Nuk e dijmë se cila eshtë më e turpshme, heshtja e kryeministrit të Shqipërisë Edi Rama dhe e qeverisë së tij,në njerën anë apo deklarata skandaloze e kryeministrit të Malit të Zi, Dritan Abazoviq në anën tjetër, lidhur me rastin e keqtrajtimit të dy shtatasve shqiptarë , përkatësisht rrahjen e pedagogut Petraq Milo në atomjetin e tij, në pikën kufitare Sukubinë-Muriqan nga ana e policëve malazez !.
2.
Ky nuk eshtë një incident i izualuar i dhunës raciste ndaj shtetasëve të Shqipërisë dhe janë të njohur edhe raste të tjera të ngjajshme në të kaluarën.
Ju rikujtojmë një tjetër para disa viteve kur në qytetin Budva , një qytetar malazez i pat drejtuar armën e tij një turisti shkodran dhe e kishte detyruar ate që të flas gjuhën malazeze.Turistët nga Shqipëria janë vizitues të rregullt të Budvas ,sidomos gjatë muajëve të verës.
3.
Si Rama ashtu dhe Abazoviq vazhdimisht trumbetojnë publikisht për angazhimin e tyre në fuqizimin dhe marrëdhënieve miqësore në mes të dy shteteve të tyre përkatëse, pra Shqipërisë dhe Malit të Zi.
Një ndër projektet e tyre që ata e permendin kohëve të fundit është edhe ndërtimi i urës mbi lumin Buna që do të lidh Ulqinin me Velipojën.
Po çfarë efekti kanë urat në mes dy vendeve fqinje kur njëri fqinj, pra Mal i Zi dhe pjesëtarët e organeve të policore sillen në atë mënyrë se si u sollën me dy shtatasit shqiptarë në Janar të këtij viti, në pikën kufitare në Sukubinë.
Para ndërtimit të urave fizike duhet të ndërtohen urat e respektit dhe këtu e kam fjalën për trajtimin me dinjitet dhe respekt të shtetasve shqiptarë nga ana e policëve të Malit të Zi në pikat kufitare.
4.
Një pjesë e malazezëve kanë një urrejtje të trashiguar ndaj shqiptarëve dhe këte më mirë se askush e dijnë vetë shqiptarët në Mal të Zi ndaj të cilëve dekada me radhë janë manifestuar forma të racizmit dhe diskriminimit institucional, por kjo është një temë tjetër.
5.
Me qëllim që mos të përsëriten raste të tilla dhune nga ana e policisë, së pari eshtë përgjegjësi dhe obligim i qeverisë dhe i pushtetit të Mal të Zi që në organet e tyre të sigurimit mos të punësohen kurr njerëz me paragjykime dhe urrejtje kundër shqiptarëve dhe së dyti eshtë shumë me rëndësi që në njësitë e sigurisë doganore në kalimin kufitar me Shqipërinë, jo vetëm ate në Sukubinë por edhe ate në Bozhaj, të punësohen më shumë shqiptarë vendas.
Njëkohësisht eshtë imperative që punonjësit të jenë individë të cilët zbatojnë dhe respektojnë ligjin me përgjegjësi profesionale në mënyrë që në të ardhmen të evitohen incidente të tilla brutaliteti e dhune,të cilët nuk jo vetëm që nuk i shërbejnë raporteve ndërfqinjësore por njëherit nuk i kontribojnë as paqës dhe stabilitetit në këtë pjesë të rajonit.
Ndonëse e gjithë bota po shmang vizitat në Moskë për shkak të agresionit rus në Ukrainë, një delegacion i Republikës Serbe në Bosnjë dhe Hercegovinë, përveçse ka bërë një gjë të tillë, madje edhe janë mburrur me këtë.
Sipas mediave të huajai, bëhet fjalë për një vizitë të një delegacioni të Asamblesë Kombëtare të Republikës Serbe, të kryesuar nga kryetari i këtij institucioni, Nenad Stevandiq, në një seancë të Dumës së Rusisë.
Siç thuhet më tej, në seancën e Dumës, delegacioni në fjalë u prit me duartrokitje të forta.
Mirëpritja u transmetua publikisht, ndaj në rrjetet sociale mund të gjendet pamje ku shihen deputetët duke bërë me dorë dhe duke ngritur tre gishtat.
Ndër tjerash, delegacioni nga Republika Serbe theksohet se ka biseduar me delegacionet ruse për “marrëdhëniet ndërmjet RS-së dhe Rusisë, bashkëpunimin e deritanishëm dhe vazhdimin e realizimit të projekteve”. syri.net
Presidenti i Serbisë, Aleksandar Vuçiç ka thënë mbrëmë se në takimin e së hënës në Bruksel me kryeministrin e Kosovës, Albin Kurti, do t’i përmbahet vijave të kuqe për çështjen e Kosovës, për të cilat foli në Kuvendin e Serbisë – pa marrë parasysh çfarë bëhet.
Në hapjen e Panairit të Turizmit në Beograd, Aleksandar Vuçiç, i pyetur nga gazetarët nëse të hënën në Bruksel, nisur nga mesazhet nga BE-ja se pritet një lloj pranimi i propozimit franko-gjerman, tha se Serbia do të mbetet në vijat e kuqe të mëparshme dhe kujtoi qëndrimet që ai ka paraqitur në Kuvend.
“Gjithçka që thash në Kuvend, e kuptoj shqetësimin tuaj dhe na presin shumë net të vështira, është se Serbia do t’i përmbahet asaj që thash në Kuvendin Kombëtar – pa marrë parasysh çfarëdo që të jetë”, tha Vuçiç.
Të hënën në Bruksel, me ndërmjetësimin e BE-së do të takohen Kurti dhe Vuçiç.
Të dy drejtuesit e shteteve përkatëse e kanë pranuar në parim planin franko-gjerman. syri.net
Janë arrestuar dy policët kufitarë malazezë të cilët dhunuan në doganën e Muriqanit profesorin Petraq Milo, ish-këshilltar i Presidentit të Republikës së Shqipërisë.
Ngjarja ndodhi në janar të këtij viti, ndërsa autoritetet malazeze dhe ato shqiptare u vunë në lëvizje pas publikimit të pamjeve të reja.
Media publike malazese “RTCG” njofton masat e marra nga autoritetet e Podgoricës, duke vënë pranga dy efektivët malazezë.
Një prej policëve është identifikuar si Dragan Shqekiç i cili shihet në video duke goditur Milon dhe e nxjerr me forcë nga automjeti.
“Ushtruesi i detyrës së prokurorit në ZDT në Ulqin, siç mësohet jozyrtarisht, ka urdhëruar arrestimin e dy policëve të cilët dyshohet se janë autorë të ngjarjes së ndodhur më 15 janar në pikën e përbashkët kufitare Sukobin – Muriçan, në të cilën ndodhi keqtrajtimi i një shtetas shqiptar. Në fjalë, siç mësojmë, janë policët D.Š. dhe N.B”, thuhet në komunikatë.
Petraq Milo, Kryetar i Komisionit për Ekonominë dhe Financat në Partinë e Lirisë, po udhëtonte me familjen e tij drejt Malit të Zi në 15 janar të këtij viti, kur u përball me dhunën e policisë kufitare malazeze.
Ndërsa sot gjatë ditës, kryeministri me mandat teknik i Malit të Zi, Dritan Abazoviç, tha se videot, në të cilat shihen disa policë të Malit të Zi duke keqtrajtuar një shtetas të huaj në kufi me Shqipërinë, i ka parë që nga data 15 janar, prej kur edhe sipas tij “janë ndërmarrë masa”.
Ai tha se ata që i tejkalojnë kompetencat e tyre, duhet të ndëshkohen në mënyrë adekuate.
Por, shtoi se “ka edhe një anë tjetër të medaljes”, pasi, siç tha, në video nuk shihet se veprimeve të policisë u ka paraprirë një kundërvajtje në komunikacion.
“Nuk është se dikush e ka vënë në shënjestër dikë dhe e ka nxjerrë thjesht nga makina. Dikush duhet të ketë bërë shkelje. Nuk janë respektuar rregullat e komunikacionit dhe radhët”, tha Abazoviç.
Sakaq, një ditë më parë u pezullua nga detyra zv/drejtori i Sektorit të Policisë Kufitare të Malit të Zi, Dragan Klikoovac.
Gjashtë njerëz kanë vdekur pas tërmetit 6.4 shkallë të Rihterit që ka goditur të hënën jugun e Turqisë.
Më shumë se 680 njerëz janë plagosur në Turqi dhe Siri, si pasojë e tërmetit të 20 shkurtit.
Thellësia e këtij tërmeti ka qenë vetëm dy kilometra, sipas Qendrës Evropiane Sizmologjike.
Ky tërmet vjen dy javë pas dy tërmeteve me magnitudë mbi 7 të shkallës Rihter që kanë lënë të vdekur mbi 44 mijë njerëz në Turqi dhe Siri.
Të vdekurit nga tërmeti i së hënës janë gjetur në qytetet Antakia, Defne edhe Samandagi, ka thënë ministri i Brendshëm turk Suleyman Soylu, duke u bërë thirrje njerëzve që të mos qëndrojnë në ndërtesat potencialisht të rrezikshme.
Soylo ka thënë se 213 njerëz janë plagosur në Turqi.
Vëzhguesi Sirian për të Drejtat e Njeriut ka thënë se 470 njerëz kanë vizituar spitalet pas tërmetit, i cili është raportuar të jetë ndier edhe në Egjipt dhe Liban.
Presidenti turk, Recep Tayyip Erdogan ka thënë ditë më parë se puna për ndërtim të gati 200.000 banesave në 11 provincat e prekura nga tërmeti në Turqi, do të nisë muajin e ardhshëm.
Ekipet e shpëtimit po kërkojnë edhe një herë për njerëzit e bllokuar nën rrënoja në Turqi pasi dy tërmeteve të reja.
Lëkundjet me magnitudë 6.4 dhe 5.8 goditën në jug-lindje pranë kufirit me Sirinë, ku tërmete masive shkatërruan të dy vendet më 6 shkurt.
Tërmetet e mëparshme vranë 44,000 njerëz në Turqi dhe Siri dhe dhjetëra mijëra të tjerë mbetën të pastrehë.
Ndërtesat e dobësuara nga këto lëkundje u shembën në të dy vendet të hënën.
Agjencia turke e fatkeqësive dhe emergjencave thotë se tërmeti me magnitudë 6.4 ndodhi në orën 20:04 me orën lokale (17:04 GMT), i ndjekur nga tërmeti 5.8 tri minuta më vonë.BW
Presidenti i Malit të Zi, Milo Gjukanoviq, deklaroi se nuk ka indikacione se autoritetet shtetërore apo institucionet e Malit të Zi kanë marrë pjesë në ndonjë mënyrë në përpjekjen ruse për të sulmuar Moldavinë, transmeton agjencia e lajmeve, Beta.
Gjukanoviq tha se mund të bëhet fjalë vetëm për “individë ose organizata terroriste që e vënë veten në shërbim të interesave ruse për të destabilizuar vendet fqinje”.
“Ne e dimë se një pjesë e qytetarëve të Malit të Zi, si dhe të vendeve të tjera të rajonit, për fat të keq demonstrojnë se mbështesin agresionin rus”, tha Gjukanoviq.
Presidenti i Malit të Zi u takua me Presidenten e Moldavisë, Maja Sandu, në kuadër të Konferencës së Sigurisë në Mynih.
Sandu, tha më 13 shkurt se Rusia planifikon të përdorë sabotues të huaj për të rrëzuar udhëheqjen e vendit të saj, për të ndalur anëtarësimin në Bashkimin Evropian dhe ta përdorin këtë në luftën kundër Ukrainës. Sipas saj, ky plan përfshin qytetarë të Rusisë, Malit të Zi, Bjellorusisë dhe Serbisë që hyjnë në Moldavi.
Në ditën kur Sandu shpalli akuzat për ekzistimin e një plani të tillë, nga Moldavia u kthyen tifozët e ekipit të futbollit Partizan nga Beogradi.
Autoritetet moldave nuk kanë njoftuar nëse vendimi për të luajtur ndeshjen pa publik dhe pretendimet e presidentes së vendit lidhur me planin për të rrëzuar udhëheqjen, janë të ndërlidhura.
Ndërsa një ditë më vonë, zyrtarët në Beograd dhe Podgoricë thanë se nuk kishin një informacion të tillë dhe i kërkuan Moldavisë sqarime shtesë në lidhje me pretendimet e saj.
Më 14 shkurt, Rusia hodhi poshtë akuzat e presidentes së Moldavisë se Moska po planifikonte të destabilizonte ish-Republikën sovjetike.
Ndryshe, gjatë vitit të kaluar, Moldavia, shtet fqinj i Ukrainës, është përballur me një sërë shqetësimesh të sigurisë, pasi copëza të raketave ruse kanë rënë në territorin moldav.
Moldavia po ashtu është përballur me reduktime të energjisë, pasi Ukraina ndaloi eksportin e energjisë për shkak të sulmeve ajrore ruse ndaj infrastrukturës së saj kritike.
Sekretari amerikan i Shtetit Antony Blinken mbërriti të dielën në Turqi për një vizitë zyrtare. Ai zhvilloi diskutime me autoritetet turke mbi ndihmën e mëtejshme të Uashingtonit për Ankaranë, ndërsa vendi po përballet me pasojat e tërmetit shkatërrues të 6 shkurtit, që shkaktoi vdekjen e dhjetëra mijëra njerëzve.
Tërmeti me magnitudë 7.8 goditi pjesën juglindore të Turqisë dhe vendin fqinj të saj Sirinë. Si pasojë humbën jetën më shumë se 45,000 persona. Mbi një milion të tjerë kanë mbetur të pastrehë dhe sipas parashikimeve, kostoja ekonomike e shkaktuar nga tërmeti mund të arrijë në miliarda dollarë.
Në krye të axhendës së zotit Blinken do të jetë edhe çështja e anëtarësimit në NATO, e Suedisë dhe Finlandës. Deri tani Turqia ka refuzuar të ratifikojë protokollet e pranimit të tyre në aleancë, duke thënë se Stokholmi në veçanti, ka strehuar ata që Ankaraja i quan anëtarë të grupeve terroriste. Turqia ka dhënë së fundmi sinjale se do të miratojë vetëm kërkesën e Finlandës.
Diplomati i lartë amerikan u ndal të dielën pasdite në provincën jugore turke të Adanas, e më pas pa nga lart me helikopter, zonat e goditura nga tërmeti, shoqëruar nga homologu i tij turk, Mevlut Cavusoglu. Zoti Blinken pritet të zhvillojë bisedime të mëtejshme dypalëshe në Ankara ditën e hënë.
Sipas burimeve në dijeni të axhendës, zoti Blinken do të takohet edhe me Presidentin turk Tajip Erdogan.
Shtetet e Bashkuara kanë dërguar tashmë në Turqi një ekip për operacionet e kërkim-shpëtimi, medikamente mjekësore, makineri për thyerjen e betonit si dhe fonde shtesë prej 85 milionë dollarësh në ndihma humanitare që mbulojnë gjithashtu edhe Sirinë. Zoti Blinken tha se Uashingtoni do të ofrojë edhe 100 milionë dollarë të tjerë për të ndihmuar njerëzit në nevojë.
Vizita e parë e zotit Blinken në Turqi në cilësinë e Sekretarit të Shtetit ishte diçka për të cilën po punohej prej kohësh, por ajo vjen dy vjet pasi zoti Blinken mori detyrën. Kjo është në kontrast të fortë me atë çfarë kanë bërë disa nga paraardhësit e zotit Blinken, përfshirë Hillary Clinton-in dhe Rex Tillerson-in, të cilët zhvilluan vizitën e tyre të parë brenda tre muajsh nga marrja e detyrës.
Vonesat në këtë rast thonë analistët, tregojnë nivelin e tensioneve në marrëdhëniet mes dy vendeve, marrëdhënie që u përkeqësuan veçanërisht që nga viti 2019, kur Ankaraja bleu sistemet ruse të mbrojtjes raketore.
Ndërsa Shtetet e Bashkuara e kanë vlerësuar Turqinë për disa nga veprimet e saj gjatë sulmit rus në Ukrainë, ekspertët thonë se Uashingtoni vazhdon të jetë i shqetësuar mbi marrëdhëniet e ngushta të Ankarasë me Moskën.
Një nga të mbijetuarit e tërmeteve vdekjeprurëse të 6 shkurtit në Turqi ka bërë rrëfimin e tij traumatik se si arriti të shpëtonte pas 56 orësh nën rrënoja, duke ruajtur gjakftohtësinë. Ziya Soner Tughtekin, nga provinca Antijaman në Turqinë juglindore tregoi për mediat se doli nga rrënojat vetëm me të birin, ndërsa gruaja dhe vajza e tij humbën jetën.
“Nuk e dija sa ditë kaluam nën rrënoja … Kisha duhan me vete, po mbështillja një cigare dhe po pija duhan,” thotë i mbijetuari. “Në momentin e tërmetit, vajza dhe gruaja ime u përpoqën të vinin tek unë. Atyre u shemb tavani dhe u vranë në vend”, rrëfen ai. “Djali im Denis u bllokua dhe theu brinjët”.
Ai këshillon ata që e gjejnë veten në një pozitë të ngjashme që të përpiqen të ruajnë gjakftohtësinë e tyre.
Ekipet e shpëtimit e nxorën nga rrënojat teksa ishte me cigaren në gojë. “Kur më nxorën nga rrënojat, cigaren e kisha në gojë. Më thanë ta hidhja, por nuk e bëra sepse kështu mbeta gjallë”, shtoi ai. Aktualisht vijojnë kërkimet nën rrënojat e ndërtesave të shembura në Turqi.bw
34-vjeçari, Mustafa Avcı, u nxor nga rrënojat pas 12 ditësh nga tërmeti dhe në spital u takua me bashkëshorten dhe vajzën e tij Almila, e cila lindi rreth 3 orë para tërmetit të parë.
Mustafa u shpëtua në orën 261 dhe u ribashkua me gruan dhe vajzën e tij në spitalin e qytetit të Mersinit, ku u soll për trajtim. Natën e tërmetit ai doli nga dhoma e gruas së tij për të shkuar në mensë, në një spital privat në Hataym. Mustafa u kap në katin e parë nga tërmeti dhe mbeti nën rrënoja.
Gruaja dhe foshnja nuk u lënduan për shkak se nuk kishte shembje në dhomën e tyre. Gruaja e tij tha se Mustafa shkoi në mensë duke thënë “Do marr pak ajër” dhe mbeti nën rrënoja.
“Nuk kisha shpresë. Mendova se familja ime vdiq. Nuk bëra asnjë përpjekje për të shpëtuar, isha nën rrënojat. Tani më duket sikur kam lindur sërish.
Jam shumë i lumtur që kam kthyer familjen time. Nuk mund ta besoja se do të dilja përsëri. Mendova se kisha humbur nënën, babanë, të gjithë.
Gruaja ime, fëmija im, mendova se të gjithë kishin vdekur. Zoti i bekoftë të gjithë, të gjithë ishin shumë të interesuar. Jam shumë i lumtur, sikur kam lindur sërish”, tha Mustafa.
“Përjetova edhe parajsën edhe ferrin në 12 ditë. Por fatmirësisht jemi bashkuar dhe familja jonë është kompletuar”, tha ai.bw
261 orë pas tërmetit shkatërrues që goditi Turqinë dhe Sirinë, dy të rinj të moshës 26 dhe 34 vjeç u nxorën të gjallë nga rrënojat e një spitali privat në qytetin turk të Hatay.
Ekipet e shpëtimit po punonin rreth ndërtesës së shembur kur dëgjuan një zë dhe gërmuan në atë drejtim.
Mehmet Ali Sakiroglu, njëri nga dy të shpëtuarit, e kishte dërguar djalin e tij në spital një ditë para tërmetit, raporton agjencia Anadolu. Sipas bilancit të fundit, të publikuar nga burime mjekësore, viktimat e tërmetit me magnitudë 7.8 që goditi Turqinë dhe Sirinë më 6 shkurt ka shkuar në mbi 44 mijë.bw
Njëmbëdhjetë ditë pas tërmetit, jeta vazhdon të dalë nga rrënojat turke – Më shumë se 41,000 viktima – 3,858 pasgoditje që nga dita e tërmetit
VOAL- Një vajzë 17-vjeçare u shpëtua nga rrënojat e një ndërtese të shembur në provincën jugore të Turqisë, Kahramanmaras, të enjten. Gruaja e re u shpëtua 248 orë – ose 11 ditë – pas një tërmeti masiv që goditi zonën këtë javë, duke vrarë mijëra në Turqi dhe Siri. Transmetuesi shtetëror TRT Haber raporton.
Numri i përgjithshëm i vdekjeve në të dy vendet deri më tani ka tejkaluar 41,000 njerëz. Por është një buxhet që është i destinuar të rritet kur të ndalojnë kërkimet. Ndërsa, vetëm në Turqi të plagosurit janë mbi 105 mijë.
Ekipet e shpëtimit vazhdojnë punën edhe kur bie nata, por zona e goditur nga tërmeti është prekur pandërprerë nga pasgoditjet, 3858 janë regjistruar që nga dita e tërmetit, 6 shkurt, nga të cilët pothuajse 400 me magnitudë nga 4 në 5, dhe ai turk. Agjencia e emergjencës dhe fatkeqësive AFAD e quajti situatën “të jashtëzakonshme”.
