Kryeministri i Republikës së Kosovës, Albin Kurti, ka pritur sot në Prishtinë, zyrtaren e lartë të Departamentit të Shtetit Amerikan, Molly Montogomery, shkruan Gazeta Express.

Zëvendës ndihmësja e sekretarit të Shtetit, Molly Montgomery në këtë takim ka theksuar marrëdhënien ndërmjet Shteteve të Bashkuara të Amerikës me Kosovën, e veçanërisht lidhjen e fortë personale që Presidenti Biden ka me Kosovën.

Në emër të Shteteve të Bashkuara të Amerikës ajo ka falënderuar kryeministrin Kurti dhe Qeverinë e Kosovës për bashkëpunimin dhe mbështetjen në çështjen e strehimit të qytetarëve afganë.

Kryeministri Kurti ka deklaruar se kjo ndihmë ishte obligim humanitar i Kosovës, duke shtuar se Kosova dëshiron t’i qëndrojë në krah ShBA-ve, si aleat trategjik.

Ai e falënderoi për mbështetjen e dhënë për Forcën e Sigurisë së Kosovës për pajisje dhe trajnime, si dhe shprehu vullnetin për bashkëpunim të mëtejmë. Po ashtu e njoftoi për buxhetin e Republikës së Kosovës për vitin 2022, ku përfshihet edhe ndarja e mbi 100 milionë eurove për ushtrinë.

Siç njofton zyra për media e kryeministrit, Kurti ka shprehur mirënjohen për vlerësimin e Presidentit Biden, që vazhdimi i bisedimeve mes Kosovës dhe Serbisë dhe arritja e një marrëveshjeje duhet përqendruar në njohjen reciproke.

Gjithashtu, u bisedua për situatën e mirë në menaxhimin e pandemisë COVID-19, mbarëvajtjen e procesit të vaksinimit dhe administrimin e rreth 1.6 milionë dozave.

Kryeministri Kurti ka falendëruar ShBA-në për ndihmën në procesin e sigurimit të vaksinave kundër Covid-19.

Duke ritheksuar aleancën e palëkundur me ShBA-në, kryeministri shprehu përkushtimin e Qeverisë për të zgjeruar bashkëpunimin edhe më tej në fushën e edukimit, agrikulturës dhe investimeve.

Ish-kryenegociatorja e bisedimeve Kosovë-Serbi, Edita Tahiri ka bërë një deklaratë të fortë. 

Ajo kërkon që Kosova të shpallë non grata djalin e manjatit amerikan, George Soros.

Përmes një postimi në rrjetet sociale, Tahiri shkruan se Alex Soros ka qenë dy ditë më parë në Prishtinë, ndërsa sot Edi Rama ndodhet në Beograd, duke theksuar se “po ndodhin lojëra të rrezikshme në rajonin e Ballkanit”. 

Sipas saj, Alex Soros, sikurse edhe George Soros, punuan hapur për shkëmbimin e territoreve mes Kosovës dhe Serbisë.

Postimi
Edi Rama ne Beograd, djali i Sorosit pardje ne Prishtine….Lojera te rrezikshme. A ka kush ta ndal Ramen dhe a ka kush ta shpall ‘persona non grata’ djalin e Sorosit qe hapur punoi per ‘shkembimin e territoreve’

Komisioni Qendror i Zgjedhjeve sot ka certifikuar rezultatet për kuvendet komunale, të zgjedhjeve të 17 tetorit, raporton Express

Sipas këtyre rezultateve, Lidhja Demokratike ka dalë partia më e votuar në vend. Pas LDK-së renditët Lëvizja Vetëvendosje, e në vendin e tretë Partia Demokratike e Kosovës.

Zgjedhjet e 17 tetorit kanë ndryshuar renditjen që kishin partitë politike në ato nacionale.

Partia më e votuar ka dalë Lidhja Demokratike e Kosovës, me 170 mijë e 134 vota. Pas saj renditet Lëvizja Vetëvendosje me 168 mijë e 84 vota.

Partia Demokratike e Kosovës është renditur e treta, me 161 mijë e 645 vota, derisa Aleanca për Ardhmërinë e Kosovës ka mbetur e katërta, me 90 mijë e 863 vota.

Ndërkaq sa iu përket kuvendeve komunale, LDK dhe PDK kanë siguruar nga 206 asamblistë në nivel vendi.

LVV këtu renditet e treta, duke siguruar 194 ulëse, ndërkaq AAK 121.

Ndryshe, në 17 komuna është vendosur fituesi në raundin e parë, ndërkaq 21 të tjera do të garojnë në raundin e dytë në balotazh, më 14 nëntor./GazetaExpress/

Ish-komandanti i Forcës së Sigurisë së Kosovës, Kadri Kastrati, thotë se prezenca ruse në veri të Kosovës është e përditshme.

Kastrati deklaroi se ka informacione se presidenti i Serbisë, Aleksander Vuçiq dhe ministri i Mbrojtjes, Aleksandar Vulin, janë duke rekrutuar mercenarë rusë për t’i sjellur në veri të Kosovës.

“Prezenca ruse në Ballkan është shumë e qartë, ne jemi shumë të vetëdijshëm që në veriun e Mitrovicës prezenca e njerëzve rusë nga Rusia dhe Serbia dhe kjo është e përditshme. Qëllimi i Rusisë dhe ‘Republika Srpska”’është që të jetë prezente këtu [në veri] nëpërmjet tensioneve të ndryshme – e shohim edhe situatën në Bosnje ku kryetari i kësaj republike, Milorad Dodik, ka paralajmëruar se do të ngris forcat e veta ushtarake dhe policore për mundësinë e shkëputjes nga federata boshnjake dhe kjo sipas meje do të ishte një zinxhir edhe tek veriu i Kosovës”.

“Sipas disa informacioneve që unë i kam me dijeninë e Vuçiqit dhe Vulinit janë duke rekrutuar mercenarë rusë për t’i sjellë në veri të Kosovës dhe në krye të këtij grupi është gjenerali Dikoviq – ku sipas detyrave që ai i ka, nëse ndodhë një destabilizim në Bosnje automatikisht njësoj do të fillonte edhe në veri të Kosovës dhe qëllimi final i Serbisë është që ta bëjë “Serbinë e Madhe”, deklaroi Kastrati për Klan Kosova.

Ish-komandanti mes tjerash tha se Qeveria duhet të ketë prioritet FSK-në si dhe mbrojtjen dhe sigurinë e vendit dhe qytetarëve.

Shefi i grupit parlamentar të LDK-së në Kuvend, Arben Gashi, ka treguar se ish i Dërguari Special i Shtëpisë së Bardhë për dialogun Kosovë-Serbi, Richard Grenell, u kishte dhënë LDK-së 7 ditë kohë që ta rrëzojnë qeverinë Kurti 1.

Ai tregon se ka pasur mesazh të qartë nga Grenell drejtuar LDK-së për këtë çështje dhe se sa herë kalonin ditët pa ndodhur gjë, presioni rritej.

“Ne kemi pasur në mënyrë të saktë dhe të qartë të shkruar se kemi 7 ditë për të rrëzuar qeverinë. Dhe cdo ditë ka ardhur mesazh, 7, 6 , 5 nuk ka asgjë të re dhe mezi i kemi nxjerrë tri ditë të reja. E ka thënë vetë ambasadori amerikan se ata kanë bërë presion për ta rrëzuar”, thotë Gashi në Kanal 10.

Ai tutje shton se qasja e Qeverisë Kurti është arrogante ndaj opozitës. Ai thotë se sa herë që dalin me propozime në Kuvend, marrin akuza nga pozita por që thotë se sjellje të tilla të dërgojnë drejt rënies së besimit nga populli

“Tashmë ne ke kemi marrë çmimin për atë punë., e kemi paguar. I takon të shkuarës. Kthehemi në ditët e sotme. Zoti Kurti ka një qeveri me një rezultat të jashtëzakonshëm si pasojë e atyre që ndodhën. Ne kemi marrë mësimin tonë. Mendoj se qasje e tyre ndaj opozitës në Kuvend është agresive. Sa herë dalim me ndonjë propozim ata na thonë se juve ju ka treguar populli ku e keni vendin. Po në rregull ne kemi këtë rezultat prej 13%, por 13% e popullit janë me në. 50% i kanë fituar ata por 50% është në anën tjetër. Por mos të harrojmë se me këso sjellje edhe ne kemi rënë dhe besoj edhe këta”, përfundon ai.

– Tryezë Shkencore organizuar nga Shoqata e Intelektualëve ,,Jakova”

Salla Solemne e Pallatit të kulturës ,,Asim Vokshi në Gjakovë u mbush plot.Dhe s,kishte si të ndodhte ndryshe sepse personazh kryesor do të ishte Dr.Ali Iljazi ,e kur ai flet normalisht vëmendja dhe interesimi do të jenë në maksimum.Duke respektuar masat e pandemisë,auditori pati rastin të dëgjojë një ligjëratë tejet të qëlluar në Tryezën Tematike të titulluar,,Si ta kultivojmë qartësinë intelektuale”,referues I së cilës ishte Primarius Dr.Ali Iljazi e që ,si zakonisht ,këto ngjarje organizohen nga Shoqata e Intelektualëve ,,Jakova “në Gjakovë.

