Marc Chagall (Vitebsk, 7 korrik 1887 – Saint-Paul-de-Vence, 28 mars 1985) ishte një piktor francez me kombësi Bjelloruse, me origjinë Hasidic hebreje.
Emri i tij i vërtetë ishte Moishe Segal (משה סג”ל – Segal është mbiemri Levit, një akronim për סגן לוי Šegan Levit: “Asistent Levit”); emri i tij rus ishte Mark Zacharovič Sagal (Марк Захарович Шагал), sipas transkriptit francez – Chagall.

PËR VAVAN
Shkrimtarit e poetit të shquar Roland Gjoza
Me ty unë jam i ri
Kur atje poshtë pemët kërcënojnë
Dhe qielli zhduket në largësi
Sytë e tu më ledhatojnë
Kur çdo hap humb mbi bar
Kur me çdo hap unë ujin prek
Kur valët më kulmojnë mbi kokë
Dhe nga kaltërsia dikush më thërret
Me ty unë jam djalosh
Bien vitet e mia si gjethe në qetësi
Dhe dikush ngjyros telajot e mia
Atëherë ato shkëlqejnë për ty
Dhe në fytyrën tënde buzëqeshja është dritë
Edhe më me dritë se retë e bardha dëborë
Pastaj unë vrapoj drejt për atje ku je ti
Ku më mendon dhe më pret me orë

Përktheu: Faslli Haliti
Komentet