Mënyra se si lideri i LDK-së, Isa Mustafa po pretendon të kushtëzojë marrëveshjen e koalicionit me LVV-në, duke e siguruar për vetën e tij mandatin e presidentit të vendit, përveq egoizmit të pastër njerëzor, shpërfaq ambiciet e pashërueshme pushtetore.

Abuzimi presidentit paranojak Hashim Thaçi me KQZ-në për deformimin e procesit zgjedhor dhe kushtëzimet e liderit të LDK-së për sabotimin e zgjedhjes së Albin Kurtit kryeministër, dolën të jenë jenë një skenarë i koordinuar politik.
Fushata e hapur dhe fshehtë e Thaçit janë një deshmi se Thaçi ka frikë nga Albin Kurti, prandaj po synon që ta bllokojë me të gjitha mjetet zgjedhjen e tij kryeministër, me qëllim që të mbetet edhe më tej fatkor të ndërkombetarët, pas paralajmërimit të Kurtit se ai do ta udhëheqë dialogun me Serbinë.
Me futjen e “Kalit të Trojës” në kuvend, pra me NISMA-AKR- PD është krijuar parakushti për sabotimin e krijimit të qeverisë LVV-LDK dhe destabilizimin e skenës politike në përgjithësi, e cila do të prodhojë zgjedhje të sërishme në Kosovë.
Tani pas abuzimit skandaloz të procesit zgjedhor, partitë fituese të zgjedhjeve dhe partnerët e koalicionit (LVV-LDK) të dëmtuar për 4 deputet, përveqse do ta kenë akoma më të vështirë arritjen e marrëveshjes zyrtare për koalicionin qeverisës, do të bëhet i pamundur krijimi i qeverisë nga dy sybjektet fituese të zgjedhjeve.
Për mosmarrëveshjet që kanë mes tyre LVV e LDK për ndarjen e kulaçit qeverisës, gjithsesi do të duhet ndërhyrja e faktorit ndërkombëtar, por paraprakisht presidenti Thaçi do ta shfrytëzon mundësinë e tij kushtetuese që ta zvarris nominimin e kandidatit për formimin e qeverisë së re deri në fund të muajit dhjetor dhe ta vazhdon lojën e ndërskamcave politike që pamundësojnë krijimin e “Qeverisë Kurti”.

Ambiciet pushtetore, pengesë për arritjen e marrëveshjes

Takimet e “frytshme” të liderëve të LVV-së dhe LDK-së pa dhënjën e asnjë rezultai në përpjekje për arritjen e marrëveshjes për koalicionin qeverisës kanë filluar që tani ta zhgënjejnë qytetarin të dyja këto subjekte politike si fituese të zgjedhjeve, ngase që në fillim të negociatave për koalicion nuk po arrijnë gjuhë të përbashkët në emër të interesit për ndryshime dhe çkapje të shtetit, ashtu sikur paten premtuar gjatë fushates zgjedhore, por tani më shumë janë fokusuar në ndarjen e pushtetit sesa çkapjen e shtetit vetëm për rehatimin e grupeve klienteliste brenda partiake dhe ndarjes së pozitave më profitabile në qeveri.
Përcaktimi fillestar i këtyre dy subjeketeve për vetëm 12 ministri ua ka vështirësuar arritjen e marrëveshtjes, për shkak se orekset e klientelave të këtyre dy subjekteve politike janë më të mëdha se kaq.
Siq po duket edhe Albin Kurti është duke u ngjitur drejt zyrës së kryeministrisë përmes të njëjtave “shkallë” dhe është duke u përballë nga të njëjtat vështirësi që kishte pararendësi i tij, i tij Haradinaj, kur ishte detyruar t’ia jepë hiq më pak se katër ministri AKR-së me vetëm 1 deputet në parlament.
Kur kësaj i shtohet edhe çështja e zgjedhjes së presidentit, që LDK-ja e ka fiksim për Isa Mustafën, atëherë arritja e marrëveshjes mes LVV-së dhe LDK-së bëhet akoma më e vështirë dhe e pa arritshme.
Edhe pse fituese e zgjedhjeve, LVV-ja me 26 % të votave e ka të pamundur të bëj ç’kapjen e shtetit, e aq më pak të ndryshojë mentalitetin qeverisës dhe uzurpues në këtë vend.

Negociatat e pasinqerta të LDK-së, ogurë i zi për demokracinë

Skenaristët e dështimit të koalicionit LVV-LDK nuk kanë të ndalur me obstruksionet e tyre politike. Alternativa e LDK-së nuk është zgjidhje për arritjen e marrëveshjes, por obstruksion i pastër politik.
Me propozimin e fundit të nënkryetarit të LDK-së, Agim Veliu se Vetëvendosje mund të zgjedhë edhe që t’ua lënë pozitën e kryeministrit, e ministritë, që ta marrin pozitën e të parit të shtetit, e të Kreut të Kuvendit, ku si dhuratë për këtë, Veliu ua premton edhe një ministri plus.
Oferta e Veliut me të drejtë ka shkaktuar revoltë në kampin e LVV-së dhe indinjatë të thellë tek qytetarët e vendit. Bazuar në rezultatin zgjedhor dhe në shumë rrethana tjera politike, posti i kryeministrit i takon LVV-së dhe se Albin Kurti duhet të jetë i pakontestuar për postin e kryeminstrit dhe jo vetëm. Albin Kurti duhet të jetë edhe udhëhqës i dialogut me Serbinë.
Për këtë arsye, posti i padiskutueshëm duhet të jetë ai i kryeministrit, pasi populli vendosi që Albin Kurti të jetë i pari në zgjedhje, si individualisht ashtu edhe me parti (marrëveshje kjo parazgjedhore mes Isa Mustafës e Albin Kurtit), e kjo nuk duhet të jetë në tavolinën e diskutimeve, e as në marrëveshjen mes dy partive.
LDK-ja nuk duhet të kërkojë asnjë zgjidhje kompromisi për postin e kryeministrit, për arsye se është njëra ndër partitë që ka qëndruar më së gjati në pushtet në këto 20 vitet e fundit. Është provuar e sprovuar disa herë në qeverisjen e vendit, prandaj edhe në aspektin moral është e udhës t’i lëshojë rrugë dhe ta ndihmojë VV-në në shtyerjen përpara të proceseve politike.
Nëse ju referohemi numrave dhe nëse LVV dhe LDK nuk arrijnë pajtueshmëri kompromisi dhe nuk bëjnë koalicion me ish paritë politike të PAN-it vendi pashmangshëm do të shkojë drejt zgjedhjeve të reja.
Negociatat LVV-LDK nga fillimi kanë qenë të pasinqerta, tani po vazhdojnë të bëhen edhe qesharake dhe të pa afrueshme për lidhjen e koalicionit qeverisës. Nëse këto dy subjekte e shpërfillin vullnetin e elektoratit dhe besimin e dhënë nga qytetarët e vendit për një qeverisje më ndryshe, do të ballafaqohen me pasoja të rënda në zgjedhjet e radhës, e në veçanti do të pësojë LDK-ja si shkaktare e mos arritjes së marrëveshjes politike për bashkëqeverisje me LVV-në.
Gjasat që LDK-ja ta merrë postin e kryeminstrit ekszistojnë, por në një variant tjetër e jo me LVV-në. Obstruksioni politik që po i bëhet LVV-së konsiston pikërisht në qëllimin e LDK-së, që Albin Kurti të mos i merrë votat e mjaftueshme në Kuvend, e mandej sipas Kushtetutes, t’i vie radha LDK-së parti e dytë, e cila në marrëveshje me partitë e PAN-it ta themelojë qeverinë me Vjosa Osmanin kryeministre.
Prandaj, lirisht mund të thuhet që tani, se koalicioni LVV-LDK është “Missione Impossibile” dhe i paarritshëm dhe se PAN-istët në heshjte kanë filluar të “fërkojnë duart” për rimarrjen e pushtetit përmes LDK-së.

Loja djallëzore ndaj Vjosa Osmanit, do t’i kthehet bumerang Isa Mustafës dhe klientelës së tij

Atë që unë e kam thënë 3 muaj më parë, se kandidimi i Vjosa Osmanit nuk erdhi nga gjeneroziteti dhe dëshira e kryetarit Mustafa dhe as e kryesisë qendrore, por erdhi nga frika e ndëshkimit nga elektorati për shkak të procesit të deformuar zgjedhor të partisë, tashmë po e thonë hapur të gjithë në LDK.
Sikur zonja Vjosa Osmani të ishte propozuar si kandidate për kryeministre vetëm 5-6 muaj më parë gjatë procesit të brendshëm zgjedhor, fitorja e LDK-së në këto zgjedhje jo vetëm që do të ishte e garantuar, mund të ishte fitore absolute e këtyre zgjedhjeve.
Sikur të pyetej elektorati i LDK-së, kryetari aktual i partisë dhe shumë nga kryetarët e degëve, humbës serik të disa palë zgjedhjeve lokale, fare nuk do të ishin rizgjedhur, madje edhe përbërja e kandidatëve për deputet do të ishte krejt më ndryshe nga seqë është.
Nisur nga ky fakt, është hera e dytë që Isa Mustafa nuk e pati guximin të përballet me elektoratin. Përderisa Isa Mustafa në zgjedhjet e 2017-s e “dogji” profesorin e nderuar Avdulla Hoti, në zgjedhjet e 6 tetorit 2019 e kishte planifikuar djegien e Vjosa Osmanit.
Mirëpo kësaj radhe situata doli të jetë pak më ndryshe, mos respektimi i vullnetit të elektoratit në zgjedhjet partiake, e ka kthyer Vjosa Osmanin lidere morale të partisë.
Tendenca për “djegien” e Vjoses, do të prodhoj zgjedhje të jashtëzakonshme në LDK për shkak të mbështetjes së jashtëzakonshme të elektoratit për Vjosa Osmanin.
Tani e ka rastin historik Vjosa Osmani, që mbështetjen e fuqishme të elektoratit të LDK-së ta kthejë në forcë dhe motivim personal për ç’kapjen e partisë nga klanet dhe grupet e interesit, nga urithët e nëntokës, nga karrieristët dhe matrapazët politik.
Vjosa Osmani, besimin e elektoratit duhet ta kthejë në force dhe guxim për marrjen e timonit të LDK-së, jo me forcën e muskujve por me transparencë veprimesh përmes organizimit të një procesi të rregullt zgjedhor dhe demokratik në LDK, ku secili anëtarë të ketë mundësinë e zgjedhjes dhe për të qenë i zgjedhur në parti.
Loja djallëzore ndaj Vjosa Osmanit, do t’i kthehet bumerang Isa Mustafës dhe kientelës së tij. Tashmë po shihet në horizont fundi i epokës së errët në LDK dhe ardhja e një epoke të ndritshme në subjektin simbol të demokracisë dhe plurazimit politik në vendin tonë.

Zgjedhjet kane perfunduar qe dy muaj,ende nuk kemi qeveri per shkak te nazeve,tekeve te partnerve sidomos nga ana e LDK. Kjo situate eshte e pakuptueshme, e pajustifikueshme, e patoleruesshme.

Ketu dicka eshte ngaterruar me qellim,por ajo se cka dihet eshte se:

LVV eshte fituese e zgjedhjeve. Populli ia ka besu formimin e qeverise si kryeminister i ardhshem,e jo Hashim Thaci. Ne formimin e qeverise fituesi i zgjedhjeve e ka fjalen kryesore.

LVV si fituese e zgjedhjeve e ka te drejten absolute edhe ti zgjedhe resoret ministror,e jo sipas pazareve.

LVV publikisht ka deklaruar se done ti administroi Ministrin e mbrendshme dhe ate te drejtesise,si fituesja e zgjedhjeve,sepse pikerishte ne keto dy resore shteti eshte lidhe nyje per se mbrapeshti. Keto dy resore vite me radhe kane qene te dhunuara nga Pronto mafija te cilat i ka lidhe me nyje te dyfisheta te cilat kerkohet nga populli qe keto nyje te zgjidhen per tu be ndryshime sipas kerkeses se votuesve.

Keto nyje te lidhura keq ne keto dy ministri mund ti zgjidhe vetem LVV,si parti e para dhe e pakorruptuar.Ka force qe kete ta beje sepse nuk eshte e korruptuar,e shantazhuar.

Albin Kurti me cdo kushte nuk duhet te heq dore nga keto dy ministri,sespe ia ka dhene besen elektoratit,votuesve se do te beje ndryshime rrenjesore ne keta dy resor dhe ne ckapjen e shtetit.

Nese nga ndonje aresye,presion  leshon pe,atehere ajo e qone vehten ne shkaterrimin e LVV dhe Albin Kurti do ta dale nga skena politike.Kjo do te ishte vetevrasje politike per te.
Per LVV me e pranueshme eshte qe ti mbaje keto dy resore per te be ndyshme per ti ckape nga Pronto mafija dhe kupola e krimit te organizuarsepse per kete eshte e afet ta beje,duke ia lene te gjitha minstrite tjera(tete)LDK.

Nuk eshte aspak e quditeshme se pse LDK e kerkon ministrin e mbrendshme duke shantazhuar LVV rreth nje mareveshje te mundshme.Shantazhimi i LDK eshte zanat i vjeter i saj.Eshte shume e kuptueshme dhe shume e qarte se LDK nuk ka aftesi qe te beje ndryshime rrenjesore ne kete ministry e kjo do te shkonte ne favor te PDK,kete e ka treguar edhe me heret kur i ka pase ne dore por pa kurrfare rezultati.LDK nuk eshte e zoja qe ketu te beje ndryshime sepse eshte e kapur nga PDK dhe Pronto mafia me shume fije te dukshme dhe te padukshme,eshte parti e cila mund te shantazhohet nga kupola e krimit te organizuar,Shume njereze te saje hala jane te lidhur me elementet e krimit te organizuar per mes bisneseve,etj,etj.

Pra, shantazhet qe LDK po i bene LVV kane dhe mish dhije te PDK,e cila eshte ne panik te madh jo nga Isa Mustafa,por pikerishte nga Albin Kurti.

E, Albin Kurti duhet te qendroi stabil te mos leshoi pe ne asnje menyre ne premtimet qe ia ka dhene votuesve per ndryshime te medha.Kete te drejte ia ka dhene vouesi si parti e pare e cila duhet ta kete fjalen kryesore e jo LDK.Pa ndryshime te medha ne Ministrin e mbrendshme dhe ate te drejtesise te cilat,siq thame nuk eshte ne gjendje ti beje LDK,nuk ka ndryshime rrenjesore,nuk ckapet shteti nga kapesit e krimit te organizuar. Dhe se fundi edhe kjo qeveri do ta kete fundin si ato qeverit e meparshme.

Albin Kurti votuesi yt,eketorati yt kerkone ndryshime,e ndryshimet me te medha duhet bere ne Ministrin e mbrenshme dhe ate te drejtesie sepse ne keto eshte e lidhur nyeja e Gordos.Mos i leshi keto dy ministri edhe me kushte qe LDK-ja ti marre ato tete ministr tjera.

Albin me mire per ty te jesh burr i beses sic je deri me tani,,ekektoratit njehere i jipet besa,nje here te beson,nese nuk i merre me cdo kushte keto dy ministry,me mire per ty eshte te shkosh ne opozite apo ne zgjedhje te reja keshtu do ta ruajshe fytyren,besen dhe autoritetin qe e ke ne popull,per ndyshe do te jete fundi yt ne politike.

Ministria e Punëve të Jashtme thotë se gjatë këtij mandati e ka pasur synim kryesor dëshminë e krimeve të luftës të kryera nga Serbia, derisa shton se ka material rreth 10 mijë faqe dokumente që ende nuk janë trajtuar nga drejtësia ndërkombëtare, raporton Gazeta Express.

Këshilltari i ministrit të Punëve të Jashtme në detyrë, Jetlir Zyberaj, ka shkruar në Facebook se me këto dokumente synohen që kriminelët e luftës të vihen para drejtësisë.

“Për shkak se ata dështuan ne duhet të vazhdojmë dhe të ndjekim kriminelët e luftës”, thotë ai.

Ai ka thënë se gjatë ditëve në vijim, do të kenë një takim me prokurorin special të Kosovës, të cilit do t’ia dorëzojnë këto dokumente.

“Në ditët në vijim, gjatë një takimi me Prokurorin Special të Kosovës, këto dokumente dhe prova do të dorëzohen me qëllim sjelljen e kriminelëve serbë të luftës para drejtësisë. Duke i kuptuar edhe limitet që ka sistemi ynë i drejtësisë, bashkë me prokurorinë do të gjejmë zgjidhjen e drejtë që kriminelët të nxirren para ligjit. Në një kohë kur ata që mbështesin Millosheviqin marrin çmimin Nobel dhe mohimi i masakrave dhe akteve gjenocidale të kryera nga Serbia konsiderohen si normalitet, ne duhet të flasim dhe të rikujtojmë botën për atë që ndodhi në Kosovë”, ka thënë Zyberaj.

Një protestë në Kosovë kundër ndarjes së Çmimit Nobel, për shkrimtarin austriak, Peter Handke.

Kosova nuk do të marrë pjesë në ceremoninë e ndarjes së çmimeve Nobel, që do të mbahet më 10 dhjetor në Stokholm.

Kështu thotë ministri në detyrë i Punëve të Jashtme të Kosovës, Behgjet Pacolli, i cili thotë se shkaku i mospjesëmarrjes së Kosovës është ndarja e Çmimit Nobel për Letërsi shkrimtarit austriak Peter Hanke.

Ndarja e Çmimit Nobel për shkrimtarin Handke ka shkaktuar zemërim në Ballkan dhe më gjerë, për shkak se ai kishte mbështetur zëshëm ish-presidentin serb, Sllobodan Millosheviq gjatë luftërave në ish-Jugosllavi në vitet 1990.

Akademia e Shkencave të Kosovës ka kërkuar që të anulohet Nobeli për Handken.

Lëvizja Vetëvendosje dhe Lidhja Demokratike e Kosovës nuk po mund të bien dakord për pazaret politike dhe ndarjen e ministrive e pozitës së Presidentit, andaj këto probleme kanë çuar në një bllokadë të bisedimeve mes tyre.

Një nga ofertat më të fundit nga Lidhja Demokratike e Kosovës për partinë e Albin Kurtit është ndërrim pozicionesh, pra nëse VV’së i duket shumë kërkesa nga Isa Mustafa, ata rekomandojnë që të ndërrohen.

Këtë po e thotë anëtari i LDK’së, Avdullah Hoti, ku ka deklaruar se posti i presidentit është pjesë e marrëveshjes, duke shtuar se ka qenë në pjesën e ndarjes së përgjegjësive dhe iu është lënë liderëve që ta diskutojnë.

Hoti thotë se një çështje e tillë nuk është diskutuar në grupet punuese por ka hyrë në pjesën e marrëveshjes.

“Te pjesa e ndarjes së përgjegjësive ka qenë e liderëve politik. Ende jemi brenda afatit kushtetues, presidenti ende nuk e ka ftuar seancën dhe jemi ende në kohë. Edhe pse duhet të ketë një besim më reciprok në mes të partnerëve dhe kujdes më të madh sepse kur qeverisim së bashku ne do të ballafaqohemi me situata të ndryshme”, ka thënë ai në Interaktiv të KTV-së.

Ai ka thënë se nëse Vetëvendosjes i duket që ata po kërkojnë shumë atëherë mund të ndërrohen me LDK-në, në mënyrë që ata ta marrin pozitën e presidentit, kryeparlamentarit dhe pesë ministri, ndërkaq LDK të marrë kryeministrin dhe pesë ministri.

Hoti tutje nuk ka dashur të komentojë nëse pozita e presidentit është pika e ndarjes me Vetëvendosjen por shton se duan përgjegjësi të barabarta.

“Kryeministri është pozita kryesore në vend për nga fuqia ekzekutive. Është praktikë tash e 20 vjet në Kosovë që njëri e ka kryeministrin e tjetri e ka presidentin. Besoj që kjo është një marrëveshje fer. Njëri nga nënkryetarët tanë para disa ditëve tha se nëse besojnë që ka më shumë përgjegjësi njëra munden të ndërrohen”, ka thënë Hoti.

Shenim: Si pergjigje per dhjetra telefonata e mesazhe nga atdheu po-qe-po por edhe nga shume vende te botes, po publikoj kete leterkembim te sotem me mikun e bashkpunetorin e nderuar te revistes sone Adil Fetahun, nga Prishtina-

Mirembrema e pershendetje, mik i nderuar Zeqir Lushaj,

Si jeni te gjithe Familja, a keni pasur ndonje shqetesim familjar nga termetet qe po ndodhin papra keto dite?

Duke ditur se shtepia juaj eshte e re, dhe besoj e ndertuar mire, shpresoj te mos kete pasur as te mos kete kurrefar demtimi.

Edhepse te gjitha ato viktima jane vellezer tane, a mos ka ne mesin e tyre ndonje i afert nga familja e gjere,apo nga miqte tuaj te shumte qe keni gjithandej Shqiperise (edhe ma gjere)?

Te gjithe jemi bere sy e vesh,duke shikuar e degjuar lajme te trishtueshme nga Durresi.

Shpresoj te kete kaluar rreziku i ndonje termeti tjeter me aso force shkaterruese, se per lekundje ma te vogla, ato nuk do te qetesohen edhe sa kohe. Une e mbaj mend, ne vitin 1979 ishte nje termet i forte ne Budva (Mali Zi). Gadi pas dy muajve kam shkuar me femijet ne pushime ne Beciq (afer Budves), dhe nga disa here ne dite ngjanin lekundje te tokes, sa qe llusterat  e dritave te restorantit cakerroheshin midis tyre, por njerezit ishin mesuar ashtu dhe askush nuk ikte jashte objektit. Me kete dua te them, se derisa te qetesohet vendosja e pllakave tektonike do te kete lekundje, por te shpesojme te mos jene me rrezik.

Uroj te mos keni asnje shqetesim tjeter ne te ardhmen.

Te fala te perzemerta nga une e Hava dhe gjithe familja ime, per Ju, zonjen Sabrie dhe gjithe Familjen tuaj.

Adili

———————

Shume flm per interesimin zotri e mik i nderuar Adil.

Sa shkruani ju jane te gjitha fjale te verteta por fale zotit ne familjen time e rrethin e afert familjar nuk kemi patur ndonje pasoje te dukshme nga kjo seri termetesh qe vazhdojne ende. Solidaritetin e ka ndier krejt atdheu ne kete fatkeqesi te madhe por edhe njehere vertetohet fjala e vjeter e popullit, fjale me rrenje te thella e me mesazh edhe me te thelle. “Ra ky mort e´u pame!´`

Shoket, komshijte, miqet e afert e te larget te japin gajret, force e qendrese per te fituar mbi dhimbjet, mbi fatkeqsite.

Ne shqiptaret, ketej e matan Drinit jemi vellezer te nje gjaku, te nje gjuhe dhe nuk ka se si te sillemi ndryshe, por kjo fatkeqesi na i shtoi rradhet e vellezerve te miqeve e te dashamiresve ne te gjithe globin.

…Keto dite, me shume se kurr mu kujtuen shpesh dy vargje te kenges se Dervish Shaqes per Aksionin e Gjakoves te vitit 1879, kur Begi i Gjakoves i drejtohet babait te Bajram Currit, Shaqir Currit . ´`…Azgan t´madh ty t´`kan kallxue/, A po vjen me dek me mue…´`… Dhe pergjigjja sic ti e din mire edhe si historian ishte: ´´PO´´!

Keto fatkeqesi si jona kesisoj, jane prova historike dhe historia as se si nuk mund ti harroje. Kapercimi eshte krenari e perbashket.

Kete bashkvuajte me ne, kete  ndihme te pashoqe, kete solidaritet ua kthefshim te gjitheve ne gezime.

Te fala krejt familjes suaj, te fala krejt Prishtines sone te dashur, te fala krejt vellezerve e motrave te Shqiperise se Matan-Drinit.

Me respekt, Familja LUSHAJ, ne Shengjin, ne Tirane, ne Tropoje e kudo neper Diaspore.

Gjithmone qofshim me njeri-tjetrin e Zoti qofte me ne.

——————–

-Nga Shengjini, 28 Nentor 2019-

Ngushëllimet me fjalë s’mjaftojnë për viktimat, po ashtu për të lënduarit dhe për viktimat që pronat e tyre u dëmtuan  nga tërmetet. Sensibilizimi i Shqipëtarëve kudo në botë, është  shenja më motivuese që do ia dalim mbarë edhe në këtë tragjedi.  Me tragjedi  jemi mësuar,  jo pak herë pjesë  të fajit kemi patur edhe ne. Fatkeqësisht  edhe në këtë  rast u  nevoit kjo tragjedi, që  institucionet  gjegjëse të  ndërmarrin veprime  në  ligjzbatim, ndaj  ndërtuesëve që pakritere apo duke i shkelur kriteret kanë  kryer ndërtime. Jo vetëm Republika e Shqipërisë, por veçmas edhe  Republika e Kosovës, duhet  të ndërmarr masat e njejta në  vlerësimin e  objekteve   të ndërtuara.

Fatmirësisht edhe  miqët tonë, na  njohin  Shqipëtarët, siç thotë edhe Vittorio Sgarbi, një emër i njohur i skenës italiane, në shprehjen  e solidaritetit theksonte: “Tërmeti në Shqipëri: Një proverb në vend thotë: “Supet e maleve dhe supet e shqiptareve nuk janë kërrusur kurrë”. Që do të thotë: Mund ta rrëzosh një shqipëtar aq sa mund të rrëzosh një mal”.

Mos të presim mëshirë nga ata që  u përpjekën  për t’na zhdukur gjatë kohërave të ndryshme  të okupimit të Atdheut tonë. Ata edhe në këtë  tragjedi,  duket qartë  se janë  duke  përdorur situatën  për  interesa të tyre politike. Tragjedia e Luftës së Kosovës, ka sjellur shumë mësime për  institucionet  kompetente,  edhe  pse paraprakisht  shumë   nga ne  kishim reaguar në rrethet tona, që “ndihmat humanitare” nga vendet islamike dhe sidomos nga organizatat  gjoja  humanitare islamike, në shumicën e  rasteve  janë  instrumentalizuar. Instrumentalizimi i tillë  është bërë  tejet i dallueshëm  nga  ndihmat humanitare  që vinin nga  vendet  e Europës, Amerikës etj. Rasti i tragjedisë së Kosovës në vitet 1998  deri  në nëntor 2015, është treguesi më i mirë sesi  organizatat  islamike  keqpërdorën  misionin gjoja  humanitarë të tyre.

Aktivitetet e organizatave të dyshimta islamike madje edhe të tilla të lidhura me  terrorizmin ndërkombëtar islamik, që operuan  në Republikë të Kosovës që nga  pas  lufta e  vitit 1999, rezultoi vetëm   pas detyrimit ndërkombëtar që të luftoheshin.  Përndryshe  shumë zyrtarë  të institucioneve të sigurisë dhe drejtësisë së Kosovës, flirtonin, korruptoheshin dhe bashkëpunonin  me individë të këtyre  organizatave gjoja humanitare islamike.

Në nëntor 2015, u mbyllën 16 OJQ, pas arrestimit të  40  prej 57 të  dyshuarëve, mes tyre edhe dhjetëra  hoxhallarë vehabi më të njohur të Kosovës. Përfundimi i gjykimeve ndaj  të dyshuarëve  për terrorizëm islamik, është kritikuar si  nga ne Shqipëtarët, ashtu edhe nga  SHBA dhe aleatët tonë Europian, duke filluar nga  hetime joadekuate, gjykim jomeritor( falje dhe amnestim të tyre) si dhe ekzekutim të sanksioneve penale joadekuat. Si rezultat kemi riarrestimin e disa të njejtëve, mes tyre edhe  një nga  hoxhallarët e tillë vehabi. Fatmirësisht ende  nuk kemi patur ndonjë  recidivist, siç ishte  rasti i terroristit islamik  Usman Khan në  urën e  Londrës.

Derisa  si Republika e Shqipërisë dhe ajo e Kosovës, janë plotësisht të pambrojtura  ndaj  ndikimit turk dhe mundësisë  që organizata  joqeveritare( të lidhura me qeverinë  turke), të  keqpërdorin  situatën. Kemi pa raste  eklatante  siç ishte “ rasti i memorialit turk në Tiranë” dhe “rasti i 6 turqëve  të ekstraduar për në Turqi nga Kosova”, po ashtu tërheqjen e  vërejtjes  nga SHBA, Gjermania e vende tjera, që vendet tona të kenë kujdes nga  ndikimi turk-vërejtje të tillë kemi bërë edhe shqipëtarët  nacionalist. Mirëpo, shohim që  shtetet tona, ende  nuk asnjë kujdes, nga  ndikimi turk, krahasuar p.sh: Austria, Gjermania etj që  nga viti 2014 e këndej, kanë patur kujdes të shtuar nga  ndikimi turk përmes  xhamive turke.  Në Austri  në qershor 2018,  kryeministri i saj  njoftonte që nga 260  imamët në  vendin e  tij,  60 prej tyre  duhet të largohen  nga  vendi dhe të mbyllen  7 xhami turke, xhami këto të lidhura me  “Unionin Turk-Islamik për Bashkëpunimin Kulturor dhe Social në Austri” (ATIB). Ndërsa në Republikë të Kosovës, Shqipërisë, e më gjerë, identifikohet organizata  turke TIKA, por cila njejtësisht me ATIB, propagandojnë islamizmin turk, turqizmin të kamufluar pas humanizmit.

Përfshirja  gjoja  në  ndihmë  e  forcave “shpëtuese” serbe; dhe  më shqetësuese përfshirja  edhe në ditët në vazhdim të organizatave   kryesisht nga bota  islame,  duket qartazi tendencat dhe prirjet për të  operuar për qëllime ogurzeza.

Forcat serbe gjoja të “shpëtimit” në asnjë rast s’do duhej të lejoheshin të përfshiheshin  në asnjë  formë në asnjë operacion në tokat  Shqipëtare,  derisa orientimi i tyre gjeostrategjik është   kah Rusia dhe derisa  nuk  arrihet  marrëveshje  përfundimtare Shqipëtaro-serbe( zgjidhje  të  problemit  të Luginës së Preshevës;  të Sanxhakut të Tregut të ri; të  Muhaxherëve të Sanxhakut të Nishit  dhe reparacionet  e luftërve). Shqetësimi forcohet edhe më shumë  kur shohim që njerëz të  cilët  njihen  si bashkëpunëtorë, agjent dhe të  lidhur me Serbinë,  sidomos nga Lugina e Preshevës, janë  angazhuar  me keqbesim, në rastin  e kësaj  tragjedie.

Në disa xhami në Luginë të Preshevës, në pjesën   Shqipëtare  të Maqedonisë së Veriut dhe disa radikalist në  Republikën  e Kosovës,  kanë  shprehur kryesisht në  ambientet e xhamive a ambiente private, tendenca, prirje, qëllime dhe organizime për të ndërmarr fushata islamizuese për Shqipërinë. Janë të numërt hoxhallarët kryesisht salafist-vehabist, të cilët vazhdimisht kanë  interpretuar që :” tërmetet janë  shenja  apokaliptike dhe se Allahu i ka urdhëruar që t’i thërrasin  njerëzit e vendeve të goditura nga tërmeti, që të  bëhen  skllav-robë të Allahut, sepse   Allahu  tërmetin ia dërgon si  tërheqje  e vërejtjes  a si ndëshkim-dënim, për  shkak të  mëkateve të tyre”! Madje  shkojnë  deri aty  sa  theksojnë që  “shkaku i mëkateve të njeriut, ndodhin tërmetet, e dënimi i Allahut  merr edhe  besimtarët edhe mëkatarët”. Tashmë  disa të tillë  shihet që   janë  angazhuar në shfrytëzimin e kësaj situate të tragjike.  Hoxhallarë vehabi  dhe disa gjoja  artist të Luginës së Preshevës etj, të prirur gjoja vetëm nga  humanizmi, të frymëzuar edhe nga islamizmi vehabi, nëse  gjurmohen sado pak, shihet implikimi i Serbisë, Turqisë dhe të tjerëve  që u intereson implementimi i islamit radikal( vehabi) edhe në Republikën e Shqipërisë, ashtu siç Serbia i ndihmoi, lehtësoi, lejoi dhe nxiti të vehabizohen Shqipëtarët e Luginës së Preshevës. Lehtësisht mund të gjendet informata e  tillë,  edhe tek disa të rinjë të vehabizuar në Luginë të Preshevës, e më gjerë.

Disa hoxhallarë vehabi në Luginë të Preshevës, Maqedoni të Veriut por edhe në Kosovë, disa “artist”( një nga Lugina e Preshevës) dhe 2 nga Maqedonia e Veriut dhe disa nga Kosova( të njohur me bindje  vehabiste),  kanë  filluar fushata humanitare, mbrapa të cilave fshehet  qëllimi  i politiko-fetar( indoktrinimin vehabist të viktimave të tragjedisë në Shqipëri). Këta  kryesisht kërkojnë  fonde, ndihma nga   qyetatarët dhe besimtarët, por të cilat pastaj këta i menaxhojnë duke  i përdorur për arritjen e qëllimeve  politiko-fetare që kanë.

Nga tragjeditë e kaluara mund të mësojmë edhe mënyrat sesi ta kalojmë edhe këtë tragjedi të Kombit tonë:

1. Menaxhim transparent nga institucionet tona  kompetente  të Republikës së Shqipërisë dhe procedimi penal:
   1. Të fondeve të ardhura nga vendet, organizata dhe individët që mund t’i keqpërdorin,për çfarëdo qëllimi politik, fetar a të tjerë;
   2. Largimi dhe ndalimi i çdo ngjyrimi politik, fetar, ideologjik a të ngjajshëm dhe procedim penal ndaj të tillëve.

Organizatat politike, partitë politike, politikanët, artistët, prijësit fetar, bashkësitë  fetare, organizatat humanitare vendore të vendeve  tona,  të kontribojnë që të bëjnë  thirrje  për  të mbledhur fonde, ndihma materiale a financiare nga populli yn kudo, por të cilat  pastaj t’ia dorëzojnë  Institucioneve kompetente të Republikës së Shqipërisë, që  menaxhojnë  situatën  dhe reparojnë dëmet e  kësaj tragjedie. Veçmas me  vigjilencë të shtuar ndaj  disa “artistëve” politikanëve turko-islamofil dhe disa hoxhallarëve të cilët në forma  të ndryshme janë  dyshuar, akuzuar apo së paku në opinionin botorë dyshohen për lidhje me qarqe jomiqësore ndaj vendit tonë.

2. Fillimin e procedurave penale, administrative dhe civile për gjitha :
   1. Hetimin dhe gjykimin meritorë të personave përgjegjës të të gjitha  ndërtimeve dhe zyrtarëve që kanë lejuar  ndërtimet e tilla;
   2. Dëmshpërblimin për viktimat nga ndërtuesit e ndërtesave  të tilla, që kanë  shkelur ligjet e ndërtimit; Patjetër dëmshpërblim edhe për traumat psikologjike, trupore të viktimave  në ndërtesat  që janë  ndërtuar  në shkelje të ligjeve të ndërtimit;
   3. Zbatimin e ligjeve të ndërtimeve për gjitha objektet, private a kolektive të banimit, qoftë në Republikën e Shqipërisë, ashtu edhe në Republikën e Kosovës, mos të presim tragjeditë  të  detyrojnë  zbatimin e

Shpresojmë dhe urojmë që  ky rast i tragjedisë të jenë i fundit, të përfundojë duke kompensu çdo  humbje( pos jetëve të humbura).

Duke kërkuar që Institucionet kompetente të vendeve tona( veçmas  Republika  e Shqipërisë), të menaxhojnë  këtë  situatë dhe mos të  lejojnë që  ata  që kanë  qëllime  jo të mira  ndaj nesh, t’i përfitojnë nga kjo situatë.

Më:01.12.2019

*Skender Jashari  ish i burgosur politik nga  EULEX, për   rastet  e sulmeve kundër policisë dhe xhandarmërisë  së Serbisë në  Dobrosin komuna e Bujanocit.

Master drejtimi juridiko-penal dhe studime joformale ushtarake.

Pozita e presidentit në tavolinë të diskutimit si pazar për arritje të marrëveshjes për koalicion në mes të Vetëvendosjes dhe Lidhjes Demokratike të Kosovës, nuk po shihet me sy të njëjtë nga akterët kryesorë të partisë së udhëhequr nga Isa Mustafa, shkruan Gazeta Express.

Në një deklaratë dhënë për emisionin Pressing në T7, Vjosa Osmani, nënkryetare e LDK-së dhe kandidate e kësaj partie për kryeministre në zgjedhjet e gjashtë tetorit deklaronte se ajo kishte insistuar që çështja e presidentit të ardhshëm të Kosovës, të mos jetë pjesë e pazareve politike.

Ajo pati thënë se LDK-ja edhe para zgjedhjeve kishte thënë që pozita e presidentit të mos jetë pjesë e ndarjes së koalicionit, por të jetë një marrëveshje paraprake që të ketë një kandidat konsensual.

“Ka një kohë të gjatë që unë kam insistuar që çështja e zgjedhjes së presidentit të mos jetë pjesë e pazareve politike, patjetër që si parti e parë do të insistojmë dhe gjatë negociatave për koalicion parazgjedhor, gjithnjë kemi insistuar që pozita e presidentit të mos jetë pjesë e ndarjes për koalicion, por, të kemi një lloj marrëveshje paraprake, që të kemi kandidat konsensual. Më e mira do të ishte që të pranohej edhe përtej partive tona, ose e pranueshme, sepse do t’i bënim nder atij institucioni edhe vetë Kosovës, nëse aty vendoset një person që ndikon në vendosjen e spektrit politik. Absolutisht favorizoj një zgjedhje të tillë dhe për të do të insistoj”, kishte deklaruar Vjosa Osmani.

 Një fjalë e popullit thote:”Qysh është hoxha është edhe gjemati”. Shumë i saktë më duket ky konstatim. Çfarë i patem ata që e drejtuan shtetin në përgjithesi dhe arsimin në veqanti, i kemi edhe punët llugë në të gjitha fushat e jetës. Nuk është pritur një vleresim ndryshe së më këto PISA dhe më keta njerez që e drejtuan arsimin për 20 vite dhe shtetin, do të kemi arsim të nivelit të mirë, te bëhëmi shtet ligjor,dhe as te kemi shtetndertim dhe mirëqenje të përgjithshme.

Me këta të paditur qe u instaluan në pushtet edhe më bekimin tonë , nuk është pritur ti kemi punët më mirë. Na erdhën në krye të institucioneve të dijës gjithfarë bulmeti, me diploma falso, madje këta analfabet potencial arriten të marrin titujtë më të lartë.Arritën ta “okupojnë” univerzitetin si vatër të dijës . Asnjë qeveri nuk hartoje programe konkrete të shkollimit si në botën përendimore, ku kuadrot përcaktohen sipas nevojës të zhillimit ekonomik të vendit. Po, kush me i hartuar planet e tilla? jo vetëm në arsim. Askush! Së këto qeveri të deritashme u udhehoqën nga ata që më shumë punuan për realizimin e interesave përsonale .Kjo është e dhimbshme dhe e tmershme për një popull. Aty ku niveli i arsimit është kaq i dobët si në Kosovë, jo që vonohet përspektiva e një vendi , por ajo rrezikon të shuhet. Ambasadorët më të mirë të një kombi dhe shteti janë njerëzit e kulturës dhe të dijës. Ata që nuk kan qka më i dhënë arsimit, qysh kanë të japin dije neper shkollat tona!

Më të dobët janë shumë arsimatarë së vet nxënësit?! Kryhet arsimi madje edhe i mësem dhe shumë nga ata qe i kryejnë këto shkollime superiore nuk e dinë as tabelën e shumzimit, nuk i dinë as gjerat elementare gjeografike , e lere më kur bëhët fjalë për shkencën…! Shumë është bërë me mediokriotete dhe gjysem analfabet. Kompremetimi i një shteti nuk ka brira, dhe më këto kondita as gjasat minimale nuk ekzistojnë që në të bëhëmi konkurrent më simotrat e vendeve të Evropës. Të shpresojmë së qeveria e re, do të bëjë reforma rrënjësore në arsim dhe në të gjitha sistemet, nese vërtetë dëshirojmë të ndërtojmë arsim dhe shtet si duhet…

Ministrja gjermane e Mbrojtjes, Annegret Kramp-Karrenbauer, të dielën, gjatë vizitës që i bëri Kosovës, paralajmëroi për rritjen e ndikimit të Rusisë dhe të Kinës në Ballkanin Perëndimor.

Kramp-Karrenbauer takoi homologun e saj Damir Kërstiçeviq në Kroaci të dielën dhe më pas udhëtoi për në Kosovë për të vizituar trupat gjermane të KFOR-it.

“E dimë se i tërë rajoni vlerësohet me interes të veçantë nga Kina, por edhe nga Rusia”, ka thënë Kramp-Karrenbauer në Prishtinë nga baza e KFOR-it, raporton DË në gjuhën angleze.

DË shkruan se edhe format e ndikimit, siç janë ato të njohurat nga Shtetet Baltike, po vihen re. Rusia, gjithnjë sipas DË-së, është po aq kritike për lidhjet e Baltikut me Perëndimin, sa është edhe për orientimin e mëparshëm të Kosovës drejt BE-së dhe NATO-s.

Kramp-Karrenbauer tha se KFOR-i nuk po kontribuon vetëm në zgjidhjen e konfliktit bazik në rajon, por edhe për t’ia mundësuar Kosovës të vendos të ardhmen e saj politike.

“Kjo korrespondon me mirëkuptimin tonë dhe me vlerat tona të sovranitetit politik të shteteve”, tha Kramp-Karrenbauer.

Ndryshe Kramp-Karrenbauer është lidere e partisë CDU në Gjermani e cila është një parti e qendrës së djathtë. Kancelarja e Gjermanisë, Angela Merkel, ka qenë lidere e kësaj partie prej vitit 2000 deri në vitin 2018 kur ky post i kaloi pikërisht Kramp-Karrenbauerit.

Prokuroria Speciale akuzon 6 persona për vrasjen e Ivanoviqit, në arrati i dyshuari kryesor Milan Radojçiq

Një grup i strukturuar kriminal është themeluar në Veri të Mitrovicës që nga viti 2011.

Ndërsa të gjithë anëtarët janë udhëhequr nga dy persona.

Bëhet fjalë për Zvonko Veselinoviqin e nënkryetarin e Listës Serbe, Milan Radojciqin.

Madje Prokuroria Speciale ka prova se me urdhër të tyre prapa shpinës është ekzekutuar politikan serb Oliver Ivanociq.

Për këtë krim që ndodhi në janar të viti 2017 Prokuroria Speciale, këtë të hënë ka ngritur aktakuzë për 6 persona.

Tre nga ta ndodhen në paraburgim ndërsa në aktakuzë është përfshi edhe ish sekretaresha e Oliver Ivanoviqit Silvana Arsoviq.

Ajo akuzohet se ishte në dijeni se do të vritej Oliver Ivanoviq, dhe se qëllimisht kishte shkyçur kamerat e sigurisë.

Prokuroria Speciale e Kosovës;

Në kohën e aktit të kryerjes së vrasjes së të ndjerit Oliver Ivanoviq, e pandehura ka qenë në dijeni se kamerat e sigurisë në zyrat e “SDP”-së kanë qenë të ndalura në mënyrë të dhunshme, duke u ç’kyqur nga rryma, me ç’rast ju është mundësuar lehtësim të dyshuarve që të mos incizohen nga kamerat e sigurisë, kur të kryhet akti i vrasjes ndaj të ndjerit Oliver Ivanoviq. E njëjta më 16.01.2018, në ora 08:16 menjëherë pas vrasjes së Oliverit ka aktivizuar kamerat e sigurisë në zyrat e partisë “SDP”, e cila ka qenë duke punuar si administratore në këto zyre dhe si person i vetëm në objektin e përmendur në kohën kur është kryer vrasja.

Të gjithë të përfshirit akuzohen se kanë marr pjesë në grup të strukturuar kriminal.

Ky grup sipas prokurorisë kanë kryer vrasje të rëndë e keqpërdorim të detyrës zyrtare.

Në këtë aktakuzë në mesin e më të përmendurve është serbi Nedeljko Spasojeviq.

Prokuroria Speciale e Kosovës;

I pandehuri N.S., ( Nedeljko Spasojeviq) ka bashkëpunuar ngushtë me të dyshuarit e panjohur që të kryejnë vrasjen e Oliver Ivanoviq, me ç’rast me dashje dhe dijeni i ka ndihmuar të dyshuarve të panjohur në kryerjen e veprës penale të vrasjes së rëndë, duke krijuar kushtet dhe mënjanuar pengesat për kryerjen e veprës penale, ku i njëjti u ka lehtësuar të dyshuarve që të marrin veturën e markës Opell Astra, pa targa me dritare të errësuara, ta përcjellin të njëjtën veturë në drejtim të qytetit, nga e cila veturë është shtënë gjashtë herë në të ndjerin Oliver Ivanoviq.

Edhe policët e Kosovë nga komuniteti serb, kanë bashkëpunuar ngushtë me këtë grup kriminal, duke mos e siguruar vendin e ngjarjes e madje duke fshehur edhe provat nga skena e krimit.

Madje polici Marko Roshiq, kishte bashkëpunuar ngushtë me këtë grup edhe para kryerjes së kësaj vrasje.

Prokuroria Speciale e Kosovës;

I pandehuri M.R. (Marko Roshiq) ka bashkëpunuar ngushtë me të pandehurit N.S., R.B., M.R., Z.V. dhe Zh.B. me dashje dhe dijeni ka ndihmuar në kryerjen e veprës penale “Vrasje e rëndë”, duke e përcjellë viktimën Oliver Ivanoviq, para vrasjes, ndërsa pas vrasjes së të ndjerit në xhepin e tij është gjetur një copë letër me targa të veturës KM-014-FZ i markës xhip Santa FE me ngjyre të zezë, e cila veturë e ka përcjellë pas vrasjes së viktimës edhe vëllain e viktimës M.I. Me këto veprime i pandehuri i lartcekur ka kryer veprën penale “Ndihmë në kryerjen e veprës penale “Vrasje e rëndë” nga neni 179 të KPK-së lidhur me nenin 33 paragrafi 2 i KPRK-së.

Për këtë rast në arrati ndodhen Milan Radojciq e Zvonko Veselinoviq, ndaj të cilëve tani më është lëshuar letër rreshtim ndërkombëtar nga Kosova.

Kryeministri në detyrë i Kosovës Ramush Haradinaj, ka kërkuar nga të gjithë qytetarët, shoqëria civile por edhe subjektet politike që të tregohet kujdes me personat e ardhur nga Shqipëria, të cilët kanë hyrë në territorin e Kosovës, pas tërmetit të 26 nëntorit që la të vdekur 51 njerëz.

“Çdo shtetas i Shqipërisë, që hyn në territorin e Kosovës, nuk do të mbetet pa strehë, por nuk është në rregull një zhvendosje pa kritere e njerëzve që vijnë nga zonat që nuk janë prekur nga tërmeti. Dikush po i mashtron njerëzit, po i mbush autobusët po i sjell në kushte të vështira, është dimër, nuk është në rregull. Keqpërdorimi i kësaj gjendjeje nuk është në rregull, duhet të ketë kujdes”, ka thënë Haradinaj.

Haradinaj më pas u bëri thirrje qytetarëve nga zonat e paprekura nga tërmeti në Shqipëri, që të mos të vijnë në Kosovë. Ai tha se bëhet fjalë për atë kategori të qytetarëve të cilët pretendojnë se nëse vendosen në Kampin Inovativ Trajnues Kosovaro – Gjerman në Prizren, mund të dërgohen në shtetin e Gjermanisë. Kjo, sipas tij, nuk është e vërtetë.

Megjithatë, ende nuk ka pasur raportime se ekzistojnë flukse të qytetarëve të Shqipërisë, të cilët kanë hyrë në Kosovë me pretendime të tilla.

Haradinaj nuk e sqaroi më shumë burimin e këtij informacioni.

Pas tërmetit, i cili ka goditur Shqipërinë më 26 nëntor, numri i personave të ardhur nga ky shtet dhe që kanë hyrë në territorin e Kosovës, ende nuk dihet saktësisht nga institucionet e Kosovës.

Tërmeti me magnitudë 6.4 ballë të Rihterit, i cili ka goditi Shqipërinë, ka qenë më i fuqishmi që ka goditur këtë vend gjatë dekadave të fundit dhe për pasojë ka lënë 51 persona të vdekur, mijëra të lënduar dhe mbi 5 mijë persona të pastrehë, si pasojë e shembjeve, dëmtimeve serioze dhe rrezikshmërisë që paraqesin vendbanimet e tyre. rel

Më një minut heshtje për viktimat e termetit në Shqipëri ,sot në orët e pasditës në amfiteatrin e Kolegjit Universitar  “Iliria” në Prishtinë ,u bë përurimi i 9   Akademikëve  të Shkencës  dhe Artit Shptaro – Amerikane nga  Nju Jorku,Tirana Prishtina dhe  Shkupi.

Prezentë  në ketë envinimet ishin intelektualë , pothuaja nga të gjitha trevat shqiptare .

Për akademinë  dhe akademikët e AAAS-it u deklamua  presidenti i sajë, Skendër Kodra ,ndërsa për historikun e akademisë foli zt.Flori Bruqi ,i  cili mes tjerash tha: “Akademia e Shkencave dhe e Arteve Shqiptaro-Amerikane në Nju Jork , është E themeluar më 28 nëntor 1995 ,nga disa intelektual shqiptar në Nju Jork, që mund ti veçojmë disa prej tyre : Prof.dr.Skendër Kodra Dr.Ulvi Vehbiu ,Dr.Adem Harxhi ,Dr.Namik Muhedin Shehu ,Mentor Mata , Sanie Selita etj.

Kryetar i Akademisë së Shkencave dhe Arteve në Nju Jork,Tiranë,Prishtinë dhe Shkup është Prof.Dr.Skendër Kodra.

Akademia është një institucion i lartë i Shkencës dhe Artit Shqiptaro-Amerikan i regjistruar dhe I themeluar në bazë të Ligjeve Amerikane të Shkencës dhe Artit, e i cili ushtron veprimtarinë e vet , kultivimin , nxitjen dhe zhvillimin e mendimit shkencor si dhe në zhvillimin e krijimeve artistike në botë.

Akademia ka anëtarë të rregullt të shkencës dhe artit(me tituj shkencor Profesor Dr. Ph .D , profesor Asistent Dr., gjuhëtar ,historian ,gazetar ,politikan ,diplomat , si dhe disa anëtar nderi ,anëtar të jashtëm etj.

Pra , në kuadër të ASHASHA ka anëtarë të rregulltë si dhe anëtarë nderi nga trevat shqiptare, Diaspora dhe bota.

Anëret e Akademisë punimet e tyre shkencore, i kanë botuar në revistën shkencore të Akademisë “Dituria” e cila është botuar në kuadër të Akademisë në Nju Jork.

Një numër i madh i akademikëve punimet e tyre i kanë botuar në shumë fusha mjekësore, gjuhësore letrare historike ekonomike etjnë revista shkencore që kanë impaktë të faktorëve ndërkombëtar.
“Senatorët e dijës”, për disa vjet kanë organizuar Kongrese , Konferenca,Seminare etj. , si fjala bie për nderë të Heroit Kombëtar Gjergj Kastriotit Skenderbeu(600 vjetorin e lindjes 575 vjetorit të kthimit të tij në Krujë , 550 vjetorit të vdekjës së tij etj.)

Akademia e Shkencave dhe Arteve Shqiptaro- Amerikane gjatë këtij viti botoi dhe përuroi në Prishtinë më 24 shtator 2019 dhe 14 tetor 2019 dy libra mjaftë të rëndësishëm : ”Tokë e mbjellë në varre” (Krimet Serbe në Kosovë 1998-1999) të studiuesit tonë Prof.Dibran Fyllit, si dhe librin “Përmbledhje shkrimesh” të Mr.sci.Jahja Llukës.

Është përgatitur për botim edhe libri i parë “Enciklopedikë ” për Akademikët dhe Akademinë e Shkencave Shqiptaro-Amerikane, që pritët të botohet në mars të vitit 2020.

Ky libër Enciklopedikë do ti plotësojë zbraztësirat që janë hetuar në zhvillimin e shkencës ,kultures , letërsisë ,artit ,etj.më që një dorack i tillë biografik dhe bibliografikë deri me tash nuk ka ekzistuar.

Detyrë e botimit të këtij Libri për Akademikët dhe Akademinë , është detyrë parësore e imja më bashkëpunëtorë që të futën shkenctarët që kanë dhënë gjithë mundin për shkencën ,për t’ju mundësuar lëxuesve , në radhë të parë nxënësve ,studentëve , mësuesve , arsimtarëve dhe profesorëve të letërsisë , arteve dhe shkencëtarëve të lëmive të ndryshme për tu njohur me biografitë dhe bibliografitë e krijuesve shkencor , letrar nga kjo Akademi.”-theksoi Bruqi.




Gjatë ditë së sotme u nominuan këta akademik ,që i nominoi anëtari i akademisë  prof.Dibran Fylli :

Titullin Akademikë të AAAS-it për kontributin e tyre në shkencë, art dhe kulturë e fituan :

1.Prof.Dr.Hakif Bajrami,Ph.D

2.Prof.Dr.Mixhait Reçi,Ph.D

3.Prof.Dr.Nijazi Halil,Ph.D

4.Prof.Mr .Sc.Jahja Lluka

5.Prof.Mr.Sc.Shyiri Bytyqi

6.Dr.Sc.Zef Mulaj,Ph.D

7.Kujtim Mateli,zhurnalist

8.Isuf Bajrami,zhurnalist

9.PHDC prof.Leonora Ibish Bruçaj

Akademia dhe Kolegji “Iliria “ në Prishtinë për Festat e nëntorit dekorojë këta intelektual :   Prof.Dr.Skendër Kodra , president i AAAS nga Nju Jorku,Akademik Prof.Dr. Arjan Hamiti Ph.D,
Akademik Prof.Dr.Nijazi Halili,Ph.D,prof.Isa Thaçi e disa të tjerë.

Departamenti për informimi i AAAS-it

Flori Bruqi,Drejtor 

Prishtinë, 27.11.2019

Në cilësi të një miku dhe bashkëluftetari të lirisë ndiej një obligim tîu falem për nderimin dhe ndihmen tuaj gjatë përiudhës se luftës se vitit 1998 në Zonen e Rugovës! Do doja që të jemi njeriu i dhjetë i radhës, për urimin e punës suaj që betë gjatë vitëve më të veshtira!

Ishte 28 Nentori i vitit 1998, kur Rugova për herë të parë festonte ngritjen e flamurit si një Krahinë e njohur për të mira dhe trimeri.

Ishte hera e parë qe në atë Krahinë doli në skenë një ushtri e rregullt për mbrojtje të atdheut: UÇK/ja! Ushtri që Komandant Zone kishte emruar z. Smajl Hajdaraj për Komandant të Shtabit Rajonal Rugova!

Përkunder dimrit të acart dhe kushteve mjaftë të renda që përshkonte Rugoven e asaj kohe,miqët nuk të harrojnë, por të gjinden ne ditet më të veshtira! Njera nder to na doli edhe Trimja Rreze Duli e cila na erdhi me ndihma dhe veshmbathje të pa përshkruar ( Miell, gjera ushqimore veshmbathje ),që për atë përiudhë nuk do kishte koment!

Shtrohet pyetja se kush eshtë ai njeri qe ne diten e veshtir nuk kursen për mikun dhe popullin,por, po të jetë nevoja edhe sakrifikohet?

Unë them se vetem njeriu i dinjitetshem dhe atdhedashes eshtë ai njeri,

Pra, ai njeri eshtë RREZE DULI!

Ajo qe na erdhi ne ditet me te veshtira ti festojmë humbjet dhe fitoret e përbashkëta!

Rrezja ishte ajo qe ne ngritje të Flamurit dhe në nderim të 28Nentorit u gjeti në mesin e bashkluftetarve Rugovas duke e përuruar fitoren e luftës dhe festen e 28 Nentorit!

Sot dhe në çdo kohë do i falenderohem mikes se Rugovës për respektin dhe ndihmen qe na e bere gjatë kohes se luftes! Të falem mike ne emer timin dhe bashkluftetareve Rugovës!

Ministrja gjermane e Mbrojtjes, e cila drejton partinë CDU, Annegrat Kramp – Karrenbauer gjendet sot në Prishtinë për vizitë.

KFOR ka njoftuar në Tëitter se në selinë në Prishtinë, komandanti i forcve të NATO’s në Kosovë e ka pritur pasardhsën e kancelares Angela Merkel në CDU, e cila poashtu mban pozitën e ministres së mbrotjes, shkruan Gazeta Express.

“Komandati i KFOR’it ka mirëpritur sot ministren gjermane të Mbrojtjes, Annegret Kramp-Karrebauer në selinë në Prishtinë. Gjeneralmajor Michele Risis shprehu falënderimin e tij për kontributin e Gjermanisë në KFOR, në përkrahje të sigurisë dhe stabilitetit në Kosovë”, thuhet në njoftimin e KFOR’it.

Zyra e krerëve institucionalë nuk kanë njoftuar nëse Kramp-Karrenbauer do të zhvillojë takime me ndonjërin prej tyre.

Shumë prej banorëve të prekur nga tërmeti shkatërrues që goditi Shqipërisë zgjodhën të shkojnë në Kosovë. Siç raportojnë mediat kosovare, numri i familjeve që janë zhvendosur nga Shqipëria, kryesisht zona e Durrësit, në Malishevë, po vazhdon të rritet.

Komuna e Malisheves përmes një njoftimi për shtyp ka bërë me dije se familjet e shpërngulura janë strehuar nëpër familjet e këtij qyteti, ndërsa komuna së bashku me shërbimet tjera është duke iu ofruar të gjitha shërbimet e nevojshme.

“Krahas evidentimit të personave të cilët janë strehuar, ju është ofruar edhe pako ushqimore dhe higjienike, si dhe shërbimet e nevojshme shëndetësore, nga ekipet e shërbimit shëndetësor në Malishevë. Krahas shërbimit shëndetësor, edhe organizata humanitare “Nëna Terezë”, gjithashtu është duke mbështetjen e saj”, thuhet në njoftim.

Një grup prej 50 psikologesh, 4 psikiatër, 2 epidemiolog dhe mjek, është nisur ditën e sotme për në zonat e prekura nga kriza në Thumanë, Durrës dhe Tiranë. Mediat kosovare raportojnë se në përbërje të ekipit janë dhe deputetë nga Kuvendi i Kosovës.

Kjo ekspeditë mjekësore organizohet nga Shoqata e Psikologeve të Kosovës në përbërje të saj do të ketë edhe nga SHBA (PhD) dhe nga Shoqata e Psikologeve të Shqipërisë, që të gjithë profesionist të shëndetit mendor me përvojë dhjetëra vjeçare.

Kujtojmë se 51 persona kanë humbur jetën në tërmetin shkatërrues, ndërsa janë plagosur mbi 700 persona. Në mesin e viktimave janë 6 fëmijë dhe 22 gra, ndërkohë që u shpëtuar nga rrënojat 45 persona të gjallë.

Nga Lëvizja Vetëvendosje, pas takimit të sotëm në mes të kreut të partisë, Albin Kurtit, me ish-kryeministrin, Isa Mustafa, kanë treguar se dy liderët janë pajtuar për modalitetin e parë për se si do të duket kabineti qeverisës prej 12 ministrive, meqenëse ishin propozuar dy të tillë nga grupet punuese, shkruan Gazeta Express.

“Nga dy modalitetet e ndryshme për kabinetin qeverisës me 12 ministri, që i kishin ofruar ekipet punuese të dy subjekteve tona, Kurti dhe Mustafa u përcaktuan për verzionin e parë”, thuhej në njoftimin e VV’së.

Por cili është modaliteti i zvogëlimit të numrit të ministrive nga 21 në 12, aq sa kanë premtuar këto dy parti.

Për këtë çështje në emisionin Pressing kishte folur deputeti i LDK’së, Lumir Abdixhiku, i cili kishte qenë edhe pjesë e grupeve punuese.

Sipas këtij modaliteti të parë për të cilin janë pajtuar Mustafa e Kurti, Ministria e Drejtësisë, Ministria e Arsimit, Shëndetësisë, Mbrojtjes, ajo për Kthim dhe Ministrai e Kulturës e Sportit do të mbesin siç kanë qenë.

Ndërkohë në Ministrinë e Punëve të Jashtme do të bëhen bashkë Ministria për Integrime dhe ajo e Diasporës.

Në Ministrinë për Ekonomi dhe Zhvillim, do të përfshihen Ministria e Tregtisë dhe Industrisë ajo e Inovacionit dhe Ministria e Ekonomisë.

Në Ministrinë e Infrastrukturës do të bëhen bashkë Ministria e Ambientit dhe Planifikimit Hapësinor.

Ministria e Financave do të bashkohet me Ministria për Punë dhe Mirëqenie Sociale.

Në Ministrinë e Punëve të Brendshme do të bëhen bashkë ministria e Administratës Publike dhe ajo e Pushtetit Lokal.

Dhe në fund do të mbetet Ministria për Bujqësi.

Ndërkohë faza e fundit para nënshkrimit të koalicionit do të jetë edhe ndarja e përgjegjësive në qeveri. Koalicioni mes dy partive pritet që të nënshkruhet të hënën.

Lëvizja Vetëvendosje ka njoftuar se Albin Kurti dhe Isa Mustafa janë pajtuar për bashkëqeverisje. Kanë thënë se të hënën do të nënshkruhet marrëveshja.

“Sot në orën 13:00, në Kuvendin e Kosovës, u takuan kryetari i Lëvizjes VETËVENDOSJE!, Albin Kurti, dhe kryetari i LDK-së, Isa Mustafa. Në këtë takim u përmbyll 100% harmonizimi i programit qeverisës duke u pajtuar për të gjitha çështjet e hapura. Nga dy modalitetet e ndryshme për kabinetin qeverisës me 12 ministri, që i kishin ofruar ekipet punuese të dy subjekteve tona, Kurti dhe Mustafa u përcaktuan për versionin e parë. Në vijim do të përzgjedhen përgjegjësitë në qeverisjen e përbashkët, për çfarë u sqaruan pozicionet dhe kërkesat. Pra, u hap tema dhe u saktësua principi i zgjidhjes, e që përfundimisht do të përmbyllet të hënën me marrëveshje”, thuhet në njoftimin e Vetëvendosjes.

Dhimbje dhe brengë në shpirt, mall, lot ,ankth, për humbjen e shumë jetërave të popullit tim në Shqipëri, nga fatkeqësia përmbysese natyrore! E pamë,e përjetuam këtë tragjedi kombëtare të gjithë së bashku nga afër dhe nga largë.

Kjo na dermoi, na e zymtësoi tokën dhe qiellin para pranisë së Zotit, se humbem shumw vellezer dhe motra tona…Por të gjithë, sërish do gjejnë forcë që të ringriten edhe pse zemrat i kan të thyera, edhe pse kan kujë e vajë sot… Ata përjetuan ferrin e vertëtë, përjetuan humbjën e nënave, motrave, vëllezërve, djemve dhë fëmijëve të tyre …Akrepat e orës u ndalën të martën e “zezë”, u ndalën për 30 sekonda të tmerrit, për 30 sekonda të luftës për jetë a vdekje.Ishin të gjata këta sekonda sa shekujtë, ishin të gjata në pa kufijë orët dhe netët për shumë kënd nën germadhat e shumë shtëpive dhe pallateve të rrënuara për toke…Pamë dhe ndëgjuam histori njerëzore të shuara mes fatit tragjik të këtij termeti.Askush nuk e ka paramenduar dhe deshiruar sigurisht një vdekje të tillë. Ishte shumë e dhimbshme, por edhe madhshtore vepra e një gjysheje në Thumanë, e cila e duke e mbrojtuar më trupin e saj, shpëtoi nipin e vogël.Kjo histori e trishtë e vrasjeve nuk përfundon këtu.Ndodhën mbi 40 të vdekur nën rrenojat e shtwpive dhe pallateve…Këto ngjarje kan edhe anën e krenarisë tonë kombëtare.

Shqiptarët në të katër anët e globit, e sidomos shqiptarët e shtetit të dytë në Ballkan ,po ju dalin në ndihmë vellezëreve të tyre.Si shteti ashtu edhe shumë njerëz të vullnetit të mirë , i kan hapur dyertë për të gjitha ata që kan mbetur nën qiellin e hapur. Shumë herë shqiptarët gjatë historisë janë bashkuar në të keqe dhe në të mirë, por duket si kësaj here, dhe hëren kur u bë lufta në Kosovë, i dolën zot njeri-tjetrit më shumë së kurrë më parë. Kufiri shqiptaro-shqiptarë kësaj radhe mbeti vetëm në letër. Shqiptarët po funksionojnë si një trup i vetëm .

Këtu nuk e kam fjalën për ata që po i udheheqin shtetet tona. Ne vend që ti harrojnë përaqarjët dhe të bëhën bashkë në këto ditë të vështira që po kalon Shqipëria, ata po dalin në terren secili i vetëm, e kjo duket së po bëhët më shumë sa për tu dukur! Natyrisht këtu nuk i fus në një thes të gjithë . Bashkohuni o burra nese keni ndijesi, nese keni atdhedashuri, nese ju ka mbetur sado pak moral politik?!

Nuk duhet ta harrojmë ketu edhe Diasporën, e cila kurrë nuk na ka lënë në baltë.Solidariteti dhe ndihma karshi njerëzve në nevojë është për çdo lavdatë.Edhe shtetet mike, edhe individ të caktuar jo vetem shqiptarë po tregohen solidarë.Festat e Flamurit dhe 107 vjetori i pavarësisë të Shqipërisë , nuk ishte në historinë tonë më i trishtë.Por, sigurisht së as kurrë më parë nuk ishin aq të bashkuar shqiptarët e të gjitha trevave etnike …Por, edhe kurrë më të vetmuar së sot nuk kan mbetur disa nga drejtuesit e dy shteteve tona…

420 qytetarë të Shqipërisë janë vendosur në Kosovë gjatë kësaj periudhe që kur ndodhi tërmeti i fuqishëm në Shqipëri.

Gjatë një transmetimi live në ABC neës, një vullnetar nga Kosova tha se 420 persona deri më tani kanë arritur në Kosovë, ndërsa presin të shkojnë edhe 90 të tjerë brenda gjysmë ore do të nisën për në Kosovë, por ka edhe të tjerë që do të udhëtojnë për në Kosovë me makina private.

“Ne jemi vullnetarë që kemi ardh këtu dhe jemi në bashkëpunim me kompanitë e ndryshme, numri total që janë dërgu në Kosovë janë 420 persona”, tha vullnetari nga Kosova.

“90 persona tani do të dërgohen në Kosovë brenda gjysmë ore, janë edhe disa të tjera që presin të shkojnë në Kosovë me makina private”, shtoi ai.

Shumë kosovarë vullnetarë që nga dita e djeshme kanë shprehur vullnetin e mirë që në shtëpitë e tyre të strehojnë banorët të cilëve iu është shkatërruar shtëpia gjatë tërmetit, ose ata që nuk ndihen të sigurt të qëndrojnë.

Kreu i Lëvizjes Vetëvendosje, Albin Kurti, ka thënë se sot është ditë e rëndë për kombin, pas tërmetit të fuqishëm e vdekjeprurës që goditi Shqipërinë.

“Ditë e rëndë për kombin tonë, ditë kur të gjithë jemi pranë familjarëve të viktimave e pranë popullit të Shqipërisë”, ka shkruar Kurti në rrjetin social Facebook, në internet.

“Me shpresën që tërmetet të mos vazhdojnë, ne sot u angazhuam si gjithë populli i Kosovës, në ndihmë të motrave e vëllezërve tanë në Shqipëri. Unë i shpreha solidaritetin tonë presidentit dhe kryeministrit të Shqipërisë, si dhe kryetarit të PD-së, kurse zyrtarë të Lëvizjes kanë kontaktuar me ministrat, kryetarët e shtabeve të emergjencës, duke ofruar ndihmën tonë”, ka thënë Kurti.

“Qysh prej orëve më të para të mëngjesit secili aktivist i Lëvizjes është vënë në dispozicion për të ndihmuar. Secili aktivist tash është vullnetar. Kemi mbledhur ndihma, shtroja e tesha, tenda e barna, ushqime e gjësende të ndryshme, po ashtu edhe mjekë e infermierë vullnetarë. Kamionat e ambulancat janë nisur për Shqipëri, e të tjera ende vazhdojnë të nisen. Bashkë, forcojmë njëri-tjetrin”, ka shkruar ai.

Sot, në orët e hershme të mëngjesit Drejtoria e Përgjithshme e Policisë së Kosovës, ka mobilizuar njësitet e saja policore të cilat i ka nisur në drejtim të Republikës së Shqipërisë, për t’iu asistuar njësiteve emergjente të cilat janë të inkuadruara në operacionin e kërkim-shpëtimit, si pasojë e tërmetit të fuqishëm të ndodhur në disa lokacione të Shqipërisë.

Njësitet policore të PK-së, në përbërje prej njëqind e dhjetë (110) operatorëve të njësiteve të specializuara, të pajisura me pajisje të ndryshme logjistike, të cilat tanimë kanë kaluar kufirin e Kosovës, do të jenë në shërbim të autoriteteve të Shqipërisë dhe sipas nevojës emergjente do të operojnë në kërkim-shpëtim të banorëve që dyshohet se kanë mbetur nën gërmadha të objekteve të rrënuara.

Policia e Kosovës shpreh gatishmërinë e saj që të vejë në funksion të gjitha kapacitetet policore dhe logjistike, në përkrahje dhe mbështetje të autoriteteve të Shqipërisë dhe qytetarëve të saj, të prekur nga tërmeti i mëngjesit të sotëm.

Po ashtu Policia e Kosovës do të jetë në gjendje gatishmërie që sipas nevojës të angazhohet edhe në Kosovë, ku janë regjistruar disa tërmete të shkallës më të ulët.

Prishtinë

Rreth 100 shtëpi janë ndërtuar pa leje të institucioneve të Kosovës, në këtë pjesë të Komunës së Zveçanit.

Shteti i Serbisë, në këtë vend, planifikon të ndërtojë edhe 200 shtëpi të tjera, ku pritet të vendosen rreth 1 500 serbë. Përfaqësuesit e shqiptarëve në komunat veriore fajësojnë Qeverinë e Kosovës, se ka dështuar që ta ndalojë ndërtimin e këtij projekti të financuar nga Serbia.

Zëvendëskryesuesi i Kuvendit të Mitrovicës së Veriut, Bashkim Cimili, jetësimin e Luginës së Diellit e quan kolonizim.

Pavarësisht se Ministria e Mjedisit kishte urdhëruar Komunën e Zveçanit që ta ndalojë ndërtimin e Luginës së Diellit, vazhdimi i punimeve kishte bërë që kjo ministri ta dërgonte lëndën për kundërvajtje në Gjykatën Themelore të Mitrovicës.

Ministria e Mjedisit nuk e kishte paditur Komunën e Zveçanit, por kishte bërë vetëm kërkesë për kundërvajtje në Themeloren e Mitrovicës, raporton KTV.

Në këtë gjykatë kanë konfirmuar se kjo lëndë është parashkruar në dhjetor të vitit të kaluar.

Veprimtari Fatmir Bajraj ka folur rreth vrasjes së Xhemail Mustafës së LDK-së, që tronditi Kosovën 19 vjet më parë.

Ai, përmes një shkrimi në Facebook, ka hedhur akuza të rënda në drejtim të ish-shefit të SHIK-ut, Kadri Veseli. Sipas Bajrajt, zëdhënësin e LDK-së e vrau SHIK-u, e shefi i saj ishte dhe është “Luli”.

Ja shkrimi i tij: Xhemen e vrau SHIK-u, e shefi i saj ishte dhe është “Luli” !

19 vite më parë, pikërisht me 23 nëntor të vitit 2000, dora e zezë armikut shekullor, një dorë e ligë tradhëtare, vrau në pritë dhe n’pabesi, intelektualin e shquar, veprimtarin e spikatur dhe atdhetarin e paepur, z.Xhemajl Mustafa.
– U vra zëri autentik i Levizjës Nacionale të shqiptarëve të Kosovës për Liri, Pavarësi & Demokraci.
– U fik dhe shua mizorisht, zëri identitar i Presidentit historik Rugova dhe i filozofisë Rugoviste në artin e luftës politike për liri dhe të drejta kombëtare.
– U ekzekutua barbarisht n’hyrje të baneses nga fallanga të krimit dhe anti-shqiptarisë, për t’i ndal “hapin” në përmbushjën e misionit historik, ndertimin e lirisë së Kosovës dhe shtetëndertimin e saj.

Vrasja e Xhemës ishte vrasje e lirisë së Kosovës, plumbat e shkrepur n’trupin e Tij, sihin pumba në shtatin dhe trupin e Kosovës martire, ishin atentat ndaj shtetit të Ri dhe t’pavarur të Kosovës e cila ishte çliruar nga qizma e pushtuesit shekullor serbosllav.
– Lajmi i kobshëm i atij 23 nëntori të “akullt”, mori dheun ; tronditi opininonin si vrasje e porositur nga armiqë të kombit & atdheut, por për fatin tonë të lig dhe të keq ; edhe vrasësit sikur urdhërdhënësit, ishin shqip-folës, por anti-shqiptar.

– Ata që dekonspiruan Zahirin & Ademin, ata të cilët e luftuan Agimin e Saliun, ata të cilët vranë Ahmetin e Tahirin, e vranë edhe Xhemen, Enverin, Ukën…!

Kuzhina e vrasjeve politike, e vrasjeve për pushtet, viktimë e radhes e së cilës ishte atë ditë të kobshme të 23 nëntorit të vitit 2000 edhe Xhemajl Mustafa, zëdhënës dhe këshilltar i lartë për informimim i Presidentit historik Rugova, ishte dhe mbeti ajo e njëjta, nën ombrellen e SHIK-ut kriminal, antikombëtar dhe anti-Kosovë fund e krye…

– LPK
– Sektori i Veqant
– SHIK-u,
– QPK, dhe n’fund ;
– PDK & PAN !

Gatesa të t’njëjtit brum, të cilët në luftën për pushtet kishin n’platformë veprimi, përvveq tjerash, edhe eleminimin e kundershtarëve politik, permes atentateve dhe ekzekutimeve ; pa hak, pa gjyq dhe pas shpine, duke filluar nga veprimtarët e dalluar të qeshtjës kombëtare dhe deri të bashkëpunëtoret e afërt & besnik të Presidentit historik Rugova.
Në kohën e atentatit ndaj veprimtarit dhe atdhetarit të madh të qeshtjes së Kosoves, të ndjerit Xhamajl Mustafa, roli i SHIK-ut n’teren ka qenë enorm dhe i jashtzakonshëm, tanimë i strukturar dhe i sofistikuar në “Krahun e Luftes”, dhe ku e ashtuquajtura QPK- n’krye me Hashim Thaqin, Azem Sylen, Rexhep Selimin, Fatmir Limën, Xhavit Halitin & Co, ishte strukturë mafio-kriminale e ish Shtabit të Rognerit të cilët kishin përpiluar Listat e Vdekjes së veprimtarëve të LDK-së, bashkpunëtorëve të Presidentit historik dhe të vet presidentit historik Rugova.
– Vrasja me atentat e Xhemes, nuk është dhe s’mund të jetë kurr jasht urdhërit të pesëshës famëkeqe dhe anti-shqiptare :

– Gjarpëri,
– Luli
– Zeka
– Dhjetëshi &
– Daja !

Skuadra e ekzekutimeve, sipas raporteve kredibile të sherbimve të huaja intelegjente, ishte nën urdhërat e SHIK-ut të Kadrisë, skuadër kjo (rreth 20 veta), e trajnuar dhe e përgaditur nga sherbimi intelegjent francez, sherbim ky i njohur për lidhjet me Thaqin pra dhe gjatë Rambujes, dhe pas luftës me rastin e ndarjes se Mitrovicës mbi Iber.
Deshmitë ishin të bollshme dhe të shumta për vrasjën e Xhemës dhe gjithë tjerëve para dhe pas atentatit mbi Xhemen, por Sistemi i Drejtësië në Kosovë, hezitoj t’i zbardhë vrasjet dhe t’i ndeshkoj kriminelet, për arsyen e thjesht ; ngase edhe vet ishin të involvuar në instalimin e e një sistemi të deshtuar dhe kleptokratik në Drejtësi.
Deshtoj UNMIK-u, ngase ishte i destinuar të deshtoj, nga fakti se vetë ky Mision Civil Nderkomëtar, kishte dizajnuar një sistem prokurorial të dyshimt dhe servil e të shantazhuar.
Misioni i EULEX-it për Drejtësi, alias Rend dhe Ligj, trashegoj dhe pasoj për fat të keq një Mision të deshtuar Nderkomëtar, atë të UNMIK-ut, dhe kurr nuk u mor seriozisht me zbulimin dhe zbardhjën e vrasjeve poltike, plagë kjo që kullon gjak ne më shumë se dy dekada…!

Ku ishim NE ?

Aty, gjithëkah dhe për shumëçka, por kurr të vendosur dhe këmbëngulës në zbardhjën e vrasëve katil të Xhemës, Enverit, Ahmetit, Tahirit, Ukës, Ismetit, Shabanit, Fetahit, Ganiut, Sebahates dhe shumë raste tjera të rënda dhe makabre, derisa e dijmë një mililon % se urdhërdhënësit & instruktoret i kemi të lirë, të pasur, të fortë, të fuqishëm dhe t’pushtetshëm deri n’maja të piramidës së shtetit të kapur.
Ne kemi zgjedhë heshtjën, kemi hesht, dhe me heshtjën tonë, vrasim për s’dyti viktimat e luftës për pushtet dhe n’dobi të armikut, të bandave mafio-kriminale n’shtetkapje deri dje, me emer t’përveqem dhe n’trajën e shquar : PAN-i !

Janë t’njëjtit “ujqë shtepie”, ndrrojnë kimen, por s’harrojnë vesin, derisa Ne i lëmë fatin e zbardhjës n’dorë Drejtësisë në një Sistem të konstruktuar e sofistikuar anti-vlerash, në një Sistem Drejtësie të kapur e t’ngulfatur nga urdhërdhënësit e atentatit mbi Xhemen dhe heronjtë tjerë të kombit & atdheut, tash e 20 vite…!

A mund t’prehen të qetë n’alltarin e lirisë, prej Ali Ukes, Xhemajl Mustafa e deri të Bardhyl Ajeti, nese ky ishte i fundit, ngase pas marrjes së pushtetit nga ana PDK-së SHIK-iste, kishin pushuar vrasjet ?
Përgjigja definitive, është JO !
Derisa vrasësit & urdhërdhënësit shqipëfolës por anti-shqiptarë, u hynë n’hak të gjithë të vrarëve, pa hak, pa gjyq dhe pas shpine, në anën tjetër ; Ne u’a kemi borgj dhe u detyrohemi për jetë e mot, t’i n’xjerrim para Drejtësisë dhe t’marrin denimin e merituar për krimet mbi shqiptaret & atdheun e tyre.
Veprimet dhe sjellja e pushtetit të ri, në ardhje, duhet të fokusohet fortë & fuqishëm në sh’kapjën & konsolidimin e Sistemit të Drejtësisë dhe “luftën juridike dhëmb për dhëmb me kapësit e shtetit dhe kapjën dhe ndeshkimin e atorëve të krimit, krime këto që mbajnë peng të ardhmën e vendit dhe brezave.

“Sektori i veqant” me gjasë ka punuar dhe kujdesur që n’këto vite n’shtetkapje, të humbë gjurmet e krimeve, të fsheh provat dhe të eleminoj deshmitarët, por kojos’duhet të n’a z’mbraps dhe dekurajoj që Ne edhe ma me ngulm të insistojmë në zbardhjën dhe ndeshkimin e keriminelëve, ngase vetëm atëherë, shpirti i tyre do prehet i qetë n’alltarin e lirisë, për t’cilën punuan gjithë shekullin e jetës.

Mallkimi raftë mbi vrasësit dhe urdhëdhënësit e vrasjeve poltike.

Lavdi vepres jetësore n’sherbim të kombit & atdheut, heroit të Kosovës, Xhemajl Mustafa.
Shpirti i Xhemes dhe i gjithë të rënëve n’alltarin e lirisë, i’u bëftë rreze drite lirisë së atdheut.
Jeta dhe vepra e Xhemes me shokë, bekoj lirinë & pavarësinë e Kosovës.

Lideri i Lëvizjes Vetëvendosje, Albin Kurti, ka njoftuar se ka marrë përkrahjen e tre deputetëve të pakicave joserbe. Me këtë hap, fituesi i zgjedhjeve ka arritur të mbërrijë numrin 60 te deputetëve që do t’i japin përkrahje për Qeverinë e re, duke llogaritur edhe votat e LDK’së.

“Në “Ambient” të Prizrenit, pavarësisht rinumërimeve dhe paneleve, u sigurua shumica parlamentare për qeverinë e re. Kryetarët e tri partive të komuniteteve joshumicë, njëkohësisht edhe deputetë të ardhshëm, zotërinjtë Rasim Demiri, Fikrim Damka dhe Albert Kinolli do ta votojnë qeverinë tonë dhe mua si kryeministër, pa kushtëzime”, ka shkruar Kurti, në një njoftim në FB.

Kurti ka bërë të ditur se me LDK’në janë marrë vesh të ndërtojnë Qeverinë posa të certifikohen zgjedhjet e 6 tetorit.

Numërimi i votave ka përfunduar sot ndërsa ditët në vazhdim pritet të përmbyllet procesi paszgjedhor.

Express ka shkruar gjatë ditës se Shefi i Ambasadës Amerikane në Kosovë, Philip Kosnett ka mbledhur një natë më parë Albin Kurtin e Vjosa Osmanin në ceremoninë e përvjetorit të marinsave.

Kryeministri në ardhje, Albin Kurti, ka njoftuar se bashkëpunimi me amerikanët nderon Shtetin dhe kombin.

“Një mbrëmje e këndshme për mua e Ritën, të mirëpritur nga Ambasada e ShBA-së me rastin e përvjetorit të 244-të të krijimit të trupës ushtarake të marinsave. Me ShBA-të do të bashkëpunojmë që të kemi edhe ne trupat tona ushtarake të specializuara, që do të nderojnë kombin dhe aleatët tanë, sa herë ta kërkojë nevoja”, ka njoftuar Kurti.

Ndërkohë, në darkën e Kosnett kanë munguar liderët tjerë të Kosovës.

Aty ka marrë pjesë edhe Vjosa Osmani, e cila pritet të jetë pjesë e Qeverisë së re VV-LDK.

Ambasadori amerikan ka kërkuar edhe më herët të krijohet sa më shpejt Qeveria e Kosovës në mënyrë që institucionet e reja të merren me zgjidhjen e problemeve të qytetarëve.

Nesër pritet të merret vendimi për certifikimin e zgjedhjeve dhe hapjes së rrugës për krijimin e Qeverisë së re.

KOSOVË

Politikani i njohur kosovar, Nexhat Daci ka deklaruar për mediat vendase se personalisht ai nuk ka dashur që në zgjedhjet e 6 tetorit të fitonte kreu i Lëvizjes Vetëvendosje, Albin Kurti. Mes tjerash, Nexhat Daci kishte edhe një paralajmërim për kryeministrin e ardhshëm të Kosovës, ku i kërkoi të mos udhëtojë askund pa pasur mbrojtje nga strukturat shtetërore, sidomos pas incidentit rrugor të ndodhur në Tiranë.

“Zgjedhjet e kanë treguar, ai është anëtari më i mirë i mundshëm, por e kam edhe një zhgënjim në fillim të tij, një zhgënjim të madh sepse aksidenti që ka ngjarë me veturën e tij, sa e di unë në një udhëtim, tregon që nuk ka përvojë në atë strukturë politike se si mbrohet kryeministri i vendit dhe unë besoj që ka shumë vullnete në Ballkan, që në atë aksident apo ndonjë aksident tjetër ta pësojë kryeministri. Duhet të jetë shumë i kujdesshëm”, ka thënë Daci, raporton Botasot.

Ai thekson se  kryeministrat në Ballkan janë gjithmonë të rrezikuar, ndaj duhet përgatitje për të shmangur çdo gjë.

“Derisa nuk kujdeset shteti, sepse pa qenë kryeministër nuk mund të kujdeset shteti aq sa duhet, partia e tij dhe ai vetë nuk guxojnë të sillen papërgjegjshëm ndaj sigurisë së tij. Ka tepër njerëz në Ballkan që do të dëshironin më së paku që të lëndohet e të mos jetë i aftë. Gjithmonë kam thënë se është një resurs jashtëzakonisht i madh kombëtar, VV-ja, sepse është e shkolluar dhe nuk ka pasur kohë të korruptohet dhe i duhet Kosovës, por tani pritshmëritë e mia nuk janë të kënaqshme sepse u zgjat shumë procesi”, ka deklaruar më tej Daci.

Prishtinë

Në selinë e forcës shumëkombëshe të KFOR-it në Prishtinë është zhvilluar ceremonia e ndërrimit të komandës.

Komandanti i deritanishëm i KFOR-it, gjeneralmajor Lorenzo D’Addario ia dorëzoi detyrën komandantit të ri të kësaj force, gjeneralmajor Michele Risi.

Ky i fundit u shpreh falënderues dhe tha se shtetet aleate të NATO-s po kontribuojnë për sigurinë në Kosovë e më gjerë.

“Dua t’i falënderoj 20 shtetet aleate dhe 8 shtetet partnere, të cilat po i kontribuojnë sigurisë së tërë popullatës së Kosovës, për të cilën besoj fuqishëm se edhe është shtytësi kyç i stabilitetit të Kosovës dhe tërë rajonit”, tha Risi.

Në ceremoni, kanë marrë pjesë edhe presidenti i Kosovës, Hashim Thaçi, kryeministri në largim, Ramush Haradinaj si dhe personalitete tjera.

“Jam i lumtur të shoh që nga bashkëpunimi ynë ka lindur Ushtria e Kosovës, Forca e Sigurisë së Kosovës si një forcë profesionale, shumë-etnike në shërbim të çdo qytetari të Kosovës. Zhvillimi i Ushtrisë së Kosovës, FSK-së do të thotë që në një të ardhme të afërt do të realizohet aspirata jonë e drejtë që jo vetëm NATO të jetë në Kosovë, por Kosova të jetë në NATO”, tha presidenti Thaçi.

Pas përfundimit të ceremonisë së ndërrimit të komandës, në një konferencë për media, admirali James Foggo, komandant i Komandës së Përbashkët të Forcave Aleate në Napoli, u bëri thirrje partive politike, sidomos atyre që fituan zgjedhjet, që pa vonesa të formojnë qeverinë e re të Kosovës.

Hyrja e trupave të NATO-s, më 12 qershor 1999 në Kosovë, pasoi fushatën e sulmeve ajrore të Aleancës Veri-Atlantike kundër caqeve serbe në Kosovë dhe në Serbi, që zgjati 78 ditë.

Në Kosovë, në kuadër të KFOR-it, u vendosën rreth 50,000 ushtarë nga 36 vende, prej të cilëve 30.000 ishin nga vendet e NATO-s.

Njëzet vjet pas kësaj ndërhyrje, trupat paqeruajtëse të KFOR-it numërojnë nga 6 deri në 7 mijë ushtarë, të cilët janë të dislokuar në pjesë të ndryshme të Kosovës, me mision paqeruajtës.

Prishtinë