Kryeministri Avdullah Hoti ka emëruar Skender Hysenin Koordinator Shtetëror për Dialog, njofton Zyra e Kryeministrit.

“Duke u bazuar në platformën e Qeverisë së Republikës së Kosovës për dialogun me Serbinë, në mbështetje të vendimit të Qeverisë së Republikës së Kosovës të datës 1 korrik 2020, me qëllim të organizimit dhe të bashkërendimit institucional dhe ndërkombëtar të këtij procesi, kryeministri Avdullah Hoti sot ka emëruar z. Skender Hysenin Koordinator Shtetëror për Dialog”, thuhet në njoftimin e ZKM-së.

Më 1 korrik në mbledhjen e Qeverisë së Kosovës ishte vendosur për themelimin e Këshillit të Ekspertëve për dialog me Serbinë në kuadër të zyrës së Kryeministrit.

Këshillin e Ekspertëve do ta udhëheqë Koordinatori Shtetëror për Dialogun me Serbinë.

Udhëheqës i Këshillit të Ekspertëve pas emërimit nga kryeministrit Hoti do të jetë Skender Hyseni i cili do jetë njëkohësisht edhe këshilltar i kryeministrit.

Skender Hyseni pritet që pasnesër të udhëtojë për në Bruksel për të vazhduar dialogun me Serbinë në nivelin e ekspertëve. /GazetaExpress/

Thellohet bilanci i viktimave nga koronavirusi në Kosovë. Mësohet se përgjatë 24 orëve të fundit kanë humbur jetën 5 persona. Po ashtu janë konfirmuar me COVID-19 168 raste të reja, ndersa janë shëruar 157 pacientë.

Ministria e Shëndetësisë bën të ditur se në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 415 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë raste pozitive 168.

Rastet pozitive janë nga: komuna Prishtinë 91 raste, komuna Podujevë 11 raste, komuna Ferizaj 10 raste, komuna Deçan 8 raste, komuna Pejë 8 raste, komuna Fushë Kosovë 7 raste, komuna Gjakovë 7 raste, komuna Drenas 5 raste, komuna Obiliq 5 raste, komuna Malishevë 4 raste, komuna Mitrovicë 3 raste, komuna Prizren 2 raste, komuna Shtime 2 raste, komuna Vushtrri 2 raste, komuna Lipjan 2 raste dhe 1 rast nga komuna e Skenderajit.

Doktori i njohur kosovar, Fadil Zuka, ka humbur betejën me koronavirusin. Lajmin për vdekjen e tij e kanë dhënë familjarët e të ndjerit.

Sipas informacioneve, ai vuante edhe nga diabeti. Mediat lokale njoftojnë se Zuka, gjatë viteve 90, ka qenë pjesë e sistemit shëndetësor në kuadër të Shoqatës “Nëna Terezë, pastaj kishte punuar edhe në Pozheran.

I ndjeri shquhej për humanitet dhe si punëtor shembullor ka lënë mbresa dhe kujtime tek të gjithë qytetarët kosovarë.

Doktor Fadil Zuka i takonte gjeneratës së mjekëve që ishin të persekutuar nga regjimi serb dhe kishin bërë shumë sakrifica për të ju shërbyer popullatës shqiptare që nga vitet e 90-ta, njoftojnë mediat lokale.

Kreu i PD, Lulzim Basha ka zbuluar se në takimin me Vjosa Osmanin i ka shprehur asaj qëndrimin se Shqipëria do t’i bashkohet përpjekjeve për të ngritur një muze në Kosovë për të përkujtuar gjenocidin ndaj shqiptarëve në Kosovë.

Në fakt, ka qenë Osmani ajo që e ngriti këtë si shqetësim për shkak të mungesës së këtij muzeu që mund t’i lihet brezave të ardhshëm por Basha i shprehu gatishmërinë që Shqipëria do të bëjë përpjekje për muzeun e kujtesës.

STATUSI NGA LULZIM BASHA

Me kënaqësi të veçantë bashkëbisedova sot me Kryetaren e Parlamentit të Kosovës, zonjën Vjosa Osmani, të cilën e njoh dhe personalisht prej gati 20 vitesh, dhe më vjen mirë që një përfaqësuese politike e brezit të ri drejton njërin prej institucioneve më të rëndësishme të Republikës së Kosovës.

I theksova zonjës Osmani, se ashtu siç mblidhemi bashkë në gëzime, duhet të dimë të jemi bashkë edhe në sfida. Ndihma më e mirë që Shqipëria mund të japë, ashtu siç ka bërë në ditët e pavarësimit dhe njohjes së saj ndërkombëtare, apo koordinimit të projekteve të mëdha infrastrukturore, që afruan vendet tona, ashtu dhe në sfidat e tanishme, ajo sot duhet, dhe nesër do të jetë patjetër, mbështetje totale për institucionet e Kosovës dhe qytetarët e Kosovës, kudo ku ata do të kenë nevojë.

Diskutuam edhe për dialogun mes Republikës së Kosovës dhe asaj të Serbisë.

Natyrisht dialogu ka qenë, është dhe duhet të jetë rruga për të ecur përpara, por objektivi kryesor i tij, është njohja reciproke mes dy shteteve te pavarura.

Zonja Osmani më shprehu shqetësimin për mungesën e nje muzeu, për të përkujtuar sot e për t’ua lënë si dëshmi brezave që do të vijnë, vuajtjet, dhunën, genocidin e ushtruar ndaj shqiptarëve të Kosovës.

Shpreha angazhimin dhe përkushtimin tim që Shqipëria do t’i bashkohet përpjekjeve për të ngritur muzeun e kujtesës, në mënyrë që të mos harrojmë të shkuarën, e mbi sakrificën e atyre që dhanë jetën, të ndërtojmë të ardhmen tonë e të fëmijëve tanë.

Kryetarja e Kuvendit të Kosovës, Vjosa Osmani, tha se ka ftuar kryeministrin e Kosovës, Avdullah Hoti, të raportojë të premten përpara ligjvënësve, në lidhje me raundin e fundit të dialogut me Serbinë, të zhvilluar javën e kaluar në Bruksel.

Osmani tha se ftesa është bërë pas letrës që ka marrë nga Hoti, ku ai ka shprehur gatishmërinë për të raportuar në kuvend, dhe pas konsultimeve që i ka pasur me Kryesinë e Kuvendit.

“Tani presim përgjigjen nga ana e kryeministrit rreth kohës së propozuar”, tha Osmani në një konferencë për media në Prishtinë.

Hoti, javën e kaluar, ka takuar presidentin e Serbisë, Aleksandër Vuçiq, me ndërmjetësimin e zyrtarëve të lartë evropianë.

Takimi ka qenë i pari i drejtpërdrejtë midis përfaqësuesve të Kosovës dhe Serbisë, qysh në fund të vitit 2018.

Atëbotë, dialogu për normalizimin e marrëdhënieve midis dy vendeve është ndërprerë për shkak të një takse që u ka vënë Kosova prodhimeve të importuara nga Serbia.

Taksa është zëvendësuar më vonë me masa reciprociteti, por me ardhjen e Hotit në pushtet, në fillim të qershorit, ato janë hequr, për t’i dhënë mundësi, siç është thënë, vazhdimit të dialogut.

Në takimin e fundit, tema kryesore kanë qenë personat e pagjetur të luftës dhe bashkëpunimi ekonomik.

Për këtë javë, Brukseli ka paralajmëruar një takim tjetër midis Kosovës dhe Serbisë, në nivel teknik, por Hoti e mohoi mundësinë që të ketë një proces të ri teknik, ndërsa takimin e paralajmëruar e konsideroi si pikënisje për draftimin e marrëveshjes finale në mes të Kosovës dhe Serbisë.

Në Kosovë u regjistruan në 24 orët e fundit edhe katër viktima nga koronavirusi dhe 142 raste të reja pozitive.

Këto të fundit rezultuan nga testimi i 485 mostrave.

Shifrat u bënë të ditura nga drejtori i Institutit Kombëtar të Shëndetësisë Publike në Kosovë, Naser Ramadani, gjatë një konference për media të mbajtur në Gjilan.

Ramadani po ashtu tha se IKSHPK-ja ka konfirmuar 101 raste të të shëruarve.

Me shifrat e fundit, numri total i rasteve pozitive shkon në 5,877.

Prej tyre, 139 pacientë kanë humbur jetën, ndërsa 3,069 janë shëruar.

Në konferencën për media në Gjilan morën pjesë edhe ministri i Shëndetësisë i Kosovës, Armend Zemaj, dhe ushtruesi i detyrës së drejtorit të Shërbimit Spitalor dhe Klinik Universitar të Kosovës, Valbon Krasniqi.

Krasniqi bëri të ditur se, aktualisht, 240 pacientë me koronavirus janë duke u trajtuar në klinikat e Qendrës Klinike Universitare të Kosovës dhe 324 në spitalet e përgjithshme.

Ministri Zemaj tha se ka themeluar bordin këshillëdhënës për COVID-19, sëmundjen që e shkakton koronavirusi, për të ndihmuar në, siç tha, përmirësimin e shëndetit publik.

Bordi do të udhëhiqet nga mikrobiologu Lul Raka.

Gjatë javës së kaluar në Bruksel ka përfunduar takimi ndërmjet kryeministrit të Kosovës, Avdullah Hoti dhe presidentit të Serbisë, Aleksandër Vuçiç, në kuadër të dialogut që ndërmjetësohet nga Bashkimi Evropian. E për gjithë atë se çka është diskutuar në Bruksel, Hoti është shprehur i gatshëm që të raportojë në Kuvendin e Kosovës. Për këtë punë, kryeministri i ka dërguar letër kryeparlamentares Vjosa Osmanit.

“Në përputhje me zotimet e Qeverisë së Kosovës për transparencë të plotë përgjatë gjithë këtij procesi, shpreh gatitshmërinë time për informimin e Kuvendit të Republikës së Kosovës në njërën nga seancat e ardhshme”, shkruhet në letrën që kryeministri Hoti i ka dërguar kryeparlamentares, Vjosa Osmanit.

E para pak minutave Hoti në facebook ka shkruar se nuk do të ketë dialog teknik në mes të Kosovës dhe Serbisë.

“Ka dialog vetëm për marrëveshje finale për njohje reciproke dhe normalizim të marrëdhënieve në mes të dy vendeve”, shkruan Hoti.

Kjo deklaratë e Hotit vjen pas asaj të presidentit serb, Aleksandar Vuçiq, i cili, pas takimit me Hotin në Bruksel, tha se bisedimet me kryeministrin e Kosovës, Avdullah Hotin, nuk kanë qenë të lehta.

“Bisedimet për të zhdukurit dhe të zhvendosurit do të vazhdojnë të mërkurën tjetër në nivelin teknik”, tha Vuçiq. Ditë më parë, kryeministri ka theksuar se qeveria Hoti, për një muaj, kanë hequr nga diskutimi, temën e integritetit territorial të Kosovës, “të cilën më nuk e përmend kush”.

Kjo do të jetë një marrëveshje që Kosovës i jep atë që i takon, të qenurit e barabartë dhe e integruar në familjen e madhe euroatlantike. Për këtë ka nevojë populli i Kosovës”, pati shkruar Hoti.

Kryeministri i Kosovës, Avdullah Hoti, ka thënë se nuk ka dialog teknik me Serbinë.

“Ka dialog vetëm për marrëveshje finale për njohje reciproke dhe normalizim të marrëdhënieve në mes të dy vendeve”, ka shkruar kryeministri Hoti në rrjetin social Facebook.

Pas 20 muajsh, dialogu Kosovë –Serbi ka rifilluar më 16 korrik në Bruksel, mes kryeministrit të Kosovës, Avdullah Hoti dhe presidentit serb, Aleksandër Vuçiq.

Dy temat kryesore në këtë takim ishin personat e pagjetur dhe bashkëpunimi ekonomik.

Pas këtij takimi, Brukseli paralajmëroi se dialogu në nivelin teknik ndërmjet Kosovës dhe Serbisë, do të rinisë të mërkurën, më 22 korrik.

Rinisja procesit teknik të dialogut në Bruksel, në kohën kur pritej që ky proces të shkonte drejt një marrëveshjeje finale politike, po shoqërohet me kundërshtime në Prishtinë.

Ish-kryenegociatorja Edita Tahiri thotë se këto tema që janë diskutuar në takimin e javës së kaluar në mes të kryeministrit Hoti dhe presidentit Vuçiq duhet të përfshihen në kuadër të marrëveshjes finale e jo të diskutohen në proces teknik.

“Tani duhet të punohet për marrëveshjen finale si dhe brenda saj mund të adresohen çështjet që quhen teknike, por që janë shumë të rëndësishme, reparacionet e luftës, pastaj suksesioni, ndarja e pasurisë e të tjera. Por, nëse përsëri shkohet më gjëra teknike dhe pastaj të vihet me marrëveshjen finale, kjo ka rrezik që ta lë procesin të hapur pafundësisht”, ka thënë Tahiri.

Në një përgjigje për Radion Evropa e Lirë, Bashkimi Evropian konfirmon se ka dërguar ftesat te Kosova dhe Serbia, sa i takon rinisjes së dialogut teknik.

Zëdhënësja për Çështje të Jashtme dhe Politika të Sigurisë në BE, Nabila Massrali, thotë se në takim do të diskutohet për çështjet që janë biseduar në takimin e nivelit të lartë në mes të kryeministrit të Kosovës, Avdullah Hoti dhe presidentit të Serbisë, Aleksandar Vuçiq.

Dialogu në Bruksel filloi në mars të vitit 2011. Ideja ka qenë të diskutohen çështjet teknike që do ta bënin më të lehtë jetën e përditshme për qytetarët e Kosovës dhe ata të Serbisë.

Në tetor të vitit 2012, procesi kaloi në nivelin politik.

Dialogu është ndërprerë në fund të vitit 2018, për shkak të një takse që u ka vënë Qeveria e atëhershme e Kosovës prodhimeve të importuara nga Serbia.

Taksa më vonë është zëvendësuar me masa reciprociteti, por këto të fundit janë hequr me ardhjen e Hotit në pushtet, për të mundësuar, siç është thënë, vazhdimin e dialogut.

Shefi i kabinetit të presidentit të Kosovës, Hashim Thaçi, njëherësh këshilltari kryesor politik i presidentit, Bekim Çollaku, thotë se qëllimi i dialogut me Serbinë, duhet të jetë marrëveshja përfundimtare me njohje reciproke dhe jo rinisja e një dialogu teknik të udhëhequr nga Bashkimi Evropian.

“Rinisja e dialogut teknik të udhëhequr nga BE-ja nuk është në interesin e Kosovës. Ai është dizajnuar për të justifikuar hapjen e më shumë kapitujve për pranimin e Serbisë në BE, teksa e lë Kosovën të izoluar dhe në status quo. Qëllimi duhet të jetë marrëveshja përfundimtare politike me njohje reciproke”, tha Çollaku përmes një postimi në rrjetin social Twitter.

Ky reagim i Çollakut vjen pasi më 17 korrik, kryeministri i Kosovës, Avdullah Hoti, u takua në Bruksel me presidentin serb, Aleksandar Vuçiq, në dialogun e ndërmjetësuar nga BE-ja.

Pas kësaj, Brukseli paralajmëroi se dialogu në nivelin teknik ndërmjet Kosovës dhe Serbisë, do të rinisë të mërkurën, më 22 korrik.

Ndërkaq, kryeministri Hoti pas takimit të Brukselit se Kosova dhe Serbia janë shumë afër arritjes së marrëveshjes përfundimtare.

“Jemi në fazën përfundimtare të përmbylljes së marrëveshjes përfundimtare me Serbinë”, tha Hoti, duke shtuar se në këtë takim kanë folur për personat e zhdukur dhe ekonominë.

Ndryshe, Hoti kur u pyet në Bruksel nga gazetarët nëse për dialogun ka koordinim me presidentin Thaçi, deklaroi:

“Unë përfaqësoj Kosovën në procesin e dialogut me Serbinë, bashkë me partnerët e koalicionit, duke e mbajtur plotësisht të informuar të gjithë spektrin politik në Kosovë”.

Takimi i 17 korrikut, që erdhi pas 20 mujash të ndërprerjes së dialogut Kosovë-Serbi, u kritikua nga partitë opozitare në Kosovë.

Lëvizja Vetëvendosje dhe Partia Demokratike e Kosovës, thanë se kryeministri Hoti nuk është i përgatitur për dialogun dhe se nuk ka as platformë e ekip për këtë proces.

Arbërie Nagavci nga partia më e madhe opozitare, Lëvizja Vetëvendosje i ka thënë Radios Evropa e Lirë se Hoti nuk është i përgatitur për procesin e dialogut me Serbinë.

“Hoti, për këtë as nuk është i përgatitur e as nuk ka një platformë, një ekip dhe të tjera si këto, si dhe nuk e ka legjitimitetin as brenda vendit. As në kuadër të koalicionit të tij qeverisës nuk e ka fuqinë, por as në raport me gjithë spektrin politik, përfshirë këtu edhe opozitën”, thekson Nagavci.

Ndërkaq, deputeti i Partisë Demokratike të Kosovës, Enver Hoxhaj, tha se kryeministri Hoti u nxitua që të shkoi në këtë takim në Bruksel pasi sipas tij, procesi ka paqartësi si dhe kryeministri nuk ka mbështetje të nevojshme politike e institucionale.

“Jemi kundër qasjes dhe mënyrës se si Qeveria e Kosovës e ka filluar dialogun. Takimi i para dy ditëve tregoi se Kosova dhe Qeveria e Kosovës nuk është e përgatitur as politikisht e as përmbajtësish për një proces të tillë. Ajo ka hyrë në dialog pa platformë, pa strategji, pa konsensus, pa koordinim, pa përvojë në këtë proces dhe pa asnjë ekspert”, deklaroi Hoxhaj.

Hoxhaj shtoi se pas 15 vjetësh, të mbylljes së temës së të zhvendosurve serbë, në takimin Hoti-Vuçiq, kjo temë u rikthye.

Presidenti i Kosovës, Hashim Thaçi që deri më tani ka udhëhequr dialogun në emër të Kosovës, ishte angazhuar që procesi i dialogut të kalojë në duart e Shteteve të Bashkuara të Amerikës, për shkak se, siç kishte thënë, Brukseli e ka humbur kredibilitetit në këtë proces, por edhe në raportet me Kosovën.

Në raportet ndërmjet Kosovës dhe Serbisë, që nga viti i kaluar është përfshirë edhe i dërguari i presidentit amerikan, Richard Grenell, i cili deri më tash ka arritur t’i sigurojë tri marrëveshje në letër, për vendosjen e linjave ajrore dhe hekurudhore, si dhe për autostradën Prishtinë-Beograd. rel

Sikurse rrjeti i uzurpatorëve të shtetit që është i gjërë, ashtu edhe numri i politikanëve milionerë, të pasuruar jashtëligjshëm mbi kurrizin e popullit është i madh dhe i pambarim, është i shpërndarë në të gjitha subjektet politike pa dallim pushtet dhe opozitë. Betejën me korrupsionin dhe krimin e organizuar nuk mund ta fitojnë subjektet që në strukturat e tyre udhëheqëse kanë super milionerë nga aferat korruptive dhe uzurpimi i pasurisë publike dhe shtetërore.

Papërgjegjësia e liderëve partiak dhe shtetëror

Liderëve politikë (partiak) iu mungon përgjegjësia morale, kultura dhe respekti ndaj qytetarëve. Janë shndërruar në mashtrues dhe zhvatës të mëdhenjë, në shkelës dhe uzurpatorë të lirisë dhe demokracisë, në shkatërrues të së tashmës e se ardhmës së gjeneratave të reja. Korrupsioni i ka mbuluar të gjitha institucionet e shtetit dhe partitë politike. Liderët mashtrues dhe të korruptuar janë shkaktar për fundosjen e shpresave të dy gjeneratave të shoqërisë sonë .
Gjëndja katastrofale e krijuar në vend si pasojë e një lidershipi të papërgjegjëshëm ka bërë që populli të mos iu besoj më. Si pasojë e kësaj, viteve të fundit kemi rënje drastike të numrit të votuesve në zgjedhje, sepse qytetarët nuk kanë më për kë të votojnë.
Në mëndjen dhe vetëdijen e popullit është krijuar bindja, se kush më pak e kush më shumë, të gjithë që merren më poltikë janë mashtrues e intrigantë, janë hajna ordinerë të shndërruar në kusarë politik.
Janë grupe të shumta interesi në Kosovë që iu shkon për shtati gjendja aktuale. Janë aferat korruptive, bizneset dhe interesat klanore që i bëjnë bashkë pozitën dhe opozitën në Kosovë.
Politikanët e shantazhuar dhe te korruptuar, ditën në Kuvendin e Republikës së Kosovës dhe para mediave nuk e kursejnë njëri-tjetrin më sharje dhe fyerje sa për të mashtruar opinionin, përderisa natën bëjnë marrëveshje dhe pazare politike të fshehta për ndarjen e tenderëve dhe shtrirjen e sferave të interesit në Kosovën e lodhur dhe të rraskapitur nga varfëria dhe denigrimi social i vlerave njerëzore!

Largimi nga Kosova nuk është zgjidhje dhe as shpëtim

Kahdo dhe kudo që shkon nëpër Kosovë sheh fytyra të thyera dhe te ngrysura nga humbja e të gjitha shpresave për të jetuar në këtë vend, më secilin që bisedon, një përgjigje e gjenë-zhgënjim dhe humbje shprese për të jetuar në këtë në këtë vend të bekuar, një dëshirë dhe një synim të përbashkët-ikjen dhe largimin nga vendi i “mallkuar”!
Po ndodhë pikërisht kështu si pasojë e një klasë të pandërgjegjshme politike e cila ua ka fikë të gjitha dritat e shpresës popullatës shqiptare në Kosovë.
E vetmja shpresë reale për ndryshime pozitive ka mbetur tek elitat intelektuale. Një armatë intelektualësh dhe veprimtarësh të dëshmuar të viteve të ’90-ta, një armatë e të rinjëve të specializuar në fusha të ndryshme, munden dhe duhet të mobilizohen për çlirimin e vendit nga uzurpatorët e lirisë sonë!
Ndryshimin mund ta bejnë vetëm ata që janë të gatshëm në mënyrë vullnetare të vihen edhe një herë në shërbim të popullit e atdheut, për ta shpëtuar Kosovën nga zbrazja e ç’kombtarizimi, nga krimi dhe korrupsioni dhe dukuritë e shumta negative, të ardhura si produkt i keq-qeverisjes dhe politikbërjes së gabuar të kastës aktuale politike.
Vullneti i qytetarëve të Kosovës për kthesë pozitive jo vetëm që ekziston, thërret si kushtrim në ndërgjegjën e atdhetarëve, aktivistëve dhe veprimtarëve të devotshëm të çështjes kombëtare.
Mjafton vetëm iniciativa e shëndoshë e bazaur në vlera kombëtare, në atdhedashuri e moral njerëzor, për ta ndryshuar mentalitetin kancerogjen të keq-qeverisjes tani e dy dekada ne Kosovë.

Të gjithë kundër uzurpatorëve të shtetit

Secili mund të jepim diçka nga vetja jonë për Republikën e Kosovës, shtetin e së ardhmës për fëmijet tonë. Secili me takatin e me zanatin e vet, mund ta bejmë ndryshimin e nevojshëm për Kosovën dhe qytetarët e saj, për kthimin e identitetit dhe shpirtit humanitar të shqiptarëve të trashëguar ndër shekuj.
E vetmja shpresë për ta çliruar shtetin nga uzurpatorët, kusarët politik dhe bandat partiake është zgjimi i popullit nga agonia e gjatë e pritjes dhe aktivizimi i menjëhershëm i elitës intelektuale si në Kosovë ashtu edhe në mërgatën tonë.
Vetëm një klasë e re politike, një frymë e pastër kombëtare, e udhëhequr nga intelektualë të nivelit të lartë, analistë dhe gazetarë të guximshëm, veprimtarë dhe aktivistë të devotshëm të çështjes kombëtare mund ta nxjerrë vendin nga humnera e klasës së papërgjegjshme politike.
Vetëm një fillim i ri, një organizim i ri, një lëvizje e re politike e përmasave kombëtare, me një platformë të qartë qeverisëse bazuar në zhvillimin ekonomik dhe mbrojtje të interesave të qytetarëve, do ta nxjerrë shtetin nga kthetrat e uzurpatorëve dhe ta shpëtojë vendin nga katandisja e mëtutjeshme.

Më ndyshimet e ardhshme kushtetuese, Kosovës duhet t’i kthehet Referendumi Popullor, si shprehja më e lartë e demokracisë dhe lirisë së një vendi, për marrjen e vendimeve popullore që kanë për qëllim rregullimin e rendit shoqëror dhe politiko-juridik të vendit tonë.

Nënkryetari i PDK’së, Enver Hoxhaj, ka thënë se mbesin në opozitë dhe nuk kanë diskutuar në asnjë organ partiak për mundësinë hyrjes në Qeveri.

“Ne si PDK e kemi qëndrimin që e kemi pasur para disa muajsh që ne mbesim në opozitë”, ka thënë Hoxhaj, në një konferencë për media.

“Deri tani as organet e partisë e as grupi parlamentar i PDK-së nuk kanë diskutuar për përfshirje në qeveri. Pra, PDK-ja mbetet në opozitë”, ka shtuar ai.

Një ditë më parë, Avdullah Hoti, në Pressing të T7, nuk e mohoi mundësinë e përfshirjes së PDK’së në Qeveri, kur foli për mundësinë e zgjerimit të koalicionit.

Hoti ka thënë se një mundësi e tillë do të hapet kur të vijë koha për zgjedhjen e Presidentit pasi t’i konfirmohet aktakuza ose kur t’i skadojë afati.

Kryeministri ka thënë se përpos zgjerimit të koalicionit ekziston edhe mundësia e shkuarjes në zgjedhje të reja nëse partitë politike nuk gjejnë konsensus.

Partia Demokratike e Kosovës ka kritikuar kryeministrin Avdullah Hoti për pjesëmarrje në takimin e para dyditësh me presidentin serb, Aleksandar Vuçiq në Bruksel.

Deputeti i Partisë Demokratike të Kosovës, Enver Hoxhaj, tha se kryeministri Hoti u nxitua që të shkoi në këtë takim pasi sipas tij, procesi ka paqartësi si dhe kryeministri nuk ka mbështetje të nevojshme politike e institucionale.

“Jemi kundër qasjes dhe mënyrës se si Qeveria e Kosovës e ka filluar dialogun. Takimi i para dy ditëve tregoi se Kosova dhe Qeveria e Kosovës nuk është e përgatitur as politikisht e as përmbajtësisht për një proces të tillë. Ajo ka hyrë në dialog pa platformë, pa strategji, pa konsensus, pa koordinim, pa përvojë në këtë proces dhe pa asnjë ekspert”, deklaroi Hoxhaj.

Në një konferencë për media, Hoxhaj tha se Qeveria Hoti do të duhej të kërkonte shtyrjen e takimit dhe të përpiqej që të arrinte konsensus politik në vend.

Hoxhaj me tej shtoi se kryeministri Hoti është mashtruar nga Serbia në përcaktimin dhe në renditjen e temave.

“Për herë të parë është rikthyer në proces të dialogut tema e të zhvendosurve serbë nga Kosova e cila është mbyllur para më shumë se një dekade, para 15 vjetësh. Kosova i ka përmbushur të gjitha obligimet sa i takon të zhvendosurve serbë”, deklaroi Hoxhaj.

Në takimin në Bruksel ndërmjet Hotit dhe Vuçiqit u tha se u bisedua për të pagjeturit dhe çështjet ekonomike.

Edhe partia më e madhe opozitare Lëvizja Vetëvendosje ka kritikuar Hotin për “pafuqi” politike, si në planin e brendshëm, ashtu edhe në të jashtëm.

Arbërie Nagavci nga kjo Lëvizjes, i ka thënë Radios Evropa e Lirë se Hoti nuk është i përgatitur për procesin e dialogut me Serbinë.

“Hoti, për këtë as nuk është i përgatitur e as nuk ka një platformë, një ekip dhe të tjera si këto, si dhe nuk e ka legjitimitetin as brenda vendit. As në kuadër të koalicionit të tij qeverisës nuk e ka fuqinë, por as në raport me gjithë spektrin politik, përfshirë këtu edhe opozitën”, thekson Nagavci.

Kryeministri i Kosovës, Avdullah Hoti dhe presidenti i Serbisë, Aleksandar Vuçiq, me ndërmjetësimin e Bashkimit Evropian, u takuan më 16 korrik në Bruksel.

Ky ishte takimi i parë ndërmjet delegacioneve të Kosovës dhe Serbisë, në kuadër të dialogut për normalizimin e marrëdhënieve, pas pothuajse dy vjetësh.

Dialogu u ndërpre në fund të vitit 2018, pas vendosjes së një takse nga Qeveria e Kosovës ndaj produkteve nga Serbia dhe Bosnje e Hercegovina. rel

Kryetari i Partisë Demokratike, Lulzim Basha do të zhvillojë të hënën një vizitë në Kosovë ku do të takohet me drejtuesit më të lartë të shtetit dhe politikës. Vizita e zotit Basha vjen pas ftesës së Kryeministrit të Kosovës, Avdullah Hoti.

Burime për ‘BalkanWeb’, thanë se gjatë qëndrimit në Kosovë lideri i opozitës do të takohet me Kryeministrin Avdullah Hoti, Presidentin Hashim Thaçi, Kryetaren e Kuvendit Vjosa Osmani si dhe me drejtuesit e partive politike, Vetvendosjes, Lidhjes Demokratike të Kosovës, Partisë Demokratike të Kosovës, Aleancës për Ardhmërinë e Kosovës, Nismës-Socialdemokrate dhe Aleancës Kosova e Re.

Vizita e kreut të PD, në Kosovë zhvillohet në një kohë të rëndësishme nisur nga zhvillimet e javëve të fundi, ndërkohë që ka rinisur dialogu Kosovë- Serbi, intervistimi në Hagë i presidentit Thaçi por edhe në momentet kur Shqipëria dhe Kosova po përballen me sfidën e menaxhimit shëndetësor por dhe ekonomik të situatës së krijuar nga Covid19.

Gjatë takimit me kryeministrin e Kosovës në Tiranë, kryetari i Partisë Demokratike vlerësoi se duhet një bashkëpunim më i ngushtë ekonomik mes Shqiperisë dhe Kosovës.

Bashkërendimi i veprimeve mes dy vendeve është mënyra më e mirë dhe më e sukseshme për të përshpejtuar proçeset integruese të të dyja vendeve – theksoi zoti Basha gjatë takimit të zhvilluar në Tirane me kryeministrin Hoti.  Duke  risjellë në vëmendje  bashkërendimin e sukseshëm gjatë proçesit të pavarësisë së Kosovës dhe njohjes së saj ndërkombëtare, ndërsa theksoi se “është koha për ti vënë në jetë këto përvoja të sukseshme për të mirën e shqiptarëve”.

Lulzim Basha e ka bërë të ditur prej kohësh mbështetjen për autoritetet e Kosovës në proçesin e negociatave Kosovë- Serbi ku ka theksuar se përpos normalizimit të  marrdhënieve, produkti  i këtyre negociatave duhet të jetë njohja reciproke mes Republikës së Kosovës dhe Republikës së Serbisë, në respekt të plotë të sovranitetit dhe integritetit territorial të Kosovës.

Ka ndërruar jetë prokurori Ismet Ukshini, duke u bërë viktima e 125-të e Coronavirusit.

Lajmin e ka bërë të ditur për drejtori Klinik i Spitalit të Përgjithshëm të Gjilanit, Dr. Ukshin Ismaili.

“Në emër të stafit dhe në emrin tim personal, i shpreh ngushëllimet më të sinqerta familjes e kolgëve”, ka thënë Ismajli.

Prokurori Ismet Ukshin ka qene i shtrire ne Repartin e Infektives, ne Spitalin e Pergjithshem te Gjilanit.

Ai ka ndërruar jetë në moshën 59 vjecare.

Gjyqtari i Gjykatës Themelore në Prishtinë, Shashivar Hoti, ka vdekur sot.

Lajmin për Gazetën Express e ka konfirmuar Kryetarja e Gjykatës Themelore, Afërdita Bytyqi.

“Gjyqtari ka qenë në pushim vjetor ndërsa djali i tij më njoftoi se i është përkeqësuar gjendja dhe ka vdekur. Nuk është testuar për COVID-19. Vetëm dje ka pas problem me frymëmarrje dhe e kanë dërguar në spital, ku edhe ka vdekur. Sipas familjarëve nuk ka pas simptoma, tash mbetet të shihet”, ka thënë Bytyqi për Express.

Sot ka vdekur edhe Prokurori i Prokurorisë Themelore në Gjilan, Ismet Ukshini, i cili ishte i infektuar me koronavirus. Përveç COVID-19, Ukshini kishte edhe sëmundje të tjera shoqëruese.

Lajmin për Gazetën Express e ka konfirmuar Drejtori për Shëndetësi, Selami Xhemajli.

“Po, prokurori Ismet Ukshini ka vdekur në orët e para të mëngjesit në spitalin e Gjilanit. Ai ka qenë i konfirmuar se është i infektuar me COVID-19 ndërsa nga data 6 korrik ka qenë i shtrirë në spital. Ka pasur edhe sëmundje të tjera shoqëruese. Sipas mjekëve, ka pasur probleme me mushkëri”, ka thënë Xhemajli.

Numri i rasteve të konfirmuara me këtë semundje deri tash ka arritur në 5 mijë e 472, me gjithsej 127 raste të vdekjes të cilët kanë pasur edhe sëmundje të tjera shoqëruese

Raportuesja për Kosovën në Parlamentin Evropian, Viola von Cramon, përmes një shkrimi në Twitter ka njoftuar se sot ka vizituar Dhomat e Specializuara dhe Zyrën e Prokurorit të Specializuar në Hagë.

Ajo tha se Gjykata Speciale po bën punë të mrekullushme dhe se duhet të vazhdojë kështu.

“Sot pata një vizitë të planifikuar në Dhomat e Specializuara të Hagës dhe në Zyrën e Prokurorit të Specializuar. Institucione të rëndësishme këto për të sjellë drejtësi në Kosovë ndaj atyre personave që besohet se kanë kryer krime lufte, pavarësisht kombësive të tyre”, është shprehur Viola von Cramon.

Tutje, ajo tha se puna e Gjykatës Speciale duhet të vazhdojë në Hagë për të siguruar procedurë të paanshme dhe të sigurt për të gjithë.

“Mësova shumë për punën e tyre të jashtëzakonshme. Si pjesë e sistemit gjyqësor të Kosovës, e zhvendosur në Hagë, gjykata duhet të vazhdojë punën atje, për të siguruar procedurë të paanshme dhe të sigurt për të gjithë, përfshirë edhe viktimat dhe dëshmitarët”, ka thënë Viola von Cramon.

“KSC dhe SPO janë gurthemeli i Kosovës që përmbushin detyrimet ndërkombëtare dhe ndërtojne sundimin e ligjit”, shtoi Viola von Cramon.

Mbi 150 pjesëtarë të policisë së Kosovës janë infektuar me koronavirus.

Në një njoftim për media të Policisë së Kosovës thuhet se, që nga paraqitja e rasteve të para në Kosovë, më 13 mars, 154 zyrtarë policorë kanë kontraktuar sëmundjen COVID-19, që e shkakton koronavirusi.

Prej tyre, 77 policë janë shëruar, 76 vazhdojnë të jenë pozitivë, ndërsa polici Ilir Gjokaj ka vdekur të enjten, thuhet në njoftimin e policisë.

Policia e Kosovës po ashtu tha se është duke i kushtuar “kujdes të veçantë aplikimit të masave mbrojtëse për qytetarët, por edhe për vetë zyrtarët policorë”.

Në Kosovë janë konfirmuar gjithsej 5,369 raste pozitive me koronavirus.

Prej tyre, 118 kanë vdekur dhe 2,545 janë shëruar. rel

Dje filluan punumet për ndërtimin e një xhamije të madhe në Prishtinë, pas shumë debateve të ashpra pro dhe kundër, për një kohë të gjatë.

Armiqt perfid presin dhe shfrytëzojnë situatat e caktuara, kur jemi shumë të zënë me armiq. Neootomanisti Tërnava, çuditërisht, dje, në të njejtën kohë me puqin ushtarak që kishte ndodhur në Turqi, filluan punimet për ndërtimin e kësaj xhamie të madhe si një trofe e fitoreve kundër demokracisë atje dhe që s”ka të bëj asgjë me punën tonë e as me ne këtu.

Duke u bazuar në dekleratat e tij, se njeriu i parë që do flijohet për këtë Xhami të sulltanëve do jetë vet Tërnava, tregon sikur ky vend i ilirëve të lashtë, s”paska zot e as trima, sikur të ishte kjo një pronë mesjetare e tij nën pushtimin e dikurshëm. Fitohet përshtypja sikur ky vend qenka hajratë i të huajve, se ne s’ qenkemi pasardhësit e Skendërbeut dhe as të qytetrimit Evropian.

Numri i shumfyshuar i ndërtimit të xhamive në trojet shqiptare, tani për tani tejkalon dhjetfysh numrin total të sundimit pesë shekullor turk për vetëm njëzet vjet të lirisë sonë që nga paslufta.

Këto agjentura kompromentuese i zuren pa përvojë institucionet tona dhe aty ku ndeshen në rrezistencë, i përqanë dhe tek tuk i blenë disa edhe me para dhe aktivizuan njerëz dhe grupe të ndryshme edhe me projekte sllave.

Ndërtimi i kësaj “Xhamije” e vulos komplet gurthemelin e neootomanozmit në Kosovë dhe minimin e kulturës së lashtë Dardane.

Kosova nuk guxon kurrsesi ta lejojë ndërtimin e kësaj “xhamije” e cila do të shfrytëzohet nga armiqt tanë si një bombë shpërthyese me benzin kundër fëmijve dhe pasardhësve tanë për shekuj me radhë.

Bëjmë apel që institucionet përgjegjëse të Republikës së Kosovës ta ndalojnë menjëherë ndërtimin e këtij objekti politik e konfliktuoz. Shteti ka informacione të bollshme për këto grupe ekstreme dhe bandave kiminale të cilët për peticione, fjalë e apele s‘kan dert.

Nese këtë nuk e bëjnë institucionet përgjegjëse dhe të cilët në këtë drejtim popullin e hudhen në baltë dhe e tradhtuan, atëherë duhet që populli i Kosovës e në veçanti banorët e Prishtinës ta pengojnë me të gjitha mënyrat, me protesta dhe të tregohet se ky vend është i shqiptarëve të cilët gjithëherë derdhen gjak, çoftë edhe për punët më të vogla, në mbrojtje të lirisë dhe pavarsisë së vendit tani e mijëra vjet më parë.

Ne nuk jemi koloni as e Serbisë e as e Turqisë.

Lidhur me shkrimin sipër dhe vendosjen në Facebook menjëherë janë këto reagime si në vijim:

Fadil Fazlija: Respekt për Ju z. Saim Tahiraj, mjerim për popullin shqiptar të Kosovës dhe shtetin tonë të brishtë …!
Beqir ASllani:Fadil Fazlija Respekt z. Tahiraj për komeentin e qelluar.Fort mirë dihet nga e kaluara e historisë shqiptare. sa herë Shqiptaret kanë lshue shiqimet nga lindja te kombi Shqiptar ka mbretrue prapambeturia Kombëtare Shqiptare. kjo u vertetue shum mirë dhe ne kohen më te re ne luften e fundit kunder gjakpirsit serbo-sllav se kush ishte lindja dhe kush perendimi për Shqiptaret Iliro Dardan.Gabimet nuk do te na i fal më historia.
Arber Gashi: T’lumtë Saim Tahiraj!
Rasim Rexhaj: Fajet i ka edhe politika e jone, qe disa mundohen me fitu votus tuj i perkrah kta njerz. Ndersa ju, ju lumt per ket shkrim shu te perpikt.
Hamze Morina: Para dy vitesh kishte nje propozim nga vet nenkryetari i Prishtines Selim Pacolli per vendin e pershtatshem te ndertimit te kesaj Xhamie ne trollin e Universitetit, aty ku eshte ndertuar edhe kisha politike e Milosheviqit, perballe Bibliotekes Universitare.
Dalngadal po fillon lufta e hershme politiko fetare e kohes se mesjetes nga rivalet Tyrbes se Sulltan Muratit e varrit te knjaz Llazarit. Po perderisa kjo lufte zhvillohej ne fushat e gjera te mellenjave, tash po zhvendoset ne pjesen urbane ne Prishtine, duke falenderuar klasen e qullte politike, kujdesin e BI dhe dhuraten e Sulltanit te ri Erdogan qe eshte zedhenesi i neootomanizmes ne Ballkan.
Pra brenda kesaj lufte te faktorizuar turko sllave qe gjithmone perfundon me marrveshtje ne kurriz te shqiptareve qe defaktorizon elementin thelbsor ne trollin e tyre.
E shqiptaret: „ Hane buke e kastraveca e marojne petulla ne uje“
Gani Lipa: Ahmetaj Shum e vertete….
Leo Palushi: Respekt per ju Hero i gjalle dhe Dardan i vertete.
Abas Fejzullahi: Me i pas ndërtue shqiptarët në Kosovë 800 shkolla, çerdhe për fëmijë, spitale për nevojtarët, kishin përmirsuar sadopak të tashmen e me siguri të ardhmerin më të mirë të pasardhësve të tyre me arsim e kulturë po edhe me zhvillim ekonomik e mirëqenie njerëzore e kombëtare.

Me ndërtimin e mbi 800 xhamive në këto 20 viet e fundit, për t’ u lutur, që të njetat lutje mund të bëhen edhe në shtëpi nga secili nëse vërtetë është besimtar.

Kuvendi i Kosovës mbanë përgjegjësi dhe është fajtori kryesor për këtë sepse është shëndrruar nga shumica e kurvendarëve në arenë ndarjesh e përçarjesh, që përfaqësojnë partit e tyre pozitë opozitë tue ndrruar vendet dhe tue emrue nëpër pozita e institucionet vendore të pushtetit por edhe të bashkësive fetare njerëz siç janë vet që qeverisinë e shumica prej tyre keq dhe keq përdorin kudo e kahdo që munden për interesat dhe përfitimet e tyre vetanake në çdo drejtim, janë përgjegjësit kryesor lidhur me ndërtimin e kësaj xhamie që ka me u përcjellur me pasoja të mdhaja e të dëmshme tani e në të ardhmen…sepse po shifet se ka ndarje e përçarje pasi që miftiu po dojka me u ba hero tue u vetflijua për këtë xhami…!

Ish-deputeti i Kuvendit të Kosovës, Ali Lajçi ka thënë se pasojat e votimit të demarkacionit me Malin e Zi tashmë kanë filluar.

Lajçi përmes një postimi në Facebook, ka shkruar se ka filluar dëbimi i banorëve të fshatit Llukë nga forcat malazeze, fshat ky i komunës së Deçanit që bjeshkën e kanë afër Kullës së Zhlebit.

“Ky version i gabuar, të cilin e votuan deputetët e Republikës së Kosovës dhe partitë politike, ku humbën mijëra hektarë tokë po sjellë pasojat e veta”, ka shkuar Lajçi.

Postimi i plotë i tij:
Pasojat e votimit të versionit të gabuar kufitar me Malin e Zi!
Ky version i gabuar, të cilin e votuan deputetët e Republikës së Kosovës dhe partitë politike, ku humbën mijëra hektarë tokë po sjellë pasojat e veta.
Kësisoji ka filluar dëbimi i banorëve të Fshatit Llukë, nga forcat Malazeze, fshat i komunës së Deçanit që bjeshkën e kanë afër Kullës së Zhlebit dhe që tatimet i kanë paguar gjithmonë në Komunën e Pejës. (Shih fotografitë e bashkangjitura)
Ky dëbim po bëhet në mënyrë graduale e të heshtur, një nga një, në mënyrë shumë përfide, për pastrimin në baza etnike të asaj zone.
Banori dëshmitarë Rasim Mulaj, nga fshati Llukë informon se 5 (pesë) familje deri më tash janë dëbuar. Rasimi më pyet se kur do të korrigjohet kjo vijë kufitare?
“Zoti i vraft këta tanët jarabi” – kështu i mallkojnë banorët ata që e votuan!
Ftoj mediat dhe akterët tjerë që të përcjellin nga afër këtë situatë.

Express mëson se brenda PDK-së po diskutohet përfshirja në Qeverinë Hoti. Por kur pyeten zyrtarisht kanë thënë se nuk kanë asgjë për të shtuar, përveç përgjigjeve zyrtare që i ka dhënë zyra për media e partisë.

Dorëzimi i aktakuzës ndaj kreut të PDK-së, Kadri Veseli, prej Prokurorisë Speciale, ka trazuar qetësinë në të cilën dukej se është kjo parti. Përveç që, siç ka raportuar Express dje, po diskutohet mundësia që Veseli të zëvendësohet me një kryetar të ri, nëse i konfirmohet aktakuza nga Gjykata Speciale, aty po diskutohet edhe për ndryshime të tjera.

Gazeta Express mëson se dy javët e fundit, brenda kësaj partie kanë nisur diskutimet për t’u bërë pjesë e Qeverisë së Avdullah Hotit, në partneritet me AAK-në, Nismën dhe minoritetet.

Zyrtarë të lartë të PDK-së, të pyetur se a po e negociojnë hyrjen në Qeveri, kanë thënë se nuk kanë asgjë për të shtuar, përveç përgjigjeve zyrtare që i kanë dhënë zyra për media e partisë.

Zëdhënësi i PDK-së, Avni Bytyqi, dy javë më parë, pasi u publikuan aktakuzat, ka shkruar se partia e Kadri Veselit mbetet opozitare. Ai thoshte se “deri tani” nuk është diskutuar për përfshirjen në Qeverinë Hoti.

“Partia Demokratike e Kosovës, është parti opozitare. Deri tani, nuk është diskutuar kjo temë e hyrjes në qeveri, në asnjë nivel vendimmarrës të partisë. Çdo gjë që është duke u përfolur deri tani nëpër media, është vetëm në nivel të spekulimeve!”, ka shkruar Bytyqi në FB.

PDK-ja, nga zgjedhjet e 6 tetorit, ku doli parti e tretë, ka qëndruar në opozitë, ndërsa prej atëherë janë ndryshuar dy Qeveri.

Lëvizja Vetëvendosje, që prej 3 qershorit e shoqëron PDK-në në opozitë, e akuzon vazhdimisht partinë e Kadri Veselit, se indirekt po e përkrah Qeverinë Hoti.

Zyrtarët e PDK-së vazhdojnë të thonë se do të jenë parti opozitare deri në zgjedhje.

Ndryshe, Prokuroria Speciale ka njoftuar në fund të qershorit se ka dorëzuar aktakuzë ndaj kreut të PDK-së, Veselit, presidentit Hashim Thaçi, dhe disa të tjerëve, të cilëve nuk u janë bërë publikë emrat. Prokuroria Speciale akuzon këtë epror të Ushtrisë Çlirimtare të Kosovës për krime lufte, megjithatë aktakuza akoma nuk është konfirmuar.

Presidenti Thaçi ka thënë se do të japë dorëheqje nëse konfirmohet aktakuza ndaj tij, ndërsa Veseli nuk është deklaruar nëse jep dorëheqje nga kreu i partisë. /Express/

Shtatë vetë kanë vdekur si pasojë e infektimit me COVID-19 në 24 orët e fundit në Kosovë.

Instituti Kombëtar i Shëndetësisë Publike të Kosovës dhe Ministria e Shëndetësisë të mërkurën publikuan statistikat e fundit rreth COVID-19 në vend.

Në raportimin e tyre, u bë e ditur se katër persona kanë vdekur si pasojë e infektimit me koronavirus.

Ndërkaq, gjatë të mërkurës, vdiqën edhe tre të tjerë të infektuar me COVID-19.
Dy persona vdiqën në Ferizaj, ku po trajtoheshin pasi ishin infektuar me koronavirus.

Ndërsa, viktima e tretë u shënua në Skenderaj, duke çuar kështu në shtatë numrin e viktimave të koronavirusit në 24 orët e fundit në Kosovë.

Ndërkohë, nga 420 mostra të testuara më 14 korrik, 119 kanë rezultuar pozitive me COVID-19, kurse 92 persona janë shëruar.

Numri total i rasteve pozitive me koronavirus në vend ka shkuar në 5 mijë e 237, numri i të shëruarve në 2 mijë e 462, ndërkaq raste aktive janë 2663.

115 persona kanë vdekur si pasojë e infektimit me COVID-19.

Ministria e Shëndetësisë dhe Instituti Kombëtar i Shëndetit Publik (IKSHPK), kanë bërë publike sot përmes një konference për media, rezultatet e reja të testimeve për COVID-19.

Nga 420 mostra të marra nga QKUK-ja dhe gjurmimi i kontakteve në teren, pozitiv kanë rezultuar 119 persona.
Drejtori i Institutit Kombëtar të Shëndetësisë Publike, Naser Ramadani tha se situata epidemiologjike ka filluar të normalizohet.

“Pas ditëve të fundit që kemi pasur një situatë epidemiologjike me rritje të numrit të rasteve me COVID-19, prej dje situata ka filluar të normalizohet dhe të jetë me qetë”, ka thënë Ramadani.

Numri total i të infektuarve në Kosovë ka shkuar në 5,237 nga 29,060 persona të dyshimtë me virusin SARS-CoV-2, me gjithsejtë 112 raste të vdekjes që kanë pasur edhe sëmundje tjera shoqëruese.

Ramadani ka theksuar se në 24 orët e fundit janë shëruar edhe 92 pacientë kurse numri i përgjithshëm i të shëruarve ka arritur në 2,462. Numri i rasteve aktive është 2,663.

Rastet pozitive janë nga:
Komuna e Prishtinës 63 raste
Komuna e Gjakovës 12 raste,
Komuna e Drenasit 6 raste
Komuna e Fushë Kosovës 5 raste
Komuna e Pejës 5 raste
Komuna e Podujevës 5 raste
Komuna e Skenderajt 3 raste
Komuna e Ferizajt 2 raste
Komuna e Deçanit 2 raste
Komuna e Gjilanit 2 raste
Komuna e Istogut 2 raste
Komuna e Kaçanikut 2 raste
Komuna e Lipjanit 2 raste
Komuna e Vushtrrisë 2 raste

Komuna e Obiliqit 2 raste, dhe dhe me nga një rast komunat Kamenicë, Kllokot, Mitrovicë e Rahovec.

Ministri i Shëndetësisë, Armend Zemaj tha se kanë vendosur që ta ndryshojnë mënyrën dhe kohën e raportimit për rezultatet e testimeve.

“Ne e konsiderojmë më të drejtë që këto rezultate qytetarëve t’ua vëmë në dispozicion çdo ditë në orën 15:00. Kështu u jepet kohë e mundësi profesionistëve tanë shëndetësorë që të punojnë me pak presion”, ka thënë Zemaj.

Sot kanë filluar punimet për ndërtimin e xhamisë qendrore në kryeqytet, gurthemeli i së cilës është vendosur në parkingun e Telekomit të Kosovës, qysh nga viti 2012

Kjo është bërë e ditur nga Bashkësia Islame e Kosovës, përmes një njoftimi në Facebook.

“Kryetari i Bashkësisë Islame të Kosovës, Myftiu Naim ef. Tërnava, ka përcjellur për së afërmi fillimin e punëve për ndërtimin e Xhamisë Qendrore në Prishtinë. Ai uroi të gjithë besimtarët për fillimin e ndërtimit të kësaj xhamie mëse të nevojshme dhe të shumëpritur për gjithë besimtarët”, thuhet në njoftimin e BIK’ut.

Xhamia qendrore lokacioni i të cilës është në lagjen “Dardania” afër objektit të Telekomit të Kosovës, ishte bërë temë diskutimi mes Bashkësisë Islame të Kosovës dhe Komunës së Prishtinës për lëshimin e lejes për fillimin e ndërtimeve.

Ndërtimit të kësaj xhamie i kishin paraprirë një varg protestash nga komuniteti mysliman, të cilit kishin kërkuar që ky objekt kulti të ndërtohet përballë Katedrales “Nënë Tereza” në oborrin e fakultetit Filologjik.

Mirëpo pas konsultave ndërmjet kryetarit të Prishtinës dhe kryetarit të Bashkësisë islame të Kosovës është arritur konsensus që xhamia të ndërtohet në lagjen Ulpiana.

Kjo xhami do të financohet dhe do të ndërtohet nga Bashkësia Islame Turke, ndërsa kostoja e saj vlerësohet të jetë prej 35 deri në 40 milionë euro./GazetaExpress/

Lidhja Demokratike e Kosovës ka propozuar në seancën e sotme që të futet në rend të ditës ndryshimi i rregullores së Kuvendit, që ia mundëson deputetëve mbajtjen e seancave nga largësia, për shkak të shtimit të numrit të personave të prekur me koronavirus, raporton Gazeta Express.

Propozimin në emër të LDK’së e ka bërë deputetja Besa Gaxherri.

“Në emër të LDK’së e ngre propozimin tuaj si mocion që ne ta ndryshojmë rregulloren e Kuvendit dhe të kemi mundësi që të punojmë nga largësia, për shkak se deri më tani 10 deputetë janë të infektuar, unë besoj se një numër më i madh prej nesh janë të infektuar. Të takohen përfaqësuesit e grupeve parlamentare me një tekst të thjeshtë që seanca të mbahet nga largësia për ndonjë afat të caktuar kohor. Ju kisha lutë znj.kryetare dhe juve deputetë që ne sot ta marrim këtë veprim ta ndryshojmë rregulloren dhe të ia japim mundësinë vetes që mos të ngecin proceset siç ishte propozimi që bëri kolegia”, tha deputetja.

Këtë cështje, kryeparlamentarja Vjosa Osmani tha se e ka ngritur që nga muaji mars.

“Lidhur me përpjekjet që janë bërë për ndryshim të rregullores ka qenë propozimi që nga marsi që të mbahen seancat online. Për komisionet kjo mundësi ekziston, ne po i mbajmë mbledhjet e kryesisë përmes platformës ZOOM. Për seancë duhet patjetër të ndryshojë rregullorja. Mua më është dashur konsensusi i grupeve parlamentare”, tha Osmani.

Nga Vetëvendosje, shefi i deputetëve, Rexhep Selimi ka thënë se nuk mund ta ofrojnë mbështetjen që kjo pikë të futet në rend të ditës.

“Ne kemi me të drejtë rezervat tona lidhur me motivet e kësaj nisme. Gjithsesi ne do të donim që Kuvendi të ishte funksional. Kjo nismë nuk është një nismë për tu keqpërdorur. Ne si grup parlamentar kemi nevojë konsulta me tepër që kur ta japim mendimin tonë. Ne nuk mund ta ofrojmë mbështetjen që sot të futet në rend të ditës”, ka thënë ai.

PDK ka thënë se në këtë situatë në të cilën ndodhte vendi duhet të modelohet një zgjidhje që i mundëson kuvendit që të jetë funksional.

“Po iu pamundësohet deputetëve që për shkak të gjendjes shëndetësore të votojnë në seancë”, ka thënë shefi i grupit parlamentar të Partisë Demokratike, Bedri Hamza.

AAK përmes shefit të grupit parlamentar, Daut Haradinaj tha se kanë propozuar edhe ditë më parë votimin online.

“Edhe sot jemi një deputet minus, do ta jepim përkrahjen”, tha Haradinaj.

“Ju lus deputetë që të gjithë bashkarisht të mund të zgjedhim një zgjidhje sa i përket mënyrës së votimit. Deri të mërkurën kur e kemi mbledhjen e kryesisë ju lus të vini me propozime”, tha kryeparlamentarja Vjosa Osmani.

Ish-kryeministri Albin Kurti ka komentuar me anë të një video-mesazhi intervistimin e presidentit të vendit, Hashim Thaçi, nga prokurori i Specializuar në Hagë, raporton Gazeta Express.

Ai ka thënë se kryeministri Avdullah Hoti është vegël e presidentit Thaçi, derisa, për presidentin ka thënë se ulësen e të parit të shtetit e ka marrë me vete para prokurorisë speciale.

“Në bazë të nenit 131 të Kushtetutës së Republikës së Kosovës, gjendjen e jashtëzakonshme e shpall presidenti, dekreti i të cilit duhet të marrë pëlqimin në Kuvend. Pse kjo qeveri na kërcënon me shpallje të gjendjes së jashtëzakonshme? Çfarë pune ka ajo me këtë shpallje? Vetëm një shpjegim e ka kjo: kryeministri koti është zëdhënës i presidencës, vegël e Thaçit, e i cili karrigen e presidentit të Republikës e mori me vete para prokurorisë speciale në Hagë”, ka thënë ai.

Kurti shton se ai nuk mund ta marrë me vete karrigen presidenciale e ta çojë në prokurori e gjykatë.

“Në republikë, sovran është shteti e burim i sovranitetit populli; në monarki, sovran është mbreti. Presidenti nuk është sovrani. Ai nuk mund ta marrë me vete karrigen presidenciale e ta çojë në prokurori a gjykatë. Kosova nuk ua ka pasur borxh këtë”, ka thënë ai. /GazetaExpress/

Vetëm gjatë muajit korrik, janë infektuar mbi 1800 persona në vend.

Kjo ka bërë që të stërngarkohen Klinikat ku janë të shtrirë këta pacientë.

Një natë më parë numri I të prekurve ishte 203 nderkaq kishte raste nga shumë pjesë të Kosovës por që prin kryeqyteti.

Nderkaq së fundmi në Kosovë u regjistruan 71 raste të shëruar nga Covid-19, duke e cuar numrin në 2227 të të shëruarve në total në vend, ndërsa, numri i rasteve aktive është 2387.

Në një konferencë për media te dielën pasdite, kryeministri i Kosovës, Avdullah Hoti përsëriti se dialogu nuk ka alternativë dhe se vetëm përmes dialogut mund të zgjidhen çështjet me Serbinë.

“Ne në këtë proces hyjmë për vetëm një qëllim e që është njohja reciproke dhe normalizimi i plotë i marrëdhënieve në mes të dy vendeve”, tha Hoti.

Ai konfirmoi arritjen e pajtueshmërisë në parim që më 16 korrik të zhvillohet takimi i parë ne Bruksel.

“Jemi të gatshëm të ulemi në çdo tavolinë të dialogut për të mbrojtur shtetësinë e Kosovës dhe për të kërkuar plotësisht normalizim të marrëdhënieve e cila vjen vetëm pas njohjes reciproke në mes të dy vendeve”, shtoi Hoti.

Sipas tij, marrëveshja finale duhet të përfshi njohjen reciproke, adresimin e çështjes të së pagjeturve, dëmet e luftës, kthimin e dokumenteve kadastrale, rregullimi i marrëdhënieve ekonomike në mes të dy vendeve, lidhjet infrastrukturore.

“Këto janë tema që do të jenë pjesë e procesit të dialogut nga e enjtja e tutje”, tha Hoti.

Hoti tha se ne Bruksel ai do të përfaqësojë shtetin e Kosovës si kryeministër, dhe bashkë me të do të jetë edhe delegacioni shtetërorë i cili përfaqëson koalicionin qeverisës, duke shtuar se gjithashtu është “shtrirë dora tek opozita që të jetë pjesë e këtij procesi”.

Dialogu Prishtinë – Beograd, i lehtësuar nga Bashkimi Evropian, u zhvillua të dielën në Bruksel përmes një video-konference.

Takimi i së dielës është dashur të zhvillohej në Bruksel me praninë fizike të kryeministrit të Kosovës, Avdullah Hoti dhe presidentit të Serbisë, Aleksandar Vuçiq.

Por ky takim është shtyrë për datën 16 korrik në Bruksel. rel

Kryeinfermierja e Klinikës së Pulmologjisë në Qendrën Klinike Universitare të Kosoës, Arta Sejdiu, ka bërë thirrje që deputetja nga radhët e Partisë Demokratike të Kosovës, Eliza Hoxha, e cila është infektuar me COVID-19, të dënohet për thyerje të rregullave të vetizolimit.

Hoxha, dje u pa në rrugë, përkundër faktit që do të duhej të ishte e izoluar si paciente me Covid-19.

Deputetja vetë njoftoi ditë më parë që është e infektuar, teksa Sejdiu përveç deputetes, kritikoi edhe inspektoriatin që nuk e ka dënuar ende atë për veprimin e bërë.

“Kah po ia man oj POZITIVE, nuk po du me te stigmatizu, po po du ti me u denu!!!! Derisa te del lajmi qe je denuar si te tjeret, besom qe nuk rehatohna 😡. E nese ke dale per arsye shendetesore, dil me raport, na e mbyll gojen te gjitheve!!!”, shkroi Sejdiu.

Ndryshe, vetëm ditë më parë, në Vushtrri u dënua një infermiere me 1,000 euro gjobë për faktin që u zu në rrugë nga policia dhe inspektoriati, edhe pse kishte rezulutuar pozitiv me COVID-19

Ky është postimi i plotë i kryeinfermieres:

Kah po ia man oj POZITIVE, nuk po du me te stigmatizu, po po du ti me u denu!!!! Derisa te del lajmi qe je denuar si te tjeret, besom qe nuk rehatohna. Express

Liria në kuptimin e plotë fjalës ende është largë në Kosovë?! Liria është koncept i përgjithshem në një shoqëri të prosperuar dhe demokratike.Ne, nuk po e ndërtojmë ende një shoqëri të lirë , për fatin tonë të kaq.E aq me pak po ndërtojmë liri për gjininë femnore , e cila është qënja më e shtrejte njerëzore.Nuk ka gjë më humane së në një shtet të kemi barazin gjinore në nivel të duhur .Ende jemi largë inkuadrimit të gruas në jetën shoqërore e politike .Edhe nese ato janë të ikuadruara diku nuk po gezojnë respektin e nevojshem , ende zëri i tyre nuk po ndëgjohet sa duhet. Forca e gruas shqiptare ka bërë jehohë në botën demokratike . Kemi këngëtare të famshme, gra që kan arritur të ngjitën lartë edhe në politikëbërje , sportiste e kështu më radhë.Shumë gra të Kosovës madje janë më burra ,së do burra , neper institucione të shtetit.E tillë është edhe kryeparlametarja Vjosa Osmani, e cila vetëm së ka parime dhe mendime ndryshe në politikë , po linqohet dhe madje po kërcnohet nga shume burra(bureca) të LDK-së, edhe nga burrat e partive të tjera politike .Ajo nuk po i duron sundimtarët mbi kokë që 20 vite , nuk po i duron padrejtësitë karshi qytetarëve të lodhur në skam dhe mjerim social, e në anën tjetër na janë krijuar pasanikë mbrenda natës pa asnjë ndjersë.Vjosa është gruaja më e votuar dhe më reputacion në Kosovë. As kjo gjë nuk po respektohet.Një njeri që nuk bjen pre e pazareve të pista duhet të gëzon autoritet të pakontestueshëm .U shkarkua nga kryesia e LDK-së për mendimin e saj ndryshe sigurisht shumë më pozitivë për ta përmirësuar gjendjën e ecurive ekonomike dhe atyre politike gadi kolapsuese.Unë e kam përmbajtur Vjosën gjatë fushatës, së i ka të gjitha atributët e një politikane serioze , dhe është profesioniste e vertëtë .Këto reshta i bëra më shumë për faktin së ajo në seancën e fundit të Kuvendit të Kosovës, u sulmua nga një deputet i papërgjegjshem i LDK-së, u sulmua nga një anonimus si Xhavit Ukaj . Duket së ky njeri dështi ta dalë në qendër të vëmendjës më gjeste rrugaqësh, duke e sulmuar Vjosën. Ky së bashku më shumë të tjere te LDK-se , nese rrahin gjoks, të bëhën të fortë më burra ?! Vjosa kur është shkarkuar ka thënë së më “shkarkuan vetëm pse jamë grua”?! Shpesh në shkrimet e mia e kam theksuar së Kuvendi i Kosovës që shumë kohë po ngjanë në “Klub Cirkuzantësh”, së ketu janë tubuar gjithfarë halabakësh politik, që së kan vendin në institucione të larta të shtetit.Çdo respekt për të gjitha gratë kuvendare pa marrë parasysh së cilit taborr politikë i takojnë.Shumica kan sjellje korrekte, për çka janë edhe të thirrur të gjithë kuvendarët. Në Kosovë ka ardhur koha për korrigjime të mëdha e historike. Në fron moti ka qenë dashur të ngjitën forcat përparimtare, duke i larguar forcat reakcionare dhe korruptive .Kjo klasë politike nuk po pajtohet për ndryshime pozitive. Sikur të ishin pajtuar nuk do ti kishin bërë gjitha këto marri politike midis pandemie globale ku po na vdesin shumë njerëz!Vjosa i ka të gjitha kapacitetet , pozitën dhe njohuritë politike, që të bëhët pjesë e dialogut më Serbinë…