afruar në njëmijë, ndërsa këtë vit deri në 22 gusht janë rrëmbyer në të njëjtën mënyrë 350 persona.

Ndërsa në anën tjetër në 20 muajt e fundit familjarët kanë denoncuar tek forcat e sigurisë se janë rrëmbyer në mal 279 fëmijë, ku 202 fëmijë janë nën moshën 18 vjeç dhe 77 janë femra si dhe 1 mijë e 171 të rritur.

Këto persona kërkohen nga forcat e policisë si “të humbur me cilësi terroristi”-

Theksohet se në rajonet rurale të Turqisë ndodhen 2 mijë e 500 terroristë, ndërsa jashtë vendit ndodhen ende 9 mijë persona nga PKK të armatosur të moshave të ndryshme, ku 2 mijë e 500 prej tyre në Siri, 600 në Iran, 3 mijë e 500 në Irakun Verior, ndërsa 2 mijë e 500 të tjerë në vende të tjera kryesisht në vendet europiane nën emra të ndryshëm.

– DHKP-C mbështetje me militantë ndaj PKK-

Zyrtarët e policisë kanë theksuar se organizata terroriste DHKP-C ka 5 mijë simpatizantë brenda vendit dhe afërsisht 500 militantë të armatosur janë të gatshëm për të mbështetur PKK në aktet brenda qyteteve.

– Edhe në Siri situata është e njëjtë-

Sipas një raporti të publikuar në vitin 2014 nga organizata Human Rights Watch theksohet se në disa zona në Siri të kontrolluara nga YPG (Trupat e Mbrojtjes Popullore) fëmijë të moshës nën 18 vjeç ose vendosen në pikat e kontrollit ose dërgohen në front për të luftuar. Ekspertët këtë situatë e konfirmojnë në bazë të disa të dhënave të marra nga disa familje që janë takuar.

Në të njëjtin raport theksohet se fëmijët që marrin pjesë në qendrat rinore të PYD (Partia Bashkimi Demokratik) pasi rekrutohen këtu marrin pjesë në radhët e YPG. aa

Stamboll – Përfunduan gërmimet në tunelin e ri poshtë detit që lidh Azinë me Evropën

STAMBOLL – Kryeministri i Turqisë, Ahmet Davutoğlu ka marrë pjesë në përfundimin e gërmimeve në mega-projektin “Tuneli Avrasya”, tunel ky që do të lidhë Azinë me Europën duke kaluar poshtë detit.

Kryeministri Davutoğlu dhe bashkëshortja e tij Sare Davutoğlu morën informacione nga zyrtarë të mega-projektit në kantierin e pjesës europiane të këtij projekti në Çatladıkapı.

Ndërkohë Kryeministri dhe delegacioni që e shoqëronte ndoqën përfundimin e shpimit të “Tunelit Avrasya” nga ekrani. Ndërkohë pas dëgjimit të fjalëve “gërmimi i tunelit përfundoi” Kryeministri Davutoğlu dhe delegacioni që e shoqëronte duartrokiti përfundimin e këtyre punimeve.

“3 mijë e 342 metra tunel u gërmua në 490 ditë”-

Në një fjalim të mbajtur me këtë rast Kryeministri i Turqisë, Davutoğlu tha se kjo është një ditë historike për aziatikët dhe europianët.

Davutoğlu i cili shpjegoi se një udhëtim që zgjaste rreth 100 minuta tashmë ka zbritur në 15 minuta në një siguri dhe qetësi maksimale, më tej në fjalën e tij shtoi: “Është një projekt i madh. Nga projekti 14.1 kilometra që lidh Göztepen me Kazlıçeşmen 5.4 kilometra ndodhet nën det nga të cilët 3 mijë e 342 metra nën ujë, gërmimi i së cilës përfundoi sot. Menjëherë pasi mora detyrën si Kryeministër më 13 shtatorë zbrita për të ndjekur nga afër punimet në tunel dhe atëherë isha i mbushur me shpresë nga puna e palodhshme që bëhej aty. Un falenderoj të gjithë firmat, inxhinierët dhe punonjësit të cilët nuk e nxorën huq këtë shpresë pasi ata e përfunduan 6 muaj para parashikimit gërmimin e tij. Gërmuan 3 mijë e 342 metra në 490 ditë”.

“Trafiku i qytetit do të normalizohet”-

Davutoğlu në fjalën e tij gjithashtu vuri theksin në problemet e trafikut në qytetin e Stambollit pas rritjes dhe modernizimit të qytetit dhe se trafiku në këtë qytet është pjesë e pandarë e jetës së ditës.

“Përmes këtij tuneli pritet të kalojnë rreth 130 mijë automjete, kjo do të thotë që 130 mjete të cilët sot udhëtonin në rrugë pas hapjes së këtij tuneli do të udhëtojnë në tunel, madje në një kohë më të shkurtër. Në këtë mënyrë trafiku në këtë qytet do të normalizohet. Ky projekt do të ndihmojë për ruajtjen e atmosferës së figurës së Stambollit” tha Davutoğlu dhe shtoi më tej se ruajtja e ambientit është një borxh për brezat e ardhshëm.

Ndërkohë pas fjalimit Kryeministri Davutoğlu zbriti në tunel për të ndjekur punimet nga afër dhe pozoi me punëtorët e pranishëm. aa

Tsipras jep sonte dorëheqjen

Kryeministri grek Aleksis Tsipras do t’i paraqesë sonte dorëheqjen presidentit të vendit për t’i hapur rrugën zgjedhjeve të parakohshme më 20 shtator, tha një zyrtar i qeverisë.

Zoti Tspiras, i zgjedhur në janar, pritet të mbajë sonte një fjalim në televizionin shtetëror.

Kryeministri Tsipras efektivisht e ka humbur shumicën në parlament, pas një rebelimi të ekstremistëve në partinë e tij Syriza, të cilët kundërshtojnë një marrëveshje ndihme të arritur me huadhënësit ndërkombëtarë.

“Synimi është që zgjedhjet të mbahen më 20 shtator,” tha një burim i qeverisë pasi kryeministri Tsipras u takua me zyrtarë të lartë të partisë dhe me ministrat për të diskutuar hapat e mëtejshëm të qeverisë.

