VOAL

Kosovë

Ipeshkvia e Kosovës – sot meshë për të rënët në tragjedinë e Stambollit

Ipeshkvia e Kosovës në shenjë solidarizimi me popullit turk, për të rënët në tragjedinë e Aeroportit të Stambollit dhe për paqe në botë, sot do të kremtojë meshë në të gjitha kishat e saj.

Ipeshkvia në deklaratën e saj, të lëshuar ditë më parë ka theksuar se kjo shëmti e njerëzve të ligj në Aeroportin e Stambollit, ka tronditur botën e qytetëruar dhe të gjithë njerëzit vullnetmirë.

“Ipeshkvia e Kosovës solidarizohet me dhimbjen e popullit turk, është e bashkuar në lutje për viktimat e kësaj të keqeje dhe për familjarët e tyre, që Zoti t’iu jep të gjithëve forcë dhe ngushëllim. Lusim Zotin që kjo e keqe kundër njeriut dhe popujve, me përmasa ndërkombëtare, të ndalet sa më shpejt, duke i kthyer zemrat e njerëzve që të kuptojnë se e ardhmja e njerëzimit nuk ndërtohet me dhunë e vrasje, por në vëllazëri, në paqe, në dashuri dhe me respekt ndaj tjetrit vëlla dhe motër. Për shpirtin e të ndjerëve të rënë në këtë tragjedi dhe për paqe në botë, Ipeshkvia e Kosovës do të kremtojë meshë në të gjitha kishat e saj”, thuhet në këtë deklaratë.

Ramajli: E kryem obligimin që kishim para nesh

Nënkryetari i Kuvendit në vitin 1990, kur edhe ka ndodhur shpallja e Deklaratës Kushtetuese të 2 Korrikut, Iljaz Ramajli tha se shpallja e Deklaratës Kushtetuese ka qenë vullnet i mirë i të gjithë shqiptarëve.

Ai ka thënë se në atë kohë ata kanë kryer obligimin, që ka qenë para tyre për të nxjerrë deklaratën kushtetuese, transmeton Koha.net.

“Ne si individ të cilët na u ka dhënë rasti dhe privilegji që me 2 Korrik në 1990 të jemi delegat të Kuvendit të Kosovës, atëherë dhe na është dhënë mundësia që të shpallim deklaratën kushtetuese e cila ka qenë e vullnetit absolut i gjithë shqiptarëve të Kosovës për të përcaktuar pozitën kushtetuese, juridike të Republikës së Kosovës si Republikë të Kosovës në rrjedhën e ngjarjeve që kanë ardhur më vonë. Ne atëherë e kemi kryer obligimin i cili ka qenë para nesh për ta nxjerr deklaratën kushtetuese, por unë konsideroj që ju edhe delegat deputet e Republikës së Kosovës sot, gjithashtu keni përgjegjësi të jashtëzakonshme që një shtet të ri siç është republika e Kosovës, një shtet që ka probleme ekonomike sociale ta qoni përpara dhe qytetarëve të Kosovës të iu siguroni një jetë më të mirë”, tha Ramjani.

Lexuesi i Deklaratës së 2 Korrikut ka një kërkesë për institucionet e Kosovës

Delegat i shpalljes së Deklaratës KushtetuesE të vitit 1990, ishte edhe Muharrem Shabani, i cili mbahet mend për leximin e deklaratës.

Ai sot në vizitën në Kuvendin e Kosovës tha se mos harresa e kësaj dite është mos harresë e kontributit të popullit shqiptar. Ai kërkoi nga institucionet e vendit që të tregojnë kujdes më të madh për ish-deputetët që janë raste sociale.

Ne sigurisht që me 2 Korrik në kuadër të rrjedhave tonë historike dhe rrugëtimit tonë, liri kombëtare dhe pavarësi është një ngjarje që ka shprehur vullnetin e akumuluar apo sublimuar të popullit me dekada të tëra për liri. Çdo punë në territorin e Kosovës, mbi tokë, por edhe nën tokë minatorët e Trepçë, ishin ata të parët që tregonin shprehje vullnetit për shpalljen e Kosovës Republikë të barabartë me të gjitha njësit tjera. Mos harresa e kësaj dite është mos harresë e një kontributi të popullit. Na mungojnë koleget, por familjaret e tyre të jenë krenar për angazhimin e tyre, mendoj që kishte me qenë mirë kryetar dhe të gjitha institucionet tjera sepse një numër sot nuk kanë mundur të vijnë shkaku se disa me paterica e disa nuk kanë qenë këndej që bile për kundër kësaj asnjëherë nuk është vë në pyetje përkujdesja e një gjendje sociale, e dinjitetshme e kujdesit shëndetësor e material të tyre”, tha Shabani.

Dosja e dështimeve H – Nga Adriatik Kelmendi

Derisa Qeveria ndodhet në huti dhe në vend se ta çojë flamurin e Kosovës në veri, po shohim flamuj të Serbisë nga veriu të na hyjnë me poshtërim në thellësi të Kosovës. Opozita çon flamurin shqiptar në kufi me Malin e Zi, një ditë më vonë Podgorica e heq me poshtërim prej atje.

KOSOVA E KËTYRE ditëve, sidomos në raport me shtetin që nuk na njeh, Serbinë, i ngjan asaj veturës me bulona të çliruar, së cilës i bien pjesët rrugës. Pa kujdesin e shoferit, gjasat e mëdha është që do të mbetet në mes të rrugës.
E problemi këtu është se vetëm shofer të zotin nuk po e gjejmë asnjë.

Pushtet e opozitë duken të humbur që qorrsokak.
Qeveria ka kohë që jep shenja se nuk po ka ide sesi të ecën përpara për të thyer destruktivitetin e Beogradit dhe të të instaluarve të tyre në Kosovë përmes Listës Serbe. Dështimet e tyre të kohëve të fundit në dialogun në Bruksel dhe në integrimin e serbëve kosovarë, flasin për dështimin e shtetit.

Teksa opozita, për shkak të veprimeve të dobëta improvizuese në këtë drejtim, po krijon hapësirë që ky pushtet i ngathtë të jetë edhe më dëshpërues.
Me një situatë ilustruese, pushtet e opozitë kanë zënë n’thue në shkronjën H.

Derisa Qeveria ndodhet në huti dhe në vend se ta çojë flamurin e Kosovës në veri, po shohim flamuj të Serbisë nga veriu të na hyjnë me poshtërim në thellësi të Kosovës.
Opozita çon flamurin shqiptar në kufi me Malin e Zi, në shenjë proteste për demarkacionin dhe bën dy hajgare të hidhura:
E para, kontesti për demarkacionin me Malin e Zi nuk është kontest etnik shqiptaro-malazias, por shtetëror Kosovë-Mal i Zi, që i bie se nuk do të shënjonte kufirin deri ku shtrihen shqiptarët, por deri ku shtrihet Kosova. Në këtë rast, për të qenë edhe më e madhe ironia, të banuara me shqiptarë janë edhe vendbanimet në pjesën e Malit të Zi, prapa flamurit, kështu që kjo ndarje nënkupton autogol të panevojshëm.

E dyta, kur ta merr mendja se ke të drejtë ta vendosësh një flamur shqiptar diku, duhet të përgatitesh edhe ta mbrosh atë. Një ditë më vonë autoritetet malaziase e hoqën flamurin dhe dërguan notë proteste në Qeverinë e Kosovës dhe të gjitha organizatat ndërkombëtare.
A s’është politikëbërje me huti e hajgare kjo?!

JO VETËM se kemi hyrë në stinën e verës dhe janë rritur temperaturat, por kjo punë ka kohë që ka filluar të qelbet erë të rëndë.
Beogradi e filloi me luftën e egër kundër pranimit të Kosovës në UNESCO.
Kaloi te kundërshtimi i padinjitetshëm i pranimit në UEFA e FIFA.
Vazhdon me bllokimin e kodit telefonik.

Vazhdon me financimin e strukturave paralele.
Nuk avancon me zhbllokimin e urës mbi Ibër në Mitrovicë.
Teksa së fundi është humbur “marrja” krejt.
Si në bahçe të babës fillon ndërtimin e një lagjeje të tërë, të quajtur “Lugina e Diellit”, pa as më të voglin njoftim të Prishtinës.
Vjen e hyn shtatorja gjigant e Car Llazarit legalisht prej Serbisë nëpër dogana të Kosovës – si të bëhej fjalë për skrap dhe jo monument të propagandës – e këta të Qeverisë e marrin vesh vetëm kur ta shohin në Mitrovicë!

Shkon Jablanoviqi në vendbetejën më të lavdishme të UÇK-së, në Koshare, dhe i lartëson forcat serbe atje, e këta tanët e marrin vesh në lajmin e përkthyer nga gazeta “Politika” e Beogradit.
Në Gazimestan, përveçse është toleruar gjithmonë që të uzurpohet nga serbët beteja e popujve të Ballkanit me Perandorinë Turke në vitin 1389, tash aty vijnë manifestues me fanella të kryekriminelit Milosheviq.

“Elektro Privreda” e Serbisë vendos kabllo të rrymës në veri të Mitrovicës, duke prerë drunj dhe dëmtuar varrezat myslimane, e të gjithë qeveritarët shikojnë seri.
Dhe, natyrisht, me këtë ritëm nuk do të ndalet këtu.

PËR TË GJETUR kaçavidën për të ndrequr veturën, duhet së pari të konstatohet se çka po shkakton prishjen.
Besoj se pistat kryesore janë dy – zvetënimi i procesit të dialogut me Serbinë në Bruksel, si dhe roli i Listës Serbe në Kosovë.
Ka kohë tashmë që është dashur të kërkohet me ngulm ndërrimi i tërësishëm i negociimit me Serbinë, duke parë sesa më shumë që vazhdohet dialogu, aq më pak angazhohet Beogradi për të përmbushur marrëveshjet e dakorduara.

Për më tepër, ka një momentum të ri në Beograd, pas zgjedhjeve të fundit në Serbi. Partia e kryeministrit në detyrë, Aleksandar Vuçiq, ka fituar sërish shumicën e votave, gjë që i siguron atij edhe një mandat të rehatshëm katërvjeçar në krye të qeverisë. Duke e parë këtë komoditet pushteti, Vuçiq ka filluar të koketojë me partitë nacionaliste ekstremiste serbe si mundësi për ndarjen e pushtetit, parti këto që angazhohen zyrtarisht për shkëputje të raporteve me Brukselin dhe orientim kah Moska. Kjo do të mund të rrisë gjasat për koncesione edhe më të mëdha nga Brukseli, në mënyrë që ta marrin me të mirë.

Ndërkohë, edhe situata e brishtë e krijuar në vetë Bashkimin Evropian pas referendumit për dalje nga organizata e Mbretërisë së Bashkuar, vetëm sa i hap Vuçiqit shteg për manovrim.
Në anën tjetër, ai vazhdon ta ketë kontrollin absolut edhe tek serbët kosovarë, nëpërmjet të Listës Serbe, mirëpo këtë në dëm të vet këtyre serbëve dhe të Kosovës në përgjithësi.

Liderët institucionalë dhe deputetët e Listës Serbe në Kosovë, duke qenë thuajse të përzgjedhur një për një me emra e mbiemra nga Vuçiqi, me metoda jodemokratike ia kanë dalë që të fitojnë vota për përfaqësim në Kuvend, e pastaj edhe në Qeveri, por pa ndier asnjë përgjegjësi ndaj askujt përveç padronit të tyre në Beograd.

Mund të vërehet në çdo veprim që përfaqësuesit e Listës Serbe bëjnë në Kosovë, se mendojnë se çka do t’u thotë për këtë Beogradi sesa çka do t’u thonë qytetarët serbë të vendit, e për Qeverinë në Prishtinë as që bëhet fjalë.
Se fundi i fundit, nga vullneti i Vuçiqit i varet krejtësisht edhe karriera politike. Ai i ka caktuar në listat zgjedhore, ai e ka dërguar xhandarmërinë që t’i bindë qytetarët serbë në veri të votojnë për ta, ai ka vendosur se kush bëhet ministër dhe ai vendos se kush mund të bëjë karrierë në Beograd.

Rasti i Jablanoviqit është ilustrimi më i saktë i kësaj fuqie. Ai u shkarkua nga Qeveria e Kosovës, por sot është zyrtar qeveritar në Qeverinë e Serbisë.
Me manovrime të këtilla as që mund të pritet ndonjë proces më i shpejtë i integrimit në Kosovë e as ndonjë avancim në raportet Kosovë-Serbi.

[email protected]
Twitter: @adriatikk

Mustafa: Kufiri nuk mund ta ndryshojmë duke i ndryshuar komisionet

Kryeministri i Kosovës, Isa Mustafa, ka thënë se çështjen e shënimit të kufirit me Malin e Zi, një subjekt opozitar e ka shndërruar në kauzë politike.

Mëtutje, në një shkrim në rrjetin Facebook, zoti Mustafa theksoi se “nuk duhet të luajmë me ndjenjat e qytetarëve për kauza politike, sepse kjo na kushton shumë”.

Sipas tij, “kufirin nuk mund ta ndryshojmë duke i ndryshuar komisionet” dhe se “kufiri është vullnet i të dy palëve, në rastin tonë edhe i faktorit ndërkombëtar”.

Zoti Mustafa ka shprehur përkushtimin e qeverisë për t’i kryer procedurat që demarkacioni të rafitikohet në Kuvendin e Kosovës.

Ka ardhur koha që mos ta kërrusim më shpinën para shkopit pushtetar – Nga Skënder Mulliqi

Shoqëria po rrezikohet të kriminalizohet

Skllavërimi i këtij populli po zgjat shumë

Nuk di së cilën të keqe ta përmend më parë, sa shumë të këqija e kanë goditur shtetin tonë të ri, shtetin të cilin nuk po e ndërtojmë mirë. Ata që e kanë marrë timonin, janë do grupe njerëzish që kanë bërë shtet për vete duke përjashtuar shumicën. Na është kriminalizuar politika aq shumë sa nuk di njeriu së cili nga qeveritarët apo nga parlamentarët nuk ka lidhje direkte ose tërthorazi me krimin. Na është bërë kaq shumë korrupsion dhe krim sa secilën ditë po harxhohemi moralisht, ekonomikisht dhe në secilën formë tjetër për t’i përballuar. Edhe mbarë shoqëria po rrezikohet të kriminalizohet. Nuk kemi së si t’i eliminojmë si tema krimin dhe korrupsionin, kur ata që ish-dashur t’i luftojnë këto dukuri e i kanë gjithë mekanizmat shtetërorë nuk po i luftojnë se janë bërë vetë pjesë e krimit dhe e korrupsionit. Deri më sot patëm shumë raporte ndërkombëtare, të cilat edhe shprehën shqetësimin për nivelin e lartë të krimit dhe të korrupsionit, por asnjë sugjerim, asnjë vërejtje nuk pati ndikim pozitiv në kastat që u ndërruan në pushtetet e pasluftës. Kosova e vogël ka një qeveri pak gjë më të vogël se Kina shumëmiliardëshe! Kësaj i thonë më shumë së turp. Po çfarë ekonomisti është Isa Mustafa kur në këtë krizë të madhe të përmasave globale formon apo riformatizon një qeveri aq mamuthe? Kjo vërejtje do të ishte e mirë, po të kishim kujt t’ia adresonim.

