Dallimet politike dhe dallimet ekonomike -sociale kan hy në fazen kritike në Kosovë.Shqiptarët shquheshin si njerëz të vyeshem , të dobishem për familje për shoqëri, të dashur për njeri- tjetrin e shumë qka pozitive, të cilat tipare kan hy në fazën e harresës kolektive ! Shqiptarët ishin popull tolerant e pak kan mbetur.

Ngadalë po shëmben këto vlera njerëzore , po depërtojnë antivlerat , urrejtja …Këto po bëhën gjithnjë më haptazi dhe po bëhën edhe te rrezikshme .Gjithnjë e më shumë po i përqafojmë të keqijat si kriminalitetin, korrupcionin e dukuritë tjera negative .Kjo po dëperton në mentalitetin tonë që është fatkeqësi edhe më e madhe.Me shumë po kthehemi mbrapa .Nuk po mendojmë dhe as nuk po veprojmë në mënyre racionale .Me shumë po kemi histori së sa demokraci, dhe kjo nuk fletë hiq mirë për gjendjën në shoqëri.Urrejtja e ndërsjellë është duke lëshuar rrenjë në gjendjën tonë morale .Nuk është shumë vështirë të konstatojmë së cilët janë fajtorët e një gjendje të tillë .

Pushtetet e deri tashme, por edhe ne të gjithë. Gjendja në Kosovë po shkon kah banaliteti .Kjo nga fakti së gjendja po keqësohet. Resurset shoqërore dhe pasuritë tjera po vazhdohet të keqpërdorën më të madhe.Konfrontimi i negativiteteve shoqërore sigurisht së nuk kalon pa pasoja. Pse përfaqësuesit ndërkombëtar në Kosovë nuk po reagojnë më zëshem dhe më fuqishem për ti kapercyer më shpejtë veshtirësit e tranzicionit , po ashtu izolimin dhe varfërinë ekstreme… ? Nuk po reagojnë së disa nga ta janë burokrat, disa nuk po reagojnë pse janë korruptuar , disa nuk po reagojnë nga fakti së në Kosovë nuk ka konfrontime te armatosuara, e disa nuk po reagojnë së do të deshironin ndoshta ngatrresa të mëdha , që Ballkani prap të bëhët mjet I lojerave gjeostrategjike .

Ku është dalja ? Qe opozita qytetare të them ashtu të merre nisma , që më metoda të reja politike ta kontrollon punën e pushtetit !Jeta politike të bëhët në atë mënyrë që shoqëria mos të rreshqas në neofashizëm, i cili shumë ka gjeneruar !Të largohen nga postet e larta dhe të vogla të gjithë ata të cilat kan rënë ndesh më kushtetutën dhe me ligjet e Kosovës.Ndryshimi i gjendjës të bëhët duke I ruajtur më qdo kusht normat demokratike të sjelljës, paqën, sigurinë dhe stabilitetin .Qytetarëve të Kosovës ju duhet një energji e re shumë më pozitive , e jo të preferohet heshtja e madhe karshi problemeve të cilat lidhen më jetën .Lufta për avansimin e proceseve demokratike, lufta për zhvillim dhe mirëqenje , lufta për të dalë nga izolimi është detyrë patriotike e secilit prej nesh, nuk është punë vetëm e pushtetit.

Rruga Euroatlantike e Kosovës nuk ka alterativë ,sikurse nuk ka alternativë së duhet ecur guximshem përpara për ti shpërthyer të gjitha barrierat .Të promovojmë shtet , ku qytetari të jetë Sovrani.Të promovojmë shtet ku qytetari të trajtohet -NJERI në kuptimin e plotë të fjalës!Kjo është rruga më e shëndetshme për shtetin . Ta ndërtojmë shtetin ashtu si na kan lën amanet shumë martirë dhe dëshmorë të kombit, të cilët po prehen në qdo cep të Kosovës.Sigurisht së na duhet një Kosovë më ndryshe, shumë më e avansuar dhe më e zhvilluar në të gjitha drejtimet e jetës dhe të punës.Të gjithë duhet të jemi shumë më serioz në punën të cilën e bëjmë.Mos ti koritim të parët tanë .Nuk jam i sigurt së kur do të bëhëmi shumë më serioz , por megjithate le të mbetet e shënuar…

Mbledhja e Kryesisë së Kuvendit të Kosovës, e cila mbahet të mërkurën pritet të përcillet me tensione pasi kryesia do të vendos nëse do ta procedoj për seancë, shfuqizimin e ligjit për Gjykatën Speciale

I bindur për procedimin dhe shfuqizimin e Speciales është shprehur kryetari i Organizatës së Veteranëve të Luftës së Ushtrisë Çlirimtare (OVL-UÇK), Hysni Gucati.

Gucati për Indeksonline ka thënë se të mërkurën sipas informacioneve të tij do të shfuqizohet Gjykata Speciale nga deputetët e Kuvendit, prej të cilëve ata kanë marr përkrahje.

Madje ai thotë se OVL ka përkrahjen edhe të deputeteve të LDK-së, emrat e të cilëve i din por nuk dëshiron t’i bëjë publik.

“Unë besoj se të mërkurën do të hyjë në rend dite ligji për shfuqizimin e Gjykatës Speciale. Na besojmë që kemi mbështetje prej deputetëve të gjitha partive. E edhe prej deputetëve të LDK-së, kjo është shumë e vërtetë ne kemi biseduar edhe kem përkrahje edhe prej tyre. Ne jemi në gjendje në momentin që Ismet Beqiri që thotë që nuk është e vërtetë, na i thojmë lë ta kontrollon shpinë e tani le të fletë. Sepse na kem përkrahje edhe prej tyre, nuk kam nevojë me përmend emra por nëse është nevoja ja përmendim edhe atyre deputetëve që kemi bisedu dhe kem marrë përkrahje” ka thënë Gucati.
Gucati thotë se pavarësisht që ka shkruar letër Kadri Veseli për Specialen e pavarësisht presionit të diplomatëve nga BE mbi deputet e Kosovës, ata nuk e kanë ndërmend të heqin dorë nga shfuqizimi i gjykatës.

Sipas tij, vetëm një deputet e ka tërhequr nënshkrimin, të tjerët jo.

“Organizata e Veteranëve nuk e ka ndërmend me u kthy prapa, peticionin e kemi dërguar, ne ju kem jep një shans deputetëve që ta përmirësojnë gabimin e institucioneve të Kosovës sepse unë e di që kanë ardhë emisarë Gjerman edhe Francez janë të cilët janë duke bërë trysni në deputetët që ti tërheqin nënshkrimet, por deri në këto momente dhe në bazë të informacioneve vetëm një deputet e ka heq nënshkrimin e tjerët jo” ka shtuar kryetari Gucati.

Tutje, ai është shprehur se ata janë të gatshëm t’i përgjigjen çdo gjykate tjetër që gjykon të dyja palët, serbe e shqiptare, por jo një gjykate të padrejtë si kjo ‘specialja e huaj’.

“Unë kam biseduar me do këshilltar të diplomatëve të BE-së dhe i kemi thënë se cili vend në botë e pranon këtë gjykatë. Asnjë..!. Është e padrejtë, pasi kjo ka shkel të gjitha konventat ndërkombëtare. Ne nuk po i ikim drejtësisë, kemi luftuar, i dalim përballë çdo gjykatë dhe drejtësia të vendos, por kjo të jetë gjykatë speciale vendore, që është e dyanshme dhe gjykon dy palët, serbet e shqiptaret. Krimi është krim, nuk ka etni. Ne nuk e kemi ndërmend t’i ndalojmë qëndrimet e tona, do të mbajmë edhe mbledhje urgjente të martën ose të hënën dhe do të bisedojmë për hapa të mëtutjeshëm” është shprehur në fund Gucati.

Kujtojmë që Bashkimi Europian u ka bërë thirrje deputetëve që iniciuan shfuqizimin e Gjykatës Speciale me anë të një nisme në Kuvend, që të tërhiqen nga kjo iniciativë. Në një deklaratë të përbashkët të lëshuar n ga Zyra e BE-së në Kosovë/Përfaqësuesja Speciale e BE-së në Kosovë dhe krerët e misioneve të BE-së në Kosovë thuhet se çdo përpjekje për shfuqizimin e kësaj gjykate do t’i dëmtonte rëndë raportet e Kosovës me BE-në.

Albin Kurti i cili po kërkon edhe një mandat në krye të Vetëvendosjes ka paraqitur sot platformën e tij. Me një fjalim të gjatë para të pranishmëve, ish-kryetari i VV’së ka goditur ish-sekretarin e partisë Dardan Molliqaj për abuzim me financa. Të njëjtat akuza në drejtim të Molliqajit i kishte bërë edhe deputeti i VV’së, Liburn Aliu.

Ish-sekretari i Vetëvendosjes, Dardan Molliqaj, që ditë më parë edhe ka dhënë dorëhejqe nga Lëvizja, është goditur sot edhe nga Albin Kurti për menaxhimin e financave të VV’së.

Kurti në fjalimin e tij të gjatë, nderë të tjera ka përmendur edhe mënyrën se si janë shpenzuar paratë në partinë e tij.

“Decentralizim, si për pagat ashtu edhe për buxhetin. Më shumë buxhet i Lëvizjes duhet të shkojë në qendra, dhe, në vend se të rriten rrogat e pak vetave në kryeqytet, duhet të rritet numri i njerëzve të punësuar nga Lëvizja në të gjitha qendrat anembanë Kosovës”, ka thënë Kurti.

Ai ka thënë se  Lëvizja Vetëvendosje vazhdon punën e saj falë tri burimeve financiare, e ato janë fondi prej buxhetit të shtetit, donacionet, dhe kontributi i anëtarësisë.

“Për të bërë sa më shumë punë Lëvizja, por edhe për të patur sa më shumë donacione, është e domosdoshme që shpenzimi i parave të përmbushë tre kritere: Të jetë tërësisht transparent, të jetë mbi bazën e kursimit dhe efikasitetit, do të angazhohemi që shpenzimet për paga dhe për qera të zyrave të jenë nën 50% të buxhetit të përgjithshëm”, ka bërë me dije Kurti.

Kurse, njëri ndër themeluesit e Lëvizjes Vetëvendosje, Liburn Aliu, ka zbuluar javë me parë detaje të funksionimit të partisë së tij, pas përçarjes së VV’së.

“Brenda Lëvizjes Vetëvendosje kemi pasur, dhe kemi një sekretariat të përgjithshëm, i cili e ka krijuar një diferencim brenda Lëvizjes”, ka thënë ai ,teksa ka folur për punën e ish-sekretarit Dardan Molliqaj.

“Është krijuar diferencimi ndërmjet aktivistëve vullentarë, të cilët punojnë kudo nëpër struktura, degë, qendra, dhe pika të VV, dhe sekretariatit të përgjithshëm të aktivistëve, të cilët paguhen me rrogë, të cilët në njëfarë mënyre e kanë krijuar një shoqëri të mbyllur, dhe përpos që paguhen, e kanë pasur bukur një autoritet më të madh mbi qendrat”, ka treguar Aliu.

E vetë Molliqaj në një intervistë televizive pati kritikuar Liburn Aliun e Xhelal Sveçlën se i kanë pagat e larta.

“Ata nëse donë me heq pagat, le ti heqin të vetat. Le të heqin dorë nga pagat që i kanë nga 1 mijë e 200 euro. Këto paga janë të larta dhe kjo është e vërteta. Më kanë akuzuar për paga të larta dhe pagesa që kam bërë. Unë nuk kam bërë dallime në paga dhe s’kam marrë pagë të lartë. E vërteta është ndryshe, pagat e disa aktivistëve janë tepër të ulta. Ato paga sillen kah 440 euro. Nuk ka rroga 800 euro në Sekretariat të VV’së. Në krejt Kosovës mund të them se paguhen ndoshta 70 aktivistë”, ka thënë Molliqaj.

Themeluesi i Vetëvendosjes, Albin Kurti në paraqitjen e platformës së tij para anëtarëve të kësaj partie, tha se asnjë nga politikanët e VV’së nuk duhet të pasurohen, madje, ata duhet të varfërohen. Por këtë paraqitje të Kurtit sot e bojkotuan kryetari i Kamenicës, i cili dha dorëheqje para disa dite nga pozitat e tij në këtë parti. As kryetari i Prishtinës Shpend Ahmeti nuk ishte i pranishëm.

 “Nga aktivizmi nuk guxon të pasurohesh materialisht. Nuk duhet të bëhen politikanet e lëvizjes më të pasur se kur kanë hy në VV, bile preferohet të bëhen më të varfër”, tha Kurti.

Ai tregoi se do të angazhohet që të ketë decentralizim pagash në VV që të mos përfitojnë vetëm disa njerëz në Prishtinë.

“Në vend që të rriten rrogat e pak njerëzve në kryeqytet, të rritet numri i të punësuarve gjithandej në Vetëvendosje”, porositi Kurti.

Kurti foli edhe për më shumë mbledhje të strukturave të VV-së.

“Ne duhet të gabojmë sa më shumë me njëri-tjetrin, që të gabojmë sa më pak me qytetarin. Nuk do të ketë dikush që flet nga lart e të tjerët që dëgjojnë poshtë”, tha Kurti.

Shkumbin Mehmeti, dëshmitar i mbrojtur i Prokurorisë Speciale, të enjten, ndër të tjerë ka akuzuar edhe Ibrahim Kelmendi për organizim të shumë vrasjeve të pasluftës në Kosovë. Përfshirë vrasjet politike. Për këto deklarata ka reaguar përsëri Kelmendi në një shkrim dërguar Gazetës Express, ai konsideron se Mehmeti është produkt i Hashim Thaçit, Xhavit Halitit dhe Baton Haxhiut.

Rrëfimin e tij e quan shpifës dhe të përsëritur tash e disa vjet.

Gjatë ditës së sotme Prokuroria e Shtetit ka njoftuar se ka kontaktuar me Shkumbin Mehmetin por i njëjti ka refuzuar të japë dëshmi derisa nuk prishet aktgjykimi me të cilin i njëjti ishte dënuar me 30 vjet burgim. Megjithëkëtë, Prokuroria ka thënë se nëse deklaratat e Mehmeti zbulojnë vrasjet e pasluftës atëherë janë të gatshëm të kërkojnë zbutjen e jashtëzakonshme të dënimit të tij.

Lexojeni reagimin e plotë të Ibrahim Kelmendit pa ndërhyrje:

Vrasësi Shkumbin Mehmeti – dëshmitar i mbrojtur, xhihadist mercenar ose kondom i xhavitëve, hashimëve e batonëve?

Koha kur ka zgjedhur Baton Haxhiu për të emetuar “intervistë ekskluzive” me Vrasësin Shkumbim Mehmetin, i dënuar si vrasës i policëve, dëshmitar i mbrojtur, i shpërfytyruar në xhihadist, është një dëshmi shqetësuese se rreziku për komplotin në tentativë kundër “Gjykatës speciale” ende nuk është tejkaluar.

Nuk me besohet se Baton Haxhiu nuk e dinte që “intervista” me këtë xhihadist nuk kishte ndonjë ekskluzivitet ekstra, sepse këto akuza të shpifura, ky xhihadist po i ripërsërit që disa vjet. Pas publikimit për herë të parë në gazetën Koha Ditore, të intervistës me Shkumbim Mehmetin, ekskuzive ishte kur ky xhihadist përgatiti një deklaratë për Xhavit Halitin, e cila përmbante “dëshminë” se unë kisha angazhuar Florim Ejupin për ta vrarë Xhavit Halitin. Atëherë qe përmendur shuma prej 240 mijë euro, si honorar mercenar për vrasje. Edhe atëherë Batoni e pat ftuar Xhavit Halitin të rrëfente edhe për atë “ekskluzivitet”. Tash, z. Haxhiu ankohet, përse nuk kishte reaguar prokuroria.

Por, t’i kthehemi më konkretisht “intervistës”, që emetoi Baton Haxhiu, më 11.02.2018.

Minuta fillestare / prezantimi konfuz i “intervistës” nga Baton Haxhiu:

“Ky edicion i zonës se debatit është i vëçantë, pasi ju sjellim një rrëfim të jashtëzakonshëm. Në vent të t’ftuarëve të mi në studio, do t’mund t’ndjekim bashkë deklarata ekskluzive, nga ni intervistë të ni t’denuarit, dëshmitar i mbrojtur i Pokurorisë speciale që pranon se është pjesëtar i një grupi kriminal, i cili ka kryer krime të shumta pas luftës, përfshirë edhe vrasje politike. Intervistën me ket person, i cili quhet Shkumbin Mehmeti, e ka realizuar gazetarja e Klan Kosovës Blerta Ahmeti. Dhe unë i kërkoj falje asaj që po ia marrë ekskluzivitetin, duke ia prezantuar punën e saj këtiu, më zonën e debatit…

Intervista është realizuar në burgun e sigurisë së lartë…

Nga goja e tij do të dëgjoni si kanë vra 13 ose 14 veta pas lufte…

Atëherë po shkojmë me rrëfimin e tij: si dhe kush e formoi grupin kriminal?

E kemi nda në dhjetë sekuenca të randa dhe kujdes që të mos jenë fmijë aty se si rrëfen me lehtësi për vrasjen dhe për atë qqë kanë dështuar t’vrasin.

Atëherë video 1. Ja, ky është Shkumbin Mehmeti, anëtar i grupit 13, 14 vetesh, të kryesur nga një anëtar i dikurshëm i Lëvizjes Popullore të Kosovës. Dhe do e shihni kush janë ata. Një grup i rrezikshëm, kriminal, pra, ishte formuar në fund të vitit 2001 në Kosovë. Misioni i atyre që u bënë bashkë ishte, të kryenin vepra të rënda kriminale, përfshi vrasje politike për qëllime të ndryshme t’themeluesve ti, që sipas Shkumbim Mehmetit, njeri prej anëtarëve të grupit ishin dy vëllezër të njohur për veprimtarinë e tij në Perëndim po dhe në Kosovë…

Për formim të grupit dhe aktivitetin e grupit, gjithnjë sipas Mehmetit, dinin edhe personalitete tjera me emer e nam te madh në vend, emrat e të cilëve KLAN Kosova i di, por i ka hequr me nje “bip”… Për arsye publike e profesionale ka vendos të mos i shfaq për publikun deri sa të kontaktohen më vonë, pas transmentimit të këtij emisioni.

Grupi u shkatërrua në fundit 2004…”

Ky prezantim, me paralajmërim kaq alarmues, patjetër do t’i ketë alarmuar tv-spektatorët dhe, pastaj, edhe publikun më të gjerë, se vërtet do të dëgjojnë të vërteta tmerruese nga një kriminel i penduar, tashmë me status të dëshmitarit të mbrojtur.

Kulmi i këtij paralajmërimi alarmues: “Nga goja e tij do të dëgjoni si kanë vra 13 ose 14 veta pas lufte. Si dhe kush e formoi grupin kriminal. Ja, ky është Shkumbin Mehmeti, anëtar i grupit 13, 14 vetesh, të kryesur nga një anëtar i dikurshëm i Lëvizjes Popullore të Kosovës. Një grup i rrezikshëm, kriminal, pra, ishte formuar në fund të vitit 2001 në Kosovë. Misioni i atyre që u bënë bashkë ishte, të kryenin vepra të rënda kriminale, përfshi vrasje politike për qëllime të ndryshme t’themeluesve ti…”

Pa qenë jurist, mua me rezulton se Baton Haxhiu, me këto konstatime, ka bërë vepër penale, sepse ka prejudikuar se “dëshmitari i mbrojtur” do ta thotë të vërtetën, me përmasa kaq kriminale, për grupin e themeluar në vitin 2001 (po vetëkuptohet, nga unë, Ibrahim Kelmendi, siç do të konkretizohet shumë herë gjatë kësaj “dëshmie”).

Baton Haxhiu paralajmëron përdorimin e shurdhuesit “bip“, kur “dëshmitari i mbrojtur” përmend emra personalitetesh, që të mos kuptohen emrat e tyre, por, në rastin kur përmendet emri im, ai asnjëherë nuk e ka përdorur këtë lloj shurdhimi.

Pra është e qartë se, gjithë këtë teatralitet alarmues e denoncues z. Haxhiu e ka bërë, kryesisht, për diskreditimin tim, por le t’u mbetet kompetentëve zyrtar e profesionistë të bëjnë vlerësimin, nëse është kështu, si po e (dis)kualifikoj unë këtë “dëshmi” kaq alarmuese.

Minuta 07’10”: /Shkumbin Mehmeti:

“Në vitin 2003 iu kam bashkangjit grupit…”

2001. Baton Haxhiu e ka dëgjuar disa herë këtë “dëshmi”, nga e cila rezulton se “dëshmitari i mbrojtur” i qenkësh bashkangjitur gurupit në vitin 2003, por që, siç rezulton nga rrëfimet e tij, do të rrëfejë për formim të grupit në vitin 2001.

Megjithëkëtë, z. Haxhiu e vlerëson të saktë këtë dëshmi, që e shtynë t’i bëjë konstatimet prezantuese që i citova më lartë. “Dëshmitari i mbrojtur” mua nuk më ka takuar, as më ka njohur në vitin 2001, por ky fakt nuk ka ndikuar që z. Haxhiu të shurdhojë emrin tim, si në rastet e tjera.

Minuta 15’45” / Baton Haxhia:

“E shihni ket fotografi. Kush ishte përfshi në vrasjen e Zamajt, si u planifikua dhe si u krye vrasja e Tahir Zemajt? Kush ishte iniciator? Kush nga te medhjte e politikes u pajtua me kete atentat? Pse u vra ai dhe kush ishin autoret e nje prej vrasjeve më të rënda pasl lufte? Shkumbin Mehmeti thotë se ka dëgjuar shumë për ket rast, ndonëse pretendon se nuk ka qenë pjesë e organizimit. Për më shumë të dëgjojmë verzionin qe ai jep për ket vrasje…, atëherë ta dëgjojmë rrëfimin…”

Krimineli Shkumbin Mehmeti ka përmendur emra konkretë, sipas tij, të “urdhëruesve“ të tyre. Batoni i ka fshirë ata emra, por jo në ato përmasa, sa, p.sh., të mos hetohet emri i Ramush Haradinajt, por nuk e ka fshirë emrin tim, as emrat e atyre që, vrasësi Shkumbin Mehmeti, i ka akuzuar për vrasës aktivë.

Pra, këtu dalin në pah motivi dhe qëllimet e Baton Haxhiut, për emetimin me kaq pompozitet, të kësaj “dëshmie”, të këtij shpifësi, me paraqitje xhihadisti.

Minuta 24’32” / Baton Haxhia:

“Dhe, siç e thash edhe në fillim, po ua përsëris edhe njëherë, ky është dëshmitar i prokurorisë së EULEX-it, ka shpreh dëshirën me qenë edhe dëshmira i mbrojtur, e po flet hapur…”

1. Haxhiu me këto stërpërsëritje synon t’i bindë tv-spektatorët, që t’iu besojnë dëshmive të vrasësit Mehmeti, sepse ai është dëshmitar i prokurorisë së EULEX-it! “Ku dhëmbë shëmbi, shkon gjuha“, thotë proverbi. Kjo do të thotë, z. Haxhiu synon t’i imponojë, gjithsesi, si dëshmi të vërteta, këto shpifje!

Minuta 25’35” / Baton Haxhiu:

“Shikoni ket fotografi, versioni i vrasjes se deputetit Smajl Hajdari. Ky grup, sipas rrëfimit të Shkumbin Mehmetit, e ka krye edhe vrasjen e deputetit të LDK-së, Smajl Hajdaraj…”

Në vazhdim, vrasësi Shkumbin Mehmeti, rrëfen emrat e vrasësve, edhe pse vetë, siç thotë, nuk ishte pjesëmarrës në atë vrasje. TV Klani, për qëllimet e përcaktuara të B. Haxhiut, as kësaj radhe nuk i ka mbuluar ata emra!

Minuta 40’05” / Baton Haxhia:

“Dhe e kemi një situatë tjetët. Si deshen ta vrasin Xhavit Halitin?…

Planet e pa realizuara për vrasjen e Xhavit Halitit. Një target tjetër i grupit ishte Xhavit Haliti, anëtari i PDK-së. Ky. sipas Mehmetit, ishte paraparë të ekzekutohej për shkak të Fondit ‘Vendlindja thërret’ por edhe për shkak të vrasjes në Shqipëri të një luftetari të madh të UÇK-s. Se kush ishte i ngarkuar për ta likuiduar Halitin dhe kush i tregoi atij se është cak i një atentati e kuptojmë nga deklarat e tashme e Shkumbin Mehmetit. Xhavit Haliti para ca vitesh në Zona B e ka rrëfyer rastin, por askush, ama askush nga prokuroria nuk pat reaguar. Ta dëgjojmë rrëfimin për planin e pa realizuar për vrasjen e Xhavit Halitit.”

Ky teatralitet i z. Haxhiu, aktërim i stisur, ka për synim të bindë tv-spektatorët që të besojnë në shpifjet e “dëshmitarit të mbrojtur”. Kjo shpifje është bërë me porosi, që ta ketë si provë Xhavit Haliti, për të më denoncuar, i bindur se ishte rast i volitshëm që të hakmerrej kundër meje për konfliktet që kishim mes nesh, para e gjatë luftës, Xhavit Haliti dhe unë. Sigurisht, z. Haxhiu këtu nuk e kamuflon fare angazhimin e tij, në anën e z. Haliti, prandaj i plason këto shpifje të “dëshmitarit të mbrojtur”, si të vërteta.

Minuta 41’35” / Dëshmitari i mbrojtur:

“Në janar 2015-tës kam dhanë deklaratë se ky grup që është bë prej Ibrahim Kelmendi eee, posaqerisht prej Ibrahim Kelmendi, ka ba marrëveshje, ka pagua Florim Ejupin me e vra Xhavit Halitin. E kam deklaratën që ia kam dhanë Xhavit Halitit… Pasi ka marrë vesh Agroni ka ndërhy dhe e ka penguar Florim Ejupin mos me e vra Xhavit Halitin… Ibrahim donte me e vra Xhavitin për përfitime të veta personale…”

Këto shpifje e insinuata, që mund të jenë porositur nga Xhavit Haliti, ose që vetë  xhihadisti Mehmeti, mund t’i ketë sajuar për të krijuar favore personale, përfitime financiare, nuk meritojnë komente.

Krimineli i burgosur dhe i dënuar me 30 vite burg, ka kohë të fantazojë mënyra, për të dalë nga burgu, për të përfituar para e favore të tjera. Shpifjet e tij, prandaj edhe mund të arsyetohen, por nuk mund të arsyetohen shpifjet e porositura dhe,  sidomos, nuk mund të arsyetohet mundësia që i është dhënë “dëshmitarit të mbrojtur”, për t’i plasuar shpifjet e tij përmes televizionit. Aq më pak arsyetohet mënyra e plasimit dhe e komentimit të tyre nga z. Haxhiu.

Ata që ia kanë mundësuar “dëshmitarit të mbrojtur”, plasimin spektakular dhe në ato përmasa të shpifjeve të tij dhe, sidomos z. Haxhiu, do të duhej të përgjigjeshin për këtë lloj agresioni kundër meje.

Minuta 43’35” / Baton Haxhiu:

“Cili është plani për trazirat e marsit 2004?! Detyra tjetër që kishte marrë grupi më pas ishte e jashtëzakonshme. Misioni i ri ishte të organizoheshin ato që më vonë  do të njihen si trazirat e marsit 2004…”

2004. Haxhiu vazhdon me avazin e tij, për ta plasuar “grupin” edhe me plan për trazira të marsit 2004.

Minuta 53’28” / Dëshmitari i mbrojtur:

Gjatë gjykimit të grupit prej 13 vetave… në fund të gjithë u liruan, vetëm unë u dënova… Ata u liruan vetëm pse ishin pjsëmarrës në vrasjet tjera politike që kanë ndodh në Kosovë… (minuta 59’45”:) Ibrahim Kelmendi ka ndërhy te Norbert Kosteri, kryetari i trupit gjykues, edhe janë liru…”

Unë kam marrë pjes në disa senaca gjyqësore të këtij “grupi” prej 13 vetash dhe kam krijuar bindjen se ishin viktima, të organeve përkatëse, vendore e ndërkombëtare, për t‘u arsyetime se, më në fund, i gjeten organizatorët e trazirave të marsit 2004, dhe atyre po iu bëhet gjyq në rrethana alarmante, në ambiente të sigurisë së lartë, të burgut në Dubravë. Në fund trupi gjykues, i përbërë vetëm nga gjyqtarë të huaj, i shpalli të gjithë të pafajshëm, pra, edhe Shkumbin Mehmetin.

Tash, krimineli Shkumbin Mehmeti, teatralisht dhe kopilisht, i përzin dy procese gjyqësore: atë për trazirat e marsit 2004, ku iu është bërë proces 13 vetave dhe u shpallen të pafajshëm, dhe procesin tjetër gjyqësor, për vrarje të policëve, vrasësi Shkumbin u dënua me 30 vite burg.

Me kryetar të trupit gjykues, gjermanin Norbert Koster, nuk kam biseduar fare për pajfajësi të të akuzuarve, siç shpift xhihadisti Shkumbin. Fatmirësisht ai, duke qenë profesionist fanatik, ia doli të demaskonte veprimtarinë kriminale, sidomos të hetuesve Fadil Syleviq dhe Gojart Kelmendi, që kishin sajuar “grup të organizuar” dhe kishin dresuar edhe dëshmitar të rrjeshëm, një rast tepër ngjashëm me këtë të Shkumbin Mehmetin tani. Edhe ai ishte dëshmitar burgaxhi për krime hajnije. Edhe atij i ishte premtuar ta emigronin, pastaj, në Amerikë, si shpërblim, siç e paskëshin shpërblyer edhe Shkumbim Mehmetin, me strehimin e familjes së tij në Perëndim dhe tani ky pret shpërblimet e radhës, pse jo, edhe amnesti nga presidenti…

Provë për atë proces gjyqësor dhe për vendimin e trupit gjykues, për shpalljen e të gjithë të të akuzuarve të pafajshëm, është ai aktgjykim. Zotëri Haxhiu, prandaj, do të duhej, të paktën, të skuqej, për këtë lloj komploti, i cili më  ka shkaktuar shqetësime tepër serioze.

Megjithëkëtë, unë uroj që hetuesia, prokuroria dhe gjuqësia do t’i shqyrtojnë këto shpifje, kaq flagrante të z. Baton Haxhiu, kësaj radhe i angazhuar si “verifikues“ i “dëshmive” e “deklaratave” të bëra nga ky “dëshmitar i mbrojtur”, vrasësi e xhihadisti Shkumbin.

Unë do të kërkoj nga institucionet kompetente të zbulohen motivet e kriminelit Shkumbin Mehmeti – për cilat qëllime e favore i ka trilluar ai këto shpifje? Mua me rezulton që ai ka llogaritur në  favoret që po iu ofrohen dëshmitarëve të mbrojtur, edhe kriminelë, edhe duke ua sistemuar familjet jashtë Kosove, pavarësisht dëshmive të tyre të rreme dhe dëmeve që i shkaktojnë ato.

Tjetra, mbase xhihadistin Shkumbin Mehmeti e kanë informuar, tashmë, për angazhimin tim, këto 7-8 vitet e fundit, kundër islamistëve agresivë, dhe, prandaj, si i konvertuar i ri në xhihadist, ai do të bëjë vepra “në shërbim të Allahut”, që t’i shpërblehen në xhenet edhe me 73 hyri (virgjëresha), sepse, edhe gjatë procesit gjyqësor në Dubravë, kemi pas rast të dëgjojmë përgjime që i janë bërë telefonit të tij, se çfarë shpërfytyrimi seksist, muhamedan, kishte manifestuar ai pervers.

Mundësia e tretë, komplotistët Xhavit Haliti dhe Hashim Thaçi duhet ta kenë motivuar me financa dhe me premtim për amnesti kriminelin Mehmeti, që të pranojë dresurë për të shpifur kaq vulgarisht për atentatin në tentativë ndaj Xhavit Halitit, me shpresë se do të vlerësohen nga institucionet përkatëse si prova dhe, kështu, do të hakmerreshin kundër meje, për demaskimin që po ua bëj  këtyre marionetave komplotiste.

Uroj të hetohet e shqyrtohet ky agresivitet i orkestruar kundër meje, i cili prodhon edhe rrezikshmëri fizike për jetën time, pos shqetësimeve psiqike.

13.01.2012

Ibrahim Kelmendi

Delegacioni i Kosovës dhe ai i Serbisë pritet të rinisin takimet në Bruksel në datën 16 janar.

Lajmin e ka bërë të ditur shefi i emëruar për bisedimet me Serbinë nga qeveria e Kosovës, Avin Arifi, përmes një interviste për Klan Kosovën.

“Qysh me të 16-tin pritet të ketë takim në Bruksel dhe ne kemi filluar përgatitjet dhe do të jenë takime treditore. Në ditët në vijim do të kemi më shumë informacione sa i përket kësaj vizite”,, ka treguar Arifi.

Megjithatë, Arifi ka treguar se bisedimet do t’i udhëheqë presidenti i Kosovës, Hashim Thaçi, ndërsa qeveria do ketë më shumë rol të implementimit të marrëveshjeve të arritura.

Sikur ne shqiptarët të kishim afinitetin e bashkimit, dashurisë dhe respektin ndaj njëri-tjetrit siq e kemi të zgjuar ndjenjen e urrejtjes, të ndarjes dhe përçarjes sot do të ishim njëri ndër popujt më të civilizuar të botës dhe faktori kyq i të gjitha zhvillimeve politike jo vetëm në Ballkan por në mbarë kontinentin Evropian.
Lufta e fundit, e në veqanti paslufta na i nxori në shesh të gjitha dobësitë tona.
Mbështetjen e fituar ndërkombëtare në saje të një lidershipi të urtë dhe të përgjegjshëm, vizionarë dhe pragmatik siq ishte presidenti historik, Ibarhim Rugova, për çlrimin e vendit nga robëria shekullore dhe pavarësimin e shtetit tonë nga Serbia, gradualisht jemi duke e humbur me këta mistrecët e vegjël, kusarët dhe matrapazët politikë, të cilët jo vetëm që nuk marrin gjë vesh nga politika, e gërryen shtetin duke plaçkitur çdo gjë publike dhe shtetërore.
Vënja e interesit personal para interesit të shtetit ishte prioritet i të gjitha qeverive të paluftës, respektivisht i 6 legjislaturave të deritanishme të Kuvendit të Kosovës, ku të zgjedhurit e popullit (deputetët) në vend të mbrojtjes së interesave të qytetarëve u shndërruan në instrument të pushtetarëve, duke mos qajtur asnjëherë hallin e qytetarëve, fatin e parasë publike dhe as të ardhmen e shtetit.
Si pasojë e kësaj situate, e kemi këtë gjëndje tejët dëshpruese dhe të pashpresë në vendin tonë. Kështu pra, jo vetëm nga “çlirimtarët” por edhe nga “institucionalistët”, për afro 20 vjet rresht shteti i Kosovës u trajtua si plaçkë lufte e jo si atdhe i politikanëve qofshin ata në pushtet apo opozitë.
Sindromi i ndarjes fatkeqe të subjekteve politike fillon pas shkuarjes në amshim të presidentit historik Ibrahim Rugova, gjegjësisht me LDK-në në Kuvendin e VI-të zgjedhorë të saj, ku ndodhi ndarja e dhimbshme e këtij subjekti politik i cili edhe në ditët e sotme po lëngon nga ajo ndarje fatkeqe.
Pas kësaj, patëm ndarje dhe shthurje totale të subjekteve të vogla politike, derisa ndodhi ndarja tjetër e subjektit të madh politik-PDK-së, ku eskponentët dhe themeltarët e këtij subjekti politik u ndanë për të formuar një nismë të re politike, e cila edhe pas shumë viteve ende ndodhet në margjinat e saj, si një nga subjektet më të vogla politike në vend.
Fuqizimi i Lëvizjes Vetëvendosje në zgjedhjet e fundit nacionale të qershorit të vitit të kaluar ishte surpriza më e këndshme dhe shpresa për një ndryshim jo aq shumë të dëshiruar nga popullata por si e vetmja mundësi për largimin e së keqës së instaluar në këtë vend tani e 19 vite më parë.
E thash pikërisht kështu, pasi bashkimi i LDK-së në qeverisje me uzurpatorët e shtetit u kishte dhënë fund të gjitha shpresave të qytetarëve për ndryshime pozitive në vendin tonë.
Kështu, Lëvizja Vetëvendosje si subjekti më i madh politik, i pasprovuar deri më tani në qeverisjen qendrore kishte mbetur shpresa e vetme për ndryshimin e kursit qeverisës në vendin tonë.
Qeverisja teknokrate në komunën e Prishtinës në njërën anë dhe dualizmi në udhëheqjen e VV-së i shkaktuan tronditjen më të thellë këtij subjekti politik (organizate politike), e cila për të mos thënë të pamundur, do ta ketë të vështirë të rimarrë veten pas “apokalipsit” të dorëheqjeve, ndarjeve dhe përçarjeve të thella në këtë subjekt politik.
Përderisa dorëheqjet në VV shihen qartë se janë të orkestruara, enigmë mbetet dirigjenti i tyre, gjegjësisht shkaktari i “apokalipsit” në këtë organizatë!