Janë 50,576 ndërtesa të shembura pjesërisht ose të dëmtuara rëndë për shkak të tërmetit të dhunshëm dhe duhet të prishen urgjentisht, tha ministri turk i mjedisit, Murat Kurum, duke shtuar se autoritetet kanë inspektuar deri tani më shumë se 387,000 ndërtesa në dhjetë provincat e Anadollit juglindor të prekur nga tërmeti. .
Qyteti i Gaziantepit ka numrin më të madh të ndërtesave që duhet të prishen menjëherë, pothuajse 12,000, i ndjekur nga Hatay (10,991) dhe Kahramanmaras (10,777). rsi-eb
Presidenti i Serbisë, Aleksandar Vuçiq, tha se shteti nuk do të lejojë dhunë dhe do të veprojë menjëherë, pasi protestuesit e krahut të djathtë tentuan të hynin në Presidencën serbe.
Pas protestës së djathtistëve pro-rusë në Beograd, Vuçiq mbajti një takim me shërbimet e sigurisë.
“Shteti nuk do të lejojë banditët dhe ekstremistët, me ndihmë nga jashtë, qoftë nga Perëndimi apo Lindja, që të kërcënojnë rendin kushtetues”, tha ai për televizionin Pink.
Vuçiq nuk dha më shumë detaje për këtë temë.
Djathtistët serbë u mblodhën në Beograd më 15 shkurt për të protestuar kundër autoriteteve serbe dhe dialogut me Kosovën, që zhvillohet nën ndërmjetësimin e Bashkimit Evropian.
Në këtë protestë, të organizuar nga organizata e ekstremit të djathtë, “Patrulla e Popullit”, u panë edhe simbolet e grupit mercenar rus, Wagner. Po ashtu, protestuesit brohoritën mesazhe ofenduese ndaj presidentit serb, Aleksandar Vuçiq.
Pjesëtarë të xhandarmërisë serbe kanë parandaluar djathtistët që të hynin në ndërtesën e Presidencës serbe.
Paraprakisht, protestuesit kishin larguar disa pjesë të rrethojave të vendosura pranë Presidencës dhe disa hodhën edhe vezë në drejtim të ndërtesës.
Ata u nisën drejt hyrjes kryesore të Presidencës, për siç thanë, dorëzuar kërkesat e tyre te Vuçiqi. Sipas tyre, kërkesa kryesore është ndërprerja e dialogut me Kosovën.
Disa pjesëmarrës në protestë, siç kanë raportuar gazetarët e Radios Evropa e Lirë që kanë përcjellë ngjarjen, kishin simbole të Wagner-it dhe shkronjën Z, që është bërë simbol i pushtimit rus të Ukrainës.
Kreu i “Patrullës së Popullit”, Damjan Knezheviq, gjatë adresimit para protestuesve tha se askush në partinë udhëheqëse në Serbi, Partisë Përparimtare Serbe, “nuk mund ta quajë veten serb”.
Protesta e djathtistëve serbë kundër Kosovës. Beograd, 15 shkurt 2023.
Knezheviq iu adresua edhe gazetarëve të mediave të huaja në gjuhën angleze, duke thënë se pjesëmarrësit në këtë ngjarje “preferojnë propozimin rus” për Kosovën dhe jo atë evropian, apo siç njihet edhe si propozimi franko-gjerman, që ka të bëjë me normalizimin e raporteve midis Kosovës dhe Serbisë.
Protestuesit kanë brohoritur “Serbia, Rusia”. Organizatorët e protestës kanë kërkuar nga autoritetet serbe që të tërhiqen nga negociatat me Kosovën, shtet që ka shpallur pavarësinë 15 vjet më parë.
Disa orë para protestës, Ministria e Punëve të Brendshme të Serbisë tha se ka arrestuar dy persona – të cilëve u janë gjetur armë – që ishin nisur për të marrë pjesë në ngjarjen në Beograd.
Në deklaratën për media u tha se gjatë arrestimit, atyre u është gjetur një armë dhe municion.
“Patrulla e Popullit”, përmes kanalit të saj në Telegram, konfirmoi se dy anëtarë të kësaj organizate janë arrestuar.
“Patrulla e Popullit” është organizatë që njihet për veprime kundër migrantëve dhe për organizimin e ngjarjeve në Beograd në mbështetje të Rusisë, pasi Kremlini nisi pushtimin e Ukrainës më 24 shkurt 2022.
Në nëntor të vitit 2022, lideri i kësaj organizate, Damjan Knezheviq, vizitoi Qendrën Wagner në Rusi.
Organizata që udhëheq Knezheviq ka bërë edhe një mural në Beograd në nderim të Wagner-it.
Serbia, edhe pse është kandidate për anëtarësim në BE, refuzon të vendosë sanksione ndaj Rusisë dhe ka raporte të mira dypalëshe me Moskën.
Grupe protestuesish serbë në mesin e të cilëve edhe veprimtarë pro-rusë u mblodhën në qendër të Beogradit, duke kërcënuar me trazira nëse Serbia pranon një plan të mbështetur nga perëndimi që synon normalizimin e marrëdhënieve me Kosovën.
Ndjenjat pro-ruse po rriten në Serbi, e cila e konsideron Rusinë, një anëtare me të drejtë vetoje në Këshillin të Sigurimit të Kombeve të Bashkuara, aleaten kryesore në kundërshtimin e saj ndaj pavarësisë së Kosovës që u shpall 15 vjet më parë.
Protestuesit, që mbanin parulla “Kosova – Nuk ka dorëzim” dhe brohorisnin brohoritnin “Serbi-Rusi”, ndërsa ultra nacionalisti Damjan Knezheviç bëri thirrje për trazira nëse Beogradi kërkon të përmirësojë marrëdhëniet me Kosovën.
“Ju (qeveria) keni frikë nga trazirat. Ju betohem, ne jemi gati për më shumë se kaq” tha Knezheviç. Lëvizja e tij ‘Patrulla Popullore’ mbështet agresionin rus në Ukrainë dhe është aktive në përndjekjen e emigrantëve.
Knezheviç pranon lidhjet me grupin mercenar rus Wagner, i cili po lufton në Ukrainë.
Pas protestës, presidenti serb Aleksandar Vuçiç, i cili përpiqet të ruajë drejtpeshimin midis aspiratave të Serbisë për integrim në Bashkimin Evropian dhe lidhjeve me Rusinë, tha se nuk ishte i sigurt nëse protestuesit “ishin pro-rusë”, por ishte i sigurt që “ata ishin anti-serbë”.
“Të gjithë ata që kërcënuan me vrasje dhe rrahje do të përgjigjen para ligjeve serbe”, tha ai në një transmetim televiziv pasi më parë takoi shefat e organeve të sigurisë shtetërore dhe të zbatimit të ligjit.
Më herët gjatë ditës, policia tha se dy mbështetës të organizatës së Knezheviçit që po shkonin për në Beograd, u arrestuan në veri të vendit dhe një pushkë snajper me municione ishte gjetur në makinën e tyre.
Policia pengoi një grup protestuesish që provoi të hyjë në selinë e presidencës serbe.
Nëse udhëheqja jonë shtetërore, dështon ta pengojë Kosovën të anëtarësohet në OKB, ne po i kërkojmë udhëheqjes ruse të përdorë veton dhe të na japë të paktën një muaj kohë për ta hequr këtë tradhtar”, tha Knezheviç, duke iu referuar presidentit serb Vuçiç.
Edhe pse ka dënuar agresionin rus në Ukrainë, në Kombet e Bashkuara dhe forume të tjera ndërkombëtare, Serbia është kritikuar nga perëndimi se nuk u është bashkuar sanksioneve kundër Moskës.
Diplomacia perëndimore ka shtuar përpjekjet për rifillimin e bisedimeve ndërmjet Kosovës dhe Serbisë për normalizimin e marrëdhënieve ndërmjet tyre sipas një propozimi evropian, që nuk parasheh njohje të ndërsjellë, por zotimin e palëve se nuk do të pengojnë njëra tjetrën në procesin e integrimeve.
Udhëheqësit e Kosovës dhe të Serbisë thanë se e pranojnë propozimin në parim dhe se diplomacia perëndimore ua ka bërë të qartë se mospranimi do të çonte në përballje me sanksione.
Një grua 42-vjeçare është nxjerrë e gjallë nga rrënojat, 222 orë pasi tërmeti i fortë goditi Turqinë dhe Sirinë. Sipas mediave turke gruaja u nxorr nga rrënojat e një godine në qytetin Kahramanmaras, aty ku ishte dhe epiqendra e tërmetit. Ekipet e shpëtimit thanë se gruaja e shpëtuar është Melike Imamoglu.
Presidenti turk Recep Tayyip Erdogan njoftoi të martën se më shumë se 35 mijë njerëz kanë vdekur në Turqi si pasojë e tërmetit të javës së kaluar, duke e bërë atë fatkeqësinë më vdekjeprurëse që nga themelimi i vendit 100 vjet më parë.
Ndërsa numri i të vdekurve është pothuajse i sigurt se do të rritet edhe më tej thonë autoritetet, shumë të mbijetuar të mbetur të pastrehë janë duke luftuar për të përmbushur nevojat themelore, si gjetja e strehimit apo ushqimi.
Presidenti turk, i cili i është referuar tërmetit si “katastrofa e shekullit”, tha se më shumë se 13,000 njerëz po marrin ndihmë mjekësore në spitale.
Shumë në Turqi kanë fajësuar ndërtesit për numrin e lartë të viktimave, ndërsa mediat raportojnë se nuk janë zbatuar rregullat e ndërtimit.
Ish i dërguari i posaçëm për dialogun Kosovë-Serbi, ambasadori Richard Grenell, gjatë një takimi me presidentin serb Aleksandar Vuçiq, në Beograd, më 24 janar 2020.
RFE/RL
Presidenti i Serbisë, Aleksandar Vuçiq, ka konfirmuar më 15 shkurt se do të nderojë ish të dërguarin e posaçëm të Uashingtonit për dialogun ndërmjet Serbisë dhe Kosovës, Richard Grenell.
Presidenti i atëhershëm i SHBA-së, Donald Trump, emëroi ambasadorin amerikan në Gjermani, Richard Grenell, si të dërguar të posaçëm të administratës amerikane për dialogun ndërmjet Serbisë dhe Kosovës.
Në gusht të vitit 2021, marrëdhëniet mes Serbisë dhe Kosovës filluan të trajtohen nga Gabriel Escobar, i cili u emërua Zëvendës Ndihmës Sekretar në Byronë e Çështjeve Evropiane dhe Euroaziatike të Departamentit të Shtetit.
Më 15 shkurt, Vuçiq, kur u pyet nga një gazetar për nderimin e Grenellit me rastin e Ditës së Shtetësisë së Serbisë, tha se ishte vendim që e mori personalisht, pasi sipas tij, Grenell “avokoi për Serbinë”.
“Një nga të paktët që u përpoq të kishte një qasje të balancuar, u përpoq të dëgjonte palën serbe, avokoi që zëri i Serbisë të dëgjohej”, u përgjigj Vuçiq.
Presidenti i Serbisë tradicionalisht në festën kombëtare nderon me urdhër të lartë shtetëror individë, shërbimet e të cilëve i konsideron të dalluara.
I pyetur nëse Qeveria e Serbisë e ka paguar Grenellin për lobim, presidenti i Serbisë tha: “Nuk mendoj se po, por une nuk jam në Qeveri”.
Normalizimi i marrëdhënieve ndërmjet Serbisë dhe Kosovës është parakusht që të dyja vendet të vazhdojnë integrimin euroatlantik.
Beogradi zyrtar ende refuzon të njohë pavarësinë e Kosovës, të shpallur më 17 shkurt të vitit 2008.
Pamje rrëqethëse janë publikuar në media, nga operacionet e shpëtimit të qytetarëve pas tërmetit shkatërrimtar që goditi Sirinë dhe Turqinë.
Gra, fëmijë e burra të bllokuar vijojnë të shpëtohen edhe pas disa ditësh nga goditja e tërmetit. Ekipet e shpëtimit shihen në rrënoja, ku pamjet tregojnë edhe vështirësinë me të cilën ato përballet për të shpëtuar njerëzit.
Në njërën video shihet një grua e bllokuar, ndërsa sa merr kontakt nga punonjësit e shpëtimit, fytyra e saj jep shpresë merr një pamje të gëzueshme.
Në një tjetër video dëgjohet kur thërrasin pasi ka situata kur e kanë të vështirë të identifikojnë njerëzit e bllokuar dhe mundohet që nëpërmjet zërit të kuptojnë nëse ka apo jo.
Pas britmave, nga ana tjetër e rrënojave dëgjohet zëri i një djali të vogël që jep shenja jete edhe pas disa ditësh i bllokuar në ndërtesat e shkatërruara.bw
Një vajzë 10-vjeçare u shpëtua nga rrënojat në provincën Hatay të Turqisë jugore, 147 orë pasi tërmeti shkatërrues i së hënës goditi rajonin.
Videoja e shpërndarë nga bashkia e Stambollit tregon ekipet e kërkim-shpëtimit duke nxjerrë vajzën e quajtur Cudi nga rrënojat dhe duke e transportuar me barelë.
‘Cudi është e dashura jonë’, dëgjohet duke thënë një person në video, së bashku me ‘Haleluja!’
Një tjetër i mbijetuar, një burrë 35-vjeçar i identifikuar si Mustafa Sarıgül, u shpëtua nga rrënojat e një pallati gjashtëkatësh në të njëjtën provincë këtë të dielë.
Numri i të vdekurve në Turqi dhe Siri ka arritur në të paktën 28,192, me 24,617 vetëm në Turqi.bw
Vazhdon shpëtimi i mrekullueshëm në ndërtesat që u kthyen në pirgje betoni pas tërmeteve 7.7 dhe 7.6 në Kahramanmaraş. Mrekullitë pasuan njëra-tjetrën në ditën e 6-të të tërmetit. Ekipet e shpëtimit nxorën nga rrënojat 5 persona të tjerë në Hatay, i cili u shkatërrua nga tërmeti.
Në orën e 142-të të përpjekjeve të kërkim-shpëtimit në Hatay, ku ndodhi shkatërrimi më i rëndë i tërmeteve me qendër Kahramanmaraş, mësuesja 32-vjeçare Meltem u shpëtua i gjallë nga mbeturinat e një ndërtese 8-katëshe. Kërkesa e parë e mësueses së re nga ekipet që e shpëtuan ishte çaji.
Në Hataj, e cila është një nga qendrat ku tërmeti shkaktoi më shumë dëme, në bashkëpunim me shtetin dhe qytetarët po kryhen intensivisht aktivitetet e kërkim-shpëtimit dhe të ndihmës.
Gjatë punës së kryer në rrënojat e banesës 8-katëshe Alya Uçar që ndodhet në Ekinci Mahallesi İnönü Caddesi numër 128, mësuesja 32-vjeçare Meltem u shpëtua e gjallë. Me të dëgjuar zërin, mësuesja, e cila u shpëtua nga puna ku morën pjesë institucionet publike, minatorët dhe vullnetarët, u hoq nga rrënojat 142 orë më vonë dhe u dërgua në spital.
Vullnetari Isa Demir nga Konia, i cili ishte dëshmitar i momenteve të shpëtimit të mësueses Meltem, tha: “Ne erdhëm nga Konia dhe morëm pjesë vullnetarisht në përpjekjet e kërkim-shpëtimit. Kemi punuar në 2-3 rajone më parë, më në fund erdhëm këtu. Kishte momente gëzimi pasi u dëgjua zëri. Tingëlloi mirë. Kur minatorët arritën tek ajo duke shpuar murin, kërkesa e saj e parë ishte çaji. Ajo është e vetëdijshme dhe në gjendje të mirë shëndetësore”, tha ai.bw
Një 35-vjeçar u shpëtua nga nën rrënojat e një ndërtese të shembur në provincën Hatay të Turqisë jugore 149 orë pasi tërmeti i fuqishëm goditi rajonin, njoftoi agjencia shtetërore turke e lajmeve Anadolu.
Burri, i identifikuar si Mustafa Sarıgül, pacient me epilepsi u gjet mes rrënojave të një pallati gjashtëkatësh gjatë skanimeve.
Ekipet e kërkim-shpëtimit, si dhe personeli ushtarak dhe anëtarët e ekipit rumun të kërkim-shpëtimit, punuan për pesë orë për të shpëtuar 35-vjeçarin.
Numri i të vdekurve në Turqi dhe Siri pas tërmetit të së hënës është 28,192 që nga mëngjesi i së dielës.bw
Ekipet e shpëtimit në Turqi, të cilët po punojnë për të nxjerrë sa më shumë të jetë e mundur njerëz të gjallë nga rrënojat, kanë marrë sot një lajm të mrekullueshëm kur një foshnjë vetëm dy muajshe, është nxjerrë me shenja jete.
Bebja është nxjerrë e gjallë pas 128 orësh nën rrënoja.
Pas nxjerrjes nga rrënojat, foshnja është marrë në dorë nga mjekët.bw
Tërmeti që goditi të hënën Turqinë dhe Sirinë, i ka marrë deri tani jetën më shumë se 23 mijë personave.
Megjithatë nuk kanë qenë të pakta edhe mrekullitë, ku pas shumë ore nën rrënoja dhe pavarësisht temperaturave nën zero, ekipet e kërkim shpëtimit kanë arritur të nxjerrin të gjallë të mbijetuarit e asaj tragjedie.
Një rast i tillë është edhe ai i mjekut turk Taner Akdamar, i cili punon në Shqipëri dhe ishte pjesë e ekipit të dërguar nga vendi ynë në ndihmë të shtetit turk.
Siç shihet edhe në video, mjeku ka shpëtuar një të ri në qytetin e Malatyas, pas 100 orësh që qëndronte nën rrënoja.
Kujtojmë se para nisjes së tij në operacionin e shpëtimit në Turqi, mjeku patolog Taner Akdamar ishte i ftuar në rubrikën “Opinion” në News24, ku rrëfeu se familjarët e tij jetojnë në një nga zonat e prekura nga tërmeti. Ai tha se tani familja e tij e ngushtë është mirë, ndërsa vëllai dhe familja e tij janë nxjerrë nga rrënojat pas katër orësh. Ndërkohë tha se mbi 60 familjarë të tjerë të tij janë të zhdukur dhe po kërkohet nën rrënoja për t’i gjetur.
“Zona ime është ajo ku ka rënë tërmeti, dhe prindërit e mi, vëllezërit, të gjithë aty jetojnë. Pas 5 orësh kam marrë informacione. Një vëlla i imi me gjithë familjen kanë qenë nën rrënoja dhe janë nxjerrë pas katër orësh. Tani janë mirë të gjithë, por ka ende të afërm që nuk kemi asnjë kontakt me ta. Në këto momente nuk kemi akoma informacione të sakta, por deri tani afërsisht mbi 60 të afërm nuk kemi informacion”, u shpreh mjeku turk.bw
Presidenti i Serbisë, Aleksandar Vuçiq, tha se do të shkojë në Bruksel kur Prishtina ta formojë Asociacionin e komunave me shumicë serbe.
Kjo deklaratë erdhi pasi përfaqësuesi i lartë i Bashkimit Evropian për politikë të jashtme dhe siguri, Josep Borrell, tha më 9 shkurt se së shpejti do të ketë një takim të ri mes presidentit serb dhe kryeministrit të Kosovës, Albin Kurti, për të vazhduar diskutimet për propozimin e BE-së për normalizimin e marrëdhënieve, njofton REL.
“Duhet të ma tregojnë kuptimin e atij [takimi me kryeministrin e Kosovës]. Nëse mendoni të më ftoni në Bruksel për të më bindur të them që Asociacioni mund bëhet njëkohësisht me diçka tjetër, apo pas diçkaje tjetër, mos më thirrni”, tha ai më 9 shkurt, në një ngjarje në Serbi.
Beogradi insiston në formimin e Asociacionit, si kusht për zbatimin e propozimit të BE-së.
Kryeministri Kurti tha sot se Asociacioni nuk është as parakusht për propozimin evropian, i njohur edhe si plani franko-gjerman, e as në qendër të tij.
Më 6 shkurt, Kurti deklaroi se themelimi i Asociacionit nuk është prioriteti i tij, por javën e kaluar ai shpalosi gjashtë kushtet për formimin e tij.
SHBA-ja dhe BE-ja kanë rritur presionin ndaj Kosovës që të zbatojë marrëveshjet e arritura për Asociacionin më 2013 dhe 2015.
Gjykata Kushtetuese e Kosovës më 2015 tha se disa pika të marrëveshjes nuk ishin në harmoni me Kushtetutën, por që mund të harmonizohen.
Kurti tha gjithashtu më 9 shkurt se propozimi i Bashkimit Evropian nuk është marrëveshje finale, por është një kornizë apo një marrëveshje bazike, jo përfundimtare.
Propozimi i BE-së për normalizimin e marrëdhënieve Kosovë-Serbi u është dorëzuar dy vendeve në fund të verës së vitit të kaluar, por përmbajtja e tij nuk është bërë publike.
Ky propozim, në të cilin ka pasur qasje REL-i, parasheh të drejta të barabarta për Kosovën dhe Serbinë, respektim të integritetit territorial, paprekshmëri të kufijve, njohje të simboleve shtetërore dhe një aranzhim të veçantë për komunitetin serb në Kosovë.
Në dokument nuk përmendet njohja e ndërsjellë ndërmjet Kosovës dhe Serbisë apo anëtarësimi i Kosovës në Organizatën e Kombeve të Bashkuara – për të cilat gjëra insistojnë publikisht zyrtarët kosovarë – por theksohet mbështetja që palët duhet t’i japin njëra-tjetrës në procesin e integrimeve evropiane.
Një foshnjë e porsalindur dhe nëna e tij janë shpëtuar nga rrënojat në Turqi, rreth 90 orë pas tërmetit të parë vdekjeprurës të së hënës.
Djali 10-ditësh, i quajtur Yagiz, u mor nga një strukturë e rrënuar në provincën jugore Hatay.
Pamjet treguan se fëmija ishte nxjerrë me kujdes gjatë natës, një pamje e përshkruar nga mediat lokale si mrekulli.
Shpresat për gjetjen e shumë të mbijetuarve të tjerë po pakësohen, mes motit të ftohtë të ftohtë katër ditë pas katastrofës.
Megjithatë, përpjekjet e kërkim-shpëtimit vazhdojnë si në Turqi ashtu edhe në Sirinë fqinje, e cila u godit gjithashtu nga tërmetet.
I porsalinduri Yagiz u fotografua i mbështjellë me një batanije termike duke u transportuar në një ambulancë për të marrë trajtim.
Nënën e tij e nxorën me barelë. Nuk kishte përditësime të mëtejshme të disponueshme menjëherë për shëndetin e të dyve.
Kryetari i bashkisë së Stambollit Ekrem Imamoglu, ekipet e të cilit thuhet se ishin përfshirë në shpëtim shkroi në Twitter për shpëtimin, duke thënë se ndodhi në qytetin Samandag.
Pamjet e siguruara nga agjencia e lajmeve Reuters treguan gjithashtu një burrë që po nxirrej nga rrënojat, megjithëse nuk dihej nëse ai kishte ndonjë lidhje me dy të tjerët.
Më shumë se 21,000 njerëz kanë vdekur, shumica në Turqi pas lëkundjeve fillestare të mëngjesit të së hënës me magnitudë 7.8 dhe qindra pasgoditjeve që pasuan.
Ka pasur edhe frikë nga një katastrofë e dytë, pasi shumë njerëz janë lënë të pastrehë dhe nuk kanë strehim, ujë, karburant dhe energji elektrike.
Presidenti turk Recap Tayyip Erdogan e ka përshkruar atë si “katastrofën e shekullit”.
Figura të opozitës e kanë akuzuar Erdoganin për dështimin në përgatitjen e tërmetit dhe kanë vënë në pikëpyetje se si u shpenzuan 88 miliardë lira (4.6 miliardë dollarë; 3.8 miliardë paund) të mbledhura nga një “taksë për tërmetet”. Taksa, e vendosur për herë të parë pas një tërmeti masiv në 1999 që vrau më shumë se 17,000 njerëz – ishte menduar të ishte shpenzuar për parandalimin e fatkeqësive dhe zhvillimin e shërbimeve të urgjencës.
Kemal Kilicdaroglu, kreu i partisë kryesore opozitare të Turqisë tha të mërkurën se qeveria e Erdoganit “nuk është përgatitur për një tërmet për 20 vjet”.
Pavarësisht nga shkatërrimi, historitë e shpëtimeve të jashtëzakonshme apo heroike janë shfaqur gjatë ditëve të fundit.
Mijëra njerëz janë ofruar të birësojnë një vajzë e cila ka lindur nën një ndërtesë të shembur në veri-perëndim të Sirisë.
Kur ajo u shpëtua, foshnja Aya që do të thotë mrekulli në arabisht ishte ende e lidhur me kordonin e kërthizës me nënën e saj, e cila vdiq së bashku me anëtarët e tjerë të familjes.
Një adoleshent u shpëtua nga rrënojat e një ndërtese të shembur në epiqendrën e tërmetit, Gaziantep, mëngjesin e sotëm, 94 orë pas tërmetit të parë.
Ekipet e shpëtimit mes lotëve, duartrokitën dhe brohoritën emrin e tij derisa nxorën nga rrënojat 17-vjeçarin, Adnan Muhammed Korku nga bodrumi ku ai kishte mbeti i bllokuar.
Shpëtimi dramatik vjen pasi shanset për të gjetur më shumë të mbijetuar po zvogëlohen shpejt, me shkallën mesatare të mbijetesës që bie në 6 për qind deri në ditën e pestë në këto lloj fatkeqësish, sipas ekspertëve.
“Faleminderit Zotit që mbërritët”, tha ai duke përqafuar nënën e tij. “Faleminderit te gjithëve”.
Korku ishte kryesisht i padëmtuar, por tha se ishte i detyruar të pinte urinën e tij për të mbijetuar.
“Unë kam një djalë si ti”, i tha një punonjës shpëtimi.
“Të betohem, nuk kam fjetur për katër ditë. Të betohem se nuk kam fjetur, po përpiqesha të të nxirrja jashtë”.bw
Janinë-Kakavijë është autostrada e re që do të lidhë Greqinë me Shqipërinë. Tenderi është shpallur në 2 shkurt në Greqi dhe sipas projektit, autostrada 70 kilometra e gjatë do të shtrihet në një terren fushor dhe do të kushtojë 310 milionë euro.
Sipas një përllogaritjeje të thjeshtë, një kilometër i saj do të kushtojë 4.5 milionë euro. Kjo autostradë pjesë e Korridorit Blu lidh Greqinë-Shqipërinë-Malin e Zi dhe Kroacinë. Në Shqipëri vazhdimi i këtij korridori do të nisë me ndërtimin e aksit rrugor Lekaj-Fier pjesë e autostradës Milot-Fier, e cila është një rrugë ekzistuese me 4 korsi me një gjatësi 46 kilometra.
3.2 kilometra të saj do të ndërtohen tërësisht të reja, ndërsa pjesa tjetër prej 42.4 kilometrash kalon në aks ekzistues. 7 milionë euro do t’iu kushtojë qytetarëve shqiptarë një kilometër rrugë i këtij aksi, ose 2 herë më shtrenjtë se autostrada që do të ndërtohet në Greqi.
Pjesë e koncesionit të autostradës Milot-Fier është edhe rruga Thumanë-Kashar me një gjatësi 20.8 kilometra dhe me një vlerë rreth 300 milionë euro. Një kilometër i saj do të kushtoj 13 milionë euro pra 3 herë më e lartë se partneritetet europiane. Autostrada Milot-Fier ka pjesë të saj edhe Milot-Thumanë me një gjatësi 13.5 kilometra dhe me një kosto 44.6 milion euro dhe Kashar-Lekaj me një gjatësi 26.2 kilometra me një kosto prej 476,8 milionë euro për të cilat gara është hapur por ende ende nuk ka dalë fituesi i garës.bw
Kryeministrja e Serbisë, Ana Bërnabiq, tha se në një prej raporteve të publikuara në ueb-faqen e Qeverisë serbe ishte shkruar Republika e Kosovës, duke shtuar se ky rast kishte të bënte me gabim gjatë përkthimit.
Bërnabiq tha për Radio Televizionin e Serbisë tha se gabimi kishte ndodhur në përkthimin në gjuhën angleze. Ajo tha se ky gabim “është i rëndë dhe i pafalshëm i përkthyesit”.
Kosova shpalli pavarësinë më 2008, por Beogradi refuzon që ta njohë atë. Qëndrimi zyrtar i Serbisë është që Kosova është ende pjesë e saj.
Bërnabiq tha se përgjegjësi ka edhe ekipi i zyrës për media në Qeverinë serbe, prandaj ajo shtoi se do të ketë pasoja për punëtorët që lëshuan këtë gabim.
Kryeministrja serbe tha se kjo përmbajtje është larguar menjëherë nga ueb-faqja e Qeverisë serbe.
“Nuk mund të flija mbrëmë, nuk e di se çfarë po bëj. Por, më vjen keq që kjo po përdoret nga opozita për të fituar poenë politikë”, tha Bërnabiq.
Kryeministrja serbe po ashtu foli edhe për vizitën e planifikuar për 6 shkurt të të dërguarit të Bashkimit Evropian, Mirosllav Lajçak, në Prishtinë dhe Beograd.
Ajo tha se aktivitete të tilla diplomatike po shtohen dhe presioni po intensifikohet, duke shtuar se beson në garancitë e komunitetit ndërkombëtar sa përket themelimit të Asociacionit të komunave me shumicë serbe.
Bërnabiq tha se Lajçak do të vizitojë fillimisht Prishtinës, dhe se sipas saj, atje qëndron problemi i themelimit të Asociacionit. Ajo theksoi se nuk i intereson qëndrimi i kryeministrit të Kosovës, Albin Kurti, lidhur me këtë çështje.
Kryeministrja serbe tha se palët janë pajtuar që të formohet Asociacioni në kuadër të marrëveshjeve të arritura në Bruksel më 2013 dhe 2015 dhe theksoi se beson në garancitë e komunitetit ndërkombëtar se Asociacioni do të formohet në bazë të marrëveshjeve të arritura në dialog.
Kosova kundërshton themelimin e një asociacioni njëetnik, duke shprehur frikën se mund të krijohet një Republika Sërpska, ashtu sikurse në Bosnjë e Hercegovinë.
SHBA-ja dhe BE-ja po kërkojnë që Kosova të zbatojë marrëveshjet për Asociacionin. Uashingtoni ka shprehur qartë se është kundër themelimit të një asociacioni që do t’i ngjasonte Republikës Sërpska.
“Rrëmujë dhe albanofobi”. Me këto fjalë e ka përshkruar deputeti shqiptar, Shaip Kamberi situatën e ndodhur ditën e djeshme në Parlamentin e Serbisë, ku u diskutua për Kosovën.
Sipas tij, në seancë, deputetët serbë retorikën e viteve 90-të.
“Rrëmujë. Albanofobi. Mungesë elementare e sensit për realitetin në Kosovë. Kështu do të kisha cilësuar seancën e sotme në parlamentin e Serbisë. Retorika e viteve të 90-ta në skenë”, shkroi Kamberi në Facebook.
Dje në parlament, presidenti serb, Aleksandër Vuçiç deklaroi se 90 për qind e asaj që është bërë publike për planin franko-gjerman është e vërtetë dhe është lëshuar nga përfaqësues të komunitetit ndërkombëtar të cilët ishin të kënaqur me të.
Sipas tij, problemi më i madh është neni i katërt i atij dokumenti, i cili përcakton se “Serbia nuk do të kundërshtojë anëtarësimin e Kosovës në organizatat ndërkombëtare”
Banorët dhe ekipet e shpëtimit duke nxjerr personat e bllokuar nën rrënoja në Adana të Turqisë. 6 shkurt 2023.
RFE/RL
Një tërmet i fuqishëm prej 7.8 shkallësh të Rihterit goditi të hënën juglindjen e Turqisë dhe veriun e Sirisë, duke lënë të vdekur qindra persona.
Numri i viktimave besohet se është 360, teksa zyrtarët shëndetësorë në kryeqytetin sirian, Damask, kanë raportuar se 237 persona kanë vdekur në zonat që kontrollohen nga Qeveria siriane.
Qindra persona të tjerë raportohet se janë plagosur në të dy shtetet.
Turqia gjendet mbi një nga linjat më të mëdha sizmike dhe shpesh goditet nga tërmetet.
Epiqendra e tërmetit të së hënës ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.
Ka pasur edhe tërmete pasuese, përfshirë edhe një në shkallë prej 6.7 shkallësh të Rihterit.
Në të dy shtetet po zhvillohen operacione për të shpëtuar njerëzit e bllokuar nën rrënoja pas rrëzimit të ndërtesave. Në dy anët e kufirit, banorët ishin në gjumë kur goditi tërmeti dhe ata dolën jashtë në mot të ftohtë, me borë dhe shi, teksa ndërtesat u rrëzuan.
Në banor i qytetit turk, Adana, tha se tri ndërtesa pranë shtëpisë së tij kolapsuan.
“Nuk kam fuqi më”, është dëgjuar të ketë thënë një prej të mbijetuarve, i bllokuar nën rrënoja, teksa ekipet e shpëtimit kanë bërë përpjekje që ta shpëtojnë, tha banori i Adanit, Muhammet Faith Yavus.
Në anën siriane të kufirit, tërmeti goditi rajonet e kontrolluara nga opozita, që jetojnë afër 4 milionë të zhvendosur nga pjesë të tjera të Sirisë, për shkak të luftës civile në vend. Shumica prej tyre jetojnë në kushte të rënda dhe pa përkujdesje shëndetësore, teksa territoret ku gjenden ata janë të rrethuara nga forcat siriane.
Autoritetet turke thanë se pas tërmetit të parë të fuqishëm janë regjistruar edhe të paktën 20 lëkundje të tjera pasuese.
Presidenti i Turqisë, Recep Tayyip Erdogan, shkroi në Twitter se ekipet e kërkim-shpëtimit menjëherë reaguan pas dridhjeve të fuqishme të tokës.
“Shpresojmë se do ta kalojmë këtë fatkeqësi së bashku sa më shpejt që të jetë e mundur dhe me sa më pak dëme”, shkroi ai.
Qytetarët duke kërkuar për të mbijetuar nën rrënoja në Diarbakir të Turqisë më 6 shkurt, pas tërmetit të fuqishëm.
Autoritetet turke thanë se viktima janë regjistruar në shtatë provinca të shtetit. Sipas Agjencisë turke për Menaxhimin e Emergjencave dhe fatkeqësive, të paktën 440 persona janë plagosur, ndërkaq pala siriane tha se të paktën 516 persona janë lënduar. Më herët, pala siriane tha se të paktën 47 persona janë vrarë në zonat e kontrolluara nga rebelët.
Turqia, ku ishte epiqendra e tërmetit, shpesh goditet nga tërmete të fuqishme. Afër 18.000 persona ishin vrarë nga tërmetet e fuqishme që kishin goditur shtetin më 1999.
Situata mes Prishtinës dhe Beogradit vijon të jetë e tensionuar. Pavarësisht thirrjeve të ndërkombëtarë që palët të ulen e të dialogojnë duket se kritikat mes tyre nuk anë të ndalur.
Ka qenë presidenti i Srpska Milorad Dodik i cili ka reaguar me një lumë akuzash ndaj kryeministrit të Kosovës, Albin Kurti, duke thënë se është ky i fundit që vazhdon të destabilizojë situatën në Ballkan.
Sipas Dodik Kurti ka shmangur detyrimet ndërkombëtare duke shtrembëruar jo vetëm faktet e të tashmes, por edhe të së kaluar. Po kryeministri Kurti e ka bërë të qartë se qëndrimin e tij se rruga e Kosovës është drejt BE-së, ndërsa vendosi edhe gjashtë kushte për themelimin e Asociacionit, por që nuk u pritën mirë nga presidenti serb Aleksandër Vuçiç.
Ndër të tjera Dodik vuri në dukje se Republika Srpska nuk u krijua si përgjigje e pakicës në BeH, por si përgjigje e njerëzve përbërës që kanë jetuar dhe do të vazhdojnë të jetojnë në atë zonë me shekuj.bw
Ish-ministri i Mbrojtjes i Serbisë, Dragan Shutanovac, tha sot se Serbia në Kosovë ka një trashëgimi historike dhe qytetarë të kombësisë serbe që duhet t’i mbrojë, por që nga viti 1999 nuk ka pasur integritet dhe sovranitet territorial atje.
“Në vitin 1999 në Kumanovë ne praktikisht nënshkruam kapitullimin me të cilin humbëm integritetin dhe sovranitetin tonë territorial në Kosovë.
Me tërheqjen e ushtrisë dhe policisë, ne e humbëm atë”, tha, ish-kryetar i Partisë Demokratike (DS).
Siç raportojnë mediat serbe, ai ka deklaruar se Serbia në atë luftë ka humbur një pjesë të territorit të saj, e cila është bërë çmendurisht, dhe se prej atëherë nuk e ka kontrolluar. Ai ka vlerësuar se para asaj lufte është dashur të diskutohet se çfarë do të bëhet në rast të humbjes.
“Thuhet se nëse ne tani e nënshkruajmë marrëveshjen (propozimi franko-gjerman) që nuk kërkon njohjen e Kosovës së pavarur, do të humbasim sovranitetin tonë territorial. Dhe, ku është sovraniteti ynë territorial, nëse patriarku ynë (i Kishës Ortodokse Serbe) nuk mund të shkojë në Kosovë?”, pyeti Shutanovac.
Ai vlerësoi se propozimi franko-gjerman duhet të plotësohet dhe të diskutohet për çështje thelbësore, siç janë statusi i kishave, manastireve dhe pasurive kulturore dhe historike serbe.
“Unë pres që në negociata të fitohet një status special për ta. Për mua është e rëndësishme se si të sillem ndaj pronës (në Kosovë) të shtetit të Serbisë, kompanive të caktuara dhe individëve privatë. Unë mendoj se duhet të negociohet një status special për të gjitha enklavat dhe serbët që nuk kanë mundësi të kenë një polici (nacionale) të përzier”, tha ai.
Shutanovac po ashtu ka thënë se “është e nevojshme të bindet pala kosovare, para së gjithash kryeministri i Kosovës, Albin Kurti, që të formojnë Asociacionin e komunave serbe, i cili nuk është ideal, por është më i miri që kemi”.
Duke komentuar incidentet e sotme në Kuvendin e Serbisë gjatë seancës për Kosovën, ku kishte përplasje fizike mes deputetëve, Shutanovac tha se kjo nuk duhet të ndodhë, sidomos kur tema janë negociatat ndërmjet Kosovës dhe Serbisë.
Kosova ka sinjalizuar se është e gatshme të krijojë një asociacion të pesë komunave me shumicë serbe në veri të vendit, në mënyrë që të zhbllokojë bisedimet me Beogradin.
Kritikët thonë se kjo mund t’i japë Serbisë një dorë të përhershme në politikën e Kosovës, por është një pjesë kyçe e një marrëveshjeje të vitit 2013 të mbështetur nga Perëndimi për të normalizuar përfundimisht marrëdhëniet midis dy vendeve, njofton Euronews.
Ndërsa shumica e shteteve anëtare të BE-së e njohin Kosovën si një komb sovran, Serbia refuzon ta bëjë këtë, duke ende zyrtarisht duke pohuar se është pjesë e territorit të tyre.
Presidenti i Serbisë, Aleksander Vuçiq, u ka kërkuar ligjvënësve në Beograd që të pranojnë lëvizjet diplomatike, duke paralajmëruar se kombi do të përballet me pasoja të rënda nëse nuk e bëjnë këtë.
“A do të bëheshim një ‘dele e zezë’ evropiane? Po, do të bëheshim. Të izoluar plotësisht, askush nuk do të fliste me ne. Ne nuk do të kishim akses në asnjë fond e nuk mund të funksionojmë vetëm në botën moderne.”
Megjithatë, nacionalistët serbë e konsiderojnë të papranueshme çdo lëvizje drejt njohjes së pavarësisë së Kosovës dhe ia bënë të ditur zemërimin Vuçiçit në parlament.
Disa dhjetëra njerëz demonstruan gjithashtu në Beograd kundër çdo mirëkuptimi politik që po arrihet me Prishtinën.
Presidenti i Serbisë, Aleksandar Vuçiç, paralajmëroi të enjten se vendi i tij do të përballet me pasoja të rënda nëse refuzon një plan perëndimor për normalizimin e marrëdhënieve me Kosovën. Ai i bëri këto komente në një seancë të trazuar të parlamentit serb në të cilin raportoi për propozimin evropian që u bë i njohur si nisma franko-gjermane.
“Jemi në një moment të vështirë dhe shumë të ndjeshëm. Nga njëra anë duhet të ndihmojmë njerëzit tanë në Kosovë, duhet t’i shmangemi dënimit dhe ndëshkimit dhe në të kujdesemi për interesat jetike kombëtare”, tha ai.
Muajin e kaluar, të dërguarit e Bashkimit Evropian, Shteteve të Bashkuara si dhe të Gjermanisë, Francës dhe Italisë qëndruan në Prishtinë dhe në Beograd për të nxitur një marrëveshje Kosovë – Serbi.
Presidenti serb u tha ligjvënësve se të dërguarit paralajmëruan se nëse Serbia nuk e pranon propozimin, pasojat do të jenë të rënda.
“Pastaj në fjalinë e tretë ata thanë, citoj: zoti president, nëse nuk pranohet puna për këtë nismë dhe zbatimin e saj, do të jeni përballë, citoj, pezullimit të negociatave të anëtarësimit në Bashkimin Evropian, jo vetëm me ndërprerjen e investimeve të mëtejshme nga bota perëndimore në Serbi, por edhe me tërheqjen e të gjitha investimeve nga vendi juaj dhe me masa të tjera gjithëpërfshirëse që duhet të tregojnë se si duhet të përfundojnë ata që nuk janë dakord me Bashkimin Evropian”, tha zoti Vuçiç.
Ai tha se në propozimin evropian ka gjëra të mira, por edhe të rënda.
“Shumë më i rrezikshëm është neni i katërt i propozimit. Në paragrafin e dytë thuhet se Serbia nuk do të kundërshtojë anëtarësimin e Kosovës në asnjë organizatë ndërkombëtare. Pavarësisht nëse kundërshtojmë apo jo, ata e kanë shumicën në Këshillin e Evropës kur ata vendosin ta bëjnë këtë. Kundërshtojmë apo jo, ata kanë shumicën për NATO-n, kundërshtojmë apo jo, për Bashkimin Evropian, ky është vendimi i tyre”, tha ai.
Presidenti serb tha se tashmë ka një pajtim që të ecet përpara me detyrimin që del nga marrëveshja e Brukselit, që është themelimi i Asociacionit të komunave me shumicë serbe në Kosovë.
“Siç mund ta shihni, shqiptarët nuk duan ta zbatojnë atë. Asociacioni i komunave serbe nuk mund të jetë ndonjë organizate joqeveritare, asociacioni duhet të jetë ashtu siç është nënshkruar në Bruksel. Nuk ka asgjë më shumë për të diskutuar, këto janë marrëveshje nënshkruara, por ajo që mua më brengos është që ata do të provojnë sërish që të negociojnë, apo bisedojmë për të provuar që të pakësojnë kompetencat e Asociacionit të komunave serbe sepse nuk janë të gatshëm atë që e kanë pranuar dhe nënshkruar ta zbatojnë. Dhe kjo do të shkaktojë probleme të reja”, tha zoti Vuçiç.
Fjalimi i tij në parlamentin e Serbisë u ndërpre në disa raste nga deputetët e opozitës që e akuzuan presidentin serb për tradhti dhe kërkuan dorëheqjen e tij. Senaca u përfshi edhe nga përplasjet ndërmjet deputetëve të opozitës dhe atyre të partisë së presidenti serb.
Duke kritikuar partitë opozitare për siç tha mosveprim ndaj çështjes së Kosovës derisa ishin në pushtet, presidenti serb tha se do t’i kundërvihet çdo përpjekjeje për anëtarësimin e Kosovës në Kombet e Bashkuara.
Presidenti serb, ka lënë të kuptohet se do të pranojë propozimin evropian një qasje që u vlerësua nga Shtetet e Bashkuara. Sekretari amerikan i Shtetit, Antony Blinken, tha se në një bisedë telefonike e ka falënderuar presidentin serb për angazhimin e tij konstruktiv me ekipin amerikan dhe evropian dhe për qasjen e hapur ndaj propozimit të Bashkimit Evropian për sigurimin e paqes dhe qëndrueshmërisë në rajon, që është thelbësor për sigurimin e së ardhmes evropiane të Serbisë.
VOAL- Presidenti bullgar Rumen Radev urdhëroi shpërndarjen e Parlamentit sot, të enjten, duke konfirmuar vendimin për mbajtjen e zgjedhjeve të reja të parakohshme më 2 prill, datë që ai e kishte treguar tashmë ditët e fundit.
Kriza e re politike vjen pas dështimit të tre përpjekjeve, siç e kërkon ligji, për formimin e një qeverie të re pas votimit, të parashikuar po ashtu, më 2 tetor të kaluar.
Në të njëjtën kohë, Radev ka emëruar një ekzekutiv të përkohshëm, i cili do të qëndrojë në detyrë deri në votim dhe të cilin do ta udhëheqë kryeministri aktual, i pavaruri Galab Donev.
Ato në prill do të jenë zgjedhjet e pesta parlamentare në Bullgari në dy vitet e fundit. Mandatin për formimin e qeverisë e kanë dorëzuar konservatorët e Gerbit, fitues të zgjedhjeve të fundit, liberalët e “Vazhdojmë ndryshimin”, forca e dytë në Parlament dhe socialistët. rsi-eb
Seanca e posaçme në Kuvendin e Serbisë, ku po diskutohet për Kosovën, po përcillet me përplasje verbale dhe fizike mes deputetëve të opozitës dhe presidentit serb, Aleksandar Vuçiq.
Vuçiq në këtë seancë ka folur për planin evropian – apo franko-gjerman – për normalizimin e raporteve me Kosovën, teksa opozita e ka cilësuar këtë plan si “kapitullim për Serbinë”.
Gjatë seancës, deputetët e opozitës kanë brohoritur slogane sikurse “Tradhti”, “Kosova është zemra e Serbisë” dhe “Nuk do të heqim dorë nga Kosova”. Ata po ashtu mbanin pankarta me mbishkrimin “Jo kapitullimit”.
Në nisje të debatit, Vuçiq tha se qëllimi “i ditës së sotme nuk është që përgjegjësia të bartet në këtë institucion apo te populli”.
“Qëllimi është të dal para jush dhe qytetarëve dhe sinqerisht dhe haptazi të ndaj atë që na pret dhe çfarë po përballemi”, tha Vuçiq në Kuvend.
Më 2 shkurt, Kuvendi serb po debaton për raportin e Qeverisë në Beograd lidhur me negociatat me Kosovën.
Në seancën për Kosovën në Kuvendin e Serbisë të pranishëm ishin edhe përfaqësues të Listës Serbe, partisë kryesore të serbëve në Kosovë.
Përfaqësuesit e Listës Serbe, Igor Simiq, Goran Rakiq dhe Millan Radoiçiq, gjatë seancës plenare në Kuvendin serb. Beograd, 2 shkurt 2023.
Në mesin e tyre është edhe Millan Radoiçiq, nënkryetari i Listës Serbe, që është nën sanksionet e Shteteve të Bashkuara të Amerikës dhe Britanisë së Madhe.
Seanca plenare po mbahet pasi presidenti i Serbisë ka pranuar propozimin nga Bashkimi Evropian për normalizimin e marrëdhënieve me Kosovën.
Vuçiq tha se nuk guxon të tregojë të gjithë planin evropian para Parlamentit, por vetëm pjesët më të këqija për Serbinë.
“Ajo që është më e rëndësishme është se plani është korniza politike, momenti në të cilin ndodh gjithçka”, tha Vuçiq.
Presidenti serb tha se ekipit diplomatëve evropianë dhe amerikanë, me të cilët ka biseduar më 20 janar në Beograd, i ka thënë se ka rezerva të mëdha për çështjen kyçe.
“Ka edhe gjëra të mira në plan, nuk do të flas për to”, shtoi ai.
Propozimi i BE-së, apo siç njihet edhe si plani franko-gjerman, mbështetet edhe nga Shtetet e Bashkuara.
Plani nuk është bërë publik, por u është prezantuar palëve.
Në atë dokument, në të cilin Radio Evropa e Lirë ka pasur qasje më herët, nuk përmendet në mënyrë eksplicite njohja reciproke apo anëtarësimi i Kosovës në Kombet e Bashkuara.
Por, në dokument përmendet mbështetja që palët duhet t’i japin njëra-tjetrës në procesin e integrimeve evropiane. Gjithashtu, Serbisë i kërkohet që të mos pengojë anëtarësimin e Kosovës në organizatat ndërkombëtare.
Vuçiq konfirmoi se 90 për qind e asaj që është bërë publike për përmbajtjen e planit është e saktë.
“Në pikën 4, në paragrafin e dytë, shkruhet se Serbia nuk do ta kundërshtojë anëtarësimin e Kosovës në asnjë organizatë ndërkombëtare”, tha ai.
Vuçiq tha se politika e Serbisë do të jetë ruajtja e paqes dhe stabilitetit me çdo kusht.
“Le të përmbahemi dhe të mos përgjigjemi ndaj provokimeve nëse nuk kërcënohen jetët dhe pronat e njerëzve”, theksoi ai.
Ai përmendi edhe sigurinë për serbët në Kosovë dhe tha se Beogradi do të insistojë, siç tha ai, në formimin e Asociacionit e komunave me shumicë serbe.
Presidenti i Serbisë përsëriti atë që i thanë diplomatët evropianë dhe amerikanë gjatë takimit në Beograd më 20 janar, se do të ketë pasoja nëse Serbia nuk e pranon planin evropian për Kosovën.
“Më kanë thënë se do të përballeni me pezullimin e negociatave të anëtarësimit me BE-në, jo vetëm me ndërprerjen e investimeve të mëtejshme, por edhe me tërheqjen e të gjitha investimeve nga vendi juaj dhe me masa të tjera gjithëpërfshirëse që duhet të tregojnë se si ata që nuk janë dakord me BE-në duhet të largohen”, tha Vuçiq.
Në fund të fjalës së tij në Kuvend, Vuçiq deklaroi se nëse Kosova bëhet anëtare e Kombeve të Bashkuara, Kushtetuta e Serbisë do të jetë për të “libër i shenjtë”.
“Në mes të qëndrimit tim në pushtet, në mandatin e garantuar me Kushtetutë, e di se çfarë duhet të bëj, sepse nuk ka zgjedhje mes Vuçiqit apo Serbisë. Unë do të zgjedh Serbinë”, tha ai.
Ai shtoi se kapitullimi dhe dorëzimi nuk janë opsione.
Opozita serbe kundërshton planin franko-gjerman
Lideri i Lëvizjes opozitare të orientuar nga e djathta, Dveri, Boshko Obradoviq, e quajti planin franko-gjerman “një ultimatum perëndimor”. Nëse Serbia do ta pranonte planin, tha Obradoviq, ai do të ishte “kapitullimi i shtetit”.
Obradoviq vlerësoi se thelbi i planit franko-gjerman është që Serbia ta njohë Kosovën si shtet të pavarur, duke i kërkuar Serbisë që të mos e kundërshtojë anëtarësimin e saj në institucionet ndërkombëtare.
“Kërkohet në krye të shtetit një serb që do ta pranojë pavarësinë e Kosovës dhe ky është thelbi i marrëveshjes franko-gjermane”, tha Obradoviq.
Shefi i grupit parlamentar të Unionit të Hungarezëve të Vojvodinës, Balint Pastor, në fjalën e tij tha se paqja dhe stabiliteti duhet të jenë prioriteti i parë për të gjithë qytetarët e Serbisë. Ai tha se propozimet për zgjidhjen e çështjes së Kosovës, “po përkeqësohen me kalimin e kohës”.
Kryetari i grupit parlamentar pro-evropian të Klubit të Majtë të Gjelbër, Ne davimo Beograd, (Të mos fundosim Beogradin) Radomir Lazoviq i tha presidentit të Serbisë, Aleksandar Vuçiq, të harrojë mbështetjen për të cilën erdhi që ta kërkojë.
Opozita serbe mbajti pankarta me fotografinë e politikanit të vrarë serb, Oliver Ivanoviq, me mbishkrimin “Do të përgjigjesh” si dhe “Vuçiq e tradhtove Kosovën”.
Lazoviq tha se opozita duhet ta shohë planin në mënyrë që të mund të deklarohet për të.
Ai ua drejtoi përfaqësuesve të bashkësisë ndërkombëtare me pyetjen: “Çfarë mesazhi po i dërgoni Serbisë kur adresa juaj e vetme për biseda është Aleksandar Vuçiq?”.
Kosova dhe Serbia zhvillojnë bisedime me ndërmjetësimin e BE-së që nga vitit 2011. Procesi ka për qëllim normalizimin e plotë të raporteve përmes një marrëveshjeje përfundimtare, ligjërisht të obligueshme. Kosova kërkon që kjo marrëveshje të përfshijë edhe njohjen reciproke, ndërsa Serbia insiston në një zgjidhje kompromisi – pa specifikuar se për çfarë kompromisi bëhet fjalë.
Presidenti serb, Aleksandar Vuçiç, ka thënë se sot ka ardhur në Kuvend për t’u treguar qytetarëve se çfarë i pret serbët si komb dhe me çfarë po përballet Serbia.
Në fillim të seancës së posaçme të Kuvendit Popullor kushtuar Kosovës, Vuçiç tha se qëllimi i takimit të sotëm nuk është bartja e përgjegjësisë te parlamenti apo te populli në tërësi.
“Unë kurrë nuk i jam shmangur përgjegjësisë si president. Kam marrë vendimet më të vështira. Përveç një rasti, më duket se ato ishin në interesin më të mirë të popullit serb dhe qytetarëve të Serbisë. Qëllimi i sotëm është që të dalim para jush dhe qytetarëve të Serbisë si përfaqësues i të gjithë qytetarëve tanë dhe të ndajmë me ndershmëri, hapur dhe në mënyrën më të ndershme atë që na pret ne si komb, atë që po përballemi”, theksoi ai. .
Vuçiq tha se sot nuk është këtu për të luftuar në asnjë fushatë zgjedhore, por për të luftuar, si në 11 vitet e kaluara, për Serbinë me forcë dhe zemër të barabartë, nëse jo më shumë, sidomos kur e sheh se si dhe në çfarë mënyre më kanë pritur në kuvend.
“Sot vij nga ndjenja e detyrës t’u them qytetarëve se çfarë po ndodh që ata të vlerësojnë vetë pasojat e veprimeve tona dhe për çfarë po luftojmë. Do të flas dhe do të vë në dukje të gjitha pikat më të këqija të të ashtuquajturës nismë franko-gjermane. Nuk do të flas për më të bukurën, por më të keqen dhe më të vështirën për Serbinë”, nënvizoi ai.
Vuçiq tha se dëshiron të jetë i përgjegjshëm dhe i respektueshëm ndaj qytetarëve, në mënyrë që ata ta dinë se qeveria, presidenti dhe Kuvendi nuk kanë asgjë për t’u fshehur.
“Do të ketë kohë për konkluzione dhe vendime, por është e rëndësishme që njerëzit ta dinë se me çfarë po përballemi”, ka theksuar ai. syri.net
Një ngjarje e rëndë është regjistruar në ujërat detare greke. Mësohet se një aeroskafi ushtarak F-4 Phantom ka rënë në detin Jon, (në pjesën greke) në zonën detare të Andravidas.
Ngjarja ndodhi sot në orën lokale 10:30. Ndërkohë, vijon operacioni për gjetjen e dy pilotëve.
Sipas të dhënave, pilotët u hodhën me parashutë para rënies të aeroskafit në det.bw
Është i ditur fakti që presidenti serb Aleksandër Vuçiç gjatë regjimit të Sllobodan Millosheviçit ishte ministër i Informimit, gjë që e përndjek edhe sot dhe është një nga pikat ku Vuçiç sulmohet më shumë në marrëdhëniet me Kosovën.
Së fundmi është bërë publik një detaj në lidhje me periudhën e luftën serbe në Kosovë që prek Vuçiçin.
Mediat boshnjake kanë publikuar sot një dokument ku bëhet me dije se në periudhën e luftës, Vuçiç si ministër në qeverinë serbe, ishte një nga personat e sanksionuar nga Bashkimi Europian.
Atij i ndalohej hyrja në zonën e Unionin.
“Presidenti i Serbisë Aleksandër Vuçiç në shtator 1999, ishte nën sanksionet e BE-së. Si pjesë e regjimit të Slobodan Millosheviçit, Vuçiçit iu ndalua hyrja në BE. Në atë periudhë, Aleksandar Vuçiç ishte ministër i Informimit në Qeverinë e Serbisë”, thuhet në postim.bw
Ish-kryeministri bullgar, Bojko Borisov, deklaroi të shtunën në Sofje se struktura të caktuara po përpiqen ta kthejnë Maqedoninë e Veriut nën ndikimin e Rusisë.
Ai nuk saktësoi se kush janë ato struktura, por pretendimet e tilla i ndërlidhi me incidentin e 16 janarit në Ohër Maqedoninë e Veriut, ku u sulmua fizikisht një pjesëtar i një klubi bullgar në këtë qytet.
“Një akt i tillë si rrahja e një bullgari e vendos publikun plotësisht në anën e të rrahurit dhe mund të na çojë në një drejtim tjetër që është plotësisht në favor të Putinit dhe planeve të tij gjeostrategjike për Ballkanin.
“Këtu shoh një përpjekje për ta kthyer Maqedoninë e Veriut nën ndikimin rus, qëllimisht, dhe kjo po bëhet shumë aktive. Në asnjë rrethanë nuk duhet të mashtroheni. Gjëja më e mirë për Bullgarinë është që Maqedonia e Veriut dhe Shqipëria të jenë në Bashkimin Evropian dhe NATO”, tha Borisov në një konferencë për media të partisë BERG.
Ish-kryeministri bullgar, Bojko Borisov, tha se do të insistojë që përgjegjësit për rrahjen e sekretarit të klubit bullgar “Car Boris Treti” nga Ohri, Hristijan Pendikov të nxirren para drejtësisë, pasi kjo sipas tij “minon përpjekjet e mëdha që kemi bërë që Maqedonia e Veriut dhe Shqipëria të ndjekin rrugën e Bashkimit Evropian”.
Borisov tha se Maqedonia e Veriut nuk ka përfshirë në Kushtetutë gjërat e rëndësishme për Bullgarinë dhe nuk i ka mbrojtur bullgarët nga agresioni. Ai akuzoi qeverinë bullgare për injorancë diplomatike.
“Ata lanë nën qilim tema të rëndësishme që çuan në përshkallëzimin e marrëdhënieve mes dy vendeve”, tha ai.
Ish-kryeministri bullgar thotë se “dikush dëshiron shumë që Bullgaria të vërë veton” ndaj integrimit evropian të Maqedonisë.
Mediat bullgare raportuan se Komisioni Parlamentar për Punët e Jashtme në Parlamentin bullgar miratoi një Deklaratë që dënon “aktet e dhunës kundër bullgarëve, klubeve dhe organizatave të tyre”.
Në Deklaratën thuhet se “ndryshimi i Kushtetutës është një domosdoshmëri për Maqedoninë e Veriut për të vazhduar procesin e integrimeve evropiane”.
Më 23 janar Sofja tërhoqi ambasadorin e saj nga Shkup një shenjë pakënaqësie ndaj incidentit në Ohër.
Marrëdhëniet midis Maqedonisë dhe Bullgarisë kanë qenë të tensionuara për më shumë se dy vjet, pasi Sofja bllokoi integrimin e Maqedonisë në BE në vitin 2019 për shkak të një mosmarrëveshjeje historike, gjuhësore dhe identitare.
Bllokada u tejkalua në qershor të vitit 2022 dhe filluan negociatat e vendit me BE-në, por Bullgaria kushtëzon hapjen e kapitujve me përfshirjen e bullgarëve në Kushtetutën e Maqedonisë së Veriut, por shumica parlamentare aktualisht nuk ka shumicën e nevojshme prej dy të tretave në Kuvend.
Partitë në pushtet në Maqedoninë e Veriut po punojnë për zgjerimin e qeverisë edhe më opozitën shqiptare me synimin për rritjen e shumicës, por pa votat e deputetëve të VMRO DPMNE-së miratimi do të jetë i pamundur.
Ndërkohë opozita maqedonase thotë se ndryshimet nuk do të miratohen ndërsa përsërit thirrje për zgjedhje të parakohshme.
I ftuar në ‘Edicionin e Pasdites’ me Armela Ferkon në Syri Tv ishte në lidhje me skype nga Sofja Anton Panchev, ekspert i çështjeve ndërkombëtare.
Panchev deklaruaroi se negociatat me BE nuk do të nisin nëse nuk zgjidhet problemi me bullgarët dhe futjen në kushtetutë të etnisë së tyre.
Ndërsa sa i përket dialogut Serbi-Kosovë, ai u shprehur se nuk ka rast në Europë që një minoritet të gëzojë aq shumë të drejta se sa serbët atje.
“Në muajt e fundit fushata anti-bullgare në Maqedoninë e Veriut ka eskaluar së tepërmi, para një jave është rrahur brutalisht një djalë 21 vjeçar i cili ka shprehur publikisht etninë e tij.
Ka pasur sulme me armë ndaj bizneseve të bullgarëve në Maqedoninë e Veriut, polica dhe institucionet nuk kanë reaguar ndaj këtyre sulmeve por kanë nisur hetime ndaj pronarëve të bizneseve me etnitet bullgar.
Për fat të keq në RMV ka forca destruktive që nuk lejojnë shtetin maqedonas të përmbushë kërkesën e BE, me qëllim që bullgarët të përfshihen në kushtetutën e vendit. Komuniteti bullgar ka kërkuar që ti njihen të gjitha të drejtat që kanë etnitetet e tjera në RMV. Partitë opozitare pa të cilat nuk mundet të miratojnë ndryshimet kushtetuese në vend kanë deklaruar se kurrë nuk do të pranojnë futjen e bullgarëve ne kushtetutë.
Kjo është në kundërshtim me kornizën negociuese dhe negociatat e RMV në BE nuk mundet që të fillojnë nëse nuk zgjidhet problemi me bullgarët.
Në vjeshtë ka pasur veprime destruktive nga pala serbe në Kosovë, ndaj këtij problemi BE ka refuzuar që të mbaj një qëndrim të ashpër dhe kjo është kritika ime e parë ndaj BE. Kosova është shtet i pavarur dhe nuk mund të cenohet në asnjë moment nga një forcë e jashtme si Serbia.
Bullgarët nuk kërkojnë asgjë më shumë se ato të drejta që kanë serbët në Kosovës, dhe krijimi i Asociacionit duhet të ndërtohet në bazë të Kushtetutës së Kosovës.
Kryeministri i Kosovës ka bërë thirrje që të gjitha marrëveshjet mes Serbisë dhe Kosovës duhet të zbatohen dhe respektohen. Komuniteti serb në Kosovë ka shumë të drejta dhe uë nuk di një rast në europë që një komunitet të ketë aq shumë të drejta se sa serbët në Kosovë. BE për shkaqe të gjeopolitike po mban një qasje të gabuar me Serbinë, sepse për ta afruar atë ne BE po bëjnë lëshime sa i përket marrëveshjes dhe sjelljes me Kosovën.”
