Sot disa media të caktuara në Serbi kanë ripublikuar një lajm të vitit 2018 ku presidenti i Serbisë, Aleksander Vucic, kishte paralajmëruar vizitë në Liqenin e Ujmanit.

Megjithatë, një lajm i tillë është fshirë menjëherë nga mediat serbe, dhe B92 ka raportuar se Vuçiq nuk do të realizojë ndonjë vizitë në Ujman.

Lidhur me një zhvillim të tillë ka reaguar edhe ministrja e Punëve të Jashtme, Meliza Haradinaj – Stublla.

Ajo ka thënë se në këtë kohë, në prag të takimit të 4 shtatorit në Washington, çfarëdo vizite nga Serbia në Kosovë do të konsiderohej si provokim i cili do të prodhonte kundërefekt për procesin e negociatave.

“Në javën kritike kur Kosova bën përpjekje për të ndërtuar unitetin politik e institucional për takimin trilateral me Serbinë në Washington, nën lidershipin e Shtëpisë së Bardhë, vizitat potenciale do të konsideroheshin si provokim politik dhe kundërproduktiv përpara nismës serioze e konkrete që partnerët ndërkombëtar kanë ndërmarrë”, ka shkruar Haradinaj Stublla, raporton Express.

Kryediplomatja kosovare në fund ka thënë se “Kosova dhe resurset e saj natyrore janë pronë e Kosovës dhe qytetarëve të saj, e nuk do të bëhen asnjëherë plato e defilimeve provokuese për të tentuar avancimin e interesave që i përkasin shekullit të kaluar”. /Express/

Kreu i LDK, Isa Mustafa ka kërcënuar Ramush Haradinajn, pasi ky i fundit vijon të artikulojë qëndrimin e tij për të marrë postin e Presidentit.

Mustafa ka thënë se LDK është e gatshme në çdo kohë t’i kërkojë qeverisë të bëjë rikonfigurime dhe ndryshime për ata që nuk e kuptojnë rendin, disiplinën, apo që ndjekin axhenda personale dhe shpërdorojnë paratë publike.

Ai shton se qeveria do të jetë efikase dhe e përgjegjshme, dhe asnjë temë tjetër nuk e zhvendos nga ky qëllim.

STATUSI NGA ISA MUSTAFA

Proceset politike me të cilat po ballafaqohet vendi kërkojnë bashkëpunim dhe besim reciprok të të gjithë akterëve.

Dialogu me Serbinë për njohje reciproke, qoftë në Ëashington apo në Bruksel do të jetë më përmbajtësor dhe më i qëndrueshëm, nëse aksionarë të këtij dialogu janë pozita dhe opozita. Ndërkaq, strategjia e dialogut duhet të jetë çështje që diskutohet dhe formulohet nga Kryeministri dhe kabineti i tij i ngushte me partnerët e koalicionit dhe liderët e opozitës.

Pa marrë parasysh arsyen dhe nevojën e komunikimit me publikun, duhet të kemi kujdes që për strategjinë tonë të mos merr vesh Serbia përmes debateve në studiot tona televizive dhe përplasjeve të brendshme, sepse kjo në start e dëmton pozicionin dialogues të Kryeministrit tonë.

Qeverisja e vendit me prioritete luftimi i Pandemisë, rimëkëmbja ekonomike sikurse edhe dialogu për njohje reciproke, kërkon respekt institucional ndaj Qeverisë por gjithësesi edhe brenda Qeverisë. Një politikë qeverisëse dhe një zë qeverisës i bashkërenditur me Kryeministrin.

LDK do të kërkojë që Qeveria të jetë e gatshme të bëjë rikonfigurime dhe ndryshime në çdo kohë për ata që nuk e kuptojnë rendin qeverisës dhe disiplinën qeverisëse; të cilët ndjekin agjenda personale apo partiake, apo për të cilët vlerësohet se e shpenzojnë pa meritë paranë publike.

Kemi premtuar Qeveri që do të jetë efikase në punën e saj, që do ta luftojë krimin dhe korrupsionin, që do të jetë racionale dhe e përgjegjshme ndaj parasë publike. Asnjë temë tjetër s’mund të na zhvendosë nga ky përcaktim. IM

Deputeti i Aleancës për Ardhmërinë e Kosovës, Haxhi Shala ka njoftuar se është ftuar nga Gjykata Speciale në Hagë në cilësinë e të dyshuarit.

Përmes një postimi në rrjetin social, Facebook, Shala ka thënë se do të intervistohet më 8 shtator.

“Tendencat për njollosjen e luftës dhe vlerat e UÇK-së janë të papranuesheme. Sidoqoftë unë do t’i përgjigjem kësaj ftese, sepse e njoh mirë luftën tonë dhe arsyen e saj”, ka deklaruar ai.

Më herët gjatë ditës së hënë, presidenti i Kosovës, Hashim Thaçi, u ka kërkuar deputetëve të Kuvendit të Kosovës që t’ua zgjasin mandatin Dhomave të Specializuara në Hagë.

“Sado e dhimbshme, sado e gjatë, sado e padrejtë të duket në raste të caktuara, rruga e zbardhjes së çdo pretendimi për krime lufte si dhe rruga e pastrimit të njolla të vëna padrejtësisht mbi luftën tonë dhe veçanërisht mbi UCK-në, nuk kanë asnjë alternativë tjetër përveç rrugës së drejtësisë”, ka thënë ai.

Më 24 qershor, Zyra e Prokurorit të Specializuar ka njoftuar se më 24 prill ka paraqitur një aktakuzë për krime lufte dhe krime kundër njerëzimit kundër presidentit Thaçi, kryetarit të Partisë Demokratike të Kosovës, Kadri Veseli, dhe disa të tjerëve, emrat e të cilëve nuk janë bërë publikë.

Thaçi më herët ka deklaruar se do të japë dorëheqje nga posti i presidentit, nëse aktakuza kundër tij konfirmohet.

Gjykata e Kosovës, e përbërë nga Dhomat e Specializuara dhe Zyra e Specializuar e Prokurorisë në Hagë, është formuar me insistimin e bashkësisë ndërkombëtare, me ndryshimet kushtetuese nga Kuvendi i Kosovës.

Gjykata Speciale për krime të luftës është gjykatë e përkohshme me mandat të kufizuar dhe me seli në Hagë. Kjo gjykatë vepron e pavarur dhe financohet kryesisht nga Bashkimi Evropian.

Gjykata është themeluar me vendimin e Kuvendit të Kosovës pas raportit të Këshillit të Evropës, të vitit 2011, në të cilin senatori zviceran Dick Marty flet për krimet e pretenduara “të pjesëtarëve të Ushtrisë Çlirimtare të Kosovës ndaj pakicave etnike dhe rivalëve politikë“, që nga janari i vitit 1998 e deri në dhjetor të vitit 2000. rel

Në takimin e së hënës ndërmjet partnerëve të koalicionit qeveritar pritet të diskutohet edhe posti i presidentit. Në LDK nuk tundohen nga presioni i kreut të AAK-së, Ramush Haradinaj, por thonë që posti i të parit të shtetit duhet t’u takojë atyre. Por tash pas AAK’së siç duket edhe nga LDK kanë shprehur dëshirën që ta kenë edhe postin e presidentit të vendit.

Një deklarim të tillë për KP e ka thënë sekretari i përgjithshëm i Lidhjes Demokratike të Kosovës, Arban Abrashi. Në takimin i cili do të mbahet të hënën temë diskutimi ai thotë se do jetë edhe qasja e qeverisë karshi dialogut me Serbinë.

“Kemi parë deklarata ndoshta që shumë shpesh kanë marr edhe vëmendje mediatike qoftë liderit të AAK-së, qoftë të tjerëve qoftë edhe për pozita të ndryshme për mbarëvajtje të koalicionit ose qasjen e qeverisë karshi dialogut e kështu me radhë. Ideja është që të ulen mes krerëve të partive. Është dashur që takimit të mbahet të premten, por njëri nga liderët nuk ka qenë i pranishëm në Kosovë, prandaj është shtyrë për të hënën”, thotë Abrashi.

Tutje ai shprehet se LDK-ja si një parti shtet-formuese e cila ka dhënë shumë për vendin edhe i ka numrat në Kuvend, ansaj si pasojë edhe LDK-së mund t’i takojë posti i presidentit

Thjeshtë një takim i cili do t’i trajtojë të gjitha çështjet e hapura duke përfshirë edhe mënyrë e dialogut edhe çështjen e presidentit. Nuk është diskutua asnjëherë se cilës parti duhet t’i takojë, por unë besoj që edhe LDK-ja si një parti shtet-formuese e cila ka dhënë shumë për vendin edhe i ka numrat në Kuvend dhe besoj që edhe LDK-së mund t’i takojë posti i presidentit”, theksoi Abrashi.

Lideri i Vetëvendosjes, Albin Kurti, ka thënë se po vazhdon viktimizimi i familjes së Ukshin Hotit përmes publikimit të informacioneve të pakonfirmuara. Ka thënë se shteti duhet të reagojë dhe të shikojë vërtetësinë e këtyre dokumenteve.

Ky reagim i Kurtit ka ardhur pasi RTK, një natë më parë, publikoi një dokumentar, ku jepen detaje të reja, bazuar në dokumente serbe, se si është vrarë e zhdukur Ukshin Hoti.

“Informacione të tilla shkaktojnë dëm të vazhdueshëm emocional dhe psikologjik te familja e Ukshin Hotit, tek ata që e njohën dhe e duan, dëm ky që vjen direkt si rezultat i krimeve të kryera nga Serbia. Kjo çka po i bëhet familjes Hoti me informacione të tilla, është viktimizim i vazhdueshëm. Familja dhe e gjithë shoqëria meriton përgjigje, ashtu siç meritojnë të gjitha familjet e secilit person që ende mungon”, ka shkruar Kurti, në një reagim në Fb.

Ish-Kryeministri ka bërë thirrje Kryeministrit Hoti, Ministrit Selimi të angazhohen më shumë për zbardhjen e të pagjeturve në mesin e të cilëve është edhe Ukshin Hoti.

“Ka disa orë që në publik po qarkullon një dokument që thuhet se ka rrjedhur nga Ministria e Punëve të Brendshme të Serbisë. Sipas këtij dokumenti aludohet se Ukshin Hoti është vrarë, e më pas kufoma e tij është djegur me eksploziv dhe më tej është fshehur për të humbur gjurmët e krimit. Janë të pamohueshme krimet makabre që Serbia ka kryer në Kosovë gjatë luftës. Por në këtë rast, organet relevante në Kosovë (Ministria e Drejtësisë e Kryeministria, Departamenti për Krime Lufte i Prokurorisë Speciale, dhe Komisioni Qeveritar për Persona të Zhdukur), urgjentisht duhet të koordinohen dhe të marrin hapat e duhur që të përcaktojnë vërtetësinë e kësaj informate kaq të rëndësishme”, ka shtuar ai.

“Kosova duhet t’i ketë prioritet krimet e kryera gjatë luftës. Kjo situatë duhet të na kujtojë kolektivisht që është e papranueshme bërja e pazareve në bisedime me Serbinë, për më shumë që vijon të ngelet i pasqaruar fati i të zhdukurve. Është momenti i fundit që Kosova të tregojë seriozitetin e saj në raport me ballafaqimin me të kaluarën”.

Tri letrat e qëllimit të mirë ndërmjet Kosovës dhe Serbisë për linjën ajrore, hekurudhore dhe autostradën pritet të bëhen marrëveshje në takimin e shtatorit në Uashington. Ani pse ky qëllim i mirë nuk ka gjetur zbatim, përkundër ndërmjetësimit para 10 muajsh të të deleguarit për dialogun, Richard Grenell, shpresat janë të mëdha që kësaj here të implementohen në kryeqendrën e ShBA-së.

Shefi i dikasterit të këtyre fushave, ministri i Infrastrukturës, Arban Abrashi thotë për KosovaPress se gjitha indikacionet qojnë se letrat e qëllimit të mirë do të bëhen marrëveshje në takimin e shtatorit ndërmjet kryeministrit, Avdullah Hoti dhe presidentit serb, Aleksandër Vuçiq.

