Bajamet janë ndër arrorët më të preferuar nga njerëzit dhe përdoren së tepërmi e madje kombinohen më së miri me mjaltin dhe ofrojnë një ëmbëlsirë delikate dhe të shijshme. Por vlerat e bajameve mund t’i shijojmë edhe si çaj duke shfrytëzuar gjethet e pemës, pasi ky lëng është ndër më të pasurit me antioksidantë që janë të rëndësishëm kundër qelizave të dëmshme dhe mikrobeve. Antioksidantët praktikisht shkatërrojnë qelizat e dëmshme, luftojnë radikalet e lira dhe parandalojnë zhvillimin e baktereve, mykut dhe viruseve.

Çaji i gjetheve të bajameve përmban substanca mirëbërëse siç është fibra që pastron organizmin dhe ndihmon funksionin e zorrëve, ndërsa prania e antiokisdantëve ndihmon edhe kundër infeksioneve në stomak. Parazitët mund të jenë të rrezikshëm dhe shfaqen gjithnjë në mungesë të higjienës, por sistemi tretës mund të jetë shëndetplotë nëse pini këtë çaj rregullisht. Antioksidantët tek çaji janë të rëndësishëm kundër substancave të dëmshme që mund të përthithen nga mëlçia. Sugjerohet që pirja e këtij çaji është e rëndësishme për shëndetin e këtij organi.

Pirja e lëngut nga gjethet e bajames ruan shëndetin e veshkave dhe rregullon nivelin e lëngjeve në trup. Reumatizma shkaktohet nga prania e lëngjeve në gjymtyrë dhe kocka e shkarkimi i tyre ndihmon në zbutjen e inflamacionit. Ndërkaq, antioksidantët parandalojnë degjenerimin e qelizave dhe indeve dhe luftojnë radikalet e lira që shkaktojnë kaos në organizëm. Në këtë mënyrë lëkura do të ketë një paraqitje më rinore. Por vlen të theksohet se ky çaj nxit pastrimin e veshkave nga toksinat e pirja e tij i ushqen veshkat, i mbron ato dhe të gjithë organizmin.