Policia e Kosovës tha se ka arrestuar një të dyshuar për sulmin ndaj gazetarëve në Leposaviq më 16 qershor.

Sipas policisë, i dyshuari është i komunitetit serb, i identifikuar me iniciale, U.V.

Autoritetet thanë se arrestimi është kryer në orët e hershme të 19 qershorit në një fshat të Leposaviqit.

“Arrestimi i tij dhe shoqërimi në stacion policor është kryer si rezultat i hetimeve intensive dhe i sigurimit të dëshmive, se i njëjti është përfshirë në sulm ndaj mediave/gazetarëve me datë 16 qershor 2023. Të gjitha veprimet e mëtejme do të ndërmerren në bashkëpunim dhe koordinim me organet e drejtësisë”, u tha në njoftimin e policisë.

Ky është personi i tretë që arrestohet për sulmet ndaj gazetarëve, të cilët po raportojnë nga veriu i Kosovës, që kur janë rritur tensionet më 26 maj.

Më 16 qershor, ministri i Punëve të Brendshme të Kosovës, Xhelal Sveçla, njoftoi se ishte arrestuar Nemanja Vllashkoviq në Leposaviq, për sulmin ndaj gazetarëve të mediumit Kallxo më 29 maj.

Një ditë më pas, Sveçla tha se në pikëkalimin kuftiar në Jarinjë – që lidh Kosovën me Serbinë – për sulme ndaj gazetarëve u arrestua edhe Dalibor Spasiq.

Asociacioni i Gazetarëve të Kosovës ka thënë se që nga nisja e tensioneve në komunat në veri, të banuara me shumicë serbe, janë regjistruar 30 sulme ndaj punëtorëve të mediave.

Tensionet në veri të Kosovës janë rritur qysh më 26 maj, kur kryetarët e rinj shqiptarë të komunave në veri, me asistimin e Policisë së Kosovës, kanë hyrë në ndërtesat komunale.

Tensionet kulmuan më 29 maj, kur protestuesit serbë u përleshën me pjesëtarë e KFOR-it në Zveçan. Nga përleshjet mbetën të plagosur dhjetëra persona nga të dyja palët.

Situata u përkeqësua më 14 qershor pas arrestimit të tre zyrtarëve policorë të Kosovës. Serbia tha se ata u arrestuan “thellë” brenda territorit të saj, por Kosova tha se ata ishin duke patrulluar në territorin e Kosovës, pranë vijës kufitare me Serbinë në Leposaviq.

Shtetet e Bashkuara, Gjermania dhe Mbretëria e Bashkuar kanë kërkuar lirimin e menjëhershëm të tre zyrtarëve policorë. Departamenti amerikan i Shtetit ka thënë se “arrestimi i tyre dhe mbajtja në paraburgim nën akuza të pabaza kanë përkeqësuar situatën tashmë të tensionuar”.rel

Misioni paqeruajtës i NATO-s në Kosovë, KFOR, ka dënuar fuqishëm sulmet ndaj gazetarëve në komunat në veri të Kosovës.

Më 16 qershor, gazetarë të mediumeve të ndryshme, sipas Policisë së Kosovës, “janë sulmuar fizikisht, në mënyrë brutale”, teksa po raportonin nga komuna e Leposaviqit, një prej katër komunave në veri, të banuara me shumicë serbe.

“Liria e medias dhe liria e shprehjes janë vlera fundamentale që duhet të respektohen nga të gjithë. Ne u bëjmë thirrje të gjitha palëve të përmbahen nga dhuna e mëtejme apo nga veprimet që mund të përshkallëzojnë më shumë situatën dhe të sigurojnë që mediat të mund të bëjnë detyrën e tyre fundamentale në mënyrë të sigurt”, thuhet në reagimin e KFOR-it.

Gazetarët më 16 qershor po përcillnin vizitën e ministrit të Administrimit të Pushtetit Lokal, Elbert Krasniqi, te kryetari i komunës së Leposaviqit, Lulzim Hetemi.

Sipas autoriteteve në Kosovë, “individë apo grupe kriminale” hodhën drejt tyre edhe një mjet që dyshohet të ketë qenë shok-bombë.

Asociacioni i Gazetarëve të Kosovës (AGK) ka thënë se nga 26 maji deri më 16 qershor, në komunat në veri të Kosovës janë regjistruar 30 sulme ndaj gazetarëve, kameramanëve dhe fotoreporterëve.

Tensionet në veri të Kosovës janë rritur qysh më 26 maj, kur kryetarët e rinj shqiptarë të komunave në veri, me asistimin e Policisë së Kosovës, kanë hyrë në ndërtesat komunale.

Tensionet kulmuan më 29 maj, kur protestuesit serbë u përleshën me pjesëtarë e KFOR-it në Zveçan. Nga përleshjet mbetën të plagosur dhjetëra persona nga të dyja palët.

Në reagimin e KFOR-it më 17 maj u tha se pas incidenteve në Zveçan misioni ka shtuar prezencën përreth ndërtesave komunale në veri për të ndihmuar në parandalimin e përleshjeve të mëtejme.

Misioni i NATO-s në Kosovë, KFOR, tha se nuk është e qartë se ku kanë qenë tre policët e Kosovës, në kohën e arrestimit nga forcat serbe.

“Pas arrestimit të tre zyrtarëve të Policisë së Kosovës, më 14 qershor, misioni i KFOR-it, i udhëhequr nga NATO-ja, ka rishikuar vendndodhjen e ngjarjes dhe ka folur me përfaqësues të institucioneve në Kosovë dhe me autoritetet serbe. Bazuar në të dhënat e disponueshme, mbetet e paqartë se ku kanë qenë zyrtarët e Policisë së Kosovës në momentin e arrestimit”, thuhet në komunikatën e KFOR-it, dërguar mediave.

Autoritetet e Kosovës pretendojnë se policët janë arrestuar brenda territorit të vendit, ndërsa ato në Serbi thonë se ata kanë qenë “thellë” në territorin e tyre, kur janë arrestuar.

KFOR-i u bëri thirrje të dyja palëve që t’i respektojnë marrëveshjet dhe procedurat e bashkëpunimit me këtë mision, si dhe të përmbahen nga “retorika provokuese”.

“Ua rikujtojmë të dyja palëve përgjegjësitë sipas Marrëveshjes Ushtarako-Teknike ndërmjet Serbisë dhe KFOR-it, si dhe procedurat për koordinim ndërmjet Policisë së Kosovës – përfshirë policinë kufitare – dhe KFOR-it”.

“Po ashtu, ua rikujtojmë të gjitha palëve se vendosja e Forcave të Sigurisë së Kosovës në veri të Kosovës kërkon pëlqimin paraprak të komandantit të KFOR-it”, thuhet në komunikatën e misionit paqeruajtës.

KFOR-i kërkoi, po ashtu, nga Kosova dhe Serbia që “të shmangin çdo veprim të njëanshëm, që mund t’i përshkallëzojë tensionet në zonë”.

“KFOR-i i mirëpret të gjitha përpjekjet e komunitetit diplomatik për zgjidhjen e kësaj çështjeje dhe mbështet dialogun e lehtësuar nga BE-ja për normalizimin e marrëdhënieve ndërmjet Beogradit dhe Prishtinës”, thekson misioni i NATO-s.

Prokuroria e Lartë Publike në Kralevë – qytet në jug të Serbisë – dha të premten urdhër për kryerjen e hetimeve ndaj tre policëve të arrestuar të Kosovës dhe u shqiptoi atyre masë paraburgimi prej 30 ditësh.

Sipas autoriteteve serbe, ata dyshohet se kanë kryer veprën penale: prodhim, posedim, mbajtje dhe trafikim i paligjshëm i armëve dhe lëndëve plasëse, e cila bart dënimin deri në 12 vjet burg.

Autoritetet në Kosovë shprehën shqetësim për, siç thanë, “kushtet çnjerëzore” në të cilat mbahen policët.

Zëvendësministri i Jashtëm, Kreshnik Ahmeti, tha për Radion Evropa e Lirë se në, bazë të informatave që ka, policët “po mbahen pa ushqim dhe pa trajtim adekuat mjekësor”.

REL-i kontaktoi dy avokatë që përfaqësojnë policët kosovarë, por ata nuk pranuan të flasin.

Kryeministri i Kosovës, Albin Kurti, e cilësoi si “rrëmbim” arrestimin e tre policëve.

Sipas Policisë së Kosovës, ata u arrestuan në lokacionin Tresave/Bare, që gjendet në komunën e Leposaviqit, brenda territorit të Kosovës. Ndërsa në Beograd thanë se policët u arrestuan “në thellësi të territorit të Serbisë qendrore, në fshatin Gnjillica, në afërsi të Rashkës”.

Incidenti ndodh në kohën e tensioneve të larta në veri të Kosovës – zonë e banuar me shumicë serbe – si pasojë e hyrjes së kryetarëve shqiptarë në objektet e komunave atje, të cilat shfrytëzohen edhe nga strukturat paralele serbe.

Ata hynë me ndihmën e Policisë së Kosovës – gjë që shkaktoi protesta të komunitetit serb, të cilat vazhdojnë për më shumë se dy javë.

Tensionet kulmuan më 29 maj, kur protestuesit serbë u përleshën me ushtarë të KFOR-it. Dhjetëra të plagosur u raportuan në të dyja anët.

Bashkësia ndërkombëtare bëri përgjegjëse Kosovën për situatën në veri dhe kërkoi prej saj që ta shtensionojë atë.

Radio Evropa e Lirë

Ministri i Punëve të Brendshme i Qeverisë së Kosovës, Xhelal Sveçla, ka njoftuar se një nga udhëheqësit e grupit që ka sulmuar gazetarët e mediumit Kallxo, në Leposaviq, me datë 29 maj, sapo është arrestuar.

“Nemanja Vllaskoviq do të ballafaqohet me drejtësi për sulmet e kryera ndaj gazetarëve tanë. Të gjithë sulmuesit dhe kriminelët do të sillen para drejtësisë, kjo nuk ka alternativë”, ka shkruar Sveçla në facebook.

Ai ka përgëzuar Policinë e Kosovës për punën në hetimin dhe arrestimin e sulmuesit të dyshuar të gazetarëve.

Sulmet ndaj gazetarëve në komunat veriore të Kosovës, janë shpeshtuar javët e fundit, derisa ata po raportojnë për zhvillimet në këtë pjesë të vendit.

Më 16 qershor, gazetarët janë sulmuar sërish në Leposaviq, derisa po mbulonin vizitën e ministrit të Adminsitrimit të Pushtetit Lokal, Elbert Elbert Krasniqi, te kryetari i komunës së Leposaviqit, Lulzim Hetemi.

Asociacioni i Gazetarëve të Kosovës ka njoftuar se gjatë tensioneve të fundit në veri të Kosovës janë shënuar 28 sulme në dretim të ekipeve të mediave.

Radio Evropa e Lirë

Kryeministri i Kosovës, Albin Kurti, tha se ende nuk ka vendosur se a do të shkojë në Bruksel, në një takim të thirrur nga përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell.

Borrell, një ditë më parë ka thënë se do t’i ftojë përfaqësuesit e Kosovës dhe Serbisë javën e ardhshme në Bruksel, një takim urgjent për menaxhim të krizave.

“Në lidhje me ftesën e zotit Borrell që të takohemi në Bruksel, e kam pak të çuditshme sepse kur e pyetëm për një takim në Bruksel javën e kaluar, ai tha se së pari na duhet shtensionim i situatës. Dhe menjëherë pas rrëmbimit të tre policëve nga njësia speciale e Serbisë, Borrell kërkon takim të nivelit të lartë. Kur përshkallëzimi është i madh sa një mal, atëhërë marr ftesë për takim në Brukesl. Kurse, kur këkrkova vetë takim, thanë se më nevojitet të shtensionoj situatën”, tha Kurti.

“Ende nuk kam vendosur se a do të shkoj, mirëpo do ta informoj me kohë zotin Borrell”, shtoi kryeministri.

Komentet, Kurti i bëri gjatë paraqitjes në një panel në kuadër të Forumit të Prespës që po zhvillohet në Strugë të Maqedonisë së Veriut, më 16 qershor.

Ai gjatë gjatë kësaj paraqitjeje tha se ajo çfarë i duhet rajoint është që Serbia të deklarojë pavarësinë nga të gjitha vendet e ish-Jugosllavisë, dhe të heqë dorë nga politikat e saj, që ai i vlerëson hegjemoniste.

“Jemi në këtë moment problematik, por me marrëveshjen bazë që u dakorduam, që bazohet në njohjen de facto të njëra tjetrës, besoj që mund të normalizojmë marrëdhëniet dhe të qetësojmë situatën në terren”, tha ai.

Kryeministri përsëriti që është i gatshëm të shpallë zgjedhje të jashtëzakonshme në komunat veriore të Kosovës, kur të përgatitet terreni për të bërë një gjë të tillë, se përndyshe nuk “mund t’ia dorëzojë Republikën demokratike një policie fashiste”.

“Unë nuk mund të kompenzoj Beogradin zyrtar për humbjet e shkaktuara ndaj Serbisë si shtet për shkak të regjimit të Millosheviqit. Kjo është një çështje krejtësisht tjetër dhe ne duhet të ndajmë kërkesat politike nga krimi i organizuar dhe bandat kriminale”, tha ai.

Tensionet në veri të Kosovës janë të larta prej 26 majit, kur kryetarët e rinj shqiptarë të komunave në veri – të banuara me shumicë serbe – kanë hyrë në ndërtesat komunale. Serbët lokalë kanë kundërshtuar diçka të tillë dhe protestojnë vazhdimisht para ndërtesave komunale prej 29 majit.

Komuniteti ndërkombëtar e ka kritikuar Prishtinën zyrtare për nxitje të tensioneve.

I pyetur në Forum se si i komenton kritikat në drejtim të tij, që i kanë vlerësuar veprimet e tij si shumë të ashpra, dhe vetë Kurtin si personi që po përshkallëzon situatën, kryeministri u përgjigj duke thënë se ai “beson në bashkëpunimin trans-atlantik”.

“Ne dëshirojmë të kontribuojmë, e jo vetëm të përfitojmë; dhe dëshirojmë të mbrojmë. Unë besoj në bashkëpunimin trans-atlantik”, tha kryeministri.

Komuniteti ndërkombëtar i ka drejtuar tri kërkesa kryeministrit Kurti, lidhur me situatën në veri:

• Shtensionimin e situatës atje
• Mbajtjen e zgjedhjeve të reja
• Kthimin në dialogun për normalizimin e marrëdhënieve Kosovë-Serbi, të ndërmjetësuar nga Bashkimi Evropian.

Kurti, në anën tjetër, e ka prezantuar një plan pesëpikësh për ulje të tensioneve, që kanë të bëjnë kryesisht me luftimin e bandave kriminale në atë pjesë të vendit.

“Policia jonë është më profesionalja në rajon që i shërben shtetit më demokratik në rajon. Ata jënë të orientuar nga Perëndimi dhe janë të trajnuar nga perëndimorët. Prandaj jemi në këtë luftë të rëndësishme”, tha mes tjerash ai.

Kosova dhe Serbia janë pjesë e dialogut të ndërmjetësuar nga BE-ja, për normalizim të raporteve, prej vitit 2011.

“Për fat të keq përvoja jonë thotë se nëse pajtoheni për një dokument dhe ta zbatoni të njëjtin, janë dy gjëra tërësisht të ndryshme”, tha Kurti në këtë Forum.

Palët kanë nënshkruar një mori marrëveshjesh, por jo të gjitha janë zbatuar.

Radio Evropa e Lirë

Kryeministri i Kosovës, Albin Kurti tha se ajo çfarë i duhet rajonit është që Serbia të deklarojë pavarësinë nga të gjitha vendet e ish-Jugosllavisë, dhe të heqë dorë nga politikat e saj, që ai i vlerëson hegjemoniste.

Komentet Kurti i bëri gjatë paraqitjes në një panel në kuadër të Forumit të Prespës që po zhvillohet në Strugë të Maqedonisë së Veriut, më 16 qershor.

“Jemi në këtë moment problematik, por me marrëveshjen bazë që u dakorduam, që bazohet në njohjen de facto të njëra tjetrës, besoj që mund të normalizojmë marrëdhëniet dhe të qetësojmë situatën në terren”, tha ai.

Kryeministri përsëriti që është i gatshëm të shpallë zgjedhje të jashtëzakonshme në komunat veriore të Kosovës, kur të përgatitet terreni për të bërë një gjë të tillë, se përndyshe nuk “mund t’ia dorëzojë Republikën demokratike një policie fashiste”.

“Unë nuk mund të kompenzoj Beogradin zyrtar për humbjet e shkaktuara ndaj Serbisë si shtet për shkak të regjimit të Millosheviqit. Kjo është një çështje krejtësisht tjetër dhe ne duhet të ndajmë kërkesat politike nga krimi i organizuar dhe bandat kriminale”, tha ai.

Tensionet në veri të Kosovës janë të larta prej 26 majit, kur kryetarët e rinj shqiptarë të komunave në veri – të banuara me shumicë serbe – kanë hyrë në ndërtesat komunale. Serbët lokalë kanë kundërshtuar diçka të tillë dhe protestojnë vazhdimisht para ndërtesave komunale prej 29 majit.

Komuniteti ndërkombëtar e ka kritikuar Prishtinën zyrtare për nxitje të tensioneve.

I pyetur në Forum se si i komenton kritikat në drejtim të tij, që i kanë vlerësuar veprimet e tij si shumë të ashpra, dhe vetë Kurtin si personi që po përshkallëzon situatën, kryeministri u përgjigj duke thënë se ai “beson në bashkëpunimin trans-atlantik”.

“Ne dëshirojmë të kontribuojmë, e jo vetëm të përfitojmë; dhe dëshirojmë të mbrojmë. Unë besoj në bashkëpunimin trans-atlantik. ”, tha kryeministri.

Komuniteti ndërkombëtar i ka drejtuar tri kërkesa kryeministrit Kurti, lidhur me situatën në veri:

• Shtensionimin e situatës atje
• Mbajtjen e zgjedhjeve të reja
• Kthimin në dialogun për normalizimin e marrëdhënieve Kosovë-Serbi, të ndërmjetësuar nga Bashkimi Evropian.

Kurti, në anën tjetër, e ka prezantuar një plan pesëpikësh për ulje të tensioneve, që kanë të bëjnë kryesisht me luftimin e bandave kriminale në atë pjesë të vendit.

“Policia jonë është më profesionalja në rajon që i shërben shtetit më demokratik në rajon. Ata janë të orientuar nga Perëndimi dhe janë të trajnuar nga perëndimorët. Prandaj jemi në këtë luftë të rëndësishme”, tha mes tjerash ai.

Ndryshe, një ditë më herët, përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka thënë se do t’i ftojë përfaqësuesit e Kosovës dhe Serbisë javën e ardhshme në Bruksel, një takim urgjent për menaxhim të krizave.

Kosova dhe Serbia janë pjesë e dialogut të ndërmjetësuar nga BE-ja, për normalizim të raporteve, prej vitit 2011.

Palët kanë nënshkruar një mori marrëveshjesh, por jo të gjitha janë zbatuar.

Kryeministri i Kosovës, Albin Kurti i ka vizituar të enjten familjarët e tre zyrtarëve policorë, për të cilët autoritetet e Kosovës besojnë se janë rrëmbyer nga autoritetet serbe.

Sipas njoftimit të Zyrës së Kryeministrit, Kurti i ka vizituar familjarët e Beqir Sefës, Rifat Zekës dhe Shemë Mustafës, në Mitrovicë, në fshatin Peran të Komunës së Podujevës, dhe fshatin Letanc të Komunës së Podujevës, respektivisht.

Ai u ka thënë familjarëve të zyrtarëve policorë se Zyra Ndërlidhëse e Republikës së Kosovës në Serbi, është në kontakt me institucionet atje për të marrë për shumë informacione për ta.

Kurti i ka realizuar këto vizita, një ditë pas arrestimit të zyrtarëve policorë.

Autoritetet e Kosovës besojnë se bëhet fjalë për rrëmbim në territorin e Kosovës, ndërsa autoritetet në Serbi kanë deklaruar se ata janë arrestuar në territorin serb.

Policia e Kosovës e ka konsideruar këtë akt “rrëmbim klasik”, dhe rasti është dënuar rëndë nga ky institucion.

Kryeministri i Kosovës, Albin Kurti, i ka kërkuar edhe faktorit ndërkombëtar që të dënojë veprimet e Serbisë, dhe ka thënë se është “i habitur nga heshtja e tyre”.

Partitë parlamentare të Kosovës i kanë dënuar, siç e kanë quajtur ato, aktin e rrëmbimit të tre pjesëtarëve të Policisë së Kosovës nga forcat serbe në veri të vendit, duke e cilësuar këtë veprim si agresion kundër Kosovës.

Sipas tyre, pas këtij akti, nuk mund të thuhet se në Kosovë është gjendje e zakonshme.

Ngjarja, sipas autoriteteve të Kosovës, ka ndodhur mesditën e së mërkurës, kur dyshohet se tre policë kufitarë të Kosovës, janë rrëmbyer nga forcat serbe, gjatë një patrullimi në vendin e quajtur Tresave/Bare, në vijën kufitare në veri të Kosovës.

Vendi Tresave/Bare gjendet në komunën e Leposaviqit, brenda territorit të Kosovës.

Shefja e Grupit parlamentar të Lëvizjes Vetëvendosje, Mimoza Kusari – Lila, ka thënë se ngjarjet e fundit kanë preokupuar të gjithë deputetët.

“Në veçanti, me aktin barbar të Serbisë, e cila edhe një herë e dëshmoi brutalitetin, agresivitetin, e natyrisht edhe qëllimin dhe synimin e vazhdueshëm që ta destabilizojë sigurinë në Ballkan, duke kidnapuar tre policë kufitar të Republikës së Kosovës”, ka thënë Kusari – Lila.

Sipas saj saj, faktet e mbledhura nga vendi i ngjarjes tregojnë se policët kufitarë kanë qenë në territorin e Kosovës, kur, sipas saj, ata janë rrëmbyer nga forcat serbe.

Partitë opozitare, Partia Demokratike e Kosovës (PDK), Lidhja Demokratike e Kosovës (LDK) dhe Aleanca për Ardhmërinë e Kosovës (AAK), i kanë bërë thirrje kryeministrit të Kosovës, Albin Kurti, që të raportojë në Kuvendin e Kosovës lidhur me rastin dhe hapat e ndërmarrë nga Qeveria.

“Në këtë moment, përtej qëndrimeve dhe vlerësimeve të kujtdo , prioritet duhet të jetë kthimi i policëve tanë në Kosovë dhe pranë familjeve të tyre, duke garantuar shëndetin dhe sigurinë e tyre”, ka thënë kryetari i PDK-së, Memli Krasniqi.

“Ky është një veprim agresioni, i dënueshëm politikisht dhe ndërkombëtarisht dhe është një veprim, i cili, në asnjë rrethanë, nuk duhet të lejohet të përsëritet. Në emër të LDK-së, kërkoj nga Qeveria e Kosovës dhe nga partnerët ndërkombëtarë, që të bëjnë të pamundurën, që për një kohë sa më të shkurtër të bëhet kthimi i zyrtarëve policorë në Republikën e Kosovës dhe marrja e masave dhe veprimeve tjera të duhura”, ka thënë shefi i Grupit Parlamentar të LDK-së, Arben Gashi.

Shefi i Grupit Parlamentar të AAK-së, Besnik Tahiri, ka kërkuar që policët kosovarë të lirohen menjëherë.

“Ky Kuvend, në ballafaqim me Serbinë, nuk e njeh qasjen pushtet dhe opozitë. Ajo që ka ndodhur dje, ka qenë provokim i drejtpërdrejtë, dhe në të njëjtën kohë është një akt, i cili duhet të dënohet nga ky kuvend”, ka thënë Tahiri.

Mëngjesin e 15 qershorit, kryeministri i Kosovës, Albin Kurti, ka mbajtur takim me Këshillin e Sigurisë Kombëtare, në të cilin kanë marrë pjesë autoritetet e institucioneve të sigurisë, drejtësisë dhe financave të Kosovës.

Në një konferencë për media, kryeministri Kurti ka kërkuar lirimin e menjëhershëm të zyrtarëve policorë, për të cilët Prishtina pohon se janë rrëmbyer nga forcat policore të Serbisë, në brendi të territorit të Kosovës.

Kurti i ka bërë thirrje faktorit ndërkombëtar për të dënuar veprimet e Serbisë, duke thënë se “heshtja e tyre nuk i kontribuon shtensionimit të situatës”.

“Ajo çfarë është e çuditshme, është heshtja dhe toleranca e faktorëve ndërkombëtarë ndaj veprimeve të Serbisë, e cila vazhdimisht kërkon pretekste për përshkallëzim dhe destabilizim. E kur nuk ka, atëherë është e gatshme dhe sigurisht e aftë, që t’i krijojë ato. Rrëmbimi i tre policëve të Kosovës është dëshmia më e qartë dhe më e freskët për këto”, ka thënë Kurti.

Autoritetet e Kosovës kanë njoftuar se i kanë shtrënguar kontrollet kufitare me Serbinë dhe se “synimi është siguria”, e cila “fillon te kufijtë”.

Presidenti i Serbisë, Aleksandar Vuçiq, ka deklaruar një ditë më parë se asnjë ushtar dhe asnjë polic nga Serbia nuk ka hyrë përtej kufirit me Kosovën.

Sipas tij, Policia e Serbisë i ka arrestuar policët e Kosovës 1.8 kilometra larg kufirit.

Policia e Kosovës e ka cilësuar këtë akt si “kidnapim klasik të organizuar” brenda territorit të Kosovës. rel

Kontigjenti i ushtarëve turq në kuadër të KFOR-it ka shkuar sot në Zubin Potok.

Dërgimi i ushtarëve turq, 500 prej tyre, është organizuar me kërkesë të Komandës së forcave të bashkuara të NATO-s.

Me të arritur në Kosovë, kontingjenti turk u vendos në kazermën “Sulltan Murati në Prizren, ndërsa tani një pjesë e tij, me automjete të blinduara, është dërguar në Zubin Potok.

Gjithashtu, në gjendje gatishmërie janë vënë edhe batalionet shtesë të forcave të NATO-s, të cilat do të stacionohen në Kosovë, nëse për këtë do të jetë nevoja.syri.net

Avokati i serbit të arrestuar në Mitrovicë të Veriut, Millun Millenkoviq, Nebojsha Vllajiq, konfirmoi për Radion Evropa e Lirë se klientit të tij i është shqiptuar masa e ndalimit prej 48 orësh dhe gjatë kësaj periudhe ai duhet të dalë para një gjykatësi.

Vllajiq i tha Radios Evropa e Lirë se Millenkoviq po akuzohet për sulmin e ndodhur në dhjetorin e kaluar ndaj zyrave të Komisionit Qendror të Zgjedhjeve në Mitrovicë të Veriut dhe për sulmin e 29 majit të këtij viti në Zveçan, kur protestuesit serbë u përleshën me ushtarët e misionit paqeruajtës të NATO-s në Kosovë, KFOR.

Sipas avokatit, ndaj Millenkoviqit rëndojnë tri vepra penale: terrorizëm, ndryshimi i rendit kushtetues përmes dhunës dhe rrezikim të personit nën mbrojtje ndërkombëtare.

Millenkoviq u arrestua më 13 qershor në një floktari në Mitrovicë të Veriut nga njësitë speciale të Policisë së Kosovës. Arrestimi i tij u dënua nga zyrtarët në Beograd dhe nxiti qytetarët serbë që të mblidheshin në Mitrovicë të Veriut, por pas disa orësh, pa asnjë incident të raportuar, qytetarët e mbledhur u shpërndan.

Sipas ministrit të Punëve të Brendshme të Kosovës, Millenkoviq ishte një prej organizatorëve të sulmeve ndaj pjesëtarëve të KFOR-it në Zveçan më 29 maj.

“Policia e Kosovës sot ka arrestuar Millun Millenkoviq- Llune, një nga udhëheqësit e formacionit kriminal ‘Mbrojtja Civile’ dhe prijësin e bandave kriminale që ndër vite kanë terrorizuar qytetarët tanë, kanë sulmuar pjesëtarët e Policisë së Kosovës dhe institucionet e Republikës së Kosovës”, shkroi Sveçla në Facebook.

Rasti tjetër për të cilin dyshohet Millenkoviq ka ndodhur më 6 dhjetor 2022. Atëbotë, në zyrat e Komisionit Qendror të Zgjedhjeve në Mitrovicë të Veriut ishin hedhur dy mjete shpërthyese, por vetëm njëra prej tyre shpërtheu.

Zyrtarët zgjedhorë po organizonin mbajtjen e zgjedhjeve lokale në veri të Kosovës, pas tërheqjes së kryetarëve komunalë në katër komunat në veri – që të gjithë nga partia më e madhe në Kosovë e serbëve, Lista Serbe – si shenjë pakënaqësie me një vendim të Qeverisë së Kosovës për riregjistrimin e makinave me targa serbe në ato RKS- Republika e Kosovës.

Por, pas rritjes së tensioneve në veriun e banuar me shumicë serbe, votimet u shtyn për 23 prill të vitit 2023 .

Për shkak të sulmit ndaj zyrave të KQZ-së, ish-pjesëtari i Policisë së Kosovës, Dejan Pantiq, u arrestua më 9 dhjetor në pikën kufitare të Jarinjës – që lidh Kosovën dhe Serbinë – arrestimi i të cilit rriti tensionet në veri të Kosovës, me serbët lokalë që ngritën barrikada.

Barrikadat u hoqën më 29 dhjetor, pas ndryshimit të masës së sigurisë së Pantiqit nga paraburgim në arrest shtëpiak.

Arrestimi i Millenkoviqit vjen në kohën kur në veri të Kosovës tensionet janë të rritura. Më 26 prill, serbët lokalë kundërshtuan hyrjen në ndërtesat komunale të kryetarëve të rinj shqiptarë, të cilët hynë në ndërtesa me asistimin e Policisë së Kosovës.

Tensionet kulmuan më 29 maj, kur në Zveçan grupe të maskuara të serbëve lënduan 30 ushtarë të KFOR-it, tre prej tyre me armë zjarri.

Qeveria e Kosovës ka reaguar për SYRI TV pas anulimit të mbledhjes së qeverive shqiptare. Në reagimin e saj thuhet se është hera e parë që një mbledhje e përbashkët anulohet njëanshëm.

Zëdhënësi Përparim Kryeziu gjatë një komunikimi me gazetaren Ambrozia Meta, ka fajësuar kryeministrin e Shqipërisë, Edi Rama, për anulimin e mbledhjes ndërqeveritare duke thënë se takimet bilaterale që i ka kërkuar Rama do të mund t’i zhvillonin secilën ditë tjetër.

‘Mbledhjet e përbashkëta janë ndërmarrje të madhe organizative, të cilave u paraprinë një punë e madhe e ministrive për të përgatitur atë ditë.

Nesër do të duhej të nënshkrueshin 13 marrëveshje të reja. Ato kishin synim t’i afronin ekonomitë tona, sistemet tona të drejtësisë, arsimit, kulturës, etj. Janë qytetarët ata që do humbasin më së shumti.

Për fat të keq, anulimi i mbledhjes nga ana e kryeministrit Rama anuloi mundësinë për t’i nënshkruar ato. Takimet bilaterale do të mund të mbaheshin çdo ditë tjetër. Jemi fare afër njëri-tjetrit si vende. Nuk do të ishte hera parë që do të takoheshim brenda ditës.

Por është hera parë që një mbledhje e përbashkët anulohet në mënyrë të njëashme’, thuhet në reagimin e Qeverisë.

Këshilli i Bashkimit Evropian ka emëruar sot shefin e ri të misionit të BE-së për Sundimin e Ligjit në Kosovë, EULEX.

Giovanni Pietro Barbano do të zëvendësojë Lars-Gunnar Wigemarkun si Shef i Misionit. Barbano është Gjeneral Major në Karabinierët Italianë dhe Drejtor aktual i Qendrës së Ekselencës për Njësitë e Policisë së Stabilitetit në Vicenza, Itali.

Mandati i tij si Shef i EULEX-it në Kosovë do të zgjasë nga 26 qershori 2023 deri më 14 qershor 2025.

Vendimi për të emëruar Barbanon u mor nga vendet anëtare të BE-së në Komitetin Politik dhe Siguri (KPS).

Për më tepër, Këshilli së fundi e zgjati mandatin e misionit deri më 14 qershor 2025 dhe në përputhje me rishikimin e fundit strategjik të EULEX-it në Kosovë, vendosi që, përveç vazhdimit të zbatimit të detyrave të tij, misioni do të ndihmojë autoritetet e zbatimit të ligjit të Kosovës duke zhvilluar kapacitetet e tyre për të shkëmbyer informacione me homologët rajonalë dhe ndërkombëtarë në fushën e asistencës ligjore dhe bashkëpunimit në çështjet penale. syri.net

Ministri i Punëve të Brendshme, Xhelal Sveçla ka konfirmuar se personi i arrestuar është Milun Milenkovic- Llune, siç ka shkruar ai një nga udhëheqësit e “Mbrojtjes Civile”.

Sveçla ka thënë se personi i arrestuar është prijës i bandave kriminale që ndër vite kanë terrorizuar qytetarët tanë, kanë sulmuar pjesëtarët e Policisë së Kosovës dhe institucionet e Republikës së Kosovës.

Sipas tij i njejti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan.

Tutje Sveçla ka thënë se gjatë arrestimit të tij, janë sulmuar zyrtarët e Policisë së Kosovës me ç’rast tre nga ta janë të lënduar lehtë.

“Siç edhe e kam theksuar në vazhdimësi, koha e bandave kriminale në veriun e vendit tonë ka përfunduar. Të gjithë individët apo grupet kriminale që kanë cënuar sigurinë dhe rendin kushtetues të Republikës së Kosovës, do të përballen me drejtësinë”, ka thënë ai.

“Llune” është një trajner kik-boksi në Mitrovicën e Veriut.

Sirenat e alarmit janë dëgjuar në Mitrovicë të Veriut pasditen e së martës, teksa bëhet e ditur që qytetarët serbë kanë filluar të grumbullohen në qytet.syri.net

Radio Evropa e Lirë

Ekipi i televizionit lokal në Kosovë, ATV, është sulmuar gjatë raportimit nga Zveçani, komunë në veri të Kosovës e banuar me shumicë serbe, bëri të ditur Asociacioni i Gazetarëve të Kosovës.

Sipas AGK-së, disa persona të maskuar nga sulmuar me gurë veturën me të cilën po udhëtonin tre pjesëtarë të ekipit të ATV-së, “e që si pasojë lëndime të lehta trupore kanë marrë gazetari Fatlum Jashari dhe kameramani Blend Thaçi, si dhe u janë thyer xhamat veturës”.

“Asociacioni i Gazetarëve të Kosovës vazhdon të jetë i shqetësuar për ekipet e medieve që po raportojnë nga veriu i vendit, andaj i bëjmë thirrje Policisë së Kosovës dhe prezencës ndërkombëtare atje të krijojnë kushte më të mira për ta”, thuhet në reagimin e AGK-së.

Në veri të Kosovës tensionet janë rritur që nga 26 maji, kur kryetarët shqiptarë të komunave Zveçan, Zubin Potok dhe Leposaviq, hynë në objektet komunale për të marrë detyrën, përkundër rezistencës së banorëve lokalë.

Që nga 29 maji, në këto tri komuna, serbët lokalë kanë protestuar vazhdimisht.

Që kur janë rritur tensionet, AGK ka raportuar për dhjetëra raste të sulmeve ndaj gazetarëve, të cilët kanë përcjellë ngjarjet nga veriu i Kosovës.

Radio Evropa e Lirë

Tre pjesëtarë Policisë së Kosovës janë të lënduar gjatë një aksioni në veri të Kosovës, ka bërë të ditur ministri i Brendshëm, Xhelal Sveçla, teksa ka njoftuar se në këtë aksion është arrestuar një nga organizatorët e sulmeve ndaj pjesëtarëve të KFOR-it.

Sirenat e alarmit janë dëgjuar në Mitrovicë të Veriut pasditen e së martës, teksa bëhet e ditur që qytetarët serbë kanë filluar të grumbullohen në qytet.

Sipas disa qytetarëve me të cilët ka kontaktuar Radio Evropa e Lirë, është thënë se në veri të vendit është zhvilluar një operacion arrestimi nga ana e Policise së Kosovës.

Gazetarët e REL-it thanë që është dëgjuar edhe një shpërthim. Policia e Kosovës ende nuk është deklaruar mbi këto zhvillime.

Sirenat e alarmit publik në Mitrovicë të Veriut rëndom lëshohen kur nga popullata lokale kërkohet të organizohet për ndonjë ngjarje.

Sa herë që bien sirenat në veri të Kosovës, e që ka ndodhur në disa raste vitet e kaluara, grupe njerëzish të organizuar dalin në rrugë, mbyllin dyqanet, barnatoret, lokalet afariste e të tjera dhe organizojnë barrikada.

Dy javët e fundit raportet në mes të Kosovës dhe Serbisë janë tensionuar sërish pasi në katër komunat veriore janë duke u zhvilluar protesta nga grupe të serbëve lokalë të cilët po kundërshtojnë futjen në objektet komunale të kryetarëve të ri të Mitrovicës së Veriut, Zveçanit, Zubin Potokut dhe Leposaviqit.

Tensionet kulumuan më 29 maj, kur në Zveçan grupe të maskuara të serbëve lënduan 30 ushtarë të KFOR-it, tre prej tyre me armë zjarri.

Ky lajm do të përditësohet

“Zveçani (rruga rreth ndërtesës së komunës) është bërë një lloj shëtitoreje, ka pleq e të rinj, vend ku mund të bisedojnë”.

Kështu e përshkruan udhëheqësi i Iniciativës Qytetare “Mbijetesa serbe”, Aleksandar Arsenijeviq, atmosferën e protestave në këtë komunë me shumicë serbe në veri të Kosovës.

Protestat e serbëve lokalë janë tashmë në javën e tretë, ndërsa Arsenijeviq merr pjesë pothuajse çdo ditë në to.

Ai thotë se qytetarët nuk i informon askush për asgjë, se ata informohen përmes mediave dhe se nuk ka rrugëdalje nga kriza që po zhvillohet.

Ngjashëm thotë për Radion Evropa e Lirë edhe Millija Bishevac, kryetar i Iniciativës Qytetare “Për Zubin Potokun”, i cili po ashtu del në protesta në komunën e tij.

“Ne ende nuk shohim asnjë tregues se ka zgjidhje. Presim që Beogradi dhe Prishtina zyrtare të ulen në tryezë dhe të gjejnë zgjidhje”, thotë Bishevac.

Grupe serbësh në Zveçan, Zubin Potok dhe Leposaviq – komuna në veri të Kosovës – protestojnë që nga 29 maji kundër kryetarëve shqiptarë, përkatësisht kundër hyrjes së tyre në objektet komunale.

Në tria këto komuna vetëqeverisja lokale, që funksionon sipas sistemit të Kosovës, është e vendosur në të njëjtat objekte ku punojnë edhe autoritetet e përkohshme komunale sipas sistemit të Serbisë. Vetëm në Mitrovicën e Veriut – po ashtu në veri – komuna e Kosovës është e ndarë fizikisht nga ajo serbe dhe atje qytetarët nuk protestojnë.

Banorët e këtyre tri komunave nuk duan të flasin publikisht për qëndrimet apo kërkesat e tyre, për shkak të, siç shprehen, frikës se mund të arrestohen për “shkelje të rendit kushtetues të Kosovës”.

Më 2 qershor, kryeministri i Kosovës, Albin Kurti, ka lexuar në foltoren e Kuvendit emrat e personave që dyshohet se kanë qenë të përfshirë në përleshjet mes protestuesve serbë dhe ushtarëve të misionit të NATO-së, KFOR, në Zveçan, më 29 maj.

Kur do të ndërmerren hapat e parë drejt shtensionimit të situatës?

Radio Evropa e Lirë iu drejtua Qeverisë së Kosovës me pyetje për hapat e mëtutjeshëm drejt shtensionimit të situatës në komunat në veri të Kosovës, por deri në publikimin e këtij artikulli nuk mori përgjigje.

Me të njëjtat pyetje REL-i iu drejtua edhe Listës Serbe, partisë më të madhe të serbëve të Kosovës, si dhe Zyrës për Kosovën në Qeverinë e Serbisë, por nuk mori përgjigje.

Ngjashëm nuk u përgjigjën as nga Bashkimi Evropian, i cili ndërmjetëson dialogun ndërmjet Kosovës dhe Serbisë për normalizimin e marrëdhënieve.

Arsenijeviq thotë se është Prishtina ajo që duhet ta bëjë hapin e parë drejt uljes së tensioneve, përkatësisht tërheqjes së forcave speciale nga veriu i Kosovës.

“Pas kësaj duhet të formohet Asociacioni i komunave [me shumicë] serbe, të cilin serbët e dëshirojnë dhe për të cilin besojnë se mund t’i mbrojë të drejtat e tyre kolektive. Me formimin e Asociacionit, njerëzit do të kthehen në institucionet [kosovare] dhe zgjedhjet [do të vijnë] si qershia mbi tortë”, thotë Arsenijeviq.

Pjesëtarët e komunitetit serb, përmes Asociacionit të komunave me shumicë serbe, kërkojnë më shumë autonomi dhe formimi i tij është një prej kërkesave të tyre për t’u kthyer në institucionet e Kosovës, të cilat i kanë lënë në nëntor të vitit të kaluar.

Bishevac vlerëson se situata në veri të Kosovës është “alarmante” dhe se tërheqja e njësisë speciale të Policisë së Kosovës tani është e nevojshme që kriza të mos thellohet.

“[Zgjidhja e krizës] duhet të kthehet në arenën politike, gjegjësisht të diskutohet mes politikanëve të pushtetit në Prishtinë dhe përfaqësuesve të serbëve që jetojnë këtu, që të gjendet një zgjidhje. Sepse, kjo krizë mund të zgjasë shumë dhe kemi një sistem që nuk funksionon”, thotë Bishevac.

Ai shton se një pjesë të përgjegjësisë për krizën e fundit në veri e bart bashkësia ndërkombëtare, sepse “nuk e kuptoi seriozitetin e situatës kur serbët u larguan nga institucionet e Kosovës”.

Riregjistrimi i automjeteve me targa serbe në targa të Kosovës, në mes të vitit 2022, u bë shkas i nisjes së tensioneve në veri të Kosovës. Disa muaj më vonë, serbët atje, përfshirë kryetarët e komunave, u larguan nga institucionet e Kosovës.

Për këtë arsye, në veri u organizuan zgjedhje të jashtëzakonshme lokale, të cilat popullata serbe i bojkotoi. Ajo tani nuk i pranon rezultatet, përkatësisht kryetarët shqiptarë.

A nxiten krizat në veri të Kosovës?

Politologu Ognjen Gogiq nga Mitrovica e Veriut vlerëson se Prishtina dhe Beogradi me vetëdije nxisin kriza në veri të Kosovës, për hir të qëllimeve politike. Sipas tij, Kosova dëshiron ta sigurojë njohjen nga Serbia, ndërsa kjo e fundit dëshiron që “dialogu të zgjasë pafundësisht”.

“Prishtina, me krizat që ka krijuar, ka bërë që ndërmjetësuesit ndërkombëtarë të iniciojnë marrëveshje nga Brukseli dhe Ohri, rrugë drejt normalizimit. Por Beogradi, pastaj, ka bërë që ato [marrëveshje] të jenë të pakuptimta, përkatësisht ka pamundësuar zbatimin e tyre”, thotë Gogiq.

Në fund të marsit, Kosova dhe Serbia pranuan një marrëveshje drejt normalizimit të marrëdhënieve në bazë të një propozimi të BE-së, ndërsa aneksi për zbatimin e saj u dakordua në mes të prillit. Kjo marrëveshje dhe ky aneks erdhën pas krizës në veri të Kosovës që shkaktoi riregjistrimi i makinave me targa serbe.

Gogiq thotë se Kosova dhe Serbia aktualisht janë duke zhvilluar “beteja llogoresh”. Sipas tij, protestat në veri mund të zgjasin për kohë të gjatë, duke pasur parasysh se “serbët janë të organizuar mirë”.

Për punonjësit në institucionet serbe, dalja në protesta është një lloj obligimi pune. Për shembull, punëtorët e autoritetit të përkohshëm komunal të Zveçanit, çdo ditë, nënshkruhen në librin para ndërtesës se kanë “ardhur” në punë. Ditëve të fundit, në protesta morën pjesë edhe punëtorët e shëndetësisë dhe arsimit, që funksionojnë sipas sistemit serb.

“Kështu që ata, realisht, mund të qëndrojnë gjatë në atë gjendje – para së gjithash në protestat në Zveçan, por edhe në komunat tjera”, thotë Gogiq dhe shton se KFOR-i dhe Policia e Kosovës kanë forcuar, po ashtu, pozicionet e tyre në dhe rreth objekteve komunale.

Mesazhet nga komuniteti ndërkombëtar

Vendet perëndimore e kanë dënuar ashpër vendimin e autoriteteve të Kosovës për t’i dërguar me forcë kryetarët shqiptarë në objektet komunale.

Në Kosovë, javën e kaluar, ishin i dërguari evropian dhe ai amerikan, Mirosllav Lajçak dhe Gabriel Escobar, të cilët bënë thirrje për qetësim të menjëhershëm të tensioneve.

Ata kërkuan nga Qeveria e Kosovës shpalljen e zgjedhjeve të reja në komunat në veri, tërheqjen e forcave speciale nga ndërtesat komunale dhe kthimin në dialogun me Serbinë. Nga Beogradi zyrtar u kërkua që të sigurojë pjesëmarrjen e serbëve në zgjedhjet e reja të mundshme.

I dërguari special i Bashkimit Evropian për dialogun ndërmjet Kosovës dhe Serbisë, Mirosllav Lajçak, tha më 12 qershor se ai dhe kolegu i tij amerikan, Gabriel Escobar, shpresojnë në rezultate, por se “tensionet janë ende të larta”.

“Ne vazhdojmë përpjekjet tona për të mundësuar dhe mbështetur një zgjidhje të qëndrueshme politike”, shkroi Lajçak në llogarinë e tij në Facebook.

Takimi i Listës Serbe me Vuçiqin

Kryeministri i Kosovës, Albin Kurti, shprehu gatishmërinë për të miratuar propozimet e ndërmjetësuesve perëndimorë, por me kushte të caktuara – gjë që nxiti kritika të mëdha nga bashkësia ndërkombëtare.

Kurti tha se është i gatshëm të punojë për shtensionim të situatës, por vetëm kur “grupet kriminale” të largohen nga veriu, gjegjësisht të arrestohen apo “të kthehen në Serbi”.

Autoritetet e Kosovës fajësojnë Beogradin zyrtar për shumicën e trazirave në veri të Kosovës.

Nga ana tjetër, presidenti serb, Aleksandar Vuçiq, takoi përfaqësuesit e Listës Serbe më 12 qershor, ashtu siç edhe paralajmëroi pas takimit me Lajçakun dhe Escobarin.

Goran Rakiq, kryetar i kësaj partie, e cila u formua në vitin 2013 me ndihmën e Beogradit, tha se nga Vuçiqi është kërkuar mbështetje në luftën kundër “persekutimit” të serbëve nga autoritetet e Kosovës.

“Kur them persekutim, kam parasysh persekutimin e njerëzve që morën pjesë në barrikada vitin e kaluar dhe që morën pjesë në protesta këtë vit”, tha Rakiq.

Arsenijeviq dhe Bishevac: Qytetarët kanë frikë nga arrestimi

Arsenijeviq dhe Bishevac thonë se serbët në veri kanë frikë se mund të jenë në ndonjë listë për arrestim, sepse marrin pjesë në protesta kundër vendimeve të Qeverisë së Kosovës.

Ata shtojnë se vetë kryeministri i Kosovës “etiketon” individë, duke përmendur publikisht emrat e personave që dyshohet se janë pjesë e grupeve kriminale.

Institucionet kompetente të drejtësisë nuk u deklaruan deri më tash në lidhje me këtë çështje.

“Ata mendojnë se, në këtë mënyrë, çdokush mund të jetë në një listë dhe kushdo mund të jetë në shënjestër. Pra, familjet mendojnë se është një sulm personal ndaj tyre”, thotë Arsenijeviq.

“Qeveria në Prishtinë duhet të jetë e vetëdijshme se duhet të flasë me njerëzit, si me përfaqësuesit politikë, ashtu edhe me qytetarët e thjeshtë, sepse jo të gjithë janë kriminelë. Këta njerëz që qëndrojnë para komunës, nuk përfaqësojnë kriminelët”, thotë Bishevac.

Politologu Gogiq e sheh emërtimin publik të kriminelëve të dyshuar nga veriu si një mënyrë të autoriteteve të Kosovës për t’i ngritur qëllimisht tensionet.

“Me ato lista dhe arrestime individuale, ata duan t’i mbajnë serbët në atë gjendje të pasigurisë dhe nervozizmit… është një mjet taktik,” beson ai.

Zëdhënësi i KFOR-it, kolonel Andrea Gallieni, tha javën e kaluar se pas protestave të dhunshme në Zveçan, më 29 maj, qëndrojnë disa grupe kriminale.

Ai shtoi se i takon Policisë së Kosovës që t’i identifikojë ata individë.

Sipas tij, përgjegjësinë për tensionet në veri të Kosovës duhet ta mbajnë të dyja palët.

Gjatë incidenteve në Zveçan, pesë persona u arrestuan, por Gjykata Themelore në Prishtinë caktoi paraburgim prej një muaji vetëm për dy prej tyre.

Përgatiti: Valona Tela

Mëngjesin e së hënës, politikani serb nga Kosova, Boban Bogdanoviç, njoftoi se është ndaluar nga Agjensia Shtetërore e Sigurisë së Serbisë (BIA)  dhe është marrë gjerësisht në pyetje, ndërsa aktivitetet e tij iu paraqitën si shkelje e Kushtetutës së Serbisë.

“Po e shkel Kushtetutën e Serbisë, më thanë – u thash, se nuk po e shkel Kushtetutën e Kosovës”, u shpreh politikani serb nga Kosova, Boban Bogdanoviq, i cili e pranon shtetin kosovar si shtet të tij.

Në rrjetin e tij në Tëitter, Bogdanoviç, u shpreh se sa i përket asaj se çfarë ka thënë për BIA-n gjatë marrjes në pyetje, ishte mbështetja e tij për Kosovën dhe rrugën Euro-Atlantike të saj, bashkërisht me idetë e tij për ripajtim mes serbëve dhe shqiptarëve në Kosovë.

“Besoj se do të arrestohem në Serbi po qe se vazhdoj me politikën e paqes mes Kosovës dhe Serbisë dhe nëse advokoj për integrimet e tyre Euro-Atlantike dhe anëtarësim në NATO….Mu prezantuan se aktivitetet e mia shkelin Kushtetutën e Serbisë. Unë ju përgjigja se nuk po e shkel Kushtetutën e Kosovës”, ka shkruar ai në Tëitter, ndonëse shprehet se sa i përket zyrtarëve që e morrën në pyetje “ata ishin korrektë”.

Nuk është bërë as një muaj që dy serbë nga Leposaviqi u arrestuan (dhe u liruan) nga Serbia në pikën kufitare të Jarinjes me Kosovën nën akuza se po punonin “kundër rendit kushtetues të Serbisë” duke “promovuar pavarësinë e Kosovës….duke bërë thirrje për ndryshim të dhunshëm të rendit kushtetues të Serbisë”. Megjithatë që të dy ishin liruar “në mungesë provash” ndonëse u ishte shtyrë paraburgimi edhe me nga 30 ditë.

Avokati i njërit nga të arrestuarve, Ivan Niniç, pati thënë për Radion Evropa e Lirë (shërbimi në gjuhën serbe) se klienti i tij Dragan Nikoliç, u lirua për shkak të mungesesës së provave.

“Pesë dëshmitarët e parë erdhën, refuzuan të dëshmojnë duke thënë se kishin frikë për sigurinë e tyre. Më pas u thirrën edhe katër dëshmitarë të tjerë. Një dëshmitar erdhi dhe tre jo. Prokurori konstatoi se nuk ka asnjë mënyrë për të siguruar praninë e tyre, duke qenë se ata janë në territorin e Kosovës dhe Serbia nuk ka mekanizma që t’i detyrojë të vijnë”, tha Niniq, duke theksuar se këta ishin dëshmitarë të identifikuar nga Policia serbe.

Përveç Nikoliçit, ishin arrestuar edhe tre serbë nga veriu i Kosovës. Të gjithë ata akuzoheshin se ishin pjesë e “një grupi të organizuar kriminal, qëllimi i të cilit ishte ndryshimi i dhunshëm i pushtetit, gjegjësisht përmbysja e rendit kushtetues të Republikës së Serbisë në veri të Kosovës”. Ata dyshohej se kishin shpërndarë “material propagandistik për të promovuar pavarësinë e Kosovës”.

Njëri prej serbëve, sipas REL, ishte ende i ndaluar për arsye “të kompletimit të provave”, ndërsa avokati në fjalë thoshte se “ky është një proces politikisht i vënë”.

Niniç paraprakisht pati thënë se të gjithë dëshmitarët kanë të përbashkët se “ata i marrin rrogat nga buxhetet komunale në veri të Kosovës”, pra janë nën “kontrollin e Listës Serbe”, partisë më të madhe të serbëve të Kosovës, e cila ka mbështetjen e Beogradit.

Autoritetet serbe nuk i kanë reklamuar fare këto raste të arrestimit, por avokatët e tyre e kanë informuar opinionin publik./ nacionale/

Radio Evropa e Lirë

Ministri i Kulturës, Rinisë dhe Sportit i Kosovës, Hajrullah Çeku, ka akuzuar shtetin e Serbisë që sipas tij ka shfaqur ‘mosdurim nacional’, kur më 9 qershor, institucionet serbe ndaluan shfaqjen e dy filmave shqiptarë, të financuar nga Qeveria e Kosovës.

Ministri Çeku tha se veprimi i autoriteteve serbe për të ndaluar shfaqjen është i “paprecedent dhe i papranueshëm”.

“Një ditë para shfaqjes së filmave, policia e Serbisë i merr në bisedë informative drejtorin e Shtëpisë së Kulturës në Bujanoc, producentin dhe aktorët e filmave. Pa asnjë motiv konkret, e madje duke e paragjykuar përmbajtjen e filmave, autoritetet serbe ndalojnë shfaqjen e filmave deri në një vendim të radhës”, ka shkruar ministri Çeku duke shtuar se “ky akt më e pakta që mund të emërohet, është mosdurim nacional”.

Çeku me tej ka thënë se është gabim të mendohet se Serbia ka ndryshuar pasi siç ka shkruar ai, ndalimi i shfaqjes së filmave është bërë vetëm pse aktorët janë shqiptarë dhe filmi është mbështetur financiarisht nga Qeveria e Kosovës.

Më datë 9 qershor, Policia e Serbisë në Bujanoc, ka shoqëruar në stacion policor drejtorin e Shtëpisë së Kulturës, Jetmir Ismaili, si dhe ka intervistuar aktorin Gani Veseli.

Me vendim të autoriteteve serbe filmat nuk do të mund të shfaqën deri në përfundim të hetimeve.

Në Luginë të Preshevës ka pasur reagime të shumta pas ndalimit të shfaqjes së këtyre dy filmave.

Lumir Abdixhiku, kryetar i Lidhjes Demokratike të Kosovës (LDK), ka thënë se propozimi, që nuk e ka autorësinë e institucioneve të Kosovës, nuk ka vlerë.

Në këtë mënyrë, Abdixhiku e shprehu qëndrimin e tij si kryetar i LDK-së për propozimin e kryeministrit të Shqipërisë, Edi Rama, i cili dorëzoi një draft për Asociacionin.

”Ne nuk e dimë motivin e Shqipërisë zyrtare pse ka dalë me një qëndrim të tillë”, tha fillimisht Abdixhiku në Pressing të T7.

Më pas, ai tha se nëse nuk ka autorësi të Kosovës, propozimi mund të bëhet pjesë i diskutimit, por jo edhe i implementimit.

”Atë që duhet ta them është që as një propozim që nuk ka autorësi të institucioneve të Kosovës, nuk ka vlerë për Kosovën”, tha Abdixhiku. /Gazeta Express

Rrugëtimi i Majlinda Kelmendit është një shembull që Albin Kurti mundohet ta ndjekë në pozitën e kryeministrit të Kosovës.

E ka thënë vetë i pari i qeverisë, teksa ka marrë pjesë në demonstrimin e xhudos nga Kampionia Olimpike e Xhudos, Majlinda Kelmendi, në sallën sportive “Minatori”, në Mitrovicë. Në këtë aktivitet i cili zhvillohet në kuadër të programit “Kosova, shteti i xhudos” dhe ka për qëllim promovimin e vlerave dhe sportit të xhudos, Kurti ka shprehur kënaqësinë dhe nderin që në atë mes ishte e pranishme kampionia e parë e Kosovës, Majlinda Kelmendi, njofton RTK.

“Rrugëtimi i Majlindës është shembulli të cilin të gjithë ju duhet të synoni ta ndiqni në cilindo angazhim tuajin në jetë. T’ju them të drejtën, po mundohem ta ndjekë edhe unë personalisht në detyrën që kam”, ka thënë Kurti. “Majlinda, me rrugëtimin e saj të karrierës sportive u bë simbol i shpresës dhe i përkushtimit në Republikën e Kosovës e anembanë botës. Sot, me kokën lartë dhe me shumë thjeshtësi, Majlinda vazhdon të mbetet sinonim i inspirimit dhe i suksesit për secilin prej nesh. Qëndrueshmëria ndaj vështirësive, përkushtimi për triumf, dhe modestia ndaj suksesit – janë tri virtyte të Majlindës të cilat e bëjnë atë: Kampione në tatami, kampione në jetë dhe kampione përjetë”.

Gjatë fjalës së tij, Kurti ka vlerësuar lart edhe kontributin e trajnerit të xhudos Driton Kuka, i cili që nga viti 2009 i ka sjell Kosovës mbi 200 medalje nga arenat ndërkombëtare sportive, 87 të arta, përfshirë edhe 3 medaljet e arta olimpike.

“Një ndër trajnerët më të mirë të botës, kryemjeshtri Driton Kuka, që nga viti 2009 i ka sjellur Kosovës mbi 200 medalje nga arenat ndërkombëtare sportive, prej tyre 87 të arta, përfshirë këtu edhe 3 medaljet e arta olimpike. Për këtë, sporti i xhudos në përgjithësi, ndërkaq në veçanti Toni, Majlinda, Distria e Nora, janë pjesë e pandashme e historisë tonë kolektive për shtetndërtim dhe zhvillim dhe suksese. Këto rezultate të përvitshme të xhudos, kanë shërbyer si inspirim për neve që së bashku me Federatën e Xhudos ta iniciojmë dhe ta zhvillojmë programin “Kosova, shtet i xhudos””, ka thënë ai.

Nën praninë e nxënësve të shkollave të ndryshme mitrovicase, Kurti ka njoftuar këta ta fundit se me vitin e ri shkollor, do të fillojë integrimi i xhudos në orët mësimore, me ç’rast nxënësit do të fillojnë të ushtrojnë sportin e xhudos nëpër shkollat e tyre.

“Që nga fillimi i këtij viti, ky program po troket në derën e secilës shkollë në Kosovë. Kështu si ju sot, çdo ditë tjetër edhe bashkëmoshatarët tuaj kudo në Kosovë po njoftohen me sportin dhe teknikat e xhudos përmes demonstrimeve që i bëjnë kampionët tanë. Me vitin e ri shkollor, do të fillojë integrimi i xhudos në orët tuaja mësimore. Rrjedhimisht ju do të filloni të ushtroni sportin e xhudos nëpër shkollat tuaja. Jam shumë i lumtur që përfundimin e këtij viti shkollor po e bëni duke parë xhudo, ndërsa vitin e ardhshëm do ta filloni duke ushtruar xhudo. Edhe jam shumë i bindur që në secilën shkollë do të identifikohen shumë talente të cilëve do të ju ofrohet mundësia të ndjekin rrugën e Majlindës drejt sukseseve kulminante”, është shprehur ai. “Tani është koha që xhudo atë që e ka bërë për Kosovën ndër vite, ta bëjmë ne për ta”.

Pas më shumë se dy orë diskutimesh me kryeministrin e Kosovës Albin Kurti, i dërguari evropian për bisedimet Kosovë – Serbi, Miroslav Lajçak dhe i dërguari amerikan Gabriel Escobar shfaqën shpresën për uljen e tensioneve në veri të Kosovës.

Zoti Lajçak tha se në takim u paraqitën propozimet me tri elemente: “i pari shtensionimi i situatës në terren, i dyti, zgjedhjet e reja sa më parë në veri dhe kthimin në dialogun për normalizimin e marrëdhënieve”.

Zoti Lajçak i cilësoi të gjata, të hapura dhe të vështira diskutimet me kryeministrin Albin Kurti për këto propozime.

I dërguari amerikan tha se nuk ka parë kurrë me parë kaq shumë unitet brenda komunitetit transatlatnik.

“Shtetet e Bashkuara, Bashkimi Evropian, NATO-ja dhe çdo mik i Kosovës i ka bërë të njëjtat kërkesa. Shpresoj se do të dëgjohemi”, tha zoti Escobar.

Një gjë dua të them, “erdha këtu si përkrahës i madh i Kosovës. Duam më të mirën për Kosovën. Duam që Kosova të përmbushë të gjitha aspiratat. Jemi përkrahësit më të mëdhenj të sigurisë suaj, pavarësisë, sovranitetit dhe tërësisë suaj tokësore. Krejt çfarë po kërkoj është të dëgjohemi”, theksoi zoti Escobar.

Tensionet në veri të Kosovës pasuan zgjedhjet e 23 prillit, të cilat u bojkotuan nga partitë serbe. Kryetarë komunash u zgjodhën kandidatët e partive shqiptare dhe dërgimi i tyre në zyrat komunale nën përcjelljen e njësive të posaçme të policisë, nxiti reagime dhe grupe serbësh u hodhën në protesta të cilat u përshkuan me dhunë të hënën e kaluar duke shkaktuar plagosjen e 30 pjesëtarëve të KFOR-it dhe duke nxitur shqetësime për ripërtëritje të konfliktit në rajon.

Grupe qytetarësh serbë që nga 26 maji u mblodhën çdo ditë para ndërtesave të komunave për të kundërshtuar hyrjen në zyra të kryetarëve shqiptarë.

Shtetet e Bashkuara dhe Bashkimi Evropian i kërkojnë Kosovës zhvendosjen e përkohshme e kryetarëve të rinj në zyra të tjera alternative dhe siç tha zoti Lajçak të hënën në mbrëmje, në veri duhet të jenë kryetarë që kanë legjitimitet.

Nga Serbia ndërkaq kërkohet tërheqja e forcave të armatosura serbe të stacionuara afër kufirit me Kosovën dhe ulja e gjendjes së gatishmërisë, ruajtja e qetësisë së protestuesve në veri dhe sigurimi i pjesëmarrjes së serbëve të Kosovës në zgjedhje të reja.

Kryeministri i Kosovës, Albin Kurti, sipas një komunikate të zyrës së tij, citohet të ketë thënë se “rruga përpara është ndalimi i menjëhershëm i sulmeve nga ekstremistë të dhunshëm dhe grupe kriminale ndaj organeve të sigurisë vendore dhe ndërkombëtare si dhe gazetarëve”. Ai ftoi Brukselin dhe Uashingtonin që të bëjnë thirrje për ndalim të dhunës dhe ndjekje penale e ndëshkim të kryerësve të saj, thuhet në komunikatë në të cilën theksohet se “vetëm sundimi i ligjit mund t’i hap rrugë zgjedhjeve të parakohshme, të lira, demokratike e të ndershme. E tillë duhet të jetë edhe fushata parazgjedhore”.

Komunikata citon kryeministri Kurti të ketë thënë po ashtu se “rendi dhe ligjshmëria sigurisht që do të zvogëlonin proporcionalisht edhe numrin e policëve në ndërtesat komunale në tri komunat veriore”.

Bashkimi Evropian të shtunën paralajmëroi se dështimi për të bërë hapa në shtensionim të situatës do të ketë pasoja negative për të dyja palët. Të hënën BE-ja tha se pas raportimit të zotit Lajçak lidhur me takimet në Kosovë dhe Serbi, shefi i politikës së Jashtme të BE-së Josep Borrell, do t’i njoftojë vendet anëtare, për të vendosur për hapat e mëtejmë.

Nën trysninë perëndimore udhëheqësit e Kosovës dhe Serbisë janë pajtuar që zgjedhjet e reja duhet të mbahen në komunat veriore të banuara me shumicë serbë, por kanë akuzuar njëri tjetrin për situatën në terren.

Të hënën Lista Serbe, subjekti kryesor politik i serbëve të Kosovës tha se do të marrin pjesë në zgjedhjet e reja por pasi të jenë larguar njësitë e posaçme të policisë nga zona dhe të jetë themeluar Asociacioni i komunave me shumicë serbe.

Tensionet në veri nxitën debate të brendshme në Kosovë. Opozita kritikon ashpër qeverinë për veprime të cilat nuk janë bashkërenduar me aletatët e Kosovës dhe dëmtim të marrëdhënieve me Shtetet e Bashkuara, të cilat pezulluan pjesëmarrjen e Forcës së Sigurisë së Kosovës nga stërvitjet “Defender Europe 2023” dhe paralajmëruan masa të tjera ndëshkuese.

I dërguari special i Gjermanisë për Ballkanin Perëndimor thotë se komuniteti ndërkombëtar është shumë i zemëruar dhe i zhgënjyer pas protestave në të cilat u plagosën demonstrues dhe pjesëtarë të KFOR-it.

I dërguari special i Gjermanisë për Ballkanin Perëndimor, Manuel Sarrazin, gjykon se situata në veri të Kosovës aktualisht është e qetë, por ende jashtëzakonisht e paqëndrueshme, shkruan AlJazeera.

Ai tregon se bashkësia ndërkombëtare është shumë e zemëruar dhe e zhgënjyer pas protestave në të cilat u lënduan demonstrues dhe pjesëtarë të forcave ndërkombëtare të sigurisë.

Sarrazin theksoi për “Table Berlin” se pyetja qendrore mbetet ende e pazgjidhur – si të arrihet “integrimi i plotë” i serbëve në veri të Kosovës?

Protestat e fundit u ndezën pas zgjedhjes së politikanëve shqiptarë për kryetarë komunash në veri të Kosovës, në zgjedhjet e parakohshme që u bojkotuan nga serbët, duke bërë disa kërkesa për kryeministrin e Kosovës, Albin Kurti, përfshirë formimin e një bashkimi të komunave me shumicë serbe në veri të Kosovës.

I pyetur se pse autoritetet e Kosovës i kanë injoruar paralajmërimet e Bashkimit Evropian dhe SHBA-së për të mos emëruar kryetarë të komunave në veri të Kosovës, Sarrazin tha se qeveria e kryeministrit Kurti insiston në emërimin e kryetarëve të zgjedhur, duke shtuar se problemi nuk do të zgjidhet derisa shumica serbe në katër komunat në veri të Kosovës nuk shkon në zgjedhje.

“Të gjithë janë përgjegjës për veprimet e tyre”.

Fillimisht, më duhet të them atë që i thashë drejtpërdrejt kryeministrit Kurti: secili është përgjegjës për veprimet e tij”, tha Sarrazin.

Ai e ka kritikuar presidentin e Serbisë, Aleksandër Vuçiç, se ka mbjellë mosbesim shtesë me deklaratat e tij dhe ka vërejtur se vendimi i Qeverisë së Kosovës për futjen e kryetarëve shqiptarë në ndërtesat komunale në veri të Kosovës me shoqërim të fortë policor ishte gabim, për të cilin përgjegjësi politike mbajnë autoritetet e Kosovës.

Sipas Sarrazin, prioritet është kthimi në tryezën e bisedimeve në kuadër të marrëveshjes që Serbia dhe Kosova arritën me mbështetjen e BE-së, si kusht që të dyja palët të vazhdojnë rrugën e anëtarësimit në BE, duke qetësuar situatënnë Kosovë dhe zgjedhje të reja.

I pyetur se cila është përgjegjësia e palës serbe, Sarrazin tha se përgjegjës janë ata që sulmuan pjesëtarët e KFOR-it dhe policisë para ndërtesave komunale në Kosovë.

Ai pohoi se gjatë protestave në Kosovë ka pasur “huliganë” të cilët kanë ardhur në veri të Kosovës nga Serbia.syri.net

Lista Serbe, partia më e madhe e serbëve në Kosovë, ka thënë të hënën se do të marrë pjesë në zgjedhje, që eventualisht do të mund të mbahen për komunat në veri, kur t’i plotësohen dy kushte.

Ajo ka thënë se forcat speciale të Policisë së Kosovës duhet të tërhiqen nga veriu i Kosovës, dhe që të formohet Asociacioni i komunave me shumicë serbe.

Lista Serbe i ka bojkotuar zgjedhjet e mbajtura për kryetarë të komunave në veri – Mitrovicë e Veriut, Zveçan, Zubin Potok dhe Leposaviq – dhe as nuk i njeh kryetarët e rinj shqiptarë.

Duke folur për tensionet në veri, Lista Serbe ka thënë se çelësi për ulje të tensioneve është që të mos ketë forca speciale të Policisë së Kosovës në veri dhe që kryetarët, që ajo i konsideron “të paligjshëm”, të mos shkojnë në ndërtesat komunale.

Ajo e ka përmendur edhe nevojën për lirimin e dy serbëve të paraburgosur nga autoritetet e Kosovës, ditë më parë, gjatë përleshjeve në Zveçan.

Ata dyshohen për “veprimtari kundërkushtetuese me qëllim të sulmit kundër rendit kushtetues të Republikës së Kosovës”, “rrezikim të personave në mbrojtje ndërkombëtare” dhe “sulm ndaj personit zyrtar”.

*Lista Serbe ka kërkuar ndërhyrjen editoriale në këtë lajm, për çka REL-i nuk është pajtuar. Përgjigja e Listës Serbe pasoi pyetjen e REL-it nëse Lista Serbe do të marrë pjesë në zgjedhjet në veri dhe me çfarë kushtesh.

Kryeministri i Kosovës, Albin Kurti, e ka falënderuar sot kryetarin e komunës së Leposaviqit, Lulzim Hetemin, për qëndresën e tij në krye të detyrës në këto ditë të vështira në veri të Kosovës.

Albin Kurti vuri në dukje faktin se Lulzim Hetemi, vëllai i dëshmorës së UÇK, Fatmire Hetemi, nuk po trembet nga kërcënimet e shumta që po i bëhen nga strukturat kriminale të nxitura nga Beogradi, që të lërë detyrën e tij.

Kurti shkroi në Fb: “Kryetari i komunës së Leposaviqit, Lulzim Hetemi, për çdo ditë i merr mesatarisht nga dhjetë kërkesa të ndryshme prej shumë anëve që të dalë prej zyrës së tij.

Çka s’i thonë: Disa e marrin me të mirë, disa jo më të mirë e disa të dyja këto, njërën pas tjetrës. Lulzim Hetemi është vëllai i dëshmores Fatime Hetemi, që ra heroikisht si ushtare e UÇK-së bashkë me Fehmi e Xhevë Lladrovcin më 22 shtator 1998.

E falënderoj kryetarin Lulzim nga zemra për qëndresën e tij shembullore për Republikën e Kosovës dhe rend e ligj,” nënvizoi Albin Kurti./SYRI.NET