Zagreb, 31 janar – Ish-presidenti i Kroacisë, Stipe Mesiçi, ka dhënë sot dorëheqje nga posti i kryetarit të nderit të Lidhjes së Luftëtarëve Antifashistë dhe Antifashistëve të Kroacisë me arsyetimin se kështu dëshiron ta kursejë këtë organizatë nga pasojat negative, pas publikimit të xhirimeve me deklaratat e tij nga vitet 1990 dhe 1992.

“Duke parë situatën e krijuar pas publikimit të xhirimeve me deklaratat e mia, po e përsërisë absolutisht të papranueshme nga viti 1992, si dhe ato të publikuara më vonë nga viti 1990, dhe duke pasur parasysh faktin se ka edhe xhirime të tjera të deklaratave të mia nga ajo periudhë po aq të papranueshme, me dëshirën që të kursej Lidhjen e Luftëtarëve Antifashistë dhe të Antifashistëve të Kroacisë (SABA) nga pasojat negative, jap dorëheqje nga funksioni i kryetarit të nderit”, thuhet në dorëheqjen e tij paraqitur kryetarit të kësaj organizate, Franjo Habulinit.

Ai ka deklaruar se kështu kishte folur gjatë një periudhe rreth tri vjetësh, meqë “ashtu ishin atëherë politikat e HDZ-së, e janë edhe sot”, por që gjatë njëzet vjetëve më pastaj, sidomos “gjatë kohës që kam ushtruar detyrën e presidentit të Republikës së Kroacisë, kam përfaqësuar pikëpamje diametralisht të kundërta”.

“Duke mos dashur të arsyetohem, marrë përsipër gjithë përgjegjësinë për atë që tash po e mohoj”, ka deklaruar ai, përcjell Koha.net.

Mesiq shton se besnikëria e tij “ndaj antifashizmit si vlerë dhe besnikëria në luftën kundër fashistizimit të Kroacisë me hapa galop në asnjë mënyrë, aq më pak publikimi i xhirimeve të vjetra një çerek shekulli, nuk do të më luhatin” është shprehur ai.

Lideri i radikalëve në Serbi, Vojisllav Sheshel, në një intervistë për televizionin shtetëror rus, ka thënë se Serbia duhet të afrohet aq shumë me Rusinë, sa që kur kjo e fundit të mbrojë Kosovën si pjesë të Serbisë, ta mbrojë si pjesë të Rusisë.

Shesheli, siç transmeton Koha.net, tha se shteti serb mund ta mbrojë Kosovën vetëm me ndihmën ruse.

“Vuçiqi po gabon kur po mendon se mund të ulet në dy karrige, se mund të jetë mik i sinqertë i Rusisë dhe se mund ta dërgojë Serbinë në BE. Këto dy gjëra nuk shkojnë së bashku. Serbia duhet që sa më parë të ndajë mendje: ose jemi me Rusinë, për integrim me Rusinë, ose jemi për opsionin perëndimor e më pas i humbim të gjitha. Ne Kosovën mund ta ruajmë vetëm me ndihmën ruse, por duhet që në atë mënyrë të integrohemi me Rusinë, që Rusia kur ta mbrojë Kosovën, të mos e mbrojë vetëm pse është serbe, por se është edhe ruse. Kjo duhet të jetë shkalla e integrimit tonë me Rusinë. Afërsisht, ne duam statusin që e ka Bjellorusia”, ka deklaruar Shesheli, transmeton Koha.net.

Ai ka shtuar se dëshiron që Rusia të fitojë prapa gjithçka që Rusia ka humbur si pasojë e mashtrimeve të Perëndimit përmes Jelcinit dhe Gorbaqovit, dhe që “Rusia të kthehet në Ballkan”.

(Nën mbrojtje në Shqipëri. 68 vjeç, fitonte 25 mijë euro në çdo rrugë)/

Nga Andrea Galli/Perktheu:Eugjen Merlika/MILANO:

Fillimisht kishte qënë i heshtur, deri në mohimin e faktit të dukshëm, duke filluar nga dyqind kilogram mariuhane në aeroplanin e turizmit të përplasur në shtator, ndërsa mundohej të ngrihej nga një rrip toke në Ishëm, pranë Durrësit. Tani menaxheri italian Guido Andrea Guidi, 68 vjeç, nuk pushon “së foluri”. Rrëfime mbi rrëfime. Aqë sa të alarmojë botën e krimit shqiptar që e kishte rekrutuar e kundër së cilës është rrjeshtuar, duke treguar emra, aq sa të detyronte hetuesit e Tiranës t’i tërhiqnin pashaportën, t’a vinin nën mbrojtje absolute dhe ta fshihnin në vende sekrete, për të shmangur hakmarrje vrasëse.Rrezikon, rrezikon shumë Guidi, një jetë aventurore me telashe gjyqësore (kishte rënë në ujdi me gjyqtarët për një aksident ajror me vdekjen e dy pilotëve të kompanisë së tij të vogël ajrore), lidhet me “narkosët e Ballkanit” për të rregulluar disa probleme ekonomike. “Kontrata” parashihte trasportin e drogës nga Shqipëria në Lombardi, me vendmbërritje të njëjtin treg të Milanos. Udhëtime të shpërblyera me 20 mijë deri në 25 mijë euro, për t’u kryer me fluturime “fshehurazi”(në kuota t’ulta duke shmangur radarët), me ulje në dhjetra aeroporte turizmi (ka edhe nga ata vetiakë të nxjerrë në fusha) me tërheqjen e mariuhanës nga njerëz t’organizatës.

Gjithshka e lehtë me kusht që të mos pikaseshin. Me atë aksident të shtatorit, të ndodhur në një zonë të vetmuar, por që të çonte tek trafikantët, menaxheri e kishte prishur krejtësisht mbulojën. Policët kishin arritur më parë se sa bashkëpuntorët e Guidit ; e kishin marrë dhe shpënë në zyrë për t’a pyetur ; në pritje e kishin sistemuar në një hotel. Ndoshta milanezi kishte menduar të organizonte arratisjen pa gjetur mbështetje të përshtatëshme, i braktisur siç kishte mbetur nga organizata ; ndoshta ishte i sigurtë se, me kohë, do t’a kishin liruar ose do t’a linin në heshtje çështjen. Ndërsa gjërat ishin keqësuar me shpejtësi, edhe për zbulimin e një blloku në xhepin e manaxherit, që përmbante numura personash”tepër të rëndë”, duket se ishin personazhe me ndikim në jetën publike shqiptare. Nga hoteli Guidin e kishin fshehur në gazerma. Shumë i pavolitshëm, shumë e brishtë pozita e tij : më mirë të merrej nën kujdes e të punohej me të në qetësi. Duke pasë fituar besimin ne vetvete, ose edhe tek hetuesit, apo ndoshta për të provuar të shpëtonte, 68-vjeçari “këndoi”. Me njoftime të vërteta, shpejt të kontrollueshme. Është e vështirë të merret me mënd kur Guidi do të rishohë Italinë. Shqiptarët nuk kanë asnjë niet t’a lënë të iki. Duhet të mbyllet hetimi. Një nga të shumtit, në të vërtetë, mes dy Vendeve.

