Klubi është formuar si një përzierje mes dashamirësve të muzikës rok dhe entuziastëve të çiklistëve, të cilët mbanin koncerte rok paligjshëm në Moskë gjatë viteve 1983.

Në vitin 1989 klubi është konsoliduar duke u quajtur “Ujqit e Natës”. Në fillim të vitit 2018, “Ujqit e Natës” kanë shtrirë ndikimin e tyre përveç Rusisë, në Ukrainë, Letoni, Gjermani, Bulgari, Rumani, Serbi, Australi, Sllovaki, Bjellorusi, Filipine, Bosnje dhe Hercegovinë dhe Maqedoni.

Alexander Zaldostanov (i njohur edhe si kirurgu) është lider që prej themelimit të grupit në vitin 1989.

Një anëtar i këtij grupi, Valery Bely, u qëllua për vdekje në një mosmarrëveshje me një klub rival në nëntor të vitit 2016, shkruan Periskopi.

Klubi si interes ka jetën politike dhe shoqërore të Rusisë, duke u angazhuar në çështjet sociale të të rinjve, krijimin e lidhjeve të ngushta me Kremlinin dhe krijimi i një miqësie me Presidentin e Rusisë, Vladimir Putin.

Ata, gjithashtu, kanë kontribuar në ndarjen e Krimesë, duke kontrolluar rrugët e gadishullit. Po ashtu, ata kanë qenë të përfshirë në luftën pro-ruse në Donbass të Ukrainës.

Klubi ka marrëdhënie të mira me Vladimir Putinin dhe konsiderohen si nacionalistë rusë.

Në vitin 2015, “Ujqit e Natës” kishin siguruar nga Kremlini një donacion prej 12,000,000 rubla ruse për ndërtimin e një qendër për të rinjtë i njohur si “Patriot” në Sevastopol të Krimesë.

Ata shpesh ndeshen në konflikte të përgjakshme me klubet e tjera motoçikliste.

A po thuren skenare për dhe rreth Kosovës, të cilat janë bërë të rrezikshme për shtetin më të ri në Evropë, dhe janë bërë të rrezikshme në përgjithësi për çështjën nacionale ? Kosova duket tashmë ashiqare së pas vdekjës së presidentit , Ibrahim Rugova ka mbetur pa lidership, ka mbetur në duar të një klase politike e cila haptazi i ka qitë interesat e veta para interesit të përgjthshem.Disa figura politike janë ngritur mbi shtetin dhe mbi ligjet e Kosovës.Këtu vlen për ta vequar presidentin e vendit ,Hashim Thaçin një figurë kontraverse politike, i cili i ka marrë të gjitha kompetencat që nga viti 2007 kur PDK-ja mori primatin e partisë së parë në Kosovë, dhe partisë e cila e drejtoi shtetin për dy mandate më koalicione .Gjatë kësaj kohe Thaçi u bë alfa dhe omega e politikës kosovare.

Ai diktoi politikën sipas kutit dhe interesit të tij në mënyre mjeshtërore, duke e margjinizuar shumë kuvendin si institucionin më të lartë të shtetit.Udhëhoqi bisedimet më palën serbe dhe mori vendime jo sa duhet transparente të cilat rezultuan më shumë në dëm të Kosovës së sa në dobi të saj .Nënshkroi marrveshje të cilët ishte dashur të bëhën më koncensenzus nacional e nuk i bëri , si marrveshja e Demarkacionit më Mal të Zi dhe” Zajednica”.Këto marrveshje e afruan ndjeshem Serbinë kah BE-ja , kurse Kosova mbeti po thuaj duar thatë.Lojëra e fundit politike e Thaçit ishte për mua skenari i tij më Vuqiqin për ta bërë punë të kryer Asociacionin e Komunave më Shumicë serbe në veri, më kompetenca vendimarrëse, dhe për ta qitur në plan të dytë ratifikimin e Demarkacionit ku Kosova humbi 8200 hektarë tokë me Mal te Zi.Fill pas takimit të presidentit Thaçi më Vuqiqin në Bruksel dhe takimet e tij tinzare ne Amerikë siq flitët në koluare për ndarje të Kosovës, erdhi arrestimi i Marko Gjuriqit në veri të Mitrovicës, i cili hyri ilegalisht në Kosovë.Sikur ky arrestim të ishte bërë në një kohë dhe rrethanë tjetër politike , ka qenë gjithqka në rregull, apo do të ishte në rregull që Gjuriq më të arrestuar në veri ,të kthehet për Serbi, e jo të bëhën spektakle duke e sjelluar atë në Prishtinë, e pastaj të ekstradohet për Serbi shumë shpejt. Thaçi duket ashiqare së është bërë më shumë agresiv pas raportit të Dick Martit, i cili raport ngre akuza karshi tij për krime lufte.

Nga ky raport edhe u formua Gjykata Speciale për krime të luftës në Kosovë më seli në Hagë .Përsonat të cilët u përfolën në opinion së janë kandidatë për tu paraqitur si të dyshuar para kësaj gjykate gjatë këtij viti, tentuan që ta shfuqizojnë Gjykatën Speciale më një vendim të ri të kuvendit , pasi që vet e kishin pranuar punën e gjykatës në vitin 2015. Kjo solli një gjendje të tendosur më miqët tanë ndërkombëtar të cilët dërguan mesazhe të qarta së nuk do të luhet lehtë më Marrveshje Ndërkombëtare .Presidenti i zgjedhur më vota të LDK-se, Hashim Thaçi ishte promotori i nismës për shfuqizimin e gjykatës për ta shpëtuar lekurën e vet. Ai është ngritë mbi institucionet duke i marre kompetancat sikur të ishim shtet presidencial e jo që jemi përcaktuar për shtet parlamentar. Nuk është hera e parë që zyrtarët më të lartë të Serbisë të futën në Kosovë pa lejën e organeve tona .Disa herë kan hy pas luftës presidentet e shtetit serb, kryepopet dhe zyrtarë tjerë të cilët edhe kan marrë guximin të përdorin fjalor luftënxites e destabilizues karshi Kosovës.

Provokimet e fundit të kreut shovenist serb ishin treni më ikonografi fashiste i cili u ndalua të hyn në Kosovë më shumë nga Amerika ,së në pyetje ishte reputacioni i saj në arenën ndërkombetare .Provokimet Serbia nuk i ndali kurrë në veri.Më këto provokime të inicuara nga Beogradi zyrtar edhe arriti që Kosova mos ta këtë kontrollin mbi këtë pjesë të vendit.Serbët vunë barrikada mbi lumin Iber sa herë që deshtën dhe ju hyri në funksion ajo punë .Këta kriminelë janë duke bërë që shumë kohë rendin dhe ligjin në veri të Mitrovicës, më qëllim të ndarjës mbi baza etnike ,më bekimin deri diku edhe të Evropës. Atë që nuk arriti Millosheviqi më luftë , po i arrijnë gradualisht këto objektiva serbët grabitqare ti realizojnë në kushte të paqës , që është dëmi më i madh që po i bëhët Kosovës. Duhet të jemi të vetëdijshem së miqët tanë të cilët na ndihmuan ta kemi shtetin tonë pas 90 vitesh të okupimit, i kan interesat e veta strategjike edhe më shtetet tjera në rajon .Kjo gjë nuk po kuptohet apo nuk po dëshirohet të kuptohet nga kjo elitë politike.

Ka zëra që kjo qeveri duhet të rrezohet pas largimit nga kuvendi të Listës Serbe e dirigjuar nga Beogradi. Në këtë situatë politike duket së nuk do të ishte dashur të ndodhë të shkojmë prap në zgjedhje shumë të kushtueshme ,dhe të cilat nuk po sjellin ndonjë efekt pozitiv veq prodhimit të krizave politike, ekonomike e institucionale . Ka shumë gjasa që grupin e rezervuar të Listës Serbe prej 10 deputeteve nese nuk kthehen, e ka gjasa qe po, më kushte shtesë,ta zëvëndësojnë të ikurit nga LVV , ose ka paralajmërime së edhe LDK-e sipas deklaratave të disa zyrtarëve të lartë të saj , të bëhët pjesë e koalicionit qeverisës.Në zgjedhje të reja nuk duhet të shkohet pa u bërë edhe reforma zgjedhore shumë e nevojshme për vendin , e të cilën reformë po e pengojnë strukturat në krye të partive politike, së kjo gjë po ju leverdisë për të mbetur sa më gjatë në pushtet.

Ndoshta rënjën e qeverisë nga faktori politik shqiptarë e dëshiron vet partneri i koalicionit PDK-ja , e cila ka pësuar rënje të madhe në zgjedhjet fundit nacionale e lokale , e po kërkon mbijetesën politike të saj përmes zgjedhjeve të jashtëzakonshme të cilat po ndodhë dy herë radhazi të mbahen …

Lista serbe, subjekti kryesor politik i serbëve të Kosovës, vendosi të largohet nga qeveria e kryeministrit Ramush Haradinaj.

Shefi i kësaj liste, Goran Rakiç, tha të martën në Beograd pas një takimi me presidentin e Serbisë, Aleksandër Vuçiç, se muajin e ardhshëm kur mbushen pesë vjet nga nënshkrimi i marrëveshjes së Brukselit në kuadër të bisedimeve ndërmjet Kosovës dhe Serbisë, do të fillojnë vet ngritjen e asociacionit të komunave më shumicë serbe. Ai tha se lista ka mbështetjen e presidentit serb për veprimet e saj.

“Zhvillimet e së hënës, janë në kundërshtim me angazhimet për dialog dhe për ndërtim të paqes së qëndrueshme në Kosovë, si dhe cenim i përpjekjeve për normalizim të raporteve në mes Kosovës dhe Serbisë. Bëj ftesë që të respektohet dhe të ruhet fryma e dialogut në mes Kosovës e Serbisë dhe të mbesim të fokusuar në normalizimin e marrëdhënieve, në ndërtimin e fqinjësisë së mirë dhe pajtim”, thuhet në një komunikatë të presidentit Thaçi.

Me tej ai thekson se ka biseduar me shefen e politikës së jashtme të Bashkimit Evropian, Federica Mogherini, për nevojën e uljes së tensioneve, “sepse dialogu nuk ka alternativë dhe të gjithë duhet të fokusohemi në rrugën përpara”.

Kryeministri i Kosovës, Ramush Haradinaj, i cili mblodhi të martën Këshillin e Sigurisë e cilësoi të ngutshëm këtë veprim duke u bërë thirrje përfaqësuesve të listës serbe që të reflektojnë mbi vendimet e tyre.

“Mendoj që është një paralajmërim i ngutshëm i tyre, i ngutshëm dhe i dëmshëm, nuk bën ashtu. Ne e pamë dje kur nuk ka komunikim të mirëfilltë deri ku mund të shkojnë zhvillimet. Nuk është mirë të testohet durimi i askujt deri në fund, më mirë është t’i kthehemi tavolinës dhe t’i shtyjmë temat së bashku, por njëanshëm nuk mendoj se është në dobi të askujt dhe jam thellë i bindur se do ta gjejmë një gjuhë të komunikimit që punët t’i kryejmë si i ka hije në tavolinë, por jo ashtu, jo njëanshëm jo me mohim”, tha kryeministri i Kosovës.

Njësitë e policisë së Kosovës ndërhynë të hënën në veri për të shpërndarë një tubim në të cilin po merrnin pjesë zyrtarë serbë që kishin hyrë në Mitrovicë me gjithë ndalesën nga autoritetet e Prishtinës. Policia arrestoi dhe e dërgoi në Prishtinë shefin e zyrës serbe për Kosovën në qeverinë e Serbisë, Marko Gjuriq, i cili bashkë me sekretarin e përgjithshëm i presidentit të Serbisë, Nikola Selakoviç, hynë në Mitrovicë jashtë rrugëve të ligjshme.

Policia përdori gazin lotsjellës për të shpërndarë të tubuarit. Marko Gjuriç, më pas u dëbua në Serbi. Veprimi nxiti reagime të ashpra të Beogradit i cili akuzoi edhe fuqitë perëndimore për mbështetje të ndërhyrjes së policisë së Kosovës.

Kryeministri Haradinaj, tha se veprimet e djeshme nuk kanë qenë të drejtuara ndaj komunitetit serb në Kosovë, por ishin të pashmangshme dhe në pajtim me ligjin.

“Arrestimi i djeshëm i zyrtarit të Serbisë, në këtë rast Marko Gjuric, nuk ishte një veprim i këndshëm ose i pëlqyeshëm prej nesh, por ishte zbatim i ligjit pra i pa alternativë meqenëse hyrja ishte ilegale dhe në këtë rast vlejnë procedurat standard të cilat i kanë zbatuar organet e rendit, policia dhe institucionet tjera me profesionalizëm”, tha zoti Haradinaj.

Lista Serbe, është pjesë e koalicionit qeverisës në Kosovë dhe largimi i saj e lë qeverinë pa shumicën në parlament duke krijuar rrethana të reja në vend, që mund të çojnë në zgjedhje të parakohshme apo rikonfigurim të qeverisë.

Kryeministri Harandinaj, mohoi mundësinë e shkuarjes në zgjedhje të parakohshme, por tha se mbetet i hapur për mundësi të tjera.

“Dorëheqje s’e kam në plan të jap, punën e kam në plan ta vazhdoj seriozisht, ata që e pëlqejnë punën e qeverisë ju shprehi partneritet, ata që shkojnë e hyjnë e dalin nuk kam ndonjë vendim tjetër për ta”, tha zoti Haradinaj.

Grupe qytetarësh serbë bllokuan për pak kohë të martën një nga rrugët kryesore në veri që çon drejt vendkalimit kufitar Jarinje ndërmjet Kosovës dhe Serbisë.

Këshilli i Sigurisë e vlerësoi megjithatë të qetë situatën në Kosovë pas zhvillimeve të një dite më parë.

Bashkimi Evropian dhe diplomatët amerikanë në Prishtinë e Beograd, kanë bërë thirrje për vazhdimin e dialogut si rrugë pa alternativë për zgjidhjen e problemeve dhe normalizimin e marrëdhënieve ndërmjet Kosovës dhe Serbisë. za

Marko Gjuriq dhe kryetari i Mitrovicës Veriore, Goran Rakiq

Lista Serbe ka miratuar nismën për largimin nga Qeveria e Kosovës. Lidhur me këtë nismë, Lista Serbe ka kumtuar se do ta njoftojë edhe presidentin e Serbisë, Aleksandar Vuçiq. Kështu thuhet në deklaratën e Listës Serbe të lëshuar për gazetarë pas zhvillimeve që pasuan arrestimin e shefit të Zyrës për Kosovën në Qeverinë e Serbisë, Marko Gjuriq nga ana e Policisë së Kosovës.

“Kjo është një ditë e rëndë për serbët në Kosovë në të cilën është parë më së miri fytyra e institucioneve të Kosovës. Në mënyrë brutale, me plumba në tytë, me shok-bomba dhe me goditje brutale mbi gratë dhe burrat janë sulmuar dhe rrahur përfaqësuesit legal të popullit serb, ministra, drejtorë të zyrave, deputetë dhe kryetarë komunash”, thuhet në deklaratën e Listës Serbe.

Dialogu në këso rrethana, thuhet në deklaratë, nuk ka kurrfarë kuptimi.

Shefi i kabinetit të Ministrisë së Jashtme në Qeverinë e Kosovës, Jetlir Zyberaj ka konfirmuar për Radion Evropa e Lirë, se kjo ministri e ia refuzuar kërkesën për vizitë në Kosovë drejtorit të Zyrës për Kosovën në Qeverinë e Serbisë, Marko Gjuriq dhe sekretarit të përgjithshëm të presidentit të Serbisë, Nikola Selakoviç.

Sipas Zyberaj, ndalesa është aplikuar për shkak të deklaratave të cilat nxisin tensionim të situatës.

Zëvendësdrejtori i Policisë se Kosovës për rajonin e Mitrovicës, Besim Hoti i tha Radios Evropa e Lirë se policia është e obliguar të veprojë sipas urdhrit, gjegjësisht që të mos lejojë hyrjen e Marko Gjurqit në Kosovë.

Policia e Kosovës, tha Hoti, sot vepron sipas planit të veçantë operativ.

Drejtori i Zyrës për Kosovën në Qeverinë e Serbisë, Marko Gjuriq dhe sekretari i përgjithshëm i presidentit të Serbisë, Nikola Selakoviç gjatë vizitës në Kosovë planifikonin të merrni pjesë në një debat me qytetarët në veri të Kosovës, rreth dialogut të brendshëm të cilin e ka nisur presidenti i Serbisë, Aleksander Vuçiq.

Më 26 mars 2007 ish-presidenti finlandez, Martti Ahtisaari dërgoi raportin përfundimtar në Këshillin e Sigurimit të OKB-së, në të cilin thoshte se Kosova duhej të bëhet e pavarur.

Derisa SHBA-të përkrahnin planin e Ahtisaarit dhe mendonin se Kosova duhet të bëhet e pavarur, serbët vazhduan ta kundërshtojnë planin.

Rusia bëri deklarata që mund të interpretohen si kundër pavarësisë, por nuk përmendi përdorimin e vetos, transmeton KosovaPress.

Tri ditë më vonë, më 29 mars 2007, Parlamenti Evropian miraton një rezolutë me 490 vota pro, 80 kundër dhe 87 abstenime, ku shprehej përkrahja për pavarësinë e mbikëqyrur për Kosovën.

• Kryetari i Këshillit të Nismës Socialdemokrate, Jakup Krasniqi ka shkruar në profilin e tij për Asociacionin e komunave serbe. Ai ka theksuar se ata që e votojnë asociacionin e shkelin betimin e dhënë dhe bëjnë tradhti ndaj vendit e kombit.
  “Kuvendi i Kosovës, si institucioni më i lartë i vendit, nëse dëshiron të jetë e të mbetet në rolin e institucionit përfaqësues, duhet që t’i thotë me Jo të madhe çdo varianti tjetër të asociacionit veç atij që e ka dhe për të cilin e ka Statutin e tij. Përndryshe deputetët shkelin betimin e dhënë dhe bëjnë tradhti ndaj vendit e kombit. Nëse tanimë miu nuk e ka bërë udhën e tij”, ka shkruar ndër të tjera Krasniqi.

Postimi i plotë i Krasniqit:
A ËSHTË E VËRTETË SE BRUKSELI PO E KËRKON ASOCIACIONIN?
Athua është e vërtetë se Brukseli po e kërkon Asociacionin e Komunave Serbe në Kosovë? Epo, mirë, vetëm duhet saktësuar cilin asociacion? 1. Atë që thuhet në Kartën Evropiane për decentralizim; 2. Atë që është nënvizuar në Dokumentin e Ahtisarit e Kushtetutën e Kosovës, apo 3. Atë që është arritur në Bruksel në Marrëveshjet e Thaçit e të Mustafës?
Asociacioni i këtyre të fundit është antikushtetues. Varianti i tri dokumenteve të theksuara në fillim është në përdorim në Kosovë dhe ai variant pse të mos ju shërbejë edhe komunave me shumicë serbe në Kosovë?
Nëse duhet të jetë diçka ndryshe nga asociacioni i Kartës Evropiane, i Dokumentit të Ahtisarit dhe i Kushtetutës sonë, ai nuk mund të jetë asociacion, prandaj thuajeni emrin e vërtetë të tij. Lërini përrallat, si ju në Bruksel si ju “krerët” e Kosovës!

Për këtë çështje kam shkruar e reaguar gjerë e gjatë, tani nuk do të zgjatem, pasi këtë çështje e trajtoj edhe në librin “Arti i bisedimeve”, që pritet të promovohet më 29 mars 2018, por, ajo që dua të them tani është kjo:
Kuvendi i Kosovës, si institucioni më i lartë i vendit, nëse dëshiron të jetë e të mbetet në rolin e institucionit përfaqësues, duhet që t’i thotë me Jo të madhe çdo varianti tjetër të asociacionit veç atij që e ka dhe për të cilin e ka Statutin e tij. Përndryshe deputetët shkelin betimin e dhënë dhe bëjnë tradhti ndaj vendit e kombit. Nëse tanimë miu nuk e ka bërë udhën e tij!
Shkurt, asociacioni i Marrëveshjeve të Brukselit as nuk ishte e as nuk është asociacion, meqenëse secili njeri normal do të duhej ta dinte se po të ishte fjala për asociacion, për të cilin flasin të gjitha dokumentet e apostrofuara më lart, pse duhej të ishte pjesë e bisedimeve në mes të Kosovës e të Serbisë në Bruksel, duke krijuar njëkohësisht konfuzion por edhe derivuar detyrime që do t’i kushtojnë Kosovës. Kujdes!!!

• 

  Arton Konushevci

  Arton Konushevci merret me gazetari që nga viti 2001. Në vitin 2007 ka filluar të punojë si korrespondent i Radios Evropa e Lirë. Jeton në Prishtinë, është i martuar dhe ka dy fëmijë.

  [email protected]

Mbrëmja e 21 marsit 2018 do të mbahet gjatë në mendjen e popullit të Kosovës dhe kombit shqiptar në përgjithësi. Do të mbahen gjatë në mendjen e çdo shqiptari deputetët shqiptar që votuan pro-copëtimit të trojeve etnike, dhënë dhuratë Malit të Zi!
Ata deputet shqiptar që votuan për faljen e territorit të shtetit të tyre në këmbim të asgjëje, përveqse tradhtarë, janë qyqarë, janë zuzar, pa ndjenja kombëtare, shpirtrobër dhe të marrë. Me votimin në Kuvend për copëtimin e trojeve etnike në dekadën e fundit të shekullit 21, deputetët u bënë njolla më e zezë e historisë së re të Kosovës dhe kombit shqiptar në përgjithësi.

Nga mallkimi nuk do të shpëtoni sot, neser dhe përgjithmonë

Deputetët që votuan tradhtinë kombëtare të 26 gusht 2015 në Vjenë, gjegjësisht të marrëveshjes së nënshkruar nga Hashim Thaçi për Demarkimin e Kufirit me Malin e Zi, në kundërshtim me Rezolutën e Kuvendit të Kosovës, përveq mallkimit të gjakut të dëshmorëve të luftës së fundit çlirimtare, do t’i mallkojë brez pas brezi edhe gjaku i paraardhësve tonë të rëne ndër shekuj në mbrojtje të tokave shqiptare të aneksuara nga Mali i Zi, para dhe pas vrasjes së Isa Boletinit e deri në ditët e sotme.
Me ratifikimin e Marrëveshjes së Kufirit, mes Kosovës dhe Malit të Zi, Qafa e Çakorrit, Belluha dhe Kulla nuk janë as nuk do të jenë më pjesë e Kosovës, as e trojeve tona etnike. Ato do t’i kalojnë Malit të Zi, i cili, historikisht, e ka rritur territorin e tij, në dëm të shqiptarëve.
Se, ratifikimi i kufirit me Malin e Zi është tradhti kombëtare duhet ta dinë të gjithë: pushtetarë, parlamentarë dhe populli mbarë! Të mos bëhemi të verbër, injorantë dhe të marrë, territori u fal jo për lëvizje të lirë siq po trumbetojnë tradhtarët, por për kënaqjen e orekseve grabitçare të fqinjëve tanë në njërën anë dhe për shpëtimin e lëkurës së nënshkruesve të aktit të tradhtisë me 26 gusht 2015 në Vjenë dhe jo vetëm kaq, për të shpëtuar edhe ndërgjegjën e vrarë të disa liderëve partiakë të zënë peng nga bashkësia ndërkombëtare shkaku i veprimeve korruptive dhe kriminale.

Trullosja pas pushtetit e komandantëve

U pa qartë, se etja për pushtet të pakufizuar ua ka vërbuar sytë dhe mjegulluar mendjen ish- komandantëve të luftës! Për të kapur pushtetin dhe realizuar interesat klanore jo vetëm që u larguan nga vlerat e luftës për liri, çdo ditë po shkelin idealin e bashkëluftëtarëve, mbi amanetin e dëshmorëve të luftës për liri që u sakrifikuan për mbrojtjen e këtyre trojeve që na i lanë trashëgim të parët tonë.
Tjetërsimi antikushtetues i territorit të Kosovës në favor të Malit të Zi, është largimi më i skajshëm nga vlerat e lirisë dhe denigrimi më i tmerrshëm i transformimit nga luftëtarë të lirisë në shkelës të gjakut të dëshmorëve.
I rënd dhe i pariparueshëm është dëmi edhe i atyre që deri dje thirreshin në vlerat e vizionit rugovian, në shtetndërtim dhe demokratizim të shoqërisë kosovare, të cilët për interesa meskine të përfitimit material iu bashkuan rrënuesve të integritetit territorial të vendit të tyre.

Hipokrizia e deputetëve të LDK-së

Lakmia për para të pista dhe privilegje tjera ua vërboi sytë edhe “institucionalistëve” jasht institucioneve, të cilët harruan amanetin e liderit dhe presidentit historik Ibrahim Rugova për mbrojtjen e Çakorrit e Kullës, për të cilat dhanë jetën qindra e mijëra shqiptarë vetëm gjatë shekullit të fundit!
Tashmë, kur u bënë një me kapësit e shtetit dhe shkelësit e gjakut të dëshmorëve, deputetët e LDK-së nuk kanë më gjë të përbashkët me vizionin rugovian.
Klani i “RIINVEST-it” kot iu rrëfehen gazetarëve të premteve pas dite pa asnjë plak në “xhuma”! Mëkatet e tyre nuk i lanë Drini i Bardhë e as Bistrica e Pejës, nuk do t’i lanë as deti malazias gjatë muajve të nxehtë të verës!
Nuk ka hipokrizi më të madhe se ajo e disa deputetëve të LDK-së, që thirreshin në filozofinë politike rugoviane, ndërsa më pas e votuan tradhtinë për vendin dhe rugovasit e tyre në veqanti!
Tani e tutje, sejmenët e Isa Mustafës, të premteve pas dite mund të flasin çdo gjë tjetër pos politikës, e fare për largimin e kësaj qeverie që i zgjatën jetën në mënyrën më të kobshme për shtetin dhe qytetarët e këtij vendi.

Kontrabandimi i territorit në emër të liberalizimit, mashtrim i radhës

Demarkimi i kufirit me Malin e Zi gjoja në këmbim të liberalizimit nga liderët shtetërorë dhe partiak u përdor vetëm si pretekst për mashtrimin e qytetarëve të lodhur nga varfëria dhe denigrimi social që ju bëri shteti në këto 10 vjetët e fundit.
Edhe përkundër kontrabandimit të demarkacionit me Malin e Zi, liberalizimi i vizave për qytetarët kosovar nuk do të ndodh edhe për një kohë relativisht të gjatë.
Pasi kushti themelor për liberalizim të vizave është luftimi i krimit të organizuar dhe korrupsionit të lartë në vendin tonë. Këtë fakt, një ditë pas ratifikimit të marrëveshjes së turpit në Kuvend e përseritën pothuajse të gjithë zyrtarët evro-perendimorë.
Prandaj në ndërgjegjën e deputetëve që votuan faljen e territorit të vendit të tyre, më shumë se mos liberalizimi i vizave do të peshojnë 8230 hektarë tokë e humbur e Kosoves, e larë me gjakun e shqiptarëve ndër shekuj.
Ndërkombetaret po deshën, e kanë mundësinë e liberalizimit të vizave për qytetarët kosovare edhe pa kushtin e Demarkacionit dhe kushteve tjera të siperpërmendura.

BE-ja me kritere të dyfshta për Kosovën

Bashkesia ndërkombëtare në vend të penalizimit të padrejt të qytetarëve, duhet të ndëshkoj politikanët e korruptuar dhe tejinkriminuar në Kosovë.
Do të ishte në nderin e bashkësisë ndërkombëtare, në veqanti BE-së që t’ua heqë barrierat qytetarëve të Kosovës për levizje të lirë e jo t’i mbajë të getoizuar 2 milion qytetarë të pafajshëm për shkakun e një klase sa të papërgjegjshme po aq të korruptuar politike.
Bashkësia ndërkombëtare getoizimin dhe mbylljen brenda rrethit të “hekurt”,duhet t’ua bëjë politikanëve të korruptuar dhe tejinkriminuar, t’u vëjë kushte për antarësim në BE dhe OKB, por në asnjë rrethanë të mos e pësojnë qytetarët e pafajshëm dhe të ndershëm të këtij vendi.
Sikur BE-ja dhe SHBA-të, të ishin të interesuara që Kosova të bëhej një shtet në kuptimin e plotë të fjalës, me qeverisje të mirë dhe zhvillim ekonomik do duhej t’i izolonin politikanët e jo qytetarët.
Kërkesa e drejt e BE-së për luftimin e krimit të organizuar dhe korrupsionit nëse nuk pasohet me masa konkrete për largimin e të korruptuarve nga pushteti në Kosovë, ashtu siq kaluan afro 20 vjet, do të kalojnë edhe po aq të tjera dhe Kosova prapë do të mbetët në margjinat e saj sa i përkët plotësimit të kritereve për antarësim në BE dhe OKB.
Ndryshe, levizja e lirë e njerëzve është e drejtë universale, mbajtja tutje nën “GETO” e qytetarëve të pafajshëm kosovar (më pro-evropianëve të Ballkanit) për mëkatet e klasës së tyre politike është e pakuptimtë dhe papranueshme!

Bëhet fjalë për 70-vjeçarin Sabit Maliqi, që jeton në fshatin Graxhanik të Kosovës, shtëpia e të cilit gjendet buzë një përroi.

Nëse ne jemi mësuar të kemi miq, fqinj, të shkëmbehemi me njerëz në rrugë apo të jetojmë pranë familjarëve tanë, dikush ka preferuar të jetojë për çdo ditë i vetëm.

Në një reportazh për RTV21 i moshuari tha se është i kënaqur dhe nuk pranon kurrsesi ta lërë jetën e fshatit.

“Dy ditë në Prishtinë më duken si dy javë”.

Maliqi është mësuar me vetminë dhe me t’i bërit gjërat vetë. Ai gatuan dhe kujdeset për gjithçka tjetër që i siguron ushqim.

Për shkak të rrugës së keqe, e cila mund të kalohet veçse me traktor 70-vjeçari rrallëherë lëviz nga fshati i tij.

“Sabiti është interesant. Edhe ne befasohemi se si e organizon jetën.

Me përjashtim të 3 muajve verë nuk ka mundësi asnjëherë tjetër të lidhet me rrugën kryesore.

E para për shkak të baltës dhe e dyta sepse bie borë shumë”, tha njëri prej banorëve të një fshati fqinj.

Avdullah Hoti

Lidhja Demokratike e Kosovës nuk e mbështetë përfaqësimin e Kosovës në dialogun politik me Serbinë në nivelin e presidentit.

Kështu ka thënë shefi i Grupit Parlamentar të LDK-së, Avdullah Hoti, gjatë një konference për gazetarë, ku ai tha se takimet e presidentit të Kosovës, Hashim Thaçi me atë të Serbisë, Aleksandar Vuçiq në Bruksel, nuk janë autorizuar nga Kuvendi i Kosovës.

“Jemi duke parë një dialog pa platformë, të papërgatitur më një ekip negociator jo kompetentë për të çuar përpara agjendën. Kemi parë përfshirje të paautorizuar të presidentit”, tha Hoti.

Ai rikujtoi se Kuvendi i Kosovës ka nxjerrë tashmë edhe dy rezoluta për dialogun me Serbinë të cilat nuk e autorizojnë presidentin të udhëheqë dialogun.

“Kuvendi e ka autorizuar atëherë Qeverinë që të zhvillojë dialog me Serbinë në përputhje me parimet e ruajtjes së integritetit të Kosovës. Dhe çdo marrëveshje që arrihet duhet të ratifikohet në Kuvendin e Kosovës”, tha Hoti.

Vlla Ramush

M’thuej

Ku mbet gjithë ajo Madhështi?

Tri herë t’erdha n’zyrë e tri herë s’me lë me folë:

– nuk do të RATIFIKOHET, sepse nuk i kan votat dhe nuk do ti kenë kurrë sa t’jetë AAK

– Çakorr e Kullë kurrë s’do t’lëvizin!

– flij rehat o artist m’the!

Por artisti ( i pavlerë për Pushtetin ) sot e dëgjoi nga Ju edhe kët deklaratë:

– Po,

– sigurisht se do ta Ratifikojmë

– jemi tue e lut listën serbe për vota,

– LDK asht komplet PRO

Lum vllau

Ne nuk t’kemi çua aty me i lut Serbët as me i bind.

Leri ata ta hajnë kokën e vet, po ruaje mos ta hanë Zveçanin deri n’Rashkë, se hatri s’me mbetet në Ty aq sa nê Naser Rugovën ( fisin e rrajën e Ibrës) që zemër e Çakorr e LDK ia fali Malit Zi.

Dhe merre këshillën që mua ma la Azem Shkreli, buzeqeshju shqiptarit kur të shanë se vetëm ashtu e vret, e mos u merr me Avdullahun, se atij i intereson rrushi e jo Çakorri!

Po m’thuej

Ku mbet gjithë ajo MADHËSHTI që e pate për ushtarin, e popullin e okupuem e mua artistin “pa vlerë!”

Dhe më vjen keq që me duhet ta them:

-Kosova gjithmonë asht krenua me Rininë, por me keqardhje e them se deshpërimi po me vjen edhe nga kjo Rini që kërkon m’e coptua Kosovën e copa copa me falë për nji pasaportë pa VIZA.

Mos iu qoftë hallall kurrë atyne që e binden kaq gabimisht pjesën ma vitale të kombit tim!

Krimi dhe korrupcioni janë dy temat kryesore që duhet përmbushur Kosova për të pasur liberalizim të vizave , veq temës se demarkacionit siq po trumpetohet më të madhe në opinion nga ata që dojnë me ia lanë vetit namin tek rinia ,së gjoja ata janë shpetimtaret pse do të kemi levizje të liëe, e në fakt kan luftuar për ratifikim të demarkacionit, së ndoshta nuk do të përgjigjën si të dyshuar për krime të luftës para Gjykatës Speciale.Këta liderë partiak dhe shtetëror kan dëshmuar moti së nuk janë të zotët që ti avansojnë proceset përpara.Disa prej tyre mbartin hipoteka të rënda mbi supe të krimit , të korrupcionit , të pasurimit të jashtligjshem, dhe janë të implikuar në kontrabanda dhe trafikime të ndryshme .Këta e kan bishtin e zënë më derë dhe bashkësia ndërkombëtare vepron më ta bash si të dëshiron . Kosova seriozisht po rrezikohet të rrudhet tepër shumë duke humbur tokë serish siq humbëm në të kaluarën nga fuqitë e mëdha të kohës. Serbosllavët pa luftë po arrijnë prap ti zgjerojnë territoret e tyre më tokat shqiptare, jo krejt pa fajin edhe të faktorit ndërkombëtar .

I morën 2500 hektarë tokë në kufi më Maqedoni pa e pyetur fare palën shqiptare. I mori 8200 hektarë tokë pala malazeze më izën e shqiptarëve në pushtet.U formua Asociacioni i veqant i komunave serbe , me kompetenca të veqanta në veri të Kosovës.Këto kompetenca vendimarrëse të minorotetit serb janë synim që gradualisht të kemi ndarje të Kosovës mbi bazat etnike. Dhe, së fundi kur do të bëhët demarkimi më Serbinë serish më gjasë do të humbim territore , që do të ishte fatale për Kosovën dhe shqiptarët. Sikurse që janë duke punuar keq kjo klasë politike edhe keq këto punë do të bitisën .Nuk ishte dashur te lejohen gjitha këto lëshime të cilat kan filluar për asnjë qmim.Dhe, dikush ishte dashur për shkelje të kushtetutës së vendit të përgjigjet edhe penalisht. Nuk u luftua historikisht që bëhemi humbësit më të mëdhenje në Ballkan .Te gjithë fqinjët tanë bashkë më grekët i shtuan territoret e shteteve të tyre ,duke ua marr territoret shqiptarëve ! Kur është fjala të territoret dhe të vendosja e rendit dhe ligjit, të avansimit të demokracisë dhe kalimit më të lehtë të fazës së tranzicionit, pa faj nuk është as faktori ndërkombëtar ne Kosove , pa e shfajësuar këtu klasën e dobët politike . Pas luftës i patem shumë struktura ushtarake dhe civile si, KFOR-in, UNMIKU, EULEX-I e shumë organizata jo qeveriatre të Evropës , dhe për qudi qytetarët e Kosovës nuk kan viza edhe gadi pas 19 vitesh të përfundimit të luftës. Evropën në një fare mënyre e patem mbrenda Kosovës, e ata nuk na lejuan deri me sot që edhe në te jemi në Evropë , pos gjeografikisht ,pa e mohuar ndihmen e dhënë për mvetësi nga Serbia.

Sigurisht sikur të kishim pasur levizje të lirë , nuk do të përballeshim më të gjitha këto probleme të natyrës ekzistenciale , por as më nivel kaq të lartë të korrupcionit .Bashkësia ndërkombëtare nuk mund të lirohet nga përgjegjesia edhe për faktin së deri në vitin 2008 deri sa u zyrtarizua pavarësia e kishte kontrollin dhe ingerencat e plota mbi Kosovën . Kurrë nuk e luftuan krimin dhe korrupcionin UNMIK-u dhe EULEX-i.Me këtë indolencë shumë i kontribuan pasurimit të pa ligjshem të njerëzve të caktuar të politikës dhe të biznesit.I kontribuan gjithashtu edhe varfërimit të madh , sikurse nuk bën asgjë as në hapjen e vendeve të reja të punës , privatizimit katastrofal… Një qasje krejt tjetër shumë më serioze duhet ta kemi karshi problemeve të grumbulluara të natyrës ekonomike por edhe politike , në menyrë që proceset demokratike dhe zhvillimore të vendit të marrin të mbarën .

Duhet të jemi shumë më autonom në vendime e jo gjithmonë të mvaremi nga faktori ndërkombëtar. Duhet të spatrohet më Ligjin e Vetingut kjo klasë politike nga elementet criminale dhe korruptive.Të gjithë abuzuesit dhe profiterët , dhe ata që u pasuruan në mënyre jo ligjore tu konfiskohet pasuria dhe të përgjegjën para organëve të drejtesisë. Kur jemi të këto organe të cilat e bëjnë ligjin , sigurisht së ka kritika karshi tyre. Ato janë në masë të ndikuara nga politika ditore , janë instaluar edhe struktura të njerëzve të fuqishem të politikës dhe të biznesit, dhe kjo pastaje bën që mos të kemi drejtësi të mirëfilltë .Pa organe të mirëfillta të drejtësisë nuk do të kemi shtet ligjor dhe as shtet demokratik. Nese ndikimi i politikës nuk largohet nga organet e drejtësisë dhe gjyqësori, Kosova do të jetë shumë largë të bërit shtet normal…

– Me 8-10 korrikë 1945, përfaqësuesit shqiptarë në “Kuvendin” e ashtuquajtur të Prizrenit i duartrokasin bashkangjitjes së Kosovës, Serbisë…!

– Me 23 mars 1989, deputetët e Kuvendit të KSA Kosovës i miratuan ndërrimet kushtetuese, ku Kosova me “deshirë” e me votim ligjërisht u bë pjesë e Serbisë

– Me 21 mars të vitit 2018, Parlamenti i Kosovës i duartrokret humbjes, e cila vlerësohet se është më shumë se 82 kilometra katror…!

Dhe, le të jetë edhe vetëm një kilometer tokë, pse t’i falet territor Malit të Zi…! Dhe çka është edhe më tragjike dhe poshtëruese, është injoranca, mjerimi i deklarimit se këtë kinse e kanë bërë në interes të Kosovës…!
Këtyre vendimeve bile së paku të mos u duartrokisnin…!?

Nga e hëna, ekipi negociator i Kosovës ka qëndruar në Bruksel, ku ka zhvilluar takime me palën serbe në kuadër të dialogut për normalizim të marrëdhënieve.

Asociacioni i komunave me shumicë serbe është përgjegjësi e Prishtinës dhe ne nuk guxojmë dhe nuk mund të ikim nga ky obligim, tha Blerim Shala, këshilltar i presidentit të Kosovës, Hashim Thaçi.

Ai i bëri këto komente në një debat në Beograd me temën: “Dialogu diplomatik – gjendja dhe perspektiva e dialogut të Brukselit”.

“Shpresoj se shumë shpejt do të formojmë grupin punues dhe ky grup me ekipin menaxhues, që e përbëjnë katër serbë, dhe me OSBE-në do të nisë të punojë në Statutin e Bashkësisë apo Asociacionit, ndërsa fjala e fundit do të jepet në nivelin më të lartë në Bruksel, sepse kjo është një çështje politike. Ky Asociacion, kjo Bashkësi do të formohet”, tha Shala, raporton Shërbimi i Ballkanit i Radios Evropa e Lirë.

Shala po ashtu tha se është herët të flitet për një marrëveshje ligjërisht të detyrueshme midis Prishtinës dhe Beogradit për normalizimin e marrëdhënieve, por shtoi se vetë koncepti i një marrëveshjeje të detyrueshme ligjore sugjeron se ajo do t’i detyrojë ligjërisht Serbinë dhe Kosovën.

“Llogarisim se normalizimi duhet të jetë vetëm faza e parë e marrëdhënieve, e cila duhet të rrumbullaksohet me pajtimin midis popujve, pajtimin në mes të Kosovës dhe Serbisë”, tha Shala.

Ramush Haradinaj, me të nisur seanca, ishte i pari që mori fjalën e tij. Ai tha se vota pro kësaj Marrëveshjeje është vota për të ardhmen e qytetarëve. Tha se duke votuar pro nuk rrezikohet territori i Kosovës

Ai e ka paraqitur para deputetëve Projektligjin për Marrëveshjen.

“Jam i bindur se marrëveshja mes dy presidentëve është që të korrektojnë gabimet e bëra.

Vota pro këtij ligji është votë për perspektivën dhe për liri të lëvizjes. Ju garantoj se ratifikimi i këtij ligji nuk e rrezikon territorin e Kosovës, vendimi është në dorën tuaj, sot vota juaj është e ardhmja e qytetarëve.

Sot është tentimi i katërt i Kuvendit të Kosovës, që brenda këtij viti të kalojë Marrëveshja për Demarkimin e kufirit me Malin e Zi. Ndërsa të pranishëm në sallë janë 85 deputetë.

Kuvendi i Kosovës mblidhet sot në seancë të jashtëzakonshme për shqyrtimin e Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi.

Gjatë këtij viti, në tri raste Kuvendi i Kosovës është mbledhur në seanca plenare për ratifikimin e demarkacionit me Malin e Zi, por nuk ka arritur të kalojë në procedurën e votimit, për mungesë të votave.

Marrëveshja e demarkacionit të kufirit me Malin e Zi është nënshkruar në gusht të vitit 2015 në Vjenë. Ndërkohë, Kuvendi i Malit të Zi e ka ratifikuar këtë marrëveshje, por jo edhe ai i Kosovës, për shkak të mungesës së konsensusit të brendshëm.

Ratifikimi i kësaj marrëveshje, mbetet kusht i parafundit i vendosur nga Komisioni Evropian për heqjen e regjimit të vizave për qytetarët e Kosovës.

• 

  Zijadin Gashi

  Zijadin Gashi, i lindur më 1973 në Prishtinë. Me gazetari ka filluar të merret që nga viti 1997, duke u angazhuar fillimisht nëpër mediat lokale. Si korrespondent i Radios Evropa e Lirë punon që nga maji i vitit 2001. Kryesisht ka mbuluar aktualitetin politik në Kosovë.

  Nga 1 shkurti 2016, është emëruar shef i Byrosë së Radios Evropa e Lirë, në Prishtinë. Ai është i martuar dhe ka 3 fëmijë.

  [email protected]

Shtetet e Ballkanit jo që kan stagnim të proceseve , por kan tendenca të kthimit mbrapa në vitet e 90-ta .Ngjashmeria më atë kohë po shihet dhe po përjetohet si më kriza politike , kriza ekonomike, më kercnime për luftë nga sistemet e instaluara më shumë autokratike së sa demokratike. I ka goditur kriza e migrimeve duke mbajtur gjendje të tensionuar si më rastin e shpërbërjës së ish-Jugosllavisë.Bashkësia ndërkombëtare sikur po është e kënaqur më rrymat e tilla politike të prodhimit të krizave , sepse më këto struktura politike edhe më lehtë e kan të veprojnë .Edhe në Kosovë kemi një gjendje ku strukurat politike në pushtet janë struktura të cilat për shumë vite janë kompremetuar duke abuzuar më të madhe më të mirat materjale shoqërore , duke u implikuar në krim të organizuar e veqmas në korrupcion galopant.Brukseli sikur po shprehë gadishmëri që ti përqafojnë këta politikan kontravers të rajonit në emer të gjoja të mbajtjes së stabilitetit në këtë pjesë të Evropës.

BE-ja më shumë verbalisht së sa praktikisht po interesohet për sistemet autokratike të kurdisuara në Ballkanin Perëndimor.Njerëzit që janë instaluar në krye këtyre shteteve po shkelin rendin kushtetues dhe ligjet e shteteve të tyre . Mbajtja e dy arshineve të strukturës së BE-së karshi këtyre udhëheqjeve shtetërore , është duke i dëmtuar rëndë proceset demokratike zhvillimore dhe janë duke i varfëruar popullatën në mënyrën më brutale të mundshme. Në Ballkan janë krijuar rrjete të përbëshkëta kriminale, të cilat po bashkëpunojnë mirë më njera –tjetrën.Po shfrytëzohen pikat kufitare për shferce të ndryshme , për trafikim dhe kontrabanda duke i dëmtuar kështu rënd interesat shtetërore dhe interesat e qytetarëve .Ne shtetet e rajonit edhe në Kosovë , elitat po ngjasojnë shumë në diktatura, të cilat kanë instaluar “Stabilokracinë” duke lënduar kështu rëndë Demokracinë.

Partnerët politikë të cilët premtojnë stabilitet e sjellin autokracinë janë shumë të rrezikshem.Kështu që partnerë të BE-së në Ballkan ishte dashur të jenë demokratet e jo stabilokratet. Këta stabilokrat janë duke I trajtuar qytetarët si rob.Këto shtete të rajonit janë shëndrruar në shtete autokratike , ku elitat politike të tyre nuk po hezitojnë fare të sillën dhe të veprojnë brutalisht .Edhe Kosova bashkë më disa shtete të rajonit gjithnjë e më shumë është duke e humbur kuptimin e vendit të lirë .Politika pushtetare në vendin tonë është duke diktuar gjithqka dhe është infiltruar në qdo pore të jetës, e që nuk ndodhë në shtetet më demokracië të zhvilluar.Ne emer të pushteteve liberale e kan shëndrruar qytetarin në të dëgjueshem të slloganeve politike të tyre të rrejshme .

Shteti kur është i pavarur nga elitat gjoja demokratike, e kontrollon më mirë interesin e përgjthshem. Demokracia si sistem thirret në të drejtat e përgjithshme të qytetarëve .Zgjedhjet e ndershme dhe të lira janë elementet fundamentale te demokracisë , ku shteti funksionon për popull…

Në kohën kur shpërbërja e Parlamentit mund të jetë çështje ditësh dhe orësh e jo më gjatë, me ç’rast do t’u hapet dera zgjedhjeve të jashtëzakonshme, pashmangshëm shtrohet pyetja, cila do të jetë alternativa më e mirë për qytetarët!?
Nga paslufta e deri në ditët e sotme, për qytetarët asnjëherë nuk ka qenë më e vështirë të përcaktohen për voten e tyre!
Të gjitha partitë aktuale politike, me përjashtim të VV-së janë sprovuar në pushtetin qendror. Partitë që qeverisën me vendin nga paslufta deri sot, qytetarëve nuk u sollen gjë të mirë, përveq vuajtje e mjerim, mashtrime e zhgënjim deri në thyerje të shpresave për largim nga vendlindja e tyre.
Katandisja e skenës politike kosovare ka rezultuar me degradimin e Parlamentit të Kosovës. Fjalori i ulët, gjuha denigruese dhe fyese mes deputetëve, e ka shndërruar Kuvendin e Republikës së Kosovës nga institucionin më të lartë ligjvënës në një cirk të qenieve pakurrizore, pa dinjitet, pa etikë dhe pa fije turpi.
Ka ardhur koha që pas 10 vjetëve të keqqeverisjes së vendit nga antivlerat, nga matrapazët politikë e të gjitha ngjyrave e llojeve, të vijnë në shprehje njerëzit me integritet moral, përgatitje profesionale, të guximshëm dhe atdhedashës.
Nga partitë aktuale të skenës politike kosovare, dy prej të cilave e kanë dominuar qeverisjen e vendit (LDK e PDK) nuk e meritojnë të qeverisin tutje shkaku i devalvimit në vlera, gjegjësisht të largimit nga vlerat në të cilat janë ngritur në majat e pushtetit.
-E para, LDK-ja është larguar aq shumë nga vlerat demokratike dhe vizioni rugovian, saqë më nuk ka mbetur asgjë nga trashëgimia e saj rugoviane. Pas shkuarjes në amshim të liderit historik Ibrahim Rugova, ambiciet për të marrë timonin e partisë prodhuan ndarjen në dysh të këtij subjekti politik.
Për më keq se kaq, ndarësit fatal të këtij subjekti politik për të kënaqur egon për pushtet në vend që ta luftojnë, vrapuan drejt e në shtratin e SHIK-ut. Sikurse në pushtet, ashtu edhe në opozitë LDK-ja u shndërrua në patericë të PDK-së, gjegjësisht në mbajtjen e “zhagut” keqqeverisjes, kapjes së shtetit, krimit të organizuar dhe korrupsionit të lartë në vend.
Në anën tjetër PDK-ja, si njëri nga fraksionet e dala nga lufta çlirimtare, gjegjësisht krerët e saj duke u thirrur në vlerat e luftës dhe gjakut të derdhur për lirinë e vendit, gjegjësisht familjen e madhe Jashari dhe sakrificen e tyre sublime, pa asnjë meritë personale në luftën çlirimtare u katapultuan në majat e pushtetit, sistemit të drejtësisë dhe gjitha institucioneve tjera shtetërore.
Pa dashur të amnistojë partitë e tjera ekzistuese, binomi LDK-PDK është binomi i cili bartë sikurse meritat minimale në shtetndërtim, ashtu dhe përgjegjësitë e mëdha në dështimin e zhvillimit ekonomik, rrënimin e sistemit shëndetësorë (jemi i vetmi vend pa sigurime shëndetësore), degradimin e sistemit arsimor, dhe gjitha segmenteve tjera të domosdoshme për jetën e qytetarëve.
Pas çdo dështimi të PDK-së qendron prapa LDK-ja, e cila për 10 vjet rresht i zgjati jetën dhe e mbajti në pushtet PDK-në me kredibilete të humbur politik.

Largimi nga vlerat dhe përcaktimet programore

Largimi i dy partive (PDK-LDK) nga vlerat dhe përcaktimet programore, ka bërë që të humbasin besimin në elektoratin e tyre tradicional. Sikurse PDK-ja, që është shkëputur totalisht nga vlerat e luftës çlirimtare, ashtu edhe LDK-ja është tretur shumë largë nga vlerat rugoviane, nga tradita e respektimit të rregullave demokratike, dialogut të brendshëm partiak, tolerancës, mirëkuptimit dhe transparencës në marrjen e vendimeve.
Sikurse PDK-ja, një fraksion i dalë nga lufta çlirimtare, e shndërruar në parti politike duke u thirrur në vlerat e luftës çlirimtare, në gjakun e derdhur për lirinë e vendit,…duke shkelur mbi gjakun e familjes Jashari dhe mijëra dëshmorëve të tjerë, nuk i ngjet PDK-së së dikurshme,…poashtu edhe LDK-ja e sotme nuk i ngjet më aspak formacionit politik rugovian.
LDK-ja, e cila deri dje kërkonte largimin e së keqës së madhe për vendin nga pushteti (PDK-në e Hashim Thaçit), ishte bërë pjesë e saj, duke i kthyer shpinën elektoratit të saj besnik për të harruar të gjitha akuzat kundër PDK-së për korrupsion, krim të organizuar, hajni, kapje të shtetit,…etj.
LDK-ja e kapur nga grupet e interesit, e bashkuar me kapësit e shtetit u shndërrua në uzurpatore të shtetit dhe thyerse e shpresave të qytetarëve.

Dëmi i pariparueshëm

Me një fjalë, kjo klasë e kusarëve të pangopshëm politik brenda këtyre dy subjekteve politike, për ruajtjen e pasurive të tyre milionshe, të krijuara përmes aferave korruptive, hajnisë dhe krimit të organizuar, janë shndërruar në binom shkatërrues të shtetit të Kosovës.
Në anën tjetër, drejtuesit e këtyre dy partive (Thaçi-Mustafa) janë përdorur si kuisling nga faktori ndërkombëtar (Brukseli në radhë të parë) për konçesione politike me Serbinë në dëm të vendit dhe interesave të qytetarëve të Kosovës.
“Unë sot kryeministër, ti nesër president”, ishte marrëveshje private, e pazarit politik mes dy njerëzve të padinjitetshëm, dy figurave të dështuara, sa të njëjta po aq të kundërta politike.
Arritja e “kurorës politike” mes dy liderëve partiak (Thaçi-Mustafa), duke u thirrur në emër të strukturave të partisë pa i pyetur fare ato, është injorimi dhe poshtërimi më i madhë që u bënë kryesive dhe këshillave të përgjithshme të të dyja subjekteve, duke instaluar masat më të tmerrshme të diktatit brenda këtyre dy partive politike.

Turpi më i madh dhe dëmi më i pariparueshëm që i bëri LDK-ja vendit ishte lidhja e kurorës qeverisëse me PDK-në e Thaçit në vitin 2014, për të kënaqur egon e sëmurë për pushtet të liderit të saj, me ç’rast i zgjati jetën keqqeverisjes së vendit dhe kapësve të shtetit,…dhe për më keq se kaq prodhoj dy marrëveshjet fatkqe për vendin, gjegjësisht, marrëveshjen e 25 gushtit 2015 në Bruksel për Asociacionin e komunave serbe të nënshkruar nga ish kryeministri Isa Mustafa dhe marrëveshjen e një dite më pas në Vjenë me 26 gusht 2015 të nënshkruar nga presidenti Thaçi (i zgjedhur nga LDK-ja), pasojat e së cilës marrëveshje po i vuajnë qytetarët e vendit tonë.

Me qëllim nuk i permenda partitë e vogla, jo pse janë më pak mëkatare në degradimin e institucioneve shtetërore, por për faktin se fuqia e tyre politike në disa raste është e vogël dhe e papërfillshme.
Megjithatë, përgjatë muajve të fundit edhe shuma e partive të vogla shqiptare në krye me AAK-në janë bërë pjesë e pazareve të pista politike për rrënimin e integritetit territorial dhe sovranitetit të vendit tonë.

Më e rëndë se degradimi i dy subjekteve të mëdha politike, mbetet heshtja qytetare kundrejt keqeverisjes,…e pajustifikueshme mbetet heshtja dhe indiferenca e popullatës kundrejt Asociacionit të komunave serbe (Zajednicës) dhe Demarkacionit me Malin e Zi!
Në Kosovën e sotme, me secilin që flet veq e veq, askush nuk pajtohet me situaten e krijuar, mirëpo kur është në pyetje bashkrendimi i forcave (organizimi), të gjithë hezitojnë, sikur mungon vullneti dhe guximi qytetar për t’u përballur me sfidat e kohës!
Duket, sikur të gjithë janë duke pritur rënjën e kësaj qeverie, për të triumfuar si “heronjë” të demokracisë.
Prandaj është momenti i fundit që zërat kundërshtues nga popullata të bëhen më aktiv, më të zhurmshëm dhe më sfidues në parandalimin e humbjes së territorit me Malin e Zi dhe krijimit të Asociacionit të komunave serbe në veri. Asociacion ky i cili krijon bazamentin e një shteti paralel në brendi të Republikës së Kosovës.
Deri të kjo situatë kemi ardhur për faktin se partitë politike në pushtet dhe opozitë për 10 vjet rresht në vend të interesit të shtetit, kanë mbrojtur interesat partiake dhe personale.
Përfundimisht shtrohet pyetja; ku është shoqëria civile, ku është populli që po e duron dhe mbanë në pushtet këtë klasë të pandërgjegjshme, të korruptuar dhe tejinkriminuar që e rrënuan shtetin dhe degraduan të gjitha instiucionet shtetërore dhe private në vend.

    Dita e marsit  2018, kur Kuvendi i Republikës së Kosovës, shtetit ma të ri të botës, do të shkojnë  drejt Ratifikimit të Marrëveshjes me Malin e Zi lidhur me Demarkacionin, më duket se përban një “Ditë të zezë”, pasi i humbim mbi 80 km2 tokë etnike shqiptare, për pafuqinë dhe fajësinë shtetërore e politike të Kosovës euro-atlantike si dhe të Shqipërisë Londineze.

                Gjithato herë, tash pesë vite, kam shkrue për këtë çështje, që po mbyllet politikisht e juridikisht, por që do të mbesin një plagë e hapur për shqiptarët në Ballkan e në Botë.  Sidoqoftë, dihet, nuk kemi asnjë fuqi magjike, nuk kemi as firmë e vulë, për ta ndalë këtë votim në Kuvendin e Kosovës, po kemi me folë e me shkrue deri në ma të fundmen ditë të jetës ndaj padrejtësive të tilla që na i ndëshkojnë truallin e të parëve tanë dhe brezat e sotëm e të nesërm. Pra, nuk na ka shterrë fuqia e zërit dhe e shpirtit me folë për Demarkacionin edhe pas të “Ditës së Zezë” të miratimit të mundshëm të tij, po sot due me i bá një Apel Kuvendit të Kosovës, deputeteve e deputetëve të tij, që të mos e kalojnë këtë çështje bash lehtë, kaq nënshtrueshëm, etj., por t’i vendosin medoemos disa kushte shtetit të Malit të Zi, në të mirë të Shqiptarëve që jetojnë nën Malin e Zi, për të mirën e Kombit Shqiptar.

             Sigurisht, nuk e kam ndërmend me gjetë fjalë të bukura, as me bá komente të tepërta, etj., po due me i listnue në vargavijë disa çështje që mund të shqyrtohen në Kuvendin e Kosovës ma përpara ose bash në “Ditën e Zezë” të miratimit të Demarkacionit, të cilat mund të jenë disa nga kushtet që Kosova mund t’i vendosin Malit të Zi:

1.- Rruga  Ndërkombëtare Panshqiptare Plavë-Deçan.

2.-Pika kufitare e doganore Plavë-Tropojë (Vranicë-Çerem) sipas Marrëveshjes zyrtare të kryeministrave Berisha-Gjukanoviq e akteve të tjera të mavonshme.

3.- Ligji për Të Mirat Detare.

4.- Problemet e Kripores së Ulqinit.

5.- Hapjen de-facto të pikës kufitare Cemi i Trieshit-Grabom, që e lidh Kosovën e shqiptarët e Plavë-Gucisë, etj. me kryeqytetin e Malit të Zi.

6.-Zgjidhjen e problematikave lidhur me përdorimin e Simboleve Kombëtare Shqiptare në Malin e Zi si Flamuri Kombëtar Shqiptar, Gjuha Shqipe, etj.

7.-Çështje të arsimit shqip në shkollat e Malit të Zi si librat shqip, keqinterpretimet historike për çështje kombëtare shqiptare, etj.

8.-Zgjidhja përfundimtare e disa problematikave ende të hapura të komunës urbane të Tuzit në Podgoricë.

9.-Problematikat e krijuara nga Kisha Malazeze e Kisha Serbe në territoret etnike shqiptare.

10.-Zgjidhja e problematikave nga Parku Kombëtar i Paqes, që cënojnë të drejtat e shqiptarëve etnikë në Plavë, në Guci, etj.

11.- Caktimi i një nënkryetari shqiptar në komunën e Gucisë me mbi 40 për qind shqiptarë etnikë.

12.-Heqja e Deponisë helmuese në Martinaj të Gucisë, e cila po e përkeqëson gjendjen në krejt krahinën dhe do të ndikojnë në shpërngulje të shqiptarëve etnikë nga trojet e veta.

13.-Mos ndërtimi i mini-hidrocentraleve në krahinën e Plavë-Gucisë, si në Hot, etj.

14.-Kthimi i bjeshkëve të Martinajve (komuna Guci) që ua ka marrë para dy dekadave komuna e Andrejavicës në Malin e Zi.

                Këto e çështje të tjera kanë dalë si problematika dhe po mbeten të hapura prej vitesh, çka po ndikojnë në jetën e ardhmërinë e shqiptarëve trojenik nën Malin e Zi, po krijojnë probleme të zhvillimit ekonomik e kulturor në trevat etnike shqiptare në Ulqin e Tuz, në Tivar e Plavë, në Rrozhajë e Guci, etj., duke sjellë  shpërngulje të tyre në dhéra të tjera, braktisje të kullave, tokave, pronave, vendit të tyre të shenjtë. Shqiptarët nën Malin e Zi janë në tokën e vet, në shtëpinë e vet, ndaj duhet të ndjehen të tillë, duhet t’i ndihmojnë të ndjehen të tillë, si Kosova, edhe Shqipëria.

                Kuvendi i Kosovës në ditën e votimit të Demarkacionit nuk duhet të dorëzohet pa kushte, pasi duhet të ndjehen sado pak shqiptarë të vërtetë deputetet e deputetët e tij, të pakten e tekefundja, duke caktue disa nga këto kushte të lartcekura ndaj Malit të Zi. Ka ardhë koha politikanë të Kosovës  që në Çështjen e Demarkacionit të tregoheni sa ma pak tradhtarë e sa ma shumë shqiptarë.

 Kuvendi  i Kosovës nuk është mirë të dalin nga salla e seancës plenare për Demarkacionin pa një Rezolutë Parlamentare apo shumçka tjetër që i përcakton disa kushte për Shtetin e Malit të Zi, pasi këto do të jenë në të mirë të shqiptarëve etnikë në trojet e shtëpitë e tyre në Malin e Zi, do të jenë në interes të zhvillimit ekonomik e kulturor të treshtetshit ballkanik: Kosovë-Mali i Zi-Shqipëri; do t’i shërbejnë sigurisë, paqes e ardhmërisë së përbashkët në Ballkan.

 Dardani, 17 mars 2018

Zëvendëskryeministri i parë Behgjet Pacolli është i bindur se jo vetëm deputeti goran Adem Hodza, por e gjithë Lista Serbe do ta votojë Demarkacionin me Malin e Zi, në seancën e së martës. Ai ndonëse aktualisht është jashtë vendit, thotë për Express se deri tani me gjithçka ka qenë në rregull me deputetët e pakicave

Ministri serb në Qeverinë e Kosovës, Dalibor Jevtiq ka deklaruar për mediet serbe se Lista Serbe nuk do ta votojnë marrëveshjen e kufirit Kosovë- Mal i Zi. Por, kjo deklaratë nuk po ia mbush syrin, kreut të AKR’së Behgjet Pacollit. Krejt këto sipas tij, janë vetëm sipas medieve të Beogradit.

“Me Listën Serbe ka qenë pothuajse krejt në rregull unë besoj se kjo është vetëm për shkak të medieve të Beogradit sepse gjithçka ka qenë në rregull. Unë prapë po rezervohem që sot të flas më kryeministrin, ai di gjithçka unë nuk di asgjë”, thotë Pacolli për Express.

Megjithëse, zëvendësi i Ramush Haradinajt, duke i komentuar raportimet se njëri nga deputetët e Listës Serbe, Adem Hodza, do ta votojë marrëveshjen, tha se jo vetëm ai, por e gjithë partia serbe në Kosovë do ta jap votën pro.

“Unë besoj sa i përket Adem Hodzës se janë vetëm spekulime, sepse demarkacioni do ta votojnë krejt, jo vetëm ai. Unë besoj nesë ska ndryshu diçka radikale krejt në rregull ka qenë. Skom fol ende me askënd se jam jashtë”, ka shtuar ndër tjerash ai.

Seanca për Demarkacionin është caktuar që të mbahet të martën në ora 16:00. Koalicioni Qeverisës ka deklaruar se aktualisht i kanë 79 vota. Derisa janë në bisedime edhe për votën e 80’të. Lëvizja Vetëvendosje janë kategorikisht kundër votimit, sikurse edhe nga Krahu i Molliqajt.

Tri seanca të mëparshme dështuan të mbaheshin për marrëveshjen me kufirin. Shkak i këtij dështimi, ishin mungesat e votave. Partneri Qeverisës kishte deklaruar se seanca do të mbahej vetëm atëherë kur të siguroheshin votat e mjaftueshme për ta kaluar atë.

Për ratifikimin e marrëveshjes së demarkacionit, nevojiten 80 vota nga 120 deputetë që ka parlamenti i Kosovës.

Marrëveshja për demarkacionin me Malin e Zi e nënshkruar në vitin 2015 është plotësuar edhe me një aneks-marrëveshje ndërmjet dy presidentëve, atij të Kosovës Hashim Thaçi dhe të Malit të Zi Filip Vujanoviq.

Në marrëveshjen e nënshkruar ndërmjet dy presidentëve, thuhet se pas ratifikimit të demarkacionit në kuvendin e Kosovës, të dy vendet do ta rishikojnë vijën kufitare dhe do të bëhen korrigjime nëse ka pasur lëshime.

Votimi i Demarkacionit me Malin e Zi do t’i liberalizonte vizat për kosovarët. Ky është kushti i fundit i BE’së për Kosovën, që çon drejt vizave. Ndërkohë, ndërkombëtarët vazhdimisht po u bëjnë thirrje ligjvënësve që ta votojnë sa më parë marrëveshjen dhe mos ta lënë popullin në izolim.

Dhomat e Specializuara të Kosovës, ditë më parë publikuan listat e mbrojtësve për përfaqësimin e të dyshuarave, të akuzuarve dhe viktimave, ose të cilitdo personi tjetër që gëzon të drejtën e përfaqësimit juridik, në përputhje me Ligjin për Dhomat e Specializuara të Kosovës dhe Direktivën për Mbrojtësit.

Kjo listë përbëhet prej 40 juristëve që janë pranuar në Listat e Mbrojtësve dhe tashmë mund të përfaqësojnë të dyshuar, të akuzuar, një grup viktimash ose këdo tjetër që gëzon të drejtën e përfaqësimit juridik në procedurat para gjykatës.

Pjesë e kësaj liste janë avokatë të njohur në Kosovë,  por ka edhe mbrojtës që janë shtetas të Kosovës por që jetojnë jashtë.

Në mesin 40 avokatëve mbrojtës 15 janë me shtetësi të Kosovës, 7 nga SHBA-të,  5 nga Britania e Madhe, 8 nga Serbia,  një nga Holanda, 2 nga Kanadaja, një nga Mali i Zi dhe një nga Maqedonia.

Në mesin e avokatëve nga Kosova janë edhe avokatët Arianit Koci dhe Tahir Rrecaj.

Koci në një intervistë për emisionin “Përballje” ka treguar procedurat e përzgjedhjes së tij nga Gjykata Speciale.

“Kushtin e kam fituar dhe tashmë mbetet që të më angazhoj dikush prej klientëve në mënyrë private apo edhe sipas detyrës zyrtare, pra kush nuk ka mundësi me pagu avokatin gjykata e ka obligim me ja gjet avokatin”, ka thënë Koci, shkruan Telegrafi.

Koci ka theksuar se gjykata është funksionalizuar dhe se tashmë priten vetëm veprimet e Prokurorisë Speciale.

Ai tutje ka theksuar se ky proces nuk bënë më që të zvarritet.

“Nuk besoj që ka arsye që kjo mu zvarrit edhe më tutje, besoj që shpejt mund të ndodhin veprimet e para, mund të vijnë ftesat e para por edhe bastisjet e para”, u shpreh Koci.

Në anën tjetër avokati Tahir Rrecaj ka theksuar se ngritja e aktakuzave të para nga kjo gjykatë mund të ndodhin në verën më së largu vjeshtën e këtij viti.

“Gjatë verës së këtij viti eventualisht fillimi i vjeshtës së këtij viti Gjykata do të funksionalizohet, pasi që me akreditimin e avokatëve tashmë janë kryer të gjitha kërkesat e nevojshme që gjykata të jetë funksionale”, ka thënë Rrecaj.

Dhomat e Specializuara dhe Zyra e Prokurorit të Specializuar të Kosovës janë pjesë e sistemit gjyqësor të Kosovës. Dhomat përkojnë me çdo nivel të sistemit të gjykatave në Kosovë.

Ato u formuan në bazë të Amendamentit Kushtetues dhe Ligjit të miratuar nga Kuvendi i Kosovës për gjykimin e pretendimeve të paraqitura në raportin e Këshillit të Evropës të vitit 2011, për shkelje të rënda të së drejtës ndërkombëtare.

Dhomat janë të përkohshme dhe me mandat e juridiksion të përcaktuar, konkretisht për krime kundër njerëzimit, krime lufte dhe krime të tjera të përkufizuara në Ligjin e Kosovës, të cilat pretendohet se janë kryer midis 1 janarit 1998 dhe 31 dhjetorit 2000.

Ligji mundëson që proceset gjyqësore të mbahen jashtë Kosovës. Dhomat e Specializuara e kanë selinë në Hagë, Vendet e Ulëta (Holandë), dhe punësojnë gjykatës, prokuror dhe punonjës ndërkombëtare .

Varrtë e çelura, traumat, dhembjet nga e kaluara e hidhur nuk po përfundojnë edhe sot kur nuk e kemi Serbinë mbi kokë. Për 90 vite nuk e kishim lirinë , të drejtën për të jetuar në shtetin tonë. Por, megjithate gjetëm forcë që të vazhdojmë rrugën deri të liria dhe pavarësia. Kjo histori e dhembjës , e padrejtësive historike të cilat i përjetuam edhe më humbje të shëndetit , vrasjëve , burgosjëve, represionit të eger politik të njerëzve tanë më të mirë , u harruan , dhe çka është më keq shumë nga këto të këqija sikur po na përseritën nga njerëzit tanë. Ky represion dhe kjo torturë politike dhe ekonomike nuk është pritur në kushte të paqës, kur I kemi organet tona të shtetit, kur vete po qeverisim më vendin .Trauma sikur po bëhët gjithnjë e më shumë pjesë e jetës sonë , aq më keq që po bëhët edhe pjesë e sistemit tonë .Dhuna e ushtruar politike mbi masën po na abrogon nga jeta normale, na po na lënë mbrapa nga bota e civilizuar.

Nga kjo logjikë traumatike po rrezikohen edhe gjenaratat e reja , po rrezikohet e mbarë shoqëria.Trauma , pasiguria dhe frika për të nesermen shumicës ju ka hy thellë në palcë.Trupi dhe truri kan mbamendje kurse shpirti rënkon.Të gjithë kemi menduar së nuk do ti kemi këto fenomene aq vrastare për shtetin dhe kombin , së nuk do të pëballemi në mënyre të terbuar më njeri-tjetrin sikur të ishim armiqë e jo vëllëzer të një gjaku.Kemi ecur të zbathur të veshur keq për ti mbaruar shkollimet në kushte të okupimit klasik ,dhe kurrë nuk jemi ndalur as nuk jemi dorëzuar para sfidave të kohës, para armiqëve shekullorë të cilët janë përpjekur pa rreshtur për të na zhbër nga sipërfaqja e dheut .Kemi qëndruar vertikalisht, të pa lëkundur deri në fitorën përfundimtare .

Është qudi e madhe kjo heshtje varri para këtyre hileqarëve të cilët janë katapultuar lartë në politikëbërje.Kjo heshtje varri deshëm ne ose nuk deshtëm na bën pjesmarrës i të keqës .Po bëhemi rob i vetëvetës, kemi mbetur pa vullnet për ndryshime pozitive , kemi mbetur pa ide dhe pa koncepte , pa vullnet politikë, kemi mbetur të pa përgjegjshem për të ardhemen tonë .Erëra dhe fortuna të forta janë duke e goditur pa mëshirshem trupin dhe shpirtin tonë .Një shumicë janë duke përjetuar ditë dhe netë të veshtira për mbijetesë që është apsurditeti më i madh i shekullit 21.Demoralizmi, humbja e vullnetit na ka futur në rrethin vicioz.Sikur jemi pajtuar më pesimizmin së “Nuk do të bëhët mirë, së kurrë, kurrë nuk bëhët mirë në këtë vend”.Po e pranojmë faktin e rremë”Së kjo elitë politike nuk janë të mirë, por kush do të vjen më I mirë së këta”?

Kjo është logjika dhe ilustrimi më i mbrapsht i mundshem , e fatkeqësisht një shumicë e kan këtë logjikë të te menduarit që është logjikë fataliste. Dhe, në menyrë permanente jemi duke jetuar në frikë së mos po bëhën ndryshime, dhe po na vijnë në pushtet njerëz edhe më të pa zot .Sikur jemi mësuar më të keqën , sikur gjendja e abnormalitetit që e kam theksuar disa herë po shëndrrohet në gjendje të normalitetit.Sikur nuk jemi mësuar të kemi gjendje më të mirë .Jeta shpejtë kalon , dhe pajtimi më të keqën, është sikur mos më jetuar fare…

Lumir Abdixhiku, deputet i LDK-së në Kuvendin e Kosovës, deklaroi se po presin nga shumica që të sigurojë votat nga radhët e veta për demarkacionin. “Gjithsesi na vjen mirë që një kauzë po shkon drejt fundit, dhe do të donim që të martën të kryhet kjo që na ka mbajtur peng në këto tri vite”, ka thënë Abdixhiku në Interaktiv të KTV-së.

Ai ka thënë se “si duket njerëzit e AAK-së kanë problem të lexojnë marrëveshjet e arritura”, duke aluduar në debatin në mes të kësaj partie dhe LDK-së rreth asaj nëse duhet të përfshihet “Raporti Bulliqi” në Ligj. “Ligji tashmë është procedurë shtetërore, sepse ka kaluar si dokument në të gjitha procedurat e Kuvendit, e nuk është më çështje e LDK-së. Çdo përpjekje tjetër për ta ndryshuar atë është tentim për të blerë kohë”, ka thënë Abdixhiku.

Ai ka përsëritur qëndrimin se Kosova është para dy alternativave, të ratifikojë marrëveshjen e demarkacionit dhe të hapen mundësitë për procedura për liberalizim të vizave për kosovarët, e në të kundërtën Qeveria duhet të dorëhiqet, ngase me këtë kauzë, sipas tij, kishte ardhur në krye të shtetit. “Në fakt, unë mendoj se kjo Qeveri duhet të bie për shumë arsye”, ka thënë Abdixhiku.

• 

  Luljeta Krasniqi – Veseli

  Luljeta Krasniqi, e lindur më 02.05.1981. Me gazetari ka filluar të merret që nga viti 2005. Për një kohë të gjatë ka punuar si gazetare në Agjencinë e lajmeve Kosovalive. Ekipit të Radios Evropa e Lirë i është bashkuar në vitin 2008.

  [email protected]

Në mëngjesin e 15 marsit 2005, derisa eskorta e Presidentit Ibrahim Rugova po bënte rrugën e zakonshme nga rezidenca në Velani drejt ndërtesës së Kuvendit ku gjendet Zyra e Presidentit, Rugova i kishte shpëtuar një atentati

Pak minuta më pas, Rugova duhej të takohej në zyrën e tij me ish-Përfaqësuesin e Lartë për Politikë të Jashtme të Bashkimit Evropian, Havier Solana, i cili kishte ardhur në Prishtinë për të biseduar me liderët politikë për situatën pas largimit të Haradinajt dhe për gjetjen e një zgjidhjeje për qeverinë që do ta pasonte atë.

Korrespondenti i BBC-së në Prishtinë kishte thënë se rreth orës 8 e 20 minuta, sipas kohës lokale, kishte dëgjuar një shpërthim të fuqishëm në rrugën “Ramiz Sadiku”, prapa Teatrit Kombëtar.

Kryesit e këtij atentati nuk janë gjetur asnjëherë.

Deputetja boshnjake e Kuvendit të Kosovës, Duda Balje, i ka dalë në mbrojtje deputetes Donika Kadaj – Bujupi lidhur me ofendimin që i ishte bërë asaj nga Daut Haradinaj pak kohë më parë dhe u riaktualizua edhe sot pas kthimit të saj në AAK

Përmes një postimi në Facebook, deputetja Balje ka kërkuar që të lihet rahat ajo, duke shtuar se nuk ka asgjë të keqe nëse nëna e saj i takon komunitetit boshnjak.

“Mirë de, nëna e Donikës është boshnjake, çka ka të keqe këtu. A keni diçka kundër që Donikën ta marrim në VAKAT. Lëreni gruan rehat”, ka shkruar Balje në Facebook.

Haradinaj e kishte ofenduar atë, duke e porositur që të mos i fyente komunitetet, ngase ashtu siç thoshte ai, do të “hidhërohej nëna e saj”.

“Duhet të ruhesh mos po idhnohet nëna jote. S’po e bën askush avokatin, por që organet e drejtësisë merren për të gjitha rastet. Mos të na shesin mend se të gjithë i njohim”, pati thënë Haradinaj.

Ndërkohë sot gjatë seancës së Kuvendit, po i njëjti ka uruar kthimin e saj në AAK.

Grupi i deputetëve të dorëhequr nga Lëvizja Vetëvendosje, tanimë edhe zyrtarisht është ndarë nga Grupi Parlamentar i kësaj partie.

Ky grup  ka dorëzuar para pak minutash në administratën e Kuvendit të Kosovës,  kërkesën për grup të ri parlamentar.

Në bazë të kërkesës së dorëzuar në Kryesinë e Kuvendit të Kosovës e të cilën e posedon Gazeta Blic, të 12 deputetët e nënshkruar, kanë kërkuar që grupi parlamentar të quhet “Grupi i Deputetëve të Pavarur- GDP”.

Në dokument, e para në këtë listë është Aida Dërguti, deputetja më të cilën edhe filloi “zhurma” brenda Lëvizjes Vetëvendosje.

Ndërsa kërkesa është drejtuar në emër të Dardan Sejdiut i cili është caktuar edhe si kryesues i Grupit të ri parlamentar, shkruan Gazeta Blic.

Më poshtë kërkesa dhe nënshkrimet:

U pa t’i qëndrojë afër Albin Kurtit, gjatë seancës së të mërkurës në Kuvend të Kosovës, por Donika Kadaj-Bujupi ia ktheu shpinën kreut të VV-së, për t’u kthyer në shtëpinë e vjetër. Deputetja i është bashkuar sërish AAK-së

Lajmin për kthimin e Kadaj-Bujupit në partinë e tij e ka dhënë vetë kryeministri Ramush Haradinaj.

“Me deputeten e Kuvendit, Donika Kadaj-Bujupi, bashkëbiseduam për zhvillimet aktuale politike në Kosovë. Nga sot, Donika i rikthehet Grupit Parlamentar të Aleancës për Ardhmërinë e Kosovës. Rrugëtimin nëpër proceset politike në vend do ta vazhdojmë bashkërisht”, ka shkruar kreu i AAK-së në Facebook.

Donika Kadaj-Bujupi ishte konsideruar për vite të tëra personi më besnik i Ramush Haradinajt, por ajo në prill të 2016-ës ishte larguar nga AAK-ja për t’iu bashkuar VV-së.

Kadaj që dikur derdhte lot për Haradinajn, kur ky u bë kryeministër, deri më sot, ka qenë e zëshme në kundërshtime ndaj tij si shef i ekzekutivit, madje edhe e ka konsideruar disa herë si pjesë e “Klanit Pronto”.

• 

  Arton Konushevci

  Arton Konushevci merret me gazetari që nga viti 2001. Në vitin 2007 ka filluar të punojë si korrespondent i Radios Evropa e Lirë. Jeton në Prishtinë, është i martuar dhe ka dy fëmijë.

  [email protected]

Prishtinë, 13 mars 2018

Kryeministri i Kosovës, Ramush Haradinaj, priti të martën në takim zëvendëskryeministrin dhe ministrin e Jashtëm të Sllovenisë, Karl Erjavec.

Sipas njoftimit të Zyrës së Kryeministrit të Kosovës, Haradinaj tha se “ekziston një klimë e mirë mes Kosovës dhe Sllovenisë për bashkëpunim në shumë fusha”.

“Sllovenia është një ndër investitorët më të mëdhenj në vend dhe Kosova është e interesuar që ta vazhdojë këtë partneritet ekonomik”, tha Haradinaj, duke kërkuar vazhdimin e përkrahjes së Sllovenisë në planin ndërkombëtar.

“Përkrahja juaj për njohjet e reja, anëtarësimin në INTERPOL, UNESCO, në procesin e integrimit euroatlantik ka domethënie të madhe për ne”, tha Haradinaj.

Me këtë rast, ai shtoi se krijimi i ushtrisë së Kosovës me mandat kushtetues, nuk e ndryshon balancën e sigurisë në rajon, porse për më tepër kontribuon në të.

Ministri slloven, në anën tjetër, vlerësoi, siç tha, arritjet dhe progresin e madh që është bërë në Kosovë në këta 10 vjet të shtetësisë, duke shprehur gatishmërinë dhe përkushtimin e vendit të tij për bashkëpunimin dypalësh.

Marrëveshja për shënjimin e vijës kufitare me Malin e Zi do të ratifikohet gjatë kësaj jave, ka thënë zëvendëskryeministri i Kosovës, Behgjet Pacolli.

“Jemi lodhur me deklaratat e politikanëve ‘sot, nesër’. Unë ju kam thënë, në javën e dytë të marsit, që moti. Java e dytë e marsit do të jetë java kur do të kalojë, do të miratohet Marrëveshja për Demarkacionin me Malin e Zi”, ka thënë Pacolli.

Megjithatë, ai nuk ka sqaruar nëse për ratifikimin e kësaj marrëveshje është arritur ndonjë pajtim me partneren e koalicionit qeverisës, Listën Serbe. Kjo e fundit, më herët ka thënë se çështja e Demarkacionit nuk ekziston për këtë subjekt dhe për të nuk paraqet kurrëfarë interesi.