VOAL

VOAL

Copyright © 2022

VOAL

Kosovë

Kosova nuk është gati për Ligjin për lustrim

Përkundër nevojës për një Ligj për lustrim, në Kosovë ende nuk ekziston një klimë e favorshme politike për miratimin e tij.

Ligji do të “ndriçonte” veprimet në sistemin e kaluar komunist të personave me funksione në institucione politike dhe publike dhe të atyre që i pretendojnë këto funksione.

Nisma dhe propozimet për një Ligj të tillë ka pasur në Kuvendin e Kosovës rreth 7 vjet më parë, por ato kanë ngecur për shkak të mosgatishmërisë së deputetëve të partive që ishin në pushtet në atë kohë për ta miratuar atë.

Ismet Salihu, profesor i të Drejtës Penale, duke folur për Radion Evropa e Lirë, shpjegon se çfarë nënkupton Ligji për lustrim.

“Do të thotë, që të ndriçohet, kanalizohet dhe të prezantohet puna, sjellja, veprimet e personave, posaçërisht të këtyre që janë në pozita, deputetë, ministra, zëvendësministra, drejtorë të policisë, gjyqtarë, prokurorë, etj. Do të thotë, çfarë të kaluare kanë pasur më parë, posaçërisht në sistemin komunist, në vitet 70, 80-85, e sidomos në periudhën e aparteidit që ka qenë prej viti 1989 e deri ën shpërthimin e luftës”, ka thënë profesor Salihu.

Sipas tij, ndriçimi i tillë do të nevojitej për faktin që të konstatohet se a kanë personat e tillë integritet moral, etik, njerëzor për të qenë në pozitat drejtuese dhe përfaqësuese.

Nait Hasani, deputeti i Kuvendit të Kosovës nga radhët e Partisë Demokratike të Kosovës, thotë për Radion Evropa e Lirë se Ligji për lustrim ka qenë dhe mbetet i nevojshëm.

Por, sipas tij, sikurse para rreth 7 vjetësh, kur partitë në pushtet nuk kanë pasur vullnet politik ta miratojnë një ligj, ngjashëm edhe sot, vullneti i tillë mungon tek partitë e koalicionit qeverisës.

“Ky (Ligji për lustrim) do ta lironte politikën nga hipoteka dhe do të krijonte një mundësi për të ardhme më të mirë dhe për vullnetin e qytetarëve për ta pasur një të ardhme më të mirë. Kjo nuk është bërë për shkak se atëherë kishte një koalicion. Tani, mendoj se përsëri është një gjendje e tillë. Kjo do të thotë se përsëri nuk ka mundësi që të krijohet dhe shpresojmë për të ardhmen”.

Të nevojshëm Ligjin për lustrim e ka cilësuar edhe Armend Zemaj, deputet i Kuvendit të Kosovës nga Lidhja Demokratike të Kosovës. Sipas tij, rrethanat, kushtet dhe specifikat e tranzicionit në Kosovë kanë krijuar ambient në të cilin nuk është gjetur përkrahja për miratimin e një ligji të tillë.

Megjithatë, ai beson që tash nuk ekzistojnë pengesa të tilla për miratimin e këtij ligji.

Por, si e sheh ai hezitimin që ende ekziston për një Ligj të lustrimit?

“Tash, unë i takoj gjeneratës së re dhe ndoshta është e padrejtë që të paragjykojë për të kaluarën e shumë njerëzve, sepse kjo më shumë ta prekë një gjeneratë më të vjetër. Por, besoj që ata, vetvetiu, të cilët janë pjesë të vendimmarrjes, nuk duhet të hezitojnë që Kosova ta ketë një ligj të tillë, ashtu siç e kanë miratuar të gjitha vendet demokratike, sidomos ato, pas shpalljes së pavarësisë, e që kanë qenë të okupuara”.

Profesor Salihu thekson se përkundër asaj që ai beson se një Ligj për lustrim ka qenë dhe është i nevojshëm, megjithatë, sipas tij, në situatën aktuale që mbretëron në Kosovë, një ligj i tillë më shumë do të krijonte pasoja negative se sa pozitive.

“Për shkak se situata politike është mjaft e brishtë. Do të filloj punën edhe Gjykata speciale ne vitin e ardhshëm dhe po që se i hyjnë kësaj pune, në këto dy -tri vitet e ardhshme, do të ketë vetëm pasoja vetëm të dëmshme dhe asgjë nuk do të ketë dobi Kosova prej këtij ligji”.

Profesor Salihu thekson se miratimi i Ligjit për Lustrim vështirë se do të mund të shqyrtohet edhe 5 ose më shumë vjet, për shkak të ecurive që priten të ndodhin në tre apo katër vjetët e ardhshëm në Kosovë. (REL)

Kryeministri Mustafa kërkon zbardhjen e vrasjes së Xhemajl Mustafës

Kryeministri i Republikës së Kosovës, Isa Mustafa, në 16-vjetorin e vrasjes, ka përkujtuar veprimtarin e shquar të Kosovës, Xhemajl Mustafa.

“Sot, bëhen 16 vjet nga vrasja tinëzare e Xhemajl Mustafës, intelektualit të jashtëzakonshëm dhe veprimtarit të shquar të lirisë dhe pavarësisë së Kosovës, një prej emblemave të lëvizjes për liri, pavarësi dhe demokraci të prirë nga Presidenti Historik, Ibrahim Rugova”, ka thënë kryeministri Isa Mustafa.

Ai ka thënë se Xhemajl Mustafa, gjatë veprimtarisë kolosale në shërbim të atdheut, dha kontribut të madh për realizimin e aspiratave të popullit të Kosovës, me theks të veçantë, në fushën e informimit dhe të sensibilizimit të opinionit vendor e ndërkombëtar, për Kosovën dhe kauzën e saj.

“Mbi të gjitha, Xhemajl Mustafa ishte një njeri i jashtëzakonshëm, optimist, me vullnet të pathyeshëm dhe me qetësi të admirueshme shpirtërore, i cili në çdo kontakt rrezatonte pozitivitet, besim dhe virtytet më të larta njerëzore”, ka shtuar më tej kryeministri Mustafa.

Mustafa e ka ripërsëritur kërkesën e tyre “për zbardhjen sa më të shpejt të vrasjes së Xhemajl Mustafës dhe dhjetëra personaliteteve politike të shquara të Kosovës, të vrarë në atë periudhë”./Insajderi.com

“Sot, bëhen 16 vjet nga vrasja tinëzare e Xhemajl Mustafës, intelektualit të jashtëzakonshëm dhe veprimtarit të shquar të lirisë dhe pavarësisë së Kosovës, një prej emblemave të lëvizjes për liri, pavarësi dhe demokraci të prirë nga Presidenti Historik, Ibrahim Rugova”, ka thënë kryeministri Isa Mustafa.

Ai ka thënë se Xhemajl Mustafa, gjatë veprimtarisë kolosale në shërbim të atdheut, dha kontribut të madh për realizimin e aspiratave të popullit të Kosovës, me theks të veçantë, në fushën e informimit dhe të sensibilizimit të opinionit vendor e ndërkombëtar, për Kosovën dhe kauzën e saj.

“Mbi të gjitha, Xhemajl Mustafa ishte një njeri i jashtëzakonshëm, optimist, me vullnet të pathyeshëm dhe me qetësi të admirueshme shpirtërore, i cili në çdo kontakt rrezatonte pozitivitet, besim dhe virtytet më të larta njerëzore”, ka shtuar më tej kryeministri Mustafa.

Mustafa e ka ripërsëritur kërkesën e tyre “për zbardhjen sa më të shpejt të vrasjes së Xhemajl Mustafës dhe dhjetëra personaliteteve politike të shquara të Kosovës, të vrarë në atë periudhë”./Insajderi.com

Qeveria ftesë publike Listës Serbe që të kthehet në institucione

Qeveria e Kosovës thotë se i ka dyert e hapura për përfaqësuesit e Listës Serbe që të rikthehen dhe vazhdojnë punën në kuadër të institucioneve qendrore.

Zyrtarë të ekzekutivit theksojnë se deri më tash nuk kanë pranuar ndonjë shkresë nga Lista Serbe për bojkotimin e institucioneve qendrore të Kosovës. Andaj, Listës Serbe nuk do t’i drejtohet ftesë me shkrim që të kthehet, por do të ftohen përmes deklarimeve publike.

Zëvendësministri i Pushtetit Lokal në Qeverinë e Kosovës, Bajram Gecaj, tha për Radion Evropa e Lirë se kryeministri i Kosovës, Isa Mustafa, tashmë u ka bërë ftesë publike përfaqësuesve të Listës Serbe.

“Ftesa është serioze. Ne presim që ata të vijnë dhe t’i përgjigjen asaj ftese. Presim që të ulen me kryeministrin dhe t’i shprehin të gjitha brengat që i kanë për të gjitha çështjet që mund të jenë kontestuese”.

“Ata na kanë thënë se ju nevojitet edhe pak kohë që të konsolidohen brenda për brenda, pra diskutime të brendshme dhe ne nuk ua kemi vënë lakun në fyt, siç thotë populli. Pra, ne po presim që ata kurdo që të jenë të gatshëm të vijnë te kryeministri dhe t’i diskutojnë të gjitha brengat që i kanë”, tha Gecaj.

Subjekti politik, Lista Serbe, që përfaqëson komunitetin serb në institucionet e pushtetit lokal dhe qendror në Kosovë, ka deklaruar se është në pritje të ftesës nga kryeministri dhe partitë e koalicionit qeverisës që të bisedojnë rreth kthimit në institucione.

Kryetari i Listës Serbe, Sllavko Simiq, ka deklaruar se ai dhe Lista Serbe janë të gatshëm të ulen dhe bisedojnë me kryeministrin Isa Mustafa dhe krerët e partive partnere të koalicionit në Prishtinë.

“Ne edhe më tutje presim që partnerët tanë të koalicionit të na ftojnë dhe të na propozojnë se si ta tejkalojmë këtë vakuum politik dhe këtë krizë politike”, ka thënë Simiq për Radion Evropa e Lirë.

Sipas tij, varësisht ftesës dhe propozimit që do të ofronin krerët e koalicionit në Prishtinë, atëherë Lista Serbe do të vendoste nëse do të rikthehej në Kuvendin dhe Qeverinë e Kosovës.

Lista Serbe mori vendim që të ngrijë përfaqësimin në Kuvendin dhe Qeverinë e Kosovës në shenjë proteste pas miratimit të Ligjit për Trepçën dhe atij për Investimet Strategjike.

Gecaj tha po ashtu se koalicioni qeverisës Listën Serbe edhe më tej e konsideron pjesë të koalicionit.

“Ata janë pjesë e institucioneve, megjithëse nuk kanë dalë në punë. Pra, kemi një koalicion pas zgjedhor me PDK-në, Listën Serbe dhe komunitetet tjera. Ata janë partnerë tanë”, tha Gecaj.

“Unë e kam thënë disa herë deri tash që një koalicion qeverisës – që të qeverisë – duhet t’i ketë 61 vota. Ne kemi shumë më shumë se 61 vota. Por, megjithatë, nuk ka vota ta mjaftueshme për çështje që kërkojnë dy të tretat apo 80 për qind”, ka thënë Gecaj.

Përfaqësuesit e komunitetit serb në Kuvendin e Kosovës kanë thënë se prioritet për bashkësinë serbe në Kosovë është themelimi i Asociacionit të komunave me shumicë serbe. Themelimi i Asociacionit pritet të jetë një nga temat kryesore në rast se Lista Serbe do të ulet me partnerët e koalicionit qeverisës në Prishtinë. (REL)

“Simitet” e Diasporës, të bashkuar rreth Ramës e Thaçit! – Nga Florim Zeqa

Maskarada mashtruese apo i ashtuquajturi “Samit i Diasporës”, i organizuar nga kryeministri i Shqipërisë, Edi Rama, i mbajtur nga datat 18-20 nëntor 2016, është njëra nga lojërat plot hipokrizi të pushtetarëve në Tiranë dhe Prishtinë në raport me mërgatën tonë. I ashtuquajturi “Samit i Diasporës” i paraparë të mbahej në muajin Mars të këtij viti, u mbajt tetë muaj me vonesë nën moton “Të gjithë për Shqipërinë”, të kësaj logoje të maskaradës mashtruese dhe nënçmuese njëkohësisht, kur dihet fakti se mërgata shqiptare asnjëherë në historinë e saj të gjatë nuk ka qenë më e injoruar, anashkaluar dhe abuzuar sikurse të ketë qenë në këtë dekadën e fundit nga dy qeveritë e shteteve shqiptare. Në dekadën e fundit, diaspora shqiptare, nga qeveria e Tiranës dhe Prishtinës u përdor dhe u bë pjesë e agjendave politike vetëm në raste krizash politike, duke u përdorur si dekor festimesh dhe për dekorim të ndonjë sekseri të tyre në Diasporë, gjoja për punën dhe veprimtarinë atdhetare. Zyrtar të lartë shtetërorë nga Kosova dhe Shqipëria, ministra dhe ambasadorë gjatë vizitave mërgatës sonë, takojnë vetëm individët dhe grupacione të afërta me ta, duke asistuar në hapjen e ndonjë shkolle të mësimit plotësues të gjuhës shqipe, ndonjë aktiviteti të vockël kulturor, sa për të “mbajtur” lidhjet me sekserët e tyre, të cilëve ua hedhin nga një ashtë të fëlliqur në emër të financimit të ndonjë aktiviteti,…duke injoruar dhe anashkaluar shoqata dhe organizime të mirëfillta, duke injoruar në tërësi trurin e kombit shqiptar në Diasporë.
Krekosjet e krerëve shtetërorë
Me shfrytëzimi i disa mjeranëve, sahanlëpirësve të pushtetit, më tepër kanë krijuar ndasi dhe përçarje, saqë shumica e mërgimtarëve ndihen të anashkaluar dhe injoruar nga shtetet e tyre. Krekosjet e krerëve shtetërorë dhe shtirrja e tyre, se gjoja po e ndihmojnë diasporën në ruajtjen e identitetit kombëtar, janë hipokrizi e kulluar. Mjafton të përcjellësh me vëmendje fjalimet e tyre në “Samitin e Diasporës”, për të kuptuar deri në fund marrëzinë e tyre. Fillimisht në hapjen e këtij “Samiti”, kryeministri shqiptar, Edi Rama e tregoi joseriozitetin e tij ndaj këtij tubimi të zgjeruar me klientalat e tij në Shqipëri, Kosovë dhe Diasporë, duke treguar se ideja e mbajtjes së këtij Samiti të Diasporës në Tiranë, ishte një ide e bashkëshortes së tij,…se mori propozimin nga bashkëshortja, pas takimeve të shumta të zhvilluar në Nju Jork në 2015-ën, me shqiptarë të diasporës,…”ndonjëherë pëlqej mendimet e saj para të miave” kishte nënvizuar kryeministri shqiptar duke u tallur me “s(a)imitat e shumtë në sallën e madhe në “Pallatin e Brigadave”, i mbushur përplot ideolog dhe ithtar të nomenklaturës komuniste nga Shqipëria, Kosova, Lugina e Preshevës, Ilirida dhe Diaspora. Mbase mjafton vetëm thënia e mëposhtme e kryeministrit shqiptar, për të kuptuar prapaskenat politike; “Pa diasporën Shqipëria është më e cunguar se një territori copëtuar në mijëra pjesë”. Kryeministri shqiptar po harron se Shqipëria nuk bëhet me “simite të tharbur” nga Diaspora, por me krijimin e kushteve të volitshme për kthimin në vendlindje të trurit kombëtar, krijimin e sigurisë për investime në vendin e tyre, me luftimin e korrupsionit dhe heqjen e haraçit qeveritar ndaj investitorëve shqiptar të mërgatës sonë.
Mashtrimet e Thaçit
Akoma më i qartë dhe naiv në mashtrimet e tij u tregua presidenti i Kosovës, Hashim Thaçi, i cili ndër të tjera u shpreh: ”Ne kemi obligim si shtete që të kontribuojmë në ruajtjen e identitetit kombëtar të diasporës dhe t’i shtrijmë atyre dorën. Diaspora duhet të jetë më shumë e shtrirë në jetën institucionale të Kosovës. Prandaj në këtë frymë në kuadër të punës për reformën zgjedhore do të trajtojmë edhe mundësinë e ndryshimit të Kushtetutës së Kosovës për të përcaktuar një numër të vendeve të rezervuara për diasporën në Parlamentin e Kosovës. Është ky i njëjti person, si ish-kryeministër i Kosovës, që injoroi mërgatën në të gjitha proceset e vendimmarrjes në Kosovë përgjatë tetë viteve të qeverisjes së tij, duke filluar; nga mohimi i të drejtës në votim, pjesëmarrjes në parlament, qeveri e deri tek kufizimi i të drejtave për investime në vendlindje, me vënien e proceduarave burokratike e deri tek haraçi i organizuar në realizimin e të drejtave të garantuara me ligj për nxjerrjen e rregullt të dokumenteve të udhëtimit, lejeve të ndërtimit, etj. Sa i dhimbshëm, po aq i pashpjegueshëm mbetet fakti i pjesëmarrjes në këtë “samit” i disa figurave të shquara të mërgatës sonë, që hiqen si mbështetës të filozofisë rugoviane, demokratë me orientim euro-perëndimor, që në prapaskenë shajnë e hedhin vrerë mbi figurën e Edi Ramës Hashim Thaçit,…përderisa në hollin ku mbahej ky aktivitet vraponin pas tyre për marrjen e ndonjë “selfije” (fotoje) për facebook! Si i lejuan vetës, që me pavetëdijen e tyre të bien aq lehtë në grackën e Ramës dhe Thaçit. Pas veprimeve të tilla skandaloze, përulja e tyre nesër para varrit të presidentit historik të Kosovës, nga rugovistët më tepër do të kuptohet si lëpirje e mermerit mbi varrin e tij, e jo si nderim i sinqertë. Mirëpo, për fatin e mirë, në grackën e Ramës e Thaçit nuk ra presidenti i shtetit shqiptar, zoti Bujar Nishani dhe shumë figura të shquara të politikës shqiptare, përfshirë veprimtar të shumë nga diaspora dhe trojet etnike shqiptare. Në fund, më mbetet t’i sqaroj lexuesit për titullin e shkrimit, që pjesëmarrësit nga mërgata në këtë samit i quajta “simite”, pasi nuk mund të jenë ndryshe po si një gatesë e përgatitur nga Rama e Thaçi. Se për çfarë “simitesh” bëhet fjalë, i mbetet lexuesit t’ua japë vlerësimin pjesëmarrësve të kësaj maskarade mashtruese, e të mos flasim për koston e lartë financiare të akomodimit të rreth 800 pjesëmarrësve në këtë aktivitet treditor,…të cilën do ta paguajnë tatimpaguesit e varfër shqiptarë.

