Kuvendi i Kosovës më 5 prill të vitit 2007, ka miratuar një deklaratë për përcaktimin e statusit të Kosovës ku mbështetet propozimi i kryenegociatorit Martti Ahtisaari.

Më 2 shkurt 2007, Ahtisaari dorëzon propozimin Prishtinës dhe Beogradit, ku thuhej se Kosova do të jetë një shoqëri shumë-etnike, që e qeveris veten në mënyrë demokratike dhe me respekt të plotë për rendin ligjor, nivelin më të lartë të të drejtave të njeriut dhe lirive themelore të pranuara nga bota ndërkombëtare, dhe që nxit ekzistencën paqësore dhe të lulëzuar të gjithë banorëve të saj.

Ndërkohë, më 10 qershor 2007, Presidenti amerikan, George W. Bush, viziton Tiranën, ku thotë se Kosova do ta marrë pavarësinë.

Pas disa bisedimeve, Kosova u shpall më 17 shkurt 2008 i pavarur.

E para, e mirë ndoshta pas gjithe këtyre marifeteve nga politikat e mbrapshta, dhe nga epidemia , që ka mundësi të tërheqë vëmendjen , është “pushimi” i hajnive . Garda e vjetër politike ,kan mbetur në “vakum”, në këtë drejtim ,por mund të jetë kjo vëtem përkohësisht?!

Sa po të kalojë epidemia , këta që e rrëzuan qeverinë , do të vazhdojnë , aty ku kan mbetur. Mos i madhi Zot, po jua prenë rrugën këtyre “ujqërive “ të pangopshem të politikës. Shumë do të kisha dëshiruar që këta mos ti shohim në skenën politike, të cilan aq shumë e kan ndotur. Sigurisht së këtë dëshirë e kan shumica sot në Kosovë.E pa imagjinueshme sa largë kan shkuar më veprime të tilla aq të liga! Krijuan mish mash politik , budallakina , poshtërsi dhe frikë …

Epideminë e shfrytëzuan në mënyrë të ulët, për qëllime meskine politike.Bënë kalkulime që kjo epidemi , ndoshta të ndikon në të ardhmën e tyre politike?! Së janë mjeshtër të ‘gjahut’, së kështu janë mësuar që shumë kohë . Këta nuk i besojnë askujtë dhe as që dëshirojnë më i besuar. Janë mësuar dhe jetojnë në prodhimin e krizave , së këto ju lënë përshtypje dhe ju lëverdisinë .E pa dëshiruara e tyre e madhe pas kalimit të kohës së koronavirusit, është që mos tju skadon koha e forcës politike. Shumë vështirë do të jetë që dikush nga politika, do të këtë ndikim dhe mundësi të tubon në sheshe më mijëra njerëz, sikur ka ndodhur …Ndoshta përjashtim mund të bën, Albin Kurti nese eskalon keq situata politike.

Kjo për faktin së Karantina e bën të vetën , dhe frika së virusi mund të na sillët aty afër diku në ajër. Kjo nuk don të thotë krejt së popullizmit mund ti kalon koha. Kjo mundet shumë të zbehët por jo edhe të zhduket, ndoshta mund të ndryshon në formë.Supozim i imi. Kosova po vuan nga telashët e shumta, ka nevojë për korrektësi politike që qytetarëve tu sjellë më në fund qetësinë e përgjithshme .Së a do të kemi realizime edhe praktike , apo do të mbesin më shumë teori na mbetet të shohim . Koha nuk pret.Sigurisht së edhe një rend të ri botëror do ta shohim . Ata që inkorporohen në situatën e re , edhe më shpejt do ti mbyllin plagët nga lëngata e shekullit. Unë pyes , çfarë janë gjasat tona, dhe çfarë do të jetë gjindshmëria jonë ? Dhashtë Zoti që mos të sillemi si gjithmonë deri më sot ,në rrethin vicioz…?!

Ushtruesi i detyrës së drejtorit të Qendrës Spitalore Klinike në Mitrovicën e Veriut, Zlatan Elek, kryetari i Mitrovicës së Veriut, Goran Rakiq, nënkryetari Aleksandar Spiriq dhe epidemiologu Aleksandar Antonijeviq.

Komunat e Mitrovicës së Veriut dhe Zveçanit, nga ora 18:00 e së premtes, janë futur në karantinë, për shkak të situatës së krijuar me koronavirus.

Lajmi u bë i ditur nga kryetari i Mitrovicës së Veriut, Goran Rakiq, i cili tha se vendimi është marrë nga shtabi i krizës.

Karantina do të thotë se asnjë qytetar nuk do të lejohet të dalë e as të hyjë në këto hapësira, tha Rakiq.

Ai tha se ndalesa nuk vlen për nevojat mjekësore, prodhimin dhe furnizimin me ushqime dhe barna.

Përjashtim bëjnë edhe ata që ofrojnë shërbime që lidhen me pandeminë e koronavirusit, tha Rakiq.

Në Mitrovicën e Veriut dhe në Zveçan janë 16 persona të infektuar me koronavirus, ndërsa priten rezultatet edhe për rreth 120 të tjerë.

Ushtruesi i detyrës së drejtorit të Qendrës Spitalore Klinike në Mitrovicën e Veriut, Zlatan Elek, konfirmoi për Radion Evropa e Lirë se të premten janë testuar persona me simptoma, personat që kanë pasur kontakte me të infektuar dhe stafi mjekësor.

Parimi i reciprocitetit me shtetin e Serbisë është duke u zbatuar, thanë zyrtarë të Qeverisë në detyrë të Kosovës, gjatë një vizite që iu bënë Doganave të Kosovës.

Kryeministri në detyrë, Albin Kurti, tha se reciprociteti buron nga parimi i barazisë.

Me vendimin e qeverisë për masat e para të reciprocitetit po zbatojmë reciprocitet gradual, derisa njëkohësisht po i ndërtojmë kapacitetet për zbatimin efikas të tyre, tha Kurti, citon një komunikatë e lëshuar nga zyra e tij.

Ushtruesi i detyrës së drejtorit të përgjithshëm të Doganave të Kosovës, Ibrahim Xhaka, e njoftoi Kurtin lidhur me “mbarëvajtjen e punës së doganave pas situatës së krijuar me COVID-19 dhe mbi zbatueshmërinë e vendimit të qeverisë në detyrë për masat e para reciproke ndaj Serbisë”.

Nga 1 prilli, Qeveria në detyrë e Kosovës ka hequr tarifën 100 për qind ndaj importeve të Serbisë dhe Bosnjë e Hercegovinës, duke e zëvendësuar me masa reciprociteti vetëm ndaj Serbisë. rel

LDK-në nuk mund ta dobësoj askush më shumë sesa lidershipi i saj me mos perfilljen e vullnetit të elektoratit, sikurse që nuk mund ta ndihmojë askush më shumë sesa elektorati i saj me kushtëzimin e lidershipit aktual për mbajtje të premtimit elektoral dhe reformim të thellë të partisë.

Qeveria e fundit e dalë nga zgjedhjet e 6 tetorit 2019, ishte qeveria me legjitimitetin më të madh qytetarë pas shkuarjes në amshim të liderit historik të LDK-së dhe shqiptarëve të Kosovës në përgjithësi, Ibrahim Rugova. Koalicioni qeverisës LVV-LDK, më shumë se dëshirë e lidershipit të këtyre dy partive, ishte vullnet i elektoratit për ndryshim, i shprehur me votën e mbi 427.000 qytetarëve të vendit apo përkthyer në përqindje, 50,81 % e votuesve të dalë në zgjedhje kanë votuar për koalicionin qeverisës pas zgjedhor LVV-LDK.

Të respektohet vota që determinoi ndryshimin

Puna e nisur mirë e qeverisjes LVV-LDK kishte ngjallur shpresat e qytetarëve për ndryshim. Mirëpo, për fatin e keq të vendit, shumë shpejtë shpresat e qytetarëve u kthyen në zhgënjim të madh.
Pa dashur të përserisë ato që e din i mbarë opinioni publik, ato të ecurisë së prishjes së koalicionit qeverisës, dua të theksoj se zhgënjimin e bën akoma më të madhë tendenca për mos mbajtjen e premtimeve elektorale nga ana e LDK-së.
Siq dihet, LDK-ja ngritjen e lehtë të saj në zgjedhjet e 6 tetorit e arriti në saje të premtimit elektoral për mos bashkëqeverisje me partitë e PAN-it. Në saje të këtij premtimi LDK i mori 206 mijë votat e elektoratit të saj. Pra, votat që i mori ishin për ndryshim e jo për vazhdimin e keq-qeverisjes.
Kur jemi tek ngritja e LDK-së, do u hyja në hak lexuesve po nuk e permenda edhe një fakt tjetër. I pamohueshëm është kontributi i kandidatës për kryeministre, zonjes Vjosa Osmani, me emrin e së cilës u tubuan hiq më pak se 176 mijë vota të elektoratit, pa të cilën LDK-ja nga zgjedhjet e 6 tetorit 2019, jo vetëm që nuk do të renditej e dyta, do të garonte me AAK-në për vendin e tretë!
Pavarësisht zhvillimeve të fundit, lidershipi i LDK-së duhet të respektoj vullnetin e elektoratit edhe në raport me Vjosa Osmanin, si vullnet për ndryshim dhe reforma përmbajtësore në LDK, e jo si mbështetje pro apo kundër ish koalicionit qeverisës.
Çdo gjë që del jashtë premtimit elektoral është e dëmshme për LDK-në dhe me pasoja për vendin. Pra, LDK-së nuk i duhen kalkulimet e pushtetit, por mbajtja e premtimeve elektorale.
Lidershipi i LDK-së nuk duhet të harrojë se mbajtja e premtimeve dhe fjala e dhënë është parim, është vlerë e mbi të gjitha është edhe etikë njerëzore. Çdo shkelje e parimeve dhe premtimeve paraqet tradhti të pastër ndaj elektoratit, sadoqë lideri i LDK-së po mundohet ta mbështjellë me hipokrizi të reja politike.

Mallkimi i elektoratit ndaj abuzuesve të vullnetit politik

Tendecës së hapur të lidershipit të LDK-së për bashkëqeverisje me partitë e PAN-it, elektorati rugovian është duke iu përgjigjur me indinjatë, rënkim të thellë dhe mallkim ndaj abuzuesve me kontrabandim të votës së tyre të shënjtë.
Për ta ilustruar këtë që e ceka më sipër, po e shkëpus vetëm një detaj të bisedës së djeshme me një simpatizant të LDK-së dhe adhurues i frymës rugoviane; “Jam kanë i kallt mas LDK-së rugoviane, kurrë nuk m’ka ba zemra vërr me ju dhanë votën tjerave parti, po me LDK-në e Isa Mustafës nuk po mundem me u pajtu kurqysh, por as që ma don zemra ndonjë parti tjetër, por nëse shkojmë në zgjedhje, pa e votu LVV-në nuk e la, pra vota ime nuk shkon më për LDK-në e Isa Mustafës” (përfundon citati).
Merreni me mend se në çfarë deregje e ka pru LDK-në Isa Mustafa me klanorët e tij. Pavarësisht kamuflimeve politike dhe mashtrimeve, elektorati i ka kuptuar mirë lojrat plot hipokrizi të liderit partiak.
Sadoqë Isa Mustafa e thotë ditë e natë se LDK-ja nuk është vartëse e Hashim Thaçit, përputhja e qëndrimeve të tij me lojrat e presidentit i vërteton shqetësimet e elektoratit për futjen e sërishme të Isa Mustafës në pazare të pista pushtetore për vazhdimin e mandatit të presidentit Thaçi në këmbim të postit të kryeministrit për LDK-në apo anasjelltas dhe jo vetëm.
Mbështetja symbyllur e liderit të LDK-së dhënë presidentit të vendit në arritjen e marrëveshjes finale me Serbinë, sikurse edhe në marrëveshjet paraprake, do të jetë e dhimbshme, tepër e kushtueshme dhe me pasoja të rënda për vendin.
Për më tepër se kaq, LDK-ja nuk ka nevojë të humbë energji dhe kohë rreth përcaktimeve ideologjike të Albin Kurtit, kur ato dihen botërisht siq dihen përcaktimet dhe e kaluara politike e liderit aktual të saj, Isa Mustafa.

LDK si partia e parë, shtetformuese dhe shtetndërtuese, duhet ta gjejë formulen e unifikimit të saj. Hedhja e hapave të parë drejt reformave përmbajtësore duhet të filloj me organizimin e zgjedhjeve të jashtëzakonshme, të lira dhe të ndershme partiake, për ta zgjedhur një kryetar dhe kryesi kredibile që tërheq vëmendjen e rreth 40 % të votuesve pasiv, si dhe afrimin e veprimtarëve dhe aktivistëve të viteve të ’90-ta që ende jetojnë në Diasporë, për ta rrumbullaksuar kështu mozaikun unifikues në LDK.

Pajisjet profesionale mbrojtëse dhe mjekësore të siguruara nga UNICEF-i kanë arritur në Prishtinë, si pjesë e mbështetjes së UNICEF-it në Kosovë për sistemin shëndetësor në kuadër të reagimit ndaj krizës aktuale të koronavirusit.

Sot, 3.6 ton furnizime janë dërguar në Ministrinë e Shëndetësisë për të mbështetur punonjësit shëndetësor në vijën e parë të luftës kundër COVID-19 në Kosovë, përfshirë këtu:

36,200 dorëza,

33,600 maska kirurgjike,

2,700 maska me mbushje të dendur,

1000 kominoshe për mbrojtje,

8,960 mantele,

2,800 përparëse mbrojtëse

Shefi i zyrës së UNICEF-it, Murat Sahin deklaroi kështu:

“Ne e dimë se nevojitet ndihmë e menjëhershme. Zyra e UNICEF-it në Kosovë ka qenë në gjendje të reagojë shpejt, duke dërguar furnizime me pajisje parandaluese që shpëtojnë jetë për punonjësit shëndetësorë të vijës së parë edhe në këtë kohë kur logjistika është jashtëzakonisht sfiduese. Ne do të vazhdojmë mbështetjen me metoda kreative në mënyrë që të rinjtë dhe fëmijët në Kosovë t’i tejkalojnë sfidat që janë paraqitur si pasojë COVID-19 ”.

Gjersa numri i rasteve po vazhdon të rritet në të gjithë botën, puna e UNICEF-it për shpëtim jetërash dhe për t’u siguruar fëmijëve shëndet, arsim, ushqyerje dhe mbrojtje kurrë nuk ka qenë më vendimtare. Ne po e luftojmë një virus të ri, po i demantojmë mitet dhe po e luftojmë keqinformimin. UNICEF-i po punon për të ndihmuar në parandalimin e përhapjes së virusit. Ne po ndajmë informacione të sakta se si të mbahen familjet të sigurta, po ofrojmë pajisje mjekësore për klinikat shëndetësore dhe pajisje higjienike për familjet në nevojë dhe po e zvogëlojmë ndikimin e përhapjes së virusit në qasjen e fëmijëve në shëndet, arsim dhe shërbime sociale.

Që nga fillimi i përhapjes së virusit, Zyra e UNICEF-it në Kosovë ka lidhur partneritet me Kryqin e Kuq të Kosovës dhe autoritetet komunale për shpërndarjen e 12,000.00 pakove të higjienës familjare për familjet më në nevojë. Shpërndarja e pakove është koordinuar ngushtë me partnerët për të identifikuar dhe mbështetur familjet që jetojnë në varfëri ekstreme dhe në zonat më të largëta të Kosovës. Pakotë e higjienës familjare janë shpërndarë gjithashtu edhe për Komunitetet Rom, Ashkali dhe Egjiptian si dhe për komunat e banuara nga komuniteti serb në Kosovë.

Zyra e UNICEF-it në Kosovë po punon me donatorë dhe partnerë për të mbështetur dhe ndihmuar fëmijët dhe familjet e prekura nga pandemia.

Kryetarja e Kuvendit të Kosovës, Vjosa Osmani, duke kujtuar krimet e luftës, ka thënë se “për herë të parë, Kosova kishte Qeveri që në Programin e saj kishte edhe përgatitjen e Padisë për gjenocid kundër Serbisë“.

Ajo ka kujtuar rastin e Dren Cakës, i cili është i vetmi i mbijetuar i masakrës së forcave serbe të kryera gjatë natës së 1 dhe 2 prillit të vitit 1999 në shtëpinë e tij në Gjakovë

Osmani përmes një statusi në Facebook ka thënë se “për herë të parë, Kosova kishte institucione që flisnin para gjithë botës për vuajtjen e fëmijëve gjatë luftës dhe kërkonte drejtësi për ta dhe insistonte që nuk ka paqe pa drejtësi”.

“Ta kujtojmë këtë sot e çdo ditë, përderisa përkujtojmë fëmijët e vrarë, masakruar e të djegur për së gjalli, në Gjakovë e anekënd Kosovës”, ka shkruar ajo.
Dje është shënuar 21-vjetori i Masakrës në lagjen Qerimi në Gjakovë.

Kryetari i Lëvizjes Vetëvendosje, njëherësh kryeministër i Kosovës, Albin Kurti, ka thënë se partia e tij do t’i përgjigjet presidentit Thaçi në “një moment të përshtatshëm, në këtë kohë virusi”.

Presidenti i Kosovës, Hashim Thaçi, pas konsultimeve që ka pasur më liderët e partive politike të përfaqësuara në Kuvendin e Kosovës, të enjten i ka kërkuar Lëvizjes Vetëvendosje, që të propozojë një kandidat për formimin e Qeverisë.

Përmes një postimi në rrjetin social Facebook, Kurti ka thënë se presidenti ka vendosur të anashkalojë nenin 82.2 të Kushtetutës së Republikës së Kosovës i cili i referohet situatës pas mocionit të suksesshëm të mosbesimit ndaj Qeverisë.

“Presidenti po sillet thua se Qeveria varet nga Kuvendi por ky s’varet nga populli, thua se zgjedhjet demokratike janë mjet por jo edhe vlerë. Ajo që ishte e panevojshme por u bë, po ashtu përbën shkelje. Presidenti takoi gjitha partitë parlamentare politike, dhe, më pas kërkoi nga subjekti ynë fitues i zgjedhjeve të propozojë kandidatin për Kryeministër. Pra, Presidenti nuk është neutral, ai ka interes politik dhe synim personal, gjersa duhej t’ishte i paanshëm e procedural”, ka shkruar Kurti.

Pas votimit të mocionit të mosbesimit, më 25 mars, nga ana e shumicës së deputetëve të Kuvendit, Kosova po qeveriset nga një qeveri në detyrë.

Mocioni i mosbesimit ndaj të Qeverisë Kurti ishte iniciuar nga partia partnere e Lëvizjes Vetëvendosje në koalicionin qeverisës, Lidhja Demokratike e Kosovës dhe u mbështet edhe nga partitë opozitare. rel

Ish- kryeministri Ramush Haradinaj pas takimit me Hashim Thaçin është shprehur i qartë se nuk është për zgjedhje të jashtëzakonshme por për qeveri të re.

Haradinaj pas takimit ka thënë se do e mbëstesë një qeveri të re edhe pse nuk do jetë pjesë e saj dhe nuk do ketë funksion në qeverinë e re.

“Nuk jam kandidat për të pasë ndonjë funksion qeveritar. Nuk është kohë e apetiteve për pushtet”, ka thënë Haradinaj.

Ndryshe, edhe partitë e tjera e kanë përkrahur krijimin e një qeverie të re, përvec VV-së, e cila është për zgjedhjet të reja.

Artan Behrami, këshilltar i presidentit të Kosovës është përplasur ashpër me raportuesen gjermane për Kosovën në Parlamentin Evropian, Viola von Cramon Taubadel.

Reagimin e ashpër të Behramit e ka nxitur një qëndrim i eurodeputetes gjermane e cila i bënte thirrje presidentit të vendit që të mos luaj me Kushtetutën e Kosovës në kohën e pandemisë COVID-19 dhe që të mendojë dy herë përpara se të marrë vendim për shkarkimin e qeverisë Kurti.

Behrami i ka thënë politikanes gjermane se askush nga Bashkimi Evropian s’ka reaguar kur Kuvendi i Kosovës mbulohej me tym e gaz lotësjellës, derisa i ka thënë eurodeputetes se është hedhur në histeri, pas votimit të mocionit të LDK’së që rrëzoi Albin Kurtin nga pushteti, raporton Gazeta Express.

Këshilltari i Thaçit tutje ka thënë se është e turpshme se si von Cramon Taubadel anon nga njëra palë.

Pa reaguar pas akuzave të këshilltarit të Thaçit nuk ka qëndruar eurodeputetja, e cila i ka bërë thirrje Behramit që të ketë kujdes për fjalët që përdor në një debat të zakonshëm.

“Liria e mendimit është “histeri”? Interpretim shumë interesant në një debat të zakonshëm. Sigurohuni që po i përdorni kujdesshëm fjalët tuaja zotëri”, ia ka kthyer eurodeputetja gjermane.

Behrami nuk është ndalur dhe ia ka kthyer përsëri eurodeputetes gjermane, duke e akuzuar madje për shpërndarje të lajemve të rreme dhe përhapjes së panikut. Sipas këshilltarit të Thaçit duhet pasur përgjegjësi edhe në shprehjen e opinionit.

Këshilltari i presidentit ka thënë se edhe 82 deputetët që kanë votuar për rrëzimin e Ablin Kurtit kanë të drejtën e tyre për t’u shprehur lirshëm, ndërkohë ka pyetur eurodeptueten gjermane nëse asaj i intereson vetëm Albin Kurti.

“ Të menduarit lirshëm ka një përgjegjësi. Ju keni shpërndarë lajme të rreme, histeri dhe panik duke abuzuar me rolin tuaj si deputete e Parlamentit Evropian, duke sulmuar deputetët e zgjedhur në mënyrë demokratike. A nuk është vendimi i tyre liri e shprehjes. A kujdeseni për perspektivën e tyre, apo iu intereson vetëm Albin Kurti”, ka shkruar Behrami.

Viola von Cramon Taubadel ndërkohë i ka kërkuar Behramit që t’i tregojë opinionit të gjërë se në cilin rast ka shpërndarë “lajme të rreme”.

Eurodeputetja gjermane vazhdimisht ka bërë thirrje që Lidhja Demokratike e Kosovës të mos e procedonte mocionin e mosbesimit për qeverinë Kurti, pasi sipas saj, rrëzimi i qeverisë në kohën e pandemisë do të ishte katastrofal jo vetëm për Kosovën por edhe për të gjithë rajonin.

Reagimet e saj kundër rrëzimit të qeverisë që drejtohej nga Kurti kanë qenë të njëpasnjëshme.

Ndërkohë tashmë kur Kurti është rrëzuar nga mocioni i LDK’së, Taubadel kërkon që Kurti të vazhdojë të mbetet në detyrë gjatë kohës së pandemisë, duke i thënë Thaçit që ta mendojë dy herë nëse do ta shkarkojë qeverinë aktuale.

Në Kosovë megjithatë presidenti i vendit ka filluar konsultimet me partitë politike për të parë se si do të vazhdohet tutje pas rrëzimit të Kurtit. Përveç Lëvizjes Vetëvendosje, të gjitha partitë tjera duan një qeveri në legjislaturën aktuale, pa shkuar në zgjedhje të reja. Derisa vetë Kurti thotë se zgjedhjet e reja janë të pa shmangshme./GazetaExpress/

Ambasada britanike në Prishtinë ka thënë se në kohën kur shumica e vendeve në botë po përballen me pandeminë e koronavirusit, në Kosovë nuk është koha për manovrime politike, por për bashkëpunim të brendshëm dhe atë rajonal.

“Pas votës së mosbesimit në Kuvend, Mbretëria e Bashkuar fton që Kushtetuta të vazhdojë të respektohet, dhe që vendimet të mirren shpejt që t’i mundësohet Qeverisë në detyrë, ose asaj të re që mbrojtja e jetës së qytetarëve të jetë konsiderata kryesore. Ne, Mbretëria e Bashkuar, jemi pranë popullit të Kosovës dhe të rajonit gjatë kësaj krize globale”, është thënë në reagimin e kësaj ambasade përmes një shkrimi në rrjetin social, Facebook.

Kjo Ambasadë ka thënë po ashtu se përshëndet vendimin e Qeverisë në detyrë për largimin e tarifës 100 për qind në importet e Serbisë dhe Bosnje-Hercegovinës.

“Ne ritheksojmë përkrahjen e qëndrueshme të Mbretërisë së Bashkuar për dialogun e ndërmjetësuar nga Bashkimi Evropian në mes Kosovës dhe Serbisë, dhe besojmë se mospajtimet, përfshirë barrierat jotarifore, mund të zgjidhen në këtë kornizë”, është thënë në reagim.

Ky dhe reagime të ngjashme të faktorit ndërkombëtar vijnë pas mbajtjes së mocionit të mosbesimit, të iniciuar nga Lidhja Demokratike e Kosovës për rrëzimin e Qeverisë së udhëhequr nga kryeministri tashmë në detyrë, Albin Kurti.

LDK-ja pati përmendur si arsye për këtë veprim, vendimin e Kurtit për shkarkim të Agim Veliut nga pozita e Ministrit të Brendshëm dhe prishjen e marrëdhënieve me Shtetet e Bashkuara për heqje të taksës.

Taksa 100 për qind ishte vendosur nga qeveria e kaluar në nëntor të vitit 2018. rel

Kthimi në pushtet të atyre që e dëmtuan shumë Kosovën , do të ishte fatale për shtetin dhe te ardhmën tonë. Këto politika katrastrofale e prunë varfërinë e skajshme, duke bërë që shumica të ikin sahat e para nga Kosova.

Çka kanë bërë këta që mund ti lavdërojmë për popullin dhe shtetin?. Po jo more burra kështu askush nuk ka pritur që të veproni kështu keq?!Çka tash , po dëshironi ? Pasi që e rrëzuat qeverinë dhe e përdhosët votën e sovranit në kushte që askush tjeter nuk do ta kishte bërë?Po dëshironi që të krijoni pushtet ilegjitim. Kjo është formë diktatorale e veprimit. VV e ka të drejtën kushtetuese për ta paraqitur kandidatin nga radhët e veta , nese jo , dihet së shkohët në zgjedhje të reja .

Ky president i zgjedhur në kushtet të shtetrrethimit dhe kurre I unitetit, më votat e LDK, dhe që ju bë kumbar edhe tash, Isa Mustafa , po dëshirojnë , që në mënyrë jo kushtetuese , me parti tjera të formojnë qeverinë.E shkarkuan qeverinë në emer të kauzave fallshe, së krejt prapa kësaj kan qenë mbrojtja e interesave të tyre biznesore e korruptive. Amerika po i tërheqka trupat për shkak të veprimeve te Kurtit, për heqje te taksës ?! Kjo është marrezi more . Amerika po si te kishte vepruar ashtu siq pretendoni ju,në planët e veta gjeostrategjike në botë , nuk do të ishte kurrë Fuqia e Parë Botërore. Jemi shumë të vëgjel që të ndikojmë që Amerika ,po i tërheqka trupat nga Kosova?!

Në mënyrë tinzare Vuqiq e Thaqi , e gjithmonë duke e pasur në krahë Isa Mustafën, këni berë veprime antiamerikane kur dihet së pavarësia është project ndërkombëtar.Shitja e territoreve më Maqedonin e Veriut, më Mal të Zi , e tash marrveshjet e fshehta për shkëmbim territorësh, kjo a nuk është antipërendimore , antiamerikane e anti Kosovë a?Marrveshja për shkëmbime territorale u kundërshtu forte nga Angela Merkel ,por edhe nga ish kryeministri Haradinaj.

A nuk janë të gjitha veprime antikushtetuese dhe kunder vendimeve të GJND-së, së pavarësia e Kosovës, nuk bie ndesh më ligjet ndërkombëtare?Albin Kurti dhe Vjosa Osmani kurrë si kan përmbajtur projektët e tilla .Kjo gjë u shpërfaq shumë herë në opinion. A nuk keni bërë ju zotëri Mustafa e Thaçi bashkë më zonjën Mogerini marrveshje jo transparente më Serbinë ? Po, lidhet shumë marrveshje të tilla, e dinë të gjithë, që këto marrveshje e afruan Serbinë nga struktura e BE-së, e Kosovës nuk I sollën asgjë të mirë.I sollën izolimin. E lejuat Fusnotën ne përfaqësimet e Kosovës në tubimet rajonale dhe ende e kemi aty.Keni hy në bisedime më Serbinë pa asnjë kusht.

Mos i bëri të gjitha këto Albin Kurti? Jo ai I kundershtojë këto më gjithë forcën, siq e kundërshtojë edhe “Zajednicën” më kompetenca ekzekutive .Kurti e kundërshtojë edhe formimin e Gjykatës Speciale , e ju e prut të dera , të cilën në mënyrë të fshehur u përpoqët ta zhbëni.

Edhe kjo gjykatë u sponzorizua nga Amerika, që ju na qenkeni miqë të saj! Kryeministri në detyrë, nuk e mashtrojë popullin më kauza të rreme, për interesa përsonale , duke e dëmtuar rënd shtetin dhe popullin e vet.Me ju ardhë marre more, kur e dini së e keni humbur më ka krejt besimin e popullit.?!

Ju edhe mund ta shfrytëzoni situatën epidemike siq e shfrytëzuat, për të vepruar në menyrë jo kushtetuese për të ardhë në fron,por, mos harroni , së shumë pak do tju zgjatë kjo punë .Do të dënoheni fortë e keq më votën e sovranit , sa nuk do të këndëlleni politikisht më kurrë.Dhe, mos mendoni së përgjithmonë do të keni mundësi që fshehi për të dëmet e mëdha që ia keni bërë vendit.

Jo, nuk harrohen ato lehtë. Së krejt këto marifete jeni duke i bërë që ti mbroni dhe ti mbuloni të ligat, që ja këni bëri vendit dhe popullit …!

Kryetari i PDK-së, Kadri Veseli deklaroi se të gjithë janë vetëdijshëm se në këtë kohë pandemie nuk mund të mbahen zgjedhje. Pak pas takimit me presidentin Hashim Thaçi, Veseli konfirmoi faktin se PDK do të jetë në opozitë.

Veseli tha se ajo çfarë kërkon PDK është të respektohet Kushtetuta dhe të mbrohet vullneti i qytetarëve, përgjegjësi të cilat tha se i kanë të gjithë bashkërisht në këto momentet të jashtëzakonshme që po kalon vendi, qoftë me pandemi, për aq sa edhe ruajtjen e sovranitetin të shtetit dhe interesit të qytetarëve.

“Sa i përket zgjedhjeve të jashtëzakonshme vetëm keni parasysh gjithmonë faktin e pandemisë. Ne nuk e dimë deri kur do të përfundojë kjo çështje. Vullneti i sovranit është ma legjitimja, por në rrethana kur jemi në situatë me pandemi a është ndoshta hipokrizi nganjëherë të flitet për zgjedhje të jashtëzakonshme kur gjithë mund ta dinë se nuk mund të jenë për 45 ditë zgjedhjet e jashtëzakonshme. Nuk mund t’i rrezikojmë qytetarët. Sido që të jetë Partia Demokratike e Kosovës ka pozicion shumë të qartë politik në këtë situatë. Do të jemi opozitë dhe ta respektojmë Kushtetutën e Republikës së Kosovës”, tha ai.

Disa nga kamionët me mallra serbe janë ndaluar të hyjnë në Kosovë për shkak të emërtimeve jokushtetuese ndaj shtetit të Kosovës. Nga Ministria e Jashtme thonë se Serbia po bllokon kamionët e Kosovës që nga 30 marsi.

Pas heqjes së tarifës ndaj produkteve serbe dhe vendosjes së masave të reciprocitetit, Gazeta Express ka mësuar se transportuesit e Kosovës nuk janë lejuar të hyjnë në Serbi.

Zëdhënësi i Doganës së Kosovës, Adriatik Stavileci, ka thënë për Expressin se është i informuar se vetëm prej orës 17:00, kur fillon ora policore në Serbi, nuk lejohen as maunët e as ndonjë automjet tjetër.

“Për informata tjera mund të shikojë më vonë. E di vetëm se nga ora pesë nuk lejohet asnjë automjet për shkak të orës policore”,

Mirëpo Kreshnik Ahmeti, Shef i Stafit të kryediplomatit Glauk Konjufca, ka shkruar para pak minutash se nga 30 marsi, Serbia po i mban të bllokuar kamionët e Kosovës.

“Përderisa Republika e Kosovës e ka larguar tarifën 100% në raport me Serbinë, kjo e fundit që nga 30 marsi po i mbanë të bllokuar në kufi kamionët tregtarë nga Republika e Kosovës, të cilët nuk po lejohen të hyjnë në territorin e Serbisë”, ka shkruar Ahmeti.

Nga mesnata, me vendim të Qeverisë Kurti, është hequr tërësisht tarifa ndaj produkteve serbe dhe boshnjake, për t’u vendosur masat e reciprocitetit.

Ka filluar hyrja e kamionëve me mallra nga Serbia, ndërsa edhe Kosova ka ndalur disa prej tyre për shkak se nuk iu janë referuar shtetit të Kosovës me emërtim kushtetues.

Ushtruesi i Detyrës së Drejtorit të Doganës së Kosovës, Ibrahim Xhaka, ka thënë për kallxo.com se Kosova ka kthyer kamionët e Serbisë që nuk i ka plotësuar kushtet për pranim.

“Me emërtime fyese apo jo kushtetuese nuk ka pasur ende nga mbrëmë sepse ato s’janë ardh fare. Ka pasur një rast që nuk e ka pasur të bashkangjitur certifikatën që kërkohet dhe ai rast është në procedurë me u kthy prapa. Nuk ka pasur me vete certifikatë fitosanitare që është kërkuar, nuk e ka pasur certifikatën dhe nuk është pranuar me u zhdoganu dhe në mungesë të dokumentacionit është kthy. Dokumenti jo komplet është kthy”, ka thënë Xhaka.

Gjykata Kushtetuese e Kosovës ka vendosur ta vazhdojë pezullimin e Ligjit të pagave deri më 30 qershor 2020.

Kjo nënkupton se zyrtarët publikë nuk do t’i marrin rrogat e rritura sipas Ligjit të pagave i cili ishte miratuar gjatë vitit 2019.

Arsyeja e kësaj shtyerje sipas Gjykatës ka të bëjë me faktin që Gjykata, pas caktimit të masës së përkohshme, ka pranuar një vëllim të konsiderueshëm të dokumenteve dhe të komenteve të dorëzuara nga palë të ndryshme të interesuara, të cilat duhet të trajtohen në raport me pretendimet e ngritura dhe me dispozitat relevante kushtetuese dhe ligjore.

Arsyeja e dytë për vazhdimin e masës së përkohshme, thuhet në njoftim është volumi jashtëzakonisht i madh i materialeve të pranuara nga Komisioni i Venecias dhe gjykatat kushtetuese/supreme pjesë përbërëse të Forumit të Komisionit të Venecias.

Ligjin për paga, më 6 dhjetor të 2019 në Gjykatën Kushtetuese e ka dërguar institucioni i Avokatit të Popullit, për siç thuhet “vlerësimin e përputhshmërisë” së këtij ligji me Kushtetutën.

Ligji për paga ishte miratuar në muajin shkurt të atij viti.

Ky ligj rregullonte rritjen e pagave për 70 për qind të punëtorëve në sektorin publik, kurse 30 për qind mbeten jashtë. rel

Autoritetet në Kosovë konfirmuan të martën edhe dy raste të reja të prekurve me virusin COVID-19.

Instituti Kombëtar i Shëndetësisë Publike tha se njëri është nga Gjakova dhe ishte në kontakt me familjarët e tij të prekur më herët, ndërsa tjetri nga Prizreni, i cili është infektuar jashtë vendit.

Rastet e sotme e çuan në 108 numrin e përgjithshëm të të prekurve në Kosovë.

Deri tash në Kosovë është regjistruar vetëm një rast vdekjeje nga pasojat e virusit, ndërsa një pacient është shëruar.

Drejtori i departamentit për informim në ministrinë e Shëndetësisë, Faik Hoti, tha se aktualisht në klinikën Infektive në Prishtinë janë 40 pacientë nga të cilët, 34 janë në gjendje të qëndrueshme ndërsa 6 prej tyre “kanë nevojë për oksigjenoterapi dhe përkujdesje intensive”.

“Sa i përket stafit të Klinikës Infektive, deri sot ka 3 infermiere të infektuara me Covid-19, prej të cilave dy janë të pranuara në klinikë për trajtim mjekësor, ndërsa njëra është e vet-izoluar në shtëpi”, shkroi ai.

Autoritetet janë vënë në përpjekje për të penguar zgjerimin e infektimit dhe një varg masash që ishin përcaktuar më herët si mbyllja e shkollave, janë zgjatur deri më 6 prill.

Qeveria në detyrë e Kosovës miratoi një “Pakon Emergjente Fiskale” në vlerë prej 179.6 milionë eurosh, për të zbutur pasojat e situatës së krijuar nga pandemia.

Paketa do të mbështesë bizneset, pensionet, skemat sociale, komunat dhe do të sigurojë pagesa shtesë për punëtorët e administratës shtetërore. zëri i amerikës

Ëndra e një kombi është edhe uniteti , i cili të ne shqiptarët nuk po ndodhë?! E vërteta është së moti ekziston dëshira jonë , por jo edhe vullneti i atyre që po e drejtojnë shtetin ?! Sigurisht së uniteti nuk shikohet në dhemb. Shumë sprova historike I patem në këtë drejtim.Po jetojmë në tokë , e jo në mars, që mos të shohim gjithë këtë mos unitet , madje urrejtje të ndërsjellë që të kombet serioze nuk ekziston.Kjo ndasi dhe ky mos unitet më shumë I karakterit politik , por edhe të pergjithshem na gjeti pikërisht në këtë kohë zezone , kur kemi hyrë në karantinë nga Koronavirusi. Ky mos unitet sikur na ka shtuar frikën nga kjo situatë e pa pritur, dhe për fatin tonë si shtete dhe komb në Ballkan.Ne mbrendinë tonë sikur po shkëputen lidhjet, e kjo do të ishte fatale.Në këtë kazanin tonë politik që po vlonë, zor të qëndrojnë as shtazët , e jo njerëzit. Shpartallimit shoqëror po i prinë ata që do të duhej të interesoheshin për rregullim shoqëror e politikë .Këto polarizime te kahmotshem politike , e posaqerisht këto të fundit, janë sinjale së nese nuk kemi angazhim të përgjithshem , do të na pret përfundim I keq.
Strukturat e vjetra politike nuk janë gjë më të mira së ky virus që na ka goditur. Këto strukura që shumë vite janë shtrirë mbi ne si epidemia , dhe sigurisht kërkohet mund i madh,që ti heqim qafe , për të mirën e Kosovës dhe popullit të saj. Kjo epidemi i shpërfaqi dhe i lakuriqësojë
së kush janë këta njerëz në të vertëtë.Sigurisht së e kan humbur më ka krejt besimin dhe përkrahjen e popullit.Retorikat e tyre për shtet, janë shtërruar si ujërat e ndotura. Fenomenit të pa vetëdijës qytetare, po i vjen fundi.Kohën e ndryshimeve mund të stoponi, por kurrë të ndalni .Arma e ndryshimit është populli i Kosovës.Koronavirusi shkon, e ju ku do të mbeteni?Do të mbeteni si llum pas tërheqjës së dallgëve të detit te tërbuar.
Pa shikoni e pritni. Ju do te mbeteni në histori si njerëz që keni shkaterruar qdo të mirë materjale , dhe së keni shkatërruar përspektiven e të rinjëve në vendin e tyre?!
Porosia do të ishte : largimi I juaj nga skena politikë , për popullin do të jetë gëzimi më i madh.
Në kohën e fëlliqur nën okupim , nuk ju kemi befasuar të dhijerave të fashizmit serb, por sigurisht së të dhijerat e Juaja nuk i kemi pritur?!Ne jemi mësuar që të hapim varre nga fashistët serb, por jo të hapim varre më dorën tonë në kohë epidemie?! Kur e gjithë bota është shumë e brengosur nga kjo epidemi, ne po grindemi per një copëz pushtet. Si po qendrojnë punet më mikrobin epidemic, edhe më shumë po domonon mikrobi politik dhe kulturor.Gjendjën reale sociopolitike po e vënerojmë ende si gjendje te shëndosh, e jo si e kunderta, si e “rrezikshme “ , e “sëmuar” dhe “neveritëse”.Frika e infektimit janë fakte fundamentale njerëzore , sociologjike dhe e politikologjisë. Kjo lënë pasoja njejtë si ksenofobija, racizmi dhe fashizmi i hapur.Masat me efikase ndaj këtyre virusëve, është shkenca dhe demokracia. Shkenca do ta mund edhe këtë lengatë , sikur shumë lengata të tjera deri më sot.Por , shumë besoj së ekziston ilaqi që edhe politikat dhe politikanet e infektuar më epidemine e pushtetit ,do të mundën . Natyrisht së para nesh ende duhet bërë do rrugë .Nuk na duhen “Share” dhe “Like” të facebookut, por na nevoitet dije , punë e përkushtim që ti zgjedhim forcat e reja politike , që sapo i kan përmbysur të përmbyturit…. Dhe, më shumë kujdes qytetarë të dashur, në larjën e duarëve , fytyrës , kokës, prapanicës… jo vëtem nga rreziku i mikrobeve , por edhe nga virusi i kësaj kaste politike…

Flamuri i BE-së

Bashkimi Evropian ka nënshkruan sot kontratën e ndihmës prej 5 milionë eurosh për Kosovën për luftimin e COVID-19, që njihet si koronavirusi i ri.

Përmes një video-konference, kontratën e kanë nënshkruar Nataliya Apostolova, shefe e Zyrës së BE-së në Kosovë dhe shefi i Zyrës së Kombeve të Bashkuara për Shërbimet e Projekteve (UNOPS), Brendan Keirnan, ndërkaq që i pranishëm ishte edhe kryeministri i Kosovës në detyrë, Albin Kurti.

“Jemi bashkë në këtë, dhe të bashkuar do të fitojmë”, ka thënë Apostolova.

Mjetet financiarae jane të dedikuara për nevoja të menjëhershme të Kosovës për luftimin e pandemisë së koronavirusit.

Zyrtarët e Ministrisë së Shëndetësisë, kanë njoftuar që kjo kontratë përfshinë furnizimin me pajisje të specializuara laboratorike dhe mjete për mbrojtjen nga koronavirusi dhe trajtimin e tij, për nevojat e Qendrës Klinike Universitare në Prishtinë.

Në një njoftim të mëhershëm të zëdhënsit të Minsitrisë së Shëndetësisë, Faik Hoti, është thënë se “pajisjet përfshijnë respiratorë/ventilatorë, pompa infuzioni, shiringë, auto-ambulanca etj”.

Artikujt do të blihen përmes Zyrës së Kombeve të Bashkuara për Shërbimet e Projekteve (UNOPS), e cila do të jetë nënshkruesi tjetër i kontratës”, ka shkruar Hoti në llogarnë e tij në Facebook. rel

Ilustrim

Ushtruesi i detyrës së ministrit të Brendshëm, Xhelal Sveçla dorëzoi në Prokurorinë Themelore në Prishtinë, padinë kundër presidentit të Kosovës, Hashim Thaçi, në lidhje me deklarimet e tij të datës 23 mars – për të mos respektuar vendimet e marra nga Qeveria në raport me masat mbrojtëse kundër virusit COVID-19.

Pasi Qeveria e Kosovës vendosi kufizime në lëvizjen e qytetarëve, presidenti Thaçi në një konferencë për media e kishte kundërshtuar masën duke thënë se ajo është kundër kushtetuese.

“Qytetarët nuk janë të detyruar që t’i respektojnë vendimet kundër- kushtetuese dhe askush nuk mund t’i dënojë ata për këtë”, pati deklaruar Thaçi.

Në një njoftim të Ministisë së Punëve të Brendshme thuhet se në padi potencohet se “presidenti përmes deklarimeve të tij dhe thirrjeve për mos-respektim të Vendimit të Qeverisë në datën 23 Mars 2020, përveç që ka shkaktuar paqartësi tek qytetarët, i njëjti gjithashtu ka mundur të ndikojë që përmes këtyre thirrjeve të shkaktojë kaos nëpër rrugë dhe të “kontribuojë” në shpërndarjen më të madhe të Virusit COVID-19”.

Sveçla në padi ngrit dyshime se presidenti ka kryer veprën penale “Thirrje për rezistencë” të paraparë në Nenin 403 të Kodit Penal të Republikës së Kosovës.

Presidenti i Kosovës, Hashim Thaçi, ka takuar sot ambasadorët e Kuintit dhe atë të BE-së në Prishtinë, për t’i informuar për hapat që do t’i ndërmarrë pas mocionit për Qeverinë Kurti në javën e kaluar.

Në këtë takim ishin Ambasadori i Shteteve të Bashkuara të Amerikës, Ambasadori i Britanisë së Madhe, Ambasadori i Gjermanisë, Ambasadorja e Francës, Ambasadori i Italisë dhe Shefja e Zyrës së BE-së në Kosovë.

Presidenti në takim tha se do të marë të gjitha hapet në përputhje me Kushtetutën e Kosovës.

“Pas shkarkimit të Qeverisë nga Kuvendi i Kosovës, më 25 mars, do të marrë hapa gjithnjë në përputhje me Kushtetutën e Kosovës, me ligjet e Kosovës dhe me detyrat si President i Republikës së Kosovës”, citohet të ketë thënë Thaci.

Presidenti shtoi se gjatë kësaj jave do të ketë konsultime me të gjitha partitë parlamentare, për t’i marrë sugjerimet dhe këshillat e tyre se cilën rrugë duhet ndjekur, duke u bazuar në Kushtetutën dhe ligjet e Republikës së Kosovës.

Ai ka thënë se do të vendosë për opsionin më të mirë për të dalë nga situata në të cilën jemi futur, pas shkarkimit të Qeverisë së Kosovës.

Kreu i shtetit ka theksuar se Kosova ka nevojë për një qeveri që do të sjellë stabilitet, unitet sa më të madh politik dhe qytetar, që do të jetë gjithëpërfshirëse dhe e orientimit të qartë euroatlantik./Express

Kryetari i Mitrovicës, Agim Bahtiri ka thënë se në rast se formohet një qeveri e re pa shkuarje në zgjedhje do të ketë vëllavrasje.

Ai i ka bërë apel presidentit Hashim Thaçi që të ketë kujdes dhe t’i shpallë zgjedhjet.

“Qeveria e re do të bëhet kur bëhen zgjedhjet dhe sot ia tregojmë secilit vendit. Qeveri të re nuk ka prej 6 tetorit deri në zgjedhje, mos hini në një konflikt vëllavrasje sepse ne nuk e kemi ndërmend me leshu me na vjedh dikush pushtetin, qytetarët na kanë dhanë deri të na japin prapë do të jemi aty. Unë po i frikësohem asaj sepse populli është shumë i revoltuar. I bëjë thirrje presidentit që të ketë kujdes në këtë drejtim dhe ti shpallë zgjedhjet..”, ka thënë Bahtiri, shkruan Telegrafi.

I pari i Mitrovicës tutje ka thënë se në zgjedhjet e ardhshme Lëvizja Vetëvendosje do të ketë në Kuvend 46 deputetë.

Ai ka folur edhe për çështjen e pandemisë së coronavirusit,ku ka theksuar se deri tani në Mitrovicë nuk ka asnjë të dyshuar me këtë virus.

Bahtiri ka falënderuar qytetarët që po respektojnë masat e ndërmarra./Express

Banka Qendrore e Republikës se Kosovës ka njoftuar se në vazhdimësi po dezinfekton ndërtesën dhe paratë e gatshme.

Ky proces po ndodh në kuadër të masave për parandalimin e përhapjes dhe mbrojtjes nga pandemia, thuhet në një përgjigje për Radion Evropa e Lirë nga zyrtarë të BQK-së.

“Banka Qendrore e Republikës së Kosovës ka marrë të gjitha masat e duhura konform vendimeve dhe udhëzimeve të organeve kompetente”, thuhet në përgjigje.

Deri tani në Kosovë janë regjistruar 91 raste me koronavirus, një pacient ka vdekur dhe një është shëruar.

Kryeministri në detyrë i Kosovës, Albin Kurti, thotë se Kushtetuta e Kosovës e ka bërë të qartë se një mocion mosbesimi i suksesshëm prodhon zgjedhjet dhe jo një qeveri tjetër.

Sipas Kurtit, ka dallim thelbësor ndërmjet situatës kur kryeministri dorëhiqet nga posti i tij dhe asaj kur Kuvendi voton mocion mosbesimi ndaj qeverisë.

“Në rastin e parë kemi mungesë vullneti ose aftësie të vetëdeklaruar nga kryeministri i cili largohet. Në rastin e dytë qeveria dhe kryeministri janë në detyrë, nuk ka vakuum deri në zgjedhjet e reja, andaj edhe stabiliteti e funksionimi shtetëror nuk cenohen. Pra, në rastin e dytë e që është ky yni tani, nevojitet Kuvend i ri për qeveri të re”, ka shkruar Kurti në llogarinë e tij në Facebook.

Kurti ka shkruar se pas përfundimit të pandemisë me koronavirus duhet të shkohet në zgjedhje të reja.

“Porsa të mbarojë pandemia Covid-19 – të cilën duhet ta luftojmë të gjithë bashkë duke mbështetur dhe ndihmuar e jo duke penguar a sabotuar qeverinë në detyrë – ne duhet të zbresim te populli si burim sovraniteti, për zgjedhje të reja, të lira e demokratike”, ka shkruar Kurti në facebook.

Më 25 mars, Kuvendi i Kosovës me 82 vota për, 32 kundër dhe 1 abstenim votoi për mocionin e mosbesimit ndaj Qeverisë Kurti. Qeveria Kurti ishte zgjedhur më 3 shkurt, 2020.

Presidenti i Kosovës, Hashim Thaçi ka paralajmëruar se do të mbajë konsultime me partitë politike lidhur me krijimin e një qeverie të re. rel

 Shume mirë, po i vjen fundi koha që politikës së mbrapsht, të infektimit në staza të gjata, i rrezikshem si Koronavirusi .Po mos të ishte kjo gjendje emergjente, që na kthyen në gjendje të jashtëzakonshme politikanet pa fije turpi, do ti kishim punët më mirë në Kosovë .

Sigurisht edhe pyetni si ndodhën këto gjera më kaq shpejtësi ?Infektimi psikologjik njeriun mund të dërgon në spitalin psikiatrikë, ndoshta shpëton pa vdekur.Apo pyetja tjetër, si u bë që kjo klasë politike na doli me kaq shumë të këqija ?Njeriu i ynë sikur është mësuar më barra të rënda që nuk i ban as kali! Se mos të flasim për luftën dhe viktimat e mëdha që na I solli pushtuesi i eger serbë ?! I harruan gjithë ata njerëz që ranë për lirinë tonë ?! Dhe, ne daqi mos më mbani për fjale.Por kur gjithëqka një ditë kur të pushon dhe të mendohet esëll, për dikënd që i ka bërë dëme të mëdha shtetit dhe kombit do të jetë shumë vonë pendesa.Do të jetë vonë për viktimat që ranë nga epidemia , e këta mbajtën tubim për rrëzimin e qeverisë ?!

Ndoshta edhe dikujtë ka mundësi ti kthjellët truni pas karantinës , por që dëmin që ia shkaktuan popullit nuk ju hiqet për jetë e mot.Kush veq pak ka ndjenja njerëzore , do të ishte mirë që të kthjellët, të dalë nga ërrësira ku është katandisur . Së si do të veprojnë na mbetet të shohim. Hajde të gjithë të shikojmë së çka po punohet dhe si po veprohet, në këtë gjendje lufte në dy frontesh , me koranavirusin në njërën anë dhe më frontin e luftës politike për pushtet në anën tjetër. Sigurisht së e para është duke funksionuar mirë, por që shumë e prishën këta të dytët më prurjën e vendimit më të quditshem dhe më të habitshëm për mocion , kur e gjithë bota po lufton më pandeminë. Na errësuan tokën dhe qiellin, na bën përrallën e Zotit para botës demokartike , që as adoleshentët nuk e kishin bërë një gjë të tillë .

Kushdo që të ishte në pushtet në këtë rast, po të kishte pak moral, dashuri ,njerëzillëk ishte dashur të përkrahët. Është apsurditet më i ndejtë gaditur Grenelit pse ashtu ju ka tekur?!Ai nuk është Amerika?! Është koha e mobilizimit të përgjithshem . Kjo puna e Serbisë tek e fundit nuk është asgjë more burra.Ne kemi shtetin tonë ata kan shtetin e tyre.Kjo logjikë duhet të mbretëron. Jo more jo, kësaj I thonë diletantizëm në politikë. Po, nuk është punë e ngutshme bisedimet më Serbinë. Ne e kemi primare për të dalë faqebardhë nga situata e krijuar nga kjo fatkeqësi e madhe natyrore si e gjithë bota. Të gjitha këto të liga një ditë do tu përplasën fortë për fytyrë atyre që i përgatitën . Sado që dikush edhe të punon mirë për shtet të vet, nuk i falën dot gabimet e mëdha, sikur nuk ju kan falur shumë burrshtetaseve të mëdhenjë të botës edhe pse I kan fituar luftërat. Dihet së problemet e shtetit janë të lidhura më liderë shtetëror.Kur këta nuk janë të dijshem , apo bijne ndesh me ligjin , duhet kërkuar përgjegjësi morale e ligjore, para së të shkojnë në shtëpi. Mjaftë kemi luftuar për të drejtat tona deri sa e fituam lirinë. Kjo tash që po na ndodhë , të luftojmë për të drejtat tona në shtetin tonë , kjo i kalon suazat e normalës ! Kjo për shqiptarët është dënimi më i madh…?!

Si zakonisht, para rrëzimit të një qeverie beteja politike në Kuvend bëhet mes partive në pushtet dhe atyre opozitare. Mirëpo, kësaj radhe beteja për rrëzimin e qeverisë u bë vetëm në mes partnerëve në pushtet.
Është hera e parë në Kosovën e pas luftës që mocionin për shkarkimin e qeverisë e merr partia në pushtet. Është poashtu hera e parë që partitë opozitare nuk patën nevojë të shpenzojnë energji për rrëzimin e qeverisë.

Qytetarët e Kosovës më optimist kanë qenë 21 vjet më parë gjatë periudhës së luftës çlirimtare, përkatësisht gjatë bombardimeve të NATO-s ndaj caqeve serbe, atëherë kur më afër e kanë pasur vdekjen se jetën, sesa tani pas rënjes së qeverisë së shpresës.
Vënja e interesave partiake dhe klanore para interesave shtetërore e liderëve partiak, ka bërë që qytetarët e vendit të harrohen dhe nëpërkëmbën nga të gjitha qeveritë e pas 17 shkurtit 2008.
Dallimi mes politikanëve dhe simpatizantëve politik është i madh. Politikanët nuk i mbajnë qendrimet dhe parimet e tyre politike, ndërsa simpatizantët politik i mbrojnë ato dhe nuk tërhiqen lehtë nga ndjenja e brendshme shpirtërore.
Përderisa simpatizantët partiak janë të gatshëm që të prishin miqësi e fqinjësi për mbrojtjen e qendrimeve dhe parimeve të liderëve partiak, këta të fundit, përveq që nuk prishen mes tyre, shkelin parime dhe premtime.
Për dallim nga simpatizantët partiak që sakrifikohen për interesat e liderëve partiak, liderët partiak i harrojnë simpatizantët dhe elektoratin për interesat e tyre, duke i ndërruar qëndrimet më shpesh sesa këmishat e djersitura që u kundërmojnë erë korrupsioni dhe kriminaliteti ekonomik.
Problemi është, se politikanët e papërgjegjshëm, monstrumët dhe matrapazët politik janë njerëz pa ndjenja, pa moral njerëzor që jetojnë mbi kurrizin e qytetarëve.

Kuvendi maskave, kuvend i turpit dhe marrëzisë politike

Për aq gjatë sa do të mbahet në mend pandemia botërore “Covid-19”, aq do të mbahet mend edhe kuvendi i maskave, kuvendi i turpit dhe marrëzisë politike në kushte dhe rrethana të jashtëzakonshme.
Jo pse është mbajtë në mes të epidemisë, por për arsyen e mbajtjes!
Ka edhe parlamente të vendeve perëndimore që janë mbajtur me maska në këtë kohë pandemie, por ato janë mbajtur me qëllimin e mirë, të nxjerrjes së masave të nevojshme dhe të domosdoshme në parandalimin e përhapjes së virusit dhe nxjerrjes së vendimeve urgjente në funksion ndihmës për popullatën në zonat e prekura nga pandemia botërore.
Sigurisht që edhe në ato vende ka kundërthënje e mos pajtime politike, por të gjithë i kanë ulur flamujt partiak dhe janë vënë në shërbim të vendit dhe qytetarëve.
Ndërsa tek ne ndodhi e kundërta, paradoksalisht partitë në pushtet e shkaktuan krizën qeveritare, bënë thirrjen e seancës së kuvendit me të vetmën pikë të rendit të ditës “Mocioni për votëbesimin e qeverisë”, duke shkarkuar vetëvetën dhe shkaktuar njëkohësiht krizën institucionale në pikun e krizës së pandemisë botërore, duke i lënë qytetarët e vendit në mëshirën e Zotit.

Për ta njohur dikë mirë, duhet mësuar gjërat që ai fshehë e jo ato që tregon

Citatin e mësipërm, po e argumentoj me dy fjali të shkëputura nga deklaratat e dy liderëve të ish koalicionit qeverisës një ditë pas rënjes së qeverisë.
E para,”Ishte kjo një rënie e domosdoshme për ngritjen e nevojshme” (A.K.).
E dyta,”Vendimet e LDK-së, si gjithmonë, janë në të mirë të LDK-së, dinjitetit të saj” (I.M.).
Janë këto dy deklarata që vërtetojnë qëllimet e vërteta të dy liderëve partiak që u fshehen prapa justifikimeve të pa qëndrueshme për prishjen e koalicionit qeverisës.
Nga kjo shihet qartë se përtej presionit amerikan për heqjen e taksës pa kushte dhe arritjen e marrëveshjes me Serbinë, janë edhe kalkulimet partiake ato që quan në rrezimin e qeverisë.
Prishja e koalicionit shpresës, përkatësisht thyerja shpresave të qytetarëve në rrethanat më të pazakonta të izolimit total dhe rrezikut të paparë deri më tani për njerëzimin në përgjithësi, përveqse papërgjegjësi politike, paraqet precedanin më të keq para botës së qytetëruar.
Pas rënjes së qeverisë së shpresës, qytetarëve të vendit u ka mbetur të besojnë vetëm në të padukshmën në horizont, apo siq e kanë thënë pleqt nga kohët më të vjetra, për ta mbajtur gjallë optimizmin; “Ishalla na mbanë ajo që nuk e shohim”, duke aluduar në Zot dhe shpresuar në mrekullinë që zbret nga qielli!
Ndryshimet politike në vend, sikurse që janë proces i pandalshëm, duhet të jenë edhe mision i së cilit politikan, në të kundërtën, ata që nuk janë të zotët t’i çojnë përpara proceset politike është mirë që t’u lëshojnë rrugë të tjerëve që mund ta bëjnë një gjë të tillë.

Instituti Kombëtar i Shëndetësisë Publike ka bërë të ditur se të rinjtë e moshave nga 20 deri në 29 vjeç janë prekur më së shumti nga koronavirusi i ri në Kosovë.

Nga 88 personat e infektuar me këtë sëmundje, 20 prej tyre i përkasin kësaj moshe, ndërkohë që vetëm 9 persona të prekur janë të moshës mbi 70-vjeçare.

Sa i përket gjinisë, 53 e meshkujve janë prekur nga sëmundja Covid-19 që shkakton koronavirusi, në krahasim gratë që përbëjnë 47 për qind të numrit të të infektuarve.

Malisheva është qyteti i goditur më së keqi nga kjo sëmundje në Kosovë, me 32 raste të regjistruara, i ndjekur nga Gjilani me 15 raste dhe Prishtina më 11 raste tjera.

Sipas të dhënave të publikuara, më 23 mars është raportuar për numrin më të madh të të prekurve me këtë sëmundje, 23 brenda 24 orëve.

Përveç 88 personave të infektuar në Kosovë deri më tani ka vdekur edhe 1 pacient nga kjo sëmundje.

Me qëllim të parandalimit të përhapjes së koronavirusit të ri, Qeveria në largim e Kosovës ka shpallur gjendje emergjente për shëndetin publik.

Lëvizja Vetëvendosje po i kërkon Presidentit Thaçi që të mendojë datën e zgjedhjeve në vend se të kërkojë emra për kryeministër të ri. Nga Zyra për Media e VV-së kanë thënë për Gazetën Express se posa të përfundojë pandemia e Covid-19, Kosova duhet të hyjë në afatin kushtetues dhe të shpallen zgjedhjet e reja.

Lëvizja Vetëvendosje i ka dërguar porosi Presidentit Hashim Thaçi të mos mendojë opsion tjetër përpos zgjedhjeve të reja pas përfundimit të pandemisë botërore me koronavirus që ka prekur edhe Kosovën,

Zyra për media e partisë fituese të zgjedhjeve të fundit ka thënë se Qeveria në detyrë është e fokusuar në luftën e koronavirusit e më vonë për zgjedhje të reja. E, jo për të dërguar emër të ri për Shef të Qeverisë.,

“Tash për tash të gjithë ne së bashku me Qeverinë jemi të fokusuar rreth Pandemisë së Coronavirusit. Sapo të kalojmë këtë pandemi menjeherë duhet të shkojmë ne zgjedhje të reja. Kësisoj Presidenti Thaçi nuk ka çka kërkon emra për kryeministër të ri, por le të mendoj rreth datës së zgjedhjeve porsa të mbaroj çështja urgjente e Covid19”, kanë deklaruar nga VV.

Një ditë më parë, Presidenti Thaçi tha se prej të hënës do t’i nisë bisedimet për partitë për themelimin e Qeverisë së re. Tha se kërkon një Qeveri me bazë të gjerë.

Siipas Kushtetutës, Shefi i Shtetit së pari duhet të kërkojë nga partia fituese e zgjedhjeve të certifikuara emrin e mandatarit

Por nga Lëvizja Vetëvendosje po shprehen kundër dërgimit të emrit të ri për kryeministër.

Qeveria e Kosovës u rrëzua me votat e më shumë se 2/3 e deputetëve pasi LDK organizoi mocion mosbesimi.

Negociatat për koalicion mes VV-së dhe LDK-së kishin zgjatur më shumë se 3 muaj, kurse qeverisja mes tyre vetëm 50 ditë./GazetaExpress/

Qeveria në detyrë e Kosovës ka reaguar pas deklaratës së zyrtarëve amerikanë, në të cilët thuhet se s’ka plan sekret për shkëmbim territoresh.

Përmes një komunikate drejtuar mediave, ZKM’ja thotë se kjo paraqet një mbështetje dhe inkurajim për Qeverinë në detyrë, por se për ta mbeten kërcënim “thirrjet e vazhdueshme të Presidentëve Thaçi dhe Vuçiq (korrigjim kufijsh me kompromis të dhimbshëm, veriu si dhuratë e Rankoviqit)”.

“Kjo paraqet një mbështetje dhe inkurajim për Qeverinë në detyrë. Por, për ne thirrjet e vazhdueshme të Presidentëve Thaçi dhe Vuçiq (korrigjim kufijsh me kompromis të dhimbshëm, veriu si dhuratë e Rankoviqit, razgraničenje, etj.) vazhdojnë të jenë kërcënim, dhe që nga gushti i vitit 2018, ato janë përsëritur nga dy presidentët të cilët kanë vendosur lidhje të shkurtër me njëri-tjetrin pa ndërmjetësim ndërkombëtar, thuhet në komunikatë.

Sa i përket tarifës, thuhet se me heqjen e tarifës për lëndën e parë është bërë një hap i rëndësishëm, derisa për dialogun thuhet se duhet të udhëhiqet nga Qeveria.

“Dialogu në mes të Kosovës dhe Serbisë duhet të udhëhiqet nga Qeveria, përkatësisht Kryeministri i Republikës së Kosovës, sipas parimeve kushtetuese të Republikës së Kosovës. Dialogu duhet të rifillojë i përgatitur mirë, të ketë qëllim njohjen e ndërsjelltë si dy shtete sovrane dhe me integritet territorial, për marrëveshje të qëndrueshme si garant për normalizim të marrëdhënieve bilaterale dhe paqe e siguri në rajon”, thuhet në komunikatë./Gazeta Express

Komunikata e plotë:

Qeveria në detyrë e Republikës së Kosovës e vlerëson Deklaratën e Përbashkët nga i dërguari i posaçëm presidencial, Richard Grenell, përfaqësuesi i posaçëm për Ballkanin Perëndimor, Mattheë Palmer, dhe ambasadori amerikan, Philip Kosnett, si rikonfirmim se Shtetet e Bashkuara të Amerikës do të vazhdojnë të jenë pranë popullit të Kosovës, dhe se ato mbështesin angazhimin e institucioneve tona shëndetësore për tejkalimin e situatës me COVID-19. Në të njëjtën kohë, thirrjet e tyre për t’u respektuar Kushtetuta, çmohen po aq lart.

Mbi çështjen e tarifës, me vendimin e Qeverisë së datës 20.03.2020 kemi bërë një hap të rëndësishëm duke liruar nga tarifa 100% produktet e lëndës së parë të cilat importohen nga Serbia dhe Bosnjë-Hercegovina.

Për Qeverinë në detyrë të Republikës së Kosovës është tejet i rëndësishëm fakti se në Deklaratën e Përbashkët thuhet se nuk ekziston një plan i fshehtë për ripërcaktim kufijsh dhe se i dërguari i posaçëm presidencial, Richard Grenell, nuk e ka parë dhe as diskutuar një plan të tillë.

Kjo paraqet një mbështetje dhe inkurajim për Qeverinë në detyrë. Por, për ne thirrjet e vazhdueshme të Presidentëve Thaçi dhe Vuçiq (korrigjim kufijsh me kompromis të dhimbshëm, veriu si dhuratë e Rankoviqit, razgraničenje, etj.) vazhdojnë të jenë kërcënim, dhe që nga gushti i vitit 2018, ato janë përsëritur nga dy presidentët të cilët kanë vendosur lidhje të shkurtër me njëri-tjetrin pa ndërmjetësim ndërkombëtar.

Dialogu në mes të Kosovës dhe Serbisë duhet të udhëhiqet nga Qeveria, përkatësisht Kryeministri i Republikës së Kosovës, sipas parimeve kushtetuese të Republikës së Kosovës. Dialogu duhet të rifillojë i përgatitur mirë, të ketë qëllim njohjen e ndërsjelltë si dy shtete sovrane dhe me integritet territorial, për marrëveshje të qëndrueshme si garant për normalizim të marrëdhënieve bilaterale dhe paqe e siguri në rajon.​

Presidenti i Kosovës, Hashim Thaçi ka takuar të premten ambasadorin amerikan në Prishtinë, Philip Kosnett në një takim të mbyllur, në të cilin është thënë të ketë pasur “shkëmbim të hapur pikëpamjesh”.

Në një komunikatë për media është thënë se të dy zyrtarët kanë diskutuar mocionin e mobesimit për rrëzim të Qeverisë, të mbajtur të mërkurën.

“Presidenti Thaçi dhe ambasadori Kosnett janë pajtuar që procedurat e mëtutjeshme për formimin e një qeverie të re duhen bazuar plotësisht në Kushtetutën e Kosovës, duke njohur rolin vital të Gjykatës Kushtetuese në këtë proces”, është thënë mes tjerash në komunikatë.

Përveç çështjeve politike, përgjatë takimit është thënë të jenë respektuar përpjekjet e institucioneve të Kosovës për luftim të koronavirusit të ri.

Aktualisht në Kosovë është raportuar për 86 persona të infektuar me Covid-19, sëmundje që shkakton koronavirusi i ri.

Deri tani një pacient ka vdekur me koronavirus në këtë shtet.

Përpara rrëzimit, Qeveria ka shpallur gjendje emergjente për shëndetin publik.

Ajo po ashtu ka marrë vendim edhe për kufizim të lëvizjes brenda disa orëve në ditë, masë me të cilën nuk është pajtuar presidenti i Kosovës, Hashim Thaçi, i cili ka kërkuar interpretim kushtetues të këtij vendimi.

Qeveria e Kosovës është rrëzuar të mërkurën me 82 vota për 32 kundër dhe një abstenim. rel

Mediat gjermanishtfolëse i kushtojnë vëmendje krizës politike në Kosovë e rrëzimit të qeverisë pas mocionit të mosbesimit. Thuhet se që me krijimin e qeverisë shpërtheu një luftë e ashpër pushteti mes Thaçit e Kurtit.

Gazeta “Neue Zürcher Zeitung” në një artikull me titull “Rrëzohet qeveria e Kosovës – SHBA marrin situatën në dorë” nënvizon se që të rrëzohet një qeveri në mesin e krizës së coronës, konsiderohet edhe në Ballkan si veprim i marrë. “Motivi që doli në krye ishte një grindje për menaxhimin e duhur të krizës së Coronës. Kreu i qeverisë, Kurti refuzoi të shpallë gjendjen e jashtëzakonshme, si e kërkonte presidenti Thaçi. Por realisht që me krijimin e qeverisë ka shpërthyer një luftë e ashpër pushteti mes të dyve, që e pengon edhe më shumë aftësinë vepruese të shtetit të brishtë në një situatë krize.”

“Neue Zürcher Zeitung” thekson armiqësinë mes Thaçit e Kurtit që nga fundi i luftës për pavarësi në vitin 1999. Por kjo luftë për pushtet ka edhe një dimension ndërkombëtar, analizon gazeta zvicerane. “Këtu bëhet fjalë për zgjidhjen e çështjes së Kosovës, që edhe 20 vite pas luftës ende përmban potencial të madh konflikti. Po kaq gjatë kanë qenë të një mendimi edhe SHBA e Europa në çështjet kryesore.[…] Parë më me hollësi ka qenë Uashingtoni, ai që ka ecur përpara në politikën e Kosovës. Dhe europianët i kanë shkuan pas mbas një farë kohe. A është edhe tani ky rast?…Thaçi mbështetet nga i ngarkuari i posaçëm i Shtëpisë së Bardhë dhe i afërt me Trumpin, Richard Grenell. Ambasadori amerikan u shpreh i gëzuar për zhvillimin e mocionit të mosbesimit të mërkurën.[…]Nga ana tjetër kemi BE-në që me shumicë është e mendimit, që qeveria e Kurtit duhej të vazhdonte punën.”

Kurse gazeta gjermane “taz” -“Die Tageszeitung” në një artikull me titull “Kosova sërish pa qeveri” thekson se vërtet ndodhi. Qeveria e Albin Kurtit u rrëzua, e me këtë dështoi një eksperiment, me të cilin do duhej të ndërmerreshin shumë projekte për reforma. Taz e sheh arsyen e rrëzimit të qeverisë tek presioni i madh i qeverisë amerikane për një marrëveshje mes Serbisë dhe Kosovës. “Kosova duhej të hiqte tarifat 100% të doganave. Këtu Kurti do të bënte lëshime. Por në sfond bëhet fjalë për një shkëmbim territoresh me Serbinë mbi bazën etnike. Këtë e refuzon Kurti dhe një masë e madhe e opinionit në Kosovë. Presidenti Trump kërkon në vitin zgjedhor, pas një serie dështimesh në politikën e jashtme, të paktën në Europë një sukses në politikën e jashtme. Një vendim paqeje mes Serbisë dhe Kosovës mund t’i nevojitej Trumpit.”

Kurse të enjten (26.03) ishte gazeta gjermane “Frankfurter Allgemeine Zeitung” që i kushtoi vëmendje zhvillimeve në Kosovë. “Formalisht pretekstin për mocionin e mosbesimit e ofroi një grindje për mënyrën e veprimit në krizën e Coronës. Presidenti Hashim Thaçi doli si forca nxitëse.[…]Thaçi mbështetet nga Richard Grenell, ambasadori amerikan në Gjermani, që u zgjodh edhe i dërguar i posaçëm për Serbinë dhe kosovën. Grenell kërkon prej javësh që Kosova të heqë tarifat e doganave pa kushte.[…]Kurti ishte kundër kësaj, Kosova mund t’i heqë doganat, nëse edhe Serbia heq barrierat e saj tregtare. Kjo bëri që të ashpërsohej toni mes Shtëpisë së Bardhë dhe qeverisë kosovare. Donald Trump Junior kërcënoi me atë që amerikanët mund të mbyllin edhe kampin Bondsteel, bazën e tyre ushtarake në Kosovë.”/DW

Deputeti i Lëvizjes Vetëvendosje, Mefail Bajqinovci, ka deklaruar se kreu në detyrë i Qeverisë, Albin Kurti, nuk tha se amerikanët kanë një plan sekret që përfshijnë shkëmbimin e territoreve, raporton Gazeta Express.

Bajqinovci ka deklaruar se Kurti dhe Vetëvendosje kurrë nuk do të mund të paraqiten si antiamerikanë.

“Albini e asnjë deputet i LVV nuk ka thënë se Grenell apo dikush nga administrata e SHBA ka plan sekret. Kemi thënë se ka plan e marrëveshje jo transparente, pra sekrete ndërmjet dy presidentëve Thaçi-Vuçiç”, ka shtuar ai.

Deputeti i Vetëvendosjes ka shkruar se kreu i LDK-së, Isa Mustafa, s’do të duhej më të provonte ta fshehë faktin se e ka shkrirë LDK-në te presidenti Hashim Thaçi. /GazetaExpress/

 Deputetet e Kuvendit tw Kosovës në orët e vona dhë të liga për Kosovën e turpëruan dhë lënduan rëndë tempullin e demokracisë dhe të lirisë.E përdhosën votën e sovranit në kohë kolere. E përdhosën votën e lirë për interesa meskine, për interesa përsonale , për interesa të atyre që moti e kan shitur shpirtin . E keni kthyer per nje moment te keqen e madhe qe menduam të gjithë qe e lame mbrapa, qe Kosova mos te shkaterrohet perfundimisht.Grusht te rend i keni dhene ju deputete me maska te koronavirusit, por krejte të zhveshur nga turpi që nuk ua lanë as deti.Ju jeni do hiqa e kurkusha , do gjysem analfabet e matrapazë politike ,qe për ju Kosova dhe kombi nuk paraqesin asgje hiq.Jeni mësuar me vjedhë dhe plaqkite popullin tuaj, dhe e rrëzuat qeverine e shpreses per ti vazhduar avazet antiKosove aty ku I keni lënë .E futët vendin në krizë tjetër institucionale dhe ekonomike, e prut vendin buzë zhbërjës.

Jeni mesuar qe të vjedhni gjithëqka para veti, nuk keni faj! Kurti nuk ua lejojë këte .Nuk është këtu në pyetje Amerika dhe as taksa , por është në pyetje kthimi i juve qe e keni humbur pushtetin më vote, për ti vazhduar mariftetet e pista, edhe për ti shitur sërish territoret shqiptare , e tash Serbise. Dhe, këtë edhe mund ta bëni po qe nuk do tju funksionon gjate ,se populli është sovrani, nuk do ta lejon që të humben aq shume territore të vendit dhe ato me kryesoret ,për pushtet dhe për ta shpëtuar bythen nga Gjykata Speciale . Kjo seancë do të mbetet si tubimi me i turpshem ne historine e nje shteti , kur njerëzit po vdesin e ju nuk e latë pa e mbajtur tubimin antiKosovë .

Ju po kamumfloheni prapa takse , e shkarkimit te Veliut, thua se ky fare veliu na qenka Kosova! Ju qe po veproni ne një situate të tillë jeni argatet e djalllit, ju nuk jeni zëri i popullit . Kurti e ka te drejten dhe popullin mbrapa veti.E shkarkuat si hijenat e natës vonë , por kurrë nuk keni mundesi ta rrezoni zërin e arsyues qytetare, i cili pas kalimit te Koronavirusit do tua kthej përgjigjen e merituar me voten e lire.Në menyrë tinzare e hileqare e frikacake e shfrytëzuat epideminë , që mos të kan mundësi qytetarët ti mbushin sheshet në përkrahje të qeverisë së shpresës , të cilën jua morët serish, por mos mendoni për shumë gjatë .Kalon edhe kjo fortunë të cilën e prodhuat , dhe do të ndesheni më votën e sovranit e cila përfundimisht ka më ju qitë përtoke dhe ka më ju gjuajtur në bërllogun e historisë . Atje edhe e keni vendin.Ju do te zbritni nga skena politike të cilën e turpëruat aq gjate, për të mos u kthyer kurre më në pushtet…Albini e Vjosa e humbën betejën nga Ata qe nuk kan legjitimitet , por do të fitojnë luftën…?!

Donika Gërvalla i ka dalë në krah Vjosa Osmanit, në lidhje me atë që po ndodh në politikën kosovare.

Gërvalla shkruan se zonja Osmani po drejton një politikë parimore, duke shtuar se iu ka qëndruar vlerave, pavarësisht presioneve që ka pasur.

“Nëse ka një politikan të vetëm në Kosovë, i cili iu ka qëndruar konsistent qëndrimeve të tij parimore dhe të drejta, me gjithë presionin e pamasë, ai e ka emrin Vjosa Osmani”, nënvizon Gërvalla.

Dje, në Kuvendin e Kosovës u votua nocioni i mos-besimit ndaj qeverisë së Kurtit, duke rrëzuar qeverinë e tij.

Albin Kurti ka shkruar një natë pasi u rrëzua nga pushteti që e mbajti për 50 ditë. Kurti nis shkrimin e tij duke thënë se “ishte rënie e domosdoshme për ngritjen e nevojshme”.

Kryeministri në detyrë, Albin Kurti, i rrëzuar me 82 vota pro, shkruan se “ne do të fitojmë” dhe “e ardhmja është e jona”.

Ai thotë se kuptimi i mosbesimit ishte porosia e emisarit të SHBA’së për dialogun Kosovë – Serbi, Richard Grenell. Sipas kryeministrit në detyrë, me votimin dje, u kuptua se 80 deputetë janë të gatshëm për një marrëveshje për shkëmbim të territorit të Kosovës, që Kurti beson se është arritur mes Presidentit të Kosovës dhe të Serbisë.

Shkrimi i plotë:

Ishte kjo një rënie e domosdoshme për ngritjen e nevojshme. Pa rënë qeveria si përbërje nuk bëhet dot qeverisja si përmbajtje. Jo se e kemi ditur, gjithsesi e morëm vesh.

Mbledhja e djeshme e kuvendit do të ishte mirë të mbahej mend gjatë. Mirëpo, nuk do të ndodhë kështu, sepse ne do të fitojmë. Pra, e ardhmja është e jona, ndërkohë që do ta humbim një tragjedi.

Ky kuvend nuk e beson këtë qeveri sepse i nënshtrohet qeverisë si të tillë. Qeveria jonë nuk e beson këtë kuvend sepse e dashuron kuvendin si të tillë.

Saktë e kishte thënë mbrëmë Prof. Enver Hasani: mosbesimi ishte koniunktural. Kur përfaqësimi demokratik bie në koniukturë politike, tjetërsimi bëhet normë.

Qëllimi i mosbesimit nuk ishte rrëzimi i qeverisë sa dobësimi i qeverisjes. Ndërkaq kuptimi i mosbesimit ishte porosia ambasadorit Grenell: në Kosovë janë mbi 80 deputetë të gatshëm të rrezikojnë edhe jetët e qytetarëve vetëm që të kalojë shkëmbimi presidencial.

Do të vazhdojmë si qeveri në detyrë. Jemi qeveri me detyra dhe jo qeveri e detyruar.

Para së gjithash, duhet ta luftojmë bashkë pandeminë Covid-19. Mbi të gjitha, le t’i rrimë popullit afër se Kosova është shtëpia jonë.