VOAL

Kosovë

Rriten shqetësimet në prag të nisjes së punës së Gjykatës Speciale

Përfaqësuesit politik nga Kuvendi dhe Qeveria e Kosovës nuk i fshehin rezervat që kanë në raport me fillimin e punës së Gjykatës Speciale për krimet e luftës.

Shqetësimi më i madh i tyre ka të bëjë me, siç thuhet, “rrezikun nga ndikimi politik i vendimeve që mund të merren në këtë Gjykatë” e cila kryesisht pritet t’i trajtojë rastet e krimeve të dyshuara të luftës, ku protagonistë kryesor do të jenë ish-pjesëtarë të Ushtrisë Çlirimtare të Kosovës.

Ndonëse Qeveria dhe Kuvendi i Kosovës ishin pajtuar për themelimin e kësaj Gjykate, shqetësimet janë në rritje, sidomos tani, kur disa ish-komandantëve dhe figurave të larta të Ushtrisë Çlirimtare të Kosovës iu konfirmua dënimi nga organet vendore të drejtësisë, çka e shtyu Kuvendin e Kosovës të thërras një seancë të jashtëzakonshme për të enjten, në mbrojtje të vlerave të luftës së UÇK-së.

Infrastruktura juridike e Gjykatës Speciale për krime lufte në Kosovë tashmë është ndërtuar, përfshirë këtu aprovimin nga Kuvendi i Kosovës të Ligjit për Dhomat e Specializuara dhe Zyrën e Prokurorit të Specializuar, si dhe nënshkrimin e marrëveshjes ndërmjet Kosovës dhe Holandës për rivendosjen e kësaj gjykate në Holandë.

Mirëpo ende nuk dihet saktë se kur do të nisin punën dhomat e specializuara në Kosovë. Disa nga Deputetët e Kuvendit të Kosovës konsiderojnë se fillimi i punës së kësaj gjykate mund të paraqes problem për sistemin e drejtësisë.

Deputetja Albulena Haxhiu, Kryetare e Komisionit për legjislacion në Kuvendin e Kosovës vlerëson se roli i kësaj gjykate do të jetë më tepër politik, andaj si i tillë, sipas saj, mund të sjell probleme të ndryshme.

“Do të jetë goxha problematike roli i Gjykatës Speciale duke marrë parasysh tendencën për të njollosur luftën e UÇK-së. Do të ketë probleme edhe për sistemin e drejtësisë edhe për faktin që parasheh një sistem paralel të sistemit të drejtësisë dhe kjo ka qenë e pa drejtë qysh atëherë kur është bërë. Ne kemi nevojë për forcimin e sistemit të drejtësisë dhe dënim të gjenocidit që e ka bërë Serbia në Kosovë”, thotë Haxhiu.

Ndërkaq, deputetja Selvije Halimi, nënkryetare e komisionit për legjislacion nga Partia Demokratike e Kosovës, thotë për Radion Evropa e Lirë se në rast se puna dhe vendimet e gjykatës do të jenë politike, problemet do të jenë evidente.

Halimi mendon se gjykata duhet të punojë në bazë të fakteve reale të cilat mund të dëshmohen dhe vërtetohen.

“Vendimet, qofshin në gjykatat vendore sot qofshin nesër ato në speciale, duhet të jenë mbi bazën e fakteve dhe provave të dëshmuara dhe të vërtetuara [kështu] nuk do të ketë kurrfarë shqetësimi”.

“Por, nëse vendimet janë pa prova, pa dëshmi relevante, dhe vendime që të lënë të kuptosh se janë kryekëput politike, atëherë normalisht se do të ketë shqetësime”, tha Halimi.

Kurse, Ministrja e Drejtësisë, Dhurata Hoxha, ka deklaruar se ministria pas miratimit të ligjeve nuk ka asnjë detyrim apo obligim në raport me Gjykatën Speciale.

Por, ajo tha se do të kërkoj transparencë për proceset që do t;i zhvillojë ky mekanizëm.

“Do të kërkojmë, do të jemi insistues, që të kemi transparencë në lidhje me hapat, procesin i cili po na vjen. Por, nuk mund të ndikojmë. Ajo është gjykatë, ka pavarësinë e vet dhe vetëm në kuadër të një bashkëpunimit juridiko-ndërkombëtar ne mund t’i ndihmojmë”, tha Hoxha.

Dhomat e specializuara do të trajtojnë çështjet që dalin nga raporti i Dick Martit, që u shndërrua në raport të Këshillit të Evropës, e që “fajëson ish-pjesëtarë të UÇK-së, për krime lufte përfshirë edhe trafikim të organeve njerëzore”.

Zbardhja e krimeve gjatë periudhës së luftës pritet të jetë një nga qëllimet kryesore edhe të Gjykatës Speciale apo Dhomës së Veçantë, që është krijuar për hetimin e krimeve të supozuara të ish-pjesëtarëve të Ushtrisë Çlirimtare të Kosovës ndaj civilëve serb.

Kryeprokurori i Zyrës së Prokurorisë Speciale, David Schwendiman, kohë më parë në një konferencë me gazetarë në Hagë ka thënë se do të zhvillojë hetimet e tij “pa frikë dhe pa asnjë favor”.

Schwendiman ka theksuar se “është i vetëdijshëm për ndjeshmërinë politike të asaj çfarë po bën, por në punën e tij do të udhëhiqet vetëm nga faktet dhe nga ligji.

Gjykata Speciale do të merret me akuzat për krime gjatë viteve 1999-2000. Ajo do të financohet nga Bashkimi Evropian dhe vepron në përputhje me ligjet e Kosovës, ndonëse prokurorët dhe gjykatësit do të jenë ndërkombëtar. (REL)

Stojanoviq: Nuk bisedojmë për Ushtrinë dhe nuk e votojmë Demarkacionin

Lista Serbe nuk do të kthehet në Kuvendin dhe Qeverinë e Kosovës në rrethanat e krijuara politike, ka thënë zëvendëskryeministri, Branimir Stojanoviq.

Si një zyrtar i lartë shtetëror i Kosovës, Branimir Stojanoviq, në një intervistë për seksionin në gjuhën serbe të Radios Evropa e Lirë, e bën të qartë se Lista Serbe mbetet e përkushtuar në mbrojtjen e interesave të komunitetit serb.

Vendimin për bojkotimin e punës së institucioneve qendrore, ky subjekt politik që përfaqësohet me 11 deputetë në Kuvend, e mori nga momenti kur ligjvënësit votuan Ligjin për Trepçën dhe më pas atë për Investimet Strategjike.

Stojanoviq thotë se këto dy ligje nuk janë në interesin e serbëve, andaj edhe është marrë vendimi për braktisjen e institucioneve qendrore.

“Vendimi për miratimin e Ligjit për Trepçën nuk është në interesin e bashkësisë serbe dhe dikush është dashur ta mendonte këtë para se ta merrej vendimi. Po ashtu edhe Ligji për Investime Strategjike nuk është në interesin e serbëve dhe edhe për këtë dikush është dashur të mendonte para se të vendosej”, thotë Stojanoviq.

Përfaqësuesit e kësaj Liste, vijon ai, u përgjigjen vetëm votuesve që i kanë zgjedhur, andaj edhe angazhohen për mbrojtjen e interesave të tyre.

Një hap tjetër që do të ndërmarr Lista Serbe, sipas tij, është që t’i informoj institucionet në Bashkimin Evropian dhe qeveritë perëndimore me qëndrimet e këtij subjekti politik.

Në funksion të politikave të pavarura të Listës Serbe nga agjenda politike e Qeverisë së Kosovës është vlerësuar edhe vizita e fundit e Stojanoviqit në Bruksel.

Por, ai mendon se problemi qëndron te fakti që agjenda e Qeverisë së Kosovës nuk i përfshinë interesat e serbëve të Kosovës.

“Ajo agjendë që nuk i përmban interesat e popullit serb dhe bashkësisë serbe, për ne nuk është agjendë relevante”, thekson Stojanoviq.

Tutje, Stojanoviq thotë se nëse institucionet e Kosovës nuk kanë dashur t’i konsultojnë 3 mijë punëtorë të Trepçës dhe menaxhmentin që ka punuar atje për 17 vjet, duke aluduar në pjesën e Trepçës që menaxhohet nga strukturat serbe, atëherë, sipas tij, si mund të pritej që Lista Serbe ta hesht këtë fakt.

Ndërkaq, duke iu referuar ratifikimit të marrëveshjes për Demarkacionin e kufirit me Malin e Zi, si një proces që po zgjat më tepër se një vit për shkak të mospajtimeve politike, Stojanoviq konfirmon se Lista Serbe nuk do të kthehet në Kuvend nëse eventualisht do të shtrohet çështja e votimit.

“Është më se e qartë se ka pak gjasa që të votohet në Kuvend kjo marrëveshje”, thotë Stojanoviq, duke rikujtuar se për Demarkacionin nuk ka pajtim as te partitë shqiptare.

Në rrethanat e krijuara politike, Lista Serbe, sipas Stojanoviqit, nuk dëshiron të diskutoj fare me Qeverinë e Kosovës as në lidhje me themelimin e Forcave të Armatosura.

Themelimi i këtyre forcave është i varur nga vota e deputetëve serb, pasi që Kushtetuta e Kosovës e njeh votimin e dyfishtë i cili kërkon mbështetjen e dy të tretave të komuniteteve pakicë në Kuvend.

“Mendoj se nuk është racionale dhe reale që dikush të paramendoj se do të mund të diskutojë me neve në lidhje me këtë temë kur është krijuar një atmosferë e tillë në të cilën serbët jetojnë”, ka thënë Stojanoviq.

Që çështja e Ushtrisë së Kosovës të mund të diskutohet me Listën Serbe, Stojanoviq thotë se duhet të ndryshohet gjendja aktuale, duke hequr dorë nga Ligji për Trepçën, nga ai për investimet strategjike si dhe të krijohen kushtet për kthimin e serbëve të zhvendosur nëpër shtëpitë e tyre.

Krejt në fund, Stojanoviq shpreh shqetësimin e tij edhe në lidhje me vonesat në procesin e themelimit të Asociacionit të komunave me shumicë serbe.

“Në rrethanat aktuale politike mendoj se nuk është reale të pritet që kjo do të ndodhë shpejt. Ka shumë deklarata se Asociacioni do të themelohet, por vendim nuk ka dhe kjo për ne është shqetësuese”, thekson Stojanoviq.

Zvarritjet që po i bëhen themelimit të Asociacionit, sipas Stojanoviqit, duhet të adresohen te faktori ndërkombëtar për të sqaruar pse institucionet e Kosovën nuk po e zbatojnë një marrëveshje që e kanë nënshkruar vet.

Lista Serbe në Prishtinë shihet edhe si një lloj produkti i dalë nga dialogu politik ndërmjet Prishtinës dhe Beogradit. Ky subjekt politik ishte mbështetur nga Beogradi zyrtar në zgjedhjet e fundit në Kosovë të mbajtura në të dyja nivelet. (REL)

Përgatiti: Zijadin Gashi

Vështrim Zgjedhjet nacionale ta shpallin të “vdekur” këtë kastë politike?! Nga Skënder MULLIQI

Se do të ‘torturohet” kaq shumë një shtet i vogël si Kosova pak kush e ka paramenduar.E torturuan gjithë farë grupacione politike të cilët u ngjiten në pushtet, dhe ende nuk po del bir nane që i largon nga këto poste. Ndodhi që të vijnë në pushtet do matrapazë, do njerëz hajna dhe plaqkitës të pamëshirshem të mundit dhe të ndjersës së popullit. Çfarë patriotësh i thonë vetit , kur kaq pa ndërshemerisht po e udhëheqin Kosovën?! Këto struktura tw kriminalizuara dhe tw korruptuara na janë akomoduar në pushtet sikur ate tua kishin lënë babë e babagjysh. Ata që e lidhën koalicionin PDK-e dhe LDK-e nuk janë gjë tjetër veq do grupacione të cilët bashkë i kan lidhë bizneset e pista që i kan më bollëk . Këto dy grupe por edhe grupe të tjera aty rreth e rrotull të ndonjë subjekti tjetër politik, nuk po i lën ti qelin sytë këtë popull. E kan zhytur në skam dhe mjerim social vendin sikur të ishim në mesjetë e jo në shekullin 21. Mos ti përmendim sërish të gjitha ato argumente të cilat e shkaktuan krizën e madhe ekonomike , politike dhe shumëllojshemërinë e krizave të tjera , të cilat janë dëshmi së në çfarë deregje e kan sjellur shtetin . Fatkeqësisht duket së edhe në zgjedhjet e ardhshme të cilët po flitet së do të mbahen do ta kalerojnë pushtetin të njejtat garnitura, të njejtit njerëz të cilët nuk e meritojnë as tu dëgjohet më emri në politikë .Shumë ka nevojë ky popull dhe ky shtet për një gjeneratë të re politikanësh , të cilët do ta nxjerrin vendin nga lloqi i madh në të cilin e kan futur kjo elitë politike. A ka gjë më tragjike për këtë popull së tia ‘presin teshat” prapë ata të cilët ja prenë keq teshat këtij vendi për 17 vite?! Të gjitha krizat i prodhuan më qëllime të mjera politike. Radha iu ka ardhur zgjedhjeve të para kohshme parlamentare, se iu ka ardhur fundi duket sherreve të tjera politike e skenave të dhunës që i pamë për shumë kohë në parlament e në rrugët e Prishtinës . Të gjitha këto lojëra politike i prodhuan që ta zhvendosin vemendjën e popullit nga problemet e mëdha ekonomike dhe sociale . U inskenuan kriza pas krizave më qëllim që ti ikin Gjykatës Speciale. Edhe zgjedhjet e reja nacionale po kërkohen të mbahën më shumë që ta prolongojnë punën e Gjykatës në fjalë . Vendit dhe popullit i nevoiten njerëz profesional të politikës . Rifreskimi i partive politike më njerëz të ri zor se do të ndodhë, së nuk i lënë”të vjetrit’ të cilët i kan marrë më tapi postet në parti dhe postet në pushtet. Ata të cilët punuan keq për shtetndërtim dhe mirëqenje , nuk janë në gjendje ti mbrojnë as vlerat kombëtare .Faji që Kosova ka një ngecje kaq të madhe në secilin plan të jetës i faturohet kryesisht PDK-së, dhe Hashim Thaçit i cili e udhëhoqi qeverinë për shtatë vite , e nga përgjegjësia politike nuk mund të lirohet as kryeministri, Isa Mustafa për këto dy vitet e fundit.Mustafa vet e kërkoi dhe vet e gjeti .Unë kur është lidhur koalicioni kam shkruar së PDK, pasi që të arrin postin e presidentit të vendit, do të kërkon zgjedhje të reja nacionale , duke ia faturuar dështimet shumë vjeqare të vetat LDK-së, për ta marr edhe postin e kryeministrit të Kosovës. Kjo kastë politike në pushtet edhe kur të flasish edhe kur të shkruash, edhe kur të protestosh kunder punës se keqe të tyre, do të shpallin armik të shtetit. Votuesit do të duhej të vetë dijesoheshin dhe të kërkojnë llogari nga ata që e prunë shtetin në këtë gjendje të mjerë. Ndëshkimi politik , por edhe ndëshkimi para organeve te drejtësisë ishte dashur të ndodhë . Populli ka nevojë për njerëz të cilët nuk do tua lënë lukthin e zbrazët, siq ndodhi për gjithë këto vite. Po jetojnë mbi 20 përqind ende në asistencë sociale. Kosova dhe qytetarët e saj e kan rastin ndoshta të fundit që ti zgjedhin njerëzit në pushet më kredibilitet , njerëz autoritativ dhe njerëz të dijshem. Nese në vet nuk i zgjedhim problemet që lidhën më jetën më të mirë, dështimi dhe zhgenjimi do të bëhën të pa fundshme . Markentingut politik i ka dalë tashmë krejt boja.Të largohen ata të cilët e humben qdo komunikim më popullin. Të largohen ata të cilët nuk e përfillën votën e sovranit. Të laragohen për të mos u kthyer kurrë në politikë ata të cilët nuk u interesuan për fatin e të rinjeve tanë. Ata të cilët nuk bënë gjë në sferën e punësimt të shpallën politikisht njerëz të vdekur.Të largohet kjo kastë politike në pushtet më logjikë neokumuniste të te menduarit dhe të vepruarit…

Dënohen kërcënimet ndaj gazetarit Leonard Kërquki

Leonard Kerquki

Ambasadori amerikan në Kosovë, Greg Delawie, Misioni i Organizatës për Siguri e Bashkëpunim në Evropë dhe shoqata e gazetarëve të Kosovës, dënuan kërcënimet kundër Leonard Kërqukit, kryeredaktor i Gazetës Express dhe autori i emisionit javor Zona Express, prodhim i kësaj gazete.

Në një edicion të këtij emisioni me titull “Gjahu në UÇK-në”, që është transmetuar më 23 tetor, janë trajtuar krimet kundër popullatës lokale serbe. Që nga kjo kohë, gazetari Kërquki është kërcënuar dhe ofenduar në rrjetet sociale.

Ambasadori amerikan në një postim në rrjetin social twitter shkruan se “kërcënimet kundër gazetarëve të Kosovës janë të papranueshme. Mediet e lira janë shtyllë kryesore e çdo demokracie”.

Kryesuesi i Misionit të OSBE-së në Kosovë, Jan Braathu, nëpërmjet një komunikate dënoi ” kërcënimet dhe thirrjet për dhunë kundër Kërqukit. Liria e shprehjes duhet të mbështetet dhe të respektohet në të gjitha rrethanat,” tha ai, duke u bërë thirrje autoriteteve të sundimit të ligjit t’i hetojnë kërcënimet menjëherë dhe t’i vënë kryerësit para drejtësisë.

“Kërcënimet dhe dhuna kundër gazetarëve përbën sulm ndaj demokracisë dhe shoqërisë si tërësi. Punonjësit e mediave duhet të jenë në gjendje të kryejnë punën e tyre të rëndësishme në mënyrë të lirë dhe të sigurt,” citohet të ketë thënë Dunja Mijatoviç, përfaqësuse e OSBE-së për lirinë e medies.

Asociacioni i Gazetarëve të Kosovës është shprehur i shqetësuar me kërcënimet ndaj zotit Kërkquki.

“Me shqetësim e kemi pranuar njoftimin se kolegu Kërquki ka pranuar qindra kërcënime me jetë pas transmetimit të emisionit autor i së cilit është pikërisht ai. Është i patolerueshëm fakti kur në qindra komente kërkohet vrasja e Kërqukit si dhe të pjesës tjetër të stafit realizues të emisionit. Po ashtu dënojmë nisjen e një fushate neper rrjetet sociale në të cilat përdoret fotografia e kolegut Leonard Kërquki e që i janë vendosur tre plumba në ballë“, thuhet në reagimin e Asociacionit, i cili u bënë thirrje autorëve të emisionit “që t’i denoncojnë të gjitha këto kërcënime në polici duke e siguruar stafin e këtij mediumi se do t’i përcjell në mënyrë të vazhdueshme veprimet e institucioneve të sigurisë“.

Nexhat Demaku jep dorëheqje nga posti i kryetarit të Drenasit

Kryetari i Drenasit, Nexhat Demaku, ka dhënë dorëheqje nga pozita e udhëheqësit të komunës dhe njëkohësisht edhe kryetarit të degës së Partisë Demokratike të Kosovës në Drenas, një ditë pasi Gjykata e Apelit e ka konfirmuar dënimin e shqiptuar nga Gjykata Themelore në Mitrovicë, prej 3 vjetësh burg, për veprat penale të kryera gjatë luftës në Kosovë.

Demaku, në një konferencë me gazetarë në Drenas, tha se “ata që duhet ta thonë të vërtetën, e kanë thënë të pavërtetën”.

Gjykata Themelore e Mitrovicës, më 15 maj të vitit 2015, dënoi Nexhat Demakun me 3 vjet burg, së bashku edhe me vëllanë Fadil Demakun, në rastin “Drenica II”.

Trupi gjykues në Gjykatën Themelore në Mitrovicë, në aktgjykim për rastet e njohura si Drenica I dhe II, shpalli fajtorë edhe ish-pjesëtarët e UÇK-së, Sami Lushtakun, Sylejman Selimin, Jahir Demakun, Zeqir Demakun dhe Isni Thaçin për, siç thuhet në vendim, veprat penale të trajtimit mizor, torturë dhe trajtim poshtërues dhe degradues ndaj qytetarëve shqiptarë të Kosovës, në periudhën e luftës.

Për veprën e keqtrajtimit të personave të ndaluar Agim Demaj, Bashkim Demaj, Driton Demaj, Selman Demaj, Fadil Demaku dhe Nexhat Demaku janë dënuar të gjithë me nga tri vjet burgim.

Më në fund u ngrit aktakuza kundër Azem Sylës dhe grupit të tij nga Prokuroria Speciale

Sot Prokuroria Speciale e Republikës së Kosovës, ka ngritur eshe zyrtarisht aktakuzën kundër ish deputetit Azem Syla së bashku me 39 persona tjerë, të cilët akuzohen për vepra penale duke përfshirë Krim të organizuar; Pastrim i parave; Marrje të mitos; Mashtrim i rëndë; Mashtrim në detyrë; Nxjerrje të vendimeve gjyqësore të kundërligjshme; Keqpërdorim i pozitës zyrtare; Legalizimi i përmbajtjes së falsifikuar dhe Evazion fiskal.

Në njoftimin e Prokurorisë Speciale të Republikës së Kosovës thuhet se një prokuror ndërkombëtar i Prokurorisë Speciale të Republikës së Kosovës, i parashtroi dy aktakuza në Gjykatën Themelore të Prishtinës për një rast të PSRK-së me numër PPS 54/2014.

Në aktakuzën e parë akuzohen 22 të pandehur, ndërsa në aktakuzë janë renditur 46 pika të akuzës për vepra penale duke përfshirë Krim të organizuar; Pastrim i parave; Marrje të mitos; Mashtrim i rëndë; Mashtrim në detyrë; Nxjerrje të vendimeve gjyqësore të kundërligjshme; Keqpërdorim i pozitës zyrtare; Legalizimi i përmbajtjes së falsifikuar dhe Evazion fiskal.

Në aktakuzën e dytë akuzohen 17 të pandehur për Pastrim të parave.

Ky rast ka të bëjë me një grup të organizuar kriminal të strukturuar, me hierarki të organizuar dhe afatgjatë, i cili i ka privuar Kosovës pronat shoqërore. Ky grup i organizuar kriminal, aktiv prej vitit 2006, ishte i përbërë nga shqiptarë të Kosovës dhe anëtarë serbë.

Ky grup udhëhiqej nga A.S.

Anëtarët e këtij grupi të organizuar kriminal kanë bashkëpunuar mes vete, secili me rol të caktuar, për t’i privuar Kosovës pronat shoqërore përmes veprimtarive kriminale duke përfshirë falsifikimin e vendimeve dhe dokumenteve tjera zyrtare, mashtrimin dhe veprimeve korruptive. Palët e dëmtuara janë buxheti shtetëror i Kosovës dhe familjet serbe të Kosovës të drejtat e të cilëve mbi parcelat e tokës ishin keqpërdorë nga ky grup i organizuar kriminal.

Gjatë këtyre hetimeve, në fund të muajit prill 2016 është realizuar një operacion në kuadër të së cilit u bënë arrestime, bastisje dhe konfiskime të pasurisë. Udhëheqësi i pretenduar i këtij grupi, A.S., ish-deputet, ishte arrestuar më 29 prill 2016 dhe vazhdon të mbahet në paraburgim, njësoj si edhe dy të pandehur të tjerë. Tre të pandehur të tjerë aktualisht janë duke i vuajtur dënimet me burgim për shkak të veprimtarive kriminale të mëparshme.

Një pjesë e konsiderueshme e parcelave të tokës në fjalë janë konfiskuar përkohësisht në bazë të urdhrit të gjyqtarit të procedurës paraprake dhe tani janë duke u menaxhuar nga Agjencia për Menaxhimin e Pasurive të Sekuestruara dhe të Konfiskuara (AMPSK). Ky proces ka për qëllim pikë së pari kthimin e tokës në pronësinë publike legjitime të saj.

Këto hetime kanë përfshirë edhe një bashkëpunim efektiv me Prokurorinë e Lartë për Krim të Organizuar në Beograd.

Pas këtyre veprave penale kanë pasuar veprimtaritë për pastrimin e parave nëpërmjet bartjes së pronësisë së parcelave të tokës, për ta fshehur origjinën kriminale të këtyre parcelave, si dhe me anë të transaksioneve financiare.

Akuzohet SHIK-u se po i bllokon dosjet e udbashëve Institucionet, të mbushura me spiunë

Voal – Distancimi nga regjimi i kaluar komunist dhe shërbimet e tij të aparatit të dhunës, sikur që kanë qenë UDB-ja dhe mekanizmat tjerë të shtetit, që kanë ushtruar torturë mbi shqiptarët, vazhdon të mbetet një temë e paprekur e politikës dhe institucioneve kosovare. Organi më i lartë përfaqësues politik në vend, Kuvendi i Kosovës, i zgjedhur me votat e qytetarëve, akoma nuk po e merr guximin që të iniciohet dhe përfundohet procesi i zbardhjes së dosjeve të ish-shërbëtorëve të UDB-së dhe rehabilitimi i tyre sikur që kërkohet edhe me konventat ndërkombëtare. Ajo që kërkohet tani nga institucionet e reja të shtetit, si proces i distancimit dhe shkëputjes nga e kaluara e regjimit totalitar, është që përmes hapjes së dosjeve të dihet se kush kanë qenë ata që kanë raportuar për shërbimin sekret serb dhe në favor të kujt, sa ka njerëz spiunë të UDB-së dhe familjarë të tyre qëllimshëm të instaluar në të tria shtyllat e pushtetit dhe në të dy nivelet e pushtetit dhe jo vetëm kaq, por sidomos kush janë ata të instaluar jashtëligjshëm e të mbështetur nga pushteti edhe në media. Opinioni duhet të dijë se sa ka bashkëpunuar SHIK-u si shërbim me të tillët udbashë dhe cili ishte roli me mbështetje kruciale nga SHIK-u, se cilët spiunë dhe familjarë të tyre u sistemuan me lehtësi dhe pa merita në pozitat kyçe, bile edhe të larta, në të gjitha fushat dhe segmentet më vitale të pushtetit të shtetit kudo, në Qeveri e administratë publike, në Legjislativ dhe rreth tij, dhe në drejtësinë kosovare – në Gjyqësor, Prokurori e në Polici, dhe cili ishte roli i SHIK-ut në mbështetje të spiunëve të UDB-së të vendosur nëpër media, në televizione, në gazeta e në portale,shkruan gazeta Kosova Sot.

Të gjitha këto pyetje mbeten pa përgjigje, ngase politika nuk është e gatshme të arrijë konsensus për hapjen e plotë të dosjeve.

Pengesa të forta

Deputeti i LDK-së, Adem Salihaj, për pamundësinë e hapjes së dosjeve të UDB-së ia hedh komplet fajin strukturës së SHIK-ut, të instaluar tanimë në politikë. “Dihet publikisht që vetë kreu i SHIK-ut ka deklaruar se ka pasur bashkëpunim me udbashë dhe me strukturat e UDB-së. SHIK-u i ka vlerësuar si thesare spiunët e UDB-së. Megjithatë, i ka likuiduar këta thesare. Arsyeja mund të jetë e thjeshtë, sepse “thesaret” kanë ditur shumë për eksponentët e SHIK-ut dhe për bashkëpunimin e tyre me “thesaret” UDB-së. Tani nuk kemi të dhëna se ku janë dosjet e UDB-së, a kanë mbetur në Kosovë apo janë në Serbi”, ka thënë ai. “Nëse kanë mbetur në Kosovë, unë mendoj se ato fshihen diku apo janë zhdukur, që të zhduket lista e bashkëpunëtorëve të shumtë që ka pasur shërbimi fatkeq serb në Kosovë. Nëse janë në Serbi, atëherë jo vetëm që nuk kërkohen, por eksponentët e politikës dhe segmenteve të tjera që kanë mundur të jenë bashkëpunëtorë të UDB-së do të bëjnë çmos që të mos kthehen këto dosje në Kosovë. Në anën tjetër, vetë Serbia nuk do të lejojë që të zbulohen bashkëpunëtorët e saj në Kosovë, përmes të cilëve ajo po realizon me sukses interesat e saj në shtetin tonë, duke futur duart gjithnjë e më shumë në çështjet e brendshme të saj”, tha Adem Salihaj për “Kosova Sot”. Konstatim të ngjashëm ka edhe analisti Islam Krasniqi, sipas të cilit është vetë Kuvendi i Kosovës që është shndërruar në një muri të pakalueshëm për inicimin dhe hapjen e dosjeve të UDB-së. Ai ka pohuar se jorastësisht këto lista nuk janë iniciuar të hapen as nga ish-shërbimi sekret i Kosovës, SHIK-u, pasi që një kohë të gjatë ka pasur bashkëpunim ndërveprues me strukturat e UDB-së. “Shërbimi i SHIK-ut e ka lanë të errët këtë pjesë më listat UDB-së, ku nëse i shikojmë politikat ditore dhe njerëzit që i qëndrojnë krah kuptojmë se edhe në mesin e saj ka pas pjesëtarë të këtyre listave, sepse i sistemuan me lehtësi dhe pa merita në pozitat kyçe, bile edhe të larta, në të gjitha fushat dhe segmentet më vitale të pushtetit të shtetit, kudo, në Qeveri e administratë publike, në Legjislativ dhe rreth tij dhe në drejtësinë kosovare – në Gjyqësor, Prokurori e në polici, në televizione, në gazeta, në portale, gjë e cila mbetet anë e errët nga SHIK-u, sepse gjithçka ka mbetur e bllokuar lidhur me të vërtetën dhe zbardhjen e këtyre listave me emra të njohur të skenës politike”, tha Islam Krasniqi.

Vazhdimi i sundimit të Kosovës

Profesori i së drejtës, Muhamet Kelmendi, konsideron se tema e ishbashkëpunëtorëve të UDB-së, të cilësuar si spiunë e udbashë, është një ndër temat më të rënda që e ka Kosova, të trashëguar nga shekulli i kaluar, dhe nuk e ka të zgjidhur akoma, as nuk është gati të shkë- putet nga një virus i tillë. “Që të dalim me emra e mbiemra të udbashëve duhet domosdo të hapen dosjet e bashkëpunëtorëve të regjimit serbo-jugosllav. Unë dhe shumë të tjerë mundemi t’i përmendim ca veta që kanë qenë në shërbim të regjimit. Por, nuk ka mundësi të tregojmë me emra udbashët, sepse janë dosje sekrete dhe ato ende po iu shërbejnë faktorëve të ndryshëm në realizimin e pikësynimeve në Kosovë”, ka thënë ai. Sipas tij, dosjet e ish-agjentëve të UDB-së nuk zbulohen, sepse ka tri qëllime: “1. Vazhdimin e mëtejshëm të tyre për të sunduar në shtetin e Kosovës; 2. Moszbulimin e tyre në mënyrë që pushtetarët e tashëm më lehtë të sundojnë, sepse kemi një segment njerëzish të aftë dhe të dëgjueshëm për veprimtari antishtetërore dhe 3. Është në pyetje vetë realizimi i pikësynimeve tejet antishtetërore ndaj shtetit të Kosovës. Këtu mendoj në marrëveshjet e Demarkacionit, Asociacionit, në kriminalitet ekonomik dhe në korrupsion, sikundër edhe në mosshtrirjen e pushtetit në vendet me minoritet serb”, tha Muhamet Kelmendi.

Mungon vullneti politik për zbardhjen e së vërtetës

Sipas Muhamet Kelmendit, subjektet politike në opozitë kryesisht janë të liruara nga elementët e tillë, por ata kanë zënë vend kyç në dy subjektet politike që po qeverisin vendin, PDK-ja dhe LDK-ja, prandaj edhe nuk ka inicim të hapjes së dosjeve. Tash për tash, mision të pamundur e sheh hapjen e dosjeve edhe njohësi i fushës së legjislacionit, eksperti Blerim Burjani, pasi që sipas tij pasojat politike do të ishin tepër të mëdha për njerëzit e pushtetit, që akoma mbajnë peshën e së kaluarës së padekriminalizuar.

Shpend Ahmeti: E dua përfaqësuesen e Kosovës, por zemra më rreh për kuqezinjtë

Kryetari i Komunës së Prishtinës, Shpend Ahmeti, që vjen nga Lëvizja Vetëvendosje, kryetari i së cilës vazhdon të mos e njohë përfaqësuesen e Kosovës në futboll, është deklaruar rreth kësaj çështjeje.

Në insistimin e udhëheqësit të emisionit “Puls” se a e do kombëtaren e Kosovës, Ahmeti ka deklaruar se e do.

“Sa për të sqaruar: unë e dua përfaqësuesen e Kosovës, po ashtu e dua edhe shtetin e Kosovës. Kur i shoh ata djem të luajnë, më jep ndjenjë të mirë”, ka thënë Ahmeti.

Por, ai ka thënë se ndjenja që ka pasur gjatë Kampionatit Europian në Francë, atje ku Shqipëria arriti të kualifikohej, nuk mund të zëvendësohet.

“Dëshira ime është që t’i shoh të gjithë ata futbollistë në një kombëtare”, deklaroi kreu i Komunës së Prishtinës, Shpend Ahmeti.

Kryetari i Lëvizjes Vetëvendosje, Visar Ymeri, në ditën kur përfaqësuesja e Kosovës zhvilloi ndeshjen e parë historike pas pranimit të FFK-së në FIFA dhe UEFA, në Facebook përgëzoi kombëtaren e Shqipërisë për fitoren kundër Maqedonisë, por jo edhe paraqitjen dinjitoze të Kosovës, që barazoi 1:1 kundër Finlandës.

Kufiri me Malin e Zi dhe një vasalitet i panevojshëm – Nga Prof.dr.Mujë Rugova

Së pari Ne, populli shqiptar i Kosovës detyrimisht duhet t’i drejtohemi Bashkimit Europian çka është tërë kjo hasmëri ndaj nesh. Pse nuk u kërkuat sllovenëve, kroatëve, serbëve, boshnjakëve, malazezëve dhe “maqedonëve” që të kenë të përfunduara mosmarrëveshtjet ndërkufitare edhe pse secila nga këto shtete kanë minimimum nga dy e më tepër mosmarrëveshje kufitare me njëra tjetrën, po e gjetët Kosovën e cila mbijetoi rreth 700 vite robëri osmane dhe sllave dhe Europa në vend se ta mbështesë, sillet ndaj saj si ndaj një fëmije të braktisur nga prindërit dhe shoqëria?

Populli shqiptar i Kosovës u soll me shumë respekt dhe dashamirësi ndaj trupave të NATO-s, KFOR-it, ndaj përfaqësueve të UNMIK-ut, EULEX-it dhe besoj se këso sjellje dhe mikpritje nuk kanë hasur deri më tani dhe vështirë që do të hasin në të ardhmen në tërë rruzullin tokësor.

Me siguri faj kemi edhe Ne meqenëse Qeveritë eunuke të Kosovës që nga paslufta e deri tani me veprimet e tyre të mbrapshta, nënshtruese apo naive karshi faktorit ndërkombëtar dhe atij ballkanik, e sollen Kosovën në pozitë të vështirë “të jetë” apo “të mos jetë”. Që nga fillimi u përkulën dhe shprehen vasalitet të skajshëm ndaj Faktorit Ndërkombëtar e në veçanti para shteteve të dala nga ish-Jugosllavia dhe u sollën si të ishin agresorë e jo viktima, kjo kushtoi dhe do të kushtojë edhe më shumë. U sollën dhe vazhdojnë të sillen sikur Kosova të kishte territorin tokësor të Federatës Ruse duke iu dhurua “Maqedonisë” dhe Malit të Zi me mijëra hektarë tokë.

“Maqedonia” mori sa deshi nga komuna e Vitisë, për ta kënaqur Serbinë me Prohorpinskin. Por me këtë “Maqedonia” nuk u ngop por plaçkiti edhe një territor në Restelicë që askush nuk e din cila është sipërfaqja e tij.

Ky “shtet” pa identitet kombëtar dhe pa identitet territorial, e ashtuquajtura “Maqedoni” e themeluar nga Josip Tito, “shtet” me mbi 50% të popullsisë shqiptare (myslimane dhe orthodokse), rreth 35% bullgare, kombësi të tjera si turq, rom, egjiptas,…etj dhe qytetarë të tjerë që kanë dalë nga martesat ndëretnike dhe janë konvertuar si “maqedonë”. Ky “shtet” pra, derisa ta ndryshojë emrin, as në ëndërr mos të shohë BE-në dhe as NATO-n, pasi këtë nuk do ta lejojë me asnjë kusht Greqia. Këtij “shteti” BE ja njohu liberalizimin e vizave pa marrë parasysh këto që u thanë më lart si dhe korrupsionin gjigand, terrorin shtetëror ndaj jo sllavëve etj etj…. Europë he… si thonte dikur At GJergj Fishta.

Qeveria e Kosovës e quan Malin e Zi si shtet mik se na paska “njohur shtet” (një proverb malazias – za ovo hvalla a za ove drge idu gllave. – për këtë faleminderit por për të tjetrat ikin kokat). Ky shtet së pari është dashur të kërkojë falje për krimet, masakrat dhe dëmet që kanë bërë banorët e zonave kufitare në Rugovë dhe kolonistët malazezë në Rrafsh të Dukagjinit (Pejë, Podgur, Rekë e Gjakovë) për këto krime dhe ato me radhë nga viti 1912, nuk po kërkojmë hakmarrje por kurrën e kurrës nuk guxojmë si popull t’i harrojmë. Qeveria vasale shkallën e parë të vendosjes zyrtare të kufirit e fsheh para opinionit shqiptar në përgjithësi e atij të Kosovës në veçanti dhe lajthit komplet botën demokratike, BE-në dhe SHBA-në, që Parlamenti dhe populli i Kosovës të jenë të detyruar të miratojnë vijën e Demarkacionit pa bërë fare delimitim. Këtë e bën kjo Qeveri ose një grup i vogël njerëzish apo vetëm një njeri, sikur Kosova të ishte “Kalifat” i tyre apo i tij? Ky problem i rëndë i krijuar nga qeveritarët e Kosovës medoemos duhet të dalë në Referendum edhe pse Qeveria ka pasur mundësi të vërë në lëvizje Peticionin e nënshkruar nga më shumë se dyqind mijë qytetarë të Kosovës dhe të dorëzuar për shqyrtim në Parlamentin e Kosovës. Megjithatë këto ditë shihet një dritë në fund të tunelit për së mbari duke filluar nga kryetari i Parlamentit dhe deputetët e pozitës së Parlamentit të Kosovës.

Në vijim po paraqes faktet bazike se kufiri i Kosovës (KSKA – 1974) – Mal i Zi është faktik dhe bazohet në mes të tjerave edhe në këto fakte zyrtare të ish-Jugosllavisë dhe vendimeve të institucioneve relevante ndërkombëtare:

-Komisioni shtetëror këto të dhëna dhe dokumentacionet tjera ekzistuese si dhe parametrat gjeografikë, historikë, etnikë, nuk i ka marrë në konsiderim por padyshim ka nënshkruar marrëveshjen e shtruar (paraqitur) nga komisioni i Malit të Zi, nga kjo rrjedh se ky komision jo serioz e ka futur Qeverinë e Kosovës dhe popullin e saj në një problem jo të vogël me shtetin fqinj Malin e Zi.

Prandaj si i tillë ky komision ka përgjegjësi ligjore dhe prokuroria e Kosovës duhet të nisë procedurën për hetim të këtij komisioni.

-Kufiri Serbi (KSKA-1974) – Mali i Zi i delimituar nga komisioni shtetëror i YU (1945) deri më sot është i njohur si kufi administrativ – politik i sistemuar në kushtetutat e Serbisë (KSKA 1974) – dhe Malit të Zi.

-Kufiri Serbi (KSKA -1974) – Mali i Zi është sanksionuar edhe me Vendimin e Arbitrazhit Europian (Komisioni i Badinterit 1991-1993).

-Kufiri Mali i Zi – Kosovë (KSKA-1974) është sanksionuar me propozimin e Ahtisarit për zgjidhjen politike të statusit të Kosovës.

-Kufirin ekzistues Serbi (KSKA-74) – Mal i Zi është sanksionuar me rezolutën 1244/1999 të Këshillit të Sigurimit të OKBS-së për Kosovën.

Rama sot drekë me Thaçin në Prizren

Presidenti i Kosovës, Hashim Thaçi ka njoftuar ditë më parë se të martën do të drekojë në Prizren me kryeministrin e Shqipërisë, Edi Rama.

Ai ka deklaruar se askush nuk ka ndonjë aspiratë për ndryshimin e kufijve me Shqipërinë, përkundrazi synojnë hapjen e kufijve sipas standardeve evropiane.

Thaçi, në punimet e Seminarit të 93-të Rose-Roth të Asamblesë Parlamentare të NATO-s në Prishtinë, ka thënë se bashkëpunimi me Shqipërinë duhet t’i gëzojë të gjithë.

“Me Shqipërinë kemi raporte të shkëlqyera të bashkëpunimit institucional. Para dy ditësh jam takuar me kryeministrin Rama, pasnesër do të kemi drekë me kryeministrin Rama në Prizren. Po ky bashkëpunim yni duhet t’i gëzojë, sepse është bashkëpunim i standardeve dhe vlerave euroatlantike dhe në asnjë mënyrë nuk duhet shikuar me dyshim. Ne nuk e kemi asnjë aspiratë as si Kosovë, as si Shqipëri ndryshimin e kufijve, përkundrazi hapjen e kufijve sipas standardeve evropiane”, tha ai.

Thaçi, po ashtu, ka lavdëruar deklarimin e kryeministrit të Shqipërisë, në vizitën e fundit në Beograd, duke thënë se ishin fjalë të qëlluara dhe të sakta.

Kërcënon Gjuriçi, po përgatitemi për më të keqen në Trepçë

Kombinati xehetar-metalurgjik Trerpça është e gatshme të vazhdojë prodhimin edhe në kushtet e bllokadës së plotë. Kështu është shprehur drejtori i Zyrës për Kosovën në Qeverinë e Serbisë, Marko Gjuriçi. Sipas tij Serbia do të vazhdojë ta mbështesë Trepçën, raportojnë mediet serbe, transmeton Koha.net.

Pas promovimit të librit “Shtetndërtimi në Kosovë – demokracia, korrupsioni dhe BE në Ballkan” me autor Andrea Kapusela, në Panairin e Librit të Beogradit, ai u tha gazetarëve se Trepça po prodhon e po eksporton dhe kështu do të duhej të ndodhë edhe në muajt e ardhshëm.

“Punëtorët po punojnë, vijnë në punë. Tash për tash çdo gjë është normale, porse po përgatitemi për më të keqen, nuk po rrimë duarkryq. Detyrimi ynë është që me mjete politike, juridike dhe me të gjitha masat e tjera të bëjmë të mundur që Trepça të vazhdojë së funksionuari”, ka thënë Gjuriq dhe ka shtuar se për Serbinë është me rëndësi thelbësore që asnjë punëtor i Trepçës të mos mbesë pa punë.

Sipas fjalëve të tij mbështetja për Trepçën nuk do të thotë mbështetje financiare, meqë kombinati është në gjendje që vetë të përmbushë detyrimet e veta.

Dje kryeministri i Serbisë, Aleksandar Vuçiq i pyetur se si e komenton atë që tha Mustafa se për Trepçën do të bisedohet vetëm në Prishtinë, Vuçiq u përgjigj: “E po mirë, unë iu besoj, por do ta pyesja Mustafën se kur do ta vizitojë ai pjesën veriore të Trepçës?”, që lë të kuptohet se nuk do të guxojë as të lejohet ta bëjë këtë.

Serbia dhe Shqipëria duhet sanksionuar për shkak të përzierjes në çështje të brendshme të Kosovës – Nga Prof.Dr.Mehdi Hyseni

Barometri diplomatik

*** Sespe ministrja shqipfolëse e Tiranës, Brunilda Paskali tradhtoi Kosovën për ta sjellë Serbinë në Durrësin e Adriatikut të ngrohtë shqiptar; ëndërr dhe aspiratë shekullore kjo e serbomëdhenjve Nikola Pashiq dhe Jovan Cvijiq, të cilët konsideronin se dalja e Serbisë në Detin Adriatik shqiptar, “është frymëmarrja e mushkërive” të Serbisë.

*** Ku ishte kryeministri Edi Rama, pse ka lejuar dhe miratuar një traktat të tillë ekonomik me përmbajtje krejt tradhtuese, minuese dhe mohuese të pavarësisë dhe të sovranitetit territorial të Republikës së Kosovës (17 shkurt 2008)?!

*** Beogradi dhe Tirana mund të nënshkruajnë 100 traktate dhe protokolle ekonomiko-tregtare dypalëshe vetëm në kuadrin e kufijve të tyre territorialë dhe shtetërorë, POR pa prekur dhe pa dhunuar sovranitetin territorial të Kosovës.

Mos u lidhni me shtetin gjenocidal serb, sepse një ditë, do t’iu dalë “dardhë me bisht shumë të gjatë”!

Serbia imperialiste dhe kolonialiste, të gjitha luftërat, gjenocidet dhe aneksimin e territoreve të Kroacisë dhe të Shqipërisë Etnike dhe për shfarosjen e shqiptarëve dhe të kroatëve i ka bërë për të pasur dalje në Detin Adriatik (1912-1999).

Këtë “lopët e shehrit” duhet ta mbajnë parasysh, që të mos e sjellin “ujkun e moçëm” në “torishtën” e tyre (sepse “ujku qimen e ndërron, por jo edhe zanatin e vjetër të tij”).

Pra, pavarësisht nga kushtet dhe nga rrethanat e stome të mbretërfimit të paqes në Ballkan, duke falënderuar Amerikës dhe NATO-s (nesër, mund të jetë krejt ndryshe, mund të luftëra në Ballkan për shkak të Serbisë kolonialiste, sikruse në shekujt e kaluar) mbase politika nuk është kategori absolute, ajo ndërron sikurse stinët dhe klima e motit sipas interesave imperialiste dhe hegjemoniste të Serbisë dhe të aleatëve të saj slave siç është Rusia, Grewqia etj.

Prandaj, kujdes, se me lidhjen e vijave hekurudhore dhe me transportin rrugor me Serbinë, duke ndërtuar ura, viadukte, tunele e autostrada, qorrazi ( me vepër) jeni duke realizuar ëndërrën shekullore të ish-kryeministrit të mbretërisë serbe, Nikola Pashiq, cili për këtë qëllim ka pushtuar Shqipërinë (Durrësin, Elbasanin, Tiranën dhe Shkodrën) me ç’rat ekspeditat e soldateskës serbo-malazeze kanë kryer gjenocid ndaj qindra e mijëra shqiptarëve ( Prizren, Gjakovë, Lumë, Dibër, Shkodër, Durrës, Tropojë, Kukës etj.).

“Protokolli” i Brunilda Paskalit , i lidhur me homologun e saj serb Stevan Nikçeviq në Beogradi për projektin afatgjatë rajonal të “vizatimeve gjeometrike” të tarnsporteve dhe të vijave hekurudhore dhe të autosradave serbo-shqiptare, që përmes territorit të Kosovës ta lidhin Beogradin me Durrësin dhe me Shkodrën, janë të papranueshme për Republikën e Kosovës, sepse parashikojnë cenimin dhe shkeljen e sovranitetit territorial dhe shtetëror të saj.

Këtë “projektkt historik” serbomadh antishqiptar (të vampirizuar dhe të nënshkruar nga ministrja e qeverisë së kryeministrit Edi Rama dhe të qeverisë sebe të kryeministrit Aleksandar Vuçiq në Beograd, më 13-14 tetor 2016), të sjellë ndërmend qëllimin dhe prapavijën e largët historike politike imperaliste të qeverisë së Mbretërisë SKS për ndërtimin e vijës hekurudhore Beograd-Shkodër, të idejuar nga ish-kryeministri i qeverisë së Serbisë, Nikola Pashiq (gjatë dekadës së dytë të shekullit XX).

–Kush është ajo Brunilda Paskali (zëvendësministre e Zhvillimit Ekonomik të qeverisë së Shqipërisë), kush ia ka dhënë atë ferman të Sulltan Hamit-Mizorit, të Ahmet Zogut dhe të Esat Pashë Toptanit që pa e pyetur dhe konsultuar fare Qeverinë e Republikës së Kosovës, në mënyrë pirateske, t’i negocionte, t’i përfundonte dhe t’i nënshkruante ato marrëveshje dhe protokolle të qeverisë së Shqipërisë me homologun e saj serb të Serbisë, Stevan Nikçeviq( sekretar i Ministrisë së Serbisë) në emër të bashkëpunimit ekonomik mes dy vendeve?!

Brunila paskali si Ahmet Zogu edhe Esat Pashë Toptani

Siç bën të ditur gazeta digjitale “Opozita” e Nju-Jorkut, Dokumentin original për këtë aranzhman të bashkëpunimit ekonomik bilateral mes Beogradit dhe Tiranës e ka zbuluar gazeta “Zëri” e Prishtinës, ja çfarë thotë përmbnajtja e tij: Në Nenin 3.3 të Protokollit, ku flitet për transportin dhe infrastrukturën, dy palët ishin pajtuar për të rritur bashkëpunimin në fushën e krijimit të projekteve rajonale të transportit rrugor dhe hekurudhor, siç janë: “Rruga 7” Nish-Prishtinë-Durrës-Beograd dhe Beograd-Bar-Tiranë dhe në linjat e transportit hekurudhor Nish-Doljevac, Rudarë-Prishtinë-Prizren-Morinë-Milot dhe Beograd-Lapovo, Kraljevë, Rudnicë-Prishtinë-Prizren-Morinë-Milot. Por ky protokoll, sipas burimeve të mirinformuara të “Zërit”, karakterizohet me shkelje të rënda të të dyja palëve, pasi bie ndesh me frymën e Procesit të Berlinit për Bashkëpunimin dhe Integrimin e Rajonit, dhe po ashtu për projektet e dakorduara që kalojnë nëpër territorin e shtetit të Kosovës nuk është përfshirë edhe pala e fundit.” (https://opozita.com/2016/10/zbulohet-skandali-per-linjat-hekurudhore-media-e-kosoves-shqiperia-dhe-serbia-injorojne-kosoven/).

Fatkeqësisht, lidhja e protokolleve të tilla, të nënshkruara nga zëvendësministrja Brunilda Paskali dhe të aminuara kryeministri i qeverisë së Shqipërisë, Edi Rama na rikujtojnë historinë e hidhur të tradhtisë së Ahmet Zogut dhe Esat Pashë Toptani, të cilët për pushtet dhe për interesa kolonialiste dhe hegjemoniste të Serbisë pushtuese lidhën dhe nënshkruan traktate, deklarata dhe protokolle për shitjen e territoreve të Shqipërisë (Shën Naumi dhe Vermoshi), të cilat, edhe sot e asaj dite kanë ngelur plaçkë koloniale e Serbisë dhe e sllavo-Maqedonisë.

Qeveria e Kosovës urgjentisht ta alarmojë Amerikën dhe NATO-n për veprën penale ndërkombëtare të Brunilda Paskali, e cila pa njohtimin dhe pa dakordimin e Qeverisë së Kosovës ka lidhur marrëveshje me Serbinë për ndërtimin e vijave hekurudhore dhe të autostradave , që lidhin Serbinë me Shqipërinë përmes territorit të Republikës së Kosovës.

Tirana dhe Beogradi kanë shkelur të drejtën ndërkombëtare

Nuk ka asnjë dyshim se lidhja e protokolleve dhe marrëveshjeve të tilla të bashkëpunimit dypalësh të qeverisë së Shqipërisë me atë të Serbisë në dëm të interesave vitale të Kosovës, janë përzierje direkte në çështje të brendshme të Republikës së Kosovës. Një veprim i këtillë është i dënueshëm edhe sipas Kartës së Kombeve të Bashkuara (duke qenë se Shqipëria dhe Serbia janë anëtare e OKB-së dhe të OSBE-së) dhe sipas rregullave, normave dhe parimeve të së drejtës ndërkombëtare.

(I)Shqipëria dhe Serbia mbajnë përgjegjësi jurdike ndërkombëtare, sepse me të “dy këmbët” në mënyrë flagrante kanë shkelur Rezolutën 2131/XX/-(Deklaratën për moslejimin e ndërhyrjes në punët e brendshme të shteteve dhe për mbrojtjen e pavarësisë dhe sovranitetit të tyre/) të Asamblesë së Përgjithshme të Kombeve të Bashkuara, të miratuar më 21 dhjetor 1965, ku në Pikën 1, thuhet : “ Asnjë shtet nuk ka të drejtë të ndërhyjë direkt ose indirect për çfarëdo arsyeje qoftë në çështjet brendshme ose të jashtme të ndonjë shteti tjetër. Prandaj, si ndërhyrja e armatosur, ashtu edhe të gjitha format e tjera të ndërhyrjes dhe të përpjekjes kërcënuese kundër personalitetit të shtetit ose kundër atributeve të tij politike, ekonomike dhe kulturore, janë të dënueshme.” (http://www.un-documents.net/a20r2131.htm).

(II) Shqipëria dhe Serbia kanë sheklur Rezolutën 36/103/-(Deklaratën për moslejimin e ndërhyrjes dhe përzierjes në çështje të brendshme të shteteve), të AP-së së OKB-së, të miratuar më 9 dhjetor 1981, ku thuhet: “1. Asnjë shtet dhe asnjë grup i shteteve nuk kanë të drejtë të ndërhyjnë ose të përzihen në asnjë formë në çështjet e brendshme dhe të shteteve të tjera.” (http://www.un.org/documents/ga/res/36/a36r103.htm).

(III) Gjishtashtu, Shqipëria dhe Serbia (si anëtare të OSBE-së) kanë shkelur brutalisht edhe Aktin Përfundimtar të Helsinkit (1975), pikërisht Dekalratën mbi parimet që rregullojnë marrëdhëniet midis shteteve – PARIMIN VI. Mosndërhyrja në punë të brendsdhme të shteteve, ku thuhet: “ Shtetet anëtare nuk mund të bëjnë asnjë ndërhyrje të drejtpërdrejtë ose të tërthortë qoftë indiciduale oise kolektive në punët e brendshme apo të jashtme, që janë objekt i kompetencës kombëtare të një shteti tjetër cillatdo qofshin marrëdhëniet e tyre të ndërsjella. “ (Shih në: Të drejtat e njeriut në të drejtën ndërkombëtare – Akte themelore të Këshillit Europian dhe të OSBEsë), “Albinform”, Tiranë, f. 154).

Pezullim imediat të Protokollit Brunilda-Nikçeviq, ose prerje e marrdhënieve diplomatike, sepse ai përbën akt tradhtie kombëtare dhe përzierje direkte në punët e brendshme dhe të jashtme të Republikës së Kosovës

Sa më sipër, Qeveria dhe Kuvendit i Shqipërisë, urgjentisht, duhet t’i anulojnë të gjitha marrëveshjet dhe protokollet e fshehta të lidhura me Serbinë në kurrizin e Republikës së Kosovës (sepse marrëveshjet e tilla sekrete janë të ndaluara dhe të dënueshme sipas konventave ndërkombëtare), në të kundërtën, qeveria e Kosovës, do të jetë e detyruar, që t’i ndërprejë marrëdhëniet diplomatike me Tiranën zyrtare, sepse një veprim i tillë tinzar dhe tradhtar, është në interesin komplementar të politikës dhe të diplomacisë ekonomiko-tregtare strategjike dhe gjeopolitike të Anshlusit serbo-shqiptar me bazament shumë të vjetër (1912-2016).

Së fundi, duhet pranuar se, një akt i këtillë tradhtie ndaj Kosovës jusitifkon vetëm deklaratën çmendurake të Boiken Abazit: “ se ata kosovarë, që Kosovën e quajnë Nënë Kosova, babë e kanë Serbinë”. (http://www.gazetaexpress.com/lajme/boikeni-sharron-edhe-me-thelle-kush-thote-une-biri-yt-kosove-e-ka-baba-serbine-foto-267000/).

Mirëpo, me këtë rast tradhtie të Brunilda Paskalit, sheshit po kuptohet se kush e konsideron “nënë e babë Serbinë”, duke lidhur traktate të fshehta antishqiptare pas shpine të NËNË KOSOVËS, si këtu e njëqind vjet më pare (1913-2016).

Kush ka interesa kompelementare me Serbinë, le t’i ruajë dhe le t’i kultivojë ato për vete, POR jo asesi duke u thirrur në emrin dhe llogarinë e Republikës së Pavarur të Kosovës.

Kosovë, raste të reja të rekrutëve për ISIS

Në Kosovë, autoritetet thanë se kanë regjistruar gjashtë raste të reja të përpjekjes së qytetarëve të Kosovës për t’iu bashkuara luftërave në Lindjen e Mesme. Këto raste pasojnë një periudhë të gjatë të rënies së këtyre përpjekejeve. Në përmbyllje të punimeve të Seminarit Asamblesë Parlamentare të NATO-s, që u mbjat në Prishtinë, u tha se luftimi i ekstremizmit të dhunshëm dhe radikalizmit nuk mund të bëhet pa bashkëpunim ndërkombëtar, ndërsa u ngrit shqetësimi edhe për mundësinë e përhapjës së ideve ekstremiste nëpër burgje, ku ndodhen një numër i të kthyerve nga zonat e konfliktit.

Ministri turk i Ekonomisë Zeybekci takon ministren kosovare të Tregtisë dhe Industrisë

Ministri i Ekonomisë së Turqisë, Nihat Zeybekci zhvilloi një takim me ministren e Tregtisë dhe Industrisë së Kosovës, Hykmete Bajrami

STAMBOLL – Ministri i Ekonomisë së Turqisë, Nihat Zeybekci zhvilloi një takim me ministren e Tregtisë dhe Industrisë së Kosovës, Hykmete Bajrami. Para ”Forumit për biznes dhe investim mes Turqisë dhe Kosovës”, Zeybekci u takua me ministren kosovare, Bajrami. Takimi bilateral është mbajtur i mbyllur për mediat. aa

Mbahet Forumi i Biznesit dhe Investimeve Turqi-Kosovë

Ministri turk i Ekonomisë, Nihat Zeybekci, ka deklaruar se me miratimin e Marrëveshjes së Tregtisë së Lirë, interesimi i kompanive turke për Kosovën do të rritet

STAMBOLL – Ministri turk i Ekonomisë, Nihat Zeybekci, në një fjalim të mbajtur gjatë Forumit të Biznesit dhe Investimeve Turqi-Kosovë, i organizuar në kujdesin e Këshillit Turk të Marrëdhënieve Ekonomike me Jashtë (DEIK), ku të pranishëm ishin edhe ministrja e Industrisë dhe Tregtisë së Kosovës, Hykmete Bajrami dhe kryetari i Bordit Drejtues të DEIK, Ömer Cihad Vardan, ka deklaruar se Kosova ka kuptim të madh për Turqinë. Zeybekci ka theksuar se me miratimin e Marrëveshjes së Tregtisë së Lirë, interesimi i kompanive turke për Kosovën do të rritet.

Zeybekci bëri të ditur se mes Kosovës dhe Turqisë është formuar komisioni dypalësh i quajtur “Komisioni i përzier ekonomik” dhe sipas tij duhet të bëhen mbledhjet e para, e cila për herë të parë siç njoftoi ai, mund të zhvillohet në Kosovë. Duke njoftuar se janë të gatshëm për të dhënë çdo lloj mbështetje që Kosova të marrë pjesë në aktivitete, Zeybekci shtoi se nuk dëshirojnë që miqësia të mbetet pasive.

Zeybekci tregoi se eksporti i Turqisë në Kosovë është rreth 250 milionë dollarë, ndërsa eksporti i Kosovës në Turqi është 9 milionë dollarë. Ai theksoi se këtë e konsiderojnë si zero.

Pas fjalimeve në mbledhje u nënshkruan dy memorandume mirëkuptimi mes DEIK dhe Agjencisë për Mbështetjen e Ndërmarrjeve dhe Investimeve në Kosovë (KIESA) dhe Dhomës Ekonomike Kosovë Turqi.

Zeybekci në vijim të fjalës u shpreh se më 15 korrik është sulmuar udhëtimi i mrekullueshëm i Turqisë, dhe duke thënë se me përpjekjet e popullit i kanë tejkaluar këto, shtoi se: “Dhe u arrit fitorja e mrekullueshme. Pas kësaj nuk do të ketë më një tradhti e këtillë para Turqisë. Prandaj, pas kësaj do të vazhdojmë udhëtimin tonë në lidhje me ekonominë”.

Ai duke theksuar se Turqia është një shtet i cili investon jashtë vendit dhe duke e kujtuar se javën e kaluar ka qenë në një vizitë në Rusi, theksoi se shuma investimeve turke në Rusi kanë tejkaluar shifrën e 10 miliardë dollarëve.

Zeybekci duke informuar se shuma e përgjithshme e kontratave të firmave ndërtuese të kompanive turke në Rusi ka arritur në 70 miliardë dollarë, tha gjithashtu se edhe në Egjipt ka investime turke me vlerë afër 6 miliardë dollarë.

Ministri më tej duke theksuar se shuma e investimeve të kompanive turke në Etiopi është rritur në nivelin 3 miliardë dollarëve, tha se “Organizata më e madhe e cila ofron punësim në Etiopi, është një kompani turke. Vetëm nën një çati punojnë 10 mijë etiopian.”

Ministrja Bajrami, në një fjalim të mbajtur gjatë Forumit të Biznesit dhe Investimeve Turqi-Kosovë, ka thënë se falënderon Turqinë për ndihmën e dhënë për Kosovën.

Duke theksuar se Kosova kërkon të thellojë marrëdhëniet me Turqinë, Bajrami tha: “Organizime të tilla shërbejnë për zhvillimin e rrjeteve të punës si dhe zhvillimin e bashkëpunimeve në fusha të ndryshme. Turqia është një nga partnerët më të rëndësishëm të Kosovës në tregti. Në vitin 2015 Turqia ka eksportuar drejt Kosovës produkte me vlerë 250 milionë dollarë.”

Duke theksuar se ekonomia është një nga gjërat më të vështira të qeverisë kosovare, Bajrami në vijim të fjalës së saj u shpreh: “Synimi kryesor i qeverisë sonë është të krijohet një klimë e përshtatshme për investime. Kosova nuk ka mundur të arrijë në një stabilitet përsa i përket makro ekonomisë. Në të njëjtën kohë është duke u përpjekur për të krijuar një klimë të mirë të të bërit biznes. Rreth 70 për qind e popullsisë është nën moshën 35 vjeçare. Kosova ka mundësi të ofrojë punë të lirë dhe me profesionistë.”

Bajrami ka theksuar gjithashtu se Kosova ka firmosur tashmë Marrëveshjen për Tregtinë e Lirë me BE-në. “Marrëveshjet tona me SHBA-në, Kanadanë dhe Norvegjinë vazhdojnë. Puna jonë me Bankën Ndërkombëtare për Rindërtim dhe Zhvillim (IBRD) dhe me Organizatën Botërore të Tregtisë vazhdon. Në këtë kontekst, kemi nevojë për vende si Turqia. Është e rëndësishme për ne të kemi akses në tregje të mëdha si Turqia. Duam të sjellim në Kosovë shumë vende si Turqia. Kemi akses edhe në tregjet e vendeve të tjera të rajonit.”

“Kompanitë e ardhura nga vendet e tjera, përmes Kosovës investojnë edhe në vende të treta”

Duke nënvizuar se kanë nxitur blegtorinë dhe bujqësinë, Bajrami në vijim të fjalës së saj është shprehur: “I kushtojmë shumë rëndësi sektorit të blegtorisë dhe bujqësisë. E dimë që Turqia në këtë fushë është me shumë me përvojë. Do të mirëpresim çdo kërkesë apo sugjerim nga ana e Turqisë në lidhje me këto fusha. Në këtë mënyrë mund të keni akses në tregjet evropiane.”

Bajrami gjatë fjalës së saj ka folur gjithashtu edhe për infrastrukturën. Duke thënë se Kosova ka nevojë për zhvillim të infrastrukturës, ajo ka vënë në dukje edhe lehtësirat që mund të kenë bizneset e huaja duke përmendur rrjetin e hekurudhës drejt Shkupit. Ajo ka vënë në dukje edhe potencialin që ka në Kosovë në fushën e privatizimit, ku theksoi se kompanitë e huaja vihen në të njëjtin pozicion me ato vendase. “Kompanitë e ardhura nga vendet e tjera, përmes Kosovës investojnë në vende të treta” tha ajo.

Bajrami ka vënë theksin edhe tek lehtësirat burokratike të Kosovës. Ajo ka theksuar se biznesi mund të komunikojë drejtpërdrejt me qeverinë për probleme të ndryshme. “Kur ka ndonjë problem, dyert tona janë deri në fund të hapura. Marrëveshja për Tregti të Lirë me Turqinë do të firmoset shumë shpejt. Kjo do të zgjidhë shumë gjera”, tha ajo.

“Ka disa probleme që na pengojnë për të bërë më shumë punë”

Ndërsa kryetari i Bordit Drejtues të DEIK, Ömer Cihad Vardan, tha se gjatë forumit kanë folur për mundësitë e bashkëpunimit dhe investimeve.

Vardan në fjalën e tij thotë se kjo është njëlloj sikur dy vende të zbulojnë përsëri njëra-tjetrën. “Ne kërkojmë dhe shpresojmë që marrëdhëniet tona me Kosovën të jenë të mira dhe të thella”, u shpreh ai.

Duke theksuar se për këtë janë hedhur shumë hapa nga qeveritë e dy vendeve, Vardan në vijim të fjalës së tij ka theksuar se është firmosur një marrëveshje që do të çojë në parandalimin e pagimit të taksës së dyfishtë.

Hapjen e përfaqësisë së Ziraat Bank në Kosovë, Vardan e quan si shumë të rëndësishme për zhvillimin e biznesit mes dy vendeve.

“Në Kosovë ka shumë firma turke, duke filluar nga administrimi i aeroportit të Prishtinës. Në saje të këtyre firmave mijëra vëllezër tanë kosovarë janë punësuar në to. Por për të bërë më shumë punë, kemi disa pengesa. Për shembull marrëveshja për Tregtinë e Lirë ende nuk është miratuar. Kemi disa probleme teknike në dogana të cilat janë shkas që firmat turke të paguajnë më shumë taksa. Shpresojmë që forumi i sotëm të ndikojë në zgjidhjen e këtyre problemeve”, tha ai. aa

Qeveria do t’i drejtohet Kushtetueses për pezullimin e likuidimit të Trepçës

Qeveria e Kosovës, të martën do t’ja parashtrojë kërkesën Gjykatës Kushtetuese të Kosovës që të ndaloj të gjitha procedurat për likuidimin e ndërmarrjes “Trepça”.

Lajmin e ka konfirmuar për Radion Evropa e Lirë, Besnik Berisha, këshilltari i jashtëm për çështje të drejtësisë i kryeministrit të Kosovës, Isa Mustafa.

“Qeveria e Kosovës, sot, brenda orarit zyrtar, do të parashtrojë kërkesën për përgjigje ndaj kërkesës së parashtruar nga deputeti Slavko Simiq dhe të tjerët nga Lista Serbe, për të kundërshtuar pretendimet e tyre”, ka thënë Berisha.

“Po ashtu për të kërkuar nga gjykata, që sipas detyrës zyrtare të caktojë masë të përkohshme për të suspenduar dhe ndaluar të gjitha procedurat lidhur me likuidimin e ndërmarrjes Trepça, deri në vendosjen meritore të kësaj çështje”, theksoi Berisha.

Afati i fundit për dorëzimin e kërkesës në Gjykatën Kushtetuese nga ana e ekzekutivit për caktimin e masës së përkohshme lidhur me likuidimin e Trepçës përfundon të martën.

Javën e kaluar, përfaqësuesit e Listës Serbe, të prirë nga kryetari i sa, Slavko Simiq, kanë deponuar te Gjykata Kushtetuese kërkesën për shqyrtimin e ligjshmërisë së miratimit të Ligjit për Trepçën nga ana e legjislativit.

Deputetët e kësaj liste në Kuvendin e Kosovës, siç ka thënë Simiq, nuk janë pajtuar me miratimin e këtij ligji.

Tani mbetet që Gjykata Kushtetuese e Republikës së Kosovës në mënyrë të përshpejtuar të trajtojë lëndën që do të procedojë Qeveria e Kosovës si dhe atë të Listë Serbe për Ligjin mbi Trepçën dhe të jap një interpretim e parë ligjor (masën suspenduese) para datës 2 nëntor, pasi kjo datë është afati i fundit kohor kur Trepça mund të shkojë në likuidim, thonë ekspertë të çështjeve juridike dhe ekonomisë. (REL)

Mbi 26 mijë serbë nga veriu janë pajisur me dokumente të Kosovës

Me gjithë hezitimet, pjesëtarët e komunitetit serb që jetojnë në komunat veriore të Kosovës kohëve të fundit kanë rritur interesimin për t’u pajisur me dokumente të Republikës së Kosovës.

Sipas autoriteteve lokale në veri, pajisja me dokumente të Kosovës nuk po paraqet më problem dhe temë tabu siç ka qenë para disa viteve.

Adriana Hoxhiq, zyrtare ekzekutive në administratën e Komunës së Mitrovicës Veriore, tha për Radion Evropa e Lirë se qytetarët serbë në veri të Kosovës çdo ditë e më shumë po pajisen me dokumente personale të Republikës së Kosovës.

“Aplikimi për dokumente të Kosovës nuk është më temë tabu për qytetarët e Mitrovicës veriore. Në komunën tonë e kemi qendrën civile, e cila punon në këtë drejtim dhe çdo ditë kemi numër të madh të qytetarëve të cilët lirshëm vijnë dhe aplikojnë për dokumente të cilat u nevojiten”, tha Hoxhiq.

Në anën tjetër, nga Ministria e Punëve të Brendshme është bërë e ditur për Radion Evropa e Lirë se deri më tani në komunat veriore të Kosovës, në Leposaviq, Zubin Potok, Zveçan dhe Mitrovicën e Veriut, me letërnjoftime janë pajisur mbi 26,100 qytetarë, kurse me dokumente të udhëtimit – po në këto komuna – janë pajisur 2,183 persona.

Zonja Hoxhiq deklaroi se në Komunën e Mitrovicës Veriore – jo vetëm qytetarët nga komunat veriore të Kosovës, por edhe ata të komunave të tjera në jug – mund të pajisen me dokumente, si letërnjoftime apo dokumente tjera.

Ajo thekson se qytetarët marrin vendime të pavarura për t’u pajisur me dokumente të Kosovës, duke potencuar se në asnjë rast nuk ka pasur ndonjë shtytje apo ndikim nga dikush që ata të ndërmarrin një vendim të tillë.

“Integrimi veç po ndodh. E kemi pasur procesin e integrimit të policisë, pastaj të mbrojtjes civile dhe besoj që njerëzit e kanë kuptuar që është mirë me i posedu edhe dokumentet e Kosovës. Në përgjithësi nuk janë të imponuara , por njerëzit kanë nevojë thjesht t’i kenë dokumentet. Një pjesë e qytetarëve që aplikojnë për dokumente të Kosovës i kanë pronat e tyre të cilat ndodhen në pjesën jugoret të Kosovës”, tha Hoxhiq.

Qytetarët serbë, ndërkaq, flasin për marrjen e këtyre dokumenteve. Disa thonë se i kanë marrë dokumentet e Kosovës, por ka edhe të atillë që deklarojnë se nuk u nevojiten.

Jelena Markoviq, një qytetare nga veriu i Kosovës, tha për Radion Evropa e Lirë së nuk ka nevojë për dokumentet e Kosovës, pasi që i posedon ato të Serbisë.

“Nuk kam dokumente të Kosovës. Nuk kam nevojë për to, ngase i kam si dokumentet e Serbisë, ashtu edhe ato kroate. Unë i përdori dokumentet serbe. Kur kemi nevojë të udhëtojmë jashtë, pasaporta serbe është e mjaftueshme, sepse nuk ka nevojë për vizë. Kështu që nuk e shoh të nevojshme t’i kem dokumentet e Kosovës”, thekson Jelena Mirkoviq.

Por, një qytetare tjetër nga Mitrovica veriore, Jelena Ilijevska thotë se është pajisur me dokumentet e Kosovës që moti.

“I kam nxjerrë këto dokumente, sepse jetoj në atë territor ku kjo është e domosdoshme. Këto dokumente janë të nevojshme për kërkimin e vendit të punës, për pranimin e të ardhurave personale, si dhe letërnjoftimi i Kosovës ka qenë i domosdoshëm për hapjen e llogarisë bankare, bashkë me kontratën e punës. Kështu që dokumentet e Kosovës janë të nevojshme”, ka thënë kjo qytetare.

Aktualisht, ajo thotë se nuk ka pasaportë, por nëse do t’i nevojitej nuk e sheh si problem që ta marrë pasaportën e Kosovës.

Zyrtarët e institucioneve kanë deklaruar se numri i banorëve serbë që kanë shprehur interesim të pajisen me dokumente të Kosovës është rritur edhe për faktin se ata kanë përfituar nga fondi pensional dhe ndihmat e tjera të skemave sociale.

Autoritetet në Prishtinë kanë deklaruar se numri i qytetarëve serbë që janë pajisur me pasaporta biometrike me simbolet e Republikës së Kosovës ka shënuar rritje që prej rekomandimit të Komisionit Evropian për liberalizim vizash.

Por, liberalizimi i vizave për Kosovën, megjithëkëtë, është ende i paqartë. Kushtet e vëna nga Komisioni Evropian për ratifikimin e marrëveshjes për Demarkacion me Malin e Zi dhe dëshmitë e plota të fuqizimit të luftës kundër korrupsionit nuk janë kryer ende. (REL)

AKI ka informacione për serbët e arrestuar në Mal të Zi

Inteligjenca e Kosovës ka informacione për serbët e përfshirë në planifikimin për sulmet në Malin e Zi. Sipas përfaqësuesit të AKI-së, pavarësisht se Kosova është e rrezikuar nga këto veprime, Policia dhe Agjencia e Inteligjencës kanë informacione të duhura për të ndaluar çdo formë të provokimeve, shkruan sot, gazeta “Zeri”.

Sulmi i planifikuar të ndodhte në Mal të Zi para dy ditësh, në të cilin qenë përfshirë 20 serbë (6 nga veriu i Kosovës), ka alarmuar jo vetëm Malin e Zi, por edhe Kosovën. Planifikimi i sulmit të tillë në shtetin fqinj me persona të dyshuar edhe nga Kosova kanë shqetësuar njohësit e çështjeve të sigurisë. Vetë fakti që brenda territorit të Kosovës ka persona të tillë, sipas njohësve të kësaj fushe, Kosova duhet t’i rrisë masat e sigurisë. Ministria e Punëve të Brendshme e Kosovës nuk ka pranuar të japë detaje rreth kësaj situate. Ndërkaq, zyrtarë të Policisë për Rajonin e Mitrovicës kanë thënë për “Zërin” se sulmi i planifikuar në Mal të Zi nuk ka reflektuar aspak në këtë pjesë të Kosovës.

Mirëpo, përfaqësues të AKI-së thonë se pavarësisht se Kosova është e rrezikuar nga këto veprime, Policia dhe Agjencia e Inteligjencës kanë informacione të duhura për të ndaluar çdo formë të provokimeve. Haxhi Shala, kryetar i Komisionit Parlamentar për Mbikëqyrjen e Agjencisë Kosovare dhe njëherësh deputet i “Nismës për Kosovën”, e ka cilësuar si shqetësues rastin në fjalë.

“Është shqetësim i madh sepse ka filluar që ndikimi rus të shtrihet në disa vende të rajonit dhe atë Rusia po tenton që të futet përmes dikastereve të veta. Për këtë arsye është shqetësuese jo vetëm për Kosovën, po për gjithë rajonin”, ka thënë ai.

Këto janë komunat e Kosovës që udhëhiqen nga burgu

Proceset e hapura gjyqësore, aktakuzat e ngritura, apo edhe vuajtja e dënimit me burg, nuk po i pengojnë disa nga kryetarët aktualë të komunave të Kosovës që të ushtrojnë funksionin e tyre.

Aktakuzat që rëndojnë mbi këta udhëheqës lokalë kryesisht kanë të bëjnë me dyshime për keqpërdorim të pozitës zyrtare dhe korrupsion.

Përfaqësues të shoqërisë civile në Kosovë theksojnë se ky fenomen pengon zhvillimin dhe funksionimin e qeverisjes lokale.

Drejtori i Institutit të Kosovës për Drejtësi, Betim Musliu, në një prononcim për Radion Evropa e Lirë, e quan të pashpjegueshme se si një numër i kryetarëve të komunave vazhdojnë të jenë në procedura hetimore apo të burgosur dhe njëkohësisht të qeverisin komunat përkatëse. Qeverisja me këta kryetarë, thotë ai, që shumicën e kohës e kalojnë nëpër procese gjyqësore, nuk mund të jetë efikase dhe model i qeverisjes së mirë.

“Por, në Kosovë tashmë është shndërruar në standard që një kryetar i suksesshëm mund të konsiderohet vetëm ai që mund të ketë ndonjë aktakuzë dhe tani gara në mes tyre është çfarë aktakuze kanë, dhe mos eventualisht kanë akuza edhe për krim të organizuar”, thekson Musliu.

Organizata joqeveritare Iniciativa për Progres, që njihet me akronimin INPO, kryesisht përcjellë nga afër funksionimin dhe punën në nivelet lokale të qeverisjes.

Albulena Ndrecaj, drejtore ekzekutive në këtë Iniciativë, për Radion Evropa e Lirë shprehet se këto veprime ndikojnë në qeverisjen lokale, duke zvarritur përparimet për zhvillimin e komunave përkatëse.

Ajo vlerëson se mbajtja e posteve, pavarësisht proceseve apo edhe vendimeve gjyqësore, ka si efekt edhe humbjen e besimit të qytetarëve karshi komunave përkatëse.

“Ata (kryetarët e komunave) kohën e tyre e harxhojë duke u marrë me procese gjyqësore dhe duke u munduar që të organizojnë dhe strukturojnë mbrojtjen e tyre. Në këtë mënyrë nuk mund të themi se angazhimi i tyre është serioz apo qind për qind, ashtu siç e përcakton ligji dhe ashtu siç e kanë marrë besimin e qytetarëve për të qeverisur me komunën”, ka thënë Ndrecaj.

Ndërkohë, zëvendësministri i pushtetit lokal në Qeverinë e Kosovës, Bajram Gecaj, thotë për Radion Evropa e Lirë se kjo çështje ndikon në funksionimin e komunave, por, sipas tij, ligji ekzistues në Kosovë e mundëson që të ushtrohet funksioni deri sa vendimi është i plotfuqishëm.

“Vendimi për këta individë duhet të jetë i plotfuqishëm. Pra, është ligji në shprehje dhe ne duhet t’i respektojmë ato vendime”.

“Nëse kryetarët e komunave janë të involvuar në procese gjyqësore, natyrisht se kjo pengon punën e tyre. Por, megjithatë, shumica e tyre e ushtrojnë atë funksion deri sa vendimi të jetë definitiv”, thekson Gecaj.

Në anën tjetër, Betim Musliu thotë se në vendet demokratike kjo çështje nuk do të lejohej të ndodhte nga vet partitë politike, të cilat, sipas tij, përmes kodeve, nuk i lejojnë kandidatët e tyre që kanë probleme me ligjin të jenë pjesë e listave zgjedhore.

“Në këtë rast, burimi i të këqijave janë partitë politike, të cilat për shkak të interesave të ndryshme vazhdojnë të mbajnë individë edhe me aktakuza, edhe me dënime të shkallëve të para”, shprehet Musliu .

Përfaqësues të shoqërisë civile kërkojnë që kryetarët e komunave të Kosovës – që përballen me akuza nga organet e drejtësisë – të japin dorëheqje dhe ky vendim, sipas tyre, të kërkohet nga vetë partitë politike.

Disa nga kryetarët që kishin apo kanë probleme me organet e drejtësisë janë Xhabir Zharku, ish-kryetar i Komunës së Kaçanikut, i cili vazhdon të qëndrojë në arrati, pasi ishte shpallur fajtor për një vepër penale, duke iu shqiptuar dënimi me tri vite burgim.

Sami Lushtaku, kryetar i komunës se Skenderajt, ndërkaq, po e mban dënimin prej 12 vitesh burg për krime lufte.

Kurse, edhe Nexhat Demaku, kryetar i Komunës se Drenasit, është dënuar me tri vite burgim.

Pozitën e kryetarit të Komunës së Prizrenit vazhdon ta mbajë Ramadan Muja, edhe pse gjykata e kishte shpallur fajtor për keqpërdorim dhe korrupsion në këtë komunë.

Së fundmi, aktakuza janë ngritur edhe ndaj kryetarit të Klinës, Gjilanit, si dhe atij të Mitrovicës. (REL)

Mbi 22 për qind e qytetarëve të Kosovës jetojnë me më pak se 2 euro në ditë

Dita ndërkombëtare për zhdukjen e varfërisë e gjen sërish Kosovën në krye të listës së vendeve më të varfra në Ballkanin Perëndimor.

Sipas të dhënave preliminare të Agjencisë së Statistikave të Kosovës për vitin 2015, thuhet se 17.6 për qind e popullsisë jetojnë në varfëri të plotë, derisa në varfëri ekstreme jetojnë 5.2 për qind e qytetarëve të Kosovës.

Rreth 17.6 për qind e popullatës, sipas statistikave jeton në varfëri të plotë me vetëm 1.82 euro në ditë për një person të rritur, ndërsa 5.2 për qind e popullatës jeton në varfëri ekstreme me 1.30 euro në ditë.

Nëse bëhet një mbledhje e thjeshtë del se në Kosovë mbi 22 për qind e popullatës jeton në varfëri.

Këto të dhëna preliminare për varfërinë në Kosovë i ka kumtuar për Radion Evropa e Lirë drejtori i Departamentit të Politikave Sociale në Agjencinë e Statistikave të Kosovës, Bashkim Bellaqa.

Ai flet për trendet e varfërisë gjatë dy viteve të fundit, ku sipas tij, ka pasur përmirësim të mirëqenies apo standardit jetësor në Kosovë.

“Nëse krahasojmë të dhënat e varfërisë me vitin 2014 ku varfëria e përgjithshme ishte 21.1 për qind, varfëria e plotë në vitin 2015 ka pasur rënie -3.5 për qind. Derisa nëse krahasojmë rezultatet e varfërisë ekstreme të vitit 2015 me rezultatet e të dhënave të varfërisë të vitit 2014 kur varfëria ekstreme ishte 6.9 për qind, në vitin 2015 kemi zvogëlim të varfërisë ekstreme për 1.7 për qind”, sqaron Bellaqa.

Tutje, Bellaqa tregon se krahasuar me të dhënat e vendeve të Ballkanit Perëndimor, Kosova ka nivelin më të lartë të varfërisë.

“Konsumi i varfërisë është i lidhur ngushtë me aktivitete ekonomike të ekonomisë familjare në veçanti statusi i punësimit dhe lloji i punësimit. Po ashtu, statusi i punësimit dhe të ardhurat janë ndikuar fuqishëm nga niveli i arsimimit”.

“Qytetarët me nivel sa më të lartë të arsimit kanë qenë më pak të prekur nga varfëria dhe janë më shumë të punësuar”, thotë Bellaqa, duke i referuar të dhënave preliminare, të cilat siç thotë ai, do të publikohen në javën e parë të muajit të ardhshëm.

Ndërkohë, autoritetet thonë se po bëjnë përpjeke maksimale për zbutjen e nivelit të varfërisë në vend.

Zëvendësministrja e Punës dhe Mirëqenies Sociale, Rita Hajzeraj, në një prononcim për Radion Evropa e Lirë, nivelin e varfërisë e konsideron të lartë, por që kjo ministri siguron qytetarët se përmes projekteve të ndryshme do të ulë këtë nivel.

“Jemi duke bërë hapa pozitiv drejt zhdukjes së varfërisë në Kosovë edhe pse është pak e pamundur duke pasur parasysh që jemi një shtet i ri dhe jemi në tranzicion, por mendoj se ne si Ministri e Punës kemi bërë projekte të ndryshme që kemi paraparë që të zbusim varfërisë”, tregon Hajzeraj.

Në listën e asistencës sociale figurojnë mbi 25 mijë familje, të cilat marrin nga 40 deri 120 euro në muaj, varësisht nga numri i anëtarëve. Kjo shumë konsiderohet se nuk i përmbush nevojat e familjes.

Zëvendësministrja Hajzeraj tregon se një pjesë e madhe e këtyre personave që kanë qenë në skemat sociale janë punësuar tani më përmes projekteve që kanë të bëjnë me subvencionim në pagë dhe për zhvillim të një biznesi të ri.

“Numri i personave që kanë përfituar nga skema sociale është zvogëluar në dy vitet e fundit dhe kjo është një rezultat që kjo pjesë e shoqërisë që konsiderohet si varfri e skajshme apo varfri ekstreme tani më po zhvillohet po merr pjesë në programet që i ka bërë Ministria”, thotë Hajzeraj.

Në vitin 2008, Qeveria dhe Presidenca e Kosovës ishin zotuar se në vitin 2015 do të përmbushnin Objektivat për Zhvillim të Mijëvjeçarit, që kanë për qëllim ta ulin dukshëm varfërinë, e ta rrisin nivelin e edukimit, barazinë gjinore dhe shëndetësinë.

Zotimet e dhëna nga autoritetet e Kosovës, megjithatë nuk ishin përmbushur.

Ekspertë të fushës së ekonomisë në vazhdimësi kanë sugjeruara autoritetet e Kosovës që për të zbutur nivelin e varfërisë në Kosovë, zhvillimi ekonomik i vendit duhet të orientohen në drejtim të fuqizimit të sektorit të prodhimtarisë dhe sektorët që rrisin punësimin. (REL)

Shkëlqimi i trishtë i Edi Ramës – Nga Arbana Xharra

Edi Rama politikën e jashtme e bën për shou personal, për t’u treguar liberal, njëlloj paranteze për t’u dalluar nga liderët nacionalistë ballkanikë. Ai nuk po arrin të lirohet nga ndjesia e inferioritetit, ndaj haptazi po e manifeston kompleksin karshi liderëve të Ballkanit Perëndimor. Në takime të nivelit të lartë ai zakonisht provon të ekspozohet me metafora e batuta. Bën gjeste për të rënë në sy, si “një lider që premton”, sikur provon ta bindte Merkelin se ky është ai që Evropa po e kërkon. Një politikan modern që pajton. Një diskrepancë kjo e ambicieve të Ramës dhe realitetit të të bërit politikë me BE-në. Me të njëjtin ritëm vazhdoi me vizitën në Beograd. Para gazetarëve serbë përmendi dronin, si me humor përqeshi aktet “patriotike” në ndeshjen Shqipëri – Serbi dy vjet më parë. Sërish një përpjekje dëshpëruese për t’u dukur pa komplekse në kryeqendrën e Serbisë. Në fakt paraqitja e tij shpërfaq dy probleme esenciale të Ramës: – inferioritetin e pashëruar karshi serbëve, duke menduar se serbët janë qendra e Evropë; injorancën ndaj relacioneve armiqësore shekullore Kosovë – Serbi. Duket se pos për luftën e fundit, Rama s’ka haber për zhvillimet në Kosovë. E më e keqja, po shpresoj nga mosdija, Rama unifikohet në diskurs me Vuçiqin në raport me Kosovën.

Në këtë kontekst, janë së paku shtatë arsye për të cilat Rama kësaj here ka gabuar:

1. Serbia çdoherë e ka trajtuar Kosovën jo si çështje të Kosovës, por si çështje të brendshme të shtetit serb me pakicën shqiptare në provincën e Kosovës! Serbia ka synuar gjithnjë të mos flasë direkt me Kosovën ndërkombëtarisht, por me të tjerët për Kosovën! Platforma e qeverisë serbe flet për dialog në mes shtetit serb me shqiptarët! Çdo takim mes Ramës dhe Vuçiqit ku Rama flet edhe për “Trepçën” në mes të Beogradit është konfirmim i kësaj.

2. Serbia çdoherë ka promovuar idenë e negociatave me Shqipërinë që në vitet 1990 me pretendimin se nuk ka një çështje të Kosovës dhe Kosovë! Këtu edhe plani i ndarjes territoriale nuk është përjashtuar në mes të dy shteteve.

3. Ideja e pajtimit në mes të Shqipërisë dhe Serbisë është mohim dhe injorim i krimeve dhe i gjenocidit në Kosovë, ngase Shqipëria zyrtarisht nuk ka qenë në konflikt më Serbinë! Ndaj, rrjedhimisht çfarë kuptimi ka pajtimi në mes të të dyja vendeve?

4. Kosova nuk është shtet/anëtare e OKB-së dhe ka njohje të pjesërishme ndërkombëtare! Sa herë Rama që flet në emër të Kosovës këtë gjë e konfirmon se ne nuk jemi shtet i plotë! Kundërshtarët e Kosovës thonë se është pjesë e Serbisë, teksa etno-nacionalistët pretendojnë se Kosova nuk mund të ekzistojë si entitet i pavarur, ndaj i vetmi opsion mbetet bashkimi me Shqipërinë! Sa herë Rama flet në emër të Kosovës e krijon perceptimin se kjo do të ndodhë!

5. Disa shtete Kosovën e shohin si konflikt të ngrirë në mes të Shqipërisë dhe Serbisë, si vend pa status ndërkombëtar, të prezantuar të tillë edhe në takimet në mes të Ramës e Vuçiqit! Pra, një entitet që nuk është shtet, respektivisht jo i barabartë me të tjerët!

6. Rama sërish e ka bërë Serbinë qendër të Ballkanit, një veprim kundër interesave të shqiptarëve dhe çdokujt tjetër në rajon! Deklarimi i Ramës se Serbia është më evropiane se disa shtete anëtare të BE-së është pa takt dhe fantastike për të qenë e vërtetë.

7. Kosova dhe Shqipëria kanë një partneritet strategjik të nënshkruar dhe ky partneritet parasheh që të dyja vendet të koordinohen në politikën rajonale. Vizita e Ramës pa e informuar askënd rreth qëllimeve dhe pritjeve është kundër frymës së bashkëpunimit dhe partneritetit të nënshkruar! Serbia nuk dëshiron që në planin dypalësh dhe ndërshtetëror ta trajtojë Kosovën. Kësisoj, Rama me këtë veprim e mbështet më shumë agjendën e Serbisë!

KOMF: Mbi 61 për qind e fëmijëve në Kosovë pësojnë dhunë psikike apo fizike

Ilustrim

Koalicionin për Mbrojtjen e Fëmijëve, KOMF ka prezantuar të dhënat tregojnë për shkallë të lartë të dhunës të ushtruar ndaj fëmijëve në Kosovë. Sipas Agjencisë së Statistikave të Kosovës, thuhet në komunikatën e KOMF, rreth 61.4 për qind e fëmijëve të anketuar deri në moshën 14 vjeç, kanë deklaruar se kishin pësuar nga dhuna psikike apo ndëshkimi fizik nga anëtarët e ekonomisë familjare gjatë muajit të fundit nga data e intervistimit.

“Rreth 59 për qind e fëmijëve kishin pësuar nga dhuna psikike, përderisa 24 për qind kishin pësuar nga ndëshkimi fizik. Kjo për arsye se modelet e disiplinimit në Kosovë shpeshherë orientohen drejt dhunës fizike dhe emocionale”, thuhet në komunikatën e KOMF.

KOMF rekomandon rritjen e investimeve nga Qeveria dhe Komunat në krijimin e shërbimeve për parandalim, përfshirë krijimin e programeve për prindërit dhe profesionistët që janë në kontakt me fëmijët për metodat e disiplinimit pozitiv të fëmijëve.

Rekomandohet investimi për fuqizimin e mekanizmave për identifikim dhe raportim të rasteve të dhunës si dhe rritjen e efikasitetit të organeve të rendit dhe drejtësisë për trajtimin e rasteve të dhunës dhe abuzimit.

Ja si shprehet Ibrahim Rugova në shtypin gjerman për të ardhmen e Kosovës

Voal – Voal shkruan se ka plasur sherr gati ndërshtetëror Shqipëri-Kosovë e inicuar nga opinionistët kosovarë që po degradon duke u përhapur në opinion si virus i keq.

Rëndësi për shqiptarët mbarë dhe po ashtu edhe për fqinjët është shteti ligjor, shteti i së drejtës dhe integrimet Euro-Atlantike, ndërsa interesat e opinionistëve janë vetjake pra nuk lidhen me interesin kombëtar.

Ndërsa filozofi i lirisë të Kosovës Ibrahim Rugova është shprehur shqip e shkoqur për të ardhmen e Kosovës.

Voal po e sjell tekstualisht:

Ja si shprehet Rugova për shtypin gjerman të kohës:

Më më 8 qershor 1992 Ibrahim Rugova do të thoshte për «Der Spiegel» se “Ne do të ishim të gatshëm të jemi shtet neutral dhe tani për tani të mos pranojmë bashkimin me Shqipërinë. Por bashkimi me Shqipërinë, këtë më duhet ta pranoj, është caku ynë i natyrshëm».

Më 22 qershor 1991, për gazetën gjermane «Tageszeitung», Ibrahim Rugova do të deklaronte: «Nëse Jugosllavia ndahet, ne nuk dëshirojmë të mbetemi relikt. Kjo për ne do të ishte e papranueshme. Unë nuk besoj, vazhdonte Rugova për «Tageszeitung», se Jugosllavia ka një shans të mbijetojë, sepse duket se nuk ekziston më gatishmëria për të gjetur kompromis midis kombeve që e përbëjnë. Nëse shpërbëhet Jugosllavia, ne nuk na mbetet gjë tjetër, veç të bashkohemi me Shqipërinë».

Ndërsa në 17 prill të vitit 2000 po për der Spiegel thoshte:„Wir sind ein geteiltes Volk“ “Ne jemi një populli ndarë”.

Nga Tirana, me përçmim – Nga Lumir Abdixhiku

Duhet thënë, gjithsesi, se sinqeriteti i Shqipërisë, së paku i elitës, që kanalizon zërat nga atje, për bashkim, është i mjerë. Në gjithë këto vite ekzistence si shtet, nuk ka mbajtur e as shpërfaqur një qëndrim të vetëm politik për bashkim. As kërkesë për referendum, as kërkesë në ecjet ndërkombëtare, e as pozicion politik. Asnjëherë. Shqipëria, dhe politika zyrtare e saj, bashkimin e kanë parë si temë për flirtim. Ndërsa elita intelektuale si çështje trendi

-1-

Çmenduria e elitës së Tiranës ndaj Kosovës vazhdon. E filluan, kohë më parë, me thirrjet mbi tradhti e kërkesën poshtëruese për lënien e Kosovës anash në futboll; thanë forcojeni veç shtetin tonë, turpëroni këtë tuajin. Po s’bëtë këtë s’jeni patriotë, jeni tradhtarë. Ishte hera e parë që forcimi i pavarësisë po projektohej si antishqiptare tek ne. Inferiorët këndej i duartrokitën – shumica u dha përgjigje në stadium dhe jashtë tij.

Por s’u mjaftuan. Këtë javë, të njëjtët nga diskutimi sportiv kaluan në thirrje për aneksim. Jo për bashkim, por për aneksim. Na thanë jeni veçse krahinë jona, hiç më shumë. Ata që duan njëmend bashkimin do të na shihnin si të barabartë – dy shtete plotësisht të barabarta pra, të cilat nën kushtet e afrimit eventual do të ndërtonin një trup që mbron interesat e të dyja palëve barbarisht. Në këtë trajtim të barabartë, po të ndodhte ndonjëherë, nëse duhet të ndodhë ndonjëherë, përfundimi mbi ombrellën nuk do të anonte mbi njërën palë veç pse emri i shtetit u fillon me “Shqip”, sepse shqiptarë, po qenë të barabartë, janë të dyja palët pra. Por hobigjinjtë e nacionalizmit veç të barabartë s’mund të na shohin. Krahina e tyre, e projektuar dhe e publikuar pa marre së fundmi, s’është bashkim, është nënshtrim.

Aventura përfundon, po këtë javë, në Beograd, në normalizimin e relacioneve shqiptaro-serbe. E vërteta është se problemet me Serbinë s’kanë qenë kurrë në mes të Tiranës e Beogradit, prandaj Tirana s’ka çka të normalizojë atje. Beteja e shqiptarëve me serbët është bërë në Kosovë. Politika e Tiranës, për protagonizëm individual, po bie me vetëdije në kurthin e Beogradit, që s’do Kosovën ta trajtojë si subjekt – dhe problemin e shqiptarëve ta kalojë në përballje mes Serbisë dhe Shqipërisë. Kosova shtet, është tmerr në Beograd. Tirana po u asiston serbëve për mrekulli.

-2-

Shqiptarët e Kosovës – dhe të Shqipërisë natyrisht – duhet të kuptojnë se çështja shqiptare s’ka një qendër rreth së cilës shqiptarët duhet të gravitojnë. S’mund të ketë një të tillë, sepse shqiptarizmi nuk është ndërtuar veç në Tiranë, përkundrazi, më së shumti është ndërtuar – dhe dorën në zemër është mbrojtur – në Kosovë. Dhe Kosova është shqiptare sa gjithçka tjetër shqiptare. Madje, Kosova sot është produkti kryesor i shqiptarizmit, në një model modern shtetndërtues. Si e tillë ajo ka të drejtë të thirret në çështjen shqiptare po aq, në mos dhe më shumë, sa Shqipëria. Simbolika shqiptare, që rastis për shkak të rrethanave gjeopolitike të jetë zyrtare në Shqipëri, s’e bën atë më shqiptare sesa Kosovën. Prandaj s’i kemi borxh askujt, as ekip futbolli, as eksluzivitetin e shqiptarizmit, as fatin me Beogradin – e edhe më pak pavarësinë e shtetin që megjithatë do ta bëjmë.

-3-

Duhet thënë, gjithsesi, se sinqeriteti i Shqipërisë, së paku elitës që kanalizon zërat nga atje, për bashkim është i mjerë. Në gjithë këto vite ekzistencë si shtet, nuk ka mbajtur e as shpërfaqur një qëndrim të vetëm politik për bashkim. As kërkesë për referendum, as kërkesë në ecjet ndërkombëtare, e as pozicion politik. Asnjëherë. Shqipëria, dhe politika zyrtare e saj, bashkimin e kanë parë si temë për flirtim. Elita intelektuale, ndërsa, si çështje trendi. Të njëjtët që sot na llafazojnë për patriotizëm, janë shitur e shpëlarë publikisht e shumë herë si ultrainternacionalë. Tash, kur filluam sukseset tona si shtet, na u bënë brenda natës patriotë. Unë i them kësaj inat, mospërbirje e suksesit të atyre që i kanë parë si të pabarabartë.

Nëse njëmend ka një kërkesë e vullnet për bashkim, nëse qytetarët e atjeshëm shqiptarë duan të bashkohen me Kosovën, atëherë le ta shtrojnë publikisht. T’ua thonë partnerëve në BE, t’ua thonë anëtarëve në NATO. Të shohim, për pak, çfarë përgjigjeje kanë për të marrë njëherë. Të kuptojmë se a janë të gatshëm, qytetarët e Shqipërisë, t’i ndërmarrin sakrificat – eventuale – nga ndjekja e një rruge tjetër jashtë BE-së e NATOs. Do t’i ndjekim hap pas hapi.

Flirtimi i tanishëm, ku shqiptarët e Kosovës shihen si obligatorë e marrës të barrës e bashkimit, është punë hobi për elitën e Shqipërisë. Punë argëtimi televiziv, të çartjes artificiale për diçka që kanë bërë minimalisht angazhim. Zero. Hiç. Asgjë.

-4-

Shqiptarët e Kosovës, ndërsa, duhet të lirohen e çlirohen nga ndjenja e inferioritetit sa më parë. Duhet të kuptojnë, njëtrajtësisht, se shteti i tyre që kanë, pavarësisht ngjyrave me të cilat del jashtë, është shtet shqiptar. I definuar me Kushtetutë si shtet i shqiptarëve. Ata duhet të kuptojnë se aventurat argëtuese të elitave tallëse në Tiranë (konsideratë shumë për përjashtimet) mund të jenë të kushtueshme. Arritja jonë si shtet i pavarur, në rrethanat e tanishme, është e rrallë, e shtrenjtë, e pahumbshme – mëkat prej idioti po e humbëm këtë.

Gjithashtu, shqiptarët e Kosovës duhet të kuptojnë se s’ka asgjë të keqe në konsolidimin e shtetit tonë. Dhe konsolidimi i shtetit tonë nënkupton pasjen e gjërave tona, siç i ka Tirana të sajat pra. Sepse, është e pakuptimtë që progresin e shtetit tonë ta trajtojmë nën fajin e antishqiptarizmit. Ta refuzojmë këtë mendësi që e ushqejnë ata. Kjo logjikë s’ka pse të instalohet. Edhe s’kemi për ta instaluar gjithësi. Siç dhe kam thënë më parë, Kosova ka djem e vajza mjaftueshëm që i dalin zot – për ta bërë shtet, të pavarur e sovran, të hapur ndaj secilit; të nënshtruar ndaj asnjërit. Republika do të jetojë.

[email protected]

Bratisllav Dikiçi i arrestuar në Mal të Zi dyshohet për krime në Kosovë

Ish-shefi i xhandarmërisë së Serbisë, Bratisllav Dikiç, ka agjendë të qartë ndaj shqiptarëve, me theks të veçantë, ndaj kosovarëve.

“Gjeneralët serbë kurrë nuk do ta lëshojnë Kosovën”, citohet të ketë thënë ai gjatë një vizite në veriun e Kosovës duke u fotografuar para kishës së Shën Dimitrijes në veri të Mitrovicës.

“Gjeneralët serbë kurrë nuk do ta lëshojnë Kosovën, ndërsa ju serbë kurrë nuk do ta lëshoni tokën e shenjtë serbe, Kosovën dhe Metohinë”, kishte shkruar Dikiq në llogarinë e tij në Facebook.

Ky reagimi i tij kishte ardhur pas nënshkrimit të marrëveshjes për kontrollin e zonës 25 km të hapësirës ajrore të Serbisë përgjatë kufirit me Kosovën mes ushtrisë së Serbisë dhe forcave të KFOR-it në Kosovë.

Këtë marrëveshje e patën nënshkruar gjenerali i ushtrisë së Serbisë, Ljubisha Dikoviq dhe komandanti i KFOR-it, gjeneralmajor, Guglielmo Luigi Miglietta, në Prishtinë.

Bratisllav Dikiq njihet për qëndrimet e tij radikale ndaj Kosovës dhe popullatës shqiptare si dhe për implikimin e tij dhe pjesëtarëve të policisë serbe në disa konflikte me ushtarët e KFOR-it, për çka me kërkesë të ndërkombëtareve, Dikiq është shkarkuar nga pozita e komandantit të xhandarmërisë nga ana e ish-presidentit serb, Boris Tadiq.

Gjenerali Dikiq i cili dyshohet edhe për krime në Kosovë gjatë vitit 1999 dhe për disa vepra tjera kriminale dhe skandale në Serbi.

Ai e pat vizituar Kosovën në maj të viti 2013 ku pati qëndruar në veri të Mitrovicës, së bashku me Aleksandër Vulinin.

Ndër tjerash, ai ishte akuzuar edhe për pengim në procesin e votimit gjatë zgjedhje në nëntor të viti 2013./Insajderi.com

dikiq-730x487

Është tragjik ai popull kur rregullisht e sundojnë njerëzit pameritorë?! – Nga Skënder MULLIQI

Ju poliktikan në pushtete lokale dhe në pushtetin qendror .Ju politikan, që nuk po dinë kush më së a jeni njerëz të politikës… Ju atje në krye të shtetit, që nuk po e dëgjoni zërin e popullit nuk e meritoni kurrë më votën e tyre. Aq shumë keni punuar keq , sa as që meritoni të shkruan kush dhe as të flasë kush për ju publikisht. Më deshirë nuk do të shkruajmë asnjë shkronjë të vetme për Ju, por nuk po kemi zgjedhje tjetër, së i keni uzurpuar pozitat e larta pushtetare. I keni uzurpuar sepse nuk e përfillët votën e sovranit. Kur nuk e përfillni votën , për kënd dreqin jeni ju aty , veq për vetën , së Kosovën e keni bërë plaqkë .Do të ishte mirë që komplet kjo kastë e shëmtuar politike të transferohet në ndonjë shtet shumë larg Kosovës, po jo edhe më pasurinë që e kanë grabitur. E di që ndoshta gjithmonë unë më shkrime po vajtojë së në këtë vend të bekuar nga Zoti , erdhën në pushtet do matrapazë dhe kriminelë që popullit ia morën nga dora të ardhmën , ia morën pasurinë . Do të shkruaj unë dhe do të shkruajnë edhe të tjerët deri atëherë kur këtë vend do ta udhëheqin njerëzit e mirë të kësaj toke, të cilët nuk na mungojnë. Është tragjik ai popull kur rregullisht e sundojnë njerëzit pa meritor, kur e sundojnë njerëzit edhe shpirt shitur. Çdo ditë kemi shkrime publike të gazetarëve dhe analistëve politikë , të cilat të klasa sunduese nuk po përfillën .Po ia japim vetës të drejtën dhe kemi të drejtë të kërkojmë që në këtë nenqiell të jetohët mirë , sepse i kemi të gjitha begatitë që na i ka dhuruar Zoti. Të drejtën e jetës së mirë po na marrin lakmitarët për pushtet apsolut.Lirinë tonë po na ngulfatin njerëzit të cilët e kan krijuar liri për vete dhe familjët e tyre .Nuk kemi nevojë për premtime dhe fjalë të mira . Nuk kemi nevojë për premtime të zbrazëta elektorale.Populli është ngopur më pollavra së duhet pritur mandate pas mandateve së do të bëhet mirë. Nga njerëzit të cilët rregullisht punuan keq për shtet dhe për popull, shpresa së do të bëhët mirë nuk eziston. Ju në pushtet ia keni mbyllur rrugët prosperitetit dhe zhvillimit të gjithmbarshem, Ju jeni bërë pengesa kryesore që populli ka mbetur i izoluar nga bota demokratike .Ju në pushtet nuk po e mbroni shtetin të cilin e fituam më sakrifica të mëdha pas shumë vitësh të okupimit nga Serbia. Po shkelni mbi gjakun e shumë martirëve dhe dëshmorve të kombit të cilët na sollën lirinë , të cilën liri shumë e keni zvetnuar .E mësuat popullin që të jeton në skam dhe mjerim social!!! Kurrë nuk e pranuat publikisht së jeni duke punuar keq .Po punësoni të preferuarit gjysem analfabet por që janë të dëgjueshmit Tuaj. Nuk po i duroni ekspertet të cilët po i ktheni mbrapa së nuk e deshironi konkurrencën. Ekspertët nuk janë turma analfabetesh potencial , siq jeni ju në krye të shtetit .Ende nuk po ka kush e hulumton prejardhjën e pasurisë së paligjshme që e keni bërë më bollëk .Të gjithë kemi shpresuar së Kosova do të bëhët një vend human , së do të kemi njerëz human , të cilët do të punojnë ndershem për shtetin dhe për popullin e vet.Vrasjet politike ishin dhe kan mbetur tragjedia jonë e re kombëtare. Nuk është i lirë ai vend kur kriminelët shetisin lirshem të pa ndëshkuar nga ligji. Nuk ka përspekstivë ai vend ku lëshon rrënjë korrupcioni. Të gjithë kemi shpresuar më të drejtë së do të bëhemi një shoqëri e prosperuar dhe demokratike , më një ekonomi të fortë . Këto paskan qenë veq do iluzione të mira. Shpresën tonë për një shtet cilësor po e shëndrroni në tragjedi. Ju që jeni ngjitur në pushtet jeni bërë edhe tregtarë të mirë të territoreve shqiptare !!! Po i shitni ngadalë vendet më të bukura dhe më të bereqetshme të vendit.I keni shkaktuar dëme të pa riparueshme kësaj gjenerate dhe gjeneratave të ardhshme . Jeni bërë të dëgjueshmit e ndërkombëtarve pa asnjë mbulesë, së mbulesë u janë bërë kulltuqet .Jeni bërë fortë të dëgjueshem karshi ndërkombëtarve sepse po frikësoheni edhe nga Gjykata Speciale. Ky është vetëm një përshkrim i shkurtër i ndodhive dhe rrugëtimit tonë jo të mirë. Sistemi pluralist nuk është i njejtë më sistemin autokratik të cilin më ngulm po e instaloni .Kosovës i duhet një Opozitë më kualitative .Opozitë ku do të vinin në shprehje interesat e përgjithme ,opozitë më një vizion për një shoqëri humane , për një shoqëri më ekonomi të zhvilluar dhe më shumë vende të reja të punës , të cilat shumë po na mungojnë. Zgjedhjet e radhës janë një rast i mirë që të përmirësohen gabimet e mëdha të deritashme …

Per inat te Fevziut & Co kombi kosovar po etablohet dhe po maturohet Nga Halil Matoshi

Ka reaguar Hali matoshi ndaj një opinioni të Fevziut me temën kush i fryn përçarjes Shqiptaro-kosovare nisur nga deklaratat skandalote të ministrit të jashtëm të Kosovës:

“Blendi Fevziu i entuziamuem nga serbet – si nji mullah u mban ders kosovareve…

Turbopatriotet me bateria t’Kines si qifti i Blendi Fevziut po perpiqen qe ta perdorin keqqeversiejn dhe perfshimjen ne krim te organizuem te disa liderve politik kosovar per me u thane kosovareve: Hiqni dore nga shteti Juej!

Shteti asht ne duer te elitave prandej versuluni mbi te se nuk u dueht gja!?.

Pra ta shperbeni Kosoven se jeni “Krahine e Shqipnise” dhe Tirana u qeveris ma mire!

Thue se Qeveria shqiptare ka sjellje nordike ndaj pasunive te vendit, korrupsuionit dhe mirqenies qytetare!???

Blendi si nji perfitues situatash dhe pa kurrnji lloj informacioni per Kosoven (tash shfaqet edhe si pjesetar i njifar imperializmi te vonuem dhe etnonacionalizmi pa shije), ashiqare qe nuk ka haber per Mmorandumin 2 te

Akadaemise serbe te shkenecave me autore Dobrica Qosic & Ljubomir Tadic, qe kerkon nje pergkufizim paqesor me Shqipnine tuj e anashkalue Kosoven e pavarun, dhe kombin kosovar (qe asht komb i shumices etnike shqipatre me pakicat etnike) si entitet juridik-politik – subjekt i te drejtes nderkombetare.

Pra opinionistet mendjeshkrete te Tiranes njajte si Tadic e Daqic po menojne se nuk ka kosovare, porse vetem shqiptar te Kosoves (si pakice etnike nen Serbi qe do t’i bashkohen Shqipnise) kurse serbet me veriun e Kosoves do t’i bashkohen Serbise!?

Dhe si per inat te Fevziut & Co kombi kosovar po etablohet dhe po maturohet.

Madje po rritet besnikria ndaj atdheut te kosovareve: Republikes se Kosoves!

Bujar Bukoshi bëhet këshilltar i nënkryetarit të PDK-së

Pasi dështuan ta emërojnë në diplomaci, PDK-ja është kujdesur t’i bëjë vend Bujar Bukoshit në Qeveri. Kanë vendosur ta dërgojnë në pozitën e këshilltarit të lartë të zëvendëskryetarit të PDK-së, Enver Hoxhaj.

Ministri i Jashtëm, Enver Hoxhaj, ka deklaruar për “Lajmi.net” se Bukoshin e ka emëruar këshilltar të lartë.

“Po, këshilltar i lartë është Bujar Bukoshi tek unë”, ka thënë Hoxhaj.

Ndërkohë, edhe Hashim Thaçi sa ishte ministër i Jashtëm kishte nisur procedurat për ta rehatuar Bukoshin në diplomaci. E pati propozuar për Ambsador të Rangut të Lartë “Ambasador at large”.

Bujar Bukoshi ka qenë kryeministër i Kosovës në Ekzil, derisa ka qenë udhëheqës i Fondit të 3-Përqindëshit. Pas luftës i kishte prishur raportet me Ibrahim Rugovën dhe pati themeluar Partinë e Re të Kosovës, me të cilën pati dështuar.

Pastaj, në vitin 2009 bashkë me djalin e Rugovës pati themeluar Listën “Dr. Ibrahim Rugova”, me të cilën patën arritur koalicion me PDK-në. Në këtë koalicion Bukoshi ka shërbyer si zëvendëskryeministër i Hashim Thaçit.

Hoxhaj: Nuk na duhet ndihma e Shqipërisë për dialogun me Serbinë

Ministri i Jashtëm i Kosovës, Enver Hoxhaj, ka thënë në një prononcim për televizionin ART në Maqedoni se Kosova nuk ka nevojë për mbështetjen e Tiranës për dialogun me Serbinë.

Ai ka thënë se për këtë punë, Kosova e ka mbështetjen amerikane dhe europiane, ndërkohë që duke komentuar bashkëpunimin Beograd-Tiranë, kryediplomati kosovar ka theksuar se kjo është çështje bilaterale e këtyre dy vendeve.

Ministri i Punëve të Jashtme i Kosovës, Enver Hoxhaj ia ka dërguar një porosi Tiranës rreth zërave të mundshëm për një rol të Shqipërisë në raportet e normalizimit të marrëdhënieve Kosovë-Serbi.

Madje Hoxhaj ka shkuar më larg duke thënë se Shqipëria nuk është aktor global dhe Kosova natyrisht kërkon ndihmën amerikane apo të BE-së, por jo të dikujt tjetër.

“Për sa i takon normalizimit të raporteve Kosovë-Serbi, vetëm Kosova është aktor politik dhe Shqipëria besoj historikisht e ka të qartë këtë proces dhe besoj që edhe në të ardhmen do ta kenë të qartë.

Kosova është shtet i pavarur sikurse çdo shtet tjetër në rajon ndërsa Shqipëria nuk është një aktor global sikurse SHBA-ja apo BE-ja, prandaj ne në raport mes Kosovës dhe Serbisë natyrisht që kërkojmë mbështetje amerikane, dhe natyrisht që kërkojmë mbështetje evropiane meqë këta kanë edhe instrumente që të ushtrojnë ndikim.

Ndërsa çdo bashkëpunim që mund ta ketë Shqipëria në rrafshin ekonomik është çështje bilaterale mes Shqipërisë dhe Serbisë” ka deklaruar Hoxhaj.

Dje dhe sot, në Serbi po qëndron për vizitë Kryeministri i Shqipërisë, Edi Rama i cili është pritur me shumë rezerva në Kosovë jo vetëm në mesin e mediave por edhe të politikës zyrtare.

Pothuajse njëzëri kanë deklaruar se Shqipëria nuk duhet të ketë ndonjë rol në raportin mes Kosovës dhe Serbisë sepse normalizimi i marrëdhënieve mes këtyre vendeve i takon Prishtinës dhe Beogradit.

“Prapa dyerve te mbylluara” apo kur Zoti ( nuk) harron….!? – Nga Agron Shabani

Prof.Dr. Zdravko Tomac ishte ligjërues (profesor) në Fakultetin e Shkencave Politike të Zagrebit dhe nënkryetar i qeverisë të Republikë së Kroacisë në kuader të koalicionit të madh qeveritar ose politik në një periudhë shumë të rëndësishme ( kyce) dhe teper vitale ose kruciale për shtetin dhe kombin e njohur kroat dhe me gjërë.

Bëhet fjalë mbi ngjarjet dhe zhvillimet e njohura ushtarake ( luftarake) dhe politike, respektivisht, clrimtare dhe patriotike të Kroacisë-kundër Serbisë kriminale, gjakatare, koloniale dhe militariste në dy dekadat e fundit të shekulllit të kaluar të cilat njëherë e përgjithmonë e varrosën ish Jugosllavinë së bashku me “popullin qiellor serb” dhe “Serbinë e Madhe deri në Tokio të Japonisë”!

Sllobodan Milloshevici dhe regjimi i tij kriminal dhe gjakatar në Beograd, se këndejmi asokohe i kishin nxitur dhe mobilizuar shtresat ose kategoritë me të prapambetura dhe primitive të shtetit dhe popullit serb në luftëra të përgjakshme dhe shkatërrimtare kundër kroatëve, shqiptarëve, boshnjakëve etj. Duke e vënë theksin në llahtarin e plojës dhe mizorive të tjera të atij vargu të zgjatur shovenësh, animalësh dhe piromanësh të egër serb në Kroaci, Bosnje Hercegovinë, Slloveni dhe së fundit në Kosovë!!!

Më qëllim të ngritjes dhe krijimit të një fronti të përbashkët ushtarak ( luftarak) dhe politik-kundër hegjemonizmit, ekspanzionizmit dhe militarizmit të egër serbo-madh, udhëheqja e atëhershme e Kroacisë nën presidentin legjendar, Dr. Franjo Tuxham, kishin propozuar edhe hapjen e “Frontit të Jugut” në Kosovë. Në atë menyrë që soldateskes kriminale dhe gjakatare të Milloshevicit ( Serbisë) t´i rrudhej ose ngushtohej hapësira e saj operative (luftarake), manovruese, logjistike, teknike etj. Duke e nënkuptuar këtu edhe të të ashtuquajturen ” Marrëveshjen e panënshkruar” ne mes Republikës së Kroacisë dhe Republikës së Shqipërisë, gjegjësisht, ” marrëveshjen” e njohur “prapa dyerve të mbyllura” (lexo librin e njohur me titull ” Iza Zatvorenih Vrata” të Prof.Dr. Zdravko Tomac ) me moton e njohur të luftës dhe solidaritetit të përbashkët vëllazëror në mes popullit shqiptar dhe atij kroat.

Ndërkohë që brigadat( aradhat) çlirimtare dhe patriotike të vullnetarëve dhe patriotëve të shumtë shqiptar ndodhëshin të stacionuar ose dislokuar në frontet e njohura të Gospicit, Gracacit ( Likës), Bjellovarit si dhe në frontet tjera të luftës së njohur clirimtare dhe patriotike në Kroaci.Mbase, nën komanden e përbashkët të oficerëve kroat dhe atyre shqiptar.

Se këndejmi, për të mos u zgjatur ( futtur) ne detaje të tjera në këtë kontekst, do theksuar se njerëzit kyc qe ishin kundër fronit të përbashkët clirimtar dhe patriotik në mes shqiptarëve dhe kroatëve kundër Serbise kriminale dhe gjakatare, ishin “qeveritaret (sundimtarët) demokrat” të Tiranës dhe Prishtinës.

Ndërkohë që Bujar Bukoshi dhe ish qeveria e tij në ekzil, kishin ngritur fondacione të ndryshme shtetërore ose qeveritare ( si 3 % etj.) në ekzil.

Gjithashtu thuhet se pos refuzimit të inisiativës së lartëpërmendur të shtetit dhe kombit mik të Kroacisë, “institucionalistët demokrat” të LDK-së, asokohe i kishin refuzuar në menyrë menyrë ultimative ose kategorike edhe zërat e njohur që kishin kërkuar zgjedhjen ose emrimin e Adem Demacit ose Ukshin Hotit në krye të Ministrisë së Mbrojtjes të Republikës së Kosovës.

Ndërkaq, Sali Bërisha dhe qeveria e tij në Tiranë, thuhet se u kane shitur (falur) naftë, benzinë dhe “derivate” tjera luftarake ose logjistike Karaxhicit, Mlladicit, Perishiqit, Pavle Bullatoviqit, Babiqit dhe të tjerëve në luftë kundër boshnjakëve ose krotatëve….?!

Përderisa, Dr. Ibrahim Rugova dhe bashkëpunëtorët e tij, përbuzëshin dhe injorohëshim me cinizëm dhe një arrogancë të hetueshme prepotente dhe tepër infantile nga Dr. Sali Bërisha dhe qeveria e tij.

Kjo donë të thotë se qeveritarët ose pushtetmbajtësit e ndryshëm të Shqipërisë si Ahmet Zogu, si Enver Hoxha, si Sali Bërisha, si Edi Rama dhe të tjerët, gjithëmonë kanë mbajtur marëdhënie ose raporte të mira me regjimet e ndryshme ushtarako-polcore të Serbisë ose Beogradit zyrtarë në dëmin ose mbi kurrizin e thyer të shqiptarëve të Kosovës etj. Përjashto këtu ” romantizmin” ose ” folklorizmin patriotikë” të Tiranës zyrtare.

Mëqe gjithënjë fjala mbi angazhimet dhe kontributët e njohura të shtetit dhe popullit (kombik) mik të Kroacisë në kuader të frontit të përbashkët ushtarak (luftarak) dhe politik-kundër hegjemonizmit, ekspanzionizmit dhe militarizmit të egër serbo-madh: Do shtuar në vazhdim se e tërë udhëheqja e atëhershme kosovare së bashku me deputetët shqiptarë të Kosovës që e kishin shpalluar dhe miratuar Deklaratën e njohur të 2 Korrikut 199O si dhe elita e njohur kulturore dhe intelektuale e Kosovës, atëbotë kishin gjetur mikëpritjen dhe strehim e tyre në Zagreb dhe gjithandej Republikës së Kroacisë.

Në anën tjetër ndërkaq, pas mbylljes dhe suspendimit të dhunshëm ushtarako-policor të Radio-Televizionit të Prishtinës dhje mediave të tjera në gjuhën shqipe nga ana e regjimit kriminal dhe terrorist të Beogradit me 5 dhe 7 Korrik të vitit 199O! Shteti dhe qeveria kroate asokohe në kuader të emisionëve të njohura informative,çlirimtare dhe patriotike të Radio Zagrebit ( në kohë lufte) ua kishin mundësuar shqiptarëve Emisionin e Lajmëve në Gjuhën Shqipe në atë menyrë që Kosova dhe shqiptarët të terr ose ërrësirë të plotë klulturore dhe informative.

Ndonëse, me ardhjen e intelektualit, diplomatit dhe patriotit të shquar shqiptarë, z. Skënder Bucpapaj në krye të Radio-Televizionit Shqiptarë, shqiptarëve të Kosovës do u lëshohej hapësirë e madhe në të gjitha fushat ose drejtimet e mundshme.

Sidoqoftë, njerëzit mbajnë mend ose kujtojnë, nëse duan. Ndërsa, falin ose harrojnë, vetëm nëse kanë kohë ose mundësi.

Esat Myftari në Prishtinë sot me librin “Kosova dhe Enver Hoxha”

Të enjten në Prishtinë do të promovohet libri “Kosova dhe Enver Hoxha” – përmes dokumenteve arkivore të pabotuara deri më sot, i autorit Esat Myftari.

Promovimi do të nisë prej orës 12 në Bibliotekën Kombëtare të Kosovës ”Pjetër Bogdani”, bën të ditur KultPlus.

Esat Myftari u lind në vitin 1940, në Pejë. Shërbeu për një kohë të shkurtë si gazetar në të përditshmen “Rilindja” dhe në 1963, me sugjerim e vendim të grupit klandestin u arratis në Shqipëri për qëllime politike.

Në vitin 1976 u dënua prej organeve shqiptare për agjitacion e propagandë me 10 vjet burg. Ne vitin 1991, me vendosjen e pluralizmit, u zgjodh deputet i Partisë Demokratike. Një vit më vonë, me ardhjen në pushtet të qeverisë së parë demokratike, u emërua drejtor i Drejtorisë së Diasporës. Në fund të karrierës së vet, shërbeu dy vjet si diplomat në Riad.
Pas pensionimit, merret me përkthime e shkrime.

Ekspertët: Letrat e vonuara të Thaçit për ndriçimin e krimeve

Presidenti i Kosovës, Hashim Thaçi

Letrat që presidenti i Kosovës, Hashim Thaçi, u drejtoi Kryeprokurorit të Shtetit dhe Këshillit Prokurorial, po shihen në mënyra të ndryshme nga përfaqësues të shoqërisë civile.

Në njërën anë, letrat e hapura të Thaçit – me kërkesën që të zbardhen krimet e kryera gjatë dhe pas periudhës së luftës – po shihen si ndërhyrje në çështje të drejtësisë. Nga ana tjetër, këto letra, nga përfaqësues tjerë të shoqërisë civile, po shihen edhe si shprehje e vullnetit politik në favor të zbardhjes së krimeve të pa ndriçuara për 17 vite.

Por, e përbashkëta në vlerësimet e tyre është se Thaçi, sikurse edhe pjesa tjetër e lidershipit të Kosovës, po e shprehin këtë vullnet me vonesë të madhe.

Bekim Blakaj, nga Fondi i të Drejtës Humanitare në Prishtinë, thotë se mandati i presidentit i lejon atij që të shpreh vullnetin politik në lidhje me zbardhjen e rasteve të tilla. Nisma e Thaçit, sipas tij, duhet përshëndetur, ndërkaq puna u mbetet organeve të drejtësisë. Por, marrë parasysh periudhën kohore kur kanë ndodhur këto krime, Blakaj thotë se nuk mund të pritet që drejtësia të vendoset për të gjithë ata që e presin atë.

“Duke marrë parasysh gjithëpërfshirjen e krimeve që kanë ndodhur gjatë dhe pas luftës dhe numrin e madh të viktimave që kanë pësuar nga këto krime, mendoj që nuk mund të presim që të gjitha viktimat, familjet e viktimave, ta realizojnë të drejtën e tyre në drejtësi”.

“Mirëpo, rritja e numrit të proceseve gjyqësore do të ishte pozitive. Tek e fundit, një numër i caktuar i viktimave do ta shihnin drejtësinë”, thotë Blakaj.

Ndërkohë, Ehat Miftaraj, nga Instituti i Kosovës për Drejtësi, vlerëson se Thaçi me letrat e tij, në njëfarë mënyre, ka bërë ndërhyrje në sistemin e drejtësisë. Sipas tij, liderët politik në Kosovë nuk kanë ndërmarrë asnjë hap për forcimin e sistemit të drejtësisë në Kosovë dhe tani edhe thirrjet e tyre, siç është rasti me Thaçin, mund të duken jo vetëm të vona, por edhe jo të sinqerta.

“Për 17 vite nuk kanë bërë asgjë për të forcuar sistemin e drejtësisë në Kosovë, për t’i ngritur kapacitetet në prokurori dhe gjykatë, në mënyrë që më pastaj këto institucione që janë të thirrura me ligj t’i kryejnë funksionet e tyre”.

“Andaj, këtë më shumë e shohim si përpjekje, por jo edhe një vullnet që është i sinqertë apo me të vërtete kanë interes për t’i zbardhur këto raste”, thotë Miftaraj.

Ngjashëm me Blakajn, edhe Miftaraj rikujton se për shumë krime do të jetë vështirë të punohet në ndriçimin e tyre, marrë parasysh kohën kur kanë ndodhur.

“Tash, pas 17 viteve, do të jetë vështirë në radhë të parë që të gjinden dëshmitarët, të gjinden prova të cilat do të mund të rezultonin me ndjekje penale të suksesshme. Po ashtu, dëshmitarët është e mundur që të mos e kenë më kujtesën si në kohën kur vepra të caktuara penale janë kryer”, thotë Miftaraj.

Letrat e Thaçit, sipas Miftarajt, mund të mbesin nëpër sirtare, duke u harruar pas një kohe.

Zbardhja e krimeve gjatë periudhës së luftës pritet të jetë një nga qëllimet kryesore edhe të Gjykatës Speciale apo Dhomës së Veçantë, që është krijuar për hetimin e krimeve të supozuara të ish-pjesëtarëve të Ushtrisë Çlirimtare të Kosovës ndaj civilëve serb.

Por, rastet e cekura në letrat e Thaçit, sipas Bekim Balajt, nuk janë të njëjtat me ato që pritet t’i trajtojë Gjykata Speciale.

“Mendoj që shumica e krimeve që janë potencuar në letrat të cilat i ka dërguar presidenti te Prokuroria e Shtetit nuk janë në mandatin e Dhomës së Specializuar, e cila është krijuar dhe pritet që së shpejti të fillojë me procese gjyqësore”.

“Kështu mendoj se nuk kemi të bëjmë me një lloj përzierje dhe mendoj që gjyqësori vendor nuk guxon në asnjë mënyrë që të bazohet në punën e një gjykate e cila edhe ashtu është e përkohshme”, thekson Blakaj.

Presidenti i Kosovës, Hashim Thaçi, u ka drejtuar katër letra Zyrës së Kryeprokurorit të Shtetit dhe të Këshillit Prokurorial të Kosovës, përmes së cilave ai kërkon angazhimin e tyre për zbardhjen e krimeve gjatë kohës së luftës dhe atyre të pasluftës.

Thaçi ka thënë se arsyeja e dërgimit të letrave në adresë të institucioneve të drejtësisë ka si qëllim inkurajimin e tyre që t’i adresojnë shumë raste të cilat i shqetësojnë të gjithë qytetarët e Republikës së Kosovës me vite. Rastet që përmenden në letrat e Thaçit ndërlidhen me krime të kryera si ndaj shqiptarëve, ashtu edhe serbëve dhe komuniteteve tjera.

Zyra e Prokurorit të Shtetit ka konfirmuar se i ka pranuar letrat dhe është zotuar se po punohet që rastet të marrin trajtimin e duhur nga ana e drejtësisë. (REL)

Lista Serbe do ta dërgojë në Gjykatën Kushtetuese Ligjin për Trepçën

Deputetët e Listës Serbe në Kuvendin e Kosovës, të enjten, me 13 tetor, pritet ta dorëzojnë në Gjykatën Kushtetuese të Republikës së Kosovës, kërkesën për shqyrtimin e ligjshmërisë së miratimit të Ligjit për Trepçën nga ana e legjislativit. Lajmin e ka konfirmuar për Radion Evropa e Lirë, Slavko Simiq, kryetar i Listës Serbe dhe deputet i Kuvendit të Kosovës nga radhët e këtij subjekti parlamentar.

“Të enjten do ta dorëzojmë në Gjykatë Kushtetuese kërkesën tonë për shqyrtimin e ligjshmërisë së miratimit të Ligjit për Trepçën”, ka thënë Simiq.

Ai ka shtuar se deputetët e Listës Serbe janë duke e përgatitur edhe kërkesën tjetër për ta dërguar për shqyrtim në Gjykatë Kushtetuese, lidhur me ligjshmërinë e miratimit të Ligjit për investimet strategjike, i cili po ashtu është miratuar nga Kuvendi i Kosovës.

“Deputetët tanë janë duke e përgatitur edhe kërkesën tjetër për Ligjin për investime strategjike dhe ajo do të jetë gati të dërgohet për shqyrtim në Gjykatën Kushtetuese, javën tjetër”, ka thënë Simiq.

Kuvendi i Kosovës miraton rezolutën me të cilën kërkon lirimin e Nehat Thaçit

Kuvendi i Republikës së Kosovës miratoi rezolutën për arrestimin e nënkolonel Nehat Thaçit, e përgatitur nga koalicioni qeveritar PDK, LDK dhe 6+, ku sipas rezolutës kërkohet lirimi i tij

PRISHTINË – Kuvendi i Republikës së Kosovës miratoi rezolutën për arrestimin e nënkolonel Nehat Thaçit, e përgatitur nga koalicioni qeveritar PDK, LDK dhe 6+, ku sipas rezolutës kërkohet lirimi i menjëhershëm i Thaçit, e cila do të bëhet me ndërmjetësimin e Bashkimit Evropian, si garantues i dialogut mes Kosovës dhe Serbisë.

Ndërkaq, propozim rezoluta e deputetit Gëzim Kelmendi e formuluar në bashkëpunim me partitë opozitare Lëvizja Vetëvendosje, Aleanca Për Ardhmërinë e Kosovës dhe NISMA për Kosovën, ku kërkohej ndërprerja e dialogut mes Kosovës dhe Serbisë, nuk u miratua.

Seanca e sotme e Kuvendit përsëri filloi me debate, ku deputeti i pavarur, Gëzim Kelmendi, i cili është edhe propozues i debatit të djeshëm rreth arrestimit të nënkolonel Nehat Thaçit nga autoritetet serbe, tha se Kuvendi nuk arriti që ta harmonizojë draft rezolutën, për shkak se partitë e koalicionit qeverisës refuzuan kërkesën e deputetëve për ndërprerjen e dialogut me Serbinë.

“Mbrëmë kemi pasur tjetër çka sot kemi tjetër çka, si institucioni më i lartë i shtetit nuk jemi akoma të gatshëm pas 17 viteve në Kosovë, pas tërë këtyre arrestimeve të UÇK-së pas tërë kësaj padrejtësia që bën Beogradi ndaj neve së paku si viktimë që jemi ta themi hapin parimor, e t’i themi Serbisë se nuk ka bisedime deri sa nuk i plotëson këto kushte, si ata që na vendosin neve kushte. Përderisa ka Serbia të drejtën e ndaljes së bisedimeve, për Trepçën që nuk është pronë e saj pse ne nuk kemi të drejtë të kërkojmë ndërprerjen e dialogut për arrestimin e djemve tanë”, tha Kelmendi.

Ndërkaq, deputetit nga radhët e LDK-së, Armend Zemaj theksoi se kanë formuluar një draft rezolutë të harmonizuar sipas debateve të seancës së djeshme, e cila përbëhet nga 5 pika dhe ku kërkohet që komunikimet me Serbinë për lirimin e nënkolonel Thaçi të bëhen me ndërmjetësimin e zyres së BE-së. Në anën tjetër deputeti i AAK-së, Daut Haradinaj tha se kërkesa kryesore e draft-rezolutës duhet të jetë ndërprerja e dialogut me Serbinë. Ndërkaq deputeti Sabri Hamiti vuri në dukje se pika e parë e kësaj rezolute duhet të jetë lirimi i menjëhershëm i nënkolonelit Thaçi.

Kurse Visar Ymeri, në emër të grupit parlamentar Lëvizja Vetëvendosje u shpreh se në rezolutën e paraqitur nga partitë në pushtet pasqyrohet krejt ndryshe nga ajo që u folë dje, dhe kërkoi që të bëhet ndërprerja e menjëhershme e dialogut mes Kosovs dhe Serbisë. “Rezoluta nuk jep obligim as Qeverisë dhe as Kuvendit , kjo synon ta obligojë Brukselin e jo Kosovën, tha ai.

Pas shumë debatesh, u vendos që në Kuvend të votohen dy projekt-rezoluta, ku e para ishte ajo nga partitë opozitare Lëvizja Vetëvendosje, Nisma për Kosovën dhe Aleanca për Ardhmërinë e Kosovës, në bashkëpunim me deputetitn e pavarur Gëzim Kelmendi. Sipas kësaj resolute në pikë të parë kërkohej që Kuvendi i Kosovës ta kërkojë lirimin e menjëhershëm të drejtorit të Policisë për rajonin Mitrovicës, Nehat Thaçin.

Ndërkaq 4 pikat e tjera të kësaj rezolute janë si në vijim “Kuvendi i Republikës së Kosovës kërkon nga Qeveria pezullimin e bisedimeve me Serbinë dhe pezullimin e fletëarresteve për zyrtarët e Kosovës. Bashkimi Evropian si ndërmjetësues dhe garantues i dialogut të ndërhyjë te Qeveria e Serbisë që të lirohet Thaçi. EULEX-i të deklarohet për rastin e Thaçit dhe në fund Qeveria të ndërmarrë te gjitha veprimet në raport me BE dhe Interpol, që Kosova të bëhet pjesë e Interpolit”.

Kjo projekt-rezolutë e përpiluar nga tri grupet parlamentare opozitare dhe deputeti i pavarur Kelmendi, u votua vetëm nga 19 deputetë, kurse 38 ishin kundër dhe 8 të tjerë kanë abstenuar.

Kurse, projekt-rezoluta e koalicionit qeveritar e propozuar nga deputeti Armend Zemaj, u miratua me votimin e 51 votave pro, 13 kundër dhe 8 abstenime.

Kjo rezolutë përfshin këto 6 pika, duke përfshirë edhe kërkesën e deputetit Sabri Hamiti: Kuvendi i Kosovës kërkon lirimin e menjëhershëm të nënkolonelit Nehat Thaçi. Bashkimi Evropian si ndërmjetësues dhe garantues i dialogut mes Kosovës dhe Serbisë përmes mekanizmave të saj të ndërhyjë në Qeverinë e Serbisë që të lirohet Nehat Thaçi.

Çdo komunikim me rastin e arrestimit të Thaçit deri në lirimin e tij të bëhet vetëm nëpërmjet zyres së Mogherinit si përfaqësuese e lartë e BE-së. Qeveria e Republikës së Kosovës t’ia bëj me dije BE-së që veprimet e tilla e Serbisë në raport me institucionet dhe qytetarët e Kosovës po e rrezikojnë thellë marrëdhëniet Kosovë-Serbi dhe dialogun në mes tyre, duke na detyruar për reciprocitet.

Misioni i EULEX-it të deklarohet për rastin e arrestimit të Thaçit, dhe të kërkojmë anazhim të drejtpërdrejtë si mission me kompetenca të veçanta. Kërkojmë nga Interpoli që policia e Kosovës të jetë pjesë e kësaj organizate, insistojmë që këto fletarreste të largohen nga sistemi i tyre ligjor.

Ndryshe, Nehat Thaçi i cili u arrestua në hyrje të Serbisë në Konçul, gjendet në paraburgim në burgun e Nishit, të cilit i është caktuar masa e paraburgimit prej 30 ditësh. Ai para dy ditësh doli para prokurorisë për krim të organizuar në Beograd dhe nuk i pranoi aktakuzat ndaj tij. Thaçi është ndaluar mbi bazën e akuzës se ka kryer veprën penale të terrorizmit në korrik të vitit 1999 si dhe në dhjetor 1999 dhe janar 2000 në Lipjan. aa

Vështrim – Kosova, eldorado e Hashim Thaçit?! Nga Skënder MULLIQI

Gadi çdo herë njeriu kur shkruan harron shumë çka të përmend, ose i ik momentalisht nga mendja ate të cilën ka dashur më e thënë. Në paraqitjën e Thaçit para gazetarëve të hënën lidhur më temën e krimit të organizuar dhe disa tema të tjera, ka sigurisht shumë çka për tu thënë.Presidenti i zgjedhur më votat e PDK-së dhe LDK-së, në gjendje të shteterrethimit, ngadalë po e shendrron Kosovën në vend presidencial.Ai po i bartë të gjitha kompetencat e vendmimarrjës pa e pyetur ama bash askënd sikur të ishte mbret. Për dy mandate ishte kryeminister e vendit , duke lënë mbrapa pak gjë të hajrit. Për këto vite Kosovën klani “Pronto” e ropi deri në asht. E shndrruan Kosovën në nje Eldorado të tyre . Hashim Thaçi si ish shef i qeverisë është përgjegjësi kryesor, duke ia shtuar edhe këto dy vitet e fundit të qeverisë, Mustafa ,pse sot e kemi gjendjën e dobët ekonomike dhe kemi gjendje përmanete të krizës institucionale , krizës politike , deri të kriza e moralit dhe çdo krizë të tjetër të mundshme.Kryesinë e LDK-së , e kam kritikuar pse ajo në kohën më të keqe për Kosovën hyri në koalicion me PDK-së , e cila kishte mbetur e vetmuar për gjashtë muaj radhazi . Natyrisht së të gjitha zgjedhjet kjo parti i ka fituar në saje të keqperdorimeve të mëdha dhe vjedhjës industriale të votave. Sa ish gjallë presidenti Rugova , nuk e kishin këtë mundësi sepse LDK- e, i fitonte zgjedhjet pa ndonjë problem të madh. Sa e sa afera korruptive dhe afera të keqpërdorimeve të tjera Qeverisë Thaçi 1 dhe Qeverisë Thaçi 2 i ndodhën. Disa nga qeveritarët edhe ishin para organeve te drejtësisë , por të cilët pa fije turpi u shpallën të pa fajshem nga këto organe të kontrolluara nga PDK-ja , dhe pa fije turpi edhe u kthyen në pozitat e më parshme të larta pushtetare. Kjo mund të ndodhë vetëm në Kosovën e uzurpuar nga kasta politike në pushtet. Pas hyrjës në koalicion nga përgjegjësia për gjendjën e keqe nuk mund të lirohet as kryeministri actual, Isa Mustafa.Vet e lypi dhe vet e gjeti. Hyri në koalicion më ata që deri dje i kishte akuzuar së qeveriswn keq mw Kosovwn e akuza tw tjera . Këtë pa turpësi LDK-ja, tw kreut tw saj, do ta mbajë si barrë për të gjithë jetën. Mustafa i ka kaluar dy vite që po qeverisë me vendin natyrisht më PDK-në, e nuk kërkoi deri më tash zbardhjen e vrasjeve politike , edhe pse ministrin e Punëve e ,Brendshme e drejton, Skënder Hyseni.E gjithë kjo flet së në kolacion më PDK-në kan hy për ti mbrojtur interesat e ndërsjella dhe për pazare të tjera politike të pista , duke e thelluar gjithnjë e më shumë krizën në vend. Nuk do të ishte qudi e madhe nese edhe dikush nga LDK-ja do të përgjigjet për krim të organizuar bashkë më ata të PDK-së. Së Hashim Thaçi kontrollon çdo në Kosovë, këtë e dëshmojnë shumë afera të deritashme , si dhe deklarimet dhe akuzat e fundit të ish-guvernatorit të Bankës Qendrore , Hashim Rexhepit, i cili deklaroi për media , së i është kërkuar që ti investoj paratë e buxhetit të shtetit në bankat të cilat ia propozonte këshilltari i ish-kryeministrit , Thaçit, Ariel Raubvogel. Ata kërkonin që 1 miliradë euro , më të cilat menaxhonte BQK-ja ti investonte në disa banka në Angli. Në këto pazare të liga të Thaçit , ishin të implikuar edhe Sami Lushtaku e Azem Syla, Besim Beqaj , Ahmet Shala, të cilët edhe kan vendosur për shumë çka tjetër në vend. Këta i kan vu nën kontroll të gjitha instuticionet dhe kështu edhe organet e drejtësisë .Deri sa në krye të organeve të drejtësisë dhe në shtyllat tjera kryesore të shtetit kemi njerëz të klanit “Pronto”, nuk do kemi mundësi të bëhemi kurrë shtet funksional dhe shtet ligjor. Hashim Thaçi po e merr kështu edhe rolin e prokurorit të vendit më konferenca për media .Një manover të tillë Thaçi e ka marrë sigurisht për ti qitur në harresë Demarkacionin i cili pritet që shpejt të qitet për ratifikim në kuvend i formës qeveritare , dhe i cili zor së kalon si i tillë, pastaj për ta harruar Asociacionin e Kumunave më Shumicë Serbe, për të qitur në plan të dytë gjendjën e keqe sociale dhe ekonomike, dhe gjithësesi që opinioni ta zhvendosë vemendjën nga afera më e re dhe deklarimet e Hashim Rexhepit, ku na shfaqet i implikuar Hashim Thaçi. Por edhe nese ka ndonjë seriozitet në paraqitjen e tij lidhur më temat e nxehta politike siq janë vrasjët dhe tentim atentatet karshi Rugovës, prap e kan prapavinë e caktuar politike .Ai gjithësesi dëshiron të paraqitet para opinionit të gjëre publik dhe para bëshkësisë ndërkombëtare si lojtari kryesor i skënës tonë politike më të cilin për çdo gjë domosdo duhet të bisedohet, si garantues stabiliteti. Nuk e ka shumë dert Thaçi punën e vrasjeve politike të pas luftës , së sa e ka dert së si të shpëton disi nga Gjykata Speciale. Mu për atë edhe më dinakërin e tij edhe iu iku pyetjeve të gazetarëve në konferencën e mbajtur , që është presedan i llojit të vet. Kur ka para lajmëruar këtë konferencë , edhe logjikisht dihet së do të këtë pyetje nga gazetarët lidhur më temat e paraqitura . Deri kur Hashim Thaçit, do ti dhezin manovrimet politike mbetet të shohim…

Shpëtim apo shpronësim i Trepçës?! – Nga Florim Zeqa

Padyshim të gjithë qytetarët e vendit ju kanë gëzuar lajmit për miratimin e ligjit në kuvend, për shpëtimin e gjigantit metalurgjik nga falimentimi! Mirëpo mënyra e përshpejtuar e leximit të ligjit dhe e votimit në kuvend, përveq mangësive të shumta të shfaqura në shumicën e amandamenteve, përmes të cilave Trepça shndrrohet në “Shoqëri Aksionare” e jo në Pronë Publike, lenë hapsirë për të dyshuar për fatin dhe të ardhmen e saj, si në aspektin pronësor ashtu edhe zhvillimor të saj.

Sipas asaj që u miratua në kuvend, 80 % të aseteve të Trepçës kalojnë në pronësi të Qeverisë, ndërsa 20 %-shi famoz për punëtorët të rikujton fillimin e procesit të privatizimit të Trepçës, i cili do të realizohet hap pas hapi dhe pjesë pas pjese deri në likuidimin e plotë të saj.

Ligji me shumë të panjohura, përveqse nuk e përcakton qartë menaxhimin e shumë aseteve të Trepçës si brenda ashtu edhe jashta Kosove, nuk dihet as kush do të jenë investitorët (pronarët faktik) të saj!

Me ligjin e përshpejtuar, jo vetëm që nuk është shpëtuar Trepça nga falimentimi siq trumbetojnë pushtetarët dhe një pjesë e opozitës,…përveqse është bërë vetëm një zgjidhje e përkohshme, është bërë një lloj i veqantë i kontrabandimit të kësaj ndërmarrje fitimprurëse për vendin.

Këtë që e themë e verteton mundësia e hapur e shitjes së aseteve të saj nga qeveria pa e pyetyr fare kuvendin.

Përjashtimi i Kuvendit të Republikës së Kosovës nga pronësia dhe mospërcaktimi i statusit të Trepçës si Pronë Publike, pushtetarëve aktual dhe atyre pas tyre ua krijon mundësinë e përdorimit të Trepës si “plaçkë shteti” për përfitime personale.

Statusi “Pronë Publike” i Trepçës dhe kalimi i saj në pronësi të Kuvendit të Republikës së Kosovës, do t’ua pamundësonte si pushtetarëve ashtu edhe të tjerëve të luajnë me fatin e pasurive të çmuara të saj.

Vet fakti, pse Trepça nuk u shndrru në Pronë Publike dhe fakti tjetër se asetët kryesore të saj ndodhën në pjesën veriore të kontrolluar nga serbët lokal dhe qeveria e Beogradit, e komplikon akoma më tepër fatin e gjigantit metalurgjik “TREPÇA”.

Ajo çfarë ndodhi në seancën e së premtes së kaluar është vetëm një (vet)mashtrim. Këtë fakt e dijnë mirë pushtetarët dhe një pjesë e deputetëve që e kanë votuar, përderisa gjysma tjetër janë manipuluar për qëllime të interesave të ngushta të liderëve partiak.

Trepça nuk ka si shpëtohet dot përmes një ligji formal në parlament, pa e pasur fuqinë ekzekutive dhe as të implementimit të vendimeve që kanë të bëjnë me veriun e vendit në njërën anë, si dhe as fuqinë financiare të shpëtimit të saj nga falimentimi!

Puna e ligjit për Trepçën, i miratuar në Kuvendin e Republikës së Kosovës, është sikurse “Recepti” i mjekut,…po munguan paratë për blerjen e ilaqëve, recepti i mjekut nuk e shpëton dot pacientin nga vdekja.

Përkundër të “arriturave” të pushtetarëve për të mbajtur Trepçën nën kontroll përmes një ligji formal,…ekziston rreziku (mundësia reale) që serbët ta fusin Trepçën në dialogun e Brukselit, gjë e cila do të përmbyste të gjitha “përpjekjet” e pushtetarëve të korruptuar dhe jo vetëm kaq, pakica serbe (2-3 % e popullatës) do të tentoj të bëhet hisedare në pasuritë e Kosovës, ashtu sikurse u bënë hisedarë në sovranitetin e shtetit duke vënë nën menaxhim të plotë rreth 25 % të territorit të vendit tonë.

Duke e njohur morbiditetin (plogështinë) e kësaj qeverie dhe të grupit negociator në Bruksel, të cilët me një të “ngrehur veshi” nga Brukseli apo Washingtoni,….lehtësisht e bëjnë Trepçën pjesë të pazareve politike në dialogun e Brukselit, me çka agonia e Trepçës mund të zgjasë edhe për shumë vite të tjera, derisa serbët të arrijnë cakun e dëshiruar në raport me Kosovën dhe sovranitetin e saj.

Vuçiç: Serbia e pafuqishme për Trepçën, jemi të vegjël! Dikush po e ndihmon Kosovën

Voal – Kryeministri i Serbisë, Aleksandar Vuçiç ka folur për Trepçën, duke u shprehur se në këtë rast bëhet fjalë për standard të dyfishtë. Ai mendon se shqiptarët nuk e kanë bërë të vetëm të gjithë, por janë ndihmuar.

Sipas tij, Serbia njëkohësisht shtron pyetje se, pse askush nga BE-ja nuk ka reaguar për gjuhën e ashpër të Kroacisë, e as për vendimin e Kosovës lidhur me Trepçën.

“Nuk reagojnë pasi që ne jemi partner i vogël. Nuk besoj se do të reagojnë, e as që e kam pritur se do reagojnë. Ata do të reagonin për ndonjë gazetar të ndonjë shtëpie mediatike që financon BE-ja, Rokfeller, Rotshild… Për këtë do të reagonin, por për Trepçën jo. A janë këto standarde të dyfishta? Po, e kam parë këtë, e kam thënë, por çfarë të bëj, a ta shkatërroj të ardhmen e Serbisë? Jo, nuk do ta bëj”, ka thënë Vuçiç.

“Sikur të isha idiot do të mendoja se këtë e kanë bërë vetëm shqiptarët. Por jo, dikush i ka lejuar ta bëjnë këtë. Dëgjoni, ai që mendon se jam budalla, gabon. Kështu e shoh”, ka shtuan më tej.

Vuçiç shtoi se Serbia nuk do të kërkojë mbledhje të Këshillit të Sigurimit të Kombeve të Bashkuara, në të cilën do të diskutohej për Ligjin për Trepçën, që është miratuar në Kuvendin e Kosovës.

“Nuk e kam pranuar këshillën e Zyrës për Kosovën që të shkojmë në Këshillin e Sigurimit të Kombeve të Bashkuara”, tha Vuçiç, dhe ka shtuar se ai “nuk është kryeministër i cirkut dhe se nuk ka dëshirë që të gjithëve tu shpjegojë se është serb i madh”, raporton agjencia Beta.

Kuvendi i kërkon Serbisë lirimin e Nehat Thaçit

Kuvendi i Kosovës po mbanë seancë të jashtëzakonshme në lidhje me arrestimin e Drejtorit të Policisë së Kosovës për rajonin e Mitrovicës, Nehat Thaçi nga ana e autoriteteve të Serbisë. Si rezultat, pritet që të nxirret dhe nje Rezolutë me të cilën, mes tjerash, do të kërkohet lirimi i Thaçit.

Thaçi është arrestuar më 29 shtator në vendkalimin kufitar në Konçul dhe me vendimin e një gjykate të lartë në Nish, i është shqiptuar masa e paraburgimit prej 30 ditësh.

Ai akuzohet nga autoritet serbe, për siç thuhet, veprën penale për largimin e një familje serbe nga Kosova, në Komunën e Lipjanit.

Kryeministri i Kosovës, Isa Mustafa tha se arrestimi i drejtorit Thaçi nga autoritet serbe është akt politike dhe siç u shpreh ai, veprimet e tilla nuk i kontribuojnë normalizimit të marrëdhënieve mes dy vendeve.

“Janë të papranueshme sjelljet e Serbisë në arrestimin e mbajtjen e qytetarëve tanë dhe në akuzat që atyre u vihen për vepra të cilat nuk i kanë bërë. Ne, kemi kërkuar nga Serbia përmes minstrive tona dhe autoritetit ndërkombëtar që zoti Thaçi të kthehet në Kosovë. Ndërkaq, për të gjitha dyshimet që i vihen atij, organet e Republikës së Kosovës do të ndërmarrin masa sipas ligjeve të Kosovës”, tha Mustafa.

Iniciuesi i thirrjes së seancës, deputeti Gëzim Kelmendi, ka kërkuar që shtetit të Serbisë t’i bëhet e qartë se Kosova duhet t’i thotë Serbisë mjaft me arrestimin dhe maltretimin e shqiptarëve.

Ai pos tjerash ka kërkuar që bisedimet me Serbinë të ndërpriten menjëherë.

Por, kryeministri tha se Kosova nuk duhet të kërkojë ndërprerjen e bisedimeve me Serbinë për shkak të arrestimit të zotit Thaçi.

“Kushtëzimi i lirimit të zotit Nehat Thaçi, me procesin e dialogut, nuk është në interes të Republikës së Kosovës”, tha Mustafa.

Kurse, Ministri i Punëve të Jashtme të Kosovës, Enver Hoxhaj, tha se institucionet e Kosovës që nga momenti i arrestimit të Thaçit janë angazhuar intensivisht për lirimin e tij.

“Ne nuk mbrojmë vetëm interesin shtetëror, por edhe interesin e qytetarëve. Kur është arrestuar Thaçi ne kemi pas informatë që ai do të lirohet të nesërmen. Por, pretendimet e Serbisë janë politike dhe nuk kanë të bëjnë me Thaçin. Kur e kemi parë që është vendosur masa e paraburgimit e kemi parë që arrestimi ka qenë i montuar, i planifikuar dhe që rasti ka kaluar në një situatë tjetër”, tha pos tjerash ministri Hoxhaj.

Ministrja e Drejtësisë, Dhurata Hoxha, tha se akuza për Thaçin ekziston që nga viti 2010, por ajo nuk është komunikuar asnjëherë tek organet kompetente në Kosovë.

Ajo ka njoftuar deputetë se institucionet e Kosovës, madje i kanë dërguar notë verbale Ministrisë së Drejtësisë së Serbisë, por siç ka thënë ajo “deri sot nuk kemi marrë përgjigje”.

Shefat e Grupeve Parlamentare të partive në pushtet kanë kërkuar nga të gjitha institucionet që të bëjnë gjithçka që është e mundur që zoti Thaçi të lirohet sa më shpejtë.

Kurse, Glauk Konjufca, shef i Grupit parlamentar të Lëvizjes Vetëvendosje, tha se institucionet e Kosovës po paraqiten si viktimë karshi arrestimit të zotit Thaçi. Ai tha se institucionet e Kosovës kanë reaguar shumë vonë për arrestimin e zotit Thaçi.

“Forma e reagimit për Nehat Thaçin ishte një vajtim përgjërues për bashkësinë ndërkombëtare më shumë duke kërkuar ndihmë, ashtu që bashkësisë ndërkombëtare në një formë t’i vije gjynah për ne edhe të reagojë. Kjo politika e gjynahit që po e aplikon qeveria jonë është me të vërtetë jo produktive dhe e pa papranueshme, e portretizon shtetin e Kosovës si një entitet i cili nuk mund të përfundojë asnjë nga punët e veta”, u shpreh Konjufca.

Pal Lekaj, shef i Grupit parlamentar të AAK-së, ka kritikuar institucionet e Kosovës dhe vet Kuvendin për vonesën e mbajtjes së një seance të tillë.

Ai tha se një seance e jashtëzakonshme është dashur të mbahej po në atë ditë kur është arrestuar zoti Thaçi nga autoritetet e Serbisë. Ai kritikoi Qeverinë e Kosovës dhe kërkoi ndërprerjen e menjëhershme të bisedimeve.

“Viktimë e këtyre marrëveshjeve të [bisedimeve] dhe deklaratave të ministres [ Edita Tahiri] ndoshta ka rënë edhe drejtori i policisë rajonale Nehat Thaçi”, tha Lekaj.

I pranishëm në seancë ka qenë edhe babai i Nehat Thaçit.

Në bazë të flet-arresteve serbe, disa herë kanë rënë “viktima” ish-drejtuesit e luftës në Kosovë.

Ramush Haradinaj, ish komandant i Zonës Operative të Dukagjinit në periudhën e UÇK-së, kryetar i partisë politike AAK ,në vitin 2015 ishte ndaluar nga autoritetet sllovene, në bazë të një flet-arresti të lëshuar nga Serbia, në vitin 2004.

Para Haradinajt, edhe komandanti i përgjithshëm i UÇK-së dhe ish kryeministri Agim Çeku ishte ndaluar. Ai një herë është ndaluar në Slloveni, një herë në Bullgari dhe një herë në Kolumbi. Edhe Çeku ka flet-arrest nga Serbia për pjesëmarrje në luftën e Kosovës dhe në Kroaci. (REL)

A po bie perdja e vrasjeve politike në Kosovë? – Nga Skënder MULLIQI

Pas luftës u vranë shumë veprimtarë të LDK-së, dhe u vranë dhe u kërcënuan edhe shumë gazetarë të vijës institucionale luftës, të presidentit , dr. Ibrahim Rugova. U vranë natën , u vranë për pikë të ditës ,u vranë edhe pas shpine . Dështen ta vrasin edhe presidentin Rugova nga prita e organizuar mu para derës së shtëpisë, siq e vranë ushtarakun dhe veprimtarin e devotshëm të LDK-së, Smajl Hajdaraj… E vranë Smajl Hajdarajn në mënyrë barbare dhe qyqare . Gjithashtu e vranë kolonel Tahir Zemajn vet i treti po në pritë të organizuar do njerëz të liqë të cilët një ditë do ti mallkojë Zoti. Vargu i atyre që u vranë është i gjatë dhe opinioni tashmë i dinë për kënd bëhët fjalë… por ende opinioni dhe as familjarët si ngushëllim i vetëm për ta, nuk i kan mësuar emrat e vrastarëve dhe emrat e urdhërdhënësve të tyre. Qytetarët nuk guxuan një kohë të gjatë të flasin për temën e vrasjëve politike në Kosovë. Për 17vite bën vetëvrasje shumë veteranë të luftës çlirimtare nga varfëria dhe skami. U vranë edhe po vritën për ditë nga gjendja e rëndë sociale dhe ekonomike edhe njerëz të kategorive të tjera shoqërore .Këta në pushtet nuk e dinë as vet sa të mira materjale dhe pasuri tjetër kanë. Tash të vetmën brengë e kan punën e Gjykatës Speciale të cilën më veprimet e veta e prun të dera. Presidenti, Hashim Thaçi këtë të hënë mbajti një konferencë për media lidhur më temën e krimit te organizuar dhe disa tema të tjera .Ai kërkoi nga Zyra e Kryeprokurorisë të Shtetit , që të angazhohen për zbardhjën e krimeve gjatë kohës së luftës dhe atyre pas luftës .Në këtë konferencë Thaçi preku edhe temën e dhunimeve të grave shqiptare gjatë luftës nga serbët,si dhe tëmën e dëmtimeve të objekteve të kultit etj, Të gjitha këto më vonesë . Presidenti, Thaçi kërkoi edhe zbardhjën e tentim atentatit ndaj presidentit ,Ibrahim Rugova afër shtëpisë së tij në Velani të Prishtinës në vitin 2005. Po mos të ishte në pyetje ndonjë trysni politike zor që Thaçi do të merrte një hap të tillë .Së sa është kjo paraqitje serioze dhe çka ishte në pyetje që pikërisht tash, Thaçi kërkoi nga Prokuroria e Shtetit hetime lidhur më temat në fjalë , mbetet të shihet .Diçka është e sigurt , së koha e maskaradave të tilla shumë të dëmshme politike dhe gjendjës gjithnjë të rënduar ekonomike ngadalë po iu vjen fundi. Paknaqësit dhe frustrimet qytetare janë rritur shumë nga gjendja e pa shpresë e krijuar .Kasta politike në pushtet më punën jo pozitive , nuk e meriton më besimin e popullit. Krimi dhe korrupcioni janë bërë të pa durueshme , dhe shkatrrimtare për shtetin e ri të Kosovës. Ekzodi po merre përmasa shqetësuese .Pa punësia është e nivelit të lartë…. Kjo kërkesë e Thaçit organeve më të larta të drejtësisë duhet të vlenë për të gjitha nivelet pa përjashtim duke filluar nga kreu shtetëror .Të largohen nga postet shoqërore njerëzit më biografi kriminale dhe më biografi të dyshimt edhe në planin kombëtare. Të spastrohen të gjitha sistemet nga njerëzit të cilët nuk po e kryejnë punën mirë. Organët e drejtësisë si hallka kyqe e shtetit , do të duhej të reformohen në tërsi, së janë duke u ndikuar nga politika ditore.Të gjitha këto të meta të mëdha të sistemit dhe politikëbërjës mund të eliminohen duke iu lëshuar rrugë forcave të reja kreative politike …

Faqja 140 prej 190« Fillimi ‹ Prapa 136 137 138 139140141 142 143 144 Para ›Fundi »

Përgatiti: Zijadin Gashi

Presidenti i Kosovës, Hashim Thaçi ka njoftuar ditë më parë se të martën do të drekojë në Prizren me kryeministrin e Shqipërisë, Edi Rama.

Të enjten në Prishtinë do të promovohet libri “Kosova dhe Enver Hoxha” – përmes dokumenteve arkivore të pabotuara deri më sot, i autorit Esat Myftari.

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL