Në kuadër të projektit i cili po zhvillohet nën këshillimin e kompanisë kanadeze Mosaicultures Internationales De Montreal në këtë hapësirë të gjerë janë bërë figura nga bimët të përpunuara në figura të ndryshme nga 1 metër deri në 6 metra

ANTALIA – EXPO 2016 në Antalia të Turqisë me 110 skulptura bimore ku janë përdorur 1 milionë bimë është përshkruar si zhvillimi i njerëzimit nga Azia në Afrikë dhe nga Lindja e Largët deri në Amerikën e Veriut.

Në kuadër të EXPO 2016 Antalia që do të mbahet për herë të parë Turqi, në rajonin Aksu janë duke vazhduar punimet për ekspozitën e cila shtrihet në një hapësirë prej 121 dynymë.

Në kuadër të projektit i cili po zhvillohet nën këshillimin e kompanisë kanadeze Mosaicultures Internationales De Montreal në këtë hapësirë të gjerë janë bërë figura nga bimët të përpunuara në figura të ndryshme nga 1 metër deri në 6 metra.

Në mënyrë që skulpturat të jenë sa më të përafërta me ato të vërtetat ka punuar një ekip prej 25 personash ku 4 prej tyre janë skulptorë dhe 10 të tjerë janë të huaj të cilët kanë punuar deri në detajet më të vogla punimet si elefant, luan, zebër, deve, mamuth, krimb i mëndafshit, gjetja e zjarrit dhe kryesisht ajo e Karvanit të Rrugës së Mëndafshit.

“Nga 36 të plagosur 7 prej tyre janë ende në situatë serioze. Ndërsa 4 të plagosur ndodhen në procesin e operacionit. Sipas informacioneve që na kanë mbërritur theksohet se mes të plagosurve ndodhen 12 persona me nënshtetësi të huaj” u shpreh Müezzinoğlu

ANKARA – Ministri i Shëndetësisë të Turqisë, Mehmet Müezzinoğlu, në lidhje me sulmin terrorist në Beyoğlu të Stambollit ka pohuar se “aktualisht kemi humbur 4 qytetarë tanë”.

“Nga 36 të plagosur 7 prej tyre janë ende në situatë serioze. Ndërsa 4 të plagosur ndodhen në procesin e operacionit. Shpresoj se nuk do të kemi humbje të tjera. Sipas informacioneve që na kanë mbërritur theksohet se mes të plagosurve ndodhen 12 persona me nënshtetësi të huaj”- u shpreh Müezzinoğlu.

Ndërsa prefekti i Stambollit, Vasip Şahin, në lidhje me çështjen e njoftimeve për kërcënime me bombë u shpreh se: “Çështja nuk është tek njoftimet, por tek një çështje e cila është përhapur me shpejtësi në median sociale se edhe në vende të tjera të Stambollit si Nişantaşı, Bayrampaşa etj..ka patur shpërthime të bombave. Që nga ky moment nuk ka një lajm apo ngjarje të tillë”.

Ndërsa në lidhje me të dyshuarit, prefekti Şahin ka pohuar se “aktualisht tani është shumë herët. Hetimet po kryhet në të gjitha dimensionet e tij. Kjo është ajo çka mund të deklaroj për momentin”. aa

“Qëllimi i sulmit është të përhapë frikë mes popullatës dhe të ndalojë Turqinë nga objektivat, pretendimet, përparimin e bekuar të saj. Por kurrë nuk do t’ia arrijnë këtij qëllimi, kjo është e pamundur”

ANKARA – Presidenti turk, Recep Tayyip Erdogan, ka mbajtur një konferencë të përbashkët për mediat me presidentin e Azerbajxhanit Ilham Aliyev.

Presidenti Erdogan dhe homologu i tij Aliyev pas takimit dypalësh morën pjesë në takimin e 5-të të Këshillit të Bashkëpunimit Strategjik të Nivelit të Lartë Turqi-Azerbajxhan.