I këtyre orëve është ripohimi i policëve dhe karabinjerëve për zbarkimin e pandërprerë, veçanërisht në Salento, të gomoneve të mbushura me drogë, edhe se është dimër e deti është me dallgë. Skafistët nuk njohin pushim. Kërkesa është këmbëngulëse dhe oferta nuk mund të jetë më e pakët. Simbas vlerësimesh jo zyrtare të Rojës së Financës, fitimet nga mariuhana arrijnë shumën e një të katërtit Prodhimit të Përgjithshëm bruto  të Shqipërisë. Kanë qenë kriminelë të pasuruar me trasport emigrantësh në vitet e dëshpërimit të luftës civile, që kanë blerë shtëpi e hotele në Vlorë, që janë qetësuar duke bërë rrush e kumbulla fitimet në festa, në makina lluksi, në kokainë e kurva, por që, më së fundi nuk i kanë qëndruar dot pasionit kriminal. Janë kthyer plotësisht në trafiqet. Njëri ndër më aktivët, thonë, ka një nofkë e lindur për “merita” të padiskutueshme n’atë fushë : e quajnë “çakalli”.

“Corriere della Sera”, 28 janar 2017

E përktheu Eugjen Merlika

Mjetet greke të informimit njoftuan se Shtabi i Përgjithshëm i ushtrisë greke i kërkoi Ministrit grek të Mbrojtjes firmosjen e dënimit me 60 ditë burg për shtatë rekrutët me origjinë shqiptare. Masa e rëndë disiplinore për rekrutët, sipas Shtabit të Ushtrisë, vjen pasi ata janë gjetur fajtorë për shfaqjen në rrjetet sociale të një fotoje ku formojnë me duar shqiponjën, simbol të flamurit shqiptar.

Sipas hetimeve të ushtrisë greke ushtarët ishin vetëfotografuar duke formuar me duar shqiponjën në Qendrën e Trajnimit të Mesologjit në kundërshtim me rregullat e ushtrisë. Rekrutët pritet të shërbenin në Gardën e Ushtrisë greke pas betimit që duhet të bënin më 2 shkurt.

Në Ushtrinë greke kryejnë shërbimin e detyrueshëmushtarak disa qindra të rinj me origjinë shqiptare, familjet e të cilëve kanë emigruar në Greqi dhe kanë marrë nënshtetësinë greke gjatë viteve të fundit. Publikimi i fotos nga rekrutët me origjinë shqiptare ngjalli reagime të forta në shtypin e të dy vendeve. Në Greqi reagime erdhën edhe nga subjektet politike, ku partia më e madhe e opozitës, “Demokracia e Re”, kërkoi një interpelancë me Ministrin grek të Mbrojtjes, interpelancë që pritet të mbahet gjatë muajit shkurt.

ANKARA – Kryeministri i Turqisë, Binali Yıldırım, me kryeministren britanike, Theresa May, pas takimit kokë më kokë dhe mes delegacioneve në rezidencën Çankaya mbajtën një konferencë të përbashkët për shtyp.

Yıldırım gjatë fjalës së tij është shprehur se “Kur kemi parasysh se terrorizmi është një nga kërcënimet më të mëdha në ditë e sotme, autoritetet e aviacionit civil të të dy vendeve do të punojnë bashkë në çështjen e sigurisë së ndërsjellë të aeroporteve, nëse udhëtarët që hyjnë dhe dalin në aeroporte kanë apo jo lidhje me terrorizmin apo me qëllim për të konfirmuar nëse janë marrë të plota masat e sigurisë që janë të nevojshme kundër sulmeve terroriste.

Kryeministrja britanike u shpreh se mes Britanisë dhe Turqisë ka filluar një partneritet i ri strategjik.

Duke theksuar se me homologen May kanë biseduar për marrëdhëniet dypalëshe, Yıldırım është shprehur se për zhvillimin e bashkëpunimit aktual, kryesisht në fushën e sigurisë dhe të ekonomisë, për të cilat sipas tij, që të dy palët kanë konfirmuar se kanë vullnetin e përbashkët.

Pasi ka vënë në dukje se partneriteti strategjik midis dy vendeve ka një bazë të fortë, ai ka theksuar se duke marrë në konsideratë kushtet aktuale dhe ngjarjet rajonale, kanë shprehur vullnetin e dy vendeve që këtë partneritet ta çojnë në një dimension gjithëpërfshirës si në pikëpamjen dypalëshe ashtu edhe në atë globale.

“Dy vendet do të punojnë mbi një projekt të ri për zhvillimin e një avioni luftarak”

Kryeministri Yıldırım ka njoftuar se për të rritur edhe më tej bashkëpunimin në fushën e industrisë së mbrojtjes mes Industrisë Ajrore Turke (Turkish Aerospace Industries -TAI) dhe gjigandit britanik të mbrojtjes BAE Systems është nënshkruar një marrëveshje për zhvillimin e projektit të avionit luftarak kombëtar.

Sipas tij, me këtë marrëveshje që të dy kompanitë do të punojnë në mënyrë të ndërsjellë për zhvillimin e një modeli të ri të një avioni luftarak. Yıldırım ka theksuar se do të tregojnë përpjekje të përbashkëta në çështjet për rritjen e shkëmbimit të teknologjisë, informacionit dhe për rritjen e burimeve dhe kapaciteteve njerëzore të ndërsjella.

Ndër të tjera kryeministri i Turqisë është shprehur se ky është një projekt i rëndësishëm që qeveria turke dhe ajo e Mbretërisë së Bashkuar e mbështesin dhe se ky projekt do të çojë përpara fuqinë e të dy vendeve në fushën e mbrojtjes.

“Organizata terroriste e Fetullah Gülen që është aktori kryesor i tentativës për grusht shteti më 15 korrik ashtu si në të gjithë botën edhe në Britani ka aktivitete që dihen. Kemi patur mundësinë që të informojmë kryeministren May në lidhje me këto aktivitete. Gjithashtu nga kryeministrja kemi kërkuar që në kuadër të ligjit të kryejnë atë që është e nevojshme kundër zgjatimeve të kësaj organizate kriminale”, është shprehur ndër të tjera kryeministri Yıldırım në lidhje me FETO-n.

