I nderuam ushtarët mes malesh pa problem, flamujt tanë s’u ulën por u valvitën lart. Homogjeni me kallashnikov kërcenoi dhe na quajti tradhëtarë

Ministrja e Kulturës së Greqisë, Mirsini Zorba ka reaguar për vrasjen e 35-vjeçarit, ndërsa ka theksuar se nuk është ulur asnjë flamur në Bularat të Gjirokastrës, por të gjithë sipas saj janë valvitur lart.

Ajo tregon detaje gjatë qëndrimit në Gjirokastër, por shton se lajmin për vrasjen e shtetasit grek e ka marrë vesh pasi është larguar nga Bularati.

Përmes një reagimi në facebook, ajo shkruan:

”Sot, në varrezat e të rënëve në Bularat afër Këlcyrës për të nderuar të rënët grekë.

Ditë përkujtimore në vendin ku ata ranë. Emocion i madh midis maleve ku ata luftuan me patriotizëm kundër fashizmit.

Flamuj grekë kudo, të pranishëm përfaqësues të qeverive greke dhe shqiptare, Ambasadorja greke, deputetë, kryetarë të bashkive, qytetarë dhe fëmijë të shkollave greke. Lutje fetare, vendosja e luleve, fjalimi i Ambasadores, himni kombëtar i Greqisë dhe i Shqipërisë, poezi nga fëmijët.

Ikëm në orën tre të drekës pa pasur asnjë shqetësim.

Ndërkohë, u informuam se një minoritar me kallashnikov kishte kërcënuar në mëngjes për të shtënë me armë, duke pretenduar se marrëveshja e dy qeverive për të rivendosur kujtimin e të rënëve ishte tradhti.

Asnjë flamur grek nuk u ul poshtë, të gjitha ishin të ngritura.

Pas orës 3 të drekës, gjatë rrugës së kthimit, u informuam se minoritari ishte rrethuar, policia i kërkoi atij të dorëzohej, ai nuk u dorëzua dhe se ata e vranë.

Ishte një ngjarje tragjike që të gjithë ne në këtë mëngjes, në atmosferën emocionuese që mbizotëronte, nuk mund të imagjinonim”.

ANKARA – Presidenti i Turqisë, Recep Tayyip Erdoğan, të hënën me pjesëmarrje të mysafirëve nga katër anët e botës do të bëjë hapjen e Aeroportit të Ri të Stambollit, i cili, pas përfundimit të plotë, do të jetë aeroporti më i madh në botë.

Hapja e fazës së parë të aeroportit do të bëhet më 29 tetor, Ditën e Republikës në Turqi, që paraqet ditën kur Turqia u shpall republikë në vitin 1923.

Sipas të dhënave të përpiluara nga Anadolu Agency (AA), në ceremoninë e hapjes do të marrin mysafirë të shumtë të huaj, në mesin e të cilëve gjenden edhe krerë shtetesh dhe qeverish, si dhe ministra të transportit. Deri më tani, siç njoftohet, mbi 50 zyrtarë të lartë kanë konfirmuar pjesëmarrjen, ndërkohë që ceremonia do të ndiqet në mbarë botën.

Ceremonia e hapjes së fazës së parë, gjatë së cilës do të shërbehen 90 milionë pasagjerë në vit, do të fillojë në orën 16:00 sipas kohës lokale, me një koncert të Orkestrës Simfonike të Presidencës së Turqisë.

Aeroporti është ndërtuar në një hapësirë prej 76.5 milionë metra katrorë, ndërsa për hapjen e fazës së parë janë investuar gjashtë miliardë euro.

Ndërkaq, faza e dytë pritet të përfundojë deri në vitin 2023. Për ndërtimin e aeroportit, i cili do të jetë më i madhi në botë, janë angazhuar rreth dhjetë mijë njerëz.

Pas përfundimit të punëve, aeroporti do të përbëhet nga gjashtë pista të ndara me një kapacitet për 500 avionë, parking të hapur dhe të mbyllur me kapacitet për 70 mijë automjete dhe në vit do të shërbejë rreth 200 milionë pasagjerë.

Fluturimi i parë më 31 tetor drejt Ankarasë

Fluturimi i parë nga aeroporti që do të funksionalizohet pas fjalimeve hapëse, do të realizohet në drejtim të Ankarasë më 31 tetor, me avionin e tipit Boeing 777 të aviokompanisë turke Turkish Airlines.

Pas përfundimit të zhvendosjeve të duhura deri në fund të vitit, pritet që në aeroport në ditë të aterojnë dhe ngriten 2.000 avionë, nga më shumë se 350 destinacione, ndërsa shërbimet e tyre do t’i ofrojnë 250 kompani ajrore.

Ministri shqiptar Mehmet Zenka në qeverinë e Malit të Zi, ka replikuar me një deputet serb në Kuvendin e këtij vendi.

E gjitha filloi lidhur me çështjen e Kosovës, flamurin shqiptar dhe për kishën në Rumi.

 

Ministri për të drejta dhe pakica në qeverinë e Malit të Zi, nuk hezitoi të merr fjalën dhe t’i kundërpërgjigjet deputetit serb, i cili në një moment e pyeti se cili është flamuri i tij?

Ndërkaq, përgjigja e Zenkes ishte e menjëhershme, duke i thënë se flamuri i tij është ai shqiptar, shkruan malësia.me.

 

 

 

 

 

STAMBOLL – Një furgon u largua nga Konsullata e Arabisë Saudite në Stamboll sot në mëngjes, pasi stafi i kosullatës ngarkoi tri valixhe dhe një qese plastike të zezë në makinë, njofton gazetari i Anadolu Agency (AA) nga skena jashtë konsullatës.

Valixhet dhe qeset e plastikës u ngarkuan në kamionin me dritare dhe me ngjyrë të zezë nga një mjet tjetër ndërsa një burrë brenda konsullatës mbante një kabllo të bardhë i cili gjithashtu hipi në furgon.

Përmbajtja në valixhe dhe qeset plastike mbetet e panjohur, siç ishte edhe identiteti i personit në fjalë.

Një furgon u largua nga Konsullata e Arabisë Saudite në Stamboll sot në mëngjes, pasi stafi i kosullatës ngarkoi tre valixhe dhe një qese plastike të zezë në makinë. ( Onur Çoban – Anadolu Agency )

Konsullata është nën mbikëqyrje të shtuar në kulmin e hetimeve disa ditore rreth rastit të gazetarit të vrarë saudit Jamal Khashoggi.

Khashoggi, gazetar dhe kolumnist në gazetën “The Washington Post”, për herë të fundit u pa më 2 tetor kur hyri në ndërtesën e konsullatës.

Pas mohimit disa ditorë të çfarëdo njohurie për vendndodhjen e tij, zyrtarët sauditë javën e kaluar pranuan se Khashoggi u vra në një “grindje” në konsullatë.

Presidenti turk Recep Tayyip Erdoğan të martën publikoi gjetjet fillestare të hetimeve të kryera nga Turqia, duke thënë se “vrasja e Khashoggit ishte e paramenduar”.

Më 11 nëntor, nëse gjithçka shkon sipas planit, në Paris do takohen presidenti i Kosovës Hashim Thaçi dhe ai i Serbisë, Aleksander Vuçiç.

Thaçi besohet se do ketë takim edhe me presidentin e Francës, Emanuel Macron.

Në Paris, do diskutohet për dialogun mes dy vendeve, si dhe idetë e reja të të dy presidenteve, korrigjimi i kufijve dhe njohja e mundshme e Serbisë ndaj Kosovës.

Takimi i fundit i Thaçit dhe Vuçiçit q ë parashikohej t ë mbahej n ë Bruksel dështoi.

ATHINË – Kryeministri i Greqisë, Alexis Tsipras, ka ndërhyrë në dekretet presidenciale për zgjerim të ujërave territoriale të vendit.

Duke cituar burime diplomatike, agjencia greke e lajmeve ANA-MPA, tha se Tsipras, i cili ditë më parë u betua si ministër i Jashtëm i vendit, ka marrë pjesë në një takim i cili ka trajtuar çështjet e lidhura me ujërat territoriale dhe marrëdhëniet me Turqinë që është mbajtur në Ministrinë e Jashtme të Greqisë.

Siç thuhet, Tsipras ka vendosur të ndalojë dekretin presidencial për zgjerim të ujërave territoriale të Greqisë në disa vende për 12 milje, dhe ta kthejë në Kuvend për rishqyrtim me partitë tjera.

Ai tashmë po bën përgatitjet për vizitën e tij në Stamboll me ftesë të presidentit turk, Recep Tayyip Erdoğan.

Paralelisht me këto zhvillime, sot ministri turk i Mbrojtjes, Hulusi Akar, tha se pret nga Greqia fqinje të trajtojë çështjen në “frymë të mirë”, pasi një ditë më parë, Ministria e Jashtme e Turqisë, thirri në bisedë ambasadorin grek në Ankara.

Veprimi i fundit është reagim ndaj komenteve të ish-ministrit të Jashtëm grek, Nikos Kotzias, i cili ditë më parë tha se Greqia është e gatshme të zgjerojë ujërat territoriale në Detin Jon dhe në dy zona tjera, nga gjashtë milje në 12 milje.

Një deklaratë e Parlamentit të Turqisë nga viti 1995, e cila akoma është në fuqi, parasheh që nëse Greqia zgjeron ujërat territoriale në Detin Egje përtej gjashtë miljeve, atëherë Parlamenti i Turqisë do t’i japë qeverisë të gjitha kompetencat, përfshirë edhe forcat ushtarake, për të mbrojtur interesat e Turqisë.

Ministria e Jashtme e Turqisë tha të martën se deklarata “është ende në fuqi sot”. aa

STAMBOLL – Autoritetet saudite nuk kanë dhënë leje që policët të kryejnë kërkime në kuadër të hetimit për vrasjen e gazetarit Jamal Khashoggi në pusin që ndodhet në oborrin e konsullatës së Arabisë Saudite në Stamboll.

Sipas informacioneve nga burimet e sigurisë mësohet se janë zbuluar detaje të reja në lidhje me hetimin e kryer për vrasjen e gazetarit saudit më 2 tetor në ndërtesën e konsullatës së Arabisë Saudite në Stamboll. Në kuadër të hetimit forcat e policisë kanë kryer kërkime për prova në ndërtesën dhe rezidencën banesë të konsullatës.

Ndërkohë mësohet se forcat e sigurisë nuk janë lejuar nga autoritetet saudite që të kryejnë kërkime në pusin, i cili ndodhet në ambientet e konsullatës.

– Ngjarja Khashoggi

Jamal Khashoggi, një shtetas saudit dhe kolumnist i “Washington Post”, për herë të fundit u pa duke hyrë në konsullatën saudite në Stamboll më 2 tetor, dhe që nga ajo datë nuk ka patur më asnjë lajm rreth tij.

Sipas vlerësimeve të bëra nga burimet turke të policisë teksa është konfirmuar se Khashoggi nuk ka dalë më nga ndërtesa e konsullatës ku ai hyri më 2 tetor, është bërë e ditur se në ditën e zhdukjes së Khashoggit, 15 sauditë të tjerë, përfshirë disa zyrtarë, arritën në Stamboll me 2 avionë dhe vizituan konsullatën ndërkohë që ai ishte ende brenda. Të gjithë individët e identifikuar më pas janë larguar nga Turqia.

Në lidhje me këtë çështje u formuan grupe pune të përbashkëta të përbërë nga zyrtarë turq dhe sauditë.

Në kuadër të hetimit të kryer nga Prokuroria e Stambollit grupi në koordinimin e një prokurori dhe një zv.prokuroi kreu ekzaminime në ndërtesën e konsullatës dhe në rezidencën e konsullit saudit, Muhammed el Uteybi, i cili është larguar nga Turqia.

Qeveria e Arabisë Saudite më 20 tetor njoftoi se gazetari Jamal Khashoggi vdiq gjatë grindjeve brenda ndërtesës së konsullatës. aa

HATAY – Prefekti i provincës turke Hatay, Erdal Ata, konfirmoi sot se një individ i cili u soll në Turqi nga Siria është Jumpei Yasuda, një gazetar japonez që u zhduk në Siri në vitin 2015.

Ata tha se Yasuda ishte shoqëruar nga ekipe të sigurisë dhe inteligjencës dhe se nuk mbante letërnjoftim.

Sipas gazetës Japanese Times, kryeministri japonez Shinzo Abe përshëndeti lajmin për lirimin e raportuesit të pavarur nga rrëmbyesit në Siri.

– Shinzo Abe falënderon presidentin Erdoğan

Presidenti i Turqisë, Recep Tayyip Erdoğan, ka zhvilluar një bisedë telefonike me kryeministrin e Japonisë.

Sipas informacioneve nga burimet e Presidencës së Turqisë, mësohet se kryeministri japonez Abe në bisedë ka shprehur falënderimet për shpëtimin dhe hyrjen në Turqi në gjendje të mirë të gazetarit Jumpei Yasuda i cili mbahej peng nga terroristët në Siri që prej qershorit 2015.

Dy liderët duke shprehur kënaqësinë për bashkëpunimin e institucioneve dhe njësive përkatëse në këtë çështje, kanë konfirmuar vendosmërinë për të çuar përpara në çdo fushë marrëdhëniet Turqi-Japoni. aa

Policia greke ka arrestuar gjatë natës së kaluar ish-ministrin e Mbrojtjes dhe një nga politikanët korife të Pasok, Janis Papantoniu. Bashkë me të është arrestuar dhe bashkëshortja e tij Stavrula Kuraku.
Çifti Papantoniu akuzohet për korrupsion dhe 2.8 milionë euro para të zeza, nga kontrata për 4 fregata moderne e pajisje të tjera ushtarake.

Turqia paralajmëroi Greqinë të martën se nuk do të tolerojë një ndryshim në kufirin detar grek. Paralajmërimi vjen pak ditë pasi Athina tha se kishte planifikuar të zgjeronte ujrat e saj territoriale deri në 12 milje në perëndim të vendit.

Ujërat territoriale janë një çështje e ndjeshme ndërmjet dy vendeve fqinjë që ndahen nga Deti Egje. Turqia dhe Greqia kanë patur mosmarrëveshje për shelfin kontinental përkatës prej shumë dekadash.

Turqia ka paralajmëruar më parë se nuk do të përjashtonte një veprim ushtarak për të mbrojtur interesat e saj.

Ish-Ministri i Jashtëm grek Nikos Kotzias, i cili dha dorëheqjen javën e kaluar, tha të shtunën se Athina ka planifikuar të zgjerojë ujrat territoriale në detin Jon, por kjo nuk do të prekte rajonin e Egjeut. Ministria e jashtme e Turqisë, megjithatë, tha se kishte marrë shënim deklaratat e Athinës rreth planeve për një zgjerim gradual të ujërave uterritoriale greke.

/VOA/

Presidenti turk Recep Taip Erdogan tha të martën se vrasja e gazetarit saudit Jamal Khashoggi ishte akt i paramenduar dhe se personat përgjegjës, përfshirë ata që dhanë urdhër për vrasjen, duhen ndëshkuar.

Në një fjalim para vendit, Presidenti Erdogan dha hollësi të ngjarjeve duke filluar me ditën para se Khashoggi të shkonte në konsullatën saudite në Stamboll. Ai tha se një numër ekipesh mbërritën në Stamboll për t’u takuar me Khashoggin në misionin diplomatik të Arabisë Saudite dhe hoqën hard-drive-in e sistemit që operonte kamerat e sigurisë.

Zoti Erdogan tha se e fejuara e Khashoggit, Hatice Cengiz priti para konsullatës për orë të tëra para se të kontaktonte autoritetet turke për t’u thënë se Khashoggi po mbahej kundër dëshirës dhe ishte në rrezik.

Nga ky moment hetimet lëvizën shumë ngadalë, pasi konsullata gëzon statusin e mbrojtjes diplomatike. Por ai tha se policia turke ishte e sigurtë se Khashoggi nuk kishte dalë nga ndërtesa, ashtu siç thanë fillimisht sauditët.

Arabia Saudite pohoi javën e kaluar se Khashoggi kishte gjetur vdekjen në konsullatë, fillimisht duke e shpjeguar incidentin si një zënkë që doli jashtë kontrollit, më pas duke thënë se ai vdiq nga mbytja pasi e kishin mbërthyer dhe po e shtrëngonin për të mos e lënë të largohej nga ndërtesa.