Ndërsa më pas mes dy vendeve janë nënshkruar “protokolli për shkëmbimin e personelit ushtarak-civil me qëllim kulturor dhe social”, “marrëveshja për punësimin me qëllim për përfitim të të ardhurave të anëtarëve të familjeve të zyrtarëve me misione diplomatike dhe konsullore”, “marrëveshja e bazuar në bashkëpunimin në fushën e ekzaminimit mjeko-ligjor”, “marrëveshja për ndryshimin e lejeve të drejtimit dhe njehsimin e ndërsjellë”, “protokollin e bashkëpunimit teknik me deklaratën e përbashkët të takimit të 5-të të Këshillit të Bashkëpunimit Strategjik të Nivelit të Lartë”.

Erdoğan ka rikujtuar se takimi i 5-të i Këshillit të Bashkëpunimit Strategjik të Nivelit të Lartë Turqi-Azerbajxhan do të mbahej në Baku, por për shkak të sulmit terrorist presidenti Aliyev vendosi që bashkë me delegacionin e tij të vinin në Ankara.

Presidenti Erdogan u shpreh më tej se: “Sulmi i ndërmarrë ditën e dielë në Ankara është një sulm i kryer kundër Turqisë, ndaj të gjithë 79 milionëve. Me këtë sulm organizata terroriste e ka treguar edhe njëherë fytyrën e saj të ulët dhe vrasëse. Qëllimi i sulmit është të përhapë frikë mes popullatës dhe të ndalojë Turqinë nga objektivat, pretendimet, përparimin e bekuar të saj. Por kurrë nuk do t’ia arrijnë këtij qëllimi, kjo është e pamundur. Ata që përdorin terrorizmin si mashë, ata që duan të mbyllin llogaritë mbi gjakun e të pafajshmëve nuk do ta gjunjëzojnë kurrë Turqinë, përkundrazi ato do të gjunjëzohen vetë”.

– “Azerbajxhani mik i ditëve të vështira”-

Presidenti turk ka theksuar se Azerbajxhani me solidarizimin e treguar menjëherë pas sulmit terrorist në Ankara ka treguar se është mik i ditëve të vështira. “Ata që mbështetjen ndaj terrorizmit, mbulimin e terroristit e paraqesin si ‘liri‘, ata që rendin pas përfitimeve politike pa u varrosur ende të vrarët duhet të marrin mësimin e duhur nga ky mesazh vëllazërie. Këto ngjarje dhe reagimet e dhëna vendosin qartë se çështja nuk është një bashkim vendesh, por bashkimi i frymës së unitetit dhe paqes e cila është edhe më e rëndësishmja”- u shpreh Erdoğan.

Ai ka vënë në dukje se si komb me mbështetjen e vendeve mike dhe vëllezër do të kapërcejnë këto probleme dhe sëbashku do të ndërtojnë Turqinë e re. Gjithashtu ka shprehur falënderimet në emër të popullit turk për Aliyev-in dhe për të gjithë azerbajxhanasit.

Erdoğan, ndër të tjera u shpreh se Turqia vazhdon të qëndrojë në mënyrë të vendosur në anë të Azerbajxhanit në çdo fushë dhe kryesisht në çështjen e Karabakut të Sipërm i cili mbahet i okupuar dhe ka shtuar se do të vazhdojnë të japin këtë mbështetje. aa

Bleum, ish-anëtar i Unionit Kristiano-Demokratik (CDU) dhe ministër i Punës nga 1982 deri 1998 ka ardhur në kampin e refugjatëve në Idomeni ku ndodhen rreth 12 mijë persona

IDOMENI – Mediat greke kanë raportuar se Norbert Bluem (80), ish-ministri gjerman i Punës, ka planifikuar që të kalojë natën në kampin e refugjatëve në shenjë solidariteti me refugjatët të cilët janë ‘bllokuar’ në Idomeni në kufirin midis Greqisë dhe Maqedonisë.

Bleum, një ish-anëtar i Unionit Kristiano-Demokratik (CDU) dhe ministër i Punës nga viti 1982 deri në 1998 ka ardhur në kampin e refugjatëve në Idomeni ku ndodhen rreth 12 mijë persona, kryesisht sirianë dhe irakianë.