Armend Zemaj – Albulena Haxhiut: Vetëvendosja e shtyu në vetëvrasje Astrit Deharin

Mbledhja e Komisionit parlamentar për Legjislacion nuk ka kaluar pa tensione e akuza në mes të deputetit të LDK-së, Armend Zemaj, dhe deputetes së Lëvizjes “Vetëvendosje” Albulena Haxhiu.

Zemaj gjatë mbledhjes së Komisionit është përplasur me deputeten Haxhiu rreth vdekjes së  Astrit Deharit.

Zemaj e ka akuzuar Lëvizjen “Vetëvendosje” se e ka shtyrë të ndjerin Dehari të bënte vetëvrasje. Ai e ka kritikuar Haxhiun edhe për fjalorin banal që ajo e ka përdorur gjatë mbledhjes së Komisionit Parlamentar për Legjislacion.

“A je ti në këtë shtet, të paskan kap edhe ty, po më vjen keq… ti s’e lufton kërkon, ti veç demagogji bën… shërbëtore e krimit je ti me këtë fjalor banal, e keni shty njeriun me e vra veten e tash bëni qysh të doni”, i është drejtuar Zemaj deputetes së VV-së, Albulena  Haxhiut.

Ndërkohë që Haxhiu pati debat edhe deputeten Selvije Halimi, ku i tha kësaj të fundit se kur e ka ftuar për ta nënshkruar peticionin për thirrje të seancës për Astrit Deharin, Halimi ka pranuar derisa ditë më parë e ka ndërruar mendjen për një gjë të tillë.

Halimi e pranoi një gjë të tillë duke thënë se e ka bërë me qëllim që siç u shpreh ajo “nuk kam dashtë të bëhet turp më i madh”.

Prishtina fillon njohjen e diplomave të Universitetit të Mitrovicës veriore

Prishtina zyrtare ka filluar njohjen e diplomave universitare të lëshuara nga Universiteti në veri të Mitrovicës, i cili funksionon mbi bazën e sistemit të Serbisë.

Pas verifikimit të diplomave që lëshohen nga Universiteti i Mitrovicës së Veriut (UMV), që zgjati rreth një vit, Ministria e Arsimit, Shkencës dhe Teknologjisë ka bërë shpërndarjen e diplomave të certifikuara për të diplomuarit serbë.

Një komision i pavarur deri më tani ka verifikuar 107 diploma, derisa 28 të tjera janë në procesin e verifikimit.

Projekti, “Mbështetje të edukimit në gjuhën serbe në Kosovë”, financohet nga Bashkimi Evropian dhe Ambasada norvegjeze.

Ministri i Arsimit, Arsim Bajrami ka thënë se Qeveria do të ofrojë mbështetje të plotë në projekte të kësaj natyre.

“Ka ardhur koha që ta lëmë pas të kaluarën tonë të hidhur dhe të ketë qasje të barabartë për të gjithë qytetarët e Republikës së Kosovës. Fokusi tjetër i yni parasheh edhe bashkëpunimin me shkolla”, ka thënë Bajrami. Sipas tij, duhet të punohet për largimin e gjuhës së urrejtjes nga tekstet shkollore.

Bajrami ka thënë po ashtu se do të vazhdojë puna edhe në nivele tjera arsimore rreth ngritjes së cilësisë në arsim dhe rishikim të teksteve shkollore.

Çështja e njohjes së diplomave universitare është diskutuar në Bruksel në dialogun ndërmjet Prishtinës dhe Beogradit. Kjo marrëveshje parasheh që edhe autoritetet e Serbisë t’i njohin diplomat e studentëve nga Lugina e Preshevës, të cilët kanë studiuar në Kosovë.

Portreti i Nënës Terezë në Muzeun e Kosovës, për rekordet e Guinnessit

Artisti Saimir Strati

 

Artisti Saimir Strati nga Shqipëria është duke punuar një mozaik me portretin e humanistes së madhe, Nëna Terezë, në një formë të veçantë.

Portreti është duke u punuar në Muzeun e Kosovës, me kapëse teli, në një dimension prej 10 metra katrorë. Me këtë vepër, ai synon të hyjë në librin e rekordeve të Guinniss-it.

Ky portretet i veçantë i nobelistes Nëna Terezë, tashmë e shenjtëruar nga Vatikani, sipas artistit Strati është një dedikim dhe mirënjohje për punën humane që ka bërë ajo.
Kurse, ideja për këtë formë mozaiku me anë të kapëseve, sipas tij, ka ardhur nga shpërngulja e refugjatëve dhe kalimi i telave gjemborë në kufij të ndryshëm.

“Dikur kam parë në televizor shpërngulje masive të refugjatëve nga Lindja e Mesme dhe nga lufta. Diku në një qytet të Evropës kishte disa tela me gjemba që i pengonin. Dhe, aty mendova se vetëm Nena Terezë mund t’i shpëtonte këta njerëz”.

“Atëherë u bë ideja ime për ta bërë Nënën Terezë dhe materiali tashmë ishte gjetur, pra për të punuar diçka me tel.”

portretnene2

“Dhe më pas mendoj se janë bërë shumë akte për paqe, janë bërë shumë konferenca dhe shumë letra të kapura me telin dhe gjithë ky tel ka shkuar në dëm. Mendova që kjo do të jetë “Nëna Terezë”, do ta bëj në një dimension gjigant ashtu siç ka qenë, pavarësisht shtatit të shkurtër”, tha Strati.

Ai mendon të përdorë mbi 1 milion e 500 mijë tela të bardhë dhe ngjyrë kafe, të cilët do t’i përdorë për të përfunduar mozaikun i cili do të merr pamjen në 3D (tre dimensional).

Për këtë vepër, Strati beson se do të fitojë edhe një rekord të ri në Guinness. Ai, tashmë është bërë pjesë e librit të Guinniss-it me nëntë vepra tjera dhe pret që me mozaikun kushtuar Nënës Terezë të arrijë numrin jubilar, atë të dhjetin.

“Kjo është një teknike e re edhe për rekordet Guinness edhe për mua si artist dhe më duket shumë interesant për ta çuar më tej”, tha Strati.

Mbajtësi i 9 rekordeve Guinness, Sajmir Strati, thotë se në mozaik do të jetë e shkruar thënia shumë herë e përdoruar nga Nëna Terezë: – ‘Paqja mund të vijë edhe nga një buzëqeshje’.

Kurse, drejtori i Muzeut të Kosovës, Skënder Boshtrakaj, tha se nuk është e lehtë në këtë botë të madhe dhe sfiduese të arrish një numër kaq të madh rekordesh, siç i ka bërë artisti Strati.

Ai shprehu bindjen që rekordi i dhjetë i Saimir Stratit do të jetë i regjistruar në Muzeun e Kosovës.

“E bukuria e artistit Sajmir Strati është që në shumicën e rasteve nuk then rekorde, por vendos kategori të reja që janë rekorde dhe në këtë drejtim nuk është asnjë dilemë, sepse nuk ka vepër të tillë as para, as mbrapa, as anash; është një dhe e vetmja dhe e para në këtë kategori. Kështu që është e pa konkurrencë”, tha Boshtrakaj.

Mjeshtri i veprës nuk e mohoi faktin se kjo punë ka vështirësitë e veta, por siç thotë ai, veprat dhe punën i mat me kënaqësi.

Kjo vepër pritet të finalizohet në fund të muajit nëntor. (REL)

Mposhtja e frikës?! – Nga Skënder MULLIQI

Nga shumë negativitete të cilat e kan mbuluar Kosovën , pozitive është së njerëzit kan filluar të lirohen nga frika prej strukturave të krimit të organizuar .Shumë herë deri më sot kemi shkruar për temën e vrasjëve politike , të cilat vrasje shumica prej tyre kurrë deri më sot nuk e gjetën dritën e diellit.Njerëzit u frikësuan aq shumë nga këto vrasje dhe nga vrastarët , sa nuk merrnin guximin qytetarë as të flisnin as mbrenda familjës, e në vendet publike hiq së hiq .Nese diqka ka pozitive në këtë mjedis tonin të kontaminuar gadi krejt nga kastat politike në pushtet, është ajo që njerëzit po i shfaqin shumë më lirshem mendimet e tyre në biseda , dhe në media të ndryshme . Tema e vrasjëve politike nuk është më temë tabu .Shpesh i kam dëgjuar disa duke i thënë njeri- tjetrit gjatë bisedave në kohën e vrasjëve “shukatu burr , mos folë shumë , së po të han furra , apo e sheh së çka po bohet, po vritën njerëzit e kurgjo kurrkujt”. Nje frikë e tillë e instaluar për një kohë bukur të gjatë I ka ngja shumë kohës së inkvizicionit , kur vërtetë njerëzit i ka” hanger” furra për një fjalë goje .Kjo ia kujton njeriut dashur apo pa dashur edhe kohën e Rankoviqit famëkeq kur shumw kush nuk kan guxuar as në qilere të veta më folë kundër regjimit të huaj serbosllavë. Si duket kjo frikë e instaluar është duke u mundur , që është një fitore e demokracisë dhe është fitore e lirisë së shprehurit, edhe pse ende largë domenit çfarë e kërkon një vend normal dhe demokratik . Edhe shumë gazetarë në zë kan heshtur bukur gjatë karshi fenomenit të vrasjëve politike po ashtu nga frika. Njeriun si çënje, dhe çdo çenje tjetër në këtë botë e ka falur i madhi Zot, dhe vëtem nga ai duhet ta kemi frikën . Gjithnjë e më shumë është duke u rritur vetëdija që duhet domosdo njeriu ti kundërvehet çdo të lige, që gjendja të ndryshohet për të mirë. Secilen ditë po jemi dëshmitar së po lajmërohen njerëzit, të cilët kan pësuar nga strukturat e caktuara kriminale në një formë apo formë tjetër . Kur kërkohet më ngulm e drejta legjitime ajo një ditë do ta jap edhe frytin e vet. Njerëzit janë duke e kuptuar gjthnjë e më shumë së kan qenë të manipuluar, dhe së janë kapur siq thotë një fjalë e popullit për kashte. Duhet gjetur guximin dhe fuqinë për ti dalur përpara çdo akti barbarë . Secilin në krye të shtetit duhet ta kaplojnë ndjersët nga fuqia e shoqërisë. Këta që e kan marrë pushtetin kan menduar që më shtetin e tyre dhe më populin e vet, e kan fuqinë dhe mundësinë që në pakufi të manipulojnë . Nese deri më tash kan vepruar ashtu , kjo nuk do tu zgjatë gjithmonë. Do të dalin njerëz të cilët nuk do dorëzohen para kërcnimeve për tu larguar nga puna, dhe nuk do tu frikësohen as masave të tjera represive të pushtetit. Fitorja kunder frikës , është fitorja më e madhe para çdo dhune çfarëdo qoftë ajo …Po kuptohet gjithnjë e më shumë nga të gjithë , së ata matan rrugës janë “zagarë”?!…

Kërkohen dorëheqje dhe shkarkime për rastin ‘Dehari’

Për t’u hapur rrugë hetimeve të pavarura në lidhje me vdekjen e aktivistit të lëvizjes “Vetëvendosje”, kërkohen shkarkime dhe dorëheqje për krerët e Ministrisë së Punëve të Brendshme dhe të Drejtësisë

Ndonëse një ekip i pavarur ka monitoruar obduksionin e Astrit Deharit, raporti që është hartuar në lidhje me vdekjen e tij ka ngjallur reagime të shumta.

Mjeku shqiptar në Berlin, Milot Rama, është shprehur se është i trishtuar me raportin e autopsisë për Astrit Deharin, aktivistin e “Vetëvendosjes” që vdiq në Burgun e Prizrenit, shkruan gazeta ‘Zeri’.

“Unë si mjek me përvojë katër vjeçare në mjekësi intensive, në njërën nga klinikat më prestigjioze kardiologjike dhe pulmologjike gjermane jam më shumë se i trishtuar me raportin e autopsisë”, ka thënë Rama.

Ai është shprehur se shumë shpesh edhe anestezistët dhe mjekët e reparteve intensive me metoda shumë të sofistikuara kanë vështirësi të fusin tubusin me gjerësi maksimale 2 centimetra në rrugët e frymëmarrjes. “Prandaj tani përdorim gjithnjë e më shumë videolaringoskop, ku rrugët e frymëmarrjes i vëzhgojmë në kamerë për intubim më të shpejtë”, ka thënë ai

Një përgjigje dy pyetjeve të portalit “Argumentplus.al” (2015) – Nga Prof.Dr.Mehdi HYSENI

Barometri diplomatik

 

 
(1)            Pyetja e parë:  “Çka janë dëshmitarët, të fshehur apo publikë, që  dëshmojnë për krime lufte:  heronj apo tradhëtarë?”
 
Si rregull, në një shtet normal të së drejtës, ku sundon ligji dhe fjalën kryesore e ka drejtësia ( jo politika, e cila për interesa të saj lideriste, partiake, grupore , klanore, partiake  të luftës për pushtet dhe për pasurim me çdo kusht në kurrizin e popullit,  me efektet e saj negative     korrupcioniste dhe nepotiste  ka ndikuar në politizimin dhe instrumentalizimin e  institucioneve  dhe të organave të drejtësisë), nuk ekziston kurrfarë nevoje që të mobilizohen “shtabe të posaçme”  për rekrutimin,  për “trajnimin” dhe për  mbrojtjen  e  të ashtuajturëve “dëshmitarë të fshehtë” ose siç po  i quajnë me fjalorin modern politik dhe diplomatik  “dëshmitarë të mbrojtur”.
 
Ky farë lloji  i  “dëshmitarëve të fshehur” ose siç po i quajnë “dëshmitarë të mbrojtur”, kushtimisht, mund të klasifikohet në dy kategori: 1) E para, ata që (ndoshta) kanë fakte dhe argumente-prova materiale për ndonjë person a grup individësh që kanë kryer ndonjë krim lufte, mirëpo, shtrohet pyetja, pse “dëshmitarë të fshehur”? dhe 2) Ata që nuk kanë kurrfarë provash materiale, as kurrfarë dëshmish, por janë rekrutuar vetëm si “argatë”- spiunë të dikujt me pagesë ose pa pagesë për dëshmuar rrjeshëm (ashtu sikurse dikur në vitet e 50-ta dhe 60-ta të shekullit XX, kur UDBA serbojugosllave shërbehej me dëshmitarë të rremë-fshehur për të dënuar dhe gjykuar sa më shumë intelektualë patriotë shqiptarë me në krye heroin Adem  Demaçi, që luftonin për  liritë dhe të drejtat e shqiptarëve në Jugosllavi), me qëllim që t’i denigrojnë dhe mohojnë vlerat e paçmueshme të luftës çlirimtare kombëtare dhe antikoloniale të UÇK-së, sepse dihet me kompremtimin e saj, do të vinte në pikëpyetje edhe statusi i pavarur i Kosovës. Kjo është lufta e hapur dhe e fshehtë e politikës, e diplomacisë dhe e propagandës së Beogradit, që  të vërë në lëvizje faktorët e ndryshëm evropianë ndërkombëtarë, me qëllim që nxijë dhe të errësojë sa më shumë luftën e UÇK-së,  duke qenë se kjo ka meritat kryesore për çlirimin dhe për pavaraësimin e Kosovës, të cilën e mbështetën edhe Amerika, edhe  NATO-ja për ta përzënë me forcë Serbinë militare, paramilitare dhe policore nga Kosova  e pushtuar (1989-1999).
 
Dëshitarët nuk janë heronj
 
Nëse ndonjëri prej dëshmitarëve qoftë publik a i fshehur, jep prova të sakta materiale para gjyqit, ai atë e ka për detyrë me ligj dhe me kushtetutë si çdo qytetar-shtetas tjetër i Kosovës.
 
Kështu që, nuk  ekziston kurrfarë baze juridike ligjore dhe kushtetuese, që ai të shpallet  ndonjë “hero”, sepse ai vetëm përmbush një obligim ligjor ndaj shtetit  dhe ndaj popullit të vet. Ndaj, nuk mund të bëhet fjalë për kurrfarë “heroizmi”, por vetëm për ndërgjegjën, moralin dhe obligimin e tij si qytetar i vetëdijshëm me të drejta dhe detyrime  të barabarta sikurse çdo qytetar tjetër.
 
Mirëpo, prapë shtrohet pyetja dhe “dilema hamletiiane”, pse dhe nga  këta  “dëshmitarë të fshehur”?
 
Ndërkaq, në rastin e kundërt, nëse ndonjëri nga dëshmitarët e fshehur (të përpunuar dhe të instrumentalizuar)  jep dëshmi të rreme para trupit gjykues, atëherë, ai nuk mund quhet ndryshe veçse spiun, tradhtar, magar, zagar, hyzmeqar, vagabond, shpirt i shitur, që ka për qëllim ndonjë përfitim personal, ose është i paguar që dikush tjetër të “vjelë” ndonjë përfitim material, financiar, politik, ekonomik, tregtar, korrupcionist, karrierist a mafioz në emër  të ndonjë grupi, klani, shoqate a partie etj.
 
Nëse dëshmitarët e fshehur japin deklarata  të rreme, ata do të duhej të përgjigjeshin penalisht qoftë para gjykatave vendore, qoftë para atyre evropiane a ndërkombëtare, sepse deponimi i dëshmive të rreme, sanksonohet edhe me ligjet e brendshme, edhe me ato ndërkombëtare.
 
Deponimet e dëshmitarëve të fshehur, mund të jusitifikohen juridikisht, vetëm nëse përbëjnë  prova materiale të parrëzueshme kundër individëve të paditur për rastet e caktuara. Ndryshe jo.
 
Mirëpo, si duket, prapavija e “dëshmitarëve të fshehur” më tepër ka karakter politik sesa juridik ligjor ngase dikush përfiton prej tyre (qoftë politikisht, financiarisht, materilaisht etj.). Por në këtë rast nuk fiton as ligji, as drejtësia, sepse me gënjeshtra dhe me shpifje nuk zbardhet  e vërteta, por ajo mjegullohet dhe murkullohet në skajshmëri, me qëllim që të goditet kredibiliteti i së vërtetës, posaçërisht kur është fjala mbi luftën e drejtë çlirimtare kombëtare dhe antikoloniale të UÇK-së, që Kosova të jetë shtet i pavarur dhe sovran nga Serbia kolonialiste gjenocidale.
 
Nëse ndonjëri nga pjesëtarët e UÇK-së ka kryer krime lufte, atëherë, pse  qe 16 vjet Tribunali i Hagës nuk ka ushtruar aktpadi kundër tyre? Kur dihet se pikërisht  kjo Gjykatë Ndërkombëtare, e themeluar nga OKB-ja, më 1993, është me kompetencë për gjykimin e krimeve të luftës në ish-hapësirat e Jugosllavisë.
 
Anadaj, pse të themelohet, edhe një gjykatë tjetër “sepciale evropiane” si pandan i Tribunalit të Hagës për dënimin e krimeve të luftës në Kosovë?
 
Kjo është diskutabile dhe absurde si në kuptimin juridik, ashtu edhe në atë ekonomik e financiar e pajustifikueshme, pse të dyfishohen dhe të veprojnë dy gjykata të njëjta ndërkombëtare për të njëjtin objekt shqyrtimi-krimet e luftës qoftë në Kosovë, në Serbi, në Kroaci a në Bosnjë, kur, tanimë, qe 22 vjet ekziston dhe funksionon Tribunali i Hagës (1993).
 
Thejsht, nëse ndojnë pjesëtar i UÇK-së, ka kryer krime lufte, me të le të mirret Gjykata Ndërkombëtare e Hagës për Krimet e Luftës në hapësirat e ish-Jugosllavisë, pse “gjykatë mbi gjykatë” për të njëjtin objekt gjykimi?!
 
-Sepse pas gjithë kësaj qëndrojnë dosjet dhe aktpaditë e gjyqeve policore dhe ushtarake të Serbisë së Slobodan Milosheviqit, të cilat qysh para njëzet e sa vitesh qenë përpiluar dhe finalizuar për t’i ndjekur, burgosur, gjykuar, vrarë dhe shfarosur pjesëtarët e UÇK-së në emër të “terrorizmit” të shpifur dhe të krimeve të atribuara vetëm për vetëm për t’i fshehur gjurmët e krimeve, të masakrave dhe të gjenocidit të kryer nga qindra  e mijëra kriminelë të njësiteve paramilitare, militare dhe policore  barbare çetuniko-fashiste serbe kundër popullatë civile shqiptare të pambrojtur në Kosovë.
 
Sikur të kishte pasur drejtësi, deri tani, qe 22 vjet, Trbunali i Hagës, do të duhej të kishte përfunduar punën e tij në nxjerrjen në gjyq dhe, në dënimin e të gjithë kriminelëve serbë të Serbisë, që kanë kryer krime gjenocidi në Kroaci, në Bosnjë dhe në Kosovë (1992-1999).
 
Mirëpo, meqë nuk ka ndodhur një gjë e tillë në ndëshkimin e të gjithë kriminelëve serbë  të luftës dhe të tri gjenocideve  të Serbisë, tash, Serbia  kinëse në emër të “drejtësisë”  si bumerang “drejtësisë“ evropiane dhe ndërkombëtare, “topin e ka hudhur   në  oborrin” e viktimave shqiptare të gjenocidit serb në Kosovë (1989-1999). Kjo është padrejtësi ndaj viktimave të tri gjenocideve serbe dhe,  turp i madh për drejtësinë evropiane ndërkombëtare, që ligjërisht nuk dënoi kryerësit, planifikuesit dhe  urdhënësit e tri gjenocideve të Serbisë së Slobodan Milosheviqit.
 
Pra, amnisitimi i Serbisë për tri gjenocidet e kryera në Kroaci, në Bosnjë dhe në Kosovë, ka ndikuar që Beoegradi, t’i riaktivizojë aktpaditë  dhe dosjet e akuzuese  të  gjykatave policore të regjimit vrastar fashist të Slobodan Milosheviqit  në përndjekjen, në arrestimin, në burgosjen dhe në dënimin e komandantëve kryesorë të luftës  së drejtë çlirimtare kombëtare të UÇK-siç është edhe rasti më  i ri i dënimit drakonik të komandantëve të UÇK-së të  “Grupit Drenica”  në saje të “dëshmitarëve të fshehur”!?
 
                                                                                                                                                                                                                                                                                                                                                       
(2)           Pyetja  e dytë : “A është patriotizëm  të dëshmohet ose të heshtet e vërteta për hirë të qëllimeve më të larta”?
 
 
-E vërteta është humanizëm, dituri,  patriotizëm, drejtësi, revolucionarizëm, qytetërim-vlerë universale  e njerëzimit.
 
Andaj, nuk mund të ketë asnjë “qëllim i lartë” qoftë edhe “hyjnor” ai, që për hir  të tij, të sakrfikohej e vërteta, pavarësisht se kush do të prekej nga kjo (shtetarë, politikanë, ushtarakë, njerëz të zakonshëm etj.).
 
Prandaj, e vërteta, duhet të thuhet, të shkruhet dhe të mbrohet me çdo kusht, sepse pohimi i saj është jo vetëm akt human, i drejtë, por edhe vlerë, virtyt, parim, trimëri, vetëdije e lartë njerëzore, patriotike dhe revolucionarizëm.
 
Ndërkaq, heshtja e së vërtetës është qyqari, amoralitet,  anti-humanizem, anti-etikë , tradhti, mashtrim, shitje, anti-parim, krim dhe vetëmohim si në kuptimin e ngushtë, ashtu edhe në atë të gjerë(individual dhe kolektiv).
 
Lakimi dhe shpërfytyrimi i së vërtetës  është në funksion të  përligjjes, të mbrojtjes dhe të justifikimit të së pavërtetës, të keqes, të legalizimit dhe të shpërblimit të antivlerave  qoftë individale, grupore, ideologjike, religjioze, politike partiake, të cilat qe më se dy dekada kanë vërshuar dhe kanë kontiminuar ambientin e florës dhe të faunës  së  vlerave të njëmendta njerëzore, humane, profesioniste, kombëtare shqiptare.
 
Me një fjalë, prapavija e  heshtjes dhe  e shpërdredhjes së vërtetës, është tejet komplekse, sepse zakonisht  përbëhet nga shumë qëllime dhe nga shumë aktorë me interesa të shumta  heterogjene.
 
Nëse sakrifikohet dhe vritet e vërteta, atëherë, shoqërisë sonë nuk i duhen kurrfarë insitucionesh shtetërore të rendit dhe të drejtësisë, as kurrfarë lirie, kurrfarë drejtësie  dhe, kurrfarë pavarësie, sepse  do të vetëmjaftohej me anarkinë, me kaosin dhe me ligjet e xhunglës. Në këtë rast,  triumfues do të ishin ANTIVLERAT NJERËZORE- linçi, robëria e huaj sunduese,  antihumanzimi,  padrejtësia, e pavërteta, injoranca, primitivizmi, forcat mafioze dhe gangsterizimi i nëntokës etj., që popullin dhe shtetin e Kosovës, do ta çonin në greminën e dikurshme të  skllavërisë së Serbisë kolonialiste dhe gjenocidale.
 
Mirëpo, si duket na  e ka “hanger qeni shkopin”. Jemi bërë pikepese sikur  vezët e qyqes në shkretëtirë “njër thumbit, tjetri patkoi” (pushteti, partia dhe pasuria mbi të gjitha, jo populli, as shteti e as atdheu). Disa  më “papë se papa” dhe, disa të tjerë  luftojnë për të  shpifur, mashtruar, grabitur dhe për të fituar diç në kurriz të interesit të vegjëlisë dhe të shtetit të ri të Kosovës. Kjo është sa e dhimbshme aq edhe tragjike për interesin e përgjithshëm të  popullit  të shumëvuajtur dhe të Kosovës.

Kuvendi i Kosovës në krizën më të madhe të vendimmarrjes

Kuvendi i Kosovës aktualisht ndodhet në një prej periudhave më të vështira të funksionimit të tij, thonë analistët politik dhe përfaqësuesit e organizatave joqeveritare në Prishtinë. Sipas tyre, janë vet deputetët e Kuvendit ata që e kanë rrezikuar jo vetëm funksionimin e Kuvendit, por gjithë demokracinë në vend.

Analisti i Institutit Demokratik të Kosovës, Albert Krasniqi, tha për Radion Evropa e Lirë se çështja e mosfunksionimit të Kuvendit, pos tjerash, është vërejtur te pamundësia për miratimin e ligjeve si dhe paaftësia e treguar rreth mbikëqyrjes së punës së ekzekutivit.

“Në këtë drejtim, mund të themi se është një punë e cila po bëhet pa produktivitet dhe kjo normalisht që e rrezikon funksionimin e Kuvendit”, tha Krasniqi.

Tutje, Krasniqi tha po ashtu se probleme të shumta janë duke e përcjellë punën e Kuvendit, duke u nisur nga mungesa e kuorumit për mbajtjen e seancave, pastaj mos prania e deputetëve në sallë dhe mospjesëmarrja në votim. Kurse, problem më vete, nënvizon ai, paraqet edhe neglizhenca e ministrave të qeverisë për pjesëmarrje në seancat e Kuvendit.

“Një mungesë e koordinimit ka qenë edhe vet brenda koalicionit PDK-LDK dhe minoriteteve. Shpeshherë kanë ardhur vendime të njëanshme, të pa dakorduara paraprakisht dhe të cilat me pas janë bllokuar dhe është dashur që të tërhiqen nga rendi i ditës, e lëre më të flasim për një koordinim më të madh ndërmjet partive parlamentare në Kuvend, gjë e cila nuk ka ekzistuar deri me tani”, tha Krasniqi.

Nga 138 ligjet e parapara të miratohen në këtë vit, Kuvendi ka miratuar vetëm 41 prej tyre.

Drejtoresha e organizatës Iniciativa Kosovare për Stabilitet, Florina Duli tha për Radion Evropa e Lirë se mosfunksionimi i Kuvendit e ka arritur kulminacionin. Ajo mendon se deputetët dhe vet Kuvendi si institucion, nuk janë duke kryer punën për çka janë të thirrur.

“Deputetët nuk kanë rrezikuar vetëm funksionimin e Kuvendit, por gjithë demokracinë e shtetit. Kuvendi dhe deputetët asnjëherë nuk kanë përfaqësuar interesin e qytetarëve, por vetëm interesat partiake. Do të thotë, llogaridhënia këtu dështon. Është çështja edhe te vet integriteti dhe te demokratizimi i brendshëm i partive politike, ku detyrohen deputetët të mos kenë integritet personal”, tha Duli.

Partitë politike opozitare kanë bllokuar disa herë seancat, duke përdorur dhe gazin lotsjellës dhe fishkëllima në sallën e seancave, në rastet e trajtimit të çështjeve si Demarkacioni i kufirit me Malin e Zi apo çështje tjera që nuk janë mbështetur nga tabori opozitar.

Analisti politik, Imer Mushkolaj, tha se pavarësisht që partitë politike në pushtet kanë një shumicë në Kuvend, ato kanë mbetur pa legjitimitet dhe nuk po arrijnë që të shtyjnë përpara procese të rëndësishme. Ai thotë se mospuna e deputetëve në Kuvend tregon se sa seriozisht ata janë të interesuar për të ndryshuar gjendjen në të mirë të qytetarëve.

“Kuvendi i Kosovës është në një gjendje të vështirë dhe vazhdon ajo agonia e cila e ka përcjellë për muaj me radhë, pavarësisht përpjekjeve të herëpashershme që të kthehet në normalitet”, tha Mushkolaj.

Në punën e Kuvendit vlerësohet se nuk ishte vetëm ajo që u cilësua si ‘rezistenca politike e opozitës’, që mund të shihej si pengesë në punë apo vendimmarrje, pasi që koalicioni qeverisës, i cili në total ka më shumë se 80 vota, nuk po gjen zgjidhje dhe nuk po arrin të marrë vendime për çështje të rëndësishme.

Ky legjislativ, nuk arriti të përmbushë njërin prej kritereve të fundit të Bashkimit Evropian për liberalizimin e vizave, e që ishte ratifikimi Demarkacionit të kufirit me Malin e Zi.

Ndërkaq, legjislativi nuk po arrin të fus fare në rend dite themelimin e Forcave të Armatosura të Kosovës, sikurse që nuk po gjen konsensus politik rreth reformave të shumë përfolura kushtetuese. (REL)

Fjalimi i Imzot Dodë Gjergjit, me rastin e 30 vjetorit të Revistës ‘Dituria Islame’

Fjala e plotë e Dodë Gjergjit:

Përpjekja për dialog dhe bashkëjetesë paqësore mes vëllezërve

I nderuari Kryemyfti i Bashkësisë Islame të Kosovës,

Të nderuara autoritete,

Fort të dashur miq,

Zonja dhe Zotërinj,

Motra dhe Vëllezër!

Me kënaqësi kam pranuar ftesën e Kryemyftiut tuaj që të marrë pjesë në këtë ngjarje të rëndësishme të 30 – vjetorit të revistës tuaj “Dituria Islame”. Kjo ngjarje është e rëndësishme për Ju, po e vlerësueshme edhe nga ana jonë, sepse janë 30 vjet përpjekje për të shqipëruar mendimin islam në gjuhën tonë të dashur shqipe, e cila na bashkon dhe na vëllazëron të gjithëve, pa marrë parasysh besimin.

Dëshiroj të shpreh mirënjohjen time të gjithë atyre burrave dhe grave që nëpërmjet kësaj reviste janë përpjekur që të zbërthejnë mësimin islam dhe ta bëjnë atë më të kuptueshëm për njeriun tonë, në mënyrë që: besimi të jetë pasuri shpirtërore që e ngrohë dhe e ngushëllon zemrën e njeriut, por edhe e ndihmon për të fisnikëruar jetën e t‘bijve të Zotit mbi tokë. Këndej, besimi mbi të përtejmen nuk duhet të jetë mohim i së përkohshmes, tjetërsim i historisë, kulturës, traditës dhe zakoneve tona mbi të cilat kemi krijuar identitetin e përbashkët kombëtarë dhe shtetin e Shqipërisë dhe të Kosovës.

Kjo përvojë pozitive e trashëguar nga të parët sot është pasuria e paçmueshme, këndej duhet ruajtur me kujdes të veçantë dhe duke e freskuar me format e reja që na mundëson liria dhe të jetuarit në paqe. Andaj lypset angazhimi i të gjithëve që këtë pasuri ta ruajmë po ashtu edhe ta bëjmë më të dobishme për ne sot, në mënyrë që t’u mundësojmë gjeneratave të sotshme të frymëzohen nga shembulli pozitiv i paraardhësve tanë.

Revista jonë “Drita” dhe Revista Juaj “Dituria Islame”, kanë qenë “kandil drite dhe diturie”, që janë përpjekur të ndriçojnë mendjen dhe zemrën e besimtarëve tanë në errësirën e një shoqërie ateiste dhe një shteti komunist. Shkëlqimi i kësaj drite i nevojitet besimtarit tonë, pa marrë parasysh fenë. Sot, njeriu besimtar është:

– I rrezikuar, si nga fanatizmi që vjen nga lindja, ashtu edhe nga indiferentizmi që vjen nga perëndimi;

– I hutuar nga gjithfarë predikimesh dhe interpretimesh;

– I pasigurt në përdorimin e lirive dhe i pa çartë në shfrytëzimin e të drejtave.

Këndej, është roli ynë, që do të thotë i bashkësive fetare, të ndihmojnë besimtarin që deri sa i nënshtrohet të Gjithëpushtetshmit, të mos cenojë vlerat e qytetërimit, rregullat e shoqërisë dhe ligjet e shtetit. Pasi ne kemi zgjedhur që të jetojmë në një shtet shekullar me pluralizëm religjioz dhe me qytetërim evropian. Këndej, ne si besimtarë duhet të kemi kujdes që të mos përpiqemi për ta ‘religjionizuar shtetin’, po edhe shteti nuk duhet të pretendoj që ta ‘de-religjionizoj qytetarin dhe shoqërinë’.

Duhet të themi se, liria nuk është privilegj, por gjendje, dhe e drejta nuk ju takon vetëm disave, por të gjithëve. Unë do të isha tepër i zemëruar nëse një mësuesi apo mësueseje katolike do t’i kërkohej ta hiqte kryqin nga qafa, sikurse bënin komunistët, për t’u bërë mësimdhënës. Unë nuk jam mysliman, por dua të shpreh zemërimin tim si shqiptarë që një motrës sime i mohohet e drejta të jetë mësuese vetëm se bartë shami.

Në këtë rast “Edhe unë jam Fatmire”.

Faleminderit.

Enver Hoxhaj: Domethënia e emrit dhe mbiemrit tim

Ministrii Jashtëm i Kosovës Enver Hoxhaj ishte sot në një bashkëbisedim me studentët në Universitetin Europian të Tiranës.

Disa javë më parë shkaktoi një fortunë mediatike deklarata e ministrit të Jashtëm të Kosovës se Shqipëria nuk ka pse përzihet në marrëdhëniet Kosovë-Serbi, deklaratë që përkoi me një vizitë të  kryeministrit të Shqipërisë, Edi Rama, në Beograd.

Hoxhaj vazhdon ta mendojë kështu këtë çështjedhe e argumentoi mendimin e tij në Tiranë gjatë një bisede me studentët e Universitetit Europian të Tiranës mbajtur sot në mesditë. Ai tha qartë se deklarata e tij nuk është as kundër kryeministrit shqiptar dhe as një deklarate anti-shqiptare, por reflekton realitetin.

“Kur je në detyrën e ministrit të jashtëm nuk ke dhe nuk guxon të kesh pikpamje personale dhe as skema bardh e zi në analizën apo qëndrimin politik, je i detyruar t’a ushtrosh detyrën në mënyrën më neutrale të mundshme. Mendimi im është se çdo përmirësim i raporteve të Shqipërisëme Serbinë është në interesat dhe të Shqipërisë dhe të Kosovës, por ne i shohim marrëdhëniet e Kosovës me Serbinë të ndara prej Shqipërisë. Nuk e kanë kornizën e njëjtë. Çfarë Shqipëria bashkëpunon me Serbinë janë çështje bilaterale dhe çfarë Kosova synon të arrijë me Serbinë është po ashtu raport bilateral. Mandej unë e shoh fuqizimin e shtetit të Kosovës si fuqizim të Shqipërisë dhe të shqiptarëve,pasi faktori shqiptar në Ballkan si ngritjen më kulminante të tij e ka pasurngritjen e Kosovës si shtet i pavarur.

Deklarata ime që është bërë 2-3 ditë para se Rama të shkojë në Beograd ka të bëjë me pritshmëritë e Kosovës dhe ato janë këto; ne duam të anëtarësohemi me çdo kusht në OKB dhe ne dëshirojmë që dialogun me Serbinë ta përdorim si instrument për anëtarësim. Ky është edhe një realitet europian,pasi BE ka hap negociatat me Serbinë dhe në kapitullin 35 ka një kusht; që ajotë arrijë një marrëveshje ligjore me Kosovën para se të anëtarësohet në BE”,tha Hoxhaj duke iu përgjigjur pyetjes nga studentët.

Më tej ai sqaroi se ky qëndrim i tij nuk e zbeh rëndësinë e bashkëpunimit mes dy vendeve shqiptare duke e cilësuar Shqipërinë jo si fqinj, por si “vëllain binjak”.

“Emri dhe mbiemri im, e them jo nga pozitat e inferiotetit, por në pozitat e të barabartit, flet për atë që unë jam rritur në një familje që ka kultivuar një dashuri të veçantë për Shqipërinë, ashtu siç unë e kultivoj tek fëmijët e mi këtë dashuri për Shqipërinë. Por, kur je ministër i Jashtëm është si me qenë mjek, ti e bën atë që duhet në situata të caktuara dhe është një kontekst shumë intelektual pas që reflekton, por zanatin e ushtron menuanca ditore. Padyshim çdo qeveri e shtetit shqiptar këto 25 vjet është e merituar për atë çka është Kosova sot”, theksoi ministri i Kosovës.

Hoxhaj ishte në Tiranë për të promovuar librin e tij “Ngritja e një shteti”, që është sipas tij, një manual i politikës së jashtme duke marrë si shembull rastin e Kosovës, si rast unik të një shteti tëri dhe të vogël në përpjekjet për t’u njohur ndërkombëtarisht.

I pyetur se si e shihte marrëdhënien mes dy shteteve shqiptare pas 10-15 vitesh ai tha se nuk ka ndonjë ide, përveçse për veten e tij do të donte të ishte në jetën akademike në një universitet të Tiranës.

Prishtinë: Ja 18 të arrestuarit që do të kryenin sulmin në ndeshjen Shqiperi-Izrael

Operacioni i autoriteteve kosovare që besohet se penguar një sulm terrorist në Shqipëri, ka vënë në pranga 18 kosovarë. Gazeta Express ka siguruar listën me emrat e të rinjve kosovarë që tashmë janë në burg si të përfshirë në këtë grup, ndërsa ka të dhëna se ata do kryenin sulmin gjatë ndeshjes Shqiperi-Izrael në stadiumin “Loro Boriçi”.

Një operacion i madh kundër një grupi të dyshuar terrorist për të parandaluar së paku një sulm kundër kombëtares së Izraelit në futboll, në ndeshjen e tyre të fundit në Shqipëri, ka dërguar në burg 18 kosovarë. Ata me vendim të një gjyqtari do të jenë së paku një muaj në paraburgim.

Gazeta Express publikon emrat e të arrestuarve:

Visar Ibishi (1990)

Liridon Morina (1988)

Bujar Brahimi (1985)

Burim Istrefi (1988)

Kenan Plakaj (1986)

Leotrim Vojvoda (1995)

Leotrim Musliu (1994)

Lulzim Gashi (1990)

Arton Ahmeti (1993)

Argjend Shatri (1994)

Besart Peci (1983)

Mexhid Shkreta (1985)

Leotrim Syla (1997)

Arber Krasniqi (1984)

Hajdar Rushiti (1988)

Arianit Metallati (1999)

Flamur Gashi (1993)

Policia e Kosovës nuk ka pranuar që të konfirmojë listën e personave të arrestuar së fundi nga ta me urdhër të Prokurorisë Speciale.

“Rasti ka kaluar ne kompetence te organeve te drejtësisë te cilëve mund t’i referoheni për informacione te mëtutjeshme”, ka thënë për Express një zyrtar nga Zyra për Informim e Policisë.

Mësohet se në vezhgim janë edhe persona të tjerë, ndërsa numri i të arrestuarve mund të shkojë deri në 30 deri në fund të operacionit.

Deri tani në lidhje këtë rast ka pasur të arrestuar edhe në Shqipëri e Maqedoni, por që të dyja ato operacione ndërlidhen me grupin e Kosovës, që janë këta gjenerata e re e të prekurve nga idetë e islamit radikal që lypin shtet me “Shariat” përmes “xhihadit”, të frymëzuar nga lëvizja e islamit politik e njohur si wahabizmi.

Që nga vera e viti 2014, kur Kosova iu bashkua aleancës ndërkombëtare Anti-ISIS në vend janë zhvilluar shumë operacione kundër-terrorizëm, janë arrestuar po ashtu dhjetëra të dyshuar për përfshirje në luftërat në Irak e Siri, si xhihadistë, një pjesë e mirë e tyre janë akuzuar e gjykuar, e pak prej tyre edhe janë dënuar. Me aktakuza së fundi janë prekur edhe imamë të fuqishëm të Bashkësisë Islame të Kosovës dhe lider politikë islamikë.

Kosova për një kohë të gjatë është konsideruar si vendi më i prekur në Europë nga fenomeni i luftëtarëve të huaj në grupet terroristet ku strategji kundër ekstremizmit të dhunshëm e Qeverisë thotë që numri i pjesëmarrësve kosovarë në këto grupe kishte qenë mbi 300 xhihadistë që kur përllogaritet me numrin prej 1.8 milionë banoresh jep të dhëna alarmante.

Aktualisht, sipas Blerim Ramës nga njësia kundër-terrorizëm e Policisë së Kosovës janë në Siri mbi 140 kosovarë, por ai nuk ka specifikuar se a bëhet fjalë vetëm për luftëtarë apo edhe për familjarët e tyre, gra e fëmijë.

Në këtë konflikt nuk është plotësisht e konfirmuar, por edhe autoritete flasin për një numër të kosovarëve të vrarë në të që sillet rreth 60 viktima- ose të cilësuar nga grupi SISI dhe krahu i Al-Kaidës në Siri, Xhabhatu Al-Nusra si “shahidë”

Prokuroria pranon raportin e autopsisë rreth vdekjes së Astrit Deharit

Zyra e Kryeprokurorit të Shtetit ka konfirmuar se Prokuroria Themelore në Prizren ka pranuar sot raportin e autopsisë nga Instituti i Mjekësisë Ligjore për të ndjerin Astrit Dehari.

Menjëherë pas pranimit të këtij raporti, kryeprokurori i Prokurorisë Themelore në Prizren, Sylë Hoxha e ka ftuar përfaqësuesin e familjes Dehari, avokatin Tomë Gashi, që së bashku me prindërit e të ndjerit Astrit Dehari, gjatë ditës së sotme të shkojnë në Zyrën e Kryeprokurorit të Shtetit, për ta pranuar një kopje të raportit, si dhe për tu informuar për të gjeturat gjatë procesit të autopsisë.

“Për hir të transparencës dhe informimit të drejtë të opinionit publik, Zyra e Kryeprokurorit të Shtetit, në konsultim me familjen Dehari, ndërkohë do ta informojë opinionin publik me rezultatet e raportit të pranuar sot nga Instituti i Mjekësisë Ligjore”, thuhet në komunikatën e lëshuar për media.

Astrit Dehari ka vdekur në rrethana ende të pasqaruara në burgun e Prizrenit më 5 nëntor.

Aktualisht mjekësia ligjore nuk ka publikuar rezultatet finale të ekspertizës, ku kanë marrin pjesë edhe ekspertë të angazhuar nga familja Dehari. Kjo e fundit, bashkë me Lëvizjen Vetëvendosje ka akuzuar autoritetet shtetërore për vdekjen e tij.

Ndërkohë, prokurori i Gjykatës Themelore të Prizrenit, Sylë Hoxha ka thënë tashmë se rezultatet e para flasin se Astrit Dehari vdiq nga asfiksia – zënia e organeve të frymëmarrjes. Por, tani u mbetet organeve kompetente ta thonë se në çfarë rrethanash dhe si erdhi deri te asfiksia e Deharit, që çoi në vdekjen e tij. (REL)

Nicole Kidman: Pas dhunës në Kosovë, vendosa të ndihmoj

Nicole Kidman dhe aktori Jude Law në një skenë filmore

Aktorja e njohur amerikane, Nicole Kidman, thotë se pasi i ka parë femrat dhe fëmijët, që ishin viktima të luftës në Kosovë, ajo ka vendosur që njëra nga gjërat më të rëndësishme në jetën e saj ishte për t’i ndihmuar ato viktima.

Kjo aktore e filmit, fituese e shumë çmimeve prestigjioze, tha mbrëmë në Nju Jork, gjatë ceremonisë së shënimit të 20 vjetorit të Fondit të Kombeve të Bashkuara për ndaljen e dhunës kundër grave, se prej para 10 vitesh ka filluar të angazhohet dhe do të “jetë zë për femrat që nuk kanë zë”, raporton AP.

Zonja Kidman, që është ambasadore e vullnetit të mirë për Gratë e Kombeve të Bashkuara, ka kërkuar nga mysafirët në këtë ceremoni që të ndihmojnë materialisht, pasi femrat dhe vajzat “kanë nevojë për ne, që kemi mundësi dhe që kemi para” t’i ndihmojmë ato.

Organizata Gratë e Kombeve të Bashkuara tha se në këtë darkë janë tubuar më se 105 mijë dollarë, përfshirë donacionin prej 50 mijë dollarëve nga aktorja, Nicole Kidman.

Tensionohet situata në Kuvend, Paloka godet Beqjen në foltore

 Incidenti i sotem ne Kuvend

Deputetë të opozitës kanë rrethuar ministrin e Shëndetësisë, Ilir Beqaj në foltore, teksa ky i fundit do merrte fjalën në seancën e sotme në Kuvendin e Shqipërisë, kurse kreu i grupit të PD-së, Paloka e ka goditur me grusht.

Nënkryetarja e Kuvendit i ka ftuar të ulen nëpër vende, por ata i janë afruar në foltore, duke moe e lënë të merrte fjalën.

Kreu i grupit të PD-së, Paloka ka shtyrë ministrin Beqaj, e më pas si duket edhe në video, e ka goditur atë me grusht. Pasi sipas tij, fjalën duhet ta merrte ish-kryeministri Berisha dhe jo ai.

Incidenti ndodhi sapo Leskaj njoftoi se në sallë ishte një delegacion francez që po ndiqte seancën.

Delegacioni francez, duke pare incidentin
Delegacioni francez, duke pare incidentin

Balla: E goditi me grusht, të mblidhet Byroja  

Deputeti i PS-së, Taulant Balla e quajti incident tepër të rëndë atë që ndodhi në sallën e Kuvendit, ku sipas tij, kreu i grupit të PD-së, goditi me grusht ministrin e Shëndetësisë.

“Kreu i grupit të PD-së, godet me grusht ministrin e Qeverisë, e kanë parë sytë e shqiptarëve, e kanë filmuar kamerat këtë incident të rëndë, po depozitojmë kërkesën e një grupi deputetësh të PS drejtuar Byrosë së Kuvendit dhe i kërkojmë Byrosë të mblidhet urgjent të shqyrtojë këtë rast, e paimagjinueshme që në seancën plenare kreu i grupit të PD godet me grusht qoftë një ministër apo deputet’”- tha ai.

Vlora Çitaku e tund në OKB: Çitaku replikon me fakte e numra Daçiqit për krimet serbe

– Vlora Çitaku, ambasadorja e Kosovës në Shtetet e Bashkuara të Amerikës, ka thënë se në Kosovë ekziston toleranca fetare dhe se vetëm me Kishën Ortodokse Serbe janë shfaqur probleme.

“Forcat serbe në Kosovë kanë shkatërruar 218 xhami. Toleranca fetare është shtylla shoqërisë tonë. Kemi raste kur kisha dhe xhamia ndajnë një oborr”.

“Është vetëm një kishë ortodokse në Kosovë që ne kemi problem. Dhe kjo është kur regjimi i Milloshviçit e kishte ndërtuar në pronën e UP-së”.

Këto komente Çitaku i ka bërë në Këshillin e Sigurimit në OKB, ku është duke u diskutuar për raportin tremujor të Kosovës.

Ambasadorja Çitaku, foli për këtë çështje pas fjalës së Ivica Daçiq, ku tregoi për gjendjen e Kishës Ortodokse Serbe në Kosovë.

“Kjo kishë ka filluar të ndërtohet në vitin 1991 kur autonomia jonë ishte e suprimuar dhe kur UP kishte mbyllur dyert për studentët dhe profesorët shqiptarë përfshirë edhe vet mua”.

“Kisha Ortodokse është e ndërtuar ilegalisht, me dhunë, në kuadër të fushatës së represionit dhe do ta ruajmë si të tilla. Shkatërrimi i saj nuk është zgjidhja. Ky objekt do të qëndrojë aty për të na kujtuar kohët e vështira”.

“Kosova është republikë sekulare, shumë fetare, shumë kulturore dhe në do të bëjmë çmos që ta mbajmë si të tilla”.

“E kemi të drejtë kushtetuese për të ruajtur trashëgiminë kulturore dhe fetare, madje kjo është edhe obligim moral”.

Çitaku i replikon me fakte e numra Daçiqit për krimet serbe në Mushtisht

Ambasadorja e Kosovës në SHBA, njëherësh përfaqësuese e Kosovës në Këshillin e Sigurimit ka replikuar me Ivica Daçiqin për ndalesën e serbëve për t’u kthyer në Mushtisht të Suharekës.

Çitaku ka thënë se askush nuk është dënuar për krimet në Mushtisht, e ata ballafaqohen me ata persona që janë viktima të krimit.

“Më saktësisht 3 prill 1999, forcat serbe, ku morën pjesë edhe serbët lokalë nga ky fshat, e kanë dëbuar popullsinë shqiptare nga fshati Mushtisht. Atë ditë forcat serbe kanë djegur 25 shtëpi të fshatit, ndërkaq deri më 10 qershor 1999, të gjitha shtëpitë dhe objektet tjera përcjellëse të fshatit, 1051 sish. E numri i serbëve lokalë të uniformuar si ushtarë që kanë bërë krime janë 128 sosh. Janë komunitete të vogla dhe njihen mes vete kush çka ka bërë. Askush nuk u dënua për këtë gjë”, tha Çitaku.

Çitaku: 20-mijë gara janë dhunuar gjatë luftës në Kosovë, numri i të akuzuarve është zero

Ambasadorja e Kosovës në SHBA, Vlora Çitaku në raportin tremujor në OKB, ka kundërshtuar me fakte tendencat e ministrit serb të Jashtëm, Ivica Daçiq. Ajo i kujtoi të pranishmëve se në Kosovë gjatë luftës nga forcat serbe janë dhunuar 20-mijë femra shqiptare dhe nuk është akuzuar asnjë person, ndërsa janë vrarë 1262 fëmijë dhe sërish nuk është akuzuar asnjë person.

Çitaku duke i falënderuar shtet e botës demokratike që kanë bërë shumë për Kosovën, por theksoi tani është viti 2016 dhe nuk është më 99, Kosova nuk është më e administruar nga Kombet  e Bashkuara. “Që nga 17 shkurti 2008, Kosova është i lirë, shtet sovran dhe e njohur nga shumica dërmuese e shteteve të botës. Këto fakte janë të pakthyeshme, ora historike nuk mund të kthehet mbrapa, por serish ne vijmë këtu çdo tre muaj dhe të dëgjojmë nga kolegët serbë në një univers paralele, se shteti Kosovës nuk ekziston”, tha Çitaku dhe shtoi se në botën e vërtet Kosova është e lirë dhe është sovrane.

Ajo theksoi vendimin e GJND-së që është nxjerr me kërkesën e Serbisë.  “Asnjë shtet nuk mund të përdor territorin për të shkatërruar popullatën, sepse këto krime i kthehen mbrapa në dëm të atij shteti, sepse shteti përbëhet për popullatën dhe jo për territorin”, citoi Çitaku vendimin e GJND-së.

Ajo theksoi se Kosova ka ndërmarrë masa të papara për të hetuar krimet e supozuara, duke themeluar një gjykate speciale në bashkëpunim me bashkësinë ndërkombëtare, kurse pala serbe nuk ka ndërmarr asgjë.

“Ne në Kosovë nuk i fshihemi drejtësisë, sepse nuk kemi asgjë për të fshehur. 20-mijë gara janë dhunuar gjatë luftës së fundit në Kosovë, dhe numri i të akuzuarve është zero. 1262 fëmijë janë vrarë brutalisht, numri i të akuzuarve dhe dënuarve është zero. Janë mijëra të pagjetur që mungojnë dhe ka gjurmë të qarta të zinxhirit komandues dhe qeveria e Serbisë ka ngritur objekte mbi ato varreza për të humbur gjurmë, dhe numri i të akuzuarve dhe dënuarve është zero”, tha ajo, transmeton KosovaPerss.

Ajo foli edhe për arrestimet së fundi që janë bërë nga shteti serb ndaj dy qytetarëve të Kosovës, njëri komandant i Policisë dhe arrestimi është bërë me urdhër të autoriteteve serbe, dhe kjo është ndesh me marrëveshjen e arritur në Bruksel për lirinë e lëvizjes.

Ajo theksoi edhe listën e lëshuar nga Serbia për arrestimin e ish liderëve botërorë të shteteve perëndimore, si Bill Klinton, Medelin Ollbrajt, Havier Solana, Toni Bler, Zhak Shirak e shumë udhëheqës tjerë të lartë të shteteve perëndimore.

Ajo foli edhe për Ligjin e Trepçës, ku tha se minierat e Trepçës gjenden në Kosovën, ato i takojnë Kosovës dhe do të menaxhohen nga Kosova dhe ligji është në përputhje të plotë me Kushtetutën e Kosovës.

Çitaku foli edhe për manipulimin që Beogradi tenton të bëjë me numrin e të zhvendosurve serbë, ku siç tha ajo, në regjistrimin e kryer nga serbët në vitin 1991, kur institucionet udhëhiqeshin nga administrata serbe, në Kosovë jetonin 190-mijë serbë, dhe shtroi pyetjen, si mund të kenë ikur nga Kosova pas vitit 1999 200-mijë serbë, kur nuk kanë ekzistuar kurrë aq serbë.

Ajo foli edhe për kishën ortodokse serbë që është ndërtuar në lokalitetin e Universitetet të Prishtinës nga regjimi i Millosheviçit, kur studentëve shqiptarë u mohohej e drejta për të studiuar.

Ambasadorja Çitaku theksoi edhe kujdesin që Kosova i kushton luftës kundër terrorizmin, ku së fundi Policia e Kosovës ka arrestuar disa të dyshuar që kishin planifikuar kryerjen e sulmeve terroristë në Kosovë dhe rajon.

Vlora Çitaku: Nuk ka pajtim me Serbinë, pa llogaridhënien e tyre

Vlora Çitaku, ambasadorja e Kosovës në Shtetet e Bashkuara të Amerikës, ka thënë se nuk mund të ketë pajtim me shtetin fqinjë Serbinë, pa llogaridhënien e tyre.

Çitaku këto komente i ka bërë në fjalën e saj në Këshillin e Sigurimit, ku po diskutohet për raportin tremujor për Kosovën.

“Është viti 2016 dhe nuk është më 1999, së dyti Kosova nuk është më e administruar nga Kombet e Bshkuara nga 17 shkurt 2008”.

“Kosova është shtet i pavarur sovran dhe i njohur nga shumica e shteteve të Kombeve të Bashkuara”.

“Por në vijmë çdo tre muaj këtu dhe dëgjojë nga kolegët nga Serbia në nj univers paralel ku Kosova nuk ekziston si shtetas. Këtu ku agresori është bërë i shtypuri dhe Millosheviçi është bërë hero”.

“Kurse lëvizja që ka qenë çlirimtare është bërë terroriste”.

“Asnjë shtet nuk mund të shkelë integritetin territorial për të kryer krime, spastrim etnik, shpërngulje masive dhe t’i diskriminojnë ata në bazë të sovranitetit shtetëror. Ajo që ka ndodhë në Kosovë është se popullata e viktimizuar e ka kërkuar pavarësinë”.

“Mësimi i nxjerr është se asnjë shtet nuk mund të përdor territorin për të shkatërruar popullatën. Shteti krijohet për njerëzit dhe jo për territorin”.

“Në bashkëpunim me drejtësinë ndërkombëtare kemi krijuar edhe Gjykatën Speciale për të kërkuar drejtësi për të gjithë”.

“Në në Kosovë nuk i frikësohemi drejtësisë, sepse s’kemi asgjë për të fshehur. Kauza dhe lufta jonë ka qenë e drejtë. Serbia në anën tjetër ka bërë çmos përveç, t’i ndjek kriminelët”.

“20 mijë gra janë dhunuar në Kosovë gjatë luftës, kurse asnjë i akuzuar”.

“Mijëra mungojnë dhe ka gjurmë të qarta të përgjegjësisë të komandës shtetërore që i fsheh këto gjurmë”.

“Qeveria e Serbisë madje ka ngritur objekte mbi varreza masive që t’i fesh ato. Nuk mund të ketë pajtim pa llogaridhënie”.

“Deri sa ne rikonfirmojmë zotimet tona për dialog ndërshtetëror. Ne nuk jemi të kënaqur me dinamikat e zhvillimit të marrëveshjeve.”

* * *

Ambasadorja e Kosovës në SHBA, Vlora Çitaku, ka bërë të ditur se sot do të ketë një adresim në Këshillin e Sigurimit të Kombeve të Bashkuara.

Por sipas saj, mbledhjet e Këshillit të Sigurimit kanë humbur kuptimin e tyre.

“Nuk ka nevojë të them se këto mbledhje kanë humbur kuptimin e tyre pas 17 shkurtit të vitit 2008. Jam shumë e bindur se Kombet e Bashkuara mund të përdorin kohën dhe resurset e tyre shumë më mirë”, ka shkruar Çitaku në llogarinë e saj në Facebook.

Këshilli i Sigurimit i Kombeve të Bashkuara pritet të diskutojë raportin tremujor të sekretarit të përgjithshëm të Kombeve të Bashkuara, Ban Ki-moon, për zhvillimet në Kosovë.

vloraaa vloraaa

 

Nxënësit, viktima të ngacmimeve dhe dhunës seksuale

Ilustrim – Kamerat e sigurisë në një shkollë në Kosovë

Abuzimet, sulmet dhe ngacmimet seksuale ndaj nxënësve në shkolla janë fenomene mjaft shqetësuese dhe jo pak të shprehura, thonë përfaqësues të organizatave që merren me të drejtat e fëmijëve.

Sipas autoriteteve të rendit, gjatë këtij viti janë raportuar pesë raste të ngacmimeve seksuale në institucionet shkollore.

Donjeta Kelmendi, nga Koalicioni për Mbrojtjen e Fëmijëve, KOMF, beson se rastet e ngacmimeve apo edhe sulmeve seksuale janë më të shpeshta, por ato nuk raportohen.

“KOMF ka rekomanduar edukimin e fëmijëve për format e abuzimit, rreziqet, pasojat, raportimin dhe institucionet e mandatuara për mbrojtjen e fëmijëve. Po ashtu edhe prezantimin me zyrat përkatëse ku abuzimi mund të raportohet, si dhe dhënien e të gjitha kontakteve për të pasur qasje në këto sisteme të referimit dhe garantimi mbi ruajtjen e konfidencialitetit”.

“Abuzimi seksual mbetet forma më e rëndë e abuzimit. Kjo për shkak të pasojave që lë tek fëmijët. Njëherësh, abuzimet seksuale nuk raportohen në nivelin e duhur. Kjo nga frika e stigmatizimit të viktimës, por edhe e familjes në shoqëri”, ka thënë Kelmendi.

Në Policinë e Kosovës thonë se varësisht prej rasteve të raportuara apo incidenteve që paraqiten, në bashkëpunim me prokuroritë kompetente, merren veprimet ligjore duke u bazuar në kodin penal dhe të proceduarës penale, për trajtimin e rasteve të tilla, në mënyrë që ato të procedohen tek organet e drejtësisë për vendime adekuate sipas ligjit.

Daut Hoxha, zyrtar për informim në Policinë e Kosovës, tregon në lidhje me statistikat dhe aktivitetet e policisë për trajtimin e këtyre rasteve.

“Raste të ngacmimeve seksuale nëpër shkolla gjatë periudhës Janar-Shtator 2016 janë gjithsej 5 sosh, të raportuara. Policia e Kosovës është e përkushtuar në garantimin e një sigurie të përgjithshme në vend. Në këtë kontekst jemi të përkushtuar edhe në krijimin e ambientit të sigurt edhe nëpër institucione arsimore apo përreth tyre”.

“Për trajtimin e rasteve të tilla në mënyrë adekuate Policia e Kosovës ka një bashkëpunim të mirë me të gjitha institucionet relevante, drejtoritë përkatëse komunale të arsimit, menaxhmentin e shkollave, qendrat për punë sociale dhe akterë tjerë të rëndësishëm në këtë proces”, ka thënë Hoxha.

Ndërkaq, sipas zonjës Kelmendi, duke u nisur nga rastet e shumta të ngacmimeve, sulmeve dhe abuzimeve seksuale, KOMF ka ngritur shqetësimin për rastet e tilla, duke ofruar rekomandime për institucionet publike, sikurse institucionet arsimore, Ministrinë e Arsimit, Qendrat për Punë Sociale, Ministrinë e Punës dhe Mirëqenies Sociale si dhe organet e rendit dhe drejtësisë.

“KOMF u ka rekomanduar drejtorive të shkollave që të punohet në parandalimin e rasteve dhe në rastet kur dyshohen ose konstatohen të kenë ndodhur ato, si dhe të njëjtat të denoncohen menjëherë në organet përkatëse. Ministria e Arsimit duhet të angazhojë inspektorët e arsimit në mënyrë që të jenë me aktiv në terren për identifikimin dhe parandalimin e fenomenit të ngacmimit, sulmit dhe abuzimeve seksuale’’, ka thënë Kelmendi.

Kurse, Majlinda Lulaj, zyrtare për informim në institucionin e Avokatit të Popullit, ka thënë se gjatë aktiviteteve të tyre, si institucion, janë vizituar edhe shkollat, e që ka dalë se në to ushtrohet dhunë, qoftë fizike, psikologjike apo edhe raste të ngacmimeve seksuale.

“Është iniciuar prej shpërfaqjes së rasteve që është ushtruar dhunë ndaj fëmijëve, duke përfshirë edhe rastet e ngacmimeve seksuale. Në kuadër të aktiviteteve që ky institucione bën janë edhe shkollat ku fëmijët kanë pohuar që ata dinë që ushtrohet dhunë, qoftë fizike, psikologjike, por edhe ngacmime seksuale”.

“Të gjitha këto na kanë shtyrë që të shihet nga prizmi i pasojave dhe efekteve psikologjike që ka dhuna në përgjithësi ndaj fëmijëve, e që është konstatuar që efektet do të shihen edhe në moshën e rritur, pasi dhuna prodhon dhunë”, ka thënë Lulaj.

Ndryshe, në trajtimin e kësaj teme, psikologë të kontaktuar nga Radio Evropa e Lirë kishin potencuar faktin se “ka dhunë seksuale në shkolla, por që mbetet si temë tabu dhe nuk diskutohet rreth kësaj çështje aq sa ka nevojë”.

“Sa u përket pasojave që mund të ketë fëmija që përjeton dhunë seksuale, një fëmijë apo adoleshent, fillon të ndjejë ndjenjën e fajit për atë çka ka ndodhur, pastaj mund të kalojë në gjendje depresive dhe shpesh mund të ketë edhe pasoja me vetëvrasjes”, kanë vlerësuar psikologët.

Sidoqoftë, sipas statistikave të Këshillit Gjyqësor të Kosovës, për periudhën janar 2015 – shkurt 2016, nga gjithsej 111 lëndë të veprave penale kundër integritetit seksual të shkaktuar ndaj të miturve, vetëm 38 raste të tilla janë zgjidhur. (REL)

Kosovë: Nga fillimi i nëntorit 19 të arrestuar nën dyshimet për planifikim terrorizmi

Nga një operacion i mëhershëm i policisë së Kosovës

 

Policia e Kosovës tha të mërkurën se ka arrestuar 19 persona gjatë 12 ditëve të fundit nën dyshimet për lidhje me grupin militant Shteti Islamik dhe planifikim sulmesh në Kosovë dhe në rajon.

Policia tha se “ka arritur të parandalojë sulme terroriste të planifikuara dhe të sinkronizuara që të ndodhnin në të njëjtën kohë, jo vetëm në Republikën e Kosovës, por edhe në rajon“.

Sipas policisë “persona të caktuar ishin në kontakt me të dyshuarin L. M. (Lavdrim Muahxhiri), nga i cili merrnin udhëzime në përgatitjen dhe kryerjen e sulmeve terroriste në rajonin e Ballkanit“. Ajo tha se ka siguruar prova të mjaftueshme se “personat e caktuar ishin në planifikim të kryerjes së akteve terroriste në Republikën e Kosovës si dhe ndaj përfaqësueses së Izraelit në futboll, tifozëve të tyre që pritej merrnin pjesë në ndeshjen futbollistike Shqipëri-Izrael“.

Gjatë hetimeve policia thotë se ka kuptuar që këta persona të dyshuar kanë qenë “të ndarë në grupe të ndryshme dhe të bashkërenduar nga terroristi L. M., nga i cili kanë marrë udhëzime”.

Këto grupe kanë vepruar të ndara, por që në bashkërendim me L. M. dhe R. H. (Ridvan Haqifin) të cilët gjenden në Siri përkrah ISIS-it, kanë pasur objektiva të qartë se kush dhe kur duhet të sulmohet.”

Që nga data 4 nëntor e deri më 16 nëntor janë arrestuar 19 persona të dyshuar, 18 prej të cilëve shtetas të Kosovës dhe një shtetas i Maqedonisë.

Ndaj 18 të dyshuarve u është caktuar masa e paraburgimit prej 30 ditësh, ndërsa njeri prej tyre është liruar në procedurë të rregullt pas ndalimit prej 48 orëve.

Policia tha se gjatë operacioneve policore në cilësinë e provave materiale janë konfiskuar një sasi armësh e municionesh dhe mjete tjera si dhe materiale dhe literaturë fetare nga autorë të njohur për ideologjinë e tyre ekstremiste.

Operacionet janë kryer në bashkërendim edhe me autoritetet në Shqipëri ku më 4 nëntor u arrestuan katër persona nën dyshimet se po përgatiteshin për një sulm terrorist gjatë ndeshjes së futbollit mes Shqipërisë dhe Izraelit e cila qe parashikuar të zhvillohej në qytetin e Shkodrës. Ndeshja u zhvendos në Elbasan “për motive sigurie”, ndërsa media shqiptare tha se dyshimet ishin transmetuar nga shërbimet e fshehta izraelite.

Gjykata e Krimeve të Rënda vendosi masën e arrestit në burg për të katër personat e dyshuar se “në bashkëpunim me njëri-tjetrin dhe shtetas të tjerë jashtë vendit, kanë propaganduar nxitjen e urrejtjes, rekrutimin e personave për të shkuar në Siri përkrah organizatës terroriste ISIS, se kanë mbështetur me logjistikë e financime këtë organizatë terroriste, si dhe se mund të udhëtonin në zonat e konfliktit në vendet e Lindjes së Mesme”.

Nga Shqipëria mendohet se janë mbi 100 persona që kanë luftuar përkrah ISIS-it, ndërsa autoritetet kanë bërë të mundur disa arrestime. Gjatë këtij viti 9 anëtarët e një celule që rekrutonte persona për t’i dërguar në Siri u dënuan me 152 vjet heqje lirie. Kosova është përballur që nga viti 2012 me përfshirjen e qytetarëve të saj në konfliktet në Lindjen e Mesme.

Sipas autoriteteve rreth 316 veta besohet se kanë marrë pjesë në ato konflikte, ndërsa atje ende ndodhen 140, nga të cilët 75 luftëtarë dhe 38 gra e 27 fëmijë.

Dy vjet më parë policia filloi hetimet kundër 237 vetave për pjesëmarrje në luftë, nxitje dhe rekrutim të luftëtarëve të huaj dhe mbi 127 veta janë arrestuar. Deri tash 35 veta janë dënuar nga gjykatat në Kosovë.

Sipas autoriteteve, 117 veta janë kthyer në Kosovë dhe një numër i tyre po përballet me drejtësinë.

Në pranverën e vitit të kaluar parlamenti i Kosovës miratoi një ligj për parandalimin e përfshirjes në luftërat e huaja, i cili parasheh dënime deri në 15 vjet heqje lirie për të gjithë ata që marrin pjesë, nxisin apo mbështesin përfshirjen në konfliktet jashtë Kosovës.

Gjatë vitit 2016 autoritetet thanë se është shënuar rënie e numrit të qytetarëve të Kosovës të përfshirë në ato luftëra, por fillimi i vjeshtës shënoi raste të reja të shkuarjes apo përpjekjeve për të shkuar në ato zona.

Ja vendet ku qytetarët e Kosovës mund të udhëtojnë pa viza

PRISHTINE– Premtimi nga të gjitha pushtetet, që nga shpallja e pavarësisë së Kosovës, se banorët e shtetit më të ri në Evropë shumë shpejt do të udhëtojnë pa viza, ka mbetur e parealizuar që prej tetë viteve. Madje deri më tani “nuk kanë bërë punë” edhe “kërcënimet” e ish-ministrit të Punëve të Jashtme të Kosovës dhe presidentit aktual, Hashim Thaçi, se izolimi i kosovarëve është padrejtësi e Bashkimit Evropian ndaj shtetit të Kosovës, dhe se ky largim mund t’i japë jetë forcave të cilat sipas tij, nuk ia duan të mirën vendit.

Dëshpërueshëm për mosliberalizim e vizave, ka folur edhe ish – ministri i Integrimit Evropian, Bekim Çollaku, i cili për më tepër ka theksuar se as në 2016 kosovarët nuk mund të udhëtojnë lirshëm në zonën Schengen. Por, sipas zyrtarëve të BE-së, liberalizimi i vizave për shtetin më të ri në Evropë, nuk po ndodh sepse institucionet e Kosovës nuk po i realizojnë detyrat e shtëpisë, ku veçanërisht theksohet mungesa e luftës nga korrupsionit. “Thembra e Akilit” dhe njëri prej kushteve të tjera të vëna si kusht për liberalizimin e vizave, është edhe demaskimi i kufirit në mes të Kosovës dhe fqinjit të tij perëndimor, e që zgjidhja e tij nuk po duket në horizont, për shkak të qëndrimeve të kundërta të pozitës dhe opozitës në Kosovë. Ndonëse nuk kanë të drejtë të udhëtojnë pa viza në zonën Shchengen, banorët e shtetit të ri mund të udhëtojnë lirshëm në disa shtete, shkruan tg.

Burime nga Ministria e Punëve të Jashtme kanë thënë se Kosova ka marrëveshje të lëvizjes së lirë me një sërë shtetesh të cilat lejojnë udhëtimin pa viza për qytetarët e Kosovës. Sipas zyrtarëve të MPJ-së qytetarët e Kosovës mund të udhëtojnë pa viza në: Shqipëri, Maqedoni, Mal të Zi, Turqi, Dominika, Ekuador, Gambia, Haiti, Mikronezi, Niue, si dhe në Shën Vincent & Grenadines.
“Njëkohësisht, Kosova është në negociata me një sërë vendesh për ta hequr regjimin e dyanshëm të vizave, kur kjo të jetë në interesin e vetë shteteve. Përveç kësaj, një numër prej të paktën 29 shteteve të botës kanë lehtësuar në maksimum marrjen e vizave për qytetarët tanë. Qytetarët e Kosovës, mund të marrin viza në këto 29 shtete pas arritjes në aeroportin/pikën kufitare të shtetit përkatës”, kanë thënë nga MPJ.

Ata kanë sqaruar se hyrja e shtetasve të vendeve të tjera në Kosovë – sipas vendimit të Qeverisë së Kosovës bazuar në marrëveshjet ndërshtetërore të arritura midis saj dhe disa shteteve të botës – hyrja në shtetin e Kosovës bazohet nëse shtetasit e këtyre vendeve kanë viza Shcengen, ose në raste specifike të tjera siç është rasti me SHBA-të dhe vende të tjera. “Shtetasit e vendeve për të cilët Republika e Kosovës aplikon regjim vizash, por të cilët kanë leje qëndrimi biometrike të vlefshme të lëshuar nga njëri prej shteteve të zonës Schengen; po ashtu bartësit e vizës shumë-hyrëse të Schengenit, lirohen nga nevoja për t’u pajisur me vizë kosovare për hyrje, transit dhe qëndrim në Kosovë. Qëndrimi i tyre brenda territorit të Republikës së Kosovës kufizohet në 15 ditë”, ka sqaruar nga MPJ.

Marrëveshja për kodin nuk e zhbllokon themelimin e Asociacionit

Institucionet e Kosovës nuk do të ndërmarrin asnjë hap drejt formimit të Asociacionit të Komunave me shumicë serbe, përderisa Serbia nuk i shuan strukturat paralele të pushtetit në veri dhe nuk fillon me zbatimin e marrëveshjes për kodin telefonik. Kështu thonë në Kabinetin e Kryeministrit të Kosovës dhe në Ministrinë për Dialog në Qeverinë e Kosovës.

Komisioneri i BE-së për Zgjerim dhe Negociata, Johannes Hahn, si dhe shefi i delegacionit të BE-së në Serbi, Majk Davenport, në deklarimet e para pas marrëveshjes për kodin telefonik ndërmjet Prishtinës dhe Beogradit, kishin deklaruar se ky mund të ishte një hap përpara edhe drejt krijimit të Asociacionit të Komunave me shumicë serbe në Kosovë.

Por, në Qeverinë e Kosovës, fillimisht presin më shumë përparime nga Beogradi në kuadër të zbatimit të marrëveshjeve të arritura.
Ministrja për Dialog në Qeverinë e Kosovës, Edita Tahiri, është shprehur optimiste se Serbia kësaj radhe do të zbatojë marrëveshjen për kodin telefonik dhe, siç tha ajo, pas fillimit të zbatimit të marrëveshjes gjërat do të lëvizin përpara edhe për themelimin e Asociacionit.

“Për ne si qeveri dhe si palë në bisedime, zbatimi është me rëndësi. Pasi që të ndodh zbatimi për kodin telefonik, atëherë mund të flasim për mundësitë e fillimit të zbatimit të marrëveshjes për Asociacionin. Unë jam optimiste, duke u bazuar në faktin se zbatimi i marrëveshjeve të dialogut është kusht për të dyja shtetet në përparim drejt Bashkimit Evropian”, tha Tahiri për Radion Evropa e Lirë.

Edhe këshilltari politik i kryeministrit të Kosovës, Faton Abdullahu, tha për Radion Evropa e Lirë se për të vazhduar me procedurat rreth themelimit të Asociacionit të Komunave me shumicë serbe duhet një konstruktivitet shumë më i madh i palës serbe në dialog. Sipas tij, Kosova dhe Serbia kanë arritur shumë marrëveshje, por zbatimi i tyre në praktikë nga pala serbe nuk po ndodh.

“Na duhen ende prova për të na dhënë të kuptojmë sa ja vlen të vazhdohet edhe me marrëveshje tjera apo edhe me rastin konkret, me Asociacionin. Ne obligohemi parimisht, në forma të ndryshme, për ta themeluar [Asociacionin]. Por, natyrisht, gjithmonë duke pasur parasysh vërejtjet e Gjykatës Kushtetuese që të mos ndodh diçka, çka të tjerët shpesh herë, ndoshta me dashakeqësi e thonë, mbase edhe nga brenga, se ky asociacion do të jetë ndonjë qeverisje diku ndërmjet lokales dhe qendrores, gjë që nuk do të lejohet në asnjë variant”, tha Abdullahu.

Analisti i çështjeve politike, Artan Muhaxhiri, ligjërues në Universitetin e Prishtinës, duke folur për Radion Evropa e Lirë tha se pavarësisht marrëveshjeve të arritura në Bruksel, çështja e formimit të Asociacionit të Komunave me shumicë serbe do të jetë problematike.

Muhaxhiri konsideron se për të shpjeguar rëndësinë dhe mënyrën se si do të funksionojë Asociacioni, institucionet përkatëse është dashur që të angazhojnë ekspertë vendor dhe ndërkombëtar për të punuar në ketë drejtim.

“Tash duhet të ketë hapa konkret dhe strategji të sakta dhe të detajuara për atë se si do të duket Asociacioni. Ka pasur shumë kritika ndaj Asociacionit dhe kjo është dashur që ta nxis qeverinë që të përkushtohet maksimalisht ndaj kësaj çështjeje. Në fakt, kjo nuk ka ndodhur dhe duket se prapë do të kemi përsëritje të skenarëve të kaluar kur qeveria nuk është në gjendje ta mbrojë atë për të cilën është marr vesh në Bruksel”, tha Muhaxhiri.

Ndërkohë, ministrja për dialog, Edita Tahiri, ka përsëritur disa herë se pa shuarjen e të gjitha strukturave paralele në veri të Kosovës nuk do të nis formimi i Asociacionit.

Shuarja e këtyre organeve është një nga kushtet për formimin e Asociacionit të Komunave me shumicë serbe në Kosovë, si një prej marrëveshjeve kryesore të arritura në dialogun ndërmjet Prishtinës dhe Beogradit, me ndërmjetësimin e Bashkimit Evropian në Bruksel.

Tahiri ka deklaruar se disa nga ato struktura janë “zhbërë dhe po zhbëhen” dhe se për ata njerëz që kanë punuar në ato struktura është aplikuar Ligji për Amnisti.

Në veri të Kosovës vazhdon funksionimi i strukturave paralele serbe, kanë konstatuar së fundmi edhe deputetë të Kuvendit të Kosovës nga komisionet për Siguri dhe nga Komisioni për mbikëqyrje të Agjencisë së Kosovës për Inteligjencë. Këto struktura janë themeluar dhe mbështetur nga Beogradi zyrtar, që nga periudha e pasluftës. (REL)

Gjykata e Apelit dënon Lushtakun me 7 vjet burg

Sami Lushtaku

Gjykata e Apelit e Kosovës ka shpallur sot aktgjykimin lidhur me rastin “Drenica 1”.

Lajmin e ka konfirmuar ekipi mbrojtës i Sami Lushtakut.

Përmes një komunikate për medie, ky ekip ka bërë të ditur se Gjykata e Apelit e ka shpallur të pafajshëm Sami Lushtakun për veprën penale “Vrasja e një personi civil të burgosur shqiptar”, me ç’rast i janë hequr 12 vjet burg, me të cilat u dënua fillimisht nga Gjykata Themelorë në Mitrovicë.

Por, Gjykata e Apelit, megjithatë, e ka dënuar Sami Lushtakun me 7 vjet burgim për veprën penale ‘Krime lufte kundër popullatës civile’, që ndërlidhet me Përgjegjësinë Komanduese”, nga e cila akuzë ishte liruar më parë nga Gjykata Themelore e Mitrovicës.

Ekipi mbrojtës i Lushtakut ka reaguar, duke thënë se “ekziston një bazë e fortë juridike për parashtrimin e mjetit juridik pranë Gjykatës Supreme”.

Gjykata e Apelit gjithashtu i ka shqiptuar masën e dënimit prej 5 vjet e 3 muaj burgim Sylejman Selimit. Duke pasur parasysh edhe rastin “Drenica II”, Selimit i është bashkuar dënimi dhe i është shqiptuar dënim unik në kohëzgjatje prej 10 viteve.

Dënimi për të dy rastet, “Drenica 1” dhe “Drenica 2”, i është bashkuar edhe Jahir Demakut, i cili është dënuar me burgim prej 7 vjetësh.

Mimoza Kusari Lila: Behgjet Pacolli si Donald Trump, asnjë vlerë përveç parave

Kryetarja e komunës së Gjakovës, Mimoza Kusari-Lila, e ka krahasuar kryetarin e ish-partisë së saj, Behgjet Pacollin, me presidentin e sapo zgjedhur të Shteteve të Bashkuara të Amerikës, Donald Trump, duke thënë se që të dy nuk kanë asnjë vlerë tjetër përveç asaj materiale.

‘Në mënyrën se si e portretizon zoti Pacolli, e që nuk po largohet shumë nga karakteri i presidentit Donald Trump, pasi nuk ka asnjë vlerë në karakter dhe çdo gjë e përcaktojnë me vlera materiale”, ka thënë Kusari- Lila në emisionin ‘Ekonomia me Erëzën’ në KTV.

Ajo ka shtuar se elementi financiar nuk ka qenë përcaktues në fitoren e saj, sepse Gjakova thotë të ketë pasur nevojë për ndryshime.

‘Nuk ka qenë përcaktues elementi financiar, sepse sikur të ishte do të kishin fituar edhe kandidatët tjerë të AKR-së. Por, Gjakova ka pasur nevojë për ndryshime’, deklaroi ajo.

Kusari-Lila është shprehur se fuqizimi i grave në politikë është duke ndodhur.

Ndërron jetë ish-futbollisti dhe gazetari Sali Vula

Një tjetër emër i njohur i gjeneratës së artë të KF Vëllaznimi, është shuar sot.

Ish futbollisti i skuadrës gjakovare në vitet 1964-1974, Sali Vula, ka ndërruar jetë sot në moshën 70 vjeçare.

Sali Vula, po ashtu në vitet 1974-1979 ushtroi detyrën e gazetarit sportiv në Radio Televizionin e Prishtinës.

Varrimi i të ndjerit do të bëhet të martën në orën 13:00, në varrezat e qytetit në Gjakovë.

Fatmir Limaj: Me marrëveshjen për +383 vlera e PTK-së rrënohet përfundimisht

Ish ministri i Transportit dhe Post-Telekominikacionit të Kosovës, Fatmir Limaj, aktualisht kryetar i partisë opozitare Nisma për Kosovën, ka thënë se marrëveshjen për kodin (prefixin) telefonik kjo qeveri e Kosovës përfundimisht po e bën Serbinë bashkëpronare të aseteve shtetërore të Kosovës, e në këtë rast pronare të frekuencave në fushën e telekomunikimit.

“Kjo marrëveshje i jep Kosovës kod telefonik gjeografik, e jo shtetëror, kod të cilin Serbia po ja jep në shfrytëzim Kosovës, me këtë marrëveshje pronare e këtij kodi po mbetet Serbia”, ka thënë Limaj, teksa ka shtuar se me këtë marrëveshje qeveria e Kosovës po ashtu i ka lejuar qeverisë së Serbisë që edhe operatori telefonik shtetëror serb të funksionoj në Kosovë, duke mos përfillur dhe duke i shkelur ligjet në fuqi.

“Përveç dëmeve tjera ekonomike tanimë me këtë marrëveshje vlera e PTK-së në treg do të rrënohet përfundimisht. Këto marrëveshje nuk kufizohen vetëm në telefoni, por kjo është edhe një tjetër ndërhyrje në sovranitetin e vendit, me theks të veçantë ndërhyrje direkte në sigurinë nacionale, sepse kjo do t’i mundësojë organeve serbe të sigurisë të kenë mundësi për të ndërhyrë në sigurinë publike të shtetit dhe private të qytetarit”, ka thënë Limaj.

Limaj ka thënë se sot me këtë marrëveshje kjo qeveri po e legjitimon Serbinë si bashkëpronare të aseteve dhe pasurisë së Kosovës.
“Kjo qeveri hapi edhe një derë të rrezikshme që më nuk do të mbyllet, kjo tashmë shumë shpejt do të shihet edhe në asetet tjera ekonomike të vendit”.

Ismet Hamiti: Le të dihet, pronar i kodit është Serbia me të gjitha të drejtat për të

Eksperti i çështjeve të telekomunikacionit, Ismet Hamiti, ka shprehur bindjen se me marrëveshjen e arritur në Bruksel fillimisht në vitin 2013, dhe përfundimisht të miratuar mbrëmë telekomit serb po i lejohet zgjerimi në Kosovë, derisa ka thënë se kodi telefonik +383 po përdoret vetëm për të fshehur këtë të vërtetë

Ai është shprehur se nuk është e vërtetë që Republikës së Kosovës i është ndarë “kodi shtetëror” i telefonisë.

“Për ta marrë kodin e vet, Kosova duhet të aplikojë në ITU, siç e përcakton kushtetuta e ITU dhe ashtu siç vepron çdo shtet i këtij planeti, gjë që autoritetet kompetente të Kosovës asnjëherë nuk kanë bërë. Në vend të kësaj ato kanë zgjedhur të bëjnë akrobacione përmes BE-së, Austrisë, për të fshehur pajtimin e tyre që telekomi serb të zgjerohet në Kosovë dhe që telekomi i Kosovës të bëhet pjesë e sistemit te telekomunikacionit serb”, ka thënë Hamiti, përcjell Koha.net.

Le te dihet, ka potencuar ai, pronar i kodit që po trumbetohet është Serbia.

“Kodi është gjeografik, Serbia ia jep për administrim ‘krahinës së vet jugore’ Kosovës, si rajon gjeografik. Fakti se në ITU regjistrohet autoriteti rregullator i Kosovës si administrator i kodit nuk e ndryshon këtë të vërtetë. Në të vërtetë kjo shërben vetëm për të gënjyer publikun e Kosovës se gjoja ITU ia ndau Kosovës kodin shtetëror”, ka thënë Hamiti, përcjell Koha.net. “Jo pra, le të dihet, pronar i kodit është Serbia me të gjitha të drejtat që i takojnë për përdorimin e tij. Prandaj regjistrimi në ITU i ARKEP si administrator i kodit bëhet me pëlqimin e Serbisë, por ajo, si pronare që është, në të ardhmen mund të regjistrojë në ITU kë të dojë si administrator të këtij kodi. Bie fjala, nesër mund të regjistrojë në ITU si administrues të kodit ‘Asociacionin e Komunave Serbe’. Dhe nuk është fare, fare, fare larg mëndsh që kjo të bëhet në një të afërm jo të largët. Dhe Kosova nuk do të ketë asnjë mundësi për ta penguar”, ka shtuar ai.

Me një fjalë, Serbisë i është dhënë një mjet i fuqishëm për të shantazhuar Kosovën në çdo kohë që t’i duhet sepse ndërrimi i kodit telefonik është punë e kushtueshme dhe aspak e lehtë, ka thënë ai.

“Si shpërblim për këtë ‘nder’ që po ia bëka Serbia Kosovës, pra që të regjistrojë në ITU të ARKEP si administrues të kodit të saj, lejohet operatorit shtetëror serb të zgjerohet në Kosovë, operatori shtetëror serb të ndërlidhet me operatorët në Kosovë me numeracion lokal, dhe tarifat ndërlidhëse me operatorin shtetëror serb t’i caktojë Serbia. Shkurt, autoritetet tona janë pajtuar ta kthejnë Serbinë në telekomunikacionin e Kosovës në mënyrën më domethënëse”, ka thënë Hamiti, që nuk është ndalur me kaq.

“Të shtoj edhe një të zezë që i bëhet Kosovës me marrëveshjen për kodin: për herë të parë Serbisë i njihet autoriteti mbi sektorin e telekomunikacionit në Kosovë ‘Kosovo*’. Me nënshkrimin e autoriteteve tona dora vetë. Qytetarët e Kosovës duhet ta dinë se ‘marrëveshja për kodin’ është një mashtrim i madh, thellësisht në dëm të interesit publik dhe krejtësisht në shërbim të interesave të Serbisë”, ka thënë Hamiti, profesionist i telekomunikacionit.

Nesër dhe pasnesër merren në pyetje anëtarët e Vetëvendosjes, të dyshuar se sulmuan Parlamentin

Pesë anëtarët e Lëvizjes Vetëvendosjes të dyshuar se kryen sulm terrorist ndaj ndërtesës së Parlamentit pritet të merren në pyetjet nga Prokuroria në fillim të javës së ardhshme. Prokurori i rastit, Abdurrahim Islami ka treguar se janë duke grumbulluar rezultatet e provave që i kanë dërguar për ekzaminim në laboratore. Ka thënë se intervistomi i të dyshuarve do të bëhet një nga një.

Pesë anëtarët e Vetëvendosjes të dyshuar se përgatitën dhe ekzekutuan sulmin terrorist ndaj ndërtesës së Parlamentit të Kosovës do të merren në pyetje gjatë fillimit të javës së ardhshme.

Kjo është bërë e ditur nga Prokurori i rastit, Abdurrahim Islami, i cili ka thënë për Gazetën Express, se kanë marrë shumicën e rezultateve laboratorike të provave që i kanë gjetur në vendin e ngjarjes. Ka treguar se po i presin edhe disa rezultatet për t’i lexuar dhe vlerësuar se çfarë do të bëjnë më tutje.

“ Nga e hëna ose e marta do të fillojmë me marrjen në pyetje një nga një të aktivistëve”, ka bërë të ditur Islami, për Express.

“Ende nuk është ngritë ndonjë aktakuzë për zyrtarët e Lëvizjes Vetëvendosje. Shumica nga provat e dërguara në laborator kanë ardhur por po presim t’i mbledhim të gjitha”, ka deklaruar ai.

Prokurori ka thënë se intervistimi i të dyshuarve për javën e ardhshme ishte paraparë më herët dhe se kjo është vazhdimësi e procedurës penale.

Gjashtë anëtarët e Lëvizjes Vetëvendosje ishin arrestuar 26 ditë pas sulmit me zollë mbi Kuvendin e Kosovës. Në mesin e të arrestuarve ishte edhe Astrit Dehari, i cili vdiq të shtunën e kaluar në rrethana ende të pasqaruara në paraburgim.

Sulmi me zollë kishte ndodhur në mbrëmjen e 2 gushtit në kohën kur në Parlament ishte paraparë të votohej demarkacioni. Zolla ishte hedhur në drejtim të ndërtesës së Kuvendit nga personi që ishte duke vozitur një motor, i cili më vonë ishte gjetur i djegur me benzin, në periferi të Prishtinës.

Ndërkohë që gjyqtari Vehbi Kashtanjeva në muajin shtator të këtij viti gjashtë të dyshuarve u kishte caktuar atyre dy masa të ndryshme sigurie. Tre të arrestuarve për sulmin në Kuvend u është caktuar paraburgimi, ndërsa tre të tjerëve arresti shtëpiak. Paraburgim për tre muaj kishte paraparë për Atdhe Arifi, Egzon Haliti dhe tashmë të ndjerin Astrit Deharin. Ndërsa arresti shtëpiak prej një muaji u është caktuar Frashër Krasniqit, Adea Batushës dhe Petrit Ademit.

Lëvizja Vetëvendosje vazhdimisht kishte thënë se aktivistët e tyre nuk kryen sulmin mbi Parlament dhe akuzuan Policinë dhe Prokurorinë se fabrikuan faktet që implikojnë anëtarët e tyre në vepra terroriste.

Megjithëkëtë, Luan Keka, Zëvendësdrejtor i Njësisë së Terrorizmit në Policinë e Kosovës, kishte thënë se në bazë të hetimeve policore kanë arritur që të identifikojnë të gjithë planin e sulmit të bërë më 4 gusht.

“Të gjitha këto prova e kanë ndërlidhë grupin e arrestuar më këtë sulm. Pas aksionit të bastisjeve u sekuestruan edhe një mori armësh që lidhen me rastin e sulmit”, ka thënë ai.

Gazeta Express kishte publikuar të gjeturat nga Policia e Kosovës lidhur me anëtarët e Lëvizjes Vetëvendosje, të cilët i implikohonin në sulmin ndaj ndërtesës së Kuvendit.

Kosovë – Të rinjtë besojnë se korrupsion ka në të gjitha institucionet

Shkalla e lartë e korrupsionit dhe e krimit të organizuar, janë potencuar në raportet e progresit të Komisionit Evropian, si edhe në raportet hulumtuese të organizatave tjera ndërkombëtare e vendore si një prej problemeve më të mëdha të zhvillimit të shtetit të Kosovës.

Edhe disa të rinj të anketuar për rubrikën “VOX” të Radios Evropa e Lirë, konsiderojnë se korrupsioni është i pranishëm në të gjitha institucionet.

Ndriçim Grajçevci, student në Fakultetin Ekonomik, mendon se korrupsioni është i pranishëm në shumë institucione.

“Niveli i lartë i korrupsionit në Kosovës është kryesisht në institucione qeveritare. Mirëpo, edhe policia nuk është që mund të jetë imune ndaj këtij fenomeni. Në përgjithësi, mund të dëgjojmë raste të ndryshme kryesisht nga policët rrugorë, ndoshta për një rast të korrupsionit apo shkelje të tjera shpejtësisë apo edhe rripit të sigurimit”, thotë Ndriçimi.

Genc Bajrami, po ashtu, student në Fakultetin Ekonomik, konsideron se çështja e korrupsionit në Kosovë është shumë problematike.

“Aq shumë ka nivel të korrupsionit në vendin tonë, sa që edhe pas diplomimit, nëse e mendon punën ose diçka, gjithmonë të vjen një drojë, te krejt të rinjtë, se si do të arrijnë të fitojnë një vend pune. Në përgjithësi, nuk e ndiej veten të sigurt në vendin tonë”, shprehet Genci.

Martin Ukaj, sportist nga qyteti i Prizrenit, thotë për Radion Evropa e Lirë se për shkak të nivelit të lartë të korrupsionit, nuk beson në shumë institucione.

“Kosova po dihet se si është duke ecur… edhe është shumë problem t’i besojmë Qeverisë. Si t’i besohet… ka humbur besimi krejt”, shprehet Martini.

Artan Murati, i cili punon në një nga organizatat joqeveritare në Kosovë, thotë se shumë raporte vendore dhe ndërkombëtare kanë treguar se në Kosovë, korrupsioni është i pranishëm.

“Nëse bazohemi në raportet, qoftë të organizatave ndërkombëtare, por edhe të atyre të brendshme të shoqërisë civile, e shohim që realisht korrupsioni është problemi kryesor në vend dhe normalisht që ka një shtrirje shumë të madhe”, thekson Artani.

Ndërkaq, Leutrim Latifi thotë se ka qenë dëshmitar i një rasti ku ka vërejtur se ka ndodhur korrupsioni.

“Kam pasur rastin me policinë, për shembull. Kam parë rastin kur ka dashur ta dënojë, atëherë ka ndodh korrupsioni, shoferi ka qenë duke u dënuar dhe i ka dhënë para policit. Këtë e shoh unë si një lloj korrupsioni”, tregon Leutrimi.

Raste të korrupsionit, studenti Ndriçim Grajçevci thotë se ka pasur edhe në fakultete:

“Për shembull gjatë regjistrimeve në fakultet, ne kemi pasur mundësi të dëgjojmë për ndonjë regjistrim që ka ndodhur deri në afatin e tretë, i cili nuk është ndoshta në letra, por kanë ndodhur regjistrime të tilla”.

Edhe Violeta, një qytetare nga Prishtina, tregon një rast të sajin:

“Sa kam qenë unë në praktikë në institucione të Kosovës, kam dëgjuar se më lehtë e fiton punën nëse e njeh dikë. Pa e njohur dikë, nuk ke shanse me hy [aty]. Sa kam qenë aty në praktikë, ata më kanë treguar mua që pas praktikës, nuk ke shans të mbetesh aty nëse nuk ke të njohur”.

Rezultatet konkrete në luftën kundër korrupsionit dhe krimit të organizuar, sidomos të nivelit të lartë, tashmë janë shndërruar në kusht për Kosovën nga ana e Komisionit Evropian, për liberalizim të vizave.

Kosova konsiderohet vendi më i varfër në Evropë dhe me shkallë të lartë të papunësisë.

Por, pavarësisht këtyre fakteve, Kosova ka edhe elitën e vet politike, që në të shumtën e rasteve përbëhet jo vetëm nga biznesmenë, por nga zyrtarë të lartë të institucioneve qendrore dhe lokale, që figurojnë si milionerë me pasuritë e tyre.(REL)

Në Prishtinë promovohet libri “Vdekja e një nate” e poetit dëshmor Dr. Fahredin Sh. Hoti

Voal – Voal.ch ka nderin të botojë ftesën nga Besnik Fahredin HOTI, i biri i poetit dëshmori Fahredin Sh.HOTI në promovimin e ribotimit të librit ” Vdekja e një nate”.

Promovimi i librit mbahet në Prishtinë në Biblioteken Kombëtare “Pjetër Bogdani” me 24.11.2016 në orën 12:00.

Përmes këtyre poezive të ribotuara të Mjekut deshmor ringjallen edhe njëherë ndjesit shpirtërore dhe atdhetare të poetit për atdhe e liri e dashuri njerzore, vlera keto, që edhe përmes pendës se tij autori i ka perjetësu ashtu sic përjetësoi vetën në shërbim të atëdheut.

Pjesmarrja juaj nderon vepren e autorit.

Me respekt Besnik Fahredin HOTI

Ministrja Dhurata Hoxha konferencë të jashtëzakonshme për rastin e Astrit Deharit

Ministrja e Drejtësisë, Dhurata Hoxha, përmes një konference të jashtëzakonshme për media, të thirrur për sot në orën 16:30, do të flasë për rastin e vdekjes së aktivistit të LVV-së, Astrit Dehari, në qendrën e paraburgimit në Prizren.

Konferenca mbahet në Ministrinë e Drejtësisë, në katin e 9 të ish-objektit të “Rilindjes”.

Tomë Gashi: Xhirimet nuk i kishte as Prokuroria, nuk dihet nga i kanë marrë mediet

Avokati i familjes së Astrit Deharit Tomë Gashi ka ngritur kallëzim penal kundër personave përgjegjës që ua dhanë medieve pamjet e kamerave të sigurisë nga burgu i Prizrenit ditën që vdiq Astrit Dehari.

Gashi tha se publikimi i këtyre videove paraqet një mori veprash penale.

Avokati i familjes Dehari tha se pamjet fillimisht ishin dërguar në Agjencionin për Forenzikë të Ministrisë për Punë të Brendshme dhe se nuk dihet kush tjetër mund t’i posedojë ato.

“Sipas hetuesve policorë, pamjet janë dërguar në MPB, përkatësisht në Agjencionin për Forenzikë, ditën kur është vrarë Astrit Dehari”, tha Gashi.

“Kam kërkuar nga Aleksandër Lumezi që t’i identifikojë personat përgjegjës që ia kanë dhënë mediave këto video, dhe ata të mbajnë përgjegjësi penale”, tha ai

Nga Garashanini te Dobrica Qosiqi: Si të nënshtrohet Kosova? – Nga Halil Matoshi

Që nga Načertanije (drafti sekret 1844) e ministrit të Brendshëm, Ilia Garashanin, përmes elaboratit të Ivo Andriqit të porositur nga kryeministri Milan Stojadinoviq, pastaj elaboratit të Vasa Çubriloviqit, e pjesërisht të realizuar nga ministri i Brendshëm jugosllav Aleksandar Rankoviq, derisa ai u hoq nga Tito prej pushtetit në Plenumin e ashtuquajtur të Brioneve më 1966. Nga “Marrëveshja xhentëlmene” me Turqinë, “Otkupi” e deri te Memorandumi 1 dhe 2, iniciuar nga Dobrica Qosiqi & SANU për zgjidhje ushtarake (i pari) dhe “përkufizimi paqësor me shqiptarët” (i dyti) Serbia e ka ngritur në doktrinë shtetërore zhdukjen e një populli.

Drafte, plane e projekte, elaborate e memorandum, gjatë një shekulli të Serbisë për heqjen qafe të shqiptarëve, kjo është historia e armiqësisë serbe, që shfaqej herë si racizëm e herë hegjemonizëm shtetomadh, por që nuk ia doli kurrë t’i realizonte objektivat e saj. E para, sepse shqiptarët nuk e ndalën kurrë rezistencën e tyre, dhe e dyta, sepse ata nuk i përdoren kurrë mjetet që përdoren serbët kundër fqinjëve të parë…
Načertanije (drafti) ishte program i fshehtë i politikës nacionale serbe, që është shkruar nga fundi i vitit 1844 nga ministri i Punëve të Brendshme, Ilia Garashanin (1812—1874), për Knjazin Aleksandar Karagjorgjeviq (1842—1858). I plotë, së pari, është botuar më 1906.

Sipas draftit, Serbia duhet të punojë në çlirimin e serbëve dhe sllavëve tjerë dhe në bashkimin e Bosnjës, Hercegovinës, Malit të Zi dhe Shqipërisë Veriore (që nënkuptonte Kosovën), atëbotë nën Perandorinë Osmane, po ashtu edhe të Sremit, Baçkës dhe Banatit, atëbotë nën Perandorinë Austro-Hungareze.
Aktivitetet kryesore propagandistike të Serbisë do të përqendroheshin në bashkimin e të gjitha tokave ku jetonin serbët me Serbinë, sepse edhe Garashanini sikur pasardhësit tjerë mendonte se Serbia e posedon të drejtën hyjnore dhe historike për këto troje që e kanë mbështetjen në Mbretërinë Serbe të Dushanit nga shekulli 14.

Dhe ajo që është sekuenca më interesante, është vështrimi themelor i Načertanijes mbi marrëdhëniet serbo-ruse, ku shprehimisht thuhet se Rusia kurrë nuk do t’u shërbejë interesave serbe, përderisa do të mësyjë gjithmonë që Serbia t’u shërbejë interesave ruse.

Me kërkesën e Milan Stojadinoviqit, shkrimtari Ivo Andriq e kishte hartuar një promemorie zyrtare për ministrinë e jashtme. Andriq si zyrtar i lartë i Mbretërisë jugosllave nga 1937-1939 ishte zëvendës i ministrit të Jashtëm dhe diplomat karriere, përderisa Milan Stojadinoviq ishte shef Qeverie dhe ministër i Jashtëm. Në ballinën e promemories shkruante: “Referati i z. Andriq; 30. I. 1939.” (Studiuesit mund ta gjejnë këtë dokument në Arkivin e Serbisë – “Fondi i Milan Stojadinoviqit”, kutia 37.)

Pas rënies së Stojadinoviqit, Andriqi u bë ambasador në Berlin. Sa për informimin e atyre që nuk e dinë se Andriq ishte terrorist serb (dhe kryeministri shqiptar në Beograd, dëshmoi se nuk e di duke cituar fraza të tij) thelbi i dokumentit të Andriqit (ishte po ashtu anëtar i organizatës terroriste “Mlada Bosna” së bashku me Vasa Çubriloviqin, i cili po ashtu ka bërë një elaborat kundërshqiptar, për çka do të bëhet fjalë në vazhdim të kësaj serie – një nga atentatorët mbi Arqidukën Franc Ferdinand në Sarajevë më 28 qershor 1914, gjë që u bë si shkak për Luftën e Parë Botërore) që ishte ndarja e Shqipërisë, shpërngulja e shqiptarëve myslimanë dhe asimilimi i shqiptarëve të krishterë.

Nga “Mlada Bosna” ka dalë edhe organizata e fshehtë paramilitare dhe pararendëse e milicive sekrete serbe “Crna Ruka”)
“Me ndarjen e Shqipërisë (zyrtarisht Arbanija) do të shpërbëhej një qendër tërheqëse për pakicën arbanase në Kosovë, e cila në situatën e re do të asimilohej më lehtë. Ne eventualisht do të ditojmë nja 200 ose 300 mijë arbanas, porse ata shumica janë katolikë dhe marrëdhëniet e tyre me arbanasët myslimanë kurrë nuk i kanë pasur të mira. Çështja e shpërnguljes së arbanasëve myslimanë në Turqi po ashtu do të bëhej nën rrethana të reja, sepse nuk do të kishte kurrfarë rezistence më të fuqishme për ta penguar këtë.”

Rreth shpërnguljes së shqiptarëve kosovarë, në janar të vitit 1939, kishin biseduar kryeministri Stojadinoviq dhe ministri fashist italian i Punëve të Jashtme grofi Galeaco Çano, që ishte dhëndër i Musolinit. Në bisedimet sekrete Çano i kishte ofruar ndarjen e Shqipërisë, mirëpo, për arsye të panjohura, Knjazi Pavle e kishte refuzuar këtë plan me arsyetimin se ‘nuk na duhet më asnjë shqiptar”!

Referati „Mbi çështjen arbanase” pos shpërnguljes së shqiptarëve myslimanë në Turqi propozonte zgjerimin e shtetit serb deri në portin e Shkodrës.
Edhe pse Andriq propagandonte idenë “Ballkani – ballkanasve” ai mendonte se të lejohet Italia të marrë së paku një pjesë të territorit ballkanik është e keqja më e vogël. “…sepse për ne në këtë moment, është e rëndësishme vetëm sigurimi strategjik i Kosovës. (…) Pushtimi i Shkodrës mund të ishte i rëndësisë së madhe morale dhe ekonomike. Kjo do të na mundësonte të bënim shumë punë hidroteknike dhe të fitohet tokë e bukës për ta ushqyer Malin e Zi.”

Ivo Andriq më 1961 e ka fituar çmimin “Nobel” për letërsi.
Motivacioni ishte ky: “Për forcën epike me të cilën ai ka gjurmuar tema dhe ka përshkruar fatet njerëzore të nxjerra nga historia e vendit të tij.”

Duke qenë se Andriq ishte terrorist dhe kishte bërë një dokument fashist kundër shqiptarëve, Ibrahim Rugova më 1988 kishte kërkuar nga Komiteti Suedez i Nobelit që t’i merrej çmimi.
Ngjashëm me referatin e Ivo Andriqit, edhe akademiku tjetër serb, Vasa Çubriloviqi (1897-1990), e kishte hartuar për nevojat e Qeverisë së Stojadinoviqit, memorandumin “Dëbimi i shqiptarëve” (Iseljavanje Arnauta). Stojadinoviqi ishte jurist dhe ekonomist, kryeministër i Mbretërisë së Jugosllavisë në vitet 1935-1939, lindur në Çaçak 1888 – dhe vdekur në Buenos Aires, 1961).
Çubriloviqi ia propozoi kësaj qeverie mënyrat dhe metodat e zgjidhjes së “problemit shqiptar”, pa ndonjë ndryshim në thelb nga paraardhësit, porse me detaje sa bizare po aq dhe mizore.
Çubriloviqi në planin e tij për serbizimin e Kosovës, kritikonte mënyrën joefektive të kolonizimit të saj pas Luftës së Parë Botërore, kur në tokat e shqiptarëve ishin vendosur pjesëtarët e ish-ushtrisë serbe, duke mësyrë dëbimin e popullsisë shqiptare. Ai në këtë plan i propozon metodat e përndjekjes dhe të dëbimit fizik të shqiptarëve prej Kosove për në Turqi dhe në Shqipëri. Realisht këto metoda hyjnë në korpusin e zgjidhjeve të çështjes etnike me pastrim etnik. Frymëzimin për ta hartuar këtë plan Çubriloviqi e kishte marrë drejtpërdrejt nga Jovan Cvijiqi (1865-1927), gjeograf, rektor i Universitetit të Beogradit dhe kryetar i Akademisë Mbretërore Serbe të Shkencave, i cili kishte qasjen raciste ndaj shqiptarëve si raca më ekspansive në Ballkan.

“Problemi i shqiptarëve në jetën tonë kombëtare dhe shtetërore nuk ka lindur dje. Ai ka luajtur një rol të madh në jetën tonë në periudhën e mesjetës, por një vend tejet të rëndësishëm ka zënë nga fundi të shekullit XVII, kur popullata serbe, prej trojeve që dikur kanë qenë vatra luftërash, shpërngulet drejt veriut dhe në vend të tyre vijnë malësorët shqiptarë. Dalëngadalë, prej kodrave të tyre ata vendosen në luginat pjellore të Metohisë dhe të Kosovës dhe duke depërtuar drejt veriut, shtrihen në drejtim të Moravës perëndimore dhe jugore; nëpër Malin Sharr bien në Pollog dhe që andej drejt Vardarit.

Deri në shekullin XIX është krijuar në këtë mënyrë trekëndëshi shqiptar, pykë e cila, në saje të mbështetjes etnike të vijës Dobar-Rogoznë është ngulur thellë në trojet tona dhe ka arritur deri në Nish, duke i ndarë trojet tona të vjetra të Rashkës nga Maqedonia dhe nga lugina e Vardarit…
Këtë pykë shqiptare, Serbia filloi ta krasitë që nga kryengritja e parë (Kryengritja e Parë Serbe më 1804 – Xh. Z.), duke e dëbuar popullsinë shqiptare të viseve më veriore, që nga Jagodina. (…)
Pjesën tjetër të trekëndëshit shqiptar kishte për detyrë ta shkatërronte shteti ynë i sotëm, prej vitit 1918 e këndej. Një gjë të tillë ai nuk e bëri. Për këtë ka shumë arsye, e ne këtu do t’i theksojmë vetëm ato më të rëndësishmet: Gabimi kryesor i faktorëve tanë përgjegjës të asaj kohe qëndron në faktin se, për t’i zgjidhur problemet e mëdha etnike kanë tentuar t’i zbatojnë metodat perëndimore, duke harruar se ndodhen në Ballkanin e trazuar dhe të përgjakshëm. Turqia e solli në Ballkan parimin që e kishte marrë nga Sheriati, sipas të cilit, pas luftës së fituar dhe pushtimit të një vendi, fitohet edhe e drejta mbi jetën dhe mbi pasuritë e shtetasve të nënshtruar. Edhe popujt e krishterë të Ballkanit kishin mësuar prej tyre se me shpatë fitohen apo humben, jo vetëm pushteti dhe sundimi, por edhe shtëpia dhe prona. (…)”

Ndër metodat më bizare që propozonte terroristi serb Çubriloviq ishin ato të përndjekjes, që me një fjalë konsistonin në atë që shqiptarëve në Kosovë t’u bëhej jeta e padurueshme, prej ndëshkimit për ndonjë dhi që mbajnë për t’i ushqyer fëmijët me qumësht, deri te ndjekja për një armë.
Thjesht, atyre duhej t’u merrej çdo mundësi mbijetese.
Më 1953, në Split, Tito dhe Fuad Kyprili, ministër i Punëve të Jashtme i Turqisë, kishin arritur një “marrëveshje” që historiografia kosovare e cilëson “xhentëlmene” e që kishte të bënte me shpërnguljen e sërishme të shqiptarëve për në Turqi.
Pastaj pason fushata e quajtur “Otkupi”, përkatësisht mbledhja e tepricave të ndryshme të prodhimit, duke i lënë shqiptarët në mjerim.

Fushatën për mbledhjen e armëve (1956-1966) e kishte tfilluar Aleksandar Rankoviq, ministër jugosllav i policisë, kurse pas vitit 1981 një përfaqësues i komunistëve kosovarë, Ali Shukria, i kishte propozuar Milosheviqit që “shqiptarët t’i nënshtronte “duke i prekur në magje”, përkatësisht duke ua hequr mundësitë për të fituar bukën e gojës.
Dhe kjo ndodhi në vitet ’90, kur për dy vjet rreth 150 – 200 mijë shqiptarë në Kosovë u pushuan nga puna.

Zyrtarë ligjorë të FBI zbarkojnë në Kosovë

Një delegacion i Byrosë Federale për çështje ligjore ka ardhur në Kosovë për çështjet që kanë të bëjnë me terrorizmin.

 

Delegacionin, në përbërje nga atashetë për çështje ligjore në zyrën e FBI-së, Jack H. Liao, Daniel J. Yocca, dhe Andrew de la Rocha, në takim me zyrtarë të MPB-së, folën rreth sfidave që dalin për të luftuar terrorizmin ndërkombëtar.

Takim u mbajt në kohën kur pritet të nënshkruhet Marrëveshja për Shkëmbimin e Informacionit për Verifikimin e Terrorizmit, në mes të Republikës së Kosovës dhe SHBA-së dhe në kohën kur ky ekip i FBI-së, i cili mbulon Republikën e Kosovës, po e ndërron selinë, pasi nga Sarajeva do të vendoset në Sofje, Bullgari.

Johnson kërkon nga Veseli hetim të pavarur të vdekjes së Astrit Deharit

Ministri Johnson tha se ndihet krenar që Britania e Madhe është një ndër shtetet e para që e ka njohur pavarësinë e Kosovës dhe premtoi vazhdim të mbështetjes Kryetari i Kuvendit të Republikës së Kosovës, Kadri Veseli, priti sot ministrin e Punëve të Jashtme dhe të Komonuellthit të Mbretërisë së Bashkuar, njëherësh deputet i Parlamentit, Boris Johnson, i cili po qëndron për vizitë zyrtare në Prishtinë.

Kryetari Veseli dhe ministri Johnon diskutuan për marrëdhëniet e shkëlqyera midis Kosovës dhe Britanisë së Madhe, ndërsa në shenjë nderimi, shkëmbyen dhurata. Më pas, ministri i jashtëm britanik iu adresua me një fjalë rasti Kuvendit të Republikës së Kosovës, në një seancë solemne të thirrur për nder të tij.

Fillimisht, duke përshëndetur dhe i uruar mirëseardhje në Kosovë dhe në Kuvendin e saj mysafirit nga Britania e Madhe, kryeparlamentari Veseli tha se kjo vizitë është shprehje e marrëdhënieve shumë të mira që janë ndërtuar midis dy vendeve, si dhe shprehje e përkushtimit të vazhdueshëm të Britanisë së Madhe për të ndihmuar Kosovën. Britania e Madhe, shtoi kryetari Veseli, ka qenë gjithmonë pranë Kosovës dhe emri i saj është i lidhur në mënyrë të pandashme me historinë e lirisë dhe pavarësisë sonë. Populli i Kosovës dhe përfaqësuesit e tij të zgjedhur, tha kryetari i Kuvendit, do t’i jenë gjithmonë mirënjohës këtij shteti mik.

“Ne sot në Kosovë, jemi duke ndërtuar një shtet dhe shoqëri, të frymëzuar nga vlerat themelore të shtetit dhe popullit britanik: demokracia liberale, ekonomia e tregut të lirë, shoqëria e hapur, sundimi i ligjit, liritë dhe të drejtat e njeriut. Të përkushtuar në këto vlera, ne jemi të vendosur të thellojmë miqësinë dhe bashkëpunimin me shtetin tuaj. Vizita juaj e sotme në Kosovë, mesazhet e saj, janë fuqizim domethënës i këtij bashkëpunimi”, theksoi kryetari Veseli.

Duke marrë fjalën para deputetëve, ministri i jashtëm britanik, Boris Johnson, kujtoi periudhën e luftës në Kosovë, kur mijëra shqiptarë po depërtoheshin dhunshëm nga vatrat e tyre dhe fshatra të tëra po digjeshin e rrafshoheshin me tokë. Në vazhdim, Johnson foli për ndihmën që NATO-ja dhe bashkësia ndërkombëtare në tërësi, i dha Kosovës për krijimin e një shoqërie dhe shteti të ri.

Ai tha se është e mrekullueshme ta shohësh Prishtinën, nga një qytet i shkatërruar e me xhama të thyer gjatë luftës, të ndërtuar e më shumë restorante sot. Ministri i jashtëm britanik tha se ndihet krenar që Britania e Madhe është një ndër shtetet e para që e ka njohur pavarësinë e Kosovës. Ai shtoi se Kosova, si një shtet i pavarur, i njohur nga 112 vende të tjera, është një gjë e mrekullueshme.

Ai tha se shteti i tij mbështet shumë krijimin e vendeve të punës dhe zhvillimin ekonomik në Kosovë, ndërsa u shpreh i bindur se lidhjet ekonomike midis dy vendeve janë duke u zhvilluar.

Zyrtari i lartë britanik foli edhe për sfidat e përbashkëta, siç është lufta kundër terrorizmit, ekstremizmit të dhunshëm, korrupsionit dhe krimit të organizuar. Më pas, Johnson u ndal edhe te marrëdhëniet ndërmjet Kosovës dhe Serbisë, duke shtruar nevojën e një marrëdhënie normale midis dy vendeve. Ministri i jashtëm britanik foli edhe për rolin e Gjykatës Speciale, ndërsa i shprehu ngushëllime familjes së Astrit Deharit, duke inkurajuar hulumtimin e pavarur të vdekjes së tij. Në përfundim të fjalës së tij, Johnson tha se Kosova ka shumë sfida para vetes, por u shpreh i sigurt se ajo do t’i tejkalojë ato.

Kjo është shishja plastike që iu gjet në fyt Astrit Deharit (foto)

Avokati i familjes Dehari, që është angazhuar në rastin e vdekjes së Astrit Deharit, Tomë Gashi, ka prezantuar mjetin që i është gjetur në fyt të ndjerit.

Ajo është një shishe plastike, që mund të blihet në treg e mbushur me mjaltë.

Ai ka dhënë detaje të rastit në hollësi.

shishja

Kosova uron presidentin e zgjedhur Donald Trump

Presidenti i Kosovës, Hashim Thaçi, ka uruar presidentin e zgjedhur të Shteteve të Bashkuara të Amerikës, Donald Trump.

Në një njoftim të zyrës së tij ai citohet të ketë thënë se “miqësia e përhershme ndërmjet Kosovës dhe SHBA-së është bazamenti mbi të cilin do të vazhdojë thellimi i bashkëpunimit dypalësh”.

Ai i ka uruar zotit Trump mandat të suksesshëm në realizimin e përparësive të popullit amerikan.

“Duke qenë i vetëdijshëm për rolin udhëheqës të Shteteve të Bashkuara të Amerikës në arenën ndërkombëtare, jam i bindur se presidenti i zgjedhur, me përgjegjësinë më të lartë do t’i adresojë sfidat e shumta në nivel global. Miqësia e përhershme ndërmjet dy vendeve dhe popujve tanë është bazamenti mbi të cilin do ta vazhdojmë thellimin e bashkëpunimit dypalësh”, ka theksuar presidenti Thaçi.

“Sekretares Clinton i jemi përgjithmonë mirënjohës për mbështetjen e saj të vazhdueshme për popullin dhe shtetin e Kosovës”, ka përfunduar presidenti Thaçi.

Përgëzimeve u është bashkuar edhe kryetari i Aleancës për Ardhmërinë e Kosovës, Ramush Haradinaj duke shprehur “bindjen e thellë se Shtetet e Bashkuara të Amerikës, nën drejtimin e zoti Trump, do të vazhdojnë të jenë partner strategjik i Kosovës dhe i Ballkanit, në rrugëtimin drejt demokracisë perëndimore. Kosova e vogël do të vazhdojë të jetë një aleate dhe një mike e Amerikës së madhe! Po ashtu i shpreh mirënjohje të thellë Sekretares Amerikane të Shtetit Znj. Hillary Clinton, nje mike e madhe e Kosovës, për gjithë çfarë ka bërë për Kosovën!“, thuhet në urimin e zotit Haradinaj.

Nëna e Astrit Deharit refuzon ngushëllimin e Thaçit, ia kthen këtë përgjigje

Telegramin e ngushëllimit që presidenti Hashim Thaçi ia dërgoi familjes së Astrit Deharit, tri ditë pas vdekjes së tij, e ka refuzuar familja Dehari, me një porosi nga nëna e tij, Xhemilja.

Periskopi merr vesh se telegrami i ngushëllimit, destinuar për familjen Dehari është kthyer prapa nga i njëjti person që kishte shkuar te familja Dehari për ta çuar porosinë e Hashim Thaçit në vend.

Një burim i Periskopit, i afërt me familjen Dehari tregoi se Xhemile Dehari ka refuzuar të ngushëllohet nga Hashim Thaçi me këtë porosi:

“Thuaj Hashim Thaçit, pushkën me të cilën ma keni vra djalin, kthema se më duhet!”

Pas tri ditë heshtjeje, Thaçi vendosi që sot ta ngushëlloj familjen Dehari për humbjen tragjike të tij.

Telegrami nuk është bërë publik për mediat.

Kosova anëtarësohet në Konventën e Hagës

Republika e Kosovës anëtarësohet në Konventën e Hagës (Konventa e Apostiles) dhe merr zyrtarisht pjesë në takimin e katërt

PRISHTINË – Republika e Kosovës anëtarësohet në Konventën e Hagës (Konventa e Apostiles) dhe merr zyrtarisht pjesë në takimin e katërt. Në një njoftim zyrtar nga Ministria e Punëve të Brendshme të Kosovës thuhet se në datat 2-4 nëntor, është mbajtur takimi i katërt i Komisionit Special mbi operimin praktik të Konventës së Hagës mbi heqjen e Kërkesës për Legalizimin e Dokumenteve të Huaja Publike (Konventa e Apostiles), ku për herë të parë ka marrë pjesë edhe Kosova.

“Ky takim kishte një rëndësie të veçantë, pasi është hera e parë që Republika e Kosovës anëtarësohet në Konventën e Hagës dhe gjithashtu është hera e parë që zyrtarisht merr pjesë në një takim të tillë”, thuhet në njoftim nga MPB.

MPB bën të ditur se në këtë takim diskutimet kryesore kishin të bënin me përvojat e disa shteteve anëtare të cilat kanë filluar të praktikojnë apostilen elektronike, ku u shpalosën përparësitë dhe të metat e saj, ashtu sikurse që iu bë thirrje shteteve tjera që të fillojnë të mendojnë për kalimin nga apostilja e rëndomtë, pra në formë të letrës, në apostilen elektronike.

“Nga ana e delegacionit të Kosovës, respektivisht nga përfaqësuesi i Ministrisë së Punëve të Brendshme, shtetet anëtare të Konventës, u njoftuan në lidhje me aktivitetet e ndërmarra nga dy autoritetet kompetente për lëshimin e vulës apostile që nga koha e aderimit të Republikës së Kosovës në Konventë e deri më tani”, thuhet nga MPB.

MPB gjithashtu bën të ditur se gjatë kësaj pjesëmarrjeje delegacioni i Kosovës është ballafaquar me pengesat konkrete që i janë bërë nga Serbia sa i përket tentimit të bllokimit të pjesëmarrjes së Kosovës, në këto punime si dhe kërkesës së Serbisë, Rusisë, Argjentinës, Rumanisë, Sllovakisë dhe Kinës që në dokumentet zyrtare të Byrosë për të Drejtën Ndërkombëtare Private, Kosova ta ketë edhe fusnotën duke insistuar në mbishkrimin lidhur me Rezolutën 1244 të Këshillit të Sigurimit të OKB-së.

“Me këtë rast ka reaguar menjëherë delegacioni i Kosovës, i cili nuk është pajtuar me propozimet e tilla, duke e theksuar çdo herë se Kosova është shtet i pavarur dhe sovran dhe se nuk vjen në shprehje në asnjë formë dhe në asnjë rrethanë të diskutohet për shtetësinë e Republikës së Kosovës. Rrjedhimisht tentativa e Serbisë që të bllokoj pjesëmarrjen tonë në këto punime, si dhe eventualisht t’ia imponoj nikoqirit që Kosova të paraqitet me fusnotë, dështoi në tërësinë e saj”, theksohet në njoftim.

Së fundmi MPB, përkatësisht Agjencia e Regjistrimit Civil, shpreh përkushtimin për zbatimin e obligimeve që dalin nga Konventa Apostile, si njëri ndër autoritetet kompetente në Kosovë për lëshimin e vulave apostile. aa

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend