Komandanti i zonës operative të Llapit, Rrustem Mustafa ka marrë ftesë nga Gjykata Speciale që me 14 janar të udhëtojë për në Hagë.

Dikur vlera e importit nga Serbia, vetëm brenda një dite ka qenë 1.2 milion euro, ndërsa që prej 6 nëntorit, kur është marr vendimi nga Qeveria e Kosovës për rritjen e taksës 100 për qind ndaj mallrave me origjinë nga Serbia, importi është vetëm 140 mijë euro.

Që prej marrjes së vendimit për rritjen e tarifës, efekti i saj është se ka rënë vlera e importit për 20 milionë euro.

Nga këto masa, zyrtarë të Doganës së Kosovës thonë se vlera e importit nga Serbia është mjaft e ulët.

Zëdhënësi i Doganës së Kosovës, Adriatik Stavileci thotë për KosovaPress se 2 deri 3 mijë euro kanë qenë rreth 48 dërgesa për import të lëndës së parë.

“Krahasimi në mes të dy periudhave, në mes të nëntorit 2017 dhe të vitit 2018, ku qeveria ka ndërmarrë masat mbrojtëse, tregon që rënia e vlerës së importit prej Serbisë, është 20 milionë euro deri në këtë moment”, ka thënë Stavileci.

Ai ka treguar se importi nga Serbia ka rënë vetëm pas masës 100 për qind.

Zëdhënësi i Doganës ka treguar se më datën 6 nëntor ka filluar aplikimi i masës mbrojtëse prej 10 përqind, e cila ka qenë rreth dy javë, dhe në javën e parë me 10 për qind taksë, ka pasur një vazhdimësi të importit të rregullt, edhe përkundër masës prej 10 për qind, ndërsa në javën e dytë ka pasur një ulje të importit.

“Pas aplikimit të masës së dytë prej 100 për qind, më 21 nëntor, ne kemi vërejtur stagnim total të importit nga Serbia. Nëse dikur brenda një dite janë importuar nga Serbia rreth 1.2 milionë euro produkte, tani kjo ka rënë në disa qindra euro. Për arsye se në këto dy javët e para të aplikimit të masës prej 100 për qind, ne kemi vërejtur që kemi pasur vetëm 140 mijë euro importe prej Serbisë. Kjo është një vlerë shumë minimale. Të gjitha këto importe kanë qenë me vlera shumë të ulëta, 2 – 3 mijë euro kanë qenë rreth 48 dërgesa, të cilat kanë paguar këtë taksë pasi ka qenë edhe lëndë e parë”, tha Stavileci.

Mirëpo, pas këtij vendimi për mallrat serbe, ka pasur disa produkte ushqimore të kontrabanduara.

“Deri tani gjatë këtyre dy jave kemi pasur kapje të rasteve të kontrabandimit me disa produkte si me vezë, me produkte ushqimore, por sidoqoftë nuk ka qenë në nivelin shqetësues”, theksoi ai.

Ai ndër të tjera ka thënë se pas vendimit të ministrit të MTI-së, rreth 17 kamionë janë kthyer mbrapa, në Serbi, me produkte të cilat kanë pasur mbishkrime “Kosovo i Metohija”.

PRISHTINË – Kryeministri i Kosovës, Ramush Haradinaj, deklaroi se çështja e taksës 100 për qind të vendosur për produktet nga Serbia dhe Bosnjë dhe Hercegovina nuk rrezikon marrëdhëniet mes vendit të tij dhe Bashkimit Evropian (BE).

Haradinaj pas takimit me Komisionerin Evropian për Politika të Fqinjësisë dhe Negociata të Zgjerimit, Johannes Hahn, i cili gjendej për vizitë zyrtare në Kosovë, mbajti një konferencë për media. Me këtë rast, Haradinaj tha se gjatë takimit komisioneri Hahn ka kërkuar të zgjidhet gjendja e krijuar me vendosjen e taksave.

“Ai kërkonte një zgjidhje për gjendjen e krijuar me taksën. I dhashë shpjegimet se po, zgjidhja ekziston, është një marrëveshje gjithpërfshirëse, pra për njohje, ku njëra nga temat për të cilën do të mirreshim vesh do të ishte edhe tregtia e lirë, pra pa tarifa dhe pa barriera tjera jotarifore”, tha Haradinaj.

Në lidhje me atë se a mund të rrezikojë çështja e taksave marrëdhëniet Kosovë-BE, Haradinaj tha se “Ne nuk i kemi vënë taksë BE-së. Pra, as një vendi të BE-së nuk i kemë vënë taksë. Nuk është e rrezikuar marrëdhënia Kosovë-BE. Ne kemi një kërkesë nga BE-ja për heqjen e taksës, është e vërtetë që e kemi, mirëpo partneriteti ynë me BE-në në kuadër të MSA-së (Marrëveshjes për Stabilizim dhe Asociim) dhe të CEFTA-s (Marrëveshjes së Tregtisë së Lirë të Evropës Qendrore) pra ekziston, kjo është një masë ndaj dy vendeve që na kanë rrezikuar subjektivitetin tonë dhe është në përputhje pikërisht me obligimet që ka Kosova”, tha ai.

Ndërkaq, lidhur me atë se a do të futet çështja e liberalizimit të vizave në axhendën e Këshillit të Ministrave të BE-së, Haradinaj tha se BE-ja nuk jep një garancë të fuqishme që kjo do të ndodhë tash.

“Ne kemi mbajtur shpresë dhe ende mbajmë shpresë që mund të ndodhë që të hyjmë në axhendën e Këshillit të Ministrave. Sido që të jetë, nga BE-ja është një spekticizëm. Ata japin shumë arsyetime, prej atyre që kjo është diçka e logjikshme. Thonë se me Ukrainën e Gjeorgjinë ka zgjatur një vit e gjysmë periudha kohore mes komisionit edhe vendimit. Me këtë nuk e përjashtojmë mundësinë që në një të ardhme të afërt, meqë Këshilli mbledhet çdo tre muaj, për çdo tre muaj ka një takim si ky, mirëpo nuk na japin një garancë të fuqishme që do të ndodhë tash”, tha ai.

Më tej gjatë kësaj konference, Haradinaj informoi për zhvillimet rreth taksës 100 për qind të vendosur për produktet nga Serbia dhe Bosnjë dhe Hercegovina, duke theksuar se ky vendim po respektohet në tërësi nga dogana dhe të gjithë mekanizmat e tjerë. Ai shtoi se në të njëjtën kohë është shtuar kujdesi për produktet që kanë të bëjnë për spitalet, kishën ose në rastet e kërkesave humanitare dhe ato të donacioneve.

“Nëse qeveria e Kosovës ka informata se diku është ndonjë krizë e mungesës së ndonjë produkti vital, ne do të ndërmarrim veprime. Ne jemi në gjendje të furnizojmë spitalin e Mitrovicës së Veriut me ilaçe, apo ambulantat e tjera në Kosovë. Nuk do të mungojnë ilaçet, as materialet e tjera të nevojshme për të gjithë. Mirëpo, po ashtu ne do të respektojmë vendimin e marrë të qeverisë dhe ky vendim, sikurse e dini, mund të anulohet me rastin e njohjes së pavarisë së Kosovës nga Serbia. Ndoshta na duket shumë larg kjo, por ne do të punojmë që tani të shkruajmë një marrëveshje gjithpërfshirëse, me të gjithë kapitujt e tjerë, borxhet, të zhdukurit, të drejtat e komunitetit serb në Kosovë dhe plotë tema tjera, e njëra nga këto do të jetë edhe tregtia e lirë mes Kosovës dhe Serbisë. Ky është qëndrimi që ka paraqitur qeveria dhe unë në takimet e sotme”, tha Haradinaj.

Ai vuri në dukje se serbët e Kosovës nuk janë të rrezikuar nga ky vendim dhe ftoi Listën Serbe për të biseduar për këtë çështje për t’i siguruar se ky vendim nuk u drejtohet serbëve të Kosovës.

Eurokomisari Hahn, gjatë vizitës në Kosovë u takua edhe me presidentin e vendit, Hashim Thaçi, dhe kryeparlamentarin Kadri Veseli.

Ndryshe, qeveria e Kosovës më 21 nëntor mori vendim për rritje të taksës për 100 për qind për produktet e importuara me origjinë nga Serbia dhe Bosnjë dhe Hercegovina. Ky vendim mori reagime të shumta si nga Serbia, si dhe nga komuniteti serb në Kosovë. Ndërkaq, vizita e komisionerit Hahn erdhi pas situatës së krijuar pas këtij vendimi. aa

Ose, s’ka liberalizim,por do ketë: tensionim, destabilizim, riintervenim, ristrukturim,… të Ballkanit Perëndimor
Pikat ugurzeza sorosiane për Ballkanin Perëndimor që presin të implementohen përmes (“kalit trojan”) Mr. Hahnit dhe trojkes; thaçi&vuçiq&rama

1. TENSIONIMI (përmes; korigjimit, taksave, arrestimeve, abstenimeve serbe..); ku do të krijohen alibi e pretekste nga më të ndryshme, vetëm e vetëm që të arrihet kulmi i një tensionimi (të kontrolluar dhe të menagjuar) ndëretnik;
2. DESTABILIZIMI (rreziku nga kërcnimi i sigurisë dhe stabilitetit rajonal..); më pastaj, qendrat globale (Washingtoni) dhe ato kontinetale (Brukseli), do e japin gjykimin e tyre për alarmin e rrezikut të sigurisē rajonale;
3. RIINTERVENIMI (i qendrave kontinentale e globale); Washingtoni dhe Brukseli, më pastaj në emër të sigurisë dhe stabilitetit, Serbisë dhe Kosovës, do i propozojnë dialogun (që nënkupton një ala Dejton të ri), si mjet të vetēm të ripajtimit dhe qetësisë rajonale;
4. RIPROFILIZIMI (sipas interesave të reja; globale, kontinentale e rajonale); dialogu, i përmasave ala dejtoniane, midis shumë paqartësive në rajon, e kinse me brisk biluri do shpërfaqë dhe riprofilizoj interesat (ruso-amerikane) globale, të Ballkanit;
5. RIKONFIGURIMI (demografik, gjeografik, e gjeostrategjik); qendrave vendimarrēse globale dhe kontinentale, me ekspertizat e tyre, matematikore, u duhet një rikonfigurim (lexo; pacifikim ndëretnik); social, ekonomik e kulturor, edhe shkaku se Brukseli, në mënyrë që situatat e dobësimit të ndikimit në “periferinë” e këtij rajoni (qē përherë është identifikuar si; arenë konfliktesh e “ca fiseve barbare”) të rikuperohen, dhe të mbahen nën rrogoz…;
6. RISTRUKTURIMI (rindarje e sferave të reja të interesit…); është në fakt, një rishpërndarje e re sverave të interesit, midis Washingtonit dhe Brukselit. Pra, një “plan B”, apo një alter ego e BE
7. ZHVILLIMI PROGRESIV, proces ky që pretendohet si një lloj “paqeje kantiane”, ku “qendrat”(SHBA-t dhe BE-ane) globale, do arrijnë marrëveshje afatgjata dhe konsenzus të plotë pêr dekada të tëra… Shqiptarët, që tani duhet t’i kenë përgjigjet (A.B.C), në këto sfida e rirreshtime të reja globale e kontinentale, ku gabimet eventuale mund shndrrohen në fatalitet…
Me respekt
Fadil Maloku, kryetar i Shoqatës së Sociologëve të Kosovës

PRISHTINË – Aeroporti Ndërkombëtar i Prishtinës “Adem Jashari” ka arritur sot shifër rekorde duke shërbyer udhëtarin e 2 miliontë të këtij viti.

Rekordi i arritur është shoqëruar me një ceremoni solemne të mbajtur në terminalin e ANP “Adem Jashari” me ç’rast është shpërblyer udhëtari i 2 miliontë me një biletë ktheyese njofton Zyra për Marrëdhënie me Publikun të Aeroportit.

“Kjo shifër është arritur për herë të parë brenda një viti qysh nga fillimi i funksionimit të Aeroportit të Prishtinës dhe vjen si rezultat i angazhimit të vazhdueshëm të kompanisë Limak në krijmin e lehtësirave ndaj kompanive ajrore, mundësimin e infrastrukturës më të avancuar si dhe të shërbimeve shtesë të aeroportit, me qëllim të përhershëm në mbajtjen e kënaqshmërisë së udhëtarëve në nivelet më larta”, thuhet në komunikatë.

“Numri i udhëtarëve tanë po rritet në vazhdimësi dhe në të njëjtën kohë po mbajmë kënaqshmërinë e klientëve tanë në nivelet më të larta. Këto rezultate dëshmojnë se Aeroporti Ndërkombëtar i Prishtinës është një nga projektet më të suksesshme të privatizimit në Evropë”, ka thënë me këtë rast, Gokmen Aritay, drejtor i operimeve në Limak Kosovo International Airport.

Njoftohet se deri në fund të vitit pritet që ANP “Adem Jashari” të frekuentojnë mbi 2 milionë e 150 mijë udhëtarë.

“Shtimi i shumë linjave të reja ka ndikuar në rritjen e shpejtë të numrit të udhëtarëve gjatë viteve të fundit. Në anën tjetër, linjat e reja të parapara si dhe stacionimi i kompanisë ajrore ‘Germania’ në Aeroportin e Prishtinës gjatë vitit të ardhshëm, pritet të ndikojnë dukshëm në vazhdimin e këtij trendi të rritjes”, njofton më tej Zyra për Marrëdhënie me Publikun të Aeroportit.

Kujtojmë se për rreth 7 vite aeroporti ndërkombëtar i Prishtinës është në menaxhim të kompanisë turke Limak. aa

Liberalizimi i vizave, ishte “karta” e të gjithë pushtetarëve të pas 17 shkurtit 2008.

Pas votimit në PE në favor të liberalizimit të vizave, tek pushtetarët dhe qytetarët e vendit shpërtheu një eufori e paparë, gati sa nuk u shndërrua në festë shtetërore. Në njërën anë festuan pushtetarët për shpërqendrimin total të vëmendjes së opinionit kosovar nga problemet e mëdha të përditshmërisë, në tjetrën anë festuan qytetarët, duke e uruar njëri-tjetrin për largimin sa më parë nga ferri që u krijuan pushtetarët në Kosovën e lirë dhe të pavarur.
Padyshim liberalizimi i vizave është mundësi e mirë, por jo edhe zgjidhja e më e duhur! Për shkak se, nëse iu referohemi kushteve ekonomike të vendit tonë, atëherë vetëm një pjesë e vogël e popullatës mund ta shijojnë këtë gjysmë-liberalizim të kushtëzuar.
Fundi i vitit po e zë Kosovës pa lajmin për liberalizim të vizave, pa ushtri dhe pa asnjë përspektivë zhvillimore.
Lajm më i mirë dhe shpresëdhënës për qytetarët se sa liberalizimi i vizave do të ishte: krijimi i vendeve të punës, investimet kapitale, përmirësimi i sistemit të drejtësisë si kusht për luftimin serioz të krimit të organizuar dhe korrupsionit në vend, etj.

Shitja moderne e vendit dhe mbrojtja primitive janë e njëjta gjë

Dualizmi i veprimeve të pushtetarëve, përveç qytetarëve të vendit i ka vënë në lajthitje edhe ndërkombëtarët.
Përderisa presidenti i vendit po lobon dhe nuk po lë gur pa lëizuar për faljen e territorit të vendit pushtuesve shekullorë, kryeministri ndërmerr veprime krejtësisht tjera, në dukje të parë të drejta, vështirë të realizueshme dhe pa llogaritur konseguencat për qytetarët e vendit.
Veprimet e ndara dhe kokë në vete të dy liderëve shetëror, përkatësisht presidentit Hashim Thaçi dhe kryeministrit Ramush Haradinaj i kanë shkaktuar dëme jashtëzakonisht të pariparueshme Kosovës në rrugën e integrimeve evropiane.
Me këtë kurs qeverisës, politikanët tanë, Kosovën janë duke e dërguar pashmangshëm në greminë, apo në rrugë të pa krye dhe të pambarim, sepse orekset serbomëdha ndaj Kosovës nuk do të mbarojnë me ndarjen e veriut.
Me këtë diskurs të politikës kosovare, Serbia do të vazhdojë edhe më tutje agresionin e saj politik ndaj shtetit tonë, pasi pushtetarët e papërgjegjshëm kosovarë, integritetin dhe sovranitetin tonë e kanë vënë në “ankand publik”, duke e shndërruar në tortë të shijëshme për orekset garbitëçare, ku secili nga fqinjët dëshiron të merr pjesën që dëshiron!

Pushtetarët servilë e bënë Serbinë hisedare në Kosovë

Nënshkrimet nga ana e Thaçit dhe Mustafës e (mos) marrëveshjeve me Daçiqin dhe Vuçiqin në Bruksel, Serbinë gjakatare e bënë hisedare në sovranitetin e shtetit të Kosovës në njërën anë, ndërsa në tjetrën i hapën rrugën Serbisë për anëtarësim në BE, përderisa kjo e fundit kosovarëve të viktimizuar ua ofroj liberalizimin e vizave me kushtin e humbjes së territorit të shtetit,…për ironi të faktit edhe kësaj pushtetarët kosovar i thonë sukses!
Po i thonë kështu pushtetarët sepse dështimet dhe rrëshqitjet e njëpasnjëshme janë bërë çelës i suksesit të tyre personal, në pasurimin dhe ngritjen e tyre politike.

Dilemat pas votimit në Parlamentin Europian

Votimi politik në parlamentin evropian në mesin e shtatorit të këtij viti për liberalizimin e vizave për Kosovën, pa e plotësuar Kosova kushtin themeltar për liberalizim-atë të luftës kundër korrupsionit dhe krimit të organizuar, e kishte lenë derën hapur për mëdyshje të mëdha!
Tre muaj më pas u vërtetua se askush nuk të falë asgjë pa një arsye të fortë. Liberallizimi i vizave për shtetasit kosovarë, pa përmbushjen kushtit themeltarë nga ana e pushtetarëve, flet qartë për prapaskenat e vendimeve të “mira”.
Në rrethana të tilla, vendimi i PE-së për më shumë se liberalizim i vizave për qytetarët, nënkupton liberalizim të krimit dhe korrupsionit, favorizim të pushtetarëve të korruptuar dhe stimulim i gjyqtarëve dhe prokurorëve të shantazhuar kosovarë.

Zbrazja e Kosovës nga të rinjtë e saj

Një shoqëri njerëzore që mbanë në pushtet një klasë tërësisht të korruptuar dhe inkriminuar politike, nuk ka pse pret liberalizimin vrastar të vizave! Ngase liberalizimi i vizave në rrethanat aktuale, të uzurpimit të shtetit nga antivlerat, gjegjësisht të kapjes së tmerrshme të institucioneve të shtetit nga grupet kriminale,…keqqeverisja e vendit, parregullsitë dhe anarkia në sistemin gjyqësorë do të vazhdojnë akoma, ndoshta deri në pambarim.
Derisa të vie në pushtet një klasë e përgjegjshme politike, me etikë dhe integritet profesional për të udhëhequr shtetin dhe dikasteret përkatëse qeveritare, të gjitha dëshirat dhe shpresat e qytetarëve do të mbesin iluzione.
Mbase sjelljet e fundit të pushtetarëve, përkatësisht dualizmi i veprimeve të pushtetarëve aktualë do të jenë një “alibi” më shumë për getoizimin e mëtutjeshëm të qytetarëve të këtij vendi dhe talljen me liderët shtetëror të Kosovës dhe mosdhënjen e vizave nga shtetet e BE-së.
Si pasojë e kësaj, javëve dhe ditëve të fundit është shtuar dukshëm fluksi i qytetarëve kosovar para ambasadave të huaja në Prishtinë, për të kërkuar vizën për largim nga ferri që u shkaktuan politikanët e papërgjegjshëm në dekadën e fundit në shtetin e lirë dhe të pavarur të Kosovës pa mirëqënje qytetare dhe pa asnjë përspektivë zhvillimore.
Përderisa gënjeshtrat e pushtetarëve zgjasin getoizimin e qytetarëve, vazhdon zbrazja në heshtje e Kosovës nga të rinjët e saj!

Deputët e Listës Serbe janë mbyllur në Kuvendin e Kosovës duke kërkuar një mbledhje me komisionerin evropian për Zgjerim dhe Fqinjësi Johannes Hahn, i cili të hënen pritet të vizitojë Prishtinën.

Në një komunikatë të Listës Serbe, thuhet se ata kërkojnë mbledhje me komisionerin Hahn, në mënyrë që ta njoftojnë atë me krizën humanitare e cila “e kërcënon popullin serb për shkak të vendimit të Prishtinës që ta vendos taksën prej 100% ndaj produkteve serbe dhe me këtë praktikisht e bllokon shpërndarjen e ushqimit,barërave, shtypit dhe produkteve tjera të nevojshme”.

Lajmin e ka konfirmuar kryetari i Listës Serbe, Goran Rakiq, pas mbledhjes së Shtabit të krizës në Mitrovicën Veriore, në një konferencë të jashtëzakonshme me gazetarë.

“Si përfaqësues politik legjitim, të popullit serb, ata (deputetët) dëshirojnë që komisionerit Hahn t’i tregojnë për veprimet anti-serbe të Prishtinës përmes të cilave nxitet kriza humanitare e drejtuar kundër serbëve në hapësirat e Kosovës”, ka thënë Rakiq, duke shtuar se deputetët po bëjnë luftë në mënyrë paqësore dhe demokratike, në mënyrë, sic ka thënë ai, që fëmijët e tyre të kenë të drejtën për jetesë, për mjekim dhe për ardhmëri.

Qeveria e Kosovës ka rritur taksën nga 10% në 100% ndaj produkteve të Serbisë dhe Bosnje e Hercegovinës, si kundërpërgjigjje ndaj fushatës agresive të Serbisë për Kosovën, veprim ky që ka nxitur reagime të shumta.

Katër kryetarët e komunave veriore, të banuara me shumicë serbe, ditë më parë dhanë dorëheqje, si dhe u organizuan protesta në Mitrovicën veriore në kundërshtim të taksës.

Shtetet e Bashkuara të Amerikës dhe Bashkimi Evropian u kanë kërkuar autoriteteve të Kosovës që të heqin tarifat ndaj importeve me origjinë nga Serbia dhe Bosnje e Hercegovina dhe të punojnë me Serbinë për të shmangur provokimet dhe zbutur tensionet.

Liderët e institucioneve të Kosovës kanë shprehur ngushëllime ndaj popullit amerikan për humbjen e ish presidentit të Shteteve të Bashkuara, George H.W Bush.

Kryeministri i Kosovës, Ramush Haradinaj, përmes rrjetit social Facebook, tha se Kosova ka humbur një mik të madh.

“I pikëlluar për vdekjen e presidentit të 41 të Shteteve të Bashkuara të Amerikës George H.W Bush. Bush gjithë jetën e tij e dedikoi në shërbim të popullit amerikan dhe paqes në botë. Presidenti Bush do të mbahet në mend për denoncim direkt ndaj represionit dhe terrorit serb ne Kosovë. Ai do te mbahet në mend për “mesazhin e Krishtlindjeve” drejtuar presidentit serb në vitin 1992, me të cilin vendos vijën e kuqe për luftë në Kosovë duke e mbrojtur popullin tonë nga tendenca dhe kërcënimi për shfarosje nga regjimi i Milloshevicit në atë kohë. Prehu në paqe, njeru i Kosovës. Do të kujtojmë gjithmonë!”, tha Haradinaj.

Presidenti i Kosovës, Hashim Thaçi tha se Bush do të kujtohet për deklaratën se Kosova është vija e kuqe për SHBA-në, që ja bëri regjimit të Millosheviqit.

“Popullit amerikan, në emër të qytetarëve të Kosovës, i shpreh ngushëllimet më të sinqerta për vdekjen e Presidentit të 41-të të Shteteve të Bashkuara të Amerikës, George H.W. Bush. SHBA dhe bota do ta kujtojnë si patriot të pashoq dhe shembull të përkushtimit për të punuar për fuqizimin e demokracisë botërore dhe përhapjen e vlerave të lirisë. Kosova dhe shqiptarët do ta kujtojnë si president të parë, që qysh në fillim të viteve ‘90 ia bëri shumë qartë regjimit të Milosheviqit, me Vërejtjen e Kërshëndellave, se Kosova është vijë e kuqe për SHBA. Bashkëndjejmë me familjen Bush dhe tërë popullin amerikan në këtë humbje të madhe”, tha Thaçi në Facebook.

Edhe kryeparlamentari Kadri Veseli, tha se Kosova gjithmonë do të jetë falenderuse ndaj kauzës për pavarësi të Kosovës së ish presidentit George H.W Bush.

“Presidenti George H. W. Bush ishte një nga zërat e parë të lidershipit botëror që kuptoi vuajtjet e popullit të Kosovës për liri dhe pavarësi. Mbështetja që ai i ka dhënë kauzës sonë të shenjtë për liri ishte një mesazh i qartë anekënd botës. Kjo do të mbetet përherë në kujtesën tonë dhe do të na shërbejë që ta forcojmë edhe më tej miqësinë me Shtetet e Bashkura të Amerikës. Ngushëllime të përzemërta për familjen dhe popullin amerikan. Zoti e bekoftë këtë misionar të paqes dhe demokracisë!”, tha Veseli.

Kryetari i Lidhjes Demokratike të Kosovës, Isa Mustafa, ka dërguar telegram ngushëllimi për humbjen e presidentit George H.W Bush.

“Bush do të përkujtohet gjithmonë nga Kosova dhe qytetarët e saj, veçanërisht për paralajmërimin e tij ndaj Serbisë në vitin 1992 se ‘në rast të konfliktit në Kosovë, të shkaktuar nga veprimet e Serbisë, Shtetet e Bashkuara të Amerikës do të jenë të gatshme të përdorin forcën ushtarake kundër serbëve në Kosovë e Serbi. Këtë dashuri ndaj Kosovës e trashëgoi edhe te Presidenti i 43-të i SHBA-ve George W. Bush, gjatë mandatit të së cilit edhe u shpall pavarësia e Kosovës. Zoti e bekoftë shpirtin e Presidentit George H.W. Bush”, ka thënë Mustafa në telegramin e ngushëllimit.

Ramush Haradinaj, kryeministri i Kosovës vijon t’i qëndrojë besnik vendimit të tij për vendosjen e taksës 100% ndaj hyrjes së mallrave Serbe në Kosovë.

Ai u shpreh se nuk do të tërhiqej nga ky vendim edhe në qoftë se kjo do t’i kushtonte rrëzimin e qeverisë të cilën ai drejton.

Në një intervistë për “Interaktiv” në KTV, Haradinaj ka ripërsëritur qëndrimin e tij se ndryshimi i kufijve bëhet vetëm me luftë.

Ajo çfarë më së shumti ka përbërë lajm nga deklarata ka qenë deklarimi i tij se, “nëse largohem nga posti i kryeministrit, do të marr me vete edhe Thaçin e Veselin”.

Haradinaj u shpreh gjithashtu se Kosovën e 17 shkurtit 2008, nuk mund ta zhbëjë askush përfshirë edhe presidentin.

PRISHTINË – Gjeneral majori italian Frances Lorenzo D’Addario prej sot edhe zyrtarisht është komandant i ri i KFOR-it. Në ceremoninë zyrtare të mbajtur në selinë kryesore të KFOR-it në Prishtinë, mori përsipër detyrën nga ish-komandanti, bashkëkombasi i tij, gjeneral major Salvatore Cuoci.

Në ceremoninë e pranim-dorëzimit të komandës morën pjesë, përveç tjerash, komandanti i forcave të bashkuara të NATO-s në Napoli admiral James Foggo, kryeministri i Kosovës, Ramush Haradinaj dhe ministri i Forcave të Sigurisë së Kosovës, Rrustem Berisha. Komandanti në largim Cuoci tha se është krenar që KFOR-i, jo vetëm që është operacioni më i gjatë i NATO-s, por edhe rrëfimi më i suksesshëm për Aleancën dhe partnerët e saj.

“Pa dyshim dhe me siguri të plotë, mund të thuhet se pavarësisht rritjes së tensioneve, gjendja e përgjithshme në Kosovë është shumë më e mirë se sa ishte dhe po përmirësohet vazhdimisht. Përveç kësaj, suksesi i KFOR-it në krijimin e një mjedisi më të sigurtë u shoqërua jo vetëm nga reduktimi gradual i forcave, por në të njëjtën kohë duke transferuar përgjegjësinë për sigurinë e Kosovës”, tha Cuoci.

Pas një viti të qëndrimit në Kosovë, Cuoci tha se është veçanërisht krenar për përparimin e arritur në ndërtimin e një marrëdhënieje midis KFOR-it dhe Ushtrisë së Serbisë, e cila siç tha, solli deri te rritja e numrit të patrullave të KFOR-it në sinkronizim të plotë me ushtrinë serbe përgjatë vijës kufitare.

Kryeministri Haradinaj në solemnitet tha se prania e KFOR-it dhe NATO-s ka ndihmuar Kosovën dhe rajonin, si dhe zhvillimin e përgjithshëm për pothuajse dy dekada.

“Ne gjithmonë do të qëndrojmë krah për krah me KFOR-in dhe NATO-n. Qëllimi ynë është t’i bashkohemi NATO-s, ndërsa besojmë se rajoni do të ketë dobi nëse të gjitha vendet nisen rrugës që shpie në NATO”, tha Haradinaj.

Pas ceremonisë së pranim-dorëzimit, u mbajt një konferencë e shkurtër për media e komandantin e ri të KFOR-it D’Addario dhe admiralit amerikan Foggo. D’Addario tha se motoja e re e misionit të KFOR është “Të bashkuar në përkushtim”, dhe kjo do të thotë se KFOR-i është i angazhuar për një mjedis më të sigurtë dhe në veçanti për përparimin e brezave të rinj.

Foggo tha se NATO është e interesuar për një mjedis të sigurtë dhe rrethim të sigurtë për çdo gjë dhe për të bërë përparim ekonomik. Ai duke iu përgjigjur pyetjeve të gazetarëve për gjendjen në veri të Kosovës, tha se qytetarët kanë të drejtë të protestojnë në mënyrë paqësore dhe se ai e kupton zemërimin e tyre, sepse janë prekur personalisht nga tarifat e vendosura për mallrat nga Serbia.

I pyetur nëse ndarja e Kosovës mund të përbëjë rrezik, Foggo tha se udhëheqësit politikë të zgjedhur të të dyja vendeve po zhvillojnë dialog që NATO e mbështet.

“Për vendin tuaj, për Kosovën, është shumë i rëndësishëm dialogu mes Beogradit dhe Prishtinës, ka gjëra mbi të cilat mund të bisedohet dhe mbi të cilat bisedohet. Kjo pyetje më shumë është për përfaqësuesit tuaj të zgjedhur që kanë më shumë njohuri për këtë”, tha Foggo.

Lidhur me procesin e transformimit të Forcave të Sigurisë së Kosovës në Ushtri të Kosovës, admirali theksoi se ka pasur reagime të ndryshme në Kosovë dhe jashtë Kosovës dhe se beson se transformimi duhet të bëhet përmes ndryshimeve kushtetuese, por kjo ende nuk është parë. Ai shtoi se anëtarët e FSK-së dhe ministria kompetente janë duke bërë një punë të madhe, por pyetja mbetet se si do të bëhet trajnimi, pajisja dhe i gjithë procesi, që është shumë i shtrenjtë.

Pas luftës së vitit 1999, KFOR-i ka pasur rreth 50.000 ushtarë në Kosovë ndërsa momentalisht ka rreth 4.000 ushtarë nga 28 vende. aa

(E di që atyre që kanë rënë në folklorizëm patriotik, ky mendim i imi nuk do u pelqej. Por, e vërteta… këtu diku fshihet😉)

1. Per mendimin tim, simbolika e dykraheve nga ana e politikanëve, përveç tjera mesazheve (që mund të jenë të natyrës; elektorale, patriotike, kombëtare e shtetërore)shpalos, edhe një lloj mediokriteti social.
2. Që thënë me gjuhēn dhe gjykimin sociologjik, është edhe një lloj “rikolonizimi” e mendjes së turmes, e cila për bindjen e kesaj elite aktuale politike, ende ka nevojë për “infuzione” të tilla manipulative, që imperativ të vetëm e kanë “mirëmbajtjen” e deliriumit të pushtetit të tyre, mbi turmen amorfe (lexo; kopenë e pavetëdijshme sociale), dhe zgjatjen e jetës së tyre hedoniste, që u mundëson mu vota e kësaj turme apo kopeje (sipas tyre, gjithnjë ende fëmijërore, dhe e paemancipuar politikisht!) ushtrimin e profesionit të lidershipit…
3. Kjo i bie, që manifestimi publik i simbolikës në fjalë, nga ana e dy qeverive shqiptare, është një manipulim shumë i sofistikuar social…Sepse, në një Projekt serioz shtetërorë, të bashkimit kombëtar, nuk ndëgjuam as pamë, as edhe një të dhënë konkrete… për të arriturat e kësaj ideje! Andaj, rrjedhimisht, kjo ikonografi i bie një manipulim i llojit të vetë që për qëllim të vetëm kishte; ate tē “mirëmbajtjes” se pushtetit

Kryetari i Lidhjes Demokratike të Kosovës, Isa Mustafa ka thënë se pas dorëheqjeve të katër kryetarëve të komunave me shumicë serbe në veri të Kosovës, duhet të mbledhet Qeveria dhe Kuvendi i Kosovës.

Në një postim në Facebook, Mustafa ka thënë se “shteti nuk drejtohet me folklorizëm”.

“Veprimet e sotme të serbëve në veri të vendit, dorëheqjet e kryetarëve te katër komunave dhe Rezoluta për të ndërprerë komunikimin me ‘Prishtinën’, siç shprehen ata, janë sinjal i qartë se kah po shkon vendi. Qeveritarët tanë nuk janë për të bërë figura me duar por për tu kujdesur për funksionimin kushtetues të vendit, sa nuk është bërë vonë”, ka deklaruar ai.

Duke përmendur vendimin e Qeverisë së Kosovës për vendosje të taksës prej 100 për qind në importet e mallrave të Serbisë dhe Bosnje Hercegovinës, katër kryetarët e komunave me shumicë serbe në Kosovë kanë dhënë dorëheqje nga pozitat e tyre.

Dorëheqjet i kanë dhënë, kryetari i Zubin Potokut, Stevan Vuloviq, ai i Zveçanit, Vuçina Jankoviq, kryetari i Leposaviqit, Zoran Todiq dhe kryetari i Mitrovicës Veriore, Goran Rakiq.

Rakiq përndryshe është edhe kryetar i Listës Serbe, njëherësh subjektit më të madh politik që përfaqëson komunitetin serb në institucionet qendrore dhe lokale të Kosovës.

Vendimi i Qeverisë së Kosovës është kundërshtuar edhe nga Sekretari amerikan i Shtetit, Mike Pompeo, i cili ka bërë thirrje për tërheqje të masës së vënë nga autoritetet e Kosovës.

Ka ndërruar jetë Bujar Gjurgjeala, i përbërjes që shpalli Deklaratën Kushtetuese të 2 Korrikut

Udhëheqësi i Listës Serbe në Kosovë, Goran Rakiq, dha dorëheqje nga posti i kryetarit të Komunës së Mitrovicës së Veriut.

Njoftimi u bë në një seancë të jashtëzakonshme të Kuvendit Komunal të Mitrovicës së Veriut.

Rakiq tha se jep dorëheqje për shkak të “shtypjes së vazhdueshme institucionale”, përkatësisht vendosjes së taksës 100% mbi prodhimet e importuara nga Serbia.

Javën e kaluar, Kosova ka rritur nga 10% në 100% taksën mbi të gjitha mallrat e importuara nga Serbia dhe Bosnje e Hercegovina.

Komuniteti ndërkombëtar, përfshirë sekretarin amerikan të Shtetit, Mike Pompeo, i ka bërë thirrje Kosovës që të heqë këtë detyrim doganor.

Nuk është hera e parë, që pas çdo “patriotizmi” të liderëve shtetëror dhe partiak fshihen prapaskenat e akteve antishtetërore dhe antikombëtare. Taksa nga 10 në 100 % ndaj produkteve serbe dhe arrestimet e 4 personave, si të dyshuar për vrasjen e ish liderit të serbëve të veriut, Oliver Ivanoviç, janë një skenar i sofistikuar serbo-shqiptar, respektivisht i treshes Vuçiq-Thaçi-Rama për ta tensionuar situatën, më qëllim të realizimit më të shpejtë të planit serb për ndarjen e Kosovës.
Futja në këtë lojë e kryeministrit Haradinaj, është ide pragmatike e Hashim Thaçit, i cili, sikurse në rastin e Demarkacionit me Malin e Zi, ku fillimisht e dërgoi për “pushime” në Colmar të Francës, edhe tani e shpiku taksën si mundësi e mirë për zhvendosjen e vëmëndjes së opinionit vendor nga dështimet dhe skandalet e tij në politikën e jashtme.
Truku i “shkëlqyeshëm” i taksës për produktet serbe, ishte ushqimi më i mirë për “Qeverinë Haradinaj” me imazh të humbur dhe një pjesë të konsiderueshme të popullatës shqiptare që vërbërisht u besojnë liderëve të korruptuar në ballë të institucioneve më të larta të shtetit.
Nuk ka si të jetë ndryshe, kur brenda natës aktualizohet një çështje e cila është prezente që nga paslufta, por që është heshtur qëllimshëm nga po këta liderë shtetëror, në veqanti nga “shpëtimtari” Haradinaj.
Aq shumë dhe aq mirë u shit “loja e letrave” me produktet serbe, thuajse të gjithë paskan qënë të verbër në Kosovë!

Hipërbolizimi i taksës, skenarë i përgatitur në kuzhinat e Beogradit

Mallrat serbe në Kosovë nuk është që kanë hyrë nga dje në Kosovë, por që 19 vite rresht. Nuk është që mallrat serbe e kanë rrezikuar shëndetin e qytetarëve nga dje, por që 19 vite rresht, nuk është që nga dje janë ngufatur prodhimet vendore nga importet serbe!
Nuk është Ramush Haradinaj nga dje kryeministër. Ka rreth një vit e gjysmë që e rrahë këmbanën e kryeministrit, dhe asnjëherë nuk i ka ra ndërmend për dëmin që shkaktojnë produktet serbe në Kosovë!
Sikur ta kishte me gjithë mendje kryeministri prioritet interesin e qyetarëve, paraprakisht rritjes së pagës 100 % për vetën dhe kabinetin e tij, gjykatat dhe prokurorët që mbrojnë krimin e organizuar, do të aplikonte këtë masë ndëshkuese ndaj shtetit serb dhe do të rriste pagat më të ulëta në Kosovë.
Siq duket numri 100, iu ka bërë fiksim kryeministrit Haradinaj nga numri i 100 zv. ministrave dhe nga rritja e pagave 100 %, apo pas vënjes simbolike të takses prej 10 %, ka marrë udhëzime nga dikush tjetër për të shkuar lartë në 100 %, si nxitje për alarm kombëtar dhe ndërkombëtar!?
Hipërbolizimi i taksës për produktet serbe nga 10 në 100 %, tregon se vërtetë ky është skenar i sofistikuar dhe maskaradë mashtruese për qytetarët e Kosovës. Kjo u dëshmua me ngazëllimin e popullatës shqiptare dhe viktimizimin e popullatës serbe në anën tjetër.
Mbase vetëm në këtë mënyrë u arrit nxitja e dy poleve të kundërta, e cila mund ta përshpejtojë realizimin e skenarëve serb për ndarjen e Kosovës.
Ndryshe, as që do të mendohej një reagim kaq i fuqishëm i shqiptarëve dhe serbëve njëkohësisht.
Në këtë lojë, e vetmja gjë që nuk u shkoj mirë pushtetarëve në Prishtinë ishte arrestimi i katër serbëve në veri, i cili në masë të madhe ua zhveshi maskat pushtetarëve aktualë.
Si ka mundësi që Policia e Kosovës, për vite të tëra nuk mundi të zbardhë asnjë nga shumë vrasjet e shqiptarëve në Kosovën e pasluftës, dhe për një kohë relativisht të shkurtër të identifikoj dhe arrestoj katër persona në një territor që nuk e menaxhon në plotëni!
Nga i vjen i gjithë ky përkushtim i Policisë së Kosovës për zbardhjen e vrasësve të një antishqiptari në veri të vendit, kur të njëjtën gjë nuk po arrinë dot ta bëjnë për vrasjen me mjet eksplodues në banesën e tij të Selver Haradinajt, të “Tre rrokaqiejt” në Mitrovicë, në orët e para pas mesnatës së ditës së dielë 8 prill 2012!

Vendim i drejt, por i vonuar dhe i dyshimtë

Asnjëherë deri më sot, institucionet e Republikës së Kosovës, gjegjësisht pushtetarët e pasluftës nuk u kujdesën për interesin e qytetarëve dhe as të krijojnë mjedis të favorshëm për zhvillimin e ekonomisë, gjegjësisht prodhuesve dhe bizneseve vendore.
Të gjithë iu gëzuam taksës (së vonuar) qeveritare prej 10 %, i pasuar në 100 % ndaj produkteve serbe që hyjnë në Kosovë, vendim ky i drejtë, por shumë vështirë i implementueshëm për shkak të shumë faktorëve; të varësisë së skajshme të “Qeverisë Haradinaj” nga Lista “Srpska”, të dominimit 100 % të tregut vendor nga produktet serbe, të operimit legal dhe ilegal të kompanive serbe dhe Rezolutës 1244 të KS të OKB-së e cila ia mundëson Serbisë çasjen e lirë në Kosovë!
Sikur Haradinaj ta kishte me gjithë mendje aplikimin e masave ndëshkuese kundër Serbisë, njëkohësisht do duhej pasuar me masat paralele ndëshkuese ndaj korporatave serbo-ruse që veprojnë në Kosovë, si; ETC (Ekonomski Trgovinski Centar), ELKOS, Devolli Group, Mabeteks Group, etj.
Drejtuesit e kompanive të sipërpërmendura në Kosovë, janë mafio-oligarkët ekonomik që ushqyen dhe vazhdojnë të ushqejnë mafio-politikanët në pushtet dhe opozitë.
Njëri prej tyre, ka financuar AAK-në dhe ushqyer Ramush Haradinajn, ka financuar PDK-në dhe ushqyer Hashim Thaçin dhe së fundmi financon LDK-në dhe ushqen Isa Mustafën me klanin e tij.
Një tjetër oligark i fuqishëm kishte financuar VV-në, sot e financon PSD-në dhe ushqen “mohikanin” e fundit, oligarkun e pangopshëm Shpend Ahmeti,…e kështu më radhë të gjitha partitë politike kosovare janë të lidhura me mafio-oligarkët ekonomik, përkatësisht me kompanitë pro-serbe e pro-ruse në Kosovë, që ushqejnë dhe vrajnë njëkohësiht qyetarët e vendit tonë.
Papritmas, në një momentum të papërshtatshëm politikë, pas 19 viteve vrasje e helmim të shqiptarëve, i bie ndërmend dikujt të ndërmerr masa ndëshkimore kundër produkteve serbe, dhe atë në emër mbrojtjes së shtetit dhe qytetarëve, në stilin e një patriotizmi të skajshëm primitivë.
Për të ardhur deri tek ky vendim i Qeverisë, ishte dashur një strategji e gjatë (2-3 vjeçare) vetëdijësimi dhe e krijimit të kushteve ekonomike për t’u përballuar me pasojat, e jo t’iu thuhet qytetarëve të varfër “hani edhe bar” e mos bleni produktet serbe.
Për shkak se Kosovës aktualisht i mungojnë pothuajse të gjitha kapacitetet dhe produktet vendore, filluar nga gruri, mishi, qumshti, etj
Vërtetë, nëse qytetarët e vendit, duan të bojkotojnë produktet serbe, paraprakisht duhet t’i kthehen punimit të tokave, bujqësisë dhe ekonomive familjare, për të ndjkeur më pas edhe shëmbullin e Sylejman Nezirit, pronar i “Plus Center” nga Ferizaji, i cili është shëmbulli dhe përgjigja më e mirë ndaj invazionit të mallrave dhe produkteve (të dyshimta) serbe, e jo të dëgjojnë maskaradat e pushtetarëve, që deri sot kanë favorizuar kompanitë dhe produktet serbe në Kosovë.
Në asnjë rrethanë, taksa ndëshkimore për produktet serbe nuk guxon të ndërlidhet me politikat ditore, për shkak se, për më tepër se kaq, kjo është çështje ekzistenciale dhe çështje fondamentale për shëndetin e qytetarëve.
Ngase, jeta e qytetarëve nuk është demarkacion për t’u “rishikuar”, e as përqindje për t’u vlerësuar, në është e ulët apo e lartë, për shkak se jetët e qytetarëve të vendit duhet të trajtohen njësoj, si për të pasurit, ashtu edhe për të varfërit.

Të dëshmohet prezenca e shtetit 100 % me veprime e jo më fjalë

Na mbetët të besojmë, se taksës së aplikuar ndaj produkteve serbe, t’i ketë paraprirë një strategji e mirëfilltë ekonomike shtetërore për t’u përballur me pasojat, në të kundërtën, imazhi i shtetit të Kosovës do të bie për tokë, ndërsa çmimin si gjithnjë do ta paguajnë qytetarët e varfër të këtij vendi, me rritje dhe ngritje të vazhdueshme të çmimeve, ndërsa politikanët do të vazhdojnë me avazin e vjetër të pasurimit të tyre nga kompanitë serbo-ruse të mafio-oligarkëve ekonomik.
Nëse vërtetë taksa 100 % është produkt i kryeministrit Haradinaj siq pretendon se është e tij, atëherë paralelisht taksës 100 %, do duhet të shpërbëjë shtetin paralel serb në brendi të Kosovës, përkatësisht në të gjitha komunat dhe fshatrat serbe, ku valojnë flamujt dhe mbisundojnë mbishkrimet në çirilicë të Republikës së Serbisë,…e jo të detyrohen ministrat e Kosovës të tërhiqen nga vizitat në ato komuna për “motive patriotike”!
Në kohën kur mbahet mbledhja e përbashkët e dy qeverive shqiptare në Pejë, më pak se 10 km nga aty, ndodhet prezenca e shtetit serb në fshatin Gorozhdec me të gjitha elementet e shtetit të Serbisë.
Të lutem zoti kryeministër, përmbaju logos tuaj “Jam 100 % shtet”, në të kundërtën, masat e pjesshme janë shumë pak dhe të pamajftueshme për të bindur qytetarët e vendit për veprimet gjysmake të qeverisë që ju drejtoni.
Nga e gjithë kjo lojë e pistë politike, rezultati i taksës, 100 % mund të jetë maskaradë mashtruese për faljen e veriut e asgjë më shumë!

Presidenti i Kosovës, Hashim Thaçi është nisur në Shtetet e Bashkuara të Amerikës për vizitë zyrtare, ku do të takohet me përfaqësues të lartë të Shtëpisë së Bardhë, të Departamentit të Shtetit, Kongresit, Senatit, si dhe me personalitete që kanë mbështetur Kosovën.

“Në Shtëpinë e Bardhë, presidenti Thaçi do të zhvillojë një takim me John Bolton, Këshilltar për Siguri Kombëtare i presidentit të SHBA-së, Donald Trump. Presidenti Thaçi, po ashtu, do të takohet edhe me Sekretarin e Departamentit të Shtetit, Mike Pompeo”, thuhet në njoftimin e Zyrës së Presidentit.

Në këto takime, presidenti Thaçi pritet të bisedojë për marrëdhëniet dypalëshe, për perspektivën euroatlantike të Kosovës si dhe për arritjen e një marrëveshjeje gjithëpërfshirëse dhe ligjërisht obliguese me Serbinë, e cila siç thuhet, “i siguron njohje nga Serbia dhe i hap rrugë për anëtarësim në BE, NATO dhe OKB”, thuhet tutje në njoftim.

Gjatë qëndrimit në SHBA, Thaçi po ashtu pritet të ketë një takim në Dallas me ish-presidentin George W.Bush si dhe me komunitetin shqiptaro-amerikanë atje.

Organizatat e shoqërisë civile në Kosovë, së bashku me partnerë ndërkombëtarë, e sidomos me Unionin Evropian, për dekada të tëra janë angazhuar me sinqeritet për të ndihmuar përpjekjet për shtetëndërtim në Kosovë.

PRISHTINË – Për arrestimet e mëngjesit të sotëm në veri të Mitrovicës në lidhje me vrasjen e liderit serb nga Kosova, Oliver Ivanoviç, ka reaguar KFOR-i në Kosovë, duke theksuar se nuk kishte asnjë “veprim të paligjshëm” në operacionin e policisë kosovare.

Përmes një njoftimi, KFOR-i thekson se situata në veri të Mitrovicës është e qëndrueshme dhe nën kontroll, por bën të ditur se KFOR-i vazhdon të monitorojë situatën dhe të ruajë prezencën e saj në terren, me shpresë që mos të ketë nevojë për ndërhyrje.

“Nuk kishte asnjë veprim të paligjshëm ose veprim ushtarak dhe nuk ka pasur ndonjë kërcënim për sigurinë e qytetarëve. KFOR-i konfirmon se ajo që ndodhi ishte vetëm një operacion policor dhe asnjë forcë e sigurisë së Kosovës ose ndonjë forcë tjetër ushtarake nuk u dërgua në veri të Kosovës”, thotë KFOR-i.

Duke theksuar se “KFOR-i është i vetëdijshëm se ka tensione në rritje në nivel politik për shkak të disa zhvillimeve ndërkombëtare dhe ekonomike”, ky mision u bën thirrje të gjitha palëve të merren me mosmarrëveshjet në mënyrë paqësore dhe me përgjegjësi, pa përdorimin e forcës apo dhunës.

Mëngjesin e sotëm, njësia policore kosovare ka zhvilluar një operacion në veri të Mitrovicës, në lidhje me vrasjen e liderit të nismës qytetare “Liri, Demokraci, Drejtësi, Oliver Ivanoviç, me ç’rast ka arrestuar katër persona, dy prej të cilëve zyrtarë policorë në veri të Mitrovicës.

Ivanoviç humbi jetën si pasojë e plagëve të marra nga një armë zjarri më 16 janar të këtij viti, para selisë së SDP-së në pjesën e Mitrovicës me shumicë serbe, ndërsa kohë më pas ishin arrestuar dy policë për manipulimin e provave nga terreni. aa

Serbët e Kosovës kanë filluar protestën kundër taksës 100 për qind për produktet që vijnë nga Serbia. Protesta e tyre është zhvendosur nga qendra e veriut, për në Rudarë të Zveqanit. Në po këtë fshat, në gjendje gatishmërie po qëndron edhe KFOR-, raporton Express.

Xhemail Mustafa (ka lindur më 23 gusht 1953 – vdiq me 23 nëntor 2000). Ishte gazetar, politikan, publicist, shkrimtar shqiptar dhe këshilltar politik i Presidentit Historik të Kosovës, Dr.Ibrahim Rugova dhe antar i LDK-së. U vra mizorisht në Prishtinë në hyrje të apartamentit të tij ku u qëllua për vdekje nga dy sulmues të cilët kurrë nuk u arrestuan. Vrasja e tij tronditi Kosovën e pas luftës dhe skenën politike të pas luftës në Kosovë vrasja e tij mbetet një nga çështjet e pa zgjidhura dhe misterioze në vrasjet e pas luftës në Kosovë.^[1]

Jetëshkrimi

Xhemail Mustafa lindi në fshatin Gllamnik të Komunës së Podujevës. Shkollën fillore dhe atë të mesme e kreu në vendlindje, ndërsa diplomoi për gazetari në Universitetin e Prishtinës. Nga fundi i viteve 70-ta punoi në gazetën Rilindja si redaktor i kulturës  dhe më pas në vitin 1992, punoi në Qendrën e Informimit të Kosovës (QIK) deri në fund të jetës se tij ku dha kontribut të jashtzakonshëm.^[2].

Kolegët e kujtojnë Xhemailin si njeri me vlera të larta intelektuale dhe guximin e tij në vitet e luftës në Kosovë. Gjatë viteve të 90-ta ishte një nga antarët e parë të Lidhjës Demokratike të Kosovës, ndërsa,  nga viti 1997 e deri ne vitin 2000 kur u vra, shërbeu si këshilltar i lartë politik i presidentit të Kosovës Dr.Ibrahim Rugova dhe zëdhënës për media. Xhemail Mustafa ishte i përndjekur politikisht nga UDBA që më vonë ky shërbim famëkeq u njohë me emrin BIA. Në vitin 1999 si gazetar kishte denoncuar pushtetin serb për krimet çnjerzore, ai morri pjesë edhe në zgjedhjet lokale të vitit 2000 duke marrur shumë vota. I shpëtoi luftës dhe përndjekjes policore dhe ushtarake dhe aktivitetet i vazhdoi duke u bërë edhe antar i kryesisë LDK-së ku u dallua si intelektual i shquar dhe një nga figurat më të spikatura të kësaj partie. Po ashtu Xhemaili është i njohur edhe si autor në vitin 1999 botoi edhe vepërn e tij me titull Një lutje për Prishtinën.

Vrasja

Xhemail Mustafa u vra më 23 nëntor 2000 në Prishtinë. Deri sa po hynte në banesën e tij ai u qëllua për vdekje me armë zjarri nga dy persona ku si pasojë të plagëve të marra vdiç në kliniken spitalore. Ai ndërroi jetë në moshën 47 vjeçare, la pas gruan dhe fëmijët e tij. Në rastin e vrasjes së tij u mbajt ditë zije dhe shumë njerëz e politkanë,  familjes së tij i shprehen ngushllime.^[3] Vrasja e Mustafes ishte vrasja e tretë politike e pas luftës së Kosovës dhe trondi skenën politike e cila si shumë vrasje të pas luftes së Kosovës mbeti e pa zgjidhur. Kjo ishte vrasja e tretë e intlektualeve të shquar që shumica ishin nga Lidhja Demokratike e Kosovës, autorët e të cilëve ende nuk janë kapur. Në vitin 2014 familjarë të Xhemail Mustafes kërkuan me ngulm zbardhjen e rastit dhe kapjen e kësaj vepre makabër e cila trondi vendin i cili sa po kishte dalur nga lufta.

Referencat

1. ^ http://www.forumishqiptar.com/threads/27292-Xhemail-
2. ^ http://www.forumishqiptar.com/threads/27292-Xhemail-Mustafa
3. ^ http://www.yllpress.com/20773/dhjete-vjet-nga-vrasja-e-xhemajl-mustafes.html

Dogana e Kosovës ka filluar me zbatimin e vendimit të Qeverisë së Kosovës për vendosjen e taksës 100 për qind për produktet e importuara nga Serbia dhe Bosnja e Hercegovina.

Zëdhënësi i Doganave të Kosovës, Adriatik Stavileci, thotë për Radion Evropa e Lirë se vendimi është duke u aplikuar në të gjitha pikat kufitare.

Sipas tij, disa kamionë me mallra nga Serbia dhe Bosnja e e Hercegovina janë kthyer në momentin kur kanë kuptuar se taksa prej 100 për qind është duke u aplikuar.

“Kemi pasur deri tani 11 maune, të cilat janë kthyer, pjesa më e madhe e këtyre mauneve që janë kthyer kanë qenë për arsye se sipas deklaratave të tyre, nuk e kanë ditur që ka filluar aplikimi i kësaj takse. Ata, kur kanë arritur janë njoftuar dhe janë kthyer. Kemi pasur edhe raste kur disa kamionë janë kthyer për shkak se mallrat që kanë pasur, nuk i janë referuar Kosovës si shtet”, thekson Stavileci.

Qeveria e Kosovës të mërkurën ka marrë vendim që të rrisë në 100 për qind taksën doganore për produktet e importuara nga Serbia dhe Bosnja.

Rritja e taksës, pason vendimin paraprak të Qeverisë për vendosjen e një takse prej 10 për qind për prodhimet nga Serbia dhe Bosnja e Hercegovina.

Vendosja e kësaj takse ka nxitur reagimin e Bashkimit Evropian, përkatësisht përfaqësueses së Lartë, Federica Mogherini, e cila ka kërkuar nga Kosova ta shfuqizojë menjëherë këtë vendim.

Me shumë pritesë shkruaj për argatin e Serbisë, Ibrahim Kelmendin, sepse ai vjellë fjalë e rrenë. Në shkrimet e tij ai ka përgojuar e shpifë për shumë figura publike. Gënjeshtrat e tij janë aq trashanike, sa nuk besohen dhe vetëdemantohen. Si i tillë njerëzit nuk humbin kohë për t`u marrë me atë dhe heshtin. Prandaj Ibrahimi i përsëritë gënjeshtrat e tij.
– As kësaj radhe unë nuk do të hesht për këtë spiun të regjur. Ibrahim Kelmendi, i zbuluar me nofkën serbe “Sijalica”, prej më shumë se 40 vjetësh vazhdon të jetë argat i Serbisë. Ka filluar me përçarjen ndërshqiptare në Mërgatë, për të vazhduar me intrigimet deri në vrasje në Kosovë.
– Ibrahim Kelmendi vazhdon të jetë i akuzuari i parë për implikime në vrasjen e Vëllezërve Gërvalla dhe Kadri Zeka, më 1982. Në katër pyetjet që Vëllezërit Hysen dhe Avdyl Gërvalla i bëjnë Ibrahimit dhe që ende nuk ka pranuar të përgjigjet, dyshimi është mjaft i bazuar.
>Po sjellim disa citate që kanë thënë për I. Kelmendin:
– Faridin Tafallari, në librin e tij “Terror, Dhembje, Qendresë” Faqe 56-57, shkruan për raportet jo të mira në mes Jusuf Gërvallës dhe I. Kelmendit.“Edhe kur ishin shokët e pavarrosur, fliteshin mjaft gjëra. Por tani nisi të flitej shumë më tepër dhe lindën dyshime të mëdha. Flitej e dyshohej të shumëkush. Madje edhe për Ibrahim Kelmendin. Dyshimet ishin të pa bazuara në fakte dhe mbështeteshin sidomos në ato mos marrëveshjet që kishin ekzistuar në mes Jusufit dhe Ibrahimit. Flitej për bashkimin e Ibrahimit me organizatën e OMLK, pa u konsultuar paraprakisht aspak me Jusufin dhe me LNÇKVSHJ. Siç e kam cekur edhe më parë Jusufi e ka ndihmuar atë duke nxjerrë tre numrat e parë të “Bashkimit”, organ i Frontit të Kuq Popullor. Flitej se Ibrahimi ka pasur kontakte me organizatat reaksionare si ato kroate.
Më kujtohet një takim ku kam qenë edhe unë i pranishëm. Jusufi e pyeti Ibrahimin që t`i tregojë se sa të holla i kishte marrë një organizate kroate (emrin e saj nuk e di). Sipas fjalëve të Ibrahimit ka qenë puna për një shumë prej 50 mijë DM që do të përdoreshin për të blerë armë. Këtë shumë të hollash e kanë marrë njerëzit e Ibrahimit, mandej se i përdori ato për të rregulluar një lokal kafeneje në Pejë. Jusufit kjo gjë nuk i pëlqeu dhe e kundërshtoi veprimin e Ibrahimit si jo të mirë. Ibrahimi përgjigjej se kur gjen budallenj pse të mos përfitosh. Jusufi ia ktheu: ”Ato para janë marrë për diçka tjetër, ndërsa janë shfrytëzuar për çështje tjetër”.

-Dua të ndalem tek kërkesa e I.Kelmendit dhe bashkëmendimtarëve të tij, për pajtim me popullin serb në vitin 2006 dhe 2007. Për lexuesit e vëmendshëm, mendoj se kërkesa pa kurrfarë kushtesh, e I.Kelmendit, i cili gjithmonë është shitur si kundështar dhe njeriu që ka luftuar pushtuesin serb. Kërkesa e tij për pajtim me Beogradin nuk është asgjë tjetër vetëm se një çmenduri. Sikur mos të ishte kështu, I.K. dhe emrat e apstrofuar më poshtë, do të duhet në radhë të parë të kërkonin pajtim në mes shqiptarëve.

– Ibrahim Kelmendi, në librin përrallë: “ Lëvizja (Lindje e Përgjakur) – Bashkëbisedim me Ibrahim Kelmendin me Autor Bedri Islami “,thotë se e ka kërkuar Ibrahim Rugovën në një hotel të Brukselit, për ta vrarë … Dhe kjo ka ndoshur kur Dr. Rugova ishte në vlugun e madh, për ta siguruar mbështetjen për Kosovën të Qendrave të Vendosjes Ndërkombëtare. Serbia aktivizoi agjentin e vet, I. Kelmendin, në momentin e duhur.
– Për këtë ka dëshmi të mjaftueshme, të cilat janë të njohura për shumicën e opinionit.Këtu po sjell orgjinalin nga libri në fjalë F.177.

– Ibrahim Kelmendi, siç e dinë shumë mërgimtarë të hershëm, është përsoni më i dyshuar i implikuar në vrasjen e heronjëve Gërvalla e Zeka si dhe përçarësi më i madh i Mërgatës dhe popullit tonë në përgjithësi!

Ibrahim Kelmendi:
“PAJTIM I POPULLIT SHQIPTAR ME POPULLIN SERB – SFIDË MADHORE E RADHËS”:

INICIATIVA SHQIPTARE PËR PAJTIM ME POPULLIN SERB
(Adem Gashi / shkrimtar, Prof. Dr. Martin Berishaj / politolog, Daut Demaku / shkrimtar, Vlora Nikçi / aktore, Prof. Dr. Hamit Boriçi, Prof. Dr. Lekë Sokoli, Berat Luzha / parlamentar, Dr.med. Elizabeta Biblekaj, c/dr pol Dritan Lajçi, Reshat Sahitaj / shkrimtar, Mehmet Prishtina / politolog, Prof.
Dr. Safet Merovci / ekonomist, Mr. Hajdin Abazi/Lum Haxhia /politolog, Sylë Zhitia / politolog, Mr. Xhafer Syla / informatikë, Kadri Ipek / stomatolog,
Dr.med. Shaip Muja, Bexhet Mehmeti / biznismen, Ibrahim Kelmendi, e të tjerë bashkëkombës.
Iniciativën tonë e kanë përkrahur edhe disa personalitete botërore.)
Ata që dëshirojnë të angazhohen konkretisht në Iniciativën tonë, i lusim të na shkruajnë në mail-adresat kontaktuese:”
[email protected]
[email protected]
[email protected]
-Përpjekja për t`u bërë udhëheqës në Lëvizjen e Mërgatës, e çoi në krime, njësoj si disa nga shokët e tij “komandantë të UÇK-së”, gjatë dhe mbas luftës në Kosovë. Shumë i diskridituar, për një kohë heshti. Por, përkundër dëshirës të Mërgimtarëve, Bujar Bukoshi dhe Isa Mustafa e aktivizojnë fshehtaz në dofarë komisionesh, të cilët dështuan, sepse askush nuk pranoi të bashkëpunojë me të dyshimtin Ibrahim Kelmendin.
-Zhvillimet brenda LPK-së, puçi i organizuar nga grupi i Zvicrës, shkarkuan Ibrahim Kelmendin me gardën e vjetër, me pak përjashtime. Por në fillim të luftës u bashkuan dhe hartuan plane e lista të zeza të likuidimit të kundërshtarëve politikë dhe ushtarakë.
-Ibrahim Kelmendi edhe pse i akuzuar për implikike në vrasje, nga bashkëpinëtorët e tij në krime, ai vazhdon me shpifje e gënjeshtra, me qëllim të dizinformimit të opinionit shqiptar dhe më shumë. Është metodë e tij të shpifë, të rrejë, të mburret për trimëri, por është frikacak. Shkrimet e botimet e tij, që kanë financim të dyshimtë, janë plot shpfje dhe gënjeshtra.

-Ibrahim Kelmendi më 1997 iu bashkua bandave greke dhe enveriste, për t`ia vënë flakën Shqipërisë. Këtë e donte edhe Serbia. Ai keqpërdori edhe gazetën e LPK-së “Zëri i Kosovës” dhe kërcënonte me revoluvcion shqiptarët e përcaktuar për demokraci, Profesor Sali Berishën dhe partinë e tij.
-Në shkrimin “Zhurmuesit e vrasjeve politike”, botuar në “Bota sot”, Ibrahim Kelmendi kritikon LDK-në pse akuzon “krahun e luftës”, për vrasjen e bashkëpunëtorëve të Ibrahim Rugovës: Ahmet Krasniqin, Envr Malokun, Xhemajl Mustafën dhe Smajl Hajdaraj me bashkëmendimtarë.
-Ky “analist” përfiton nga një debat i bërë në TV T7, veçanërisht në mes të Gani Gecit dhe Nasim Haradinaj. Me cinizëm e quan “debat i zhurmshëm”.
-Sipas Ibrahim Kelmendit, “Ahmet Krasniqin e kanë vrarë strukturat e Serbisë, përshkak rolit dhe të funksionit që kishte”. Dakord. Por urdhëri për vrasje dhe vrasja është bërë nga shqiptarët, që punojnë për këto struktura të Serbisë. Njëri nga ata llogaritet edhe Ibrahim Kelmendi dhe disa “komandantë të UÇK-së”. Këtu po sjell një koment orgjinal të I.Kelmendit nga Facebook-u në lidhje me vrasjen e Ministrit Kolonel Ahmet Krasniqi.

-Ministri i Mbrojtjes, Kolonel Ahmet Krasniqi ishte kërcënuar nga banditët e LPK-së dhe priste në çdo kohë të vritej prej tyre. Agjenti i Serbisë Ibrahim
-Kelmendi e ka thënë publikisht se do ta kisha për nder ta vrisja Ahmet Krasniqin. Kjo kuptohet se Koloneli krijoi infrastrukturën e luftës dhe në mënyrë profesionale organizoi formacionet luftarake kundër pushtuesit serb.
-Gjatë vizitës që Kolonel Ahmet Krasniqi bëri në banesën e vëllait të tij Behxhetit, në Gjermani, pak ditë para vrasjes, ky i fundit e këshilloi vëllain Ahmetin, të këtë kujdes së mund të vritet. Ahmeti u përgjigj se “nuk i kam borxh askujt. Nëse më vret dikush, më ka vra vetëm e vetëm për hesap të Serbisë”. Saktësisht Ahmet Krasniqin e vranë agjentët e Serbisë, disa shqipfolës të LPK-së, pjesë e strukturave vrastare të Serbisë.
-Vrasja e Ahmet Krasniqit vulos sabotimin e luftës për liri. Këtë sabotim Ibrahim Kelmendi, me atë pjesën e LPK-së staliniste-enveriste e filloi në vitin 1980, me përçarjen e Mërgatës dhe propagandën kundër financimit për mbijetesë të Kosovës e deri tek Fondi shtetëror, siç ishte 3 %-i.
-Kur Ibrahim Kelmendi bashkëpunonte me Bujar Bukoshin dhe Isa Mustafën, asnjëri prej tyre nuk ishin anëtarë të LDK-së. Kelmendi shkruan se “unë e zgjodha Ministër të Mbrojtjes Halil Bicaj”.

Më 15 nëntor 2018, në një tubim të mërgimtarëve, në lokalet e Konsulatës të Republikës të Kosovës, në Shtutgard, takova Doktorin Specialist në Anesteziologji Genc Kelmendin, kushëri i afërt i Ibrahim Kelmendit, biseda në mes nesh u zhvillue në një lokal, pas mbarimit të një tubimi të LVV. A është e vërtetë se Ibrahimi e ka zgjedhë Halil Bicajn Ministër të Mbrojtjes? Doktor Genci tha: “Jo, nuk është e vërtetë. Ministrin Bicaj e kam sjell unë!” Të pranishëm ishin edhe veprimtarët e Mërgatës Mejdi Laçaj, Denis Bytyqi dhe të tjerë. Nëse kjo është e vërtetë, ja deri ku ka arritë bashkëpunimi i kryeministrit Bujar Bukoshi me LPK-në?!
-Rezulton se kryekrimineli Ibrahim Kelmendi, është mësues i disa “komandantëve” kriminelë, të cilët me fjalë ishin kundër Serbisë, por vepronin në llogari të saj, sepse vrisnin kryeushtarakët e FARK-ut dhe bashkëpinëtorët e Ibrahim Rugovës.
-Sipas agjentit të vjetër të UDB-së, Ibrahim Kelmendi, thotë se “Enver Malokun s`kishte pse ta vriste “krahu i luftës”, sepse si kryeredaktor i QIK-ut, ai përkrahte Luftën Çlirimtare të UÇK-së. Edhe atë e kanë vrarë strukturat serbe”.
-Vërtet, LDK-ja dhe Enver Maloku e kanë përkrahur, e kanë financuar dhe kanë luftuar për çlirimin e Kosovës. Por Enveri ka denoncuar edhe sabotimin e luftës që bënte krahu i LPK-së, argatë të Serbisë, sidomos në Mërgatë dhe të disa intelektualëve, deri edhe akademikë në Kosovë, të cilët, duke e kundërshtuar Ibrahim Rugovën, ishin përkrah Serbisë pushtuese.
-Shpifjet monstruoze Ibrahim Kelmendi i sajon edhe për dy personalitetet më të afërta dhe më të dashura të Ibrahim Rugovës, Xhemajl Mustafa dhe Smajl Hajdaraj, të vrarë pas luftës nga disa banditë e ashtuquajtur “krahu i luftës”, eksponentë të LPK-së, argatë të Serbisë.
-Kelmendi vrasjen e zëdhënësit të LDK-së, këshilltarit të Ibrahim Rugovës, Xhemajl Mustafa, si motiv sajon “rivalitetin dhe frikën e Rugovës nga personaliteti i tij”. E vërteta është se Xhemajl Mustafa ishte krahu i djathtë i Ibrahim Rugovës, i cili, Ibrahim Kelmendin me shokë i quante “Të mallkuarit e Perëndisë”, sepse vepronin në llogari të Serbisë edhe mbas çlirimit të Kosovës nga Aleanca e NATO-s.
-Fytyrën prej krimineli Ibrahim Kelmendi e tregon, kur mbas krimit të bërë, kërkon ta mjegullojë të vërtetën për vrasjen e Komandantit të UÇK-së të Rugovës dhe deputetit të LDK-së, Smajl Hajdaraj. Shpifjen e tij e përsëritë, për të tretën herë, duke sajuar gjoja “një konflikt të kryetarit të LDK-së, Ibrahim Rugova, me deputetin Hajdaraj, lidhur me mundësinë e bërjes koalicion me “Povratakun” serb. Ky është një provokim i rëndë për Familjen e nderuar Hajdaraj, për LDK-në dhe shqiptarët e kudondodhur.

-Këtë intrigë e shpifje monstruoze e demantojnë Familja Rugova dhe Familja Hajdaraj. Marrëdhënia e Presidentit Rugova me deputetin Smajl Hajdaraj, ka qenë më shumë se partiake, ka qenë familjare. Fëmijtë e Presidentit tregojnë për afrinë e babës së tyre me Smajl Hajdaraj qysh në vitet 1990-a, i cili “ndihmoi familjen tonë edhe materialisht në kohë të vështira”.

-Një fakt tjetër, si dëshmi të vrasjes të Smajl Hajdaraj, është se ai, me inisiativën e tij, nëpërmjet vëllait, Fazli Hajdaraj, kërkoi blerjen e një veture “Mercedes” të blinduar për Dr. Rugovën, “sepse jeta e Presidentit Rugova është në rrezik permanent”, – thoshte Smajl Hajdaraj. Dhe ne, një grup miqësh të Familjes Hajdaraj dhe adhurues të Presidentit Rugova, kemi dhënë nga 1.000 marka gjermane, për ta kryer porosinë e Smajl Hajdaraj. Ishte kjo përkujdesje e veçantë ndaj Presidentit, që përshpejtoi ekzekutimin zyrtar të Smajl Hajdaraj. E potencojmë -vrasje zyrtare-, sepse kur vajza e Smajlit dëgjoi krismën e armës, doli nga banesa, në korridor e pa babain e përgjakur, e lëmërisur bërtiti. Polici, qe ruante vrasësin, i tha vajzës: “Hajt, çka po bërtet, nuk u ba nami pse u vra baba!!!”

-I paguari nga komandantët kriminelë, për ta vrarë Presidentin Rugova, tani i burgosur, Agim Hoti, ka deklaruar se po të mos ishte makina e blinduar, nga tritoli që kisha vënë në kontenën e mbeturinave, të aktivizuar me telekomandë, makina e zakonshme do të bëhej copë-copë.

-E vërteta është se agjenti i Serbisë, i njohur me pseudonimin “Sijalica”, është ndër të akuzuarit e parë, së bashku me vëllain e tij Qerimin, për vrasjen e Smajl Hajdarajt. Kjo është edhe arsyeja, që ai e përsëritë vazhdimisht gënjeshtrën e tij, për t`i dizinformuar shqiptarët.

-Agjenti i SHIK-ut, Bashkim Mehmeti, akuzon, me emër e mbiemër, Ibrahim Kelmendin me vëllain e tij Qerimin, për vrasjen e Smajl Hajdarajt dhe disa vrasje tjera në Dukagjin.

-Një arsye tjetër, pse I. Kelmendi i përsëritë gënjeshtrat e tij, me qëllim dizinformimi, është mosreagimi i njerëzve karshi këtyre shpifjeve, duke e llogaritur si shpifës e rrenacak i përhershëm dhe i neveritshëm. Realisht, atij duhet treguar vendin, duhet zhveshur nga petku i demagogut dhe intrigantit, duke ia thënë troç se vepron për hesap të Serbisë.

-Kritika që Ibrahim Kelmendi i bënë LDK-së “pse ajo nuk akuzon Serbinë për vrasjen e veprimtarëve të saj, por “krahun e luftës”, është kamuflim i tij i zakonshëm. LDK-ja gjithonë ka thënë se vrasjet politike i kanë bërë shqipfolësit e LPK-së, tash të inkuadruar në partitë e ekstremit të majtë, kryesisht, në PAN-in e tanishëm, që bënë punën e Serbisë.
-Nuk janë “krahu i luftës” ekstremi i majtë i LPK-së, sot i përfaqësuar nga koalicioni PAN, sepse “UÇK-ja e LPK-së”, nuk arriti të hyjë në luftë dhe këtë e ka pranuar edhe Ibrahim Kelmendi, me disa shokë të tij. Bile për degradimin dhe tradhtinë ndaj “UÇK-së të LPK-së”, ai i akuzon Hashim Thaçin, Xhavit Halitin, Azem Sylën dhe Kadri Veselin me kompani. Por luftën kundër Serbisë, LPK-ja e kompensoi duke vrarë shqiptarët, duke i qitë në pritë të armikut si Zahir Pajazitin me shokë, i cili nuk pranoi t`i njoh për shefa komandantët e “Hotel Rognerit”, e vunë në pritë Fehmi Lladrovcin, Mujë Krasniqin me 42 ushtarë, Ilir Konushvcin dhe të tjerët.

-Ndërkohë askush nuk mund ta mohojë se Kosova sot krenohet vetëm me betejat e UÇK-së të FARK-ut, sepse vetëm ushtarët e drejtuar nga komandantët FARK-ut, arritën ta bëjnë luftën me formacione të organizuara ushtarake, duke i fituar edhe betejat. Rrjedhimisht, LDK-ja është krahu i paqes me rezistencë aktive dhe krahu i luftës të mirëfilltë në Kosovë. Përkundrazi, LPK-ja, alias koalicioni PAN, nuk është as “krahu i luftës” as i paqes, por faktikisht është krahu i sabotimit të luftës, i dështimit të luftës, krahu i vëllavrasjes shqiptare, me qëllim të marrjes pushtetit me dhunë.

-Po përsëritet miqësia e vjetër, boshti Tiranë-Beograd-Prishtinë, duke shtuar edhe Shkupin. Agjentët e djeshëm aktiv të Serbisë, sot këshillojnë kryeminstra, presidentë dhe zyrtarë të lartë. Edvin Rama dhe Hashim Thaçi këshillohen nga Baton Haxhiu, njeriu i besur nga zyrtarët e lart të Serbisë!

-Ali Ahmeti, kryetar i partisë në pushtet në Maqedoni, fort i përfolur për një lidhje të vjetër me Serbinë, këshillohet nga agjenti i vjetër i Serbisë, Ibrahim Kelmendi. Një oficër i Sigurimit të Serbisë, shqiptar i Kosovës, mbas çlirimit, ka denoncuar Ibrahim Kelmendin, si i dërguar në Mërgatën shqiptare, për spiunim dhe përçarje. Për këtë deklarim, oficeri në fjalë ka kërkuar ballafaqim publik me Ibrahim Kelmendin. Por ky i fundit ka heshtur. Të paktën, përçarjen ndërshqiptare e ka dëshmuar bindshëm për tri dekada radhazi.

-Ibrahim Kelmendi, i cili pretendon se është i përndjekur nga Serbia, ka kërkuar azil në Gjermani, tani kthehet këshilltar në Maqedoni, duke qenë i dyshuar për vrasje në Gjermani, ngjallë dyshime të mëdha.

Beogradi me argatët e tij të djeshëm dhe të sotëm, po dirigjon politikën në Tiranë dhe Prishtinë. Kjo është fatale për të sotmen dhe të ardhmen e Kosovës.

Kuvendi i Kosovës po mban një seancë të jashtëzakonshme, me kërkesë të 42 deputetëve, lidhur me, siç u tha, dështimet dhe skandalet në politikën e jashtme të Republikës së Kosovës.

Përfaqësuesit e partive opozitare kritikuan ashpër qeverinë dhe presidencën për, siç thanë, dështime të mëdha në politikë të jashtme dhe diplomaci.

Deputetja Vjosa Osmani, nga Lidhja Demokratike e Kosovës, tha se sistemi diplomatik i Kosovës është skajshmërisht i politizuar.

Ajo propozoi që në fund të seancës të miratohet një rezolutë me një pikë të vetme: dorëheqjen e qeverisë.

Deputeti Albin Kurti, kryetar i Lëvizjes Vetëvendosje, tha se përfaqësuesit e politikës së jashtme nuk kanë kredibilitet jashtë Kosovës.

“Sa më shumë që lobojnë këta, aq më keq bëhet. Qysh moti na kanë premtuar njohje nga Serbia dhe anëtarësim (v.j. në organizata ndërkombëtare) dhe askund s’jemi”, tha Kurti.

Seanca mbahet dy ditë pasi Kosova dështoi të anëtarësohet në organizatën ndërkombëtare të policisë, Interpol.

Përfaqësuesit e Kosovës fajësuan, siç thanë, fushatën e egër të Serbisë kundër Kosovës.

Qeveria e Kosovës vendosi të mërkurën që të rrisë në 100 për qind taksën për mallrat e importuara nga Serbia, vetëm dy javë pasi kishte nxitur reagime të ashpra të Beogradit por edhe të Bashkimit Evropian me një takse prej 10 për qind për mallrat nga Serbia dhe Bosnja e Hercegovina.

Vendimi u mor një ditë pasi Kosova nuk arriti të sigurojë votat e mjaftueshme për t’u bërë anëtare e agjencisë ndërkombëtare të policisë, Interpol dhe për këtë fajësoi siç u tha “politikën agresive të Serbisë”.

Zëvendëskryeministri i Kosovës, Enver Hoxhaj, shkroi në rrjetin social twitter se vendimi synon mbrojtjen e interesave jetike të shtetit të Kosovës .

“Serbia po vazhdon fushatën e saj agresive kundër Kosovës në fushën ndërkombëtare. Ajo po ashtu është duke penguar procesin e normalizimit. Për të mbrojtur interesin tonë jetik, qeveria e Kosovës ka vendosur të rrisë taksën doganore 100 për qind. Masat e mëtejme do të shpallen së shpejti”, shkroi ai.