Ka reaguar kryeministrja e Italisë Giorgia Meloni pas arrestimit të bosit të mafies Matteo Messina Denaro:

“Një fitore e madhe për shtetin që tregon se nuk dorëzohet përballë mafies.

Një ditë pas përvjetorit të arrestimit të Totò Riina, një tjetër shef i krimit të organizuar del para drejtësisë.

Falenderimet e mia më të përzemërta, së bashku me të gjithë qeverinë, shkojnë për forcat e policisë, dhe në veçanti për Ros dei Carabinieri, për prokurorin kombëtar antimafia dhe për prokurorin e Palermos për kapjen e eksponentit më të rëndësishëm të mafies.

Parandalimi dhe lufta kundër krimit mafioz, siç dëshmohet nga fakti se dispozita e parë e Ekzekutivit kishte të bënte me regjimin e ashpër të burgjeve për mafiozët, do të vazhdojë të jetë prioritet absolut i kësaj qeverie.”