Papa ka shenjtëruar Francisko dhe Jacinto Marto në fillim të meshës të së shtunës me çka kanë shënuar edhe njëqind vjetorin e shfaqjes

FATIMA – Papa Françesku ka shtuar dy fëmijët në listën e shenjtorëve katolikë, për nder të një vëllai dhe motre të cilët pas shfaqjes së Virgjëreshës Mari njëqind vjet më parë në një fermë të qytetit portugez Fatima, e kanë shndërruar atë në një nga tempujt më të rëndësishëm katolik në botë.

Papa ka shenjtëruar Francisko dhe Jacinto Marto në fillim të meshës të së shtunës me çka kanë shënuar edhe njëqind vjetorin e shfaqjes. Qindra mijëra pelegrinë ishin në vend, prej të cilëve shumica e tyre e kanë kaluar ditën në Fatima duke u lutur për paqe, para shtatores së Madonnas. Të pranishmit duartrokitën me admirim, pasi Papa Françesku lexoi deklaratë rituale për shpalljen shenjtorë të vëllait dhe motrës Marto.

Vëllai, motra dhe kushërirja e tyre, Lucia de Jesus dos Santos, më 13 mars 1917 lajmëruan se Virgjëresha Mari u shfaq para tyre, ndërsa kullosnin delet. Ata thanë se u ka treguar në besim tre sekrete, parashikoi vizionin apokaliptik të ferrit, luftës, komunizmit dhe vdekjen e Papës dhe u bëri thirrje që të luten për paqe në botë dhe faljen e mëkateve.

Francisco dhe Jacinta Marto vdiqën në vitin 1919, gjatë një epidemie të gripit.

PARIS – Pas deklarimit zyrtar se Emmanuel Macron është zgjedhur president i Francës qeveria ka dhënë dorëheqje.

Presidenti François Hollande i cili do të lë detyrën e presidentit të Francës ka pranuar dorëheqjen e paraqitur nga kryeministri Bernard Cazeneuve.

Duke i shprehur falënderimet kryeministrit Cazeneuve për detyrën e kryer gjatë 6 muajve, Hollande ka kërkuar të qëndrojë në detyrën e tij deri në formimin e qeverisë së re.

Kryetari i Këshillit Kushtetues të Francës, Laurent Fabius në një deklaratë ka njoftuar se Emmanuel Macron duke marrë 66.10 përqind të votave në raundin e dytë të zgjedhjeve presidenciale, sipas rezultateve zyrtare është zgjedhur presidenti i ri i vendit.

Pritet që Macron detyrën e presidentit ta marrë nga Hollande këtë të dielë.

Në Francë më 11 qershor do të mbahet raundi i parë i zgjedhjeve të përgjithshme parlamentare. Nëse në raundin e parë asnjë parti nuk arrin shumicën absolute më 18 qershor do të mbahet raundi i dytë për partitë që kanë kaluar 12.5 përqind të votave. aa

Presidenti i Ukrainës Petro Poroshenko gjatë pjesëmarrjes në programin “Minuta e Parë e Paqes” tha se fitili i luftës dhe butoni i paqes ndodhen në Moskë

KIEV – Presidenti i Ukrainës Petro Poroshenko gjatë pjesëmarrjes në programin “Minuta e Parë e Paqes” tha se fitili i luftës dhe butoni i paqes ndodhen në Moskë.

Presidenti ukrainas i cili mori pjesë në programin “Minuta e Parë e Paqes” organizuar në kuadër të përvjetorit të kapitullimit të Gjermanisë në Luftën e Dytë Botërore bëri disa kritika ndaj Rusisë.

Ai tha se si në Luftën e Dytë Botërore ashtu edhe sot ukrainasit janë në linjën e frontit. Poroshenko theksoi se kësaj radhe po luftohet për vlerat demokratike, sundimin e ligjit dhe botës së lirë kundrejt Rusisë.

“Edhe fitili i luftës, edhe butoni i paqes ndodhen në Moskë. Ato janë në duart e dikujt me ambicie imperialiste”, tha Poroshenko duke theksuar se është parandaluar lufta aktive me guximin e ushtarëve dhe përpjekjet e diplomatëve të Ukrainës.

Poroshenko tha se agresioni rus në Donbas vazhdon pavarësisht qëllimeve të mira të Kievit dhe ushtria ruse asnjëherë nuk ka qenë në përputhje me armëpushimin.

Ai shtoi se pa garantuar sigurinë e cila ka rol kyç në rajon në procesin e Minskut, nuk mund të arrihet progres. aa

PARIS – Lideri i lëvizjes “En Marche” i cili u zgjodh president i ri i Francës, Emmanue Macron, do të fillojë zyrtarisht detyrën në fundjavë.

Ministria e Brendshme e Francës ka deklaruar se Macron, i cili fitoi zgjedhjet presidenciale do të marrë detyrën nga presidenti aktual François Hollande përmes ceremonisë që do të organizohet në Pallatin e Elizeut.

Në ndërkohë, Hollande së bashku me Macron morën pjesë në një ceremoni në sheshin Charles de Gaulle dhe vendosën kurorë lulesh në portën triumfale të Parisit.

Në ceremoni morën pjesë kryeministri francez Bernard Cazeneuve dhe ish-presidenti Nicolas Sarkozy, ministra, politikanë, krerë fetarë dhe shumë të ftuar të tjerë.

Në një deklaratë për televizionin ‘France 2’ pas ceremonisë, Hollande theksoi se ceremonia e dorëzim-pranimit të presidencës do të bëhet të dielën, duke shtuar se “Çdoherë do të jem në anën e Macronit”.

Sipas të dhënave të Ministrisë së Brendshme të Francës, Macron ka marrë 66.06 përqind të votave kurse kundërshtarja e tij Marine Le Pen 33.94 përqind në raundin e dytë të zgjedhjeve presidenciale. Gjatë zgjedhjeve, 25 milionë votues nuk dolën në votime, kurse katër milionë lanë të zbrazët fletëvotimin në shenjë proteste.

Rezultatet zyrtare në lidhje me zgjedhjet do të shpallen më 10 maj nga Këshilli Kushtetues i Francës. aa

Forcat policore kanë rrethuar sheshin ku ndodhet një nga muzetë më të famshëm në botë, atë të Louvre-s, ndërsa ka larguar qytetarët dhe turistët nga zona

PARIS – Policia franceze ka gjetur një çantë të dyshimtë në sheshin ku kandidati për president i këtij vendi, Emmanuel Macron, do të mbajë një fjalim gjatë darkës.

Forcat policore kanë rrethuar sheshin ku ndodhet një nga muzetë më të famshëm në botë, atë të Louvre-s, ndërsa ka larguar qytetarët dhe turistët nga zona.

Thuhet se çanta është gjetur pranë çadrës e cila ishte përgatitur për pjesëtarët e mediave që do të ndiqnin fjalimin e Macron këtë mbrëmje.

Kujtojmë se gjatë fushatës elektorale, një person ka sulmuar me thikë një ushtar në këtë zonë.

Në dy vitet e fundit, të paktën 230 persona kanë humbur jetën në Francë si pasojë e sulmeve terroriste.

Zgjedhjet presidenciale të ditës së sotme në Francë në garën e së cilave është lideri i lëvizjes Marshimi, Emmanuel Macron dhe liderja radikale e djathtë, Marine Le Pen, zhvillohen ndërkohë që në vend ekziston gjendja e jashtëzakonshme. Ndërsa për ruajtjen e sigurisë së këtyre zgjedhjeve të paktën 50 mijë forca të sigurisë janë në detyrë.

Rezultatet pritet të dalin gjatë ditës së sotme. aa

“Turqia është një vend partner dhe aleat për çështje të rëndësishme dhe se nuk mund të shtyhet mënjanë për shkak të mosmarrëveshjeve me disa vende të Evropës”

BERLIN (AA) – Kancelarja gjermane, Angela Merkel, ka thënë se Turqia është një vend partner dhe aleat për çështje të rëndësishme dhe se nuk mund të shtyhet mënjanë për shkak të mosmarrëveshjeve me disa vende të Evropës.

Në një intervistë dhënë për gazetën “Kölner Stadtanzeiger”, kancelarja Merkel duke vënë në dukje se Turqia ka strehuar 3 milionë refugjatë sirianë, ka shtuar: “Marrëveshja mes BE-së dhe Turqisë për dhënien e ndihmës në këtë drejtim është e drejtë. Synimi i kësaj marrëveshjeje ishte parandalimi i kontrabandistëve të cilët po bëheshin shkas për vdekjen e shumë njerëzve. Marrëveshja Turqi-BE ishte edhe në të mirën e refugjatëve. Zgjidhje të kësaj natyre kemi nevojë t’i bëjmë edhe me vende të tjera.” aa

Marine Le Pen, ka deklaruar se kolonializmi francez ka patur një kontribut të madh për Algjerinë

PARIS – Kandidatja e partisë Fronti Kombëtar (FN) e ekstremit të djathtë në zgjedhjet presidenciale në Francë, Marine Le Pen, tha se kolonializmi francez ka patur një kontribut të madh për Algjerinë.
Në një intervistë në kanalin televiziv BFM, Le Pen duke bërë deklarata në lidhje me të kaluarën koloniale që Franca ka zbatuar në Afrikën veriore dhe vendet e tjera tha se “Për Algjerinë kolonializmi ka ofruar shumë gjëra. Edhe algjerianët të cilët janë me qëllime të mira gjithashtu e pranojnë këtë.”

Duke mbrojtur idenë e saj se Franca nuk ka mbrojtur mjaftueshëm ata që janë dërguar në Algjeri dhe algjerianët që kanë luftuar për Francën (Harki), Le Pen ka pretenduar se luftëtarët harki janë vendosur në kampe me kushte të tmerrshme në Algjeri.

Gjithashtu edhe ish-ministri i Ekonomisë nga Partia Socialiste dhe kandidati i pavarur në zgjedhjet presidenciale Emmanuel Macron gjatë një vizite dy muaj më parë në Algjeri kishte bërë deklarata në lidhje periudhën koloniale, ku ai ishte shprehur se “Periudha koloniale është një pjesë e historisë së Francës dhe është një krim i kryer kundër njerëzisë.”

Ndërsa edhe kandidati për president i qendrës së djathtë François Fillon në një fjalim të mbajtur vitin e kaluar duke pretenduar se vendi i tij është përhapur në vendet e tjera jo për kolonializmin, por për kulturë dhe qytetari, ishte shprehur se “Franca nuk mund të ketë kryer krim për shkak se ka ndarë kulturën e saj me vendet e Afrikës”.

Këtë të diel në Francë do të mbahet raundi i parë për garën presidenciale ku do të marrin pjesë 11 kandidatë. Nëse në raundin e parë nuk arrihet shumicë absolute raundi i dytë i votimit do të mbahet më 7 maj mes dy kandidatëve që kanë më shumë vota.

Anketat tregojnë se Le Pen do të kalojë lehtë raundin e parë dhe do të marrë pjesë në raundin e dytë. aa

“20 për qind e popullsisë franceze planifikon të largohet nga Franca nëse rezultatet e zgjedhjeve nuk përshtaten me pritjet e tyre”

PARIS – Sipas një hulumtimi të opinionit publik, të realizuar para zgjedhjeve presidenciale në Francë, që do të mbahen më 23 prill, rezulton se çdo një person nga 5 francezë planifikon të largohet nga Franca nëse nuk zgjidhet kandidati të cilin e mbështesin, raporton Anadolu Agency (AA).

Në fushatën zgjedhore presidenciale në Francë po vihen në dukje skandalet dhe hetimet penale.

Në anketat e fundit shihet ngritja e kandidatëve ekstremë të djathtë dhe ekstremë të majtë, kurse edhe presidenti François Hollande i cili nuk do të kandidojë për këto zgjedhje, tha se “ndjen shqetësime” lidhur me rezultatet e mundshme të zgjedhjeve presidenciale.

Në afërsi të sulmit ndaj autobusit me lojtarët e Borusia Dortmund, policia ka gjetur një letër në të cilën merret përgjegjësia për sulmin

DORTMUND (AA) – Policia gjermane në të gjitha drejtimet është duke hetuar sulmin e mbrëmshëm ndaj autobusit me lojtarët e Borussia Dortmundit dhe besojnë se cak i sulmit ishin lojtarët e klubit, raporton Anadolu Agency (AA).

Në afërsi të sulmit ndaj autobusit me lojtarët e Borusia Dortmund, policia ka gjetur një letër në të cilën merret përgjegjësia për sulmin, duke mos përmendur detaje për përmbajtjen e saj deri sa të verifikohet vërtetësia e saj.

Më parë, drejtori i administratës së policisë së Dortmundit Gregor Lange tha se bëhet fjalë për sulm të shënjestruar ndaj lojtarëve të Dortmundit dhe se po bëhen hetime për vrasje në tentativë.

Hans-Joachim Watzke: Jemi të tronditur

Hans-Joachim Watzke, drejtori i Borussia Dortmund, pas shpërthimit që ndodhi në afërsi të autobusit të klubit, ka thënë se janë të tronditur dhe se bëhej fjalë për sulm me bombë.

Watzke theksoi se ndaj autobusit është kryer sulm me bombë dhe se janë shkaktuar dëme materiale.

Sipas tij, sulmi ndaj autobusit është kryer menjëherë me të dalur nga hoteli ku ishin vendosur lojtarët e klubit. Watzke ka konfirmuar se është plagosur lojtari Marc Bartra.

Po ashtu edhe trajneri i Borusisë së Dortmundit Thomas Tuchel ka thënë se janë të tronditur.

Tre shpërthime kanë ndodhur mbrëmë në afërsi të stadiumit të Dortmundit, ku klubi gjerman duhej të luante ndeshjen e parë të çerekfinales të Ligës së Kampionëve kundër AS Monaco.

Nga shpërthimi është plagosur mbrojtësi Marc Bartra, i cili ndodhej pranë xhamit. Sipas mediave gjermane, ai ka thyer kyçin dhe dorën dhe iu nënshtrua operacionit. Policia tha se edhe polici i cili ishte me motor në shoqërim të autobusit me lojtarët ka pësuar tronditje.

Ndeshja e anuluar e Ligës së Kampionëve mes Borussia Dortmund dhe AS Monaco do të luhet sot në ora 18:45.

Zëdhënësi i qeverisë gjermane Seibert tha se “gjetja e një zgjidhjeje paqësore dhe stabile për konfliktin në Siri, nuk mund të realizohet nëse Asad vazhdimisht mbetet në krye”

BERLIN – Zëdhënësi i Qeverisë Federale të Gjermanisë Steffen Seibert tha se nuk është e mundur të ketë një zgjidhje paqësore dhe stabël për Sirinë, nëse Bashar al-Asad do të vazhdojë të qëndrojë në pozitën e tij, raporton Anadolu Agency (AA).

Në një konferencë për media në Berlin, Seibert tha se Asad po vazhdon ta mbajë qëndrimin e tij të ashpër dhe të egër ndaj popullit të tij. “Arritja e gjetjes së një zgjidhjeje paqësore dhe stabile për konfliktin në Siri, nuk mund të realizohet nëse Asad vazhdimisht mbetet në krye”, tha ai.

Seibert shprehu qëndrimin e qeverisë gjermane se përgjegjësi kryesor i luftës së brendshme në Siri është Asadi.

“Ai është përgjegjësi kryesor i vdekjes së rreth 300 mijë personave dhe të më shumë se 5 milionë refugjatëve. Ashtu siç u dëshmua, ai përdori armë kimike, bomba fuçi dhe bomba thërrmuese. Përsëri, ashtu siç u dëshmua, i sulmoi qëllimisht objektet mjekësore. Po të mos ishte mbështetja e njohur e partnerëve ndërkombëtarë, nuk do të kishte qenë e mundur të vazhdojë këtë qëndrim agresiv dhe të ashpër ndaj popullit të tij. Regjimi i tij në asnjë mënyrë deri më tani nuk tregoi se është i gatshëm për një proces politik. Në të kundërtën ende po i beson një zgjidhjeje ushtarake. Kjo duhet të përfundojë”, tha Seibert.

Edhe zëdhënësi i Ministrisë së Jashtme të Gjermanisë, Martin Schaefer, i cili mori pjesë në konferencën për media tha se në Siri po vazhdon përdorimi i armëve kimike. Sipas tij, Rusia dhe Irani duhet t’i vazhdojnë përpjekjet e tyre për të bindur regjimin e Asadit, për ndërprerjen e kësaj gjendjeje.

Kundërshtari i Le Pen, lideri i lëvizjes En Marche (marshim), Emmanuel Macron, përmes një deklarate në televizionin BFMTV, ka thënë se deklarata e Le Pen është një “gabim serioz”

PARIS – Liderja e Partisë radikale të krahut të djathtë në Francë, Fronti Kombëtar, Marine Le Pen, ka thënë se Franca nuk ka rol në gjenocidin e hebrenjve të Parisit, transmeton Anadolu Agency (AA).

Në një dalje televizive në LCI, Le Pen, ka thënë: “Mendoj që për dërgimin e hebrenjve të Parisit në Gjermani, nuk është përgjegjës Franca. Nëse do të flas në përgjithësi dua të them që përgjegjës për këtë ishin personat të cilët atëherë kanë qenë në qeveri dhe jo Franca”.

Ndërsa kundërshtari i Le Pen, lideri i lëvizjes En Marche (marshim), Emmanuel Macron, përmes një deklarate në televizionin BFMTV, ka thënë se deklarata e Le Pen është një “gabim serioz”.

Nga ana tjetër në lidhje me këtë çështje, një deklaratë është bërë edhe nga një organizatë e hebrenjve, CRIF, e cila ka thënë se deklaratat e Le Pen nuk janë gjë tjetër vetëm se “poshtërim i Francës”.

Ish presidenti i Francës, Jacques Chirac dhe ai aktual François Hollande, kanë kërkuar falje nga hebrenjtë për ngjarjet e vitit 1942 ku policia franceze mblodhi 13 mijë hebrenj dhe i dërgoi ato në Gjermani me kërkesë të nazistëve.

Merkel iu ka bërë thirrje anëtarëve të G20-ës që të bëjnë diçka urgjentisht për vendet e Afrikës

BERLIN – Kancelarja gjermane, Angela Merkel, tha se vendet evropiane kanë mëkatuar në Afrikë në periudhën koloniale.
Sipas lajmit në gazetën “Welt”, Merkel iu ka bërë thirrje anëtarëve të G20-ës që të bëjnë diçka urgjentisht për vendet e Afrikës.

Në një takim në selinë e Qeverisë së Gjermanisë me personat që ndihmojnë refugjatët e ardhur në Gjermani, duke vënë në dukje se në Afrikë janë hartuar kufijtë pa rregull duke mos parë rajonet e fiseve, Merkel është shprehur se “Kemi mëkatuar në Afrikë në periudhën koloniale.”AA

Komisioni ndërkombëtar për verifikim, njoftoi se ky informacion menjëherë iu është transmetuar autoriteteve franceze, që tani do të mbledhin armët e ETA-s

PARIS – Grupi separatist bask ETA u ka dorëzuar autoriteteve franceze listën e lokacioneve ku gjenden armët, municionet dhe mjetet e tyre shpërthyese, raporton Anadolu Agency (AA).

Komisioni ndërkombëtar për verifikim, me detyrë për të kontrolluar procesin, të shtunën njoftoi se ky informacion menjëherë iu është transmetuar autoriteteve franceze, që tani do të sigurojnë dhe mbledhin armët e ETA-s.

Komisioni thekson se konsideron se ky hap paraqet çarmatosjen e ETA-s. ETA, e cila nuk është aktive më gjatë për pesë vite, tha se do të dorëzojë armët e saj, që parqet një hap historik pas 43 vitesh fushatë të dhunshme në të cilën janë vrarë 829 persona, kryesisht në Spanjë.

Në votimin e kryer në Asamblenë e Përgjithshme të PE-së që është mbledhur në qytetin Strasburg të Francës projektrezoluta është pranuar me 516 vota pro dhe 133 vota kundër

STRASBURG – Parlamenti Evropian (PE), miratoi projektrezolutën që përmban kushtet e negociatave të daljes së Britanisë nga Bashkimi Evropian, raporton Anadolu Agency (AA).

Në votimin e kryer në Asamblenë e Përgjithshme të PE-së që është mbledhur në qytetin Strasburg të Francës projektrezoluta është pranuar me 516 vota pro dhe 133 vota kundër.

Gjithashtu është theksuar se Britania duhet të zbatojë të gjitha përgjegjësitë financiare që ka nënshkruar si vend anëtar. Pritet që marrëveshja t’i kushtojë Britanisë 60 miliardë euro.

Në rezolutë parashikohet marrja e disa masave në lidhje me procesin e tranzicionit, në rast të shënimit të përparimeve konkrete përgjatë negociatave për daljen nga Unioni, proces i cili do të zgjasë për 2 vite. Ndër të tjera theksohet se pa u plotësuar dalja nga BE-ja nuk do të nënshkruhet marrëveshja e re e cila rregullon marrëdhëniet mes Britanisë dhe Bashkimit Evropian.

Ndër të tjera në rezolutë përfshihet edhe thirrja që bëhet për ruajtjen e të drejtave të 3 milionë qytetarëve evropianë që jetojnë në Britani dhe të afërsisht 1 milionë qytetarëve britanikë që jetojnë në vendet e Bashkimit Evropian.