Zoti Tsipras pritej të kërkonte zgjedhje të parakohshme për të shuar rebelimin në partinë e tij të majtë Syriza dhe për të gjetur mbështetje lidhur me programin e masave të ashpra të shpëtimit financiar.

Vesti: Rama, Thaçi e Vuçiç do të luajnë futboll bashkë në Vjenë

Ndeshje mes ‘BE’ dhe ‘BE e ardhshme’

Një javë para samitit të vendeve të Ballkanit që do të mbahet me 27 gusht, dalin të reja rreth këtij organizimi e takimi mes liderëve. Së fundmi mësohet se para samitit do të zhvillohet një miqësore futbolli mes dy skuadrave, të emërtuara ‘BE’ dhe ‘BE e ardhshme’. Kjo fundit do të ketë në përbërje kryeministrin shqiptar Edi Rama, atë serb Aleksandër Vuçiç dhe ministri i jashtëm kosovar Hashim Thaçi, sikundër edhe ministrat e tjetër të rajonit. Ndërkohë që në përbërje të skuadrës ‘BE’ do të jenë liderë dhe ministra të vendeve anëtare të bashkimit europian, teksa ndeshja do të gjykohet nga eurokomisioneri Johanes Hahn. Ndërsa detaje të reja bëhen te ditura edhe në lidhje me samitin, i cili do të fokusohet tek emigracioni dhe lufta kundër ekstremizmit.

Isa Mustafa, si Kryeministër i Kosovës, nuk do të jetë përkrah homologëve të tij nga Shqipëria e Serbia. Në ekipin e BE-së, do të jetë pjesëmarrës kryeministri i Sllovenisë, Miro Cerar dhe Ministri i jashtëm austriak Sebastian Kurz.

Pesë projektet e Ballkanit për financim nga BE

Tiranë, 20 gusht – Pesë projekte infrastrukturore dhe energjetike priten të zënë pjesën më të madhe të tryezës në Samitin e Vjenës, që do të mbahet më 26 gusht mes vendeve të Ballkanit Perëndimor dhe atyre të BE-së.

Kryeministrat e Shqipërisë, Kroacisë, Serbisë, Kosovës , Maqedonisë, Mali të Zi, dhe Bosnjë Hercegovina do të jenë edhe në një forum biznesi më 26 gusht, për të diskutuar mbi infrastrukturën, bashkëpunimin rinor dhe politikën e fqinjësisë.

“Ora News” ka siguruar një projekt propozimesh që vendet e Ballkanit pritet të bëjnë për 5 projekte infrastrukturore, në përpjekje për të marrë mbështetje financiare nga BE.

1. Korridori Veri-Jug (pjesë e Autostradës Adriatiko-Ioniane)

Një projekt që kërkon një fond prej 865 milionë euro, dhe për të cilin është ngritur një grup i përbashkët pune shqiptaro – malazez për të përcaktuar aplikimin për studimin e fizibilitetit për Korridorin Adriatiko – Jonian,

2. Korridori Perëndim-Lindje (pjesë e Korridorit VIII)

Kosto e llogaritur paraprakisht nga ARRSH për plotësimin me standard 4 korsi të këtij segmenti është rreth 400 milionë euro.

3. Linja Hekurudhore Bajzë-Tiranë

Kosto e llogaritur paraprakisht për rinovimin me standarde të kësaj hekurudhe është rreth 182 milionë euro.

4. Linja Hekurudhore Durrës-Lin-Pogradec

Ky është segmenti më i përfolur përgjatë gjithë takimeve në kuadër të procesit të Berlinit. Ka pasur një kundërshti për përfshirjen e këtij segmenti në rrjetin bazë të transportit hekurudhor, me arsyetimin se një gjatësi prej 60 km në territorin Maqedonas nuk është realist për tu plotësuar brenda 2030.

5. Linja Hekurudhore Durrës-Vlorë

Kjo linjë nuk ka qenë më herët pjesë e diskutimeve në kuadër të procesit të Berlinit.

8 ushtarë humbin jetën nga shpërthimi i një bombe në Siirt të Turqisë

ANKARA – Shtabi i Përgjithshëm i Turqisë njofton se gjatë kalimit të elementëve të ngarkuar me detyrë për sigurimin e rrugës Siirt-Pervari, 8 ushtarë kanë rënë dëshmorë si pasojë e shpërthimit të një bombe e cila ishte vendosur më parë nga anëtarët e organizatës terroriste separatiste.

Shtabi i Përgjithshëm në një deklaratë ka konfirmuar se afërsisht në orën 14.10 një bombë e vendosur më parë në anë të rrugës nga terroristët ka shpërthyer gjatë kalimit të elementëve të cilët ishin me detyrë për sigurinë e rrugës Siirt-Pervari, ku si pasojë e shpërthimit kanë humbur jetën 8 ushtarë.

Në deklaratë janë shprehur ngushëllimet për familjet e dëshmoreve: “Me një dhimbje të thellë shprehim ngushëllimet dhe Allahu i mëshiroftë. Ndaj familjarëve, të afërmeve të dëshmorëve tanë urojmë durim dhe iu shprehim ngushëllimet tona të Forcave të Armatosura”. aa

Sulm para zyrës qeveritare në Stamboll plagoset polici

STAMBOLL – Në një sulm të ndërmarrë ndaj një pike të policisë në “Dolmabahçe Saraj” në Stamboll, plagoset lehtë një punonjës i policisë.

Na informacionet paraprake mësohet në lidhje me ngjarjen janë ndaluar dy sulmuesit. Agjencia e lajmeve Dogan njofton se është mbyllur trafiku dhe patrulla policia ndodhen në vendin e ngjarjes.

Sipas televizionit privat NTV aty pati një shpërthim. Në pallatin hisorik Dolmabahçe, në lagjen Beshiktash, ndodhet zyra e kryeministrit në Stamboll. VOAL/ANSA

 

 

Greqia i shet 14 aeroporte

VOAL – ATHINË, 18 GUSHT – Qeveria helene zyrtarizoi të martën dhënien e 14 aeroporteve rajonale konsorciumit gjerman Fraport-Slentel për 1,23 miliardë euro, shkruan voal.ch. Vendimi u publikua në Fletoren Zyrtare të Greqisë.

Masa, e cila ishte miratuar nga qeveria e mëparshme, u ngri pas zgjedhjes së kryeministrit Alexis Tsipras. Ky është privatizimi i parë i tij.