Prof .Dr .Ruzhdi Sefa I cili ishte në krye të këtij organizimi fare në fillim u shpreh :,,Studimi/ hulumtimi i UNDP i titulluar “PULSI PUBLIK” (2020) ofron të dhëna mbi qëndrimet e popullit të Kosovës ndaj votimit, të dhëna mbi ndikimin e COVID-19 në mirëqenien ekonomike, shëndetin fizik dhe shëndetin mendor të të anketuarve, si dhe për kënaqshmërinë e tyre me masat e ndërmarra nga institucionet e Kosovës për ta parandaluar përhapjen e COVID-19.Sipas rezultateve të studimit problemet kyçe sipas hulumtimit janë: papunësia(30.9%) dhe varfëria (20.6%) ndërsa arsimi (2.4%) dhe Sjellje anti-sociale (bixhozi,prostitucioin, droga, alkoolizmi dhe trafikimi I qenieve njerëzore) vetëm 0.8%A nuk janë këto të dhëna tepër brengosse!?Ose mua nuk më ka rastis ose (që është më afër mendsh) nuk janë diskutuar asnjë prej këtyre e shumë materialeve hulumtuese e studimeve për ne, për popullin e për shtetin tonë.Dhe ajo që na imponohet vetëvetiu: Ku janë intelektualët dhe cili duhet të jetë roli i tyre! Intelektualët nuk janë të përqëndruar në të SOTMEN dhe nuk po punojnë dhe nuk po investojnë për të ardhmën! Jo!Për këtë sot në Tryezën tematike të Shoqatës kemi vënë temën: “SI TA KULTIVOJMË QARTËSINË INTELEKTUALE” ose”SI TË MBETEMI INTELEKTUAL” dhe “Cili duhet të jetë roli i intelektualit SOT e NESER e për cdo ditë!”?Më problem se keqbërja është pavullneti për ta sfiduar atë: këndvështrimi juaj për situatën në të cilën gjendemi sikur i adresohet jo vetëm politikës por edhe korpusit tonë intelektual, sidomos të atyre që janë më afër arsimit të lartë dhe Universitetit! A nuk na flet mjaftueshem gjendja në të cilën gjendet akademia jonë?, përfundoi Sefa duke lënë një pikëpyetje vërtetë të madhe .

Prim.dr.sci.med. Ali F. Iljazi lindi në Gjakovë në vitin 1949. Rrjedh nga një familje me ndjenja të  thella fetare e kombëtare. Nga kjo familje pati 20 hoxhallarë dhe shtatë myderrizë eminentë, që shërbyen në Medresenë e Madhe të Gjakovës afro 280 vite me radhë.Prim.dr.sc.med. Iljazi e kreu shkollën fillore dhe të mesme në vendlindje, me sukses të shkëlqyeshëm.Fakultetin e mjekësisë e kreu në Sarajevë në vitin 1973, po ashtu me sukses të shkëlqyeshëm. Për suksesin e arritur gjatë studimeve u dekorua me “Shenjën e artë të Universitetit të Sarajevës”, si studenti më i suksesshëm dhe më i dalluar në këtë Universitet.Specializimin në lëmin e mjekësisë interne e kreu në Sarajevë, në vitin 1979, po ashtu me sukses të shkëlqyeshëm dhe mirënjohje të veçantë. Në vitin 1987 mori titullin e primariusit. Ndërsa në vitin 1988, në Universitetin e Novi Sadit, mbrojti titullin e doktorit të shkencave të mjekësisë.Për herë të parë në ish-Jugosllavi dhe Evropë zbuloi testimin me karbakol si një test bronkoprovokues më sensitiv (Dose-response curve – PD100 Raë).Është i pari në Kosovë që aplikoi testimin bronkoprovokues me pluhura organike si dhe aplikimin e metodave më bashkëkohore të ekzaminimit të traktit respirator në Kosovë dhe ish-Jugosllavi.Deri më sot ka botuar 50 libra dhe mbi 80 punime shkencore si autor dhe bashkautor nga lëmi i mjekësisë, të botuara këto nëpër revista të ndryshme në ish-Jugosllavi, Ballkan, Gjermani, Indi dhe SHBA, si dhe të referuara në shumë kongrese e seminare të ndryshme.Ka realizuar me qindra emisione radiotelevizive si në: TV Besa, TV Opinioni, TV Era, TVSH, RTK, TV Syri, TV Ballkani, Radio Gjakova, Radio Besa, Radio Pendimi, Radio Kosova, si dhe qindra CD dhe DVD. Ka mbajtur ligjërata shkencore në të gjitha trojet shqiptare, në diasporë, si dhe në Universitetin Ballkanik në Shkup dhe Universitetin e Europes Juglindore( Shtul), Tetovë.Është paraqitur me tema shkencore në shumë kongrese në Kosovë, ish-Jugosllavi, Zvicër, Gjermani, Angli, Austri etj. Që nga viti 1988 ka marrë pjesë në mënyrë aktive në ligjërata dhe tribuna në të gjitha trevat shqiptare dhe diasporë.Dy vite me radhë ishte Dekani i parë dhe profesor ligjërues në Fakultetin e Mjekësisë “Fehmi Agani”, në Gjakovë.Për punën e tij të palodhshme afro 50 vjeçare dhe kontributin në mjekësi, dr. Aliu u dekorua me Medaljen e meritave për popull, Mirënjohjen publike të qytetarit të merituar të Gjakovës, Mirënjohjen e universitetit “Fehmi Agani” në Gjakovë, Mirënjohjen e universitetit “Bedr” në Tiranë, Mirënjohjen e universitetit ballkanik në Shkup, Shtul etj. Po ashtu mori edhe çmimin “Hoxhë Hasan Tahsini” në Tiranë, për merita të veçanta humane në karrierën e tij të gjatë si mjek, për kontributin e vyer në zhvillimin e shkencave mjekësore dhe të shëndetësisë në Kosovë si dhe për rolin  e tij të rëndësishëm në edukimin e profesionistëve të rinj edhe në fushën e kulturës dhe etikës mjekësore. Pastaj, u dekorua me Shenjën e argjendtë dhe të artë të Kryqit të Kuq të Kosovës, si dhe një varg mirënjohjesh të tjera.Pas pensionimit, në vitin 2014, punon në poliklinikën private “European Clinic”, në Gjakovë si specialist internist-pulmolog.Mjeku human është baba I 6 fëmijëve 5 prej të cilëve janë mjekë.

Në ligjëratën e tij  Dr.Iljazi shpalosi të dhëna nga disa vende të ndryshme të botës e edhe të vendit tonë lidhur me të qenurit intelektual ,si trajtohet ai në vendin tonë,sa ata kontribuojnë në shoqëri ,etj.Ai ka theksuar se ne si njerëz shfrytëzojmë 1% ose më pak se 1% të kapacitetit tonë intelektual gjë që është tejet brengosëse.,,Kjo ndodh për shkak të sugjestioneve negative që ne kemi ,si nga ana e mësimdhënsesve ose prindërve,pastaj mediave ose edhe gjithë shoqërisë sonë.Na ka rënë shpesh të dëgjojmë,vjen djali në shtëpi e I thotë babai ,,hajt more se s,je për shkollë,hyjë në zanat”,dmth menjëherë ia bllokon neuronet.Prandaj ne duhet të jemi përgjegjës dhe të marrim iniciativa e të rrisim breza të shëndoshë .Posaqërisht intelektualët duhet të jenë tepër të vëmendshëm karshi fenomeneve negative e të reagojnë në situata kur kërkohet nga ata.Duhet të dinë edhe një gjë se janë vet intelektualët ata që e kanë përgjegjësinë kryesore në atë se cfarë drejtimi dfo të marrë shoqëria jonë vitet në vijim.Bile ne duhet ta kujtojmë e ta përsërisim shpesh thënien e Ismail Qemalit,,një fëmijë që fle rritet e një komb që fle vdes”,ka thënë pos tjerash Dr.Iljazi.Ai po ashtu ka prezantuar fakte e të dhëna nga shkencëtarë të njohur botërorë,studimet e të cilëve janë shumë aktuale dhe përkasin me realitetin në vendin tonë.

Të pranishnmit e mirëpritën fjalën e mjekut I cili ishte I hapur edhe për pyetje.Në këtë organizim floën edhe Prof,Dr Jahja Kokaj pastaj Behar Zenelaj,etj.Ndërkohë që shkrimet e tyre të lidhura me temën kishin dërguar edhe Zef Preka,Faton Kurti,Fahri Musliu e Fdil Maloku.