“Unë shpresoj që po, indikacionet e para duke përfshirë edhe takimin që është dashur të jetë në qershor kanë qenë që takimi do të jetë krye-këputur i ndërlidhur me ekonomi, si të zhvillojmë ekonominë e Ballkanit. Çka mund të bëhet më shumë që popujt të bashkëveprojnë në aspektin ekonomik më shumë në mënyrë që të ulen tensionet politike. Propozimet tona kanë qenë disa, duke përfshirë edhe këto dyja, hekurudha dhe autostrada për Merdare, pastaj që vazhdon gjithsesi. Prandaj shpresoj që edhe në takimin e shtatorit në tavolinë do të jenë edhe këto projekte qoftë bashkëfinancim ose hua-marrje. Pra qeveria e Kosovës është e gatshme të merr edhe hua marrje për financimin e këtyre projekteve jetike. Por gjithësi edhe të bashkëfinancime nëse ka vullnet të tillë. Prandaj këto projekte nuk mund të them në plotë që do të realizohen, por janë gjitha indikacionet që do të hasim në mirëkuptim dhe projektet e tilla do të prezantohen atje”, thotë ai.

Krahas ministrit, konkretizim të lidhjeve ekonomike me Serbinë sheh edhe profesori universitar i çështjeve ekonomike, Muhamet Sadiku, i cili thotë se duhet të fuqizohet ideja që nën sponsorizimin e ShBA-së të arrihen këto marrëveshje.

“Janë treguar disa iniciativa nën sponsorimi e ShBA-së sidomos për lidhjen ajrore, infrastrukturën për lidhjet tjera ekonomike që kanë rëndësi të madhe për jetën ekonomike në Ballkanin Perëndimor. Është e vërtet se deri tash asgjë nuk ka ndodhur, por unë besoj që në takimin e ardhshëm në ShBA të dyja palët, nën moderimin e ShBA-ve duhet të futen në një agjendë që këto marrëveshje të bëhen realitet. Sidomos fillimi i linjës ajrore ndërmjet Prishtinës dhe Beogradit respektivisht Kosovës dhe Serbisë dhe fillimi i krijimit të lidhjeve tjera siç është rasti me hekurudhën të tilla gjëra kërkojnë investime të konsiderueshme. Prandaj besoj që në kuadër të këtyre bisedimeve do të fuqizohet edhe më tepër kjo agjendë”, thotë ai.Ndërkaq, Violeta Haxholli nga KDI-ja thotë se letrat e qëllimi të mirë duhet të shndërrohen në veprime konkrete.

“Letrat e qëllimit që janë arritur normalisht të konkretizohen në veprime konkrete nga ana e Kosovës dhe Serbisë në mënyrë që ketë përpjekje të arrihet ai normalizimi i shumëkërkuar”, tha ai.Pas një takimi në Bruksel, kryeministri Avdullah Hoti dhe presidenti serb, Aleksandër Vuçiq në fillim të shtatorit do të takohen në Uashington në ndërmjetësimin e të deleguarit për dialogun, Richard Grenell. Derisa një takim në kryeqendrën e ShBA-së në qershor është anuluar pas propozim aktakuzës për krime lufte ndaj presidentit, Hashim Thaçi.

Ramush Haradinaj ka shkuar edhe më tutje në debatin për Presidentin, duke thënë se këtë temë e ka diskutuar në “tavolina”, ku i ka përmendur zyrtarët e PDK’së dhe Presidentin Thaçi. Por LDK është duke insistuar se me AAK’në s’ka folur kurrë për Presidentin dhe se pasardhësi i Thaçit në këtë pozitë mund të jetë dikush nga PDK. Për këtë deklaratë të Driton Selmanajt që e bëri mbrëmë në Pressing, për Gazetën Express ka folur deputeti i AAK’së Pal Lekaj.

Lidhja Demokratike e Kosovës e AAK’ja edhe mbrëmë përmes deklarimeve nëpër studio televizive e kanë vazhduar debatin për presidentin, që po bëhet pak ditë para takimit të së hënës, që do t’i bashkojë partitë e koalicionit për herë të parë pas shpalljes së kandidaturës nga Ramush Haradinaj.

Në këtë debat, dy partitë mbrëmë e kanë përfshirë edhe PDK’në e Kadri Veselit që po qëndron e heshtur lidhur me deklarimet se kush duhet ta zëvendësojë në karrigen e të parit Hashim Thaçin.

Kreu i AAK’së, Ramush Haradinaj mbrëmë ka deklaruar se ka biseduar tashmë me zyrtarë të PDK’së për këtë temë, pa përmendur emra, e thotë se për këtë cështje ka folur edhe me vetë Thaçin.

Këto deklarime të Haradinajt nuk i konfirmojnë në PDK të pyetur nga Gazeta Express, duke mos folur kështu as për qëndrimin e tyre për këtë çështje.

Derisa Haradinaj flet se e ka hapur me PDK’në çështjen e  Presidentit në Lidhjen Demokratike të Kosovës thonë se ky post mund t’i takojë pikërisht kësaj partie.

Zëvendësi i kryeministrit Avdullah Hoti në Qeveri, Driton Selmanaj tha mbrëmë në emisionin Pressing se presidenti mund t’i takojë përsëri PDK’së.

“Nuk përjashtohet mundësia që presidenti të vjen nga PDK’ja. Në politikë janë të gjitha opsionet e mundshme, megjithatë LDK’ja nuk po e trajton këtë çështje aktualisht”, është shprehur Selmanaj duke thënë se nëse nuk merren vesh për presidentin, atëherë, vendi shkon në zgjedhje.

Të gjitha këto deklarime të partnerëve të koalicionit po bëhen në kohën kur është bërë propozim dorëzimi i aktakuzës për krime lufte nga Specialja për presidentin Thaci.

Që nga atëherë, është duke u folur mundësia për bashkim të PDK’së në Qeveri, që mund të pasonte daljen e AAK’së. Përplasje në mes të AAK’së e LDK’së ka pasur edhe për çështjen e dialogut e atë se si po menaxhohet pandemia.

Paralelisht me këtë AAK’ja e Haradinajt i ka ftohur punët edhe me Nismën e Fatmir Limajt të cilës ia mori Haxhi Shalën pak javë më parë.

Vetëvendosje e udhëhequr nga Albin Kurti e ka filluar mbledhjen e nënshkrimeve për inicimin e mocionit për rrëzimin e Hotit. Por, a do ta bashkojë AAK’në me LVV’në një mosdakordim brenda partnerëve të koalicionit aktual?

Në AAK thonë se e kanë ndarë mendjen. Deputeti i AAK’së Pal Lekaj thotë se Ramush Haradinaj është kandidati më serioz për postin e presidentit të Kosovës.

“Kur jemi të dialogu, ju e dini që Ramush Haradinaj, kurdo që do të bëhet e nevojshme zgjedhja e presidentit të ri, do të duhej të konsiderohej kandidatura më serioze, më me përvojë, më të qëndrushme dhe me konsensuale në spektrin politik të vendit. Pra kurdo që kjo çështje të bëhet temë parktike, pra të vjen ai moment kur duhet të kemi president të ri, Kosova e ka zgjedhjen shumë të lehtë nga e cila zgjedhje askush nuk do të dëmtohet por të gjithë do të duhej të ndihen me të sigurt për të ardhmen politike, juridike, e të sovranitetit dhe integritetit të Kosovës tonë, me Ramushin president”, thotë Lekaj për Gazetën Express.

I pyetur për deklarimin e Selmanajt se PDK’ja mund ta marrë postin e presidentit përsëri, Lekaj thotë se nuk kanë problem me qëndrimet e askujt.

“Ne nuk kemi e nuk do të kemi problem me qëndrimet e askujt që shkojnë në favor të mos lënies vakum në asnjërin nga institucionet kryesore shtetërore. Aleanca e në rastin konkret, kryetari i saj, Ramush Haradinaj, nuk janë nga dje në zhvillime politike të Kosovës e për Kosovën, por jemi që dy dekada dhe në secilën etapë me aq sa kemi qenë në dijeni e në mundësi, nuk kemi lejuar që vendi ynë të dëmtohet. Prandaj kandidaturën, e pse jo edhe zgjedhjen e z. Haradinaj President të vendit, nuk duhet ta shoh askush me pesimizëm e si problem, të kundërtën e kësaj do të duhej me pa si agjendë jo të mirë, që Kosovës po tentohet t’i “eliminohet” nga tavolina e diskutimeve serioze, një gardian i palëkundur i mbrojtjes së vlerave tona shtetërore e kombëtare”, shton ai.

AAK’ja, sipas deputetit Lekaj, me kandidaturën e Haradinajt, nuk e paragjykon se kur do të zgjedhet presidenti, e nëse kjo do të bëhet në muajin tetor, kur përfundon edhe afati për konfirmim të aktakuzës nga Specialja.

“Takime të krejt spektrit politik parlamentar dhe jo vetëm, për çdo temë të rëndësisë së veçantë që ka të bëjë me të ardhmen e Kosovës, duhet të ketë gjithmonë. Aleanca do të insistoj me argumente për të qenë edhe më prezent se kaq sa është në tavolina ku mbrohet e zhvillohet e ardhmja e Kosovës së pavarur. Pozita e presidentit është njëra nga këto mundësi, por kjo nuk nënkupton që po paragjykojmë për kohën kur do të bëhet zgjedhja e presidentit të ri, tani në tetor apo në fillim të 2021. Kurdo që kjo të bëhet e nevojshme, ne jemi për një marrëveshje politike për zgjedhjen e presidentit që do të bëjë edhe më shumë unifikimin e popullit e të spektrit politik të Kosovës”, shton ai.

Të hënën pritet të mbahet takimi në mes të liderëve të LDK’së, AAK’së e Nismës Socialdemokrate. Në këtë takim, sipas Mustafës nuk do të flitet për çështjen e presidentit.

Që nga zgjedhjet e para parlamentare të vitit 2001 e këndej, çështja e zgjedhjes së presidentit është bërë pengesë serioze e lidhjes së koalicioneve qeverisëse dhe shkaktar i prishjes së tyre. Të gjithë liderët partiak pa dallim, ngritjen në piedestalin politik e fillojnë me kandidaturat për postin e kryeministrit dhe e dëshirojnë ta përfundojnë me atë të presidentit.

Zgjedhja e presidentit nga populli, kërkesë prej dy dekadash

I vetmi lider partiak në hierarkinë e shtetit që është ngritur si president dhe e ka mbaruar karrierën në të njëjtin post është presidenti historik Ibrahim Rugova.
Duke i parë vështirësitë dhe prapaskenat e zgjedhjes së presidentit, Ibrahim Rugova ishte ndër të parët që kishte kërkuar zgjedhjen e presidentit drejtpërdrejt nga populli, e jo të mbetet objekt i pazareve politike.
Edhe përkundër kërkesave të vazhdueshme të shoqërisë civile, qytetarëve dhe medieve të pavarura për zgjedhjen e presidentit drejtëpërdrejtë nga populli, vazhdon të mungojë vullneti i partive politike për marrjen e iniciativës për amandamentimin e ligjit për zgjedhjen e presidentit nga populli.

Pazaret zinxhirore per postin e presidentit

Pazaret më të theksuara politike për zgjedhjen e presidentit janë shfaqur pas shkuarjes në amshim të presidentit historik Ibrahim Rugova, respektivisht pas rrëzimit të presidentit Fatmir Sejdiu përmes kushtetueses, derisa është detyruar të ndërhyjë edhe bashkësia ndërkombëtare përmes “Zarfit” famoz, i cili Kosovës i solli presidenten Atifete Jahjaga nga radhët e Policisë së Kosovës (7 prill 2011-7 prill 2016).
Mirëpo edhe kjo ndërhyrje amerikane nuk i ndërpreu pazaret politike për presidentin.
Pas zgjedhjeve parlamentare të vitit 2014, në marrëveshjen politike për bashkëqeverisje mes PDK-së dhe LDK-së u fut në pazar edhe posti i presidentit, me ç’rast LDK-ja e fitoi për herë të parë postin e kryeministrit në këmbim të postit të presidentit për Hashim Thaçin, i cili e pasoj zonjen Atifete Jahjaga me 7 prill 2016.
Edhe pse kanë mbetur edhe nëntë muaj deri në fund të mandatit kushtetues të presidentit Thaçi, janë ndezur motorët për pasuesin e ri.
Njëri nga partnerët e koalicionit aktual qeverisës tashmë e ka bërë publike kërkesën për zgjedhjen e liderit të saj për president të shtetit, kërkesë kjo legjitime e AAK-së dhe dëshirë personale e Haradinajt.
Mbase kjo kërkesë e parakohshme e AAK-së do të bëhet “mollë sherri” për prishjen e koalicionit qeverisës, për arsye se lideri aktual i LDK-së, Isa Mustafa e ka akoma dëshirë jetësore marrjen e postit të presidentit të vendit.
E quajta të parakohshme edhe për faktin se, as presidenti aktual ende nuk e ka thënë fjalën e fundit për rikandidim apo jo pas intervistimit nga Gjykatën Speciale në Hagë!

Dëshirat legjitime pa legjitimitet qytetarë

“Unë kryeministër”, “Unë president”, është logjikë e kushtëzimit nga e cila nuk lirohen lehtë shqiptarët e uritur për pushtet!
Vetëm forca e ligjit mund t’i ndaloj epshet e sëmuara për pushtet të liderëve partiak.
Prandaj, me urgjencë dhe sa më parë kjo Legjislaturë e Kuvendit duhet të inicojë ndryshimet kushtetuese, gjegjësisht ndryshimin e ligjit për zgjedhjen e presidentit drejtëpërdrejt nga populli, i cili do të pamundësonte futjen në pazar të postit të presidentit gjatë marrëveshjeve të ardhshme për koalicion të ri mes subjekteve politike.
Ligji për zgjedhjen e presidentit drejtëpërdrejtë nga populli, do të bënte që muaji Maj i vitit të ardhshëm ta gjejë Kosovën me një president të ri të votuar nga populli, e jo të kontrabanduar sikurse deri më tani.
Kosova duhet të bëhet në kuptimin e plotë të fjalës shtet ligjor dhe demokratik, në të kundërtën rrezikon të shndërrohet në anarki totale, ku të fortët e politikës vendosin se kush do të jetë kryeministër dhe president i këtij vendi, duke i përdorur zgjedhjet vetëm si dekor dhe mashtrim për elektoratin.
Demokracia përveq lirisë së shprehjes nënkupton barazinë e qytetarëve para ligjit, të drejtën e zgjedhjes dhe për të qenë i zgjedhur.
Vetëm në këtë mënyrë mund të shfaqen dëshirat e secilit dhe të kërkohet besimi nga qytetarët e vendit. Dëshirat janë legjitime, por pa legjitimitet qytetarë mbetën dëshira për ata që kandidojnë dhe iluzione për ata që nuk e meritojnë postin e presidentit.
Ndryshe, nuk mund të jetë ligjore dhe as demokratike të kërkesa ultimative “Unë president” ose ndryshe nuk bën!”
Në momentin që të krijohen kushtet për zgjedhjen e presidentit drejtëpërdrejtë nga populli, ka të drejtë secili qytetar i vendit të paraqesë kandidaturën për president, por jo edhe të thotë “Unë president” pa e marrë besimin e popullit.
Marrëveshja e fundit politike që na e solli presidentin aktual ishte “Unë president, ti kryeministër”, dhe me gjasë e njëjta formulë do të zgjasë derisa të zgjidhet presidenti drejtëpërdrejtë nga populli i Kosovës e jo nga votat e deputetëve në Kuvend!

Alternativa e re politike, shpresa e fundit për ndryshim

Nga ato që ceka më sipër dhe zhvillimet e ditëve të fundit, janë dëshmi e mjaftueshme për nevojën imediate të ngjizjes së një alternative të re politike, të pandikuar nga partitë aktuale.
Lindja e një alternative të re politike do të ringjallë shpresat e qytetarëve për jetë në këto troje. Vazhdimi i “status quos” me të njejtat parti dhe lider që thyen shpresat për jetë në këtë vend, do t’i bëjë qytetarët akoma më të pa interesuar për të dalë në zgjedhje dhe për të qëndruar në atdheun e tyre.
Nuk është koha për akuza dhe kundër akuza, as për sharje e fyerje, as per heshtje dhe stagnim, por për meditim, reflektim, vetëdijësim dhe ndërgjegjësim qytetarë, është koha per besim në zot dhe atdhe, për dashuri dhe respekt ndaj njëri-tjetrit, për unifikimin e forcave progresive për çlirimin e shpirtërave të robëruar nga mashtruesit e intrigantët, demagoget dhe diktatorët e veshur nën petkun e demokracisë.
Elektorati kosovarë i shpërndarë në subjektet eksistuese janë qytetarë të ndershën të këtij vendi, janë vëllëzërit e motrat tona gjithandej Kosovës dhe në Diasporë .
Ky elektorat i shpërndarë në subjektet ekzistuese nuk duhet të përdoret edhe më tutje për llogari të partive të dështuara politike dhe për interesa meskine të liderëve partiak dhe grupeve tjera të interesit.
Të mos bëhemi mbështetës dhe as simpatizant të partive të dështuara politike. Do të jetë e pafalshme për ne, nëse i mbështesim në garën për pushtet këto parti dhe këta liderë matrapaz që kontrabanduan vullnetin tonë për 2 dekada rresht, nga njëra parti tek tjetra.
Fundi i politikanëve të korruptuar dhe politikanëve mashtrues me kauza të rrëjshme, për aq sa varet nga vetëdija qytetare, varet edhe nga organizimi i elitës intelektuale dhe mobilizimi i mërgatës tonë.

Të mërkurën, më 2 shtator ishte parashikuar të mbahej takimi ndërmjet liderëve të Kosovës dhe Serbisë në Washington, por ky takim duket se sërish nuk do të mbahet.

Burime të Telegrafit dhe RTV Dukagjinit bëjnë me dije se takimi i parashikuar nuk do të zhvillohet të mërkurën dhe është shtyrë për një datë tjetër.

“Nuk do të ketë takim më datën 2 shtator në Washington. Shtyhet për një datë tjetër”, tha ky burim.

Telegrafi ka kontaktuar Zyrën e kryeministrit për një përgjigje, por sipas tyre deri tani nuk ka diçka zyrtare.

“Deri tani nuk e kemi këtë informacion. Zyra e kryeministrit nuk është në dijeni për këtë anulim të takimit”, tha Xhavit Beqiri, këshilltar i kryeministrit Avdullah Hoti.

Takimi i 2 shtatorit ishte i planifikuar të mbahej në Shtëpinë e Bardhë, mes liderëve të Kosovës, kryeministrit Avdullah Hoti dhe presidentit të Serbisë, Aleksandar Vuçiç me ndërmjetësim të të dërguarit të presidentit amerikan për dialogun, Richard Grenell.

Nëse ky takim nuk do të mbahet më 2 shtator, kjo do të jetë hera e dytë që takimi i planifikuar do të shtyhet për një datë tjetër.

Ndërkaq, në muajin qershor ishte planifikuar takimi i parë në Washington, mirëpo ky takim nuk u mbajt pasi Prokuroria Speciale ngriti propozim aktakuzë ndaj presidentit të Republikës së Kosovës, Hashim Thaçi, për të cilën çështje edhe kryeministri Avdullah Hoti anuloi pjesëmarrjes e tij në këtë takim. bw

Gani Geci i LDK’së, sot ka bërë të ditur se është ftuar për intervistim nga Prokurori i Specializuar në Hagë, raporton Gazeta Express.

Geci në Facebook ka shkruar se nuk do të angazhojë avokat e se në Hagë do të shkojë në muajin shtator.

Ai thotë se do të përgjigjet ftesës dhe të gjitha pyetjeve të prokurorisë, megjithatë, shton se ende nuk e di se në çfarë cilësie është ftuar.

Anëtari i LDK’së, ka shtuar se pas kthimit nga Haga do të paraqesë kërkesë për t’ia mbuluar shpenzimet në Qeveri.

“Pasi të kthehen nga Haga nëse do të kthehem Qeverisë së Republikës së Kosovës do t’ia paraqesë kërkesën që të m’i mbulojë shpenzimet mia njëjtë si Sylejman Selimit dhe të tjerëve. Qeveria është e obliguar me ligj qe ti mbulojë shpenzimet të gjithëve njësoj”, ka shkruar ai.

Disa njerëz në këtë botë lindin për të bërë vepra kolosale, lindin për tu bërë emer , për të mos vdekur kurrë.Talenti është dhunti nga Zoti.Kur gërshetohen talenti e puna, e suksesi në jetë pastaj nuk mungojnë.Sigurisht së synimi në jetë dhe profesion më këmbëngulësi edhe arrihet. Kështu arrihen edhe majat e suksesit.Fatin e gjejmë dhe ja përcaktojmë vetit ne jetë , punë e krijimtari.Ti Jusuf Buxhovi zgjodhe fatin e e jetës të bëhësh shkrimtarë dhe historian i madh. Zgjodhe fatin të bëhesh së pari njeri më virtyte te larta njerëzore e atdhetare.Zgjodhe dhe pate fatin të jesh themelues i LDK-së, më të madhin Ibrahim Rugova . Rrugëtimi i jetës i gjën vet bashkëudhëtarët, i gjënë njerëzit e kalibrit .Jeta jote Jusuf nuk ishte shkëlqim I rremë, ajo ishte jetë më plotë sfida , më plotë guxi m, ishte jetë për fitore të shumta si kronikan i kohës moderne, si historian , shkrimtar, publicist , studiues e që la gjënë gjurmë të pashlyera. Së bashkë më përsonalitetin tënd , ngrite lartë edhe krenarinë tonë kombëtare.Veprat e shumta janë treguesi më i mirë I gjithë shkëlqimit tënd, që të fusin në radhën e njerëzve më emintet të historisë, kulturës dhe të artit shqiptarë.Jusuf Buxhovi i ngjanë historisë tonë.Si komb gjithmon luftuam për kauzë të drejtë , bëmë luftë mbrojtëse ,jo luftë pushtuese e grabitqare si fqinjët tanë serbosllavë, që aq bukur e thua në shumë botime tuaja që tashmë janë përkthyer dhe vlerësuar lartë në shumë gjuhë të botës . Gjuha jote është gjuhë e popullit tënd, së më te bashkëjetove ne jetë dhe më vepra. Ishe dhe ke mbetur historian proevropian , historian dhe shkrimtarë i kohës së modernitetit.U dashtë shpesh të mbrohesh nga njerëzitë e pa cipë, nga njerëzit ziliqar, të mbrohesh dhe nga ata që nuk krijuan vepra qfarë i krijove ti i madhi i letrave shqipe, Jusuf Buxhovi.Ti mik i nderuar më studimet dhe më veprat Tua po ja zbardhe fytyrën atdheut dhe kombit.E qite përtoke propagandën e urryer serbe në sytë e botës demokratike . Edhe kur të sulmuan zgjodhe mbrojtjën , zgjodhe penën tënde të mprehtë për ti shkallmuar ziliqarët dhe armiqët.Ti pate fatin më dy milion shqiptarët ose edhe më shumë ishim dikur, të jeton nën ish-Jugosllavi, ku ishim popull i përbuzur dhe ishim popull i pa mbrojtur , por kurrë popull i gjunjëzuar .Njerëzit si Ti,Jusuf që natyrish që nuk janë të pakët sot e mbajtën gjalle kete popull te vuajtur .Ti z.Buxhovi dëshmove së shqiptarët janë njerëz të ditur, së janë njerëz përparimtarë dhe atdhetarë.U ngrite më gjithë pengsat e jetës në një shkrimtarë të madh, në një politikan dhe publicit të shquar.U tregove armiqëve serbe kulturën tonë , u tregove së shqiptarët mund të ngritën mbi kulturën e tyre .U ngrite mbi të gjithë akademikët më veprat tua, e jo më fjalë.Kj o është dhurata më e mirë për Ty dhe dhurata më e qmuar për popullin shqiptare në trojët etnike .Ti i nderuari Buxhovi po bëhësh njeriu më i adhuruar.Ti je një yll që po shëndritë fuqishem mbi nënqiellin shqiptarë.Këtë po e dëshmon më përkushtimin dhe punën që po e bën .Ti Jusuf Buxhovi më veprat tua të përkryera denjësisht do të përfaqëson shqiptarët në botë.Pa dyshim së e meriton edhe konkursin për Çmimin Nobel, së paku të jesh në radhën e parë të pënave më të shquara botërore .Ky është viti Yt i arritjeve të mëdha në fushën e krijimtarisë . Nga mendja jote e ndritur dolën një mori veprash brilante.Jusuf Buxhovi arriti ti bëhët krah i të madhit të letrave shqipe,Ismajl Kadarës, dhe shumë rilinidaseve tanë ,që na zbardhen fytyrën me vepra të paharruara e kolosale…

Kreu i AAK-së, Ramush Haradinaj, ka bërë të ditur se do të kushtëzojë LDK-në me pozitën e presidentit, në rast se ajo nuk do që të rrëzohet para kohe Qeveria, raporton Gazeta Express

Në një intervistë për REL, Haradinaj ka paralajmëruar LDK-në se do ta rrëzojë Avdullah Hotin nga posti i të parit të qeverisë, nëse nuk e bën president.

Ai thotë se përpara janë dy zgjidhje, AAK-ja ta marrë presidentin dhe siç thotë të bëhet pjesë e vendimmarrjes ose vendi do të shkojë në zgjedhje të reja.

“Aleanca është para dy zgjidhjeve, të dyja shumë të vështira. E para është që të vazhdojë të jetë pjesë e pushtetit dhe e vendimmarrjes, por ta kushtëzojë me marrjen e një pozicioni vendimmarrës të presidentit edhe ajo është logjika pse Këshilli Drejtues i AAK-së më ka dhënë autorizim të negociojë edhe për çështjen e presidentit, me qëllim që ne të mos përjashtohemi nga tavolina e marrjes së vendimeve. Pra, ne nuk rrisim pushtet me marrjen e presidentit, por ne vetëm ruajmë mundësinë e të qenit në tavolinë aty ku merren vendimet”, ka deklaruar ai.

Sipas Haradinaj, LDK-ja nuk ka ambicie që ta marrë këtë post.

“LDK-ja nuk mund t’i ketë dy përgjegjësitë e para edhe kryetarin e qeverisë dhe presidentin. Edhe LDK, në fakt nuk ka shprehur ambicie. Ish- kryeministri (Isa) Mustafa nuk ka shprehur ambicie për postin e presidentit. Ai nuk është i interesuar të hapë paketën, pra që ta shkarkojë këtë qeveri, të nominojë një mandatar, të pres ato dy javët e famshme që t’i dërgojë letra Vetëvendosjes, që të bie në procedura të caktuara”, ka thënë Haradinaj, duke thënë se shpreson në mirëkuptim edhe nga PDK-ja.

“Unë jam në pozitë me të vështirë me PDK-në, sepse presidenti dikur ishte në PDK. Mirëpo, unë mendoj edhe për PDK-në, shpresoj se do ta kem mirëkuptimin edhe nga ata, sepse në këto situata të ndjeshme, nëse Aleanca duhet të jetë partner, duhet t’i jepet mundësia të ketë vendimmarrje. Përndryshe, vetëm sa për ta mbajtur në jetë një qeveri për pak pushtet, për Aleancën ne e dimë rrugën që të shkojmë në shtëpi, se e kemi ditur edhe në të kaluarën, ja do të shkojmë në zgjedhje”, ka deklaruar Haradinaj.

Eksperti gjerman dhe njohësi i zhvillimeve në Ballkanin Perëndimor dhe procesit të dialogut Kosovë-Serbi, Bodo Weber, në një intervistë për Gazetën Express ka folur për takimin e 2 shtatorit mes Hotit dhe Vuçiqit në Shtëpinë e Bardhë.

Weber ka thënë se Aleksander Vuçiq do të jetë në gjendje të nënshkruajë çfarëdo marrëveshje që do t’i ofrohet në tavolinë, qoftë edhe sa për të mbajtur raportet e mira me administratën dhe me shpresën që Trump fiton zgjedhjet në nëntor.

Derisa, për kryeministrin Hoti thotë se duhet të mendohet dy herë para se të nënshkruajë. Weber thotë se përjashtim në këtë rast përbën vetëm nëse do të jetë ndonjë marrëveshje që është vetëm ekonomike, e që sipas tij, Hoti mund ta vendos nënshkrimin në të në mënyrë taktike për të shmangur ndonjë përplasje me Richard Grenellin dhe presidentin amerikan.

Por Weber thotë se është kurioz të shoh se si Hoti do të legjitimojë çfarëdo marrëveshje të pjesshme të nënshkruar në Washington, qoftë ajo ekonomike, pas mospajtimeve të mëdha në Prishtinë pas takimit të nivelit të lartë në Bruksel dhe pas kërkesave të të gjitha partive politike që të mos zhvendoset dialogu në nivel teknik.

Sipas anëtarit të DPC, partitë politike kosovare kanë të drejtë në insistimin e tyre, meqë kthimi në nivel teknik do të jetë një regres për procesin dhe pengesë drejt arritjes së një marrëveshje gjithëpërfshirëse.

Ndërkohë sqaron se kur flet për nënshkrimin e marrëveshje ekonomike, nënkupton që një marrëveshje potenciale ekonomike nuk duhet të prek sovranitetin dhe shtetësinë e Kosovës.

“Vuçiq sigurisht që do të nënshkruajë çfarëdo marrëveshje që i propozohet në Washington, edhe nëse një gjë e tillë do të jetë vetëm për të mbajtur raporte të mira me administratën, me shpresën që Trump do të fitojë në zgjedhjet e nëntorit. Kosova është në një pozitë krejt tjetër kur bëhet fjalë për atë çfarë ka mbetur nga aleati kryesor Perëndimor nën drejtimin e Trump” ka thënë ai.

“Kryeministri Hoti dhe koalicioni qeverisës duhet të mendoj dy herë rreth asaj se çfarë janë të gatshëm të nënshkruajnë. Nëse është ndonjë marrëveshje puro ekonomike, mund të jetë veprim i mençur taktik që ta nënshkruajë atë, vetëm për të mos hapur konfrontim me Grenellin dhe Trumpin. Duke marrë parasysh që asnjë prej ‘marrëveshjeve’ të negociuara nga Grenell, nuk ka ndonjë kuptim praktik apo asnjë prej tyre s’është obligative, dhe nuk do të implementohet, përveç se në kuadrin e një marrëveshje gjithëpërfshirëse të ardhshme. Kjo është për rastin kur asnjë prej marrëveshjeve ekonomike nuk e prek statusin e Kosovës si një shtet i pavarur dhe Sovran. Prandaj, jam kurioz të shoh se si Hoti dhe qeveria e tij do të legjitimojnë nënshkrimin e ndonjë marrëveshje të pjesshme, qoftë edhe marrëveshje ekonomike, pas kundërshtive të mëdha që pamë së fundi pas dy takimeve në Bruksel dhe insistimin e të gjitha partive politike në Kosovë, me të drejtë, që negociatat nuk duhet lejuar që të kthehen në nivel teknik, sepse është një hap mbrapa nën nivelin e negociatave për një marrëveshje gjithëpërfshirëse”, ka shtuar Weber.

Megjithatë Weber takimin e 2 shtatorit në Washington e sheh si një përpjekje për realizim të një fotografie që do të ndihmojë Grenellin në avancimin në karrierën e tij dhe Trumpin në fitoren e zgjedhjeve të nëntorit.

“Takim për të ndihmuar Trumpin që të prezantojë veten e tij tek votuesit amerikanë si një ‘deal-maker’, bazuar në të vetmin parim udhëheqës të politikës së tij që çdo marrëveshje është një marrëveshje e mirë”, ka thënë eksperti gjerman.

Tutje anëtari i DPC ka thënë se në takimin 2 shtatorit s’mund të ketë një marrëveshje të ngjashme sikur ajo në mes të Izraelit dhe Emirateve të Bashkuara Arabe, meqë ka dallime thelbësore mes dy problematikave dhe sipas tij nuk ka asnjë shans që më 2 shtator të arrihet ndonjë marrëveshje që mund të përfshijë njohjen e Kosovës nga Serbia.

Weber thotë se takimi i 2 shtatorit do të fokusohet plotësisht në çështje ekonomike, meqë sipas tij Grenell ka dështuar që të arrijë një marrëveshje politike, dhe se tashmë e kërkon një rrugë më të lehtë për të arritur një sukses simbolik.

I pyetur rreth mundësisë që Trump të futet brenda takimit të 2 shtatorit dhe detyrimit që presidenti amerikan mund t’ua bëjë palëve për të nënshkruar një marrëveshje, Weber thotë se as pesha politike e Trump nuk do të jetë e mjaftueshme për të shtyrë përpara ndonjë marrëveshje politike.

“Siç e kam thënë deri tani, natyra e problemit është fundamentalisht i ndryshëm në Ballkan, dhe koha për një ‘zgjidhje’ politike të udhëhequr nga ShBA’të duket se fatmirësisht ka kaluar”, ka përfunduar Bodo Weber për Gazetën Express.

Në zonën e Kaçanikut është zbuluar një objekt, i cili besohet të jetë shumë i vjetër. Banorët e kësaj zone nuk ishin në dijeni se aty ndodhej objekti i veçantë që është i ndërtuar me tulla dhe ka formën e tunelit.

Edhe arkeologët kanë mbetur të befasuar nga ky zbulim dhe kanë nisur gërmimet, pasi zona nuk ishte e shënuar si zonë arkeologjike. Vjollca Aliu nga Departamenti i Trashëgimisë Kulturore ka thënë se ky zbulim ka qenë i papritur për ta dhe se e kanë të vështirë ta besojnë.

Besohet se gërmimet do të zgjasin për një kohë të gjatë, pasi mendohet se mund të kenë rënë në gjurmët e një fshati antik.

Kryetari i Deçanit u ka shkruar letër krerëve shtetërorë për t’u treguar zgjidhjen e kontestit mes Komunës së Deçanit dhe Manastirit.

Kryetari i Deçanit, Bashkim Ramosaj, i është drejtuar presidentit Hashim Thaçi, kryeparlamentares Vjosa Osmani dhe kryeministrit Avdullah Hoti lidhur me kontestin në zonën rreth Manastirit të Deçanit, pas ndaljes së punimeve në rrugën Deçan – Plavë.

Ai i ka listuar 15 propozime, që do të çonin në zgjidhjen e problemit.

Letra e plotë e Ramosajt:

Duke qenë i bindur që jeni në dijeni, më lejoni t’iu informoj për problematikat e krijuara në Deçan dhe t’iu propozoj zgjidhjen e duhur të këtyre problematikave.

Komuna e Deçanit, në të cilën janë akumuluar shumë padrejtësi që janë edhe fatkeqësi për këtë qytet, të cilat e pamundësojnë zhvillimin e jetës normale e që bie ndesh edhe me konceptin zhvillimor të qytetarëve të kësaj komune dhe mirëqenies se tyre; po iu informojë për katër (4) nga këto për të mos u lëshuar në krejt materien e akteve qofshin ligje apo vendime të nxjerrura nga institucionet e Republikës së Kosovës të të gjitha niveleve:

1. Ligji për Zonat e Veçanta të Mbrojtura Nr. 03/L039 i datës 20.02.208, me të cilin Ligj përveç tjerash ndalohet edhe ndërtimi i rrugës R-108 Deçan – Plavë.

2. Marrëveshja për ndërtimin e Bai –Pasit të vitit 2014, me te cilën ka pajtim që rruga ekzistuese të mos ndërtohet duke u bërë një rrugë e re e cila nuk prek në Zonën Veçantë të Mbrojtur prej 800ha përreth zonës së mbrojtur.

3. Ligji për Parkun Nacional në të cilin Ligj qytetarëve të Deçanit dhe Komunës iu shkelen në formën më drastike interesat e tyre duke ju cenuar liria elementare e shfrytëzimit të pronës dhe autoriteti administrativ mbi pronën nga potenciali më jetik që janë bjeshkët tona; duke e lënë Manastirin e Deçanit si objektin e vetëm legal në atë pjesë.

4. Vendimi i Gjykatës Kushtetuese i Republikës së Kosovës ku Manastirit të Deçanit i jepen në pronësi 24ha tokë të ndërmarrjeve Apliko dhe Iliria.

Të gjitha këto akte të lartcekura përbëjnë kontestin e njëkohësisht fatkeqësinë pse jemi në këtë situatë. Si kryetar i Komunës së Deçanit për t’u përmbyllur kontesti me Manastirin që qytetarët e Deçanit të vazhdojnë jetën normale në këtë qytet propozoj që Republika e Kosovës, Institucionet e këtij Shteti së bashku me neve ti bëjnë këto zgjidhje:

1. Komunës së Deçanit t’i lejohet ndërtimi i rrugës R-108 në 5 kilometërshin e Zonës së Veçantë me parametrat standarde, duke u mbështetur edhe me buxhetin adekuat.

2. Ndërtimi i rrugës nga ana e Gushavcit (burimit të ujit mineral) me gjatësi prej 3km me parametrat standarde të gjerësisë duke u mbështetur edhe me buxhetin e duhur.

3. T’i jepet në pronësi pushimorja e fëmijëve “Pishat e Deçanit” në 18ha tokë (pronë).

4. Ti jepet në pronësi “Kompleksi i Lidhjes së Ferialistëve”.

5. T’i jepet në pronësi kompleksi i vilave të Napredakut me sipërfaqe prej 1.7ha.

6. Përkrahja e ndërtimi të Qendrës Rinore Kompleksit të Trashëgimisë Kulturore dhe Fshatit Turistik.

7. Ndërtimi i shëtitores së lumëbardhit të Deçanit që kalon nëpër zonën veçantë të mbrojtur.

8. Ndërtimi i shëtitores nga Gjimnazi”Vëllezërit Frashëri” deri te laura mbi Manastir

9. Përmbyllja e infrastrukturës në fshatin Belle duke i mbështetur me buxhetin adekuat.

10. Përmbyllja e infrastrukturës në fshatin Pleqe duke u mbështetur me buxhetin adekuat.

11. Kalimi në pronësi të Komunës i vilave mbi Koznier.

12. Kalimi i pronësi të Komunës Qendra e Skitarisë në Bjeshkën e Belegut dhe përkrahja buxhetore.

13. Ndryshimi dhe plotësimi i Ligji të Parkut Nacional duke u harmonizuar me interesat e komunës dhe qytetarëve të saj.

14. Zgjidhja e modalitetit për largimin e KFOR-it dhe kalimi i ruajtjes së Manastirit në Policinë e Kosovës.

15. Elektrifikimi i bjeshkëve të Deçanit dhe mbështetja me buxhetin e duhur.

Në ndërkohë po iu informojë që në çfarëdo forme rruga R-108 do të vazhdoj të bëhet.

Gjatë 24 orëve të fundit në Kosovë kanë vdekur edhe 11 persona si pasojë e koronavirusit.

Në njoftimin e Intitutit Kombëtar të Shëndetësisë Publike thuhet se janë 141 raste të reja me COVID-19, pas testimit të gjithsej 440 mostrave nga Shërbimi Spitalor dhe Klinik Universitar i Kosovës (ShSKUK).

“Numri total i rasteve pozitive është 11 mijë e 416 raste nga 43 mijë e 984 persona të dyshimtë në virusin SARS-CoV-2dhe 401 vdekje në total”, thuhet në njoftim.

Po ashtu sipas këtij njoftimi, gjatë 24 orëve të fundit, janë shëruar 230 pacientë.

Numri i përgjithshëm i të shëruarve deri sot është gjithsej 7 mijë e 191 raste, kurse numri i rasteve aktive është 3 mijë e 824. rel

Prokurori Esat Ademi ka vdekur të dielën në mëngjes si pasojë e koronavirusit.

Lajmin për Radion Evropa e Lirë e ka konfirmuar Kryeprokurori i Prokurorisë Themelore në Gjilan, Jetish Maloku.

“I ndjeri ka qenë i infektuar me koronavirus. Ai qenë i shtruar në Spitalin e Gjilanit prej datës 8 korrik. Pastaj është transferuar në Shkup dhe sot në mëngjes ka ndërruar jetë”, tha Maloku përmes telefonit.

Esat Ademi ishte prokuror në Departamentin e Përgjithshëm në Prokurorinë Themelore në Gjilan.

Rreth një muaj më parë kishte vdekur edhe një prokuror tjetër i Gjilanit.

Prokurori i Prokurorisë Themelore të Gjilanit, Ismet Ukshini, i cili ishte i prekur me COVID-19, ka vdekur më 18 korrik.

Ndryshe, numri total i rasteve pozitive është 11.275 raste nga 43.544 persona të dyshimtë në virusin SARS-CoV-2 dhe 390 viktima që nga përhapja e virusit në Kosovë.

Ish-kryeministri i Kosovës, Albin Kurti, ka shprehur qëndrimin e tij për takimin e paralajmëruar në Uashington, më 2 shtator, ndërmjet Kosovës dhe Serbisë, me ndërmjetësimin e Shteteve të Bashkuara të Amerikës.

Ai ka akuzuar amerikanët se po përgatitin një marrëveshje të keqe.

Nëpërmjet një varg “cicërimash”, në rrjetin social Twitter, në internet, të cilin ai rëndom e zgjedh me qëllim që fjalët e tij të arrijnë një audiencë ndërkombëtare, Kurti ka thënë se është “shqetësues” njoftimi i Richard Grenellit, emisar i posaçëm për Kosovën dhe Serbinë i presidentit amerikan, Donald Trump, “se më 2 shtator, vetëm dy muaj para zgjedhjeve në SHBA, do të zhvillohen negociata në Shtëpinë e Bardhë ndërmjet Kosovës dhe Serbisë”.

Kryetari i Lëvizjes Vetëvendosje ka dhënë edhe argumentet e tij se pse mendon kësisoj.

“Fillimisht, mungon besueshmëria dhe transparenca. Ideja e ‘shkëmbimit territorial’ është mohuar vazhdimisht, por është dëshmuar se ekziston nga Këshilltari për Siguri Kombëtare, ambasadori John Bolton, i cili ka thënë se ideja ka ardhur nga dy presidentët (Thaçi & Vuçiq). Kjo ka dëmtuar besimin në këtë proces”, ka shkruar Kurti në Twitter.

“Së dyti, mungojnë njohuritë rreth çështjes. Kosova është vend i pavarur dhe sovran, i cili as nuk është në konflikt që të ketë nevojë për marrëveshje për paqe, dhe as nuk ka status të pazgjidhur, që kërkon negociata. Këto janë pohime të pavërteta”, ka thënë më tej ai.

“Së treti, koha dhe dedikimi. Një marrëveshje për normalizim me Serbinë kërkon zgjidhjen e të gjitha çështjeve, rrjedhimisht një proces të gjatë. Me zgjedhjet presidenciale në nëntor, është e qartë se rëndësia nuk qëndron te përmbajtja e marrëveshjes, por te nënshkrimi në fund të saj”, ka shkruar kreu i VV’së.

Ish-shefi i ekzekutivit kosovar ka thënë se “Kosova dhe Serbia duhet t’i normalizojnë marrëdhëniet ndërshtetërore, por se kjo duhet të ndodhë nëpërmjet një dialogu të përgatitur mirë. Lidhja dhe besnikëria e Kosovës me Shtetet e Bashkuara mbetet e pathyeshme, por shtytja drejt marrëveshjeve të këqija për hir të një fushate politike është e gabuar”. /Express/

Manastiri i Deçanit. Foto nga arkivi.

Situata e përgjithshme në zonën e veçantë të mbrojtur të Deçanit ka qenë temë diskutimi mes komandantit të misionit të NATO-s në Kosovë, Michele Risi dhe kryetarit të Komunës së Deçanit, Bashkim Ramosaj.

Për këtë temë Risi po ashtu është takuar edhe me Peshkopin Sava Janjiq në Manastirin e Deçanit.

Siç njofton misioni i NATO-s në Kosovë, KFOR-i, Risi ka vizituar të shtunën zonën e veçantë të mbrojtur të Deçanit, e cila përfshin Manastirin ortodoks serb të Deçanit, zonën religjioze të mbrojtur nga KFOR-i, i cili vepron si reaguesi i parë i sigurisë.

“Në të dy takimet u diskutua për situatën e përgjithshme në zonë, duke marrë parasysh ndikimin e veçantë në siguri të punimeve në rrugën R108 që shtrihet në afërsi të Manastirit të Deçanit”, thuhet në një njoftim.

“Gjeneral Majori Risi riafirmoi angazhimin e paanshëm të KFOR-it për të vazhduar të kontribuojë në një mjedis të qetë dhe të sigurt dhe liri të lëvizjes për të gjitha komunitetet në Kosovë, në përputhje me Rezolutën 1244 të Këshillit të Sigurimit të Kombeve të Bashkuara”, shtohet ne njoftim.

Të shtunën, presidenti i Serbisë, Aleksandar Vuçiq, njoftoi se Beogradi do të kërkojë “pezullim urgjent dhe të përhershëm të punimeve të ndërtimit në zonën e mbrojtur të Manastirit të Deçanit” nga përfaqësuesit e Prishtinës dhe ndërmjetësit evropianë në takimin e ardhshëm në Bruksel.

Në një njoftim nga zyra e Presidentit të Serbisë thuhej se me këto punime po “rrezikohet njëra nga faltoret më të mëdha serbe e krishtere”.

Ati i manastirit të Deçanit Sava Janjiq, njoftoi në profilin e tij në Twitter se punimet në rrugë “në zonën e mbrojtur” filluan në 13 gusht.

Kryetari i Komunës së Deçanit, Bashkim Ramosaj, njoftoi përmes një postimi në Facebook se pas kërkesës së kryeministrit Avdullah Hoti, janë pezulluar punimet në rrugën R-108, “deri në fillim të javës së ardhshme”.

Fillimi punimeve të rrugës Deçan-Plavë (R-108), rrugë kjo që e lidh rajonin e Dukagjinit me atë të Plavës dhe Gucisë, ka filluar në 2018.

Gjykata Kushtetuese e Kosovës më 2016 kishte marrë vendim sipas të cilit i njihet e drejta e pronësisë Manastirit të Deçanit mbi 24 hektarë tokë. Por, ky vendim nuk është zbatuar asnjëherë nga ana e kësaj komune.

Zyrtarë të institucioneve ndërkombëtare në Kosovë, në vazhdimësi kanë bërë thirrje që të respektohet vendimi i Gjykatës Kushtetuese.

Vite më parë, Sava Janjiq, kishte dërguar në Kushtetuese dy vendime. Sipas këtyre vendimeve, pronat prej 24 hektarësh tokë që i ishin dhuruar Manastirit të Deçanit me një marrëveshje të Qeverisë së Serbisë dhe këtij manastiri në vitin 1997, lidheshin me ish-Agjencinë e Mirëbesimit dhe pasardhësen e saj, Agjencinë Kosovare të Privatizimit.

Gjykata Kushtetuese e Kosovës kishte aprovuar ankesën e Manastirit të Deçanit. Vendimi i Gjykatës Kushtetuese ishte përkrahur nga Dioqeza e Kishës Ortodokse Serbe për Rashkën dhe Prizrenin, duke vlerësuar se Gjykata ka treguar gatishmërinë dhe kompetencë për të marrë një “vendim të paanshëm, me të cilin mbrohet e drejta në pronë e Manastirit”.

Udhëheqësit e Manastirit të Deçanit, i cili mbrohet nga UNESCO-ja, nuk kanë dhënë pëlqim as për vazhdimin e rrugës Deçan-Plavë, që lidh Kosovën me Malin e Zi. rel

Kreu i AAK’së, Ramush Haradinaj, dje ka bërë publike synimet e tij për t’u zgjedhur president i vendit. Megjithatë për atë se kur dhe si duhet të zgjidhet presidenti ka mospajtime mes AAK’së dhe LDK’së.

Deputetja e LDK’së, Valentina Bunjaku, në një intervistë për FRONTAL ka thënë se për partinë e saj nuk është prioritet puna e zgjedhjes së presidentit, ndërkohë Rasim Selmanaj i AAK’së thotë se do të ishte mirë që diskutimet të fillojnë sa më shpejt që është e mundur.

Deputetja Bunjaku ka lënë të kuptohet që edhe partia të cilës i takon do të synojë që të marrë pozitën e presidentit, duke thënë se kanë kuadro të kualifikuar për atë pozitë. Megjithatë, ajo thotë se për momentin s’ka diskutime të tilla brenda strukturave të partisë.

“Për LDK’në nuk është prioritet çështja e zgjedhjes së presidentit. Deri tani nuk është diskutuar për emrin e presidentit. Pa u diskutuar në struktura, nuk do të ketë ndonjë emër. LDK ka shumë emra që mund të jenë kandidat për president, por po iu them që nuk e kemi prioritet për momentin”, ka thënë Bunjaku.

Ajo ka shtuar se janë legjitime ambiciet e secilit që dëshiron të zgjedhet president, por thekson se për një punë të tillë duhet të diskutojnë liderët e partive.

“S’kemi problem në koalicion. Ambiciet janë legjitime të secilit, por kur vije puna e zgjedhjes së presidentit, atëherë liderët duhet të ulen dhe të diskutojnë”, ka përfunduar deputetja nga Gjilani.

Ndryshe nga deputetja e LDK’së, Rasim Selmanaj i AAK’së thotë se është shumë e rëndësishme që të fillohen diskutimet për punën e presidentit, pasi që ka rrezik të shkohet në zgjedhje të jashtëzakonshme në rast të dështimit të zgjedhjes së presidentit.

Ai thotë se është momenti që të fillojnë bisedimet për pozitën e të parit të shtetit.

“Është domosdoshmëri që të gjitha subjektet që jemi pjesë e koalicionit ta diskutojmë për punën e presidentit. Sepse nëse ne nuk mbërrijmë t’i sigurojmë votat, atëherë vendi do të shkojë në zgjedhje të jashtëzakonshme. Por bazuar në situatën, pres që të negociohet. Por mendoj që është momenti t’i nisim bisedimet, për të parë se kur do ta kemi presidentin”, ka thënë Rasim Selmanaj.

Lajmin se Haradinaj dëshiron të bëhet president nuk e kanë pritur mirë nga Partia Demokratike e Kosovës. Sipas tyre nuk është etike që të flitet për një pozitë të tillë derisa Kosova ka presidentin e saj./GazetaExpress/

Misioni i KFOR-it në Kosovë përmes një komunikate për media ka njoftuar se ka filluar një plan të përbashkët për organizimin e aktiviteteve operacionale të përbashkëta me Policinë Kufitare të Kosovës në rajonin e Kamenicës.

Takimi i sotëm është paraprirë nga një takim i mbajtur dje në zyrat e Policisë së Kosovës në mes të shefit të Operativës së KFOR-it dhe drejtorit të Policisë së Kosovës, bashkë me disa zyrtarë të tjerë.

Pas takimeve palët janë ndarë të kënaqura me nivelin e bashkëpunimit të zhvilluar deri tani, dhe kanë premtuar se do të angazhohen për forcimin e një bashkëpunimi të tillë, përmes krijimit të një mekanizmi javor që do të lejojë rritjen e numrit të patrullimeve të përbashkëta të Policisë së Kosovës dhe KFOR-it në zonën e Kamenicës.

Në fund të njoftimit thuhet se “KFOR mbetet i përkushtuar të vazhdojë të kontribuojë në mënyrë të paanshme për një mjedis të qetë dhe të sigurt dhe liri të lëvizjes për të gjithë qytetarët në Kosovë, në bashkëpunim të ngushtë me institucionet vendore dhe organizatat e sigurisë dhe Komunitetin Ndërkombëtar, sipas mandatit të tij nën Rezolutën 1244 të Kombeve të Bashkuara të Këshillit të Sigurimit të vitit 1999”.

Kjo iniciativë e KFOR-it vjen pas ngjarjes së para pak ditëve ku disa forca të ushtrisë serbe kishin hyrë thellë brenda territorit të Republikës së Kosovës. Një veprim i tillë i ushtrisë serbe kishte shqetësuar banorët e Kamenicës të cilët jetojnë afër vijës kufitare në Karaçevë. /Express/

Projektligji për Mbrojtjen e Vlerave të UÇK-së nuk ka kaluar në lexim të parë. LDK-ja e Vetëvendosja nuk e votuan projektligjin e kritikuar shumë nga ambasada amerikane dhe BE-ja. Isa Mustafa një natë më parë kërkoi të tërhiqet projektligji, ndërsa Rexhep Selimi i VV’së e ka kritikuar ligjin për mangësi.

Ambasada amerikane ka dalë eksplicit kundër ligjit për mbrojtjen e vlerave të UÇK’së. Ambasadori Philip Kosnett, u kërkoi nëpërmjet një shkrimi autorial deputetëve të Kosovës të mos e votojnë atë.

Më parë, ai konsideronte se ky  ligj e kriminalizon fjalën e lirë.

“Ligji i propozuar për vlerat e UÇK-së është mënyrë e gabuar për ta respektuar UÇK-në. Ai e kriminalizon fjalën e lirë, i frikëson qytetarët dhe është i kushtueshëm. Ai devijon nga përpjekjet praktike për të kuptuar dhe mësuar historinë e Kosovës” ,kishte shkruar Kosnett.

Mendimin me ambasadorin amerikan e ka ndarë ambasadori i ri gjerman, Jorn Rohde, e edhe Zyra e BE’së në Kosovë, e cila në disa përgjigje dhënë Gazetës Express ka kërkuar të mos votohet ai projektligj.

“Ne u bëjmë thirrje ligjvënësve të Kosovës që të rishqyrtojnë dispozitat e tilla. Nëse miratohet në formatin e tashëm, ky ligj do të minojë përpjekjet vendore dhe ndërkombëtare për të forcuar më tej respektimin e të drejtave themelore në Kosovë” thuhej në përgjigjen e Zyrës së BE’së, duke shtuar se UÇK’ja është vlerë integrale e historisë së Kosovës, por ligji ngrit shqetësime për të drejtat e njeriut.

Ambasadorëve të huaj u ka dhënë të drejtë kreu i LDK’së, Isa Mustafa, i cili i ka kërkuar PDK’së ta tërheqë propozimin.

“Ai ligj është më mirë të tërhiqet prej procedurës. Do të bënte mirë PDK-ja që ta tërhiqte. Ka mjaft shumë vërejtje e shumë pasaktësi”, është shprehur ndër tjerash ai”, ka thënë Mustafa.

“Ka shumë vend që u jep të drejtë ambasadorëve… Mendoj se ligji duhet të tërhiqet, duhet të bisedohet edhe me ndërkombëtarët për të parë vërejtjet esenciale të tyre, ndërkaq a ka nevojë që ne tash të sjellim ligj të veçantë për UÇK-në apo jo është tjetër”.

Ndërkaq Shefi i Grupit Parlamentar, Rexhep Selimi, që është një nga komandantët e UÇK’së, e ka kundërshtuar këtë ligj, duke e konsideruar të mangët dhe ligj që e shtrembëron luftën e UÇK’së.

Pse u kundërshtua kaq shumë ligji?

Projekligji për Mbrojtjen e Vlerave ka 12 nene, disa prej të cilave janë kontestuar e janë konsideruar

Neni 5 i këtij projektligji thotë se “Çdo zyrtar publik dhe qytetar i Republikës së Kosovës detyrohet t’i respektojë dhe t’i mbrojë vlerat e luftës të përcaktuara me këtë ligj në çdo kohë dhe rrethanë brenda dhe jashtë vendit”.

Propozuesi i këtij ligji, deputeti i PDK’së, Gazmend Bytyci, një ditë para se të dilte projektligji në votim, ka thënë në Frontal të T7, se janë të vetëdijshëm që ligji ka hapësirë për përmirësime dhe se i lejojnë ato.

Sipas tij, askush nuk duhet të frikësohet nga ky ligj.  Deputeti, i pyetur se si mund të pritet një ligj i tillë nga qytetarët serbë në Kosovë, ka thënë se ““Ne e kuptojmë realitetin politik,  e kuptojmë se si është formuar shteti i Kosovës, me cilët aleatë është formuar, e kuptojmë edhe Kushtetutën, por ne duhet t’i mësojmë edhe shtetasit serbë se UÇK’ja ka luftuar edhe për lirinë e tyre”.

Ndryshe, ky projektligj parasheh si vlera të luftës: lufta e armatosur e popullit të Kosovës, e udhëhequr nga UÇK’ja me qëllim të çlirimit të Kosovës; UÇK’në si formacion ushtarak të armatosur, veteranin e UÇK’së, flamuri, betimi i ushtarit, stema, shtabi i përgjithshëm, drejtoria politike, shtabet e zonave operative, arkiva, si dhe Kompleksi Memorial “Adem Jashari” në Prekaz dhe komplekset e tjera.

Gjatë votimit të sotme, në sallë ishin 68 deputetë, por vetëm 36 morën pjesë. 35 votuan për dhe një kundër. Abstenime nuk pati. Projektligji kthehet prapë për votim në ndonjë rast tjetër. /Express/

Ish-ministri i Shëndetësisë, Numan Baliq, është përfshirë përsëri në një skandal seksual. Kësaj radhe, derisa ishte në vendin e tij të punës në Spitalin e Pejës, ai po dyshohet se ka ngacmuar një 23-vjeçare, e cila ishte duke qëndruar në spital me vajzën e saj. Express sjell detaje nga ky rast

Një nënë 23-vjeçare, e cila ishte duke qëndruar në repartin e Ortopedisë në Spitalin e Pejës, është ankuar se është sulmuar seksualisht nga mjeku i këtij spitali, Numan Baliq.

Këtë e kanë konfirmuar burime të Express brenda Policisë së Kosovës.

“Ka hyrë në repart, gruaja e ka pasur vajzën që 16 ditë. Mjeku i ka thënë duhet të vish në zyrë për një aparat, pastaj ka filluar ta ngacmojë me fjalë dhe ka filluar ta prek në trup. Ajo e ka thirrur sigurimin dhe policinë”, kanë thënë këto burime.

Këtë rast për Express e ka konfirmuar edhe Prokuroria e Pejës.

“Lidhur me rastin në fjalë është ndaluar një person nën dyshimin se ka kryer veprën penale sulm seksual në spitalin regjional të Pejës. Me urdhër të prokurorit është dërguar në ndalim 48-orësh, gjithashtu prokuroria në koordinim të plotë me Policinë e Kosovës janë duke ndërmarrë veprime lidhur me këtë çështje”, ka thënë zëdhënësi i Prokurorisë Themelore të Pejës, Shkodran Nikçi.

Lidhur me rastin ka njoftuar edhe policia në raportin 24-orësh.

“SULM SEKSUAL-Rr. Nëna Terezë, Pejë 12.08.2020-22:53. Është arrestuar i dyshuari mashkull nën dyshimin se i njëjti e ka sulmuar seksualisht viktimën femër. I dyshuari pas intervistimit me vendim të prokurorit është dërguar në mbajtje për 48-orë”, thuhet në raportin e policisë.

Në muajin shkurt të vitit të kaluar, Baliq ishte suspenduar nga puna, për shkak se ndaj tij është ngritur aktakuzë për ngacmimi seksual. /GazetaExppress/

Lëvizja Vetëvendosje përmes një njoftimi për media ka bërë të ditur se kreu i partisë, Albin Kurti, bashkë me Xhelal Sveçlën dhe Enver Dugollin, kanë realizuar një vizitë në selinë e KFOR-it ku dhe kanë takuar gjeneralin Michele Risi, raporton Express.

Në këtë takim ata kanë diskutuar për situatën pandemike në vend si dhe për ndodhinë e fundit në Karaqevë ku forca të ushtrisë serbe ishte parë duke lëvizur thellë brenda territorit të Republikës së Kosovës.

“Sot, Kryetari i Lëvizjes VETËVENDOSJE!, z. Albin Kurti, bashkë me ish ministrin në detyrë të punëve të brendshme dhe anëtarin e kryesisë, z. Xhelal Sveçla, dhe ish zëvendës ministrin e mbrojtjes, z. Enver Dugolli, u pritën në selinë e KFOR-it në Film City nga Komandanti, Gjenerali Risi, dhe ekipi i tij.Gjatë takimit, dy palët diskutuan për gjendjen e rëndë të krijuar në vend për shkak të pandemisë COVID-19 dhe menaxhimin e kësaj krize nga institucionet e Kosovës, si dhe për incidentin e fundit në Karaçevë, e për situatën e përgjithshme të sigurisë. Ata u pajtuan që të mirëmbajnë kontaktet e rregullta dhe të vazhdojnë komunikimin e ndërsjelltë”, thuhet në njoftim.

Banorët e fshatit Karaçevë sot kanë protestuar kundër hyrjes së xhandarmërisë serbe në këtë fshat. Kryetari i Këshillit Lokal të fshatit Karaçevë, Selver Lenjani tha se që nga vitit 2001 e deri më sot në territorin e Kosovës vazhdimisht kanë hyrë pjesëtarë të xhandarmërisë serbe dhe patrullimi i fundit nuk ka ndodhur për herë të parë.

Kritika për mospjesëmarrje në këtë protesta Lenjani ka adresuar edhe për kryetarin e komunës së Kamenicës, Qëndron Kastrati.

Ai i bëri thirrje institucioneve serbe që t’i ndalin provokimet në këtë pjesë të Kosovës.

“Të nderuara institucione po ua bëj me dije që 19 vjet, as presidenti i Kosovës, as kryeministri, as kryeparlamentarja, as deputetët e Republikës se Kosovës nuk jeni marrë me Karaçevën , mirëpo megjithatë banorët stoikisht kanë qenë. Vallë i nderuar ku gjendesh Qëndron Kastrati”, tha ai.

Lenjani tha se pas reagimet të fundit për hyrjen e xhandarmërisë serbe në Karaçevë janë shtuar patrullimet e Policisë së Kosovës në këtë anë.

“Tash janë shtuar patrullat e Policisë së Kosovës mirëpo kërkoj që patrullat e policisë të jenë tek Ura e Mohovcit, atje të stacionohen, dhe kërkoj nga kryetari i komunës (së Kamenicës, Qëndron Kastrati) që ekskavatori tua hap rrugën policisë për kodër atje”, tha ai.

Banori më i vjetër i fshatit Karaçevë, Ismajl Kastrati tha se armiku serb po tenton ta marrë këtë pjesë të tokës së Kosovës.

Ai tha se provokimet e xhandarmërisë serbe bëhen me qëllimn e vetëm që këta banorë të shpërngulen nga ky fshat.

“Këtë uzurpim që e ka bërë këtu Serbia e ka bërë me plan të planifikuar me qëllim që edhe këto dy bashkësi lokale çka janë këtu ta lëshojnë vendlindjen, të largohen dhe të jetë kufiri administrativ i zbrazur dhe mos të ketë popullatë shqiptare.. nuk është hera e parë që kanë ardhur këtu e dinë edhe KFOR-i vetë pasi si plak kam bashkëpunuar me KFOR-in 10 vite, sa herë që i kam thirrur kanë ardhur, edhe dy ushtarë nëse kanë hyrë brenda kufirit administrativ 10 metra i kanë zënë”, u shpreh ky banor.

Ish-kryetari i komunës së Kamenicës, Shaip Surdulli, i cili është edhe banor i kësaj ane, kërkoi të ofrohet siguri nga institucionet e Kosovës për të gjithë këta banorë të kësaj zone kufitare.

“Institucionet e Kosovës deri tani kanë bërë shumë pak për këtë problem, me siguri kanë pasur probleme më të mëdha, por edhe ky është ndër problemet që kërkon të merret më shumë, si parlamenti, presidenca, qeveria e Kosovës… këta qytetarë, duke përfshirë vetën dhe familjen time, duam të kemi siguri dhe mos të kemi frikë, nga frika ka raste që edhe janë shpërngulur njerëzit”, tha Surdulli.

Në mbështetje protestuesve u doli edhe ish-deputeti i Kosovës, Gani Geci i cili tha se është koha që institucionet e Kosovës të marrin përgjegjësinë për këtë pjesë.

Sipas tij, duhet të ngrihen kapacitetet për mbrojtjen e brezit kufitar me Serbinë.

“Kuvendi i Republikës së Kosovës në vend që të merret me ngritjen e kapaciteteve për mbrojtjen e brezit kufitar, në ngritje të kapaciteteve të FSK dhe Policisë së Kosovës ata merren me mbrojtjen e individëve. Janë ndarë miliona euro për të mbrojtur disa individë që do i përgjigjen Gjykatës Speciale, ndërsa nuk është ndarë asnjë mjet për mbrojtjen e brezit kufitar. Ka kaluar koha e luftërave, tash kemi institucione, ato duhet ta marrin situatën nën kontroll prej presidentit, kryeministrit, Kuvendit të Kosovës duhet marr përgjegjësinë për këtë”, tha ai.

Që nga paslufta banorët e Karaçevës kanë kërkuar që menaxhimi i kësaj zone të merret nën kompetenca të institucioneve të Kosovës, pasi kjo pjesë menaxhohet nga KFOR-i. Këta të fundit, u panë duke mbikëqyrur edhe protestën e sotme.

Në pikë kontrollën në këtë brez kufitar shfaqeshin herë pas here edhe xhandameria serbe.

Deri tek kjo protestë erdhi pasi që xhandarmeria serbe ditë më parë ka hyrë në fshatin Karaçevë. Ky veprim ka ngjallur reagime të mëdha nga institucionet vendore.

Kryeparlamentarja Vjosa Osmani ka shkuar sot në Ministrinë e Mbrojtjes, ku është pritur nga Ministri i LDK’së Anton Quni. Bashkë me Qunin, Osmanin e ka pritur edhe Komandanti i FSK’së Rrahman Rama. Në njoftimin e FSK’së thuhet se është folur edhe “për incidentin e Karaqevës së Kamenicës dhe për veprimtarinë e xhandarmerisë serbe” në atë pjesë. Osmani ka marrë lule nga Quni, ndërsa me FSK është dakorduar që një zyrtar i kësaj force të dërgohet në Kuvend.

Më poshtë mund ta lexoni të plotë njoftimin.

Ministri i Mbrojtjes Anton Quni priti kryetaren e Parlamentit të Kosovës zonjën  Vjosa Osmani

Ministri i Mbrojtjes Anton Quni i shoqëruar nga komandanti i FSK-së, gjenerallejtënant Rrahman Rama, sekretari i Përgjithshëm i MM-së, Faruk Geci, pritën sot në një vizitë pune, kryetaren e Kuvendit të Kosovës, znj. Vjosa Osmani të shoqëruar nga stafi i saj.

Ministri Quni pasi i uroi mirëseardhje kryeparlamentares Osmani, e njoftoi atë me aktivitetet që po zhvillohen në Ministri të Mbrojtjes, me procesin e transformimit të FSK-së, arritjet e deritashme si dhe me sfidat.

Ministri Quni, me këtë rast, foli për punën që është bërë, deri më tash, në hartimin e dokumenteve nënligjore, pas aprovimit të ligjeve të Ministrisë së Mbrojtjes dhe FSK-së, me mision të ri, për të gjitha fushat dhe nivelet që garantojnë funksionalizim institucional dhe ligjor të FSK-së.

Ministri Quni, gjithashtu e njoftoi kryeparlamentaren Osmani edhe me bashkëpunimin e mirë që ka Ministria dhe FSK-ja me partnerin strategjik SHBA-të, bashkëpunimet bilateral, bashkëpunimin me KFOR-in, bashkëpunimin e mirë me ekipin e NALT-it, që është prezentë në Ministri dhe Forcë, duke vlerësuar se është rritur besueshmëria me partnerët ndërkombëtar.

Ministri Quni, gjithashtu theksoi se në kuadër plotësimit të infrastrukturës ligjore dhe të  dokumenteve të rëndësishme të fushës së sigurisë, është prioritet  procedimi i Strategjisë së  Sigurisë së Kosovës e cila i hap rrugë  procedimit të Strategjisë së Mbrojthjes.

Ndërsa, komandanti i FSK-së, gjenerallejtënant Rrahman Rama, në fjalën e tij, foli për planin e transformimit të FSK-së, duke theksuar rezultatet e arritura deri më tash përballë gjendjes së rënduar nga pandemia, se ju kemi përshtatur kësaj gjendje, dhe nuk kemi ngecje në realizimin e detyrave të planifikuara.

Ai, po ashtu, foli edhe për rezultatet e mira që kanë arritur kadetët tanë, në Akademitë më të njohura në botë, si: në Ëest Poent-SHBA, Mbretëri të Bashkuar, Gjermani, Kroaci, Turqi, Maqedoni, etj.

Gjeneral Rama, e njoftoi znj. Osmani, dhe për angazhimet dhe kontributin e FSK-së, në menaxhimin e situatës me pandeminë COVID 19, brenda për brenda FSK-së, duke mos dëmtuar operacionalitetin e saj, si dhe angazhimet për të mbështetur institucionet mjekësore në logjistikë, transport edhe me kapacitete tjera shtesë.

Nga ana e saj, kryeparlamentarja Osmani, duke e falënderuar për pritjen e ngrohtë, vlerësoi lartë arritjet e FSK-së, duke shtuar se Ministria e Mbrojtjes dhe FSK-ja janë dy institucionet që vlerësohen lartë në Parlamentin e Kosovës, për shkak të punës dhe së mirë dhe vlerësimit të lartë që kanë për Juve.

Ajo vlerësoi lartë angazhimin dhe kontributin e FSK-së, në menaxhimin e situatës së pandemisë në ndihmë të qytetarëve dhe institucioneve të Kosovës.

Zonja Osmani premtoi se aty ku ka nevojë FSK-ja, do ta ketë mbështetjen e përhershme dhe pa rezervë të Kuvendit të Kosovës.

Gjatë takimit u bisedua edhe për incidentin e Karaqevës së Kamenicës, për veprimtarinë e xhandarmerisë serbe e cila i ka revoltuar banorët lokal, ku u vlerësua se në raste të tilla duhet të ketë informim më të shpejtë, transparencë dhe koordinim me të mirë në mes të institucioneve shtetërore dhe atyre të pranisë ndërkombëtare dhe detyrimet të institucioneve në situata të tilla.

Me vlerësimin e dyanshëm në takim u vendos për dërgimin e një oficeri ndërlidhës në Kuvendin e Kosovës, me qëllim të lehtësimit të komunikimit në mes Ministrisë dhe FSK-së, me Parlamentin.

Në kuadër të vizitës, kryeparlamentarja Osmani, qëndroi edhe në Qendrën Operative të  Shtabit të Përgjithshëm të FSK-së, ku nga Shefi i Stafit të Shtabit të Përgjithshëm, gjeneral brigade Jeton Dreshaj, u njoftua me angazhimet operacionale të FSK-së.

Kreu i AAK’së, Ramush Haradinaj thotë se ka marrë besimin nga AAK’ja që të jetë kandidat për President të Kosovës, ndërsa tregon se në mbledhjen e sotme të kryesisë është folur edhe për “rikonfigurim të Qeverisë”, derisa po spekulohet për përfshirjen e PDK’së në Qeveri.

“Falënderoj Këshillin Drejtues, për besimin e tyre, për autorizimin që me dhanë, që në emër të Aleancës të zhvilloj bisedimet eventuale për rikonfigurimin e qeverisë, përfshirë këtu edhe çështjen e presidentit. Besimin që unë të jem kandidat për president, nëse kjo diskutohet në bazë të kushtetutës, e konsideroj si përgjegjësi të lartë dhe nder të veçantë”, ka shkruar ndër të tjera Haradinaj, transmeton Gazeta Express.

Shkrimi i plotë i Haradinajt:

Sot në takimin me strukturat udhëheqëse të Aleancës, u diskutuam për zhvillimet politike dhe qeverisëse në vend, me theks të veçantë tek menaxhimi i pandemisë, rimëkëmbja ekonomike, dialogu Kosovë-Serbi dhe mbarëvajtjen e koalicionit qeverisës.

Aleanca qëndron fuqishëm në përkrahjen e menaxhimit efektiv të pandemisë, duke përkrahur bizneset dhe lirinë e lëvizjes së qytetarëve, me masa të propozuara nga ekspertët shëndetësor.

Gjithashtu në dialogun me Serbinë, ne jemi për marrëveshje që sjell njohjen në kufijtë eksitues, duke ruajtur karakterin unitar të Kosovës së 17 shkurtit.

Ne jemi kundër dialogut teknik, i cili për më shumë se një dekadë i ka shkuar në favor vetëm Serbisë, duke e lënë Kosovën të izoluar.

Falënderoj Këshillin Drejtues, për besimin e tyre, për autorizimin që me dhanë, që në emër të Aleancës të zhvilloj bisedimet eventuale për rikonfigurimin e qeverisë, përfshirë këtu edhe çështjen e presidentit. Besimin që unë të jem kandidat për president, nëse kjo diskutohet në bazë të kushtetutës, e konsideroj si përgjegjësi të lartë dhe nder të veçantë.

RH

Kosovës i janë shtuar edhe 11 raste të vdekjeve nga sëmundja COVID-19, që e shkakton koronavirusi i ri.

Trendi i shifrave të larta të vdekjeve, krahasuar me numrin e popullsisë, po vazhdon tash e disa javë, përkundër masave kundër pandemisë të ndërmarra nga institucionet e Kosovës, siç është ndalimi i tubimeve, mbajtja e maskës dhe distancës fizike si dhe një kufizim i lëvizjes në disa komuna.

Numri i përgjithshëm i viktimave që nga muaji mars ka arritur në 365.

Instituti Kombëtar i Shendetësisë Publike (IKSHPK ) ka njoftuar se gjatë 24 orëve ka testuar 521 mostra dhe si rezultat 205 persona kanë dalë të infektuar me koronavirusin e ri, duke e çuar numrin e përgjithshëm në 10.795.

Gjatë 24 orëve, sipas IKSHPK-së janë shëruar 163 pacientë. Deri më tani, nga sëmundja janë shëruar 6.411 persona.

Raste aktive në Kosovë aktualisht janë: 4.019.

Shërbimi Spitalor dhe Klinik Universitar i Kosovës (SHSKUK) ka njoftuar të mërkurën se në institucionet publike shëndetësore në Kosovë, aktualisht janë të shtrirë 610 pacientë, prej tyre 449 janë të prekur me koronavirus.

Në raportin ditor të SHSKUK-së është thënë se 14 pacientë janë në respiratorë, 25 janë duke u trajtuar me makinat e frymëmarrjes, CPAP, derisa 393 të tjerë janë në oksigjenoterapi.

Kosova ka gjithsej 700 shtretër në Qendrën Klinike Universitare të Kosovës dhe në spitalet rajonale. rel

Isa Mustafa është i gatshëm për të qeverisur edhe një herë me PDK-në, “për çështje jetike të vendit”, e bashkë me të edhe Nisma e Fatmir Limajt. Por nga AAK-ja duket se nuk janë shumë komodë me këto qëndrime. Ata mbrëmë dhanë sinjale se e duan Ramush Haradinajn për president të vendit, e pikërisht kjo mund t’i bëjë edhe më shumë lëmsh punët. Xhavit Haliti i PDK-së mbrëmë tha se kjo parti duhet të bëhet pjesë e Qeverisë. Ndërsa, analisti Imer Mushkolaj thotë për Gazetën Express se edhe ky subjekt synon ta marrë postin e presidentit nëse bëhet pjesë e koalicionit.

Lëvizja Vetëvendosje i ka lansuar akuzat e para se PDK-ja i ka nisur pazaret për poste ministrore në Qeverinë Hoti, tashmë kur kreu i LDK-së Isa Mustafa është deklaruar haptas pro përfshirjes së partisë që drejtohet nga Kadri Veseli.

Mustafa është i gatshëm që tripleta e PAN-it të bëhet bashkë përsëri në Qeveri, me LDK-në aty, sepse, sipas tij që nga koha e zgjedhjeve, kur ai u zotua se nuk bashkëpunon me PDK-në, kanë ndryshuar rrethanat dhe se vendit i duhet stabilitet për temat e mëdha.

Derisa përplasjet mes AAK-së dhe LDK-së u thelluan gjatë fundjavës, e kryeministri Avdullah Hoti e quajti “defilim” shkuarjen e Haradinajt në Karaçevë, Isa Mustafa një ditë pas i tha Gazetës Express se nuk e përjashton PDK-në si partnere të ardhshme.

“Në zgjedhjet e fundit jemi deklaruar se nuk bëjmë koalicion me PDK-në. Edhe PDK, pas zgjedhjeve është deklaruar se do të qëndrojë në opozitë. Mendoj se situata e pandemisë, paralajmërimi i aktakuzave për një numër të përfaqësuesve të lartë sikurse edhe arritja e një marrëveshjeje gjithëpërfshirëse me njohje reciproke, kërkon një qasje tjetër”, tha Mustafa duke shtuar: “Të mos jemi përjashtues ndaj njëri-tjetrit dhe të sigurojmë pajtim për çështje jetike për vendin”.

PDK-ja zyrtarisht nuk ka dhënë akoma asnjë qëndrim të sajin rreth mundësisë që të kalojë nga opozita në një qeveri, që do ta linte vetëm Lëvizjen Vetëvendosje jashtë.

Zyra për Media e PDK-së i ka thënë sot Gazetës Express se në asnjë moment nuk e kanë diskutuar kalimin nga opozita në Qeveri.

“As prej kryetarit të partisë, as në kryesi, e as në këshillin drejtues të partisë nuk është diskutuar kjo çështje”, ka thënë Zyra për media e PDK-së.

Por, zyrtarë të lartë e me ndikim në parti konsiderojnë se duhet të bëhen pjesë e qeverisë Hoti.

“Po, PDK-ja duhet t’i bashkohet Qeverisë Hoti”, ka thënë Xhavit Haliti në Tv Dukagjini i cili në PDK drejton departamentin për grupe të interesit.

AAK-ja akoma nuk ka dhënë qëndrim zyrtar rreth mundësisë që PDK-ja t’i bashkohet Qeverisë, veçse Haradinaj ka mbledhur kryesinë e partisë për sot (e mërkurë) në orën 16:00. Burimet brenda kryesisë i kanë thënë Expressit se do të diskutojnë edhe për koalicionin qeverisës, pjesë e të cilit janë.

Por, AAK ka dhënë sinjale se e duan Ramush Haradinaj president të vendit.

“Unë jam që Ramush Haradinaj të jetë president. Do ta udhëhiqte vendin me lidership. Me trimëri. Në situata në të cilat unë vetë jam dridhur, në situata të cilat nuk dua të flas se sa vështirësi kemi pasur. Ai ka qenë i palëkundur”, ka thënë mbrëmë në Pressing zëvendëskryeministri Besnik Tahiri.

Zëvendëskryeministrja Albulena Balaj – Halimi, që vjen nga Nisma, thotë se partia e saj është pro hyrjes së PDK-së.

“Ne e kemi qëndrimin se edhe PDK-ja duhet të jetë pjesë e kësaj qeverie. Për shkak se ne duam të jemi unik përballë Serbisë me dialog dhe secili subjekt politik që i bashkohet kësaj ideje që qëllimi kryesor të jetë njohja mes dy shteteve të jemi më të qëndrueshëm dhe bashkuar”, ka thënë ajo gjatë fundjavës në KosovaPress.

Analisti Imer Mushkolaj thotë se Mustafa po e dëshiron përfshirjen e PDK-së në Qeveri për ta minuar rolin e AAK-së në koalicion.

“Mustafa po kërkon që PDK të përfshihet në koalicion sepse është e vështirë që Qeveria Hoti të mbijetojë pa PDK-në. Po ashtu, ai dëshiron përfshirjen e PDK-së në mënyrë që të zbehë rolin e AAK-së në koalicion”.

Kryetari i LDK-së, të dielën për Expressin ka thënë se përveç dorëzimi i aktakuzave për Thaçin e Veselin, edhe çështja e presidentit në fund të vitit kërkon një marrëveshje.

“Rrethanat kanë ndryshuar dhe po ndryshojnë pas paralajmërimit të aktakuzave nga Prokurori i specializuar. Edhe mos të ishte kjo, në fund të vitit do duhej të uleshim e të merremi vesh për zgjedhjen e presidentit. Në çdo variant mungesa e një dakordimi për zgjedhje të presidentit na çon në zgjedhje të reja”, tha ai.

Mushkolaj thotë se pikërisht çështja e presidentit është një prej arsyeve pse, sipas tij, Mustafa e do PDK-në.

“Me përfshirjen e PDK-së në koalicion, gjasat do të ishin që kësaj partie t’i takojë posti i presidentit, vitin e ardhshëm. Po ashtu, me PDK-në në qeveri, në njëfarë forme do të garantohej edhe vazhdimësia e dialogut me Serbinë, që po kërcënohet nga qëndrimet e AAK-së dhe të Ramush Haradinajt i cili, siç duket, qasjen e tillë karshi qeverisë më tepër e ka vënë në funksion të krijimit të rrethanave për zgjedhjen e tij president, sesa që ka të bëjë me parimet e funksionimit të koalicionit. Mustafa po e fton tash PDK-në të bëhet pjesë e qeverisë, pavarësisht qëndrimit “kurrë më me PDK-në”. I mbetet PDK-së nëse do të mbajë ose jo qëndrimin se do të qëndrojë në opozitë”, thotë Mushkolaj.

Qeveria e përbërë nga LDK-ja, AAK-ja, Nisma Socialdemokrate dhe minoritetet është votuar me 3 qershor, me 61 vota pro. Kjo është qeveria e dytë e zgjedhur nga legjislatura që doli prej zgjedhjeve të 6 tetorit. Qeveria e fundit e Kosovës, ajo e Kurtit, pati jetëgjatësi prej 4 muajve, pasi LDK-ja i ngriti mocion votëbesimi. /Express /

Banorët e Karaçevës kanë dalë për të protestuar pas zhvillimeve të fundit në këtë fshat të Kamenicës.

Me flamuj të Kosovës e të Amerikës në duar ata po kërkojnë mbrojtje, pasi disa ditë më parë xhandarmëria serbe u fut brenda territorit të Kosovës, përkatësisht në fshatin Karaçevë të Kamenicës.

Në përkrahje të kësaj proteste ka dalë edhe ish-deputeti, Gani Geci, i cili iu është bashkua banorëve të Karaçevës në këtë protestë.

Geci ka thënë se banorët e Karaçevës nuk duhet të bien pre e provokimeve serbe, por në anën tjetër ka potencuar se duhet mbrojtur territori i vendit pasi këtë e garanton edhe Kushtetuta jonë.

“Qytetarët nuk duhet të bien pre e provokimeve duke ditur se kohët e fundit Serbia ka blerë armatim nga Kina e Rusia. Ne duhet ta mbrojmë territorin tonë sepse Kushtetuta na lejon dhe të gjithë deputetët e institucionet e vendit duhet t’i mbrojmë me të gjitha mjetet”, është shprehur ai.

Drejtori i Birrarisë Peja, Ernest Jusufi ka ndërruar jetë të martën nga koronavirusi.

Jusufi ishte diagnostikuar me Covid-19 dhe ka ndërruar jetë në Shkup.

Lajmin për ndarjen nga jeta të Jusufit e ka konfirmuar gazetari Adriatik Kelmendi, përmes një postimi në “Facebook”.

“Ernest Jusufi, një afarist shembull dhe një shok i mirë. Ngushëllime familjes dhe miqve të shumtë!”, ka shkruar Kelmendi, i cili ka publikuar edhe një fotografi të të ndjerit.

Jusufi ishte angazhuar me industrinë e ushqimit nga viti 2005.

Ai ka shërbyer më herët edhe si drejtor ekzekutiv i Devolli Distrubution.