Fondi për Fëmije i Kombeve të Bashkuara vlerëson se rreth 38.000 fëmijë me aftësi të kufizuara në Kosovë, nuk do të vijojnë mësimin më 1 shtator.

Nga gjithsej, 43.000 fëmijë me aftësi të kufizuara, sa vlerësohet të jenë në Kosovë, vetëm 5.300 prej tyre vijojnë mësimet në shkollat e rregullta, thotë organizata.

“Meqenëse arsimi ndërlidhet ngushtë me vende më të mira pune, jetë të shëndetshme, siguri sociale dhe ekonomike dhe mundësi për pjesëmarrje të plotë në shoqëri, ne e dimë që fëmijët me aftësi të kufizuara, të cilëve iu mohohet e drejta për arsim, kanë gjasa të përjashtohen edhe nga shoqëria”, thuhet në një komunikatë të UNICEF-it.

Organizata thotë se “pavarësisht ndërtimit të vazhdueshëm të objekteve shkollore që janë të përshtatshme për personat me aftësi të kufizuara, një grup i konsiderueshëm i objekteve të vjetra pa tualete të duhura, me laboratorë në katin e dytë dhe pa pjerrina, mbeten pengesë për realizimin e të drejtës për arsim të fëmijëve me aftësi të kufizuara”.

Shefi i Zyrës së UNICEF në Prishtinë, Murat Sahin, i ftoi institucionet e Kosovës që të ndajnë burime të mjaftueshme për punësimin dhe trajnimin e më shumë mësimdhënësve dhe asistentëve, duke ofruar mbështetje shtesë për pajisje dhe hapësira të specializuara dhe përfundimisht duke lehtësuar hyrjen e personave me aftësi të kufizuara në tregun e punës.

UNICEF-i ka zhvilluar një anketim me më shumë se 5.000 të rinjë nga e gjithë Kosova mbi perceptimin e tyre për bërjen e arsimit të qasshëm dhe gjithëpërfshirës për fëmijët.

“59 përqind e të rinjve u përgjigjen se: shoqëria në Kosovë përgjithësisht nuk është gjithëpërfshirëse. Po ashtu, 39 përqind e të rinjve identifikuan mentalitetin përjashtues të shoqërisë si barriera më e madhe për gjithëpërfshirjen”, thuhet në komunikatën e UNICEF-it.

“Të gjithë hajdutët e rëndomtë vjedhin dhe ndalen derisa t’i harxhojnë paratë e vjedhura, por këta politikanët e Kosovës nuk u ndalen asnjëherë në vjedhjen e shtetit”, kështu e tha një mik i imi, pas një debati të hapur për situatën politike në vendin tonë.

Shteti i Kosovës tatpjetën e madhe e filloi ditën e rikonfirmimit të pavarësisë me 17 shkurt 2008. Shpallja “multietnik” e shtetit më etnik në kontinent dhe mveshja e simbolit (flamurit) antikombëtar dhe hymnit pa tekst e pa ndjenja kombëtare, ishte paralajmërimi më i keq i zhbërjes së shtetit. Nga ky moment fillon thyerja shpirtërore e atdhetarëve dhe idealistëve që kishin projektuar ndryshe themelet e shtetit të Kosovës.
Zhbërjen e shtetit të Kosovës e filluan këta liderë partiakë dhe kjo klasë kusarësh të pangopshën politik, që rropën e ç’ropën gjithçka nga pasuria shtetërore dhe publike.
Nga paslufta e deri më sot, kjo klasë e çoroditur politike në vazhdimësi dëmtuan shtetin duke ua thyer shpresat dhe bërë jetën ferr qytetarëve në shtetin e lirë e të pavarur, të larë në gjak në luftën e fundit çlirimtare.
Dy gjëra nuk shkojnë bashkë; edhe milionerë edhe patriotë, edhe çlirimtarë edhe hajdutë!
Politikanët e pasluftës duke vrapuar pas grabitjes së posteve pushtetore, pas pas interesit personal të përfitimit material dhe pasurimit enorm nga plaçkitja e shtetit dhe qytetarëve (mërgimtarëve), e sollën shtetin buzë greminës, ndërsa popullit i shkaktuan varfëri, mjerim dhe përçarje deri në përmasat e shkatërrimit të çdo vlere kombëtare dhe njerëzore.
Pushtetarët e inkriminuar të zhytur në luksin e pushtetit, pa asnjë të arritur në zhvillimin ekonomik të vendit, po mendojnë që ta mbajnë përjetësisht pushtetin, thuajse Kosova është pronë private e tyre.

Ndarja fatale në “krah të luftës” dhe “krah të paqes”

Ndarja e spektrit politik kosovar në krah të luftës dhe në krah të paqes, përkatësisht në çlirimtarë dhe pacifist, e ka shkaktuar përçarjen më fatale dhe të tmerrshme të popullatës.
Analizuar me qetësi periudhën e paraluftës, të luftës dhe pasluftës, është politika paqësore ajo që ndërtoi themelet e shtetit, është krahu paqësorë që bëri luftën çlirimtare, ndërsa i ashtuquajturi “krahë” i luftës i mori meritat e paqëna të luftës çlirimtare.
“Krah i luftës” dhe veteranë u bënë ata që nuk luftuan fare dhe ata që ishin në anën e kundërt, ndërsa ata që bënë më së shumti për vendin injorohen dhe përbuzen nga njerëzit e pushtetit.
Një grup njerëzish të papërgjegjshëm, duke u thirrur në emrin e luftës çlirimtare, abuzuan me fondet e luftës (me “3 përqindëshin” dhe “Vendlindja Thërret”), kapën pushtetin duke u thirrur në gjakun e dëshmorëve dhe sakrificat sublime të familjeve shqiptare, dhe përseri tani duan ta mbajnë në pafundësi pushtetin në emër të vlerave të luftës, në emër të vlerave sublime të kombit tonë.
Sikurse i ashtuquajturi “krahu paqes” i ditëve të sotme, i ish komunistëve të konvertuar në demokrat, që po mundohen të përvetësojnë vlerat e një lëvizje paqësore të viteve të ’90-ta, ashtu edhe i ashtuquajturi “krahu i luftës”, nga “komandant” largë vijave të frontit po mundohen të përvetësojnë meritat e luftëtarëve të vërtetë që u sakrifikuan për lirinë e vendit tonë.

Demoluesit e vlerave njerëzore dhe kombëtare

Të dy krahët e sipërpërmendur, i “luftës dhe paqës”, siq ishin bashk në vjeljen e fondeve të luftës, përseri pasluftës u bën bashk në qeverisje për vjedhjen e shtetit.
Në fakt, janë këta dy krahë që nuk mud të ndahen dot nga njëri tjetri. Edhe kur i ndan pushteti, i bashkon interesi personal në zhvatjen e milionave të shtetit në borde dhe agjenci, në tendere dhe komisione parlamentare.
Për të dëshmuar këtë që ceka më sipër, lexuesve po ua ilustroj një shëmbull praktik. Ish kryetari i Fondit të 3 përqindëshit për Itali, z. Arsim Berisha, gjatë qeverisjes Thaçi-Mustafa kishte ushtruar dy funksione njëkohësisht; këshilltarë i kryeministrit Isa Mustafa dhe kryesues i bordit të Autoritetit Rregullativ të Hekurudhave të Kosovës.
Mirëpo, edhe pas rënjes së ‘Qeverisë Mustafa’, i njëjti (Arsim Berisha), edhe pse jo ekspert në fushën e hekurudhave, mbeti deri në ditët e sotme kryesues i bordit të Autoritetit Rregullativ të Hekurudhave të Kosovës, mekanizëm ky i panevojshëm dhe aspak profesional, i shpikur për militantët dhe urithët e nëntokave partiake, jo për të kontribuar në sektorin e hekurudhave, por për të zhvatur milionat e “investimeve” në hekurudhat e vdekura të Kosovës.
Ky ishte vetëm një segment i shkurtër i kapjes së shtetit dhe një nga qindra raste të bashkëjetesës së drejtuesve të fondeve të luftës në borde dhe agjensi zhvatëse të buxhetit të shtetit.
Janë këta dy krahë të zi që zbrazën xhepat dhe abuzuan me djersën e mërgimtarëve, që shkelën mbi gjakun e dëshmorëve dhe tani po e zhbëjnë shtetin në themel për interesat e tyre personale dhe klaneve të tyre mafioze.
Përderisa dallimi mes “krahut të luftës” dhe “krahut të paqes” është shumë i vogël, dallimi me qytetarëve dhe pushtetarëve është i madh.
Përderisa qytetarët dhe mërgimtarët e ndershëm dhanë gjithçka patën për lirinë e vendit, kusarët politik morën gjithçka, pa dhënë asgjë nga vetja e tyre për shtetin e Kosovës.
Si pasojë e ndarjeve të thella mes politikanëve dhe qytetarëve, përkatësisht largimit të politikanëve nga interesat e qytetarëve, në Kosovën e pasluftës janë krijuar dy shtresa të skajshme të shoqërisë; shtresa supër e pasur e familjeve të pushtetarëve dhe shtresa supër e varfër e qytetarëve të rëndomtë që nuk janë pjesë e këtyre dy krahëve dhe oligarkisë kriminale.
Pra Kosova, është shteti që po zhbëhet nga politikanët dhe po zbrazet nga qytetarët e saj, thuajse ta ketë mallkuar Zoti!
Jo, kjo situatë dëshpruese në shtetin e lirë 20 vjet pas çlirimit, nuk është vepër e Zotit, por është vepër e maskarenjëve të veshur me petkun e pushtetit, e kriminelëve dhe hajdutëve që Kosovën e kanë kthyer në plaçkë lufte, derisa ta zhbëjnë në themel shtetësinë e saj.
Qytetarët që po largohen nga shteti i Kosovës, janë shpirtëra të thyer me shpresa të humbura, janë atdhetarë që iu rezistuan të gjitha situatave dhe stuhive të kohës gjatë pushtimit serbosllav, por që nuk po mund i përballojnë shkatërrimit të vendit nga klasa e kusarëve politik shqipfolës, të shndërruar në varrëmihës të ardhmerisë dhe demolues të vlerave njerëzore dhe kombëtare.

Politikania serbe nga Graçanica, Rada Trajkoviq ka thënë se Presidenti Hashim Thaçi është marrë në pyetje nga Prokuroria e Gjykatës Speciale për disa orë në zyrën e tij, në Prishtinë, kurse Kadri Veseli në Slloveni.

“E di sigurt që Kadri Veseli ka qenë i ftuar. Unë nga burime ndërkombëtare e kam informacionin që ai ka dhënë dëshminë e tij në Slloveni, por këtë duan ta fshehin nga publiku. Me Thaçin, teksa zhvilloheshin hetime, intervista me të ka zgjatur disa orë në zyrën e tij në Prishtinë. Më është thënë që Thaçi ka dalë i mllefosur nga mënyra se si i janë prezantuar argumentet e prokurorisë gjatë hetimit. Edhe për të thuhet se ka ftesë dhe se ka dhënë deklaratë, por kjo po fshihet”, ka thënë Trajkoviqi në një intervistë për N1.

Dje edhe deputeti i LVV-së, Xhelal Sveçla, tha se Kadri Veseli dhe Hashim Thaçi janë marrë në pyetje nga prokuroria e Gjykatës Speciale.

Ai tha se Veseli është intervistuar në Frankfurt ndërsa për Thaçin tha se nuk e di lokacionin, por se “është intervistuar dy herë”.

“E ka ditur se s’është qeveri me jetë të gjatë dhe ka dashur të faktorizojë vetveten, e ka dashur të qeverisë si kryeministër në detyrë. S’ka dallim nga kryeministri dhe ai në detyrë. Ka mundur të shkonte sikur siç po flitet, e duket se është e vërtetë, edhe Kadri Veseli është intervistuar në rolin e kryeparlamentarit. Tashmë edhe Thaçi është intervistuar. Veseli në Frankfurt, e Thaçi dy herë në raste të ndryshme. Vendndodhjen nuk e di. Është intervistuar dy herë. E vazhdojnë të jenë në këto pozita”, ka deklaruar ai në KTV.

Ambasadori i SHBA-së në Kosovë, Philip Kosnett ka kërkuar drejtësi për 14 serbët e vrarë pas luftës në Grackë të Vjetër të Komunës së Lipjanit, raporton Gazeta Express.

Përmes një shkrimi në rrjetin social Twitter, Kosnett ka thënë se në përvjetorin e 20-të të vrasjes së 14 fermerëve serbë të Kosovës, në fshatin Grackë të Lipjanit, viktimat e të gjitha etnive dhe familjet e tyre meritojnë derjtësi.

Today marks 20 years since the killing of 14 Kosovo-Serb farm workers in Staro Gracko/ Graçka e Vjetër village. Victims of all ethnicities, and their grieving families, deserve justice.
— Ambassador Philip S. Kosnett (@USAmbKosovo) July 23, 2019

Në një fshat 20 kilometra larg Prishtinës, në qershor të vitit 1999, ishin vrarë 14 serbë të Kosovës që kishin dalë në fushë për të korrur grurin, vetëm disa javë pas përfundimit zyrtarë të luftës në Kosovës, e pasi që vendi hyri në kontrollin e Kombeve të Bashkuara dhe të NATO-s.

Policia nga misioni i OKB-së në Kosovë, UNMIK, arrestoi një shqiptar të quajtur Mazllum Bytyqi nga fshati Hallaq i Madh në vitin 2007. Ai u lirua dy muaj më vonë për shkak të mungesës së provave.

Në vitin 2010, prokurorët e OKB-së ia dorëzuan dosjen e çështjes EULEX-it. Në vitin 2017, çështja u mbyll.

Mosmbledhja e Kuvendit të Kosovës pas dorëheqjes së kryeministrit Haradinaj, paraqet shqetësim dhe ngre dilema për abuzime të reja kushtetuese.

Ish kryeministri Haradinaj pas dorëheqjes së parevokueshme, menjëherë duhet të zavendësohet me njërin nga 5 zv. kryeministrat deri pas zgjedhjeve të jashtëzakonshme, gjegjësisht deri në zgjedhjen e kryeministrit të ri nga legjislatura e ardhshme e Kuvendit.
Çdo tendencë e Haradinajt për të manipuluar me postin e kryeministrit është antikushtetuese dhe antiligjore, për shkak se aktiviteti i tij politik si kryeministër i vendit ka pushuar në momentin e paraqitjes së dorëheqjes së parevokueshme me 19 korrik 2019 në kabinetin qeveritar dhe pak çaste më pas edhe para mediave.
Pas dorëheqjes së Haradinajt, të nesërmen është dashur të mblidhet Kuvendi në një seancë të jashtëzakonshme për emërimin e një ushtruesi të detyrës së kryeministrit, qoftë njërin nga 5 zv. kryeministrat apo një kandidat tjetër deri pas konstituimit të legjislatures së re të kuvendit.

Nuk është e largët dita kur Haradinaj e kumtoi lajmin se ka dhënë dorëheqje, me ç’rast e kishte thënë këtë fjali:

“Nderi i Kryeministrit dhe Shtetit duhet të ruhet dhe unë nuk e poshtëroj asnjëherë. Në Hagë si Ramush Haradinaj do t’i dal përball shpifësve, ashtu si e kërkon nderi i luftëtarit shqiptar”, tha ai.

Mirëpo deklarimet e Haradinajt tre ditë më pas, bien në kundërshtim të plotë me aktin e dorëheqjes së tij:

“Konfirmoj se deri në zgjedhjen e Qeverisë së re, do të kryej detyrën time Kushtetuese si Kryeministër dhe Qeveri në dorëheqje”, shkruan Haradinaj.

Me këtë shihet qartë se Ramush Haradinaj nuk ka qenë i sinqertë para qytetarëve kur tha se po jep dorëheqje të parevokueshme sepse nuk dëshiron të shkojë në Hagë si kryeministër, për intervistim nga Gjykata Speciale.

Pra, në fakt Haradinaj do të shkojë në Hagë si kryeministër në dorëheqje e jo si individ siq kishte paralajmëruar.

Kjo lojë e pasinqertë dhe dualizmi i vperimeve të Haradinajt, e bën akoma më të paqartë situatën politike në vend.

E din apo nuk din Haradinaj çka paraqt dorëhqja e parevokueshme?
E din apo nuk e din këshilltarët e tij çfarë duhet të ndodhë pas dorëheqjes së parevokueshme?
E din apo nuk e din fare partnerët e koalicionit PAN për obligimet që dalin nga dorëheqja e parevokueshme e kreyministrit.
I din apo nuk i din opozita, hapat që duhet të ndërmarrin pas dorëheqjes së parevokueshme të kryeministrit të vendit, apo janë fokusuar vetëm në caktimin e datës së zgjedhjeve!

Haradinaj nuk i kishte paraqit dorëheqje asnjë institucioni shtetërorë me 19 korrik 2019, por ishte tërhequr përmes aktit të dorëheqjes së parevokueshme, që nënkupton aktin e kryer e të pakthyeshëm të largimit nga posti shtetëror.

E drejtë apo e padrejtë, e parakohshme apo e vonuar, e dobishme apo e dëmshme për vendin, dorëheqja e Haradinajt duhet trajtuar ashtu siq është, e pakthyeshme.
Bazuar në përvojën e deritanishme të krijimit të qeverive, nëse zgjedhjet mbahen në fillim të shtatorit, formimi i instititucioneve të reja mund të zgjasë deri në fund të vitit shkaku i pazareve politike.
Prandaj për rastin e dorëhqjes së Haradinajt duhet të ndërhyjë Gjykata Kushtetuese për të sqaruar ligjshmërinë dhe kompetencat e “Qeverisë në dorëheqje” siq po e quan Haradinaj qeverinë më të madhe të pas Pavarësisë së Kosovës me 21 ministri dhe mbi 80 zëvendësministra, me qindra këshilltarë dhe mijëra të punësuar në objektin e qeverisë së Kosovës.
Gjykata Kushtetuese duhet ta përcaktojë qartë situatën, nëse duhet apo jo të vazhdojë punën një qeveri kaq megalomane në dorëhqje edhe për 4-5 muajt e ardhshëm apo të caktohet një qeveri teknike me 7-8 ministri kyqe deri në zgjedhjen e institucioneve të reja të shtetit.
Edhe pse Kushtetuta, përkatësisht Neni 95 [Zgjedhja e Qeverisë]5 e përcakton qartë se “Nëse Kryeministri jep dorëheqjen ose për arsye të tjera, posti i tij/saj mbetet i lirë, Qeveria bie, dhe Presidenti i Republikës së Kosovës, në konsultim me partitë politike ose koalicionin që ka fituar shumicën në Kuvend, mandaton kandidatin e ri, për të formuar Qeverinë”, ende nuk ka ndodhë asnjë veprim i presidentit të vendit.
Megjithatë, bazuar në vullnetin e partive politike, vendi do të shkojë në zgjedhje të jashtëzakonshme.
Prandaj Gjykata Kushtetuese duhet të përcaktojë qartë situatën, se a duhet të shkojë vendi në zgjedhje apo t’ua lë të lira duart matrapzëve politkë për manipulim me qytetarët në kundërshtim me kushtetutën dhe ligjet në fuqi.

Pas dorëheqjes nga posti i kryeministrit të Kosovës, Ramush Haradinaj thotë se ka marrë letra edhe nga kryeministra të rajoni.

“Unë kam marrë shumë letra personale prej kryeministrave të rajonit, nuk kam marrë një prej Edi Ramës. Kam marrë prej kryeministrave të tjerë të rajonit shkresa mbështetje, simpatie. Edhe nga personalitete si Presidenti Berisha, po se po, por edhe Presidenti Moisiu, Presidenti Meta ishte vetë këtu. Kam marrë prej Shqipërisë plot porosi përkrahëse, kam dëgjuar zotin Majko, kryetarin Basha… Vetëdija kombëtare e ka bërë të vetën atje. Ata i përcjellin këto tema” tha Haradinaj për T7 në Kosovë.

Ai tha se taksa dhe çështja e kufijve janë ato që e ndajnë me Edi Ramën. I pyetur nëse ndihet përgjegjës për prishjen e marrëdhënieve me kryeministrin e Shqipërisë ai tha se asgjë nuk ishte personale.

“Jam i detyruar të mbroj tërësinë territoriale të Kosovës. Nuk e kam këtë prej qejfit apo prej arrogancës. Unë jam i detyruar me mbrojt Kosovën si agjendë. Unë taksën nuk e kam tregti me Serbinë. Unë taksën e kam me shpëtu (Kosovën) prej ndarjes ose prej “Dodik Republikës”. Unë nuk i kam mbajt këto qëndrime për inat të Edit, Hashimit apo Kadrisë.

Unë besoj që nëse e heq taksën, e ke çel derën për njërin prej dy çmimeve, ndarje ose “Dodik Republikë”. Unë besoj që nëse e mbajmë taksën, ato të dyja nuk janë më temë dhe hapim derën për njohjen. Kaq e thjeshtë është. Kujt nuk i kam borxh në këtë rast që i shërbej këtij besimi” – tha Haradinaj.

Ambasadori Kosnett flet gjatë ceremonisë së vënies së gurthemelit për bustin e senatorit Dole.

Në shenjë respekti për kontributin e dhënë për lirinë dhe pavarësinë e Kosovës, në shënimin e ditëlindjes së senatorit amerikan, Bob Dole, në Prishtinë është vënë gurthemeli për ndërtimin e bustit të tij. Në këtë shënim, kanë marrë pjesë ambasadori amerikan në Prishtinë, Philip Kosnett, kryeministri në dorëheqje, Ramush Haradinaj dhe drejtori ekzekutiv i Odës Amerikane, Arian Zeka.

Për këtë nismë, institucionet e Kosovës kanë marrë edhe pëlqimin e senatorit Dole, u tha gjatë fjalimeve.

“Ishte viti 1990, kur u realizua vizita e parë e delegacionit të senatorëve të lartë amerikanë në Kosovë, e cila ishte një kthesë për ne”, tha Haradinaj, duke rikujtuar edhe takimin e senatorit Dole me liderin e atëhershëm politik të shqiptarëve të Kosovës, Ibrahim Rugova.

Kurse ambasadori i Shteteve të Bashkuara në Kosovë, Philip Kosnett tha se ai dhe senatori Dole ndihen shumë të nderuar me iniciativën për ndërtimin e bustit për senatorin amerikan.

“Të gjithëve do të na bënte mirë të ndiqnim filozofinë e Bob Dole. Në politikë ka kundërshtarë- jo armiq”, tha ambasadori amerikan.

Ndërtimi i bustit të senatorit Bob Dole do të bëhet nga artisti i njohur Luan Mulliqi.

Projekti do të financohet nga Oda Amerikane në Prishtinë.

Ish-presidenti Bill Clinton, ish-sekretarja e shtetit, Madeline Albright dhe tani Bob Dole, janë personalitetet të cilave u janë bërë apo bëhen shtatore, siç është rasti me Bob Dole, në kryeqytetin e Kosovës, në Prishtinë.

Kryeministri i në dorëheqje i Kosovës, Ramush Haradinaj përmes një letre i ka njoftuar krerët e institucioneve dhe liderët e partive politike të përfaqësuara në Kuvend, për vendimin e tij për dorëheqje të parevokueshme nga funksioni i Kryeministrit të Republikës së Kosovës.

“Në përputhje me Kushtetutën e Republikës së Kosovës dhe ligjet e aplikueshme, kam ftuar që të ndërmerren hapat e nevojshëm për shpalljen e zgjedhjeve të përgjithshme nacionale, në mënyrë që e drejta për të zgjedhur t’i kthehet sovranit. Deri në zgjedhjen e Qeverisë së re, do të vazhdoj kryerjen e detyrave kushtetuese si Kryeminister dhe Qeveri në dorëheqje”, ka shkruar Haradinaj në facebook.

Zyra për media e Kuvendit ka konfirmuar tashmë se Haradinaj e ka dorëzuar letrën e dorëheqjes.

“Letra e dorëheqjes u është proceduar menjëherë anëtarëve të Kryesisë së Kuvendit dhe kryetarëve të grupeve parlamentare”, theksohet në njoftim.

Kryeministri i Kosovës, Ramush Haradinaj, ka dhënë dorëheqje të premten nga pozita që ka pasi ka marrë ftesë për intervistim nga Gjykata Speciale në Hagë, në cilësinë e të dyshuarit.

Për të arritur zenitin e suksesit në çdo veprimtari sportive pos talentit të falur nga Zoti , nevoitet vullnet I qelikt dhe punë e madhe .Kjo vlenë edhe për sportin e shkathtësisë bujare –boksin.
Për tu bërë kampinon nuk janë bërë vetëm në palestrat sportive , kampionet janë bërë nga diqka që ata e kanë thëllë në mbrendin e shpirtit të tyre .Kanë një deshirë , një enderrë, një vullnet që duhet të jetë më I fortë së aftësia.
Plejadës së boksierëve të njohur më prejadhje shqiptare në boksin botëror profesionist , nga Strellci I Deqanit, janë duke iu bashkëngjitur edhe vellezërit James Kraft dhe Toni Kraft , të cilët për një ditë u bënë kampion bote për junior.Kjo ishte diqka spektakolare, mahnitëse që I bëri shumë të lumtur këta dy boksier të talentuar, e të cilët jetojnë dhe veprojnë në Gjermani.Kan lindur në Altotting . Jemes në bisedë më të është I qetë, por shihet së është shumë energjik dhe I shkathët në boks. Ai më rrefeu këtyre ditëve kur është në Kosovë, së si e kan filluar rrugëtimin më villain, Tonin në boksin amatore e profesionist.Vëllezërit Kraft-Avdimetaj mbemrin nga origjina, karrirën e tyre e kan filluar qysh në moshë shumë të re, duke arritur deri më tani suksese të mëdha , por nuk janë shumë të njohur deri më tash në Kosovë.James thotë së si amator I ka zhvilluar 87 meqe , prej tyre I ka 78 fitore .Në moshën 17 vjeqare vazhdon rrefimin Jamës, kam kaluar në boksin profesionist në kategorinë gjysëm të rëndë.Deri më tash thotë ai në vazhdim të bisedës nga 17 meqe te zhvilluara , kam 16 fitore dhe një barazim.10 ndeshje I kam fituar më KO për junior.Jamës dy herë ka arritur që të bëhët kampion bote për junior në verzionin WBC dhe IBEO.Titullin në verzionin ËBC e ka mbrojtur dy herë .Ishte shumë interesant për neve thotë Jamës, kur të njejtën ditë më 16-1.2016 në Mynhen u kurorizuam më vëllaun, Tonin më titujtë e kampionit të botës .Unë thotë Jamës mposhta boksierin shumë të fortë hungarez ,Pita Orleg duke e nokatuar në raundin e tretë. Nder emrat të njohur ndaj të cilt kam shënuar fitore është edhe gjermani , Aron Shvarc. Akutalisht Jamës mbanë dy tituj për junior deri në moshën 24 vjeqare. Sigurisht së në sukseset e deritashme tona meritor është menagjeri ,Flavio , kurse ne Kosovë menaxheri , Edonis Shabanaj.Synimi I këtij boksieri 22 vjeqar është të kurorizohet më titullin e kampionit të botës , por tash për senior , për tia rrembyer titullin suedezit, Sven Forni , I cili mban titullin në verzionin IBE-o .Duke më rrefyer për sukseset edhe të vëllait Tonit, Jamës thotë së vëllai I tij bokson deri në kategorinë 76 kg, Toni është kampion bottenë verzionin WBC -junior, kurse aktualisht eshte kampion ne verzioni IBF dhe IBO-Kontinental per senior ne Evrope .Mbanë gjithashtu titullin e të parit në Gjermani.
.
Në mbrëmjën kur jemi bërë bashkë kampion në Mynih në vitin 2016, Toni e ka mposhtur hungarezin e forte, Ferenc Albert duke u bërë kampion bote në verzionin WBC. Toni Kraft gjatë karrierës si amator ka shënuar 115 meqe , ku 109 prej tyre I ka fituar më nokaut, dy barazime e dy humbje.Ne karreiren si profesionit ka deri më tash 17 ndeshje, 16 fitore e një barazim.Toni si synim të radhës ka edhe tri takime paraprake për të ardhur deri takimi më anglezin ,Krys Jubenle , I cili mban titullin e botërorit në në verzionin IBO, të boksit profesionist. Ne. I uruam atë ditë pas bisedës tanë këta boksierë të talentuar në sukseset e deritshme pa dyshim të mëdha ,në boksin profesionist ,për të cilët nuk është shkruar dhe dëgjuar aq shumë në Kosovë, siq shprehet edhe Jamës, së Toni nuk ishte atë ditë prezent.Pa dyshim sportistët tanë në botë janë bërë krenaria e shqiptarëve.Janë bërë ambasadorët më të mirë të kombit, të cilët po na mbajnë në pedestal. Sigurisht së për Tonin dhe Jamës do ndëgjohet dhe shkruhet edhe më shumë ,siq I përfundojmë si zakonisht shkrimet e tilla…

Ish-Deputetja e Kuvendit të Kosovës nga komuniteti serb, Rada Trajkoviq, ka thënë se dorëheqja e Ramush Haradinajt nga posti i kryeministrit të Kosovës do të sjellë pasoja të mëdha për Serbinë. E këtë ajo e arsyeton me faktin se sipas saj kjo do ta shtyjë fillimin e dialogut edhe për 90 ditë, ndoshta edhe më shumë. E sipas saj, zgjedhjet e parakohshme në Kosovë dhe zgjedhjet e rregullta të vitit të ardhshëm në Serbi do të kenë pasoja negative në dialog.

Sipas saj, taksa ndaj mallrave serbe nuk do të hiqet, për shkak se qeveria teknike e cila mund të formohet në Kosovë nuk ka kompetenca për ta bërë këtë. Madje sipas saj, kushdo që vjen në krye të një qeverie teknike nuk mund të ndërmarrë një veprim të tillë, për shkak se rrezikon që ta humbasë popullaritetin para zgjedhjeve.

Trajkoviq, e cila është kryetare e Lëvizjes Evropiane të Serbëve të Kosovës, ka thënë se dorëheqja e Haradinajt ka bërë që institucionet të kenë presion që taksa të mos hiqet.

“Kjo është goditja e tij e fundit dhe më e forta sa i përket refuzimit për heqjen e taksës dhe nuk e shoh se dikush do ta pezullojë atë, se kjo do të thoshte rënie e popullaritetit. Ramushi, me strategji, ngriti pritjet e votuesve dhe në vend se të riformatohet qeveria, do të mbahen zgjedhje të jashtëzakonshme” tha ajo për gazetën serbe, Danas, transmeton Gazeta Express.

Trajkoviq gjithashtu shtoi se “duke qenë se zgjedhjet mbahen gjatë procesit të mbajtjes së negociatave, ka shumë gjasë që ato nuk do të mbahen as deri në fund të vitit”

Ndërsa sa i përket reagimit të presidentit serb, Aleksandër Vuçiq, ajo tha se deklaratat e tij nuk janë të vërteta por ai po tentonte që të ushtronte presion ndaj serbëve.

“Nuk ka presion ndaj të tjerëve, vetëm ndaj serbëve. Kështu flet të paktën publikisht Aleksandër Vuçiq, i cili erdhi në pushtet për shkak se i premtoi bashkësisë ndërkombëtare zgjidhje për çështjen e Kosovës” tha Trajkoviq duke shtuar se “Ai nuk ka guxim ta bëjë këtë”.

Kryeministri në largim Ramush Haradinaj sot pritet të dorëzojë edhe formalisht dorëheqjen tek presidenti i Kosovës, Hashim Thaçi.

Haradinaj njoftoi për dorëheqjen gjatë mbledhjes së qeverisë të premten, ndërsa më pas njoftoi se letrën për heqjen dorë nga posti i të parit të qeverisë do ta dorëzojë të hënën.

Dorëheqja erdhi pas një ftese nga Dhomat e Specializuara të Gjykatës Speciale, në të cilën kreu i AAK-së tha se do të paraqitet si qytetar i thjeshtë e jo si kryeministër sepse do të ishte e rëndë për vendin.

Ndryshe, pas dorëheqjes së Haradinajt pati reagime të shumta, ndërsa partitë politike tashmë kanë sytë nga presidenti për datën e re të zgjedhjeve.

Haradinaj po ashtu në vitin 2004, pati dhënë dorëheqje nga pozita e kryeministrit me të marrë ftesën nga Gjykata e Hagës.

Kreu i shtetit, Ilir Meta është takuar sot në Prishtinë me kryeministrin e Kosovës, Ramush Haradinaj, i cili dy ditë më parë dha dorëheqjen.

Takimin e ka bërë publik vetë Haradinaj përmes një postimi në Facebook, të cilin e shoqëron edhe me foto nga takimi.

“Kënaqësi e veçantë të takoj sonte në Prishtinë Presidentin e Shqipërisë, Ilir Meta, bashkë vajzën Borën. Rast i mirë për të këmbyër mendime rreth aktualitetit politik në Kosovë, Shqipëri dhe rajon. Në proceset që po kalon Kosova, angazhimi i përbashkët përballë sfidave e fuqizon faktorin shqiptar”, – shkruan Haradinaj.

Siç duket edhe nga fotot, takimi është bërë në një nga restorantet e Prishtinës. Vetë Presidenti Meta nuk ka bërë ende një koment për takimin, që vjen dy ditë pas dorëheqjes së Haradinajt nga posti i kryeministrit për shkak të thirrjes për të dëshmuar nga Gjykata Speciale në Hagë.

Meta ishte ndër të parët politikanë që reagoi pas dorëheqjes, duke besuar në pafajësinë e Haradinajt.

“Krenar për Ramush Haradinajn dhe i bindur në pafajësinë e tij! Nuk ka pabesi dhe presion që e thyen Burrin e Shtetit dhe Heroin e Kombit! Nga sot të gjithë duhet të flemë më pak, të shqetësohemi më shumë dhe të bashkohemi më fort që Kosova dhe rajoni ynë të jenë të pacenuar në paqen dhe sigurinë tonë, si dhe në të ardhmen europiane”, ka shkruar Meta.

1. Ramushin  si kryeministër s’duhet vajtuar askush, pērveç miqëve lokal dhe atyre global,të cilët u dakorduan për ta mos kontestuar si kryeministër (me shpresën se ai si demarkacionin, ashtu edhe  ndrrimin e kufijve do ta qonte deri në fund), si edhe deputetëve injoranta e konformista, të cilët me aktin e ngritjes së dy gishtave e votuan (formën më të sofistikuar të presionit mbi vlerat sublime të luftēs) Gjykaten Speciale. Tani, krej vajtimet pasuese viktimizuese, e mazohiste janē vetëm pjesë e një ikonografie e folklorizmi të kulluar kurtuaz qē do përdorën ekskluzivisht dhe me qëllim të konsumit të brendshëm. Sepse, ate, në dorëheqje e detyruan si “miqtë” global ashtu edhe “armiqët” e koalicionit lokal. Në fakt, këtë hap dy palët e ndërmorrën me një marrëveshje të pathënë dhe me “kushtin e premtimin”, se ai në Gjykatë do bëjë vetëm një “shetitje formale” në cilësinë e “dëshmitarit”. Dhe se rikthimi i tij “triumfal”, e me tepih të kuq në politikën kosovare do ndodhë njejtë sikurse ai i vitit 2005! 
2. Por, kjo nuk do ndodhë kështu, edhe nga shkaku se: as rrethanat politike e as konstelacionet gjeostrategjike më s’janë as të njejta e as në favor të gjëja shtetndërtimit të Kosovës; nuk do ndodhē kështu, edhe shkaku, i vetëkënaqësisë së brendshme për gjëja finalizimin e projektit të procesit tē përmbylljes sē ndikimit rus në Ballkan; Dhe se e gjithë kjo “dramë e dorheqjes dhe dëshmitarit” në Gjykatën Speciale, është vetëm një farsë për ta ridimensionuar presionin (lexo; zhbë shtetin e dytë shqiptar në rajon, të cilave ai me vetëdije u rezistoi deri në fund!) për koncesionet e reja, që Kosova duhet (përmes; idesë së trojkes Thaçi&Vuçiw&Rama, për korigjimin e kufijve) të ia bëjë Serbisë…
3. E krejt ky skenar, mund të ndodhē kështu shkaku; se e gjithë elita politike e pasluftës, gjatë gjithē kohës e ka improvizuar si shtendërtimin, ashtu edhe pavarësinë dhe sovranitetin e Kosovës. Natyrisht, krijimin e këtij perceptimi të rrejshëm dhe farse për gjëja; pavarësinē, sovranitetin, demokracinë (për çka nga paslufta e këndej, ua kam hapur sytē gjithë spektrit politik shqiptar),e kanë simuluar edhe miqët tanē lojal e jojal (!). Sepse atëbotë, ishte nevojë dhe interes i tyre gjeostrategjik, për t’a improvizuar si; pavarësinë (e paqenē), ashtu edhe sovranitetin (e cunguar) dhe demokracinë (e simuluar përmes folklorit tē pluralizmit, lirisë së qarkullimit, e sundimit të ligjit) e Kosovës, që tani ka pushuar së egzistuari.
4. Pra, Haga dhe Gjykata Soeciale, janë vetëm maskë provizore, për ta gjetur, jo at “formulën” e heqjes së taksës, por, për të gjetur “lojtar” të rinj për kompromiset tjera të dhimbshme (lexo; copëtimin e ri të Kosovës) që duhet të ndodhin në raport me Serbinë! Natyrisht, “Dorëheqjes”, s’duhet t’i gëzohet as opozita (Ldk-ja e VV), sepse, gama e kompromiseve shkaku i interesave të reja gjeostrategjike të miqve në Ballkan, ende s’ka marr fund. Kompromise dhe fakte këto, që ca politikan naiva dhe të shantazhuar të Kosovē, nuk e kanë kuptuar, sa dhe si duhet. Ata të zhytur në hedonizmin e tenderomanisë, dhe sidomos në “meritat” për krijimin e “klasës së re kapitaliste (lexo; oligarkinē politike) e kanë projektuar vetën si “lojtar”kyq, edhe në procesin e ritreshtimit të rajonit. Duke harruar kështu, që lotarët global, ata i kanë pëdorur sikurse limonin e shtrydhur me afat skadence! Dhe se kohës që po vjen i nevojitet një profili i ri i poltronizmit dhe konformizmit politik, në skenën politike kosovare.
5. Andaj, Ramushin s’duhet vajtuar me “lot krokodili”, e as me emocione politike, e aq më tepër me paradigma sociale, sepse, ai dhe garda e komandantave “misionin dhe obligimin” e tyre historik, e ka pêrmbush me faktin dhe aktin e; demarkacionit (ku 8000ha, iu dhanë Malit të Zi) dhe sidomos me formimin e Gjykatës Speciale. Duke gjykuar kështu, kujtoj se ai me të kuptuar lojën djallēzore të “lojtarëve” global, në historinë politike tē pasluftës kosovare do mbahet në mend si “mohikani” i fundit që i bëri rezistencē stoike tendencës së rikthimit të Serbisë, në Kosovë!

Ramush Haradinaj i ka pasur dhjetëra arsye më shumë për t’u tërhequr më herët nga qeverisja, por jo në këtë kohë kaq të ndjeshme për vendin. Pas vendimit të Gjykatës Kushtetuese të Kosovës, e cila e vlerësoi si antikushtetues vetë-emërimin e presidentit Hashim Thaçi si kryenegociator dhe Ekipin negociator krejtësisht antiligjor në bisedimet e Brukselit, me automatizëm dhe në bazë të Kushtetutës dhe ligjeve në fuqi, përfaqësues i Kosovës në bisedimet e Brukselit do duhej të ishte kryeministri i vendit, në këtë rast, ish kryeministri Haradinaj.
Dorëheqja e Haradinajt, duke e marrë si shkas ftesën nga Gjykata Speciale, nuk e amniston atë nga përgjegjësia politike për mospërfaqësim të Kosovës në dialogun me Serbinë, qoftë në Bruksel, Berlin apo Paris.
Ikja e Ramush Haradinajt para përballjes së mocionit të mosbesimit në kuvend, e bën atë akoma më përgjegjës për dështimet e shumta në qeverisjen e vendit, vargu i të cilave është i gjatë dhe i pafund.
Haradinaj mendoj që e kapi “momentin e duhur”, por gaboi shumë rëndë. Momenti i dorëheqjes si akt moral i Haradinajt do duhej të ndodhte pas mashtrimit të qytetarëve për liberalizim të vizave, ku Kosova, me mashtrimin në këmbim të këtij liberalizimi i i humbi mbi hiq më pak se 8200 hektarë.

Haga nuk e detyroi të dorëhiqet

Dorëheqja nuk është motivuar dhe as shkaktuar nga Haga, por është e motivuar nga thyrjet e mëdha në koalicionin PAN dhe presionit të madh ndërkombëtar për heqje të taksës.
Ramush Haradinaj dha dorëheqje nga pozita e kryeministrit me lotë ndër sy, duke dëshmuar para mediave dhe qytetarëve se “nuk po bie shi, por janë lotët e tij për Kosovën…”.
Porosia e Haradinajt që vendi të shkojë në zgjedhje, e dëshmonë prapavijën politike të dorëheqjes së tij.
Emërimi i komisionit të ri, kinse për rishikim të demarkimit të kufirit me Malin e Zi “pesë minuta” para dorëheqjes së tij, flet qartë për mungesën e sinqeritetit dhe mungesën e pragmatizmit politik të ish kryeministri Haradinaj.
Mosliberalizimi i vizave pas demarkimit të kufirit me Malin e Zi, do duhej të ishte momenti i parë i reflektimit për dorëheqje si akt moral para qytetarëve të vendit dhe si thirrje ndaj BE-së për mbajtje të premtimit të dhënë publikisht nga zyrtarët e saj, e jo tani të përdoret një ftesë e rëndomtë për intervistë nga dhoma e posaqme e Gjykatës Speciale në Hagë.
Ndryshe, “porositë” që la Haradinaj me rastin e dorëheqjes, si; “Kosova duhet të ruhet e pa prekshme, të mos ketë Republikë Serbe, (asociacioni) të mbetet taksa deri në njohjen nga Serbia, rishikimin e demarkimit të kufirit me malin e zi (duke emëruar komisioni e ri për demarkim të kufirit), s’janë gjë tjetër veqse agjendë e slloganeve të fushatës elektorale që do të përdoren nga zyrtarët e AAK-së dhe Haradinaj në veçanti.
Pra, këto porosi të Haradinajt, e dëshmojnë më shumë se asgjë tjetër prapavijën politike të dorëheqjes së tij. Duke e parë me sytë e tij shkarkimin e afërt në Kuvend, Ramush Haradinaj e përdori ftesën e Gjykatës Speciale për përfitime elektorale.
Se vërtetë dorëheqja e Haradinajt nuk është e ndikuar nga Gjykata Speciale, por nga lufta speciale brenda PAN-it kundër tij, e dëshmon edhe letra e dorëheqjes e përgatitur paraprakisht dhe me kujdes (ndoshta e shkruar ditë më parë nga këshilltarët e tij), në të cilën, më shumë bënte thirrje për zgjedhje sesa për ftesën e Gjykatës Speciale.
Pra, ftesa e Gjykatës Speciale u përdor vetëm si pretekst nga Haradinaj për të mbuluar arsyet e vërteta të dorëheqjes, e që janë produkt i thyrjeve të shumta në koalicionin PAN dhe presionit të madh ndërkombëtar për heqje të taksës.
Dorëheqja e (pa) pritur e Haradinajt konsiston edhe me një fakt tjetër të pakontestueshëm. Haradinaj duke e parë si të pashmangshëm shkarkimin në Kuvend, e përdori si alibi ftesën e Gjykatës Speciale për t’i ikur shkarkimit nga ana e deputetëve.
Haradinaj u vetëlargua nga drejtimi i qeverisë me “taksën nën sqetull”, si të vetmin ngushëllim pas dështimeve dhe skandaleve të panumërta, por iku edhe me përvojën e hidhur të qeverisjes me PDK-në, e cila do ta përcjellë edhe për një kohë relativisht të gjatë.
Mbetët të shihet si do ta quaj Haradinaj pas dorëheqjes “shkelqësinë e tij”, Hashim Thaçin, me të cilin dhe p”Kurbani nuk ushqehet natën e Bajramit” Ramush!r të cilin është e lidhur dorëheqja e (pa) pritur e “Rambos” nga posti i kryeministrit.

Besimi i humbur nuk kthehet për një natë

Çirrjet e Ramush Haradinajt se do ta mbrojë me çdo kusht dhe çdo mjet territorin e Kosovës nga demarkimi, përkatësisht korrigjimi i kufirit me Serbinë, janë demagogji politike.
Si t’i besohen këto fjalë njeriut që i fali Malit të Zi 8200 hektarë për dy vite kryeministër! Hipokrizinë e tij Haradinaj e dëshmoj, kur pak çaste para aktit të dorëheqjes e formoi një komision tër ri, “sa për sy e faqe”, siq thotë populli, kinse po bënë diçka pas të vjelave.
Me ardhjen në krye të qeverisë afërsisht dy vite më parë, Haraninaj e kishte rastin historik për ta dëshmuar vetën në qeverisjen e vendit, por nuk e bëri një gjë të tillë.
Abuzimet e tij me pushtetin nuk patën të ndalur që nga dita e parë, kur i rriti rrogën vetës, kabinetit qeveritarë dhe prokurorëve e gjykatësve për mospunën e bërë në luftimin e korrupsionit dhe krimit të organizuar.
Fryerja e kabinetit qeveritar me familjarë, miq dhe militant partiak vazhdojë deri në ditën e fundit të qeverisjes së tij, kur shpiku poste të reja në qeverinë që drejtojë, siq është rasti i fundit i hapjes së konkurseve të reja, Nënkoordinatorë dhe Asistentë të Nënkoordinatorëve Rajonalë.
Sjellja e Ramush Haradinajt më shumë si monark sesa si kryeministër i një Republike Parlamentare, është shëmbulli më i keq i qeverisjes së shtetit.
Nëse i analizojmë një nga një të gjitha veprimet e Ramush Haradinajt nga dita e parë e ardhjes në pushtet deri në ditën e fundit në Qeverinë e Kosovës, na delë të jetë kryeministri më i kushtueshëm dhe më i pakujdsshëm për vendin në këto 20 vjetët e fundit.
Shfrytëzimi i ftesës nga Gjykata Speciale për të manipuluar me ndjenjat popullore, duke menduar se qytetarët e Kosovës do të mërziten njëjtë si herën e parë, paraqet mashtrim në vetën e parë.
Duke qenë se është kështu, kësaj radhe për shkuarjen e tij (për të tretën herë) në Hagë, përveq familjarëve, do të bahkëndjejnë dhimbjen vetëm militantët partiak në poste shtetërore, parazitët dhe përfituesit e shumtë të punësuar në kabinetin qeveritarë dhe institucionet tjera shtetërore.
Sigurisht, që lotë krokodili për Ramushin do të derdhin edhe ata që votuan dhe mbështetën Gjykatën Speciale në kuvend dhe jashtë tij pesë vite më parë.

Dorëheqja e papritur e Ramush Haradinajt nga pozita e shefit të qeverisë, ka krijuar rrethana të reja politike në vend, duke përfshirë edhe negociatat me Serbinë.

Analisti politik Fisnik Halimi vlerësoi se zgjedhjet në Kosovës do të mund të mbahen brenda kësaj vere.

“Ashtu janë shprehur liderët. Vendi po shkon drejt zgjedhjeve. Duhet parë procedurat kur, ky është një realitet i pa paralajmëruar, i cili nuk i konvenon as Kosovës dhe është në shpërputhje me partnerët ndërkombëtar”, tha ai.

“Mendoj se tani negociatat do të kalojnë sërish në duart e Presidentit të Kosovës. Ai dhe ekipi i tij do të ta përmbyllin marrëveshjen finale me Serbinë, me ndërmjetësimin e akterëve ndërkombëtarë, si SHBA, BE dhe me garancat e Rusisë. Kjo do të jetë situata. Kuvendi i ri i Kosovës, i cili do të dalë nga zgjedhjet e reja, do të ketë si detyrë të parë ratifikimin e marrëveshjes me Serbinë”, tha Halimi sonte në një intervistë për RTK.

Sipas tij marrëveshja finale do të përshijë shkëmbimin e territoreve e cila do të zgjedhë mosmarrëveshjen shekullore.

Për koalicionet analisti Halimi tha se ato do të jenë të ndryshme, mes partive të mëdha dhe të vogla.

“Nuk do të ketë më koalicione, sikur ishte PAN”, tha ai.

Kryetari i Partisë Demokratike të Kosovës, Kadri Veseli pas dorëheqjes së Ramush Haradinajt nga posti i kryeministrit tha se zgjedhjet e parakohshme janë të pashmangshme.

Në një konferencë për media, Veseli tha se PDK-ja është e gatshme për zgjedhje.

“Vendimi i ish-kryeministrit për dorëheqje është vendim personal dhe si të tillë e kemi pranuar, pavarësisht se për këtë nuk pasur asnjë njoftim ose konsultë paraprake. Tashmë, zgjedhjet e parakohshme janë të pashmangshme. PDK është e gatshme për zgjedhje kurdo që të caktohen ato. Ajo që mund të diskutohet është vetëm koha kur duhet të mbahen”, tha Veseli.

Kreu i PDK-së tha se lidhur me caktimin e datës së zgjedhjeve duhet të ketë konsultime mes partive politike.

“Për këtë besoj se do të kemi konsulta dhe me partnerët e tjerë të koalicionit të deritanishëm dhe partitë e tjera politike, në pajtim me Kushtetutën dhe ligjet që kemi në fuqi”, tha Veseli.

Ramush Haradinaj më 19 korrik njoftoi për dorëheqjen e tij nga posti i kryeministrit, pasi tha se ka marrë ftesë për t’u intervistuar në Hagë. Ai tha se është thirrur në Prokurorinë e Posaçme për krime lufte në Hagë, ku siç thuhet mund të paraqitet javën që vjen. Haradinaj në konference e tij pas dorëheqjes, theksoi se nuk mund të lejonte që në Dhomat e Posaçme të paraqitej si kryeministër dhe për këtë arsye ka dhënë dorëheqje.

VOAL – Kryeministri i Kosovës Ramush Haradinaj, një ish-komandant i guerrilasve të UÇK-së, dha dorëheqjen të premten pasi u thirr nga drejtësia ndërkombëtare si një i dyshuar për krime lufte gjatë dhe pas konfliktit të viteve 1998-99.

“Kam marrë thirrjen e Gjykatës Speciale (e krijuar në vitin 2015 me mbështetjen e BE-së, dhe më është dhënë zgjedhja nëse do të pyes veten si kryeministër apo qytetar i thjeshtë), zgjodha opsionin e dytë”, shpjegoi 51 vjeçari në media.

Haradinaj vuri në dukje se për momentin nuk ka akuza kundër tij dhe se do të ri-kandidohet sapo kreu i shtetit Hashim Thaçi të ketë vendosur datën për zgjedhjet e ardhshme.

Në një intervistë dhënë më parë këtë vit, ai pati thëne se Prishtina do t’iu përgjigjej të gjitha kërkesave nga Haga, ku në janar filloi marrja në pyetje e dy ish-zyrtarëve të tjerë, Rrustem Mustafa dhe Sami Lushtaku. Akuzat e para duhet të mbërrijnë para fundit të vitit. Mediat kosovare supozojnë se ato mund të prekin jo vetëm Haradinajn, por edhe Thaçin dhe Presidentin e Kuvendit Kadri Veseli.
/ AFP

Isa Mustafa më në fund ka vendosur të tërhiqet nga gara për Kryetar të LDK-së. Burime të Express kanë thënë se lideri në largim i LDK-së u ka thënë në Kryesi se s’do të jetë kandidat. Të njëjtin qëndrim ua ka thënë edhe kryetarëve të Degëve me të cilët është takuar të enjten.

Nëse e mban fjalën që e ka dhënë në Kryesi të LDK’së atëherë Isa Mustafa s’do të jetë as kandidat për Shef të LDK’së.

Burime të Express kanë thënë se Mustafa u ka treguar anëtarëve të Kryesisë se nuk do të jetë kandidat edhe për një mandat për të udhëhequr partinë e themeluar nga Ibrahim Rugova.

“Ka thënë se do të mbikëqyr procesin deri në fund. Por na ka thënë se s’do të jetë kandidat për Kryetar të LDK’së”, ka thënë një anëtar i Kryesisë së LDK’së pa dashur t’i përmendet emri.

Njëra prej arsyeve për largim nga kreu i LDK’së, sipas burimeve, është edhe gjendja e tij shëndetësore.

Por edhe mungesa e përkrahjes e konfirmuar nëpër sondazhe të ndryshme.

Ndërkohë, në garë kanë shfaqur ambicie për të hyrë Agim Veliu dhe Lutfi Haziri.

Por në lojë po vazhdon të mbetet edhe Avdullah Hoti.

Sipas burimeve të Express Shefin e deputetëve të LDK’së përpos Isa Mustafës e përkrahin edhe Gazemend Muhaxheri, Imri Ahmeti dhe Kujtim Shala.

Ndërkohë, një pjesë e anëtarësisë së LDK’së po vazhdon ta përkrahin rikthimin e Fatmir Sejdiut. Nuk dihet nëse Fatmir Sejdiu ka përkrahjen edhe të delegatëve tjerë përpos Prizren, Gjakovë e Podujevë.

Express ka shkruar një ditë më parë se Agim Veliu s’po e fsheh më kandidaturën për Shef të LDK’së.

Edhe Lutfi Haziri ka muaj që e ka shpallur kandidaturën për pasardhës të Isa Mustafës.

Në zgjedhjet e fundit në LDK, Haziri kishte thënë se nuk po i hyn garës për ta marrë kreun e partisë pasi nuk po dëshiron ta rrëzojë Kryeministrin Mustafa nga pozita partiake.

Ndërsa, tash ka shfaqur ambicien për t’u bërë Shef i LDK’së por paraprakisht ka kërkuar një marrëveshje politike. Ka kërkuar unitet në parti për të mos pasur çarje pastaj. Ka shfaqur gatishmëri t’i bashkojë të gjitha grupet që aktualisht janë në parti, edhe t’i merr afër vetes themeluesit e partisë.

Vjosa Osmani, kohëve të fundit, ka refuzuar të flasë konkretisht se kur do t’i hyjë garës për Kryetare të Partisë. Në garën e fundit në LDK s’ishte lejuar as të kanidonte meqë nuk kishte kaluar garën në Këshill të Përgjithshëm të LDK’së.

Ndryshe, Isa Mustafa, kishte marrë LDK’në në fundin e vitit 2010, kur kishte mundur Fatmir Sejdiun. Prej atëherë, Mustafa ka shënuar tri humbje të zgjedhjeve nacionale, ka humbur Komunën e Prishtinës, por ka rikthyer disa komuna që me herët e kishte humbur LDK’ja përfshirë Pejën, Gjilanin e Lipjanin. Isa Mustafa ishte rizgjedhur Kryetar i LDK’së në mandatin e kaluar me aklamacion pasi nuk e kishin lejuar të kishte kundërkandidat. Vjosa Osmani kishte dështuar të mblidhte nënshkrimet për ta sfiduar Mustafën.

Vitin e kaluar, Shefi i LDK’së kishte pasur probleme shëndetësore derisa ishte trajtuar Gjermani. Gjatë gjithë kohës, LDK ishte udhëhequr prej Nënkryetarëve të Partisë. Aktualisht, LDK ka numrin më të madh të deputetëve në Parlament dhe numrin më të madh të Komunave.

Krejt këto zhvillime po ndodhin në kohën kur Ramush Haradinaj dha dorëheqje pasi tha se i erdhi ftesa nga Gjykata Speciale, e cila është krijuar për t’i ndjekur ish-udhëheqësit e UÇK’së të dyshuar se kanë kryer krime lufte.

Kohëve të fundit, Haradinaj prishi raportet me Liderin e PDK’së, Kadri Veselin, i cili nga Washingtoni tha se Kryeministri i Kosovës po flet me Amerikën sikur me Serbinë. Haradinaj tha se një deklaratë e tillë është servilizëm politik.

Haradinaj ka kërkuar të shkohet në zgjedhje të jashtëzakonshme dhe t’i kthehet vendimmarrja popullit. PDK ka mbetur e hutuar nga ky vendi. LDK e Vetëvendosje kanë kërkuar zgjedhje të jashtëzakonshme sikurse edhe PSD e NISMA e Fatmir Limajt.

Presidenti pritet gjatë ditëve të thërras partitë politike për t’u konsultuar për dy opsionet: themelimin e një Qeverie të re ose shkuarjen në zgjedhje.

Praktikisht, ekziston vetëm një opsion pasi askush s’ka numra për të ndërtuar Qeverinë e re, pasi askush s’mund të llogarisë as në votat e Listës Srpska, e cila ka braktisur koalicionin prej vitit të kaluar kur u vendos taksa 100 për qind ndaj produkteve serbe.

Qeveria e Ramush Haradinaj prej kur vendosi taksën mbeti Qeveri e pakicës e mbështetur për disa vendime nga PSD e Shpend Ahmetit.

Ramush Haradinaj është Kryeministri i gjashtë i Kosovës pas Bajram Rexhepit, Bajram Kosumit, Agim Çekut, Hashim Thaçit e Isa Mustafës.

Haradinaj kishte udhëhequr Qeverinë e Kosovës edhe një herë për 100 ditë kur ishte detyruar të jepte dorëheqje në mars të vitit 2005 për të shkuar në Tribunalin e Hagës si i akuzuar për krime lufte. Atje ishte shpallur dy herë i pafajshëm.

Asnjëri prej Shefave të Qeverisë prej pasluftës s’e ka përfunduar mandatin kushtetues.

Prej pasluftës janë mbajtur gjashtë palë zgjedhje nacionale.

Kryetari i Lëvizjes Vetëvendosje, Albin Kurti, në një konferencë për media të shtunën, tha se Kosova po vuan pasojat e votimit të Gjykatës Speciale nga ata që morën vendime të liga e kishin qëndrime të gabuara.

Kurti, para medieve ka ftuar presidentin e Kosovës, Hashim Thaçi që sa më shpejtë ta caktojë datën e zgjedhjeve.

Sipas Kurtit, Haradinaj është i lirë dhe se siç tha ai nga Gjykata Speciale vetëm do të intervistohet siç ka ndodhur edhe me komandantë të tjerë të ish-UÇK-së.

Lideri i Vetëvendosjes, tha se Kosova tashmë nuk e ka një Qeveri të pashpresë ashtu siç ishte e madhe.

“Nuk e kemi një Qeveri që ishte e mbrapshtë edhe e pashpresë ashtu siç ishte e madhe. Tash shpresa është te ndryshimi, të zgjedhjet, te liria, te demokracia te vetëvendosja”, tha Kurti.

Kurti theksoi se Vetëvendosje është e gatshme për zgjedhje të reja.

Kryeministri i Kosovës, Ramush Haradinaj, ka dhënë dorëheqje të premten. Këtë vendim ai e bëri publik në mbledhjen e rregullt të Qeverisë së Kosovës.

Arsyeja e dorëheqjes, siç tha Haradinaj, është sepse ai ka marrë ftesë nga Gjykata Speciale në Hagë, në cilësinë e të dyshuarit.

“Arsyeja e këtij vendimi është se kam marrë thirrje të paraqitem për t’u marrë në pyetje nga Dhomat e Specializuara në Hagë si i dyshuar”, tha Haradinaj.

Ai tha se nderi i postit të kryeministrit duhet të ruhet dhe se ai do të paraqitet në Hagë për intervistim.

Lideri i Vetëvendosjes, Albin Kurti, në një konferencë për mediat komentoi doreheqjen e Ramush Haradinajt dhe ftesën e marrë nga Gjykata Speciale, si dhe arsyet pse ra qeveria Haradinaj.

“Ish-kryeministrin e kemi paralajmëruar disa herë sa më afër gjarprit aq më i rrezikuar je”, tha Kurti në konferencë. Albin Kurti kur flet për “gjarpërin” i drejtohet presidentit Hashim Thaçi, për shkak të nofkës që kishte në luftë.

Rexhep Selimi e ka parlajmëruar në Kuvend, shtoi ai.

“Sot ne i vuajmë pasojat e qëndrimeve të liga dhe vendimeve të gabuara vite me parë kur politikanët që deshën më shumë vetëveten sesa shtetin Kosovës ia bënë të keqen”, tha ai për themelimin e Gjykatës Speciale.

Shpresa është te Vetëvendosja dhe zgjedhjet e reja, tha Kurti.

“Nuk e kemi më një qeveri që ishte e mbrapshtë dhe e pashpresë tash shpresa është te ndryshimi, të zgjedhjet, të liria te demokracia te VV-ja”, tha Kurti.

Gjendja e tanishme e arsimit shqip në Kosovë lirisht mund të krahasohet me nivelin e pasluftës së dytë botërore, të viteve ’50-ta apo 60-ta, ku gati gjysma e popullsisë nuk e kanë ditur shkrim-leximin. Rezultatet e PISA-s nga viti nëj vit po na bëjnë të ndihemi të turpëruar si shoqëri, si pasardhës të rilindasve, të gjeneratës së artë të arsimit të viteve të ’70-ta, ’80-ta dhe ’90-ta, të kuadrove të nivelit më të lartë evropian e botëror.

Universitetet publike; Universiteti i Prishtinës “Hasan Prishtina”, Universiteti i Prizrenit ”Ukshin Hoti”, Universiteti i Pejës ”Haxhi Zeka”, Universiteti i Gjakovës, ”Fehmi Agani”, Universiteti i Gjilanit ”Kadri Zeka”
Universiteti i Mitrovicës ”Isa Boletini”, Universiteti i Shkencave të Aplikuara në Ferizaj, Fakulteti i Studimeve Islame në Prishtinë dhe Akademia e Kosovës për Siguri Publike ( Shkolla e Shërbimit Policor të Kosovës).

Universitetet private; Akademia Evolucion, Kolegji AAB, Kolegji AUK, Kolegji, Heimerer, Kolegji Biznesi, Kolegji Dardania ,Kolegji Evropian Dukagjini, Kolegji, ESLG, Kolegji Evropian i Kosovës, Kolegji FAMA , Kolegji Gjilani, Kolegji i Menaxhmentit Internacional Globus, Kolegji Iliria, Kolegji i Shkencave Mjekësore Rezonanca, Kolegji ISPE ,. Kolegji Evropian Juridika (Pjeter Budi), Kolegji Riinvest, Kolegji i Shkencave të Aplikuara Teknike Tempulli, Kolegji UBT, Kolegji Universi, Kolegji Universum, SHLP Design Factory dhe International Business College Mitrovica.

Kosova e tepër e ngushtë për numër enorm të universiteteve

Por si duket ky numër enorm i universiteteve dhe kolegjeve do te rritet akoma më tepër, ngase janë në rritje “kërkesat” për universitete publike edhe në qytete tjera,…për të shkaktuar kështu ndarjen e dijes në bazë të përkatësisë rajonale politike dhe fuqisë elektorale të liderëve aktual,…për t’i lënë vendin në fund ndoshta edhe universitetit të Shtimjes për prodhimin e kuadrove me të meta mentale për përmbushjen e “mozaikut” universitar në Kosovë!
Kërkoj falje për ketë të fundit, që e përdora si metaforë që i shkon për shtati asaj metaforës së pasluftës në Kosovë; “po të kisha ditur se është kaq lehtë më kryer fakultetin, do ta kisha mbaruar edhe shkollën e mesme…”, flitej kështu për të “diplomuarit” në universitetin e Tiranës e Prishtinës në periudhen e pasluftës të liderëve të ndryshem politik pa diplomë të maturës!
Kosova është një territor tepër i ngushtë gjeografik për absorbimin e të gjitha këtyre universiteteve e kolegjeve, që janë bërë sikur objektet fetare të pasluftës që mbinin ngado e kudo, edhe aty ku nuk kishte fare nevojë për to!
Kjo logjikë e mbrapsht e hapjes e vendeve të “reja” të punës, është logjikë e kthimit mbrapa e jo e ecjes përpara, ngase kuantiteti nuk e përcakton asnjëherë kualitetin në arsim. Nga të gjitha këto universitete publike (politike) që veprojnë aktualisht,…nesër mund të bëhen edhe pesëdhjetë sosh dhe asnjëherë të mos arrihet kualiteti që dikur ishte në Universitetin e Prishtinës.

Shtimi i universiteteve dhe rritja e analfabetizmit

Thellësisht jam i bindur së shumica e akredituesve të këtyre institucioneve të larta arsimore në vend nuk e kuptojnë fjalën Universitet (njohuri të gjëra), ngase më siguri do të përmbaheshin pak nga “fabrikimi” i këtyre institucioneve të larta arsimore në vend, të quajtura “universitete”.
Po ndodhë kështu në mungesë të një strategjie nacionale për arsimin e lartë, për çka çdo vit kemi rritje të titujve “akademik e shkencor”, rritje enorme të të diplomuarëve dhe rënje të cilësisë dhe kualitetit në arsim.
Më gjithë këtë shtim të universiteteve, analfabetizmi në Kosovë ka shënuar ngritje enorme, si pasojë e udhëheqjes së antivlerave me këto universitete në njërën anë, dhe në anën tjetër të rënjes së cilësisë së studimeve në këto universitete, kemi degradim edhe të sistemit shëndetësor, juridik, kulturor, pse jo dhe politik të vendit tonë.
Janë të shpeshta rastet kur nxënësit më sukses të shkëlqyeshëm nga shkollat e mesme, të mbesin jashta “amfiteatrove”,…ndërsa në anën tjetër nxënës e nivelit të mesëm dhe të ulët i zëjnë vendet e tyre në këto universitete,…duke e patur të sigurtë që në fillim diplomimin dhe “specializimin” në afatin e parapar të këtyre “akademive” universitare, si rezulat i privilegjeve; nepotizmit, familjarizmit, korrupsionit e dukurive tjera negative të përhapura në shoqërinë tonë këtyre 7-8 viteve të fundit.

Kostoja e lartë financiare e universiteteve politike

Përderisa shtetet më të zhvilluara ekonomike, të shtyrë nga kriza financiare në Eurozonë, përditë bëjnë shkurtime të shpenzimeve buxhetore, ne në Kosovë, në vendin më koeficientin më të ulët të zhvillimit ekonomik në Evropë, i rrisim shpenzimet buxhetore pa asnjë kriter, pa asnjë strategji të qartë zhvillimore,…thuajse jemi më të pasurit e më të mënçurit e globit tokësor!
Në të kaluaren jo shumë të largët, Kosova mburrej më kuadrat e dalura nga Universiteti publik i Prishtinës, në veqanti me nivelin e lartë profesional, shkencor dhe akademik, që nivelizoheshin më kuadrat e universiteteve më prestigjioze evropiane e botërore.
Kosova si një vend i vogël, do t’i mjaftonte një universistet publik (shtetëror), i konsoliduar mirë, i pajisur me infrastruktur akademike, me kushte të volitshme për studentet; me konvikte bashkëkohore, me transport të organizuar mirë për studentet nga qendrat e tjera e shumçka tjetër,…që do ta kishin koston më të ulët buxhetore se sa hapja e universiteteve në çdo pjesë të vendit, dhe ajo çka është më e rëndësishmja do të kishim prodhim të kuadrove cilësore për nevojat e vendit e jo fabrikim të tyre sipas orekseve partiake!

Depolitizimi i universiteteve dhe kolegjeve, imperativ i ngutshëm kohor

Fati i mosakreditimi i tri univeristeteve publike (politike), mund t’i pret edhe universitetet e tjera të hapura gjatë fushatave zgjedhore nga presidenti (ish kryeministri)Thaçi.
Janë këto universitetet të themeluara pa asnjë analizë paraprake, por vetëm si premtim elektoral gjatë fushatave zgjedhore, pa buxhet dhe pa kushte infrasturkturore.
Në këto universitete kryesisht janë rehatuar militantët partiak, me studime themelore dhe me notë mesatare shumë të ulët. Katër nga rektorët e universiteteve publike (politike) vijnë nga PDK. Të mos flasim për numrin enorm të personave që mbajnë pozita udhëheqëse në këto universitete dhe që kanë lidhje të ngushtë me politikën.
Në mesin e ligjeruesve dhe stafit udhëheqës të universiteteve politike (publike) janë edhe gratë e disa prej liderëve shtetërorë më diploma të fabrikuara, siq janë edhe shumica e liderëve partiak dhe shtetërorë të Kosovës.
Mosakreditimi i tri universiteteve, përveqse dështim i menaxhmentit të universiteteve, duhet të shërbejë si alarm për cilësinë e dobët në universitetet publike (politike) dhe kolegjet private.
Mosakreditimi duhet të pasohet me depolitizim të universiteteve politike (publike) dhe kolegjeve private të Kosovës.

Selia e Lidhjes Demokratike të Kosovës

Lidhja Demokratike e Kosovës ka kërkuar nga Presidenti i Kosovës që t’i nisë konsultimet me partitë politike për caktimin e datës së zgjedhjeve të parakohshme.

Thirrja e LDK-së, drejtuar presidentit Hashim Thaçi pasoi mbledhjen e kryesisë së kësaj partie e thirrur pas dorëheqjes së Ramush Haradinajt nga pozita e kryeministrit.

“Kryesia vlerëson se pas dorëheqjes së kryeministrit, Kosova nuk ka qeveri dhe LDK kërkon nga presidenti që t’i nis konsultimet për datën e zgjedhjeve”, tha kryetari i kësaj partie, Isa Mustafa.

Pas dorëheqjes së Haradinajt, Mustafa tha se ”LDK nuk pranon asnjë zgjidhje tjetër përveç zgjedhjeve”.

Kryeministri i Kosovës, Ramush Haradinaj, ka dhënë dorëheqje të premten.

Haradinaj tha se ka dhënë dorëheqje pasi që ka marrë ftesë për intervistim nga Gjykata Speciale në Hagë, në cilësinë e të dyshuarit.

Asnjë politikan në  Kosovë nuk guxon të fillon bisedimet politike me Serbinë para mbajtjes së zgjedhjeve të reja dhe formimit të qeverisë legjitime

Dorëheqja e kryeministrit të Kosovës Ramush Haradinaj, për shkak të ftesës që kishte marrë nga gjykata  speciale në Hagë po përcillet me një mjegullnajë  dhe eufori të madhe.Jo vetëm për këtë fakt por për faktin se kjo gjykatë ka shpërndarë edhe shumë ftesa të tjera.Natyrisht se me dorëheqjen e kryeminstrit tash Kosova ka mbetur në një vakum institucional.Këtë vakum institucional mundën ta shfrytzojnë qarqet anti Kosovë siç janë Rusia-Turqia dhe Serbia që të bëjnë qmos që të luajnë çdo gurë që në mënyrë të vrullshme   ta bëjnë një marrëveshje gjentellmenesh që ta ndajnë Kosovën.

Zatën edhe takimi i këtyre ditëve i Edi Ramës me diktatorin e Turqisë, Erdogan ka qenë në përputhshmëri me këtë projekt fatkeq për ndarjën e Kosovës.Pse u goditë kaq shpejtë Ramush Haradinaj i cili dy herë ishte dalur i pafajshëm dhe jo të tjerët?! Kjo pyetje lidhet direkt me këmbëngulsinë e Ramush Haradinajt për ti mbrojtur kufijtë e Kosovës.Dhe kjo këmbëngulësi si duket ja ka shpejtuar edhe ftesën që sa më shpejtë të thirret në gjykatë.

Problemi qëndron në faktin se elita politike në Kosovë e në veçanti qytetarët e Kosovës duhet të jenë të kujdesshëm që kurrsesi mos të lejohet që të shfrytzohet vakumi institucional dhe të ndahet Kosova. Këtë e them për faktin se edhe organet drejtuese të reja kryesisht Institucionet Evropiane nuk e marrin detyrën e tyre para 1 nëntorit, kohë e cila do të mjaftonte që të mbahen zgjedhjet në Kosovë dhe të dalë një Qeveri e re.

Bisedimet nuk duhet të rifillojnë asesi para se me u formu Institucionet e reja Evropiane dhe para se ta marrë pozitën e kryetares se komisionit Evropian që është post i ngjashëm me një kryetarë të Qeverisë Evropiane Gjermania që vjen nga CDU një parti përkrahëse e çështjes shqiptare Ursula von der Leyen.Këtë gjë duhet ta kenë të qartë edhe dy partitë e mëdha opozitare Vetvendosje dhe LDK se rruga në këto momente për ta formuar ndonjë Qeveri çfardo çoftë ajo para zgjedhjeve të jashtzakonshme është një vetvrasje politike  për këto dy parti si dhe i shkaktojnë një dëmë shumë të madh Kosovës.

Që tani duhet lobuar më të madhe në takime me Kryetaren e Komisionit Evropian Ursula von der Leyen në mënyrë që Qeveria dhe institucionet e ardhshme të Kosovës mos të shkojnë me duar në  xhepa në bisedime me Serbinë sikur kanë shkuar deri më tani,por të themelojnë ekipe ekspertësh që janë njohës të lëmive të  ndryshme politike, kulturore, ekonomike, historike, arkeologjike si dhe lëmi të tjera.

Natyrisht që pas këtyre zgjedhjeve do të këtë edhe ndryshime politike qoftë në Parlamentin e Kosovës, në Qeverinë e re të Kosovës,por kryesore është që në krye të institucioneve të Kosovës të vijnë politikanë me një karaktër të fortë kombëtar dhe me një përgatitje të madhe intelektuale dhe politike.

Duhet kuptuar një herë e përgjithmonë se politika është një art më i vështirë se sa duket në pamjen e parë.Për faktin se politikani  i vërtetë gjatë gjithë kohës së qevërisjes ballafaqohet me dy çështje,  të lakmisë për pushtet dhe pasuri që i ofron detyra si udhëheqës shtetëror,si  dhe punës për shtet dhe mirëqenie të popullit.

Fatkeqësisht në këto njëzët vitët e fundit shumica e politikanëve të Kosovës e zgjodhën të parën pa e parë mirqenien e popullit dhe Kosova tash ka ardhur në këtë gjendje që jemi ne sot.

Hashim Thaçi ka bërë një reagim interesant rreth dy orë pasi Ramush Haradinaj shpalli dorëheqjen për shkak të ftesës për t’u intervistuar nga Gjykata Speciale. Ai e ka potencuar se lajmin për dorëheqjen e Haradinajt e ka mësuar nga mediat e jo që është informuar nga ish –Kryeministri, duke dëshmuar kështu se raportet mes të dyve nuk janë të mira.

Pastaj ai nuk ka bërë ndonjë koment rreth aktit të dorëheqjes së Ramush Haradinajt – zakonisht në momente të tilla thuhen fjalë të mëdha për veprime të tilla, por Thaci ka thënë se vetëm e respekton vendimin e tij“.

Po ashtu ai e ka relativizuar paksa peshën e Kryeministrin duke dhënë lajme se edhe këshilltari i tij Bislim Zyrapi dhe disa eprorë tjerë të UÇK ‘së janë ftuar.

Thaci nuk ka treguar se cili do të jetë vendimi i tij nëse vendi do të shkojë në zgjedhje, apo do të ketë zëvendësim të Haradinajt dhe rikompozim të koalicionit. Ai ka thënë se vendimin do ta publikojë shpejtë.

Haradinaj e Thaçi kanë pasur përplasje të shpeshta viteve të fundit për shkak të dialogut Kosovë –Serbi. Haradinaj vazhdimisht ka thënë se Thaçi ka hyrë në aranzhmane për ndarjen e Kosovës ndërkohë që ish-Kryeministri është goditur shpesh për shkak të taksës së vendosur ndaj mallrave serbe.

Ky është postimi i plotë i Thaçit.

Me keqardhje mësova që Gjykata Speciale ka ftuar për intervistim ish-shefin e Shtabit të UÇK-së, Bislim Zyrapi, njëherësh këshilltar i imi, ish-komandantin e Zonës Operative të Dukagjinit, kryeministrin Ramush Haradinaj, si dhe disa ish-eprorë të tjerë të UÇK-së. Nga mediat tani u informova edhe për vendimin e Kryeministrit të Republikës së Kosovës, Ramush Haradinaj, për dorëheqjen e parevokueshme nga pozita e tij. Unë e respektoj vendimin e tij dhe si President i Republikës së Kosovës ju siguroj se do të veprojë bazuar në kompetencat e mia kushtetuese dhe ligjore, për të cilat qytetarët e Kosovës do të njoftohen me kohë. Unë besoj në pastërtinë e luftës së Ushtrisë Çlirimtare të Kosovës dhe besoj në vlerat e larta morale të ushtarëve të lirisë. As vlerat e lirisë sonë dhe as luftën e UÇK-së nuk mund ta cenojë askush! HTH

Piktori i shquar Avni Delvina gijthmonë me grafikat e tij të fuqishme kësaj herë na sjell grafikën nga cikli :
Ti Shqiperi, me jep nder,me jep emrin shqipetar,
zemren ti ma gatove plot me deshire e me zjarr!

Kush është shqiptar është me Ramushin!

Deputeti i Aleancës për Ardhmërinë e Kosovës, Daut Haradinaj, ka hedhur poshtë lajmet se është ndaluar nga policia austriake mbi bazën e një urdhër-arresti të Serbisë.

Ai thotë se është ndaluar thjesht për konsultë ndërsa ka publikuar një foto në rrjetet sociale duke thënë se është i lirë në Vjenë.

“Lajmi nuk është i vërtetë, ishte vetëm një konsultë disa minutëshe me policinë në aeroport. Nuk ka të bëjë as me ndalim dhe as me arrestim. Jam në Vjenë i lirë dhe duke u bazuar në planin tim”, tha Haradinaj për Klan Kosovën.

Ai falenderon autoritetet austriake për korrektesën e treguar.

“Falënderoj policinë dhe shtetin austriak për korrektësinë e vazhdueshme, si në këtë rast, ashtu edhe në mbështetjen e vazhdueshme të cilën ia kanë dhënë Kosovës pa rezervë. Mesazhi im për miqtë dhe dashamirët të shqetësuar, jam i lirë dhe jam shumë mirë. Shumë shpejt takohemi në Kosovë – i falënderoj të gjithë për mbështetjen”, përfundoi ai.

Autoritetet e Kosovës janë duke shqyrtuar vendimin rreth përpjekjes së radhës për anëtarësim në INTERPOL. Asambleja e Përgjithshme e kësaj organizate, pritet të mbahet gjatë vjeshtës, në Kili. Kryeministri i Kosovës, Ramush Haradinaj tha se Kosova edhe zyrtarisht është në rend të ditës si temë, por ende nuk ka hyrë në rend të ditës votimi për anëtarësim.

“Se a do të hyjmë në votim është çështje a kualifikohemi ne në agjendë, por edhe është vendim i yni se a duam të hyjmë apo jo në votim. Asambleja mbahet në Kili, një shtet që nuk e njeh Kosovën, kështu që e shqyrtojmë a do të hyjmë në agjendën e votimit apo jo”, tha Haradinaj, pas një vizite që i bëri komunës së Fushë Kosovës.
Më 20 nëntor të vitit 2018, Kosova nuk kishte arritur të anëtarësohet në INTERPOL, pasi nuk mori shumicën e nevojshme, prej dy të tretave të votave të vendeve pjesëmarrëse në Asamblenë e Përgjithshme të kësaj organizate, që u mbajt në Dubai.

Tentativat e Kosovës për anëtarësim në INTERPOL kanë nisur që nga viti 2010. Atë kohë, Komiteti Ekzekutiv i kësaj organizate, nuk e kishte marrë fare parasysh kërkesën e parashtruar nga Prishtina zyrtare. Më 2015 dhe 2016, Kosova kishte aplikuar, por nuk ishte futur në agjendën e Asamblesë së Përgjithshme. Më 2017, Kosova pati tërhequr vullnetarisht kërkesën, për shkak të mbështetjes së pamjaftueshme.

Franca është e interesuar jashtëzakonisht shumë për të gjetur një zgjidhje për Kosovën, dhe për një gjë të tillë është zotuar presidenti, Emmanuel Macron, përgjatë vizitës së tij në Beograd.

Sipas disa ekspertëve të politikës së BE-së, në përpjekjet për të organizuar nëj takim ndërmjet Kosovës dhe Serbisë gjatë vjeshtës në Paris, thonë se ai nuk është vetëm.

Ata thonë se ai në mënyrë aktive do të bashkëpunojë me kancelaren gjermane, Angela Merkel, shkruan Danas, transmeton Gazeta Express.

Naim Leo Beshiri, drejtor ekzekutiv i Institutit për Çështje Evropiane, ka thënë për Danas se Macron “nuk ka aq ndikim në nivelin ndërkombëtar për të qenë i aftë që të zgjidh një problem me të cilin janë marrë shumë presidentë”.

“Ndërmjetësuesit paraprak të dialogut të Brukselit, Catherine Ashton dhe Federica Mogherini, nuk kanë mundur që të gjejnë një ujdi me elitat politike në Beograd dhe Prishtinë, dhe ajo çfarë po e shohim sot është përpjekje për të zgjidhur konfliktin e fundit të dy shteteve të ish-Jugosllavisë nga shtetet anëtare të BE-së. Dhe pyetja është se cilat janë kapacitetet negociuese të Makronit, që t’i marrë përsipër nga Merkeli, për të ulur tensionet në rajon, në rajon, gjë që mund të dërgojë në një zgjidhje të përhershme për çështjen e Kosovës”, thotë Beshiri, transmeton Gazeta Express.

Beshiri thotë se presidenti francez ka ambicie për të mbetur në histori, dhe në të njëjtën kohë ai është realist dhe nuk dëshiron të bëjë bisedime të cilat nuk dërgojnë një zgjidhje.

“Ai ka anuluar takimin e Parisit, që ishte caktuar për në fillim të korrikut, pasi që Prishtina dhe Beogradi treguan që nuk do të jenë të pjekura politikisht”, shton tutje Beshiri.

Ndër të tjera Beshiri thotë se çështjet e ndjeshme është e pamundur të zgjidhen pa përfshirjen e Shteteve të Bashkuara të Amerikës.

Në anën tjetër Igor Novakoviq, ka thënë për Danas se Franca do të jetë në vazhdim më aktive në kërkim të zgjidhjes për ta hapur dialogun, e cila sipas tij padyshim që do të mbetet nën patronatin e Bashkimit Evropian.

“Megjithatë, çdo veprimtari do të koordinohet nga afër me Gjermaninë. Është e mundur që Franca të jetë më e hapur për zgjidhje të caktuara se Gjermania. Por theksi duhet që të jetë në normalizimin e raporteve, që do të siguronte qëndrueshmëri. Dhe pyetja do të ishte se pas nënshkrimet a do të zbatohej një marrëveshje e tillë”, ka thënë Novakoviq.

Presidenti francez Emmanuel Macron planifikon të emërojë një të dërguar të posaçëm për Ballkanin Perëndimor, i cili do të luajë një rol aktiv në zgjidhjen e çështjes së Kosovës, sipas portalit serb Blic, transmeton zeri.info.

Sipas gazetës, Macron njoftoi presidentin serb Aleksandër Vuçiq për këtë gjatë vizitës dy-ditore në Beograd. Presidenti francez synon të angazhohet më aktivisht në këtë rajon, thotë burimi i Blic dhe shpjegon:

“Franca dëshiron të luajë një rol kyç në zgjidhjen e problemeve midis Prishtinës dhe Beogradit. Për shkak të detyrimeve të shumta Macron nuk mund të merret në nivel ditor me zgjidhjen e çështjes së Kosovës, por ai synon që në periudhën e ardhshme të gjejë një njeri të besueshëm i cili do të jetë përgjegjës për atë pjesë të Evropës. Ai do të jetë i dërguari francez për Ballkanin Perëndimor. Me këtë figurë të re, Macron synon do të forcojë praktikisht ndikimin e tij në këtë rajon”.

Kryeministri i Kosovës, Ramush Haradinaj, tha të mërkurën se qëndrimet jo unike të udhëheqësve të Kosovës rreth tarifave ndaj mallrave serbe dhe bisedimeve me Beogradin, e kanë bërë Serbinë më të fortë dhe i kanë dhënë mundësi të kushtëzojë kthimin në tryezën e bisedimeve.

Ai i bëri këto komente duke reaguar ndaj intervistës së kryetarit të parlamentit të Kosovës, Kadri Veseli, dhënë Zërit të Amerikës, në të cilën ai tha se ka dallime konceptuale me kryeministrin Haradinaj rreth tarifave dhe bisedimeve.

“Dhe ka një pragmatizëm ku unë e mbroj interesin tim, duke mos lejuar asnjëherë që komunikimi me Serbinë, forma në të cilën komunikoj me Serbinë të bartet njëtrajtshëm edhe me Shtetet e Bashkuara dhe Bashkimin Evropian. Ky është dallimi mes meje dhe kryeministrit Haradinaj, i cili duhet ta bëjë këtë dallim. Kur flas për Serbinë, edhe 1000 për qind ia vë taksën, por kur flasim me Shtetet e Bashkuara dhe Bashkimin Evropian ne duhet të jemi pragmatikë, duhet të jemi pak më të mençur. Kjo është çështja që dallon”, tha zoti Veseli.

Veseli: Nuk mund t’i vëmë bashkë SHBA-në, BE-në dhe tarifat ndaj Serbisë

Pozicioni im është shumë i qartë që nga fillimi, është transparent: Kosova ka të drejtën legjitime të marrë vendimet të cilat janë qoftë tarifa, qoftë mbrojtja e sovranitetit dhe integritetit territorial e institucional. Por duhet ta dimë, i gjithë populli ynë e di: populizmi është një opium që krijon një favor në një moment të caktuar për politikanë të caktuar. Për periudhën afatgjatë ne duhet të jemi të mençur dhe nuk kemi rrugëtim tjetër pa SHBA dhe Bashkimin Evropian, nuk mund të jemi të suksesshëm në qëllimin që kemi. Në qoftë se i vëmë bashkë: SHBA, Bashkimin Evropian, si dhe çështjen tarifën edhe Serbinë është gabim. Ne duhet të gjejmë momentumin dhe rrugën e cila e dallon Serbinë nga gjuha e cila përdoret ndaj nesh nga Bashkimi Evropian dhe SHBA. Për këtë arsye thashë, për Serbinë e vë edhe 1000% tarifën, por me Bashkimin Evropian dhe SHBA ne tregojmë se jemi tolerantë. Kam propozuar edhe një suspendim (pezullim) por ai suspendim nuk është i përjetshëm. Serbia po manipulon, (Aleksandër) Vuçiçi po manipulon.

“E pash intervistën, është kualifikim i paqëndrueshëm, pra, nuk kam qasje me Amerikën si me Serbinë. Me Serbinë njëherë jam nda në luftë, kam qenë ​krah për krah me Amerikën. Kemi dallime në tema me Serbinë të shumta, ma pak me Amerikën. Kemi dallim në një temë; suspendimin e taksës. Sikur kryetari Veseli e të tjerët të kishin qenë unik Amerika, ndoshta do të na kishte përkrahur më shumë, po kjo dëshirë me fol ndryshe po na bën dëm si Kosovë e na ka lënë ku jemi sot”, tha të mërkurën kryeministri Haradinaj.

Ai hodhi poshtë çdo mundësi që këmbëngulja për tarifat të jetë populizëm.

“Fatkeqësisht besnikëria ndaj atdheut ndaj temave të interesit nacional nuk duhet me u kalkulu kështu. Populizëm ose miqësi me Amerikën për Veselin e të tjerët ka qenë kur ishin momente të tjera, u pa se nuk e kemi fort shqetësim qasjen ndaj Amerikës se kemi fol me një gjuhë tjetër, ju e dini për cilën temë e kam fjalën. Ndërsa, kur janë temat e interesit nacional, me i kërku Kosovës me e suspendu taksën pra me ja dhanë tregun shtetit që e mohon ekzistencën tonë është e padrejtë. Edhe nuk shpjegohet kjo kurrqysh s’ki qysh me e shpjegu, nuk është në logjikën e Amerikës, e as të askujt tjetër, por, është fatkeqësia e udhëheqësve tonë që shkojnë atje dhe i thonë duhet me e gjet një zgjidhje, në vend se me i thanë ka të drejtë kryeministri jonë, kemi të drejtë që e kemi vendosë taksën… Po shihet këta unë e kam pas shumë të vështirë me e mbajt këtë drejtim politik, pikërisht për shkak të këtyre thyerjeve, se jam ankuar disa herë që nuk kemi qenë unik fatkeqësisht. Dhe kjo pastaj e bën Serbinë më të guximshme edhe nuk lëshon pe përderisa gjysma jonë i thotë kemi me e hekë taksën pse me e ardhë Serbia në dialog?”, tha kryeministri Haradinaj.

Qeveria e Kosovës u vuri tarifa prej 100 për qind mallrave nga Serbia në nëntor të vitit të kaluar në shenjë kundërvënieje ndaj qasjes së Beogradit ndaj shtetësisë së Kosovës.

Beogradi kushtëzon rifillimin e bisedimeve të pezulluara me heqjen e këtyre tarifave, ndërsa Prishtina kërkon që bisedimet të mos kushtëzohen.

– MBETET PËR TU PARË NËSE PËR KËTO AKTE ANTI-KOMBËTARE, FAJTORË JANË “HADUTËT” E RENDOMTË, A PO DIKUSH TJETËR!

“Bustet para shkollave në Kosovë po mbesin pa koka, hajdutët po i vjedhin ato!

Busti i At Shtjefën Gjeçovit që ishtë i vendosur në shkollën fillore në Zllakuqan të Klinës është lënë pa kokë.

Persona të panjohur e kanë vjedhur atë, teksa dyshohet se ky akt ka ndodhur gjatë vikendit, pasi që në shkollë nuk ka pasur personel e as roje, përcjellë Indeksonline.

Derisa policia është duke hetuar rastin, ky veprim po konsiderohet si i shëmtuar dhe i ulët.

Këto janë disa nga komentet e mësimdhënësve të Komunës së Klinës:

“Cenimi i bustit te A’t Shtjefen Gjeçovit ne oborrin e shkolles se Zllakuqanit, eshte nje akt vandal, I trishtueshem dhe ogurzi. Prandaj institucionet komunale dhe ato shtetrore duhet te vihen ne veprim menjehere ne zbulimin e rastit, qe busti te kthevet ne vend e vet dhe akteret e ketij veprimi te shemtuar te marrin denimin e merituar”.

“Edhe këtë veprim është në gjendje t’a bëjë dora dhe mendja e shëmtuar e ndonjë injoranti të krisur mendërisht, dhe skajshmërisht e dënueshme , kushdo qoftë ai apo ata”

Nuk është hera e parë që koka e një busti në një instistucion shkollor është vjedhur. Ditë më parë edhe në fshatin Treboviq dikush mori kokën e bustit të Gjergj Kastriotit Skenderbeut./Indeksonline/

Kryetari i Kuvendit të Kosovës, Kadri Veseli gjatë takimit me kongresistin, Eliot Engel

Kryetari i Kuvendit të Kosovës, Kadri Veseli, gjatë qëndrimit në Shtetet e Bashkuara, ka takuar kongresistin, njëherësh kryesues i Komitetit për Marrëdhënie me Jashtë, Eliot Engel.

Sipas një komunikate nga zyra e kryetarit të Kuvendit, gjatë takimit, kongresisti Engel ka thënë se Shtetet e Bashkuara do të vazhdojnë të jenë përkrah Kosovës në të gjitha proceset që ajo ka para vetes.

“Bashkimi Evropian duhet të ndërmarrë hapa të shpejtë për liberalizimin e vizave për qytetarët e Kosovës dhe të punojë bashkë me Kosovën në proceset euro-integruese”, ka thënë Engel.

Në këtë takim, Veseli dhe kongresisti, Engel diskutuan edhe për nismën e kryeparlamentarit për dënimin e krimeve që Serbia ka kryer në Kosovë.

Kongresisti Engel, ka thënë se “kriminelët duhet të përgjigjen para drejtësisë për të gjitha krimet që kanë kryer ndaj popullatës civile gjatë luftës në Kosovë”.

Gjatë vizitës në SHBA, kryetari i Kuvendit ka takuar disa senatorë dhe kongresistë. Të martën, në forumin e liderëve parlamentarë të organizuar nga Kongresi Amerikan, në Washington, Veseli ka theksuar rëndësinë e njohjes së Kosovës nga vendet që ende nuk e kanë njohur.

Buxhovi: Ka mbetur pa iu bashkuar fushatës linçuese vetëm edhe presidenti, që e gjitha të marrë vulën shtetërore nga “Triumvirati i komandantëve”

Kryetari i Kuvendit të Kosovës, ka reaguar për deklaratën e historianit Jusuf Buxhovi se “UÇK-ja ka qenë e drejtë, por nuk ka qenë e pastër”.

Veseli në një intervistë për Zërin e Amerikës, e ka quajtur “një lloj fosili” Buxhovin, i cili sipas tij, “nuk i ndihmon as qartësimit të së vërtetës historike dhe vrasjeve të pasluftës”.

“Është një nga elementët më të dhembshëm pas luftës së Kosovës, së cilës duhet t’i shkohet deri në fund. Ka të bëjë me vrasje pas luftës të cilat janë kriminale nga njerëz të këqij të cilët nuk ia duan të mirën Kosovës, por personi i cili e ka vënë këtë theks në këtë formë njëngjyrëshe, është lloji i fosilit i cili nuk i ndihmon as qartësimit të së vërtetës historike, pavarësisht se lufta në Ushtrinë Çlirimtare të Kosovës”, ka deklaruar Veseli.

E ndaj kryeparlamentarit ka reaguar historiani Buxhovi, i cili ka akuzuar Veselin për përfshirje në “fushatën linçuese kundër mendimit të lirë dhe të autoritetit shkencor”, përcjell Bota sot.

Buxhovi ka thënë se kësaj fushate, ka mbetur pa iu bashkuar vetëm edhe presidenti në mënyrë që e gjitha të marrë vulën shtetërore nga “Triumvirati i komandantëve”.

“Pas Kryeministrit, në SHBA, në vendin e demokracisë dhe të lirisë, në fushatën linçuese kundër mendimit të lirë dhe të autoritetit shkencor, qenka përfshirë edhe Kryeparlamentari i Kosovës. Mbetet që asaj t’i bashkohet edhe Presidenti në mënyrë që e gjitha të marrë vulën shtetërore nga Triumvirati i komandantëve!”, ka shkruar Buxhovi në një postim në Facebook.