Eksperti amerikan për Ballkanin, Daniel Serwer, i vlerëson të rrezikshme sinjalet e fundit se Rusia mund të përfshihet në dialogun për normalizim të marrëdhënieve mes Kosovës dhe Serbisë.

Ai pret që SHBA-ja të bëjë trysni mbi Kosovën në mënyrë që të lejojë përfshirjen e Rusisë në këtë proces, por sipas tij, kjo nuk duhet të lejohet nga zyrtarët në Prishtinë.

Në një përgjigje për KOHËN, Serwer, ka komentuar deklaratën e Dick Custinit, zëdhënësit të të dërguarit special të SHBA-së për dialogun, Richard Grenell, i cili ka thënë se Rusia dhe kushdo tjetër që ka ide për paqe, stabilitet e prosperitet në Kosovë e Serbi, është i mirëseradhur. Custin iu referua deklaratës së ambasadorit të Rusisë në Beograd, Aleksandr Botsan-Kharchenko, i cili tha se marrëveshja finale duhet të kalojë nëpërmjet Këshillit të Sigurisë të OKB-së, të miratohet një rezolutë e re që do të zëvendësonte atë 1244 dhe se Rusia do të përfshihet në proces nëse e kërkon Serbia.

“Kosova mund të ballafaqohet me presion të madh nga Shtetet Bashkuara të Amerikës për ta lejuar Rusinë të përfshihet në proces, siç mund të kuptohet nga deklarata e zyrës së Grenellit që tha se, ‘të gjithë janë të mirëseardhur’. Prishtina do të duhej të jetë e qartë dhe në mënyrë të pa ekuivokë për t’u përballur me një propozim katastrofal për ndarje”, ka theksuar Serwer.

Ambasadori i Rusisë në Beograd, Kharcenkom ka thënë po ashtu se shkëmbimi i territoreve dhe idetë tjera “mund të vlerësohen vetëm nga Prishtina dhe Beogradi”. Sipas Serwerit, tema e shkëmbimit të territoreve i shkon për shtati Rusisë, e cila dëshiron të justifikojë aneksimin e Krimesë nga Ukraina dhe krijimin e “shteteve kukulla” përbrenda Gjeorgjisë e Moldavisë.

“Rusia duhet të përfshihet vetëm nëse Prishtina pajtohet, dhe kjo nuk duhet të ndodhë përderisa Rusia nuk e njeh Kosovën si shtet të pavarur dhe sovran brenda kufijve aktual. Është e qartë se Rusia po kërkon një zgjidhje territoriale që do t’i ndihmojë në justifikimin e aneksimit të Krimesë dhe krijimin e shteteve kukulla në Osetinë e Jugut, Abhazi dhe Transnistri”, ka thënë Serwer për KOHËN.

Qëndrime të kundërta për vettingun në drejtësi kanë dhënë brenda pak ditësh dy partitë në koalicion që synojnë të formojnë Qeverinë e re, Lidhja Demokratike e Kosovës dhe Aleanca për Ardhmërinë e Kosovës.

Për dallim nga i nominuari i AAK-së për ministër të Drejtësisë, Selim Selimi, që ka paralajmëruar anulim të verifikimit të së kaluarës së prokurorëve dhe gjyqtarëve, Florian Dushi nga LDK-ja thotë se ky proces do të vazhdojë, raporton KTV.

Anëtari i Kryesisë së LDK-së shton se në sektorin e drejtësisë nuk kanë dallime me partnerin e koalicionit dhe se kanë harmonizuar programin.

Por ministrja në detyrë e Drejtësisë, Albulena Haxhiu, thotë se as LDK-ja e as AAK-ja nuk janë të interesuara që të ketë verifikim në drejtësi.

Sipas saj, këto parti duan të kenë këtë gjendje jo të mirë të sistemit të drejtësisë.

Haxhiu e sheh shqetësuese deklarimin e të propozuarit për ministër të Drejtësisë.

Më 28 shkurt, Qeveria në detyrë Kurti krijoi grupin e ekspertëve prej 10 anëtarëve për hartimin e skenarëve dhe elementet e reformës së vetingut në drejtësi.

Nuk ka asnjë problem për Albin Kurtin dhe kryeministri në detyrë i Kosovës pas një pauze 1- ditore në vetizolim nesër do t’i rikthehet detyrës nga zyra.

Shkak u bë shoferi i Ministrit të Integrimeve Europiane, Blerim Reka i cili ka rezultuar negativ për COVID-19.

Dyshimi bëri që kabinetet e qeverisë dhe të Ministrisë të vetëizolohen por tani kanë shpëtuar dhe nuk ka rrezik për COVID_19.

Ka rezultuar negativ në testin e parë për koronavirus zyrtari i Ministrisë së Integrimit Evropian të Kosovës, i cili edhe është bërë shkas për vetizolimin e kryeministrit në detyrë, Albin Kurti, dhe të stafit të ngushtë të tij.

Lajmin e ka konfirmuar për Radion Evropa e Lirë zëdhënësi i Qeverisë në detyrë të Kosovës, Përparim Kryeziu.

Kryeziu ka thënë se Kurti dhe stafi i tij do të dalin në punë nga dita e martë.

“Qe nga nesër do te rifillojmë punën, duke pasur kujdes edhe më të shtuar për mënyrën se si ndërveprojmë dhe vëmendje për higjienën tonë, me qëllim të zbatimit të udhëzimeve nga institucionet shëndetësore”, ka thënë Kryeziu.

Përpos kryeministrit në detyrë, Kurti, edhe ministri në detyrë i Integrimit Evropian, Blerim Reka, dhe kabineti i tij janë futur në vetizolim, pasi një zyrtar i kësaj ministrie ka pasur kontakt të ngushtë me një person që ka rezultuar pozitiv në testin për koronavirus.

Vetë kryeministri në detyrë, Albin Kurti, gjatë ditës së hënë, ka njoftuar se nuk ka shkuar në zyrën e tij.

Deri tash, në Kosovë janë konfirmuar 884 raste pozitive me koronavirus, 655 janë shëruar, ndërsa 28 pacientë kanë vdekur.

Ish-kryeministri i Kosovës, Ramush Haradinaj, është i mendimit se disa qarqe evropiane duan të pengojnë një marrëveshje për njohje reciproke me Serbinë.

Në një intervistë për Ora News, Haradinaj thotë se BE-ja është e pafuqishme për t’u marrë tashmë me çështjen e kufirit mes Kosovës dhe Serbisë, madje ai shprehet i habitur me qëndrimin e Gjermanisë dhe kancelares Merkel, e cila përkrah Josep Borell, i cili le të hapur çështjen e kufijve.

“Është dëshirë për të penguar një marrëveshje nga disa qarqe evropiane. Dikur evropianët mundoheshin t’i atribuonin kritikën për diskutim të territorit të Kosovës amerikanëve. Tani shihet se evropianët nga frika që amerikanët mund ta përshpejtojë arritjen e një marrëveshjeje ata vetë e hapin mundësinë e diskutimit të territorit, në mënyrë që të krijojë rezistencë ndaj arritjes së një marrëveshje. Evropa në të kaluarën e bëri një gabim të madh. I la zonjës Mogerini duar të lira të flasë në emër të BE-së”, ka thënë Haradinaj.

Kreu i AAK-së ka përmendur edhe idenë për shkëmbim të territoreve, duke thënë se diskutime të tilla kanë sjellë luftëra.

“Është e habitshme sot Berlini zyrtar si e lejon zotin Borell. Merkel ishte kundër lëvizjes së kufijve dhe e ne çojmë këtë, tani habitem si e lejon Merkel njeriu që flet në emër të BE të lërë të hapur mundësinë e shkëmbimit të territoreve. Kjo flet për pafuqinë e BE për ta trajtuar këtë temë me sukses. Berlini zyrtar u nxitua të deklaronte se Borell dhe Lajçak janë Gjermania dhe ne i përkrahim. Për mua është e palogjikshme. Si mundet Berlini zyrtar të jetë në një vijë me Borell i cili le të hapur çështjen e kufijve të territoreve. Duhet që kancelarja Merkel dhe presidenti Makron të veprojnë me Borell njësoj siç kanë vepruar me Mogherinin për t’ia marrë temën e dialogut.

Është rrezik të lejohet vazhdimi i marrjes me çështjen e dialogut Kosovë-Serbi, i cili ka tolerancë të tillë. Toleranca e diskutimit të çështjes së territoreve të kufijve në Ballkan ka sjellë luftëra. Të gjithë e dinë kur diskutohen kufijtë në Ballkan sidomos kur janë ndalë me luftë”, ka thënë ai.

Ndaj ish-kryeministrit të Kosovës, Ramush Haradinaj ka një padi, që kryeministri i Shqipërisë, Edi Rama e ka bërë për shpifje.

Haradinaj thotë se nuk ka frikë nga paditë, pasi sipas tij nuk e ka nënshtruar as Millosheviqi.

”Rama ka menduar që me këto padi i frikëson njerëzit, i ndalon. Ka menduar se të gjithë jemi në një mënyrë të nënshtruar nga ai. Ndoshta në Shqipëri e praktikon këtë me oponentët dhe të tjerët. Rama e di që Millosheviqi nuk më ka nënshtruar mua dhe familjen time. Askush kurrë nuk mund të më nënshtrojë të drejtën e shqiptarëve dhe të Kosovës”, u shpreh Haradinaj për oranews.

”Unë jam shqiptar, unë nuk e mbroj Kosovën vetëm për shqiptarët e Kosovës, e mbroj Kosovën se është e drejtë historike e shqiptarëve në Ballkan. Shqiptarët janë popull që asnjëherë nuk kanë marrë nga të tjerët. Të tjerët kanë marrë nga shqiptarët. Është histori e ditur dhe e dhimbshëm sa jemi copëtuar dhe zvogëluar në vazhdimësi”.

”Jam i atij brezi që dua ta ndryshoj këtë logjikë. Ka hyrë mijëvjeçari i tretë, UÇK e ka ndryshuar këtë logjikë. Fqinjët tanë që nuk i respektojnë për vlerat e tyre me të cilët dëshirojnë të bashkëjetojnë nuk mund të marrin prej të drejtës tonë.

Sipas tij, Rama, Vuçiç dhe Thaçi kanë punuar për ndarjen e Kosovës.

”Kam një padi aq sa di unë sepse nuk më ka ftuar gjykata, por jo ajo padi, po çka do qoftë tjetër nuk ka për të heshtur të drejtën e shqiptarëve. Ai ka qenë pjesë direkte, ai dhe lobi i tij dhe sejmenët e tij kanë punuar intensivisht për ndarjen e Kosovës, sikurse ishte edhe zoti Thaci edhe zoti Vuçiq”.

”Po për fat, qendrat vendimmarrëse, Uashingtoni zyrtar, mekanizmat e sigurisë, ata që e zbatojnë gjeostrategjikë për stabilitet në botë e kanë kuptuar lojën e tyre. I kam thënë edhe zotit Rama edhe të tjerëve, se kufijtë i kanë vendosur çizmet. Nuk i kanë ndarë ende çizmet”.

”Pra nuk mundet kravatat të ndërrojnë kufijtë sa herë duan pa u marrë vesh me çizmet. Çizmet i kanë vendosur kufijtë”, ka deklaruar kreu i AAK’së.

Kryeministri në detyrë i Kosovës, Albin Kurti thotë se Kosova ka arritur të ulë dukshëm lakoren e koronavirusit, duke shtuar se në 13 ditët e fundit, në vend janë regjistruar më shumë raste të të shëruarve se të infektimeve të reja.

Përmes një postimi në Facebook, Kurti u ka bërë thirrje qytetarëve që të vazhdojnë të respektojnë masat e autoriteteve shëndetësore, me qëllim, që siç tha ai, të arrihet “fitorja e shumëpritur” kundër sëmundjes COVID-19, që shkakton koronavirusi.

“Nuk është momenti për ta kthyer mbrapsht gjithë progresin e shënuar. Le të mos e humbim ndeshjen në 10 minutat e fundit. Kemi bërë një rrugë të gjatë dhe të vështirë për të arritur deri në këtë pikë. Jemi kaq afër fitores, saqë rikthimi i virusit në mesin tonë do të ishte edhe më zhgënjyes sesa vetë ardhja e tij”, ka shkruar Kurti.

Në Kosovë janë shënuar 880 raste me koronavirus, ku 653 prej pacientëve janë shëruar dhe 28 kanë vdekur.

Nga 4 maji ka nisur faza e parë e lehtësimit të masave të izolimit. Qytetarët kanë të drejtë që të dalin çdo ditë për një orë e gjysmë – 90 minuta paradite dhe 90 të tjera pasdite. Orari i qarkullimit është i ndarë në grupe dhe është i rregulluar në bazë të numrit të parafundit personal në letërnjoftim.

Në fazën e parë – që ka nisur më 4 maj dhe do të jetë deri më 18 maj – është lejuar hapja e disa bizneseve si: ndërtimtaria dhe patundshmëria, tregtia e automjeteve, pjesërisht tregtia me pakicë, pjesërisht riparimi i artikujve personalë dhe i orendive, si dhe zyrat e konsulencës.

Faza e dytë fillon nga 18 maji deri më 2 qershor dhe gjatë saj do të fillojë operimi i bizneseve, si: tregtia me pakicë, dentistët dhe fizioterapeutët, floktarët dhe sallonet e ondulimit, tregu i gjelbër, gastronomia, transporti hekurudhor, transporti urban dhe ndër-urban dhe qendrat e thirrjeve.

Faza e tretë, ndërkaq, hyn në fuqi më 2 qershor e deri në vendimin e radhës dhe do të lejohen transporti urban dhe ndër-urban, taksitë, gastronomia, provimet në arsimin e lartë, testi i maturës dhe arritshmërisë, hapja e kinemave, e teatrove dhe hapja selektive e aktiviteteve sportive. rel

Ministri në detyrë i Mbrojtjes dhe anëtari i Kryesisë së LDK’së, Anton Quni, ka sqaruar abstenimin e tij në mbledhjen e LDK’së kur është përcaktuar për Avdullah Hotin, kryeministër. Quni në një intervistë për Gazetën Express tha se ka propozuar disa emra tjerë për të cilët ka pasur bindjen se mobilizimi i LDK’së rreth atyre personaliteteve do të ishte më i fuqishëm. Ai po ashtu u shpreh i bindur se Vjosa Osmani do të vazhdojë të jetë pjesë e LDK’së. Quni tha po ashtu se është gatshëm të jetë përsëri ministër në Ministrinë që aktualisht e drejton nëse këtë ia beson partia.

Anton Quni në garën për deputet të LDK’së në zgjedhjet e 6 tetorit, kishte arritur të jetë i 3-i në listë pas Vjosa Osmanit e Kujtim Shalës, duke grumbulluar 31 mijë e 731 vota.

I pyetur lidhur me pozicionin për emrin e Avdullah Hotit për kryeministër dhe deklaratën e nënkryetarit Lutfi Haziri dhënë në Pressing të T7 ku tha se s’ka besuar se Hoti do të pranonte pozitën e shefit të qeverisë, Ministri Quni tha se përkundër qëndrimit të tij abstenues e ka respektuar qëndrimin e shumicës.

“Jo çdo herë jemi të gjithë të një mendimi, por pas shterjes së argumenteve rreth opsioneve dhe mundësive të tjera, tema artikulohet dhe merr kahje duke e respektuar qëndrimin e shumicës. Në këtë frymë, përkundër qëndrimit tim abstenues, dua ta potencoj përfundimisht se unë e respektoj qëndrimin e strukturave vendimmarrëse për nominimin e profesor Hotit për kryeministër”, ka thënë Quni

Anëtari i kryesisë së LDK’së tha se është e vërtetë që në mbledhje ka listuar disa emra tjerë për të cilët mobilizimi i LDK’së do të ishte më i fuqishëm.

“Unë nuk kam shprehur asnjë dyshim në drejtim të asnjë personaliteti të LDK’së. E vërteta është që i kam listuar disa emra, për të cilët kam menduar se ia vlejnë të merren në konsideratë edhe për faktin që kisha bindjen se mobilizimi i LDK’së rreth atyre personaliteteve do të jetë më i fuqishëm”, shtoi Quni.

Ministri aktual i Mbrojtjes foli edhe për koalicionin e LDK’së me AAK’në dhe Nismën, ku partia që i takojë do të jetë udhëheqëse e qeverisë se ardhshme nëse për këtë vendosë Gjykata Kushtetuese.

Ai u shpreh i bindur se LDK’ja do të qeverisë denjësisht në cilin do format qeverisës me kuadrot që përfaqëson.

“Jam i bindur se çdo kuadër i LDK’së, në cilin do format qeverisës, me këdo dhe në çfarëdo rrethana, me cilat do përgjegjësi që marrin për t’iu shërbyer qytetarëve dhe shtetit do të tregojnë performancë të lartë dhe do të shërbejnë me përkushtim të madh”, tha ai.

Quni po ashtu tha se ministrinë të cilën e drejton është e një rëndësie të veçantë dhe si e tillë edhe në qeverinë e re duhet t’i takojë LDK’së.

“Ministria e Mbrojtjes është e rëndësisë së veçantë si një ndër faktorët e forcimit të paqes dhe stabilitetit, jo vetën në Kosovë por edhe në rajon, prandaj si e tillë do të duhej të jetë nën interesimin dhe përkushtimin e veçantë të LDK’së”, tha ai.

Ish-komandanti i Koshares u shpreh i gatshëm që sërish ta udhëheqë këtë ministri nëse partia ia beson këtë.

“Unë jam i gatshëm që t’i pranojë përgjegjësitë si Ministër i Mbrojtjes nëse të njëjtën ma kërkojnë dhe besojnë autoritetet e LDK’së”, u shpreh Quni.

Tutje, Quni foli edhe për ish-kandidaten për Kryeministre të LDK’së, Vjosa Osmani kur u pyet se a beson që Osmani do të vazhdojë rrugëtimin e saj politik në Lidhjen Demokratike të Kosovës.

Anëtar i Kryesisë së LDK’së u shpreh i bindur se përkundër spekulimeve, Vjosa Osmani do të mbetet në LDK.

“Përkundër spekulimeve të shumta që krijohen në situata që kanë kundërthënie apo qëndrim ndryshe të akterëve në subjektin politik, unë jam i bindur se zonja Osmani do të mbetet brenda familjes së LDK’së. Rrugëtimi i LDK’së do të vazhdoj të na bashkoj të gjithëve”, tha ai.

Quni po ashtu deklaroi se ata që presin ndarje të LDK’së do të mbesin të zhgënjyer.

“Të gjithë ata që presin një fragmentarizim tonin, mundem vetëm të ju bëjë të ditur se kot ushqehen me shpresën se do ta dobësojnë LDK’në dhe rolin e saj në forcimin e Republikës së Kosovës. Ne do të qëndrojmë të bashkuar dhe të unifikuar përreth programit dhe vlerave të djathta përëndimore, në të cilat besojmë dhe me të cilat ne zhvillojmë politikat tona programore dhe është boshti që na bashkon neve në LDK”, përfundoi Quni./GazetaExpress/

Prizren

Pas injorimit dhe anashkalimit të mërgatës nga pushtetet e pas luftës, kohëve të fundit nga njerëz të papërgjegjshëm apo të pa informuar mirë, e për më keq, nga figura të skenës politike (publike) po atakohet padrejtësisht dhe fyhet rëndë mërgata jonë, pjesa më e shëndoshë e arteries tonë kombëtare.

Fyerje të rënda për Diasporën

I pari që e filloi luftën kundër mërgatës tonë një vit më parë ishte gazetari Valon Syla, me fjalorin fyes e denigrues; “Diaspora shqiptare është primitive, janë pasardhësit e analfabetave,…diaspora ka ende të menduarit e viteve të ’90-ta”!
I fundit që fyeu publikisht mërgatën tonë ditë më parë është Haxhi Hoti, ish kandidat për deputet nga radhët e NISMA-s, i cili në një postim në llogarinë e tij në Facebook, u shpreh pikërisht kështu; “Mërgatës me ligj duhet me ja ndalu të drejtën me votu në Kosovë, mërgata e Kosovës janë njerëz shumë të paditur, nuk mundet me i ditë gjërat njeriu prej TV dhe prej internetit. Mos përzihi në Kosovë shumë, se në shtëpit e juaja nuk ju vet kush as maraba nuk ju thonë fëmijet e juaj. Mërgata e Kosovës kur qohen në 4 të mengjesit me punu mendojnë që për Kosovën po qohen me punu, jo për Evropë jeni tuj punu, e jo për Kosovë. Po ta kishit dashur vendin kaq shumë, ishit ardhur në luftë me luftu për Kosovë”.
Sikurse fyerja e parë nga gazetari Syla, ashtu edhe kjo e fundit nga aktvisti i subjektit politik NISMA, janë fyerje të rënda dhe skandaloze, që vijnë nga jeta publike, gjegjësisht prej një gazetari dhe prej një anëtari të një subjekti politik i cili pretendon të qeverisë me vendin.

Askush nuk dha më shumë se mërgata për lirinë e Kosovës

Janë me qindra e mijëra shembuj e argumente që e dëshmojnë të kundërtën e asaj që e kanë pohuar për mërgatën gazetari Syla dhe anëtari i NISMA-s, mund të shkruhen mijëra e miliona fjalë miradie për kontributin e mërgatës tonë para, gjatë dhe pas luftës në Kosovë, por që nuk mund të shkruhet asnjë fjalë e vetme pozitive për ata që fyejnë vlerat tona kombëtare
Janë me qindra të rinjë nga mërgata e jonë që ishin pjesë aktive e luftës çlirimtare, dhjetëra prej tyre ranë dëshmorë në altarin e lirisë, e sa të tjerë i lanë gjymtyrët e trupit të tyre për lirinë që sot e gëzojmë.
Me të përfunduar lufta, mërgimtarët që deri dje ishin të rreshtuar në vijat e para të frontit, nuk vrapuan pas pushtetit, por iu kthyen punës e jetës në shtetet perëndimore për të vazhduar misionin e tyre të ndihmës së pakursyer në rindërtimin e shtëpive të rrënuara gjatë luftës, për shtetndërtimin dhe zhvillimin ekonomik të vendit tonë.
Nuk dëshiroj ta kualifikojë me fjalë fyese gazetarin Valon Syla dhe as aktivistin politik, z. Haxhi Hoti, ish kandidatin për deputet nga radhët e NISMA-s për fyerjet e turpshme ndaj mërgatës tonë, për arsye se jam i bindur që kanë mungesë të informacioneve për mërgatën dhe vlerat e saj sublime.
Nga këtu, ju bëj thirrje të sinqertë të gjithë bashkombasve në Kosovë dhe trojet etnike, që para se të flasin për mërgatën, është mirë që të informohen paraprakisht për kontributin e çmuar dhe vlerëmadh të mërgatës tonë ndër dekada si në sensibilizimin e çështjes së Kosovës në botën perëndimore ashtu edhe në aspektin logjistik e financiar, që nga krijimi i themeleve të Republikës së Kosovës në vitet e ’90-ta, me finacimin e shtetit paralel në rrethanat e okupimit klasik të Serbisë (mbajtjen e arsimit shqip dhe shëndetësisë), kontributin e jashtëzakonshëm gjatë luftës çlirimtare dhe për ndihmat e pandërprera pas përfundimit të luftës, në rindërtimin dhe zhvillimin ekonomik të vendit tonë.
Kur jemi në këtë segment, vetëm mbajtja e arsimit shqip në vitet e ’90-ta në Kosovë e kishte koston mujore prej disa miliona DM, para këto ardhura nga mërgata jonë.

Viti 1990, vit i themeleve të shtetit

Ky shkrim vjen si nevojë e informimit dhe ndërgjegjësimit të bashkatdhetarëve në trojet etnike, se historia e më e re e Kosovës nuk ka filluar me 6 tetor të vitit 2019 dhe as me 17 shkurt të vitit 2008, por në fund të viteve të ’80-ta dhe fillim vitet e ’90-ta.
Deklarata Kushtetuese e 2 Korrikut 1990 është gurëthemeli i pavarësisë së Kosovës, ndërsa Kushtetuta e Republikës së Kosovës e 7 shtatorit e të njëjtit vit apo Kushtetuta e Kaçanik paraqet bazën juridike dhe ligjore të shtetit të Kosovës, kurse Referendumi gjithëpopullor për Kosovën shtet sovran dhe të pavarur të mbajtur prej 26-30 shtator 1991 shënon vulën plebishitare të popullit të Kosovës për shtet të pavarur dhe sovran.
Pa këto dokumente të rëndësishme historike, Kosova nuk do të arrinte dot as të zhvillimet tjera të më vonshme që u kurorëzuan më luftën çlirimtare, e madje as në 17 shkurtin e 2008-së, që shënon fillimin e njohjes formale ndërkombëtare të Republikës së Kosovës, kërkesë kjo që i rrodhi nga goja Presidenti historik Ibrahim Rugova deri në frymën e tij të fundit.

Mendësia e viteve të ’90-ta, mendësi e krijimit të shtetit

Suporti kryesor financiar i të gjitha zhvillimeve për dhe rreth Kosovës ishte mërgata e jonë, e cila i financoj të gjitha aktivitetet politike, arsimore, shëndetësore e deri tek ato ushtarake në luftën e fundit çlirimtare.
Me këtë rast, dëshiroj t’i rikujtoj gazetarit Syla, poltikanit Hoti dhe secilit që mendon njëjtë sikurse ata, se pa ndihmën e mërgatës sonë, nuk do të ishte i mundur të realizohej projekti i pavarësisë dhe as çlirimit të vendit tonë.
Mendësia e viteve të ’90-ta ishte mendësi e pastër dhe shëndoshë, e cila edhe sot i duhet Kosovës, më shumë së asnjëherë më parë, për shkak se, ajo ishte mendësi e dhënjes gjithçka për shtetin e Kosovës, e jo marrja gjithçka nga shteti siq ndodhi përgjatë këtyre 21 vjetëve të fundit.

Zoti e bekoftë mërgatën, arterien më të çmueshme dhe më të shëndoshë të qenjes tonë kombëtare!

Anëtarja e LDK’së, Donika Gërvalla ka lëshuar akuza të reja në drejtim të kreu të partisë, Isa Mustafa.

Gërvalla ka thënë se mendësia e Isa Mustafës e mban klanin e PDK’së brenda LDK’së.

“Kushtetuta thotë: “Sovraniteti i Republikës së Kosovës buron nga populli, i takon popullit dhe ushtrohet, në pajtim me Kushtetutën, nëpërmjet përfaqësuesve të zgjedhur.Isa Mustafa thotë: “Qytetari s’vendos se kush do ta qeveris vendin, vota vendos për deputetë. Në zgjedhjet e përgjithshme s’vendoset për qeveri, por për Kuvend.” Mendësi “akademiku”, jo mahi.
Kjo mendësi e mban peng “Lidhjen” dhe nëse nuk rezistojnë nëndegët dhe degët e LDK-së, atëherë klani PDK brenda “Lidhjes” nuk ka për ta lēshuar deri sa të pushojë së ekzistuari”, ka shkruar Gërvalla.

Ajo ka thënë se sjelljet e Isa Mustafës tregojnë që nuk e sheh votën e qytetarit si detyrim dhe manipulon sa herë t’ia kërkojë Presidenti Thaçi.

“Problemi në fakt është që këtu nuk ka asgjë të re. Sjelljet e Isa Mustafës kanë treguar me kohë që ai pikërisht kështu mendon dhe që votën e qytetarit nuk e sheh si detyrim dhe prandaj pa hezitimin më të vogël e manipulon dhe tjetërson sa herë t’i teket dhe sa herë t’ia kërkojë Thaçi”, ka shkruar ajo në Facebook./GazetaExpress/

Garda Kombëtare e Iowa-s ka njoftuar se do të dërgojë në Kosovë 400 trupa shtesë, të cilët do t’i bashkëngjiten misionit paqeruajtës të KFOR-it.

Sipas një njoftimi të publikuar nga Garda e Iowa-s, trupat amerikane pritet të vijnë në Kosovë, më vonë gjatë këtij viti.

“Një grup shtesë prej 400 ushtarësh të Gardës Kombëtare të Iowa-s kanë marrë urdhrat për të mbështetur misionin e vazhdueshëm të KFOR-it në Republikën e Kosovës”, thuhet në njoftim.

Nisja e trupave amerikan pritet të ndodhë në muajin gusht dhe shtator.

Njoftimi për dërgimin e trupave shtesë nga SHBA-ja në Kosovë, vjen disa muaj pasi zyrtarët amerikanë paralajmëruan se mund të tërheqin trupat nga Kosova, nëse Prishtina zyrtare nuk heq taksën ndaj produkteve serbe, pa kushte.

Më 1 prill, Qeveria në detyrë e Kosovës hoqi taksën dhe vendosi masën e reciprocitetit ndaj mallrave serbe. rel

Nënkryetari i LDK’së, Lutfi Haziri, ka thënë në emisionin Pressing në T7 se Serbia po dëshiron të ketë një marrëveshje ku përfshihen territoret pasi asaj i konvenon një marrëveshje e tillë.

“Serbia ka një lloj kontrolli prej Ibrit e lart. Po dëshiron të ketë marrëveshje të lumenjve e jo të kufijve. Serbia de fakto kontrollon pjesërisht veriun dhe futja në biseda për territore do të sjellë kontrollin e saj edhe në pjesën juglindore të Kosovës. Serbia po dëshiron të zbresë prej Karadakut në Moravë”, thotë Haziri.

Haziri po ashtu thotë se marrëveshja nuk do të përmbyllet pa konsensus të partive dhe po ashtu se SHBA’ja është angazhuar maksimalisht në dialog.

“Tre të dërguar SHBA’ja i ka pasur në bisedime vetëm në kohën e luftës. Tani ëprsëri i ka tre. Ambasadori Kosnett, Matheëë Palmer dhe ambasadori Grenell”

“Gjithashtu, BE’ja është futur në dialog fuqishëm dhe marrëveshja mund të arrihet shpejt. Lajcaku nuk është anti-kosovar. Ai është shumë i njohur më zhvillimet në Ballkan. Borrelli është politikan i formatit të Javier Solanës. Nuk e ka të njëjtën fuqi por në format janë politikanë të njëjtë”, shton ai. /Express/

Kryeministri i vendit Albin Kurti ka përsëritur pretendimin e tij se Presidenti Hashim Thaçi ka marrëveshje sekrete me Presidentin e Serbisë Aleksandar Vuçiq, por sipas së cilës Kosova kursesi nuk fiton territor Bujanocin dhe Preshevën.

Ai thotë se nga kjo marrëveshje Kosova do duhej të hiqte dorë nga disa komuna.

”Është një marrëveshje sipas të cilës Kosova do duhej të hiqte dorë nga komunat në Veri të lumit Iber, Serbia do të fitonte edhe ndonjë komunë shtesë me serbë në jug të Ibrit”.

”Për kompensim thuhet që Kosova do të mirrte ca fshatra në Luginën e Preshevës por kursesi Bujanovcin dhe Preshevën”.

Në Opinion të TV Klan ai shprehet i bindur se një marrëveshje sekrete ekziston.

”Ata kanë bërë marrëveshje, marrëveshja sekrete është sekrete. Unë s’e kam. Po ta kisha do ta tregoja. Unë nuk mendoj që kufiri i imagjinatës tuaj është Enver Hoxha”.

Lidhur me këtë ai nuk përmendi emrat e atyre që ia kanë përmendur detajet e ujdisë finale, njofton Klan Kosova.

”Një bashkëpunëtor i Presidentit të Kosoëvs ka biseduar me njërin prej njerëzve më të afërt të mi, e pak a shumë këtë gjë ia ka paraqitur si një gjë shumë të favorshme për Kosovën dhe një gjë e tillë do të kalonte në një referendum”.

”Nuk kam pse ua them unë emrat, ata kanë pasur takim gjysëm formal këtë ua kam shpjeguar edhe në Kuvendin e Republikës së Kosovës. Por se ka një ujdi mes tyre unë nuk kam dilema”.

Komisionari i Bashkimit Evropian për Zgjerim dhe Fqinjësi, Oliver Varhelyi ka folur të enjten para deputetëve të Parlamentit Evropian për rezultatet e Samitit të Zagrebit, i cili është zhvilluar një ditë më herët përmes një video-konference.

Ai e ka quajtur si shumë të rëndësishme deklaratën e miratuar nga ajo konferencë dhe zotimin e dyanshëm për një perspektivë evropiane për rajonin e Ballkanit Perëndimor.

Ai në këtë debat është përgjigjur edhe në pyetjet rreth ideve për shkëmbim territoresh, dialogun mes Kosovës dhe Serbisë si dhe për çështjen pothuajse të bllokuar të liberalizimit të vizave për Kosovën.

“Pozicioni ynë ka qenë i qartë nga fillimi. Kyçe është ajo për të cilën pajtohen dy vendet. Një marrëveshje rreth së cilës pajtohen dyja palët dhe që nuk paraqet rrezik për shtetet tjera të rajonit” ka thënë Komisionari evropian.

Ai ka shtuar se pasi të arrihet te marrëveshja eventuale mes Kosovës dhe Serbisë, atëherë mund të shikohet në elementet e ndryshme të saj.

“Nuk mendoj se shkëmbimi i territorit është një çështje, mendoj e ajo është një çështje dytësore” ka thënë ai.

Komisionari i BE-së ka thënë se është me rëndësi që të dyja palët në tryezë të angazhohen në mënyrë domethënëse dhe të arrijnë te zgjidhja.

Në këtë aspekt ai ka thënë se pret që rol të madh të ketë i dërguari i posaçëm për procesin e dialogut, Mirosllav Lajçak.

Varhelyi ka folur edhe për mungesën e liberalizimit të vizave për Kosovën. Ai ka thënë se, për fat të keq, nuk ka parë ndonjë lëvizje në Këshill rreth kësaj çështjeje

“Ne në vazhdimësi lobojmë te shtetet anëtare. Kriza ka dëshmuar se sa e rëndësishme është që të ketë korridore të gjelbra për lëvizje ndërkufitare dhe këtë mund të shfrytëzojmë për t’iu sqaruar vendeve anëtare se pse duhet të fillojmë të konsiderojmë liberalizimin e vizave në një afat të shkurtër” është shprehur ai.

Zyrtarët e Bashkimit Evropian presin që sa më shpejt të vazhdojë dialogu mes Kosovës dhe Serbisë ndonëse pranojnë se tash, ngërçi i ri politik në Kosovë si dhe shpallja e zgjedhjeve në Serbi, e kanë komplikuar këtë proces.

Shumica e diplomatëve në BE besojnë se dialogu do të mund të rifillonte pas zgjedhjeve në Serbi dhe pasi të sqarohet situata politike në Kosovë. rel

Idealet për shtetin e dytë të shqiptarëve në Ballkan u realizuan, si maratonë për bashkimin e të gjitha pjesëve të coptuara padrejtsisht nga fuqitë e kohës.Kosova u pavarësua , por shteti më i ri në Evropë, nuk po ndërtohet mirë , kjo nuk ka dyshim.U bënë investime të mëdha ushtarake nga miqët tanë ndërkombëtar, u bënë investime të mëdha njerëzore e materjale të shqiptarëve kudo që jetojnë .Kjo çka ndodhi në kushtet e paqës, është shumë e quditshme dhe është shumë e pa justifikueshme.

U mashtruam keq nga ata që erdhën në pushtet.U mashtruan nënat që i sakrifikuan fëmijët e tyre për Kosovën.U mashtruan ushtarët e luftës çlirimtare, u mashtruan të gjithë ata që atdheun dhe patriotizmin e kan në shpirt. U mashtruan së kanë pritur më të drejtë të jetojnë të lumtur .Shumë gjatë ju dha rasti njerëzve të politikës që ti avansojnë proceset zhvillimore dhe proceset demokratike . Ju ra perdja të gjitha këtyre mbrapshtive në kurriz të qytetarëve .E pamë të gjithë më në fund së këta hazarder të politikës hodhën vallën e keqe më ekzistencën tonë, më lumturinë tonë,më kohën dhe më pronën tonë…Shumë kush ndanë mendimin pse njerëzit janë të predisponuar të besojnë në gjëra të zbrazëta?

Pse u bësuan gjatë këtyre rrenave të politikanëve tanë? Këtë mua vështirë të ma shpjegon ndonjëherë kush. Ne vend që të merrën në përgjëgjësi të gjithë ata që abuzuan më të mirat materjale dhe abuzuan edhë më lirinë tonë , neve ju kemi nënshtruar busullës virtuale të luftës , e cila dihet së qka prodhon. Asgjë hiq. Ky është realiteti ynë.Politika po bëhët të ne më do rregulla të pashkruara, duke mos u bazuar në ligje , në kushtetutë dhe as ne rregullat demokratike te lojes .Gjithëqka po matet përmes arshineve financiare.

U shpartalluan dinamikat sociale duke e pru gjendjen e mjerushme materjale e shpirtërore.Dhe, ky popull ka mbetur krejtë i vetmuar. Duke mbajtur disi shpresa njeriu në fund të qdo viti e sheh të arsyeshme të bën rekapitulimin e 12 mujave te kaluara. Bëhemi sentimental nga ajo që edhe një vit kalendarik e kemi lenë mbrapa, pa bërë po thuaj asgjë , duke kërkuar arsyetime së në vitin vijues ndoshta do të bëhët më mirë. Deri më sot , të gjitha na dolën vëtëm iluzione. E na fakt ,njeriu si çënje biologjike , edhe nuk mund të jeton pa iluzione. Nese mundohemi të përshkruajmë gjithë ato përjetime tona , më duket së pak kemi shënja më këtë klasë politike , së do të bëhët mirë edhe për shumë kohë në Kosovë. Ne jetën e shumicës po mbretëron një situatë gadi kaotike, pa siguri dhe frikë për fëmijët tanë .Këtë dezorjentim zor më e kuptuar , kur i kemi të gjitha kushtet , që edhe në vendin tonë të jetohet mirë.

Po mbytemi në të zeza , sikur nata e pa fund.Nuk po ekziston vullneti dhe dëshira që ta kuptojmë njeri-tjetrin. Nuk po dëshiron kush ta kupton mendimin ndryshe. Nuk e dëshiron kush kompromisin, pa të cilën komponent nuk arrihet paqja e ndërsjellë, dhe as paqja sociale. Shumë pak na ka mbetur më çka të krenohemi.Kjo gjendje na dërgon në thëqafje kolektive. Kjo më duket mua është aktualisht fotografia e Kosovës, për vitet që i kemi lënë mbrapa…?!

Nga zyra e emisarit amerikan, Richard Grenell, nuk kanë pranuar që të komentojnë fare letrën e kryeministrit në detyrë, Albin Kurti, dërguar në adresë të zëvëndëspresidentit amerikan, Mike Pence, në të cilën lideri i VV’së ishte ankuar se Thaçi ka keqinformuar Grenellin rreth idesë së shkëmbimit të territoreve.

Kryeministri në detyrë i Republikës së Kosovës, Albin Kurti, i ka dërguar letër zëvëndës presidentit amerikan, Mike Pence, në të cilën ka shprehur shqetësimet e tij se presidenti i Kosovës, Hashim Thaçi, ka keqinformuar emisarin e Trump për dialogun Kosovë-Serbi, Richard Grenell, rreth çështjes së shkëmbimit të territoreve.

Dërgimin e letrës dhe përmbajtjen e saj e kanë shpjeguar edhe nga zyra e kryeministrit në detyrë.

“Ai (Kryeministri Albin Kurti) nuk është ankuar për Ambasadorin Grenell, por ka shprehur shqetësimin e tij mbi planet e Presidentit Thaçi për shkëmbim territorial, eufemizëm për ndarje të Kosovës, për të cilat nuk e ka informuar si duhet Ambasadorin Grenell”, thuhet në përgjigjen e Zyrës së Kryeministrit për Kallxo.com.

Përveç tjerash në këtë letër, Kurti ka shprehur shqetësimet e tij për veprimet e presidnetit Thaçi rreth krijimit të qeverisë së re pas realizimit të mocionit të mosbesimit.

Gazeta Express lidhur me këtë letër të Kurtit në drejtim të zv.presidnetit amerikan Pence të mëkurën ka kontaktuar zyrën e emisarit të Trump, Richard Grenell, për t’i pyetur nëse janë në dijeni të një komunikimi të tillë të Kurtit me njeriun e dytë të administratës së Trump.

Dick Custin, zëdhënësi i Përfaqësuesit Special Presidencial të SHBA’së për dialogun Kosovë-Serbi ka thënë se asnjëherë s’i komentojnë komunikimet personale diplomatike.

“Ne kurrë nuk komentojme rreth çfarëdo komunikimi diplomatik personal që mund të ekzistojë ose që mund të mos ekzistojë.”, thuhet në përgjigjen e Custin për Gazetën Express.

Për letrën e Kurtit drejtuar Pence sot ka folur gjithashtu edhe kreu i shtetit, Hashim Thaçi.

Presidenti ka thënë se Kurti mund t’i shkruaj kujtdo që dëshiron, por sipas tij, Shtetet e Bashkuara të Amerikës e njohin realitetin në Kosovë.

“Institucionet e Kosovës dhe populli i Kosovës ka pasur gjithmonë besim në përkushtimin dhe rolin e SHBA-së.Nuk janë me rëndësi deklarimet e Beogradit, sa është me rëndësi uniteti. Sa i përket letrave që theksuat unë nuk jam duke lexuar, nuk i kam pasur nëpër duart e mia. Është e lirë që t’i shkruajnë kujtdo çkado, nuk e kam ndërmend të merrem me këto letra. SHBA-ja e njeh realitetin në Kosovë shumë mirë dhe të gjithë të tjerët” është shprehur sot presidenti Thaçi në një konferencë për media.

Që nga ulja e Kurtit në karrigen e kryeministrit përplasjet e tij me presidentin Hashim Thaçi rreth asaj se kush duhet të udhëheq dialogun me Serbinë kanë qenë të vazhdueshme.

Kurti kishte propozuar një ekipë për dialogun, duke e vendosur veten në krye, mirëpo një gjë e tillë nga presidenca ishte interpretuar vetëm si një dëshirë e Kurtit.

Për Qeverinë e Republikës së Kosovës që drejtohet nga Albin Kurti, çfarëdo diskutimi në të cilin mendohet të përfshihet edhe ndryshimi i kufijve të Kosovës është i papranueshëm. Në një përgjigje të dhënë për Express nga Qeveria thuhet se nuk mund të ketë dialog me harta dhe marrëveshje që mund të përfshijë ndryshimin e kufivje të Republikës së Kosovës.

Përfaqësuesi i Lartë i BE’së, Josep Borell, dje në një intervistë për disa media të Ballkanit ka folur rreth çështjes së dialogut Prishtinë-Beograd. Në këtë intervistë Borell nuk ka kundërshtuar idenë e korrigjimit të kufijve mes Kosovës dhe Serbisë, duke thënë se një çështje e tillë duhet të zgjidhet mes dy palëve dhe se nuk i takon BE’së t’iu tregojë serbëve e kosovarëve se për çfarë duhet të merren vesh e për çfarë jo.

Por për Qeverinë e Republikës së Kosovës që aktualisht drejtohet nga Albin Kurti, nuk mund të ketë kurrfarë marrëveshje mes Kosovës dhe Serbisë si rezultat i një dialogut me harta.

Në një përgjigje për Gazetën Express, zëdhënësi i Qeverisë së Kosovës, Perparim Kryeziu, ka thënë se për ekzekutivin kosovar të gjitha diskutimet që kanë për subjekt kufijtë e Kosovës janë të papranueshme.

“Në lidhje me deklaratën e z. Borrell, qeveria thekson se dialogu duhet të jetë parimor. Ne tashmë kemi përsëritur qëndrimet tona se nuk mund të ketë marrëveshje pa dialog dhe dialog me harta. Për Qeverinë e Republikës së Kosovës, diskutimet që kanë për subjekt kufinjtë e Republikës së Kosovës si premisë për një marrëveshje janë të papranueshme ashtu sikurse një marrëveshje që përfshinë ndryshimin e tyre si rezultat”, thuhet në përgjigjen për Express.

Për Qeverinë që drejton kryeministri në detyrë, Albin Kurti, përdorimi i termit ndryshim i kufijve si zëvëndësim për ndarjen e Kosovës është i papranueshëm.

“Ndryshimi e kufijve, si eufemizëm për ndryshim territorial dhe ndarje të Kosovës është i papranueshëm për neve dhe i palejueshëm nga ne”, ka thënë tutje Kryeziu.

Në fund ai ka thënë se Qeveria mirëpret dekalrimin e Borell se dialogu duhet të jetë i lirë dhe fer mes Kosovës dhe Serbisë dhe se marrëveshja finale duhet të ketë parasysh efektet që mund të shkaktojë në rajon.

Borell dje i pyetur nëse kundërshton idenë e korrigjimit të kufijve, ka thënë se s’mund të tregohen më katolik se Papa dhe se një çështje e tillë u takon ta zgjidhin Kosova dhe Serbia.

“Siç thashë kjo është një çështje që duhet të zgjidhet në dialog mes Serbisë dhe Kosovës. Unë nuk shoh nevojën që ne të jemi më katolikë se Papa. Nuk na takon neve t’u themi serbëve dhe kosovarëve se për çfarë duhet të pajtohen ata, apo jo. Roli ynë do të jetë të lehtësojmë dialogun. Por siç thashë nuk duhet të jemi më katolikë se Papa. Nëse ata merren vesh për diçka në duhet gjithsesi ta studiojmë atë marrëveshje, sepse secila marrëveshje mes Serbisë dhe Kosovës ka ndikim në rajon”, ka thënë Borell i pyetur nëse është kundër idesë së shkëmbimit të territoreve dhe korrigjimit të kufijve”, ka thënë Borell.

Kreu i Vetëvendosjes, Albin Kurti nuk do të bëjë më aleancë me LDK-në dhe Isa Mustafën por shpreson të shkojë në zgjedhje ku do të tentojë të marrë 50% të vendeve në parlament.

Kurti thotë se nuk kishte vijë të kuqe për LDK-në po ata kaluan në anën tjetër.

“Ne nuk iu kemi vënë vijë të kuqe LDK-së, por lidershipi i kësaj partie kaloi këtë vijë të kuqe dhe kaloi në anën tjetër”, ka thënë Kurti.

Por edhe LDK nga ana tjetër duke se nuk ka ndërmend më një koalicion me LVV pasi ka nënshkruar marrëveshjen e koalicionit me AAk dhe Nismën Socialdemokrate.

Instituti Kombëtar i Shëndetësisë Publike të Kosovës (IKSHPK) ka njoftuar se është konfirmuar vetëm 1 rast i ri me koronavirus në vend.

Numri i të infektuarve me koronavirus ka shkuar në 856.

Laboratori i Mikrobiologjisë Molekulare në IKSHPK sot ka testuar 220 mostra, prej të cilave 1 ka rezultuar pozitive.

“ Rasti pozitiv është rast kontakti nga: komuna e Mitrovicës 1 rast (sipas vendbanimit: 1 rast Rekë). ”, ka njoftuar IKSHPK.

Instituti po ashtu ka bërë të ditur se janë shëruar edhe 87 persona të prekur nga koronavirusi.

Njoftimi i plotë i IKSHPK’së:

TETËDHJETË E SHTATË TË SHËRUAR DHE NJË RAST ME COVID-19!

Sot më 05 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 220 mostra të marra nga Klinika Infektive dhe gjurmimi i kontakteve të rasteve në terren.

Me SARS-CoV-2, është diagnostikuar vetëm një (1) rast.

Rasti pozitiv është rast kontakti nga: komuna e Mitrovicës 1 rast (sipas vendbanimit: 1 rast Rekë).

Sot më 05 maj 2020, janë shëruar 87 pacientë. Numri i përgjithshëm i të shëruarve deri më sot është 490 raste.

Nga data 08 shkurt deri më 05 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 8.761 mostra të dyshimta në virusin SARS-CoV-2 dhe prej tyre pozitive rezultojnë gjithsej 856 raste, me gjithsej 26 raste të vdekjes të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

Në nivel global, nga data 31 dhjetor 2019 deri më 05 maj 2020 sipas Worldometers, janë raportuar gjithsej 3.694.087 raste të COVID-19 dhe 255.597 raste të vdekjes.

QYTETARË TË NDERUAR!

JU LUTEMI TË RESPEKTONI MASAT E SHPALLURA TË PARANDALIMIT NGA INSTITUTI KOMBËTAR DHE MINISTRIA E SHËNDETËSISË!

RUAJENI SHËNDETIN TUAJ!PAKUJDESIA KUSHTON ME JETË!

AKOMA NUK KA KALUAR RREZIKU, ANDAJ NUK ËSHTË KOHA TË RELAKSOHEMI!

NA NDIHMONI SI DERI MË TANI! DUKE RESPEKTUAR RREGULLAT!

QËNDRONI NË SHTËPI, KJO UA SHPËTON JETËN!
MBANI DISTANCË FIZIKE PËR SË PAKU 2 METRA!

NA NDIHMONI PAK QË TË JU NDIHMOJMË SHUMË!

Ju faleminderit për mirëkuptim!

Ministria e Punëve të Jashtme dhe Diasporës në Kosovë bashkë me Ministrinë e Shëndetësisë kanë thënë se janë në kërkim të detajeve më të hollësishme, që lidhen me rastin e vdekjes së Agon Musliut, teksa ka qenë në karantinë, në Qendrën e Studentëve në Prishtinë.

Ato u kanë bërë thirrje organeve të hetuesisë që të punojnë për zbardhjen e këtij rasti.

Më 3 maj, viktima është raportuar se ka vdekur pasi është hedhur nga katet e larta të njërit prej konvikteve në Prishtinë.

Një ditë më parë Prokuroria Themelore në Prishtinë, ka bërë të ditur se ka filluar ndërmarrjen e të gjitha veprimeve hetimore për zbardhjen e plotë të rastit të vdekjes së 26-vjeçarit.

Në një komunikatë drejtuar mediave është thënë se zyrtarë të Ministrisë së Jashtme kanë kërkuar raporte të detajuara zyrtare nga ambasada e Kosovës në Gjermani dhe nga Qendra Operative e MPJD-së, e cila është përgjegjëse për koordinimin e kthimit të qytetarëve në Kosovë.

“Pas shqyrtimit të raporteve, kemi kuptuar që për rastin në fjalë Qendra Operative e MPJD-së dhe zyrtarët e saj, përveç shënimit në listë si ‘prob. shen. – posedonvertetim’, siç janë shënuar edhe rastet e tjera, nuk kanë pasur asnjë dokument shëndetësor. Duhet ta sqarojmë, që listat e tilla dërgohen rregullisht nga misionet diplomatike dhe ato nuk janë valide për ta përcaktuar qëndrimin apo mosqëndrimin e dikujt në karantinë, sepse ato përgatiten nga shefat e misioneve diplomatike, e jo nga organet shëndetësore”, është thënë në njoftimin e këtyre dy ministrive.

Me qëllim të luftimit të koronavirusit të ri në Kosovë, të gjithë personat që synojnë të hyjnë në këtë shtet, duhet t’i nënshtrohen karantinës 14-ditore në ambientet e Qendrës së Studentëve.

Sipas të dhënave të Institutit Kombëtar të Shëndetit Publik, deri më tani në Kosovë janë regjistruar 855 persona të infektuar, 403 të shëruar dhe 26 të vdekur si pasojë e sëmundjes Covid-19, që shkakton koronavirusi. rel

Pas humbjes tragjike të jetës së 26 vjeçarit nga Gjilani, Agon Musliu, i cili u raportua se ishte hedhur nga konviktet në Prishtinë ku po qëndronte në karantinë, tani janë bërë publike dokumentet, gjegjësisht kërkesat që i janë drejtuar Qendrës Operative të Ministrisë së Punëve të Brendshme.

Me datë 1 maj është dërguar letra e parë me kërkesë që t’i lëshohet leja e qarkullimit babait të të ndjerit, i cili siç pretendon QOE Gjilan, kishte reklamuar dokumente që Agoni ishte sëmurë nga mëlçia, njofton Klan Kosova.

Letra tjetër shpalos shkëmbimin e letrave në mes të dy Qendrave Operative, ku me datë 2 maj si kërkesë emergjente është që Agoni të kontrollohet urgjentisht nga neuropsikiatri sepse siç thuhet aty, ai ishte depresiv.

Kësaj kërkese i është përgjigjur Qendra Operative Emergjente pas disa minutash, duke i thënë se e kanë përcjellë kërkesën e tyre për angazhim të ekipeve mjekësore në Karantinën e Qendrës së Studentëve.

Ndërkohë, e kemi edhe një email, ku me datë 3 maj, përgjegjësi i karantinës, Valdet Hashani, ka bërë të ditur se pas vizitave mjekësore, katër pacientë kanë shfaqur shqetësime dhe kanë kërkuar konsulencë specialistike, e në mesin e tyre është edhe Agon Musliu, i cili sipas këtij dokumenti, kishte kërkuar psikolog ose psikiatër.

Kryetarja e Kuvendit të Kosovës, Vjosa Osmani, ka kërkuar nga trupat e Kuvendit interpretim ligjor lidhur me mandatin e deputetit Etem Arifi

Pas raportimit në media se deputeti Etem Arifi është dënuar nga Gjykata Themelore e Prishtinës me 1 vit e 3 muaj burg për mashtrim me subvencione, Kryetarja e Kuvendit të Kosovës, Vjosa Osmani, menjëherë e ka adresuar këtë çështje në instancat përkatëse meqë deri në ato momente Kuvendit nuk i ishte dërguar asnjë njoftim zyrtar lidhur me këtë rast. Zonja Osmani i ka dërguar letër Këshillit Gjyqësor të Kosovës dhe Gjykatës së Apelit, nga të cilat ka kërkuar që t`i përcillen në Kuvend aktgjykimet nga të gjitha instancat gjyqësore për rastin e deputetit Etem Arifi.

Kuvendi i Kosovës, me 1 maj e ka pranuar kopjen elektronike ndërkaq me 4 maj kopjen fizike të dokumentacionit të kërkuar nga institucionet përgjegjëse. Ndaj, po të njëjtën ditë Kryetarja Osmani ka kërkuar nga Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsion, i cili sipas fushëveprimtarisë së tij të ofroj një opinion ligjor në lidhje me mandatin e deputetit Arifi. Një opinion ligjor, kryeparlamentarja Osmani e ka kërkuar edhe nga Zyra Ligjore e Kuvendit.

Pasi që ta ketë përgjigjen nga Komisioni për mandate dhe Zyra Ligjore, kryetarja Osmani çështjen e deputetit do ta trajtojë në procedurë të rregullt në Kryesinë e Kuvendit.

“Siç mund të jeni vënë në dijeni, me 20 prill 2018, z.Etem Arifi ishte dënuar nga Gjykata Themelore në Prishtinë me dy vjet burgim me kusht, pasi ai ishte shpallur fajtor për veprën penale të mashtrimit me subvencione. Dënimi i z.Arifi, ishte konfirmuar edhe me Aktgjykimin e Gjykatës së Apelit, të datës 20 gusht 2019, me të cilin dënimi me burgim ishte ulur në një vit e tre muaj. Kurse, me 30 janar 2020, Kolegji i Gjykatës Supreme ka vendosur që ta refuzojë si të pabazuar, kërkesën për mbrojtje te ligjshmërisë, të paraqitur nga mbrojtja e z.Arifi, e ushtruar kundër aktgjykimeve të Gjykatës Themelore të Prishtinës dhe asaj të Apelit”, thuhet në letrën e kryeparlamentares.

Në letrën e saj, zonja Osmani ka theksuar se më 30 prill 2020, përfaqësuesi i autorizuar i z.Etem Arifi ka dorëzuar në Kuvend një memorandum sqarues përmes së cilit paraqet qëndrimin e z.Arifi lidhur me rastin në fjalë dhe implikimet potenciale rreth mandatit të tij si deputet.

Më tej, kryetarja e Kuvendit ka përmendur nenin 70, paragrafi 3, pika (6) të Kushtetutës së Kosovës, sipas të cilit mandati i deputetit mbaron ose bëhet i pavlefshëm, nëse dënohet me vendim gjyqësor të formës së prerë për vepër penale me një ose më shumë vjet burgim. Njëjtë rregullohet edhe në Ligjin nr.03/L-111 për të Drejtat dhe Përgjegjësitë e Deputetit, specifikisht në nenin 8, pika 1.6 të këtij ligji, si dhe në nenin 25, pikën (d) të Rregullores së Kuvendit.

“Duke pasur parasysh këto shkresa, luteni që të jepni interpretimin tuaj lidhur me mandatin e deputetit Arifi”, përfundon letra e kryreparlamentares Osmani.​

Ditë më parë duke biseduar me një kolegë timin rreth marrëveshjes me Serbinë, ndër të tjera më tha këto fjalë; “Po tutna mos jena hi në gjynah pak me ta që kena shkrue”, duke aluduar në klasën aktuale politike”!
Pa frikë, ja ktheva unë. Nëse për asgjë tjetër, politikanët tonë mëkatet i bartin për mos transparencë të veprimeve përgjatë dialogut me Serbinë dhe për pasurim të skajshëm kundrejt një popullate të varfër. Ne i kemi komentuar dhe analizuar veprimet e politikanëve tonë për aq sa ata i kanë bërë transparente marrëveshjet me Serbinë në Bruksel.

Hashim Thaçi barjaktari, Albin Kurti vjen i mbrami

Nga dëshira për të marrë primatin e çdo gjëje për Kosovën, Thaçit i mbeti bajraku në dorë, anipse punët i ka kryer dikush tjetër (ndërkombëtarët).
Tani, jo Albini, por askush tjetër nuk mund ta pengoj legalizimin e ndarjes së Veriut të Kosovës vetëm me fjalë pa veprime konkrete, të projektuar 21 vite më parë.
Asnjëri nga politikanët kosovarë, përfshirë edhe Albin Kurtin nuk kanë arsye të “rrahin gjoks” dhe as t’na shesin patriotizëm, për shkak se pjesa veriore e Kosovës nuk është e ndarë nga dje, para 6 tetorit, por është e ndarë plotë 21 vjetë më parë me vendosjen e forcave ruso-francese të KFOR-it mbi urën e lumit Ibër në Mitrovicë.
Ku ishin “trimat e xha Sulos” që nuk u organizuan për çlirimin e pjesës veriore të vendit nga bandat kriminale serbe, siq po organizohen në mbrojtje të pushtetit të kryeministrit të shkarkuar në mënyrë legjitime në Kuvendin e Republikës së Kosovës.
Trimërinë që po e provojmë ndaj njëri-tjetrit, sikur ta kishim demonstruar kundër pushtuesve serb të pjesës veriore, do ta kishim kthyer jo vetëm Luginën e Preshevës, me të cilën po abuzohet për konsum të politikës ditore, por do ta kishim kthyer edhe Nishin.

Sovraniteti i shtetit përfundon të Ura Ibrit në Mitrovicë

Problemi është se patriotizmi ynë fillon dhe mbaron tek Ura e lumit Ibër në Mitrovicë. Nuk po kemi forcë t’i kthejmë as tokat e grabitura nga Manastiri i Deçanit, e lërë më të bëjmë diçka më shumë.
Të paktën ish kryeministri i Kosovës, Hashim Thaçi (tani president i vendit), e kishte provuar me 26 korrik të vitit 2011, që ta shtrijë sovranitetin edhe në veri të vendit.
Mirepo, para përmbushjes së misionit, gjegjësisht vënies nën kontroll të pikave doganore në veri, policët e ROSU-se u sulmuan nga serbët e pjesës veriore në Bërnjakë, mes fshatrave Varage dhe Zupç, me ç’rast nga të shtënat e snajperistëve serbë u vra polici Enver Zyberi.
Megjithatë, sovranitet të plotë shteti ynë në veri të Kosovës nuk ka as sot pas 9 viteve. Gjithçka e arritur atje ka ndodhur si rezultat i negociatave me Serbinë në Bruksel, shtet ky që kontrollon rreth 25 % të territorit të Kosovës.
Edhe pse nuk u arritë qëllimi i mirë i Hashim Thaçit, të paktën për disa orë na bëri të ndjehemi krenarë me kryeministrin e vendit tonë.
Deri më tani, kush më pak, e kush tjetër më shumë, të gjithë liderët e partive serioze politike i provuam në qeverisjen qendrore.
Ardhja e Albin Kurtit në krye të ekzekutivit kishte ngjallur shpresat e shumicës së qytetarëve për ndryshime pozitive, për luftimin e korrupsionit dhe krimit të organizuar, për VETTING në sistemin e drejtësisë si edhe për shtrirje të sovranitetit në Veri dhe në brendi të vendit (nëpër enklavat serbe).

Albin Kurti len shumë për të dëshiruar…

Përveq shkarkimeve në qeveri dhe borde të ndërmarrjeve publike, për këtë kohë të shkurtër të qeverisjes, nuk ndodhi as përpjekja më e vogël e Albin Kurtit për kthimin e tokave të uzurpuara nga Manastiri i Deçanit dhe të shtrirjes së sovranitetit në Veri të vendit.
Në vend të shtrirjes së sovranitetit të shtetit në tërë territorin e vendit, nën qeverisjen e Albin Kurtit ndodhi ajo që nuk e kemi pritur, ndodhi ri-shtrirja e Serbisë në Kosovë përmes heqjes së Taksës 100 %, futjes së qindra “mantilbardhëve” dhe 1000 testeve për “Covid-19”!
Futja e kamionëve nga Serbia me portrete gjigante të Putinit dhe Karagjiqit dhe shkuarja e tyre deri në qytetin e Pejës pa u penguar nga askush, e shënon kulmin e dështimit të shtetit në parandalimin e një provokimi sa të rënd, po aq edhe paradoksal!
Përderisa në të kaluarën, kur LVV-ja ishte parti opozitare jashtë kuvendit, kamionët me mallra nga Serbia rrokulliseshin me të hyrë në territorin e Kosovës, sot me Albinin kryeministër po hyjnë lirshëm dhe të zbukuruar!
Kjo do të ishte normale për pushtetarët e deritanishëm, por jo edhe për Albin Kurtin e premtimeve për “bashkim kombëtar” dhe ndryshime pozitive.
Është e dhimbshme, që një lider nacionalist të kthehet në lider super të moderuar dhe të nënshtruar nga Serbia!
Po të mos ishte kështu, pasi u futën kamionët e zbukuruar me portrete nga Serbia, të nesërmën Albin Kurti do duhej ta testonte reciprocitetin me dërgimin e kamionëve nga Kosova në drejtim të Serbisë me portetet e Adem Jasharit dhe Ibrahim Rugovës.
Mund të gjenden mijëra arsyetime për këto lëshime të ‘Qeverisë Kurti”, por nuk mund të arsyetohet më asgjë hezitimi për të depërtuar në Veri të vendit, qoftë edhe në mënyrë simbolike me vendosjen e flamujve të Kosovës përkrah flamujve serb ose të paktën, për nder të 4 vjetorit të vendosjes së shtatores së mbretit serb, me ja vënë në dorë Car Lazarit një flamur t’Kosovës, për t’i treguar se jemi bërë shtet apo t’ia vendosin peshkopit serb Sava Janjiq një flamur në derë të Manastirit, për t’ia kujtuar se ndodhet në Kosovë e jo në Serbi!

Assesi nuk bën të largohet nga pushteti Albin Kurti pa lënë gjurmë dhe pa na bërë krenarë që e kishim kryeministër. Në të kundërtën, nuk kemi pse ta mbajmë gjatë në mend qeverisjen e tij, përpos, si qeveria më e shkurtër në historinë e re të Kosovës.

Do të ishte normale, në një shtet normal, të ndërhyjnë organet e drejtësisë. Megjithate ka diçka në rendin e parë të dramës së përgjithshme të Kosovës .Kjo është dezorjetimi i shtetit, ku po legalizohet padituria, ku viktimë është dituria, profesionalizmi, shkollimi dhe dija .Këtë luftë shteti ynë i shumëzuar më mentalitete të mbyllura nga shekulli i kaluar, ka bërë që sistemet edhe ashtu dobëta të fillojnë të sterkeqën edhe më shumë.Koncepti profiteresk dhe agresiviteti i kan dëmtuar shumë proceset zhvillimore të Kosovës. Njerwzit e politikës duke filluar nga niveli local deri të niveli qendror, i kan pushtuar institucionet , ligjet, madje edhe tw drejtat elementare njerëzore, duke mos ju interesuar kurgjë tjetër. Po ju lejohet! Pas virusit do të shtyjnë sërish hajnit përpara.Në këtë lojë këtyre nuk ju intereson zhvillimi ekonomik i vendit, prodhimtaria dhe mirëqenja e përgjithshme. Është turp për neve që njerëzit e politikës i kemi kaq të dobët , të pa përgatitur për sfidat e kohës moderne.As nuk janë vet të aftë për asgjë ,as si kanë të aftë bashkëpunëtorët.Kemi njerëz të shkolluar dhe të ndërshem, që do të na prezantonin ashtu si duhet para botës demokratike.Kemi njerëz të cilët dinë çka dojnë, dhe dëshirojnë ta zhvillojnë vendin e tyre . Kjo klasë politike është klasë reakcionare, nuk i takojnë politikës së kohës moderne.Tek ne të gjitha ambiciet e sëmuara për pushtet kan marr krah. Kush nga ta po e respekton ligjin,diplomacinë dhe standardet? Kush nga kjo klasë politike merren me kontestet globale gjeostrategjike ? Ka humbur kuptimi i politikës parimore , duke u zëvëndësuar më dhunues të politikës , në krye të partive politike.Këta janë të interesuar të bëjnë koalicione që të ndajnë përfitimet së bashku. Egoizmi, koncepti autoritar politikë në emer të demokracisë, mashtrimet dhe mjegullimet jashtë institucionale janë bërë model i kësaj kaste politike. Dhe, ku jemi ne sot? Kemi mbetur të gjuajtur pas shpine si substancë varfërie, shoqërie dhe culture.Kjo pandjeshmëri , pa vizoni ynë edhe si kolektivitet po ju mundëson të na sundojnë. Ku ka mundësi një shtet të funkcionojë mirë, kur i gjithë mekanizmi shteteror ka defekte të mëdha? Sikur e kan trajnuar mirë këtë popull të qëndron i përulun .Edhe pësha e kësaj sëmundjeje po bëhët më e rëndë se pandemia. Dallimi i gjithë kësaj është së pandemisë i gjendet një ditë vaksina. Kunder kësaj sëmundje , ku simptomet e saja janë mos dija , amatorizmi ,duke ja shtuar arrogancën dhe banditizmin-asnjë vakcinë nuk ka mundësi të ndihmojë?!

Fillimisht dëshirojë të ju sqaroj lexuesve, se fjala “brishtë” nënkupton diçka që thyhet lehtë, bie fjala; enë qelqi apo kristali, porcelani apo çeramike, lodër e ndjeshme fëmijesh, dru i butë, lule e njomë, trup delikat,…apo për njerëzit e ndjeshëm e me shëndet ligë, që preken shpejtë, që shpejtë nxehen e më shpejtë ftohen e deri tek subjektet me bazë (themel) të cekët apo institucione të paqëndrueshme dhe jo kredibile.

Nuk kemi si e quajmë ndryshe shtetin e Kosovës, por veç si shtet të brishtë, i cili për dy dekada në liri nuk po arrinë të krijojë; institucione kredibile dhe as bazë të qëndrueshme financiare, shëndetësi të mirë dhe as sigurime shëndetësore, arsim cilësorë dhe as ekonomi të qëndrueshme, vende pune dhe as përspektivë zhvillimore për qytetarët e vendit.

Të brishtë mund ta quajmë shtetin e Kosovës edhe për shkak të varësisë së skajshme nga bashkësia ndërkombëtare, për shkak se liria dhe pavarësia e jonë janë të mbrojtura dhe garantuara nga forcat e NATO-s (KFOR).

I brishtë është shteti i Kosovës, në të cilin më vlerë ka fjala e një ambasadori të akredituar në vendin tonë sesa fjala e një politikani të zgjedhur nga populli, më vlerë ka fjala e një të pasuri injorant sesa fjala e një dijetari, më vlerë ka pasuria e një politikani të korruptuar sesa jetërat e mijëra njerëzve, më të vlerësuar para drejtësisë janë një hajdutët dhe kriminelët sesa qytetarët e zakontë dhe të ndershëm të këtij vendi.

Të brishtë jemi edhe për faktin se, edhe përkundër prezencës së madhe ndërkombëtare, jemi i vetmi vend i izoluar (karantinizuar) në këtë pjesë të Ballkanit pa liri të levizjes drejt vendeve të Bashkimit Evropian.

Mirëpo, përkundër brishtësisë së skajshme të shtetit, i kemi politkanët e “zgjuar” dhe shumë aktiv në zhvatjen e buxhetit dhe uzurpimin e institucioneve shtetërore.
Përkrahë kusarëve politikë dhe uzurpatorëve të shtetit, e kemi një shoqëri civile të brishtë, pothuajse inekzistente, e kemi një klasë intelektualësh të fjetur dhe të heshtur apo më keq se kaq, edhe një shtresë tjetër intelektualësh servilë e puthadorë të pushteteve, që shesin shpirtin tek politikanët e korruptuar.

Mirëpo për fatin e mirë, përballë kusarëve dhe uzurpatorëve politik e kemi një armatë të qytetarëve të ndershëm të këtij vendi, një bërthamë të shëndoshë dhe shumë të fuqishme të intelektualëve, atdhetarëve dhe veprimtarëve të devotshëm, gazetarëve, analistëve dhe publicistëve të pathyeshën në misionin e shenjtë për një shtet ligjor dhe demokratik, për barazi qytetare dhe kombëtare në këtë pjesë të Ballkanit të banuar me shqiptarë autokton.

Patriotët (atdhetarët) asnjëherë nuk viktimizohen dhe as nuk dorëzohen, nderojnë dhe ndihmojnë njëri-tjetrin për t’u ngritur lartë dhe fuqizuar në karrierë sipas veprave e jo sipas fjalëve dhe frazeologjive mashtruese.

Për dallim nga patriotët, politikanët janë shndërruar në ujqër kundër njëri-tjetrit, duke u munduar t’i nxjerrin nga goja kafshatën e gjahut të grabitur, ashtu siq i grabitin pushtetin dhe monopolet e pushtetit njëri-tjetrit.

Shteti i brishtë i Kosovës është bërë poligon i politikanëve egoistë dhe karrierist, të prishtë dhe të pistë, lakmitarë ttë pushtetit dhe të pangopshëm në pasurimin e skajshëm kundrejt një popullate të varfër e të pashpresë për jetë në vendlindjen e vet.

Përderisa në mbarë botën politikanët janë bërë bashkë për ta luftuar pandeminë “Covid-19”, në Kosovë po nodhë e kundërta, politikanët e prishtë dhe karrieristë, mashtrues dhe egoist po abuzojnë me “Coronavirus”-in duke zhvilluar luftë të ashpër kundër njëri-tjetrit për pushtet në gjysëm shtet!

Fundi i politikanëve të korruptuar dhe politikanëve mashtrues me kauza të rrëjshme, për aq sa varet nga vetëdija qytetare, varet edhe nga organizimi i elitës intelektuale dhe mobilizimi i mërgatës tonë.

Bashkërendimi i veprimeve të elitës intelektuale do të ndikojë në homogjenizimin e popullatës në Kosovë dhe mërgatës tonë në Diasporë, për të vepruar si një trup i vetëm deri në ç’rrënjosjen e të gjitha dukurive negative të pas luftës në vendin tonë.

Kush kriminelit ia shtrin dorën e pajtimit,
Mbi te do te bjerë mallkimi i historisë.