Turqia ka hapur dyert e saj për 2.7 milionë refugjatë, ndërsa Drejtoria për situata emergjente dhe Mbrojtje civile (AFAD) ka formuar 26 qendra të përkohshme të refugjatëve

ANKARA – Miliona sirianë për shkak të luftës disa vjeçare në atë vend janë detyruar të largohen nga shtëpitë e tyre, ndërsa vetëm në Turqi kanë lindur 127 mijë e 752 foshnja siriane.

Turqia ka hapur dyert e saj për 2.7 milionë refugjatë, ndërsa Drejtoria për situata emergjente dhe Mbrojtje civile (AFAD) ka formuar 26 qendra të përkohshme të refugjatëve. Në këto qendra gjithmonë ndodhen mbi 280 mijë sirianë.

Zëvendëskryeministri i Turqisë Yalcin Akdogan më 10 mars, tha se në Turqi ndodhen 2 milionë e 733 mijë e 784 refugjatë sirianë.

Siç mëson gazetari i AA-së, sirianët që kanë ardhur në Turqi, që nga viti 2011 marrin ndihmë mjekësore nga Ministria e Shëndetësisë të Turqisë. Nga prilli i vitit 2011 deri në janar të vitit 2016, janë ofruar më shumë se 15 milionë shërbime të poliklinikës.

Turqia gjatë krizës siriane e deri sot ka investuar nëntë miliardë dollarë në përkujdesjen e refugjatëve sirianë. Vëmendje e veçantë i është kushtuar shkollimit të fëmijëve refugjatë, si dhe në arsimimin e të rriturve të cilët pas luftës duhet të ndihmojnë në “ngritjen e vendit të tyre”.

Në fjalën e tij presidenti Erdogan ka pohuar se Turqia nuk e ka njohur aneksimin e paligjshëm të Krimesë dhe gjithashtu nuk do ta njohë më pas

ANKARA – Presidenti turk, Recep Tayyip Erdogan, ka mbajtur një konferencë të përbashkët me presidentin e Ukrainës, Petro Poroshenko.

Në fjalën e tij presidenti Erdogan ka pohuar se Turqia nuk e ka njohur aneksimin e paligjshëm të Krimesë dhe gjithashtu nuk do ta njohë më pas.

Pas takimit kokë më kokë në rezidencën presidenciale Erdogan dhe Poroshenko morën pjesë në sesionin e Këshillit Strategjik të Nivelit të Lartë Turqi-Ukrainë ku dhe kanë mbajtur një konferencë të përbashkët për shtyp.

Gjithashtu theksohet se mes kryetarit të Bordit Drejtues dhe Drejtori i Përgjithshëm i AA-së, Şenol Kazancı dhe ambasadorit të Ukrainës në Ankara, Sergiy Korsunsky, është nënshkruar një marrëveshje e bashkëpunimit mes Anadolu Agency dhe Agjencisë së Lajmeve të Ukrainës (UKRINFORM). Ndërsa është nënshkruar edhe një memorandum mirëkuptimi mes Sekretariatit të Përgjithshëm të Këshillit të Sigurisë Kombëtare dhe Këshillit Kombëtarë të Sigurisë dhe Mbrojtjes së Ukrainës si dhe është nënshkruar një deklaratë e përbashkët në lidhje me rezultatet e takimit të pestë të Këshillit Strategjik të Nivelit të Lartë Turqi-Ukrainë.

Erdoğan ka uruar që të jetë në shërbim të të mirës për dy vendet ky takim i cili po kryhet në një periudhë kritike dhe ka shprehur se takimet e ndërsjella të nivelit të lartë në kohët e fundit mes dy vendeve po zhvillohen një mënyrë shumë të veçantë si për Ukrainën ashtu edhe për Turqinë. aa

Pjesa e parë e aeroportit të ardhshëm më të madh në botë do të hapet në shkurt të 2018-ës

STAMBOLL – Ndërtimi i aeroportit të tretë në Stamboll është duke vijuar sipas planifikimit. Aktualisht në këtë megaprojekt punojnë rreth 13 mijë punëtorë nga 15 vende të botës.

Pjesa e parë e aeroportit të ardhshëm më të madh në botë do të hapet në shkurt të vitit 2018, kurse ekipi i AA-së nga qielli ndoqi momentet e ndërtimit të cilat më së miri flasin për madhësinë e aeroportit, ku pjesa e parë do të ketë kapacitet prej 200 milionë pasagjerë në vit.

Në periudhën e ardhshme, gjatë punimeve të mëdha ndërtimore në aeroport do të punojnë edhe deri në 30 mijë njerëz. Është një projekt me vlerë prej 10.25 miliardë eurosh, të aeroportit, i cili për nga madhësia dhe përmbajtja do të jetë një qytet i vogël dhe do të ketë kapacitet vjetor prej 150 milionë pasagjerësh.

Gazetarët thuhet se janë duke u mbajtur në një vend i cili ende nuk dihet

MARDIN- Në qarkun Nusaybin të qytetit juglindor të Turqisë, Mardin, 3 gazetarë të Anadolu Agency të cilët ndjekin lajmet në këtë rajon, janë rrëmbyer nga militantë të organizatës terroriste PKK.

Gazetarët thuhet se janë duke u mbajtur në një vend i cili ende nuk dihet. Ndërkohë kamerat dhe aparatet fotografike të gazetarëve janë marrë nga militantët.

“Salih Neccar, i cili e ka kryer këtë sulm vetëvrasës ka lindur në vitin 1992 në qytetin Amuda në veri të Sirisë. Janë zbuluar lidhjet e drejtpërdrejta të sulmit me YPG-në”, deklaroi Davutoglu

ANKARA – Kryeministri turk Ahmet Davutoglu duke theksuar se çështja e autorëve të sulmit terrorist në Ankara është zbardhur e tëra deklaroi se “Në mënyrë të qartë është zbuluar se ky sulm është kryer nga një person anëtar i YPG-së i infiltruar nga Siria dhe në bashkëpunim me anëtarët e organizatës terroriste brenda Turqisë”.

Kryeministri Davutoglu për shkak të sulmit terrorist në Ankara zhvilloi një vizitë ngushëllimi tek Kreu i Shtabit të Përgjithshëm, Hulusi Akar.

Davutoglu i cili pas takimit dha deklarata për gazetarët, duke theksuar se sulmi i djeshëm është kryer kundër kombit të shenjtë, ushtarëve dhe punonjësve civilë të cilët ishin duke kryer një mision të ndershëm në Forcat e armatosura, u shprehi ngushëllime Forcave të armatosura.

Ai tha se çështja e autorëve nga sulmi i mbrëmshëm është zbardhur tërësisht. “Në mënyrë të qartë është zbuluar se ky sulm është kryer nga një person anëtar i YPG-së i infiltruar nga Siria dhe në bashkëpunim me anëtarët e organizatës terroriste brenda Turqisë”, tha Davutoglu.

Kryeministri turk tha se thirrja e tij e dytë është për partitë politike, organizatat e shoqërisë civile. “Çfarë do që të jetë burimi, kush do që të jetë vegla, kundër terrorizmit duhet të qëndrojmë krah për krah”, porositi Davutoglu.

“Dënoj ashpër qëndrimin e papajtueshëm të një partie në lidhje për publikimin e një deklarate të përbashkët. Nuk kanë të drejtë të flasin për demokraci ata njerëz të cilët edhe për çështjen e terrorizmit nuk vendosin një qëndrim dhe nuk dënojnë këtë sulm të ndërmarrë ndaj njerëzve të pafajshëm të cilët ishin duke u kthyer në shtëpi pas punës për t’u ulur në shtëpitë bashkë me fëmijët e tyre. Detyra jonë parësore, misioni ynë kryesor për të cilën ndjejmë përgjegjësi ndaj kombit dhe historisë sonë, është se duke e mbrojtur unitetin, tërësinë e këtij vendi në këtë rreth të zjarrit ta vazhdojë mbijetesën, të përforcohemi dhe të arrijmë fuqinë me të cilën mund të luftojmë kundër të gjithë këtyre sfidave”, tha ai.

