Debati për anëtarësinë e Italisë në Bashkimin Evropian dhe në Eurozonë është vendosur në epiqendër të politikës italiane dhe ka filluar tashmë të trondisë edhe tregjet financiare. Presidenti italian refuzoi fillimisht krijimin e një kabineti qeveritar me eksponentë të linjës kundër monedhës së përbashkët Euro, dhe tashmë ka emëruar një kryeministër të përkohshëm për të organizuar zgjedhje të parakohshme. Zyrtarët e BE-së dhe ministrat e jashtëm të vendeve anëtare bënë thirrje për qetësi.

Presidenti i Italisë, Sergio Mattarella e vendosi vendin në rrugën drejt zgjedhjeve të parakohshme, duke emëruar kryeministër të përkohshëm Carlo Cottarellin, një ish-zyrtar i Fondit Monetar Ndërkombëtar, të cilit i është ngarkuar tashmë detyra e organizimit të zgjedhjeve të parakohshme dhe të miratimit të buxhetit.

Zgjedhjet e parakohshme pritet të dominohen nga debati për rolin e Italisë në Bashkimin Evropian dhe në Eurozonë, situatë e cila ka filluar të trondisë tregjet financiare.

Zoti Cottarelli informoi gazetarët se e pranoi emërimin.

“…Presidenti më kërkoi të paraqes në parlament një program qeveritar që do ta çojë vendin në zgjedhje të reja. Do t’i paraqes me shpejtësi Presidentit përbërjen e kabinetit qeveritar dhe parlamentit një program, që nëse do të miratohet, do të përfshijë miratimin e buxhetit për vitin 2019. Parlamenti do të shpërndahet në fillim të 2019-ës”, tha zoti Cottarelli.

Presidenti italian Mattarella pati refuzuar emërime të kundërshtarëve të Euros në poste kyçe, si p.sh. atë të ministrit të ekonomisë, duke e vendosur kështu çështjen e anëtarësisë në Bashkimin Evropian në epiqendër të retorikës politike të vendit.

Zyrtarët e BE-së shpresojnë se Italia do të gjejë një zgjidhje politike në favor të unitetit të BE-së.

“…Kam besim se institucionet italiane dhe Presidenti italian do të provojnë si gjithmonë se u shërbejnë interesave të shtetasve italianë, të cilat janë të përbashkëta me interesin e forcimit të Bashkimit Evropian. Vura re sot se niveli i besimit të italianëve tek BE-ja është rritur gjatë ditëve të fundit dhe është tashmë në nivelin 41%. Ky është një zhvillim për të cilin duhet të reflektojmë të gjithë”, tha zonja Mogherini.

Thirrje për qetësi bënë pothuajse edhe të gjithë ministrat e jashtëm të vendeve të Bashkimit Evropian, ndërkohë që krerët e lëvizjes politike italiane “5 yjet”, patën fajësuar për krizën zyrtarët e BE-së dhe patën sugjeruar madje shkarkimin e Presidentit italian.

ROMË – Giuseppe Conte heq dorë nga formimi i qeverisë në Itali. Shkak janë bërë mosmarreveshjet mes Presidentit Sergio Matarella dhe krerëve të koalicionit ‘Pesë Yjet’ dhe ‘Lega Nord’.

Sipas mediave italiane, presidenti Matarella nuk e ka pëlqyer kandidaturen e Contes për kryeministër sepse është një euroskeptik. Gjithashtu thuehet se dorëheqja e Contes erdhi pasi Presidenti nuk miratoi kandidaturën për ministrin e Financave.

Contes iu besua detyra rreth një jave më parë nga vetë presidenti italian me propozimin e koalicionit ‘Pesë yjet’ dhe ‘Lega Nord’.

“Faleminderit që përfaqësuesit e dy forcave politike që zgjodhën emrin tim për të formuar qeverinë e ndryshimit. Ju mund të siguroj që të jem i përgatitur maksimalisht, maksimalisht për të përmbushur këtë detyrë”, kishte thënë Konte katër ditë më parë.

Pasi kanë kaluar 84 ditë nga zgjedhjet, Italia ende nuk ka një qeveri dhe dorëheqja e tij e thellon me tej krizën politike në Itali.

Mbështetësit e partisë Alternativa për Gjermaninë, janë mbledhur për të marshuar në qendër të Berlinit kundër qeverisjes së kancelares gjermane Angela Merkel, derisa kundërshtuesit e kësaj proteste po mobilizohen për kundër-protesta.

Alternativa për Gjermaninë, e njohur si AFD, është partia më e madhe opozitare qe fitoi 12.6 për qind të votave që e bënë pjesë të Parlamentit në zgjedhjet parlamentare të vitit të kaluar.

Marshit të së dielës i është vënë emri “E ardhmja e Gjermanisë”. Rreth 2,000 policë janë në detyrë për të ofruar sigurinë në këtë marsh. Grupet që po kundërshtojnë këtë marsh me kundër-protestë janë grupe artistësh që kanë vendosur të ngrehin volumin e muzikës tekno për të vënë nën hije marshin.

Zyrtarët gjermanë kanë thënë se ka thyer rekord numri i britanikëve që janë pajisuar me shtetësi gjermane vitin e kaluar dhe krejt kjo mund të jetë e lidhur me referendumin e Britanisë për largim nga Bashkimi Evropian, transmeton AP.

Brexiti i ka detyruar shtetasit britanikë të kërkojnë pasaporta nga shtetet e BE-së në mënyrë që të ruajnë të drejtën për të jetuar apo punuar në vendet më të fuqishme në bllok.

Zyra Federale e Statistikave në Gjermani ka thënë të mërkurën se 7,493 britanikë janë natyralizuar më 2017, duke shënuar trefishim të numrit të personave të interesuar për të ndërruar shtetësinë.

Britanikët janë listuar të dytët në këtë aspekt, pasi po kjo zyrë ka treguar se turqit kanë qenë në krye të listës sa i përket kërkesave për të fituar shtetësinë gjermane.

Qirinjtë dhe faculetat janë vetëm disa nga gjërat që Suedia i ka këshilluar familjet t’i mbajnë rezervë, në rast të luftës.

Qeveria suedeze ka dërguar fletushka te 4.7 milionë familje, duke u shpjeguar se si të përgatiten më mirë për kriza të mëdha.

Këto kriza përfshijnë sulmet terroriste dhe kibernetike, fatkeqësitë natyrore, aksidentet serioze dhe konfliktet ushtarake.

“Mendoni se si ju dhe njerëzit përreth mund të përballoni një situatë në të cilën shërbimet normale të shoqërisë nuk funksionojnë si zakonisht”, thuhet mes tjerash në fletushka.

Fletushkat nën emrin “Nëse kriza ose lufta vjen” janë shpërndarë në kohën kur janë rritur shqetësimet për aktivitetet ushtarake të Rusisë, terrorizmin dhe lajmet e rreme.

Për çudinë e të gjithëve, dy liderët e kaheve ekstreme të politikës në Itali kanë ndërtuar formulën qeverisëse mes tyre, edhe pse njëri është i ekstremit të djathtë dhe tjetri i ekstremit të majtë, ndërkohë që ekzekutivët e Europës i mbajnë sytë nga Italia, për të parë se si do të veprojnë dy euroskeptikët në vendin me ekonominë e tretë më të madhe në eurozonë.

Lideri i Lëvizjes populiste 5 Yjet, Luigi Di Maio dhe lideri i Legës, Matteo Salvini, duke qenë se nuk binin dakord se cili mes tyre duhej të qeveriste, kanë zgjedhur një emër me të cilin gjetën paqe të dyja palët.

Kryeministri i ardhshëm i Italisë mund të jetë Giuseppe Conte, 54 vjeç. Ai ka lindur në fshatin Volturara Appula të Foggia-s, është diplomuar për Ligj në universitetin prestigjioz “Sapienza” në Romë dhe më pas ka perfeksionuar studimet juridike në universitetet më në zë të perëndimit, nga “Yale” në “Sorbonne”, “Duquesne”, “Cambridge”, “International Kulture Institute” në Vjenë dhe në “New York University”.

Aktualisht jep mësim në Firence dhe te “Luiss” në Romë, si docent i së Drejtës private. Përveçse është avokat mbrojtës në Gjykatën e Lartë, bashkëdrejtues në “Laterza” të dedikuar për “Mjeshtërit e së drejtës”, është anëtar i komisionit kulturor të “Confindustria”. Por njihet edhe si ekspert i “trajtimit të sipërmarrjeve të mëdha në krizë”, gjë që do të jetë e vlefshme në çështjet si “Ilva” apo “Alitalia” në Itali, sipas “LaReppublica”.

Nëse Conte konfirmohet si kryeministër, ai do të ketë në skuadrën e tij edhe liderët e dy forcave politike që formuan qeverinë e re të Italisë, e cila po formohet këto ditë, që pas zgjedhjeve të 4 marsit. Pritet që Matteo Salvini, drejtuesi i Legës, të jetë ministër i Punëve të Brendshme dhe Luigi Di Maio, drejtuesi i Lëvizjes 5 Yjet, të marrë në dorë Ministrinë e Zhvillimit Ekomomik ose Ministrinë e Punës.

Në Ministrinë e Punëve të Jashtme, sipas mediave italiane, pritet të caktohet ambasadori Giampiero Massolo (ka qenë edhe ish-shefi i shërbimeve sekrete italiane) dhe në Ministrinë e Ekonomisë do të vendoset Giancarlo Giorgetti, (ish-kryetari i grupit parlamentar të Legës).

Sistemi Statistikor Evropian (Eurostat) ka bërë të ditur se shpenzimet totale ushtarake në 28 vendet anëtare të Bashkimit Evropian (BE) në vitin 2016 ishin 200 miliardë euro (222 miliardë dollarë), shifër e njëjtë si në vitin 2015.

Eurostat tha se raporti i shpenzimeve të mbrojtjes ndaj PBB-së në 28 vendet anëtare në vitin 2016 ishte 1,3 për qind, nga 1,4 për qind në vitin 2015.

“Kjo është shumë më pak sesa shuma e shpenzuar për mbrojtjen sociale (shpenzimet e barabarta me 19,1 për qind të PBB-së në vitin 2016), për shëndetësinë (7,1 për qind) ose edukimin (4,7 për qind)”, tha Eurostat.

Shpenzimet e mbrojtjes u rritën mbi shpenzimet publike në rekreacion, kulturë dhe religjion (1 për qind), në mbrojtjen e mjedisit (0,7 për qind), si dhe në strehimin dhe pajisjen e komunitetit (0,6 për qind).

Shpenzimet më të ulta të mbrojtjes ndaj PBB-ja u regjistruan në Irlandë (0,3 për qind), Luksemburg (0,4 për qind), Maltë dhe Austri (0,6 për qind), ndërsa Estonia (2,4 për qind), Greqia (2,1 për qind), Britania e Madhe (2 për qind) dhe Franca (1,8 për qind) shpenzuan përmasat më të larta.

Britania e Madhe kishte pothuajse çerekun, përkatësisht 24 për qind të asaj që 28 vendet anëtare kishin në faturën e përgjithshme ushtarake me 47 miliardë euro.

Franca, Gjermania dhe Italia ndoqën Britaninë e Madhe me një kombinim prej 96 miliardë eurosh, 47 për qind të shpenzimeve të përgjithshme të 28 vendeve anëtare.

– Shpenzimet ushtarake globale

Të dhënat e Bankës Botërore treguan se shpenzimet globale të mbrojtjes ndaj PBB-së mesatarisht arritën në 2,2 për qind në vitin 2016.

Sipas Bankës Botërore, në krye të listës janë të vendosura Omani (13,7 për qind ose 10.6 miliardë dollarë), Arabia Saudite (9,8 për qind ose 63.7 miliardë dollarë) dhe Kongo (7,2 për qind ose 562 milionë dollarë), ndërsa Guinea Ekuatoraile (0,2 për qind ose 23 milionë dollarë), Mauritiusi (0,2 për qind ose 23 milionë dollarë) dhe Irlanda (0,2 për qind ose 1 miliardë dollarë) shpenzuan më pak para në mbrojtje në vitin 2016.

Rusia në vitin 2016 ka shpenzuar 5,4 për qind të PBB-së së saj apo rreth 69 miliardë dollarë, SHBA-të 3,3 për qind apo rreth 600 miliardë dollarë, India 2,5 për qind apo rreth 60 miliardë dollarë dhe Kina 1,9 për qind apo rreth 216 miliardë dollarë.

Vendet në Lindjen e Mesme dhe Afrikën Veriore mesatarisht shpenzuan 5,7 për qind të të ardhurave të tyre në mbrojtje dhe shifra në botën arabe ishte 6,2 për qind.

Në vitin 2016, shpenzimet e mbrojtjes së Turqisë ndaj PBB-së së saj ishin 1,7 për qind apo 17.85 miliardë dollarë. aa

Quim Torra, kreu i ri i Katalonias

Separatisti katalan Quim Torra u betua si kreu i ri i rajonit, me kërkesat e tij për një Kataloni të pavarur.

Torra zyrtarisht mori detyrën në një ceremoni në kryeqytetin katalan, Barcelonë, ku ai u zgjodh nga ligjvënësit separatistë të parlamentit katalanas. Në shenjë të tensionit të zjarrtë, qeveria e Spanjës në Madrid, e cila zakonisht dërgon një përfaqësues në ceremoninë e qeverisë rajonale, nuk pranoi të merrte pjesë në betim.

Ceremonia e së enjtës ishte me sinjale të theksuara që duket se kishin për qëllim autoritetet qendrore spanjolle. Torra kishte vetëm flamurin e kuq dhe të verdhë prapa tij gjatë ceremonisë, ndërsa, flamuri spanjoll mungonte.

Gjithashtu, në betimin e tij ai premtoi se do të jetë besnik ndaj popullit të Katalonjës, duke mos bërë me dije respektin e tij ndaj Kushtetutës së Spanjës dhe as ndaj mbretit spanjoll.

Qeveria spanjolle thotë se nuk mund t’i jap pavarësinë Katalonjës, sepse në kushtetutën e Spanjës thuhet se ajo pjesë është “e pandashme”. Mbreti Felipe VI ka mbështetur publikisht qëndrimin e qeverisë spanjolle.

Në Konventën Kombëtare të Katolikëve,që u mbajt në Mynster të Gjermanisë foli edhe kancelarja Angela Merkel. Merkeli përcolli përshtypje nga takimet e fundit me liderët e Ballkanit Perëndimor e detyrat para vetes.

Kancelarja e Gjermanisë, Angela Merkel tha se Ballkani Perëndimor mbetet një nga detyrat e Gjermanisë në politikën e jashtme. Merkeli u ndal te Ballkani të premten, në kuadër të diskutimeve në Konventën Kombëtare të Katolikëve, e cila zhvilloi punimet javën e kaluar në Mynster në landin e Rinit Verior-Vestfalisë.

“Tani, pas fundit të Luftës së Ftohtë ne kujtuam se koha e konflikteve të mëdha politike kishte kaluar. Por shumë shpejt mësuam se kjo nuk qëndron – në shembullin e luftërave në Ballkanin Perëndimor”, tha kancelarja gjermane.

“Ende sot (Ballkani Perëndimor) është një nga detyrat tona në politikën e jashtme – natyrisht ti duhet të negociosh më parë me ambientin përreth teje, unë kalova shumë kohë këtë javë me këtë temë – që të sigurosh rendin e paqes atje. Ai është shumë i brishtë”.

Angela Merkel u ndal më tej në konfliktet kufitare dhe të natyrave të tjera, që vazhdojnë të kenë me njëra-tjetrën shumë shtete ballkanike.

“Edhe po ta hedhësh vështrimin te Kosova, te Serbia, te Bosnja dhe Hercegovina. Edhe po të shohësh mosmarrëveshjen për emrin në Maqedoni, konflikte kufitare këtu dhe atje, madje edhe Sllovenia dhe Kroacia vazhdojnë të flasin ende për kufijtë e tyre.”

Merkeli u shpreh e vendosur se Gjermanisë dhe shteteve perëndimore i duhet të punojë për t’i zgjidhur këto konflikte.”Na duhet t’i zgjidhim të gjitha këto, në mënyrë që të mos ekzistojë gjithmonë një tension i caktuar, që mund të rindizet në çdo kohë”, tha kancelarja e Gjermanisë./DW.

ROMA – Zyra për shtyp e Presidencës italiane ka njoftuar se është arritur marrëveshja qeverisë mes partisë 5 Yjet dhe Lidhja e Veriut.

Krerët e dy partive, Luigi Di Maio dhe Matteo Salvini kanë informuar presidentin Mattarella se brenda ditës së hënë do ti dorëzojnë programin qeverisës të hartuar gjatë tre ditëve.

Tre ditë më parë ata i kishin kërkuar Presidentit italian 72 orë kohë për të gjetur konsensusin e një aleance qeverisë mes tyre, që tashmë është arritur. Nesër pritet që dokumenti zyrtar i programit qeverisës ti dorëzohet Presidentit.

Flitet për një program prej 22 pikash, në fokus të së cilit janë sistemi fiskal, pensionet, plani industrial por edhe probleme delikate si të ardhurat minimale.

Luigi Di Maio deklaroi se Kryeministri do të jetë një politikan dhe jo teknik, por nuk dha emër.

Shtetet evropiane kanë vendosur t’I mbrojnë kompanitë e tyre pas sanksioneve të SHBA-së ndaj Iranit, në kohën kritike të përpjekjes për të mbajtur marrëveshjën bërthamore aktive dhe të vazhdimit të përfitimit ekonomik të Iranit.

Zëdhënësja e kryeministres britanike Theresa May, tha se presidenti amerikan Donald Trump është pajtuar gjatë një telefonate më 11 maj se duhet të diskutohet se si sanksionet e reja ndaj Iranit për naftën dhe sektorin banker do të ndikojnë në kompanitë evropiane që operojnë nën marrëveshjen e vitit 2015, të cilën Trumpi e ka tërhequr.

Britania, Franca dhe Gjermania bashkë me Rusinë dhe Kinën, deklaruan se do të mbeten të përkushtuar në respektimin e marrëveshjes dhe besojnë se është mënyra më e mirë për të siguruar se Irani nuk do të vazhdojë me krijimin e armëve bërthamore.

Presidenti Iranian Hassan Rohani, ka deklaruar se do të vazhdojë me respektimin e marrëveshjes, përderisa ekonomia e vendit do të vazhdojë të përfitojë nga lirimi i sanksioneve.

VOAL – Silvio Berluskoni mori rehabilitimin nga gjykata e Milanos për rehabilitim. Lajmi është sjellë nga Corriere della Sera në numrin e së shtunës dhe është përhapur menjëherë në të gjitha mediat. Vendimi në fakt i anulon të gjitha efektet e dënimit të pësuar në kontekstin e procesit të të drejtave ndaj Mediaset në vitin 2013.

Ky dënim kishte shkaktuar pamundësinë e kandidimit, imponuar nga ligji Severino. Nëse do të ketë ndërkohë votime, Berluskoni ka të drejtë të paraqitet si kandidat në Dhomën e Deputetëve ose në Senatin e Republikës.

Kërkesa u paraqit në mars nga avokatët e ish Kryeministrit dhe përgjigja erdhi një muaj më herët se sa pritej. Sipas kodit, për njoftimin e favorshëm, aplikanti duhet të ketë vuajtur dënimin (dhe ky është rasti) dhe të ketë dhënë dëshmi të sjelljes së mirë që nga dënimi. Prandaj, në bazë të një orientimi të Gjykatës Supreme, nuk janë marrë parasysh çështjet e pazgjidhura që lidhen me rastin Ruby: disa ryshfete dëshmitarëve për të cilat ai akuzohet janë nga fundi i vitit 2016.

Për t’u kthyer në fushë, Berluskoni kishte provuar gjithashtu rrugën në Strasburg, vendimi i të cilit është ende në pritje.

ANSA

Flamuri gjerman.

Gjermania është e gatshme t’iu ndihmojë kompanive të saj në të bërit biznes në Iran, ka thënë ministri gjerman i Ekomonisë, Peter Altmaier, pasi i dërguari amerikan në Berlin vuri në pikëpyetje ndershmërinë e këtyre transaksioneve, transmeton Reuters.

Të martën presidenti i Shteteve të Bashkuara, Donald Trump ka njoftuar për tërheqje nga pakti bërthamor dhe për rivendosje të sanksioneve ndaj Iranit.

Gjermania së bashku me Francën dhe Britaninë kanë thënë se mbeten të përkushtuara në këtë marrëveshje, derisa ministri Altmaier ka thënë se Qeveria e tij nuk ka arsye për të ndryshuar skemën e eksportit me Iranin.

“Ne jemi të gatshëm të flasim me të gjitha kompanitë e shqetësuara dhe të shohim se çfarë mund të bëjmë për të ulur pasojat negative”, ka thënë ai për radion Deutschlandfunk.

“Kjo do të thotë se diskutimet do të jenë pikërisht për kufizim të dëmit” duke përfshirë edhe ofrimin e këshillave ligjore, ka thënë ai.

Rreth 120 kompani gjermane operojnë në Iran, duke përfshirë Siemens dhe 10,000 kompani të tjera gjermane bëjnë tregti me këtë vend.

Altmaier ka thënë se Gjermania dëshiron të anashkalojë “ndonjë spirale të përshkallëzimit” sa i përket marrëdhënieve me Shtetet e Bashkuara.

Presidenti francez Emmanuel Macron pritet të marrë nesër çmimin ”Carlo Magno”, me motivacionin Pionier kurajoz i rinovimit të ëndrrës europiane. Cmimi do ti jepet në Aquisgrana me rastin e njëvjetorit të zgjedhjes në Elize’.

“Ështe një mundësi për qeverinë gjermane të japë një përgjigje rreth ëndrrës së rinovimit të Europës” shtoi Juergen Linden, drejtori i çmimit duke motivuar edhe arsyen e zgjedhjes së Macron.

Në ceremoni do të marrë pjesë edhe kancelarja Angel Merkel, e cila do të mbajë edhe një diskutim mbi Europën.

Në qershor Merkel dhe Macron do të paraqesin disa propozime konkrete në Bashkimin Europian.

Pasi dosja e megaoperacionit kunder trafikut te droges, mes klaneve mafioze siçiliane dhe Cosa Nostra ne Itali me nje numer te madh te arrestuarisht perfundoi ne Gjykate, kjo e fundit ka kerkuar ne seance denime te ashpra per anetaret e bandes.

Mes tyre jane edhe dy shqiptare, Erson Zhuka dhe Ermir Baja. Ndaj tyre, sipas mediave italiane, jane kerkuar denime me 18 vite burg për Erson Zhukën dhe me 12 vite burg për Ermir Baja.

Ndaj tyre rendon akuza e pjesëmarrjes në aktivitet mafioz, trafik ndërkombëtar droge, realizuar mes vendit tone, Shqipërisë dhe Italise, specifikisht provincave te Katanais, Raguzës e Sirakuzës.

Emri i Zhukes nuk eshte i panjohur per drejtesine, pasi ai u cilesua si njeriu kyc, arrestimi i i te cilit, coi ne zbulimin dhe kapjen e bandes se Moisi Habilajt dhe rrjetit te tij te forte te trafikut te droges nga Shqiperia ne Itali.

Arrestimi i Zhukes zbuloi banden e Habilajt 

Autoritetet italiane të drejtësisë, duke filluar nga vitit 2013 e në vazhdim, hetuan shtetasit Moisi Habilaj, Nezar Seiti etj. si dhe bashkëpunëtorët e tyre si anëtarë të një grupi kriminal në fushën e trafikimit të narkotikëve. Në kuadër të këtij hetimi, u bë i mundur sekuestrimi, së fundmi, i sasisë prej 3.5 tonëve lëndë narkotike e llojit kanabis sativa, arrestimi me cilësinë e të dyshuarit të shtetasve Moisi Habilajt etj. dhe shpallja në kërkim ndërkombëtar e shtetasit Nezar Seiti.

Shtetasi Moisi Habilaj, së bashku me shtetasit Nezar Seiti, Florian Habilaj, Metan Matani etj., që nga prilli 2017 e në vazhdim, u hetuan nga Prokuroria pranë kësaj Gjykate për veprën penale të trafikimit të narkotikëve. Hetimet e autoriteteve të drejtësisë italiane e kishin fillesën e tyre te një veprimtari hetimore, e kryer në kuadër të operacionit “Odessa 2012” ndaj një organizate të degëzuar kriminale, që merrej me trafikimin ndërkombëtar të lëndëve narkotike, kryesisht kanabis në aksin Shqipëri-Itali.

Nga hetimet e kryera ndaj shtetasit shqiptar Erson Zhuka, element kyç i organizatës që operonte në territorin e Raguzës, kishin rezultuar kontakte të shumta me bashkatdhetarin e tij, shtetasin Moisi Habilaj.

Mbi këtë fakt, ndaj Moisi Habilajt, filloi përdorimi i mjeteve teknike të hetimit dhe rezultoi se ai ishte importues me shumicë i lëndëve narkotike që vinin nga Shqipëria.

Në aktivitetin e tij, Moisiu ndihmohej nga shtetasi shqiptar i thirrur “Daja” dhe që është identifikuar si Sabaudin Çelaj. Përgjimi i komunikimeve të numrave telefonikë në përdorim të Moisi Habilaj dhe Sabaudin Çelajt, mundësoi identifikimin e subjekteve të tjera që bënin pjesë në këtë organizatë.

PARIS – Ministri i Ekonomisë së Francës, Bruno Le Maire tha se nëse kompania ajrore kombëtare Air France nuk ndërmerr hapat e nevojshëm ballafaqohet me rrezikun e falimentimit.

Le Maire i cili mori pjesë në një program në kanalin BFMTV theksoi seriozitetin e gjendjes në kompaninë ajrore kombëtare Air France, ku punëtorët e saj janë në grevë për 2.5 muaj me kërkesën për rritjen e pagave dhe përmirësimit të kushteve.

“Nuk e kuptoj gjendjen aktuale, përderisa Air France ishte në rrugë të drejtë. Aktualisht problemi kryesor është mbijetesa e kompanisë e cila po ballafaqohet me rrezikun e falimentimit në qoftë se nuk i ndërmerr hapat e nevojshëm për konkurrencë”, tha Le Maire.

Duke u bërë thirrje pilotëve dhe punonjësve të kompanisë ajrore, Le Maire tha se “kompania është në rrezik” dhe se ata nuk duhet të kërkojnë më shumë se pagat e ofruara nga menaxhmenti.

Ai paralajmëroi se mbijetesa e Air France është në rrezik dhe u bëri thirrje të gjithë punonjësve të veprojnë me përgjegjësi.

Pilotët, punonjësit e kabinës dhe shërbimit në tokë të Air France të cilët janë anëtarë të 11 sindikatave vazhdojnë grevën e tyre për më shumë se 2 muaj me qëllim të përmirësimit të kushteve të punës dhe rritjes së pagave për 6 për qind.

Kryeshefi ekzekutiv i Air France, Jean-Marc Janaillac pas refuzimit të rritjes së pagës së propozuar nga kompania në një votim në mesin e punonjësve, ditë më parë njoftoi se ka dhënë dorëheqje.

Menaxhmenti i kompanisë njoftoi se në çerekun e parë të vitit 2017 greva ka shkaktuar humbje prej 269 milionë euro në të ardhura. Duke bërë të ditur se greva ka ndikuar sidomos gjatë muajve prill dhe maj, parashikohet se humbja e shkaktuar si pasojë e grevës do të jetë “të paktën 300 milionë euro”.

Zyrtarët paralajmërojnë se e ardhmja e kompanisë është në rrezik për shkak të shqetësimeve të anulimit të biletave dhe të rezervimeve në masë të madhe. aa

Gjashtë persona janë të akuzuar dhe pritet që brenda dy javëve të dalin para Gjykatës spanjolle për këtë çështje. Sipas akuzës, heroina trafikohej në krahinën e Pontevedra, ku më pas shitej përmes dozave. Një person i shtatë është shpallur në kërkim si pjesë e këtij grupi. Mediat spanjolle raportojnë se ai është një shtetas shqiptar, adresa e të cilit është në Valencia.