Mes aerporteve të interesuara për shitje, pohojnë mediat greke, figurojnë Kreta, Santorini, Mykonos e Korfuzi. Në këtë kontekst do të vazhdojnë shitjet. Në teotor 2015 i takon aeroprtit të Pireut, molin e këtij qyteti, pastaj do të shitet hekurudha dhe porti i Selanikut.

Kërcënonin në rrjetet sociale Vuçiçin – arrestohen

Policia serbe ka arrestoi dy persona të cilët dyshohen se nëpërmjet rrjeteve sociale kanë dërguar kërcënime për jetën ndaj kryeministrit serb Aleksandar Vuçiq dhe disa ministrave.

BEOGRAD – Pjesëtarët e Ministrisë së Brendshme të Serbisë, në dy aksione të veçanta, kanë arrestuar M.M. (1963) dhe D.K. (1971) për shkak të dyshimit të bazuar se nëpërmjet rrjeteve sociale kanë dërguar kërcënime të shumta për jetën ndaj kryeministrit Aleksandar Vuçiç, si dhe disa ministrave, thuhet në një deklaratë të Ministrisë së Brendshme.

Për shkak të dyshimit të kryerjes së vepër penale të rrezikimit të sigurisë, të dyshuarit me kallëzim penal janë sjellë para Prokurorit Publik të Lartë në Beograd.

Siç thuhet në deklaratën për shtyp, policia gjatë bastisjes së banesave të të dyshuarve ka konfiskuar përkohësisht pajisjet kompjuterike, që janë përdorur për kërcënimet nëpërmjet rrjeteve sociale.

ISIS thirrje për të marrë Stambollin

Grupi Shteti Islamik publikoi një video ku i bën thirrje popullit turk të rebelohet e të ngrihet në luftë kundër regjimit të Presidentit Tajip Erdogan, që ai e quan të pabesë dhe tradhtar. Sipas një lajmi të njoftuar sot nga faqja e shërbimit monitorues SITE, grupi bën thirrje gjithashtu që populli turk të ndihmojë për marrjen e Stambollit.

Sipas shërbimit SITE, videoja me titull “Një mesazh për Turqinë” u publikua nga e ashtuquajtura zyrë e mediave shtetërore në Raqqa, që i referohet kryeqytetit të grupit Shteti Islamik në Sirinë veriore.

Duke folur në turqisht, një militant i Shtetit Islamik akuzoi Presidentin Erdogan se ia ka shitur vendin të krishterëve dhe partisë ateiste të Punëtorëve të Kurdistanit dhe se ka lejuar që bazat turke të përdoren nga të krishterët dhe nga SHBA thjesht për të ruajtur pozitën e vet.

“Popull turk, ju duhet që, pa humbur kohë të rebeloheni kundër këtyre ateistëve, të krishterëve dhe të pafeve, të cilët ju kanë bërë skllevër, ju kanë bërë të luftoni përkrah tyre,” thotë militanti në video.

“Të gjithë bashkë dhe nën urdhrat e Abu Bakr al Bagdadit, i cili vjen nga paraardhësit e Profetit tonë … le të pushtojmë Stambollin, që tradhtari Erdogan punon ditë e natë për t’ua dorëzuar të krishterëve,” thotë militanti.

Thirrja e tij vjen dy muaj pasi Shteti Islamik filloi publikimin e një reviste në turqisht, ku vendin kryesor e zinte një shkrim me titull “Pushtimi i Kostandinopojës”, në të cilin bëhej thirrje për një pushtim të ri islamik të qytetit më të madh të Turqisë, Stambollit.

Turqia ra dakord muajin e kaluar për të vënë bazat e saj të rëndësishme strategjike në dispozicion të koalicionit të udhëhequr nga Shtetet e Bashkuara, një ndryshim i rëndësishëm politik pas shumë vitesh ngurrimi për të luajtur një rol frontal kundër luftëtarëve islamikë që ushtrojnë trysni në kufijtë e saj.

Turqia ka ndërmarrë edhe tre sulme ajrore kundër objektivave të Shtetit Islamik brenda Sirisë dhe ka ndaluar mijëra njerëz në një operacion që kryeministri Ahmet Davutoglu e ka quajtur “përpjekje të sinkronizuar kundër terrorizmit”.

Megjithatë, pjesa më e madhe e sulmeve deri tani kanë patur në shënjestër militantët kurdë.

Në fillim të kësaj jave, SHBA kryen sulmet e tyre të para ajrore kundër objektivave të Shtetit Islamik nga baza turke Inçirlik, ndërsa zyrtarët thanë se pasi dislokimi i forcave të koalicionit të ketë përfunduar, sulmet do të intensifikohen.

Stamboll – 75 metrat e fundit të tunelit nën det

Afrohet dita historike e Projektit të Kalimit të Stambollit Përmes Tunelit të Bosforit

Ministri i Transportit, detarisë dhe Komunikacionit, Feridun Bilgin, tha se makineria TBM që shpon tokën nën det, pas 1 muaji në pjesën evropiane, do të përfundojë punimet që filluan në pjesën aziatike të Stambollit më 19 prill 2014.

Me anë të makinerisë që është prodhuar apostafat për këtë projekt dhe që ka përparuar duke gërryer tunelin 3.3 kilometra të gjatë, të dyja kontinentet që karakterizojnë Stambollin do të takohen nën ujë.

Projekti i madh i tunelit tre-katësh të Stambollit ka edhe një personifikim simbolik që do të thotë se tre katet kanë kuptimin e 3 perandorive që kanë sunduar më parë këtë qytet.

Tre katet, të cilat janë 2 kate me rrugë automobilistike dhe një kat për metronë të cilat kalojnë poshtë ngushticës së Bosforit në një tunel 6.5 kilometra dhe do të kushtojë 3.5 miliardë dollarë.

Çdo ditë këtu do të kalojnë 120 mijë automobila. /Trt/

Turqia shkon përsëri në votime

VOAL – ANKARA – Turqia ka shumë gjasa të shkojë përsëri në votime. Kryeministri i emëruar Ahmet Davutoglu pranoi dështimin e formimit të një qeverie të re me partinë socialdemokrate, më e madhja e opozitës, shkruan voal.ch.