Davutoglu duke vazhduar më tej tha se, “Dje ky sulm terrorist edhe pse u bë në afërsi të parlamentit tonë, parlamenti vazhdoi ti kryejë punimet e tij. Mendoj se ky është një zhvillim i admirueshëm. Pasi që u konsultova me nënkryetarët e grupeve parlamentare i dhashë këtë udhëzim: Objektivi kryesor i fokuseve terroriste është, të atrofohet jeta politike, jeta sociale, të ngadalësohet. Parlamenti turk nuk do ti ndalë seancat e tij, e drejta i është dhënë nga populli ynë, çfarë do qoftë të ndodhë”.

Kryeministri i Turqisë Davutoglu gjithashtu ka deklaruar se: “Nuk do të falim asnjë vend anëtar të NATO-s kryesisht Shetet e Bashkuara të Amerikës, apo ndonjë vend tjetër që kemi qëndruar krah për krah në Afganistan të krijojë lidhje me një organziatë terroriste e cila drejton një sulm ndaj nesh në zemër të Turqisë dhe ne në lidhje me këtë çështje qëndrimin tonë e shprehim në mënyrën më të qartë”. aa

“Sa më shpejt të jetë e mundur do të nxjerrim në dritë se kush e ka organizuar këtë sulm terrorit”

ANKARA- Zëvendëskryeministri dhe njëkohësisht zëdhënësi i qeverisë së Turqisë, Numan Kurtulmush, në një deklaratë për shtyp tha se sot rreth orës 18:31 është organizuar një sulm terrorist ndërkohë që një autobus i cili transportonte efektivë të ushtrisë turke kishte ndaluar në një kryqëzim. Kurtulmush tha gjithashtu se 28 persona kanë humbur jetën dhe 61 të tjerë janë plagosur nga ky sulm terrorist, raporton Anadolu Agency (AA).

Duke nënvizuar se në mesin e personave të cilët kanë humbur jetën ka civilë dhe ushtarakë Kurtulmuş u shpreh: ”Të gjitha të dhënat dhe informacionet po përpunohen me një profesionalizëm të plotë. Deri më tani nuk kemi ndonjë informacion të saktë për grupin që ka kryer sulmin. Një deklaratë e tillë deri më tani nuk është bërë. Sa më shpejt të jetë e mundur do të nxjerrim në dritë se kush e ka organizuar këtë sulm terrorit”.

Në vazhdim të fjalës së tij Kurtulmuş tha se “rreth 3 minuta pas shpërthimit ambulancat kanë arritur në vendngjarje. 32 ambulanca kanë transportuar të plagosurit në spitale të ndryshme. Për një kohë shumë të shkurtër një ekip prej 7 prokurorësh ka arritur në vendngjarje për të trajtuar këtë çështje me përpikmëri dhe profesionalizëm”.

– Pretendimet për një shpërthim të dytë –

Kurtulmuş në vijim të fjalës së tij në lidhje me pretendimet për një shpërthim të dytë tha se ka pasur një shpërthim të dytë, por ky shpërthim ka qenë për të asgjësuar një pako të dyshimtë dhe është kryer në mënyrë të kontrolluar nga efektivët e policisë. “Dua të them hapur dhe prerë që ne dënojmë ashpër grupet dhe shërbimet inteligjente të cilat kanë ndihmuar në logjistikë dhe në armë e municione, madie edhe ata të cilët kanë ndihmuar nga ana politike” shtoi zëdhënësi i qeverisë turke.

Ai në vazhdim të fjalës së tij duke nënvizuar që organizata që ka bërë këtë sulm terrorist nuk është një grup pre 3 apo 5 personash ka thënë se është një sulm barbarë dhe i poshtër, i bërë kundrejt të gjithë popullit turk dhe i planifikuar mirë.

Kryeministri Davutoglu ka mbërritur në Qendrën e Përgjithshme të Partisë AK ku dhe ka marrë informacione në lidhje me shpërthimin

ANKARA – Kryeministri turk, Ahmet Davutoglu, për shkak të shpërthimit në Ankara ka anuluar vizitën e tij në Bruksel.