Punësimet e akrabave

Këta qëllimisht janë futur në këto lojëra politike për ta ruajtur kapitalin e tyre, për përfitime të reja nga tenderomania, nga zhvatja, nga uzurpimet e llojllojshme të pronës shoqërore, deri të punësimet e kucave dhe maceve. Po punësohen bijtë dhe bijat e deputetëve, të cilët jo vetëm që marrin edhe paga të tjera, por kanë edhe biznese. Faktorit ndërkombëtar i interesojmë si shtet dhe si komb aq sa ne interesohemi për të ardhmen tonë. Zgjedhjet do të vijnë një ditë, por kam drojën se prapë populli do të manipulohet nga manipulatorët, të cilët e kanë perfeksionuar mirë zanatin e mashtrimit. Institucionet e shtetit i kanë vënë në dy binarë: binari i interesit privat dhe binari i interesit klanor. Ajo që mungon është binari publik, të cilin shteti ynë prej 17 vjetësh e ka larguar nga binarët e hekurudhës kosovare. Aq shumë ngjarje dhe afera korruptive e të krimit patëm, sa vështirë njeriu edhe t’i mbajë në mend. Kur kemi deputetë që janë zhytur në krime apo i fshehin gjurmët e krimit, duke përdorur legjitimitetin e popullit, nuk mund të flasim për shtet ligjor dhe shtet demokratik. Organet më të larta të shtetit moti e kanë humbur legjitimitetin me punën e keqe të tyre.

Ka ardhur koha që mos ta kërrusim më shpinën para shkopit pushtetar

Liderët e partive kryesore politike në Kosovë qofshin të majtë apo të djathë, e që nuk e dinë as vetë së çka janë, nuk e kanë dhënë provimin për të mirë. Në Kosovë nuk mungojnë njerëz më kredibilitet, njerëz me ideale, me moral politik, njerëz që mund të sakrifikohen për të bërë një shtet normal. Skllavërimi i këtij populli po zgjat shumë. Ka ardhur koha që mos ta kërrusim më shpinën para shkopit pushtetar. Indiferenca do të thotë zgjatje e vuajtjeve dhe e mjerimit social. Mos të lejojmë krimi të na bëhet pjesë e jetës, por me punën tonë ta varrosim krimin…

SHBA dhe Kosova e rikonfirmojnë miqësinë e ndërsjellë

Ambasadori amerikan në Prishtinë, Greg Delawie e ka cilësuar si nder privilegj që Shtetet e Bashkuara po festojnë 4 Korrikun, Ditën e Pavarësisë së SHBA-ve me qytetarët e Republikës së Kosovës dhe përfaqësuesit e saj.

Në pritjen e organizuar për 4 Korrikun, ambasadori amerikan ka thënë se Kosova si shtet i ri, është ballafaquar me shumë sfida. Por, ai ka ftuar lidershipin kosovar që të marr shembull nga Shtete e Bashkuara të Amerikës të cilat pas pavarësisë u bënë bashkë dhe krijuan një shtet qytetarë ku të gjithë ishin dhe janë të barabartë para ligjit.

“SHBA dhe Kosova kanë miqësi e cila do të vazhdojë edhe në të ardhmen, sepse të dy shtetet ndajnë vlera të njëjta të paqes dhe demokracisë”, është shprehur Delawie.

Ndërkaq presidenti i Kosovës, Hashim Thaçi ka thënë se agjenda politike e Kosovës është e përputhshme me agjendën e qeverisë amerikane.

“Në afat të shkurtër duhet ta përmbyllim demarkacionin si kriter i mbetur për lëvizje të lirë në Europë, e në rrugëtimin afatgjatë duhet të luftojmë korrupsionin dhe ekstremizmin, dy rreziqe thelbësore që mund të na dëmtojnë rrugëtimin tonë drejt NATO-s dhe BE-së”, ka thënë Thaçi.

Në pritjen për 4 Korrikun kanë marrë pjesë personalitetet më të larta politike vendore e ndërkombëtare në Kosovë.

Më 2 Korrik 1990 Deklarata e Pavarësisë së Kosovës

Më 2 korrik 1990 kur delegatët e atëhershëm të Kuvendit të Kosovës, miratuan Deklaratën Kushtetuese të 2 Korrikut.

Në këtë ditë historike, Kosova është shpallur njësi e veçantë, në kuadër të federatës së atëhershme jugosllave.

Deklarata Kushtetuese e 2 Korrikut të vitit 1990 ishte akti që do të shënojë hapin historik institucional të pavarësimit të Kosovës, i cili u zhvillua jashtë objektit të Parlamentit, në kushte të rrethimit nga forca të mëdha policore e ushtarake.

Deklaratën Kushtetuese mbi Kosovën si njësi të pavarur dhe të barabartë në kuadër të federatës apo konfederatës jugosllave e shpallën në Prishtinë 111 delegatët shqiptarë, po edhe të komuniteteve të tjera të Kuvendit të Kosovës.

Deklarata Kushtetuese e 2 Korrikut shënon edhe pikënisjen për pavarësimin e Kosovës nga Serbia, duke synuar që të trajtohet si e barabartë me republikat e atëhershme socialiste në federatën jugosllave./KosovaPress/

Bahtiri: Mos dilni në protesta, nuk duhen turbullira

Kryetari i Mitrovicës, Agim Bahtiri, ka apeluar tek qytetarët e Mitrovicës që të mos i bashkohen protestës së paralajmeruar në rrjetet sociale, për të kundërshtuar vendosjen e bustit të ‘Car Llazrit’ në Mitrovicë, sikurse edhe ndërtimin e lagjes serbe ‘Lugina e Diellit’.

Në një pronocim për Radion Evropa e Lire, Bahtiri ka thënë se nuk dihet adresa e atyre që e kanë thirrur këtë protestë, prandaj nuk nevojiten, siç thote ai, turbullira në Mitrovicë.

Ndryshe, në rrjetet sociale po bëhen thirrje që të dielen të mbahet një protestë gjithëpopullore për të kundërshtuar bustin e ’Car Llazrit’ në Mitrovicë dhe ndërtimin e lagjes serbe ‘Lugina e Diellit’ në veri të Mitrovicës.

Në veri të Mitrovicës, në rreth-rrotullimin kryesor, është vendosur të dielën në mbrëmje një përmendore e princit serb Llazar, e lartë 7.5 metra.

Përmendorja e vendosur në këtë anë të qytetit thuhet të jetë pjesë e një ikonografie për nder të Ditës së Shën Vidit, që kremtohet nga komuniteti serb, në fund të muajit qershor.

VV-Mustafës: Për ty territori i Kosovës nuk është i rëndësishëm

PRISHTINE- Kryeministri i Kosovës, Isa Mustafa ka përsëritur mbrëmë se Kosova duhet që ta bëj shënjimin e vijës kufitare me Malin e Zi, kusht ky sipas tij, i vendosur nga Bashkimi Evropian që qytetarët të lëvizin pa viza. Mustafa në një postim në rrjetin social Facebook ka shkruar se nëse nuk bëhet demarkacioni Kosova do të humb shansin për të lëvizur pa viza dhe se ekziston rreziku që vendi të futet në një cikël ku individët mund të shkaktojnë incidente kufitare me një vend mik, anëtar të NATO-s.

Lidhur me këtë, zëdhënësi i Vetëvendosjes, Frashër Krasniqi ka thënë për Indeksonline se rreziku për tensionim të mëtutjeshëm të raporteve ndërmjet Kosovës dhe Malit të Zi vjen për shkak të humbjes së mbi 8000 hektarëve tokë të Republikës së Kosovës. Sipas tij, nuk mund të ketë raporte të mira fqinjësore në kurriz të njërës apo tjetrës palë dhe se këtë duhet ta kuptojë edhe Isa Mustafa e edhe qeveria e Malit të Zi.

“Por për Isa Mustafën nuk është i rëndësishëm territori dhe sovraniteti i Republikës prandaj jep deklarata të tilla absurde. Është e çuditshme se si për Isa Mustafën qenka prioritet miratimi i demarkacionit ndërsa asnjë veprim nuk e ndërmori në luftimin e krimit dhe korrupsionit që gjithashtu është kërkesë e BE-së për liberalizimin e vizave. Normalisht që luftimi i krimit dhe korrupsionit nënkupton pamundësimin e pasurimit të tij, djemve të tij dhe pushtetarëve të tjerë, prandaj nuk i konvenon një gjë e tillë”, ka thënë Krasniqi.

Ai ka theksuar se demarkacioni nënkupton humbjen e territorit të Republikës së Kosovës, e një gjë e tillë nuk është problem për një politikan si Isa Mustafa. “Megjithatë, sondazhet e fundit kanë dëshmuar që shumica dërmuese e qytetarëve nuk janë të gatshëm të japin territor për liberalizim të vizave. Ky vullnet duhet të respektohet dhe ne do të bëjmë çmos që ta mbrojmë këtë vullnet gjithëpopullor”, ka thënë tutje Krasniqi.

Të premten në të gjitha xhamitë e Kosovës lutje për viktimat në Turqi

Myftiu i Kosovës, Naim Tërnava u ka dërguar telegram ngushëllimi udhëheqësve më të lartë të shtetit turk, pas sulmit terrorist në Aeroportin “Ataturk” të Stambollit.

Në telegramin e Myftiut Tërnava, dënohet ashpër sulmi terrorist mbi Turqinë, shprehet ngushëllim për familjarët e viktimave dhe u dëshirohet shërimin të plagosurve.

Myftiu Tërnava, po ashtu, ka udhëzuar të gjithë imamët e Bashkësisë islame të Kosovës, që nesër ditë e premte, në namazin e xhumasë të bëhen dua e lutje për shpirtrat e viktimave të pafajshme që pësuan nga akti terrorist në Stamboll.

Interesat e Kosovës nuk mbrohen me këtë kastë politike në pushtet!! – Nga Skënder MULLIQI

Barrikada “Rojat e urës”, barrikada me gurë dhe zhavorë dhe barrikada “Parku i Paqës”, janë barrikadat të cilat në mënyrë permanente po shënojnë kufirin ndarës të Veriut serbë dhe Jugut shqiptarë. Për ta futur ngadalë Veriun e vendit nën juridiksionin e Serbisë, serbët të udhëhequr nga politika zyrtare e Beogradit, morën hapin tjetër për ndërtmin e lagjjes “Lagjja e Diellit”, duke filluar kolonizimin më ndërtime të reja nga fondi i qeverisë së Serbisë. Hapi i radhës mbrenda një harku kohorë të shkurtër të serbizimit të Kosovës, është vendosja e bustit të Car Lllazarit në qender të qytetit. Të gjitha këto hapa po bëhën për grabitjën e territorit të Kosovës, e kjo udhëheqje e jona ka mbetur duke bërë sehirë. Disa këto veprime serbe po i klasifikojnë si shkelje të shtetësisë së Kosovës, në vend që ti klasifikojnë si grabitje të reja të një territori legjitim nga ana e Serbisë.
Këtu nuk bëhët fjalë për shkelje ligjesh, për shkelje të kushtetutës, por bëhët fjalë për një okupim të ri. Mos të flasim për hyrje daljët e zyrtarëve më të lartë serbë edhe në mbrendi të territorit të Kosovës gjatë këtyre viteve, pa i pyetur fare organet tona të shtetit. Serbët qendruan pa lejen e Kosovës edhe në Kosharën Legjendare, për të lavdëruar ushtarët dhe paramilitarët serbë të cilët u vranë duke mbrojtur gjoja kufirin. Vetë vizita e serbëve në kufirin shqiptaro -shqiptarë, është një fyerje e radhës, është fyerje e luftës tonë çlirimtare dhe fyerje e herojëve të kombit, Agim Ramadanit, Sali Çekut e shumë ushtarakëve të gjallë me nam, dhe dëshmorëve të cilët thyen kufirin për hërë të parë, duke thyer kështu përgjithmonë edhe mitin serbë për Kosovën. Po festohet Vidovdani në Gazimestan për çdo vit, madje duke iu u bërë edhe roje çetnikëve dhe çetnikizmit serb midis Kosovës më organe tona të rendit, se mos po na gjen diqka e keqe, në vend që një festë e huaj të ndalohet më ligj. Në Gazimestan ishte lëshuar kushtrimi serbë për luftë shfarosëse kunder shqiptarëve nga krimineli, Sllobodan Millosheviqi. Po lejohet një festë për një betejë të humbur të serbëve më gjithë ikonografinë dhe fjalimet nga kuzhinat shoveniste millosheviqiane. Marshimi nga Gazimestani i serbëve vazhdoi për në Veri për ta vendosur bustin e Car Llazarit, që është turpi i organeve tona të shtetit, të cilët jo që nuk janë në gjendje të pengimit të vendosjës të këtij busti, por po lëshojnë edhe deklarata më shumë së skandaloze. Bajram Gecaj deklaroi se kjo na qenka punë në kompetenca të komunës. Madje ai shkojë edhe më largë duke e krahasur bustin e Car Llazarit më vendosjën e bustit të rrëmbmadhit Adem Jasharit. Një krahasim i tillë është më shumë së iritues. Për të qenë irionia edhe më e madhe këtë bust të një shovenisti serbë e vunë serbët që janë në organet shtetërore të Kosovës. Isa Mustafa dhe Hashim Thaçi na kanë treguar se për ta mbajtur pushetitin e tyre autokratik, nuk mërziten shumë së çka po ndodhë me fatin e Kosovës dhe të popullit të saj. Për ta ruajtur pushtetin me çdo kusht këta po bëjnë edhe lëshime pas lëshimeve, të cilat po prekin statusin politik të vendit. Mos të flasim për gjendjën e keq ekonomike dhe krizën institucionale e cila nuk po ka të përfunduar. Mos homogjenizimi i opozitës në këtë drejtim ia ka mundësuar pushtetit një akomodim edhe më të madh. Kjo qasje jo koherente është duke na shkaktuar dëme të mëdha në kohën kur kërkohet një homogjenizim i gjithë spektrit politik shqiptarë, kur edhe Evropa po përballet më një krizië të re politike, pas daljës së Anglisë nga BE-ja. Interesat nacionale dhe shtetërore nuk ka mundësi të mbrohen më këto struktura politike të korruptuara në pushtet…

Kritikohet Qeveria për mosreagim për deklaratën e Jabllanoviçit në Koshare

Në pozitën e sekretarit shtetëror në Ministrinë për Punë në Qeverinë e Serbisë, Aleksandër Jabllanoviçi, të martën, ka vënë kurorë në karakollin e Koshares, raporton KTV.

Madje, ai ka thënë se “në Koshare heronjtë më të mëdhenj të popullit dhe shtetit serb e kanë mbrojtur vendin e tyre nga agresori NATO plot 82 ditë”.

Ky veprim i Jabllanovicit në territorin e Kosovës nuk është penguar fare nga ana e Qeverisë së Kosovës. Derisa nuk e kanë thënë asnjë fjalë për këtë vizitë të Jabllanovicit.

E ish-komandanti Rrustem Berisha ka deklaruar se Kosharja është vendi ku u zhduk integriteti territorial i Serbisë, ishte vendi ku u zhduk edhe fizikisht dhe përfundimisht “sovraniteti” i Serbisë në Kosovë. Ndërkaq, analistët politikë kanë thënë se ekzekutivi i vendit po tregohet i dobët karshi politikanëve serbë.

