Ambasada e Turqisë në Shkup ka dënuar postimin e fundit që bëri ambasadori i Kosovës në Shkup, Gjergj Dedaj, në rrjetet sociale kundër Turqisë dhe presidentit Recep Tayyip Erdogan.

Ambasadorja e Turqisë në Shkup ka theksuar se dënojnë fuqishëm pretendimet e pabaza dhe retorikën armiqësore me objektiv presidentin Erdogan që Dedaj ka përdorur në postimin e tij lidhur me memorialin që ndodhet në Parkun “Dëshmorët e 15 Korrikut” në Tiranë.

“Postimi i fundit tregon saktësinë e vendimit tonë për të mos u takuar me Ambasadorin e Kosovës në Shkup, Dedaj, i cili edhe më parë ka bërë deklarata kundër vendit tonë dhe i cili nuk është në dijeni të përgjegjësisë që i është ngarkuar nga titulli që mban”, thuhet në deklaratën e Ambasadës së Turqisë në Shkup.

Ambasadori i Kosovës në Shkup, Gjergj Dedaj, në llogarinë e tij në rrjetin social ka bërë postim lidhur me memorialin e përbërë nga një pllakatë e vendosur në Liqenin Artificial në Tiranë mbi të cilën ndodhen emrat e 251 dëshmorëve të rënë gjatë tentativës për grusht shteti të 15 korrikut 2016 në Turqi.

Ish-komandanti i lartë i NATO-s, Wesley Clark, i cili drejtoi fushatën e bombardimeve të NATO-s kundër forcave serbe në vitin 1999, në një deklaratë për Zërin e Amerikës në gjuhën serbe, ka treguar se si gjatë një bisede me presidentin e atëhershëm të Maqedonisë, Kiro Gligorov

Gligorov i kishte thënë se “shqiptarët nuk janë si boshnjakët” dhe se “ata nuk durojnë, do të luftojnë”.

“Presidenti maqedonas, Kiro Gligorov, më thirri dhe më tha: ‘E dini, do të keni problem të madh në Kosovë. Atje do të bëhet luftë, sepse shqiptarët nuk janë si boshnjakët: ata nuk durojnë. Ata do të luftojnë’. Dhe, kështu ndodhi, luftimet nisën”, thotë Clark në këtë bisedë, transmeton Gazeta Metro.

Më tej, ai tregon se si Ambasadori Richard Hoblrooke kishte shkuar në qershorin e vitit 1999 për takim me Slobodan Milosheviqin.

“Më lidhi me telefon me Millosheviqin, të cilin e njihja nga koha e Daytonit dhe i thashë: ‘Ju lutem, mos ia bëni këtë popullit shqiptar’. Ai më tha: ‘Gjeneral Clark, këta janë njerëzit e mi. Unë nuk do t’i lëndoj’. Natyrisht, kjo ishte gënjeshtër, sepse spastrimi etnik tashmë po ndodhte”, ka deklaruar Clark.

Shkup

Maqedonia e Veriut nuk gjen qetësi, teksa skandali me korrupsionin gjigant “Zhvatja” vijon të zgjerohet dhe në dritë paralajmërohet se do të dalin të tjera detaje.

Këtë lajm e ka dhënë gazetari italian, Larsi Gajser, i cili publikoi me video super-skandalin, në të cilin ishin të përfshirë zyrtarë të lartë të Maqedonisë së Veriut. Gazetari Gajser ka paralajmëruar se nesër do të publikojë fakte të reja për këtë rast, të quajtur “Reket”.

“Maqedonia: Nesër 13 gusht, prej ora 11, në Raido Kapodistrija. Do të kyçem brenda në faktet drejtpërdrejtë në studio”, njofton Gajser, përmes statusit të tij në “Facebook”.

Ç’po ndodh me shqiptarët ?

Heshtje për çështjen e Çamërisë!

Heshtje për Iliridën!

Heshtje për Kosovën Lindore!

Heshtje për Malësi.

Heshtja vazhdon me humbjen e territoreve të tjera, humbi Çakori, humbëm hektar të tërë me sllavo-maqedonët.

Po tentojnë të grabisin e të ndajnë Mitrovicën, përsëri heshtje.

Humbim zona të tëra ekskluzive ekonomike detare me Greqinë, përsëri heshtje!

Vriten e burgosen me dënime drakonike shqiptarët e pafajshëm në trojet e tyre etnike, përsëri heshtje!

Lirohen kriminelët sllavë që vrajnë me vetëdije shqiptar, deri dhe fëmijë, përsëri heshtin shqiptarët!

Ende u mohohen të drejtat elementare kombëtare, përsëri heshtje!

Por deri kur o popull do të heshtim?

Mos vallë duhet të heshtim gjithë jetën para padrejtësive?

Jo unë nuk dua të hesht para padrejtësive që i janë bërë kombit e popullit tim.

Heshtja nuk është për mua. Nuk kërkoj diçka që s`na takon si popull, apo diçka që nuk është e jona . Por nuk do të ndalem kurr të kërkoj e luftoj , për atë që më takon, për atë që i takon popullit tim.

Gjithmonë e kam ngritur zërin, gjithmonë kam luftuar me armë në dorë. Jam munduar ti dal zot atdheut e të luftoj për liri e bashkim kombëtar. E s’do të ndalem deri në realizimin e aspiratave e amanetin e dëshmorëve,deri në bashkimin e Shqipërisë Natyrale.

Prandaj nuk mundë të heshtë.

Në të vërtetë do të doja që çdo shqiptar të mos heshti e të japë ndihmën e tij, të ngrejë zërin para padrejtësive të çështjes kombëtare, të ngrejë zërin e tij për aspiratën shekullore.

Por fatkeqësisht tek shqiptarët vetëm një përqindje e vogël preferojnë të sakrifikojnë jetën e lirinë e tyre. Shumica kanë zgjedhur heshtjen e nënshtrimin.

Unë gjithmonë jam munduar të mos heshtë, të ngre zërin, e të rrok armën sa herë që është dashur, të japë më të mirën për popullin tim.

Nuk u ndala ashtu si shumë shokë të idealit për të korrigjuar padrejtësitë ndaj popullit tonë, ti japë lirinë, ti japë bashkimin e kombit në një shtet në një flamur.

S’duam luftë,s’duam të urrejmë,as të shkatërrojmë e të vrasim
popujt fqinjë.

Edhe ne dëshirojmë te kemi paqe e mardhanje të mira me fqinjët, në kushte normale ashtu si e do tradita e shqiptarit.

Por me cilët fqinjë shqiptarët mundë të bashkëjetojmë, pas shekujsh vrasjesh e gjenocidi nër okupim?

Si mundet që hasmin e vjetër ta bëjmë mik të ri?. Hasmi i vjetër nuk bëhet mik i ri.

Si mundet kur ata ende bejnë plane për të shfarosur shqiptarët e t`na rrëmbejnë akoma pjesê të atdheut.

Edhe unë si çdo shqiptarë e e dua paqen.

Edhe unë do të doja të isha pranë fëmijëve.

Por atëherë do të duhej të heshtja, të pranoja padrejtësinë, të pranoja nënshtrimin.

Do më duhej të hiqja dorë nga aspirata e amaneti shekullor për liri e bashkim kombëtar.

Por unë nuk mundë të heshtê, nuk mundë të heqë dorë nga e drejta për të parê atdheu të lirë e të bashkuar.

Jo, un e urrej heshtjen, unë e urrej të shoh popullin tim të nënshtruar e robëruar, të copëtuar.

Secili prej nesh ka detyrime ndaj vendit. Çdo shqiptar ka rolin e tij në këtë tokë të shenjtë Arbërore, në çështjet kombëtare.

Nga natyra edhe mua më pëlqen të jetoj i qetë pranë familjes, pranë fëmijëve.

Të gjithë mund të kemi një jetë të bukur e të rehatshme në shtëpitë tona, por me çfarë çmimi, sigurisht me heshtje e nënshtrime, të copëtuar ndër shtetet fqinje e të robëruar. pa të drejta elementare, që na takojnë që nga lindja. e që janë të garantuara me ligje e konventa ndërkombëtare.

Fatkeqësisht lakmia e ka helmuar shpirtin edhe të politikanëve tanë, na kanë bërë të biem në gropë të varfërisë e në rreket e gjakut, e të mos mendojmë për komb, të mos mendojmë për ideale, ashtu si do të duhej të mendoj çdo shqiptar i vërtetë.

Lakmia na bëri të ktheheshim në cinikë. Jemi kthyer në jo-njerëzorë, me ndihmën e forcës së inteligjencës mendojmë shumë dhe nuk ndiejmë sa duhet. Jemi mekanizuar shumë, e na mungon sjellja njerëzore, na mungon atdhe-dashuria.

Sot sillemi si më të shkolluar, më të vetëdijshëm, për të filozofuar në emër të çështjes kombëtare, me patriotizëm virtual në rrjetet sociale, sa të zëmë një karrige.

Por për të drejtat e mohuara e lirinë e kombin e cunguar, po na mungon ideali e gatishmëria për të sakrifikuar në emër të atdheut.

Kemi përqafuar heshtjen e nënshtrimin.

Pa cilësi e virtyte kombëtare e njerëzore, jeta s’është veçse të jetosh në instinkte e pa ndjenja, dhe gjithçka është e humbur.

Vendin e vlerave kombëtare e kanë zënë antivlerat.

Në këtë moment dëshiroj që zëri im të arrin miliona shqiptarë në të gjithë kombin tonë, në miliona burra, gra e fëmijë të dëshpëruar. Viktima të një sistemi që i torturon të dobëtit dhe i burgos të pafajshmit.

Ja ku ua them te gjithë atyre që kanë vesh të më dëgjojnë:Mos u ndalni, mos u dëshpëroni !

Ta largojmë këtë mallkim shekullor që është mbi ne.

Sepse nuk është gjë tjetër, veçse produkte kalimtar i sjelljeve tona, e i atyre që ne zgjedhim ta na udhëheqin.

Produkte i atyre që u shërbejnë sllavo- grekëve e që kanë frikë nga progreset që arrihen nga bashkimi i popullit tonë, nga liria e shqiptarëve.

Të mos heshtim,po tu themi të gjithëve me zë të lartë,se paqja do të mbretëroj mes nesh dhe fqinjëve në gadishullin Ilirik,vetëm kur neve shqiptarëve të na kthehet e drejta e mohuar,për të jetuar të lirë e të bashkuar në tokën e të parëve.

Mos heshtë, por thuaju se për lirinë e kombit, ende ka shqiptarë që japin jetën e sakrifikojnë lirinë e tyre!

Mos heshtë po thajuni me zë të lartë, se aspirata për liri e bashkim kombëtar s’ka për t’u mposhtur kurrë. Mjafton të mos heshtim.

Shqiptarë,mos ua lini ardhmërinë e fëmijëve tanë pushtuesve sllavo-grekë,e politikanëve tanë që ju përçmojnë dhe që ju duan skllevër partiakë, që ju duan gjithë jetën tju mbajnë nën kontroll. Ju tregojnë ç’të bëni e ç’të mendoni, që ju drejtojnë,ju manovrojnë, që ju përdorin si mish për top e ju trajtojnë si numër votash, për remitanca për arkat e shtetit e për të mbushur xhepat e tyre.

Mos u dorëzoni para këtyre ardhacakëve nga Karpatet dhe Azia e vogël,mos u jepni e mos heshtni para këtyre barbarëve e qenie jo-njerëzore.

Këtyre njerëzve-makineri, me një makinë në vend të kokës dhe një tjetër makineri në vend të zemrës.

Ne s’jemi makineri !

Ne s’jemi skllevër !

Ne jemi populli autoktonë i këtij gadishulli.

Ne jemi pellazgët-ilirët-arbërorët-shqiptarët,

Ne jemi zotë të këtij trualli të lashtë.

Ne jemi njerëz, me gjithë dashurin e botës në zemër. Ne s’kemi urrejtje, veçse për atë që është jo-njerëzore, dhe që na prekë lirinë, na prekë atdheun.

Shqiptar mos heshtë.

Lufta për liri e bashkim kombëtar , nuk eshtë qështje individuale, e imja apo e jotja. Por është çështje që duhet të angazhohet e shqetësohet çdo shqiptar, i gjithë populli.

Ju o popull e keni fuqinë për ta bërë ndryshime.

Ju e keni fuqinë për të realizuar aspiratat e amanetin e të parëve.

Ju keni fuqinë për ta bërë jetën më të mirë, më të mrekullueshme për fëmijët tuaj.
Prandaj në emër të lirisë, e bashkimit kombëtar, në emër të ardhmërisë e demokracisë, mos heshtni, zgjohuni, që të kthejmë dinjitetin, të rikthejmë krenarin kombëtare.
Duhet të bashkohemi të gjithë, duhet të luftojmë të gjithë për një Shqipëri të fortë e të bashkuar.

Për një Shqipëri në kufijtë që na i ka caktu zoti e na i lanë trashëgim të parët.

Sunduesit e sotëm na kanë premtuar shumë gjera që ne t’ua jepnim pushtetin: ata gënjejnë. Ata s’i kanë mbajtur premtimet e tyre të mrekullueshme, asnjëherë s’do t’i mbajnë.

Diktatorët shfaqen me marrjen e pushtetit, dhe bëjnë skllevër popujt.

Por ne na duhet të luftojmë,mos ti lejojmë.

Ne duhet të luftojmë për të liruar kombin , për t’i shkatërruar kufijtë dhe përmbysur dallimet racore, për t’i dhënë fund njëherë e mirë lakmisë, urrejtjes dhe jo-tolerancës. Na duhet të luftojmë për të ndërtuar një botë më të mirë e më të sigurt për fëmijët tanë.

Shqiptarë, në emër të lirisë e Demokracisë, të bashkohemi të gjithë! Retë po zhduken! Dielli shpon! Ne po dalim nga terri për të gjetur dritën ! Duhet të shkojmë drejt aspiratave tona kombëtare.

Drejt një rilindje të re, drejt një jete më të mirë, ku shqiptarët do të jetojnë të lirë e të bashkuar.

Ku lakmia e politikanëve tanë, e urrejtja, e brutaliteti sllavo- grekë, nuk kan vendê.

Zgjohuni nga ky gjumë letargjik qe kemi rënë ! mos heshtni, që shpirti i dëshmorëve të atdheut të flijuar brez pas brezi, më në fund të gjej qetësi, që shqiponja më në fund të nisë fluturimin me flatrat e saj dhe të fluturojë.

Të fluturon drejt ylberit, drejt dritës së shpresës. drejtë lirisë e bashkimit kombëtar.

Shqiptar mos heshtni.

Zoti e bekoftë Shqipërinë e bashkuar.

Zoti e bekoftë popullin shqiptarë.

Lavdi dëshmorëve të kombit.

Shkruar në burgjet sllave.

Shkup,11 gushtë 2019

Rreth 621 mijë armë posedojë qytetarët e Republikës së Maqedonisë së Veriut, gjegjësisht 29.79 copë për kokë banori. Prej tyre vetëm 169.687 janë të regjistruara ndërsa 451.313 mbeten të paregjistruara, tregojnë të dhënat e hulumtimit të organizatës “Small Arms Survey” (SAS).

Më këto numra, Maqedonia është në vendin e tetë në Evropë, dhe e 13-ta në botë në posedim të armës për kokë banori. Në vend të parë dhe të dytë janë dy vende të rajonit tonë, Mali i Zi dhe Serbia.

Në vend ka evidencë se kush posedon armë legale, por nuk ka informacione për armët ilegale. Parashtrohet pyetja a respektohen në mënyrë maksimale Ligji për armë dhe procedurat dhe a është që secili që kërkon leje për armë shkon në kontroll, dhe a mund të blihet armë zjarri në tregun e zi.

Vitin e kaluar u regjistruan vetëm 83 armë

Sipas evidencës së Sektorit për armë, materie të rrezikshme dhe shpërthyese, në Sektorin për punë civile pranë Ministrisë së Punëve të Brendshme, në vitin 2018 janë regjistruar rreth 180.000 copë armë.

Në pjesën e tregtisë ilegale me armë, MPB për MEDIAL-n informoi se në periudhën nga janari i vitit 2019 deri në qershor të vitit 2019 janë regjistruar 102 vepra penale për të cilat janë denoncuar 117 kryerës të veprave penale, me ç’rast janë sekuestruar gjithsej 83 armë zjarri dhe janë marrë 1.742 copë municioni, 192 gram eksplozivë, dy kapsolle detonatore, 100.168 kapsolla, 8.111 raketa piroteknike dhe raketa ndriçuese, 14 fishekzjarre dhe dy topa.

Bashkësia Fetare Islame e Maqedonisë së Veriut në mesazhin me rastin e festës së Kurban Bajramit ka bërë thirrje për paqe, solidaritet, mirëkuptim e tolerancë mes bashkësive etnike e fetare në vend si, alternativë e vetme për të ardhmen e qytetarëve dhe të shtetit në përgjithësi.

Në mesazhin e BFI-së thuhet se “Kurban Bajrami është festë e dashurisë dhe e mirëkuptimit mes besimtarëve dhe një rasti i mirë për unitetin e popullit”, por institucioni islam shpreh shqetësimin për siç thuhet gjendjen e rëndë politike e ekonomike që po godet çdo ditë e më shumë popullatën e Maqedonisë së Veriut.

“Këtë festë po e presim në një atmosferë zymtësie që po e kaplon vendin tonë e që detyrimisht po reflektohet edhe tek besimtarët. Shqetësimet dhe paqartësitë politike po ndikojnë në jetën tonë. Kriminaliteti dhe korrupsioni po ndjellin pasiguri tek njeriu i rëndomtë. Gjendja ekonomike po vështirësohet dhe varfëria po godet pikërisht ata që janë në gjendje më të rëndë. Si pasojë e këtij ambienti rinia jonë po largohet nga vendi në kërkim të një jete më të mirë”…

“Druajmë se Bajramet tona në të ardhmen do t’i festojmë me më pak bijë e bijat tonë”, ka thënë Shaban Sulejmani, përfaqësues i Bashkësisë Fetare Islame të Maqedonisë së Veriut në mesazhin me rastin e festës së Kurban Bajramit.

Edhe përfaqësuesit e institucioneve shtetërore dhe të partive politike, kanë uruar besimtarët duke bërë thirrje për unitet e tolerancë mes njerëzve pa dallim përkatësinë etnike.

Kryeministri i Maqedonisë së Veriut, Zoran Zaev, mohon të jetë përfshirë në skandalin e njohur si “reketi” ku dyshohet të jetë përfshirë edhe prokurorja speciale, Katica Janeva. Dy bashkëpunëtor të Janevës i kanë kërkuar afaristit Orce Kamçev 1.5 milion euro që ta shpëtojnë nga paraburgimi lidhur me një aferë tjetër korruptive me godinën e VMRO-së opozitare.

Lidhur me këtë skandal, një gazetë italiane, “La Verita”, ka publikuar video incizime në të cilat shihen protagonistët e skandalit duke marrë paratë e premtuar ndërsa në një prej tyre dëgjohet një bashkëpunëtor i Janevës se si i premton se për këtë çështje ka biseduar dhe do të bisedojë edhe me kryeministrin, Zoran Zaev që të mos ketë probleme lidhur me këtë aferë.

“Në mënyrë kategorike i hedhë poshtë këto gënjeshtra apo çfarëdo qoftë lidhje, bashkëpunim ose komunikim me të dyshuarin Bojan Jovanovski në lidhje me rastin ‘Zhvatja.

Pres që hetimet për këtë çështje të përfundojnë sa më shpejtë dhe fajtorët të dalin para ligjit. Përgjegjësit apo trilluesit dhe ata që bëjnë gjithçka për të shpëtuar, nuk mund të hiqen si viktima. Ato që thuhen në audio-përgjim janë gënjeshtra dhe marrëzi të qëllimshme për të përforcuar pozicionin dhe fuqinë para bashkëfolësit ”, ka shkruar Zaev në llogarinë e tij në Facebook..

Në audio-përgjimin që është publikuar këtë të shtunë, dëgjohet se si Bajon Jovanovski i njohur si Boki 13 e që është edhe pronar joformal i një televizioni, afaristi Orce Kamçev dhe prokurorja speciale Katica Janeva, janë në komunikim të vazhdueshëm me njëri-tjetrin. JOvanovski flet per miqësinë me kryeministrin e Maqedonisë së Veriut Zoran Zaev dhe fotot që ai ka bërë me të në studiot televizive.

Partia opozitare, VMRO DPMNE edhe njëherë ka dalë me kërkesën për dorëheqjen e qeverisë dhe arrestimin e kryeministrit, Zoran Zaev dhe të prokurores, Katica Janeva. Opozita akuzon edhe prokurorinë publike se qëllisht po zvarrit hetimin për këtë skandal.

“Në një situatë të tillë, mbetet dyshimi se i gjithë procesi hetimor nga prokuroria është një farsë e madhe që synon mbrojtjen e zyrtarëve të lartë që janë pjesë e krimit. Duke lënë aq shumë hapësirë për shkatërrimin e provave, nuk është hetim, por shkatërrim i tij”, thuhet në reagimin e opozitës maqedonase.

Video që po trondit politikën në Maqedoninë e Veriut, prokurorja e vlerësuar nga Mogherini kapet në skemën e zhvatjes së miliona eurove

Gazeta italiane “La Verita”, e cila njihet për raportimet e detajuara për Maqedoninë e Veriut ka publikuar së fundmi një material filmik, ku sipas saj tregohet skema e zhvatje së miliona eurove. Kjo media, duke skanuar rrugën që po ndjek Maqedonia për t’u bërë pjesë e strukturave të BE-së, tregon  as më shumë dhe as më pak, por të vërtetën që sipas saj politikanët në vendin fqinj janë përdorur dhe përdoren si “marioneta” të mekanizmave ndërkombëtar.

Në videon e publikuar dhe që është regjistruar në shkurt të këtij viti, siç bën të ditur gazeta, shihen euro të paketuara me specifikime të shënuara me dorë në fleta, ndërsa dëgjohet edhe një pjesë nga biseda mes Orce Kamçevit dhe Boki13, në të cilën Boki i tregon Kamçevit se nga orët e vona të së hënës deri të martën do të lirohet nga paraburgimi, ndërsa përmendet edhe prokurorja speciale publike, Katica Janeva. Më 2016, Gjermania e drejtuar nga Kancelarja  Angela Merkelit, përmes degës lokale të Deutsche Telekom, ka përgjuar mijëra orë bisedash telefonike midis anëtarëve të qeverisë konservatore dhe ia ka dorëzuar transkriptimet direkt liderit të opozitës, Zoran Zaev. Kjo një  formë për ta favorizuar atë në rrugën drejt pushtetit e për të kryer më pas “manipulime” sipas dëshirës.

Ky plan gjerman, bashkë me atë të George Soros që financoi për shumë muaj protestat në rrugë arriti rezultatin e dëshiruar. Megjithëse ndërhyrja nga jashtë pati sukses, qeveria konservatore e VMRO-DPMNE e kundërshtoi vërtetësinë, përmbajtjen dhe mënyrën e përgjimeve. Për të qetësuar protestat e shumicës qeverisëse, Komisioni Evropian dhe përfaqësuesja për politikën e jashtme, Federica Mogherini, kërkuan që në Maqedoni të krijohej një Prokurori Speciale, e cila të kishte si detyrë ekskluzive verifikimin e përgjimeve dhe ndjekjen penale të krimeve. Prokuroria Speciale duhej edhe të shërbente për vendosjen e shtetit ligjor dhe një demokracie funksionale që do të gëzonte besimin e shtetasve maqedonas. Si rezultat i kompromisit mes palëve, në krye të prokurorisë u emërua një gjyqtare deri atëherë e panjohur, Katica Janeva.

Zoran Zaev i dorëzoi menjëherë gjithë dokumentacionin që kishte në zotërim. Në pak muaj, Janeva nisi proceset që çuan në burgosjen e shumë eksponentëve politikë, përfshirë edhe ish-kreun e shërbimit sekret, Saso Mijalkov, të gjithë të lidhur me qeverinë e mëparshme. Hetimet dhe proceset gjyqësore ndryshuan krejtësisht skenën politike. Zaev arriti të zgjidhej kryeministër dhe Maqedonia kapitulloi ndërkombëtarisht, duke pranuar të modifikonte gjithë kushtetutën e saj në favor të grekëve, duke marrë emrin Maqedonia e Veriut. Duke kundërshtuar legjitimitetin e vendimeve të qeverisë socialiste të Zaevit, presidenti i atëherëshëm Gjorge Ivanov refuzoi të nënshkruante modifikimin e Kushtetutës.Megjithatë koalicioni qeverisës, i galvanizuar mediatikisht nga mbështetja e gjithë establishmentit evropian për prokuroren Janeva, shfrytëzoi skenarin duke zgjedhur edhe një kryetar të ri të shtetit në prill, socialistin Stevo Pendarovski, i cili firmosi gjithë aktet e mbetura pezull. Por çfarë të mbjellësh do të korrësh dhe ashtu siç Zaev u ngjit në majë të pushtetit me përgjimet e ofruara nga palët e interesuara, tani rrezikon të bjerë në të njëjtin kurth.

Disa javë më parë, një drejtues i njohur televiz maqedonas, Bojan Jovanovski, i njohur si Boki 13, u arrestua me akuzën e zhvatjes. Meqënëse zhvatja e plot 8 milionë eurove u krye mbi bazën e dokumentacionit në zotërim ekskluziv nga zyra e Janevës e supozohet në dëm të sipërmarrësit të madh maqedonas Jordan Kamçev, i hetuar në vitet e kaluara nga superprokurorja për çështjen “Impero” skandali u bë menjëherë publik.

Fakti që djali i Janevës ishte një nga manaxherët e shoqatës bamirëse në emrin e Boki 13 nuk bëri gjë tjetër veçse e përkeqësoi situatën e prokurores, e cila, pa pranuar ndonjë përgjegjësi, dha gojarisht dorëheqjen, por duke qëndruar në detyrë deri në emërimin e zëvendësuesit që do të vendoset nga kryeministri.“La Verità” ka siguruar pamjet dhe disa përgjime, dorëzuar para disa javësh në zyrën e Prokurorisë për krimin e organizuar në Maqedoninë e Veriut nga ana e avokatëve të viktimës, që për herë të parë do të provonte publikisht përfshirjen e Boki 13 në bashkëpunim me prokuroren speciale Katica Janeva.Akuza është skemë zhvatjeje në dëm të milionerit Kamçev, si edhe përfshirjen e supozuar të politikanëve të lartë maqedonas. Videoja, e cila është e gjitha në duart e sistemit të drejtësisë maqedonas, tregon përgatitjen e ryshfetit dhe Boki 13 që del bashkë me një koleg nga shtëpia e Kamçevit ndërsa përgjimi ambiental, me datë 20 shkurt 2019, tregon se si shoëmani i premton vitimës lirimin nga arresti shtëpiak. Liri që i erdhi në ditën e premtuar..

Unë erdha në Iliridë për tre arsye.

Së pari, sepse këtu nënat e baballarët, motrat e vëllezërit e mi diskriminohen, nuk kanë liri. për të mbrojtur e dalë zotë atdheut, ashtu si kam bërë gjithmonë për lirinë motrave e vëllezërve të mi.

. Së dyti, erdha këtu për respektin tuaj, sepse nuk doja që të jetë dikush tjetër sundues i popullit e vendit tim.

Së treti, erdha këtu sepse Ilirida është pjesë e atdheut tim, dhe mua s`më dhimbet jeta të luftoj për atdhe e bashkim kombëtarë. Kur ju, këtu, çdokush, fëmijë e të rritur e ëndërroni lirinë, të fituar gjatë gjithë kohës vetëm me sakrificë e gjak.

Nuk do ta vrisja mendjen fare për jetën time, Ja pse shqiptarët ja kanë dalë të mos humbin plotësisht, nuk kanë humbur asnjëherë dhe asnjëherë nuk do ta humbasin një luftë; sepse ideja e humbjes është e urryer për një shqiptarë. Por fundja ne provuam, nuk vdiqëm të gjithë. jemi këtu sot luftojmë në një betejë të madhe. Nuk duhet të kini frikë nga vdekja. Vdekja, në kohë, i vjen të gjithë njerëzimit. Po, çdo burrë ka frikë në betejën e tij të parë. Nëse thotë se nuk ka, është gënjeshtar. Disa burra janë frikacakë, por luftojnë njësoj si trimat ose frikësohen edhe më shumë kur shohin se si luftojnë burrat që janë po aq frikacakë sa ata. Heroi i vërtetë është një burrë që lufton edhe pse është i frikësuar. Disa burra e kalojnë frikën e tyre në minutën e parë pasi hapin zjarr. Disa, e kalojnë orën e parë. Disave u duhen ditë. Por një burrë i vërtetë nuk do të lejojë që frika nga vdekja ta kalojë nderin e tij, ndjenjën e detyrës ndaj vendit të tij dhe forcën burrërore të lindur prej natyre.