Votimet e qershorit, të cilat për herë të parë nga viti 2002 nuk ia siguruan shumicën e mjaftueshme partisë së Davutoglu e të presidentit Recep Tayyip Erdogan, lanë paqartësi. Vetë Erdogan paralajmëroi këto ditë se, po të dështojë Davutoglu në formimin e qeverisë së re, vendi shkon përsëri në votime.

Davutoglu, për të dalë nga situata, mund të takohet me kreun e partisë nacionaliste MHP Devlet Bahceli, ndonëse ky i fundit ka përjashtuar gjithmonë koalicionin me AKP-në. Për të shmangur shkuarjen në votime, çka e dëshiron shumë Erdogan, i cili shpreson në një revansh për të mundur krijimin e një shumice njëngjyrëshe, janë 10 ditë kohë. Nëse nuk arrihet koalicioni, turqit do të shkojnë në votime përsëri këë vjeshtë.ATS/ANSA/Reuters

Tanjug: Serbia humb betejën, Greqia drejt njohjes së Kosovës

Shtypi serb sërish ka nisur të shkruaj për mundësinë e njohjes së Kosovës nga Greqia, siç thuhet, me presionin e perëndimit në shkëmbim të asistencave financiare.

Drejtori i Programit në Fondacionin Helenik për Politika Evropiane dhe të Huaja (ELIAMEP), Janis Armalakos, ka thënë se përderisa Athina thotë se nuk ka ndryshim qëndrimi në raport me Kosovën, mes rreshtash ndjehen ndryshimet e politikave greke ndaj Kosovës.

Megjithatë, ai në një intervistë për agjencinë serbe të lajmeve “Tanjug”, ai ka thënë se vetëm koha do të dëshmojë nëse ndryshimi i Greqisë karshi Kosovës po ndodh me të vërtetë.

E përditshmja greke, “Kathermini” ka shkruar se Athina ka në plan njohjen e Kosovës shtet të pavarur.

Sipas gazetës, kjo mund të ketë shërbyer edhe si shkak për përplasjet e fundit diplomatike mes Greqisë dhe Serbisë.

“Kathimerini” duke cituar burime të politikës së jashtme në Athinë, shkruan për pakënaqësinë greke me lëvizjet ndërkombëtare të Beogradit në lidhje me Kosovën dhe në vazhdën e kontestit të emrit me ish-Republikën Jugosllave të Maqedonisë.

Sipas Tanjugut, analistët e politikave ndërkombëtare kanë debatuar gjerë dhe gjatë mbi qëndrimin e Greqisë ndaj Kosovës, dhe shumë prej tyre kanë bërë thirrje për rishqyrtimin e mos-njohjes së Kosovës nga ana e Greqisë.

Ata argumentojnë se Serbia e ka humbur betejën me Kosovën, dhe nuk mund ta arsyetohet fakti se pse Greqia është përfshirë në këtë gjë të kotë për një kohë të gjatë, dhe se çështja e Kosovës gabimisht është paralelizuar me çështjen e Qipros.

Në pikëpamjet e tyre, Kosova është një realitet de fakto në regjion, dhe për këtë arsye midis Athinës dhe Prishtinës duhet rinovuar marrëdhëniet për arsye politike, ekonomike dhe sigurie, transmeton IO.

Tanjug shkruan se të gjithë njohësit e politikave ndërkombëtare besojnë se njohja e Kosovës në kohë të duhur mund të mundësoj të ndërtimin e urave të bashkëpunimit midis Greqisë Shqipërisë, dhe popullatës shqiptare në regjion.

Armakolas beson se kjo vijë mendimi është ndarë prej kohësh nga Ministri për Punë të Jashtme i Greqisë, i cili në një moment kishte thënë se “ngujimi” mbi vendimin për mos-njohjen e Kosovës, nuk është një pozicion i lakmueshëm për ndërtimin e politikave të reja në regjion.

“Nuk është rastësi që prej pesë vendeve evropiane që nuk e kanë njohur Kosovën, Greqia deri tash ka avancuar më së shumti marrëdhëniet me Prishtinën, duke dhënë shenja për përmirësimin e marrëdhënieve, edhe pse pretendimet nuk janë bërë të ditura botërisht asnjëherë. Përfshirja e Greqisë në marrëdhënie me Kosovën, mund të konsiderohet si një proces që hap pas pahi çon te njohja e Kosovës, apo siç do t’i konvenonte Serbisë në një pozicion mos-njohjeje me bashkëpunim të plotë bilateral (Gjithçka përveç njohjes)”, ka thënë Armakolas.

Edhe pse ambasada greke në Beograd disa herë ka ripërsëritur se qëndrimi i Greqisë mbi Kosovën mbetet i pandryshuar, Armakolas mendon se mes rreshtash ka shenja të qarta të ndryshimit të Greqisë mbi këtë çështje.

Vriten 4 policë dhe një ushtar nga sulmet terroriste në Shërnak të Turqisë

SHËRNAK – Nga prefektura e qytetit Şırnak (Shërnak) të Turqisë njoftohet se si pasojë e shpërthimit të një mine të telekomanduar të vendosur në një rrugë nga terroristët në rajonin Silopi, 4 policë kanë humbur jetën, ndërsa 1 tjetër është plagosur.

Në deklaratën e prefekturës theksohet se gjatë orës 09.00, gjatë kohës së punime të ekipeve të sigurisë një minë e telekomanduar e vendosur në rrugë është shpërthyer nga anëtarët e organizatës terroriste separatiste.

Në deklaratën theksohet gjithashtu se forcat e sigurisë janë vënë në lëvizje duke nisur një operacion në shkallë të gjerë për kapjen e autorëve të sulmit në fjalë.

Ndërkohë po në qytetin Şırnak në zonën e quajtur Beytushebap, pasi terroristët kanë qëlluar ndaj një helikopteri ka humbur jetën një ushtarë. Pas plagëve të rënda, pavarësisht ndërhyrjes mjekësore ai ka humbur jetën në spital. aa

Stamboll – akte terroriste kundër konsullatës amerikane dhe një stacioni të policisë

VOAL – STAMBOLL – Qendra e Stambollit ishte të hënën teatër i dy akteve terroriste, kundër konsullatës amerikane dhe kundër një stacioni të policisë, shkruan voal.ch. Sulmi tek stacioni shkaktoi tre të vdekur e dhjetë të plagosur.

Në orët e para të ditës një shpërthim ndodhi para një stacioni policor në lagjen Sulltanbejli. U vranë dy sulmues, një polic dhe u plagosën shtatë civilë.

Pak më vonë u krye sulmi kundër konsullatës amerikane, ku nuk pati të lënduar. Sulmi i armatosur u krye nga një burrë dhe një grua. Kjo e fundit u kap nga policia. Konsullata amerikane mbetet e mbyllur për publikun deri në një lajm të ri. Reuters/AP/AFP

Diyaneti përgatit raportin gjithëpërfshirës rreth ISIS-it

ANKARA – AYNUR EKİZ- Kryesia e Çështjeve Fetare të Turqisë (DIYANET) ka përgatitur një raport të gjerë duke përfshirë shumë çështje dhe tematika si “fuqia, objektivi, taktika dhe sloganet e organizatës terroriste DAESH”, raporton Anadolu Agency (AA).

Këshilli i Lartë i Çështjeve Fetare me raportin e titulluar “DAESH” (ISIS) synon që të informojë të gjithë njësitë e shërbimeve të Kryesisë së Çështjeve Fetare (DIYANET) mbi aktivitetet e organizatës terroriste DAESH të cilat ndikojnë negativisht në fenë Islame.

Në raportin e paraqitur ndaj Kryetarit të Çështjeve Fetare të Turqisë, Prof. Dr. Mehmet Görmez përfshihen çështjet si krijimi i DAESH-it, arsyet e zhvillimit, forca dhe aktet, objektivat, taktika dhe sloganet, perceptimi i Islamit dhe fetvatë e dijetarëve Sunni kundër organizatës.

– DAESH në fetva dhe ligjërata-

Me informacionet e paraqitura në raportin e përgatitur është vendosur që të trajtohen fetva-të dhe ligjëratat.

Krahas xhamive duke tërhequr vëmendjen në aktet e DAESH-it të cilat ndikojnë negativisht në fenë Islame synohet që të informohet shoqëria në këtë drejtim edhe nëpërmjet shumë programeve që organizohen nga Kryesia e Çështjeve Fetare nëpër kurset të Kur-anit të myftinive, nëpërmjet aktiviteteve të Qendrave të grave, familjes dhe të rinisë (KAGEM).

– “Përdorin në mënyrë efektive mjetet e tyre mobile të komunikimit”-

Në raportin ku shpjegohet gjerë taktikat dhe mënyrat se si DAESH përfshin të rinjtë në strukturën e saj, tërhiqet vëmendja se organizata terroriste i kushton rëndësi të veçantë duke përdorur disa shprehje si “Xhihad, luftë, emërimin e të mirës dhe largimin nga e keqja”.

Gjithashtu theksohet se organizata për të ndikuar dhe për të përfshirë të rinjtë në strukturën e saj përdor efektivisht mjetet e komunikimit mobil me fjali, me slogane si “Ne do të rilindim në parajsë”, “Vetëm një herë do të vdesësh, pse të mos zgjedhësh maritirizimin (Shehid) ?”, “Ai që vdes në rrugën e Allahut fiton përjetësinë, a nuk e dëshiron?”.

“Të sjell në mendje sektin Harixhi”-

Në raport është përmendur “koncepti islam i DAESH”. Ku sipas kësaj theksohet se DAESH të sjell në mendje sektin “Harixhi” për këto veçori: “Organizata e cila miraton në koncept fetar në linjën Selefi në vendet që ajo merr nën kontroll pretendon se zbaton ligjet e sheriatit, prish turbet, përdor metoda të pamëshirshme kundër opozitarëve, përdorimi i dhunës si mjet për të arritur qëllimet e tyre, sjellje të prera në perceptimin e fesë, mos respektim ndaj grupeve të tjera dhe me koncepte të tjera, përjashtimi në mënyrë të prerë i të gjithë grupeve jashtë tij duke i drejtuar akuza për dalje nga feja, vërejtja si e drejtë tek vrasja e grupeve që i cilëson si mohues të fesë”.

– Vrasja e njerëzve të pambrojtur nuk pajtohet me Islamin”

Në raportin ku theksohet se është e pamundur të pajtohet me Islamin një strukturë e cila do të ngrihet duke u bazuar në largimin e njerëzve nga vendbanimet e tyre, në vrasjen e fëmijëve, grave dhe të moshuarve, vrasjen e njerëzve të pambrojtur të cilët janë viktima të konflikteve, vlerësohet se asnjë sekt (medh-heb) nuk mund ta konsiderojë të drejtë këndvështrimin e tij duke i cilësuar si jashtë fesë besimet dhe idetë e ndryshme.

Në raport të tërheqin vëmendjen këto shprehje: “Kjo forcë e armatosur e parregullt e quajtur DAESH në kundërshtim me vlerat e moralit të drejtësisë ndërkombëtare dhe ato të Islamit të cilët kërcënojnë  vrasin dhe kryejnë rrëmbime si ndaj muslimanëve që nuk janë në anë të tyre si edhe të atyre me fe, besim, racë apo me etni të ndryshme, janë plotësisht terrorizëm dhe ato që e kryejnë këtë janë terroristë. Në Islam ka një ligj të Xhihadit. Feja Islame edhe në luftë nuk lejon vrasjen dhe shtypjen e grave, fëmijëve dhe të atyre që nuk janë në gjendje të mbajnë armë në dorë. Këto që po kryhen në fenë tonë vijnë në kuptimin të vrasësh njerëz me të pa-drejtë. Dhe kjo është një prej mëkateve më të mëdha. Gjithashtu ushtarët ose luftëtarët e armikut pasi merren në dorëzim nuk vriten kurrë ose nuk mund ti pritet koka kurrë. Sepse ushtarët në këtë situatë janë rob; dhe trajtohen ashtu si trajtohen robërit. Në historinë Islame nuk ka asnjë shembull që pas dorëzimit ti jetë prerë koka ndonjërit, për këtë arsye ato që bën DAESH me muslimanët nuk ka të bëjë asnjë gjë me Islamin”.

“Kur-ani nuk u dërgua që të kryhen banditizma”-

Kryetari i Diyanetit Prof. Dr. Mehmet Görmez në një deklaratë për gazetarin e AA-së duke rikujtuar se menjëherë pasi DAESH zuri vendin e tij në rendin e ditës ata kanë publikuar një deklaratë në 8 gjuhë, ka pohuar se ata janë institucioni i parë fetarë në botë që kanë tërhequr vëmendjen në këtë rrezik.

