Kush kriminelit ia shtrin dorën e pajtimit,
Mbi te do te bjerë mallkimi i historisë.

Presidentit të Kosovës Hashim Thaçit kur nuk i pretë sakica ne një vend. Ësht shumë zor me ja qellu se kur ky njeri fletë përnjëmend e kur e kur jo.Ky njeri ç’pres se është instalu ne pushtet kurr nuk e ka folë te vertetën,është një mashtrues ordiner, herë thotë se do te kemi kompromise te dhemshme me Serbin së do te ndajmë dhe coptojm Kosovën e çka mos tjetrë,kur pas nje jave e thotë te kundërtën.

Ky njeri i shkonë për vijë vetem interesave të tij personale dhe jo gjithaq atyre shteterore.Kjo shifet nga se ky njeri e ka bërë rremujë jetën politike ne Kosovë nga te gjitha anët si mbenda poashtu edhe jashtë vendit.

Për ta vertetuar jo sinqeritetin e tij kur foli për masakrën në Studime të Vushtrisë ku u vranë dhe masakruan mbi 116 civil te pafajshëm.Është cinike,skandaloze dhe shumë e turpshme.

Për këto krime dhe shumë të tjera në Kosovë Thaçi po ua le fajin ndërkombëtarve se pse po heshtin për krimrt në Kosovë sikur qe te ishte amnisti nga ana e tyre për krimet e kryra.Dhe ai më pastaj vazhdon se na kurr nuk do te ndalemi për te kërkuar drejtësi,dhe se amnistia nuk do te jetë opcioni i jonë.Nuk mund te këtë paq dhe pajtim dhe pajtim pa drejtesi ne Kosovë.

Kjo është njera anë,ajo jo e sakëta,kurse ana tjetër e sakëta është sepse Presidenti i Kosovës nuk ka të drejtë ti akuzon nderkombëtarët se pse po heshtin ndaj krimeve te Serbisë nëKosovë.Ky ka harruar se ndërkombëtarët e kanë mbaruar punën e tyre kur u bënë forca kryesore për çirimin e Kosovës.kurse tjerat duhet ti kryejn vetë oragnet shtetoreor te vendit.

Serbin për krimet,masakrat dhe gjenocidin e bamë në Kosovë nuk mund ta padisin ndëkombëtarët,kjo është punë e organeve shtetërore te Kosovës.Shteti I Kosovës qe 20 vjetë pas luftës nuk ka ndërmarr asgje që ta gjunjezoi Serbin për krimet,dhunimet dhe gjenocidin ne Kosovë,sepse asnje organ,asnje pushtetar zyrtarisht nuk ka leviz në këtë drejtim.

Bile aq më këq edhe vetë Presidenti Hashim Thaçi i cili ka vra dhe këthjellë qe 20 vjetë dhe për shtatë vjet dialog me Serbinë, asnjë here nuk pati kurajën,trimnin,apo nuk deshti,bile te ia përmend Serbisë për te bamët e sajë në Kosovë,as kërkim falje nuk kërkoi,as qe e paditi Serbin për krimet e luftës as qe e paditi Din Martin për akuzat kriminel ndaj tij,qe do te thotë se vetë Presidenti i pari po shekë mbi vikitmat mbi gjakun e heronjeve dhe deshmorve tanë i cili e ka gojën plotë se duhet pajtim pakurrfar kushtesh me Serbin që ajo te na njefë,bile hapatas duke kërkuar pajtim me Serbin.Për atë qe dine shqip pajtimi do te thotë edhe amnisti.
Për të vertetuar këtë të dhanë se sa Hashim Thaçi është i pasenqertë kur fletë për amnistin,pse ai nuk i reagoi fare telallit të tij Baton Haxhi-Stanishiqit kur para do ditësh haptas në ne tvT7 tha se me Serbin duhet te kemi amnisti sepse zor është te denohen personat qe kanë kryer krime në Kosovë pas 20 vjetesh.Por sikur ky haram njeri nuk e kupton se krimet e luftës nuk kryhën kurr,sikur nuk e kupton se nazistët qe bane krime gjatë luftës së II boterore edhe sote e kësaj dite kërkohën nëpër botë për tu sjellë paradrejtësi,ka pas raste te tilla kur janë arrestuar dhe denuar disa të tillë.

Është veshtirë te vertetohet,por është e mundshme,se a qendron Thaçi pas këtyre deklataratve te Baton Haxhi-Stanishiqit,pse ai hështë në këtë rast,kur krejtë qartët kur dikush tjetër e leshon njdinjë gaf te paqellimte.

Pra,nuk janë fajtor ndërkombetarët por jemi fator vetë ne sepse nuk e ndjekim Serbin për krimet e luftës,fajtor jemi vetë në se pse heshtim,por edhe me tragjike është së pse dhe a guxojm te heshtim,por na po heshtim.Kjo është e turpshme,këtë nuk e përbijnë,nuk e falë populli dhe shumë gjenarat qe vijnë pas nesh,sepse askush,kushdo çoftë nuk ka te drejtë ti falë asgje Serbisë,nuk ka të drejtë të pajtohet e as te amnistoj Serbin për krimet,masakrat dhe gjenocidin në Kosovë.

Profesori i Juridikut, një ndër hartuesit e kushtetutës së Kosovës, Arsim Bajrami, ka komentuar vendimin e Gjykatës Kushtetuese për pezullimin e dekretit të presidentit të Kosovës, Hashim Thaçi për Avdullah Hotin si mandatar për kryeministër.

Bajrami ka thënë se vendimi i Gjykatës Kushtetuese ka qenë vendimi i duhur dhe ka bërë që partitë e Kosovës të ndalen së shkeluri kushtetutën.

“Duhet të respektojmë vendimin e Gjykatës Kushtetuese dhe cilido vendim i kësaj gjykate duhet të merret menjëherë në zbatim, nuk i lejohet askujt që të marrë asnjë veprim që nuk është në pajtueshmëri të plotë më vendimet e Gjykatës Kushtetuese. Ka qenë shumë akt pozitiv vendosja e masës së përkohshme sepse një masë e tillë ka parandalu devijimet kushtetuese apo gabimet apo thyerjet të mëtejshme të Kushtetutës dhe ju ka dhënë kohë partive politike qe të ulin gjakrat dhe të bëjnë një lloj abstenimi nga thyerja e Kushtetutës”, ka thënë ai për infokusi.

Ai ka thënë që pret që Gjykata Kushtetuese të vendos për zgjedhje sepse sipas tij gjithmonë sovrani është ai që zgjedhë dhe gjithçka varet nga populli.

Çdo zgjidhje tjetër sipas Bajramit do ta fuste vendin në krizë.

“Unë pres që Gjykata t’i japë një epilog kësaj pune. E kujtojmë rastin pothuajse të njëjtë të vitit 2014 për VLAN-in, por unë edhe atëherë isha i bindur se çfarëdo verdikti kundër vullnetit të popullit do ta fuste Kosovën në një krizë të thellë politike”, ka thënë ai.

Me 22 të vdekur deri tash, Kosova është vendi i katërt në Evropë sa i përket raportit me të vdekur për 100 mijë banorë.

Sipas të dhënave nga Universiteti Johns Hopkins, në Kosovë deri tash në 100 mijë banorë janë shënuar 0.65 vdekje. Vetëm tri vende të tjera në Evropë kanë raport më të mirë se Kosova në këtë përllogaritje. Ato janë Letonia me bilanc prej vetëm 0.25 të vdekur për 100 mijë banorë, Sllovakia me 0.4 e Ukraina me 0.56. Në këtë përllogaritje, në Shqipëri në 100 mijë banorë janë shënuar 1.05 vdekje, Mal të Zi 1.12, Kroaci 1.64 e Serbi 1.79, ndërsa në Maqedoninë e Veriut janë shënuar 3.5 vdekje në 100 mijë banorë.

Fotografia e hartës së Evropës, e postuar nga mediat spanjolle, tregon se në Evropë Spanja është vendi me raportin më të keq me gati 52 persona të vdekur për 100 mijë banorë.

Krahas këtyre të dhënave, zëdhënësi i Ministrisë së Shëndetësisë në Kosovë, Faik Hoti, ka publikuar raportin edhe për të infektuar dhe të vdekur në një milion banorë në rajon.

Sipas grafikës së tij, në Kosovë janë Shqipëria e Mali i Zi në raport më të ulët në krahasim me Kosovën sa i përket të vdekurve për një milion banorë. Teksa në Kosovë 12 persona në një milion banorë kanë vdekur nga koronavirusi, në Mal të Zi e Shqipëri janë nga 11 të vdekur për një milion banorë.

Në total, në Kosovë janë këto të dhëna deri tash: 823 të infektuar, 22 vdekje e 336 të shëruar.

Një person është arrestuar nga ana e Policisë së Kosovës pasi që i njëjti po dyshohet se ka kërcënuar me jetë familjen e ish-ministrit të Jashtëm, Behgjet Pacollit. Lajmi u bë i ditur nga këshilltari i Pacollit, Naim Murseli.Sipas Murselit, personi i arrestuar ka kërcënuar se do t’i djegë fëmijët e Pacollit, shkruan Gazeta Express.

Sipas Mureselit, personi i arrestuar mbrëmë ka kërkuar edhe para nga Pacolli.

“Personi i arrestuar në orët e vona mbrëmë, me incialet E.H, i cili kërcënoi z. Pacolli dhe fëmijët e tij i ka kërkuar gjithashtu para. Personi ka pretenduar të jetë edhe prokuror i Kosovës. Ai ka kërcënuar po ashtu me arrestim të z. Pacolli. E.H ka kërkuar në internet shkollën e fëmijëve, e cila është shkollë publike, të z. Pacolli dhe ka kërcënuar atë se do t’i rrëmbejë dhe do t’i djeg ata për së gjalli. Z. Pacolli është shumë i tronditur dhe i mërzitur emocionalisht nga kërcënimët e bëra”, ka shkruar Murseli.

E Behgjet Pacolli ka qenë cak i sulmeve publike pas përplasjeve që ka pasur me zyrtarët e Vetëvendosjes, të cilët kanë kërcënuar me arrestim nëse del nga shtëpia shkaku i kthimit të tij nga Zvicra, pasi sipas rregullave në Kosovë secili i kthyer duhet të qëndrojë dy javë i izoluar si pasojë e pandemisë.

Pacolli kishte alarmuar se ka mundur t’i bëhet edhe sulm kur ishte kthyer nga Zvicra në Aeroportin e Prishtinës.

Ambasada amerikane në Prishtinë ka thënë se vendimi i së premtes i Gjykatës Kushtetuese, për të lënë më shumë hapësirë për shqyrtim, tregon se sundimi i ligjit po funksionon në Kosovë.

Gjykata Kushtetuese ka vendosur më 1 maj në favor të kërkesës së Lëvizjes Vetëvendosje për të pezulluar zbatimin e dekretit të presidentit të Kosovës Hashim Thaçi deri më 29 maj, i cili i mundësonte kandidatit të Lidhjes Demokratike të Kosovës, Avdullah Hotit, të formonte qeverinë e re.

“Ne po ashtu mirëpresim thirrjet e liderëve politikë dhe atyre institucionalë që të respektohet Gjykata dhe proceset që lidhen me të”, është thënë mes tjerash në një postim të kësaj ambasade në rrjetin social, Twitter.

Presidenti i Kosovës, Hashim Thaçi ka thënë se do ta respektojë vendimin e marrë nga kjo Gjykatë, derisa Qeveria në detyrë e Kosovës, ka thënë se vlerëson vendimin e këtij institucioni por “ky pezullim nuk e prejudikon vendimin përfundimtar të Gjykatës”.

Lidhja Demokratike e Kosovës po ashtu ka thënë se do ta respektojë këtë vendim ndonëse ka theksuar se është e vendosur në përputhshmëri të plotë me normën kushtetuese, të krijojë qeverinë e re.

Më 30 prill, Thaçi ka njoftuar se ka dekretuar kandidatin e Lidhjes Demokratike të Kosovës, Avdullah Hotin, për postin e kryeministrit të Kosovës.

Menjëherë pas kësaj, Lëvizja Vetëvendosje i është drejtuar Gjykatës Kushtetuese, duke kërkuar vlerësimin e kushtetutshmërisë së vendimit të Thaçit dhe duke kërkuar vendosjen e masës së përkohshme për pezullimin e zbatimit të dekretit.

Lidhja Demokratike e Kosovës ka kërkuar një ditë më parë nga Kryesia e Kuvendit të Kosovës që të organizojë seancë të jashtëzakonshme më 2 maj për formim të qeverisë së re, mirëpo pas vendimit të Gjykatës Kushtetuese, Qeveria në detyrë do të vazhdojë punën, deri në vendimin e ardhshëm. rel

Gjatë ditës së djeshme, përderisa partitë politike të etshme për pushtet e prisnin verdiktin e Gjykatës Kushtetuese, nga pika kufitare në Merdare e deri në Pejë qarkulluan të papenguar nga askush dy kamion nga Serbia me foto gjigante të Putinit të Karagjiqit, për t’na përkujtuar dhimbjet shpirtërore dhe dështimet 20 vjeçare të politikës kosovare.

Është mirë që kushtetuesja veprojë me urgjencë në shmangien e konfliktit dhe trazirave politike në vendin tonë

Gjykata Kushtetuese, pa paragjykim ndaj ligjshmërisë së presidentit Thaçi për dekretim të z. Avdullah Hoti si kandidat për kryeministër dhe kërkesës së LVV-së për anulimin e dekretit të presidentit, gjegjësisht pranueshmërisë ose jo të dekretit e vendosi me shumicë votash për pezullim të përkohshëm zbatimit të dekretit të presidentit.
Pa dashur të prejudikoi verdiktin final të Gjykatës Kushtetuese, vendimi i djeshëm i kushtetueses është i vendim i arsyeshëm, i giximshëm dhe i drejtë për shtensionimin e situatës konfliktuoze në vend dhe gjetjen e zgjidhjes më optimale për dalje nga kriza institucionale që është futur vendi pas shkarkimit të ligjshëm të ‘Qeverisë Kurti’ në Kuvendin e Kosovës.
Masa për pezullim të përkohshëm të dekretit të presidentit nuk e prejudikon vendimin final të Gjykatës Kushtetuese dhe as vazhdimin e “Status Quos” me qeveri të shkarkuar.
Kjo masë e përkohshme e Gjykatës Kushtetuese është një mundësi e mirë për kryeministrin e shkarkuar Albin Kurti, që të pranojë me gjakëftohësi vendimin final të kushtetueses dhe jo vetëm.

Vendimi i kushtetuese të shërbejë ulje tensionesh politike

Në ndërkohë, ky vendim i përkohshëm i kushtetueses duhet t’iu shërbej të gjitha forcave politike në vend për zbutjen e gjuhës politike, t’i ulin tensionet në elektoratet e tyre dhe ta pranojnë me qetësi verdiktin final të Gjykatës Kushtetuese, i cili nuk do të thotë se do të zgjatë deri me 29 maj, madje mund të ndodhë që në javën e parë.
Me vendimin e djeshëm, Gjykata Kushtetuese u vërtetua se është organ i pavarur juridik dhe gardian besnik i kushtetutës së vendit.
Vendimin e përkohshëm të kushtetueses në asnjë rrethanë dhe nga askush nuk duhet kuptuar si zgjidhje finale, por vetëm si vendim që për qëllim ka shmangien e konfliktit politik.
Pezullimi i përkohshëm i dekretit të presidentit nga ana e Gjykatës Speciale duhet të shërbejë si ndërgjegjësim për të gjitha forcat politike që ta respektojnë ligjshmërinë dhe aktet juridike në vendin tonë.
Pas vendimit të djeshëm të Gjykatës Kushtetuese për pezullim të dekretit të presidentit, u vërejtën edhe lëvizjet e para të partive politike.
Lëvizja e PDK-së nga pozicioni i mos shkuarjes për shkuarje në zgjedhje dhe gatishmëria e LVV-së për shlyerje të vijave të kuqe, lenë të kuptohet për përafrim të këtyre dy subjekteve politike.
Përafrimi qëndrimeve të PDK-së me LVV-në për shkuarje në zgjedhje i krijon mundësinë Albin Kurtit që të ndjehet më komod në kërkesën për zgjedhje të jashtëzakonshme.

Siq shihet, përfundimisht edhe Albin Kurti e ka kuptuar, se pas shkarkimit më 25 mars 2020, as kushtetuesja nuk mund ta mbajë në pushtet me 29 apo 30 deputet në Kuvendin e Republikës së Kosovës.
Ajo që është e sigurtë deri në verdiktin final të kushteueses, është mbajtja në “Stand By” e ‘Qeverisë Hoti’, e cila edhe ashtu ishte e paformuluar qartë, se a do të jetë koalicion LAN apo LANA me listën serbe.

Lëvizja Vetëvendosje sot ka mbajtur mbledhje me qendrat e këtij subjekti. Kryetari i LVV-së, Albin Kurti gjatë kësaj mbledhje foli mbi prioritetin e punës së tij për menaxhimin e pandemisë COVID-19.

Duke folur mbi zhvillimet e fundit, sa i përket përpjekjeve antikushtetuese, jolegjitime dhe ilegale të ‘klubit të stërvjetëruar politik’, Kurti tha se qeverinë e re të synuar nuk e përkrah as Vjosa Osmani e disa deputetë të tjerë.

“Pas LVV, tash edhe PDK u shpreh për zgjedhje të reja në Kosovë. Dihet se qeverinë e re të synuar nga Presidenti nuk e përkrah as Kryeparlamentarja si dhe disa deputetë të tjerë. Ky është një argument shtesë që veçse në zgjedhje duhet të shkojmë. Ndërkohë, masat ndaj pandemisë COVID-19 po zbuten ca. Neve si LVV do të na konvenonte e diela e 14 qershorit 2020 për zgjedhje, sepse tubimin e madh përmbyllës do ta mbanim të premten me 12 qershor, pra duke e festuar njëkohësisht 15 vjetorin e themelimit të Vetëvendosjes”, tha Kurti.

Njoftimi i plotë i LVV-së:

Sot u mbajt mbledhja me qendrat e Lëvizjes VETËVENDOSJE!, në të cilën morën pjesë kryetari i Lëvizjes, z. Albin Kurti, njëherit edhe kryeministër, sekretarja organizative, znj. Vlora Haxhimehmedi dhe koordinatori i qendrave, z. Valon Hoti.

Kryeministri Kurti nga zyret e Lëvizjes foli mbi prioritetin e punës së tij gjatë kësaj kohe, që është ai i menaxhimit me pandeminë COVID-19. Masat e reja të ndërmarra kanë pasur efektin e tyre çka ka ndikuar në uljen e trendit të të infektuarve e rritjen e numrit të të shëruarve. Me masat e qeverisë e këshillat e profesionistëve shëndetësor, por edhe me më të rëndësishmen displinën e bashkëpunimin qytetar shumë shpejt do ta mposhtim virusin.

Në mbledhje u theksuan edhe punët të tjera duke filluar nga çlirimi i bordeve e menaxhmenteve të ndërmarrjeve publike deri te denoncimi i gjetjeve të shumta që kanë ngulfatur këto ndërmarrje nga njerëz të pushtetit të vjetër.

Duke folur mbi zhvillimet e fundit, sa i përket përpjekjeve antikushtetuese, jolegjitime dhe ilegale të Klubit të Stërvjetëruar Politik, kryeministri Kurti potencoi:

“Pas LVV, tash edhe PDK u shpreh për zgjedhje të reja në Kosovë. Dihet se qeverinë e re të synuar nga Presidenti nuk e përkrah as Kryeparlamentarja si dhe disa deputetë të tjerë. Ky është një argument shtesë që veçse në zgjedhje duhet të shkojmë. Ndërkohë, masat ndaj pandemisë COVID-19 po zbuten ca. Neve si LVV do të na konvenonte e diela e 14 qershorit 2020 për zgjedhje, sepse tubimin e madh përmbyllës do ta mbanim të premten me 12 qershor, pra duke e festuar njëkohësisht 15 vjetorin e themelimit të VETËVENDOSJE!-s”.

Pas pikës politike, mbledhja vazhdoi me çështjet organizative dhe formën se si do të kryej veprimin e saj organizata jonë në këtë kohë pandemie. Zyret tona janë hapur sërish, puna dhe aktivitetet intensifikohen.

Kryeministri në detyrë i Kosovës, Albin Kurti, më 1 maj, ka dërguar kërkesë për opinion në Komisionin e Venedikut, lidhur me kompetencat e Presidentit të Kosovës në shpërndarjen e Kuvendit dhe në kompetencat e tij për propozimin e mandatarit për Kryeministër të vendit, pas mocionit të suksesshëm të mosbesimit, njofton Zyra e Kryeministrit të Kosovës.

“Në linjë me situatën e krijuar në Kosovë, një opinion nga Komisioni i Venedikut do të shërbente në forcimin e demokracisë dhe të së drejtës kushtetuese. Gjithashtu, një vlerësim nga Komisioni do të kishte vlerë substanciale jo vetëm për Kosovën, por gjithashtu në mënyrë më të përgjithshme edhe për praktikën kushtetuese në të gjitha shtetet anëtare në Komision”, thuhet në komunikatën për medie të Zyrës së Kryeministrit të Kosovës.

Kjo është hera e parë që Kosova dërgon kërkesë për opinion në Komisionin e Venedikut, në lidhje me raportin e institucioneve kushtetuese dhe kompetencat e tyre.

Më 30 prill, presidenti i Kosovës, Hashim Thaçi ka dekretuar kandidatin e Lidhjes Demokratike të Kosovës, Avdullah Hoti, për pozitën e kryeministrit të ardhshëm të Kosovës. Po të njëjtën ditë, Lëvizja Vetëvendosje i është drejtuar Gjykatës Kushtetuese me pretendimin se presidenti ka marrë një vendim kundër-kushtetues.

Më 1 maj, Gjykata Kushtetuese në Kosovë ka vendosur në favor të kërkesës së Lëvizjes Vetëvendosje për të pezulluar zbatimin e dekretit të presidentit Hashim Thaçi deri më 29 maj, derisa të shqyrtojë lëndën e dërguar nga kjo parti, lidhur me kushtetutshmërinë e vendimit të presidentit. rel

Ambasadori britanik në Kosovë, Nicholas Abbott i bën thirrje klasës politike në vend që të respektojnë Kushtetutën, teksa ndodhen në momentet e krijimit të qeverisë së re. Përmes një postimi në Facebook, diplomati amerikan thekson se vendimet e Gjykatës Kushtetuese duhet të respektohen nga të gjithë.
“Kjo përfshin rolin e Gjykatës Kushtetuese, e cila duhet të jetë të gjendje të veprojë e pavarur, pa frikë dhe favore, lidhur me ligjshmërinë e veprimeve politike të të gjitha institucioneve shtetërore të Kosovës. Vendimet e saj duhet të respektohen nga të gjithë”, tha Abbott.

Reagimi i tij vjen në kohën kur Gjykata Kushtetuese pritet të marrë vendim rreth kërkesës së dërguar nga Lëvizja Vetëvendosje për ligjshmërinë e vendimit të presidentit të Kosovës, Hashim Thaçi për dekretimin e Avdullah Hotit nga Lidhja Demokratike e Kosovës, për formim të qeverisë së re.
Vetëvendosje ka kërkuar nga kjo Gjykatë edhe vendosjen e masës së përkohshme për pezullimin e zbatimit të dekretit.

Njoftimi për dekretimin e Hotit erdhi pasi presidenti Thaçi më 22 prill, konstatoi se Lëvizja Vetëvendosje, si fituese e zgjedhjeve të 6 tetorit, 2019, nuk e kishte shfrytëzuar mundësinë kushtetuese për propozimin e mandatarit, andaj këtë të drejtë ia kaloi LDK-së. Procedurat për formimin e qeverisë së re pasojnë iniciimin e mocionit të mosbesimit nga LDK-ja kundër qeverisë tashmë në detyrë të udhëhequr nga Albin Kurti. Në mesin e arsyeve për ngritjen e mocionit janë përmendur marrëdhëniet që së fundmi ka Kosova me Shtetet e Bashkuara dhe shkarkimi i Agim Veliut nga pozita e Ministrit të Brendshëm.

Për rifreskim të memories së qytetarëve të vendit, po i sjelli disa nga rastet kur presidentit Historik Ibrahim Rugova i është marrë “pushteti” në mënyrë klandestine dhe të pandershme, në kohën kur ai e gëzonte mbështetjen apsolute të qytetarëve të Kosovës.

Hera e parë ishte në Rambujë (Francë), kur Ibrahim Rugovës nga pozicioni i kryetarit të shtetit i mirret primati nga një figurë anonime, siq ishte asokohe, Hashim Thaçi.
Herën e dytë, pas lufte, poashtu formohet e ashtuquajtura ‘Qeveri e Përkohshme’ nga i njëjti person dhe persona të tjerë që sot janë në PDK, LVV dhe partitë tjera.

Por lidershipi i LDK-së dhe lideri shpirtëror i shqiptarëve të Kosovës i tejkaloi me urtësi e gjakëftohtësi, me maturi dhe në mënyrë të kulturuar këto dy situata të rënda, por jo të fundit, për të mirën e Kosovës.

Hera e tretë dhe e katërt, kur LDK-ja nën udhëheqjen e presidentin Rugova si fituese e zgjedhjeve nacionale të pasluftës, përkatësisht në zgjedhjet e vitit 2001 (48 %) dhe 2004 (45 %), nën presionin ndërkombëtar dhe trysninë e brendshme detyorhet që timonin e qeverisë t’ua lë dy partive të dala nga lufta (PDK dhe AAK).

Kjo nuk ishte dobësi, por madhështi që dinë ta bëjnë vetëm burrat e mëdhenjë të kombit për të mirën e shtetit dhe qytetarëve.

Respektimi i shumicës parlamentare, obligim kushtetues

Pas shkarkimit të ‘Qeverisë Kurti” (më 25 mars 2020) është krijuar një shumicë e re parlamentare konformë rregullave parlamentare.
Thirrjet e mëhershme (2014) të Albin Kurtit për respektim të shumicës parlamentare, duhet të vlejnë edhe sot dhe kurdoherë, derisa Kosova ta ketë njëjtin sistem qeverisës.
Nëse Albin Kurti i është referuar republikës parlamentare, gjegjësisht shumicës parlamentare në vitin 2014 për tejkalimin e krizës, duhet t’i referohet dhe respektoj edhe sot kur e ka humbur pushtetin në mënyrë legjitime në Kuvend.
Pavarësisht mënyrës komplotiste të rrëzimit, shkarkimi i qeverisë në Kuvend ishte i ligjshëm dhe në përputhje me rregullat parlamentare. Prandaj Albin Kurti duhet ta merrë me qetësi largimin nga pushteti, duke i nxjerrë mësimet e duhura nga kjo rënje.
Ngritjen e sërishme Albin Kurti duhet të provojë ta bëjë në mënyrë demokratike në Kuvendin e Republikës së Kosovës ose t’i presë zgjedhjet e radhës e jo përmes rrugëve antiligjore, përmes protestave dhe trazirave…
Pra, në situatën e tanishme, LVV-ja pas formimit të qeverisë së re, i ka dy rrugë ligjore; të qënurit opozitë konstruktive në Kuvend deri në fund të mandatit kushtues ose të provojë ta bëjë shumicën parlamentare për ngritjen e mocionit për shkarkim të qeverisë së “re” për quarjen e vendit në zgjedhje të parakohshme.
Çdo tendencë për anashkalim të Kuvendit është shkelje dhe dhunim i demokracisë dhe rendit kushtetues në vendin tonë!

Thirrjet për protesta, nuk e ndihmojnë LVV-në

Nëse vërtetë LVV-ja e mendon seriozisht ngritjen e saj politike, atëherë duhet të shkëputet përfundimisht nga e kaluara e saj e dhunshme, përkatësisht nga praktikat e protestave të dhunshme dhe trazirave politike.
I bëjë thirrje liderit të LVV-së, zotit Kurti, drejtuesve dhe simpatizantëve të këtij subjekti politik, që të tregohen të kujdesshëm në marrjen e vendimeve dhe të jenë të përgjegjshëm në veprime pas formimit të qeverisë së “re”.
Realitetin duhet pranuar ashtu siq është e jo siq e dëshirojmë. Vullneti elektoratit dhe simpatizantëve të LVV-së nuk është vullnet i shumicës së qytetarëve të këtij vendi.
Meqë është kështu, atëherë duhet respektuar vullnetin e shumicës së qytetarëve të përfaqësuar në Kuvendin e Republikës së Kosovës.
Lideri i LVV-së duhet t’i bindet realitetit të krijuar me tërë përgjegjësinë e tij politike. Edhe pse Albin Kurti është lideri më i votuar në zgjedhjet e fundit parlamentare, nuk është i preferuari i të gjithë qytetarëve të vendit, sikurse që LVV-ja nuk është e gjithë Kosova, por vetëm çereku i saj (26 %).
Zërat për dalje në rrugë nuk janë zëra të ndërgjegjës qytetare dhe as kombëtare, por janë zëra kobëzi që kërkojnë shkatërrimin e sistemit politik dhe rrënimin e shtetit të Kosovës
Andaj, Albin Kurti si liderë i partisë më të madhe në vend,e mbanë përgjegjësinë historike në këtë ndërrim pushteti, që pas 51 ditëve të qeverisjes legjitime të largohet me qetësi nga pushteti, të paktën, ashtu siq u largua PDK-ja pas 12 vjetëve të qëndrimit në pushtet.
Albin Kurti duhet t’i ftojë të gjithë simpatizantët e LVV-së për vetëpërmbajtje e durim, qetësi e sjellje qytetarë pas votimit të qeverisë së re në Kuvendin e Republikës së Kosovës.

Protestat nuk e kthejnë LVV-në në qeveri, e ndihmojnë Serbinë

24 orët e fundit të ‘Qeverisë Kurti” dhe 24 orët e para të qeverisë së “re” do të jenë testimi i fundit i Albin Kurtit para qytetarëve të vendit. Na mbetët të shohim në praktikë kohezionin dhe largëpamësinë politike, dashurinë për shtetin dhe qytetarët e Kosovës nga ana e Albin Kurtit!
Albin Kurti si liderë opozitarë i duhet Kosovës më shumë se asnjëherë më parë, për të parandaluar votimin e marrëveshjeve të dëmshme me Serbinë në Kuvendin e Republikës së Kosovës.
Në të kundërtën, me një Kosovë të mbërthyer në trazira, Serbia do ta ketë më lehtë në realizimin e aspiratave të saj hegjemoniste.
Albin Kurti duhet të reflektojë më pozitivisht se asnjëherë më parë, duhet të tregohet i përgjegjshëm dhe i kujdesshëm në veprime, i matur në deklarata dhe në paraqitje publike.
Qasja pragmatike dhe sjellja civilizuese do ta ngrisnin akoma më lartë liderin e LVV-së, në të kundërtën, protestat dhe trazirat do ta ulin imazhin e Kurtit dhe kthenin vendin në anarki, shkatërrim dhe izolim të mëtutjeshëm.
Me gjakëftohtësi dhe në mënyrë të kulturuar Albin Kurti duhet të pranoj verdiktin e shumicës në kuvend dhe të zbatojë në përpikmëri rregullat e lojes demokratike, përkatësisht rregullave të sistemit parlamentar, të cilave ju nënshtrua plotësisht me 3 shkurt të këtij viti.

Albin Kurti, sikurse e pranoj zgjedhjen kryeministër (me 64 vota) dhe shkarkimin (me 82 vota) në mënyrë legjitime në Kuvendin e Republikës së Kosovës, ashtu duhet ta pranoj dhe respektoj edhe vendimin e radhës për formimin e qeverisë së “re”, të paraparë për të shtunën e 2 majit 2020.

Qeveria e Kosovës ka reaguar pas deklaratave të deputetit Behgjet Pacolli se është frikësuar nga ndonjë akt terrorist që të kthehet në Kosovë, raporton Gazeta Express.

Zëdhënësi i qeverisë në detyrë, Përparim Kryeziu ka deklaruar se deputetit Pacolli iu është komunikuar zyrtarisht që duhet të respektojë masat si të gjithë qytetarët.

“Fatkeqësisht, me ose pa vetëdije për peshën e rëndë të fjalëve të veta, thirrjet për respektimin e udhëzimit zyrtar që edhe ai të zbatojë masat në fuqi i intepretoi si frikë të tij për një “akt terroristik nga ana e shtetit” në të. Pra, masat që janë marrë për mbrojtjen e jetës së qytetarëve nga virusi, deputeti Pacolli, njëherësh ish Ministri i Punëve të Jashtme dhe ish Presidenti i Republikës së Kosovës, i interpretoi si mundësi për “akt terroristik nga shteti”. Këto fjalë të rënda, po publikohen në mediat e vendeve që sabotojnë shtetësinë e Kosovës, dhe po përdoren kundër shtetit tonë”, ka shkruar ai.

Ai ka thënë se është e papërgjegjshme dhe e pamatur që të përmenden aktet terroriste./Express/

Gjykata Kushtetuese e Kosovës ka njoftuar se do ta trajtojë me urgjencë kërkesën e Vetëvendosjes për të vlerësuar kushtetutshmërinë e vendimit të presidentit të Kosovës, Hashim Thaçi, i cili të enjten dekretoi, Avdullah Hotin për kryeministër të ri të vendit.

“Përveç kësaj, në kërkesë, deputetët parashtrues kanë kërkuar nga Gjykata edhe vendosjen e masës së përkohshme për pezullim të zbatimit të Dekretit në fjalë”, thuhet në njoftimin e Gjykatës Kushtetuese.

Përkitazi me këtë kërkesë, Gjykata ka kërkuar nga palët e përfshira që komentet për caktim të masës së përkohshme t’i dorëzojnë në emailin zyrtar të Gjykatës Kushtetuese, gjatë ditës së sotme.

“​Komentet përkitazi me kërkesën për caktim të masës së përkohshme t’i dorëzojnë në emailin zyrtar të Gjykatës Kushtetuese sot, më 1 maj 2020, në orën 12:00. Komentet përkitazi me meritat e kërkesës, t’i dorëzojnë në Gjykatë deri më 8 maj 2020, në orën 16:00”, thuhet në njoftim.

Bazuar në këtë afat kohor, mbase gjykata mund të marrë vendim shumë shpejt lidhur pezullimin ose jo të zbatimit të dekretit të shpallur nga presidenti.

Presidenti i Kosovës, Hashim Thaçi ka dekretuar kandidatin e Lidhjes Demokratike të Kosovës, Avdullah Hoti, për pozitën e kryeministrit të ardhshëm të Kosovës. Vetëm pak çaste pas shpalljes së këtij dekreti, Lëvizja Vetëvendosje i është drejtuar Gjykatës Kushtetuese me pretendimin se presidenti ka marrë një vendim kundër-kushtetues.

Ndërkohë, Lidhja Demokratike e Kosovës ka deponuar në Kuvend, kërkesën me 61 nënshkrime të deputetëve për mbajtjen e seancës së jashtëzakonshme të shtunën, më 2 maj, me pikën e vetme, zgjedhjen e qeverisë së re.

Vendimi i presidentit Thaçi pason votimin e suksesshëm të mocionit të mosbesimit ndaj qeverisë, në kuvend, më 25 mars. rel

Ish-presidenti i Kosovës dhe njëkohësisht kryetari i Aleancës Kosova e Re (AKR), Behgjet Pacolli, ka ateruar në aeroportin e Prishtinës “Adem Jashari”.

Pacolli do të kontrollohet nga ekipe mjekësore e policore, e sipas këshilltarit të tij, Naim Murselit, Pacolli menjëherë pas kontrolleve mjekësore do të shkojë në rezidencën e tij në Hajvali.

Kthimi i Pacollit në Kosovë është kthyer në një dramë politike, pasi Qeveria e Kosovës e ka paralajmëruar atë se nëse hyn në Kosovë, do t’i nënshtrohet masave të karantimit, sipas vendimit, me anë të së cilit kosovarët që vijnë nga jashtë, izolohen në konviktet e studentëve në Prishtinë.

Në aeroport, Behgjet Pacollin e priti edhe kushëriri i tij, Rrahim Pacolli, njëherit edhe zyrtar i AKR’së.

I pyetur se a do të karantinohet në Qendër të Studentëve, Rrahim Pacolli, ka thënë “është duke ardhur për të shkuar në shtëpinë e tij”.

Shefi i Grupit Parlamentar të LDK-së, Arben Gashi

Lidhja Demokratike e Kosovës e ka dorëzuar kërkesën për mbajtjen e seancës së jashtëzakonshme të Kuvendit të Kosovës për votimin e qeverisë së re më 2 maj.

Kështu bëri të ditur shefi i Grupit Parlamentar të LDK-së, Arben Gashi.

“I kemi votat dhe kërkesa është bërë me 61 nënshkrime të deputetëve”, ka thënë Gashi.

Kërkesa për seancë të jashtëzakonshme vjen menjëherë pasi presidenti i Kosovës, Hashi Thaçi dekretori kandidatin e Lidhjes Demokratike të Kosovës, Avdullah Hoti, për postin e kryeministrit të ardhshëm të Kosovës.

Vendimi i presidentit Thaçi pason votimin e suksesshëm të mocionit të mosbesimit ndaj qeverisë, në kuvend, më 25 mars.

“Në ditët në vijim, një tjetër qeveri e re mund të votohet në Kuvendin e Kosovës, sërish në përputhje të plotë me Kushtetutën e Kosovës dhe me rendin demokratik të Republikës sonë, duke marrë parasysh legjitimitetin e qartë nga deputetët e kuvendit dhe zotimi që u dëshmua sot i shumicës së re parlamentare të dalë nga zgjedhjet e 6 tetorit”, theksoi Thaçi. rel

Lëvizja Vetëvendosje e ka dërguar në Gjykatën Kushtetuese dekretin e presidentit Hashim Thaçi për mandatimin e Avdullah Hotit si kryeministër.

Shefi i Grupit Parlamentar të Lëvizjes Vetëvendosje, Rexhep Selimi tha se kjo parti politike i është drejtuar Gjykatës Kushtetuese për të dhënë aktgjykimin në lidhje me dekretin e presidentit Thaçi.

“Me këtë dekret, ne vlerësojmë që presidenti ka shkelur kushtetutën”, tha Selimi. Sipas tij, dekreti i presidentit është bërë publik pak para 1 Majit dhe vikendit, në përpjekje që Kuvendi të formojë qeverinë e re, në mënyrë jokushtetuese, gjatë ditëve të festës dhe vikendit.

“Ne presim vendim të drejtë të Kushtetueses dhe nuk jemi këtu të paragjykojmë”, theksoi deputeti Selimi.

Kurse deputetja Arbërie Nagavci, po nga Vetëvendosje, tha se i është kërkuar Gjykatës Kushtetuese që deri në marrjen e vendimit, të pezullohen të gjitha procedurat rreth zgjedhjes së qeverisë së re.

Por, Lidhja Demokratike e Kosovës, përmes deputetit Arben Gashi, ka deponuar në Kryesinë e Kuvendit të Kosovës, kërkesën me 61 nënshkrime të deputetëve për thirrjen e seancës së jashtëzakonshme për të shtunën, në ora 13:00, me pikën e vetme të rendit të ditës, zgjedhjen e qeverisë së re.

Vendimi i presidentit Thaçi pason votimin e suksesshëm të mocionit të mosbesimit ndaj qeverisë, në kuvend, më 25 mars.

“Në ditët në vijim, një tjetër qeveri e re mund të votohet në Kuvendin e Kosovës, sërish në përputhje të plotë me Kushtetutën e Kosovës dhe me rendin demokratik të Republikës sonë, duke marrë parasysh legjitimitetin e qartë nga deputetët e kuvendit dhe zotimi që u dëshmua sot i shumicës së re parlamentare të dalë nga zgjedhjet e 6 tetorit”, ka thënë Thaçi. rel

Praktika e keqe e drejtimit të qeverisë nga partia humbëse e zgjedhjeve zanafillën e ka nga pas lufta, kur LDK-së rugoviane në vitin 2001, si fituese e zgjedhjeve me 48 përqind të votave, i imponohet nga bashkësia ndërkombëtare që ta pranoj mandatarin nga partia e dytë, që ishte PDK-ja me vetëm 26 përqind të votave të qytetarëve.

Binomi Thaçi-Mustafa, projektues të shkarkimit të ‘Qeverisë Kurti’

Tashmë nuk ka asnjë dilemë, që projektuesit e shkarkimit të qeverisë Kurti ishin binomi Thaçi-Mustafa, të cilët tjetërsuan pamëshirshëm vullnetin e qytetarëve të shprehur me votë në zgjedhjet e 6 tetorit 2019.
Binomi fatkeq për vendin Thaçi-Mustafa e shfrytëzuan gabimin e parë për ta ndëshkuar kryeministrin Albin Kurti përmes “bombës së kurdisur” të quajtur Agim Veliu, e cila u finalizu shpejtë dhe në formën e prerë të mocionit për shkarkim nga LDK-ja në mes të pendemisë “Covid-19”.
Vërtetë mocioni për shkarkimin e qeverisë do të kishte kuptim sikur LDK-ja të tërhiqej në opozite dhe vendi të shkonte në zgjedhje të jashtëzakonshme menjëherë pas pandemisë, me ç’rast do të matej forca reale e LDK-së pa Vjosa Osmanini si dhe do të verifikohej mbështetja e vërtetë e zonjes së nderuar tek elektorati i këtij subjekti politik.
Në anën tjetër, poashtu do t’i hiqej meraku edhe Albin Kurtit për synimin e 51 përqindëshit te votave, gjë e cila është e pamundur në rrethanat aktuale, kur i kemi më pak se 50 % (më 6 tetor 2019 vetëm 44 %) të daljes së votuesve në zgjedhje.
Rënja e papritur dhe në kohë pandemie e ‘Qeverisë Kurti’, ka hapur dilema të shumta për të ardhmen e shtetit.

LDK pas asnjë fitore nga viti 2004, kthehet sërish në pushtet

Fitorja e fundit e LDK-së në zgjedhjet nacioanle ishte ajo e vitit 2004, në epokën e Ibrahim Rugovës me mbi 45 përqind të votave të qytetarëve. Edhe pse në zgjedhjet e 6 tetorit 2019, LDK ishte shumë afër fitores historike, por nuk e shijoj fitoren shkaku i shantazhit nga brenda që iu bë kandidates për kryeministre, zonjes Vjosa Osmani e cila u votua në mënyrë plebishitare nga elektorati rugovian.
Edhe përkundër humbjeve të vazhdueshme të LDK-së, humbësit serik në krye me Isa Mustafën paradoksalisht dhe në mënyrë totalitare po vazhdojnë ta drejtojnë këtë subjekt politik. Po ndodhë pikërisht kështu, për faktin se, nga pozicioni i humbësit, LDK-ja po kthehet gjithnjë në pushtet.
Është hera e dytë, pas vitit 2014 që LDK-ja nga pozicioni i humbësit të zgjedhjeve, përmes pazareve të fshehta me Hashim Thaçin po e merrë timonin e ekzekutivit të vendit.
Të mos flasim për partinë e vogël si AAK-ja, e cila poashtu si humbëse apsolute e zgjedhjeve e ka drejtuar dy herë qeverinë; në vitin 2004 (100 ditë) dhe vitin 2017 (afro dy vite).
Nga partitë aktuale, PDK-ja është partia e vetme që nga viti 2007 për 12 vite rresht (së fundit herë përmes koalicionit PAN) e mbajti pushtetin në Kosovë.

Mungesa e përvojes në qeverisje dhe vetëkënaqësia e pushtetit iu kthyen bumerang LVV-së së Albin Kurtit

LVV-ja, edhe përkundër se doli dy herë radhazi subjekti më i votuar në vend, nuk po arrinë të qeverisë me vendin. Përderisa herën e parë, në vitin 2017 u mund në zgjedhje nga koalicioni parazgjedhor PAN, herën e dytë me 2019, pas vetëm 45 ditë qeverisje, u mund në prapaskenë nga marrëveshja e fshehtë politike e binomit Thaçi-Mustafa.
Për herën e fundit, duhet pranuar faktin, se përgjegjës për humbjen e pushtetit është edhe vetë lideri i VV-së, Albin Kurti, i cili nuk arriti ta menaxhojë situatën e parë konfliktuoze në qeveri me ‘bombën e kurdisur Agim Veliu’.
Tani kur jemi në prag të krijimit të qeverisë së “re” përmes koalicionit LDK,-AAK-NISMA-Lista Serbe dhe pakicat tjera, vendi do të përballet me një situatë të re destabilizuese dhe të paparashikuar nga pas lufta.
Fillimi i mbarë i ‘Qeverisë Kurti’ kishte ngjallur shpresat e qytetarëve për ndryshim. Shteti i së drejtës, që ishte proklamim paraelektoral dhe premtim elektoral për luftimin e të gjitha të këqijave dhe në veqanti luftimin e krimit të organizuar, korrupsionit, nepotizmit dhe krimin në përgjithësi, u rrenuan nga brenda dhe nga jashtë, por edhe nga vetëkënaqesia e pushtetit nga ana e Albin Kurtit pa e shijuar ende mirë pushtetin.

Vetëdijësimi i qytetarëve, kusht i domosdoshëm për ndryshim

Pas rënjes së ‘Qeverisë Kurti’, qytetarët e Kosovës duhet të vetëdijesohen akoma më shumë për t’ia dhënë goditjen përfundimtare kësaj klase politike të korruptuar dhe tejinkriminuar në zgjedhjet e radhës, për ta sjellë në pushtet një brez ri të politikanëve përgjegjshëm, të pa korruptuar dhe pa inkriminuar që janë shtetas dhe banorë të përhershëm të Republikës së Kosovës, për ta kthyer shpresën dhe besimin për jetë në shtetin e Kosovës, në mënyrë që të ndalet trendi i largimit nga vendi i të rinjëve dhe gjitha shtresave të popullsisë.
Është e vështirë të kthehet shpresa për jetë në Kosovë, përderisa fituesit e zgjedhjeve kthehen në humbës apo ansjelltas, kur humbësit kthehen në pushtet.
Akoma më e vështirë bëhet kthesa pozitive në vendin tonë përderisa të mençurit dhe të ndershmit anashkalohen dhe linçohen, ndërsa injorantët avancohen në pozita të larta shtetërore, kurse hajdutët dhe kriminelët në vend që të përfundojnë në burg, ngriten në majat e pushtetit!
Nuk e kam as idenë më të vogël, se çfarë e mirë e pret këtë vend në qeverisje po nga të njëjtit njerëz që thyen shpresat e qytetarëve dhe lëkundën themelet dhe tkurren territorin e Republikës së Kosovës.

Nuk i dihet se çfarë epilogu do të merrë prioriteti i parë i qeverisë së “re” në dialog me Serbinë! A do të mbetemi më pak se shtet apo më shumë se autonomi, siq e kishte projektuar Serbia millosheviqiane qysh në fillim të viteve të ’90-ta!?

Avokati Tomë Gashi pohoi se deputetët e Kuvendit të Kosovës nuk kanë imunitet, përveç në fushëveprimin e tyre si deputetë në Kuvend.

Gashi e dha këtë vlerësim përderisa komentoi mundësinë që deputeti Behgjet Pacolli të jetë futur në Kosovë me veturën e Presidentin të vendit Hashim Thaçi – informacione të pakonfirmuara deri më tani, për të cilat hodhi dyshime ushtruesi i detyrës së Ministrit të Punëve të Brendshme, Xhelal Sveçla.

“Bazuar në atë çfarë tha ushtruesi i detyrës së Ministrit të Punëve të Brendshme Xhelal Sveçla në konferencë, unë besoj që është situatë ende e paqartë. Mirëpo duket që ai ka informacione, sepse është duke kryer detyrën e Ministrit të Punëve të Brendshme – presidenti Thaçi ka kaluar në Shqipëri në orën e përcaktuar që tha ai, orën 18:00 dhe është kthyer diku pas orës 19:00”, ka thënë Gashi në Klan Kosova.

“Presidenti Thaçi ka thyer protokollet nëse është e paraparë që ta njoftojë Ministrinë e Punëve të Jashtme që shteti i Kosovës gjithmonë ta dijë se ku e ka presidentin e vet, në cilin territor të cilido vend në rruzullin tokësorë sepse këto janë rregulla të përcaktuara edhe për të mirën e presidentit. Nëse eventualisht deputeti Behgjet Pacolli ka qenë në veturat e eskortës së presidentit dhe nëse nuk ka një vulë hyrëse të Republikës së Kosovës atëherë kemi një problem juridik”.

Gashi theksoi se “në rastin e kalimin ilegal të kufirit, kushdo që të jetë, është vepër penale e kalimit ilegal të kufirit”.

Sa i përket krijimit të qeverisë së re, koalicionit për krijimin e së cilës po i prinë LDK-ja, avokati vlerësoi se kjo mund të krijohet nëse ka për bazament shkeljen kushtetuese, siç tha ai, me forcën e numrave.

Xhelal Sveçla e paralajmëron Presidentin Thaçi se nëse ka pasur kontakt me Behgjet Pacollin, atëherë do t’i duhet të karantinohet ose të vetizolohet.

Ushtruesi i detyrës së ministrit të punëve të Brendshme, Xhelal Sveçla, në një konferencë për media, ka folur për skenarët e mundshëm se Presidenti Hashim Thaçi, mund ta ketë futur mbrëmë deputetin Behgjet Pacollin në Kosovë.

Sveçla thotë se nëse konfirmohet se Pacolli ka qenë në veturën e Presidentit Thaçi, atëherë, sipas vendimit që ka marrë qeveria për parandalimin e përhapjes së virusit Covid 19, edhe Thaçi duhet t’i nënshtrohet masave të karantinimit ose vetizolimit.

“Sipas vendimit të Qeverisë, personat për të cilët vërtetohet se kanë pasur kontakt me persona të sëmurë osë të dyshuar, futen në karantinë. Rrjedhimisht, nëse Presidenti vërtetohët që ka pasur kontakt me z. Pacolli, atëherë ai duhet t’i nënshtrohet karantinës, ose vetizolimit në linjë me historikun e shëndetit” , ka thënë Sveçla, raporton Gazeta Express.

Në fund, ai i ka kërkuar deputetit Pacolli ta tregojë vendndodhjen e tij, duke thënë se nëse paraqitet në publik, pa u nënshtruar masave, atëherë Policia do të ndërmarrë veprime ndaj tij.

“I kërkojmë z. Pacolli se ku është sepse në qoftë se shfaqet në publik, policia do të ndërmarrë masa”, ka thënë Sveçla.

Secili shtet serioz i bën të ditura planet afatgjata zhvillimore ekonomike ,dhe e bënë të ditur gjendjën në shoqëri për temat e ndryshme.Nga këto qëndrime të qeverive mvaret edhe fati i shtetit.Për këto duhen njerëz më vizion, njerëz të përgatitur profesionalisht dhe moralisht.Kosovën e ka kapluar politika.

Mediet e caktuara po i nxisin ambiciet jo të shëndosha të politikanëve dhe ‘ mesijeve ‘ të tyre të rreme, të cilët po dominojnë në jetën publike dhe po diktojnë edhe dialogun public.Njerëzit në Kosovë , deri vonë , fatkeqësisht kan besuar në fuqinë e tyre indivuduale ,të cilët edhe na u paraqitën si shtet?! Ne, duket jemi populli I vëtem në Evropë që po jetojmë dhe po ju besojmë grupeve të tilla të interesit. Ballafaqimi më politika jo serioze dhe profitereske na ka pru në shkallën më të ulët .Anomiziteti dhe mashtruesit kan cenuar të gjitha vlerat. Si mendojnë njerëzit që në këtë vend do të bëhët mirë? Investimi në budallakina dhe në poshtersina nuk i duhen qytetarëve të Kosovës. Nuk ka zhvillim të shtetit dhe standard të mirë të jetës, kur nuk mendon kush për atë punë .Ne, duhet të turpërohemi , kur shtetet e menqura dhe moderne krenohen më zhvillim ekonomik, krenohen më njerëzit e menqur të politikës dhe të biznesit. Mos suksesi nuk na falet. Shoqëria i dëshiron vlerat.Në ndërkohë këta po realizojnë plane dhe marshojnë më politikat dhe kampanjat në historinë e re.

Disa gazetarë janë bër viktima të pa ftyrësive të tyre, duke marrë bajrakun për të keqën e Kosovës.Njeri prej tyre është Baton Haxhiu, më deklaratat në vazhdimësi të rrezikshme për Kosovën. Madje ky po merre guximin të merret më temat e ndijeshme politike dhe të interesit jetik nacional. Ky Baton Haxhiu, kërkon publikisht faljen e mijëra krimëve të çetnikizmit serb në Kosovë. Kjo makineri antiKosovë që nga mëngjesi i hershëm deri në terr, i Baton Haxhiut është shëmbull eklatant I të keqës së madhe , që mund ti përgatitët Kosovës. Po e ofendojnë dhe përulin popullin këta tajkun, duke i dhënë Kosovës goditje të vazhdueshme nën brez. Për këtë njeri nuk po ka kufijë, së nuk po vepron ende dora e ligjit .E ne po heshtim dhe po durojmë .Po mendojmë së kjo vetvetiu kalon. Jo nuk kalon nese nuk merren masat e nevojshme .E mos marrja e masave do të na shkakton dëmin e pa riparueshem.

Nuk kemi të drejtë më të heshtim para atyre , që tallën më popullin, më të vrarët , më gratë e dhunura shqiptare, më të pagjeturit e luftës,që tallën më gjakun e dhënë për pavarësinë e Kosovës. Jemi i vetmi vend sot në Evropë i pa integruar po thuaj në asnjë organizëm të BE-së. Nuk është vështirë më kuptuar një kreaturë mashtruese si Baton Haxhiun, i cili i ban pyetje vetit dhe vet i zgjedhë ato. Çfare shteti është ky? Çfarë njerëzish jemi ne? A dëshirojmë më marr frymë njëherë lirshëm në tokën tonë? A nuk u luftua që të lirohemi nga zgjedha e këtij soji? Kemi mbetur në një ambient të mbyllur , sikur që na ndodhi karantina nga pandemia?!Sa kritikat i morëm deri më tash për korrupcion dhe krim nga miqët tanë evropian dhe amerikanë? Sikur, që gjithqka ban, por që populli duhet të mbetet i mbyllur si në kafaz, që mos të zgjohet.E, po miqë të ndëruar , ka ardhur koha për zgjim të ri demokratik. Ne, sigurisht jemi më shumë , së ata përtej bregut. Mjaftë jemi rrejtë, mashtruar, keqpërdorë, duke mos na lënë që të përcaktohemi për vlera, që popujt tjerë moti i kan realizuar…

Zëdhënësi i qeverisë në detyrë, Përparim Kryeziu ka thënë sot se po presin publikimin e dekretit nga Presidenti Hashim Thaçi për mandatarin për t’iu drejtuar Gjykatës Kushtetuese për interpretim.

Kryeziu ka thënë se përderisa nuk po ndodhë publikimi i kërkesës për mandatarin për kryeministër ndaj LDK’së, nga ana e Presidentit Thaçi qeveria në detyrë do të vazhdojë punën e saj, raporton Gazeta Express.

“Jemi në pritje të këtij dekreti, përmbajtjen e këtij dekreti dhe referimi që bëhet nga Presidenti mbi hapat e tij drejt formimit të qeverisë dhe mbi këtë përmbajtje do t’i drejtohemi Gjykatës Kushtetuese”, ka thënë Kryeziu.

Kryeziu ka thënë se mospublikimi i këtij dekreti është shprehje e gatishmërisë për të bërë veprime që janë ndesh me kushtetutën.

“Ne kemi shprehur bindjen tonë dhe besojmë që interpetimi ynë është i drejt kur themi se veprimet e radhës të presidentit duhet të jenë ato që çojnë deri te shpallja e zgjedhjeve të parakohshme pasi që të kalojë pandemia dhe jo formimi i një qeverie të re”, ka thënë ai për Rtv Dukagjini.

Ai poashtu ka thënë se do të kërkojnë opinion edhe nga Komisioni i Venecias

“Për një kërkesë për opinion do t’i drejtohemi edhe Komisioni të Venecias, duke qenë të bindur që një opinion prej një institucioni të pavarur do të ndihmojë në sqarimin e kësaj situate kushtetuese por në të njejtën kohë do t’i shërbente edhe vendimit të Gjykatës Kushtetuese ashtu që ai të jetë sa më i drejtë dhe sa më kredibil”, ka thënë zëdhënësi i qeverisë.

Xhelal Sveçla ka treguar se Presidenti Hashim Thaçi dje ka hyrë në Shqipëri dhe ka qëndruar atje vetëm pak minuta, për t’u kthyer prapë. Sveçla i kërkon deputetit Behgjet Pacolli të lajmërohet se ku gjendët, në të kundërtën thotë se Policia do të ndërmarrë masa, nëse shihet në publik dhe kuptohet se ka hyrë në Kosovë, pa iu nënshtruar masave për parandalimin e virusit Covid 19.

Ministri në detyrë i Punëve të Brendshme, Xhelal Sveçla, thotë se Policia e ka njoftuar që Presidenti Hashim Thaçi mbrëmë e ka kaluar kufirin me Shqipërinë, për t’u kthyer sërish në Kosovë pas pak minutash.

“Mbrëmë vonë jam informuar nga policia se Presidenti e ka kaluar kufirin pak para orës 18. I njëjti është kthyer pak para orës 19”,ka thënë Sveçla, raporton Gazeta Express.

U.d i ministrit të Brendshëm thotë se Thaçi ka qenë i ulur në ulësen e parë dhe nuk është para nëse në ulëset mbrapa në veturë ka qenë dikush tjetër.

“Kur është ndalur vetura, është vërtetuar se Presidenti ishte ulur në veturën e dytë. Ai ishte i ulur përpara, përkundër rregullave. Policia, për shkak të xhamave të zi, nuk ka arritur ta dallojë nëse ka pasur persona tjerë ulur mbrapa”, ka thënë Sveçla.

Ai tregon se Presidenti Thaçi nuk e ka lajmëruar te Protokolli Shtetëror shkuarjen e tij në Shqipëri, edhe pse duhet ta bëjë një gjë të tillë për cdo vizitë zyrtare a jozyrtare.

“Cdo vizitë e Presidentit jashtë vendit, zyrtare apo jozyrtare, duhet të komunikohet te Protokoll shtetëror I MPJ’së. Tashmë është konfirmuar se Protokolli I Shtetit nuk është njoftuar për vizitën e Presidentit”, ka thënë Sveçla.

“Nuk kemi konfirmim se z. Thaci ka qenë i shoqëruar nga z. Pacolli. Megjithatë një skenar I tillë do të minonte komplet Repulbikën e Kosovës”.

Sveçla e paralajmëron deputetin Behgjet Pacolli, se nëse ka hyrë në mënyrë klandestine, për t’i ikur masave të karantinimit në Kosovë, atëherë ka bërë shkelje penale.

“Për më tepër, shkelja e vendimeve nga organet kompetente është veper penale e përshkruar në nenin 50 të Kodit Penal”.

Tutje u.d i ministrit ka thënë se nëse konfirmohet se Pacolli ka qenë me Thacin, atëherë edhe Presidenti do t’u nënshtrohet masave të izolimit, apo vetizolimit, sipas vendimit të Qeverisë.

“Sipas vendimit të Qeverisë, personat për të cilët vërtetohet se kanë pasur kontakt me persona të sëmurë osë të dyshuar, futen në karantinë. Rrjedhimisht, nëse Presidenti vërtetohët që ka pasur kontakt me z. Pacolli, atëherë ai duhet t’I nënshtrohet karantinës, ose vetizolimit në linjë me historikun e shëndetit” , ka thënë Sveçla.

Në fund, ai i ka kërkuar deputetit Pacolli ta tregojë vendndodhjen e tij, duke thënë se nëse paraqitet në publik, pa u nënshtruar masave, atëherë Policia do të ndërmarrë veprime ndaj tij.

“I kërkojmë z. Pacolli se ku është sepse në qoftë se shfaqet në publik, policia do të ndërmarrë masa”, ka thwnw Sveçla.

Sot gjatë ditës pritet të finalizohet në Kosovë marrëveshja e koalicionit të ri qeverisës, me në krye Avdullah Hotin, të nominuar nga Lidhja Demokratike (LDK).

Nga sa pohon gazeta Express, marrëveshja thuhet se do të firmoset nga LDK, AAK, NISMA, AKR, minoritetet e Lista Serbe.

Deri më tani, të gjitha këto parti kanë bërë të ditur se nga sa është rënë dakord, ato do të marrin nga një zëvendëskryeministër në qeverinë Hoti.

Në ekzekutivin e mëparshëm, të formuar nga vetëm dy parti, postet më të larta i mbanin tre persona, Albin Kurti si kryeminisër, Avdullah Hoti si pasardhës i tij, në postin e zëvendëskryeministrit të parë,  e të njëjtën pozitë kishte dhe Haki Abazi.

Por me marrëveshjen e re që vjen si pasojë e mocionit të mosbesimit ndaj qeverisë Kurti, në karrigen e zëvendëskryeministrit thuhet se do të ulet nga një përfaqësues për çdo parti. Deri më tani, vetëm partitë nga radhët e minoriteteve s’kanë bërë të ditur nëse kanë kërkuar që të përfaqësohen me një zëvendëskryeministër.

Nga LDK-ja mësohet se për postin e zëvendëskryeministres do ta propozojnë Hykmete Bajramin, që momentalisht mban postin e Ministres në Detyrë të Arsimit.

Me ujdinë e re, ky dikaster pritet që t’i kalojë Aleancës për Ardhmërinë e Kosovës, e cila do të jetë partia e dytë më e madhe në këtë koalicion.

Pas nënshkrimit të marrëveshjes, LDK-ja ka deklaruar se do ta dërgojnë zyrtarisht emrin e Hotit në presidencë si të mandatuar./ dita

Gazeta Express sjell marrëveshjen e plotë.

Në marrëveshjen e nënshkruar nga Ramush Haradinaj dhe Isa Mustafa flitet për luftën e institucioneve ndaj përhapjes së pandemisë dhe për rifillim të dialogut Kosovë – Serbi.

Gjithashtu, për anëtarësim në OKB, BE, NATO dhe organizata tjera ndërkombëtare.

Në marrëveshjen e nënshkruar bëhet e ditur se pjesë e koalicionit është edhe NISMA, AKR, Lista Serbe dhe minoritetet tjera.

Gjithashtu dy partitë janë dakorduar që përveç ministrive që i shkojnë katër AAK’së dhe një zëvendëskryeministër, edhe postet e zëvendësministrave të ndahen sipas fuqisë politike të partnerëve të koalicionit.

LDK dhe AAK janë dakorduar në marrëveshje se nuk do t’i përkrahin mocionet e mosbesimit që mund të iniciohen nga palët tjera.

Në rast se dikujt nga kabineti qeveritar i ngritët aktakuzë, atëherë kryeministri ka të drejtë ta shkarkojë atë ministër automatikisht.

Kryetari i Partisë Demokratike të Kosovës, Kadri Veseli, ka deklaruar sot nga Hani i Elezit se asnjë deputet i PDK-së nuk do ta votojë qeverinë e ardhshme që pritet të formohet nga LDK, AAK, Nisma dhe minoritetet.

“Asnjë deputet i PDK-së nuk voton qeveri të mashtrimeve. LDK dhe VV janë përgjegjëse për këtë gjendje të krijuar dhe ato duhet të gjejnë zgjidhje. Ne kërkojmë që vendi të shkojë në zgjedhje të reja demokratike pas pandemisë”, tha Veseli.

Ndërkaq sot Lidhja Demokratike e Kosovës dhe Aleanca për Ardhmërinë e Kosovës kanë nënshkruar koalicionin për qeverisjen e përbashkët.

AAK në qeverinë e re do të drejtojë 4 ministri dhe do të ketë poashtu postin e zëvendëskryeministrit./Express/

Diplomati dhe shefi i Eulex’it Lars-Gunnar Wigemark përmes një shkrimi në twitter ka treguar se stafi i Eulexit në momentin që hyjnë në Kosovë nuk rrinë në konvikt por në karantinat e tyre.

“Sa për dijeni, i gjithë stafi i EULEX’it kur kthehen në Kosovë, qëndrojnë 14 ditë në karantinë. Ne e kemi praktikuar këtë zakon prej fundi të muajit shkurt”, shkruan Wigemark.

Tutje, ai tregoi se 31 oficerë polakë që janë kthyer javën e kaluar në Kosovë, aktualisht janë në karantinë në kampin e tyre.

“Për shembull, 31 oficere policie polake, që janë kthyer në Kosovë javën e fundit, aktualisht janë në karantinë në kampin e tyre”, përfundoi Wigemark.

Ky reagim erdhi pasi kreu i Aleancës Kosova e Re (AKR), Behgjet Pacolli tha se stafi dhe diplomatët e Eulexit dhe Unmikut, nuk kanë hyrë në karantinë kur kanë ardhur në Kosovë.

“Stafi i Unmikut dhe Eulexit janë përjashtuar nga qëndrimi në karantinë kur janë kthyer në Kosovë. Kontrolloni listat e pasagjerëve. Vitia gënjen dhe veprimet e tij po e pengojnë punën e parlamentit. Nëse diplomatët dhe personeli i tyre janë përjashtuar nga karantina, pse deputetët e parlamentit të mos përjashtohen nga karantina. Vetëm pse nuk po ju mbështetim juve?”, shkroi Pacolli.

Në ditën e të pagjeturve, Ferdonije Qerkezi që gjatë luftës ka humbur burrin me katër djemtë, ka folur në emisionin Frontal në T7 edhe për deklaratat e fundit lidhur me amnistinë e krimeve të luftës, shkruan Gazeta Express.

Qerkezi ka deklaruar se nuk mund të falë dikë që ja ka vrarë një shtëpi me njerëz.

“Unë nuk e ndëgjova direkt, po në rrjete sociale komentet. Unë si nanë, kur ai si ka fol ai e ka përly veten, pastaj edhe kombin shqiptar, na sjemi shku në Serbi me na mbytë, ata janë ardhë te na na kanë hy nëpër shpija, na kanë vjedhë na kanë djeg, qysh falet ai? Edhe pse nuk të ka ra ty duhesh me ma ditë. Një shpi ma ka hup qysh falet? Ai vjen apet vepron si para 21 vjetëve. Unë e kam ni veten të thyme, me i fol ato fjalë si një i shkolluar, jam habitur shumë. Zotit po ja lo atë punë”, ka deklaruar ajo.

E njëjta thotë se ata që ja vranë burrin e fëmijet janë të lirë, e se disa herë rrëfimin e saj e ka dhënë edhe para hetuesve ndërkombëtar.

“Janë të lirë, kerrin e bashkëshortit tem e kanë pa në veri të Mitrovicës, as kur ka qenë UNMIK’u ktu as EULEX’i. Unë kam dëshmi, sa polici ndërkombëtar është ardhë në shpi te unë s’mundesh me marrë me mend”, shtoi ajo.

Qerkezi ka treguar edhe se si i kalon ditët, e për një gëzim që e ka pasur pas shumë vitesh.

“Një ditë e jemja është shumë e vështirë, kur është një shpi me tetë anëtar e me mbetë vetëm, po tash unë i kam gratë e vëllezërve, kojshitë, mahallën, një ditë kur s’dal në oborr më marrin në telefon e më thirrin me pi kafe.

Mas 20 vjete kum pas një gëzim, në përvjetorin e të zhdukurve në shkollë të Gjimnazit e kishin pas përgatit një program të mirë, që i kanë përkujtu nxënësit që janë kanë në gjimnaz në 99”, ka thënë ajo në Frontal.

Liderja e Lëvizjes Evropiane të Serbëve në Kosovë, Rada Trajkoviq ka deklaruar në një intervistë për portalin serb Nova.rs se presidenti serb Aleksandër Vuçiq me qëllim po i pengon hetimet në rastin Oliver Ivanoviq, në mënyrë që t’i mbrojë personat të cilët janë besnikë ndaj tij.

Situata aktuale në Kosovë është e përshtatshme vetëm për liderët rajonalë të korruptuar të cilët janë të ndërvarur dhe të ndërlidhur thellësisht, dhe mbi të gjitha mendoj për Vuciqin dhe Thaçin. Thaçi është përgjegjës për destabilizimin në mënyrë që të ruajë edhe më shumë rëndësinë e tij politike dhe të shmangë, ose të paktën të shtyjë përgjegjësinë e tij para gjykatës speciale në Hagë, ndërsa nga ana tjetër, është normale që Vuçiq të mbështesë opsionin me të cilin ai ka lidhje jo transparente dhe fitimprurëse, e kjo është “Koalicioni i luftës” me të cilin ai bashkëpunon në mënyrë të drejtpërdrejt dhe koordinon veprimet përmes Listës Serbe, ka thënë Trajkovic.

Ajo thekson se shkarkimi i Albin Kurtit me siguri do të çojë në destabilizim rajonal, por gjithashtu edhe do të tërheq njerëzit në rrugë, madje edhe në mes të pandemisë së koronavirusit. Ajo beson se me siguri është më për serbët që Kurtin të mbetet në fuqi sepse zgjedhja dhe shpresa e tij ishte që më në fund të fillohet me eliminimin e krimit rajonal që po helmon rutinën e përditshme. Ajo pretendon se presidentët e Serbisë dhe Kosovës, Aleksandar Vuciq dhe Hashim Thaçi, kishin marrëveshje për shkëmbimin e territoreve dhe se ky ishte një “sekret publik”.

Një vit më parë ju thatë që autoritetet dhe tabloidet e shtetit ju kanë futur në listën e pushkatimeve, ku gjendeni tani?

Fushata e tmerrshme e cila u zbatua kundër meje është një “standard” i vjetër, i ngjashëm me ndjekjen e cila u bë kundër të ndjerit Oliver Ivanoviq. Së pari, dehumanizimi agresiv i personalitetit tim u bë përmes titujve të tmerrshëm në tabloidet e regjimit, dhe – në rastin tim – edhe në konferencat për shtyp të vetë presidentit dhe nëpër llogaritë në Tëitter të vartësve të tij shterërorë. Pastaj isha në shënjestër shumë të hapur, kjo është arsyeja pse jam nën mbrojtjen e policisë. Megjithëse, më duhet të pranoj se koha e koronavirusit më ka lehtësuar pak ndjenjën time të izolimit, sepse tani ne jemi të gjithë “bashkëvuajtës” nën arrest shtëpiak.

A mendoni ende se Vuçiq pengon hetimin për vrasjen e Oliver Ivanoviqit?

Kjo është plotësisht e qartë. Për sa kohë që Milan Radoiçiq gëzon mbrojtjen e tij dhe përderisa presidenti e konsideron atë të paarritshëm për gjyqësorin e Kosovës, Vuçiq pengon hetimin. Nëse Vuçiq dëshiron të shfajësojë veten nga përgjegjësia për pengimin, ai duhet t’i dorëzojë Radoiçiqin në gjyqësorin e Kosovës dhe t’i lejojë atij të provojë pafajësinë e tij në gjykatë.

Kur të kalojë pandemia , është interesant të shohim së si atë mëngjes do të zgjohemi dhe së si do të ndihemi?Dhe ku.Çka do të ndodhë në mëngjeset në vazhdim?Kjo edhe është e vetmja e pyetje e cila sot ka kuptim.Se, virusi do të kalon, dhe neve sigurisht do të flasim për veten, e jo për virusin.Ata të cilët e kan përjetuar këtë të ligë, sigurisht së do të flasin së çfare fati kan pasur që kan shpëtuar .Shumë kujtime do të na sillën në kokë nga koha e karantinës.Nuk do ti harrojmë ata për të cilët kemi ndëgjuar së kan ikur nga kjo botë nga virusi.Për shumë kënd jeta do të jetë më ndryshe, do të kemi një gjendje shpirtërore më ndryshe, kjo lëngatë sigurisht do të lënë gjurmë të pashlyera në trurin tonë… Të gjitha këto përjetime nuk do të jenë barrë e lehtë. Njeriun e këtij nënqielli e përcollën gjatë këtyre viteve edhe shumë përjetime nga lufta. E këto perjetime të jetës jo të mirë në kushte të lirisë nuk po ndalën . Nuk ka gjë më vështirë kur sheh para vetit së të fortit e politikës grabisin çdo gjë para syve tanë . Kjo po zgjatë që nga mëngjesi deri në mbrëmje.

Dikush ka grabitë një televizor, e dikush të gjithë televizorët.Dikush një lopë , e tjerët gjitha fermat.Dikush një laps e dikush fabrikën …

Ku ka mundësi të bëhët shteti pa mund e ndjersë! Nuk ka lumturi, edhe pse e fituam shtetin tonë?!Rastin për të bërë shtet e kemi pritë më decenie, por që nuk po dijmë ta shfrytëzojmë .Fjala shtet do të thotë shumë. Është nocion pa dyshim i gjërë .

Shteti nuk bëhët pa besuar në asgjë , e as në Zot.

Shtet kur çdo komunë e ka Zotin e vet.

Shtet kur gjithëqka nga e kaluara jonë nuk vlenë.

Shtet kur nuk sundon si duhet rendi dhe ligji.

Shtet ku dënohen dhe rrahën gazetarët.

Shtet ku lulëzon krimi dhe korrupcioni.

Shtet ku lirohen kriminelët.

Shtet ku ministra dhe deputete bëhën analfabetet potencial.

Shtet me milionerë më para të popullit.

Shtet ku korporatat po i zëvëdësojnë partitë .

Shtet ku njeriun e ndërshem e trajton si mut.

Shtet ku ikin rinia kah ju shohin sytë.

Shtet ku shkrimtarët dhe intelektualet rrëshqasin nga të dhierat e politikanëve.

Shtet ku nuk ka industri.

Shtet ku nuk ka turizem dhe bujqësi.

Shtet ku ka vdekur kultura dhe arti.

Shtet ku pak kush lexon.

Shtet ku mund të punësohesh veq nese bëhësh servil dhe më para.

Shtet ku univerzitetet funksionojnë si supermarketet.

Shtet ku diplomat shitën më kilogram.

Shtet me shumë medie të kontrolluara nga politika .

Shtet ku sportistët mvaren nga menagjerët. Sportistët dhe këngëtarët që po na mbajnë gjallë krenarinë.

Shtet ku për një cikerrimë shkon në burg.

Shtet ku vjedhen milonat e shkon në Dubaj.

Shtet që nga themeli duhet ndërtuar.

Ne një shtet të tillë po zgjohemi në çdo mëngjes. Kemi pasur mundësi që të kemi shtet shumë më ndryshe, më të mirë… Na duhet shtet, ku mëngjeset tona, janë të bukura, dhe shumë më të lumtura, për të gjithë…

Saranda Bogujevci, e mbijetuar nga krimet serbe, sot deputete e Parlamentit të Kosovës reagon ndaj provokimit të Baton Haxhiut për amnisti ndaj krimeve serbe:

“Isha vetëm 13 vjeç kur kam humbur familjen dhe jam plagosur si fëmijë, për këtë shtet!

Sot, gati si 35 vjeçare ende jetoj me pasojat e asaj kohe. Ende më duhet përkujdesje mjekësore për plagët që i kam marrë në trup, e kujtesa e asaj kohe jeton me mua për çdo ditë.

Kështu jeton çdo qytetar i Republikës së Kosovës që ka përjetuar atë luftë.

Pa dashur të ndalem tek nominimi i z. Avdullah Hoti për kryeministër, ishte i qëlluar apo i gabuar, Isa Mustafa për të arritur qëllimin e semurë politik deri tek posti i presidentit, fillimisht e dogji zonjen Vjosa Osmani (me tërheqje nga qeveria), duke e shpërfillur vullnetin e elektoratit të LDK-së, i cili e votoi Vjosa Osmanin për kryeministre e jo Avdullah Hotin.

Pasi e dogji Vjosen, po i vë flakën edhe Avdullah Hotit

Vënja në pazar e LDK-së për arritjen e qëllimit politik është dëshmi, se Isa Mustafës nuk i intereson LDK-ja , as e ardhmja e shtetit dhe qytetarëve, por vetëm interesi i tij personal.
Isa Mustafa për arritjen e qëllimit personal (posti i presidentit)i është i gatshëm t’i djegë një nga një bashkëpunëtorët e tij sikurse cigaret “Morava”, për t’i hudhë më pasatj si lecka në shportën e mbeturinave, ashtu siq e hudhi Vjosa Osmanin pasi ajo e solli LDK-në në pozitën e dytë dhe i dha atij mundësinë e manipulimit me vullnetin e elektoratit.
Vërbimi i Isa Mustafës pas pushtetit të pakufishëm në LDK dhe fokusimi pas postit të presidentit e ka dëmtue rëndë imazhin e LDK-së.
Një qasje pak më pragmatike e LDK-së, do të bënte që kjo parti të fuqizohej në elektorat për zgjedhjet e ardhshme, të cilat që tani shihen në horizont.
Ndryshe, zgjedhjet do të jenë një mundësi e “mirë” që LDK-ja me Isa Mustafën ta thejnë rekordin e humbjeve në zgjedhjet parlamentare!
Në situatën e tanishme, për qytatarët e vendit të gjitha partitë politike janë bërë përafërsisht të njëjta, janë parti të dështuara në qeverisjen e vendit, të kriminalizuara dhe në shërbim të mafias dhe oligarkisë kriminale.
Në mungesë të një alternative të re dhe serioze politike, qytetarët edhe nga zgjedhjet e jashtëzakonshme nuk presin që të ketë ndryshime substanciale, pa marrë parasysh se cila parti apo cili koalicion fiton, do të kemi vazhdim të keq-qeverisjes, përkatësisht sundim të krimit të organizuar në institucinet më të larta të shtetit.

Zgjedhjet e jashtëzakonshme, sprovë e vetëdijes qytetare

Me zgjuarsinë e qytetarëve në procesin e parakohshëm zgjedhor, mund të bëhet një hap i madh në pastrimin e skenës politike, si parakusht i domosdoshëm për pastrimin e sistemit qeverisës në vend.
Koaliconi LAN apo LANA me listën serbe është koalicion i turpit i cili nuk po bëhet për të mirën e shtetit dhe qytetarëve, por nga frika e ndëshkimit dhe humbjes së mundësisë për rimarrjen e pushtetit.
Prej koalicionit të turpit, nuk do të kemi shkapje të shtetit, por vazdhimësi të kapjes së shtetit dhe ngulfatje të vullnetit të elektoratit për ndryshime.
E kuptoj ngutinë e Albin Kurtit dhe LVV-së për shkuarje në zgjedhje të jashtëzakonshme, por do të jenë pikërisht zgjedhjet ato që do ta zhgënjejnë më së shumti këtë subjekt politik, shkaku i gabimeve dhe mosmenaxhimit të mirë të ‘qeverisë së shpresës’ nga Albin Kurti. Si pasojë e kryeneqësisë në liderit të saj, LVV do të mbetet shumë largë objektivave për rimarrjen e pushtetit.
Mundësia e fundit që i mbetët LVV-së për rimarrje të pushtetit është koalicioni natyral paszgjedhor me PDK-në e Kadri Veselit, si e vetmja alternativë.
Ndryshe, zgjidhja më e mirë për LDK-në, do të ishte lënja e pushtetit dhe kthimi kah vetëvetja, për t’u hapë rrugë ndryshimeve pozitive dhe reformave brenda kësaj partie (kërkesë e elektoratit), në të kundërtën katandisja dhe theqafja politike e LDK-së nuk do të kenë të ndalur në koalicion me ish partitë e PAN-it!
Me shkuarjen e vetme të partive politike në zgjedhje, do të matet forca reale dhe kredibiliteti i tyre në raport me qytetarët e vendit.
Zgjedhjet e jashtëzakonshme kurdo që të mbahen ato, do të jenë një sprovë e madhe e vetëdijes qytetare.

Rrëzimi i ‘qeverisë së shpresës’ dhe ‘formimi i qeverisë e së keqës’,… gjegjësisht përafrimi në distancë i LVV-së me PDK-në në njërën anë dhe dhe kontrabandimi i vullnetit të elektoratit të LDK-së tek partitë e vogla, por shumë të deshtuara në qeverisjen e vendit në anën tjetër, paraqet fundin më të tmerrshëm të iluzioneve për ndryshim!

Deklarata e kryetarit të PDK-së, Kadri Veseli se “LVV i ka dërguar ftesë PDK-së për një koalicion të mundshëm”, është vazhdimësi e deklaratave të mëhershme të Glauk Konjufcës “për konstruktivitet të PDK-së”, e cila nënkupton përafrimin e këtyre dy subjekteve me ideologji të njëjtë politike.
Bashkimi i PDK-së me LVV-në paraqet bashkimin më natyral të LP-këistëve të djeshëm në një front të përbashkët kundër të djathtës shqiptare, i cili do të rezultojë me profilizimin e skenës politike në përgjithësi.
Ky bashkim i dy subjekteve të përafërta me njëra-tjetrën, do të bëjë, që të pakënaqurit e dezertuar nga krahu i djathtë në këto parti, të kthehen në origjinën e tyre ose të konvertohen në neokomunist të rinjë.
Në anën tjetër, edhe subjekti më i vjetër i skenës politike kosovare, LDK-ja e mbërthyer nga strukturat e vjetra komuniste, lakmitarët e pushtetit dhe matrapazët politik, patjetër duhet të reformohet shpejtë, në të kundërtën rrezikon tkurrjen enorme të saj.
Partitë e vogla do ta kenë më të vështirë ekzistencën e tyre pas profilizimit të ri politik.

Kulmi i zhgënjimit qytetar

Zhvillimet e fundit politike në vend kanë shkaktuar kulmin e reagimeve dhe zhgënjimin e qytetarëve në të gjitha partitë aktuale.
Derisa në gjithë botën e civilizuar ka reflektim pozitiv të forcave politike dhe vazhdim të mandatit të qeverive aktuale për tu përballë me armikun e pa dukshëm të ashtuquajtur “Covid-19”, tek ne në Kosovë po ndodhë e kundërta, të gjitha partitë politike pa dallim, pozitë dhe opozitë, po e shfrytëzojnë situatën e pandemisë për të bërë luftë politike kundër njëra-tjetrës, për të mbajtur apo marrë pushtetin nën tentativën për t’u bërë sundimtar apsolut në koloseumin e quajtur Kosovë.
Sjellja e papërgjegjshme dhe lufta e ashpër për pushtet e klasës aktuale politike në një gjendje të rënduar në ballafaqim me pandeminë globale COVID-19, ka irrituar tejë mase qytetarët e vendit, të cilët pamëshirshëm do t’i ndëshkojnë të gjitha pa dallim në zgjedhjet e radhës kurdo që të mbahen ato.

Alternativa e re politike, shpresa e fundit për ndryshim

Nga ato që ceka më sipër dhe ato që pamë, dëgjuam dhe përjetuam ditëve të fundit, janë dëshmi e mjaftueshme për nevojën imediate të ngjizjes së një alternative të re politike, të pandikuar nga partitë aktuale, përkatësisht të pandikuar nga krimi dhe korrupsioni endemik.
Thënë ndryshe, skena politike ksovare ka nevojë për një parti të re politike, e cila i dërgon në pluhurin e harresës partitë aktuale.
Lindja e një alternative të re politike do të ringjallë shpresat e qytetarëve për jetë në këto troje. Vazhdimi i “status quos” me të njejtat parti dhe lider që thyen shpresat për jetë në këtë vend, do t’i bëjë qytetarët akoma më të pa interesuar për të qëndruar në atdheun e tyre.
Nuk është koha për akuza dhe kundër akuza, as për sharje e fyerje, as per heshtje dhe stagnim, por për meditim, reflektim, vetëdijësim dhe ndërgjegjësim qytetarë, është koha per besim në zot dhe atdhe, për dashuri dhe respekt ndaj njëri-tjetrit, për unifikimin e forcave progresive për çlirimin e shpirtërave të robëruar nga mashtruesit e intrigantët, demagoget dhe diktatorët e veshur nën petkun e demokracisë.
Alternativa e re për të cilën angazhohem, do të jetë një forcë e re politike e cila në asnjë rrethanë nuk do të bëhet pjesë e këtij sistemi të antivlerave.
Alternativa e re e ndryshimit politik në vend, nuk do të bashkëpunojë me asnjëren nga partitë aktuale të skenës politike, por do të angazhohet për bashkëpunim me të gjitha forcat progresive dhe elektoratin e të gjitha partive politike.
Elektorati kosovarë i shpërndarë në subjektet eksistuese janë qytetarë të ndershën të këtij vendi, janë vëllëzërit e motrat tona gjithandej Kosovës dhe në Diasporë .
Ky elektorat i shpërndarë në subjektet ekzistuese nuk duhet të përdoret edhe më tutje për llogari të partive të dështuara politike dhe për interesa meskine të liderëve partiak dhe grupeve tjera të interesit.
Të mos bëhemi mbështetës dhe as simpatizant të partive të dështuara politike. Do të jetë e pafalshme për ne, nëse i mbështesim në garën për pushtet këto parti dhe këta liderë matrapaz që kontrabanduan vullnetin tonë për 2 dekada rresht, nga njëra parti tek tjetra.

Kosovën nga “Coronavirus”-i do ta shpëtoj Zoti, nga klasa e matrapazëve politik duhet ta shpëtojmë ne vet.

Kryeministri në detyrë i Kosovës, Albin Kurti tha se presidenti, Hashim Thaçi po synon që Kosova të ketë një kryeministër të dobët, i cili do t’i mundësonte atij më shumë kompetenca dhe pushtet. Gjatë një konference për media në Prishtinë, Kurti tha se presidenti po bën shkelje të rënda të kushtetutës, duke pretenduar që t’i jap mandatin Lidhjes Demokratike të Kosovës për formimin e qeverisë.

Por, siç tha ai, ende nuk e ka në dorë letrën zyrtare të presidentit me të cilën i kërkon LDK-së që ta formojë qeverinë, pasi në momentin që ta ketë këtë shkresë zyrtare, Kurti tha se do t’i drejtohet Gjykatës Kushtetuese.

“Thaçi duhet ta respektojë kushtetutën dhe nuk mund ta shkruajë atë”, tha kryeministri në detyrë, duke shtruar më pas dilemën se si kishte ardhur në përfundim Thaçi se Vetëvendosje nuk e ka shfrytëzuar të drejtën e vet për propozimin e mandatarit, kur Vetëvendosje nuk e ka thënë një gjë të tillë.

“Letra e parë që ma dërgoi presidenti pas mocionit të mosbesimit ishte më 2 prill kurse në pasditen e 22 prillit konstatoi që ne po e refuzojmë. Kjo është arbitrare, ku shkruan në kushtetutë që 20 ditë më pas, presidenti duhet të konkludojë që është refuzuar mandatimi për kryeministër”, tha Thaçi.

Ndërkaq në lidhje me propozimin e LDK-së që Avdullah Hoti të jetë mandatari i ardhshëm për formimin e qeverisë, Kurti tha se presidenti dëshiron që Kosova ta ketë një kryeministër të dobët, të cilin do ta dirigjonte për t’i siguruar vetës më shumë pushtet dhe për të shpallë gjendje të jashtëzakonshme në Kosovë.

Presidenti Thaçi ka thënë të enjten se “çdo hap i tij është dhe do të jetë në përputhje me Kushtetutën dhe ligjet e Kosovës”.

Qeveria Kurti është rrëzuar me mocion mosbesimi në Kuvend më 25 mars. Që atëherë presidenti i Kosovës ka nisur konsultimet me partitë politike për formimin e qeverisë së re. Më 22 prill, presidenti Thaçi konstatoi se Lëvizja Vetëvendosje, si fituese e zgjedhjeve nuk e ka shfrytëzuar rastin për propozimin e mandatarit, kështu që këtë të drejtë ia kaloi LDK-së. rel

Analisti politik, Blerim Latifi, ka folur rreth zgjedhjes së Avdullah Hotit kandidat për kryeministër nga Lidhja Demokratike e Kosovës.

Ai ka thënë në “Pressing”, në T7, se LDK’ja u përcaktua për Hotin, sepse ai është njeri i afërt me kreun e partisë, Isa Mustafa.

Sipas Latifit, Hoti do të jetë i dirigjuar si kryeministër.

“Nëse e shohim traditën në Kosovë, kemi pasur kryeministra të cilët kanë fituar zgjedhjet, dhe te cilët janë emëruar. Hoti do të jetë një kryeministër i dirigjuar. Hoti është besnik i Mustafës, andaj e bëri kryeministër”, tha Latifi.

Ambasadori i Gjermanisë në Kosovë, Christian Heldt, në DESK të KTV-së ka thënë se të kesh një krizë institucionale në kohë pandemie “nuk është e dobishme”.

Ai e ka thënë këtë gjë teksa iu është përgjigjur pyetjeve rreth demarshit të Gjermanisë dhe Francës, dërguar LDK-së, pak para se të votohej mocioni i mosbesimit, që e rrëzoi Qeverinë.

“Pikërisht këto ishin arsyet pse ne i shprehëm shqetësimet tona, të kesh një krizë institucionale në këtë kohë mendoj nuk është e dobishme dhe nuk është gjithçka në të cilën të gjithë akterët, akterët politikë do të duhej të përqendroheshin tani”, ka thënë ai.

Ajo energji, sipas Parisit dhe Berlinit, duhet t’u kushtohet krejtësisht luftës kundër pandemisë dhe perspektivave ekonomike dhe shoqërore.

Megjithatë, ai ka thënë se përfaqësuesve diplomatikë tani iu mbetet “vetëm të ndjekin zhvillimet”.

Heldti në DESKU ka folur edhe për mënyrën e menaxhimit në Gjermani, të krizës pandemike.

“Kam përshtypjen se me kancelaren Merkel, që është një person analitik, deri tani ne në Gjermani e kemi menaxhuar mirë, sepse ka pasur një shkallë të lartë të përgjegjësisë dhe njerëzit thjesht qëndruan tok, sepse menjëherë u vetëdijesuam se pandemia e virusit korona është diçka që nuk kishim parë në historinë e fundit”, ka thënë ai.

Sipas tij, në rrafshin global, “ende ka shumë njerëz që nuk e kuptojnë dimensionin e pasojave me të cilat ne do të përballemi të gjithë. Të gjithë anembanë botës”.