Pas debatit të 3 gushtit, Komisioni Shtetëror për Shënjimin dhe Mirëmbajtjen e Kufirit Shtetëror, ka dalë me një kumtesë lidhur me Marrëveshjen për demarkacionin e kufirit në mes Kosovës dhe malit të Zi.
Në kumtesën e lëshuar për media komisionin thotë se kufiri i Republikës së Kosovës me Malin e Zi ka mbetur i pandryshueshëm dhe pa gabime edhe sipas marrëveshjeve ndërkombëtare.
Komunikata e plotë e Komisionit:
Komisioni Shtetëror për Shënjimin dhe Mirëmbajtjen e Kufirit Shtetëror gjatë periudhës tre vjeçare 2012-2015, ka bere punën Ligjor duke përfshirë detyrat dhe obligimet e mbështetura në dispozita ndërkombëtare dhe vendore do të thotë në Kushtetutë dhe ligje. Ka bere punën teknik duke analizuar dokumentacionin zyrtar relevant për zbatimin e metodave teknike e profesionale sipas ligjeve.
Në takimin e 03 gusht 2016, përveç tjerash argumentet e Komisionit dhe pyetja e Kryeparlamentarit për përfaqësuesin e të drejtës ndërkombëtare nga grupi kundërshtues, përfundimisht u pranua se:
”Dokumenti i Marrëveshjes se 10 Qershorit 1999 dhe pakoja e Ahtisaarit janë marrëveshje Ushtarake dhe Politike Ndërkombëtare, obligative për Republikën e Kosovës”.
Kjo nënkupton qarte se vija kufitare R e Kosovës-Mal i Zi është në rregull.
Askush nuk e demantoj por nëpërmjet edhe të punimeve e pohuan se:
“Republika e Kosovës ka territor 10.906 km katror. Komuna e Pejës i kishte dhe i ka 603 kilometra katrore d.m.th. territor të pandryshuar”
Edhe kjo qartësoj se vija kufitare ndërmjet të Republikës së Kosovës dhe Malit të Zi është në rregull.
Sqarim: Këto marrëveshje ndërkombëtare se bashku me Kushtetutën e Republikës së Kosovës, me Kushtetutën e Krahinës se Kosovës 1974, si dhe më Aneksin 8, Sektori i Sigurisë neni 3.2 të Pakos se Ahtisaarit janë në përputhshmëri të plotë dhe të pandryshuar me vijën kufitare ndërmjet të Republikës së Kosovës dhe Malit të Zi. Komisioni këto marrëveshje i ka zbatuar me përpikëri.
Bashkëngjitur janë dy harta njëra nga marrëveshja e 10 Qershorit 1999 dhe e harta e tjetër e Komunës se Pejës e vitit 2015 por edhe deri me sot pa asnjë ndryshim as në territor e as në përkufizim. Komisioni e potencon prapë se harta e Komunës së Pejës me zonat kadastrale e vitit 2015 është e zbatuar nga të gjitha institucionet qe nga viti 1974 -2016.
Këtë përputhshmëri e kanë vërtetuar edhe ekspertizat profesionale ndërkombëtare si ajo e Komisionit Ad-Hoc ndërkombëtar, në mars 2016.
Komisioni Shtetëror nuk ka ndryshuar vijën kufitare e as territorin e Kosovës as për një metër të vetme, por ka vërtetuar dhe shënjuar vijën administrative të vitit 1988 ndërmjet ish Krahinës Socialiste Autonome të Kosovës dhe ish Republikës Socialiste të Malit të Zi.
Ditë më parë në një debat me një grup bashkatdhetarësh, derisa i ofroja faktet e shkruara dhe audioinçizimet një bashkatdhetari gjakprishur dhe shpirtlig, rreth një çështje shumë më pak të rendësishme se demarkacioni ,…ky i fundit në vend që të më kundërpërgjigjej me argumente filloi të lavdërojë vetën për të kaluarën e tij jo shumë të ndritshme në vendlindjen e tij,… në atë moment u largova nga tryeza e bisedimeve në mënyrë demonstrative duke ja përseritur edhe një herë faktet e pamohueshme për kontekstin për të cilin ishim takuar.
Gjatë rrugës për në shtëpi, shoqëruesja ime, mbesa e Isa Boletinit më tha këto fjalë; “Ja ke bërë sikurse Ramush Haradinaj në tryezë me Murat Mehën për demarkacionin…”
Pa një, pa dy ja ktheva; “Ska pas faj Ramushi, me ata që nuk i pranojnë faktet, me shpirtëshiturit dhe gjakprishurit nuk ke mundësi të dialogosh ndryshe”.
Qëllimisht e fillova në këtë mënyrë shkrimin, që lexuesi të më kuptojë më lehtë dhe futet më thellë në temën që po trajtoj sot.
Politika, përveqse art i së mundshmës, është sfidë e pafundme e cila përveq njohurive dhe argumenteve kërkon edhe guxim dhe qendrueshmëri të lartë në mbrojtjen e interesave kombëtare dhe shtetërore.
Është i pamohueshëm fakti, se sikur të mos kishte qenë Ramush Haradinaj me ja hedhë në fytyrë hartat e falsifikuara Murat Mehës, ndoshta çështja e demarkacionit me Malin e Zi do të kishte kaluar në heshtje edhe përkundër protestave të opozitës së bashkuar.
Ishte veprimi sa i guximshëm po aq edhe energjik i zotit Ramush Haradinajt që bëri të zgjohet ndërgjegja e disa prej deputetëve të përgjumosur në pushtet dhe opinionit të fjetur publik.
Reagimi i guximshëm i Haradinajt nuk ishte kundërshtim vetëm ndaj Murat Mehës dhe komisionit qeveritar, por ishte kundërshtim ndaj qasjes së gabuar qeveritare dhe mbështetësve të tyre ndërkombëtar.
Kur ndaj dukurive negative dhe të dëmshme për vendin nuk mirren parasysh faktet, duhet reaguar edhe forcërisht nëse e kërkon nevoja për të mbrojtur të vërtetën, në të kundërtën e vërteta rrezikon të mbytet në heshtje.
Nga ai reagim i guximshëm i Ramush Hradinajt në tryezë me kryetarin e komisionit shtetëror për demarkacion, zotin Murat Meha filluan të gjitha kundërshtitë e mëpastajme, jo vetëm në kampin opozitar, por edhe nga radhët e depuetëve të pozitës.
Tryeza e fundit e 3 gushtit 2016, fillimisht e inicuar nga deputeti i pozitës (LDK), zoti Bulliqi, i mbështetur edhe nga 23 deputetë të tjerë të kuvendit të Kosovës, i mblodhi pushtet dhe opozitë, shoqëri civile, profesor universiteti, akademik të fushave të ndryshme dhe ekspert të demarkacionit të kufijëve. Nga debati i gjatë 12 orësh dolën në sipërfaqe të gjitha manipulimet dhe falsifikimet e komisionit shtetëror për demrakacionin me Malin e Zi.
Faktet e grupit të ekspertëve, akademikëve, shoqërisë civile dhe banorëve lokal të zonave të prekura nga versioni i ekspertëve të demarkacionit shtetëror, ishin aq fuqishëm të argumentuara, sa që do të jetë e vështirë të votohet versioni qeveritar i demarkacionit nga deputetët shqiptar.
Jo me liberalizim të vizave, por me asnjë lloj çmimi tjetër nuk guxojnë të sakrifikohen rreth 9 km territor i shtetit të Kosovës. Pas debatit të 3 gushtit për demarkacionin, nuk e besoj se do të dali ndonjë deputet, në damart e të cilit rrjedhë gjak shqiptari që mund ta votoj humbjen e rreth 9 mijë metrave katror të tokës shqiptare, të larë me gjak ndër shekuj.
Përfundimisht duhet të themi, se guximi politik i Ramush Haradinajt dhe pragmatizmi i deputetit Shpejtim Bulliqi parandaluan një të keqe të madhe për vendin,…në të njëjtën kohë ju tërhoq vrejtja edhe ndërkombëtarëve që të mos manipulojnë me këtë klasë të korruptuar dhe shantazhuar politike për interesa të fqinjëve tanë,…ngase në çdo rrethanë, territorit të vendit jemi të gatshëm t’i dalim zot me të gjitha mjetët, pa kursyer as jetën tonë.
Kyeprokurori i Shtetit Aleksandër Lumezi ka marr vendim për krijimin e ekipës së prokurorëve nga Zyra e Kryeprokurorit të Shtetit dhe Prokuroria Speciale e Republikës së Kosovës, të cilët do të verifikojnë dhe analizojnë përmbajtjen e transkripteve të telekomunikimeve të përgjuara në rastin e ish Ministrisë se Transportit dhe Telekomunikacionit (MTPT).
Vendimi për formimin e këtij ekipi, u morr pasi Kryeprokuroi Lumezi pranoi raportin e kërkuar nga prokurori ndërkombëtar i EULEX-it, i cili është i ngarkuar me rastin e MTPT-së.
Në një komunikatë për media thuhet se “ky komision do të ketë objekt të analizimit dhe vlerësimit të gjitha ato materiale-transkripte origjinale të përgjimeve të telekomunikimeve, të cilat nuk kanë qenë të përfshira në aktakuzën e ngritur, kundër ish-zyrtarëve të Ministrisë së Transportit dhe Telekomunikacionit, nga ana e prokurorit ndërkombëtar të Prokurorisë Speciale të Republikës së Kosovës.
Nëse do të gjenden elemente të kryerjes së ndonjë vepre penale, të cilat do të mund të ndiqen penalisht, prokuroria do t’i fillojë hetimet për ato vepra penale, pavarësisht se nga kush mund të jenë kryer.
Zvicra është shteti që ka investuar më së shumti në Kosovë, gjatë vitit të kaluar, pasuar nga shteti i Turqisë dhe Gjermanisë.
Sipas raportit vjetor të Bankës Qendrore të Republikës se Kosovës, investimet e Huaja Direkte (IHD) të pranuara në Kosovë gjatë vitit 2015 arritën vlerën prej 324.4 milionë euro. Sa i përket origjinës së investimeve të huaja Zvicra ka investuar rreth 73 milion euro, pastaj Turqia rreth 58 milion euro, Gjermania 45 milion euro.
Ndryshe, numri sipas të dhënave të Ministrisë se Tregtisë dhe Industrisë, numri i bizneseve me pronarë të huaj në Kosovë është 7212, kurse 1766 është numri i bizneseve me pronarë nga shteti i Zvicrës, Turqisë dhe Gjermanisë .
Patundshmëria dhe shërbimet financiare janë sektorët ku më shumti kanë kapital bizneset me pronarë të huaj..
Ekspertë për çështje ekonomike konsiderojnë se numri i madh i qytetarëve të Kosovës që jetojnë në Zvicër,ka ndikuar që të investimet e këtij shteti të jenë më të pranishme në Kosovë, e konkretisht në sektorin e patundshmërisë.
Drejtori ekzekutiv i Odës Ekonomike Amerikane në Kosovë, Arian Zeka, ka thënë për Radion Evropa e Lirë, se Kosova ka potencial të mjaftueshëm dhe të leverdishëm për investitorët ndërkombëtar, përveç patundshmërisë, sektorëky që sipas tij, nuk sjell ndonjë zhvillim për Kosovën në aspektin afat gjatë.
“Realisht nëse i analizojmë statistikat e investimeve të huaja në dy vitet e fundit, shohim se gjysma e investimeve të huaja direkt janë investuar në patundshmëri. Dhe rrjedhimisht ne kemi konsideruar se kjo është për shkak të numrit të madh të diasporës në vendet e Evropës e posaçërisht në shtetin e Zvicrës. Ndërsa sa i përket sektorit financiar, atëherë tërheqjes së investimeve të huaja nga Turqia, është respektim i hapjes se institucioneve financiare bankare në vendin tonë“, ka thënë Zeka.
Ndryshe, shteti ku më së shumti kanë emigruar kosovarët, është Gjermania me 35.25 për qind, e pasuar nga Zvicra me 22.94 për qind.
Por, përveç investimeve direkt, edhe vlera e remitencave që pranohen në Kosovë vijnë kryesisht nga Gjermania dhe shteti i Zvicrës.
Sidoqoftë, më gjithë rëndësinë e këtyre investimeve në sektorët e patundshmërisë dhe atë financiar, Arian Zeka shprehet se Kosova ka nevojë për investime të huaja edhe në sektorë të tjerë.
“Potencialet e vendit tonë për tërheqjen e investimeve të huaja direkte janë në ata sektorë ku vihen në përdorim burimet tona natyrore, e të cilat fatmirësisht Kosova i ka më bollëk”.
“Po flasim kryesisht, për sektorin minerar, gjenerimin e energjisë elektrike. Dhe sektorët tjerë më potencial të madh për tërheqje të investitorëve të huaj, është sektori i teknologjisë, informacionit dhe sektorët e agrobiznesit”, tha Zeka.
Të njëjtë sektorë potencial dhe strategjik për investitorët e jashtëm i përmend edhe Naim Gashi, ekspertë për çështje ekonomike.
Por, Gashi shpreh shqetësimin se në Kosovë ekzistojnë faktorë të shumtë të cilët dekurajojnë ardhjen e investitorëve të huaj në Kosovë.
“Janë problemet politike më të cilat Kosova ballafaqohet në dhjetë vitet e fundit, mandej problemet etnike që i kemi të brendshme më komunitetin serb. Problemet fqinjësore që i kemi më Serbinë, pasi ajo gjithmonë e saboton dhe lufton zhvillimin ekonomik të shtetit të Kosovës”.
“Pastaj ,janë problemet e brendshme, siç është shkalla e korrupsionit, infrastruktura fizike, rrugore, hekurudhore, burokracia në nivel lokal dhe qendror dhe jo stabiliteti më energji elektrike”, thotë Gashi për Radion Evropa e Lirë.
Gashi, ndërkaq shprehet se edhe mos miratimi i Projektligjit për Investime Strategjike, në Kuvendin e Kosovës, vë në dyshim investitorët e interesuar për shtrirjen e kapitalit të tyre në Kosovë. (REL)
Policia e Kosovës ka gjetur një numër dëshmish në afërsi të Kuvendit të Kosovës gjatë periudhës së zhvillimit të hetimeve, përfshirë edhe një mjet për hedhjen e predhave, i kanë thënë Radios Evropa e Lirë zyrtarë të policisë, që megjithatë, nuk kanë dashur të ofrojnë hollësi të tjera, për shkak të, siç thonë, “ndjeshmërisë së hetimeve“.
Një zëdhënës i Policisë së Kosovës, Daut Hoxha, i tha Radios Evropa e Lirë se “Policia e Kosovës në vendin e ngjarjes ka gjetur dëshmi relevante, në mesin e të cilave edhe një mjet për hedhjen e predhave, shishe të benzinës (koktej molotovi) dhe një motoçikletë të djegur jo larg nga vendi i ngjarjes“.
Policia beson se dëshmitë nga vendi i ngjarjes do të çojnë drejt kapjes së autorëve të sulmit mbi Kuvendin e Kosovës, që ndodhi të enjten në mbrëmje rreth orës 23.
Burime zyrtare i thanë Radios Evropa e Lirë, se sulmi u bë me mortajë dore, në lëvizje me motoçikletë nga dy persona, të cilët braktisën mjetin transportues duke e djegur dhe ikën në këmbë në drejtim të panjohur.
Motivet e sulmit mbi ndërtesën e Kuvendi të Kosovës nuk dihen ende, po aq sa edhe autorët e tij.
Shpërthimi ndodhi në kohën kur kishte lëvizje të qytetarëve në shëtitoren e qytetit të Prishtinës.
Ndërtesa e Kuvendit të Kosovës u sulmua para jo më shumë se gjashtë muajsh me koktej molotovi, dhe as atëherë nuk u zbuluan motivet dhe as autorët e sulmit.
Reagime ndaj sulmit mbi Kuvendin
Ambasadori amerikan në Kosovë, Greg Delawie, ka reaguar ndaj sulmit mbi Kuvendin e Kosovës, përmes një postimi në Twitter.
“I tronditur nga sulmi në Kuvendin e Kosovës. Dhuna dhe gjuha që nxisin dhunën janë të papranueshme në demkoraci”, ka shkruar Delawie.
Edhe zyra e Bashkimit Evropian në Kosovë në dënimin e sulmit ndaj Kuvendit ka thënë se “është një sulm kundër demokracisë dhe përfaqësuesve të popullit të Kosovës dhe si i tillë është i papranueshëm’. Zyra e BE-së ka bërë thirrje “institucioneve të rendit e ligjit që t’i identifikojnë autorët dhe t’i sjellin përpara drejtësisë.”
Udhëheqësit politikë në vend e kanë dënuar sulmin mbi Kuvendin e Kosovës duke u bërë thirrje organeve të drejtësisë që të zbardhin sa më shpejt rastin dhe të sjellin përpara drejtësisë autorët e sulmit.
Qeveria e Kosovës ndërkaq në dënimin e sulmit ka theksuar se “ky është një sulm qyqar i drejtuar kundër të gjitha institucioneve dhe shtetit të Kosovës”.
“Pa dashur të paragjykoj nëse është në linjën e akteve të dhunshme të paralajmëruara, Qeveria e Kosovës konsideron se akte të tilla nuk do të arrijnë të ndalin përkushtimin dhe punën e institucioneve të Kosovës për realizimin dhe mbrojtjen e interesave të vendit”, thuhet në një deklaratë të qeverisë së Kosovës.
Ajo ka bërë thirrje organeve të rendit që të ndërmarrin të gjitha masat për zbardhjen e kryesve të këtij akti të rëndë kriminal dhe të vënë para drejtësisë kryesit dhe orkestruesit e tij.
Presidenti i Kosovës, Hashim Thaçi ka theksuar se “ajo për të cilën të gjithë duhet të pajtohemi është se dhuna nuk duhet të ketë vend në Kosovë”, dhe ka shtuar se sulmuesit “janë njerëz që nuk e duan Kosovën, që nuk ia duan të ardhmen evropiane qytetarëve tanë dhe nuk duan që fëmijët e Kosovës të rriten në paqe”.
Sulmi i mbrëmshëm mbi Kuvendin e Republikës së Kosovës përbën një sulm kriminal, me elemente të veprimit terrorist, i drejtuar kundër institucioneve dhe popullit të Kosovës, ka thënë Kryetarit të Kuvendit të Republikës së Kosovës, Kadri Veseli.
“Ne së bashku e kemi ndërtuar këtë shtet, së bashku duhet ta mbrojmë, ta zhvillojmë e fuqizojmë. Ftoj qytetarët tanë që të kenë besim në institucionet tona, në kapacitetet e tyre për të garantuar rendin, sigurinë dhe sundimin e ligjit në vend”, thuhet në komunikatë.
Kryeministri i Kosovës, Isa Mustafa e ka cilësuar si “atak ndaj pavarësisë” sulmin mbi ndërtesën e Kuvendit të Kosovës, të enjten në mbrëmje.
Në një reagim të tij përmes rrjeteve sociale, Mustafa ka thënë se “askujt nuk i lejohet që të terrorizojë institucionet e vendit”, duke cilësuar Kuvendin si “organin më të lartë legjislativ dhe simbol i rregullimit tonë shtetëror dhe demokratik.
Kryeministri i Kosovës i bëri thirrje organeve të drejtësisë që të zbardhin sa më shpejtë rastin dhe që kryesit e veprës të dalin përpara drejtësisë. Ai kërkoi edhe ndihmën e qytetarëve për organet e ndjekjes për të zbardhur rastin.
Aleanca për Ardhmërinë e Kosovës, parti në opozitë, në reagimin e saj duke dënuar sulmin e ka cilësuar “si sulm mbi shtetin, mbi demokracinë dhe mbi të gjithë qytetarët e Kosovës”
“Kushdo që qëndron prapa këtij shpërthimi apo sulmi, çfarëdo që të jetë ai, është kundër Kosovës dhe qytetarëve të saj”, thuhet në një deklaratë të AAK-së e cila kërkon kapjen e autorëve të sulmit dhe nxjerrjen përpara drejtësisë.
Edhe Lëvizja Vetëvendosje ka kërkuar zbardhjen e rastit dhe kapjen e autorëve.
Sulmi në ndërtesën e Kuvendit erdhi në kohën e krizës më të thellë politike në Kosovë, pas një periudhe disa mujore të kundërshtimeve të ligjvënësve nga opozita ndaj marrëveshjeve të nënshkruara nga Qeveria për demarkacionin e kufirit me Malin e Zi dhe krijimin e Asociacionit të Komunave me shumicë serbe.
Të enjten qeveria e Kosovës dërgoi në Kuvend projekt ligjin për ratifikimin e marrëveshjes për demarkacion, pas një debati shume orësh shkencor-profesional të organizuar në Kuvend me pjesëmarrjen edhe të ekspertëve dhe shoqërisë civile.
Nisja në Kuvend e projekt ligjit ngjalli reagimin e serishëm të opozitës e cila kërkoi që të mos futej në votim i njëjti. Megjithëkëtë vlerësohet se marrëveshja për demarkacion mund të votohet në Kuvend brenda pak ditësh.
Marrëveshja për demarkacion u shndërrua në kushtin e Komisionit Evropian për liberalizim të vizave, pas rekomandimit për mundësimin e lëvizjes së lirë të qytetarëve nga Kosova në vendet e BE-së. a.v (REL)
Voal – Një nga bisedat telefonike të përgjuara të Adem Grabovcit shpalosë mënyrën më të errët se kush duhet të jenë anëtarët e Bordit të Ujësjellësit të Prizrenit. Grabovci bashkë me Njazi Kryeziun marrin vendimin përfundimtar, përtej kualiteteve të kandidatëve. Kriter për ta është vetëm nëse kandidati është i tyre. Biseda dëshmon se kryeprokurori i Prizrenit, Sylë Hoxha është zgjedhur nga PDK-ja. Hoxha një kohë ka qenë edhe ushtrues detyre i kryeprokurorit të Shtetit.
Adem Grabovci dhe Njazi Kryeziu, kanë vendosur se kush duhet të jetë anëtarë të Bordit të ndërmarrjes së ujësjellësit të Prizrenit.
Në një bisedë telefonike në mes të shefit të Grupit Parlamentar të PDK-së, Adem Grabovci dhe nënkryetarit të PDK-së, Dega në Prizren, Njazi Kryeziu klasifikohen kandidatët në mënyrën më klandestine.
Grabovci, që i telefonon Kryeziu ia lexon 34 emra kandidatësh. Ata seleksionohen nga Kryeziu. Bashkëbiseduesit heqin nga lista kandidatë që nuk u përkasin atyre.
Në këtë bisedë të zhvilluar në nëntor 2011, dëshmohet se PDK-ja në Prizren ka zgjedhur për kryeprokuror, Sylë Hoxhën i cili në të kaluarën ishte zyrtar i lartë i Lidhjes Demokratike të Kosovës. Hoxha ka qenë zëvendësministër i Drejtësisë nga kjo parti.
Teksa Grabovci ia lexon emrat e kandidatëve, Kryeziu i seleksionon ata duke i hequr nga lista kandidatët që i konsideron se nuk janë të PDK-së, por të Eqrem Kryeziut dhe Fatmir Limajt.
Në këtë përgjim tregohet po ashtu se edhe deputeti Nait Hasani, kishte shtyrë përpara emërimin e një të afërmi të tij, por që Kryeziu e heq nga lista.
“34 kanë konkurs”, e njofton Grabovci posa nis biseda.
“Esat Krasniqi, Dalip Hoda, Habib Elshani, ky shkon”, vazhdon ai teksa merr sugjerimin që Esatin ta mbajë të parin në listë.
Ata vazhdojnë heqjen nga lista të shumicës së kandidatëve duke i sharë e fyer dhe duke konstatuar se nuk janë të “tyre”.
Për Fadil Kryeziun, një aktivistë i LDK-së në Prizren, Njazi Kryeziu thotë se duhet të hiqet nga lista sepse mund të veprojë njëjtë si Sylë Hoxha.
“Kush i ka premtu, mos osht dikush prej tonve i paska premtu nashta”, pyet Kryeziu
“Jo, jo s`të thom unë me shti atë, qysh kemi me shti atë po ja bajmë me ta si me Sylë Hoxhën tani na e qin nanën”.
Insajderi sjell të plotë bisedën mes Grabovcit dhe Kryeziut.
Kryeziu: Allo
Grabovci: Ej.
Kryeziu : Urno shef!
Grabovci: Çka po bon?
Kryeziu: Qe
Grabovci: Atje te Drini, pe din?
Kryeziu: Po
Grabovc: A e ke, kënd e kem, a s’kem fol hiq as sen?
Kryeziu: Jo se kam të qartë.
Grabovc: 34 kanë konkuru.
Kryeziu: Për në bord a?
Grabovci: hë.
Kryeziu: Po, po unë s`kam as listë as kurgja hiq, kur skam listë qysh kam me të thanë kush ka konkuru.
Grabovci: Esat Krasniqi, Dalip Hoda, Habib Elshani ky shkon.
Kryeziu: Esatin mbaje të parin në listë.
Grabovci: Kënd, Esat..
Kryeziu: Krasniqin, po.
Grabovci: Shkon domëthanë?
Kryeziu: Po. Okej.
Grabovci: Hamëz Rama?
Kryeziu: Hiqe se s’pe nxhoh kush osht.
Grabovci: Ibrahim Bajraktari?
Kryeziu: S’po e nxhoh edhe kta.
Grabovci: Sami Gashi?
Kryeziu: Sami Gashi nuk po e di kush osht.
Grabovci: Xhelal Këpuska?
Kryeziu: Jo, jo.
Grabovci: Blerim Dyla?
Kryeziu: Jo.
Grabovci: Jeton Daku?
Kryeziu: Jo.
Grabovci: Bahrie Besimi?
Kryeziu: Bahrie Besimi?
Grabovci: Hë?
Kryeziu: Jo, s’po e di kush o.
Grabovci: Salih Sallteku?
Kryeziu: Jo, jo.
Grabovci: Fadil Kryeziu?
Kryeziu: Fadil Kryeziu?
Grabovci: Po.
Kryeziu: Kush i ka premtu, mos osht dikush prej tonve i paska premtu nashta?
Grabovci: Se di unë. A me shti a jo?
Kryeziu : Jo, jo s`të thom unë me shti atë, qysh kemi me shti atë po ja bajmë me ta si me Sylë Hoxhën tani na e qin nanën.
Grabovci: Bujar Hasani, më ka thanë Naiti o i joni.
Kryeziu : Bujar Hasani, ja qifsha nanën Naitit se drejtor i LDK-së osht ai. Bujar Hasani. Edhe le ta qin nanën Naiti me ta bashkë. Se drejtor i Eqremit oshtë ai.
Grabovci: Agron Shala?
Kryeziu : Azem Shala?
Grabovci: Agron.
Kryeziu: Agron Shala, jo s`pe di kush osht.
Grabovci: Rexhep Gashi?
Kryeziu: As Rexhep Gashin s’po e njoh.
Grabovci: Avni Caka?
Kryeziu: Avni Cakaj?
Grabovci: Po.
Kryeziu: S`pe di kush osht.
Grabovci: Naser Bajraktari?
Kryeziu: Qyky Naser Bajraktari po të kallxoj ty, ky thirret në emër të Partisë Demokratike edhe u bohet ma me kompetent se na në Prizren kur osht puna për PDK-në. Unë nuk ja di adresën këtij osht… m’doket i Fatmirit osht dikund i Malishëvës anena.
Grabovci: Une se shti pa m’thonë ti.
Kryeziu: Jo, qija nanën mos e shti, se po të kallxoj çka na ka ba tri vjet.
Grabovci: Luan Morina?
Kryeziu: Kush?
Grabovci: Luan Morina?
Kryeziu: Luan Morina, s`pe di kush është.
Grabovci: Bashkim Krasniqi?
Kryeziu: Bashkim Krasniqi, kha na kemi Bashkim Krasniqi…po s’di a osht i joni najkush.
Grabovci: Agim Thaçi?
Kryeziu: Agim Thaçi? Jo.
Kryeziu: Sa kena me i qu na tontit? A?
Kryeziu: Ami ti emrat Agim Thaçi. Amin Rrustemoviq.
Kryeziu: Po smuj, po qysh bre nonen ja qifsha me t`i dhanë emrat kur se di listën, kur se di kush ka konkurue. Esati e di që ka konkurs, se më ka vet.
Grabovci: Po qita janë që…
Kryeziu: Që kanë konkuru.
Grabovci: Drita Grazhda?
Kryeziu: Drita Grazhda, mahet me neve po s’osht me neve, se herën e kalume kur e kemi çue ka thanë më ka çue tjetër kush. A po din?
Grabovci: Atifete Zuma?
Kryeziu: Atifete?
Grabovci: Atifete Zuma.
Kryeziu: S`pe nxho.
Grabovci: Ali Zanaj?
Kryeziu: Edhe kta s’po e nxho.
Grabovci: Memnona Hajdini?
Kryeziu: Memnona Hajdini osht e koalicionit, .. osht grue e mirë. Duhet me e shti… për komunitete duhet me e shti qeto… ish deputete e jonja.
Grabovci: Amir Rrustemoviq.
Kryeziu: Amir Rrustemoviq?
Grabovci: He?
Kryeziu: Po, me mujtë me shti duhet me shti.
Grabovci: Afrim Berisha.
Kryeziu: Kush?
Grabovci: Afrim Berisha.
Kryeziu: Afrim Berisha, s`pe di kush osht.
Grabovci: Shqipe Arifi?
Kryeziu: Shqipe Arifi, osht e LDK-së.
Grabovci: Fat…
Kryeziu: Kush?
Grabovci: Fatmir Pireci?
Kryeziu: Ish-zëdhënës i Eqremit, qija nanën…
Grabovci: Daut Islami?
Kryeziu: Daut Islami, në qoftë se është qaj që po menoj unë, burrë i mirë po s’po di a është qaj që po menoj unë.
Grabovci: A osht i joni?
Kryeziu: Jo sosht.
Grabovci: Halit Isufi?
Kryeziu: Kush?
Grabovci: Halit Isufi.
Kryeziu: Halit Isufi, jo kta s’janë, po si regjion kanë konkuru ktu.
Grabovci: … Mizimi.
Kryeziu: Jo.
Grabovci: Mahir Vllaqo?
Kryeziu: Mahir Vllaqo, vëllau i Naim Vllaqos profesorit, s’janë me neve.
Grabovci: Sarandra Morina?
Kryeziu: Sarandra Morina, s’pe nxhoh, qikjo gjeneratë e re o.
Grabovci: Arben Krasniqi?
Kryeziu: Arben Krasniqi. Jo as kta s’pe nxho.
Grabovci: Qita jon emrat shoqi jam.
Kryeziu: Maj Amirin, Memnunën edhe Esat Krasniqin. Veç kqyre mirë Memnunin … e përdorin kartën e komuniteteve.
Shoqëria e jonë në vend që të merret me çështje të rëndësishme jetike dhe madhore të saj, ajo sot po detyrohet që të merret me fenomenin ekstremizmit të dhunshëm fetar, i cili sigurisht se më së paku do duhej të ishte pjesë e agjendës së saj ditore!.
Gazetarë dhe analistë të ndryshëm, përfshirë edhe ata të përmasave botërore së fundi u morën me neve, duke na paraqitur e portretizuar si shoqëri dhe vend të pëlleshëm, i cili po bënë vaditjen dhe rritjen e ekstremistëve të dhunshëm fetar!.
Një gabim i pafalshëm për neve?
Edhe pse është shumë e papranueshme që ne sot të përzgjidhemi në disa nga mediet botëror si një vend dhe shoqëri e cila kultivon ekstremizmin fetar dhe që prodhon terrorist potencial!.
Mendoj se një cilësim kaq gjeneral është i tepruar. Vogëlsia dhe pafuqia e jonë si vend i vogël dhe në konsolidimi e sipër nuk duhet të shërbejë si target për agjenda globale.
Ndërsa në anën tjetër, çdo njëri i cili ka pasur përgjegjësi publike në këtë vend, sidomos që nga pas lufta e deri më sot, duhet të ndihet përgjegjës dhe i turpëruar për neglizhencën dhe mosreagimin në kohë.
Në fakt, ajo që duhet të thuhet është se elementet e ngjyrosura me ekstremizëm në emër të fesë në përgjithësi erdhën tek ne gjatë dy dekadave të fundit. Më herët ato nuk ishin në mesin tonë. I sollën të tjerët në kohën me të ligë kur ne ende gjëmonim nga plagët e luftës shkatërrimtare.
Por, a i ndihmuam edhe ne sadopak zgjerimit të një interpretimi dhe predikimi të ngurtë në emër të fesë pas luftës në vendin tonë?
Përgjigjja është : Po i ndihmuam!
A ishim të vetëdijshëm për pasojat e mëvonshme që mund t`i kemi, kur vet toleruam mendimin fetar rigid të shtyrë nga agjenda politike të jashtme që të zë vend në shoqërinë tonë?.
Edhe për këtë përgjigjja është negative: Nuk ishim sa duhej të ishim!.
Ne gjithashtu nuk arritëm as të mbyllim derën për predikuesit e jashtëm dhe as të atyre të brendshëm, të cilët në Kosovën e pasluftës mendonin se Zotin e kanë më afër se të gjithë të tjerët, dhe se vetëm ata janë të thirrur që të flasin në emër të Tij.
Gjithashtu nuk e patëm as kapacitet teknik dhe logjistikë për të ndaluar propagandën e dhunshme në emër të fesë, të zhvilluar përmes mjeteve kibernetike, mirëpo për këtë sigurisht nuk jemi fajtor.
Por, cila është forma e parandalimit të mëtutjeshëm të një fenomeni të tillë?
Aq sa po shihet deri më sot ende nuk ka ndonjë hap konkret në parandalimin e ideologjisë fetare e cila çonë në ekstremizëm dhe radikalizëm të dhunshëm.
Sipas të dhënave të sakta, çdo vit nga Kosova mbi 40-50 studentë regjistrohen në universitete të ndryshme të botës, të cilat shumica e tyre me përjashtime të vogla janë të njohura për interpretimin dogmatik dhe të verbër të fesë.
Nëse këta studentë mbesin vetëm brenda domenit të universiteteve dhe të kurrikulave të tyre, çalimi dhe mangësia e tyre në raport me ambientin dhe rrethin tonë do të mbesin permanente.
Kthimi i tyre në vitet në vijim si dhe inkuadrimi i tyre në faltoret tona pa ndonjë parapërgatitje institucionale vendore, vetëm sa do ta rrisë problemin interpretimit të verbër të fesë, i cili pa asnjë dyshim se do të shtojë hutinë si dhe do jetë shkaktarë i luhatjes së tolerancës konfesionale, ndërkonfesionale dhe transkonfesionale.
Ne sot kemi aq shumë kuadro fetare vendore që më herët nuk i kishim, sa që fare nuk kemi nevojë të ikim jashtë vendit për të studiuar mësimet fetare.
Mjafton të përforcohen kriteret në institucionet tona edukative fetare dhe nga to të nxirren kuadro të mjaftueshme për vendin dhe ambientin në të cilin jetojmë.
Vajtimi është vesë i njeriut të dobët, jo vigjilent dhe jo vizionar për të ardhmen e tij.
Preventiva e sëmundjes është shumë më e lehtë sesa shërimi i saj.
Predikimet fetare të cilat nuk i kontribuojnë të mirës së individit, vendit tonë dhe shoqërisë në përgjithësi, nuk duhet duhet toleruar që të jenë pjesë e jona.
Ndërtesa e parlamentit të Kosovës është qëlluar të enjten në mbrëmje me një mjet shpërthyes që la pas vetes dëme materiale, por pa pasoja në njerëz.
Policia tha se tash për tash nuk dihen hollësi rreth këtij sulmi dhe as për autorët apo motivet e mundshme të tij dhe është duke kryer hetimet në vendin e ngjarjes.
Burime të policisë të pakonfirmuara, thanë se dyshohet që dy persona kanë qëlluar ndërtesën dhe janë larguar nga vendi i ngjarjes me një motoçikletë që më pas është gjetur e djegur.
Aleanca për Ardhmërinë e Kosovës reagoi duke e cilësuar këtë ngjarje një akt kriminal.
“Sulmi në ndërtesën e Kuvendit të Kosovës, është një sulm mbi shtetin dhe mbi demokracinë, është një sulm mbi të gjithë qytetarët e Kosovës. Kushdo që qëndron prapa këtij shpërthimi apo sulmi, çfarëdo që të jetë ai, është kundër Kosovës dhe qytetarëve të saj. Aleanca për Ardhmërinë Kosovës, e dënon fuqishëm këtë akt kriminal dhe kërkon nga organet e rendit që të bëjnë krejt çka është në dorën e tyre, që të kapën autorët e tij dhe të nxirren para drejtësisë”.
Ndërtesa e Parlamentit ishte sulmuar edhe në muajin mars të këtij viti me shishe me benzinë dhe policia e kishte vlerësuar si “rast të shkaktimit të rrezikut të përgjithshëm, asgjësimit apo dëmtimit të pasurisë”.
Rasti kishte pasuar një periudhë tensionesh politike dhe disa incidente kur në rrethana të pasqaruara ishin djegur makinat e disa zyrtarëve të Lidhjes Demokratike dhe Partisë Demokratike të Kosovës që përbëjnë koalicionin qeverisës.
Kosova po përballet tash e gati një vit me krizën më të thellë politike që nga shpallja e pavarësisë së saj në vitin 2008, për shkak të mospajtimeve rreth një marrëveshjeje të arritur me Serbinë për krijimin e asociacionit të komunave me shumicë serbe dhe asaj për shënimin e kufirit me Malin e Zi.
Të enjten qeveria e Kosovës miratoi projektligjin për Ratifikimin e Marrëveshjes për kufirin me Malin e Zi dhe e dërgoi atë për miratim në parlamentin e Kosovës.
Opozita dhe ekspertët e pavarur thonë se marrëveshja e dëmton Kosovën për mbi 8 mijë hektarë tokë dhe hedhin poshtë pohimet e Komisionit Shtetërorë për kufirin se shënimi i tij është në pajtim me dokumentet në fuqi, përfshirë edhe planin në bazë të të cilit është shpallur pavarësia e Kosovës.
Ratifikimi i kësaj marrëveshjeje është vënë si kusht për liberalizimin e vizave për qytetarët e Kosovës dhe vonesa e saj mund të bllokojë planet për miratimin e liberalizimit në strukturat e Bashkimit Evropian. za
Patriotizmi është dashuria ndaj atdheut, besnikëria, gadishmëria e të qënurit në shërbim të popullit e vendit në çdo orë apo rrethanë kohore, duke mos kursyer asgjë nga vetja dhe pasuria, sepse atdheu është mbi të gjitha, është i shenjtë. Patriotizmi shërben si katalizator për ecjën përpara dhe zhvillimin e shtetit me vizion kombëtar, pa ndikime ideologjike apo ngjyrime të krahëve politik.
Dashuria ndaj atdheut dhe bashkomabsave, gjuhës, kulturës dhe traditave kombëtare është vyrtyt, është ndjenjë e papërshkruar me fjalë.
Patriotizëm, është të vlerësosh e kontributin e të tjerëve, të vlerësosh meritat dhe skrificën e të parëve, gjakun e dëshmorëve dhe ruajtjen e vlerave të lirisë.
Çështja kombëtare është diçka që ka të bejë më perceptimin personal të individit ndaj kombit e ndaj atdheut. Mbase dikujt kjo mundë t’i duket e thjeshtë, por në realitet është pak ma komplekse, per disa arsye:
E para, ka të bejë me burimin e patriotizmit, i cili në radhë të parë rrjedhë nga familja. Një kryefamiljar i mirë i cili e respekton dhe rehaton familjen e vet, padyshim se do të jetë i aftë të kontribuoj për të mirën e fqinjëve të vetë dhe shoqërisë, në të kundërten nëse kryefamiljari nuk arrin të krijoi harmoni dhe qetësi shpirtërore në familjen e tij nuk ka pse të shkoi me tutje në shpërndarjen e “patriotizmit”.
E dyta, është etika (morali), një person që qendron mirë në aspektin moral, të njëjtin e dojnë dhe e çmojnë shumë fqinjët dhe rrethi shoqëror, pra, mund të jetë i dobishëm edhe për rrethin shoqeror, në të kundërten, një person që ka probleme morale, nuk mund të jetë i deshiruëshem dhe i dobishëm jashta familjes së tij.
E treta, është sinqeriteti, kjo e treta varet shumë nga dy të parat, që i bie, një person që rrjedhë prej një familje të mirë dhe të moralshme, pa dyshim do të jetë edhe vetë i sinqertë, në të kunderten personi që nuk ka edukatë të shendoshë familjare,e ka të veshtirë të krijoi personalitetin e vetë të ndryshem nga familja e tij.
Familja, morali, sinqeriteti, janë keto tri nga shumë elemente tjera që e bejnë individin të jetë patriot (atdhetar) i mirë. Përfshirja e këtyre elementeve dhe të tjerave si: humaniteti, besa, guximi, durimi, vendosmëria, burrëria, qëndresa, dashuria ndaj atdheut,… e që të gjitha keto më një emër do ti quaja KODI PATRIOTIK.
Kod ky, i cili duhet të jetë i respektueshem nga të gjithë, e në veqanti nga ata që e marrin guximin të thirren në emër të popullit, në emër të vlerave kombëtare e patriotike.
Për të kuptuar çështjen e kodit patriotik, më së miri e shofim nëse e bëjmë një refleksion të shkurtër historik nga viti 1990 e deri më sot.
Në vitet e 90-ta, udhëheqesit politik, veprimtarët e patriotët ishin sinonim i së mirës, admiroheshin e respektoheshin aq shumë nga populli i tyre, sa që trajtoheshin si idhuj,…per faktin se kemi pasur një lidership të pergjegjëshem siq ishte Ibrahim Rugova, i cili në plotni i permbahej KODIT PATRIOTIK, ku si rezultat ka pas ushtrimin e pushtetit moral në tërë territorin e vendit, duke arritur për afro 10 vite rresht edhe mbajtjen e shtetit paralel të Kosovës me të gjitha shërbimet për qytetarët, karshi një okupimi të egër e barbar serb.
Kur e kujtoj periudhën e vitevë te 90-ta, më bënë të ndihem i privilegjuar dhe krenar që isha pjesë e aktiviteteve dhe veprimtarisë politike të levizjes paqësore (LDK), ku secili prej nesh dhamë krejtë çka kishim nga vetja jonë për lirinë dhe pavarësinë e vendit tonë. Ideali i vetëm i veprimtarëvë të asaj periudhe historike ka qënë shteti i Kosovës, e jo pushteti.
Ndërsa pas perfundimit të luftës e këndej, e veqmas këtyre viteve të fundit të pas ri-shpalljes së pavarësisë së Kosovës, udhëheqësit politik, pozitë e opozitë shikohen më një sy tjeter, për faktin se nuk e respektuan siq duhet KODIN PATRIOTIK, të qasjes ndaj shtetit dhe qytetarëve.
“Patriotet” e ditëve të sotme, shtetin e kanë bërë burim të pasurimit të tyre, ndersa popullin e shfrytëzojnë si instrument gjatë fushatave zgjedhore për marrjen (mbajtjen) e pushtetit. Politikanët e ditëve të sotme “patriotizmin” e kanë shëndrruar në biznes ditor, për përvetësimin e pasurive nga pronat shoqërore e publike, duke u shkëputur krejtësisht nga hallet dhe problemet e popullit.
Nën “formulën” e privatizimit, Kosovën e kanë shndrru në një shoqëri skllavopronare, ku liderët shtetëror dhe partiak janë bërë pronar të pasurive shtetërore, duke e trajtuar popullin si skllavë ( shërbëtor ) të tyre.
Nga keqpërdorimi i KODIT PATRIOTIK, janë pasuruar e janë ngritur aq lartë sa që zërin e popullit nuk e degjojnë më, po mendojnë se janë berë vetë-Zoti.
Ata që vetën e mendojnë si të tillë vertetë vlejnë pak, shumë më pak se njerëz.
Si pasojë e kësaj njerëzit e politikës, shiqohen më ironi nga popullata, janë bërë sinonim i së keqës. Shumë aktivist, veprimtar politik e atdhetar të devotshëm të çështjes kombëtare janë duke u djegur nën hijen e këtyre keq-përdoruesve të KODIT PATRIOTIK.
Populli i nderon dhe i çmon shumë veprimtarët e të gjitha periudhave historike, luftetarët e lirisë, ata të cilët dhanë gjymtyrët e trupit për lirinë që e gëzojmë sot, më pietet të lartë i kujton të gjithë dëshmorët e martirët, i kujton dhe nuk i harron asnjëherë të vrarët e të zhdukurit gjatë luftës, ku të gjthë së bashku janë bërë gurëthemel i fortë i shtetit të Kosovës.
Historia jo shumë e largët e popullit shqiptar na tregon mjaftë mirë se si patriotët e vertetë gjithmonë kanë sakrifiku gjithçka nga pasuria e tyre për popull e për atdhe deri të më e shtrënjta-jetën e tyre.
Ndërsa “patriotët” e ditëve të sotme çuditërisht, e bënën të kundërten e saj, duke e shfrytëzuar fatkeqësinë e popullit të tyre janë pasuruar tejë mase, ku nga hiqi u bënë milionera, në të njëjten kohë,…duke u thirrur në gjakun e dëshmorëve më qëllim të marrjes së primatit të “çlirimtarëve e shpëtimtarëve” të kombit , janë shndrruar në shkelësit më të medhënje të gjakut të dëshmoreve dhe martirëvë të Kosovës.
Pas dërgimit të Projektligjit të demarkacionit me Malin e Zi, nga Qeveria në Kuvendin e Kosovës, u raportua në media se sot do të votohet për ratifikim.
Por lajmi.net merr vesh nga burime se Demarkacioni do të votohet në seancën e rregullt e cila do të mbahet të enjten e ardhshme.
Derisa para Kuvendit të Kosovës, po mbahet protestë, brenda ka filluar seanca parlamentare. Në fjalën e tij deputeti i Vetëvendosjes Albin Kurti ka thënë se Marrëveshja e Demarkacionit me Malin e Zi është marrëveshje kapitullimi për Kosovën
Albin Kurti në fillimin e seancës së Kuvendit ka thënë se Kosova nuk ka kufij e as territor me ratifikimin e Marrëveshjes së Demarkacionit me Malin e Zi.
“Marrëveshja e demarkacionit tregon se Kosova nuk ka kufij, nuk ka shtet, nuk ka qytetarë, e me këtë ne jemi refugjatë”, ka thënë Kurti.
Ai gjithashtu ka thënë se Marrëveshja e Thaçit dhe Hysenit me homologët malazez është marrëveshje e kapitullimit të Kosovës.
Mirëpo, krejt në fund, Kurti nuk arriti ta përfundoj fjalën e tij, ku iu drejtua deputetëve të Kuvendit se cilën Amerikë e duan, pasi iu ndërpre fjala nga nënkryetari i Kuvendit Xhavit Haliti.
Ai tha se edhe Qeveria edhe opozita e duan fort SHBA’në, po sipas është e rëndësishme se cilën Amerikë e duan, atë të Alkapones apo të Kenedit, Rusveltit e Martin Luter Kingut./GazetaExpress/
Mbeta gjatë dje duke parë debatin shkencoro-profesional për kufirin me Malin e Zi. Dhe duket se njëra nga arsyet pse mbeta aq gjate ishte se krejt kohën pritsha argumente shkencore nga ata qe flitnin, por kot! Duket se disa prej tyre e kishin kap per bishti shkencen: na prezentonin, ose me mire te them na tregonin do harta, dhe fitova pershtypje se ne at pazar, argumenti shkencor ishte me i madh sa me e madhe qe ishte harta, qe e hapnin per disa sekonda.
Dhe per ta kthy kete shkence ne komedi, prezentuesit e te gjitha rrymave te mendimit, pasi qe e hapnin harten per disa sekonda, na thonin: siç po e shihni ketu, situata eshte kjo… Ne nderkohe qe asgje nuk ishim ne gjendje te shohim as te kuptojme nga keto prezentime!!! Prita me ore te tana qe ndokush, cilido, ta thote at fjaline magjike e cila do te ma qartesoje tere punen. Por se tha kush! Gara qe behej aty ishte: kush ka me shume harta, sidomos te medha, eshte shkencetare me i madh!
E tash, mbasi qe jemi te shkenca (nuk besoj se ka vend ne bote ku me kete term abuzohet ma shume), ajo qe arrita ta kuptoj eshte se kishin humbur diku nja 6000 hektare toke. Kishin humbur nga teritori i Kosoves, te jem me i sakte, qe implikon se kishin kaluar ne fondin tokesor Malazias. Dhe mu kujtu nje nga ligjet themelore te natyres, Ligji i Rruajtjes se Mases. Pra, shkencetaret qe ishin para neve dje ne kete debat maratonik, e dinin, se sipas ketij ligji ato 6000 hektare smund te humbin, por jane dikund.
Duhej thjeshte qe te dy palet te tregojne se ku janw tretur? Komisioni shteteror thonte se jane aty dikund, por nuk na solli ndonje qeles “shkencor” per t’i gjete! Komisioni i pavarur tregoi se e ka edhe dokumentacionin malazias ne dispozicion, por nuk na tregoi se ne cilat parcela katastrale, ne Mal te Zi, shkuan ato 6000 hektarë. Ose unë me te vërtet edhe këtë pjese se kam kuptuar si duhet, për çka ju kërkoj falje te gjitha palëve te involvuara. Ama, ndoshta faji është i tyre, se nuk me bene te kuptoj. Kete ma thotë edhe një rreth i gjere i njerëzve me te cilet shoqërohem.
E tash nese e kam kuptu mire deri ketu, mendoj se te gjitha paleve i mbetet t’i gjejnë këto hektarë te humbura, dhe te na tregojnë se pse janë aty ku janë? Nëse dështojnë, atëherë e kane edhe një mundësi: ta kundërshtojnë fuqishëm ligjin e rruajtjes se masës, dhe kush e di, mund te na dal edhe ndonjë nobelist nga kjo pune!
Deputetja nga radhët e Lëvizjes Vetëvendosje, Albulena Haxhiu ka thënë se procedimi i marrëveshjes për Demarkacion në Kuvend nga ana e Qeverisë së Kosovës, është tradhti ndaj kombit, demokracisë, vullnetit të qytetarëve dhe fakteve.
Këto komente Haxhiu i bëri përmes një postimi në Facebook.
Postimi i plotë:
Qeveria në orët e hershme të mëngjesit, ka proceduar në Kuvend marrëveshjen për demarkacionin me Malin e Zi edhe përkundër fakteve që dje pas argumenteve të profesoreve dhe eksperteve edhe njëherë u dëshmua se me marrëveshjen e nënshkruar nga Thaçi, Malit të Zi janë falë mbi 8200 ha!
Procedimi i kësaj marrëveshje është tradhëti ndaj kombit, demokracisë, vullnetit të qytetarëve dhe fakteve!
Është tashmë evidente që situata do të dal jashtë kontrollit dhe për këtë do të mbahen përgjegjës Mustafa, Thaçi e Veseli!
Lëvizja Vetëvendosje ka ftuar qytetarët e aktivistët, që sot në orën 10:00 të mblidhemi para Kuvendit të Kosovës.
Sipas Vetëvendosjes, nëse nuk tërhiqet Qeveria, gjendja do të dalë jashtë kontrollit dhe rezistenca do të jetë edhe më e ashpër se kurdoherë.
Sipas VV-së është momenti vendimtar që të mbrohet Republikën nga këta kriminelë e zaptues, kurse demarkacioni nuk do të kalojë.
“Qeveria e Kosovës po e provokon situatën. Nëse nuk tërhiqet Qeveria, gjendja do të dalë jashtë kontrollit dhe rezistenca do të jetë edhe më e ashpër se kurdoherë”, kanë thënë në Vetëvetëvendosje.
Një ditë përpara se të mbahej tryeza shkencore lidhur me Demarkacionin, deputetët e LDK –së, Besa Gaxheri, Armend Zemaj, Arben Gashi si dhe ish kryetari i komunës së Pejës Ali Lajqi së bashku me disa anëtar të tjerë të LDK – së kishin vizituar Qakorrin pikërisht pikën ku mendohet se është kufiri.
Anëtari i LDK-së, Kushtrim Gjevukaj, të martën i ka postuar disa fotografi ku shihet së bashku me Gaxherin, Zemaj, Gashin e Lajqin, njofton Klan Kosova.
“Dr. Ibrahim RUGOVA kishte paralajmëruar për DEMARKACIONIN:
Kufiri me Malin e Zi do të jetë pika e Çakorrit !
Sot u zotuam qe amanetin e presidentit RUGOVA ta qojmë në vend !”, ka shkruar ai.
Qeveria e Kosovës sot ka miratuar dhe proceduar në Kuvend Projektligjin për Ratifikimin e Marrëveshjes për Kufirin Shtetëror ndërmjet Republikës së Kosovës dhe Malit të Zi.
Qeveria edhe mëngjesin e sotëm ndërroi agjendën e takimit. Ajo u mblodh 45 minuta më herët se sa e kishin paralajmëruar për media. Ministri i Jashtëm i Kosovës, Enver Hoxhaj, ka thënë se prej kësaj marrëveshje varet liberalizimi i vizave dhe integrimet evropiane,m raporton TV Arta.
“Nëse në të ardhmen paraqitet ndonjë fakt që e dëshmon të kundërtën, atëherë Ligji e parasheh që ky proces mund të zgjidhet përmes arbitrazhit apo përmes marrëveshjes direkte me Malin e Zi”, ka thënë ministri i Punëve të Jashtme, Enver Hoxhaj.
Ndërsa kryeministri i Kosovës, Isa Mustafa, ka ripërsëritur se ky vendim është i drejte dhe se kauza e opozitës është e paqëndrueshme. Ai ka thënë se Projektligji procedohet në Kuvend në mënyrë të rregullta, ndërsa Kryesia e Kuvendit vendos kur do ta mbajnë seancën për demarkacionin.
Kuvendi i Kosovës do të mund ta kalojë ratifikimin e Marrëveshjes së Demarkacionit të kufirit me Malin e Zi, për shkak të presioneve që deputetët mund t’iu nënshtrohen, kanë deklaruar njohës të rrethanave politike në vend.
Sipas tyre, presioni politik do të rritet posaçërisht ndaj atyre deputetëve të Kuvendit të Kosovës, nga partitë në pushtet, që kanë shprehur rezervat e tyre ndaj gjithë procesit të demarkacionit.
Miratimi i Marrëveshjes për demarkacion, thonë njohës të rrethanave, mund të kalojë në njërën nga seancat e ardhshme të Kuvendit, pavarësisht kundërshtimeve që mund të ngrisin sërish deputetët e opozitës në vend.
Analisti i çështjeve politike, Artan Muhaxhiri, i ka thënë Radios Evropa e Lirë se ratifikimi i marrëveshjes për demarkacionin varet vetëm nga presionet që mund t’iu bëhen disa deputetëve, në të kundërtën qeveria aktualisht nuk i ka votat e mjaftueshme për ta kaluar këtë proces.
“Është e qartë se kanë filluar presionet qoftë të hapura, qoftë në prapa skenë ndaj deputetëve të koalicionit qeverisës që nuk pajtohen me këtë demarkacion dhe votimi apo jo i demarkacionit do të varet nga suksesi i presionit qoftë ndërkombëtarë apo brenda partiak ndaj deputetëve të cilët nuk janë ende të bindur që ta votojnë”.
“Mirëpo, nëse këto presione arrijnë sukses, atëherë natyrisht qeveria do të trimërohet dhe do ta dërgojë demarkacionin në Kuvend, mirëpo nëse jo, atëherë mund ta presim edhe shpërbërjen e qeverisë dhe zgjedhjet e reja”, thekson Muhaxhiri.
Mbetet sigurimi i dy të tretave të votave të deputetëve për ratifikimin e marrëveshjes për demarkacionin me Malin e Zi, ngase nuk është vetëm opozita, por janë edhe disa deputetë nga partitë në pushtet që nuk e pranojnë versionin aktual të marrëveshjes për Demarkacionin me Malin e Zi.
Petrit Zogaj, analist dhe drejtor ekzekutiv i organizatës “Fol”, në një prononcim për Radion Evropa e Lirë tregon se koalicioni qeverisës nuk po tregon se ka votat e mjaftueshme që kjo marrëveshje të kalojë.
Mirëpo, Zogaj shton se koalicioni qeverisës po mundohet të bën gjithçka që është e mundur që demarkacioni të ratifikohet në Kuvendin e Kosovës.
“Mund të ketë presion, mund të ketë bindje, mund të ketë diskutime, por e shoh që lidershipi i të dyja partive politike në qeveri janë të interesuar që kjo marrëveshje të kalojë, por, kanë deputetë rebel që po tregohen se nuk mund të binden për të votuar marrëveshjen që Hashim Thaçi e ka nënshkruar në gusht të vitit të kaluar”, thekson Zogaj.
Ndërkohë, një debat për demarkacionin, i organizuar të mërkurën në Kuvendin e Kosovës, me pjesëmarrjen e Komisionit shtetëror, të ekspertëve, shoqërisë civile, deputetëve të të gjitha grupeve parlamentare dhe udhëheqësve të institucioneve të vendit, ka ripërsëritur qëndrimet e palëve.
Opozita thotë se demarkacioni duhet të zhbëhet për të rinisur një tjetër proces, por paritë në pushtet dhe një pjesë e bashkësisë ndërkombëtare kanë bërë thirrje për votimin e marrëveshjes me të cilën do të hapej perspektiva e Kosovës.
Këtë debat në të cilin u diskutua për çështjen e demarkacionit me Malin e Zi, analisti i çështjeve politike, Artan Muhaxhiri e quan të kotë i cili nuk mund të rezultojë me asnjë element konstruktiv dhe të dobishëm.
“Në esencë nuk do të ketë kurrfarë rezultati është një tentim i zbrazët i cili për fat të keq do të vazhdojë mjegullojë çështjen e demarkacionit dhe nuk do të rezultojë me afrimin e qëndrimit të të dyjave palëve”, thekson Muhaxhiri.
Ndërkohë, analisti Petrit Zogaj, i cili ka ndjekur për së afërmi debatin e zhvilluar në kuvend për demarkacionin, thekson se ky debat vetëm sa i ka thelluar përçarjet mes palëve edhe më shumë.
“Çfarë ka shërbyer ky debat, vetëm se ata ia kanë detajuar kundërshtimet dhe mosmarrëveshjet më thellë dhe nuk pritet që ky debat t’i përafrojë qëndrimet,përkundrazi i ka larguar tutje dhe pothuajse e ka bërë të pamundshme që të arrihet ai konsensusi që kërkohet”, thotë Zogaj.
Mali i Zi dhe Kosova kanë nënshkruar marrëveshjen për përkufizim të vijës kufitare në Vjenë në fund të muajit gushtit të vitit të kaluar në praninë e presidentit malazez Filip Vujanović dhe kryeministrit të Kosovës Isa Mustafa, si dhe në prani të ministrit të jashtëm të Austrisë Sebastian Kurz.
Ratifikimi i Marrëveshjes së Demarkacionit me Malin e Zi është kushti i fundit të cilin Bashkimi Evropian pret që Kosova ta zbatojë, para se kjo e fundit ta marrë liberalizimin e vizave. (REL)
Prokuroria e shtetit të Kosovës nuk do të fillojë hetime lidhur me bisedat e përgjuara telefonike të shefit të grupit parlamentar të Partisë Demokratike të Kosovës, Adem Grabovci, me zyrtarë të ndryshëm të kësaj partie, përfshirë edhe ish-kryetarin e saj, Hashim Thaçi, dhe kryetarin aktual, Kadri Veseli.
Kryeprokurori i Shtetit, Aleksandër Lumezi, tha se përgjimet e bisedave telefonike të zyrtarëve të lartë të PDK-së kanë qenë objekt i shqyrtimit ndërkombëtar, të prokurorit të Eulex-it, në rastin e ish-Ministrisë së Transportit dhe Infrastrukturës, në vitin 2011.
“Niveli i provave që kanë qenë objekt i vlerësimit nga prokurori ndërkombëtar, sipas tij, nuk kanë qenë të mjaftueshme për të ngritur akuzë”, tha Lumezi.
Bisedat e përgjuara të shefit të grupit parlamentar të PDK-së, Adem Grabovci, u publikuan pak ditësh më parë nga gazeta në internet, Insajderi.com, dhe në bazë të tyre zyrtarë të lartë të Partisë, sipas gazetës, shfaqin ndikimin e ushtruar nga kjo parti në emërimet në postet qeveritare, në drejtësi, media dhe në polici.
Gazeta pohon se ka mbi njëmijë biseda të përgjuara telefonike, të nxjerra me vendim gjykate, gjatë fundvitit 2011, dhe ato u rishfaqën sërish pas gati pesë vjetësh.
Në dhjetor të vitit 2012 u publikuan disa përgjime, ku protagonist ishte prapë shefi i grupit parlamentar, Adem Grabovci, dhe në to u përfshinë çështje të ndryshme të veprimtarisë qeveritare e partiake.
Zyrtarë të EULEX-it, që përgjuan bisedat me vendim të gjykatës në kuadër të hetimeve në ministrinë e Transportit, Postës dhe Telekomunikacionit, thanë se “materialet e bisedave u bënë publike pasi i ishin dorëzuar Gjykatës dhe Këshillit të Mbrojtjes në një proces gjyqësor”.
Pesë vjet më pas, publikimi i bisedave të përgjuara ka nxitur sërish reagime. Shefi i grupit parlamentar të PDK-së, Adem Grabovci, ka theksuar se publikimi i bisedave “është tendencë për eliminime politike”.
Organizata të shoqërisë civile kërkojnë ndriçimin e plotë të këtyre zhvillimeve, ndërsa në prokurorinë e shtetit thonë se janë “duke i analizuar ato”. (REL)
Presidenti i Kosovës, Hashim Thaçi (djathtas) dhe kryeministri i Kosovës, Isa Mustafa
Presidenti i Kosovës, Hashim Thaçi, u bëri thirrje sot pjesëmarrësve në tryezën shkencore-profesionale që të bëjnë “debat të hapur dhe profesional dhe të shpalosin argumentet. Ai tha se shenjimi i vijës kufitare me Malin e Zi ka marrë mbështetje nga Bashkimi Evropian dhe Kosova, sipas tij, nuk ka humbur asnjë pjesë të territorit të saj”.
Debati i thirrur nga kryesia e Kuvendit të Kosovës, me kërkesë të 24 deputetëve nga radhët e LDK-së, LVV-së dhe PDK-së, do të përballë gjatë ditës së mërkurë komisionin shtetëror për demarkacion me Malin e Zi dhe eskpertët e fushës, si dhe deputetët e Kuvendit.
Presidenti Thaçi i dha një mbështetje të fuqishme komisionit shtetëror, duke e cilësuar punën e tij “të drejtë” që ka nxjerrë një “marrëveshje me Malin e Zi e cila është përkrahur nga të gjithë mbështetësit e Kosovës”.
“Shënjimi i vijës kufitare ka marrë mbështetje nga Bashkimi Evropian. Ju ftoj për një debat sa më të hapur dhe sa më profesional, ku do të shpalosen vetëm argumentet. Ftoj që të keni parasysh se sot nuk është në pyetje vetëm marrëveshja, por edhe aftësia shtetërore e Kosovës. Aftësia për të arritur marrëveshje ndërkombëtare, për të funksionuar si shtet dhe si anëtar i barabartë”, tha presidenti Thaçi, duke nënvizuar se “Kosova nuk ka humbur asnjë metër katror të territorit të vet.”
“Institucionet dhe komisioni kanë bërë demarkacion e nuk kanë bërë histori”, ka thënë presidenti Thaçi.
Edhe kryeministri i Kosovës, Isa Mustafa, ka dhënë pothuaj të njëjtin vlerësim me Presidentin, duke thënë se “Kosova nuk ka humbur terroritror me marrëveshjen e arritur më Malin e Zi.
Ai tha se puna që ka bërë komisioni shtetëror për demarkacion është e drejt dhe caktimi i kufijve është bërë në mënyrë të saktë.
“Nëse themi se kemi humbur tokë. Ejani sot ta argumentojmë. Unë mendoj se përfundimi i këtij takimi meriton të jetë pranim i fakteve se nuk guxojmë të luajmë me fatin e Kosovës dhe të qytetareve të saj për interesa politike as të pozitës e as të opozitës. Ne duhet të punojmë bashkërisht për interesa reale të çdo njeriu në Kosovë”, tha Mustafa.
Debati për demarkacionin që po zhvillohet në një sallë alternative të Kuvendit, nisi me fjalën e kryetarit të Kuvendit, Kadri Veseli, i cili theksoi se debati për demarkacionin i ka munguar venditpër një kohë të gjatë.
“Duhet të punojmë për interesat e qytetareve dhe për dinjitetin e tyre. Kjo është një mundësi e mirë që ballafaqohen argumentet për kufirin. Është e rëndësishme që të përçohen mesazhe të mira që Kosova të këtë raporte të mira më shtete fqinjët”, tha Veseli. (REL)
Liqenati – Rugovë – Vija ndarëse mes Kosovës dhe Malit të Zi
Pavarësisht rezultatit të tryezës për debat të thirrur nga Kryesia e Kuvendit të Kosovës dhe klimës që mund të krijohet, procesi i miratimit të marrëveshjes së debatueshme për Demarkacion të kufirit me Malin e Zi, pritet të kalojë në një seancë të rregullt brenda gjysmës së dytë të muajit gusht, thonë burime të afërta me procesin.
Qeveria e Kosovës, thuhet se, brenda pak ditësh mund ta dërgojë në Kuvend Marrëveshjen për Demarkacion me Malin e Zi, duke kërkuar pajtimin e shumicës për të kaluar një kusht të domosdoshëm evropian.
Mësohet se drafti i ri që pritet ta diskutojnë deputetët e Kuvendit të Kosovës gjatë javëve në vijim, do të përmbajë një klauzolë të veçantë me të cilën do të kërkohet që, siç thuhet, “çështjet kontestuese të rinegociohen me Malin e Zi”.
Ky thuhet të jetë një prej kompromiseve që mund të jenë arritur me opozitën, e cila ka kundërshtuar fuqishëm ratifikimin e marrëveshjes me Malin e Zi, për shkak të, siç thotë, humbjes së një pjese të territorit të Kosovës.
Radio Evropa e Lirë mëson se deputetët e Kuvendit të Kosovës do të mund të vendosin që në vend të këtij formulimi të kërkojnë “arbitrazh ndërkombëtar” në diskutimin për Marrëveshjen për Demarkacion, që do të organizohej brenda javësh në Kuvend, dhe që si diskutim do të shënonte edhe një hap përpara në përmbushjen e një kushti të rëndësishëm evropian.
Nëse për asgjë tjetër, debati i Kuvendit të Kosovës, që pritet të mbledh për herë të parë palët në ‘konflikt’, do të mund të vlerësohet si një mënyrë për të tejkaluar një situatë të pamundshme të krijuar në Kosovë dhe për t’i hapur asaj rrugën për dy procese të rëndësishme: liberalizimin e vizave për qytetarët e vendit dhe vazhdimin e punës për ndërtimin e Gjykatës Speciale.
Kushti i liberalizimit të vizave për Kosovën, i vënë nga Komisioni Evropian në rekomandimin e tij për lëvizjen e lirë të qytetarëve për Demarkacion të kufirit me Malin e Zi, përfundimisht duhet të plotësohet me fillimin e muajit shtator, kur Parlamenti Evropian do të duhej të votonte mbi raportin e raportueses Tanja Fajon për t’i hapur rrugën Këshillit Evropian që ta bëjë të njëjtën gjë.
Nëse Kosova kalon afatet e përcaktuara, dhe jo më larg se deri më 20 tetor, procesi i liberalizimit të vizave do të shtyhej për një periudhë të pacaktuar kohore, me cilësimin se ajo nuk mund të menaxhojë proceset e brendshme.
Gjithsesi se votimi në Kuvendin e Kosovës, në çfarëdo forme do të mund të shpëtonte edhe qeverinë aktuale të Kosovës e cila është gjendur përballë një konfrontimi të rëndë më opozitën, që po kundërshton Marrëveshjet e nënshkruara prej saj.
Me bllokadën që çon drejt problemeve edhe me partnerin e koalicionit, Lidhja Demokratike e Kosovës është detyruar që të kërkojë përmes deputetëve të saj e në bashkëveprim me Lëvizjen Vetëvendosje një zgjidhje përmes tryezës për debat duke e cilësuar atë si të domosdoshëm për të nxjerrë vendin nga situata e krijuar.
Tryeza, i thanë Radios Evropa e Lirë zyrtarë të partive në pushtet, do të zbardhë edhe agjendën e Kuvendit në ditët në vijim. (REL)
Voal – Njeriu që mban gjallë fuqinë në prapaskenë të PDK-së së pushtetshme është Adem Grabovci. Koordinon të gjitha aktivitet e paligjshme të partisë. I luten të gjithë për kryerjen e favoreve. Ai iu nënshtrohet vetëm dy vetave: Hashim Thaçit e Kadri Veselit.
Adem Grabovcin të gjithë e thërrasin “shef”. I tillë është me veprime kur është fjala për të shpërdoruar autoritetin zyrtar.
Fuqia e tij dhe strukturës së Partisë Demokratike të Kosovës dëshmohet me një seri përgjimesh telefonike që ka siguruar Insajderi. Vetëm për dy muaj, nëntor – dhjetor 2011, ai punëson qindra njerëz, zgjedh dhjetëra kryetarë e anëtarë bordesh, drejtorë ndërmarrjesh e agjencish të pavarura.
Heq nga lista njerëz që në teste dalin të parët për pozita udhëheqëse. Ndërron komisione për konkurse. Madje i anulon konkurset në ato raste kur njerëz të tij nuk marrin pikë të mjaftueshme.
Pos kësaj, Grabovci punëson njerëz të vetë në Policinë e Kosovës, zgjedh prokurorë e gjyqtarë. Mes tyre, Sali Mekajn e bën kryetar të Gjykatës së Apelit, Sylë Hoxhën e bën kryeprokuror të Prizrenit. Kërkesa të shumta për ta takuar Grabovcin bën Haxhi Dërguti, atë kohë prokuror në Prokurorinë e Qarkut të Prishtinës. Aktualisht, Dërguti është kryeprokuror i Prokurorisë së Apelit.
Gjithë këto veprime Grabovci i bën me dijeni dhe në bashkëveprim me Hashim Thaçin, president i Kosovës të cilin e quan “shef”.
Insajderi ka siguruar mbi njëmijë biseda të përgjuara telefonike të nxjerra me vendim gjykate të Adem Grabovcit, gjatë nëntorit dhe dhjetorit të vitit 2011. Ishte hetuar nga EULEX-i.
Asokohe, Grabovci, shef i grupit parlamentar të Partisë Demokratike të Kosovës hetohej për vepra penale të krimit të organizuar, shpërdorimit të detyrës zyrtare e lidhje kontratash të dëmshme. Këto veprime dyshohej se i kishte kryer gjatë kohës sa ishte zëvendësministër i Transportit dhe Postë-Telekomit.
Kjo ministri drejtohej nga Fatmir Limaj, i cili po përballet me një gjykim për vepra të njëjta penale për të cilat dyshohej Grabobvci.
Hetimi për Grabovcin ishte mbyllur në mungesë provash. Por, përgjimi i tre numrave telefonik ka zbuluar se Grabovci përdorte gjithë fuqinë dhe autoritetin zyrtar për të kryer punë në interes të njerëzve të tij, të militantëve partiakë dhe për të dëmtuar të tjerë që nuk i përkisnin linjës dhe interesit të tij.
Gazeta online Insajderi ka përzgjedhur një seri përgjimesh telefonike që lidhen me veprimet politike, ndërhyrjet në punën e Kuvendit dhe deputetëve, ndikimin ndërkombëtar mbi PDK-në dhe Hashim Thaçin dhe votimin me çdo kusht të dy ligjeve të kontestueshme atë kohë: atë për Qendrën Historike të Prizrenit dhe Ligjit për Hoqën e Madhe të Rahovecit.
Ndikimi i njerëzve të përgjuar shtrihet mbi secilin institucion të Kosovës, përfshirë pushtetet e pavarura. Ai ka ndikim mbi sistemin gjyqësor, atë prokurorial, mbi Policinë e Kosovës, mbi media siç është Televizioni Publik, disa gazeta ditore, mbi një televizion privat dhe mbi shumë gazetarë.
Grupi i tij politik kontrollon Universitetet, zgjedh për anëtarë bordesh zyrtarë të lartë partiakë si dhe cakton udhëheqës të këtyre institucioneve.
Gjithashtu, Grabobvci ka ndikim mbi biznese siç është kompania “Dukagjini” e Ekrem Llukës dhe kompaninë “Devolli Group”, asokohe pronë e vëllezërve Shkelqim e Blerim Devolli.
Ndikim dhe punësime në institucione shtetërore kanë edhe djemtë e tij, Ngadhënjimi dhe Guximi.
Në këto përgjime Grabovci zbulohet duke i dhënë listë me emra njerëzish, drejtorit të Policisë së Kosovës, Shpend Maxhuni për punësim në këtë institucion.
Insajderi do të sjell një seri bisedash të Grabovcit me Hashim Thaçi, Kadri Veselin, Shaip Mujën, Ramë Bujën, Ilhami Gashin, Hajdar Beqën, Latif Gashin, Azem Sylën, e zyrtarë tjerë shtetërorë e partiak.
Bisedat dëshmojnë veprimet dhe metodat e Thaçit për të mbajtur dhe forcuar pushtetin me çdo kusht.
Njerëzit me të afërm të tij janë Shkelqim Devolli me të cilin komunikon disa herë në ditë, Hajdar Beqën, Shaip Mujën, Ilhami Gashin e Ramë Bujën, etj.
Përgjimi zbulon po ashtu talljet e deputetëve të PDK-së me deputetët e pakicave. Serbët quhen “shkije”, ndërsa romët, ashkalitë dhe egjiptasit – “magjup”.
Insajderi ka kontaktuar me shumicën e protagonistëve, por ata kanë refuzuar të flasin për këtë çështje./Insajderi.com
Nese dikush ka besuar dhe ka besuar së kjo strukturë politike e cila e ka zaptuar shtetin, janë do burra të mirë të kombit, duket së se po iu bien në tokë përfundimisht maskat .Përgjimet që po dalin në opinion e sidomos veprimet e deritashme po e dëshmojnë katercipërisht këtë. Fjalori i tyre i ndëgjuar nga këto përgjime fletë për nivelin e tyre intelektual dhe nivelin e tyre njerëzor. Po iu bien maskat kësaj kaste politike në pushtet e cila gjithnjë e më shumë po e dokumentojnë së pak gjë kanë të përbashkët më profesionin e politikanit. Parat e popullit janë shumë të pa dhimbshme për ta. Dikush do të thoshte heu po taksirat pat ky popull më këtë klasë politike në krye të shtetit, në kohën kur ky shekull më të drejtë konsiderohej si shekull i shqiptarëve. U tubuan gjithëfarë masllahati në krye të shtetit dhe në mbarë aparatin shtetëror. Të gjitha zgjedhjet e pas luftës tash duket ashiqare së ishin të manipuluara, se ishin zgjedhje të vjedhjeve industriale të votave, së ishin zgjedhje ku interesat e popullit u qitën jo në planë të dyte , po as nuk janë futen fare në tefterët e tyre.Na është mbushur qeveria dhe parlamenti me bajloza të cilët po shihet edhe nga aeroplani së janë aty për ti realizuar interesat përsonale .Janë majmur më para të populli si majmen postermat e tynehershit. Prodhuan gjatë këtyre viteve aq shumë afera dhe gjoja zenka të ndërsjella , veq sa për ti qitur hy syve këtij populli I cili nuk po ka kush që e zgjonë nga gjumi I rëndë.Veq nese u bien tupanat e dasmave verore të veshi , se vështirë që levizin për ti stopuar këta pushtetarë . Bashkësia Ndërkombëtare po i ka të prefuar këta njerëz në krye të shtetit . Të gjithëve ua kan dosjet dhe ua kanë zënë “bishtin më derë”, e këta nuk pritojnë hiq edhe detyrimisht ti kryejnë detyrat hyzmeqare. A ka gjë ma mjerim për këtë Kosovë së këta njerëz të deligjitimuar të thirren dhe të qierrën në kup të qiellit së gjoja na i përfaqësojnë interesat e popullit? Tash besa po thirrën dhe po I përfaqësojnë interesat e popullit së , ky popull po ua qetë do vota , e të tjerat vota të nevojshme i bajnë vetë për të ardhur në pushtet. Po i mashtrojnë popullin më parat e tyre, duke i joshur edhe më poste e privilegje të tjera . Kjo është e turpshme , e pa moralshme dhe aspak nuk ka të bëjë më shtetndërtim dhe prosperitet të gjithëmbarshem. Pushteti i mbushur më njerëz të proceseve gjyqësore , dhe më njerëz të korruptuar , është pushtet i cili Kosovën dhe popullin po e qon drejtë greminës. Po dihet tashmë botërisht së këta do ta mbajnë pushtetin edhe më forcë nese është nevoja, së janë bër vet shteti dhe janë berë vet populli.Të gjitha këto hajni të mëdha e të vogla, të gjitha këto uzurpime, dhe prapë vazhdojnë pa fije turpi të mbesin në pushtet, dhe kur të vijnë zgjedhjët lokale e nacionale pa fije turpi e kërkojnë votën e popullit!!! E dinë mirë së prapë do të fitojnë , e dinë mirë së do të fitojnë së mashtrimin dhe shantazhin e kan mësuar mirë, për të ardhur deri të pushteti. Nese veq pak iu rrezikohet puna që mos më ardhë në pushtet, e kan planin rezervë , i kan planet së si dhe çka duhet bërë që këtë “mungesë “votash, ta kompenzojnë më vota të vjedhura dhe të shantazhuara. Pse mund të fitojnë prapë zgjedhjet shtrohet pyetja logjike? Mund të fitojnë sepse I kan parat e popullit në shfrytëzim dhe çdo mekanizem tjetër shtetëror . Mund të fitojnë sepse kan arritur ti qesin nga loja intelektualet, dhe kujtë kan populli pastaj më ia qitë kokrrat veq këtyre . Pasi ende nuk kemi ndonjë parti të re të fortë politike , PDK, LDK, AAK, VV janë prapë partitë kryesore nga të cilat do të dalë pushteti I ardhshem. Sërish do të fitojnë pushtetin ata që gjendjën politike dhe gjendjën ekonomke e kan pru në pikën zero, e nuk ishte dashur të ndodhë më asnjë kusht. VV deri më tash nuk e kishte pushtetin qendror, por nuk u treguan shumë efikas si partia kryesore opozitare karshi pozitës. Më shumë pamë zhurmë se sa vepra konkrete për të hequr këtë pushtet. Kam përshtypjën së atëherë kur vala e protestave ishte rritur , dhe shtohej edhe besimi së ky pushtet do të hiqët , dikush nga opozita duket së nuk ishte i interesuar që kjo edhe vërtetë të ndodhë. Pozitë dhe Opozitë sikur po janë të interesuara që gjendja e status- kuos të vazhdonë sepse në pyetje është edhe puna e Gjykatës Speciale. Sinqeritet politik duket ekziston tek Opozita kur bëhët fjalë për temën e Demarkacionit më Malin e Zi, por edhe për temën e “Zajednicës”. Të shohim së edhe sa kohë do të vazhdojnë lojërat politike në kurriz të popullit dhe në kurriz të shtetit të ri të Kosovës…
Liqenati – Pejë, vija ndarëse mes Kosovës dhe Malit të Zi
Autoritetet e Malit të Zi kanë ritheksuar se nuk do ta ri-negociojnë procesin e Demarkacionit ndërkohë që institucionet e Kosovës po vazhdojnë të kërkojnë mënyra për ta ratifikuar marrëveshjen e arritur vitin e kaluar për kufirin me Malin e Zi.
Anëtari i Këshillit të politikës së jashtme të Parlamentit të Malit të Zi Nikollë Gegaj, i ka thënë Radios Evropa e Lirë se në Mal të Zi “nuk po shqyrtohet mundësia e përkufizimit të sërishëm të vijës kufitare me Kosovën”.
Ai ka bërë të ditur se marrëveshja për Demarkacionin e nënshkruar nga nivelet më të larta të të dyja shteteve dhe në praninë e përfaqësuesve të bashkësisë ndërkombëtare, ka mbetur që të ratifikohet nga pala e Kosovës.
“Nuk besoj që do të bëhet rivlerësimi i asaj që është nënshkruar dhe miratuar nga ana e Komisioneve që kanë kryer punë të mirë si dhe të qeverive të të dyja vendeve. Kuvendi i Malit të Zi e ka ratifikuar marrëveshjen prandaj edhe pritet që shteti mik Kosova ta bëjë të njëjtën“, ka thënë Gegaj, duke rikujtuar se edhe presidenti amerikan, Barack Obama në takim me ambasadoren e Kosovës në Uashington e ka përkrahur ratifikimin e marrëveshjes.
Gegaj thotë se “ajo që është bërë mund të shërbejë si një model i bashkëpunimit për të tjerët në rajon dhe njëkohësisht dërgohet edhe një porosi pozitive në rajonin e Ballkanit Perëndimor se mund të bashkëpunohet dhe të vihet deri të zgjidhjet që janë në interes të përbashkët”.
“Demarkacioni ndërmjet shteteve që kanë dalë pas shpërbërjes së Jugosllavisë është proces i rëndë dhe i ndërlikuar, por që duhet të zgjidhet“, thekson Gegaj.
Deklarata e anëtarit të Këshillit të politikës së jashtme të Parlamentit të Malit të Zi Nikollë Gegaj, vjen një ditë përpara organizimit të një debati në formë tryeze e cila është thirrur nga Kryesia e Kuvendit të Kosovës.
Kjo formë e debatit për çështjen e demarkacionit me Malin e Zi bëhet për herë të parë dhe pas kundërshtimeve me forcë të opozitës për miratimin e demarkacionit në Kuvend, madje edhe me përdorim të gazit lotsjellës.
Tryeza nuk ka karakter vendimmarrës, por llogaritet se do t’i paraprijë seancës vendimmarrëse në Kuvend.
Duke folur për këtë debat i cili pritet të sjell argumente dhe fakte rreth marrëveshjes së demarkacionit më Malin e Zi, Xhavit Haliti, nënkryetar i Kuvendit të Kosovës nga radhët e Partisë Demokratike të Kosovës, i pati deklaruar Radios Evropa e Lirë se do të jetë një mundësi shtesë për t’u ulur dhe për të biseduar për çështjen e demarkacionit.
“Ajo që është e mira e këtij debati do të jetë përpjekja e ekspertëve, e atyre që e mbështesin dhe atyre që e kundërshtojnë formën e tanishme të Marrëveshjes për demarkacion me Malin e Zi, që të përpiqen ta argumentojnë votimin ose mosvotimin e kësaj marrëveshjeje”, ka thënë Haliti.
Në anën tjetër, përfaqësuesit e partive politike në opozitë, janë skeptikë se debati mbi demarkacionin me Malin e Zi, do të sjellë një konsensus të partive politike lidhur me këtë çështje.
Deputeti i Kuvendit të Kosovës nga radhët e partisë më të madhe opozitare, Lëvizja Vetëvendosje, Driton Çaushi, i ka thënë Radios Evropa e Lirë se nuk shpresojnë që ky debat do të ketë ndikim në vendim-marrje.
“Është me rendësi të theksohet se procesi i demarkimit është proces shkencor dhe aspak politik. Duke pasur parasysh që tash e 12 muaj janë injoruar zërat e shkencës dhe është shtyrë përpara një marrëveshje e dëmshme për Kosovën, nuk ka vend për optimizëm se për këtë çështje do të arrihet një konsensus i partive politike”, ka thënë Çaushi.
Partitë politike opozitare vazhdimisht kanë deklaruar se nuk janë kundër demarkacionit të kufirit me Malin e Zi, e aq më pak kundër procesit të liberalizimet të vizave, por sipas tyre, opozita është kundër faljes së 8,200 hektarëve të tokë.
Mali i Zi dhe Kosova kanë nënshkruar marrëveshjen për përkufizim të vijës kufitare në Vjenë në fund të muajit gushtit të vitit të kaluar në praninë e presidentit malazez Filip Vujanović dhe kryeministrit të Kosovës Isa Mustafa, si dhe në prani të ministrit të jashtëm të Austrisë Sebastian Kurz.
Ratifikimi i Marrëveshjes së Demarkacionit me Malin e Zi është kushti i fundit të cilin Bashkimi Evropian pret që Kosova ta zbatojë, para se kjo e fundit ta marrë liberalizimin e vizave. (REL)
Prodhues bujqësorë në Kosovë kanë akuzuar kompanitë për prodhimin e miellit në Kosovë se po importojnë grurë me afat të skaduar nga Serbia, që ka edhe cilësi të dyshuar.
Kjo, sipas tyre, ka bërë që çmimi i grurit në Kosovë të jetë shumë i ulët, dhe sipas tyre arrin në 0.15 euro, që siç thonë nuk e vlen as të mbillet kjo kulturë e drithërave.
Përfaqësues të shoqatës së bujqve të Kosovës thonë se ndikim në çmimin jashtëzakonisht të ulët të grurit ka shteti i Serbisë.
Tahir Tahiri, kryetar i kësaj shoqate, për Radion Evropa e Lirë ka thënë se kompanitë për prodhimin e miellit në Kosovë, blejnë grurë të vjetër dhe me cilësi të dobët në shtetin e Serbisë,me çmime tejet të ulëta. Në këtë mënyrë, sipas tij, po dëmtohen fermerët në Kosovë.
“Po shkojnë po marrin grurë nga Serbia, grurin e rezervave të Serbisë, tri katër vite të vjetër, të cilit i ka humbur cilësia dhe kualiteti, me çmime jashtëzakonisht të ulëta. Dhe e kanë ulë çmimin e grurit në Kosovë. Ky është faktori kryesor që çmimi i grurit në Kosovë sillet 0.15 cent. Është shumë dëshpëruese dhe sjellje jashtëzakonisht e keqe e mullisëve të Kosovës “, thotë Tahiri.
Se çmimi i grurit është shumë i lirë e konfirmojnë edhe përfaqësues të shoqatës se mullisëve të Kosovës, sipas të cilëve, kjo është pasojë e sasisë së madhe të grurit të kultivuar në vendet e rajonit.
Misin Voci, kryetar në këtë Shoqatë, për Radion Evropa e Lirë ka treguar se blerja e grurit në vendet e rajonit është më e lirë, për shkak se nuk janë të obliguar të paguajnë Tatimin Mbi Vlerën e Shtuar.
Voci, që në pronësi familjare kanë katër mullinj në Prizren, Suharekë, Rahovec dhe Malishevë, shprehet se çmimi i grurit është shumë i ulët, dhe që sipas tij, nuk ia vlen të kultivohet.
“Çmimi i grurit në Serbi ndikon shumë, sepse çmimi i një toni me grurë në Serbi është nga 110 -115 euro. Neve na leverdisë të blejmë nga importi, sepse e kemi Tatimin mbi Vlerën e Shtuar, kurse kur blejmë nga bujqit në Kosovë, nuk mund të rimbursojmë TVSH-në, pasi në këtë kuadër ka probleme më Administratën Tatimore të Kosovës.”
“Pra, të flitet në aspektin e bujkut në Kosovë, nuk ia vlen me mbjell grurë, sepse nuk i mbulon shpenzimet”, ka thënë Voca.
Ndërsa Tahir Tahiri konsideron se autoritetet kompetente duhet të marrin masa, në mënyrë që të ruhet dhe shitet gruri i kultivuar në Kosovë.
“Ka faj qeveria, ministria e bujqësisë,inspektorët komunal dhe të ministrisë, të cilët nuk i përcjellin veprimet e mullisëve të Kosovës”, ka thënë Tahiri.
Sidoqoftë, në Kosovë tashmë ka përfunduar fushata e korrje-shirjeve dhe, sipas të dhënave zyrtare, Kosova as gjatë këtij viti nuk përmbush qind për qind nevojat e popullatës me grurë.
Cilësia e grurit, sipas tyre, sivjet është e mirë, kurse rendimentet mesatare kanë arritur deri në 4,600 kilogramë për hektarë. (REL)
Analisti politik, Halil Matoshi, nuk pret përmbysje të Marrëveshjes për Demarkacionin me Malin e Zi pas tryezës që do të mbahet nesër, ku do të diskutojnë për herë të parë në mënyrë institucionale përfaqësuesit e pozitës dhe opozitës, por beson se do të ketë korrigjime.
Këto komente Matoshi i ka bërë gjatë një interviste për gazetën “Zëri”, duke shtuar se në këso çështje të interesit nacional do të duhej një konsensus i përgjithshëm politik dhe shoqëror.
Matoshi po ashtu ka shprehur besimin se pas vizitës së numrit dy të SHBA-ve, Joe Biden, këtë muaj në Kosovë do të qetësohen “gjakrat” mes dy palëve për çështjen e demarkacionit.
Zëri: Të mërkurën do të mbahet tryeza për demarkacionin ku do të ulen përfaqësues nga pozita dhe opozita. Çka prisni nga kjo tryezë?
Matoshi: Gjëja e parë që më vjen ndërmend është fakti se kjo tryezë është shumë e vonuar dhe nuk e kuptoj pushtetin që deri më sot nuk ka organizuar diçka të tillë. Megjithatë, më mirë vonë se kurrë. Për këtë arsye mendoj se kjo tryezë do të hedhë dritë mbi tërë këtë çështje, së paku do të jetë një fakt plus për qytetarët e Kosovës mbi atë se çfarë ka ndodhur.
Parimisht do të duhet t’i besohet një komisioni të shtetit siç ka qenë. Mirëpo, me vetë faktin se Qeveria e Kosovës nuk ka dhënë argumente, nuk ka ditur të mbrojë në publik asnjëherë versionin e vet dhe nuk i ka bërë publike të gjitha materialet, të lë që të dyshosh. Në këtë situatë unë besoj se së paku do të zbardhet thelbi i çështjes se procesi ka qenë i gabuar. Nuk janë përdorur të gjitha proceset që janë përdorur në të gjithë botën për demarkacionin e kufirit. Nuk është bërë delimitimi, pastaj demarkimi dhe nuk janë marrë ekspertët më kredibil me këtë çështje. Në këso çështje të interesit nacional do të duhej një konsensus i përgjithshëm politik dhe shoqëror. Megjithatë, nuk pres se do të përmbyset i tërë procesi, por korrigjime besoj se do të ketë.
Në Kosovë mund të importohen të gjitha veturat nga shtetet e Evropës dhe botës, pavarësisht vjetërsisë se tyre.
Ekspertë të mjedisit dhe përfaqësues të shoqërisë civile shprehin shqetësimin se përdorimi i veturave të vjetra në Kosovë, ka ndikuar në ndotjen e ajrit dhe rritjen e aksidenteve në trafik.
Në mars të vitit të kaluar, qeveria e Kosovës ka hequr kufizimet për importin e veturave, pavarësisht vjetërsisë.
Njëherësh, është ulur edhe akciza për import të veturave.
Sipas Ministrisë se Punëve të Brendshme në Kosovë, thuhet se automjete aktive në vend janë mbi 385 mijë. Kurse 308 mijë automjete janë regjistruar në vitin 2015, që përfshin regjistrimin e parë të automjeteve, vazhdimin e regjistrimit të automjeteve, legalizimin e automjeteve, si dhe ri regjistrimin e automjeteve.
Marrë në përgjithësi, mesatarja e vjetërsisë së veturave që qarkullojnë në Kosovë është 18 vite, apo 10 vite më shumë se sa mesatarja e veturave që qarkullojnë brenda Bashkimit Evropian, thuhet në një analizë të publikuar në fund të vitit të kaluar nga Instituti për Hulumtime të Avancuara “ Gap”.
Jeton Mehmeti, nga ky institut, për Radion Evropa e Lirë ka thënë se aktualisht në Kosovë 90 për qind e veturave janë të vjetra, dhe kjo, sipas tij, ka efekte negative në shoqëri.
“E para; siguria e qytetarëve është vënë në rrezik pasi kontrollet teknike nuk kanë shtuar masat për kontrollin teknik të veturave që regjistrohen në Kosovë. Dhe e dyta; kjo ka shkaktuar ndotje të madhe në ambient. Edhe ashtu Kosova ka një ndotje të madhe të ambientit nga industria prodhuese, kurse qarkullimi i veturave të vjetra ka shtuar edhe më shumë nivelin ndotjes se ambientit”, thotë Mehmeti.
Sipas shifrave zyrtare, tregu i Kosovës për vetura të vjetra shkon deri në 20 mijë në vit, kurse vetura të reja, mesatarisht 1,200 automjete të reja brenda vitit.
Trafiku apo makinat konsiderohen një ndër ndotësit më të mëdhenj të ajrit në Kosovë, konkretisht në Prishtinë, thotë Agron Bektashi nga Qendra Rajonale e Mjedisit (REC). Në një prononcim për Radion Evropa e Lirë, ai ka thënë në rajonin e Prishtinës vetëm 2 për qind e makinave janë të prodhuar në vitin 2010- 2014, kurse rreth 30 për qind e makinave janë mbi 25 vjet të vjetra.
“Kjo është një përqindje mjaft e madhe, duke marrë parasysh se makinat e vjetra dhe sistemi i djegies së tyre nuk i plotëson kushtet as të drafteve evropiane, por as të mbrojtjes se mjedisit. Për aq më tepër që janë ndotës të drejtpërdrejtë, siç është lirimi i gazrave, krijojnë më tepër zhurmë dhe mbeturina etj.”, shprehet Bektashi.
Përdorimi i këtyre makinave, thotë Bektashi, çdo ditë e më tepër po rrezikon shëndetin e përgjithshëm të qytetarëve të Kosovës. Sipas tij, 50 për qind e makinave nuk është dashur të jenë në qarkullim në komunikacion.
“Mund të them se makinat të cilat në Kosovë kalojnë mbi 15 vjet, kurse mos të flas për këto që janë mbi 25 vjeç, janë një ndër ndotësit më seriozë të mjedisit edhe rrezikues direkt të sëmundjeve më organe aspirative, siç janë ato të frymëmarrjes, mushkërive e të tjera”, thotë Bektashi.
Efekti pozitiv i heqjes së kufizimeve të veturave është rritja e të hyrave doganore. Por, përfaqësues të shoqërisë civile thonë se efektet negative në ambient, shëndet dhe rrezikshmëria në komunikacion tejkalojnë shumëfish efektet pozitive nga të hyrat doganare. (REL)
Janarët e acarët sikur po na përseritën. Muaji janar është muaj i tregjedive dhe krenarive kombëtare.Në këtë muaj vdiqën dhe u vranë nga pabesisht dhe tradhëtishtë shumë përsonalitete shqiptare të cilët lanë gjurmë të thella në historinë tonë. Në janar vdiq njeri ndër përsonalitet e rralla të kombit, presidenti historik i Kosovës, dr Ibrahim Rugova.Në janar u vranë heronjët, Smajl Hajdaraj dhe kolonel Tahir Zemaj… kësaj plejade të njerëzve eminent të kombit iu bashkangjitë edhe profesori, gazetari dhe publicisti i mirënjënjohur , Nazmi Lukaj. Është ky viti i pestë që kur iku nga kjo botë një njeri me virtyte të larta njerëzore dhe atdhetare. Iku njeriu i mprehtë i penës. Iku nga kjo botë një pulicisti i cili la gjurmë të pa shlyera në publicistikën shqiptare. Ai punoi si profesor dhe paralelisht shkroi për shumë gazeta në Kosove dhe Shqipëri. La pas veti edhe kater libra të botuar .Vdekja ia ndau ëndrrat në mes.Ai kishte shumë plane të jetës. Së pari mendoi shumë për familjën e tij. Shumë i deshti fëmijët e vet , të cilët amanetin e babait po e realizojnë ashtu si duhet. Dinamika brenda personalitetit te tij , që shkelqeu edhe në shkrimet e tij, e pikëtoi emrin e tij si influencë të përhershme në publicistiken shqiptare.Ai kishte vlera edhe si profesor për shumë vite në gjimnazin e Pejës. Ai ishte njeri i afertë dhe zemergjerë për të gjithë . Ai shquhej me shumdimenzonalitetin e tij. Ai shprehte respektin , urtësinë dhe dashurinë për të gjithë.Me kalimin e kohës përsonaliteti i Nazmiut po merre përmasa më të mëdha, që ai i kishte më të vërtetë.Nazmiu jetoi si simbol i menqurisë dhe urtësisë dhe e gjithë kjo rrezatoi në mënyren më të fuqishme në vitet e tranzicionit të Kosovës. Ate e shquajnë gjithashtu shkrimet guximshme . Ishte i pakomromis ndaj atyre që vranë për motive politike . Shumë herë edhe ishte kërcënuar por kurrë i pa përkulur , sepse ai besoi në të drejtën e Zotit dhe të drejtën për të cilën u angazhua gjithë jetën. Ai ishte një misionar i kohës moderne. Siguirisht së edhe ky 24 janar kur u shua jeta e Nazit, familja , shokët dhe dashamirët do ta përkujtojnë me pietet figurën e madhe të tij. Nazmiu nuk iu mundon vëtem familjës, i mungon shokëve , i mungon Kosovës. Unë nuk e harrojë mikun sepse për të më lidhin shumë kujtime , shumë përjetime të përbashkëta për 10 vite më radhë . Jeta dhe vepra sublime për atdhe dhe komb janë fanarë ndriques për shumë gjenerata. Ai është shembulli më i mirë së si duhet atdheu dhe kombi. Gjthësesi Nazmi Lukaj mbetet zë i veqant i publicistikës shqiptare. Do të mbetet i pa harruar për shkrimet e mprehta e të qëlluara në kohë e hapësirë. Do të mbetet një zë i fuqishem i cili mori guxmin qytetarë të kundërshotoi të gjithë dukurit negative në shoqërinë tonë të re. E qëlluar ishte edhe thënja e tij ‘Rugova është truri, kurse UÇK zemra e Kosovës” .Shkrimet e tija ishin në frymën institucionaliste siq ishte edhe vet. Gjithmonë me pitet do të përkujtohet figura e Nazmi Lukes, fugura e tij e kohës moderne, pa nxitim, e matur mirë në qënësinë e një burri që vepra e tij e mban lartë. Ai qendroi stoik bindjeve që i kishte. Bisedat me te , sigurisht së ishin më taban në rrafshin intelektual të cilën bota e kulturuar e ka të zakonshme. Nazmiu la pas një moral të lartë dhe vepër të madhe, të cilin e bënë gjithmonë ate të respektuar dhe të nderuar…
Me gjithë përpjekjet e autoriteteve kompetente për mbështetje të sektorit privat, por edhe marrëveshjeve të nënshkruara me vendet e Bashkimit Evropian për lehtësime tregtare, tregu i Kosovës vazhdon të dominohet nga prodhimet e huaja, pasi vazhdon të ketë shpërputhje të madhe mes eksportit dhe importit.
Sipas shifrave zyrtare, vlera e gjithsej importeve në Kosovë, në vitin 2015, ka arritur në 2.6 miliardë euro, që paraqet një rritje vjetore prej 3.8 për qind. Kurse, vlera e eksportit të produkteve të Kosovës në vende të ndryshme të Evropës dhe botës ka arritur në vlerën 325.3 milionë euro, që përkon me një rritje të dobët vjetore prej 0.2 për qind.
Përfaqësues të prodhueseve dhe eksportuesve pohojnë se varshmëria e tregut të Kosovës nga produktet e huaja, tregon për politikat e pafavorshme fiskale, më të cilat përballen prodhuesit e Kosovës.
Problemet e eksportuesve janë të ndryshme, varësisht nga veprimtaria prodhuese, thotë kryetari i Shoqatës së Eksportuesve të Kosovës, Nexhat Hasani.
Sipas tij, edhe vetë pronarët e kompanive prodhuese nuk kanë shumë njohuri për kriteret dhe standardet e kërkuara nga Bashkimi Evropian.
“Te veprimtaria e produkteve ushqimore, sidomos në botën e prodhimeve shtazore kemi probleme, të cilat nuk e njohin origjinën e prodhimit. Vendet e Bashkimit Evropian nuk i pranojnë ato certifikata, kështu që eksportet mund të bëhen në vendet e rajonit, por jo në tregjet e BE-së”.
“Kemi probleme me certifikim, me përcaktimin e standardeve; cilat standarde, cilat kritere, kualitete duhet të përcaktohen për prodhuesit vendor. Ndërkaq, në lëmi tjera, është problemi tregut, nuk jemi njohës të mirë të tregjeve”, thotë Hasani.
Kurse, drejtori ekzekutiv i Klubit të Prodhuesve të Kosovës, Astrit Panxha, për Radion Evropa e Lirë, ka përmendur probleme tjera të prodhuesve të Kosovës, duke filluar nga mosfurnizimi i rregullt me energji elektrike, politikat e pafavorshme fiskale, ekonomia joformale dhe mungesa e fuqisë punëtore të specializuar në profile të ndryshme.
“Qasja duhet të fillojë nga Qeveria- ajo nuk duhet ta shikojë biznesin si burim i të ardhurave tatimore, por si partner që do të zhvillojnë së bashku Kosovën. Deri më tash fokus i Qeverisë ka qenë zhvillimi i infrastrukturës rrugore, do të thotë duhet të ketë një zhvendosje që mos të ndërtojmë më autostrada të reja, por duhet të fuqizohen fabrikat në mënyrë që të kenë qarkullim të mallit në autostradat ekzistuese”.
“Do të thotë ka pasur hapa të Qeverisë në fuqizimin e prodhimit, kemi ndryshime në politikat fiskale, por ato nuk janë të mjaftueshme që prodhuesit tanë të jenë konkurrentë në rajon”, deklaron Panxha.
Edhe përfaqësues të komunitetit të biznesit në Kosovë i vlerësojnë shqetësuese kushtet, në të cilat e zhvillojnë veprimtarinë prodhuesit në Kosovë.
Agim Shahini, kryetar i Aleancës Kosovare të Biznesit, thotë se politikat fiskale në Kosovë janë të pafavorshme për industrinë e prodhimit.
“Duke importuar produkte, po eksportojmë para të gatshme. Në anën tjetër, po importojmë edhe inflacion dhe në shumicën e rasteve edhe produkte të dyshimta. Fjala është për informalitet, i cili vlerësohet se është rritur në 38 për qind. Kjo shifër për bizneset dhe prodhuesin vendor është konkurrencë e padrejtë”, thotë Shahini për Radion Evropa e Lirë.
Prodhuesit në Kosovë, vazhdimisht u kanë bërë thirrje institucioneve të vendit që të krijojnë politika të favorshme fiskale për të rritur eksportin.
Strategjia e orientuar drejt rritjes së eksportit, kishin theksuar ata, duhet të konsiderohet nga autoritetet kompetente si një faktor kyç në zhvillimin ekonomik të vendit.
Kur njeriu i zakont ndëgjon “projektet” dhe premtimet qeveritare, mendon mos është në ëndërr, ngase realiteti i përditshmërisë kosovare ua thotë të kundërtën që ndëgjojnë nga i pari i qeverisë.
Kabineti i kryeministrit Mustafa është më i madhi në rajon, me tre zv.kryeministra, 19 me ministra, mbi 50 zv.ministra dhe qindra këshilltarë, numri i të cilëve asnjëherë nuk u bë transparent për opinionin publik. Ky aparat i zgjeruar byrokratik i qeverisë, është shndrruar në përbindëshin më të madh të buxhetit të shtetit më të varfër në rajon!
Madje, as OJQ-të (që mirrën me monitorimin e punës së qeverisë) nuk munden asnjëherë të nxjerrin shifrat e sakta të “popullimit” të qeverisë, e aq më të vështirë të përcaktojnë koston financiare të saj !
Për “habi” në përbërjen e qeverisë së re (të vjetër) nuk ndodhet asnjë varfanjak apo njeri i shtresës së mesme në Kosovë. Të gjithë janë pjesë e elitës së të pasurëve, liderë dhe militant partishë, biznesmen dhe njerëz që udhëheqin agjensione dhe veprimtari (i) legale në Kosovë, thënë ndryshe, Qeveria Mustafa është qeveri milionerësh të pasuruar përmes aferave korruptive!
Ndarja në mënyrë proporcionale e ministrive mes dy partive të mëdha në koalicion (pa përfilljen e kritereve profesionale) dhe shtimi i numrit të ministrive e tregon jo seriozitetin karrshi qytetarëve të vendit,…caktimi i nga dy zëvëndës ministrave për çdo ministri (nga një për secilën parti) e dëshmon mosbesimin mes partnerëve në koalicion, apo përkthyer ndryshe në gjuhën politike i bie DY qeveri paralele kundrejt njëra-tjetës.
Qeveria megalomane Mustafa-Thaçi 3, që nga fillimi i punës së saj asnjëherë nuk ka qenë në shërbim të qytetarëve por në shërbim të vetvetës, në shërbim të liderëve partiak dhe militantëve të tyre.
Qeveria megalomane e Republikës së Kosovës, me një armatë byrokratësh është shndrruar në një “kantier”, ku të punësuar janë një klasë analfabetësh, injorantësh, rrugaqësh dhe matrapazësh politik nga militant partiak të partnerëve të kolalicionit qeverisës.
Shuarja dhe shkrirja e disa ministrive në një ministri të vetme është imperativ kohor për shkurtimin e shpenzimeve buxhetore. Si bie fjala, Ministria e Administrimit dhe Pushtetit Lokal duhet të shkrihet në Ministri të Administratës Publike, pastaj Ministria e Zhvillimit Ekonomik, Ministria e Tregtisë dhe Industrisë, Ministria e Infrastrukturës si dhe ajo e Financave duhet të shkrihen në një Ministri të vetme, në atë të Zhvillimit Ekonomik.
Ministria e Diasporës përveqse vend i strehimit të militantëve partiak, ka shërbyer si mekanizëm për manipulimin e mërgimtarëve përmes maskaradave dhe slloganeve mashtruese “Mirë se vini bashkatdhetar”, e jo strehë e zgjidhjes dhe përballjes me problemet e shumta të mërgimtarëve. Si e tillë kjo ministri më mirë është të veproj në kuadrin e Ministrisë së Punëve të Jashtme,…sikurse që edhe Ministria e FSK-së, me kapacitetët ekzistuese deri në momentin e krijimit të Ushtrisë së Kosovës do duhej nga fillimi të funksionoj vetëm si Departament i Ministrisë së Punëve të Brendshme, siq është ai i zjarrëfikësve apo i rasteve emergjente.
Ministria e Komuniteteve dhe e Kthimit bashk me Ministrinë për Dialog duhet të shuhen krejtësisht, ngase nuk përkojnë aspak me ruajtjen e sovranitetit dhe integritetit territorial të vendit tonë.
Kështu, Qeveria e Kosovës nga 19 mund të reduktohet në 10 deri në 12 ministri, me çka do të kurseheshim qindëra miliona euro nga buxheti i varfër i shtetit,…mjete të cilat do të mund shfrytëzoheshin për skema sociale, për fuqizimin e shtresave më të rrezikuara në vend.
Sigurisht, se një reduktimi të tillë nuk do t’i gëzohen partnerët e koalicionit qeverisës, e në veqanti tri partitë e vogla që janë pjesë e koaliconit qeverisës, Lëvizja për Bashkim, Partia e Drejtësisë dhe Alternativa Demokratike e Kosovës, të cilat do të mbeteshin vetëm si paterica të “elefantëve” në pushtet.
Buxheti për vitin 2016-të, i propozuar nga Qeveria dhe i miratuar në kuvendin gjysmak të Republikës së Kosovës në shumë prej vetëm rreth 1 miliardë e 600 milionëve, është treguesi më i mirë se ky buxhet mund të jetë në përputhje vetëm me nevojat e qeverisë super megalomane, por jo në përputhje edhe me nevojat e qytetarëve,…zhvillimin ekonomik të vendit dhe zbutjen e papunësisë sipas premtimëve elektorale.
Nëse deri dje, qeverisjen e PDK-së e kemi quajtur qeveri të keqe, tani e tutje, së bashku me LDK-në duhet ta quajmë Qeveri të stërkequr, të stërgjatur, të stërshëmtuar dhe stërngarkuar nga lakmiqarët e pushtetit,…që nuk kanë të ndalur me kapjen dhe uzurpimin e shtetit.
Shqetësues është fakti i heshtjës së disa prej gazetarëve dhe analistëve, të cilët më parë propagandonin kundër këtij koalicioni qeverisës, ndërsa tani i kanë futur veshët në lesh dhe heshtin, thuajse nuk është duke ndodhur asgjë e keqe në këtë vend!
Madje disa kanë filluar edhe t’i këndojnë himne qeverisjes aktuale duke shtrëmbëruar realitetin e krijuar; gjoja se me drejtimin e kësaj qeverie nga zoti Mustafa, qytetarëve u është ngritur mirëqenja dhe u janë kthyer shpresat për jetë në vendin e tyre,…duke mbyllur sytë para realitetit kur çdo ditë përmes rrugëve ilegale nga vendi largohen me dhjetëra e qindra shqiptar drejt vendeve euro-përëndimore.
Shpresat dhe besimi i qytetarëve nuk kthehet me bisedimet me Serbinë, nuk kthethet me krijimin e Gjykatës spseciale, nuk kthehet me MSA-në, as me liberalizimin e vizave, nuk khehet as me fomimin e ushtrisë së Kosovës (FAK-un),…por besimi kthehet vetëm me zhvillimin ekonomik të vendit, krijimin e vendeve të reja të punës, përmirësimin e skemave sociale, me rritjen e mirëqenjes së qytetarëve.
Në rastin e tanishëm, popullit i mbetën vetëm dy rrugë të shpëtimit nga kjo qeveri dinosaurësh; fillimin e protestave të pandërprera me padëgjueshmëri qytetare deri në përmbysjen përfundimtare të saj ose largimin nga vendi.
Kjo e fundit, largimi nga vendi, do të ishte zgjidhja më fatale për vendin. Vetëm vënja e “lakut në fyt” kësaj qeverie do të thotë shpëtim për vendin dhe shpresë për qytetarët.
Zëvendëspresidenti amerikan, Joe Biden do të vizitojë Kosovën më 17 gusht. Gjatë qëndrimit të tij, Biden do të takohet me krerët kryesorë politikë në vend.
Ai pritet që të vërtetojë mbështetjen e parezervë të administratës së Presidentit Barack Obama për pavarësinë dhe shtetësinë e Kosovës.
Biden është njëri prej përkrahësve më të mëdhenj të Kosovës, dhe në respekt të tij, së fundi qeveria e Kosovës e ka emëruar një magjistrale, me emrin e djalit të tij të ndjerë, Boe Biden.
“Pas publikimit në disa media se është arrestuar shtetasi iranian H. A. B., për hir të informimit të drejtë të opinionit publik, Prokuroria Speciale e Republikës së Kosovës njofton se ky person nuk është arrestuar”, thuhet në fillim të kumtesës së sotme të prokurorisë.
Mëtutje në kumtesë theksohet se kjo prokurori, më 25 korrik 2016, “ka ngritur aktakuzë pranë Gjykatës Themelore në Prishtinë, kundër shtetasit iranian H. A. B., për katër vepra penale”, përfshirë edhe “parandalimin e financimit të terrorizmit”.
Prokurorja e rastit ka kërkuar nga Gjykata Themelore në Prishtinë, “që të akuzuarin ta shpallë fajtor për kryerjen e këtyre veprave penale dhe të shqiptohet dënimi plotësues: ndalimi i ushtrimit të profesionit, veprimtarisë ose detyrës, konfiskimi i shumës prej 30 mijë eurove dhe dëbimi i të huajit nga territori i Republikës së Kosovës”.
Turqia ka reaguar me forcë dhe në rrëmbim, ndaj një organizate të klerikut emigrant Fetullah Gylen, jo vetëm brenda territorit të saj, por edhe në rajonin e Ballkanit, pa e përjashtuar Kosovën.
Autoritetet turke kanë ngritur shqetësimet e tyre për sigurinë e institucioneve që kanë hapur në Kosovë, kryesisht në qendrat kulturore.
Në një komunikim zyrtar të Ambasadës turke në Prishtinë me Ministrinë e Jashtme të Kosovës, autoritetet turke “kanë tërhequr vërejtjen për sulme të mundshme”, nga siç thuhet “Organizata terroriste Fetullah Gylen mbi Qendrat Kulturore Turke ‘Yunus Emre’ në Kosovë”.
Në bazë të shkresës, të cilën e ka parë Radio Evropa e Lirë, që mban datën e 23 korrikut, Ambasada turke “kërkon nga autoritetet në Kosovë që të ndërmarrin masa shtesë të sigurisë përreth ndërtesave të Qendrave Kulturore ‘Yunus Emre’ me qëllim të mbrojtjes së tyre në Prishtinë, Prizren e Pejë”.
Qendrat kulturore turke ‘Yunus Emre’ u hapën në Kosovë afro 5 vjet më parë dhe u shtrinë fillimisht në Prishtinë e Prizren, dhe më vonë edhe në Pejë, me programe në fushën e kulturës dhe arsimimit, posaçërisht nëpërmjet kurseve të mësimit të gjuhës turke. Mbështetësja kryesore e këtyre qendrave është Konsullata e përgjithshme e Turqisë në Prizren, që thuhet se edhe i financon ato.
Pas grusht-shtetit të dështuar në Turqi, autoritetet në Ankara në përpjekje për të dëshmuar përfshirjen e klerikut mërgimtar Fethullah Gylen në aktivitetet puçiste, nxituan të kërkojnë edhe veprime konkrete të shteteve në Ballkan ndaj organizatave që ai kishte hapur në këtë rajon.
Kërkesa e Ambasadës turke për masa parandaluese në mbrojtje të Qendrave Kulturore nga veprimet, siç thuhet, terroriste nga mekanizmat e sigurisë në Kosovë, është vlerësuar “e pabazuar”.
Zyrtarë të Policisë së Kosovës i kanë thënë Radios Evropa e Lirë se nuk ka asnjë shenjë për “veprime terroriste brenda territorit të Kosovës”, por shtuan se masat e sigurisë në kohë të kërcënimeve globale nga sulmet e mundshme terroriste, janë pjesë e domosdoshme për të garantuar sigurinë e qytetarëve të vendit.
“Deri tani nuk ka ndonjë indikacion se ekziston ndonjë rrezik potencial në vend, përderisa Policia e Kosovës është gjithnjë vigjilente dhe e përkushtuar për garantimin e sigurisë së përgjithshme dhe lëvizjen e lirë, duke pasur parasysh që edhe në këtë kohë verore edhe fluksi i njerëzve dhe automjeteve është më i madh, posaçërisht kur një numër i madh i bashkatdhetarëve tanë vjen në vendlindje për pushime”.
“Në pajtim me nevojën për kapacitete shtesë, PK-ja angazhon edhe zyrtarë të mjaftueshëm për menaxhim të sigurisë dhe garantim të lëvizjes së lirë”, ka thënë për Radion Evropa e Lirë, Baki Kelani, zëdhënës i Policisë së Kosovës.
Turqia u bë e pranishme në Kosovë që prej përfundimit të luftës me shtrirjen kryesisht në fushën e arsimit. Hapja e shkollave që financohen nga Turqia nisi në vitin 2003 dhe shumica e tyre janë pjesë të organizatës joqeveritare, Gylistan, ndryshe Lëvizjes së Gylenit.
Shkolla “Mehmet Akif”, në Prizren
Shkollat e financuara janë shtrirë në komunat e Lipjanit, Prizrenit, Gjakovës dhe në lagjen Marigona në afërsi të Prishtinës dhe që të gjitha thuhet se veprojnë në kuadër të shkollës “Mehmet Akif”.
Por, njohës të rrethanave në Kosovë thonë se një pjesë e organizatave me bazë turke e me mbështetje të pushtetit “kanë qenë të përfshira në Kosovë në rekrutimin e luftëtarëve të ISIS-it dhe rrymave opozitare në Siri”.
Naim Rashiti nga Grupi për Ballkanin i ka thënë Radios Evropa e Lirë se përplasjet ndërmjet pushtetit në Turqi dhe rrymës Gylen, nuk ka shenja se mund të “zhvendosen në Kosovë” kurse, sipas tij, në të kundërtën “ato janë të inskenuara”.
“Krejt kjo ndoshta është betejë për shtrirje të influencës apo më mirë të themi se pushteti i Erdoganit do zhbërjen e influencës Gylenit në Turqi dhe jashtë saj”, thotë Rashiti
Turqia njihet ndër shtetet e para që ka njohur Kosovën me shpalljen e pavarësisë në shkurt të vitit 2008, dhe një prej vendeve që ka shtrirë ndikimin e saj në shtetin e ri. Autoritetet në Kosovë ia dhanë menaxhimin e aeroportit të vetëm ndërkombëtar një kompanie të përzier turko – franceze dhe njëkohësisht edhe kompaninë energjetike ne vend.
Një konsorcium turko – amerikan mori përsipër ndërtimin e dy autostradave të vendit në projekte afro dy miliardë euro. Investimet turke u shtrinë edhe në arsim e kulturë dhe posaçërisht në fushën e fesë, me rindërtim dhe ndërtime të xhamive në vend.
Bazuar në deklarimet e zyrtarëve të agjencive turke që ndihmojnë në zhvillimin e projekteve të ndryshme, Turqia ka edhe mbi 500 projekte të tjera të realizuara që prej pasluftës e deri më sot, dhe një pjesë e tyre po vazhdojnë të realizohen.
PRISHTINË – Nga paniku i krijuar në Beerfest ka të paktën 20 të lënduar.
Siç ka mësuar lajmi.net nga burime të sigurta, në QKUK po trajtohen të paktën 20 të lënduar.
Mësohet se nga këta të lënduar, 1 është nga plagosja me armë, 2 janë nga therrja me thikë, kurse të tjerët pas panikut së krijuar nga turma pas ngjarjeve të ndodhura.
Qytetarit i nevojitet një Kosovë demokratike, ku nuk cenohen liritë e shprehjes, ku nuk cenohet integriteti personal i secilit prej nesh.
•Na duhet një parti e re politike, sepse partitë kryesore të cilat e patën dhe e kanë pushtetin nuk i realizuan as për afër kërkesat e qytetarëve. •Që 17 vjet në krye të shtetit më shumë patëm pushtete të inkriminuara në krim dhe korrupsion. •Gjatë kësaj kohe edhe opozita nuk bëri shumë karshi pozitës, e cila pa drojë e udhëhoqi ashtu si deshi pushtetin. •Mu për atë edhe po fundosemi gjithnjë e më shumë në planin politik, e veçmas në planin e ecurive ekonomike. •Do të duhej të bëjmë edhe të pamundurën që këtë pushtet të delegjitimuar me zgjedhjet e radhës ta heqim njëherë e përgjithmonë qafe. •Të bashkohen të gjitha forcat intelektuale me logjikë shumë para logjikës së këtyre partive me filozofi të vjetruar politike. •Do të krijoheshin kushtet të cilat do të bënin që të mundet mafia politike , e cila po e gërryen shtetin nga brenda. •Të bëhet rezistencë qytetare që e keqja të mbetet mbrapa si një ëndërr e keqe që ishte. •Një forcë e re politike pa asnjë paragjykim do të freskonte skenën e zymtë shumëvjeçare politike. •Na duhet një forcë e re politike e cila do të punonte mirë si në planin e brendshëm, ashtu edhe në planin e jashtëm. •Një koncept i ri politik do t’i bënte mirë këtij vendi, i cili po përjeton orët e liga të tij . •Filozofia dhe koncepti politikë i LDK-së rugoviane ishte një koncept i mirë, por që këtë kurs politik të presidentit Rugova e ndryshuan për të keq kjo garniturë udhëheqëse në krye më Isa Mustafën. Filozofia rugoviane ishte për paqe, ishte për prosperitet të Kosovës. •Është momenti i fundit që këtij populli të përvuajtur ti sigurohet një jetë pa brenga si fundament i secilit shtet demokratik. •Kosova të bëhet shtet i sigurt, shtet i cili shumë më shpejt do të bëhej pjesë e botës së civilizuar. •Qytetarit i nevojitet një Kosovë demokratike, ku nuk cenohen liritë e shprehjes, ku nuk cenohet integriteti i personal i secilit prej nesh. •Qytetarët e dëshirojnë një Kosovë pa antagonizma shoqërore. Një Kosovë ku të gjithë do të ndiheshin të sugurt. Një Kosovë pa ekstremizma fetarë, të cilat ekstremizma po e rrezikojnë seriozisht edhe paqen botërore… •Qytetarët kërkojnë një Kosovë ku do të dëgjohet zëri i secilit, e këtë do ta kishte siguruar një parti e re politike pro-Perëndimore dhe proamerikane… •Kosova ka nevojë për një parti, e cila do të luftonte deri në fund krimin e organizuar dhe korrupsionin,të cilat dukuri negative e kanë errësuar të ardhmen e brezave që po vijnë … •Një parti, e cila do t’i shpallte luftë të pakompremis të gjithë uzurpatorëve të pronës shoqërore… •Do t’ua konfiskonte pasurinë e pa ligjshme të gjithë profiterëve. •Është më së e nevojshme që të bëhet një rezistencë e fuqishme majorizimeve dhe fraksioneve politike, të cilat po ngrihen mbi interesat e përgjithshme. Mos të lejohet që të shuhet demokracia si postulati imediat i sistemit shumëpartiakë pluralist. •Kosovës i duhet një alternativë politike afatgjate në pushtet me njerëz të rinj, intelektualë të mirëfilltë. •Një elitë e re me vizione të qarta politike sigurisht do të bënte kthesa për të mirë. •Një organizim i ri politik do të na zgjonte nga amullia në të cilën qëllimisht kjo kastë politike e ka kurdisur… •Kosovës nuk i bën mirë heshtja, i bën mirë një zgjim tjetër kombëtar. Mos të heshtim dhe mos ta lëmë më Kosovën në duart e një elite të tillë politike…
Një hetim mbi njëvjeçar i autoriteteve të sigurisë së Kosovës ka çuar në arrestimin e dy personave që dyshohet se merreshin me përhapje të propagandës terroriste në Kosovë. Policia e Kosovës ka njoftuar të mërkurën se ka realizuar një operacion policor, në dy lokacione të ndara në rajonin e Pejës, me ç’rast ka arrestuar dy persona. Gazeta Express ka siguruar identitetit e të arrestuarave dhe veprimtarinë e tyre të dyshimtë
Për vite me radhë në radion që drejtonte pejani, Nebih Kadriu, transmetoheshin ligjërata fetare të imamëve që sot janë të dënuar për nxitje të terrorizimit. Zëri i Zeqrija Qazimit dhe imamit tjetër, Rexhep Mimishit nga Maqedonia, ishte skemë programore e secilës ditë në Radio Ansar, pronari i së cilës të mërkurën ra në prangat e Policisë së Kosovës, mbi dyshimet se ka lidhje të ngushtë në përhapjen e ekstremizmit në vend. Për dyshime të ngjashme, të njëjtën ditë, policia në Pejë arrestoi edhe të dyshuarin tjetër Enis Musa.
Edhe pse u arrestuan në të njëjtën ditë, veprimtaria e Nebih Kadriut dhe Enis Musës nuk ndërlidhej mes vete. Megjithatë, e përbashkëta e tyre, mbetet terrorizmi dhe nxitjet për t’u bashkuar luftërave të armatosura në Siri e Irak.
Aksioni i Policisë, të martën, u zhvillua në shtëpitë private te të dy të arrestuarve nga Peja.
Gazeta Express, nga burime të veta në rajonin e Pejës, ka kuptuar se njeri nga dy personat që ranë në pranga e tyre – Nebih Kadriu, është themelues i Radio Ansar.
Kadriu, i lindur në vitin 1983, sipas hetuesisë kosovare, përmes radios së tij ka nxitur urrejtje dhe përçarje fetare dhe bashkimin në luftërat e fetare përkrah ISIS’it.
I njëjti medium, i hulumtuar nga Gazeta Express, del se vazhdimisht ka transmetuar ligjërata të imamëve tashmë të dënuar nga drejtësia, si në Kosovë ashtu edhe në vendet fqinje.
Në transmetimin direkt të kësaj radio janë dëgjuar ligjëratat e Imamit Zeqrija Qazimi, të cilin vetëm pak muaj më parë Gjykatës Themelore e Ferizajt e ka dënuar me 10 vjet burg, për rekrutim për terrorizëm dhe nxitje e urrejtjes.
Po ashtu, pjesë e skemës programore të Radio Ansar, kanë qenë edhe ligjëratat kontradiktore të imamit shqiptarë të Maqedonisë Rexhep Mimishit, i cili tashmë po vuan dënimin prej 7 vitesh të shqiptuar nga drejtësia maqedonase.
Edhe mësimet e imamit nga Prizreni të suspenduar nga Bashkësia Islame e Kosovës, Irfan Salihut, kanë qenë pjesë e transmetimit të këtij mediumi.
Radio Ansar ishte mbyllur kohë më parë, bashkë me disa mediume tjera propagandistike, por që ishte hapur sërish pak muaj më pas.
Në kuadër të kësaj radio funksionon edhe një portal informativ me të njëjtin emër. Njëkohësisht këto mund të gjenden edhe në rrjetin social Facebook.
Në këtë të fundit, kohë pas kohe janë publikuar njoftime për luftën në Siri, fotografi të liderit të Al-Qaeda, Osama Bin Laden dhe flamujt zyrtar të organizatave tashmë të shpallura terroriste, ISIS dhe Al Nusra.
“Dilni (në luftë), le t’ju vijë (lufta) e lehtë ose e rendë, luftoni për hir të All-llahut…”, bëhet, ndër të tjera, thirrje e tërthortë për të luftuar në Siri, përmes faqes së facebook’ut të kësaj radio – vetëm katër ditë para se pronari i saj të bie në duart e autoriteteve kosovare.
Nga ana tjetër, i arrestuar i dytë gjatë bastisjeve në dy lokacione të ndryshme në Pejë, mëngjesin e djeshëm, Enis Musa i lindur më 1985, sipas burime të Gazetës Express, u kap nga policia mbi dyshimet se ka përhapur propagandë, përmes shpërndarjes se pamfleteve me përmbajtje të dyshimtë – vepër kjo e dënueshme sipas ligjeve të kodit penal të vendit.
Për më tepër, Gazeta Express, nga burime të veta ka mësuar se bastisjet për dyshime të njëjta, kanë vazhduar edhe të mërkurën pasdite. Por, ato ishin zhvendosur në rajonin e Anamoravës, më ç’rast cak ishin administruesit e faqeve të radio Ansar.