Ndërsa kryeministrja e Britanisë së Madhe, Theresa May, në fjalën e saj ka theksuar se sot kanë nisur një partneritet strategjik të ri dhe ka vënë në dukje se ky partneritet do të jetë i dobishëm për shkëmbimin e inteligjencës, për ofrimin e sigurisë së aviacionit dhe të sigurisë brenda vendit.

“Ky partneritet do të ndihmojë Turqinë. Sepse Turqia ndodhet nën kërcënimin e sulmeve terroriste që sa vijnë e rriten. Të mos harrojmë se në 18 muajt e fundit janë vrarë 1,500 forca sigurie dhe ushtarë turq”, është shprehur kryeministrja britanike.

Pasi ka shtuar se ka shtuar se kanë biseduar edhe për çështjet e sigurisë rajonale duke përfshirë edhe Sirinë, ajo ka theksuar se kanë punuar së bashku në luftën kundër DEASH-it në Siri dhe për formimin e kushteve të nevojshme për paqen.

Ndër të tjera May ka shprehur falënderimet Turqisë për strehimin e 3 milionë sirianëve, dhe ka vënë në dukje se në këtë çështje edhe vendi i saj bën atë që ka mundësi.

Duke theksuar se sot kanë nënshkruar një marrëveshje rreth bashkëpunimit për avionin e ri luftarak kombëtar të Turqisë, May tha se përveçse kjo është më shumë se vetëm një marrëveshje tregtare, por gjithashtu kjo tregon edhe një partneritet strategjik më të thellë në çështjen e rritjes së sigurisë.

“Le të mendojnë në administratën e re dhe le të thonë se çfarë mendojnë për Kosovën. Nëse mendimi është në përputhje me dëshirën tonë ose nëse ndeshemi të paktën diku në ato dëshira, atëherë do ta pranoj çdo këshillë të SHBA”, ka thënë kryetari serb Tomisllav Nikoliçi

Gazetari shqiptar në Athinë, Robert Goro, tha se përllogaritet që të jenë të paktën 12 mijë fëmijë emigrantësh shqiptarë që kryejnë shërbimin ushtarak grek, që është 9 muaj.

Duke folur për deklaratat e Ministri të Mbrotjes grek, Panos Kamenos, i cili kërkoi dënimin maksimal për shtatë rekrutët me origjinë shqiptare, të cilët u fotografuan duke bërë me duar simbolin e shqiponjës, Goro u shpreh ato nuk janë gjë tjetër veçse përpjekje të tij për të fituar elektorat, duke shfrytëzuar retorika nacionaliste.

“Dashje pa dashje ata janë bërë pjesë e një teorie konspirative, që Ministri aktual i Mbrojtjes i ka jashtëzakonisht për shtat, duke parë edhe kuotat në rënie të partisë së tij politike, që në çdo moment, të vejë në dukje vokacionin patriotik që shkon gati gati në nacoinalizëm. Kjo është edhe aryesja përse e ka rrokur këtë ngjarje, në kohën që partia kryesore e qeverisëse, Syriza ka mbajtur një qëndrim totalisht të kundërt.”, tha ai në një lidhje telefonike me emisionin “Opinion”.

I pyetur për kërkesën e Nënkryetarit të partisë Demokracia e Re, për një seancë parlamentare – interpelancë me Ministrin e Mbrojtjes dhe krerët e tjerë të sigurisë së vendit, Goro tha se një kërkesë e tillë është e vërtetë, por nuk bëhet fjalë për një seancë të jashtëzakonshme, por për një interprelancë.

Goro tha se kjo fotografi në vetvete nuk përfaqëson asgjë tendencioze, por janë segmente të caktuara në Greqi të cilët kërkojnë që “t’i hedhin benzinë zjarrit”.

“Duhet thënë që kjo ngjarje ka shërbyer për të ringjallur edhe njëherë nacionalizmin. Që në momentin e parë ajo pjesë që përpiqet t’i hedhë benzinë zjarrit menjëherë tentoi për ta parë si një mënyrë për të nxitur nacionalizmin, ndërkohë që gjithë pjesa tjetër kanë pasqyruar opinione shumë më të hapura, këta i përkasin atyre që e kanë marrë me sportivitet. Fatkeqësisht opinion është i ndarë mëdysh”.

Goro, tha gjithashtu se si gazetar nuk e dinte sesi mund të argumentohej bërja e një shenje që përbën vepër penale dhe rrezik integriteti, megjithatë këtë e ka në dorë drejtësisa.

Fotografia e 7 ushtarëve me origjinë shqiptare e shkrepur brenda repartit ushtarak në Mesologji të Greqisë, shkaktoi një furtunë të vërtetë përgjatë javës që lamë pas, duke tensionuar sërish marëdhëniet mes dy vendeve.

Çështja e rekrutëve me origjinë shqiptare në ushtrinë greke, që pozuan me simbolin e shqiponjës, tashmë ka kaluar edhe në nivel parlamentar në Athinë. Media ka siguruar ekskluzivisht kërkesën për interpelancë që nënkryetari i partisë më të madhe opozitare “Nea Demokracia”, Adonis Georgiadis ka kërkuar me tre ministra, atë të Mbrojtjes, të Drejtësisë dhe të të Drejtave të Njeriut.

Referuar mediave greke, “BW” raporton se kërkesa e tij është pranuar dhe se Parlamenti grek do të mblidhet në një seancë të jashtëzakonshme për këtë çështje. Në letrën e tij zyrtari i lartë i opozitës greke, shpreh hapur shqetësimin se prapa gjesteve të rekrutëve shqiptarë fshihet një lëvizje e mirëorganizuar nacionaliste që sipas tij tenton të cënojë rendin dhe sigurinë në Greqi.

Referuar letrës së Georgiadisit, thuhet shprehimisht se “gjesti i ushtarëve të rinj, publikuar në foto me duart e tyre që formonin shqiponjën shqiptare me dy koka është një praktikë që ne si shtet duhet të na detyrojë të investigojmë më thellë, në kërkim të strukturave paralele brenda shtetit.

Trajtimi i përkorë dhe i matur i kësaj çështjeje është i domosdoshëm dhe ministritë duhet të hetojnë nëse fenomeni është nxitur nga forca të organizuara, të cilat tejkalojnë ‘mburojat’ nacionaliste dhe përpiqen të cënojnë sigurinë tonë dhe integritetin tonë territorial”, – shkruan numri dy i “Nea Demokracia”-­s.

Ai gjithashtu, shprehet se rasti i ushtarëve shqiptarë nuk është një fenomen i izoluar por një përpjekje e përsitur sipas tij për të destabilizuar Greqinë, duke marrë si shembull ndalimin e dy shoferëve të MPJ­-së shqiptarë që transportonin libra dhe abetare me “Shqipërinë e Madhe”.

