Ditën e sotme, kryetari i Partisë Demokratike, Sali Berisha mori pjesë në një bashkëbisedim live me shqiptarë dhe aktivistë të diasporës në Londër.
Në këtë takim ishin të pranishëm edhe Floriana Garo, anëtare e kryesisë së PD, Alfred Lela, drejtor i komunikimit në PD si edhe Besart Xhaferri, kryetar i FRPD.
Ky takim shërbeu si një dëshmi e angazhimit të opozitës dhe mbështetjes së saj të fuqishme për shqiptarët kudo nëpër botë. Qytetarë të të gjitha moshave mirëpritën liderin opozitar, Sali Berisha i cili dha një mesazh të fuqishëm mbi sfidat aktuale dhe vizionin e tij për një Shqipëri më të drejtë dhe demokratike.
Entuziazmi i vazhdueshëm dhe thirrjet e mbështetësve reflektonin besimin në udhëheqjen e tij dhe dëshirën për ndryshim.
Gjatë fjalës së tij, Kryetari i PD, Berisha bëri thirrje të fuqishme drejtuar shqiptarëve, veçanërisht atyre që jetojnë jashtë vendit, për t’u angazhuar në zgjedhjet e ardhshme me qëllim që të mbështesin opozitën dhe të punojnë për ndryshimin e regjimit aktual, të cilësuar si një “narkoshtet”.
Berisha e cilësoi qeverinë e kryeministrit Edi Rama, si një diktaturë që shkel të drejtat demokratike dhe përdor taktika të frikësimit dhe korrupsionit për të ruajtur pushtetin.
Lideri demokrat, Sali Berisha theksoi se Shqipëria ka më shumë të burgosur politikë sesa vende të njohura për represion si Bjellorusia dhe Rusia, duke vënë në dukje se edhe liderë të partive opozitare janë arrestuar për shkak të qëndrimeve të tyre kundërshtuese. Akuzat përfshijnë përpjekjet e qeverisë për të dobësuar opozitën, duke përdorur mjetet e shtetit për të shtypur çdo kundërshtim.
Sipas Berishës, një pjesë e rëndësishme e këtij mesazhi është përkushtimi për të sensibilizuar dhe mobilizuar diasporën shqiptare. Statistikat e përmendura flasin për një numër të madh emigrantësh shqiptarë, rreth 1.9 milionë të larguar nga vendi, me një thirrje të drejtpërdrejtë që ata të votojnë dhe të kontribuojnë për “shpëtimin e Shqipërisë”. Ky veprim përshkruhet si një betejë për të ruajtur votën e lirë dhe për të sfiduar regjimin aktual.
Gjithashtu, Kryetari i PD, Sali Berisha theksoi përkeqësimin e gjendjes ekonomike dhe varfërinë, që vjen si rezultat i keqmenaxhimit dhe korrupsionit, duke akuzuar qeverinë për përdorimin e fondeve të vendit për qëllime të dyshimta dhe duke e lidhur këtë fenomen me rritjen e ndërtimeve të larta të njohura si “kulla të drogës”. Në të njëjtën kohë, Berisha ritheksoi rritjen e varfërisë dhe përkeqësimin e kushteve të jetesës për shumicën e popullsisë.
Berisha gjatë takimit të mbajtur me shqiptarët në Londër akuzoi për ndërhyrje në punët e brendshme të Kosovës dhe për vendosjen e sanksioneve ndaj saj, duke e krahasuar Ramën me figura të tjera rajonale që shihen si kundërshtarë të interesave të Kosovës. Këto veprime, sipas Berishës dëshmojnë për një qëndrim të rrezikshëm dhe të papranueshëm ndaj interesave kombëtare.
Fjala e kryetarit të PD për shqiptarët u mbyll me një apel për veprim dhe me falënderime të sinqerta për mbështetësit e opozitës, duke i motivuar ata të qëndrojnë të angazhuar dhe të luftojnë për një të ardhme më të mirë për Shqipërinë.
Berisha në takimin me shqiptarët në Londër tha:
“Ju keni mision të luani një rol përcaktues në zgjedhjet e ardhshme, në fitoren e opozitës arkivimit të narkoshtetit. E një shteti që nuk njeh asnjë parim përveç vjedhjes dhe frikësimit të shqiptarëve.
Kjo është një diktaturë, miqtë e mi, është vendi me të burgosur politikë më shumë se Bjellorusia dhe Rusia. Në Shqipëri lider të partive kryesore opozitare janë të arrestuar.
Ne, të gjithë sëbashku do t’i japim Edi Ramës përgjigjen që meriton. Ky është një armik i egër i kombit dhe unë ju them ju, se në histori asnjë pushtues, asnjë diktaturë nuk ka dëbuar nga Shqipëria shqiptarët se sa regjimi i Edi Ramës. Me program, me qëllim, vetëm e vetëm që të mbeten sa më pak kundërshtarë të tij në Shqipëri.
Vetëm në hapësirën e Shengenit para një muaji u njoftua se kanë ikur para një muaji 1.9 milionë shqiptarë.
Duhet t’i gjejmë kudo që janë të votojnë për vendin e tyre, për shpëtimin e Shqipërisë.
Betejë me votën e lirë të shqiptarëve kudo që janë.
Edi Rama do vijë në Londër, me vëzë dhe domate. Edi Rama është bërë për Kosovën, një armik po kaq i egër sa Vuçiç, është bërë vëlla me Vuçiçin, argat i Vuçiçit. Ka vendosur sanksione ndaj Kosovës, i pari që vendosi sanksione ndaj Kosovës. A mund të imagjinoni ju, u përpoq të rrëzojë qeverinë e Kosovës.
Sot, është trefishuar mjerimi, varfëria e skajshme, sepse paratë grabiten dhe plaçkiten.” bw
Majlinda BUFI është pushtetarja më punëtore dhe i ka dhënë Roskovecit pamjen e një qyteti të vërtetë. Ka gjallëruar veprimtaritë kuturore dhe sportive që kanë qenë krejtësisht inekzistente. Biblioteka është pasuruar dhe gjallon nga lexuesit.
Ka ringjallur dhe e ka kthyer në risi të bukur “Festën e ullirit”; ka asfaltuar rrugët (sado që terreni i 14 fshtarave është tepër i thyer) dhe ke qejf që të shikosh shkollat. Ka harmonizuar të gjithë krahët politikë dhe sado që përfaqëson PS,kurrë nuk sheh tek opozita kundërshtarin”armik”,por prudent. Unë që shkruaj e njoh mirë Roskovecin dhe zonën e saj në administrim dhe,sado vet jam i djathtë dhe kam përfaqësur qysh nga viti 1991 Pd, në nivel pushteti,nuk mund të mbyll sytë kur shoh atë punë aq të mirë. Kam shkruar enkas për të dhe shkrimin e kam dërguar dhe tek ju. Njeriu që e duan të gjithë krahët atje ku drejton. Pasuria është tjetër gjë. I shoqi i saj është biznesmen dhe saj tij është ai”bum” blerjesh. Veç pashë që ai i Pogradecit kishte dyzet e pesë(përfaqëson PD); Ajo e Shkodrës 10,por siç deklaronte i kish trashëgim.Dhe për mos vazhduar menjë listë të gjatë. Për lexuesit:asgjë nuk më lidh me KRYEBASKIAKEN (unë banoj në Tiranë dhe jam aq i pasur që jetoj me qera),por i kam prë mer sytë e mi këto ndryshime kaq pozitive dhe shtoi:”Nëse bëni një ankentim me një pyetësor se ç’thonë zgjedhësit për të, kini për t’u buindur për këtë shënim timin dhe atë fejton që e dërgova dhe tek ju, si replikë kundër autorit që”harronte” të thoshet se bashkëshorti i saj është biznesmen.