Görmez duke cituar një nga ajetet kuranore ku thuhet se “I dashur, unë Kur-anin e madhërueshëm nuk e kam dërguar që të kryhet banditizëm” ka shtuar se: “Nëse dikush sot ka sjellë Kuar-ani-n si një referencë të banditizmit të tij atëherë të gjithë dijetarët tanë, arsimtarët tanë, të gjitha institucionet shkollore në botën islame duhet të qëndrojnë mbi këtë. Mendoj se kur një fe, një libër të cilët kanë ardhur si mëshirë kthehen në dhunë e të kthehet në një perceptim i cili lejon të vrasësh njerëz nuk do të na çojë në një përfundim për të kërkuar vetëm thjeshtë informata”.

“Xhihadi, kur ka qenë ndonjëherë emri i kulturës së vrasjes dhe të plaçkitjes”-

Görmez i cili ka thekuar se Xhihadi i cili është emri i eliminimit të persekutimit dhe të keqes, shtron pyetjen se kur na qenka bërë emri i kulturës së vrasjes dhe të plaçkitjes i cili nuk njeh moral, ligj dhe ka shtuar më tej se: “Sot i gjithë ummeti,  njerëzit e dijes, njerëzit mendimtarë, institucionet fetare duhet të braktisin punët që kanë dhe të fokusohen se si mund të pastrojmë veten nga të gjitha këto mekanizma, sigurisht pasi të analizohen këto shkaqe duhet të qëndrojnë shumë mbi këto lëvizje që materializojnë këtë fe, materializojnë Kur-anin dhe sunnetin, injorojnë metodologjinë e Islamit, metodat e tij, moralin dhe ligjin.

-Ideja më e çoroditur, pranimi si armik i atyre që nuk pranojnë idetë e tij”-

Görmez duke vënë në dukje se ideologjia e DAESH është jashtë fesë dhe e çoroditur dhe se ata cilësojnë armik çdokush që nuk pranon idenë e tij ai u shpreh se: “Në historinë e Islamit për herë të parë kjo organizatë pranon si miq ata që pranojnë idenë e saj duke përfshirë mohuesit e fesë, ndërsa ata që nuk e pranojnë idenë e tyre i pranon si armiq. Edhe tek mohuesit e fesë nuk ka një shembull të tillë. Ata që i pranon si armiq i shpall si të pa-fe dhe nuk mjaftohet me kaq por i shpall fe mohues edhe ata që nuk shpallin fe-mohues ato që organizata i ka shpallur si të tillë. Pra nëse ato shpallin një person si të pa-fe dhe ti i thua që ‘mos ai është njeri që falet, vendos kokën në sexhde, ky njeri është musliman’ ata të shpallin edhe ty si të pa-fe që nuk i bashkohesh shpalljes së tyre”.

“Kjo organizatë i ka shkaktuar dëmin më të madh Islamit”-

Görmez i cili rikujton se kjo organizatë i ka dhënë dëmin më të madh Islamit dhe se kjo organizatë nuk pranohet nga dijetarët islamë shprehet se: “Të gjithë institucionet muslimane në botë, kanë pohuarse kjo strukturë është jo-muslimane dhe se i ka shkaktuar një dëm të madh Islamit. I kanë shkaktuar një dëm aq të madh saqë një mualiman që jetonte në Australi u shpall terrorist nga fqinji i tij teksa shëtiste në rrugë. Pra është një lëvizje e cila ka ndikuar negativisht në jetën e të gjithë muslimanëve që jetojnë në të gjithë botën”.

Görmez duke theksuar se Kur-ani dhe sunneti nuk ka urdhëruar kurrë një xhihadë që lejon (e bën hallall) gjakun dhe shpirtin e një muslimani ndaj një muslimani tjetër, tha se të gjithë dijetarët duhet të mblidhen dhe me një zë të përbashkët ti njoftojnë të gjithë botës gabimet e strukturës, dhe që materializojnë Islamin si dhe se janë larg Islamit.

Emisioni ‘Okruzenje’ – Rama dhe Vuçiç, duet televiziv më 27 gusht

TIRANE – Kryeministri i Shqipërisë, Edi Rama dhe ai i Serbisë, Aleksandër Vuçiç do të jenë së bashku në një përballje televizive. Më 27 gusht pritet që kryeministrat e vendeve të Ballkanit të mblidhen në Vjenë për herë të dytë, pas Berlinit, nën kujdesin e kancelares Merkel.

Pritet që këtë herë të organizohet një show televiziv në emisionin “Okruzenje”, një produksion i përbashkët ballkanik, ku do të jenë bashkë në një studio kryeministri Edi Rama, ai serb Aleksandër Vuçiç, ministrja austriake për Familjen dhe Rininë, Sophie Karmasin dhe sekretari i përgjithshëm i Qendrës për Demokraci dhe Pajtim në Europën Jugperëndimore, Goran Svilanoviç.

Gjuriç – Nuk do ta humbim Trepçën, do ta mbrojmë pasurinë tonë

PRISHTINË – Drejtori i Zyrës serbe për Kosovën, Marko Gjuriç ka thënë se Serbia përmes politikanëve të vet do të provojë që të mos e humbë gjigandin metalurgjik “Trepça”, raporton B92.

Me këtë rast ai ka uruar për Ditën e Minatorëve në Kosovë, minatorët kosovarë dhe ata serbë, shkruan “RTK”.

“Obligimi ynë është të garantojmë kushte dhe siguri në punë, në mënyrë që mundi i tyre të shpërblehet. Të jeni të sigurt se Serbia gjithmonë do të jetë përkrah jush, duke e mbrojtur Trepçën, pasurinë e vet dhe qytetarët e vet në Kosovë”, ka thënë Gjuriç.

Në festën e Kroacisë u valvit edhe flamuri shqiptar – parakaloi edhe Brigada Shqiptare

 Kroacia feston pavarësinë dhe 20 vjetorin e operacionit Stuhia. Gjatë manifestimit kryesor në Zagreb është valëvitur flamuri kombëtar shqiptar.

Bashkë me flamurin shqiptar, parakaloi edhe Brigada Shqiptare, e cila pati rol të rëndësishëm gjatë luftës për lirinë e Kroacisë.

Në atë luftë morën pjesë afro 2000 shqiptarë, në mesin e tyre edhe heronjtë Fehmi e Xhevë Lladrovci, Bekim Berisha- Abeja, Xhelal Hajda- Toni, Esat Çollaku e shumë të tjerë, të cilët luftuan edhe në Kosovë.

Po ashtu, kontribut në luftën për çlirimin e Kroacisë dha edhe gjenerali Rrahim Ademi.

Avionë amerikanë në Turqi për operacionet kundër ISIS

Avionë amerikanë dhe mjete fluturuese të telekomanduara kanë filluar të mbërrijnë në një bazë ajrore në jug të Turqisë. Njoftimin e bërë ministri i jashtëm turk sot, në prag të fillimit të një operacioni për të sprapsur ektremistët e Shtetit Islamik nga një zonë e Sirisë pranë kufirit me Turqinë.

Ministri Mevlut Cavusoglu tha se Turqia dhe Shtetet e Bashkuara do të fillonin së shpejti një betejë në shkallë të gjerë kundër ISIS, për të mundësuar një mjedis më të sigurtë për forcat e moderuara të opozitës të cilat luftojnë kundër ekstremistëve.

Ai i bëri komentet gjatë një vizite në Malajzi, ku u takua me Sekretarin e Shtetit John Kerry, i cili ndodhet atje për një forum rajonal.

Turqia ra dakord muajin e kaluar të lejonte forcat amerikane të përdornin bazën Incirlik pranë kufirit me Sirinë.

Zyrtarët e kanë përshkruar planin si një operacion për të krijuar “një zonë pa elementë të ISIS” e cila të shtrihet 100 kilometra në pjesën veriore të Sirisë. Megjithë kërkesat e përsëritura të Turqisë, plani nuk përfshin vendosjen e një zone ndalim-fluturimesh në rajon.

Shtetet e Bashkuara janë vënë në krye të një koalicioni vendesh që kanë ndërmarrë goditje ajrore kundër Shtetit Islamik që nga shtatori i vitit të kaluar.

Presidentja kroate porosit serbët: Shkunduni nga mitet

Presidentja e Kroacisë, Kolinda Grabar Kitaroviq, ka kritikuar sot në Knin politikanët serbë dhe i ka porositur ata që “të shkunden nga mitet, gënjeshtrat dhe mashtrimet”.

“Kur politikanët serbë deklarojnë sot se me operacionin ‘Stuhia’ (Oluja) është kryer gjenocid ndaj serbëve dhe e krahasojnë atë me gjenocidin në Srebrenicë, unë u them: Zotërinj, shkunduni nga mitet, gënjeshtrat dhe mashtrimet; kthehuni kah e ardhmja evropiane. Kroacia nuk është armik i Serbisë dhe mos mbillni fara të reja të këqija”, ka thënë Grabar Kitaroviq.

Në Knin të Kroacisë po zhvillohen sot manifestime tradicionale për 20-vjetorin e operacionit ushtarako-policor Stuhia.

Gjatë këtij operaconi, i cili ka zgjatur katër ditë, forcat e armatosura kroate kanë kthyer kontrollin e pjesëve të Kroacisë, të marra nga serbët në fillim të vitit 1991.

Operacioni, që ka nisur më 4 gusht të vitit 1995, është cilësuar si ofensiva më e madhe tokësore në Evropë që prej Luftës së Dytë Botërore.

Në të janë vrarë qindra serbë, ndërsa mijëra të tjerë kanë braktisur shtëpitë.

Në Serbi sot po mbahet ditë zie.

Për shkak të krizës, vajzat greke blejnë gjithnjë e më pak fustane nusërie në Edirne të Turqisë

EDİRNE – Për shkak të krizës ekonomike në vendin e tyre, shumica e vajzave greke të cilat vijnë për të blerë fustanet e tyre të nusërisë në Edirne të Turqisë kthehen pa blerë asnjë gjë.

Në krahasim me vitet e shkuara numri i atyrë të cilët vijnë për të blerë në prag të dasmave të tyre ka rënë ndjeshëm.

Edhe pse dëshira e vajzave greke ndaj fustaneve të nuseve në Turqi vazhdon të jetë e madhe, pamundësia ekonomike për shkak të krizëz financiare në Greqi i pengon ata të blejnë fustanin e ëndërrave të tyre. Për shkak të pamundësisë për ti blerë, vajzat greke kërkojnë ti marrin me qera këto fustane por pas përgjigjes negative të tregtarëve turq kthehen duar bosh në vendin e tyre.

Një nga tregtarët e fustaneve të nusërisë dhe pajave të nuseve, Ahmet Moranli thotë për AA se kërkesat dhe dëshira për të blerë një fustan nuserie nga Turqia të vajzave greke vazhdon të jetë e lartë por për shkak të krizës në vendin e tyre mjaftohen me një shikim.

Në të shkuarën kemi veshur shumë vajza greke me fustane nusërie, thotë Moranli, dhe në vazhdim shprehet: “Iu shisnim shumë fustane të bukura nusërie vajzave greke rreth 3 – 4 vite më parë, por për shkak të krizës në vendin e tyre aktualisht pothaujse nuk i shohim fare në këto anë. Edhe ata që vijnë tani vetëm shikojnë dhe marrin gjëra të lira për pajën e tyre”.

Vajzat greke pëlqejnë shumë fustanet e nusërisë të cilat janë me dantele dhe të zbukuruara me gurë të çmuar thotë Moranlı dhe shton më tej se aktualisht ka më shumë kërkesa për ti marrë me qera këto fustane sesa ti blejnë ato, por për shkak se tregtarët nuk i japin ato në këtë mënyrë shumica e tyre kthehen me duar bosh në vendin e tyre.

– “Mjaftohemi me shikimin” –

Nicola Tzorta e cila ka ardhur nga Athina në Edirne për të blerë një fustan nuserie thotë se janë shumë të bukura dhe shton se zakonisht parapëlqen ato me dantele dhe të zbukuruara me gurë, por: “Vijmë sa për të parë pasi nuk mund të marrim më fustan nusërie nga Turqia”, shton ajo.

Shumë shoqe më parë vinin shpesh këtu dhe blin shumë fustane dhe pajë, thotë Tzorta dhe thotë më tej se siç dihet edhe vajzat të cilat përgatiten për dasëm janë ndikuar nga kriza ekonomike në Greqi.

Tzorta thotë gjithashtu se fustanet e nusërisë janë më të bukura dhe më cilësore në Turqi për këtë arsye ato tërheqin shumë vajza greke.

“Tregtarët këtu nuk i japin fustanet me qera”, thotë Tzorta dhe më tej në fjalën e saj thotë se shumë vajza si ajo kthehen pa blerë gjë nga Turqia. aa

Kroacia feston 20 vjetorin e fitores ndaj forcave serbe

Kroacia sot do të mbajë një paradë ushtarake në Zagreb për të shënuar 20 vjetorin e pavarësisë nga ish-Jugosllavia e udhëhequr nga serbët.

Në Beograd, Serbia ka përkujtuar ata që vdiqën në luftën me Kroacinë, e cila zgjati për 4 vjet.

Rreth 3,000 ushtarë, 300 makina ushtarake dhe 30 avionë ushtarakë do të jenë të përfshira në këtë paradë.

Por Serbia fqinje sot përkujton 700 serbë të cilët vdiqën në Kroaci në vitin 1995, gjatë ofensivës të quajtur “Operacioni Stuhia”.

Rreth 200,000 serbë të Kroacisë ishin larguar nga shtëpitë e tyre për shkak të kësaj ofensive. Shumica prej tyre nuk janë kthyer kurrë në shtëpitë e tyre në Knin, qytet i cili ishte në qendër të operacionit.

Jovanoviq: Po të isha kryeministër i Serbisë, do ta njihja Kosovën

Zagreb, 3 gusht – Në intervistën për “Veçernji list” lideri i Partisë Liberale Demokratike në Serbi, Çedomir Jovanoviq ka thënë se në Srebrenicë ka ndodhur gjenocid dhe që kjo më kurrë nuk mund të mohohet.

Ndër të tjera ai ka folur edhe për çështjen e njohjes së Kosovës si shtet i pavarur dhe ka thënë se “Po të isha kryeministër i Serbisë do ta njihja Kosovën”, citon Telegraf sr. Jovanoviqin t’i ketë deklaruar “V.Listit”, transmeton koha.net.

“Njohja, derisa ende e ka njëfarë peshe, duhet të pranohet si instrument për realizimin e pozitës sa më të mirë të bashkësisë së atjeshme serbe”, ka thënë Jovanoviqi.

Turqi: Militantët e PKK-së akuzohen për sulmin vdekjeprurës

Militantët kurdë janë akuzuar për vrasjen e dy ushtarëve të Turqisë dhe për plagosjen e dhjetërave të tjerëve, në një sulm të sotëm vetëvrasës në pjesën lindore të Turqisë.

Ky incident i ka shtuar tensionet, derisa Turqia po i godet caqet e Partisë Komuniste të Kurdistanit (PKK) me sulme ajrore në pjesën veriore të Irakut.

Aktualisht, Ankaraja i ka ndërmarrë dy ofensiva paralele në pjesën veriore të Irakut kundër PKK-së, me ç’rast raportohet se janë vrarë afro 260 pjesëtarë të dyshuar të PKK-së, dhe kundër caqeve të militantëve të Shtetit Islamik në Siri.

Turqia ka thënë se sulmet ajrore ndërmerren në shenjë të hakmarrjes për shkak të vrasjeve të policëve dhe ushtarëve turq nga PKK-ja, ndërsa kjo parti thekson se sulmet e saj janë ndëshkim për bashkëpunimin ndërmjet militantëve të Shtetit Islamik dhe Turqisë, çka ka çuar në vrasjen e 30 aktivistëve kurdë në një sulm në Turqi më 20 korrik.

Erdogan – Veprimet e ISIS-it, asnjë lidhje me fenë, moralin, ndërgjegjen, kulturën e Turqisë

 

XHAKARTA – Presidenti turk, Recep Tayyip Erdogan tha të premten se veprimet e ISIS-it nuk kanë asnjë lidhje me fenë, moralin, ndërgjegjen apo kulturën e Turqisë.

Sipas Anadolu Agency, gjatë një fjalimi të tij në një konferencë në Institutin Kombëtar të Sigurisë në kryeqytetin e Indonezisë, Xhakarta, Erdogan tha se siguria e Turqisë dhe e bashkësisë ndërkombëtare sot është nën kërcënime për shkak të konfliktit në Siri. Ai shtoi se regjimi i Asadit përdor të gjitha llojet e mjeteve të pista në konflikt, duke përfshirë përdorimin e armëve kimike dhe raketave balistike, si dhe bashkëpunon me organizata terroriste në luftën kundër popullit të tij.

“Organizata terroriste ISIS është një produkt i një perceptimi të tillë, një projekt i tillë. Veprimet e kësaj organizate nuk kanë ndonjë lidhje me fenë, moralin, ndërgjegjen apo kulturën tonë”, tha Erdogan.

Erdogan gjithashtu theksoi se duhet të ketë bashkëpunim të ngushtë kundër ksenofobisë, diskriminimit dhe Islamofobisë.

Në fjalimin e mbajtur Presidenti Erdogan tha: ‘Duhet të jemi të bashkuar dhe të punojmë sëbashku në luftën kundër Islamofobisë, armiqësisë ndaj të huajve, racizmit dhe diskriminimit. Fakti që në Europë thëniet politike dhe veprimet kundër bashkëjetesës mund ti gjesh të pranishme kudo është e frikshme. Veprimet dhe thëniet politike në Europë kundër Islamit të thëna ditët e fundit po na mërzisin thellë. Turqia është vendi më i ndikuar nga këto veprime për shkak se ka rreth 5 milionë qytetarë të saj të cilët jetojnë në BE.”

Presidenti Erdogan në fjalën e tij vuri në dukje gjendjen kritike dhe historike të cilën po përjetohet në rajone të ndryshme islame si në Palestinë, Egjipt, Libi dhe Jemen. Ai vuri në dukje gjithashtu edhe gjendjen në të cilën ndodhet shtetet fqinje të Turqisë si Siria dhe Iraku dhe në këtë kontekst theksoi se këto plagë të hapura dhe ky fitil i ndezur në këto rajone po ndikon thellë në Turqi dhe jasht saj. Erdogan vuri në dukje se deti i Mesdheut i cili duhet të ishte një det i qetësisë është kthyer në rajonin më problematik në botë.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend