Voal – Konferencë informuese e delegacionit të qeverisë së Republikës së Kosovës e kryesuar nga Ministri i Financave z.Avdullah Hoti në lidhje me programin “Bonot për Diasporën”, reformat fiskale dhe lehtësimet e të bërit biznes, MSA dhe mundësitë e mëdha që tash janë hapur për të eksportuar në Evropë produktet dhe shërbimet made in Kosova, ligjin për investimet strategjike etj.
Vendi i mbajtjes së takimit si numurat e kontaktit si më poshtë:
Pas zgjedhjeve të fundit parlamentare ku AKR-ja nuk mori as 5% për t’u fut në parlament, u duk se kjo parti de facto ka falimentuar. Se si erdhi deri tek rënia drastike e kësaj force politike, besoj se ka të bëj me hyrjen e Pacollit ne koalicion me Hashimin, e që për rrjedhojë nuk solli mirëqenie të jetës së qytetarëve. Nuk u hapen 300 mijë vende pune, zonat ekonomike mbeten veç në leter pa rezultate e për më tepër qytetarët nuk panë dicka ndryshe nga të tjerët, për çka Pacolli i mëshonte me forcë kësaj ideje. Kanë kaluar dy vjet që nga perfundimi i zgjedhjeve, Pacolli i mbetur nën hije kohët e fundit ka filluar të inicojë riorganizmin e AKR-së. Riorganizmet janë nevojë për cdo subjekt politik, kryesisht me qëllim avancimin karshi nevojave të qyetarëve. Partitë që i hyjnë këtij procesi duhet të evidentojnë se ku ka çaluar, çfarë duhet përmisuar dhe se s’i ta fitojnë besimin e elektoratit. Dhe mbi të gjitha, dhe me e rëndesishmja është krijimi i një identiteti dhe autoriteti të mirefilltë si drejtues i forcës opozitare në të ardhmen. Realisht kjo do të jetë shumë e veshtirë në nje ambient ku politika ka humbur cdo besim tek qyetarët, pjesë e kësaj është edhe AKR-ja që, po e ripërsërisë nuk solli asgjë ndryshe nga partitë tjera në qeverisje. Sfidat e Pacollit për rekrutimin e figurave të reja dhe të pa kriminalizur është sfida e parë, e që kjo pastaj të rikthehet në besim të elektoratit. Por sfida më e rendësishme e Pacollit do të jetë të bind afër 65 % të qytetarëve që nuk votojnë, se pse duhet ta votojnë AKR-në, pse të rivotohet dikush që ka qenë në qeverisje dhe nuk dha rezultate, kjo sfidë është veshtirë të arrihet. Programi ekonomik i AKR-së në letër është shumë pragmatik por është vështirë i zbatueshëm në një ambient të kapur nga krimi dhe haraqi, marrim shembull Agim Bahtirin e AKR-së në Mitrovicë, cili përveç pompozitetit nuk ka bërë asgjë çfarë kishte premtuar. Agim Bahtiri është pasqyrë e keqe për AKR-në që po mendon të rikthehet fuqishëm në skenën politike të vendit. Politika “vërtet është art i së mundshmes”, por nuk është diçka e pamoralshme, “mashtrim apo zbatim brutal i pushtetit”, siç vlerësohet nga makiavelistët e djeshëm a të sotshëm, rrjedhoj e së cilës janë edhe ata që sot qeverisin në Kosovë. Pacolli duhet të dëshmojë se gabimet e se shkuarës me s’do i përserisë dhe se është me ndryshe se ata. Shoqeria jonë s’ka komoditetin e ndryshimeve kozmetike në qeveri, por e ndryshimit të konceptit qeverisë ne vend. Ndryshimi i sistemit të korruptuar është sfida me e madhe e politikbërjes së sotme në Kosovë, por ta shkulesh sistemin e korruptuar nuk është fare lehtë, pasi ajo perfshin një gamë të madhe njerëzish, duke përfshirë edhe vetë qeverinë.
AKR-ja po mundohet të ringrihet nga hiri i saj i vetëdjegies, që nisi nga letra e nenshkrimit të koalicionit me PDK-në, të cilël paraprakisht me votat e saj e rrezoi në kuvend, me të cilën u “ martua ” pastaj . Ky mossinqeritet nga Pacolli le shumë për të dëshiruar se tek ky njeri mund të gjindet njeriu i parimeve e jo i pazareve, për ta dëshmuar të kundërten Pacolli duhet të mundohet shumë dhe ta dëshmojë këtë me vepra. Hashimi si shumë të tjerë arriti edhe Pacollin ta fus nën kurthin e diskreditimit dhe humbjes së integritetit politik, dhe kjo sigurisht i kushtoi dhe ende po I kushton.
Qytetarët e Kosovës mund të jetojnë mirë vetëm në një bashkësi politike të organizuar mirë, mbi bazën e ligjeve dhe të parimeve të përcaktuara mirë ndërmjet njerëzve që kanë përgjegjësi politike e publike.Kjo nuk po ndodh dhe as që pritet të ndodh, dhe mbi këto themele nuk na duhet asnjë forcë poltike, ne duam dike që udhëhiqet nga parimet e jo nga pazaret..e si të besojmë se Pacolli s’do bëjë përseri martesë me Hashimin ???
Ekspozita me temë “Skënderbeu në artet pamore shqiptare” është çelur në Muzeun historik Gjergj Kastrioti Skënderbeu dhe do të jetë e hapur për publikun deri më 22 tetor.
Rreth 30 vepra arti nga fondi Galerisë Kombëtare prezantohen bashkë me dokumentet më të rëndësishme historike. Drejtori i Arkivit të Përgjithshëm të Shtetit, Gjet Ndoj foli për imazhin historik të Skënderbeut sipas dokumenteve të prezantuara.
“Ne kemi sjellë disa dokumente që kane të bëjnë me letërkëmbimet që ka pas Gjergj Kastriot Skënderbeu në kohën e tij me Sulltan Muratin e II dhe pastaj me pasardhësin e tij Mehmetin e II. Kemi sjellë dhe disa dokumente të tjerë”, tha ai.
Ekspozita është vazhdim i projektit “Maison de l’Albanie” kushtuar Heroit Kombëtar Gjergj Kastriotit që filloi në Paris në janar 2016 në bashkëpunim me Galerinë Kombëtare të arteve rrëfen drejtori i galerisë Artan Shabani.
“Mbas Krujës kjo ekspozitë do të rrugëtojë në Firence, në vendet ku kanë jetuar dhe vazhdojnë të jetojnë arbëreshët në Itali siç është zona e Kalabrisë”, u shpreh Shabani, raporton atsh.
Kjo ekspozitë ka vepra të hershme nga më unikalet, të realizuara nga piktorët e talentuar shqiptarë.
Ftesës së kryetarit të Kuvendit të Kosovës, Kadri Veseli për të reflektuar dhe mbështetur formimin e Ushtrisë së Kosovës, Stojanoviçi i është përgjigjur duke thënë se “pikëpamjet tona politike janë të definuara dhe nuk ka asgjë të re për t’u thënë për këtë çështje”.
Ai më tej thotë se janë në dispozicion të flasin, por jo nëpërmes medieve.
“Në jemi në dispozicion të flasim, jo nëpërmes medieve siç po bëhet tani, por në mënyrë shumë konstruktive, në zyrë, ashtu siç bëhet kjo punë”, ka thënë Stojanoviçi. Ai ka thënë se kanë ftesa për bisedime tjera mbi çështjen e Kishtës së Krishtit Shpëtimtar në Prishtinë.
Koalicioni qeverisës, sipas zëvendëskryeministri serb i Kosovës, nuk është duke i plotësuar ato që i ka premtuar për serbët gjatë marrëveshjes për koalicion, si çështja e mbrojtjes së aseteve, përfaqësimit të serbëve në sektorin publik, formimit të komunave të reja dhe tema tjera.
Akti kriminal kundër Donika Gervallës dënohet dega e LDK-së në Prizren. Doniak Gërvalla merr mbështetje prej njërës prej degëve më të mëdha të këtij formacioni politik në rrang Kosove.
Eshte vete kryetari i kesaj dege Haxhi Avdyli i cili eshte vene ne mbrojte te Donikes duke konstatuar se “…Ne nuk guxojmë të neperkembim kontrubutin 25 vjeçar e veteranëve të Ldk-së veqanerisht të elektoratit tonë besnik të diasporës.
Ja postimi i Haxhi Avdylit ne Facebook
Dëmi i moslejimit tē pjesëmarrjes së Donikës në takimim është shumë i madh se sa pjesmëmarrja e saj nē këtë takim. Ky zhgënjim po ndihet dhe vërehet gjithkund dhe me gjithkënd .Kjo huti dhe pakënaqësi e elektoratit është ma e madhe me ato skena te pakëndshme sesa do prodhonte nje diskutim i saj aty. Ne nuk guxojmë të lendojmë besimin e elektoratit besnik në vlerat që perfaqeson Ldk-ja.
Ne nuk guxojmë të neperkembim kontrubutin 25 vjeçar të veteranëve të LDK-së veçanerisht të elektoratit tonë besnik të diasporës.
Ne jemi aty për ata.
Ne duhet të degjojmë zërin e tyre .
Skenat e tilla nuk kanë me dëmtu asnjē individ mē shumë se sa vetë Ldk-në.
Ftoj anëtarët e LDK-së që të kërkojnë njëzëri dorëheqjen apo shkarkimin nga LDK të Isa Mustafës dhe klikës së tij.
Kur opinioni demokratik dhe anëtarësia e LDK po vlon nga mllefi ndaj sjelljes së dhunshme dhe çnjerëzore të Isa Mustafës dhe banditëve rreth tij kundër zonjës Donika Gërvalla, Kryetare e Degës së LDK-së në Gjermani, del një shkrues nga zyrat e LDK-së dhe flet për zgjedhjet demokratike brenda LDK, për legjitimitetin e votës, na tregon që LDK është parti institucionaliste dhe se gjoja degët e LDK-së në Gjermani dhe Zvicër nuk po i përmbushkan këto standarde në zgjedhjet e tyre të fundit.
Dhe kush kujt po flet për LDK, për traditën e saj demokratike dhe institucionaliste? Atyre që e formuan dhe ndërtuan të tillë! Dokrra të neveritshme.
Na mbajnë derrs ata që dhunën e instaluan si instrument për marrjen e partisë, nepotizmin dhe servilizmin e instaluan si standard që përfaqëson vlerë demokratike e nacionale dhe rritë konkurrencën, kreativititein dhe garën për ide. Na mbajnë derrs ata shpërdorimin e fuqisë politike, të uzurpuar me mitingje, falsifikime e mashtrime, e kanë të vetmen vlerë dhe dhunti. Mbajnë derrs për demokraci ata që metodat e shkarkimeve na i rikthyen në LDK nga komitetet e viteve të errëta ’80-ta.
Isa Mustafën dhe grupin rreth tij aspak nuk i vret ndërgjegja që u tërhoq zvarrë një zonjë, një nënë, një bashkëshorte, një intelektuale, një veprimtare e zellshme dhe e përkushtuar e LDK, një patriote që kurrë nuk pushoi së vepruari me shumë sukses për Kosovën.
Përkundrazi, grupi Mustafa na i rikthyen masat e dhunshme në degët e LDK-së, na i rikthyen, edhe pse menduam që ato nuk do të ktheheshin më kurrë. Na e kthyen fjalorin komunist dhe komunikatat e komiteteve të LKJ. Komunikata e tyre e sotme se: “ … kjo u është bërë me dije nga organet kompetente të LDK-së dhe u është tërheqë vërejtja se nuk mund të thirren në pozita, për të cilat nuk kanë legjitimitetin e votës në LDK. LDK-ja shpreh keqardhje për këtë instrumentalizim dhe keqpërdorim të LDK-së për motive të errëta…” Shihe shihe: “për motive të errta!!!”. E tmerrshme ku është katandisë fjalori i LDK-së! Çka tjetër t’i thuhet këtij “vlerësimi”?? Pse more nuk e ktheni nenin 133 dhe nenin 136 të Kodit Penal të ish-Jugosllavisë dhe sërish të legalizoni ndjekjet e atyre që regjimi jugosllav u shkatërroi jetën, o nostalgjikë filojugosllavë?
Jo, jo. Këtyre nuk iu dhemb aspak se u hoq zvarrë zëri i fuqishëm shqiptar që dëgjohej në botë kur shqiptarët e Kosovës kanoseshin me zhdukje fizike nga faqja e dheut. Por këta tash kërkojnë “forcat e errëta”! Dhe i gjejnë te Donika Gërvalla!! Aty te Gërvallët u gjetën edhe në të kaluarën dhe kostoja ishte tepër e lartë për familjen Gërvalla dhe për shqiptarët. Por, cila do të jetë kostoja tash?? E tmerrshme!!
Dhe, për habinë e tyre “gjatë mbajtjes së mbledhjes së Këshillit u dëgjuan zhurma jashtë sallës dhe më vonë kuptuam se kishte tentim për të hyrë nga znj. Donika Gërvalla, edhe pse nuk ka qenë e ftuar, nuk është anëtare e Këshillit të Përgjithshëm dhe nuk u përket strukturave, të cilat ftohen në mbledhjen e këtij organi të lartë të LDK-së. Ne jemi të habitur me motivet për një veprim të tillë”. Po, po! Janë të habitur me motivin pse Donika Gërvalla, me të drejtë, don të merr pjesë në mbledhjen e partisë për të cilën bëri aq shumë dhe e ndërtoi vet. Ani kush habitet se?? Isa Mustafa me kllapën e tij prej analfabetësh dhe të korruptuarish. Profesorë e asistentë bashkë!!
Kjo që ndodhi me Donika Gërvallën është maja e turpit dhe krimit. Anëtarësia e LDK nuk duhet ta tolerojë më këso sjellje të kësaj klike zaptuese të LDK-së. Duhet i madh e i vogël të kërkojmë dorëheqjen e Isa Mustafës dhe të gjithë Kryesisë së LDK-së për këtë poshtnim që na bëri ne dhe për dëmin që po i bën Kosovës.
Ftoj anëtarët e LDK-së që të kërkojnë njëzëri dorëheqjen apo shkarkimin nga LDK të Isa Mustafës dhe klikës së tij.
Kryeministri Isa Mustafa ndodhet i kurthuar ne menyre te dyfishte: Ne njeren ane eshte vetekurthuar, ne anen tjeter, ka rene ne kurthin e partnerit qeverises, PDK-se. Po e filloj nga kjo e dyta: Kur ai votoi Thacin president e kisha paralajmeruar se ky do te ishte fundi per kryeministrin Mustafa. Ishte krejt e natyrshme, se votimi i Thacit president perbente aktin e fundit te zbatimit te marreveshjes se qeverisjes. Pala qe leshoi vendin e kryeministrit, pra PDK, mori maksimumin e saj dhe me pas eshte e lire ta beje lojen politike sic i do qejfi. Nderkohe nderrimi i lidershipit ne PDK sherben si aresye plus per te mohuar nje marreveshje pa kurrefare sanksionesh te paraardhesit. Kadri Veseli e ka shume te lehte ta hedh poshte marreveshjen me LDK-ne e te krijoje nje koalicion tjeter qeverises. Nese ndodh kjo, gjysma e te keqes, sepse nje vit ne opozite LDK do ta kishte mundesine te rikuperohej, ne elektorat, nese Mustafa nuk do te ishte vetekurthuar ne partine e vet. Shenjat e para te krisjes se koalicionit jane dhene. Kreu i ri i PDSh-se ka dhene disa deklarata, me te cilat paralajmron renien e koalicionit. Po ashtu ne pushtetin lokal, psh ne Peje, eshte ashpersuar gjuha politike. Edi Rama nga ana tjeter, shkoi ne stadiumin e lojrave me dore te Prishtines dhe i bashkoi simbolikisht Thacin e Shpend Ahmetin e Vetevendosjes, duke bere xheloz per kete afrim Ramush Hajredinin qe vdes “per nje cope magazinier”, per t’ u bere ktyeminister. Me pare Rama e kishte lutur Haradinajn te bashkohej me Thacin e ta largonin Isa Mustafen, te cilin “nuk e duroj dot”, thoshte kryeministri i Shqiperise. Dhe keshtu Edi Rama futi standardin e dhenies se pelqimit nga Tirana zyrtare se kush do te drejtoje Prishtinen zyrtare, nje precedent ky shume i rrezikshem per Kosoven dhe interesat tona kombetare. Kurthi i Rames, i Thacit, i Veselit dhe opozites ne Kosove kunder Mustafes eshte ne fakt kurth kunder Lidhjes Demokratike te Kosoves. Por edhe LDK i ka thur vetes nje gardh te madh, duke ia ngushtuar mundesite e frymemarrjes. Dje u mblodh Keshilli Kombetar i LDK-se dhe me shpejtesi vendosi te mbledhe kuvendin kombetar, me duket se me 28 maj. Sesi pergatitet nje kuvend partie ne pushtet ne me pak se 10 dite, kjo nuk ka shpjegim. Por edhe pse do te mblidhet ky kuvend, nuk njihen aresyet. Ndoshta Isa Mustafa deshiron te shfrytezoje kohen e shkurter qe i ka mbetur si kryeminister qe duke perfituar nga pushteti te imponoje rizgjedhjen si kryetar i LDK-se. Ka mundesi qe ai ta kete nuhatur se partneri ne qeverisje do ta beje dalje e me shume gjasa ta coje Kosoven ne zgjedhje te parakohshme. Por kjo fitore ne llogari te Mustafes eshte e perkohshme. Ai nuk do te munde ta coje LDK-ne ne fitore. PDK nuk do te beje me koalicion me LDK-ne, sepse ia ka caktuar Edi Rama aleatet asaj. Atehere Isa Mustafa do te gjendet i rrethuar nga kurthi i vetevetes. Kete kurth e ka pergatitur vete, madje me kujdes. Dje dha shenja te qarta per kete. Ne vend qe te ulet me sinqeritet e t’i degjoje kritiket e tij, Isa dje perdori forcat e sigurise per te dhunuar nje nga kritiket e tij, Donika Gervallen, nje grua, e cila kishte pushtuar sheshet e Gjermanise, duke sensibilizuar opinionin europian per nevojen e clirimit te Kosoves nga Serbia. Po ashtu vajza e Jusuf Gervalles, nje autoritet ne vendin ku jeton. Skena e dhunes se ushtruar duhet perkthyer ne frike nga debati e kritika. Pra kreu i LDK-se jeton me frike, frike nga te tijet, kunder te cileve perdor force e fjalor fyes. Ky eshte rrethimi me i rrezikshem, sepse t’i ngushton alternativat e per pasoje edhe mundesite. I mberthyer nga fobia ndaj kritikeve Mustafa para disa kohesh nuk ia dha doren ish-presidentit e kryetarit te nderit te LDK-se, Prof. Fatmir Sejdiut. Ishte ky nje akt hakmarrjeje, qe e ngushton rrethimin e kreut te LDK-se. LDK eshte themeluar si parti ndryshe nga te gjitha ato qindra parti politike te krijuara ne hapesiren shqiptare e ballkanike par renies se perdes se hekurt – u krijua si parti kunder dhunes. Sa qe e tille ajo ishte autoriteti politik absolut ne Kosove, e pakonkurueshme. Por kur shqiptaret pane te thyheshin karriket kunder njer-tjetrit per postin e kryetarit, ata e humben nje pjese te besimit te partia qe u jepte shpresen. Isa Mustafa e ka thelluar tej mase kete sjellje, duke i dhene LDK-se tiparet e keqija qe bartin partite e tjera dhe kjo ka per t’i kushtuar ne elektorat. Ai u ben oferte elektorale atyre qe pelqejne dhunen, por LDK nuk mund ta marre kete monopol. Dhunen e votojne dhunuesit e partive tjera te majta. Atehere cfare synon Isa Mustafa?! Eshte vertete ne nje rruge pa krye, pa alternative dhe pa ide e zgjidhje. Une nuk mund ta konsideroj ne asnje rrethane dhunen si zgjidhje. Dhuna eshte deshtim, eshte zgjedhje qe te izolon dhe izolimi te con ne faliment. Uroj qe LDK te gjeje forca e mundesi te dale nga keto kurthe. Nese jo, asaj do t’i duhet te paguaje nje cmim te larte ne zgjedhjet e ardhshme, te cilat duket se do te afrohen nga vjeshta e ketij viti.
Të tërheqësh zvarrë një grua, nuk është vështirë. Këtë dinë shumica e burrave. Ata që e bëjnë rregullisht, ose ata që kanë parë vepra të tilla, ose ata që kanë dëgjuar ndodhi të tilla. Të tërhiqet zvarrë një grua, pse nuk gjykon siç pëlqen Mustafa, mund të arsyetohej në Koren e Veriut një armike e shtetit. Të tërhiqet zvarrë një grua dhe të mos kundërshtojë apo të mos shprehë mospajtimin me asnjë fjalë drejtori politik i UÇK-ës, sot kryetar shteti, mund të ndodhë vetëm në një shtet malok: në një shtet ku gruaja nuk ka dinjitet, që mund ta ketë burri.
Të tërhiqet zvarrë një intelektuale, një avokate shqiptare në Gjermani dhe të shpërfillen të gjitha normat sociale dhe juridike, mund të ndodhë vetëm në një shtet rural, në një shtet-stallë. Në vendet ku gruas i respektohet dinjiteti, një grua mund të nxirret jashtë nga gra police, jo nga burrat që mund të prekin pjesë të trupit, që mund të interpretohet si denigrim i trupit dhe integritetit të një zonje.
Se mund të dilet fitimtar ndaj një gruaje, dinë shumë burra. Dinë ata që e bëjnë rregullisht dhe ata që lexojnë rregullisht barbari të tilla. Se mund ta bëjë të palëvizhshme një burrë një grua, edhe këtë dinë shumica e burrave. Se mund ta bëjnë dy burra të fuqishëm, këtë tani mësoi edhe Donika Gërvalla. Bija e Jusuf Gërvallës!!!
Pra Donika Gërvalla, e bija e heroit, që flijoi jetën për shtetin e Kosovës, gjersa kryeministri i sotshëm, ishte bukur mirë dhe bukur trash pjesë integrale dhe pajisje operative e sistemi represiv jugosllav dhe pastaj edhe atij serb.
Natyrisht se e bija e Jusuf Gërvallës dhe Isa Mustafa kanë mosdurim të madh të ndërsjellë. Është e natyrshme kjo sepse dy ideologjitë, kanë luftuar njëra tjetrën, qysh nga zanafilla. Është kacafytje me Donikën sepse ajo ishte që nga lindja, për shtetin e Kosovës, kurse Isa Mustafa, që nga nisma e karrierës, në shërbim të Jugosllavisë, pastaj të shtetit serb. Se paska pasur fletë arrest kundër Mustafës, se qenka dënuar në mungesë, e besojmë të gjithë, por se kjo është taktikë e shërbimit sekret serb për të mundësuar depërtimin e agjentëve të vet në qendra të vendosjes, pak e marrin me mend dhe vetëm Thaçi nuk e beson.
Duke parë ashtu bijën e Jusuf Gërvallës, nuk mund njeriu të mos ndjejë rrëqethej në trup dhe pyes veten: i kujt është ky maskarallëk shtet? Si është e mundur pas atentatit në Gjermani, t’i zvarritet, përbuzet, poshtërohet bija Jusuf Gërvallës në Prishtinë, në Kosovën e pavarur? Si është e mundur kjo në Kosovën e çliruar të bëhet kryeministër një ish ministër i Millosheviqit? Si është e mundur një viktimë e vetëshpallur si Isa Mustafa, të ketë aq fuqi politike, sa të keqtrajtojë pa asnjë pasojë bijën e Jusuf Gërvallës? Si është e mundur që Kosova lejon të hakmerret Millosheviqit nga varri kundër Jusuf Gërvallës? Si mund të lejohet një kryeministër të jetë ashtu antishqiptar dhe të përfaqësojë vendin? Familja Gërvalla ka sakrifikuar pjesëtarë të familjes për këtë Kosovë, Mustafa asgjë. Ku është fytyra e kryetarit të shtetit, që ka kohë të luftojë homofobinë, por që nuk ka nge të shprehë dy fjalë keqardhjeje, për abuzimin me trupin e bijës së Jusuf Gërvallës?
Ku është lideri i UÇK – ës, që më herët me emrin e Gërvallës mburrej? Ku janë ata atdhetarë kosovarë, që heshtin ndaj përdhunimit të bijës së heroit, i cili veproi, kur Isa Mustafa kishte pantallonat e mbushura dhe zemrën e zbrazët? Nëse populli i Kosovës konsideron normal këtë akt dhune ndaj një gruaje, atëherë populli i Kosovës, jo se ka merituar një ministër të Millosheviqit në krye, por ai popull, meriton Millosheviqin personalisht.
Këtë shkrim dëshiroj ta filloj me një thënje nxjerrë nga libri “Kosova, besa dhe tradhtia” e autorit Rexhep Bunjaku, po citoj: “Ideologjia mund të jetë hyjnore, por nëse atë ideologji hyjnore e zbaton në jetë një JO-njeri, ajo ideologji shëndrrohet në ideologji djallëzore, dhe anasjelltas-nëse një ideologji djallëzore e zbaton në jetë një njeri i frymëzuar me humanizëm dhe dashuri, ajo ideologji shëndrrohet në ideologji hyjnore”.
Bazuar në thënjen e mësipërme, ideologjia dhe filozofia e hyjnorit Rugovë ka rënë në duart e një JO-njeriu, në duart e një djallëzie politike.
Veprimi jo demokratik i dhunshëm dhe qyqarë i Isa Mustafës dhe sejmenëve të tij të Këshillit të Përgjithëshem të LDK-së ndaj kryetares së Degës për Gjermani zonjes Donikë Gërvalla është një akt i shemtuar dhe qyqarë, që tregon pozicionin në të cilin ka rënë ka rënë ish LDK-ja e Ibrahim Rugovës.
Ky akt i dhunshëm tregon fytyrën e vertetë të kreut të LDK-së, diktatin dhe dhunën e instaluar brenda strukturave partiake që nuk është në gjendje të pranoj fjalën e lirë dhe mendimin ndryshe si parime bazike të demokracisë .
Ky dhunim i skajshëm demokracisë së brendshme, tregon se LDK -ja është pushtuar nga strukturat e SHIK-ut dhe grupet tjera kriminale, të cilat janë duke e dërguar partinë e besës dhe shpresës shqiptare drejt shkatërrimit përfundimtar.
Vetëm një vetëdijësim i antarësisë së gjërë të LDK-së mund ta shpëtoj këtë subjekt nga katandisja e mëtutjeshme e klanit RIINVEST të Isa Mustafës dhe grupeve të interesit të urithëve dhe zvarranikëve të nëntokës së LDK-së.
Kur turpi arrin kulmin
Moslejimi për të hyrë brenda dhe tërheqja zvarrë e kryetares së degës së LDK-së në Gjermani, zonjës Donika Gërvalla-Schwarz, më tepër se turp është imoralitet politik, paftyrësi dhe pshtymje fytyrës së pastër të Disaporës.
Ky akt i shëmtuar, është edhe një dëshmi më shumë, se ata që e vranë Jusuf Gervallen me Kadri Zeken dhe Bardhosh Gërvallen, janë miqët dhe inspiruesit e veprimeve të Isa Mustafes sot.
Ata që në të kaluarën vrisnin natën e qanin ditën, sot pa fije turpi kërcënojnë dhe dhunojnë hapur në pikë të ditës fjalën e lirë, mendimin ndryshe, keta janë pseudointelektualët e shpifur dhe të pacipë me tituj “akademik” me plagjiaturë. Këta janë zhvatësit e fondit 3%, këta janë sahanlëpirësit e jugosllavisë titiste,..këta janë ata që shkelën mbi kushtetutën dhe ligjet e Kosovës, shkelën mbi qytetarin dhe voten e tyre të lirë, janë ata që tradhëtuan vullnetin e elektoratit rugovian pas zgjedhjeve të 8 qershorit 2014-të,…janë fundrrinat e sistemit totalitar të maskuar nën hijen e demokracisë dhe një filozofie politike rugoviane.
Tërbimi i fundit i hijenave politike në LDK tregon ligështinë, paburrninë, pabesinë dhe servilitetin e tyre ndaj SHIK-ut dhe shërbimeve tjera antishtetërore dhe antikombëtare.
Kësaj radhe përballë shërbëtorëve të djallit dhe fundrrinave politike të ish sistemit u ndesh e bija e heroit të kombit Jusuf Gërvalla, Donika e cila si një heroinë e vëretë ua tha të gjitha në fytyrë…”…në cilën shtëpi jeni ju këtu more, e shifni ku keni përfundu, jeni bërë më të zi se klubi i SHIK-ut, a e dini se paçavurë na bëtë…!”
Lidhjet me SHIK-un famëkeq
Ata që penguan hyrjen e Donikës në sallën ku mbaheshin punimet e Këshillit të Përgjithshëm të LDK-së, janë mercenarë, janë lëpirësit e rinjë dhe të pakurrizorë, janë sejmenët e Isës dhe klanit të tij mafioz,…të cilët jo vetëm që nuk janë LDK-ja, nuk kanë asgjë të përbashkët as me demokracinë dhe as me traditat shqiptare.
Sjellja arrogante dhe bizare e truprojave të liderit diktatorial të LDK-së ndaj një femre të vetmuar shqiptare, tregon nivelin e ulët në të cilin ka rënë kjo klasë qyqare politike e LDK-së, e cila të kujton shkollën millosheviqiane të viteve të ’90-ta të dhunës në Kosovë.
Nuk ka lind rastësisht thënja popullore; “shyqyr se ra ky mort e u pamë”, vërtetë ranë zgjedhjet e fundit nacionale, ato të LDK-së si dhe mbledhja e fundit e KP të LDK-së që nxorën në sipërfaqe, se kush paskan qenë urithat e vërtetë të LDK-së,…këta asnjëherë nuk e paskan pas hallin e popullit dhe shqetësimeve të tyre si dhe as të filozofisë rugoviane, por e paskan pasur hallin si të arrijnë në pushtet,…për të forcuar dhe kultivuar akoma më tepër lidhjet me SHIK-un famëkeq,…andaj, nuk kanë nevojë të shesin moral politik në rrjetët sociale, ngase populli i ka kuptuar të gjitha prapaskenat dhe djallëzitë e tyre politike !
Ideologjia dhe filozofia e hyjnorit Rugovë ka nevojë të udhëhiqet nga një njeri i përgjegjshëm, i guximshëm i frymëzuar nga filozofia rugoviane, humanizmi dhe dashuria ndaj atdheut dhe bashkombasve të vet.
Zoti e bekoftë vullnetin e elektoratit rugovian për ndryshime substanciale në LDK.
Zoti i mallkoftë shkatërruesit e filozofisë politike rugoviane!
PRISHTINE- Ministri i brendshëm i Francës, Bernard Cazeneuve si dhe ministri belg për Emigracion, Theo Francken kanë kundërshtuar heqjen e vizave për disa shtete, përfshirë këtu edhe Kosovën.
Madje, siç raporton BBC, Bashkimi Evropian është duke shikuar për krijimin e mekanizmave që urgjentisht do të suspendojnë liberalizimin e vizave në rast abuzimi. Vetëm pas krijimit të një mekanizmi të tillë, mund të negociohet heqja e vizave për Ukrainën, Gjeorgjinë dhe Kosovën, transmeton KosovaPress.
Përfshirë edhe Kosovën, BBC në versionin ukrainas ka raportuar se BE-ja nuk do të heqë vizat për Ukrainën në muajt dhe javët e ardhshme.
“Nuk mund ta kemi në konsideratë heqjen e vizave për Ukrainën, Gjeorgjinë e Kosovën në javët dhe muajt e ardhshëm. Franca nuk e dëshiron këtë”, ka thënë ministri Cazeneuve.
Deklaratat janë bërë dje gjatë samitit të Këshillit të Evropës, ku ministrat evropian diskutuan rreth liberalizimit të vizave për Turqinë.
Sipas BBC-së, komentet e minsitrit francez janë mbështetur nga zyrtarë të tjerë pjesëmarrës në këtë samit.
Ndërsa, ministri belg ka thënë se liberalizimi i vizave për Ukrainën, Kosovën dhe Gjeorgjinë nuk është ide e mirë.
“Duke pasur parasysh krizën aktuale me migrantë, kriza më e madhë që nga përfundimi i Luftës së ll-të Botërore, liberalizimi i vizave për Ukrainën, Kosovën e Gjeorgjinë nuk do të ishte ideja më e mirë. Faktori kohë luan një rol të madh në politikë”, është shprehur ai.
Zyrtarë ukrainas kishin thënë se liberalizimi i vizave për shtetin e tyre po shkonte sipas planit. (kosovapress)
Sipas koncepteve, mendimeve ose formulimeve të njohura shkencore ose filozofike te Kantit, Hegelit etj. Etapat ( epokat) ose periudhat e ndryshme revolucionare, evolutive, historike dhe të tjera në të shumtën e rastëve mund të konceptohen, përceptohen dhe anticipohen edhe në kontekste ose relacione të ndryshme individuale ose personale. Kjo në radhë të parë për faktin se çdo etape ose periudhe të caktuar revolucionare ose historike i përkasin ose takojnë edhe figurat ose personalitetët e veçanta dhe të jashtëzakonshme ushtarake ( luftarake), historike, politike, diplomatike etj.
Ndonëse, pa i harruar këtu edhe kauzalitetin e njohur shtetëror, nacional, politik, ushtarak ( luftarak), historik dhe gjeografik së bashku me mitët, eposët, legjendat dhe historitë e njohura mbi trimat, tribunët ose heronjtë e njohur shtetëror ose nacional në funksion të kauzalitetit të lartë shtetëror, nacional, politik, ushtarak ( luftarak), historik, patriotik në çdo kohë dhe hapësirë.
Kjo gjithënje duke menduar ose reflektuar në tendencat e ndryshme dominante dhe ekskluzviste të çdo shekulli dhe epoke mbi krijesat ose fabrikimet e ndryshme arificiale, pseudoshkencore ose antihistorike të “gjeografive të vogla” dhe ” historive të mëdha” ose anasjelltas. Në Ballkanin sidomos, ku jo rrallë janë thyer ose kryqëzuar shpatat ose heshtat e ndryshme ushtarake, politile, konceptuale, ideologjike, gjeopolitike, gjeostrategjike dhe të tjera të fuqive ose perandorive të ndryshme imperiale ose kolonialiste që nga antika e largët dhe gjer me sot.
Ndryshe nga kjo, në rangun ose nivelin e njohur institucional dhe konstitucional, si pikërëndesat ose fushëveprimet kryesore ose substanciale të historise politike mbi shtetin, popullin( kombin) ose shoqërinë e gjërë njerëzore ose qytetare, janë ose mund të jenë e kaluara dhe historia e përgjithshme shtetërore, nacionale dhe politike e një shteti të pavarur, sovran, integral dhe demokratik .Gjegjësisht, e kaluara ( historia), traditat dhe jetëgjatësia e tij së bashku me konceptët, formulimet dhe intërpretimet e njohura shkencore dhe politike të lëndës ose materies së njohur të historisë. Aty janë edhe sekularizimet dhe singularizimet e njohura ( eskterne ose eksplikative) në mes historisë dhe politikës, historisë dhe diplomacisë, historisë dhe sociologjisë, historisë dhe filozofisë, historisë dhe psikologjisë, historisë dhe gjeografisë, historisë dhe antropologjisë ose antropogjenetikës dhe kështu me radhë.
Ndërkaq, alternativat ose “derivatët” e ndryshme ( shtesë ) të historisë së përgjithshme shtetërore, nacionale dhe politike, janë faktori i njohur njeri ( personi ose individi), populli (kombi ose etnia) , shteti, shoqëria, mirëqenja, shëndeti, barazia, lumturia dhe harmonia e gjithëmbarshme njerëzore ose qytetare së bashku me edukatën, kulturën, arsimin ( arsimimin), shkencën, tekniken, zhvillimiin e përgjithshëm industrial ose ekonomik, vlerat, potencialet ose resursët e njohura individuale dhe kolektive, të kaluarën apo traditat e njohura shtetërore, nacionale, politike ose diplomatike , historinë dhe gjeografinë e përgjithshme shteterore, nacionale, politike, etnike etj.
-Në vazhdim i kemi edhe qasjet ose formulimet e larmishme shkencore dhe metodologjike në kuader të konceptëve, ideve ose teorive të njohura shtetërore dhe politike siç janë qasjet ose aspektët e njohura konstruktive, rekonstruktive, diakronike, evolutive, empirike, organike, revolucionare, tradicionale, republikane, liberale, parlamentare , demokratike dhe të tjera në kuader të filozofisë së përgjithshme ose asaj praktike sipas Cloude Levi Straussit, Tocquevilleait etj.
-Legjitimitetin dhe autonominë e njohur të pushtetit ose lidershipit të njohur shtetëror , nacional dhe politik së bashku me esencen, nocionin, kuptimin dhe definimin e përgjithshëm të shtetit dhe pushtetit të njohur shtetëror ose politik si fuqi vendimmarrëse, relevante, ekzekutive, obligative, ligjore, qytetare, parlamentare dhe demokratike- sipas Makiavelit, Hobsit, Bodenit etj.
-Shtetin dhe pushtetin e njohur modern ose bashkohor, respektivisht, ligjor, qytetar, parlamentar ose demokratik -sipas Gjon Lokut ( John Locke), Maks Veberit ( Max Weber), Sen Simonit, K. Levi Shtrausit etj.
-Idetë, konceptët dhe teoritë e njohura të marëveshjeve, traktatëve ose aleancave të njohura shtetërore, nacionale, qytetare ose politike në relacionet ose dimenzionet e njohura njeriu- shtetit – pushteti dhe shoqëria e gjithëmbarshme njerëzore ose qytetare në funksion të konceptëve dhe teorive të rëndësishme ose relevante të legjitimitetit, funksionalitetit dhe kredibilitetit të përgjithshëm të pushtetit ose lidershipit të njohur shtetëror, nacional dhe politik- sipas ideve, konceptëve dhe teorive të njohura humane, qytetare, parlamentare dhe demokratike të Imanuel Kantit, Zhan Zhak Rusoit, Gjon Lokut, Sen Simonit, Maks Veberit etj.
– Idetë dhe teoritë e njohura shtetërore dhe politike si alternativa, postulate, determinime ose paradigma të rëndësishme shkencore, politike, historike dhe filozofike që nga Makiaveli, Loku, Monteskiu, Veberi, Sen Simoni , Tocquevili etj.
-Shoqërinë qytetare dhe shtetin politik- sipas Hegelit, Kantit, Marksit, Engelsit, Gjon Lokut, Gjon Stjuart Millit etj.
-Revolucionet e njohura në SHBA-së dhe Francë si indikator dhe predikator të rëndësishëm determinant dhe paradigmatik të subjektivizmit ( subjektivitetit) dhe legjitimimit ( legjitimitetit) të njohur qytetar dhe politik të një pushteti ose lidershipi të njohur shtetëror ose qeveritar.
-Konceptet, idete dhe teorite e njohura ” revolucionare” ose ” evolutive” te ” jakobineve” ne France, ” shtetin”, ” popullin” dhe pushtetin ligjor, qytetar ose demokratik sipas Platonit, Aristotelit, Nikomahut dhe kështu me radhë.
Për të vazhduar me ndarjen ose klasifikimin e etikës dhe estetikës së njohur shtetërore dhe politike, gjegjësisht, institucionale dhe konstitucionale mbi bazën e punës dhe angazhimit ( aktivitetit) të njohur praktik dhe teorik të një udhëheqësi ose lidershipi të njohur shtetëror, nacional ose politik. Përkatësisht, me eudaimonizmin, hedonizmin dhe utilitarizmin e njohur shoqëror ose qytetar. Etikën autonome dhe etikën heteronome. Etikën individuale, etikën kolektive, etikën sociale, etikën materiale, etikën ontologjike, etikën deontologjike, etikën fomale, etikën funksionale, etikën aksionale ose aksionaliste, etikën normative, etikën diskriptive ose empirike dhe kështu me radhë. Sëcila ( akëcila) prej tyre me karakterin dhe specifikat e veta në sfondin e lartëpërmendur të ideve dhe teorive të njohura shtetërore, nacionale dhe politike.
Kosova dhe kauzaliteti i njohur i luftës së lavidshme të UÇK-së :
Për të arritur gjer këtu ku ndodhen sot Kosova dhe shqiptaret; deshën luftëra, përpjekje, viktima, travaje, krajata dhe sakrifica të panumërta njerëzore, intelektuale, materiale dhe të tjera të njerëzve dhe popullit (kombit) tonë shqiptar gjithandej. Duke i vëçuar kësaj radhe luftën dhe përpjekjet e njohura legjendare dhe titanike të djemve dhe vashave me të kombit nën qiellin e flamurit tonë kombëtar si dhe në emblemën e lavdishme të UÇK-së dhe luftës së njohur për liri dhe pavarësi të përgjithshme shtetërore, nacionale dhe politike të shqiptarëve gjithandej.
Mbrojtja dhe afirmimi i vlerave të njohura çlirimitare dhe patriotike të luftës së lartërpërmendur të UCK-së së bashku me mbrojtjen dhe afirminin e vazhdueshëm kombëtar dhe ndërkombëtar të heronjëve, akterëve ose protagonistëve të saj kryesor: E kanë pëshën, rëndësinë dhe kuptimin e kauzalitetit me të lartë shtetëror, nacional, historik dhe patriotik për Kosovën dhe shqiptarët në përgjithësi.
Në këtë prizëm ” demarkacioni kufitar” me Malin e Zi së bashku me ” asociacionin e pavarur të komunave serbe” në Veriun e Kosovës ose Mitrovicës dhe kështu me radhë ….! Në radhë të parë kalojnë mbi gjakun e heronjëve dhe deshmorëve të kombit dhe atdheut. Gjegjësishtë, mbi dhëmbjet dhe plagët e thella fizike fizike dhe sizmike të kombit dhe atdheut tonë. Dhe, jo përmër ” liberalizimit të vizave” dhe ” integrimëve veriatlantike” të Kosovës.
U mor vesh se atdheu për shqiptarët dhe popujt tjerë gjithandej globit, gjithmonë e ka peshën dhe kuptimin e piemontit më të madh ose kryesorë.
Mbase, të një fuqie të madhe dhe kryesore të njejtë dhe të barabartë me të gjitha forcat ose fuqitë tjera.
Në qytetin ku ajo e bën punën e saj*, shumica e njohin njëri-tjetrin. Është ndër ato qytete ku ndodhin shumë organizime, e vala e jetës normale nuk ka se si të ndalet. Afërdita, mbi të 40-at, e hap lokalin e saj qysh në mëngjes dhe kësisoj e shijon këtë kohë të ditës duke mos pasur klientët që më vonë i vijnë për vajzat që ajo ka punësuar. Nëse mëngjesi nuk shkon me çaj, gjithmonë ekziston mundësia e alkoolit. Ka mbi dhjetë vite që ajo e mban këtë lokal ku nuk ushtrohet prostitucion. Meshkujt e moshave të ndryshme vijnë më shumë në orët e pasdites, shumë prej tyre të gatshëm t’i shkojnë punës deri në fund.
Në këtë lokal, Afërdita tregon, ka vetëm prekje dhe shkëmbim të të hollave.
“Lokale të tilla nëpër këtë qytet ka sa të duash. Poshtë restorante, lart motele. Këtu vetëm vijnë sa të bëjnë pak hajgare me ne, ndërrojmë llafe, gjithçka është e sigurt”, tregon Afërdita. Atë vetë e kanë provokuar meshkujt e moshave të ndryshme. Në qytetin ku punëtorët e seksit po lulëzojnë, 15-vjeçarët, 35-vjeçarët dhe edhe 50-vjeçarët janë në thesin e njëjtë të dëshirës për të kaluar pak kohë me një vajzë a grua, në këmbim të parave, në cilësinë e klientit, shkruan sot gazeta ‘Zeri’
Kërkesa e parashtruar nga Manastiri i Deçanit, që është prezantuar nga Dragutin (Sava) Janjiq, kryemurg i këtij manastiri, konteston vendimet nr. AC-I-13-0008 dhe AC-I-13-0009 të datës 12 qershor 2015, te Kolegjit te Ankesave te Dhomës se Posaçme të Gjykatës Supreme për Çështjet që Lidhen me Agjencinë Kosovare të Privatizimit, te cilat parashtruesit i janë dorëzuar me 9 korrik 2015.
Si rezultat i kësaj, Gjykata Kushtetuese ka vendosur që këto vendime të Kolegjit të Ankesave të Dhomës së Posaçme të Gjykatës Supreme të Republikës së Kosovës për Çështje që Lidhen me Agjencinë Kosovare të Privatizimit të jenë të pavlefshme dhe se të dy vendimet e Kolegjit të Specializuar për Pronësi të Dhomës së Posaçme të Gjykatës Supreme për Çështjet që Lidhen me Agjencinë Kosovare të Privatizimit të 27 dhjetorit të 2012-s janë përfundimtare të detyrueshme.
Ata kanë konstatuar gjithashtu se ka pasur shkelje të nenit 21 të Kushtetutës, në lidhje me nenin 6 të Konventës Evropiane për të Drejtat e Njeriut.
Presidenti i vendit, Hashim Thaçi e ka përshëndetur vendimin nëpërmjet llogarisë së tij në Facebook duke thënë se vendimi i Kushteuteses është i bazar në Kushteutën e vendit dhe Konventën Europiane.
“Vendimi i Gjykatës Kushtetuese rreth pronës kishtare në Deçan është i bazuar në Kushtetutë të Shtetit dhe Konventën Europiane për të Drejtat e Njeriut. Kosova është shtet ligjor ku vendimet gjyqësore respektohen. Prona është e patjetërsueshme, e kujtdo qoftë ajo”, ka shkruar Thaçi.
“Nuk do të ishte nami, që një kryetar dege i zgjedhur pavarësisht kontestimeve që bëhen nga kryesia qendrore të jetë prezent brenda dhe fundi fundit të japë mendimin e vetëm pa të drejtë vote që nuk është problematike fare. Andaj më vjen keq për atë që ka ndodhur”, tha Sejdiu, përcjell ksp.
Ai tha se LDK duhet ta ketë derën çel për të gjithë aktivistët e saj absolutisht pa përjashtuar edhe Gërvallën.
Mirëpo, një çështje që Sejdiut i ishte dukur absurde ishte edhe çështja e miratimit të Punës dhe raportit financiar të LDK-së.
Voal – Anëtarët e Këshillit të Përgjithshëm të LDK-së janë mbledhur sot në një restoran në Prishtinë.
Por, telashet i kanë paraprirë kësaj mbledhjeje, në të cilën kryetarja e degës së LDK-së në Gjermani, Donika Gërvalla, nuk është lejuar të hyjë brenda për të marrë pjesë në mbledhje.
Ajo është penguar dhe është tërhequr nga sigurimi.
Ndalimi i pjesëmarrjes për Gërvallen ka shkaktuar edhe reagimin e deputetes së LDK-së, Vjosa Osmani. Ajo është larguar nga mbledhja në shenjë mospajtimi për mënyrën se si është trajtuar Donika Gërvalla.
Madje Osmani ka paralajmëruar padi ndaj personave të sigurimit për trajtimin e koleges së saj.
Ndërsa Donika Gërvalla, e cila i ka rezistuar një kohë vendimit për të mos e lejuar të hyjë brenda, e ka akuzuar kryesinë e LDK-së.
Duke qenë kryetare e një dege të partisë, Gërvalla pretendon se ka të drejtë të marrë pjesë në mbledhjet e Këshillit të Përgjithshëm të LDK-së edhe pa qenë anëtare e saj.
Ajo tha se ka shumë pjesëmarrës në këtë cilësi në mbledhjen e sotme.
Edhe mediat nuk janë lejuar të marrin pjesë në mbledhjen e Këshillit të përgjithshëm.
Por KALLXO.com merr vesh se në fillim, ish- kryetari LDK-së, Fatmir Sejdiu ka kritikuar kryetarin aktual Isa Mustafa dhe kryesinë e partisë.
“Merruni me tema serioze të cilat ndihmojnë rritjen e LDK-së sepse sondazhet po na tregojnë çdo ditë se ku ka rënë LDK”, ka thënë Sejdiu.
Duke folur për Asociacionin e Komunave me Shumicë serbe dhe demarkacionin e kufirit me Malin e Zi, Sejdiu është shprehur se këto tema “ka qenë dashur që të sillen në forume të partisë për t’u diskutuar.
Sejdiu ka pasur vërejtje edhe në rendin e ditës kur ka thënë që diskutimi në të i raporti të punës dhe atij financiar të kryesisë së kaluar “tregon që Kuvendi i kaluar ka qenë i parregullt”.
Në rend të ditës së mbledhjes së sotme janë orientimet programore të LDK-së, shqyrtimi i propozimeve për ndryshime në Statut të partisë, shqyrtimi i raportit të punës dhe atij financiar, si dhe prezantimi i strategjisë së komunikimit të LDK-së.
Një gjykatë në Ferizaj, rreth 40 kilometra në lindje të Prishtinës, shpalli fajtorë dhe dënoi me nga tre deri në dhjetë vjet heqje lirie, shtatë shqiptarë të Kosovës të akuzuar për përfshirje në veprat që lidhen me terrorizmin.
Gjykata e shpalli fajtor imamin Zeqirja Qazimi për veprat penale të rekrutimit për terrorizëm dhe nxitje të urrejtjes, përçarjes ose mos durimit kombëtar, racor, fetar apo etnik dhe e dënoi me dhjetë vjet heqje lirie.
Gjashtë persona të tjerë u dënuan me nga tre deri në tetë vjet heqje lirie për veprat peanle rekrutim për terrorizëm, organizim dhe pjesëmarrje në grup terrorist dhe për veprën penale armëmbajtje pa leje.
Zeqirja Qazimi, Ilir Berisha, Sadat Topojani, Burim Ballazhi dhe Jetmir Kyqyku, pjesë e grupit të dënuar sot akuzohen se u kanë bërë thirrje personave të tjerë për të kryer ose për të marrë pjesë në kryerjen e veprave terroriste, të marrin pjesë në aktivitetet e grupit terrorist dhe të sigurojnë fonde dhe burime materiale.
Ndërsa Ilir Berisha, Sadat Topojani, Burim Balazhi, Liridon Kabashi dhe Ilir Krraba, kanë marrë pjesë në veprimtarinë e grupit terrorist, në atë mënyrë që paraprakisht janë pajtuar që të shkojnë në luftë në Siri dhe t’i bashkohen grupit të shqiptarëve që kanë luftuar në anën e organizatës terroriste “ISIS”.
Akuza e ngarkon Zeqirja Qazimin, se duke e keqpërdorur pozitën e tij si Imam në xhaminë “El-Kuddus” në Gjilan, publikisht ka nxitur dhe përhapur urrejtje, përçarje dhe mos durim midis grupeve kombëtare, racore, fetare, etnike dhe grupeve tjera që jetojnë në Kosovë.
Kosova është përballur që në vitin 2012 me rastet e para të shkuarjes së qytetarëve të saj në Siri. Që atëherë rreth 300 qytetarë të Kosovës i janë bashkuar konfliktit atje ndërsa aktualisht sipas vlerësimeve të organeve të sigurisë numri sillet në rreth 60 sish. Mbi 60 prej tyre janë të deklaruar të vdekur.
Që nga viti 2013, autoritetet në Kosovë kanë hetuar mbi 180 persona të përfshirë në vepra që lidhen me terrorizmin. Rreth 90 persona janë arrestuar dhe janë ngritur mbi 40 aktakuza.
Gazeta Fjala merr vesh nga burime brenda universitetit se deri te kjo përleshje ka ardhur si pasojë e kushtëzimit të notës me favore seksuale që profesori i kishte bërë një studenteje.
Sipas këtyre informatave studentja ka qenë e martuar, dhe menjëherë e ka lajmëruar bashkëshortin e saj lidhur me ngjarjen. Burri i saj ka shkuar në zyrë te profesorit për t’i ‘qëruar’ personalisht hesapet me profesorin Rexhep Osmani.
Lidhur me rastin është e njoftuar edhe policia e Kosovës. PK në raportin e saj thotë se i dyshuari tashmë është shoqëruar në polici, dhe i njëjti me urdhër të prokurorit lirohet në procedurë të rregullt.
E Osmani ka folur për Express rreth këtij rasti.
Ai në një prononcim për gazetë ka thënë se krejt kjo është një keqkuptim.
Osmani thotë se me studentë ka lidhje familjare, dhe se i dashuri i saj (dhëndri) është ngutur kur ka dyshuar. Ish-ministri ka treguar se familja e studentes i kanë kërkuar falje, derisa ka thënë se për këtë rast është intervistuar në polici.
“Nuk është e vërtetë ajo që po raportohet në media. Nuk behët fjalë për ndonjë ngacmim seksual. Krejt kjo është një keqkuptim. Unë me studenten njihemi moti, kemi edhe lidhje familjare. Unë me atë kemi dalë nga konsultimet se bashku edhe kjo është keqkuptuar. Ka reaguar edhe burri i saj. Por kjo situatë është sqaruar më vonë”, ka thënë Osmani.
“Unë jam sqaruar me të gjithë. Familjarët me kanë kërkuar edhe falje. Studenten e njoh dhe e kam njohur edhe më herët. Nuk bëhet fjalë për asnjë ngacmim”.
“Unë e kam dhënë deklaratën në polici. Sikur të kish qenë diçka e vërtetët, ata nuk me kishin liruar menjëherë. Por, unë besoj që nesër kjo punë do të sqarohet tërësisht edhe do të dalë e vërteta”, ka thënë Osmani për Gazetën Express.
Presidenti i Turqisë Recep Tayyip Erdogan mori pjesë në programin “Takimi i madh me të rinjtë” në transmetimin e përbashkët të televizioneve ATV dhe A Haber, ku iu drejtua të rinjve nga Turqia dhe jashtë saj të cilët i ndjekin studimet në këtë vend, dhe iu përgjigj pyetjeve të tyre
Gjatë programit, një student nga Kosova i cili ndjek studimet në Turqi, tha se Turqia është shembull për shtetin e tij sa i përket zhvillimit. Me këtë rast, Erdogan theksoi se në Kosovë ka shumë kryevepra dhe se do ta rigjallërojnë historinë atje.
Ai theksoi se në Kosovë kanë realizuar punime të ndryshme si ndërtimi i urave dhe xhami si dhe përmirësimi i mjedisit dhe se do të vazhdojnë me të njëjtën edhe në të ardhmen.
Duke njfotuar se në Turqi studimet i ndjekin 80 mijë studentë të huaj, Erdogan u shpreh se atyre ua kanë hapur dyert e të gjitha shkollave dhe se për ta nuk ka asnjë vështirësi.
Erdogan gjithashtu theksoi se ka ndjenja të posaçme për Kosovën, duke rikujtuar se Turqia është vendi i dytë që e ka njohur pavarësinë e saj.
“Vendi i dytë që e ka njohur Kosovën jemi ne. Ishin në Komisionin e Ministrave dhe po garonim me Amerikën se ‘a do ta njohin ata të parët, apo ne’. Prisja lajme nga bashkëpunëtorët dhe më thanë se ‘Amerika e njohu’, ndërkohë që ne jemi të dytët. Pra, kemi një kujtim të këtillë për Kosovën. Natyrisht, ende nuk e ka arritur numrin e dëshiruar të shteteve që e njohin atë, megjithatë, nëse nuk gabohem, ky numër ka arritur në 140. Bëra thirrje në Samitin e Organizatës për Bashkëpunim Islamik duke thënë se ‘Nuk duhet të ngelë asnjë shtet nga mesi juaj që nuk e njeh Kosovën.’ Por, gjithkush i bën llogaritë e veta duke thënë se ‘Ne e kemi këtë problem’ e tjetri ‘Edhe ne e kemi këtë problem.’ Edhe ne kemi probleme, por nëse ju ngecni në këto probleme, atëherë asnjëri nga këto nuk mbaron”, tha Erdogan, shkruan AA.
Ai u shpreh se sa i përket kësaj, Turqia dallohet me vendimmarrje.
Duke dëshiruar që studentët kosovarë t’i mbarojnë me sukses studimet dhe të kthehen e të kontribuojnë në vendin e tyre, presidenti Erdogan u shpreh se “Do të ktheheni dhe do t’i shërbeni vendit tuaj e t’i vazhdoni punimet njëjtë sikurse ambasadorët tanë, konsullët dhe shefat e misioneve, dhe do t’i forconi lidhjet”.
Liderët e “popullit”
Me rrena dhe kopalla nuk ndërtohen shteti dhe as mirëqenia
Po ia mësyjmë dyerve të Evropës si lypës për një kore bukë, si mall shumë i lirë për t’u shitur. Një populli të tërë po ua grabisin të gjitha të mirat materiale dhe nuk po ndihen fare të turpëruar
Kosova deri më tash i kaloi disa palë zgjedhje nacionale dhe zgjedhje lokale. Dhe shtrohet pyetja logjike” a kishte populli liderë, të cilët i meritojnë. Shumë herë deri më tash e kemi munduar kokën më këtë pyetje hipotetike, duke ia parashtruar vetit dilemat e mëdha rreth kësaj teme. Shumë kush prej nesh kemi thënë se si erdhën dhe nga na erdhën këta autsajderë në krye të shtetit të ri të Kosovës. Menjëherë pas luftës secili nga ne nuk e kemi menduar shumë këtë gjë. Pas 17 vjetësh duke rekapituluar të gjithë atë së çka kemi arritur dhe përjetuar, mund të bëjmë analiza pak më substanciale, se a i zgjodhëm, apo na u imponuan këta liderë partiakë dhe shtetërorë. Fillimisht duket së më shumë u përballëm me liderë, të cilët u imponuan se sa populli kishte kohë më menduar për zgjedhjen e njerëzve, të cilët do ta drejtojnë shtetin e tyre.
Na janë mbyllur rrugët e progresit
Këta që erdhën në pozitat e larta shoqërore, edhe nëse kanë trashëguar merita nga lufta, në kushte të paqes u treguan diletantë të vërtetë në politikëbërje dhe shtetndërtim. Dhe, shumëkush nga qytetarët e Kosovës sot do të dëshironte të ishte qytetar i ndonjë vendi tjetër shumë më të pasur dhe shumë herë më demokratik. Ky ‘autoshovenizëm” ka krijuar pa kënaqësi të mëdha, i ka rritur frustrimet dhe ka demoralizuar njeriun tonë nga padrejtësitë që po i bëhen në vazhdimësi dhe ende po vazhdojnë. Është instaluar logjika se na janë mbyllur të gjithë rrugët e progresit dhe jetës më të mirë. Po ia mësyjmë dyerve të Evropës si lypës për një kore bukë, si mall shumë i lirë për t’u shitur. Një populli të tërë po ua grabisin të gjitha të mirat materiale dhe nuk po ndihen fare të turpëruar. Ky estabilishment politik po shkel mbi të gjallët dhe të vdekurit pa mëshirë. Po e ndrydhin këtë popull si të ishin do buburreca e jo qenie njerëzore. Nga njerëzit normalë kanë krijuar njerëz depresivë. Ua kanë humbur motivin dhe ëndrrat për jetë. Populli në vend të fitores ka mbetur humbësi më i madh.
Edhe fëmijët e kanë marrë vesh kush janë këta politikanë
Kasta politike, edhe pse humbëse në politikëbërje, janë bërë fituesit e të mirave materiale. Këta liderë partiakë dhe shtetërorë ringjallën ekonominë e tyre familjare, duke rrënuar në anën tjetër ekonominë, industrinë e rëndë, duke vjedhur dhe plaçkitur nga procesi i privatizimit dhe shumë grabitje dhe uzurpime të tjera. Kampanjat partiake i bënë me para të popullit, duke e mashtruar popullin pas secilës palë të zgjedhjeve. E keqpërdorën dhe po e shkelin gjakun e shumë martirëve dhe heronjve të kombit që i kishim historikisht. Kemi menduar se progresi është linear, që secilin vit do të bëhet më mirë, se do të arrijmë të punojmë dhe fitojmë më shumë duke vazhduar më temp të mirë përpara. Edhe fëmijët e kanë marrë tashmë vesh së cilat janë këto figura politike që po ua zënë vendin njerëzve të ditur dhe të përgatitur profesionalisht. Me rrena dhe kopalla nuk ndërtohen shteti dhe as mirëqenia. Është më së i nevojshëm më duket mua një konsensus apo marrëveshje nacionale, për kapërcimin e gjendjes jo të mirë politike dhe ekonomike në të cilën jemi katandisur. Kemi shumë mostra të mira nga shtetet e zhvilluara të Evropës se si bëhen ndershëm fushatat dhe së si ata të cilët vijnë në pushtet sillen konform kërkesave të qytetarëve nga të cilët edhe e kanë marrë besimin. Më e freskët për ne është fushata për zgjedhje nacionale në Amerikë. Gati me përpikëri zëri i qytetarëve, të cilët i kanë përkrahur liderët e tyre, do të vijë në shprehje. Kësaj i thonë demokraci, kësaj i thonë dashuri ndaj kombit dhe atdheut. Ne jemi në Evropë, por edhe bota na është afruar shumë përmes mjeteve moderne elektronike, të cilat po na mundësojmë të shohim së si bëhet jeta politike dhe jeta përgjithësisht në botën e civilizuar. Dhe, kur njeriu ynë bën një krahasim të tillë e ka shumë vështirë të mësohet me jetën e keqe, të cilën po e bëjnë në Kosovë.
Voal – Zbardhja e fatit të personave të pagjeturve, të cilët janë zhdukur gjatë luftës në Kosovë, pavarësisht që trajtohet si çështje humane, megjithatë vazhdon të jetë një çështje që mbahet peng nga politika, vlerësojnë zyrtarët e institucioneve të Kosovës përgjegjës për këtë çështje, por edhe përfaqësuesit e familjarëve të këtyre personave.
Sipas tyre, ndonëse gjatë vitit 2014 dhe 2015 ishte shënuar një dinamikë në hulumtimin e varrezave të mundshme masive dhe punimin në to, tashmë, gjatë këtij viti, është e dukshme që punimet e tilla kanë stagnuar.
Prenk Gjetaj, kryetar i Komisionit qeveritar për personat e pagjetur të Kosovës, duke folur për Radion Evropa e Lirë, thotë se pavarësisht kërkesave që ka pala nga Kosova për hulumtime në disa lokacione të dyshuara për varreza masive në Serbi, aktualisht pala serbe është duke u punuar vetëm në një lokacion, në Krizhevac të Rashkës.
Punimet në këtë lokacion, siç thotë ai, kanë nisur në bazë të informatave që ka siguruar Prokuroria serbe për krime lufte, por edhe pas hulumtimeve për ma shumë se 10 javë, nuk ka pasur gjetje.
Ky hulumtim, siç thotë ai, ka bllokuar punën për hulumtimin në dy lokacione në Kosovë, por edhe në dy lokacione tjera në Serbi, në Rudnicë të Rashkës dhe në Kozarevë të Novi Pazarit, për të cilat sipas Gjetajt ekzistojnë informacione të bazuara për varreza masive.
“Jemi në përgatitje të prezantimit të dëshmisë, me prezencën e dëshmitarit në vendin e ngjarjes në prezencë të dyja palëve. Ky akt mbase do t’i detyrojë që ta fusin në plan të veprimit (lokacionin në Kozarevë të Novi Pazarit). Ndërsa, në Rudnicë, vendi i quajtur Jalovishte. Edhe pse në momentin kur e kemi bërë kërkesën për Rudnicë ka qenë dhe Jalovishta e iniciuar, edhe liqeni afër Rudnicës, por kurrë nuk është futur në plan të veprimi, me arsyetim të tyre se nuk është specifikuar pika më e përafërt”.
Gjetaj ka shtuar se vetë faktin që mbi 10 javë po punohet në lokacionin në Krizhevac dhe nuk ka asnjë shenjë për gjetje të mundshme dhe nuk i fut në plan të veprimit lokacionet e sugjeruara nga pala e Kosovës, i shton dyshimet se pala serbe, siç thoit ai, po bën lojë, për ta futur në qorrsokak zbardhjen e fatit të pagjeturve.
Por, Bajram Çerkini, drejtues i Këshillit Koordinues të Asociacionit të familjarëve të personave të pagjetur në Kosovë, vlerëson se me çështjen e të pagjeturve “janë duke bërë lojë” të dyja palët, të Kosovës dhe të Serbisë.
“Merreni me mend, tash maji po kalon dhe vetëm dy lokacione i kanë kontrolluar dhe asgjë më shumë. Sivjet, edhe pse bëhet shumë fjalë dhe edhe pse plani operativ parasheh shumë gjera të bëhen, asgjë nuk kanë bërë. Ende po luajnë, si në Serbi ashtu edhe këtu brenda në Kosovë. Janë duke luajtur me këtë dhimbje, me këtë ankth dhe me familjarët”.
Në anën tjetër, kryeministri i Kosovës, Isa Mustafa, në mars të këtij viti pati deklaruar që “ zbardhja e fatit të personave të pagjetur” do të jetë një nga pesë prioritetet e Qeverisë së Kosovës për vitin 2016.
Gjetaj thekson se autoritetet e larta të Kosovës edhe më parë kanë theksuar se do të kërkohet nga Bashkimi Evropian që çështja e zbardhjes së fatit të personave të pagjetur të shtrohet si temë në Bruksel.
“Por, siç duket, bashkësia ndërkombëtare e ka lënë këtë çështje si ‘të natyrës humane’ dhe ndërmjetësohet nga Komiteti Ndërkombëtarë i Kryqit të Kuq. Me këtë përgjigje kemi qenë vazhdimisht të pakënaqur, sepse mendojmë që çështja e të zhdukurve do të jetë një qelës i hapave të mëtutjeshëm për normalizimin apo edhe përmirësimin e marrëdhënieve ndërmjet dy vendeve”.
Çerkini shpreh bindjen se pa një vullnet të fuqishëm politik, çështja e të pagjeturve nuk di të zgjidhet.
“Nuk mundet ana humanitare ta kryej këtë punë. Janë krerët e nxehtë në politikë. Kanë më të mëdha dhe sa i përket familjarëve, nuk e kanë shumë dertin e tyre, ndonëse thonë se është çështje me prioritet. Janë të gjitha kamuflazh për neve familjarëve dhe mundohen të na pajtojnë me një realitet të rrejshëm”.
Sipas statistikave zyrtare, në Kosovë ende vazhdojnë të figurojnë 1 mijë e 665 persona të pagjetur, të zhdukur gjatë luftës në Kosovë. Në këtë numër, janë të përfshirë personat e të gjitha përkatësive etnike, por përqindja më e madhe është e personave me përkatësi etnike shqiptare./REL
Ky propozim pritet që të shqyrtohet gjatë kësaj jave në seancën plenare të KK të Prizrenit. Propozimi për këtë është adresuar nga kryetari i Komisionit për Punë të Jashtme, Enver Hoxhaj, më 28 prill të këtij viti.
“Kam kënaqësinë që në emër të Komisionit për Punë të Jashtme të Kuvendit të Republikës së Kosovës t’ju propozoj që shkencëtarit, profesorit, historianit dhe publicistit të njohur ndërkombëtar, Sir Noel Malcolm, t’i ndahet mirënjohja ‘Qytetar Nderi i qytetit të Prizrenit’”, thuhet në shkresën e dërguar nga Hoxhaj. Në arsyetimin e këtij propozimi pohohet se kjo mirënjohje duhet t’i ndahet për kontributin e çmuar të tij në hulumtimet shkencore të historisë së shqiptarëve dhe çështjes së Kosovës, që tani është një aktivist i shquar i pavarësisë së Kosovës.
Shqyrtimi i propozim-vendimit për shpalljen Qytetar Nderi të Noel Malcolmit figuron në propozimin për rendin e ditës të seancës së radhës të KK-së, që do të mbahet këtë të enjte.
Kryesuesi i Kuvendit të Komunës së Prizrenit, Kujtim Gashi, ka konfirmuar për “Kohën Ditore” ndërmarrjen e veprimeve për ndarjen e kësaj mirënjohjeje për historianin Malcolm. Sipas tij, bëhet fjalë për iniciativën e Komisionit për Punë të Jashtme të Kuvendit të Kosovës që i është drejtuar kryetarit të Prizrenit, Ramadan Muja, i cili më pas propozimin e ka proceduar në Kuvendin e Komunës.
“Konsiderojmë se është nder për qytetin e Prizrenit që një personaliteti të tillë t’ia ndajmë këtë çmim, duke e ditur kontributin e tij në hulumtimet shkencore të historisë së shqiptarëve dhe çështjes së Kosovës, sidomos me librin ‘Kosova: Një histori e shkurtër’, sikurse edhe lobimin që ka bërë dhe e bën për pavarësinë e Kosovës”, ka thënë Gashi. Sipas tij, Malcolm është edhe autor i shumë artikujve në revista e gazeta prestigjioze, në të cilat Kosova paraqitet në mënyrë objektive para opinionit ndërkombëtar.
Noel Malcolm, i lindur më 26 dhjetor 1956, është politikan, gazetar, historian dhe akademik anglez. Ka doktoruar për histori në Trinity College, Cambridge. Ka ligjëruar në Cambridge para se të niste punën si gazetar për çështje politike dhe punë të jashtme në “The Spectator” dhe “The Daily Telegraph”. Në vitin 1995 është larguar nga gazetaria për të nisur punën si shkrimtar dhe akademik. Në vitin 2014 i është ndarë titulli Sir për shërbimin në edukim, gazetari dhe në historinë evropiane. Është edhe anëtar i jashtëm i Akademisë së Shkencave dhe Arteve të Kosovës, si dhe anëtar nderi në Peterhouse (nga viti 2010) dhe Trinity College (nga viti 2011), Cambridge. Malcolm është autor i disa librave, në mesin e të cilëve bën pjesë edhe “Kosova: Një histori e shkurtër” e botuar në shqip në vitin 2008 nga Botimet KOHA. Ky libër ka ngjallur debat të madh në mesin e historianëve.
Malcolm është kryesues i Institutit Boshnjak në Londër dhe kryetar i Shoqatës Anglo-Shqiptare.
Duke menduar se aty gjendej një nga caqet e ushtrisë serbe, forcat ajrore të NATO-s filluan bombardimet mbi pavijonet, të cilat në fakt kishin të burgosur shqiptarë.
Ky skenar i pushtuesit serb zgjati deri më 22 maj, kur NATO e kuptoi se aty nuk ishin forcat serbe, por të burgosurit shqiptarë.
Përpos 150 viktimave, në këtë burg mbeten të plagosur edhe 300 të tjerë.
Nga rreth një mijë të burgosur, të cilët ishin në rreshtin e parë, janë gjuajtur për vrasje me bomba e armë dhe mbi 150 të burgosur politik dhe ordiner shqiptarë janë vrarë, ndërsa mbi 300 të tjerë, janë plagosur.
E gjendja vazhdon të mbetet e njëjtë. Për këtë krim të bërë 17 vjet më parë nuk është dënuar askush, ndërsa kanë munguar edhe hetimet nga institucionet e vendit.
Deklarata që dha dy ditë më parë komisionari për Zgjerim i BE-së, Johanes Hahn, se nuk ka liberalizim të vizave për kosovarët pa e ratifikuar demarkacionin me Malin e Zi nuk u ka bërë përshtypje partive opozitare, të cilat këmbëngulin në rishikimin e Marrëveshjes për Kufirin. Madje, opozita kërkon me ngulm që të shkarkohet Komisioni i drejtuar nga Murat Meha, i cili ka vizatuar kufirin me shtetin fqinj, dhe në vend të tij të vijë një komision tjetër me ekspertë të pavarur.
Ndërsa nga partia më e madhe opozitare, PDK, thonë se ekziston edhe një mundësi për zgjidhjen e këtij problemi – Arbitrazhi.
Nënkryetari i Kuvendit nga PDK-ja, Xhavit Haliti, thotë për gazetën “Zëri” se ka hapësirë të mjaftueshme për të biseduar rreth çështjes së demarkacionit sepse, sipas tij, kërkesat për demarkacion janë të arsyeshme dhe duhet ta bëjnë demarkacionin, por duhet të bisedojnë se a mund të ndryshojë diçka edhe nga ajo që është vendosur.
“Janë dy rrugë, një që të merremi vesh prapë me Malin e Zi dhe e dyta që të merremi prapë me Malin e Zi për ta çuar në Arbitrazh ose që Qeveria të ndërmarrë masa për t’i bindur qytetarët se nuk është prekur kufiri i Kosovës”, ka thënë Haliti.
Pavarësisht rekomandimit nga BE-ja se pa ratifikimin e Marrëveshjes për kufirin me Malin e Zi nuk ka viza për kosovarët, për koalicionin opozitar AAK – “Nisma” kjo nuk çon peshë, madje këto parti nuk do të lëvizin nga “fronti kufitar”.
Kështu ka thënë në një intervistë dhënë “Zërit” nënkryetari i AAK-së, njëkohësisht deputeti i kësaj partie, Pal Lekaj, sipas të cilit, nëse shkelet interesi kombëtar atëherë nuk kanë vlerë vizat. Lekaj foli edhe për koalicionin parazgjedhor në mes të Aleancës për Ardhmërinë e Kosovës dhe “Nismës për Kosovën”, për të cilin, tha se do të jetë koalicioni që do të fitojë në zgjedhjet e reja në Kosovë.
Ai thotë se bashkëpunimi me partinë e Fatmir Limajt është duke shkuar shumë mirë dhe se tani janë në përpilim të një strategjie të veçantë për rrëzimin e Qeverisë “Mustafa”. Ndërkohë duke folur për një dialog të mundshëm me Qeverinë apo rikthimin e tyre në Parlament, Lekaj ka thënë se këtë do ta bëjnë me vetëm një kusht. Që agjenda të ketë të vetmen pikë diskutimi: shkuarja në zgjedhje.
Nënkryetari i AAK-së ka folur për takimet me eurodeputetët në kuadër të Komisionit Parlamentar për Stabilizim-Asociim. Ai ka thënë se opozita asnjëherë nuk do të hezitojë të bashkëpunojë me këdo kur flitet për integrimet evropiane apo të mirën e qytetarëve. Ndërsa, ka zbuluar se komisionari Hahn ka ardhur në Kosovë që të nisë një proces të bashkëpunimit në mes të pozitës dhe opozitës, i cili, sipas tij, mund të përfundojë vetëm në një mënyrë: zgjedhje të parakohshme.
PRISHTINË .- Shefi i Grupit Parlamentar të PDK-së, Adem Grabovci, me humor e ka komentuar lajmin në lidhje me këngëtaren nga Shqipëria Iva Aliko, e cila thotë se është duke kaluar aventura me një deputet të PDK-së.
Ai këtë lajm e ka vendosur në dyshim duke vlerësuar se deputeti mund të jetë edhe i LDK-së.
Grabovci e ka bërë këtë koment gjatë një intervistë për Gazetën Blic, pasi është pyetur a ka informacion se cili është deputeti që po e tradhton gruan me këngëtaren nga Shqipëria Iva Aliko.
“Nuk e shoh të udhës që të merrem me këtë çështje, sepse kam dyshime që mund t’iu jetë përzier me ndonjë deputet të LDK-së”, tha ai duke qeshur. Iva ka thënë se deputeti pasionant me të cilin ajo ka lidhje është nga PDK.
Edhe një tjetër lajm i mirë po vjen për Kosovën. Partneriteti për paqe me NATO-n.
Këta e ka konfirmuar ambasadorja e Kosovës në SHBA, Vlora Çitaku.
Ajo ka treguar se Kongresi Amerikan mbrëmë edhe zyrtarisht me unanimitet ka votuar amendamentin ku i bëhet thirrje administratës amerikane që të përgatisë Kosovën për partneritet për Paqe me NATO!
“Në kuadër të Defense Authorization Act, Kongresi amerikan mbrëmë me unanimitet votoi amendamentin ku i bëhet thirrje administratës amerikane që të përgatisë Kosovën për partneritet për Paqe me NATO! Friendship#Partnership#USA#Kosova”, ka shkruar Çitaku.
Tani ky proces pritet të filloi menjëherë dhe shumë shpejt Kosova do të bëhet partnere për Paqe me NATO-n.
Përshëndetje Z. Ambasador! Jam e kënaqur që pata mundësinë për t’u takuar dhe për të folur me ju.
Në Janar të 2016 u shënua 17-vjetori i masakrës së Reçakut, ku si Shef i Misionit Verifikues në Kosovë, ju ishit të parët që e denoncuat atë si një masakër dhe ia bëtë të qartë botës mbarë se forcat serbe janë duke kryer krime kundër njerëzimit. Cilat janë ndjenjat tuaja në lidhje me ato ngjarje dhe krime të tmerrshme, tani shumë vite më vonë?
Ambasadori William Walker: Unë ende e kujtoj tmerrin kur shkova në fshatin e Reçakut, në një ditë shumë të ftohtë të dimrit. I pashë trupat e burrave dhe djemve të fshatit, që i kishin vrarë një natë më parë. Është e vështirë të harrosh një diçka të tillë.
Unë jam i kënaqur të them se gratë e Kosovës janë shumë të forta. Çdo herë që unë shkoj atje, shoh prova për këtë. Unë shoh gratë e përfshira në politikë që bëjnë gjithçka, gjëra që sigurisht ato përpara ose gjatë luftës nuk do t’i kishin bërë.
A keni pasur mundësi të vizitoni Mitrovicën dhe kullën e familjes Boletini?
Ambasadori William Walker: Unë nuk e kanë vizituar ende Kullën Boletini, Mitrovicën e kam vizituar së fundmi rreth 4-5 vjet më parë. Për fat të keq, kjo është një tjetër situatë e tmerrshme ….
Vojislav Sesheli doli i pafajshëm nga Tribunali Ndërkombëtar në Hagë për Krimet në ish-Jugosllavi. A jeni dakord me vendimin e Tribunalit?
A i dëshironi vërtetë shqiptarët në ekipin kombëtar të futbollit?”, ka bërë shaka Serwer.
Analisti amerikan Daniel Serwer ka thënë se rajoni i Ballkanit është i paqëndrueshëm dhe se paqëndrueshmëria është shumë e nderë në Maqedoni dhe në Bosnje e Hercegovinë. Serwer, në një intervistë për mediat serbe pas takimit me kryeministrin serb Aleksander Vuçiq, me të cilin ka biseduar rreth ngjarjeve rajonale, ka thënë se amerikanët nuk janë të kënaqur me procesin e reformave në Bosnjë.
“Bosnja është një sistem i nevojshëm për t’u përgatitur për në BE. Bosnja duhet të mbahet dhe gjithashtu uniteti i shtetit, i cili në marrëdhëniet midis Beogradit dhe Banjallukës, Sarajevës dhe Beogradit mund të jenë një problem”.
Ndërsa i pyetur se si ai e sheh bllokadën kroate të Serbisë në BE, Serwer ka thënë se nuk është shtrenjtë, por aimendon se Serbia duhet të heqë dorë nga ideja për të ndjekur penalisht të gjithë të dyshuarit për krime lufte. “Herët ose vonë gjykatat në të gjitha vendet evropiane vendosin të mos jenë në përputhje me kërkesat për ekstradimin e Serbisë”, ka thënë Serwer duke vënë në dukje se ka njerëz që “në çdo rast nuk mund të karakterizohen si kriminelë lufte”.
“Sistemi gjyqësor perëndimor ende favorizon akuzat dhe rastet të tilla si Ante Gotovina dhe Sheshelit, të cilët mendojnë se janë fajtorë”, ka shtuar Serwer. Gjithashtu Serwer e sheh Serbinë për 10 vjet në BE dhe kujton se Serbia tashmë ka përfitime nga BE-ja. “Anëtarësimi është vetëm lidhja e fundit, por jo më e rëndësishme. Ju keni bërë tashmë shumë në këtë rrugë, shumë për reforma dhe unë shoh Serbinë pas 10 vite atje”, ka thënë ai.
I pyetur nëse BE-ja në fund do të kërkojë njohjen e Kosovës nga Serbia, ai u përgjigj i bindur për këtë. “Mendoj se do ta kërkoj njohjen. Respektivisht, BE-ja si BE jo, pasi që kjo nuk është në kompetencë të Komisionit Evropian.
Por, shihni si është gjendja, atje janë 23 vende që e kanë njohur Kosovën. Besoj se shumica nga to do të insistojnë të paktën në anëtarësim në OKB, jo ndoshta njohje bilaterale, dhe normalizim të marrëdhënieve diplomatike me disa reprezentues në nivel ambasadorësh”, ka thënë Serwer.
Sipas tij, shqetësimi i Serbisë për të mirën e serbëve në Kosovë është legjitim, e rëndësishme që serbët të mbesin në Kosovë, të jenë të trajtuar mirë, që kishat dhe manastiret të mbrohen, mirëpo çështja e statusit politik është e kryer. “Serbia nuk do t’i dëshironte të gjithë ata shqiptarë si qytetarë të saj, apo?
A i dëshironi vërtetë shqiptarët në ekipin kombëtar të futbollit?”, ka bërë shaka Serwer.
Presidenti i Kosovës, Hashim Thaçi, ish presidentja Atifete Jahjaga, nënpresidentja e Parlamentit Evropian, Ulrike Lunacek dhe ambasadorët amerikan dhe britanik, ju bashkuan të martën një parakalimi të komunitetit LGBTI me moton; “Dashuria jonë është Kushtetuese”.
Gjatë parakalimit që u kaloi i qetë dhe nën masa të rrepta sigurie, presidenti Thaçi tha se “Kosova me kushtetutë u jep të drejtë të gjithëve të kenë jetën e tyre. Çdo qytetar i vendit i ka të drejtat e tyre dhe këto të drejta ata duhet t’i shfrytëzojë”.
Ndërsa, eurodeputetja, Ulrike Lunacek, e cila po qëndron në Kosovë në kuadër të konferencës së përbashkët ndërmjet Bashkimit Evropian dhe Kosovës lidhur me Marrëveshjen e Stabilizim Asocimit, tha se kishte pritur prani më të madhe të mbështetësve të luftës kundër homofobisë.
Drejtuesit e institucioneve të Kosovës thonë se Kosova ka nxjerrë një varg ligjesh që kanë ndikim të drejtpërdrejtë në zbatimin e të drejtave të njeriut, siç është ligji kundër diskriminimit, që rregullon dhe parandalon çfarëdo forme të diskriminimit.
Veprimtarët e shoqërisë civile thonë se Kosova ka bërë përparim duke siguruar mbrojtje për pjesëtarët e komunitetit LGBTI me anë të ligjeve të ndryshme duke përfshirë ndalimin e diskriminimit në bazë të orientimit seksual dhe duke ndëshkuar më ashpër ata të cilët nxisin urrejtje ose sulmojnë dikë për shkak të perceptimit apo orientimit seksual.
Megjithatë, ata tërheqin vërejtjen se zbatimi i ligjeve ende mbetet i dobët dhe në shumë raste të drejtat e njeriut për komunitetin LGBTI mbeten të pa mbrojtura dhe problem kryesor ende mbetet “urrejtja e vazhdueshme”.
Zyrtarë qeveritar, përfaqësues të shoqërisë civile dhe komunitetit LGBTI thonë se ky komunitet ende është i detyruar të jetojë në hije, me frikën se zbulimi i orientimit seksual do të mund të çojë në përjashtimin nga familja e shoqëria. za
Enver Sekiraqa është shpallur fajtor nga Gjykata Themelore e Prishtinës për nxitje të vrasjes së policit të Kosovës Triumf Riza.
Sekiraqa është dënuar me 37 vite burgim për nxitjen e vrasjes së Triumf Rizës ndërsa edhe për detyrim pagesës së haraçit ndaj këngëtares Adelina Ismajli.
Ndërsa në piken e tretë të aktakuzës, mbi dyshimet për dhunim, Enver Sekiraqa është shpallur i pafajshëm nga trupi gjykues i përberë nga dy gjyqtarë te EULEX-it dhe një vendor.
Triumf Riza u vra në Prishtinë më 30 gusht të vitit 2007 ndërsa Enver Sekiraqa është arrestuar në vitin 2014 në bazë të një fletëarresti të lshuar në shkurt të vitit 2008. Detajet më pas.
Komisionari i Bashkimit Evropian për Politika të Fqinjësisë dhe Negociata për Zgjerim, Johannes Hahn, u bëri thirrje partive politike në Kosovë që të bashkëpunojnë në rrugën evropiane të vendit ndërsa tha se pa ratifikimin e marrëveshjes për shënimin e kufirit me Malin e Zi, nuk do të ketë liberalizim vizash. Ai i bëri këto komente gjatë qëndrimit në Kosovë, ku mblodhi bashkë partitë politike në qeveri dhe opozitë. Komisionari Hahn tha pas takimit se ende duhet të punohet më partitë politike për të arritur një pajtim për çështjet e hapura.
“Isha shumë i qartë për mbajtjen e momentit që e kemi arritur në muajt e fundit në lidhje me ardhmërinë evropiane. Në demokraci është e domosdoshme që të ketë kompromis dhe një kompromis i mirë ka të bëjë me palët e ndryshme që japin diçka të re për të pasur një rezultat të përbashkët, që do të thotë se të gjithë mund të gjejnë vetën në rezultatin përfundimtar”, tha zoti Hahn.
Ai tha se opozita ka shprehur shqetësimet për kushtet e vëna nga Komisioni Evropian për liberalizimin e vizave, por sipas tij kushtet janë të qarta dhe duhet të përmbushen.
“Kanë qenë shqetësimet e njohura në lidhje me shënimin e kufirit, unë isha shumë i qartë se pa një zgjidhje nuk do të ketë liberalizim të vizave. Në qoftë se do të ketë diskutime tjera kjo mund të ndodhë, por isha shumë i qartë për kushtet dhe është e domosdoshme të vazhdohet më tutje”, tha zoti Hahn duke nënvizuar se u ka bërë thirrje partive politike që të marrin pjesë në mënyrë konstruktive dhe demokratike në zhvillimin e mëtejshëm të vendit.
“Ne jemi të gatshëm të ndërmjetësojmë dhe ndihmojmë por në fund vendimet duhet të merren nga autoritetet këtu në Kosovë dhe kjo është pjesë e zhvillimit dhe vendosjes së Kosovës së fortë”, tha zoti Hahn.
Komisioni Evropian i ka propozuar Këshillit të Bashkimit Evropian dhe Parlamentit Evropian heqjen e vizave për Kosovën por ka kërkuar nga autoritetet në Kosovë rezultate më të prekshme në luftën kundër korrupsionit dhe krimit të organizuar dhe ratifikimin e marrëveshjes për shënimin e kufirit me Malin e Zi.
Por, kjo e fundit po kundërshtohet nga partitë opozitare, të cilat e kanë cilësuar të padrejtë. Opozita po vazhdon bojkotimin e seancave të parlamentit, vetëm në rastet kur në Kosovë po qëndrojnë zyrtarë të lartë të vendeve perëndimore.
Opozita megjithëse e ndarë po vazhdon kundërshtimin e marrëveshjeve me Serbinë dhe Malin e zi dhe për organizimin e zgjedhjeve të parakohshme. Por, këto zgjedhje sipas udhëheqësve të koalicionit qeveritar nuk do të mund të mbahen para qershorit 2018, kur janë të parapara me kalendarin zgjedhor.
Eurodeputetja Ulrike Lunacek u ka kërkuar institucioneve të Kosovës të zbatojnë Ligjin për kompensim për gratë e dhunuara gjatë luftës së fundit.
Komentet e saj, Lunacek i bëri në mbledhjen e komisionit Parlamentar për Stabilizim Asocim që u zhvillua mes delegacionit nga Parlamenti Evropian dhe deputetëve të Kuvendit të Kosovës.
“Dëgjuam se një ligj është miratuar vitin e kaluar për të njohur traumën e grave të dhunuara gjatë luftës dhe se ato duhet të kompensohen”, ka thënë Lunacek.
“Po ashtu, dëgjuam që ky kompensim ende nuk ka filluar të zbatohet, prandaj duhet të bëhen përpjeke nga kuvendi përmes qeverisë që këto gra, që kanë përjetuar tmerrin e dhunës të kompensohen”, ka theksuar ajo. Kompensimi, vijoi Lunacek, nuk do t’u ndihmojë këtyre grave që ta kalojnë traumën, por “të paktën do t’u ndihmojë për ndonjë trajtim të nevojshëm psikologjik ose njerëzor”.
Përndryshe, delegacioni nga Parlamenti Evropian i kryesuar nga, Tonino Picolo po qëndron nga e hëna në Kosovë dhe po zhvillon takime me udhëheqësit vendor dhe ligjvënësit në lidhje me zbatimin e Marrëveshjes së Stabilizim Asocimit.
Nese nuk do të kemi sot zgjedhje sigurisht së do të kemi neser. Më të drejtë shtrohet pyetja logjike. Çka mundet më ndiku vota kur ajo shkon tek fraksionet e elitës politike. Nga praktika e deritashme kemi pa së krejt çka mundemi më fitu më zgjedhje, është së një grup njerëzish të cilët gjenden në krye të një partie politike, mund të zëvëndësohen më një grup tjetër të njerëzve. Kemi të bëjmë më shumë më partikracinë, ku zgjedhjet munden të ndikojnë që të kemi një rreth njerëzve mbrenda elitës politike. Deri më tash nuk u arrit që në zgjedhje të kemi ndryshime të pritura në krye të partive politike, që do të ishte e mirë për demokracinë dhe do ta freskonte edhe skenën tashmë monotone politike. Na janë krijuar grupe oligarkesh politik, të cilët gjatë kësaj kohe kan arritur të pasurohen, dhe po kan ndikim të fortë mbrenda subjektit të caktuar politik.
Njerëzit e përzgjedhur të tyre po janë intelektualët e caktaur, kryesisht të dëgjueshem, njerëzit që po vijnë nga univirzitet, analistët politik, gazetarë etj, dhe krejt kjo përgjedhje e elitës partiake dhe pushtetare po sillët në rrethin vicioz. Kjo bie ndesh më rregullat demokratike të lojës, po bie ndesh me konceptët politike të cilat do ti avansonin prosecet mbrenda partiake dhe proceset shtetërore.Të gjitha zgjedhjet e deritashme u karekterizuan më këto premisa të lartëpermendura, ku në shprehje erdhën po thuaj njerëzit e njejtë të cilët jo vëtem së i ka konsumuar koha, por edhe ishim më shumë lakmitare të posteve partiake dhe pushtetare. Këto garnitura partike pratikuan sistemin eliminues mbrenda përmbrenda partive politike. Nuk po ka mundësi të vijnë në shprehje forca të reja dhe kreative në krye të subjekteve politike . Votimet e deritashme u karekterizuan më ndarjen e posteve të elitës, duke apstrahuar lidhshemerinë më elektoratin ,i shkëputen mardhenjët politike më popullin, për çka secili subjekt politik edhe i detyrohet.
Kjo ka bërë që proceset demokratike të deformohen, duke u zbërthyer në zgjedhje oligarkësh. Nga këto grupe të caktuara politike u krijuan njerëz të pasur dhe të fuqishem të cilët i kan ndryshuar raportet për të keq parti – popull, ose edhe në kuptimin e ngusht mbrenda partiak. Partia e cila po i fiton shumicën e votave në menyrë edhe të pa ndërshme, po dikton krejt politikën e vet parti- pushtet. Këto grupe partiake po imponojnë gjithçka edhe mbreda partisë, e që është edhe më keq po e diktojnë politikën e tyre, e cila nuk është gjë tjeter veq politikë për realizimin e interesave të individëve të caktuar apo të realizmit të interesave të grupit. PDK-ja e cila e ka drejtuar pushtetin për dy mandate më radhë, ka përdorë metodën, së zgjedhjet fitohen duke shantazhuar, duke u premtuar njerëzve punë, duke u premtuar së do të shpërblehen në forma të ndryshme etj.
Tjeter. Dihet se në shtetet demokratike pushteti është i kufizuar në kohë. Praktikohen dy mandate. Kryetarët zgjedhen më së gjati për tetë vite. Ne, si shtet në tranzicion që jemi do të ishte mirë ta zgjedhim dike që nuk i takon kësaj klase politike. Një përson i tillë do të ishte i përshtatshem për të gjithë, dhe i cili vërtetë do ti përfaqësonte interesat e popullit dhe do të ishte përson unifikues. U zgjodh Thaçi për president të Kosovës, në rrethana të jashtëzakonshme të shtetrrethimit. Ai u zgjodh presidnmet më qyk të zorit nga koalicioni qeverisës PDK-LDK dhe Lista Serbe, pa miratimin e opozitës. Tash pas një zgjedhje të tillë çfarë e kemi, vështirë do të jetë që Thaçi të jetë përson unifikues. Ai duhet të merr vendime të cilat janë në përputhje më interesat e shumicës. E kjo vështirësohet nga mënyra së si erdhem deri të presidenti i shtetit.
Koha ka treguar së partitë politike do të duhet të profilizohen, të ndryshojnë qasjen e deritashme karshi elektoratit të vet, dhe ta ndryshojnë qasjën edhe kur bëhët fjalë për shtetndërtim. Edhe ata që do të dalin të votojnë do të ishte e preferuar që siq thotë një fjalë e popullit disa herë të maten për kënd të votojnë e pastaj të vendosin së për cilin subjekt politik apo përson të caktuar të votojnë. Ndëshkimi për mos punë është disciplinim i të gjithë atyre në krye të partive politike dhe në krye të shtetit. Në të gjitha zgjedhjet e deritashme votuesit u manipuluan, u manipuluan edhe interesat e popullit dhe interesat shtetërore…
Voal – Marte Tunaj u nda nga jeta këtë fundjavë, por pas vetës la një dëshmi rrëqethëse e trishtuese për luftën e fundit në Kosovë. Ishte gruaja e parë në Kosovë që dëshmoi hapur për dhunimin dhe mori guxim e kurajo dhe i përkrahu edhe femrat tjera, dhe ndoshta është ajo që pati meritën që shteti i Kosovës të hapë sytë për t’u marrë dhe trajtuar seriozisht këtë kategori.
Mbi të gjitha Marte Tunaj e njoftoi botën dhe e bindi faktorin ndërkombëtar për tmerrin që forcat serbe kishin bërë në Kosovë. Ishte gjykatësi francez Patrice de Charet që udhëhoqi gjykimin kundër Millosh Jokiqit i akuzuar për krime lufte, kurse Marta ishte dëshmitare kyçe. Marta nuk lejoi që publiku të largohet nga sallën kur nisi rrëfimin e saj.
“Dua të gjithë të dëgjoni, edhe burri edhe familja, edhe gazetarët”, ishte dëshmia që Marta e tha në fillim të këtij procesi, raporton rajonipress.
Për kontributin e Marte Tunajt në ceremoninë e varrimit folën edhe luftëtarë e përfaqësues të veteranëve të luftës.
Abdyl Bajrami nga OVL e UÇK-së tha se i jemi mirënjohës për kontributin e dhënë gjatë luftës të nënës Marte Tunaj dhe familjes Selmani.
“Familja e Sherif Vehbi Selmanit na mbështeti në kohët më të vështira të luftës për liri të UÇK-së. Rreth shtëpisë së tij u zhvilluan shumë aktivitete në kuadër të organizimit e zhvillimit të UÇK-së për anën tonë e më gjerë. Nëna e Sherif Selmanit ishte një grua e vendosur dhe shumë e guximshme dhe e gatshme në çdo moment të sakrifikohej për liri. Nëna e Sherif Selmanit do të mbetet në kujtesën tonë si një nënë që edukoi fëmijët e sajë të luftojnë për liri. Nëpër duart e saja, kaluan jo vetëm ushqimet e veshmbathjet për ushtarët e lirisë, por edhe armë e municione. Nëna e Sherifit ishte shembull konkret, se edhe femrat dhënë kontribut të çmueshëm për lirinë, që po e gëzojmë sot”, tha Abdyl Bajrami.
Kush ishte Marte Tunaj
Marte Tunaj me prejardhje nga Gjakova ishte e martuar në Verban të Vitisë për Vebih Selmanin një luftëtar trim i cili vdiq para pak kohësh.
Marte Tunaj la një histori interesante. Ajo më 30 maj të vitit 1999 ishte maltretuar, keqtrajtuar dhe përdhunuar nga paramilitari Millosh Jokiq ndaj të cilit më 25 shkurt të vitit 2000 ishte ngritur aktakuza për krime lufte kundër popullatës civile në Viti. Në veçanti deklarata e Marte Tunajt se ishte dhunuar nga Jokiqi ishte aq e guximshme dhe trimëruese saqë Jokiq u arrestua urgjentisht nga forcat e KFOR-it.
Por nuk përfundon këtu historia e Marte Tunajt. Ajo e kishte shumë të vështirë që pas luftës t`i rrëfente familjes dhe burrit për tërë atë që i kishte ndodhur me Jokiqin. “E mora guximin dhe i dhashë vetës detyrë që ta denoncoja në polici Jokiqin. E bëra këtë për hir të shumë nënave e grave shtatzëna që ishin keqtrajtuar nga Jokiqi. Burri im e mori vesh tek pasi u bë gjyqi dhe i jam shumë mirënjohës që më përkrahu deri në fund”, pati rrëfyer ajo për rajonipress.
Tunaj thoshte se guximin për të dëshmuar si grua shqiptare ia fali Kosovës, djalit të saj Sherifit i cili ishte pjesëtar i UÇK-së dhe ishte i vetmi i mitur në tërë rajonin e Vitisë.
Ajo së bashku me burrin e saj Vebih Selmanin dhe djemtë ishte pjesëmarrëse e luftës së fundit. Lufta me të mirat e me të këqijat asaj i solli një ngjarje tronditëse. Për shkak të aktivitetit në UÇK të burrit të saj dhe djemve ajo dhunohet.
Martja ndihej e shqetësuar për fatin e femrave të dhunuara dhe për rajonipress pati dhënë një mendim se si duhet të trajtohen ato. “Tani kam 65 vite dhe marr nga shteti një ndihmë prej 96 eurosh. Përcjellë me vëmendje tërë debatin rreth femrave të dhunuara gjatë luftës dhe nuk më vije mirë që dikush flet me paragjykim për këtë kategori. Jam e befasuar dhe shumë e shqetësuar me ato diskutime në Parlament e Qeveri rreth asaj se a duhet apo nuk duhet të paguhen këto femra të dhunuara. Vërtet është turp për këtë Qeveri e këto institucione që ende pas 15 vitesh diskutohet se a duhet apo jo të kenë ndihma financiare femrat e dhunuara” shprehej Martja.
Ajo pati rrëfyer se gjatë luftës së fundit doli me diabet dhe vetëm për një muaj shpenzonte mbi 80 euro vetëm për barna. “Nuk jam pishman që u kam dhënë bukë pjesëtarëve të UÇK-së dhe u kam qepur edhe rrobat. E kam bërë me vullnet e dëshirë, por nuk mund të pajtohem me faktin se Qeveria e përkohshme më përzuri nga vendi i punës dhe askush kurrë nuk është përkujdesur për mua”, thoshte ajo e revoltuar.
Martja thoshte se e ka guximin të flas në emër të të gjitha grave të dhunuara që shteti të mendoj dhe të bëjë të pamundurën që tua mundësojë një pagesë dinjitoze.
“Është gjynah që femrat e dhunuara të mbesin nën mëshirën e lëmoshës. Ato kanë nevojë për përkujdesje e tretmane të ndryshme mjekësore”.
Ndryshe Marte Tunaj është femra e vetme në Kosovë që ka dëshmuar publikisht për dhunimin e kryer nga ana e Millosh Jokiqit. Tunaj ka dëshmuar në prezencë të burrit dhe publikut në sallë dhe si rezultat i rrëfimit të saj rrëqethës Jokiq ishte dënuar me 20 vite burgim.
Në gjykimin kundër Millosh Jokiqit patën dëshmuar 40 dëshmitarë në mesin e tyre edhe Marte Tunaj nga Verbani i Vitisë. Tunaj me dëshmi rrëqethëse pati prezantuar para trupit gjykues që udhëhiqej nga Patrice de Charette, shumë fakte dhe prova bindëse.
Millosh Jokiq sipas Marte Tunajt më 30 maj 1999 nën kërcënimin e thikës kishte kryer marrëdhënie seksuale. Jokiqi ishte i armatosur deri në dhëmbë.
“Ai së pari i mori të gjitha të hollat nga banorët dhe mua më çoi në kuzhinë ku më urdhëroi të zhvishem. Refuzova me tërë forcën time, por ai nxori thikën dhe nën kërcënimin e thikës, kreu marrëdhënie seksuale”, kishte rrëfyer Tunaj.
Lajmet e mira të pranimit të Kosovës në UEFA dhe FIFA si dhe të rekomandimit për liberalizimin e vizave me kushtin e demarkacionit, kanë bërë që të harrohen problemet e hapura politike me Serbinë.
Nga momenti fillimit të bisedimeve politike me Serbinë fillojnë edhe hapat e parë të rrëshqitjes drastike të Qeverisë së Kosovës nga pavarësia e 17 shkurtit dhe elementet shtetformuese të Kosovës!
Përderisa fusnota* e Editës hoqi Republikën, fusnotat*** e Thaçit dhe Mustafës hoqën sovranitetin vendit me nënshkrimin e marrëveshjes në Bruksel për krijimin e Asociacionit të komunave serbe, me ç’rast nënshkruan ndarjen e sovranitetin e vendit në dysh,…me amnistimin e kriminelëve serb legjitimuan strukturat kriminale në veri,…me vendimin për krijimin Gjykatës speciale për krimet e luftës në Kosovë rrezikuan tjetërsimin e luftës çlirimtare,…me marrëveshjen për demarkacionin me Malin e Zi rrezikuan tkurrjen territoriale të vendit,…
Nënshkrimet nga ana e Thaçit dhe Mustafës e (mos) marrëveshjeve me Daçiqin dhe Vuçiqin në Bruksel, Serbinë gjakatare e bënë hisetare në sovranitetin e shtetit të Kosovës në njërën anë, ndërsa në tjetrën i hapën rrugën Serbisë për anëtarësim në BE, përderisa kjo e fundit kosovarëve të viktimizuar ua ofroj liberalizimin e vizave me kushtin e humbjes së territorit të shtetit,…për ironi të faktit edhe kësaj pushtetarët kosovar po i thojnë sukses!
Po, i thonë kështu sepse dështimet dhe rrëshqitjet e njëpasnjëshme janë bërë qelës i suksesit të tyre personal, në pasurimin dhe ngritjen e tyre politike.
Krrekosjet e kryeministrit Mustafa me sukseset e parnimit të Kosovës në UEFA dhe FIFA, e kanë vetëm një qëllim; mbulimin e dështimeve në qeverisjen e vendit, msopërmbushjen e premtimeve elektorale dhe vendimeve të dëmshme për vendin.
Koalicioni PDK-LDK, i panatyrshëm dhe i paqendrueshëm
Me ndryshimet në kreun e PDK-së, koalicioni me LDK-në është bërë akoma më i panatyrshëm, i paqëndrueshëm dhe jofunksional për vendin. Andaj zgjedhjet e parakohëshme janë e vetmja zgjidhje për dalje nga agonia politike e vendit.
Lideri i ri i PDK-së, zoti Veseli, për të rritur besimin tek elektorati i kësdaj partie me imazh të rënduar, është i gatshëm në çdo kohë t’i jepë fund kurorës qeverisëve me LDK-në e Isa Mustafës, përderisa kësaj të fundit do t’i mbetët punë e vështirë në konsolidimin e saj të brendshëm.
Si rezultat i dëmtimit të imazhit, shkaku i koalicionit me kapësit e shtetit dhe disa fraksioneve politke nga brenda, LDK-ja në zgjedhjet e ardhshme nacionale rrezikon të mos i prijë më as opozitës kosovare, ngase pushtetin edhe për një kohë të gjatë do ta shiqoj nga largësia opozitare, që i bie, të renditet e e katërta apo e pesta parti politike në vend.
Deri këtu e kanë sjellë LDK-në grupet e interesit të rreshtuara prapa një lideri të papërgjegjshëm politik, i cili për interesa të tija personale e dëmtoi rëndë kauzën e LDK-së, siq ishte në të kaluarën, parti e shpresës dfhe besës shqiptare.
Mbase këto fjalë mund t’i duken të idhëta dikujt nga radhët e LDK-së, por ky është realiteti i dhimbshëm në të cilin ka përfunduar subjekti me traditën më të gjatë politike në vend.
Tetë vjetë të humbura për Kosovën
Tetë vjet vendnumërim, rrethrrotullim, tetë vjet rrëshqitje dhe izolim ndërkombëtar për Kosovën nuk janë pak,…madje janë shumë për një shtet në formim e sipër, janë tepër shumë për një popull më varfëri të skajshme.
Por akoma më të rënda bëhen për një popull të varfër, që për tetë vite mbi supe barti një kastë politike të korruptuar dhe shantazhuar, të pasuruar skajshëm në kurriz të saj.
Këto tetë vitet e kaluara, po ashtu do të mbetën të paharruara për të pangopshmit, të pasuruarit nga abuzimet me pushtetin,…të cilët ëndërrojnë të mbetën prapë në pushtet apo të tjerët që shpresojnë të rikthehen sërish në fronin e artë.
Prandaj, tetë vjet nga njohja e saj ndërkombëtare, Kosova ndodhet në udhëkryqin e ri politik; mes sukseseve në fushën e sportit dhe dështimeve të mëdha në atë të politikës!
Deputeti i Partisë Demokratike të Kosovës, Xhavit Haliti, ka thënë se dikush po përpiqet ta shndërrojë në gogol Azem Sylën mirëpo rreth akuzave për të ende gjithçka është shumë e paqartë dhe e turbullt.
Haliti, që dikur ishte njeri shumë i afërt me Sylën, duke folur në Radiotelevizionin Dukagjini, ka pohuar se nuk e beson që ish-bashkëluftëtari i tij të ketë qenë aq i sofistikuar në krimin ekonomik.
“Azem Syla, sa i përket asaj çështje, unë besoj së pari në drejtësi, Azem Syla ka qenë ndër njerëzit më të rëndësishëm të Ushtrisë Çlirimtare të Kosovës dhe shumë i afërt me njerëz”.
“Unë do ta gjykoja nga këndvështrimi im, jo si veprim – ka bërë diçka ose jo – por në qoftë se njeriu njeh dikë dhe ulet me ta të pi kafe nuk do të thotë se është i inkriminuar, sepse fatkeqësisht në shumë raste kështu gjykohen, dhe unë e kam parë që nuk e kanë me të drejtë”.
“Unë nuk i di argumentet, por duke e njohur dhe duke qenë i afërt në një kohë të gjatë me Azem Sylën, unë nuk e besoj që ai ka qenë aq i specializuar në atë fushë që tashmë po përpiqen ta shndërrojnë në gogol të krimit ekonomik që mund të ketë qenë i organizuar edhe në emër të tij”.
“Unë besoj që së shpejti të gjitha do të vërtetohen – ato që janë dhe ato që nuk janë të vërteta – dhe unë po besoj që shumë shpejt se ai do të dalë përkohësisht nga burgu. Nga dokumentet që unë i kam parë më rezulton se edhe vet prokuroria ka dyshime në ato që janë thënë, sepse gjithçka është e mjegulluar kur flitet për Azem Sylën”, ka thënë Haliti.
Ai ka shtuar se edhe në rastin e Sylës mund të ndodhë siç ndodhi me Limajn, sepse pas shumë akuzave që iu bënë në fund doli të jetë i pafajshëm.
Në Qeverinë e Kosovës thonë se me anë të kësaj strategjie do të punohet që t’u mundësohet personave të caktuar të cilët kanë qenë në Lindje të Mesme dhe janë kthyer në Kosovë, të integrohen në shoqëri.
Edon Miftari, këshilltar për siguri i kryeministrit të Kosovës, Isa Mustafa, njëherësh koordinator i Strategjisë Nacionale për parandalimin e ekstremizmit të dhunshëm dhe radikalizmit që shpie në terrorizëm thotë për Radion Evropa e Lirë, se për zbatimin e strategjisë do të angazhohen njerëz adekuat.
“Programet e rehabilitimit dhe integrimit të këtyre personave do të trajtojnë këta persona dhe familjarët tyre, pavarësisht masës së dënimit të cilëve ua ka shqiptuar gjykata. Natyrisht që kjo nënkupton se me dikë duhet punë më shumë e me të tjerë më pak. Nevojiten masa të ndryshme që duhet të ndërmerren nga institucionet e Kosovës”.
“Nuk është punë e lehtë, por mund të them se për shkak që numrat janë relativisht të vogël të këtyre personave, në Kosovë do të jetë ndoshta pak më lehtë për ne që t’i trajtojmë këto raste”, ka thënë Miftari.
Përfaqësuesit e organizatave jo qeveritare që merren me çështje të sigurisë konsiderojnë se dënimet të cilat janë duke i shqiptuar gjykatat për personat që kanë qenë në luftëra të huaja mund të mos ndihmojnë gjithmonë në risocializimin e atyre personave.
Skënder Perteshi, analist nga Qendra Kosovare për Studime të Sigurisë, duke folur për Radion Evropa e Lirë, theksoi se dënimet e rënda mund të jenë lehtësues apo edhe pengues për rastet të caktuara.
“Gjykata në vendimin final është mirë që të marrë për bazë pendimin e ish-luftëtarëve të huaj, por edhe aktivitetet e tyre që kanë bërë [pas kthimit ]në procesin e ri -integrimit dhe deradikalizimin dhe vetëdijesimit e qytetareve të tjerë që të mos marrin pjesë në luftërat e Sirisë dhe Irakut”.
“Është mirë që të ketë iniciativa për këta persona që para vendimeve të dënimit ‘filan’ prokuroria dhe gjykata të marrin për bazë këto prova dhe nuk kam njohuri që deri tash janë marrë për bazë këto veprime”, ka thënë Perteshi.
Kryetari i Gjykatës Themelore në Prishtinë, Hamdi Ibrahimi, konsideron se gjykata nuk është duke shqiptuar dënimet maksimale për personat të cilët kanë qenë të përfshirë në luftërat e huaja si në Siri dhe Irak. Ibrahimi thotë se dënimet e shqiptuara deri më tash nuk do të jenë pengesë në risocializimin e atyre personave.
“Ne kemi një qasje, nëse mund të përdori fjalën konstruktive në këtë rast, se kjo gjykatë nuk është duke shkuar në kahjen e shqiptimit të dënimeve maksimale. Në rastet kur kemi pranim të fajësisë, në rastet kur gjyqtaret e shohin se vet procedura penale ka arritur qëllimin e procedimit të çështjes, atëherë unë jam në dijeni se gjyqtarët gjithë herë kanë një konsideratë dhe shkojnë në disa dënime që janë në kufi të minimumit. Por, të kemi parasysh se kemi të bëjmë me vepra me një rrezikshmëri të lartë”, ka deklaruar Ibrahimi.
Pas miratimit të Ligjit me të cilin sanksionohet pjesëmarrja e qytetarëve të Kosovës në luftërat e huaja dhe strategjisë kombëtare për pengimin e ekstremizmit të dhunshëm dhe terrorizmit, autoritetet e Kosovës, tashmë me ndihmën edhe të Shteteve të Bashkuara të Amerikës, kanë filluar të punojnë në zhvillimin e strategjie për rehabilitimin dhe ri-integrimin e personave të cilët kanë marrë pjesë në konfliktet e huaja, ose të cilët janë gjykuar për këtë çështje.
Hamdi Ibrahimi, ka thënë tutje për Radion Evropa e Lirë, se ekipi i veçantë është duke punuar dhe janë bërë tashmë hapat e parë që do të ndihmojnë në ri-integrimin e këtyre individëve edhe familjarëve të tyre.
“Ne do të bëjmë një veprim shumë domethënës, konkret në rehabilitimin e këtyre personave. Qëllimi i gjykatës nuk është vetëm dënimi dhe vendosja prapa grilave, por është që këta persona të rehabilitohen dhe të ri-integrohen dhe të jenë pjesë e shoqërisë së shëndoshë”, ka shtuar ai.
Edhe Fadil Maloku, profesor në departamentin e Sociologjisë në Fakultetin Filozofik të Universitetit të Prishtinës, konsideron se “shteti vetëm me ndëshkime rigoroze ligjore e pa programe sociale të akomodimit dhe ri-socializimit nuk mund të rehabilitoje të njëjti”.
Sipas të dhënave nga Qeveria e Kosovës, por edhe nga shoqëria civile, që nga viti 2012 e deri më tash, numri i shqiptarëve nga Kosova që i janë bashkuar organizatave ndërkombëtarisht të njohura si terroriste, në Siri dhe Irak, është rreth 300 syresh.
Rreth 50 prej tyre janë deklaruar të vrarë gjatë luftimeve atje.
Shoqëria civile u ka bërë thirrje autoriteteve të Kosovës që lidhur me parandalimin e ekstremizmit të dhunshëm dhe radikalizmit që shpie në terrorizëm të ketë një bashkëpunim konkret mes Bashkësisë Islame, shoqërisë civile dhe nivelit qendror dhe atij lokal.
Autoritetet e rendit në Kosovë kanë theksuar se janë duke mbikëqyrur “çdo aktivitet të personave fizikë dhe juridikë, për të cilët siguron informata se mund të paraqesin rrezik për rendin Kushtetues në të ardhmen, apo mund të kryejnë ndonjë vepër penale” dhe se “e gjithë kjo bëhet me qëllim të parandalimit dhe zbulimit të ndonjë vepre penale të mundshme, duke përfshirë veprat e terrorizmit dhe ekstremizmit fetar”.
Projekti më i diskutuar për një dekadë më radhë, termocentrali “Kosova e Re”, sipas shumë gjasash, nuk do të fillojë së ndërtuari as gjatë këtij viti, pavarësisht premtimeve nga zyrtarë të lartë të qeverisë së Kosovës.
Ndërtimi i këtij termocentrali vazhdimisht është vlerësuar si stabilizues i furnizimit me energji elektrike në Kosovë.
Ministri i Zhvillimit Ekonomik, Blerand Stavileci, ditë më parë ka treguar për angazhimin e autoriteteve vendore dhe ndërkombëtare në realizimin e projektit, por ka lënë të kuptohet se gjasat për fillimin e ndërtimit të tij gjatë këtij viti janë të vogla.
“Me investitorin amerikan jemi në përmbyllje të fazës së marrëveshjeve komerciale dhe presim që nga fundi i qershorit dhe fillimi i korrikut të vazhdojmë me fazën tjetër, që do të jetë pakoja tenderuese për ndërtimin e Termocentralit. Nëse nuk kemi pengesa, një vit nga tash do të nis puna e vërtetë e një prej investimeve më të mëdha në të gjithë sektorët”, ka thënë Stavileci.
Ofertuesi i përzgjedhur për ndërtimin e këtij termocentrali është kompania Contour Global, me seli në Shtetet e Bashkuara të Amerikës.
Në anën tjetër, përfaqësues të shoqërisë civile nuk i kanë kursyer kritikat gjatë gjithë procesit dhe projektimit, si dhe kanë ngritur si shqetësim mungesën e transparencës nga autoritetet kompetente.
Kushtrim Puka nga Konsorciumi Kosovar i Shoqërisë për Energji (KOSID), duke e quajtur të pakuptimtë zvarritjen e fillimit të ndërtimit, ka thënë për Radion Evropa e Lirë se procesi si i tillë është përcjell më shumë parregullsi.
“Kjo është nga mos transparenca dhe ne nuk kemi kontratë dhe nuk e dimë se çfarë është nënshkruar, çfarë termash, çfarë afatesh. Madje ne nuk e dimë se kush dhe çka ka përgjegjësi konkretisht. Ne anën tjetër, ne e kemi thënë vazhdimisht se edhe përkundër asaj që ministria insistonte që do të përfundojë shpejt, një termocentral i tillë do të merr disa vite deri sa të funksionalizohet”, ka thënë Puka.
Por, njohës të proceseve energjetike në Kosovë dyshojnë se zvarritja për ndërtimin e termocentralit “Kosova e Re” po bëhet më qëllim.
Hamdi Malushaj, drejtor në kompaninë “ Evroenergie”, kompani kjo që merret me analiza dhe studime të çështjeve energjetike në tregun e Kosovës dhe Gjermanisë, këtë zvarritje e quan sabotim të zhvillimit të sektorit energjetik në Kosovë.
“Unë e shoh si zvarritje dhe bllokim të procesit nga lobuesit, që Kosova mos të mund të prodhojë energji. Kosova vlerësohet vendi i tretë në Evropë për sasinë e linjitit dhe mundësinë që ka për të ndikuar në tregun energjisë.”
“Qeveria, me dashje apo pa dashje, me dije apo pa dije, ka rënë në kurthat e dikujt, që është vështirë të identifikohet pse po ndodh kjo zvarritje. Përndryshe, bllokimi i gjenerimit të energjisë qëllimisht është bllokuar nga dikush”, ka vlerësuar Malushaj për Radion Evropa e Lirë.
Kushtrim Puka ndërkaq shprehet se KOSID-i konsideron se Kosova nuk ka nevojë për një termocentral të tillë, pasi ekzistojnë alternativa tjera të furnizimit më energji elektrike.
“Kosova nuk ka pasur nevojë që të bllokojë vetën për 40 vitet e ardhshme, në një situatë ku ne ballafaqohemi më një termocentral të ri, që bazën e ka në qymyr dhe prapë do të ketë ndotje të ambientit dhe pasoja në shëndetin publik”, ka theksuar Puka.
Në një raport, të publikuar në fund të vitit të kaluar nga ky konsorcium, thuhet se ndërtimi i Termocentralit “Kosova e Re” do të dëmtojë ekonomitë familjare dhe ekonominë e përgjithshme, pasi do të rris çmimin e energjisë elektrike për rreth 50 për qind.
Ndryshe, në vitin 2005 kanë filluar përgatitjet për ndërtimin e këtij termocentrali, më një kapacitet gjenerues fillimisht prej 2,100 megavatësh. Por, pas ndryshimeve që janë bërë ndër vite, ky termocentral pritet që të ndërtohet me kapacitet gjenerues prej 500 megavatësh.
FOTOT- Zgjerohet skandali i Bukureshtit, arbitri i ndeshjes Rumani-Kosovë komunikon në…celular
Kavalieri s’është mëz që e lidh pas karrocës- Esé nga Fatbardh Amursi
Gazetari rumun kritikon tifozët: Nuk mund të bërtasësh Serbi në stadium, përballë një populli të masakruar
“Qofsh i xhenetit vëllai ynë!”- Humbi jetën dje nga një thikë në zemër, shokët e klasës së Martin Canit lule e qirinj për vogëlushin e ndjerë (Pamje nga vendngjarja)
Kombëtarja rumune: Falënderojmë tifozët për mbështetjen dhe sjelljen e tyre
Rezoluta e PPE, Bardhi: Rikonfirmon ndërkombëtarisht të gjitha shqetësimet e ngritura nga opozita në Shqipëri
UGSHPD: THE GAVEL – ÇEKANI (Mozaiku propagandistik i drejtësisë)
Reuters: Grenelli mund të jetë i dërguari special për luftën në Ukrainë
Marrja nën hetim e kryebashkiakut të Shkodrës ilustrim se si është thurur rrjeta e merimangës së rilindjes
Këndi i humorit: TEMA E HARTIMIT. SEKS, RELIGJION, MISTER
Aforizmi i ditës – 23 nëntor 2024
HOROSKOPI E SHTUNË 23 NËNTOR 2024