Presidenti Erdogan tha të martën se Arabia Saudite ndërmori një hap të rëndësishëm kur pranoi se Khashoggi ishte vrarë në konsullatë, por ai pret nga udhëheqja e vendit të mbajë përgjegjës të gjithë ata që ishin të përfshirë në këtë akt. Ai tha se nuk mund t’u hidhet faji vetëm operativëve të zbulimit dhe sugjeroi që gjyqet të kryhen në Stamboll pasi akti u krye në këtë qytet.

Zoti Erdogan e përfundoi fjalimin me një numër pyetjesh që kërkojnë përgjigje: ku është trupi i Khashoggit, kush dha urdhër për dërgimin e ekipeve në Stamboll dhe përse Arabia Saudite dha variante të ndryshme për fatin e tij.

Media amerikane njoftoi se drejtoresha e CIA-s, Gina Haspel u nis dje për në Turqi për t’u takuar me zyrtarët që po hetojnë vrasjen e Khashogit. Administrata Trump nuk ka thënë gjë publikisht për nisjen e saj.

ANKARA – Presidenti i Republikës së Turqisë, Recep Tayyip Erdoğan, ka deklaruar se vrasja e gazetarit saudit Jamal Khashoggi, që ndodhi në Konsullatën Saudite në Stamboll, ishte e planifikuar, si dhe theksoi se kërkesa e tij është që 18 personat e lidhur me vrasjen Khashoggi të gjykohen në Stamboll, raporton Anadolu Agency (AA).

Presidenti turk, i cili u adresua në Klubin e deputetëve të Partisë së Drejtësisë dhe Zhvillimit në Parlamentin turk, ka folur mbi detajet lidhur me vasjen e gazetarit Khashoggi. Ai bëri të ditur se një ekip saudit bëri inspektime në Pyllin “Belgrad” të Stambollit dhe provincën “Yalova” para vrasjes së Khashoggit.

Erdoğan theksoi se tashmë Konventa e Vjenës me gjasë të madhe do të vihet në diskutim, duke shtuar se, “Konventa e Vjenës nuk do të lejonte të ndodhte një vrasje e tillë ‘brutale’ në një ndërtesë konsullate”.

“Qeveria e Arabisë Saudite zyrtarisht pranoi për vrasjen e Jamal Khashoggit 17 ditë pas vrasjes së tij”, tha ai, si dhe shtoi se, “Qeveria e Arabisë Saudite duke e pranuar vrasjen, hodhi një hap të rëndësishëm. Pas kësaj, prej tyre presim që me sinqeritet të nxjerrin në pah të gjithë përgjegjësit dhe t’i dënojnë para ligjit”.

Presidenti turk theksoi se kërkesa e tij është që 18 personat e lidhur me vrasjen Khashoggi të gjykohen në Stamboll. Sipas tij, nëse deklarata se kufoma e Khashoggit i është dhënë bashkëpunëtorit të brendshëm është e saktë, atëherë, tha Erdoğan, “kush është ai, duhet të sqaroni”.

“Informacionet dhe faktet e deritanishme tregojnë se Jamal Khashoggi ishte viktimë e një vrasjeje mizore”, theksoi ai.

Presidenti turk po ashtu theksoi se “fajësimi i vetëm disa pjesëtarëve të sigurisë dhe inteligjencës për Khashoggin nuk është i kënaqshëm për ne, as për komunitetin ndërkombëtar.”.

Khashoggi për herë të fundit u pa më 2 tetor kur hyri në Konsullatën Saudite në Stamboll. Pas më shumë se dy javëve mohime mbi fatin e tij, Arabia Saudite të shtunën pohoi se Khashoggi u vra gjatë një sherri brenda konsullatës.

Në ditën e zhdukjes së Khashoggit, 15 sauditë, përfshirë disa zyrtarë, arritën në Stamboll me dy aeroplanë dhe vizituan konsullatën, në kohën kur gazetari ishte ende brenda, kanë njoftuar burime të policisë turke. Të gjithë individët e identifikuar janë larguar nga Turqia.

Një ekip i përbashkët turko-saudit përfundoi një hetim të enjten, pasi kreu ekzaminime në rezidencën e konsullit dhe Konsullatën Saudite në Stamboll.

ANKARA – Ministri i Jashtëm i Turqisë, Mevlüt Çavuşoğlu i cili gjendet mysafir në panelin editorial të Anadolu Agency ka dhënë informata rreth hetimit të vrasjes së gazetarit saudit, Jamal Khashoggi.

Çavuşoğlu është shprehur së është e rëndësishme që Arabia Saudite ka pranuar se Khashoggi është vrarë, edhe pse vonë.

Rreth hetimit që Organizata e Kombeve të Bashkuara (OKB), organizatat apo gjykatat ndërkombëtare mund të hapin me rastin e Khashoggit, Çavuşoğlu ka deklaruar se Turqia është e gatshme të bashkëpunojë.

Ndërsa rreth marrëdhënieve me SHBA-t, ministri turk tha se marrëdheëniet Turqi-SHBA nuk u tensionuan për shkak të pasotri Amerikan Brunson.

“Marrëdhëniet me SHBA-te nuk u tensioniuan për pastorin Brunson, por për mbështetjen e SHBA-ve ndaj YPG/PKK-së dhe qëndrimit ndaj FETO-s, tha Çavuşoğlu. aa

STAMBOLL – Një automjet me targa diplomatike i Konsullatës Saudite në Stamboll gjendet në një parking në lagjen Sultangazi të qytetit.

Automjeti është gjetur nga ekipet policore në kuadër të hetimit të Prokurorisë Publike të Stambollit mbi vrasjen e gazetarit të Washington Post, Jamal Khashoggi.

Automjeti me targa “34 CC 1736” u gjet i parkuar në një parking në Sultangazi.

Ekipet policore kanë rrethuar vendin me kordon të sigurisë ndërsa kanë kërkuar leje nga Konsullata dhe Prokuroria për të kryer ekzaminime. aa

ANKARA – Presidenti i Turqisë, Recep Tayyip Erdoğan ka zhvilluar një bisedë telefonike me presidentin e SHBA-ve Donald Trump.

Në një deklaratë nga Qendra për shtyp të Presidencës turke thuhet se mbrëmë është zhvilluar një bisedë telefonike mes Erdoğan dhe Trump.

Në këtë bisedë përveç diskutimit të marrëdhënieve dypalëshe janë shkëmbyer mendimet në lidhje me luftën kundër terrorizmit, çështja e gazetarit Jamal Khashoggi si dhe zhvillimet e fundit në Siri.

Në bisedë është folur edhe për procesin ligjor në lidhje me pastorin amerikan Andrew Brunson, ndërkaq të dy liderët kanë konfirmuar vendosmërinë e tyre për normalizimin dhe zhvillimin e bashkëpunimit në mes të Turqisë dhe SHBA-ve në çdo fushë. Gjatë bisedës po ashtu është diskutuar mbi çështjen e bashkëpunimit në luftën kundër terrorizmit, përfshirë edhe atë kundër FETO-s.

Të dy liderët kanë vënë theksin në realizimin sa më të shpejtë të udhërrëfyesit për çështjen e Munbixhit ndërsa kanë potencuar rëndësinë e marrëveshjes së Idlibit.

Erdoğan dhe Trump ranë dakord edhe për ndriçimin e rastit të gazetarit Jamal Khashoggi në të gjitha aspektet.

Kryetari i Partisë Popullore serbe, Vuk Jeremiç pretendon se presidenti i Serbisë Aleksandër Vuçiç, po përshpejton negociatat për demarkacionin e kufirit me Kosovën, në mënyrë që marrëveshja e Vuçiqit me presidentin e Kosovës Hashim Thaçi, të finalizohet në katër muajt e parë të vitit 2019.

Siç raporton FoNet, Jeremiq ka thënë se: “Demarkimi i kufijve do të thotë se në anën tjetër të kufirit të mbetet 90 për qind e territorit të Kosovës, por edhe pjesët jugore të Serbisë, të cilën shqiptarët e quajnë Lugina e Preshevës”.

Ai gjithashtu tha se Kosova do të bëhet anëtare e plotë e Kombeve të Bashkuara, siç është Serbia sot dhe se nuk do të ketë pengesë në të drejtën ndërkombëtare për t’u bashkuar me Shqipërinë, përcjell Telegrafi.

“Kur flas për Shqipërinë e Madhe nuk flas përmendësh”, shtoi Jeremic.

Ish-shefi i diplomacisë serbe, Jeremiq, theksoi se Serbia mund të përballet me kërkesa të reja territoriale “nëse ajo sot pajtohet që në paqe t’ia vizatojnë kufijtë e saj”.

“Vuçiç është i vetëdijshëm për këtë, por vizioni i tij për Serbinë është një ‘gardh’ i mallkuar”-thotë Jeremiç, duke shtuar se presidenti serb është në konflikt me moralin dhe ndërgjegjen.

(BalkanWeb)

Kryeministri grek, Aleksis Tsipras, pranoi publikisht ekzistencën e fondeve sekrete për financimin e mediave, shoqatave të gazetarëve dhe kishës në disa vende, përfshirë edhe Shqipërinë.

Në përgjigje të akuzave ndaj qeverisë së tij për financimin e rreth 1 milion eurove vetëm gjatë muajit tetor për gazetarë, media dhe shoqata në Shqipëri, Tsipras theksoi se një praktikë e tillë ekziston prej vitesh. “E kam diskutuar këtë debat që kur ishim në opozitë, në vitin 2011, kemi diskutuar për procedurën sa i përket transparencës së përdorimit të fondeve. Kemi krijuar një procedurë transparente për fondet sekrete. Nuk ka keqpërdorim të këtyre fondeve pa një firmë nga urdhëruesi, jo siç ndodhte më përpara që i shpërndanin majtas e djathtas nëpër qese të zeza. Çdo vend që respekton veten e tij e ka për detyrë të përdorë një politikë të jashtme ku të mbështetet. Prandaj fondet sekrete janë një domosdoshmëri veçse ndokush ka kundërshtime.

Debati që po bëhet kohët e fundit po bëhet në mënyrë të turpshme nga një pjesë e shtypit opozitar që synon pikërisht të godasë këtë procedurë transparente”, deklaroi Tsipras. Kryeministri grek u shpreh i bindur se skandali për keqpërdorimin e fondeve sekrete është bërë nga opozita dhe segmente të caktuara të medias. Tsipras i kërkoi kreut të opozitës të shkojë në zyrën e tij dhe të informohet mbi mënyrën sesi shpenzohet çdo euro e taksapaguesve grekë. Garancinë për përdorimin e fondeve sekrete e dha edhe ish-ministri i Jashtëm, Nikos Kotzias. Sipas tij, Parlamenti miratoi një ligj të posaçëm sa i takon përdorimit të këtyre fondeve.

“Nëse është e vërtetë gjithçka që thuhet, është sikur t’u tregojmë të huajve se nuk jemi seriozë. Ne bëmë një ligj të posaçëm për fondet sekrete të cilat kontrollohen dhe miratohen nga një këshill dhe shkojnë drejtpërdrejt në Parlament”, tha Kotzias.

Idrizi kërkon mbledhjen e Këshillit të Sigurisë, Bushati: Nacionalizëm tepsie

Kryetari i PDIU-së, Shpëtim Idrizi, e cilësoi vendin në emergjencë kombëtare pas skandalit të publikuar në mediat greke se vetëm muajin e fundit janë shpenzuar 1 milion euro nga Greqia për financimin e mediave dhe gazetarëve në Shqipëri. Idrizi i kërkoi Presidentit të Republikës mbledhjen me urgjencë të Këshillit të Sigurisë Kombëtarë për diskutimin e kësaj çështjeje.

“Sot një pjesë e politikës, ajo që tregon vasalitet të vazhdueshëm ndaj Greqisë hesht. Një pjesë e mediave hesht dhe është e blerë. Prandaj jemi në një emergjencë kombëtare. I kërkojmë Presidentit të Republikës të mbledhë urgjentisht Këshillin e Sigurisë Kombëtare, të vërë në lëvizje të gjitha agjencitë ligjzbatuese për të hetuar e vënë prapa dyerve të qelisë ata që kanë marrë para, shumat e qëllimet sepse vetëm në një muaj bëhet fjalë për 1 milion euro. Ritheksoj që janë 1 milion euro vetëm për një muaj, e asnjëherë nuk do kuptojmë sasinë e vërtetë të fondeve të paligjshme të derdhura në vend, nëse nuk shtrohet si një prioritet për sigurinë kombëtare”, tha Idrizi.

Kreu i PDIU-së kërkoi nga Prokuroria të hetojë cilat janë portalet, gazetat, televizionet, gazetarët, biznesmenët, OJQ-të, që janë financuar nga Fondet e Zeza sekrete të Ministrisë së Jashtme Greke.

Por në një reagim për mediat menjëherë pas kësaj deklarate, ministri i Jashtëm, Ditmir Bushati, e ka cilësuar nacionalizëm për tepsi qëndrimin e kreut të PDIU-së.

“Kush bërtet i dëshpëruar për t’u faktorizuar në hartën e nacionalizmit ballkanik, s’ka lidhje me çështjen kombëtare e as me vendosmërinë e qeverisë @ediramaal që përfshiu në bisedime me fqinjin jugor të gjitha çështjet që i kishte mbuluar pluhuri i harresës #nacionalizëmpërtepsi”, shkruan Bushati.

Presidenti i Serbisë, Aleksander Vuçic është vënë në siklet në mes të Beogradit teksa eshte pyetur se “çfarë kushtesh ka Serbia për njohjen e Kosovës si shtet?”.

Pyetja eshte bere nga gazetarja e Agjencisë së Lajmeve KosovaPress, Nerënxa Jakupi, gjate një konference për media të mbajtur pas një paneli të Forumit të Sigurisë në Beograd, në të cilin ishte panelist edhe vete ai.

Prokuroria e Athinës urdhëron hetim për informacionet e publikuara në gazetën elektronike greke iefimerida.gr, në lidhje me fondet sekrete dhe pagesat në median dhe biznese në Shqipëri dhe Greqi.

Ndërkaq, pas bujës së shkaktuar për listën e gazetarëve dhe portaleve shqiptare që kryenin propagandë pro Greqisë, Kryeministria greke e ka përgënjeshtruar zyrtarisht duke theksuar se nuk janë shpërndarë fonde në media ballkanike.

Sipas prokurorisë, publikimi në media i informacioneve sekrete te shtetit përbën akt penal dhe kriminal.

NEW YORK – Gazeta amerikane New York Times ka publikuar fotografi të Maher Abdulaziz Mutreb, një prej emrave të afërt me princin e kurorës të Arabisë Saudite, Muhammed bin Selman, duke hyrë me datë 2 tetor në Konsullatën e Arabisë Saudite në Stamboll disa orë para gazetarit të zhdukur Jamal Khashoggi.

Në lajmin e gazetës janë paraqitur edhe fotografi ku Mutreb gjatë ditës qëndron para shtëpisë së konsullit gjeneral saudit Mohammad al-Otaibi, kur ai ka dalë nga një hotel në Turqi me një valixhe të madhe, si dhe kur është larguar nga Turqia nëpërmjet Aeroportit Ataturk në Stamboll.

Në fotografi, të cilat thuhet se janë siguruar nga sistemet televizive me qark të mbyllur, vërehet se Mutreb ka hyrë në Konsullatën Saudite në orën 09:55 dhe ka qëndruar para shtëpisë së konsullit në orën 16:45. Mutreb është larguar nga hoteli ku ka qëndruar në Stamboll në orën 17:15 dhe më pas është vërejtur në aeroport në orën 17.58.

Amerikan New York Times gazetesi, Suudi Arabistan Veliaht Prensi Muhammed bin Selman’a yakın isimlerden Maher Abdulaziz Mutreb’in 2 Ekim’de Cemal Kaşıkçı’dan birkaç saat önce Suudi Arabistan’ın İstanbul Başkonsolosluğuna girdiğine dair fotoğrafları yayımladı. ( AA – Anadolu Ajansı )

Gazeta New York Times ditë më parë kishte pohuar se Turqia ka identifikuar disa persona të cilët dyshohen se kanë rol në vrasjen e gazetarit saudit Jamal Khashoggi. Po ashtu, gazeta kishte theksuar se Maher Abdulaziz Mutreb, i cili është një prej të dyshuarve, është diplomat i emëruar në vitin 2017 në Ambasadën e Arabisë Saudite në Londër dhe ka vizituar shumë vende si truprojë i mundshëm i princit saudit.

– Ngjarja Khashoggi

Gazetari dhe kolumnisti i “The Washington Post”, Jamal Khashoggi, i cili ka dhënë kontribute edhe për “Al Watan”, një platformë e rëndësishme për reformistët sauditë, u zhduk më 2 tetor pasi hyri në kompleksin e Konsullatës së Arabisë Saudite në Stamboll.

Sipas burimeve të sigurisë, Khashoggi shkoi në Konsullatën e Përgjithshme të Arabisë Saudite në Stamboll për procedura të martesës, ndërsa më pas u konfirmua se nuk është larguar më nga konsullata dhe se në të njëjtën orë në ndërtesën e konsullatës kanë mbërritur 15 qytetarë sauditë, përfshirë edhe zyrtarë të cilët më pas janë kthyer në vendet nga kishin ardhur.

Ministri i Jashtëm i Turqisë, Mevlut Cavusoglu ka thënë se shteti i tij nuk ka ndarë incizimet e zërit me askënd, duke hedhur poshtë pretendimet se Ankaraja u ka nisur Shteteve të Bashkuara të dhëna për zhdukjen e gazetarit saudit, Jamal Khashoggi.

Cavusoglu po ashtu u ka thënë gazetarëve se Turqia ka të dhëna dhe informata të siguruara pas hetimeve të kyera, lidhur me zhdukjen e Khashoggit më 2 tetor.

Autoritetet turke kanë thënë se kanë incizime të zërit, të cilat japin shenja se Khashoggi është vrarë në konsullatën saudite në Stamboll, ka raportuar agjencia e lajmeve Reuters.

Policia turke kërkon në pyll trupin e Khasshogit

Arabia Saudite ka mohuar pretendimet e Turqisë se Khashoggi është vrarë në konsullatë dhe se trupi i tij është larguar.

“Turqia nuk i ka ofruar të dhëna Pompeos apo ndonjë zyrtari tjetër amerikan”, ka thënë Cavusoglu para gazetarëve në një vizitë në Shqipëri kur është pyetur nëse autoritetet turke u kanë ofruar informacione zyrtarëve amerikanë, të cilët kanë realizuar një udhëtim urgjent në Arabinë Saudite dhe Turqi këtë javë.

“Ne do të prezantojmë rezultatet në mënyrë transparente para gjithë botës. Nuk kemi ndarë asnjë informacion me asnjë shtet”, është shprehur ai.

Zhdukja dhe me gjasë vdekja e Khashoggit, banor i Shteteve të Bashkuara dhe kolumnist i Washington Postit, ka shkaktuar zemërim ndërkombëtar dhe ka tensionuar marrëdhëniet në mes të Arabisë Saudite dhe Perëndimit.

SHBA i jep edhe pak kohë për hetime A.Saudite lidhur me rastin Khashoggi

Presidenti amerikan, Donald Trump ka thënë të enjten se ai beson që Khashoggi ka vdekur dhe se përgjigjja amerikane ndaj sauditëve mund të jetë shumë e ashpër, mirëpo megjithatë ata i kanë dhënë kohë Arabisë Saudite për të kryer hetimet.

Policia në Turqi, që po heton vrasjen e dyshuar të gazetarit saudit, Jamal Khashoggi, i zgjeroi hetimet.

Zyrtarët turq thanë se trupi i tij mund të jetë hedhur në pyllin pranë konsullatës saudite në Stamboll.

Khashoggi, kritik i udhëheqjes saudite, u pa për herë të fundit duke hyrë në këtë konsullatë, më 2 tetor.

Turqia dyshon se ai u vra, Arabia Saudite thotë se nuk di për fatin e tij.

Mostrat e marra nga konsullata saudite dhe rezidenca e konsullit, gjatë bastisjeve këtë javë, po testohen, për të parë nëse përkojnë me ADN-në e Khashoggit.

Turqia ka thënë se ka prova me zë dhe video se Khashoggi është vrarë, por ato nuk janë bërë publike.

Incidenti ka shkaktuar tensione të konsiderueshme midis Riadit dhe aleatëve perëndimorë.

Sekretari amerikan i Thesarit, Steven Mnuchin, dhe sekretari britanik i Tregtisë, Liam Fox, janë zyrtarët e fundit të lartë që u tërhoqen nga pjesëmarrja në një konferencë të madhe investimesh, që do të mbahet javën e ardhshme në Riad.

ANKARA – Turqia ka paralajmëruar Greqinë dhe e ka porositur të qëndrojë larg sjelljeve që mund të shkaktojnë përshkallëzim në Mesdhe.

“Ne këshillojmë Greqinë që të qëndrojë larg nga sjelljet që mund të shkaktojnë një përshkallëzim në rajon (Mesdhe)”, thuhet në deklaratën e Ministrisë së Jashtme ku rikujtohet se duke nisur nga dita e sotme kanë nisur aktivitetet e reja kërkimore sizmike në “Shelfin Kontinental” të Turqisë në Mesdhe nga anija ‘Barbaros Hayreddin Paşa‘.

“Deklarata për media e bërë dje në lidhje me këtë çështje nga Ministria e Jashtme e Greqisë është plotësisht e bazuar nga pikëpamja e të drejtës ndërkombëtare. Nga insistimi i Greqisë për pretendimet jorealiste nuk do të rezultojë asgjë tjetër veçse do të dëmtojë marrëdhëniet dypalëshe dhe stabilitetin rajonal”, thuhet në deklaratën e Ministrisë së Jashtme turke.

Po ashtu në deklaratën nënvizohet se Turqia do të vazhdojë të përdorë të drejtat dhe autoritetin sovran që buron nga e drejta ndërkombëtare.

BEOGRAD – Nuk ekziston forcë që mund të detyrojë Serbinë për të njohur pavarësinë e Kosovës, doemos duhet të bisedojmë dhe të merremi vesh, deklaroi sot presidenti i Serbisë, Aleksandër Vuçiç.

“Dëshirojmë të bëjmë kompromis dhe marrëveshje, por doemos dikush në botë dhe në Kosovë të kuptojë se Serbia ka interesat e saj. Nuk ekziston forcë që mund të detyrojë Serbinë për të njohur pavarësinë e Kosovës, doemos duhet të bisedojmë dhe të merremi vesh”, tha Vuçiç para gazetarëve.

Ai sqaroi se zgjidhja në “ardhmërinë potenciale duhet të jetë e dhimbshme për të dyja palët, meqë vetëm në atë mënyrë mund të ketë zgjidhje”.

Siç theksoi, Beogradi dëshiron negociata me shqiptarët, duke shprehur shpresë për vazhdimin e dialogut “shumë shpejt”.

I pyetur për hetimin mbi vrasjen e udhëheqësit të SDP-së, Oliver Ivanoviç, Vuçicç u përgjigj se kanë më shumë njohuri dhe dy versione të ngjarjeve që po kontrollohen, duke kujtuar se autoritetet shtetërore të Serbisë nuk kanë imazhe satelitore dhe as nuk kanë qenë në hetim.

Në pyetjen se çka do të thotë për Serbinë hyrja e Maqedonisë në NATO, Vuçiç u përgjigj se nuk do të thotë asgjë.

“Asgjë, ju atë e keni zgjedhur, rruga e mbarë”, tha ai.

Vuciç përsëri nuk e përjashtoi mundësinë e mbajtjes së zgjedhjeve të parakohshme parlamentare.

“Nuk mund ta përjashtoj plotësisht mundësinë e zgjedhjeve të parakohshme, nuk po them se do të jenë,” tha ai. aa

Patriarku serb Irinej ka thënë te enjten në Graçanicë se Kisha Ortodokse kurrë nuk e ka ndryshuar qëndrimin e saj për çështjen e ndarjes së Kosovës.

“Është qëndrim i saj- këtu jemi dhe këtu do të qëndrojmë sa ekzistojmë. Le të pushtojnë ashtu siç kanë pushtuar, le të marrin, le të përvetësojnë, por nuk guxojmë t’iu japim. Kjo është gjëja kryesore”, ka thënë Irinej gjatë një vizite në Manastirin e Graçanicës.

“Asnjë ndarje. Unë nuk mund të kuptoj se si Prizreni, ku unë kam qenë mbi 15 vjet, të jetë në një shtet tjetër, pastaj Patriarkana e Pejës, Deçanit, Graçanicës… Kjo nuk hyn në kokën time e aq më pak në zemrën time. Do të shohim. Po gatuhen gjëra, pjesërisht po ndryshohen dhe ndoshta do të dalim nga kjo baltë në të cilën jemi”, ka thënë Irinej.

Ai ka shtuar se pozita e serbëve në Kosovë mund të jetë më e vështirë se kurrë por të gjithë duhet të luftojnë për të mbetur atje.

“Derisa jemi këtu, kjo është e jona. Mos e dhashtë Zoti, nëse i braktisim këto hapësira të shenjta, ato nuk do të jenë tonat”, ka thënë Irinej.

Fotografi turk, Ara Guler.

Fotografi i mirënjohur armeno-turk, Ara Guler, i cili ka fituar famë për fotografitë e tij ikonike të Stambollit, ka vdekur në moshën 90 vjeçare, kanë njoftuar mediat shtetërore.

Guler njihet për fotografitë e tij të jashtëzakonshme bardhë e zi nëpër të cilët ka paraqitur historinë e Stambollit.

Veprimtaria e tij e gjatë i ka falur epitetin e “Syrit të Stambollit”.

Ai ka qenë një nga fotografët e paktë nga Turqia që janë njohur ndërkombëtarisht dhe që puna e tij është përfshirë në gazeta e revista të ndryshme në botë, përfshirë Time-Life, Stern, Sunday Times dhe shumë tjera.

Gjatë dekadave të karrierës së tij, Guler ka fotografuar shumë personalitete botërore duke përfshirë, Winston Churchill, Indira Gandhi, Marlon Brando, Sophia Loren, Salvador Dali, Federico Fellini, Pablo Picasso dhe shumë të tjerë.

Puna e Gulerit do të kujtohet për kohë të gjatë në Stamboll, pasi vitin e fundit në këtë qytet është hapur një muze me emrin e tij.

Konsullata saudite në Stamboll

Hetuesit turq hynë në rezidencën e konsullit saudit në Stamboll, për të mbledhur më shumë prova rreth zhdukjes së gazetarit saudit, Jamal Khashoggi.

Zyrtarët turq besojnë se Khashoggi, kritik i udhëheqjes saudite, është vrarë gjatë një vizite në ndërtesën e konsullatës, më 2 tetor, por Riadi e mohon.

Konsulli Mohammed al-Otaibi udhëtoi për në Riad të martën. Ai thotë se nuk ka dijeni se çfarë i ka ndodhur Khashoggit.

Megjithatë, sipas një gazete turke, Otaibi mund të dëgjohet në disa audio-incizime që supozohet se dëshmojnë vrasjen e Khashoggit.

Më herët, sekretari amerikan i Shtetit, Mike Pompeo, takoi në Ankara presidentin e Turqisë, Recep Tayyip Erdogan, dhe ministrin e Jashtëm të këtij vendi, Mevlut Cavusoglu, për të diskutuar rastin e gazetarit.

Cavusoglu nuk dha detaje për takimet, por i përshkroi ato si “të dobishme” dhe “të frytshme”.

Pompeo nuk iu adresua gazetarëve, por Departamenti amerikan i Shtetit tha përmes një deklarate se ai e ofroi mbështetjen e SHBA-së në hetimet që po bën Turqia rreth zhdukjes së Khashoggit.

Të martën, Pompeo takoi në Riad mbretin e Arabisë Saudite, Salman, dhe princin e kurorës, Muhammad, i cili ka qenë një nga shënjestrat kryesore të kritiave të Khashoggit.

Pompeo tha se ka theksuar se sa e rëndësishme është që autoritetet saudite të kryejnë hetime të plota të rastit dhe se ato janë zotuar se do të bëjnë një gjë të tillë.

STAMBOLL (AA) – Zyrtarët turq në grupin e punës të formuar për hetimin e rastit të gazetarit saudit të zhdukur të Washington Post, Jamal Khashoggi, arritën në rezidencën e konsullit saudit në Stamboll, Muhammad al-Otaibi i cili dje ishte larguar nga Turqia.

Zyrtarët të përbërë nga ekspertë nga departamentet e hetimit të skenës së krimit, gjithsej me 4 automjete civile kanë arritur në rezidencën e konsullit, të cilët më pas hynë në rezidencë me mjetet që kishin sjellë me vete. Pas hyrjes së zyrtarëve turq, filloi hetimi në rezidencë.

Grupi i përbashkët i përbërë nga zyrtarë sauditë dhe turq filloi punën të hënën me një hetim disa orësh të kryer në ndërtesën e konsullatës.

Delegacioni turk i cili kryesohet nga një zëvendëskryeprokuror i shtetit dhe një prokuror nga Prokuroria e Stambollit, përbëhet nga një staf ekspertësh nga departamentet e hetimit të skenës së krimit, të sigurisë publike dhe antiterrorit pranë Drejtorisë së Policisë së Stambollit.

Gazetari dhe kolumnisti i “The Washington Post”, Jamal Khashoggi, i cili ka dhënë kontribute edhe për “Al Watan”, një platformë e rëndësishme për reformistët sauditë, u zhduk më 2 tetor pasi hyri në kompleksin e Konsullatës së Arabisë Saudite në Stamboll.

Sipas burimeve të sigurisë, Khashoggi shkoi në Konsullatën e Përgjithshme të Arabisë Saudite në Stamboll për procedura të martesës, ndërsa më pas u konfirmua se nuk është larguar më nga konsullata dhe se në të njëjtën orë në ndërtesën e konsullatës kanë mbërritur 15 qytetarë sauditë, duke përfshirë edhe zyrtarë të cilët më pas janë kthyer në vendet nga kishin ardhur. aa

STAMBOLL- Një prej të dyshuarve të identifikuar nga Turqia si pjesëmarrës në zhdukjen e gazetarit kritik, Jamal Khashoggi ka qenë shoqërues i Princit të Kurorës së Arabisë Saudite Mohammed bin Salman.

Ai është parë në daljet nga avioni me Princin saudit në Paris dhe Madrid dhe është fotografuar si roje gjatë vizitave të Princit këtë vit në Houston, Boston dhe Kombet e Bashkuara.

Për tre të tjerë të cilët dyshohet se kanë marrë pjesë në zhdukjen e gazetarit lidhja është bërë nga dëshmitarët dhe të dhëna të tjera të Princit të Kurorës Saudite.

Një i pestë është një doktor mjeko-ligjor i cili ka mbajtur pozicione të larta në Ministrinë e Brendshme të Arabisë Saudite dhe establishmentin ligjor, një pozicion i tillë që mund të drejtohej vetëm nga një autoritet i lartë saudit.

Në qoftë se, siç thonë autoritetet turke, këta persona kanë qenë present në konsullatë saudite në Stamboll kur gazetari Khashoggi u zhdukk në 2 Tetor, kjo mund të vërtetonte lidhjen direkte mes asaj që ndodhu dhe Princit Mohammed. Kjo do të hidhte poshtë çdo sugjerim që zoti Khashoggi vdiq nga një “operacion” i paautorizuar nga Princi i Kurorës. Lidhja e tyre me Princin mund ta bënte më të vështirë që Shtëpia e Bardhë dhe Kongresi të pranonin një shpjegim të tillë.

“The Neë York Times” ka konfirmuar në mënyrë të pavarur se të paktën 9 nga 15 të dyshuarit e identifikuar nga autoritetet turke kanë punuar për shërbimet e sigurisë saudite, ushtrinë dhe në minitritë e tjera të Qeverisë. Një prej tyre, Maher Abdulaziz Mutreb, ishte diplomat i caktuar në Ambasadën saudite në Londër në vitin 2017, sipas regjistrit diplomatik britanik. Ai udhëtoi gjerësisht me Princin e Kurorës, shpesh si badiguard.

Përgjegjësia e Princit 33 vjeçar të Kurorës Mbretërore në zhdukjen ose vdekjen e gazetarit Khashoggi është tani një factor deçiziv në sytë e Perëndimit dhe brenda familjes mbretërore.

Princi e ka prezantuar veten si një reformator me qëllime për të hapur ekonomikisht dhe kulturalisht mbretërinë, si dhe ka përdorur imazhin e tij në përpjekje për të influencuar politikat e Shtëpisë së Bardhë në rajon si dhe për të fituar investimet perëndimore për të ndihmuar në diversifikimin e ekonomisë saudite.

Por zmbrapsja ndërkombëtare në vrasjen dhe gjymtimin e raportuar të të vetmit gazetar columnist, zotit Khashoggi, i cili shkruante për The Ëashington Post, ka njollosur këtë imazh shumë më shumë sesa hapat e mëparshëm të gabuar që ka bërë Princi i Kurorës, duke e futur vendin e tij në një luftë katastrofike në Jemen pas marrjes peng të kryeministrit të Libanit.

Princi i Kurorës dhe babai i tij, Mbreti Salman, kanë mohuar të kishin njohuri për vendndodhjen e zotit Khashoggi, duke përsëritur se ai u largua Iirshëm nga konsullata. Autoritet saudite nuk iu përgjigjën kërkesës për një koment për këtë artikull.

Por në ditët e fundit, kur shumica e bizneseve amerikanë tërhequr tendat e tyre nga konferenca e investimeve në Riad dhe anëtarë të Kongresit ngritën zërin për sanksione, Shtetet e Bashkuara, Turqia dhe Arabia Saudite duket se po bëjnë kërkime për gjetjen e një mënyre për të shpëtuar fytyrën.

Një gjykatë mbretëtore besohet se do të pranojë që zoti Khashoggi u vra në konsullatë, dhe të bëjë përgjegës një agjent të inteligjencës i cili mori në pyetje zotin Khashoggi, proces që përfundoi me vrasjen e gazetarit.

Presidenti Trump hodhi në qarkullim të hënën mundësinë që zoti Khashoggi ishte viktimë e vrasësve “mashtrues”.

Por ky shpjegim i Presidentit do të ndeshej me vështirësi të mëdha për tu detajuar.

Pozicioni i të dyshuarve në qeverinë saudite dhe lidhjet e tyre me Princin e Kurorës mund ta bëjë më të vështirë shfajësimin e tyre nga përgjegjësitë.

Prezenca e doktorit mjeko-ligjor i cili është i specializuar në autopësi, sugjeron se operacioni ka qenë me qëllime vdekjeprurëse që në nisje.

Zyrtarët turq kanë thënë se kanë evidence që 15 agjentë sauditë fluturuan për në Stamboll në 2 tetor, vranë zotin Khashoggi, e copëtuan trupin e tij dhe u larguan nga vendi në të njëjtën ditë. Të dhënat tregojnë se dy chartera privatë të kompanisë saudite në lidhje të ngushta me Princin saudit të kurorës dhe Ministrisë së Brendshme erdhën dhe u larguan nga Stambolli ditën e zhdukjes së zotit Khashoggi.

Zyrtarët turq thanë se zoti Khashoggi u vra në dy orët pas mbërritjes së tij në konsullatë. Kjo periudhë kohore nuk do të kishte lejuar shumë kohë që një marrje në pyetje të shkonte keq.

The Times mblodhi më smë informacion për të dyshuarit duke përdorur softuer për njohjen e fytyrës, të dhëna në dispozicion të publikut, profilet në mediat sociale, databazën e numrave të telefonit në Arabinë Saudite, lajmet e mediave saudite, dokumentet që i kanë rrjedhur qeverisë saudite dhe në disa raste llogaritë e dëshmitarëve në Arabinë Saudite dhe vendet që Princi i Kurorës ka vizituar.

Zoti Mutreb, ish diplomat në Londër, është fotografuar teksa duket në avion me Princin Mohammed në udhëtimet e fundit në Madrid dhe Paris. Ai është fotografuar gjithashtu në Houston, Boston dhe Kombet e Bashkuara gjatë vizitave të Princit atje, shpesh i inatosur duke parë turmën.

Një profesionist francez i cili ka punuar me familjen mbretërore saudite identifikoi të dyshuarin e dytë, Abdulaziz Mohammed al-Haësaëi, anëtar i skuadrës së sigurisë që udhëton me Princin e Kurorës.

Media saudite raportoi se një tjetër me të njëjtin emër si i dyshuari i tretë, Thaar Ghaleb al-Harbi, u promovua vitin e kaluar në nivel togeri i rojes mbretërore saudite, për trimëri në mbrojtjen e pallatit të Princit Mohammed në Jeddah.

I dyshuari i katërt udhëtoi me pasaportë që mban emrin e një tjetër anëtari të rojes mbretërore, Muhammed Saad Alzahrani. Një kërkim në emrin Menom3ay, një aplikacioni popullor në Arabinë Saudite, të lejon të shohësh emrat të lidhur me numrat e telefonit. Ky aplikacion e identifikon Thaar Ghaleb al-Harbi si anëtar të rojes mbretërore.  Roja mbante një emër si ‘tag’ dhe me këtë emër shfaqej në një video në vitin 2017 teksa qëndronte pranë Prince Mohammed.

Anëtarët e rojes mbretërore ose ndihmësit, të cilët udhëtuan me princin e kurorës mund të mos raportojnë drejtëpërdrejtë te ai dhe ndonjëherë marrin detyra të tjera. Është e mundur që disa të jenë rekrutuar  për të marrë në pyetje zotin Khashoggi, ndoshta të udhëhequr nga një zyrtar i lartë i inteligjencës. Por prezenca mes të dyshuarve e ekspertit të autopsive, Dr. Salah al-Tubaigy, sugjeron se vrasja mund të ketë qenë pjesë e planit original.

Dr. Tubaigy, i cili ka qenë present në disa platform të mediave sociale, e ka identifikuar veten e tij në tëitter si drejtues i Këshillit Shkencor Saudit të mjekësisë ligjore dhe ka mbajtur pozicione të larta drejtuese në shkollën e mjekësisë së mbretërisë si dhe në Ministrinë e Brendshme. Ai ka studiuar në Universitetin e Glasgout dhe në vitin 2015 shpenzoi tre muaj në Australi duke vizituar mjekësinë ligjore të këtij vendi në Institutin e Victorias.

Dr. Tubaigy, emri i të cilit si i dyshuar doli disa ditë më parë, nuk ka reaguar publikisht për akuzat. Asnjë prej të dyshuarve nuk komentoi.

PERKTHEU: PANORAMA

Kryetarja e Komitetit të Helsinkit në Serbi dhe njëherësh mbrojtësja më e zëshme të interesave të Kosovës, Sonja Biserko, ka folur për sulmet në adresë të saj të iniciuara nga presidenti i Serbisë, Aleksandër Vuçiç dhe strategjitë e implementuara për ndarjen e Kosovës.

Biserko në një intervistë të dhënë për revistën “Vreme”, e cila mban datën 4 tetor ka përmendur  për herë të parë emra konkretë, ndërsa ka listuar edhe rolin që kanë patur disa figura ndërkombëtare në këtë çështje. Sipas saj, të dy presidentët, ai i Kosovës dhe i Serbisë kanë biseduar për gati dy vite radhazi në Bruksel për idenë e ndarjes së Kosovës, por shton se pjesë e tyre është bërë edhe Frederica Mogherini.

Gjuha e saj është e ashpër pasi shprehet se në bisedime kanë hyrë persona me shumë pak kompetenca, që sipas saj, interesat kombëtare dhe sociale, nuk janë parësore për ta. Ajo shprehet se Beogradi kishte si synim gjetjen e një partneri nga Tirana zyrtare, ndërsa sipas saj,  Serbia  “prenotoi” për këtë kryeministrin e Shqipërisë, Edi Ramën.  Biserko  shton se bisedimet për ndarjen e Kosovës filluan para dy vitesh, kur Rama ishte për një vizitë në Serbi.

“Kjo letër në botën e jashtme u prit mjaft mirë dhe gjatë verës është cituar shpesh. Ndonëse nisma për ndarje doli së fundi në sipërfaqe, ajo është zier së paku dy vite. Në të vërtetë, Beogradi gjatë gjithë kohës ka kërkuar partner në Tiranë dhe më në fund e ka gjetur atë: është kryeministri shqiptar Edi Rama. Ato bisedime (për ndarjen) filluan para dy vitesh kur Rama ishte në Nish, por këtë e zbuluan Ëashingtoni dhe Londra», deklaroi Biserko. Më vonë, shtoi Biserko, idesë për ndarjen e Kosovës iu bashkuan dhe një sërë figurash prominente nga Perëndimi, siç është Ëolfgang Petritschi, i cili punon për një zyrë avokatore që lobon për qeverinë serbe, pastaj Tony Blair, ish-ambasadori amerikan në Beograd, Cameron Munter, Aleks Soros, por edhe Ivan Vejvoda, Jelena Miliq, Ivan Krastev… Të gjithë këta emra tërhoqën vëmendjen te projekti i ndarjes. Kjo tani nuk është më marrëveshje mes Thaçit dhe Vuçiçit , përkatësisht Vuçiçit  dhe Ramës, por ka edhe konotacion të ri ndërkombëtar. Deri së fundi për këtë nuk ka pasur përkrahje nga bota e jashtme”, thuhet mes tjerash në intervistën e Biserko.

Patriariku serb, Irinej njihet për deklaratat e tij të forta kundër Kosovës. Ndaj edhe këtë herë ai ka provokuar, teksa i thur lavde presidentit serb Aleksandër Vuçiç.

Sipas patriarikut serb, Vuçiç po lufton si luan për Kosovën, në kushte të pabarabarta.

“Shpresa dhe ngushëllimi dëshmojnë se ai vazhdimisht deklaron se nuk do të imponojë vullnetin e tij dhe zgjidhjet e tij të mundshme, por do të respektojë vullnetin e tij dhe popullit edhe nëse nuk pajtohet me të. Kisha, sipas natyrës së saj, nuk merr vendime politike dhe shtetërore, por ka të drejtë dhe madje edhe më shumë detyrë të tregojë kritere dhe vlera të përjetshme, para së gjithash në shërbim të drejtësisë, lirisë, paqes dhe jetës për të gjithë”, tha ai për të përditshmen serbe “Veçernje Novosti”.

Presidenti i Serbisë, Aleksandër Vuçiq ka thënë në një prononcim për Shërbimin e Ballkanit të Radios Evropa e Lirë, se mendon që është e nevojshme të vihen kufijtë mes shqiptarëve dhe serbëve.

“Termi përkufizim i kufirit do të thotë që kemi kufij mes shqiptarëve dhe serbëve e që sot nuk e dijmë ku janë. Pyetja ime është ku janë ata kufij, aty ku themi ne apo aty ku thonë shqiptarët? Askush në botë nuk e di saktë ku janë këta kufij”, ka thënë Vuçiq.

Ai i ka bërë këto deklarata teksa ka folur për detajet e polikës së tij karshi çështjes së Kosovës, në takimin Kina dhe partnerët “16+1” që po mbahet në Beograd.

“Unë kam menduar se është e rëndësishme që të dimë të ardhmen tonë, të kemi paqe dhe stabilitet me shqiptarët në 100 apo 200 vjetët e ardhshme. Qytetarët e Serbisë mendojnë se është më mirë të jemi as në tokë as në qiell. Mirëpo unë mendoj se kjo është gabim, nuk është pikëpamje e gjerë dhe strategjike por mua më takon të respektoj vullnetin e popullit” ka shtuar Vuçiq.

Përveç tjerash, presidenti serb ka konfirmuar për Radion Evropa e Lirë se më 11 nëntor do të takojë në Paris, presidentin e Kosovës, Hashim Thaçi ku do të vazhdojnë diskutimet për çështjen e Kosovës.

“Në tavolinë është e lejuar të vihet gjithçka prandaj unë po hesht. Kur dëgjoj marrëzi për, nuk e di, Medvegjën, Bujanovcin dhe ku e di se çka, unë nuk bëj zë. Le të thonë gjithçka që mendojnë, dhe do ta shohim a mundemi të mbërrijmë deri te një marrëveshje apo jo. Unë qartazi dyshoj, e shoh se nuk ka asgjë prej kësaj pune, shqiptarët në vend se të reduktojnë pritjet e popullit të tyre ata i rrisin ato, krejt e kundërta se si veproj unë këtu në Beograd dhe Serbi” deklaroi presidenti serb.

Në këtë deklaratë, Vuçiq ka folur edhe për rolin e faktorit ndërkombëtar në çështjen e Kosovës.

“Kemi një qëndrim hipokrit të bashkësisë ndërkombëtare në të cilin nuk kanë rënë amerikanët. Ky qëndrim thotë se gjoja ndryshimi i kufijve, të cilët nuk e dinë ku janë por mendojnë për kufijtë e Kosovës së pavarur, hap kutinë e Pandorës. Po pse atëherë e keni hapur në vitin 2008, në vitin 2006 apo në vitet e 90’ta duke e shkatërruar Jugosllavinë? Çfarë keni bërë kështu?” ka shtruar pyetjen presidenti Vuçiq.

Çështja e ndryshimit të kufijve mes Kosovës dhe Serbisë është përmendur disa herë nga presidenti i Kosovës Hashim Thaçi.

Presidenti Thaçi ka përmendur termin korigjim të kufirit, dhe sipas tij, përmes këtij procesi Kosovës do t’i bashkohen komunat e Luginës së Preshevës.

BEOGRAD – Presidenti i Serbisë Vuçiç sot deklaroi se përpara Serbisë gjendet një situatë e rëndë para votimit të radhës për pranimin e Kosovës në Interpol, për shkak se disa vende perëndimore, siç tha, “këmbë e doras” punojnë që Prishtina të bëhet anëtare e organizatës ndërkombëtare.

Ai në konferencë për gazetarë në Beograd tha se votimi për anëtarësim në Interpol është mes 19 dhe 21 nëntorit, ndërsa shtoi se ministri i Punëve të Jashtme Ivica Daçiç, ministri i Punëve të Brendshme Nebojsha Stefanoviç dhe kryeministrja Ana Brnabiç para kësaj doemos duhet të zhvillojnë shumë thirrje dhe biseda.

“Disa nga partnerët tanë perëndimorë punojnë këmbë e doras që Kosova të bëhet anëtare e Interpolit”, tha Vuçiç.

Jamal Khashoggi

Zyrtarët turq që po hetojnë zhdukjen e gazetarit saudit, Jamal Khashoggi, do të bastisin konsullatën e Arabisë Saudite në Stamboll, njoftojnë mediat.

Zyrtarët turq besojnë se Khashoggi është vrarë në konsullatë nga agjentët sauditë, rreth dy javë më parë, por Riadi e mohon fuqishëm një gjë të tillë.

Presioni diplomatik mbi sauditët, për të dhënë më shumë shpjegime, po rritet.

Të hënën, mbreti Salman i Arabisë Saudite urdhëroi hetime të rastit.

“Mbreti urdhëroi prokurorin publik të hapë një hetim të brendshëm mbi çështjen Khashoggi, bazuar në informacionin e ekipit të përbashkët në Stamboll”, tha një zyrtar i cituar nga agjencia e lajmeve Reuters.

Javën e kaluar, Turqia e pranoi propozimin saudit për të formuar një grup të përbashkët punues për të hetuar zhdukjen e Khashoggit.

Khashoggi, kritik i Qeverisë saudite, i cili ka shkruar për Washington Post, është parë për herë të fundit më 2 tetor, duke hyrë në konsullatën saudite në Stamboll.

Burimet turke pohojnë se ai është vrarë nga një ekip i agjentëve sauditë, por Riadi këmbëngul se ai është larguar nga konsullata në gjendje të mirë.

STAMBOLL – Ekipe të shumta gazetarësh vazhdojnë të qëndrojnë para Konsullatës së Arabisë Saudite në Stamboll, në pritje të ndonjë informacioni për fatin e gazetarit Jamal Khashoggi, i cili që nga data 2 tetor, atëherë kur hyri në konsullatë, llogaritet një person i zhdukur.

Ekipet mediatike mëngjesin e sotëm janë vendosur para konsullatës, e cila ndodhet në një mbikëqyrje maksimale policore.

Gazetari dhe kolumnisti i gazetës “The Washington Post”, Khashoggi, u zhduk më 2 tetor, pasi kishte hyrë në kompleksin e Konsullatës së Arabisë Saudite në Stamboll. Ai ishte i njohur si kritikues i politikave që udhëheq qeveria aktuale saudite.

Në Turqi ka nisur një hetim mbi zhdukjen e tij, ndërsa raportuesi i agjencisë Reuters, tha më herët se Khashoggi është vrarë brenda në konsullatë, pas disa ditë ku u mbajt peng. Të njëjtat pohime i bëri edhe lidhja e mediave turko-arabe, e cila madje thotë se ka prova për të dëshmuar pohimin e tyre.

Zëdhënësi i Presidencës së Turqisë, İbrahim Kalın, deklaroi të shtunën se Turqia dhe Arabia Saudite kanë marrë një vendim për themelimin e një grupi të përbashkët pune, i cili do të punojë për zbardhjen e rastit Khashoggi. aa