Ndarja e “shapit nga sheqeri” i vetmi shpëtim për VV-në

E kam thënë edhe në një rast, po e përserisë prapë, tërheqja e zotit Albin Kurti nga posti i kryetarit të VV-së ishte akt i pamenduar mirë, konseguencat e të cilit veprim po i vuan sot VV-ja, me ç’rast Kurtit i doli gjithçka nga kontrolli!
Në anën tjetër edhe hapja e dyerëve për të gjithë të arratisurit nga partitë e tjera, çoi në grumbullimin e llumit nga të gjitha anët “lumit”!
Kur kësaj i shtohen edhe personat me dosje të dyshimta, të akuzauar për korrupsion dhe krim të organizuar gjersa ishin në partitë e tjera e rëndoi akoma më tepër situatën në këtë subjekt politik.
Dorëheqjet e figurave qendrore dhe kryetarit të VV-së, nuk është se janë akte morale as ndërgjegjësimi, por janë ngatërrim i koncepteve politike dhe ambicieve për krijim të monopolit politik në LVV.
Si do që të jetë, LVV-ja dhe lideri i saj Albin Kurti ndodhen para një sprove historike, të pastrimit të kësaj organizate nga figurat e dyshimta, të lidhura me korporatat e inkriminuara biznesore dhe të korruptuarit politik apo të mbetjes peng i oligarkëve ekonomik, këtij sindromi kancerogjen të shkatërrimit të shtetit dhe ekonomisë vendore.
Vetëm ndarja e “shapit nga sheqeri” mund ta shpëtoj VV-në nga katandisja e mëtutjeshme dhe kthimin e besimit në elektoratin e saj. Në të kundërtën, kjo organizatë e profilit të majtë politik përveq rënjës enorme në elektorat rrezikon shthurjen totale të saj.
Pasojat e sindromit ndarës të skenës politike kosovare, të kësaj klase politike të korruptuar, të shantazhuar nga Serbia dhe nënshtruar nga bizneset e inkriminuara, do t’i i vuan popullata me varfëri dhe izolim akoma më të gjatë ndërkombëtarë.
Për fund edhe një konstatim hipotetik, partitë në pushtet dhe opozitë, rivale të VV-së duke e parë fuqizimin e saj nga zgjedhjet nacionale të 11 qershorit 2017, kur ky subjetk doli fitues moral i zgjedhjeve përballë dy koalicioneve të mëdha, mund të jenë të implikuara subjekte vendore dhe ndërkombëtare në minimin e saj si nga brenda ashtu edhe nga jasht!
Në Kosovën e pasluftës të gjitha partitë politike me përjashtim të Lëvizjes Vetëvendosje u bënë “Përrallë me tupan”, duke vrapuar pas pushtetit në gjysëm shtet!
I vetmi subjekt politik i cili u qendroi besnik parimeve dhe elektoratit të saj, është Lëvizja Vetëvendosje, duke mbrojtur parimet dhe deklarimet publike, elemente këto që mund ta mbajnë këtë subjekt akoma unik dhe kredibil para elektoratit kosovar.
Po ashtu enigmë mbetët fakti, se si do të funksionoi LVV-ja pas “apokalipsit”, a do të mbetët edhe më tutje organizatë apo do të profilizohet si parti politike e qëndres së majtë!
Pavarësisht, zgjidhjes që do të gjejnë drejtuesit e saj në të ardhmen, “apokalipsi” LVV-së përveq freskisë, do t’i sjellë edhe pastrimin nga jashtëqitjet e partive tjera, ristrukturimin dhe reformimin më substancial seqë ka ndodhur deri më tani tek subjektet tjera politike.
Rasti i fundit i përçarjes dhe dorëheqjeve në LVV e dëshmoi katërçipërisht se kuantiteti asnjëherë nuk e garanton cilësinë dhe suksesin e një subjekti politik.
Janë parimet e shëndosha, demokracia e brendshme dhe qëndrueshmëria në veprime që përcaktojnë të ardhmen e sigurtë të subjekteve politike.
Situata e krijuar në skenën politike, ku përveq LVV-së, era e përçarjeve të thella po fryen edhe në PDK shkaku i Speciales,…përderisa AAK-ja nuk dihet se në cilën pjesë të “oqeanit” do të lundroj pas dështimit në shfuqizimin e Gjykatës Speciale,…kurse LDK-së i mungon guximi dhe fuqia vepruese në zbardhjen e vrasjeve të veprimtarëve të saj gjatë dhe pasluftës shkaku i mungesës së reformave të brendshme, të cilat edhe do t’i kthenin namin që kishte dikur në skenën politike kosovare!
Andaj, pashmangshëm rrjedh konstatimi logjik; do të ishte iluzive t’u besohet tutje partive politike dhe liderëve që nuk janë të zotët të realizojnë reforma brenda subjekteve që drejtojnë, e lërë më të krijojnë konsensus ndërpartiak për tema madhore për vendin.

Ndonëse Kosova ende nuk mund të jetë pjesë e festivalit europian të muzikës, tashmë zyrtarisht, nëpërmjet Innovation Centre Kosovo (ICK), është pjesë e Startup Europe Awards, garë e Komisionit Evropian, e njohur ndryshe edhe si “Eurovizioni i Bizneseve Startup”.

Gara e cila i bën bashkë të gjitha shtetet e kontinentit të Evropës, nga viti 2018 do të ketë një shtet më shumë – Kosovën. “Startup Europe Awards” është nismë e Komisionit Evropian & Fondacionit Finnova, me mbështetje të Presidentit të Parlamentit Evropian, Presidentit të Komitetit të Regjioneve dhe anëtarëve të Parlamentit Evropian.

Startup Europe Awards (SEUA) është garë e bizneseve startup dhe inovative në nivel lokal, regjional, shtetëror dhe evropian, që për qëllim ka nxitjen e inovacionit, zgjidhjeve të reja dhe bashkëpunimin ndërmjet akterëve kryesorë brenda ekosistemit evropian të ndërmarrësisë. Përveç kësaj SEUA synon rrjetëzimin e bizneseve, promovimin e tyre dhe identifikimin e nevojave urgjente për financim. SEUA mbledh rreth vetes organizatorët, inkubatorët & akseleratorët e biznesit, universitetet, fondacionet, investitorët engjëj, për një të ardhme më të mirë për bizneset startup dhe zhvillimit ekonomik të Evropës në përgjithësi.

Gara prestigjoze që nga viti 2018 në Kosovë organizohet nga Innovation Centre Kosovo (ICK) do të jetë e ndarë në kategori të ndryshme si: Industri Kreative, Energji, Fintech, Green, e-Health, Internet of Things, Smart Cities, Siguri Kibernetike, EdTech, AgriTech, Modë dhe ndryshime klimatike. Fituesi i garës shtetërore, do të përfaqësojë vendin tonë në nivel të kontinentit.

Detajet rreth organizimit të edicionit 2018 në Kosovë, do të bëhen publike nga ana e organizatorit, gjatë muajve në vazhdim.

Deri me sot patem disa zgjedhje locale dhe zgjedhje qendrore të cilat zgjedhje qytetareve të Kosovës nuk u sollën shumë të mira. Dhe , shtrohet pyetja logjike ;Se a ja vlen dalja në zgjedhje , ose pse kurrë në zgjedhje nuk dolën as 50 përqind të atyre të cilët paten të drejtë vote?Kjo pyetje kërkon analizë dhe zberthim të gjerë nga partite politike , organizatave jo qeveritare të cilët merren me analiza politike etj . Më në fund të merret nisma për debate se a duhet dalë në zgjedhje apo edhe duhet bojkotuar ato , pas gjithë këtyre deshtimeve të partive shtetëformuese në zhvillm dhe mirëqenje të përgjithshme ?

Nese shikohet interesi actual i partive politike, këto do të bëjnë thirrje për dalje në zgjedhje .Po kurrë sa duhet nuk I realizuan premitimet e dhëna para elektoratit.Kurrë nuk krijuan kushte as rrethana të volitshme dhe as nuk krijuan vullnet qytetarë për dalje masovike në zgjedhje .Edhe pse zgjedhjet në përgjëthësi u cilësuan si të rregullta dhe demokratike , nuk ishte krejt ashtu.Nuk patem as opozitë të fortë e cila do ta kontrollonte ashtu si duhet punën e pozitës. Nuk po kemi reformë zgjedhore ,së një reformë e tillë sigurisht së bie ndesh më interesat e grupeve të fuqishme të partive politike .Askush deri më sot nuk mori përgjëgjësi për gjitha dështimet në politikëbërje , në stagnim të zhvillimit ekonomik dhe në stagnim të proceseve demokratike . Institucionet e shtetit duhet të drejtohen më shumë nga profesionistët .

Me këto vendime të deri tashme të kësaj kaste politike nuk mund të jemi të kënaqur dhe as që mund të presin së do të respektohet e drejta qytetare .E krijuam Agjensionin Antikorrupcion por qe nuk ishte efikas nga ndërhyrja e politikës.Edhe shumë medie nuk I përmbushen standardet profesionale dhe etikën elementare .Edhe disa televizione private u sollen më shumë si tifozeri jashtë kritereve profesionale. Institucionet ishin ato të cilat krijuan opinione të caktuara në medie duke ndikuar kështu edhe në rezultatet zgjedhore . Sistemi actual zgjedhor nuk na solli diqka të mirë , nuk solli në pushtet njerëzit sa duhet të përgatitur për sfidat e sistemit shumë partiak pluralist .Pa lista të hapura dhe pa shumë zona zgjedhore nuk ka mundësi që qytetarët ti zgjedhin njerëzit në të cilët kan më shumti besim , të cilët do ti mbronin interesat e tyre pa dallime partiake .Pa lisita të hapura më duket mua nuk do të kemi institucione shumë kredibile në Kosovë.Qytetarët duhet ta ken mundësin që mos tia japin besimin atyre të cilët nuk I përmbushën interesat e tyre .

Këtë gjë e bën të mundur listat e hapuara.Kosova sigurisht do të ishte shumë më shumë e zhvilluar .Deri atëherë kur qytetarët nuk e kan fuqinë e duhur vendimarrese e cila edhe u takon sipas kushtetutës , deputetet dhe nëpunësit partiak e shtetëror nuk do të frikësohen nga sovrani –popull, dhe do të sillen dhe do të veprojnë më gjuhën poltroniste .Sistemi zgjedhor do të duhej të ndryshohet për të mirën e këtij vendi. Nese nuk sigurohen kushtet optimale për zgjedhje korrekte dhe demokratike , atëherë për qka na shërbëjnë zgjedhjet ?Kur nuk bëhën reformat e nevojshme për ti kontrolluar partitë politike , atëherë edhe zgjedhjet nuk kan shumë kuptim .Sigurisht se reforma zgjedhore kërkon kohë, dije dhe mund .Do të ishte mirë të plotësohen kushtet optimale për dalje në zgjedhje, sepse vëtem kështu bëhët gara interesante, dhe zgjedhjet nuk mund të konsiderohen paraprakishte si zgjedhje të humbura dhe humbje e kohës.

Në foto, nga e djathta: Xhemail Mustafa, Adem Salihaj, Enver Maloku, Sabrije Spahiu, (?), piktori Guri Madhi dhe autori i këtij përkujtimi

Enver Malokun e kam njohur në vitin 1970 kur e ka filluar punēn nē Televizionin e Prishtinës. Ai vinte nē Redaksinë e Kulturës si njē intelektual i formuar, plot energji.
Enveri ishte njē gazetar i ardhshëm guximtar. Ndaj, nuk e pati gjatë si gazetar në TVP. E “pagoi” guximin – vyrtytin qē e mbante si emblemē dhe që nuk donte ta fshihte, për asnjē çmim. Ai ishte një gazetar rebel.
E kam ‘rinjohur’ në fillim të viteve ‘90, si drejtues të QIK-ut nē Prishtinë, si njē gazetar midis gazetarëve – heronj të fjalës së lirë, – atyre që po i bēnin karshillëk me laps regjimit policor-ushtarak serb.
Enveri ishte korrespondent i gazetēs shqiptare – amerikane “Illyria” në New York, nga viti 1991 deri ditën e fundit të jetës së tij.
Tashmë po e njihja edhe më mirë. Mund ta thērrisja më telefon nga New Yorku në çdo kohë, edhe në mesnatë …
Maloku ishte një kronikan i palodhshēm i zhvillimeve dramatike në Kosovēn e pushtuar. Ai ishte një zēdhēnēs i devotshēm i Lēvisjes Paqēsore tē Liderit tē Kosovës, Ibrahim Rugova, si dhe shpresēdhēnës – si korrespondent I Gazetēs, – i Diasporēs më tē moçme shqiptare, nē Atdheun e tyre të dytë – Amerikēn e ‘Shpresave tē fundit të Njerēzimit’.
Ata që e kanē njohur mirë Malokun kanē parë tek ai – të shtruara në kolumnet e tij – aftësinē e vrojtimit të mprehtë të fenomeneve sociale konfliktuale. Në kētē kontekst – edhe të sindromës së konfliktualitetit brendashqiptar. Simbas tij, ky fenomen vinte si pasojē e lodhjes nga pushtimi i gjatë serb, por edhe si një ‘prirje’ fatkeqe shekullore shqiptare.
Maloku mbante një qëndrim kritik publik e të guximshëm ndaj këtij fenomeni të rrezikshēm, qē po e dēmtonte rëndë Kosovën.
Maloku mbetet në historinë e gazetarisë kosovare simbol i gazetarit të guximshëm e fisnik.
*
Maloku u vra më 11 Janar 1999 nē prag tē shtēpisë, në sy të familjes, mbas një atentati, tre muaj më parē, po në prag të shtëpisë.
Vrasēsi nuk u gjet deri sot.
Turpi bie mbi drejtësinë kosovare.
Shkaqet e vrasjes mund të merren me mend, ashtu si dhe ‘heshtja’ 19 vjeçare e Drejtësisë!
Marathonomaku u pengua mizorisht të jepte Lajmin e Lirisë, atë lajm tē cilit ai ia kushtoi tërë jetën.

Në burgjet serbe malltretimet më çnjerëzore kundër shqiptarëve!

Pas shuarjes me dhunë të veprimtarisë të grupeve nacionaliste të NDSH-së,në Kosovë vepronin dhe militonin, kryesisht intelektualët, edhe në vitet `80-a, si ideologji bazë kishin marksizëm-leninizmin. Kjo shpjegohet me faktin se shteti amë, Shqipëria, ishte kyçur në këtë sistem qysh gjatë Luftës së Dytë Botërore, në miqësi të thellë me Rusinë, Jugosllavinë dhe aleatët e tyre!

Tefik Ramadani

Njëri nga këto grupe politike në vitin 1981, ishte edhe ai i kryesuar nga Sejdi Veseli (FNÇ). Ky ishte një grup i madh, i dënuar së bashku, ku bënte pjesë edhe mjeku defektolog, Tefik Ramadani.

Para trupit gjykues të Gjykatës së Qarkut të Prishtinës, të udhëhequr nga gjykatësi Ahmet Ahmeti , të mbajtur në qershor të vitit 1984 dalin 20 të akuzuar (në mesin e tyre edhe heroi Afrim Zhitia), të cilët dënohen me dënime shumë të rënda.

 Më shumë se kureshtja, më ka interesuar të mësoj për qasjet politike të kohës të grupeve ilegale në Kosovë. Në përgjithësi, dominon ideologjia komuniste, madje, ekstremi i saj, marksizëm-leninizmi.

Por, duke lexuar akt-akuzën dhe Aktgjykimin e Gjykatës Federative Jugosllave (Kps-96/85, datë 30 qershor 1987) kundër Defektologut Tefik Ramadani, konstatoj me kënaqësi, se jo të gjithë anëtarët e këtyre grupeve mendonin njësoj. Një mendim, një qasje ndryshe politike, nga shokët e burgosur e kishte z. Ramadani.

Ai mendonte se dallimet ideologjike, nuancat politike nuk duhet të ishin pengesë për bashkëpunimin, deri në bashkim të grupeve ilegale. Edhe pse kryetari i grupit tërhiqte vërejtje, për dallimet politike-ideologjike, qëndrimi i Tefik Ramadanit ishte se ideologjia politike nuk ishte me rëndësi, por veprimi për realizimin e kërkesës  Kosova Republikë. Dhe në këtë bazë ai propozonte bashkimin e të gjitha grupeve politike, pavarësisht dallimeve ideologjike.  Dhe për këtë ai agjitonte.

Grupet politike, me kërkesat radikale, jashtë çdo mundësie, për t`i realizuar ato, devalvonin vetën dhe jipnin rast për goditje nga pushtuesi. Hyrja në strukturë, për aktivitet politik, si një akt i shënuar, duhej te kërkonte qartësi paraprake, për kërkesat politike, duke u përkushtua në çështjet parësore, logjike dhe më afër mundësisë për realizimin e tyre.

Kërkesa për barazi të shqiptarëve, në raport me kombet tjera në Jugosllavinë Federale, ishte kërkesa reale për kohën. Por kishte edhe nga ata që kërkonin shkëputje nga shteti jugosllav dhe bashkim me Shqipëninë. Një kërkesë e tillë ishte me shumë dëshirë, se sa mundësi reale, për ta realizuar atëherë.

Z. Tefik Ramadani kishte mendim ndryshe edhe përsa i përket regjimit diktatorial të Enver Hoxhës. Ai distancohet kjartë nga rexhimi komunist.

Nga Aktakuza e gjykatës së qarkut të Prishtinës, thuhet kjartë se “Tefik Ramadani ia përkujton Sejdi Veselit se Enver Hoxha i ka zhdukur shokët më të ngushtë, me ç`rast Sejdiu thotë se ata kanë qenë komplotistë. Ndërsa Tefik Ramadani ka shtuar se ideologjia, tani për tani, s`është me rëndësi, por veprimi “armiqësisht” për fitimin e Statutit të Republikës së Kosovës e jo për përkatësine ideologjike”.

Ndërkohë që shokët e burgosur e tepronin me hymnizimin, vërbërisht, sepse ai kishte goditur nacionalistët, atdhetarët shqiptarë, me plumba e burg, shumë me zi se sa pushteti jugosllav shqiptarët e Kosovës.

Pra, i burgosuri politik, Tefik Ramadani, kishte veçori dalluese nga bashkëvuajtësit e tjerë të grupeve politke:

1) Bashkimi i grupeve, pavarësisht pikëpamjeve ideologjike; 

2) Rezerva për regjimin e Enver Hoxhës me polit-byronë e tij komuniste, staliniste. 

Pra, ishte më i avancuar për statusin, që duhej të kishin shqiptarët në atë kohë. Ndërkohë që të tjerët as nuk e kanë thënë dhe as nuk e kanë pranuar.

Akt-akuzat dhe dënimet kundër grupeve politike shqiptare, janë dëshmi sa tronditëse, aq edhe qesharake. Dënimet e rënda, qoftë edhe për lexim literature nga Shqipëria, për biseda krejt normale, në kushte të një pushtimi sa të gjatë, aq edhe të vrazhdët, flasin për fobinë që kishte pushteti komunist jugosllav ndaj shqiptarëve. Le ta sjellim një shembull: Poeti slloven, Ivan Cankar, në vitin 1913 kishte bërë fushatë për bashkimin e popujve sllavë të Jugut, për këtë dënohet me një javë burg. Ndërsa në vitin 1914 pushteti austriak po vëzhgonte dhe kishte kapur Cankarin, duke biseduar-propaganduar në një kafene në Lublanë me disa miqë të tij serb, për këtë ai dënohet vetëm me 6 javë heqje lirie, por për shkaqe shëndetësore, pas pak ditësh, lirohet nga burgu.

Shtypi  austriak i atëhershëm këtë akt politik e kishte quajtur “marrëzi” “budallallëk” të politikës austriake… (Kritik an der „Dummheit“ der österreichischen Politik,^[2] )  Me këtë për qëllim kisha krahasimin dhe dallimin e madh politik, në mes Perëndimit, para 100 vjetësh dhe ish shteteve komuniste, pikërisht të Jugo-Serbosllavisë. Ndërsa për një kërkesë të ngjashme, shqiptarët dënoheshin me shumë vite burgosje!

Në 9 vjetorin e ndarjes nga Zekeria Cana

Me 10 janar 2018, bëhen plot nëntë vite nga ndarja fizike me profesorin, historianin, publicistin dhe veprimtarin e devotshëm të çështjes kombëtare, Prof. Dr. Zekeria Cana, njeriu i cili asnjëherë nuk u ndal së punuari dhe vepruari për çështjen kombëtare, që studioi dhe hedhi dritë mbi ngjarjet historike të kombit tonë deri në ditën e fundit të jetës së tij.
Vetëm pak ditë nga shkuarja në amshim e profesorit të nderuar, rastësisht e lexova intervisten e tij të fundit për revistën “Kosovarja”, të numrit festiv të vitit të ri 2009, nga e cila në kujtesën time ka mbetur e skalitur kjo thënje sa kuptimplote po aq edhe profetike e profesorit, po i citoj;

“Në dhimbje të vjen miku, në gëzime të njohurit, kurse në vdekjen tënde edhe armiqt. I vetmi ofendim, të cilin nuk mund ta ndëshkosh është fjalimi para varrit tënd”!

Nga kjo thënje shihet se profesori kishte parandjenjen se vdekjen e ka shumë afër, andaj kjo në një mënyrë tregon testamentin që i kishte lënë familjes, për një ceremoni modeste të varrimit, pa fjalime dhe pa ceremoni fetare. Kjo në fakt e tregon madhështinë, atdhedashurinë dhe modestinë e skajshme të profesorit të nderuar Zekeria Cana.
Prof. Zekeria Cana punoi dhe është ndër themeluesit e parë të Institutit Albanologjik, këtij institucioni të lartë shkencor, të cilit me punën vetëmohuese shkencore, i dha shpirt e zemër, gjak e gjallëri, duke e afirmuar këtë institucion në rrafshin e historisë tonë kombëtare dhe asaj ndërkombëtare.
Në kohën e pushtimit klasik të Kosovës nga Serbia, në fillim të viteve të ’90-ta, profesori e la akedaminë, e la penën e shkencën të pushojë për një kohë të pacaktuar, për t’u vënë në shërbim të çështjes madhore të lirisë së vendit, duke u ri-rreshtuar në mesin e veprimtarëve dhe aktivistëve të çështjës kombëtare.
Kështu profesori dhe doktori i shkencave, me tërë qënien e vet shpirtërore, mendore dhe fizike iu rrekë veprimtarisë patriotike, si një atdhetarë i rrallë dhe i guximshëm hyri në shpirtin e zemrën e popullit duke u bërë simbol i mbrojtjes së vegjëlisë, sinonim i të drejtave të njeriut dhe i të drejtave kombëtare në veqanti.
Krahas angazhimit politik në alternativen kosovare, kontributi më i çmuar i profesorit Zekeria Cana ishte në pajtimeve të gjaqeve, duke u bërë krahë i fuqishëm i profesorit të nderuar Anton Çeta dhe shumë pajtimtarëve anë e kënd Kosovës në pajtimin e familjeve të hasmëruara dhe unifikimin e popullatës për rezistencë kundër pushtuesve serbomëdhenjë.
Me një fjalë kontributi i Zekiria Canës në pajtimin e gjaqeve ishte shumëdimensional. Ishte guximi dhe vendosmëria, qëndrueshmëria dhe besnikëria, morali i pastër dhe rezistenca e fuqishme përballë dhunës dhe kërcënimeve të policisë serbe që e bëjnë të veqant prej të tjerëve.
Si rezultat i përballjeve të shpeshta me forcat policore serbe gjate aksionit të pajtimit të gjaqeve, profesor Cana në mesin e popullatës ishte bërë sinonim heroizmi e qëndrese heroike, guximi e trimërie të rrallë.
Nga dashuria dhe admirimi, profesor Zekeria Canën, populli ndryshe e quanin edhe si “Luani i Pajtimit të Gjaqeve”.
Nuk ka ngjarje apo aktivitete përgjatë viteve të ’90-ta ku nuk ka qënë me prezencën e tij fizike Zekeria Cana, qoft në tubime apo demonstrata kundër pushtuesve serb, duke e kundërshtuar dhe demaskuar me të gjitha mjetet dhunën dhe terrorin shtetëror të Serbisë hegjemoniste, duke u bërë simbol rezistence paqësore dhe qëndrese burrërore të shqiptarëve të robëruar në Ballkanin jugpërendimorë.
Zekeria Cana, ishte ndër të parët që ngriti zërin, me vendosmëri e guxim kundër vrasjeve të ushtarëve shqiptarë në ish Armatën Jugosllave, duke i hequr të gjitha maskat e terrorit ushtarak serbosllav ndaj shqiptarëve, duke i dhënë kurajo popullit për për një rezistencë akoma më të fuqishme në tubimet e mëdha mortore që shprehnin revoltën dhe urrejtjen kundër okupatorit shekullor serbosllav.
Pothuajse të gjithë të rinjët shqiptarë të vrarë në ish Armatën Jugosllave i varrosi me dorën e tij në tokën dardane gjithandej Kosovës martire.
Zekeria Cana nuk u ndal së vepruari as në përiudhën e lavdishme të luftës çlirimtare, duke vizituar luftëtarët e lirisë nëpër vijat e frontit, në çdo cep e në çdo kend të atdheut, ku përveq mbështetjes morale i ndihmoi edhe materialisht luftëtarët nëpërmjet donatorëve patriot dhe humanist nga të gjitha trojet e atdheut dhe mërgata jonë.
Zekeria Cana në momentet më të vështira u gjet pranë familjes Jashari në Prekaz. Ai me dorën e tij varrosi Adem Jasharin bashk me familjarët e tij dhe gjithë shqiptarët e vrarë në atë masakër makabër, të një sakrifice sublime të panjohur deri atë kohë nga historia e popujve të kësaj pjese të globit tokësorë.
Prof.dr. Cana qëndroi besnik dhe ndau fatin me popullatën e pambrojtur shqiptare edhe përgjatë bombardimit të NATO-s kundër pozicioneve ushtarako-policore e paramilitare të Serbisë në Kosovë.
Edhe përkundër pasigurisë dhe rreziqeve të shumta, çlirimin e Kosovës e priti në shtëpinë e vet në Prishtinë. Pas çlirimit kontribuoi në konsolidimin e shtetit të Kosovës, por asnjëherë nuk synoi poste as privilegje, duke bërë gjithnjë atë që mundi për popullin dhe atdheun e vet.
U largua nga kjo botë, ashtu siq largohen njerëzit e mëdhenjë me vyrtyte të larta njerëzore dhe patriotike. Veprimtaria e tij madhore na bënë të ndjehemi krenar që e kishim një burrë të madh dhe besnik të kombit tonë, veprimtar të çështjes kombëtare dhe historiografisë tonë kombëtare.
Emri i Prof. Dr.Zekeria Canës, do të mbetët emër i pashlyer në kujtesën historike të popullit tonë, si emër i historiografisë, emër i njohur i publicistikës shqiptare, emër i njohur i ecjes tonë kombëtare, emër i shumë brezave që mësuan dhe u frymëzuan nga ai. Me një fjalë Zekeria Cana do të mbetët emër i bekuar gjithkund, kahdo e kudo ndër shqiptarë, ku bukës i thonë bukë e ujit ujë.
Në fund të këtij shkrimi, me modesti dëshiroj të potencoj një fakt për lexuesit. Ndjehem krenar që kam jetuar dhe vepruar në epokën më të lavdishme kombëtare, njëherit ndjehem me fat dhe tepër i privilegjuar që kam pasur rastin ta takoj nga afër dy herë në jetën time Prof.Dr. Zekeria Canën.
Takimi i parë ishte në tubimin e madh të Pajtimit të Gjaqeve të “Verrat e Llukës” me 1 Maj 1990, ku nga afër e pash me sytë e mi guximin dhe heroizmin e një atdhetari,…i cili me trupin e tij ndaloj Autoblindin e policisë serbe i cili ishte i gatshëm të provokoj dhunë dhe gjakderdhje shqiptare.
Ndërsa hera e dytë, ishte pikërisht në fashtin tim të lindjes në Bokshiq, komuna e Klinës, me rastin e zgjedhjeve të para të lira pluraliste për Kuvendin e Republikës së Kosovës të mbajtura më 24 maj 1992, më ç’rast zgjidhet edhe Kryetari i parë i Republikës së Kosovës ( Ibrahim Rugova ) me mandatin e Kushtetutës së Kaçanikut, ku profesor Cana kishte ardhur të vëzhgoi nga afër zgjedhjet e lira dhe demokratike në rrethanat e okupimit klasik të Serbisë.
Prof. Dr. Zekeria Cana ka ndërruar jetë në moshen 75 vjeqare me 10 Janar 2009, duke lënë gjurmë të pashlyera në jetën shkencore, historiografike, publicistike dhe politikës kombëtare.
Edhe pse kaluan plotë nëntë vjet nga shkuarja e tij në amshim, paradoksalisht Zekeria Cana ka mbetur një nga figurat më të anashkaluara nga harresa institucionale, mediatike dhe shoqërore e popullit tonë!.
Duke qënë i bindur se, në një shkrim autorial nuk mund të thuhen gjitha ato që meritojnë të thuhen për një figurë madhore të historisë kombëtare, qëllimi ishte, që me vogëlsinë time të hedhë pakëz dritë rreth një pjese të veprimtarisë atdhetare të Prof.Dr. Zekeria Canës, e për më tepër se kaq, t’u sjellë në kujtesë gjeneratave të reja harresën institucionale ndaj figurave më markante të kombit tonë.
Prof.Dr. Zekeria Cana ishte dhe do të mbetët një nga historianët më të çmuar të Kosoves dhe mbarë trojeve etnike, shëmbull i akademikut dhe intelektualit të guximshëm, veprimtar i paepur i çeshtjes kombëtare dhe personalitet i papërseritshëm në historinë e lavdishme shqiptare.
Lavdi jetës dhe veprës sa madhore, po aq dinjitoze të Zekeria Canës!

Kryeministri i Kosovës, Ramush Haradinaj, është detyruar ta refuzojë ftesën e Komandantit të Gardës Nacionale të Iowa-s së SHBA-së për një ngjarje të organizuar nga ai, pasi nuk ka mundur të pajiset me vizë. Këtë e ka konfirmuar mbrëmë një zyrtar nga Garda Nacionale në Iowa të SHBA-së, i cili ka thënë se kryeministri i Kosovës e ka anuluar një vizitë të planifikuar për 11 janar në këtë shtet federal amerikan, me arsyen se “ai nuk ka mundur ta marrë vizën”. Por, kush janë edhe 37 shqiptarët, të cilëve u ndalohet udhëtimi për në SHBA?

Përveç kryeministrit, është një listë e gjatë prej 37 shqiptarëve të cilët figurojnë si “persona të rrezikshëm” në listën e Presidentit të Shteteve të Bashkuara të Amerikës.

Daut Haradinaj, Rexhep Selimi, Azem Syla, Haradin Balaj, Fatmir Limaj, Ramiz Lladrovci, Sami Lushtaku, Rrustem Mustafa, Emrush Xhemajli, janë disa prej emrave të shtetasve nga Kosova që SHBA-ja i konsideron “persona të rrezikshëm” për sigurinë e saj.

Ky urdhër është nënshkruar nga ish-Presidenti, George W.Bush, në vitin 2001 dhe ka për qëllim që të përballet me kërcënimin e madh ndaj sigurisë kombëtare dhe politikës së jashtme të SHBA-së nga persona që janë të përfshirë apo mbështesin dhunën ekstremiste në Republikën e Maqedonisë dhe në vendet e tjera të Ballkanit Perëndimor, ose ndaj pengesave që mund t’i bëhen zbatimit të Marrëveshjes së Dejtonit në Bosnje apo ndaj Rezolutës 1244 të OKB-së për Kosovën.

Presidenti i zgjedhur i Shteteve të Bashkuara, Donald Trump, në qershor të vitit 2017 e ka vazhduar edhe për një vit këtë urdhër ekzekutiv për emergjencë kombëtare në Ballkanin Perëndimor.

Në këtë listë i vetmi shtetas nga Shqipëria është Idajet Beqiri. Ndërsa nga Maqedonia rezultojnë Menduh Thaçi, Gafur Adili dhe Nuri Bexheti.

Në listën e publikuar nga Departamenti Amerikan i Thesarit në faqen e tij zyrtare në qershor të vitit 2017, përfshihen edhe një sërë kompanish, apo organizatash humanitare, kryesisht me karakter islamik, si edhe disa grupime paramilitare, apo lëvizje ushtarake të krijuara që në kohën e luftës në Kosovë e Maqedoni, si Ushtria Çlirimtare e Kosovës, Armata Kombëtare Shqiptare etj. /Gazeta Express

Akademiku Rexhep Qosja së fundmi i është rikthyer komenteve dhe opinioneve për situatën politike në Shqipëri. Pas kësaj  ish- kreu i arkivës në Ministrinë e Brendshme dhe historiani Kastriot Dervishi ka publikuar qëndrimet e akademikut në një vizitë të zhvilluar në vitin 1970  për sistemim komunist.

Në relacion shkruhet se Qosja ripohon se s’ka tjetër botëkuptim përpos atij marksist – leninist.

Po ashtu në relacion shkruhet se: “Gjatë vizitave të ndryshme dhe në biseda ai u shpreh me entuziazëm për sukseset e ndërtimit socialist në Shqipëri. Ai tha se ‘i bëhet zemra mal’ kur shikon zhvillimin e vrullshëm të Shqipërisë në këto 25 vjet që të bindin se si ‘mund të shkurtohet historia’.”

Postimi i plotë:

Rexhep Qosja dhe vizita e vitit 1970

Herë pas here Rexhep Qosja jep mendime për zhvillimet politike në Shqipëri. Gjithmonë dihet se çfarë do të thotë ai, pavarësisht artikulimit të fjalive që sjell. Disa mendime të tij të dikurshme, kam dëshirë t’i përcjell në këtë postim. Bashkëpunëtori shkencor i Institutit Albanologjik të Prishtinës, Rexhep Qosja qëndroi në Shqipëri më 6 – 28 janar 1970, me ftesë të Universitetit të Tiranës. Për këtë vizitë, më 6 shkurt 1970 Androkli Kostallari përgatiti një relacion të cilin ia dërgoi Behar Shtyllës. Ndër të tjera, për Rexhep Qosjen, në këtë relacion (të gjatë) thuhet:

-Në studimet e tij dhe në takime me shokë të ndryshëm, ai ripohoi se “s’ka tjetër botëkuptim përpos atij marksist – leninist” se do të mundohet të zbatojë metodologjinë marksiste – leniniste, pavarësisht se sa ia arrin kësaj gjëje.

-Gjatë vizitave të ndryshme dhe në biseda ai u shpreh me entuziazëm për sukseset e ndërtimit socialist në Shqipëri. Ai tha se ‘i bëhet zemra mal’ kur shikon zhvillimin e vrullshëm të Shqipërisë në këto 25 vjet që të bindin se si ‘mund të shkurtohet historia’. ‘Kryesorja është, tha ai, është se ju të gjitha këto i bëni duke u mbështetur në forcat tuaja’ ai tha se është i bindur që vetëm socializmi mund ta shpëtonte popullin shqiptar nga gjendja e mjeruar dhe e prapambetur në të cilën ndodhej në të kaluarën. Kjo gjendje, siç tha ai e njihte jo vetëm nëpërmjet leximeve, por edhe përmes kujtimeve të babait të vet, i cili për 12 vjet ka jetuar në Shkodër, pas Luftës së Parë Botërore dhe ka lënë atje të vdekur nga mjerimi, sëmundjet dhe uria gjithë të afërmit e tij.

-Rexhep Qosja tha se krahas përparimeve të mëdha në lëmin ekonomik e kulturor, atij i ka bërë përshtypje të veçantë fakti që në Shqipëri ka ndryshuar dhe fizionomia e njeriut, është formuar njeriu i ri, me tipare të reja. Në mënyrë të veçantë lëvizjet për çrrënjosjen e besimeve fetare dhe për çlirimin e plotë të gruas, ai i çmonte si ngjarje të një rëndësie të madhe. ‘Është shumë domethënëse, tha ai që Shqipëria është vendi i parë në botë pa kisha e pa xhami. Feja, tha ai, topit dhe çorodit ndërgjegjen e popullit, kurse për fat të keq në Kosovë ka ende një ndikim të fortë; atje ka ende medrese dhe gjenden njerëz të cilët në vend që kursimet e tyre t’i falin për të ngritur një shkollë, i përdorin për të shkuar në Qabe”.

Deputeti Faton Topalli ka dhënë dorëheqje nga të gjitha pozicionet brenda Lëvizjes Vetëvendosje. Ai në letrën e dërguar tek anëtarët e Kryesisë së kësaj Lëvizje ka përmendur shqetësimet e tij.

“Po jap dorëheqja nga të gjitha pozitat që kam në Lëvizje prej Anëtarit të Këshillit të Përgjithshëm e deri tek Drejtuesi i Komitetit për Mbrojtje Sociale, respektivisht politika sociale. Pra le ta mbajnë pushtetin ata që e duan. Si anëtar i Lëvizjes Vetëvendosje do t’i përgjigjem Këshillit të Përgjithshëm sa herë që të ketë dëshirë për të raportuar për punën time si deputet”, ka shkruar Topalli në letrën e tij.

Subjekti më i madh opozitar në Kosovë, Lëvizja Vetëvendosje, aktualisht po përballet me probleme të brendshme, përçarje e mospajtime.

Nga postet e larta drejtuese, tashmë kanë dhënë dorëheqje personalitete të njohura politike duke përfshirë kryetarin Visar Ymeri, nënkryetarin Dardan Sejdiu dhe anëtarë tjerë të këtij subjekti politik.

Në këtë fazë gjykata ka filluar funksionimin në Hagë dhe janë caktuar gjyqtarët, por ende nuk janë ngritur aktakuza.

Në një intervistë nga Londra, studiuesja e së drejtës penale ndërkombëtare në Universitetin e Oksfordit, Rudina Jasini, i tha kolegut të Zërit të Amerikës Ilir Ikonomi se arësyeja që ka patur një reagim kaq të fortë nga vendet e Kuintit është se për ngritjen e shtetit të së drejtës në Kosovë, vendet Perëndimore kanë bërë një investim mjaft të madh gjatë një periudhe disavjeçare.

Zonja Jasini tha se fakti që Gjykata speciale është ngritur në Hagë është pikërisht për të mbajtur standarde të larta proceduriale ndërkombëtare të procesit gjyqësor, sidomos për sigurimin e dëshmitarëve, për garantimin e të drejtave të të akuzuarve dhe mbi të gjitha të barazie midis palëve në procesin gjyqësor.

Juristja tha se sigurisht, një shumicë teknike mund të krijohet për të themeluar një ligj të ri ose për të ndryshuar përmbajtjen e ligjit aktual. Por kjo nuk mund të zhbëjë procesin e ngritjes së kësaj gjykate.

Kjo, tha zonja Jasini, do ta sillte Kosovën në një ngërç të padiskutueshëm juridik dhe do të dëmtonte mjaft rëndë marrëdhëniet me vendet e Kuintit por edhe marrëdhëniet ndërkombëtare.

Kjo do të sinjalizonte gjithashtu se Kosova nuk e ka marrë seriozisht procesin e trajtimit të krimeve të luftës dhe të atyre të pasluftës.

Rreth 150 persona të kthyer nga zonat e luftës në Siri e Irak, po vuajnë dënimet në burgjet e Kosovës.

Të njëjtit, nga institucionet e Kosovës, vazhdojnë të konsiderohen si rrezik potencial, andaj edhe po punohet për deradikalizimin e tyre.

Në procesin, e ashtuquajtur të deradikalizimit, janë të përfshira disa institucione shtetërore, Bashkësia Islame e Kosovës, shoqëria civile, por një angazhim parësor ka edhe Ministria e Drejtësisë.

Ministri i Drejtësisë, Abelard Tahiri, në një intervistë për Radion Evropa e Lirë, ka thënë se ekziston radikalizmi në burgjet e Kosovës. Andaj, sipas tij, kjo dukuri do të luftohet përmes ligjëratave të imamëve nëpër qendrat korrektuese.

Ai ka treguar se shumë shpejt do të nënshkruajnë një memorandum bashkëpunimi me Bashkësinë Islame të Kosovës, duke bërë të ditur se janë përzgjedhur edhe imamët të cilët do të ligjërojnë para të burgosurve.

“Ka qenë gjithmonë një tendencë e disa të burgosurve që i shpie në radikalizëm të dhunshëm. Ditëve në vijim do të nënshkruaj një memorandum mirëkuptimi me Bashkësinë Islame të Kosovës, e cila mundëson mbajtjen e ligjëratave nga persona që do të jenë të autorizuar nga Bashkësia Islame e Kosovës, për të pamundësuar një radikalizëm të tillë në burgjet e Republikës së Kosovës” ka thënë ministri Tahiri.

Sipas Tahirit, është shumë e rëndësishme që personave të cilësuar si të radikalizuar, t’u ofrohet mundësia që të integrohen në shoqëri në mënyrë që ata të mos paraqesin rrezik pas përfundimit të dënimit.

“Ky është edhe qëllimi që këta persona që janë të dënuar konform ligjit për implementim të sanksioneve penale, që i vuajnë dënimet në qendrat korrektuese në Republikën e Kosovës, në momentin kur e përfundojnë dënimin të jenë persona të cilët nuk do të paraqesin rrezik më tutje për shoqërinë tonë, mos të paraqesin rrezik për të rinjtë, mos të arrijnë t’i indoktrinojnë të rinjtë që të ndjekin rrugën mbi të cilën ata i ka dërguar të paktën në qendrat korrektuese” ka thënë Tahiri.

Ministri Tahiri ka folur edhe për qytetarët e Kosovës që vazhdojnë të jenë në vatrat e luftës në Siri apo Irak, duke thënë se së bashku me Agjencinë e Kosovës për Inteligjencë, do të punojnë për kthimin e tyre në vendlindje.

“Kemi të bëjmë me njerëz që tashmë u bënë disa vite që kanë kaluar nëpër ato vatra të luftës dhe padyshim që duhet të jemi të kujdesshëm ndaj tyre, duhet t’u qasemi me kujdes. Ata njerëz në asnjë rrethanë nuk duhet të anashkalohen, ata njerëz nuk duhet të lihen anash shoqërisë, mirëpo duhet të trajtohen konform ligjeve që i kemi në fuqi” ka shtuar ministri i Drejtësisë.

Nga viti 2012 në zonat e luftës në Siri e Irak, kanë shkuar mbi 300 qytetarë të Kosovës dhe sipas të dhënave të Policisë së Kosovës, 70 prej tyre janë vrarë.

Rreth 130 tashmë janë kthyer në Kosovë dhe pothuajse të gjithë janë arrestuar për vepra penale që ndërlidhen me terrorizëm dhe pjesëmarrje në luftëra të huaja.

Aktualisht në këto zona, sipas të dhënave zyrtare, vazhdojnë të jenë edhe 27 fëmijë dhe 44 gra.

Analisti amerikan për Ballkanin, Daniel Serwer, ka deklaruar për gazetën “Zëri” se shfuqizimi i Ligjit për Gjykatën Speciale do të përcillet me pasoja serioze për Kosovën, pasi që, sipas tij, marrëdhëniet me SHBA-në dhe me BE-në do të jenë shumë më problematike

Shfuqizimi i Ligjit për Gjykatën Speciale do t’i bënte marrëdhëniet e Kosovës me Shtetet e Bashkuara të Amerikës (SHBA), si dhe me Bashkimin Evropian (BE) shumë më problematike dhe kjo do të kishte pasoja serioze për vendin.

Kështu ka thënë në një intervistë dhënë gazetës “Zëri” analisti i njohur amerikan për Ballkanin, Daniel Serwer, duke shtuar se liderët kosovarë po sillen sikur të jenë të kërcënuar nga Gjykata. 

Pas dy dështimeve që kjo çështje të procedohet në Kuvend në fund të vitit të kaluar, Serwer shpreson që një përpjekje e tillë të mos realizohet gjatë këtij muaji, ashtu siç po pritet të ndodhë pas kthimit të deputetëve nga pushimet e fundvitit.

Analisti amerikan gjatë kësaj interviste për “Zërin” ka folur edhe për mosratifikimin e Demarkacionit me Malin e Zi, me ç’rast ka vlerësuar se ky është një veprim i pamatur politik, pasi Kosova ka nevojë për liberalizim të vizave me BE-në.

Ndërsa sa i përket Asociacionit të Komunave me Shumicë Serbe, ai ka thënë se një marrëveshje e tillë duhet zbatuar në përputhje me vendimin e Gjykatës Kushtetuese të Kosovës.

“Edhe këtu Kosova ka shumë më tepër për të fituar nga zbatimi i programit sesa nga braktisja e tij”, ka potencuar Serwer.

Më 17 Janar 2002, në hyrje të banesës së tij në lagjen “Fidanishte” në Pejë, në orët e mbrëmjes nga një dorë mizore iu shua jeta deputetit të Kuvendit të Kosovës dhe ish komandantit të UÇK-së për Rugovë, Smajl Hajdarajt. Iu shua jeta pa e shijuar mirë atë, një njeriu që bashkë me familjën e tij atdhetare bënë shumë historikisht për kombin. Në Janarin e tragjedive dhe krenarive kombëtare nga një pritë e organizuar u vra një njeri i urtë, bujar, veprimtar i madh i LDK-së dhe ushtarak i vijës institucionale të presidentit të Kosovës, dr.Ibrahm Rugova.

Vrasja e Smajlit dhe shumë vrasje të tjera mbetën ende të pa ndriçuara. Në atë kohë vrasja e Smajlit kishte bërë jehonë të madhe, se ishte vrarë deputeti i Parlamentit të Kosovës . Edhe një zyrtar i lartë o Kombeve të Bashkuara në Kosovë, kishte thënë së kjo organizatë do të bëjë maksimumin që të gjejë vrasësit dhe të përcaktoj arsyet e vrasjës së Smajl Hajdarajt.Por, nga këto deklarata dhe shumë te tjera deri më tash së do të bëhët diq në zbardhjën e vrasjeve të motivura politikisht nuk doli asgjë. Por, herdo kur, ky pluhur i harresës do të hiqet, dhe të gjitha vrasjet do ta gjejnë dritën e diellit. E gjejnë dritën e diellit, sepse gjaku i derdhur pa marrë parasysh së sa vite shkojnë nuk e lenë pa i shpërfaqur vrastarët.Smajl Hajdaraj dhe kontribut kombëtar qysh nga mosha rinore, dhe nuk u ndalë kurrë edhe me armë në dorë derisa sa Kosova u bë shtet i lirë dhe i pavarur.

Smajli si komandant i UÇK-së dhe si njeri kishte autoritet të madh jo vetëm në Rugovë por edhe në Rrafshin e Dukagjinit. Këtë respekt Smajli e kishte fituar me tiparet e tija të larta njerëzore dhe atdhetare. Ai ishte njeri afert më të gjithë ata që patën rastin ta njohin .Ishte njeri plotë elan për jetë, plotë energji dhe shumë optimist për të ardhmen e popullit të vet. Sigurisht se Smajli kishte luftuar për një Kosovë me ndryshe siq e kemi sot.Kishte luftuar për nje Kosovë pa krim të organizuar dhe korrupcion. Kishte luftuar për një Kosovë ku të gjithë do të kënë mirëqenje.Ka luftuar që vendi i tij të bëhët një shtet I prosperuar dhe demokratik. Smajli sigurisht së nuk e ka paramenduar së LDK-ja do të bie në duar të interesagjinjëve politik. Nuk e ka paramenduar se do të nepërkemben aq lehtë vlerat rugoviane të këtij subjekti politik dikur më e madhi në Kosovë.Vrasja e Smajlit la zbrazëtirë të madhe jo vetëm në LDK, por edhe në Kosovë. Ai u vra por nuk vdiq asnjehëre.

Ceremonia e varrimit të tij në fshatin Zahaq ku prehen eshtrat e tij, ishte ceremonia më madhështore pas ceremonisë mortore të presidentit historik të Kosovës, dr.Ibrahim Rugova. Me mijëra qytetarë nga mbarë Kosova atë ditë ia dhanë lamtumirën e fundit një atdhetari të madh. Vargu i atyre që ishin prezent atë ditë janari dukej i pafund, sikur është edhe e pafundme edhe vepra e tij. Jeta dhe vepra sublime e atdhetarit Smajl Hajdaraj do të mbetet e pavdekshme . Edhe pse vetëm pse fizikisht u nda nga familja , miqët , shokët dhe dashmirët, ai është gjallë me veprën e tij. Jeta dhe vepra e tij, do të jënë udhërrefim për brezat e rinjë së si duhet dashur atdheu dhe kombi.Ai ishte dhe ka mbetur mburrja dhe krenaria e familjës atdhetare Hajdaraj nga Rugova .Ai është krenaria e kombit.Sakrifica e tij për liri dhe pavarësi është e përjetshme. Prandaj , çdo përvjetor që vjen na e shton mallin , dhembjen por edhe krenarinë për atdhetarinë, Smajl Hajdarajn. Lavdi jetës dhe veprës së Smajl Hajdarajt!

Pas dorëheqjes së kryetarit të Lëvizjes Vetëvendosje Visar Ymeri, i cili dha dorëheqje nga drejtimi i këtij subjketi, sot edhe Dardan Sejdiu, ka dhënë dorëheqje nga të gjitha pozitat e tij drejtuese në Lëvizjen Vetëvendosje.
Sejdiu i ka dërguar një letër partisë, ku ka njoftuar për dorëheqje nga posti i nënkryetarit të parë.
“Kam vendosur që nga sot të jap dorëheqje të parevokueshme nga të gjitha pozitat e mia drejtuese në Lëvizjen Vetëvendosje, nga posti i nënkryetarit të parë të Lëvizjes, nga Kryesia e Lëvizjes, dhe nga anëtari i Këshillit të Përgjithshëm të Lëvizjes”, thuhet pos tjerash në letrën e Sejdiu.
Ai ka njoftuar po ashtu se veprimin e tij politik do ta vazhdojë si deputet dhe anëtar i VV-së.

Shefi i policisë në Helsingborg, Sven Holgersson, ka thënë se në gjashtë muajt e fundit në këtë qytet ka pasur shpërthime, të cilat ai i ka lidhur me krim të organizuar.

Në një deklaratë për gazetën suedeze “Aftonbladet”, Holgersson ka thënë se sulmet janë të lidhura me drogë, transmeton Koha.net.

“Për mendimin tim krejt këto kanë të bëjnë me drogë, ekonomi dhe armë”, ka thënë Holgersson.

Kjo deklaratë e tij është publikuar pak orë pasi ndodhi një shpërthim në hyrje të një ndërtese, nga i cili ka mbetur e plagosur vajza e nënkryetarit të OVL-së së UÇK-së, Nasim Haradinaj.

“Aftonbladet” raporton se në shtator një person ka vdekur si pasojë e një shpërthimi nga i cili mori flakë apartamenti i tij. Në muajin tetor, sipas kësaj gazete, një shpërthim kishte ndodhur në hyrje të stacionit policor.

Portali Koha.net ka kontaktuar Nasim Haradinajn dhe ai ka konfirmuar se në këtë shpërthim është plagosur vajza e tij, e cila punon si infermiere në këtë qytet dhe ishte duke u përgatitur për fillimin e studimeve në Suedi.

Në një deklaratë për KTV-në, Haradinaj ka thënë se vajza është plagosur në këmbë dhe ka pasur djegie.

“Sulmi është akt terrorist, por unë nuk e lidhi me punën time këtu. Asnjëherë nuk kam pasur kërcënime nga askush e as vajza nuk është kërcënuar asnjëherë”, ka thënë Haradinaj.

Nasim Haradinaj është përfolur shumë në fundin e vitit të shkuar për shkak të një deklaratës së tij se “punë e madhe që janë vrarë aktivistë të LDK-së”.

Visar Ymeri, kryetari i deritashëm i Lëvizjes Vetëvendosje, ka dhënë dorëheqje nga të gjitha pozitat udhëheqëse në parti.

“Që nga dita e sotme kam vendosur të dorëhiqet parevokueshëm nga të gjitha pozitat e mia drejtuese të Lëvizjes Vetëvendosje. Më duhet ta them se ky është një prej vendimeve më të vështira që i kam marrë në jetë dhe një prej ditëve më të vështira të jetës sime”, ka thënë Ymeri në konferencën për media.

“Kur Lëvizja nuk është e bashkuar, nuk është e fortë, e kur kjo nuk është e fortë, humb Kosova”, tha Ymeri, duke thënë se dallimet brenda partisë e kanë bërë të marrë këtë vendim.

Tutje Ymeri është shprehur se ka dhënë dorëheqje pas zhvillimeve të fundit në partinë që ai i takon.

“Jap dorëheqje në shenjë mospajtimi me këto zhvillime dhe pasi nuk ia dola që t’i zgjidhja këto zhvillime. Shpresoj që kjo dorëheqje do të kuptohet si alarm për gjendjen që kemi ardhur dhe nga ata njerëz që kanë bërë linçime”, tha më tej ai.

Adnan Merovci, ish-shefi i Protokollit në zyrën e ish-presidentit të Kosovës, Ibrahim Rugova, ka shkëputur nga arkiva e tij një video, me të cilën ky i fundit iu drejtohej qytetarëve të Kosovës dhe shqiptarëve në përgjithësi në natën e ndërrimit të moteve mes 1994 – 1995.

Në këtë video, pak më të gjatë se 2 minuta, Rugova flet për atë që kishte arritur Lëvizja paqësore të cilës i printe ai në vitin 1994. Fliste edhe për një forcim të organizimit të qëndresës në të gjitha fushat, por nuk jep më shumë detaje se për çfarë qëndrese e kishte fjalën.

Për vitin e ardhshëm, atë 1995, Rugova premtonte më shumë punë e ishte i bindur se do të arrihej çështja e Kosovës do të shtohej gjithnjë e më shumë si problem që do zgjidhje të drejtë në bazë të vullnetit politik të popullit.

“Duhet të bëjmë çmos që të qëndrojmë, të rezistojmë të organizohemi më mirë, të ruajmë besimin te njëri – tjetri që është pasuria më e madhe, të ndërtojmë një pajtim të përditshëm ndërmjet veti edhe politik, edhe njerëzor, edhe kombëtar të të gjitha forcave politike shqiptare, dhe me siguri mund të them se edhe viti i ardhshëm do të na sjell gjëra më të mira për realizimin e çështjes e Kosovës, të kërkesave legjitime të këtij populli dhe të çështjes shqiptare në përgjithësi”, kishte thënë Rugova.

Këtu mund ta shihni mesazhin e urimit të Rugovës për vitin 1995:

Vitin që po e lëmë pas ishte një vit i rëndësishëm për Kosovën dhe për shqiptarët. Ishte një vit i vazhdimit të okupimit të Kosovës por edhe një vit i forcimit të organizimit shqiptar në Kosovë dhe i gjithë i qytetarëve të saj, dhe po ashtu një vit i afirmimit të çështjes së Kosovës në planin ndërkombëtar. Mund të themi se gjatë këtij viti çështje e Kosovës shtrohet si temë dhe problem që do zgjidhje në të gjitha nivelet dhe institucionet ndërkombëtare evropiane dhe të Shteteve të Bashkuara. Mund të themi se ishte një vit i afirmimit të mëtejshëm dhe i qëndresës në të gjitha fushat në Kosovë. Po ashtu ishte një vit i afirmimit jo vetëm të Kosovës por të çështjes shqiptare në përgjithësi.

Për vitin e ardhshëm jo vetëm që shpresojmë, por edhe punojmë dhe jemi të bindur se çështja e Kosovës do të shtohet gjithnjë e më shumë si problem që do zgjidhje të drejtë në bazë të vullnetiti politik të popullit.

Duhet të bëjmë çmos që të qëndrojmë, të rezistojmë të organizohemi më mirë, të ruajmë besimin te njëri – tjetri që është pasuria më e madhe, të ndërtojmë një pajtim të përditshëm ndërmjet veti edhe politik, edhe njerëzor, edhe kombëtar të të gjitha forcave politike shqiptare, dhe me siguri mund të them se edhe viti i ardhshëm do të na sjell gjëra më të mira për realizimin e çështjes e Kosovës, të kërkesave legjitime të këtij populli dhe të çështjes shqiptare në përgjithësi.

Duhet të punojmë dhe do të jetë një vit që do t’i afrohemi më shumë integrimeve shqiptare, ballkanike dhe evropiane.

Gëzuar edhe njëherë, çdo të mirë!

• 

  Luljeta Krasniqi – Veseli

  Luljeta Krasniqi, e lindur më 02.05.1981. Me gazetari ka filluar të merret që nga viti 2005. Për një kohë të gjatë ka punuar si gazetare në Agjencinë e lajmeve Kosovalive. Ekipit të Radios Evropa e Lirë i është bashkuar në vitin 2008.