Siç mund të mësohet nga proceset ose zhvillimët e  gjithëmbarshme reaksionare dhe turbulente në Kosovë. Gjegjësishtë, nga paradokset, anakronizmat, turbulencat, destruksionet, dekonstruksionet dhe anomalitë  e shumëta objektive dhe subjektive në jetën e njohur institucionale dhe politike të Kosovës. I ashtuquajturi  “koalicioni i madh” në mes PDK-së dhe LDK-së , ka shumë që po vazhdon t´ngjajë një të ashtuquajture “kulle të Babilonisë”  ku krahu i djathtë i saj (PDK), si të thuash nuk di asnjëherë se ç´bën dhe vepron (prapa shpinde) krahu i majtë i saj (LDK) ose anasjelltas.

Pushtetarët qeverisjen e vendit e kanë kuptuar si privilegj e jo si përgjegjësi. Po të mos ishte kështu nuk do të luanin me kaq komoditet me interesat e vendit dhe me pasurinë e qytetarëve të Kosovës.
Privilegjet e pushtetarëve fillojnë nga kafeja në Kuvend, drekat e darkat, mëditjet e larta, makinat luksoze e deri të ekskursionet e gjata në shtetet europerëndimore, të gjitha këto të paguara nga paratë e taksapaguesve të varfër të Kosovës.
Dështimet në qeverisjen e vendit përgjatë tetë vjetëve të fundit janë të shumta dhe të shumëllojshme, megjithatë dështimi më fatal për shtetin e Kosovës ndodhi në bisedimet e Brukselit, duke pranuar gjithçka që ofroi Serbia,…pa i vënë as kushtin e vetëm palës kundërshtare në dialog!
Fillimisht Kosova në bisedimet e Brukselit hyri me fusnotë*, me ç’rast “de jure” dhe “de facto” e pranoi Serbinë si hisedare të tërësisë territoriale të shtetit tonë,…duke anashkaluar vullnetin e shumicës shqiptare, duke shkelur mbi idealet dhe gjakun e dëshmorëve dhe martirëve të lirisë sonë, që u flijuan për një shtet ndryshe nga ky i sotmi.
Mbetja e veriut të vendit me sovranitet të dyfishtë është më tepër tradhti kombëtare, ngase veriu i vendit është interes mbi të gjitha interesat, andaj askush nuk e ka të drejtën e as privilegjin të vendosë për fatin e pjesës më vitale të vendit tonë.

Arsyetime të pakripë të qeveritarëve

Për gjëra kaq madhore mund të vendosin vetëm qytetarët, ata janë sovrani i këtij vendi e jo qeveritarët kushdo qofshin ata; të djathtë apo të majtë, të njërit apo të tjetrit ekstrem politik. Problemet që janë të lidhura me sovranitetin e vendit i takojnë tërë popullit e jo një qeverie.
Praktikat e mëhershme na kanë mësuar për fleksibilitetin e qëndrimeve të qeveritarëve aktualë, që ndryshojnë nga çasti në çast,…ndryshe thonë e ndryshe veprojnë.
Çdo nismë ndërkombëtare për realizimin e planeve serbe mbi Kosovë, fillimisht është kundërshtuar nga qeveritarët tonë,…por menjëherë  pas ndërhyrjes së “miqve” ndërkombëtarë, të njëjtën e kanë pranuar në emër të ruajtjes së “stabilitetit”, të fqinjësisë së mirë, në emër të miqësisë më të huaj,…duke u thirrur në normalizimin e marrëdhënieve më shtetin serb, në emër të stabilitetit të rajonit, si kusht i nevojshëm që Kosova të anëtarësohet në BE, në OKB, e organizma të tjerë ndërkombëtarë!
Arsyetime këto të pakripë të qeveritarëve, që nuk përkojnë aspak me realitetin,… deklarime të cilat për më tepër janë të motivuara nga presioni i qarqeve të caktuara ndërkombëtare, që për liderët e korruptuar e të shantazhuar kosovar janë gjithnjë punë e kryer!
Opsionin  e shtrirjes së sovranitetit në veri, qeveritarët sikur e kanë harruar, ashtu siç e kanë harruar të kaluarën e tyre të të qenit çlirimtarë të vendit…
Tanimë opsioni i shtrirjes së sovranitetit në veri është zëvendësuar  me dialog politik më palën serbe, që s’është gjë tjetër veçse legjitimim i ndarjes së asaj pjese nga harta gjeopolitike e Kosovës.
Në vend që Serbia të kushtëzohet me njohjen e Kosovës shtet, me shpërbërjen e vërtetë të strukturave të saj në veri, me ndriçimin e fatit të të pagjeturve, me kërkim-falje dhe pagimin e dëmeve të luftës, me kthimin e librave kadastralë,… e më shumëçka tjetër që e obligon Serbinë si shkaktare e shumë plagëve e vuajtjeve të popullit shqiptar të Kosovë tani e njëqind vjet më parë.
Pushtetarët kosovarë nga  bisedimet e Brukselit ua krijuan iluzionin qytetarëve të vendit për liberalizim të vizave, anëtarësim në organizatat ndërkombëtare, në BE, në OKB,…por së fundi nuk e arritën as anëtarësimin në UNESCO!
Pushtetarët kosovar nuk arritën të krijojnë asnjë lloj reciprociteti me shtetin serb. Mallrat e dyshimta serbe hyjnë të papenguara dhe të padoganuara  në Kosovë, duke e ngulfatur kështu tregun dhe prodhimtarinë vendore, duke filluar nga mielli, vaji ushqimor, sheqeri,…kur të njëjtat produkte vendore në të kaluarën jo shumë të largët, jo vetëm që mbulonin tregun kosovar, por eksportoheshin edhe në republikat e tjera të ish- federatës jugosllave.

Shtet pa ushtri

Po ashtu, edhe në rrafshin e brendshëm politik, Qeveria aktuale e vendit është e varur dhe e ndikuar nga Beogradi përmes pakicës serbe në Kuvendin e Republikës së Kosovës.
Si pasojë e kësaj varësie e kemi edhe mostransformimin e FSK-së në ushtri, respektivisht në FAK siç po e dëshirojnë ta quajnë pushtetarët aktualë.
Vetë ikja nga terminologjia FARK, që përkon me një ushtri të shtetit sovran, është treguesi më i mirë i rrëshqitjes drastike të politikës kosovare nga shtetësia dhe sovraniteti i vendit.
Shtet të pavarur nuk ka dhe as që mund të ketë pa sovranitet të plotë, me integritet territorial të cunguar dhe pa ushtri-elemente bazike këto që i jepnin kuptim pavarësisë së shtetit dhe lirisë së popullit.
Edhe përkundër trumbetimit të vazhdueshëm të pushtetarëve aktualë, që e kanë në dorë sovranitetin, integritetin territorial dhe ushtrinë e “gatshme”, realiteti po ua thotë të kundërtën. As FA*K-u nesër pa akronimin e Republikës, nuk do t’i ketë kompetencat e një ushtrie të kompletuar, dhe as që do të jetë e gatshme për mbrojtjen e sovranitetit të shtetit.
Sado që kemi institucione, në shtetin e Kosovës nuk funksionon ligji e as kanuni. Të huajt (ndërkombëtarët) janë bërë zot shtëpie në vendin tonë. Drejtuesit e institucioneve tona shtetërore shërbejnë vetëm si dekor,…janë vetëm figura (shahu) politike në duart e mekanizmave ndërkombëtarë.
Rolin e presidentit të shtetit e mban përfaqësuesi i BE-së, përderisa rolin e kryeministrit, si gjithnjë, e mban ambasadori amerikan me vartësit e tij evropianë.
Ne jemi bërë pikë e pesë siç thotë populli, të ndarë në shumë parti e grupacione politike, duke vrapuar si të çmendur pas pushtetit në shtetin me fusnotë*, duke mos respektuar asnjë kriter apo vlerë njerëzore.

Nëntëmbëdhjetë kërkesa për komuna të reja, presin shqyrtimin dhe aprovimin e Qeverisë së Kosovës.

Mes kërkesave janë ato të komuniteteve pakicë. Goranët kanë kërkuar krijimin e Komunës së Gorës. Kroatët ndërkaq, atë të Janjevës, derisa boshnjakët kanë kërkuar që Vitomirica ta marrë statusin e Komunës.

Kërkesa e parë për t’u bërë komunë është bërë nga Zhegra në vitin 2006. E fundit ka dorëzuar kërkesë Kieva në 2014.

Në listën e kërkesave nuk është Prilluzha, që sipas opozitës pritet të krijohet si kompromis i votimit të Hashim Thaçit për president nga ana e Listës serbe.

Në Qeveri kanë thënë se krijimi i komunave nuk është fare në rend të ditës.

Zëdhënësi i Qeverisë, Arban Abrashi ka deklaruar se së pari duhet të bëhet një studim i fizibilitetit. Sipas tij, shumica e kërkesave do të hidhen poshtë për shkak se nuk mund të kenë qëndrueshmëri.

“Ministria e Administrimit të Pushtetit Lokal është duke bërë fizibilitetin e komunave aktuale, pastaj hyn në shqyrtimin e kërkesave të reja”, ka thënë Abrashi për gazetën online Insajderi.

Komunat e reja fillimisht duhet të votohen në Qeveri e pastaj në Kuvend me dy të tretat e votave, përfshirë dy të tretat e deputetëve të pakicës serbe.

Qeveria e kaluar e drejtuar nga presidenti i zgjedhur, Hashim Thaçi kishte marrë vendim që të krijoheshin disa komuna të reja. Gjonaj, Rogova dhe Zhegra janë votuar në Qeveri.

Qeveria aktuale thotë se ato nuk kanë qenë vendime, por nisma. Dhe si të tilla pritet të shqyrtohen në të ardhmen bashkë me kërkesat e komuniteteve.

Ndërkohë, me planin Ahtisaari janë krijuar komunat e Hanit të Elezit, Kllokotit, Mamushës, Junikut, Parteshit, Ranillugut dhe Graçanicës.

Së fundi është krijuar Komuna e Mitrovicës Veriore që udhëhiqet nga serbët. Ajo është themeluar pas bisedimeve në Bruksel në mes të Qeverisë së Kosovës dhe asaj të Serbisë.

Derisa Qeveria mohon se do të krijohet Komuna e Prilluzhës, opozita tashmë ka nisur protestat kundër saj. Në Vushtrri sot proteston opozita kundër krijimit të Prilluzhës, komunë.

“Pretendimet për krijimin e “komunës së Prilluzhës”, janë një sajim i radhës i tri partive opozitare, të cilat pas diskreditimit publik të kauzave të deritashme dhe metodave jodemokratike të përdorura në kuadër të tyre, po përpiqen që me trillime politike dhe duke mos kursyer mjetet e dhunës, të manipulojnë qytetarët me qëllim që të vijnë në pushtet”, ka thënë Qeveria në një komunikatë./Insajderi.com

Analisti kosovar Halil Matoshi e ka vlerësuar të ligjshëm deportimin e aktivistit të Vetëvendosjes, Boiken Abazi, duke thënë se ai nuk e njohu kurrë shtetin e Kosovës.

Sipas Matoshit, secili shtet e ka të drejtën e mbrojtjes nga njerëzit që nuk i janë besnik.

Ja postimi i plotë i Matoshit në Facebook:

“Deportimi i Boiken Abazit asht i ligjshem dhe krejtesisht i justifikueshem per shkak se ai nuk njohu kurre shtetin e ri, as Kushtetuten dhe as ligjet e tij, as rendin simbolik te tij, por foli e punoi per shperberjen e entitetit juridik-politik te quejtun Republika e Kosoves. Pra secili shtet pra edhe Republika e Kosoves, kurdo dhe ne cdo rrethane e ka te drejten me e mbrojte veten nga njerezit qe nuk i jane besnik si atdheut te vetem te tyne. Abazi e ka nji atdhe rezerve – qe na nuk e kemi!?.

Qe cka thoshte ai:

“Flamuri i Kosoves, si cdo flamur shteteror, nuk eshte thjesht nje dizajn apo nje cope lecke. Ai eshte shume me shume se kaq. Eshte simboli i triumfit te imponimit nderkombetar kunder vullnetit te shumices ne Kosove, simbol i politikaneve te kamur dhe te kalbur te Kosoves, simbol i nenshtrimit te tyre, simbol dhunues per lirine, simbol shenjues i rruges qe po e con Kosoven tatepjete. Me ndryshimin e kesaj rruge, me heqjen e matrapazeve nga pushteti, do t’i hiqet Kosoves shpejt edhe ky shenjues nenshtrimi …”

Pas një debati që nisi mbrëmë në lidhje me banesën e ish-kryetarit të Prishtinës, Ismet Beqiri, ka reaguar Agron Demi, drejtor i Institutit GAP, i cili ka numëruar disa raste kur drejtues të shtetit kanë përfituar të mira materiale nga buxheti i shtetit.

Ai Kosovën e ka quajtur si shtet zemërgjerë dhe shtet i zhvatësve.

Demi ka thënë se Ismet Beqiri nuk është kryetari i vetëm i komunës që ka përfituar banesë gjatë kohës sa ka qenë duke ushtruar postin e kryetarit.

“Në vitin 2009, liderët e të gjitha partive politike në Komunën e Klinës, duke përfshirë edhe kryetarin Sokol Bashota, i kishin ndarë vetit nga një banesë, me arsyetimin se duhet me qenë afër komunës,” ka shkruar Demi në llogarinë e tij në Facebook.

Ai ka kritikuar edhe deputetët e Kuvendit të Kosovës, të cilët sipas tij asnjëheër nuk ka kthyer kompjuterët laptop të blerë nga paret e buxhetit të shtetit.

“Çdo zyrtar publik i cili e përfundon mandatin e tij, asnjëherë nuk e kthen telefonin mobil, të blerë me buxhet të shtetit; ish-Kryetari i Kuvendit Nexhat Daci kishte rregullu dhëmbët me buxhet të Kuvendit, kurse në vilen e tij jashtë Prishtinës kishte dërguar një TV të blerë nga Kuvendi,” ka shkruar Demi.

“Krejt këto me pare të shtetit, në të cilin kontribuojnë me dhjetëra familje të cilat nuk kanë mundësi me i sheru anëtarët e tyre, e nuk kanë mundësi me ua ble një loptop fëmijëve, e me i rregullu dhëmbët e tyre,” ka thënë ai./Insajderi.com

Disa ditë pas paralajmërimit se do të braktis PDK-në, kompania e Ramiz Kelmendit do të nënshkruajë një marrëveshje me Qeverinë e Kosovës. Deputeti Kelmendi thotë se është tërhequr nga nënshkrimi i saj përkundër se MASHT ka njoftuar mbrëmë se marrëveshja do të nënshkruhet mes Kelmendit dhe ministrit Bajrami. Nënshkrimi nga Kelmendi do të përbente shkelje ligjore.

Qeveria e Kosovës sot do të nënshkruaj marrëveshje me kompaninë në pronësi të  Ramiz Kelmendit, deputetit të Partisë Demokratike të Kosovës. Marrëveshja parasheh ofrimin e praktikës profesionale për nxënësit e shkollave profesionale në gjithë vendin. Ministria e Arsimit njoftoi mbrëmë se marrëveshja do të nënshkruhet mes ministrit Arsim Bajrami dhe përfaqësuesit të kompanisë “Elkos Group”, Ramiz Kelmendit.

Nënshkrimi nga ana e Kelmendit përben shkelje të ligjit për parandalimin e konfliktit të interesit. Ligji obligon zyrtarët e lartë publik që heqin nga postet menaxheriale në kompanitë e tyre. Zyrtari i lartë gjatë kohës së ushtrimit të mandatit nuk ka të drejtë të përfaqësojë, promovojë dhe të nënshkruajë marrëveshje në emër të kompanisë që e ka në pronësi.

Këto përgjegjësi duhet t’i delegoj tek personat tjerë. Kelmendi është pyetur për këtë nga Insajderi. “Këtë pyetje ia kam shtruar edhe vetes mbrëmë. Kam ardhur në përfundim se nuk kam të drejtë të nënshkruajë. Do të nënshkruajë dikush tjetër, ndoshta drejtori apo zv/drejtori”, ka thënë Kelmendi. Por Kelmendi do të marrë pjesë në ceremoninë e nënshkrimit në ora 11:00, në zyrat e kompanisë “Elkos” në Pejë.

“Do të jem si deputet aty”, ka thënë Kelmendi. Shton se nëse edhe prania si deputet përben problem  atëherë ai mund ta pres në shumë forma ministrin Bajrami.

“Unë duhet ta pres ministrin Bajrami. Kam obligim edhe njerëzor që ta pres ministrin që viziton pronën time. Do të jem aty si pronar, vëzhgues…”, ka shtuar ai.

Nënshkrimi i kësaj marrëveshje me Qeverinë e Kosovës vjen vetëm tetë ditë pas paralajmërimit të Kelmendit se mund të braktis Partinë Demokratike të Kosovës. Deputeti Kelmendi thotë se nuk ka ndërlidhje mes këtyre dy veprimeve. Thotë se nënshkrimi i marrëveshjes me Ministrinë e Arsimit ishte diskutuar para disa muajsh, por është shtyrë për shkak të situatës politike.

Kelmendi i pati rënë pishman vetëm një ditë më vonë dhe kishte deklaruar se do të vazhdonte të qëndronte në PDK. Ai vazhdon të kërkoi postin e zv/kryeministrit për zhvillim ekonomik në Qeverinë e Kosovës. Kërkesë alternative e tij mbetet edhe posti i ministrit të ndonjë prej Ministrive që kanë fushëveprim ekonominë. Insajder

Sipas Raportit më të ri për Lumturinë në Botë, të lëshuar nga Rrjeti për Zgjidhje të Qëndrueshme Zhvillimore në kuadër të OKB-së, Danimarka është vendi më i lumtur në botë.

Raporti ka analizuar gjendjen e lumturisë në 157 vende.

Në këtë listë, Kosova radhitet në vendin e 77-të.

Në fund të listës është Burundi.

Raporti ka konstatuar se njerëzit janë më të lumtur në shoqëritë ku ka më pak pabarazi.

Raporti ka analizuar bruto prodhimin e brendshëm për kokë banori, përkrahjen sociale, jetëgjatësinë, lirinë për të bërë zgjedhje, bujarinë, perceptimin e korrupsionit dhe faktorë të tjerë.

Dita Ndërkombëtare e Lumturisë shënohet më 20 mars.

PRIZREN – Me ceremoninë festive në të cilën, përmes video-konferencës, mori pjesë edhe kryetari i Turqisë, Recep Tayyip Erdogan, sot në Prizren është rihapur xhamia e restauruar e Emin Pashës.

Kryetari i Turqisë i cili Kosovën e konsideron si një vend vëllazëror dhe nuk kursen mjete për ta ndihmuar në rindërtim dhe zhvillim, përmes projekteve të shumta të financuara nga TIKA, sot parme s videolidhjes nga Ankara, përshëndeti popullin e kosovës dhe ia bëri me fat rihapjen e Xhamisë së rinovuar të Emin Pashës.

“Përshëndesim të gjithë të pranishmit, ministrat e qeverisë së Kosovës, përfaqësuesit e bashkësisë islame, nxënësit, mësuesit dhe vëllezërit tonë kosovar, dhe nga kryeqyqyteti i Turqisë, Ankara iu dërgojmë përshëndetje. Ju urojmë për rihapjen e kësaj xhamie të mrekullueshme të Emin Pashës dhe iu dëshirojmë fat. Ju qoftë për hajr”, tha kryetari i Turqisë Erdogan.

Në vazhdim ai luti mikun e tij, myftiun e Kosovës, Naim efendi Tërnavën që ta këndoj duanë e hapjes dhe më pas e dha sinjalin për prerjen ceremoniale të shiritit nga të gjithë së bashku, ministrat e Qeverisë së Kosovës: Agani, Yagcilar dhe Demiri, deputetët turk në Kuvendin e Kosovës, Myftiu i Kosovës Naim efendi Tërnava, ambasadorja e Turqisë në Kosovë, Kivilcim Kiliç e shoqëruar edhe nga Konsulli i Përgjithshëm i Turqisë në Prizren, Selen Evcit, përfaqësuesit e TIKA-së, përfaqësuesit e Institutit Yunus Emre në Kosovë dhe pjesëtarët e kontingjentit të forcave ushtarake turke në kuadër të KFOR-it.

Xhamia e ndërtuar në vitin 1832 nga Emin Pasha, një nga xhamitë më të bukura në Kosovë, është rinovuar duke i falënderuar përkrahjes financiare të Agjencisë Turke për Bashkëpunim dhe Koordinim, TIKA dhe sot, për nder të rivënies në shërbim të besimtarëve të fesë islame në Prizren, është organizuar një ceremoni madhështore në të cilën ishin prezent personalitete të rëndësishme të jetës politike dhe shoqërore nga Kosova dhe mysafirë të nderuar nga Turqia.

Në fillim të ceremonisë, koordinatori i Agjencisë Turke për Bashkëpunim dhe Zhvillim, Eyup Umutlu, theksoi se TIKA me realizimin qindra projekteve në fusha të ndryshme, po e ndihmon dhe përkrah zhvillimin dhe ndërtimin e Kosovës, ndërsa ruajtja e trashëgimisë kulturore është një nga fushave ku jo agjenci tregon kujdes më të veçantë.

“Sot jemi tubuar këtu për të bërë rihapjen e xhamisë së restauruar, ngase ruajtja e trashëgimisë kulturore është një fushë të cilës ne i kushtojmë rëndësi të madhe. Andaj, pjesëmarrja jonë në këtë ceremoni paraqet një kënaqësi të vecantë. Restaurimi i një xhamie si kjo e ka një kuptim të vecantë. Vendi nga i cili po ju flas tash, është vend në të cilin njerëzit tash e 200 vite kanë jetuar dhe i kanë kryer ritet e tyre fetare, ndërsa në Kosovë ka xhami edhe më të vjetra dhe këto vepra arti janë dëshmi se muslimanët këtu ekzistojnë me shekuj të tërë dhe nga ky aspekt kjo xhami e ka një vlerë të vecantë”, tha Umutlu.

Myftiu i Kosovës, Naim efendi Tërnava i cili fillimisht dënoi ashpër sulmin terrorist makabër në Ankara i cili ndodhi të dielën mbrëma dhe ku humbën jetë shumë civilë të pafajshëm, shprehu ngushëllime popullit dhe qeverisë turke, duke thënë se Kosova është pranë Turqisë në këto momente të vëhstira. Ai njëherësh falënderoi TIKA-në dhe Turqinë për investimet të cilat i bënë në Kosovë në ruajtjen e trashëgimisë kulturore.

“Me këtë rast më lejoni që në emër të BIK-ut të falënderoj nga thellësia e shpirtit TIKA-në dhe Yunus Emren, të cilët po bëjnë shumë në Kosovë në restaurimin e xhamive të vjetra në Kosovë po edhe në aspektin kulturor dhe fetar. Mund të them se BIK-u do të vazhdojë edhe më tutje me këtë bashkëpunim dhe gjithëherë sa të jetë bota do të jetë falënderues për të gjithë ata të cilët janë ndarë nga pasuria e tyre që të bëjnë restaurimin e këtyre xhamive, dhe nëpërmjet të restaurimit të këtyre xhamive po restaurojnë në një masë të konsiderueshme edhe shpirtin tonë, po e forcojnë besimin në zemrat , në shpirtin dhe mendjen tonë, ngase restaurimi i xhamisë fuqizon edhe më ndjenjën e një devotshmërie dhe përkushtimi edhe më të madh karshi krijuesit të këtij universi, Allahut Xheleshanehu”, tha Tërnava

Ambasadorja e Turqisë në Kosovë, Kivilcim Kilic në fjalimin e saj falënderoi institucionet kosvare për bashkëpunimi dhe shprehu falënderime për TIKA-në e cila ka financuar rindërtimin e xhamisë së Emin Pashës e cila, sipas saj, është një nga më të bukurat që ajo ka parë në Kosovë.

“Jam shumë e lumtur që sot jam në mesin tuaj, në njërin prej qyteteve më të bukura në Kosovë, vendit mik dhe vëllazëror, për të hapur xhamin e rinovuar të Emin Pashës, njërit prej monumenteve më të rëndësishme të pararardhësve tonë, këtu në Prizren. Jam e lumtur që jam në rihapjen e Xhamisë e Emin Pashës, xhami kjo e ndërtuar në vitin 1832, që është dëshmi e lidhjeve të forta miqësore dhe vëllazërore shekullore me Kosovën dhe një monument i para ardhësve tanë që ka mbetur deri në ditët e sotme duke na i prezantuar kujtimet e së kaluarës, po hynë sërish në shërbim me një pamje të re dhe të bukur, në shërbim të vëllezërve tonë kosovar”, tha Kiliç.

Pas ceremonisë së inaugurimit të xhamisë, të gjithë së bashku hynë brenda për ta vizituar punën e bërë, para se xhemati i Prizrenit e fali namazin e drekës, zyrtarisht, namazin e parë pas restaurimit të Xhamisë së Emin Pashës. aa

Drejtoria Kundër Terrorizmit e Policisë së Kosovës ka realizuar dy operacione në lokacione të ndryshme të vendit, duke arrestuar dy persona nën dyshimet për rekrutim dhe financim të terrorizmit.

Operacioni i kryer në rjaonin e Prishtinës dhe Pejës ka të bëjë me zbatimin e urdhër-kontrollit të lëshuar nga Gjykata Themelore në Ferizaj ndaj objekteve të banimit dhe bizneseve të personit F. R.

“I dyshuari F. R. në vazhdimësi ka vënë në dispozicion bizneset e tij, me qëllim të përkrahjes dhe mbështetjes financiare dhe logjistike të personave që janë të përfshirë në organizim dhe rekrutim për terrorizëm, duke përfshirë edhe persona të cilët njihen për përhapjen e ideologjisë ekstremiste në tërë Kosovën, si dhe persona të cilët kanë udhëtuar apo kanë tentuar të udhëtojnë për në zonën e konfliktit”, thuhet në komunikatën e policisë.

“Shumë persona të cilët i dyshuari F. R. në mënyrë të drejtpërdrejtë apo nëpërmjet personave tjerë i ka mbështetur në aspektin financiar dhe logjistik, janë arrestuar për vepra penale nga kapitulli i XIV i KPK-së, përkatësisht veprave penale kundër rendit kushtetues të Republikës së Kosovës, disa prej tyre aktualisht gjenden në zonën e konfliktit në Siri dhe Irak, ndërsa një numër i tyre, duke përfshirë edhe disa persona që kanë qenë të punësuar në bizneset e tij, janë raportuar të vrarë në zonën e konfliktit”, vijon komunikata.

I dyshuari F.R. akuzohet për rekrutim për terrorizëm, organizim dhe pjesëmarrje në grup terrorist dhe lehtësim në kryerjen e terrorizmit. Të gjitha këto vepra janë të dënueshme me ligjet e Kosovës.

Operacioni tjetër ka ndodhur në rajonin e Prizrenit, ndaj të dyshuarit P. D., nën dyshimin se i njëjti është i përfshirë në ‘financim apo lehtësim të terrorizmit’, sanksionuar sipas Ligjit.

“I dyshuari P. D. së paku në një rast ka financuar dy persona me qëllim të pjesëmarrjes në grup terrorist, përkatësisht në konflikt jashtë vendit, vepër e ngelur në tentativë, pasi që të njëjtit janë ndaluar nga Drejtoria Kundër Terrorizmit në muajin dhjetor 2015 në tentativë që të udhëtojnë për në zonën e konfliktit”, thuhet në komunikatë.

Ndryshe, në raportin e fundit të Departamentit Amerikan të Shtetit, mbi luftën kundër terrorizmit në botë gjatë vitit 2014, Kosova është vlerësuar si një vend me kërcënim në rritje nga ekstremizmi islamik.

Përfaqësues nga Qeveria e Kosovës, por edhe ata nga shoqëria civile, thonë se që nga viti 2012 e deri më tash, numri i shqiptarëve nga Kosova që i janë bashkuar organizatave ndërkombëtarisht të njohura si terroriste në Siri dhe Irak, është rreth 300.

Megjithatë, sipas përfaqësuesve zyrtarë, në nëntë muajt e fundit “nga Kosova nuk është shënuar as një rast i shkuarjes në Siri për të luftuar për grupin militant Shtetit Islamik”.

Presidenti i zgjedhur i Kosovës, Hashim Thaçi ka mbajtur një ligjëratë në Institutin e Hagës për Drejtësi Globale.

Në fjalimin e tij të gjatë Thaçi ka folur për karrierën e tij që nga Lëvizja studentore e viteve nëntëdhjetë, formimin e UÇK-së, Konferencën e Rambujesë në vitin 1999, intervenimin e NATO-s, shpalljen e Pavarësisë si dhe shumë pika tjera që lidhen me Kosovën, transmeton koha.net.

Duke folur për UÇK-në Thaçi, ndër të tjera tha:

Mund të citoj Tim Judah, gazetar nga “The Economist”, i cili kishte thënë se UÇK-ja ishte “lëvizja më e suksesshme guerile në historinë bashkëkohore”. Ne arritëm ta çlirojmë Kosovën me ndihmën e NATO-s, me ndihmën e Evropës dhe të SHBA-së.

Në vazhdim Thaçi ka folur edhe për bisedimet Kosovë- Serbi .

Ne u takuam mbi 25 herë dhe kam kaluar më shumë se 200 orë me kryeministrat Vuçiq dhe Daçiq.

Në takimin e parë, me Daçiqin, ne u ulëm 3 metra nga njëri-tjetri. Pa shtrëngim duarsh, vetëm shikonim nga njëri-tjetri. Vetëm pas një kohë, pas një frymëmarrjeje të thellë, arritëm të shtrëngonim duart.

Fjalia e parë nga Daçiq ishte: “Për vite, ne donim të të vrisnim”.

Unë iu përgjigja: “Ne nuk jemi këtu për të qarë për të kaluarën, por për të biseduar për të ardhmen”.

Megjithatë, së shpejti, arritëm të ndërtojmë një dialog konstruktiv.

Në fund, nënshkruam marrëveshjen historike të Brukselit për normalizimin, në prill 2013.

Ne vendosëm të mos bllokonim njëra-tjetrën në integrimin evropian dhe të hiqnim strukturat paralele ilegale serbe në Kosovë.

Ne u pajtuam se në Kosovë ekziston vetëm një ligj – ligji i Kosovës – dhe vetëm një Kushtetutë – Kushtetuta e Kosovës.

Kjo ishte hera e parë që Kosova dhe Serbia arritën një marrëveshje në kohë paqeje – për herë të parë në histori ne përdorëm dialogun dhe jo armët. Pas 100 viteve të armiqësisë dhe konfrontimit, tha Thaçi.

