Asambleja Parlamentare e Këshillit të Evropës, miratoi të enjten mbrëma një rezolutë për Kosovën, ku i kërkohet asaj që të sigurojë respektimin e sundimit të ligjit dhe çrrënjosjen e korrupsionit. Duke u kërkuar autoriteteve që kjo çështje të jetë përparësi, rezoluta nënvizon se “përhapja endemike e korrupsionit” në të gjitha fushat qeveritare, në drejtësi dhe në ekonomi, ndikon negativisht në jetën e qytetarit të Kosovës”.

Rezoluta, e cila është miratuar në bazë të raportit të përfaqësuesit spanjoll, Agustin Conte, vë theksin te përparimi i arritur në Kosovë në aspektin e demokracisë, me organizimin e zgjedhjeve parlamentare të vitit 2014, si dhe mirëpret miratimin e ndryshimeve kushtetuese që sigurojnë ngritjen e Gjykatës së Posaçme që do të trajtojë pretendimet e ngritura nga raportuesi i Këshillit të Evropës, Dick Marty për trafikim organesh dhe krime lufte në Kosovë.

Në një njoftim të Asamblesë Parlamentare të Këshillit të Europës, thuhet se ajo shpreh keqardhje që puna e Parlamentit të Kosovës është pezulluar për shkak të një bllokade të vazhdueshme, duke vënë kështu në pah edhe mungesën e vullnetit të forcave politike për të zhvilluar dialog konstruktiv. Rezulota gjithashtu dënon edhe një seri veprimesh që kanë ndodhur në Parlamentin e Kosovës, veprime këto që kanë ndikuar në rënien e besueshmërisë së qytetarëve në institucionet demokratike.

Duke përshëndetur mbrojtjen e të drejtave të njeriut dhe marrëdhëniet midis komuniteteve, Asambleja Parlamentare bën thirrje që autoritetet të jenë më vigjilente dhe të “dënojnë të gjitha sulmet të cilat kryhen me motive etnike” si dhe të “tregojnë përgjegjësi në ligjërimin publik” në mënyrë që të ulin tensionet.

Ajo më tej u bën thirrje Prishtinës dhe Beogradit që të vazhdojnë bisedimet e ndërmjetësuara nga Bashkimi Europian, për normalizimin e marrëdhënieve ndëmrjet të dyja vendeve. Ardhmëria evropiane si dhe forcimi i standardeve “janë të një rëndësie madhore për demokracinë në Kosovë ashtu si edhe për qëndruesëhmrinë e vendeve të Ballkanit perëndimor në përgjithësi”, u tha gjatë debatit që i parapriu Rezolutës.

Asambleja Parlamentare propozon ndryshimin e formatit aktual të bashkëpunimit mes zyrës së saj dhe Parlamentit të Kosovës, “në mënyrë që të sigurohet që në delegacionin e saj të ketë përfaqësues nga pakicat kombëtare, përveç shumicës dhe opozitës”.

Debatet më të rrepta i nxiti një nga pikat e rezolutës në të cilën “inkurajohet Misioni i Kombeve të Bashkuara që të forcojë kapacitetet e tij për bashkëpunim me INTERPOL-in dhe EUROPOL-in, si dhe inkurajon autoritetet në Prishtinë që të shfrytëzojnë mekanizmat ekzistues”.

Zyrtarët serb e cilësuan këtë si një fitore të tyre, meqë ata angazhohen për vazhdimin e punës së UNMIK-ut, ndërsa Prishtina pret shndërrimin e tij në një zyrë të Kombeve të Bashkuara.

Asambleja Parlamentare e Këshillit të Evropës miratoi me 110 vota rezolutën “Situata në Kosovë dhe roli i Këshillit të Evropës”,

Kosova nuk është anëtare e Këshillit të Evropës, por merr pjesë në punimet e tij pa të drejtë vote.

Kosova duhet t’i përdorë institucionet e saj për ta zgjidhur ngërçin e tanishëm politik, ka dhënë referencën e tij i deleguari i SHBA-së në Kosovë, Greg Delawie.

Diplomati amerikan, në një intervistë për ‘Rubikon’ në KTV, ka thirrur udhëheqësit politikë që t’i lënë anash interesat e tyre personale dhe të përpiqen të gjejnë zgjidhje për hir të qytetarëve të Kosovës, e të cilët sipas tij, janë punëdhënësit e politikanëve.

Ambasadori amerikan ka tërhequr vërejtjen se Kosova mund të krijojë precedent nëse vendi do të shkojë drejt zgjedhjeve, pasi sipas tij, kjo kërkesë po vjen nga një pakicë njerëzish që përpiqen ta përdorin dhunën politike, kaosin politik për të arritur diçka që nuk kanë mundur ta arrijnë gjatë zgjedhjeve para dy vjetëve.

Sa i përket Asociacionit, diplomati amerikan thotë se Gjykata Kushtetuese i ka dhënë udhëzimet për të siguruar se ky Asociacion do të veprojë në përputhje me Kushtetutën e Kosovës, sepse askush e as amerikanët nuk e dëshirojnë një Republikë Serbe në Kosovë.

Por, Delawie e quan të sajuar çështjen e demarkacionit me Malin e Zi dhe sipas tij, kjo po bëhet për poenë politikë nga ata që po e bllokojnë punën e Kuvendit.

Ambasadori Delawie ka vënë shpresat se funksionalizimi i Gjykatës Speciale do të zgjidhë pretendimet e lëna pezull prej periudhës së luftës, duke theksuar se kjo gjykatë do t’i gjykojë “kapadainjtë”, të cilët nuk mund t’i gjykojnë kosovarët.

‘Mendoj se Gjykata Speciale do të merret me rastet me të cilat do të ishte shumë vështirë të trajtoheshin nga Prokurorët apo gjykatësit kosovarë”, ka thënë Delawie.

Diplomati amerikan shpreson shumë se Serbia do ta njohë Kosovën, duke theksuar se qëllimi i Shteteve të Bashkuara është që Kosova, si çdo vend tjetër në Evropë, të jetë anëtare e Kombeve të Bashkuara.

Lideri i Nismës Serbia, Drejtësia, Demokracia, Oliver Ivanoviçi, është dërguar të enjten në burg.

Më 21 janar, ai ishte shpallur fajtor nga Gjykata Themelore në Mitrovicën Veriore, për veprën penale “krime lufte kundër popullatës civile”. Fillimisht, Ivanoviqit i ishte shqiptuar masa e burgut shtëpiak, por tani ai është dërguar në burg, ka konfirmuar për Radion Evropa e Lirë, avokati i tij, Nebojsha Vllajiq.

“Sot rreth orës 14 erdhi policia te banesa e tij dhe solli vendimin për mbajtjen në paraburgim dhe e morën atë”, ka thënë avokati, Nebojsha Vllajiq. Sipas tij, me vet faktin që Ivanoviq ishte në shtëpi, ai nuk kishte ndërmend të ikte dhe se ishte i gatshëm që të përballej me këtë proces deri në fund.

Misioni Evropian për Sundimin e Ligjit, EULEX, përmes një komunikate të lëshuar kishte bërë me dije se gjykata ka vërtetuar se më 14 prill të vitit 1999, forcat serbe i larguan me forcë shumë familje shqiptare nga shtëpitë e tyre dhe i mblodhën jashtë në rrugë.

Një grup i paramilitarëve dhe policëve në atë datë e kishte ndarë dhe marrë “një grup të meshkujve nga ushtria derisa arritën te pika e kontrollit të policisë/paramilitarëve” Sipas komunikatës, Oliver Ivanoviqi ishte pjesë e grupit të paramilitarëve/policisë të pranishëm në pikën e kontrollit. Ai mbante uniformë të kaltër dhe ishte i armatosur. Pastaj, këta meshkuj u shoqëruan përmes kësaj pike të kontrollit. Katër meshkuj u vranë derisa ky operacion u ndal për shkak të ardhjes së një personi të uniformuar, i cili dha urdhër për t’u ndalur”, thuhej në kominikatën e lëshuar nga misioni EULEX.

Shtetasi i Kosovës, Ardit Ferizi, 20 vjeçar, i akuzuar për depërtim në të dhënat personale të 1 351 pjesëtarëve të ushtrisë së Shteteve të Bashkuara dhe dërgimin e tyre në grupin ekstremist, Shteti Islamik, dje për herë të parë është paraqitur në një gjykatë amerikane.

I akuzuari Ferizi është paraqitur në një gjykatë në Virxhinia për tu ballafaquar me akuza për terrorizëm, pasi është ekstraduar nga Malajzia, ku ai ishte arrestuar në muajin tetor të vitit të kaluar, me kërkesë të Shteteve të Bashkuara.

Në aktakuzë theksohet se hakeri nga Kosova kishte depërtuar në një server kompjuterik online të një kompanie tregtare në Shtetet e Bashkuara dhe kishte vjedhur të dhëna identifikuese për pjesëtarët e ushtrisë, raporton Rel.

Mesazhet në rrjetin Twitter kanë treguar se Ardit Ferizi, po ashtu, kishte ofruar për të krijuar një program kompjuterik për publikimin e propagandës së grupit militant, Shteti Islamik, i cili, siç thuhet në aktakuzë, “kurrë nuk mund të fshihet”.

Zyrtarët amerikanë e kanë quajtur rastin e të akuzuarit Ferizi si “llojin e parë të këtillë”, kur vitin e kaluar ishte shpallur arrestimi i tij.

Ai mund të dënohet me burg në kohëzgjatje prej 35 vjetësh, nëse shpallet fajtor.

Kryesia e nëndegës së LDK-së në Ulpianë-Prishtinë i ka dërguar letër deputetëve të këtij subjektit politik në Parlamentin e Kosovës që mos ta votojnë kreun e PDK-së, Hashim Thaçi, për president të Kosovës.

‘I mbetet udhëheqjes së partisë dhe deputetëve tanë në Parlamentin e Kosovës që mos të shkelin mbi legjitimitetin e marrë nga elektorati i vet. Ky legjitimitet ka buruar në kërkesën për ‘çkapjen e shtetit nga PDK-ja, SHIK-u dhe Thaçi’, thuhet në letrën e nëndegës së LDK-së në Ulpianë, të cilën ka arritur ta siguroj gazeta ‘Zëri’.

Në këtë letër poshtu thuhet se akti i votimit të presidentit të Republikës është më shumë se një ngritje dore dhe blerje e numrave , është më shumë se ‘respektim i marëveshjes së koalicionit’.

‘Sot Kosova është e rrezikuar funksionalisht, e izoluar ndërkombëtarisht, e dërmuar ekonomikisht, me krime politike dhe ekonomike të pandrie dërmuar ekonomikisht, me krime politike dhe ekonomike të pandriçuara, sepse personazh kryesor politik e ka Hashim Thaçin’, thuhet mes tjerash në këtë letër, duke shtuar se Thaçi nuk mund të jetë president konsensual dhe udhëheqës i politikës së jashtme. Kjo nëndegë kërkon nga deputetët e LDK-së që most a marrin pjesë me rastin e zgjedhjes së Hashim Thaçit president të Republikës së Kosovës./Zëri.info.

Organizata “Transparency International” ka publikuar sot Indeksin e Perceptimit të Korrupsionit për vitin 2015. Sipas këtij indeksi, në përgjithësi, dy të tretat e 168 vendeve të vlerësuara radhiten nën shifrën 50 në indeksin prej 0 pikësh, që përshkruan vendet me korrupsion të lartë, deri në 100 pikë, që vlen për vendet e pastra.

Kosova në këtë raport ka marrë 33 pikë dhe është radhitur në pozitën numër 103, që nëse e krahasojmë me raportin e para një viti, kur është radhitur në pozitën numër 110, ka shënuar përparim të lehtë, por që është ende ndër vendet me të korruptuara në botë.