Beteja është gara më e rëndësishme në të cilin mund të përfshihet një njeri. Ajo nxjerr gjërat më të mira dhe heq ato të ulëtat. Mos harro se armiku është po kaq i frikësuar sa edhe ju, dhe ndoshta edhe më shumë. Ata nuk janë supermenë. Të gjithë heronjtë e vërtetë nuk janë luftëtarë të librave me histori. Çdo burrë në këtë jetë për Çështjen kombëtare luan një rol thelbësor. Mos u demoralizoni. Mos mendoni se puna juaj është e parëndësishme. Çdo burrë ka një punë për të bërë dhe duhet ta bëjë. Çdo burrë është një hallkë jetësore e zinxhirit të madh të çështjes kombëtare. Po sikur çdo shqiptarë të vendosë se nuk i pëlqen rënkimi i plumbave mbi kokë, dhe të hidhet në kanal? Ai frikacaku mund të thotë: “Nuk do t’i marrë malli për mua, jam vetëm një person në një mijë”. Po sikur të gjithë burrat të mendonin kështu? Ku do të ishim ne tani?

Ku do të ishte vendi ynë, të dashurit tanë, shtëpinë tona, madje dhe e gjithë Shqipëria.?

Jo, shqiptarët nuk mendojnë kështu. Çdo burrë duhet të bëjë punën e tij në emër të Atdheut. Çdo burrë i vërtetë e atdhetar i shërben kombit në çdo kohë pa marr parasysh, se sa është çmimi a po kosto e këtij ideali madhorë. Çdo shqiptarë, është i rëndësishëm në skemën e gjerë të kësaj lufte deri në realizimin e plotë të amanetit e aspiratave shekullore për bashkim kombëtarë. mos të harrojmë vëllezër, se kjo tokë buron gjak në çdo pëllëmbë të saj.

Patjetër që duam të jetojmë në paqe, në shtëpi, pranë fëmijëve. Por dikush duhet sakrifikoj gjithmonë për këtë luftë në emër të lirisë kolektive kombëtare, në emër të Shqipërisë. Mënyra më e shpejtë për t’i dhënë fund është të mobilizohemi, të ngremë zërìn për të drejtën tonë.

Ti tregojmë bastardëve që na mbajnë të pushtuar e të ndarë në robëri, se rruga e nisur me shekuj nuk ndalet, deri në realizimin e bashkimit kombëtarë.

Sa më shpejt të vetëdijesohemi, aq më shpejtë do të jemi një bombë.

Rruga më e shkurtër është përmes revolucionit e luftës, se askush sta dhuron lirinë.

Vetëm kështu do të mund të realizojmë të drejtën tonë, me armë në dorë.

Ju mundë të thoni kjo luftë ka përfunduar jemi mirë në shtëpi.

Por unë do tu thosha se nëse sakrifikojmë për idealet kombëtare sot, do tju jenë mirënjohës se njëzet vite më pas, kur të jeni ulur pranë oxhakut dhe nipërit në gjunjë dhe ata do t’ju pyesin se çfarë bëtë ju për çështjen kombëtare, nuk duhet të kolliteni, të ndërroni pozicion dhe të thoni: “Gjyshi juaj nuk bëri asgjë për atdheun”. Jo, zotëri, do ta shihni drejt e në sy dhe do t’i thoni: “Bir, gjyshi juaj u bashkua me Ushtrinë e luftoi për kombin e atdheun.

Të shihni fëmijët krenar e tu thoni, birë un bëra sa munda, nuk u ndala kurrë për atdhe, nuk e kurseva kurrë jetën.

Ja pra edhe unë kështu e shohë veten.

Unë të paktën u mundova tê japë më të mirën për atdheun, për ju e të ardhmen e fëmijëve tanë. Për idealet e bashkim kombëtarê dhashë gjithçka nga vetja. por nuk më mbet merak.

Të paktën u mundova.

Vetëm kështu vëllezër, kur secili tē japë diçka nga vetja për të mirën e përbashkët, atëherë besomëni se mundemi.

Atëherë do e kemi Shqipërinë e bashkuar.

Atëherë do tu themi dëshmorëve, amaneti juaj e aspirata shekullore u krye.

Jemi populli ma fisnik e ma liridashës ne botê.

U mundova të përcjell tek ju disa fjalë zemre.

Zoti e bekoftë popullin shqiptarë,zoti e bekoftë Shqipërinë dhe bashkimin kombëtarë.

Lavdi dëshmorëve të kombit brez pas brezi.

Me respekt Genc Sefa – Lushnja.

Letër nga Burgu ,Shkup 05.08.2019

Shkup

Derisa Kosova përfundoi projektin e autostradës prej 65 km deri në kufirin me Maqedoninë e Veriut, autoritetet vendase shtyjnë edhe për disa muaj afatin e tenderimit të projektit prej 12,5 km të autostradës Shkup-Bllacë.

Në vend se këtë pranverë, siç u paralajmërua, njoftimi i fundit është se dy kilometrat e para të autostradës Shkup-Bllacë do të fillojnë të ndërtohen gjatë vjeshtës.

“Afatet janë më të mëdha në tenderët ndërkombëtarë në pjesën e autostradave, mendoj se janë mes 45 dhe 60 ditë, prandaj, deri në shtator, nëse të gjitha procedurat përfundojnë siç duhet të jetë në pjesën e tenderimit, do të duhet të fillojë” deklaroi Goran Sugarevski, Ministër i Transportit dhe Lidhjeve

Pjesa tjetër e mbetur prej 10 kilometra e gjysmë të autostradës, nëse projekti përfundon deri në fund të vitit, do të fillojë të ndërtohet në sezonin e ardhshëm ndërtimor.

“Nuk dua të spekuloj me afatet, pritjet tona janë diku në tetor-nëntor që të përfundojë projekti, kështu që pas kësaj, menjëherë do të shkojmë me tenderim” tha Goran Sugarevski.

Zëvendëskryeministri Bujar Osmani verën e kaluar premtoi se këtë pranverë do të fillojë ndërtimi i autostradës Shkup-Blacë, e cila është kërkesa e një dekade nga komuniteti i biznesit, shkruan Alsat.

Sipas paralajmërimeve nga Qeveria plani është që ndërtimi i këtij seksioni të bëhet në dy faza.

Faza e parë nga kalimi kufitar Bllacë deri në rrugën lidhëse drejt Bllacës, me një gjatësi rreth dy kilometra dhe duhet të ndërtohet në 18 muaj.

Pjesa e dytë, deri në Shkup, është e gjatë 10.5 kilometra, ndërtimi duhet të fillojë vitin e ardhshëm dhe të zgjasë rreth 36 muaj.

Pritjet janë që kjo autostradë të vihet në përdorim në vitin 2023. Autostrada, e cila do të ketë katër tunele dhe tetë ura, kushton rreth 110 milion euro.

Shkup

UNESCO në raportin e saj të fundit rekomandon që Ohri dhe rajoni të vendosen në listën e vendeve të rrezikuara të Trashëgimisë Botërore.

UNESCO po kërkon të deklarohet moratorium për çdo lloj transformimi urban në brigjet e liqenit, por gjithashtu për çdo lloj transformimi urban. Arsyeja për këtë është përparimi i pamjaftueshëm deri në zgjidhjen e problemeve mjedisore, duke marrë parasysh kërcënimet e vazhdueshme dhe projektet e mëdha të ndërtimit në qytet dhe në rrethinat e saj.

Në raport rekomandohet të vlerësohet ndikimi i ndërtimeve pa leje në zonën e mbrojtur dhe rrënimin e atyre që paraqesin kërcënim, për trashëgiminë natyrore dhe kulturore.

Një qendër në Evropë për mbrojtje nga sulmet kibernetike. Fotografi nga arkivi.

Ministria e Mbrojtjes e Maqedonisë së Veriut ka konfirmuar bashkëpunimin me komandën kibernetike të Shteteve të Bashkuara të Amerikës, pas informacionit të ditës së hënë se Shtetet e Bashkuara kanë ndërmarrë masa kundër sulmeve të internetit (kibernetike) ndaj demokracisë dhe institucioneve demokratike në disa shtete të Evropës Lindore, në mesin e të cilave është edhe Maqedonia e Veriut.

Në Ministrinë e Mbrojtjes thonë se bashkëpunimi me komandën kibernetike amerikane ka nisur në vitin 2018, me qëllim që t’u ndihmohet subjekteve kompetente nga Ministria e Mbrojtjes për arritjen e standardeve të NATO-s në këtë sferë.

“Me ndihmën e ekspertëve është shqyrtuar gjendja lidhur me rrjetin e apostrofuar për qasje në internet dhe në bazë të ekspertizës së bërë janë ndërmarrë masa për përmirësimin dhe mbrojtjen e rrjetit informatikë të Ministrisë së Mbrojtjes nga aktivitetet e padëshiruara”, thonë nga ky dikaster, duke u përgjigjur nëse janë pjesë e planit aksional të komandës kibernetike të SHBA-së në rritjen e sigurisë kibernetike dhe sulmeve ndaj internetit.

Sipas informacioneve që janë konfirmuar edhe nga ambasada amerikane në Mal të Zi , SHBA-ja po vendos të ashtuquajturit “luftëtarë kibernetikë” në disa shtete të saj mike në Evropën Lindore, si në Maqedoni të Veriut, Mal të Zi dhe Ukrainë, që t’i “ndihmojnë në përballjen me sulmet e vazhdueshme dhe kërcënimet kibernetike ndaj demokracisë”.

“Komanda kibernetike amerikane që kontrollon operacionet në hapësirën kibernetike për mbrojtjen e interesave amerikane, po bashkëpunon me autoritetet e këtyre vendeve që t’i pengojë kërcënimet potenciale. Komanda amerikane evropiane dhe komanda kibernetike amerikane bashkëpunojnë ngushtë me aleatët e NATO-s”, kanë deklaruar për BIRN nga ambasada amerikane në Mal të Zi, por pa saktësuar detaje tjera.

Kohë më parë, sipas portalit të specializuar “SaberScoop”, gjenerali amerikan Timothy Haugh, komandant i forcave të misionit kombëtar të komandës kibernetike, kishte deklaruar se si pjesë e operacionit të koduar “Teologjia sintetike”, komanda ka vendosur “luftëtarë kibernetikë” në Ukrainë, Maqedoni të Veriut dhe Mal të Zi, që të ndihmojë këto vende që të “mbrohen dhe të mblidhen të dhëna për armiqtë”.

Sipas profesorit të sigurisë në universitetin Fon të Shkupit, Bashkim Selmani, sulmet kibernetike dhe kërcënimet e këtij lloji paraqesin “terrorizëm bashkëkohor” mes shteteve dhe se nga këto sulme nuk përjashtohet as Maqedonia e Veriut.

“Është fakt se nëse analizohet funksionaliteti i këtij vendi, në këtë vakum që ka pasur si një shtet i ndjeshëm sa i përket problemeve si brenda ashtu edhe jashtë, tash po i paraqitet edhe sulmi i radhës Maqedonisë së Veriut, apo sulmet kibernetike. Realisht dyshohet se ato vijnë nga Rusia, megjithatë ato nuk mund të argumentohen, por duke e ditur synimin e saj për anëtarësim në NATO dhe BE, ajo ende më shumë do të jetë e rrezikuar në këtë formë të sulmeve”, thotë Selmani.

Sipas Selmanit, Maqedonia e Veriut nuk është aq e përgatitur që të përballet me këto sulme, andaj edhe është e logjikshme të kërkojë ndihmë.

Në raportin e “SaberScoop” thuhet se SHBA-ja ka synuar “që të mënyrë aktive të pengojë përzierjen eventuale në zgjedhje nga vendet si Rusia”.

Në kontekst të kërcënimit të sigurisë kibernetike janë edhe zgjedhjet presidenciale amerikane dhe hetimi për përzierjen e mundshme ruse. Në këtë hartë është edhe Maqedonia e Veriut me lajmet e rreme nga qytetit i Velesit në mbështetje të Donald Trump.

Edhe themeluesi i Facebook-ut, Mark Zuckerberg kishte përmendur Maqedoninë e Veriut si burim të lajmeve të rreme dhe kjo çoi që më vonë Facebook të mbyllë 212 faqe interneti në Maqedoninë e Veriut dhe Kosovë, për shpërndarje të materialit në kundërshtim me politikat e kompanisë.

MAQEDONI E VERIUT

Në atmosferë të tensionuar ka filluar seanca e sotme e Gjykatës së Apelit, në të cilën shqyrtohen ankesat e Grupit të Kumanovës, të cilët janë dënuar me burg për ngjarjet në Lagjen e Trimave. Seanca filloi me një minutë heshtje për pjesëtarët e vdekur nga Grupi i Kumanovës, të cilën në emër të të gjithëve e kërkoi Genci Sefa.

Më pas ai së bashku me të akuzuarit e tjerë kërkoi që të lexohet deklarata e përbashkët e tyre, por nga gjykata u paralajmëruan se janë në seancë publike, e jo në gjykim. Pas kësaj, pjesëtarët e Grupit të Kumanovës kërkuan që gjykatësja të flasë shqip. “Katër vjet presim të flasim. Kërkojmë hetim ndërkombëtar, nuk jemi të kënaqur nga avokatët, një vit nuk kemi pasur komunikim. Kjo është Shqipëri, ne jemi autokton”, kanë thënë disa nga të akuzuarit në seancë, raportojnë mediat në gjuhën shqipe në Maqedoninë Veriore.

Pasi gjykatësja nuk ju lejoi të lexojnë deklaratën e përbashkët, ata u çuan në këmbë dhe kërkuan të mos e vazhdojnë seancën, ndërsa gjykatësja i lejoi pasi prania nuk është e detyrueshme. Në deklaratën e përbashkët të tyre, të akuzuarit për ngjarjet në Kumanovë kërkojnë nga kryeministri Zoran Zaev t’i nxjerrë dëshmitë e vërteta, për këtë rast, të cilin ata e quajnë të montuar politikisht.

Në deklaratën e lexuar, shihet se Grupi i Kumanovës si dëshmitarë për këtë rast ka propozuar ish-kryeministrin Nikolla Gruevski, kryetarin e BDI-së Ali Ahmeti, Gordana Jankulloskën, Musa Xhaferin, Gjorge Ivanovin, Bekir Asanin dhe disa ish-funksionarë tjerë shtetërorë. Seanca në Gjykatën e Apelit do të vazhdojë sot dhe nesër pa praninë e disa të akuzuarve. Ndërsa ankesat e tyre do t’i përfaqësojnë avokatët e tyre. Jashtë Gjykatës së Apelit ka forca policore, ndërsa familjarëve e të akuzuarve nuk u është lejuar të fusin në gjykatë lëndë të forta.

Presidenti në largim Gjorgji Ivanov nuk do t’u kthehet amfiteatrove të universitetit. Ai zgjodhi të gëzojë të drejtat që i takojnë si ish president, pension aq sa e kishte edhe rrogën, pra rreth 1500 euro, një zyre në rrokaqiejt në lagjen aerodrom dhe 3 të punësuar.

Megjithatë, Ivanov ka dhe 48 orë mandat dhe të drejta të plota si President. Ende nuk dihet nëse Ivanov do t’i falë të dënuarit për terrorizëm në ngjarjet e 27 prillit, pasi ata pak kohë parë kërkuan nga presidenti që ti amnistojë.

Televizioni Alsat edhe njëherë herë adresoi pyetje në kabinetin e tij në lidhje me faljen e mundshme, por ai përsëri zgjodhi të heshtë, si shumë herë më parë.

Juristi Sejfulla Osmani thotë se është thuajse e pamundur që Ivanov të falë në këto orë mandat që i kanë mbetur. Megjithatë, Osmani thotë se Ivanov do të duhet të përgjigjet edhe për shkeljet ligjore që i ka bërë në të kaluarën, siç ishte rasti me mos-dekretimin e ligjeve të miratuara në Kuvend.

“Mendoj se mundësia është shumë e vogël që të ndodhë një gjë e tillë. Kryetari në ikje mendoj se edhe teknikisht nuk ka mundësi që për 24 orë t’i kompletojë të gjithë këto procedura të sjell një akt të tillë, së paku ai duhet vendimet që i sjell edhe t’i shpall në Gazetën Zyrtare të Maqedonisë, një mundësi e tillë nuk ekziston. Po që se bën një veprim të tillë ai do të bëj edhe shkelje ligjore, gjë e cila nuk i ka munguar edhe në të kaluarën në disa raste ne kemi pasur evidente kur ai nuk ka respektuar as kushtetutën e as ligjin e posaçërisht kur bëhet fjalë për ligje që për së dyti herë janë lexuar dhe votuar në Parlament, mendoj se në në të ardhmen organet përgjegjëse duhet të marrin veprime adekuate ligjore” tha Sejfulla Osmani – Jurist

Kryetarja e Komisionit për Sistem Politik në VMRO-DPMNE Tanja Karakamisheva ka kërkuar nga Ivanov që orët e fundit si President t’i shfrytëzojë duke i amnistuar të dënuarit e 27 prillit.

Megjithatë ekspertët juridikë janë të ndarë rreth asaj nëse neni 11 i ligjit për falje ekziston në sistemin e drejtësisë apo jo.

Prandaj edhe funksionarët qeveritarë me opozitarët interpretojnë në mënyrë të ndryshme këtë çështje.

Në protestë morën pjesë shumë familjarë të të arrestuarve në rastin e Kumanovës, përfshi edhe të afërm të të arrestuarve në rastet tjera. Pjesë e kësaj protestë ishte edhe vajza e Arsim Bajramit (ish-pjesëtar i MPB-së) i dënuar me 13 vite burg për ngjarjet në “Lagjen e Trimave”.

Lënda gjyqësore për “Lagjen e Trimave” dhe të gjitha proceset tjera të montuara politike të rigjykohen, ndërsa rastet e inskenuara në kohën e qeverisjes së Nikolla Gruevskit, të mbështetur nga gjykatës të partizuar, të ripërsëriten nga fillimi… janë disa nga kërkesat e shqiptarëve në Maqedoninë e Veriut, të cilën dje, për të satën herë me radhë, protestuan në sheshin e “Skënderbe” dhe para Gjykatës Penale të Shkupit. Kryetari i Këshillit të familjarëve të të burgosurve politik, Shpëtim Pollozhani, në fjalimin para të pranishmëve, në protestën për rastin e Kumanovës dhe rasteve tjera të montuara, tha se në Maqedoninë e Veriut njëherë e përgjithmonë duhet të ndalohet gjykimi dhe shqyrtimi i lëndëve sipas standardeve të dyfishtë, shkruan gazeta KOHA.
“Të bëhet balistika dhe ekspertiza profesionale e të gjitha të dhënave dhe fakteve materiale që i propozon mbrojtja. Të merren parasysh të gjitha shkeljet dhe lëshimet e qëllimshme procedurale. Në botën demokratike, të akuzuarit edhe për vepra më të rënda lirohen shkaku i lëshimeve procedurale. Me një venting në gjyqësor të largohen të gjitha ata gjykatës që për interesa partiake dhe karrieriste janë pjesë e proceseve të montuara dhe dënimeve drakonike ndaj shqiptarëve. Të përmirësohen kushtet në burgjet e vendit”, tha Pollozhani.

Ndodhitë në Kumanovë në vitin 2015 dhe më pas trajtimi institucional i këtyre ngjarjeve, për organizatorët e protestës “Stop standardeve të dyfishta”, është kulminacioni i montimit të rasteve kundër shqiptarëve. Megjithatë, siç tha Pollozhani, gjatë kësaj periudhe kanë ndodhur edhe raste tjera, të cilët janë gjykuar sipas përkatësisë etnike.
“Jemi të revoltuar për injorimin dhe lirinë e shqiptarëve në krahasim me madhërimin e jetëve të joshqiptarëve, sikur të ishin ata lopët e shenjta të Indisë. Jemi të indinjuar se si një vrasje me paramendim, siç ishte rasti me Almirin e vogël, të interpretohet si një vrasje e paqëllimtë. Edhe pse vrasësi është i dënuar me katër vjet burg, ai nuk ka qëndruar as një vit prapa grilave. Jemi shumë të indinjuar për dënimin me nga 19 vite burg të dy djemve të ri shqiptarë, të cilët pa paramendim dhe pa dashje, ia morën jetën një joshqiptari. Të indinjuar jemi se si autorët e djegies së pronës shqiptare në Gjorçe Petrov të Shkupit nuk u dënuan dhe aq më pak – afaristët shqiptar u dëmshpërblyer”, theksoi Pollozhani. Toga e zeza (gjykatësit), siç tha Pollozhani, janë shpirt zinj. Me veprimet e tyre ata paraprakisht e montuan rastin e “Sopotit”, më pas atë të alfës “Alfën”, “Monstrën” e plot tjera, shtoi ai, njofton Koha.mk.

Në këtë protestë, morën pjesë shumë familjarë të të arrestuarve në rastin e Kumanovës, përfshi edhe të afërm të të arrestuarve në rastet tjera. Pjesë e kësaj protestë ishte edhe vajza e Arsim Bajramit (ish-pjesëtar i MPB-së) i dënuar me 13 vite burg për ngjarjet në “Lagjen e Trimave”. Para të pranishmëve ajo shprehi dëshirë që babai i saj të lirohet sa më shpejtë dhe të kthehet në shtëpi. Ndryshe, edhe pse Qeveria e re në krye me Zoran Zaevin, para dhe pas marrjes së pushtetit pati paralajmëruar hetim ndërkombëtar për ngjarjet e Kumanovës, ajo deri më tani nuk është realizuar dhe me gjasë, nuk do të realizohet asnjëherë. Këtë situatë më së mirë e sqaron mungesa e informacionit që e kishte ministrja e Drejtësisë, Renata Desksoska, e cila tha se nuk ka të dhënë se deri në cilën fazë është kjo procedurë. Ngjashëm u deklarua edhe shefja e Prokurorisë Speciale Publike, Katica Janeva, e cila shtoi se deri më tani, nga “bombat” e shqyrtuara kanë zbuluar vetëm indikacione të vogla, por jo edhe dëshmi të forta. Ajo u shpreh skeptike se PSP-ja do të marrë përsipër këtë lëndë./GazetaExpress/

Me rastin e 9 majit, ditën kur u bënë luftimet në Kumanovë në “Lagjen e Trimave”, organizohet protestë me moton “Kundër standardeve të dyfishta dhe kundër diskriminimit dhe segregacionit të shqiptarëve”.

Siç bën të ditur Shpëtim Pollozhani, protesta organizohet nga Shoqata e të Burgosurve Politik së bashku me Këshillin e familjarëve që janë të burgosur me dënime të rënda, duke përfshirë aty edhe grupin e “Lagjes së Trimave”.

Protesta nis në orën 13:00, nga sheshi “Skenderbeu” në Shkup dhe do të vazhdojë deri te gjykata.

Familja e shenjtores dhe nobelistes shqiptare, Gonxhe Bojaxhiu – Nënë Tereza nuk ka ndonjë shenjë të theksuar që mund të evidentohet në Shkup. Ajo dikur ishte në zemër të Shkupit, sot lokacioni afër Qendrës së Vjetër Tregtare apo vetëm pak hapa afër përmendores së Aleksandrit të Madh në shesh.

Aty ka ngelur vetëm një pllakë me mbishkrimin “këtu ka qenë shtëpia e Nënë Terezës – Gonxhe Bojaxhiu”. Kjo pllakë është vendosur në një qoshe, dhe disa herë ka qenë pre e akteve vandale.

Një shenjë e Nënë Terezës është familja Gombar, gjegjësisht kryefamiljari i saj Alojz Gombar, që është një famijar, apo disa e konsiderojnë si nipi i Gonxhe Bojaxhiut.

Ai thotë se gjyshja e tij dhe babai i Nënë Terezë ka qenë motër dhe vëlla, pra një lidhje e afërt familjare. Sipas tij bëhet fjalë për një familje të pasur e cila ka pasur shumë pasuri në Shkup dhe në Kosovë, që janë marrë me artari dhe filigrane.

“Por familja jonë ka qenë shumë humane dhe se Nëna Terezë e humanizmin e ka trashëguar nga nëna e saj, e cila gjithmonë kishte përgatitur dreka me kazane për të varfërit. Fryma e ndihmës ndaj të varfërve ka mbetur edhe tek ne”, theksoi Gombar. Ai shton se është një moment i veçantë që për së dyti herë takon Papën dhe se ndjehet shumë i emocionuar. “Me shumë gëzim e presim ardhjen e tij unë dhe familja ime”, theksoi Gombar.

Sipas rezultateve paraprake të Komisionit Shtetëror Zgjedhor (KSHZ), kandidati për president të Maqedonisë së Veriut, Stevo Pendarovski, kryeson me 51,66 për qind të votave kundrejt kandidates Gordana Siljanovska-Davkova, e cila ka grumbulluar 44,73 për qind të votave, raporton Anadolu Agency (AA).

Pjesëmarrja e qytetarëve në votim në rrethin e dytë të zgjedhjeve presidenciale ishte 46,70 për qind, respektivisht 844.365 qytetarë shfrytëzuan të drejtën e votës nga gjithsej 1.808.131 të regjistruar në listën e votuesve.

– Siljanovska: Duhet menduar seriozisht për zgjedhje të parakohshme parlamentare

Pendarovski i cili mbështetej nga koalicioni qeveritar (LSDM, BDI, Alternativa dhe 28 parti tjera), grumbulloi 436.212 vota, ndërsa Siljanovska-Davkova, e cila mbështetej nga partia opozitare e VMRO-DPMNE-së dhe koalicionit, grumbulloi 377.713 vota.

Në konferencën e parë për media pas mbylljes së procesit të votimit, kryeministri i Maqedonisë së Veriut, Zoran Zaev, falënderoi të gjitha partitë politike që mbështetën kandidaturën e Stevo Pendarovskit, por edhe të gjithë qytetarët.

“Rezultati i zgjedhjeve të sotme, është vërtetim se zhvillohemi akoma më shumë, se sollëm vendim të përgjegjshëm dhe se meritojmë të ecim para. Vendi ynë është në NATO. Vendi ynë është në Bashkimin Evropian”, tha Zaev.

Ndërkaq, kandidati për president, Stevo Pendarovski, u zotua se do të jetë president për të gjithë qytetarët, pa marrë parasysh përkatësitë etnike, fetare, apo partiake.

“Miq të nderuar, falënderimi më i madh i takon qytetareve dhe qytetarëve maqedonas, shqiptarë, turq, serbë, vlleh, romë, boshnjakë dhe të gjithë të tjerët, të cilët më dhanë nderin, përgjegjësinë dhe detyrën që të president për të gjithë. Do të jem president për të gjithë”, theksoi Pendarovski, i cili po ashtu falënderoi kundërkandidatët për pjesëmarrjen në atë që e quajti “zgjedhje demokratike të kristalta”.

Në konferencën për media të mbajtur në selinë e LSDM-së, të pranishëm ishin edhe kryesia e BDI-së dhe partnerëve tjerë të koalicionit qeveritar, si dhe simpatizues të shumtë të cilët pas përfundimit të konferencës vazhduan festën para selisë partiake.

Rrethi i parë i zgjedhjeve parlmentare u zhvillua më 21 prill kur Pendarovski me 323.892 vota dhe Siljanovska-Davkova me 319.364 vota kaluan në rrethin e dytë. Blerim Reka, i mbështetur nga partitë opozitare shqiptare Aleanca për Shqiptarët dhe Lëvizja BESA, mori 79.921 vota dhe nuk u plasua për të garuar në rrethin e dytë.

Së bashku me rrethin e dytë të zgjedhjeve presidenciale, sot u zhvillua edhe rrethi i dytë i zgjedhjeve të parakohshme lokale për kryetarë të komunave të Ohrit dhe Novo Sellës.

Sipas listës së votimit të KSHZ-së, 52.303 qytetarë kishin të drejtë të votojnë në zgjedhjet e parakohshme lokale në Ohër, ndërsa 11.365 në Novo Sellë. Sipas rezultateve paraprake në këto dy komuna kryesojnë kandidatët e LSDM-së, Konstatin Georgievski në Ohër dhe Nikolla Andonov në Novo Sellë.

Zgjedhjet lokale u thirrën edhe në Dibër, por aty u zgjodh kryetari i komunës në rrethin e parë, kur fitoi kandidati i BDi-së, Hekuran Duka.

Me 1100 euro dhe ndalesë për mos të hyrë në Maqedoni për 5 vite është dënuar Gjergj Prekoçaj, nga udhëheqësit e grupit të Arbëreshëve që shpalosi flamurin në Kalanë e Ohrit.
Megjithatë ai ka thënë se do të vazhdojnë të shpalosin flamurin e Gjergj Kastriot Skënderbeut.

“Më kanë ndaluar për pesë vite hyrjen në Maqedoninë e Veriut. Kjo është toka jonë. Nuk do të ndalemi. Na jemi në tokën tonë arbërore dhe ne jemi për bashkim kombëtar”, ka thënë Gjergj Prekoçaj.

Kryetari i Shoqatës së të burgosurve politik shqiptar në Maqedoninë e Veriut, Shpëtim Pollozhani tha se është një dënim drakonik 1100 euro dhe paratë i ka paguar menjëherë që të lirohet, edhe atë falë avokatit Ardian Demiri, sepse për shkak të festave do të detyrohej të shkonte në burg.

Zgjedhjet presidenciale në Maqedoninë Veriore

(Mbi filozofitë politike tepër të vjetruara, të deklasuara, jodemokratike, antihistorike dhe të pafuqishme për t’ia lënë kësaj radhe “këmbët e arushës” popullit shqiptar në Maqedoninë Veriore)

OBRM-PDUKM e pareformuar thellësisht nuk mund të mendohet si partner politik i shqiptarëve

Zgjedhja e presidentit shqiptar në Maqedoninë Veriore, jo që është e pamundur dhe nuk është ide e pranueshme për shqiptarët vendës dhe shumicën e qytetarëve të tjerë të këtij shteti, por është një përrallë për një kohë tjetër, prandaj, si e tillë nuk mund të jetë pjesë e agjendës aktuale të lëvizjes politike shqiptare.

OBRM-PDUKM, nga pavarësimi i Maqedonisë në vitin 1991 e deri më sot, gjithmonë ka qenë pengesa kryesore, ana më e errët dhe destruktive për realizimin e të drejtave të ligjshme të popullit shqiptar në Maqedoninë Veriore, si dhe pengesa kryesore për orientimin evropian të këtij shteti. Kjo mund të dëshmohet përmes këtyre veprimeve të derisotme të saj:

– kundërshtimin për avancimin e statusit juridik-kushtetues të shqiptarëve (me sjelljen e Kushtetutës dhe ndryshimet e plotësimet e saj, më 1991, 2001, 2018);

– kundërshtimin me formimin e qeverisë së parë “demokratike” pas pavarësimit të këtij shteti (1991), për pjesëmarrjen e partive shqiptare në atë qeveri;

– promovimin e idesë dhe tentimin për ndarjen e Maqedonisë, shkëmbimin e popullsisë dhe të territoreve mes Maqedonisë dhe Shqipërisë, sipas elaborateve, projekteve dhe interesave serbe dhe ruse (2001);

– falsifikimin e numrit të banorëve shqiptarë përmes regjistrimit të popullsisë (nga qeveria e ekspertëve, e VMRO-së), më 1991 dhe kundërshtimin e regjistrimit të popullsisë me mbikëqyrje ndërkombëtare (1994);

– kundërshtimin e arsimimit universitar të shqiptarëve në gjuhën amtare, përmes protestave të njohura më 1995, 1997 dhe obstruksionet për formimin e Fakultetit Pedagogjik me mësim në gjuhën shqipe në Shkup, kundërshtimin e Ligjit për zyrtarizimin e Universitetit Shtetëror të Tetovës, më 2004, dhe të ngjashme);

– kundërshtimin e Ligjit për ndarjen territoriale dhe krijimin e komunave të reja me shumicë të popullsisë shqiptare (organizimi i Referendumit për ndalimin e tij), më 2004;

– kundërshtimin e sjelljes së Ligjit për përdorimin e gjuhëve, avancimin e përdorimit zyrtar të gjuhës shqipe (2017);

– kundërshtimin e zgjedhjes së kryetarit të Parlamentit nga radhët e partive shqiptare;

– falsifikimin e historisë, përmes projekteve “Enciklopedia maqedonase”, “Shkupi 2014”, mbushja e librave shkollorë me të pavërteta historike në dëm të popullit shqiptar, etj.;

– obstruksionet dhe ndërprerja e regjistrimit të popullsisë më 2011;

– kundërshtimin e proceseve integruese euroatlantike, anëtarësimin në NATO dhe BE (në pespektivë), kundërshtimin e Marrëveshjes së Prespës dhe organizimin e Referendumit në lidhje me këtë çështje; etj.

– të gjitha parullat armiqësore, me përmbajtje shoviniste dhe raciste kundër shqiptarëve, si: “Vdekje shqiptarëve”, “Dhoma gazi për shqiptarët”, “Shqiptari i mirë, shqiptari i vdekur” etj., për tri dekada me radhë kanë qenë pjesë të agjendës politike të kësaj partie.

Cili është motivi, cila është agjenda e individëve, grupeve, medieve, qendrave të propagandës dhe disa forcave politike shqiptare, në vend dhe jashtë, për ta ndihmuar drejtpërdrejtë dhe në forma të sofistikuara, rikthimin e OBRM-PDUKM-së në pushtet, të diktaturës, korrupsionit, krimit të organizuar, politikës antishqiptare, krizës politike dhe kaosit, me këtë edhe forcimin e influencës serbe dhe ruse në Maqedoninë Veriore dhe në rajon?!

Shqiptarët duhet të dinë ta bëjnë dallimin

Nga kush koordinohet dhe kush e mbështet dhe financon këtë fushatë politike-propaganduese në zgjedhjet presidenciale në Maqedoninë Veriore për rikthimin e OBRM-PDUKM (VMRO-së) në pushtet?

Fatkeqësisht, vërehet qartë që në këtë lojë janë përfshirë pa dashje edhe një numër i qytetarëve shqiptarë, të manipuluar dhe mashtruar, disa ndoshta edhe të paguar, në koordinim me këto qendra të propagandës, brenda dhe jashtë Maqedonisë Veriore.

Parulla e hedhur në këtë fushatë presidenciale se ka ardhur koha që ky shtet të ketë president shqiptar është vetëm një mbulesë, demagogji e kulluar, mashtrim dhe propagandë, e cila ka për qëllim rënien e pushtetit aktual, rikthimin e pushtetit të mëparshëm të OBRM-PDKM, të krizës politike dhe kaosit, si dhe rikthimin e influencës serbe e ruse në Maqedoninë Veriore.

Këto qendra të propagandës, duke e njohur mirë situatën e brendshme të bishtë në këtë shtet dhe raportin e forcave mes këtyre dy partive më të mëdha politike në vend, me ideologji dhe orientime të ndryshme, se LSDM-ja asnjëherë në historinë e këtij shteti, pas pavarësisë së tij në vitin 1991, nuk ka mundur ta fitojë partinë OBRM-PDUKM, në asnjë cikël zgjedhor të zgjedhjeve parlamentare, komunale dhe presidenciale, pa votat e shqiptarëve dhe të bashkësive të tjera etnike, prandaj, këto qendra të propagandës dhe forca destruktive janë përqendruar të godasin fuqishëm pikërisht në këtë pikë, heqjen dhe neutralizimin, ndërprerjen dhe heqjen e mbështetjes së shqiptarëve ndaj LSDM-së.

Çfarëdo kundërshtimi, bojkotimi, apo indiference e votuesve shqiptarë në rrethin e dytë të zgjedhjeve presidenciale që do të mbahen më 5 maj të këtij viti, do ta nxjerrin humbëse LSDM-në përballë OBRM-PDKM.

Matematika është tepër e thjeshtë pse mund të ndodhë kështu, duke pasur parasysh frymën proserbe që ka dominuar në jetën shoqërore, politike, ekonomike dhe kulturore në Maqedoni, nga viti 1943, përkatësisht nga viti 1991 e deri më sot.

LSDM-ja dhe qëndrimi i saj ndaj shqiptarëve

LSDM, si parti e dalë nga nënsjetullat e ish Partisë Komuniste Jugosllave, nga viti 1991 e deri më sot, ka bërë gabime dhe lëshime në raport me shqiptarët, por saherë që në këtë parti ka dominuar fryma konstruktive shumetnike, gjatë qeverisjes së saj edhe janë shënuar disa ndryshime pozitive në avancimin e të drejtave kolektive të shqiptarëve, si për realizimin e të drejtës për arsimim universitar në gjuhën amtare (zyrtarizimi i Universitetit Shtetëror të Tetovës, më 2004), decentralizimi i pushtetit dhe krijimi i disa komunave të reja me shumicë të popullsisë shqiptare (2004), sjellja e Ligjit për përdorimin e gjuhëve, përkatësisht avancimi i përdorimit zyrtar të gjuhës shqipe (2018), zgjedhja e kryetarit të Parlamentit nga radhët e partive shqiptare (2017) dhe çështje të tjera, të cilat premtojnë se mund të arrihet edhe shumë më tepër në të ardhmen, në këtë frymë mirëkuptimi, tolerance dhe bashkëpunimi mes dy popujve shumicë në këtë shtet, shqiptarëve dhe maqedonasve.

Gabimet e kësaj partie (LSDM) në të kaluarën duhet të diskutohen dhe kritikohen hapur, siç janë, distancimi dhe kërkimfalja nga kjo parti e dalë nga ish Partia Komuniste e Maqedonisë (PKM), për shkeljen e të drejtave kombëtare të shqiptarëve gjatë regjimit komunist, diskriminimi i hapur i shqiptarëve, krimet dhe gjenocidi i ushtruar gjatë asaj periudhe.

Duhet të kritikohen hapur edhe gabimet pas vitit 1991, me degradimin e statusit juridik-kushtetues të popullit shqiptar, politikat e gabueshme edhe gjatë qeverisjes së fundit të kësaj partie, 2017-2019, me tendenca për degradimin e lëvizjes politike të shqiptarëve, sidomos me avancimin e disa kuadrove shqiptarë në radhët e saj, pa kredibilitet ndër shqiptarët, me rikthimin e frymës së vëllazërim-bashkimit sipas modelit komunist ish jugosllav, me tendencën për tkurrjen etnike të shqiptarëve, ndërhyrjen në zgjedhjet vendore në komunat shqiptare, Haraçinë, Likovë, si dhe përkrahjen e disa kandidatëve për kryetarë të disa komunave shqiptare, e politikanëve me të kaluar të papastër, të korruptuar dhe të lidhur me krimin e organizuar, për bashkëpunimin pa kritere me disa forca politike të deklasuara dhe komprometuara ndër shqiptarët, ndërhyrjen dhe rritjen e kontrollit mbi mediet, pengimin dhe ngulfatjen e fjalës së lirë dhe të mendimit ndryshe për rrjedhat aktuale shoqërore, politike, ekonomike dhe kulturore gjatë qeverisjes së fundit (2017-2019), si dhe gabime të tjera për të cilat duhet të diskutohet hapur, të kritikohet kjo parti (LSDM), si dhe të kërkohen zgjidhje të drejta në të ardhmen, për të mirën e shtetit të përbashkët, të qytetarëve dhe sidomos në interes të proceseve integruese, anëtarësimin në NATO dhe BE (në perspektivë), të sigurisë dhe paqes në vend dhe rajon.

Por, ana e kundërt e saj, politikat e udhëhequra nga OBRM-PDUKM (VMRO), fillimisht në partneritet “strategjik” me PDSH-në, edhe më vonë me BDI-në, gjatë tri mandateve të qeverisjes së saj (2006 – 2017), asgjë të mirë dhe të dobishme nuk u ka sjellë shqiptarëve në këtë shtet.

Asnjë parti politike, nga viti 1991 e deri më sot, nuk ka qenë më destruktive dhe më armiqësore se OBRM-PDUKM ndaj shqiptarëve, të drejtave të ligjshme dhe perspektivës së popullit shqiptar në Maqedoninë Veriore. Mjafton t’i hidhet një sy të kaluarës jo të largët, qëndrimeve të kësaj partie ndaj të drejtave politike, ekonomike, kulturore dhe arsimore të shqiptarëve në Maqedoninë Veriore, siç u theksuan në pjesën e parë të kësaj analize.

Ku janë votuesit shqiptarë dhe votat e tyre?

Sipas numrit real të popullsisë (35-40%), shqiptarët në Maqedoninë Veriore duhet të kenë mbi 630 mijë vota.

Sipas të dhënave zyrtare (joreale) për numrin e popullsisë (2002), së paku ka mbi 450 mijë votues shqiptarë në këtë shtet.

Jo 80 mijë vota, as 180 mijë vota, nuk janë vota reale të shqiptarëve në Maqedoninë Veriore.

Kush duhet të kujdeset dhe jep llogari për këtë?

Çfarë bëjnë partitë politike të shqiptarëve nëse nuk dinë ta numërojnë dhe mbrojnë votën shqiptare?

Cili është funksioni dhe dobia e partive politike të shqiptarëve nëse nuk janë të afta ta numërojnë, mbrojnë, mobilizojnë, orientojnë, efektuojnë dhe mirëpërdorin votën e qytetarëve shqiptarë, në emrin e të cilëve thirren, bëjnë karrierë dhe aktrojnë pushtet në Republikën e Maqedonisë Veriore?

Kjo është përgjigja që duhet ta japin partitë politike të shqiptarëve, jo të bëjnë sikur merren me politika të mëdha, me çështjen globale të integrimeve euroatlantike dhe me çështjen kombëtare, të cilën e kanë shndërruan në pazar të plaçkave!

Nuk duhet të ketë asnjë dyshim, sipas të dhënave statistikore jozyrtare, se shqiptarët në Maqedoninë Veriore përbëjnë 35-40 % të popullsisë në këtë shtet.

Secili që ka pak njohuri mbi krijimin dhe funksionimin e shteteve ballkanike, për pushtetet e tyre deri më sot, e ka të qartë se shumica e këtyre shteteve janë ngritur në rrethana të pazakonshme, përmes pushtimeve, dhunës, mashtrimeve dhe falsifikimeve, dhe më tepër se kudo tjetër në botë ky rajon është dalluar gjatë historisë me shpërngulje të dhunshme të popullsive, zhvendosjen e tyre nga një shtet në tjetrin, nga një rajon në tjetrin, me shfarosje masive, gjenocide, dhunë e terror.

Këto çështje, shumica individë thonë që duhet t’ia lëmë historisë, por edhe sot falsifikimet në këto shtete, sidomos numri i popullsisë së tyre janë ende në lojë për interesat e tyre politike dhe strategjike, me qëllim të dominimit të një populli mbi të tjerët. Këtë fat e kanë pasur sidomos shqiptarët nën ish federatën jugosllave dhe po këtë fat vazhdojnë ta kenë edhe sot në Republikën e Maqedonisë Veriore.

Sidoqoftë, sipas të dhënave statistikore zyrtare, sado që ato janë të pasakta, të manipuluara dhe falsifikuara, në bazë të regjistrimit të fundit të popullsisë në Maqedoni, thuhet se shqiptarët përbëjmë mbi 25% të popullsisë së përgjithshme në këtë shtet.

Atëherë, nëse Lista e përgjithshme e votuesve për mbajtjen e zgjedhjeve ka gjithsej 1.808.131 votues, e cila është përdorur edhe në rrethin e parë të zgjedhjeve presidenciale, të mbajtura më 21 prill, dhe nëse shqiptarët sipas statistikave zyrtare janë 509.083 (25,17%) banorë në këtë shtet, i bie që në Maqedoninë Veriore të ketë së paku 450 mijë votues shqiptarë!

Në rrethin e parë të këtyre zgjedhjeve presidenciale, për kandidatin shqiptar kanë votuar vetëm 79.921 votues shqiptarë, prej të cilëve 10% besohet se kanë qenë vota nga qytetarë me përkatësi të tjera etnike.

Meqë dalja në këto zgjedhje llogaritet se ka qenë 41,79%, i bie që në këto zgjedhje është dashur të ketë së paku 180 mijë vota nga qytetarët shqiptarë që kanë marrë pjesë në këto votime.

Për cilin kandidat kanë votuar mbi 100 mijë votues shqiptarë, përveç atyre afër 80 mijë qytetarëve që kanë votuar për kandidatin shqiptar?

Në Republikën e Maqedonisë Veriore, sipas Listës së përgjithshme me 1.808.131 votues, dhe sipas numrit real të banorëve shqiptarë, prej 35-40 %, i bie të ketë mbi 630 mijë votues shqiptarë.

Edhe sipas të dhënave zyrtare (jo të sakta për numrin real të banorëve shqiptarë në këtë shtet), me të gjitha kalkulimet, megjithatë i bie të ketë mbi 450 mijë votues shqiptarë, jo 80 mijë, as 180 mijë votues dhe vota shqiptare! Ku janë votuesit dhe votat e shqiptarëve?!

Gjendja që nuk duhet ta tolerojnë shqiptarët me asnjë kusht

Tepër e rëndë është gjendja aktuale e shqiptarëve në Maqedoni, në të cilën e kanë sjellë partitë politike, kur të gjitha njëkohësisht mendojnë se kanë të drejtë.

Nuk mund të krijohen dhe ekzistojnë shumë realitete, kur shqiptarët kanë një qëllim të vetëm: barazinë e plotë kombëtare në Maqedoni.

Përqendrimi në një qëllim të vetëm duhet t’i shkrijë këto realitete të sajuara, ku secili me arsyetimet e veta e mbron të vërtetën të tij, edhe kur ajo është e rrejshme.

E drejta dhe e vërteta janë një dhe ato mund të mbrohen dhe triumfojnë vetëm kur përqendrohen në një qëllim të përbashkët.

Shqiptarët duhet që përmes partive politike dhe subjekteve të tjera ta mbështesin një Platformë të vetme (të përbashkët), e cila vazhdimisht duhet të pasurohet, ndryshohet dhe plotësohet me përmbajtje të reja, të përcaktuara me kompetencë shkencore, varësisht nga rrethanat e reja.

Për këtë qëllim, deri në formimin dhe funksionimin normal të një organi të përmbashkët, në formatin e një Tryeze, Forumi, apo Këshilli bashkërendues (koordinues) të partive politike të shqiptarëve në Maqedoni, asnjë partie politike nuk duhet t’i lejohet si e vetme të vendosë për çështje të rëndësishme në emër të popullit shqiptar në Maqedoni.

Deri në arritjen e këtij qëllimi, mos pritni se mund të ketë ndonjë hap përpara në realizimin e të drejtave kolektive të shqiptarëve në këtë shtet, ndërsa për gjendjen në të cilën janë shqiptarët sot, mbajmë përgjegjësi të gjithë, pa përjashtim, jo vetëm drejtuesit e partive politike.

(29 prill 2019)