Kryeministri i Kosovës, Ramush Haradinaj i ka konsideruar të gabueshme diskutimet për territorin e Kosovës dhe ndryshimin e kufijve, në dialogun Kosovë – Serbi.

Haradinaj, tha pas mbledhjes së Qeverisë se askush nuk ka të drejtë që të flasë për këto çështje. Ai tha se ‘kur të diskutohet kështu është kthim prapa, është humbje për Kosovën”.

Sipas tij kjo që po ndodh, është retorikë.

“Më herët kemi shpjeguar një retorikë të Beogradit, e cila thotë se duhet marr veriun, ndoshta një kundër-retorikë e Kosovës ka logjikë, që thotë se ne e duam Nishin, Preshevën apo dikë tjetër. Ndërsa qëndrimi i Qeverisë dhe i imi është ky: e synojmë një marrëveshje ligjore obligative mes Kosovës dhe Serbisë për njohje reciproke Kosovë – Serbi. Kufijtë, territori nuk janë temë e diskutimit. Nuk ka mandat askush i Kosovës që t’i diskutojë këto. Mendoj se ajo që po thotë presidenti është në nivel të retorikës ose kundër-retorikës. Shpresoj që është ashtu, nëse është ndryshe, atëherë kemi probleme serioze në Kosovë”, tha Haradinaj.

Duke folur për nismën që mund të marrin partitë politike opozitare për thirrjen e një seance të jashtëzakonshme në Kuvend për deklarimet e presidentit Thaçi lidhur me korrigjimin e kufijve, Haradinaj tha se do të përkrahë çdo rezolutë që është kundër ndryshimit të kufijve.

“Vota ime është pro, do të thotë për të mos u ndryshuar kufiri edhe territori. Ata do ta kenë votën time sot e nesër, e në çdo kohë”, tha Haradinaj.

Kurse, shefi i Grupit Parlamentar të LDK-së, Avdullah Hoti ka njoftuar përmes një postimi në Facebook se më 4 shtator po synojnë të mbajnë seancë të jashtëzakonshme.

“Sot kemi mbajtur mbledhjen e Grupit Parlamentar të LDK-së, ku kemi diskutuar përgatitjet për seancën e jashtëzakonshme për nxjerrjen e rezolutës që i ndalon presidentit dhe kujtdo tjetër të negociojë për tërësinë territoriale të Kosovës. Seanca do të mbahet më datë 4 shtator 2018. E mirëpres mbështetjen që po i jepet kësaj rezolute edhe nga grupet e tjera parlamentare. Pres që të gjithë deputetët e Kuvendit të Kosovës të mbështesin këtë rezolutë”, ka shkruar Hoti.

Një grup qytetarësh po proteston në Gjakovë, në kundërshtim të vizitës së pelegrinëve serbë në kishën ortodokse.

Protesta është mbajtur pavarësisht që organizatorët kishin deklaruar për mediat serbe se është anuluar vizita e pelegrinëve serbë në Gjakovë, për shkaqe sigurie.

Komandanti i Policisë së Kosovës në rajonin e Gjakovës, Krist Gjokaj, tha për Radion Evropa e Lirë se nuk ka asnjë autobus me pelegrinë serbë që është nisur për në Gjakovë.

Protesta kundër pelegrinëve serbë është thirrur nga qytetarët e Gjakovës, kryesisht familjarë të personave të vrarë e të zhdukur gjatë luftës së fundit.

“Pa drejtësi, nuk qetësi pa drejtësi” dhe “Gjaku i fëmijëve shqiptarë të vrarë nga Serbia nuk falet”, ishin disa nga parullat që këta qytetarë mbanin në duart e tyre.

Një ditë më parë themeluesja e Fondit për të Drejtën Humanitare, Natasha Kandiq, e ka ftuar presidentin e Kosovës, Hashim Thaçi, që sivjet t’ua mundësojë serbëve të Gjakovës ta vizitojnë kishën.

Presidenti Thaçi kishte siguruar Kandiqin se do të angazhohet që liria e lëvizjes të garantohet për të gjithë, përfshirë edhe për ata pjesëtarë të komunitetit serb që duan të vizitojnë kishën apo shtëpitë e tyre.

Ndërkaq shoqata “Thirrjet e Nënave” nga Gjakova i kanë kërkuar Thaçit të mos e lejojë vizitën e serbëve në kishën në Gjakovë.

Presidenti, Hashim Thaçi ka shkruar edhe sot në Facebook se ndjen dhe ndan dhembjen me të gjitha nënat kosovare për humbjen e më të dashurave të tyre.

“I siguroj ato dhe gjithë nënat kosovare, si dhe të gjithë qytetarët e Kosovës se kriminelët dhe vrasësit që kanë kryer krime, kurrë nuk do të mund të kthehen në Kosovë. Kudo që janë, ata nuk do të jenë të qetë, derisa të japin llogari përpara drejtësisë”, ka shkruar Thaçi.

Këtë po e pasqyroj me një nga episodet që më ka ndodhur në aktivitetin tim si kryetar i Shoqatës për kthim dhe Partisë Republikane të Kosovës. Gjatë aksionit 1 mujor (5 shtator – 5 tetor 1990) kishim grumbulluar dhe shpërndarë: 49.640 kg. miell, 1.066 litra vaj, 300 kg. sheqer, 110 kg. kripë, 52,5 kg. makarona, 57 pako detergjent “Biljana”, një kamion me rroba dhe 31 pako tjera me rroba. I gjithë aktiviteti 1990-1999, është bërë në mënyrë vullnetare pa asnjë kompenzim finansiar apo material, përkundrazi, aktivitetet nga të gjithë veprimtarët pa përjashtim janë bërë me mjete finansiare personale apo familjare…! Aksioni si i tillë kishte vështirësi dhe rreziqe të shumta, jo aq në grumbullimin e ndihmave, se populli ishte jashtëzakonisht shumë solidar dhe i gatshëm të ndihmojë… Por, vështirësitë paraqiteshin kur duhej të sigurohej transporti dhe dorëzimi i këtyre ndihmave atje ku ishin planifikuar të dërgohen. Me këtë rast kur i derguam kamionin me 20.075 kg. miell në Mitrovicë, destinuar minatorëve të Stan Tërgut, për shkak të pasigurisë nga policia serbe dhe rrezikut që të mos na konfiskonin miellin dhe të kemi mjaft probleme me ta, ishim të detyruar që transportin ta bëjmë në orët e mbrëmjes…
…Kur arritëm me kamion në Mitrovicë, ishte diku pas orës 20:00 dhe përfaqësuesit e Shoqatës që na pritnin, na treguan se është vonë dhe se miellin dhe rrobat minatorëve nuk mund t’ua shpërndajmë sonte, por po i dërgojmë në një dyqan aty afër, dhe nesër do ta bëjnëata vet shpërndarjen… Arritëm tek objekti ku e kishin paraparë ta zbraznim kamionin, aty nuk kishte kush ta zbraz, kështu që, meqenëse ishte vonë dhe kohë e rrezikshme, nikoqirët nuk e dinin kënd ta ftonin që ta zbraznim kamionin… Ishte vonë, kurse ata një kohë të gjatë humbnin duke u konsultuar se kujt t’i drejtoheshin për ndihmë. Kur e pashë një situatë të tillë, hoqa sakon dhe vet fillova t’i zbraz thasët e miellit dhe i vendosa në dyqanin e paraparë, që në çastin kur fillova me zbraz kamionin… Isha bërë bardh nga mielli… në atë moment erdhën disa qytetarë të Mitrovicës, dhe meqenëse i njihnin nikoqirët tanë dhe e dinin se mielli ishte ndihmë për minatorët dhe familjet e tyre, iu drejtuan nikoqirëve, me këto fjalë: …Sa po e paguani bre këtë “hamball” që po e zbraz kamionin, më mirë të na kishit marrë ne, e do të na kishit paguar, apo si kompensim do të na kishit dhënë miell… Me atë rast, u krijua një atmosferë e zymtë dhe nikoqirët në heshtje, me zë të ultë dhe me gjeste atyre u thoshin të heshtin,… Mos flisni more se është turp, ky është Kryetari i Shoqatës për Kthimin e Shqiptarëve të Shpërngulur nga Kosova dhe Kryetar i Partisë Republikane të Kosovës, Reshat Nurboja. Ata, atëherë menjëherë heshtën, ngase, sipas emrit më njihnin, por me pamje jo… Njëri nga ta, nuk mundi të durojë dhe prapëseprapë, me zë e dha një vlerësim apo konstatim të tij, që në mënyrë më të mirë mund të identifikohet me botëkuptimet e mentalitetit të pjesës dërmuese të popullit shqiptar: Çfarë kryetari ky more, a po shihni si është bërë, mos u tallni,…?! Mua, m’u drejtua: më fal, nuk dua të ofendoj, por këta po tallën sa po të paguajnë, se lëreni ore,… ku keni parë që kryetari të merret me ngarkimin dhe zbarkimin e kamionëve me miell dhe ate me ndihma, pa kurfar dhe ate me ndihma, pa kurfarë interesi…
Unë vazhdoja punën, kuptohet se të gjithë nikoqiret, nuk ia kthyhen atyre përgjigjen por m’u bashkëngjiten në zbrazjen e kamionit…dhe tani nuk më kujtohet, a buzëqeshja më shumë nga inati apo nga injorimi i tyre… Pasi vërtetë u binden se jam kryetari, i vinte keq, dhe të gjithë më kërkuan falje, e pastaj, edhe ata që komentonin në fillim mu bashkëngjitën për zbarkimin e miellit nga kamioni,por me ndërgjegjen e lënduar të tyre e arsyetonin me angazhim shtesë gjatë ngarkesës së tyre me nga dy thasë miell në dallim nga ne qëe zbraznim 1 nga 1…….!

Këto ndihma të grumbulluara, janë ndarë sindikatave të pavarura, shoqatave të ndryshme

dhe familjeve të varfra, dhe atë:

Sindikatës së Pavarur të Minatorëve të Stan Tërgut, 20.075 kg. miell dhe një kamion përplot të mbushur me rroba, të cilat ishin të paketuara, Sindikatës së Pavarur të Radio-Televizionit të Prishtinës, 4100 kg. miell, Sindikatës së Pavarur të Minierës Kishnicë Novobërd, 9100 kg. miell, LDK-së dega në Vranjevc, 9775 kg. miell, Bashkimit të Rinisë Demokratike të Kosovës-Turiqevc, 25 pako rroba, Motrave- Misionareve të Dashurisë “Nëna Tereze” në Pejë. Kurse, për familjet që ishin nën përkujdesjen e tyre; 450 kg. miell, 47 litra vaj, 30 kg. sheqer, 25 kg. kripë, Sindikatës së Pavarur të Kombinatit të Lëkurë Këpucëve në Pejë, për 26 familje i janë dhënë: 750 kg. miell, 74 litra vaj, 32 kuti detergjent, 18 kg. makarona, Shoqatës “Nëna Tereze”- nëndega Kapeshnicë/Pejë: 6 pako me rroba, 53 familjeve të varfra në Komunën e Pejës, të cilat kanë emër dhe mbiemër dhe janë evidentuar në dokumentacionin e Shoqatës, por të cilat nuk i pasqyroj në këtë libër se nuk është e nevojshme. Ata e dinë se kush janë dhe shumë herë i kanë shprehur falënderim Shoqatës, që u është gjetur pranë në kohëra të vështira ekonomike, u është ndarë: 1590 kg. miell dhe 180 kg. sheqer.

Gjatë kthimit nga Kosova, në një vend afër Dubrovnikut e hasa këtë mbishkrim “Za njih mrtvih, mi smo živi spomenik!”, që në shqip i bie: Për ata të vdekurit, ne jemi monument i gjallë!
Kjo thënje më bëri përshtypje të jashtëzakonshme, se me çfarë përkushtimi mbrohen vlerat e lirisë në një vend të civilizuar.

Caktimi i listave të veteranëve të luftës çlirimtare sipas përkatësisë partiake, ideologjike dhe lidhjeve familjare e ka shndërru këtë proces në një “Veteranomani” të vërtetë.
Lënja jashtë listave të veteranëve, e komandantëve dhe ushtarëve më të spikatur, pjesëmarrës në betejat më të lavdishme të luftës çlirimtare në njërën anë dhe përfshirja në lista e atyre që Kosovën e lëshuan të veshur me rroba të grave dhe me buzëkuq të nuseve në fytyrë, të atyre që s’kanë qënë asnjëherë gjatë luftës në Kosovë, por që u kthyen si “çlirimtar” pas përfundimit të saj, përveqse marrëzi, paraqet fyerje për luftëtarët e vërtetë dhe shkelje mbi gjakun e dëshmorëve!
Për më keq se kaq, në listat e veteranëve të UCK-së, u radhitën edhe dezertorët e luftës, spiunët dhe UDB-ashët e Serbisë në Kosovë!
Mosbërja transparente e kritereve për pranimin e statusit të veteranit të luftës nga ana e “komisioneve” për verifikim, kishte lënë të hapur “shtekun” për manipulim dhe keqpërdorim “allashqiptarçe” të një procesi sa të ndjeshëm po aq të rëndësishëm për të ardhmën e vendit.
Loja e ndytë me ndjenjat e pastra të luftëtarëve trima të lirisë sonë, ka vërë në pikëpyetje të tërë procesin e verifikimit të vetranëve!
Vrapimi pas marrjës së bajrakut të çlirimtarit, grabitja apo përfitimi nga vlerat e të tjerëve, injorimi apo eliminimi i figurave markante të luftës dhe paqës shënon kulmin e marrëzisë së disa komandantëve, përmes lojës së shtrigave, duke inskenuar “tradhtarin” imagjinar dhe “heroin” inekzistent!
Injorimi i betejave të lavdishme (Koshare, Logjë. etj) të drejtuara nga oficierët e karrierës dhe zavëndësimi i tyre më figura të improvizuara të betejave të humbura, ka çuar në tjetërsimin e vlerave të luftës çlirimtare!
Shirtëligët e pushtuar nga egoja për pushtet e pasurim të paligjshëm rrënuan çdo gjë para vetës, çdo vlerë e pasuri kombëtare!
Megaskandali i kriminalizuar me veteranët mashtrues e të rrejshëm, është dëshmia e pamohueshme se disa nga ish komandantët e luftës, janë vetë kupola e grupeve kriminale që kanë abuzuar me ligjin dhe buxhetin e shtetit për gati njëzet vite resht.
Veteranët mashtrues janë një armatë e blerë me para të popullit, për vota të partive të kriminalizuara në pushtet dhe opozitë për disa mandate rresht.
Lista e veteranëve mashtrues është shumë më e gjatë se 19 mijë mashtrues të identifikuar nga prokurori Blakaj, të cilët pa meritë, në forma të ndryshme e kanë fituar statusin e veteranit.
Pa dyshim se, kontigjenti më i madh i veteranëve të rrejshëm, është produkt i proceseve elektorale, gjegjësisht i blerjes së votave në këmbim të çertifikatës së veteranit.

Aktakuza e qëlluar, por e vonuar e prokuorit Blakaj

Më mirë vonë se kurrë e thotë një fjalë e urtë popullore. Aktakuza e prokurorit Elez Blakaj ndaj 12 eksponentëve politikë dhe ushtarak lidhur me 19 mijë veteranët mashtrues është vetëm fillimi i i hapjes së “Kutisë së Pandorës”, gjegjësisht shpalosjes së keqpërdorimeve dhe abuzimeve skandaloze disa vjeçare me çertifikatat e veteranëve.
Edhe përkundër akuzës së ngritur në muajin Korrik nga prokurori i posaqëm Elez Blakaj ndaj 12 eksponentëve të UÇK-së për mashtrimet kriminale me lista të veteranëve (Agim Çeku, Nuredin Lushtaku, Sadik Halitjaha, Shkumbin Demaliaj, Qelë Gashi, Shukri Buja, Ahmet Daku, Rrustem Berisha, Faik Fazliu, Smajl Elezaj, Fadil Shurdhaj dhe Xhavit Jashari), ende nuk është dorëzuar në Gjykatë, shkaku i interferimit në punën e prokurorisë së shtetit nga ish komandantët e akuzuar dhe vet shefi i shtabit të UÇK-së dhe komandantët e Zonave Operative.
Situata e krijuar tregon pamundësinë e ushtrimit të funksionit të prokurorit në mënyrë të pavarur, të paanshme dhe profesionale, gjë që i detyron prokurorët me integritet profesional të dorëhiqen.
Në fakt, dorëheqja e prokurorit të posaçëm Elez Blakaj tregon për dështimin e sistemit prokurorial për të mbajtur në radhët e veta prokuror me integritet, të cilët janë të gatshëm të përballen me sfidat e kohës.
Abuzimet me çertifikatat e veteranëve nga krerët e partive politike për blerjen e votave për pushtet në njërën anë dhe përfitimi personal i komisionerëve për verifikim nga ana tjetër, bënë që numri prej 19 mijë veteranëve të paligjshëm të jetë shumfish më i madh.
Ekzemplari më i “mirë” i abuzimit me listat e veteranëve është ai 3000 veteranëve nga Shqipëria që marrin paga në Kosovë kundrejt 176 ushtarëve pjesëmarrës në luftë!
Kjo analogji saktësisht përputhet me abuzimet e përgjithshme me listat e veteranëve. Nga 13 mijë ushtarë nën komandën e Agim Çekut, listat e veteranëve nën komandën e dreqit u zgjeruan në mbi 60 mijë vetaranë!
Fryerja enorme e listave të veteranëve, është shprehje e mungesës së vetëdijes shoqërore, imoralitet dhe papërgjegjësi njerëzore në njërën anë dhe mungesë ekstreme shtetndërtuese e politikanëve (ligjvënësve) kosovarë, që mundësuan abuzimin disa vjeqçar me çertifikatat e veteranit të luftës çlirimtare!
Krahas ubuzimeve për çështje elektorale (blerje votash), janë edhe abuzimet për përfitime personale të komisionerëve për verifikim dhe sekserëve të disa partive politike, nga po ashtu disa individ të papërgjegjshëm nga Diaspora, të cilët në këmbim të çertifkatës paguan shuma nga 2000-5000 euro. E hidhur kjo, por e vërtetë. Është ky një numër jo i vogël e abuzuesve nga mërgata që blenë çertifikatat e veteranit pa qënë asnjëherë në luftë!
Fryerja e listave të veteranëve është bërë edhe nga matrapazët e organizatave të dala nga lufta, ndërsa bashkatdhetarët nga mërgata që blenë çertifikatat, me (pa) dashjen e tyre u bënë klient të krimit të organizuar dhe u shndërruan në shpërdoruesit më të mëdhenjë të gjakut të dëshmorëve, gjegjësisht shkeljen mbi vlerat më sublime të lirisë sonë.
Veteranët mashtrues, janë mjeranët e shtetit të Kosovës!

ZO të UÇK-së dhe partitë politike prodhuan veteranët mashtrues

Sikurse Zonat Operative të UCK-së, ashtu edhe partitë politike pa dallime janë bërë pjesë e abuzimit me listat e veteranëve, elektorati i të cilave ka rënë pre e pazareve elektorale të liderëve partiak në këmbim të votës për pushtet me çertifikatën e veteranit.
Thënë ndryshe, veteranë të rrejshëm ka në të gjitha anët dhe në të gjitha kampet, varësisht prej fuqisë politike, fuqisë së muskujve partiak dhe fuqisë së xhepit të veteran-kërkuesve.
Kësisoji, përveq komandantëve dhe politikanëve të papërgjegjshëm, janë edhe 60 mijë veteranë, që e trajtuan Kosovën jo si shtet të tyre, por si plaçkë lufte!
Kështu, edhe nëse bie pozita dhe vjen opozita në pushtet, nuk pritet të ndodh ndryshim i madh, sepse të gjithë janë bërë njësoj abuzues me listat e veteranëve, sikurse që, në të gjitha partitë politike ka me bollëk, hajna, kriminela, bandita e mafioza të përfshirë në korrupsion dhe krim të organizuar,…përkthyer ndryshe në fuqinë elektorale, gjysma e popullatës i mbështetin veprimet e tyre kriminale në dëm të shtetit dhe qytetarëve. Ndërsa gjysma tjetër e popullatës tashmë e ka ndarë mendjen të ikur nga Kosova, menjëherë pas sinjalit për liberalizim të vizave.
Kështu, shteti i Kosovës dalëngadalë nga një shtet i proklamuar laik dhe multietnik, ka rrëshqitur në një shtet fetar te vet(mj)eranëve dhe mercenarëve të ditëtëve të lirisë!
Për këto mënyra të turpshme të shpërdorimit dhe abuzimit me çertifikatat dhe statusin e veteranit të luftës, përgjegjësinë duhet kërkuar në radhë të parë nga liderët e partive të ashtuquajtura “parti të krahut të luftës”, gjegjësisht tek ish udhëheqësi politikë i UÇK-së, Hashim Thaçi, i cili në njërën anë thirret si udhëheqës politik i ushtrisë, ndërsa në tjetrën deklaron se ka qënë larg vijave të frontit,…për të kaluar edhe tek partitë e tjera që ua mundësuan elektoratit të tyre kontrabandimin e votës në këmbim të statusit të veteranit.
Padyshim, krushku i parë i veteranëve të rrejshëm është vetë presidenti Hashim Thaçi. Jo që po e thëm unë, por ai vet e ka pohuar shumë vite më parë në një intervistë për Euronews, duke thënë se “ka qënë larg luftës”.
Një luftëtar, që për ideal ka pasur çlirimin e vendit nga pushtuesit nuk vrapon pas privilegjeve dhe as nuk bie pre e mashtrimeve, për shkak se nuk e ka të lehtë të tradhtojë idealin e bashkëluftëtarëve të rënë në fushën e nderit!

Ashtu siq e nisa shkrimin, ngjashëm edhe do e përfundoj me një thënje tjetër. Me 22 Dhjetor 2015, ish luftëtari i FARK-ut, veterani i Koshares, Bekë Osmanaj nga Isniqi, në shënjë proteste për abuzimet me çertifikatat e veteranëve, në qëndër të Deçanit e kishte djegur çertifikatën e veteranit të UÇK-së, me ç’rast kishte reaguar në këtë mënyrë, po citoj; “Nuk jam veteran, sepse nuk pranoj dhe nuk mundem që të jam i barabart me puntorë të UDB-se, me kriminel dhe me dezertor të luftës…”.
Kjo shprehje e pakënaqësisë, është shprehja më e sinqertë e dashurisë ndaj atdheut, eshtë besnikëria e thellë shpirtërore ndaj gjakut të bashkëluftëtarëve, është shprehje e pakënaqësisë ndaj abuzuesve të vlerave më sublime të lirisë sonë.
Për këtë gjest të lartë human të luftëtarit të lirisë, institucionet e shtetit dhe shoqëria kosovare duhet të tregojnë përkujdesje të përhershme materiale dhe morale. Pasi luftëtari Bekë Osmonaj, me sakrificën e tij vetëmohuese ka vendosur të bëhet gardian dhe monument i gjallë i mbrojtjes së gjakut të dëshmorëve të lirisë që ne sot e gëzojmë.

Në këtë dokument sanksionohet se bashkësia e komunave serbe do të ketë përgjegjësinë për disa fusha, siç janë shëndetësia, arsimi, zhvillimi ekonomik e planifikimi urban e rural, si dhe do të ketë të drejtë të marrë fonde nga Beogradi. Më poshtë vijon teksti i plotë dokumentit: Asociacioni/Bashkësia i komunave me shumicë serbe në Kosovë Parimet e përgjithshme/elementet kryesore 25 gusht 2015

Korniza ligjore

1) Asociacioni/Bashkësia komunave me shumicë serbe në Kosovë është themeluar si një Asociacion/Bashkësia i komunave me shumicë serbe, siç është paraparë me Marrëveshjen e Parë, Ligji e ratifikimit të Marrëveshjes së Parë dhe ligjin e Kosovës.

2) Në bazë të Marrëveshjes së Parë që njeh karakterin e saj të veçantë, Qeveria e Kosovës do të miratojë një dekret drejtpërdrejt të zbatueshëm, që do të shqyrtohet nga Gjykata Kushtetuese. Bashkësia/Asociacioni do të jetë entitet legal i përcaktuar me Statutin e saj, i cili do të përbëhet nga të paktën elementet e përcaktuara më poshtë.

3) Statuti do të miratohet nga një asamble konstituive që përbëhet dhe votohet nga anëtarët e asambleve të komunave pjesëmarrëse.

Objektivat

4) Në përputhje me Marrëveshjen e Parë, Asociacioni/Bashkësia do të ketë objektivat e saj kryesore në ofrimin e funksioneve dhe shërbimeve publike për:

a) forcimin e demokracisë lokale

b) të ushtrojë mbikëqyrje të plotë për zhvillimin e ekonomisë lokale

c) të ushtrojë mbikëqyrje të plotë në edukim

d) të ushtrojë mbikëqyrje të plotë në kujdesin primar dhe sekondar shëndetësor e social

e) të ushtrojë mbikëqyrje të plotë për koordinimin e planifikimit urban dhe rural

g) të miratojë masa për përmirësimin kushteve të jetës për të kthyerit në Kosovë

h) të zbatojë, koordinojë dhe lehtësojë aktivitetet hulumtuese dhe zhvilluese

i) të promovojë, të përhap dhe avokojë çështjet me interes të përbashkët të anëtarëve të saj dhe t’i shfaq ato, përfshirë edhe tek autoritetet qendrore;

j) të ofrojë shërbime për anëtarët e saj, në pajtim me ligjet e Kosovës;

k) të vlerësojë ofrimin e shërbimeve publike të anëtarëve të saj dhe banorëve të tyre, si dhe për të mbështetur Bashkësinë/Asociacionin në formimin e qëndrimeve të interesimit të përbashkët për pjesëmarrje në punën e autoriteteve qendrore;

l) kryen monitorimin siç kërkohet për implementimin e objektivave të saj;

m) të krijojë raporte dhe të hyjë në marrëveshje bashkëpunimi me asociacionet tjera të komunave, vendore dhe ndërkombëtare;

5) Bashkësia/Asociacioni do të ushtrojë kompetenca të tjera shtesë që mund të delegohen nga autoritetet qendrore.

Struktura organizative

6) Asociacioni/Bashkësia do të ketë organet e mëposhtme:

a) një Asamble si organi më i lartë i përbërë nga përfaqësuesit e përcaktuar nga çdo asamble e komunave pjesëmarrëse, në mesin e anëtarëve të tyre të zgjedhur. Kuvendi do të ketë të drejtë të miratojë ndryshimet në amendamentet e Statutit, rregullat e procedurës dhe të gjitha regulativat dhe vendimet administrative si për Statutin dhe objektivat e saj. Të gjitha amendamentet në Statut, rregullat e procedurës dhe të gjitha regullativat dhe vendimet e miratuara nga Asambleja do të jenë të zbatueshme për anëtarët e saj, përveç nëse një prej anëtarëve të saj shpreh formalisht një vendim të ndryshëm.

b) një President i cili do të përfaqësojë Bashkësinë/Asociacionin, para autoriteteve qendrore dhe jashtë Kosovës. Presidenti do të ndihmohet nga një Zv/President. Presidenti dhe Zv/Presidenti do të zgjidhet nga Asambleja nga radhët e anëtarëve të asambleve të komunave pjesëmarrëse dhe kryetarët e tyre.

c) Këshillin e përbërë nga maksimumi 30 anëtarë në mesin e banorëve të komunave pjesëmarrëse, duke përfshirë të gjithë kryetarët e komunave pjesëmarrëse; Këshilli është një organ këshillues i cili ofron udhëzime për punën e Asociacionit/Bashkësisë.

d) Bordi përbëhet nga 7 anëtarë të votuar nga Asambleja nga radhët e kryetarëve të komunave dhe banorëve të komunave pjesëmarrëse; përbërja e saktë përcaktohet në Statut, me të drejtë për të marrë vendimet e nevojshme për menaxhimin ditor të Bashkësisë/ Asociacionit. Anëtarët e Bordit do të mbështeten në punë nga Kolegjiumet Profesionale të përbërë nga ekspertë, që mbulojnë zonat që bien nën objektiva dhe detyrat e Asociacionit/Bashkësisë. Statuti do të përcaktojë numrin e Kolegjiumeve Profesionale dhe detyrat e tyre tek anëtarët e Bordit.

e) një Administratë e kryesuar nga Shefi i Administratës i caktuar nga Bordi dhe që i raporton Bordit, që mbështet punën e Bashkësisë/Asociacionit, në veçanti Bordin dhe Presidentin. Stafi i administratës do të përfitojë nga statusi i punësimit, në përputhje me ligjin e Kosovës, përfshirë edhe Ligjit të Punës dhe Ligjit për Shërbimin Civil, duke bërë të mundur që ata të kryejnë detyrat e tyre administrative. Anëtarët e Asociacionit/ Bashkësisë mund të vendosin për të përdorur një numër të të punësuarve për të mbështetur Bashkësinë/Asociacionin në zbatimin e objektivave të saj.

f) një Zyrë Ankese me mandatin për të trajtuar ankesat në lidhje me objektivat.

7) Selia e Bashkësisë/Asociacionit do të përcaktohet në Statut. Raportet me autoritetet qendrore

8) Asociacioni/Bashkësia do të punojë me autoritetet qendrore në bazë të bashkëpunimit të ndërsjellë dhe ndarjes së informatave

9) Asociacioni/Bashkësia do të promovojë interesat e komunitetit serb të Kosovës në raport me autoritetet qendrore.

10) Asociacioni/Bashkësia do të ketë të drejtë të propozojë, në përputhje me ligjin e Kosovës, amendamente në legjislacion dhe rregullativa të tjera relevante për kryerjen e objektivave të saj.

11) Asociacioni/Bashkësia do të kenë të drejtë të iniciojë apo marrë pjesë në procedurat para gjykatave kompetente, përfshirë edhe Gjykatën Kushtetuese, kundër çdo akti apo vendimi nga çdo institucion që ndikon në ushtrimin nga ana e Asociacionit/Bashkësisë të kompetencave të saj, në përputhje me Statutin e saj.

12) Asociacioni/Bashkësia do të kenë të drejtë të propozojnë përfaqësues në organet kompetente/trupat e pushtetit qendror, duke përfshirë Këshillin Konsultativ të Komuniteteve. Duke ndjekur monitorimin e paraparë me Marrëveshjen e Parë, përfaqësuesi i Asociacionit/Bashkësisë do të ketë drejtë të ketë qasje në informata nga autoriteteve qendrore, në përputhje me ligjin e Kosovës.

13) Duke vepruar në emër të Asociacionit/ Bashkësisë, katër kryetarët e tyre në komunat e veriut do t’i sigurojnë Ministrisë së Brendshme listën e kandidatëve për nominim të Komandantit rajonal të Policisë, siç specifikohet me Nenin 9 të Marrëveshjes së Parë.

Kapaciteti ligjor

14) Asociacioni/Bashkësisë do të jetë i pajisur me kapacitetet juridike të nevojshme sipas ligjeve të Kosovës, për të kryer objektivat e saj, përfshirë të drejtën për të poseduar pasuri të luajtshme dhe të paluajtshme, të ketë bashkëpronësi të kompanive që ofrojnë shërbime lokale në kuadër të Asociacionit/ Bashkësisë për të lidhur kontrata, përfshirë edhe kontratat e punës.

15) Në bazë të Marrëveshjes së Parë, Asociacioni/ Bashkësia konsiderohet i instaluar, me miratimin e dekretit, për qëllimet e objektivave të saj. Buxheti dhe mbështetja

16) Asociacioni/Bashkësia do të ketë buxhetin e vet, i cili do të administrohet në përputhje me parimet e transparencës dhe llogaridhënies, si dhe dispozitat e ligjit për prokurimin publik. Këto parime do të zbatohen në veçanti për kanalizimin e fondeve, përfshirë edhe nën 17.d Shpenzimet do t’i nënshtrohen auditimit nga ana e Autoriteteve kompetente, përfshirë edhe nga Auditori i Përgjithshëm.

17) Asociacioni/Bashkësia do të financohet nga:

a) kontributet nga anëtarët e saj;

b) të ardhurat dhe mjetet nga shërbimet e ofruara nga Asociacioni/Bashkësia, kompanitë e saj ose të nxjerra nga asetet e saj luajtshme a të paluajtshme;

c) transferet nga autoritetet qendrore;

d) kontributet, grantet, donacionet si dhe mbështetja financiare nga asociacionet dhe organizatat tjera, vendore e ndërkombëtare, si dhe nga Republika e Serbisë; Bashkësia/ Asociacioni do të përjashtohet nga obligimet dhe taksat në realizimin e objektivave të saj, mbi të njëjtën bazë si komunat pjesëmarrëse. Dispozitat e përgjithshme dhe përfundimtare

18) Asociacioni/Bashkësia do të jetë i hapur për çdo komunë tjetër me kusht që anëtarët të jenë në marrëveshje.

19) Asociacioni/Bashkësia mund të shpërbëhet vetëm me vendim të Asamblesë së saj të miratuar nga shumica prej 2/3 e anëtarëve.

20) Asociacioni/Bashkësia do të ketë të drejtë në simbolet e veta zyrtare (stemës dhe flamurit) në përputhje me ligjin e Kosovës.

21) Statuti i Asociacionit/Bashkësisë do të hartohet nga Ekipi Menaxhues dhe do t’i paraqitet nivelit të lartë të Dialogut brenda katër muajve nga data e marrëveshjes së këtyre parimeve/elementeve, me lehtësim nëse është e nevojshme, përfshirë edhe Ministrinë e Administrimit të Pushtetit Lokal. Statuti do të miratohet me një dekret në bazë të marrëveshjes në Dialog. Çdo ndryshim do të prezantohet nga Asociacioni/Bashkësia, do të miratohet me dekret dhe do të shqyrtohet nga Gjykata Kushtetuese. Ekip Menaxhues – Sërish jashtë institucioneve shtetërore të Kosovës.

22) Brenda një viti të adoptimit të Statutit të Asociacionit/Bashkësia, një rishikim i implementimit të saj duhet të kryhet, përfshirë atë në lidhje me Nenin 5 të Marrëveshjes së Parë. (Në numrin e nesërm: Të gjithë argumentet pse marrëveshja e 25 gushtit është kundër Kushtetutës dhe kuadrit ligjor)

Analogjia me Bosnje-Hercegovinën

26 prill 1991 – Serbët në Bosnje- Hercegovinë shpallin “Bashkësinë e komunave të krahinës së Bosnjes”, e përbërë nga 14 komuna me shumicë serbe në Bosnje Hercegovinë, dhe e drejtuar nga një këshill me përfaqësues nga secila komunë. Kjo bashkësi nuk e njeh Bosnjen si shtet të pavarur, ashtu si “Lista Srpska” në Kosovë nuk e njeh Kosovën si shtet të pavarur.

shtator 1991 – Shpallen njëra pas tjetrës rajonet autonome serbe në Bosnje Hercegovinë.

24 tetor 1991 – Themelohet “Asambleja e Popullit Serb të Bosnje Hercegovinës”, që sot e ka selinë në Banja Llukë (qytetin më të madh me shumicë serbe në Bosnje). Pritet që selia e Asociacionit/Bashkësisë me shumicë serbe në Kosovë të jetë në Mitrovicën e veriut.

9-10 nëntor 1991 – “Asambleja e Popullit Serb të Bosnje Hercegovinës” mban referendum të veçantë në komunat me shumicë serbe për t’u pavarësuar nga Bosnja Hercegovina. 92% e pjësëmarrësve votuan pro pavarësisë.

9 janar 1992 – Përfaqësuesit serbë braktisin zyrtarisht parlamentin e Bosnje Hercegovinës dhe shpallin pavarësinë nga Bosnje Hercegovina.

28 shkurt 1992 – “Asambleja e Popullit Serb të Bosnje Hercegovnës” miraton kushtetutën e Republikës Serbe të Bosnje Hercegovinës – e njohur sot si “Republika Srpska”.

14 dhjetor 1995 – Përmes Marrëveshjes në Dayton, “Republika Srpska” njihet edhe ndërkombtarisht. Pas 25 viteve “Republika Srpska” është forcuar si entitet shtetror më shume se Bosnje Hercegovina, e cila është kthyer në një shtet jofunksional. Ndërkohë “Asociacioni/Bashkësia e komunave me shumicë serbe në Kosovë” po njihet ndërkombëtarisht ende pa u themeluar.

19 prill 2013 – Hashim Thaçi nënshkruan në Bruksel marrëveshjen e Parë të Parimeve Qeverisëse të Normalizimit të Marrëdhënieve mes Kosovës dhe Serbisë me kryeministrin Ivica Daçiç, ish-zëdhënësin e qeverisë së Slobodan Milosheviçit, dhe Ministrin e Jashtëm aktual të Serbisë. Kjo marrëveshje i hap rrugën negociatave për themelimin e “Asociacionit/ Bashkësisë së komunave me shumicë serbe në Kosovë”.

25 gusht 2015 – Isa Mustafa nënshkruan në Bruksel marrëveshjen për Parimet e përgjithshme/elementet kryesore të “Asociacionit/Bashkësisë së komunave me shumicë serbe në Kosovë” me ish-ministrin për Informim në qeverinë e Slobodan Millosheviçit dhe kryeministrin aktual të Serbisë, Aleksandër Vuçiç. Serbia vazhdon të mos e njoh Kosovën, dhe “Lista Srpska” në Kosovë që kontrollon komunat që do të jenë pjesë e këtij asociacioni/bashkësie është krejtësisht nën kontrollin e Beogradid dhe gjithashtu nuk e njeh pavarësinë e shtetit të Kosovës.

Pika më strategjike e vëzhgimit në Ballkan ndodhet brenda territorit të Kosovës. Fakti se ajo është vetëm qindra metra larg kufirit me Serbinë, ka bërë që fqinji verior ta nisë mësymjen për ta përvetësuar, kurdo që bëhet demarkimi ndërmjet të dyja vendeve.

Rivarrimi i vonuar i heroit

Me datën 08.08.2018, në fshatin Isniq, në një ceremoni modeste dhe pjesëmarrjen e qindra qytetarëve u bë rivarrimi i heroit Rrustem Bruqi dhe tre dëshmorëve; Miftar Bajraktaraj, Isa Balaj, Naim Bajraktaraj pranë lapidarit të dëshmorëve në qëndër të fshatit.

Sikurse varri i heroit Rrustem Bruqi që ishte mbetur në harresën e të gjithëve, i paprekur (i pa vizituar) tani e 20 vite më parë në oborin e Xhamisë së fshatit, edhe ceremonia e rivarrimit u anashkalua nga institucionet e shtetit!
Nuk është hera e parë dhe as e fundit që bartësit e institucioneve shtetërore harrojnë dhe anashkalojnë heronjët dhe dëshmorët e lirisë sonë.
Sikurse ceremonia e rivarrimit të eshtrave të heroit të Kosovës dhe dëshmorëve të lirisë të bëhej në fushatë zgjedhore, me siguri liderët shtetëror dhe partiak do të gjenin kohë për pjesëmarrje, mirëpo, në këtë kohë të nxehtë vere, më të preferuara për politikanët janë plazhet e bukura dhe jahtet luksoze….
Në këtë kontekst pa përgjegjësi nuk mbetët as LDK-ja që la në harresë veprimtarët më të devotshëm të saj, luftëtarët e vijës institucionale që ranë në altarin e lirisë.

Zhgënjimi i familjarëve

Të vetmit jemi ne familjarët që kohë-pas kohe sjellim lule të freskëta dhe shuajmë mallin më Rrustemin,…jemi të indinjuar thellë në institucionet komunale dhe ato shtetëtore të cilët trajtimin e heronjëve dhe dëshmorëve të lirisë po e bëjnë në mënyrë selektive; përveqse i ngatërrojnë (qëllimshëm) heronjët me dëshmorët dhe viktimat, dikujt i ndërtohen lapidare dhe komplekse memoriale më paratë e taksapaguesve, ndërsa dikush tjetër po harrohet dhe anashkalohet nga kujtesa shoqërore siq është rasti më Rrustem Bruqin e shumë të tjerëve që ranë heroikisht dhe ballë-përballë më forcat serbe,…më lehtë e kam përballuar varrimin e vëllaut 20 vite më parë, sesa sot rivarrimin, përfundon rrëfimin Dr. Sylë Bruqi (vëllau i dëshmorit) veprimtar dhe pjesmarrës i luftës çlirimtare (mjek në radhët e UÇK-së).

Harresa institucionale e heroit

Padyshim, harresa e heroit të lavdisë dhe krenarisë sonë kombëtare në radhë të parë është politike, pastaj harresë e qytetarëve të komunës së Deçanit dhe e mbarë Kosovës.
Megjithatë, përgjegjësia më e madhe morale bie mbi institucionet komunale dhe ato shtetërore, që dëshmorët dhe martirët e shtetit të Kosovës i trajtojnë sipas përkatësisë së tyre partiake.
Meqë është i veqantë dhe i papërseritshëm heroi i kombit Rrustem Bruqi, trupi i tij do të prehet i qetë vetëm përkrah bashkëveprimtarit dhe bashkëluftëtarit të tij Sali Çekaj dhe jo vetëm kaq,…u takon autoriteteve komunale që t’i sigurojnë një vend të përshtatshëm për ngritjen e shtatores në qëndër të qytetit të Deçanit, e jo t’i ndajnë herojnët sikurse deri më tani sipas përkatësisë familjare apo partiake.
Sa i përket ndërtimit të shtatores së heroit Rrustem Bruqi, kryesia e SHHK “Sali Çekaj” në Zvicër është në pritje të lejimit të hapësirës nga autoritetet komunale, të cilët edhe pas 20 viteve nuk e siguruan një vend për shtatoren e heroit kombëtar!
Nëse i referohemi pjesëmarrjes dhe sjelljes së autoriteteve komunale në ceremoninë e rivarrimit të Rrustem Bruqit, me ç’rast shpërfaqën mungesën e respektit dhe mirënjohjes ndaj heroit të kombit, duke mos e folur as një fjalë të vetme për veprimtarinë e bujshme dhe heroizmin e Rrustem Bruqit,…konfuzioni që shfaqen me rastin e vendosjes së buqetave me lule (nuk e kishin idenë, a t’i vendosin të këmbët apo të koka), lenë shumë për të dëshiruar, ngase këta pushtetarë që nuk kanë ide se si nderohen dëshmorët, nuk mund të kenë as vizion për të ardhmen e shtetit dhe mirëqëjen e qytetarëve.
E vetmja gjë e bukur, por gjysmake në ceremoninë e rivarrimit të heroit Rrustem Bruqi dhe tre dëshmorëve ishte nderimi i togut të FSK-së, me vetëm një minutë heshtje pa protokol shtetëror dhe të shtëna armësh siq e kërkon rregullorja e një ushtrie për ish luftëtarët e saj!
Ky shkrim le të shërbejë si thirrje në ndërgjegjën e liderëve shtetëror dhe partiak, në ndërgjegjën e çdo qytetari të komunës së Deçanit dhe gjithë Kosovës, se heronjët dhe dëshmorët nuk janë të asnjë partie politike, feje apo rajoni, por janë të të gjithëve, janë të shtetit të Kosovës.
Andaj përkujdesja ndaj vlerave më sublime të lirisë sonë, përkatësisht heronjëve dhe dëshmorëve është shprehje e respektit ndaj veprës madhore të tyre, dashurisë ndaj atdheut dhe shprehje e nivelit kulturor të shoqërisë kosovare në përgjithësi.

Kush ishte Rrustem Bruqi!?

Rrustem Bruqi, u lind më 28 gusht të vitit 1958, në fshatin Isniq të Komunës së Deçanit, nga babai Beqiri dhe nënë Ajshja.
Shkollën fillore e kreu ne vendlindje, të mesmen në Deçan, ndërsa fakultetin juridik në Universitetin e Prishtinës
Studimet për të riun isniqas ishin vitet e kthesës së madhe në rrugëtimin e tij jetësorë. Rrustemi si student i drejtesisë ishte vënë në ballë të demostratave të vitit 1981.
Me 16 dhjetor 1986, Rrustem Bruqi pranohet si praktikan në Gjykatën Komunale të Deçanit, ndërsa me 17 tetor 1988, më ndihmën e Salih Çekajt, filloi punën si Gjyqtarë në Gjykatën për Kundërvajtje në Deçan.
Suspendimi i Autonomisë së Kosovës nga ana e Serbisë më 1989, zgjoi edhe ndjenjën kombëtare të shqiptarëve të Kosovës. Rrustemi ishte në ballë të Demostratës së 28 marsit të vitit 1989 në Deçan, ku u vra nga ana e policisë serbe, shoku dhe miku i pandashëm i Rrustemit, Agim Kukleci.
Ishte pjesëmarrës i të gjitha zhvillimeve politike në Deçan, filluar nga tubimet masive kunder ndryshimeve kushtetuese të vitit 1989.
Rrustem Bruqi së bashku me Sali Çekajn morën pjesë në tubimet e fshatarëve dhe puntorëve, ku me tërë energjitë e tyre bënin thirrje për mos pranimin e ndryshimeve kushtetuese që cenonin pozicionin e favorshëm kushtetues të Kosovës së atëhershme.
Me formimin e Lidhjes Demokratike të Kosovës, Rrustemi i bashkangjitet kësaj lëvizje mbarë popullore. Ishte njëri ndër themeluesit e LDK-së në Deçan dhe kshillit koordinues të partive politike për këtë komunë.
2 korriku dhe 7 shtatori i vitit 1990, patën ndikim shumë të madh në veprimtarinë atdhetare të Rrustem Bruqit.
Në mesin e pesë juristëve që përbënin grupin për hartimin e Statutit të Komunës së Deçanit në përputhje me Kushtetutën e Kaçanikut ishte edhe Rrustem Bruqi.
Me themelimin e Ministrisë së Mbrojtjes së Republikës së Kosovës ishte pjesë aktive e saj. Ishte pjesë e grupit të Deçanit në krye me Sali Çekajn, ku ai së bashku me Ismet Mehmetaj bëri përgatitjen e djemëve nga Isniqi për t’i dërguar në ushtrime në Shqipëri. Rrustem Bruqi bëri përgatitjen e bazave ku u vendos armatimi që solli Sali Çekaj nga Shqipëria pas ushtrimeve në vitin 1991.
Në vitin ’93, grupi i Deçanit në krye me Sali Çekajn u futën në Kosovë, Rrustemi fillimisht erdhi në Belle, ku së bashku me Ismet Mehmetaj muarën një sasi të armatimit dhe e sollën në bazat e grupit në Isniq, ku më pastaj, me ato armë u kryen shumë aksione kunder policisë serbe.
Gjurmëve të veprimtarisë atdhetare të Rrustem Bruqi ishin venë punëtorët e sigurimit serb (UDB-ja), me ç’rast u detyrua të mërgoj në Gjermani, ku menjëherë angazhohet në degën e LDK-së në Gjermani, me ç’rast Rrustemi takohet më shokun e idelat Sali Çekaj.
Rrustemi së bashku më Saliun, në mergim organizuan dhe sensebilizuan diasporën shqiptare për nevojën e grumbullimit të ndihmave materiale për Kosovë.
Po ashtu Rrustemi ishtë njëri nga themeluesit dhe aktivistët e Shoqatës Humanitare “Agim Kukleci”, e cila vepronte në botën perëndimore në Mergatën Shqiptare.
Në kuadër të Ministrisë së Mbrojtjes, Sali Çekaj dhe Rrustem Bruqi bashkëpunuan ngushtë me njëri-tjetrin duke dhënë kontribut të madh në fuqizimin e grupit të Deçanit me logjistikë dhe aspekte tjera organizative.
Me fillimin e luftës çlirimtare, Rrustemi e la familjen në Gjermani dhe iu bashkangjit formacioneve ushtarake të Ministrisë së Mbrojtjes të udhëhequr nga Ahmet Krasniqi.
Grupi i Deçanit i vuri bazat e njësive ushtarake të Ministrisë së Mbrojtjes në Shqipëri, si në Tropoj, Viqidol, Papaj, nga ku u trajnuan ushtarët dhe u furnizuan me armatim dhe gjëra të tjera formacionet ushtarake në Kosovë.
Në Maj të vitit 1998, nga Viçidoli, Rrustem Bruqi së bashku me Saim Tahiraj i futën në Kosovë 36 kuaj të ngarkuar me armatim të llojeve të ndryshme, që për destinacion kishin fshatrat Isniq dhe Beleg.
Rrustem Bruqi së bashku me grupin e Deçanit dhe disa oficerëve që vepronin në Kosovë i vuri bazat e para ku u dislokuan brigadat 131,133,134 nën komandën e kol. Tahir Zemaj.
Rrustem Bruqi mori pjesë direkte në disa luftime dhe beteja. Në Betejën e lavdishme të Logjës, në luftimet ballë për ballë më forcat serbe, bie heroikisht në fushën e nderit më 6 korrik 1998, rreth orës 14 e 30 minuta. Varrimi i të cilit u bë një ditë më pas, në oborrin e Xhamisë së fshatit Isniq.
Edhe pse, i nderuar për veprën jetësore “Hero i Kosovës” nga ish presidentja Atifete Jahjaga, trupi i Rrustem Bruqit qëndroi padrejtësisht në oborrin e Xhamisë deri me 8 Gusht 2018.
I tillë ishte Rrustem Bruqi, aktivist dhe veprimtar i palodhshëm i LDK-së që nga themelimi i saj, anëtar i komisionit për financim (3%), kryetar i komisionit për çeshtje strukturore dhe anëtar i komisionit për informim pranë degës së LDK-së në Deçan, anëtar i këshillit për pajttimin e gjaqeve në Deçan, bashkëluftëtarë i Saim Tahiraj dhe bashkëpunëtor i ngusht i Sali Çekaj.
Në fund, ia vlenë për të përshendetur iniciativën e banorëve të fshatit Isniq, kryesinë e fshatit, kryetarin Musa Musshabanaj dhe luftëtarin e lirisë, bashkëluftëtarin e Rrustem Bruqit, veprimtarin e vijes institucionale Bekë Osmonaj, për këtë hap të madh, të nxjerrjes së heroit kombëtar nga hapësira e kultit fetar.
Në rivarrimin e Rrustem Bruqit muarën pjesë personalitete të njohura të jetës politike dhe ushtarake, oficierë të karrierës, bashkëveprimtar e bashkëluftëtarë të heroit, intelektual dhe gazetarë të ardhur nga rrethi i Deçanit e mbarë Kosova.
Çdo fjalë e thënë dhe çdo varg i shkruar mbetët i varfër në krahasim me veprën madhore të Rrustem Bruqit. Vazhdimi dhe çuarja në vend e amanetit të tij, mbetët detyrim yni i përhershëm.

Prokurori Elez Blakaj, i cili kishte drejtuar hetimet mbi keqpërdorimet e mundshme në listën e veteranëve të UÇK-së, sqaroi të hënën arsyet e dorëheqjes së tij. Ai tha se kishte punuar në një ambient skajshmërisht të politizuar në mes të kërcënimeve e shantazheve të shumta.

Ish-prokurori special, Elez Blakaj, është lajmëruar më në fund nga Amerika, ai ka postuar një foto të re në llogarinë e tij në facebook, kështu duke nisur një punë të re sipas komentuesve që janë familjarë dhe miq të tij.

Blakaj i cili ishte padyshim pratogonisti i javës, dha dorëheqje nga pozita e tij,po qendron në Amerikë. Ai përderisa po qëndron në Amerikë,  këti në Kosovë po vazhdon debati për tërheqjen e njeriut që përgatiti aktakuzën ndaj atyre që dyshohet se frynë listat e veteranëve deri në 60 mijë veta, shkruan gazetametro.net.

Dorëheqja e ish-prokurorit Elez Blakaj bëri shumë bujë të madhe gjatë kësaj jave, ai la një letër të dorëheqjes dhe pa iu përgjgijur asnjë reagimi.

Para se të jepte dorëheqje, Blakaj kishte lënë të gatshme aktakuzën për Komisionin qeveritar për verifikimin dhe njohjen e statusit të veteranit, ani pse ajo është gati dhe e dorëzuar te kryeprokurori Aleksander Lumezi, ky i fundit nuk është ngritur akoma asnjë aktakuzë.

Të akuzuar në këtë aktakuzë nga Blakaj janë: Agim Çeku, Nuredin Lushtaku, Sadik Halitjaha, Shkumbin Demaliaj, Qelë Gashi, Shukri Buja, Ahmet Daku, Rrustem Berisha, Faik Fazliu, Smajl Elezaj, Fadil Shurdhaj, Xhavit Jashari, shkruan gazetametro.net.

Menjëherë pas dorëheqjes së tij,  ambasadori Delawie e konsideronte ditë të kobshme për sistemin e drejtësisë në Kosovë tërheqjen e ish-prokurorit.

“Ai kishte përkrahjen e Qeverisë amerikane të kryente studimet për master në fushën e drejtësisë dhe hulumtoi raste të rëndësishme në Kosovë. Kosova duhet të dëshmojë përpjekjen e vet në sistemin e drejtësisë, jo vetëm duke i përkrahur prokurorët, por edhe t’i mbrojë të gjithë ata që duan të shërbejnë në detyrën e tyre”, thuhej në reagimin e ambasadës amerikane.

Shkëlqim Hysenaj

Besimtarët myslimanë në Kosovë po festojnë festën e Kurban Bajramit.

Ceremonia kryesore e faljes së Bajramit, u mbajt në Xhaminë e Madhe në Prishtinë, ku morën pjesë mijëra qytetarë.

Myftiu i Kosovës, Naim Tërnava, tha se islami përçon mesazhe paqeje ndërkohë që foli për rëndësinë e festës së Kurban Bajramit.

“Kurban Bajrami nuk është thjeshtë festë, nëse shikohet nga perspektiva e vlerave, mësimeve dhe udhëzimeve, Kurban Bajrami është shkollë në vete. Vlerat dhe virtytet qe kultivon kjo festë, kalitin dhe farkëtojnë një karakter të fortë për besimtarin të pa ndihmuar nga kode, doke e zakone e veprime primitive. Kurban Bajrami është sinonim i shkëputjes dhe ndarjes fizike e shpirtërore të besimtarit me të keqen dhe të mirën”, deklaroi Tërnava.

Pas përfundimit të ceremonisë së faljes qytetarët uruan njëri-tjetrin. Ata thonë se Kurban Bajrami ka një rëndësi të veçantë në kalendarin e festave islame.

Për besimtarët, Kurban Bajrami i bënë njerëzit bashkë dhe përçon mesazhe paqeje e mirëkuptimi.

Ahmet Aliaj kishte ardhur për të falur Bajramin, në Xhaminë e Madhe në Prishtinë. Ai thotë se kjo festë ka një rëndësi të veçantë për te dhe besimtarët myslimanë.

“Rëndësia e Bajramit është për besimtarët myslimanë se na bashkon të gjithëve, me i ndihmuar njëri-tjetrit. Me pritë çdo të mirë, me pas një drekë të mirë, me i ndihmu njëri-tjetrit. Me menduar për mirë jo për keq. Kjo është porosia e Bajramit”, tha Ahemt Aliaj.

Pas përfundimit të ceremonisë në xhami, Ibrahim Kuçi thotë se është shumë i lumtur për këtë festë. Ai madje është ndarë i kënaqur me ligjëratat që dëgjoi në xhami.

Kjo festë e gëzuar e Kurban Bajramit është e mirëseardhur, kështu që i gjithë populli duhet të festojë atë festën që e ka. Kështu që ka qenë shumë më rëndësi falja e Kurban Bajramit në xhaminë kryesore të Kosovës. Na kanë mbajt në ligjëratë, imamët e përgatitur dhe jemi mirënjohës për organizimin që e kanë bërë Bashkësia Islame e Kosovës”, tha Ibrahim Kuçi.

Këtë ditë është e rëndësishme që të prehet kurbani i cili sipas fesë islame duhet të ndahet në tri pjesë, një pjesë për vete, një pjesë për të afërmit dhe pjesa tjetër duhet të shpërndahet për të varfrit.

Këtë gjë thotë se po shkon ta bëjë menjëherë pas faljes së Bajramit, Besim Vllasa.

“Për bajram, së pari e falim Kurban Bajramin. E therim kurbanin, tash drejt po shkoj atje kësmet dhe pastaj do të rrimë me familje. Bashkim familjar”, tha Vllasa për Radion Evropa e Lirë.

Festën e Kurban Bajramit e festojnë myslimanët në mbarë botën.

1. Mendoj po ndoshta edhe mund të gaboj së në Kosovë ka organizata të cilat po punojnë në dështimin e shtetit të ri.Këto organizata duket së janë formuar nga anetarët e vjetër e të ri të partive komuniste etj .Ne qdo hap dhe sipas rrjedhave të deritashme politike dhe rrjedhave ekonomike duket së në jetën tonë ka hy pa përgjegjësia, paranoizmi, ndërskamcat , diverzionet e ndryshme , saboterët , hajnit , krejt kur të sublimohen ne çdo rast i ngjajnë luftës speciale kunder Kosovës .Kjo kërkon një analizë të mirë dhe serioze , së punët janë duke na shkuar gjithnjë e më keq .Është krijuar një rrjetë I fortë I cili po instalon një llojë lufte speciale , po instalon një luftë psikologjike mbytese për shtetin dhe kombin.Këto diverzione politike por edhe të natyrave tjera janë duke na shkaktuar dëme që vështirë mund të riparohen.

Është futur në funksion edhe një luftë psikologjike në sistemin e informacionit .Të gjitha këto opstrukcione po I lexojmë dhe I ndeshim në Fb, Twiter , Istagram dhe në rrjete të tjera sociale ,të cilat po instalojnë një luftë specile psikologjike të informacionit anti Kosovë.Nuk është qudi së pasluftës në vendin tonë kan vepruar dhe po veprojnë shumë sherbime sekrete të shteteve të ndryshme , të cilat edhe kan misione të posaqme jo fortë dashamirëse karshi të ardhmes së Kosovës.Sigurisht së një rol të madh në destabilizmin e Kosovës janë duke e luajtuar shërbimet sekrete serbe dhe ruse .Kosovën sipas të gjitha gjasave shumë po e kontrollon edhe nëntoka . Si të kuptohet ndryshe kur punët jo që nuk po përmirësohen , por ato gjithnjë e më shumë po ngaterrohen si në planin politike dhe ate të pergjithshem .Dikush më qëllim ose pa qellim është duke I aplauduar gjithë këtyre ndodhive të pamira edhe nga radhet e pseudoanalisteve.Gjithnjë e më shumë po kompremetohet Kosova në sytë e botës demokratike që nuk ka gje me keq .Si ti kuptojmë veprimet e presidentit Hashim Thaçit, I cili po thuaj në tërsi I ka marre kompetencat të dialgojë më Serbinë .

Bisedimet më Serbinë armike nuk është lehtë të zhvillohen , dhe nuk zhvillohen me duar në xhepa, pa përgatitje paraprake , pa përgatitje ekipore dhe pa lejen e kuvendit si institucioni më i lartë I shtetit?! Kjo është pa përgjegjësi totale , së bisedmet të cilat po hyn në fazën finale nuk janë lojëra fëmijësh, dhe nuk ka të drejtë askush të bëjë pazare në dëm të vendit .Nese presidenti Thaçi e ka frikën nga Specialja , nuk ka asnjë të drejtë të futët në pazare politike aq të dëmshme për shqiptarët më serbin Vuqiq.Coptimit të ri të trojeve etnike u ka ardhur fundi, dhe qdo nismë në këtë drejtim don të thotë konflikt te ri më Serbinë .Nuk guxojmë të biem pre e qarqeve të ndryshme antishqiptare të cilat nuk janë të pakëta . Serbia e zgjeroi territorin shumë herë deri më sot duke grabitur tokat shqiptare, duke bërë spatrime etnike .Nese presidenti Hashim Thaçi ka presion nga ndërkombëtarët duhet të dalë para opinionit dhe ta tregoi haptazi së për qfarë në fakt bëhët fjalë, e jo te veproj ne këtë menyrë …Por deklarata e kancelares gjermane, Angela Merkel per mos ndryshim të kufijve(ndarje të Kosoves) duket se do të ndryshon gjitheqka rreth kësaj teme shumë të ndieshme dhe të dëshme për Kosovën …

2 .Është shumë e turpshme dhe është shumë e pafalshme gjithë këto rrena që ju bën elektoratit në zgjedhjet e deritashme nga partitë shtetformuese .Akterët politike po tallën më votuesit më “barkë të thatë”.Kjo klasë politike janë duke shigjetuar mirë në caqet e tyre , në realimin e interesave të tyre .Të tjerët që janë shumicë po mundohen të mbjetojnë si po munden dhe gjithnjë më motivacionin që të kërkojnë shpëtim diku jashtë Kosovës. Nuk duhet njeriu të jetë shumë I menqur për të terhequr vijën ndarëse të gjithë atyre viteve që shumica janë të humbura për njeriun tonë.Jo që nuk u punua , por morem shumë goditje në kokë e kudo tjeter duke menduar së gjerat do të shkojnë shumë më ndryshe . Duket së gjitha këto marifete jo te mira edhe i kemi merituar .Heshtja e popullit dhe dhënja e votes njerëzve të cilët me shume punuan per vete nuk justifikohet .Kjo klasë politike ka bërë që për qdo ditë njerëzit ta braktisin Kosovën .Po e braktisin Kosovën për shkak te pasurimit të paligjshem , pa punësisë të shkallës enorme , përvetësimit të të mirave shoqërore dhe shumë padrejtësive të tjera… .

Kjo Harte qe ne po shofim ketu nuk eshte Harta ime dhe une mund ta kontestoj kete por askush ne bot nuk mund ta kontestoj Harten time edhe pse ate gjat shekujve e thyan, e shkyen, e demoluan, e shkatrruan, e coptuan, e pushkatuan, e bombarduan, e çane dhe keshtu e lane jo pse spati kush ta mbroj por se me te gjithmon u luajt e njejta loj! Mirepor per ta spjeguar versionin tim se pse nuk mund te kontestohet Harta ime qe eshte e popullit tim do perpiqem qe shkencrisht ta argumentoj se ky version eshte shum i perafert me ate te ekspertve botror qe poashtu shkencrisht po perpiqen ta ristrukturojn Harten e botes. Me shkatrrimin e Jogosllavis jane gjetur nga ekspertet defekte shum te medha qe jan shkaktuar gjat historis nga nacionalizmat e ndryshem gje qe eshte konstatuar se ka patur jo rrall edhe pastrime etnike dhe gllaberime te teritoreve kudo ne ket regjion e qe me se keqi e ka psuar shqiprija e cila ka humbur me se shumti teritor. Tash Ekspertet e kan te cart se Ulqini, Tivari, Tuzi, Plava dhe Guaita si dhe krejt Malsija, pastaj Presheva, Bujanovci, Ilirida dhe Camerija me te gjitha rrethinat kan qen dhe jan toka shqiptare te cilat jan shkeputue heret a von nga trungu am, dhe ata jane fare te cart se kjo situat nuk mund te mbretroj edhe me tutje! Tani se si do shkojn punet mbetet te shifet sepse me duhet nje hulumtim i hollsishem por jam i sigurt se formula e pergjithshme egziston, por ajo do te precizohet ne te ardh men. Nje gje per te cilen jam shum i sigurt ne si popull nuk duhet te heqim dor kurr nga kerkesat dhe nga Harta qe nuk mund te kontestohet. Lind pyetja se sa po punohet nga gjenerata jone per kete gje? Konstatimi im eshte se shum pak dhe qe nga paslufta kemi humbur shum kohe per asgje dhe armiqet tane jane shum me te organizuar dhe jo rastesisht edhe jan bashkuar perseri ne luft kunder nesh edhepse e drejta eshte ne anen ton ata tentojn te na i thyen Hartat!

PRISHTINË – Presidenti i Kosovës, Hashim Thaçi është shprehur sot se fundi i dialogut në mes të Kosovës dhe Serbisë, duhet të sigurojë njohje reciproke dhe anëtarësimin e Kosovës në OKB.
Në një postim në twitter Thaci shkruan se mendimet e tjera rreth rezultateve të këtij dialogu, janë të pakuptimta apo interpretime false.

“Fundi i dialogut në mes Kosovës dhe Serbisë, përfshirë edhe demarkacionin e 400 kilometrave në mes te dyja vendeve, duhet të përmbyllet me njohje reciproke dhe anëtarësim të Kosovës në OKB dhe organizata tjera. Mendimet e tjera rreth rezultateve të këtij dialogu, janë të pakuptimta apo interpretime false” – shkruan Presidenti Thaci në twitter

The end of the dialogue between #Kosovo and #Serbia, including the demarcation of 400km of border between two countries, must ensure mutual recognition and Kosovo’s membership in UN and other multilaterals. Other opinions about the end-game are nonsense or false interpretations.

— Hashim Thaçi (@HashimThaciRKS) August 17, 2018

Ambasadori i Shteteve të Bashkuara të Amerikës, Greg Delawie, ka thënë se vendi i tij ka disa kufizime se çka do të pranohet si marrëveshje ndërmjet Prishtinës dhe Beogradit.

Në një adresim për media, Delawie ka shtuar se SHBA-ja është e përkushtuar ndaj sovranitetit të Kosovës dhe se Uashingtoni nuk dëshiron ta shohë një marrëveshje që do të krijonte më shumë probleme se sa që do të zgjidhte.

Ky është adresimi i plotë i ambasadorit Delawie:

Jam i lumtur që kaq shumë qytetarë kosovarë tani po marrin pjesë në bisedat e rëndësishme për dialogun me Serbinë. Kjo është gjë e mirë. Megjithatë, dëshiroj t’i qartësoj disa gjëra. Ne besojmë se thelbi i marrëveshjes ndërmjet Kosovës e Serbisë duhet të vijë nga vetë palët. Por ka kufizime çka do të pranojmë.

Ne jemi të përkushtuar ndaj Kosovës; jemi të përkushtuar ndaj sovranitetit dhe suksesit të saj ekonomik. Jemi plotësisht të vetëdijshëm për rolin historik që Shtetet e Bashkuara të Amerikës e kanë luajtur për t’i dhënë fund konfliktit në përgjithësi në Ballkan, dhe në veçanti në Kosovë.

Nuk duam që të kthehen ditët e dikurshme; nuk duam që të shohim një marrëveshje që do të krijonte më shumë probleme se sa që do të zgjidhte. Duam të ndihmojmë në arritjen e një marrëveshjeje të zbatueshme, të qëndrueshme dhe që i kontribuon stabilitetit në rajon.

Çdo marrëveshje duhet të garantojë sigurinë për të gjithë qytetarët e saj, duke përfshirë grupet e pambrojtura, serbët e Kosovës dhe kishën ortodokse serbe. Javëve të fundit ka pasur pak retorikë të padobishme, duke përfshirë edhe kërcënime dhe gjuhë të tillë që e kemi dëgjuar gjatë ditëve të këqija të dikurshme të komunizmit.

Kjo duhet të ndalojë. Deklaratat e tilla minojnë gjasat për zgjidhje dhe i ngritin tensionet. Dhuna dhe kërcënimet për dhunë janë të papranueshme.

Ne do të qëndrojmë krah jush gjatë këtij rrugëtimi.

Gjatë javëve të ardhshme, dëshiroj t’ju njoftoj me disa prej diplomatëve të sapoardhur në Ambasadën tonë, të cilët i janë bashkuar ekipit tonë për të siguruar që partneriteti ynë me Kosovën mbetet i fuqishëm.

Një korrigjim i kufijve me Serbinë mund të përfundojë tensionet e vazhdueshme midis Beogradit dhe Prishtinës dhe t’i lejojë të dyja vendet të lëvizin drejt anëtarësimit në BE.

Kështu ka thënë presidenti i Kosovës, Hashim Thaçi, gjatë një interviste për Reuters, përcjell Telegrafi, duke shtuar se ai do t’ia paraqesë planin e tij presidentit të Serbisë, Aleksandër Vuçiç, kur ata të takohen në shtator në Bruksel, si pjesë e dialogut të sponsorizuar nga Bashkimi Evropian.

“Definitivisht tani është momenti për të korrigjuar kufirin midis Kosovës dhe Serbisë, që është rreth 400 kilometra”, citohet të ketë thënë Thaçi.

“Kjo do të ndihmonte në shmangien e problemeve ndëretnike dhe krijimin e çfarëdo rajoni autonom si Republika Srpska (në Bosnjë)”.

Megjithatë, Thaçi nuk ka folur rreth asaj nëse Serbia mund të marrë në këmbim për heqjen dorë nga një territor i tillë – dhe hodhi poshtë çdo ndarje të Kosovës përgjatë vijave etnike.

“Korrigjimi i kufijve definitivisht do të shmangë ndarjen e Kosovës, shkëmbimin e territoreve, më shumë krizave apo probleme, ose ndoshta edhe një luftë të re”, ka thënë ndër tjerash ai.

Përkundër kësaj, disa vende perëndimor nuk janë shprehur pro idesë së presidentit Thaçi.

Kancelarja gjermane, Angela Merkel, ka thënë të hënën se integriteti territorial i shteteve të Ballkanit Perëndimor “është i shenjtë”.

Gjithashtu, edhe ambasada britanike në Prishtinë ka thënë se “thirrjet për rivendosjen e kufijve kombëtarë mund të jenë destabilizues”.

Por Thaçi, siç shkruan Reuters, është besimplotë se vendet perëndimore do të mbështesin çdo marrëveshje të nënshkruar mes tij dhe Vuçiqit, të cilën ai beson se mund të arrihet deri në shkurt të vitit 2019.

“Nëse palët bien dakord në procesin e dialogut dhe ata arrijnë një marrëveshje, BE dhe Shtetet e Bashkuara do të mbështesin çdo marrëveshje për korrigjimin e kufirit”, tha Thaçi.

“Ne po ndjekim një proces paqësor dhe kjo do të shmangë problemet, do të shmangë krizat dhe do të hapë një perspektivë të BE për të dy vendet”./Telegrafi

Shefi i Grupit Parlamentar të Lidhjes Demokratike të Kosovës, Avdullah Hoti, përmes rrjetit social Facebook, ka deklaruar se presidenti i Kosovës, Hashim Thaçi, përmes idesë për korrigjim të kufijve po dëmton punën e gjatë në krijimin e stabilitetit dhe barazisë së komuniteteve në Kosovë.

“Propozimi kontravers i Presidentit për korigjim kufijsh i ka dëmtuar në thelb përpjekjet e kahmotshme, tonat dhe të bashkësisë ndërkombëtare, për të krijuar rrethana të favorshme për komunitetin serb që të jetë pjesë aktive dhe e barabartë e jetës institucionale në Kosovës”.

“Propozimi për korigjim kufijsh po ndihmon drejtëpërdrejt politikën refuzuese të përfaqësuesve politik të komunitetit serb ndaj institucioneve të Kosovës, si dhe po i ushqyen shpresa e tyre se Kosova mund të ndahet dhe një pjesë e saj mund t’i bashkangjitet Serbisë”, thuhet në postimin në Facebook.

Hoti shtoi se krijimi i një Qeverie të re do të eliminonte pasigurinë politike dhe sipas tij, “nuk do të lejonte pazaret me shtetësinë e Kosovës”.

“Ne mbesim të palëkundur në idealin tonë për një Kosovë demokratike e të pavarur në tërësinë e saj territoriale, të zhvilluar në çdo cep të saj e me mundësi të barabarta për të gjithë pa dallim, të integruar në BE dhe NATO, si dhe në miqësi të përhershme me SHBA”, theksoi Hoti.

Presidenti i Kosovës, Hashim Thaçi po kërkon që në kuadër të dialogut me Serbinë, që ndërmjetësohet nga Bashkimi Evropian, të flitet edhe për korrigjimin e kufijve dhe mundësisë së bashkimit të Luginës së Preshevës me Kosovën.

Idenë e ndryshimit apo korrigjimit të kufijve nuk po e përkrah as kryeministri Ramush Haradinaj, i cili në një deklarim, tha se kufijtë ndryshohen vetëm me luftë.

Thaçi ka deklaruar se është duke punuar që çështja e Ligjit për referendum të dërgohet sa më shpejt në Kuvendin e Kosovës për miratim, me anë të të cilit do t’i mundësohej qytetarëve të vendosin për këtë çështje.

Çfarëdo iniciative për shkëmbin territoresh me Serbinë është akt tradhtie ndaj shtetit të Kosovës. Ja pse!
1. Iniciativa e tillë e bllokon përfundimisht njohjen e Kosovës si shtet nga OKB, BE, OSBE dhe NATO-ja, sepse nuk kanë pse ta njohin një shtet që ka dalë në pazar. Më e pritshme do të ishte tërheqja edhe e njohjeve të deritashme.
2. Iniciativa e tillë minon tërësisht integrimin e serbëve në shtetin e Kosovës. Përderi sa ata në veri do të fitonin atë që duan, bashkimin me Serbinë, serbët në brendësi, do të rebeloheshin dhe do të krijonin milicitë e veta, si në Siri. KFOR-i do të mund të tërhiqej, për të mos u përfshirë në një konflikt të brendshëm.
3. Edhe shqiptarët e pakënaqur do të rebeloheshin dhe do të krijonin milicitë e veta. Nuk duhet të harrohet se Kosova është një shtet që nuk ka fare ushtri.
4. Rusia do të shfaqej pashmangshëm si aktor në krizën e tillë, siç u shfaq në Siri. Me shkembim territoresh, Rusia zbret në Urën e Ibrit. E pra, nuk është zor të parashihet se çfarë shteti të Kosovës mund të kesh, me Rusinë në Urën e Ibrit!
5. BE do të lante duart si Pontie Pilati, e kënaqur që “zgjidhjen përfundimtare” me shqiptarët muslimanë do ta bënte Rusia. Kjo ka qenë në ëndërr e vjetër e saj, prej të cilës nuk ka hequr dorë kurrë plotësisht. Ëndrrën ia prishi SHBA në vitin 1999.
6. SHBA e Trampit i ka duart të lidhura, me dyshimet ndaj presidentit për lidhje me Rusinë. Ndërsa, nëse ato lidhje dalin të vërteta, atëherë situata jonë do të ishte edhe më e tmerrshme, sepse në atë rast Kosova do të mund të bëhej pjesë e pazareve gjeopolitike. Po edhe pa këto dyshime, duhet ta dijë secili që Rusia me Putinin e vitit 2018 nuk është si Rusia me Jelcinin në vitin 1999 dhe as SHBA me Trampin nuk është si SHBA me Klintonin në vitin 1999. Kjo do të thotë se sponsori i çlirimit dhe pavarësimit të Kosovës ka probleme serioze, për ç’arsye asnjë aventurë nuk lejohet. 7. Edi Rama është manipulant i tmerrshëm dhe i gatshëm që të ndihmojë Vuçiqin, qoftë dhe në dëm të Kosovës, siç ka bërë disa herë deri sot. Pra, nuk mund të llogaritet aspak ndihma e Shqipërisë së Edi Ramës për asgjë. Prandaj, mesazhi është: mos luani me zjarr, mos luani me fatin tonë, mos e shkatërroni ëndrrën tonë që ta kemi shtetin tonë! Nëse e bëni, gjendja do t’u dalë jashtë kontrollit dhe do të zbatohet skenari sirian, me Rusinë në rolin e arbitrit kryesor, bash siç po ndodhë në Siri. Veç mos thoni se nuk e keni ditur!

Për gazetarin Baton Haxhiu, marrëveshjeve Kosovë-Serbi për shkëmbimin e territoreve është për të ardhmen e Kosovës dhe Ballkanit Perëndimor.

Në një opinion të tijin, ai jep edhe argumente në mbështetje të kësaj teze:

Ndarjet janë gjithmonë të vështira. Veçanërisht ato territoriale.
Disa janë të thjeshta për t’u kuptuar, si e Kosovës nga Serbia në vitin 1999, por disa tjera janë shumë më komplekse – siç duket se do të jetë marrëveshja finale ndërshtetërore mes dy vendeve, e planifikuar për vitin e ardhshëm.
Kam lexuar shumë shkrime këto ditë. Hiq shkrimin e Blerim Latifit që përfaqësonte idenë e qartë në shkrim, tjerat ishin jashtë kontekstit, dashakeqe dhe jokontribuese me ide të reja. Të përqendruara në fyerje dhe ndëshkime deri në tradhëti. Fjalori i politikës është padyshim i vrazhdë dhe ka filluar një betejë e fortë për të shpallur tradhtarin e së ardhmes. Por ka një lidership në Ballkan që ka hapur idenë për fundin e armiqësisë. Dhe arsyeja pse ka ndodhur ky diskurs publik mund të përfshihet në disa pika.
Kemi harxhuar shumë kohë duke pritur që të tjerët t’i marrin vendimet për ne, nga frika për të vepruar, të paralizuar nga ndjenja se për hir të respektit duhet të presim. Por pritja nuk është më alternativë. Koha ka ardhur dhe kjo gjeneratë e qytetarëve të Kosovës duhet të veprojë për hir të asaj që do të vijë. Për hir të gjeneratave të ardhme të shqiptarëve. Për hir të gjeneratave të ardhme të serbëve. Për hir gjeneratave të ardhme të europianëve.
Ne jemi gjenerata e re e Europës dhe pjesë e të ardhmes së saj, ndaj e kemi për detyrë të veprojmë në emër të vlerave të saj. Në emër të paqes, pajtimit dhe të një të ardhmeje të përbashkët.
Prandaj duhet të jemi të vendosur të japim propozime të zbatueshme në praktikë për pajtim me Serbinë dhe ta gjejmë realisht zgjidhjen për paqen e së ardhmes.
Kosova mund të bëhet shtet funksional vetëm nëse zgjidhja kërkohet në ridefinim ose delimitim të kufirit me Serbinë. Sepse, ndryshe, frika kurrë s’do ndalojë së krijuari probleme në këtë tokë.

Pak histori

Tri herë Veriu i Kosovës ka qenë pjesë e tavolinës për këmbim ose ridefinim të kufirit. Në kohën e kësaj përfoljeje tema e ndarjes dhe shkëmbimit ishte tejet e gjallë dhe joshëse. Atëherë Kosova nuk ishte as pjesë e Serbisë, as pjesë e Shqipërisë dhe as pjesë e Europës. Kosova bashkonte epërsinë e popullatës shqiptare dhe epërsinë e fuqisë ushtarake serbe.
Gjatë vitit 1997, ideja e ndarjes kishte fuqinë serbe dhe prekte kufirin diku te Ferizaj. Të gjithë që banonin në Prishtinë duhej të shpërnguleshim dhe të kërkonin një hapësirë për të jetuar në një shtet që s’kishte as emër, as identitet dhe as të ardhme. Ky variant nuk përfshinte marrëveshje, por projektonte fuqinë ushtarake serbe mbi pafuqinë tonë. Kjo tablo kishte vetëm një akter dhe ata që përjetonin ndarjen pa shikuar nga prapa.
Në vitin 2000 ishte një qytet që ruante shkëlqimin e dikurshëm të bashkëjetesës. Ishte një hapësirë e territorit ku shqiptarët e Kosovës, përveç ndonjërit që kishte prapavijë komuniste, nuk kishin shkelur kurrë në atë tokë. Ishte pjesa e Veriu të Kosovës. Për pjesën tjetër të Kosovës, Veriu nuk kishte asgjë të përbashkët me territorin tjetër kosovar. Pikërisht se nuk kishin dukuri të një qytetërimi të përbashkët, ata me zell mbanin veten si pjesë të një qytetërimi tjetër, por kishin edhe një dell provincializmi dhe dell për një identitet jokosovar.
Duke qenë e tillë, kjo pjesë u bë strehë e banorëve të ikur serbë që nga 13 qershori i vitit 1999. Asnjëherë – as para luftës, as pas luftës, as tash – banorët e kësaj pjese nuk kanë qenë pjesë në jetën e qytetërimit të Kosovës.
Duke qenë e tillë dhe duke e parë lehtësinë e ndarjes, Forcat Franceze të KFOR-it projektuan ndarjen fizike, me murin e lartë katër metra, ndarjen fizike të Veriut të Kosovës përreth lumit Ibër.
Ishte një mik francez, së bashku me ekipin e Kadri Veselit, që e pati ndaluar këtë plan duke e konsideruar Veriun e Mitrovicës si pjesë të Kosovës. Muri francez nuk u bë kurrë.
Ngjarjet e vitit 2004 shpërthyen pa fund pezmin e së kaluarës. Ky vit goditi fort idenë multietnike të Kosovës. Oliver Ivanoviq, një politikan pragmatik serb, duke qenë i afërt me trupat ushtarake franceze kishte kuptuar se Veriu i Mitrovicës ishte vështirë i shkëputshëm nga pjesa tjetër e qytetit. Ai kishte propozuar që Veriu i Kosovës ta merrte formën e vitit 1953. Konflikti dhe mosbesimi etnik kishte arritur kulmin. Serbët e Veriut të Kosovës nuk dëshironin ta pranonin shtetin e Kosovës.
Ivanoviq kishte dalë me propozim që tri komunat serbe t’i bashkoheshin Serbisë. Kisha serbe dhe serbët brenda Kosovës kishin arritur që ta ndalin procesin me arsyetimin se për Kosovën duhet blerë kohë derisa fuqitë ndërkombëtare ta humbnin interesimin për Kosovën. Dhe ashtu ndodhi.
Viti 2011 kishte lënë Veriun e Kosovës jashtë interesimit të UNMIK-ut. Atje dominonte gjithçka serbe. Nuk kishte asgjë që përfaqësohej nga shteti i Kosovës. Ishte një diplomat që e ndërpreu rrugën e humbjes së Veriut. Ai quhej Christopher Dell. Shprehja e tij e famshme, “Duhet ta rrotulloni tavolinën në qetësinë e restorantit për ta tërhequr vëmendjen”, ishte mënyra e vetme për ta zgjuar bashkësinë ndërkombëtare, dhe sidomos Amerikën – që në një mënyrë ishin pajtuar se Veriu kishte ikur – për të mos ndodhur shkëputja de facto.
Dërgimi i Njësisë Speciale në Veri ishte figurativisht rrotullimi i tavolinës në qetësinë e restorantit. Të gjithë u befasuan për atë se kush kishte marrë guximin që ta bënte një veprim brutal dhe ta prishte qetësinë e një fakti të kryer.
Kryeministri i atëhershëm, me miratimin e kujdesshëm të Ambasadorit Dell, e rikthyen temën e Veriut në bisedat me Serbinë.
Tjerat pastaj dihen.

Po tash?Shkëmbimi është zgjidhje.

Frika e fantazmave të së shkuarës, e viktimave dhe krimeve, në emër të një mbretërie tokësore për qiellorët. Është e pamundur ta quash “lajm të rremë” po e pagove me çiltërsi. Serbëve të Kosovës do t’iu duhen dhjetëvjeçarë që harresa të shtrihet mbi falje dhe të mund të jetojnë si fqinj të mirë me shqiptarët. Dhe ata s’kanë kohë për një gjë të tillë. Sikurse as shqiptarët nuk kanë kohë të presin që demografia të triumfojë për ta integruar pjesën veriore të tyre.
Duhet ta lëmë të ikë, në shkëmbim të integrimit që mund të arrihet sot. Të integrimit që do të na bënte shtet funksional dhe do të na drejtonte kah bregdeti shqiptar, kah Europa, kah e ardhmja.

Pse tani?

Po jetojmë në një epokë të paprecedent në historinë njerëzore. Nuk ka më Lindje, por Perëndim të Largët. Turqia, Emiratet e Bashkuara Arabe dhe Kina janë po aq prezente në Ballkan sa edhe Shtetet e Bashkuara të Amerikës, Bashkimi Europian dhe Rusia. Secili me interesat dhe strategjitë e veta. Tani këto strategji mund të ndërthuren duke krijuar autostradë për të ardhmen e Kosovës.
Serbia e Aleksandar Vuçiqit, që ka mbërthyer pushtetin dhe mediat bashkë me ndjenjën populiste tek serbët, paraqet mundësi për arritje të marrëveshjes.
Aleksandar Vuçiq e projekton të ardhmen e tij politike në të qenit një nga liderët më me peshë në rajon dhe Kosova është shtegu që mund ta konfirmojë si të tillë.
Mund të mos pëlqehet e kaluara e tij dhe fuqia e jashtëzakonshme politike aktualisht, por pikërisht këto e bëjnë atë njeriun e duhur për “ta shitur” marrëveshjen në Serbi.
Ai është shtetari që mund të arrijë akord me një tjetër po aq të tillë dhe po aq të gatshëm për akord. Kosova e ka këtë njeri, ndaj ta përdorim për të ardhmen që duam dhe meritojmë.
Çështjet e brendshme e kanë dobësuar Bashkimin Europian, që s’ka fuqi për ndonjë marrëveshje konkrete, aq më pak që atë ta shtyjë në Parlamentin Europian para zgjedhjeve të 2019-ës. Dhe fantazmat e vona të BREX-itit dhe Amerikës së Trump-it janë makthe që u dalin e u teprojnë Bashkimit Europian dhe Britanisë së Madhe.
As Kosova dhe as Serbia nuk kanë kohë për të humbur. Madje nuk kanë nevojë, me liderë që janë gati ta gjejnë dhe shtrojnë rrugën drejt pajtimit. Nëse shqiptarët dhe serbët ia dalin të arrijnë marrëveshje duke lënë prapa mbrapshtitë e së shkuarës, paqja dhe stabiliteti në Ballkanin Perëndimor mund të bëhen realitet. Në këtë rrafsh, marrëveshja do të ishte në frymën e asaj të Helsinkit dhe jo në kundërshtim me të. Paqja dhe stabiliteti janë themelet e besimit të Bashkimit Europian se në të ardhmen shqiptarët dhe serbët do të jenë qytetarë të BE-së dhe se ata do të investojnë në këtë të ardhme, për veten dhe për Europën.

Në anën tjetër, me BE-në që rrezikohet nga fryma e ringjalljes së shteteve kombe, shkëmbimi i territoreve mund të jetë i frikshëm.

Por, është shteti funksional dhe jo shteti-komb synim i këtij akordi – që do t’i shmanget një rezultati si ai në Bosnje. Bosnja është përkujtues i dështimit të vendimmarrjes në Bashkimin Europian. I paralizuar nga detyrimi ndaj Marrëveshjes së Dejtonit dhe ndarjes së institucionalizuar etnike, pasojë e të parës. Të bashkuar në dështim, qytetarët e këtij shteti nuk kanë shpresë për një të ardhme më të mirë. Kjo nuk mund të jetë zgjidhje as për kosovarët, as për serbët. Ndaj kjo marrëveshje bëhet për shtet funksional, që mund të sjellë stabilitet dhe paqe në Ballkanin Perëndimor, jo për shtet-komb.

Çfarëdo zgjidhje tjetër, veç shkëmbimit të territoreve, do të jetë e pamundur për t’u realizuar tani, ndërsa në të tillë skenar më së shumti do të përfitonin anarkistët dhe populistët, rrjedhimisht përmes tyre, Rusia dhe Turqia, me planet e tyre të mugëta për rajonin.

Amerika, që ka për president njeriun i cili e vlerëson akordin më shumë se gjithçka tjetër, është e gatshme të pranojë marrëveshje konkrete. Nga akordi ajo e fiton Kosovën shtet të njohur ndërkombëtarisht. E përdora fjalën “fiton”, për shkak të kredos politike, ushtarake dhe morale amerikane të investuar në bërjen e këtij shteti.
Për më tepër, qasja e re e SHBA-së në raport me Europën dhe rendin botëror kërkon partnerë të rinj në rajon, ndaj llogarit në shqiptarët si një të tillë. Sepse partnerët rrisin vlerë, nuk shtojnë probleme. Dhe veçanërisht pasi me këtë marrëveshje Kosova zotohet ta respektojë sovranitetin, të vetin dhe të fqinjëve. Kjo do ta ndihmojë Maqedoninë të lëvizë me shpejtësi drejt integrimit në NATO dhe t’i ftohë elementët e të ekstremit të djathtë shqiptar.
Pas Samitit të Helsinkit dhe ftesës për ta vizituar Washingtonin, arritja e marrëveshjeve me Putinin shihet ndryshe nga Shtëpia e Bardhë.

Po Rusia?

Rusia është e gatshme ta përkrahë një marrëveshje që do t’i ofronte zgjidhje oportuniste të çështjeve territoriale me Ukrainën, Gjeorgjinë dhe Moldavinë. Ndaj do të ishte e gatshme ta pranonte shkëmbimin e territoreve, sepse rasti i Kosovës – që mund të konsiderohet si fitore edhe për diplomacinë amerikane – do të kthehej në precedent në ligjin dhe marrëdhëniet ndërkombëtare.
Putin, që ka ndikim të madh në shoqërinë serbe përmes Kishës Ortodokse Serbe dhe mashave në politikë dhe në media, nuk do ta mbështesë asnjë marrëveshje nga e cila nuk fiton diçka.
Nëse Rusia e pranon akordin, ai joformalisht do të pranohej edhe nga Kisha, gjë që do t’ia lehtësonte Vuçiqit ta merrte pajtimin edhe të rrymave të fuqishme nacionaliste në Serbi.
Por për të gjitha ato shtete të cilat nuk janë të qeta shkaku i tërësisë territoriale, shkëmbimi i territoreve mes Kosovës dhe Serbisë nuk paraqet brengë shtesë. Do të jetë marrëveshje pajtimi mes dy shteteve dhe jo vendim i njëanshëm. Mund ta ndihmojë Rusinë të arrijë marrëveshje për Krimenë, por vetëm si pajtim, jo si agresion.
Ndaj, tash Kosova duhet të bëjë përpara kah e ardhmja që meriton. Duhet të shtyjë në atë drejtim. Tash është koha. Jo për lojëra politike. Është koha për një marrëveshjeje të nevojës gjeopolitike dhe Kosova duhet të zgjedh nëse do të jetë humbëse apo fituese nga ajo.
Është koha për një marrëveshje për integrim dhe ndërtim shteti. Është koha për një New Deal për Kosovën!

Presidenti i Kosovës, Hashim Thaçi, emëroi të enjten pesë anëtarë të Gjykatës Kushtetuese nëntë anëtarëshe të Kosovës, në mesin e të cilëve edhe një gjykatës serb, për të cilin pohohet se ka ikur nga Serbia për të shmangur një dënim me heqje lirie nën akuzat për korrupsion.

Radomir Laban, në muajin maj kishte marrë votat e 71 deputetëve të parlamentit të Kosovës për të shërbyer në Gjykatën Kushtetuese si përfaqësues i komunitetit serb.

Organizatat për të drejtat e njeriut dhe përfaqësues të opozitës reaguan atëbotë ndaj vendimit të parlamentit, duke kërkuar verifikimin e të votuarit.

Atëbotë zyra e presidentit Thaçi tha se “për shkak të dyshimeve të ngritura për të kaluarën e z. Laban, Presidenti i Republikës se Kosovës nuk do ta bëj dekretimin e tij, derisa organet kompetente të sigurisë dhe drejtësisë nuk e bëjnë verifikimin e plotë”.

Nuk pati ndonjë shpjegim nga zyra e presidentit nëse kjo ka ndodhur, por emri i gjyqtarit vazhdon të jetë në listën e të kërkuarve nga Beogradi.

Sipas autoriteteve në Serbi, Radomir Laban, ish zyrtar i doganave, ishte dënuar në vitin 2012 me gjashtë vjet heqje lirie, si pjesë e një grupi prej shtatë doganierësh dhe dhjetë afaristësh të akuzuar për kontrabandë milionëshe.

Të gjithë ata ishin arrestuar në vitin 2006. Pas shpalljes së dënimit, Radomir Laban, i ishte shmangur dërgimit në burg duke ikur në Kosovë.

Vitin e kaluar një gjykatë në Kralevë në Serbi, kishte lëshuar një urdhër arresti, por zbatimi i tij në Kosovë është pamundësuar për shkak të marrëdhënieve ndërmjet dy vendeve.

E kaluara e kandidatëve, kontrollohet nga agjencitë e sigurisë, por puna e tyre në raste të tilla është e vështirë për shkak të refuzimit të Serbisë që të bashkëpunojë me institucionet e Kosovës.

Serbia vazhdon të kundërshtojë pavarësinë e Kosovës dhe u është kundërvënë përpjekjeve për anëtarësimin e saj në Policinë Ndërkombëtare (INTERPOL).

Radomir Laban, ishte propozuar për postin e anëtarit të Gjykatës Kushtetuese nga Lista Serbe, që është subjekti kryesor politik i serbëve të Kosovës. Zyrtarët e kësaj liste nuk e kanë komentuar situatën e krijuar pas votimit, që nxori në shesh edhe të kaluarën e të propozuarit të tyre.

Emërimi i sotëm nga presidenti Thaçi nxiti reagimin e lëvizjes Vetëvendosje në opozitë e cila tha se “rehabilitimi i një personi me të kaluar kriminale në institucionin më të lartë kushtetues, përveç që e degradon edhe më tej cilësinë e këtij institucioni, i katandisur si mos më keq për shkak të ndërhyrjeve dhe presioneve, ka për qëllim kryesor legjitimimin e “Zajednicës” (emri ne gjuhen serbe per asociacionin e komunave me shumicë serbe) dhe projekteve tjera të dëmshme. Ne nuk do ta lejojmë këtë dhe do të shohim gjitha mundësitë për zhbërjen e këtij dëmi”, thuhet mes tjerash në reagimin e kësaj lëvizjeje.

UPDATE/ Policia e Kosovës ka thënë se ka testuar sigurinë në zyrën e kryeministrit Ramush Haradinaj, mirëpo nuk ka dhënë detaje nëse ka parë ndonjë lëshim të sigurisë. Më herët, gjatë ditës, është raportuar se në zyrën e kryeministrit është futur një sasi eksplozivi për ta testuar sigurinë. Policia nuk ka pohuar dhe as nuk ka mohuar raportimet e tilla.

“Nuk bëhet fjalë për ndonjë tentim sulmi apo hyrje të ndonjë mjeti eksplodues në objektin në fjalë, por ju informojmë se Policia e Kosovës në vazhdën e inspektimeve periodike, me qëllim të avancimit të punës, profesionalizmit, si dhe vlerësimin e punës dhe gatishmërinë e zyrtarëve policorë që janë të angazhuar në ofrimin e sigurisë së objekteve policore dhe institucioneve shtetërore, si dhe testimin e nivelit të funksionalitetit të pajisjeve të sigurisë në dispozicion, ndërmerr edhe testime simuluese të situatave nga më të ndryshme”, thuhet në përgjigjen e Zyrës për Informim të Policisë së Kosovës, dërguar Radios Evropa e Lirë.

Policia thotë se nëse rezulton se ka dështuar sistemi i sigurisë në zyrën e kryeministrit Haradinaj, do të marrë masa disiplinore ndaj zyrtarëve policorë.

“Varësisht prej rezultateve dhe të gjeturave nga këto inspektime (testime) dhe pas analizave të mirëfillta, PK-ja planifikon trajnime adekuate për stafin e angazhuar, inicion kërkesa për blerjen e pajisjeve më të avancuara dhe që do t’i përgjigjen kohës, apo në rast të ndonjë lëshimi eventual ndërmerr masa disiplinore ndaj zyrtarëve policorë”, thuhet në përgjigje.

Policia e Kosovës ka marrë veprime të tilla edhe në Aeroportin Ndërkombëtar të Prishtinës “Adem Jashari”, me qëllim të zbulimit të ndonjë hallke në sistemin e sigurisë që mund të përdoret nga kriminelët.

Pako me tritol në zyrën e kryeministrit të Kosovës, pak pas kërcënimit me jetë

Në Zyrën e Kryeministrit të Kosovës Ramush Haradinaj ka arritur një pako nga “Xhorxh Majkëll” me dy kilogramë eksplozivë të llojit tritol, siç raportojnë mediat kosovare.

Agjencia e Lajmeve FaktePlus mëson se e gjitha ishte bërë për ta testuar sigurinë në Zyrën e Kryeministrit dhe objektin e Qeverisë. Nga kjo del se gjithçka kishte dështuar në këtë aspekt, duke kaluar të gjithë filtrat e sigurisë.

Simulimi është bërë në koordinim me Zyrën e Kryeministrit.

Zyra e Kryeministrit e pyetur për këtë çështje, kanë thënë se nuk kanë pasur raste të tilla.

“Ne nuk kemi pasur ndonjë incident në praktikë, për të cilën ju po aludoni dhe as informacione për një gjë të tillë”, ka thënë zëdhënësja e Qeverisë, Donjeta Gashi.

Ajo ka shtuar se për sigurinë e kryeministrit dhe objektit të Qeverisë kujdeset Policia e Kosovës. Por jo vetëm kaq – edhe dy raste tjera të simulimit në ndërtesën e Qeverisë kanë rezultuar të suksesshme.

Rasti tjetër ka qenë kur një “mekanik” ka arritur të hyjë në ndërtesën e Qeverisë me dy armë të llojit zolë. Kurse një person në cilësinë e një “invalidi” ka arritur që brenda objektit ta fusë në pushkë të gjatë. Krejt kjo në kuadër të simulimit.

Sipas mediumit, për dështimin e sigurisë në Zyrën e Kryeministrit dhe në objektin e Qeverisë janë shkarkuar katër persona, përfshirë dy policë dhe një rreshter.

Simulimi është bërë nga Njësia Antiterrorizëm në kuadër të Policisë së Kosovës, e cila bën simulime për sigurinë në institucione.

Po ashtu është provuar të merret përgjigje edhe nga Policia e Kosovës, e cila është përgjegjëse për sigurinë e kryeministrit dhe objektit të Qeverisë, por deri më tani nuk kanë dhënë asnjë sqarim.

Presidenti i Republikës së Kosovës, Hashim Thaçi, duke u bazuar në nenet e Kushtetutës së Republikës së Kosovës, dhe ligjet e tjera dhe në pajtim me propozimin e Kuvendit të Republikës së Kosovës, ka emëruar gjyqtarët në Gjykatën Kushtetuese të Republikës së Kosovës.

Në një komunikatë nga presidenca thuhet se “ceremonia e betimit e gjyqtarëve të rinj para presidentit Thaçi është zhvilluar sot”.

Gjyqtarët e ri të Gjykatës Kushtetuese janë: Bajram Ljatifi, Safet Hoxha, Remzije Istrefi–Peci, Radomir Leban dhe Nexhmi Rexhepi.

Në komunikatë theksohet po ashtu se gjyqtarët, paraprakisht kishin kaluar të gjitha procedurat në pajtim me legjislacionin në fuqi dhe se emrat e tyre janë shqyrtuar nga komisioni dhe pas zhvillimit të procedurave të votimit të fshehtë në seancat plenare të Kuvendit.

Përbërja e Gjykatës Kushtetuese, për herë të parë tashmë është vetëm me gjyqtarë vendorë.

Në muajin maj është raportuar se Radomir Laban ishte në kërkim nga autoritetet e drejtësisë së Serbisë pasi siç thuhet ai ishte dënuar me gjashtë vjet burgim nën akuzën për marrje ryshfeti.

Presidenti Thaçi kishte thënë se nuk do ta emëronte asnjë gjyqtarë deri në kryerjen e një verifikimi të plotë nga organet e drejtësisë.