Kryeministri Davutoglu gjatë daljes pas takimit të Bordit të Lartë të Shkencës dhe Teknologjisë ka pohuar se: “Informacionet më kanë ardhur, do të shohim”. Më pas kryeministri Davutoglu ka mbërritur në Qendrën e Përgjithshme të Partisë AK ku dhe ka marrë informacione në lidhje me shpërthimin.

Pas 30 minutash kryeministri Davutoglu është drejtuar drejt rezidencës presidenciale për të marrë pjesë në takimin e sigurisë i cili do të mbahet nën drejtimin e presidentit, Recep Tayyip Erdogan.

Ndër të tjera mësohet se është anuluar vizita që Davutoglu do të mbante këtë mbrëmje në Bruksel. aa

ANKARA – Në Ankara ka ndodhur një shpërthim gjatë kalimit të mjeteve të shërbimit ushtarak në rrugën Merasim e cila bulevardin İnönü e lidh me rrugën Dikmen.

Sipas informacioneve të para pesë persona kanë humbur jetën dhe dhjetë të tjerë janë plagosur.

Kryeministri turk, Ahmet Davutoglu në pyetjën në lidhje me ngjarjen u përgjigj se, “Informacioni ka ardhur, do të shikojmë”.aa

Në fjalimin e tij Davutoglu, deklaroi se sot me Ukrainën kanë një qëndrim të përbashkët kundër qëndrimit agresiv të cilën Rusia ka treguar si në Krime ashtu edhe në ditët e sotme në Siri

KIEV – Kryeministri turk, Ahmet Davutoğlu, pas takimit kokë më kokë me Kryeministrin e Ukrainës, Arseniy Yatsenyuk kanë mbajtur një konferencë të përbashkët për shtyp.

Në fjalimin e tij Davutoğlu, deklaroi se sot me Ukrainën kanë një qëndrim të përbashkët kundër qëndrimit agresiv të cilën Rusia ka treguar si në Krime ashtu edhe në ditët e sotme në Siri.

Davutoğlu u shpreh më tej se: “Turqia njeh integritetin territorial të Ukrainës dhe kundërshton kategorikisht aneksimin e Krimesë. Krimeja është pjesë e territorit të Ukrainës dhe vendi i vërtetë i tartarëve të Krimesë”.

– “Periudha e Bashkimit Sovjetik ka përfunduar 25 vite më parë”-

“Faktikisht sot në lidhje me integritetin territorial të vendit tre vende ndodhen nën kërcënimin e Rusisë, këto janë Gjeorgjia, Ukraina dhe Siria. Edhe integriteti territorial i Azerbajxhanit ndodhet praktikisht nën kërcënimin e Rusisë për shkak të mbështetjes që ajo i jep Armenisë”, ka pohuar Davutoğlu.

Kryeministri turk ka shtuar më tej se: “Nga këtu dua t’iu them edhe njëherë autoriteteve ruse se periudha e Bashkimit Sovjetik ka përfunduar 25 vite më parë. Përpjekjet për të ringjallur këtë periudhë nuk sjellin rezultate të mira dhe pozitive për Rusinë. Duke i besuar kartës së vetos në OKB, të drejtohesh drejt këtyre aventurave është çështje që duhet të miratohet edhe nga populli rus”.

– “Shkaktojnë shumë krime lufte në Siri”-

Kryeministri Davutoğlu duke vënë në dukje se ka informuar Kryeministrin ukrainas Yatsenyuk rreth zhvillimeve të fundit në Siri ka theksuar se: “Teksa ne zhvillojmë këto bisedime Rusia ka qëlluar me raketë balistike një shkollë dhe një spital në Azez ku kanë humbur jetën fëmijë dhe civilë. Regjimi i Sirisë dhe mbështetësit e saj Rusia dhe vendet e tjera si dhe organizatat terroriste kryesisht YPG janë shkaktarë të shumë krimeve njerëzore në Siri. Para zgjidhjes, para një takimi për të arritur fitore në terren shkelin haptazi të drejtën ndërkombëtare”.

Ndër të tjera Davutoğlu ka shtuar se në këtë momente asnjë element i forcave të Turqisë nuk ndodhet brenda Sirisë dhe se Turqia është në anën e popullit të Sirisë dhe kurrë nuk ka qenë pushtuese në Siri. aa