Ish-kreu i Misionit të OSBE-së në Kosovë, diplomati amerikan William Walker, duke komentuar deklaratat e presidentit serb Aleksandër Vuçiq, ka thënë se nuk ka punuar për CIA-n dhe nuk ishte pjesë e një komploti ndërkombëtar kundër Serbisë. Ai tha se Vuçiç flet të pavërteta lidhur me masakrën e Reçakut dhe se Kosova kurrë më nuk do të jetë pjesë e Serbisë.

Walker, në një intervistë për BBC në serbisht, tha se presidenti serb, Aleksandër Vuçiq ende e përmend atë me informacion të pasaktë, të cilin Vuçiq e di se nuk është e vërtetë, “sepse ai e di se çfarë ka ndodhur në Kosovë dhe Reçak”, dhe shton se kjo e irriton atë.

Ai e kujton presidentin serb, Aleksandër Vuçiç si ministër të Informacionit nga Partia Radikale Serbe, Vojislav Sheshelit në regjimin e Slobodan Milosheviçit.

“Kanë kaluar njëzet vjet dhe mund të falim dhe të harrojmë gjërat e pasakta që ata thanë për mua – Unë nuk kam punuar për CIA, nuk kam qenë pjesë e një komploti ndërkombëtar kundër Serbisë.
Vuçiçi është president sot, dhe për ndonjë arsye ai ende më përmend mua, akoma me informata të pasakta, të cilat ai gjithashtu e di se nuk janë të vërteta sepse ai e di se çfarë ka ndodhur në Kosovë dhe Reçak – dhe kjo më irriton”.

Walker thotë se ai nuk e ka takuar personalisht Vuçiçin, por i ndjek deklaratat e tij.
“Është hipokrite që dikush nga regjimi i Milosheviçit të përmendë gjenocidin dhe spastrimin etnik, duke aluduar se shqiptarët e Kosovës mund të përsërisin 17 marsin [2004], veçanërisht kur nuk ka fakte prapa pretendimit dhe në të njëjtën kohë pretendohet se mbrojnë marrëdhënie të mira me Prishtinën”, tha ai.

Walker gjithashtu tha se ai nuk ishte një mbështetës i bombardimeve të Ish- Jugosllavisë [Serbisë], por ishte angazhuar për ndërhyrje tokësore dhe shprehu mendimin se Kosova nuk do të jetë më kurrë pjesë e Serbisë.

Diplomati amerikan nuk ka dyshim për të ardhmen e rajonit. “Unë mendoj se Kosova nuk do të jetë më kurrë pjesë e Serbisë, qytetarët e Kosovës kanë përjetuar gjëra të vështira nën regjimin e Milosheviqit…”, ka thënë Walker.

Policia e Kosovës mbrëmë ka arrestuar Kryetarin e Komunës së Istogut, Haki Rugovën, dhe dy zyrtarë të tjerë, raporton Express.

Përmes raportit 24 orësh, është bërë e ditur se ata janë arrestuar nën dyshimin për keqpërdorim të pozitës apo autoritetit zyrtar, konflikt interesi dhe falsifikim i dokumentit.

“Janë arrestuar tre të dyshuar meshkuj kosovarë, për të njëjtit ekziston dyshimi i bazuar se kanë kryer veprat penale të lartcekura. Me vendim të prokurorit tre të dyshuarit dërgohen në mbajtje”, thuhet në raport.

Ndryshe, Haki Rugova dyshohet se në cilësinë e kryetarit të komunës i ka krijuar favore të mëdha financiare kompanisë së një familjari.

Arrestimi i Rugovës së bashku me ish-nënkryetarin e Komunës, Lulzim Blakaj, e një zyrtar tjetër të Komunës, Faton Bujupi, lidhet me dhënien e disa parcelave të Komunës, të cilat janë shfrytëzuar për gurëthyes.

“4 vendime të Kuvendit Komunal për dhënie të Parcelave publike në shfrytëzim për gurthyes” ka thënë avokati Besnik Berisha mbrëmë në RTK, teksa ka treguar arsyen e arrestimit të klientit të tij, Haki Rugovës./Gazeta Express

Ministrja e Punëve të Jashtme dhe Diasporës në Kosovë, Meliza Haradinaj-Stublla, tha se ka zhvilluar një “bisedë historike” me ministrin e Punëve të Jashtme të Izraelit, Gabriel Ashkenazi. Kjo bisedë, sipas saj, shënon një hap të rëndësishëm përpara në vendosjen e marrëdhënieve diplomatike midis Kosovës dhe Izraelit.

“Së bashku ramë dakord për të zyrtarizuar marrëdhëniet diplomatike midis Kosovës dhe Izraelit në Jeruzalem sa më shpejt të jetë e mundur, dhe vendosëm të shkojmë përpara menjëherë me një grup të përbashkët pune për të materializuar këtë arritje”, tha Haradinaj-Stublla.

Edhe Ministria e Jashtme e Izraelit, përmes një njoftimi, konfirmoi se Kosova do të dërgojë një delegacion në Izrael për të vënë në lëvizje procesin e vendosjes së marrëdhënieve diplomatike.

Njohja reciproke midis Kosovës dhe Izraelit është e përfshirë në një marrëveshje midis Kosovës dhe Serbisë, të nënshkruar në Shtëpinë e Bardhë më 4 shtator.

Me marrëveshjen e nënshkruar në Uashington, në praninë e presidentit amerikan, Donald Trump, Kosova është zotuar se do të vendosë marrëdhënie diplomatike me Izraelin dhe se do ta hapë misionin e saj diplomatik në Jerusalem, ndërsa Serbia është zotuar se do ta zhvendosë ambasadën e saj ekzistuese në Izrael nga Tel Avivi në Jerusalem.

Konfirmimin për hapjen e ambasadës në Jerusalem, Haradinaj-Stublla tha se ia ka shprehur edhe kryediplomatit izraelit. Ajo tha se është ftuar për vizitë në Izrael. rel

Arrestimet e së premtes në zyrën e Organizatës së Veteranëve të Luftës së UÇK-së, për kryetarin e Skënderajt, Bekim Jasharin janë spektakël i mirorganizuar në tavolinë.

Në këtë organizim, sipas tij kanë marrë pjesë edhe liderë politikë të Kosovës, në bashkëpunim me njerëz jashtë vendit. Në një intervistë për Euronews, Jashari ka thënë se liderët politikë në vend po e shkaktojnë këtë për ta mbrojtur e shpëtuar veten e tyre, shkruan Gazeta Express.

“Të ndodhë një gjë e tillë, e përgatitur, e planifikuar nga njerëz të vendit tonë në bashkëpunim me njerëz jashtë vendit tonë.. liderët tanë politik që janë sot apo pas lufte në skenën politike. Absolutisht e bëjnë për ta mbrojtur veten e tyre. Politikanët tanë, fatkeqësisht janë në gjendje ku me ditë çfarë të bëjnë vetëm për ta shpëtuar vetveten, që është për keqardhje dhe nuk guxon të ndodhë”, është shprehur Jashari i revoltuar.

Dosjet e Tribulanit Special, Jashari thotë se në OVL të UÇK’së i solli një dorë e pushtetit.

“Kush i solli ato dosje tre herë radhazi? I solli një dorë e fortë, një dorë që ka pushtet, qoftë në Kosovë, qoftë jashtë Kosovës dhe asnjë njeri deri më sot nuk dëgjova që u arrestua nga Gjykata Speciale, qoftë në Hagë e kudoqoftë nga ajo zyrë ku u vodhën ato dokumente, qofshin kofidenciale apo jo. Edhe vjen dhe arreston në mënyrë spektakolare pa pasur aspak nevojë të bësh diçka të tillë, njerëz që ti ja ke lënë ato dokumente te dera. E ti nuk e arreston asnjë njeri që ka qenë përgjegjës t’i ruajë ato dokumente”, tha ai.

Jashari u bëri thirrje veteranëve të UÇK-së që të kenë kujdes nga liderët politikë të vendit.

Unë i kam bë ftesë dhe apel të gjithë veteranëve të Ushtrisë Çlirimtare që të jenë të matur, të tregojnë kujdes, qetësi, maturi, që të mos biejnë pre e këtyre politikave të liderëve tanë politikë”, u shpreh Jashari. /Express/

Ka përfunduar intervistimi i ish-kryeministrit të Kosovës, Agim Çeku nga Zyra e Prokurorit të Specializuar në Hagë.

Lajmin për Radion Evropa e Lirë e konfirmoi avokati Artan Qerkini, i cili nuk tregoi nëse Çeku është mbrojtur në heshtje apo i është përgjigjur pyetjeve të prokurorëve.

Çeku, ish-komandant i Shtabit të Përgjithshëm të Ushtrisë Çlirimtare të Kosovës, më herët gjatë këtij muaji kishte thënë për Radion Evropa e Lirë se ai është ftuar nga Zyra e Prokurorit të Specializuar për intervistim në cilësinë e të dyshuarit.

Dhomat e Specializuara dhe Zyra e Prokurorit të Specializuar, që ndryshe njihen edhe si Gjykata Speciale, kanë selinë në Hagë dhe merren me hetimin e krimeve të supozuara të luftës të pjesëtarëve të ish-Ushtrisë Çlirimtare të Kosovës.

Sot, para gjykatës së Dhomave të Specializuara do të dalë për herë të parë ish-eprori i UÇK-së, Salih Mustafa, nën dyshimet për kryerjen e krimeve të luftës gjatë vitit 1999.

Mustafa është arrestuar më 24 shtator pasi i ishte konfirmuar aktakuza për dyshimet për kryerjen e krimeve të luftës, përfshirë këtu veprat penale: ndalim arbitrar, trajtim mizor, torturë dhe vrasje të paligjshme.

Ish-komandanti i Shtabit të Përgjithshëm të UÇK-së, Agim Çeku, sot do të intervistohet në Hagë në cilësinë e të dyshuarit.

Mediat raportojnë se intervistimi planifikohet të fillojë nga ora 9:30.

Ndërkohë, Çeku kishte konfirmuar kohë më parë se nga Gjykata Speciale e kishte ftuar në cilësinë e të dyshuarit.

Lideri i Vetëvendosjes, Albin Kurti, i ka lënë edhe një emër të ri Marrëveshjes së 4 Shtatorit të arritur në Shtëpinë e Bardhë ndërmjet Kosovës dhe Serbisë. E ka pagëzuar si marrëveshje që e krijon “Jugosllavinë e Katërt”,

Ai ka thënë se kjo Jugosllavi e re krijohet përmes zonës së Minishengenit përmes të cilës palës serbe do t’i mundësohet të ketë hegjemoni ekonomike mbi shqiptarët e Kosovës dhe Shqipërisë.

“Shqiptarët e Kosovës dhe të Shqipërisë, në këtë Jugosllavi të Katërt, do të jenë vetëm konsumatorë të mallrave serbe e do të shpresojnë se do të marrin tarifa rrugore prej kamionëve të Serbisë. Sepse prodhuesit tanë do të mbeten të pambrojtur”, ka thënë Kurti, në një adresim para anëtarëve të Këshillit të Përgjithshëm të Vetëvendosjes.

Ai ka thënë se Avdullah Koti ka nënshkruar koncesionet më të mëdha që Serbisë i janë bërë prej Kosovës qysh prej pasluftës.

“Serbia fitoi edhe rehabilitimin e plotë para botës. Kishte dekada që një president i Serbisë nuk shkonte në Shtëpinë e Bardhë”, ka thënë ai.

Në këtë mbledhje virtuale të KP të VV’së,  Kurti e ka akuzuar LDK’në dhe PDK’në se po u frikësohen zgjedhjeve të reja në nivel të Kosovës por edhe nëpër komuna. Ka thënë se fakt për këtë është edhe mungesa e zgjedhjeve në Podujevë.

“Po frikësohen sepse ka ardhur koha e Vetëvendosjes”, ka thënë ai.

Aty ka folur edhe për zgjedhjet e brendshme partiake duke treguar se një pjesë e këtij procesi ka përfunduar.

“Në përgjithësi për një subjekt politik zgjedhjet e brendshme janë edhe festa më e madhe dhe edhe sfida më e madhe”, ka thënë ai.

Ai ka kërkuar modernizim të Vetëvendosjes edhe përmes zgjedhjeve të brendshme.

Kurti ka thënë se në zgjedhjet e ardhshme lokale synojnë t’i udhëheqin së paku  15 komuna.

Në këtë adresim, lideri i VV’së ka akuzuar Kryeministri Hoti dhe Ministin Zemaj se kanë dështuar në menaxhimin e pandemisë.

“Rreziku i parë është pandemia. i kemi humbur 600 jetë për pak muaj”, ka thënë ai.

Me këtë rast, ai ka akuzuar edhe për prekjen e parave të Trustit Pensional.

Për Kryeministrin ka thënë se po bën punë të keqe edhe duke u përfshirë në zgjedhjet presidenciale në Amerikë.

“Avdullah Koti po e degradon pozitën ndërkombëtare dhe statusin e vendit tonë”, ka thënë ai. Express

Dy figurat kryesore të Organizatës së Veteranëve të Luftës së Ushtrisë Çlirimtare të Kosovës, sot janë vënë në pranga. Kreu i kësaj organizate, Hysni Gucati, është arrestuar në mëngjes në zyrën e tij nga policë të EULEX’it, derisa nënkryetari i saj, Nasim Haradinaj, është arrestuar nga hetues të Speciales në hyrje të Televizionit 7, ku kishte qenë i ftuar për intervistë. Express u sjell detaje nga këto arrestime.

Gazeta Express

Selia e Organizatës së Veteranëve të UÇK’së në lagjen Qafa u bastis mëngjesin e sotëm nga rreth 50 policë ndërkombëtarë, të maskuar e të armatosur. Këta policë qëndruan për disa orë brenda zyreve të veteranëve, derisa kur dolën morën me vete edhe kryetarin e kësaj organizate, Hysni Gucatin. Ai u nxorr jashtë i prangosur nga dhjetëra policë të EULEX’it.

Deri tash nuk dihet arsyeja pse Gucati është arrestuar dhe Tribunali Special akoma nuk ka lëshuar ndonjë njoftim. Express ka pyetur Prokurorinë e Hagës për arsyen e bastisjes dhe arrestimit të kreut të veteranëve, por nuk ka marrë përgjigje deri në momentin e publikimit të tekstit.

Ndaj Gucatit nuk ka pasur aktakuzë të ngritur nga Haga. Ai madje nuk ka qenë asnjëherë as i intervistuar nga prokurorët e Hagës.

Aludohet se arsyeja mund të jetë çështja e publikimit të dosjeve, që e ka bërë OVL-ja e UÇK-së.

Pas arrestimit të Gucatit, reagoi kryetari i AAK-së, Ramush Haradinaj, i cili ka qenë komandant i UÇK-së dhe i gjykuar nga Tribunali Ndërkombëtar në Hagë.

Haradinaj tha se nuk është dashur të publikoheshin dosjet e Gjykatës Speciale dhe nuk duhet të jepet imazhi sikur Kosova po e pengon drejtësinë.

“E ritheksoj qëndrimin tim, se publikimi i dosjeve të Gjykatës Speciale ka qenë i gabuar dhe se do ta dëmtojë më së shumti shtetin tonë, përfshirë edhe vet të akuzuarit. Tentimi për të krijuar imazhin se Kosova është e mobilizuar ta pengojë drejtësinë është i gabuar. Ne nuk kemi qenë e as nuk jemi në anën e kundërt të drejtësisë”, ka shkruar Haradinaj në Facebook.

Por, Gucati nuk është i vetmi që u arrestua sot. Nën pranga u vu edhe nënkryetari i kësaj organizate, Nazim Haradinaj.

Haradinaj është arrestuar derisa ishte duke ardhur në zyrat e televizionit T7 për intervistë.

Ai nuk ka pranuar që të futet në veturën e hetuesve të Speciales dhe ka pritur derisa kanë ardhur pjesëtarë të Policisë së Kosovës.

“Nuk shkoj me ta, vetëm me policinë e Kosovës”, tha Haradinaj për Express.

Për arrestimin e tij, ai e ka fajësuar gazetarin Vehbi Kajtazi.

Arrestimin e tij e kanë përcjellë nga afër qytetarë të shumtë, të cilët e kanë përcjellë me duartrokitje.

Ndryshe, java e fundit ka qenë përplot zhvillime në raport me Tribunalin. Shoqata e Veteranëve të Luftës ka vazhduar me publikimin e disa dosjeve që kanë rrjedhur prej Tribunalit. Një person i paidentifikuar ka dërguar në seli të Shoqatës mijëra faqe të dosjeve.

Dosjet e Tribunalit Special konsiderohen konfidenciale dhe madje me ligj dënohet secili zbulim i personave që në çfarëdo forme janë pjesë e hetimeve të Prokurorisë së Hagës. Pas secilës herë që OVL-ja publikonte dosje, policë të EULEX-it dhe hetues të Speciales bastisnin zyrat e tyre dhe konfiskonin dosjet. Sot, policia mori edhe Gucatin me vete.

Nga dokumentet që publikoi OVL-ja, e që nuk dihet nëse janë origjinale, u zbuluan emra të dëshmitarëve të mbrojtur, emra të të akuzuarve, llojet e akuzave e shumëçka tjetër. Disa prej tyre u publikuan nga një medium në Shqipëri.

Tribunali Special ka kryer dje arrestimin e parë. Ish-eprori i UÇK-së në Zonën Operative të Llapit, Salih Mustafa, është arrestuar dhe transferuar për në Hagë. Prokuroria Speciale ka lëshuar njoftim se arrestimi i tij u bë në bazë të aktakuzës së ngritur./Gazeta Express

Nënkryetari i Organizatës së Veteranëve të Luftës së Ushtrisë Çlirimtare të Kosovës, Nasim Haradinaj, tha se kjo organizatë nuk e njeh Gjykatën Speciale për krime lufte në Kosovë.

Haradinaj foli për gazetarët derisa u shoqërua nga zyrtarë të Zyrës së Prokurorisë së Specializuar, bashkë me Policinë e Kosovës, në lagjen Pejton të Prishtinës.

Pak orë më herët, pjesëtarë të Misionit Evropian për Sundimin e Rendit dhe Ligjit në Kosovë (EULEX) arrestuan edhe Hysni Gucatin, kryetarin e OVL-së së UÇK-së.

Ende nuk dihen arsyet e shoqërimit të Haradinajt, e as të arrestimit të Gucatit.

“Nuk e njohim këtë gjykatë (Gjykatën Speciale). Kjo është një ditë që troket në të gjitha dyert e qytetarëve të Kosovës. Tani, çka na bën të mendojmë? Na bën të mendojmë a kemi shtet, a kemi organe shtetërore, a kemi parlament, a kemi Kushtetutë”, tha Haradinaj.

Dhomat e Specializuara dhe Prokuroria e Specializuar në Hagë, që ndryshe njihen edhe si Gjykata Speciale, merren me hetimin e krimeve të supozuara të luftës të pjesëtarëve të ish-Ushtrisë Çlirimtare të Kosovës. rel

Veteranët e UÇK-së janë duke protestuar pas arrestimit nga EULEX-it të kryetarit të OVL-UÇK-së, Hysni Gucati, raporton Gazeta Express.

Ata ka intervenuar për t’i shpërndarë Policia e Kosovës.

Veteranët e kanë konsideruar të padrejtë vendimin për arrestimin e Gucatit.

Për në orën 15:00 ndërkaq është paralajmëruar edhe një mbledhje në zyrat e veteranëve. /Express/

Policia e EULEX-it, në mëngjesin e sotëm, ka bastisur zyrat Organizatës së Veteranëve të UÇK-së. Tribunali Special nga dje ka nisur arrestimet e para të pjesëtarëve të UÇK-së, që akuzohen për krime lufte. Kryetari i OVL-UÇK-së, Hysni Gucati është nxjerrë i prangosur nga zyrat. Nuk dihet arsyeja e arrestimit. Express ju sjell të gjitha zhvillimet nga zyrat e OVL-UÇK-së.

15:11 – Revoltim e sharje para zyrës së veteranëve, protestuesit sulmojnë Policinë e EULEX-it

Policia e EULEX-it ka zhvilluar sot një aksion brenda zyrave të Organizatës së Veteranëve të Luftës të Ushtrisë Çlirimtare të Kosovës.

Ky aksion ka rezultuar me arrestimin e kryetarit të OVL-së, Hysni Gucatit.

Disa protestues që ndodhen para zyrave të kësaj organizate nuk e kanë pritur mirë arrestimin e Gucatit.

Ata kanë filluar t’i ofendojnë pjesëtarët e EULEX-it, me ç’rast kanë hedhur edhe mjete të forta në drejtim të tyre.

13:31 Tensionohet situata te zyrat e OVL-UÇK-së, pas arrestimit të Hysni Gucatit

Veteranët e UÇK-së që janë mbledhur para zyrave të OVL-së janë duke protestuar pas nxjerrjes së kryetarit të tyre, Hyseni Gucati, të prangosur nga policia e EULEX-it raporton Gazeta Express

Aty është parë një grumbull i veteranëve teksa kanë fishkëllyen dhe bërtitur në drejtim të zyrtarëve policorë, që e kanë shoqëruar Gucatin për në veturën e EULEX-it disa minuta më parë.

13:23 – Hysni Gucati nxirret i prangosur nga zyrat e OVL-UÇK’së

Kryetari i Organizatës së Veteranëve të UÇK’së është arrestuar brenda zyrave të organizatës.

Gucati është nxjerrë i prangosur nga zyra e tij, prej forcave të shumta të policisë së Eulexit.

Nuk dihet akoma arsyeja e arrestimit të kreut të veteranëve, veçse Tribunali Special ka nisur nga dje arrestimet e para për të akuzuarit për krime lufte.

Megjithatë, është akoma e paqartë arsyeja pse u arrestua Gucati dhe nëse bastisja e sotme ka të bëjë me dosjet që ka publikuar organizata e veteranëve.

12:34 – Kreu i OVL-UÇK-së, Hysni Gucati, është arrestuar nga EULEX-i

Kështu ka deklaruar për Gazetën Express nënkryetari i veteranëve, Nasim Haradinaj.

Ai ka bërë të ditur se Gucati do të dërgohet sot për në Hagë, derisa momentalisht është ende në zyrat e veteranëve.

Kjo ishte edhe arsyeja e kryerjes së bastisjes së sotme të EULEX-it. /Express/

12:03 – Nasim Haradinaj e lidh bastisjen e EULEX-it me gazetarin Vehbi Kajtazi

Nënkryetari i Organizatës së Veteranëve, Nasim Haradinaj, aksionin e sotëm të EULEX-it e ka lidhur me gazetarin Vehbi Kajtazi.

Në një prononcim për Gazetën Express, Haradinaj tha se nëse e gjithë kjo është vetëm një kontroll, atëherë prapa këtij aksioni ka qenë Vehbi Kajtazi.

“Përshpejtimi i kësaj, unë mendoj se ka qenë Vehbia. Vehbia është njëri ndër bashkëpunëtorët. Pasi ai dje më tha se po të isha unë prokuror, ti do të ishe atje”, tha Haradinaj.

Ai bëri të ditur se nuk ka informacione se çka po ndodh brenda, pasi telefonat janë mbyllur dhe nuk po lejohen telefonatat.

11:50 – Tomë Gashi thotë se nuk po e kërkojnë askënd

Pavarësisht që forca të shumta të EULEX-it po shihen në zyrat e veteranëve, avokati Tomë Gashi u paraqit në zyrat e OVL-UÇK-së, duke thënë se beson që EULEX-i nuk po e kërkon askënd.

“Unë besoj që nuk po e kërkojnë askënd, atë që e kërkojnë e dinë se ku me gjetë”, tha Gashi për media.

Një ditë pas arrestimit dhe të konfirmimit të aktakuzës për Sali Mustafën, zyrtarët e EULEX-it kanë zbarkuar sot në zyrat e veteranëve të UÇK-së.

Sipas informacioneve të raportuara në media, aty po zhvillohet një aksion, me ç’rast pritet të ketë edhe arrestime.

11: 47 – Policia e EULEX-it nxjerr jashtë disa anëtarë të OVL-UÇK-së

Policia e EULEX-it ka bastisur zyrat e Organizatës së Veteranëve të UÇK-së.

Dhjetëra trupa të Policisë e kanë rrethuar objektin, ndërsa para pak çasteve janë parë duke dalë nga zyrat disa prej zyrtarëve që punojnë në këtë organizatë.

Nuk dihet nëse do të ketë arrestime nga Tribunali Special, pasi Prokuroria në Hagë ka njoftuar se dje ka arrestuar të dyshuarin e parë për krime lufte.

11:37 Policia e Kosovës po e asiston EULEX-in në aksionin te zyrat e veteranëve

Policia e Kosovës është duke asistuar në aksionin e sotëm të EULEX-it në zyrat e OVL-UÇK-së, raporton Gazeta Express.

Forcat të shumta të Policisë së Kosovës janë parë sot afër zyrave të veteranëve, ku është duke u mbajtur një aksion i EULEX-it.

Ky aksion i EULEX-it vjen një ditë pas arrestimit dhe konfirmimit të aktakuzës për Salih Mustafën.

11:22 – Lajmi i fundit: EULEX-i zbarkon në zyrat e veteranëve, raportohet për arrestime

Një ditë pas arrestimit dhe të konfirmimit të aktakuzës për Sali Mustafën, zyrtarët e EULEX-it kanë zbarkuar sot në zyrat e veteranëve të UÇK-së.

Sipas informacioneve të raportuara në media, aty po zhvillohet një aksion, me ç’rast pritet të ketë edhe arrestime.

Policia e EULEX-it nxjerr jashtë disa anëtarë të OVL-UÇK-së

Gazeta Express sot ka raportuar se arrestimi i djeshëm i Salih Mustafës në ditët në vijim mund të shoqërohet edhe me arrestime të tjera.

Avokati Tomë Gashi ka bërë thirrje që të mos publikohen kurrsesi dosjet e Speciales që do të komprometonin emrat e dëshmitarëve. Gjithsesi ai thotë se diçka tjetër nga ato dosje mund të publikohet.

Duke folur në emisionin dPT te Fidani në T7 ai ka thënë që të publikohen nëse është e mundur komunikimet e Speciales me institucionet serbe.

“Nuk besoj që është krim publikimi i komunikimit të institucioneve të Serbisë me ato të Gjykatës Speciale”, tha ai.

“Apeloj që të mos publikohet asesi emri i dëshmitarëve apo emra tjerë. Ne kemi harxhuar shumë miliona që ishin fonde të BE’së. Në vend që të kishim ndërtuar shkolla, objekte e institucione e tjera gjëra që duhej në ndërtim të shtetit tani duhet të harxhojmë nëpër gjykata ndërkombëtare. Jemi ardhur në një situatë kur tani SHBA përmes ndihmës tonë ja kanë hapur rrugës Serbisë. Për herë të parë prej vitit 1999 Serbia për herë të parë shkon në Shtëpinë e Bardhë”, përfundoi ai. /Express/

Një profil në rrjetin social ‘Facebook’ me emrin e Haki Imerit që besohet se menaxhohet nga familjarë të të ndjerit, ka reaguar pas arrestimit të Salih Mustafës nga Gjykata Speciale.

Për familjen Imeri arrestimi i Salih Mustafës është i rëndësishëm për drejtësinë dhe për viktimat dhe thotë se zhvillimi i sotëm tregon seriozitetin e Prokurorit Jack Smith, ndërkohë ka paralajmëruar edhe zhvillime të tjera të kësaj natyre, shkruan Express.

“Arrestimi i Sali Mustafes është një lajm i rëndësishëm për drejtësinë te gjitha viktimat e tij…Kjo e tregon seriozitetin e Prokurorit Jack Smith dhe ekipës se tij. Do te ketë zhvillime tjera po aq te rëndësishme te kësaj natyre. Të gjithë ata epror t Sali Mustafes dhe te gjithë ata vartës te tij do ta kenë fatin e njëjtë. Drejtësia nuk harron , ata  qe shantazh ojnë dëshmitarët ata sulmojnë direkt Gjykatën Speciale, sulmojnë drejtësinë sulmojnë viktimën sulmojnë vlerat Euroatlantike ..”, thuhet në këtë reagim.

Ky profil në ‘Facebook’ ka potencuar se Salih Mustafa ka qenë shef i SHIK-ut për Prishtinë, organizatë për të cilën thotë se ka dalë nga Qeveria e Përkohshme e Kosovës dhe se duhet të jetë përgjegjëse për dhunën politike në Kosovë.

“Është me rëndësi te ceket se Sali Mustafa ishte shefi i Shikut te Kadri Veselit për Prishtine, organizate kjo kriminale e e vlerësuar nga mekanizma profesional te drejtësisë…Pra do te vërtetohet se Shiku pjelle e QPK -se duhet te jete përgjegjësi kyç për tere dhunën politike ne Kosove…”, përfundon reagimi.

Haki Imeri ishte aktivist i LDK-së dhe ishte vrarë në rrethana ende të pasqaruara në nëntor të vitit 1999 në fshatin e tij. Presidenti Thaçi ndërkohë në vitin 2017 e kishte dekoruar me urdhrin “Hero i Kosovës, Hero i Kombit”. /Express/

Gjykata Speciale për Krime Lufte në Kosovë

Dhomat e Specializuara të Kosovës, që ndryshe njihen si Gjykata Speciale, emëruan të martën gjashtë gjyqtarë të rinj për këtë institucion.

Në një njoftim të lëshuar nga Njësia e Informimit dhe Komunikimit Publik, pranë Gjykatës Speciale, thuhet se ”Autoriteti Emërues, ambasadori Lars-Gunnar Wigemark, pas marrjes së rekomandimeve nga paneli përzgjedhës i pavarur, ka emëruar gjashtë gjykatës të tjerë në Regjistrin e Gjykatësve Ndërkombëtarë”.

Gjykatësit: z. Gilbert Bitti (Francë), z. Daniel Fransen (Belgjikë), z. Fergal M. Gaynor (Irlandë), znj. Romina Incutti (Itali), znj. Nina H.B. Jorgensen (Norvegji), dhe z. Roumen H. Nenkov (Bullgari) u shtohen 17 gjykatësve që aktualisht janë në Regjistër.

Autoriteti Emërues gjithashtu emëroi gjykatësin Antonio Balsamo dhe gjykatësin Nenkov si gjykatës të Dhomës së Specializuar të Gjykatës Kushtetuese dhe znj. Incutti e emëroi gjykatëse rezervë në Dhomën e Specializuar të Gjykatës Kushtetuese.

Me kërkesën e tij, gjykatësi Roland Dekkers nuk është më gjykatës i Dhomës së Specializuar të Gjykatës Kushtetuese, por do të jetë në Regjistër, gjë që i mundëson të caktohet në Dhoma të tjera me përjashtim të Dhomës së Specializuar të Gjykatës Kushtetuese, sqaron njoftimi.

Gjykata Speciale merret me hetimin e krimeve të supozuara të luftës të pjesëtarëve të ish-Ushtrisë Çlirimtare të Kosovës.

Selia e Gjykatës Speciale është në Hagë.

Ajo punon me ligjet e Kosovës, por gjyqtarët dhe prokurorët e saj janë ndërkombëtarë.

Ekspertët kanë thënë se sistemi i drejtësisë në Kosovë nuk konsiderohet mjaftueshëm i pavarur për t’i hetuar krimet e dyshuara të luftës dhe se ka dyshime se mund të ketë kërcënime ndaj dëshmitarëve, andaj selia e Gjykatës është vendosur jashtë Kosovës.

Deri tani, ajo ka ftuar për intervistim qindra ish-pjesëtarë të UÇK-së, qoftë si dëshmitarë apo si të dyshuar. rel

Prishtinë

Kryetarja e Kuvendit, Vjosa Osmani, i ka quajtur artificiale përplasjet e presidentit Hashim Thaçi me kreun e LDK-së, Isa Mustafa, për Asociacionin e komunave me shumicë serbe.

“E konsideroj si një përplasje artificiale sepse si në vitin 2013 kur është nënshkruar marrëveshja e cila është ratifikuar në Kuvend. Si në vitin 2015 kur është nënshkruar dokumenti për zbatimin e parimeve të asociacionit, në të dyja rastet kanë qenë bashkë. E kanë përkrahur njëra tjetrën këto dy palë”, ka thënë Osmani.

Osmani ka konfirmuar se seanca e radhës e Kuvendit do të mbahet të premten.

“Do të kemi seancë këtë të premte. Kemi marrë një kërkesë nga GP i LVV-së që kryeministri të ftohet për raportim për 100 ditëshin e qeverisë. Kur të caktohet data do të kemi një seancë. Proceduralisht jemi të detyruar që për çdo pikë që s’ka pasur kuorum, të premten do të vendosen në rend dite dy projektligjet, ai për rimëkëmbjen ekonomike dhe vlerat e UÇK-së”, ka thënë Osmani.

Klinika Infektive në Prishtinë

Instituti Kombëtar i Shëndetësisë Publike në Kosovë (IKSHPK) njoftoi se në 24 orët e fundit nuk ka konfirmuar asnjë rast vdekjeje nga sëmundja COVID-19, të cilën e shkakton koronavirusi.

IKSHPK-ja bëri të ditur se ka konfirmuar 66 raste të reja pozitive nga testimi i 503 mostrave.

Në njoftim po ashtu thuhet se edhe 141 pacientë të tjerë janë shëruar nga koronavirusi.

“Gjatë dy javëve të fundit kemi rënie të dukshme të numrit të rasteve: 44%”, thuhet në njoftim.

Me shifrat e fundit, numri i përgjithshëm i të infektuarve me koronavirus në Kosovë arrin në 15,208.

Prej tyre, 615 pacientë kanë vdekur dhe 12,815 janë shëruar.

Numri i rasteve aktive aktualisht është 1,778.

Lëvizja Vetëvendosje ka reaguar ndaj deklaratës së Trumpit ditën e djeshme në Karolinë e Veriut kur tha se SHBA ka ndaluar vrasjet masive Kosovë- Serbi që i kanë kryer njëra-tjetrës për vite me radhë.

Sipas LVV, me këtë qasje të SHBA rehabilitohen kriminelët e luftës së palës serbe, dhe nuk vendoset paqja por zgjatet konflikti i ngrirë.

Në reagimin zyrtar, thuhet se nëse shkak në luftën e Kosovës ka qenë konflikti etnik atëhere NATO s’kishte për të ndërhyrë dhe Millosheviç s’do provohej përgjegjës nga vetë SHBA, NATO e OKB si dhe vendet e fuqishme botërore.

Duket se Lëvizja Vetëvendosje nuk e ka pritur aspak mirë deklaratën e djeshme të Trump, që e përdori në Karolinën e Veriut gjatë fushatës elektorale si një sukses i Shtëpisë së Bardhë.

REAGIMI NGA LËVIZJA VETËVENDOSJE

Dje dëgjuam presidentin e ShBA-ve të flasë në një tubim elektoral për “ndalje të vrasjeve masive mes Kosovës dhe Serbisë”, që paskan bërë krime të tilla kundër njëra-tjetrës, “për shekuj me radhë”.

Besimi se lufta e Kosovës e ka themelin te urrejtjet e lashta etnike, e te mospërputhja esenciale mes popullit serb e shqiptar, është besim i gabueshëm, i cili injoron rolin kryesor të Milosheviqit dhe regjimit të tij në shkaktimin e luftës. Po ashtu, ky besim anashkalon faktin se lufta nuk u urdhërua e nuk u organizua “prej qytetarëve”, por prej ushtrive e policive, me hierarki e përgjegjësi të qartë komanduese.

Këtë temë e shtjellon historiani Noel Malcolm, “Kosova – Një histori e shkurtër”, i cili tash e dy dekada është bërë lektyrë për ushtarakët e KFOR-it, pra edhe ata amerikanë, të stacionuar në Kosovë, dhe mendojmë se duhet të lexohet edhe prej diplomatëve e këshilltarëve të presidentit që merren me çështjen e Kosovës e atë të Serbisë. Nëse lufta në Kosovë do të kishte qenë e karakterit etnik, pra dallimi etnik na paska shkaktuar konfliktin, atëherë kurrë nuk do të intervenonte NATO dhe Milosheviqi nuk do të mund të konsiderohej përgjegjës prej vetë ShBA-ve, NATO-s, OKB-së, e vendeve kryesore demokratike të botës. E vërteta është që prapa krimeve e masakrave qëndronte një aparat shtetëror gjenocidal (i cili më herët kishte sulmuar në Slloveni, Kroaci dhe Bosnje e Hercegovinë), kurse në anën tjetër populli shqiptar i pambrojtur në Kosovë, që u vetëmbrojt. NATO nuk mund të qëndronte duarkryq teksa Srebrenica po përsëritej në Kosovë.

Kjo deklaratë vjen në një kohë kur Serbia ka ushtrinë më të armatosur dhe buxhetin më të madh ushtarak në rajonin e Ballkanit Perëndimor, dhe blen armë prej Perëndimit, por ç’është më e keqja, vazhdimisht blen prej Rusisë, e së fundi u bë vendi i parë evropian që blen sisteme armatimi prej Kinës. Ndërsa Kosova, e cila ka partner të vetëm gjeopolitik perëndimin, ShBA e NATO, ka një ushtri minimale, nuk ka as armatim të rëndë e as buxhet të mjaftueshëm. Si mund ta rrezikojë Kosova e varfër dhe e çarmatosur Serbinë? Është Serbia ajo që ka pretendime në Kosovë, dhe armatimi i saj ofensiv nuk ka për synim vendet e largëta të botës, por pikërisht vendet fqinje e në radhë të parë Kosovën.

Me këtë qasje rehabilituese të kriminelëve të luftës, nuk po vendoset paqja mes Kosovës e Serbisë, por po zgjatet konflikti i ngrirë. Paqja vendoset kur dënohen e çarmatosen fajtorët e kur ShBA mbështet drejtësinë ndërkombëtare dhe pavarësinë e Kosovës, siç ka bërë gjithnjë. Paqja vendoset kur Serbia e njeh Kosovën e pavarur dhe ballafaqohet me të kaluarën e saj. Jo kur rehabilitohen ish bashkëpunëtorët e Milosheviqit që bënë agresion e kryen gjenocid. bw

Në të 18-ten ditë të shtatorit 2020, në Prishtinë, në mjedise të hotel “Grand”, kolonel Ahmet Alishani, u nderua me çmimin e lartë “Ahmet Krasniqi, me motivacionin: “ Për kontribute të larta për Lirinë, Pavarësinë e Shtetësinë e Republikës së Kosovës, të dëshmuara gjatë jetës së tij ushtarake e civile, veçanarisht në strukturat e FARK-ut me ministër të Mbrojtjes kolonel Ahmet Krasniqin dhe me shkrime studimore e publicistike në media”.

Drejtori i Gazeta e Alpeve per Gjermani Hilmi GASHI duke ia dorëzue në Prishtinë kolonel Ahmet ALISHANIT çmimin e lartë AHMET KRASNIQI

Çmimi i lartë “Ahmet Krasniqi”, i akorduar nga “Gazeta e Alpeve” (gazetë rajonale, panshqiptare e ndërballkanike) iu dorëzua nga bartësi i këtij Çmimi për vitin 2019, nga atdhetari e veprimtari i njohur Hilmi Gashi i Drenicës: drejtor i “Gazeta e Alpeve” për Gjermani, Austri, Luksemburg e Lihtenshtejn; publicist; Veteran i Luftës së Kosovës; mik, bashkëluftëtar e bashkëpunëtor i afërt i kolonel Ahmet Krasniqit, ish-Ministrit të Mbrojtjes së Kosovës (FARK) e“ Hero i Kosovës”; ma herët dhe ish-antar i Këshillit Kombëtar të Mbrojtjes të Kosovës- të udhëhequr nga heroi Ukshin Hoti.

Atdhetari e veprimtari Kolonel Ahmet Alishani- ish Shef i Shtabit të Përgjithshëm i FARK-ut, është një ndër miqtë e bashkëpunëtorët më të afërt të kolonel Ahmet Krasniqit, Ministrit të Mbrojtjes të Kosovës, Komandantit të Shtabit të Përgjithshëm të Forcave të Armatosura të Republikës së Kosovës (FARK), autor i disa shkrimeve në media, si në “Gazeta e Alpeve” etj.

Në këtë event ceremonial, në kushte të kufizuara nga masat e Covid-19, nderonin me praninë e tyre dhe drejtues e bashkëpunëtorë të “Gazeta e Alpeve” nga Tirana e Kosova.

Kolonel Ahmet Krasniqi u lind me 15 janar 1948 në Zhilivodë të Vushtrisë të Kosovës, në gjirin e familjes së patriotit hero Aziz Zhilivoda. Kreu suksesshëm Akademinë Ushtarake të Ushtrisë Tokësore (1969-‘73) dhe Akademinë Komanduese (1981-‘83). E filloi karrierën ushtarake në Zagreb, pastaj komandant në Garnizonin e Gospiqit, por në kohën e Luftës Kroato-Jugosllave dezertoi nga rradhët e APJ-së dhe rreshtohet në anën e Luftës Kroate, së cilës i bën sherbime të larta e shumë të dobishme, çfarë nuk kishin mundur t’ia bënin as vet institucione ushtarake Kroate. Pas ngjarjeve në Qirez e Likoshanë të Drenicës dhe më 4-6 mars 1998 në Prekazin legjendar, formohet Ministria e Mbrojtjes me ministër Kolonel Ahmet Krasniqin, njiherash dhe Komandant i Shtabit të Përgjithshëm të Forcave të Armatosura të Republikës së Kosovës, duke krijuar qendra e kurse stërvitore, ngriti njësitë e brigadat e para në Zonën e Dukagjinit si Brigada 131 me komandant Rrustem Berishën, Brigada 133 me komandant Kemajl Shaqirin, brigadat në Kolsh e Kalimash me komandantë përkatës major Fuad Ramiqi dhe Rashit Mustafa (Karadaku), etj.; kryhet beteja e madhe frontale me armikun në Loxhë nga Brigada 134 e Tahir Zemajt, etj. Ndërkohë që kolonel Ahmet Krasniqi po udhëhiqte Luftën e Kosovës për Liri e Pavarësi, dora e zezë e qëlloi fshehurazi dhe e vret në natën e vonë të 21 shtatorit 1998, në Tiranë, para 22 vitesh.

Çmimi “Ahmet Krasniqi” u nda për herë të parë në “Takimin e Plavë-Gucisë”, në Vuthaj, më 1 gusht 2019, organizuar nga “Gazeta e Alpeve”, në prani të Nënkryetarit të Kuvendit të Malit të Zi, z. Genci Nimanbegu; të këshilltarit për Rajonin të Presidentit të Shqipërisë, z. Flamur Gashi; të ish ambasadorit të Shqipërisë në Kosovë, dr. Islam Lauka e të tjerë. Fitues i parë i këtij Çmimi të madh ishte atdhetari e veprimtari Hilmi Gashi nga Drenica, publicist, Veteran i Luftës së Kosovës.

RALI  LURA

Serbët ia kanë ditur hallin vetës çdoherë, kur kanë pasur punë me ndonjë shtet të fortë.

Shteteve, si Austria e Hungaria, as Jugosllavia e as Serbia si okupuese të Kosovës që ishin dikur, s’kanë pasur guxim t’ia zhdukin varrezën e ushtarëve të tyre në Pejë, varre të para një shekulli, edhe pse ka pasur ca tentime të fshehta, por pa sukses, nga “duart e zgjatura” të pushtetarëve lokal, serb e malazez, për t’i asgjësuar kryqet e varreve, pak nga pak, e në mënyrë tinëzare, si hajnat, natën, e jo siç kanë vepruar pa frikë e pa fije turpi mbi varret shqiptare, të cilat janë fshirë nga faqja e dheut, me një “lëvizje”, brenda ditës.

Ai pushtet, ngjashëm ka vepruar edhe me qytetin antik që graviton në hyrje të Pejës, i njohur në histori me emrat: “Siperana, Seperana, Separana, Separanta dhe Separantum”, me përhumbje gjurmësh, ngase objektet arkeologjike të gjetura aty, kishin të bënin me paraardhësit e shqiptarëve.

Lidhur me këtë temë, vlen për të cekur se në vitet e 60-ta, si nxënës i vijoja mësimet në Gjimnazin e Pejës, andaj, pothuajse çdo ditë më duhej të kaloja rrugës që shtrihej bri kësaj varreze të ushtarëve të Monarkisë Austro-Hungareze, të rënë në Luftën e Parë Botërore, gjatë viteve 1914-1918. E mbaj në mend mirë tablonë e saj plot kryqe betoni, të cilat qëndronin mbi varre që shtriheshin deri në stom të rrugës. Sot, shumë nga ato kryqe mungojnë, si tentativë e pushtetit lokal serbo-malazez të asaj kohe, që kishte për qëllim t’ia humbnin gjurmët e ekzistencës së varreve të cekura.

Sipas mendimit tim, në ruajtjen e kësaj varreze të ushtarëve Austro-Hungarez, rol të rëndësishëm kanë luajtur famullitarët dhe personelit i kishës katolike “Shën Katarina” të Pejës, e cila graviton shumë afër kësaj varreze. Kam bindjen se ata iu kanë kundërvu drejt për së drejti tentativave për tjetërsimin e kësaj sipërfaqeje tokësore.

Mendoj se, angazhimi i tyre lidhur ruajtjen e kësaj varreze është rezultat i mirënjohjes dhe njëkohësisht një mënyrë edhe e larjes së një pjese të borxhit që e kanë shqiptarët ndaj Monarkisë së përmendur.

Duke e ditur mirë se Austria dhe Hungaria si dy shtete të fuqishme do t’i dilnin zot priftit dhe personelit të kishës katolike shqiptare në Pejë, pushtetarët lokal të asaj kohe “e kanë ulur bishtin. Pra, sipas mendimit tim, e gjithë kjo është edhe arsyeja përse ka arritur të mbijetoj kjo varrezë, brenda qytetit të Pejës.

Sa i përket varrezave të shqiptarëve, pushteti okupues i asaj kohe e ka ditur mirë se s’ka kush të reagoj për to, andaj edhe i ka zhdukur pa i lëvizur qerpiku.

Sot, banorët e lagjes, në të cilën graviton varreza e ushtarëve të cekur, tregojnë se, këtë varrezë e viziton herë pas here ambasadori i Hungarisë dhe personeli i asaj ambasade.

Në anën tjetër, lidhur me këtë çështje, të moçmit flasin se si në Pejë janë zhdukur shumë varreza shqiptare, e që ndër to përmenden ato në krye të lagjes Kapeshnicë, për çfarë banorët e saj ende e përdorin toponimin “Breg Vorre” si përcaktim orientues, pastaj “Vorret e Gjata”, ku deri në vitet e 60-ta të shekullit XX ishte fusha e futbollit, e cila më vonë u shndërrua në park, e që afër saj, mandej asokohe u ndërtua “Shtëpia e Kulturës”, në një pjesë të kësaj varreze.

Dikur në këtë qytet ka pasur varrezë shqiptare edhe në “Karagaç”, mu aty ku gjendet “Parku i Madh”, në të cilin vend funksionon objekti hotelier “Kampi” dhe në të cilat sipërfaqe janë ndërtuar sallat dhe fushat sportive, në të dy anët e saj.

Lidhur me varrezat që s’ekzistojnë më, mora vesh se brenda rrethojave të “ish-Dispanzerit” paska qenë një varrezë e shqiptarëve, ku pos tjerëve është varrosur edhe Gjon Augustin Gashi, i njohur si Gjoni i Vogël, si dhe tjetra varrezë më e hershme se kjo, së bashku me një kishë shqiptare paska qenë në lagjen “Asllan Çeshme” të Pejës.

Sa i përket varrezës së përmendur, aty ku prehen eshtrat e 208 ushtarëve të Monarkisë Austro-Hungareze dhe ushtarëve të shteteve tjera të rënë në Luftën e Parë Botërore, gjatë viteve 1914-1918, duhet të ruhet me fanatizëm nga shqiptarët, sepse mu ai shtet i asaj kohe ia vuri themelet e shtetit shqiptar, pas rënies së Perandorisë Otomane, përkundër ca shteteve me ndikim që asokohe ishin kundër, e që po ashtu në këtë pjesë të trojeve shqiptare, për herë të parë pas okupimit serb e malazez, ata në Kosovë i hapën edhe shkollat në gjuhën shqipe, për çfarë duhet t’ju jemi shumë mirënjohës.

Presidenti i Kosovës, Hashim Thaçi, gjatë ditës së sotme në Stamboll është takuar me presidentin e Turqisë, Recep Tayyip Erdogan, me të cilin kanë zhvilluar një bisedë produktive.

Presidenti Thaçi nëpërmjet një postimi në rrjetin social Facebook, shprehet mirënjohës për mikpritjen e ngrohtë që i bëri Erdogan.

“Mirënjohës për mikpritjen e ngrohtë nga Presidenti i Turqisë, Recep Tayyip Erdoğan, si dhe për bisedën produktive për të gjitha çështjet me interes të përbashkët, përfshirë bashkëpunimin dypalësh, çështjet rajonale dhe globale. Turqia është një partnere strategjike, e cila ka mbështetur forcimin e subjektivitetit ndërkombëtar dhe zhvillimin ekonomik të Kosovës”, ka shkruar Thaçi.

Në takimin e sotëm ishte prezent edhe lideri i AKR-së, Behgjet Pacolli, kurse takimi u zhvillua në rezidencën presidenciale Vahdettin në Stamboll.

Thaçi, ka realizuar udhëtimin e parë jashtë shtetit, në Turqi, prej fundit të qershorit të këtij viti kur Gjykata Speciale propozoi aktakuzën ndaj tij. Ndërsa ishte nisur nga Prishtina për në Vjenë e pastaj do të shkonte në SHBA, Presidentit iu ndal në gjysmë rrugëtimi drejt Shtëpisë së Bardhë pasi Specialja lëshoi njoftim se ka propozuar aktakuzë ndaj Thaçit

Kryetari i Lëvizjes Vetëvendosje, Albin Kurti, ka folur në një konferencë për media, për aksionin e mbrëmshëm të Policisë së Kosovës në fshatin Karaçevë të Kamenicës.

Ish-kryeministri Kurti ka përgëzuar punën e Policisë së Kosovës, mirëpo ka thënë se koka e krimit të organizuar nuk është në Karaçevë.

“Krimi i organizuar në Karaçevë nuk e ka kokën në Karaçevë. Gjarpri i krimit e ka vetëm bishtin në Karaçevë, jo kokën. Uroj që të mos dal ajo e mbrëmshmja edhe një shfaqje më shumë e regjimit të vjetër. Pas aksionit të mbrëmshëm nevojitet prani e përhershme në Karaçevë të Dardanës”, ka thënë Kurti në një konferencë për media.

“Numri më i madh i kriminelëve të paqes për metër katrorë në Republikën e Kosovës është në Prishtinë”, ka shtuar Kurti.

Në aksionin policor të së premtes, për kapjen e veprimtarive të kundërligjshme u arrestuan mbi 30 persona në fshatin Karaçevë, në mesin e tyre 10 policë.

Po ashtu, në këtë aksion, njoftohet se u rrënuan edhe 12 objekte ku zhvillohej veprimtaria e bixhozit dhe lojërave të fatit.