Hashim Thaçi do të betohet në seancën e 7 prillit të këtij viti në Kuvendin e Kosovës, por aty do të jenë të pranishëm vetëm deputetët e koalicionit qeverisës. Opozita ka vendosur të mos marrë pjesë në këtë seancë, ku do të betohet presidenti i ri, me arsyetimin se Thaçi nuk është unifikues dhe njëkohësisht me pjesëmarrjen e tyre do të legjitimoheshin shkeljet, siç thonë ata, me rastin e zgjedhjes së të parit të shtetit.

Zyrtarë të partisë më të madhe opozitare, Lëvizja “Vetëvendosje”, thonë se do të kenë shumë aktivitete deri në ditën kur do të betohet Thaçi.

“Është shumë herët të diskutojmë për datën 7 prill, meqë kemi shumë aktivitete deri në atë datë. Opozita e bashkuar është duke u përqendruar maksimalisht në përgatitjet për tubimin në sallën ‘1 Tetori’ në Prishtinë që mbahet të shtunën më 19 mars 2016 në orën 14:00, si dhe për protestën e radhës që mbahet në Prishtinë më 26 mars 2016”, ka thënë Tahiri.

Për njerëzit e rendomtë karrigeja ka sherbyer si ndjenjëse me katër këmbë per t’u clodhur, pra si mjet çlodhës.Në sistemet monarkiste , mbretërit dhe princërit shijonin momente relaksimi në kolltuqet elegante dhe të rehatshme, ndonjëherë kur ishin nervoz kreshpëronin grushtet mbi brrylësat e kolltukut.

Në ato kolltuqe, vendosej fati i popujve dhe njerëzve gjatë historisë se njerëzimit. Kryesisht mbi karrige uleshin njerëz të fuqishëm, njerëz në duart e të cilëve varej fati i popujve. Karrigeja ka shërbyer si analogji e ngritjës së figurës së mbretit apo udhëheqësit, derisa nën karrige klithte populli i varfër , që vdiste për një kafshatë bukë.

Ndonëse keqpërdorimi me deshja i karrigejes nga ana e udhëheqësve, ka sjellur shumë vuajte dhe luftëra.

Karrigeja në Kosovë

“ Infektimit ” me sindromen “ pushteti në karrige, pupulli nën te ” s’munden dot t’i rezistonin as udhëheqësit e shqipëtarëve në Kosovë, të cilët pas lufte kryen metabolizëm të çrregullt me jetën tonë shoqërore. Karriget e politikanëve tanë u ndërtuan aq të mëdhaja dhe të larta, sa asnjëherë nuk e panë popullin në sytë e të cilëve shpresa po venitet çdo ditë, mbase sikur te kishin karrige më të ulëta., do e shihnin popullin më afër dhe më mirë .Karrigeja është ndërtuar për t’u çlodhur dhe për të punuar, në rastin konkret të qeverisjes, ajo duhet të shërben si mjet pune në shërbim të qytetarëve. Duke qenë se ka ndodhur e kundërta, mbi karrige të ministrave e kryeministreva të vendit tonë, është thelluar vuajta dhe mjerimi i këtij populli. Katandisja ekstreme ka ardhur si rezultat se në ato karrige janë ulur njerëz servil, të papërgjegjshëm dhe shpesh edhe kriminel me kollare ,të kamufluar si shpëtimtarë e komandantë të luftës së lavdishme të UÇK-së .

Antagonizmi i karrigejes në Prishtine dhe asaj në Bruksel, vë në pah mungesën e parimit që duhet të kenë udhëheqësit e institucioneve të Kosovës. Të njëjtit përsona janë aq të zot për të kamufluar hajnit e tyre brenda zyreve në Prishtinë, po të njejtit në bisedime me Serbinë ne Bruksel, nuk janë të zot të mbrojnë interesat e vendit të tyrë. Përkundrazi janë aq të skrupull, ata që duken gjigant para qyetarëve, në Bruksel janë marioneta, aq sa mezi i zë syri i kamerës.

Ndonëse në të dyja rastet ulën në karriga, njëra pushtim e tjera nënshtrim, mbi të gjitha është populli ai që peson.

Karrigeja e Skënderbeut , Ismail Qemailit, Naimit, Fishtës, Rugovës, Kadaresë, nuk është e drejtë që as si ndërtim druror të jetë edhe e Hashimit , Isës , Ramushit, Fatmirit. Populli nën karrige si maca nën sofër, e mbi atë karrige sa lluksi e amoraliteti kryhet, eh ..populli i mjër..eh kjo karrigeja e ( pa ) lumtur …!!

Largimi në mënyrë masive i të rinjve dhe familjeve shqiptare nga Kosova i ditëve të fundit e rrezikon të ardhmen e vendit nesër

Është tepër e dhimbshme kur dëgjon që familje të tëra, të lodhura nga skamja e denigrimi social, nga humbja e të gjitha shpresave për një të nesërme më të mirë në shtetin e lirë…, më lot në sy, me dhembje në shpirt e mbyllin pragun e shtëpisë së tyre, për t’u nisur drejt një shprese të re në vende të panjohura. Është shumë e dhimbshme kur fëmijëve u ndërpritet fëmijëria në vendin e tyre; kur nxënësit ndahen nga shokët e klasës, nga mësuesi që ua mësoi alfabetin e gjuhës shqipe, nga familja e farefisi i gjerë, ndoshta për të mos u parë më kurrë më mes vete në këtë jetë! Shuarja e shpresave, e ëndrrave, për të krijuar lumturi të përbashkët familjare në shtetin amë, në vendlindjen e tij është gjëja më e dhembshme që mund të përjetojë njeriu në jetën e tij.

Zbehja e shpresave të qytetarëve

Para tetë vjetëve, kremtimet e gjata të pavarësisë ngjallën shpresa dhe gjallëri në jetën e qytetarëve kosovarë. Të gjithë prisnin zhvillimin ekonomik të vendit, prisnin investime vendore dhe ndërkombëtare që do të gjeneronin hapjen e vendeve të reja të punës, ngritjen e mirëqenies qytetare,…të gjithë prisnin qeverisje të mirë dhe transparente. Mirëpo, me kalimin e ditëve, muajve dhe viteve filloi të zbehej dhe zhbëhej shpresa e qytetarëve për jetë në shtetin e tyre të pavarur. Mbase zgjedhjet e fundit parlamentare ishin rasti i fundit për kthimin e shpresave të qytetarëve. Atëherë kur të gjithë ishin në pritje të ndëshkimit të keqqeverisjes shtatëvjeçare, të atyre që katandisen shtetin dhe thyen shpresat e shqiptarëve, ndodhi e kundërta,…shpërblimi qeveritarëve të korruptuar u erdhi nga subjekti më i madh opozitar, nga subjekti me traditë më të gjatë politike dhe demokratike… Ikja e të rinjve nga Kosova nuk ka të ndalur, pothuajse çdo ditë nga stacioni i autobusëve në Prishtinë dhe nga qendrat e tjera të Kosovës, numër i madh i kosovarëve (shqiptarëve) mbushin autobusët e linjës Prishtinë- Beograd për të vazhduar për Hungari, me destinacion drejt vendeve të perëndimit. Flitet për dhjetëra mijëra shqiptar të Kosovës, që gjatë këtyre dy vjetëve të fundit u “konvertuan” në shtetas të Serbisë, për t’u pajisur me një pasaportë serbe,…mundësi kjo e ikjes më lehtë nga Kosova drejt vendeve europerëndimore. Emigrimi është bërë plagë e pashërueshme e popullit tonë, arsyet e ikjes së një numri të madh të qytetarëve janë kushtet e vështira socioekonomike,…situata e rënduar politike dhe e paperspektivë, ka çuar në humbjen e shpresave për jetë dhe ardhmërinë vendin e tyre. Prapavija po ashtu është politike, objektiv i kahershëm i fqinjëve tonë veriorë (serbëve) për zbrazjen e Kosovës nga popullata shqiptare po bëhet realitet në Kosovën e “pavarur”,….këtu nuk përjashtohen as marrëveshjet e fshehta të Serbisë me disa nga shtetet europerëndimore! Përderisa politikanët tonë të mjerë më tepër janë shndërruar në spektatorë se vendimmarrës në shtetin e tyre,…si gjithnjë përfitues të këtyre situatave janë kontrabanduesit e njerëzve në bashkëpunim me qeveritarët andej dhe këndej kufirit !