Ndaj dhe në kërkesën e tij për interpelancë me tre ministra, Gergiadis shton “kërkoj nga ju, çfarë hapash do të merrni për të dhënë përgjegjësitë administrative dhe penale? Sa rekrutë shqiptarë pranohen çdo vit në ushtrinë greke? A keni planifikuar të hetoni nëse veprimet e mësipërme janë të nxitura nga forca të mirëorganizuara?”, – janë pyetjet që ai ka shtruar në kërkesën e tij për interpelancë.

Por ndryshe nga sa pritej dhe referuar praktikave të mëparshme kur ministrat e qeverisë Tsipras kanë refuzuar t’iu përgjigjen menjëherë kërkesa të opozitës kësaj rradhe ka ndodhur ndryshe. Referuar axhendës së punimeve të Parlamentit të Greqisë kjo çështje është futur me urgjencë për seancën e rradhës plenare dhe siç bëjnë të ditur mediat greke të tre ministrat kanë pranuar të përgjigjen edhe zyrtarisht për këtë çështje.

Ky rast dëshmon edhe njëherë se pavarësisht ndasive politike, mazhoranca dhe opozita në Greqi bashkohen sa herë për diskutim shtrohen çështje me karakter nacionalist, veçanërisht në raportet me Shqipërinë dhe Turqinë.

“Edhe fqinjet tane e respektojne Shqipen, Shqiperine dhe Shqiptaret”, shkruan Jeton Kelmendi, “e disa te ashtuquajtur Analistë duan ta shpikin kombin kosovar. Shih Presidentja Kroate Kolinda Grabar-Kitarović, ish Presidenti Stjepan Mesić dhe shume tjere nderojne flamurin me te bukur ne Bote, duke bere Shqiponjen me duar. Faleminderit Kroate, Zoti e bekofte Shqipen dhe Shqiptaret ne nje Shqipni etnike siç e ka krijuar Perendia” Zoti ju bekoftë edhe ju Miq të nderuar të shqiptarëve !”, përfundon Jeton Kelmendi.

Nga Marcus Tanner
Një nga shprehjet që të mbeten më shumë në kujtesë nga Donald Trump – rreth vendimit të SHBA për të pushtuar Irakun, e përngjason atë me “hedhjen e gurëve në një zgjua bletësh”.

Duke gjykuar nga reagimi ndaj artikullit të Timothy Less në Balkan Insight rreth ndryshimit të kufijve në Ballkan, ai gjithashtu është fajtor për hedhjen e gurëve ndaj një zgjoi bletësh. Për të thënë të drejtën, askush nuk ka vdekur si rezultat i stilit të shkrimit – por kjo qartazi ka krijuar një reagim të zemëruar.

Shumica e atyre që iu përgjigjën artikullit të tij kanë qenë padyshim armiqësor, duke e akuzuar Less se po ushqen të njëjtat pasione si njerëzit me tru në kokë janë përpjekur t’i shtypin për çerek-shekullin e fundit.

Në thelb, ai thotë se shtetet multi-etnike në Ballkan kanë dështuar ose janë në dështim dhe propozon rishqyrtim të kufijve shtetërorë për të krijuar entitete më homogjene etnikisht, që ai thotë se do të jenë më të qëndrueshme.

Less nuk shprehet se shtetet multi-etnike nuk mund të funksionojnë, por thotë se ato nuk mund të funksionojnë në Ballkan sepse kontrollet dhe balancat e nevojshme të projektuara për të mbajtur minoritetet të lumtur ose mungojnë ose nuk funksionojnë në atë mjedis.

Nuk është çudi që fjalët e tij kanë shkaktuar një tmerr të tillë; ato qartazi shkojnë kundër mendimit modern perëndimor që e mban “diversitetin” si një ideal që duhet ruajtur.

Shumica e politikanëve perëndimorë, përveç atyre të të djathtës ekstreme, të paktën e përmendin me fjalë boshe multi-etninë si një aset – dhe qortojnë kundërshtarët më të zëshëm të tij si racistë.

Hija Gjermanisë Naziste dhe e një nxitjeje të Hitlerit për të krijuar një super-shtet me etni të qastër varet mbi të gjithë debatin rreth etnisë, ndaj për këtë arsye shumë njerëz e shohin si toksik.

Një arsye përse shumë intelektualë perëndimorë iu referuan luftës së Bosnjës për pavarësi me simpati të tillë – dhe panë luftën Kroate për pavarësi me aq ftohtësi – është pikërisht sepse synimi i një Bosnje multi-etnike dukej më i përshtatur me kohën.

Përkundrazi, synimi i shumë kroatëve, krijimi i një shteti të stilit të vjetër etnik, nuk ishte.

Kur Less e quan Bosnjën një dështim, ai jo vetëm kritikon një vend Ballkanas, ai sulmon një ide shumë të mbështetur që shumë njerëz janë të dëshpëruar ta ruajnë.

Megjithatë, thjesht se diagnoza e tij i bën njerëzit të mos ndihen mirë nuk do të thotë se ka arsye për ta hedhur atë poshtë.

Mostar. Bosnje-Hercegovinë. Foto: Pixaby.

Është e vështirë të shpërfillet fakti se boshnjakët – vazhdimisht – kanë votuar për të njëjtat parti të vjetra nacionaliste, jo për alternativat që supozohen si civile, joetnike.

Për sa kohë mund të përshkruhet kjo si neo-Marksiste si rezultat i ndërgjegjes së rreme dhe iluzionit masiv? Për sa kohë mund të vazhdojmë ta quajmë këtë rezultat të “manipulimit”?

Ndoshta është koha të pranojmë se këto janë politika, rregulla dhe politikanë që shumica e njerëzve në Bosnje duan, jo se ata janë manipuluar për t’i përqafuar.

Këtu unë – personalisht – do të ndahesha nga Less jo në diagnozën e tij për situatën në Bosnje, por me zgjidhjen e tij.

Less mund të ketë zemëruar perëndimorët liberalë me idenë e tij për shtetet etnike, por ai është shumë pjesë e rrymës tradicionale që medojnë se çdo problem ka një zgjidhje.

E vetmja diferencë e vërtetë midis Less dhe kritikëve të tij është se ata mendojnë se problemet e Bosnjës mund të kurohen nga një aspirinë metaforike, ndërsa ai do të ndërmarrë një operacion radikal dhe një gjymtim.

Por ka edhe një altervativë tjetër, që është të pranohet se disa sëmundje kronike mund të tolerohen në vend që të kurohen nga metoda akoma më drastike. Në fjalë të tjera, dështim ose jo, Bosnja duhet lënë ashtu siç është, jo të rikonfigurohet – akoma jo – nga të jashtëm dashamirës.

“Dështimi” i Bosnjës në çdo rast është shumë relativ. Nuk është një shtet plotësisht i dështuar, në mjerim dhe me shifra të mëdha emigrantësh apo terrorizëm.

Ekonomia e vendit është në gjendje më të mirë sesa politika e tij. Këtë vit parashikimi i normës së zhvillimit është mbi mesataren e BE-së. Turizmi po lulëzon. Krimi është i ulët. Kantoni i Sarajevës, njësia më e populluar në qeverisjen lokale pa vetëm katër vrasje në 2015. Çikago pa 468.

Bosnja jo vetëm që nuk dëmton fqinjët e saj, por thjesht duke ekzistuar, i shërben të gjithë rajonit duke mbajtur larg dy protagonistë historikë, Serbinë dhe Kroacinë.

Sa për zhbërjen e Bosnjes dhe rikonfigurimin e kufijve të saj në linja etnike, kjo nuk do të ishte një çështje vendore.

Një zhvillim i tillë dramatik do të shkaktonte valë tronditjeje në të gjithë Europën. Hera e fundit kur Europa Perëndimore pa krijimin e kufijve të rinj ishte në 1922, kur lindi Shteti i Lirë Irlandez.

Hera e fundit kur kufijtë u ndryshuan në Europën Lindore ishte pas kataklizmit të Luftës së Dytë Botërore në 1945.

Është e vërtetë se lindën shtete të reja në Europën Lindore në vitet 1990 si rezultat i kolapsit të Bashkimit Sovjetik, Jugosllavisë dhe Çekosllovakisë.

Por kufijtë në këto shtete të reja të gjitha ndjekin kufij të vjetër të brendshëm të entiteteve ekzistuese. Ato janë kufij të ri ndërkombëtarë – por jo kufij të rinj në vetvete. Kufijtë e Letonisë moderne ndoqën shembujt e kufijve të vjetër të Letonisë Sovjetike dhe kështu me radhë.

Europa mbetet shumë këmbëngulëse ndaj idesë që kufijtë të ribëhen për të reflektuar parime etnike, që është një nga arsyet përse aneksimi i Krimesë nga Rusia shihet kaq ofensiv.

Duke gjithashtu si shumë e papërfytyrueshme që fuqi të mëdha në Europë të lejojnë lënien mënjanë të këtij parimi tani, thjesht prej serbëve dhe kroatëve të pakënaqur në Bosnje.

Pakënaqësia e tyre e dukshme, e njohur dhe mund të mbajë Bosnjen në tension për vitet e ardhshme – por atyre me gjasa do t’u duhet ta pranojnë atë gjithsesi.

Opinionet e shprehura në këtë rubrikë janë të autorëve dhe nuk reflektojnë domosdoshmërisht pikëpamjet e BIRN.

Një gjest i disa rekrutëve ushtarakë ka shkaktuar reagime të forta në Greqi. Siç shihet në foto, janë disa ushtarë të rinj që kanë bërë simbolin e shqiponjës.

Kjo foto është botuar në disa prej mediave greke dhe pas “stuhisë” së krijuar, ka reaguar edhe Shtabi i Përgjithshëm i ushtrisë greke.

Në një reagim të sotëm, autoritetet greke njoftojnë se janë identifikuar personat në foto. Ata janë rekrutuar javën e kaluar dhe po kryejnë shërbimin e detyrueshëm ushtarak në Messolongi të Greqisë.

Djemtë në foto me siguri janë shqiptarë dhe sipas kushtetutës së Greqisë shërbimi ushtarak është i detyrueshëm për të gjithë ata që marrin pasaportën greke, përcjell syri.

Situata në rajonin e Ballkanit sa vjen edhe përkeqësohet. Teksa ditët e fundit është vënë re një përplasje e fortë mes Serbisë dhe Kosovës, duket se në lëvizje janë vënë dhe amerikanët.

Pak kohë më parë, ishte ministrja shqiptare Mimi Kodheli ajo që deklaroi në Komisionin e Sigurisë se Shqipërisë do i dhurohen 250 autoblinda nga Ushtria Amerikane. Kjo deklaratë e saj ka bërë bujë në mediat greke, të cilat e kanë lidhur çështjen me situatën në Mitrovicë.

Një sërë portalesh greke kanë shkruar se dhurimi i 250 automjeteve të blinduara është një përgjigje ndaj agresionit rus.

“SHBA do dërgojnë në Shqipëri 70 autoblinda në misionin e parë, ndërsa 180 të tjera do dërgohen në një tjetër mision, duke e çuar në 250 numrin e pajisjeve për ushtrinë shqiptare. Kjo është një lëvizje shumë e qartë e Washingtonit lidhur me atë që po ndodh mes Kosovës dhe Serbisë”, shkruan portali Pentapostagma, transmeton “Tema”.

Sipas këtij portali, treni serb që tentoi të hyjë në Kosovë po sjell një klimë të re tensioni në Ballkan. Më tej thuhet se SHBA dhe Rusia po e zhvendosin hegjemoninë e përplasjeve në “rajonin tonë”.

Portali shkruan se armatime do të dhurohen dhe nga Turqia, pasi ka një marrëveshje mes vendeve. Sipas portalit, pritet që në përplasjen ruso-amerikane në Ballkan të ndërhyjë dhe Ankaraja.

Ky portal shkruan se kjo do të jetë rrezik për Greqinë.

“Ushtria shqiptare ka një kontratë me vlerë 10 milionë euro me Turqinë për furnizim me armë, tipi i të cilave ende i panjohur. Pra, siç duket situata në Ballkan po ndryshon. Një luftë e mundshme shqiptaro-serbe do të sjellë një sërë reaksionesh zinxhir, ku pritet që të ndërhyjë dhe Turqia, me pretekstin se do të mbrohen pakicat myslimane”, shkruan ky portal.

Jehonë marrjes sa makinave i kane bere dhe nga një sërë portalesh të tjera, të cilat kanë ngritur shqetësimin se tensionet ruso-amerikane po zhvendosen në vendin tonë.

Reagimi i mediave greke ka marr shkas nga një deklaratë e dhënë nga ministrja e Kodheli. Në një intervistë televizive ajo dha detaje për mbërritjen e makinave të blinduara nga SHBA. Ajo u shpreh se ato do të dhurohen në kuadër të bashkëpunimit në NATO.

“Ne i kemi ndihmuar aleatët dhe ata na ndihmojnë ne sot. Qeveria italiane dhuron pesëmijë pushkë automatike të reja dhe me këtë mbyllim kërkesën e të gjithë forcave të armatosura me vlerë 10 milionë euro. Po ashtu dhe në vlerën e rreth 12 milionë euro do të vinë nga SHBA mjete transporte të blinduara. 25 milionë euro nuk do të paguhen nga taksat e taksapaguesve, por do të vijnë si donacione nga aleatët”, tha ajo.

Pak kohë më parë në Shqipëri mbërriti dhe vetë kreu i CIA-s, vizita e të cilit u tha se kishte të bënte pikërisht me avancimin e Rusisë në Ballkan. Sipas mediave greke, Rusia ka dhuruar mjete dhe armatime për ushtrinë serbe dhe SHBA ka nisur që të kundërpërgjigjet.

Të martën në mbrëmje, pritet vazhdimi i dialogut në mes të Kosovës dhe Serbisë në Bruksel nën drejtimin e përfaqësueses së lartë të BE-së, Federica Mogherini.

Kryeministri i Serbisë, Aleksandër Vuçiçi, ka bërë me dije se Serbia në këtë takim do të përfaqësohet nga presidenti serb, Tomisllav Nikoliçi, ndërsa ka theksuar se edhe nga pala shqiptare pritet të ketë përfaqësim të nivelit të lartë, raporton FoNet.

“Mendoj se do të ketë mirëkuptim që të mos dërgohen më armë në zonat e banuara me serbë për të treguar muskujt. Për Serbinë, më e rëndësishmja është që t’i shmanget provokimeve”, ka thënë Vuçiq në një konferencë për media, transmeton Koha.net.

Gjatë këtij muaji, Serbia nisi një tren të mbushur me mbishkrime nacionaliste serbe nga stacioni qendror i Beogradit për në veri të Mitrovicës, por i cili u ndalua në Rashkë dhe u kthye mbrapsht për në Beograd. Liderët shtetërorë të Kosovës kanë thënë se vendimi për ndalim të hyrjes së këtij treni është marrë nga institucionet e Kosovës, kurse kryeministri serb, Aleksandër Vuçiq, menjëherë pas ndalimit të hyrjes, mbajti një konferencë për media ku tha se vendimi për të mos lejuar kalimin e tij në Kosovë është marrë nga pala serbe, për të, siç tha ai, “shpëtuar jetë njerëzish”.

Policia e Kosovës kishte dërguar njësitet e saja speciale në kufi me Serbinë, përkatësisht në Jarinjë, për të penguar hyrjen e këtij treni, i cili në pjesën e jashtme kishte të shkruar me shkronja të mëdha dhe në disa gjuhë “Kosova është Serbi”, ndërsa në brendësi ishte i brenduar me ikonografi ortodokse.

Me rastin e vendimit të administratës së SHBA-ve që është në largim që të vendos sanksione kundër tij, Dodik në Banja Llukë tha se është me rëndësi që këto nuk janë sanksione ndaj RS-së

BANJA LLUKË – Presidenti i Republikës Sërpska (RS), Milorad Dodik, sot deklaroi se kërkon nga Igor Cërnadak, ministri i Punëve të Jashtme të Bosnjë e Hercegovinës (BeH), që të shpallë si të padëshirueshme ambasadoren amerikane në BeH, Maureen Cormack, ndërsa nëse nuk vjen deri te kjo, nga BeH-ja ta tërheqë administrata e re e SHBA-ve dhe penalisht ta ndjekë.

Me rastin e vendimit të administratës së SHBA-ve që është në largim që të vendos sanksione kundër tij, Dodik në Banja Llukë theksoi se është me rëndësi që këto nuk janë sanksione ndaj RS-së.

“Ndihem krenar dhe këtë nuk e përjetoj si dënim meqë kjo është dëshmi se nuk kam qenë i gatshëm që të tregtojë me interesat e RS-së në asnjë moment kur këtë e prisnin nga unë ambasadorë të ndryshëm, e veçmas ambasadorja në largim, Cormack”, tha Dodik.

Sipas tij, vendimi është i konsumuar, sepse, siç tha ata që e kanë sjell e dinë shmë mirë se ai nuk ka kurrfarë prone, as llogarie në SHBA, dhe në bazë të kësaj nuk kanë çfarë të bllokojnë.

Voal.ch duke iu referuar B92 shkruan se Presidenti i Serbisë Nikoliç priti të martën në Beograd Ambasadorin SHBA në Serbi Kyle Scott dhe i tha se atij se “Ju keni krijuar shumë probleme”.

Nikolic i tha Ambasadorit Amerikan se “e kupton mbështetjen pa kushte, krijimi i së cilës është bërë drejtë për drejtë nën influencën e SHBA dhe se Uashingtoni “ka shkaktuar shumë probleme duke ushtruar vullnetin e vet.”

Presidenti shprehu gjithashtu shpresën se një sjellje e tillë do të ndalet me ardhjen në krye të administratës të re të SHBA.

Deklarata nga zyra e tij e citon Nikoliqin të ketë thënë se “bashkëpunimi bilateral midis dy vendeve është në rrugën drejt rimëkëmbjes”, dhe se ai pret që marrëdhëniet Serbi-SHBA të marrin “një kontekst të ri me ardhjen e administratës të re të SHBA.“

Voal.ch shkruan se Shtetet e Bashkuara të Amerikës kanë vendosur sanksione mbi Milorad Dodik, kryetar i Republikës Serbska (RS), entiteti serb në Bosnjë-Hercegovinë.

Kjo u raportua të martën nga gazeta me bazë në Beograd Blic.

Sanksionet përfshijnë ndalimin e udhëtimit të Dodik në SHBA dhe ngrirjen e aseteve Dodik në atë vend si dhe në të gjitha vendet e tjera që do të bashkohen këto masa, tha e përditshmja serbe Blic.

Voal.ch shkruan se sipas B92, zëvendëskryeministrja e Serbisë Zorana Mihajlovic njoftoi të martën se “pret që zyrtarët e lartë të shtetit të reagojnë me qetësi dhe me mençuri ndaj provokimeve të Prishtinës.”

Kjo ministre e kabinetit nga radhët e partisë në pushtet SNS, e cila shërben gjithashtu si një prej zëvendësave të kryeministrit Aleksandar Vucic, lëshoi ​​një deklaratë “drejtuar presidentit Tomisllav Nikoliq,” duke nënvizuar se ishte “një reagim i fuqishëm, me fjalë” për presidentin “sepse ai sulmoi qeverinë serbe.”

“Unë nuk pres që presidenti Nikolic t’i bëjë thirrje qeverisë për të kërkuar kthimin e ushtrisë serbe në Kosovë. Sepse unë jam e bindur se presidenti e di shumë mirë se përse ushtarët tanë nuk janë në Kosovë”, ka shkruar ajo .

Mihajlovic “nuk pret nga presidenti serb” që të thotë se ” qeveria do të heshtë për vrasjen e mundshme të serbëve në Kosovë dhe të kërcënojë se do të japë dorëheqjen për shkak të kësaj, disa muaj para zgjedhjeve.”

“Unë pres që të gjithë politikanët në Serbi, sidomos zyrtarët e lartë të shtetit, për të reaguar me qetësi dhe me mençuri ndaj provokimeve Prishtinës. Unë pres që ata të mos përdorin serbët e Kosovës në fushatat e tyre elektorale dhe për të kontribuar në qetësimin e tensioneve me deklaratat e tyre, në vend të thirrjeve për konflikte të reja”, ka shkruar ajo.

Mihajlovic pastaj theksoi se “pret që politikanët në Serbi të sillen pikërisht si kryeministri Aleksandar Vucic ndaj provokimeve të shqiptarëve, gjë që përfaqësuesja e lartë e BE-së Federica Mogherini e ka falenderuar atë për qendrimin e tij.”

Sipas kësaj anëtareje të kabinetit, qeveria është “duke bërë çdo gjë për të ruajtur paqen dhe stabilitetin dhe do të bëjë gjithçka për të ruajtur sigurinë e qytetarëve të saj në Kosovë për të parandaluar çdo lloj konflikti.”

“Jam i bindur se Presidenti Tomislav Nikolic e di këtë shumë mirë”, ka thënë Mihajloviq.

Edhe shtypi serb ka reaguar ashpër ndaj deklaratave të Presidentit të Serbisë për kthimin e ushtrisë serbe në Kosovë me kryetituj ku i kërkohet që të shkojë ai vetë të luftojë e t’i lejë serbët të qetë.

Tensionet janë ngritur pas inagurimit të hekurudhës Beograd-Mitrovicë, ku në vend të një treni të zakonshëm, në Mitrovicë u dërgua një tren ku shkruhej në 21 gjuhë se Kosova është Serbi, që tingëlloi një provokim i madh për shqiptarët, të cilët e kthyen mbrapsht trenin.

Voal.ch shkruan se shtypi në Serbi nuk i ka pritur aspak mirë kërcënimet e Presidentit të Serbisë Tomisllav Nikoliç për të sulmuar Kosovën, me rastin e kthimit mbrapsht të trenit që vinte nga Serbia për në Mitrovicë  ku mbi të ishte shkruar në 21 gjuhë të botës se “Kosova është Serbi”.

Blic-i i Beogradit që në titull të faqes të parë i bën thirrje Nikoliçit që t’i lejë rehat serbët dhe nëse kërkon luftë le të shkojë vetë në luftë.

“Shko vetë në luftë, ne na le të qetë!” Është titulli i faqes të parë i Blic-ut të Beogradit botuar ditën e sotme më 17 janar 2017.

Edhe ditën e djeshme po Blic-u i Beogradit i kundërvihej deklaratave gjaknxehta të Nikoliçit që në kryetitullin e faqes të parë: “Vetëm luftë të mos ketë! Na duhet një kokë e qetë, se vetëm një shkëndijë mund të shkaktojë katastrofën!”

Blici i djeshëm i Beogradit

Jelena Miliq, drejtoresha e Qendrës për Studime Euroatlantike ka lëshuar studion gjatë debatit me kryeministrin serb, Aleksandër Vuçiq që po mbahej në televizionin “Pink”, transmeton .

Miliq, e ka lëshuar studion pasi që kryeministri serb, Vuçiq,  i ka thënë se ajo po flet kundër interesave të Serbisë.

Ky reagim i kryeministrit Vuçiq, ka ardhur pasi që Miliq, në një emision tjetër i kishte thënë Vedrana Rudan opinioniste nacionaliste, se, “A e din që ekzistojnë varreza masive të shqiptarëve në Serbi”.

Miliq po ashtu i kishte thënë Vedrana Rudan se, serbët kanë ushtruar gjenocid ndaj shqiptarëve.

Vlen të theksohet se Vedrana Rudan me prejardhje është kroate mirëpo, është e martuar me serb.

Kjo deklaratë e Miliqit dhënë në emisionin “Ćirilica”, ka bërë që në emisionin që po transmetohej në televizionin “Pink”, ku i pranishëm ishte edhe Vuçiq, të mos i pëlqenin deklaratat e saj, për shkak se ajo kishte thënë një gjë që tashmë dihet botërisht.

Mirëpo, ky fakt nuk i kishte pëlqyer Aleksandër Vuçiqit duke i thënë se ajo po flet kundër interesave të Serbisë dhe kjo ka bërë që Miliq ta lëshoj studion e debatit. /Zëri.info/

Përdoruesit e rrjeteve sociale kanë publikuar komente dhe imazhe nga më të ndryshmet rreth tentativës serbe për futjen e trenit në territorin e Kosovës.

Treni, i cili planifikohej të riniste linjën Beograd-Mitrovicë, ka arritur vetëm deri në Rashkë dhe është kthyer prapa për në Beograd.

Nga jashtë, treni, të cilit iu ndalua hyrja në Kosovë, kishte slogane serbomadhe mes të cilëve edhe “Kosova është Serbi”. Ndërsa brendësia e tij ishte e dekoruar me afreske nga manastiret ortodokse që ndodhen në Kosovë.

Kryeministri serb, Aleksandar Vuçiq, ka thënë se ishte ai që e vendosi ta ndalte trenin, në mënyrë që të mbroheshin jetët e njerëzve dhe të pengohej ndonjë konflikt më i gjerë.

Sidoqoftë, përdoruesit e rrjeteve sociale kanë reaguar përmes komenteve dhe fotografive satirike për t’i ulur paksa tensionet.

“Linja e radhës që do ta hapim është Serbia deri në Tokio”, ishte një nga komentet.

Një përdorues i Twitterit e ka shkruar se Bosnja e Hercegovina do të nisë një tren special në linjat Sarajevë-Zagreb dhe Sarajevë-Beograd, duke ia bashkëngjitur edhe një fotografi me një tren me mbishkrimin “Byreku është me mish” – transmeton Telegrafi.

“Arriti treni i Vuçiqit deri në Rashkë, ndërsa nga Rashka u kthye prapa!!!”, është përshkrimi i një tjetër fotografie.

Nuk ka munguar edhe krahasimi me filmat. “Na shpërtheu goma, duhet të hipim në tren”, ishte një përshkrim që shoqërohej me fotografi.

“Asgjë nëse Ivica nuk këndon në tren”, ishte komenti i radhës.

Krejt në rregull, po treni ku është se?!

“Kosova është Serbi vetëm në parashikimin e motit”, thotë një komentues tjetër.

Serbia paralajmëroi të dielën se “do të mbrojë çdo centimetër të territorit të saj”, përfshirë Kosovën, ku ajo thotë se serbët janë të rrezikuar nga shqiptarët.

Presidenti serb Tomislav Nikoliç e bëri paralajmërimin pas zhvillimeve të djeshme, kur një tren serb me mbishkrimin “Kosova është Serbi” u ndalua të hynte në Kosovë. Zoti Nikolic tha se “dje u gjendëm pranë përplasjeve”. Duke e shtuar tensionin, ai i akuzoi shqiptarët e Kosovës se janë duke provokuar luftë.

Kosova shpalli pavarësinë e saj nga Serbia në vitin 2008, por Serbia nuk e ka njohur dhe është përpjekur të ruajë ndikimin e saj në veri, ku është e përqëndruar pjesa më e madhe e pakicës serbe.

Institucionet e Kosovës nuk i kontrollojnë hekurudhat në veri të vendit.

Nisja e trenit, sipas autoriteteve të Beogradit, ishte një sprovë me synimin për vendosjen ne linjës së rregullt Beograd – Mitrovicë.

Treni sipas autoriteteve serbe u ndalua në Rashkë një komunë në Serbinë jugperëndimore.

Të shtunën në orët e mbrëmjes kryeministri serb Aleksandër Vuçiç tha se për në Mitrovicë ishte nisur një tren dhe jo një tank.

“Vendimi im ishte, dhe krenohem me të, që ta ndaloj trenin në Rashkë me qëllim të ruajtjes së lirisë së njerëzve tanë dhe të ruaj paqen e të shmang konfliktet”, tha kryeministri serb pas një takimi emergjent me shërbimet serbe të sigurimit.

Ai akuzoi Prishtinë për provokim ndërsa theksoi se është ankuar tek shefja e politikës së jashtme të Bashkimit Evropian Federica Mogherini dhe se do të njoftojë Rusinë, Kinën dhe Shtetet e Bashkuara për siç tha, faktin se Prishtina po luan “lojëra lufte”.

“U bëj thirrje serbëve që të ruajnë qetësinë dhe vërejtja ime e fundit për shqiptarët dhe edhe lutja për ta në Kosovë është që të mos tentojnë t’i sulmojnë serbët me armë, sepse Serbia nuk do ta lejojë një gjë të tillë”.

Kryeministri i Kosovës, Isa Mustafa, tha në orët e mbrëmjes së të shtunës se ndalimi i hyrjes së trenit ishte vendimi i duhur.

“Unë mendoj se kthimi prapa i këtij treni është veprim i duhur dhe hyrja e trenit në territorin e Republikës së pavarur të Kosovës nuk do të lejohej ose nëse rast se do të hynte, do të përballej në përputhje me ligjet e Kosovës. Jemi të përkushtuar që të mundësojmë lëvizjen e lirë, por nuk do të lejojmë provokime të tilla. Me këtë rast, më lejoni të theksoj vendosmërinë e Qeverisë së Kosovës, në bashkëpunim të plotë me presidentin dhe kryeparlamentarin, të angazhohemi për të mbrojtur sovranitetin e vendit”, tha kryeministri Mustafa në një konferencë me gazetarë.

“Nuk do të lejojmë provokime të tilla që kanë për qëllim kthimin e Kosovës dhe rajonit në vite të errëta dhe me pasoja të paparashikueshme”, tha mes tjerash ai duke nënvizuar se për të gjitha veprimet e sotme institucionet e Kosovës janë këshilluar edhe me misionet diplomatike në Kosovë.

Më herët gjatë ditës presidenti i Kosovës, Hashim Thaçi, tha se autoritetet e Kosovës duhet t’i ndërmarrin veprimet e nevojshme ligjore për ndaljen e menjëhershme të trenit.

“Kosova respekton lirinë e lëvizjes së njerëzve dhe mallrave. Por, hyrja e një treni të mbështjellë me afishe nacionaliste nga Serbia, të cilat janë në kundërshtim me Kushtetutën dhe ligjet e Kosovës, është krejtësisht e papranueshme. Për më tepër, në këtë tren ka udhëtarë dhe zyrtarë të lartë të Serbisë të cilët nuk kanë leje për të hyrë në Kosovë sipas procedurave në fuqi”, ka shkruar presidenti Thaçi.

Ambasadori amerikan në Prishtinë, Greg Delawie, shprehu të shtunën shqetësimin lidhur me zhvillimet rreth trenit.

“I brengosur për çështjen e trenit. Bëj thirrje për përmbajtje nga të gjitha palët. Kemi nevojë për normalizim, e jo për konfrontim”, ka shkruar ambasadori Delawie në rrjetin social Twitter.

Ndërtesa ushtarake është vendi i takimit të Këshillit të Sigurisë Kombëtare, mbledhjen e së të cilën e thirri për në orën 11:00 presidenti i Serbisë, Tomislav Nikoliq, raporton Fonet.

Mbledhja urgjente është thirrur pas situatës së krijuar me trenin “Kosova është Serbi”, një linjë direkte nga Beogradi në Mitrovicë që Serbia synonte ta promovonte, përcjell Koha.net. Ai u kthye mbrapsht mbrëmë, derisa institucionet e Kosovës ishin të vendosura për të mos e lënë që ai të hyjë në Kosovë.

Fonet ka treguar se treni, që Serbisë i ishte bërë dhuratë nga Rusia u kthye në Beograd rreth orës 4:00 të mëngjesit, pas një udhëtimi të gjatë se 19 orë.

Treni u nis nga Stacioni kryesor hekurudhor në Beograd për në Mitrovicë në orën 8.30, derisa u ndal rreth 16:30 në Rashkë, në stacionin e fundit para se të hynte në Kosovës, në pritje të urdhrit të kryeministrit Aleksandër Vuçiq për t’u kthyer mbrapsht.

Presidenti i Serbisë, Tomisllav Nikoliç, ka deklaruar sot se Serbia është e gatshme ta dërgoj ushtrinë e saj në Kosovë, nëse popullata serbe në Kosovë rrezikohet.

I pyetur se a është Serbia e gatshme që ta dërgoj ushtrinë në Kosovë, Nikollic tha se “nëse serbët vriten, po”.

Presidenti i Serbisë, këto komente i ka bërë pas takimit të Këshillit për siguri kombëtare, të mbajtur në selinë e Shtatmadhorisë së ushtrisë së Serbisë në Beograd, raporton agjencia Beta.

Ai është shprehur se dita e djeshme ka kaluar në teh të konfliktit dhe theksoi se dërgimi i njësiteve speciale të policisë së Kosovës në pjesën veriore të Kosovës, ku është pritur treni nga Beogradi, ishte shenjë se Prishtina dëshironte konflikt.

Nikollic ka vlerësuar se dërgimi i trenit, ku ishte mbishkrimi “Kosova është serbe”, nuk ishte provokim.

Pas “luftës” që i shpalli Kosova Serbisë duke dërguar forcat speciale në kufi, kryeministri i Serbisë, Aleksandër Vuçiç, përmes një konference të jashtëzakonshme për media, i është drejtuar gazetarëve në lidhje me çështjen e trenit serb të nisur për në Kosovë, duke i thënë se institucionet në Kosovë veçse i kanë nisur trupat policore në kufi, në Jarinje, të cilët, sipas tij, kanë pasur për detyrë që të arrestojnë “udhëtarët”.