Policia jashtë ministrisë së Infrastrukturës në Prishtinë.

Instituti Kombëtar i Shëndetit Publik dhe Klinika Infektive në Prishtinë, kanë përjashtuar mundësitë e ndonjë sëmundjeje ngjitëse për 12 personat të cilët janë hospitalizuar të dielën në Klinikën Infektive të Qendrës Klinike Universitare të Kosovës, pasi janë përballur me një reaksion teksa kanë qenë duke numëruar zarfet me vota të ardhura nga Serbia në Kosovë.

Pas rezultateve të analizave, të cilat janë bërë publike pas 48 orëve, ushtruesja e detyrës së Drejtoreshës së kësaj Klinike, Linda Ajazaj-Berisha, tha se rezultatet e analizave nuk kanë treguar ndonjë sëmundje infektive.

“Prej rezultateve të cilat i kemi marrë është konfirmuar që nuk ka sindromë infeksioze”, tha Ajazaj- Berisha.

Të 12 punonjësit e Komisionit Qendror Zgjedhor janë hospitalizuar pasi në duart dhe fytyrën e tyre, janë shfaqur shenja të një lloj alergjie.

Autoritetet e sistemit të drejtësisë në Kosovë janë në kërkim të një laboratori në një shtet të huaj, që do të mund të hetonte substancën eventuale në zarfet me vota, të cilat kanë qenë duke numëruar zyrtarët e KQZ-së.

Aktualisht numërimi i votave të ardhura nga Serbia është pezulluar.

Kryeshefi ekzekutiv i Sekretariatit të Komisionit Qendror të Zgjedhjeve, Enis Halimi ka shpjeguar për Radion Evropa e Lirë se si bëhet procedura e votimit me postë për qytetarët e Kosovës që jetojnë jashtë vendit.

“Kosova u ofron mundësinë për të votuar edhe qytetarëve që kanë shtetësi të Kosovës por që momentalisht janë rezidentë në vende tjera. Ky operacion bëhet në dy faza. Në fazën e parë bëhet regjistrimi i votuesve jashtë Kosovës. Më pas, pas konfirmimit që janë votues të ligjshëm, pra në kuptimin që i plotësojnë kriteret për të qenë votues, atyre ju dërgohet konfirmimi. Më pastaj, në fazën tjetër, ata mund ta shkarkojnë fletëvotimin dhe të procedojnë tutje me votën e tyre, me zarfin e fshehtësisë dhe me zarfin që përmban shënimet që dërgohen përmes postës”, thotë Halimi.

Ai thotë se zarfet ku vendosen votat e personave që votojnë nga jashtë Kosovë, blihen nga vetë votuesit.

Zgjedhjet e parakohshme paralmentare në Kosovë janë mbajtur më 6 tetor. Sipas rezultateve preliminare nga numërimi i votave të rregullta, Lëvizja Vetëvendosje ka fituar më së shumti vota, pasuar nga Lidhja Demokratike e Kosovës. rel

Zgjedhjet parlamentare kanë përfunduar me së miri. E para doli LVV me Albin Kurtin. Por hiç më keq nuk doli edhe LDK me Vjosa Osmanin për Kryeministre. Bile doli me mirë se sa ndonjeherë me pare. Ishin zgjedhjet me te suksesshme qe nga 2004, kur i fitonte i madhI Ibrahim Rugova.

Kurse Agim Veliu le te thotë çka te dojë nga qajtoret e Podujevës,së këto zgjedhje nuk ishin më te mirat. Pra mendojëni, veç këtë gjë sikur Agim Veliu të ishte nominuar për kryeminister, siç i pat mbrehë dhembet, LDK sot nuk do te ishte askund, apo ndoshta ne luftë për vendin e tretë se bashku me AAK.

Dy personalitete të kundërta me analogji të njëjtë

Edhe pse dy personalitete të kundërta, Ibrahim Rugova dhe Albin Kurti janë të vetmit liderë në historinë më të re të Kosovës që nuk u tërhoqën për as një milimetër nga qëndrimet e tyre politike dhe kombëtare.
I pari, Ibrahim Rugova (i dëshmuar në qeverisjen e vendit) edhe përkundër pengesave të shumta, nuk u tërhoq nga përcaktimet e tij, deri në frymën e tij të fundit nuk e hoqi nga goja pavarësimin plotë të Kosovës nga Serbia.
Për asnjë çast të vetëm Ibrahim Rugova nuk u lëkund nga binarët e lirisë, pavarësisë dhe demokracisë së vendit të tij.
Edhe i dyti, Albin Kurti (i pa dëshmuar akoma në qeverisjen qendrore) nuk heqë dorë nga mbrojtja e integritetit territorial dhe sovranitetit të shtetit të njohur ndërkombëtarisht.
Sikurse Ibrahim Rugovën, ashtu edhe Albin Kurtin, konsistenca në qëndrime dhe vendosmëria në arritjen e qëllimeve politike, i bën të dallohen prej politikanëve tjerë jo vetëm në Kosovë, por në mbarë trojet etnike shqiptare.
Tani radhën e ka Albin Kurti që të dëshmohet në qeverisjen e vendit për mbrojtjen e shtetit, themelet e të cilit i vuri Ibrahim Rugova tri dekada më parë.

“Zajednica” patate e nxehtë në duart e Albin Kurtit

Nëse ju referohemi aspekteve parimore për bërjen e shtetit, premtimeve dhe qëndrimeve të liderit të VV-së, do të ishte fat i madh për vendin sikur Albin Kurti të vinte në pushtet në zgjedhjet e vitit 2007-të, respektivisht para shpalljes së pavarësisë së 17 shkurtit 2008.
Mirëpo, ardhja në pushtet e Albin Kurtit 12 vite më pas, përveqse e vonuar, do të jetë me efekte minimale për kthimin e gjërave në vendin e duhur.
Kur e themë këtë, e kam parasyshë faktin se, jo Kurti, por edhe kush do tjetër nuk mund t’i kthenë Kosovës territorin e humbur me demarkim me Maqedoninë e Veriut dhe Malin e Zi.
Po ashtu, do të jetë shumë e vështirë, për të mos thënë e pamundur që të anulohen marrëveshjet me Serbinë në Bruksel, të nënshkurara nga dy ish kryeministrat e Kosovës, Hashim Thaçi dhe Isa Mustafa për Asociacionin e Komunave Serbe (“Zajednicën”) në veri të vendit.
E vetmja gjë që ka mbetur e hapur akoma për diskutim, është demarkimi i kufirit me Serbinë, gjegjësisht çështja e shkëmbimit të territoreve mes Serbisë dhe Kosovës sipas planit serb, të mbështetur nga presidenti i Kosovës Hashim Thaçi dhe kryemistri shqiptar Edi Rama.
Ashtu sikurse ish kryeministri Ramush Haradinaj që nuk mundi ta kthejë ne pikën zero dialogun me Serbinë, as Albin Kurti nuk do mund t’i kthejë mbrapa proceset e avancuara të dialogut Kosovë-Serbi.
Fitorja e VV-së e 6 tetorit 2019-të, më shumë është meritë dhe produkt i lojës me fjalë të Albin Kurtit sesa kontribut i kësaj organizate politike për shtetndërtimin e Republikës së Kosovës.

Përballja e Kurtit me ndërkombëtarët

Se cili do të jetë vizioni i Kurtit në përballje me ndërkombëtarët do ta shohim nga momenti i konstituimit të qeverisë së re. Na mbetët të shohim e dëgjojmë se cila do të jetë gjuha e Albin Kurtit me ndërkombëtarët.
Ndërkombëtarëve nuk ju interesojnë thënjet filozofike me nga dy-tri kuptime, por gjuha e shkurtër dhe e qartë, e prerë dhe pa ekuivoke politike.
Bazuar nga gjuha filozofike dhe konceptet politike, qeveria e re e drejtuar nga Albin Kurti, edhe pse e gatshme, nuk do mund të përballet me ndërkombëtarët për temat që kanë evolvuar nga qeveritë paraprake. E vetmja gjë që mund të bëjë “Qeveria Kurti” për të arsyetuar vendimin historik do jetë “karta” e rrezikshme e bashkimit kombëtar.
Në rrethanat aktuale, pas ndarjes territoriale të Kosovës, “karta” e Kurtit për bashkim kombëtar mund t’i jepë fund tragjik shtetësisë së Kosovës, ku dështimin në parandalimin e ndarjes së Kosovës, Albin Kurti do t’ia “faturojë” qeverisjes 11 vjeçare, përkatësisht presidentit Thaçi, ish kryeministrit Mustafa dhe kryeministrit paraprak Ramush Hradinaj.
Fitorja e vonuar e Albin Kurtit do të jetë fitore e “Pirros” për Kosovën!

Analogjitë e “fitoreve” të mëdha

Rezultati i zgjedhjeve të 6 tetorit, nga qytetarët e Kosovës po vlerësohet herë si fitore e demokracisë e herë si fitore “çlirimtare”, e krahasuar me çlirimin ndaj Serbisë!
Mbarëvajtja e zgjedhjeve e arsyeton konstatimin e parë, mirëpo konstatimi i dytë lenë shumë për të dëshiruar, për shkak se, sikurse LVV-ja që është e pushtuar nga brenda prej komandantëve, LPK-istëve (PDK-istëve), enveristëve, titistëve dhe ekstremistëve fetarë, ashtu edhe LDK-ja është akoma e pushtuar prej titistëve, strukturave të SHIK-ut famëkeq, klaneve dhe grupeve të interesit, matrapazëve dhe rrahagjokësve politikë.
Prandaj, me të drejtë mund të thuhet se zgjedhjet e 6 tetorit janë fitore e demokracisë, por jo edhe fitore që çliron Kosovën nga kapësit e shtetit, për shkak se kapësit e shtetit janë kudo dhe ngado në të gjitha subjektet politike.
Kosovën nga kapësit dhe uzurpatorët, nga korrupsioni dhe krimi i organizuar e çliron vetëm një proces i monitoruar ndërkombëtar i VETTING-ut, që nuk i nënshtrohet asnjë presioni nga partitë politike dhe nëntokat kriminale të tyre.

Fituesi jo meritor I çmimit prestigjioz Hanke, me përkrahëjn që ia bëni regjimit criminal të Millosheviqit, e shiti shpirtin për ideologji uuryese komuniste , edhe më gjasë e shiti shpirtin edhe për para.Kjo është gjeja më e keqe që mund ta godas një shkrimtarë.Me qendrimet politike të austriakut Peter Handke nuk u pajtuan kurrë shumë kolegë të vet. Ai më të drejtë edhe mori epitetin “monstrum ideologjik”. Me shumë së kurrë intelektualët e njohur do të duhej të rreshtohen në mbrojtën e lirive elemenatare njerëzore .Handke nuk është përson I tillë, përkundrazi u tregua cinik dhe shumë shpirt ngusht, duke mbrojtur regjimin gjenocidial të Millosheviqit.Ai në vitin 2014 kishte bërë thirrje që të hiqet Nobeli. Fakti së Handke e mori këtë qmim për vitin 2019 nga Akedemia Suedeze, kishte të drejtë.Kjo është Suedia sot: ai që përkrahu hapatazi masakrat më të mëdha pas Luftës së Dytë Botërore behët fitues i Nobelit për Letërsi!Dhënja e çmimit një hendikapi si Handke , është fyerja më e rëndë për të gjitha viktimat e luftës në ish-Jugosllavi.Serbia e cila ka merituar të dënohet për gjenocid, në vitin 2015, shkrimtarin austriak Handke, e shpallë qytetarë nderi , dhe anëtar I të SANU. Por, jo më kot ai është antishqiptar dhe proserb, pasi që gruaja e tij është me origjinë serbe…

Ministria e Punëve të Jashtme të Kosovës, përmes një komunikate për media, ka shprehur “shqetësimin e thellë për ndarjen e Çmimit Nobel për shkrimtarit austriak, Peter Handke”

MPJ-ja kërkon nga Akademia Suedeze të rishqyrtojë dhënien e Çmimit Nobel për Letërsi shkrimtarit Peter Handke.

“Ne gjykojmë se kësaj radhe çmimi i është dhënë njeriut të gabuar – mohuesit të gjenocidit, thuhet në reagimin e Ministrisë së Jashtme, në të cilin u bëhet thirrje institucioneve relevante botërore, akademive shkencore dhe organizatave që merren me mbrojtjen e të drejtave të njeriut, të ngrehin zërin e tyre dhe të shprehin kundërshtimin me vendimin e Komitetit të Nobel-it.

Shpallja e shkrimtarit austriak si fitues i çmimit Nobël ka ngjallur reagime të shumta.

Presidenti i Kosovës, Hashim Thaçi, tha më 10 tetor se ky vendim solli dhimbje të të jashtëzakonshme për viktimat e panumërta.

“E mbaj mend, në vitin 1990 Vaclav Havel, Susan Sontag e shumë të tjerë e dinin se ligësia në Evropë duhet të ndalet dhe se gjenocidi në Kosovë e në Bosnje e kishte një përgjegjës. Handke vendosi t’i mbrojë e përkrah përgjegjësit. Ky vendim sjell dhimbje të thellë për shumë viktima”, shkroi presidenti Thaçi, në rrjetin social Twitter.

Edhe Organizata amerikane Pen, e cila mbron lirinë e shprehjes dhe promovon letërsinë, tha se zgjedhja e Komitetit të Nobelit për laureat të çmimit në letërsi është për keqardhje.

Ndonëse kritika shumë shpesh e ka cilësuar si një nga shkrimtarët më të mirë bashkëkohorë në Evropë, opusi letrar i Handkes pati rënë në plan të dytë pasi që vitit 1996 pati publikuar esenë “Një udhëtim dimëror kah Danubi, Sava, Morava dhe Drina – ose drejtësia për Serbinë” dhe më pas edhe katër libra të intonuara në të njëjtën mënyrë.

Për shkak të mbështetjes së Serbisë së izoluar ndërkombëtarisht, vizitës së mëvonshme të ish-presidentit të Serbisë, Slobodan Millosheviq në njësinë e paraburgimit të Tribunalit të Hagës, si dhe shkuarjes në varrimin e tij, Handke kryesisht është kritikuar, madje edhe është parë si famëkeq në opinionin ndërkombëtar, sikurse asnjë shkrimtar tjetër.

Peter Handke

Akademia e Shkencave dhe e Arteve e Kosovës tha se është e zhgënjyer thellësisht me ndarjen e sivjetshme të Çmimit Nobel për Letërsi për shkrimtarin austriak, Peter Handke.

Handke njihet si figurë kundërthënëse, për shkak të mbështetjes së tij për politikat e ish-presidentit të Serbisë, Sllobodan Millosheviq.

Për rrjedhojë, Akademia e Shkencave dhe Arteve e Kosovës tha se kërkon që të anulohet ky vendim i Akademisë suedeze, si “akt mirëkuptimi e solidariteti me të gjithë popujt e botës që luftojnë për liri dhe vlera demokratike”.

“Peter Handke nuk ishte në anën e drejtë të historisë së popujve të Ballkanit dhe as të Kosovës; nuk ishte në anën e ndritshme të ideve, por gjeti strehë në anën e errët të ngjarjeve tragjike të Ballkanit”, thuhet, mes tjerash, në reagimin e Akademisë së Shkencave dhe të Arteve të Kosovës.

Të enjten, Akademia suedeze e Shkencave shpërbleu me Çmimin Nobel për Letrësi autoren polake, Olga Tokarczuk, dhe autorin austriak, Peter Handke.

Çmimi për Tokarczukun i takon vitit 2018, ndërsa për Handken këtij viti.

Akademia suedeze ndau sivjet dy çmime në letërsi, pasi vitin e kaluar është anuluar për shkak të një skandali seksual.

Vjosa Osmani, Kandidatja për kryeministre nga radhët e Lidhjes Demokratike të Kosovës me anë të një statusi në Facebook ka pranuar se do të ketë koalicion në mes të Lëvizjes Vetëvendosje dhe LDK-së.

Duke mos përmendur fitoren e kundërshtarit politik, Albin Kurti i cili doli fitues në zgjedhjet e 6 tetorit Osmani ka thënë se qytetarët votuan për ndryshim.

Në këtë postim ajo ka thënë se me ekipin e saj e ka ngritur LDK-në në një  rezultat që nuk e kishte që nga viti 2004.

Postimi i Osmanit:

Të dashur qytetarë të vendit tim,  Këtë vjeshtë janë mbushur plot 20 vjet që jam bërë anëtare e LDK-së dhe gati po aq që kam shërbyer në institucionet e Kosovës. Ka qenë rrugë jo e lehtë, plot pengesa e sfida, sikur për shumë të rinj e të reja në vendin tonë. Deri tani, ishte një rrugëtim i jashtëzakonshëm, përgjatë të cilit kam takuar mijëra gra e burra, vajza e djem, qytetarë të mirë të këtij vendi që më kanë mbushur plot shpresë për të ardhmen.

I falënderoj miliona herë, nga thellësia e zemrës, të gjithë që na përkrahën e besuan në ne, si dhe të gjithë aktivistët e veprimtarët që kurrë nuk reshtën së punuari me vetëmohim. Arritëm që të gjithë së bashku, por për një kohë tejet të shkurtë prej vetëm një muaji, ta ringrisim LDK-në në një rezultat që nuk e kishte nga viti 2004. Por, na mbetet edhe shumë punë për të bërë, edhe shumë sfida për të kaluar, e ato mund t’i kalojmë vetëm së bashku.

Më në fund, qytetarët, jo vetëm që votuan, por, ajo votë ishte thirrje për ndryshim e ndëshkim ndaj qeverisjes së keqe. Qytetarët, po ashtu, përcaktuan qeverinë e re, e cila duhet të përbëhet nga opozita e deridjeshme. Për mua nuk ka asnjë alternativë tjetër. Koalicioni LDK-VV ka shumë sfida para vetes, por duhet ta ketë vetëm një interes: atë të qytetarëve të Kosovës.

Unë do të punoj dhe do t’i shërbej vendit tim, pavarësisht se ku jam. Ashtu siç e kam thënë gjithnjë: në secilën betejë, do të jemi së bashku, deri në fund! E juaja, Vjosa

Qendër e numërimit të votave në Kosovë

Paneli Zgjedhor për Ankesa dhe Parashtresa në Kosovë (PZAP) tha se nuk do të ketë rinumërim të fletëvotimeve nga zgjedhjet parlamentare të 6 tetorit.

PZAP doli me këtë vendim pas shqyrtimit të kërkesës së Partisë Demokratike të Kosovës, Lidhjes Demokratike të Kosovës dhe Koalicionit NISMA-AKR-PD për rinumërimin e të gjitha votave në nivel vendi.

Ndryshe, Komisioni Qendror i Zgjedhjeve njoftoi të martën se ka përfunduar procesi i numërimit të votave të rregullta.

Sipas rezultateve preliminare të KQZ-së, Lëvizja Vetëvendosje prin me 25.48 për qind të votave, pasuar nga Lidhja Demokratike e Kosovës me 24.82 për qind.

Po sipas këtyre rezultateve, Partia Demokratike e Kosovës ka fituar 21.24 për qind të votave, Koalicioni Aleanca për Ardhmërinë e Kosovë dhe Partia Socialdemokrate 11.57 për qind, ndërsa Lista Serbe 6.61 për qind.

Në këto rezultate nuk janë të përfshira votat me kusht, votat me postë dhe votat e personave me nevoja të veçanta, pasi ato nuk janë numëruar ende. rel

Kryetari i Lëvizjes Vetëvendosje, Albin Kurti, tha të martën se “do të jetë kryeministër për të gjithë qytetarët e Kosovës”.

Kurti i bëri komentet në një takim me ambasadorin e Shteteve të Bashkuara në Kosovë, Philip Kosnett, dy ditë pas zhvillimit të zgjedhjeve të parakohshme parlamentare.

Sipas rezultateve preliminare të këtyre zgjedhjeve, partia e Kurtit ka fituar shumicën e votave, me një diferencë të ngushtë nga Lidhja Demokratike e Kosovës, e cila ka dalë e dyta.

Vetëvendosje dhe LDK-ja nuk e kanë përjashtuar mundësinë e një marrëveshjeje për formimin e qeverisë së re, edhe pse është thënë se negociatat do të nisin pas numërimit të të gjitha votave.

Në një komunikatë për media, të lëshuar të martën nga Lëvizja Vetëvendosje, thuhet se “ambasadori Kosnett shprehu kënaqësinë e tij për mbarëvajtjen e procesit zgjedhor, pjesëmarrjen e lartë të qytetarëve dhe e uroi kryetarin Kurti për një fushatë që i adresoi shqetësimet e votuesve”.

Në anën tjetër, Kurti, thuhet në komunikatë, e siguroi Kosnettin se “do të jetë kryeministër për të gjithë qytetarët e Kosovës”.

“Ai e njoftoi ambasadorin se konsolidimi i brendshëm i Kosovës me shtetndërtim demokratik, sundim të ligjit, zhvillim ekonomik dhe progres shoqëror është prioritet që do ta zbatojë, meqë edhe nevojat e qytetarëve dhe vullneti i tyre i shprehur në këto zgjedhje ishin për këtë”, thuhet mes tjerash në komunikatë.

Analistët në Kosovë presin që negociatat për formimin e qeverisë së re të jenë të vështira.

Në zgjedhjet e 6 tetorit, Partia Demokratike e Kosovës, e cila ka udhëhequr për 12 vjet, ka dalë e treta – gjithnjë sipas rezultateve preliminare të Komisionit Qendror të Zgjedhjeve. rel

Të dielën janë zhvilluar zgjedhjet e parakohshme pas dorëheqjes së ish-kryeministrit Ramush Haradinaj. Këto zgjedhje u fituan nga Lëvizja Vetëvendosje me kandidat për kryeministër Albin Kurtin.

Në një intervistë për Top Channel, Kurti ka treguar se çfarë do të ndodhë nëse ai nuk arrin të bëjë koalicion për të formuar qeveri.

Muhamed Veliu: Ju jeni partia e parë fituese, nëse nuk arrini që të krijoni koalicion, çfarë ndodh më pas?

Albin Kurti: Unë besoj se do të arrijmë që të krijojmë koalicionin, nëse larg qoftë nuk arrijmë që të krijojmë koalicionin atëherë nuk e di se kujt do t’i jepet shansi i dytë. Ka mundësi që sërish neve dhe ashtu do duhej të ishte, por po nuk arrit kjo gjë atëherë shkojmë në zgjedhje të reja sërish dhe ne mbase nuk i kemi pasur qejf zgjedhjet dikur para shumë viteve, por tash që ua kemi marrë dorën nuk ju përtojmë atyre.

Kryeministri i ardhshëm i Kosovës Albin Kurti në disa deklarata me gazetarët. Ju lutemi që ta ndiqni.

Midis të tjerave në lidhje me qendrimet e Edi Ramës pro ndarjes të Kosovës, Albin Kurti thotë se nuk mendon se kryeministri i Shqipërisë të jetë pro ndarjes të Kosovës por se “Kryeministri i Shqipërisë ka zgjedhur në Kosovë miq dhe bashkëpunëtorë të papërshtatshëm, që shohin interesat e tyre dhe nuk e kanë në fokus as interesin kombëtar dhe as shtetin e Kosovës. Baton Haxhiu është një nga njerëzit më të urryer në Kosovë  për shkak të lidhjeve të tij me shefin e shërbimit sekret shtetëror të Serbisë i cili i ka formuar edhe Tigrat e Arkanit, edhe Shkorpionët edhe Beretat e Kuqe, tri formacione famëkeqe që kanë bërë masakra në Kroaci Boesnje dhe në Kosovë. Ky person të ketë kaq shumë ndikim, nuk ka shpjegim ndryshe vazhdon të qendrojë shteti i Serbisë prapa tij”.

Ndiqeni të plotë pyetjet që gazetarët i bënë Zotit Kurti dhe se si është përgjigjur ai.

Fitues i zgjedhjeve të parakohshme nacionale doli LVV e Albin Kurtit, me rezultat të ngusht para LDK –së, e cila po e paguan ende tagrin e koalicioneve me PDK-ne. Dhe, gjithsecili duhet pranuar verdiktin e popullit. Duhet pranuar së ishte koha e fundit që keqbëresit për 20 vite më radhë , të dalin në opozitë .”Erdhi Koha” ishte sllogani I LVV , dhe vërtetë ka qenë ndoshta edhe rasti I fundit që të shpëtohet ky popull nga të ligat që e goditën . Qytetarët kësaj radhe paten vetëdijesim si kurrë më parë për ndryshime pozitive në Kosovë. Dorën në zemër e deshti kush ose jo, Albin Kurti është politikani që për shumë vite , qendroi verikalisht, pa u gjunjëzuar edhe atëherë kur shumë kush mendonte së do të dorëzohej para pushteteve më shumë autokratike. Nuk dua që ti thurr Kurtit elozhe , se nuk ka nevojë për to, së ai më punën dhe angazhimin si opozitarë I fortë, arriti që VV ta qetë partinë e parë. Albini është një politikan dhe intelektual i profilit të lartë, është i pa korruptuar, me moral të lartë , i përgjegjshem dhe i ndërgjegjshem para Zotit dhe para popullit të vet.Këto janë komponentet kryesore që duhet ti posedon një politikan profesionist. Amatorët e politikës na shkaktuan dëme shumë të mëdha në të gjitha fushat e jetës.Kosova për fajin e struktuarave te deritashme politike mbeti e izoluar si ne geto, mbeti vendi më e varfër në Evropë, mbeti pa njohje të reja , pa inkuadrim në organizmat e ndryshem ndërkombëtar, dhe pa investime të jashtme, që zor është të dalim nga kriza ekonomike –sociale, si dhe patem largime masive nga Kosova… Ata që shitën 8200 hektarë tokë Malit të Zi, ata që deshtën ta zhbëjnë Republikën e fituar më gjak, e merituan largimin, por edhe përgjegjësin .Kosovën e presin sfida të mëdha, si në planin e mbrendshem, e veqmas në bisedimet më palën serbe, të cilat do të jenë shumë të rënda. Sigurisht së qeveria e formuar më gjasë nga LVV dhe LDK dhe ndonjë parti tjetër duhet të përgatitën mirë, e jo të shkojnë më duar në xhepa , siq u veprua deri më tash. Dhe, natyrisht jo të vazhdohen bisedimet pa kushte .Mendoj, së LVV dhe LDK , kan kapacitete që të merrën më këtë temë shumë të ndieshme siq do të jenë bisedimet e fazës finale më Serbinë, kur dihet së ende nuk është larguar krejt rreziku për ndarje etnike të Kosovës…

Në 10 komunat me shumicë serbe, në zgjedhjet parlamentare të Kosovës, ka fituar bindshëm Lista Srpska. Në nivel vendit, zgjedhjet, sipas rezultateve preliminare, i fitoi Lëvizja Vetëvendosje. Megjithatë në një intervistë në gjuhën serbe, Albin Kurti thotë se nuk i do në Qeverinë e tij fituesit serbë.

Në një intervistë për N1 në Serbi, kandidati për kryeministër nga LVV, ka thënë se do të fillonte menjëherë bisedimet me serbë për t’i marrë në Qeveri, por nuk e do fituesin kryesor të votave serbe në Kosovë, që është Lista Srpska, transmeton Gazeta Express.

I pyetur nëse ai do të formojë një qeveri me Listën Serbe, Kurti ka thënë se ai do të përfshijë partit politike serbe përveç Listës Serbe në koalicion, duke sqaruar se, sipas tij, Lista Serbe nuk është një parti politike por një shtet.

“Kushtetuta jonë thotë se duhet të jetë së paku një ministër nga komuniteti serb në qeverinë tonë, por nuk thotë se duhet të jetë nga Lista Serbe. Kështu që ne do t’i përqëndrojmë përparësitë tona në pakicat si komunitetet, jo si parti”, thotë Kurti.

Lideri i LVV’së ka folur edhe për dialogun me Serbinë, duke thënës se sapo të krijohet Qeveria do të shkojë në Bruksel për nisur bisedimet me Përfaqësuesin e ri të BE’së të caktuar për ndërmjetësim mes Kosovës e Serbisë.

“Nuk mund të kemi përsëri një dështim në këtë dialog, sepse kushton shumë. Ne gjithashtu do të shikojmë në ato 33 marrëveshje që kemi pasur nga 2011-2017, çfarë u përmbush dhe çfarë nuk ishte dhe cilat janë ndikimet në jetën e popullit të Kosovës dhe një ditë do të fillojmë një dialog me Serbinë, e cila duhet të jetë parimore”, thotë Kurti. /Express/

Demokracia si vlerë imanente e sundimit të popullit me vetveten, si sistem pluralist kushtetues, i dalë nga fjala “Demos”- populli dhe “Kratos”- pushteti, nënkupton pushtetin e sovranit e jo sundimin e të fortit!

Prandaj, nga sot fillon një epokë e re historike për popullin dhe shtetin ligjor në Kosovë, si një e drejt e mohuar dhe e nëpërkëmbur në dy dekadat e kaluara!

Gazetari Baton Haxhiu nuk i ka mbajtur dot lotët, pas daljes së rezultatit të zgjedhjeve të parakohshme parlamentare në Kosovë, ku fitues u shpall “Vetëvendosja” e Albin Kurtit.

Kjo, për faktin se para zgjedhjeve Baton Haxhiu kishte vënë bast se nëse nuk fitonte PDK e Kadri Veselit, ai do të mbyllte televizionin e tij.

“Nëse nuk fiton Kadri Veseli, mbyll televizionin”, kështu do të shprehej disa javë më parë gazetari Baton Haxhiu, që mesa duket e ka humbur bastin. Ndërsa dje kur Kadri Veseli pranoi publikisht humbjen, Haxhiu është parë i përlotur në ekranin e Klan Kosovës.

Komisioni Qendror i Zgjedhjeve në Kosovë ka publikuar shifrat për daljen në votime për secilën komunë të Republikës së Kosovës. Sipas këtij institucioni, dalja e përgjithshme deri në orën 15:00 është mbi 29 për qind, ndërsa kjo e përkthyer në numër, shkon në 560 mijë persona që kanë hedhur votën brenda kutive të votimit.

Kryetarja e KQZ-së në Kosovë, Valdete Daka në një prononcim për Neës 24 tha se procesi po shkon normalisht, ndërsa shtoi se deri në orën 15:00, 29 për qind e qytetarëve, kanë votuar për zgjedhjet e përgjithshme.

Ajo theksoi se ky është një trend pozitiv në krahasim me zgjedhjet e zhvilluar dy vite më parë.

“Deri në orën 15:00 kanë votuar 29 për qind e qytetarëve me të drejtë vote. Kemi një rritje të votuesve në krahasim me zgjedhjet e 2017. Nuk ka incidente që cenojnë procesin. Kemi disa persona që janë intervistuar, por më pas janë liruar. Zakonisht trendi është në rritje në orët e fundit para mbylljes së procesit. Për herë të parë pjesëmarrja mund të shkojë drejt 50 për qindshit, por ky është një supozim i imi”-tha Valdete Daka.

Në qendrën më të madhe në Veri të Mitrovicës ka pasur një numër të madh të votuesve.

Nga atje po raportohet se tash kanë hyrë dhjetëra autobusë nga Serbia në Kosovë të mbushur plot me votues të një subjekti të caktuar politik.

Të gjithë ata votues, do të jenë në favor të një opsioni politik të caktuar serb në Kosovë, e që është Lista Serbe.

Në gjithë Kosovën janë hapur sot 895 qendra votimi me rreth 2000 vendvotime, derisa numri i votuesve është 1 milion e 937 mijë e 868.

Për mbarëvajtjen e procesit zgjedhor do të kujdesen e Policia dhe Prokuroria e Shtetit, institucione këto me të cilat KQZ-ja bashkëpunon përherë.

Komisioni Qendror i Zgjedhjeve ka certifikuar 25 subjekte politike për pjesëmarrje për Zgjedhjet e Parakohshme për Kuvendin e Republikës së Kosovës.

Mes tyre, 4 koalicione, 20 parti politike dhe 1 kandidat i pavarur. E këto subjekte politike janë shqiptare, serbe, boshnjake, turke gorane, ashkalinje, rome dhe egjiptiane.

Ndërsa në këto zgjedhje, postin e kryeministrit po e synojnë 7 kandidatë nga subjekte të ndryshme politike./GazetaExpress

Emrat e të vdekurve po vazhdojnë që të figurojnë në listat zgjedhore në Skënderaj.

Kryesuesi i vendvotimit në Skenderaj, Hajdar Beka në një lidhje direkte për T7, ka thënë se kanë hasur në emra të të vdekurve në lista.

“Edhe në Skënderaj janë evidentuar raste me emra të të vdekurve në lista”, ka thënë ai për T7.

Ndryshe, një rast i tillë është raportuar edhe në Prishtinë. Një person ka raportuar se e ka parë emrin e djalit të tij të vdekur në listë. /Express

Qytetarë të dashur të vendit tim, elektorat i respektuar i të gjitha partive politike.

Pas parafushatës tre javore dhe fushatës së zhurmshme e shurdhuese 10 ditore të partive politike, pas premtimeve megalomane të kandidatëve për kryeministra, radha ju erdhi juve qytetarë dinjitozë të Republikës së Kosovës, që të mendoni mirë para se të votoni.
Elektorat besnik i partive politike, premtimet dhe deklaratat që i keni dëgjuar gjatë fushatës zgjedhore janë pak të besueshme, për shkak të mungesës së sinqeritetit dhe pafuqisë së realizimit të tyre, pra janë vetëm retorikë zgjedhore sa për t’ua grabitur votën e asgjë më shumë.
Politika është art i së mundshmës e cila bazohet në gënjeshtra, mashtrime, marrëzi, urrejtje dhe skizofreni. Gjuha e politikanëve të korruptuar plot gënjeshtra tingëllonë si gramafon i prishur.

Përqasje elektorale

Pas zgjedhjeve të 6 tetorit, me ardhjen e sërishme në pushtet të një klase të korruptuar, qytetet dhe fshatrat e Kosovës rrezikojnë zvoglim enorm të popullatës dhe rritje të numrit të qenëve endacak…
Qytetarët e Kosovës, të lodhur nga varfëria ekstreme dhe denigrimi social, pa asnjë shpresë për ardhmëri, do ta braktisin Kosovën për të mos u kthyer më asnjëherë në “tokën e nemur”, të zaptuar nga krimi i organizuar i bastardëve politik.
Qytetarët janë lodhur nga ky sundim i egër i mafio-oligarkisë politike, në të dyja nivelet e qeverisjes, dhe nuk po mund të durojnë më tejë denigrimin dhe përbuzjen e pushtetarëve.
Janë lodhur aq shumë saqë për çdo ditë dëgjojmë lajme për të rinjët me shpresa të thyera që i “mbushit autobusët” dhe ia mësyjnë Perëndimit për një jetë më të mirë.
Për më keq se kaq, Kosovës është duke i ikur truri dhe shpirti i saj. Janë shpeshtuar rastet e largimit të mjekëve dhe infermierëve, i largimit të kuadrove më të përgatitura në fushën e ekonomisë, arsimit, shkencës, kulturës, sportit,…etj.
Duke e ndjerë rrezikun e ardhjes në pushtet të klasës sa të inkriminuar po aq të rikcikluar politike, vërehet rënje e interesimit për dalje në zgjedhje.
Qytetarët, nuk e kanë as motivin minimal për të dalë në zgjedhje, për ti votuar të njëjtat figurat politike, e lërë më t’u besojnë tutje partive politike dhe liderëve të tejinkriminuar, të cilët për 20 vite rresht asnjëherë nuk u përkujdesen për mirëqënjën e qytetarëve, porqë u kujdesen vetëm për rrëmbimin e pushtetit dhe zhvatjen e shtetit.
Për qytetarët e zhgënjyer në këtë klasë të korruptuar politike, ditët e parafushatës dhe fushatës elektorale, me plot gënjeshtra dhe premtime (mashtrime) ishin sa të gjata po aq të mundimshme.
Sikur të realizoheshin vetëm 10 % e premtimeve elektorale, Kosova do të shndërrohej në parajsë për qytetarët e vendit.

10 ditët e gjata, të “mrekullive” të mëdha

Pas 10 ditëve të gjata të “mrekullive” të mëdha, më 6 tetor “Musketerët” i matin forcat, të nesërmën me 7 tetror i fillojnë pazaret politike për pushtet, do t’i harrojnë tërësisht premtimet e dhëna qytetarëve…
Qytetarët e vendit tim, më 6 tetor e kanë një mundësi të mirë që ta ndëshkojnë me votë këtë klasë kusarësh politikë që po bëjnë pazare me shtetin dhe po luajnë me fatin e qytetarëve.
Kosova është vendi i vetem në rajon e ndoshta edhe në botë, ku politikanët milionerë i blejnë më së liri votat dhe shesin më së shtrënjti premtimet e tyre.
Si zakonisht çmimin e mashtrimeve të tyre e paguan popullata e varfër,..që do të mbetët sërish duke pritur deri në zgjedhjet e radhës pa e shijuar fare aromën e mrekullisë së premtuar.
Qytetar të dashur të Republikës së Kosovës, mesazhi i këtij shkrimi është i qartë dhe i sinqertë, mos bini pre e premtimeve boshe elektorale të kandidatëve për kryeministra,…vëni gishtin kokës dhe mendoni mirë para se të votoni. Vota e juaj me 6 tetor vlenë pak më shumë se; 20, 50 apo 100 euro,…vota e juaj vlenë më shumë se një vend pune, vota e juaj vlenë më shumë se çdo interes pesonal, vota e juaj e ka vlerën e artë të veriut të vendit, i cili rrezikon të humbet nga procesi negociatorë me Serbinë.
Ata që ju harruan dje kur ju iu dhuruat votën, do t’ju harrojnë edhe nesër e përgjithmonë. Vota e juaj më 6 tetor është votë që determinon të ardhmën e shtetit dhe fatin tonë të përbashkët nesër, e në mënyrë të veçantë fatin e veriut të vendit.

Largoni klasën e inkriminuar politike

Qytetarë të vendit tim, është në dorën e juaj që më 6 tetor ta zgjedhni një përbërje të re deputetëve që përfaqësojnë denjësisht interesat e juaja në Parlamentin e Kosovës.
Nga këtu, shfrytëzoj nga rasti, që edhe një herë t’ju bëjë thirrje qytetarëve të vendit, mos votoni sy mbyllur, por hapni sy e vesh, kthjellni mirë mendjen para se të votoni nëse nuk dëshironi të vuani e vajtoni edhe për shumë vite të tjera.
Deri më sot në zjarrin e dashurisë për pushtet në gjysëm shtet janë djegur disa kryeministra, shumë politikan dhe lider partiak, shpresoj që kësaj radhe të delë së paku një kandidatë i vetëm për kryeministër që i shpëton “zjarrit përvëlues…”
Fundi i maskaradave zgjedhore dhe loja e politikanëve me ndjenjat e popullatës së varfër do të marrin fund vetëm me largimin e tërësishëm të kësaj klase politike. Ngase, nëse mbetët edhe vetëm një poltikanë i inkriminuar, do ta dekontaminojë përseri skenën e re politike.
Politikanët e korruptuar janë kudo dhe në të gjitha listat zgjedhore. Elektorati e ka shansin historik që t’i largoi me votë abuzuesit e pushtetit,…që të gjithë ata, në një mënyrë apo tjetër janë të lidhur edhe me nepotizmin, korrupsionin dhe krimin e organizuar në vendin tonë.
Politikanët e inkriminuar, aty ku i ndanë pushteti qendror, i bashkon ai lokal, i bashkojnë bisneset dhe punët e pista në zhvatjen e buxhetit dhe palçkitjen e qytetarëve (mërgimtarëve).
Mundësia më e mirë për arritjen e ndryshimit në skenën parlamentare dhe ndëshkimin e politikanëve të korruptuar dhe tejinkriminuar, është vota për kandidatët e rinjë për deputet, të pastër e të padjallëzuar që mbrojnë të drejtat e juaja dhe shtetit të Kosovës e jo të liderëve partiakë dhe oligarkëve politikë.
Përzgjedhjen e këtyre deputetëve mund ta bëni secili nga ju në listat zgjedhore të partive të preferuara nga numri 80-110 dhe anasjelltas. Mbase kjo është e vetmja mundësi për të sjellë ndryshim dhe freski në Parlamentin e Kosovës.
Përderisa popullit i imponohet vota, e nuk lihet i lirë të bëjë zgjedhjen sipas dëshirës dhe bindjeve të veta, vështirë do ndodhë ndryshimi në këtë vend.
Zoti e bekoftë votën e lirë të njerëzve të lirë!

Presidenti i Kosovës, Hashim Thaçi, ka zhvilluar një bisedë telefonike me të dërguarin e Shtëpisë së Bardhë për bisedimet Kosovë-Serbi, Richard Grenell.

“Emërimi juaj shton besimin tonë në këtë proces dhe në mundësinë për të arritur një marrëveshje të paqes, përfundimtare, me Serbinë”, është shprehur presidenti Thaçi në këtë bisedë telefonike, njofton Presidenca e Kosovës.

Presidenti Thaçi i ka thënë ambasadorit Grenell, se emërimi i tij “është konfirmim i përkushtimit personal të presidentit Trump që të arrihet një marrëveshje e paqes në mes të Kosovës dhe Serbisë”.

Më herët edhe presidenti i Serbisë, Aleksandar Vuçiq tha se do të zhvillojë një bisedë telefonike me ambasadorin Grenell.

Bisedimet ndërmjet Kosovës dhe Serbisë janë ndërprerë që nga nëntori i vitit të kaluar. Ato janë lehtësuar nga Bashkimi Evropian, i cili e mirëpriti emërimin e të dërguarit të posaçëm amerikan, duke thënë se SHBA-ja dhe BE-ja do të vazhdojnë angazhimin e përbashkët në Ballkanin Perëndimor. rel

Një zyrtar i lartë i Shtëpisë së Bardhë i tha Zërit të Amerikës se presidenti Trump e emëroi ambasadorin Grenell si të dërguarin e tij të posaçëm për shkak të besimit të madh që ka tek ai.

Emërimi i një zyrtari të këtij niveli të lartë dhe përfaqësuesi të aftë pasqyron angazhimin e presidentit Trump për të arritur një marrëveshje paqeje afatgjatë midis Serbisë dhe Kosovës.

Ndërsa Kosova pritet të zgjedhë së shpejti një qeveri të re, emërimi i zotit Grenell nënvizon rëndësinë që të dyja palët të hedhin hapa drejt rifillimit të dialogut, u shpreh zyrtari amerikan i pyetur nga Zëri i Amerikës lidhur me emërimin e zotit Grenell.

Kadri Veseli i cili qe sa kohë po rrahë gjoks së është më proamerikani nga te gjihtë liderët tjere në Kosovë. Kjo është një ndër rrenat e medha të tij.

Kadri Veseli duke e quajtur vehtën si proamerikan ai sot ia dha një grushtë të fortë, ia futin thikën pas shpine Amerikës zyrtare dhe Ambasadës Amerikane në Prishtinë duke sjell një rrugaq për ti ndihmuar ne zgjedhje.Ky e shkeli ,e përdhosi miqesin tonë me Amerikën.Këtë e beën vetem i paftyri,këtë e bënë vetem ai i cili është e ka te sigurt humbjen dhe po mundohet te kapët për kashte.

Më këtë Kadi Vesli tregoi edhe në veper së pikërishtë ai është antiamrikani më i madh në Kosovë te cilit nuk duhet besua sepse është një rrenc,me sjellje rrugaqerie,bash si ai qe e pruni nga Amerika.Kadri Veseli është një mashtruas,njeri i korruptuar,njeri me njëmijë mekate në shpirtë qe nga lufta por edhe qe nga paslufta për te cilat do të vuaj gjatë gjithë jetës.Njeriu i cili se bashku me Hashim Thaçin e futen Kosovën në rrugë të parrugë dhe e banë qe te na tallë krejtë bota.

Kadri Veseli pas qe e keqpërdori posterin me Presidentin Trump,duke bërë kështu një akt qyqar dhe bile kriminel duke e këqepërdor foton e Presidentit Amerikan Trump.Ai shkoj edhe me larg me budallakitë e tij duke e sjell një rrugaq nga rruget e Amerikës për ti ndihmuar në fushatë.Ai e solli,suq thotë ai Mattew Whitakër në cilësinë e”njeriut të afërt të Presidentit Trump”,por s’doli të jetë ashtu,ky veç ishte një mashtrim dhe lathitje nga ana e Veselit.Ky njeri rrugaqerije qe e solli Kadri Vesli nga Amerika për interesat e tij personale dhe te PDK është njeri i dyshimët,sepse siç shkruajn edhe mediat Amerikane ky po hetohet nga FBI për veprimtari kriminele në Kompanin WPM ne Florida.

Në fushatën zgjedhore ne Gjilan Mattew Whitakër i dili hapata në ndihmë PDK dhe Kadri Veselit tanime të humbur duke thnë pa fije turpi.”votojeni si gjoja “proamerikan”kurse ata të tjerët do te ju prishin me Amerikën”.O tempora o moris do thonin latinet e vjetër.Ky anim i këtij rrugaqi nga Amerika qe i erdhi ekskluzivisht në ndihmë Kadri Veselit është anti amerikan,është kundër qendrimeve dhe Qeveris Amerikane por edhe kundër të Ambasadës amerikane në Prishtinë ,të cilët nuk po e përkrahin rrugaqin e ardhur nga Amerika vetem për interesa të Kadri Veseli.Qendrimi zyrtar i Qeveris Amerikane dihet ku ne deklarimin e sajë thuhet qartë së:”Qeveria e SHBA nuk e mbeshtet as një parti politike,as një kandidat ne zjgedhjet e kësaj jave.Ne repsktojm të drejten dhe përgjegjësinë e votuesve të Kosovës që të zgjedhin ardhmerin e tyre.Pra,mbetet qe vet Kadri Veseli i cili doli hapats kundër SHBA-ve te ua spjegoi votuesve se nga e mori ky këtë njeri te dyshimët për te ardhë në Kosovë dhe te loboj për PDK dhe Kadri Veselin kundër interesave te Qeverisë Amerikane.

Pos kësaj Kadri Veseli ia ka borxhë të tregoi së nga i mori,nga cili fond i mori gjitha ata para ndoshta milionshe qe te paguaj njeriun e dyshimt me precedent kriminel qe po hetohet nga vetë FBI amerikane.Apo noshta e ka paguar me ato parat e korrupcionit të cilin nuk po e hjek nga goja qe sa kohë.
Njërëzit e tillë të tipit të Kadri Veselit jo qe nuk duhet përkrahë,por edhe nuk duhet as se si të fotohën për Kryeministër sepse zgjedhje e tij do te ishte atakt direk ne shtetin e Kosovës,në vazhdimin e kapjes se shtetit dhe sundimit te krimit te organizuar.

Kadri Veselit votuesit duhet te ia tregojnë vendin se ku e ka,pra ne opozitë të gjatë kohore.

Në foto: Kadri Veseli dhe Mattew Whitaker”shpetimtarit”të PDK dhe Kadri Veselit nga kataklizma zgjedhore