Gjatë kontrollit në banesën, ai nuk u gjet aty. Autoritetet spanjolle thonë se ai është drejtuesi i rrjetit shqiptar. Ai kishte në varësi dy shqiptarët e tjerë Sokol R. dhe Rinush G., të cilët tashmë janë mes 6 të pandehurve. Detyrat e organizatës ishin të ndara. Njëri prej të akuzuarve, Castor Manuel G., njëherë kishte udhëtuar personalisht drejt Barcelonës së bashku me gruan e tij për të dorëzuar heroinën që kishte marrë prej shqiptarëve. Ai ishte drejtues i rrjetit të drogës në Spanjë.

Sipas hetimeve, Castor Manuel G. kujdes për shpërndarjen e heroinës brenda territorit spanjoll, ndërsa shqiptarët kishin përgjegjësinë e transportit përmes Evropës. Dhe për këtë gjë kujdesej shqiptari Rinush G., i cili kishte për detyrë të siguronte makinat e transportit nga Europa Qëndore drejt destinacionit, që ishte Spanja. Gjatë aksionit anti-drogë të kryer në Mars të vitit 2016, policia sekuestroi 54 kg heroinë që nëse do të shitej në tregun e pakicës, kapte vlerën e 2.5 milionë Eurove. Prokuroria spanjolle thekson se Castor Manuel G. kishte përfshirë në aktivitet kriminal edhe bashkëshorten e tij, e cila ishte krahu i djathtë.

Ndaj saj prokuroria ka kërkuar 15 vite burgim dhe 17 vjet për bashkëshortin e saj Castor Manuel G. Kurse për shqiptarin Rinush G. është kërkuar 18 vjet burgim. Ai akuzohet gjithashtu edhe për falsifikim dokumentesh. Në momentin e arrestimit atij iu gjetën 3 identitete të rreme, mes të cilave një greke dhe një irlandeze. Kurse për Sokol R. Prokuroria spanjolle ka kërkuar 11 vite burg, po kështu edhe për dy të pandehur të tjerë. Edhe pse në pritje të gjyqit, Sokol R. ka dalë nga qelia me kusht, duke lënë garanci pasurore mbi 1 milionë Euro.

Nisur nga ky rast, prokurori spanjoll i çështjet ka kërkuar që ndaj të pandehurve të kërkohen garanci pasurore të larta duke filluar nga 7.5 deri në 9.5 milionë Euro për secilin. Kurse mediat spanjolle shkrujanë se pagesa mbi 1 milionë Euro si garanci pasurore tregojë fuqinë ekonomike të kësaj organizate kriminale.

Në qytetin Trier në Gjermani u zbulua sot një statujë e Karl Marksit, në 200 vjetorin e lindjes së filozofit gjerman që frymëzoi ideologjinë e ekstremit të majtë dhe diktatorët komunistë të Lindjes.

Statuja 4.4 metra e lartë është dhuratë e Kinës dhe ka zgjuar kritika të ashpra nga individë dhe grupe që fajësojnë Marksin për revolucionet e përgjakshme komuniste dhe regjimet shtypëse që uzurpuan një pjesë të madhe të botës nga Evropa Lindore në Rusi e Kinë.

Filozofia e Marksit e shpalosur në veprat e tij Manifesti dhe Kapitali, gjeti një aleat të pazakontë tek Jean-Claud Juncker, president i Komisionit Evropian.

Ai foli në vendlindjen e tij, Trier për mesazhin e Marksit, duke u shprehur se filozofi gjerman nuk duhet gjykuar për krimet që kryen të tjerët vite pas vdekjes së tij.

Juncker u shpreh se forca shtytëse e kapitalizmit duhet balancuar me një mendësi që nuk interesohet thjesht për sistemin, por edhe për njerëzit në këtë sistem.

Ai foli gjithashtu për nevojën që t’i kushtohet rëndësi dimensionit social të Bashkimit Evropian.

Doina Cornea. Maj, 1990.

Disidentja antikomuniste rumune, Doina Cornea, e cila ka dënuar regjimin e diktatorit Nicolae Ceausescu gjatë viteve 1980 me letra dërguar Radios Evropa e Lirë, ka vdekur. Ajo ka qenë 88 vjeçe.

Djali i saj, Leontin Iuhasz, tha se Cornea ka vdekur më 4 maj në qytetin Cluj, pas një sëmundjeje të gjatë.

Cornea ka fituar famë ndërkombëtare në vitin 1982, pasi ka nisur të dërgojë letra në Radion Evropa e Lirë, në të cilat kritikonte shkatërrimin në shkallë të gjerë të fshatrave dhe kishave rumune.

Presidenti i Rumanisë, Klaus Iohannis, e quajti Cornean “simbol të guximit dhe rezistencës antikomuniste”.

Cornea ka marrë disa çmime, përfshirë një nga Papa Gjon Pali II në vitin 2003 dhe Legjionin e Nderit Francez për merita civile.

Transformimi i Forcës së Sigurisë së Kosovës në Forca të Armatosura, sipas NATO-s, është çështje e brendshme e institucioneve të Kosovës.

Në një përgjigje për Radion Evropa e Lirë, NATO ka thënë se mbështet zhvillimin e FSK-së brenda mandatit që është krijuar për këtë forcë.

“Struktura, mandati dhe misioni i Forcës së Sigurisë së Kosovës, nuk vendosen nga NATO. Kjo është çështje e brendshme e institucioneve të Kosovës”, thuhet në përgjigjen e NATO-s nga Brukseli dhënë Radios Evropa e Lirë.

“NATO mbështet zhvillimin e FSK-së brenda mandatit që ka. Nëse mandati i FSK-së ndryshon, Këshilli Veri-Atlantik, do të duhej të rishqyrtonte nivelin e angazhimit të NATO-s”, theksohet në përgjigje.

Sipas Kushtetutës së Kosovës, krijimi Forcave të Armatosura mund të bëhet vetëm me ndryshime kushtetuese që bëhet nga dy të tretat e votave të Kuvendit të Kosovës duke përfshirë edhe dy të tretat e votave nga deputetët që përfaqësojnë komitetet pakicë në Kuvend.

Ky transformim është kundërshtuar kategorikisht nga përfaqësuesit e Listës Serbe, çka e ka komplikuar gjithë procesin e transformimit.

Në vitin 2017 Kosova ka marr një iniciativë për ta krijuar ushtrinë vetëm me ligj dhe pa ndryshime kushtetuese, por kishte hasur në kundërshtime të ashpra nga SHBA dhe NATO.

Dy shtetas shqiptarë u arrestuan të hënën në Spanjë, të dyshuar si drejtues të një organizate mafioze që merrej me trafikun e kokainës nga Kolumbia.

Mediat spanjolle publikuan emrat e shqiptarëve që u arrestuan nga operacioni i një dite më parë në Madrid, ku u sekuestruan 1 ton kokainë dhe 1.55 milionë euro.

Sipas “La Razon”, bëhet fjalë për Julian Deblinin dhe Dritan Gradicën, ndërsa dy të tjerë janë shtetas spanjollë, Ruben Paz Ciprian Munoz dhe Ruben de Castillo de la Torre. I pesti i operacionit u arrestua në Kolumbi, Lelio Nevarda Avila Santana.

Mediat lokale, duke iu referuar burimeve nga Policia, thonë se dy shqiptarët kanë përgatitje ushtarake dhe mendohet se kanë marrë pjesë në luftimet në Ballkan.

Duket se në këtë rast i referohen luftës së Kosovës.

Megjithatë, nga verifikimet e kryera rezulton se të dy këta persona, të arrestuar në Spanjë, kanë qenë të pajisur me dokumente identiteti të falsifikuara.

Nga një kërkim në regjistrin e Gjendjes Civile, Dritan Gradica rezulton një person nga Kukësi, i cili jeton në Londër dhe 10 vite më parë ka denoncuar vjedhjen e identitetit.

Ndërsa personi tjetër, Julian Deblini, nuk figuron i regjistruar në Gjendjen Civile.

PANORAMA

Nje superoperacion antidroge po zhvillohet ne Bolonja ne Itali ku pritet te ekzekutohen 7 urdher arreste.

Mediat italiane bejne me dije se aksioni policor ka nisur qe ne oret e para te mengjesit et sotem dhe ka objektiv nje grup kriminal që trafikon drogë nga Shqipëria në Itali me avion.

Pjese e aksionit jane karabinierët e Riccione-s, nën drejtimin e antimafias së Bolonjës. Policia njofton se ka sekuestriar sasi te konsiderueshme të kokaine, marihuanës dhe hashash.

Dyshohet se transporti behej me nje avion te vogel permes ajrit nga Shqiperia ne Itali e me pas aty perpunohej ndahej dhe trafikohej ne zona te tjera.

Ish-Presidenti i Rumanisë, Trajan Basesku deklaroi së Bukureshti është nën trysninë e Gjermanisë për të njohur pavarësinë e Kosovës.

Në një deklaratë për televizionin rumun B1, Basesku tha se Gjermania po ushtron trysni ndaj pesë shteteve anëtare të Bashkimit Evropian që nuk kanë njohur pavarësinë e Kosovës që sa më shpejtë ta bëjnë këtë.

Bëhet fjalë për trysni ndaj Rumanisë, Spanjës, Qipros, Greqisë dhe Sllovakisë, precizoi Basesku, përndryshe President nderi i Partisë së Unitetit Kombëtar.

“Rumania nuk mund ta njohë pavarësinë e Kosovës, përkundër premtimeve të cilat Gjermania ja ka dhënë udhëheqësve kosovarë. Do të ishte kjo një goditje e tmerrshme për Moldavinë, ngase situata në Transdnjestri është e ngjashme me atë në Kosovë”- tha Basesku.