Mësuesja e parë e Kadri Veselit me 38 vite përvojë në arsim ka reaguar pas skandalit të nxënësit të saj, skandal ky i njohur “i-ja e vogël”. Ky skandal doli kur z.Veseli nuk dinte se shkronja “I” e madhe nuk merr pikë mbi.

Mësuesja me origjinë nga Gjakova ka thënë se e mban mend Veselin si nxënës jo të mirë, por shprehet e habitur që ai nuk ka mësuar as shkrim-lexim, ndonëse tregon se Veseli ka ikur nga ora e gjuhës shqipe rregullisht.

“Nuk ka qenë nxënës i mirë. Ka qenë i fshehtë si urithi. E ka bërë klasën lëmsh, por kurrë s’është marrë vesh se ai është prapa. Formonte grupe sekrete në klasë që i rrihnin nxënësit e klasave të tjera. Orën e gjuhës shqipe nuk e ka mbajtur kurrë. Nuk i lexonte as tregimet e vjershat e abetares e leximit, përveç vjershës ‘Ylli vogël lartë në qiell’”, është shprehur mësuesja.

Mësuesja ka mohuar se deshi të bënte vetëvrasje kur ka marrë vesh se nxënësi i saj tash kryeparlamentar i Kuvendit të Kosovës nuk di të shkruajë.

“S’kam nevojë me u ndje keq unë. Kush mëson e ka për vete, kush s’mëson prapë e ka për vete”, ka thënë mësuesja e numrit 1 të nëntokës kosovare.

Pampress