ATHINË – Pas tensioneve të fundit midis Greqisë dhe Turqisë, kryeministri grek Alexis Tsipras dërgoi një mesazh të vendosur në Turqi duke paralajmëruar se megjithëse Greqia mirëpriti dhe kërkoi bashkëpunim, nuk do të largohej nga konfrontimi për të mbrojtur çdo pëllëmbë të territorit të saj sovran.

“Nuk do të pranojmë të negociojmë as për një centimetër të vetëm të vendit tonë. Ky vend është një vend ku ata që kanë jetuar gjatë shekujve dinë si ta mbrojnë atë”, shtoi ai.

Mbrëmë u raportua se dy avionë luftarakë turq “ngacmuan” helikopterin “Chinook” me të cilin udhëtonte kryeministri grek Aleksis Cipras, dhe shefi i Forcave të Armatosura Evangelos Apostolakis.

Siç shkruante “Ekathimerini”, ata ishin duke fluturuar nga ishulli Ro në Rodos të martën pasdite. Sipas medias greke, avionët luftarakë turq iu afruan helikopterit grek. Në këtë moment, avionëve luftarakë turq u është kërkuar të tërhiqen. Nisur nga situata, piloti njoftoi menjëherë kryeministrin grek dhe shefin e Forcave të Armatosura, të cilët kërkuan ndërhyrjen e autoriteteve përkatëse. Pas këtij veprimi avionët turq u tërhoqën.

Presidenti turk, Recep Tayyip Erdogan ka thënë se zgjedhjet në Turqi do të mbahen më 24 qershor, më shumë se një vit më herët se ishin planifikuar fillimisht.

Ai ka thënë se shteti ka nevojë urgjente për kalim në presidencë ekzekutive.

Sipas tij një ndryshim i tillë është i domosdoshëm për të ardhmen e shtetit.

Erdogan ka njoftuar për këtë vendim pasi ka biseduar me udhëheqësin e partisë nacionaliste, MHP, Devlet Bahceli.

“Ndonëse presidenti dhe Qeveria janë duke punuar për harmonizim, sëmundja e sistemit të vjetër po na konfronton në çdo hap”, ka thënë Erdogan në një fjalim televiziv.

“Zhvillimet në Siri dhe vende tjera e kanë bërë urgjente që të ndryshojmë sistemin ekzekutiv në mënyrë që të marrin vendime për të ardhme më të fuqishme të shtetit tonë. Ne kemi diskutuar thirrjen e Bahcelit me autoritetet relevante. Ne kemi ardhur në përfundim se duhet t’i konsiderojmë pozitive zgjedhjet e reja”.

Vitin e kaluar Erdogan ka fituar një referendum për të ndryshuar kushtetutën dhe për krijimin e presidencës ekzekutive.

Sidoqoftë këto ndryshime nuk janë të zbatueshme deri në mbajtjen e zgjedhjeve presidenciale.

Zgjedhjet parlamentare dhe ato presidenciale ishin caktuar fillimisht për nëntor të vitit të ardhshëm.

Ka nisur votimi në Mal të Zi për zgjedhjet presidenciale, ku në garë janë 7 kandidatë. Në sondazhet e bëra më parë doli se mbështetjen më të madhe e gëzon ish-kryeministri dhe ish-presidenti i vendit, Millo Gjukanoviç, i cili ka një mbështetje edhe nga qytetarët shqiptarë.

Të drejtë vote kanë 532 mijë e 599 qytetarë dhe ata do të mund të votojnë në 1 mijë e 214 vendvotime që do të jenë të hapura prej orës 07 deri në orën 20:00.

I pari në listë është kandidati i Malit të Zi të Vërtet, Marko Millaçiç, i dyti, Mlladen Bojaniç, kandidati i Frontit Demokratik, Demokratëve, Partisë Socialiste Popullore dhe Lëvizjes qytetare URA.

Kandidati i Partisë së Drejtësisë dhe pajtimit, Hazbija Kallaç është i treti në listë, kurse i katërti Vasilije Miliçkoviq, përfaqësues i grupit të zgjedhësve Aleancës Qytetare dhe Partisë së Pensionistëve, kurse i pesti është, Dobrillo Dedeiç, përfaqësues i koalicionit serb, raporton Express.

Në vendin e gjashtë të listës zgjedhore është kandidatja e Partisë Socialdemokratike, Draginja Vuksanoviç, kurse i shtati, kandidati i Partisë Demokratike të Socialistëve, Millo Gjukanoviç.

Ministri i Jashtëm serb, Ivica Daçiç, thotë se qëllimi i tij është që numri i vendeve që kanë njohur pavarësinë e Kosovës të reduktohet nën 100.

Në një intervistë për gazetën “Politika”, Daçiç tha se ka formuar një ekip njerëzish, i cili merret vetëm me çështjen e zvogëlimit të numrit të vendeve që kanë njohur Kosovën, duke theksuar se për të, ky është prioritet në aktivitetin politik të Serbisë.

I pyetur nëse ekzistojnë gjasat reale ta bëjë këtë, Daçiç tha se “garanton” diçka të tillë.
“I pari fillova të punoj në atë drejtim që vendet ta tërheqin njohjen … Njerëzit nga Fixhi nuk e kanë idenë se e kanë njohur Kosovën. Disa madje as nuk e kanë njohur, por ndodhen në listën që e ka ministria e jashtme e Kosovës”, tha Daçiç.

Ai shtoi se Ministria e Jashtme po punon për të reduktuar numrin e njohjeve, por edhe ministritë e tjera duhet t’i kushtojnë vëmendje kësaj çështje.

I pyetur nëse Kosova do të marrë një karrige në Kombet e Bashkuara, Daçiç tha se kjo “do të thotë që Serbia duhet t’i thotë Rusisë dhe Kinës që të mos luftojnë kundër hyrjes së Kosovës në OKB”.

“A mund të imagjinoni që unë ta bëj atë? T’i them Lavrovit dhe homologut tim kinez se unë deri tani jam tallur për këtë”, tha Daçiç, duke shtuar se për çështjen e Kosovës duhet të arrihet te një kompromis.

I pyetur nëse rezultati i këtij kompromisi mund të jetë që Kosova të marrë një karrige në OKB, Daçiç tha se kjo është e mundur, nëse pala serbe e pranon një gjë të tillë, por në asnjë mënyrë nuk mund të jetë ndryshe.

Duke komentuar rëndësinë e një marrëveshjeje të detyrueshme ligjore, Daçiç tha se askush nuk e di se çfarë përfaqëson ajo marrëveshje.

Lidhur me Asociacionin e Komunave Serbe, ministri tha se mendon se nuk ka asnjë person në Bashkimin Evropian, i cili arsyeton faktin se Prishtina nuk dëshiron të formojë Asociacionin.

Daçiq tha se “BE do të bëjë presion për formimin e Asociacionit, sepse kjo është premtuar”. Shefi i diplomacisë serbe tha se varet nga pala serbe nëse më 20 prill serbët e Kosovës do ta formojnë Asociacionin.

Kancelarja gjermane, Angela Merkel deklaroi se mirëpret takimin me presidentin e Serbisë, Aleksander Vuçiç, dhe shprehur bindjen se ky takim do t’i kontribuojë gjetjes së zgjidhjes për çështjen e Kosovës, pavarësisht sa e vështirë të jetë, transmeton Koha.net raportimin e mediave serbe. Po ashtu bëhet e ditur se Vuçiç, ka paralajmëruar se do të marrë vendime të dhimbshme dhe të rënda në të ardhmen, nëse Serbia dëshiron të jetë pjesë e Bashkimit Evropian.

Në një paraqitje të përbashkët kancelaria Merkel tha se për Gjermaninë në BE kanë rëndësi zhvillimet në Ballkanin Perëndimor, ndërsa paralajmëroi samitin e Sofjes në muajin maj, e më vonë edhe Konferencën e formatit të Berlinit në Londër. Ajo tha se Serbia ka rol kyç sa i përket Kosovës dhe Bosnjës e Hercegovinës dhe prandaj ka rëndësi të kemi shkëmbime intensive dhe të afërta. Po ashtu lavdëroi reformat e bëra në Serbi.

Vuçiç, ndërkaq, u shpreh se Serbia ndjek me kujdes dhe dëshiron të dëgjojë qëndrimet e Merkel.

Duke përmendur se vendi duhet të marrë vendime të dhimbshme dhe të rënda, ripërsëriti se çfarëdo konflikti në Ballkan do t’i kthente pas vendet tona për 100 vjet pas.

SREBRENICË – Në Srebrenicë të Bosnjë e Hercegovinës sot u shënua 25 vjetori i krimeve kundër civilëve boshnjakë, kur në këtë ditë në vitin 1993 nga katër predhat e shkrepura nga ushtria e Republikës Sërpska humbën jetën 74 dhe mbi 100 boshnjakë të tjerë u plagosën, të cilët në atë moment ishin në oborrin e shkollës fillore dhe të mesme.

Numri i përgjithshëm i viktimave të këtij krimi u rrit në 105, pasi disa prej tyre iu nënshtruan plagëve gjatë rrugës për në spital.

Fikret Ibrahimoviç në oborrin e shkollës humbi vajzën Fikreta ndërsa në korrik të vitit 1995 edhe dy djemtë e tij.

“Vajza ime ishte 18 vjeçe dhe e tëra ishte e gjymtuar nga predhat. Atë ditë vajza ime ishte në oborrin e shkollës si të gjithë të rinjtë, të etur për të qeshur dhe shoqëruar, ishin mbledhur aty që për një moment të harrojmë frikën dhe pasigurinë, por agresori nuk i la të qetë as aty”, dëshmon Ibrahimoviç.

Suljo Çakanoviç gjatë luftës në Srebrenicë ishte teknik medicinal dhe kujton atë ditë tmerri të 12 prillit 1993.

“Unë isha rreth 50 metra nga oborri i shkollës, kur dëgjova se predhat ishin shkrepur nga pozicionet serbe. As që mendova se do të binin pranë meje dhe nuk bëra panik e as nuk u frikësova sepse kjo ishte bërë përdishmëri e jetës time”, tha Çakanoviç, duke shtuar se:

“Nuk kisha nevojë për shumë kohë që ta marr veten dhe të kuptoj se viktimat janë njerëz dhe fëmijë që ishin afër meje. Nxitova të ndihmoj të plagosurit. Mirëpo, kur iu afrova oborrit të shkollës pash një masakër dhe mendova se këtu nuk ke si të ndihmosh, pasiqë shumë trupa ishin gjymtuar”, thotë Çakanoviç.

Hidajet Alagiç sot kishte ardhur në Srebrenicë për të përkujtuar vëllain që u vra më 12 prill të vitit 1993.

“Koha e atij 12 prilli ishte e ngjashme sikur sot, kishte shumë fëmijë këtu. Edhe vëllai im 19 vjeç ishte këtu”, tha Alagiç.

Në shënimin e përvjetorit të sotëm në Srebrenicë të pranishëm ishin pjesëtarët e mbijetuar të familjeve të viktimave, zyrtarët fetarë, përfaqësues të shoqatave dhe përfaqësues politikë. Ndër të tjerët, e pranishme ishte dhe Melika Mahmutbegoviç, zv/kryetare e Federatës së BeH, Ramiz Salkiç, zv/kryetari i RS, Xhevad Mahmutoviç, i dërguar i anëtarit të Presidencës së BeH-së, Bakir Izetbegoviç, përfaqësues të Qeverisë të Kantonit të Tuzllës, Kantonit Bosansko-Podrinje, Gorazhë, Gratë në të Zeza nga Beogradi dhe të tjerë.

Melika Mahmutbegoviç, nënkryetare e Federatës së BeH-së tha se përgjegjësit për krimin në oborrin e shkollës në Srebrenicë duhet të dënohen.

“Boshnjakët si popull evropian në fund të shekullit të 20-të përjetuan një gjenocid. Ne e mbajmë dhimbjen tonë në mënyrë dinjitoze, por presim drejtësi për etërit, vëllezërit dhe motrat tona. Krimi ka emër dhe mbiemër, krimi ka dhe kriminelin. Në duhet të shikojmë të ardhmen dhe ta ndërtojmë mbi të vërtetën”, tha Mahmutbegoviç.

Ramiz Salkiç, zv/kryetar i Republikës Sërbska, në fjalën e tij tha se të gjithë janë të detyruar të vijnë në vendet e përkujtimit dhe t’i shënojnë ato.

“Disa thonë se duhet të ndalojmë të flasim për të kaluarën dhe t’i kthehemi të ardhmes. Të gjithë ne jemi për bashkëjetesë, por edhe të tjerët duhet të jenë për bashkëjetesë. Përgjegjësit për krimet e luftës duhet të dënohen”, tha Salkiç.

Nga vendi i krimit, të mbijetuarit sot, ashtu si edhe në vitet e mëparshme, porositën se krimet nuk guxojnë të mbeten pa u ndëshkuar dhe se Prokuroria e BeH-së duhet të hetojë krimet në mënyrë që të ndëshkojë autorët e krimit, pasi askush nuk ka dhënë llogari për krimet deri tani. aa

Një avion i flotës ushtarake ajrore të Greqisë është rrëzuar mesditën e së enjtes pranë ishullit Skyros të detit Egje.

Bëhet fjalë për një avion të tipit “Mirazh 2000-5”, i cili kthehej nga një proces interceptimi të disa avionëve turq që kishin shkelur zonën ajrore të Greqisë.

Ai bënte pjesë në një skuadrilje me një avion tjetër të të njëjtit tip, piloti i të cilit kur është ulur në aeroportin e ishullit ka raportuar se një minutë më parë kishte humbur nga kontakti pamor shokun e tij të skuadrës, që ndodhej para tij.

Menjëherë ka filluar një operacion i forcave të Marinës greke, me një frigatë dhe disa helikopterë, i cili është në zhvillim, për të zbuluar vendin ku mund të jetë rrëzuar avioni, që sipas informacioneve të para ndodhet vetëm 9 milje detare nga ishulli Skyros, gjithashtu edhe për të gjetur pilotin, nëse ky i fundit ka mundur të shfrytëzojë mekanizmin e hedhjes së sediljes fluturuese me parashutë, që përdoret në raste rreziku.

Rrëzimi i avionit ushtarak ndodh në një moment kur tensioni midis Turqisë dhe Greqisë është në pikën kulmore, ndërsa çdo ditë avionë ushtarakë grekë ndjekin dhe interceptojnë avionët turq mbi Egje.

Një avion i të njëjtit tip është rrezuar edhe 7 vite më parë në Egjeun Lindor, ndërsa në gusht të vitit 2014, flota ushtarake greke ka humbur edhe një avion të tipit “A-7 Corsair”, bombardues i lartësive të ulëta.

Zëvendësministri i Punëve të Jashtme i Rusisë Aleksandër Grushko dhe drejtori i Zyrës për Kosovën në Qeverinë e Serbisë Marko Gjuriç sot në Moskë kanë konfirmuar afrimin e Serbisë me Rusinë për çështje të pazgjidhura të Kosovës.

Gjatë këtij takimi, ata kanë thënë se zgjidhja duhet të bazohet në Rezolutën 1244 të KS të KB-së. Pala ruse, siç njofton RTS, ka shprehur gatishmërinë që partnerëve serbë t’iu ofrojë ndihmë në mbrojtjen e të drejtave dhe interesave të Serbisë në Kosovë.

Sipas Express, pas takimit Gjuriç ka thënë se ka marrë përkrahje vëllazërore e miqësore për politikën e jashtme e të brendshme të Serbisë si dhe për çështjen e Kosovës.

Gjykata e Hagës ka shpallur fajtor liderin e radikalëve serbë Vojisllav Sheshel, duke e dënuar me 10 vite burg. Pavarësisht masës që dha gjykata, Sheshel nuk do ta vuajë dënimin me burg, pasi ai këtë e ka kryer gjatë kohës që ka qëndruar në paraburgim, për një periudhë 11.5 vitesh.

Trupi gjykues i Hagës liroi Sheshelin më 31 mars të vitit 2016 nga dhjetë pikat e aktakuzës që rëndonin mbi të përfshirë krime kundër njerëzimit, thyerja e rregullave të luftës, për gjuhë të urrejtjes, deportim dhe krime tjera kundër kroatëve dhe myslimanëve në Kroaci, Bosnje dhe Vojvodinë.

Trupi gjykues është ankuar dhe ka kërkuar dënimin prej 28 viteve burgim apo përsëritjen e gjykimit.

Ministri i Jashtëm grek, Nikos Kotzias, dhe ministri i Jashtëm serb, Ivica Daçiç. Beograd, 11 prill, 2018

Ministri i Jashtëm i Greqisë, Nikos Kotzias, tha të mërkurën në Beograd se vendi i tij nuk do ta njohë pavarësinë e Kosovës, ndërsa sqaroi se zyra tregtare e Kosovës në Athinë nuk do të jetë përfaqësi diplomatike.

“Qysh në vitin 2011 dhe 2014, në kohën e qeverisë së atëhershme, është rënë dakord të hapet zyra tregtare e Kosovës. Zyra tregtare në Athinë, kur të hapet, nuk do të jetë përfaqësim diplomatik i Kosovës. Kjo nuk është rënë dakord dhe nuk është paraparë”, tha Kotzias për gazetarët në Qeverinë e Serbisë, pas takimit me homologun serb, Ivica Daçiq.

Ky i fundit, siç transmeton Shërbimi i Ballkanit i Radios Evropa e Lirë, e falënderoi ministrin grek për, siç tha, mbështetjen që i jep vendi i tij integritetit territorial të Serbisë.

Greqia, së bashku me Spanjën, Qipron, Sllovakinë dhe Rumaninë, janë pesë vendet e Bashkimit Evropian që nuk e njohin ende pavarësinë e Kosovës, edhe dhjetë vjet pas shpalljes së saj.

Një aeroplan ushtarak serb është rrëzuar mëngjesin e sotëm te qyteti Kovaçica, me ç’rast njëri pilot ka humbur jetën, ndërsa tjetri është në gjendje të rëndë, njoftuan mediet serbe

Siç transmeton Gazeta Express, bëhet fjalë për aeroplan shkollor për stërvitje të pilotëve të tipit “Supergaleb G-4”.

Portali Blic raportoi se dy pilotët janë katapultuar nga aeroplani, por njëri ka humbur jetën, ndërsa tjetri, në gjendje të rëndë, është dërguar në Spitalin Ushtarak (VMA) në Beograd.

Aksidenti ka ndodhur rreth orës 09:30 në afërsi të daljes nga Kovaçica, qytezë kjo në Banat të Vojvodinës, rreth 55 kilometra larg Beogradit.

“Isha në shtëpi kur u dëgjua se si pushoi së punuari motori i aeroplanit dhe pashë se dy pilotë u katapultuan. Në vend mund të shihet edhe një krater”, ka deklaruar një banor vendas.

Ndihma e shpejtë është në vendngjarje, ndërsa nga VMA janë dërguar helikopterë në drejtim të Kovaçicës.

Politikani nacionalist serb, Vojsllav Sheshel, do të mësojë sot nëse gjykata e Kombeve të Bashkuara do të mbështesë një apel kundër shfajësimit të tij për akuzat për krime lufte dhe krime kundër njerëzimit.

Sheshel akuzohet se ka kryer krime kundër joserbëve në Kroaci, në rajonin serb të Vojvodinës dhe në Bosnje dhe Hercegovinë, gjatë luftërave në Ballkan, që çuan në shpërbërjen e Yugosllavisë në vitet e 90-a. Në këto luftëra u vranë afro 130 mijë njerëz.

Sheshel akuzohet po ashtu për persektuim në bazë të prirjeve politike, fetare dhe racore, për deportim, vrasje dhe torturë.

Shesh, 63-vjeç, i mohon këto akuzat.

Ai kishte refuzuar që të marrë pjesë në seancën dëgjimore në Tribunalin e Hagës në dhjetor të vitit të kaluar.

Prokurorët e OKB-së kanë kërkuar nga gjykata që ta gjejë fajtor Sheshelin për tri akuza për krime kundër njerëzimit dhe për gjashtë akuza për shkelje të ligjeve dhe zakoneve të luftës dhe ta dënojnë atë me 28 vjet burg, ose të urdhërojnë rigjykim.

Një një vendim kundërthënës në mars të vitit 2016, gjykatësit e Tribunalit Ndërkombëtar për Krime në ish-Jugosllavi liruan Sheshin nga të gjitha akuzat.

Paneli i prokurorëve është thënë se “ka dështuar të ofrojnë prova” që do të dëshmonin se Sheshel ka qenë përgjegjës për krimet që është akuzuar.

Prokurorët kanë apeluar këtë vendim, duke thënë se gjykatësit kanë injoruar dëshmitë e ofruara.

Tensione te forta mes Greqise dhe Turqise. Mediat greke shkruajne sot se nje helikopteri turk “iu afrua” ishullit Ro ne nje lartesi me pak se 100 meter. Pas kesaj, ushtria greke ka reaguar me arme, duke shtene disa here ne ajer.

Garnizoni ushtarak grek u përgjigj me rreth 20 te shtena paralajmëruese dhe vetem pas kesaj helikopteri u kthye nga erdhi.

Sipas reportazhit të ERT, është një helikopter i rojes bregdetare turke i cili kishte fikur dritat dhe fluturoi fare ngjitur me ishullin.

Qendra Kombëtare e Ministrisë së Mbrojtjes ka shqyrtuar imazhet e marra nga ngjarja ne fjale, duke e quajtur kete nje sfide te re nga ana e Turqise.

Kujtojme se tensione te tilla mes dy vendeve kane ardhur duke u shtuar se fundi. Ne muajin shkurtin, roja bregdetare turke goditi një anije të rojes bregdetare greke në juglindje të Egjeut.

Presidenti i Serbisë Aleksandër Vuçiçi ka reaguar pas deklaratave të Presidentit Hashim Thaçi në përvjetorin e Betejës së Koshares. Pak më parë, para Presidentit serb ka reaguar edhe vartësi i tij Marko Gjuriq.

“Nuk dua të merrem me pushka dhe armë si Thaçi, ai le ta bëjë këtë. Por pushkët e tij nuk e shkatërruan serbin po disa aeroplanë. E jona është që të bëjmë politikë të paqes“ ka deklaruar Vuçiq gjatë një vizite në Mostar.

Ai ka thënë se deklarata e Thaçit duhet të shikohet me kujdes ku ai thotë se para 19 vjetësh përgjithmonë është hequr kufiri shqiptaro-shqiptar, transmeton Gazeta Express.

„Duhet ti pyesim disa nga bashkësia ndërkombëtare se çka mendojnë për këtë edhe a është sulmuar më 1999 Serbia pikërisht për këtë“ ka thënë Vuçiq.

Ministri serb i Mbrojtjes, Aleksandër Vulin, thotë se “Serbia është në një pozitë të vështirë, e përballur me forcën e fuqive të cilat, sipas tij, nga Serbia po kërkojnë të justifikojë shkeljen e të drejtës ndërkombëtare dhe të dhunës që po zbatohet”.  Vulin tha se ai mund të hyjë e të dalë nga Kosova sa herë të dojë.

Vulin thekson se në krye të Serbisë, pas një kohe të gjatë, është Presidenti që ka guximin për të përballet me ata që janë më fuqishëm se ai dhe t’ju rezistojë të gjitha presioneve.

“Vuçiq do t’ia dalë”,  tha Vulin në një intervistë për “Kurir”, duke  u përgjigjur në pyetjen se në çfarë gjendje të vështirë është Serbia aktualisht, kur bëhet fjalë për Kosovën dhe nëse ai  do të jetë në gjendje të nxjerr maksimumin.

Ministri tha se është shumë vështirë të flitet për normalizimin e marrëdhënieve me Prishtinën, “ me ata që përdorin dhunë dhe nuk e mbajnë fjalën”

“Ata po gënjejnë, kërcënojnë dhe shantazhojnë, por kjo nuk është çështje e zgjedhjes, por e asaj që duhet të bëhet për popullin dhe vendin tonë”, tha Vulin, duke folur në lidhje me normalizimin e marrëdhënieve me Prishtinën.

Ai ka vlerësuar se “arrestimi i Marko Gjuriqit ishte i planifikuar dhe ishte sulm ndaj Gjuriqit dhe ndaj veriut të Kosovës, një përpjekje e dështuar për të frikësuar dhe dëbuar serbët”.

I pyetur nëse ai së shpejti do të shkojë në Kosovë, Vulin tha se tha se do të donte të shkojë, pasi thotë se mund të hyjë e të dalë nga Kosova se herë të dojë dhe kudo që është e nevojshme.

“Por tani është çështje e vlerësimit tonë politik, jo e forcës së Prishtinës. Ata më arrestuan edhe mua më herët, por nuk ia dolëm të ndalnin punën time as politikën tonë”, tha Vulin.

Ministri i jashtëm serb Ivica Daçiç ka thënë se Prishtina, sikur të bisedohej me të pa mentorët e saj, do ta pranonte propozimin e ndarjes së Kosovës.

“Nëse do të bisedonim hapur për ndarjen e Kosovës, pa mentorë, Prishtina do të nisej nga interesat e saj dhe do të pranonte këtë propozim”, ka thënë Daçiq, për gazetën serbe “Blic”, përcjell Telegrafi.

Ai ka thënë se fuqitë e mëdha, kur të përmendet demarkacioni dhe ndarja llogarisin se do të vinte deri te zhvendosja masive e popullsisë, sepse siç thotë ai, nuk e marrin parasysh se situata etnike në terren është në përputhje me propozimin për ndarje.
Daçiq ka thënë se fuqitë e mëdha nuk duan të diskutojnë propozimin për ndarjen e Kosovës, sepse ata mendojnë se çështja e Kosovës është përmbyllur në vitin 2008, duke u nisur nga fakti se e kanë njohur pavarësinë.

I pyetur nëse janë të vërteta pretendimet e Presidentit të Partisë Popullore, Vuk Jeremiq, se Presidenti i Serbisë Aleksander Vuçiq e ka ofruara jugun e Serbisë, në këmbim për veriun e  Kosovës, Daçiq ka thënë se “nuk ka pasur asnjë bisedë në përpjekje për zgjidhje të qëndrueshme të çështjes së Kosovës”.

“Ka pasur bisedime të ndryshme, në qytete qendra të ndryshme, shkëmbim të pikëpamjeve, por nuk kishte asgjë zyrtare. Unë nuk e di nëse dikush diku ka mundur të ofrojë diçka të tillë”, tha Daçiq.

Duke folur për aktivitetet që priten lidhur me çështjen e Kosovës, ka thënë Daçiq se javën e ardhshme në Beograd arrijnë nga ministrat e jashtëm të Greqisë dhe Francës dhe se pret biseda të rëndësishme.

Drejtori i Zyrës për Kosovën në Qeverinë e Serbisë, Marko Gjuriç, deklaroi se Serbia do ta mbështesë punën për krijimin e AKS-së, por jo bazuar në vendimin e Gjykatës Kushtetuese të Kosovës. Ai tha se Kosova nuk e do Asociacionin.

“Ne duam që Asociacioni të ketë fuqi. Prishtina do që Asociacioni të mos ketë këtë fuqi, por nuk do ta shihni atë film”, ka thënë ai, shkruan Tanjug.

Po ashtu Gjuriç deklaroi se drejtuesit e institucioneve të Kosovës nuk po tregohen të sinqertë për afatin që ka vënë BE për themelimin e AKS-së.

ANKARA – Presidenti i Turqisë, Recep Tayyip Erdoğan, tha se:  “Operacioni i fundit në Kosovë (Operacioni i MIT-it në Kosovë kundrejt strukturës së FETO-s në Ballkan) nuk është as i pari, nuk do të jetë as i fundit. Prej këtu e falënderoj presidentin e Kosovës. Por kryeministrit i them ‘Turp’. Sepse largimi nga detyra i kreut të inteligjencës, ministrit të Brendshëm, të cilët na i dhanë anëtarët e organizatës terroriste FETO, është një gabim historik. Sepse ato e bënë detyrën e tyre”, raporton Anadolu Agency (AA).

“Është miku, vëllai ynë kushdo që shkollat e FETO-s ia dorëzon Fondacionit turk Maarif, kush mbyll strehët e tyre të së keqes me pamjen e institucioneve të shoqërisë civile dhe kush i largon agjentët e tij nën pamjen e biznesmenit”, është shprehur Erdoğan.

Presidenti i Serbisë, Aleksandër Vuçiq, bisedoi të premten me ambasadorin e Gjermanisë në Beograd, Axel Dittmann, për marrëdhëniet midis Serbisë dhe Kosovës, pas ngjarjeve të kësaj jave në Mitrovicën e Veriut.

Të hënën, Policia e Kosovës ka ndaluar dhe dëbuar shefin e Zyrës për Kosovën në Qeverinë e Serbisë, Marko Gjuriq, i cili ka hyrë pa lejen e autoriteteve kosovare në Mitrovicën e Veriut.

Dittmann tha se dy palët duhet të vazhdojnë dialogun për normalizim marrëdhëniesh me ndërmjetësimin e Bashkimit Evropian, raporton Shërbimi i Ballkanit i Radios Evropa e Lirë.

Vuçiq dhe Dittmann thanë se është e rëndësishme që të ulen tensionet dhe që gjendja e tanishme të zgjidhet në rrugë paqësore, në dobi të ruajtjes së paqes dhe stabilitetit.

Vuçiq tha se Gjermania i ofron mbështetje të madhe Serbisë në rrugën e integrimit evropian.

Këshilli i Sigurisë Kombëtare të Turqisë (MGK), i cili zhvilloi një takim nën kryesimin e presidentit turk, Recep Tayyip Erdoğan, në Pallatin Presidencial në Ankara, konstatoi se “është shprehur nevoja e largimit të menjëhershëm të terroristëve nga rajoni Munbixh, në të kundërtën Turqia ashtu si në rajonet tjera, edhe këtu nuk do të ngurrojë nga përodrimi i vetë iniciativës”.

Duke bërë të ditur se gjatë këshillit janë vlerësuar vizitat e realizuara në disa shtete dhe se janë ndarë informacionet lidhur me disa zhvillime të jashtme politike, në njoftim thuhet se,

“Është bërë një vlerësim i përgjithshëm në lidhje me zhvillimet në Qipro, Mesdheun Lindor dhe në Detin Egje, veçanërisht është shprehur se po ndiqen me ndjeshmëri veprimet dhe qëndrimet e Greqisë, të cilat janë në kundërshtim me fqinjësinë e mirë, dhe është vendosur se kurrë nuk do të komprometohen të drejtat dhe interesat e Turqisë”.

MGK përmes një njoftimi me shkrim tha se gjatë këtij takimi janë shqyrtuar zhvillimet e brendshme dhe të jashtme të cilat ndikojnë në sigurinë dhe paqen e Turqisë, si dhe çështjet ndërkombëtare që kanë lidhje të ngushtë me Turqinë.

Duke njotuar se në takim janë diskutuar të gjitha dimensionet e luftës kundër terrorizmit, në njoftim thuhet se: “Në këtë kuadër janë shqyrtuar masat e mara dhe të rekomanduara nga këshilli jonë në kuadër të ligjit kundër çdo lloji kërcënimi, duke filluar nga aktet e organizatave terroriste të projektuara si PKK/PYD-YPG, DEASH dhe FETO/PDY, të cilat si objektiv marrin sigurinë tonë kombëtare. Poashtu në mënyrë gjithpërfshirëse është vlerësuar lufta e vazhduar me vendosmëri dhe këmbëngulje, si brenda ashtu edhe jashtë shtetit, për t’i dhënë fund terrorizmit”.

Këshillit i janë prezentuar informacionet lidhur me operacionin Dega e Ullirit, e cila ka për qëllim neutralizimin e terroristëve që realizojnë sulme ndaj Turqisë, të krijojë siguri dhe stabilitet përgjatë kufijve të Turqisë dhe rajonit, si dhe të sigurojë kthimin e sirianëve të zhvendosur në vendet e tyre dhe të ndihmojë për mbrojtjen e integritetit territorial të Sirisë.

Në deklaratë thuhet se janë vlerësuar angazhimet për zbatimin e masave të nevojshme në mënyrë që pas kthimit të qindra mijëra sirianëve, të cilët janë pronarë kryesorë të rajonit, të mund të jetojnë në siguri dhe paqe.

“Mendohet se është e dobishme të rikujtohet edhe një herë te publiku ndërkombëtar se organizata seperatiste terroriste, e cila ashtu si në vendet tjera të pushtuara edhe në Afrin i armatos fëmijët, i përdor civilët e pafajshëm si mburoja të gjalla dhe kryen krime kundër njerëzimit përfshirë edhe spastrimin etnik, është në bashkëpunim me DEASH-in. Është shprehur nevoja e largimit të menjëhershëm të terroristëve nga rajoni Munbixh, në të kundërtën Turqia ashtu si në rajonet tjera, edhe këtu nuk do të ngurrojë nga përodrimi i vetë iniciativës”, theksohet në njoftim.

Duke vënë në dukje se janë në vendosmëri të njëjtë edhe kundër terroristëve të vendosur në tokat e Sirisë në veri të Eufratit, në njoftim thuhet se, “Përveç Sirisë, aktivitetet e organizatës terroriste seperatiste, e cila është vendosur në vende të ndryshme të Irakut duke filluar nga Sinxhari dhe Kandili për të sulmuar kundër shtetit tonë, pritet që së pari të ndalohet nga shteti i Irakut. Nëse kjo nuk bëhet e mundshme, do të ndalohet nga vetë Turqia”. aa

BEOGRAD – Presidenti i Serbisë Aleksandër Vuçiç, në një intervistë për televizionin serb pas takimit me Përfaqësuesen e Lartë Federica Mogherini e cila shkoi urgjentisht në Beograd pas arrestimit të Gjuriq në Mitrovicë, ka thënë se ‘Lista Srpska’ do të mbetet në opozitë dhe se Qeveria e Kosovës nuk do të rrëzohet.

“Nuk mendojmë që Qeveria në Prishtinë do të bjerë. Nuk do të bjerë pasi kur është puna të bëhen kundër serbëve të gjithë shqiptarët do të bëhen bashkë, për dallim nga serbët të cilët asnjëherë nuk do të bashkohen pasi nuk u vjen keq për Gjuriçin, e as për Vuçiçin në Srebrenicë, e as nuk u vjen rëndë për diçka të tillë”- ka thënë ai.

Vuçiç pas këtij takimi nuk ka komentuar faktin që Lista Srpska ka paralajmëruar formimin e Asociacionit të Komunave me Shumicë Serbe njëanshëm më 20 prill, raporton Express.