QARTËSIA INTELEKTUALE

Jetojmë në një kohë debatesh. Mendimet janë të shumënduarshme, ndërsa e vërteta është vetëm një. Megjithatë, themi, ´le të lulëzojnë mijëra lule´, të bindur se lulja më e bukur gjendet diku aty. Nga ana tjetër, e kemi për detyrë që të jemi sa më të qartë në dialog mes nesh, dhe kjo qartësi nënkupton qartësi nocionesh. Gjuha matematikore ka, për shembull, koncepte të përkufizuara mirë, përndryshe nuk do ta kishte vlerën që ka në jetën tonë. Me këtë dua të them se edhe ne njerëzit e debatit duhet t´i kemi parasysh disa parime themelore që i kërkon ´rendi i kuvendit´, bazuar në atë se kush flet dhe cila është çështja që diskutohet. Kjo nuk do të thotë se për politikë mund të flasin vetëm ata që kanë kryer fakultetin e shkencave politike, por kërkohet megjithatë që të ndiqen disa parime, ashtuqë debati të mos shndërrohet në një ´muhabet fushë.´   Në rastet kur ndonjë person e quan veten intelektual, kërkesat për plotësimin e disa kritereve janë më të mëdha, për arsye se njeriu intelektual është ai person që ka një përgatitje të veçantë në një fushë të caktuar, e mban përgjegjësi profesionale në një debat, duke shpjeguar me fakte se përse mendon ashtu si mendon. Sa më të qartë e më të logjikshëm të jemi, aq më lehtë do të na kuptojnë edhe të tjerët.  Përfundimisht, duhet theksuar se botëkuptimi për jetën dhe dukuritë e ndryshme, është parakusht për një qartësi sa më të madhe intelektuale. Nuk mund të mbajmë qëndrim mbi dukuri aq të ndërlikuara si çështjet mbi të cilat debatojmë ne përditë, pa i zbërthyer ato në pjesë më themelore, për të parë emëruesit e përbashkët që lidhin gjithçka në një tërësi të plotë. Nëse nuk e respektojmë një ndërlidhshmëri të tillë të dukurive, nuk do të kemi mendime të integruara mirë, dhe do ta humbim fillin e së vërtetës, duke u përpjekur të kapemi pas lloj-lloj argumentesh, të hedhur si hunj të shkulur në livadhin e mendësisë së mjegulluar.Kultivimi më i përshtatshëm (praktik) i qartësisë intelektuale duket si kjo që keni organizua ju të nderuar orgsnizatorët e kësaj Tryeze shkencore.Kjo metodë jep rezultate dhe do duhej të bëhet modë organizative dhe të kalojë në shprehi e përmes saj në kulturën e popullit. Atëherë flasim me gjuhen e argumentit dhe jo abstrakte . Respekt për temën e qëlluar dhe mbase është aq e rëndësishme sa që nëse nuk ka patur, do duhej të ishte Temë Disertacioni! Urime dhe mbarësi!

Zef Prenka

Stuttgart   27.Tetor‘21

Një tjetër vështrim ka dërguar edhe bashkëqytetari ynë Faton Kurti.

“SI TA KULTIVOJMË QARTËSINË INTELEKTUALE”

Të nderuar miq, bashkëpunëtorë dhe intelektualë të Gjakovës.Ndjehem i nderuar që ndonëse nuk jam prezent mes jush, të mund të vij tek ju përmes fjalës dhe mendimit që me shumë mirënjohje po lexohet në këtë çast.Besohet natyrshëm se një intelektual e sheh botën ndryshe. Në fakt ky besim nuk është krejt i gabuar. Dija dhe hapja e të gjitha shqisave ndaj dijes e bëjnë një intelektual një person që kundron nga shumë dritare misterin e botës që e rrethon.Intelektuali është ai që jep interpretime për fenomene të vecanta në disiplina të caktuara si arti, sociologjia, politika, psikologjia, letërsia, interpretime kaq të artikuluara dhe koherente që duke i pohuar në opinionin publik të arrijë tëinfluencojnë mendimin e njerëzve të zakonshëm por edhe tek komuniteti shkencor duke i bërë kështu të dyja bashkësitë më të vetëdijshme, më të emancipuara dhe më të avancuara.Roli i intelektualit në shoqëri i thënë ndryshe është ai i zgjimit të ndërgjegjes.Pa asnjë aftësi praktike në përmirësimin e një situate, ai ka detyrën teorike të“përmirësimit” të kulturës së qytetërimit, sidomos duke I nxitur personat të mendojnë në mënyrë korrekte dhe kritike mbi fenomenet kulturore apo shoqërore ekzistuese.Sic pohon edhe Sartri “Intelektuali është ai që ka vetëdijen e kundërshtisë, Brenda vetes dhe në shoqëri, mes kërkimit të vërtetës dhe ideologjisë dominuese me sistemin e tij të vlerave tradicionale“.Ky është konceptimi “Iluminist” I intelektualit, si ai që ka aftësinë të shpërndajë kulturë duke luftuar injorancën në shërbim të progresit të qytetërimit. Një lloj humanisti. Në këtë kuptim të ngushtë intelektuali mendohet si zëri kritik I shoqërisë që kontribuon në formimin e opinionit publik rreth një tematike apo problematike të caktuar. Pra, thënë ndryshe intelektuali është ai që jep orientimin e ndërgjegjes individuale në formimin e një ndërgjegje dhe opinioni të arsyeshëm dhe kritik- ose mësaktë, më afër të vërtetës dhe të drejtës- mbi një temë që prek aktualitetin njerëzor.I kuptuar kështu, intelektuali është regjisori I vërtetë I progresit. I kuptuar në këtë mënyrë atij mund ti jepet njohja kolektive dhe raporti I privilegjuar si ai që I jep formë jo vetëm kronikës kulturore të një kombi por edhe si ai që formon “vetëdijen kritike”.Duke kuptuar rëndësinë që ka apo më saktë duhe të ketë intelektuali në shoqërinëshqiptare në Kosovë dhe pasi unë jam një intelektual I përfshirë aktivisht në politikë:dy vite më parë kam artikuluar ftesën dhe apelin që intelektualët e Kosovës nuk mund të qëndrojnë më indiferentë ndaj politikës dhe zhvillimeve shoqërore.Ndaj subjekti politik që unë drejtoj Republikanët e Kosovës ka punuar dhe ofron një strategji të qartë në integrimin e intelektualëve brenda programit të tij politik.Intelektuali nuk mund të qëndrojë indiferent sidomos nëse arrin qartësinë e mendimit në peshoren e të vërtetës dhe vlerave.Të gjitha shoqëritë e zhvilluara, në renditjen e shtyllave kryesore të ndërtimit dhe sistemit të tyre demokratik një prej shtyllave më të forta dhe burimin e orientimit për politikat kombëtare I kanë të mbështetura tek intelektualët.Rezultatet jo vetëm ekonomike por edhe të ngritjes së standarteve në shumë fusha janë dëshmia se cdo komb që mbështet të tashmen dhe të ardhmen tek dija dhe ekspertiza e intelektualëve do të njohë lartësim dhe zhvillim shoqëror.Pa Intelektualët nuk ka Kosovë të së ardhmes.Kur shohim se si po degradon dita ditës politikëbërja në Kosovë dhe intelektualët janë lënë mënjanë, nuk mund të rrimë indiferentë.Ideja është që në të ardhmen, intelektualët të bëhen pjesë vendimmarrëse dhevendimtare në çështjet e mëdha politike dhe kombëtare.Partia, Republikanët e Kosovës, REK do t’ju shërbejë Intelektualëve si një platformë për implementimin e ideve dhe kapaciteteve të tyre krijuese në vendimmarrjet politike dhe ekzekutive në qeverisjen e Kosovës (dhe kjo nuk nënkupton patjetër anëtarësimin e tyre në këtë subjekt politik).Intelektualët, kanë përgjegjësi më shumë se askush për drejtimin që do të marrë shoqëria dhe vendi ynë.

Prof.Faton Kurti

Nga ana tjetër Profesori I njohur Fadil Maloku ,sociolog,I cili na ka dërguar një përmbledhje të shkurtë të një vështrimi që ka bërë ai mbi temën,,Intelektualizmi është dhunti, angazhim apo profesion”. Kujtoj se intelektuali i njëmendët, sikurse edhe në shoqëritë totalitare ashtu edhe në ato të tranzicionit, do të duhej të paktën ta ruaj edhe për një kohë këtë rol apo këtë dhunti specifike të udhërrëfyesit të ndërgjegjshëm për bashkëvendësit e vet. Sepse, vetëm duke e ushtruar këtë “profesion”, ai pa pardon dhe pa asnjë frikë do të duhej t’i emërojë ngjarjet, dukuritë, fenomenet e padyshim edhe sjelljet e ndryshme kërcënuese deviante që normohen në sistemet e reja vlerore të këtyre vendeve. Në fakt, intelektuali i vërtetë do të duhej në parim të ishte ashpërsisht i butë, pra prokuror i vet- vetes e avokat i interesave të komunitetit, ngaqë vetëm kështu ai mund ta fitojë një backgraund të tillë ndërgjegjësues në shoqëritë e tranzicionit. Ndryshe, ai nëse bie nën ndikimin e burokracive qofshin ato politike (sidomos!?), pastaj atyre kulturore e sociale, e humb peshën e karizmës për të qenë dhe për t’u mbajtur si i tillë jo vetëm në publik, por çka është më me rëndësi në histori. Por, kush është intelektuali i sotëm?Intelektuali nuk qan fortë kokën se çka mendojnë të tjerët, apo u pëlqen apo jo çfarë ai në të vërtetë thotë, kur mendon se ka çfarë të thotë. Po ashtu, intelektual i vërtetë nuk mund të shquhet ai i cili në mënyrë pasive mohon (ad hoc, edhe kur ka argumentimin dhe alibinë në favor të bindjes dhe gjykimit)çdo gjë, por ai i cili në mënyrë aktive provon t’i plasojë të vërtetat (pa marr parasysh pasojat dhe reperkusionet, të çfardo natyre çofshin ato!) e tij si domosdoshmëri dhe nevoja të kohës.

Fadil Maloku

Ndrësa gazetari I mirënjohur Fahri Musliu në pamundësi për të qenë prezent e ka dërguar një tjetër vështrim mbi këtë temë:,,Intelektualët dhe kriza shoqërore e shtetërore e Kosovës”. Në përkufizimin e intelektualit në rend të parë vjen liria dhe autonomia e personalitetit, që është i pavarur në mendim dhe nuk i përqafon urdhrat e paarsyetuara nga kushdo që vijnë (rebelimi kundër autoritetit është veti qenësore e intelektualit); kurse në veprimet e veta udhëhiqet sipas ndërgjegjes, e jo sipas normave heteronome (të varura). Kjo presupozon përgjegjësi për zbulimin e së vërtetës e mbrojtjen e lirisë, dhe guxim për t’iu kundërvënë dhunës dhe së keqes.Mendimi kritik, përfshirë edhe ndaj ideve të veta dhe ndaj botës, në të cilën jetojnë, janë dispozita të dalluara të intelektualëve – ata janë opozita shpirtërore e sistemit të fuqisë politike dhe ekonomike. Me fjalë tjera, interesi intelektual është zbulimi i së vërtetës që të dizajnohet bota, e jo që atë ta sundojë. Prandaj intelektuali “jeton për idenë” e “jo nga ideja”.Filozofi Zygmunt Bauman thotë: “Të jesh intelektual do të thotë të luftosh kundër botëkuptimit të njëanshëm ideologjik dogmatik të botës, në të kundërtën kur është i robëruar me një pikëpamje mbisunduese ndaj botës, intelektuali bëhet ideolog shtetëror në shërbim të sistemit të dhënë, e jo të përparimit të njeriut”Por a janë në të vërtetë intelektualë të gjithë njerëzit me arsimim superior (fakultet), Përgjigja është jo. Arsimimi dhe dija paraqesin kushtin, por jo edhe kushtin e mjaftueshëm, që dikush të bëhet intelektual, ashtu sikurse po ndodh tek ne në Kosovë, ku të gjithë ata që kanë të kryer fakultete e madje edhe me diploma (false) të blera, të pavlefshme.Intelektualët ekzistojnë mbi dy ide: lirinë dhe të vërtetën. E vërteta të shpeshtën sjell konfliktin midis intelektualëve dhe pushtetit aktual. Sundimtarët (në asnjë sistem dhe gati asnjë shtet) nuk e duan të vërtetën. Ata janë në frikë prej atyre që janë nën pushtetin dhe opinionin e tyre. Në masën në të cilën raporti ndërmjet sundimtarit dhe vasalit është i gërshetuar me frikën, intelektualët kanë guxim “të shërbehen me mendjen dhe guximin e vet”.Pra intelektuali duhet të ketë vesh për frymën e kohës, ngjarjet, krizën, mjerimin, rrënimin e moralit. Duhet të ketë integritet dhe kode të fuqishme etike e njerëzore. Prandaj edhe shtrohet pyetja nëse kemi sot në Kosovë intelektualë në kuptimin e plotë të fjalës dhe misionit? Përgjigja është ka por janë të paktë dhe zëri e ndikimi i tyre është minor ose i injoruar nga pushtetet por edhe shoqëria mediokre e tribal, në çfarë është shndërruar shoqëria kosovare. Ata nuk kanë mundësi të shfaqin qëndrimet e tyre nëpër gazeta se të tilla nuk ka në Kosovë por as nëpër portalet e kontaminuara . A mjafton vetëm një shoqatë e intelektualve çfarë është shoqata Jakova, pse të tilla nuk ka në qytetet siç janë Prizreni, Peja, Prishtina, Ferizaji, Gjilani, MitrovicaNë këtë rrafsh mund të konstatohet se shumica e intelektualëve kosovarë nuk janë (e s’kanë qenë) dashamirë të shpirtërores, veç materialistë praktikë. Nuk po luftojnë për të vërtetën, veç po u shërbejnë klaneve të ndryshme në pushtet dhe jashtë tij. Nuk po e shikojnë të mirën e përgjithshme, por atë vetjake (familjare, klanore, partiake). Në servilizmin e vet kanë lejuar që politikanët të jenë arbitër të së vërtetës dhe moralit. Në të kundërtën nuk na mbetet asgjë tjetër, pos që edhe publikisht të brohorisim: Avanti diletanti!

Pra si siç mund ta keni vërejtur shumë u tha për intelektualët në këtë Tryezë .A e meritojnë ata të trajtohen si një shtresë ose grup specifik shoqëror,ose a po angazhohen në atë masë që edhe trajtimin ta kenë të dinjitetshëm! Kam lexuar diku se sipas Aristotelit identifikoheshin si intelektuale ato virtyte që bënin pjesë në shkencë, art dhe punë mendore, e që i lejonin shpirtit të arrijë të vërtetën.Mendoj se Intelektualët nuk duhet t,ia lejojnë vetes të mbyllin gojën ,të mos e thonë të vërtetën,por të jenë në ballë të detyrës kur kërkohet të kritikohen fenomene e dukuri negative .

Iliriana Pylla

Gjakovë 1 Nëntor 2021

Fotografite jane realizuar nga Shkelzen Rexha

Kosovë: Rrugë që lidh Prishtinën me Gjilanin, e cila është afër liqenit të Badovcit. Fotografi nga arkivi.

Ministrja e Punëve të Jashtme dhe Diasporës në Kosovë, Donika Gërvalla.

RFE/RL

Ministria e Punëve të Jashtme dhe Diasporës në Kosovë tha se personat e sanksionuar për lidhje të dyshuara me Hezbollahun, nuk janë shtetas të Kosovës.

Një ditë më herët, Qeveria e Kosovës mori vendim që të vendosë sanksione ndaj shtatë individëve dhe një kompanie për lidhje me grupin ushtarak të Libanit.

Në disa media lokale dhe ndërkombëtare u raportua se këta persona janë qytetarë të Kosovës, por MPJD e mohoi këtë.

Sipas MPJD-së, masat e vendosura demonstrojnë angazhimin e Kosovës si pjesë aktive e aleancave ndërkombëtare kundër terrorizmit dhe ekstremizmit të dhunshëm.

“Me qëllim të promovimit dhe mbrojtjes së paqes, demokracisë dhe të drejtave dhe lirive të njeriut, marrja e një vendimi të tillë do të kontribuonte në vazhdimin e bashkëpunimit të ngushtë me Shtetet e Bashkuara të Amerikës, si aleat i rëndësishëm, dhe partnerë të tjerë në mbrojtjen e vlerave të përbashkëta, paqes dhe sigurisë”, thuhet në përgjigjen e MPJD-së për Radion Evropa e Lirë.

Në mbledhjen e fundit të Qeverisë së Kosovës, të mbajtur të enjten, zëvendëskryeministrja dhe ministrja e Punëve të Jashtme, Donika Gërvalla, tha se sanksionet vendosen “konform Rezolutës 1373 të Këshillit të Sigurimit të OKB-së ndaj shtatë individëve dhe një kompanie për lidhjet e tyre me organizatën terroriste Hezbollah dhe rolin e tyre në rrjetin financiar të saj në Gadishullin Arabik”.

Sanksionet konsistojnë me ngrirjen e aseteve, ndalimin e udhëtimit dhe ndalimin e vënies në dispozicion të fondeve nga individët dhe entitetet në Kosovë.

Më 23 qershor të vitit 2020, Qeveria e Kosovës e ka shpallur organizatë terroriste krahun politik dhe atë ushtarak të Hezbollahut.

Hezbollah është një grup shiit i Libanit, i themeluar në vitet e 80-ta. Më herët është shpallur organizatë terroriste edhe nga Shtetet e Bashkuara dhe shtete të tjera perëndimore.

Hezbollah përkrah ideologjinë islamike shiite të Teheranit dhe e konsideron liderin suprem të Iranit, Ajatollah Ali Khamenei, si udhëzues politik dhe shpirtëror.

Presidentja e Kosovës, Vjosa Osmani, ka falënderuar senatorin James E. Risch nga Komiteti i Senatit amerikan për Marrëdhëniet me Jashtë për një letër falënderuese për rolin e Kosovës gjatë luftës në Afganistan.

Në një postim në Twitter, Osmani ka thënë se Republika e Kosovës është një aleate e palëkundur e Shteteve të Bashkuara.

“Partneriteti ynë strategjik bazohet në vlera dhe angazhime të përbashkëta. Mezi pres të thellojmë bashkëpunimin ndërsa trajtojmë ndikimet keqdashëse në rajon. Së bashku më të fortë”, ka shkruar Osmani në Twitter.

Ndërkohë në letrën e Komitetit të Senatit amerikan për Marrëdhëniet me Jashtë, të nënshkruar nga senatori James E. Risch është falënderuar Kosova për partneritetin në 20 vitet e fundit në luftën kundër terrorizmit dhe në përpjekjet në dy muajt e fundit gjatë tërheqjes nga Afganistani.

“Më 11 shtator 2001, Amerika përjetoi sulmin më të keq në historinë tonë kombëtare. Që nga ai vit, Kosova ka rritur mbështetjen për SHBA-në derisa kemi ndjekur përgjegjësit për sulmin ndaj idealeve tona demokratike. Gjatë luftës në Afganistan, Kosova ka qenë një partner i vërtetë i SHBA-së dhe NATO-s. Partneriteti i Kosovës ishte qartë në pah gjatë evakuimit nga Kabuli gjatë muajve të fundit. Përgëzojmë dëshirën e vendit tuaj për të lejuar qindra refugjatë nga Afganistani për tu vendosur në Kampin Bondsteel ndërsa ata ishin duke u procesuar për pranim në SHBA”, është shkruar në letër duke shtuar se Kosova ishte ndihmuese në misionin në Afganistan dhe në operacionet e shpëtimit dhe tanimë qindra njerëz janë të sigurt si rezultat i veprimeve të tilla.

Më tej theksohet se kontributi dhe sakrifica e bërë nga populli i Kosovës në luftën kundër terrorizmit nuk do të harrohet.

“Edhe pse ne jemi ballafaquar me pengesa në këta muajt e kaluar, ne nuk duhet që kurrë të harrojmë përkushtimin tonë të përbashkët për demokracinë, të drejtat e njeriut, dhe siguria globale që ishin qëllimi i kësaj ndërmarrje. Më tej, besojmë se interesat tonë do të mbesin të përafërta në sigurinë e qytetarëve tanë. Përkushtimi ynë mbetet i fuqishëm dhe ne do të vazhdojmë të qëndrojmë me ju për të mbështetur këtë angazhim. Ne presim përforcimin e partneritetit strategjik në luftën kundër terrorizmit dhe në mbrojtjen e njerëzve tanë si dhe të vlerave tona të përbashkëta në ditët dhe muajt në vazhdim”, është thënë më tej në letër.

Me qëllim të rritjes së nivelit të vaksinimit, Ministria e Shëndetësisë e Kosovës, përmes ekipeve mobile, ka nisur vaksinimin e qytetarëve kundër koronavirusit në Sheshin “Zahir Pajaziti” në Prishtinë, më 22 tetor, 2021.

Në shtatë qytete të Kosovës, ekipet mobile do të bëjnë të enjten dhe të premten vaksinimin e qytetarëve kundër koronavirusit.

Ministria e Shëndetësisë tha se ekipet mobile do të jenë të vendosura në sheshet kryesore të qyteteve: Prishtinë, Prizren, Pejë, Gjakovë, Mitrovicë, Ferizaj dhe Gjilan.

Vaksinimi, ndërkohë, do të vazhdojë edhe në të gjitha qendrat e vaksinimit, thuhet në njoftim.

Vaksinat që jepen në Kosovë janë: Pfizer/BioNTech dhe AstraZeneca – të dyja të miratuara nga Organizata Botërore e Shëndetësisë dhe Agjencia Evropiane e Barnave.

Në Kosovë, vaksinimi kundër koronavirusit ka nisur në fund të marsit.

Deri të enjten, mbi 717,000 qytetarë janë vaksinuar plotësisht.

Aktualisht, raste aktive me koronavirus në Kosovë janë mbi 400.

Paneli i Gjykatës së Apelit në kuadër të Gjykatës Speciale ka hedhur poshtë kërkesën e parashtruar nga mbrojtja e ish-presidentit Hashim Thaçit kundër vendimit të gjykatësit të procedurës paraprake për mbajtjen e tij në paraburgim, shkruan Gazeta Express.

Sipas Apelit, mbrojtja e Thaçit ka dështuar të dëshmojë se pse vendimi paraprak ka qenë i paarsyeshëm për rreziqet nëse ai lirohet.

Në vendimin e apelit thuhet se gjyqtari i procedurës paraprake nuk ka pasur informacion të mjaftueshëm përpara tij në lidhje me kushtet e propozuara të lirimit për t’i mundësuar atij të marrë një vendim të informuar për zbutjen e rreziqeve të identifikuara.

Ish-presidenti i Kosovës, Hashim Thaçi, dha dorëheqje dhe shkoi në Hagë, pasi iu konfirmua aktakuza për krime lufte, nga Dhomat e Specializuara. Bashkë me të, si udhëheqës të Ushtrisë Çlirimtare të Kosovës, u akuzuan edhe ish-kryeparlamentarët Jakup Krasniqi e Kadri Veseli dhe ish-deputeti Rexhep Selimi.

RFE/RL

Ka vdekur në moshën 51-vjeçare regjisorja Burbuqe Berisha, raportojnë mediat në Kosovë.

E lindur në Shkup, regjisorja Berisha studimet themelore dhe master i ka përfunduar në Fakultetin e Arteve, dega Regji e Filmit në Universitetin e Prishtinës “Hasan Prishtina”, në Prishtinë.

Autore e një numri të konsiderueshëm të filmave me metrazh të shkurtër dhe të gjatë si dhe dokumentarë, seriale televizive, shfaqje teatrore, Burbuqe Berisha është fituese e disa shpërblimeve në festivale të filmit dhe teatrit me karakter ndërkombëtar.

Në vitin 2019 Berisha u shpall fituese e Çmimit Kombëtar për Kinematografi.

Disa nga realizimet e saj janë “Lexi në qytet” në 10 episode, “Ashensori”, “Kosova 9/11”, “Ëndrra”, “Nanë”, “Dimri i shpirtit”, “Bunari”, “Viti 2000” etj. Kurse, nga filmat e saj dokumentarë shquhen “Për Jusuf Gërvallën”, “Universiteti nëpër vite”, “Harmonika”, etj.

Për katër vjet me radhë ka punuar si drejtoreshë e Përgjithshme e Teatrit Kombëtar të Kosovës, pastaj anëtare e Këshillit Drejtues të Qendrës Kinematografike të Kosovës dhe kryetare e këshillit drejtues të Teatrit Kombëtar të Kosovës. Së fundi ishte pro -dekane në Fakultetin e Komunikimit Masiv dhe Gazetarisë në Kolegjin AAB. Ka ligjëruar lëndët Film Dokumentar, Regji televizive, Regji për film, teatër dhe televizion.

Burbuqe Berisha ishte drejtoreshë artistike e festivalit “Prishtina Internacional Theater Festival”.

Në shumë festivale filmash ka qenë anëtare e jurive profesionale me karakter ndërkombëtar dhe është aktiviste e shumë kampanjave bamirëse.

Prishtinë

Prishtinë

Në kinemanë “Armata” në Prishtinë është hapur edicioni i 12-të i festivalit të filmit të shkurtër “Ballkani Përtej Kufijve” (Balkan Byond Borders), që do të mbahet nga data 28 tetor deri më 31 tetor, raporton Anadolu Agency (AA).

Frymëzuar nga çështja e komunikimit që u sfidua përmes pandemisë, festivali sivjet do të shfaqë një Program Konkursi prej 33 filmash të shkurtër që përfaqësojnë kineastët e rinj ballkanikë.

Drejtoresha e këtij festivali, Vasiliki Maltasoglou në konferencën hapëse të këtij festivali i cili sivjet është me titull “Lëkura në (Ekran në) Lëkurë”, do të ketë filma me përmbajtje që trajtojnë temën e komunikimit.

“Këtë vit tema e cila trajtohet në filmat e shkurtër është lidhja apo komunikimi i cili u zbeh apo humbi gjatë këtyre dy viteve me përhapjen e pandemisë së COVID-19. Pra, programet e filmave do të flasin për lidhjet në familje, rrënjët tona, natyrën, me vetët tona”, tha Maltasoglou.

Kineastët pjesëmarrës do të kenë mundësinë të shpërblehen me çmimet: Çmimi më i mirë ‘Balkan Byond Borders’, Hyrja e Parë, Publiku dhe Përmendje, ku shuma totale e çmimeve shkon deri në 1.800 euro.

Vlerësimi i filmave të shkurtër do të bëhet nga një juri ndërkombëtare e përbërë nga aktorja turke Burcu Biricik, Luana Bajrami, aktore/regjisore franceze nga Kosova dhe Drita Lolla, drejtoreshë e Festivalit të Filmit në Mal të Zi.

Ky festival ka për synim që të motivojë të rinjtë që të përdorin krijimtarinë e tyre, duke stereotipet e vazhdueshme për atë që është dhe çfarë nuk është “ballkanik”.

Festivali mbështetet nga ‘Creative Europe’ dhe Komuna e Prishtinës dhe bashkëpunon me një numër të madh të organizatave kulturore dhe rinore në rajon.

Festivali i filmit të shkurtër “Ballkani Përtej Kufijve” filloi edicionin e parë në Beograd më 2010 dhe nga atëherë është mbajtur në disa vende të Ballkanit si në Tiranë, Bukuresht, Sarajevë, Selanik e të tjerë.

Kryeministri i Kosovës, Albin Kurti, gjatë një takimi me shefin e misionit të OKB-së në Kosovë, UNMIK, Zahir Tanin. 11 tetor 2021.

Ministri i Punëve të Brendshme, Xhelal Sveçla tha se aksioni i sotëm në katër rajone në Kosovë ka përfunduar me sukses. Ai tha se ky aksion është zhvilluar në vazhdën e angazhimit në luftën kundër kontrabandës, teksa shtoi se nuk është bërë kundër qytetarëve të caktuar apo lokacioneve të caktuara, shkruan Gazeta Express.

“Aksioni i sotëm në katër rajone rezultoi i suksesshëm me konfiskimin e mallrave dhe me arrestimin e personave të përfshirë në kontrabandimin e  tyre. Ky aksion është në vazhdën e angazhimit tonë në luftën serioze kundër krimit të organizuar në tërë territorin  e Kosovës dhe në asnjë mënyrë nuk është i drejtuar ndaj qytetarëve dhe lokacioneve të caktuara. MPB dhe agjncitë e saj ekzuktive nuk do të lejojnë në asnjë moment që askush të e minojë rendin dhe sigurinë publike në asnjë cep të Kosovës. Të gjithë personat pavarësisht etnisë politike, etnie apo religjioni do të përballen me forcën e ligjit”, tha ai.

Ministri konfirmoi se në këtë aksion të lënduar kanë mbetur tetë zyrtarë policorë.

“Tani kemi tetë zyrtarë policor të lënduar në këtë aksion. Unë këtyre u uroj shërbim të shpejtë dhe kthim në detyrë dhe ftojë autoritetet përgjegjëse që kryesit e sulmit ndaj personave zyrtar të silletn para drejtësisë”, deklaroi ai.

Sveçla foli edhe për sulmin ndaj gazetarëve që po raportin nga veriu.

“Edhe gazetarët ishin sot dëshmitarë por edhe viktima të strukturave të shfrenuara atje që tashmë janë të patolerushme”, tha më tutje ministri. /Express/

Qeveria e Kosovës në mbledhjen e mbajtur të mërkurën (13 tetor) ka miratuar koncept dokumentin për vetting-un në drejtësi përmes së cilit synohet të forcohet sundimi i ligjit.

Kryeministri i Kosovës, Albin Kurti tha se vendin më së shumti e ka dëmtuar mungesa e drejtësisë dhe se “lirinë e fituar duhet ta institucionalizojmë përmes drejtësisë”.

Vetting-u është proces i rivlerësimit të figurës së prokurorëve dhe gjyqtarëve dhe ka për qëllim rritjen e tyre profesionale, luftimin e korrupsionit dhe ndikimin e krimit të organizuar, politikës apo elementëve të tjerë të paligjshëm në dhënien e drejtësisë.

“Gjyqësori duhet të jetë i pavarur, jo vetëm në formë por edhe në përmbajtje”, tha Kurti.

“Në mënyrë që sistemi gjyqësor dhe prokuruorial të veprojë drejt është e nevojshme që në të gjitha nivelet të ketë njerëz profesional dhe me integritet”, shtoi Kurti.

Sipas tij vetting-u do të tregojë gjendjen aktuale brenda sistemit gjyqësor në kuptim të kapaciteteve profesionale pastaj edhe etikës së punës së dhe integritetit të akterëve të gjyqësorit në përgjithësi.

“Vetting-u do të bëhet përmes një mekanizmi të pavarur nga gjyqtarë dhe jogjyqtarë të zgjedhur nga Kuvendi dhe Presidenca me prani të ndërkombëtarëve”, tha Kurti.

Ky mekanizëm, sipas tij, do të operojë me ndihmë të sekretariatit për çështje logjistike kurse në shkallë të dytë do të veprojë Kolegji për Apel.

Ministrja e Drejtësisë, Albulena Haxhiu, tha se procesi i vetting-ut do të bëhet përmes një periudhe optimale 5-vjeçare.

“Mekanizmi i pavarur do të ketë mandatin e tij në verifikimin e integritetit personal të subjekteve për vlerësimin e performancës, profesionalizmit dhe kontrollin e pasurisë së gjyqtarëve dhe prokurorëve”, tha Haxhiu duke premtuar se i gjithë procesi do të jetë i drejt, profesional, i pavarur dhe efektiv.

Për realizimin e këtij procesi, kryeministri Kurti tha se ekzistojnë dy propozime, njëri përmes amandamentimit të Kushtetutës në mënyrë që pastaj të miratohen ligjet adekuate, mirëpo, sipas tij, procesi mund të bëhet edhe përmes amandamentimit të ligjeve ekzistuese.

Rreze Hoxha nga Grupi për Studime Juridike dhe Politike, i ka thënë më herët Radios Evropa e Lirë, se ky grup avokon që procesi i vetting-ut të bëhet përmes kalimit të një amendamenti kushtetues në Kuvendin e Kosovës, sepse kjo do të mundësonte një proces të plotë dhe të thelluar të verifikimit.

“Mënyra e dytë, do të ishte vetëm përmes ndryshimit të Ligjit për procedurën disiplinore, i cili do të shfuqizohej në legjislacionin ekzistues, ashtu që vetting-u i gjyqtarëve dhe prokurorëve të garantohet si proces i vazhdueshëm dhe i fortë disiplinor. Mirëpo, kjo nuk do ta kishte ecurinë e njëjtë sikur një gjë e tillë të realizohej me një amendament kushtetues”, pati thënë Hoxha.

Ehat Miftaraj nga Instituti i Kosovës për Drejtësi, në një bisedë me Radion Evropa e Lirë, pati thënë se procesi i vetting-ut, nëse synohet që të bëhet në bazë të asaj që përcaktojnë standardet ndërkombëtare që garantojnë sigurinë juridike, lejohet vetëm përmes ndryshimeve kushtetuese.

Për amendamentimin e Kushtetutës është e domosdoshme shumica parlamentare ose dy të tretat e votave të 120 deputetëve të Kuvendit të Kosovës dhe dy të tretat e votave të 20 deputetëve të komuniteteve joshumicë.

Ministrja e Drejtësisë, Albulena Haxhiu, më herët ka shfaqur dyshime lidhur me një konsensus të mundshëm parlamentar për amendamentimin e Kushtetutës lidhur me vetting-un.

“Pra brenga ime në këtë drejtim, është nëse nuk kalon amendamenti kushtetues, ndonëse konsensusi paraprak në këtë proces është shumë i rëndësishëm”, pati theksuar Haxhiu.

NJë operator serb në Kosovë, ka hequr nga programet televizionin N1, që kosnderohet se ka qëndrim kritik ndaj autoriteteve në Serbi. Fotografi ilustruese.

Goran Stanishiq është dënuar me 20 vite burgim nga Gjykata Themelore në Prishtinë, pasi u gjet fajtor për vrasjen e 13 civilëve në Sllovi të Lipjanit gjatë luftës së fundit në Kosovë.

Aktgjykimi ndaj tij u shpall të martën nga kryetari i turpit gjykues, gjykatësi Valon Kurtaj.

Sipas aktakuzës së ngritur nga Prokuroria Speciale e Republikës së Kosovës, i akuzuari Goran Stanishiq, si pjesëtar i forcës policore rezervë të Ministrisë së Punëve të Brendshme të Serbisë, në muajin prill të vitit 1999, gjatë luftës në Kosovë, në kundërshtim me rregullat e të drejtës ndërkombëtare humanitare, gjatë një sulmi të gjerë dhe sistematik të forcave ushtarake paramilitare dhe policore serbe kundër popullatës civile shqiptare, në fshatrat Sllovi dhe Tërbovc, në bashkëveprim me pjesëtarë të tjerë të këtij njësiti, kishte marrë pjesë në dëbimin e popullatës civile shqiptare dhe në kryerjen e vrasjeve dhe veprimeve të tjera të kundërligjshme.

Siç thuhet në aktakuzë, më 15 prill 1999, në fshatin Sllovi të Komunës së Lipjanit, i pandehuri në bashkëveprim me pjesëtarë të tjerë të njësitit, kishin shkuar në oborrin e shtëpisë së familjes G, kanë urdhëruar anëtarët e kësaj familje të dalin nga shtëpia, dhe pasi që ata kishin dal, i kishin ndarë meshkujt nga gratë, i kishin detyruar gratë dhe fëmijët të dalin nga oborri në rrugë.

Në aktakuzë thuhet se më pas, në prezencë të dëshmitarëve Z.G dhe vajzës së saj Xh.H, që ende nuk kishin dal nga oborri, i kishin rreshtuar pranë murit të oborrit të shtëpisë M.G, dy djemtë e tij O.G dhe E.G, dhe dy nipat e tij, A.G dhe B.H, e pastaj kanë shtënë në drejtim të tyre me armë automatike dhe që të gjithë i kishin vrarë në vend, e pastaj e kishin detyruar Z.G dhe X.H që të largoheshin nga oborri.

Tutje, në aktakuzë thuhet se të njëjtën ditë dhe në të njëjtin fshat, në bashkëveprim me pjesëtarë të tjerë të njësitit, me automjet kishin shkuar në oborrin e shtëpisë së familjes B. Pasi kishin dal nga vetura, kishin shtënë me armë automatike në drejtim të F.G, B.B, F.B dhe R.B, të cilët kishin qenë në oborr afër bunarit, dhe e kishin vrarë F.B duke e qëlluar në shpinë, ndërsa F.G, B.B dhe R.B kishin shpëtuar duke ikur me vrap në drejtime të ndryshme nga vendi i ngjarjes.

Gjithnjë sipas aktakuzës, të njëjtën ditë dhe në të njëjtin fshat, në afërsi të shkollës së vjetër të fshatit, kishin ndarë nga kolona e popullatës civile shqiptare që i kishin detyruar të braktisin fshatin, J.K, B.G, V.P, R.K, A.I dhe F.B, dhe pasi që i kishin rreshtuar përball një muri, kishin shtënë në drejtim të tyre me armë automatike, duke i vrarë të gjithë në vend.

Më 16 prill 1999, në fshatin Tërbovc të Komunës së Lipjanit, në vendin e quajtur “Lugu i Lakrave”, i pandehuri së bashku me katër persona të tjerë të uniformuar dhe të armatosur kishin ndaluar të dëmtuarën A.I së bashku me tani të ndjerën Z.G, të cilat kishin qenë duke shkuar nëpër mal për t’iu bashkangjitur bashkëfshatarëve dhe familjeve të tyre.

Siç thuhet në aktakuzë, e dëmtuara A.I kishte nxjerrë një pako të cigareve me kërkesë të të pandehurit, dhe duke ua dhënë ai cigaret personave të tjerë, ajo kishte shfrytëzuar rastin dhe kishte filluar që të vraponte për të ikur, ndërsa i pandehuri me persona të tjerë të armatosur kishin shtënë në drejtim të saj që ta vrasin, ku e kishin goditur në pjesën e kofshës së djathtë, për çka ajo ishte rrëzuar, dhe ishte rrokullisur deri tek përroi, ku në mbrëmje e kishin gjetur fshatarët, dhe pasi që ajo ua kishte treguar vendin se ku ishte ndarë me të ndjerën Z.G, fshatarët kishin shkuar aty dhe të njëjtën e kishin gjetur të vrarë.

Për këtë, prokuroria e ngarkon të akuzuarin se në bashkëveprim me pjesëtarë të tjerë të panjohur të njësitit rezervist të policisë serbe dhe persona të tjerë të armatosur, ka kryer veprën penale “krimet e luftës kundër popullsisë civile” nga neni 142, lidhur me nenin 22 të Ligjit Penal të Republikës Socialiste Federative të ish-Jugosllavisë, aktualisht e penalizuar si Krimet e Luftës në shkelje të rëndë të nenit 3 të Konventës së Gjenevës nga neni 146, paragrafi 1, dhe neni 2, nën paragrafi 2.1, lidhur me nenin 31 të Kodit Penal të Republikës së Kosovës./BetimipërDrejtësi/

“Brenda periudhës gjashtë mujore u shkatërruan diku 26 grupe kriminale, të cilat përfshinin rreth 217 persona”, tha Tela

Kan kaluar më shumë së 20 vite nga lufta.Shtrohet pyetja logjike , a ekziston mundësia që luftërat të mbësin mbrapa? Përgjigjen në këtë pyetje mund të parashikojmë .Kjo mund të bëhët kur Serbia e cila shkaktojë luftën të bëhët e sinqertë, e të pranojë së shkaktojë gjenocid mbi shqiptarët. Kjo nga ana e Serbisë nuk po ndodhë, sepse drejtuesit e shtetit serb, nuk janë liruar nga ultranacionalizmi, nuk janë liruar nga apetitet për ripushtimin e tokave shqiptare. Serbisë nuk po i dukët problem së regjimi i Millosheviqit ka vrarë aq shumë njerëz të pafajshem. Edhe presidenti actual në pushtet, Aleksander Vuçiqi , është duke e legjitimuar politikën ekspansioniste të tij. Më kërcënime të vazhdueshme që po i bënë ndaj Kosovës më luftë, po kthehet në vitet e 90-ta, të shekullit të kaluar.Serbët nuk po shkëputën nga mitët e rreme të tyre .Regjimet në Serbi bashkë më Kishën Ortodokse Serbe , dhe Akedeminë , po e mbajnë peng popullin serbë. Lufta ka lënë shumë trauma, ka lënë shumë probleme që jetën ende po e bëjmë jo të mirë. Shoqëritë e reja duhet të krijojnë përspektiva për popujtë e tyre , por më kusht që të shkëputën nga mitologjia. Kjo vlenë për popullin serb, i cili po lejon në krye të shtetit ti këtë ende forcat e ultranacionalistit, Vojsllav Sheshel. I shkrova këto radhë , për faktin , se shteti i pa reformuar i Serbisë , sërish po bëhët factor destabiliteti në rajon. Po na kërcënon më luftë , të cilën njëherë e humbi në vitin 1999. Po na kërcënon edhe për faktin së fakori politikë shqiptarë nuk është unik sa duhet .Nuk po është unik në Kosovë dhe as në Shqipëri, e këtë dobësi të madhe tonën , po e shfrytëzon shovinisti , Vuçiq, për ta faktorizuar Serbinë në rajon. Po të ishim unik sa duhet , sigurisht së Vuçiqi do të hezitonte të luante më zjarr, në veri të Kosovës, më rastin e vuarjës të reciprocitetit për targat serbe, nga ana e Kosovës. Pa përgjegjësitë politike kur bëhët fjalë për Serbinë , duhet lënë mbrapa, së mund të në kushtojnë keq. Ende duket së elementet ideologjike po vihen para interesave nacionale , dhe kjo nuk fletë hiq mirë.Kjo është ide fataliste për komb! Mjaftë gjatë më gabimet tona kemi dërguar ujë në mullirin e serbosllavëve pushtues .Nuk guxojmë të lejojmë të na përseriten gabimet nga historia.Kjo sigurisht së nuk do të kishte asnjë kuptim…!

Kryeministri Albin Kurti ka pritur sot në zyrën e tij stafin e lartë menaxhues të Policisë së Kosovës.

Takimi u mbajt pas operacionit dhe angazhimin e njësive speciale të Policisë në pjesën veriore të Republikës së Kosovës.

Në mesin e tyre ishte edhe Besart Ahmeti, Shef i Njësisë Speciale Operative, i cili ishte udhëheqës i operacionit në veri.

Kurti tha se Ahmetin e ritakoi pas 16 viteve teksa ka ndarë edhe një fotografi kur Ahmeti e kishte arrestuar Kurtin atë kohë gjatë një proteste të Lëvizjes Vetëvendosje.

“Në zyren time në Kryeministri, sot prita ministrin e brendshëm dhe udhëheqës të lartë të Policisë së Kosovës. Në mesin e tyre ishte edhe Besart Ahmeti, të cilin e ritakova nga afër pas 16 vjetëve. Kapiteni Ahmeti ka udhëhequr profesionalisht policë të njësisë speciale në Bërnjak dhe ka zhvilluar shkëlqyeshëm negociata në terren atje. Nuk ia shtrënguam dorën njëri-tjetrit, për shkak të pandemisë”, ka shkruar Kurti.

Në vitin 2015 në protestat e dhunshme të organizuara nga Lëvizja Vetëvendosje, Shefi i Njësisë Speciale Operative, Besart Ahmeti, ishte lënduar rëndë në kokë dhe njërin sy dhe kishte shkuar në Turqi për mjekim.

Ahmeti kishte qenë edhe dëshmitar i Prokurorisë në vitin 2010 kur Kurti po akuzohej për pengim të personit zyrtar gjatë kryerjes së detyrës zyrtare.

Kurti gjatë seancave të mbajtura ka hedhur poshtë të gjitha akuzat, të cilat rëndonin mbi të.

“I kam hedhur poshtë të gjitha akuzat e tyre, edhe asnjëri prej tre policëve që kanë qenë dëshmitarë të prokurorisë, Besart Ahmeti, Kristë Gjokaj dhe Ismet Hajdini, nuk i kanë konfirmuar pohimet e Prokurorisë. Mirëpo, pavarësisht këtyre, gjatë gjithë seancës së sotme u pa se akuzat ndaj meje, madje, nuk vijnë aq nga prokurori, sa vijnë nga vetë gjykatësi i EULEX-it”, ka thënë Kurti pas shqiptimit të dënimit prej 9 muajsh.

Arkivolet me eshtrat e shtatë viktimave, të gjetura në varrin masiv në Kizhevak të Serbisë, arritën në Kosovë më 30 shtator, 2021.

Mbetjet mortore të shtatë shqiptarëve të zhdukur nga lufta e fundit në Kosovë u kthyen të enjten nga Serbia.

Mbetjet u kthyen përmes pikës kufitare të Merdares.

Viktimat ishin vrarë në fshatin Rezallë të Komunës së Gllogocit, më 1999.

Në pritje të tyre dolën familjarë dhe qytetarë të tjerë.

Kryeministri i Kosovës, Albin Kurti, i cili po ashtu ishte në Merdare, tha se masakra e Rezallës “është një nga dëshmitë e gjenocidit të Serbisë në Kosovë”.

Në këtë masakër, forcat serbe vranë afro 100 shqiptarë, dhjetëra trupa të të cilëve u zhdukën.

Mbetjet mortore të shtatë viktimave u gjetën në një varr masiv në Kizhevak të Serbisë. Disa mbetje të dy prej tyre u gjetën më herët në Rudnicë dhe iu bashkuan pjesëve të tjera të gjetura në Kizhevak.

Gërmimet në Kizhevak u kryen në fund të vitit të kaluar dhe këtë vit, ndërsa në Rudnicë në vitin 2014.
Pas përfundimit të luftës në Kosovë, në vitin 1999, rreth 6,500 persona kanë qenë të zhdukur.

Që nga ajo kohë janë kryer disa zhvarrime në varreza masive në Kosovë dhe Serbi dhe deri më tash janë gjetur rreth 70 për qind e të zhdukurve.

Sipas autoriteteve në Kosovë, të pagjetur vazhdojnë të jenë edhe rreth 1,600 persona, kryesisht shqiptarë. rel

Bislimi: Marrëveshja për targat pret miratimin e Beogradit
RFE/RL

Në Bruksel është finalizuar një draft dokument për zgjidhjen e çështjes së targave mes Kosovës dhe Serbisë. Marrëveshja, e cila pret miratimin e Beogradit, është arritur me ndërmjetësimin e Përfaqësuesit të Posaçëm të Bashkimit Evropian, Mirosllav Lajçak, mirëpo të dyja delegacionet, ai i Kosovës dhe i Serbisë nuk kanë zhvilluar takim të përbashkët.

“Kemi arritur te një draft përfundimtar i cili dakorduar pothuajse në tërësi ka mbetur vetëm që pala serbe të jap dakordimin final, nëse po, mund të fillojë zbatimi i marrëveshjes shumë shpejt”, tha shefi i delegacionit të Kosovës, Besnik Bislimi.

Marrëveshja, sipas tij, parasheh tri elemente: i pari është që nga dita e hënë si Serbia ashtu edhe Kosova të avancojnë dhe të përdorin “letrat ngjitëse” në vend të tabelave. Kjo zgjidhje, sipas tij, do të jetë e përkohshme pasi në të njëjtën kohë do të krijohet edhe një grup punues i cili brenda gjashtë muajsh do të gjejë një zgjidhje të përhershme të problemit të lëvizjes së lirë.

Pika e tretë, sipas tij, ka të bëjë me heqjen e barrikadave. Sipas dokumentit ditën e shtunë do të vendosej KFOR-it që do të zëvëndësonte njësitë speciale të policisë së Kosovës të cilat do të tërhiqeshin bashkë me barrikadat e vendosura nga serbët lokalë.

Ndërkohë zëdhënësi i Bashkimit Evropian, Peter Stano, tha se dialogu mes kryenegociatorëve të Kosovës dhe Serbisë i lehtësuar nga BE-ja nuk ka përfunduar dhe se negociatat vazhdojnë për të gjetur një zgjidhje për krizën aktuale në veri të Kosovës.

Përfaqësuesit e Kosovës dhe Serbisë po marrin pjesë në takimet në Bruksel, që kanë për qëllim gjetjen e një zgjidhjeje për situatën në veri, teksa rrugët në Jarinjë dhe Bërnjak, për të dhjetën ditë me radhë vazhdojnë të jenë të bllokuara.

Zëvendësndihmës sekretari amerikan për Çështje të Evropës dhe Euroazisë, Gabriel Escobar, të mërkurën u takua në Bruksel me zëvendëskryeministrin e Kosovës, Besnik Bislimi dhe me shefin e zyrës për Kosovën në Qeverinë e Serbisë, Petar Petkoviq.

Escobar, që njëherësh është i dërguar i Departamentit amerikan të Shtetit për Ballkanin Perëndimor, tha se ai po mbështet përpjekjet e Bashkimit Evropian për të gjetur një zgjidhje për situatën e krijuar në veri të Kosovës.

“Prioritet numër një është që të ulen tensionet. Ato janë shumë të larta tash dhe duhet të ulen menjëherë”, tha Escobar.

Zyrtari amerikan tha se duhet që urgjentisht të gjendet zgjidhje për çështjen e targave të automjeteve dhe që palët t’i kthehen dialogut, përmes të cilit do të zgjidhen çështjet e hapura.

Më herë I dërguari i BE-së për dialogun Kosovë-Serbi, Miroslav Lajçak tha se ka zhvilluar takime të ndara me dy kryenegociatorët, me të cilët ka biseduar për gjetjen e mënyrave për tejkalimin e krizës aktuale.

Qytetarët serbë, me kamionë dhe mjete të tjera të rënda kanë bllokuar këto dy rrugë nacionale në atë pjesë në shenjë proteste për vendosjen e masës së reciprocitetit për automjetet me targa nga Serbia.

Ndërkohë, në 24 orët e fundit nuk është raportuar për ndonjë incident në afërsi të asnjërës pikë kufitare, Jarinjë e Bërnjak. Njësitë speciale të Policisë së Kosovës po vazhdojnë të qëndrojnë pranë bllokadave, ndërkohë që misioni i KFOR-it ka rritur prezencën në këtë pjesë.

Mes kampioneve shkruan Presidentja e Kosovës Vjosa Osmani duke bërë selfie me tre kampionet Olimpike të Kosovës, Majlinda Kelmendi, Distria Krasniqi, Nora Gjakova. Një komentues shkruan “Katër legjendat” –

RFE/RL

Ambasadori i Gjermanisë në Kosovë, Jörn Rohde u ka bërë thirrje Kosovës dhe Serbisë që të ulin tensionet dhe të gjejnë zgjidhje përmes dialogut.

“Situata në veri duhet të shtensionohet. I bëj thirrja të dyja palëve që të flasin me njëra-tjetrën dhe jo për njëra-tjetrën. Rruga më e mirë përpara: takohuni në Bruksel dhe gjeni zgjidhje sa më shpejt që të jetë e mundur”, ka shkruar ai në Twitter.

Kryeministri i Kosovës, Albin Kurti ka thënë se Kosova është e gatshme që të shkojë në Bruksel për të biseduar për këtë çështje, por një takim i tillë është refuzuar nga Serbia.

Për të shtatën ditë me radhë, dy rrugë që lidhin Kosovën dhe Serbinë janë të bllokuara nga serbët lokalë, të cilët po kundërshtojnë masën e reciprocitetit për targat.

Që prej 20 shtatorit, të gjitha automjetet nga Serbia që hyjnë në Kosovë, duhet të largojnë targat dhe të përdorin targa të përkohshme të lëshuara nga autoritetet e Kosovës.

Më 25 shtator u shënuan dy incidente në veri të Kosovës, për të cilat Prishtina e akuzoi Serbinë. Autoritetet njoftuan se është djegur Qendra e Regjistrimit të Automjeteve në Zubin Potok dhe është sulmuar Qendra e Regjistrimit Civil në Zveçan.