Vinçenc Marku, pedagog i Letërsisë në Universitetin e Shkodrës, ‘Luigj Gurakuqi’, mbajti një fjalë në takimin e liderit historik të PD Sali Berisha me banorët e Njësisë Administrative Guri i Zi ku prezantoi kandidatin për kryetar bashkie, Bardh Spahia. 

Marku u shpreh se në 6 mars nuk do të votohet vetëm për zgjedhjet vendore, por ato janë zgjedhje politike ku do të përcaktohet fati i demokracisë dhe pluralizimit.

Pedagogu i njohur kërkoi votat për mjekun Bardh Spahia, kandidat i koalicionit opozitar ‘Shtëpia e Lirisë’.

“Ata pak që mungojnë ju bëj thirrje të na bashkohen në mënyrë që ne të garajtojmë një fitore të sigurt për zotin Spahia dhe fatet e demokracisë. Në lojë nuk është vetëm vendi i kryetarit të bashkisë, por në lojë është e ardhmja e demokracisë e pluralizimit politik, e ardhmja jonë.

Ta shihni me përgjegjësi të madhe njerëzore dhe intelektuale. Qytetarët e Shkodrës, sipas sondazheve, po dëshmojnë se janë në shumicë dërrmuese në anën e ‘Foltores’. Këto nuk janë zgjedhje thjesht vendore, a e meriton dr.Bardh Spahia?

Kjo as nuk diskutohet, një djalë i përkushtuar me temperament të fuqishëm, aktiv, pjesëmarrës dhe simbol io qëndresës së PD. Këto nuk janë thjesht zgjedhje vendore, por janë zgjedhje politike“, u shpreh pedagogu Vinçenc Marku.

Ish-i burgosuri politik: Bardh Spahia vjen nga familje e mrekullueshme, padiskutim do fitojë Shkodrën