Zbrazja në heshtje e Kosovës nuk ka të ndalur

Largimi në mënyrë masive i të rinjve dhe familjeve shqiptare nga Kosova i ditëve të fundit e rrezikon të ardhmen e vendit nesër. Mallkimi dhe rënkimi i të ikurve me shpirt të thyer nga vendlindjet e tyre ndjellë kob për shtetin e Kosovës. Njerëzit nuk po ikin nga dëshira, por nga pamundësia për të jetuar dinjitetshëm në atdheun e tyre,…pushtetarët ua mbyllen të gjitha dyert, ua shuan të gjitha shpresat për jetë në vendlindjen e tyre. Ikja nga vendlindja është zgjidhja e fundit, është rrugë e rëndë dhe e mundimshme, por për fatin e keq të shumicës shqiptare, një grup njerëzish të papërgjegjshëm ua kanë uzurpuar çdo pore të jetës në Kosovë. A ka dëshpërim më të madh, kur babai i një dëshmori, që e kishte të vetmin djalë, i shkon tek varri dhe i thotë: “Lamtumirë o bir, unë po ta kthej shpinën dhe po e lë vendin për të cilin dhe jetën ti o drita e vetme e jetës sime…”. Jo vetëm e dhimbshme kjo, është mallkimi më i madh për pushtetarët, për qeveritarët që u është bërë gjaku ujë,…të cilëve përveç egos së pafundme për pasurim dhe uzurpim të shtetit, nuk shohin gjë tjetër para vetës. Atyre pushtetarëve që u kanë mbet vetëm edhe pak ndjenja njerëzore në shpirtin e tyre, duhet t’i thërrasin ndërgjegjes e të i thonë STOP kësaj gjendje mjeruese në vend, në të kundërtën përveç mallkimit të bashkëkombësve të vet, një ditë do t’i zërë edhe mallkimi i Zotit!

Policia e Kosovës bën të ditur se gjatë ditës së djeshme ka arrestuar një person si të dyshuar për sulm ndaj shtëpisë së Kryeministrit të Kosovës Isa Mustafa dhe po i njëjti ka hedhur bombë molotov në protestën e 26 shkurtit në Prishtinë.

Policia ka dërguar edhe fotografi të personit të dyshuar, Kushtrim Avdimetaj i cili është edhe aktivist i Lëvizjes Vetëvendosje.

Politologu kosovar, Naim Rashiti komenton përplasjet e Ramiz Lladrovcit dhe deputetit të Vetëvendosjes, Rexhep Selimi. I bën thirrje Ministrisë së Jashtme që ta shkarkojë

Njohësi i çështjeve politike në vend, Naim Rashiti përmes një postimi në rrjetin e tij social “Facebook”, ka komentuar përplasjet e Ambasadorit të Kosovës në Shqipëri, Ramiz Lladrovcit dhe deputetit të VV-së Rexhep Selimit. Rashiti në postimin e tij thotë se Lladrovci duhet të tërhiqet nga pozita e ambasadorit, pasi që sipas tij nuk u lejohet diplomatëve të bëjnë deklarata të tilla. Rashiti gjithashtu ka kërkuar nga ministria e jashtme që ta kthej prapa Lladrovcin nga pozita e ambasadorit. Ndër të tjera Rashiti thotë se të tjerët duhet të kenë kujdes që të mos futen në debatin e krijuar. “Pavarësisht se kush ka të drejtë në këtë debat. Ata të cilët janë brenda vendit dhe pjesë e politikës apo e shoqërisë kanë të drejtë të vazhdojnë debatin. Por kjo nuk mund t’u lejohet diplomatëve dhe të ngarkuarve në detyrë. Miqësisht do t’i kërkoja Ministrisë së Jashtme ta kthejë Ramiz Lladrovcin mbrapa. Kjo i bën mirë shërbimit të jashtem dhe shtetit. Të tjerët duhet të kenë kujdes, mos të futen në debatin aktual të luftëtarëve. Ata mund ta bëjnë këtë debat, janë në të drejtën e tyre, kanë hequr shumë në ato kohë e tani dhe askush nga të tjeret nuk e di çka ka ndodhur në ato kohë. Prandaj të tjerët, ne e çdo kush tjetër që nuk ishte pjesë e asaj kohe duhet të kenë kujdes sepse mund të gabojë në gjykimin e tij.

Akuza e Ladrovcit

Ambasadori i Kosovës në Shqipëri, Ramiz Lladrovci e ka akuzuar zyrtarin e Policisë së Kosovës, Fadil Syleviqin se në prillin e vitit 1998 e ka vrarë atdhetarin Hafir Shala. Po ashtu, Ladrovci ka thënë se rasti Hafir Shala nuk u hetua asnjëherë deri tani, për t’u zbardhur e vërteta e kidnapimit dhe mbytjes me dhunë nga hetuesit e pushtetit të Sllobodan Millosheviq. “Dje, (më 12 mars) ndërroi jete znj. Shehide Shala, nëna e patriotit, atedhetarit, ish-te burgosurit politik, dhe humanistit të madh, Dr. Hafir Shalës, si dhe gjyshe e luftëtares së UÇK-së, dëshmores së kombit, Luljeta Jahir Shalës. Ajo, për së gjalli nuk i gjeti kurrë eshtrat e të birit, Dr. Hafir Shala, i kindapuar në prillin e vitit 1998 nga UDB-shi Fadil Syleviqi, dhe i mbytur me dhunë në zyrat e hetuesisë serbe, në Prishtinë. Dr. Hafirit, më pas, ia zhdukën edhe trupin e tij, eshtrat e të cilit nuk u gjetën kurrë deri më sot. Megjithëse rasti i tij nuk u hetua asnjëherë deri më tani, për t’u zbardhur e vërteta e kindapimit dhe mbytjes me dhune nga hetuesit e pushtetit të satrapit Sllobodan Millosheviq. Rasti nuk u hetua kurrë, as nga drejtësia vendore e as nga ajo ndërkombëtare.

E, dje Nëna Shehide, sikur vite me parë edhe babai i Dr. Hafir Shalës, shkoi në amshim me mallin për t’i gjetur eshtrat e tij. Por, ajo tanimë ka gjetur shpirtin e të birit. I përjetshëm qoftë kujtimi për Nënën Shehide! Kurse, neve, të gjallëve, shokëve dhe bashkëluftëtarëve të Dr. Hafir Shalës, na mbetet amanet moral, njerëzor dhe punë patriotike, që ta ndriçojmë rastin e bashkëluftëtarit tonë.

Aq më shumë, kur e dimë se UDB-ashi që e kindapoi dhe nga duart e të cilit vdiq, e më pas u zhduk Dr. Hafir Shala, është i gjallë dhe bartë përgjegjësi të larta në njërin ndër institucionet më të rëndësishme të vendit tonë, në Policinë e Kosovës”- shkroi Lladrovci në “Facebook”.

Selimi: S’ka luftë në mes komandantëve por kundër të vërtetës së UÇK-së

Deputeti i Vetëvendosjes, Rexhep Selimi ka kërkuar nga udhëheqësit e PDK-së të mos fshihen në debatin për luftën, duke i nxjerrë zyrtarët tjerë të kësaj partie. Deputeti i Lëvizjes Vetëvendosje, Rexhep Selimi ka mohuar se po bëhet luftë në mes komandantëve, duke shkruar se këtu ka luftë kundër të vërtetës së UÇK-së, e sponsorizuar nga ata që gjuajnë gurin dhe e fshehin dorën dhe për këtë temë nuk përgjigjen vetë por nxjerrin të tjerë që t’ia ulin nivelin e temës. Ai në rrjetin social ka shkruar se një fjali e vetme në Kuvend i alarmoi të “parët” e PDK-së, duke shtuar sepo sikur të flitet më shumë, ku do ta fusni kokën?

Pas datës 26 Shkurt, kur kandidatit për President iu adresova me një fjali të vetme , si zakonisht ai heshti.

Por në “mbrojtje” të tij i aktivizoi (sipas kronologjisë): 1.Ganimete Musliun, 2. Ramiz Lladrovcin, 3. Gani Gecin dhe 4. Gani Kocin. E, ku është lufta në mes Komandantëve këtu? Prej kur Ganimete Musliu Komandante? Prej kur Ramiz Lladrovci Komandant? Prej kur Gani Geci Komandant? Prej kur Gani Koci Komandant? (Bile ky i fundit se paku ka qenë një ushtar i UÇK-së e përherë i PDK-së)

Këtu nuk ka luftë në mes komandantëve! Këtu ka luftë kundër të vërtetës së UÇK-së e sponsorizuar nga ata që gjuajnë gurin dhe e fshehin dorën dhe për këtë temë nuk përgjigjen vetë por nxjerrin të tjerë që t’ia ulin nivelin e temës. O ju të “parët” e PDK-së, bëhuni trima e nxjerreni kokën, së paku një herë ne jetë!

Një fjali e vetme në Kuvend iu alarmoi. Po sikur të flasim më shumë? Ku do ta fusni kokën?”-shkroi Selimi.

 Ish kryeministri i Kroacisë Ivo Sanader, pas një procesi gjyqësor që zgjati dy vite për keqpërdorim të pozitës u dënu më nëntë vite burg. Po ashtu , do ti konfiskohet tërë pasuaria  e tij, dhe e familjës   e realizuar me veprat e dënuara.A nuk është ky proces gjyqësor shëmbulli më i mirë së si duhet të funkcionojnë organet e drejtësisë të një shteti demokratik. Sanader veq që është dënuar për veper penale , atij si masë e dënimit iu shqiptua edhe konfiskimi i pasurisë së paligjshme. Ne Kosovë këso rasteve të korrupcionit dhe të krimit të organizuar këmi   më bollëk.Shumë qeveritarë u moren nga organet tona të drejtësisë për  keqpërdorim të pozitës , por ata jo vetem që u liruan pas një kohë të shkurtër të përballjës  më ligjin , por  u kthyen në pozitat e tyre të larta pushtetare, që nuk ndodhë në asnjë vend tjeter demokratik.Disa u lejuan edhe të largohen nga vendi duke i ikur kështu arrastimeve për vepra penale.Organet më të larta të shtetit tash e shumë kohë janë bërë  epiqendra  e krimit të organizuar dhe korrupcionit. Po të kishim organe të gjyqësisë të pavarura nga politika ditore , sigurisht së shumë kënd  do ta priste fati i ish kryeministrit kroat, Sanader. Këto struktura  politike dhe shtetërore janë përfolur  shumë në opinion së janë struktura që direkt ose terthorazi kan lidhje më krimin e organizuar .  Shumë çka në Kosovë pamë dhe dëgjuam nga ngjarjët e pa mira që po ndodhin, dhe këta njerëz në pushtet po sillën dhe veprojnë sikur të mos kishte ndodhur ama bash asgjë .Përmes situatës permanente konflktuoze po bëjnë përpjeke të mbesin në pushtet, nga droja së strukturat e reja politike që do të zëvëndësonin , do ti qesin para organeve të drejtësisë për keqpërdorime të pozitës shoqërore.Elitat politike  janë pasuruar mbrenda natës, dhe deri me tash nuk po kemi ndonjë hetim nga organet përkatëse për prejardhjën e kësaj pasurie. Ata kan stopuar deri më tash çdo hulumtim të pasurive të tyre, përmes njerëzve të tyre të inkudruar në organet  përkatëse.Të gjitha raportet e deritashme ndërkombëtare kishin bërë të ditur së nuk po luftohet korrupcioni dhe krimi i organizuar , si parakushte për tu inkuadruar shteti ynë  në strukturat relevante të BE-së. Edhe situata e krijuar e krizës institucionale ka lidhshmëri më krimin , korrupcionin dhe më menagjimin e keq të qeverive të deritashme. Të gjitha dukurtitë negative po luftohen më shumë verbalisht. Sigurisht së kjo elitë politike , edhe nuk i lufton dukuritë negative  në mesin e vet.Kemi shëmbuj të shumtë në shtetet demokratike së askush nuk qendron mbi ligjin, kështu edhe rasti  me kryeminstrin kroat, Sanader.Njeriu më meritori për bashkimin e dy gjermanive , Helmut Kol, kishte dhën llogari për një shumë parash , të cilat  kishin  të bënin më një evidencë jo të saktë të tyre  ,së sa që në pyetje ishte  ndonjë hajni. Në Kosovë, shumë kush  në krye të institucioneve të shtetit janë përfolur si të inkriminuar në afera të ndryshme korruptive  , dhe ata pa ndonjë frikë së do të ndeshën më ligjin  po qëndrojnë  në  poste të larta pushtetare.Nese dëshirojmë të kemi shtet funksional dhe ligjor, do të duhej ta ndjekim shëmbullin e shtetit kroat, i cili për keqpërdorime e ka dënuar më burg, ish –kryeminsitrin , Ivo Sanader…

Lënia e fatit të vendit në duart e liderëve të korruptuar politik, është më tepër së heqje dorë nga shtetësia dhe sovraniteti politik.

Në këto vitet e fundit pak është folur, e më pak është bërë rreth profilizimit të partive politike. Po t’i shikosh programet e të gjitha partive politike, vrenë së janë të përafërta me njëra-tjetrën. Të gjitha thirren në demokraci, mirëqenje qytetare, respektim të ligjit e kushtetutshmërisë…
Veprimet e partive politike (pozitë dhe opozitë) e tregojnë më së miri orjentimin politik të tyre.
Kur partia me përvojen më të gjatë politike në vend-LDK-ja e ka humbur busollën orjentuese, duke rrëshqitur nga shtrati demokratik në diktaturë  tipike komuniste, çka të themi për politike e themeluara pas luftës, të cilave jo vetëm që u mungon demokracia e mbrendshme, shprehja e mendimit ndryshe nga lideri, u mungon profilizimi i qartë dhe meritokracia si një element bazë i demokracisë.
Kështu pra, edhe në Kosovë si në çdo vend tjetër demokratik duhet të krijohen dy blloqe të forta politike, që do të krijonin një konkurencë të mirëfilltë demokratike dhe ofertë serioze për elektoratin kosovar.
Me profilizimin e partive politike, jo vetëm që do të qartësoheshin gjërat, kjo do të ndikonte në rritjën e interesimit të elektoratit për dalje në zgjedhje.
Kështu më ketë spektër krejtë “djathtistë” në Kosovë me përjashtim të VV-së, jo vetëm që po vihet në lajthitje elektorati, po vihet në mëdyshje edhe faktori ndërkombëtar !
Thellësisht jam i bindur, sikur popullata të ishte treguar më e syqelë përgjatë këtyre viteve të paspavarësisë, qoftë në ndëshkimin e së keqës përmes votës së lirë apo protestave dhe formave tjera deri të padëgjueshmëria qytetare ndaj pushtetarëve, më siguri situata do të ishte krejt ndryshe.
Mirëpo në vend të kësaj ndodhi heshtja nga pritja e “mrekullisë nga qielli”.
Heshtja ndaj skandaleve serike të qeverisë dhe respekti i tepruar ndaj ndërkombëtarëve na ka sjellë në situatë mjeruese.
Varësia e skajshme e politikës kosovare ndaj ndërkombëtarëve dhe heshtja e popullatës garanton stabilitetin politik që kërkojnë “miqt” ndërkombëtarë, përderisa mungesa e zhvillimit ekonomik të vendit ka prodhuar varfërinë ekstreme dhe mjerimin social në vend.
Vetëm një popullatë shqiptare e varfër dhe e heshtur, me një klasë politike servile dhe nënshtruese ua garanton të huajve jetëgjatësinë e tyre në Kosovë!
Andaj më shumë së pushtetarëve aktual, ju intereson ndërkombëtarëve që të mos ketë protesta dhe demonstrata që qojnë në prishjën e “stabilitetit” politik.
Lënja e fatit të vendit në duart e liderëve të korruptuar politik, është më tepër së heqje dorë nga shtetësia dhe sovraniteti politik.
Nëse dëshirojmë ndryshime, duhet t’u bëhemi barrë në qafë pushtetarëve me kërkesa të vazhdueshme për vende të reja pune, ulje taksash, sigurime shëndetësore, arsim cilësor,…organizimi i protestave gjithandej vendit për rritje pagash, ulje çmimesh të konsumit të përditshëm, furnizim me energji elektrike dhe ngrohje në ditë të ftohta të dimrit,…do ta bënin Qeverinë të gjunjëzohej shpejtë para kërkesave popullore.
Sa më parë ta çlirojmë Kosovën nga përbindëshat politik, aq më e afërt do të jetë dita e ndryshimeve pozitive në vendin tonë,…zgjatja e jetës kësaj klase politike do të thotë vdekje e ardhmërisë së shumë gjeneratave në Kosovë.
Për fat të keq disa nga mediat e shkruara dhe ato elektronike, si instrument demokratik i një shoqërie njerëzore ju kanë nënshtruar cenzurës “demokratike” të pushtetarëve.
Madje disa prej tyre janë servilizuar tej mase. Me shkrimet e tyre janë bërë dorë e zgjatur e pushtetit.
Nëse qytetarët nuk tregohen të kujdesshëm ndaj këtyre mediave shumë lehtë mund të shndrrohen në adhurues të pushtetarëve dhe urrejtës të të shtypurve në vendin e tyre.
Ditë më parë, një “mik” i imi më qortoi për përmbajtjen e shkrimeve; “kujdes zoti Zeqa jeni bërë shumë i ashpër me kritikat ndaj LDK-së” !
Pëgjigja ime ishte kjo; “i nderuar, t’u paska mjegulluar mendja nga ambicia për të shkoqitur ndonjë asht të kalbur nga pushtetarët,…unë të njëjtit tel i kam rënë tetë vjet rresht, po i bie sot dhe do t’i bie edhe në të ardhmën derisa të arrijmë ndryshimet pozitive,…isha dje, jam sot, do të jemë edhe nesër kundër keqeverisjes në vendin tonë,…bashkangjitja e LDK-së qeverisjes së keqe, jo vetëm që nuk paraqet progres për vendin, paraqet ngulfatje të demokracisë dhe vazhdim të së keqës akoma më të madhe në vendin tonë”.
Nëse deri dje, qeverisjen e PDK-së e kemi quajtur qeveri të keqe, tani e tutje me LDK-në duhet ta quajmë Qeveri të stërkequr, të stërgjatur dhe të stërshëmtuar nga lakmiqarët e pushtetit,…që nuk kanë të ndalur me kapjen apo më mirë të themi me uzurpimin e shtetit !
Mbetët i habitshëm fakti, se si disa njerëz, deri para marrveshjes famkeqe dhe fatkeqe për vendin të 19 nëntorit të vitit të 2014, mes krerëve të  dy partive madhore në vend,…hidhnin vrerë, shanin e fyenin partnerin aktual të LDK-së, duke ja mveshur gjitha të këqijat (të qëna dhe të paqëna),…kurse tani sikur e kanë zhveshur nga mëkatet, në një farë mënyre e kanë amnistuar PDK-në nga keqeverisja e mëparshme shtatvjeqare !
Akoma më shqetësues mbetët fakti i heshtjës së disa gazetarëve dhe analistëve që më parë bënin thirrje të vazhdueshme kundër këtij koalicioni qeverisës, ndërsa tani i kanë futur veshët në lesh dhe heshtin, thuajse nuk ka ndodhur asgjë e keqe në këtë vend.
Madje disa kanë filluar edhe t’i këndojnë himne qeverisjes aktuale duke shtrëmbëruar realitetin e krijuar; gjoja se me formimin e kësaj qeverie, qytetarëve u janë kthyer shpresat për jetë në vendin e tyre,…duke mbyllur sytë para realitetit të hidhur, kur çdo ditë nga vendi largohen me dhjetëra familje e qindra shqiptar drejt vendeve euro-përëndimore.
Roli i gazetarisë në këtë drejtim është i madhë dhe shumëdimensional. Informimi i drejtë i ngjarjeve në skenën politike, zhvillimeve në jetën shoqërore, i determinon zhvillimet afatmesme dhe afatgjata, ndihmon dhe përgaditë në aspektin moral shoqërinë për përballjen me sfidat e kohës.
Gazetarët dhe analistët e mirëfilltë asnjëherë nuk bien pre e grupeve të interesit dhe as nën ndikimin e pushtetarëve, përkundrazi i qëndrojnë besnik misionit fisnik të gazetarisë, të të qënurit kritik ndaj dukurive negative dhe avangardë e zhvillimeve pozitive të një shoqërie njerëzore.
Për të qenë akoma më i qartë, këtë shkrim po e përfundoj me një thënje të Albert Einstein; “Bota është një vend i rrezikshëm për të jetuar, jo për shkak të njerëzve që bëjnë gjëra të këqija, por për shkak të njerëzve që i shohin ata dhe nuk bëjnë asgjë!

Shenja 18+, që ndalon hyrjen e të rinjve nën moshën 18 vjeç nëpër lokalet e natës, siç janë diskotekat, nuk respektohet në të shumtën e rasteve. Kështu thonë vetë disa të rinj që nuk e kanë arritur ende moshën 18 vjeçe.

Kanë kaluar pesë vjet qëkur në Kuvendin e Kosovës është kërkuar nga deputetët e opozitës formimi i një Komisioni hetimor rreth veprimtarisë së Shërbimit Informativ të Kosovës (SHIK), të cilin e ka udhëhequr Kadri Veseli, por një iniciativë e tillë ka dështuar qysh në fillim.

Ish-deputeti i AAK-së, Burim Ramadani, në mars të 2011-s paraqiti në Kuvend idenë e themelimit të këtij Komisioni.

“Kur e kam nisur atë iniciativë për komision hetimor, ndoshta nuk e kam njohur mjaftueshëm skenën politike. Porse si një aktivist i ri në politikë dhe pa të kaluar pengmbajtëse, kam menduar se është më mirë për Kosovën dhe politikën kosovare që të përmbyllej diskursi rreth SHIK-ut. Pavarësisht rezultateve që do të mund të dilnin, ky lloj debati çoroditës do të përmbyllej. Në fakt, kjo ka qenë pothuajse fjalia kryesore edhe në fjalimin tim në Kuvend atëherë. Tash pesë vjet më vonë, ky diskurs fatkeqësisht ka mbetur pothuajse i njëjtë”, thotë Ramadani.

Ramadani: Politika e ka legjitimuar SHIK-un

Pesë vjet më pas Ramadani vlerëson se ideja që kishte nisur ka qenë e mirë dhe e qëlluar, por, siç thotë ai, e parealizueshme.

Sipas tij, politika në përgjithësi e ka legjitimuar SHIK-un, dhe pse e përdor në diskurs publik sipas nevojave elektorale dhe kryesisht nga ajo pjesë e politikës që ka dhënë prova të kundërta në praktikë