Presidentit të Kosovës Hashim Thaçit kur nuk i pretë sakica ne një vend. Ësht shumë zor me ja qellu se kur ky njeri fletë përnjëmend e kur e kur jo.Ky njeri ç’pres se është instalu ne pushtet kurr nuk e ka folë te vertetën,është një mashtrues ordiner, herë thotë se do te kemi kompromise te dhemshme me Serbin së do te ndajmë dhe coptojm Kosovën e çka mos tjetrë,kur pas nje jave e thotë te kundërtën.

Ky njeri i shkonë për vijë vetem interesave të tij personale dhe jo gjithaq atyre shteterore.Kjo shifet nga se ky njeri e ka bërë rremujë jetën politike ne Kosovë nga te gjitha anët si mbenda poashtu edhe jashtë vendit.

Për ta vertetuar jo sinqeritetin e tij kur foli për masakrën në Studime të Vushtrisë ku u vranë dhe masakruan mbi 116 civil te pafajshëm.Është cinike,skandaloze dhe shumë e turpshme.

Për këto krime dhe shumë të tjera në Kosovë Thaçi po ua le fajin ndërkombëtarve se pse po heshtin për krimrt në Kosovë sikur qe te ishte amnisti nga ana e tyre për krimet e kryra.Dhe ai më pastaj vazhdon se na kurr nuk do te ndalemi për te kërkuar drejtësi,dhe se amnistia nuk do te jetë opcioni i jonë.Nuk mund te këtë paq dhe pajtim dhe pajtim pa drejtesi ne Kosovë.

Kjo është njera anë,ajo jo e sakëta,kurse ana tjetër e sakëta është sepse Presidenti i Kosovës nuk ka të drejtë ti akuzon nderkombëtarët se pse po heshtin ndaj krimeve te Serbisë nëKosovë.Ky ka harruar se ndërkombëtarët e kanë mbaruar punën e tyre kur u bënë forca kryesore për çirimin e Kosovës.kurse tjerat duhet ti kryejn vetë oragnet shtetoreor te vendit.

Serbin për krimet,masakrat dhe gjenocidin e bamë në Kosovë nuk mund ta padisin ndëkombëtarët,kjo është punë e organeve shtetërore te Kosovës.Shteti I Kosovës qe 20 vjetë pas luftës nuk ka ndërmarr asgje që ta gjunjezoi Serbin për krimet,dhunimet dhe gjenocidin ne Kosovë,sepse asnje organ,asnje pushtetar zyrtarisht nuk ka leviz në këtë drejtim.

Bile aq më këq edhe vetë Presidenti Hashim Thaçi i cili ka vra dhe këthjellë qe 20 vjetë dhe për shtatë vjet dialog me Serbinë, asnjë here nuk pati kurajën,trimnin,apo nuk deshti,bile te ia përmend Serbisë për te bamët e sajë në Kosovë,as kërkim falje nuk kërkoi,as qe e paditi Serbin për krimet e luftës as qe e paditi Din Martin për akuzat kriminel ndaj tij,qe do te thotë se vetë Presidenti i pari po shekë mbi vikitmat mbi gjakun e heronjeve dhe deshmorve tanë i cili e ka gojën plotë se duhet pajtim pakurrfar kushtesh me Serbin që ajo te na njefë,bile hapatas duke kërkuar pajtim me Serbin.Për atë qe dine shqip pajtimi do te thotë edhe amnisti.
Për të vertetuar këtë të dhanë se sa Hashim Thaçi është i pasenqertë kur fletë për amnistin,pse ai nuk i reagoi fare telallit të tij Baton Haxhi-Stanishiqit kur para do ditësh haptas në ne tvT7 tha se me Serbin duhet te kemi amnisti sepse zor është te denohen personat qe kanë kryer krime në Kosovë pas 20 vjetesh.Por sikur ky haram njeri nuk e kupton se krimet e luftës nuk kryhën kurr,sikur nuk e kupton se nazistët qe bane krime gjatë luftës së II boterore edhe sote e kësaj dite kërkohën nëpër botë për tu sjellë paradrejtësi,ka pas raste te tilla kur janë arrestuar dhe denuar disa të tillë.

Është veshtirë te vertetohet,por është e mundshme,se a qendron Thaçi pas këtyre deklataratve te Baton Haxhi-Stanishiqit,pse ai hështë në këtë rast,kur krejtë qartët kur dikush tjetër e leshon njdinjë gaf te paqellimte.

Pra,nuk janë fajtor ndërkombetarët por jemi fator vetë ne sepse nuk e ndjekim Serbin për krimet e luftës,fajtor jemi vetë në se pse heshtim,por edhe me tragjike është së pse dhe a guxojm te heshtim,por na po heshtim.Kjo është e turpshme,këtë nuk e përbijnë,nuk e falë populli dhe shumë gjenarat qe vijnë pas nesh,sepse askush,kushdo çoftë nuk ka te drejtë ti falë asgje Serbisë,nuk ka të drejtë të pajtohet e as te amnistoj Serbin për krimet,masakrat dhe gjenocidin në Kosovë.

Profesori i Juridikut, një ndër hartuesit e kushtetutës së Kosovës, Arsim Bajrami, ka komentuar vendimin e Gjykatës Kushtetuese për pezullimin e dekretit të presidentit të Kosovës, Hashim Thaçi për Avdullah Hotin si mandatar për kryeministër.

Bajrami ka thënë se vendimi i Gjykatës Kushtetuese ka qenë vendimi i duhur dhe ka bërë që partitë e Kosovës të ndalen së shkeluri kushtetutën.

“Duhet të respektojmë vendimin e Gjykatës Kushtetuese dhe cilido vendim i kësaj gjykate duhet të merret menjëherë në zbatim, nuk i lejohet askujt që të marrë asnjë veprim që nuk është në pajtueshmëri të plotë më vendimet e Gjykatës Kushtetuese. Ka qenë shumë akt pozitiv vendosja e masës së përkohshme sepse një masë e tillë ka parandalu devijimet kushtetuese apo gabimet apo thyerjet të mëtejshme të Kushtetutës dhe ju ka dhënë kohë partive politike qe të ulin gjakrat dhe të bëjnë një lloj abstenimi nga thyerja e Kushtetutës”, ka thënë ai për infokusi.

Ai ka thënë që pret që Gjykata Kushtetuese të vendos për zgjedhje sepse sipas tij gjithmonë sovrani është ai që zgjedhë dhe gjithçka varet nga populli.

Çdo zgjidhje tjetër sipas Bajramit do ta fuste vendin në krizë.

“Unë pres që Gjykata t’i japë një epilog kësaj pune. E kujtojmë rastin pothuajse të njëjtë të vitit 2014 për VLAN-in, por unë edhe atëherë isha i bindur se çfarëdo verdikti kundër vullnetit të popullit do ta fuste Kosovën në një krizë të thellë politike”, ka thënë ai.

Me 22 të vdekur deri tash, Kosova është vendi i katërt në Evropë sa i përket raportit me të vdekur për 100 mijë banorë.

Sipas të dhënave nga Universiteti Johns Hopkins, në Kosovë deri tash në 100 mijë banorë janë shënuar 0.65 vdekje. Vetëm tri vende të tjera në Evropë kanë raport më të mirë se Kosova në këtë përllogaritje. Ato janë Letonia me bilanc prej vetëm 0.25 të vdekur për 100 mijë banorë, Sllovakia me 0.4 e Ukraina me 0.56. Në këtë përllogaritje, në Shqipëri në 100 mijë banorë janë shënuar 1.05 vdekje, Mal të Zi 1.12, Kroaci 1.64 e Serbi 1.79, ndërsa në Maqedoninë e Veriut janë shënuar 3.5 vdekje në 100 mijë banorë.

Fotografia e hartës së Evropës, e postuar nga mediat spanjolle, tregon se në Evropë Spanja është vendi me raportin më të keq me gati 52 persona të vdekur për 100 mijë banorë.

Krahas këtyre të dhënave, zëdhënësi i Ministrisë së Shëndetësisë në Kosovë, Faik Hoti, ka publikuar raportin edhe për të infektuar dhe të vdekur në një milion banorë në rajon.

Sipas grafikës së tij, në Kosovë janë Shqipëria e Mali i Zi në raport më të ulët në krahasim me Kosovën sa i përket të vdekurve për një milion banorë. Teksa në Kosovë 12 persona në një milion banorë kanë vdekur nga koronavirusi, në Mal të Zi e Shqipëri janë nga 11 të vdekur për një milion banorë.

Në total, në Kosovë janë këto të dhëna deri tash: 823 të infektuar, 22 vdekje e 336 të shëruar.

Një person është arrestuar nga ana e Policisë së Kosovës pasi që i njëjti po dyshohet se ka kërcënuar me jetë familjen e ish-ministrit të Jashtëm, Behgjet Pacollit. Lajmi u bë i ditur nga këshilltari i Pacollit, Naim Murseli.Sipas Murselit, personi i arrestuar ka kërcënuar se do t’i djegë fëmijët e Pacollit, shkruan Gazeta Express.

Sipas Mureselit, personi i arrestuar mbrëmë ka kërkuar edhe para nga Pacolli.

“Personi i arrestuar në orët e vona mbrëmë, me incialet E.H, i cili kërcënoi z. Pacolli dhe fëmijët e tij i ka kërkuar gjithashtu para. Personi ka pretenduar të jetë edhe prokuror i Kosovës. Ai ka kërcënuar po ashtu me arrestim të z. Pacolli. E.H ka kërkuar në internet shkollën e fëmijëve, e cila është shkollë publike, të z. Pacolli dhe ka kërcënuar atë se do t’i rrëmbejë dhe do t’i djeg ata për së gjalli. Z. Pacolli është shumë i tronditur dhe i mërzitur emocionalisht nga kërcënimët e bëra”, ka shkruar Murseli.

E Behgjet Pacolli ka qenë cak i sulmeve publike pas përplasjeve që ka pasur me zyrtarët e Vetëvendosjes, të cilët kanë kërcënuar me arrestim nëse del nga shtëpia shkaku i kthimit të tij nga Zvicra, pasi sipas rregullave në Kosovë secili i kthyer duhet të qëndrojë dy javë i izoluar si pasojë e pandemisë.

Pacolli kishte alarmuar se ka mundur t’i bëhet edhe sulm kur ishte kthyer nga Zvicra në Aeroportin e Prishtinës.

Ambasada amerikane në Prishtinë ka thënë se vendimi i së premtes i Gjykatës Kushtetuese, për të lënë më shumë hapësirë për shqyrtim, tregon se sundimi i ligjit po funksionon në Kosovë.

Gjykata Kushtetuese ka vendosur më 1 maj në favor të kërkesës së Lëvizjes Vetëvendosje për të pezulluar zbatimin e dekretit të presidentit të Kosovës Hashim Thaçi deri më 29 maj, i cili i mundësonte kandidatit të Lidhjes Demokratike të Kosovës, Avdullah Hotit, të formonte qeverinë e re.

“Ne po ashtu mirëpresim thirrjet e liderëve politikë dhe atyre institucionalë që të respektohet Gjykata dhe proceset që lidhen me të”, është thënë mes tjerash në një postim të kësaj ambasade në rrjetin social, Twitter.

Presidenti i Kosovës, Hashim Thaçi ka thënë se do ta respektojë vendimin e marrë nga kjo Gjykatë, derisa Qeveria në detyrë e Kosovës, ka thënë se vlerëson vendimin e këtij institucioni por “ky pezullim nuk e prejudikon vendimin përfundimtar të Gjykatës”.

Lidhja Demokratike e Kosovës po ashtu ka thënë se do ta respektojë këtë vendim ndonëse ka theksuar se është e vendosur në përputhshmëri të plotë me normën kushtetuese, të krijojë qeverinë e re.

Më 30 prill, Thaçi ka njoftuar se ka dekretuar kandidatin e Lidhjes Demokratike të Kosovës, Avdullah Hotin, për postin e kryeministrit të Kosovës.

Menjëherë pas kësaj, Lëvizja Vetëvendosje i është drejtuar Gjykatës Kushtetuese, duke kërkuar vlerësimin e kushtetutshmërisë së vendimit të Thaçit dhe duke kërkuar vendosjen e masës së përkohshme për pezullimin e zbatimit të dekretit.

Lidhja Demokratike e Kosovës ka kërkuar një ditë më parë nga Kryesia e Kuvendit të Kosovës që të organizojë seancë të jashtëzakonshme më 2 maj për formim të qeverisë së re, mirëpo pas vendimit të Gjykatës Kushtetuese, Qeveria në detyrë do të vazhdojë punën, deri në vendimin e ardhshëm. rel

Gjatë ditës së djeshme, përderisa partitë politike të etshme për pushtet e prisnin verdiktin e Gjykatës Kushtetuese, nga pika kufitare në Merdare e deri në Pejë qarkulluan të papenguar nga askush dy kamion nga Serbia me foto gjigante të Putinit të Karagjiqit, për t’na përkujtuar dhimbjet shpirtërore dhe dështimet 20 vjeçare të politikës kosovare.

Është mirë që kushtetuesja veprojë me urgjencë në shmangien e konfliktit dhe trazirave politike në vendin tonë

Gjykata Kushtetuese, pa paragjykim ndaj ligjshmërisë së presidentit Thaçi për dekretim të z. Avdullah Hoti si kandidat për kryeministër dhe kërkesës së LVV-së për anulimin e dekretit të presidentit, gjegjësisht pranueshmërisë ose jo të dekretit e vendosi me shumicë votash për pezullim të përkohshëm zbatimit të dekretit të presidentit.
Pa dashur të prejudikoi verdiktin final të Gjykatës Kushtetuese, vendimi i djeshëm i kushtetueses është i vendim i arsyeshëm, i giximshëm dhe i drejtë për shtensionimin e situatës konfliktuoze në vend dhe gjetjen e zgjidhjes më optimale për dalje nga kriza institucionale që është futur vendi pas shkarkimit të ligjshëm të ‘Qeverisë Kurti’ në Kuvendin e Kosovës.
Masa për pezullim të përkohshëm të dekretit të presidentit nuk e prejudikon vendimin final të Gjykatës Kushtetuese dhe as vazhdimin e “Status Quos” me qeveri të shkarkuar.
Kjo masë e përkohshme e Gjykatës Kushtetuese është një mundësi e mirë për kryeministrin e shkarkuar Albin Kurti, që të pranojë me gjakëftohësi vendimin final të kushtetueses dhe jo vetëm.

Vendimi i kushtetuese të shërbejë ulje tensionesh politike

Në ndërkohë, ky vendim i përkohshëm i kushtetueses duhet t’iu shërbej të gjitha forcave politike në vend për zbutjen e gjuhës politike, t’i ulin tensionet në elektoratet e tyre dhe ta pranojnë me qetësi verdiktin final të Gjykatës Kushtetuese, i cili nuk do të thotë se do të zgjatë deri me 29 maj, madje mund të ndodhë që në javën e parë.
Me vendimin e djeshëm, Gjykata Kushtetuese u vërtetua se është organ i pavarur juridik dhe gardian besnik i kushtetutës së vendit.
Vendimin e përkohshëm të kushtetueses në asnjë rrethanë dhe nga askush nuk duhet kuptuar si zgjidhje finale, por vetëm si vendim që për qëllim ka shmangien e konfliktit politik.
Pezullimi i përkohshëm i dekretit të presidentit nga ana e Gjykatës Speciale duhet të shërbejë si ndërgjegjësim për të gjitha forcat politike që ta respektojnë ligjshmërinë dhe aktet juridike në vendin tonë.
Pas vendimit të djeshëm të Gjykatës Kushtetuese për pezullim të dekretit të presidentit, u vërejtën edhe lëvizjet e para të partive politike.
Lëvizja e PDK-së nga pozicioni i mos shkuarjes për shkuarje në zgjedhje dhe gatishmëria e LVV-së për shlyerje të vijave të kuqe, lenë të kuptohet për përafrim të këtyre dy subjekteve politike.
Përafrimi qëndrimeve të PDK-së me LVV-në për shkuarje në zgjedhje i krijon mundësinë Albin Kurtit që të ndjehet më komod në kërkesën për zgjedhje të jashtëzakonshme.

Siq shihet, përfundimisht edhe Albin Kurti e ka kuptuar, se pas shkarkimit më 25 mars 2020, as kushtetuesja nuk mund ta mbajë në pushtet me 29 apo 30 deputet në Kuvendin e Republikës së Kosovës.
Ajo që është e sigurtë deri në verdiktin final të kushteueses, është mbajtja në “Stand By” e ‘Qeverisë Hoti’, e cila edhe ashtu ishte e paformuluar qartë, se a do të jetë koalicion LAN apo LANA me listën serbe.

Lëvizja Vetëvendosje sot ka mbajtur mbledhje me qendrat e këtij subjekti. Kryetari i LVV-së, Albin Kurti gjatë kësaj mbledhje foli mbi prioritetin e punës së tij për menaxhimin e pandemisë COVID-19.

Duke folur mbi zhvillimet e fundit, sa i përket përpjekjeve antikushtetuese, jolegjitime dhe ilegale të ‘klubit të stërvjetëruar politik’, Kurti tha se qeverinë e re të synuar nuk e përkrah as Vjosa Osmani e disa deputetë të tjerë.

“Pas LVV, tash edhe PDK u shpreh për zgjedhje të reja në Kosovë. Dihet se qeverinë e re të synuar nga Presidenti nuk e përkrah as Kryeparlamentarja si dhe disa deputetë të tjerë. Ky është një argument shtesë që veçse në zgjedhje duhet të shkojmë. Ndërkohë, masat ndaj pandemisë COVID-19 po zbuten ca. Neve si LVV do të na konvenonte e diela e 14 qershorit 2020 për zgjedhje, sepse tubimin e madh përmbyllës do ta mbanim të premten me 12 qershor, pra duke e festuar njëkohësisht 15 vjetorin e themelimit të Vetëvendosjes”, tha Kurti.

Njoftimi i plotë i LVV-së:

Sot u mbajt mbledhja me qendrat e Lëvizjes VETËVENDOSJE!, në të cilën morën pjesë kryetari i Lëvizjes, z. Albin Kurti, njëherit edhe kryeministër, sekretarja organizative, znj. Vlora Haxhimehmedi dhe koordinatori i qendrave, z. Valon Hoti.

Kryeministri Kurti nga zyret e Lëvizjes foli mbi prioritetin e punës së tij gjatë kësaj kohe, që është ai i menaxhimit me pandeminë COVID-19. Masat e reja të ndërmarra kanë pasur efektin e tyre çka ka ndikuar në uljen e trendit të të infektuarve e rritjen e numrit të të shëruarve. Me masat e qeverisë e këshillat e profesionistëve shëndetësor, por edhe me më të rëndësishmen displinën e bashkëpunimin qytetar shumë shpejt do ta mposhtim virusin.

Në mbledhje u theksuan edhe punët të tjera duke filluar nga çlirimi i bordeve e menaxhmenteve të ndërmarrjeve publike deri te denoncimi i gjetjeve të shumta që kanë ngulfatur këto ndërmarrje nga njerëz të pushtetit të vjetër.

Duke folur mbi zhvillimet e fundit, sa i përket përpjekjeve antikushtetuese, jolegjitime dhe ilegale të Klubit të Stërvjetëruar Politik, kryeministri Kurti potencoi:

“Pas LVV, tash edhe PDK u shpreh për zgjedhje të reja në Kosovë. Dihet se qeverinë e re të synuar nga Presidenti nuk e përkrah as Kryeparlamentarja si dhe disa deputetë të tjerë. Ky është një argument shtesë që veçse në zgjedhje duhet të shkojmë. Ndërkohë, masat ndaj pandemisë COVID-19 po zbuten ca. Neve si LVV do të na konvenonte e diela e 14 qershorit 2020 për zgjedhje, sepse tubimin e madh përmbyllës do ta mbanim të premten me 12 qershor, pra duke e festuar njëkohësisht 15 vjetorin e themelimit të VETËVENDOSJE!-s”.

Pas pikës politike, mbledhja vazhdoi me çështjet organizative dhe formën se si do të kryej veprimin e saj organizata jonë në këtë kohë pandemie. Zyret tona janë hapur sërish, puna dhe aktivitetet intensifikohen.

Kryeministri në detyrë i Kosovës, Albin Kurti, më 1 maj, ka dërguar kërkesë për opinion në Komisionin e Venedikut, lidhur me kompetencat e Presidentit të Kosovës në shpërndarjen e Kuvendit dhe në kompetencat e tij për propozimin e mandatarit për Kryeministër të vendit, pas mocionit të suksesshëm të mosbesimit, njofton Zyra e Kryeministrit të Kosovës.

“Në linjë me situatën e krijuar në Kosovë, një opinion nga Komisioni i Venedikut do të shërbente në forcimin e demokracisë dhe të së drejtës kushtetuese. Gjithashtu, një vlerësim nga Komisioni do të kishte vlerë substanciale jo vetëm për Kosovën, por gjithashtu në mënyrë më të përgjithshme edhe për praktikën kushtetuese në të gjitha shtetet anëtare në Komision”, thuhet në komunikatën për medie të Zyrës së Kryeministrit të Kosovës.

Kjo është hera e parë që Kosova dërgon kërkesë për opinion në Komisionin e Venedikut, në lidhje me raportin e institucioneve kushtetuese dhe kompetencat e tyre.

Më 30 prill, presidenti i Kosovës, Hashim Thaçi ka dekretuar kandidatin e Lidhjes Demokratike të Kosovës, Avdullah Hoti, për pozitën e kryeministrit të ardhshëm të Kosovës. Po të njëjtën ditë, Lëvizja Vetëvendosje i është drejtuar Gjykatës Kushtetuese me pretendimin se presidenti ka marrë një vendim kundër-kushtetues.

Më 1 maj, Gjykata Kushtetuese në Kosovë ka vendosur në favor të kërkesës së Lëvizjes Vetëvendosje për të pezulluar zbatimin e dekretit të presidentit Hashim Thaçi deri më 29 maj, derisa të shqyrtojë lëndën e dërguar nga kjo parti, lidhur me kushtetutshmërinë e vendimit të presidentit. rel

Ambasadori britanik në Kosovë, Nicholas Abbott i bën thirrje klasës politike në vend që të respektojnë Kushtetutën, teksa ndodhen në momentet e krijimit të qeverisë së re. Përmes një postimi në Facebook, diplomati amerikan thekson se vendimet e Gjykatës Kushtetuese duhet të respektohen nga të gjithë.
“Kjo përfshin rolin e Gjykatës Kushtetuese, e cila duhet të jetë të gjendje të veprojë e pavarur, pa frikë dhe favore, lidhur me ligjshmërinë e veprimeve politike të të gjitha institucioneve shtetërore të Kosovës. Vendimet e saj duhet të respektohen nga të gjithë”, tha Abbott.

Reagimi i tij vjen në kohën kur Gjykata Kushtetuese pritet të marrë vendim rreth kërkesës së dërguar nga Lëvizja Vetëvendosje për ligjshmërinë e vendimit të presidentit të Kosovës, Hashim Thaçi për dekretimin e Avdullah Hotit nga Lidhja Demokratike e Kosovës, për formim të qeverisë së re.
Vetëvendosje ka kërkuar nga kjo Gjykatë edhe vendosjen e masës së përkohshme për pezullimin e zbatimit të dekretit.

Njoftimi për dekretimin e Hotit erdhi pasi presidenti Thaçi më 22 prill, konstatoi se Lëvizja Vetëvendosje, si fituese e zgjedhjeve të 6 tetorit, 2019, nuk e kishte shfrytëzuar mundësinë kushtetuese për propozimin e mandatarit, andaj këtë të drejtë ia kaloi LDK-së. Procedurat për formimin e qeverisë së re pasojnë iniciimin e mocionit të mosbesimit nga LDK-ja kundër qeverisë tashmë në detyrë të udhëhequr nga Albin Kurti. Në mesin e arsyeve për ngritjen e mocionit janë përmendur marrëdhëniet që së fundmi ka Kosova me Shtetet e Bashkuara dhe shkarkimi i Agim Veliut nga pozita e Ministrit të Brendshëm.