“Indeksi i Perceptimit të Korrupsionit 2015 tregon qartë se korrupsioni mbetet një plagë në mbarë botën. Por, 2015-ta ka qenë po ashtu një vit, kur njerëzit kanë dalë në rrugë për të protestuar kundër korrupsionit. Njerëzit në gjithë globin kanë dërguar sinjal të fuqishëm tek ata në pushtet: është koha për të luftuar korrupsionin e madh”, ka thënë Jose Ugaz, kryetar i organizatës Transparency International.

Por të kthehemi sërish tek radhitja e Kosovës në këtë raport, pasi që nuk ka përparim të dukshëm në luftën kundër korrupsionit dhe kategorizohet në të njëjtin grup me Moldavinë dhe më keq se të gjitha shtetet e rajonit.

Notimi i shteteve mund të përmirësohet nga qeverisja e hapur ku udhëheqësit i japin llogari publikut, gjersa notimi i dobët është shenjë e mitëmarrëjes së përhapur, mungesës së dënimeve për afera korruptive dhe institucioneve publike të cilat nuk i përgjigjen nevojave të qytetarëve.

Mungesa e kapaciteteve të gjyqësorit, mungesa e llogaridhënies, integritetit dhe transparencës gati në të gjitha nivelet e pushtetit ekzekutiv kanë bërë që Kosova të kategorizohet në të njëjtën grup me Moldavinë dhe me keq se të gjitha shtetet e rajonit.

Dimri   u karaketerizua me kohë të mirë, më  mjegullë dhe tash më  acar  . Koha e mirë është  për njerëz të varfër thotë një fjalë popullore. Por acari  e vështirëson jetën e atyre  më shtëpi gjysem të prishura , ku shiu, bora  dhe të ftoftit nuk ka së si të ndalët . Sikur njeriu i ynë tashmë është regjur më një jetë të tillë mizerable, por nuk është mësuar edhe më largimet  aq masovike nga Kosova. Po kalohen kufijtë e vendit në një menyrë apo tjetër, por kryesisht pa e ditur së çka kënd  e prêt. Nuk është aspak lehtë që njeriu tia kthen shpinën vendit ku ka lindur dhe ku është rritur. Nuk është lehtë ti lesh më të dashurit tuaj . Aq më vështirë  për prindër kur i shikon fëmijët e vet duke bredhur rrugëve  të pa punë.Nuk po ikin vetëm të rinjët, por edhe familjet e tëra. Tashmë shumë prindë kanë mbetur dhe po mbesin vëtem, sepse po i braktisin fëmijët   . Është krijuar panoramë e zymtë sot në Kosovë.Ata që po i përcjellin fëmijët për gurbet duken të  fortë  para një rrugëtimi aq të vështirë dhe më shumë të panjohura.Nuk ka më vështirë së kur një prind nuk ka mundësi ti ndihmoj fëmjëve   që ata të gjejnë një punë në vendin e tyre .Është vështirë kur më i dashuri ta kthen shpinën , e ti mbetësh më dorën lartë duke i dëshiruar  fatë  diku  në jetën   e re.Kosova po zbrazët në mënyrë të heshtur e haptazi, e kjo klasë politike nuk po e ndien vetën keq për atë punë. Ata thonë  më vete  mirë po bëjnë more , së kështu na zvoglohen problemet , na lehtësohet puna për ta kullotur pushtetin sa më gjatë. Kurrë këtë problem  aq madhor për një komb dhe shtet nuk e shtruan kjo klasë politike .Ishim dëshmitarë së  si njerëzitë shtyheshin  për tu ngjitur në autobus nga Prishtina , që të ikin sa më parë nga vendi i tyre , që kështu ti shpëtojnë jetës se keqe , ti shpëtojnë mjerimit social.E dimë së janë larguar edhe familje të cilat nuk kan jetuar edhe aq keq, por duke e ditur së  nuk  po shihet dritë e diellit në horizontë që do të bëhët mirë, edhe kjo kategori largohen për një jetë me të rehatshme .Jeta është shumë e shkurtër , vitet  ikin shpejt dhe shuhen shpresat   për ta zënë hapin e jetës.

Nese dalim në qytet ku jetojmë shohim njerëz të demoralizuar, fytyra të ngrysura , shohim njerëz të cilët nga problemet e shumta janë plakur para vaktit. Është vështirë ta pranojmë faktin së këta njerëz e që  përbëjnë shumicën , nuk janë në gjendje të vendosin për fatin e tyre. Një fjalë  e popullit thotë’ Mos mbetësh me të kajt Rahoveci’ . Kështu kan mbetuar qytetarët tanë në mëshirën e kësaj garniture polititike profitereske, dhe të pa ndenja . Ata moti i kan rëhatuar familjet e veta.Po i dërgojnë fëmijët për shkollime diku jashtë vendit. Kanë ndërtuar jetë përrallore  nga hajnitë , grabitja e pronës shoqërore, zhvatja etj. Faji është jetim , dhe nuk e pranon askush, prandaj këta sehirgjinjë  në pushtet po mbesin në kulltuqët e veta të buta , së qytetarët kan rënë në gjumë të rëndë dimëror.

Mos të presin së kjo kastë politike  do të largohen vet. Këta po shihet tashmë së nuk kanë ndërgjegje  dhe moral politik, së  janë njerëz  të cilët më shumë  janë ba bashkë për ta ruajtur pasurinë e paligjshme.Nese mendon kush së  dallkaukët  do tu sjellin  diqka të hajrit do të  gabohen rëndë. Koha po ecën dhe çdo vonesë  e ka koston e lartë. Çdo vonesë na vonon shumë ta zëmë hapin e shteteve të përparuara në Evropë. Problemet  politike dhe ekonomike të grumbulluara për shumë vite më radhë, mund të gjejnë zgjedhje vetëm atëherë kur të largohet ky pushtet  i  korruptuar .Mjaftë jemi duke dëgjuar ata të cilët fëmijëve të vet me zemra të thyera e lotw nw sy  iu thojnë “Ikni djemë  nga ky vend  pa e kthyer kokën mbrapa”.Sigurisht së nuk ka më vështirë  për një popull  së kur vendi  yt të kthehet në mallkim…

Në vend të urimit për përvjetorin e 26-të të degës së LDK-së në Klinë

Fshati Bokshiq i komunës së Klinës, në vitet e ’90-ta, ishte bërë halë në sy për pushtuesit serb. Pasi ky fshat ishte shëndrruar në bastion të LDK-së, bartës i të gjitha aktiviteve të rezistencës dhe qendresës paqësore për të gjithë klinasit. Në ketë vend u mbajtën të gjitha organizimet politike e atdhetare të asaj kohe të nivelit komunal dhe më gjerë.
Më mburrje dhe krenari atë kohë qytetarët e Klinës, Bokshiqin e quanin “Kaçaniku i vogël”, ndërsa shtëpinë ku mbaheshin kuvendet e quanin “Shtëpia e Kuvendeve te Rezistencës”.
Në ketë shtëpi u mbajtën kuvendet themeluese të degëve; Lidhjes Demokratike të Kosovës,dega në Klinë (9 qershor 1990), Kuvendi Komunal i Klinës i shkëputur nga Serbia (korrik 1990), Sindikata e pavarur e Policisë  (shtator 1990), Forumi i Rinisë i LDK-së (1990, 20 shtator 1991), Forumi i Gruas i LDK-së (1990), Forumi i Intelektualëve Shqiptar “Luigj Gurakuqi” (nëntor 1990). Nga vitet 1990-1998 janë mbajtur kuvende, tribuna, promovime, përkujtime dhe tubime tjera të shumta politike e apolitike të komunës së Klinës të asaj kohe.
Për kontributin e dhënë në ato vite, në vitin 2005 kuvendi komunal i Klinës nderon më mirënjohje aktivin e LDK-së, dhe disa nga martirët, veprimtarët dhe aktivistët e  këtij fshati.
Andaj të gjitë ata që në kujtesën historike e mbajnë të freskët themelimin e degës së LDK-së në Klinë, nuk mund të shkojnë tutje pa e kujtuar vendin ku u mbajt kuvendi themeltar i degës. Ishte “Shtëpia e Kuvendeve të Rezistencës” në fshatin Bokshiq.
Ishte lagja Zeqa, respektivisht familjet; Zeqa, Musa, Uka dhe familjet e gjithë fshatit që i strehuan të gjithë delegatët e këtij kuvendi,…e rrezikuan vetën dhe familjet e tyre për të bërë të mundur mbajtjen e këtij kuvendi themeltar. Në oborret e tyre i vendosen të gjitha makinat, delegatëve pos strehimit të sigurtë, ju kthyen edhe drekë secili sipas mundësive, duke mos kursyer asgje nga te mirat materiale që kishin në dispozicion.
Me habit fakti, si munden ta harrojnë këtë histori jo shumë të largët gjenerata e asaj kohe, të pakët që kanë mbetur në kryesinë e kësaj dege,…për mbajtjen e një përvjetori simbolik, apo të paktën të vizitojnë bashkarisht vendin historik të themelimit të degës,  pra në ditën e përvjeorit të themelimit të degës të shkojnë në Bokshiq,…të ulën këmbëkryq në odën e madhe ku u ulën burrat më të mëdhenjë të asaj kohe, jo vetëm nga Klina, por nga Prishtina e gjithë Kosova.
Se a ishte e qëllimshme apo e rastësishme harresa e bastionit të LDK-së  nga ana drejtuesve aktual të Degës së LDK-së, e Bokshiqit historik, e vendit ku u vunë themelet e subjektit të parë politik shqiptar në këtë komunë, vend të cilin në fillim vitet e ’90-ta e patën vizituar pothuajse të gjithë themeluesit e LDK-së qendrore nga Prishtina,…për Bokshiqin atë kohë ishte folur edhe në departamentin e shtetit amerikan pas sulmit të forcave serbe mbi këtë fshat në 23 shkurtin e vitit 1993.
E keqja e madhe është, se me “shlyerjen ” nga kujtesa të kësaj pjese të lavdishme të historisë së LDK-së, po mohohet një pjesë shumë e rëndësishme e historisë së rezistencës aktive paqësore e luftës së popullit tonë për çlirim nga pushtuesit serb.
Më duhet të shfrytëzoj nga rasti të falenderoi disa nga intelektualët e asaj kohe, si pjesmarrës të kuvendeve të mbajtura në Bokshiq, si psh. profesorët  Pal Canaj dhe Prend Buzhala,…etj, anëtar të kuvendit themelues të Forumit të  Intelektualëve Shqiptar “Luigj Gurakuqi” Klinë (mbajtur në nëntor 1990 në Bokshiq), të cilët  në forma të ndryshme, qoftë përmes fotografive apo shkrimeve periodike kanë hedhur dritë mbi ato ngjarje, sa të lavdishme po aq krenare të historisë sonë të lavdishme kombëtare.

Në emisionin Zona B është i ftuar analisti politik Nexhmedin Spahiu.

Spahiu tha që minoritetet për shkak të interesit që ta vazhdojnë mandatin dhe të mos kenë zgjedhje të tjera do të mund ta votojnë Thaçin.

“Nuk shoh ndonjë problem që ata ta votojnë Thaçin”.

“Sikur Beogradi të deklarohej kundër Thaçit, atëherë interesi i deputetëve do të ishte kundër, por ai nuk është deklaruar që mund të merret si shenjë aprovimi që Thaçi të zgjidhet president”.

“Mendoj se aty nuk do të ketë problem por problemi është tek deputetët e LDK-së”

“Kam parë Vjosa Osmani, Adem Saliahaj, Anton Çunin dhe Arben Gashi…do të ishte farsë nëse dikush të ishte kundër, ata që janë kundër dihet se si do ta pengojë zgjidhjen e tij”.

Janarët e acarët sikur po na përseritën. Muaji janar është muaj i tregjedive dhe krenarive kombëtare.Në këtë muaj vdiqën dhe  u vranë nga  pabesisht dhe tradhëtishtë shumë përsonalitete shqiptare të cilët lanë gjurmë të thella në historinë tonë. Në janar vdiq njeri ndër përsonalitet e rralla të kombit, presidenti historik i Kosovës, dr Ibrahim Rugova.Në janar u vranë heronjët, Smajl Hajdaraj dhe kolonel Tahir Zemaj… kësaj plejade të njerëzve eminent të kombit iu bashkangjitë edhe profesori, gazetari dhe publicisti i mirënjënjohur , Nazmi Lukaj. Është ky viti i pestë që kur iku nga kjo botë  një njeri me virtyte të larta njerëzore dhe atdhetare. Iku njeriu i mprehtë i penës. Iku nga kjo botë një publicisti i cili la gjurmë të pa shlyera  në publicistikën shqiptare. Ai punoi si profesor dhe paralelisht shkroi për shumë gazeta në Kosove dhe Shqipëri. La pas veti edhe kater libra të botuar .Vdekja ia ndau ëndrrat në mes.Ai kishte shumë plane të jetës. Së pari mendoi shumë për familjën e tij. Shumë i deshti fëmijët e vet , të cilët amanetin e babait po e realizojnë ashtu si duhet. Dinamika brenda personalitetit te tij , që shkelqeu edhe në shkrimet e tij, e pikëtoi emrin e tij si influencë të përhershme në publicistiken  shqiptare.Ai kishte vlera edhe si profesor për shumë vite në gjimnazin e Pejës. Ai ishte njeri i afertë dhe zemergjerë për të gjithë . Ai shquhej me shumdimenzonalitetin e tij. Ai shprehte respektin , urtësinë dhe dashurinë për  të gjithë.Me kalimin e kohës përsonaliteti i Nazmiut po merre përmasa më të mëdha,  që ai i kishte më të vërtetë.Nazmiu jetoi si simbol i menqurisë dhe urtësisë dhe e gjithë kjo rrezatoi në mënyren më të fuqishme në vitet  e tranzicionit të Kosovës.

Ate e shquajnë  gjithashtu shkrimet guximshme . Ishte i pakomromis ndaj atyre që vranë për motive politike . Shumë herë edhe ishte kërcënuar  por kurrë i pa përkulur , sepse ai besoi  në të drejtën e Zotit dhe të drejtën për të cilën u angazhua gjithë jetën. Ai ishte një misionar i kohës moderne.   Siguirisht së edhe ky 24 janar kur u shua jeta e Nazit, familja , shokët dhe dashamirët do ta përkujtojnë me pietet  figurën e madhe të  tij.  Nazmiu nuk iu mundon vëtem familjës, i mungon shokëve , i mungon Kosovës. Unë nuk e harrojë mikun sepse për të më lidhin shumë kujtime , shumë përjetime të përbashkëta për 10 vite më radhë . Jeta dhe vepra  sublime për atdhe dhe komb janë fanarë ndriques për shumë gjenerata. Ai është shembulli më i mirë së si duhet   atdheu dhe kombi. Gjthësesi Nazmi Lukaj mbetet zë i veqant  i publicistikës shqiptare. Do të mbetet  i pa harruar për shkrimet e mprehta e të qëlluara në kohë e hapësirë. Do të mbetet një zë i fuqishem  i cili mori guxmin qytetarë të kundërshotoi  të gjithë dukurit negative në shoqërinë tonë të re. E qëlluar ishte edhe thënja e tij  ‘Rugova është truri, kurse UÇK  zemra e Kosovës” .Shkrimet e tija ishin në frymën institucionaliste siq  ishte edhe vet.   Gjithmonë me pitet do të përkujtohet figura e Nazmi Lukes, fugura e tij e kohës moderne, pa nxitim, e matur mirë në qënësinë  e një burri  që vepra  e tij e mban lartë.  Ai qendroi stoik bindjeve  që i kishte. Bisedat me te , sigurisht së ishin më taban në rrafshin intelektual të cilën bota e kulturuar e ka të zakonshme. Nazmiu la pas një moral të lartë dhe vepër të madhe, të cilin e bënë gjithmonë ate të respektuar dhe të nderuar…

Presidentja Jahjaga në premierën e filmit Shok

Presidentja e Kosovës, Atifete Jahjaga, ka falënderuar ekipin dhe stafin e filmit Shok, i cili është filmi i parë kosovar i nominuar për çmimin Oscar.

Premiera e këtij filmi është dhënë të shtunën në mbrëmje në Prishtinë, ku kanë marrë pjesë personalitete të larta të vendit dhe përfaqësues ndërkombëtarë.

Ngjarja në filmin Shok zhvillohet gjatë periudhës së luftës në Kosovë, ku dy shokë vënë në provë shoqërinë e tyre, gjatë luftës për mbijetesë.

“Për ekipin dhe stafin e filmit Shok: faleminderit që e përjetësuat rrëfimin tonë. Ndihemi që tashmë e kemi fituar Oscarin tonë”, ka shkruar presidentja Jahjaga në Facebook.

Filmi, me regji dhe skenar të Jamie Donoughue, është nominuar për çmimin prestigjioz Oscar në katergorinë e filmit më të mirë të shkurtër “Live Action Short Film”.

Ceremonia e ndarjes së çmimeve Oscar do të mbahet më 28 shkurt.

Shtetet e Bashkuara të Amerikës kanë vendosur të dërgojnë edhe një diplomat në Prishtinë për të kërkuar kthimin e normalitetit në institucionet e Kosovës dhe për të rikonfirmuar mbështetjen e Shtëpisë së Bardhë për lidershipin e Prishtinës zyrtare.

Top Channel ka mësuar nga burime pranë institucioneve të Kosovës, se më 26 janar Prishtinën do ta vizitojë ndihmësi i Sekretarit amerikan të Shtetit për çështjet Europiane dhe Euroaziatike, Hoyt Brian Yee.

Sipas të njëjtave burime, zyrtari i lartë i Departamentit Amerikan të Shtetit deri tani ka konfirmuar takimet me përfaqësuesit e Qeverisë, kryeministrin Isa Mustafa dhe zëvendëskryeministrin dhe ministrin e Punëve të Jashtme, Hashim Thaçi.

Gjatë qëndrimit në Prishtinë, Brian Yee pritet të përsërisë qëndrimet e Sekretarit John Kerry, se Shtetet e Bashkuara do të vazhdojnë ndihmën për forcimin e subjektivitetit ndërkombëtar dhe thellimin e bashkëpunimit bilateral me Kosovën.

Ai mësohet se po ashtu do të përsërisë kërkesat e Shtëpisë së Bardhë për uljen e tensioneve politike dhe për kthimin e opozitës në institucione, duke kërkuar që të mos të përsëriten skenat me gaz lotsjellës në Kuvendin e Kosovës.

Të njëjtat burime i kanë thënë Top Channel se diplomati amerikan do të përsërisë kërkesën që Kosova të vazhdojë dialogun me Serbinë dhe të zbatojë marrëveshjet e arritura në dialog.

Vizita e diplomatit amerikan në Prishtinë do të ndodhë vetëm një ditë para se ministri i Jashtëm, Hashim Thaçi të udhëtoi drejt Shteteve të Bashkuara të Amerikës./ Top Channel/.

Gjeneratat e vjetra një jetë të tërë e kane kaluar në vendin e tyre. Nuk janë shpërngulur edhe pse kanë pasur shumë arsye . Shumë vështirë ka qenë të jetosh  për 100 vjet i okupuar nga serbosllavët, ti durosh gjitha ato tortura psiqike dhe fizike deri në vdekje. Shovenistët serb më UDB-en famëkeqe kan zgjedhur metodat më të ndyta karshi shqiptarëve për ti nënështruar .Na kan ba dëme të mëdha duke na detyruar të shpërgulemi për në Turqi e vende tjera perëndimore, por kurr ta braktisim masovikisht vendin. Shqiptarët i kan duruar rrahjët, burgosjet , e përsekutimet  .Me 1999 shovenistët serb tentuan që të bëjnë spastrimin etnik  në krye më kriminelin, Sllobodan Miloshevin . U mashtruan në politikëbërjën e tyre . Shqiptarët  e kishin  të drejtën legjitime për të jetuar në tokën e tyre.E fituam luftën së  na ndihmuan miqët tanë tradicional të Evropës dhe Amerika mike. I bombarduan caqët kriminale serbe, dhe kështu e ndalën makinerinë shfarosëse të ushtrisë dhe paramilatarëve të Serbisë fashiste. Rezistenca  shqiptare dhe  kthimi rezultoi më sukses të manhnitshem. Për një kohë shumë të shkurtër shumë të larguar   u kthyen në Kosovë.U bë rindërtmi i vendit nga germadhat e luftës .

Por,liria  e shumë pritur nuk na erdhi ashtu edhe si e kemi  paramenduar shumica.  Kosova është një vend i vogël për ti duruar torturat në vazhdimësi. Forma e zgjedhur  e sundimit të garniturave që erdhen në pushtet është rrugë e gabuar. Vrasjët politike që ndodhën   , korrupcioni i lartë dhe shumë dukuri tjera negative bën që mos të jetojmë  mirë . Një kategori  e madhe  po luftojnë për  mbijetesë .Ende shumë familje po jetojnë  shumë keq .Ky acar dimri  shumë kënd e  gjetur pa kulm mbi kokë .  Këta politikan , po të digjet vendi nuk japin llogari  para popullit për qka janë të obliguar.Me çka nuk u përballë njeriu i ynë gjatë këtyre viteve . Edhe torturat psiqike që po na bëhën e kan një fund.

Këta njerëz shumë e kanë lartësuar vetën  . Këta  po  tregohen agresiv duke menduar se nuk ka kush ti ndalon në rrugën të cilën ata po e cilësojnë si të mirë. Jo sinqeriteti dhe veprimet perfide në menyre permanente  të tyre ,janë duke  na shkaktuar dëme të medha. Kosovës i nevoiten procese pozitive për ta kaluar më shpejt fazën e tranzicionit.Me ata të cilët janë mbushur  haram , vështirë arrihet deri prosperiteti.Kosova është bërë objekt i ekspriminteve .Kosova është bërë vend i lotëve , është bërë vend i dhembjës së madhe, vend nga i cili se cilën ditë po largohen rinia jonë.Kosova  është bërë vend ku njerëzilleku tashmë e ka humbur kuptimin.Ne e dimë gjithë së ende armiqët tanë e dëshirojnë satanizimin e Kosovës. Por ,edhe me keq kur satanizimi po na vjenë edhe nga mbrenda . Nuk na nevoiten proceset negative, këto duhet të ndalën.Nuk na duhen  as mitet dhe mitizimet  e rreme . Nuk na duhet as shteti me përsonalitete karikaturiale.Mjaftë ishim të robëruar nga sistemi u huaj monist jugosllav. Nuk na duhet as shteti  ku  lartësohën   hajnat dhe  hoshtaplerët e të gjitha ngjyrave . Nuk na duhet shteti ku qytetarët janë të rendit të dytë .Nuk na duhet toka e premtuar, kur i kemi të gjitha mundësit që të ardhmën të ndërtojmë në tokën tonë. Çdo rrugëtim i keq sigurisht që do të na kushton shumë .Secila ditë është e vlefshme për Kosvën. Ka ardhur koha që proceset të marrin të mbarën, sepse  historia   do të na mallkon…

Fatmir Limaj shprehet i sigurt se Kosova do të shkojë në zgjedhje të parakohshme. Ai bën të ditur se protesta e radhes e opozitës do të jetë në përvjetorin e tetë të pavarësisë së Kosovës, më 17 shkurt, përderisa thotë se do të ndihej krenar po qe se Murat Jashari do të zgjidhej president i ri i vendit.
Me Kosovën nuk do të mund të qeverisnin poltikanët që e kanë shkelur Kushtetutën. Prandaj, tashmë gjithçka është e qartë dhe e sigurt se vendi do të shkojë në zgjedhje të parakohshme.

Kështu ka deklaruar gjatë një interviste për gazetën “Zëri” lideri i partisë opozitare “Nisma për Kosovën”, Fatmir Limaj, duke bërë të ditur se protesta e radhës e partive opozitare do të jetë më 17 shkurt.

Ai është shprehur i sigurt se më 17 shkurt do të ketë edhe më shumë qytetarë që do të protestojnë kundër marrëveshjeve për Asociacionin dhe Demarkacionin sesa që protestuan më 9 janar të këtij viti.

Dersia për zgjedhjen e ish – kryetarit të partisë së tij, Hashim Thaçi, president, i pari i “Nismës” ka thënë se ky i fundit nuk do të mund ta luajë rolin unifikues, ashtu siç kërkohet me Kushteutë./Zëri

Ish Kryetari i Kuvendit të Kosovës, Jakup Krasniqi, e ka rikujtuar 22 Janarin, ditën kur Jasharajt e Prekazit, ishin sulmuar për herë të parë nga ushtria serbe.

“Sot u mbushen tetëmbëdhjetë vjet nga sulmi diversant serb mbi familjen Jashari. Me 22 Janar 1998, shteti serb kishte organizuar sulm diversant serb në familjen Jashari. Qëllimi i sulmit në shtëpinë e Jasharëve kishte qellim të zhdukjes se Komandantit Legjendar, Adem Jashari, për t’i dhënë një goditje vdekjeprurëse Ushtrisë Çlirimtare të Kosovës dhe për të përjetësuar sundimin serb në Kosovë”, shkruan Krasniqi në profilin e tij në Facebook.

Në këtë sulm diversant, shkruan Krasniqi, mbetën të plagosura Iliriana dhe Selvete Jashari, dhe sipas tij ushtarët serbë u detyruan të largohen pa ia arritur qëllimit.

Jakup Krasniqi, shkruan se në këtë konflikt të armatosur me ushtarëve serbë dhe familjes Jashari, luftuan i ati i Shaban Jasharit dhe i vëllai Hamza, sepse Adem Jashari nuk ndodhej në shtëpi, edhe pse ishte caku i serbëve.

Visar Cakiqi, së bashku me të fejuarën e tij, pak para Vitit të Ri, kanë nisur udhëtimin për në Siri, për t`iu bashkuar luftës e për t`u rreshtuar në radhët e grupit terrorist, ISIS.

Mirëpo, ata nuk kanë arritur në këtë destinacion. Janë ndaluar nga autoritetet e Turqisë në Aeroportin e Stambollit mes datave 28-29 dhjetor.

Të nesërmen, ata janë kthyer mbrapsht në Prishtinë, duke i dorëzuar tek autoritetet kosovare. Cakiqi tashmë është në paraburgim, ndërsa e fejuara e tij po mbrohet në liri.

Ai është edhe djali i një zyrtari në Qeverinë e Kosovës dhe njëherësh nënkryetarit të PDK-së në Podujevë, Ismet Cakiqi, shkruan sot “Koha Ditore”.

Voal – Kryetari i Qendrës Rajonale të KMDLNJ-së në Mitrovicë, Halit Barani ka thënë se dënimi prej 9 vjetësh për ish-liderin e Iniciativës serbe SDP, Oliver Ivanoviç, është qesharak.

Homazhe te varri i presidentit Ibrahim Rugova, në dhjetë vjetorin e vdekjes së tij

Voal – Në 10-vjetorin e vdekjes së Presidentit Historik të Kosovës, nga Amerika tu fol për Televizionin Rrokum, analisti politik Haki Abazi kërkon hetim për vdekjen e Ibrahim Rugovës, tue ba obduksionin e kufomës së Presidentit. 

Arsye për këtë, Abazi sheh ndryshimin e menjihershëm të politikave në Kosovë, mbas vdekjes së Presidentit, derisa flet edhe për të gjitha vrasjet e pasqarueme politike në 15 vitet e fundit.

Ndërsa njani prej njerëzve ma t’afërt të Presidentit, Adnan Merovci në nji intervistë për Televizionin Rrokum, thotë se kjo asht vetëm nji teori konspirative, sepse Rugova e ka krye misionin e vet në mënyrë të përkryeme.

I pyetun nga Televizioni Rrokum, se a kishte me pranue apo edhe me i lejue Rugova Marrëveshjet me Serbinë, Haki Abazi çmon naltë kontributin e Presidentit për shtetformimin dhe shtetndërtimin e Kovoës.

Edhe Adnan Merovci thotë se kontributi i Rugovës shkrihet n’epitetin prej nji dijetari për çashtjen shqiptare dhe jo vetëm shqiptare. 

Me 21 Kallnor, në 10-vjetorin e vdekjes nga kanceri të Presidentit, përveç Akademisë Përkujtimore, pritet hapja e muzeut “Shtëpia e Pamvarsisë”, ndërsa me 12 Kallnor, në kujtim të Rugovës u mbajt nji meshë në Katedralen “Nanë Tereza” të Prishtinës. 

Proceduara për themelimin e Këshillit Gjyqësor të Gjykatës Speciale ende nuk është e plotë dhe në këtë derejtim ende ka punë për t’u bërë.

Kështu tha Prokurori i Grupit Punues të EULEX për hetimin e krimeve të luftës, David Schwendiman, në dekalratë për agjencinë beogradase Beta.

Ai ka thënë se është i inkurajuar me deklaratën e Qeverisë holandeze e cila ka pranuar që Gjykata Speciale të ketë selinë në Holandë

Schwendiman ka vlerësuar sot se paralajmërimi se Gjykata Speciale do të ketë selinë në Hagë është një dëshmi se po merren në konsiderate qëndrimet e Këshillit të Europës të publikuara në vitin 2011.

Ai ka theksuar se është e një rëndësie esenciale që ky proces të mbështetet nga të gjithë akterët e kyçur në themelimin e Gjykatës Speciale, në mënyrë që të merren parasysh dhe të respektohen të gjitha standardet e gjyqësisë ndërkombëtare.

“Inkurajoj të gjithë akterët që të punojnë më tej në themelimin e Këshillit Gjyqësor të Gjykatës Speciale dhe Zyrës Speciale të Prokurorit, në mënyrë që këta trupa pa vonesë të jenë operative”.

“Është me shumë rëndësi që të ruhet pavarësia operative dhe t’i ofrohet mbështetje Grupit Punues për Hetime, në mënyrë që procesi të jetë bindës dhe të ketë legjitimitet”. /RTK

PRISHTINË – Ish-sekretari i NATO-s, Lord George Robertson, i cili po qëndron në një vizitë të shkurtër në Kosovë, ka bërë publike një zbulim të cilin as vet ai nuk e ka ditur kur ka ndërhyrë në Kosovë. Robertson ka thënë se në bazë të një testi të ADN-së, ka dalë se një përqindje e gjeneve nga ana e babait janë shqiptare.

Opozita e bashkuar ka paralajmëruar bllokim të Kuvendit edhe në ditën kur parashikohet ratifikimi i marrëveshjes me Holandën për selinë e Gjykatës Speciale.

Sipas opozitës, çdo iniciativë që vjen nga Qeveria, do të kundërshtohet dhe do të bllokohet. Analistët këtë qëndrim të opozitës e konsiderojnë të gabueshëm Tri partitë opozitare që kanë formuar aleancën anti-Qeveri kanë paralajmëruar bllokim të seancave plenare edhe atëherë kur pritet të vihet në votim ratifikimi i marrëveshjes me Holandën për selinë e Gjykatës Speciale.

Sipas përfaqësuesve të opozitës, bllokimi i seancave plenare do të vazhdojë pavarësisht presionit ndërkombëtar, por edhe rëndësisë së seancave. Në këtë vazhdë, ata thonë se do ta pengojnë edhe ratifikimin e marrëveshjes me Holandën për selinë e Gjykatës Speciale, e cila parimisht është vendosur të jetë në Hagë. Për këtë seli janë pajtuar përfaqësuesit e shtetit holandez, por që kjo të jetësohet kërkohet që marrëveshja të ratifikohet me shumicë votash, në dy Parlamentet, të Kosovës dhe të Holandës.

Tri partitë opozitare, Lëvizja “Vetëvendosje”, Aleanca për Ardhmërinë e Kosovës dhe “Nisma”, janë shprehur të vendosura për të kundërshtuar çdo iniciativë të Qeverisë, derisa vendi të shkojë në zgjedhje të parakohshme parlamentare. Opozita e bashkuar edhe një herë ka nënvizuar se marrëveshjet e arritura në Bruksel po shkelin integritetin e vendit dhe Kushtetutën.

George Robertson dje pasdite ka aterruar në Aeroportin Ndërkombëtar të Prishtinës ku edhe do të takohet me udhëheqësit shtetërorë.

Veçse tani, si 70 vjeçar, Robertson do të nderohet nga presidentja Atifete Jahjaga, me një çmim dhe mirënjohje për kontributin e dhënë, duke qenë se njihet si një nga mbrojtësit e mëdhenj të ndërhyrjes ushtarake të NATO-s si e vetmja mënyrë për t’i dhënë fund gjenocidit në Kosovë.

Gjatë qëndrimit të tij në Kosovë, gjatë të martës Robertson do të takohet edhe me kryeministrin Isa Mustafa.

Por do të kthehet gjithashtu edhe në një vend të veçantë për të ku ishte menjëherë pas luftës.

Këta nxënës e mësimdhënës të Poklekut, sigurisht disa më të rritur e disa më të plakur, mund të jenë nikoqirët e Robertsonit, meqë ai do ta vizitoje sërish këtë vend.

Kujtojmë se në vitin 2000, Robertson erdhi në Kosovë bashkë me Wesley Clark, ndërsa menjëherë pas kësaj vizite, në një shkrim autorial për Washington Post, kishte rikujtuar se si ndërhyrja e NATO-s ishte e domosdoshme dhe se komuniteti ndërkombëtar do të duhej të ishte i bashkuar.

…Thonë se njerëzit e ditur, njerëzit e thellë dhe patriot, që në fillim i kryejnë ose përmbushin detyrat ose obligimet e larta morale, intelektuale, profesionale dhe patriotike ndaj popullit ( kombit) dhe atdheut të tyre përkatës ose respektivë në atë menyrë që të tjerët i lënë ato për më vonë ose nuk i përmbushin kurrë. Ata gjithmonë i shohin, godasin dhe arrijnë caqet ose qëllimet e larta intelektuale dhe patriotike të cilat nuk mund t´i shohin, godasin ose arrijnë të tjerët. Ndërkohë që prestigjin ose autoritetin e tyre global ose universal tek të tjerët, në të shumtën e rastëve i arrijnë dhe sigurojnë me karismen, eksluzivitetin, individualitetin, intimitetin, spontanitetin, dinjitetin, dignitetin, sovranitetin dhe integritetin e tyre moral, intelektual, profesional, patriotikë etj.
Në këtë frymë Ata janë Instanca me e  lartë morale dhe patriotike! Respektivisht, Institucion i fuqishëm mendorë, intelektual dhe patriotik tek njerëzit, popujt ( kombet) dhe vendët e tyre përkatëse ose respektive.
Ata levizin dhe penetrojnë vazhdimisht brendapërbrenda botës ose universit të pasur eruditë dhe poliedrikë.
Ata gjithmonë e mbrojnë ose shpëtojnë tjetrin nga vetëvetja dhe jo vetëvetën nga tjetri.Këtu qëndrojnë edhe substanca ose esenca e të qenurit të tyre sovran dhe integral ne kupttimin e plotë të fjalës.
” Unë jamë patriot, sepse në radhë të parë jamë njeri i dashur, njeri i ditur dhe njeri i thellë.” Do thoshte dikur poeti.