Prishtinë

Kryetari i Lëvizjes Vetëvendosje, Albin Kurti është takuar të hënën me ambasadorin e Shteteve të Bashkuara në Kosovë, Philip Kosnett në ambientet e kësaj partie në Prishtinë.

Kurti dhe Kosnett kanë diskutuar për formimin e qeverisë së re në Kosovë, ndërsa ambasadori amerikan ka “uruar që institucionet e Republikës së Kosovës të themelohen sa më parë, në mënyrë që edhe puna për një shtet të së drejtës që lufton korrupsionin dhe zhvillon ekonominë t’i sjellë rezultatet e para”.

Pjesë e takimit ka qenë edhe shefja e Sektorit Ekonomik ambasadën amerikane, Lori Michaelson, e cila sipas komunikatës, ka vënë theksin te rëndësia e zhvillimit ekonomik në Kosovë.

“Kryetari Kurti e njoftoi ambasadorin z. Kosnett me ecurinë pozitive të takimeve me Lidhjen Demokratike dhe shprehu bindjen se shumë shpejt do të formohet qeveria e re. Prioritet, tha ai, do t’i kushtohet sundimit të ligjit dhe luftimit të krimit të organizuar e korrupsionit të lartë institucional, në mënyrë që t’i hapet kështu rrugë edhe progresit socio-ekonomik”, është thënë mes tjerash në komunikatë.

Babai i Astrit Deharit, Avni Dehari, e ka shkruar një fjali emocionuese për djalin e tyre, në emër të tij, të bashkëshortes së tij, Xhemiles dhe të gruas së Astritit, Artës.

Familja e ish-aktivistit të Vetëvednosjes, Astrit Dehari, i cili vdiq me 5 nëntor 2016 në Qendren e Paraburgimit në Prizren, kanë shkruar në muralin e ngritur për nder të djalit të tyre.

“Astrit, shëmbëlltyra jote për drejtësi gjithmonë do të jetë e gjallë dhe ngadhënjimtare”, ka shkruar Avni Dehari, babai i Astritit.

Ai ka thënë disa fjalë pranë shumë personave që u mblodhën mbrëmjen e sotme në Prishtinë për të ndezur qirinj pranë muralit në kujtim të Astritit.

Avni Dehari ka folur në emër të familjes Dehari, duke thënë se me ardhjen e raportit të ekspertizës nga Lozana, konstatimi se Astriti është vrarë ka marrë fund.

“Që nga 5 nëntori i vitit 2016 deri pak ditë më parë, organet shtetërore, përfaqësuesit e drejtësisë, pushtetarët kriminelë kanë bërë përpjekje të na mbushin neve si familje dhe qytetarëve të Kosovës se Astriti është vetëvrarë në burgun e Prizrenit. Me ardhjen e raportit konstatimi se Astriti është vrarë ka marrë fund, tash janë të shtrënguar ta pranojnë edhe ata që deri tani e kanë pasur gojën plot për vetëvrasje”, ka thënë Avni Dehari.

Avniu ka thënë se beteja e radhës është ajo e vënies para drejtësisë së autorëve të vrasjes së djalit të tij.

“Tash hapet faza e dytë e betejës, për të nxjerrë para drejtësisë të gjithë ata që në mënyrë të drejtpërdrejtë dhe të tërthortë kanë marrë pjesë në vrasjen e djalit tonë”, ka thënë Avni Dehari. /Express/

Pamje nga aktiviteti që po zhvillohet në Prishtinë për Astrit Deharin.

Në mbrëmjen e së hënës në Prishtinë është organizuar një aktivitet përkujtmor për aktivistin e ndjerë të Lëvizjes Vetëvendosje, Astrit Deharin, i cili ka vdekur tre vjet më parë në Qendrën e Paraburgimit në Prizren.

Në rrugën Rexhep Luci në kryeqytetin e Kosovës, ku tashmë është ngritur një mural përkujtimi për Deharin, janë parë qytetarë të Kosovës, të cilët janë mbledhur për siç është thënë shprehje të solidaritetit dhe dhimbjes për familjen Dehari.

Të pranishëm kanë qenë edhe anëtarë të familjes Dehari, derisa babai i Astritit, Avniu ka shkruar në muralin kushtuar djalit të tij këto fjalë:

Astrit, shëmbëlltyra jote për drejtësi gjithmonë do të jetë e gjallë dhe ngadhënjimtare! Avni, Xhemile dhe Arta Dehari, si dhe Albana.

Javën e kaluar, Prokuroria Themelore në Prizren ka publikuar konkluzionet e ekspertizës së Institutit të Mjekësisë Ligjore në Lozanë të Zvicrës rreth shkaqeve të vdekjes së Astritit.

Në këto përfundime thuhet se “hipoteza e një vetëvrasjeje përmes mjeteve të caktuara nga mjekët ligjorë duket pak e vërtetë dhe intervenimi i një personi të tretë në proces fatal duhet të kihet parasysh”.

Bashkë me këto gjetje të Institutit të Lozanës, Prokuroria Themelore në Prizren ka thënë se do t’i rinisë hetimet për këtë rast, ndonëse sipas përfundimeve të mëparshme, thuhej se Dehari kishte kryer vetëvrasje teksa po mbahej në Qendrën e Paraburgimit në Prizren, si i dyshuar për sulmin ndaj ndërtesës së Kuvendit, në gusht të vitit 2016.

Aktivisti i Lëvizjes Vetëvendosje, Astrit Dehari, ka vdekur më 5 nëntor të vitit 2016.

Në shkurt të vitit 2017, familja Dehari vendosi që ekspertizën për këtë rast ta kryejë Qendra Universitare e Mjekësisë Ligjore në pjesën franceze të Zvicrës derisa më vonë edhe Kuvendi i Kosovës kishte inkurajuar Prokurorinë që ekspertiza të dërgohej jashtë Kosovës.

Thirrjet për vënien e drejtësisë në këtë rast nuk kanë munguar as në të kaluarën, meqë disa herë ishin organizuar marshe në Prishtinë me moton “Drejtësi për Astritin”. rel

Më 5 nëntor të vitit 2016, aktivisti i Lëvizjes Vetëvendosje Astrit Dehari u gjet i vdekur brenda qelisë së tij në Burgun e Prizrenit.

Ai ishte gjetur së pari nga shokët e qelisë të cilët kishin dalë në shëtitje ndërsa Dehari kishte qëndruar në qeli pasi kishte pasur dhimbje koke.

Në qelinë ku ishte gjetur i vdekur Dehari , ai ishte i vendosur me tre të burgosur të tjerë, Naser Makolli, Frrok Lasku dhe Adonis Gashi.

Naser Makolli, cimeri i Astrit Deharit, i cili e kishte gjetur i pari Deharin të shtrirë brenda në qeli, gjashtë muaj më pas ishte gjetur i vdekur në qeli në Burgun e Lipjanit ndërsa analizat e raportit të tij nuk u lexuan asnjëherë për shkak se i njëjti nuk kishte arritur që të bënte një analizë të fundit.

Shërbimi Korrektues i Kosovës kishte njoftuar se Naser Makolli dëshmitari kyç dhe ai i cili e kishte gjetur i pari Astrit Deharin të shtrirë për toke, kishte vdekur si pasojë e një sëmundjeje shëndetësore.

KALLXO.com nga burimet e saj ka mësuar se ku ndodhen dy cimerët e tjerë të Deharit, Adonis Gashi dhe Frrok Lasku.

Adonis Gashi i cili po mbahej në burgun e Prizrenit për një rast të shtytjes në vrasje të rëndë, mësohet është liruar në shkurt të vitit të kaluar.

Ndërsa Frrok Lasku, cimeri tjetër i Astrit Deharit ndodhet ende në burg, por jo në atë të Prizrenit.

Si i dyshuari për posedim, dhe shitje të narkotikëve, Lasku ndodhet ende në paraburgim në burgun e Dubravës.

Instituti i Mjekësisë Ligjore në Lozanë të Zvicrës, ka ardhur në përfundim në raportin prej 58 faqesh, se gjasat janë të vogla që Dehari ta ketë vrarë veten në burg.

Aty gjithashtu thuhet se analizat e ADN-së që janë kryer në laboratorin e Institutit zviceran, kanë nxjerrë një profil të ADN-së së të ndjerit, ani pse nga ekspertët kosovarë është thënë se mostra përmban pak ose krejt pak ADN.

“Ne kemi dyshime që lidhen me rrethanat e vdekjes së z. Astrit Dehari. Në fakt, hipoteza e një vetëvrasjeje e Astrit Deharit përmes mjeteve të caktuara nga mjekët ligjorë, duket pak e vërtetë dhe intervenimi i një personi të tretë në procesin fatal duhet të kihet parasysh. Nga ajo çfarë u tha, ne vlerësojmë se një hetim i ri është i nevojshëm për t’i qartësuar rrethanat e vdekjes së z. Astrit DEHARI. Ekipet tona dhe laboratorët tanë janë në dispozicion të hetuesve të ngarkuar me çështjen”, thuhet ndër të tjera në raport.

Avokati i familjes, Tomë Gashi, ka thënë se Astrit Dehari është vrarë pasi ka qenë anëtar i Lëvizjes Vetëvendosje, teksa Prokuroria Themelore në Prizren ka paralajmëruar se do t’i vazhdojë hetimet lidhur me rastin.

Astrit Dehari u arrestua fillimisht si i dyshuar për sulm mbi Kuvendin e Kosovës bashkë me disa anëtarë tjerë të Lëvizjes Vetëvendosjes. Ai vdiq derisa ishte në paraburgim në Burgun e Prizrenit.

Rasti i anëtarëve të Lëvizjes Vetëvendosje është kthyer në rigjykim, por ende nuk është caktuar data.

Kandidatja për Kryeministre nga radhët e Lidhjes Demokratike të Kosovës Vjosa Osmani ka nderuar atdhetarin Ukë Bytyçin.

Osmani thekson se Ukë Bytyçi ishte atdhetar i pashoq në rezistencën e popullit të Kosovës në luftën për liri dhe pavarësi.

“Vepra e tij dhe e bashkëveprimtarëve të tij që u vranë pabesisht në kohë lirie, do të mbesin udhërrëfyesi ynë i përjetshëm” shkruan Osmani në Facebook.

Postimi i plotë:

Pas disa orëve diskutim në takimin e mbrëmjes së premte me Kryeministrin shqiptar, Albin Kurti, Kryeministër i zgjedhur në Kosovë, ka sqaruar për mediat se në fokusin e tyre kanë qenë shumë çështje të përbashkëta. 

Në një intervistë para fillimit të Samitit të Paqes për Europën Juglindore, Kurti tha se gjatë takimit me Ramën është folur për mundësitë e rritjes së bashkëpunimit mes Shqipërisë dhe Kosovës, i cili sipas tij nuk është atje ku duhet.

Për Albin Kurtin, të dyja qeveritë do duhet të punojnë më tepër, që shqiptarët në të dyja anët e kufirit të mos vazhdojnë të jenë më të varfrit në Europë.

“Ne kemi diskutuar për çështje dhe tema që do të bashkëpunojmë. Organigramat e qeverive vijnë më pas. Pra, një herë është substanca dhe pastaj edhe forma që duhet të marrë. Kishte shumë kohë pa u parë diku, rreth 14 muaj. Kishte shumë tema e çështje që duhet t’i bisedonim, aq më tepër që Lëvizja Vetëvendosje si fituese e zgjedhjeve, si udhëheqëse e qeverisë së ardhshme dhe unë si Kryeministri i ri, dua dhe duhet të bashkëpunojmë ngushtë me qeverinë e Shqipërisë dhe me Kryeministrin e Shqipërisë. Biseduam për çështje, të cilat i kemi të përbashkëta, por gjithashtu edhe për çështjet në dy shtetet tona.

Duam që edhe në aspektin e politikës së jashtme, edhe në aspektin e ekonomisë të bashkërendohen sa më shumë Kosova me Shqipërinë sepse efekti sinergjik që mund të kemi, natyrisht që nuk është i shfrytëzuar sa duhet. Besoj që mundësitë që kemi si qeveri dhe nevojat që kanë qytetarët janë shumë më të mëdha sesa realiteti që e gëzojnë, prandaj duam që të krijojmë sa më shumë ura dhe Kosova e Shqipëria t’i ndihmojnë shqiptarët që të mos jenë më të varfrit, më të papunët e më të nëpërkëmburit jo vetëm në Ballkan”, u shpreh Albin Kurti.

SHENGENI

Për temën e Shengenit Ballkanik, që më herët ishte shprehur shumë kundër, Albin Kurti tha se pret që të lexojë një dokument zyrtar, pasi çdo gjë deri më tani është në nivel idesh.

“Për Shengenin Ballkanik, unë pres që të shoh një tekst se çfarë saktësisht nënkupton ai. Sepse ai më ngjan më shumë me ide sesa projekte. Pra, dua ta shoh projektin në letër. Tani për tani është në nivel idesh”, tha Kurti. Kryeministri i zgjedhur i Kosovës foli edhe për dallimet e tij me homologun e Shqipërisë, duke thënë se ato nuk kanë rëndësi përderisa të dy kanë si objektiv të përmirësojnë jetën e shqiptarëve. “Ne nuk kemi pasur marrëdhënie të çrregulluara. Ne jemi njerëz të ndryshëm, jemi politikanë të ndryshëm dhe duam që të bashkëpunojmë në mënyrë që mospajtimet që kemi, kurrsesi nuk bën që ta rrezikojnë bashkëpunimin tonë, meqenëse fundja ne nuk jemi dy persona të veçantë, por jemi dy funksione dhe qytetarët tanë presin që do të bashkëpunojmë”, theksoi lideri i Vetëvendosjes. Kurti foli edhe për çështjen e dialogut me Serbinë, duke thënë se ai dhe qeveria që do të drejtojë do të angazhohen për marrëdhënie të mira fqinjësore me Serbinë. “Duhet ta përgatisim mirë dialogun dhe unë pres që të takohem me pasardhësen e zonjës Mogherini në mënyrë që të përcaktojmë parimet se si të ecim përpara dhe dialogu i ardhshëm të mos dështojë. Për marrëveshje me Serbinë duhet të ndryshojë shumë më tepër Serbia, sesa Kosova. Ne angazhohemi për marrëdhënie të mira fqinjësore me Serbinë dhe dialogun e ardhshëm me Serbinë do ta udhëheq unë, si Kryeministri i ardhshëm”, u shpreh Albin Kurti.

Këtë linjë, Kryeministri i zgjedhur i Kosovës e theksoi edhe gjatë fjalës së tij në Samitin e Paqes, ku foli për rritjen e dialogut dhe bashkëpunimit në rajonin e Ballkanit.

Kandidatja për kryeministre nga radhët e Lidhjes Demokratike të Kosovës, Vjosa Osmani, ka thënë se koalicioni me Lëvizjen Vetëvendosje duhet të bëhet me partneritet në mes të barabartëve.

Sipas saj, asnjëra palë nuk mund të sillet si fituese absolute, dhe ta trajtojë palën tjetër si një aksesore.

Osmani për Zërin e Amerikës tha se pika e përbashkët me Lëvizjen Vetëvendosje është se janë kundër ndarjes apo shkëmbimit të territoreve të Kosovës dhe për këtë kanë 2 vjet që kanë qëndrime kundër kësaj ideje.

”Ne [LDK] dhe Vetëvendosje kemi dalë për dy vite rresht kundër idesë së rrezikshme të ndarjes, apo edhe shkëmbimit të territoreve, ide kjo e vjetër ruso-serbe që për fat të keq kohët e fundit kishte gjetur aleatë edhe në Kosovë”.

”Ide të tilla që kontestojnë kufijtë e Kosovës ne në asnjë mënyrë nuk do të lejojmë që të jenë pjesë e dialogut”.

Dorentina Kastrati

Instituti i Mjekësisë Ligjore i Lozanës në Zvicër në ekspertizën mbi vdekjen e aktivistit të Vetëvendosjes, Astrit Dehari brenda Qendrës së Paraburgimit në Prizren, ka dhënë komentet se pse vdekja e Deharit ka pak mundësi të jetë vetëvrasje.

“Në rastin e z.Dehari, nëse e pranojmë hipotezën e vetëvrasjes, të dy metodat do të ishin përdorur në mënyrë sekuenciale, e para ka të bëjë me përdorimin e një objekti të mprehtë në pjesën e qafës dhe të kyçit të majtë dhe e dyta ka të bëjë me ngufatjen e llojit smithering me një shishe të plastikës. Megjithatë kjo hipotezë duket pak e mundshme për arsyet e më poshtme”, thuhet në raportin e Institutit zviceran.

Hipotezën e vetëvrasjes në rastin e Deharit, Instituti e ka vlerësuar si pak të mundshme për tri arsye të ndryshme.

“Së pari, lëndimet cervikale dhe të kyçit ishin shumë sipërfaqësore, që nuk tregonin përcaktime të vërteta të aktit vetëvrasës, e dyta, teoria e vetëvrasjes komplekse të paplanifikuara që ka dëshiruar z.Dehari, duke parë këtë tentativë të pasuksesshme, e zgjedh metodën e dytë të vetëvrasjes më vdekjeprurëse, çfarë nuk ishte rasti, si e tretë, kjo lloj vetëvrasje kryesisht haset tek pacientët psikiatrikë pra që z.Dehari nuk paraqiste asnjë paraardhje psikiatrike dhe nuk paraqiste shenja të depresionit”, vazhdon raporti i Institutit zviceran mbi vdekjen e Deharit.

Më poshtë mund të lexoni komentet për rrethanat e vdekjes së Astrit Deharit nga Instituti zviceran:

Në bazë të të gjitha këtyre konstatimeve, duke u bazuar mbi të dhënat e literaturës, ne mund të bëjmë komentet e mëposhtme:

…Vetëvrasja komplekse mund të ndahet në “të planifikuar” ose të “paplanifikuar” në funksion të përdorimit të njëkohshëm ose sekuenciale të metodave respektive. Në vetëvrasjet komplekse të paplanifikuara, mortaliteti i metodës së parë është i dobët në të shumtën e rasteve dhe për shkak të dhimbjes dhe të frustrimit për dështimin e metodës së parë, një metodë shtesë më shkatërruese është përdorur. Në rastin e z.Dehari, nëse e pranojmë hipotezën e vetëvrasjes, të dy metodat do të ishin përdorur në mënyrë sekuenciale, e para ka të bëjë me përdorimin e një objekti të mprehtë në pjesën e qafës dhe të kyçit të majtë dhe e dyta ka të bëjë me ngufatjen e llojit smithering me një shishe të plastikës. Megjithatë kjo hipotezë duket pak e mundshme për arsyet e më poshtme:

Së pari, lëndimet cervikale dhe të kyçit ishin shumë sipërfaqësore, që nuk tregonin përcaktime të vërteta të aktit vetëvrasës, e dyta, teoria e vetëvrasjes komplekse të paplanifikuara që ka dëshiruar z.Dehari, duke parë këtë tentativë të pasuksesshme, e zgjedh metodën e dytë të vetëvrasjes më vdekjeprurëse, çfarë nuk ishte rasti.

Në fakt ai është kthyer drejt një ngufatje të vetë-shkaktuar, një metodë komplekse, efikasiteti i dobët është shumë i rallë (kjo lloj ngufatje vetëvrasëse është përshkruar në literaturë vetë në raste të rralla), si e tretë, kjo lloj vetëvrasje kryesisht haset tek pacientët psikiatrikë pra që z.Dehari nuk paraqiste asnjë paraardhje psikiatrike dhe nuk paraqiste shenja të depresionit.

Ndër të tjera sipas njohurive tona, kurrë nuk është përshkruar në literaturë vetëvrasja komplekse që implikon ngufatje të llojit smithering e paraprirë nga përdorimi i një objekti të prehtë.

Raporti i ekspertizës së Institutit të Mjekësisë Ligjore në Lozanë të Zvicrës i është dorëzuar sot familjes së Astrit Deharit nga Prokuroria e Shtetit.

Prokuroria e Prizrenit ka thënë se nevojitet një hetim i ri për të qartësuar rrethanat e vdekjes së Astrit Deharit në Qendrën e Paraburgimit në Prizren.

Në ditën kur i dorëzoi raportin e ekspertizës familjarëve të ish-aktivistit të Vetëvendosjes, i cili u gjet i vdekur në dhomën e tij në Qendrën e Paraburgimit në Prizren, Prokuroria tha se duhet të kihet parasysh edhe ndërhyrja e një personi të tretë në ‘procesin fatal’.

Në qelinë A3 në Qendrën e Paraburgimit në Prizren, ku ishte gjetur pa shenja jete anëtari i Lëvizjes Vetëvendosje, Astrit Dehari, ishte edhe një person me emrin Frrok Laski.

Sipas raportit të mjekësisë ligjore zvicerane, i publikuar sot nga familja Dehari dhe avokati i saj, Tomë Gashi, tregon edhe deklaratat e shokut të dhomës së Astrit Deharit.

Naser Makolli, ish- cimeri i Astrit Deharit, e kishte përshkruar Astritin si një njeri të qetë, të lumtur, që nuk paraqiste asnjë çrregullim, asnjë frikë apo shqetësim dhe se i njëjti asnjëherë nuk e kishte përmendur se do të mund t’i bëjë diçka vetes.

Edhe Makolli gjashtë muaj më pas ishte gjetur i vdekur në qeli në Burgun e Lipjanit ndërsa analizat e raportit të tij nuk u lexuan asnjëherë për shkak se i njëjti nuk kishte arritur që të bënte një analizë të fundit.

Shërbimi Korrektues i Kosovës kishte njoftuar se Naser Makolli dëshmitari kyç dhe ai i cili e kishte gjetur i pari Astrit Deharin të shtrirë për toke, kishte vdekur si pasojë e një sëmundjeje shëndetësore.

Për çfarë po mbahej në burg Astrit Dehari?

Në minutat e parë të 5 gushtit të vitit 2016, Kuvendi i Kosovës ishte sulmuar me një granatë anti-tank.

Policisë iu dashtë një muaj kohë që të identifikoj dhe arrestojë pesë persona, ku më pas u bë publike se të arrestuarit ishin aktivistë të Lëvizjes Vetëvendosje.

Astrit Dehari, Adea Batusha, Frashër Krasniqi, Egzon Haliti e Atdhe Arifi ishin pesë të dyshuarit për sulmin me anti-tank ndaj Kuvendit.

Për sulmin të dyshuarit po mbaheshin në paraburgim pas kërkesës së Prokurorisë.

Në lidhje me sulmin ndaj Kuvendit u ngrit edhe aktakuzë. Të dyshuarit po dyshoheshin se kanë kryer veprën penale të terrorizmit.

Marrëveshja e demarkacionit ka kaluar, një person ishte liruar nga dyshimi për kryerjen e sulmit, katër të tjerë u gjykuan, e Astrit Dehari asnjëherë nuk dëgjoi gjykimin e tij për çka edhe u arrestua dhe u dërgua në paraburgim për të dalë i pajetë nga ai.

Si vdiq Astrit Dehari?

Tre muaj pas sulmit të kuvendit, më 5 nëntor 2016, një lajm mori vëmendjen e të gjithëve, pasi në qendrën e Paraburgimit në Prizren, në rrethana të paqarta kishte vdekur një 26 vjeçar emri i të cilit u bë publik nga vetë partia të cilës i përkiste Astrit Dehari, Lëvizja Vetëvendosje.

Deklaratat e para pas vdekjes së Deharit ishin se i njëjti kishte përdorur medikamente dhe kishte vrarë veten, ndërsa më pas deklaratat ndryshuan në atë se i njëjti kishte probleme me frymëmarrje.

Prindërit e Deharit së bashku me subjektin politik të cilës i takonte djali i tyre Astriti, kanë ngritur gjatë gjithë kohës pikëpyetje duke e drejtuar gishtin pushtetit, madje duke e quajtur vdekjen e Astritit edhe si vrasje.

Raportin e plotë në gjuhën shqipe mnd ta lexoni KËTU.

Raportin e plotë në gjuhën frënge mund ta lexoni KËTU.

Gjykata Themelore në Prishtinë ka marrë vendim sot për ish-deputetët Xhavit Haliti dhe Gani Dreshaj, për sulmin që keta i kishin bërë në Kuvend të Kosovës ish-deputetit të LDK-së, Arben Gashi, shkruan Gazeta Express.

Në vendimin e Gjykatës të siguruar nga Gazeta Express shkruhet se Xhavit Haliti shpallet fajtor pasi që e kishte sulmuar duke e shtyrë me bërryl të dëmtuarin Arben Gashi.

Derisa, Gani Dreshaj shpallet fajtor pasi që me dashje e ka kanosur deputetin Arben Gashi, duke i thënë “kom me ta prish fytyrën”, me ç’rast te i njëjti ka shkaktuar ndjenjën e frikës dhe të ankthit.

Xhavit Haliti dhe Gani Dreshaj janë dënuar me nga njëmijë e dyqind e pesëdhjetë euro gjobë të cilën obligohen që ta paguajnë brenda 15 ditësh.

Besim Latifaj, ekspert i pavarur që u mor me raportin për vdekjen e Astrit Deharit, bashkë me Besim Ymajn, thotë se qe i rrezikuar prej faktit se u mor me këtë çështje dhe thotë se frikësohej se do të përfundonte njësoj si Astrit Dehari.

Në një letër të tij, që e ka publikuar në Facebook Asdren Rrahmani, Latifaj ka kritikuar organet e drejtësisë, në veçanti ministren e atëhershme të Drejtësisë Dhurata Hoxha, që thotë se i ka shantazhuar të dy dhe për këtë kishte frikë të vinte nga Anglia në Kosovë.

Kujtojmë se një raport i ekspertëve të pavarur, Besim Latifaj dhe Besim Ymaj, e thoshte të kundërtën me atë të Institutit të Mjekësisë Ligjore, se vdekja e Deharit ishte e dhunshme, dhe aty ishin gjetur shenja të vetëmbrojtjes dhe sugjeronte prokurorinë që t’i orientonte hetimet kah vrasja.

Latifaj shpreh keqardhje për mjekët në Kosovë që thotë se shantazhohen prej prokurorëve.

Shkrimi i plotë:

Frikësohesha se do të kem fatin e njëjtë si AD.

Prokuroret e hudhen raportin tonë në koshin e mbeturinave

Vdekja e një të riut dhe koleg i ardhshëm i imi më shtyu që të vij nga Londra që të jap një kontribut të vogël për ndriçimin e këtij rasti enigmatik.

Nuk isha atje se kisha afërsi me ndonjë parti politike, pasi që nuk më intereson se kush është në pushtet në Kosovë.

Një tjetër arsye e ardhjes ishte pasi që një familjare ime kishte pësuar një aksident të rëndë –është shtypur nga vetura në vitin 2011 dhe ka mbetur e paralizuar, e njëri nga mjekët ligjore në Prishtinë që ishte anëtar i ekipës që bëri autopsinë e AD .

Për më tepër ky “profesor” ishte dekan një kohë në “ekspertizën” e tij kishte dalë me konkluzion se kinse Blerta Halimi mbesa ime kishte lëndime të lehta trupore.

Për Naim Halitin paralizimi qenka Lëndim i lehtë trupor!!!

Kur u thirrëm në sallën e Institutit të Mjekësisë Ligjore në Prishtinë prokurori në pika te shkurtra dha një sintezë të deklaratave të dëshmitarëve në rastin e vdekjes së AD.

Unë insistove që të merren deklarata më përmbajtësore, pasi që ato qe i lexoi prokurori ishin shume sipërfaqësore.

Duke pasur përvojë të madhe në kryerjen e autopsive në Angli (ku i kam kryer së paku 8000 raste) për mua ishte fare qartë se ky është rast shumë i dyshimtë.

Kontaktova me D B Ymaj dhe e shkruajtëm raportin te cilin Prokuroret e hodhën ne shportën e mbeturinave.

Për më tepër ne u kërcënuam se do të ndiqemi penalisht.

Për gati 3 vjet unë nuk goxoja të vija në Kosovë nga frika se do të burgosem edhe unë dhe do ta pësoja njëjtin fat si Astriti.

Tre vite të humbura vështirë kompensohen pasi që njerëzit harrojnë, dhe hetimet nuk janë efektive…kështu që zbardhja e rastit te AD duket të jetë shume e vështirë.

Ne u shtantazhuam nga Ministrja Dhurata Hoxha qe i pat dhënë urdhër prokurorisë që ne të ndiqemi penalisht gjë që të shtysh të mendosh se edhe ajo ka gisht në planin për mshefjen e fakteve …

A thua Prokuroria do te ndjekë penalisht mjekët zvicerane?

Më vjen keq për mjekët në Kosovë të cilët ditë për ditë shantazhohen nga Prokurorët…

Pas deklaratës së fortë që bëri Edi Rama se do të padiste Ramush Haradinajn pasi ai e akuzoi se ishte pjesë e një pazari të ndarjes së Kosovës me Thaçin dhe Vuçiç, vjen një reagim nga kryeministri në largim.

Në një lidhje telefonike për ‘News24’ Haradinaj tha se nuk e kishte ndjekur deklaratën e Ramës, por ishte njohur me disa lajme nëpër portale.

Teksa u tregua i rezervuar për t’i dhënë një përgjigje kryeministrit Rama, duke thënë se ai ka të drejtat e veta, Haradinaj pohoi se qëndrimi i tij kundër ndarjes së territorit të Kosovës është legjitim dhe se do ta mbronte deri në fund.

“Sot kam parë disa tituj të portaleve në Kosovë. Por se kam përcjell direkt intervistën e tij. E kam shprehur qëndrimin tim në lidhje me refuzimin dhe kundërshtimin e ndarjes së territoreve, që ka qenë një maskim për ndarjen e Kosovës. Ajo do kishte pasoja të mëdha për planin politik të Kosovës dhe humbje të madhe për të. Rezervat më të mëdha në Europë gjendjen në Trepçë. Këto kanë qenë vendim legjitim i imi. S’kam koment për deklarata të tjera. Ai ka të drejtat e veta, ia respektoj. Unë i kam mbajtur ato qëndrime legjitime dhe vazhdoj t’i mbaj. Për Atdheun para se gjithash. S’dua të kaloj në qasje të tjera. I kam vëllezër kudo që janë shqiptarët, edhe të majtët dhe të djathtët. Detyra ime në mbrojtje të Kosovës, kjo është tokë e shqiptarëve, e të gjithë neve. Qëndrimi im kundër ndarjes është legjitim. I respektoj të gjitha të drejtat e kryeministrit, apo dhe të qytetarëve shqiptarë.”, u shpreh Haradinaj.

Deklarata e Rames 

“Në gjykatat e Kosovës, zotëria duhet të provojë akuzën për 10 miliardë që do të ndanim unë, Hashim Thaçi dhe Vuçiçi. Që t’i thuash një populli se ishin 10 miliardë në tavolinë atyre bravo ju qoftë që marrin akoma vota.

Ky dha dorëheqjen me demek dhe është akoma kryeministër i Kosovës, një person që më detyroi të dal publikisht që gënjeu publikisht pas samitit të Berlinit. Në asnjë sekondë nuk i kam bërë presion që të heqë taksën.

I kam thënë vetëm që “kjo që të propozon Makron të vjen vetëm një herë”. Makron në sy tim, kancelares dhe dhe presidentit të Serbisë i tha: “Më jep 4 muaj Ramush dhe do futem unë në procesin e dialogut. Ti pezulloje taksën. Nuk i tha njeri hiqe. Serbia të pezullojë fushatën idiotekse kundër njohjeve dhe unë do të heq veton për vizat”.

Në vend që të bënte një lëvizje taktike për të marrë diçka bëri një kokëfortësi dhe sot Kosova nuk ka akoma vizat. Dhe pastaj gënjeu dhe tha që po më bëjnë presion. Këtë kryeministrin në ikje do ta çoj në gjyq” – tha Rama. / BW

-Vrasjet si e Astritit ndodhin vetem ne diktature!!

Ne vitin 2016 ka ndodhe vrsaja me dhune e Astrit Deharit ne qelin e tij ne burgun e Prizrenit. Une nuk du ate hyje ne shkaqet pse Astriti ishte i burgiosurpor boterishte dihet se ishte shkaku I partris se tij LVV e cila varg e vij tentohej qe LVV te shpallet organizate terroriste, jane inskenu edhe skena te ndryshme per me ia lane fajin LVV. Por mua me interesojn se pse u vra Astriti ne burg, aty ku do te ishte i mbrojtur nga shteti. Pse eshte deshte te ndodhe kjo ne shtetin tone?!

Kreu i Vetëvendosjes Albin Kurti ka reaguar pas publikimit të ekspertizës zvicerane për rastin e Astrit Deharit, raporton Gazeta Express.

Kurti ka shkruar në Facebook se për këtë rast duhet hetim i ri, i pavarur e profesional.

” Krimit mbi Astritin në duar të shtetit para tri vjetëve i është shtuar padrejtësia e shtetit tash e tri vjet. Drejtësia për Astritin nuk ka alternativë. Është në pyetje asgjë më pak se e drejta për jetë e qytetarit të Republikës”, ka shkruar ai.

Shkrimi i plotë:

Ekspertët e mjekësisë ligjore nga Instituti i Lozanës në Zvicër e kanë përjashtuar mundësinë e vetëvrasjes së Astrit Deharit. Raporti i tyre është shkencor dhe i hollësishëm për nga metoda dhe të gjeturat. Ata kanë konstatuar përfshirjen e personi/ave të tretë.

Nevojitet hetim i ri, i pavarur e profesional, për ta ndriçuar plotësisht këtë krim. Jo vetëm mbi faktet e provat materiale. Sepse, duhen hetuar e shqyrtuar rrethanat fizike dhe të tjera të krimit, si dhe procesi i deritanishëm hetues. Sepse, duhen hetuar njerëzit përgjegjës, çka kanë bërë, si e kanë bërë dhe çka nuk kanë bërë.

Krimit mbi Astritin në duar të shtetit para tri vjetëve i është shtuar padrejtësia e shtetit tash e tri vjet. Drejtësia për Astritin nuk ka alternativë. Është në pyetje asgjë më pak se e drejta për jetë e qytetarit të Republikës.

Lëvizja Vetëvendosje e ka kundërshtuar kryeprokurorin e Shtetit, Aleksandër Lumezi, lidhur me atë se cila prokurori duhet ta hetojë rastin Dehari. Përderisa Lumezi po deklaron se hetimet do t’i kryejë Prokuroria e Prizrenit, VV-ja po kërkon që rasti të hetohet nga Prokuroria Speciale e Kosovës, raporton Express.

Kryeprokurori i Shtetit, Aleksandër Lumezi, deklaroi sot se rasti do të hetohet nga Prokuroria e Prizrenit.

“E njëjta prokurori do ta hetojë rastin, sepse kompetenca territoriale është e Prizrenit, dhe s’mundet ndonjë prokurori tjetër. Por do ta kërkojmë edhe ndihmën ndoshta të partnerëve ndërkombëtarë me na ndihmua në hetimin e këtij rasti”, u shpreh kryeprokurori Lumezi.

Por, një gjë e tillë po kundërshtohet nga Lëvizja Vetëvendosje.

Albulena Haxhiu nga Vetëvendosja në një konferencë për gazetarë ka kërkuar që rastin ta marrë Prokuroria Speciale.

“Ne kërkojmë që prokuroria e Prizrenit të mos merret me hetimin e vrasjes së Astrit Deharit. E njëjta prokurori nuk mundet pasi që ka humbur besimin dhe pasi që është involvuar në këtë rast të sjellë hetime objektive. Ne kërkojmë nga Prokuroria Speciale të marrë rastin”, ka deklaruar Haxhiu.

Ndryshe, Prokuroria Themelore e Prizrenit ka njoftuar se sot në orën 10:30, raporti i ekspertizës në gjuhën frënge dhe në gjuhën shqipe u është dorëzuar familjes Dehari dhe përfaqësuesit të tyre ligjor.

Përmes një komunikate drejtuar mediave, ata kanë treguar konkluzionet e ekspertizës.

Sipas Prokurorisë, në raportin e ekspertizës konstatohet se “hipoteza e një vetëvrasjeje të Astritit përmes mjeteve të caktuara nga mjekët ligjorë duket pak e vërtetë dhe intervenimi i një personi të tretë në proces fatal duhet të kihet parasysh”.

“Nga ajo çfarë u tha, ne vlerësojmë se një hetim i ri është i nevojshëm për t’i qartësuar rrethanat e vdekjes së z. DEHARI Astrit. Ekipet tona dhe laboratorët tonë janë në dispozicion të hetuesve të ngarkuar me çështjen”, thuhet në raport. /Gazeta Express

Banka Botërore publikoi raportin “Të Bërit Biznes” për vitin 2020, i cili përfshin 190 ekonomi në gjithë botën.

Raporti vlerëson zbatimin e gati 300 reformave në periudhën maj 2018 – maj 2019.

Kosova në këtë raport renditet e 57-a.

Në të, mes tjerash, thuhet se Kosova e ka bërë më të lehtë menaxhimin e lejeve të ndërtimit, ka përmirësuar furnizimin me energji elektrike, ka forcuar mbrojtjen e investitorëve të pakicave dhe ka lehtësuar zbatimin e kontratave.

Lista e Bankës Botërore kryesohet nga Zelanda e Re, ndërsa pas saj vijnë Singapori dhe Hong Kongu.

Në fund të listës, ndërkaq, janë Somalia, Eritrea dhe Venezuela.

Raporti thekson se ekonomitë me përmirësimin më të dukshëm në “Të bërit biznes” janë Arabia Saudite, Jordania, Togo, Bahrejni, Taxhikistani, Pakistani, Kuvajti, Kina, India dhe Nigeria.

Në periudhën 2018-19, këto vende zbatuan një të pestën e të gjitha reformave të regjistruara në të gjithë botën, thuhet në raport.

Që nga koha e paralajmërimit të fillimit të punës së Gjykatës Speciale për gjykimin e krimeve të luftës në Kosovë, janë hapur dilema të shumta!
Përpos emërtimit të paqartë të kësaj gjykate janë hapur edhe shumë dilema; si do të duket Kosova në fund të këtij tribunali, kush do të jenë të dënuarit dhe kush përfituesit, përderisa viktimat e luftës (pasluftës) na janë të njohura të gjithëve.

Shtrohet pyetja, pse nuk u formua ky tribunal “special” për dënimin e shkaktarëve të pesë luftërave shkatërrimtare në ballkan (Serbisë),…por për gjykimin e një lufte çlirimtare, për mbrojtësit e pragut të shtëpisë, nderit dhe dinjitetit njerëzorë kombëtar!
Drejtësia ndërkombëtare u dëshmua pjesërisht e suksesshme edhe më Tribunalin e parë të Hagës,…ku as për së afërmi nuk u përmbushën pritjet dhe parashikimet e viktimave të pesë luftërave në ish Jugosllavi.
Vrasësit dhe gjelatët e qindramijëra viktimavae u dënuan në mënyrë simbolike, sa të tjerë u shpërblyen si të pafajshëm përderisa shumica e kriminelëve të vërtetë të luftës u lanë të qetë nga drejtësia ndërkombëtare!
Në tribunalin e Hagës u provuan të dënohen edhe pjestar të luftës çlirimtare në Kosovë,…u dënuan për aq sa patën fakte dhe argumente,…dhe tani ç’arsye ka të njëjtit të dalin prap para një gjykate tjetër për të njëjtat akuza?!
Mirëpo, kur bëhet fjalë për Gjykatën Speciale, flitet për një listë më të gjërë të pjestarëve të UÇK-së, siq thuhet të përfshirë në krimet e luftës!
Atëherë vetëvetiu shtrohet pyetja, pse në këtë listë të gjërë nuk janë edhe emrat e kriminelëve serbë që kryen krime dhe masakra anë e kënd Kosovës?

Gjykata Speciale i produkt i dështimit të politikës kosovare

Që 20 vite nga përfundimi i luftës e deri në ditët e sotme, asnjë padi nga institucionet e Kosovës nuk ka shkuar në gjykatën e Hagës apo në institucionet tjera ndërkombëtare!
Asnjë institucion kompetent në Kosovë nuk ka ngritur padi për krimet e shtetit serb! Ku ishte Akademia e Shkencave, ku ishin partitë politike, ku ishte shoqëria civile?!
Të vetmit që ngritën zërin, ishin dhe janë familjarët e viktimave, familjarët e të zhdukurëve që askush nuk dëshiron (nga institucionet vendore e ndërkombëtare) të dëgjojë zërin e tyre.
Akuzat individuale të shqiptaëve prodhuan vetëm dënimin simbolik të një grushti të vogël kriminelësh serb nëpër gjykatatat serbe dhe vetëm kaq!
Përderisa padia institucionale e shtetit serb ndaj “krimeve” të supozuara individuale e prodhojë këtë gjykatë, të ashtuquajtur Gjykatë Speciale për dënimin e krimeve të supozuara të UÇK-së”!
Për më tyepër se kaq, Gjykata Speciale erdhi edhe si produkt i dështimit të politikës dhe shoqërisë kosovare në përgjithësi në ngritjen e aktakuzave kundër shtetit serb për vrasjet gjenocidiale dhe spastrimin etnik të shqiptarëve.
Droja është, që përmes kësaj gjykate, përveq lëndimit të imazhit të luftës çlirimtare, Serbia do të tentojë t’i ngrisë shqiptarët kundër njëri-tjetrit!
Serbia përmes sindromit përqarës mëton ta luajë edhe një herë shfaqjen “teatrale” në koloseumin e quajtur Kosovë, ku dikush do ta merrë rolin e “tradhtarit” e tjetri të “patriotit”, për të nxehur gjakrat e shqiptarëve të lodhur nga varfëria dhe denigrimi social, ku sëcili do të luftonte kundër sëcilit!

Ndarjet rreth Gjykatës Speciale

Gjykata e njëashme Speciale, tek qytetarët e vendit tonë, përveçse ndjenja të veçanta, ka shkaktuar edhe reagime të shumta pro dhe kundër, shpresa dhe iluzione deri në ekzaltim!
Me vetë faktin e ndarjes së popullatës në dysh rreth kësaj çështje, projektuesit e kësaj gjykate vetëm sa kanë filluar t’i shijojnë rezultatet e para.
Ndarjet dhe përçarjet e popullatës shqiptare me fillimin e punës së kësaj gjykate do të thellohen nga dita në ditë; kërcënimet dhe shantazhet ndaj dëshmitarëve deri në eliminimin fizik të tyre do ta krijojnë një situatë pasigurie totale dhe tepër tensionuese brenda popullatës shqiptare,…së paku edhe për një dekadë më askush në Kosovë nuk do të flasë për zhvillim ekonomik dhe mirëqenie qytetare, por vetëm për shpëtimin e “lëkurës” nga valët përcëlluese të ciklonit të Gjykatës Speciale.

Pasojat e Speciales

Kostoja e lartë e Gjykatës Speciale (mbi 400 milionë euro) do ta rëndojë në masë të madhe buxhetin e varfër të Kosovës. Kur kësaj kostoje i shtohen edhe shpenzimet shtesë për mbrojtjen e të akuzuarve nga taksapaguesit e varfër kosovarë, atëherë vetëm aspekti financiar i saj do të jetë më tepër se shkatërrimtar për “Arkën” e shtetit të Kosovës.
Efektet politike të Speciales po ashtu do të jenë me pasoja afatëgjata për të ardhmen e vendit,…të cilat do ta rehabilitojnë pushtuesin tonë verior-Serbinë, sponsorizuesin kryesor të kësaj gjykate.
Qëllimi kryesor i sponsosrizuesit kryesor të Gjykatës Speciale (Serbisë) është i dyfishtë; në njërën anë, Serbia dëshiron që të nivelizojë krimet e supozuara individuale të ndonjë pjesëtari të UÇK-së me gjenocidin shtetëror serb, ndërsa në anën tjetër që ta bllokojë Kosovën në ecjen e saj drejt integrimeve evropiane.
Kjo nuk është e tëra, milionat e disa prej pushtetarëve aktualë, të përfolur si të akuzuar të mundshëm nga Gjykata Speciale nuk do të përfundojnë në arkën e shtetit të Kosovës, por në llogaritë e avokatëve, prokurorëve dhe gjykatësve perëndimorë.
Ashtu sikurse UNMIK-ut dhe EULEX-it, edhe “grepit” të Speciales do t’i shpëtojnë “peshqit e mëdhenjë”, ngase e kanë fuqinë mbrojtëse-milionat si mburojë para akuzave!
Në “grepin special” të ndërkombëtarëve mund të bie vetëm ndonjëri që nuk e ka fuqinë mbrojtëse (milionat) dhe mbështetjen e pushtetarëve.
Ashtu sikurse EULEX-i që kishte prodhuar personazhe mediatike, edhe Specialja do të nxjerrë në sipërfaqe margaritar të rinjë në cilësinë e dëshmitarëve.
Specialja në vazhdimësi do të prodhojë “margaritarë” të rinj, figura të reja që do të mbulojnë ballinat dhe faqet e shtypit të shkruar, ballinat e medieve elektronike, ku këta “margaritarë”do të bëhen objekt i të gjitha kronikave televizive në vend dhe atyre ndërkombëtare.
Nga odiseada e Gjykatës Speciale, emrat e avokatëve, prokurorëve dhe gjykatësve ndërkombëtar do të arrijnë të bëhen të njohur për mbarë opinionin vendor, madje edhe për të porsalindurit, që do të rriten duke dëgjuar të flasin prindërit dhe gjyshërit e tyre për gjykimet dhe vendimet e këtij tribunali ndërkombëtar.

Iluzionistët e Speciales

Iluzionistët mendojnë se Gjykata Speciale do të përfundojë shpejt punën e saj dhe se do ta pastrojë skenën politike kosovare me gjykimin e “peshqve të mëdhenj”, premtim ky i parealizuar i EULEX-it!
Mirëpo iluzionist të mëdhenjë dhe të papërmirësueshëm janë ata që mendojnë se Gjykata Speciale do të merret me vrasjet politike të luftës dhe pas luftës në Kosovë, gjegjësisht zbulimin, arrestimin dhe dënimin e autorëve të qindra vrasjeve politike.

Ofensiva e ftesave për intervistim nga Specialja

Ofensiva e madhe e Gjykata Speciale me ftesat e njëpasnjëshme për intervistim, të përfaqësuesve të rangut të lartë eprorëve të komandimit në strukturat e UÇK-së dhe zyrtarëve politik në këto vite të pas luftës, përveç se do të ketë ndikim të shumë të madh në skenën politike kosovare, mund të ketë ndikim në marrëveshjen finale Kosovë-Serbi.
Intensifikimi i punës së Gjykatës Speciale mund të jetë me pasoja serioze për një pjesë të politikës kosovare, madje edhe për procesin e bisedimeve me Serbinë, pasi këto ftesa të ditëve të fundit konsiderohen si një paralajmërim serioz të zhvillimeve akoma më dramatike, që mundë të jetë zyrtarizimi i aktakuzave dhe fillimi p arrestimit të figurave kyçe të ish komandantëve dhe përfaqësuesve politik që gjenden në listën e të dyshuarve të Speciales.
Përballja e figurave kyçe me Gjykatën Speciale, më shumë sesa skenës politike, duhet t’i shërbejë luftës së drejtë çlirimtare të popullit të Kosovës. Mbrojtja e luftës së pastër çlirimtare është interes më madhorë sesa çdo interes personal apo grupor. Pa asnjë mëdyshje, luftëtarët e vërtetë dhe komandantët e përgjegjshëm, sikurse në luftë në përballje me armikun shekullor, edhe në përballje me Gjykatën e njëanshme ndërkombëtare do dinë ta mbrojnë pastërtinë e luftës çlirimtare dhe integritetin personal të tyre.

Zyrtarët e KQZ-së tashmë e kanë filluar procesin e shqyrtimit dhe vlerësimit të zarfeve me fletëvotime që kanë ardhur në Kosovë nga shteti i Serbisë. Por ky proces nga ana e kosovarëve po zhvillohet me masa të detajuara mbrojtëse. Me maskë, veshje të veçanta, dorëza e kapela, zyrtarët po e kryejnë procesin. Kjo pas alergjisë që disa zyrtarë kosovarë morën ditë më parë teksa ishin duke u marrë me zarfet me vota të ardhura nga Serbia. Express po qëndron në vendin ku po vlerësohen këto vota dhe nga aty jua sjell pamjet pa koment!

Zëdhënësi i KQZ-së, Valmir Elezi, e ka konfirmuar për Express se KQZ-ja ka nisë shqyrtimin dhe vlerësimin e zarfeve të supozuara me fletëvotime që kanë ardhur nga Serbia.

“Ky vlerësim është i domosdoshëm pasi ka për qëllim të identifikojë një fletëvotim me personin që e ka dërguar pakon. Pra, që ta dimë nëse fletëvotimi i dërguar është nga një votues i regjistruar suksesshëm si votues jashtë vendit. Pasi të bëhet ky vlerësim, do ta dimë saktë sesa është numri i fletëvotimeve të aprovuara apo të refuzuara. Vetëm fletëvotimet e aprovuara numërohen”, thotë ai.

“Për këtë proces ne jemi në kontakt dhe bashkëpunim me institucionet tjera. Kemi edhe mbështetjen e Policisë së Kosovës lidhur me këtë. Pra, edhe në pajisje logjistike”, deklaron Elezi.

Për këtë proces, zëdhënësi i KQZ-së ka njoftuar se janë në kontakt dhe në bashkëpunim me institucionet e tjera, përfshirë Policinë e Kosovës për pajisje logjistike. /GazetaExpress/

Ish-anëtari i Lëvizjes Popullore të Kosovës, Ibrahim Kelmendi, përmes një letre publike drejtuar Gjykatës Speciale, ka kërkuar nga ajo që hetojë vrasjen së veprimtarit Behadin Hallaqi, që sipas tij është arrestuar me urdhrin e Hashim Thaçit, raporton Gazeta Express.

Kelmendi ka shkruar në Facebook se rasti i zhdukjes së Behajdin Allaqit kishte ndodhur me datë 11 qershor 1998.

“Me 11 qershor 1998 Hashim Thaçit, tani president i Republikës së Kosovës, i është dorëzuar mësuesi i filozofisë të Gjimnazit në Prizren, Behajadin Allaqi, të cilin duhet ta ketë arrestuar Policia Ushtarake e UÇK-së me urdhër të Hashim Thaçit inkompetent. Pra, tashmë është “sekret publik” se atë ditë, me duar të prangosura, e ka marrë në dorëzim Hashim Thaçi, “drejtor i drejtorisë politike” të UÇK-së, – në fakt sabotues e komplotist kundër UÇK-së, – dhe nuk dihet ku e si e ka zhdukur. Uroj të ketë gatishmëri ish-Eprori i UÇK-së, Zotëri Selim Krasniqi, për të ju informuar për dorëzimin e prangosur të Behajdin Allaqit marionetës komplotiste Hashim Thaçi, meqë ai veprim ka ndodhur në zonën ku Selimi ka qenë komandant i Policisë Ushtarake të UÇK-së”, shkruhet derisa, përmendet edhe Abedin Rexha.

“Gjithashtu ju lutëm që të procedoni për hetim edhe vrasjen e Abedin Rexhës, me 8 tetor 1998, në Klladernicë të Skenderajit. Sipas rrëfimeve publike të vet Gani Gecit, vrasjen e Abedinit e ka bërë pjesëtari i UÇK-së, Gani Geci, por që po arsyetohet se e ka bërë në vetëmbrojte. Meqë institucionet kompetente të Republikës së Kosovës nuk kanë pas guxim që 21 vite ta shqyrtojnë këtë vrasje, po shpresoj se Ju do të keni guxim e fisnikëri për ta proceduar që të hetohet dhe të gjykohet nga trupi gjykues i Dhomave të Specializuara”, shkruhet në letër.

Letra e plotë:

ZYRËS SË PROKURORIT TË SPECIALIZUAR TË REPUBLIKËS SË KOSOVËS, PROKURORIT JACK SMITH

I Respektuari Zotëri Smith,

edhe pse drejtoni institucion që është formuar me vendim politik të Këshillit të Europës, – i imponuar nga Serbia dhe shtetet serbofile që përbënin shumicën e thjeshtë kur u votua ai vendim, por që u miratua pastaj edhe nga Kuvendi i Republikës së Kosovës, – kam besim se Ju do të koordinoni hetime ligjore, por pa i zvarritur deri në sfilitje dërmuese të Republikës së Kosovës.

Nuk jam aq idiot sa nga Institucioni që Ju e udhëhiqni të pres drejtësi të mirëfilltë, meqë ka kompetencë të paracaktuar, segregacioniste: hetimin vetëm të krimeve të supozuara të njërës “palë”, pjesëtarëve të Ushtrisë Çlirimtare të Kosovës (UÇK), por jo edhe krimet e pjesëtarëve të forcave të armatosura ushtarake e policore të Serbisë. Megjithatë, uroj të bëni maksimumin e mundshëm, në shërbim të drejtësisë ligjore.

Shpeshherë, publikisht, kam shpreh gatishmërinë për të ndihmuar hetuesinë e Institucionit që drejtoni, qoftë si dëshmitar, qoftë si ekspert, meqë kam pas përgjegjësi gjatë lufte, si udhëheqës i Fondit “vendlindja thërret” në Gjermani, i cili ishte Fond i UÇK-në, dhe si anëtar i Kryesisë së Lëvizjes Popullore të Kosovës (LPK), – nga maji 1998 deri në qershor 1999, – e cila Organizatë patriotike e demokratike e ka themeluar UÇK-në në Kuvendin e saj të mbajtur me 26-27 korrik të vitit 1993, në Prishtinë, dhe e ka udhëheq politikisht.

Kësaj radhe kam lutje konkrete:

Me 11 qershor 1998 Hashim Thaçit, tani president i Republikës së Kosovës, i është dorëzuar mësuesi i filozofisë të Gjimnazit në Prizren, Behajadin Allaqi, të cilin duhet ta ketë arrestuar Policia Ushtarake e UÇK-së me urdhër të Hashim Thaçit inkompetent. Pra, tashmë është “sekret publik” se atë ditë, me duar të prangosura, e ka marrë në dorëzim Hashim Thaçi, “drejtor i drejtorisë politike” të UÇK-së, – në fakt sabotues e komplotist kundër UÇK-së, – dhe nuk dihet ku e si e ka zhdukur. Uroj të ketë gatishmëri ish-Eprori i UÇK-së, Zotëri Selim Krasniqi, për të ju informuar për dorëzimin e prangosur të Behajdin Allaqit marionetës komplotiste Hashim Thaçi, meqë ai veprim ka ndodhur në zonën ku Selimi ka qenë komandant i Policisë Ushtarake të UÇK-së.

Gjithashtu ju lutëm që të procedoni për hetim edhe vrasjen e Abedin Rexhës, me 8 tetor 1998, në Klladernicë të Skenderajit. Sipas rrëfimeve publike të vet Gani Gecit, vrasjen e Abedinit e ka bërë pjesëtari i UÇK-së, Gani Geci, por që po arsyetohet se e ka bërë në vetëmbrojte. Meqë institucionet kompetente të Republikës së Kosovës nuk kanë pas guxim që 21 vite ta shqyrtojnë këtë vrasje, po shpresoj se Ju do të keni guxim e fisnikëri për ta proceduar që të hetohet dhe të gjykohet nga trupi gjykues i Dhomave të Specializuara.

Uroj të pranohet këto dy lutje – që të vendosni t’i hetoni këto dy krime të ndodhura, por ende të pa hetuara e të pa gjykuara.

Me respekt,

Ibrahim Kelmendi

(I lindur më 23.06.1954, në Fshatin Llabjan të Komunës së Pejës, për momentin jashtë Kosovës për shkak të sëmundjes; Numri personal F40723016Q, numri i pasaportës BB0792150, lëshuar nga MB e Republikës së Kosovës më 27.09.2011.)

***
Këtë mundësi elektronike shfrytëzova për t’ia përcjell këtë lutje, tashmë edhe publike, Prokurorit Smith. Uroj të ketë vullnetmirë, që kanë informacion konkret për këto dy krime, dhe të paraqiten përmes kësaj mundësie, që ta ndihmojmë Drejtësinë e Republikës së Kosovës:

Dymbëdhjetë pacientët e shtruar në Klinikën Infektive në Qendrën Klinike Universitare të Kosovës, që kanë kërkuar ndihmë mjekësore pasi që janë ankuar për reaksione alergjike teksa po verifikonin zarfet me vota të ardhura nga Serbia, janë liruar nga spitali, kanë bërë të ditur zyrtarë të Qendrës Klinike Universitare të Kosovës.

Ushtruesja e detyrës së drejtoreshës së Klinikës Infektive, Linda Ajazaj-Berisha, tha për Radion Evropa e Lirë se pacientët janë liruar nga spitali në gjendje të mirë shëndetësore.

“Gjendja shëndetësore, në momentin kur i kemi liruar pacientët, ka qenë e mirë. Ne i kemi përjashtuar sëmundjet apo shkaktarët infektivë. Me të tjerat mbetet të merren organet tjera të hetuesisë që kanë filluar me procedura”, tha Ajazaj-Berisha.

Të dielën, më 13 tetor, teksa po hapnin dhe verifikonin votat e ardhura nga Serbia në zarfet e mbyllura, fillimisht kanë qenë 20 zyrtarë të Komisionit Qendror të Zgjedhjeve që janë ankuar për gjendjen e tyre shëndetësore dhe më pas 12 prej tyre kanë përfunduar të shtrirë në spital.

Prokuroria e Kosovës po i vazhdon hetimet pas raportimeve se te këta persona janë shfaqur reaksione alergjike pas hapjes së këtyre zarfeve.

Mostrat e zarfeve me votat nga Serbia, sipas Prokurorisë së Kosovës, kanë përfunduar për ekzaminim në një laborator të një shteti evropian, por nuk tregohet se në cilin vend. rel

Profesori i Universitetit të Prishtinës, Milazim Krasniqi, ka shkruar se ish-lideri i Jugosllavisë, Josip Broz Tito konsiderohet si njeri prej kriminelëve që ka vrarë më së shumti njerëz në periudhën e komunizmit.

Krasniqi ka shkruar se Tito me regjimin e tij ka vrarë më shumë se 1 milion njerëz gjatë pushtetit të tij.

“Sipas disa përllogaritjeve që janë bërë deri sot, por që nuk janë definitive, gjatë regjimit komunist jugosllav, të drejtuar nga Josip Broz Tito, në ish Jugosllavi janë vrarë, ose kanë vdekur nga ekspozimi kushteve çnjerëzore (në kampe, nga shpronësimi, etj.) 1.17 milion njerëz!”, ka shkruar Krasniqi.

“Josip Broz Tito, si lideri absolut i regjimit komunist (kryeministër 1945-1953) president shteti (1953-1980) kryetar i Lidhjes së Komunistëve të Jugosllavisë, komandant suprem i Forcave të Armatosura deri sa vdiq në vitin 1980) llogaritet krimineli i pestë, në rangimin e kriminelëve më të mëdhenj komunist të shekullit XX, pas Stalinit, Mao Ce Dunit, Leninit dhe Pol Potit”, ka shtuar ai.

” Aleksandër Rankoviqi, sipas gazetës Politika, në një raport të paraqitur në Kuvendin e Beogradit, më vitin 1951 deklaronte : “Nëpër burgjet tona në vitet 1945-1951 kanë kaluar 3.777.776 të burgosur, ndërsa i likuiduam 586.000 armiq të popullit”, ka cituar Krasniqi burime arkivore.

“Në mesin e atyre të burgosurve dhe atyre të vrarëve/të masakruarve, ka pasur edhe me mijëra shqiptarë, që nga ata që u dërguan për t’u likuiduar në Tivar, ata që i zhdukën në frontet e Sremit, ata që i vranë në luftë kundër Shaban Polluzhës e kundër LNDSh, ONDSH-së e me mijëra të tjerë që thjesht i morën nga shtëpitë e tyre dhe i vranë pa gjyq”, ka shkruar Krasniqi.

Lideri i Lëvizjes Vetëvendosje, Albin Kurti, është politikani më i përfolur në Kosovë. Kjo pasi si fitues i zgjedhjeve të jashtëzakonshme të 6 tetorit, Kurti dhe partia e tij kanë dalë të parët, duke bërë kështu që ai si kandidat për kryeministër të vendit të jetë më i votuari në këto zgjedhje

Kurti që në vitin 1981 ishte udhëheqës i protestave studentore në Kosovë, është kthyer në liderin më të dashur për kosovarët.

Ata ia besuan votën duke e nxjerrë kështu më të votuarin e zgjedhjeve të fundit në Kosovë.

Tashmë të gjithë e njohim Albin Kurtin e ditëve të sotme, por a e keni parë si është dukur ai ku ka qenë fëmijë?

Në foton më poshtë mund ta shihni Albin Kurtin kur ka qenë fëmijë, ku shihet së bashku me mësuesen e tij, Nafije Deva.

Lëvizja Vetëvendosjes arriti të fitojë zgjedhjet e 6 tetorit, duke siguruar mbi 200 mijë vota.

Kryetari i këtij subjekti, Albin Kurti arriti që të sigurojë 185 mijë vota, duke u bërë kështu lideri më i votuar, shkruan Indeksonline.

Disa e kanë quajtur rekord numrin e votave që Kurti i ka marrë në këto zgjedhje.

Por të dhënat tregojnë diçka tjetër.

Ish-kryetari i ndjerë i LDK-së, Ibrahim Rugova është njeriu që ka arritur të marrë më së shumti vota ndonjëherë në zgjedhje.

Në zgjedhjet e vitit 2001, sipas të dhënave në faqën e KQZ-së, LDK kishte marrë 359 mijë e 851 vota.

Nga këto të dhëna mund të themi se Ibrahim Rugova vazhdon të mbetet lideri më i votuar ndonjëherë në Kosovë.

Edhe pse zgjedhjet e 6 tetorit u zhvilluan në mënyrë të shkëlqyeshme, të qetë dhe demokratike, pas prezentimit të rezultateve preliminare, filloi deformimi i këtij procesi nga KQZ-ja. Manipulimi i procesit zgjedhor nisi me rinumërimin e votave në 314 vendvotime, për të vazhduar me turnin e dytë të rinumërimit (përpunimit) të votave edhe në 530 vendvotime, që në total po i bie 844 vendvotime.
Manipulimet e këtij procesi zgjedhor janë produkt i vetë KQZ-së, përkatësisht i komisionerëve të përzgjedhur nga nga krerët subjekteve politike dhe nëntokave kriminale.
Rinumërimi i votave nuk e rritë as zvogëlon numrin e votave të përgjithshme në nivel vendi, por e ngrit apo zvogëlon numrin e votave nga një subjekt në tjetrin.
Për më keq se kaq, rinumërimi i votave është produkt i vjedhjes së votave brenda subjekteve politike, gjegjësisht i vjedhjes së votave mes kandidatëve në të njëjtën listë zgjedhore.
Vjedhja e votës brenda partive është tregues se kandidatët për deputet nuk e kanë shumë hallin e këtij populli, sa e kanë hallin e tyre për t’u ulur në “ulësen” nga e cila mund të pasurohen e bëhen milionerë!
“Edhe pse i kam marrë votat e mjaftueshme për deputet, dyshoj në vjedhjen e votave të mia brenda partisë”, ishte rrëfimi i një kandidati për deputet!
Kësisoji, kandidatët për deputet po i shfrytëzojnë shkathtësistë e tyre për korruptimin e komisionerëve që t’ua regjistrojnë votat e kolegëve në llogaritë e tyre. Kjo është vjedhja më e turpshme dhe më skandaloze e votës brenda llojit me bekimin e KQZ-së.

Nga vjedhja brenda llojit, tek vjedhja ndërpartiake

Përtej vjedhjes brenda llojit (subjektit), është duke u manipuluar i tërë procesi zgedhor me tendencën për komplikimin e procesit të formimit të qeverisë së re.
Megjithatë, loja më kriminale e grupeve të interesit po bëhet në dy drejtime; e para, në pamundësimin e arritjes së koalicionit paszgjedhor LDK-LVV, dhe e dyta, në kalimin e pragut të koalicionit NISMA-AKR-PD.
Sikurse në rastin e parë, ashtu edhe në rastin e dytë, qëllimi është i njëjtë, sabotimi i qeverisë në ardhje LDK-LVV dhe faktorizimi i humbësve të zgjedhjeve të 6 tetorit.
Kur dallimi në vota mes LVV-së dhe LDK-së është në nuanca shumë të vogla, kanë filluar edhe manipulimet me rezultate në KQZ, pas rinumërimit të votave në 314 vendvotime, do të vazhdojë rinumërimi edhe në 530 vendvotime. Kur kësaj i shtohen votat me kusht, votat e personave me aftësi të kufizuara dhe votat nga Diaspora, mundësia e përmbysjes së rezultatit zgjedhor rritet akoma më shumë shkaku i pazare të pista mes partnerëve të vjetër.
Përmbysja eventuale e rezultatit zgjedhor nga KQZ-ja, do ta fusë vendin në një krizë të thellë politike, të ngjashme me atë të vitit 2014, të kohës së VLAN-it e cila e pati lënë Kosovën rreth 6 muaj pa qeveri dhe Kuvend, deri tek vendimi i arbitrit që ishte Gjykata Kushtetuese.

Ngrirja e njëanshme e negociatave nga LDK me VV-në, skenar i PDK-së

Ngrirja e njëanshme e negociatave nga LDK me VV-në, mund të jetë një skenar i paramenduar nga PDK-ja she SHIK-u në pritje për ta kaluar eventualisht pragun edhe koalicioni NISMA -AKR-PD , dhe për ta mashtruar LDK-në me pozitën e kryeministrit, që të ndërtohet koalicioni i treshes LDK-PDK- Nisma dhe përsëri të tradhtohet Vetëvendosje duke mbetur në opozitë së bashku me AAK-në.
Zërat kundërshtues për koalicionin e mundshëm LVV-LDK, sikur është Agim Veliu nga dega e Podujevës e të tjerë, janë tregues që Vjosa Osmani, edhe pse më e votuara, është e fundit që vendos në LDK.
Heshtja e Vjoses përballë realitetit të krijuar mund t’i kushtojë asaj me humbje të imazhit dhe kredibilitetit të arritur nga zgjedhjet e 6 tetorit.
Vjosa Osmani në rrugëtimin e saj politik drejt kreut të ekzekutivit duhet të dëshmohet që është produkt i vullnetit të elektoratit e jo produkt i matrapazëve politikë, në të kundërtën e ka të garantuar theqafjen politike bashkë me klanorët në majat e LDK-së.
Nëse e marrim si kriter mbështetjen e fuqishme të zonjes Vjosa Osmani nga elektorati i LDK-së, atëherë pavarësisht manipulimit të rezultatit zgjedhor, Vjosa Osamani duhet të merrë timonin e partisë.
Ngrirja e negociatave me Vetëvendosjen nga ana e LDK-së është tendencë e hapur për “djegien” e Vjoses, e cila, nëse nuk prodhon zgjedhje të jashtëzakonshme në LDK, mund të shkaktojë ndarjen e re të këtij subjekti politik.
Bazuar nga rezultatet preliminare, që e përcaktuan LVV-në fituese të zgjedhjeve dhe mundësisë së manipulimit të zgjedhjeve nga rinumërimi (vjedhja) e votave, LDK-ja duhet të tregohet e kujdesshme nga rrëshqitja në humnerë.
Për hirë të së vërtetës, sikurse PDK-ja, ashtu edhe LDK-ja e kanë të merituar ndëshkimin nga elektorati kosovarë për shkak të bashkëqeverisjes së gjatë në pushtetin qendror. Pra të dy partitë, PDK e LDK, për aq sa janë meritorë për ndërtimin e institucioneve shtetërore pas 17 shkurtit 2008-të, po aq janë meritorë edhe për instalimin e nepotizmit, korrupsionit dhe krimit të organizuar në Kosovë.
Binomi PDK-LDK, përkatësisht binomi Thaçi-Mustafa paraqet binjakëzimin SHIK-RIINVEST që gjunjëzoi shtetin dhe keqëpërdori paratë e qytetarëve (mërgimtarëve) të Kosovës.

Kandidati për kryeministër nga Lëvizja Vetëvendosje, Albin Kurti, ka thyer rekord të ri të votave, që ai ka arritur t’i merr në zgjedhjet e 6 tetorit.

Kurti ka arritur të marrë 185 mijë vota, numër që nuk është arritur asnjëherë nga asnjë politikan kosovar.

Kjo u bë e ditur nga një postim i ish-deputetes, Arbërie Nagavci. Kurti në zgjedhjet e fundit që janë mbjatur në qershor të vitit 2017, i kishte marë 142 mijë vota.

Shkrimtari dhe publicisti Veton Surroi, deklaron se askush nuk ka kërkuar që në çështje të mëdha të jenë bashkë “krahu i luftës” dhe “i paqes”.

Surroi, nnë RTV Dukagjini, u shpreh se është narracion artificial se në Kosovë duhet të bashkë qeverisin “krahu i luftës” dhe ai “i paqes”. Ai ka thënë se ky narracion është ndërtuar qysh nga viti 1999 e ka vazhduar ndër vite.

“Mos harroni se ajo që quhet ‘krahu i luftës’ është pakicë në Kosovë. Nuk është shumicë. UÇK-ja nuk ka qenë shumicë në Kosovë, por pakicë. Natyrisht pakicë e organizuar dhe ka luftuar, por nuk ka përfaqësuar shumicën në Kosovë”.

Sipas tij, u pa në zgjedhjet e para që UÇK-ja ishte edhe pakicë politike në Kosovë pasi sipas tij Rugova i fitoi zgjedhjet dhe ai nuk ishte “krah i luftës”.
Surroi ka thënë se Pavarësia e Kosovës është dashur të shpallet në verën e vitit 2007 dhe nuk ka lidhje me ardhjen në pushtet të PDK-së.

Sipas tij, për shkak të zhvillimeve ndërkombëtare është shtyrë shpallja e Pavarësisë më kërkesë të Francës për të bindur Rusinë në një çështje për Iranin. Publicisti thotë se “krahu i luftës” arriti ta mbajë pushtetin më shumë se 10 vite për shkak se ishin mirë të organizuar.

Prokurorët e Shtetit dhe Policia e Kosovës kanë shkuar brenda objektit të Qendrës për Numërim dhe Rezultate, pas thirrjes publike që u kishte bërë këtyre institucioneve, kryetarja e Komisionit Qendror të Zgjedhjeve, Valdete Daka.

Lajmi është bërë i ditur nëpërmjet një komunikate nga Prokuroria e Shtetit.

“Pas prononcimit të kryetares së KQZ-së, Prokurori i Shtetit njofton publikun se në Qendrën për Numërim dhe Rezultate (QNR), tanimë janë prezent Prokurori i Shtetit dhe hetuesit nga Policia e Kosovës, të cilët bashkërisht do t’i përcjellin dhe verifikojnë pretendimet e parashtruara nga KQZ-ja”, thuhet në komunikatë.

Sipas njoftimit, Prokuroria e ka të përcaktuar ndërmarrjen e aktiviteteve, përfshirë parandalimin e të gjithë atyre që bien në kundërshtim me dispozitat e ligjit në fuqi lidhur me veprat penale kundër të drejtave të votimit.

Kryetarja e KQZ-së, Valdete Daka, në mbledhjen e mbajtur të enjten, ka ftuar Policinë dhe prokurorët hetues që të shkojnë në Qendrën e Numërimit dhe të Rezultateve, për të hetuar apo për të parë nëse ka manipulim me votat e qytetarëve nga komisionarët e partive politike. rel

Nënkryetari i Organizatës së Veteranëve të Luftës, Nasim Haradinaj, i ftuar në Frontal të T7, ka thënë se gjatë kësaj jave, apo javës që po vjen do të ndodhin arrestimet e para nga Gjykata Speciale.

Ai thotë se këto informacione i kanë nga disa avokatë me të cilët bashkëpunojnë e të cilët punojnë në Dhomat e Specializuara.

“Në bazë të disa avokatëve me të cilët kemi bashkëpunim, sepse ne kemi bashkëpunim me ta , priten arrestime këtë jave dhe javën tjetër. Por nëse jo gjatë këtyre javëve, gjatë muajit gjithsesi”, ka thënë Haradinaj.

Ndërkohë derisa Haradinaj ka dhënë këtë deklaratë, Ish-komandanti i FSK’së, Kadri Kastrati, ka njoftuar se ka marrë ftesë nga Gjykata Speciale./GazetaExpress/

Fotografi nga zgjedhjet e mbajtura më 6 tetor në Kosovë.

Prokuroria e Kosovës po i vazhdon hetimet në lidhje me zarfet me vota të ardhura nga Serbia, pas raportimeve që më shumë se 20 zyrtarë të Komisionit Qendror të Zgjedhjeve kishin reaksione alergjike pas hapjes së zarfeve.

Prej tyre, 12 kanë kërkuar ndihmë mjekësore dhe janë hospitalizuar.

Artan Grantolli, nga Prokuroria e Shtetit tha për Radion Evropa e Lirë, se tashmë mostrat për analiza laboratorike janë dërguar jashtë Kosovës, por nuk ka saktësuar në cilin vend.

“Është gjetur një laborator në njërin nga shtetet e Evropës, ku edhe janë dërguar mostrat për analiza. Sapo t’i marrim rezultatet ne do t’i bëjmë publike për opinionin”, tha Grantolli.

Ai nuk ka pranuar të tregojë se në cilin vend janë dërguar mostrat.

Drejtori i Institutit Kombëtar të Shëndetit Publik, Naser Ramadani nuk ka dhënë detaje se çka ka pasur brenda zarfeve që u ka shkaktuar, siç ishte thënë, reaksione alergjie punonjësve të Komisionit Qendror të Zgjedhjeve.

Ai më 15 tetor kishte deklaruar se pas analizave të bëra për dymbëdhjetë pacientët e shtrirë e që ishin përballur me një reaksion teksa kanë qenë duke numëruar zarfet me vota të ardhura nga Serbia në Kosovë, kishte rezultuar se nuk kanë ndonjë shkaktar infektiv.

Ndërkohë, disa media në Kosovë, duke u thirrur në burimet e tyre, kanë raportuar sejanë gjetur dy lloje të elementeve të mundshme në zarfet nga Serbia.

“Elementi që vetë letra e përmban e që nuk ka rrezik dhe një lloj elementi tjetër që gjendet në spërkatës për pastrim të zyrave ose për spërkatjet e pemëve e që nuk ka rrezik për jetën”, është thënë në raportimet e mediave.

Por drejtori i Institutit Kombëtar, Naser Ramadani, i kontaktuar nga Radio Evropa e Lirë ka thënë shkurt se këto njoftime “janë thashetheme”.

Të dielën, më 13 tetor, teksa po hapnin dhe verifikonin votat e ardhura nga Serbia në zarfet e mbyllura, fillimisht ishin 20 zyrtarë të KQZ-së që u ankuan për gjendjen e tyre shëndetësore dhe më pas 12 përfunduan të shtrirë në spital.

Mjekët thanë se ata kishin reaksione të ndryshme, si vjellje, skuqje në fytyrë, kruarje e tjera. Pacientët po mbahen ende nën mbikëqyrjen e mjekëve, edhe pse rezultatet e analizave të tyre kanë rezultuar se nuk ka ndonjë shkaktar infektiv .

Prokuroria është duke i vazhduar hetimet në lidhje me këtë rast.

Zgjedhjet e parakohshme paralmentare në Kosovë janë mbajtur më 6 tetor.

Sipas rezultateve preliminare nga numërimi i votave të rregullta, Lëvizja Vetëvendosje ka fituar më së shumti vota, pasuar nga Lidhja Demokratike e Kosovës.

Pas takimit të djeshëm në Shtëpinë e Bardhë, me drejtorin për Evropë, John Earth, në kuadër të Këshillit për Siguri Kombëtare, kandidatja e LDK’së për kryeministre, Vjosa Osmani, ka takuar sot edhe Përfaqësuesin Special për Ballkanin Perëndimor, Matthew Palmer, shkruan Gazeta Express.

Osmani ka thënë se me Palmer kanë diskutuar për raportet ndërmjet Kosovës dhe SHBA’së dhe për punët e rëndësishme të cilat e presin Kosovën.

“Sot në Departamentin e Shtetit u prita nga Zv.Ndihmës Sekretari i Shtetit, Matheë Palmer, i cili është poashtu Përfaqësues Special për Ballkanin Perëndimor. Diskutuam për raportet e Republikës së Kosovës me Shtetet e Bashkuara dhe punët e rëndësishme që na presin përpara”, ka shkruar Osmani./GazetaExpress/

Presidenti i Serbisë, Aleksander Vuçiq, ka reaguar pas një takimi që ka pasur në Prishtinë, ambasadori i Britanisë së Madhe, Nicholas Abott, me kreun e Lëvizjes Vetëvendosje, Albin Kurtin.

Këtë reagim të kreut të shtetit serb e ka nxitur fotografia që është publikuar pas takimit, ku në prapavijë të ambasadorit Abott dhe Kurtit shihet flamuri shqiptar.

Vuçiq ka pyetur ambasadorin Abott se në cilin shtet i ka fituar zgjedhjet Albin Kurti, dhe ka thënë se do të vazhdojë ta bëjë këtë pyetje derisa të marrë një përgjigje.

“Pyetja ime për ambasadorin e Britanisë së Madhe në Prishtinë: Cilat zgjedhje i ka fituar Kurti, në çfarë shteti? Dhe flamuri që i qëndroni përballë cilit shtet i takon, shkëlqesia juaj? Unë do të vazhdoj t’iu pyes derisa të marr një përgjigje për këto pyetje”, ka shkruar Vuçiq në llogarinë e tij në tëitter.

Megjithatë në këtë pyetje të Vuçiq ka pranuar që Republika e Kosovës është një shtet, meqenëse nuk i pëlqen fakti që Kurti në zyrën e tij mban flamurin e Shqipërisë dhe jo atë të Kosovës.

Ndryshe në sfond me flamurin kuq e zi janë fotografuar edhe ambasadorë të tjerë të vendeve të huaja në Kosovës, përjashtuar ambasadorin gjerman, Christian Heldt dhe atë të Shteteve të Bashkuara të Amerikës, Philip Kosnett./GazetaExpress/