VOAL

Kosovë

KMDLNJ i Prizrenit – raport për vdekjen e Astrit Deharit

Këshilli për Mbrojtjen e të Drejtave dhe Lirive të Njeriut, Dega në Prizren ka publikuar një raport për vdekjen e Astrit Deharit.

Në të është edhe rrëfimi i shokut të dhomës së të ndjerit.

Naser Makolli ka thënë se në gojën e Deharit është gjetur një shishe e plastikës.

Kjo është komunikata e plotë e KMDLNJ-së në Prizren.

”Qëllimi i vizitës ishte njoftimi shtesë lidhur me rastin e vdekjes së të paraburgosurit A.D. Fillimisht takimi u bë me u.d. drejtorit të Qendrës së Paraburgimit, z.Destan Zogaj, që ka ofruar transparencë të plotë duke vënë në dispozicion çdo informatë lidhur me rastin e të ndjerit A.D.”

Naser Makolli, ka qenë i intervistuar nga KMDLNJ-ja, pasi që në krahun A-3 ka qenë në të njëjtën qeli me të ndjerit.

‘Prej fillimit kam qenë në të njëjtën dhomë me Astritin. Me mua dhe ate kanë qenë edhe F.L.e A.G. Ka qenë shumë i sjellshëm dhe i shoqërueshëm. Asnjëherë s’kam vërejt ndonjë shqetësim. Ditën kritike (05.11.2016) paradite kemi dalë bashkë në sheti në ora 9.00. Pasdite kemi bërë pastrimin e zakonshëm, të gjithë ne, të të njëjtës qeli bashkarishtë. Ai, pas pastrimit ka hequr edhe mjekrën, dhe me sa mbaj mend gjatë qëndrimit të tij këtu, vetëm dy herë ka hequr mjekrën’, ka thënë fillimisht Makolli.

‘Në kohën e shëtisë së pasdites në ora 14.00 Astriti ka thënë se do të rrij në dhomë, ngase ka dhimbje koke dhe do të pushoj. Ka ndodhur ndonjëherë që edhe unë, por edhe ndonjëri sikurse edhe Astriti që të mos del në sheti, dhe kjo na ka bërë që të mos shfaqim ndonjë dyshim. Madje, edhe unë shpesh nuk dalë për arsye të ndryshme. Mirëpo, unë e as shokët e dhomës nuk kemi vërjetur diçka të dyshimtë. Pas përfundimit të pushimit, në ora 15.00 jemi kthyr dhe unë i pari kam qenë që e kam parë Astritin të shtrirë në dysheme në shpinë, prapa kam pasur shokët e dhomës dhe oficerin D.K. Kam parë që as nuk ka lëviz apo lëshuar ndonjë gjëmë. Ka pasur në gojë një shishe plastike (të mjaltit) që blihen në kantinë. Në moment ka reaguar oficeri dhe ka thirrur në ndihmë ekipin mjekësor të Qendrës së Paraburgimit, që shpejt ka ardhur dhe i kan dhënë ndihmën e parë. Sipas atyre që dhanë ndihmën ka pasur puls, shenja jete derisa ishte në dhomë. Më pas është bartur poshtë në ambulancë. Ndërsa, më pas në lajmet e para, në medie (nuk di saktë kur) kemi marrë njoftimin se ka ndërruar jetë’, ka thënë Naser Makolli.

Ai, ka pohuar se derisa ka qenë në dhomë me të (e me të ndjerin ka qenë që nga ardhja e tij këtu) asnjëherë, jo që ka pirë ndonjë tabletë, apo medikament, por as që është ankuar në ndonjë sëmundje. Ndërkohë, konstatimi i vdekjes është bërë po të njëjtën ditë (dt.05.11.2016) në ora 15.55 në Qendrën Spitalore të Prizrenit. Ai, kishte qenë në Qendrën e Paraburgimit nga dt.01.09.2016 e deri në ditën kritike 05.11.2016. Takimi me zyrtarët e ambulancës Se nuk ka përdorur barëra asnjëherë apo ndonjë lloj medikamenti që nga ardhja e deri në ditën kritike, e pohuan edhe zyrtarët e ambulancës, që ofruan edhe kartelën personale shëndetësore (të cilën e ka çdo i burgosur), ku qartë shihej se asnjë lloj barëre s’është përdorur nga i ndjeri. Analizat i ishin bërë njëherë me dt.18.10 2016 me kërkesën e tij dhe ato kishin rezultuar në rregull. Ndërsa, psikologu e kishte vizituar me datat 6 e 8 .09.2016 dhe nuk ka konstatuar ndonjë shqetësim apo ankesë. Takimi me zyrtarin social i ndjeri me dt.02.09.2016 ishte intervistuar për hartimin e anamnezës.

’Absolutisht s’kam vërejt ndonjë shqetësim emocional. Ka qenë shumë i hapur. E kam takuar edhe dy herë të tjera ku ka pasur kërkesë për libra. Ka lexuar rregullisht’, ka thënë Haqif Iliazi, zyrtar social, por që asnjë shqetësim se kishte vërejtur e as që kishte paraqitur i ndjeri. Shtojcë: Sa i përket shishes e cila i ishte gjetur në gojë nga ana e shokëve të qelisë në momentin kritik, zyrtarët e Qendrës së Paraburgimit kanë ofruar këto të dhëna: ajo është paketim plastik me mjaltë të ndryshme me sasi 340 gr, që blihet në kantinë.”

”Me dt. 27.10.2016 të ndjerin e ka vizituar Dardan Molliqaj dhe me dt.03.11.2016 e ka vizituar edhe Sami Kurteshi. Që të dyja vizitat janë bërë bashkë me familjarët e tashmë të ndjerit dhe me lejen e Vebi Kashtanjevës, gjyqtar, i Gjykatës Themelore për krime të rënda në Prishtinë.”

KMDLNJ, kërkon nga opinion publik, mediet dhe akterët tjerë që lidhur me rastin të drejtohen drejtpërdrejtë në Qendrën e Paraburgimit në Prizren, ku hollësisht mund të njoftohen lidhur me këtë rast, pasi që menaxhmenti u tregua shumë profesional dhe transparent gjatë vizitës sonë.

Madje, ata janë qetësisht të interesuar që rasti të zbardhet, por që puna duhet tu lihet organeve të thirrura për këtë rast. Meqenëse, rastin e vdekjes e ka cilësuar të dyshimë edhe Prokuroria e shtetit, KMDLNJ edhe njëherë kërkon hetim të shpejtë, të gjithanshëm dhe profesional, për ndriçimin e rastit, dhe po ashtu kërkon që rasti të mos prejudikohet.

Po ashtu, KMDLNJ kërkon që përgjegjësit e rastit të sillen para drejtësisë dhe kërkon ngritjen e nivelit të sigurisë në Qendrat e Paraburgimit dhe burgjet e Kosovës.

Në veri institucionet pa simbole shtetërore – Kosova quhet krahinë e Serbisë

Institucionet në veri të vendit vazhdojnë të sfidojnë Republikën e Kosovës, duke mos respektuar ligjin për përdorimin e simboleve shtetërore.

Në veri të Mitrovicës, por edhe në komunat tjera veriore, si Leposaviq, Zubin Potok dhe Zveçan, përveç stemës dhe flamurit të Serbisë, nuk figuron asnjë simbol i shtetit të Kosovës. Madje, kjo e fundit quhet krahinë autonome e Republikës së Serbisë.

Kështu, në objektin e Qendrës Shëndetësore në Zveçan, të hënën janë zëvendësuar tabelat e vjetra me të reja, në të cilat shkruan në alfabetin cirilik “Shtëpia e shëndetit”, “Republika e Serbisë” dhe “Krahina Autonome e Kosovës dhe Metohisë”.

KosovaPress ka provuar të kontaktojë me zëdhënësin e Ministrisë së Shëndetësisë, për të marr një deklaratë rreth kësaj çështje, por ai nuk është përgjigjur.

Lugina e Preshevës kërkon ndihmën e Prishtinës

Qyteti i Preshevës

Lajmi se përfaqësuesit e dy komunave me shumicë shqiptare në jug të Serbisë, Preshevës dhe Bujanovcit, kanë qenë te presidenti i Kosovës, Hashim Thaçi, për të biseduar lidhur me problemet për realizimin e të drejtave të shqiptarëve në Serbi, e hap çështjen se çfarë është komunikimi i pakicës shqiptare, qeverisjes së saj lokale dhe autoriteteve në Beograd.

Realizimi i të drejtave të pakicave është obligim i Serbisë që del nga Kapitulli 23, në rrugën e saj drejt Bashkimit Evropian.

Në takimin me presidentin Thaçi, ditë më parë, kanë qenë Jonuz Musliu, kryetar i Këshillit Nacional të Shqiptarëve, Shaip Kamberi, kryetar i komunës së Bujanovcit dhe Ardita Sinani, kryetare e Kuvendit të Komunës së Preshevës.

Jonuz Musliu thotë për Radion Evropa e Lirë se në takimin me presidentin e Kosovës, Thaçi, kanë biseduar për gjendjen e rëndë lidhur me realizimin e të drejtave të shqiptarëve në komunat ku ata janë shumicë në jug të Serbisë, që njihet si Lugina e Preshevës.

Siç thotë ai, në takim është biseduar për mundësitë që çështja e shqiptarëve të komunave jugore të Serbisë të trajtohet njëjtë sikur e serbëve që jetojnë në Kosovë, e që, sipas tij, gëzojnë të drejtat maksimale si pakica.

“Mendojmë se faktori ndërkombëtar nuk duhet të luajë me dy standarde, ndryshe për serbët në Kosovë, ndryshe për shqiptarët në Luginë të Preshevës. Çdo herë mendonim se do të zgjidhen problemet e shqiptarëve, si lëvizja e lirë, e drejta e simbolit, e drejta e gjuhës, e drejta e përdorimit të teksteve nga Republika e Kosovës. Por, megjithatë, Kapitulli 23 nuk e lë Serbinë të lëviz në drejtim të Evropës pa i zgjidhur këto probleme”, thotë Musliu.

Në anën tjetër, Meho Omeroviq, kryetari i Këshillit për të Drejtat e Njeriut dhe të Pakicave i Kuvendit të Serbisë, duke folur për Radion Evropa e Lirë, thekson se situata në të cilën shqiptarët nga tri komunat jugore të Serbisë – Preshevë, Bujanoc dhe Medvegj – nuk e përjetojnë Shqipërinë si vend amë, por si vend amë e shohin Kosovën, paraqet problem.

“Kjo është keq për ne, keq për shtetin e Serbisë, por është keq edhe për ata”, ka vlerësuar Omeroviq.

Por, çfarë është komunikimi i shqiptarëve që jetojnë në komunat ku ata janë shumicë në jug të Serbisë me autoritetet e Beogradit?

Zoran Stankoviq, i cili gjendet në krye të trupit koordinues të Qeverisë serbe për jug të Serbisë, thotë se komunikimi ndërmjet autoriteteve qendrore dhe atyre lokale në jug të Serbisë, nuk paraqet problem.

“Ato kontakte janë të vazhdueshme dhe kanë të bëjnë me të gjitha problemet që kanë vetëqeverisjet lokale në kuadër të veprimtarive të tyre”, theksoi Stankoviq, sipas të cilit janë bërë lëvizje pozitive në drejtim të investimeve në tri komunat e pazhvilluara, përmes trupit koordinues.

Ai ka thënë se gjatë këtij viti, përveç buxhetit që kanë komunat, Bujanovcit dhe Preshevës u janë ndarë rreth 90 milionë dinarë për secilën komunë, si dhe rreth 30 milionë dinarë për Medvegjën.

Por, Musliu thotë se lidhur me komunikimin me autoritetet qendrore serbe, tash e një dekadë e gjysmë, ekziston një ngërç politik. Sipas tij, autoritetet e Beogradit nuk i janë qasur drejt zgjidhjes së çështjes së të drejtave të shqiptarëve në komunat ku ata janë shumicë.

“Prej (Vojisllav) Koshtunicës e deri të Aleksandri (Vuçiq, kryeministër aktual i Serbisë) nuk po shoh ndonjë ndryshim që ka vullnet Serbia që së paku t’i zgjidhë problemet e shqiptarëve.”

“Tash, me këtë presionin që po i bën Evropa, është Kapitulli 23. Por, megjithatë, ky është ngërç politik që Serbia nuk është e interesuar që t’i zgjidhë problemet e shqiptarëve. Serbia është e interesuar për tokë, jo për të drejtat e shqiptarëve. Çdo herë në platformë e ka që Serbia do të shtrihet dhe jo t’i zgjidhë problemet e shqiptarëve”, thotë Musliu.

Sidoqoftë, autoritetet lokale të komunave me shumicë shqiptare në jug të Serbisë, kanë theksuar se problemi më i madh është mosgatishmëria e autoriteteve qendrore të Serbisë që t’i integrojnë shqiptarët në institucionet publike.

Ata thonë se problemet ekzistojnë edhe në gjyqësi, me heqjen e Gjykatës themelore të Preshevës, ndërkaq që në Bujanoc, gjykata ekziston, por jo edhe prokuroria.

Sipas tyre, shqiptarët e këtyre komunave vazhdojnë të kenë probleme me arsimin, me pamundësinë që të furnizohen me tekste shkollore nga Kosova, si dhe pamundësinë për nostrifikimin e diplomave që i kanë arritur në Kosovë, pavarësisht marrëveshjeve që janë nënshkruar ndërmjet Kosovës dhe Serbisë, për njohjen e diplomave. (REL)

Gashi: Politikanë shumë të njohur në bankën e të akuzuarve

Avokati kosovar, Tomë Gashi, ka thënë se në mesin të akuzuarve pritet që të ketë edhe politikanë të njohur në vend. “Me siguri do të ketë politikanë aktivë, politikanë shumë të njohur madje”, ka thënë Gashi.

Madje, ai ka thënë se në momentin e parë që këto akuza do të bëhen publike, në Kosovë do të priten edhe turbulenca të ndryshme politike dhe shoqërore. “Sigurisht që në momentin që ngrenë akuzat, nëse eventualisht i ngrenë kundër tyre, do të ketë turbulenca apo do të ketë ndryshime politike në Kosovë”, ka thënë Gashi, duke shtuar,

“Është e paimagjinueshme që nëse zyrtarë të lartë të partive, do të thotë figurave politike apo ata që e mbajnë pushtetin në Kosovë, nëse eventualisht ndonjëri prej tyre akuzohet nga Gjykata Speciale, me siguri që do të thotë ndryshime politike”,ka thënë Gashi. Ndërkohë, duke folur për numrin potencial të akuzave ai ka thënë se kjo ende nuk mund të dihet njëherë.

Megjithatë ajo çfarë mund të dihet sipas tij tani, është fakti se kjo gjykatë është “raciste”. “Gjykata Speciale është Gjykatë raciste dhe është formuar për ti gjykuar vetëm shqiptarët. Një shtet multi-etnik, të votohet për gjykimin pjesëtarëve të vetëm një nacionaliteti, pra vetëm shqiptarëve, është katastrofë. Numri i akuzave nuk do të dihet kurrë derisa të vijë koha që Gjykata Speciale të mbyllet”, ka përfunduar ai./ZERI

Prokuroria në Kosovë: Të arrestuarit për terrorizëm planifikonin sulme në Ballkan

Shtatë personave të arrestuar gjatë fundjavës në Kosovë nën dyshimet për përfshirje në veprat penale “të terrorizmit dhe kundër rendit kushtetues dhe sigurisë së Kosovës”, u është caktuar masa e paraburgimit prej një muaji me kërkesë të Prokurorisë së Posaçme të Kosovës, e cila tha se ata po përgatisnin sulme në Kosovë dhe më gjerë në Ballkan.

Arrestimet janë kryer në kuadër të një operacioni të përbashkët rajonal që është shtrirë edhe në Shqipëri dhe në Maqedoni. Policia në Shqipëri tha se ka arrestuar 4 persona.

Në dokumentin e prokurorisë së Posaçme të Kosovës, thuhet se shtatë të arrestuarit ishin në kontakt me pjesëtarin e grupit militant Shteti Islamik, Lavdrim Muhaxheri, i cili u bë i njohur në korrik të vitit 2014 pasi që postoi në Facebook fotografi grafike të veprimeve të tij, nga i cili kishin marrë udhëzime për sulme

“Ata po përgatisnin sulme terroriste në rajonin e Ballkanit, fillimisht në Kosovë. Ata kishin planifikuat sulme mbi ndërtesa të ndryshme, mbi institucionet e sigurisë, të frikësojnë popullsinë, të destabilizojnë vendin dhe të shkatërrojnë strukturat ekonomike, politike dhe financiare”, thuhet në dokumentin e prokurorisë së posaçme.

Prokuroria pretendon se njëri nga të arrestuarit një kohë ka marrë pjesë në veprimtaritë e grupit militant Shteti Islamik në Siri.

Avokatët mbrojtës kundërshtuan pretendimet e prokurorisë.

Nga Shqipëria mendohet se janë mbi 100 persona që kanë luftuar përkrah ISIS-it, ndërsa autoritetet kanë bërë të mundur disa arrestime. Gjatë këtij viti 9 anëtarët e një celule që rekrutonte persona për t’i dërguar në Siri u dënuan me 152 vjet heqje lirie.

Kosova është përballur që nga viti 2012 me përfshirjen e qytetarëve të saj në luftërat e huaja, përkatësisht në konfliktet në Lindjen e Mesme.

Sipas autoriteteve rreth 316 veta besohet se kanë marrë pjesë në ato konflikte, ndërsa atje ende ndodhen 140, nga të cilët 75 luftëtarë dhe 38 gra e 27 fëmijë.

Dy vjet më parë policia filloi hetimet kundër 237 vetave për pjesëmarrje në luftë, nxitje dhe rekrutim të luftëtarëve të huaj dhe mbi 127 veta janë arrestuar. Deri tash 35 veta janë dënuar nga gjykatat në Kosovë.

Sipas autoriteteve, 117 veta janë kthyer në Kosovë dhe një numër i tyre po përballet me drejtësinë.

Në pranverën e vitit të kaluar parlamenti i Kosovës miratoi një ligj për parandalimin e përfshirjes në luftërat e huaja, i cili parasheh dënime deri në 15 vjet heqje lirie për të gjithë ata që marrin pjesë, nxisin apo mbështesin përfshirjen në konfliktet jashtë Kosovës.

Veseli: Të sqarohet sa më shpejt vdekja e Deharit, që të mos manipulohet publiku

Kryetari i Kuvendit të Republikës së Kosovës, Kadri Veseli i shpreh ngushëllime familjes Dehari për humbjen tragjike të birit të saj, Astrit Dehari.

Nëpërmjet një deklarate Veseli ka kërkuar që të sqarohet vdekja e Deharit.

“Në mënyrë që dhimbja e rëndë familjare dhe shqetësimi i publikut të mos manipulohen, kryeparlametari Veseli, kërkon nga institucionet përkatëse të ligjit që në mënyrë urgjente të sqarojnë në tërësi dhe në detaje këtë rast”

Islami: Paradoksale, Policia doli me deklaratë për vdekjen e Deharit para se të bëhet autopsia!

Eksperti i sigurisë, Avni Islami në një status të tij në facebook ka kitikuar Policinë e Kosovës, duke thënë se ka dalë me deklaratë para se të jap një raport mjekësia ligjore për shkaqet e vdekjes së Astrit Deharit.

“Policia e Kosovës në Prizren doli me deklarat për vdekjen e Astrit Deharit dhe thotë se vdekja e tij erdhi si pasojë e konsumimit të barnave të cilat e shkaktuan vdekjen. Tash e tutje s’kemi nevojë për mjeksinë ligjore- autopsinë, e cila do të duhej të vërtetonte shkaqet dhe arsyet e vdekjes së Astrit Deharit. Kjo më ban të dyshoj se si ka ardhë deri te vdekja e tij. Familjes së Astritit dhe të gjithë atyre që e ndajnë dhimbjen me Familjen Dehari ngushëllime”, ka shkruar ai.

AMERIKA E KRIJOI SHTETIN KOSOVAR-THE KOSOVAR NATION, JO KURRFARË “KOMBI KOSOVAR”!!! – Nga Prof.Dr. Mehdi HYSENI

*** Ata që me qëllim apo nga injoranca, i ngatërrojnë këto dy koncepte, vërtet jetojnë jashtë realitetit dhe të së vërtetës, nuk ia duan të mirën as vetëvetës, as Amerikës, as Kosovës së pavarur, as shqiptarëve në Kosovë, e as kombit shqiptar, në tërësi!

*** Gjtihashtu, ata që me “shkencën” e tyre po e helmojnë opinionin kombëtar dhe ndërkombëtar se gjoja, “shqiptarët e Kosovës nuk janë komb, por do të bëhen komb”, ashtu siç ka pohuar Nexhmedin Spahiu, nuk kanë të drejtë morale, e as ligjore, që të ligjërojnë para studentëve shqiptarë qoftë në Kosovë, qoftë në trevat e tjera të Shqipërisë Etnike, sepse për pseudoshkencë vetëmohuese dhe regresive , nuk kanë nevojë as studentët, as fakultetet, as kolegjet, as Kosova e as Shqipëria.

(1) Falisifikimi i parë kuazishkencor

– Nexhmedin Spahiu: “ Shqiptarët e Kosovës janë akoma komunitet. Nuk janë komb, por do të bëhen komb.”(Shih:”Koha Ditore”/6/01/2006).

– E pabesueshme, e pashpjegueshme dhe e papranueshme kjo propagandë antishqiptare , si është e mundur që një shqiptar i arsimuar me gradë shkencore (prof.dr.), të ketë shkruar dhe pohuar para botës se “shqiptarët e Kosovës nuk janë komb”?! – O tempora o mores! “Vakti e ha kashtën”, thotë një fjalë e urtë popullore shqipe! -Ja, “ ky është kulmi i shkencës së vërtetë” mbi shqiptarët e Kosovës?!

Nga një konstatim i tillë i paqëndrueshëm dhe absurd, krejt antietik, antiprofesional dhe antikombëtar shqiptar, imponohen këto pyetje të pashmangshme:

1. – Si është e mundur që kësi “shkenctarësh deficitarë” me përrallat e tyre propagandistike të politikës ditore (që drejtpërdrejt po çojnë ujë në buti të mullirit serbomadh dhe të armiqve të tjerë të shqiptarëve dhe të Shqipërisë Etnike), të “manovrojnë” nëpër masmediat e ndryshme komerciale të “pavarme”, si dhe të ligjërojnë në nga dy-tri e katër univeristete të Kosovës, të Shqipërisë, të Tetovës, madje edhe jashtë kufijve të Shqipërisë Etnike, në Evropë etj., në mëynrë që t’i shesin “idetë shkencore” të tyre?!

2.- Po, çfarë i duhen Kosovës, Tetovës, Tiranës, Ballkanit, Evropës dhe Amerikës, kësi farë “shkencëtarësh”, kur ende nuk kanë mësuar abc-në e historisë kombëtare shqiptare dhe të Shqipërisë Etnike?

3.- Po çfarë i duhet Kosovës ky format “shkencëtarësh” kur në sy të gjithë botës, e lakojnë dhe e shpërfytyrojnë të vërtetën mbi shqiptarët e Kosovës, duke i quajtur “komunitet” dhe “jokomb”?!

4.- Atëherë, çka do të thonë dhe, çka do të shkruajnë të tjerët për shqiptarët dhe për Kosovën e Shqipërisë Etnike, kur ne, me gojën dhe me “lapsin tonë të mprehtë” pohojmë dhe shkruajmë kundër vetëvetës?

Kështu, në këtë frymë të errësirës mesjetare serbosllave, amorale, antikombëtare dhe antishkencore, pohon edhe historiografia, politika, diplomacia dhe propaganda e zezë falsifikatore e shtetit dhe e Kishës Ortodokse Serbe sipas së cilave, shqiptarët në Kosovë, “nuk janë komb, por gjithmonë kanë qenë “komunitet fisnor primitiv” dhe “minoritet emigrant”, e jo kurrfarë pjese e natyrshme e kombit shqiptar.

Mirëpo, kjo është një e pavërtetë e madhe. Kjo është një hipokrizi, një injorancë, një fallsitet, një provokim, një gënjeshtër, një mashtrim dhe një spekulim sui generis, që shtrembëron dhe mohon identitetin kombëtar të shqiptarëve të Kosovës, të cilët janë pjesë e pandashme e kombit shqiptar dhe e Shqipërisë Etnike.

Ky konstatim i diletant i Nexhmedin Spahiut , i influencuar nga pseudoshkenca dhe nga politika e propaganda serbomadhe e Beogradit, se kinëse “ shqiptarët e Kosovës akoma janë komunitet, e jo komb” , me të vërtetë meriton përgjigjeje akademike si në rrafshin kombëtar, ashtu edhe në atë ndërkombëtar, sepse shqiptarët e Kosovës, si dhe të të gjitha hapësirave të Shqipërisë Etnike, janë komb shqiptar që nga shekulli XIX. Kështu që, nuk ekziston asnjë arsye, që shqiptarët e Kosovës e as të pjesëve të tjera të Shqipërisë Etnike, të parashtrojnë kurrfarë kërkese në “sportelin” e Nexhmedin Spahiut, që një ditë, të “bëhen komb” sipas parullës ideologjiko-politike, propagandistike, komuniste dhe kozmopolite të tij: “Proletarë të të gjitha vendeve bashkohuni” në “kombin kosovar”, ashtu sikurse dikur në “kombin jugosllav”: shqiptarë, serbë, kroatë, sllovenë, maqedonë, humgarezë, turq, boshnjakë, malazezë, romë, hashkalinj, goranë, egjiptianë etj.!!!

(2) Falsifikimi i dytë kuazishkencor

– Nexhmedin Spahiu: “Nuk mund të krijosh shtet pa u formësuar si komb…”(“Koha Ditore”, Prishtinë, 6.1.2006).

Sipas këtsaj teze diletante dhe të papranueshme shkencërisht, del se “shteti po e krijojka kombin”, e jo anasjelltazi “kombi shtetin”. Një përkufizim i këtillë sakat në kuptimin shkencor, nuk figuron në asnjë teori mbi formimin e “kombit” qoftë në Lindje, qoftë në Perëndim.

Fundja, këtë teori të gabuar dhe iracionale antishkencore, e përtrollisi edhe krjimi dhe njohja e shtetit të pavarur të Kosovës(17 shkurt 2008), para se të formësohej “kombi kosovar” i Nexhmedin Spahiut! Çfarë tash, si do t’i përgjigjet tezës së tij dështuese se “pa formësimin e kombit, nuk mund të krijohet shteti”?!

Sipas kësaj teze të Nexhmedin Spahiut (të shkruar dhe të publikuar në vitin 2006, domethënë dy vite, para se Kosova të bëhej shtet i pavarur dhe sovran), do të thotë se Kosova nuk mund të bëhet shtet, para se shtetasit e saj ( shqiptarët, serbët, turqit, malazezët, romët, hashkalinjtë, boshnjakët, egjiptianët, koratët, goranët etj.), të formonin një komb të ri më vete, do të thotë “kombin kosovar”!!!

Sipas Nexhmedin Spahiut, ja, ky është “ definicioni i saktë për kombin, që nuk guxon me qenë as i ngushtë as i gjerë.” (Po aty, “Koha Ditore”, Prishtinë, 6.1.2006).!!!

Mirëpo, si u bë që më 17 shkurt 2008, Amerika së bashku me 22 shtete anëtare të Bashkimit Evropian (Gjermnaia, Franca, Britania e Madhe, Italia, Holanda, Belgjika…etj.), pa e konsultuar fare “definicionin e skatë” mbi “kombin” të Nexhmedin Spahiut, e krijuan shtetin e pavarur të Kosovës?

Athua, mos vallë, shkenca dhe politika amerikane dhe evropiane perëndimore, “nuk e paskanë ditur” se në çfarë kushtesh dhe rrethansh historike, politike dhe shoqërore, krijohet një komb apo një shtet?

Në rastin konkret, Amerika dhe BE-ja në mënyrën më të argumentuar, hodhën poshtë “matematikën elementare” të përkufizimit të “kombit kosovar” të Nexhmedin Spahiut, duke e njohur shtetin e Kosovës, para se “shqiptarët e Kosovës, të bëheshin komb” sipas formulës së tij spekuluese dhe provokuese antishqiptare dhe antishkencore. Sa e “dokumentuar shkencërisht” dhe, sa “jetëgjatë” u tregua praktikisht kjo tezë përkufizuese e nocionit “komb” e Nexhmedin Spahiut, këtë më së miri e provoi njohja e pavarësisë së Republikës së Kosovës nga ana e Shteteve të Bashkuara të Amerikës dhe e aleatëve të saj evroperëndimorë.

Pse Amerika e ndihmoi popullin shqiptar dhe luftën e UÇK-së?

Sepse shqiptarët me në krye UÇK-në nuk luftuan për formimin e asnjë kombi, por për krijimin e shtetit të pavarur të Kosovës.

Kjo është arsyeja kryesore pse Shtetet e Bashkuara të Amerikës, NATO-ja dhe BE-ja, e ndihmuan luftën për liri dhe për pavarësi të popullit shqiptar të Kosovës me Ushtrinë Çlirimtare të Kosovës (UÇK) në krye.

Ndryshe, sikur shqiptarët së bashku me UÇK-në, të kishin luftuar për formimin e “kombit kosovar” të Nexhmedin Spahiut, sigurisht se, as Amerika, as NATO-ja e as BE-ja nuk do t’i kishin ndihmuar, në asnjë formë, duke pasur parasysh faktin se kombi nuk formohet përmes një beteje apo përmes një lufte, pavarësisht nga synimi, objektivi dhe nga kohëzgjatja e tyre, sepse dihet që formimi i një kombi, është një process i gjatë historiko-shoqëror.

Fundja, deri më sot, Shtetet e Bashkuara të Amerikës, askund në botë, nuk kanë krijuar ndonjë komb, por kanë ndihmuar krijimin e ndonjë shteti, ashtu sikurse që e ndihmuan dhe e krijuan shtetin e pavarur dhe sovran të Republikës së Kosovës (17 shkurt 2008).

Pra, Amerika me aleatët e saj evroperëndimorë (NATO dhe BE) e formoi “The Kosovar Nation”, që do të thotë “Shtetin Kosovar”, jo kurrfarë “kombi kosovar”! ( Karen A Mingst, 2004: 103: The state and the nation don’t coincide).

Thaçi takim me të rinjtë nga Kosova e Serbia: Jeni shembull i pajtimit

“Përmes nismave të tilla, të rinjtë në dy shtetet kanë ecur shumë më përpara se politika”, ka thënë presidenti Thaçi

PRISHTINË – Presidenti i Republikës së Kosovës, Hashim Thaçi, sot ka pritur në një takim sot rreth 30 të rinj të Nismës së të Rinjve për të Drejtat e Njeriut (YIHR), nga Kosova dhe Serbia. Në një bashkëbisedim me të rinjtë, Thaçi ka folur për raportet Kosovë – Serbi dhe për procesin e normalizimit të marrëdhënieve ndërmjet dy shteteve.

Në një njoftim zyrtar nga Presidenca e Kosovës bëhet e ditur se gjatë këtij takimi Presidenti Thaçi ka theksuar se për dialogun po i kontribuojnë edhe të rinjtë në Kosovë e Serbi dhe se një forum i tillë është shpresëdhënës se dy shtetet dhe popujt do ta tejkalojnë konfliktin qindra vjeçar.

“Përmes nismave të tilla, të rinjtë në dy shtetet kanë ecur shumë më përpara se politika. Ju jeni zotuar që ta ndërtoni një të ardhme të sigurt evropiane të bashkëpunimit, zhvillimit dhe mirëqenies në mes qytetarëve tanë”, ka thënë Thaçi.

Prej të rinjve nga Serbia dhe Kosova, Presidenti Thaçi është pyetur edhe për procesin e dialogut për normalizimin e marrëdhënieve, ku ai u përgjigj se as pas 100 viteve me probleme dhe konflikte në prill të vitit 2013 është arritur nënshkrimi i marrëveshjes për normalizimin e marrëdhënieve Kosovë-Serbi, duke vlerësuar se kjo ishte një e arritje e madhe.

“Shpresoj që të kemi një fuqizim të dialogut, me prioritete më të larta politike në të ardhmen e afërt mes Kosovës dhe Serbisë, që do të rezultonte edhe me një traktat apo marrëveshje të paqes, fqinjësisë, miqësisë dhe pajtimit”, ka shtuar Thaçi.

Duke iu përgjigjur pyetjes rreth të pagjeturve shqiptarë, serbë dhe të komuniteteve të tjera gjatë luftës së fundit në Kosovë, Thaçi ka thënë se “E kaluara jonë 100 vjeçare mes Kosovës dhe Serbisë ka qenë me probleme, konflikte, armiqësi dhe me urrejtje. Dhimbja është e njëjtë për atë që i është vrarë burri, pa dallim etnie. Ekziston domosdoshmëria për ta zgjidhur njëherë e përgjithmonë çështjen e të pagjeturve, që është edhe çështje humanitare. Në takimin që kam zhvilluar me dy organizatat që përfaqësojnë familjet e të pagjeturve, me organizatën shqiptare dhe atë të serbëve të zhdukur, kam kërkuar që kjo çështje urgjentisht të shtrohet për zgjidhje në Bruksel.”

Ndërkaq, për barrikadat e vendosura kohë më parë mbi lumin Ibër në Mitrovicë të cilat tashmë janë larguar, Presidenti Thaçi theksoi se ky është rezultati i procesit të dialogut në Bruksel. “Është rezultat i dialogut që ka ndodhur mes Kosovës dhe Serbisë. Edhe hapja e pikave të reja kufitare është sukses dhe është rezultat edhe i diskutimeve të përbashkët”, ka shtuar ai.

Në pyetjen e fundit se ku e sheh Kosovën pas 10 viteve, Presidenti Thaçi ka thënë se Kosova do të jetë pjesë e NATO-s dhe nëse nuk do të jetë anëtare e Bashkimit Evropian, ajo do të jetë në prag të anëtarësimit në familjen e shteteve evropiane.

Bankat me më shumë klientë, sesa numri i banorëve të Kosovës

Ilustrim

Rreth dy milionë llogaritet të jetë numri i klientëve në dhjetë bankat komerciale në Kosovë. Ky numër, është i përafërt me numrin e tërësishëm të popullatës së Kosovës.

Barazimi i numrit të klientëve të bankave me numrin e popullatës, nga zyrtarët e Bankës Qendrore të Republikës së Kosovës shpjegohet me faktin se një klient mund të posedojë më shumë se një llogari në këto banka.

Nga ky numër 1.8 milionë janë llogari individuale, kurse mbi 130 mijë llogari të bizneseve.

Sipas ekspertëve të ekonomisë dhe përfaqësueseve të Shoqatës së Bankave, ky numër i lartë është rezultat i stabilitetit bankar dhe flet për vetëdijesimin e qytetarëve që qarkullimi i mjeteve të bëhet në mënyrë ligjore.

Se në sistemin bankar nuk ka ndonjë indikacion që tregon turbulenca, flet edhe drejtori i Qendrës për Hulumtime Strategjike dhe Sociale, (STRAS) Ibrahim Rexhepi.

Ai thotë se rritja e numrit të llogarive në institucionet financiare, është shenjë pozitive, pasi qytetarët dhe bizneset janë orientuar që qarkullimin e mjeteve ta realizojnë përmes kanaleve bankare, mënyrë kjo që largon nga informaliteti.

“Njëkohësisht, këtu ka ndikuar edhe zgjerimi i objektit të bankave dhe begatimi i ofertave të tyre, qoftë përmes kostos së shërbimeve, të cilat pa marrë parasysh se herë kanë ngritje e herë kanë rënie, megjithatë janë të pranueshme për klientët”, ka thënë Rexhepi për Radion Evropa e Lirë.

Edhe drejtori ekzekutiv në Shoqatën e Bankave të Kosovës, Petrit Balija, ka thënë për Radion Evropa e Lirë se sistemi bankar në Kosovë është i qëndrueshëm, stabil dhe likuid.

Ai mendon se gjatë këtij viti ka pasur edhe rritje të kredive për shkak të uljes së kamatave të interesit për kredi.

“Sipas rënies së normës është rritur edhe mundësia e kreditimit. Është një kreditim prej 9. 5 për qind që është kreditimi më i madh në tri vitet e fundit. Kjo do të thotë se qytetarët dhe bizneset po i përgjigjen pozitivisht rënies së normës se interesit në kredi”, ka thënë Balija.

Bazuar në raportin e publikuar të premten nga Banka Qendrore e Kosovës, thuhet se rreth 2.2 miliardë është vlera e kredive, kurse mbi 2.7 miliardë euro ka arritur vlera e kursimeve të qytetarëve në këto institucione financiare.

Në anën tjetër, në një përgjigje me shkrim, përmes postës elektronike, Departamenti për Marrëdhënie me Jashtë në Bankën Qendrore të Republikës së Kosovës, thotë se vetëm gjatë këtij viti, rreth 400 mijë individ kanë përfunduar apo kanë kredi aktive, ndërkaq rreth nëntë mijë është numri i bizneseve që figurojnë se kanë marrë apo janë më kredi.

Normat për kredi familjare, në këto institucione janë rreth 8 për qind, kurse për ndërmarrjet 6.9 për qind. Ndërkaq, norma në depozita është një për qind.

Me gjithë uljen e normave të interesit, Ibrahim Rexhepi, vlerëson se institucionet financiare bankare kanë edhe më tej hapësirë që të përmirësojnë procedurat për kredi për biznese.

“Kredi nuk merr ai që nuk ka para, ai që nuk ka mundësi pagese. Rritja e kredive, e kam fjalën tek ekonomitë familjare, tregon se njerëzit kanë një burim stabil të të ardhurave dhe mundësi kthimi të këstit të kredisë”.

“Ndërkaq, sa u përket bizneseve sado që kanë rritur kërkesën, megjithatë ka hapësirë që të krijohet një mënyrë më liberale. Kryesisht, për bizneset e reja, të cilat e kanë vështirë që të shfrytëzojnë huamarrjen nga bankat”, shprehet Rexhepi.

Aktiviteti i bankave komerciale, si një nga sektorët më profitabil në Kosovë, dominohet nga kreditë, afati i maturimit të të cilave mund të jetë deri në 15 vjet, varësisht nga lloji i kredisë. Nga totali i kredive, 65.2 për qind janë kredi për ndërmarrjet. (REL)

Lirohet Hilmi Kelmendi

Pas paraqitjes së tij sot në Gjykatën e Beogradit për krime të luftës, është liruar Hilmi Kelmendi.

Lajmin e ka konfirmuar për “Zëri.info” Bashmir Xhemaj, këshilltar politik i ministrit të Punëve të Jashtme.

Ai ka thënë se beson se pasditen e sotme Kelmendi do të jetë në Kosovë.

“ Po, mund të konfirmoj se është liruar Hilmi Kelmedi. Misioni ynë ndërlidhës është në kontakt me autoritetet e burgut dhe pasdite besojmë se do të jetë në Kosovë”, ka deklaruar Xhemaj për “Zëri.info”.

Ndryshe, Hilmi Jashari është arrestuar të premten nga autoritetet e Serbisë, nën pretendimin se ai ka kryer krime lufte në Kosovë.

Gjatë momentit të arrestimit, Kelmendi ishte duke ardhur për pushime në Kosovë nga Gjermania, ku jeton tash e dymbëdhjetë vjet.

Ai është ndalur nga autoritetet serbe mes të premtes dhe të shtunës për gjoja krime lufte të kryera në Kosovë gjatë viteve 1998-99./Zëri

Ligji për Trepçën dërgohet përsëri në Gjykatën Kushtetuese

Në një njoftim zyrtar nga Dhoma e Posaçme e Gjykatës Supreme bëhet e ditur se ligji është antikushtetues

PRISHTINË – Një gjyqtar i kolegjit të shkallës së parë i Dhomës së Posaçme të Gjykatës Supreme, nga EULEX-i, dërgon ligjin për Trepçën në Gjykatën Kushtetuese për ta shfuqizuar atë. Ai pretendon se ky ligj është antikushtetues për dy arsye të ndryshme, që të dyja të bazuara në të drejtat themelore që e garantojnë pronën.

Në një njoftim zyrtar nga Dhoma e Posaçme e Gjykatës Supreme bëhet e ditur se ligji është antikushtetues meqë “Së pari, ligji ka efektin e një shpronësimi pa kompensim në dëm të paditësit, i cili është një kreditor i Trepçës. Vlera e padisë së tij ndaj Trepçës është reduktuar në zero, pasi Trepça ka mbetur pa burime si dhe e mbingarkuar me borxhe. Së dyti, shpronësimi i pjesshëm kryhet në dobi të personave privat pa ndonjë arsyetim. Për këtë arsye, gjykata ka lëshuar një kërkesë për Gjykatën Kushtetuese, e cila ka fuqinë ekskluzive të shfuqizojë ligjet”.

Duke u vënë në dukje se ligji e zvogëlon vlerën e padisë së paditësit në zero pa e kompensuar atë, në njoftim thuhet se “Ligji i nxjerrë asetet e vlefshme nga NSH Trepça dhe i bartë ato pa kurrfarë kompensimi te një shoqëri e sapo krijuar aksionare, nga të cilat 80 për qind e aksioneve janë në pronësi të shtetit, 20 për qind në pronësi private. Aksionerët i marrin aksionet falas. Shoqëria aksionare as nuk i merr përsipër obligimet që i ngarkohen NSH-së Trepça e as nuk garanton për to. Në formën e mbetur, NSH-së Trepça i hiqen asetet e saj pak para se të skadojë moratoriumi dhe kreditorët do të mund të tentojnë likuidimin që të realizojnë paditë e tyre. Por NSH-ja do të vazhdojë të përballet akoma me tërë borxhin e saj”.

Zyra e Kryeministrit: Ligjin për Trepçën nuk mund ta kontestojë asnjë gjyqtar

“Ligji për Trepçën nuk mund të kontestohet për kah ana Kushtetuese nga ndonjë gjyqtar Dhomës së Posaçme të Gjykatës Supreme”, ka deklaruar Besnik Berisha, këshilltar i kryeministrit të Kosovës, Isa Mustafa.

Në një prononcim për Radion Evropa e Lirë, Berisha ka thënë se i vetmi institucion kompetent për interpretimin e përshtatshmërisë së një ligji apo akti nënligjor është Gjykata Kushtetuese.

“Gjykata Kushtetuese ka konstatuar se Ligji për Trepçën është në përshtatshmëri të plotë kushtetuese dhe i njëjti nuk cenon asnjë të drejtë siç pretendohet në këtë komunikatë”, ka deklaruar Berisha.

Dhoma e Posaçme, ka shtuar ai, nuk ka autoritetin për të vlerësuar kushtetutshmërinë dhe i nënshtrohet interpretimeve të Gjykatës Kushtetuese.

“Prandaj pretendimi i një gjyqtari apo kushdo qofshin ata, mund të jetë një opinion personal që mund të shkaktojë një konfuzion, por asesi nuk mund të ndryshon statusin e Ligjit për Trepçën”, ka thënë Berisha.

Reagimi i tij ka pasuar një komunikatë të lëshuar nga Dhoma e Posaçme e Gjykatës Supreme, ku thuhet se një gjyqtar i Supremes nga EULEX-it konstaton se Ligji për Trepçën është antikushtetues.

Sipas këtij njoftimi thuhej se deri te ky konstatim ai ka ardhur duke u mbështetur në arsyet të cilat bazohen në të drejtat themelore që e garantojnë pronën.

“Së pari, ligji ka efektin e një shpronësimi pa kompensim në dëm të paditësit, i cili është një kreditor i Trepçës”, ka arsyetuar ai konstatimin e dhënë.

Së dyti, sipas tij, “pas shpalljes, Ligji për Trepçën ka hyrë në fuqi dhe se ai i nxjerrë asetet e vlefshme nga Ndërmarrja Shoqërore, Trepça dhe i bartë ato pa kurrfarë kompensimi te një shoqëri e sapo krijuar aksionare, nga të cilat 80 për qind e aksioneve janë në pronësi të shtetit, 20 për qind në pronësi private”.

Krejt në fund, ky gjykatës i EULEX-it thotë se shpronësimi i pjesshëm kryhet në dobi të personave privat pa ndonjë arsyetim.

“Për këtë arsye, gjykata ka lëshuar një kërkesë për Gjykatën Kushtetuese (neni 113.8 i Kushtetutës), e cila ka fuqinë ekskluzive të shfuqizojë ligjet”, vjen në përfundim ky gjykatës i EULEX-it.

Ligji për Trepçën është kontestuar edhe nga Lista Serbe, por Gjykata Kushtetuese e kishte vlerësuar këtë Ligj si Kushtetues.

Pas atij aktvendimi, presidenti i Kosovës, Hashim Thaçi e ka nënshkruar atë, kurse me publikimin e tij në Gazetën Zyrtare konsiderohet se ka hyrë në fuqi. (REL)

PDK e LDK përplasen për buxhetin

Kabineti qeveritar i Kosovës

Buxheti i parashikuar për vitin 2017, me mbi 2 miliardë euro, po shndërrohet në një ‘mollë sherri’ mes partive partnere të koalicionit, përkatësisht Partisë Demokratike të Kosovës dhe Lidhjes Demokratike të Kosovës.

Zëvendësministrat në Ministrinë e Financave – që u takojnë dy partive të koalicionit qeveritar – paraqesin mendime krejtësisht të ndryshme rreth parashikimeve, ndarjes dhe planifikimit të buxhetit për vitin e ardhshëm.

Për zëvendësministrin e Financave nga radhët e Partisë Demokratike, Isni Kilaj, ky projektbuxhet është i fryrë në formë artificiale. Kurse, për zëvendësministrin e Financave nga Lidhja Demokratike, Agim Krasniqi, projektbuxheti është real dhe i dakorduar sipas standardeve të Fondit Monetar Ndërkombëtar.

Për zëvendësministrin nga radhët e PDK-së, Isni Kilaj, rritja e buxhetit mbështetet në mjetet e Agjencisë Kosovare të Privatizimit, pastaj në burimet e huamarrjes së jashtme dhe në Letrat më Vlerë.

Sipas tij, planifikimi buxhetor është bërë mbi gabime, pasi që mjetet e Agjencisë Kosovare të Privatizimit nuk mund të barten, për shkak se nuk ka bazë ligjore.

“Për shfrytëzimin e mjeteve të Agjencisë Kosovare të Privatizimit nuk kemi ligj. Do të thotë, me ligj janë të ndaluara. Pastaj, mjetet me emitimin e Letrave me Vlerë…ne nuk e dimë se si do të jenë parametrat, se si do të jetë tregu i Letrave me Vlerë. Po ashtu edhe klauzola e investimeve ngarkon buxhetin e Kosovës, me 105 milionë euro dhe se nuk është e sigurt se mund të realizohet”, thotë Kilaj.

“Do të thotë, është një fryrje artificiale e buxhetit, sepse me këto burime të financimit nuk ka stabilitet dhe qëndrueshmëri”, shton ai.

Në anën tjetër, zëvendësministri nga radhët e LDK-së, Agim Krasniqi, thotë se të gjithë parametrat e paraqitur në buxhet janë të realizueshëm.

“Pse ky buxhet nuk është as fiktiv dhe as jo real?! Po i lëmë mendimet individuale dhe po nisemi nga parimet. Asnjë numër në këtë buxhet nuk është i paharmonizuar me FMN-në”.

“Te pjesa e Agjencisë Kosovare të Privatizimit, ajo që kërkohet tash është që Dhoma e Posaçme duhet të veprojë më shpejtë. Sipas informatave që kemi, tashmë kanë përfunduar të gjitha procedurat, ankesat për të gjitha mjetet, prej rreth 50 milionë euro. Ne presim shpejt që kjo Dhomë të përfundojë procedurat dhe lëndët tjera, në mënyrë që vlera, në total prej 88 milionë eurosh (e paraparë në buxhet) të realizohet pa asnjë problem”, thekson Krasniqi.

Ndërkohë, Isni Kilaj thotë se vërejtjet, kritikat dhe mospajtimet për projektbuxhetin i ka paraqitur edhe gjatë përgatitjes së dokumentit, por që nuk janë marrë parasysh.

“Ministri i Financave (Avdullah Hoti nga radhët e LDK-së) i injoron këshillat dhe sugjerimet. Por, unë mendoj se ai më tepër është i fokusuar – në bazë të sjelljes së tij – tek premtimet që ka dhënë LDK-ja gjatë fushatës elektorale, për të pasur një buxhet prej dy miliardë euro”.

“Edhe unë dëshiroj që të kemi një buxhet, jo dy miliardë, por dhjetë miliardë, por ne duhet të bazohemi në fuqinë reale ekonomike që kemi”, thotë Kilaj.

Por, Agim Krasniqi nga Lidhja Demokratike e Kosovës, thotë se ministri Avdullah Hoti i ka dëgjuar me vëmendje të gjitha kritikat dhe nuk e ka penguar askënd nga zëvendësministrat që të japin mendimet e tyre në lidhje me planifikimet buxhetore.

“Ministri na ka njoftuar për të gjitha proceset. Ne, si zëvendësministra, nëse kemi vlerësuar se mund të kontribuojmë, ministri nuk na ka penguar”, thekson Krasniqi.

Ndryshe, të hënën Qeveria e Kosovës ka miratuar Projektligjin për Buxhetin e vitit 2017. Buxheti i Kosovës për vitin e ardhshëm u tha se do të jetë mbi 2 miliardë euro. Nga kjo vlerë, rreth 700 milionë euro do të shpenzohen për investime kapitale.

Projektligji për Buxhetin e vitit 2017, tashmë i është proceduar Kuvendit, ku pas shqyrtimit nëpër komisionet përkatëse, pritet të dalë në Kuvend për miratim. Sipas procedurave ligjore, Buxheti i Kosovës duhet të miratohet në pjesën e dytë të dhjetorit. (REL)

Prishtina – Beogradit: Do të ndërrojmë qasje

Arrestimet e qytetarëve të Kosovës – që kanë ndodhur kohët e fundit nga autoritetet e Serbisë, derisa ata po kalonin nëpër territorin e këtij shteti – janë të papranueshme, joligjore dhe janë shenja hakmarrëse të Qeverisë së Serbisë, për t’i bërë presion Kosovës dhe ta shtyjë në sjellje destruktive, vlerësojnë zyrtarët e Qeverisë së Kosovës.

Javë më parë, autoritetet serbe patën arrestuar nënkolonelin e Policisë së Kosovës, Nehat Thaçin, me dyshimet dhe akuzat për krime lufte. Ai është liruar të martën, pas më shumë se një muaj qëndrimi në paraburgim. Ndërkaq, ditë më parë, me dyshime dhe akuza të njëjta, është arrestuar edhe qytetari tjetër nga Kosova, Hilmi Kelmendi.

Ministria e Punëve të Jashtme e Qeverisë së Kosovës ka reaguar, duke i quajtur këto arrestime të papranueshme dhe që “rrezikojnë shumë proceset e arritura gjatë periudhës së dialogut për normalizimin e marrëdhënieve mes Kosovës dhe Serbisë”. Njëherit, kjo ministri u ka bërë thirrje të gjithë shtetasve të Kosovës – të cilët për çfarëdo arsye e zgjedhin Serbinë si vend transit gjatë muajve të ardhshëm – ta shmangin atë maksimalisht.
Zëvendësministri i Punëve të Jashtme i Qeverisë së Kosovës, Valon Murtezaj, thotë për Radion Evropa e Lirë se ekzekutivi i vendit po e shqyrton situatën lidhur me arrestimet e shtetasve të saj, si dhe mundësitë e veprimeve në përputhje me situatën.

“Nëse këto sjellje destruktive, joligjore, vazhdojnë edhe në të ardhmen, duket se edhe Qeveria e Kosovës do të jetë e shtrënguar që të marrë të tjera masa apo të tregojë të tjera sjellje në kuptimin e aspektit të qasjes që e ka pasur deri më tani në përgjithësi, me qëllim normalizimin e marrëdhënieve me Republikën e Serbisë”, thotë Murtezaj.

Ish-deputeti i Kuvendit të Kosovës, Burim Ramadani, profesor i Sigurisë Kombëtare në Kolegjin ISPE, thotë për Radion Evropa e Lirë se rekomandimi për qytetarët i Ministrisë së Punëve të Jashtme të Kosovës, që ta shmangin sa më shumë që të jetë e mundur kalimin nëpër Serbi, është i pamjaftueshëm si masë.
“Do të duhej që të ketë një lloj ofensive diplomatike dhe gjithështetërore për të ngritur vetëdijesimin rajonal dhe ndërkombëtar ndaj një logjike të tillë të stërkequr të Serbisë në raport me shtetasit e Kosovës, logjikë e cila e dëmton në mënyrë tepër të dukshme mundësinë e normalizimit të raporteve midis dy shteteve, mundësinë e arritjes së një stadi të bashkëpunimit midis dy shteteve. Mbi të gjitha, e minon definitivisht procesin ndërkombëtar të dialogut ndërmjet Kosovës dhe Serbisë”, thotë Ramadani.

Në anën tjetër, zëvendësministri i jashtëm, Murtezaj, thotë se Qeveria e Kosovës është duke komunikuar me Brukselin, lidhur me rastet e arrestimeve të shtetasve të Kosovës nga ana e autoriteteve të Serbisë, si dhe për situatën e mundshme që mund të prodhojë kjo sjellje e shtetit serb.

“Qeveria e Republikës së Kosovës është shumë e përkushtuar dhe vazhdimisht, sidomos ditëve të fundit, është në komunikim të ngushtë me të gjithë partnerët, me qeveritë, qoftë në formë bilaterale apo në komunikim tjetër me Brukselin, për të influencuar apo për të kërkuar nga Brukseli që të stopojë sjelljen e tillë të Qeverisë së Serbisë”, shprehet Murtezaj.

Sido që të jetë, profesor Ramadani ka theksuar se, në situatën e krijuar, logjika institucionale e Kosovës në asnjë variant nuk do të duhej të ketë qasje hakmarrëse ndaj Serbisë, me aktakuza politike ndaj serbëve të Kosovës e as të Serbisë, për faktin se të njëjtën po e bën vet kjo e fundit.

Sipas tij, Kosova vetëm duhet të ndikojë në krijimin e një presioni ndërkombëtar, pikërisht duke u thirrur në faktin se aktakuzat e autoriteteve serbe ndaj shtetasve të arrestuar të Kosovës janë plotësisht politike dhe se një vend që bën aktakuza politike, sipas tij, është shumë larg demokratizimit dhe rrugës për në Bashkimin Evropian. (REL)

Edi Rama, humbës si Bonaparta në Paris! – Prof.Dr.Mehdi Hyseni

Barometri diplomatik

“IT IS GRAVE ERROR FOR ANY POLITICAL LEADER

TO BE OVERSENSITIVE IN THE FACE OF CRITIICISM”

(Nelson Mandela)

*** Historia e derisotme ka provuar se vetëm diktatorët e egër të regjimeve fashiste dhe totalitariste komuniste luftojnë në froma të ndryshme, që masmediave t’ua mbyllin gojën dhe t’i mbajnë nën kontrollin e tyre.

*** Napoelon Bonaparta ka humbur luftën nga masmediat e lira franceze, ndaj, një disfatë e tillë e sigurt e pret edhe Edi Ramën, cili, pa asnjë arsye është konfrontuar me masmediat shqiptare në Ballkan.

Pra, sikurse Napoleon Bonaparta, ashtu edhe Edi Rama do ta humbasë luftën e tij politike, sepse masmediat shqiptare nuk janë kurrfarë “gjurullti kazan” të politikës së biznesit anti-Kosovë të Edi Ramës dhe të Serbisë së Aleksandar Vuçiqit, që të lidhin marrëveshje në dëm të sovranitetit territorial të Kosovës. Kjo është gafë politike e qeverisë shqiptare dhe e asaj serbe, jo e analistëve dhe e masmediave shqiptare.

Nëse analistët dhe masmediat e lira dhe të pavarura demokratike shqiptare “janë një kazan i madh…” për kryeministrin E.Rama, atëherë i bëftë mirë “sallata serbe” e analistëve dhe e masmediave serbe të homologut të tij Aleksandar Vuçiq, si dhe këngët e preferuara të zemrës së “Bjelo Dugme”. Mirëpo, në shoqërinë e sotme të lirë demokratike shqiptare, kurrë nuk do t’ia arrijë atij qëllimi survejues diktatorial antihuman, antidemokratik dhe antiligjor, që t’i “disiplinojë” dhe t’i mbajë nën kontrollin e tij (sipas interesave të partisë dhe të qeverisë së tij) masmediat shqiptare e as analistët e tyre, sepse në asnjë formë nuk janë pronë private e “kazanit” të tij të egër totalitar, burokratik , nepotist dhe korrupsionist.

Nuk janë fajtorë analistët dhe mediat shqiptare

Pse, kryeministri Edi Rama ka lidhur marrëveshje incognito me Beogradin në dëm të sovranitetit territorial të Kosovës(13 tetor 2016); ka shpallur qyetar nderi dhe e adhuron Goran Bregoviqin (prill 2006); citon armikun më të egër të shqiptarëve dhe të Shqipërisë, Ivo Andriqin(14 tetor 2016, në forumin e afaristëve serbo-shqiptarë në Nish të Serbisë) dhe si “disident” fshehurazi ka dëgjuar me ëndje “Bjello Dugmen” serbe, ndërsa sot, i tallë, i akuzon dhe i poshtëron në skajshmëri kritikuesit-analistët dhe masmediat shqiptare, duke i quajtur “gjurllti kazan”! Çfarë naiviteti dhe çfarë turpi ky, që se lanë as Deti Adriatik!

Prandaj, pavarësisht nga kërcënimet dhe diktati nga pozita e politikës së forcës për t’i frikësuar dhe shantazhuar masmediat e lira shqiptare, jo vetëm Edi Rama, por asnjë lider politik shqiptar nuk mund ta fitojë luftën e tij politike antidemokratike dhe antikombëtare mbi masmediat e lira demokratike shqiptare!

Tendenca për imponimin e terminologjisë eufemiste

-Analistë e gazetarë, vërtet, “s’ka kuptim”, keni kujdes, “zgjedhni” terminologjinë përkatëse, ashtu si iu diktojnë dhe kërcënojnë liderët e kurruptuar mafiozë, burokratë, nepotistë, absolutistë, prepotentë, narcisoidë, egocentrikë, diskriminues, të kompremetuar, të falimentuar politikisht, kombëtarisht dhe ndërkombëtarisht, sepse ndryshe iu presin “masa drakonike” ndëshkimi nga “kamxhiku demokratik” i diktatorit Edi Rama.

Si rrjedhim i energjisë së tepruar të imponimit, të shpërfilljes dhe të dëshirës së shkretë politike të Edi Ramës, analistët, duhet të “kenë kujdes” në përzgjedhjen dhe në përdorimin e terminologjisë profesioniste, që rrencin, ta quajnë besënik, hajnin të ndershëm, kriminelin-patriot, vrastarin-hero, tradhtarin-atdhetar, mafiozin-politikan në qeveri e në parlament, injorantin-shkencëtar, falltorin-politikan, qebapxhiun-diplomat, burekxhiun-ambasador, analfabetin-president, dredhagjiun-pelivan, drogirashin-shpëtimtar të shqiptarëve dhe të Ballkanit, fashistin-demokrat, skllavëruesin- humanitar…etj.

Kryeministri Rama, duhet ta dijë se analisti nuk ka të drejtë, që hajanat, kriminelët, tradhtarët, t’i quajë njerëz të mdershëm, humanistë, heronjë, patriot dhe demokratë, por duhet t’i cilësojë ashtu siç janë me sjelljet, me tiparet dhe me veprat antinjerëzore, antikombëtare dhe antidemokratike.

Analisti ka për detyrë, që dritën ta quajë dritë, errësirën-terrinë, të zezën e zezë, të bardhën e bardhë, të vërtetën e vërtetë dhe gënjeshtrën gënjeshtër etj.

Ndryshe, nëse një analist, një gazetar, një publicist, një shkencëtar apo një lider politik, kriminelin nuk e quan kriminel, atëherë ai është më kriminel se krimineli, apo hajnin nuk e quajn hajn, atëherë është më hajn se hajni, jo analist, as gazetar, as publicist, as shkencëtar, as lider politik, as patriot, as humanist e as hero, por një pleh dhe një bërllog sui generis.

Fatbardhësisht ky lloj arsenali eufemizmash deri tani nuk ka ndodhur në masmediat shqiptare, kjo do të thotë se analistët dhe gazetarët e tyre e kanë kuptuar drejt rolin dhe përgjegjësinë e tyre të ushtrimit të suksesshëm të profesonit të vet në shoqërinë shqiptare, duke mos rënë pre e ndikimit dhe e diktatit të politikës së liderëve të dështuar politikë, të cilët për të shpëtuar vetë, tani janë hedhur në luftën e hapur konfrontuese me analistët, me gazetarët dhe me masmediat e ndyrshme të pavarura shqiptare. Kjo është një çmenduri sui generis, që në demokrai, t’u shpallet një luftë e tillë politike analistëve dhe masmediave të pavarura shqiptare!!!

Mirëpo, analistët shqiptarë bëjnë mirë që fenomenet dhe dukuritë negative të shoqërisë shqiptare nuk i quajnë, as nuk i cilësojnë si vlera pozitive, por i demaskojnë dhe i kritikojnë konkretisht me emër dhe me mbiemër si të tilla-si antivlera, jo duke ndërruar tezat sipas “motit ktheje gëzofin”, ashtu si diktojnë interest e strategjisë së frikësimit të pushtetaëve të ndryshëm të dështuar, të cilët për t’i fshehur gjurmët e krimit, të korrupsionit, të nepotizmit, të shfrytëzimit dhe të tradhtisë së tyre ndaj popullit dhe ndaj atdheut, përdorin strategjinë e ryshfetit dhe të frikësimit për t’i komprometuar dhe përvetësuar analistët, gazetarët dhe punëdhënësit e tyre.

Për gjendjen e mjerueshme politike, ekonomike, sociale dhe të mirëqenies, janë fjatorë liderët politikë, jo analistët e as gazetarët e masmediave të pavarura shqiptare

Fundja, analistit i lejohet të gabojë, por jo edhe një lideri politik (qoftë president, kryeministër a kryeparlamentar), nëse merr ndonjë vendim të gabueshëm politik me të cilin mund ta shkatërrojë tërë shtetin dhe shoqërinë.

Prandaj, liderët politikë, së këndejmi, edhe kryeministri Edi Rama, parapëlqehet që të merret me punët dhe me detyrat e qeverisë së tij, jo të harxhojë kohë kot me analistë dhe me gazetarë nëpër panele të ndryshme, duke i fajësuar dhe anatemuar,se gjoja për shkak të fjalorit të tyre eufemist po dështon edhe politika e tij ditore. Kjo nuk është e vërtetë, në asnjë kuptim, sepse për të gjitha huqet e politikës dhe të diplomacisë së derisotme të Shqipërisë (1990-2016), nuk janë fajtorë analistët, as gazetarët e as masmediat shqiptare, por vetë liderët e dështuar politikë të Shqipërisë, të Kosovës dhe të Iliridës etj.

-Analistët, as masmediat e pavarura demokratike shqiptare nuk kanë faj, pse Shqipëria është shndërruar në një “deponi” plehërash, droge, kanabisi, mafie, krimi degjenerimi, papunësie, ekzodi sistematik , varfërie dhe moszhvillimi, por liderët politikë sikurse Edi Rama, i cili për politikën e tij të gabueshme po tenton, që t’i fajsojë analistët dhe masmediat shqiptare.

Mirëpo, këtë “pykë patentuese” me përmbajtje totalistariste bolshevike ruse për denoncimin e analistëve dhe të masmediave shqiptare, Edi Rama mund ta “ekspozojë” vetëm në Korenë e Veriut të Kim Il-Sungut(1948-1994), në Kubën e Fidel Kastros(1959-2008), në Ugandën e Idi Aminit (1971-1979) dhe në Serbinë e Slobodan Milosheviqit (1989-2000), i cili, duke i nënshtruar, instrumentalizuar dhe manipuluar masemdiat serbe, edhe ia arriti të sundonte në pushtet jo më pak se një dekadë (1989-2000) me ç’rast në saje të tyre kreu tri (3) gjenocide kundër Kroacisë, Bosnjës dhe Kosovës (1990-1999).

Pse të fajësohen analistët dhe masmediat e lira demokratike shqiptare për fajin dhe për gabimin historiko-politik e kombëtar të kryeministrit Edi Rama, që lidhi Marrëveshjen me Beogradin për t’u lidhur Serbia me Shqipërinë, duke ndërtuar autostrada dhe vija hekurudhore nëpër territorin e Republikës së Kosovës, pa e pyetur dhe, pa pëlqimin e Qeverisë së Republikës së Kosovës?

-Nëse qeveria e Edi Ramës nuk e anulon këtë marrëveshje, atëherë, përgjegjësia direkte dhe indirekte bie mbi kryeministrin, jo mbi analistët, as mbi masmediat shqiptare në Ballkan dhe jashtë tij.

Këtë gafë trashanike të politikës dhe të diplomacisë së kryeministrit Edi Rama, nuk ha e askush, që ta marrë përispër veç vasalëve, shërbëtorëve dhe tuxharëve të tij, që e kanë idejuar, sugjeruar, planifikuar, draftuar, aminuar dhe konkretizuar me Serbinë.

Në vend se për këtë gabim kardinal të pafalshëm kryeministri Edi Rama t’i kërkonte falje publike Kosovës, ky pa fije turpi dhe pa kurrfarë të drejte u shpalli luftë politko-propagandistike analistëve të masmediave të ndryshme shqiptare!?

Diktati dhe kërcënimi janë armë vdekjeprurëse për lirinë, për drejtësinë, për demokracinë dhe për paqen

Andaj si kryeministri Edi Rama, ashtu edhe të gjithë liderët e tjerë politikë në pushtet ose jashtë tij, duhet ta kenë parasysh faktin se në demokraci nuk kanë të drejtë morale, as ligjore e as kushtetuese, që t’u shpallin luftë politike masmediave digjitale apo të shtypura, pse gazetarët dhe analistët e tyre e kritikojnë Edi Ramën dhe të tjerët për gafat e tyre politike.

Në çdo sistem të mirëfilltë demokratik si opozita, ashtu edhe masmediat e kanë për detyrë parësore, që ta korrigjojnë politikën e gabuar të pozitës që drejton shtetin.

Prandaj, si Edi Rama, ashtu edhe të tjerët si ai, duhet ta kenë të qartë se për gabimet e tyre politike nuk kanë kurrfarë të drejte t’i etiketojnë, t’i anatemojnë, t’i fajësojnë, t’i ofendojnë, t’i kërcënojnë, t’iu diktojnë si dikur në “stilin” stalinist të babait të tij komunist, duke iu mbajtur “leksione profesioniste” se si duhet të shkruajnë dhe si duhet të “pozicionohen” analistët dhe gazetat e portalet e tyre të pavarura.

Kjo formë kërcënuese dhe antidemokratike, arrogante dhe apolitike e kryeministrit Rama (në përpjekje që t’i murkullojë gabimet e tij politike, duke justifikuar Marrëveshjen e lidhur me Serbinë kundër Kosovës, më 13 tetor 2016, që përmes territorit të Kosovës, të lidhej me Serbinë, pa e pyetur dhe, pa marrjen e pëlqimit të Qeverisë së Kosovës) me analistë të masmediave të pavarura shqiptare, dikur praktikohej vetëm në sistemet totalitare siç ishte Shqipëria me hallkën e shteteve të tjera të Europës Lindore me Bashkimin Sovjetik në krye.

Ata liderë politikë, që kanë lejuar, që Shqipëria të shndërrohet në një “Afganistan” dhe në një Kolumbi kanabisi; në “deponi” të grumbullimit të plehërave dhe të bërllogut të Europës dhe të botës; në kriminalizimin dhe në korruptimin e institucooneve më të larta të pushtetit shtetëror; në burokratizimin e aparatit shtetëror; në varfërimin ekstrem të popullsisë; në papunësinë e skajshme; në ekzodin sistematik të mbi 1 milion shqiptarëve në Greqi, në Europë dhe në vende të tjera të botës etj. nuk kanë kurrfarë të drejte morale, as ligjore e as kushtetuese, që të jenë krye të shtetit apo të ndonjë partie a subjekti politik, por vendin e kanë në burg për gabimet, për krimet, për mashtrimet, për manipulimet, për padrejtësitë e tyre të bëra ndaj popullit dhe ndaj shtet, thënçin demokratik me antidemokratë, me despotë, me nepotistë, me mafiozë, me injorantë, me plaçkitës dhe me kriminelë të ndryshëm.

Prandaj, si Edi Rama, ashtu edhe të tjerët si ai, duhet ta kenë të qartë se për gabimet e tyre politike nuk kanë kurrfarë të drejte t’i etiketojnë, t’i anatemojnë, t’i fajësojnë, t’i ofendojnë, t’i kërcënojnë, t’iu diktojnë si dikur në “stilin” stalinist të babait të tij , Kristaq Rama, duke iu mbajtur “leksione profesioniste” se si duhet të shkruajnë dhe nga duhet të pozicionohen analistët dhe gazetat e portalet e tyre të pavarura.

Sa më sipër, kryeministri Edi Rama për gabimet e tij politike në kurrizin e Kosovës, të bëra me rastin e vizitës, që i bëri Beogradit dhe Nishit, më 13 dhe 14 tetor 2016, duhet t’i debatojë me qeverinë e Kosovës, jo me analistët dhe me masmediat shqiptare, sepse kjo është adresë e gabuar, nuk është adresa e saktë e kryeministrit të qeverisë së Kosovës, Nazmi Mustafa.

Ministria e Jashtme angazhon avokat për Hilmi Kelmendin

Gjykata e Beogradit, ka shqiptuar 30 ditë paraburgim për të arrestuarin e dytë, kosovarin Hilmi Kelmendi.

Këtë e ka konfirmuar zëdhënësi i Ministrisë së Punëve të Jashtme Bashmir Xhemaj.

Ai po ashtu tha se tashmë për trajtuar rastin e Hilmi Kelmendit i cili është arrestuar në mesnatën e së premtes dhe të shtunës kjo ministri ka angazhuar dhe një ekip avokatësh.

Angazhimi i ekipit të avokatëve bëhet për të ndihmuar jo vetëm Hilmi Kelmendin por edhe të gjithë vëllezërit tanë të cilët arrestohen në një mënyrë të tillë, përfundoi Xhemaj, njofton Klan Kosova.

Gjuriçi sot në Leposaviq: “Serbia qëndron pranë ‘Trepçës’

Drejtori i Zyrës për Kosovën në qeverinë e Serbisë, Marko Gjuriçi, tha sot në Leposaviq se “Serbia qëndron pranë ‘Trepçës’ dhe me popullin e saj në këto hapësira”.

Gjuriq ka vizituar të hënën flotacionin e Trepçës në Leposaviq, në cepin verior të Kosovës, duke theksuar se “ka ardhur që t’iu përcjellë edhe udhëheqjes edhe punëtorëve të Kombinatit, në veri, porosinë e gjithë Serbisë se Kombinati Trepça mund të llogaris në mbështetjen e Serbisë”.

“Jo vetëm mbështetje politike por edhe mbështetje financiare dhe ligjore”, tha Gjuriq.

“Pra Serbia qëndron përkrah “Trepçës”, Serbia qëndron me punëtorët e “Trepcës, Serbia qëndron me popullin e saj në këto hapësira. Ne nuk do të lejojmë, që ajo që i takon këtij populli, të cilët e kanë krijuar dhe ndëtuar, që përfaqëson boshtin kurrizor të ekonomisë, të ndalojë së punuari”, tha Gjuriq.

“Ata që sot godasin “Trepçën”, godasin edhe stabilitetin e saj ekonomik dhe me këtë provojnë që të rrezikojnë ekzistencën e popullit serb në këtë pjesë të Kosovës” tha Gjuriq.

Deklaratat e Gjuriqit erdhën në ditën kur Gjykata Kushtetuese e Kosovës ka shpallur të papranueshme kërkesën e Listës Serbe për anulimin e Ligjit për Trepçën, të miratuar nga Kuvendi i Kosovës.

Ligji për Trepçën është miratuar nga Kuvendi i Kosovës në seancat e 7 dhe 8 tetorit, me të cilin, siç thanë deputetët, gjiganti ekonomik do të rimëkëmbet dhe do të rikthehet në treg.

Ky Ligj qe miratuar me 79 vota për, asnjë kundër dhe 14 abstenime, por pa praninë e deputetëve serbë në sallën e Kuvendit.

Ligji e përcakton Qeverinë e Kosovës si pronare të 80 për qind të aksioneve të kombinatit, me synimin, siç thotë, të rikthimit të kontrollit në gjithë gjigantin.

Thaçi e dekreton ligjin për Trepçën: Ka rëndësi strategjike për ne!

PRISHTINE- Presidenti i Kosovës, Hashim Thaci ka dekretuar ligjin për Trepcen, menjeherë pasi Gjykata Kushtetuese e shpalli vendimin e saj, të hënën, për gjigantin metalurgjik.

“Sapo nënshkrova Ligjin për Trepçën, pas vendimit të Gjykatës Kushtetuese. Kosova është vendburim i minierave e mineraleve të shumta, por Trepça si pasuri nacionale vazhdon të mbetet e rëndësisë strategjike për ne. Ligji i ri mundëson ristrukturimin e Trepçës dhe është në funksion të ngritjes së mirëqenies sociale për banorët e asaj ane dhe tërë Kosovës. Minatorëve u jemi përgjithmonë mirënjohës, sepse me punën dhe sakrificën e tyre e mbajtën gjallë këtë gjigant të ekonomisë sonë”, shkruan Thaçi në facebook.

Tani, mbetet që ky ligj të publikohet edhe në fletoren zyrtare, që të hyjë në fuqi.

Mejreme Azemi: Të kërkojmë drejtësi sa më shpejtë për Ukë Bytyçin dhe Tahir Zemajn

Vallja e pavarësisë me Gani Azemin, Tahir Zemajn, Ukë Bytyçin,

Është vallja e shpresës

Ata nuk janë më në mesin tonë, por trimërija, heroizmi dhe optimizmi i tyre gjithmonë do të jenë një dritë në rrugën tonë për të vepruar në të mirën e kombit dhe demokracisë

Heronjtë janë të lindur për të na shpëtuar, por edhe për të na dhenë shpresë dhe forcë për të luftuar për idealet e tyre: që janë liria dhe demokracia.

Kjo valle na fton të kujtojmë ato me gëzim, sepse është vallja e fitores e një luftë shumë të gjatë të brezave të tërë të shqiptarëve.

Por na ka mbetur një detyrë ndaj Ukë Bytyçit dhe Tahir Zemajt: të kërkojmë drejtësi sa më shpejt.

Vetëm zbardhja e vrasjes së tyre dhe shumë të tjerë do të na lejoje të i përkujtomë me krenari dhe gezim qe i patem.

Pak ditë pas se është shkrepur kjo foto u vra Kryetari Ukë Bytyçi.

Dy muaj pas, u vra Kolonel Tahir Zemaj.

Në foto: Perpos kryetarit, Ukë Bytyqit, kolonel Tahir Zemaj në valle është edhe deputeti i ndjerë Nimon Alimusaj, veprimtari Gani Azemi, Hysen Gervalla etj.

Koment ”Nuk mund të kemi shtëpi të mirë më mashkuj të keqij” – Nga Skënder MULLIQI

1.Shumë kënd sot në Kosovë po e mbysin monotonia dhe mërzia. Monotonia dhe mërzia janë bërë mbytëse sepse shumica e të rinjeve kan mbetur të pa punë .Janë bërë mbytëse sepse njeriut tonë shumë iu kanë mbyllur rrugët për një jetë më të mirë. Shumica po e kalojnë kohën në rrugët e qyteteve tona .Ata të cilët e kan pak më të mirë gjendjen materjale po i frekuentojnë kefiteritë …Nese largohet njeriu pak nga qendra e qyteteve, kemi shumë pak gjallëri… Shumë kush së ka as një metelikë të vetëm në xhep , dhe po detyrohen të ngujohen në shtepitë e veta . Edhe nga ky kënd mund të shohim së gjendja ekonomike po shkonë duke u thelluar edhe më shumë . Zejtarët po ankohen së gjithnjë e më pak po kanë punë. Shumë artizanate të vjetra janë mbyllur. Edhe ato të rejat mezi po mbijetojnë . Ata dikur kishin shumë pasuri. E tash thonë ” janë bërë pasanikë të ri më bollëk duke vjedhur popullin”, kurse ne mezi po mbijetojmë shprehen ata. Pushteti ka krijuar një panoramë të zymtë të jetës .Pushtetarët janë ata të cilët popullin e gjuajtën si topin e futbollit, për ta kujtuar ate vëtem në kohë fushatash elektorale.Fushatës veq ia kan filluar në një formë apo tjetër , por prapë sigurisht më rrena , së prapë janë të njejtat garnitura politike. Kjo kastë e “vjetër’ politike nuk ka mundësi ndryshimi për të mirë .Kan filluar disa parti ti mbajnë zgjedhjet nepër nen degë më shumë të formës kozmetike . Po i zgjedhin njerëzit e ndëgjueshëm , po i zgjedhin njerëzit e ‘vet”, për ti fituar serish pozitat e larta në pushtet. Më duhet ta përdori shprehjën fatkëqësisht sepse prap në garë do ti kemi strukturat e deritashme shumë të kompremituara politike .Partitë të cilat erdhën në pushtetet e deritashme e shfrytëzuan mundin dhe djersën e popullit për tu financuar .Kështu zatën do të ndodhë edhe në të ardhmen …

2.Kemi pritur shumë kohë qe ta kemi shtetin tonë të pavarur nga Serbia. Kemi menduar së do të ndërtojmë shtet ashtu si na ka hije , e jo të kemi një shtet aq të dobët politikisht dhe ekonomikisht. Kemi menduar më të drejtë së do ta përkrahim dhe do ta duam njeri -tjetrin si kurrë më parë. U ngjitën në pushtetet e aps luftës do turma bazhibuzukësh ,do hajna por edhe kriminelë të cilët na kan gërditur çdo gjë . Thotë një fjalë e popullit ”Nuk ka mundesi të kemi shtëpi të mirë më mashkuj të keqij”. Ky është një krahasim vërtetë adekuat për shtetin të cilin aktualisht e kemi .Duket ashiqare së veq frika nga regjimi kriminalë i Millosheviqit na kishte ba bashkë.Po të ishte ndryshe nuk do të na kishin ndodhur gjithë ato fenomene të keqija dhe të huaja . Na ndodhën edhe vrasjët politike dhe shumë vrasje të tjera . Këto vrasje e zymtësuan të ardhmën tonë dhe e zymtësuan shtetin e ri të Kosovës. Këto vrasje kan mbetur gurë në qafë të Kosovës dhe të ardhmës së saj .Pushtetet po funksionojnë më logjikë dhe metoda ende staliniste .Stalinistët e rinjë nuk janë duke u treguar hiqë më pak mizor karshi shtetit dhe popullit sikur ishin stalinistët e vjetër …

Deputeti i NISMA-s: Do të flasim me emra se nga kush po përndiqet Fatmir Limaj

Njëri nga njerëzit më të afërt gjatë dhe pas luftës të Limajt, Haxhi Shala, thotë se situatën më së miri të Limajt e përshkruan komenti i gazetarit Adriatik Kelmendi, i cili ka thënë se edhe nëse dikënd gjatë luftës e ka vrarë këpuca, atëherë për këtë Limajt do t’i ngritët aktakuza.

“Mund të themi se është një aktakuzë në përndjekje të Limajt dhe jo në kërkim të drejtësisë. Pikërisht në kohën kur Limaj dhe Nisma filluan të shtrijnë aktivitetin e tij politik dhe të forcohet si subjekt politikë dhe vetmja rrugë për t’ia ndaluar hovin Limajt ka qenë kjo aktakuzë e ngritur”, ka thënë Shala për Indeksonline.

Shala, i cili është edhe deputet i Nismës për Kosovën, thotë se një ditë do të vije momenti kur ata do të flasin hapur me emra dhe mbiemra se nga kush po përndiqet, Fatmir Limaj.

“Dikujt i ka penguar fuqizimi i Limajt në politikë dhe krahas fuqizimit të Limajt dikush ka filluar të dobësohet dhe e kanë orkestruar një aktakuzë, e cila do të bie poshtë sepse është pabazë dhe e njëjta është hetuar tri herë. Dy herë nga UNMIK-u dhe një herë nga EULEX-i.”

“Edhe ne jemi të interesuar qe rasti të zbardhet. Njëri nga të vdekurit është nga fshati ynë dhe tjetri është afër fshatit tonë dhe jemi të interesuar qe të zbardhen këto dy raste dhe nuk duam qe në territorin e Malishevës të mendojnë familjet e tyre si ka raste ka mundur të ndodhë nga Limaj”, ka shtuar Shala.

Me zbardhjen e këtij rasti, sipas tij, do të dihet se kush janë hileqarët e UÇK-së dhe do të njoftohen të gjithë pjesëtarët e kësaj ushtrisë se kujt i kanë shkuar prapa. Shala ka shtuar se Brigada 121 ka qenë më e hetuara deri më sot nga të gjitha gjykatat vendore dhe ndërkombëtare.

Lideri i Nismës për Kosovën, Fatmir Limaj, po akuzohet nga Prokuroria Speciale e Kosovës për mos parandalimin dhe mos hetimin vrasjes se dy personave gjatë luftës në territorin e Malishevës. Ndërsa, mbrojtja e Limajt ka thënë se ekziston një komunikatë ku përgjegjësinë për këto vrasje e kishte marë asokohe Shtabi i Përgjithshëm i UÇK-së.

Drecun: Me dialog, Serbia po kthehet ‘hap pas hapi’ në Kosovë

Milovan Drecun, kryetar i Komisionit Parlamentar “për Kosovë dhe Metohi” në Serbi, ka thënë se interesi i shtetit dhe popullit serb është që të vazhdojë dialogu në Bruksel, pasi që alternativa do të ishte jo-stabiliteti.

Në një intervistë për agjencinë serbe të lajmeve FoNet, Drecun ka precizuar se mos-stabiliteti, si alternativë e dialogut të Brukselit, do të thoshte përkeqësim, jo vetëm mes marrëdhënieve Prishtinë – Beograd, mes shqiptarëve dhe serbëve, por edhe në rajon.

“Procesi i normalizimit do të duhej të vazhdonte”, ka thënë Drecun, i cili, sipas tij, do të ishte edhe në interes të BE-së dhe të disa vendeve tjera që ndikojnë në proceset në Kosovë dhe në rajon, transmeton Koha.net.

Ai vlerëson se kjo është mënyra që shteti i Serbisë, “hap pas hapi”, gradualisht të kthehej në Kosovë dhe të forcojë praninë dhe ndikimin e saj në procese.

Kjo, sipas tij, do të duhej të ishte në interes edhe të shteteve fqinje, Shqipërisë, Maqedonisë dhe të tjerave, të cilat tash e disa vite po përballen me “planet separatiste të shqiptarëve”.

Drecun thotë se procesi i normalizimit të marrëdhënieve duhet të vazhdojë, por thotë se në këtë proces është Prishtina ajo që nuk është e sinqertë.

“Edhe Prishtina ka ambicie evropiane. Ne nuk e pranojmë Kosovën e Metohinë si shtet, por ata i kanë ato ambicie evropiane”, ka theksuar Drecun, transmeton Koha.net.

Kryetari i Komisionit Parlamentar “për Kosovë dhe Metohi” në Serbi, Milovan Drecun, ka thënë se Prishtina dhe lidershipi politik shqiptar “kanë edhe disa qëllime tjera të cilat tentojnë të shkojnë vazhdimisht e më shumë drejt atij projektit të cilin tash e shumë kohë e quajmë “Shqipëria e Madhe””.

“Dëshirojnë që tërë këtë proces të normalizimit të marrëdhënieve ta nxjerrin jashtë kontekstit të neutralitetit ndaj statusit dhe të na çojnë në një situatë për të diskutuar për “njëfarë shteti të Kosovës””, ka shtuar ai.

Duke folur për mënyrën e zgjidhjes së çështjes së pronave, Drecun ka konstatuar se “në këtë fazë, Prishtina është duke u përpjekur që të imponojë atë pikëpamjen se çdo gjë që ndodhet në territorin e Kosovës dhe Metohisë në momentin e shpalljes së njëanshme të pavarësisë, i përket Kosovës”.

“Pra, deklarojnë se të gjitha pronat shtetërore të Serbisë, prona të ndërmarrjeve publike i përkasin atij shtetit të rrejshëm të vetëshpallur të Kosovës. Ne këtë nuk e pranojmë, dhe këtu kemi të bëjmë edhe me pronat private”, ka thënë Drecun.

“Kemi një rrezik të madh që, përmes Ligjit për themelimin e Agjencisë për investime strategjike, të legjitimojnë marrjen e pronave serbe”, ka paralajmëruar Drecun ndërsa ka vlerësuar se çështja e Trepçës mund të jetë precedan i rrezikshëm.

“Nëse do ta pranonim këtë, do të vinim në atë pozitë që do të pranonim marrjen e Trepçës përmes farsës së legjislacionit që zbatohet në Prishtinë, që pastaj gjithçka që është pronë shtetërore e Serbisë, nga ai moment, të shndërrohet në pronë të ligjshme të shtetit të vetëshpallur të Kosovës”, theksoi Drecun, transmeton Koha.net.

Drecun thotë se nuk mund të përjashtohet ideja se Kosova, me veprimin e saj për Trepçën, ka një plan “për destabilizimin e veriut të Kosovës”.

Kryetari i Komisionit Parlamentar “për Kosovë e Metohi” në Serbi, ka thënë gjithashtu se disa shtete në BE po kërkojnë nga Serbia t’i plotësojë disa kushte të cilat, siç thotë ai, “janë vetëm në interes të Kosovës dhe janë kërkesa kryekëput që vijnë nga Prishtina”.

Hiqet edhe barrikada e fundit në veri të Mitrovicës

Mitrovicë e Veriut

Në Mitrovicën e veriut, të shtunën pas orës 19, është hequr edhe barrikada e fundit e vendosur në vitin 2011. Me ndihmën e mjeteve të rënda është hequr barrikada te shkolla Teknike e cila con drejt urës lindore, drejt pjesës jugore të qytetit, kanë bërë të ditur zyrtarë komunal në veri.

Këshilltari komunal i Mitrovicës së Veriut, Nexhat Uglanin e ka konfirmuar këtë njoftim, duke thëksuar se “kjo është pjesë e marrëveshjes së kryetarëve të komunave të Mitrovicës së jugut dhe veriut, Agim Bahtirit dhe Goran Rakiqit, të arritur një muaj më parë”.

Shefi i operativës së Policisë së Kosovës. Zhelko Bojiq, tha se “pjesëtarët e policisë nuk kanë marrë pjesë, dhe as që kanë qenë të njoftuar me heqjen e barrikadës në Mitrovicën e veriut.

Barrikadat në veri u vendosën nga serbët lokal, para më shumë se pesë vjetësh, në kundërshtim të operacionit të forcave speciale të Policisë së Kosovës, në korrik të vitit 2011, për futjen nën kontroll të pikavekufitare në Bërnjak dhe Jarinjë, në veri të vendit. (REL)

Apologji…. -“Populli kosovar” si “popull i ri” artificial dhe johistorik, apo si derivat dhe pezhorativ i çështjes se pazgjidhur shtetërore dhe nacionale….?! – Nga Agron Shabani

1. Thonë se e ashtuquajtura Japonia imperiale, ekspansioniste dhe militariste e vitëve të tridhjeta dhe dyzeta të shekullit të kaluar, nën parullat dhe sloganet e njohura reaksionare dhe anakronike të një “mbrojtësje dhe shpëtimtareje të vetme dhe të vërtetë të vendëve dhe popujve të ndryshëm lindorë ose aziatikë nga imperialistët ose kolonialistët e njohur amerikan dhe evropian”: Atëbotë i kishte filluar luftërat dhe fushatat e përgjakshme dhe shkatërrimtare në Kinë, Kore, Filipine, Indonezi, Hong Kong, Singapur si dhe në shumë vende dhe rajone tjera të kontinentit të madh aziatik. Duke i shndërruar në ruina ose në gërmadha lufte qytetët e njohura të Pekinit, Shanhait, Hong Kongut, Manilës, Xhakartës, Kuala Lumpurit, Singapurit dhe kështu me radhë! Si dhe duke i vrarë, përndjekur, internuar, dhunuar dhe masakruar asokohe me qindra mijëra ose miliona njerëz ose qytetar të pafajshëm dhe duarthatë në Kinë , Filipine, Hong Kong ( koloni e dikurshme angleze ose britanike), Malajzi, Singapur, Indonezi ( Javë) dhe gjithandej nën pretekste ose lajtmotive të ndryshme raciste, imperialiste, ksenofobe, egonarciste, ultranacionaliste dhe të tjera të dominimit ose ” sperioritetit të popullit diellor ose qiellor” të Japonisë mbi vendët ( shtetet) dhe popujt tjerë të Azisë dhe më largë deri ne SHBA-se etj. ( Kujto bombardimet japoneze ne Perll Harbur te SHBA-se gjate luftes se dyte boterore dhe revanshin e njohur atomik te SHBA-se ne Hiroshima dhe Nagasaki te Japonise me 1945!)

2. Nën motot, parullat ose sloganet e njohura imperiale, kolonialiste ose gjysëmkolonialiste të “sigurimit të një vendi ose hapësire jetësore ose gjeografike nën diell”, shtetët ose fuqitë e ndryshme imperiale ose kolonialiste, i kishin sulmuar dhe pushtuar dikur popujt (kombët) dhe vendët e ndryshme gjithandej globit.

3. Ndërkaq, “shtetit dhe populli qiellor serb”, me parullat ose sloganet e njohura satanike dhe demagogjike te “mbrojtësve ose shpëtimtarëve të vendëve dhe popujve të tjerë joserb nën ish Jugosllavi nga ish Reichu i Tretë Gjerman si dhe nga ish Perandoria e njohur Austro-Hungareze etj.”, atëbotë i kishin vrarë, zhdukur, burgosur, masakruar, përndjekur dhe internuar shqiptarët, kroatët dhe të tjerët me tepër se një shekull me radhë. Gjegjësisht që nga 1918 dhe gjer me 1999!
Përndryshe, sipas shënimëve, deftesave ose kronikave të ndryshme të kohës, nepër gjykatat ( gjyqet) e ndryshme ushtarako-policore të Serbisë ose ish Jugosllavisë, shqipiptarët e Kosovës dhe viseve tjera etnike të shqiptarëve nën ish Jugosllavi, asokohe në total ishin dënuar me mijëra ose qindra-mijëra vite burg të rëndë nepër kazamatët e tmerrshme serbo-jugosllave. Ndërkohë që me mijëra të tjerë ishin pushkatuar ose zhdukur pa gjurmë nga regjimi çetnik ose jugo-komunist i Beogradit.

4. Para fillimit të luftës çlirimtare dhe patriotike në Kosovë, e përditshmja prestigjioze dhe autortitative gjermane, “Die Welt” e Berlinit, do shkruante asokohe se nga regjimet e ndryshme ushtarako-policore të ish Jugosllavisë, që nga viti 1918 dhe gjer në vitin 199O, e kishin gjetur vdekjën afro 1OO mijë shqiptarë të Kosovës dhe hapësirave tjera shqiptare nën ish Jugosllavi. Ndërkaq, me qindra-mijëra të tjerë ishin përndjekur dhe shpërngulur (dëbuar) me dhunë dhe terror të egër ushtarako-policor në Turqi si dhe në vende ose kontente të ndryshme të globit.
Ndonëse, pa i harruar këtu edhe martesat ose kurorëzimet e imponuara të shqiptarëve me serbe, malaziase si dhe me femra ose gra të tjera në kuader të “narodit jugosllav”! Të cilave Kosova dhe shqiptarët, edhe sot e kësaj dite, vazhdojnë t´ua shohin sherrin në forma dhe profile të ndryshme multikuluturore, multinacionale, multietnike, artificiale, johistorike etj.

5. Aktët morbide, makabre dhe teper sadiste të soldateskës dhe falangave serbe-kundër popullatës civile shqiptare ( kryesisht gra, pleq dhe femijë) gjatë luftës së fundit në Kosovë, t´i rikujtonin në sfond sadizmin, morbiditetin dhe makabritetin e egër të Kortesit ose Pizaros nga Spanja dikur në Amerikën Latine, Neronit ose Kaligulles ne Romen Antike, Ivan Groznit ( Ivanit të Tmerrëshëm) -kundër popujve të ndryshëm jorus ose musliman në Rajonin e njohur të Kaukazisë dhe kështu me radhë….! Për të mos thënë këtu muzgujt ose hijet e lugatëruara të mesjetës.

6. Ndryshe nga kjo, çmenduria dhe sadizmi individual dhe kolektivë i shtetit dhe popullit serb-kundër shqiptarëve, kroatëve, boshnjakëve (muslimanëve) dhe të tjerëve, si të thuash nuk u denuan ose gjykuan kurrë në kuptimin e plotë të fjalës nga ana e bashkësisë së gjërë ndërkombëtare. Me përjashtim të rastëve të rralla të gjykimëve ose denimëve të ndryshme të ndonjë oficiri ose krimineli serb nga Tribunali Hagës.

7. Se këndejmi, serbët edhe përkundër luftërave të përgjakshme dhe shkatërrimtare në Kosovë, Kroaci, Bosnje Hercegovinë dhe Slloveni, dolën si fituesit dhe të përkëdhelurit kryesor të bashkësise së gjërë botërore ose ndërkombëtare! Dhe, kjo në formë ” republika serbskash”në Bosnje Hercegovinë, enklavash, apendiksesh, eldoradosh ose ” asociacionësh të pavarura të komunave serbe” në Veriun e Kosovë ose Mitrovicës dhe kështu me radhë….!!!

8. Ndërkohë që për qëllime të ndryshme djallëzore ose satanike të Moskës dhe Beogradit si dhe të miqve ose aleatëve të tyre në kontinentin plak dhe gjithandej, nga ana e Tribunalit të Hagës jo rrallë u paditën, akuzuan dhe dënuan me të njejtat ligje, norma, kushte,kritere, paragrafe ose aline të ndryshme gjyqësore ose juridike edhe luftëtarët ( clirimtarët) ose patriotët shqiptarë dhe të tjerë, edhe xhelatët, sadistët dhe kriminelët serb! Duke i barazuar kështu viktimat me xhelatët!!!

Dikujt i kujtohen ndofta vendimet e dikurshme “spektakulare” ose “bombastike” te “Aleancës së Shënjtë” ose “Pentarkisë së Madhe”me 1815…? Apo, ato “Urbi et Orbi” ose “Ultima Ratio” t´ “Antantës së Madhe” me 1919..dhe kështu me radhë….?!

9. Të duket shumë i padrejtë, gjegjësisht, cinik, reaksionar dhe anakronikë, krahasimi i çlirimtarëve shqiptarë me çetnikët, xhelatët dhe sadistët serbian! Mbase, me ata që edhe femijët ( kalamajtë) e palindur shqiptarë i kanë prerë dhe masakruar me thika ose bajoneta në barkun ose embrionin e nënave shqiptare në Kosovë!!!

1O. Thonë se atdhedashuria ose patriotizmi, pos tjerash e ruajnë ose e mbrojnë individin dhe kolektivitetin për të mos prekur ose gjurmuar në dhembjet ose plagët e vjetra (mocme) shtetërore, nacionale, historike, gjeografike, skeletore ose gjenetike deri në shërimin e tyre përfundimtar.

Kokën lartë! Sot është nesër për të gjitha ato gjëra që ishim të brengosur dje. ( Ch.Dickens)

Jo midis Bregoviqit dhe Andriqit, por mes Sami Frashërit dhe Vaso Pashë Shkodranit – Prof.Dr.Mehdi HYSENI

Barometri diplomatik

*** Prof.Dr.Sonja Biserko : “ The entire Serbian history is a big lie!”

*** Kësaj aksiome vlerësuese të Sonja Biserkos, veprimtare për të drejtat dhe liritë e njeriut në Këshillin e Helsinkit në Beograd, duhet t’i përmbahet katërcipërisht si politika, diplomacia, ashtu edhe shkenca shqiptare në Ballkan. Ndryshe ,do të vetëviktimizohen sikur këtu e 100 vjet më parë, nëse edhe më tej, pa mbulesë (vetëm mbi bazën ekonomiko-tregtare) “puthen” me Serbinë, e cila prerazi ka deklaruar, se “kurrë nuk do ta njohë shtetin e pavarur dhe Sovran” të Kosovës. Në këtë kontekst të marrëdhënieve ndërshtetërore të Tiranës dhe Beogradit, duhet dalluar VLERA nga interesi.

Prandaj, politikat shqiptare, nuk duhet të ushqehen me iluzione të shkreta sipas simpatisë dhe interesave partike dhe të luftës për pushtet (por mbi të gjitha me interesin e përgjithshëm të Shqipërisë së ribashkuar etnike të Sami Frashërit dhe të Vaso Pashë Shkodranit), se gjoja Edi Rama me homologun e tij serb Aleksandar Vuçiq, do të jenë “shpëtimtarë” të paqes në Ballkan.

Kjo fatbardhësi për Ballkanin dhe për Shqipërinë Etnike, fatkeqësisht nuk do të ndodhë dot, DERISA kryeministri Vuçiq dhe presidenti i tij Tomislav Nikoliq (kumara, bashkëveprimtari, bashkiedologu, bashkëluftëtari dhe kryetari i tij partiak, Vojislav Sheshel) kërkojnë kthimnin e Kosovës nën sovranitetin territorial dhe shtetëror colonial të Serbisë (1912-1999).

Prandaj, duhet të jemi realistë ( jo të hipnotizuar dhe të shastisur pas “tagjisë” së drekave dhe të darkave të kryeministrit të “moderuar” serb, Aleksandar Vuçiq, se gjoja ky në takimet private me Ramën, iI ka premtuar për ta “njohur Kosovën”.Kjo është një rrenë e stilit të Dobrica Qosiqit), të pajtohemi me të vërtetën dhe përvojën e hidhur të derisotme historike, politike, kombëtare dhe shtetërore, se as kryeministri Edi Rama sikure shumë kryeministra dhe presientë të derisotëm të Shqipërisë, nuk do të arrijë, që t’I pajtojë shqiptarët me Serbët, sepse serbët racion ditor e kanë gënjeshtrën disashekullore të Kishës Ortodokse Serbe, se “Kosova dhe Anamorava shqiptare janë territore serbe”, të cilat shkenca, kisha dhe shteti serb i quajnë “stara juzhna Srbija”, e që në të vërtetë, historikisht është territor indigjen i Shqipërisë Lindore, por që nga viti 1878 është kolonizuar dhe aneksuar në saje të kryerjes së gjenocidit të Serbisë.

Ata që nuk kanë njohuri të mjaftueshme për historinë dhe për politikën e marrëdhënieve shqiptaro-serbe ( sidomos gjatë shekujve XIX-XX), s’kanë zgjidhje tjetër, përpos të citojnë armiqtë më të egër serbomëdhenj siç janë: Vuk Karaxhiq, Jovan Cvijiq, Stojan Protiq (Balkanikus), Vladan Gjorgjeviq, Radoje Domanoviq, Branislav Nushiq, Nikola Pashiq, Ivo Andriq, Dobrica Qosiq…, e shumë të tjerë, që së bashku me Kishën Ortodokse Serbe e kanë falsifikuar, jo vetëm historinë e kombit shqiptar dhe të Shqipërisë Etnike, por edhe historinë e gjithë Ballkanit.

Këtë të vërtetë e ka konfirmuar edhe Prof.Dr.Sonja Biserko (kryetare e Këshillit të Helsinkit për Serbinë dhe njëra nga oponentët më vehementë të nacionalizmit shovinist serbomadh dhe të regjimit çetniko-fashist policor, paramilitar dhe militar vrastar dhe gjenocidal të Slobodan Milosheviqit, duke vlerësuar me plot të drejtë se “ E TËRË HISTORIA E SERBISË ËSHTË NJË GËNJESHTÊR E MADHE’ (http://www.matica.hr/vijenac/558%20-%20560/Bez%20istine%20nema%20pomirenja/

Absolutisht ka të drejtë Sonja Biserko, se “ e tërë historia serbe është një rrenë e madhe”, që ka ndryshuar hartën etnike dhe gjeopolitike të Ballkanit (1878-2016)

Pikërisht, duke u shërbyer me shekuj me këtë gënjeshtër skandaloze nacionalsitët serbomëdhenj dhe institutcionet e tyre shtetërore dhe shoqërore ( qeveritë e ndryshme, Akademia e Shkencave dhe e Arteve Serbe, Kisha Ortodokse Serbe, qarqet ushtarake e policore, shkenca, politika, propaganda, publicistika dhe mjetet e ndryshme të informacionit), në themel e kanë falsifikuar jo vetëm historinë e tyre, por edhe historinë e kombit kroat, historinë e kombit shqiptar dhe historinë e popullit boshnjak mysliman.

Si rrjedhim i “një gënjeshtre të madhe të historisë serbe”, siç ka vlerësuar me të drejtë Zonja e nderuar Sonja Biserko, demokrate dhe luftëtare konsekuente për liritë dhe të drejtat e njeriut në krye të Këshillit të Helsinikit të Serbisë, regjimet e ndryshme të Serbisë ( fashiste, mbretërore, monarkiste, socialiste dhe komuniste), të prira dhe të ndihmuara nga politika edhe nga propaganda e Kishës Ortodokse Srebe (si industria më e fuqishme e falsifikmit të historisë së Ballkanit), ia kanë arritur që me shekuj, ta indoktrinojnë, ta mashtrojnë dhe ta gënjejnë popullin serb se “armiq të tij të përbetuar janë kroatët, boshnjakët myslimanë dhe shqiptarët “ardhacakë”, të ngulitur në tokat serbe”!?

Kjo është teza e ndërruar fatale me të cilën KOS-i, politika, diplomacia, publicisitika, propaganda dhe shkenca serbomadhe ka infektuar të gjitha gjeneratat e djeshme dhe të sotme, se gjoja serbët “janë element autkton”, kurse shqiptarët, kroatët dhe muslimanët boshnjakë “janë ardhacakë” dhe “pushtues” të territoreve të Serbisë!?

Vërtet, kjo është gënjeshtra më e madhe dhe më fatale e gjithë historisë serbe, sepse historia e vërtetë dhe objektive flet ndryshe: Ardhacakët barbarë janë serbët, të cilët në shekullin VII, për herë të parë vërshuan në Gadishullin Ilirik, duke ua grabitur tokat shqiptarëve dhe kroatëve autoktonë ilirë.

Mirëpo, këtë të vërtetë historike, Kisha Ortodokse Serbe së bashku me shtetin dhe me shkencën serbomadhe e kanë fshehur dhe falsifikuar me shekuj vetëm për vetëm për t’i jusitifikuar barbaritë, luftërat, agresionet dhe gjenocidet e tyre, të zhvilluara për grabitjen dhe për pushtimin e territoreve indigjene të kroatëve dhe të shqiptarëve. Mbi këtë “bazë” serbomëdhnjtë kanë falsifikuar historinë e tyre, si dhe historinë e popullit kroat dhe të popullit shqiptar në Ballkan.

Ky recidiv i së kaluarës serbomadhe, është një nga helmet më shkatërrimtare, edhe për marrëdhëniet e sotme mes Serbisë, Kroacisë dhe Kosovës. Fatkeqësisht këtë e provuan, edhe tri gjenocidet serbe kundër Kroacisë, Bosnjës dhe Kosovës (1991-1999) për kryejen e të cilave Serbia ende nuk ka dhënë llogari juridike ndërkobëtare, ashtu sikurse dikur Gjermania naziste e Hitlerit, e cila me të drejtë dhe në afat tejet të shkurtër u ndëshkua nga bashkësia ndërkombëtare.

Tirana sa më afër Kosovës dhe Anamoravës shqiptare, jo Beogradit, JO!

Prandaj, të gjithë ata që merren me çështje historike dhe politike të Ballkanit, duhet ta mbajnë parasysh këtë të vërtetë aksiomatike të Prof. Dr. Sonja Biserko, ndryshe, do të digjen në zjarrin dhe në flakën e falsifikimeve dhe të mitomanisë nacionalromantike të Serbisë së Madhe të Ilija Garashaninit (1844), të nobelistit Ivo Andriq, të akademikut Vasa Qubriloviq, të Akademikut Dobrica Qosiq, të Slobodan Milosheviqit, të Vojislav Sheshelit dhe të “bishtave” të tyre, që sot me ndihmën e Europës, janë instaluar në pushtet(Tomislav Nikoliq, Aleksandar Vuçiq dhe Ivica Daçiqi).

Të gjithë këta serbomëdhenj së bashku me Kishën Ortodokse Serbe dhe me Akademinës e Shkencave dhe të Arteve të Serbisë mbajnë përgjegjësi historike, politike, ligjore dhe morale për kryerjen e tri gjenocideve ndaj Kroacisë, Bosnjës dhe Kosovës (1989-1999).

Prandaj, si Europa, ashtu edhe Kombet e Bashkuara, moralisht dhe ligjërisht (duke u mbështetur në të drejtën humanitare, publike dhe penale ndërkombëtare, janë të obliguara, që Serbinë ta sanksionojnë për tri luftërajte saj pushtuese gjenocidale , të zhvilluara gjatë viteve 1989-1999 kundër popullit kroat, mysliman boshnjak dhe kundër popullit shqiptar në Kosovë.

Për një “Kurban” të përkthyer serbisht nga Beogradi, të mos sakrifikohen interest vitale të Kosovës dhe të shqiptarëve

Politika e pareformuar sebomadhe e Beogradit e di, pse aq shumë llogarit dhe aq tepër është “dashuruar” në “Kurbanin” e përkthyer edhe në gjuhën serbe të kryeministrit Edi Rama. Këtë , më së miri e dëshmoi edhe Protokolli i Brunilda Paskalit për shfrytëzimn e territorit të Kosovës (pa e pyetur dhe pa e konsultuar Kosovën) për ndërtimin e autostradave dhe të hekurudhave për lidhjen e Serbisë me Shqipërinë (13 tetor 2016).

Mirëpo, politika dhe diplomacia e Tiranës zyrtare nuk duhet të “dashurohet” aq shumë , duke ushqyer iluzione se do të gjejë gjuhë të përbashkët me Beogradin, sepse , ende në Serbi nuk janë spastruar elementet recidivistë të regjimit çetniko-fashist të ish-presidentit të saj Slobodan Milosheviq, si dhe të “ushtarëve” dhe të bashkëpunëtorëve të tij, siç janë sot në krye të shtetit të Serbisë: Tomislav Nikoliq (president), Aleksandar Vuçiq (kryeministër) dhe Ivica Daçiq (nënministër dhe minister i Jashtëm).

Nuk ka asnjë dyshim se, me këtë garniturë udhëheqëse të Serbisë( me përmbajtje të politikës strategjike të Serbisë së Madhe), e cila nuk njeh Kosovën e pavarur e as të drejtën e vetëvendosjes së shqiptarëve të Preshevës, të Bujanocit dhe të Medvegjës, nuk do të zgjidhet asnjë nga problemet ekzistuese, që rëndojnë marrëdhëniet ndërshtetërore të saj me shtetet fqinje siç janë Kosova, Kroacia dhe Bosnia e Hercegovina.

-Natyrisht, është e drejtë sovrane dhe e ligjshme e Tiranës bashkëpunimi ndërshtetëror me cilindo nga shtetet fqinje, evropiane dhe botërore, por pa u përzier në çështje të brendshme të Kosovës.

Mirëpo, derisa Serbia nuk e njeh Kosovën, si dhe të drejtën e vetëvendosjes shqiptarëve në Preshevë, në Bujanoc dhe në Medvegjë (gjëqë njohja e kësaj së drejteje, do të ishte në favorin e së drejtës historike të shqiptarëve mbi territorin e tyre etnik, si dhe ribashkimin me Kosovën), nuk ka kurrfarë kuptimi intensifikimi i bashkëpunimit politik, diplomatik, ekonomiko-tregtar dhe kulturor i Tiranës me Beogradin.

Vështrim Kuvendi i Kosovës , arenë gladioatorësh dhe sehirxhinjve politikë?! – Nga Skënder MULLIQI

Edhe një shfaqje teatrore e pamë këtë të enjte në sallën e Kuvendit të Kosovës, lidhur me mbrojtjën e vlerave të luftës. Unë për vete , por mendoj së edhe shumica e qytetarëve të Kosovës ndajnë mendimin së këta kuvendarë të këtij legjislacioni, në vend që ti kryejnë punët për çka edhe janë aty, po merren më tema të cilat nuk e kan shumë vendin në kuvend. Këta deputet rregullisht po merren më zënka të ndërsjella , më akuza dhe kundër akuza të cilat nuk kan të bëjnë më punën e legjislativit?!Me këta deputet analfabet potencial dhe shumë nga ta edhe më biografi kriminale, pa pikë ves veseje që do të bëjm shtet ligjor dhe funksional. Dojnë ti mbrojnë vlerat e luftës ata të cilët nuk lanë gjë pa vjedhur, pa plaqkitë , pa abuzuar më shtetin e ri të Kosovës. Këta kurrën e kurrës nuk mund ti mbrojnë vlerat e luftës dhe është turp i madh që tna flasin për patriotizëm. Mund të shesin sa të duan dushkë për gogla , por sigurisht së këtyre marrezinave politike sidomos dy viteve të fundit nuk u bëson më askush .Po të njejtën ditë kur mbahej kuvendi ambasadori amerikan, Delawie dhe ai britanik, Okonell edhe një herë tjetër në tryezën e organzuar nga KDI-ja kërkuan që të luftohet krimi i organizuar dhe korrupcioni të cilat kan marr tashmë përmasa shumë të mëdha .Edhe kësaj radhe si shumë herë deri me sot miqët tanë ndërkombëtar, kërkuan që njerëzit e politikës mos të përzihen në punet e organeve të drejtësisë , dhe këta nuk po marrin vesh !!! Pushtetarët nuk po ia dinë fundin pasurisë së pa ligjshme , e po na shesin patriotizma të rreme të cilave moti iu ka dalë boja. Patriotizmit të mirëfilltë kurrë zatën nuk i del boja , sepse patriotet e krijojnë dhe e mbajnë shtetin. Këtyre të mirat materjale moti ua kan ërrësuar sytë dhe mendjën. Kur punohet mirë dhe ndërshmërisht për shtetin dhe kombin vetvetiu mbrohen vlerat e luftës çlirimtare. Vetvetiu mbrohet gjaku i shumë martirëve dhe dëshmorëe të kombit. Sikur mos të ishte plaçkitur shteti deri në themel sigurisht së nuk do ta kishim këtë gjendje të rënd politike , as këtë gjendje shumë të rënd ekonomike dhe sociale .Pse u formua Gjykata Speciale nuk është aspak pyetje e vështirë për tu përgjigjur . U formua pse vet e prum të dera. E prunë të dera e shtëpisë ata që uzurpuan , ata që plaqkitën pronën shoqërore, e prunë të dera ata që vranë bashkëkombasit e vet para dhe pas luftës dhe kurrë nuk lejuan që organet e drejtësisë të punojnë të pa varura nga politika. E elimunuan sovranin popull sikur mos të ekzitonte fare. Dhe, vet e thirrën ujkun në torisht . E sigurisht së nuk kan të drejtë që duke e mbrojtur vetën e tyre për gabimet e bëra ta fusin në telashe vendin , dhe të binë në pikëpyetje edhe shtetësinë e Kosovës.Nuk kan të drejtë që në emer të luftës çlirimtare të inskenojnë marifete të ndryshme të cilat e mbajnë situatën politike të tensionuar. Ju e dini dhe keni kënd ta pyetni pse disa nga shokët i keni në burg e jo në liri ?! Mos i maltretoni dhe mos i fajësoni të tjerët pa asnjë faj…Shfaqjët e turpit që po luhën në kuvend që një kohë të gjatë ish dashur për të mirën e Kosovës të marrin fund…Deshta ta përfundojë shkrimin por nuk mujta pa i thënë edhe disa fjalë për deklaratën e Anton Çunit në këtë kuvend. Me erdhi mirë që Çuni ish në gjendje të shkon në burg për disa kohë për Sylejman Selimin para shokëve të tij ngusht!!! Por, më erdhi keq për Antonin, së si nuk i zuri në gojë shokët e vet të vrarë barbarisht dhe pas shpine … Ulësja e deputetit nuk mbahet më dy karrige z. Anton?!…Shumë ke humbur kësaj radhe më duket mua më këtë deklaratë të pa matur politike edhe pse deri tash ishe në nivel … Gjithëkush e bartë fajin ose pa fajësinë e vet mbi supe në këtë botë dhe në botën e amshueshme …

Kritika ndaj debatit dhe rezolutës së Kuvendit të Kosovës kundër dënimit të ish-komandantëve të UÇK-së

Bashkimi Evropian dhe njohësit e çështjeve të drejtësisë, thonë se debati dhe rezoluta e parlamentit për vendimet e gjykatave, shënon ndërhyrje të politikës në sistemin e drejtësisë.

Kuvendi i Kosovës me një seancë të jashtëzakonshme në mbrojtje të siç thuhet, “vlerave të luftës së UÇK-së”, zotohet që brenda gjashtë muajve do ta miratojë ligjin për mbrojtjen e vlerave të Ushtrisë Çlirimtare të Kosovës dhe luftës së saj për çlirim. Seanca e jashtëzakonshme që zgjati për dy ditë radhazi dhe rezoluta e nxjerrë nga kjo seancë, u inicua nga Partia Demokratike e Kosovës, pas konfirmimit nga Gjykata e Apelit të dënimit ndaj disa ish-komandantëve të UÇK-së, të njohur në rastin “Drenica 1 dhe 2”. Në këtë rast u dënuan për krime lufte, një ish-ambasador, një deputet, një kryetar komune dhe disa ish pjesëtarë të UÇK-së. Ky proces gjyqësor dhe një tjetër që tashmë është në proces ”Drenica 1”, me po të njëjtit emra, udhëhiqen nga gjykatës të misionit EULEX.

Kritika ndaj debatit dhe rezolutës

Në rezolutën e kuvendit të Kosovës, e cila jo pak u kritikua nga analistët dhe debate që u zhvillua për këtë çështje, thuhet se pjesëtarët e UÇK-së ishin faktorë vendimtarë për sjelljen e lirisë dhe në këtë drejtim duhet të gëzojnë mbështetjen dhe vlerësimin e tyre të merituar institucional, në pajtim me Kushtetutën e Kosovës.

uckk2

“Edhe në rastin e dënimit të grupit Drenica, u bëjmë thirrje të gjitha institucioneve e pushtetit publik dhe sidomos gjykatave që t’i kushtojnë kujdes esencës së të drejtës që kufizohet, rëndësisë së qëllimit të kufizimit, natyrës dhe vëllimit të kufizimit, raportit midis kufizimit dhe qëllimit që synohet të arrihet, si dhe ta shqyrtojë mundësinë e arritjes së atij qëllimi me kufizim më të vogël”, thuhet në rezolutë.

Ndarja e pushteteve mes gjyqësorit, ekzekutivit dhe legjislativit

Përfaqësues të zyrës së BE-së në Kosovë, thanë për mediet lokale se deputetët duhet ta dinë ndarjen e pushteteve dhe nuk duhet të përzihen në vendimet e gjykatave.

“Në një demokraci, parlamenti është vendi për debat politik rreth çështjeve kryesore në interes të njerëzve. Ky debat megjithatë duhet të bëhet gjithmonë në respekt të plotë të ndarjes së pushtetit të gjyqësorit, ekzekutivit dhe legjislativit, si themele të demokracisë. Zyrtarët e zgjedhur dhe autoritetet publike, përfshirë edhe deputetët, duhet që megjithatë të përmbahen nga thirrjet që vënë në pikëpyetje vendimet e gjykatës pasi që zbatimi i sundimit të ligjit kërkon respektim të pakusht të vendimeve të gjykatës dhe ndarjes së pushteteve”, citojnë mediet lokale deklaratën e Zyrës së BE-së në Kosovë.

Edhe analistët politikë dhe njohësit e çështjeve të drejtësisë, thonë se është gabim që kuvendi i Kosovës diskuton vendimet e gjykatave, për më shumë vendime këto që merren nga gjykatës të misionit EULEX, mision ky që është ftuar nga vetë parlamenti i Kosovës.

uckk3

Debati në parlament bie ndesh me kushtetutën e Kosovës

Njohësi i çështjeve të drejtësisë, Blerim Burjani, i tha DW-së, se debati në parlament për vendimet e gjykatave bie ndesh me kushtetutën e Kosovës, e cila e përcakton qartë ndarjen e pushtetit.

“Në aspektin e brendshëm i bëhet dëm drejtësisë dhe zgjidhjes së rasteve në mënyrë të pavarur dhe profesionale pa marrë parasysh se cili është epilogu i gjykimit, kjo seancë është ne kundërshtim me vlerat dhe parimet që ka kushtetuta e shtetit, kjo i bjen që shteti beson në demokracinë kushtetuese që buron nga populli dhe ekzekutivi i shtetit qeveria po u dashka me u marr me këtë temë. Padrejtësia dhe drejtësia zbardhet përmes fakteve jo përmes politikës”, thotë Blerim Burjani.

Sipas tij, Kosova nuk është pjesë e Këshillit të Evropës dhe për këtë fakt nëse politika pretendon që ka shkelje të drejtave të njeriut si pretendon “në rastin e ish-komandantëve të UÇK-së”, atëherë, mund ta bëjë kërkesën për monitorim të gjykimeve nga organizatat ndërkombëtare për të drejtat e njeriut.

Gjykata speciale e cila do të gjykojë për krimet e mundshme të bëra nga ish pjesëtarët e UÇK-së, tashmë është në përfundim të konsolidimit të saj me staf. Selia e gjykatës speciale tashmë është vendosur në Holandë dhe të dënuarit e saj të mundshëm, dënimin do ta vuajnë po ashtu jashtë Kosovës, në vende të ndryshme të BE-së.

Hashim Thaçi fyen kosovarët – Nga Halil Matoshi

Pos shumë të pavërtetave kulmore, presidenti i quajti të gërditshëm shqiptarët etnikë që i japin besnikëri e lojalitet Republikës së Kosovës, të cilën e kanë krijuar pas një shekulli luftërash, rezistence e tragjedish. Ai tek pështynte kosovarizmin si identitet subetnik dhe emërkuptim i shtetit që aksidentalisht e drejton, po fliste me një gjuhë sureale, prej supernjeriu për luftën e tij për çlirimin dhe bashkimin e trojeve shqiptare në një shtet unik. Ai sapo kallëzonte përralla me mbret, që rëndom zënë vend tek të varfrit, netëve të gjata dimrit…

Presidenti i shtetit, si kontrovers i dëshmuar dhe me disa copëza mendimesh të palidhura mes vete, shpërndante fjalë e fjali konfuze pa asnjë kuptim etimologjik, botëkuptime pa themel politik e etik dhe së këndejmi fyese për inteligjencën e qytetarit mesatar.
Vetëm dy javë para se të jepte intervistën shumë kontroverse në “Opinion”, presidenti i Kosovës, Hashim Thaçi, e kishte pranuar se Kosova kishte një kombëtare në futboll.

“Kombëtarja e Kosovës dhe sportistët tanë të talentuar janë duke e përshpejtuar ecjen tonë si shtet i ri drejt skenës ndërkombëtare” – kishte shkruar në llogarinë e tij në “Facebook”.
Porse i përhumbur në mësymjet e tij pa fill dhe nën njëfarë presioni të habitshëm, ai po e mohonte këtë duke e quajtur “kombëtare” ekipin e futbollit të Shqipërisë, kurse atë të Kosovës e cilësonte “përfaqësuese”.

Sepse hise në linguistikën kombëtare del të ketë vetëm Shqipëria, por jo edhe shoqëria të cilën Thaçi e drejton…
Ai në dërdëllitjet e tij herë e sheh veten të varur në kornizë si një nga rilindësit kombkrijues (sipas doktrinës nacionalromantike shqiptare), herë e sheh veten pa fuqi, një vdekatar i rëndomtë, e herë një njeri i lidhur me ndërkombëtarët.
Sapo i largohet narkoza e hiperhistorisë kombëtariste dhe kthjellet, ai e sheh veten psikologjikisht një të persekutuar, të ndjekur…

President kot, të një shteti pa komb dhe që i nënshtrohet fabulës së turbonacionalistëve:
“Prish shtëpi e ndërto hajat”, sepse kosovarët vazhdojnë ta shohin shtetin si projekt të përkohshëm, përkatësisht derisa të realizohet ai projekti epik e legjendar i “Shqipërisë etnike” ose natyrale… e terma të tjerë të shpikur nga folkloristët shqiptarë.
Kosova e pavarur si një projekt perëndimor (ShBA me aleatët e NATO-s) më i madhi pas luftës së ftohtë, nuk shihet e përhershme porse nga disa grupe integristësh shqiptarë, të cilët po e pengojnë kombkrijimin, së këndejmi paqen me të tjerët dhe mirëqenien e qytetarëve shqiptarë si titullar të kombit kosovar, modernizimin dhe perëndimorizimin e shtetit.

Ndër ta, i përhumbur së fundi shfaqet Hashim Thaçi.
Ai kishte harruar se televizionit NTV para do kohësh i deklaronte se ai ishte një politikan i moderuar dhe jo një luftëtar dhe tashti po u thoshte shqiptarëve se ai ka luftuar fort për bashkim kombëtar…!?

Mirëpo, nëse qytetarët kosovarë e ulin kokën dhe i dëgjojnë retorikat e pakuptimta të Thaçit, se si ata që thërrasin për kosovarizëm na qenkan të gërditshëm dhe si dikush paskësh recituar poezi për Titon mbi kontejnerë bërlloku, ai duhet të japë shpjegime përse një mori institucionesh shtetërore, politike e kulturore me bazë në Kushtetutë emërtohen me sufiksin “kombëtare”.
Pra, Thaçi duhet me urgjencë ose të ngrihet në nivelin e një presidenti real të një shteti të pavarur dhe drejtues i një kombi sovran – që e ka këtë të drejtë një herë të arrirë, shtetin kombëtar – ose të nisë procedurat e shpërbërjes jo vetëm të semantikës kombëtariste në institucionet e shtetit, por edhe vetë shtetin e kosovarëve, së këndejmi t’i shndërrojë ato në institucione përfaqësuese.

Sikur që e “shndërroi” kombëtaren e futbollit në një ekip të një mëhalle shqiptare.
E nëse e mohon procesin e shtetkrijimit dhe kombndërtimit kosovar (shtet dhe komb i ndërtuar nga amerikanët dhe aleatët evropianë), atëherë është dashur që kësaj punës së bashkimit kombëtar (edhe pse është vetëm një deklaratë boshe politike) me i hy vetë!?
Po kujt i shërbejnë këto retorika boshe?
Qeveritarëve aktualë për ta mbajtur më lehtë pushtetin.
Oponentëve të tyre për të siguruar më shumë vota përmes parullave populiste dhe natyrisht Beogradit zyrtar për ta përmbushur pikën 6 të Memorandumit të Dytë të Akademisë serbe të shkencave: Destabilizimit të qeverive të vendeve fqinje, duke provokuar pakënaqësi të brendshme dhe trazira dhe për ta topitur tehun e akuzave ndaj Serbisë.

A nuk po turren liderë shqiptarë që ta faktorizojnë Vuçiqin dhe Qeverinë serbe kur ajo pos Rusisë i ka dyert e mbyllura në tërë botën demokratike dhe a nuk po shkojnë këto mësymje në favor të realizimit të Memorandumit 2?
Të shohim se cila është kjo linguistikë që shpreh dhe u jep emër institucioneve të shtetit pa komb Republikës së Kosovës, si entitet juridik-politik në të drejtën ndërkombëtare (sepse kombi shqiptar pandehet unik.)

1. Kushtetuta e Kosovës është derivat i Pakos Ahtisaari, pra dukja dhe rregullimi i simboleve nacionale/kombëtare buron nga Pakoja që thotë: 1.7 Kosova do të ketë simbolet e veta të veçanta nacionale, duke përfshirë flamurin, stemën dhe himnin, të cilët pasqyrojnë karakterin e saj shumetnik. Lexo edhe versionin në anglisht të këtij dokumenti që e ka derivuar Kushtetutën e Kosovës.

2. Kushtetuta e Republikës së Kosovës në nenin 126 (Forca e Sigurisë e Kosovës) e njeh për kategori kushtetuese një forcë kombëtare.
“ Forca e Sigurisë e Kosovës është forcë kombëtare e sigurisë për Republikën e Kosovës dhe mund të dërgojë pjesëtarët e saj jashtë vendit në përputhje të plotë me përgjegjësitë e saj ndërkombëtare.”

E tash, forcë kombëtare e cilit komb është FSK-ja? Kombit unik shqiptar që e zotëron Republikën e Shqipërisë me kryeqytet Tiranën apo një kombi tjetër që Thaçi po ia shtrembëron emërtimin e vërtetë, pra po e cenon Kushtetutën? Një kombi fantom që po ndërtohet në terren, me gjithë refuzimin e integristëve shqiptarë dhe kreut të Beogradit zyrtar, që përditë po u thonë kosovarëve se ata janë të paqenë, inekzistentë e rrjedhimisht e paqenë është edhe Republika e tyre sovrane, e njohur nga 112 kombe të botës!?

3. Po Teatri Kombëtar i Kosovës a është kombëtar zoti President apo Teatër përfaqësues i Kosovës?

4. Po Biblioteka Kombëtare e Kosovës a është bibliotekë përfaqësuese apo…?

5. Po çka na qenka kjo “Strategjia kombëtare e Republikës së Kosovës për menaxhimin e integruar të kufirit”, dokument ky që ka dalë nga zyra Juaj kur ishe kryeministër?
Mos vet për ty, je kapur në Corpus delicti!

6. E ciceroni i Ministrisë së Mjedisit dhe Planifikimit Hapësinor se “Ku mund të sigurohen informatat për parqet kombëtare të Kosovës, a është me gabime shtypi a po u bëjnë sytë?

7. Po kjo Agjencia e Kosovës për mbrojtje nga rrezatimi dhe siguria bërthamore – AMRK, çfarë na qenka?

8. Po ky Instituti Kombëtar i Shëndetësisë Publike a do të duhej të ishte institut përfaqësues i shëndetësisë publike?

9. Ose kjo Qendra Kombëtare e Transfuzionit të Gjakut? Për cilin gjak flitet këtu a mos për ndonjë gjak të prishur, jokombëtar, por përfaqësues, po ku mbeti gjaku “i pastër” i shqiptarit që e luaje keq në studion televizive në Tiranë?

10. Dhe në fund, a e ke lexuar se cili është identiteti yt kombëtar në pasaportën biometrike!?
Shqiptar apo kosovar?
Shqiptarësia është ETNIA dhe ajo është një konstantë (ne jemi shqiptarë), kurse identiteti kombëtar është subetnik pra një variabël president, një bashkësi imagjinare njerëzish, politikisht e konstruktuar, e ky është ENTITETI kosovar: Shteti Sovran, President!
President, duhet t’i drejtoheni Gjykatës Kushtetuese për të kërkuar një verdikt nëse këto institucione emërtohen drejt dhe në bazë të Kushtetutës ose jo?

Nëse nuk e bëni këtë, ju po e shkelni përditë Kushtetutën duke përdorur emërtime jokushtetuese për agjencitë qeveritare dhe institucionet politike dhe kulturore!
Zoti President, i thuaj publikut nëse di ndonjë homolog, kudo në botë, që nuk identifikohet me kombin dhe shtetin që i drejton, ama vetëm një!?

Pra, a do të ishte absurde që presidenti Ivanov të thoshte se nuk ka komb maqedonas, vetëm pse ai është etnikisht një bullgar?
A do të ishte marrëzi sikur Gjukanoviq do të deklaronte se nuk ka komb malazias, vetëm pse rrënjët e largëta etnike të tij janë ngjitas me ato të serbëve?
Ose a nuk do të ishte skandal po qe se presidenti austriak do të thoshte në Bruksel se nuk ka komb austriak, ngase ai flet gjuhën e Goetës?

A nuk do të shokohej globi nëse Barack Obama do të dilte e të thoshte se nuk ka komb amerikan, ngase të parët e tij nga vija e babës ishin etnikisht Kenyan myslimanë?
Dhe, a nuk do të shkaktonte tronditje presidenti i Zvicrës të deklaronte se nuk ka komb helevet, sepse ai është një gjerman etnik, Johann Schneider-Ammann!

Dhe krejt në fund të intervistës suaj, plot ankth e frikë se mos po gabon e po thua najsen të vërtetë dhe po del nga rutina e retorikave populiste, megjithatë e ke bërë një “gabim fatal”, sepse e ke përmendur togfjalëshin “interes nacional” i Kosovës!
Kur po flisje për dialogun me Serbinë.
Pra, e pranon në ndërdije kombin kosovar – sepse ta ka ëndja me qenë i pari i tij – por s’ke guxim qytetar dhe nuk je asnjë patriot kushtetues, për ta thënë këtë zëshëm!

Dhe nga mungesa e guximit, fyen ata që guxojnë!
Bluan fjalë pa kuptim, pa asnjë përmbajtje…
Ashiqare, kurrë nuk e ke thënë asnjë fjalë në burimin e vet etimologjik.
Për këtë je shndërruar në kërcënues të vetë shtetit që e drejton dhe lirisë kombëtare dhe në një njeri që fyen shtetasit, vetëm e vetëm pse ata i japin dashuri atdheut të tyre, Kosovës!?
E tmerrshme!

Paskali nuk njeh Kosovën, por Serbinë! – Nga Prof.Dr.Mehdi HYSENI

Barometri diplomatik

Paskali nuk njeh Kosovën, por Serbinë!

*** “When the fox preaches , take care of your geese”!

*** Skilja toptaniste Brunilda Paskali me Protokollin e saj gjeoekonomik strategjik anti-Kosovë, gëzoi Serbinë, “bombardoi“ diskursin politik dhe diplomatik të kryeministrit Edi Rama, por nuk ia arriti, që ta mashtrojë edhe Kosovën, sepse kjo ia arriti t’ia çjerrë maskën e tradhtisë zëvendësministres B. Paskali.

Gjithashtu, Protokolli anti-Kosovë i Brunilda Paskalit demantoi konstatimin tim, se Edi Rama “është faktor pozitiv i diskursit të politikës së vjetër të dështuar 100-vjeçare (1913-2016)”. Mirëpo, kjo dëshirë parashikuese në kuptimin pozitiv të politikës së reciprocitetit të ndërsjellë Kosovë-Shqipëri nuk duhet keqkuptuar dhe keqinterprenuar “blanko”, sepse siç thonë “nga e thëna në të bërë është një det i tërë”.

“From words to deeds is a great space”

Kjo do të thotë, se politika dhe diplomacia e qeverisë së kryeministrit Edi Rama ende nuk janë dëshmuar në praktikë me vepra konkrete, se janë antitezë dhe diskurs i politikave të vjetra të regjimeve të derisotme të Shqipërisë ndaj Kosovës dhe trevave të tjera të kolonizuara të Shqipërisë Etnike nën Serbi (Presheva Bujanoci dhe Medvegja), nën Maqedoni (Ilirida), nën Greqi (Epiri shqiptar me Çamërinë) dhe nën Mal të Zi (Malësia e Madhe e Mbishkodrës).

Ndryshe, kjo së bashku me qeverinë dhe me kryeministrin e saj Edi Rama, do ta përfshinin edhe Kosovën si palë të tretë të Protokollit Shqipëri-Serbi, kur është fjala për hartat e tyre gjeoekonomike strategjike për ndërtimin e autostradave dhe vijave hekurudhore, që kalojnë përmes territorit të Kosovës për t’u lidhur Beogradi me Tiranën.

-Kështu, qeveria-Brunilda, në “stilin” e politikës dhe të diplomacisë antikombëtare të Ahmet Zogut dhe të Esat Pashë Toptanit, e tradhtoi Kosovën, duke lidhur marrëveshje me Beogradin në kurrizin e territorit të Kosovës. Një marrëveshje e tillë shqiptaro-serbe, e përfunduar në Beograd(13 tetor 2016), do të thotë se as Serbia e as Shqipëria nuk e njohin Republikën e Kosovës (edhe pse Tirana zyrtare de fakto dhe de jure e ka njohur shtetin e pavarur të Kosovës, sikurse 112 vende të tjera të OKB-së).

Paskali e demantoi “diskursin” Edi Rama

Edhe pse ditë më parë pata shkruar se kryeministri Edi Rama është “diskurs pozitiv” i një politike të vjetër 100-vjeçare anti-Kosovë (1939-2016), kjo nuk do të thotë, që të mos kritikohet për gabimet e bëra politike dhe diplomatike me rastin e vizitës së tij zyrtare, që i bëri Beogradit më 13 dhe 14 tetor 2016, si dhe për gabimet eventuale të tij në të ardhmen.

Si ndodhi që kryeministri Edi Rama, të miratonte Protokollin ekonomik serbo-shqiptar (që parashikon ndërtimin e vijave hekurudhore dhe të autostradave, që kalojnë nëpër territorin e Kosovës) të zëvendesministres Brunilda Paskali?

Ku ishte Edi Rama, që për këtë Projekt afatgjatë serbo-shqiptar (me qëllim të fundit për t’ia bërë të mundur Serbisë realizimin e aspiratës dhe kërkesës shekullore për të dalë në Detin Adriatik shqiptar, si dhe për të vjelur ndonjë fond të madh financiar nga Bashkimi Evropian, ku Shqipëria dhe Serbia së bashku, do i bënin “rrush e kumbulla”, duke i keqpërdorur dhe përvetësuar për nevoja të tyre, duke e lënë Kosovën “me gishta në gojë”) nuk ka reaguar, duke qenë se në këtë rast qeveria e Serbisë dhe ajo e Shqipërisë kanë anashkaluar përfshirjen e qeverisë së Kosovës në këtë projekt të Brunilda Paskalit dhe Stevan Nikçeviq (minister i Tregtisë së Serbisë)?

-Lidhja e marrëveshjes së theksuar të Brunilda Paskalit, përkatësisht të qeverisë së Shqipërisë dhe qeverisë së Serbisë është ndërhyrje dhe përzierje e drejtpërdrejtë në punë të brendshme dhe të jashtme të Kosovës në kundërshtim me rregullat, me normat dhe me parimet e së drejtës ndërkombëtare dhe të rezolutave dhe deklaratave të Asamblesë së Përgjithshme të Kombeve të Bashksuara, si dhe të Dokumentit Përfundimtar të Helsinkit (1975).(Më hollësisht shih në : https://opozita.com/2016/10/serbia-dhe-shqiperia-duhet-sanksionuar-per-shkak-te-perzierjes-ne-ceshtje-te-brendshme-te-kosoves/ ).

Kosova nuk duhet pranuar asnjë traktat serbo-shqiptar në kurrizin e territorit të saj!

-Sepse Protokolli i Brunilda Paskalit, i lidhur në Beograd me homologun e saj serb Stevan Nikçeviq, në mënyrë flagrante antiligjore shkel dhe mohon sovranitetin territorial të Republikës së Kosovës, i cili de fakto dhe jure përbën pushtetin sipran dhe të pandar të sovranitetit dhe të pavarësisë së Kosovës.

-Habit fakti se si Edi Rama dhe Brunilda paskali janë “dashuruar” aq shumë në politikën dhe në diplomacinë antishqiptare të qeverisë së Serbisë së Aleksandar Vuçiqit, kur Beogradi nuk e njeh Republikën e Kosovës e as të drejtat njerëzore dhe kombëtar të shqiptarëve të Preshevës, të Bujanocit dhe të Medvegjës!

Shkurt e shqip, një marrëveshje e tillë gjeoekonomike me Beogradin, do të mund të lidhej vetëm atëherë, kur Serbia e Tomislav Nikoliqit (president) dhe e Aleksandar Vuçiqit (kryeministër), ta njihte Re;publikën e Kosovës dhe të Drejtën e Vetëvendosjes së brendshme dhe të jashtme të Preshevës, të Bujanocit dhe të Medvegjës shqipare për t’u bashkuar me Kosovën. Ndryshe, as Kosova e as Shqipëria nuk kanë kurrfarë të drejte ligjore, që të liidhin marrëveshje, tractate dhe protokolle gjeoekonomike për ndërtimin e hekurudhave dhe të autostradave nëpër territorin e Kosovës. Kjo nuk duhet lejuar në asnjë mënyrë, pavarësisht nga interesi dhe leverdia ekonomike dhe gjeopolitike e Serbisë dhe e Shqipërisë.

Tirana zyrtare, të kërkojë falje për skandalin Brunilda Paskali, duke suspenduar Protokollin e saj me Serbinë në dëm të interesit të përgjithshëm të Kosovës dhe të Shqipërisë, ndryshe, me arsye, do të vije në shprehje humbja e besimit dhe e bashkëpunimit reciprok të Prishtinës dhe të Tiranës, gjë që kjo do të ishte në favorin e interesave kolonialiste dhe neokolonialiste të Serbisë dhe të aleatëve të saj. –Do të fitonte vetëm Serbia e jo Kosova e as Shqipëria.

Pra, nëse qeveria dhe parlamenti i Shqipërisë nuk e pezullojnë Protokollin e Brunilda Paskalit, të lidhur me Beogradin në dëm të Kosovës, atëherë, do të ishte nonsens vazhdimi dhe thellimi i bashkëpunimit të gjithmbarshëm ekonomiko-politik, tregtar dhe diplomatik i Kosovës me Shqipërinë, sepse pa besim, pa mirëkuptim, pa përfillje të plotë dhe pa interes të ndërsjellë, nuk mund të ketë as bashkëpunim konstruktiv, të frytshëm dhe të qëndrueshëm ndërmjet dy vendeve.

-Të jemi të qartë, se më Kosova nuk është koloni e dikurshme e Serbisë (1912-1999), por shtet i pavarur dhe sovran, i njohur nga 113 shtete të bashkësisë ndërkombëtare, si dhe nën mbrojtjen e çeliktë të Shteteve të Bashkuara të Amerikës dhe të aleatëve të saj europerëndimorë. Prandaj, as Shqipëria e as Serbia nuk mund të flasin, të thirren dhe të veprojnë në emër të Kosovës, sepse kjo, tanimë ka zot. – Shqipëria e ka humbur të drejtën dhe shansin historik, që të flasë në emër të Kosovës (1913-1999).

-Shqipëria, një shans të tillë (të ndërhyrjes në çështje të brendshme të Kosovës), përfundimisht e ka humbur më 1999, kur nuk ndërhyri ushtarakisht për mbrojtjen e Kosovës dhe të 2 milionë e gjysmë shqiptarëve nga masakrat, nga terrori dhe nga gjenocidi i Serbisë barbarike më 1989-1999.

Sintagma politike, “ secili në shtëpinë e vet”-humbje e mdhe për Shqipërinë dhe për Kosovën

-Tanimë, shansi i fundit historik dhe politik i Shqipërisë, që të flasë në emër të mbrojtjes së interesave kombëtare dhe shtetërore të Kosovës, është shtruarja e kërkesës së saj Amerikës dhe Brukselit, që të ribashkohet me Kosovën.

Ndryshe, secili zot në “shtëpinë e vet”, sepse me Brunilda paskalësh dhe toptanësh, duke u “përqafuar” me çetnikët fashistë serbë të Beogradit, nuk mund të ketë kurrfarë bashkëpunimi dhe ribashkimi me Tiranën zyrtare. Kjo do të ishte humbja më e madhe e Shqipërisë.

Mirëpo, që të mos përsëritet diç e tillë dhe fatale, kryeministri Edi Rama sipas Kushtetutës së Shqipërisë në fujqi(1998), si dhe sipas përgjegjësisë dhe obligime të Shqipërisë si subjekt juridik ndërkombëtar, menjëherë, duhet të anulojë Protokollin e Brunilda Paskalit (13 tetor 2016), të cilit i vijë erë e keqe sikurse “Protokollit të Firencës 1913”, i cili disa vite më pas, pikërisht në korrik të vitit 1925 u bë “reallitet i ligjshëm” për Serbinë, sepse qeveria kuislinge e Shqipërisë së Ahmet Zogut dhe ajo e Serbisë së Nikolla Pashiqit lidhën traktatin dypalësh, që Shën Naumi t’i cedohej Serbisë. Ky ishte shpërblimi më i mirë për Serbinë, e cila e ndihmoi puçistin Ahmet Zogu të vinte në pushtet, duke përmbysur qeverinë demokratike të Fan S. Nolit (1924) në saje të invdaimit agresiv ushtarak ruso-serb.

-Qeveria e Edi Ramës, duhet ta mbajë parasysh faktin , që të mos përzihet në punë të brendshme të Kosovës, sepse Kosova nuk është me status të kufizuar dhe të diskutueshëm, ashtu siç po gënjen politika propagandistike dhe diplomacia zyrtare e Beogradit dhe Rusia e presidentit Vladimir Putin, duke u bazuar në Rezolutën 1244 të KS të Kombeve të Bashkuara, si dhe në VETO-n e Rusisë, e cila ka “ngrirë” njohjen e Kosovës nga ana e OKB-së, sepse shplla e pavarësisë së Kosovë më 17 shkurt 2008, është bërë plotësisht në frymën e normave dhe të parimeve të së drejtës ndërkombëtare. Këtë e konfirmoi edhe Mendimi këshillëdhëns juridik i Gjyaktaës Ndërkombëtare të Drejtësisë në Hagë, më 22 korrik 2010. (http://www.evropaelire.org/a/2107064.html ).

Rriten shqetësimet në prag të nisjes së punës së Gjykatës Speciale

Përfaqësuesit politik nga Kuvendi dhe Qeveria e Kosovës nuk i fshehin rezervat që kanë në raport me fillimin e punës së Gjykatës Speciale për krimet e luftës.

Shqetësimi më i madh i tyre ka të bëjë me, siç thuhet, “rrezikun nga ndikimi politik i vendimeve që mund të merren në këtë Gjykatë” e cila kryesisht pritet t’i trajtojë rastet e krimeve të dyshuara të luftës, ku protagonistë kryesor do të jenë ish-pjesëtarë të Ushtrisë Çlirimtare të Kosovës.

Ndonëse Qeveria dhe Kuvendi i Kosovës ishin pajtuar për themelimin e kësaj Gjykate, shqetësimet janë në rritje, sidomos tani, kur disa ish-komandantëve dhe figurave të larta të Ushtrisë Çlirimtare të Kosovës iu konfirmua dënimi nga organet vendore të drejtësisë, çka e shtyu Kuvendin e Kosovës të thërras një seancë të jashtëzakonshme për të enjten, në mbrojtje të vlerave të luftës së UÇK-së.

Infrastruktura juridike e Gjykatës Speciale për krime lufte në Kosovë tashmë është ndërtuar, përfshirë këtu aprovimin nga Kuvendi i Kosovës të Ligjit për Dhomat e Specializuara dhe Zyrën e Prokurorit të Specializuar, si dhe nënshkrimin e marrëveshjes ndërmjet Kosovës dhe Holandës për rivendosjen e kësaj gjykate në Holandë.

Mirëpo ende nuk dihet saktë se kur do të nisin punën dhomat e specializuara në Kosovë. Disa nga Deputetët e Kuvendit të Kosovës konsiderojnë se fillimi i punës së kësaj gjykate mund të paraqes problem për sistemin e drejtësisë.

Deputetja Albulena Haxhiu, Kryetare e Komisionit për legjislacion në Kuvendin e Kosovës vlerëson se roli i kësaj gjykate do të jetë më tepër politik, andaj si i tillë, sipas saj, mund të sjell probleme të ndryshme.

“Do të jetë goxha problematike roli i Gjykatës Speciale duke marrë parasysh tendencën për të njollosur luftën e UÇK-së. Do të ketë probleme edhe për sistemin e drejtësisë edhe për faktin që parasheh një sistem paralel të sistemit të drejtësisë dhe kjo ka qenë e pa drejtë qysh atëherë kur është bërë. Ne kemi nevojë për forcimin e sistemit të drejtësisë dhe dënim të gjenocidit që e ka bërë Serbia në Kosovë”, thotë Haxhiu.

Ndërkaq, deputetja Selvije Halimi, nënkryetare e komisionit për legjislacion nga Partia Demokratike e Kosovës, thotë për Radion Evropa e Lirë se në rast se puna dhe vendimet e gjykatës do të jenë politike, problemet do të jenë evidente.

Halimi mendon se gjykata duhet të punojë në bazë të fakteve reale të cilat mund të dëshmohen dhe vërtetohen.

“Vendimet, qofshin në gjykatat vendore sot qofshin nesër ato në speciale, duhet të jenë mbi bazën e fakteve dhe provave të dëshmuara dhe të vërtetuara [kështu] nuk do të ketë kurrfarë shqetësimi”.

“Por, nëse vendimet janë pa prova, pa dëshmi relevante, dhe vendime që të lënë të kuptosh se janë kryekëput politike, atëherë normalisht se do të ketë shqetësime”, tha Halimi.

Kurse, Ministrja e Drejtësisë, Dhurata Hoxha, ka deklaruar se ministria pas miratimit të ligjeve nuk ka asnjë detyrim apo obligim në raport me Gjykatën Speciale.

Por, ajo tha se do të kërkoj transparencë për proceset që do t;i zhvillojë ky mekanizëm.

“Do të kërkojmë, do të jemi insistues, që të kemi transparencë në lidhje me hapat, procesin i cili po na vjen. Por, nuk mund të ndikojmë. Ajo është gjykatë, ka pavarësinë e vet dhe vetëm në kuadër të një bashkëpunimit juridiko-ndërkombëtar ne mund t’i ndihmojmë”, tha Hoxha.

Dhomat e specializuara do të trajtojnë çështjet që dalin nga raporti i Dick Martit, që u shndërrua në raport të Këshillit të Evropës, e që “fajëson ish-pjesëtarë të UÇK-së, për krime lufte përfshirë edhe trafikim të organeve njerëzore”.

Zbardhja e krimeve gjatë periudhës së luftës pritet të jetë një nga qëllimet kryesore edhe të Gjykatës Speciale apo Dhomës së Veçantë, që është krijuar për hetimin e krimeve të supozuara të ish-pjesëtarëve të Ushtrisë Çlirimtare të Kosovës ndaj civilëve serb.

Kryeprokurori i Zyrës së Prokurorisë Speciale, David Schwendiman, kohë më parë në një konferencë me gazetarë në Hagë ka thënë se do të zhvillojë hetimet e tij “pa frikë dhe pa asnjë favor”.

Schwendiman ka theksuar se “është i vetëdijshëm për ndjeshmërinë politike të asaj çfarë po bën, por në punën e tij do të udhëhiqet vetëm nga faktet dhe nga ligji.

Gjykata Speciale do të merret me akuzat për krime gjatë viteve 1999-2000. Ajo do të financohet nga Bashkimi Evropian dhe vepron në përputhje me ligjet e Kosovës, ndonëse prokurorët dhe gjykatësit do të jenë ndërkombëtar. (REL)

Stojanoviq: Nuk bisedojmë për Ushtrinë dhe nuk e votojmë Demarkacionin

Lista Serbe nuk do të kthehet në Kuvendin dhe Qeverinë e Kosovës në rrethanat e krijuara politike, ka thënë zëvendëskryeministri, Branimir Stojanoviq.

Si një zyrtar i lartë shtetëror i Kosovës, Branimir Stojanoviq, në një intervistë për seksionin në gjuhën serbe të Radios Evropa e Lirë, e bën të qartë se Lista Serbe mbetet e përkushtuar në mbrojtjen e interesave të komunitetit serb.

Vendimin për bojkotimin e punës së institucioneve qendrore, ky subjekt politik që përfaqësohet me 11 deputetë në Kuvend, e mori nga momenti kur ligjvënësit votuan Ligjin për Trepçën dhe më pas atë për Investimet Strategjike.

Stojanoviq thotë se këto dy ligje nuk janë në interesin e serbëve, andaj edhe është marrë vendimi për braktisjen e institucioneve qendrore.

“Vendimi për miratimin e Ligjit për Trepçën nuk është në interesin e bashkësisë serbe dhe dikush është dashur ta mendonte këtë para se ta merrej vendimi. Po ashtu edhe Ligji për Investime Strategjike nuk është në interesin e serbëve dhe edhe për këtë dikush është dashur të mendonte para se të vendosej”, thotë Stojanoviq.

Përfaqësuesit e kësaj Liste, vijon ai, u përgjigjen vetëm votuesve që i kanë zgjedhur, andaj edhe angazhohen për mbrojtjen e interesave të tyre.

Një hap tjetër që do të ndërmarr Lista Serbe, sipas tij, është që t’i informoj institucionet në Bashkimin Evropian dhe qeveritë perëndimore me qëndrimet e këtij subjekti politik.

Në funksion të politikave të pavarura të Listës Serbe nga agjenda politike e Qeverisë së Kosovës është vlerësuar edhe vizita e fundit e Stojanoviqit në Bruksel.

Por, ai mendon se problemi qëndron te fakti që agjenda e Qeverisë së Kosovës nuk i përfshinë interesat e serbëve të Kosovës.

“Ajo agjendë që nuk i përmban interesat e popullit serb dhe bashkësisë serbe, për ne nuk është agjendë relevante”, thekson Stojanoviq.

Tutje, Stojanoviq thotë se nëse institucionet e Kosovës nuk kanë dashur t’i konsultojnë 3 mijë punëtorë të Trepçës dhe menaxhmentin që ka punuar atje për 17 vjet, duke aluduar në pjesën e Trepçës që menaxhohet nga strukturat serbe, atëherë, sipas tij, si mund të pritej që Lista Serbe ta hesht këtë fakt.

Ndërkaq, duke iu referuar ratifikimit të marrëveshjes për Demarkacionin e kufirit me Malin e Zi, si një proces që po zgjat më tepër se një vit për shkak të mospajtimeve politike, Stojanoviq konfirmon se Lista Serbe nuk do të kthehet në Kuvend nëse eventualisht do të shtrohet çështja e votimit.

“Është më se e qartë se ka pak gjasa që të votohet në Kuvend kjo marrëveshje”, thotë Stojanoviq, duke rikujtuar se për Demarkacionin nuk ka pajtim as te partitë shqiptare.

Në rrethanat e krijuara politike, Lista Serbe, sipas Stojanoviqit, nuk dëshiron të diskutoj fare me Qeverinë e Kosovës as në lidhje me themelimin e Forcave të Armatosura.

Themelimi i këtyre forcave është i varur nga vota e deputetëve serb, pasi që Kushtetuta e Kosovës e njeh votimin e dyfishtë i cili kërkon mbështetjen e dy të tretave të komuniteteve pakicë në Kuvend.

“Mendoj se nuk është racionale dhe reale që dikush të paramendoj se do të mund të diskutojë me neve në lidhje me këtë temë kur është krijuar një atmosferë e tillë në të cilën serbët jetojnë”, ka thënë Stojanoviq.

Që çështja e Ushtrisë së Kosovës të mund të diskutohet me Listën Serbe, Stojanoviq thotë se duhet të ndryshohet gjendja aktuale, duke hequr dorë nga Ligji për Trepçën, nga ai për investimet strategjike si dhe të krijohen kushtet për kthimin e serbëve të zhvendosur nëpër shtëpitë e tyre.

Krejt në fund, Stojanoviq shpreh shqetësimin e tij edhe në lidhje me vonesat në procesin e themelimit të Asociacionit të komunave me shumicë serbe.

“Në rrethanat aktuale politike mendoj se nuk është reale të pritet që kjo do të ndodhë shpejt. Ka shumë deklarata se Asociacioni do të themelohet, por vendim nuk ka dhe kjo për ne është shqetësuese”, thekson Stojanoviq.

Zvarritjet që po i bëhen themelimit të Asociacionit, sipas Stojanoviqit, duhet të adresohen te faktori ndërkombëtar për të sqaruar pse institucionet e Kosovën nuk po e zbatojnë një marrëveshje që e kanë nënshkruar vet.

Lista Serbe në Prishtinë shihet edhe si një lloj produkti i dalë nga dialogu politik ndërmjet Prishtinës dhe Beogradit. Ky subjekt politik ishte mbështetur nga Beogradi zyrtar në zgjedhjet e fundit në Kosovë të mbajtura në të dyja nivelet. (REL)

Përgatiti: Zijadin Gashi

Vështrim Zgjedhjet nacionale ta shpallin të “vdekur” këtë kastë politike?! Nga Skënder MULLIQI

Se do të ‘torturohet” kaq shumë një shtet i vogël si Kosova pak kush e ka paramenduar.E torturuan gjithë farë grupacione politike të cilët u ngjiten në pushtet, dhe ende nuk po del bir nane që i largon nga këto poste. Ndodhi që të vijnë në pushtet do matrapazë, do njerëz hajna dhe plaqkitës të pamëshirshem të mundit dhe të ndjersës së popullit. Çfarë patriotësh i thonë vetit , kur kaq pa ndërshemerisht po e udhëheqin Kosovën?! Këto struktura tw kriminalizuara dhe tw korruptuara na janë akomoduar në pushtet sikur ate tua kishin lënë babë e babagjysh. Ata që e lidhën koalicionin PDK-e dhe LDK-e nuk janë gjë tjetër veq do grupacione të cilët bashkë i kan lidhë bizneset e pista që i kan më bollëk . Këto dy grupe por edhe grupe të tjera aty rreth e rrotull të ndonjë subjekti tjetër politik, nuk po i lën ti qelin sytë këtë popull. E kan zhytur në skam dhe mjerim social vendin sikur të ishim në mesjetë e jo në shekullin 21. Mos ti përmendim sërish të gjitha ato argumente të cilat e shkaktuan krizën e madhe ekonomike , politike dhe shumëllojshemërinë e krizave të tjera , të cilat janë dëshmi së në çfarë deregje e kan sjellur shtetin . Fatkeqësisht duket së edhe në zgjedhjet e ardhshme të cilët po flitet së do të mbahen do ta kalerojnë pushtetin të njejtat garnitura, të njejtit njerëz të cilët nuk e meritojnë as tu dëgjohet më emri në politikë .Shumë ka nevojë ky popull dhe ky shtet për një gjeneratë të re politikanësh , të cilët do ta nxjerrin vendin nga lloqi i madh në të cilin e kan futur kjo elitë politike. A ka gjë më tragjike për këtë popull së tia ‘presin teshat” prapë ata të cilët ja prenë keq teshat këtij vendi për 17 vite?! Të gjitha krizat i prodhuan më qëllime të mjera politike. Radha iu ka ardhur zgjedhjeve të para kohshme parlamentare, se iu ka ardhur fundi duket sherreve të tjera politike e skenave të dhunës që i pamë për shumë kohë në parlament e në rrugët e Prishtinës . Të gjitha këto lojëra politike i prodhuan që ta zhvendosin vemendjën e popullit nga problemet e mëdha ekonomike dhe sociale . U inskenuan kriza pas krizave më qëllim që ti ikin Gjykatës Speciale. Edhe zgjedhjet e reja nacionale po kërkohen të mbahën më shumë që ta prolongojnë punën e Gjykatës në fjalë . Vendit dhe popullit i nevoiten njerëz profesional të politikës . Rifreskimi i partive politike më njerëz të ri zor se do të ndodhë, së nuk i lënë”të vjetrit’ të cilët i kan marrë më tapi postet në parti dhe postet në pushtet. Ata të cilët punuan keq për shtetndërtim dhe mirëqenje , nuk janë në gjendje ti mbrojnë as vlerat kombëtare .Faji që Kosova ka një ngecje kaq të madhe në secilin plan të jetës i faturohet kryesisht PDK-së, dhe Hashim Thaçit i cili e udhëhoqi qeverinë për shtatë vite , e nga përgjegjësia politike nuk mund të lirohet as kryeministri, Isa Mustafa për këto dy vitet e fundit.Mustafa vet e kërkoi dhe vet e gjeti .Unë kur është lidhur koalicioni kam shkruar së PDK, pasi që të arrin postin e presidentit të vendit, do të kërkon zgjedhje të reja nacionale , duke ia faturuar dështimet shumë vjeqare të vetat LDK-së, për ta marr edhe postin e kryeministrit të Kosovës. Kjo kastë politike në pushtet edhe kur të flasish edhe kur të shkruash, edhe kur të protestosh kunder punës se keqe të tyre, do të shpallin armik të shtetit. Votuesit do të duhej të vetë dijesoheshin dhe të kërkojnë llogari nga ata që e prunë shtetin në këtë gjendje të mjerë. Ndëshkimi politik , por edhe ndëshkimi para organeve te drejtësisë ishte dashur të ndodhë . Populli ka nevojë për njerëz të cilët nuk do tua lënë lukthin e zbrazët, siq ndodhi për gjithë këto vite. Po jetojnë mbi 20 përqind ende në asistencë sociale. Kosova dhe qytetarët e saj e kan rastin ndoshta të fundit që ti zgjedhin njerëzit në pushet më kredibilitet , njerëz autoritativ dhe njerëz të dijshem. Nese në vet nuk i zgjedhim problemet që lidhën më jetën më të mirë, dështimi dhe zhgenjimi do të bëhën të pa fundshme . Markentingut politik i ka dalë tashmë krejt boja.Të largohen ata të cilët e humben qdo komunikim më popullin. Të largohen ata të cilët nuk e përfillën votën e sovranit. Të laragohen për të mos u kthyer kurrë në politikë ata të cilët nuk u interesuan për fatin e të rinjeve tanë. Ata të cilët nuk bënë gjë në sferën e punësimt të shpallën politikisht njerëz të vdekur.Të largohet kjo kastë politike në pushtet më logjikë neokumuniste të te menduarit dhe të vepruarit…

Dënohen kërcënimet ndaj gazetarit Leonard Kërquki

Leonard Kerquki

Ambasadori amerikan në Kosovë, Greg Delawie, Misioni i Organizatës për Siguri e Bashkëpunim në Evropë dhe shoqata e gazetarëve të Kosovës, dënuan kërcënimet kundër Leonard Kërqukit, kryeredaktor i Gazetës Express dhe autori i emisionit javor Zona Express, prodhim i kësaj gazete.

Në një edicion të këtij emisioni me titull “Gjahu në UÇK-në”, që është transmetuar më 23 tetor, janë trajtuar krimet kundër popullatës lokale serbe. Që nga kjo kohë, gazetari Kërquki është kërcënuar dhe ofenduar në rrjetet sociale.

Ambasadori amerikan në një postim në rrjetin social twitter shkruan se “kërcënimet kundër gazetarëve të Kosovës janë të papranueshme. Mediet e lira janë shtyllë kryesore e çdo demokracie”.

Kryesuesi i Misionit të OSBE-së në Kosovë, Jan Braathu, nëpërmjet një komunikate dënoi ” kërcënimet dhe thirrjet për dhunë kundër Kërqukit. Liria e shprehjes duhet të mbështetet dhe të respektohet në të gjitha rrethanat,” tha ai, duke u bërë thirrje autoriteteve të sundimit të ligjit t’i hetojnë kërcënimet menjëherë dhe t’i vënë kryerësit para drejtësisë.

“Kërcënimet dhe dhuna kundër gazetarëve përbën sulm ndaj demokracisë dhe shoqërisë si tërësi. Punonjësit e mediave duhet të jenë në gjendje të kryejnë punën e tyre të rëndësishme në mënyrë të lirë dhe të sigurt,” citohet të ketë thënë Dunja Mijatoviç, përfaqësuse e OSBE-së për lirinë e medies.

Asociacioni i Gazetarëve të Kosovës është shprehur i shqetësuar me kërcënimet ndaj zotit Kërkquki.

“Me shqetësim e kemi pranuar njoftimin se kolegu Kërquki ka pranuar qindra kërcënime me jetë pas transmetimit të emisionit autor i së cilit është pikërisht ai. Është i patolerueshëm fakti kur në qindra komente kërkohet vrasja e Kërqukit si dhe të pjesës tjetër të stafit realizues të emisionit. Po ashtu dënojmë nisjen e një fushate neper rrjetet sociale në të cilat përdoret fotografia e kolegut Leonard Kërquki e që i janë vendosur tre plumba në ballë“, thuhet në reagimin e Asociacionit, i cili u bënë thirrje autorëve të emisionit “që t’i denoncojnë të gjitha këto kërcënime në polici duke e siguruar stafin e këtij mediumi se do t’i përcjell në mënyrë të vazhdueshme veprimet e institucioneve të sigurisë“.

Nexhat Demaku jep dorëheqje nga posti i kryetarit të Drenasit

Kryetari i Drenasit, Nexhat Demaku, ka dhënë dorëheqje nga pozita e udhëheqësit të komunës dhe njëkohësisht edhe kryetarit të degës së Partisë Demokratike të Kosovës në Drenas, një ditë pasi Gjykata e Apelit e ka konfirmuar dënimin e shqiptuar nga Gjykata Themelore në Mitrovicë, prej 3 vjetësh burg, për veprat penale të kryera gjatë luftës në Kosovë.

Demaku, në një konferencë me gazetarë në Drenas, tha se “ata që duhet ta thonë të vërtetën, e kanë thënë të pavërtetën”.

Gjykata Themelore e Mitrovicës, më 15 maj të vitit 2015, dënoi Nexhat Demakun me 3 vjet burg, së bashku edhe me vëllanë Fadil Demakun, në rastin “Drenica II”.

Trupi gjykues në Gjykatën Themelore në Mitrovicë, në aktgjykim për rastet e njohura si Drenica I dhe II, shpalli fajtorë edhe ish-pjesëtarët e UÇK-së, Sami Lushtakun, Sylejman Selimin, Jahir Demakun, Zeqir Demakun dhe Isni Thaçin për, siç thuhet në vendim, veprat penale të trajtimit mizor, torturë dhe trajtim poshtërues dhe degradues ndaj qytetarëve shqiptarë të Kosovës, në periudhën e luftës.

Për veprën e keqtrajtimit të personave të ndaluar Agim Demaj, Bashkim Demaj, Driton Demaj, Selman Demaj, Fadil Demaku dhe Nexhat Demaku janë dënuar të gjithë me nga tri vjet burgim.

Më në fund u ngrit aktakuza kundër Azem Sylës dhe grupit të tij nga Prokuroria Speciale

Sot Prokuroria Speciale e Republikës së Kosovës, ka ngritur eshe zyrtarisht aktakuzën kundër ish deputetit Azem Syla së bashku me 39 persona tjerë, të cilët akuzohen për vepra penale duke përfshirë Krim të organizuar; Pastrim i parave; Marrje të mitos; Mashtrim i rëndë; Mashtrim në detyrë; Nxjerrje të vendimeve gjyqësore të kundërligjshme; Keqpërdorim i pozitës zyrtare; Legalizimi i përmbajtjes së falsifikuar dhe Evazion fiskal.

Në njoftimin e Prokurorisë Speciale të Republikës së Kosovës thuhet se një prokuror ndërkombëtar i Prokurorisë Speciale të Republikës së Kosovës, i parashtroi dy aktakuza në Gjykatën Themelore të Prishtinës për një rast të PSRK-së me numër PPS 54/2014.

Në aktakuzën e parë akuzohen 22 të pandehur, ndërsa në aktakuzë janë renditur 46 pika të akuzës për vepra penale duke përfshirë Krim të organizuar; Pastrim i parave; Marrje të mitos; Mashtrim i rëndë; Mashtrim në detyrë; Nxjerrje të vendimeve gjyqësore të kundërligjshme; Keqpërdorim i pozitës zyrtare; Legalizimi i përmbajtjes së falsifikuar dhe Evazion fiskal.

Në aktakuzën e dytë akuzohen 17 të pandehur për Pastrim të parave.

Ky rast ka të bëjë me një grup të organizuar kriminal të strukturuar, me hierarki të organizuar dhe afatgjatë, i cili i ka privuar Kosovës pronat shoqërore. Ky grup i organizuar kriminal, aktiv prej vitit 2006, ishte i përbërë nga shqiptarë të Kosovës dhe anëtarë serbë.

Ky grup udhëhiqej nga A.S.

Anëtarët e këtij grupi të organizuar kriminal kanë bashkëpunuar mes vete, secili me rol të caktuar, për t’i privuar Kosovës pronat shoqërore përmes veprimtarive kriminale duke përfshirë falsifikimin e vendimeve dhe dokumenteve tjera zyrtare, mashtrimin dhe veprimeve korruptive. Palët e dëmtuara janë buxheti shtetëror i Kosovës dhe familjet serbe të Kosovës të drejtat e të cilëve mbi parcelat e tokës ishin keqpërdorë nga ky grup i organizuar kriminal.

Gjatë këtyre hetimeve, në fund të muajit prill 2016 është realizuar një operacion në kuadër të së cilit u bënë arrestime, bastisje dhe konfiskime të pasurisë. Udhëheqësi i pretenduar i këtij grupi, A.S., ish-deputet, ishte arrestuar më 29 prill 2016 dhe vazhdon të mbahet në paraburgim, njësoj si edhe dy të pandehur të tjerë. Tre të pandehur të tjerë aktualisht janë duke i vuajtur dënimet me burgim për shkak të veprimtarive kriminale të mëparshme.

Një pjesë e konsiderueshme e parcelave të tokës në fjalë janë konfiskuar përkohësisht në bazë të urdhrit të gjyqtarit të procedurës paraprake dhe tani janë duke u menaxhuar nga Agjencia për Menaxhimin e Pasurive të Sekuestruara dhe të Konfiskuara (AMPSK). Ky proces ka për qëllim pikë së pari kthimin e tokës në pronësinë publike legjitime të saj.

Këto hetime kanë përfshirë edhe një bashkëpunim efektiv me Prokurorinë e Lartë për Krim të Organizuar në Beograd.

Pas këtyre veprave penale kanë pasuar veprimtaritë për pastrimin e parave nëpërmjet bartjes së pronësisë së parcelave të tokës, për ta fshehur origjinën kriminale të këtyre parcelave, si dhe me anë të transaksioneve financiare.

Akuzohet SHIK-u se po i bllokon dosjet e udbashëve Institucionet, të mbushura me spiunë

Voal – Distancimi nga regjimi i kaluar komunist dhe shërbimet e tij të aparatit të dhunës, sikur që kanë qenë UDB-ja dhe mekanizmat tjerë të shtetit, që kanë ushtruar torturë mbi shqiptarët, vazhdon të mbetet një temë e paprekur e politikës dhe institucioneve kosovare. Organi më i lartë përfaqësues politik në vend, Kuvendi i Kosovës, i zgjedhur me votat e qytetarëve, akoma nuk po e merr guximin që të iniciohet dhe përfundohet procesi i zbardhjes së dosjeve të ish-shërbëtorëve të UDB-së dhe rehabilitimi i tyre sikur që kërkohet edhe me konventat ndërkombëtare. Ajo që kërkohet tani nga institucionet e reja të shtetit, si proces i distancimit dhe shkëputjes nga e kaluara e regjimit totalitar, është që përmes hapjes së dosjeve të dihet se kush kanë qenë ata që kanë raportuar për shërbimin sekret serb dhe në favor të kujt, sa ka njerëz spiunë të UDB-së dhe familjarë të tyre qëllimshëm të instaluar në të tria shtyllat e pushtetit dhe në të dy nivelet e pushtetit dhe jo vetëm kaq, por sidomos kush janë ata të instaluar jashtëligjshëm e të mbështetur nga pushteti edhe në media. Opinioni duhet të dijë se sa ka bashkëpunuar SHIK-u si shërbim me të tillët udbashë dhe cili ishte roli me mbështetje kruciale nga SHIK-u, se cilët spiunë dhe familjarë të tyre u sistemuan me lehtësi dhe pa merita në pozitat kyçe, bile edhe të larta, në të gjitha fushat dhe segmentet më vitale të pushtetit të shtetit kudo, në Qeveri e administratë publike, në Legjislativ dhe rreth tij, dhe në drejtësinë kosovare – në Gjyqësor, Prokurori e në Polici, dhe cili ishte roli i SHIK-ut në mbështetje të spiunëve të UDB-së të vendosur nëpër media, në televizione, në gazeta e në portale,shkruan gazeta Kosova Sot.

Të gjitha këto pyetje mbeten pa përgjigje, ngase politika nuk është e gatshme të arrijë konsensus për hapjen e plotë të dosjeve.

Pengesa të forta

Deputeti i LDK-së, Adem Salihaj, për pamundësinë e hapjes së dosjeve të UDB-së ia hedh komplet fajin strukturës së SHIK-ut, të instaluar tanimë në politikë. “Dihet publikisht që vetë kreu i SHIK-ut ka deklaruar se ka pasur bashkëpunim me udbashë dhe me strukturat e UDB-së. SHIK-u i ka vlerësuar si thesare spiunët e UDB-së. Megjithatë, i ka likuiduar këta thesare. Arsyeja mund të jetë e thjeshtë, sepse “thesaret” kanë ditur shumë për eksponentët e SHIK-ut dhe për bashkëpunimin e tyre me “thesaret” UDB-së. Tani nuk kemi të dhëna se ku janë dosjet e UDB-së, a kanë mbetur në Kosovë apo janë në Serbi”, ka thënë ai. “Nëse kanë mbetur në Kosovë, unë mendoj se ato fshihen diku apo janë zhdukur, që të zhduket lista e bashkëpunëtorëve të shumtë që ka pasur shërbimi fatkeq serb në Kosovë. Nëse janë në Serbi, atëherë jo vetëm që nuk kërkohen, por eksponentët e politikës dhe segmenteve të tjera që kanë mundur të jenë bashkëpunëtorë të UDB-së do të bëjnë çmos që të mos kthehen këto dosje në Kosovë. Në anën tjetër, vetë Serbia nuk do të lejojë që të zbulohen bashkëpunëtorët e saj në Kosovë, përmes të cilëve ajo po realizon me sukses interesat e saj në shtetin tonë, duke futur duart gjithnjë e më shumë në çështjet e brendshme të saj”, tha Adem Salihaj për “Kosova Sot”. Konstatim të ngjashëm ka edhe analisti Islam Krasniqi, sipas të cilit është vetë Kuvendi i Kosovës që është shndërruar në një muri të pakalueshëm për inicimin dhe hapjen e dosjeve të UDB-së. Ai ka pohuar se jorastësisht këto lista nuk janë iniciuar të hapen as nga ish-shërbimi sekret i Kosovës, SHIK-u, pasi që një kohë të gjatë ka pasur bashkëpunim ndërveprues me strukturat e UDB-së. “Shërbimi i SHIK-ut e ka lanë të errët këtë pjesë më listat UDB-së, ku nëse i shikojmë politikat ditore dhe njerëzit që i qëndrojnë krah kuptojmë se edhe në mesin e saj ka pas pjesëtarë të këtyre listave, sepse i sistemuan me lehtësi dhe pa merita në pozitat kyçe, bile edhe të larta, në të gjitha fushat dhe segmentet më vitale të pushtetit të shtetit, kudo, në Qeveri e administratë publike, në Legjislativ dhe rreth tij dhe në drejtësinë kosovare – në Gjyqësor, Prokurori e në polici, në televizione, në gazeta, në portale, gjë e cila mbetet anë e errët nga SHIK-u, sepse gjithçka ka mbetur e bllokuar lidhur me të vërtetën dhe zbardhjen e këtyre listave me emra të njohur të skenës politike”, tha Islam Krasniqi.

Vazhdimi i sundimit të Kosovës

Profesori i së drejtës, Muhamet Kelmendi, konsideron se tema e ishbashkëpunëtorëve të UDB-së, të cilësuar si spiunë e udbashë, është një ndër temat më të rënda që e ka Kosova, të trashëguar nga shekulli i kaluar, dhe nuk e ka të zgjidhur akoma, as nuk është gati të shkë- putet nga një virus i tillë. “Që të dalim me emra e mbiemra të udbashëve duhet domosdo të hapen dosjet e bashkëpunëtorëve të regjimit serbo-jugosllav. Unë dhe shumë të tjerë mundemi t’i përmendim ca veta që kanë qenë në shërbim të regjimit. Por, nuk ka mundësi të tregojmë me emra udbashët, sepse janë dosje sekrete dhe ato ende po iu shërbejnë faktorëve të ndryshëm në realizimin e pikësynimeve në Kosovë”, ka thënë ai. Sipas tij, dosjet e ish-agjentëve të UDB-së nuk zbulohen, sepse ka tri qëllime: “1. Vazhdimin e mëtejshëm të tyre për të sunduar në shtetin e Kosovës; 2. Moszbulimin e tyre në mënyrë që pushtetarët e tashëm më lehtë të sundojnë, sepse kemi një segment njerëzish të aftë dhe të dëgjueshëm për veprimtari antishtetërore dhe 3. Është në pyetje vetë realizimi i pikësynimeve tejet antishtetërore ndaj shtetit të Kosovës. Këtu mendoj në marrëveshjet e Demarkacionit, Asociacionit, në kriminalitet ekonomik dhe në korrupsion, sikundër edhe në mosshtrirjen e pushtetit në vendet me minoritet serb”, tha Muhamet Kelmendi.

Mungon vullneti politik për zbardhjen e së vërtetës

Sipas Muhamet Kelmendit, subjektet politike në opozitë kryesisht janë të liruara nga elementët e tillë, por ata kanë zënë vend kyç në dy subjektet politike që po qeverisin vendin, PDK-ja dhe LDK-ja, prandaj edhe nuk ka inicim të hapjes së dosjeve. Tash për tash, mision të pamundur e sheh hapjen e dosjeve edhe njohësi i fushës së legjislacionit, eksperti Blerim Burjani, pasi që sipas tij pasojat politike do të ishin tepër të mëdha për njerëzit e pushtetit, që akoma mbajnë peshën e së kaluarës së padekriminalizuar.

Shpend Ahmeti: E dua përfaqësuesen e Kosovës, por zemra më rreh për kuqezinjtë

Kryetari i Komunës së Prishtinës, Shpend Ahmeti, që vjen nga Lëvizja Vetëvendosje, kryetari i së cilës vazhdon të mos e njohë përfaqësuesen e Kosovës në futboll, është deklaruar rreth kësaj çështjeje.

Në insistimin e udhëheqësit të emisionit “Puls” se a e do kombëtaren e Kosovës, Ahmeti ka deklaruar se e do.

“Sa për të sqaruar: unë e dua përfaqësuesen e Kosovës, po ashtu e dua edhe shtetin e Kosovës. Kur i shoh ata djem të luajnë, më jep ndjenjë të mirë”, ka thënë Ahmeti.

Por, ai ka thënë se ndjenja që ka pasur gjatë Kampionatit Europian në Francë, atje ku Shqipëria arriti të kualifikohej, nuk mund të zëvendësohet.

“Dëshira ime është që t’i shoh të gjithë ata futbollistë në një kombëtare”, deklaroi kreu i Komunës së Prishtinës, Shpend Ahmeti.

Kryetari i Lëvizjes Vetëvendosje, Visar Ymeri, në ditën kur përfaqësuesja e Kosovës zhvilloi ndeshjen e parë historike pas pranimit të FFK-së në FIFA dhe UEFA, në Facebook përgëzoi kombëtaren e Shqipërisë për fitoren kundër Maqedonisë, por jo edhe paraqitjen dinjitoze të Kosovës, që barazoi 1:1 kundër Finlandës.

Kufiri me Malin e Zi dhe një vasalitet i panevojshëm – Nga Prof.dr.Mujë Rugova

Së pari Ne, populli shqiptar i Kosovës detyrimisht duhet t’i drejtohemi Bashkimit Europian çka është tërë kjo hasmëri ndaj nesh. Pse nuk u kërkuat sllovenëve, kroatëve, serbëve, boshnjakëve, malazezëve dhe “maqedonëve” që të kenë të përfunduara mosmarrëveshtjet ndërkufitare edhe pse secila nga këto shtete kanë minimimum nga dy e më tepër mosmarrëveshje kufitare me njëra tjetrën, po e gjetët Kosovën e cila mbijetoi rreth 700 vite robëri osmane dhe sllave dhe Europa në vend se ta mbështesë, sillet ndaj saj si ndaj një fëmije të braktisur nga prindërit dhe shoqëria?

Populli shqiptar i Kosovës u soll me shumë respekt dhe dashamirësi ndaj trupave të NATO-s, KFOR-it, ndaj përfaqësueve të UNMIK-ut, EULEX-it dhe besoj se këso sjellje dhe mikpritje nuk kanë hasur deri më tani dhe vështirë që do të hasin në të ardhmen në tërë rruzullin tokësor.

Me siguri faj kemi edhe Ne meqenëse Qeveritë eunuke të Kosovës që nga paslufta e deri tani me veprimet e tyre të mbrapshta, nënshtruese apo naive karshi faktorit ndërkombëtar dhe atij ballkanik, e sollen Kosovën në pozitë të vështirë “të jetë” apo “të mos jetë”. Që nga fillimi u përkulën dhe shprehen vasalitet të skajshëm ndaj Faktorit Ndërkombëtar e në veçanti para shteteve të dala nga ish-Jugosllavia dhe u sollën si të ishin agresorë e jo viktima, kjo kushtoi dhe do të kushtojë edhe më shumë. U sollën dhe vazhdojnë të sillen sikur Kosova të kishte territorin tokësor të Federatës Ruse duke iu dhurua “Maqedonisë” dhe Malit të Zi me mijëra hektarë tokë.

“Maqedonia” mori sa deshi nga komuna e Vitisë, për ta kënaqur Serbinë me Prohorpinskin. Por me këtë “Maqedonia” nuk u ngop por plaçkiti edhe një territor në Restelicë që askush nuk e din cila është sipërfaqja e tij.

Ky “shtet” pa identitet kombëtar dhe pa identitet territorial, e ashtuquajtura “Maqedoni” e themeluar nga Josip Tito, “shtet” me mbi 50% të popullsisë shqiptare (myslimane dhe orthodokse), rreth 35% bullgare, kombësi të tjera si turq, rom, egjiptas,…etj dhe qytetarë të tjerë që kanë dalë nga martesat ndëretnike dhe janë konvertuar si “maqedonë”. Ky “shtet” pra, derisa ta ndryshojë emrin, as në ëndërr mos të shohë BE-në dhe as NATO-n, pasi këtë nuk do ta lejojë me asnjë kusht Greqia. Këtij “shteti” BE ja njohu liberalizimin e vizave pa marrë parasysh këto që u thanë më lart si dhe korrupsionin gjigand, terrorin shtetëror ndaj jo sllavëve etj etj…. Europë he… si thonte dikur At GJergj Fishta.

Qeveria e Kosovës e quan Malin e Zi si shtet mik se na paska “njohur shtet” (një proverb malazias – za ovo hvalla a za ove drge idu gllave. – për këtë faleminderit por për të tjetrat ikin kokat). Ky shtet së pari është dashur të kërkojë falje për krimet, masakrat dhe dëmet që kanë bërë banorët e zonave kufitare në Rugovë dhe kolonistët malazezë në Rrafsh të Dukagjinit (Pejë, Podgur, Rekë e Gjakovë) për këto krime dhe ato me radhë nga viti 1912, nuk po kërkojmë hakmarrje por kurrën e kurrës nuk guxojmë si popull t’i harrojmë. Qeveria vasale shkallën e parë të vendosjes zyrtare të kufirit e fsheh para opinionit shqiptar në përgjithësi e atij të Kosovës në veçanti dhe lajthit komplet botën demokratike, BE-në dhe SHBA-në, që Parlamenti dhe populli i Kosovës të jenë të detyruar të miratojnë vijën e Demarkacionit pa bërë fare delimitim. Këtë e bën kjo Qeveri ose një grup i vogël njerëzish apo vetëm një njeri, sikur Kosova të ishte “Kalifat” i tyre apo i tij? Ky problem i rëndë i krijuar nga qeveritarët e Kosovës medoemos duhet të dalë në Referendum edhe pse Qeveria ka pasur mundësi të vërë në lëvizje Peticionin e nënshkruar nga më shumë se dyqind mijë qytetarë të Kosovës dhe të dorëzuar për shqyrtim në Parlamentin e Kosovës. Megjithatë këto ditë shihet një dritë në fund të tunelit për së mbari duke filluar nga kryetari i Parlamentit dhe deputetët e pozitës së Parlamentit të Kosovës.

Në vijim po paraqes faktet bazike se kufiri i Kosovës (KSKA – 1974) – Mal i Zi është faktik dhe bazohet në mes të tjerave edhe në këto fakte zyrtare të ish-Jugosllavisë dhe vendimeve të institucioneve relevante ndërkombëtare:

-Komisioni shtetëror këto të dhëna dhe dokumentacionet tjera ekzistuese si dhe parametrat gjeografikë, historikë, etnikë, nuk i ka marrë në konsiderim por padyshim ka nënshkruar marrëveshjen e shtruar (paraqitur) nga komisioni i Malit të Zi, nga kjo rrjedh se ky komision jo serioz e ka futur Qeverinë e Kosovës dhe popullin e saj në një problem jo të vogël me shtetin fqinj Malin e Zi.

Prandaj si i tillë ky komision ka përgjegjësi ligjore dhe prokuroria e Kosovës duhet të nisë procedurën për hetim të këtij komisioni.

-Kufiri Serbi (KSKA-1974) – Mali i Zi i delimituar nga komisioni shtetëror i YU (1945) deri më sot është i njohur si kufi administrativ – politik i sistemuar në kushtetutat e Serbisë (KSKA 1974) – dhe Malit të Zi.

-Kufiri Serbi (KSKA -1974) – Mali i Zi është sanksionuar edhe me Vendimin e Arbitrazhit Europian (Komisioni i Badinterit 1991-1993).

-Kufiri Mali i Zi – Kosovë (KSKA-1974) është sanksionuar me propozimin e Ahtisarit për zgjidhjen politike të statusit të Kosovës.

-Kufirin ekzistues Serbi (KSKA-74) – Mal i Zi është sanksionuar me rezolutën 1244/1999 të Këshillit të Sigurimit të OKBS-së për Kosovën.

Faqja 137 prej 188« Fillimi ‹ Prapa 133 134 135 136137138 139 140 141 Para ›Fundi »

Këshilli për Mbrojtjen e të Drejtave dhe Lirive të Njeriut, Dega në Prizren ka publikuar një raport për vdekjen e Astrit Deharit.

Institucionet në veri të vendit vazhdojnë të sfidojnë Republikën e Kosovës, duke mos respektuar ligjin për përdorimin e simboleve shtetërore.

Kryetari i Kuvendit të Republikës së Kosovës, Kadri Veseli i shpreh ngushëllime familjes Dehari për humbjen tragjike të birit të saj, Astrit Dehari.

Milovan Drecun, kryetar i Komisionit Parlamentar “për Kosovë dhe Metohi” në Serbi, ka thënë se interesi i shtetit dhe popullit serb është që të vazhdojë dialogu në Bruksel, pasi që alternativa do të ishte jo-stabiliteti.

Përgatiti: Zijadin Gashi

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL