Përfitimet e pensionistëve kanë pësuar një rritje qesharake, vetëm 20 lekë në ditë, sa për një gjysmë bilete autobuzi, ndërsa qeveria shpenzon vetëm 6.8% të Prodhimit të Brendshëm Bruto (PBB) për pensionet dhe shpenzon plot 50% të PBB për PPP-të.

Sipas indeksimit me 4.1% të qeverisë, pensionet në qytet rriten me rreth 752 lekë. Ndërsa një pensionist në fshat, mori 453 lekë më tepër.

Indeksimi 4.1% dhe premtimet boshe të qeverisë kanë detyruar qindra pensionistë nga e gjithë Shqipëria që të protestojnë përpara kryeministrisë.

Pavarësisht moshës, sëmundjeve, apo pamundësive financiare, minatorë, naftëtarë, invalidë, ish-ushatarakë etj., janë mbledhur për të kërkuar pensione më të larta, pas dhjetëra viteve punë gjatë jetës së tyre, që në fund u shpërblyen me pensione minimale.

Të mbledhur sot para kryeministrisë, qytetarët në mbështjeve të pensionistëve si dhe një grup përfaqësues i tyre kanë bërë thirrje që ditën e nesërme të bashkohen të gjtihë përpara kryeministrisë në mbështetje të kësaj kauze.

‘Ne do t’i vazhdojmë protestat tona deri në plotësimin e këtyre kërkesave. Ftojmë edhe një herë të gjithë pensionistët e qytetarët e këtij vendi që t’i bashkohen protestës së nesërme’. sn