Shtatëdhjetë e dy deputetë të pavarur, nga 135 që ka parlamenti, miratuan tekstin e rezolutës për fillimin e procesit për krijimin e shtetit të pavarur katalanas, në formën e republikës.
Kjo rezolutë hap një krizë të re të rëndë politike për Spanjën.
BERLIN – Avioni qeveritar, në bordin e të cilit gjendej ministri i Jashtëm gjerman, Frank-Walter Steinmeier u detyrua të ulej në aeroportin berlinas ”Tegel”, pas një defekti kompjuterik.
Avioni, tip Airbus A340, që mban emrin e Konrad Adenauerit, kancelarit të parë të pas Luftës II Botërore, është përfshirë shpesh në probleme teknike.
Steinmeier ishte nisur në Itali, ndërkohë që avioni bëri uljen e detyruar për arsye sigurie.
Për shkak se riparimi i tij ishte i pamundur, një avion i vogël ”charter” u nis drejt Italisë, ndërkohë që një pjesë e madhe e delegacionit që shoqëronte Steinmeierin mbeti në Berlin.
Steinmeier do të jetë i pranishëm në përurimin e një memoriali që përkujton masakrën naziste të vitit 1944 në Toskanë si edhe do të vizitojë një qendër migrantësh.
Edhe në prill, kancelarja gjermane, Angela Merkel shkoi në Indi me një avion ushtarak për shkak të problemeve teknike të avionit të sipërcituar qeveritar.
Shoferi i autobusit, Mesut Yalçın, thekson se refugjatët nuk dëshirojnë të qëndrojnë në kampet në fshatrat ku Zyra e Emigracionit ka vendosur ti strehojë
STOKHOLM – Dhjetëra refugjatë nga Siria dhe Iraku nuk kanë pranuar të strehohen në kampin e refugjatëve në Suedi dhe duke qëndruar për 35 orë në autobus kanë protestuar kundër vendimit të Zyrës së Emigracionit.
Shoferi i autobusit, Mesut Yalçın, ka theksuar se refugjatët nuk dëshirojnë të qëndrojnë në kampet në fshatrat ku Zyra e Emigracionit ka vendosur ti strehojë.
Yalçın, ka shpjeguar se 25 refugjatët e sapoardhur në Suedi i ka marrë nga Malmö për ti lënë në kampet që ndodhen në fshatin Torpshammar të qytetit Sundvall. Ai ka theksuar më tej se kur kanë mbërritur në fshatin Torpshammar refugjatët nuk kanë dashur të zbresin nga autobusi dhe se janë duke pritur brenda pa ngrënë.
Mesut Yalçın, ka shtuar ndër të tjera se refugjatët shprehen se shumica e tyre kanë ardhur nga kampet e Turqisë dhe se në Suedi nuk kanë gjetur atë çfarë shpresonin. Ai ka theksuar se refugjatët gjithashtu i kanë kërkuar Zyrës së Emigracionit që t’iu mundësojë shpenzimet e rrugës për tu kthyer në Turqi ose në Gjermani.
Për ti dhënë fund protestës së refugjatëve përfaqësues të Zyrës së Emigracionit kanë biseduar me refugjatët, por kërkesa e tyre për mundësimin e shpenzimeve për ty kthyer janë refuzuar nga përfaqësuesit e Zyrës së Emigracionit ka shpjeguar ndër të tjera Yalçın.
Yalçın ka pohuar se ai po përpiqet të mbajë ngrohtë autobusin ku ndodhen 5 fëmijë dhe një grua shtatzënë dhe se ai shpreson se kjo situatë të zgjidhet sa më parë pasi edhe në mediat suedeze ka ngjallur një jehonë. aa
Kryetari i Parlamentit Evropian është i mendimit se nevojitet që në Siri të zbatohen zgjedhje të lira me qëllim që populli të tregojë se çfarë dëshiron në të ardhmen
TEHERAN –Kryetari i Parlamentit Evropian (PE), Martin Schulz gjatë vizitës një ditore në Teheran, porositi se presidenti sirian Bashar al-Assad nuk do të qëndrojë gjatë në këtë post.
Gjatë vizitës zyrtare në Teheran, Schulz u takua me kryetarin e Parlamentit të Iranit, Ali Larijani, pas së cilës u mbajt edhe konferencë e përbashkët për media.
Siç tha kryetari i PE-së, Assad nuk ka të ardhme në postin e presidentit, dhe u shpreh se kriza siriane mund të zgjidhet përmes projektit të dialogut nacional.
“Duhet përgjigjur ndaj të gjitha temave që kanë të bëjnë me krimet e luftës”, tha Schluz.
Më pas ai u shpreh se çdo popull ka të drejtë të vendosë për të ardhmen e vet. Schulz është i mendimit se nevojitet që në Siri të zbatohen zgjedhje të lira me qëllim që populli të tregojë se çfarë dëshiron në të ardhmen.
Pritet që vizita e Schulz të përfundojë pas takimit me presidentin Hasan Ruhani dhe me ministrin e Punëve të Jashtme, Jevad Zarif.
Anëtarëve të 380 organizatave rajonale dhe 70 organizatave shtetërore feministe iu bashkuan përfaqësuesit e partive kryesore politike në Spanjë, sindikata dhe organizata joqeveritare të cilat merren me këtë tematikë lidhur me pabarazinë gjinore
MADRID – Mijëra njerëz nga të gjitha viset e Spanjës janë tubuar sot në Madrid në shenjë proteste kundër dhunës në familje.
Anëtarëve të 380 organizatave rajonale dhe 70 organizatave shtetërore feministe iu bashkuan përfaqësuesit e partive kryesore politike në Spanjë, sindikata dhe organizata joqeveritare të cilat merren me këtë tematikë lidhur me pabarazinë gjinore.
Të pranishmëve iu drejtua Angela Gonzalez, nëna e një viktime të dhunës familjare. Vajza e saj u vra nga bashkëshorti i dhunshëm. Gonzalez foli në shenjë kujtimi për të gjithë ata që kanë humbur jetën si viktima të dhunës familjare. aa
VOAL – BRUKSEL, 6 NËNTOR – Vizita e parë zyrtare në Iran e një presidenti të një institucioni të Bashkimit Evropian, shkruan Voice Of Albanians – voal.ch. Të shtunën, pra nesër, presidenti i Europarlamentit Martin Schulz do të shkojë në Teheran, ku do të takohet me presidentin Hassan Rohani, ministrin e Jashtëm Javad Zarif, presidentin e Parlamentit Iranian Ali Larijani dhe eksponentë të shoqërisë civile.
Synimi i misionit të Schulzit, që do të jetë vetëm një ditë, është “intensifikimi i dialogut mes BEsë dhe Iranit”. ansa
Ndërkohë që qarkulliojnë zëra se pritet të ketë të hetuar të tjerë, është rritur zemërata për zbulimet e “Avarizia”, librin e Emanuele Fittipaldi për shpenzimet e Vatikanit.
“Ndërkohë që një Papë ka zgjedhur emrin e shenjtorit të të varfërve, ka peshkopë (me veshje firmato) që udhëtojnë gjithjë dhe vetëm në business class, që marrin me qera banesa me 2900 euro në muaj dhe që harxhojnë 4600 euro për një lavaman. Më të varfrit? Ata mund të presin: në vitin 2013-2014 “fondi për të varfrit në dispozicion të komisionit të kardinalëve nuk nxori asnjë kacidhe, edhe pse llogaria ishte plus me 425 mijë euro”.
Personat e arrestuar janë Francesca Chaouqui dhe Imzot Lucio Angel Vallejo Balda, theksoi zyra e prokurorit të Vatikanit
ROMË – Vatikani të hënën njoftoi se janë arrestuar dy persona për publikimin e dokumenteve konfidenciale të Selisë së Shenjtë.
Personat e arrestuar janë Francesca Chaouqui dhe Imzot Lucio Angel Vallejo Balda, theksoi zyra e prokurorit të Vatikanit. Monsinjor është punonjës i Vatikanit, ndërsa Chaouqui anëtare e komisionit të formuar në vitin 2013 nga Papa Françesku me qëllim të zbatimit të reformave financiare të Selisë së Shenjtë.
Zëdhënësi i Vatikanit tha se Monsinjor Vallejo Balda është në burg, ndërsa Chaouqui është lejuar të mbrohet në liri për se ajo kishte bashkëpunuar gjatë hetimit.
Gjermania përshëndet zgjedhjet paqësore në Turqi, duke i bërë thirrje qeverisë së presidentit Recep Tayyip Erdogan që të udhëheqë në “frymën e unitetit kombëtar”.
Partia e Erdoganit ka fituar shumicën parlamentare në zgjedhjet e së dielës.
Steffen Seibert, zëdhënës i kancelares gjermane, Angela Merkel, ka lavdëruar procesin paqësor të zgjedhjeve dhe pjesëmarrjen e lartë të votuesve, që, sipas tij, tregojnë angazhimin e popullit turk “për të investuar në një proces demokratik”.
Seibert është zotuar se Gjermania “do të vazhdojë të bashkëpunojë nga afër me Qeverinë turke”, e cila përballet me sfida të mëdha, përfshirë “luftën kundër grupit militant të Shtetit Islamik, konfliktin me kurdët, polarizimin e brendshëm politik dhe trajtimin e ndikimit të krizës në Siri”.
Theresa May tha se autorizimet që do të kenë hetuesit do të mundësojnë luftën kundër terrorizmit dhe pedofilisë në këtë kohë dixhitale
LONDËR – Policia dhe shërbimet sekrete në Britani të Madhe në bazë të autorizimeve nuk do të kenë fuqi për të kontrolluar qytetarët, konkretisht historikun e kërkimeve të tyre në internet, deklaroi të dielën Sekretarja e Shtetit, Theresa May.
Ajo tha se pavarësisht vendimit, autorizimet që do të kenë hetuesit do të mundësojnë luftën kundër terrorizmit dhe pedofilisë në këtë kohë dixhitale.
Në një shkresë të datës 23 tetor që i është dërguar administratores së shoqërisë “Joy Travel”, Drejtoria e Përgjithshme e Shërbimeve Mbështetëse në Bashkinë e Tiranës, njofton subjektin për zgjidhjen e kontratës se qerasë.
Sipas Bashkisë, shoqëria “Joy Travel” nuk e përdor ambientin për qëllimin me të cilin e ka marrë “lokal shërbimi me sistem 24 orësh në shërbim të udhëtarëve”, prandaj po kërkon zgjidhjen e kontratës para afatit të përcaktuar (20 vite).
“Me përmbysjen e afatit me shkrim (15 ditë) Bashkia e Tiranës e konsideron kontratën e qerasë të zgjidhur”, thuhet në shkresën e Bashkisë Tiranë, shkresë që mban firmën e drejtoreshës Itena Ndroqi.
BERLIN – Muzeu hebre në Berlin sërish është mbyllur, pasi është gjetur edhe një bombë e pashpërthyer nga Lufta e Dytë Botërore në një zonë ndërtimi afër muzeut.
Policia gjermane të premten njoftoi se përveç Muzeut është evakuuar e gjithë zona përreth zonës së ndërtimit që ndodhet në qendër të qytetit. Ekspertët punojnë në largimin e bombës të rëndë 250 kilogramë.
FRANKFURT – Nga kompania Volkswagen (VW) kanë bërë të ditur se për herë të parë, pas 15 vitesh janë ballafaquar me humbjen tremujore. Në tremujorin e tretë VW, për shkak të skandalit me softuerin i cili manipuloi testet për emetimin e gazrave të dëmshme, ka shënuar humbjen prej 3.48 miliardë eurosh në krahasim me fitimin prej 3,23 miliardë eurosh në periudhën e njëjtë vitin e kaluar.
“Skandali i cili tronditi kompaninë ka shkaktuar shpenzime të jashtëzakonshme në shumën prej 6,7 miliardë eurosh që është më shumë se 6,5 miliardë sa janë ndarë paraprakisht. Njëkohësisht, të ardhurat nga shitja janë rritur me 5,3 përqind në 51,49 miliardë euro. Shifrat tregojnë fuqinë e kompanisë sonë në një anë, ndërsa në anën tjetër shohim efektet fillestare të situatës aktuale”, ka thënë Mathias Mueller, drejtori ekzekutiv i Volkswagen-it.
VW po përgatitet për shpenzimet që sipas vlerësimeve të analistëve mund të jenë nga 20 miliardë deri në madje 78 miliardë euro. Lajmi i mirë për kompaninë është se aksionet e VW janë rritur për 3,3 përqind në 108,6 euro. Vlerësohet se Volkswagen që nga skandali më 18 shtator deri sot në tregun e kapitalit ka humbur rreth 21 miliardë euro.
Nga kompania është konfirmuar se fitimi, për shkak të skandalit, këtë vit definitivisht do të jetë më i vogël në krahasim me vitin e kaluar. Gjithashtu është vënë në dukje se plani i shitjes për vitin 2015 do të respektohet, dhe se do të jetë në të njëjtin nivel me atë të vitit të kaluar, që ishte 10,14 milionë vetura të shitura.
Lidhja “Së bashku për Po” që në zgjedhjet e muajit të kaluar ka marrë 62 vende dhe partia e majtë CUP e cila ka fituar 10 nga 135 vendet në parlament sot kanë paraqitur propozimin që në afat prej 30 ditësh të formohet ligji që mundëson shkrimin e Kushtetutës dhe sistemin e sigurisë.
Krerët e Katalonias i kanë bërë thirrje Parlamentit të Barcelonës që të votojë urgjentisht propozimin, edhe pse ende nuk është formuar qeveria rajonale.
Në 10 ditët në vazhdim nuk do të mund të përdorin të drejtën e votimit, nuk do të marrin pjesë në asnjë aktivitet zyrtarë të PE dhe gjithashtu do të paguajnë një gjobë prej 3060 euro
BRUKSEL – Parlamenti Europian miratoi dënimet në vlerë monetare dhe largim ndaj dy anëtarëve të saj për përshëndetjen naziste dhe veprime që i referohen nazistit Adolf Hitler.
Në një deklaratë me shkrim nga PE theksohet se Këshilli i përbërë nga Kryetari dhe 14 ndihmës kryetarë mbrëmjen e djeshme kanë miratuar me shumicë votash dënimet në vlerë monetare dhe me largim të dhëna ndaj anëtarit polak, Janusz Korwin-Mikke dhe anëtarit italian, Gianluca Buonanno.
Me këtë vendim të dy anëtarët në 10 ditët në vazhdim nuk do të mund të përdorin të drejtën e votimit, nuk do të marrin pjesë në asnjë aktivitet zyrtarë të PE dhe gjithashtu do të paguajnë një gjobë prej 3060 euro e cila përkon me harxhimet 10 ditore.
– Arsyetimi i dënimeve
Si arsyetim ndaj dënimeve janë treguar se Korwin-Mikke në muajin korrik teksa kritikonte një vendim që do të amrrej në lidhje me transportin në mbarë Europën ai kishte bërë përshëndetjen naziste dhe ishte shprehur: “Një Perandori e vetme, një popull, dhe një biletë” e cila i referohej slloganit nazist “Një popull i vetëm, një Perandori dhe një Lider”, duke i shtuar kësaj ku i njerjti anëtarë në një seancë në muajin shtatorë kishte thënë në lidhje me refugjatët “Plehra njerëzore”.
Ndërsa për Buonanno është theksuar se gjatë një seance me 6 tetorë ai kishte veshur një bluzë ku pëngjaste Angela Merkel me Adolf Hitlerin, ndërsa në ditën e nesërme në një seancë ku kishte marrë pjesë edhe Angela Merkel ai kishte vendosur “mustaqe të Hitlerit” dhe kishte bërë përshëndetjen naziste.
Në deklaratë ndër të tjera theksohet se këto nuk janë shembuj të parë dhe se vendimet janë njoftuar që ditën e dejshme ku dhe dënimet e dhëna për largimin e tyre duke filluar që ditën e sotme do të vazhdojë deri me 11 nëntor. aa
Kur Gimi Levakoviç shpejtoi makinën e tij në qendër të Kopenhagenit dhe i kaloi sipër ish të dashurës shtatzënë në prill 2011, kjo mori shumë vëmendje nga media.
Por nuk qe deri katër vite më vonë kur kroati, me nofkën “Bosi Cigan” nga media daneze – dhe aktiviteti kriminal i familjes së tij rome, përçau një komb të tërë.
46-vjeçari që preferon të quhet “Gimi Boss 007” dhe që pozon me veshje firme përpara makinave të shtrenjta me tatuazhe dhe shumta të mëdha parash në profilin e tij në Facebook, është patriarku i një rrjeti familje rome që është etiketuar si “familja më kriminale e Danimarkës”.
“Një familje. Qindra krime. Përgjatë katër dekadave familja rome Levakoviç ka shkatërruar çdo gjë përreth vetes me të gjitha llojet e sjelljes kriminale,” shkroi tabloidi Ekstrabladet në gusht 2011.
Që nga janari i këtij viti, mbulimi i lajmit ka qenë i madh dhe media daneze është mbushur me histori rreth 45 anëtarëve të klanit Levakoviç, krimeve të tyre dhe abuzimit me sistemin e mirëqenies.
“Që kur isha djalosh kam thënë se doja të isha një gangster,” tha nipi 27-vjeçar i Bosit Cigan, Jura Levakoviç për median daneze TV2 në një intervistë nga burgu. Ai po kalon pesë vjet në burg për dhjetëra vjedhje.
Ndryshe nga xhaxhai i tij, ai do të kthehet në Kroaci pasi të shlyejë dënimin, ashtu si tre anëtarë të tjerë të familjes Alpacino Petroviç, Django dhe Stefano Levakoviç – të gjithë pas hekurave në burgjet daneze për vjedhje, dhunë dhe përdhunim.
Intervista me Jura Levakoviç ishte pjesë e një dokumentari të njohur të TV2 të quajtur “Bosi Cigan dhe familja e tij famëkeqe”, që ka ngjallur së fundmi interes të madh për familjen Levakoviç.
Bosi Cigan është personazhi kryesor dhe dokumentari e portretizon atë që nga fëmijëria në vitet 1972 kur familja e tij mbërriti në Danimarkë.
“Familja Levakoviç u vendos në Danimarkë, mori një shtëpi dhe një makinë – por kurrë vende pune”, thotë zëri i dokumentarit me dy pjesë të publikuar në janar të këtij viti.
“Për mbi 40 vjet familja Levakoviç ka qenë në Danimarkë dhe pak nga 45 anëtarët e saj kanë psur ndonjëherë një punë, por kanë jetuar me ndihmë sociale nga danezët,” thuhej në të.
Gimi Levakoviç doli në titujt kryesor të lajmeve dhe u bë i njohur kombëtarisht pas dokumentarit kur ai u shfaq si një “bos” i vetëshpallur i rreth 10,000 romëve në Danimarkë, shumë prej të cilëve kanë ardhur në vitet ’60 dhe ’70 nga republikat e ish-Jugosllavisë.
Në vitin 2011, Levakoviç u burgos me dy vjet se shtypi ish të dashurën shtatzënë me të cilën kishte jetuar për 20 vjet.
Gruaja dhe fëmija i saj i palindur i mbijetuan sulmit, që sipas dëshmitarëve e hodhi atë në ajër dhe më pas në një grup biçikletash.
Në të njëjtin rast, djali i tyre atëherë 17-vjeçar, Santiano, duke konspiruar me të atin, u dënua për kërcënime vdekjeje ndaj të ëmës.
Që kur ishte 18 vjeç, Gimi Levakoviç është dënuar 26 herë dhe në rekordet e tij mes të tjerash ka dhunë, hajdutëri dhe shantazh.
Por në tetor të këtij viti ai ngeci në sistemin e drejtësisë daneze dhe në syrin e publikut.
Një vendim nga Gjykata e Lartë Lindore që e dënoi Levakoviçin me 18 muaj burg, por zgjodhi të mos e dëbonte atë në Kroaci shkaktoi një zemëratë kombëtare nga politikanët dhe publiku danez dhe e çoi Gimin përpara Gjykatës Supreme.
Rasti përfshin akuza për posedim të një pistolete Ëalter P38 dhe kërcënimeve me vdekje në një festë në qytetin juglindor të Næstved në Danimarkë.
Ministri danez i drejtësisë, në një lëvizje të pazakontë, ndjeu nevojën të ndërhyjë dhe të nxisë sistemin e drëjtësisë ta çojë çështjen në Gjykatën Supreme.
“Është një çështje që shqetëson shumë danezë,” tha ministri Søren Pind, nga partia e qendrës së djathtë në qeveri për televizionin publik DR, më 7 tetor.
“Është një çështje që është tipike e diskutimit rreth ligjit danez dhe detyrimeve tona ndërkombëtare dhe simbolizon diskutimi rreth kriminelëve të huaj përballë vigjilencës sonë të ligjit”, shtoi ministri.
Ndërhyrja nga ministri erdhi pasi një vendim dëbimi nga një gjykatë e distriktit u hodh poshtë nga një nivel më i lartë.
Gjykata e Lartë Lindore vendosi që nëse Gimi Levakoviç do të dëbohej në Kroaci kjo shkelte Konventën Europiane të të Drejtave të Njeriut.
Ndarja e Levakoviç nga dy fëmijët e tij që kanë shtetësi daneze dhe për të cilët ai ka kujdestarinë e vetme do të shkelte ligjet ndërkombëtare të Danimarkës, vendosi gjykata në vendimin që ndau panelin e gjyqtarëve tre pro dhe tre kundër.
“Ai ka qenë këtu për shumë vite,” tha avokati i Levakoviç, Bjorn Elmquist pas vendimit.
Ta dëbojnë apo jo? Kjo ka qenë çështja. Dhe për të qëndruar në terminologjinë Shekspiriane, shumë shtetas danezë e shohin si te rrënjët e shtetit të Danimarkës faktin se Levakoviç ia ka hedhur dëbimit.
Disa grupe në Facebook, si Të dëbohet Levakoviç nga Danimarka dhe Flakeni familjen Levakoviç nga Danimarka, i janë përkushtuar zhvillimeve të fundit të çështjes.
Shumë danezë kanë kanë filluar të lënë komente për largimin e tij dhe për paaftësinë në këtë rast të sistemit ligjor danez.
“Sistemi ka dështuar me këtë vendim,” shkroi Jakob Rex Mikkelsen, një nga më shumë se 10,000 komentuesit në median sociale.
Çështja Levakoviç vjen në një kohë kur imigrimi dhe integrimi janë një çështje e nxehtë me qindra mijëra refugjatë që vijnë në Europën veriore dhe perëndimore, duke përdorur rrugën e Ballkanit, Maqedoni, Serbi, Kroaci dhe tani Slloveni.
Abuzimi i dyshuar i familjes Levakoviç me sistemin e mirëqenies gjithashtu ka nxitur reagime të ashpra nga publiku danez.
“Nuk kam parë dikë me asistencë sociale që është i rrethuar nga markat e shtrenjta, Jaguar-i, BMW, Hugo Boss dhe pellushët,” shkroi Peer Christensen.
Politikanët gjithashtu kanë dënuar aktivitetin politik të familjes rome.
“Po i bashkohem politikanëve të zemërur,” tha zëvënësi i partisë Venstre, Inger Stojberg në një intervistë për TV2. “Shoqëria jonë po vihet në lojë me paratë tona”.
Levakoviç raportohet të ketë qarë nga gëzimi kur Gjykata e Lartë Lindore e përmbysi vendimin për dëbim. Ai nuk ka komentuar për vendimin apo për rastin në Gjykatën Supreme.
“Na quajnë mafia, gangsterë dhe familje prej Kumbari, por unë shpresoj që ju të më shihni si një qenie njerëzore e ndershme,” tha Levakoviç në dokumentarin televiziv ku pranoi se trajektoria kriminale e familjes së tij duhet të marrë fund. “Fëmijët e mi nuk duhet të përfundojnë në burg, duhet të marrë fund,” tha ai.
Miratimi formal që duhet për ta çuar çështjen në Gjykatën Supreme është ende në pritje.
Por duke marrë parasysh zemërimin kombëtar dhe presionin nga ministri i drejtësisë dhe rekomandimet nga zyra e prokurorit kombëtar, kjo llogaritet si formalitet procedurial.
Kur miratimi të jepet, Gjykata Supreme do të vendosë nëse krimet e Gimi Levakoviç e kalojnë faktin se ka famijë në Danimarkë, tha për agjencinë e lajmeve Ritzau’s Bureau, profesoresha e ligjit Eva Smith.
Nuk është çudi për të që zyra e prokurorit kombëtar – pasi u nxit nga ministri i drejtësisë që ta çojë çështjen në nivelin më të lartë – do ta gjykojë çështjen përpara Gjykatës së Lartë.
“Që nga fillimi ata kanë dashur ta dëbojnë,” tha profesoresha. /reporter.al
Departamenti amerikan i Drejtësisë është duke hetuar Deutsche Bank për siç pretendohet shkelje të sanksioneve ndaj Rusisë
Departamenti amerikan i Drejtësisë është duke hetuar Deutsche Bank për siç pretendohet shkelje të sanksioneve ndaj Rusisë për rolin e saj në konfliktin në Ukrainë, konfirmoi Banka gjermane në një kumtesë të dielën vonë.
Hetimi është hapur pasi shumë dëshmi të reja dolën në dritë me të cilat pretendohet se banka ka bërë tregti në emër të klientëve rusë në tregjet e huaja.
Banka dyshohet se ka blerë aksione për klientët rusë përmes transaksioneve në Londër, por duke marrë pagesën në ruble në Rusi. Efekti do të ishte për të transferuar fondet nga Rusia për shërbime financiare në shkelje të sanksioneve.
Në korrik, Departamenti i Shërbimeve Financiare të New York-ut formalisht kërkoi informacione për aktivitetin tregtar të Deutsche Bank në Rusi. Disa klientë të bankës janë emëruar si objekt i sanskioneve të SHBA-ve për aktivitete financiare të imponuara për veprimet e Rusisë në konfliktin ukrainas.
Deutsche Bank edhe vet është duke hetuar çështjen, thuhet në kumtesën. “Ne jemi duke hetuar rrethanat për tregtimin e kapitalit që ka hyrë nga disa klientë të caktuar me Deutsche Bank në Moskë dhe Londër duke kompensuar njëri tjetrin”, njoftoi banka.
“Deutsche Bank ka marrë masa disiplinore ndaj disa individëve lidhur me ketë çështje dhe do të vazhdojë të bëjë një gjë të tillë”, thuhet mes tjerash në njoftim. aa
Nga evenimenti i cili ka për qëllim për inkurajimin e mbarështimit të kafshëve dhe nderimin e barinjve rrugët në qendër të qytetit ishin të mbyllura përkohësisht për trafikun
MADRID – Në kryeqytetin e Spanjës, Madrid, u organizua “Festivali Trashumancia” i cili ka mbetur nga periudha e Mesjetës dhe vazhdon të organizohet që nga viti 1994, ku më shumë se 2000 dele kanë ecur në qendrën e qytetit.
Nga evenimenti i cili ka për qëllim për inkurajimin e mbarështimit të kafshëve dhe nderimin e barinjve rrugët në qendër të qytetit ishin të mbyllura përkohësisht për trafikun. Festivali i cili u organizua nën kujdesin e Ministrisë së Bujqësisë të Spanjës zgjati rreth 4 orë.
Kopetë e dhenve me barinjtë kanë ecur nëpër rrugët e qytetit të cilët janë ndjekur nga ane qytetarëve dhe turistëve me interes. Barinjtë kur kanë arritur në qendrën Sol, duke iu referuar traditës së vitit 1418 zyrtarët e komunës simbolikisht i kanë dhënë para antike të Spanjës.
Në kuadër të festivalit barinjtë dhe familjet e tyre kanë veshur rrobat e tyre tradicionale dhe kanë shfaqur vallet lokale. aa
Në fjalimin e mbajtur përpara Kongresit Botëror të Sionizmit në Izrael, Benjamin Netanyahu u përpoq t’ia shkarkonte palestinezëve fajet e Holokaustit, duke thënë se “Hitleri donte vetëm t’i dëbonte hebrenjtë, ndërsa ai që ia çoi ndër mend djegien e tyre ishte myftiu i madh i Jeruzalemit”.
“Të gjithë gjermanët e dinë historinë e nazistëve të cilët edhe shkaktuan Holokaustin. Këtë histori ne ua mësojmë fëmijëve në shkolla për një qëllim të mirë, që të mos e harrojmë. Nuk shoh asnjë arsye pse duhet të ndryshohet këndvështrimi i historisë. Ne jemi të vetëdijshëm se përgjegjësia për këtë krim bie mbi Gjermaninë”, deklaroi zëdhënësi i Kancelares Angela Merkel, Steffen Seibert.
Edhe historianët nxituan t’i cilësojnë të pasakta pretendimet e Netanyahut dhe vetë kreu i opozitës në Izrael, Isaac Herzog u shpreh se ato zbehin tmerrin që ishte Holokausti, ndërsa për zyrtarin e lartë palestinez, Saeb Erekat, të tilla komente nuk bëjnë gjë tjetër veçse shfajësojnë Adolf Hitlerin.
Benjamin Netanyahu pretendon se Hitleri u bind nga myftiu i madh i Jeruzalemit, Haj Amin al-Hussein në një takim që këta të fundit kishin zhvilluar në vitin 1941.
Kryeministri i Italisë Matteo Renzi ka reaguar për vrasjen e hajdutit shqiptar nga një pensionist 65-vjeçar në Milano.
“Të bësh hero një pensionist është gabim”, tha Renzi. Ai shtoi se kur gjen në shtëpi një hajdut, reagimi për vetëmbrojtje është i kuptueshëm, por Kodi Penal thotë që duhet t’i përgjigjesh ligjit.
Një hajdut 22-vjeçar shqiptar u qëllua për vdekje në orët e para të martës në Milano nga një i moshuar. Sipas këtij të fundit, shqiptari kishte hyrë në shtëpi për ta vjedhur, por disa fakte të reja thonë se 65-vjeçari nuk e qëlloi me armë brenda banesës, por në rrugë.
Vetëm gjatë javës së kaluar në këtë vend të Bashkimit Evropian kanë arritur 27.000 refugjatë, njoftohet nga Organizata Ndërkombëtare për Emigracion
ATHINË – Sipas të dhënave të dy organizatave ndërkombëtare më shumë se 500 000 refugjatë gjatë këtij viti kanë hyrë në Greqi.
Vetëm gjatë javës së kaluar në këtë vend të Bashkimit Evropian kanë arritur 27.000 refugjatë, njoftohet nga Organizata Ndërkombëtare për Migracion (IOM). Sipas të dhënave të tyre të cilat u bënë publike të marten, gjatë këtij viti 507.000 njerëz kanë hyrë në Greqi, ndërsa së paku 291 prej tyre kanë humbur jetën në tentimin për të arritur në ishujt grekë në Detin Mesdhe.
Melissa Fleming, nga Agjencia për refugjatë të OKB-së (UNHCR) tha se vlerësimet e saj flasin se në Greqi gjatë vitit 2015 kanë ardhur 502.000 refugjatë. Po ashtu ajo theksoi se në UNHCR janë shumë të shqetësuar për shkak të motit të përkeqësuar dhe afrimit të dimrit, si dhe nga fakti se shumë vende evropiane paralajmërojnë mbylljen e kufijve të tyre.
Shumica e njerëzve që vijnë në Greqi, e pastaj dëshirojnë të vazhdojnë rrugën drejt Evropës Perëndimore, janë nga Siria, ndërsa të tjerët janë nga Iraku dhe Afganistani.
“Do të vijë ajo ditë dhe Ukraina do të bëhet anëtarja e 29-të e NATO-s”, tha Yatsenyuk gjatë takimit me Sekretarin e përgjithshëm të NATO-s, Jensom Stoltenberg
KIEV – Me deklaratën e kryeministrit, Ukraina ka konfirmuar sot ambiciet e saj për anëtarësim në NATO. Arseniy Yatsenyuk tha se shpreson që vendi i tij të bëhet anëtarja e 29-të e Aleancës Veri-Atlantike në vitin 2016.
“Do të vijë ajo ditë dhe Ukraina do të bëhet anëtarja e 29-të e NATO-s”, tha Yatsenyuk gjatë takimit me Sekretarin e përgjithshëm të NATO-s, Jensom Stoltenberg në Kiev. Ky i fundit premtoi ndihmë politike dhe praktike për Ukrainën.
“NATO përkrahë pavarësinë e Ukrainës, integritetin e saj territorial dhe mbështetë implementimin e plotë të marrëveshjes së nënshkruar në Minsk”, tha Stoltenberg.
Banka gjermane “Deutsche Bank” gabimisht pagoi gjashtë miliardë dollarë amerikanë në llogarinë e njërit prej klientëve të saj.
Referenti i ri për investimet e huaja i kësaj banke ka paguar gabimisht gjashtë miliardë dollarë në llogarinë e klientit të tij, duke futur kështu të dhëna të gabuara. Siç shkruajnë mediat gjermane, gabimi është zbuluar dhe korrigjuar të nesërmen.
Incidenti tash është zbuluar në opinion edhe pse ai ndodhi në qershor të këtij viti, e cila ngre çështjen se pse i njëjti nuk është bërë publik menjëherë, sepse çdo transaksion i mëdh në bankë duhet të miratohet nga një punonjës tjetër.
Banka gjermane ka paralajmëruar një ndryshim radikal në biznes, sepse, siç thanë ata, ata duan të shkurtojnë në mënyrë drastike shpenzimet, të rrisin përfitimet dhe ti kushtojnë vëmendje imazhit.
Të hënën vonë në Dresden të Gjermanisë, kanë shpërthyer përleshje gjatë një tubimi ku shënohej përvjetori i parë i lëvizjes Pediga, pasi kundërshtarët e kësaj lëvizjeje, po ashtu, e kanë mbajtur demonstratën e tyre.
Pediga, që do të thotë Evropianët patriotë kundër islamizimit të perëndimit, tha se në tubimin e saj kanë marrë pjesë ndërmjet 15 mijë e deri në 20 mijë vetë.
Njëherësh afro 19 mijë njerëz janë mbledhur në disa lokacione në qendër të qytetit, për të protestuar kundër lëvizjes Pediga, nën sloganin “zemër në vend të urrejtjes”, kanë thënë organizuesit.
Mbështetësit e lëvizjes Pediga kishin hedhur fishekzjarre kundër policisë.
Ka pasur dhunë masive dhe të izoluar gjatë natës, derisa grupe të vogla të pjesëtarëve të Pedigës dhe kundërshtartët e kësaj lëvizjeje, janë përleshur në rrugët e Dresdenit, ka thënë policia.
Policia ka pasur të gatshme topa uji, por nuk i ka përdorur.
Policia tha se një person është dërguar në spital, ndërsa një demonstrues kundër Pedigës është arrestuar.
Tubimi i Pedigës është mbajtur afër ndërtesës së Semper Opera House, që është e njohur në Dresden, ndërsa në mënyrë elektronike janë paraqitur mesazhe, në mesin e të cilëve edhe ai se “ne nuk jemi skenë për jotolerancë”.
Një protestuese kundër lëvizjes Pediga tha se “është e turpshme” që kjo lëvizje ka mbështetje në Dresden.
“Tashmë kam demonstruar disa herë kundër saj, po ashtu edhe në Berlin, dhe më duket e turpshme që Pediga është aq e popullarizuar këtu në Dresden. Më tepër se e turpshme”, tha Mensa Schramm, protestuese kundër Pedigës.
Pediga, që kishte humbur mjaft mbështetës kohëve të fundit për shkak të ndarjeve të brendshme, aktualisht e ka fituar një shtytje derisa më tepër gjermanë po shprehin shqetësime për vendimin e qeverisë për t’i zbutur rregullat e azilit, për ata që ikin nga luftërat dhe persekutimi në Lindjen e Mesme dhe në Afrikë, raporton agjencia DPA.
Policia i ka vendosur më se 1 mijë pjesëtarë të saj për t’i siguruar tubimet në Dresden, duke i ftuar për ndihmë edhe kolegët nga rajonet e tjera të Gjermanisë.
Një zëdhënës i kancelares gjermane, Angela Merkel, tha se ajo beson se protestet e organizuara nga Pediga “kanë urrejtje në zemër të tyre”.
Zonja Merkel u kishte bërë thirrje njerëzve që të mos i bashkohen tubimit të Pedigës, të cilat pothuajse çdo herë mbahen të hënave.
Juergen Kasek, është lider rajonal i Partisë së të Gjelbërve në Gjermani.
“Ne kemi përjetuar një vit në të cilin ndarjet janë thelluar më tepër në shoqërinë gjermane, një vit në të cilin situata është bërë më radikale dhe ku secili që shpreh qëndrim të kundërt, përfaqësuesit e mediave për shembull, ata nuk janë të sigurt në rrugë ditën e hënë (kur Pediga zakonisht i mbanë tubimet)”.
“Rrjedhimisht besoj se është tejet e rëndësishme dhe e domosdoshme të dërgohet mesazh i qartë se duhet të ketë kundërshtim ndaj qasjeve që janë armiqësore kundër qenieve njerëzore”, tha Juergen Kasek.
Në tubimin e javës së kaluar të Pedigës, një protestues e mbante një trekëmbësh për varje me mbishkrimin “e rezervuar” për kancelaren Merkel, derisa një lider i kësaj lëvizjeje e ka përshkruar kancelaren si “femrën më të rrezikshme në Evropë”.
Ministri i brendshëm gjerman, Thomas de Maiziere, e ka dënuar lëvizjen Pediga , ndërsa pjesëtarët e saj i ka përshkruar si “ekstremistë të rëndë të krahut të djathtë”.
Liderët e Bashkimit Evropian, pas takimit në Bruksel, kanë miratuar një plan veprimi për Turqinë, me shpresë se do të lehtësojë fluksin e emigrantëve në Evropë.
Ata i kanë ofruar Turqisë 3 miliardë euro, si dhe perspektivë në liberalizimin e vizave dhe në bisedimet për anëtarësim në BE.
Udhëheqësit evropianë kanë thënë se kanë rënë dakord me presidentin turk, Recep Tayyip Erdogan, për të bashkëpunuar në përmirësimin e jetës për dy milionë refugjatët sirianë në Turqi.
“Jemi pajtuar me partnerët turq se procesi i liberalizimit të vizave do të përshpejtohet. Kjo nuk do të thotë se do të lëmë anash kriteret bazë, të cilat janë rregulla në atë fushë. Nuk do të ketë kritere të reja për Turqinë, por do të vlerësojmë përparimin e bërë në pranverë të vitit 2016”, ka thënë presidenti i Komisionit Evropian, Jean-Claude Juncker.
Afro 600,000 migrantë kanë arritur në BE këtë vit, shumica duke udhëtuar nga Turqia në Greqi dhe pastaj duke vazhduar drejt veriut.
Turqia ka bërë një sërë kërkesash në këmbim të ndihmës për të frenuar fluksin.
Kancelarja gjermane, Angela Merkel, ka thënë se shuma prej 3 mliliardë eurosh që ka kërkuar Ankaraja, është diskutuar dhe duket e arsyeshme.
“Çështja e parave ka luajtur rol, ashtu si edhe fillimi i një kapitulli të ri të negociatave të anëtarësimit me Turqinë”, ka thënë Merkel, e cila udhëton për në Turqi gjatë fundjavës.
Turqia ka kërkuar po ashtu krijimin e një “zone të sigurt” për refugjatët në veri të Sirisë, por zyrtarët evropianë kanë thënë se përfshirja ushtarake e Rusisë në Siri e ka komplikuar edhe më shumë idenë.
“Ndërhyrja ruse mund ta forcojë regjimin sirian, por ajo nuk do ta shpëtojë presidentin Bashar al-Assad. Regjimi është duke u përforcuar, sepse sulmet ajrore ruse godasin kryesisht zonat e kontrolluara nga opozita dhe shumë pak Daesh-in (Shtetin Islamik) ose Jabhar al-Nusrën”, ka thënë presidenti i Francës, Francois Hollande.
Në një tjetër zhvillim, të enjten vonë, një migrant, që besohet të ketë qenë afgan, është qëlluar për vdekje nga një roje kufitare e Bullgarisë, pas hyrjes në këtë vend nga Turqia.
Kryeministri bullgar, Boyko Borisov, ka lënë bisedimet në Bruksel me të dëgjuar lajmin.
Është sulmi më i ashpër, me të cilin është përballur ndonjëherë kancelarja ballë për ballë.
Edhe pritja ishte e hidhur për Angela Merkelin, 61 vjeç.
Ndërkohë që kancelarja gjermane po ngjitej në sallën “Globana Messezentrum”, një burrë e sulmoi.
Ai është i zemëruar, flet duke u dridhur: “Zonja Merkel, turp t’ju vijë”.
Ajo vetëpërmbahet, shkon direkt në skenë.
Ai është anëtar i CDU, nuk do të tregojë emrin e tij.
“Asaj duhet t’i vijë turp për atë që po i bën vendit”, thotë ai për gazetën Bild.
Rreth 1 mijë anëtarë të CDU-së kanë ardhur nga organizatat e partisë nga Saksonia, Tyringeni, Berlini dhe Brandenburgu.
Është shtruar një qilim, një qilim gri.
Karriget janë gri, murët janë gri.
Në fakt do flitet për tre rezoluta për partinë, por askush në sallë nuk është i interesuar.
Kancelarja nuk ka hyrë akoma mirë në sallë, ndërsa një baner e pret tek karrigia e saj: “Ndaloni fluksin e emigrantëve”.
Është partia e saj, baza e saj, që qëndron në radhët e dendura përpara saj.
Në fjalimin e saj Merkel flet për pikëpamjet e krishtera për njeriun, për dinjitetin njerëzor, për nenin 1 të Kushtetutës, vlerëson përpjekjet e Bavarisë dhe përparimin që po bëhet për kthimin e refugjatëve nga Ballkani Perëndimor.
Por nuk ngjisin.
Me qetësi, Merkel shpjegon situatën në Siri, terrorin e ISIS, bombat-fuçi të Assad dhe rolin e Turqisë në krizën e refugjatëve.
Bota e saj janë detajet diplomatike, bota e njerëzve është tjetër.
Me një xhaketë sportive blu, ajo përsërit duke ngritur duart në ajër: “Mund të rishikojmë numrat”.
Por salla dëgjon vetëm ato fjali ku flitet për deportim, shpërndarje, ndalim të emigracionit.
Vetëm për to ka duartrokitje.
*Marrë me shkurtime nga Bild
Papa Françesku ka kërkuar falje publikisht për skandalet e fundit në Romë dhe në Vatikan.
Ai ka kërkuar falje para audiencës javore në Sheshin e Shën Pjetrit, por nuk ka specifikuar se për cilat skandale.
Mendohet se Papa i është referuar një prifti polak, i cili së voni është shkarkuar nga posti në Vatikan, pasi ka deklaruar se është në një marrëdhënie homoseksuale.
Zëdhënësi i Papës, Federico Lombardi, ka thënë se kreu i Selisë së Shenjtë nuk i është referuar dorëheqjes së kryetarit të Romës.
Ati Lombardi u ka thënë gazetarëve se kërkimfalja e Papës është “e gjerë dhe e përgjithshme”, por nuk iu referohet situatave politike, që përfshijnë kryetarin Ignazio Marino, i cili ka dhënë dorëheqje këtë javë, për shkak të një skandali me shpenzime.
Lombardi ka thënë se Papa u është referuar skandaleve, për të cilat njerëzit e Kishës kanë përgjegjësi.
Voal – NATO është e gatshme të dërgojë trupa në Turqi për ta mbrojtur këtë shtet anëtar kundër kërcënimeve që po rëndojnë në kufirin e tij jugor, ka thënë sot sekretari i përgjithshëm i Aleancës Atlantike pas shkeljeve të përsëritura të hapësirës ajrore turke nga avionët bombardues rusë, të cilët po kryejnë bombardime të Siri, përcjell “zeri.info” informacionin e publikuar nga mediet ndërkombëtare.
“NATO është e gatshme dhe ka mjetet për të mbrojtur të gjithë aleatët, përfshirë Turqinë, kundër çdo kërcënimi”, ka deklaruar Jens Stoltenberg para medieve para një takimi të ministrave të Mbrojtjes të vendeve anëtare të organizatës, në Bruksel, i cili do t’i kushtohet kryesisht krizës siriane.
“NATO tashmë është përgjigjur duke shtuar kapacitet dhe përgatitjet për dislokimin e forcave përfshirë edhe në jug, përfshirë në Turqi”, ka vijuar ai. /Zëri/
Pas incidenteve e përplasjeve masive mes azilkërkuesve në disa qendra azili në Gjermani ka pasur reagime si nga sindikata e policisë gjermane ashtu edhe nga politika. Sipas kreut të Këshillit Qendror të të Krishterëve Orientalë”, Simon Jacob në një deklaratë për agjencinë katolike të lajmeve, KNA,të krishterët dhe jezidët po kërcënohen gjithnjë e më shumë nga islamistët dhe myslimanët konservatorë në qendrat e azilit. “Kam shumë raportime nga refugjatët e krishterë që janë të ekspozuar ndaj sulmeve të tilla.” Por sipas Jacob nuk mund të jetë zgjidhej afatgjatë ndarja e azilkërkuesve në bazë të fesë. Sipas gazetës “Welt am Sonntag” një refugjat i krishterë iranian ishte shprehur se kishte frikë të thoshte se ishte i krishterë “sepse atëherë kërcënohem”.
Edhe sindikata e policisë gjermane (GdP) ka kërkuar një ndarje të refugjatëve në bazë të fesë. “Ne duhet të bëjmë gjithçka që të pengojmë shpërthimin e konflikteve të reja”, ka thënë zëvendëskryetari i kësaj sindikate, Jörg Radek për gazetën “Die Welt”.
Konflikti në Suhl në një qendër azili
Islamizmi nuk është pjesë e Gjermanisë
Jörg Radek thekson se problematikat në akomodimin e azilkërkuesve sjellin konflikte edhe për raste banale. “Kur në një qendër azili jetojnë 4.000 vetë, por vend ka vetëm për 750 vetë, atëherë ka shpesh shprehje të agresivitetit, edhe një shkuarje në tualet mund të bëhet shkak për sherr.” Për shkak se grupimet e ndryshme solidarizohen kemi grindje masive e policia po kërkohet gjithnjë më shumë në qendra azili. “E në raste të tilla nuk kërkohet një makinë policie, por në ndërhyrjen e policisë kërkohen 21 makina të tilla”, thotë Jörg Radek.
Pas njoftimeve në media për konflikte fetare në qendra azili janë rritur edhe reagimet nga politika, politikanë të unionit qeverisës të CDU-CSu-së kanë kërkuar ndarjen e refugjatëve të krishterë e myslimanë nga njëri-tjetri. Zëvendëskryetari i fraksionit të Unionit, Hans-Peter Friedrich ka thënë se “është e trishtueshme që me sa duket duhet bërë një ndarje e reufgjatëve në bazë të prejardhjes.” dhe ka kërkuar
nga shoqatat myslimane në Gjermani “respekt për shtetin ligjor gjerman dhe kulturën nga myslimanët që vijnë në vend.”
Konservatorët duhet të mësojnë të jetojnë me fe të tjera
Edhe kryetari i fraksionit të Unionit CDU/CSU, Volker Kauder (CDU) ka kërkuar nga një pozicionim të qartë: “Shoqatat myslimane duhet të distancohen qartësisht nga sulmet kundër të krishterëve.” Ndërsa politikani gjerman me origjinë turke, Cem Özdemir i të Gjelbërve ka kërkuar mbrojtje më të mirë të të krishterëve, jezidëve dhe pakicave të tjera fetare në qendra azili. “Vërtet që Islami është pjesë e Gjermanisë tani, por jo islamizmi”, ka thënë ai. Toleranca nuk duhet të kuptohet si dobësi dhe të keqkuptohet e keqpërdoret.
Me ndarjen e refugjatëve në bazë të fesë nuk është dakord kryeministri i landit të Turingjisë, Bodo Ramelov. Ai thotë se në Turingji tregohet ndërkohë kujdes që të ndahen refugjatët sipas prejardhjes, pra të vendosen në kate të ndryshme, aty ku është e mundur por ai nuk është për ndarjen sipas fesë. Sepse pikërisht myslimanët mjaft konservatorë duhet të mësojnë të jetojnë edhe me fe të tjera, kërkon Bodo Ramelov.
Pas mbylljes së kutive të votimit dolën edhe rezultatet e Exit Pollit, ku sipas të cilave partitë pro pavarësisë kanë mazhorancën absolute, duke fituar 74-79 vende në parlament.
Dy partitë separatiste, të cilat kanë bashkuar forcat në këto zgjedhje, pretendojnë të fitojnë shumicën, pasi kjo do t’u lejonte të deklaronin në mënyrë të njëanshme Pavarësinë nga mbretëria e Spanjës brenda 18 muajve. Qeveria e qendrës në Madrid është angazhuar se do të bllokojë në gjykatë të tilla lëvizje.
Qendrat e votimit u hapën që prej orës 9 të mëngjesit, ndërsa u mbyllën në orën 20 të mbrëmjes. Partia në pushtet “Convergencia” e kreut katalanas, Artur Mas, dhe “Esquerra Republicana” kanë krijuar një listë të përbashkët kandidatësh, nën sloganin “Së bashku për Po-në”.
Ata thonë se vota e së dielës është një referendum “de facto” mbi çështjen e pavarësimit nga Spanja. Sipas tyre, qeveria spanjolle ka refuzuar vazhdimisht të lejojë një referendum të njohur ligjërisht, duke injoruar një votim jozyrtar që mbështeti pavarësinë në nëntor të vitit 2014.
Rajoni i Katalonisë, në verilindje të Spanjës, është ndër më të pasurit e vendit të gadishullit Iberik. Madje, qeveria e qendrës së djathtë në Madrid i ka përshkruar planet e veçimit si të “pakuptimta”, pasi humbja e Katalonisë do të kishte ndikim në të gjithë Spanjën.
“Marksi ka qenë një figurë magjepsëse prejt të cilit mund të mësojmë shumë”, ka thënë ai në një intervistë gjatë muajit korrik. Shprehja e admirimit për Marksin ka qenë një tabu e madhe në rangjet e laburistëve që pas luftës së viteve 1970 dhe 1980 për të çrrënjosur influencën e militantëve marksistë nga partia. Edhe vetë fjala “socializëm”, e cila rrjedh lirshëm në fjalorin e Corbynit, është trajtuar gjithmonë me ndrojtje nga ana e laburistëve.
Jeremy Corbyn, një veteran i majtë që adhuron Karl Marksin, u zgjodh si lider i Partisë opozitare Laburiste në Britaninë e Madhe javën e kaluar, një fitore që mund ta bëjë më të afërt se kurrë daljen e Britanisë nga Bashkimi Europian dhe që një ish-kryeministër laburist ka thënë se mund ta bëjë partinë të mos zgjidhet më kurrë.
I pritur me brohoritje nga mbështetësit e tij në dhomë dhe i përshëndetur nga radikalët përreth Europës, triumfi i Corbynit ka hapur tashmë perspektivën e përçarjeve të mëdha brenda partisë, madje disa druajnë se do t’i largojë votuesit me politika radikale, ku përfshihen çarmatimi njëpalësh bërthamor, shtetëzimi dhe taksa mbi pasurinë. “Gjërat mund dhe do të ndryshojnë”, tha Corbyn gjatë fjalimit të tij, pasi mblodhi plot 59,5 për qind të votave, duke fituar me një marzh më të lartë nga sa ishte parashikuar. Megjithatë, kur hyri në garë ai ishte thjesht një i jashtëm në parti.
“I falenderoj paraprakisht të gjithë ata që do të punojnë për të arritur fitore të mëdha, jo vetëm që partia laburiste të fitojë zgjedhjet, por për fitore emocionale për të gjithë shoqërinë tonë që të tregojnë se nuk ka pse të jemi të pabarabartë, jeta nuk ka pse të jetë e padrejtë dhe se varfëria nuk është e paevitueshme”, tha 66-vjeçari i thinjur.
BARCELONË – Gjatë votimit të Kryeministrit aktual të krahinës spanjolle Katalonia, Artur Mas, disa të rinj spanjollë vendosën që në mënyrë demonstrative ta shprehin pakënaqësinë e tyre.
Mas së bashku me bashkëshorten votoi në qendrën e votimit në Shkollën fillore “Infant Jesus” në Barcelonë. Megjithatë, në ato momente të rinjët spanjollë shprehën pakënaqësinë e tyre. Ata erdhën me flamujt e Spanjës dhe pankarta “Unë jam spanjoll dhe katalonjas”. Pjesëtarët e forcave të sigurisë kanë reaguar duke larguar demonstruesit nga qendrat e votimit.
Nga ana tjetër, disa katalonjas të cilët kanë ndodhur në ato momente aty, me duartrokitje mbështetën Mas dhe brohoritën duke thirrur “Pavarësi”. Me këtë rast, Mas pas hyrjes në sallë është përshëndetur me duartrokitje të madhe.
“Sot në Kataloni demokracia realizon fitoren e saj të madhe.
“Kemi kapërcyer të gjitha pengesat të cilat na i vendosi qeveria e Spanjës. Populli i Katalonjës ka të drejtë në mënyrë demokratike të votojë. Jam shumë i gëzuar që kemi arritur deri këtu që të dihet fati i Katalonjës”, ka thënë Mas për mediat.
Të drejtë vote në zgjedhjet e sotme rajonale e kanë 5,5 milionë katalonjas.
“Jam 39 vjeç dhe për herë të parë ndjej nevojë për të votuar. Nuk kam hezituar. Kjo është zgjedhje shumë e rëndësishme. Përcaktohet fati ynë”, ka thënë një shofer taksie.
Në zgjedhjet “vendimtare” për Katalonjën marrin pjesë gjithsej 11 subjekte politike. Katalonia ka rreth 7,5 milionë banorë dhe 196 mijë prej tyre jetojnë jashtë krahinës, por të cilët votën e tyre mund ta japin në konsulatat e Spanjës.
Edhe pse mbahen si krahinore, zgjedhjet në të cilat katalonasit zgjedhin qeverinë autonome, mund të rriten edhe në diçka më tepër përderisa palët seperatiste fitojnë shumicën absolute në Parlamentin autonom dhe realizojnë premtimin e tyre të hershëm se do të shpallin pavarësinë nga Spanja në afat prej 18 muajve pasi të vërtetohet rezultati zgjedhor.
Këto zgjedhje mund të jenë historike që do të çojnë deri te shkëputja nga Spanja dhe krijimit të shtetit të ri në Evropë.aa
Katalonia voton sot për të përcaktuar nëse rajoni mund të shkëputet nga Spanja.
Partitë separatiste pritet të fitojë shumicën e vendeve në zgjedhjet parlamentare, sipas sondazheve të opinionit publik.
Udhëheqësit separatistë kanë premtuar, se nëse partitë e tyre janë fituese, ata do ta vendosin Katalonjën dhe qytetin e saj kryesor Barcelonën në rrugën drejt pavarësisë nga Spanja dhe do të bëjnë Katalonian një komb të ri në vitin 2017.
Rajoni 7.5 milionë banorësh deklaroi zyrtarisht veten si një shtet në vitin 2006, por Gjykata Kushtetuese më vonë e hodhi poshtë këtë deklaratë.
Kryeministri Mariano Rajoy thotë se kushtetuta e Spanjës ndalon rajonet autonome si Katalonia të shpallin pavarësinë.
Katalonia, një nga rajonet më të pasura të Spanjës, ka gjuhën e vet dhe kulturën e dallueshme, dhe ka luftuar gjatë për autonomi më të madhe.
BARCELONË – Në krahinën spanjolle të Katalonias nesër do të mbahen zgjedhjet rajonale, të cilat, në varësi të rezultateve, mund të jenë historike dhe mund të çojnë përfundimisht në shkëputjen e kësaj krahine nga Spanja dhe krijimin e një shteti të ri në territorin e Evropës.
Në votimin “vendimtar” për Katalanian do të marrin pjesë gjithsej 11 subjekte politike. Katalonia ka rreth 7.5 milionë banorë dhe 196,000 të tjerë që jetojnë jashtë saj, të cilët pritet të votojnë përmes konsullatave spanjolle.
Edhe pse mbahen si zgjedhjet krahinore në të cilën katalanasit zgjedhin qeverinë e re provinciale, kjo do të mund të rritet në diçka më shumë se kaq, nëse partitë separatiste fitojnë shumicë absolute në parlamentin provincial, ata pritet të realizojnë premtimin e tyre të mëparshëm të shpalljes së pavarësisë nga Spanja brenda 18 muajve nga certifikimi i rezultateve të zgjedhjeve.
Deri më tani, sondazhet para-zgjedhore flasin për faktin se zgjedhjet në Katalonia mund të nënkuptojë fundin e Spanjës në formën e të cilit ky vend ekziston më shumë se 500 vjet.
Sipas sondazheve të kryera në qershor të këtij viti, 42.9 përqind e katalanasve janë për pavarësi të krahinës, 50 përqind ishin kundër dhe 7.1 përqind e popullatës të pa përcaktuar. Megjithatë, supozohet se dy partitë separatiste në zgjedhjet e së dielës mund të fitojnë rreth 50 përqind të votave, nëse ata bashkojnë forcat, do të thot se ata mund të marrin mjaftueshëm vende në parlament.
Me nisjen e iniciativës për pavarësinë e Katalanjës, plasën mosmarrveshjet mes partisë së Konvergjencistëve të Artur Mes dhe Partisë Unio, të cilat vepruan të bashkuara në skenën politike në 37 vitet e fundit nën emrin CIU.
Artur Mas nga partia udhëheqëse katalanase e Konvergjencës partisë dhe partia Unio (CDC) më pas kanë arritur marrëveshje me partinë majtiste ERC, parti kjo që që është rivale e vjetër e CDC -së, por me të cilët janë dakorduar vetëm në kërkesën vendimtare për pavarësi. Aleancës së re i është bashkangjitur edhe partia separatiste “Together for Yes” (Së bashku për “po”).
Artur Mas, i cili është edhe presidenti aktual i Katalonjës, në paraqitjen e tij të mbrëmshme në televizionin e Katalonjës, në shenjestër kishte udhëheqësit botërorë, si dhe kryeministrin e Spanjës, Mariano Rajoy.
“Rezultatet e zgjedhjeve nuk do t’i përcaktojnë tregjet, as Barack Obama, e as David Cameron apo Angela Merkel, dhe as Mariano Rajoy. Pavarësisht mesazhin e komunitetit ndërkombëtar, si dhe vlerësimin e disa ekspertëve të ekonomisë, pavarësia varet vetëm nga populli i Katalanjës,” tha Mas.
Qendrat e votimit në zgjedhjet e së nesërmes në Katalania do të hapen në orën 09:00 sipas orës lokale dhe do të mbyllen në ora 20:00.
Provinca spanjolle e Katalanias është krahina më e zhvilluar ekonomikisht, kurse sipas parashikimeve të disa ekonomistëve, rajoni do të zhvillohet edhe më tej nëse se ajo bëhet e pavarur. Në raportin e Qendrës për Politikë Evropiane të Barcelonës ‘Think Tank’, theksohet se ekonomia do të rritet më shpejt, papunësia do të jet më e ulët, dhe pagat do të jenë më të larta pas pavarësisë së Katalonjës.
– Çfarë do të ndodhë me La Liga-n
Në një deklaratë të përbashkët në fund të javës së kaluar, Shoqatat e bankierëve spanjollë paralajmëruan se shpallja e pavarësisë do të krijonte pasiguri juridike dhe do të çojnë në andej që bankat duhet të rishikojnë praninë e tyre në rajon.
Kur është fjala për komunitetin ndërkombëtarë, deri më tani Presidenti Barack Obama dhe kancelarja gjermane Angela Merkel publikisht kanë mbështetur tërësinë e Spanjës, ndërsa, për shembull, Partia Kombëtare Skoceze ka mbështetur referendumin.
Në sport, pavarësia e Katalanias do të nënkuptonte fundin e rivalitetit mes Barcelonës dhe Real Madridit në Ligën spanjolle. Këshilli i Sportit deklaroi se Barcelona – kampioni aktual i Spanjës dhe kampioni evropian, nuk do të lejohet të luajë në La Liga, nëse Katalonia shkëputet nga Spanja, ndërsa nga klubi theksojnë se nuk dëshirojnë të marrin pjesë në këtë debat.
ROMË – Financieri i njohur amerikan me origjinë hungareze, George Soros deklaroi se ”Evropa ka nevojë për një milion refugjatë çdo vit”. “Vendet që do të marrin më shumë refugjatë do të rriten ekonomikisht më shpejt në të ardhmen”, thekson Soros.
Miliarderi shpreson shumë edhe në perspektivën ekonomike të Italisë.
”Matteo Renzi arriti të fusë ndryshime të rëndësishme në tregun e punës”, deklaroi Soros në një intervistë për gazetën italiane ”Corriere della Sera”.
”Tani, ai po përballet me problemin e kredive të këqija dhe me problemet e bilanceve të bankave dhe, pasi të kalojnë këto, ekonomia italiane mund të rritet më shpejt nga të gjitha ekonomitë e tjera të Evropës”, thekson Soros.
”Ekonomia evropiane do të shkojë drejt përmirësimit nëse ringritja e saj nuk do të dëmtohet nga episode të reja të destabilitetit financiar, siç ndodhi gjatë javëve të fundit. Nuk duhet t’i besohet shumë politikës së ekspansionit monetar të Bankës Qendrore Evropiane”, shton ai.
”Zgjidhja e krizës migratore, madje edhe zgjidhja e krizës ukrainase dhe kërcënimi që përfaqëson Rusia, kërkon që Evropa të bëjë investime serioze. Kriza migratore kërcënon të shkatërrojë Bashkimin Evropian. Angela Merkel ka treguar se është një staticiene e vërtetë, pasi ka kuptuar sesa e rëndësishme është çështja migratore. Pa një politikë reale evropiane në këtë front, fakti që çdo vend evropian mund të punojë për llogari të tij, mund të shkatërrojë unionin”, thekson Soros.
Financieri i njohur me origjinë hungareze nënvizon se Evropa “ka nevojë për një milion refugjatë çdo vit”. “Vendet që do të marrin më shumë do të rriten ekonomikisht më shpejt në të ardhmen”, thekson Soros.
“Punoni për paqen, drejtësinë, ambientin, familjen, mundësitë për arsimim, kundër luftrave e kundër persekutimeve”: kjo, këshilla atërore e Papës Françesku për përfaqësuesit e kombeve, mbledhur në asamblenë e përgjithshme në selinë e OKB-së në Nju Jork. Por të ecim me radhë…
Në stilin e Papës Françesku, vizita e tij në Nju Jork filloi me lutjen në katedralen 136-vjeçare të shën Patrikut, në Fifth Avenue, e me takimin e djeshëm me të pastrehët, por dita e sotme qe një nga më të rëndësishmet e udhëtimit të dhjetë apostolik të Atit të Shenjtë. Sot, herët në mëngjes(me orën amerikane), Papa foli para asamblesë së OKB-së, mbledhur për takimin më domethënës të një pesëmbëdhjetëvjeçari veprimtarie: atë, në të cilin krerë shtetesh e qeverish, ambasadorë e përfaqësues, do të vendosin për objektivat e Kombeve të Bashkuara në pesëmbëdhjetëvjeçarin pas vitit 2015.
Papa takohet me personelin e OKB-së
Ati i Shenjtë u prit nga Sekretari i Përgjithshëm Ban Ki-moon e dy fëmijë, të dy funksionarëve rënë gjatë shërbimit, i dhuruan lulet e mirëseardhjes. Fillimisht, Françesku i foli personelit të OKB-së e, edhe ai, nga ana e tij, vendosi lule në pllakën përkujtimore të funksionarëve të rënë në shërbim, të cilët i kujtoi edhe në fjalën para asamblesë, duke përmendur njërin prej tyre, Dag Hammarskjold. Duke i falenderuar për punën, shpesh të padukshme e të heshtur, Ati i Shenjtë u tha punonjësve se kontribuojnë në përmirësimin e OKB-së dhe u kërkoi:
“…qëndrojini afër njëri-tjetrit, respektojeni njëri-tjetrin, që të mishëroni në vetvete idealet e kësaj Organizate të familjes njerëzore të bashkuar, që jeton në harmoni, që vepron jo vetëm ‘për’ paqen, por edhe ‘në’ paqe; që punon jo vetëm ‘për drejtësinë’, por edhe me ‘frymën’ e drejtësisë”.
Ati i Shenjtë vlerësn punën e OKB-së
Pas takimeve private me autoritetet e OKB-së, Papa Françesku u foli përfaqësuesve të kombeve, duke kujtuar që në fillim vizitat e paraardhësve të tij, që nga Pali VI, tek Gjon Pali II e tek Benedikti XVI. Ati i Shenjtë, në herën e pestë të një pape në OKB, shprehu mirënjohjen për përpjekjet e Kombeve të Bashkuara për t’i dhënë përgjigje juridike e politike gjendjeve të ndërlikuara në botë. Papa vuri në dukje se në çastin aktual, teknologjitë i shkurtojnë distancat, por mund të shkaktojnë edhe tmerre, nëse përfundojnë në duart e ideologjive nacionaliste, të cilat e mbajnë veten universale, por nuk janë të tilla. Edhe Kisha Katolike i njeh pikërisht OKB-së rëndësinë historike dhe punën e kryer në 70 vjetët e jetës së saj, sidomos në fushën e së drejtës ndërkombëtare, në normativat për të drejtat e njeriut, në përsosjen e së drejtës humanitare dhe të të drejtave të tjera, që favorizojnë paqen dhe pajtimin:
“Është e sigurtë që, pavarësisht se problemet e rënda të pazgjidhura akoma janë të shumta, nëse do të kishte munguar gjithë kjo veprimtari ndërkombëtare, njerëzimi nuk do të kishte mbijetuar nga përdorimi i pakontrolluar i vetë mundësive e i potencialitetit të vet”.
Organizmat financiare ndërkombëtare të vigjëlojnë mbi zhvillimin
Përvoja 70-vjeçare, nënvizoi më tej Papa, tregon rëndësinë e përshtatjes me nevojat e epokës, të kërkimit të barazisë ndërmjet vendeve, të fuqizimit efektiv të institucioneve si Këshilli i Sigurimit apo organizmat e tjera financiare, që duhet të përballojnë krizën ekonomike, sidomos në vendet në zhvillim:
“Organizmat financiare ndërkombëtare duhet të vigjëlojnë mbi zhvillimin e qëndrueshëm të vendeve, për të shmangur nënshtrimin mbytës të këtyre vendeve ndaj sistemeve të kredive, të cilat, larg nga promovimi i progresit, i nënshtrojnë popullsitë me mjetet e varfërisë më të madhe, përjashtimit e varësisë”.
Gjithësia vjen nga një vendim dashurie i Krijuesit
Papa foli për frymën e drejtësisë, kusht i domosdoshëm në realizimin e vëllazërimit universal; vuri në dukje se në panoramikën botërore vërehen shumë të drejta të rreme, të cilat ndihmojnë pushtete të caktuara dhe shkaktojnë shkatërrimin e ambientit, duke rritur numrin e të përjashtuarve nga shoqëria. Ati i Shenjtë ngriti zërin me forcë për të pohuar se ambienti është ngushtësisht i lidhur me nivelin e përjashtimit të njerëzve nga shoqëria, duke kërkuar “të drejtën për ambientin”:
“Ne të krishterët, së bashku me fetë e tjera monoteiste, besojmë se gjithësia vjen nga një vendim dashurie i Krijuesit, i cili i jep mundësinë njeriut ta përdorë atë me respekt për krijimin, për të mirën e vëllezërve të vet dhe për lavdinë e Krijuesit, por pa e shpërdoruar e pa u ndjerë i autorizuar ta shkatërrojë”.
Vullnet e hapa konkrete në drejtim të përmirësimit të ambientit
Abuzimi me ambientin lidhet drejtpërdrejt me procesin e përjashtimit nga shoqëria – përjashtim ekonomik e shoqëror, që i fshin me një të rënë të lapsit të drejtat e njeriut dhe vetë ambientin, duke sjellë “kulturën e hedhurinave”. Duhet bërë ç’është e mundur, bëri thirrje Ati i Shenjtë, që të parashikohen masa urgjente dhe të frytshme si në Agjendën 2030 për Zhvillimin e Qëndrueshëm, ashtu edhe në Konferencën e Parisit për ndryshimet e klimës. Nuk mjaftojnë kompromiset, deklaroi Papa. Kemi nevojë për vullnetin e vërtetë e për hapa konkrete në drejtim të përmirësimit të ambientit, për të vepruar kështu kundër fenomenit të përjashtimit e të mënjanimit shoqëror e ekonomik, që sjell si pasojë trafikun e njerëzve, trafikun e organeve, shfrytëzimin seksual të fëmijëve, skllavërinë e punës, prostitucionin, trafikun e drogës e të armëve, terrorizmin dhe krimin ndërkombëtar të organizuar:
“Është kaq e madhe rëndësia e këtyre situatave dhe numri i viktimave të pafajshme të përfshira në to, saqë duhet të shmangim çdo lloj tundimi për të rënë në një nominalizëm deklamues, me efekte anestetizuese për ndërgjegjet”.
E drejta për arësimim, bazë e Agjendës 2030
Kemi nevojë për mjete teknike konkrete, pranoi Papa Françesku, por kjo sjell me vete dy rreziqe: të kthehemi në burokratë, që hartojnë lista me qëllime të mira, ose të besojmë se zgjidhjet teknike janë përgjigjja për të gjitha problemet. Ati i Shenjtë kërkoi ndërhyrje të kujdesshme, udhëhequr nga fryma e drejtësisë, duke pasur parasysh se pas planeve në letër ka njerëz konkretë e jo numra. Zhvillimi gjithanshëm nuk mund t’u imponohet njerëzve. Ata duhet të jenë protagonistët e fatit të tyre:
“Kjo kërkon të drejtën për arsimim – përfshirë edhe vajzat e vogla, të përjashtuara në disa vende – që sigurohet së pari, duke respektuar e duke forcuar të drejtën parësore të familjeve për të edukuar dhe të drejtën e Kishave e të organizatave të tjera shoqërore t’i mbështesin e të bashkëpunojnë me familjet në edukimin e bijve e të bijave të tyre. I kuptuar kështu, edukimi është baza për realizimin e Agjendës 2030 e për përtëritjen e ambientit”.
Njohja e një ligji moral të shkruar në vetë natyrën njerëzore
Qeveritarët, sipas Atit të Shenjtë, duhet të bëjnë ç’është e mundur që familja të ketë një jetë dinjitoze. Minimuni absolut në nivelin material ka tri emra, theksoi Papa: shtëpia, puna e toka; ndërsa në nivelin shpirtëror, lirinë e shpirtit, në të cilën përfshihet liria fetare, e drejta për arsim e të drejtat e tjera qytetare. Françesku vijoi të përvijojë Agjendën e tij për vitin 2030, duke nënvizuar se të gjitha këto shtylla të rëndësishme për zhvillimin e gjithanshëm të njeriut e kanë themelin në të drejtën për jetën, që, në një kuptim më të gjerë, Papa e quajti “të drejtë për ekzistencën e vetë natyrës njerëzore”.
Jemi në rrezik, vuri në pah Ati i Shenjtë, nga kriza ekologjike dhe nga shkatërrimi i një pjese të biodiversitetit, nga pasojat e qeverisjes së keqe të botës, udhëhequr vetëm nga ambicia, paraja dhe etja për pushtet. Kjo ndodh, ngaqë njeriu nuk e njeh më Zotin e jeton sikur Hyji të mos ekzistonte:
“Mbrojtja e ambientit dhe lufta kundër përjashtimit kërkojnë njohjen e një ligji moral të shkruar në vetë natyrën njerëzore, që përfshin dallimin e natyrshëm ndërmjet burrit e gruas dhe respektin absolut për jetën, në të gjitha fazat e përmasat”.
Të zbatohet Karta e OKB-së
Siç thuhet edhe në Kartën e OKB-së, nëse nuk i vemë vetes kufizime etike, nuk do të jemi në gjendje të promovojmë zhvillimin shoqëror dhe liritë, sot, të kërcënuara nga korrupsioni e nga kolonizimi ideologjik, që imponon stile jetese krejtësisht të papërgjegjshme, në kundërshtim me identitetin e popujve. Duhet të kemi kujdes, nënvizoi Papa Françesku, të shmangim luftrat ndërmjet popujve e kombeve e të mos e shkatërrojmë ambientin, përmes luftës. E duke kujtuar 70-vjetorin e OKB-së, Ati i Shenjtë vuri në dukje se të gjitha këto qëllime të mira janë të shkruara në Kartën e saj, mjafton të zbatohen:
“Nëse respektohet dhe zbatohet Karta e Kombeve të Bashkuara me transparencë dhe sinqeritet, pa synime të dyta, nëse konsiderohet pikë referimi e detyrueshme për drejtësinë e jo mjet për të maskuar qëllime të dyshimta, arrihen rezultate paqeje. Kur, në të kundërtën, norma ngatërrohet me një mjet të thjeshtë për t’u përdorur kur na duhet e për t’u lënë mënjanë herë të tjera, hapet një vazo e vërtetë e Pandorës me forca të pakontrollueshme, që dëmtojnë rëndë popullsi të pafajshme, ambientin kulturor e, edhe ambientin biologjik”.
Gjendja e të krishterëve dhe e pakicave etnike
Hyrja e neni i parë i Kartës së OKB-së, nguli këmbë Papa Françesku, kërkojnë një strukturë juridike, që promovon paqen. E kundërta e kësaj është realiteti i tregut të armëve dhe të armëve bërthamore. Ati i Shenjtë përmendi me kënaqësi marrëveshjet e fundit bërthamore në Azi e në Lindjen e Mesme, që shkojnë në drejtimin e një bote pa konflikte. Më pas, u ndal në gjendjen e të krishterëve dhe të pakicave etnike në Lindjen e Mesme, në Afrikën e Veriut dhe në vende të tjera afrikane, duke kujtuar dhunën e urrejtjen, shkatërrimin e vendeve të kultit, të trashëgimisë kulturore e fetare e të shtëpive, duke kujtuar jetën e vënë në rrezik, që krijon nevojën për të zgjedhur ndërmjet jetës në skllavëri, ose emigracionit. E jehoi fuqishëm thirrja e Papës për përgjegjësi, ashtu siç pati kërkuar edhe më 9 gusht 2014, në letrën për Sekretarin e Përgjithshëm të OKB-së:
“Jo vetëm në rastet e persekutimit fetar apo kulturor, por në çdo gjendje konflikti, si në Ukrainë, në Siri, në Irak, në Libi, në Sudanin e Jugut e në rajonin e Liqeneve të Mëdha, para interesave të veçanta, edhe kur janë të ligjshme, qëndrojnë fytyra konkrete. Në luftra e në konflikte ka njerëz, vëllezër e motra, burra e gra, të rinj e të moshuar, fëmijë, që derdhin lot, që vuajnë e vdesin. Njerëz, që bëhen hedhurina, ndërsa s’bëhet tjetër, veçse numërohen problemet, strategjitë e diskutimet”.
Ati i Shenjtë foli edhe për fenomenin e trafikut të drogës, që mbulohet me heshtje nga politika, por që sjell vdekjen e miliona njerëzve. Për dinamikën e tij, ky trafik lidhet me atë të njerëzve, me trafikun e armëve, me shfrytëzimin e të miturve e me format e ndryshme të korrupsionit, që hyn thellë në përmasat e ndryshme të jetës shoqërore, politike, artistike, ushtarake, fetare, duke krijuar struktura paralele e duke shkatërruar besueshmërinë e institucioneve.
Rreziku i vërtetë vjen nga vetë njeriu
Së fundi, Papa Françesku kujtoi fjalët e paraardhësve të tij në Kombet e Bashkuara, sidomos të Palit VI, i cili thoshte se rreziku i vërtetë vjen nga vetë njeriu, që mund t’i përdorë mjetet gjithnjë e më të fuqishme në dispozicion, për zhvillimin ose për shkatërrimin e botës:
“Shtëpia e përbashkët e të gjithë njerëzve duhet të vazhdojë të ndërtohet mbi kuptimin e drejtë të vëllazërimit universal e mbi respektin për shenjtërinë e çdo jete njerëzore, të çdo burri e të çdo gruaje, të të varfërve, të të moshuarve, të të palindurve akoma, të të sëmurëve, të të papunëve, të të braktisurve, të atyre që gjykohen si hedhurina, sepse konsiderohen vetëm numra të kësaj apo asaj statistike e asgjë më shumë. Shtëpia e përbashkët e të gjithë njerëzve duhet të ndërtohet edhe mbi kuptimin e një farë shenjtërie të natyrës së krijuar”.
Të vihen mënjanë interesat sektoriale, për të mirën e përbashkët
Ashtu siç thoshte Papa Pali VI, nënvizoi Françesku, qytetërimi duhet bazuar mbi parime shpirtërore, të cilat jo vetëm janë të afta ta mbajnë, por edhe ta shndrisin e t’i japin jetë. Nuk është kështu sot, denoncoi Ati i Shenjtë. Bota bashkohore duket mëse e lidhur dhe e bashkuar, por vijon pa ndërprerje fragmentimin e saj shoqëror, i cili e vë në rrezik shoqërinë, pasi e ekspozon ndaj interesave të veçanta, duke i nxitur njerëzit njëri kundër tjetrit. E duke siguruar ndihmën dhe mbështetjen e Kishës Katolike, thirrja e fundit e Papës Françesku për përfaqësuesit e kombeve:
“Koha e sotme na fton të privilegjojmë veprime, që mund të lindin dinamizma të reja në shoqëri e mund të sjellin fryte në ngjarje historike të rëndësishme e pozitive. Nuk mund t’ia lejojmë vetes t’i shtyjmë për më vonë ‘disa agjenda’. E ardhmja na kërkon vendime kritike e globale para konflikteve botërore, që shtojnë numrin e të përjashtuarve e të nevojtarëve… Do t’i marrim këto vendime, nëse përfaqësuesit e shteteve do të dinë të vënë mënjanë interesat sektoriale dhe ideologjitë, për t’u përpjekur sinqerisht t’i shërbejnë së mirës së përbashkët”. radiovaticana.va
Bien menjëherë aksionet e kësaj kompanie në bursë
VOAL – PARIS, 24 SHTATOR – Skandali Volkswagen zgjerohet, sipas gazetës Bild, duke u përfshirë edhe BMW, shkruan Voice Of Albanians, sipas ANSA-s. Sipas të dhënave të reja, që në prill ndërmarrja me qendër në Wolfsburg në një letër i kishte paralajmëruar klientët amerikanë: ‘Sillni veturat tek përfaqësuesit tregtarë për të bërë koalidime.’ Nesër emërohet pasuesi i përkohshëm i Winterkorn, i cili do të ketë një pension 28,6 milionë euro.
Ndërkohë Bild pretendon se edhe BMW është përfshirë në skandalin e Volkswagen. Sipas tabloides gjermane automjetet BMW lëshojnë gazra 11 herë më shumë se lejohet. Titulli i kësaj kompania në bursë shënon rënie 10%, pavarësisht përgënjeshtrimeve se BMW nuk i manipulon automjetet e saj, nuk bën dallime mes provës së laboratorit dhe provës së rrugës.
Shefi ekzekutiv i Volswagenit Martin Winterkorn dha sot dorëheqjen në kuadër të skandalit që ka përfshirë këtë kompani gjermane, pasi u bë i ditur fakti se ka manipuluar të dhënat për ndotjen e ajrit nga 11 milionë makina të saj me naftë, për ta bërë të mundur që këto makina të kalonin testin e ndotjes.
Zoti Winterkorn bëri një deklaratë publike ku merrte përgjegjësi për “parregullsitë” e vërejtura në motorët me naftë, por tha se “nuk ishte në dieni se kishte pasur shkelje”.
“Volkswagen ka nevojë për një fillim të ri, edhe në radhët e personelit,” tha zoti Winterkorn. “Unë po hap rrugën për këtë fillim të ri, duke dhënë dorëheqjen”. Ai shtoi se Volkswageni duhet të vazhdojë procesin e “sqarimeve dhe transparencës”.
Të premten, Agjencia Amerikane për Mbrojtjen e Mjedisit tha se Volkswagen kishte pajisur rreth 500 mijë makina me naftë në Shtetet e Bashkuara me një program kompiuterik që aktivizohej gjatë testit për ndotjen e ajrit, por çaktivizohej gjatë ngarjes së rregullt të makinës.
Një i pastrehë në shtëpinë tonë të përbashkët- Tregim i jetuar nga FATBARDH AMURSI
NDËRRON JETË ZOICA HAXHO, IKONA E BALETIT SHQIPTAR, PRIMA BALERINA E TEATRIT TË OPERËS DHE BALETIT
Emil Asdurian, i biri i ikonës së Baletit Shqiptar: Ime më ishte Heroinë që sakrifikoi për Artin, Kombin dhe Familjen!
NDËRRON JETË SHKRIMTARI I SHQUAR SEJDI BERISHA
I mbijetuar nga burgjet komuniste në Shqipëri- Ndërron jetë akitivisti shqiptaro-amerikan Prof. Sami Repishti
Florjan Haçkaj ‘AMBASADOR I KOMBIT’ (TË RAMËS) APO OPOZITAR! Nga Milaim Nela
Zelensky: Ukraina testoi sot raketat e reja të prodhimit vendas
BE- Kurti insiston në Marrëveshjen për rrugën drejt normalizimit të raporteve
Takimi me zonjën Kallas, Kurti zbardh detaje: Kërkova që Serbia të dorëzojë terroristin Milan Radoiçiç
Vuçiq bisedon me O’Brien për “përshkallëzimin e situatës” në Kosovë
Hamasi dhe Fatahu afër marrëveshjes për qeverisjen e Gazës pas luftës
Buxheti 2025- Buxhuku: Është bërë i shkëputur nga politikat ekonomike, i dobët nga ana profesionale. PS e mendon të lehtë fitoren në zgjedhje
