Prishtinë, 2 shkurt 2024

Kryeministri i Republikës së Kosovës, Albin Kurti dhe ministri i Financave, Punës dhe Transfereve, Hekuran Murati u takuan sot me përfaqësues të bizneseve dhe punëtorë të ndërmjetësuar përmes platformës Superpuna.

Me këtë rast u bë edhe lansimi i zgjerimit të platformës së punësimit SuperPuna nga e cila tashmë do të mund të përfitojnë të rinjtë e grupmoshave 18 – 29 vjeç për dallim nga 18-25 vjeç sa ishin grupmoshat e kualifikuara për përfitim deri më tani.

Në fjalën e tij hyrëse, Kryeministri Kurti tha se që prej lansimit të platformës në shkurt të vitit të kaluar kanë përfituar gjithsej 9,394 të rinj përmes subvencionimit të pagës me vlerë prej 264 euro për gjashtë muaj me radhë. E prej atyre që kanë përfunduar gjashtëmujorit të paraparë të mbështetur nga Qeveria, 67% kanë vazhduar punësimin e rregullt. Disa nga përfituesit dhe përfitueset që kanë vazhduar punësimin e rregullt ishin të pranishëm sot me rastin e zgjerimit të platformës.

“Superpuna jo vetëm ka mundësuar që të rinjtë të fitojnë përvojë pune por gjithashtu ka ndikuar që të rinjtë ta dëshmojnë kapacitetin e tyre dhe të vijojnë zhvillimin e tyre profesional, duke lidhur kontrata të punësimit të rregullta me punëdhënësit”, u shpreh kryeministri.

Ndërkaq ministri i Financave, Punës dhe Transfereve, Hekuran Murati tha se gati një vit më herët kur e lansuam platformën, synimi ka qenë që përmes saj të mbështetet punësimi i 10 mijë të rinjve të grupmoshave 18-25. Ai theksoi se një vit pas, kur të përfshihen shifrat edhe të muajit janar, pritet të arrihet shifra prej 10 mijë aq edhe sa ka qenë synimi, që dëshmon se platforma ka qenë e suksesshme por edhe parashikimi ka qenë i saktë.

Duke e parë suksesin me grupmoshën e parë, ai shtoi se ka qenë e qartë që të vazhdohen me zgjerimin e moshës, ashtu që këtë mundësi t’ia japim edhe atyre që janë mbi 25 vjeç e deri në moshën 29 vjeç, përfshirë edhe moshën 29 vjeçare.

Sa i përket kushteve dhe kritereve për të përfituar nga platforma, ministri Murati njoftoi se ato do të mbesin të njëjtat, me të vetmin dallim që grupmosha e përfituesve do të zgjerohet.

Takimi vazhdoi me një diskutim të hapur ku bizneset dhe punonjësit, që vazhdojnë kontratat e ndërsjella të punësimit edhe pas periudhës gjashtë mujore të paraparë përmes Superpuna, ndanë përvojat e tyre të suksesshme me platformën dhe mbështetjen e ofruar nga Qeveria. Gjatë bisedës, ministri falënderoi përfaqësuesit e bizneseve për bashkëpunimin dhe kontributin e tyre në suksesin e platformës.

Në shkurt të vitit 2023 u lansua për herë të parë platforma e punësimit për të rinjtë SuperPuna. Qëllimi i saj është ndërmjetësimi i të rinjve punëkërkues 18-29 vjeç me punëdhënës potencial. Punëdhënësit mund të jenë nga sektori privat, publik dhe sektori jo-qeveritar. Përmes “superpuna”, çdo punëdhënës mund të angazhojë deri në 30% të stafit të tyre ekzistues. Pas ndërmjetësimit të suksesshëm në mes të punëdhënësve dhe punëkërkuesve, Qeveria bën subvencionimin e pagës prej 264 euro në muaj, për 6 muaj me radhë. Çdo punëdhënës ka të drejtë që të shtojë vlerën e pagës për punëtorin e angazhuar.

Deri më tani në platformë janë të regjistruara rreth 10 mijë bizneseve të cilat kanë listuar vende të hapura të punës, ndërkohë që rreth 18 mijë të rinj dhe të reja kanë hapur llogaritë e tyre. Aktualisht në platformë janë rreth 4 mijë vende të lira aktive të punës.

Fjala e plotë e kryeministrit Kurti:

Faleminderit Ministër i Financave, Punës dhe Transfereve, z.Hekuran Murati,
Të nderuar përfaqësues të bizneseve
Të nderuar të punësuar,
Zonja dhe zotërinj,
Të nderuar të pranishëm,

Punë dhe drejtësi është togfjalëshi që është dëgjuar më së shpeshti në paraqitjet tona publike. Por, kjo shprehje punë dhe drejtësi nuk është thjeshtë një togfjalësh. Ajo është baza e të gjitha politikave të zbatuara deri më tani dhe më tej. Andaj, qëllimisht edhe është pikënisja e takimit tonë të sotëm.

Në shkurt të vitit 2023, pra para saktësisht një viti prezantuam për herë të parë para jush platformën që e kemi quajtur Superpuna. Përmes kësaj platforme synuam punësimin e garantuar të të rinjve të grupmoshave 18 deri në 25 vjeç. Kjo platformë për bizneset e bëri më të lehtë angazhimin e punëtorëve pasi garantoi subvencionimin e pagës me vlerë prej 264 euro për gjashtë muaj me radhë. Ndërkaq punëtorëve: një grupi prej tyre ua garantoi punën e parë, ndërsa një grupi tjetër ua garantoi një punë afatgjatë dhe të dinjitetshme.

Platforma Superpuna ka pasur një sukses të jashtëzakonshëm duke arritur që vetëm për brenda një viti të bëjë ndërmjetësimin e suksesshëm të punësimit të 9394 të rejave dhe të rinjve.

Prej tyre, 4635 persona e kanë përfunduar gjashtë mujorin e paraparë përmes platformës Superpuna. Ndërkaq, nga ky numër 3108 të rinj, 1599 djem dhe 1509 vajza janë bërë punëtorë të rregullt. Kjo i bie që 67% të punëtorëve të ndërmjetësuar përmes Superpunës kanë vazhduar të qëndrojnë aktiv në tregun e punës. Pra, Superpuna jo vetëm që ka mundësuar që të rinjtë të fitojnë përvojë pune por gjithashtu edhe ka ndikuar që të rinjtë të dëshmojnë kapacitetin e tyre dhe ta vijojnë zhvillimin e tyre profesional, duke lidhur kontrata të punësimit të rregullta me punëdhënësit.

Sot, unë jam shumë i lumtur që disa nga përfituesit dhe përfitueset që kanë vazhduar punësimin e rregullt i kemi në mesin tonë për t’ua dhënë edhe një lajm të mirë. Duke marrë parasysh ndikimin e jashtëzakonshëm që platforma Superpuna ka pasur tek shumë të rinj kemi vendosur që të zgjerojmë grupmoshat të cilët mund të përfitojnë nga kjo platformë. Pra nga 18 deri në 25 vjeç sa ishin grupmoshat që mund të ndërmjetësoheshin nga Superpuna, tashmë do të zgjerojmë grupmoshat e përfituesve nga 18 deri në 29 vjeç.

Për të dhënë më shumë detaje rreth zgjerimit të kësaj platforme, ftoj Ministrin e Financave, Punës dhe Transfereve, Hekuran Murati që ta marrë fjalën.

– Zyra e Kryeministrit

Prishtinë, 2 shkurt 2024

Prishtinë, 1 shkurt 2024

Kryeministri i Republikës së Kosovës, Albin Kurti priti sot në takim Ambasadoren e Izraelit në Kosovë, Tamara Ziv.

Së bashku folën për marrëdhëniet bilaterale ndërmjet dy vendeve që sot shënojnë tre vjetorin e vendosjes së tyre dhe vullnetin e dyanshëm për thellimin e mëtejmë të tyre sidomos në fushën e ekonomisë. Në këtë drejtim, ata diskutuan rreth mundësisë për organizimin e një Forumi Ekonomik që do të shërbente si mundësi për të promovuar bashkëpunimin ekonomik dhe mundësitë për të investuar në Kosovë.

Më tej, kryeministri Kurti falënderoi ambasadoren Ziv për komunikimin e afërt dhe mbështetjen e vazhdueshme. Ai u shpreh mirënjohës për vendimin e shtetit të Izraelit për të liberalizuar vizat për qytetarët e Republikës së Kosovës në vazhdën e lajmeve dhe zhvillimeve pozitive në këtë fillimvit.

Ai gjithashtu i shprehu ngushëllime ambasadores Ziv për viktimat e sulmeve nga Hamas teksa theksoi mbështetjen e Qeverisë për të drejtën e Izraelit për t’u mbrojtur, dhe uroi që së shpejti do të mund të arrihet një armëpushim i qëndrueshëm i përhershëm. -Zyra e Kryeministrit

Lupç i Poshtëm, Podujevë, 1 shkurt 2024

Kryeministri i Republikës së Kosovës, Albin Kurti, bëri sot homazhe në nderim të jetës dhe veprës së dëshmores së kombit, Elfete Humollit, me rastin e shënimit të 34-vjetorit të rënies së saj.

Vetëm dy javë nga ditëlindja e saj Elfete Humolli, ende pa i mbushur 17 vjet, ra dëshmore e lirisë, e vrarë nga forcat armike serbe, në drejtim të demonstruesve që ishin bashkë me Elfeten duke demonstruar për lirinë e Kosovës, për çlirimin e vendit.

I ndodhur pranë Lapidarit të të dy dëshmorëve të kombit, Elfetes dhe vëllait të saj, Mentorit, në Kompleksin Memorial në Lupç të Poshtëm, kryeministri Kurti në përkujtim të të gjithë heronjve e dëshmorëve të kombit tha se “Elfetja, Mentori dhe të gjithë dëshmorët e kombit, na e dëshmojnë orët e historisë sonë, na e dëshmojnë se sa shtrenjtë është paguar liria e popullit dhe çlirimi i Kosovës”.

Ai veçoi se sot në këto homazhe janë bashkë me nxënësit që kanë moshën e Elfetes kur ajo kishte rënë në demonstratë. Nxënës që sot mësojnë në Kosovën e lirë, në vendin tonë gjithnjë e më të përparuar dhe të cilët do t’i kontribuojnë shoqërisë, kombit dhe shtetit si dhe ekonomisë, kulturës dhe fushave të tjera të jetës.

“Pra, Kosova sot, i gëzohet rinisë dhe fëmijëve të saj, pikërisht për shkak se në themelet e kësaj Kosove ndodhet si gjaku i dëshmorëve, ashtu edhe djersa e punëtorëve nga e kaluara të cilët ne i çmojmë, shprehim mirënjohjen e thellë dhe me besnikërinë ndaj tyre ecim drejtë të ardhmes së ndritshme” u shpreh kryeministri Kurti.

Pas homazheve te varri i heroinës Humolli, kryeministri Kurti, nderoi edhe vëllain e saj dëshmor, Mentorin, i cili u vra me 21 maj të vitit 1999, dhe këtë vit do të shënohet 25-vjetori i rënies si luftëtar i Ushtrisë Çlirimtare të Kosovës.

Gjatë këtyre homazheve kryeministri Kurti, ishte bashkë me ambasadorin e Shqipërisë në Kosovë, Petrit Malaj, kolegë nga Qeveria, deputetë të Kuvendit, veprimtarë të çështjes kombëtare dhe familjen e gjerë Humolli.

Deklarata e plotë për media e Kryeministrit Kurti pas homazheve:

Bashkë me kolegë nga Qeveria, me deputetë të Kuvendit, me veprimtarë të çështjes kombëtare dhe me familjen e gjerë Humolli, jemi këtu sot tek Lapidari i cili i kushtohet dy dëshmorëve të kombit, Elfetes dhe Mentorit, të cilët dhanë jetën e tyre për lirinë tonë, e për çlirimin e vendit.

Sot shënojmë 34-vjetorin e demonstratës në të cilën nga forcat armike serbe u vra nxënësja Elfete Humolli, ende pa i mbushur 17 vjet. Ndërkaq vëllau i saj Mentori, vritet pas 9 vjetëve dhe me 21 maj sivjet do t’ia shënojmë 25-vjetorin e rënies heroike si luftëtar i Ushtrisë Çlirimtare të Kosovës.

Elfetja, Mentori dhe të gjithë dëshmorët e kombit, na e dëshmojnë orët e historisë sonë, na e dëshmojnë se sa shtrenjtë është paguar liria e popullit dhe çlirimi i Kosovës.

Mirëpo, këtu sot jemi bashkë me nxënësit që e kanë moshën e Elfetes kur ajo ra në demonstratë, e të cilët sot mësojnë në vendin tonë gjithnjë e më të përparuar dhe do t’i kontribuojnë edhe shoqërisë, edhe kombit, edhe shtetit me mësimet që bëjnë dhe me punët në vijim në profesionet e ndryshme që ju duhen atyre, e i duhen ekonomisë, kulturës dhe fushave të tjera të jetës.

Pra, Kosova sot, i gëzohet rinisë dhe fëmijëve të saj, pikërisht për shkak se në themelet e kësaj Kosove ndodhet si gjaku i dëshmorëve, ashtu edhe djersa e punëtorëve nga e kaluara të cilët ne i çmojmë, shprehim mirënjohjen e thellë dhe me besnikërinë ndaj tyre ecim drejtë të ardhmes së ndritshme.-Zyra e Kryeministrit

Prishtinë, 31 janar 2024

Kryeministri i Republikës së Kosovës, Albin Kurti mori sot pjesë në ceremoninë komemorative në shënim të Ditës Ndërkombëtare të Kujtimit të Holokaustit e cila u mbajt në Bibliotekën Kombëtare nën organizimin e Ambasadës së Izraelit në Kosovë.

Në fjalën e tij para të pranishmëve, në mesin e të cilëve krerë të shtetit, ambasadorë e përfaqësues të institucioneve, ai tha se përkujtimi i Holokaustit është detyrë e të gjitha demokracive, pavarësisht rolit të tyre në të.

“Holokausti na shërben si shembull prekës i rreziqeve të fanatizmit dhe jotolerancës dhe se kujtimi i tij i motivon njerëzit që të ngrihen kundër padrejtësisë dhe të promovojnë barazi dhe dinjitet për të gjithë”, u shpreh kryeministri.

Ai shtoi se viktimat nuk duhet të jenë të përkryera që të meritojnë të flasin me zë të lartë dhe autorët duhet të përballen me gjyqin sepse drejtësia është shumë me e përsosur se çdo krim.

“Pesha e vuajtjeve të civilëve, edhe në rast se veprohet në vetëmbrojtje, duhet të jetë busulla e jonë në mënyrën së si ecim përpara” tha më tej ai duke theksuar se asnjë veprim i tanishëm apo i ardhshëm nga asnjë qeveri nuk duhet t’i hapë rrugën revizionit historik.

“Historia e Holokaustit duhet të mbahet mend, por nuk duhet ndryshuar kurrë” tha në përfundim të fjalës së tij, kryeministri Kurti.

Fjala e plotë e Kryeministrit të Republikës së Kosovës, Albin Kurti:

During our last gathering, a year ago, in the front row, was sitting a dear friend of mine and a brilliant professor and psychiatrist, Moshe Landsman. He passed away two weeks ago but his spirit is with us, not only tonight. Let me start by expressing my heartfelt condolences to all his students and colleagues and others – all those who met him, certainly will never forget him.

Your Excellency Vjosa Osmani-Sadriu, President of the Republic of Kosova,
Your Excellency Ambassador Tammy Ziv, Ambassador of the State of Israel to the Republic of Kosova,
Your Excellency Glauk Konjufca, Speaker of the Assembly of the Republic of Kosova,
Your Excellency Ambassador Jörn Rohde, Ambassador of the Federal Republic of Germany to the Republic of Kosova,
Excellency Ambassadors and Representatives of Diplomatic Missions in Kosova,
Dear Members of Parliament and Ministers and Deputy ministers of the Government,
Dear Representative of the Jewish Community of Kosova, Mr. Gani Demiri,
Dear Municipality Mayors,
Dear guests,
Ladies and gentlemen,

On Holocaust Memorial Day in 2015, Holocaust survivor and Nobel laureate Elie Wiesel, in an interview reflecting on the horrors he experienced and witnessed, said, “Maybe there are no words for what happened.”

There are no words. No description will ever come close to encapsulating the pain and evil. However, silence is also not an option. We must speak of the horrors that have occurred in order to remember and keep alive the facts about what happened.

What Hitler called the “final solution” was indeed the complete extermination of the Jews. It began with Einsatzgruppen death squads in the East, massacring around 1,000,000. In the Babyn Yar ravine in Ukraine, almost 34,000 Jews were massacred in 36 hours.

It continued in concentration camps, where prisoners faced starvation and disease. In ghettos, or enclosed districts, the largest being the Warsaw Ghetto, people died of hunger in the streets. Every morning, corpses were collected around 4-5 a.m.

It culminated with the extermination camps; state facilities whose sole purpose was to kill. Auschwitz-Birkenau consisted of a concentration camp, a forced labor camp, and an extermination camp. Auschwitz – whose liberation was marked this past weekend – was the deadliest of all six extermination camps. In 1945, Allied forces discovered evidence of the horrors. As Wiesel has said, there are no words.

Six million Jews were killed, along with millions of other targeted groups, including Roma, LGBT individuals, people with disabilities and mental illnesses, and those considered political threats, mainly leftist, among others.

To live in Europe is to encounter signs of the Holocaust everywhere. It was pervasive. The Holocaust also demanded that all — the many countries, individuals, and entire societies that had aided in the persecution of Jews long before the Second World War — look at their very own worst selves. The unspeakable damage of the Holocaust broke open our society, making us see what antisemitic hatred could lead to.

We in Kosova, as a society, feel a special calling to remember these crimes. There is no good that comes from crimes against humanity. There is no silver lining. But there is empathy that comes from deep wounds, from a recent memory.

While Europe has rightfully erected memorials to face the darkest part of its history, many survivors had to fight against Holocaust denialism. Even from countries themselves, and not only private individuals. For forty-five years following the end of WWII, the Soviet Union suppressed and censored all records related to the Holocaust, including any initiatives to commemorate Babyn Yar.

Remembering the Holocaust is a duty of all democracies, irrespective of their role in it. The remembrance of the horrors has propelled our societies forward. The Holocaust serves as a poignant example of the dangers of bigotry and intolerance. Remembering it motivates people to stand up against injustice and promote equality and dignity for all. In 1945, the world witnessed a watershed moment with the Nuremberg Trials. For the first time, an international tribunal held criminals accountable for atrocities against humanity. This profound reckoning sparked the need for a universal declaration of rights, affirming the inherent dignity and entitlements of every individual from the moment of birth. Answering this call, the United Nations General Assembly convened in Paris on December 10, 1948, and proudly adopted the Universal Declaration of Human Rights.

Victims do not have to be perfect to deserve to speak out loud. Perpetrators should face trial: justice is way more perfect than any crime. But the weight of civilian suffering – even if acting in self-defense – has to be our compass in the way we move forward. However, no current or future actions by any government should pave the way for history revisionism. The history of the Holocaust must be remembered but never changed.

With far-right movements on the rise in Europe and beyond and the human rights of many at risk of being threatened, we have a heightened duty to maintain an accurate and living record of the past.

To regress would become a collective defeat and a grave danger to all people. Let us wholeheartedly stand behind the words forged from indescribable pain: Never Again!

Thank you!

– Zyra e Kryeministrit

Prishtinë, 30 janar 2024

Kryeministri i Republikës së Kosovës, Albin Kurti, së bashku me Zëvendëskryeministrin e parë, Besnik Bislimi, priti në takim Përfaqësuesin Special të BE-së për Dialogun Kosovë-Serbi, Miroslav Lajçak.

Në këtë takim u diskutua në lidhje me aspektet e ndërlidhura me zbatimin e plotë të Marrëveshjes Bazike të Brukselit dhe Aneksit Implementues të Ohrit, siguria ligjore përmes nënshkrimit të tyre, por edhe për tema e çështje tjera, si psh. respektimi i procedurave ligjore drejt zgjedhjeve të parakohshme në katër komunat në veri të vendit.

Qeveria e Republikës së Kosovës mbetet e përkushtuar për normalizim të plotë të marrëdhënieve me Serbinë dhe për njohje reciproke, përmes një procesi të dialogut të barabartë, të balancuar e të drejtë për palët.

Pas takimit të përbashkët, pati edhe një takim ndërmjet Zëvendëskryeministrit të parë Besnik Bislimi dhe emisarit Lajçak.- Zyra e Kryeministrit

Një polic qëndron pranë objektit ku u gjetën thasë me rërë në Zveçan. 30 janar 2024.

Policia e Kosovës tha se në një objekt publik në Zveçan ka gjetur disa materiale “të cilat janë shfrytëzuar nga grupet terroriste serbe në kohën e barrikadave”.

Zëvendësdrejtori i Policisë së Kosovës për rajonin e veriut, Veton Elshani, tha për Radion Evropa e Lirë se aksioni në Zveçan u realizua në bashkëpunim me Misionin e Bashkimit Evropian për Sundim të Ligjit (EULEX).

“Sot, gjatë kontrolleve që ka bërë Policia, ka konstatuar se në katin e tretë të kësaj ndërtese janë dhjetëra thasë të mbushura me rërë, që kanë qenë si istikame për të sulmuar Policinë dhe në mbrojtje të barrikadës dhe kontrollimin e rrugës kryesore që të dërgon në Zveçan”, tha ai.

Elshani tha se autoritetet kanë marrë informacione se potencialisht ka “diçka të paligjshme” në objektin që gjendet në hyrjen e Zveçanit nga drejtimi i Mitrovicës së Veriut.

Sipas Elshanit, objekti ku u gjetën thasët me rërë është shfrytëzuar nga pjesëtarët e “Mbrojtjes Civile” dhe “Brigadës së Veriut”.

“Mbrojtja Civile” dhe “Brigada e Veriut” janë shpallur organizata terroriste nga Qeveria e Kosovës dhe autoritetet kanë thënë se ato veprojnë në veriun e Kosovës, të banuar me shumicë serbe.

“Kjo është një dëshmi se grupet kriminale kanë qenë të armatosura rëndë dhe kanë pasur plane që të sulmojnë Policinë e Kosovës, në rast se ata do të tentonin t’i largonin barrikadat”, tha Elshani.

Zveçani është një ndër katër komunat në veri të Kosovës, të banuara me shumicë serbe.

Në të kaluarën, serbët lokalë kanë ngritur barrikada në rrugë, duke përdorur mjete të ndryshme të rënda, sikurse kamionët, për të bllokuar rrugët në shenjë pakënaqësie me vendime të ndryshme të Qeverisë së Kosovës.

Barrikadat e fundit që u ngritën në veriun e Kosovës – përfshirë në Zveçan – në dhjetor të vitit 2022, pas arrestimit të një ish-polici të Kosovës nga komuniteti serb, nën dyshimet se kishte sulmuar zyre të Komisionit Qendror të Zgjedhjeve në veri. Barrikadat u hoqën vetëm pasi ish-policit Dejan Pantiq, iu ndryshua masa e sigurisë nga paraburgim në arrest shtëpiak.

Prishtinë, 29 janar 2024

Kryeministri i Republikës së Kosovës, Albin Kurti, i shoqëruar nga ministrja e Arsimit, Shkencës, Teknologjisë dhe Inovacionit, Arbërie Nagavci, ministrja e Industrisë, Ndërmarrësisë dhe Tregtisë, Rozeta Hajdari dhe ministri i Kulturës, Rinisë dhe Sportit, Hajrulla Çeku, së bashku me deputetë të Kuvendit e aktivistë, vizitoi për ngushëllime familjen e profesorit dhe akademikut të ndjerë, Feriz Krasniqi.

Duke shprehur ngushëllimet e tij, Kryeministri Kurti tha se profesor Feriz Krasniqi jetoi për arsimin dhe shkencën.

Ai do të kujtohet gjithmonë me ndjenja të thella respekti dhe mirënjohje që me aq përkushtim i udhëhoqi proceset e ndërtimit dhe ngritjes së Universitetit të Prishtinës në dekadën e parë të tij, dhe me mbresa pozitiviteti dhe dashamirësie, si një akademik me integritet dhe dinjitet të lartë, shtoi kryeministri Kurti.- Zyra e Kryeministrit

Guvernatori i Bankës Qendrore të Kosovës (BQK), Ahmet Ismaili, në takim me ambasadorin amerikan në Kosovë, Jeff Hovenier, Prishtinë, 29 janar 2024.

Prishtinë, 26 janar 2024

Kryeministri i Republikës së Kosovës, Albin Kurti, zhvilloi sot një bashkëbisedim me një grup prej 20 studentësh, shumica e të cilëve me kombësi franceze, të cilët ndjekin studimet master në Strasburg të Francës, në fushat e marrëdhënieve ndërkombëtare dhe të çështjeve europiane. Me këtë takim ky grup e përmbylli një vizitë studimore rajonale disa ditore e cila kaloi nga Sarajeva, Srebenica dhe Beogradi.

Gjatë këtij bashkëbisedimi u prekën temat e sigurisë rajonale, atyre të ecjes së dialogut por gjithashtu të përparimeve në rrugën e integrimit në Bashkimin Evropian dhe në NATO. Gjatë pjesës kryesore të përkushtuar pyetjeve të studentëve, bashkëbisedimi u përqendrua gjithashtu në arritjet e Qeverisë, dhe në veçanti në qeverisjen e mirë dhe demokratike, progresin e shënuar në fushat investuese, ekonomike dhe sociale në dobi të të gjithë qytetarëve të Kosovës e pa dallim. Kryeministri Kurti pati rastin t’u parashtrojë studentëve edhe reformat në vazhdim e sipër të këtij mandati qeverisës si dhe pritshmërinë për arritjet dhe rezultatet e pritura në të ardhmen.

Ndërsa Kryeministri Kurti vlerësoi lart dobinë e këtyre shkëmbimeve me studentët për të bërë më të njohur dhe më të prekshëm realitetin shtetëror të Republikës së Kosovës, studentët dhe profesori i tyre shprehën mirënjohjen për gatishmërinë e kryeministrit për t’i pritur ata në një bisedë të drejtëpërdrejtë, të hapur dhe të sinqertë.- Zyra e Kryeministrit

Prishtinë, 26 janar  2024

Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, raportoi në Komisionin për Integrim Evropian, me ftesë nga ky komision. Në fjalën hyrëse të tij, ai theksoi proceset e ndërmarra në kuadër të integrimit evropian dhe rezultatet e arritura. Nga hyrja në fuqi e liberalizimit të vizave, tek Plani i Rritjes, ku Kosova përfiton rreth 950 milionë euro brenda 4 viteve, e ku të hënën, me 22 janar, kemi dorëzuar në BE listën e reformave.

“Plani i Rritjes nuk është vetëm një mundësi për reforma dhe rritje ekonomike, por edhe një shans për bashkëpunim dhe integrim më të ngushtë rajonal mes vendeve të Ballkanit Perëndimor. Në këtë kontekst është shumë e rëndësishme që BE-ja sa më shpejt t’i tërheqë masat represive ndaj Kosovës, meqë Kosova ka përmbushur kërkesat bazë që kanë dalur para vendosjes së masave dhe kemi një situatë të qetë dhe përmes heqjes së masave atëherë i gjithë fokusi kthehet në avancimin e integrimit evropian të Kosovës.” tha zëvendëskryeministri Bislimi.

Ai shtoi se prioritar për ne është pranimi i pyetësorit nga Komisioni Evropian në mënyrë që ta dëshmojmë se Kosova e meriton statusin e vendit kandidat dhe të vazhdojmë të bëjmë hapa konkretë drejt anëtarësimit.

“Ne besojmë se nuk ka asnjë problem teknik që Kosovës t’i adresohet pyetësori në mënyrë që kapacitetet institucionale, ligjore, e administrative të vlerësohen nga ana e Komisionit.  Institucionet tona e sidomos strukturat tona koordinuese të Integrimit Evropian janë të gatshme t’i përgjigjen këtij pyetësori rezultatet e së cilës jemi të bindur se do të na sjellin statusin e vendit kandidat.” u shpreh zëvendëskryeministri.

Ai prezantoi të arriturat të zbatimit të Planit të Veprimit të Agjendës për Reforma Evropiane deri në fund të vitit 2023 si dhe të arriturat e planifikuara në Programin Kombëtar për Integrim Evropian gjatë vitit që lamë pas. Sipas gjetjeve të raportit përfundimtar, deri në fund të vitit të kaluar janë zbatuar 71.26% apo 243 nga gjithsej 341 tregues, ndërsa sa i përket Programit Kombëtar për Integrim Evropian, në vitin që lamë pas, janë zbatuar 160 nga 242 masa afatshkurtra apo 66.12%.

Më tej, zëvendëskryeminsitri u përgjigj në të gjitha pyetjet e deputetëve prezent në mbledhje.

Më poshtë, fjala e plotë hyrëse e zëvendëskryeministrit Bislimi në raportimin në Komisionin për Integrim Evropian:

E nderuara Kryetare e Komisionit për Integrim Evropian, znj. Krasniqi,

Të nderuar anëtarë të Komisionit,

Të nderuar të pranishëm,

Shumë faleminderit për mundësinë që sot bashkarisht të diskutojmë rreth zhvillimeve dhe progresin në agjendën e integrimit evropian të vendit tonë.

Para se të flas për progresin në Agjendën e Reformave Evropiane, apo ERA II, si dhe Planin Kombëtar për Integrim Evropian, më lejoni që shkurtimisht të prek tri zhvillime të rëndësishme kur është fjala për integrimin evropian të Kosovës.

E para, liberalizimi i vizave tashmë ka hyrë në fuqi që nga 1 janari 2024, dhe qytetarët e Republikës së Kosovës po udhëtojnë pa viza në tërë zonën Shengen. Që nga fillimi tetorit është bërë një punë e shkëlqyeshme për informimin e qytetarëve përmes fushatës informuese dhe gjithëpërfshirëse, e rezultatet kësaj fushate tanimë po i shohim. Këtë muaj, pra në muajin e parë të udhëtimit pa viza, gjithçka është duke shkuar me rregull ndërsa ne vazhdojmë të përcjellim lëvizshmërinë e qytetarëve teksa ata po e shfrytëzojnë këtë mundësi të shumëpritur për të vizituar dhe eksploruar qytetet e BE-së. Për më tepër, në javën e parë të janarit pranuam edhe lajmin pozitiv që më në fund edhe Spanja njohu pasaportën e Republikës së Kosovës.

E dyta, pakoja e zgjerimit e publikuar në nëntor 2023 e kthen edhe njeherë shpresën se zgjerimi i BE-së është përsëri në qendër të vëmendjes pas një dekade heshtje e stagnimi. Ne e mirëpresim “Planin e Rritjes” për Ballkanin Perëndimor, dhe e shohim si hap të duhur dhe në drejtimin e duhur. BE-ja duhet të zgjerohet dhe duhet të reformohet. Përderisa Rusia tenton të zgjerohet drejt BE-së përmes luftërave, BE-ja duhet të zgjerohet përmes dialogut dhe integrimit. Ne e mbështesim plotësisht qasjen që kushtëzon fondet e BE-së me pranimin e vlerave të BE-së, meqenëse si e tillë ajo rrit përfitimet për të gjithë qytetarët e gjashtë shteteve të Ballkanit Perëndimor dhe në të njëjtën kohë përshpejton anëtarësimin e plotë në Bashkimin Evropian për ata që janë me të vërtetë të përkushtuar në këtë rrugëtim. Ky plan do t’i sjellë rajonit rreth 6 miliardë euro, ndërsa Kosova përfiton rreth 950 milionë euro brenda 4 viteve në grante dhe kredi apo kredi që janë me koncesion apo me kushte të volitshme. Kjo njëherit përbën shumën më të madhe që Kosova ka pranuar dhe pranon ndonjëherë nga BE brenda një periudhe relativisht të shkurtër kohore.

Në këtë linjë, të hënën, me 22 janar, ne kemi dorëzuar në BE listën e reformave nga Plani i Rritjes. Kjo agjendë gjithëpërfshirëse reformash synon avancimin e mëtejmë të administratës publike, avancimin e menaxhimit të financave publike, vendos në fokus të veçantë agjendën e gjelbër edhe digjitalizimin. Tek sektori privat, fokusi është në përmirësimin e mjedisit në të bërit biznes përmes qasjes në financa dhe përkrahjes për Ndërmarrje të vogla dhe të Mesme. Plani synon të sigurojë arsim cilësor dhe përafrim me nevojat e tregut të punës. Po ashtu, agjenda e reformave do të avancojë më tej sundimin e ligjit, luftën kundër korrupsionit dhe krimit të organizuar dhe do të forcojë mbrojtjen e të drejtave themelore.

Plani i Rritjes nuk është vetëm një mundësi për reforma dhe rritje ekonomike, por edhe një shans për bashkëpunim dhe integrim më të ngushtë rajonal mes vendeve të Ballkanit Perëndimor. Në këtë kontekst është shumë e rëndësishme që BE-ja sa më shpejt t’i tërheqë masat represive ndaj Kosovës, meqë Kosova ka përmbushur kërkesat bazë që kanë dalur para vendosjes së masave dhe kemi një situatë të qetë dhe përmes heqjes së masave atëherë i gjithë fokusi kthehet në avancimin e integrimit evropian të Kosovës.

E treta që dua të cek, synim për këtë vit, prioritar është pranimi i pyetësorit nga Komisioni Evropian në mënyrë që ta dëshmojmë se Kosova e meriton statusin e vendit kandidat dhe të vazhdojmë të bëjmë hapa konkretë drejt anëtarësimit. Ne besojmë se nuk ka asnjë problem teknik që Kosovës t’i adresohet pyetësori në mënyrë që kapacitetet institucionale, ligjore, e administrative të vlerësohen nga ana e Komisionit.  Institucionet tona e sidomos strukturat tona koordinuese të Integrimit Evropian janë të gatshme t’i përgjigjen këtij pyetësori rezultatet e së cilës jemi të bindur se do të na sjellin statusin e vendit kandidat.

Në vijim më lejoni të prezantoj të arriturat në tërësi të zbatimit të Planit të Veprimit të Agjendës për Reforma Evropiane (PV ERA II) deri në fund të vitit 2023 si dhe të arriturat e planifikuara në Programin Kombëtar për Integrim Evropian (PKIE) gjatë vitit që lamë pas.

Siç e dini, PV ERA II ka përmbajtur 15 prioritete dhe 341 reforma konkrete, apo tregues.

Sipas gjetjeve të raportit përfundimtar, deri në fund të vitit të kaluar janë zbatuar 71.26% apo 243 nga gjithsej 341 tregues. Ndër to kemi edhe reforma që janë bukur të rëndësishme.

Deri në fund të vitit 2023 Kuvendi i Kosovës ka miratuar dhe ka vënë në fuqi 22 ligje. E disa prej të cilave me rëndësis janë:

• Ligji për financimin e subjekteve politike;
• Kodi i procedurës penale;
• Ligji për Agjencinë për Parandalimin e Korrupsionit;
• Ligji për zyrtarët publikë;
• Ligji për pagat në sektorin publik;
• Ligji për valën e parë dhe të dytë të racionalizimit të agjencive;
• Ligji për parandalimin dhe mbrojtjen nga dhuna në familje dhe në baza gjinore;
• Ligji për zgjedhjet;
• Ligji për sigurinë e përgjithshme të produkteve;
• Ligji për inspektimet e përgjithshme;
• Ligji për Gjykatën Komerciale;
• Ligji për mbrojtjen e ajrit nga ndotja;
• Ligji për mbeturina;
• Ligji për mbrojtjen e konkurrencës si dhe
• Ligji për edukimin në fëmijërinë e hershme;

Në ndërkohë, Qeveria ka përcjellë edhe 5 projektligje që janë në pritje të miratimit nga Kuvendi që kanë të bëjnë me shtetësinë, me Komisionin e Pavarur të Mediave; me energjinë e ripërtërtishme, arsimin e lartë, liritë fetare e të ngjashme.

Ndërkaq në të njëjtën kohë kemi zbatuar edhe një sërë reformash, po përmendi vetëm tri sosh nga ato që për mendimin tim janë prioritare.

• Plani Strategjik për zgjidhjen efikase të rasteve të korrupsionit dhe krimit të organizuar; Strategjia e re për reformën e administratës publike dhe plani i veprimit si dhe Strategjia për Energjinë 2022-2031 si dhe Programi;

Së bashku me Komisionin Evropian kemi vendosur që këtë vit vazhdojmë me zbatimin e Programit Kombëtar për Integrim Evropian dhe të reformave edhe si pjesë e Planit të BE-së për Rritje. Reformat nga ky dokument që janë në zbatim e sipër do t’i trajtojmë përmes Programit Kombëtar për Integrim Evropian dhe strukturave të përbashkëta institucionale që i kemi me vetë BE-në.

Sa i përket Programit Kombëtar për Integrim Evropian, në vitin që lamë pas, janë zbatuar 160 nga 242 masa afatshkurtra apo 66.12%. Në pritje të miratimit nga Kuvendi janë 8 projektligje nga kjo pako, si:

• PL për regjistrin e pronarëve përfitues;
• PL për burimet e ripërtëritshme të energjisë;
• PL për Komisionin e Pavarur të Mediave;
• PL për lirinë fetare;
• PL për kontrollin dhe mbikëqyrjen e kufirit shtetëror;
• PL për vlerësimin strategjik mjedisor;
• Projekt-kodin doganor dhe të akcizave
• PL për plotësim-ndryshimin e Ligjit për Dhënien në Shfrytëzim dhe Këmbimin e Pronës së Paluajtshme të Komunës;

Për vëmendjen tuaj po i listoj edhe disa nga masat dhe dokumentet e rëndësishme që janë zbatuar apo miratuar në këtë periudhë:

• Agjenda Digjitale për Kosovën 2030;
• Programi për bujqësi dhe zhvillim rural dhe Plani kombëtar për bujqësi organike;
• Strategjia për Zhvillim Industrial dhe Mbështetje të Biznesit 2030 bashkë me Planin e Veprimit.
• Programi Kombëtar i Shkencës 2023-2028;
• Ndërmjetësimi në punësim, përmes masave aktive të tregut të punës, dhe atë 2,369 punëkërkuesve prej të cilave 1,503 grave dhe 866 burrave, në total 18% më shumë se në vitin 2022.
• Rritje për 28.8% e inspektimeve nga Inspektorati i Punës, nga 6,316 inspektime sa ishin në vitin 2022, në 8,129 në vitin 2023.
• Ndarja e bursave për 467 nxënës të komuniteteve rom, ashkali dhe egjiptian, prej të cilëve 244 vajza dhe 223 djem si dhe për 55 studentë universitarë nga të njëjtat komunitete.

Edhe njëherë shumë faleminderit për mundësinë që sot bashkërisht të diskutojmë për ecurinë dhe implementimin e planit të reformave drejt integrimit evropian.

Prishtinë, 25 janar 2024

Kryeministri i Republikës së Kosovës, Albin Kurti, mirëpriti Presidentin e Maqedonisë së Veriut, Stevo Pendarovski, i cili qëndroi për një vizitë zyrtare sot në vendin tonë.

Ata fillimisht zhvilluan një tête-à-tête para takimit bilateral ndërmjet delegacioneve zyrtare.

Kryeministri Kurti i uroi mirëseardhje në Prishtinë dhe Ndërtesën e Qeverisë për herën e dytë, pas vizitës së parë të tij në dhjetor të vitit 2021.

“Dy vendet dhe shtetet tona i dëshirojnë më të mirën njëra-tjetrës dhe kanë komunikim dhe bashkëpunim të mirë si në aspekt institucional ashtu edhe në nivel të shoqërive tona”, u shpreh kryeministri Kurti në fillim të takimit. Ai e falënderoi presidentin Pendarovski dhe Maqedoninë e Veriut për mbështetjen ndaj Kosovës në çështje të ndryshme me interes të përbashkët, veçanërisht në rrafshin ndërkombëtar përmes përkrahjes në anëtarësimin në organizata ndërkombëtare.

Në takim u diskutua për marrëdhëniet bilaterale, fushat në të cilat mund të shtohet e thellohet bashkëpunimi, dhe projektet e përbashkëta infrastrukturore që lidhin dy shtetet, siç është projekti i rrugës Prizren-Tetovë për të cilën në javën e dytë të këtij muaji ministrat respektiv nënshkruan marrëveshje për bashkëfinancim të hartimit të projektit për ndërtimin e tunelit për rrugën Prizren-Tetovë. U fol edhe për zhvillimet në rajon, procesin e dialogut të ndërmjetësuar nga Bashkimi Evropian dhe situatën e sigurisë pas sulmit terrorist dhe paramilitar të para katër muajve në Banjskë të komunës së Zveçanit. Me këtë rast, Kryeministri falënderoi presidentin Pendarovski për vendimin për Maqedoninë e​ Veriut për shtimin e kontingjentit të trupave të saj në kuadër të KFOR-it.

Presidenti Pendarovski u shpreh mirënjohës për mikpritjen sot. Ai tha se Kosova dhe Maqedonia e Veriut përveç marrëdhënieve shumë të mira, kanë edhe të njëjta qëllime strategjike, dhe se ajo është e gatshme që të ndajë me Kosovën përvojat e saj sa i përket integrimit evropian dhe anëtarësimin në NATO.- Zyra e Kryeministrit

Billbordi me fotografitë e presidentit serb, Aleksandar Vuçiq, presidentit rus Vladimir Putin dhe disa zyrtarëve tjerë në veri të Kosovës. Zveçan, 25 janar 2024.

Prishtinë, 24 janar 2024

Me ftesë të Ambasadës së Mbretërisë së Bashkuar në Kosovë, Kryeministri i Republikës së Kosovës, Albin Kurti, mori pjesë në pritjen lamtumirëse për ambasadorin e Mbretërisë së Bashkuar, Nicholas Abbott.

Në këtë pritje që kishte bërë bashkë me krerë të institucioneve të vendit dhe partnerë ndërkombëtarë, kryeministri Kurti e falënderoi ambasadorin Abbott për bashkëpunimin e afërt, komunikimin e rregullt dhe angazhimin e tij të pakursyer në fuqizimin e mëtejmë të marrëdhënieve bilaterale ndërmjet dy vendeve.

Ai i uroi ambasadorit Abbott suksese në përgjegjësitë dhe angazhimet e radhës.- Zyra e Kryeministrit

Prishtinë, 24 janar 2024

Kryeministri i Republikës së Kosovës, Albin​ Kurti së bashku me ministrin e Financave, Punës dhe Transfereve, Hekuran Murati takuan Drejtoreshën e Përgjithshme të Bankës Evropiane për Rindërtim dhe Zhvillim (BERZH) për Evropën Qendrore dhe Juglindore, Charlotte Ruhe, Drejtorin e BERZH-it në Kosovë, Sergey Maslichenko si dhe zëvendësdrejtorin e BERZH në Kosovë, Arianit Blakaj.

Në takim u diskutuan tetë projektet aktuale që Qeveria e Kosovës është duke i zbatuar në bashkëpunim me BERZH, siç është projekti për efiçiencë të energjisë në ndërtesat publike në Komunën e Prishtinës dhe Prizrenit, projekti për trajtimin e ujërave të zeza në Komunën e Ferizajt si dhe projekti për ndërtimin e ngrohtores diellore.

Gjithashtu, gjatë këtij takimi, u diskutuan disa nga projektet prioritare për vitin 2024, përfshirë ndërtimin e impianteve për trajtimin e ujërave të zeza në Podujevë, Gjilan dhe Mitrovicë, ndërtimin e rrugëve rajonale, projektin e sinjalizimit dhe telekomunikimit për Linjën 10 hekurudhore, si dhe projekte të tjera që fokusohen në sektorin e energjisë dhe atë të ujërave.

Gjatë takimit, kryeministri Kurti falënderoi përfaqësuesit e BERZH për përkrahjen e vazhdueshme, duke theksuar rëndësinë e këtyre investimeve, sidomos në avancimin e kapaciteteve për shfrytëzim të energjisë së ripërtritshme.

Në anën e saj, drejtoresha Ruhe falënderoi Qeverinë e Kosovës për bashkëpunimin e deritanishëm duke ritheksuar vazhdimin e mbështetjes së BERZH për jetësimin e projekteve të shumta infrastrukturore, të telekomunikimit, energjisë dhe mobilitetit urban. – Zyra e Kryeministrit

Prishtinë, 24 janar 2024

E nderuara zëvendëskryeministre,

Ministra e zëvendësministra,

Në mbledhjen e fundit të vitit 2023 prezantuam arritjet kryesore të 12 muajshit të kaluar, ndërkaq sot, pra në njërën nga mbledhjet e para të këtij viti, më lejoni që në emër të juve dhe para qytetarëve tanë të paraqes një përmbledhje të prioriteteve që i kemi vendosur vetes për 2024-tën.

Ministria e Punës, Financave dhe Transfereve, këtë vit do të vazhdojë me reformën pensionale. Rikujtojmë se vitin e kaluar krijuam Skemën Pensionale Parciale Kontributive për pensionistët, të cilët u patën përjashtuar nga puna gjatë viteve të 90-ta si rezultat i masave të dhunshme asokohe. Ndërkohë që prioritet do të ketë edhe procesi i fiskalizimit, përmes së cilit do rrisim formalizimin e ekonomisë, si dhe reforma në prokurimin publik, për të rritur transparencën dhe efikasitetin e shpenzimeve publike.

Për Ministrinë e Industrisë, Ndërmarrësisë dhe Tregtisë, angazhim prioritar do të jetë përmirësimi i ambientit për të bërë biznes nëpërmjet shërbimeve më të mira për biznese, mbrojtjes së pronësisë industriale dhe rritjes së mbikëqyrjes së tregut. Përshpejtimi i transformimit digjital dhe inovacionit te ndërmarrjet e vogla dhe të mesme dhe ato fillestare përmes politikave për nxitjen e inovacionit dhe zhvillimin e industrisë drejt produkteve dhe shërbimeve me vlerë të shtuar, po ashtu do të jenë prioritete të ministrisë.

Në vitin 2023, e hapëm ankandin e parë solar me kapacitet prej 100 megavat (MW). Këtë vit, në mesin e planeve kryesore të Ministrisë së Ekonomisë e të Qeverisë sonë në fushën e energjisë është lansimi i ankandit të erës me kapacitet 150 MW në dy llote nga 75 MW. Në të njëjtën kohë, do t’i japim vëmendje të shtuar e të veçantë Trepçës dhe investimeve aty.

Reforma në drejtësi është prioritet i Qeverisë e programit qeverisës, andaj ajo do të vazhdojë të jetë prioritet i Ministrisë së Drejtësisë. Vettingu po merr rrugë, pas Aktgjykimit në fund të vitit që lamë pas, nga Gjykata Kushtetuese. Ky proces përveçse premtim, është domosdoshmëri që na dëshmohet çdo ditë. Krahas tij, e teksa presim tash e 11 muaj për vendim të Gjykatës Kushtetuese për Ligjin për Byronë Shtetërore për Konfiskimin e Pasurisë së Pajustifikueshme, luftën kundër korrupsionit në këtë vit do ta bëjmë edhe përmes themelimit të Byrosë për Konfiskimin Civil dhe funksionalizimit të Task-forcës Anti-korrupsion e të ekipeve të përbashkëta të hetimit. Adresimi i krimeve të kryera gjatë luftës si prioritet tjetër i yni, do të vijoj tutje me funksionalizimin e Institutit për Krimet e Kryera gjatë Luftës në Kosovë, por gjithashtu, me finalizimin dhe miratimin e Strategjisë për Drejtësinë Tranzicionale. Paralelisht, Ministria e Drejtësisë gjithashtu do të fokusohet edhe në adresimin e dhunës në familje dhe përmirësimin e shërbimeve sociale dhe familjare, ndër të tjera përmes akteve të ndryshme nënligjore, zbatimit të masës për Punësimin e Viktimave të Dhunës dhe mbështetjes së qëndrueshme financiare për strehimoret dhe OJQ-të që ofrojnë shërbimet sociale dhe familjare.

Në 2023, buxheti për mbrojtjen ishte më i larti ndonjëherë, mbi 200 milionë euro, apo më shumë se 2% e Bruto Produktit Vendor që është kriter i NATO-s. Numrin e ushtarëve e rritëm. Investimet në armatim po ashtu. E ushtrinë e pajisëm edhe me Dronë Luftarakë Bayraktar. E tash në këtë vit, në përputhje me miratimin e buxhetit në fund të vitit të kaluar, rritja e kapaciteteve mbrojtëse do të jetë prioriteti i parë i Ministrisë së Mbrojtjes. Për një fillim të mbarë të vitit, në fillim të këtij viti ne morëm konfirmim nga Departamenti Amerikan i Shtetit se pranuar kërkesën tonë për të blerë sistemin raketor antitank “Javelin”. E përgjatë vitit, krahas blerjeve të reja e investimeve tjera, në fushën e mbrojtjes prioritet do të ketë edhe bashkëpunimi ndërkombëtar me miq, partnerë e aleatë.

Viti i kaluar ka qenë një vit sfidues po gjithsesi i suksesshëm në fushën e sigurisë dhe çështjeve të brendshme. Ministria e Punëve të Brendshme, e cila ka buxhetin më të lartë ndonjëherë, sivjet për prioritet do ta ketë shtimin e kapaciteteve infrastrukturore, rritjen e kapaciteteve njerëzore dhe investimet në pajisje operacionale të Policisë së Kosovës. Kurse në kuadër të administratës publike që po ashtu mbulon kjo ministri, synohet kompletimi i kornizës së akteve nënligjore të Ligjit për Zyrtarë Publik dhe Integrimi i shërbimeve të digjitalizuara në E-Kosova.

Për bujqit dhe fermerët, në vitin 2023 kishim buxhetin po ashtu më të lartë ndonjëherë, me mbi 100 milionë euro. Këtë vit të ri e kemi filluar pa obligime dhe borxhe ndaj tyre. Në fillim të muajit janar shpalosëm Programin për Pagesa Direkte për vitin 2024 me të cilin do të përkrahim 28 nën-sektorë e kultura bujqësore. E zbatimi i tij do të jetë një nga prioritetet kryesore të Ministrisë së Bujqësisë, Pylltarisë dhe Zhvillimit Rural, së bashku me dy tjera, atë të zbatimit të Programit për Zhvillim Rural dhe të procesit të akreditimit për Instrumentin e Asistencës së Para-Anëtarësimit (IPARD) të Bashkimit Evropian, ku i kemi siguruar 7 milionë euro. Në pjesën e parë të vitit pritet të fillojë edhe zbatimi i projektit për agroturizëm, ekoturizëm e zhvillim rural, me mbështetje direkte nga Qeverisë Gjermane në vlerë prej 20.2 milionë euro.

Kandidatura e suksesshme e Kosovës për organizimin e Lojërave Mesdhetare 2030 ishte kryelajmi i vitit të kaluar, jo vetëm për sportin. Sivjet, ndër top objektivat e Ministrisë së Kulturës, Rinisë dhe Sportit janë ligji i veçantë, komiteti organizativ dhe masterplani për të mirëpritur 26 shtete në 23 disiplina, mijëra atletë e dhjetëra mijëra turistë, me mbi 250 milionë euro investime. Me planin pesë vjeçar për infrastrukturën e futbollit, përparësi këtë vit kanë stadiumet e futbollit në qendrat kryesore dhe nisja e procedurës për stadiumin nacional. Ndërkohë që janë paraparë mbi 17 milionë euro mbështetje direkte për kulturë, trashëgimi kulturore, rini dhe sport. Mbështesim federatat sportive, festivalet e garat ndërkombëtare, autorin e librin, blerjen e veprave të artit. Ministria e Kulturës do të punojë fort edhe në konsolidimin e infrastrukturës kulturore. Sivjet nisin renovimet e ndërtesave të Teatrit Kombëtar, Bibliotekës Kombëtare, Muzeut Kombëtar dhe Galerisë Kombëtare. Trashëgimia kulturore do të vazhdojë të mbetet prioritet i lartë për Ministrinë e Kulturës. Do ta vazhdojmë kujdesin për komunitetet tona jo shumicë. Ministria për Komunitete dhe Kthim do të angazhohet për kthimin, riintegrimin, integrimin dhe ofrimin e mundësive të zgjidhjes së qëndrueshme për personat e zhvendosur dhe të kthyerit vullnetarë nga radhët e komuniteteve jo shumicë. Gjithashtu do të kujdeset në përmirësimin e mirëqenies së tyre duke ofruar mundësi të barabarta të punësimit, shërbimeve sociale, mbrojtjes, arsimit dhe kulturës, përfaqësimin proporcional në administratën publike po ashtu. Ndërkaq Ministria e Administrimit të Pushtetit Lokal do të vazhdojë me financimin e ndërtimit dhe renovimit të shtëpive të komuniteteve jo shumicë në komuna përmes të njëjtit program të cilin e filluam që ta zbatojmë vitin e kaluar, krahas angazhimit për digjitalizim të sa më shumë shërbimeve elektronike nëpërmjet platformës e-Komuna, si dy prej prioriteteve të saj për këtë viti.

Duke qenë se tashmë kemi kaluar me sukses fazën e parë të anëtarësimit në Këshillin e Evropës, anëtarësimi i plotë në këtë organizatë mbetet prej synimeve kryesore të politikës së jashtme, përkatësisht Ministrisë së Punëve të Jashtme dhe Diasporës, për këtë vit. Ndërkohë që do të vazhdojë blerja e ndërtesave të reja për misionet tona diplomatike, krahas planifikimit për miratimin e tre ligjeve shumë të rëndësishme: i pari ligji për Diasporën; i dyti ligji për Protokollin e Shtetit; dhe i treti ligji për Shërbimin e Jashtëm, si dhe rekrutimit të diplomatëve të rinj për fuqizimin e diplomacisë sonë anë e mbanë globit. Viti 2024 ka filluar si është më së miri. Pas hyrjes në fuqi të liberalizimit të vizave, njohjes së pasaportës nga Spanja, e dekretit për hapjen e Misionit të Posaçëm të Kosovës në Selinë e Shenjtë në Vatikan, dje morën edhe njoftimin zyrtar se nga 22 shkurti qytetarët tanë do të mund të udhëtojnë pa viza edhe në Emiratet e Bashkuara Arabe. Të gjitha këto forcojnë subjektivitetin tonë ndërkombëtar, që përveçse prioritet i këtij viti, ka qenë dhe është prioritet programor i politikës sonë të jashtme.

Në sektorin e arsimit, për këtë vit do të fokusohemi në rritjen e përfshirjes dhe qasjes së barabartë në edukimin në fëmijërinë e hershme dhe furnizimin me pajisje teknologjike dhe digjitalizimin në arsimin parauniversitar. Njëkohësisht, prioritet për Ministrinë e Arsimit, Shkencës, Teknologjisë dhe Inovacionit do të jetë ngritja e cilësisë së arsimit parauniversitar përmes konsolidimit të mekanizmave për sigurim të cilësisë, instrumenteve matëse dhe rritjes së numrit të inspektorëve, si dhe ndërlidhjes së arsimit me tregun e punës duke e zgjeruar atë në kuadër të arsimit dual, që tashmë ka gjithsej 12 profile, të cilat po gjejnë zbatim në 21 shkolla, në 14 komuna të Kosovës.

Në shëndetësi, prioritet do të kenë investimet në pajisje moderne dhe infrastrukturore, shtimi i shërbimeve në institucionet publike shëndetësore, dhe sistemi informativ shëndetësor. Vitin që lamë pas shtuam disa shërbime të reja si sedacioni inhalator në stomatologji; ultrazëri endoskopik; shërbimi falas për rikonstruktimin e gjirit për pacientët e prekur nga kanceri, dhe diagnostikimi i retinopatisë te foshnjat e lindura parakohe me pajisjen e re në Klinikën e Oftalmologjisë. Kurse nga java e kaluar, për herë të parë filloi ofrimi i shërbimit të implanteve dentare në Qendrën Stomatologjike Universitare të Kosovës. Shërbimet e reja si këto i sigurojnë qëndrueshmëri institucioneve publike shëndetësore, ndërkaq qytetarëve shërbime cilësore, me çmim të përballueshëm.

Sa i përket  infrastrukturës rrugore, vitin 2024 do të jetë vit i përfundimit të disa projekteve të vjetra dhe fillimi i disa të reja. Autostrada Prishtinë-Gjilan dhe rrugët Prishtinë-Podujevë, Prishtinë-Mitrovicë, Dollc-Gjakovë, e Drenas-Skenderaj pritet të finalizohen sivjet. Paralelisht, do të fillojë puna në  autostradën Bresalc-Dheu i Bardh, në rrugën Kijevë-Zahaq, në rrugën nga autostrada “Ibrahim Rugova” deri te hyrja në tunelin e rrugës Prizren-Tetovë, dhe në rrugën Drenas-Kroni i Mbretit. Kurse sa i përket infrastrukturës hekurudhore, këtë vit pritet që të bëhet hartimi i projekteve kryesore të linjave hekurudhore Prishtinë-Pejë dhe Klinë-Prizren, si dhe përfundimi i studimit të fizibilitetit dhe projektit ideor të linjës hekurudhore Prishtinë-Durrës. Ndërkaq, sot pasdite, së bashku me ministrin e Mjedisit, Planifikimin Hapësinor dhe Infrastrukturës, Liburn Aliu do të marrim pjesë në ceremoninë zyrtare pas hapjes së korridoreve ajrore me Republikën e Shqipërisë, prioritet do ta kemi për të dhe ministrinë e tij, që këtë vit të jetë edhe hapja e korridoreve ajrore edhe me Malin e Zi.

Ministria e Zhvillimit Rajonal këtë vit do të përqendrohet në kompletimin e kornizës ligjore dhe funksionalizimin e mekanizmave për zhvillim rajonal dhe rritjen e nivelit të zhvillimit socio-ekonomik. Kjo do të bëhet nëpërmjet hartimit të programit për zhvillim rajonal të balancuar dhe studimit të fizibilitetit për rajone zhvillimore me qëllim identifikimin e investimeve strategjike me ndikim socio-ekonomik rajonal.

Ju faleminderit e punë të mbarë!​

Podujevë, 23 janar 2024

Kryeministri i Republikës së Kosovës, Albin Kurti, së bashku me ministren e Drejtësisë, Albulena Haxhiu, dhe me ministrin e Punëve të Brendshme, Xhelal Sveçla, të shoqëruar nga Kryetari i Komunës së Podujevës, Shpejtim Bulliqi dhe deputetë të Kuvendit, përfaqësues komunal dhe aktivistë, gjatë ditës së sotme qëndroi për vizitë ngushëlluese të familja e të riut Lulzim Fejzullahu që të shtunën vdiq nga goditjet e rënda që mori nga dy bashkëmoshatarë të tij me 14 janar të këtij viti në Podujevë.

Pasi shprehu ngushëllimet në emër të tij dhe të Qeverisë së Republikës së Kosovës, kryeministri tha se humbja e jetës së një të riu në mënyrë tragjike na ka tronditur të gjithëve dhe është dhembje e madhe jo vetëm për familjen e tij por edhe për mbarë vendin.

Të rinjtë te moshatarët e tyre duhet gjithmonë të shohim potencialin e shoqërisë dhe shoqërimit, asnjëherë të kërcënimit dhe sulmit. I ndjeri, Lulzim Fejzullahu ishte fëmijë jetim që ka pasur nevojë për mbështetje e kujdes nga të gjithë për një jetë të përmbushur. Sot, rasti i tij tragjik duhet të jetë moment reflektimi për të gjithë.

Vrasja mizore e Lulzim Fejzullahut duhet të jetë alarm për të gjithë, përfshirë institucionet, për të punuar më shumë me të rinjtë dhe të rejat, që të orientohen sa më shumë drejtë arsimimit dhe edukimit, në mënyrë që të mos e shohin dhunën si zgjidhje dhe që të qëndrojnë sa më larg sjelljeve agresive dhe akteve të dhunës që mund të përfundojnë me pasoja tragjike.

Kryeministri Kurti bëri thirrje që organet e sigurisë dhe drejtësisë ta trajtojnë këtë rast me përgjegjësinë më të lartë dhe bëri thirrje për drejtësi.-Zyra e Kryeministrit

Prishtinë, 23 janar 2024

Në prani të Kryeministrit të Republikës së Kosovës, Albin Kurti, Zëvendëskryeministrja, Emilija Rexhepi, në emër të Qeverisë së Republikës së Kosovës ka nënshkruar sot Memorandum të Mirëkuptimit me Organizatën Ndërkombëtare të Komuniteteve (International Communities Organization).

Ky Memorandum do të shërbejë si bazë e investimeve me qëllim krijimin e vendeve të reja të punës me fokus te komunitetet jo shumicë, ngritjen e projekteve infrastrukturore dhe fuqizimin e ndërmarrjeve në qëllim të rritjes së stabilitetit në komuna.

Republika e Kosovës është shtet demokratik e shumetnik, vend i të gjithë qytetarëve të saj. Qeveria jonë është e përkushtuar ndaj sundimit të ligjit e mbrojtjes së të drejtave të të gjithëve pa dallim. Sjellja e projekteve të reja është gjithmonë në qëllim të rritjes së prosperitetit, mirëkuptimit dhe bashkëjetesës ndërmjet qytetarëve tanë.- Zyra e Kryeministrit

Vdekja e 18-vjeçarit nga Podujeva, Lulzim Fejzullahut, tronditi vendin. I riu që ndërroi jetë të shtunën, përfundoi në QKUK para disa ditësh, pasi u rrah brutalisht nga disa të mitur. Për këtë krim makabër, dy persona tashmë ndodhen nën masën e paraburgimit, teksa po hetohet në zbulimin e rrethanave dhe motivit që çoi deri te ky konflikt që përfundoi tragjikisht.

Sulmi që i mori jetë Lulzimit dyshohet se ndodhi mesditën e 14 janarit, për motive ende të panjohura, në rrugën “Drenica” në Podujevë. Për rastin Policia tha se viktima ishte therur me thikë. “Janë arrestuar dy të dyshuar meshkuj kosovarë pasi që, të njëjtit kanë therur me thikë viktimën mashkull kosovar. Viktima ka pranuar tretman mjekësor në QKMF Podujevë dhe më pas është dërguar për në QKUK Prishtinë. Njësiti policor në vendin e ngjarjes ka konfiskuar një thikë dhe një veturë. Me vendim të prokurorit dy të dyshuarit dërgohen në mbajtje”, zbulonte raporti.

Por çfarë ndodhi në të vërtetë?
Në dosjen e Prokurorisë thuhet se pas një përleshje fizike, dy të dyshuar (të mitur) e kanë goditur me një shkop viktimën, duke i shkaktuar lëndime trupore. Si pasojë e këtyre lëndimeve të marra, viktima ishte dërguar në QKUK për trajtim mjekësor, ndërsa po në të njëjtën ditë, me urdhër të Prokurorit të Shtetit, dy të miturit janë ndaluar për shkak të veprës penale “Vrasje në tentativë” (tashmë vrasje) dhe rasti ka filluar të trajtohet në Prokurorinë Themelore në Prishtinë. Dy të dyshuarit që ndodhen prapa hekurave për këtë rast janë E.Kadriu (16-vjeçar) dhe A.Abdullahu (17-vjeçar).

Faktin se të miturit e goditën me shkop 18-vjeçarin, e konfirmoi edhe video e cila u publikua dje.
Aty shihet se si dy të dyshuarit kryesorë për vrasjen fillimisht e godasin me makinë dhe më pas e rrahin me shkop të riun nga Podujeva, i cili u varros dje.

“Ju kalltë zemra”, reagimet e familjarëve

Për këtë rast të tmerrshëm kanë folur edhe familjarët e të ndjerit. Ata thonë se pas një sherri me disa persona, Lulzimi është përplasur nga një makinë dhe më pas është goditur me shkopinj bejsbolli, duke i shkaktuar lëndime të rënda. “Unë jam xhaxhai tij. Lulzimi si 18-vjeçar ka qenë punëtor, ka qenë jetim. Pa dy prindërit. E e kanë ndjek me makinë, e kanë shkel, e kanë shtypë e kanë rrëzuar. Kur e kanë rrezuar Lulzimin, e kanë goditur me shkop bejsbolli derisa sot në ora 3 pasdite ndërroi edhe jetë”, tha xhaxhai i Lulzimit.

Pas rastit, motra e të ndjerit ka reaguar në rrjetet sociale duke shprehur dhimbjen dhe zemërimin për humbjen e vëllait të saj në mënyrë tragjike. “Ju kalltë zemra si neve qysh po na kallet, Allah dënoj, kurrë dritë me sy mos pafshin”, ka thënë ajo.bw

Prishtinë, 19 janar 2024

Me t’u kthyer nga Zvicra, ku kishte qëndruar gjatë kësaj jave për të marrë pjesë në Forumin Ekonomik Botëror, Kryeministri i Republikës së Kosovës, Albin Kurti, së bashku me ministrin e Shëndetësisë, Arben Vitia dhe i shoqëruar nga drejtori i Shërbimit Spitalor dhe Klinik Universitar të Kosovës, Elvir Azizi vizituan Klinikën e Stomatologjisë.

Aty, përveç bashkëbisedimit me stomatologët, u njoftua nga afër edhe me tri shërbimet e reja në Qendrën Klinike Universitare të Stomatologjisë, të cilat janë fiksimi i protezave, oksiduli i azotit dhe implantologjia e që kanë filluar në më pak se një vit. Ai vlerësoi lartë shërbimin cilësor e pritjet e shkurta të pacientëve, derisa stomatologët i falënderoi për punën e angazhimin e tyre.

Ai gjithashtu vizitoi Emergjencën dhe Klinikën e Kirurgjisë dhe Ortopedisë, për t’u njoftuar edhe një herë me gjendjen e 13 pacientëve të lënduar nga shpërthimi i bombolës së gazit në Kçiq të Mitrovicës, të cilët i kishte vizituar edhe fundjavën e kaluar, në ditën e aksidentit.

“Mjekët, infermierët po bëjnë krejt çfarë munden edhe dinë. Profesionalizimi edhe përkushtimi i tyre është i lartë dhe gjithashtu pamë, si në Qendrën Klinike Universitare të Stomatologjisë edhe këtu, rregull e disiplinë, por në të njëjtën kohë edhe pacientë të cilët na treguan drejtpërsëdrejti që janë të kënaqur me shërbimet që marrin dhe me trajtimin që gëzojnë”, tha kryeministri.

Prononcimi i plotë i kryeministrit Kurti:

Së bashku me ministrin e Shëndetësisë, Arben Vitia, dhe me drejtorin e ShSKUK-së, Elvir Azizin, sot ishim në Qendrën Klinike Universitare të Stomatologjisë ku i pamë për së afërmi tri shërbime të reja të cilat kanë filluar në më pak se sa një vit dhe në veçanti ishim dëshmitarë të implantologjisë, me ç’rast bashkëbiseduam me stomatologët aty dhe i falënderuam për punën dhe angazhimin që po bëjnë, përfshirë aty jo vetëm shërbimin cilësor, por edhe pritjet shumë të shkurta të pacientëve.

Ndërkaq, vazhduam edhe këtu tek Emergjenca e më pastaj edhe tek Kirurgjia Plastike që të shohim se çfarë ka ndodhur më pastaj me ata 13 pacientët që u lënduan disa lehtë e disa edhe shumë rëndë me shpërthimin e bombolës së gazit e që vijnë nga fshati Kçiq i Mitrovicës. Na njoftuan se njëra nga pacientet tashmë ndodhet në Suedi, që ka pasur djegie të shkallës së tretë në afër 70% të trupit. Por, i kemi edhe dy pacientë të tjerë që janë në Gjermani, pesë janë këtu dhe dy po përgatiten që të dërgohen jashtë vendit nëpërmjet Ministrisë së Shëndetësisë.

Mjekët, infermierët po bëjnë krejt çfarë munden edhe dinë. Profesionalizimi edhe përkushtimi i tyre është i lartë dhe gjithashtu pamë, si në Qendrën Klinike Universitare të Stomatologjisë edhe këtu, rregull e disiplinë, por në të njëjtën kohë edhe pacientë të cilët na treguan drejtpërsëdrejti që janë të kënaqur me shërbimet që marrin dhe me trajtimin që gëzojnë.- Zyra e Kryeministrit

Qytetarët e grumbulluar në vendin ku po mbahet peticioni për shkarkimin e kryetarit shqiptar. Zveçan, 19 janar 2024.