Kosovë

Presidentja e Kosovës vizitë zyrtare në Shqipëri: Gjykata speciale nuk eklipson luftën e Kosovës kundër genocidit

Presidentja e Kosovës, Atifete Jahjaga zhvilloi sot një vizitë zyrtare në Tiranë me ftesë të Presidentit të Shqipërisë, Bujar Nishani

Pas ceremonisë së mireseardhjes Presidentja e Kosvës nisi një takim kokë më kokë me presidentin Nishani pa praninë e medias. Në konferencën e përbashkët për shtyp, me Presidenten e Kosovës, Atifete Jahjaga, Kreu i Shtetit, Bujar Nishani beri te ditur detaje nga takimi kokë më kokë. Nishani tha se ka biseduar ne homologen e tij nga Kosova për një treg të përbashkët ekonomik, pa barriera politike, të qëndrueshëm dhe të konkurrueshëm edhe brenda tregut evropian Duke përshëndetur takimet e përbashkëta të dy qeverive, Nishani vlerësoi edhe unifikimin e programeve arsimore. Ndërsa në kuadër të dialogut me Serbinë, Nishani tha se: “Jam i bindur se zbatim i angazhimeve të marra do shërbejnë për normalizimin e marrëdhënieve, do çlirojë energji pozitive për gjithë rajonin”. Nishani veçoi ndër të tjera se Kosova është sot një shtet që duhet marrë shembull nga gjithë rajoni për mënyrën e trajtimit të pakicave kombëtare. “Kosova është shtet i pavarur dhe sovran për hir të përmirësmit të klimës rajonale në respektimin e pakicave duhet të merret si shembull nga të gjitha vendet e Ballkanit”. Nishani mirëpriti edhe krijimin e Gjykatës Speciale, ndërsa shprehu bindjen se asgjë nuk do mund të eklipsojë luftën heroike të Kosovës në përballje me gjenocidin millosheviçian. “Kosova ka shumë sfida, ashtu si edhe Shqipëria, por unë i vura në dukje Presidentes Jahjaga se Shqipëria e mirëpriti dhe mbështeti krijimin e Gjykatës Speciale. marrja e këtij vendimi ishte i vështirë por i duhuri..

Në këtë kontekst, Nishani tha se, “Asgjë dhe askush nuk e eklipson dhe tjetërsoi dot luftën heroike të UCK dhe popullit të Kosovës në përballje me genocidin millosheviçian mbi popullin e Kosovës”.

Presidentja Atifete Jahjaga falënderoi presidentin Bujar Nishani për ftesën në Tiranë. Jahjaga theksoi se shqiptarët kanë qenë një faktor i rëndësishëm për Kosovën pasi kanë kontribuar në mbështetjen e bërjes së Kosovës Shtet. Lidhur me marrëveshjen për komunat serbe në Kosovë, Nishani vuri në dukej se kjo nuk cënon sovranitetin e Kosovës, por njëherazi është një njohje de facto që Serbia i bën shtetit të Kosovës. “Në gjykimin tonë është një marrëveshje shumë transparente dhe e qartë dhe nuk cënon sovranitetin e Kosovës, por është pranim De Facto i pavarësisë së Kosovës nga ana e Serbisë, përsa kohë Serbia njeh këtë fakt mbi pakicat serbe në Kosovë duke i trajtuar si pakica të një minoriteti”.

Jahjaga: Unë e kam theksuar dhe ritheksuar se procesi i dialogut ka qëllim lehtësimin e marrëdhënieve mes Kosovës dhe Serbisë dhe ky proces dhe kjo marrëveshje do të kontribuohet në jetën institucionale të komunitetit serb që jeton në këtë pjesë të territorit të Kosovës.

Lugina e Preshevës

Nishani: Sa i takon cështjes së shqiptarëve në Luginën e Preshevës, që ne mbetemi të shqetësuar për situatën e tyre vecanërisht për aspektin ekonomik dhe social, si dhe takimin që kam pasur me Vucic e kam adresuar këtë shqetësim, dhe për njohjen e diplomave, edhe për cështje të tjera të zhvillimit ekonomik social, kam marrë angazhime dhe premtime të gjera nga ana e autoritete serbe dhe ende pres të zbatohen, Jemi ende në fazën e premtimeve nga ana serbe dhe presim që të realizohen. Faktori shqiptar në tërësinë e vet Jahjaga: Dhe Kosova dhe Serbia janë dy shtete të pavararua dhe sovrane dhe kemi bërë hapa të rëndësishme dhe po ecim në rrugën evropiane dhe integrimit. Jemi të interesuara të zhvillojmë marrëdhënie të mira fqinjësore mes dy shteteve.

Kryeministri Rama pret Jahjagën:

10-09-2015 17-28-00

Bashkëpunim strategjik mes dy vendeve tona!

Kryeministri Edi Rama mikëpriti sot në takim Presidenten e Republikës së Kosovës, zonjën Ahtifete Jahjaga dhe delegacionin që e shoqëronte, të cilët ndodhen për një vizitë zyrtare në vendin tonë. Presidentja Jahjaga i shprehu falenderimet Kryeministrit Rama dhe qeverisë shqiptare për mbështetjen e pakursyer të dëshmuar ndaj Kosovës, në të gjitha aspektet dhe në mënyrë të veçantë për kontributin dhe përkrahjen në procesin e njohjes së pavarësisë Kosovës.

Presidentja Jahjaga dhe Kryeministri Rama vlerësuan ecurinë e bashkëpunimit shumë të mirë që ekziston mes vendeve, falë zbatimit me sukses të një sërë marrëveshjeve në fusha me interes reciprok. Bashkëbiseduesit u dakordësuan për intensifikimin dhe konsolidimin e mëtejshëm të këtij bashkëpunimi strategjik, në ekonomi, shëndetësi, arsim, shkëmbimet tregtare, etj.

Meta pret Jahjagën: Heqje barrierash, shtimit të fluksit tregtar!

Kryetari i Kuvendit të Shqipërisë, Ilir Meta priti sot Presidenten e Republikës së Kosovës, Atifete Jahjaga

Kryetari i Kuvendit Meta i uroi mirëseardhjen në këtë vizitë të parë në Shqipëri Presidentes Jahjaga dhe delegacionit që e shoqëron, duke vlerësuar progresin e dukshëm të Kosovës gjatë viteve të fundit. Z. Meta theksoi se Shqipëria e mbështet plotësisht avancimin e Kosovës në procesin e integrimit euro-atlantik dhe në këtë kuadër përpjekjet duhen përqendruar në forcimin e institucioneve demokratike, sundimit të ligjit, shtimit të njohjeve ndërkombëtare dhe anëtarësimit në organizatat e ndryshme rajonale e ndërkombëtare si dhe në normalizimin e marrëdhënieve me Serbinë. Presidentja e Kosovës znj. Atifete Jahjaga shprehu mirënjohjen e thellë të institucioneve të Kosovës si dhe të popullit të saj për mbështetjen e fuqishme, të vazhdueshme e të pakursyer të Shqipërisë dhe popullit të saj ndaj avancimit të proceseve integruese, lobimit për njohjet ndërkombëtare, anëtarësimit në organizatat rajonale dhe progresit të Kosovës. Kryetari Meta dhe Presidentja Jahjaga vlerësuan marrëdhëniet e ngushta e vllazërore mes dy vendeve fqinje dhe nënvizuan rëndësinë e rritjes së cilësisë së bashkëpunimit dypalësh, si në aspektin ndërparlamentar, ashtu edhe në drejtim të shkëmbimeve tregtare dhe ekonomike, me qëllim heqjen e barrierave dhe shtimit të fluksit tregtar. Kryetari i Kuvendit z. Meta e siguroi në përfundim Presidenten e Kosovës znj. Jahjaga se Shqipëria do të jetë gjithnjë përkrah Kosovës në mbështetje të progresit të gjithanshëm demokratik e shoqëror të vendit fqinj, duke i cilësuar marrëdhëniet mes dy vendeve si strategjike për mbarëvajtjen e stabilitetit dhe sigurisë rajonale.

Presidentja e Kosovës Atifete Jahjaga ka mbajtur sot një fjalë përshëndetëse në Kuvendin e Shqipërisë

Presidentja e Kosovës Atifete Jahjaga ka mbajtur sot një fjalë përshëndetëse në Kuvendin e Shqipërisë. Duke u ndalur tek bashkëpunimi mes dy vendeve tona, Presidentja Jahjaga u shpreh se Shqipëria dhe Kosova synojnë integrimin europian. Më tej, Presidentja Atifete Jahjaga i ka bërë apel partive politike në Shqipëri që të tregohen bashkëpunuese në kuadër të integrimit në BE, si dhe në realizimin e standardeve.

“Kemi histori të përbashkët vuajtjesh dhe malli, e mbi të gjithë shumë bashkëpunimin mes nesh. Kemi ëndrrën për shtet të mëvetshëm, të lirë dhe demokratik, dhe Shqipëria na ndihmoi të realizojmë këtë ëndërr. Mbaj mend kur shqiptarët në Kosovë vraponin nga një cep i shtëpisë në tjetrin për të kapur valët e radio Tiranës, e më po kështu kujtoj librat që i çonim dorë më dorë. Pa Shqipërinë Kosova nuk do ishte ajo që është sot, e as Shqipëria s’do ishte e tillë pa Kosovën. Ju falënderoj nga zemra. Pas një shekulli përpjekjesh Shqipëria dhe Kosova qëndrojnë bashkë si shtete të pavarura.

Ne nuk mbetëm rob të historisë po ecëm përpara si dy shtete të pavarura dhe sovrane. Jam sot në Tiranë, si përfaqësuese e një vendi të ri e të vogël, por me peshë në rajon, që po synon konsolidimin. Ne Kosovën duam ta krijojmë si një shoqëri të një kontrate me qytetarin.

Uroj që orientimi drejt Bashkimi Europian i të gjitha partive të jetë i përbashkët drejt integrimit. Bashkëpunimi nuk është vetëm standard për t’u plotësuar drejt integrimit, por një standard për një mirëqenie më të mirë për të gjithë qytetarët”, tha Jahjaga.

Ndërsa vuri theksin në rëndësinë e përmirësimit të nivelit të bashkëpunimit mes dy vendeve tona, Jahjaga tha se duhet të hiqen barrierat për prodhimet e ndryshme.

Presidentja e Kosovës u ndal edhe tek lufta ndaj terrorizmit, duke shprehur rëndësinë e bashkëpunimit rajonal e më gjerë për të garantuar paqe dhe siguri.

Kryebashkiaku i Tiranës, Erion Veliaj i jep “Çelësin e Qytetit” Jahjagës

Kryetari i Bashkisë së Tiranës, Erion Veliaj, priti pasditen e sotme Presidenten e Republikës së Kosovës, Atifete Jahjaga, të cilës i dorëzoi “Çelësin e Qytetit”.

Në takim, biseda mes kryebashkiakut Veliaj dhe presidentes Jahjaga u fokusua në krijimin e kushteve për forcimin e marrëdhënieve midis Prishtinës dhe Tiranës. Kryebashkiaku Veliaj e siguroi Presidenten Jahjaga për angazhimin e Bashkisë së Tiranës për shtimin e marrëdhënieve me Bashkinë e Prishtinës dhe theksoi se një nga fushat ku mund të bëhet më shumë është shkëmbimi eksperiencave midis të rinjve. Ndërsa falënderoi kryetarin e Bashkisë së Tiranës për mikpritjen, Presidentja e Republikës së Kosovës u shpreh se marrëdhëniet mes Tiranës dhe Prishtinës duhet të fokusohen edhe në zhvillimin e projekteve të përbashkëta në funksion të zhvillimit të qyteteve.

Në fokus të takimit ishte edhe bashkëpunimi për krijimin e mundësive për parketimin e produkteve turistike mes dy vendeve, si një mënyrë për të rritur numrin e turistëve. Pjesë e delegacionit nga Kosova ishin edhe ministra të Qeverisë dhe zyrtarë të Presidencës. Gjithashtu, në takim ishin të pranishëm nënkryetarja e Bashkisë së Tiranës, Brunilda Paskali, kryetari i Këshillit Bashkiak, Aldrin Dalipi dhe anëtarët e Këshillit Bashkiak, Shezai Rrokaj dhe Klodeta Dibra, si dhe Ambasadori i Republikës së Shqipërisë në Kosovë, Qemal Minxhozi./ Raportimi është bërë sipas burimeve zyrtare

Jusuf Buxhovi: Pakoja e Ahtisarit prodhoi “Zajednicën”

Sipas historianit dhe shkrimtarit Jusuf Buxhovi, marrëveshja për themelimin e Asociacionit të Komunave Serbe legjitimon një gjendje, atë të ndarjes së Kosovës, e cila ka ekzistuar nga vendosja e protektoratit ndërkombëtar e këndej, që njësoj i kanë kontribuar ndërkombëtarët dhe klasa politike e Kosovës.Buxhovi në një intervistë dhënë Indeksonline po ashtu ka thënë se Asociacioni do ta cenojë sovranitetin e Kosovës, meqë entiteti serb në Kosovë do ta rregullojë në mënyrë të pavarur jetën ekonomike, ndërkohë që nga aspekti kulturor dhe arsimor do të jetë i lidhur drejtpërdrejt me Beogradin.

Indeksonline: Cili është mendimi i juaj lidhur me këtë marrëveshje?

J. Buxhovi: Marrëveshja për themelimin e Asociacionit të Komunave Serbe de jure legjitimoi një realitet, atë të ndarjes së Kosovës, i cili është i pranishëm nga viti 1999 e këndej. Veriu, ndonëse me praninë e forcave ndërkombëtare, ka qenë i shkëputur administrativisht dhe politikisht nga tërësia e Kosovës. Në atë pjesë, pakica serbe, praktikisht ka qenë e lidhur me Beogradin nga çdo pikëpamje. Burimet ndërkombëtare kanë pranuar se Serbia, edhe përkundër rezolutës 1244 të vitit 1999, në veriun e Kosovës kishte mbajtur strukturat paralele të sigurisë si dhe kishte financuar pushtetin paralel, i cili ishte toleruar edhe nga ndërkombëtaret. Ky realitet, pra shteti paralel serb me strukturat e veta ka vazhduar edhe pas shpalljes së pavarësisë edhe përkundër faktit se me Pakon e Ahtisarit, pakica serbe jo vetëm që ka fituar pozitë të privilegjuar kushtetuese (numrin e garantuar të deputeteve, të drejtën e vetos për shumë çështje e të tjera) por edhe të drejtën e qeverisjes autonome me lidhje të hapura me Serbinë dhe botën. Meqë shteti i Kosovës, nuk ka qenë në gjendje të shtrijë sovranitetin e vet në Veri, ndërkohë që Serbia ka vazhduar të forcojë strukturat e saj paralele, të cilat kanë paraqitur rrezik permanent edhe për infiltrimin e faktorëve të tjerë në atë pjesë (veçmas atij rus), pjesa e faktorit ndërkombëtar që ka ndihmuar shtetin e Kosovës (SHBA-të dhe vendet kryesore të BE-së) ka marrë përsipër të detyrojë Prishtinë dhe Beogradin që të pranojë një zgjidhje politike me të cilën duhet t’i jepet fund një gjendje të rrezikshme prej nga mund të destabilizohet rajoni. Me këtë rast, formula e integrimeve europiane dhe ato euroatlantike, si për Prishtinë dhe për Beogradin, është shfrytëzuar si një kod i detyrueshëm kompromisi.Indeksonline: A e cenon pavarësinë dhe integritetin territorial të Kosovës themelimi i këtij Asociacioni?

J. Buxhovi: Marrëveshja e tanishme e imponuar nga Brukseli, ngjalli reagime të shumta dhe legjitime në opinionin shqiptar, ku shumëçka e saj u përjetua si një “komplot ndërkombëtar” kundër Kosovës dhe pavarësisë së saj e në dobi të Beogradit. Me këtë rast sikur u harrua se kjo marrëveshje ishte e qendisur në pakon e Ahtisarit, që ishte një kompromis i dhimbshëm që i duhej shpalljes së pavarësisë. Në vend se nga viti 2008 të kihet parasysh kjo çështje, në mënyrë që sfidës së saj t’i jepej një përgjigje sa më e përshtatshme (integrimit të pakicave në unitetin politik dhe ekonomik të vendit), kasa politike shqiptare pa përjashtim, vazhdoi “atmosferën e kremtes”, ku “meritat e shtetit” u kthyen në plaçkë!
Edhe pse nënshkruesit e marrëveshjes thonë se nuk cenohet pavarësia dhe integriteti territorial i Kosovës, dhe me këtë rast theksojnë se statuti i tij do të jetë në përputhje me ligjet e Kosovës (përmendet këtu edhe verdikti i Gjykatës Kushtetuese të Kosovës), megjithatë Asociacioni do ta cenojë sovranitetin e Kosovës, meqë entiteti serb në Kosovë do ta rregullojë në mënyrë të pavarur jetën ekonomike, ndërkohë që nga aspekti kulturor dhe arsimor do të jetë i lidhur drejtpërdrejt me Beogradin. Nëse kësaj i shtohet edhe e drejta që përfaqësuesi i saj (kryetari) të përfaqësojë entitetin serb edhe jashtë dhe të vendos lidhje ekonomike dhe kulturore më jashtë, atëherë Kosova ekonomikisht, kulutralisht, po edhe politikisht do të ketë edhe realitetin paralel serb. Koha do të tregojë se realiteti etnik serb në Kosovë, a do ta shfrytëzojë statutin për t’u integruar në vend, apo si një gjendje kalimtare për t’u shkëputur? Mbetet për të shpresuar se formula e integrimeve europiane, ku Kosova dhe Serbia duhet të përfshihen, këtij faktori t’i japë përgjigje pozitive, si model edhe për statusin e Shqiptarëve në Luginën e Preshevës.

Indeksonline: Sipas jush cilat janë anët pozitive dhe negative të kësaj marrëveshje?

J. Buxhovi: Ana “pozitive” për Kosovën, nëse mund të thuhet kështu, është fakti se pjesa veriore e vendit fiton rastin “të integrohet” në Kosovë ndonëse me një statut tejet të privilegjuar. Me faktin se ky entitetet ndodhet brenda Kosovës, nënkupton pranimin e heshtur të Beogradit me këtë realitet, pa marrë parasysh se çfarë deklaron. Meqë garantues për këtë janë vendet e BE-së dhe SHBA-të, cilat e kanë imponuar atë, do të ishte mirë që kjo marrëveshje të përcillet edhe me atë të komunave shqiptare në Luginën e Preshevës si dhe me një pako të ndihmës ekonomike për gjithë vendin dhe assesi që ajo të destinohet vetëm për asociacionin serb. Implementimi i saj duhet të kushtëzohet edhe me hapjen e rrugës në pako për në BE dhe strukturat veriatlantike të Kosovës me Serbinë, duke njohur njëra tjetrën si shtete të pavarura.

Indeksonline: Si i vlerësoni reagimet nga ana e opozitës, përkatësisht Vetëvendosjes lidhur me këtë çështje? Vetëvendosje ka paralajmëruar që për të kundërshtuar themelimin e këtij Asociacioni nuk do ti zgjedh mjetet, ata madje kanë thënë se në rast të demonstratave nuk do të përjashtohet dhuna. A mendoni se kjo është gjëja e duhur?

J. Buxhovi: Opozita ka të drejtë të reagojë dhe këtë duhet ta bëjë, por gjithnjë në përputhje me kodin e sjelljes demokratike. Meqë fjala është për një çështje shumë seriozë, që lidhet me pakon e Ahtisarit, e cila lidhet me pavarësinë e Kosovës, duhet pasur kujdes që ajo mos të kthehet në një fushatë kundër faktorit ndërkombëtar, veçmas miqve që kanë ndihmuar lirinë dhe pavarësinë tonë. Po ashtu, reagimet kundër kësaj marrëveshje, nuk duhet të shfrytëzohen për marketing elektoral, me të cilin, dashë a pa dashë, po qe se ajo merr përmasa të dhunshme, t’i sjellin poena pozitive pozitës, siç ka ndodhur deri më tash.
Kujtoj se realiteti politik, duhet ta mobilizojë opozitën për veprim konstruktiv, por njëherësh të mobilizojë të gjitha forcat e pakënaqura intelektuale me pozitën dhe opozitën, që sollën vendin në këtë derexhe, që të formojnë një parti të re politike, e cila do të jetë në gjendje që të tubojë rreth vetes energjinë e madhe të akumuluar prej vitesh ndaj keqqeverisjes së vendit dhe të bankrotimit të tij. Me këtë rast nuk duhet përjashtuar mundësinë që ajo të kthehet në një lëvizje identike me atë fundviteve të tetëdhjeta dhe të fillmviteve të nëntëdhjeta, kur vendi ndodhej para sprovës me qenë ose mos me qenë./Indeksonline/

Këto ditë kombi ynë humbi tre Akademikë dhe tre luftëtarë të lirisë

Në foto Akademikët e Kosovës Pajazit Nushi, Mark Krasniqi dhe Esat Stavileci që ia kushtuan jetën dijes për ta marrë në mbrojtje Kosovën –

Jo me pushkë, por me argumenta shkendore.

Këto ditë kombi ynë i humbi të tre luftëtarët e penës, mendjes, dijes dhe të lirisë, ata u shuan njëri-pas tjetrit duke lënë jnë boshllëk të madh,

por duke u rreshtuar në tempullin e dijes, si Apostuj të Kosovës

Ata do të mbesin përherë në zemrat e popullit të Kosovës

në Përjetësi…

Ata tani u janë bashkuar Etërve të tjerë të Kosovës Ibrahim Rugovës, Profesor Aganit, Zekirija Canes, Anton Qetës…

Ata tani janë Ëngjëjt Mbrojtës të Kosovës !

U qoftë Dheu i lehtë !

Të gjithë në mbrojtje të Republikës së Kosovës! – Nga FLORIM ZEQA

Pas shtjerrjes së të gjitha mundësive politike, protestat mbetën mjeti i fundit demokratik në parandalimin e së keqes apo arritjes së qëllimeve të mbrapshta politike.

Paralajmërimi i protestave të fuqishme nga opozita kosovare në parandalimin e “Zajednicës”, mbrojtjen e sovranitetit të shtetit, rrezimin e qeverisë, shëmbjen e piramidës së krimit dhe korrupsionit…nga analist të porositur nga qeveria është duke u “vlerësuar” si paralajmërim i një “Revolucioni të Vonuar Demokratik”, i krahasuar me atë të ’97-tës në Shqipëri?!

Ashtu siq e kam cekur edhe me parë, janë të gjithë deputetët shqiptar të Kuvendit të Republikës së Kosovës, pa dallime partiake, pozitë dhe opozitë, që duhet të unifikojnë veprimet për mbrojtjen e interesave të shtetit, të së ardhmës së qytetarëve të vendit.

Deputetët shqiptar të Kuvendit të Republikës së Kosovës, të bashkuar kundër marrveshjeve të Brukselit, jo vetëm që do të mbrojnë amanetin e dëshmorëve (Republikën e Kosovës),…duke parandaluar situatën konfliktuoze në vend, do të mbrojnë drejtëpërsedrejti edhe jetën e qytetarëve, të ardhmen e tyre në shtetin e Kosovës.

Në veqanti kësaj radhe opozita duhet të tregohet më e kujdesshme se asnjëherë më parë, shkaku i rrezikut nga prapaskenat e Beogradit, i cili kohëve të fundit ka aktivizuar të gjithë mekanizmat e saj kundër shtetit të Kosovës. Kur e themë të gjithë mekanizmat i kam parasysh edhe disa prej shqipëfolësve të “fjetur”, të cilët Serbia me aq lehtësi i aktivizon në situatat më shpërthyese për vendin tonë!

Si në të kaluarën, edhe tani mjeranët dhe të dështuarit politik, fatzinjët dhe kobndjellësit e kombit shqiptar ngjallen si fantazma duke sulmuar vlerat më sublime të kombit,…duke sulmuar engjullin Rugovë në parajsën e tij, nënë Terezën, Skënderben,…e kështu më radhë, me qëllim të shkaktimit të urrejtjes dhe përçarjes etnike dhe fetare mbrenda popullatës shqiptare.

Këtyre fatzinjëve sikur nuk po u mjafton “Zajednica”, po kërkojnë kthimin komplet të pushtetit serb mbi tërë territorin e Kosovës !

Këto që themë nuk janë insinuata as hipoteza politike, por janë plane dhe ambicie permanente të pushtuesve tonë verior, që tashmë po shifen qartë në horizont.

Shtrohet pyetja çfarë munden dhe çfarë duhet të bëjnë subjektet tona politike në parandalimin e këtyre planeve antikombëtrae dhe antishtetërore?

E para e punës, është koordinimi dhe unifikimi i veprimeve të partive politike shqiptare në parandalimin e ratifikimit të marrveshjeve të fundit të Brukselit në Kuvendin e Republikës së Kosovës.

Mosvotimi i atyre marrveshjeve fatkeqe nga ana e deputetëve shqiptar të Kuvendit të Republikës së Kosovës, përveq se do të mbronte kushtetutshmërinë dhe sovranitetin e vendit, do të shfuqizonte të gjitha marrveshjet e fundit në Bruksel, të nënshkruara nga kryeministri i vendit, shkarkimin e menjëhershëm të tij dhe qeverisë që ai drejton si pikënisje e gjithçkaje, mandej anulimin e të gjitha marrveshjeve të arritura deri më tani me Serbinë në Bruksel.

Formimi i menjëhershëm i një Qeverie të shpëtimit kombëtar në mbrojtje të shtetit të Kosovës deri në mbajtjën e zgjedhjeve të lira e demokratike.

Me këtë do të hapej një kapitull të ri i mardhënjeve ndërkombëtare si dhe do të vihej një standard i ri në qeverisjen e vendit.

Rruga parlamentare e zgjidhjes së problemeve të mbrendshme, do të impononte një qasje krejt tjetër të ndërkombëtarëve karrshi shtetit të Kosovës.

Me pjekurinë tonë politike, me vendosmërinë kombëtare në mbrojtjen e sovranitetit të shtetit tonë do t’ia arrijmë t’i bindim edhe miqt tonë për aftësistë tona shtetndërtuese.

Andaj kësaj radhe deputetët e partive politike shqiptare, pjesmarrëse në qeverisjen e vendit (PDK-LDK), mbi interesat e tyre personale apo partiake duhet të dalin në mbrojtje të interesave shtetërore,…të mos bien pre e liderëve të shantazhuar politik të futur në rrugën “SENSO UNICO” (njëkahëshe) drejt realizimit të interesave të Serbisë mbi Kosovë !

Në të kundërtën, partitë politike me katandisjen dhe rrokullisjen e tyre të pakontrolluar rreth pushtetit do t’i humbin të gjitha; shtetin dhe pushtetin, mbështetjen e miqëve ndërkombëtar dhe ajo çka është më e dhimbshmja, përfundimisht do ta humbin përkrahjen dhe besimin e gjithë qytetarëve të vendit.

Mosreflektimi pozitiv i deputetëve të pozitës ndaj aktualitetit tejet të rënd politik, mund të prodhoj situata të reja, që rrjedhin si domosdoshmëri e kohës për pengimin e anarkisë politike në vend,…për mbrojtjen e sovranitetit të shtetit, mbrojtjen e integritetit dhe identitetit kombëtare në këto hapsira.

Mbrojtja e shtetit pa dallim partiak apo fetar, më të gjitha mjetet demokratike duke filluar nga: protestat, demonstratat, grevat e pergjithëshme deri në një rezistencë aktive e paqësore mbarëkombëtare është e drejtë natyrore të cilën nuk mund ta mohoj as komuniteti ndërkombëtar.

Shteti i Kosovës duhet të mbetët kështu si është, Republika e Kosovës pa fusnota dhe pa asociacione etnike, ngase ndryshe nuk mund të ekzistoj si i tillë, sikurse pavarësia që duhet të jetë e plotë ose ndryshe nuk mund të quhet ashtu, nuk ka gjysëm pavarësi, as gjysëm liri.

Haradinaj akuzon qeverinë për kufirin me Malin e Zi

Kryetari i Aleancës për Ardhmërinë e Kosovës, Ramush Haradinaj, dha dorëheqje nga posti i anëtarit të Komisionit për Politikë të Jashtme të parlamentit të Kosovës, në shenjë pakënaqësie me shënimin e vijës kufitare me Malin e Zi.

Në një njoftim të kësaj partie ai citohet të ketë thënë se “komisioni për Politikë të Jashtme është shndërruar në një instrument politik të kryeministrit Isa Mustafa dhe zv/kryeministrit Hashim Thaçi, dhe e ka humbur kuptimin dhe rolin që duhet ta ketë. Meqenëse në disa raste, ky komision ka paraqitur edhe raporte apo dokumente të korruptuara, siç është edhe raporti i komisionit Shtetëror për Demarkacion, unë nuk e shoh veten pjesë të këtij instrumenti dhe lojërave politike që po provohen të kryhen përmes tij”.

Zoti Haradinaj ka shprehur disa herë pakënaqësinë me procesin e shënimit të vijës kufitare ndërmjet Kosovës dhe Malit të Zi, marrëveshja për të cilin u nënshkrua në Vjenë më 26 gusht.

Opozita është e bindur se me këtë proces, Kosova humbë rreth 12 mijë hektarë tokë, ndërsa qeveria është e bindur se nuk humbë asnjë metër katrorë. Sipas qeverisë shënimi i kufirit është në pajtim me marrëveshjen ndërkombëtare, përkatësisht me propozimin e ish të dërguarit të Kombeve të Bashkuara Martti Ahtisari në bazë të të cilit është shpallur edhe pavarësia e Kosovës si dhe në përputhje të plotë me Kushtetutën e vitit 1974 të ish Krahinës Socialiste Autonome të Kosovës

Marrëveshja për shënimin e kufirit duhet të ratifikohet nga parlamenti i Kosovës.

Kosova ka përmbyllur shënimin e kufirit me Shqipërinë pa asnjë pengesë, ndërsa shënimi i kufirit me Maqedoninë përfundoi mes shumë debatesh në tetor të vitit 2009. Por, çështja e kufijve të Kosovës nuk përmbyllet as me shënimin e kufirit me Malin e Zi. Serbia nuk e njeh pavarësinë e shtetit të ri të shpallur në shkurt të vitit 2008 dhe rrjedhimisht as kufijtë e tij.

Vështrim – Halli i popullit është si të jetohet më mirë – Nga SKËNDER MULLIQI

Paslufta shfaqi shumë të meta të pozitës dhe opozitës. Dhe rrjedh pyetja logjike. Kush ta shlyejë ndotjen e shkaktuar në politikën e Kosovës? A ka mundësi të lahen të gjitha mekatet e tyre në kurriz të popullit dhe të Kosovës. Sigurisht se do të jetë shumë vështirë të riparohet i gjithë dëmi I shkaktuar. Dhe, për këto vite të qeverisjës më shumë patën dështime së sa të arritura .Të kthehemi pak në raportin pozitë opozitë gjatë këtyre viteve. Dihet së Kosova u udhëhoq me koalicione , sepse asnjëra parti politike nuk I fitoi votat e mjaftueshme që vet ta drejton shtetin. Ishim dëshmitarë si në parlament , ashtu edhe në media për zënkat për ëështje të rëndësishme dhe më pak të rëndësishme politike të pozitës dhe opozitës. Këto zënka të ndërsjella shpesh po bëhën me gjuhë të ashpër dhe jashtë rregullave demokratike të lojës. Por, nga gjitha këto është lënë përshtypje në opinion së këto zënka apo këto dialogje janë më shumë farsë, për ta mbuluar mos punën e pushtetarëve dhe të opozitareve , sepse që të dyja palët kanë biznese të përbashkëta, të cilat biznese mundohen dhe deri me tash edhe ia kan arritur qëllimit ti mbrojnë, me gjoja këto kritika të ashpra ndërmejt veti.Kjo është gjëja me e keqe qe po i servohet popullit, I cili gjithnjë e më shumë po torturohet nga kjo kastë politike shumë e papërgjegjshme dhe shumë e pa përfillshme .Kritikat e ndërsjella që po bëhët tash të pozitës dhe opozitës , me duket se kan bukur shumë karakter të njejtë politik. Pse thëm kështu? Kur Qeveria e Hashim Thaëit ishte në krizën më të madhe ajo doli nga kriza pikërisht nga opozita e cila sipas rolit që e ka në parlament nuk guzon të sillet në atë menyrë.Kjo ndodhi disa herë deri me sot.Tash kjo gjuhë e ashpër e cila po pëdorët qe disa kohë midis Qeverisë dhe VV më shumë po ngjanë në fushatë parelektorale dhe për ta zhvendosur vemendjen nga problemet e mëdha ekzistuese të natyres sociale , ekonomike dhe të natyrës politike shumë të degraduara, sidomos pas firmosjës në Bruksel të marrveshjës për Asociacionin e Komunave Serbe dhe pas nenshkrimit në Vjenë të vijës për demarkacionin më Malin e Zi ,ku po humbën gadi 10 mijë hektarë .Këto manovra politike mund të pijnë ujë ende të një pjesë bukur e madhe e popullit të cilët janë dhën pas partive politike , pa e shikuar interesin e përgjithshem.Këto lajra politike po bëhën pikërisht se ende nuk e kemi arritur vetëdijën e duhur kombëtare, për të mos toleruar gjera të tilla shumë të ulëta të pozitës dhe opozitës në kurriz të popullit. Deri sa populli nuk vetëdijesohet me gjasë kjo kastë politike do të vazhdon lojën e djallit.Ëka janë më rëndësi tek e fundit deklaratat e kryeminsitrit te Kosovës, Isa Mustafës rreth sjellës se VV. Ose sa rëndësi dhe ëka iu hyn në funksion popullit të Kosovës kundërpërgjigjet që po I bëhën kryeministrit nga ana e VV. Po këto zotëri të ndëruar janë lojëra fëmijësh.Kështu nuk arrihet qëllimi që të stopohet Serbia e cila gjithnjë e më shumë po futet në Kosovë.Rreth kësaj teme shumë të ndieshme duhet vendos parlamenti dhe duhet të ekzistoj uniteti. Tjeter, që i duhet këtij vendi dhe njerëzve të këtij nënqielli është së si të dilet nga kriza ekonomike dhe politike. Si të gjendet zgjedhja për të arritur mirëqenja shoqërore e cila shumë po na mungon pikërisht për fajin e kësaj struktuare të profiterëve politikë .Me këta njerëz në krye të shtetit shihet edhe nga qielli së nuk do të arrijmë bash askund. Gjendja e keqe me gjasë do të vazhdon të thellohet . Nuk do të kemi prosperitet dhe as rritje të standardit të jetesës. Nuk do të kemi investime të jashtme pa të cilat vështirë është të dilet nga kriza e katandisur ekonomike. Gjithnjë vendi po merre panoramë të zymtë. Rrugët janë të zbrazuar dhe njerëzit duken të thyer krejt moralisht . Nuk ka gjallëri, sepse njerëzit janë demoralizuar me gjendjën e pa përspektivës së krijuar për të jetuar në Kosovë. Duhet të jemi realist në vlerësimin e situatës në të cilën aktualisht gjendemi. Ajo nuk është e mirë, prandaj , edhe shumë kush vetëm po e prêt rastin të largohet nga vendlindja e tij. Askush nuk e lëshon vendin nga dëshira duke marrë botën në sy pa ditur se ku do ta gdhinë e nesermja. Janë krijuar qëllimisht rrethanat e tilla politike . Ketu mud të kam edhe gabim se një zgjedhje ekziston,ajo është që kurrë më elektorati mos të voton për ata të cilët vodhen dhe ropën Kosovën .

Pushteti ka për detyrë të sigurojë një jetë normale politike, një jetë pa dhunë , pas shantazhe dhe pa kërcnime , pa e përdoruar forcën përveq kur të rrezikohet sovraniteti i vendit.Për të gjitha mund të diskutohet në parlament , kur vërtetë ekziston dëshira për ndryshmime pozitive.Për gjithqka që ndodhë në një shoqëri përgjegjëse është së pari pozita , kjo veq dihet.Kur nuk kalohen kufijtë demokratik të sjellejës atëherë edhe mund të flasim së gjendja është duke u përmirësuar.Atëherë do të funksinonte shteti ligjor, do të funksionojshin më mirë organet shtetërore , partitë politike bashkë me liderët e tyre etj.Asnjëres parti politike nuk I duhen aktivitete të cilat thërrasin në linq apo edhe diqka edhe më të rrezikshme për vendin.Një shtet nuk bëhët demokratik duke përdorur gjuhën e urrejtës e cila po përdorët dhe e cila tashmë e ka lodhur këtë popull, halli kryesor i të cilt është se si të jeton më mirë…

Në Katedralen e Prishtinës u mbajt mesha solemne e quajtur “Festa e Nënë Terezës”

Në Katedralen e Prishtinës sot u mbajt mesha solemne e quajtur “Festa e Nënë Terezës”, datë kjo e cila përkon me ditën kur ajo ndërroi jetë.

Në këtë meshë, ku ishin të pranishëm përfaqësues të institucioneve të ndryshme vendore dhe ndërkombëtare, u bënë lutje për më shumë paqe në mbarë botën.

Kjo meshë u drejtua nga kryeipeshkvi i Kosovës, Imzot Dodë Gjergji, i cili foli për veprën dhe përkushtimin e Nënë Terezës për t’u shërbyer njerëzve në nevojë.

“Ishte e përkushtuar që me të njëjtin zell shpirtëror t’u shërbente hinduve, myslimanëve dhe të krishterëve, sepse ishte e bindur se varfëria, vuajtja, padrejtësia, urrejtja, lufta, braktisja e aborti nuk janë të hinduve, as të myslimanëve dhe as të krishterëve. Ato janë mizori njerëzore dhe padrejtësi shoqërore, si pasojë e egoizmit dhe mungesës së dashurisë. Po ta dëgjonte bota këtë zë dashurie dhe këtë brejtje ndërgjegjeje, në mesin tonë nuk do të kishte më të varfër, në botë nuk do të kishte kaq shumë luftëra dhe në Evropë nuk do të kishte kaq shumë emigrantë”, u shpreh Imzot Dodë Gjergji, raporton Tch.

Kryeipeshkvi kosovar tha se Nënë Tereza e ka mahnitur mbarë botën me kujdesin që ka pasur për njerëzit në nevojë. Ajo ndërroi jetë në vitin 1997 dhe tani në çdo përvjetor të lindjes apo të vdekjes së saj, ajo kujtohet në të gjithë hapësirat shqiptare por edhe në botë.

Qindra vetë grumbullohen në varrin e saj, duke u lutur dhe duke kënduar. Murgeshat e urdhrit “Misionaret e Bamirësisë” që ajo themeloi 55 vjet më parë në Kalkuta, çdo vit vendosin lule para memorialit të bardhë.

11947858_1186245018068322_947730896776699627_o 05-09-2015 19-33-41 05-09-2015 19-33-57 05-09-2015 19-34-32 05-09-2015 19-34-47

Presioni ndikon në jo lirinë e duhur, duke ia humbur çdo vlerë njeriut – Nga SKËNDER MULLIQI

Askush nuk i dëshiron presionet çfardo natyre qofshin ato. Presionet sikur janë bërë të zakonshme në Kosovë. Presionet më së shumti po janë të karakterit politik , por ka edhe presione tjera në formë kërcenuese .Këto presione të formës se drejtëprdrejtë, përmes mediave , shantazheve të ndryshme, dhe kërcnimeve kan për qëllim në të shumtën e rasteve që njerëzve më dhunë tua ndryshojnë mendimet dhe kahjën e jetës.Këto presione ndikojnë edhe tek fëmijët tanë. Presionet ndikojnë që ata të pyesin veten . “çfarë njerëzish jemi ne”.Presioni ndikon në jo lirinë e duhur, duke ia humbur qdo vlerë njeriut. Nese dikush i nënshtrohet presionit ai humb nga personaliteti I tij, humb nga rezonimi normal për gjerat të cilat e rrethojnë.Është fakt së ëshëtë vështirë të identifikohen të gjitha këto presione që po iu bëhën njerëzve . Kur njeriu punon nën presion nga ndonjë strukturë partiake apo shtetërore, sigurisht së nuk e kryen edhe punën për qka është i thirrur si duhet. Nenshtrimi presioneve don të thotë servilizëm pastaj karshi përsonit I cili e bën presionin. Don të thotë humbje e kredibilitetit dhe autoritetit në shoqëri. Don të thotë humbje e karakterit dhe moralit në profesioni të cilin e kryen. Më së shumti gjatë këtyre viteve patem rastin të degjojmë për presionet që iu bëhën njerëzve nga strukturat pushtetare , të cilët për ti fshehur të palarat e tyre bëjnë presion në përsonat mirë të informuar për punen e tyre , që ata mos të marrin guzimin qytetarë ti denoncojnë para organve të drejtësisë apo në ndonjë institucioni tjeter si shkollor, shëndetësor etj. Ai që bën presion e kalon kufirin duke ia cenuar lirinë e veprimit përsonit në të cilin bën presion.Kemi raste kur një institucion shtetëror bën presion mbi institucionin tjeter të shtetit. Edhe Qeveria shpesh bën presion mbi Kuvendin si institucioni më i lartë i shtetit, kur bëhët fjalë për ndonjë vendimarrje , edhe pse çdo vendim është valid kur merret nga kuvendi.Kjo e dëmton rendë demokracinë si vlerën më lartë të pluralizmit politik.Presioni i një organi mbi organin tjeter vendmarrës e dëmton shoqërinë në përgjithësi. Presioni është metodë e sistemit monist-diktatorial. Nën presion përsoni në kohën e komunizmit është detyruar ta marre fajin mbi supe për ta shpëtuar familjën e tij. Nga presioni i strukturave komuniste ka vuajtur shumë vjet heqje lirie apo tortura të ndryshme deri në vdekje.Presioni është forma më përfide e linçmit të njeriut.Kemi raste kur ushtrohet presion mbi organet e drejtësisë për të vepruar sipas tekeve të pushtetit, apo duke tentuar ta fusin ndikimin e politikës ditore në marrjen e vendimve të gjyqëtarve në këtë rast. Më së shumti ndikimin politik dhe presionin strukturat shtetërore e kan vu mbi organet e drejtësisë, për ti mbuluar të gjitha të metat apo keqpërdorimet e mëdha.Gjithqka qka bëhët nën presion të dikujt është e padrejtë , është shumë e dëmshme jo vetëm për përsonin e presionuar, por bëhët pastaj dukuri e përgjithshme . Presione po ndodhin edhe në sistemin arsimor duke ia humbur autonominë e shkollës apo njerëzve kompetent aty.Duke iu nënshtruar presionit edhe po ndodhin padrejtësitë e mëdha si p.sh kur bëhët fjalë për regjistrimin e nxënësve , por edhe për gjera të tjera .Shpesh nga presioni po ngarkohet sistemi arsimor me njerëz të tepert ashtu të thëm. Këto presione sigurisht ndikojnë në demoralizmin e atyre të cilët deshirojnë të punojnë mirë . Të gjithë ata që bëjnë presione të tiilla ndikojnë që të kemi antivlera, dhe të shkojmë nga shoqëria më demokraci të kufizuar.Nuk është mirë sigurisht që të jetohet nën presion , sepse jetohet pa ndërgjegje, jetohet pa ndjenjën e përgjegjësisë dhe moralit siq po na ndodhë që 16 vjet më radhë. Me presione nuk dilet nga kriza . Presioni si formë dhe përmbajtje është shumë e demshme.Me presione nuk dilet nga vështirësitë e mëdha ekonomike dhe politike më të cilat po përballemi.Dhe, sigurisht se është koha e fundit që presioni të ndalohet mbi secilin njeri apo strukturë shtetërore apo partiake.Ai i cili ankohet se ka pasur presion nga dikush apo nga strukturat e larta të shtetit,duhet ta bëjë ate publike . Presioni ishte dashur edhe më ligj të sanksionohet mirë…

Komandanti suprem i NATO-s për Evropën sot vizitë në Kosovë

Komandanti suprem i NATO-s për Evropën, gjeneral Philip Breedlove sot do ta vizitojë Kosovën.

Ai së bashku me komandantin e KFOR-it, gjeneralmajor Gugliemo Luigi Miglietta do të mbajnë një konferencë për media në ora 15:00, në Aeroportin Ushtarak në Sllatinë.

Kjo nuk është hera e parë që gjenerali Philip Breedlove viziton Kosovën. Ai për herë të fundit ka vizituar KFOR-in në shkurt të këtij viti.

Mustafa plotëson kërkesat e Lista Srpska, emëron gjashtë zëvendësministra serbë

PRISHTINË – Kryeministri i Kosovës, Isa Mustafa, ka emëruar sot gjashtë zëvendësministra në ministritë e Qeverisë së Republikës së Kosovës. Pas konsultave me partnerët e koalicionit qeveritar, kryeministri Isa Mustafa vendosi që të emërojë:

Mirjana Jevtiq, zëvendësministre në Ministrinë e Punës dhe Mirëqenies Sociale,
Milan Radojeviq, zëvendësministër në Ministrinë e Punëve të Brendshme,
Sladjan Nikolçeviq, zëvendësministër në Ministrinë e Mjedisit dhe Planifikimit Hapësinor,
Radoljub Mladenoviq, zëvendësministër në Ministrinë e Bujqësisë, Pylltarisë dhe Zhvillimit Rural,
Biljana Popoviq, zëvendësministre në Ministrinë e Financave, dhe
Nusret Hoxha, zëvendësministër në Ministrinë e Drejtësisë.

Kryeministri Mustafa, po ashtu ka emëruar Ivan Tomiq, këshilltar politik dhe drejtor të Zyrës për Çështje të Komuniteteve.

Mos i votoni marrveshjet fatkeqe për vendin! – Nga FLORIM ZEQA

Thirrje deputetëve shqiptar të Kuvendit të Republikës së Kosovës

Përderisa në shumicën e rasteve simbolet e shtetit (flamuri, stema, himni…) përcaktojnë identitetin nacional, kulturor dhe historik, në rastin e Kosovës ndodhi e kundërta. Jo vetëm që flamuri nuk e përcakton identitetin e popullatës shumicë (shqiptare), nuk përkon as me identitetin historik apo kulturor të Kosovës ndër shekuj.

Ky ishte plani ndërkombëtar i hartuar nga Marty Ahtisari, apo kompromisi i “dhimbshëm” siq e quanin liderët e atëhershëm (Hashim Thaçi, etj.), jasht të cilit Kosova nuk do të pranojë asgjë tjetër…!!!

Krijimi i Asociacionit të Komunave Serbe apo ”Zajednica”, e cila do të lërë jashtë kontrollit të plotë të institucioneve të shtetit të Kosovës rreth 30 për qind të territorit të vendit, paraqet shkeljën më flagrante të sovranitetit të shtetit dhe të vet Planit të Ahtisarit, në të cilin as që ishte paraparë një krijesë e tillë artificiale.

Të mos flasim për demarkacionin e kufirit i filluar me Maqedoninë, i cili Kosovës i kushtoj me humbjen e 2500 hektarëve tokë, të cilat ju falën shtetit sllavo-maqedonas,…i vazhduar edhe më keq me Malin e zi i cili shënon tkurrjen drastike të territorit me ç’rast këtij shteti sipas marrveshjes së Vjenës do t’i falen hiq më pak se 12 mijë hektarë tokë !

Siq shifet nuk janë në pyetje dhjetëra e as qindëra metra, por është në pyetje një territor tepër i gjerë për Kosovën e vogël. Humbja e mëse 14 mijë e 500 hektarëve e cenon në mënyrë të dukshme territorin e vendit tonë,…e ndryshon edhe në aspektin gjeografik hartën e Kosovës.

Në këtë rast Kuvendi i Republikës së Kosovës për të shpëtuar humbjen e territorit dhe pengimin e cenimit të sovranitetit nga “Zajednica” duhet t’i hedhë poshtë marrëveshjet antishtetërore dhe antikombëtare të nënshkruara në Bruksel dhe Vjenë nga liderët e shantazhuar politik, të papërgjeshëm ndaj qytetarëve të vendit dhe servil ndaj ndërkombëtarëve.

Nëse kjo nuk ndodhë nga Kuvendi, atëherë Gjykata Kushtetuese është e obliguar që të mbrojë sovranitetin dhe integritetin e vendit. Në rast se edhe Gjykata kushtetuese i dorëzohet shantazhi politik të liderëve shtetëror të korruptuar, atëherë çdo gjë mbetët në dorën e popullit, ngase Kosova s’ka territor të tepërt për t’i falur askujt!

Këto demarkacione fatkeqe për vendin, jo vetëm që e vëjnë në pikëpyetje ekzistencën e shtetit,…rrënojnë tërësinë territoriale të vendit dhe rrezikojnë seriozisht jetën e qytetarëve!

E gjithë kjo që po ndodhë para syve tanë, para opinionit vendor dhe ndërkombëtar,…nuk guxon të kaloj kështu në heshtje ! Nëse ndryshon kushtetuta shkaku i “Zajednicës” do të ndryshoj edhe pamja e flamurit për shkak të ndryshimit të kufijëve mbi të cilët është njohur pavarësia e shtetit nga mëse 110 shtete, gjë e cila do të reflektonte negativisht në imazhin e vendit kundrejt shteteve që kanë njohur Kosovën në kufijt ekzistues të saj!

Para këtij ndryshimi antikushtetues të kufijëve nuk duhet të rrijmë duarkryq.

Në radhë të parë janë të zgjedhurit e popullit-deputetët që duhet të ndërmarrin hapat ligjor kundër rrënimit të rendit kushtetues në vend.

Në veqanti deputetët e subjektit shtetndërtues-LDK-së, nuk guxojnë të bien pre e shantazhit politik të liderit të tyre të korruptuar dhe shantazhuar njokohësisht,…por të dalin fuqishëm në mbrojtje të kushtetutshmërisë dhe sovranitetit të shtetit. Të mos e votojnë ratifikimin e dy marrveshjeve të fundit në Bruksel dhe Vjenë, të mos votojnë ndryshimet kushtetuese për krijimin e “Zajednicës” dhe as faljen e 14 mijë e 500 hektarëve toke të Kosovës shteteve fqinje (Maqedoni-Mali i zi).

Të ndërpritet kumbaria e re serbo-shqiptare

Ju deputet shqiptar të Kuvendit të Republikës së Kosovës, pa dallime partiake, pozitë dhe opozitë vihuni në shërbim të mbrojtjes së interesave të shtetit, atdheut tuaj dhe qytetarëve të vendit. Mos u bëni pjesë e politikave shkatrrimtare të shtetit për të cilin u derdh shumë gjak, u bënë sakrifica të panumërta të brezave të tërë.

Deputet shqiptar të Kuvendit të Republikës së Kosovës, që në damart e juaj rrjedhë gjak shqiptari mos lejoni të shkelet mbi amanetin e shumë brezave, mbi gjakun e dhjetëra mijëra dëshmorëve dhe martirëve, mos shkelni mbi gjakun e rreth 1700 të të pagjeturëve, mos shkelni mbi nderin e 20 mijë nënave dhe motrave tona të dhunuara nga barbarët serb.

Jo për të shfaqur patriotizmin folklorik, por për të freskuar memorien e tyre i ftoj të gjithë deputetët shqiptar të Kuvendit të Republikës së Kosovës të ndëgjojnë këngën e rapsodëve popullor për Hoxh Breznicën, e cila fillon dhe mbaron me thirrje kushtruese; “Kush e nin paj veten shqiptar hasmin shka ma se nxanë kumar,…kush lakmon paj hala në shka, o ai flliqan ma ktu ven ska,…kush perzinë ma me të bijt e shkins, le të ja mësyn ma mirë drejt Serbisë” (origjinali vll. Qetaj 2011).

Deputet shqiptar të Kuvendit të Republikës së Kosovës, me vendimin tuaj të drejt (kundër dy marrveshjeve të fundit në Bruksel e Vjenë), jo vetëm që mbroni amanetin e dëshmorëve, mbroni coptimin e trojeve etnike shqiptare, mbroni Republikën e Kosovës, mbroni ardhmërinë e bashkatdhetarëve tuaj në shtetin e Kosovës,…duke mbrojtur jetën e qytetarëve tuaj, mbroni dhe parandaloni njëkohësisht konflikte dhe luftëra të reja ndëretnike në Ballkan.

Andaj bëheni mbrojtës të sovranitetit të shtetit, bëhuni ndërtues të paqës dhe sigurisë afatgjate në këtë pjesë të gadishullit ballkanik.

Në të kundërtën, ju deputet shqiptar të Kuvendit të Republikës së Kosovës, me votën “pro” marrveshjeve fatkeqe për vendin, me (pa) dashjen tuaj do të shëndrroheni në shkaktar të trazirave dhe gjakderdhjeve të shpejta në trojet dardane, ngase populli nuk do të pranoj për asnjë çmim humbjen e tokave të veta, kthimin prapa të trashëgimisë stërgjyshore nën kthetrat e pushtuesve sllav.
Deputet, mos lejoni të bie mbi ju mallkimi i një populli të tërë !

Në Kosovë 400 mijë nxënës filluan vitin e ri shkollë

Voal – Rreth 400 mijë nxënës në Kosovë kanë filluar procesin mësimor të martën, ndërsa rreth 29 mijë nxënës për herë të parë janë ulur në bankat e shkollës. Për edukimin dhe arsimimin e këtyre nxënësve do të kujdesen rreth 30 mijë mësimdhënës.

Ministria e Arsimit, Shkencës dhe Teknologjisë e Kosovës ka bërë të ditur se në gjithë vendin ka filluar viti i ri shkollor. Por, ky dikaster qeveritar ka njoftuar se dhjetë shkolla nuk janë hapur për nxënësit për shkak të punimeve në objekte.

Ministri i Arsimit, Arsim Bajrami, ka thënë për media se kjo Ministri është e vendosur që ky të jetë vit i kthesave. “Ne kemi shpallur një vit të ngritjes substanciale të cilësisë, po e nisim me moton që të krijojmë shkolla cilësore, shkolla që do të sigurojnë një mirëqenie të përgjithshme familjare, shoqërore dhe shtetërore”, tha ai. Por fakti se dhjetë shkolla nuk janë hapur, që do të thotë se nuk frekuentohen nga nxënës nuk flet për sukses. /Foto nga Laura Hasani

Rada Trajkoviç – Me Hashim Thaçin në Washington kënduam këngë nacionale serbe

Trajkoviç: “Kur arritëm në State Department ai vërtetë ka kënduar “Ko to kaze, ko to laze Srbija je mala” në një serbishte mjaft të mirë dhe të pastër”

Politikania serbe nga Graçanica, Rada Trajkovic, në emisioni televiziv “Cirilica” i ka bërë një portret Hashim Thaçit, të cilën e ka quajtur simbol të vrasjes së serbëve dhe dëbimit të tyre nga Kosova, raporton Express. Ajo, duke rikujtuar një udhëtim të serbëve dhe shqiptarëve të Kosovës në një konferencë në Washington ka thënë se me Thaçin në State Department ka kënduar “Ko to kaze, ko to laze Srbija je mala” (Kush thotë, kush gënjen se Serbia është e vogël).

Trajkovic ka thënë se serbët kishin shkuar në konferencën e Early House nga Shkupi nën masa të rrepta sigurie. Sipas saj, Thaci pas arritjes në Washington, në Departamentin Amerikan të Shtetit, ka kënduar një këngë nacionaliste serbe.

“Kur arritëm në State Department ai vërtetë ka kënduar “Ko to kaze, ko to laze Srbija je mala” në një serbishte mjaft të mirë dhe të pastër”, ka thënë ajo.

Trajkovic ka thënë se kjo është bërë për të relaksuar situatën. Trajkovic flet për Thacin nga fillimi i intervistës deri në minutën e pestë.

Turqia hap sot në Prizren konsullatë të përgjithshme

Turqia është duke hapur konsullatën e përgjithshme në Kosovë, në qytetin historik të Prizrenit, me konsullin e përgjithshëm Selcen Evcit, që pritet të vijë në zyrë të martën, shkruan Turkishamericannews.

Me hapjen e konsullatës së përgjithshme në Prizren gjatë të martës, Turqia do të jetë vendi i parë që sjellë një përfaqësues shtesë konsullor në Kosovë.

Turqia më parë kishte hapur ambasadën e saj në Prishtinë pas pavarësisë së Kosovës nga Serbia në vitin 2008, por me misionin e saj të dytë në vend, ajo synon të rrisë marrëdhëniet tashmë të ngushta mes dy kombeve. Turqia në përputhje me rrethanat, do të hapë konsullatën e përgjithshme në qytetin e dytë më të madh, që ka një numër të madh të turqve të Kosovës.

Konsulli i ri i përgjithshëm i Turqisë në Prizren, Selcen Evcit, ka deklaruar se është krenare që do të jetë konsulli i parë i përgjithshëm i vendit.

Evcit ka shtuar duke thënë se, “Ne do ti trajtojmë të gjitha gjërat që më parë janë trajtuar në ambasadën tonë në Prishtinë, siç janë shtetësia dhe çështjet ushtarake”, transmeton lajmi.net.

Kur Kosova shpalli pavarësinë e saj nga Serbia më 17 shkurt të vitit 2008, Turqia ishte një nga vendet e para që njohu sovranitetin e saj. Turqia ka shndërruar zyrën e saj koordinuese në Prishtinë në ambasadë, pas një vendimi të kabinetit që të hap një mision në Kosovë. Vendimi është marrë në përputhje me parimin e reciprocitetit të përbashkët në marrëdhëniet diplomatike, kur Kosova njoftoi se planifikon të hap një nga misionet e saja të para të huaja në Ankara

Lumir Abdixhiku – Edi Rama nuk na pajton me Serbinë

“Kë me kënd po pajtojnë ata?”, pyet ai, në një status të postuar në Facebook.

“Rama nuk ka as autorizim, as kredibilitet e as të drejtë të falë, flasë e pajtohet për Kosovën; as për të ardhmen, as për të tashmen e edhe më pak për të shkuarën shqiptaro-serbe në Kosovë”.

“Kosova është Republikë, shtet në vete. Ka të zot të vet, popullin e vet, dhe nëse ka për të falë e pajtuar diçka, mund ta bëjë vet. As edhe gjë prej gjëje me çka pajtohet Rama e Vuçiq nuk ka rëndësi këndej – hiç”.

“Përndryshe, shtrimi i çështjes së Kosovës si problem në mes të Tiranës e Beogradit është tezë e promovuar nga Serbia ka herë; formë e mohimit të Republikës. Fatkeqësisht, për shkak të tolerancës tonë, ajo veçse ka marrë hov mirë”, shkruan analisti Lumir Abdixhiku.

Alarm në Kosovë, shtohen rastet e lëshimit të dritës lazer nga toka ndaj avionëve

PRISHTINË – Autoriteti i Aviacionit Civil i Kosovës (AACK) ka dhënë alarmin se, gjatë muajit gusht të këtij viti, ka pasur numër të shtuar të rasteve kur persona të papërgjegjshëm kanë drejtuar dritën lazer nga toka në drejtim të aeroplanëve dhe helikopterëve, gjatë fluturimit të tyre në hapësirën ajrore të Kosovës, raporton Anadolu Agency.

Këto veprime paraqesin rrezik të madh për sigurinë e fluturimit sepse, ndriçimi me rrezet e lazerit në kabinën e pilotëve të aeroplanëve dhe helikopterëve, sidomos kur fluturojnë në lartësi të ulët, mund të shkaktojë verbim të përkohshëm të pilotëve dhe si pasojë e kësaj mund ta rrezikojë sigurinë e fluturimit.

“Veprimet e tilla janë të kundërligjshme dhe njëherësh paraqesin rrezik të drejtpërdrejtë për sigurinë e fluturimit. Veprimet e tilla, nga kushdo qofshin ato, konsiderohen si rrezikim i operimeve të aviacionit civil dhe janë të dënueshme sipas Kodit Penal të Republikës së Kosovës” ka njoftuar Autoriteti i Aviacionit Civil i Kosovës i cili, së bashku me Policinë e Kosovës dhe Kontrollin Ajror të Aeroportit Ndërkombëtarë të Prishtinës “Adem Jashari”, kanë zhvilluar një procedurë e cila mundëson reagimin e policisë brenda pak minutash, për ta identifikuar burimin prej nga është lëshuar drita e lazerit, në drejtim të avionëve apo mjeteve të tjera fluturuese.

Bëhet e ditur se, të gjithë personat e identifikuar që drejtojnë lazerët drejt avionëve dhe helikopterëve në fluturim, do të përballen me ndjekje penale të bazuar në Kodin Penal të Republikës së Kosovës. Prandaj, Autoriteti i Aviacionit Civil i Kosovës ka bërë thirrje që “Kurrë mos të ndriçohen aeroplanët dhe helikopterët në fluturim me dritë lazeri!”

Jusuf Buxhovi: Marrëveshja e Brukselit legjitimon autonominë serbe në Kosovë

Historiani dhe shkrimtari Jusuf Buxhovi marrëveshjen për themelimin e Asociacionit të Komunave Serbe e quan një veprim të pritshëm, me të cilin legjitimohet një gjendje e cila ka ekzistuar nga vendosja e protektoratit ndërkombëtar e këndej, që njësoj i kanë kontribuar ndërkombëtarët dhe klasa politike e Kosovës, e cila, me gojën plot demagogji patriotike, ka vepruar në dëm të shtetit të Kosovës dhe të interesave të saj vitale

EA-SK: Pas nënshkrimit të Marrëveshjes me Serbinë për themelimin Asociacionit të Komunave Serbe, dhe miratimit të Kuvendit për themelimin e gjykatës speciale vendi po hynë në një realitet të ri politike. Si i shihni zhvillimet e ardhshme politike në vend dhe në raport edhe më faktorin ndërkombëtar?

Jusuf Buxhovi: Ky realitet politik, si thoni, nuk është as i ri e as i panjohur. Ai është i pranishëm nga viti 1999 e këndej. Pra, nga vendosja e protektoratit ndërkombëtar, Kosova ka qenë e ndarë. Veriu, ndonëse me praninë e forcave ndërkombëtare, ka qenë i shkëputur administrativisht dhe politikisht nga tërësia e Kosovës. Në atë pjesë, pakica serbe, praktikisht ka qenë e lidhur me Beogradin nga çdo pikëpamje. Burimet ndërkombëtare kanë pranuar se Serbia, edhe përkundër rezolutës 1244 të vitit 1999, në veriun e Kosovës kishte mbajtur strukturat paralele të sigurisë si dhe kishte financuar pushtetin paralel, i cili ishte toleruar edhe nga ndërkombëtaret. Ky realitet, pra shteti paralel serb me strukturat e veta ka vazhduar edhe pas shpalljes së pavarësisë edhe përkundër faktit se me Pakon e Ahtisarit, pakica serbe jo vetëm që ka fituar pozitë të privilegjuar kushtetuese (numrin e garantuar të deputeteve, të drejtën e vetos për shumë çështje e të tjera) por edhe të drejtën e qeverisjes autonome me lidhje të hapura me Serbinë dhe botën.

Por ky realiteti i ka konvenuar si shumë edhe një pjese të mirë të klasës politike të Kosovës, asaj që shtetin e Kosovës e ka kthyer në plaçkë, ngaqë në këtë oazë të krimit të organizuar, segmentet e politikës kriminale të Kosovës dhe asaj serbe kanë operuar bashkarisht, duke siguruar përfitime të mëdha. Kjo ka bërë që faktori ndërkombëtarë të detyrojë Prishtinë dhe Beogradin që të pranojë një zgjidhje politike me të cilën duhet t’i jepet fund një gjendje të rrezikshme prej nga mund të destabilizohet rajoni. Me këtë rast, formula e integrimeve evropiane dhe ato euroatlantike, si për Prishtinë dhe për Beogradin, është shfrytëzuar si një kod i detyrueshëm kompromisi.

Natyrisht se marrëveshja e tanishme e imponuar nga Brukseli, ngjalli reagime të shumta dhe legjitime në opinionin shqiptar. Me këtë akt të fundit politik të njohjes së Asociacionit të komunave me shumicë serbe situata e qeverisjes paralele, e krijuar viteve të fundit, njihet tani e tutje si një realitet de jure nga vendimmarrësit politikë të Kosovës, të zgjedhur nga populli i Kosovës me mjete demokratike. “Kjo marrëveshje, në emër të shtetforcimit dhe stabilizimit të brendshëm dhe të jashtëm politik, legjitimon një proces, i cili dobëson unitetin e këtij shteti të brishtë, gjë që pastaj edhe vështirëson procesin e mëvetësimit politik, por edhe socioekonomik dhe kulturor afatgjatë. Kjo zgjidhje politike që rezultoi tani me marrëveshjen në fjalë dëshmon po ashtu edhe moskapacitetin dhe mungesën e vizionit të lidershipit politik kosovar për të integruar pakicat në unitetin politik dhe ekonomik kosovar.”

EA-SK: Nënshkrimi i marrëveshjeve të fundit mes Kosovës dhe Serbisë, në Bruksel, për asociacioni, telekomin dhe energjinë, si Prishtina ashtu edhe Beogradi shpallën fitoren e tyre, duke pohuar se nënshkrimi i marrëveshjeve ishte bërë sipas interesave të tyre. Sipas jush kush doli fitues nga arritja e kësaj marrëveshjeje.

Jusuf Buxhovi: Në fakt, kanë të drejtë ata që thonë, “se marrëveshja e fundit është më shumë një shkëmbim i një pjese të sovranitetit të brendshëm të Kosovës, d.m.th., administrimi që një qeveri e organizon brenda një shteti dhe i cili thirret në emër të një autoriteti dhe kontrolli të brendshëm politik, për të fituar pjesërisht një sovranitet të jashtëm, d.m.th., shpërthimin legjitim simbolik jashtë kufijve administrativë, respektivisht njohjen e Kosovës në koncertin e kombeve”. Por, po ashtu, kanë të drejtë edhe ata që esencën e marrëveshjes e shohin “te hollësitë” (detajet), dhe implementimi i tyre, pra kur e gjitha do të sanksionohet me anën e statutit prej nga pastaj do të shihen pasojat në planin politik. Edhe pse në tekstin e marrëveshjes theksohen “ligjet e vendit” si dhe verdikti i Kushtetutës së Kosovës si instancë përfundimtare, megjithatë kolidimi eventual midis instancës kushtetuese dhe statusit të asociacionit mund të kthehet në një shkas që serbët të shfrytëzojnë “fuqinë demokratike të asociacionit” për veprim paralel ose të sjelljes së shtetit në shtet.

EA-SK: Çfarë pasojash juridike dhe politike për vendi do të ketë Asociacioni i komunave Serbe. A mendon se me formimin e tij në një farë mënyre kushtetuese për po bëhet bosnjizmi i vendit, siç thonë pjesëtar të opozitës?

Jusuf Buxhovi: Meqë klasa politike e Kosovës pa përjashtim, gjatë këtyre viteve interesin e ndërtimit të shtetit e ka kthyer në zhvatje të paskrupullt të shtetit, ndërsa institucionet nga ato të ligjvënies, të mbrojtjes, të sigurisë, të arsimit, të shëndetësisë dhe të tjerat i ka shndërruar në instrumente për t’i arritur këto qëllime, gjë që e gjitha ka çuar deri te humbja e kredibilitetit të saj, është afër mendsh që të tillët nuk do të jenë në gjendje të mbrojnë sovranitetin e shtetit e as procesin e fragmentarizimit të të shtetit kundruall politikës së Beogradit. E ardhmja e afërme do të tregojë se a do të bëhet bosnjizimi i vendit, siç dëgjohet të thuhet nga pjesëtarët e opozitës, të cilët, po ashtu, bajnë përgjegjësi të madhe për këtë gjendje, ngaqë asnjëherë nuk e pranuan me sinqeritet shëtitin e Kosovës. Përkundrazi, në emër të “bashkimit kombëtar” folklorik, nënçmuan simbolet e shtetit të Kosovës, gjë që në disa pika (të mohimit të shtetit të Kosovës dhe të mohimit të simboleve të tij) ishin në të njëjtat valë me Beogradin! Të tillë, tash kanë “rastin e mirë” që të garojnë me “Zajednicën” dhe simbolet e saj në dëm të shtetit të Kosovës!

EA-SK: A përfituan serbët me formimi e asociacionit më shumë kompetenca se sa u ofrohen me Pakon e Ahtisarit?

Jusuf Buxhovi: Marrëveshja rreth asociacionit ka qenë e qëndisur në Pakon e Ahtisaarit. Kjo pako është aprovuar dhe integruar në strukturën juridike-kushtetuese dhe institucionale të shtetit të Kosovës. Pakoja në fjalë, në një fazë të parë, pa e emëruar, e pati konsideruar pavarësinë e Kosovës si të vetmen alternativë, por edhe pati eksponuar elemente të autonomisë së serbëve në Kosovës (lidhjet horizontale mes komunave serbe si dhe lidhjet vertikale me Serbinë), pa i emëruar po ashtu atë. Marrëveshja e fundit kapërcen kornizat e kësaj pako në shumë drejtime duke i krijuar kornizën një autonomie serbe në Kosovë. Ky fakt mund të maskohet nga nënshkruesit e saj, por assesi të fshihet, ngaqë do të jetë realiteti politik që do ta nxjerrë në pah.

EA-SK: Po flitet shumë për mundësinë e mbajtjes së zgjedhjeve të reja, më së largu deri në pranverë të 2016. Çfarë mendoni sa mund të pritet zgjedhje të reja pas zhvillimeve politik të ndodhura këtë muaj?

Jusuf Buxhovi: Marrëveshja e Brukselit ka prodhuar një realitet politik, të cilin nuk mund ta ndryshojnë zgjedhjet e reja. Ballafaqimi me këtë realitet nuk duhet të jetë çështje e marketingut politik të opozitës ose faktorëve të tjerë, meqë ashtu nuk fitohet gjë. Përkundrazi, shpallja eventuale e zgjedhjeve të reja, jo vetëm që nuk e sanon gjendjen, por ndikon që përgjegjësia për të të dezavuohet fare. E gjitha madje do të ndikojë që “asociocianistët” të vazhdojnë edhe më tutje me qëllime e tyre, duke e kthyer Kosovën në një plaçkë të hapur. (EA-SK)

Kosovë: Paga 450 euro, por kompanitë nuk gjejnë punëtorë

Të papunët në Kosovë jo çdoherë janë të interesuar të punojnë. Disa kompani prodhuese në Kosovë po kanë mjaft probleme për gjetjen e punëtorëve.

Ata tregojnë se të papunët nuk po shprehin interesim të punojnë, kur ato kompani hapin vende të reja pune.

Radio Evropa e Lirë më herët kishte raportuar se Kompania e verarisë “Stone Castle” në Rahovec, ka probleme të vazhdueshme për gjetjen e punëtorëve për të punuar në vreshtari.

Por, të papunët në Kosovë, përveç vreshtarisë që nuk duan të punojnë, ata hezitojnë të punojnë edhe në vjeljen e patateve.

Bedri Kosumi, pronar i kompanisë “Pestova”, në Vushtrri, e cila merret me prodhimin dhe përpunimin e patates, tregon për Radion Evropa e Lirë se si shumë të papunë kanë hezituar të vijnë të punojnë në vjeljen e patateve.

“Njerëzit ankohen se nuk ka punë, por e vërteta është se të gjithë ne po kemi problem të sigurojmë punëtorë. Problemin më të madh e kemi me punëtorët sezonal për vjeljen e patates. Atëherë kur neve na duhen punëtorë, ne nuk jemi duke gjetur punëtorë, edhe pse i kanë pagat shumë të mira, 450 euro, dhe dy herë në ditë kanë ushqim. Unë vetë e kam punuar këtë punë, nuk është punë e vështirë”, tregon Kosumi.

Papunësia është një nga problemet më të mëdha që ka përcjellë shoqërinë kosovare gjatë viteve të fundit.

Të dhënat zyrtare tregojnë së nga 1.2 milion forcë punëtore, Kosova ka të punësuar vetëm 300 mijë sosh, pjesa e mbetur janë ose të papunë ose jo aktivë.

Kosova ka nivelin më të lartë të papunësisë në rajon, me 35.5 për qind, pasuar nga Bosnje dhe Hercegovina me 27.5 për qind, Serbia me 18.9 për qind, Mali i Zi me 18.0 për qind dhe Shqipëria me 17.9 për qind.

Sipas raportit të fundit të Agjencisë së Statistikave të Kosovës, thuhet se mbi 150 mijë është numri i punëkërkuesve të pakualifikuar, mbi 77 mijë i atyre me shkollë të mesme, ndërkaq të kualifikuar janë 22 mijë dhe me arsimim të lartë 6,840 punëkërkues.

Përveç asaj që kompanitë kanë probleme për gjetjen e punëtorëve, ata tregojnë se kanë probleme edhe me punëtorët, që kanë arsimim të lartë, e të cilët nuk janë të përgatitur mirë për punë.

Bedri Kosumi tregon se kur kanë punësuar punëtorë në kompani, shumë prej tyre nuk kanë qenë të përgatitur, iu kanë munguar njohuritë për kryerjen e punës për të cilën janë punësuar.

“Ne gjithmonë thirremi në atë se jemi vendi me gjeneratën më të re të shkolluar, (të rinj) që flasin shumë gjuhë, por jam i obliguar të them të vërtetën. Në pikat kyçe të kompanisë ne i trajtojmë njerëzit ndoshta deri edhe në një vit”.

“Me shumë vështirësi kemi arritur që tani ta kemi një staf të përgatitur mirë. Megjithatë, fatkeqësisht më duhet të them që kemi njerëz, të cilët kanë shkollim superior të kryer, por që nuk janë të përgatitur për tregun e punës”, thekson Kosumi.

Një hall të madh me punëtorët e papërgatitur mirë për tregun e punës, e kishin paraqitur edhe investitorët e huaj, të ardhur në Kosovë.

Drejtori ekzekutiv i Odës Ekonomike Amerikane në Kosovë, Arian Zeka, në një prononcim për Radion Evropa e Lirë, kishte theksuar se investitorët e huaj po kanë problem për gjetjen e punëtorëve të kualifikuar.

Përveç tjerash, ai kishte theksuar se institucionet arsimore në Kosovë po përgatisin fuqi punëtore, e cila nuk është adekuate për kërkesat e tregut të punës.

“Kurdo që rritet vëllimi i investimeve të huaja, kjo fuqi punëtore nuk do të jetë në gjendje t’i plotësojë kërkesat e investitorëve të huaj. Pra, një prej vërejtjeve kryesore të investitorëve të huaj është se në Kosovë tregu i punës nuk ofron shkathtësitë e duhura që kërkohen nga ana e këtyre investitorëve të huaj”, kishte theksuar Zeka.

Edhe njohës të çështjeve të arsimit në Kosovë, vazhdimisht kanë potencuar se studentët në Kosovë po dalin të papërgatitur për tregun e punës. Derisa kishin kërkuar nga autoritetet e Kosovës që të marrin masa urgjente në përmirësimin e cilësisë në arsimin e lartë.

Kosova Sot: Serbia edhe pa ftesa e ka pushtuar tregun e Kosovës

Bilanci tregtar i disfavorshëm për vendin

Elshani: Nuk ka nevojë të promovohen bizneset serbe

“Askush dhe as Odat Ekonomike nuk është dashur që t’i promovojnë bizneset nga Serbia, pasi që Serbia edhe pa këto ftesa është mjaft e përfaqësuar në Kosovë dhe një përfaqësim i tillë nuk i bën nder vendit. Serbia zë vendin e parë të eksportit në Kosovë dhe është prezente afro 70 vite dhe ne nuk kemi nevojë që ta promovojmë as në Beograd, Vjenë e Bruksel”, thotë njohësi i çështjeve ekonomike, Arif Elshani

Bilanci i sivjetmë tregtar i Kosovës me Serbinë është tejet i disfavorshëm për palën kosovare, sepse importet për tetë muajt e parë të këtij janë diku rreth 200 milionë euro mallra, kurse eksportet në këtë shtet janë të papërfillshme diku vetëm dhjetëra milionë. Bazuar edhe në të dhënat e tjera mendohet se sivjet importet në Kosovë do të arrijnë shumën e rreth 2 miliardë eurove. Në vend se të punohet për rritjen e eksporteve, por edhe të importeve nga vendet e tjera, kryesisht me Shqipërinë, zyrtarët qeveritarë dhe përfaqësues të Odës Ekonomike thërrasin investitorë nga Serbia për të ardhur në Kosovë.

Qeveria pa strategji

Deputeti i Kuvendit të Kosovës, Pal Lekaj, thotë për gazetën se edhe bilanci i sivjetmë i importeve dhe eksporteve me Serbinë, sipas traditës, po shkon në dobi të palës serbe. “Me këtë po dëshmohet se synimi është i qartë dhe po tentohet pushtimi sa më i madh i tregut të Kosovës nga ana e bizneseve serbe dhe Serbia”, shprehet Lekaj, i cili gjithashtu shprehet i habitur se si në takimin me Serbinë që OEK e pati në Beograd, por edhe në Vjenë, përfaqësuesi i Kosovës i ka ftuar kompanitë serbe që të investojnë dhe të rrisin prezencën e këtyre prodhimeve në ekonominë e Kosovës. Lekaj kritikon ashpër edhe Qeverinë e Kosovës, e cila, sipas tij, nuk ka ndonjë strategji për të kërkuar një tjetër partner strategjik, në mënyrë që të mos varet vetëm nga importet dhe kompanitë serbe”. ” Është koha e fundit që Qeveria e Isa Mustafës ta përpilojë një strategji të tillë, nuk shkon më kështu”, shprehet Lekaj…

Ramush Haradinaj ngre flamurin shqiptar në kufirin me Malin e Zi

VOAL – PRISHTINË, 28 GUSHT – ‘Blic’ bën të ditur se Ramush Haradinaj, kryetar i Aleancës për Ardhmërinë e Kosovës (AAK), parti në opozitë, në mesin e veprimtarëve të kësaj partie, ngriti flamurin kombëtar në kufirin me Malin e Zi.

Caktimi i kufirit shtetëror Kosovë-Mal i Zi, për të cilin u nënshkrua në Vjenë para dy ditësh marrëveshja midis dy vendeve është temë e nxehtë e ditës në mediat dhe në opinionin e Kosovës dhe përgjithësisht në hapësirën shqiptare.

Vështrim – Kosova nuk është pronë private e askujt – Nga SKËNDER MULLIQI

Gadi krejt pasluftën skena politike në Kosovë pak ka ndryshuar. Kjo estradë politike po jeton mirë, pa brenga. I kan rehatuar mirë të vetët, ilakat e tyre , shokët dhe dashamirët. Dhe, gjithë këtë e kanë bërë në emër të popullit. Askush ose pak prej tyre u përgjigj para organeve të drejtësisë për dëmin e shkaktuar karshi shtetit dhe popullit.Po veprojnë ne ëmer të popullit , por pa e pyetur ate fare. Po marrin vendime kokë në vete .Asnjë vendim të rëdësishem që morën sidomos në planin e jashtem , u bë pa e pyetur popullin, sidomos vendimet qe u moren pas bisedimeve më Serbinë fqinje. Këto firmosje te marrveshjeve pak ose fare ishin transparente, gjë që ndodhë vetëm në ato shtete ku sundon diktatura.Këta politikan e kan gjetur terrenin e hapur për të vepruar në dëm të vendit pa u ndëshkuar.Duket ashiqare se në Kosovë deri më tash në secilën palë të zgjedhjeve vota u dha blanko, dhe blanko po dalin edhe rezultatet .Nese gabohet për herë të parë ose të dytë, për herë të tretë nuk lejohet të përseritet gabimi. Gjendja e rëndë ekonomike gjithnjë e më shumë po thellohët. Pa punësia veq sapo shtohet. Korrupcioni dhe krimi i organizuar po na grryejnë nga brenda secilën ditë e më shumë.Mbamendja e shkurtër dhe dhënja e votave përseri gadi të njejtës garniturë politike është duke na kushtuar në secilin plan të jetës.Gjithë kësaj kuri i bashkëngjitet ndikimi politik nga të tjerët , mos interesimi i duhur ,atëherë natyrisht së shtohen votat . Ndoshta edhe unë po gaboj, por zgjedhjet u fituan edhe në këtë menyrë përpos shantazheve, vjedhjeve masovike që ndodhën gjatë këtyre zgjedhjeve që i kemi pasur.Kështu ngadalë kaluan 16 vite pas luftës, duke u mashtruar populli së do të bëhët mirë. Dhe , pak gjë e premtuar nga partitë fituese politike u realizua . U realizuan apetitet e tyre karrieriste dhe u realizuan interesat e tyre përsonale . Natyrisht së dëmi i gjithë kësaj bëhët edhe më i madh kur cenohen interesat nacionale. Në bisedimet me Serbinë këto interesa po cenohen parreshtur. Merret vendimi për Asociacionin e Komunave Serbe, dhe as ekspertet pak gjë din së qka po ndodhë për një çështje aq të rëndësishme .Kantonizimi nuk ka brirë, veq kështu bëhët.Pushteti aktual shumë e ka humbur bësimin në popull me veprimet e deritashme .Gjatë kësaj periudhe ndodhen shumë gjera jo t ë mira, si protestat masive, largimi masovik nga vendi, dhe tash u moren dy vendime shumë të rëndësishme për vendin, dhe këto vendime nuk flasin mirë për të ardhmen e Kosovës. Prandaj, pas gjithë këtyre bie pyetja a e meriton përkrahjën ky pushtet?Sigurisht se jo edhe pa dy firmosjët e fundit për asociacionin dhe vijën e demarkacionit me Malin e Zi. Nuk po ka ndonjë solucion së si vendi të dalë nga kriza. Vështirë do të jetë kur nuk kemi investime të jashtme, nuk kemi ndonjë platformë të zhvillimit të ekonomisë si gjeja primare e kapërcimit të krizës .Koha I është shpenzaur kësaj kaste politike .Kosova nuk është pronë private e askujt. Nese votat janë marrë nga elektorati , atëherë elektorati edhe duhet të pyetet për çdo gjë. Nuk bën që populli të mashtrohet në asnjë menyrë.A nuk ishin manipulim deklarimet e deritashme se shpejt do te kemi liberalizim të vizave ?A nuk u manipulua edhe më shifrën së do të punësohen deri në 200 mijë veta ?Dhe shumë manipulime të tjera.Manipulimet po vazhdojnë të ndodhin .Krejt pa faj nuk është as bashkësia ndërkombëtare e cila në vend që ta ndëshkojë Serbinë për gjenocid, po e shpërblen ate.Kosova ka mbetur vendi i vetëm i izoluar në Evropë.Njerëzit po jetojnë në frikë për të ardhmen e tyre .Po na ndodhin migrimet e çdo ditëshme para syve tanë , dhe askush nuk merret me atë punë . Prandaj, edhe kur gjendja politike dhe veqmas ajo ekonomike nuk janë të mira , lulëzojnë gjithëfare ekstremizmash jo pa të rrezikshme.I kemi bërë ball si popull okupimit shumë vjeqar, dhe tash në kushtet e paqës nuk ishte dashur të dështojmë. Ky shekkull u quajt shekulli i shqiptarëve më të drejtë, por megjithate punët nuk po na shkojnë ashtu siq kemi pritur . Fajin kryesor për gjendjën jo shumë të favorshme politike të shqiptarëve në rajon e bartin garniturat në pushtet. Të vetmit që në këtë krizë të katandisur po na zbardhin fytyrën janë sportistët tanë në botë…

Pas nënshkrimit, marrëveshja për kufirin me Malin e Zi pret ratifikimin nga Kuvendi i Kosovës

Çështja e kufirit kishte nxitur shumë debate në Kosovë ku opozita pohon se vendi ka humbur mijëra hektarë tokë

Kosova dhe Mali i Zi nënshkruan të mërkurën në Vjenë marrëveshjen për kufirin shtetëror. Marrëveshja u nënshkrua nga zëvendëskryeministri dhe ministri i Jashtëm, Hashim Thaçi, dhe ministri i Brendshëm, Skender Hyseni dhe zëvedëskryeministri dhe ministri i Jashtëm i Malit të Zi, Igor Llukshic, e ministri i Brendshëm, Rashko Konjevic.

Në një njoftim të ministrisë së jashtme të Kosovës, thuhet se dëshmitarë të nënshkrimit ishin kryeministri i Kosovës, Isa Mustafa, kryetari i Malit të Zi, Fillip Vujanoviq, si dhe ministri i Jashtëm i Austrisë, Sebastian Kurz.

Ministri i Jashtëm i Kosovës Hashim Thaçi, pas nënshkrimit të marrëveshjes, tha se ajo është në “përputhje të plotë me Kushtetutën e vitit 1974, Dokumentin e Presidentit Martti Ahtisaari dhe Kushtetutën e Republikës së Kosovës. Kjo është një ditë e rëndësishme për Kosovën, për Malin e Zi por edhe për tërë rajonin, që dëshmon se rajoni ka hyrë në një periudhë të bashkëpunimit dhe po ecën sigurt në rrugën e integrimeve euro-atlantike”.

Ministri i Jashtëm i Malit të Zi, Igor Llukshic, tha se marrëveshja është shembull për rajonin dhe vlerësoi se është bërë në prag të Samitit të Vjenës, si konfirmim se rajoni është i përkushtuar në procesin e integrimit në Bashkimin Evropian dhe në NATO.

Procesi i përcaktimit të kufirit në mes të Kosovës dhe Malit të Zi, ka nxitur shumë debate në Kosovë. Opozita është e bindur se me këtë proces, Kosova humb rreth 12 mijë hektarë tokë, ndërsa qeveria është e bindur se nuk humb asnjë metër katror.

Marrëveshja për shënimin e kufirit duhet të ratifikohet nga parlamenti i Kosovës.

Kosova ka përmbyllur shënimin e kufirit me Shqipërinë pa asnjë pengesë, ndërsa shënimi i kufirit me Maqedoninë përfundoi mes shumë debatesh në tetor të vitit 2009. Por çështja e kufijve të Kosovës nuk përmbyllet as me shënimin e kufirit me Malin e Zi. Serbia nuk e njeh pavarësinë e shtetit të ri të shpallur në shkurt të vitit 2008 dhe rrjedhimisht as kufijtë e tij.

Ambasada e SHBA përgëzon Qeverinë e Kosovës – fitore e të gjitha palëve

Ambasada e Shteteve të Bashkuara në Prishtinë ka përgëzuar Qeverinë e Republikës së Kosovës për arritjen e katër marrëveshjeve në Bruksel.

“Këto marrëveshje, të cilat e respektojnë sovranitetin dhe integritetin territorial të Kosovës, do të përmirësojnë jetët e të gjithë njerëzve në Kosovë dhe janë fitore e të gjitha palëve”.

“Diskutimet që u lehtësuan nga Përfaqësuesja e Lartë e BE-së rezultuan me marrëveshjet për energjinë, telekomunikimet, themelimin e një Asociacioni të komunave me shumicë serbe, si dhe për lirinë e lëvizjes dhe urën e Mitrovicës. Këta hapa do të forcojnë stabilitetin rajonal, do të kontribuojnë në normalizimin e marrëdhënieve me fqinjët e Kosovës dhe do t’i ndihmojnë Kosovës që të vazhdojë rrugëtimin e saj të përafrimit në integrimet me institucionet euro-atlantike”, thuhet në deklaratën e Ambasadës amerikane..

Po sipas saj, SHBA përkrah fuqimisht procesin e dialogut, “e kupton se ky kërkon marrjen e vendimeve të vështira nga të gjitha palët dhe e çmon kurajën që është e nevojshme për të shikuar drejt së ardhmes”.

Kjo është Marrëveshja për Asociacionin (Dokument-shqip)

Voal – Telegrafi e publikon të plotë në shqip Marrëveshjen bazë për Asociacionin e Komunave me shumicë serbe në Kosovë, të nënshkruar sonte në Bruksel dhe të publikuar nga Komisioni Evropian.

Më poshtë lexojeni të plotë Marrëveshjen bazë për Asociacionin e Komunave me shumicë serbe në Kosovë:

Asociacioni/Komuniteti i komunave me shumicë serbe në Kosovë – parimet e përgjithshme/elementet kryesore

Korniza ligjore

1) Asociacioni/Komuniteti i komunave me shumicë serbe në Kosovë është themeluar si një Asociacion/komuniteti i komunave me shumicë serbe, siç është paraparë me Marrëveshjen e Parë, Ligji e ratifikimit të Marrëveshjes së Parë dhe ligjin e Kosovës

2) Në bazë të Marrëveshjes së Parë që njeh karakterin e saj të veçantë, Qeveria e Kosovës do të miratojë një dekret drejtpërdrejt të zbatueshëm, që do të shqyrtohet nga Gjykata Kushtetuese. Komuniteti/Asociacioni do të jetë entitet legal i përcaktuar me Statutin e saj, i cili do të përbëhet nga të paktën elementet e përcaktuara më poshtë.

3) Statuti do të miratohet nga një asamble konstituive që përbëhet dhe votohet nga anëtarët e asambleve të komunave pjesëmarrëse.

Objektivat
4) Në përputhje me Marrëveshjen e Parë, Asociacioni/Komuniteti do të ketë objektivat e saj kryesore në ofrimin e funksioneve dhe shërbimeve publike për:

a) forcimin e demokracisë lokale

b) të ushtrojë mbikëqyrje të plotë për zhvillimin e ekonomisë lokale

c) të ushtrojë mbikëqyrje të plotë në edukim

d) të ushtrojë mbikëqyrje të plotë në kujdesin primar dhe sekondar shëndetësor e social

e) të ushtrojë mbikëqyrje të plotë për koordinimin e planifikimit urban dhe rural

g) të miratojë masa për përmirësimin kushteve të jetës për të kthyerit në Kosovë

h) të zbatojë, koordinojë dhe lehtësojë aktivitetet hulumtuese dhe zhvilluese

i) të promovojë, të përhap dhe avokojë çështjet me interes të përbashkët të anëtarëve të saj dhe t’i shfaq ato, përfshirë edhe tek autoritetet qendrore;

j) të ofrojë shërbime për anëtarët e saj, në pajtim me ligjet e Kosovës;

k) të vlerësojë ofrimin e shërbimeve publike të anëtarëve të saj dhe banorëve të tyre, si dhe për të mbështetur Komunitetin/Asociacionin në formimin e qëndrimeve të interesimit të përbashkët për pjesëmarrje në punën e autoriteteve qendrore

l) kryen monitorimin siç kërkohet për implementimin e objektivave të saj;

m) të krijojë raporte dhe të hyjë në marrëveshje bashkëpunimi me asociacionet tjera të komunave, vendore dhe ndërkombëtare;

5) Komuniteti/Asociacioni do të ushtrojë kompetenca tjera shtesë që mund të delegohen nga autoritetet qendrore.

Struktura organizative

6) Asociacioni/Komuniteti do të ketë organet e mëposhtme:

a) një Asamble si organi më i lartë i përbërë nga përfaqësuesit e përcaktuar nga çdo asamble e komunave pjesëmarrëse, në mesin e anëtarëve të tyre të zgjedhur. Kuvendi do të ketë të drejtë të miratojë ndryshimet në amendamentet e Statutit, rregullat e procedurës dhe të gjitha regulativat dhe vendimet administrative si për Statutin dhe objektivat e saj.

Të gjitha amendamentet në Statut, rregullat e procedurës dhe të gjitha regullativat dhe vendimet e miratuara nga Asambleja do të jenë të zbatueshme për anëtarët e saj, përveç nëse një prej anëtarëve të saj shpreh formalisht një vendim të ndryshëm.

b) një President i cili do të përfaqësojë Komunitetin/Asociacionin, para autoriteteve qendrore dhe jashtë Kosovës. Presidenti do të ndihmohet nga një nënkryetar. Kryetari dhe nënkryetari do të zgjidhet nga Asambleja nga radhët e anëtarëve të asambleve të komunave pjesëmarrëse dhe kryetarët e tyre.

c) Këshill i përbërë nga maksimumi 30 anëtarë në mesin e banorëve të komunave pjesëmarrëse, duke përfshirë të gjithë kryetarët e komunave pjesëmarrëse; Këshilli është një organ këshillues i cili ofron udhëzime për punën e Asociacionit/Komunitetit.

d) Bordi përbëhet nga 7 anëtarë të votuar nga Asambleja nga radhët e kryetarëve të komunave dhe banorëve të komunave pjesëmarrëse; përbërja e saktë përcaktohet në Statut, me të drejtë për të marrë vendimet e nevojshme për menaxhimin ditor të Komunitetit/Asociacionit. Anëtarët e Bordit do të mbështeten në punë nga Kolegjiumet Profesionale të përbërë nga ekspertë, që mbulojnë zonat që bien nën objektiva dhe detyrat e Asociacionit/Komunitetit. Statuti do të përcaktojë numrin e Kolegjiumeve Profesionale dhe detyrat e tyre tek anëtarët e Bordit.

e) një Administratë e kryesuar nga Shefi i Administratës i caktuar nga Bordi dhe që i raporton Bordit, që mbështet punën e Komunitetit/Asociacionit, në veçanti Bordin dhe Presidentin. Stafi i administratës do të përfitojë nga statusi i punësimit, në përputhje me ligjin e Kosovës, përfshirë edhe Ligjit të Punës dhe Ligjit për Shërbimin Civil, duke bërë të mundur që ata të kryejnë detyrat e tyre administrative. Anëtarët e Asociacionit/Komunitetit mund të vendosin për të përdorur një numër të të punësuarve për të mbështetur Komunitetin/Asociacionin në zbatimin e objektivave të saj.

f) një Zyrë Ankese me mandatin për të trajtuar ankesat në lidhje me objektivat.

7) Selia e Komunitetit/Asociacionit do të përcaktohet në Statut.

Raportet me autoritetet qendrore

8) Asociacioni/Komuniteti do të punojë me autoritetet qendrore në bazë të bashkëpunimit të ndërsjellë dhe ndarjes së informatave

9) Asociacioni/Komuniteti do të promovojë interesat e komunitetit serb të Kosovës në raport me autoritetet qendrore.

10) Asociacioni/Komuniteti do të ketë të drejtë të propozojë, në përputhje me ligjin e Kosovës, amendamente në legjislacion dhe rregullativa tjera relevante për kryerjen e objektivave të saj.

11) Asociacioni/Komuniteti do të kenë të drejtë të iniciojë apo marrë pjesë në ose procedurat para gjykatave kompetente, përfshirë edhe Gjykatën Kushtetuese, kundër çdo akti apo vendimi nga çdo institucion që ndikon në ushtrimin nga ana e Asociacionit/Komunitetit të kompetencave të saj, në përputhje me Statutin e saj.

12) Asociacioni/Komuniteti do të kenë të drejtë të propozojnë përfaqësues në organet kompetente/trupat e pushtetit qendror, duke përfshirë Këshillin Konsultativ të Komuniteteve. Duke ndjekur monitorimin e paraparë me Marrëveshjen e Parë, përfaqësuesi i Asociacionit/Komunitetit do të ketë drejtë të ketë qasje në informata nga autoriteteve qendrore, në përputhje me ligjin e Kosovës.

13) Duke vepruar në emër të Asociacionit/Komunitetit, katër kryetarët e tyre në komunat e veriut do t’i sigurojnë Ministrisë së Brendshme listën e kandidatëve për nominim të Komandantit rajonal të Policisë, siç specifikohet me Nenin 9 të Marrëveshjes së Parë.

Kapaciteti ligjor

14) Asociacioni/Komuniteti do të jetë i pajisur me kapacitetet juridike të nevojshme sipas ligjeve të Kosovës, për të kryer objektivat e saj, përfshirë të drejtën për të poseduar pasuri luajtshme dhe të paluajtshme, të ketë bashkëpronësi të kompanive që ofrojnë shërbime lokale në kuadër të Asociacionit/Komunitetit për të lidhur kontrata, përfshirë edhe kontratat e punës.

15) Në bazë të Marrëveshjes së Parë, Asociacioni/Komuniteti konsiderohet i instaluar, me miratimin e dekretit, për qëllimet e objektivave të saj.

Buxheti dhe mbështetja

16) Asociacioni/Komuniteti do të ketë buxhetin e vet, i cili do të administrohet në përputhje me parimet e transparencës dhe llogaridhënies, si dhe dispozitat e ligjit për prokurimin publik.

Këto parime do të zbatohen në veçanti për kanalizimin e fondeve, përfshirë edhe nën 17.d

Shpenzimet do t’i nënshtrohen auditimit nga ana e Autoriteteve kompetente, përfshirë edhe nga Auditori i Përgjithshëm.

17) Asociacioni/Komuniteti do të financohet nga:

a) kontributet nga anëtarët e saj;

b) të ardhurat dhe mjetet nga shërbimet e ofruara nga Asociacioni/Komuniteti, kompanitë e saj ose të nxjerra nga asetet e saj luajtshme a të paluajtshme;

c) transferet nga autoritetet qendrore;

d) kontributet, grantet, donacionet si dhe mbështetja financiare nga asociacionet dhe organizatat tjera, vendore e ndërkombëtare, si dhe nga Republika e Serbisë; Komuniteti/Asociacioni do të përjashtohet nga obligimet dhe taksat në realizimin e objektivave të saj, mbi të njëjtën bazë si komunat pjesëmarrëse.

Dispozitat e përgjithshme dhe përfundimtare

18) Asociacioni/Komuniteti do të jetë i hapur për çdo komunë tjetër me kusht që anëtarët të jenë në marrëveshje.

19) Asociacioni/Komuniteti mund të shpërbëhet vetëm me vendim të Asamblesë së saj të miratuar nga shumica prej 2/3 e anëtarëve.

20) Asociacioni/Komuniteti do të ketë të drejtë në simbolet e veta zyrtare (stemës dhe flamurit) në përputhje me ligjin e Kosovës.

21) Statuti i Asociacionit/Komunitetit do të hartohet nga Ekipi Menaxhues dhe do t’i paraqitet nivelit të lartë të Dialogut brenda katër muajve nga data e marrëveshjes së këtyre parimeve/elementeve, me lehtësim nëse është e nevojshme, përfshirë edhe Ministrinë e Administrimit të Pushtetit Lokal. Statuti do të miratohet me një dekret në bazë të marrëveshjes në Dialog. Çdo ndryshim do të prezantohet nga Asociacioni/Komunitetit, do të miratohet me dekret dhe do të shqyrtohet nga Gjykata Kushtetuese.

22) Brenda një viti të adoptimit të Statutit të Asociacionit/Komunitetit, një rishikim i implementimit të saj duhet të kryhet, përfshirë atë në lidhje me Nenin 5 të Marrëveshjes së Parë. /Telegrafi/

Isa Mustafa dhe tenderi që i dha djalit të tij bëhen lajm në mediat botërore

Çështja e dhënies së kontratës për riparim të një veture të Kryeministrisë së Kosovës, kompanisë së djalit të Isa Mustafës, sot është bërë lajm në të gjitha mediat serioze nëpër botë. Dje mediat në Kosovë raportuan se djali i Isa Mustafës, Besniku, me anë të kompanisë së tij, kishte fituar një kontratë prej 2900 euro për riparim të një veture BMW në institucionin që e drejton babai i tij.

Për këtë kryeministri Isa Mustafa nuk ngurroi të reagojë në Facebook, duke e cilësuar budallallëk veprimin e mediave që publikojnë lajme të tilla, pasi sipas tij në dhënien e kësaj kontrate ishte gjithçka e rregullt dhe nuk ka asgjë të keqe nëse atë e fiton djali i tij, shkruan RTK.

Por sot për këtë çështje kanë raportuar edhe mediat më të mëdha botërore duke përfshirë edhe agjencinë ndërkombëtare të lajmeve Reuters. Pritet të shihet nëse kryeministri Mustafa do t’u reagojë edhe mediave ndërkombëtare, që t’u mbajë pak ligjëratë rreth përzgjedhjes së temave që duhet trajtuar.

Badivuku, paratë e ryshfetit në frigorifer

Voal – Prokurorja, Vaide Badivuku, kishte marrë 22 mijë euro ryshfet për t’i liruar veturat e sekuestruara të familjes Hasani që po hetoheshin për fajde. E njëjta familje kishte dhënë edhe 10 mijë të tjera për t’u liruar nga paraburgimi dy pjesëtarë të saj. Me paratë e ryshfetit që i kishte vendosur në frigorifer, Badivuku ishte nisur për pushime në Austri

Dhjetë mijë euro kishin paguar familja Hasani në mënyrë që dy pjesëtarët e kësaj familjeje, Esati dhe Dritoni, të lirohen nga paraburgimi në maj të këtij viti. Ndonëse të dyshuar për fajde dhe detyrim, ishin liruar nga paraburgimi, ndërsa ndaj tyre ishte caktuar masa e arrestit shtëpiak për t’u ndërprerë kjo masë një muaj më vonë.

Të gjendur në masën e lajmërimit në stacion policor, familja Hasani përmes avokatit Mahmut Halimi kishin bërë kërkesë që t’iu kthehen nëntë veturat e konfiskuara më 12 dhjetor kur ishin arrestuar katër pjesëtarët e familjes Hasani, babai Esati dhe djemtë Fatoni, Artoni dhe Dritoni.

Kosova Sot: Asociacioni serb, një mini-shtet brenda Kosovës

Formimi i Asociacionit lë në duar të Serbisë rreth 30 për qind të territorit të vendit

“Këto dëme akoma më të mëdha po i bëjnë me krijimin e ”Zajednicës”, duke lejuar krijimin e një mini-shteti serb brenda territorit të Republikës së Kosovës. Formimi i Asociacionit të Komunave Serbe lë jashtë kontrollit të Republikës së Kosovës dhe në duar të Serbisë rreth 30 për qind të territorit të vendit. Kështu që, me krijimin e këtij asociacioni, po krijohet një mini-shtet brenda Kosovës, ku do të ketë kompetenca shtesë në gjyqësi e polici, si dhe në arsim dhe shëndetësi”, shprehet analisti Faik Krasniqi

Formimi i asociacionit të komunave serbe në Kosovë është një mini-shtet në territorin e Kosovës. Në bisedimet me Beogradin, pala kosovare u tregua totalisht e papërgjegjshme, duke bërë lëshime e kompromise të vazhdueshme në dëm të Kosovës dhe në favor të Serbisë, duke ia mundësuar asaj të përzihet në tërë brendinë e Kosovës. Formimi i këtij asociacioni, do të bëjë që Kosova gjithmonë të ketë probleme dhe me këtë rast Serbinë do ta ketë brenda Kosovës. Kosova ndonëse ka arritur të dalë jashtë Serbisë, ajo ka lejuar “Zajednicen”, që Serbinë ta sjellë dhe mbajë brenda Kosovës në tërë territorin e saj në plot 10 komunat brenda Kosovës. Se Asociacioni do të jetë një mini-shtet brenda Kosovës e thotë edhe Frashër Krasniqi nga lëvizja ‘Vetëvendosje’. “Asociacioni i Komunave ose “Zajednica” do të jetë mini-shtet brenda Kosovës. Ajo do të ketë buxhet të ndarë, ekonomi të ndarë, sistem juridik të ndarë, polici të ndarë, arsim dhe shëndetësi të ndarë. Kjo nënkupton që praktikisht ai do të jetë një republikë brenda Republikës së Kosovës, me gjasë që të bëhet edhe më e fuqishme se sa vetë republika jonë. Ne mendojmë që ky asociacion nënkupton ndarje dhe segregacion dhe është e kundërta e integrimit të vërtetë të serbëve në shoqërinë tonë. Ne mendojmë që segregacioni që po imponohet përmes “Zajednicës” është në shpërpushje me të drejtat elementare të njeriut dhe është kundër interesit edhe të serbëve lokalë”, shprehet Krasniqi për “Kosova Sot”. Ky projekt, sipas tij, është kryekëput interes i Serbisë në kuadër të planeve të saj ekspansioniste…

Seminaristet serbe: Paragjykimet ndaj Kosovës vijnë nga mosdija

Seminari Ndërkombëtar për Gjuhën, Letërsinë dhe Kulturën Shqiptare, i cili aktualisht po mbahet në Prishtinë, ka tërhequr dhjetëra studentë nga vende të ndryshme të botës, për të ardhur në këtë seminar për të mësuar gjuhën shqipe, por edhe kulturën e shqiptarëve.

Në mesin e tyre ka edhe studente nga Serbia, të cilat tashmë janë duke studiuar gjuhën shqipe në Katedrën e albanologjisë në Beograd.

Ato thonë se tashmë Seminari Ndërkombëtar për Gjuhën, Letërsinë dhe Kulturën Shqiptare, për çdo vit është bërë vendtakimi i albanologëve nga e gjithë bota, si dhe ka krijuar mundësi krejtësisht më të mëdha për të komunikuar në gjuhën shqipe se sa në vendin ku janë duke i bërë studimet, në Beograd.

Danica Avramoviq nga Jagodina, është studente në Universitetin e Beogradit, në Katedrën e Albanologjisë.

Sivjet, është hera e tretë që ajo ka ardhur t’i ndjekë kurset e gjuhës shqipe në seminar dhe tashmë është në nivelin e tretë të këtyre kurseve, që vlerësohet si nivel për ata që tashmë e njohin mirë shqipen.

Duke folur për Radion Evropa e lirë, Avramoviq thotë se ajo çfarë i pëlqen në seminar, është mundësia që ta njohë dialektin gegë të gjuhës shqipe dhe të folmen e përditshme në Kosovë.

“Ne në katedër (në Universitetin e Beogradit) mësojmë gjuhën standarde, gjuhën letrare dhe kur vijmë për herë të parë këtu e kemi problem të adaptohemi me të folurën e Kosovës, me gegërishten. Por, është mirë. Mund të kuptohemi tani me njerëz në rrugë dhe mendoj që është një përparim shumë i madh. Mendoj që kjo është falë seminarit, sepse çdo vit vij këtu dhe praktikoj apo ushtroj gjuhën”, thotë Avramoviq.

Përshtypje të ngjashme për Seminarin Ndërkombëtar për Gjuhën, Letërsinë dhe Kulturën Shqiptare ka edhe Anja Zhivkoviq nga Leskovci, e cila po ashtu është studente në Katedrën e Albanologjisë në Beograd.

Ajo është në seminar për herë të dytë, në nivelin e tretë të kursit të gjuhës shqipe. Siç thotë ajo për Radion Evropa e Lirë, mësimet për dallimet e dialekteve të gjuhës shqipe, e kanë pasuruar dijen e saj për shqipen.

Në këtë drejtim, sipas saj, e kanë ndihmuar mjaft shume profesorët e Fakultetit Filologjik të Universitetit të Prishtinës, të cilët janë pjesë e seminarit.

“Po, na kanë ndihmuar shumë, sepse, për shembull, kemi bërë një shëtitje me profesorin, në qytet. Ishim edhe në treg. Ai na ka treguar për gjuhën e rrugës. Ne mësojmë vetëm nga librat dhe është pak e vështirë sepse nuk jemi në kontakt me gjuhën çdo ditë. Këtu është mirë, sepse edhe në rrugë por edhe në fakultet flasim shqip, çdo ditë, atje (në Beograd) nuk kemi mundësi”, bën të ditur Zhivkoviq.

Të dy këto studente serbe nga Beogradi, thonë se para se të fillojnë të studiojnë gjuhën shqipe, janë ballafaquar me paragjykimet që ka pasur rrethi për studimet e tilla.

Avramoviq thotë se ka pasur mjaft raste kur njerëz që e rrethojnë, kanë shprehur çudinë pse ajo studion shqipen.

“Është thjeshtë një si çudi. Njerëzit habiten që një serb dëshiron të mësojë gjuhën shqipe. Por, jo pse është ndonjë gjë e keqe, por sepse është gjë e pazakonshme”, thotë Avramoviq.

Por, çfarë do t’u thotë lidhur me vizitën në Prishtinë, njerëzve në rrethin e saj Anja Zhivkoviq, kur të kthehet në Beograd?

“Sinqerisht, ata nuk janë shumë të interesuar, sepse ka ende shumë paragjykime. Por, ndoshta janë mësuar me këtë gjë sepse unë ju flas për çdo ditë për atë që studioj dhe jam shumë e interesuar. Për shembull, kur u them se është njësoj situata këtu dhe në Beograd, se njerëzit janë shumë të ngjashëm, ata janë pak të habitur, në mënyrën ‘nuk e dinim’. Kjo është sepse kanë paragjykime”, shprehet Zhivkoviq.

Danica Avramoviq, shpreh mendimin se ekzistojnë paragjykimet te shumë njerëz edhe në Serbi, por edhe në Kosovë, për popujt e të dyja vendeve. Por, ajo thotë se kjo ndodhë nga mosdija e të dyja palëve.

“Mendoj që paragjykimet lindin nga mosdija. Por, meqë shqiptarët këtu kanë pasur kontakte me serbë, mendoj që nuk kanë aq shumë paragjykime si në Serbi. Në Serbi, njerëz që nuk kanë pasur kontakt, për shembull Serbia qendrore apo veriore, kanë pak paragjykime. Jam e sigurt që do të kalojnë, sepse duhet të kalojnë. Nuk mund të jetojmë të ndarë si njerëz. Jemi fqinjë dhe duhet të bashkëjetojmë ndonjë ditë”, thotë ajo.

Studentet nga Serbia, pjesëmarrëse në Seminarin Ndërkombëtar për Gjuhën, Letërsinë dhe Kulturën Shqiptare, thonë se e vlerësojnë mikpritjen e njerëzve në Prishtinë dhe siç thonë ato, nuk kanë hasur në asnjë problem deri më sot.

Ato thonë se do të shkojnë nga Prishtina me përshtypje të mirë, për t’u kthyer sërish në seminarin e vitit të ardhshëm.

Oliver Ivanoviqit i vazhdohet paraburgimi

Gjykata Themelore në Mitrovicë, ku ka edhe pjesëtarë të misionit EULEX, e ka vazhduar sot paraburgimin për politikanin serb të Kosovës, Oliver Ivanoviq, deri më 27 tetor.

Ivanoviq dhe katër serbë të tjerë janë të akuzuar për krime të luftës kundër shqiptarëve të Kosovës, në periudhën 1999-2000.

Nebojsha Vllajiq, avokat i të akuzuarit Oliver Ivanoviq, e ka kundërshtuar këtë vendim, duke thënë se po mbahet njeriu kundër të cilit “nuk ekziston asnjë provë se ka bërë vepër penale”.

Ai ka paralajmëruar ankesë në Gjykatën e Apelit në Prishtinë.

Kosovë: Arrestohet prokurorja Vahide Badivuku

Prokuroria Speciale në bashkëpunim me Policinë e Kosovës kanë njoftuar se kanë arrestuar tre persona, prej tyre, një prokurore, Vahide Badivuku, nga Departamenti për Krime të Rënda në Prokurorinë Themelore të Mitrovicës, si dhe dy ndërmjetësues, ndërsa ndërmjetësuesi i tretë gjendet në arrati, ka njoftuar Prokuroria Speciale Kosovës.

Të arrestuarit dyshohen për veprat penale, si marrja e ryshfetit, keqpërdorimi i pozitës apo autoritetit zyrtar dhe ushtrim të ndikimit.

E pandehura Vahide Badivuku është arrestuar nën dyshimin se ka marrë ryshfet për t’i liruar disa vetura të sekuestruara, në një lëndë penale, të cilën ajo e ka pasur në hetime.

Ajo kishte kërkuar ryshfet në shumën prej 22 mijë eurove përmes ndërmjetësuesve dhe pas dorëzimit të shumës në fjalë, si prokurore e rastit ka përpiluar kërkesën për lirim të automjeteve.

Dje gjatë kontrollit në vendkalimin kufitar në Merdare, është kontrolluar e pandehura, Vahide Badivuku, dhe në çantën e saj janë gjetur shuma prej 5.000 euro, të cilat janë pjesë e 22.000 eurove të pranuara ryshfet, thuhet në njoftimin e Prokurorisë.

Milaim Zeka: Rreth intervistes në New York të Halil Mulajt me Hashim Thaçin per listat e Gjykates Speciale

Gazetari Milaim Zeka ka reaguar rreth intervistës që Hashim Thaçi i dha gazetarit të TV21 rreth Gjykatës Speciale. Më poshtë po ju sjellimreagimin e plotë të Zekës:

“Dy fjale per studentet e gazetarise

Rreth intervistes me Hashim Thaçin per listat e Gjykates Speciale

Shume profesor te mi te gazetarise, njerez te medhenj ne zanatin e vet, kur na trajnonin ne Suedi per teknikat e intervistes, zakonisht, ligjeratat e tyre, i ilustronin me intervista qesharake te gazetareve te ndryshem.

E tille ishte intervista e mbremeshme e Hashim Thaçit, dhene korespodentit te tv 21, Halil Mulaj, ne New York te Amerikes.

Ne kete shkrim po merrem vetem me pyetjen foshnjore te Liles, qe nuk do ta bente asnje gazetar, pa qofte edhe fillestar…

Ja si e fillon pyetjen: -Zotri Thaçi, une kam provuar t’i marre listat se kush te akuzohet. Nuk kam arritur. Nderkohe ne Kosove jane publikuar emra. Pra ka pas spekulime. Cili eshte komenti yt?!!!

Lila i shkrete, ka mendu qe listat i kane varur neper qendra tregetare, po ja qe mbasi ai, pra Lila, nuk i ka gjetur, ato jane rrena.

More Lile dhe krejte ju te tjeret qe fatkeqesisht jeni badihavxhi korrspodent, a e dini cila eshte detyra juaj ndaj publikut?

Jo te pyesni per lista e per pordhe delegacionet tona, po te hulumtoni se sa kushtojne hotelet neper te cilat flejne me parat e taxapaguesve?

Sa shpenzojne per darka e dreka? Sa alkool pijne me paret e popullit, gje qe eshte e ndaluar?!

Me çfar biletash te shtrenjta po udhetojne?!

Mos eventualisht po krijojne skandale te sexit neper hotele, siq ishte rasti i para disa viteve me nje delegacion te nivelit te larte, ne Grand Hotel te Stokholmit?!!
Keto jane detyrat e nje korrspodenti normal….

Po a ka mbete dicka normale tek mediat tona nime?!!!

Seminari në Prishtinë, burim i albanologjisë për botën

Seminari Ndërkombëtar për Gjuhën Letërsinë dhe Kulturën Shqiptare është tubimi më i madh dhe më i rëndësishëm i shkencave albanologjike, të cilat janë shumë-dimensionale dhe multi-disiplinare.

Kjo është përmbledhja e vlerësimeve, të cilën studiuesit shqiptarë dhe të huaj të disiplinave të shkencave albanologjike, i kanë dhënë këtij seminari, edicioni i 34 i të cilit aktualisht është duke u mbajtur në Prishtinë.

Që nga themelimi, në vitin 1974, e deri më sot, ky seminar, ka tërhequr vëmendjen dhe ka tubuar nëpër vite qindra studiues shqiptarë dhe të huaj të fushave të albanologjisë dhe ai tashmë konsiderohet institucion më vete.

Profesor doktor Rrahman Paçarizi, drejtor i Seminarit të 34 Ndërkombëtar për Gjuhën Letërsinë dhe Kulturën Shqiptare, duke folur për Radion Evropa e Lirë, vlerëson se rëndësia e këtij seminari, që nga themelimi e deri më tash, është shumë dimensionale dhe mund të kundrohet nga disa aspekte.

Aspekti i parë, sipas tij, është përmbledhja apo përqendrimi i rezultateve më të rëndësishme nga fusha e albanologjisë për t’u prezantuar dhe për t’iu nënshtruar debatit shkencor nga një publik shkencor, gjatë ditëve të mbajtjes së seminarit.

Po ashtu, sipas tij, seminari ka edhe prioritete tjera të rëndësishme.

“Është promovimi i gjuhës, letërsisë dhe kulturës shqiptare në botë e posaçërisht, promovimi i shoqërisë së Kosovës, në një kohë, e tash edhe i shtetit të Kosovës, përmes pjesëmarrjes së qindra studentëve të huaj, në secilin nga edicionet”.

“Ata janë shndërruar jo vetëm në ambasadorë, në kuptimin figurativ, por vërtet, një pjesë e tyre janë pjesë e misioneve diplomatike të vendeve të tyre në Kosovë. Një pjesë e tyre janë themelues dhe udhëheqës të degëve të albanologjisë apo studimeve të gjuhës shqipe nëpër universitetet më të rëndësishme evropiane”, thotë Paçarizi.

Cili ka qenë rrugëtimi i këtij Seminari?

Seminari, u themelua në vitin 1974, me emrin “Qendra e gjuhës shqipe për të huaj”. Themelues të tij janë akademikët Idriz Ajeti dhe Rexhep Ismajli.

Dekani i Fakultetit Filologjik të Universitetit të Prishtinës, profesor doktor Sedat Kuçi, thotë se ky seminar, që nga themelimi, nuk e pati rrugën e lehtë deri në ditët e sotme.

Siç thekson ai, gjatë historikut të vet, seminari e ka përjetuar fatin e Kosovës dhe për këtë arsye, ai pati edhe ndërprerje në organizimin dhe zhvillimin e tij.

“Nga themelimi i tij e deri në vitin 1990, seminari u organizua plot 16 herë në Prishtinë, në fakultetin tonë. Ndërsa, në periudhën 1990 e deri në vitin 2000, atëherë kur shteti i Serbisë i mbylli dhunshëm institucionet e arsimit në Kosovë, seminari u organizua dy herë në Tiranë, në vitin 1995 dhe në vitin 1996”.

“Me çlirimin e Kosovës nga Serbia, u krijuan kushtet për kthimin e institucioneve arsimore në objektet e veta. Pra, edhe të vazhdimit të organizimit të seminarit në Prishtinë”, shpjegon Kuçi.

Rikthimi i Seminarit Ndërkombëtar për Gjuhën Letërsinë dhe Kulturën Shqiptare në vitin 2000, ishte dukur i zbehtë fillimisht. Kështu e kujton gjatë bisedës me Radion Evropa e Lirë edhe profesor doktor Bardh Rugova, i cili ishte pjesë e organizimit të edicioneve të këtij seminari pas luftës në Kosovë, si dhe në dy vitet e kaluara edhe drejtor i seminarit.

“Unë e mbaj mend, sidomos seminarin e viti 2001. Kanë qenë rreth 35 ose 36 seminaristë, në mesin e të cilëve kishte edhe disa nuse të shqiptarëve nga Gjermania, nga Zvicra, me interesime të kësaj natyre”.

“Ne, në atë kohë, sapo kishim dalë edhe vetë nga lufta. Shumëkush kishte edhe prioritete të tjera. Njerëzit nga viset e tjera të botës, albanologë, kishin dilema për sigurinë, për qetësinë, për shumëçka. Por, ishte shumë e rëndësishme që ta rifillonim seminarin, që ta kthenim traditën”, tregon Rugova.

Profesor Rugova shton se seminari gjatë më shumë se një dekade të fundit, ka arritur qëllimin, për të cilin edhe është themeluar: të bëhet shkollë ku mësohet shqipja, të krijojë albanologë, të krijojë kontakte dhe miqësi nëpër botë, si dhe të bëhet një forum shkencor, në të cilin albanologët nga e gjithë bota vijnë dhe i paraqesin rezultatet e tyre.

Në dhjetëvjetëshin e fundit, pothuajse në çdo edicion të seminarit, kanë marrë pjesë mbi 120 albanologë dhe studiues të fushave të ndryshme të interesuar për albanologjinë.

Si e shohin studiuesit e huaj Seminarin?

Robert Austin, studiues i njohur i çështjeve shqiptare nga Kanadaja, thotë për Radion Evropa e lirë se e ka vizituar seminarin për herë të parë, edhe pse në Prishtinë ka qenë edhe më parë.

“Isha me të vërtetë i impresionuar me organizimin dhe njerëzit atje. Me të vërtetë më ka bërë përshtypje, duke marrë pjesë në disa kurse të Gjuhës Shqipe dhe duke i parë njerëzit nga pjesë të ndryshme të botës, e veçanërisht nga Evropa, që kishin gjetur kohë për të ardhur dhe për t’u angazhuar në një përvojë të mësimit të gjuhës shqipe. Këta pjesëmarrës punojnë për ta kuptuar jo vetëm gjuhën, por edhe kulturën, shoqërinë dhe aspekte të tjera të jetës së shqiptarëve këtu”, tregon përvojën e tij Austin.

Ndërkaq, Maksim Makarcev nga Rusia, ndonëse është studiues në Institutin e sllavistikës në Akademinë e Shkencave të Rusisë, ai ka shfaqur interesim për ta mësuar edhe gjuhën shqipe. Ai thotë për Radion Evropa e Lirë se në Prishtinë ka gjetur njerëz mikpritës dhe një shkollë shumë të mirë për albanologjinë.

“Këtu përpiqem të përmirësoj mënyrën, në të cilën e flas gjuhën shqipe dhe bëjmë shumë ushtrime, lexojmë shumë tekste dhe na shpjegojnë jo vetëm gjuhën standarde, por edhe dialektin gegë. Kjo për mua është me shumë rëndësi, sepse unë e njoh vetëm gjuhën standarde dhe disa dialekte të Shqipërisë së jugut. Dialektet gege për mua janë diçka shumë e re”, thotë Makarcev.

Seminari Ndërkombëtar për Gjuhën Letërsinë dhe Kulturën Shqiptare, pas themelimit të tij ishte bërë një pikë frekuentuese për çdo vit për studiuesit arbëreshë të Italisë.

Zef Chiaramonte tashmë është një nga albanologët e shquar arbëresh të Italisë. Duke folur për Radion Evropa e Lirë, ai tregon se çfarë gjetën arbëreshët në këtë seminar.

“Shumica e këtyre që sot janë në Katedrën e Gjuhës Shqipe në Itali, kanë dalë nga ky seminar. Edhe unë shkruaj drejtpërdrejt shqip – nuk them si italishten – por e shkruaj mirë shqipen, për hir të këtij seminari”, thekson ai.

Chiaramonte thotë se ky seminar ka luajtur edhe një rol tjetër, përveç të mësuarit e shqipes.

“Ka luajtur edhe një rol politik jo indiferent, sepse edhe ne arbëreshët nuk e dinim që ishte Kosova. Kur na jepnin mësimin e gjeografisë, të gjithë ishin jugosllavë. Nuk e dinim, gjenerata ime, se kishte një krahinë kaq të madhe që e përdorte gjuhën tonë. Kështu që, ka qenë një zbulim për ne”.

“Seminari na e zbuloi situatën jo të volitshme të shqiptarëve në Jugosllavi. Kemi bërë edhe komitete dhe kemi bërë edhe protesta. Edhe sot, nuk jemi shumë të kënaqur se si është punë këtu, puna politike”, thotë Chiaramonte.

Por, a mund të thuhet se në edicionin e 34, Seminari Ndërkombëtar për Gjuhën Letërsinë dhe Kulturën Shqiptare ka arritur pikën e pjekurisë si një institucion?

Drejtori aktual i këtij seminari, profesor Paçarizi, vlerëson se është vështirë që të thuhet kjo.

“Seminari, vështirë se mund të thuhet se ka arritur pjekurinë e duhur. Ka ndërtuar një traditë solide dhe është një institucion i qëndrueshëm, por për të vazhduar të mbetet i tillë, duhet investuar shumë. Duhet të zhvillohet në hap me trendët shkencor global, të cilët është shumë e vështirë të kapen në ditën e sotme, për shkak të përparimeve teknike dhe teknologjike dhe përparimeve të tjera”, vlerëson ai.

Megjithatë, sipas profesor Paçarizit, seminari e ka arritur qëndrueshmërinë e vet, por siç tha ai, u mbetet edhe institucioneve shtetërore të Kosovës që të sigurojnë infrastrukturën e domosdoshme që shkenca albanologjike të mund të funksionojë krahas shkencës globale dhe e ndërlidhur me të, në mënyrë që rezultatet shkencore të albanologjisë, të mund të konsumohen nga shkenca globale.

Këshilli i Sigurimit – Ban Ki-Moon ka shprehur shqetësimin për vonesën e Gjykatës Speciale

Voal – Mbledhja e Këshillit të Sigurimit të OKB-së është shndërruar në një arenë përplasjesh mes ministrit të Jashtëm të Kosovës, Hashim Thaçi, dhe homologut të tij serb, Ivica Daçiç. Kjo pasi diplomati serb në fjalimin e tij është ankuar për shkelje të të drejtave të serbëve në Kosovë si dhe për pasiguri të tyre. Ndërkohë që Thaçi i është kundërpërgjigjur Daçiqit duke i thënë se Serbia është ajo që ka kryer krime në Kosovë dhe se institucionet e Kosovës tani janë duke u angazhuar që të ndërtojnë një shtet multienik.

Në seancën e së premtes, Këshilli i Sigurimit i Kombeve të Bashkuara shqyrtoi raportin mbi zhvillimet tremujore në Kosovë të Sekretarit të përgjithshëm, Ban Ki-moon.

Ban Ki-Moon në raport ka shprehur shqetësimin për vonesën e krijimit të Gjykatës Speciale, me ç’rast thotë se kjo “minon imazhin e Kosovës për të vendosur një shembull drejtësie dhe llogaridhënie”.

Debat i ashpër Thaçi – Daçiq në Këshillin e Sigurimit

Voal – I ashpër është treguar zëvendëskryeministri Hashim Thaçi ndaj deklaratave të homologut të tij serb, Ivica Daçiq, në lidhje me spastrimin etnik që po bëhet ndaj serbëve në Kosovë, raporton KTV.

Thaçi i ka thënë Daçiqit se ka qenë Serbia dhe ushtria e këtij shteti që ka bërë krime në Kosovë.

Duke premtuar se nuk do të rrijë duarkryq, ai ka thënë se Kosova do të ngrehë padi ndaj Serbisë për gjenocid “Ju do të vazhdoni luftën se e keni zakon, por prapë do ta humbni”, ka thënë Thaçi, gjatë fjalimi të tij në mbledhjen e Këshillit të Sigurimit.

Zëvendëskryeministri Thaçi ka polemizuar me ministrin serb rreth anëtarësimit ë Kosovës në UNESCO. Ai tha se Kosova ka aplikuar për këtë anëtarësim, duke përkujtuar se disa shtete në botë, para se të bëheshin anëtare të KB-së, janë bërë anëtare të UNESCO-s.Ivica Daçiq

Ai i ftoi anëtarët e KS-së që të mbështesin kërkesën e Kosovës për anëtarësim në këtë mekanizëm.

Ministri i jashtëm i Serbisë, Ivica Daçiq, ka thënë se kërkesat e Kosovës për të marrë pjesë në organizatat ndërkombëtare, siç janë UNESCO dhe Interpol, janë të papranueshme për shtetin e Serbisë.

Daçiq tha se në përputhje me Rezolutën 1244, Kosova nuk mund të konsiderohet si një shtet në të drejtën ndërkombëtare dhe për këtë arsye nuk mund të kualifikohet për pranim në UNESCO dhe Interpol. Thaçi e akuzoi Daçiqin për fjalorin e ashpër të përdorur, ndërsa shtoi se megjithëkëtë bisedat për normalizim marrëdhëniesh ndërmjet dy vendeve do të vazhdojnë.

Ambasadori amerikan ia dorëzoi letrat kredenciale Presidentes Jahjaga

Voal – Kosova dhe SHBA do të thellojnë bashkëpunimin edhe në të ardhmen. Kjo u konfirmua edhe pas takimit të parë të presidentes, Atifete Jahjaga, me ambasadorin amerikan, Greg Delawie, që sapo dorëzoj kredencialet e tij te Presidentja e Kosovës.

Presidentja tha se Kosova mbetet e përkushtuar për të vazhduar këtë bashkëpunim dhe miqësinë me ShBA.

Ndërsa, ambasadori amerikan pasi që përshëndeti në gjuhën shqipe dhe atë serbe, tha se është i lumtur që në Kosovë po ndërtohet objekti i ri i Ambasadës Amerikane e po ashtu që ai që ka marrë këtë detyrë të re dhe së bashku me familjen e tij do të qëndrojnë gjatë këtij mandati në Kosovë.

Thaçi më 1999: Nuk e di se ku jeton Ibrahim Rugova, kërkoj nga ai që të kthehet në Kosovë (Video)

Hashim Thaçi flet për thyerjen dhe vjedhjen e banesave pas luftës

Në një konferencë për media më 1999, Hashim Thaçi, ka adresuar çështjen e vjedhjeve të banesave dhe uzurpimin e tyre nga ana e individëve të ndryshëm pas luftës.

Ai ka thënë se kjo ka ndodhur nga persona ose grupe të caktuara të cilat sipas tij, kanë keqpërdorur uniformën e UÇK-së ndërkohë që ka theksuar Qeveria e Përkohshme e Kosovës distancohet nga këto veprime.

Atëbotë, Thaçi kishte komentuar edhe për Ibrahim Rugovën i cili ende nuk po kthehej nga Italia, duke thënë që nuk e di ku jeton, por kerkon nga ai që të kthehet në Kosovë, që të mos ta bojkoton Kosovën.

ova

Filmi për Richard Holbrooke shfaqet në Prizren (Video)

Voal – Zëri i Amerikës – Në Kosovë, David Holbrooke, djali i ish-diplomatit amerikan Richard Holbrooke, promovoi filmin “The Diplomat”, kushtuar karrierës dhe trashëgimisë së babait të tij, i cili vdiq në dhjetor 2010.

David Holbrooke i tha korrespondentit tonë Besim Abazi se shfaqja e filmit përveç pasqyrimit të rolit të zotit Holbrooke në procesin e paqes në Kosovë e gjetiu, synon edhe frymëzimin e gjeneratave të reja të diplomatëve.

21-08-2015 14-56-51 21-08-2015 15-02-30

21-08-2015 15-04-18

21-08-2015 16-15-03

David Holbrooke, Djali i Holbrooke: Lufta e Kosovës, ishte luftë mes babit tim dhe Millosheviqit (Video)

Voal -David Holbrooke, djali i diplomatit të ndjerë amerikan, Richard Holbrooke, ka rrëfyer gjithë lidhjen e babait të tij me Kosovën.

Në një intervistë për Klan Kosovës, ai tha se nuk mbanë mend ndonjë moment kur ka folur me babain për Kosovën, sepse ai ishte shumë i angazhuar. Por ai tha se Holbrooke me çdo kusht dëshironte të shënonte sukses për Kosovën, që ajo të ishte e lirë.

“Ne kemi dyshuar për Kosovën por nuk e mbaj mend si moment pasiqë ishte pjesë e punës së tij. E di se ai brengosej shumë për Kosovën. Konflikti solli valë të madhe refugjatësh. Ai e kuptoi se duhej të bënte diçka dhe ai e bëri”, tha ai.

Ai ka thënë se vet ish-presidenti amerikan, Bill Clinton, ka deklaruar se lufta e Kosovës, ishte edhe një luftë mes Milloshevicit dhe Holbrooke.

“Mendoj se rrëfimi i tij për Millosheviqin ishte mahnitës. Bëhej fjalë për një luftë epike midis këtyre dy burrave të fuqishëm. Presidenti Clinton tha se rasti i Kosovës ishte raundi i dytë i luftës Holbrooke Millosheviq. Bëhej fjalë për një luftë epike mes këtyre dy burrave. Babai e kreu punën në mënyrën se i solli Kosovës lirinë. Ai e kishte përvojën dhe e përdori edhe ndaj Milloshevicit. Mendoj se suksesi që zgjati më së shumti është Kosov”, tha David Holbrooke.

21-08-2015 08-10-49

Ai ka rrëfyer edhe emocionet që ka pasur kur ka xhiruar pjesët e dokumentarit për babain e tij në Kosovë.

“Herën e kaluar kur isha këtu për ta xhiruar filmin, ishte një park këtu në Prishtinë. Njerëzit më thanë se duhej të shkoja në Junik. Unë nuk e kisha kuptuar se cka kishte bërë ai këtu derisa erdha këtu. Tash e di se ai e ndihmoi këtë vend të bëhet shtet. Ishte mahnitëse se si në Viti të gjithë ata njerëz flisnin për të”, thotë ai.

“Ai rastisi të jetë babai im por edhe një diplomat i realizuar”, thotë djali i diplomatit të ndjerë Holbrooke dhe ndërmjetësuesit të shumë konflikteve në botë./Zëri – Klan Kosova

Kushtetuesja nuk e pezullon konstituimin e Speciales

Gjykata Kushtetuese ka dhënë sinjale të enjten se mund të ndërmerren çfarëdo veprimesh për konstituimin e Gjykatës Speciale, pavarësisht faktit se opozita e ka kontestuar bazën kushtetuese që mundëson ngritjen e saj, shkruan sot Koha Ditore.

Madje, ajo ia ka dhënë presidentes Atifete Jahjaga dritën jeshile për të shpallur dy ligje që derivojnë nga amendamenti kushtetues për Specialen.

Një javë më parë, 24 deputetë opozitarë kanë kërkuar nga Kushtetuesja që të nxjerrë një verdikt, nëpërmjet të cilit do të shfuqizohej amendamenti për Specialen. Është kontestuar edhe përmbajtja e edhe procedura e miratimit të amendamentit.

Megjithëkëtë, faktori vendës dhe ai ndërkombëtar nuk kanë pezulluar veprimet në kontekst të funksionalizimit të Speciales.

Një burim i gazetës ka thënë se po punohet në disa drejtime, përfshirë negocimin e marrëveshjeve për shtetet nikoqire për vendndodhjen dhe premisat, hartimin e statutit dhe akteve tjera rregullative të Gjykatës, rekrutimin e gjyqtarëve dhe stafit tjetër, si dhe në krijimin e infrastrukturës, ku do të zhvillojë aktivitetin ky mekanizëm që vetëm formalisht do të jetë pjesë e sistemit kosovar të drejtësisë.

Në Qeveri dhe as në Zyrën e Bashkimit Evropian nuk kanë folur për këtë.

Opozita ka insistuar që të mos njihet asnjë pasojë e prodhuar nga amendamenti, e që nënkupton edhe pezullimin e procedurës për konstituimin e kësaj gjykate që do të trajtojë pretendimet që përmban raporti i Këshillit të Evropës për krime të UÇK-së.

Faqja 178 prej 188« Fillimi ‹ Prapa 174 175 176 177178179 180 181 182 Para ›Fundi »

Kryebashkiaku i Tiranës, Erion Veliaj i jep “Çelësin e Qytetit” Jahjagës

Në Katedralen e Prishtinës sot u mbajt mesha solemne e quajtur “Festa e Nënë Terezës”, datë kjo e cila përkon me ditën kur ajo ndërroi jetë.

Komandanti suprem i NATO-s për Evropën, gjeneral Philip Breedlove sot do ta vizitojë Kosovën.

Voal – ​Kosova dhe SHBA do të thellojnë bashkëpunimin edhe në të ardhmen. Kjo u konfirmua edhe pas takimit të parë të presidentes, Atifete Jahjaga, me ambasadorin amerikan, Greg Delawie, që sapo dorëzoj kredencialet e tij te Presidentja e Kosovës.

Hashim Thaçi flet për thyerjen dhe vjedhjen e banesave pas luftës

Gjykata Kushtetuese ka dhënë sinjale të enjten se mund të ndërmerren çfarëdo veprimesh për konstituimin e Gjykatës Speciale, pavarësisht faktit se opozita e ka kontestuar bazën kushtetuese që mundëson ngritjen e saj, shkruan sot Koha Ditore.

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL

Voal – Kosova dhe SHBA do të thellojnë bashkëpunimin edhe në të ardhmen. Kjo u konfirmua edhe pas takimit të parë të presidentes, Atifete Jahjaga, me ambasadorin amerikan, Greg Delawie, që sapo dorëzoj kredencialet e tij te Presidentja e Kosovës.