Imer Mushkolaj ka deklaruar se liderët e vendit tonë asnjëherë nuk ia kanë bërë respektin e merituar sakrificës së dëshmorëve të rënë në Koshare.

Kurse Petrit Zogaj nga Lëvizja FOL, ka thënë se kryeministri Isa Mustafa, edhe për këtë çështje po i mban duart në xhepa.

Për veprimin e ish-ministrit të kabinetit të Mustafës, ka reaguar edhe KMDLNJ’ja, duke e quajtur ultra shovinist Jabllanovicin.

Në Betejën e Koshares, në vitin 1999, mbeten të vrarë qindra ushtarë e policë serbë nga forcat e UÇK’së.

Sllobodan Gavriçi dënohet me 13 vjet heqje lirie

I dyshuari për terrorizëm, Sllobodan Gavriçi i cili kishte hyrë në Kosovë me rreth 13 kilogram eksploziv që sipas prokurorisë kishte për qëllim kryerjen e një akti terrorist është shpallu fajtorë dhe është dënuar nga Gjykata Themelore e Prishtinë me 13 vjet burg.

Kryetarja e trupit gjykues, Shahadije Gërguri gjatë leximit të aktgjykimit ka thënë se gjykata e ka gjetur fajtorë Gavriqin në veprën që ka të bëjë me përgatitjen e kryerjes së veprës penale të terrorizimit.

“I akuzuari Sllobodan Gavriq është fajtorë sepse me veprën e tij ka dashur që qëllimisht ta frikësoj popullatën dhe me qëllim që seriozisht ta destabilizoj dhe ti shkatërroj strukturat me e rëndësishme Kushtetuese, politike, ekonomike dhe sociale të Kosovës, ka përgatitur kryerjen e veprës penale të terrorizmit. Më këtë ai ka përgatitur kryerjen e veprës penale kundër rendit Kushtetues dhe sigurisë së Kosovës, prandaj gjykata konform dispozitave ligjore e gjykon atë me dënim me burg në kohëzgjatje prej 13 vjetësh”, ka thënë Gërguri gjatë leximit të aktvendimit.

Sllobodan Gavriq kishte hyrë në Kosovë në muajin dhjetor të vitit 2014, ku dhe kishte qëndruar në Hotelin “Grand”. Ndërkaq, deri sa po levizte në Lagjen “Arbëria” në Prishtinë, policia e kishte ndalur dhe kontrolluar veturën e Gavriqit “Renault Clio”, me ç‘rast gjatë kontrollimit të kryer në bagazhin e veturës së tij është gjetur çanta në të cilin ishte vendosur eksplozivi, transmeton “zeri.info”.

Gavriq ishte arrestuar dhe marrë në pyetje nga hetuesia brenda policisë, ku dhe kishte rezultuar me ngritje të aktakuzës nga ana e Prokurorisë Speciale të Kosovës.

Prokuroria e Shtetit kishte ngritur aktakuzë kundër Sllobodan Gavriqit më 10 korrik të vitit 2015. Sipas aktakuzës, Sllobodan Gavriq, ka përgatitur kryerjen e veprës penale të terrorizmit, ku në muajin dhjetor të vitit 2014 në Beograd, është furnizuar me 25 pajisje eksplozive me peshë totale 12.219 kilogramë, të cilat përmbajnë eksploziv të fuqishëm PETN i kombinuar me fragmente metali, bulona dhe gozhda, të cilat shërbejnë për rritjen e fuqisë shkatërruese dhe shkaktimit sa më të madh të viktimave në njerëz dhe dëme materiale.

Sipas aktakuzës, eksplozivi i Gavriqit, ishte marrë në Beograd dhe kishte për qëllim kryerjen e një akti terrorist. Sllobodan Gavriq gjatë procesit gjyqësor kishte deklaruar se automjeti i tij nuk ishte kontrolluar deri sa kishte hyrë në Kosovë, dhe kjo nuk ishte hera e parë që këtë eksploziv e kishte sjellë në Kosovë, që sipas tij kishte për qëllim që ta shiste. Ai kishte thënë se gjatë kohës sa kishte qëndruar në Hotelin “Grand” e kishte mbajtur eksplozivin me veti. /Zeri/

Ju sa na ndertoni kisha e xhamia, ma mirë me ndertu fabrika e ta ngimë barkun bukë! Nga Mensur Krelani

Organizatat e ashtuquajtura “humanitare” po përçajnë Kosovën

Veprimtari në Zvicër Mensur Krelani në reagim ndaj ndërtimit të objekteve të kultit nga të ashtuquajturat organizata “humanitare” ndërsa në Kosovë ekziston varfëri e madhe shkruan në rrjetin social:

“Ju sa na ndertoni kisha e xhamia, ma mirë me ndertu fabrika e ta ngim barkun buk!

Ato organizata të huaja “humanitare”që po japin para për ndertim të xhamive dhe të kishave, nuk janë e mira e Kosovës sipas mendimit tim.

Kishat e xhamiat i mbarojmë vetë, sepse kemi mundësi.

Po ju nese na doni të mirën, atehre ndihmoni në ndertimin e shtepive,

ringjalljen e ekonomisë Kosovarë,

hapjen e vendeve të reja të punës,

rindertim e ndertim të fabrikave.

Nuk duam ne të shkojmë në objektet fetare që po i ndertoni ju, kur na kersasin zorret në bark nga uria,

kur e dimë se shtepitë tona janë gjysëm të rrenuara,

e ne jetojmë në tenda,

ne kemi familjet tona duke vujtur për gjëra elementare,etj.

Xhamit e kishat që po i ndertoni ju, janë kah ndertohen me sherr,

sepse po shkohet drejtë përqarjës nderfetare në Kosovë,të cilen gjë Shqiptarët kurrë se kanë pasë me parë.

Ne si Shqiptarë kurrë s’kemi pas probleme fetare.

Ne festat tona fetare gjithmonë i kemi festu sebshku,

e unë uroj që kjo traditë të vazhdoj…

Po të kishte Kosova instutucione që punojnë në të mirën e qytetarve të saj,

keto organizata “humanitare” u dasht të kontrollohen, të hulumtohene prej ardhja e tyre dhe qellimi,

po ashtu të hetohet fondet e tyre,

dhe nese janë të dyshimta të debohen nga vendi ynë.” M.Kralani

Pse Mali i Zi notë proteste Kosovës

Ministria e Punëve të Jashtme dhe Integrimeve Evropiane e Malit të Zi i ka dërguar notë proteste Prishtinës për vendosjen e flamurit të Shqipërisë dhe tabelës me mbishkrimet “Republika e Kosovës” dhe “Mirësevini”, nga deputetë të partisë opozitare Vetëvendosje në territorin e Malit të Zi, për të treguar se “ku ndodhet kufiri real”.

Flamurin dhe tabelën, të vendosur në mes “vendkalimeve kufitare Kullë dhe Savine Vode”, e ka hequr të martën Policia e Malit të Zi.

Në notën e protestës Podgorica i “tërheqë vërejtjen Prishtinës” që në të ardhmen të ndalojë aktivitete të tilla sepse me to po sfidojnë, siç thuhet, marrëveshjen e arritur për përkufizimin e vijës kufitare, të nënshkruar në Vjenë më 2015.

Gjithashtu theksohet se Mali i Zi e ka ratifikuar marrëveshjen.

Flamurin dhe tabelën e Shqipërisë e vendosën deputetët e Vetëvendosjes duke theksuar se kjo ishte mënyra e vetme me të cilin qytetarët kundërshtojnë “dhurimin e tokës Malit të Zi në bazë të marërveshjes”, për të cilën me muaj të tërë ka patur kundërshtime të opozitës.

Azem Syla si e përzuri nga shtëpia familjen e mikut që e shpëtoi dhe strehoi në kohën e Millosheviçit

Azem Syla kishte blerë një shtëpi së bashku me “F” afër Gërmisë. Por, gjithë shumën prej 120 mijë eurosh ishte detyruar ta paguante vetëm “F”-ja. 80 mijë euro i kishte marrë borxh nga vëllai i komandat Remit.

Paratë për shtëpinë ia kishte dhënë Shpresim Ukës. Pronësia nuk i ishte bartur. Vëllai i Remit i kishte vënë kamatë. Fajdeja i kishte arritur në 200 mijë euro. 300 mijë tjera i kishte paguar kamatë. Për ta paguar gjithë këtë shumë, shtëpinë dhe picerinë ia kishte shitur “grupit të Azem Sylës. Paratë që kishte marrë nga shitja e kësaj shtëpie, ia kishte dhënë po këtij grupi që tashmë e kishin zhytur në borxhe. Patundshmëria në vlerë 700 mijë euro tashmë kishte përfunduar në pronësi të Fahredin Gashit.

Në kohën kur Azem Syla ishte përndjekur nga regjimi serb gjatë viteve të ’90-ta dhe pakkush kishte guxuar ta strehonte, një burrë nga një fshat i Prishtinës e kishte mbajtur kohë të gjatë në shtëpi. E kishte bërë anëtar të familjes.

Syla ishte strehuar aty deri në ditën kur kishte emigruar në Zvicër.

Tetë vjet më vonë, Azem Syla ishte rikthyer në këtë shtëpi. Tash për një arsye tjetër, për kryeshnosh.

Miku i Sylës kishte vdekur në vitin 1993. Syla vizitoi të birin e tij për ta ngushëlluar për vdekjen e të atit si dhe për ta falënderuar për gjithë ato që kishte bërë për të.

Shtatë vjet pas këtij “falënderimi”, Azem Syla ishte kujdesur personalisht që familjen e njeriut që i kishte dhënë bukë dhe strehë në kohën më të vështirë, ta nxirrte nga shtëpia.

Syla, kishte shkuar në shtëpinë e mikut të tij në Bregun e Diellit në Prishtinë për t’i dhënë një ultimatum: “Brenda 48 orëve duhet ta lironi shtëpinë”.

“Qysh po mundesh ti, Azem Syla, me na përzanë nga shtëpia”, ia kishte kthyer e veja e shokut të Azem Sylës.

“Nuk mërzitem për atë që ka ba djali yt”, ishte përgjigjur shkurt Syla.

Urdhri ishte zbatuar.

Familja e “F”-së kishte dalë nga shtëpia që ka vlerë gati një milion euro dhe ishin strehuar në një banesë që është në pronësi të Shpresim Ukës – anëtar i grupit të Azem Sylës.

Sot e kësaj dite shtëpinë e “F”-së, bashkë me një lokal të madh, jeton dhe e shfrytëzon familja e Fahredin Gashit – anëtar tjetër i “grupit të Azem Sylës”.

Për shumë vjet “F”-ja ka heshtur. U është nënshtruar urdhrave dhe kërcënimeve të këtij grupi.

Sot ai ka mbledhur forcat duke dëshmuar kundër atyre që e kishin zhvatur kohë të gjatë.

Rrëfimin për kërcënimet, presionin, zhvatjen e pasurisë dhe fajdetë, “F”-ja ia ka dhënë prokurorit të EULEX-it, Danilo Ceccarelli i cili po e heton Azem Sylën dhe 50 të tjerë për rastin e krimit të organizuar dhe pastrimit të parave që lidhet me pronat e shtetit në periferi të Prishtinës.

Rrëfimin, “F”-ja e ka mbështetur me dokumente, duke filluar nga shitblerjet, deri tek fajdetë që kishte marrë nga vëllai i Rrustem Mustafës, Bedriu.

Viktima që është edhe dëshmitar, ka treguar se derisa kishin filluar presionet dhe kërcënimet kundër tij, Azem Syla e kishte futur në blerjen e një shtëpie në rrugën “Nazim Gafurri” në Prishtinë përgjysmë me të.

Syla dhe “F”-ja do të paguanin nga 80 mijë euro. 120 mijë euro ishte përcaktuar vlera e shtëpisë.

Por, “Daja” nuk kishte dhënë asnjë cent. Gjithë shumën ishte detyruar ta paguante ai. Paratë ia kishte dhënë Shpresim Ukës. E shtëpia nuk i ishte bartur në pronësi. Ajo ishte në pronësi të një qytetari të nacionalitetit serb.

Për blerjen e kësaj shtëpie, “F”-ja kishte marrë borxh nga Bedri Mustafa. Disa ditë më vonë, atij i ishte vënë një kamatë mujore prej 15 mijë eurosh.

Kur borxhi i tij kishte arritur gati gjysmë milioni euro, grupi ia kishte blerë shtëpinë dhe picerinë. Krejt paratë që i ishin dhënë, i kishin shkuar në fajdetë që kishte marrë për blerjen e shtëpisë me Azem Sylën. Kësisoj, pasuria e tij tashmë ishte në pronësi të njerëzve të Azem Sylës.

“F”-ja tashmë kishte marrë tatëpjetën.

Blerja e shtëpisë së bashku me Azem Sylën

Për këtë, ai posedon gjithë dokumentacionin.

“Kjo shtëpi ndodhet në rrugën për në Gërmi. Azem Syla ma ka ofruar këtë shtëpi. Më ka ftuar të ulëm me të në tavolinë, në kafeterinë time dhe më ka thënë ‘meqë je nga Prishtina, ti i dinë vendet që janë me vlerë dhe janë në lokacion të mirë’”, pretendon dëshmitari.

Ai ka thënë se kanë shkuar së bashku për ta parë shtëpinë. Aty, ka thënë se Syla e kishte pyetur se si po i dukej shtëpia. “F”-ja i kishte thënë se “ky është lokacion i mirë”.

“Azem Syla më ka thënë se kishte biseduar me Lulin duke menduar në Kadri Veselin. Nuk i di arsyet pse ka folur me të, as pse më ka përmendur. Më ka thënë se dëshiron të hynte në një biznes dhe ta blinte këtë shtëpi bashkë me mua”, ka treguar dëshmitari.

“E kam pyetur për çmim. Më ka thënë se është 120.000 euro. Kjo bisedë është zhvilluar gjatë kohës sa ishim në vozitje. Pastaj , ka thënë se gjysmën e shumës do ta paguaj unë, ndërsa gjysmën tjetër do ta paguante ai”.

Ai ka thënë se marrëveshja nuk është bërë siç ishin marrë vesh. Kështu që ishte detyruar ta paguante terë shumën e parave për këtë shtëpi që nuk i është dhënë pronësia asnjëherë.

Paratë për këtë shtëpi, ka thënë se ia kishte dhënë Shpresim Ukës në prani të Azem Sylës.

“Kam kërkuar ndërrimin e pronës në emrin tim. Ata arsyetoheshin se do të bëhet këtë javë, apo javën tjetër”, ka thënë “F”-ja.

Ai ka treguar se nuk e ka ditur që në atë shtëpi ka jetuar dikush. Tek më vonë e kishte zbuluar një gjë të tillë. Shpresim Uka i kishte thënë se “banorët janë të rrezikshëm dhe se duhej të kishte kujdes prej tyre”.

Aso kohe, pjesë e grupit ka thënë se ishte edhe Nazim Bllaca.

Dëshmitari ka thënë se pas një kohe e kishte gjetur kontaktin rastësisht me pronarin e shtëpisë që ishte një qytetar serb. Kishte biseduar me telefon me të dhe i kishte treguar për shtëpinë dhe një pronë tjetër që e kishte tek “Vneshta”.

“E kam pyetur atë se a është në shitje? Më ka thënë se është në shitje, por që për e momentin është një problem. E kam pyetur atë ‘cili është problemi”. Është përgjigjur se dikush e kishte ndërruar pronësinë duke shfrytëzuar dokumente false”, ka thënë “F”-ja.

Dëshmitari ka thënë se për këtë e kishte informuar Azem Sylën, Shpresim Ukën dhe Nazim Bllacën se shtëpia ishte me dokumente fals. Ka treguar se Nazim Bllaca e kishte pyetur se si po dinte se janë fals. Dëshmitari ka thënë se të tre kishin shkuar tek avokati i qytetarit serb i cili kishte bërë padi për shtëpinë. Pas kësaj, ata kishin shkuar në picerinë e tij. Aty ka thënë se ia kishte kërkuar paratë Azem Sylës që t’ia kthente. Syla ishte tallur me të.

“Kur po më shkon mendja në këtë problem, po me dhemb zemra”, i kishte thënë Syla.

“Unë vazhdimisht kam kërkuar nga ta të m’i kthejnë paratë, meqë pas obligime në bankë. Është dashur të paguaja këstet mujore”, ka sqaruar ai.

Remi: Ky është biznes

Pas një periudhe të caktuar kohore, ka treguar se Shpresim Uka, bashkë me Bedri Mustafën, vëllanë e Rrustem Mustafës kishin shkuar tek ai.

“Bedriu është pronari i ‘Route 66’ vëllai i komandant Remit, që ka shumë lokale në Prishtinë. Shpresim Uka dhe Bedri Mustafa m’i kanë dhënë 80.000 euro. Ka qenë Bedri Mustafa ai që m’i ka dorëzuar paratë”, ka thënë dëshmitari.

“Shpresimi më ka thënë ‘do të huazoj para nga Bedriu dhe do t’i kthej për një javë a dy”, ka treguar ai. Por, paratë nuk ia kishin kthyer as pas dy javësh.

Përkundrazi, tashmë e kishin futur në fajde tek Bedri Mustafa i cili për këto 80 mijë euro, kishte kërkuar 15 mijë euro interes.

“Pastaj kam filluar rregullisht që të paguaj interes për këto para. Kjo ka zgjatur për nja 13-14 muaj. Pastaj ata e kanë rritur shumën e interesit nga 15.000 euro në 20.000 euro”, ka rrëfyer ai.

Dëshmitari ka thënë se kishte kërkuar nga Azem Syla që t’i ndërpritej interesi sepse nuk po mund ta përballonte. Syla i kishte thënë se do të bisedonte me komandant Remin.

“Sipas Azem Sylës, ai ishte takuar me Remin në Hotelin ‘Victory’. Dikur në mbrëmje ka ardhur te unë. Më ka thënë se është takuar me Remin dhe që Remi i kishte thënë se kjo çështje është biznesi. Për këtë arsye nuk mund të bënte asgjë”, ka rrëfyer dëshmitari.

“Q ë nga kjo ditë, kur kam menduar që mund të më ndihmonte dhe ta kryente punën Azem Syla, kam filluar të marr kërcënime nga Bedri Mustafa. Ato kanë qenë kërcënime serioze. Më kërcënonte se pse kam folur.

Dëshmitari ka thënë se pas kësaj, Bedri Mustafa ia kishte shitur fajdenë një shoku të tij të quajtur Ali Muçiqi. Në një rast ka thënë se të dy e kishin kërcënuar.

“Marrëveshjen që kam pasur të nënshkruar me Bedriun, se unë i kam borxh atij 80.000 euro, e ka shqyer. Borxhi tani ishte bartur tek Ali Muçiqi. Unë është dashur ta nënshkruaj një marrëveshje të re me Ali Muçiqin dhe shuma ishte rritur, duke arritur borxhin e përgjithshëm prej 210.000 euro”, ka thënë ai.

“Kam arritur t’ia paguaj 80.000 euro Bedri Mustafës dhe Ali Muçiqit më 13.09.2006. Këto para i ka marrë Bedri Mustafa. Shuma prej 100.000 euro i është paguar Bedri Mustafës më 24.09.2006, ndërsa shuma tjetër prej 20.000 eurosh Bedriut i është paguar më 12.11.2006, në praninë e Ali Muçiqit.

Dëshmitari ka thënë se pasi ia kishte paguar 200.00 euro Bedri Musatafa, Ali Muçiqi i kishte kërkuar 200.000 euro tjera.

“Për ta paguar këtë shumë shtesë prej 200.000 euro unë jam detyruar të shes shtëpinë time dhe lokalet afariste”, ka thënë ai.

Pasi i ishte kërkuar edhe kjo shumë, ka thënë se kishte kontaktuar Azem Sylën për t’i kërkuar ndihmë. I kishte thënë se këtë shumë mund ta paguante vetëm nëse shiste shtëpinë.

Azem Syla kishte pranuar “ta ndihmonte”. Kishte kontaktuar me Fahredin Gashin. Gashi ia kishte sjellë 200.000 euro kesh në tavolinë. Këtë shumë po në atë tavolinë, Fahredin Gashi ia kishte dhënë Shpresim Ukës, e jo “F”-së.

“Fahredin Gashi i ka thënë Shpresim Ukës ‘shko dhe jepja këto para Bedri Mustafës’. Kemi shkuar në lokalin ‘Proper Pizza’ ku Bedri Mustafa dhe Ali Muçiqi tashmë kanë qenë duke na pritur. Shpresim Uka ia ka dorëzuar shumën prej 200.000 euro Bedri Mustafës. Ai i ka marrë paratë dhe kanë shkuar, ndërsa ne jemi kthyer në picerinë time”, ka treguar ai.

Fahredin Gashi po ashtu ia kishte depozituar 50.000 euro në llogarinë bankare, meqë në vitin 2005 kishte qenë garantues për një kredi.

“Fahredin Gashi i ka paguar këto 50.000 euro vetëm për t’u liruar nga banka si garantues për kredinë time. Veç kësaj Fahredin Gashi m’i ka dhënë 300.000 euro të gatshme, në praninë e Shpresim Ukës, më 08.04.2008. Në total Shpresim Uka m’i ka dhënë 200.000 euro, meqë kjo shumë përputhej me shumët të cilën ata e kanë vlerësuar për shtëpinë time, dhe për të gjitha këto pagesa, unë i kam dokumentet”, ka thënë dëshmitari.

Ai ishte larguar nga shtëpia më 13.04.2008. Para se të largohej ka thënë se grupi e kishte detyruar ta nënshkruante një kontratë me Fahredin Gashin në Gjykatën e Prishtinës. Dëshmitari ka thënë se së bashku me Fahredin Gashin, në pranin e dëshmitarëve Shpresim Uka dhe Shefki Berisha, kishin nënshkruar një marrëveshje interne. Vlera e pronës së tij në këtë marrëveshje ishte 700.000 euro. Marrëveshja ishte nënshkruar më 29.05.2007.

Dëshmitari ka thënë se kishte refuzuar ta lironte shtëpinë meqë nuk i ishin paguar të gjitha paratë. Azem Syla kishte shkuar personalisht në shtëpinë e tij më 11 prill 2007 dhe në praninë e nënës dhe gruas së tij i kishte dhënë ultimatum që brenda 48 orëve duhej ta lironte shtëpinë.

“Duke dalë nga shtëpia, Azem Syla na ka thënë se Hamzë Morina dhe Shpresim Uka do ta sjellin çelësin e një apartamenti. Të nesërmen, më 12 prill 2007, ata kanë ardhur dhe e kanë sjellë çelësin e një apartamenti, për të mos na lënë jashtë në rrugë”, ka thënë dëshmitari.

“Shpresim Uka dhe Fahredin Gashi na kanë dërguar në apartament dhe i kanë sjellë disa punëtorë për të rregulluar diçka në shtëpi. Fahredin Gashi ka investuar disa para në apartament. Atë ditë nuk kam mundur të shkoj në atë apartament me familjen time. Këtë e kam bërë ditën e nesërme, më 13 prill 2007”, ka thënë “F”-ja.

Dëshmitari ka thënë se nuk kishte qenë në gjendje të merrte asgjë në shtëpi, pos disa rrobave për fëmijë.

“Prona ime ishte marr nga Azem Syla dhe Shpresim Uka. Apartamenti që m’u dha atë kohë është i njëjti apartament ku momentalisht jetoj. Nuk paguaj qira. Unë nuk jam pronari. Pronari është Shpresim Uka”, ka treguar ai.

Disa vjet më vonë, Azem Syla e kishte vizituar “F”-në sërish. Tash në lokalin qymez që ndodhet tek Komuna e Prishtinës.

“Me veti qysh je bre Dajë? Thash mirë Dajë. Po punoj sa për idare. Me e mbajtë familjen. Tha, mirë i ke punët dajë, ke mujt me lujt prej mendve krejt e me dal rrugëve, më tha”, tregon “F”-ja për Insajderin.

Bedri Mustafa mohon dhënien e parave me fajde

I kontaktuar nga Insajderi, Bedri Mustafa ka mohuar se ka dhënë para me fajde. Ka thënë se “F”-në e ka pasur fqinj, por ka mohuar se njihet me Shpresim Ukën.

“’F’-në e kam kojshi. Shpresimin nuk e njoh. Edhe mos më bon kësi pyetje si prokuror”, ka thënë Mustafa.

Vëllai i tij, Rrustem Mustafa nuk është përgjigjur. Me Ali Muçiqin, Insajderi nuk ka mundur të kontaktojë./Insajderi

Ipeshkvia meshë në të gjitha kishat në Kosovë për viktimat në Turqi

Ipeshkvia e Kosovës ka reaguar pas aktit terrorist në Aeroportin e Stambollit, i cili ishte i drejtuar kundër njerëzve të pafajshëm, duke thënë se solidarizohet me popullin turk.

Në deklaratën e Ipeshkëvisë thuhet se me dhembje dhe pikëllim të thellë kanë përcjell lajmin trishtues të aktit terrorist në Aeroportin e Stambollit, i cili ishte i drejtuar kundër njerëzve të pafajshëm.

“Kjo shëmti e njerëzve të ligj ka tronditur botën e qytetëruar dhe të gjithë njerëzit vullnetmirë. Ipeshkvia e Kosovës solidarizohet me dhimbjen e popullit turk, është e bashkuar në lutje për viktimat e kësaj të keqeje dhe për familjarët e tyre, që Zoti t’iu jep të gjithëve forcë dhe ngushëllim. Lusim Zotin që kjo e keqe kundër njeriut dhe popujve, me përmasa ndërkombëtare, të ndalet sa më shpejt, duke i kthyer zemrat e njerëzve që të kuptojnë se e ardhmja e njerëzimit nuk ndërtohet me dhunë e vrasje, por në vëllazëri, në paqe, në dashuri dhe me respekt ndaj tjetrit vëlla dhe motër”, thuhet në komunikatë.

Për shpirtin e të ndjerëve të rënë në këtë tragjedi dhe për paqe në botë, Ipeshkvia e Kosovës do të kremtojë meshë të dielën e ardhshme – 3 korrik 2016 – në të gjitha kishat e saja.

Presidenti Thaçi telegram ngushëllimi për popullin e Turqisë

Në këtë telegram ngushëllimi të presidentit Thaçi thuhet se sulmet terroriste në aeroportin “Ataturk” në Stamboll janë të papranueshme dhe thellësisht të dënueshme

PRISHTINË – Presidenti i Republikës së Kosovës, Hashim Thaçi, pas sulmeve të mbrëmshme në aeroportin “Ataturk” në Stamboll i ka dërguar një telegram ngushëllimi Presidentit të Republikës së Turqisë, Recep Tayyip Erdogan.

Në këtë telegram ngushëllimi të presidentit Thaçi thuhet se sulmet terroriste në aeroportin “Ataturk” në Stamboll janë të papranueshme dhe thellësisht të dënueshme, bëhet e ditur në njoftimin e Presidencës.

“Asgjë nuk mund të arsyetojë përdorimin e dhunës dhe marrjen e jetëve të njerëzve të pafajshëm”, shkruan presidenti Thaçi, duke u shprehur thellësisht i tronditur nga dhimbja e shkaktuar, nga shkatërrimi dhe nga terrori i përhapur.

“I shpreh ngushëllimet më të thella familjeve të viktimave, Presidentit të Turqisë, Recep Taip Erdogan, Qeverisë së Republikës së Turqisë dhe tërë popullit mik të Turqisë”, thuhet ndër të tjera në telegramin e ngushëllimit të presidentit Thaçi. aa

Qeveria e Kosovës e lejoi vendosjen e Car Llazarit

Mediet serbe në veri të Mitrovicës kanë zbuluar se të gjitha aktivitetet për vendosjen e shtatores së Knjaz Llazarit në sheshin “Shumadija” janë bërë në koordinim me Ministrinë për Administrim të Pushtetit Lokal të Republikës së Kosovës dhe me ministrin Lubomir Mariq

Të gjitha aktivitetet për vendosjen e shtatores së Car Llazarit në sheshin “Shumadija”, njeriu i cili ka komanduar forcat e një koalicioni në luftë kundër Perandorisë Osmane dhe ka humbur Betejën e Kosovës në vitin 1389, janë bërë në koordinim me Ministrinë për Administrim të Pushtetit Lokal të Republikës së Kosovës dhe me ministrin Lubomir Mariq, kanë zbuluar mediet lokale serbe në veri të Mitrovicës.

Portali “Kossev” ka përcjellë fjalët e kryetarit të Mitrovicës së Veriut, Goran Rakiq, i cili këtij mediumi ia ka sqaruar se koordinimi është bërë në bashkëpunim me ministritë relevante dhe të Doganës.

“Bashkëpunimi, gjegjësisht koordinimi lidhur me këtë çështje është zhvilluar në mes të pushtetit lokal, ministrive relevante dhe Doganës, pasi që përmendorja në këtë rast është punuar në Serbinë Qendrore. Procedura është shumë e qartë, donacioni i paraqitet Administratës së Pushtetit Lokal e pastaj Pushteti Lokal e diskuton dhe sjell vendimin në mbledhjen e Kuvendit. Administrata Komunale pas kësaj inicion çështjen tek institucionet tjera, Ministria e Administrimit të Pushtetit Lokal, e cila jep pëlqimin e pastaj informohet Dogana”, ka sqaruar Rakiq.

Serbizimi i pjesës veriore, pasojë e bisedimeve të Brukselit! – Nga Florim Zeqa

Tashmë serbët kanë arritur objektivat e tyre strategjike mbi pjesën veriore të vendit. Pas rivendosjes së barrikadës së re (të hekurt) mbi Urën e Ibrit në Mitrovicë, vënjes së gurthemelit të projektit kolonizues e të ashtuquajtures “Lugina e Paqës”, marrjes së vendimit për ngritjen e shtatores së “Car Llazarit”,…po kërkojnë edhe caktimin e vijes kufitare të ndarjes së qytetit të Mitrovicës, që njiherit do të jetë vijë ndarëse e sovranitetit me dy shteteve (Serbi-Kosovë).

Siq e ceka më sipër, Serbia ka arritur objektivat e saj ndaj Kosovës, sa për ilustrim po i përmendi vetëm disa prej tyre;

-ndarjen territoriale të Kosovës në baza etnike,

-ndarja e veriut me krijimin e Asociacionit të Komunave serbe ( në Bruksel ),

– transformimi (përmes decentralizimit) i enklavave në komuna serbe në brendi të vendit,

-fuqizimi i kishave dhe manastireve serbe (“Metohi-tokë e kishave”), si asnjëherë më parë gjatë historisë (vetëm Manastiri i Deçanit ka gllabëruar rrethë 24 hektarë toka shqiptare, plus 800 hektarë si zona të mbrojtura),

-amnistimi i kriminelëve serb të luftës,

-ruajtja e sovranitetit të dyfisht mbi Kosovë,…e shumë e shumë elemente tjera që dëmtojnë rëndë shtetësinë dhe sovranitetin e vendit tonë-Republikës së Kosovës.

Kjo bëhet më e dhimbshme kur i shtojmë faktin tjetër, që Serbia gjakatare në kurriz të Kosovës fitoj edhe statusin kandidat për antarsim në BE, pa u ditur fati i mbi 1600 shqiptarëve të zhdukur gjatë luftës në Kosovë.

Të gjitha këto, pushtuesit verior të vendit tonë i arritën nëpërmjet bisedimeve politike në Bruksel, apo më mirë është të themi i muarën dhuratë nga qeveria kuislinge në Prishtinë.

Kosova, plaçkë lufte e liderëve partiakë

Favoret (të mirat) që liderët e korruptuar kosovar i bënën Serbisë përmes të ashtuquajturave bisedime (“teknike”) politike në Bruksel, asnjë lider i një kombi tjetër nuk do t’ua nënshkruante për asnjë çmim dhe asnjë një popull tjetër nuk do të pajtohej kaq lehtë me një tradhëti të tillë!

Kjo e vërteton për të satën herë faktin, se liderët tonë, nuk e trajtuan asnjërë Kosovën si atdhe të tyre por si “plaçkë” lufte me të cilën dhe për të cilën negociuan pamshirshëm, duke tkurrur territorin dhe sovranitetin e vendit të tyre sikur të ishte më tepër se plaçkë lufte,…sikur ky të ishte territor i një vendi tjetër!

Arritjet e deritanishme politikës serbe ndaj Kosovës mund të jenë të mjaftueshme për mosvazhdimin e dialogut me palën kosovare. Pasi ata (serbët) muarën krejtë çka deshtën, ndërsa palës kosovare ua lanë si ngushllim në dorë MSA-në apo thënë ndryshe të “trashtë” e surlës, duke i lënë shqiptarët e Kosovës të vetmit në Ballkan të getoizuar, pa të drejtë levizje të lirë drejt vendeve të BE-së dhe të pashpresë për jetë në vendin e vet.

Problemi i barrikadës së re mbi Urë, përveq se një simbolikë, mbetët edhe pikë reference e ndarjes së sovranitetit mes serbëve dhe shqiptarëve, mes veriut e jugut të Mitrovicës, dikur qytetit të përbashkët të Minatorëve, krenarisë sonë kombëtare.

Të ndalet trendi i pazareve politike

Megjithatë nostalgjia e liderëve kosovar për t’u takuar me ata serb nuk ka të ndalur!

Liderët kosovar bëjnë gara cili të ulet i pari në tavolinën e bisedimeve me Serbinë,…jo që e bëjnë për t’i sjellë ndonjë të mirë popullit apo vendit të tyre, por e bëjnë për privilegje dhe beneficione personale që ju sjellë prezenca e tyre në tavolinë me palen serbe në Bruksel.

Është momenti i fundit që të ndalet trendi i pazareve politike i pushtetarëve aktual me sovranitetin dhe integritetin e vendit.

Që kjo të ndodhë sa më shpejt, duhen protesta dhe demonstrime të fuqishme gjithëpopullore, për ti dhënë fund politikave diskriminuese të udhëhequra nga partitë bizare shqiptare, që kanë vjedhur, shitur pasuritë e Kosovës, thyer dhe plagosur shpirtërat e qytetarëve të ndershëm të këtij vendi.

Kosova ka nevojë për ndryshime rrënjësore, përveq largimit të pushtetarëve aktual, duhen ndryshime edhe brenda institucioneve shtetërore që janë nën thundren e pushtetarëve aktual.

Vetëm me një guxim qytetar, organizim të përbashkët të partive opozitare me shoqërinë civile, intelektual të pavarur, analist dhe gazetar të ndershëm mund ta bëjmë Kosovën vend demokratik, pa hajna, pa milioner uzurpator, pa politikan kriminel, pa gjyqtar dhe prokuror të korruptuar, largimin e policëve sherbëtor të pushtetarëve, e deri të pastrimi “kimik” i administratës publike të korruptuar.

Duhet larguar sa më parë këtë klasë politike kriminale, të korruptuar, të shantazhuar dhe të pa moralshme,…duhet larguar sa më parë nga pushteti shkelësit e kushtetutës, vjedhësit dh plaçkitësit e shtetit, ata që shkelën mbi sovranitin dhe integritetin territorial të vendit.

“Negociatorëve” kosovar do u bie ndërmend të i vëjnë kushte Serbisë vetëm atëherë kur kjo e fundit të zyrtarizoj ndarjen etnike në kancelaritë përendimore. Ndoshta kjo do të vjenë me një tëndencë për larjën e mëkateve të shumta,…por do të jetë tepër vonë!

Ministrat e Qeverisë Mustafa në zbulimin e shtatores së Car Llazarit në Mitrovicë

Drejtori i zyrës për Kosovën, Marko Gjuriçi ka arritur në sheshin ‘Shumadia’ ku ka nisur ceremonia e zbulimit të përmendores së Car Llazarit, transmeton kp.

Ai po shoqërohet nga anëtarët e kabinetit qeverisës të Isa Mustafës, Branimir Stojaneviçi dhe Lubomir Mariçi. Në sheshin ‘Shumadia’ janë mbledhur një numër i konsiderueshëm i qytetarëve.
Gjuriqi, është i shoqëruar nga kryetari i komunës së veriut të Mitrovicës Goran Rakiçi, zëvendëskryeministri i Kosovës Branimir Stojanoviçi, si dhe ministri i Pushtetit Lokal, Lubomir Mariçi.

Përmendorja e Car Llazarit është zbuluar në sheshin Shumadia, në pjesën veriore të Mitrovicës.

Dëmtohen varrezat myslimane në veri të Mitrovicës

Një numër varrezash të qytetarëve të besimit islam janë dëmtuar gjatë prerjes së drunjve brenda varrezave, ka thënë për Radion Evropa e Lirë, këshilltari boshnjak në Kuvendin Komunal të Mitrovicës së Veriut, Nexhat Uglanin.

Lajmin e ka konfirmuar edhe Policia e Kosovës.

Uglanin ka thënë se varrezat janë dëmtuar nga ndërmarrjet komunale në veri të Mitrovicës “Standard” dhe Elektro-ekonomia e Serbisë (Elektro Privreda Srbije), që kanë kryer punimet në prerjen e drunjve

“Ky është një vandalizëm institucional”, tha Uglanin.

Për dëmtimet në varreza janë njoftuar edhe Bashkësia Islame në Mitrovicën e jugut dhe njëkohësisht edhe Policia, Kuvendi Komunal dhe vetë kryetari i komunës.

“Të gjithë kanë qenë të habitur. Por më së shumti kemi qenë net ë habitur me këtë pamje të pahijshme. Ata i kanë prerë drunjtë, por duke I prerë drunjtë i kanë dëmtuar edhe gurët e varrezave”, tha Uglanin.

Policia e Kosovës e ka pohuar rastin për Radion Evropa e Lirë.

Zëvendës drejtori I Policisë në veri të Kosovës, Besim Hoti, tha se rasti është I hapur si “dëmtim i pasurisë” dhe i është paraqitur prokurorit.

“Besohet se këtë e kanë bërë Elektro Ekonomia, pasi kanë vendosur kabllot e caktuara dhe kanë prerë degët. Këto degë të drunjve pastaj kanë rënë mbi pllakat e varrezave dhe është shkaktuar dëmi. Rasti është I hapur dhe do të shohim se çfarë do të bëhet më tutje. Mund të ngritet edhe padi ndaj përgjegjësve”, tha Hoti.

Uglanin ndërkaq ka theksuar se çdo varrezë e dëmtuar do të paraqitet në zyrën komunale me qëllim që të rregullohet.

Dy varreza të qytetarëve të besimit islam ndodhen në dalje të Mitrovicës së veriut, në të dyja anët e rrugës. a.z. (REL)

Milan Shuflaj përkujtohet në Prishtinë në 85 vjetorin e vrasjes

Historiani dhe albanologu kroat Milan Shuflaj, është përkujtuar sot në 85 vjetorin e vrasjes. Shuflaj njihet për historinë e Ballkanit e veçanërisht të shqiptarëve dhe serbëve.

Me këtë rast u shënua edhe 25 vjetori i pavarësisë së Kroacisë.

Drejtori i Institutit Albanologjik, Hysen Matoshi, tha se ndër veprat kryesore të tij Milan Shuflaj për historinë e shqiptarëve është ajo “Serbët dhe shqiptarët” e cila hedh dritë shkencore mbi këto relacione.

“Albanologjia në masë të madhe është formuar me ndihmën e pakursyer të dijetarëve në radhë të kombeve të tjera, interesimet e tyre shkencore kanë bërë që opinioni botëror të mësojë më shumë për shqiptarët, për gjuhën e kulturën e tyre në veçanti në kontekstin e kulturave evropiane dhe për të kaluarën e tyre të lashtë. Këta albanologë në mesin e të cilëve është pa dyshim edhe Milan Shuflaj që ka ndriçuar aspekte të historisë sonë si një komb me miqësi që nga lashtësia deri më sot”, tha Matoshi.

Kurse profesori Muhamet Malaj, tha se Shuflaj u vra tinëzisht, pikërisht për shkak se tentoi ta shkruajë historinë e drejtë shqiptare.

“Njohja brilante e së kaluarës ballkanike e në veçanti e shqiptarëve i shërbeu Shuflajt për të paraparë dhe për ti ndërtuar vizionet dhe urat e bashkëpunimit të Ballkanit dhe Evropës për ët ardhmen por puna e tij fatkeqësisht u ndërpre në mënyrë tragjike kur ai në rrugën ‘Dalmatinska’ në qendër të Zagrebit më 19 shkurt të viti 1931 duke hyrë në banesën e tij u godit në mënyrë tinëzare e një shufër metali prapa shpinës dhe u bë viktimë e atentatit të kryer nga dora e serbit Branko Cfergel i cili i takonte organizatës terroriste ‘Mlada Jugoslavia’(Jugosllavia e Re). Në mes tjerash arsyeja e vrasjes së tij tinëzare ishte ed he zotërimi i tij se do ta shkruante historinë e shqiptarëve”, citon kp të ketë thënë Malaj.

Presidenca e Kosovës e ka dekoruar Milan Shuflaj me titullin “Medalje presidenciale e meritave” e cila do të ndahet ditëve në vazhdim.

Gjuriçit i lejohet hyrja në Kosovë

Institucionet kompetente të Kosovës kanë miratuar kërkesën e drejtorit të së ashtuquajturës zyrë për Kosovën në Qeverinë e Serbisë, Marko Gjuriçit, dhe delegacioneve të tjera të cilat do të vijnë nga Serbia në Kosovë për kremtimin e festës së “Vidovdan-it” në Gazimestan.

Jo zyrtarisht mësohet se Gjuriçi, në orën 13:00 do të marrë pjesë në kremtimin e “Vidovdan-it” në Gazimestan, për të vazhduar pastaj në orën 16:00, në sheshin “Shumadia” në Mitrovicë, ku në mënyrë solemne do të bëjë zbulimin e përmendores së Car Llazarit.

Burime të KosovaPress-it bëjnë të ditur se Gjuriçit nuk do t’i lejohet ndërrimi i agjendës së paraparë.

Policia e Kosovës do të parandalojë veprimet provokative për Vidovdan

Policia e Kosovës ka paralajmëruar se do të ndërmarrë veprime të menjëhershme, në rast të provokimeve gjatë shënimit të Ditës së Shën Vidit në Kosovë, përfshirë edhe bartjen e bluzave ose fanellave që mund të nxisin provokime.

Por ajo tha se përveç garantimit të sigurisë për të gjithë qytetarët e vendit do të sigurojë edhe lirinë e lëvizjes për të gjithë.

Paralajmërimet vijnë në ditën kur në Gazimestan, disa kilometra në veri të Prishtinës, pritet shënimi i manifestimit që ndër serbët e Kosovës njihet si Vidovdan.

Festa e Vidovdanit, në të kaluarën ka ngjallur një numër reagimesh për shkak të sjelljeve të pjesëmarrësve në manifestim, që janë cilësuar si nacionaliste.

Policia tha se ka ndërmarrë të gjitha masat e sigurisë për tubimin publik në Gazimestan, ndërkohë që një zëdhënës i saj Daut Hoxha në një deklaratë për Radion Evropa e Lirë, bëri të ditur se policia e Kosovës do të ndërmarrë veprime të menjëhershme në përputhje me situatën e krijuar.

“Polica e Kosovës do të veprojë konform situatës së paraqitur në terren dhe të gjithë veprimet që cenojnë sigurinë e përgjithshme dhe janë provokative do t’i konsiderojnë si jo të mira dhe do të ndërmerren veprimet të menjëhershme”, ka thënë Hoxha.

Zëdhënësi i Policisë tha se nga intervenimi i policisë nuk do të përjashtohen as edhe bartësit e mundshëm të fanellave ose të bluzave që mund të cilësohen si provokative me porosi nacionaliste.

“Çdo veprim që bie në kundërshtim me ligjet në fuqi, policia do ta marrë si provokim, dhe në atë aspekt do të veprojë konform ligjeve për të mbajtur një rend dhe një siguri të përgjithshme duke përfshirë edhe garantimin e lëvizjes së lirë”, ka sqaruar Hoxha.

Përdorimi i simboleve apo mesazheve nacionaliste, fyerjet fetare, kombëtare gjinore apo racore janë të ndaluara me Ligjet e Kosovës dhe autoritetet e sigurisë në vend kanë thënë se nuk do të lejojnë prishjen e rendit dhe të ligjit.

Në shënimin e Ditës së Vidit, më 28 qershor, pjesëtarë të komunitetit serb mblidhen ne Gazimestan, në një fushë ku besohet të jetë zhvilluar beteja e Kosovës e shekullit XIV. Në manifestime të tilla, të përvitshme, grupe të caktuara nga Serbia kanë bartur bluza me shënime nacionaliste duke nxitur, siç është vlerësuar, “urrejtje ndërmjet komuniteteve”..

Kremtimi i Ditës së Shën Vidit, që prej pas luftës disa herë u kthye në përplasje të manifestuesve me policinë e Kosovës. Në vitin 2012 mbi 30 policë u lënduan gjatë një përplasjeje me manifestues serbë të ardhur nga Serbia, që bartnin bluzat me shënime nacionaliste.

Shënimi i Ditës së veçantë në historinë serbe, Vidovdanit, sivjet do të bëhet në tri pjesë, në Manastirin e Gracanicës, në Gazimestan, dhe në Mitrovicën e Veriut, ku pritet që të zbulohet shtatorja e princ Llazarit.

Shtatorja ka nxitur reagime të shumta, ne veçanti të partive politike opozitare në Kosovë, por ministria e Pushtetit Lokal ka drejtuar gishtin kah komuna e Mitrovicës së Veriut duke e bërë përgjegjëse për këtë çështje.

Vendosja e shtatores, për ekspertin e çështjeve të sigurisë, Agim Musliu konsiderohet si një provokim i Serbisë që po iu bëhet qytetarëve të Kosovës

Ky është një manifestim i cili ka për qëllim dhe është i dizajnuar dhe zbatuarnga “kuzhina” e sigurimit shtetëror të Serbisë, dhe në atë aspekt gjithmonë ka për qëllim që të mundohet apo të provokojë një pjesë të kosovarëve të cilët janë rrugës deri në Gazimestan”.

“Nëse marrim parasysh edhe shtatoren e Car Lazarite cila është vendosur në veriun e Kosovës, kjo mund të jetë një acarim shtesëapo një irritim shtesë i shqiptarëve edhe në veriun e Mitrovicës, por edhe në pjesën tjetër të Kosovës ku mund të ketë ndonjë incident”, thekson Musliu.për Radion Evropa e Lirë. .

Dita e Shën Vidit, ose Vidovdani, është njëra prej festave më të rëndësishme për serbët e Kosovës meqë shënon, sipas historisë, edhe luftën më të rëndësishme në Ballkan të shekullit XIV – Betejën e Kosovës.

Megjithëse e cilësuar nga historia serbe si beteja e ushtrisë serbe ndaj pushtimit otoman, ajo shënoi humbjen më të rëndë të popujve të Ballkanit por nganga serbët shënohet si ditë e fitores shpirtërore.

Kremtimi i përvjetorit të Betejës së Kosovës në vitin 1989 në kohën e udhëheqjes së presidentit serb Sllobodan Millosheviç u kthye në kulmin e nacionalizmit në ish-Jugosllavi, me shpalljen siç thuhej të bashkimit tëSerbisë, përmes rrënimit të autonomisë së Kosovës dhe me paralajmërimin e luftërave të përgjakshme që çuan në shkatërrimin e ish federatës jugosllave.

Kosova afro dy dekada më vonë shpalli pavarësinë e saj, pas një intervenimi të NATO-s, që hoqi administrimin e Serbisë.(REL)

Dinakët dhe “idiotët” e politikes – Nga Skënder MULLIQI

Idiot konsiderohet ai njeri i cili nuk posedon nivelin e duhur të intelegjencës. Ato shtete të cilat kanë pasur traditë në shtetbërje, nuk mund të vijnë në shprehje “idiotët” që të bëhën njerëz të politikës. Politikani i mirëfilltë nuk punon për interesa individuale, por punon për realizimin e interesave të përgjithshme. Në rajonin e Ballkanit kemi udhëheqës shtetëror dhe partiakë shumë dinakë të cilët e kan mbushur aparatin shtetëror më “idiotë”, të cilët zbatojnë vetëm urdhëra pa menduar shumë më kokat e tyre. Një pjesë bukur e madhe po sillen në mënyrë idioteske duke u bërë servilë dhe të dëgjueshem, duke i lënë anash edhe interesat e tyre. Pushteti në Kosovë pikërisht këtë sojë të njerëzve po e dëshiron. Janë bërë militantë të partive politike të cilët po vrapojnë qorrazi pas liderëve të tyre, po vrapojnë edhe pas do koncepteve politike të pa dëfinuara mirë .Kjo miopi politike ka bërë që rregullisht të votohen njerëzit e njejtë për pushtet të cilët u tregua së nuk e kan merituar. Dhe, kjo po ndodhë për shkak të pasivitetit të qytetarëve të cilët janë bërë vrojtues pasiv të fatit të vet. E kan lën fatin në duar të njerëzve perfid, të atyre që kurrë nuk e përfillën votën dhe kërkesat e tyre. Gjithmonë i manipulan duke u premtuar edhe ate që nuk është e mundur, dhe as nuk i realizuan edhe ato kerkesa të cilat ishin të mundshme. Përdoren me mjeshtri metodat mashtruese të tipi komunist më masën. Këto lojë të pistë e kanë trashëguar nga para ardhësit e tyre. Do të ishte mirë që qytetarët në mënyrë të organizuar përmes ndonjë shoqate ti kanalizojnë kërkesat duke marrë fatin në duar të tyre, duke mos pritur më që ti udhëheqin demagoget. Edhe ata ekspert qe i kemi të profileve të ndryshme, nuk po iu ipet mundësia që të kontribuojnë në rrjedhat ekonomike dhe politike te vendit, ku i kemi ngecjet më të mëdha. Bëhët fjalë për botën në të cilën individet parreshtur të përkushtohen që më dije dhe më një dialog të kulturuar para së gjithash të sigurojnë statusin që iu takon në shoqëri .Deri më tash nuk patem ndonjë reformë në arsim, sepse pikërisht ky nivel i arsimit të dobët po iu hyn në funksion klasës sunduese.Një kanalizim i mirë i rinisë , do të ndikonte në formimin e përsonalitetit të tyre, do të ndikonte në socializimin e tyre, do të ndikonte që mos të largohen nga tradita, mos të largohen nga të mirat familjare… Të rinjët do të bëheshin pjesë kreative e shoqërisë, do të mendojnë dhe veprojnë më kokat e tyre, dhe në mënyre kritike do të analizonin botën rreth tyre. Kjo do të ndikonte që rinia të përqafojnë gjithë ate që është e mirë, e dobishme dhe jo imponuese.Kështu ata qysh neser do tu kishin bërë rezistencë çdo forme të dominimit që do të ndikonte në ekzistencën dhe dinjitetin e njeriut. Ky pasivitet i jetës shoqërore e qëllimshme nga kjo klasë e pa pa përgjegjshme politike, mund të tejkalohet vëtem më forca të reja dhe kreative. Çdo vonesë në këtë drejtim do të jetë shumë e kushtueshme për fatin dhe për përspektivën tonë…

Krasniqi: Ardhja e Car Llazarit është vepër e Kryeministrit dhe e Presidentit të Kosovës

Ish- kryetari i Kuvendit të Kosovës, Jakup Krasniqi, në një shkrim të vetin autorial ka akuzuar kryeministrin dhe kryetarin e vendit, Isa Mustafa e Hashim Thaçi se me politikën e tyre të negociatave me Serbinë kanë mundësuar që në Mitrovicë serbët ta vendosin shtatoren e Car Llazarit.

Krasniqi ka shkruar:

Ardhja e përmendores se Car Llazarit në Kosovën e lirë, të pavarur, sovrane e demokratike është vepër e Kryeministrit dhe e Presidentit të Kosovës, është vepër e bisedimeve të zhvilluara në Bruksel në mes të Kosovës e të Serbisë. Këto bisedime, u tha shumë herë nga qeveritarët e djeshëm e të sotshëm po mbaheshin për normalizimin e marrëdhënieve me Serbinë, për forcimin e sovranitetit të shtetit, për integrimin e komunitetit serbë në jetën publike e institucionale, për zhbërjen e strukturave të shtetit serb në Kosovë, për anëtarësimin në mekanizmat ndërkombëtar etj.. Asnjëra nga këto nuk ndodhi dhe nuk do të ndodh!

Po çka ndodhi?

Ndodhi e po ndodh çdo ditë, ndarja e sovranitetit të shtetit më Serbinë, ndodhi e po ndodhë çdo ditë forcimi i Listës serbe në Institucionet e Kosovës. Zëri i kësaj liste është zëri i Vuçiqit në Qeverinë e Isa Mustafës. Kjo listë është duke punuar pa reshtur për Bashkësinë e komunave serbe në Kosovë, diçka e ngjashme me Republika Serbskën në Bosnje e e Hercegovinë. Madje këta qeveritar as një park mbi urën e Ibrit nuk arritën ta heqin.

Heshtja e Qeverisë dhe e koalicionit qeverisës, për vendosjen e Përmendores së Car Llazarit në Mitrovicë, është heshtje për shkak të marrëveshjeve të arritura në Bruksel. Kjo është një dëshmi tjetër, se këta njerëz që kanë lejuar e lejojnë gjëra të tilla kundër Kushtetutës e ligjeve, duhet të dorëhiqen.

Dorëheqjen këta njerëz duhet ta afronin po të kishin moral e përgjegjësi politike, sikur pozitat që i mbajnë, t’i mbanin për publikun e jo vetëm për veten e tyre.

Kjo praktikë qeverisëse duhet të ndërpritet! Pa ndërprerjen e kësaj qeverisje, rrënimi i institucioneve të shtetit nuk do të ketë ndalje!”.

Rritje e identifikimit fetar ndaj atij etnik?

Identifikimi me identitetin fetar, në raport me identitetin kombëtar, është rritur, thotë një hulumtim i Instituti Kosovar për Zhvillim të Politikave (KIPRED). Lulzim Peci, drejtor ekzekutiv i KIPRED-it, thotë se bazuar në rezultatet e hulumtimit, një pjesë e shoqërisë së Kosovës po shkon drejt krijimit të një shoqërie religjioze etnike dhe jo anasjelltas.

Hulumtimi ka përfshirë 1 mijë persona të anketuar, 720 prej të cilëve shqiptarë të besimit islam dhe 280 shqiptarë të krishterë, nga të gjitha rajonet e Kosovës.

Sipas rezultateve të hulumtimit, 57 për qind e shqiptarëve myslimanë e ndjejnë vetën së pari shqiptar e pastaj mysliman; 32 për qind e ndjejnë vetën së pari mysliman dhe pastaj shqiptar; 8 për qind e ndjejnë vetën vetëm shqiptar, duke përjashtuar fenë; si dhe 3 për qind e ndjejnë vetën vetëm mysliman, duke përjashtuar identitetin etnik.

Lulzim Peci, drejtor ekzekutiv i KIPRED-it, duke analizuar gjetjet e hulumtimit, ka thënë se përqindja e personave të anketuar, të cilët e ndjejnë vetën së pari mysliman dhe pastaj shqiptar, është e madhe.

“Kjo është ajo zhvendosja shumë e madhe e identitetit, ku identiteti shqiptar shndërrohet në identitet linguistik, ndërsa, është edhe ai drejtimi që po e merr drejt krijimit, për këtë pjesë të shoqërisë, në shoqëri religjioze etnike, në vend se me qenë etnike, e pastaj me elemente religjioze, siç kanë qenë përpara shqiptarët”, ka thënë Peci.

Ai ka shtuar se edhe te komuniteti i krishterë është vërejtur rritje e identifikimit me identitetin fetar, në raport me identitetin kombëtar. Tek të anketuarit shqiptarë të krishterë, sipas hulumtimit, 70 për qind e të anketuarve e ndjejnë vetën së pari shqiptar e pastaj të krishterë; 15 për qind ndjehen së pari të krishterë e pastaj shqiptar;8 për qind vetëm të krishterë dhe 7 për qind vetëm shqiptar.

Bazuar në hulumtimin e KIPRED-it, edhe distanca socio-fetare është madhe dhe 5. 8 për qind e të anketuarve pranojnë vetëm të flasin me shqiptarët e konfesionit tjetër; 4.8 për qind e tyre preferojnë që të mos i kenë fqinjë; si dhe 1. 4 për qind e tyre preferojnë që në Kosovë të mos jetë asnjë prej tyre.

Ndryshe, hulumtimi i KIPRED-it nxjerr se 44 për qind e të anketuarve e ndjejnë veten së pari shqiptar dhe më pas kosovar; 32 për qind e ndjejnë veten kosovar e më pas shqiptar; 17 për qind e ndjejnë veten vetëm shqiptar dhe 7 për qind vetëm kosovar.

Agon Demjaha, hulumtues i KIPRED-it, ka thënë se një nga elementet që kanë ndikuar në raportin e religjionit me identitetin shqiptar, është edhe fillimi i procesit të krijimit të identitetit kosovar. Pas shpalljes së pavarësisë së Kosovës, në vitin 2008, sipas tij, shqiptarët e Kosovës u ballafaquan me situatë konfuze dhe të dykuptimtë.

“Simbolet kryesore shtetërore; flamuri, himni, nuk kishin asnjë pikë takuese me simbolet kombëtare shqiptare nga e kaluara. Ky rikonfigurim apo ripremtim i Kosovës, domosdo ka pasur efekt denacionalizues te shqiptarët e Kosovës”, theksoi Demjaha.

Por, në anën tjetër, profesori Ismajl Hasani, sociolog i religjionit, duke folur për Radion Evropa e Lirë ka theksuar se hulumtimi i vetëdijes fetare dhe etnike, me vetëm 1 mijë të anketuar, është problematike të jetë e besueshme.

“Unë nuk besoj të ketë lëvizur vetëdija e shqiptarëve në këto përmasa. Pa dashur që të komentoj diçka që unë nuk kam prirje t’i besoj se i qëndron parametrave të mirëfilltë shkencor, megjithatë, mendoj se janë gjëra mund t’i shërbejnë vetëm debatit të njerëzve, që në emër të analizave shkencore dhe në emër të të ashtuquajturave analiza për probleme të tilla, bëjnë përpjekje të nxjerrin tema ditore”, është shprehur profesor Hasani.

Profesor Hasani ka shtuar se rezultatet e tilla të hulumtimit të KIPRED-it, nëse, siç ka thënë ai, në mënyrë hipotetike, do të ishin të sakta, atëherë kjo paraqet një përmbysje të pjesshme të civilizimit të shqiptarëve.

“Do të thotë, në mënyrë hipotetike, nëse mund të jetë rezultat i besueshëm, atëherë do të bëhej fjalë për një përmbysje të një pjese të konsiderueshme të proveniencës së civilizimit evropian në Kosovë, me çka të gjithë njerëzit do të duhej të ndjeheshin keq. Këtu, para së gjithash, e kam fjalën për zhvendosjen e predikimit të islamit tradicional në këto treva dhe përpjekjen për inaugurimin e të ashtuquajturit ‘islamit ekstremist’ , në trajtën e vehabizmit”, ka thënë profesor Hasani.

Sidoqoftë, hulumtuesit e KIPRED-it kanë theksuar se në përhapjen e ideologjive ekstreme fetare kanë ndikuar organizatat e ndryshme ndërkombëtare me bazë fetare, të cilat menjëherë pas luftës në Kosovë, “nën maskën e ndihmës humanitare, kanë përdorur pa mëshirë varfërinë dhe kushtet shoqërore” të qytetarëve të Kosovës.

Sipas tyre, kjo ka ndodhur veçanërisht në hapësirat rurale , “duke dëmtuar seriozisht traditat kulturore të këtyre komuniteteve”. Përfaqësuesit e KIPRED-it kanë dhënë edhe një varg rekomandimesh se si duhet qasur problemit, duke përfshirë udhëheqësit politik dhe të institucionet qeveritare, institucionet e drejtësisë, Fakultetin e Shkencave Islame, si dhe institucionet qeveritare përgjegjëse për arsimin.

Lugina e Diellit në Mitrovicë ndihmohet nga Rusia me një kishë

Shefi i Zyrës për Kosovën në Qeverinë e Serbisë Marko Gjuriç po qëndron në Moskë dhe atje bashkëbiseduesit i ka njoftuar me situatën në Kosovë

Shefi i Zyrës serbe për Kosovën dhe njëkohësisht nënkryetar i Partisë përparimtare të Serbisë Marko Gjuriç me nënkryetaren tjetër të kësaj partie Maria Obradoviç janë takuar sot në Moskë me kryetarin e Këshillit Suprem të Partisë unike të Rusisë Boris Grizlov i cili ka theksuar se marrëdhëniet ndërmjet Rusisë e Serbisë janë testuar me kohë dhe se në to nuk mund të ndikojnë kurrë ndikimet e jashtme.

Gjuriq e ka njoftuar Grizloin me situatën ë Kosovë, me rrjedhën e dialogut të Brukselit dhe me gjendjen e “popullit serb në krahinën jugore”, njofton tanjug, transmeton Koha.net.

Ai ka thënë se Qeveria serbe ka filluar procesin e kthimit të personave të shpërngulur në Kosovë, në radhë të parë e ka njoftuar për ndërtimin e vendbanimit “Lugina e Diellit”, në veri të Kosovës.

Gjuriçi e ka theksuar rëndësinë e ndihmës së Kishës ortodokse ruse e cila ka shfaqur gatishmërinë e saj për të ndërtuar kishë në këtë vendbanim.

Lugina e Diellit është projekt serb për siç thonë zyrtarët e Beogradit, kthimin e 1500 serbëve të shpërngulur në Mitrovicën Veriore.

Kosovë: Si u zhduk Fondi për Punësim dhe Zhvillim?

Shumë premtime të zyrtarëve të lartë qeveritarë për zhvillim ekonomik, rrjedhimisht rritjen e shkallës së punësimit, janë heshtur apo nuk janë realizuar në mungesë të angazhimit dhe seriozitetit të autoriteteve kompetente, thonë ekspertë për çështje ekonomike.

Një premtim i zyrtarëve qeveritarë para dy vjetësh ka qenë krijimi i një Fondi për Punësim dhe Zhvillim duke u bazuar në mjetet e Fondit të Privatizimit dhe Trustit Pensional të Kosovës, që arrijnë shifrën rreth 1. 9 miliard euro.

Si Fond, ishte thënë se do të krijojë mundësi të reja të përkrahjes së punësimit dhe zhvillimit ekonomik, duke përdorur praktikat më të mira investuese.

Ibrahim Rexhepi, drejtor i Qendrës për Hulumtime Strategjike dhe Sociale “STRAS”, thotë se ky premtim ka qenë vetëm në kuadër të fushatës zgjedhore dhe jo vullnet apo angazhim i mëtutjeshëm i autoriteteve qeveritare.

“Duhet kuptuar se viti 2014 ka qenë kohë zgjedhjesh, më shumë ka pasur premtime, joshje të elektoratit se sa kanë pasur bazë reale ato që janë premtuar. Edhe çështja e Fondit të Privatizimit dhe Fondit të Trustit të Kursimeve Pensionale, nuk janë çështje të vullnetit të një kryeministri apo kryetari,cilido qoftë, që ato të mobilizohen për zhvillimin e Kosovës”.

“Duhet infrastrukturë ligjore, instrumente të sigurisë, garanci, të cilat nuk i ka bërë as kjo Qeveri, as që i ka bërë Qeveria e kaluar. Për këtë arsye çështja është heshtur”, thotë Rexhepi për Radion Evropa e Lirë.

Profesori në Universitetin e Prishtinës, Mejdi Bektashi, thotë se gjatë vitit 2014 të gjitha partitë kanë premtuar skenar për zhvillimin e përgjithshëm ekonomik të Kosovës.

Edhe krijimi i këtij Fondi, që sipas tij, ka qenë ambicioz, ka mbetur i heshtur për shkak të mungesës se seriozitetit të autoriteteve në Kosovë, pasi për shfrytëzimin e mjeteve të Privatizimit dhe Trustit, nevojiten edhe ndryshime në aspektin ligjor.

“Ato mjete nuk mund të shfrytëzohen nëse nuk krijohet baza e qëndrueshme juridike dhe të ndryshohet edhe Ligji për Privatizim dhe ai i Fondit të Trustit Pensional të Kosovës. Kosova ka rreth 2 miliardë euro që gjenden në bankat e vendeve perëndimore, ku norma e interesit është zero”.

“Ku ato mjete sjellin 10 apo qindra mijëra euro interes në vit, kurse në Kosovë ka mungesë kronike të investimeve. Problemi qëndron në joseriozitetin ose mosguximin që ato mjete të investohen në Kosovë, me qëllim që të arrihet edhe shkalla më e lartë e zhvillimit, të shtimit të Bruto Produktit Vendor, me çka do të ulej edhe shkalla e papunësisë”, vlerëson Bektashi.

Megjithatë, pas ndryshimeve të nevojshme ligjore, investimi i këtyre mjeteve në projekte të ndryshme, thotë Rexhepi, duhet të ketë kthim të garantuar. Ai shton se në Kosovë nuk ka mungesë të mjeteve financiare, por mungesë të menaxhimit të tyre.

“Problemi kryesor në Kosovë qëndron te çështja e menaxhimit të parasë, çështja e krijimit të mundësive absorbuese, mundësive shpenzuese qoftë të bizneseve, qoftë të Qeverisë. Mirëpo, shpenzimet që të jenë në projekte profitabile , në projekte që garantojnë zhvillim, garantojnë ndryshim të situatës sociale dhe në të njëjtën kohë, që investimi ka një kthim të garantuar apo një kthim të madh, në mënyrë që mos të ketë lëkundje as në sistemin bankar dhe as në buxhet”, shpjegon Rexhepi.

Rreth 1. 3miliard euro ka arritur Fondi i Kursimeve Pensionale të Kosovës (FKPK). Këto investime janë të shtrira në mbi 60 shtete të botës, apo në afër 2000 emetues botërorë.

Kurse, Fondi i Mirëbesimit nga privatizimi dhe likuidimi i ndërmarrjeve shoqërore në Kosovë, sipas të dhënave të kësaj agjencie, ka arritur shumën prej mbi 661 milionë eurosh, të cilat deponohen në Bankën Qendrore të Republikës Kosovës, e prej aty investohen në tregjet e jashtme.

Nga ky fond parashihet të kompensohen kredituesit potencialë të ndërmarrjeve shoqërore.

Përmendorja e princit Llazar u vendos në veri të Mitrovicës

Në veri të Mitrivicës, në rrethrrotullimin kryesor, është vendosur mbrëmjen e kaluar një përmendore e princit serb, Llazar, e gjatë 7.5 metra.

Është paraparë që përmendoren ta zbulojë drejtori i Zyrës për Kosovën në Qeverinë e Serbisë, Marko Gjuriçi, më 28 qershor, kur edhe shënohet Dita e Shën Vidit, apo siç e quan komuniteti serb “Vidovdan”.

Vendimin për ngritjen e këtij monumenti e ka sjellë shumica e këshilltarëve të Kuvendit Komunal të Mitrovicës së Veriut.

Monumenti, siç kanë thënë ata, është financuar nga donatorët.

O Putinista, o Erdoganista kuptone more të mjerë se jeni shqiptarë – Nga Mr.sc. Nue Oroshi

Rrethanat e reja botërore kanë bërë që dy rrymat politike që popullitë shqiptarë i kanë sjellë të zezat më të mëdha gjatë gjithë historisë kohore, rryma politike pansllaviste dhe rryma politike panaziatiste, te rifillojnë ringjalljen e serishme në trojet shqiptare. Te parët shpresat i kanë mbeshtetur tek Kryetari i Rusisë Vlladimir Putin, ndërsa të dytët shpresat i kanë mbeshtetur tek Regjep Taip Erdogan, kryetar i Turqisë.Të parët ëndërrojnë ringjalljën e idesë komuniste bolshevike, dhe shtrirjen e Rusisë në Ballkan me theks të veçantë në trojet shqiptare, ndërsa të dytët ënderrojnë për një kalifatë turko- arab, në trojet shqiptare. Edhe Putini edhe Erdogani, ënderrojnë dominimin e tyre në trojet shqiptare. Dhe në faktë ne shqiptarët nuk mund të presim edhe ndryshe nga këta dy diktatorë të cilët nga shtetet e tyre ku ata sundojnë, shkilen për çdo ditë të lume të zotit të drejtat e shtetasve të shteteve ku ata sundojnë, dhe vritën kundërshtarët politik natën me pas i vajtojnë ditën. Këto dy rryma politike me shekuj e kanë dëmtuar edhe sot e kësaj dite po e dëmtojnë kombin shqiptarë. Të parët e qajnë periudhën komunisto -pansllaviste ,për faktin se etërit e tyre si dhe ata vetë kishin privilegje në pushtimet sllave që i bënë tokave shqiptare, ndërsa të dytët vajtojnë Perendorinë Osmane, perendori e cila shqiptarve nuk iu la asnjë shkollë shqipe, madje duke vrarë dhe masakruar ata që munden ta marrin guximin që t’i shkruajnë shkronjat shqipe. Edhe të parët edhe të dytët, vajtojnë për baballarët e tyre të kuq, si dhe për kalifatet turko – arabe në trojet shqiptare. Kush më shumë dhe kush më pak sa mundësi që kanë janë duke e brejtur trupin e shëndoshë të kombit shqiptarë. Por shtrohet pyetja pse po gjejnë mundësi depërtimi politikë këto dy rryma politike në trojet shqiptare sa që arrinë aq poshtë që Kryeheroin shqiptarë të të gjitha kohrave Gjergj Kastriotin, të mundohen ta nëpërkëmbin. A e dini more të mjerë që ju ka marrë koka erë ? – do të thoshte i madhi Atë Gjergj Fishta , se Trojet Shqiptare nuk do të shëndrrohen as në troje ku do të ndikon pansllavizmi në krye me Putinin, dhe as në troje turko – arabe ku do të dominonte Erdoganizmi. Një fakt duhet ta dimë se çdo durim e ka kufirin e tij. Këto dy rryma politike si uritha dhe ushujza nëpërmes tokës e nëntokës po e shkatrrojnë orjentimin Evropian të Shqiptarëve. Shqiptarët duhet të dinë njëherë e përgjithmon se dielli i shqiptarve lind në Evropë. Toka e shqiptarëve është tokë Evropiane edhe pse shumë herë në këto toka u ndeshen betejat e vijës kryqzore, që ndante lindjen me perëndimin. Bota e qytetruar ka kohë që na tregon rrugën e drejtë dhe ne futemi therrave e llugave. Ajo na thotë se as Putini dhe as Erdogani nuk janë miqtë e kombit shqiptarë sepse të dy jetojnë me ëndrra për dominim në Trojet Shqiptare. Dhe çohet shqiptarët e shkretë, e bëjnë be në kokat e Putinit dhe Erdoganit, e shpejtë mbetshi pa te dytë. O Putinista, o Erdoganista kuptone more të mjerë se jeni shqiptarë. Kultura jonë nuk i përket as me kulturën pansllaviste as me kulturën panaziatiste. Ne jemi një komb që shikimin dhe pamjen e kemi të Kastriotizmit, humanizmin e kemi të Nënë Terezës, trimërinë e kemi trashëgim brez mbas brezi, ndërsa orjentimin shkencor, politik dhe kulturor e kemi me botën e qytetruar Evropiane. Botë e cila dy herë radhazi na bëri shtet, falë qëndresës shqiptare dhe përkrahjes së diplomacisë dhe politikes së botës perendimore. Dhe pikërisht është kjo Evropë dhe Amerikë që në një të ardhme të shpejtë do të na përkrahë edhe bashkimin e Trojeve shqiptare, por para se të ndodhë kjo duhet t ’iu themi stop politikave, Putiniste dhe Erdoganiste në Trojet shqiptare. Sa për ilustrim se si kanë filluar ringjalljën këto dy politika të shëmtuara që po e brejnë si krimba të zinj palcën Arbërore po i jap dy raste. Rasti i parë ka të bëj më tentim ringjalljen e pansllavizmit komunist përmes ngritjes se dy permendoreve të Pansllavistave më të mëdhenj shqiptar Enver Hoxha dhe Fadil Hoxha. Ferizaj merr iniciativën që të ringjallet serish Pansllavizmi në Trojet Shqiptare, duke ngrit permendore kriminelit më të madh shqiptar që punoj për Pansllavizmin rus Enver Hoxhës, ndërsa Gjakova merr iniciativë që vrasesit të shqiptarëve atdhetar dhe nacionalist, projugosllavit Fadil Hoxha t’i ngrisin permendore në Gjakovë. Edhe njëri edhe tjetri ishin për rreth pesë dekada në shërbim të politikës pansllaviste ruso – jugosllave. Ndërsa rasti i dytë është panaziatizmi. Edhe Panaziatistët shqiptarë janë të ndarë në dy grupe. Në Panaziatistët Vehabistë të cilët po rekrutojnë të rinjë shqiptarë për të vdekur për tokat Arabe, dhe po iu prishin imazhin të rinjeve dhe të rejave shqiptare me mjekrra fantome pantollona të shkurt e veshje sorrzeza të vashave të bukura shqiptare. Kurse të dytët panaziatistat Erdoganist po kujdesen që Pushtimet Osmane në Trojet Shqiptare t’i shohin si clirim. Ata po kujdesen që të zhdukin Gjurmet e Historisë Shqiptare në pesë shekuj qëndresë kundër kësaj perendorie terroriste që e demtoj deri në gremin palcën Arberore të kombit shqiptar. Ata shkuan aq larg të cilët edhe hoqën edhe logon e Lidhjes Shqiptare të Prizrenit, i dhanë titullin qytetar nderi të Prizrenit, përkrahësist më të madhë të ISIS Erdoganit. A thua këto gjëra nuk po shifen nga miqtë tanë Evropian dhe Amerikanë.Këto dy grupe politike që po punojnë ta dëmtojnë Kombin shqiptarë kanë një emruës të përbashkët. Janë kundër politikës së miqve tanë tradicionalë Evropianë dhe Amerikan. Por orjentimi shpirteror i shqiptareve është orjentimi Evropian. Shqipërinë Etnike do ta bëjmë pa Putinista dhe pa Erdoganista por me shqiptarë atdhetar që brez pas brezi e djalë mbas djali kanë cenë dhe janë në shërbim të kombit shqiptarë.

Ish-zëvendësministri e vodhi veturën e Shtetit për katër muaj, prokuroria s’e hetoi

Mbi 3 mijë e 700 euro ka shpenzuar një zëvendësministër i Qeverisë së Kosovës vetëm në karburante, brenda një periudhe katër mujore. Për më keq, Zyra e Auditorit ka gjetur se zëvendësministri kishte bërë këtë shpenzim pas përfundimit të mandatit të tij dhe se nuk kishte pranuar ta kthente veturën e shtetit për katër muaj rresht.

Një zëvendës ministër i Ministrisë së Infrastrukturës, i cili ka përfunduar mandatin në dhjetor të vitit 2014, ka vazhduar të vozisë veturën zyrtare edhe për katër muaj të tjerë. Në vend se ta kthente në ministri, ai ka harxhuar mijëra euro të shtetit në karburante duke e vozitur veturën pa qenë i autorizuar.

Kjo është gjetja e raportit të Zyrës së Auditorit bërë Minsitrisë së Infrastrukturës për vitin 2015. Por auditorët nuk e kanë zbuluar identitetin e këtij zëvendësministri, raporton Insajderi.

Kanë treguar vetëm targat e veturës.

“Vetura zyrtare 3Z-009-08 në mandatin e kaluar qeverisës ka qenë në shfrytëzim nga zëvendës ministri. Kjo veturë është dashur të kthehet në ministri me rastin e përfundimit të mandatit në dhjetor 2014. Sipas zyrtarit përgjegjës në ministri, vetura është rikthyer në muajin prill 2015”, thuhet në raport.

E kostoja e shpenzimeve të kësaj veture të përdorur nga zëvendës ministri i paidentifikuar në raportin e auditimit, kap shifrën prej mijëra eurove.

“Ne kemi testuar faturat për karburante dhe kemi identifikuar se për muajt dhjetor 2014, janar, shkurt dhe mars 2015 kanë ndodhur shpenzimet në mënyrë jo të rregullt. Vlera totale e furnizimit për këtë periudhë është 3,745€”, thuhet në raportin e auditorëve.

Sipas auditorëve, mungesa e kontrollit dhe marrjes se masave adekuate për shfrytëzimin e pasurisë ka ndikuar në shpenzime të parregullta, bazuar në këtë, potencialisht mund të ketë edhe shpenzime tjera të ngjashme në të ardhmen.

ZAP ka rekomanduar ministrin e Infrastrukturës, Lutfi Zharkun, që të sigurojë që shfrytëzimi i pasurisë është në kuadrin e aktiviteteve të ministrisë, me qëllim të shmangies së saj apo edhe të krijimit të shpenzimeve të pakontrolluara dhe që nuk rrjedhin nga aktivitetet operative të Ministrisë./Insajder

Pritet të rritet numri i meshkujve të përdhunuar gjatë luftës

Me rastin e Ditës Ndërkombëtare të Viktimave të Torturës, edhe një herë u kërkua që të mbijetuarave të dhunës seksuale gjatë luftës në Kosovë, t’i ofrohet përkrahje institucionale.

Dhuna seksuale gjatë luftës në Kosovë është një prej krimeve që janë kryer nga forcat ushtarake, policore dhe paramilitare serbe, që ende nuk është ndëshkuar.

Sebahate Pacolli-Krasniqi nga Qendra Kosovare për rehabilitimin e të mbijetuarve të Torturës ka kërkuar që institucionet e Kosovës t’i njohin personat e dhunuar seksualisht gjatë luftës, duke zbatuar ligjin dhe duke iu ofruar të mbijetuarve një benificion që do t’i mundësonte një mirëqenie të mirë.

“Ka raste edhe të meshkujve që janë lajmëruar në qendrën tonë dhe pres që këto raste të rriten sepse kanë informacione që ka pasur raste të dhunimit të meshkujve”, ka thënë ajo, raporton KP.

Ndryshe, synimi i Qeverise së Kosovës është që vendi ynë të bëhet anëtare e Organizatës së Kombeve të Bashkuara,nga e cila merr obligime të ratifikoj edhe Konventën ndërkombëtare për parandalimin e torturës, së bashku me protokollet shtesë, si dhe të realizoj obligimet për ndërtimin e mekanizmave të cilat parashihen të krijohen në nivel nacional siç është “Mekanizmi për Parandalimin e Torturës”.

Rrahje mes shqiptarëve e serbëve te ura në Mitrovicë

Një rrahje mes shqiptarëve dhe serbëve ka ndodhur mbrëmë rreth orës 22:00 tek ura kryesore e Ibrit në Mitrovicë, që për pasojë ka lënë disa persona të lënduar.

Ndihmë mjekësore në spitalin e veriut të Mitrovicës, pas rrahjes kanë kërkuar Strahinja Barbullov (1993) nga qyteti i Kikindës të Serbisë dhe Dushan Ivkoviq (1993) nga Leskovci, po ashtu qytet në Serbi.

Nuk dihet motivi i kësaj rrahje, por mësohet se ka pasur edhe të lënduar tjerë nga të dyja palët, të cilët nuk janë paraqitur fare për trajtim mjekësor.

Zëdhënësi i policisë në jug të Mitrovicës, Avni Zahiti, ka thënë për kp se nuk është në dijeni për një incident të tillë, dhe se nuk është raportuar të ketë ndodhur diçka e tillë sa i përket pjesës jugore të qytetit.

Zona e përgjegjësisë së policisë në Mitrovicë ndahet me urë, përkatësisht mesi i urës përcakton jugun dhe veriun e këtij qyteti, ku vazhdimisht qëndrojnë patrulla policore në të dyja anët e urës.

Xhelal Sveçla jep dorëheqje pas vdekjes tragjike të dy fëmijëve në Prishtinë

Drejtori i Inspeksionit në komunën e Prishtinës, Xhelal Sveçla ka dhënë dorëheqje pas një rasti tragjik që ndodhi të enjten në Prishtinë, ku dy fëmijë humbën jetën në një gropë të mbushur me ujë.

“Pamundësia jonë për të luftuar deri në fund tërë këtë trashëgimi të tmerrshme që na e la qeverisja e kaluar në Prishtinë, ka shkaktuar vdekjen e këtyre fëmijëve”, ka shkruar Sveçla.

“Nuk ndjej përgjegjësi ligjore, por njerëzore po. Qoftë edhe si bashkëqytetarë i këtyre dy fëmijëve të vegjël. Jeta ime nuk mund të jetë e njëjtë pas këtij rasti”, thuhet në arsyetimin e dorëheqjes.

Ndryshe, dy fëmijët, vëlla e motër, njëri 11 e tjetri 13 vjeç, kanë humbur jetën aksidentalisht në një gropë- pusetë të hapur në Prishtinë, në lagjen e quajtur, “Kolovicë”.

Policia e ka cilësuar rastin si vdekje aksidentale. Kurse hetimet është thënë se do të vazhdojnë për të zbardhur rastin, përfshi edhe hetimet ndaj kompanisë apo individët që kanë hapur atë gropë e cila ishte mbushur me ujë nga të reshurat e shiut.

Banorët kanë rrëfyer se në këto dtitë me temperatura të larta, fëmijët janë parë duke e shfrytëzuar këtë gropë si “pishinë” për freskim.

Opozita e çakorduar, pushtetarët e relaksuar! – Nga Florim Zeqa

Situata nëpër të cilën po kalon Kosova, nuk është aspak për t’u dëshiruar, pasi rreziqet dhe prapaskenat për humbje territori dhe sovraniteti janë permanente. Vazhdimi i dialogut me Serbinë dhe liberalizimi i vizave me kushtin e demarkacionit me Malin e Zi, në asnjë rrethanë nuk ishte dasht të përcjellen kaq lehtësisht me heshtjen e opozitës dhe qytetarëve të vendit tonë.

E kam thënë edhe më parë, po e perseris prap, ndarja e bllokut opozitar ishte fatale për të ardhmen e vendin. Kthimi mbrapa është dështim dhe vazhdim i keqeverisjes, imoralitetit politik dhe degradimit institucional të vendit.

Nuk është befasi dështimi i bllokut, këtë e kam vrejtur nga fillimi, befasi nuk do të jenë nesër as koalicionet e reja të ish anëtarëve të bllokut opozitar me partinë në pushtet (PDK).

Deri dje në së bashku në bllok shanin dhe “vranin” qeverinë,…harruan “parimet” që thirreshin në to, tani shajnë dhe akuzojnë njëri-tjetrin, duke vrapuar pas pushtetit,…ky është niveli i moralitetit të kësaj klase politike, të cilës më së miri i shkonë për shtati thënja e Pablo Borsellino; “Politika dhe mafia janë dy pushtete që synojnë të njëjtën hapsirë. Ata kur nuk merren vesh e bëjnë luftën mes vete” !

Pas thyerjes së bllokut opozitar, akuzat e ndërsjella në mes antarëve të deridjeshëm në koalicion e vërtetuan heterogjenitetin, përbërjen jonatyrale të bllokut opozitar, divergjencat politike, pikëpamjet e kundërta programore dhe ideologjike.

Kuvendi i qetë, sheshi i zbrazur

Ndarja e bllokut opozitar ua ka mundësuar pushtetarëve të sillen me komoditet dhe pa asnjë problem me avazin e vjetër të keqqeverisjes dhe abuzimit me pushtetin në raport me bisedimet me Serbinë në Bruksel dhe demarkacionit me Malin e Zi.

Partitë opozitare të ndara, njëra pjesë e qetë në parlament (VV) dhe tjetra jasht tij AAK-NISMA),…secila në mënyrën e tyre janë duke i ndihmuar pushtetarët.

VV-ja, si forcë e vetme opozitare në kuvend, edhe përkundër konstruktivitetit në kundërshtimin apo mosvotimin e nismave të pozitës në kuvend, gjithnjë do të mbetet e pafuqishme në pengimin e marrjes së vendimeve të “vështira” për vendin,…përderisa, as AAK-ja dhe NISMA me bojkotimin e seancave nuk janë duke e penguar aspak funksionalitetin e punës së këtij kuvendi të përgjysmuar.

Me ketë trend të veprimeve të opozitës, pa asnjë problem pushtetarët mund t’ia arrijnë qëllimit për mbajtjen e pushtetit deri në fund të mandatit.

Mirëpo, brishtësia e koalicionit jo natyral nuk ua garanton një gjë të tillë. Rritja enorme e stafit qeverisës nga kryeministri Mustafa në njërën anë,…moskoordinimi i veprimeve në parlament i koalicionit qeverisës dhe ngutja në zhvatjen e buxhetit të shtetit nga ana tjetër, jepin sinjalet e para të përshpejtimit të “Zanzibarir 2”, apo prishjes së kurorës së panatyrshme qeverisëse PDK-LDK.

Shkuarja eventuale e këtij koalicioni deri në fund të mandatit më së tepërmi do t’i konvendonte liderit të LDK-së, zotit Isa Mustafa, për t’u rehabilituar sadopak para elektoratit të këtij subjekti,…si kryeminstri i parë i vendit në Kosovën e pavarur që arrinë t’i i shkoj deri në fund të mandatit edhe përkundër dështimeve të njëpanjëshme në qeverisjen e vendit, abuzimit me pushtetin, shkeljen e 23 neneve të kushtetutës, tkurrjen territoriale dhe humbjen e sovranitetit të vendit!

Pushtetarët drejt këtij qëllimi janë duke i ndihmuar opozitarët e ç’akorduar, të ndarë në garën për marrjen e pushtetit,…i cili duket të jetë shumë larg për opozitën e pakoordinuar në veprimet e saj.

Largimi i opozitës nga kauzat e saj

Ditëve të fundit, opozita me (mos) veprimet e saj sikur është larguar nga qëllimet dhe kauzat rreth të cilave, muaj më parë arriti të tuboj në shesh hiq më pak se 100 mijë qytetar,…veprime këto që lëkundën themelet e këtij pushteti të kalbur, të inkriminuar dhe korruptuar skajshmërisht.

Thënë ndryshe, opozita e çakorduar i ka bërë pushtetarët të ndjehen të relaksuar, të qetë dhe komod në majat e pushtetit.

Opozita dhe qytetarët e vendit, sikur e kanë harruar një të vërtetë të madhe; asnjë pushtet diktatorial në rruzullin tokësor deri më sot nuk është larguar me lutje dhe as me votë, por vetëm përmes protestave, demonstratave të fuqishme dhe mosdëgjueshmërisë qytetare,…sikurse që asnjë ndryshim pozitiv nuk është arritur në marrveshje me diktatorët, por vetëm duke i detyruar ata të tërhiqen nga pushteti.

Ah, sikur të mos ishte lakmia për pushtet e liderëve opozitar, me protestat e filluara mbarëpopullore,…sot do ta kishim një situatë krejt tjetër në vend. Edhe pse është e vështirë të konstatohet saktësisht, se në cilën situatë do të ndodheshim në këto momente kur po i shkruaj këta rreshta,…megjithatë, sot pushtetarët nuk do të kishin kohë të mirreshin me dialogun me Serbinë (me “Zajednicën”), as me demarkacionin me Malin e Zi, as me gënjeshtrat për liberalizimin e vizave dhe as me manipulimet rreth “ngritjes” ekonomike të vendit më të varfër dhe më të pashpresë në rajon.

Për këtë askush nuk na ka faj. Jemi vet fajtor pse e kemi këtë gjendje të pashpresë me këtë klasë të shëmtuar politike. Kemi mbetur sikurse “Gomari i Buridanit”, mes pushtetit të kalbur dhe opozitës së çakorduar!

Thaçi: Demarkacionin e ratifikojmë brenda 10 ditësh

Për kufijtë sot foli Presidenti i Kosovës, Hashim Thaçi.

Si i ftuar në emisionin “Zona e Debatit” në Klan Kosova, ai tha se marrëveshja për demarkacionin e kufirit me Malin e Zi duhet të miratohet brenda 10 ditësh.

Ai ka thënë se pozicioni i tij i ri u ka bërë mirë kundërshtarëve të dikurshëm politikë.

“A duhet të jenë pak të gëzuar (kundërshtarët politikë)? Duhet të tash që jam president”, ka thënë Thaçi. “Në të gjitha pozicionet, edhe si kryeministër, por edhe tash si president, unë kam ardhur si njeriu më legjitim, me votë të drejtpërdrejtë qytetare, jo si rezultat i marrëveshjeve politike. Ndaj kjo më jep të drejtën që të punoj në agjendën dhe prioritetet që mendoj se janë më të mira për qytetarët”.

Faqja 147 prej 188« Fillimi ‹ Prapa 143 144 145 146147148 149 150 151 Para ›Fundi »

Nënkryetari i Kuvendit në vitin 1990, kur edhe ka ndodhur shpallja e Deklaratës Kushtetuese të 2 Korrikut, Iljaz Ramajli tha se shpallja e Deklaratës Kushtetuese ka qenë vullnet i mirë i të gjithë shqiptarëve.

Delegat i shpalljes së Deklaratës KushtetuesE të vitit 1990, ishte edhe Muharrem Shabani, i cili mbahet mend për leximin e deklaratës.

Më 2 korrik 1990 kur delegatët e atëhershëm të Kuvendit të Kosovës, miratuan Deklaratën Kushtetuese të 2 Korrikut.

Në pozitën e sekretarit shtetëror në Ministrinë për Punë në Qeverinë e Serbisë, Aleksandër Jabllanoviçi, të martën, ka vënë kurorë në karakollin e Koshares, raporton KTV.

Ipeshkvia e Kosovës ka reaguar pas aktit terrorist në Aeroportin e Stambollit, i cili ishte i drejtuar kundër njerëzve të pafajshëm, duke thënë se solidarizohet me popullin turk.

Drejtori i zyrës për Kosovën, Marko Gjuriçi ka arritur në sheshin ‘Shumadia’ ku ka nisur ceremonia e zbulimit të përmendores së Car Llazarit, transmeton kp.

Historiani dhe albanologu kroat Milan Shuflaj, është përkujtuar sot në 85 vjetorin e vrasjes. Shuflaj njihet për historinë e Ballkanit e veçanërisht të shqiptarëve dhe serbëve.

Shefi i Zyrës për Kosovën në Qeverinë e Serbisë Marko Gjuriç po qëndron në Moskë dhe atje bashkëbiseduesit i ka njoftuar me situatën në Kosovë

Me rastin e Ditës Ndërkombëtare të Viktimave të Torturës, edhe një herë u kërkua që të mbijetuarave të dhunës seksuale gjatë luftës në Kosovë, t’i ofrohet përkrahje institucionale.

Një rrahje mes shqiptarëve dhe serbëve ka ndodhur mbrëmë rreth orës 22:00 tek ura kryesore e Ibrit në Mitrovicë, që për pasojë ka lënë disa persona të lënduar.

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL