Emisari serb këto komente i ka bërë në konferencën e jashtëzakonshme për media, ku ka akuzuar kryeministrin kosovar se ka gabuar kur nuk i ka përfshirë punëtorët serbë në ligjin për Trepçën

“Mendoj se ai është mashtruar, sepse mijëra punëtorë të Trepçës nuk do të pushojnë së ekzistuari, e as mbështetja jonë për ta”, pohoi Gjuriq.

“Lufta jonë është që të jetojmë dhe ta mbrojmë atë që është e jona. Trepça do të jetë aty, por  ai (Isa Mustafa) është i vetmi që nuk do të jetë në të e as që do të mund të vijë ta vizitojë, apo ta marrë atë. Populli do të dijë si ta mbrojë pasurinë e vet”.

   Njeriu është qenia më e përkryer, që  di  të mendojë , të veprojë, të rezonojë në kohë dhe hapësirë , është qenie kreative …Të arriturat e njerëzimitt sot janë shumë të mëdha .Shpesh njeriu  vepron në mënyrë shumë destruktive dhe sadiste. Ecajaket e njeriut nëpër etapa dhe kohë  kanë qenë transformuese.Duke përjetuar transformim pozitiv , njeriu ka arritur të bëjë  zbulime epokale shkencore dhe shumë zbulime duke u bazuar në shkallën e intelektit dhe të punës së tij.Transformimi i njeriut ka bërë që të eliminohen edhe shumë metoda sadiste të dënimit karshi atyre të cilët kanë bërë ndonjë delikt apo vepër tjetër të rëndë.Ende në shumë shtete jo shumë të zhvilluara të botës ekzitojnë dënime drakonike për gabimet edhe më të vogla.Në kohët e hershme kur civilizimi ka shënuar shkallë të ulët, kemi pasur dënime  shumë të rënda  karshi njeriu të thjesht, I cili po thuaj  ka qenë i privuar nga liritë elementare , duke iu nënshtruar ushtrimit sistematik të dhunës deri në vdekje . Duke kaluar koha, kan ndryshuar edhe sistemet të cilat njeriut i kan sjellur më pak tortura , më pak  dhëmbje fizike, dhe  më pak dhëmbje  shpirtërore. Demokracia dhe sistemi kapitalist kan shënuar fundin e epokës së sundimtarëve të tipit klasik të sundimit  mbi masën. Në demokraci ekzistojnë ligjet të cilave i nënshtrohet secili pa dallim .Ne këtë sistem ekzistojnë dënime të formave më të buta të shprehemi ashtu duke filluar nga deliktet e vogla  deri të veprat penale. Natyrisht së edhe në demokraci ekzistojnë dënime  të rënda  për veprat  e ndryshme  kriminale  ,por gjithmonë këto dënime pasojnë karshi vërtetimit të veprës së kryer  , e jo të dënohet dikush në bazë të supozimeve .Kjo është një temë që u takon më shumë  juristëve . Unë  e përmenda pak  kronologjinë e avansimit të  sisitemeve dhe karshi kësaj  edhe avansimit të  drejtave dhe lirive themelore të njeriut. Shpesh preceset edhe pse jemi në shekullion 21 po kanë   tendenca të kthimit  mbrapa. I fundit që e kemi  lënë mbrapa është sistemi komunist  ,  i cili  ka qenë sistem ku i  janë mohuar njeriut  liritë dhe të drejtat elementare.

  Për çudi shqiptarët në trojet etnike kurrsesi të lirohen në tërsi nga  logjika e këtij   sistemi të urryer , i cili veq vuajtje na  solli më dekada të tëra. Sikur nuk  mësuam nga pësimet  e epokës së  komunizmit . Ende kemi tendenca që fshehurazi apo edhe  haptazi të kthimit të sistemit të eger komunist më gjithë ikonografinë e tij. Të gjitha shtetet e ish bllokut  komunist në Evropë , po qendrojnë shumë më  mirë   karshi  kohës moderne . Sistemi kapitalist nuk don të thotë që kush të qohet i pari në mengjes të grabisë më shumë së tjetri  të mirat e shtetit . Unë kur flasë për tendencat e kthimit në  sistemin komunist  e kam fjalën  për një kategori njerëzish , që fatkeqësisht  nuk janë  të pakët .Pushteti aktual në Prishtinë dhe pushteti aktual në Tiranë janë më shumë  pushtete autokratike  . Edi Rama haptazi është vu në shërbim  të kësaj kauze politike , e cila do të ishte një tjetër  theqafje e madhe kombëtare. E ka shëndrruar Shipërinë në një vend ku po mbillet haptazi  kanibisi, ku po kontragandohen drogat e ndryshme në menyrë institucionale . Krimi i organizuar dhe kronikat e zeza  e kan mbuluar vendin e shqiponjave dhe Kosovën  .Zor së ka pasur ndonjë herë Shqipëria një regjim të tillë kaq delirant  dhe  dehumanzues . Nuk thëm së Shqipërinë nuk e kan përcjellur gabimet nga e kaluara, por ato nuk kan qenë kurrë në këtë përmasë. Rama në planin e jashtem e ka qitë dyzenin mirë me serbin , Vuqiq ,më qëllim  që Serbia të faktorizohet  në rajon . Janë farsa të gjithë ato së Rama është duke iu kundërvu politikës shoviniste të Beogradit . Analisti , Millovan Drecun e tha një të vërtetë të madhe , kur tha së ’Me largimin e Berishës nga pushteti  është  larguar rreziku për Shqipëri të Madhe”. Ish kryeministri , Sali Berisha ua bëri të çartë Evropës së shqiptarët synim e kan bashkimin kombëtar. Berisha këtë e tha seriozisht në Vlorë, Tiranë , Shkup dhe në Bruksel më rastin 110 vjetorit të shtetit shqiptarë .Më Edi Ramën dhe Hashim Thaçin në krye të dy shteteve shqiptare larg është dita e bashkimit kombëtar. PDK-ja bashkë më strukurën e lartë të LDK-së  po e ,keqëpërdorin pushtetin  më të madhe ,duke e prurë në pikëpyetje  edhe shtetësinë e Kosovës. Avanturat politike të Thaçit dhe të Mustafës më Demarkacionin dhe Asociacionin e komunave më shumicë  serbe,janë bërë  të rrezikshme për të ardhmën  e Kosovës.  Daullet hileqare  të këtyre kastave politike në pushtetet e Prishtinës dhe Tiranës , po bien zëshem për të gjithë ata që kanë sy për të shikuar, dhe  për të gjithë ata të cilët kan vesh për të dëgjuar …  

Ka filluar sot në Zveçan një takim urgjent i përfaqësuesve të katër komunave veriore, me të vetmen pikë të rendit të ditës “situata e përgjithshme politike dhe e sigurisë në veri”, ndërsa, shkas i këtij takimi është projektligji për Trepçën që do të diskutohet sot në Kuvendin e Kosovës.

Takimi po mbahet pa prezencën e medieve, ndërsa, pritet të kundërshtohen vendimet e Kuvendit dhe Qeverisë së Kosovës rreth projektligjii për Trepçën.

Asamblistët shqiptarë të Kuvendit Komunal të veriut të Mitrovicës nuk janë duke marrë pjesë në këtë takim.

Florent Azemi, ka bërë të ditur për kp se anëtarët e Kuvendit Komunal të veriut të Mitrovicës nga PDK-ja, kanë refuzuar kërkesën e këtij Kuvendi për pjesëmarrjen në këtë takim.

Sipas tij, një takim i tillë është joligjor i panevojshëm, dhe një provokim ndaj shtetit të Kosovës dhe vetë përfaqësuesve shqiptarë të veriut.

‘Nuk marrim pjesë në një takim ku pritet të kundërshtohen vendimet e Kuvendit dhe të Qeverise së Republikës së Kosovës. Ne konsiderojmë këtë takim si jo ligjor dhe të panevojshem. Njëkohësisht edhe si një provokim politik dhe juridik ndaj Republikës dhe neve si përfaqësues të shqiptarëve të veriut”, ka thënë Azemi.

Gjykata e Apelit i ka dhënë një shans Adem Grabovcit dhe mbrojtjes së tij që të sjellë fakte të reja mbi pretendimet se ish-shefit të GP të PDK-së i është shkelur privatësia dhe të drejtat kushtetuese në rastin e publikimit të skandalit të përgjimeve “Dosja e Shefave”, nga portali “Insajderi”.

Rrjedhimisht, Apeli ka rrëzuar vendimin e Gjykatës Themelore të Prishtinës, e cila në këtë rast kishte hedhur poshtë kërkesën e deputetit të PDK-së që të ndalohet publikimi i përgjimeve të tij në media.

Atë që nuk kanë arritur ta bëjnë avokatët e Adem Grabovcit, e ka bërë Gjykata e Apelit. Kjo gjykatë e ka prishur aktvendimin e Gjykatës Themelore që hedh poshtë kërkesën e Grabovcit për ndalim të publikimit të përgjimeve. Ka urdhëruar shkallën e parë që të kërkojë nga paditësi që të sjellë prova të reja lidhur me pretendimet, se i është shkelur privatësia dhe të drejtat kushtetuese.

Gjykata e Apelit ka marrë rolin e avokatit të Adem Grabovcit. I ka dhënë udhëzime të qarta avokatit të Grabovcit, se çfarë veprimesh dhe provash duhet të prezantojë kundër “Insajderit” në rastin e publikimit të përgjimeve, shkruan “Insajderi”.

Një kolegj gjyqtarësh të Gjykatës së Apelit, i përbërë nga Fejzullah Rexhepi – kryetar dhe Ramë Hyseni e Qerim Ademaj – anëtarë, e ka prishur aktvendimin e Gjykatës Themelore të Prishtinës dhe e ka kthyer lëndën në rigjykim.

Pos kësaj, i ka dhënë udhëzime shkallës së parë që të kërkojë prova shtesë nga mbrojtja e Adem Grabovcit, lidhur me pretendimet se me publikimin e përgjimeve telefonike, paditësit i është shkelur privatësia dhe të drejtat kushtetuese.

Aktvendimi është marrë më 16 shtator. Kësisoj, Gjykata e Themelore e Prishtinës duhet të vendosë edhe një herë rreth padisë së Grabovcit kundër “Insajderit” dhe kërkesës për masë sigurie – ndalimin e publikimit të përgjimeve.

“APROVOHET si e themeltë ankesa e të autorizuarit të paditurit Adem Grabovci nga Prishtina, ANULOHET aktvendimi i Gjykatës Themelore në Prishtinë, Departamenti i Përgjithshëm, C.nr.1730/16 i datës 12.08.2016 dhe çështja i kthehet të njëjtës gjykatë në rigjykim”, thuhet në diapozitivin e aktvendimit të Gjykatës së Apelit.

“Gjykata e Apelit pasi ka shqyrtuar shkresat e lëndës, padinë dhe propozimin për masë të sigurisë të ushtruar nga paditësi-propozuesi ka ardhur në përfundim se gjykata e shkallës së parë paraprakisht është dashur që padinë dhe propozimin për caktimin e masës së sigurisë t’ia kthej në plotësim dhe përmirësim paditësit konform dispozitave të nenit 99 dhe 102 të LPK-së, pasi në mënyrën siç është formuluar kërkesëpadia, si dhe propozimi për caktimin e masës së sigurisë të njëjtat nuk i plotësojnë kushtet që gjykata të veproj sipas të njëjtave, për shkak se nuk janë të qartësuara kërkesa sipas padisë dhe propozimit për masë të sigurisë”, thuhet më tej në arsyetim të Aktvendimit të Gjykatës së Apelit.

Voal- Voal.ch përcjell një mesazh të Frank Shkrelit rreth ftesës të Dom Lush Gjergjit nga Biblioteka e Kongresit Amerikan.

Frank Shkreli shkruan si më poshtë:

“Dom Lush Gjergji është i njohur nga të gjithë, anë e mbanë trojeve tona në Ballkan si edhe në diasporë – jo vetëm si biografi kryesor i Nënë Terezes por edhe si udhëheqës i dalluar në fushën fetare dhe kombëtare.

I përndershmi Dom Lush Gjergji është ftuar nga Biblioteka e Kongresit Amerikan që të flasë për jetën dhe veprimtarinë e Nënë Terezës pas ditën e 14 tetorit, në atë institucion prestigjoz të dijes e të kulturës, të njohur jo vetëm anë e mbanë Amerikës por edhe anë e mbanë botës — mjaft i pasur edhe me libra dhe informacion për Shqipërinë, Kosovën dhe mbarë trojet shqiptare, informacion shumica e të cilit nuk gjëndet askund tjetër.

Konsiderohet që Biblioteka e Kongresit Amerikan dhe Biblioteka e Vatikanit të jenë dy institucione botërore më të pasurat me informacion mbi kulturën gjuhën dhe historinë shekullore të kombit shqiptar.

Faleminderit Merita, që e ndave me ne këtë informacion.

Përshëndetje të gjithëve,
Frank
Subject: Library of Congress Event on Mother Teresa , Holy Mass and Luncheon with Don Lush Gjergji of Kosova

Dear Friends,

As you may or may not know Don Lush Gjergji, a national icon among Albanians and well respected in other countries, is going to visit Washington DC and lecture at the Library of Congress on October 14, 2016 at 2pm (please see flyer attached). The lecture will be on the beloved Daughter of Albania, Don Lushi’s friend, and the newly canonized Saint of the World, St. Mother Teresa of Calcutta. He will also celebrate the Holy Sacrifice of the Mass in thanksgiving for Mother Teresa’s canonization the following day on October 15, 2016 at 11am at St. John the Beloved Catholic Church located at 6420 Linway Terrace, Mclean VA, 22101.

The Mass will be celebrated in the Albanian Language for the Albanian Saint, the first ever for this area and we encourage all to attend this historic Mass.

A luncheon will be served after the Mass celebration at St. John’s Parish Hall. RSVP is needed for the luncheon, due to limited capacity and accommodations. Please see the link for the Luncheon RSVP below

Father Lush Gjergji is a Roman Catholic priest in Kosova, where he was born. He was ordained in 1973, and his 1975 doctorate in psychology is from the Sapienza University of Rome. He has authored over 60 works on psychology and religion, as well as 16 books dedicated to the life, works and spirituality of Saint Teresa of Calcutta. He will discuss her life and works, as well as her Albanian origins. Don Lushi writes in Albanian, Italian and Croatian, and his works have been translated into English and several other languages.

The details of the lecture at Library of Congress:

“Mother Teresa and her Ascent to Sainthood”

European Reading Room,
Jefferson Building, Room LJ-250
Friday, October 14, 2016
2:00pm – 3:00pm

The link to Luncheon (after the Holy Mass). Please RSVP to this so we have a head count for the Luncheon

https://www.eventbrite.com/e/mass-and-luncheon-with-fr-lush-gjergji-celebrating-canonization-of-mother-teresa-tickets-28010987618?aff=ehomecard
Sincerely
Merita McCormack

Temat e politikës nuk janë të lehta, por në Kosovë  janë bërë tëpër të vështira. Kolumnistet dhe analistët politike , që unë mendoj së janë edhe  njerëz  të politikës , e kan zor të bëhën të saktë në elaborimet politike. Debatimet  politike ,  janë tepër të vështira sepse  në jetën politike  janë etabluar njerëzit pa  njohuri  elementare . Këta njerëz të skenës  aktuale të politikës në Kosovë, i kan koklavitur  shumë  punët  në të gjitha planët e jetës. Jo që është humbur fija por ka humbur edhe lëmshi siq thuhet në gjuhën e popullit.  Është turp së çfarë  kategorie e njerëzeve  të pa ditur po e kalerojnë Kosovën .Nese është honger pitja , tepsija është në mejdan thotë një fjalë e popullit. Këta pas secilës palë të zgjedhjeve manipuluan më  masën e gjerë  , manipuluan më votuesit  pa turpësisht duke i mashtruar ata së do ti realizojnë kërkesat e tyre reale. Në vend të realizimit të  kërkesave të qytetarëve, ata i plotësuan më të madhe  kërkesat e veta .Shtohet pyetja logjike për ke të votohet në zgjedhjet e ardhshme nacionale dhe lokale ? Votuesit vërtetë janë në dert të madh, së për cilët njerëz  të përcaktohen, kur skena jonë ka mbetuar gadi më figura të njejta shumë të dobëta  politike. Lexues të ndëruar kërkoj falje nga ju, së  po më vjen shumë zor, jo ti përmend por edhe ti imagjinoj  këta njerëz në krye të politikës tonë .Intelektualët e mirëfilltë tash për tash e kan preferuar si duket heshtjën e madhe , në vend të inkuadrimit në rrjedhat shoqërore dhe në rrjedhat politike të Kosovës. Kemi  ekonomi të shkallmuar, kemi  vetëm dy kategori shoqërore,  ata që janë pasuruar në mënyrë  marramendëse , dhe kategorinë shumicë e cila po jetojnë  . Partitë kryesore politike janë duke u rrezikuar seriozisht nga mbrenda , kan mbetur të  pa profilizuara edhe pa kuadro të mirëfillta .Korrupcioni është duke na grryer  nga mbrenda, resurset pa mëshirshem po hargjohen për interesa private, institucionet e shtetit  nuk janë të lira, mafija është bërë pjesë e pushtetit. Ekzisiton edhe pushteti dytë  paralel i mafiozve  të cilët po e kontrollojë pushtetin e vijës së parë politike …Ndryshimet  gjoja të zgjedhjeve të kaluara locale , jo që nuk sollën ndryshime  për të mirë , por  shënuan ngecje  në të gjitha sferat e jetës dhe të punës . Edhën struktura  jo kredibile dhe krejt të pa afta . Së si është gjendja nëper  komuna e dobët , ashtu është edhe pushteti qendror katastrofal. Mu për ata edhe zgjedhjet e radhës nacionale dhe ato lokale të cilat pritet të mbahen në vitin 2017 janë shans i madh që të ndodhin vërtetë ndryshime përmbajtësore , të cilat kishin më sjellë  formë tjetër shumë më të mirë të qeverisjës më komuna dhe më Kosovën. Pa një stad zhvillimor efikas ,  Kosova nuk ka gjasa të mbijeton si shtet.Kur mbetet vëtem opcioni për shtetndertim dhe mirëqenje , edhe mund të llogarisim në avansimin e proceseve demokratike dhe në avansimin e të gjitha proceseve tjera  zhvilimore .  Kriza e përgjithshme sigurisht së nuk përfundon kurrë më këtë estabilishment të dobët  politikw . Do të duhej të elminohet ndijësia politike që të votohen njerëzit tepër të konsumuar dhe materjalista .Eliminimi i logjikës të mos votimit të këtij lidershipi, do të ishte logjikë e progresit.  Nuk ishte dashur të pranohen zgjedhjet vetëm më një zonë zgjedhore , e cila do të mundësonte manipulimet më vota tw serishme  mbrenda subjektit të njejtë politike.Prap njerëzit e fuqishem në krye tw subjekteve politike do të bënin të thëm ashtu si  të donin, duke pozicionuar njerëz më vota të vjedhura . Pa reformë të procesit zgjedhor , edhe zgjedhjet pak  do të kishin vlerë. Përsonifikimi i presecit zgjedhor do të ishte në të mirën e njerëzve të caktuar , jo në të mirën e përgjthshme .Kosovës i duhen kualitete të reja të ekspertëve  të cilët do të sjellnin freski në jetën politike- institucionale .Dinamika e shoqërisë na kushtëzon institucione kredibile të cilët edhe vendimet që i sjellin do të ishin për të mirën e përgjithshme  .Pushteti aktual po dëshiron më çdo kusht  të mbes  në skenën politike në mënyrë jo ligjore .Mjaftë më kasta të pa përgjegjshme politike , të cilët vetëm dëm pas dëmeve janë duke na sjellur. Mjaftë u ushqyem më iluzione së më këta njerëz në krye të shtetit do të bëhët mirë…     

 “Po të mos kishte dëgjuar këngën tënde “O prite Azem Galicën”, o Arif Vladi, djali im sot do të ishte gjallë!”…

Presidenti Hashim Thaçi erdhi për herë të parë si president i Kosovës në Tiranë me një tufë titujsh e dekoratash, të shpërndara me ngut ndër disa shkrimtarë e artistë, njerëz të kulturës e të artit kombëtar në Shqipërinë administrative, që paskan kontribuar për shtetin më të ri në Evropë.

Këto sajdi e “qoka”, ndonëse me vonesë, tentonin të justifikonin kryeshtetarin e zënë me punë të mëdha, që, më në fund, u kujtua se në Tiranë si President, pasi ka ardhur si “ilegal” me banim tek hotel “Dajti”, si komandat i UÇK-së dhe kryeministër i Kosovës, nuk mund të vinte më me duar në xhepa.

Nuk dua të paragjykoj përzgjedhjen e Presidentit të Kosovës për personat që iu dha titujt, “gradat” e ofiqet. Kjo ka të bëjë me njohjen e tij dhe të këshilltarëve, por një gjë dihet e sigurtë, se “rrethi” duhej ose më i gjërë ose më i ngushtë dhe në të dy rastet, një person që duhet të ishte i pranishëm në krye të emrave, është “harruar” me ngut.

Ky është këngëtari brilant, një nga zërat më unikë të këngës mbarëshqiptare, me të cilën janë rritur breza dhe janë pagëzuar epoka të shqiptarisë, Arif Vladi. Mungesa e emrit të tij në listën prej pesëmbëdhjetë vetash, të atyre që u sajdisën nga Presidenti Thaçi, nuk është një rastësi. As Thaçi dhe as ata që e rrethojnë, në një rast të tillë nuk mund të bëjnë gjestin e Pons Pilatit dhe aq më pak të Zhvjekut.

Ishte fillimi i viteve 1980, kur këngëtari Arif Vladi, duke promovuar skenave e shesheve të Shqipërisë këngën epokale “O prite Azem Galicën”, po ndizte një zjarr të pashuar në zemrat e qindra mijëra shqiptarëve të Kosovës, që do të ishin pjesë e gjeneratës së qëndresës titanike kundër mizorisë pansllaviste.  Kjo këngë do të ishte hit krenie e rezistence për liri gjatë demonstratave të vitit 1981 në Kosovë, që shkundën ngrehinën e zymtë të krim ndëshkimit serb dhe projektuan kulmin qëndrestar, që do të vinte si një uragan shprese mbarëshqiptare në fund të viteve ’90.

Nuk di se ku ndodhej Hashim Thaçi në vitin 1981, por nëse mosha e njomë nuk e lejonte të ishte në ato sheshe shqiptarie, me siguri ka dëgjuar nga familjarët dhe të afërmit e tij për magjinë e asaj kënge, që do të ndizte në gjirin e protestuesve tingujt e shpresës së madhe, Iliadën e pashuar të atdhedashurisë.

Nuk harrohen këngët hite të këngëtarit tribun, ato këngë që Vladi i këndoi me pathos e krenari në sheshet e Tiranës, Shkupit e Prishtinës, në Dibër, Gjirokastër, Gjakovë, Tetovë, Vlorë, në çdo cep të Shqiptarisë. Kwngw si “Jam Kosova e shqiptarisw” etj u bwnw zjarre tw ndezura nw oxhakun e shpresws mbarwshqiptare, projeksione ardhmwrie, qw sillnin me vete zemwrim e qwndresw, atdhedashuri e shpirt sakrifice, akte deri nw sublime, qw kwrkonin njw realitet tw ri pwr Kosovwn shqiptare.

Këto këngë ishin prologu i lirisë dhe epilogu i dhimbjes së atyre që binin me emrin e Kosovës në gojë, duke lënë si amanet pastërtinë e lirisë së nesërme.

Në një kafene mërgimtarësh shqiptarë, ku ndodhej dhe autori i këtyre radhëve, para disa viteve, një plak rreth të tetëdhjetave nga Drenica, iu drejtua Arif Vladit: “Po të mos kishte dëgjuar këngën tënde “O prite Azem Galicën, djali im sot do të ishte gjallë!”.

Arif Vladin gjithmonë e kanë quajtur këngëtar të Kosovës, pasi zëri i tij, shpirti i tij, përkushtimi si qytetar i përgjegjshëm dhe artist dinjitoz, lidhen me këtë trevë të shqiptarisë, e cila ka qenë hisja e mohuar e tokës dhe qiellit, gjersa falë luftës së UÇK-së dhe faktorit euro-amerikan, në prag të mijëvjeçarit të tretë, në trojet e saj do të niste një erë e re ndryshimi madhor dhe shprese epokale.

Kur këngëtari shkon në Gjirokastër, Vlorë, Berat e gjetkë ndër viset shqiptare, brenda e jashtë kufijve të diktuar nga kohët e këqija të shqiptarisë, njerëzit i drejtohen njëri-tjetrit: “Erdhi këngëtari nga Kosova”, ndërsa atij i drejtohen me zemra të hapura: “MIrë se erdhe, o këngëtari i Kosovës, o këngëtari i lirisë!”…

Të gjitha këto nuk mund të mos i dinte, qoftë dhe shkarazi, Presidenti Thaçi, i cili nuk e pa “të arsyeshme”, që në listën me pesëmbëdhjetë emra të vlerësuar prej tij në Tiranë, të ishte ai i Arif Vladit. Kjo, sigurisht, nuk e zhbën kontributin madhor të këngëtarit, talentin dhe përkushtimin e tij të vënë në shërbim të njërës nga kauzat më madhore të shqiptarëve në shekullin XX.

Këngëtari që është dënuar nga Beogradi në mungesë me dhjetë vjet pa të drejtë hyrje në Serbi, për gjoja “nxitje të terrorizmit shqiptar në Kosovë”, “refuzohet” në Tiranë nga presidenti i porsazgjedhur i Kosovës.

Por  e ndodhura është ajo që është dhe historia nuk mund të shkruhet sipas qejfit të njërit apo tjetrit, qofshin këto dhe kryeministra a presidentë repeublike: do apo nuk do Thaçi dhe këshilltarët e tij, këngët hite të Arif Vladit janë dhe do të mbetën në jetë të jetëve kolona zanore të luftës së Kosovës, magjija që na e solli aq afër lirinë në kohën e mizorisë, kur ato troje dardane kishin aq shumë nevojë për një ëndërr dhe një shpresë!…

PRISHTINE- Kryetari i Lëvizjes “Vetëvendosjes”, Visar Ymeri, ka reaguar ndaj arrestimit të drejtorit rajonal të Policisë së Kosovës, Nehat Thaçit, nga autoritet serbe, pasi u akuza lidhur me një fletarresti për terrorizëm.

Duke folur për mediat kosovare, ai thotë se me arrestimin e Drejtorit të policisë për rajonin e Mitrovicës, Nehat Thaçit, Qeveria e Kosovës është nënshtruar dhe dorëzuar përballë Serbisë.

“Serbia përveçse nuk po kushtëzohet për atë që bëri në luftë, ajo po na dëmton edhe në paqe, teksa qeveritarët tanë heshtin dhe besojnë në mëshirën e Serbisë”, ka thënë ai.

Sipas tij, Serbia po vazhdon të mos e njohë pavarësinë, sovranitetin e integritetin territorial të Republikës së Kosovës, “kurse qeveritarët tanë flasin për marrëdhënie të mira me këtë shtet”.

“Vetëm kushtëzimi i Serbisë e bën atë të ndryshojë, e këtë duhet ta bējmë sa më parë, duke filluar me marrëdhëniet ekonomike e tregtare, ku edhe dëmtohemi më së shumti aktualisht nga ky shtet. Çdo veprim ndryshe çon në arrestime të reja dhe veprime të tjera si këto nga pala serbe”, ka thënë Ymeri.

Me këtë strukturë pushtetare Kosova do të plaçkitet deri në themel.Po e plaçkitin grupe profiterësh të cilët i ka ba bashkë interesi , e jo partitë politike të cilat i takojnë. Po të ruhej koherenca partiake PDK-e dhe LDK-e , si dy subjekte më koncepte diametralisht të ndryshme politike nuk do të kishin lidhur kurrë koalicion. PDK-ja dhe pse e proklamuar si parti djathtiste në fakt i takon krahut të majtë politik. LDK-ja moti është proklamuar dhe ka qenë subject i krahut të djathtë politik , por nga vdekja e Rugovës edhe kjo parti nuk e din as vet së cilit taborr politik i takon. Në fakt partitë politike në Kosovë ende kan mbetur të pa profilizuara mirë.Kolacionin e bën grupet e fuqishme mbrenda partiake pa e pyetur shumë elektoratin .

PDK-së kështu iu zgjidh laku nga fyti pas periudhës gjashtë mujore të koalicionit VLAN, e cila kishte mbetur duke kërkuar partner qeverises . E gjetën LDK-në e cila përfundimisht u bë patericë e PDK-së pas gjithë atyre deklaratave së nuk do të hyn kurrë në kolacion më PDK-ne .Qysh u bë mbrapsht ky koalicion i madh, ashtu edhe mbrapsht shkuan punët që dy vite. Shkuan këto dy vite të mandatit qeverisës të Isa Mustafës pa realizuar gadi asgjë madhore për çka është edhe e thirrur çdo qeveri e një shteti. Krerëve të PDK-së u ra mish në biber siq thonë për ti vazhduar avazët e vjetra të keqpërdorimeve të mëdha dhe ruajtjës së pasurisë së pa ligjshme .Por edhe kreut të LDK-së ky koalicion i leverdisi për ti mbajtur postet e larta partiake dhe pushtetare, për të njejat qëllime të keqpërorimeve të posteve të larta shtetërore .

Gjatë këtyre vitëve pamë vëtem përplasje të ndërsjella politike Pozitë dhe Opozitë . Pamë krizë pas krize si ekonomike ashtu edhe kriza politike, deri të kriza institucionale e cila kursesi të përfundon. Dhe, as që do të përfundon më këtë klasë politike në pushtet, e cila më kriza edhe po ushqehet . Edhe Opozita bukur shumë po ia bën argati kësaj pune, së kurrë nuk ishin unik sa duhet në qendrimet politike dhe ne veprimet konkrete të tyre. Opozita shpesh ishte e përqarë në momentet ndoshta kur vëtem edhe pak është nevoitur që qeveria binomiale Thaçi –Mustafa të bien nga pushteti, Duke mbetur në pushtet ata që janë në listë të kësaj Gjykate , mendojnë që ti shpëtojnë disi duke prodhuar kriza permanente. Së a do tu lëverdisin manovrimet e tilla të dëmshme politike , mbetet të shihet deri në fillim të vitit të ardhshem, kur do të fillon edhe punën Gjykata në fjalë .Dëmet e këtye përplasjeve politike direkt po i paguajnë qytetarët. Më ata që janë mësuar të punojnë keq që 17 vite , e disa edhe më heret nuk do të këtë ky shtet kurrë bereqet. Këta janë do harama të popullit të cilët edhe më haram janë duke mbijetuar në skenën tonë politike.

Gjithçka kan qitur në ankand public bashkë më shtetin e ri të Kosovës. Këto dy grupe të caktuara politike të PDK-së dhe LDK-së bashkë më do servilë aty rreth e rrotull kan bërë privatizime sipas dëshirës së tyre. Po punësojnë njerëz sipas përkatësive partiake , por më parë po i punësojnë ilakat e tyre , militantët e ndryshem , duke i lënë anash krejt interesin e përgjitshem të shtetit. Këta i kan ndalë proceset zhvillimore dhe demokratike duke na kthyer mbrapa , apo shumë mbrapa si në kohën e fashizmit.Zatën edhe sjelljët e tyre janë hileqare dhe të tipit autokratik. Gadi 90 përqind të popullatës i kan bërë të varfër, më të varfërit në Evropë .Është e çartë tashmë së në Kosovë ndryshimet nuk mund të bëhën më këta matrapazë politikë , të cilët secilën ditë po e fundosin shtetin dhe të ardhmen e brezave që po vijnë . A ka gjë më tragjike për shqiptarët e Kosovës të cilët masovikisht po i braktisin vatrat e tyre shekullore. Vëtem mbrenda një harku kohor shumë të shkurtër vendin e kan lëshuar 130 mijë veta. Po të kishte ndodhur ky ekzod në Gjermani p.sh jam i bindur së do të kishte shkuar komplet qeveria në shtëpi .

Edhe po ti vihet flaka vendit në të katër anët , këta nuk do të largohen nga pozitat e uzurpuara. Nese në secilin vend demokratik tjetër në botë shtypi dhe shkrimet ndrrojnë pushtete , këta analfabetet potencialë politikë , as dert së kan së kush çka shkruan në mënyrë të argumentuar . Nese qytetarët po mendojnë së vetëvetiu do të vijnë ndryshimet pozitive , gabohën rëndë. Këta i kan lëshuar rrënjet thellë në të gjitha sistemet, dhe nese këto rrënjë nuk hiqën , nuk do të kemi ndryshime përmbajtësore.

Kosova është robnuar në mbrendinë e kontruktit politik dhe ideologjik si një botë pa alternativë .Gjuha propagandistike e politikës dhe gjuha e manipulimit ka arritur në stadin më ta lartë politik.Propagandën shumë ua zhveshi ambasadorja gjermane në Prishtinë , Angelica Viets, e cila tha së “Kosova ka çështje më urgjente sesa ratifikimi i Demarkacionit më Malin e Zi dhe krijimin e Asociacionit të Komunave më Shumicë Serbe”. Secilën ditë opinioni i gjërë po ndëshet më retorika, ose siq thuhet më retorika të shtuara të kastës në pushtet , të cilat po iu shërbejnë për ta mbajtur pushtetin sa më gjatë .Krejt politika e tyre bazohet në retorikë si formën e propagandës dhe të manipulimit , për ti qitur nga loja argumentet e shumta të cilat flasin për nivelin e lartë të krimit dhe korrupcionit, dhe nivelin shumë të ulët të mirëqenjës, pa punësisë të përmasave enorme, të cilat i potencoi edhe ambasadorja gjermane , Viets, etj . Këta e kan mbushur aq shumë kupën , e cila veq që nuk ka eksploduar …

 Kryetari i Kuvendit Kadri Veseli duke folur në konferencën e sotme për media ka rrëshqitur duke përdorur edhe fjalë në gjuhën serbe.

Teksa fliste për “garat se kush është më patriot e kush jo”, ai ka përdorur edhe fjalën “znaçka” apo distinktiv në shqip.

PRISHTINE- Në mbledhjen e Komisionit për Politikë të Jashtme, anëtarët e këtij komisioni kanë bërë të ditur se do të dalin me një deklaratë në lidhje me arrestimin e drejtorit rajonal të policisë në Mitrovicë, Nehat Thaçi.

Kryetari i këtij komisioni, Ilmi Reçica, ka thënë ata si komision e kundërshtojnë arrestimin e tij dhe se organet duhet ta shqyrtojnë në detaje këtë situatë.

Sipas Reçicës, arrestimi i Nehat Thaçit, është i papranueshëm dhe i dënueshëm, shkruajnë mediat kosovare.

Ndërsa, sipas anëtarit të këtij komisioni, shefit të grupit parlamentar të AAK-së, Pal Lekaj, ky komision do të duhet të dalë me një deklaratë, sepse ajo çka ka ndodhur me drejtorin rajonal të policisë në Mitrovicë, nuk i kontribuon normalizimit të raporteve ndërmjet Kosovës dhe Serbisë.

Ai ka bërë thirrje te organet përgjegjëse që kësaj çështje t’i shkojnë deri në fund, dhe nëse është nevoja që të ndërpriten bisedimet në shenjë proteste për veprimin e shtetit serb.

Në anën tjetër, shefi i Grupit parlamentar të LDK-së, Ismet Beqiri, ka thënë se ky rast është i papranueshëm dhe kjo tregon mentalitetin e vjetër të Serbisë.

Gjatë mbledhjes së këtij komisioni, është formuar edhe një Komision për mbikëqyrjen e zbatimi të Ligjit për Protokollin e Shtetit.

Një aeroplan është detyruar që të aterojë në pistën e Aeroportit Ndërkombëtar të Prishtinës “Adem Jashari”, vetëm pak minuta pasi është nisur nga aty.

Prokuroria Speciale e Republikës së Kosovës njofton se ka marrë aktvendim për fillimin e hetimeve lidhur me rastin e “Fondit të 3%-shit”, por asnjë hetim për “Vendlindjen thërret”.

Evropa në këtë fillim shekull është duke u përballur më krizën globale ekonomike ,  dhe më aktet e ndryshme terroriste .Qendra e këtyre  sulmeve të terroristëve u bë Franca e  disa shtete  tjera të Evropës .Pamjet e vrasjëve të njerëzve të pafajshem  e tronditën botën demokratike. Në anën tjetër  po  shpërfaqën diktatorë të vegjël dhe të mëdhenj të cilët  po e rrezikojnë   paqën botërore njejtw   si terroristët .Zjarrit të luftës është duke i fryerë diktatori rus, Vlladimir Putin. Avanturieri  Putin jo vëtem që pushtojë Krimen, por qytetin çeçen Grozni e rrafshoi më tokë, duke vrarë dhe masakruar njerëz të pafajshem. Putini  është duke shkuar rrugës së kriminelit të luftës Sllobodan Millosheviqit, e cili në aventurën pushtuese për Serbi të Madhe la të vdekur mijera viktima civilë më rastin e shpërberjës së dhunshme të ish-Jugosllavisë.Edhe Putini është duke tentuar ta kthej domonimin që kishte dikur mbi republikat  e ish Bashkimit Sovjetik e më gjerë. Në luftën kunder ISIS-it në Siri , Putin u lëshua në gjahun kunder  ‘shtrigave”, duke bombarduar caqet civile më çrast u vranë afër 10 mijë veta, në mesin e tyre  kishin gjetur vdekjën   edhe 1000 fëmijë.Regjimi barbarë i Putinit qytetin e Alepos  e  ka   shëndrruar në germadha . Shumë ekspertë ushtarakë amerikanë kishin adresuar kritika të rrepta kunder Putinit i cili luftën kunder organizatws terroriste  ISIS-it  dhe ndihmën ushtarake  karshi diktatorit Asad, e kishte shfrytëzuar për bombardimin e caqeve civile. Presidenti amerikan, Barak Obama shpesh ka marre kritika të rrepta për “lëshimet” karshi regjimit të Putinit, i cili duke shprehur  hegjemonin rusomadhe , kishte për qëllim që të faktorizohet si superfuqi botërore për ta qitur pikërisht  Amerikën në planin  e dytë.  Nese gjenocidin në Çeçeni ,Putin e kishte fshehur pjesërisht , tashmë nuk e ka një mundësi të tillë, së po thuaj të gjitha ngjarjet dhe luftërat në botë po gjirohen drejtëprdrejtë më mjetët më moderne të komunikimit ,  dhe po transometohen direkt në rrjete të ndryshme sociale.Duke bombarduar  caqet gjoja të ISIS-it , bombahedhësit rus kishin bombarduar pa mëshirshem edhe spitalët , duke krijuar pamje rreqethëse të vrasjëve dhe masakrimit  të shumë fëmijëve.Bota e civilizuar ishte dashur ta  ndalon këtë njeri të krisur  në synimet shfarosese pushtuese . Bisedimet dhe çfardo synimi I burrshtetasve botërore që të arrijnë paqën më diktatrorin ,  Vladimir Putin do të shkojnë huq. Diktatorët  e njohin vëtem gjuhën e forcës, siq u ndalë  më forcë diktatori i vogël , Slobodan  Millosheviqi . Putin do të mbetet krimineli i shekullit 21.Në kufi më Turqinë avionet ushtarak  rus  kishin bombarduar edhe  kamionet e ndihmave humanitare  të OKB-së, si hakmarrje kunder rrezimit të  një aeroplani ushtarak  rus  I cili  kishte shkelur kufirin ajror  më Turqinë. Putin disa herë deri më sot bëri kërcnime karshi Kosovës,duke e krahasuar ate më Krimenë e aneksuar. Influenca politike e Rusisë në Ballkan po rritet gjithnjë e më shumë. Aleati natyror i Rusisë , Serbia i ka shtuar apetitet pushtuese karshi Kosovës , por edhe karshi Shqipërisë si synim I kahmotshem i daljës së përbashkët  në det.Serbia po luan lojën më dy karta , të kartës gjoja Perëndimore sa për tu inkuadruar në BE, kuse në anën tjeter gjithmonë po koketon më Rusinë në planet e përbashkëta luftënxitëse pushtuse në rajon .Para disa  ditësh për vizitë në Kremlin kishte shkuar ultranacionalisti, Millorad Dodik, për të gjetur përkrahje që “Republika Serpska” ta mbajë referendumin për shkëputje nga BH-ja. I yshtur sigurisht  nga takimi që kishte më Putinin, Dodik edhe e mbajti referendumin , edhe pse gjykata më e lartë e BH-së  para prakisht e kishte shpallur ate si të pa ligjshem.Pasojat e mbajtjës së këtij referendumi mbetet të shihen më vonë .Politika e përbashkët ruso-serbomadhe është duke vazhduar më tempo të pandalshme . Fill pas referendumit të serbëve në BH-në, Millosheviqi i vogël, Ivica Daqiq përseriti  tezën shoviniste për ndarje të Kosovës ,të cilën e kishte proklamuar ish presidenti serb, Boris Tadiq. Ai kishte kërkuar 15 përqindëshin e territorit të Kosovës,duke u bërë kjo përmes bidedimeve të ndërsjella midis Tiranën dhe Beogradit zyrtar.Faktori shqiptarë duhet të jetë unifikues , duke mos  ra pre e politikave mashtruse të Serbisë karshi interesave të shqiptarëve në Ballkan. Mos të shfrytëzohet pavarësia e Kosovës për shtimin e apatiteve  të qarqeve shoviniste serbe për krijimin e Serbisë së Madhe .Pushtetet në Tiranë dhe në Kosovë nuk janë duke iu kundervu politikave të tilla  hegjemoniste serbosllave dhe ruse.Përqarja e faktorit politik shqiptarë , marrja më vetveten po i shkon për shtati shumë synimve serbe për zgjerimin e territoreve si gjithmonë në kurriz të shqiptarëve. Koketimet kaq të shpeshta të Edi Ramës më serbin, Vuqiq nga shumë kush më të drejtë po konsiderohet si takime të dëmshme , dhe si tendencë e Ramës për kthimin e ndikimit politik   të Serbisë në rajon.Edi Rama duket së më shumë është ka e para pelqën Lindjën së sa Perëndimin, dhe kjo tezë është shumë e rrezikshme për të ardhmen e shqiptarëve . Takimet e shpeshta  të këtyre dy liderëve shtetëror , po duken si në kohën  e vëllazërim -bashkimit të Boro e Ramizit. Këto klasa politike në pushtetet e Shqipërisë dhe të Kosovës, duhet tu lëshojnë vendin njerëzve të rinjë kreativ dhe pa paragjykime idelogjike nga e kaluara e hidhur .  Me këto struktura politike në pushtete ka mundësi që seriozisht të rrezikohen   interesat e dy shteteve  shqiptare  në Ballkanin ende të trazuar…

PRISHTINE – Kryeministri i Kosovës, Isa Mustafa, duke folur për pamundësinë e pagesës së pensioneve për veteranët e luftës, tha se në këto lista ka emra të cilët gjatë luftës në Kosovë kanë qenë 6-7 vjeç.

Kryeministri theksoi se ata që janë veteranë të vërtetë do të marrin pensionet dhe se nuk kanë pse shqetësohen.

“Mirëpo, nuk kemi mjete t’u paguajmë, sepse këto lista nuk janë lista të vërteta; janë lista mbi baza politike. Ka informata se aty ka të tillë që kanë marrë statusin e veteranit e që në kohë e luftës ishin 6-7 vjeç”,- ka thënë Mustafa në një intervistë për televizionin publik.

Ambasadorja e Kosovës në Shtetet e Bashkuara të Amerikës, Vlora Çitaku pushton ballinën e revistës amerikane “Jeta në Uashington”.

Çitaku ka shkruar se është e nderuar se revista ka përzgjedhur ambasadoren e Kosovës për ballinën e saj.

“Jam e nderuar që këtë vit revista ‘Jeta në Uashington’ të përzgjedh ambasadoren e Kosovës për ballinën e saj”, ka shkruar ndër të tjerash Çitaku.

Ndryshe, Çitaku për disa vjet ishte edhe Ministre e Integrimeve Evropiane në Qeverinë e Kosovës. /ZERI/ 

Izraeli nuk do ta njohë paravarësinë e Kosovës: Kështu së paku ka thënë ambasadorja e sapozgjedhur e Izraelit në Serbi, Alona Fisher, e cila përsëriti qëndrimin e shtetit të saj rreth mosnjohjes së shpalljes së pavarësisë së Kosovës.

Kryetari i Leposaviqit, Dragan Jabllanoviq, ka deklaruar se ministrat serbë në Qeverinë e Isa Mustafës i komandon Marko Gjuriqi, drejtor i Zyrës për Kosovën në Qeverinë e Serbisë. Sipas tij, ata dëshirojnë që 70 për qind të vlerës së tenderëve ta ndajnë me njëri tjetrin

Policia serbe ka arrestuar drejtorin rajonal të Policisë së Kosovës të rajonit të Mitrovicës së Jugut, Nehat Thaqi, i ka konfirmuar lajmin Radios Evropa e Lirë, zëdhënësi i Policisë së Kosovës, Daut Hoxha.

Arrestimi, tha Policia e Kosovës, ka ndodhur pak pas mesnatës së 28 shtatorit në vendkalimin kufitar “Dheu i Bardhë” në magjistralen Gjilan-Bujanoc.

Zëdhënësi Hoxha tha se “Policia e Kosovës nuk ka asnjë sqarim nga autoritet serbe për arsyet e arrestimit të drejtorit rajonal të Policisë” dhe bëri me dije se “përmes autoriteteve kompetente të EULEX-it është kërkuar sqarim zyrtar për arsyet e arrestimit nga pala serbe”.

Sipas njoftimit të zëdhënësit Hoxha “drejtori rajonal Policisë, Nehat Thaqi, në momentin e arrestimit ishte jashtë detyrës së tij zyrtare dhe së bashku me një shokun e tij po udhëtonte për çështje private nëpër territorin e Serbisë për në shtetet perëndimore”. (REL)

Sipas këndvështrimit të Lëvizjes Vetëvendosje, krijimi i Asociacionit të Komunave Serbe do të sjellë luftë të re në Kosovë.

“Krijimi i Zajednicës sjellë tensione të reja. Një luftë e re shumë shpejt është e pashmangshme. Do të ketë gjakderdhje. Ashtu siç gjeneratat tona ishin fëmijë në vitet 90 e u bënë ushtarë të UÇK-së në luftë, fëmijët tanë do të jenë ushtarë nesër”,  kishte thënë deputeti Albin Kurti ditë më parë.

Ndërkaq, deklarata e Kurti ka ngjallur reagime të shumta në opinion.

Por, sipas Vetëvendosjes, Kurti ka thënë se “me shumë ka gjasa që të ketë luftë, sesa që të mos ketë luftë”.

Edhe anëtari i Lëvizjes Vetëvendosje, Ylli Hoxha ngjashëm si deputeti Albin Kurti ka thënë se do të ketë luftë në Ballkan.

Hoxha përmes një postimi në “Facebook” ka përmendur disa prej krizave që po ndodhin nëpër botë, me theks të veçantë, Evropën.

“Dhe deklarata e Albinit qe ne 5 vitet e ardhshme ka gjasa te këtë lufte te re ne Ballkan po ju duket e habitshme a? Kapni librat e lexoni pak aman, zaman”, ka shkruar ai. /ZERI/ 

PRISHTINE – Mediat në Kosovë shkruajë se këshilltari i ministrit të Shëndetësisë, Imet Rrahmani, është shkarkuar para dy javësh nga detyra, që ka mbajtur për gati dy vjet.

“Koha Ditore” nga tri burime të ndryshme ka mësuar se këshilltari Zejdush Tahiri është shkarkuar për shkak të dyshimit për sjellje të pahijshme dhe ngacmim seksual të familjares së një deputeteje të Kuvendit të Kosovës. Vetë deputetja e ka njoftuar ministrin për rastin dhe i ka kërkuar që ta shkarkojë Tahirin nga detyra.

“Koha Ditore” e ka të njohur identitetin e deputetes dhe të familjares që e ka ngacmuar Tahiri, por për shkak të ndjeshmërisë së çështjes ka vendosur që të mos i bëjë publike emrat. Në një bisedë për gazetën deputetja nuk e ka mohuar se një situatë e tillë ka ndodhur.

Voal – Të dhënat e fundit të departamentit për anti terrorizëm në Policinë e Kosovës tregojnë se numri i kosovarëve në Siri është 70 deri në 75 meshkuj,  38 femra dhe 27 fëmijë.

Drejtori i këtij departamenti, Fatos Makolli, ka thënë në “KTV” se ky numër mund të jetë i lëvizshëm vetëm tek fëmijët, ndonëse për shkak të kohës së gjatë të qëndrimit ka ndodhur edhe shtimi i familjes.

“Sipas të dhënave të tanishme janë 70 deri 75 meshkuj të cilët konsiderohen që kryejnë funksione të ndryshme ndërsa janë 38 femra dhe 27 fëmijë në zonën e konfliktit mirëpo shifra e fëmijëve mund të mos jetë e saktë pasi ata janë atje për një kohë të gjatë dhe në ndërkohë ka ndodhur shtimi. Nëse ju referohemi shifrave kuptojmë që një pjesë e madhe e grave dhe fëmijëve kanë shkuar pa dëshirën e tyre”, ka thënë Makolli.

Makolli ka theksuar se nga shtatori i vitit të kaluar nuk është identifikuar asnjë rast ku një qytetar i Kosovës ka arritur të futët në zonën e konfliktit.

“Nga shtatori i vitit të kaluar nuk është identifikuar asnjë rast kur një qytetar i Kosovës ka arritur të futet në zonën e konfliktit”, ka thënë ai.

Ndonëse ai ka bërë të ditur se në përgjithësi numri i atyre që nisen për luftë është shumë më i vogël.

I pyetur nëse Policia e Kosovës ka informatorë në zonën e konfliktit, ai nuk e ka mohuar një gjë të tillë duke thënë se nuk mund të flasë më shumë mbi këtë çështje.

“Nuk mund ta konfirmoj apo mohoj këtë”, përfundoi ai.

Mediat në Kosovë raportuan sot se deputetit i PS-së i Qarkut Lezhë, Eduart Ndocaj i njohur ndryshe si “Kaubojsi” është rrahur keq nga dy persona në fshatin Landovicë, afër qytetit të Prizrenit. Kështu shkruante ndër të tjera portali Blic, që pretendon se autorët e agresionit kanë qenë dy trafikantë.

“Ndocaj ka qenë në Pejë dhe duke u kthyer nga Peja, është ndalur në Landovicë të Prizrenit. Aty e kanë rrahur dy persona, që janë të njohur për Policinë si persona të dyshuar për trafikim me narkotikë”, – tha ky burim i Gazetës Blic brenda Policisë.

“Personat që kanë sulmuar deputetin shqiptar janë të njohur për Policinë”, – shkruan Gazeta Blic.
“A.V nga Kukësi, me banim në Prizren dhe I.B nga Prizreni”, – tha burimi. Portali thekson se bashkë me deputetin Ndocaj, në veturë ka qenë edhe këngëtarja e njohur E.A., një personazh i njohur nga Shqipëria. Nga policia ende nuk e kanë konfirmuar zyrtarisht rastin.

Nga ana tjetër deputeti Ndocaj tha për “Balkanweb” se ka qenë në Kosovë, saktësisht në Pejë më 25 shtator dhe ka ndenjur gjysmë dite pasi i është dhënë çmimi ‘Politikani i vitit” në një spektakël. Por ai mohon çdo informacion tjetër dhe se mund të ketë pasur përplasje.

“Kam qenë në Kosovë por nuk kam pasur asnjë përplasje fizike. Kam marrë çmimin “Politikani i vitit” në Pejë në një spektakël. Kam pirë kafe me një gazetar dhe asgjë më tepër. Nuk më ka dalë asnjë person përpara, është mashtrim. Kam qenë me këshilltarin tim dhe shoferin”, – tha Ndocaj për “BalkanWeb”.

I pyetur nëse ky lajm ka sjellë ndonjë shqetësim në familjen e tij, Ndocaj tha se nuk ka pasur asnjë lloj reagimi pasi ky është një mashtrim. “Nuk kam pasur asnjë shqetësim nga familja sepse është mashtrim. Është sulm politik”, – deklaroi Ndocaj për “BalkanWeb”.

Ministrja e Drejtësisë Dhurata Hoxha, priti në takim informues Udhëheqësen e Zyrës Administrative të Dhomave të Specializuara, Fidelma Donlon, e shoqëruar nga udhëheqësi për Mbrojtje Juridike, David Hein, njofton zyra e saj për informim.